J448

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J448</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J448&coll=lithang">see text in Tibetan script</a></table>90.144a<br><font size=+1>

@#/ /rgya gar skad du/  shrI badzra b+hai ra ba kal pa tan tra rA dza/  bod skad du/  dpal rdo rje 'jigs byed kyi rtog pa'i rgyud kyi rgyal po/ ngag gi dbang phyug la phyag 'tshal lo/ /de nas 'dir ni bshad bya ba/ /ji ltar 'gro rnams zad byed cing / /sdug bsngal rnam thar byed pa yi/ /sgrub pa'i thabs chen mchog gyur pa/ /gsang sngags de las 'byung bar 'gyur/ /dang por rnam par snang mdzad de/ /de dang nye bar ngag dbang phyug /rdo rjes 'khor lo bsgyur ba'o/ /gdon gyi bdag dang 'byung po'i rje/ /mi yi sa bon gnyis ldan bya/ /mchod rten sreg byed mtha' dang bcas/ /gzhan du shes par mi 'gyur te/ /rdo rje can gyi mkha' la gnas/ /yi ge 'bum phrag khri brjod na/ /nyams pa thams cad sel byed cing / /zhi dang rgyas dang dbang mngon spyod/ /gsod dang skrod dgug dbye rings dang / /dman par byed dang rgyal srid sogs/ /thob pa nyid la the tshom med/ /dur khrod tshang tshing khron ngogs rtsub/ /shing gcig khang stong mtshan gcig dben/ /gang 'dod gnas su bsam gtan brtsam/ /de nas bcom ldan 'das 'phrul pa thams cad la khyab pa me long lta bu zhes bya ba'i ting nge 'dzin la snyoms par zhugs te/ sku dang ye shes thams cad la khyab par bya ba'i phyir/ sku mdog dkar po zhal lnga dang ldan par byas nas/ 'jig rten pa thams cad la gzigs nas/ rang gi rigs kyi yi ge nyid brjod pas/ sku dang gsung dang thugs dang yon tan dang phrin las dang / ye shes kyang gcig gi ngo bor sprul pa'i skur gyur to/ /kye ma bcom ldan rdo rje che/ /don rnams bskyed pa yang nyid do/ /mkha' dkyil 'od kyis 'gengs 'gyur ba/ /slar zhing kha dog lnga ldan pa/ /sa bon sngags kyis bskul ba yi/ /'od kyi rtse</font><hr>90.144b<br><font size=+1>

phrag thub pa'i sku/ /kun kyang sangs rgyas gnas las skyes/ /rang la zhugs pas sku rdzogs 'gyur/ /zhal drug khro gnyer rab brjid pa/ /ma he'i zhal ldan steng gnas pa/ /'jam dpal zhal ni 'dzum bcas bzhugs/ /lhag ma dmar dang ser dang sngo/ /du ba'i mdog mtshungs gyen skrar ldan/ /thod pa skam rlon rgyu ma sbrul/ /rus pa rdo rje'i phreng bas brgyan/ /glang chen stag lpags gyon nas ni/ /hU~M phaT glur len gad mo can/ /nam mkha'i lus can khro bo'i sprin/ /yang dang yang du spro byed pa'i/ /phyag drug rab tu brjid pa ste/ /dbyug pa tho ba gtun shing dag /g.yas pa'i phyag gis rim bzhin 'dzin/ /be ta li dang lcags kyu dang / /zhags pa g.yon pa'i phyag gis 'dzin/ /pad ma nyi ma ma he dang / /gshin rje'i steng na 'gying bag can/ /zhabs drug g.yas brkyang gar gyis gnas/ /'jig rten bdag po mthar mdzad pa'o/ /de ltar gang zhig dad pa dang / /blo ldan g.yo sgyu rab spangs shing / /legs par dbang rnams thob byas nas/ /rdo rje slob dpon mnyes byed pas/ /yang nas yang du dran byed na/ /brtan pa chen po thob par 'gyur/ /lha yi dge 'dun nga la nyon/ /dpa' bo chang la rab dga' zhing / /sha chen rtag tu mur byed na/ /las rnams de yis myur du 'grub/ /sku ni du ma 'phro byed cing / /sku la sku rnams nges thim byed/ /thams cad sgyu ma nyid shes pas/ /'jig rten rnams su yid sad byed/ /khong stong rtsa ni ka ba ste/ /rgyun tu byang chub sems 'dzag byed/ /chu skyes dmar po kha sbyar gnyis/ /yan lag gnyis kyis legs par bcun/ /shes pa 'phel ba me dang rlung / /nyi ma zla ba thabs ldan dang / /shes rab ldan par shes par bya/ /gnyis po de nyid rnam spangs na/ /khong du chud par mi 'gyur ro/ /chu skyes kha sbyor la brten te/ /gsum gnas pa yi ting 'dzin la/ /rdo rje chos kyis rgyas btab pa'i/ /thabs dang shes rab grol ba'i rgyu/ /blo ldan 'bad pas shes par 'gyur/ /de phyir de la brtson par bya/ /</font><hr>90.145a<br><font size=+1>

chos rnams chos nyid dbyer med pas/ /stong pa nyid kyi ye shes che/ /mi shigs rtog bral mtshan ma med/ /bde chen ye shes rdo rje'i skur/ /ye shes mi rtog rtog pa bral/ /rtog pa'i mtshan ma thams cad bsreg /spros pa'i mtshan ma mtha' dag ni/ /ji snyed sgyu ma'i rnam pa shes/ /de nyid shes nas grol ba'o/ /ma shes pas ni phyir zhing 'khor/ /'jig rten skye bo blo ldan 'gas/ /nges par rtog pa thabs kyi mchog /sdug bsngal chen po rab 'jigs nas/ /bde ba 'dod pas nan tan bya/ /dpal rdo rje 'jigs byed kyi rtog pa'i rgyud kyi rgyal po las/ thabs dang shes rab kyi bsam gtan bstan pa'i le'u ste dang po'o// // de nas yang dag bshad bya ba/ /sngags grub pa las byung ba yi/ /las rnams 'dir ni shes bya ste/ /der ni lha yi sku yang sbyar/ /zhi sogs bzlas pa'i rim pa la/ /rdo rje'i dbus su rdo rje ni/ /nyi zla la brten yi ge yi/ /phreng ba kha dog lngar shes pa/ /skyen bul spangs nas bklag pa ni/ /mkhas pa'i bzlas pa'i rim pa'o/ /drag po'i las rnams sgrub pa la/ /nyon mongs gcod pa'i 'khor lo ni/ /ser po rtse rtsibs bcu pa la/ /'od zer sna tshogs 'phro ba bsam/ /zhi bar 'dod pa'i skyes bu des/ /sems ni yang dag mnyam gzhag nas/ /sngags kyi 'od kyang 'gro gzhan la/ /phan pa'i yid dang ldan par bya/ /gro kha ras dang shing shun la/ /gur gum gi hang dri rnams kyis/ /mchod rten rim pa lngar ldan zhing / /gdugs dang 'khor lo ldan par bya/ /sgrub pa po yi ming dang rus/ /de yi bum pa'i nang du bri/ /ye d+harmA la sogs pa yi/ sngags kyis g.yas nas bskor bar bri/ /rab tu gnas par byas nas kyang / /lus sam mgul lam gang bder gzhag /des ni gdon dang byad stem dang / /rims dang yams rnams sel bar byed/ /gang zhig yul rnams gzhom 'dod na/ /hU~M gi sa bon dang ldan par/ /ming yig tsam po bri bar bya/ /</font><hr>90.145b<br><font size=+1>

so phag phye ma ldong ros dang / /bab la ma he khrag gis brdzis/ /zla gam gnyis pa'i gzugs byas te/ /bar du gang 'dod bsgrub bya yi/ /gzugs brnyan sor brgyad pa yi tshad/ /byas la gan rkyal du gzhag la/ /ma he gdong gi sbyor ba yis/ /khri phrag gcig tu sngags bzlas nas/ /dum bu dum bur gtubs byas te/ /chu bo'i gzhung du dor byas na/ /skad cig de la de dbang 'gyur/ /bya rog 'ug pa'i gzugs byas te/ /ma nu ma li ro tsa nas/ /khyo shug bsgrub bya'i ming bris te/ /gshin rje'i phyogs bltas gsang sngags gdon/ /rkang pa g.yon pas mnan nas ni/ /mi yi rje ngar phur pas gdab/ /skad cig tsam la de dag 'bye/ /de nas 'dir ni bsad pa yi/ /cho ga'i rim pa bshad par bya/ /zhal drug phyag drug zhabs drug gam/ /yang na zhal gcig phyag bzhi'am/ /zhal gcig phyag gnyis pa yang rung / /ma he'i gdong gi sbyor ba yis/ /khrag rnams sna tshogs tha dad dang / /bsgrub bya'i rjes dang dug gi rigs/ /rta dang ma he bong bu'i chus/ /sbrus pa'i bsgrub bya'i ling ga bya/ /lus la tsher mas gzugs bya zhing / /til mar gyis kyang bsku bar bya/ /yang ni shing lo gro kha 'am/ /dur khrod ras sam shun pa la/ /rang nyid gcer bu skra bshig nas/ /lus ni thal bas byugs byas te/ /mngon sum khros nas sha chen bza'/ /rab tu zhim pa'i chang 'thung zhing / /nag po'i tshes kyi mtshan phyed dus/ /'khor lo bri ba brtsam par bya/ /leng tshe bcu gnyis 'khor lo ni/ /yungs kar til dang skags khu dang / /rta dang ma he ra khyi khrag /bya rog 'ug pa'i sgro yis bri/ /yi ge ya yi lto bar yang ming dang rus su ldan par bri/ /phyogs bzhir yi ge bcu pa ni/ /ming dang bcas pa bri bar bya/ /brgyad po dag la rim pa bzhin/ /yi ge 'di dag bri bar bya/ /o~M mu sa le tsuR+Na ra ga tsar na tsu sha na hU~M hU~M hU~M phaT phaT phaT/ yi ge ya la bskor nas ni/ /bsgrub bya gzugs dang ldan par bri/ /de yi</font><hr>90.146a<br><font size=+1>

mu khyud dag la ni/ /yi ge bcu pa ming bcas bri/ /phyogs bzhir rtse gsum rdo rjes mtshan/ /de bzhin rdzas rnams ma lus pas/ /'khor lo lto bar ldan pa bri/ /gshin rje'i gzugs ni ral gri dang / /dbyug pa 'dzin pa bris nas ni/ /de dang de gnyis lto sbyar la/ /mtshan ngan thod pa'i nang du gzhug /tsha gsum ske tshe dug mu zi/ /ro nyes bkang nas dkyil 'khor ni/ /gru gsum dbus su gzhag par bya/ /yungs dang bra bo sA lu nag /dza b+hi bra ba sogs rnams la/ /gsang sngags rgyal po brjod byas te/ /dro'am du ba 'thul bar du/ /rims dang rims kyi khrag rnams ni/ /ma lus zad par 'thung ba yis/ /ma yengs par ni bsam gtan bya/ /yang na bsgrub bya za bar mthong / /shing gcig rtsar ni rengs pa dang / /mal gyi 'og tu zha zhing lkugs/ /chu mdor 'byed zhing ri rtser bskrad/ /gsad pa me thab 'og tu sba/ /dgug pa la ni sgo khang 'og /lha 'am 'khor lo sgyur ba'o/ /bde gnas rnams kyis dbang du 'gyur/ /mar khu chen po thod pa yi/ /nang du blugs nas bskol byas te/ /bzhar bas mig la byug byed na/ /mngon shes de nyid myur du 'thob/ /rigs ldan rgyal po las rnyed cing / /mdog ldan lang tsho gser bkug la/ /tsan dan 'de gu mang byas te/ /las kyi sbyor bas de nyid bcing / /yang na me la gdung bas 'grub/ /o~M badzra kro d+ha ya ma rA dza badzra kI li kI le/ ha na ha na ma ra ya phaT/ ces bya'i gsang sngags brjod byas la/ /rus pa'i phur pas gdab par bya/ /gsal shing la btsug skyes bu yi/ /rdzas la brten te bsgrub par bya/ /til mar byugs la thod pas gzhar/ /mar mer byas pa'i dud pa yis/ /mig rnon dag ni 'grub par 'gyur/ /gsang sngags rgyal po thogs med la/ /bten pas thob bya mang mod kyang / /'dir ni brjod pa ci zhig dgos/ /yang ni 'di ltar shes bya ste/ /rang nyid sngags dang</font><hr>90.146b<br><font size=+1>

ting 'dzin ldan/ /brtson chen gzhan du ma yengs pas/ /gang du brtsams pa de 'grub 'gyur/ /smad 'tshong rang byung nyid kyis ni/ /sngon bstan tsakra legs bris te/ /ling ga'i snying gar bcug byas la/ /rang mdun khrag gi zla gam steng / /khrag gis byugs pa'i steng du gzhag /mi 'am rgyal po'i bu mo dag /dgug dang dbang gi yi ge yis/ /de nyid du ni nges par 'gyur/ /nyal sa'i 'og tu mnan par bya/ /mi glang ra khyi bse phag khrag /'khor lo bris nas ling ga yi/ /mgrin par bcug nas bya rog gi/ /khrag gis khrag skyug sngags bris nas/ /yi ge de ldan thod pa ru/ /bcug nas gsang sngags mang bzlas te/ /dur khrod me thab 'og gzhag na/ /khrag skyug pa la the tshom med/ /bsros na tsha ba'i nad kyis 'chi/ /sbal khrag pha wang glad pa yis/ /'khor lo de nyid legs bris nas/ /ling ga'i mchan khung g.yon bcug la/ /g.yas g.yon glang khrag sbal khrag byug /ling ga'i phyogs su rang nyid kyi/ /rkang pa g.yon pa'i mthe bos mnan/ /de tshe bzlas pa mang byas nas/ /rgya gram lam du mnan la gzhag /de las zlog pa bris nas ni/ /shing gcig khong par sbas na rengs/ /rnga mo bya rog rgan po'i khrag /'khor lo bris nas ling ga yi/ /rkang gnyis bar bcug rang mdun du/ /khrag gis rnga mo gzugs bris te/ /de yi steng gzhag rang nyid kyis/ /rlung gi bsam gtan nges ldan na/ /bskrad pa nyid du the tshom med/ /ri bo'i rtse la 'dzegs te sba/ /ne'u le sbrul rta ma he dang / /bya rog 'ug pa'i khrag gis ni/ /khyo shug rkang ya'i rjes sbrus pa'i/ /ling ga sor brgyad par byas te/ /khrag des bris pa'i 'khor lo dag /snying gar bcug pa gnyis byas te/ /ne'u le gzugs byas steng du gzhag /lag gnyis rta dang ma he yi/ /rus pas brdung zhing gsang sngags zlos/ /rtse 'drud shing rtsar sbas na 'byer/ /</font><hr>90.147a<br><font size=+1>

tsan dan dkar pos legs bris nas/ /gser sogs rin chen rdzas su dril/ /mdun du zla ba'i gzugs steng du/ /gzhag la nyin re'i bskor ba ni/ /ji srid byas na bsrung bar nges/ /spyi bor btags na g.yul las rgyal/ /rkang par btags na chu steng 'gro/ /ba yi 'o mas khrus byas te/ /ku sha ba mar sogs mchod na/ /gsol btab nad rnams thams cad srung / /de nas bcom ldan 'das las phra ba thams cad las rnam par rgyal ba zhes bya ba'i ting nge 'dzin la snyoms par zhugs nas/ las thams cad kyi rjes su 'gro ba'i sngags 'di sku dang gsung dang thugs rdo rje las phyung ngo / /ma ra ya phaT ces bsad pa'i 'o/ /bi dwe Sha ya dbye ba'i 'o/ /uts+tsha Ta ya bskrad pa'i'o/ /mo ha ya~M rmongs pa'i 'o/ /ba sha~M ku ru dbang du bya ba'i 'o/ /stam+b+ha ya mnan pa'i'o/ /A kaR+Sha ya dzaHdgug pa'i'o/ /\u0f00 hrIHswA hA mchod pa'i'o/ /i da~M g+ha swA hA zhal bsil gyi'o/ /o~M duSh+Ta swA hA dri'i 'o/ /o~M b+ho ya~M dzaHdza me tog gi'o/ /Sh+Ti ha he phaT phaT/ bdug pa'i'o/ /dI po d+ha na ma ya swA hA mar me'i'o/ /o~M badzra nai bid+ya AHhU~M swA hA zhal zas kyi'o/ /o~M kA la r+'u pa satwa da ma ka ma hA b+hU ta pa ti/ i da~M ba li gr-ih+Na pa ya gr-ih+Na pa ya swA hA gtor ma'i'o/ /o~M hrIHya ma rA dza e h+ye hi A gats+tsha A/ gats+tsha b+ha ga ban sar+b+ba sa me da madz+dza/ ru d+hi ra pri ye b+hak+Sha b+hak+Sha/ ma ma sar+b+ba satwa da ma ka /kar+m+ma ku ru sid+him+me swA hA lha spyan drang ba'i'o/ /o~M hrIHbadzra dza ye su dza ye ma hA badzra dza ye mu ni badzra muH/ lha la sogs pa gshegs su gsol ba'i'o/ /de nas rdo rje 'dzin pa nyid chos thams cad kyi rjes su 'gro ba dang / ldog pa zhes bya ba'i ting nge 'dzin la snyoms par zhugs nas gsang sngags yongs su rdzogs pa'i phrin las 'di nyid bka' stsal to/ /nam mkha'i dbyings kyi dbus gnas par/ /hU~M las yongs su rdzogs pa yi/ /</font><hr>90.147b<br><font size=+1>

rdo rje 'jigs byed bsam par bya/ /dmar po zhal gcig phyag gnyis pa/ /shes rab mo dang mnyam du sbyor/ /dbyug pa thod khrag phyag na 'dzin/ /ma he pad ma nyi ma la/ /g.yon brkyang ba yi tshul gyis bsgom/ /o~M ya mAn ta kr-i hU~M phaT/ gsang sngags rgyal po 'di bzlas na/ /'dod pa'i dngos grub thams cad 'byung / /nam mkha'i dbyings su dbus gnas par/ /ya yig sngon po las skyes pa'i/ /khro bo rdo rje 'jigs byed ni/ /pad ma nyi ma'i gdan steng na/ /sems dpa'i skyil krung gis gnas pa'i/ /gri gug pi d+hi pa la dang / /dgra sta dang ni thod khrag dang / /phyag bzhi po ni rim pas 'dzin/ /ma he nag po zhal steng na/ /'jam dpal zhal ni ser zhing 'dzum/ /dpa' bo chen po rang nyid bsgom/ /rab tu zhim pa'i chang btung zhing / /sha chen dag kyang mur bar bya/ /mtshan mo dur khrod rgyu byed cing / /rtag par gsang sngags bzla bar bya/ /thig le 'dren pa'i rnal 'byor ni/ /bsgrub bya'i phyogs su bsam par bya/ /las rnams myur du 'dis 'grub bo/ /yang na 'di ltar shes bya ste/ /ma he gdong gi sbyor ba yis/ /sku yi kha dog so sor shes/ /khyad par du yang gsad pa la/ /dmar po ma he'i zhal can ni/ /rtse gsum lcags kyu 'dzin pa des/ /ma he sha steng bsam byas na/ /khrag 'dren pa yi mchog tu gsungs/ /ras 'ga' sku la khro bo ni/ /lcags kyu 'dzin pa grangs med spro/ /zla ba spyang kis zin dus su/ /byi la'i sder mo ra snying dang / /bya yi khrag dang mi rus bsres/ /gang la phog pa smyo bar 'gyur/ /dpal rdo rje 'jigs byed kyi rtog pa'i rgyud kyi rgyal po las sbyor ba'i le'u ste gnyis pa'o// // de nas yang dag bshad bya ba/ /sgrub par byed pa'i rnal 'byor pas/ /dur khrod ras sam dpa' bo'i gos/ /yang na mtshan gyi kheb ma la/ /rnam snang mdzad dang rdo rje chus/ /dpa' bo'i khrag dang chang dang dug /go ro tsa nas ras tshos</font><hr>90.148a<br><font size=+1>

bya/ /legs par dam por drud byas te/ /lus ngag yid kyi gnas su ni/ /bdud rtsi lnga dang ldan pa'i chus/ /yi ge dang AHhU~M bri/ /skra phyed dur khrod sol ba dang / khrag chen ldong ros bab bla yis/ /dbang thob dam tshig srung byed cing / /shin du gsang la dam pa yi/ /ri mo mkhan ni brtson ldan des/ /rgyud kyi don la mkhas byas nas/ /nag po'i tshes kyi mtshan phyed dus/ /gsang ba'i gnas su rab zhugs nas/ /bcom ldan rdo rje 'jigs mdzad bri/ /rtsa ba ma he khros pa'i zhal/ /de steng 'jam dpal 'dzum pa'i zhal/ /lhag ma dmar dang ser dang sngo/ /du ba'i mdog mtshungs gyen skra can/ /rab tu brjid cing khro bo'i zhal/ /drug dang ldan pa'i sku lus che/ /thod pa skam rlon rgyu ma sbrul/ /rus pa rdo rje phreng bas brgyan/ /glang chen stag lpags gyon nas ni/ /pad ma nyi ma ma he la/ /gshin rje mnan nas zhabs drug gis/ /g.yon brkyang g.yas bskum gar gyis 'gying / /phyag drug g.yas kyi dang po na/ /rtse gcig gnyis pa tho ba ste/ /gsum pa gtun shing mkha' la 'phyar/ /dgra sta lcags kyu zhags pa ni/ /g.yon pa'i phyag gis 'dzin pa bri/ /nam mkha'i mdog can thal bas byugs/ /sku la khro bo du ma 'phro/ /sna tshogs mchod pa'i lha mos bskor/ /legs par de ltar bris pa yi/ /rgyab dang phyogs rnams thams cad du/ /dur khrod chen pos bskor bar bri/ /mgo rdum rgyu ma mkha' la khyer/ /rkang rdum lag rdum ro langs dang / /wa dang spyang ki gtum po dang / /mkha' 'gro pho mo sha za'i tshogs/ /bya dang gcan gzan sna tshogs bri/ /skyi bung rab tu 'jigs bris nas/ /der ni bsgrub pa po yang bri/ /gri thod bzung nas sha chen mur/ /gos nag gyon nas khrag chen 'thung / /rta dang ma he rus pa yi/ /phreng ba bzung nas gsang sngags 'don/ /bcom ldan 'das la lta bar bri/ /de ltar bris nas chang dang khrag /sha chen go ro tsa nas mchod/ /</font><hr>90.148b<br><font size=+1>

mnyam gzhag lha yi dge 'dun des/ /dus gsum rgyun du mchod byed na/ /rdo rje 'dzin pa myur du 'thob/ /sku ni rab tu sba zhing gsang / /phan yon dam pa 'di las 'byung / /dpal rdo rje 'jigs byed kyi rtog pa'i rgyud kyi rgyal po las/ bris sku'i le'u ste gsum pa'o// // de nas yang dag bshad bya ba/ /rtog pa ma lus zad byed cing / /las rnams thams cad grub 'dod pas/ /blo ldan ser sna rnam spangs te/ /rtul phod g.yeng ba rnam spangs nas/ /sbyin sreg las la rab brtson bya/ /mtshal dang bab bla ldong ros dang / /shan pa'i go thab dur khrod sa/ /mi dang ma he khrag gis brdzi/ /khru do pa la khru phyed brtsig /gru bzhi'i steng du zlum po ni/ /rdo rje rgya gram ldan byas la/ /de steng 'khor lo rtsibs drug la/ /mtshan ma drug ni dgod par bya/ /lte bar me yi dkyil 'khor ni/ /mtho gang tshad du byas pa la/ /ma he'i khrag gis legs par byug /bdag nyid lho yi phyogs bltas te/ /ma he zhal gyi sbyor ba yis/ /thab kyi nang gi phyogs mtshams su/ /me yi sa bon mngon bltas la/ /bskal pa'i me chen lta bur bsgom/ /der ni me lha'ang bsgom bya ste/ /zhal gsum phyag bzhi gnag la rtsub/ /g.yas pa'i phyag gis 'gro rnams la/ /skyabs sbyin mdzad cing bgrang phreng 'dzin/ /g.yon pas ril ba mchog stsol brtson/ /zhal nas me rnams rab 'phro zhing / /'od rnams sna tshogs kyis brgyan pa/ /de ltar shes nas rab bsregs na/ /'dod pa'i don rnams rab tu 'byung / /dgra bo'i gzugs dang sha chen dang / /chang dang ma he'i khrag bcas pa/ /stong phrag gsum du bsregs byas na/ /bsgrub bya khrag tu skyugs nas 'chi/ /glang po rta bong khyi sha la/ /stong phrag gsum gyis dbang du byed/ /bya rog 'ug pa khyi sha chu/ /bsregs na mi rta 'byer bar nges/ /til dang nas dang gro sA li/ /yung ba gi hang so</font><hr>90.149a<br><font size=+1>

phag rnams/ /stong phrag drug tu gang bsregs pa/ /longs spyod thams cad rnyed par 'gyur/ /rta dang rnga mo bya rog sha / mi sha rdo rje chur bcas pa/ /gsang sngags rnal 'byor ldan byas te/ /brgya rtsa brgyad kyis nges par skrod/ /ra sha da na ud pa la/ /chang dang ma he chur bcas pa/ /gang 'dod brgya rtsa brgyad kyis lkugs/ /dug dang khrag dang sgog pa dang / /sha chen til mar rab sbags te/ /brgya rtsa brgyad du bsregs byas na/ /pha rol gzhan gyi rig sngags gcod/ /tsan dan dkar po 'bras dkar dang / /til dkar 'bras chan yungs kar dang / /ud pal dkar dmar ga pur dag /shar du bltas te brgya rtsa brgyad/ /bsregs nas dus rnams kun du bsrung / /gang zhig bya ba'i rims sogs dang / /sngags rnams bsam gtan nges ldan pas/ /snying rje'i yid ni ma bral na/ 'dod pa thams cad 'dir bsgrub bya/ /gzhan du rmongs pa'i byis pa 'ga'/ /blo gros med gang shes rab 'chal/ /sngags dang dam tshig sman gyur cing / /ting nge 'dzin la mngon g.yel ba/ /brtson pa chung zhing lhod pa 'gas/ /bskal pa stong du bsgrubs byas kyang / /'bras bu yod pa ma yin te/ /sha thang chad pa nyid du 'gyur/ /dper na blo zhan byis pa rnams/ /'ga' zhig 'bras 'dod 'khrul gyur nas/ /phub ma rdung khar byed pa la/ /'bras yod nam yang mi 'gyur bzhin/ /ji ltar sprin dang chu zla dang / /dbang po'i gzhu rnams rtag min te/ /thar pa 'dod pa'i bya ba'ang de/ /sgyu ma nyid la sgyu ma rol/ /ye shes gcig pu rnam grol rgyu/ /stong pa dpag par blos ci nus/ /de la dpyad cing gzhal bzod na/ /brtags pa'i snying po de la med/ /de la dngos rnams ma grub na/ /bsgrub pa'i rim gzhan smos ci dgos/ /bya ba dang ni byed pa dag /nges par de la brtag mi bzod/ /ngam grog g.yang sar lhung yang bla'i/ /chad par rtog</font><hr>90.149b<br><font size=+1>

pa 'di mi bzod/ /rtag pa nyid kyang rig min te/ /dngos po yod par gal te 'gyur/ /dper na byis pa rnams la mas/ /sa 'dir sdod dang ma nyid kyis/ /'bras bu shing tog mang blangs la/ /khyod la bde bas sbyin zhes brjod/ /de bzhin rnam pa du ma yang / /'jig rten rtog pa tha dad pas/ /de dag drang bar bya phyir bshad/ /bcom ldan lha yi lha mdun du/ /sha chen po yi zhal zas dang / /chang dang til mar ma he khrag /rab tu zhim pa'i zas mchog rnams/ /dus rnams rtag tu dbul bar bya/ /gsang sngags rgyal po yi ge bcu/ /bdag gis rgyun du gdon bya zhing / /bsam gtan rtag tu brtson par bya/ /de ltar shes shing sgrub byed pa'i/ /skyes bu blo ldan de yis ni/ /sangs rgyas nyid kyang myur 'grub 'gyur/ /zhi sogs las rnams smos ci dgos/ /grong khyer dkrug na sngags pa des/ /khyi sha sbal sha rus sbal sha / rnga mo byi la'i sha rnams la/ /stong rtsa brgyad du bsreg par bya/ /rta sha dri chen rab sbyar bas/ /ri lu byas te bdag mdun du/ /gsang sngags rgyal po bzlas byas nas/ /brgya rtsa brgyad du bsregs pas ni/ /rgyal po dbang du byed par 'gyur/ /bud med dbang du byed 'dod na/ /sha chen glang po sha dang bcas/ /byang chub sems dang bsres byas te/ /stong phrag brgyad du sreg par bya/ /dgug pa dus rnams thams cad du/ /khyi sha nya sha bdud rtsi lnga/ /cha mnyam ri lu byas nas ni/ /brgya rtsa brgyad du bsregs na 'gugs/ /sbyin sreg las rnams thams cad kyang / /ma he zhal gyi sbyor bas ni/ /gsang sngags rgyal pos 'dod pa sbyar/ /ma yengs rtse gcig sems kyis bya/ /gsungs dang ma gsungs mtha' dag kyang / /ji lta ba yi rim pa yis/ /rgyud kyi rgyal po nyid</font><hr>90.150a<br><font size=+1>

nyer gnas/ /sangs rgyas 'bras bu myur du 'thob/ /zhi la zhi ba'i yid kyis te/ /rgyal po lta bur rgyas pa la/ /sdang bral chags pas dbang la'o/ /drag po'i las la khro zhing rtsub/ /rab tu gtum pa'i yid kyis ni/ /gsod pa'i sems dang ldan par bya/ /gang zhig ltos pa med pa'i mi/ /grub pa myur du tshol byed na/ /sems kyi rang bzhin rnam dag pas/ /rdo rje 'dzin pa de 'grub 'gyur/ /dngos po gang dang gang spyod yul/ /de dang de yi rang bzhin 'gro/ /mnyam gzhag nyams par mi bya la/ /dus rnams rtag tu rnal 'byor pas/ /shin du mnyam par gzhag par bya/ /des ni thar pa nyid kyi rgyu/ /rgyud kyi rgyal po 'di las ni/ /'dod pa'i dngos grub myur byed de/ /dka' ba med pa'i thabs 'di ni/ /dka' spyod brtul zhugs rnams spangs te/ /shin du bde bar sgrub pa'i thabs/ /sdug bsngal 'jigs med bdud rtsi'i ro/ /blo ldan legs par blang bya ste/ /shin du 'bad pas bsgrub par bya/ /mi shes blo gros rmongs pa 'ga'/ /rtog pa'i dra bas bsgribs pa'i tshe/ /bsod nams dang ni sdig pa yi/ /phung po rnam pa gnyis su brtags/ /'on kyang 'dod pa thams cad ni/ /rgyud mchog 'di las 'byung 'gyur phyir/ /dman zhing brtson pa chung ba 'ga'/ /'di la zhugs na myur du 'grub/ /de bas ngo mtshar rgyud 'di ni/ /rnyed dka' khyad par mchog gyur pa/ /yi ge'i dbyibs kyang mi bstan na/ /bshad cing 'grol ba smos ci dgos/ /dbang rnams nges par ma blangs shing / /bla ma mnyes par ma byas tshe/ /bstan kyang thob par mi 'gyur te/ /tsha ba la sogs 'khor bar 'khor/ /de skad</font><hr>90.150b<br><font size=+1>

ston pas bshad pa'i tshe sde rnams myos shing brgyal rmongs te/ /kun kyang 'dud cing mgo bo smad/ /'jig rten 'di ni shin du g.yos/ /gang zhig rgyud 'di nyan pa dang / /shes nas 'chang bar byed pa dang / /dus rnams kun du 'don byed na/ /tshe 'dir 'jigs pa kun bsal te/ /shi nas mtho ris myur du 'thob/ /gal te gzhan du rgyud mchog 'di/ /bstan nam bshad dam gsal phye na/ /de ni sdug bsngal mang myong nas/ /shi nas myur du dmyal bar 'gro/ /rang gis shin du bcang byas shing / /dngos grub nyid bzhin mngon byas na/ /sdug bsngal mtha' dag nges zad nas/ /myur du bla med thob par 'gyur/ /dpal rdo rje 'jigs byed kyi rtog pa'i rgyud kyi rgyal po las sbyin sreg gi rim par phye ba'i le'u ste bzhi pa'o// //dpal rdo rje 'jigs byed kyi rtog pa'i rgyud kyi rgyal po'i las kyi dngos grub brtag pa zhes bya ba rdzogs so// //paN+Di ta chen po a mo g+ha'i zhabs nus pa can dang / bod kyi lo tsa ba mar pa ban+de chos kyi dbang phyug grags pas bsgyur cing zhus pa'o/ /</font><hr>

</table>