J451

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J451</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J451&coll=lithang">see text in Tibetan script</a></table>90.155a<br><font size=+1>

//thang chen rgyal ring gis zhus chen bgyis pas dag / @#/ /rgya gar skad du/  shrI rak+ta ya mA ri tan+t+ra rA dza nA ma/  bod skad du/  dpal gshin rje'i gshed dmar po zhes bya ba rgyud kyi rgyal po/ bcom ldan 'das gshin rje'i gshed la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs rdo rje btsun mo'i b+ha ga rnams la bzhugs so/ /der bcom ldan 'das kyi de bzhin gshegs pa thams cad kyi sku dang gsung dang thugs kyi snying po rje btsun gsang ba las ches shin tu gsang ba/ e ma'o byang chub sems dpa' chen po snying rje chen po phyag na legs so legs so/ /zhe sdang rdo rje'i rdo rje byang chub sems dpa' chen po'i snying po gshin rje'i gshed dmar po'i rang bzhin nyon cig /phyag na rdo rjes gsol pa/ 'dir gsungs pa'i gshin rje 'joms par byed pa ji tsam zhig mchis/ gti mug rdo rje gshin rje'i gshed dang / phra ma rdo rje gshin rje'i gshed dang / 'dod chags rdo rje gshin rje'i gshed dang / phrag dog rdo rje gshin rje'i gshed ces bya'o/ /rdo rje tsaR+tshi kA dang / rdo rje phag mo dang rdo rje dbyangs can ma dang rdo rje gau rI ma rnams kyang ngo / /mtshams rnams la bum pa rnams so/ /de lta bu la sogs pa'i gshin rje 'joms pa'i tshogs rnams kyis so/ /de nas bcom ldan 'das de bzhin gshegs pa thams cad kyi bdag po bdud thams cad 'joms pa rdo rje zhes bya ba'i ting nge 'dzin nyid kyi sku dang gsung dang thugs rdo rje rnams las phyung bar mdzad pa ni/ sngags kyis 'gugs dang dbang byed che/ /de bzhin mthu yi cho ga mang / /ral gri bsgrub dang rgyal po dang / /pha rol dmag tshogs rnam 'joms dang / /mi snang mig sman bcud len dang / /de bzhin grib gnon rig pa dang / /ro langs gnod sbyin sgrub pa dang / /sbrul gdug la sogs</font><hr>90.155b<br><font size=+1>

bsrung ba dang / /sbyin sreg dkyil 'khor las rnams dang / /byang chub sems kyi rnams dpyad dang / /thabs rnams kun gyi spyod pa dang / /pha rol grong du 'jug rnams la/ /'od zer rnam lnga 'khrigs pa yi/ /rdo rje bsrung ba'i don du bsgom/ /rdo rje sa gzhi'i cha rnams la/ /ra ba gur rnams de bzhin no/ /de nas bcom ldan 'das de bzhin gshegs pa thams cad kyi bskyed par mdzad pa/ bdud thams cad rnam par 'joms pa rdo rje zhes bya ba'i ting nge 'dzin la snyoms par zhugs nas gti mug gshin rje'i gshed la sogs pa thams cad kyi sa bon 'di nyid kyi sku dang gsung dang thugs rnams las nges par phyungo / /ya ni dbus su ste/ k+She ma me da ya ts+tsha ni rA/ dzA sa do ru Na yo ni ra/ dang por ya las gshin rje'i gshed/ /k+She yig las ni rmongs par brjod/ /ma yig las ni phra mar bshad/ /me yig las ni 'dod chags nyid/ /da yig las ni phrag dog ste/ /gshin rje'i gshed rnams lnga ru grags/ /dza yig tsar tsi kAr bshad do/ /sa yig las ni phag mo'o/ /do yig dbyangs can mar bshad do/ /ru yig gau rI mar 'dod do/ /Na yo ni ra mtshams bzhi la/ /mi yi thod pa rnam pa bzhi/ /de nas bcom ldan 'das de bzhin gshegs pa thams cad kyi bdag po gshin rje'i gshed rdo rje zhes bya ba'i ting nge 'dzin la snyoms par zhugs nas zhe sdang chen po'i rigs bsgom pa'i rnal 'byor gsungs pa/ sbyin dang tshul khrims bzod par ldan/ /ro gcig mkhas pas sems can don/ /byams sogs yon tan kun du rdzogs/ /thos pa'i rgyun gyis rnam par brgyan/ /dang por kha sogs yongs su gsang / /snga bar snying rje'i bdag nyid can/ /rab tu rtsom pa dben pa'i phyogs/ /du khrod sogs su bde ba'i gdan/ /dben zhugs nyid kyi thugs kar ni/ /pad nyi blta zhing 'od rab 'bar/ /de yi 'od kyis bkug byas nas/ /sems can don rnams phun sum tshogs/ /</font><hr>90.156a<br><font size=+1>

bsgom bya bla ma sangs rgyas rnams/ /ji snyed ma lus nam mkha'i mthil/ /dmigs te phyag 'tshal de rnams kyi/ /sku yi bkod pa rnam par bsgrub/ /tsar tsi kA sogs rnams kyis mchod/ /de la sdig pa rab tu bshags/ /lus dang ngag dang yid rnams kyis/ /yang dag sdig gyur byas de bzhin/ /bdag gis de bshags gang zhig yang / /dus gsum mgon mdzod rjes yi rang / /rdzogs pa'i sangs rgyas mtshungs rnams kyis/ /bsod nams tshogs la rjes yi rang / /rdzogs pa'i sangs rgyas dam chos dang / /tshogs mchog rnams la bdag skyabs mchi/ /yon tan rgya mtsho khyed rnams la/ /bdag gi lus 'di dbul bar bgyi/ /gnas dang chos kun ston pa dang / /shin du mthar yang mdzes pa dang / /yang dag rdzogs pa'i sangs rgyas kyi/ /de nyid sbyin sogs gzugs can gyi/ /sku gsum ye shes thob bya'i phyir/ /bsten cing 'di la rab tu dad/ /sems can rnams kyi don byed phyir/ /byang chub sems dag bdag gis bskyed/ /gang zhig bsod nams nyer bsags rnams/ /rdzogs pa'i byang chub bdag gis bsngo/ /'gro 'di kun la phan mdzad phyir/ /dpal ldan gshin rje mthar byed gyur/ /lhag par smon lam 'di byas pas/ /de rnams la ni gshegs su gsol/ /brtse bas byang chub bzhin du blta/ /khams gsum rnams ni stong par bsam/ /rang bzhin gyis ni sbyor bral bas/ /rgyu dang de bzhin mtshan nyid la/ /rnam par rtog pa bral ba dang / /lha dang smon lam rnams par spangs/ /o~M shU n+ya tA dz+nyA na badzra swa b+hA ba At+ma ko\u0f85ha~M/ ya~M ra~M ba~M la~M bzhi la dkyil 'khor bsdus nas b+h+ru~M yig las skyes pa'i gzhal yas khang bsgom par bya'o/ /zur bzhi pa dang sgo bzhi pa/ /rta babs bzhi yis brgyan pa la/ /dra ba dra phyed kyis spras pa/ /lha dang lha mos shin du mdzes/ /ba dan dril bu</font><hr>90.156b<br><font size=+1>

bcas pa rnams/ /sna tshogs rtse mo rlung gis bskyod/ /pa~M` yig las ni de dbus gnas/ /sna tshogs pad ma rnam par bsam/ /de yi ze 'bru'i dbus gnas la/ /sna tshogs rdo rje dbyug par bcas/ /yongs su gyur las mtha' dag rtags/ /zhe sdang bdag nyid rnam par bsgom/ /rim mtshungs pad ma nyi ma la/ /ma he dmar po'i steng du ni/ /sprul pas bdud rnams ma lus pa/ /g.yon brkyang zhabs kyis mnan par bya/ /nyi ma bye ba'i 'od 'bar lha/ /ro langs ma yis mgul nas 'khyud/ /dpa' bo zhal gcig phyag gnyis pa/ /klu brgyad kyis ni rnam par brgyan/ /spyan gsum dmar zhing 'jigs su rung / /mgo bo dmar po brgya yi phreng / /g.yas na rdo rje'i dbyug pa dang / /g.yon na thod pa bsnams pa'o/ /khro bo'i mtshungs par ldan pa dang / /ljags ni bskyod cing mche ba gtsigs/ /khro gnyer sku mkhregs rked pa la/ /stag gi pags pas rnam par brgyan/ /thung zhing lto 'phyang rngam zhing 'bar/ /shin tu rnam dag dri ma bral/ /ro langs ma yi g.yas gri gug /g.yon na mi yi thod pa'o/ /spyan gsum skra ni grol ba dang / /phyag rgya lnga yis rnam par brgyan/ /mgo bo'i phreng ba mtshungs par ldan/ /ro bcud 'dzin pa gtso bo yi/ /shar gyi 'dab ma la gti mug rdo rje dkar po/ rdo rje tsar tsi kA dang snyoms par 'jug pa'o/ /lho'i 'dab ma la phra ma gshin rje'i gshed kha dog ser po/ rdo rje phag mo dang snyoms par zhugs pa'o/ /nub kyi 'dab ma la 'dod chags gshin rje'i gshed kha dog dmar po/ rdo rje dbyangs can ma dang snyoms par zhugs pa'o/ /byang gi 'dab ma la phrag dog gshin rje'i gshed kha dog ljang gu rdo rje gau rI dang snyoms par zhugs pa'o/ /tsar tsi kA nag mo'o/ /phag mo ser mo'o/ /dbyangs can ma dkar mo'o/ /gau rI sngon mo'o/ /g.yon pa na thod pa dang g.yas pa na gri gug go /phyag dang zhal dang sku mdog yang dag par gnas pa ni dpa' bo ji lta ba</font><hr>90.157a<br><font size=+1>

bzhin no/ /me'i mtshams na mu men gyi bum pa bzhi mnyam gyis gang ba'o/ /bden bral du gser gyi bum pa gla ba yis gang ba'o/ /rlung du byi ru'i bum pa sih+la sa gang ba'o/ /dbang ldan du dngul gyi bum pa ga pur gyis gang ba'o/ /thod pa yis kha g.yogs pa rnam par bsgom par bya'o/ /khro bo'i rgyal po la sogs pa dpa' bo gtso bo'i sngags gsungs pa ni/ o~M` hrIHSh+T+rIHwi kr-i tA na na hU~M hU~M phaT phaT swA hA/ snying po'i sngags so/ /o~M hra~Ms+Sha~M k+Sha ya~M kA rA ya gr-ih+Na hU~M hU~M phaT phaT swA hA/ nye ba'i snying po'i sngags so/ /o~M ma hA yak+Sha se nA d+hi pa ta ye ma hA dur dAn ta da ma kA ya nA Sha ya nA Sha ya/ bi drA pa ya bi drA pa ya hU~M hU~M phaT phaT swA hA/ phreng sngags so/ /o~M dwe Sha ra ti nu da nu da tru Ta tru Ta hU~M dzaHswA hA/ rje btsun ma'i sngags so/ /o~M mo hAn ta kr-ita hU~M hU~M phaT/ o~M pi shu nAn ta kr-ita hU~M hU~M phaT/ o~M rA gAn ta kr-ita hU~M hU~M phaT/ o~M Ir Sh+yAn ta kr-ita hU~M hU~M phaT/ dpa' bo bzhi'i sngags so/ /o~M mo hA ra ti hU~M dzaH/ o~M pi shu na ra ti hU~M dzaH/ o~M rA ga ra ti hU~M dzaH/ o~M Ir Sh+yA ra ti hU~M dzaH/ dpa' bo'i dbang phyug ma bzhi'i sngags so/ /o~M mar me mar mA bi g+hA te o~M badzra tsar tsi ke ha ra ha ra buk+ka ma rA ya che ge mo la dzaH/ o~M g+ho Ne su g+ho Ne badzra mA ma kI/ b+ha ra b+ha ra/ sam+b+ha ra sam+b+ha ra hU~M dzaH/ o~M mar me mar mA k+Sho b+ha NI sa ra swa ti da ra da ra/ tha ra tha ra pha ra pha ra/ ka~M pa ka~M pa/ d+hu na d+hu na hU~M/ che ge mo la dzaH/ o~M gam+b+hI re badzra kAr ti ke g+ha g+ha/ rak+ta sho Na ti pri ye gau rI che ge mo la dzaH/ gdengs ka'i dbang po dga' bo ni/ /sngon pos skra bcings 'jigs par byed/ /klu 'jog dmar pos rna ba la/ /brgyan cing rtse mo 'khyil ba ste/ /rig ldan khra bos dpung pa brgyan/ /lag gdub gdengs ka dung skyong ser/ /shin du dkar ba pad do shal/ /mtha' yas sngon po mchong phyir thogs/ /shin du mdzes par byas pa'o/ /bdud rtsi'i kha dog gdengs ka ni/ /nor rgyas kyis ni cod pan byas/ /</font><hr>90.157b<br><font size=+1>

pad ma'i sdong bu'i kha dog dkar/ /rkang gdub pad ma chen po yis/ /thams cad phu tA'i yi ge sgrogs/ /phyag gnyis pa dang mche ba gtsigs/ /'khor ba dang ni mya ngan 'das/ /gshin rje 'joms pa zhes bya la/ /rnam rtog thams cad 'joms pa yi/ /sngags kyis byin gyis brlab par bya/ /mkha' khyab rdzogs pa'i sangs rgyas kun/ /rang gi snying ga'i sa bon gyi/ /lcags kyus kun bkug khar zhugs nas/ /bde ba snying gar zhugs shing zhu/ /de las spro byas sa bon rnams/ /de zhu rdo rje'i lam nas ni/ /rang 'od pad ma'i nang mthar gnas/ /de bltas sa bon rang gzugs la/ /de yi sa bon las skyes pa'i/ /'khor lo sa bon kun byin brlab/ /me stag 'phro ba'i tshogs gsal ba/ /cho ga bzhin du mkhas pas bsgom/ /blta zhing snying gar bzhu byas la/ /rdo rje'i lam nas dbyung bar bya/ /rang rig pad ma'i ze 'bru la/ /lha yi tshogs rnams blta byas la/ /sna tshogs me tog la sogs dbul/ /lag na lo ma 'dzin rnams kyis/ /legs par mchod par bya ba ste/ /mchod pa'i glu ni yid 'ong dang / /sna tshogs gar gyi rang bzhin dang / /de bzhin bde ba chen pos mchod/ /e ma gshin rje'i gshed dmar po/ /bla ma srin po'i rang bzhin te/ /bdag ni khyod mthong 'jigs pas na/ /bla ma srin po'i rang bzhin spangs/ /mtho ris sa stengs sa 'og rnams/ /khyod kyi gar gyis g.yo bar byed/ /khrag gi mig sman khro bo'i sems/ /gar mdzad khyod ni ro langs gzugs/ /dmar zhing thung ba'i tshad ldan pa/ /rnam pa mang po'i sprul gzugs byed/ /rdo rje dbyangs can ma yis zhus/ /khyod kyi gar mdzad bde ba che/ /khyod kyi hrIHSh+T+rIH'i sngags kyi gar/ /sa gsum po yi 'khrul pa sel/ /brtse bas khro ba'i rje btsun khyod/ /'gro la lta zhing gar mdzad do/ /o~M sarba ta thA ga ta pU dza badzra</font><hr>90.158a<br><font size=+1>

swa b+hA ba At+ma ko\u0f85ha~M/ sgra yi tshogs pa thams cad la/ /sgra brnyan dang ni mtshungs par blta/ /'khor lo yi ni 'dren pa la/ /de yi de la de bzhin bstod/ /gti mug rdo rje'i rang bzhin khyod/ /gshin rje'i gshed po shin du 'jigs/ /ston pa sangs rgyas kun rang bzhin/ /rdo rje'i sku la phyag 'tshal bstod/ /phra ma rdo rje'i rang bzhin khyod/ /gshin rje'i gshed po shin du 'jigs/ /rdo rje'i thugs dang rab mtshungs pa'i/ /rin chen rdo rje phyag 'tshal bstod/ /'dod chags rdo rje'i rang bzhin khyod/ /'dod chags chos kyi 'byung gnas gtso/ /gsung mchog kun gyi rab mchog ste/ /gsung gi rdo rje phyag 'tshal bstod/ /phrag dog rdo rje'i rang bzhin khyod/ /gshin rje'i gshed po las kun pa/ /rdo rje'i sku dang rab mtshungs pa/ /phyag na ral gri phyag 'tshal bstod/ /sangs rgyas kun gyi rang bzhin khyod/ /sangs rgyas thams cad gcig bsdus pa/ /sangs rgyas kun gyi rab mchog gtso/ /dkyil 'khor dbang phyug phyag 'tshal bstod/ /AHyig las skyes rnam dag pa/ /mgo bo gsum gyi steng du gnas/ /pad ma'i snod ni gang ba yi/ /de 'og me yi dkyil 'khor te/ /ra yig las byung gru gsum mo/ /de 'og rlung gi dkyil 'khor te/ /nag cing g.yo ba gzhu yi dbyibs/ /ya~M las byung ba ba dan mtshan/ /de la rnam par snang mdzad sogs/ /da yig la sogs las byung ba/ /glang po la sogs lnga rnams so/ /hU~M skyes rdo rje'i gdab bya 'dis/ /gdab bya mkhas pas bsgom par bya/ /rlung gis bskyod cing me yis zhu/ /de la rnam par bsgom par bya/ /rdo rjes mtshungs par ro gcig gyur/ /shin du dri med dag par blta/ /hU~M yig 'od kyis sangs rgyas rnams/ /ye shes gzugs kyis dgug par bya/ /rab zhugs sngags kyi gzugs kyis ni/ /mchog gi</font><hr>90.158b<br><font size=+1>

bdud rtsi lnga rnams blta/ /de nyid gsum gyis byin gyis brlab/ /dkyil 'khor bdag po rnams la mchod/ /lce la rnam dag rdo rje nyid/ /hU~M yig las byung de la blta/ /de yi 'od zer sbubs rnams las/ /mtshungs par dgug cing de yis ni/ /khams gsum bzhugs pa'i rdzogs sangs kun/ /de bzhin dkyil 'khor mchog 'di la/ /snying ga'i ye shes dgug gzhug bya/ /rnam par rtog pa thams cad spangs/ /thog mtha' dbus ma'i dbye ba yis/ /dpag med gzugs bye de la yang / /'khrul pa'i gzugs la de nyid med/ /gang las 'khrul pa gnyis la gnas/ /'khrul med thams cad sems la sbyin/ /'phro dang bsdu ba rnam par gzung / /de bzhin gshegs pa thams cad kyi sku gsung thugs gshin rje'i gshed dmar po'i rgyud las mngon rtogs kyi rim par phye ba ste dang po'o// //  de nas bcom ldan 'das de bzhin gshegs pa thams cad kyis bcom ldan 'das rdo rje sems dpa' chen po la bstod pa'i rgyal po 'dis gsol ba btab pa dang / ji ltar sems can rab 'jug la/ /las kyi dbye ba'i rab dbye las/ /ye shes kyi ni rgya mtsho rnams/ /rdo rje chen po bshad kyis nyon/ /de nas rdo rje 'dzin rgyal pos/ /las kun thams cad rab bsgrub pa/ /nyes kun gso ba'i bdag nyid kyis/ /tshigs 'di nyid ni bka' stsal to/ /de nas bcom ldan 'das de bzhin gshegs pa rnams de bzhin gshegs pa thams cad kyi thugs rdo rje rab tu gsal bar mdzad pa la/ bcom ldan 'das mchod cing phyag 'tshal te/ g.yas phyogs su lan gsum bskor ba byas nas/ yang dang yang du phyag 'tshal te bcom ldan 'das kyi bka' nyan par mdzad do/ /de nas rdo rje 'dzin rgyal pos/ /dbang du bya ba'i 'khrul 'khor gsungs/ /'khrul 'khor mthar thug gshin rje gshed/ /</font><hr>90.159a<br><font size=+1>

ma byung 'byung bar mi 'gyur ro/ /bud med dbang du bya ba dang / /bsrung ba'i don dang de bzhin du/ /zhi ba la ni gI wang gzung / /de bzhin gro ga'am smyug shun la/ /'khor lo gnyis ni mngon par bri/ /ming ni nA maHbrten par bya/ /nag po'i rtsa sogs dang bral ba'i/ /kham phor gnyis ni yang dag sbyar/ /dbus su zhun mar sbrang rtsi blugs/ /srad bu dkar pos dkri bar bya/ /me tog dkar pos thun mtshams gsum/ /mchod bya kha ni shar du phyogs/ /gshin rje mthar byed chu shel bzhin/ /bdag nyid bsgom nas bsgrub bya ni/ /mdun du zla ba'i dkyil 'khor steng / /bltas la mngon par dbang bskur ro/ /bum pa dkar po zla ba bzhin/ /bdud rtsi lnga yis yongs su gang / /sangs rgyas rnams kyis khrus mdzad pa/ /yang dag blta zhing bzlas pa brtsams/ /o~M hrIHSh+T+rIHwi kri tA na na hU~M` hU~M` phaT phaT/ na maHlha sbyin la shAn+tiM ku ru na maH/ zhi ba'i dam tshig 'di lta ste/ /skyes bu rnams kyi zhi ba la/ /gur gum gyis bri rgyas pa yang / /'khor lo gnyis bri kha che yis/ /swA hA'i dbus su ming bcug ste/ /bsgrub bya'i ming blang de rnams la/ /phu yis mngon par gtor bar bya/ /kham phor kha sbyor nang bcug nas/ /srad bu ser pos dkri bar bya/ /kha ni byang bltas thun mtshams gsum/ /me tog ser pos mchod par bya/ /kha dog ser po gshin rje gshed/ /bdag nyid nges par blta bar bya/ /bsgrub bya zla ba ser la gnas/ /bum pa ser po chu yis bkru/ /mngon par dbang bskur bsgom par bya/ /rgyas par bya phyir yang dag bzla/ /o~M hrIHSh+T+rIHwi kri tA na na hU~M hU~M phaT phaT swA hA/ lha sbyin gyi pu ku ru swA hA/ bau Sha Ta o~M hrIHHwi kri tA na na hU~M hU~M phaT phaT/ lha sbyin gyi puSh+Ti~M ku ru bau ShaT/ ces pa ni bcom ldan 'das kyis rgyas pa'i dam tshig tu gsungs so/ /</font><hr>90.159b<br><font size=+1>

gro ga'am ni ras dag la/ /rgya skyegs dag gi khu ba'am/ /yang na tsan dan dmar po la/ /ming med dag gi khrag bsres nas/ /'khor lo gnyis ni yang dag bri/ /hoHyig gis brten byas pa yi/ /'khrul 'khor nag sogs dang bral ba/ /kham phor gnyis ni yang dag sbyar/ /mar dang sbrang rtsi bcug byas la/ /srad bu dmar pos dkri bar bya/ /kha ni nub tu mngon phyogs gnas/ /me tog dmar pos mchod par bya/ /kha dog dmar po 'bar ba che/ /bdag nyid gshin rje 'joms byed la/ /bsgrub bya zla ba dmar po'i steng / /de bzhin du ni bsam par bya/ /rang gi lus las 'thon gyur te/ /'od zer dmar po'i lcags kyu yis/ /bsgrub bya 'gugs par bsgom par bya/ /sngags ni khri tsam spro zhing bzlas/ /des ni bsgrub bya myos gyur te/ /rkang pa dag ni de bzhin 'gyel/ /gos bral skra ni grol ba ru/ /bsam zhing bzlas pa brtsam par bya/ /gal te dbang du ma gyur na/ /brtul zhugs can gyis 'khor lo bsro/ /mar sogs bral bar byas nas ni/ /du med seng ldeng me la'o/ /o~M hrIHSh+T+rIHwi kr-i tA na na hU~M hU~M phaT phaT hoH/ lha sbyin gyi mchod sbyin dbang du gyis shig swA hA/ o~M hrIHSh+T+rIHwi kri tA na na hU~M hU~M phaT phaT/ bau ShaT lha sbyin gyi mchod sbyin dbang du gyis shig /bau ShaT zhes pa ni 'dir bcom ldan 'das kyis dbang gi dam tshig tu gsungs so/ /yang na dur khrod gos dag gam/ /rang byung gis byugs ras dag la/ /rgya skyegs khrag dang bsres pa yis/ /'khor lo gnyis ni yang dag bri/ /dzaHyig dang ni hrIHyig gis/ /bsgrub bya'i ming ni brten byas la/ /bud med pad ma'i snod dag ni/ /kha sbyar nang bcug mchod par bya/ /srad bu dmar pos dkri byas la/ /me tog dmar pos mchod par bya/ /nyi ma 'char kha dang mtshungs dmar/ /bdag nyid gshin rje 'joms byed do/ /kha dog dmar po'i lcags kyu yis/ /</font><hr>90.160a<br><font size=+1>

dri ma dang ni rma dag dang / /gdug pa'i nad kyis bzung zhing 'joms/ /gos dang bral zhing 'dar bar byed/ /ngal zhing lus ni rma dang ldan/ /phol gyi phreng bas lus la gzung / /mtshon gyis rma ni 'dod par byed/ /grang ba dang ni rlung gis gtses/ /me yi dbus su yang dag brten/ /ma he stag dang khyi rnams dang / /mchu rings rnams kyis za bar byed/ /sangs rgyas sde rnams 'joms byed pa'i/ /ma rungs chen po rnams kyi ni/ /lto ba'i nang nas rgyu ma dang / /lus la tsher mas gang ba dang / /rkang pa gdos dang sgrog gis bsdams/ /de bzhin dum bu dum bur byas/ /lpags pa nges par shu ba bsam/ /ske tshe tshwa yis byug par bya/ /grang ba yis ni lus 'don bsgom/ /de yi lus kyi bsrung sogs rnams/ /bcad cing bdag nyid mdun du gzung / /de yi go cha gcad par bya/ /lus ni de bzhin stong par bsgom/ /bdag gi las las skyes pa yi/ /khro bo gshin rje gshed gzugs kyis/ /'joms pa dag tu bsgom bya zhing / /rkang dang tshil rnams 'thung ba ste/ /de yi mdun du gshin rje bsgom/ /lag na dbyug pa stobs chen ldan/ /ma rungs de yis gdug pa de/ /rnam par 'joms pa bsgom par bya/ /de yi rgyu ma rtsa rnams ni/ /bya rgod kyis gzung mkha' la 'gro/ /klu yis sa 'og 'gug par byed/ /lha ma yin la sogs pas btsir/ /de ltar bsgrub bya bsam par bya/ /snying rje'i sems kyis rab bcings nas/ /'khor ba las ni pha rol byas/ /sangs rgyas rnams kyi zhing du 'gro/ /de nas bcom ldan 'das de bzhin gshegs pa rnams thugs dgyes nas gsungs pa/ 'di lta ste/ kye ma gsad bya legs par byas/ /gsad par bya ba ma bsad de/ /ji srid sdig rnams grol bar byas/ /shi ba de yang ma shi ste/ /sdig pa stong phrag byas pa yis/ /</font><hr>90.160b<br><font size=+1>

mnar med la sogs mi skye'o/ /e ma bdag nyid chen po ste/ /bsad pas sangs rgyas byang chub thob/ /slar yang brtse bas sems can rnams/ /gsad par bya bas gsad par bya/ /e ma snying rje'i stobs kyis te/ /snying rje dman pas 'grub mi 'gyur/ /o~M hrIHSh+T+rIHwi kr-i tA na na hU~M hU~M phaT phaT hU~M lha sbyin sod hU~M/ o~M hrIHSh+T+rIHwi kri tA na na hU~M hU~M phaT phaT/ hU~M phaT lha sbyin mA ra ya hU~M phaT/ ces pa ni bcom ldan 'das kyis rtog pa chen po gsad pa'i rdo rje'i 'khrul 'khor dang sngags dang rgyud kyis gsad pa la sogs pa'i dam tshig tu gsungs so/ /de nas 'khor lo gnyis bris te/ /phaT kyi yi ge'i nang du ni/ /bsgrub bya'i ming dang bcas pa gzung / /thod pa yang dag sbyar byas te/ /srad bu nag pos dkri bar bya/ /zhe sdang sems kyis nyin gung la/ /dur khrod du ni gzhug par bya/ /gshin rje mthar byed mtshungs bltas nas/ /bsgrub bya rang gi mdun du bya/ /rta dang ma he'i steng na gnas/ /gnyis po de yi lag na mtshon/ /khro bo'i tshogs kyis kun nas bskor/ /gnyis po'i phyogs la bsam par bya/ /gnyis po dag ni 'thab byed cing / /khro bas sems ni bcings pa ste/ /'thab mo byed par bsgom byas la/ /sgom zhing bzlas pa brtsam par bya/ /o~M hrIHSh+T+rIHwi kri tA na na hU~M hU~M phaT phaT/ lha sbyin dang mchod sbyin dag rnam par zhe sdang bar gyis shig phaT ces pa ni bcom ldan 'das kyis zhe sdang chen po'i dam tshig tu gsungs so/ /cho ga de yis sngon ma bzhin/ /'khor lo gnyis po kun du bri/ /hU~M phaT yi ge dag gis brten/ /thod pa gnyis ni yang dag sbyar/ /srad bu nag pos yang dag dkri/ /pha gshin nags su bzhag byas la/ /gshin rje gshed kyi rnal 'byor gyis/ /bsgrub bya sngon du gzung bar bsgom/ /ya~M las byung ba gzhu yi dbyibs/ /rlung gi dkyil 'khor nag po la/ /rnga mo chen mo kha dog sngo/ /de yi steng du bsgom par bya/ /de la ma rungs chen po ste/ /rdeg cing lho phyogs 'deng ba dang / /</font><hr>90.161a<br><font size=+1>

bsgrub bya 'gugs par bsgom par bya/ /snying gar lcags kyus dgug bya zhing / /mgrin pa zhags pas bcings bar bya/ /seng ge dmar po la zhon nas/ /rlung gi dkyil 'khor sbyar ba yis/ /'ong ba dag ni bsam bya zhing / /bdud rtsi lnga yi chu yis bkru/ /gal te bsgrub bya ma 'ongs na/ /brtul zhugs can gyis 'khrul 'khor bsro/ /seng ldeng shing gi me la'o/ /de nas bzlas pa yang dag brtsams/ /o~M hrIHSh+T+rIHwi kri tA na na hU~M hU~M phaT phaT che ge mo khug cig hrIH o~M hrIHSh+T+rIHwi kr-i tA na na hU~M hU~M phaT phaT dzaHlha sbyin khug dzaHzhes pa ni 'dir bcom ldan 'das kyis 'gug pa'i dam tshig tu gsungs so/ /blo ldan gang gis dur khrod gos/ /yung ba dag gi khu ba yis/ /'khor lo gnyis ni yang dag bri/ /laM yig dag gis brten byas la/ /bsgrub bya'i ming ni yang dag gzung / /kham phor kha sbyor dbus su'o/ /kham phor ser po steng du gzhag /de la mkhas pas re khA bri/ /bdun dang bzhi pa'i re khA sogs/ /yang dag bris te ting 'dzin bya/ /ri rab rtse mo brgyad par grags/ /de yi steng du yang dag bri/ /hU~M yig dang ni ba~M yig ste/ /de yi dbus su ri rab bo/ /de yi steng du la~M` yig gis/ /dbang chen dkyil 'khor dgod par bya/ /sna tshogs rdo rjes mnan bya zhing / /srad bu ser pos bcing bar bya/ /gshin rje 'joms byed kha dog ser/ /bdag nyid rnam par bsam par bya/ /bdag nyid kha ni lho ru phyogs/ /dbang chen dkyil 'khor gyis mnan pa'i/ /bsgrub bya ser po rnam par bsam/ /myur du ri bo dgod cing gnon/ /sna tshogs rdo rjes mnan byas la/ /dbang chen dkyil 'khor 'og dag tu/ /man da ra sogs ri 'jigs dang / /gangs ri mi g.yor gyur pa yis/ /bsgrub bya mnan par bsgom par bya/ /de la 'di bzhin bzlas par bya/ /o~M hrIHSh+T+rIHwi kr-i tA na na hU~M` hU~M` phaT phaT/ </font><hr>90.161b<br><font size=+1>

la~M lha sbyin rang gnas su rengs la~M swA hA/ zhes pa ni bcom ldan 'das kyis rengs pa chen po'i dam tshig go /ngag ni rengs par 'dod pa yis/ /'khor lo gnyis po de bzhin bri/ /nang du bsgrub bya'i ming byas na'ang / /de la sngags ni spro zhing bzlas/ o~M hrIHSh+T+rIHwi kri tA na na hU~M hU~M phaT phaT la~M lha sbyin gyi 'dod pa'i don gyi phyir 'gog cing ngan par smros shig /mchod sbyin gyi ngag sta~M b+ha na~M ku ru la~M zhes pa ni 'dir bcom ldan 'das kyis ngag rengs pa'i dam tshig tu gsungs so/ /shin du mthar thug legs par sba/ /ji ltar 'di yi bya ba bshad/ /nyi ma gcig gis 'grub par 'gyur/ /gshin rje gshed dmar sbyor bas so/ /dur khrod ras la sngon bzhin du/ /'khor lo gnyis bri brtul zhugs can/ /ske tshe ba dang tshwa dang ni/ /dug dang nim pa ka 'am ni/ /tsha ba gsum dang tshwa rkyang ngo / /de bzhin dur khrod sol ba dang / /d+ha du ra yi lo ma'i chu/ /tsan+Ta'i sa bon de bzhin du/ /mdzub mo yi ni khrag blangs te/ /tsi tra ka yi khu bas sam/ /tsha sgo tsan gyi sa blangs te/ /rdol pa'i rdza yi dreg pa dang / /bya rog sgro yi smyu gu yis/ /bcu bzhi la bri brtul zhugs can/ /gung thun khro ba'i sems kyis ni/ /gdug pa can rnams bsad pa'i phyir/ /sna tshogs sems can rnam 'joms pa/ /hU~M gi yi ges mtha' rten la/ /rnal 'byor kha ni lho ru phyogs/ /bdag nyid gshin rje 'joms byed de/ /khro bo'i gzugs can gtum po che/ /mgo bo'i dum bus rnam par brgyan/ /ma he la bzhugs ljags bskyod cing / /gsus chen 'jigs par byed pa po/ /mche gtsigs skra ni gyen du brdzes/ /smin ma dmar ser de bzhin du/ /g.yas na rdo rje'i dbyug chen la/ /de bzhin g.yon na thod pa'o/ /mi sdug mche ba rab tu gtsigs/ /bskal pa'i me ni 'bar ba bzhin/ /de bzhin bdag nyid rnam par bsgom/ /myur du bsgrub bya de mdun gzung / /</font><hr>90.162a<br><font size=+1>

khro bo rnams kyis 'joms pa dang / /sangs rgyas yin yang bzlog par dka'/ /o~M hrIHSh+T+rIHwi kri tA na na hU~M hU~M phaT phaT lha sbyin skrod par gyis shig hU~M phaT ces pa ni bcom ldan 'das kyis bskrad pa chen po'i dam tshig tu gsungs so/ /rnal 'byor khro zhing lhor phyogs la/ /khrag bcas dur khrod thal ba dang / /dug dang tshwa dang ske tshe dang / /tsha ba'i mar khu smyo lo mas/ /de bzhin dur khrod gos la ni/ /'khor lo gnyis pa de bzhin bri/ /gsad bya gshin rje'i lus la gnas/ /sdang sems ma he rta dag la/ /bskrad pa rnga mo'i lus la gnas/ /zhi ba zla ba'i dkyil 'khor dkar/ /rgyas pa zla ba ser po la/ /bud med snying gar dbang du bya/ /ngag bcing ra yi lus la gnas/ /rengs pa ri rab dbus su ste/ /dgug pa seng ge stag la gnas/ /de bzhin gzhan yang mtshon par bya/ /gi ha~M dang ni rgya skyegs dang / /de bzhin kha che'i bye brag gis/ /dbang bya gro ga shing shun bri/ /'grub 'gyur 'di la the tshom med/ /kham phor kha sbyar nang du gzhug /dge ba'i sems kyis yang dag gzung / /bya rog sgro yis bri bar bya/ /pad ma kha sbyor dur khrod la/ /nyi ma'i gung la sba bar bya/ /gshin rje gshed kyi rnal 'byor bdag /o~M hrIHSh+T+rIHsogs sngags bzlas la/ /lho phyogs gnas te tshar bcad do/ /zhi ba'i kha dog ya yig dbyi/ /ni gnyis kyang ni de bzhin no/ /phyi nas dbus su ya yig las/ /lhag ma'i yi ge ci bde bar/ /sngon du bsnyen pa khri bzlas la/ /las 'di rab tu bsgrub par bya/ /ye shes rdo rjes bya ba ste/ /gshin rje gshed kyi sbyor ba yis/ /drag po chen po'i dkyil 'khor 'di/ /gang du bris shing gnas pa dang / /yi ge bris par gyur pa yis/ /khyim de rtag tu 'thab mor 'gyur/ /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las 'khrul 'khor gyi skabs rim par phye</font><hr>90.162b<br><font size=+1>

ba gnyis pa'o// // ri dang skye bos dben pa'i phyogs/ /gsang zhing yid brtags sa gzhi la/ /ri mo gsal bris rnal 'byor bdag /sngags kyis 'gug pa brtsam par bya/ /dkar zhing zhal gcig phyag gnyis pa/ /gri gug thod pa 'dzin pa yi/ /tsar tsi kA ni bsgom par bya/ /rnal 'byor khrag 'gugs rab sbyor ba/ /de nas bcom ldan 'das gshin rje gshed chen po dkrug pa rdo rje khrag 'gugs pa zhes bya ba'i ting nge 'dzin la snyoms par zhugs so/ /rdo rje tsar tsi kA'i sngags gsungs pa 'di lta ste/ o~M badzra tsar tsi si d+hA na tra nA la hA ri Ni rat+na tra ya pa ri No ru d+hi ra mA kar Sha ya dzaH/ zhal ni rab tu bskyod mdzad nas/ /sngags 'di rjes su dran byas la/ /khams gsum pa yi khrag chen po/ /'gugs 'gyur 'di la the tshom med/ /de nas gshin rje gshed chen po rdo rje myos pa 'gugs pa rdo rje zhes bya ba'i ting nge 'dzin la snyoms par zhugs so/ /rdo rje phag mos chang dgug pa'i dam tshig gsungs pa 'di lta ste/ o~M g+ho ne sdu g+ho ne badzra mA ma kI b+ha ra b+ha ra/ sa~M b+ha ra sa~M b+ha ra/ trai d+hA tu ka ma d+yA kar Sha ya dzaH/ rdza mkhan lag pa phyis pa'i sas/ bum pa kha ni mdzes byas te/ rkun po'i skra yi steng du gzhag /sngags ni rjes su dran par bya/ /sngags 'di'i bdag nyid che ba ni/ /mchod rten pa ta na ru bstan/ /mkhas pas 'bad pas dmigs byas na/ /chang ni 'gugs par rab tu grags/ /de nas bcom ldan 'das gshin rje gshed kyi rdo rje shes rab kyi pha rol tu phyin pa zhes bya ba'i ting nge 'dzin la snyoms par zhugs so/ /o~M pi tsu pi tsu pradz+nyA bar d+ha ni/ dz+wa la dz+wa la me d+hA bar d+ha ni/ d+hi ri d+hi ri/ bud d+hi bar d+ha ni swA hA/ tshes gcig nas ni bzung nas ni/ /ji srid bcwa lnga'i mthar thug kun/ /legs par sbyar ba brtsam par bya/ /ji srid zla ba'i rjes 'brangs nas/ /gsung gi dbang phyug ma ni 'grub/ /'di yis tshigs bcad brgya phyed do/ /khams gsum pa ni ma lus shing / /ma lus lus pa med pa 'grub/ /</font><hr>90.163a<br><font size=+1>

de nas bcom ldan 'das gshin rje mthar byed chen po dkrug pa rdo rje khu ba 'gugs pa rdo rje zhes bya ba'i ting nge 'dzin la snyoms par zhugs so/ /khu ba 'gugs pa gau rI'i sngags gsungs pa 'di lta ste/ o~M kar+D+h+ri ni kaR+Sha Ni gau rI dzaH duSh+Ta pra duSh+TA/ yAHshu kra mA kar Sha ya dzaHdzaHdzaHhUM swA hA/ /nam mkha'i gdong dang rdo rje'i lam/ /rlung dang dril sbyor lcags kyu yis/ /khu ba'i tshogs rnams 'gugs par byed/ /bsgom dang bzlas pa rab sbyor bas/ /skye bos dben dang nags tshal du/ /las 'di rab tu bsgrub par bya/ /mtshan mo bdun gyi sbyor ba yis/ /'grub 'gyur 'di la the tshom med/ /de nas bcom ldan 'das rdo rje gshin rje gshed chen po dus kyi dbye ba rdo rje zhes bya ba'i ting nge 'dzin la snyoms par zhugs so/ /'dir mchog gi dbang bskur ba'i dam tshig nyid kyi sku gsung thugs rdo rje rnams las spro bar mdzad nas/ u du~M ba ra man dA ra/ /yongs su skyes dang sna ma dang / /kar Na ka yi phreng ba rnams/ /bu khyod zung la byin gyis rlobs/ /khams gsum ral gri chen po la/ /sangs rgyas kun gyis phyag byas pa/ /bzung na bdud las rgyal bar 'gyur/ /las kyi ral gri dam pa 'di/ /thabs dang shes rab rang bzhin gyi/ /rdo rje dril bu bsgrub pa'i phyir/ /bu khyod gsang ba'i rdo rje zung / /slob ma yang dag gzung bar gyis/ /'di ni btung ba rin chen te/ /rdo rje'i lus su rab sgrub pa/ /mi yi btung bya ye shes chu/ /bu khyod kyis ni thams cad du/ /slob ma'i khar yang blud par bya/ /gshin rje gshed kyis rab tu gsungs/ /sems ni rab tu dga' ba yis/ /rdo rje slob ma bdag nyid che/ /de bzhin gshegs pa thams cad kyi sku gsung thugs gshin rje gshed dmar po'i rgyud las sngags kyis 'gugs pa rab tu sbyor ba ste rim par phye ba gsum pa'o// // de nas dpal ldan rdo rje 'chang / /</font><hr>90.163b<br><font size=+1>

ral gri sgrub pa gsung bar mdzad/ /skyob pa sangs rgyas thams cad kyi/ /lha mo khyod ni dbang du gyur/ /gshin rje gshed kyi dkyil 'khor gyi/ /slob dpon rnams gsungs rgyud bsgrub phyir/ /khab len lcags kyi ral gri nyid/ /de rnams yang na bcud can gyi/ /ral gri khru gang tshad bcas tshad/ /brtul zhugs can gyis rnam par bsam/ /bcu bzhi 'am ni brgyad dag la/ /dur khrod dbus su sba bar bya/ /bdud rtsi lnga dang mtshungs par ldan/ /thun mtshams gsum du bzlas pa khri/ /zla ba so so'i bcu bzhi la/ /gtor mas sngon du mchod par bya/ /zla ba re la bzlas pa 'bum/ /'bum phrag lnga yis 'grub par 'gyur/ /grub na ral gri rab tu 'bar/ /'od zer lnga yi glog chen 'khyug /grub pa de ni gzung gyur pas/ /mi rnams khams gsum las rgyal 'gyur/ /rnal 'byor gang gis ral gri grub/ /gshin rje gshed po 'jigs byed sbyor/ /bde bar 'grub cing sa chen gyis/ /de yis 'thab pa bzod mi nus/ /rkang gnyis pa dang rkang bzhi kun/ /mthong bas gnas skabs bcu ru 'gyur/ /lha dang lha min gyis mi bzod/ /mi yi 'jig rten smos ci dgos/ /rgya mtsho'i sa ni blangs byas la/ /klu yi gzugs ni sbyar bar bya/ /o~M phu yi ge hU~M la dgod/ /hrIHSh+T+rIH/ /la sogs sngags rnams bzla/ /char mi 'bab pa'i dus rnams la/ /khri ni bzlas pas 'bab par 'gyur/ /sbrul nag sha dang nim pa yi/ /lo ma dag ni bsres pa yis/ /de yi ri lu legs par bya/ /brtul zhugs can gyis rgya mtshor 'phang / /khri phrag bzlas par gyur pa yis/ /dba' klong rengs byed mchog yin no/ /tsaN Da'i sa bon brgya gzung zhing / /mon sran gre'u 'bras bsres te/ /'bum phrag brgyad bzlas sbyin sreg gis/ /de yis lha rnams mthong bar 'gyur/ /dur khrod ro bsregs mgal ba'i shing / /brtul zhugs can gyis</font><hr>90.164a<br><font size=+1>

gzugs brnyan bri/ /smyo byed khu bas byugs byas te/ /khri phrag bzlas na mdze yis 'khyer/ /yungs kar sa bon bsdus pa la/ /'bum phrag bzhi ni bzlas byas te/ /sbrul gyis gzung nas 'gyel ba la/ /gtor na 'tsho bar the tshom med/ /ri bo chus bkas sa blangs nas/ /sngags ni 'bum du bzlas pa yis/ /mgo la byug pa tsam gyis ni/ /mgo yi zug rnams 'joms par 'gyur/ /bdun nyid mngon par bsngags byas te/ /lag pas mgo bo mnye byas na/ /mgo yi zug rngu mi 'byung zhing / /nyams par 'di la the tshom med/ /bram ze yi ni sha dag dang / /dur khrod sa dang thal ba la/ /gshin rje gshed kyi sku gzugs bya/ /zhal gcig phyag ni gnyis pa ste/ /g.yas na rdo rje chen po ste/ /g.yon na mgo bo de bzhin du/ /kha dog dkar po 'jigs chen po/ /de yis gdug pa 'joms par byed/ /bdud rtsi rnam pa lnga yis ni/ /nyi ma so sor gtor ma sbyin/ /bdag gi dgra bo sod cig ces/ /rnal 'byor pa yis rtag gsol gdab/ /'di smras mtshan mo nyal ba las/ /dgra bo tho rangs 'chi bar 'gyur/ /yang na nad kyis 'debs 'gyur te/ /chu 'gags la sogs kyis khyab 'gyur/ /dgra las rnam par snang mdzad blang / /mi yi rkang sbubs yongs bkang ste/ /sngags ni 'bum du bzlas nas ni/ /shing gi drung du mngon par 'gyel/ /yi dgas nags su rtag tu 'khyam/ /rnal 'byor dbang phyug tshim pas bde/ /sna tshogs don rnams rab tu 'grub/ /bcom ldan 'das de bzhin gshegs pa thams cad kyi sku gsung thugs gshin rje gshed dmar po'i rgyud las 'jigs par byed pa zhes bya ba ste rim par phye ba bzhi pa'o// // de nas rgyal po rab bsgrub pa/ /bdag gis yang dag bshad par bya/ /ma nyams de bzhin rma med pa/ /ljon shing dag la sbyangs pa blangs/ /phab nas legs par khrus byas te/ /phreng ba'i bzlas pas bsgrub par bya/ /</font><hr>90.164b<br><font size=+1>

zla ba zla ba'i bcu bzhi la/ /bdud rtsi lnga dang ldan pa yi/ /sha lnga yis ni byug byas la/ /mchog gi bzlas pas bzlas par bya/ /'di ni bye ba bzlas pa yis/ /rgyal po nges par 'grub 'gyur te/ /e ma sngags kyi nus pa yis/ /ro ni sgrogs par byed 'gyur na/ /gshin rje gshed kyi rnal 'byor ldan/ /cung zad 'jigs par mi bya'o/ /rnal 'byor gang dang gang 'dod pa/ /de rnams thams cad ster bar 'gyur/ /ma he dang ni chu srin nam/ /stag gam de bzhin gzhan yang ni/ /dred dang spre'u'i khyad par can/ /dug dang ske tshe tshwa dang ni/ /shau b+hAny+dza na~M tsha ba gsum/ /de rnams las ni gzugs brnyan ni/ /gshin rje gshed kyi gzugs 'jigs byed/ /hrIHSh+T+TIH la sogs sngags bzlas la/ /rnal 'byor pa yis gsol ba gdab/ /rgyal po che ge mo sod la/ /bdag la de yi bya ba gyis/ /bsnyen pa bye ba bzlas pas 'grub/ /nges par bden par the tshom med/ /de nas gzhan yang rgyal zla yi/ /dkar phyogs nyi ma snums ldan tshe/ /rdul gyi gos ni yang dag blang / /ri mo mchog nyid bri bar bya/ /snag tsha chen po mtshungs sbyor bas/ /dkyil 'khor gyi ni bdag po nyid/ /kha dog dkar po 'jigs chen po/ /mchog ni zhal gcig phyag gnyis pa/ /g.yas na rdo rje 'bar ba dang / /g.yon na khrag bcas mgo bo 'dzin/ /g.yon brkyang zhabs dang 'jigs pa ste/ /rin chen cod pan rnam brgyan cing / /rin chen rgyan rnams yongs rdzogs la/ /'od zer phreng bas 'khrigs pa ste/ /rgyal po gsod par byed pa ni/ /'og gi cha la nges par sbyar/ /ming bcas kha dog yang dag ldan/ /ji lta ba yi rnam par gnas/ /lha la yongs su rdzogs par bya/ /ji lta ba yi dngos po'i tshad/ /dkyil 'khor gru gsum nges par ni/ /de yi mdun du sbyin sreg bya/ /sbyin sreg 'bum gyis rgyal po ni/ /thob 'gyur 'di la the tshom med/ /de nas gzhan yang zla gzas gzung / /</font><hr>90.165a<br><font size=+1>

yang na nyi ma ma mthong tshe/ /dur khrod thal ba blangs nas ni/ /brtul zhugs can gyis gzugs rnyan bya/ /rwa can ske tshe sha lnga dang / /ni~M` ba d+ha du ra'i lo ma/ /cho ga 'di yis gcig byas nas/ /mkhas pa yis ni gzugs brnyan bya/ /kha dog sngon po 'jigs chen po/ /zhal gcig pa la phyag ni gnyis/ /ma he la gnas zhal ni gdangs/ /rdo rje dang ni thod pa 'dzin/ /sku gzugs rdzogs par byas nas ni/ /rnam pa mang pos mchod par bya/ /hrIHSh+T+rIHla sogs sngags ni bzlas/ /bzlas pa 'bum gyis rig par bya/ /rgyal po che ge mo yi ni/ /sde dang yongs su 'dzin bcas chom/ /rnal 'byor bdag nyid bzlas pa 'bum/ /'bum du bzlas pa'i khyad par las/ /cho ga 'di yis sbyin sreg dang / /mchod pa'i las rnams ldan par bsam/ /sems can don byed blo ldan gyis/ /rgyal po thob 'gyur the tshom med/ /de nas gzhan yang rdul gyi gos/ /nam mkha'i rang bzhin chu yis ni/ /gza' ni bkra shis la bkrus te/ /ri mo mngon par bri bar bya/ /zhal gcig pa dang phyag ni gnyis/ /kha dog nag po 'jigs ldan pa/ /skra ni 'od zer yang dag ldan/ /mgo bo'i phreng ba rab tu 'phyang / /gri gug thod pa lag na ldan/ /ma he'i steng du bri byas nas/ /'di yi bsgom pa brtsam par bya/ /dgra ni mdun du bsam bya ste/ /gri gug gis ni gcod byed cing / /rkang dang zhag rnams 'thung bar bya/ /rgyu ma rnams ni za ba dang / /khrag ni mang po 'thung bar byed/ /'bum du gyur pa tsam gyis ni/ /zha 'am rma yis snying la gzer/ /de nas gzhan yang mi'i rus pa sor bzhi pa blangs la/ hrIHSh+T+rIHla sogs pa'i sngags kyi nang du byas te dgra'i sgo la sbas na 'khor dang bcas pa bskrod par byed de/ /gal te brgya byin dang mtshungs pa yin yang 'gyur ro/ /skye bos dben pa'i sa phyogs su gcig pur gyur pas rje btsun gyi thad ka gsal bar byas te/ phyogs bcu na bzhugs pa'i bla ma dang</font><hr>90.165b<br><font size=+1>

sangs rgyas dang byang chub sems dpa' rnams bltas te/ mi'i rus pa bcad pa'i khrag chen po bya rog gi khrag dang bsres nas/ sor bcu gnyis pa'i tshad kyi 'khor lo rtsibs bcu gnyis po'i dbus su sa bon bcu gnyis po de la dgra'i ming mang du tsheg drag dang bcas pa yang dag par sbyar te/ Tha yig gsum gyis phyi skor te bya rog gi ske la btags nas gal te rgyun rab tu 'bab pa la bskur na de gzung du med do/ /de bzhin du sa bon bcu gnyis bris te/ phaT phaT hU~M hU~M na na tA kr-i wi Sh+T+rIHhrIH\u0f00/ ji lta ba'i dngos pos mchod pa byas te/ stobs chen po'i spos byin te rgyun rab tu 'bab pa la bskur na de gzung du med do/ /mi 'dod na bya rog gi gshog pa la lan bdun du mngon par bsngags te/ ming nang du byas te dgra'i sgo la sbas na 'khor dang bcas pa nges par bskrod par 'gyur ro/ /de bzhin du 'khor lo rtsibs bcu gnyis pa'i dbus su tsha ba gsum dang dug dang ske tshe rnams rus pa chen po'i smyu gus me'i sa bon gyi dbus kyi dbus su tsheg drag dang bcas shing g+ha yig gnyis yang dag par sbyar te/ Tha yig gsum gyis phyi bskor te gci ba'i me la bsregs na bu dang chung ma dang 'khor dang bcas pa de'i skad cig la 'chi bar 'gyur te/ /de bzhin gshegs pa thams cad kyi sku gsung thugs gshin rje gshed dmar po'i rgyud las rgyal po sgrub pa ste rim par phye ba lnga pa'o// // de nas pha rol dmag tshogs rnams/ /nyams bya bdag gis bshad par bya/ /bra~M ze mo yi rdul gos la/ /rgyal zla nyid la yang dag brtsam/ /ma he'i gdong can ri mo bri/ /lag pa brgya ni rab gsal la/ /mtshon cha shin du rno ba rnams/ /thams cad du ni bri bar bya/ /ri mo dkar po rdzogs pa la/ /pad ma dkar pos mchod par bya/ /sngags ni 'bum du bzlas byas te/ /pad ma yang ni de bzhin no/ /ri mo mdun du gzhag bya ste/ /ba dan steng du bzung byas na/ /skye bo gang gis mthong rnams kyi/ /</font><hr>90.166a<br><font size=+1>

rkang gnyis rkang bzhi la sogs rnams/ /thams cad de la lta mi nus/ /seng ge glang chen mthong ba bzhin/ /de nas gzhan yang tshangs sa bon/ /khri bzlas zhag chen sta res bcad/ /rnga mo'i chu dang sbyar byas te/ /brtul zhugs can gyis ri mo bya/ /rang gi dmag gdong thig le bya/ /pha rol dmag rnams rnam par 'jig /mya ngan med kyi ljon shing 'og /'gro zhing brgyad dam bcu bzhi la/ /zla ba gcig gi thun mtshams gsum/ /sngon bsnyen 'bum phrag gcig byas nas/ /o~M sid+hA na ta nA la hA ri Ni ba ra sai n+ya bi nA si ni hrIHswA hA/ de rnams kyis ni 'grub 'gyur te/ /mthong bar gyur pa tsam gyis ni/ /pha rol dmag rnams rnam par 'jig /gshin rje yi ni snang ba yis/ /de rnams kyang ni 'bros par 'gyur/ /de nas gzhan yang shing gcig drung du song nas ni/ /ro ni sbyangs pa mchog la ni/ /g.yas na ral gri bzung byas nas/ /g.yon brkyang pa yi zhabs kyis so/ /hrIHSh+T+rIHla sogs sngags rnams ni/ /mtha' dag mtshan mo bzlas par bya/ /de la ral gri 'phro ba ste/ /de yis pha rol dmag rnams 'joms/ /de bzhin gshegs pa thams cad kyi sku gsung thugs gshin rje gshed dmar po'i rgyud las pha rol gyi dmag nyams par bya ba ste rim par phye ba drug pa'o// // de nas rgyal po rdo rje 'chang / /mi snang sgrub par rab bshad de/ /dang po rnal 'byor pa mi snang ba bsgrub pa'i phyir rgyal gyi nyi ma'i nyi ma la brtsam par bya'o/ /yang dag pa'i bsam pas sngon du 'bum bzlas pas de grol bar 'gyur ro/ /nyi ma bzung ba'i dus la pa Ni Ta ga ra'i rtsa ba dang / dngul chu dang / kha~M gA ri dang / daN Da'i rtsa ba dang thams cad gcig tu ri lu byas te khar bcug pas mi mthong bar 'gyur ro/ /de nas gzhan yang kho T-I dzA la ki dza yan ti dang / rgan po 'joms pa'i rtsa ba dang / thams cad sbal pa'i sha dang cha mnyam du byas te nyi ma gsum bskams nas</font><hr>90.166b<br><font size=+1>

ril khar bcug na mi snang bar 'gyur ro/ /de nas gzhan yang nyi ma gzas bzung ba'i dus su u ka nu kha~M dang / dngul chu dang gser dang d+ha du ra zhes pa rnams rta rgod ma'i chu dang yang dag par sbyar nas ril byas te khar bcug na mchog tu mi snang ngo / /de nas gzhan yang byi ba'i mig dang bya rgod kyi mig dang 'og skyong gi mig dang cha mnyam du ri lu gcig tu byas te khar bcug na de'i skad cig la mi snang bar 'gyur ro/ /de nas gzhan yang gza' nyi ma la byi ba'i mig rab tu blangs te/ rams dang tsi tra ka'i rtsa ba dang / bya rgod kyi khrag dang sbyar te ri lu khar bcug na mi snang ba'i mchog go /da nas gzhan yang pA shI'i sha dang / ba hu ra'i 'bras bu mnyam du dar gos kyis dril nas bram ze'i thod pa la mig sman bya'o/ /de'i mig sman gyis mig gnyis la byugs na mi snang bar 'gyur ro/ /de nas gzhan yang tsaN Ta lI'i me tog dang / sha tA bar ta~M dang b+ha dra pak+Shi'i mig dang de rnams ril bur byas nas khar bcug na mi snang bar 'gyur ro/ /de nas gzhan yang b+ha dra pak+Sha Na~M bzung ste nyi ma bdun gyi mthar thug pa dngul chu ma sha gcig zas su byas nas de'i brun gang yin pa dang / de yis bdag nyid kyi khu ba dang lhan cig tu byas nas thig le byas na mi snang bar 'gyur ro/ /'di ni mi snang ba'i rab tu bya ba'o/ /mig sman bshad par bya ba la/ re zhig dang po mig sman gyi phyir bcom ldan 'das kyi sngags 'bum phrag lnga yongs su bzlas te mig sman sgrub pa brtsam par bya'o/ /sram dang bya rgod dang ku ra rA rnams kyi mig blangs nas tshad mnyam par byas te sa 'og gi sbrang gi khu ba la dar gos kyi sdong bus mig sman bya'o/ /'di'-i mig sman gyis sa'i mthongs mthong bar 'gyur ro/ /skar ma lag la bri ha tI dkar po'i rtsa ba dang / nag po dza yan ti'i rtsa ba dang l+tse spyang gi mig rnams mnyam du dong gi sbrang rtsi dang lhan cig tu byas te thig le byas na sa'i mthongs las mthong bar 'gyur ro/ /</font><hr>90.167a<br><font size=+1>

sa'i 'khri shing dang bi Sha~M ka rI'i rtsa ba dang / tsa sen dang / rdul dang lhan cig tu dar gos la gzhon nu mas bkal pa'i srad bus dkris nas sdong bu byas te mi'i thod pa la dreg pa brus pa'i mig sman gyis gter rnams nges par mthong ngo / /de nas gzhan yang rgyal gyi zla ba skar ma snums la rdul gyi gos bzung ste/ brgyad dam yang na bcu bzhi la rdo rje tsar tsi kA'i ri mo mngon par bris nas mchod pa chen po byas te/ mtshan mo gcig khri bzlas na rmi lam du gter nges par mthong ngo / /gzhan yang nim pa'i shing ljon pa'i 'og tu phyin te brgyad dang yang na bcu bzhi la ri mo'i mdun du tsar tsi kA bsgom par bya zhing / l+tse spyang gi mgo bo'i steng du khri bzlas so/ /tsar tsi kA 'ongs nas bdag gis ci bya zhes 'dri bar 'gyur ro/ /sgrub pa pos smra bar bya ste/ bdag la mig sman gyi dngos grub gnang bar mdzod cig /dngul chu dang bcud kyis len yang stsol cig ces so/ /gi ha~M dang sha la'i mig dang dngul chu dang shI ta lI'i khu ba dang dong gi sbrang rtsi rnams mnyam du ri lu byas te 'di'i mig sman gyis sa'i mthongs las mthong bar 'gyur ro/ /l+tse spyang gi mig dang bya rgod kyi mig dang ku ra rA'i mig rnams de bzhin du g.yon la g.yon dang / g.yas la g.yas blangs te zhag chen po'i dreg pa bya'o/ /'di'i mig sman gyis sa'i mthongs las mthong bar 'gyur ro/ /de nas gzhan yang gi ha~M dang mi'i mkhris pa dang ga bur dang dngul dang de bzhin du zas sbyin par bya'o/ /'di'i mig sman gyis sa'i mthongs las mthong bar 'gyur ro/ /de nas gzhan yang sna tshogs pa'i dngos grub kyi don dang nor dang 'bru la sogs pa'i phun sum tshogs pa rnams dang / rig byed brgyad rmongs pa dang / mkha' la spyod pa ster bar byed do/ /sngon du bsnyen pa'i don la sngags 'bum phrag gcig bzlas nas dngul chu bsgrub pa brtsam par bya'o/ /dang po dngul chu blangs nas tsi tra ka</font><hr>90.167b<br><font size=+1>

dmar po'i khu bas mnye bar bya'o/ /de'i rjes la zangs kyi phye ma dang / gser gyi phye ma bzhi cha sbyin te shA kho Da'i khu bas bsdu bar bya'o/ /glang po che'i sha dang lhang tsher mnyam du byas te lugs kong gi dbus su ra dza~M la byin nas sbyar zhing bcings pas rdog por 'gyur ro/ /'di'i phye mar ti yis srang la bsnun par gyur na gser du 'gyur ro/ /'dir dngul chu zhag chen la mnyes nas lhang tsher dang mu zi zhag chen po la nyi ma gsum du btso zhing / yang ji srid rdog por ma gyur gyi bar du'o/ /sbrang dang lhan cig zegs ma re zos na mi de lo stong du 'tsho'o/ /dngul la bsnun na gser du 'gyur ro/ /de nas gzhan yang pA h+lA pa'i khu ba nas dngul chu mnye bar bya ste rdog por ma song gi bar du'o/ /shI ta li dang dzam+b+hi ra'i khu ba la dzA kho Da'i 'bras bu ba gu la la so sor mnyam du byin nas lugs kong gi nang du bcug ste des de bzhin du yongs su byugs te lugs kong bskam par bya'o/ /phyi nas lci ba'i me la bsregs pas rdog por 'gyur ro/ /ra ti gnyis kyi tshad kyis nyi ma nyi shu rtsa gcig tu'o/ /ji srid du lo ma dang skyur rnams spong ngo / /thams cad du bud med bsten pa spangs pas mi de lo stong phrag bcu gnyis 'tsho zhing mkha' spyod 'thob bo/ /spyang tsher la bsnun na gser du 'gyur ro/ /de nas gzhan yang rany+dza nI la'i khu ba la su par Na mA k+Shi ka~M dang sbyar ba'i snying po dang / dI sna ne na dang mnye bar bya'o/ /lhang tsher dang na ra she Na'i khu ba bsres te lugs kong gi nang du bcug nas sa ha rI'i mar khus sbyar na zla ba drug gis rdog por 'gyur ro/ /lcags brgyad la byugs na nges par gser du 'gyur ro/ /zos na mkha' spyod thob par 'gyur ro/ /mig la byugs pa tsam gyis lo lnga brgyar 'tsho bar 'gyur ro/ /de nas gzhan yang dngul chu ku mA rA'i khu ba yis mnyes nas so ma la ta dang pa lA sha'i rtsa ba dang nA ga ge sha ra dang ba ku ba~M dang btsag dang ka thi nI</font><hr>90.168a<br><font size=+1>

dang de bzhin du n+ya gro d+ha'i lo ma dang / de bzhin du yang mnyam du lugs kong gis kha bkab cing sbyar bar bya'o/ /thun tshod gnyis kyis rdog por 'gyur ro/ /gzegs ma zos pa tsam gyis sa gsum la nges par 'gro bar 'gyur ro/ /ra ti tsam gyis zangs srang gser du nges par 'gyur ro/ /de nas gzhan yang dngul chu shi ri khan da'i 'o mas dar tsam mnyes la mu zi dang mnyam du zangs kyi snod du dza~M bi ra'i khu bas mnyes te nyi ma la bskam par byas na rdog por 'gyur ro/ /lugs kong gi nang du bcug cing sbyar te thun tshod gnyis kyis so/ /shin du grangs pa dang bton nas ra ti'i tshad kyis mnan te zangs la bsnun na gser du 'gyur ro/ /lus la byugs pas skra dkar gnyer ma dang bral bar 'gyur ro/ /de nas gzhan yang dngul chu dang bA lA'i rtsa ba mnye bar bya'o/ /slar yang tsaN DA li'i me tog dngul chu dang mnye bar bya'o/ /rtsabs dang rnam par snang mdzad kyi khu bas slar yang mnye bar bya'o/ /de'i rjes su bzhi cha'i tshad kyis gser gyi phye ma la byin pas rdog por 'gyur ro/ /'dab ma bdun pa'i lugs kong gi nang du glang po che'i rkang pa'i tshad kyi thum po la byin pa las rdog por 'gyur ro/ /de bton nas ra ti'i tshad kyis zangs la bsnun na gser du 'gyur ro/ /lus la yang ra ti'i tshad kyis nyes pa gsum 'joms par 'gyur ro/ /rnal 'byor chen po rnams kyi 'du ba'i nang 'tsho bar 'gyur ro/ /zos pa tsam gyis rgyang grags brgyar 'gro nus so/ /de nas gzhan yang dngul chu tsam gnas pa la rdo rje dang nges par tri Sha dang tri hI'i rtsa ba dang / ka ranya dzany+tsa dang ma nu'i rtsa ba dang mnye bar bya'o/ /pa Ni Ta pa shU ra Na sbyar te lugs kong nang du sbyar bar bya'o/ /mtshan mo ril po bsregs pas de 'grub ste/ ra ti'i tshad blangs nas zangs la bsnun pas de 'grub bo/ /ra ti tsam gyis bza' bas skra dkar dang gnyer ma dang bral bar 'gyur ro/ /</font><hr>90.168b<br><font size=+1>

zla ba drug tu rab tu sbyor bas lo stong 'tsho bar 'gyur ro/ /de nas gzhan yang sbyor ba de bzhin du dngul chu srang gcig bzung nas shring gI'i khu ba dang mnye bar bya'o/ /a b+h+ra Ta~M dang gser gyi gzegs ma sbyar la/ shring gI dmar po dang mnyams te tsi Ti pA'i khu ba blangs te nyi ma bcu gnyis de'i rjes su lugs kong gi nang du bcug nas sbyar bar bya'o/ /glang po che'i rkang pa'i tshad las phyung ste mnyam du blangs nas ra ti'i tshad gzhug par bya'o/ /zangs ma la bsnun na ma lus pa nges par gser du 'gyur ro/ /zos pas yun ring du 'tsho zhing mkha' spyod du 'gro bar the tshom med do/ /gnod sbyin dang mi 'am ci'i bdag po rnams zham ring byed par 'gyur zhing gshin rje'i 'jig rten du mi 'gro'o/ /de nas gzhan yang lhang tsher nag po srang gcig dang sbal pa'i lo ma'i khu bas sbyar ba'i dngos po zla ba phyed mtshal dang ro mnyam par byas te zla ba gcig gi tshad kyis chu grang mo dang bcas te bza' bar bya'o/ /zla ba'i sbyor bas rnal 'byor gyi bdag nyid nad dang 'chi ba med par 'gyur ro/ /de nas gzhan yang lcags srang tsam gzung ste re t+ya'i phye ma'i rab tu byed pa dang / ka shI'i khu ba dang mnyam du sbyar te nyi ma'i 'od zer las bskam par bya'o/ /dngul chu dang lhang tsher dang mu zi rnams de'i bzhi cha'i tshad sbyor ba las ka ko la dang li shi'i phye ma rnams sngon ma'i tshad las phyed dang gnyis so/ /thams cad gcig tu byas te/ lcags dang mnye bar bya ste rdo brtan po la'o/ /lugs kong gi nang du bcug ste kha bcad nas sbyar te lci ba'i me la bsreg par bya'o/ /de nas phyung ste lcags chen po dang mA sha'i tshad kyis zos na skra dkar gnyer ma rnam par 'joms shing nad dang 'chi bas mi tshugs so/ /de bzhin gshegs pa thams cad kyi sku gsung thugs gshin rje gshed dmar po'i rgyud las mi snang ba dang</font><hr>90.169a<br><font size=+1>

mig sman dang bcud len sgrub pa ste rim par phye ba bdun pa'o// // de nas rdo rje 'dzin pa'i rgyal pos grib gnon gyi rab tu byed pa gsungs pa 'di lta ste/ dgra bo rkang bzhi pa rnams kyi/ /chad pa'i rab tu sbyor ba 'di gsungs te/ dang por re zhig gshin rje gshed 'jigs so/ /sems can kun gyi rmongs byed bsgom par bya/ /rang gi khyim du mtshan mo'i dus/ /stag gi lpags pa'i stan la gnas/ /zhal gcig dmar po shin du rngam/ /zhags pa dang ni lcags kyu 'dzin/ /ro yi steng du 'jigs chen gnas/ /spyan gsum shin du 'jigs par byed/ /lha rnams thams cad rmongs byed pa/ /me stag tshogs pas 'khrigs pa ste/ /de bzhin bsgom zhing bzlas pa 'bum/ /phyi nas cho gas spyad par bya/ /ka ra bI ra dkar po'i rtsa/ /de bzhin dan ti dmar po'i rtse/ /sbal pa'i khrag gis sbyar byas te/ /brtul zhugs can gyis thig le gzung / /gang gi grib ma rkang pas mnan/ /de ni brgyal bar byed 'gyur te/ /rkang gnyis pa dang rkang bzhi dag /thams cad rmongs par the tshom med/ /gza' ni nyi ma'i dkar phyogs la/ /lto ba las byung srin bu la/ /de rnyed nas ni 'bad pa yis/ /shring gI Na yis thig le bya/ /dpral bar thig le byin pa yis/ /gang gi grib ma 'phro bar byed/ /gal te myos thob grol byed na/ /'o mas gtor bas bde bar byed/ /dan tI ro ha lung thang nag /de rnams rtsa ba gcig tu byas/ /bya rog khrag gis sbyar byas te/ /brtul zhugs can gyis thig le bya/ /thig le 'di yi mthu yis ni/ /lha rnams kyang ni rab tu g.yo/ /phyag ni btsal bar mi bya ste/ /byas na de ni brgyal bar 'gyur/ /de bzhin gzhan yang rab sbyor te/ /ra sa shring gI ku thA ri/ /pha Ni nA ga pha Ni dang / /de rnams thams cad zla ba yis/ /brtul zhugs can gyis ri lu bya/ /nam mkha'i rang bzhin chu yis ni/ /thig le spyi bor gzung bar bya/ /phyag 'tshal gdong du bltas pa yis/ /</font><hr>90.169b<br><font size=+1>

mi de khrag tu skyug par 'gyur/ /kA ma tsA dang ma d+hu dkar/ /khu byug dkar po'i mig rnams ni/ /nam mkha'i chu dang yang dag ldan/ /spyi bo ru ni thig le bya/ /thig le de yi mthu yis ni/ /dgra rnams dbang du 'du bar 'gyur/ /gang la phyag ni btsal gyur na/ /de ni nges par rmongs 'gyur te/ /de nas gzhan yang rab sbyor te/ /ltos 'gro nag po'i lce dang ni/ /de bzhin na ku la yi lce/ /byi ba'i mkhris pa yang dag bsres/ /ri lu khri phrag lnga byas nas/ /'di yi thig le'i mthu yis ni/ /khro bo'i sngags 'jug de la 'gro/ /rgyal po rtog tu rmongs 'gyur te/ /gdug pa can dang lhan cig go /de nas gzhan yang rab sbyor te/ /bdud rtsi rtsa ba a raka dkar/ /ba ku ri yi 'bras de bzhin/ /de rnams cha ni mnyam po ru/ /mkhas pa yis ni ri lu bya/ /'di yi thig le rtag bzung na/ /'jig rten gsum ni rmongs par 'gyur/ /kha yi bdud rtsi blangs nas ni/ /g.yon pa yi ni ming med kyis/ /sngags 'dis ri lu thams cad la byin gyis brlab par bya'o/ /o~M ma hA yak+Sha se nA d+hi pa ta ye ma hA dur da m+ta~M da ma kA ya/ nA sha ya nA sha ya/ bi nA sha ya bi nA sha ya/ bi trA pa ya bi trA pa ya/ hU~M hU~M sarba duSh+DA~M DA~M phaT/ bcom ldan 'das de bzhin gshegs pa thams cad kyi sku gsung thugs gshin rje gshed dmar po'i rgyud las grib gnon bsgrub pa ste rim par phye ba brgyad pa'o// // 'dir bcom ldan 'das kyis ro langs la sogs pa'i sgrub thabs gsungs pa ni/ o~M hU~M dzAHa pa rA dzi taHo~M hU~M dzaHa dzi taHo~M hU~M dzaHpU ra Na/ o~M hU~M dzaHa pU ra Na/ o~M shrA~M dzaHsh+ma shA nA d+hi pa teH/ o~M r+yu~M dza ku le shwa raH/ o~M hU~M dzaHb+hU te shwa raH/ o~M a~M dzaH/ ki~M` ka ro ta ta maHzhes pa 'di rnams 'byung po'i bdag po chen po rnams so/ /gzhan gyis mi thub pa sgrub par gyur na dpal ldan rdo rje dbyug pa 'dzin pa'i mdun du sngon</font><hr>90.170a<br><font size=+1>

du bsnyen pa 'bum bzlas pa byas nas de rdzogs pa dang mchod pa rgya chen po byas nas zas dkar po dang zho dang bu ram dang 'o ma'i thug pas ji ltar gsung ba'i mchod pa bya'o/ /gu gul gyi spos phul nas mtshan mo hril po bzlas pa bya'o/ /shin du snga ba na nges par 'ong bar 'gyur ro/ /gal te ma 'ongs na de'i skad cig la 'chi bar byed do/ /'ongs nas gnang ba zhu bar byed de/ /bdag gis ci bya zhes so sgrub pa pos smra bar bya ste/ /bdag gis gang bsgo ba gyis shig ces so/ /de nas bzung ste gang bsgo ba'i las rnams byed do/ /rig pa 'dzin pa dang rgyal po yang ster ro/ /dgra rnams la chad pas gcod par byed do/ /zla ba'i lha mo yang blangs nas ster ro/ /rgyab la zhon pas lha'i 'jig rten du 'gro zhing brgya byin yang ster ro/ /bskal pa bdun du 'tsho bar 'gyur ro/ /de nas a dzi ta sgrub par gyur na mchod rten gyi mdun du mtshan mo stong phrag brgyad bzlas pa byas te/ nyi ma bdun pa'am brgyad pa la mchod pa rgya chen po byas te gtor ma phul nas gu gul gyi spos phul te bzlas pa bya'o/ /bzlas pa'i mtha' la nges par 'ong bar 'gyur te/ kyai sgrub pa po bdag gis ci bgyi zhes so/ /sgrub pa pos smra bar bya ste/ bdag gi bya ba gang yin pa bya dgos so zhes so/ /de nas bzung nas bsgo ba'i las rnams byed par 'gyur ro/ /slar yang rgyal po ster zhing lo stong du 'tsho bar 'gyur ro/ /de nas gang sgrub par gyur na rdo rje 'dzin pa'i khang par zhugs te stong phrag brgyad bzlas par bya'o/ /nyi ma bdun pa'am nyi ma brgyad pa la gtor ma dang mchod pa rgya chen po byas te/ kha zas dkar po dang zho dang ji skad bshad pa'i mchod pa phul nas ji srid nam phyed kyi bar de srid bzlas par bya'o/ /ji srid nam phyed du gyur pa na rang nyid 'ong bar 'gyur ro/ /me tog dang mchod yon</font><hr>90.170b<br><font size=+1>

phul te tshim par byas pas rgyal po ster bar 'gyur ro/ /'dod pa thams cad yongs su rdzogs par byed do/ /lo stong du 'tsho bar 'gyur ro/ /ji srid 'tsho'i bar du gang bcol ba'i las rnams byed do/ /che ge mo sod cig ces pa dang / che ge mo 'tsho bar gyis shig ces pa yang byed do/ /de nas ma gang ba sgrub par gyur na bdung dang bcas pa'i mchod rten gyi drung du sngon du khri bzlas te bsnyen pa byas par gyur pas de nas zla ba yongs su rdzogs pa la ji skad bshad pa'i dngos pos mchod pa byas nas ji srid nam phyed du gyur pa de srid du bzlas pa bya'o/ /de nam phyed na myur du 'ong bar 'gyur te 'ongs nas mdun du bsdad de kyai bu ci bya zhes smra bar 'gyur ro/ /sgrub pa pos smra bar bya ste bdag gi bya ba gang yin pa bya dgos so zhes so/ /de nas bzung ste ci bcol ba'i las rnams byed do/ /gnod sbyin gyi bu mo mchog rnams blangs nas ster ba dang / 'dod pa'i kha zas mchog rnams ster ba dang / nyi ma so so la gus pas gos zung dang dong tse lnga rab tu ster bar 'gyur ro/ /lo lnga brgyar 'tsho bar 'gyur ro/ /de nas dur khrod kyi bdag po sgrub par gyur na mtshan mo dur khrod du phyin nas bzlas pa stong phrag gcig bya'o/ /nyi ma bdun pa dang brgyad pa la rab tu mang po'i nya dang til dang dza~M bu li ka dang dkar ba'i zas dang zho dang bu ra~M dang bU pa dang 'bras bu dang nye bar spyod pa rnams dang ji skad gsungs pa'i gtor ma byin te gu gul gyi spos phul te ji srid nam phyed kyi bar de srid bzlas pa bya'o/ /de'i nam phyed na hA hA sgrogs pa thos par 'gyur te/ de la 'jigs par mi bya'o/ /de 'khor gyi tshogs kyis yongs su bskor nas 'ong bar 'gyur ro/ /'ongs pa dang gtor ma byin pas tshim par 'gyur ro/ /'byung po thams cad gang brgo ba byed do/ /nyi ma re re zhing dong tse brgyad blang bar 'gyur ro/ /</font><hr>90.171a<br><font size=+1>

dgra thams cad 'joms shing lo stong du 'tsho bar 'gyur ro/ /de nas rigs kyi dbang phyug sgrub par gyur na lha'i gnas su phyin nas dri dmar po dang / me tog dmar po dang gu gul phul nas sngon du bsnyen pa khri bzlas par bya'o/ /nag po'i phyogs kyi bcu bzhi'i mtshan mo la nya sha dang til dang dza~M bu li ka dang kha zas dmar po dang ji lta ba'i mchod pas gtor ma 'bul bar bya zhing si h+la'i spos phul nas ji srid nam phyed kyi bar bzlas pa bya'o/ /de nas 'bar ba chen po mtha' med pa shin du 'jigs pa'i gzugs 'ong bar 'gyur ro/ /de la 'jigs par mi bya ste/ bu bdag gis ci bya zhes smra bar 'gyur ro/ /sgrub pa pos smra bar bya ste/ bdag gis gang bsgo ba gyis shig ces so/ /de ji srid 'tsho'i bar du gang bcol ba'i las byed par 'gyur ro/ /nyi ma re re la dong tse lnga thun mtshams gsum du ster bar byed do/ /'dod pa'i kha zas mchog ster zhing lo lnga brgya 'tsho bar 'gyur ro/ /de nas 'byung po'i dbang phyug sgrub par gyur na ling ga gcig pa'i drung du phyin te/ nyin mtshan gsum du dmar ba'i zas dang nya sha dang til dang / dza~M bu li ke'i gtor ma byin pas nyi ma gsum pa la bdag nyid myur du 'ongs nas mdun du 'khod de bdag gis ci bya zhes smra bar 'gyur ro/ /sgrub pa pos smra bar bya ste/ bdag gis gang bsgo ba gyis shig ces smras pas rtag tu rjes su 'brang zhing lha'i bu mo blangs nas ster bar byed cing / rang gis zas blangs te steng g.yogs nas rnam pa so sor ster bar byed do/ /lo nyis stong du 'tsho bar 'gyur ro/ /de nas mngag gzhug pa mchog sgrub par gyur na rdo rje 'dzin pa'i khang par zhugs nas nag po'i bcu bzhi la bzlas pa khri phrag gcig bya'o/ /sngon du bsnyen pa byas nas nyi ma bdun pa la de nas sgrub pa brtsam par bya'o/ /dkyil 'khor la tsan dan gyis byugs te gu gul gyi spos phul</font><hr>90.171b<br><font size=+1>

nas dkar ba'i zas dang zho dang mar dang 'o ma dang ku sha chun po'i steng du mar gyi mar me rab tu sbar te/ mtshan mo ji srid pa de srid du bzlas par bya'o/ /nam phyed na mngag gzhug pa mchog nyid 'ong bar 'gyur ro/ /'ongs pa na tsan dan gyi mchod yon phul bas tshim par bya'o/ /bdag gis ci bya zhes 'dri bar 'gyur ro/ /sgrub pa pos smra bar bya ste/ bdag gis gang bsgo ba gyis shig ces so/ /de nas bzung ste gang bcol ba'i las rnams byed par 'gyur ro/ /'dod pa'i 'bras bu thams cad ster zhing 'dod pa'i don thams cad phun sum tshogs par byed do/ /de nas 'dod pa'i dbang phyug ma sgrub par gyur na gro ga'i lo ma la gi ha~M gis gzugs brnyan bris te/ rang gcig pu nyal ba'i steng du bsdad la stong phrag gcig bzlas pa bya'o/ /de nas zla ba'i mthar mchod pa rgya chen po byas la mar gyi mar me rab tu sbar te mi smra bar gyur pas bzlas par bya'o/ /de'i nam phyed na nges par 'ong bar 'gyur ro/ /'ongs pa na 'dod pa byas pas chung mar 'gyur ro/ /mdzes pa'i rgyan dang bza' ba dang bcas shing nyal te nyin mo yongs su spangs shing 'gro'o/ /bud med gzhan dang 'grogs pa spang bar bya ste/ gzhan du na rnam par 'jig par byed do/ /de nas ka na ma nI sgrub par gyur na n+ya gro d+ha'i shing drung du phyin te cho gas nya sha'i gtor ma sbyin no bdag nyid 'thungs pa'i lhag mas mchod yon byin la bzlas pa stong phrag gcig bya'o/ /de bzhin du nyi ma bdun pa'i mtshan mo bdag nyid 'ong bar 'gyur te/ rgyan thams cad kyis brgyan cing 'khor brgya phrag gsum dang lhan cig tu nam phyed na nges par 'ong bar 'gyur ro/ /'ongs pa na 'dod pa byas pas chung mar 'gyur ro/ /skye bo bcu gnyis kyi gos dang rgyan dang bza' ba rnams ster bar byed do/ /nyi ma so so la dong tshe brgyad rab tu ster bar byed do/ /de nas dga' ma sgrub par gyur na thang ka la ri mo bri bar bya ste/ gser gyi mdog can</font><hr>90.172a<br><font size=+1>

rgyan thams cad kyis brgyan pa lag na ud pa la dang ldan pa'o/ /dzi ti'i me tog gis mchod par bya'o/ /gu gul gyi spos byin nas stong phrag brgyad bzlas par bya'o/ /zla ba'i mtha' la ji lta ba'i dngos pos mchod pa bya ste/ mar gyi mar me rab tu sbar la ji srid nam phyed kyi bar du de srid bzlas pa na rang nyid 'ong bar 'gyur ro/ /'ongs pa na mi smra bar bsgom zhing 'dod pa byas pas chung mar 'gyur ro/ /sgrub pa po'i 'khor rnams ni skyong bar 'gyur ro/ /'dod pa'i bza' ba mchog rnams dang dngul chu dang bcud len rnams ster zhing dong tse nyi shu rtsa lnga rab tu ster bar byed do/ /de nas pad mi ni sgrub par gyur na rang gi khang par spyi bo'i gnas/ su dkyil 'khor la tsan dan byugs te gu gul gyi spos phul la zla ba gcig la stong phrag gcig bzlas so/ /de nas zla ba yongs su gang ba na ji lta ba'i dngos pos mchod par bgyis te/ ji srid nam phyed pa de srid du bzlas pas nges par 'ong bar 'gyur ro/ /'ongs pa na 'dod pa byas pas chung mar 'gyur ro/ /'dod pa'i mchog rab tu ster zhing dngul chu dang bcud len dang dngos grub kyi rdzas kyang ster bar 'gyur ro/ /de nas ral pa gcig ma'i sgrub thabs bdag gis yang dag par rab tu bshad par bya'o/ /gnod sbyin mo rnams sgrub pa'i dus su ral pa gcig ma rnam par bsgom par bya'o/ /zhal gcig phyag gnyis gri gug dang thod pa 'dzin pa kha dog sngon mo/ 'jigs pa chen mo b+ha ga'i dkyil 'khor la bsgom par bya'o/ /shar gyi 'dab ma la dzam+b+ha la bsgom par bya'o/ /nor bu 'dzin pa ni lho ru'o/ /chu dbang ni nub du'o/ /tsi bi 'khyil ba ni byang du'o/ /me la sogs pa'i mtshams bzhi la gnod sbyin mo bzhi bsgom par bya ste/ kuN Da lA~M dang / ha D+hi nI dang / ro hra~M dang / mdzes ma rnams cho gas dgod par bya'o/ /de nas sgo skyong bsgom bya zhing / /dbyug pa la sogs</font><hr>90.172b<br><font size=+1>

mtha' dag la/ /sngon du 'khor lo ji lta bzhin/ /de bzhin kha dog rab tu sbyor/ /kun la bdag po'i mtshan ma 'dzin/ /phyi nas kyang ni sngags bzlas te/ /o~M e ka dza Ti ba su sA d+ha ni swA hA/ de nas puk+ka sI yi ni/ /sgrub thabs bdag gis bshad par bya/ /gang gis bsgoms tsam skad cig las/ /'jig rten gsum la puk+ka sI/ /kha dog dmar ser zhal bzhi pa/ /phyag bzhi bong bu la zhon sgom/ /las kyi puk+ka sI yi ni/ /bya rog dang ni tho ba dang / /mda' gzhu brtul zhugs can gyis bsgom/ /sngags bzlas par bya'o/ /o~M puk+ka sI \u0f00/ de nas 'jam pa'i rdo rje yi/ /sgrub thabs bdag gis rab bshad bya/ /'jam pa'i rdo rje'i grub pa las skad cig gcig las mi mthong bar 'gyur ro/ /de bzhin gshegs pa thams cad kyi sku gsung thugs gshin rje gshed dmar po'i rgyud las ro langs gnod sbyin mo bsgrub pa ste rim par phye ba dgu pa'o// //  de nas rdo rje 'dzin pa'i rgyal pos ro langs dang / gcan zan gdug pa can la sogs pa bsrung ba'i sngags bshad par bya'o/ /'bum phrag bzhi ni bzlas pa yis/ /don grub sa bon gtor byas na/ /ro ni don byed langs 'gyur te/ /'tsho bar yang ni the tshom med/ /zhi la gshin rje gshed dkar po/ /rnal 'byor bsgom byar rtag tu rig /lag na don 'grub sa bon la/ /'bum phrag bzhi ni bzlas pa yis/ /ro ni mdun du phyogs byas nas/ /yungs kar gyis ni bsnun gyur na/ /de nyid ldang bar the tshom med/ /gal te nag pos gzung gyur na/ /hU~M mdzad dkar po dang mtshungs pa/ /bsgrub bya yi ni snying gar bsgom/ /hrIHSh+T+rIH la sogs sngags rnams bzlas/ /'od zer gyis ni dug rnams dgug /lag pa g.yas dang de bzhin g.yon/ /pad ma 'dab ma brgyad pa 'dzin/ /de dbus hU~M mdzad dkar po ste/ /'od zer gyi ni bdud rtsi</font><hr>90.173a<br><font size=+1>

'bab/ /de yi mgo bo'i steng du yang / /bsil zer byed pa'i dkyil 'khor dbus/ /mkhas pas haHyig bsam par bya/ /hrIHSh+T+rIHla sogs sngags de yi/ /rgyud kyi dug rnams drang bya ste/ /o~M hrIHSh+T+rIHha hrA~MHdzaHphuHzhes pa'i sngags kyi yi ges mgo bo nas brtsams nas rkang pa'i mthar thug pa sngags kyis byab par bya'o/ /bdud rtsi'i char rgyun 'bab par bsgom/ /de yis 'tsho bar the tshom med/ /sa bon yi ge las grub pa'i/ /gzungs kyis 'ching ba mchog tu 'gyur/ /rma yi gnas la 'di bsgom ste/ /kha dog ser po las byung ba'i/ /o~M yig la sogs mthar tsheg drag /ha Tha'i rnam pa sbyar byas la/ /sbyor ba yis kyang brda bar bya/ /mgo gzer rab zhi blo mchog ldan/ /de bzhin gzhan yang sdom dang ni/ /bi ka Ta dang rkang shu sogs/ /rab tu sbyor ba mang po rnams/ /lag pas nges gzung 'tsho bar byed/ /de nas rgyal po rdo rje 'chang / /bsrung ba'i 'khor lo rab sbyor ba/ /bgegs dang log 'dren gdug pa rnams/ /brtul zhugs can gyis gzhom bya'i phyir/ /bdag nyid dpal ldan dbyug 'dzin gyi/ /sprul pa'i 'khor lo rab tu sbyor/ /dbyug pa'i 'od kyis rang lus khyab/ /sku gsum las ni skyes pa'o/ /skyob pa sangs rgyas thams cad kyi/ /spyod pa'i tshul dang khyad par dang / /sa dang pha rol phyin pa la/ /lha mo khyod ni dpang du gyur/ /gshin rje'i gshed kyi dkyil 'khor du/ /slob dpon bdag gis dkyil 'khor bri/ /gos kyis gdong nas bcings byas la/ /dkyil 'khor khang pa'i sgo drung du/ /kye ma 'bod pa su zhig lags/ /skal bzang bdag ces brjod par bya/ /yol ba yi ni nang byas nas/ /bla ma mgon la mkhas pas zhu/ /gus pa chen pos dbang gi phyir/ /rjes su mgon byed lan gsum brjod/ /ji ltar sangs rgyas bde chen gyis/ /rdo rje sems dpa' dbang bskur ltar/ /</font><hr>90.173b<br><font size=+1>

bdag kyang mgon pos dbang bskur nas/ /mchog kyang bdag la stsal du gsol/ /glu dang rol mos de bzhin mchod/ /mchod yon zhabs bsil de bzhin du/ /slob mas gus dang bcas te dbul/ /bstod pa yang ni de la bya/ /de nas rgyal po rdo rje 'chang / /stong nyid gsungs pa 'di lta ste/ /o~M shU n+ya tA dz+nyA na badzra swa b+hA wa At+ma ko\u0f85ha~M/ o~M pU dzA badzra swa b+hA ba At+ma ko\u0f85ha~M/ o~M d+harma d+hA tu swa b+hA ba At+ma ko\u0f85ha~M/ de nas zhi ba la sogs pa'i/ /sbyin sreg rab dbye bdag gis bshad/ /gang gis las kun rab sgrub pa/ /sbyin sreg gis ni 'grub par 'gyur/ /zhi la zhi ba'i sems kyis te/ /rgyas la rgyas pa'i sems kyis so/ /dbang la rjes su chags sems te/ /bsad pa la ni khro sems kyis/ /zhi la maN Dal rnam pa ste/ /rgyas la rdzing gi rnam pa'o/ /dbang la zla ba phyed pa ste/ /nam mkha'i khams ni bsad pa la/ /zhi la khru gang tshad yin te/ /rgyas la de bzhin khru do'o/ /rgyas pa ji lta de bzhin dbang / /gsad la sor mo nyi shu'o/ /zhi la khru phyed gting du'o/ /khru yi tshad kyis rgyas pa la/ /bsad pa la ni lnga gnyis so/ /rgyas pa ji ltar de bzhin dgug /zhi ba'i sbyin sreg tshes gcig la/ /rgyas pa zla ba gang ba la/ /bcu bzhi la ni mngon spyod do/ /brgyad la dbang gi las yin no/ /nya skyogs dang ni shel dag dang / /zhi la mu tig 'bras bu mchog /dung gi bu ni 'tsho ba la/ /nad med pa la mu men no/ /tsan dan dmar po dag dang ni/ /byi ru dmar po'i khyad par dang / /rag sha dang ni lung thang nag /mi yi rus dang de bzhin du/ /nA ga pha NI zhes bya rnams/ /zhi ba la ni brgya phrag gcig /rgyas pa brgyad kyis lhag de bzhin/ /dbang dgug nyi shu rtsa lnga'o/ /mngon spyod drug bcu rtsa bzhi'o/ /rdog po rnams ni sngags kyis bsku/ /brgya phyed sngags kyis bsgrub par bya/ /phreng ba kun la mthar mdud bya/ /de bzhin du ni ri rab gnyis/ /mdzub mo'i steng nas zhi ba la/ /</font><hr>90.174a<br><font size=+1>

gung mo la ni rgyas pa'o/ /dbang dgug dag la ming med las/ /chad pas bcad la mthe chung las/ /zhi la kha dog dkar po dang / /kha dog ser po rgyas pa la/ / dmar po dbang la rtag tu bsgom/ / nag po shin du gsad la 'dod/ / de bzhin gshegs pa thams cad kyi sku gsung thugs gshin rje gshed dmar po'i rgyud las sbyin sreg gi cho ga ste rim par phye ba bcu pa'o// //  rnal 'byor bzhi dang ldan pa'i rnal 'byor pas sna tshogs pa'i bca' ba la sogs pa dang / bza' ba dang myang ba dang btung ba dang bldag pa la sogs pa dang yang dag par ldan pa'i dri dang phreng ba dang byug pa dang phye ma dang gos dang gdugs dang rgyal mtshan dang dril bu dang ba dan la sogs pa rnams kyis rab tu gang ba la rol mo'i sgra chen po lnga bsgom par bya'o/ /mdun du gtor ma bzhi khyogs dang khur dang dpung thegs dang mtha' na zan tsam chu dang bcas pa khyor ba gsum dang ji ltar rnyed pa'i dam tshig gi rdzas dang ldan pa bshams nas de stong par dmigs te brtsams par bya'o/ /nam mkha'i khams su pad ma 'dab ma brgyad pa bsgom par bya ste/ ge sar dang bcas pa'i ze'u 'bru la ya~M yig las rlung gi dkyil 'khor kha dog nag po gzhu'i rnam pa la rtse mo gnyis la g.yo ba'i ba dan dkar po brgyad kyis spras pa'o/ /de'i steng du ra~M yig las me'i dkyil 'khor zur gsum dmar po zur gsum na ra yig gis spras pa'o/ /de'i steng du u yig gnyis yongs su gyur pa las mgo bo dmar po'i sgyed pu gsum gyi steng du AHyig las skyes pa'i pad ma'i snod phyi dkar la nang dmar ba de la chu skyes 'dab ma brgyad pa'i rnam par bsam par bya'o/ /de'i shar la sogs pa'i 'dab ma la o~M A~M` dzrI~M` kha~M hU~M gi yi ge rnams las rnam par snang mdzad la sogs pa'i rang gzugs rnams so/ /de bzhin du me</font><hr>90.174b<br><font size=+1>

la sogs pa'i mtshams rnams la lA~M mA~M pA~M tA~M bA~M gi yi ge rnams las spyan ma la sogs pa'i rang gzugs rnams bsgom par bya'o/ /yi ge bcu po 'di rnams yongs su gyur pa ni go ku da ha na rnams dang / bi ra shu mA mU zhes pa ste/ 'di rnams kyi sa bon gyi yi ges mtshan pa'i dam tshig gi rdzas bcu po de pad ma'i snod du bltas te/ de'i steng du o~M yig kha dog dkar pos bkab pa'i gzugs su bsgom mo/ /o~M yig las skyes pa'i zla ba'i dkyil 'khor de'i steng du hU~M yig dkar po las byung ba'i rdo rje dbyug pa/ de sa bon gyis mtshan pa bltas te/ de yang pad ma'i snod las 'og na sgyed pu la o~M AHhU~M lan gsum bzlas shing brjod par bsgom te sngon ma rgyun ma chad par rlung gi dkyil 'khor rgya chen po dang / /rab tu 'bar ba me'i dkyil 'khor bsgoms te/ rgya chen po 'bar zhing bar ma lus pa'i rang gzugs go gu la sogs pa'i dam tshig gi rdzas bcu zhu ba las rdo rje dbyug pas dkrugs par blta'o/ /de yang rdo rje dbyug pas bdud rtsi zhu ste nyi ma gsar pa'i kha dog gam/ dngul chu'i rnam par bsam par bya'o/ /de la yang o~M AHhU~M gsum gyi yi ge bltas te/ de las yi ge gsum gyi 'od zer gyi tshogs chen po rnam par 'phros te 'jig rten gsum na gnas pa'i bdud rtsi rab tu mang po 'od zer gyis bkug ste/ de la rab tu gzhug par bya'o/ /de rab tu zhugs pas zla ba'i 'od zer tshogs pa shin du lhag pa yongs su gyur pa las kha ba lta bu sbrang rtsi'i tshogs pa'i gzugs kyis mnan par bya'o/ /phyi nas yi ge gsum gyis byin gyis brlab par bya ste/ kha dog dang dri dang ro bcud dang ldan pa ston ka'i zla ba dri ma med pa'i 'od lta bu ye shes kyi bdud rtsi'i sbyor bas gtor mar grub par 'dun pa bya'o/ /gshin rje gshed kyi gzugs 'dzin pa'i sngags kyis khro bo rnams la phyag na zhags pa dang lcags kyu 'dzin cing 'phro bas phyogs skyong</font><hr>90.175a<br><font size=+1>

rnams kyi snying ga nas lcags kyus 'bigs shing mgrin pa la zhags pas bcings te 'gug par bsgom par bya'o/ /de nas o~M hrIHSh+T+rIHwi kr-i tA na na hU~M` hU~M` phaT phaT duSh+Ten dra sa pa ri wA ra mA kar Sha ya dzaHsngags 'dis dbang po mig stong ser skya glang po che dkar po la zhon pa/ lag pa g.yas pa dang g.yon pa rdo rje dang bsdigs mdzub can bkug ste shar du rnam par dgod par bya'o/ /de bzhin du de'i sngags kyis nye ba'i dbang po bya khyung la gnas pa/ rin po che'i cod pan can/ g.yas na dbyug pa dang 'khor lo/ /g.yon na dung dang nor bu 'dzin pa/ de'i g.yon mi ring ba na gnas pa'o/ /yang de bzhin du gshin rje nag po ma he la zhon pa/ dbyug pa 'dzin pa lhor gnas pa'o/ /yang de bzhin du chu bdag kha dog dkar po sbrul la gnas pa/ lag na klu'i zhags pa 'dzin pa/ nub tu rnam par gnas pa'o/ /yang de bzhin du lus ngan po ser po gter la gnas pa/ lag na bI dza pU ra ka dang na ku li bsnams pa/ byang du rnam par gnas pa'o/ /de bzhin du sna ldan dkar po byi ba la gnas pa/ g.yas na bgrang phreng dang dgra sta 'dzin pa/ g.yon na la phug dang la du'o/ /de bzhin du dbang ldan dkar po khyu mchog dkar po la gnas pa/ ral pa 'dzin pa rtse gsum dang thod pa lag na bsnams pa/ lag pa gnyis gau rI la mkhyud pa/ dbang ldan du rnam par gnas pa'o/ /yang de bzhin du me ni dmar por la gnas pa/ lag na bgrang phreng dang spyi blugs bsnams pa/ me'i phyogs su rnam par gnas pa'o/ /yang de bzhin du srin po ni ro la zhon pa/ lag na gri gug dang thod pa/ kha dog sngon po khro zhing gtum pa bden bral gyi phyogs su rnam par gnas pa'o/ /yang de bzhin du rlung lha ni ngu ba'i kha dog ri dgas ser po la gnas pa/ rlung gi ba dan bsnams pa/ rlung gi phyogs su rnam par gnas pa'o/ /yang de bzhin du nyi ma ni</font><hr>90.175b<br><font size=+1>

dmar po/ lag pa gnyis na pad ma 'dzin pa/ rta bdun gyi steng na steng gi phyogs su rnam par gnas pa'o/ /yang de bzhin du zla ba ni dkar po/ /lag pa gnyis na ku mu da bsnams pa/ shing la zhon pa/ steng gi phyogs na rnam par gnas pa'o/ /yang de bzhin du tshangs pa ni ser skya gdong bzhi pa/ spyi blugs dang mi 'jigs pa/ dbyug pa dang bgrang phreng bsnams pa/ ngang pa la zhon pa/ steng gi phyogs na rnam par gnas pa'o/ /yang de bzhin du sa'i lha mo phyag g.yon na bum pa bsnams pa/ g.yas na dam 'cha' dang khas len gyi phyag rgya ste/ 'og gi phyogs su rnam par gnas pa'o/ /yang de bzhin du thags zangs ris sngon po shing rta la gnas pa/ g.yas dang g.yon na ral gri dang bsdigs mdzub 'dzin pa/ de yang de bzhin du rnam par gnas pa'o/ /de rnams khro bo gshin rje gshed kyi gzugs la lag na phur bu 'dzin pas khro bo'i mgrin pa dang snying ga'i sa bon gyi 'od zer gyis bkug ste/ de rnams kyi snying ga dang mgrin pa dang spyi bo dang rkang pa'i mthar thug 'dis phur bus gdab par bya ste/ o~M hrIHSh+T+rIHwi kr-i tA na na hU~M` hU~M` phaT phaT hU~M` saR+ben da di na kI la ya hU~M phaT ces pa ni phur bu bar ma chad par grub pa'i khu ba'i tshogs pa la sogs pas de thams cad kyang gshin rje mthar byed kyi rnam par grub pa'i mthar byang chub sems kyi khu ba'i gzugs rlung gi sa bon gyi rtags kyi go rims kyis grub pa'i mtha' la/ de la hrIHyig gi sa bon las grub pa ni dbang po'o/ /Sh+T+rIHyig gi sa bon las grub pa ni gshin rje'o/ /bi yig gi sa bon las grub pa ni chu bdag go /kr-i yig gi sa bon las grub pa ni lus ngan no/ /tA yig gi sa bon las grub pa ni dbang ldan no/ /a yig gi sa bon las grub pa ni me'o/ /na yig gi sa bon las grub pa ni bden bral lo/ /na yig gi sa bon las grub pa ni rlung ngo / /hU~M yig gi sa bon las</font><hr>90.176a<br><font size=+1>

grub pa ni zla ba'o/ /hU~M yig gi sa bon las grub pa ni nyi ma'o/ /phaT yig gi sa bon las grub pa ni tshangs pa'o/ /phaT yig gi sa bon las grub pa ni nor rgyun ma'o/ /swA yig gi sa bon las grub pa ni thags zangs ris so/ /hA yig gi sa bon las grub pa ni 'byung po thams cad do zhes te/ de bzhin du grub par bsam par bya'o/ /de rnams kyi mig la sogs pa rnams la ji ltar gnas pa/ yang mig la sogs pa rdzogs pa'i sku la sogs pa rnams la yang sku rdo rje la sogs pa ji ltar mngon par dbang bskur ba bzhin du gshin rje mthar byed kyis dbu brgyan pa nyid do/ /yang mchod yon la sogs pa'i bsang gtor dang / zhal bsil la sogs pa dbul bar bya'o/ /phyi nas gtor ma nye bar dbul ba ni bdud rtsi sgrub pa'i go rim sngon du rdzogs pa la de nyid gsum gyis mngon par bsngags te yang de rnams kyi ljags rab tu sbyor bar bsgom par bya'o/ /sngags 'dis bdud rtsi dbul bar bya ste/ o~M rak+ta mu ku TA ya/ rak+ta dza TA ya/ rak+ta mu khA ya/ rak+ta sha rI rA ya/ rak+ta b+hu dzA ya/ rak+ta muN Da mA lA b+ha ra NA ya/ rak+ta ra tha sa mA rU D+hA ya/ rak+ta pad ma sa nA ya/ rak+ta b+ha ra Na b+gU Sha NA ya/ i da~M ba liM gr-ih+Na gr-ih+Na/ ma ma big+h+Na~M ha ra ha ra/ tsa tur mA rAn+ni bA ra ya/ ni bA ra ya/ trA sha ya trA sha ya/ b+h+rA ma ya b+h+rA ma ya/ ts+tshin+da ts+tshin+da/ b+hin+d+ha b+hin+d+ha/ nA sha ya nA sha ya/ sho Sha ya sho Sha ya/ ts+tshe da ts+tshe da/ b+he da b+he da/ hU~M hU~M phaT phaT swA hA/ phyi nas so so'i cha yis spyad par bya/ /o~M in+d+rA ya na maHhrIHya mA ya na maHSh+TIH/ ba ru NA ya na maHbi/ ku be rA ya na maH kri/ I sha rA ya na maHtA/ ag+na ye na maH A/ nai r-i h+yA ya na maHna/ bA ya be na maHna/ tsan+d+rA ya na maHhU~M/ ar+k+kA ya na maHhU~M/ brah+me Ne na maHphaT/ ba su~M d+ha rA na maHphaT/ be ma tsi tri Ne na maHswA/ sar+b+ba b+hU te b+h+ya na maHhA/ hi hi hi hU~M hU~M hU~M`/ /phe~M` phe~M` phe~M`/ phyi nas me tog dang spos dang mar me dang zhal zas la sogs pa</font><hr>90.176b<br><font size=+1>

yang dbul bar bya'o/ /de rnams kyang sgrub pa po'i mngon par rab tu dad pas ro bcud thams cad myong zhing longs spyod par 'gyur ro/ /rdo rje gsor zhing dril bu dal gyis 'khrol bas gnas de la bstod par bya'o/ /gti mug dga' ma la sogs pa rnams la phyi nas mngon par 'dod pa zhus te mchod pa'i mthar bzhad pa sngags rnam pa brgyad brjod par bya ste/ de la sngags 'dis gshegs su gsol lo/ /hA hA he hai ho hau hU~M` hU~M`/ bi saradz+dza ye ta/ o~M AHmu zhes pas kyang ngo / /phyi nas sgrub pa po'i mngon par 'dod pas/ sems can kun gyi don mdzad phyir/ /ji ltar rjes 'jug dngos grub stsol/ /sangs rgyas yul du gshegs nas kyang / /slar yang 'dir ni byon par zhu/ /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las gtor ma'i rim par phye ba ste bcu gcig pa'o// // de nas bcom ldan 'das de bzhin gshegs pa thams cad kyis bcom ldan 'das rdo rje sems dpa' chen po la bstod pa mdzad de/ gti mug rdo rje'i rang bzhin khyod/ /gshin rje gshed po shin du 'jigs/ /ston pa sangs rgyas kun rang bzhin/ /rdo rje'i sku la phyag 'tshal bstod/ phra ma rdo rje'i rang bzhin khyod/ /gshin rje gshed po shin du 'jigs/ /rdo rje'i thugs dang rab mtshungs pa/ /rin chen rdo rje phyag 'tshal bstod/ /'dod chags rdo rje'i rang bzhin khyod/ /'dod chags chos kyi 'byung gnas gtso/ /rdo rje'i gsung la phyag 'tshal bstod/ /phrag dog rdo rje'i rang bzhin khyod/ /gshin rje gshed po las kun pa/ /rdo rje'i sku dang rab mtshungs pa/ /phyag na ral gri phyag 'tshal bstod/ /sangs rgyas kun gyi rang bzhin khyod/ /sangs rgyas thams cad gcig bsdus pa/ /sangs rgyas kun gyi rab mchog gtso/ /dkyil 'khor dbang phyug phyag 'tshal bstod/ /</font><hr>90.177a<br><font size=+1>

rdo rje'i mig dang rdo rje'i rna ba dang rdo rje'i sna dang rdo rje'i lce dang rdo rje'i lus dang rdo rje'i yid ces bcom ldan 'das kyis gsungs pa ni mig la sogs pa byin gyis brlab pa'i dam tshig go /de nas gshin rje gshed 'jigs kyi/ /dkyil 'khor bdag gis rab bshad bya/ /gshin rje gshed po dang mtshungs pa/ /don rnams thams cad sgrub byed pa/ /srad bu gsar pa legs bsgrims shing / /mdzes shing tshad dang yang dag ldan/ /gshin rje gshed kyi dkyil 'khor la/ /shes rab can gyis thig gdab bo/ /mtshan nyid thams cad yongs rdzogs pa/ /don med thams cad rnam par 'jig /zhi ba la sogs rab sgrub pa'i/ /maN Tal dkyil 'khor rnam pa la/ /las kyi rdo rje bri bya ste/ /de la rtse lnga mtha' dag la/ /de yi dbus su rdo rje bri/ /rdo rje 'bar bas kun du 'khrigs/ /shar gyi rtsibs la 'khor lo bri/ /'khor lo'i 'od zer kun du 'khrigs/ /lho ru rin chen bri bya ste/ /'od zer phreng bas kun du khyab/ /nub tu pad ma bri bya ste/ /pad ma rA ga'i 'od zer mdzes/ /byang du ral gri bri bya ste/ /sprin gyi kha dog 'od zer mtshungs/ /shar gyi mtshams su 'khor lo bri/ /lho ru rdo rje bri bar bya/ /nub tu pad ma bri bya ste/ /pad ma gdong bcas rgyas pa'i zhal/ /byang du ral gri bri bya ste/ /'od zer lnga dang mtshungs par ldan/ /shar gyi sgo ru tho ba ste/ /rdo rje dbyug pa lho ru'o/ /nub kyi sgo ru chu skyes te/ /rdo rje ral gri byang du'o/ /dkyil 'khor rdzogs par shes byas la/ /khyad par can gyis mchod bya ba/ /'dod pa'i yon tan lnga rnams kyis/ /the tshom med pas sangs rgyas mchod/ /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las dkyil 'khor chen po'i rim par phye ba ste bcu gnyis pa'o// // de nas bcom ldan 'das de</font><hr>90.177b<br><font size=+1>

bzhin gshegs pa thams cad kyis bcom ldan 'das de bzhin gshegs pa thams cad kyi bdag po rdo rje 'chang chen po la bstod pa'i rgyal po 'dis gsol ba gdab bo/ /phyag rgya gsungs pas rab sbyor ba/ /gang gis rdo rje rnams la bstod/ /phyag rgya rdo rje phyag rgya yis/ /dngos grub mang po sgrub par mdzod/ /de nas rgyal po rdo rje 'chang / /tshig 'di dag ni gsung bar mdzad/ /dkyil 'khor pa rnams thams cad kyi/ /spyi bor gshin rje gshed po bsgom/ /rtag tu dkyil 'khor zlum byas la/ /rtag tu sbyin sreg mchod pa dang / /rtag tu dam tshig bsgrub bya zhing / /de yi sdom pa gzung bar bya/ /dang po cod pan dbang bskur te/ /gnyis pa ral gri sbyin par bya/ /gsum pa rdo rje dril bu ste/ /bzhi pa zla ba'i bza' ba'o/ /dbang bskur chen po bzhi pa ni/ /ra ka ta yi zhal nas 'byung / /dbang bskur 'di yi mthu yis ni/ /byang chub rgyal ba'i ro bcud 'thob/ /de nas bdag gis sngags bshad pas/ /'byung po kun la gtor ma bya/ /sngags chen po ni brjod pa yis/ /'byung po thams cad rab tu 'bar/ /sngags kyi sa bon hrIHSh+T+rIHsogs/ /mthar ni swA hA nges par sbyar/ /bi Ta ma tra chu bsres kyis/ /maN Dal zur gsum byas nas ni/ /lha rnams mnyes bya rnal 'byor pas/ /hA hA zhes sgrogs slar dran bya/ /'khor lo rim gsum bya ba ni/ /brgyad dang bcu gnyis bcu drug dang / /mkhas pas cho ga bzhin du bri/ /sngags ni kun du dgod par bya/ /brtul zhugs can gyis bcu gnyis par/ /grub pa'i sngags rnams dgod par bya/ /khams gsum g.yo dang mi g.yo ba/ /ma lus lus pa med pa 'grub/ /ya ma rA dzA sa do me ya/ ya me do ru Na yo da ya/ ya da yo ni ra ya k+Shi ya/ ya k+She yats+tsha ni rA ma ya/ ya dbus k+She ni shar du ste/ /ma yig 'jam pa'i rdo rje lhor/ /me yig nub tu bri bar bya/ /byang du da ni dkar po ste/ /bsgrub bya'i ming ni gzung byas nas/ /</font><hr>90.178a<br><font size=+1>

stong pa'i mtshams la dgod par bya/ /hU~M gnyis dag gis brten par bya/ /dgos pa thams cad sgrub par byed/ /yats+tsha nir/ dzA sa do ru/ Na yo ni ra zhes pas kyang ni phyi rol du/ /g.yon nas brtsams zhing yang dag bri/ /don kun rab tu bsgrub pa'i phyir/ /re'u mig gsum pa'i mdun nas ni/ /re'u mig cha re spangs par ni/ /shar nas brtsams te bri bar bya/ /hrIHSh+T+rIHzhes pa'i sngags rnams kyis/ /re'u mig brgyad kyi bar bar du/ /re'u mig rnams la yang dag bri/ /che ge mo ku ru mA ra ya/ ud ts+tsa tra ya/ ba sha~M ku ru/ bi dwe Sha ya shA~MtiM ku ru/ puSh+TiM ku ru/ zhes pa la sogs pa ni las kyi rjes su 'brangs te/ o~M ni dang por na maHmthar/ /mthar ni ba sha~M bau Sha Ta/ hU~M phaT yi ge dang ldan pas/ /zhi rgyas dbang du byed pa'o/ /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las dbang bskur ba dang 'khrul 'khor gyi snang ba zhes bya ba'i rim par phye ba ste bcu gsum pa'o// //bcom ldan 'das kyis brtse bar mdzad/ /gshin rje gshed chen yang dag gzugs/ /zhe sdang gis mnan 'gro la gzigs/ /zhe sdang thams cad zad par mdzad/ /bcom ldan 'das kyis brtse bar mdzad/ /gti mug gshin rje gshed mchog gzugs/ /gti mug gis mnan 'gro la gzigs/ /gti mug thams cad zad par mdzad/ /bcom ldan 'das kyis brtse bar mdzad/ /phra ma gshin rje gshed mchog gzugs/ /phra mas mnan pa'i 'gro la gzigs/ /phra ma thams cad zad par mdzad/ /bcom ldan 'das kyis brtse bar mdzad/ /'dod chags gshin rje gshed mchog gzugs/ /'dod chags kyis mnan 'gro la gzigs/ /'dod chags thams cad zad par mdzad/ /bcom ldan 'das kyis brtse bar mdzad/ /phrag dog gshin rje gshed mchog gzugs/ /phrag dog gis mnan 'gro la gzigs/ /phrag dog thams cad zad par mdzad/ /byams pa tsar tsi kAr gsungs te/ /phag mo de bzhin snying</font><hr>90.178b<br><font size=+1>

rje'o/ /dbyangs can dga' bar shes bya ste/ /btang snyoms gau rI'i gzugs su'o/ /bdag nyid dngos po thams cad kyis/ /slar yang dkyil 'khor yongs rdzogs pa/ /rnal 'byor snying ga'i sa bon spro/ /'grub 'gyur 'di la the tshom med/ /de nas spyod pa'i mtshan nyid mchog /bdag gis yang dag bshad par bya/ /gshin rje gshed po'i 'jigs gzugs kyi/ /sku dang gsung dang thugs rnams dag /dgon pa chen po'i phyogs rnams la/ /ma he mchog la zhon byas te/ /sbrul gyi rgyan gyis rnam par brgyan/ /lcags kyi rdo rje bsgom par bya/ /skra ni dmar ser gyen du 'khyil/ /khyad du 'phags pa'i gzugs can bya/ /mgo la thod pas yang dag bskor/ /sma ra dmar ser brdzes pa ste/ /hrIH Sh+T+rIHla sogs sngags rnams brjod/ /rdo rje dbyug pa yang dag gsor/ /gshin rje gshed kyi rnal 'byor pas/ /seng ge'i sgra ni bsgrags par bya/ /cung zad mthu ni thob pa yis/ /grong khyer zhugs te rol par bya/ /rab mdzes gar ni bya ba dang / /drug 'gyur la sogs glu blang ngo / /srang du rgyal mtshan de blta zhing / /de la 'o ma rab tu bsgrub/ /'o ma la 'dris rtse gcig sems/ /phyag rgya chen po rab bsgrub bya/ /phrag mo'i gzugs su bsgom byas la/ /'dod pa'i mtha' la btsun mo kun/ /seng ge bzhin du 'jigs med pas/ /'dod don kun 'grub rnal 'byor pa'i/ /de nas phyag rgya rab bsgrub pa/ /bdag gis yang dag rab bshad bya/ /yi ge gcig gi sngags chen te/ /de yi bzlas pa nges par bshad/ /Sh+T+rIHyig sa bon las byung ba'i/ /ma he'i gdong pa rnam par bsgom/ /rdo rje'i dkyil 'khor la gnas pa/ /ma he'i steng du bsgom par bya/ /gang zhig sa la gnas pa yi/ /sna tshogs mtshon cha'i rang gzugs rnams/ /blo dang ldan pas lag na bsgom/ /ma he'i gdong can sgrub pa'o/ /de nas rdo rje dbyug pa yi/ /sgrub thabs bdag gis rab bshad bya/ /yi ge hrIHni gsang sngags che/ /ma he chen po la zhon pa/ /'bum phrag gnyis ni rdzogs pa'i phyag /thal ba'i rdul gyis lus</font><hr>90.179a<br><font size=+1>

la byugs/ /ri rab bzhin du mtho ba la/ /ro ldan 'og du yang dag gnon/ /de nas phyag ni bye ba yi/ /sgrub thabs bdag gis rab bshad bya/ /wi kr-i tA nan gsang sngags che/ /hU~M yig las byung gtso bo ste/ /o~M wi kr-i tA na na ha~M hA hi hoHhU~M` hU~M he heHhoHhaHswA hA/ dgos pa thams cad rab sgrub pa'i/ /dam tshig sgrub pa 'dir bshad do/ /sngags kyis dub la kha zas bza'/ /kha na ma tho med rnyed blang / /sha chen de bzhin rta dang ni/ /de bzhin glang chen khyad par can/ /ba glang gzugs dang khyi dang ni/ /bong bu rnga mo lce spyang ngo / /rams dang bsres shing btso byas nas/ /zhag chen lus la mngon par byug /'di yis lus la byugs tsam gyis/ /'gro ba mtha' dag dbang du byed/ /rnam snang sin du bA rany+tsa/ /de bzhin bil ba'i lo ma dang / /so phag phye ma lhan cig tu/ /gser shing lo ma'i khu ba'i rnams/ /'di yi lus la dril phyis bya/ /rdo rje chen po'i bdud rtsi bzhin/ /rang 'byung me tog btung ba bzhin/ /'di ni rnal 'byor rab mchog go /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las spyod pa'i dam tshig sgrub pa'i rim par phye ba ste bcu bzhi pa'o// // de nas bcom ldan 'das skyes bu chen po'i dam tshig tsar tsi kA'i rnam pa'i ting nge 'dzin la snyoms par zhugs pa dang / rdo rje phag mo'i rnam pa'i ting nge 'dzin la snyoms par zhugs pa dang / dbyangs can ma'i rnam pa'i ting nge 'dzin la snyoms par zhugs pa dang / gau rI ma'i rnam pa'i ting nge 'dzin la snyoms par zhugs pa las mchod pa'i glu 'dis gsol ba gdab bo/ /e ma gshin rje gshed dmar po/ /bla ma srin po'i rang bzhin te/ /bdag ni khyod mthong bas 'jigs pas/ /bla ma khro bo'i rang bzhin spangs/ /mtho ris sa steng sa 'og rnams/ /khyod kyi gar gyis g.yo bar byed/ /khrag gi mig sman khro ba'i sems/ /gar mdzad khyod ni ro langs gzugs/ /dmar zhing thung</font><hr>90.179b<br><font size=+1>

ba'i tshad ldan pa/ /rnam pa mang po'i sprul gzugs byed/ /rdo rje dbyangs can ma yis zhus/ /khyod kyi gar mdzad bde ba che/ /khyod kyi hrIHSh+T+rIH'i sngags kyi gar/ /sa gsum po yi 'khrul ba sol/ /brtse bas khro ba'i rje btsun khyod/ /'gro la blta zhing gar mdzad do/ /de nas bzlas pa'i mtshan nyid mchog /bdag gis yang dag rab bshad bya/ /gang gis bzlas pa rab sbyor bas/ /mang po yis ni dngos grub 'thob/ /myur ba ma yin bul ba min/ /ring po ma yin thung ba min/ /cung zad sngags ni thos par ro/ /gshin rje gshed kyi slob dpon mchog /mi dang ma he gnyis 'thung dang / /ba glang gzugs dang rta dang ni/ /bong bu rnga mo'i rus bzung nas/ /bzlas pa'i phreng bas rab bsgrub bya/ /zla ba zla ba'i bcu bzhi la/ /bdud rtsi lnga dang ldan pa yi/ /sha lnga yis ni byug par bya/ /bzlas pa yis ni dngos grub mchog /so so'i rkang pa'i ri lu la/ /gshin rje gshed sgom rnal 'byor pas/ /mkhas pas yang na mi mgo ni/ /khrag 'dzag rlon pa bsgom par bya/ /khri yi sngags kyis 'byung po rnams/ /mkha' 'gro ma rnams stong gis te/ /gshin rje gshed po rab sbyor bas/ /yi dgas rnams ni gzhom zhing bsad/ /rnal 'byor bdag nyid 'bum bzlas na/ /las kun de yis byed par 'gyur/ /bye ba bzlas na dngos grub ste/ /bye ba lnga yis smos ci dgos/ /nyi ma so so'am yang na zla/ /yang na lo ni so so la/ /mkhas pas dbyug gu drug bcu bzhi'i/ /gtor ma drug cu rtsa bzhi sbyin/ /'ga' zhig rtag tu bza' ba dang / /'ga' zhig de bzhin btung ba dang / /gzhan yang bza' ba thams cad kyi/ /dang po gshin rje gshed la dbul/ /de nas bla mar yon gyi mchog /dbul bar bya ba dag bshad bya/ /bdag nyid zhi ba'i phyir dang ni/ /de bzhin las kun sgrub pa'i phyir/ /bdag gi lus dbul nges par 'dud/ /rta dang ba glang glang po dang / /gser dang nor dang ma ma dang / /rang gi chung ma de bzhin bu/ /ma dang sring mo tsha mo dang / /</font><hr>90.180a<br><font size=+1>

gos ni rnam pa sna tshogs dang / /gdugs dang mdzes pa'i rnga yab dang / /khyim dang khri dang dri bzangs dang / /glu dang de bzhin rol mo dang / /ral gri rgyan rnams de bzhin du/ /brtul zhugs can gyis bla mar dbul/ /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las thabs thams cad sgrub pa'i rim par phye ba ste bcwa lnga pa'o// // de nas sems can thams cad kyi bdud dang 'dod chags la sogs pa'i nyon mongs pa gcod cing gzhom pa'i don gyi phyir sku mdog dmar po'o/ /spyan gsum ni 'das pa dang ma 'ongs pa dang da ltar gyi dus gsum mo/ /phyag gnyis ni dngos po dang dngos po med pa'i rnam par rtog pa rnams 'joms pa'o/ /shes rab ma la 'khyud pa ni stong pa nyid dang snying rje tha mi dad par sbyor ba'o/ /klu brgyad ni rnam par shes pa brgyad du gsungs so/ /mgo bo'i brgya phyed phreng ba ni yi ge lnga bcu sbyor ba'o/ /g.yon na thod pa ni ye shes lnga'i bdud rtsi'i bcud kyis yongs su gang zhing stong pa nyid kyi rang bzhin no/ /g.yas na dbyug pa ni phung po dang nyon mongs pa dang lha'i bu dang 'chi ba'i bdud rnams 'joms shing snying rje'i rang bzhin no/ /zhabs g.yon brkyang ba ni khams gsum du bshad do/ /lha mo'i phyag g.yon na thod pa bdud bzhi'i khrag dpag tu med pa dngul chu dang bcud len dang ro bcud do/ /g.yas na dngos po dang dngos po med pa'i rnam par rtog pa gcod pa'i gri gug go /khro bo'i gzugs phyal rgyas pa ni gdug pa can rnams 'dul ba'o/ /skra dmar ser gyen du brdzes pa ni sprul pa dpag tu med pa'i phyir ro/ /gru bzhi ni sdug bsngal dang kun 'byung dang 'gog pa dang lam gyi bden par bshad do/ /sgo bzhi ni bdud bzhi skrag par byed pa'o/ /zur bzhi ni tshangs pa'i gnas bzhi rab tu rdzogs pa'i phyir ro/ /ka ba brgyad ni sgyu ma'i dpe brgyad kyi phyir te/ sprul pa'i grong khyer dang sgra brnyan dang sgyu ma dang sprin dang ri dgas sred dang me long dang gzugs brnyan dang chu zla'o/ /nam mkha' ni dngos po</font><hr>90.180b<br><font size=+1>

dang dngos po med pa'i nyon mongs pa 'joms pa'i phyir ro/ /yang dag par spong ba ni dra ba dra phyed do/ /rta babs bzhi ni sbyin pa dang snyan par smra ba dang don spyod pa dang don 'thun pa bzhi'i rnam par dag pa'o/ /de nas rdo rje mkha' 'gro ma'i/ /sgrub thabs bdag gis rab bshad bya/ /nam mkha'i khams kyi dbus song nas/ /nyi ma'i dkyil 'khor mchog bsams te/ /rtse lnga pa ni rnam par bsgom/ /de yi steng du pad ma dgod/ /'di mdog nag la 'jigs chen mo/ /phyag drug mdzes pa'i gzugs ldan ma/ /phyag na rdo rje rnam par bsgom/ /lhag ma'i phyag tu gzhan dgod do/ /shar du sangs rgyas mkha' 'gro ma/ /phyag drug gti mug dang mtshungs pa/ /phyag na 'khor lo 'jigs chen mo/ /rnal 'byor dkyil 'khor la bsgom bya/ /lho ru rin chen mkha' 'gro ma/ /phra ma dang mtshungs phyag drug ma/ /phyag na rin chen 'jigs chen mo/ /nyi ma'i dkyil 'khor la bsgom bya/ /nub tu chos kyi mkha' 'gro ma/ /phyag drug pad ma 'dzin pa mo/ /byang na las kyi mkha' 'gro ma/ /snying po'i dkyil 'khor ral gri ma/ /me la sogs pa'i mtshams bzhi la/ /brtul zhugs can gyis lha mo bsgom/ /dri ma de bzhin gar ma dang / /glu ma sgeg mo khyad par can/ /de nas sgo skyong bsgom par bya/ /cho ga bzhin du las rnams blta/ /tho ba dbyug pa pad ral gri/ /o~M bud+d+ha DA ki nI/ o~M badzra DA ki nI/ o~M d+har+m+mA DA ki nI/ o~M rat+na DA ki nI/ lA~M mA~M nA~M gA~M mtshams su'o/ /o~M mung ga ra dzaHo~M daN Da hU~M/ o~M pad ma ba~M/ o~M kha Da ga ho/ zhes pa ni bcom ldan 'das rdo rje can gyis rdo rje mkha' 'gro ma'i sgrub thabs gsungs pa'o/ /ring por nas thos pa bsgrub pa'i phyir rdo rje mkha' 'gro ma bsgom par bya'o/ /de'i sngags kyi tshig rnams ni 'di yin te/ o~M A kA sha tsa ra badzra DA ki nI swA hA/ de nas gzhan yang rdo rje sa 'og gi/ /sgrub thabs bdag gis rab bshad bya/ /sa 'og bu ga bsgrub pa'i phyir/ /gnod mdzes rdo rje bsgom par bya/ /phyag drug kha dog sngon po la/ /</font><hr>90.181a<br><font size=+1>

phyag na gtun shing 'dzin par byed/ /snying po'i dkyil 'khor dbus su ni/ /'di ni rab tu spyod par byed/ /shar la spyan ma dgod bya ste/ /lho ru de bzhin mA ma kI/ /nub tu lha mo gos dkar mo/ /byang du sgrol ma dgod par bya/ /me tog spos dang mar me dang / /dri rnams me sogs rnams la dgod/ /sgo la tho ba la sogs te/ /sbrul gyi rgyan gyis ske rags byas/ /de bzhin 'khor lo bsgom bya zhing / /cho ga blta bas las rnams so/ /rdo rje sa 'og sbyor ldan pas/ /rmi lam du ni bu ga shes/ /de nas rgyal po bdun gyi ni/ /dkyil 'khor bdag gis rab bshad bya/ /mkha' spyod rab tu bsgrub bya'i phyir/ /rta mchog rab tu bsgrub par bya/ /zhal gcig pa dang phyag gnyis pa/ /sku mdog sngon po 'jigs par byed/ /nyi ma'i steng du gnas pa ste/ /shin du 'jigs byed rta yi gdong / /g.yas na snan gre'i khu tshur te/ /phyag drug g.yon na thod pa'o/ /o~M phu phu hI hI/ /shes rab can gyis sngags 'di bzla/ /rta mchog rab tu bsgrub pa'i phyir/ /shar la btaba'i bsgom bya/ /lho phyogs su ni myur 'gro ma/ /nub tu bdun pa'i rgyal mo ste/ /rta mchog ma ni byang du dgod/ /bdag po'i zhal dang phyag bzhin du/ /thams cad de bzhin mtshungs par bsgom/ /sngags 'dis thams cad mtshungs pa dang / /spro ba ru ni rab tu grags/ /gling bu pi wang rnga zlum dang / /rnga bran rnams kyang zur la dgod/ /ba glang sna dang glang chen sna/ /de bzhin bzhin bzang bzhin ngan ma/ /gtun shing dang ni sta re dang / /lcags kyu dang ni zhags pa'o/ /gar la sogs pa'i rnal 'byor gyis/ /sgo bzhi la ni rtag tu bsgom/ /nas ljang snye ma dang bcas bsam/ /rang gi rtags rnams de bzhin g.yas/ /ji ltar rta mchog gi ni sngags/ /rdo rje sa 'og gi yang ngo / /rta mchog bsgom pa'i sbyor ba las/ /khams gsum mkha' la rgyu bar byed/ /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las dngos grub nges pa'i rim par phye ba ste bcu drug pa'o// //</font><hr>90.181b<br><font size=+1>

 de la 'dir thig gdab pa'i/ /dam tshig mchog ni/ a kA ro mu kha~M sarba d+har+m+mA NA~M` mAd+yA nuta pan na twAta/ dpal ldan gshin rje mthar byed gzugs/ /slob ma rnam par snang mdzad bya/ /ye shes thig mchog rtse dag gzung / /mnyam gzhag nas ni legs par gdab/ /de la 'di ni dkyil 'khor chen por rab tu 'jug pa'i dam tshig go /o~M AHhUM/ dkyil 'khor nyis 'gyur ring ba la/ /sgo yi nyi shu cha yis sbom/ /ba yi rnam lngas legs par byug /skud pa gnyis su med par brtag /de la 'di ni rdo rje chen por rab tu 'jug pa'i dam tshig ste/ kye ma sangs rgyas slob dpon che/ /kye ma chos dang tshogs kyi gtso/ /dam tshig de nyid bdag la stsol/ /byang chub sems kyang bdag la byin/ /de la 'di ni sa chen po yongs su gzung ba'i dam tshig go /rdo rje sa yi lha mo spyan drangs la/ /skyob pa sangs rgyas thams cad kyi/ /spyod pa'i tshul dang khyad par dang / /sa dang pha rol phyin pa la/ /lha mo khyod ni dpang du gyur/ /sgo ni dkyil 'khor brgyad cha ru/ /bdag nyid chen pos shes bya ste/ /khams chen po ni ma gtogs pa'i/ /tshad ldan shin tu mdzes pa'o/ /sgo dang sgo khyud des shes bya/ /de yi phyed kyis snam bu ste/ /glu ma rnga ma gar ma sogs/ /rdo rje'i lha mo yang dag ldan/ /de yi phyed kyis rdul tshon sa/ /sgo yi phyed kyis 'gram dang logs/ /'dir yang dra ba dra phyed dang / /nyi ma zla ba me tog phreng / /lha yi snam bu dang po'i tshad/ /de bzhin phyi yi dkyil 'khor ro/ /de la snying po chen po 'di/ /bdag gis 'khor lo nam mkhar dgod/ /rang gi phyag rgya'ang de ru brten/ /dam tshig ye shes gzhug byas nas/ /dkyil 'khor rab tu bsgrub par bya/ /shar du dkar po chen po ste/ /lho ru ser po dang ldan pa/ /dmar po nub kyi cha la ste/ /byang du ma ra ka ta ldan/ /in+d+ra nI la'i 'od mtshungs pa/ /dbus kyi sa gzhir yang dag bri/ /las kyi cho ga mthong ba yis/ /de yi phyag rgya dgod par bya/ /dbus su rdo rje yang dag bri/ /shar la 'khor lo legs par bri/ /de lta bu la sogs</font><hr>90.182a<br><font size=+1>

par blta/ /phyag rgya rtag tu nam mkha' mtshungs/ /de la blugs gzar dgang gzar tshad/ /'di yi tshad kyis yu ba bya/ /khru gang tshad dang ldan pa la/ /de yi rtse mor dkyil 'khor bya/ /sor mo bzhi yi tshad ldan la/ /gting du sor gnyis zab pa la/ /de la sor phyed bcud khung du/ /blugs gzar pad ma'i rnam pa bzhin/ /mthe bo'i lto gang tshad la ni/ /gting du sor mo'i tshad ldan no/ /rgyud 'di la ni rab tu bsngags/ /dkyil 'khor du ni ma zhugs shing / /mtshams med lnga ni byas pa dang / /gang gis srog chags gsod pa dang / /nya dang sha sogs za ba dang / /chang dang 'dod ma la chags dang / /chad lta'i brtul zhugs 'dzin pa dang / /mngon par dbang ni ma bskur dang / /bya ba ma yin byed spro dang / /grong khyer dbyen byed bas kyang ni/ /dmar po'i gsung ni ji lta bar/ /gshin rje gshed rgyud mchog la gzhol/ /'grub 'gyur 'di la the tshom med/ /de nas byams pa la sogs pa'i rdo rje'i byang chub sems dpa' kun gyis rdo rje chen po'i sngon med pa'i gsung thos pas cang mi smra bar gyur to/ /de la 'di ni rdo rje dbab pa'i dam tshig ste/ de yang 'byung ba'i sa bon che/ /'khor lo bzhi po rab bsgrub bya/ /gnas bzhir rab tu sbyong ba yis/ /nam mkha' yang ni g.yo bar byed/ /rkang pa dag gi 'og tu ya~M/ /lte bar ra~M ste snying gar la~M/ /mgo bo la ni ba~M yig go /gzhu yi rnam pa nag po che/ /gtum po'i rlung ni 'jigs byed pa/ /bsreg byed zur gsum me bzhin 'bar/ /nyi ma dmar po'i 'od dang mtshungs/ /rdo rje'i sa gzhi'i rim pa ni/ /ser po chen po gru bzhi pa/ /ri rab ri yis mnan pa yi/ /nor 'dzin de ni bsgom par bya/ /dkar po zlum po bum pa bzhin/ /sprin bzhin du ni char pa 'dzin/ /stong gis rab tu gang ba yi/ /gangs kyi ri bo lta bur bsil/ /gnas bzhi rab tu sbyor ba yis/ /slob ma rdo rje can la bsgom/ /rdo rje snang ba mtha' yas sbyor/ /myur ba nyid du 'bebs par byed/ /de la 'di ni dri ba'i dam tshig go /rdo rje chos ni mgon chen po/ /snang ba mtha' yas</font><hr>90.182b<br><font size=+1>

bde ba che/ /gsungs shig 'dod chags chos chen po/ /dge dang mi dge legs par 'dri/ /khru gang nas ni gzung nas ni/ /ji srid khru ni stong gi bar/ /slob ma chen po 'phar bar 'gyur/ /'di ni dbab pa'i dam tshig go /ri mo bri ba'i mtshan nyid rnams/ /bdag gis yang dag bshad par bya/ /sa ni snum pa blangs byas la/ /brtul zhugs can gyis mnan par bya/ /sran gre de bzhin 'o ma sha / bu ram bse yab la sogs pa/ /til dang nim pa'i lo ma dang / /de bzhin nA TI'i sa bon no/ /dang po dkar po bri bar bya/ /de la kha dog gzhan gyis bri/ /thod lo kor dang btsag dag la/ /chu yis sbyar bas rgya skyegs bzhin/ /yung ba dang ni rams dag las/ /de bzhin kha dog ljang gur 'gyur/ /sngon po rtag tu rams kyis so/ /de bzhin me drag nag po ste/ /skya bo de bzhin bab bla yis/ /de bzhin dmar po mtshal gyis so/ /ka ped khu ba de la sbyin/ /chung ngus ma yin lhag de bzhin/ /lhag pas nag po dman pa yis/ /skya bo ru ni 'gro bar byed/ /khro dang zhi ba rnam gnyis kyi/ /gzugs kyi mtshan nyid bshad par bya/ /zhi ba sgeg por gsungs pa ste/ /khro bo sbom la thung bar thos/ /sor mo bzhi yi tshad kyis ni/ /dpral ba de bzhin kha la'o/ /mgrin pa de bzhin 'gram pa dang / /gsang gnas la ni sor bzhi'i tshad/ /sor mo nyi shu bzhi yis lag /sor mo nyi shu bar lhu'o/ /lag pa rkang pa de bzhin gdong / /mig la mthe bo'i tshad yin te/ /rna ba la ni sor gnyis gsungs/ /sgong nga'i sbubs la de bzhin bzhi/ /mchu gnyis dag la sor gnyis so/ /lte ba'i zabs su sor mo ste/ /mgrin pa ma gtogs lus la ni/ /gdong gi sum 'gyur dag tu 'dod/ /ral pa rnams ni gdong gi tshad/ /rin chen dbu rgyan sor mo drug /de nas 'phags ma sor mo yi/ /sgrub thabs bdag gis rab bshad bya/ /gang gis bsgom pa tsam gyis ni/ /chu yi steng du 'chags par byed/ /ser mo zhal gsum phyag drug pa/ /phu yig sa bon las byung ba/ /</font><hr>90.183a<br><font size=+1>

phyag na sbrul dang gzugs chen mo/ /rma bya la ni zhon par dgyes/ /shar la rma bya ma dgod do/ /lho ru de bzhin khro gnyer can/ /nub tu ri khrod lo ma can/ /byang du rdo rje lcags sgrog ma/ /rma bya'i sgro dang spyi blugs dang / /yal ga de bzhin lcags sgrog ste/ /de rnams rnam par bsgom par bya/ /ser po dmar po ljang khu dang / /kha dog sngon po'i dbye ba nyid/ /shes rab can gyis de bzhin bsgom/ /de bzhin du ni sngags 'di bzlas/ /o~M phu dzaHra/ tho ba la sogs sgo la dgod/ /me tog la sogs mtshams su'o/ /Ar+ya dza~M gu li'i sbyor ldan pas/ /chu yi steng du rtag tu 'gro/ /de nas ku ru kul+le yi/ /sgrub thabs bdag gis rab bshad bya/ /gang gis bsgoms pa tsam gyis ni/ /klu yi bu mo 'gugs par byed/ /kha dog dmar po zhal bzhi pa/ /phyag brgyad dang ni yang dag ldan/ /hrIHyig sa bon las byung ba/ /klu rnams 'gugs par byed pa'o/ /mtha' yas la sogs klu rig brgyad/ /phyag brgyad du ni dgod par bya/ /sbrul gyi rgyan gyis sku la brgyan/ /brtul zhugs can gyis mdzes ma bsgom/ /sngags ni ku ru kul+le hrIHphuHswA hA/ /de nas rgyas min mdor bsdus pas/ /gsang ba pa ni bshad par bya/ /gang gis shes pa tsam gyis ni/ /lha yi bu mo 'gugs par byed/ /zhal gcig ma dang phyag gnyis ma/ /phyag na mda' dang gzhu bsnams pa/ /lus ni ser po chen po yi/ /lus med rnam par bsgom par bya/ /shar du dga' ma bsgom par bya/ /myos byed mdzes ma lho ru bsgom/ /nub tu 'dod pa'i lha mo ste/ /byang du myos par spro ma'o/ /'dod pa'i lha mo thams cad kyi/ /lag na mda' dang gzhu bsgom mo/ /ser dang dmar dang de bzhin ljang / /dkar dmar nyid rnams bsgom par bya/ /mtshams su rtag tu rgod ma dang / /ma 'gags ma dang dbang byed ma/ /chu srin rgyal mtshan zhes pa rnams/ /sgo yi cha la rab tu bshad/ /'dod 'gying dang ni snyems can dang / /dran pa de bzhin mtshams kyi bdag /lha rnams de dag thams cad kyi/ /spyi bor gshin rje gshed po bsgom/ /bud med rnams kyis</font><hr>90.183b<br><font size=+1>

nam mkha'i gdong / /mtha' la rdo rje lus med sgom/ /shIta yig sngags las yang dag byung / /kun du rnam par 'phro ba ste/ /bslus shing g.yeng ba bsgom par bya/ /myos pas bde ba 'dod yid kyis/ /gos ni dmar pos yongs dkris te/ /rkang pa dag gi drung du lhung / /de la sngags ni shin du bzla/ /o~M yig dbyangs kyi dbye ba dang / /swA hA'i yi ge mtha' mar sbyin/ /shI ta yi ge'i sngags rnams brjod/ /che ge mo ni bdag dbang gis/ /dmar po'i gsung ni ji bzhin du/ /thams cad du ni bsgom byas na/ /rnal 'byor pa yi 'dod pa 'thob/ /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las lus med pa la sogs pa'i rim par phye ba ste bcu bdun pa'o// // de nas he ru ka chen gyi/ /sgrub thabs bdag gis rab bshad bya/ /rnal 'byor 'khor bas bcings pa las/ /gang zhig shes pas myur grol ba/ /zhal gcig pa la phyag gnyis te/ /sku mdog sngon po gtum po che/ /phyag na rdo rje bsgom par bya/ /gzhan la thod pa dgod par bya/ /spyan gsum skra ni gyen du brdzes/ /phyag rgya lnga yis rnam par brgyan/ /kha T+wA~M ga ni g.yon gyi char/ /rkang gdub chen pos rnam par brgyan/ /hU~M yig sa bon las byung ba/ /yi dgas steng bzhugs rtag tu 'dzum/ /sangs rgyas lnga ni rab sbyor bas/ /thod pa lnga yis dbu la brgyan/ /mi bskyod pa yi cod pan bsam/ /he ru kar grags rnam par bsgom/ /shar du chos kyi 'khor lo bri/ /sangs rgyas byang chub lho ru'o/ /'dod lnga'i khro shing nub tu ste/ /byang du he ru ka dang mtshungs/ /sna tshogs gzugs can sgeg pa la/ /rgyan rnams kun gyis rnam par brgyan/ /gzugs mdzes yi dgas steng du ste/ /gti mug thams cad nyer 'joms ma/ /chos kyi 'khor lo de bzhin gzhan/ /yid bzhin nor dang dpag bsam shing / /bum pa bzang po de bsgom bya/ /lha mo rnams ni phyag g.yas na/ /rdo rje yang ni bsgom par bya/ /dkyil 'khor dkyil 'khor thams cad la/ /thod pa'i snod ni g.yon du'o/ /</font><hr>90.184a<br><font size=+1>

spyan dang mA ma kI sgrol ma/ /gos dkar shin du yid 'ong rnams/ /me la sogs pa'i mtshams bzhi la/ /phyi yi 'khor lor gshin rje gshed/ /shes rab mthar byed rta mgrin dang / /bdud rtsi 'khyil bcas bsgom par bya/ /'khor lo yi ni sgo srungs te/ /las rnams cho ga mthong ba yis/ /rnam pa lnga ni bsgom byas nas/ /sangs rgyas byang chub rnam par bsgom/ /'khor lo bsgom bya rnal 'byor pas/ /glu bzhi rab tu sbyor ba yis/ /'khor lo can ni bskul bar bya/ /tsar tsi kA sogs snyan pa'i glu/ /drug 'gyur la sogs glu rnams kyis/ /brtse bas khro ba'i rje btsun bzhengs/ /sa gsum po yi gti mug sol/ /bsam du med pa'i rje btsun bzhengs/ /bdud bzhi rnams las rgyal bar mdzad/ /'jig rten mgon pos stod par bzhugs/ /'jig rten bsod nams rje btsun bzhengs/ /byang chub dngos la 'jig rten mgon/ /khyod ni stong nyid sems par mdzad/ /ji ltar skar ma 'phro ba ltar/ /byang chub sems ni de la zhugs/ /brtse bas chags pa'i sems zhu ste/ /rdo rje 'dzin pa rang nyid do/ /dang por rnal 'byor bsgom par bya/ /rjes su rnal 'byor gnyis pa'o/ /shin du rnal 'byor gsum pa'o/ /rnal 'byor chen po bzhi pa'o/ /rdo rje sems dpa' rdzogs pa la/ /rnal 'byor zhes ni mngon par brjod/ /lha yi sku ni rdzogs pa la/ /rjes su rnal 'byor zhes grags so/ /'khor lo thams cad rdzogs pa la/ /shin du rnal 'byor yin par 'dod/ /lha yi mig sogs byin brlab dang / /sku dang gsung dang thugs rnams dang / /ye shes 'khor lo rab gzhug dang / /de bzhin bdud rtsi myang ba dang / /mchod dang bstod pa chen po ni/ /rnal 'byor chen po zhes 'dod do/ /slob dpon la ni brnyas mi bya/ /bde gshegs bka' las mi 'da' ste/ /de bzhin spun la khro ba dang / /nyes pa bsgrag par mi bya'o/ /sems can kun la byams pa'i sems/ /nam yang gtang bar mi bya'o/ /byang chub sems kyang gtang mi bya/ /bdag gzhan chos la sun mi dbyung / /yongs su ma smin sems</font><hr>90.184b<br><font size=+1>

can la/ /gsang ba bsgrag par mi bya'o/ /bdag gi phung po smad mi bya/ /bcom ldan chos ni sun mi dbyung / /gdug pa'i byams pa rtag tu spang / /chos la tshad gzhal mi bya'o/ /sems can dad pa can mi bslu/ /rtag tu dam tshig bsten par bya/ /bud med shes rab rang bzhin la/ /smod pa'i nyes pa de bzhin no/ /rnal 'byor slong mos rgyu mi bya/ /rnal 'byor spang bar mi bya ste/ /rtag par kun du gsang sngags bzla/ /rtag tu dam tshig la sogs bsten/ /gal te bag med gyur pa yis/ /bla ma'i dam tshig las nyams na/ /des ni dkyil 'khor zlum po bri/ /bde gshegs rnams la nyes pa bshags/ /dad pas bla ma'i dam tshig bsrung / /snying rje can gyis mi rtog par/ /nyes pa ma lus spang sems kyis/ /bsam gtan la gzhol bzlas mchog gzhol/ /brtan zhing dul la brtse ba'i sems/ /dad dang lhag pa'i bsam pa dang / /mchog tu bzod pa 'dzin pa yi/ /skyes bu rtag tu bla mar bya/ /slob ma bla ma la gus dang / /gshin rje gshed la rab gus pa/ /brtul zhugs can gyis yongs smin bya/ /de nas bcom ldan 'das de bzhin gshegs pa thams cad kyi bde ba chen po mchog tu dga' ba'i ngo bo nyid rdo rje sems dpa'i gsung nye bar thos nas cang mi smra bar gyur to/ /'di lta bu'i ched du brjod do/ /'khrul 'khor mthar thug gshin rje gshed/ /brtul zhugs mthar thug thod pa che/ /rgyud kyi mthar thug 'dus pa ste/ /ma byung 'byung bar mi 'gyur ro/ /e ma zhi ba chen po'i chos/ /e ma khro bo 'jigs mdzad pa/ /e ma mya ngan 'das pa'i mchog /e ma 'khor ba zhi ba nyid/ /e ma 'di ni rab tu mtshar/ /nyes pa gang de yon tan 'gyur/ /byang chub med cing mngon rtogs med/ /dngos po med cing sgom pa'ang med/ /khams kyang med cing rnam shes med/ /nam mkha'i dkyil dang</font><hr>90.185a<br><font size=+1>

mtshungs pa nyid/ /nam mkha' bzhin du bdag med pa/ /chos 'di bde ba chen po'o/ /sa yang med cing chu yang med/ /me med rlung med nam mkha' med/ /rdo rje sems dpa' rab sbyor bas/ /bskyed pa 'di ni rab tu gnas/ /dngos po thams cad dngos med bshad/ /des na rang bzhin med ces bsgrags/ /rnal 'byor sbyor ba dang ldan pas/ /chad pa ma yin rtag pa min/ /yan lag med cing kha dog med/ /dngos po thams cad bden par med/ /thog ma bar dang mtha' ma spangs/ /mchog tu dga' ba'i mtshan nyid do/ /de nas tsar tsi kA la sogs pas ched du brjod pa 'di brjod do/ /bsod nams sdig pa dag dang ma 'brel bas/ /mchog tu dga' ba dri med rnam dag pa/ /de bzhin nyid kyi gter chen gcig pu ni/ /kun nas snying rje'i sems kyis rab tu gnas/ /mchog tu dga' ba 'di yi ngo bo ni/ /chos rnams ngo bo bde ba chen po'i dngos/ /gzugs med bsod nams med cing sdig pa med/ /skye dang 'gag pa dag ni yod ma yin/ /de bzhin gshegs pa thams cad kyi/ sku dang gsung dang thugs gshin rje gshed dmar po'i rgyud las byang chub sems kyi rim par phye ba ste bcwa brgyad pa'o// // de nas gtam rgyud rab tu bshad par bya ste/ bcom ldan 'das</font><hr>90.185b<br><font size=+1>

mngon par byang chub pa'i dus su bcom ldan 'das thub pa chen po la byang chub la bar du gcad pa'i phyir shin du 'jigs su rung ba'i 'jigs pa chen po ston cing bdud kyi dpung gi tshogs chen po dpag tu med pa lhags te/ de'i dus na bdud chen po las mchog tu rgyal ba zhes bya ba'i ting nge 'dzin la snyoms par zhugs te/ bcom ldan 'das nyid kyi sku gsung thugs rdo rje rnams las gshin rje gshed kyi khro bo nges par phyung ste/ nges par phyung nas kyang phyag na rdo rje bcom ldan 'das thub pa chen po'i bka' bzhin byed pa la/ phyag na rdo rje khyod 'di lta bu'i gshin rje gshed kyi khro bo'i gzugs su bsgyur te/ bdud dang gnod sbyin dang lha ma yin dang lha dang srin po rnams skrag cing 'jigs pa dang sod cig ces gsungs so/ /de'i dus na ji ltar bdag gis bcom ldan 'das kyis gsungs pa thos te/ skad cig la gzung zhing don gzung ste/ bsdus nas shin du dga' bas legs par sems bskyed do/ /gsang ba'i bdag po chen po la/ /'di skad ces ni bka' stsal to/ /pha rol grong du rab 'jug pa'i/ /thabs rnams rab tu gsal bya ste/ /'gro dang 'ong bar 'dod pa yis/ /</font><hr>90.186a<br><font size=+1>

ting nge 'dzin dang gsang sngags bzla/ /bye ba bzlas pas 'grub 'gyur te/ /bye ba lnga yis smos ci dgos/ /dang po de nas brtsam par bya/ /bdag nyid nam mkha' lta bu ste/ /dang por goms par bya ba'i dus/ /sems la sems nyid gzhug par bya/ /dper na sems 'di rmi lam na/ /'gro dang slar yang bzlog par bya/ /skad cig la ni de bzhin gnas/ /rgyun mi 'chad par sbyor goms pas/ /dper na mtshon cha gnas byas nas/ /gzhu yis mda' ni 'phen pa ste/ /de bzhin 'dir yang yid kyi gzhus/ /rgyun mi 'chad par 'gro bar byed/ /zla ba nyi ma sbyor ba yis/ /rlung gis sems ni gzhug par bya/ /lus ni rnam par spangs nas ni/ /de la yid ni 'gro dang 'jug /cung zad drod ni rnyed pa yis/ /thob pa'i phyogs su sgom pa po/ /lus kyi nang du 'jug pa ni/ /dper na grong gzhan las 'gro zhing / /zla ba nyi ma'i 'gros 'joms shing / /sgra gcan 'jug pa sbyor ba yis/ /bgrod</font><hr>90.186b<br><font size=+1>

pa'i gnas ni thob pa na/ /rlung gi bzhon pa'i sbyor ba yis/ /'chi bltas mtshan nyid shes byas la/ /cho ga mtshan nyid ldan pas bgrod/ /ji ltar 'dod pa g.yo mi g.yo/ /rang 'dod kun du skye bar 'gyur/ /thur sel 'og lam gsang ba'i mtha'/ /gtong zhing lte bar rtsom par byed/ /snying ga mgrin par song nas ni/ /srog ni sna bug dag nas 'gro/ /de bzhin gshegs pa thams cad kyi sku dang gsung dang thugs gshin rje gshed dmar po'i rgyud las pha rol gyi grong du 'jug pa ste/ rim par phye ba bcu dgu pa'o// //dpal ldan gshin rje gshed dmar po'i rgyud kyi rgyal po rdzogs s+ho// //bla ma chos kyi rgyal po'i gsung gi 'od zer dang / b+ho Ta paN Di ta'i gsung dang / mi'i dbang po kun dga' bzang po'i gsung dang / dpon kun gzhon gyis gser gnang ba la brten nas/ shAkya'i dge slong tsan dra shrI'i zhal snga nas zhus shing / paN Di ta chen po tsan dra kIr ti dang / yar lungs pa grags pa rgyal mtshan gyis bal yul yam bu'i grong khyer du bsgyur ro// /thang rgyal gnyis kyis yang zhus mtshar // //</font><hr>

</table>