J44

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J44</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J44&coll=lithang">see text in Tibetan script</a></table>42.1a<br><font size=+1>

(ga) @#/ ! /mdo sde sna tshogs kyi skor bzhugs so/ /[(黃) 經藏第三部]</font><hr>42.1b<br><font size=+1>

@##/   /rgya gar skad du/ Ar+ya niSh+Tha ta na b+ha ga wAn dz+nyA na bi pu la na sU tra rat+na a nan+ta nA ma ma hA yA na sU tra/  bod skad du/ 'phags pa bcom ldan 'das kyi ye shes rgyas pa'i mdo sde rin po che mtha' yas pa mthar phyin pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / thabs gcig tu bzhugs so/ /de'i tshe grong khyer chen po dge ba'i pha rol 'gro zhes bya bar/ khyim bdag phywa</font><hr>42.2a<br><font size=+1>

mkhan zhig gis/ bcom ldan 'das kho na'i phyir/ bcom ldan 'das kho na la dmigs te/ bcom ldan 'das kho na'i ched du/ tshe dang ldan pa gang po lag gi bla byed du bcug nas/ khang bzang tsan dan gyi khyams dang ldan pa zhig ring por ma thogs par byas te/ ring por ma thogs par zin no/ /de nas khyim bdag phywa mkhan gyis/ tshe dang ldan pa gang po la 'di skad ces smras so/ /gang po khang bzang tsan dan gyi khyams dang ldan pa 'di ni/ bcom ldan 'das kho na'i phyir byas/ bcom ldan 'das kho na la dmigs te/ bcom ldan 'das kyi ched du byas pa yin na/ gzhan su zhig khang bzangs tsan dan gyi khyams dang ldan pa 'di longs spyod par byed kyis/ ci nas bdag gi sbyin pa 'di 'bras bu che bar 'gyur ba dang / ci nas bdag gi 'bad pa 'di don yod par 'gyur ba dang / ci nas bdag gi sbyin pa 'di longs spyod par 'gyur ba de/ de ltar sbyin pa 'di btang ba dang / longs spyod na shin tu dga' ba dang / rab tu dga' ba mang bar 'gyur ro/ /de skad ces smras pa dang / lag gi bla tshe dang ldan pa gang pos/ khyim bdag phywa mkhan la 'di skad ces smras so/ /khyim bdag khang bzang tsan dan gyi khyams dang ldan pa de/ bcom ldan 'das kho na'i phyir byas/ bcom ldan 'das kho na la dmigs te/ bcom ldan 'das kho na'i ched du byas pa 'di/ dge sbyong ngam/ bram ze gang gis kyang longs spyod par nus pa med do/ /de ci'i phyir zhe na/ khyim bdag de bzhin gshegs pa'i lhung bzed dam/ chos gos sam/ gding ba 'am/ bgo ba 'am/ kun dga'</font><hr>42.2b<br><font size=+1>

ra ba 'am/ 'chag sa 'am/ stan nam/ gtsug lag khang de dag ni lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang mir bcas pa'i mchod rten du gyur pa yin te/ de ni gzhan sus kyang longs spyod par mi nus so/ /de ci'i phyir zhe na/ yon tan de lta bu dang ldan pa'i dge sbyong ngam/ bram ze de gang yang med de/ de bzhin gshegs pa dgra bcom pa yang dag par rdzogs pa'i sangs rgyas kyi yon tan ci 'dra ba de lta bu dang ldan pa'i dge sbyong ngam/ bram ze de gang yang med do/ /'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de ni yon tan tshad med pa dang ldan pa yin te/ khyim bdag bcom ldan 'das de ni yon tan grangs med pa dang ldan/ yon tan bsam gyis mi khyab pa dang ldan/ yon tan gzhal du med pa dang ldan/ yon tan dpag tu med pa dang ldan/ yon tan brjod kyis mi lang ba dang ldan pa'o/ /khyim bdag bcom ldan 'das de ni mkhyen pa tshad med pa dang ldan/ mkhyen pa grangs med pa dang ldan/ mkhyen pa bsam gyis mi khyab pa dang ldan/ mkhyen pa gzhal du med pa dang ldan/ mkhyen pa dpag tu med pa dang ldan/ mkhyen pa brjod kyis mi lang ba dang ldan pa'o/ /khyim bdag de bzhin gshegs pa de ni gnas shes pa yang dag pa ji lta ba bzhin rab tu mkhyen te/ gnas shes pa kun 'byung ba shes pa yang dag pa ji lta ba bzhin rab tu mkhyen/ gnas shes pa 'gog pa shes pa yang dag pa ji lta ba bzhin rab tu mkhyen/ gnas shes pa 'gog par 'gyur</font><hr>42.3a<br><font size=+1>

ba'i lam shes pa yang dag pa ji lta ba bzhin rab tu mkhyen to/ /gnas ma yin pa shes pa yang dag pa ji lta ba bzhin rab tu mkhyen te/ gnas ma yin pa shes pa kun 'byung ba shes pa dang / gnas ma yin pa shes pa 'gog pa shes pa dang / gnas ma yin pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /'das pa shes pa yang dag pa ji lta ba bzhin rab tu mkhyen te/ 'das pa shes pa kun 'byung ba shes pa dang / 'das pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /ma 'ongs pa shes pa yang dag pa ji lta ba bzhin rab tu mkhyen te/ ma 'ongs pa shes pa kun 'byung ba shes pa dang / ma 'ongs pa shes pa 'gog pa shes pa dang / ma 'ongs pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /da ltar byung ba shes pa yang dag pa ji lta ba bzhin rab tu mkhyen te/ da ltar byung ba shes pa kun 'byung ba shes pa yang dag pa ji lta ba bzhin rab tu mkhyen/ da ltar byung ba shes pa 'gog pa shes pa yang dag pa ji lta ba bzhin rab tu mkhyen/ da ltar byung ba shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /las shes pa yang dag pa ji lta ba bzhin rab tu mkhyen te/ las shes pa kun 'byung ba shes pa dang / las shes pa 'gog pa shes pa yang dag pa ji lta ba bzhin rab tu mkhyen/ las shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /yang dag par blang ba shes pa</font><hr>42.3b<br><font size=+1>

yang dag pa ji lta ba bzhin rab tu mkhyen te/ yang dag par blang ba shes pa kun 'byung ba shes pa dang / yang dag par blang ba shes pa 'gog pa shes pa dang / yang dag par blang ba shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /gnas kyi bsam pa shes pa yang dag pa ji lta ba bzhin rab tu mkhyen te/ gnas kyi bsam pa shes pa kun 'byung ba shes pa dang / gnas kyi bsam pa shes pa 'gog pa shes pa dang / gnas kyi bsam pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /rgyu'i bsam pa shes pa yang dag pa ji lta ba bzhin rab tu mkhyen te/ rgyu'i bsam pa shes pa kun 'byung ba shes pa dang / rgyu'i bsam pa shes pa 'gog pa shes pa dang / rgyu'i bsam pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /rnam par smin pa shes pa yang dag pa ji lta ba bzhin rab tu mkhyen te/ rnam par smin pa shes pa kun 'byung ba shes pa dang / rnam par smin pa shes pa 'gog pa shes pa dang / rnam par smin pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /thams cad du 'gro ba'i lam shes pa yang dag pa ji lta ba bzhin rab tu mkhyen te/ thams cad du 'gro ba'i lam shes pa kun 'byung ba shes pa dang / thams cad du 'gro ba'i lam shes pa 'gog pa shes pa dang / thams cad du 'gro ba'i lam shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /khams du ma shes pa yang dag pa ji lta ba bzhin</font><hr>42.4a<br><font size=+1>

rab tu mkhyen te/ khams du ma shes pa kun 'byung ba shes pa dang / khams du ma shes pa 'gog pa shes pa dang / khams du ma shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /khams sna tshogs shes pa yang dag pa ji lta ba bzhin rab tu mkhyen te/ khams sna tshogs shes pa kun 'byung ba shes pa dang / khams sna tshogs shes pa 'gog pa shes pa dang / khams sna tshogs shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /'jig rten shes pa yang dag pa ji lta ba bzhin rab tu mkhyen te/ 'jig rten shes pa kun 'byung ba shes pa dang / 'jig rten shes pa 'gog pa shes pa dang / 'jig rten shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /mos pa du ma shes pa yang dag pa ji lta ba bzhin rab tu mkhyen te/ mos pa du ma shes pa kun 'byung ba shes pa dang / mos pa du ma shes pa 'gog pa shes pa dang / mos pa du ma shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /mos pa sna tshogs shes pa yang dag pa ji lta ba bzhin rab tu mkhyen te/ mos pa sna tshogs shes pa kun 'byung ba shes pa dang / mos pa sna tshogs shes pa 'gog pa shes pa dang / mos pa sna tshogs shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /dbang po shes pa yang dag pa ji lta ba bzhin rab tu mkhyen te/ dbang po shes pa kun 'byung ba shes pa dang / dbang po shes pa 'gog pa shes pa dang / dbang po shes pa 'gog par 'gyur ba'i</font><hr>42.4b<br><font size=+1>

lam shes pa yang dag pa ji lta ba bzhin rab tu mkhyen to/ /stobs shes pa yang dag pa ji lta ba bzhin rab tu mkhyen te/ stobs shes pa kun 'byung ba shes pa dang / stobs shes pa 'gog pa shes pa dang / stobs shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /brtson 'grus shes pa yang dag pa ji lta ba bzhin rab tu mkhyen te/ brtson 'grus shes pa kun 'byung ba shes pa dang / brtson 'grus shes pa 'gog pa shes pa dang / brtson 'grus shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /rim pa shes pa yang dag pa ji lta ba bzhin rab tu mkhyen te/ rim pa shes pa kun 'byung ba shes pa dang / rim pa shes pa 'gog pa shes pa dang / rim pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /bsam gtan shes pa yang dag pa ji lta ba bzhin rab tu mkhyen te/ bsam gtan shes pa kun 'byung ba shes pa dang / bsam gtan shes pa 'gog pa shes pa dang / bsam gtan shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /rnam par thar pa shes pa yang dag pa ji lta ba bzhin rab tu mkhyen te/ rnam par thar pa shes pa kun 'byung ba shes pa dang / rnam par thar pa shes pa 'gog pa shes pa dang / rnam par thar pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /ting nge 'dzin shes pa yang dag pa ji lta ba bzhin rab tu mkhyen te/ ting nge 'dzin shes pa kun 'byung ba shes pa dang / ting nge 'dzin shes pa 'gog pa shes pa dang / ting nge 'dzin shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /snyoms par 'jug pa shes pa yang dag pa ji lta ba bzhin</font><hr>42.5a<br><font size=+1>

rab tu mkhyen te/ snyoms par 'jug pa shes pa kun 'byung ba shes pa dang / snyoms par 'jug pa shes pa 'gog pa shes pa dang / snyoms par 'jug pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /kun nas nyon mongs pa shes pa yang dag pa ji lta ba bzhin rab tu mkhyen te/ kun nas nyon mongs pa shes pa kun 'byung ba shes pa dang / kun nas nyon mongs pa shes pa 'gog pa shes pa dang / kun nas nyon mongs pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /rnam par byang ba shes pa ji lta ba bzhin rab tu mkhyen te/ rnam par byang ba shes pa kun 'byung ba shes pa dang / rnam par byang ba shes pa 'gog pa shes pa dang / rnam par byang ba shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /rnam par gzhag pa shes pa yang dag pa ji lta ba bzhin rab tu mkhyen te/ rnam par gzhag pa shes pa kun 'byung ba shes pa dang / rnam par gzhag pa shes pa 'gog pa shes pa dang / rnam par gzhag pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /sngon gyi mtha' shes pa yang dag pa ji lta ba bzhin rab tu mkhyen te/ sngon gyi mtha' shes pa kun 'byung ba shes pa dang / sngon gyi mtha' shes pa 'gog pa shes pa dang / sngon gyi mtha' shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /sngon gyi gnas shes pa yang dag pa ji lta ba bzhin rab tu mkhyen te/ sngon gyi gnas shes pa kun 'byung ba shes pa dang / sngon gyi gnas shes pa 'gog pa shes pa dang / sngon gyi gnas shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /phyi ma'i mtha' shes pa yang dag pa ji lta ba bzhin</font><hr>42.5b<br><font size=+1>

rab tu mkhyen te/ phyi ma'i mtha' shes pa kun 'byung ba shes pa dang / phyi ma'i mtha' shes pa 'gog pa shes pa dang / phyi ma'i mtha' shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /lha'i mig shes pa yang dag pa ji lta ba bzhin rab tu mkhyen te/ lha'i mig shes pa kun 'byung ba shes pa dang / lha'i mig shes pa 'gog pa shes pa dang / lha'i mig shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /'chi ba shes pa yang dag pa ji lta ba bzhin rab tu mkhyen te/ 'chi ba shes pa kun 'byung ba shes pa dang / 'chi ba shes pa 'gog pa shes pa dang / 'chi ba shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /skye ba shes pa yang dag pa ji lta ba bzhin rab tu mkhyen te/ skye ba shes pa kun 'byung ba shes pa dang / skye ba shes pa 'gog pa shes pa dang / skye ba shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /'dod pa'i zag pa shes pa yang dag pa ji lta ba bzhin rab tu mkhyen te/ 'dod pa'i zag pa shes pa kun 'byung ba shes pa dang / 'dod pa'i zag pa shes pa 'gog pa shes pa dang / 'dod pa'i zag pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /srid pa'i zag pa shes pa yang dag pa ji lta ba bzhin rab tu mkhyen te/ srid pa'i zag pa shes pa kun 'byung ba shes pa dang / srid pa'i zag pa shes pa 'gog pa shes pa dang / srid pa'i zag pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /lta ba'i zag pa shes pa yang dag pa ji lta ba bzhin rab tu mkhyen te/ lta ba'i zag pa shes pa kun 'byung ba shes pa dang / lta ba'i zag pa shes pa 'gog pa shes pa dang / lta ba'i zag pa shes pa 'gog par 'gyur ba'i lam</font><hr>42.6a<br><font size=+1>

shes pa yang dag pa ji lta ba bzhin rab tu mkhyen to/ /ma rig pa'i zag pa shes pa yang dag pa ji lta ba bzhin rab tu mkhyen te/ ma rig pa'i zag pa shes pa kun 'byung ba shes pa dang / ma rig pa'i zag pa shes pa 'gog pa shes pa dang / ma rig pa'i zag pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /zad pa shes pa yang dag pa ji lta ba bzhin rab tu mkhyen te/ zad pa shes pa kun 'byung ba shes pa dang / zad pa shes pa 'gog pa shes pa dang / zad pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /mi skye ba shes pa yang dag pa ji lta ba bzhin rab tu mkhyen te/ mi skye ba shes pa kun 'byung ba shes pa dang / mi skye ba shes pa 'gog pa shes pa dang / mi skye ba shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /mi 'jigs pa shes pa yang dag pa ji lta ba bzhin rab tu mkhyen te/ mi 'jigs pa shes pa kun 'byung ba shes pa dang / mi 'jigs pa shes pa 'gog pa shes pa dang / mi 'jigs pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /so so yang dag par rig pa shes pa yang dag pa ji lta ba bzhin rab tu mkhyen te/ so so yang dag par rig pa shes pa kun 'byung ba shes pa dang / so so yang dag par rig pa shes pa 'gog pa shes pa dang / so so yang dag par rig pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin gshegs pa'i stobs shes pa yang dag pa ji lta ba bzhin rab tu mkhyen te/ de bzhin gshegs pa'i stobs shes pa kun 'byung ba shes pa dang / de bzhin gshegs pa'i stobs shes pa 'gog pa shes pa dang / de bzhin gshegs pa'i stobs shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin gshegs pa'i ye shes kyi mtshan nyid shes pa yang dag pa</font><hr>42.6b<br><font size=+1>

ji lta ba bzhin rab tu mkhyen te/ de bzhin gshegs pa'i ye shes kun 'byung ba shes pa dang / de bzhin gshegs pa'i ye shes 'gog pa shes pa dang / de bzhin gshegs pa'i ye shes 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin gshegs pa'i gnas pa shes pa yang dag pa ji lta ba bzhin rab tu mkhyen te/ de bzhin gshegs pa'i gnas pa shes pa kun 'byung ba shes pa dang / de bzhin gshegs pa'i gnas pa shes pa 'gog pa shes pa dang / de bzhin gshegs pa'i gnas pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin gshegs pa'i dbang po shes pa yang dag pa ji lta ba bzhin rab tu mkhyen te/ de bzhin gshegs pa'i dbang po shes pa kun 'byung ba shes pa dang / de bzhin gshegs pa'i dbang po shes pa 'gog pa shes pa dang / de bzhin gshegs pa'i dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /lus kyi las shes pa yang dag pa ji lta ba bzhin rab tu mkhyen te/ lus kyi las shes pa kun 'byung ba shes pa dang / lus kyi las shes pa 'gog pa shes pa dang / lus kyi las shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /ngag gi las shes pa yang dag pa ji lta ba bzhin rab tu mkhyen te/ ngag gi las shes pa kun 'byung ba shes pa dang / ngag gi las shes pa 'gog pa shes pa dang / ngag gi las shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /yid kyi las shes pa yang dag pa ji lta ba bzhin rab tu mkhyen te/ yid kyi las shes pa kun 'byung ba shes pa dang / yid kyi las shes pa 'gog pa shes pa dang / yid kyi las shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /sngon du 'gro ba shes pa yang dag pa ji lta ba bzhin rab tu mkhyen te/ sngon du 'gro</font><hr>42.7a<br><font size=+1>

ba shes pa kun 'byung ba shes pa dang / sngon du 'gro ba shes pa 'gog pa shes pa dang / sngon du 'gro ba shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /rjes su 'brang ba shes pa yang dag pa ji lta ba bzhin rab tu mkhyen te/ rjes su 'brang ba shes pa kun 'byung ba shes pa dang / rjes su 'brang ba shes pa 'gog pa shes pa dang / rjes su 'brang ba shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /rjes su nyam pa shes pa yang dag pa ji lta ba bzhin rab tu mkhyen te/ rjes su nyam pa shes pa kun 'byung ba shes pa dang / rjes su nyam pa shes pa 'gog pa shes pa dang / rjes su nyam pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /thams cad mkhyen pa nyid shes pa yang dag pa ji lta ba bzhin rab tu mkhyen te/ thams cad mkhyen pa nyid shes pa kun 'byung ba shes pa dang / thams cad mkhyen pa nyid shes pa 'gog pa shes pa dang / thams cad mkhyen pa nyid shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /khyim bdag de ni bcom ldan 'das kyi ye shes rgyas pa bstan pa dang po ste/ de'i bshad pa nyon cig /khyim bdag ji ltar na de bzhin gshegs pas gnas shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ lus kyis nyes par spyad pa'i rnam par smin pa mi 'dod pa/ mi sdug pa yid du mi 'ong ba 'grub pa gang yin pa de ni gnas yin zhing skabs yin no/ /ngag gis nyes par spyad pa dang / yid kyis nyes par spyad pa'i rnam par smin pa mi 'dod pa/ mi sdug pa yid du mi 'ong ba 'grub pa gang yin pa yang gnas yin zhing skabs yin no/ /lus kyis nyes par spyad pas lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba gang yin pa yang gnas yin zhing skabs yin no/ /ngag gis nyes</font><hr>42.7b<br><font size=+1>

par spyad pa dang / yid kyis nyes par spyad pa'i rnam par smin pas lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba gang yin pa yang gnas yin zhing skabs yin no/ /lus kyis legs par spyad pa'i rnam par smin pa 'dod pa/ sdug pa yid du 'ong ba 'grub pa gang yin pa yang gnas yin zhing skabs yin no/ /ngag gis legs par spyad pa dang / yid kyis legs par spyad pa'i rnam par smin pa 'dod pa/ sdug pa yid du 'ong ba mngon par 'grub pa gang yin pa yang gnas yin zhing skabs yin no/ /lus kyis legs par spyad pa'i rnam par smin pas/ lus zhig nas shi ba'i 'og tu bde 'gro mtho ris kyi 'jig rten du skye bar 'gyur ba gang yin pa yang gnas yin zhing skabs yin no/ /ngag gis legs par spyad pa dang / yid kyis legs par spyad pa'i rnam par smin pas lus zhig nas shi ba'i 'og tu bde 'gro mtho ris kyi 'jig rten du skye bar 'gyur ba gang yin pa yang gnas yin zhing skabs yin no/ /'di na so so'i skye bo la las bsams bzhin du ma srog dang phral ba gang yin pa yang gnas yin zhing skabs yin no/ /'di na so so'i skye bo la las bsams bzhin du pha srog dang phral ba gang yin pa yang gnas yin zhing skabs yin no/ /'di na so so'i skye bo la las bsams bzhin du de bzhin gshegs pa'i nyan thos dgra bcom pa srog dang phral ba gang yin pa yang gnas yin zhing skabs yin no/ /'di na so so'i skye bo la las nyan thos kyi dge 'dun 'thun pa phye ba gang yin pa yang gnas yin zhing skabs yin no/ /'di na so so'i skye bo la las de bzhin gshegs pa la ngan sems kyis khrag phyung ba gang yin pa yang gnas yin zhing skabs yin no/ /'di na so so'i skye bo la las ston pa gzhan gyis bstan pa dang / 'di las phyi rol pa gzhan gyi yang dag pa'i lta ba 'cha' zhing bcas pa dang / sbyangs pa gzhan yang dag par len du 'jug pa dang / dge sbyong dang bram ze gang yang rung ba la la dag gi dge mtshan dang / </font><hr>42.8a<br><font size=+1>

bkra shis mang po so so bden pa de dag gis dag pa yongs su tshol ba dang / dge sbyong dang bram ze gzhan dag gis bshad pa la phyogs shing / tshe dang ldan pa shes par bya ba 'di ni shes par bya/ blta bar bya ba 'di ni mthong bar bya'o/ /zhes bya ba gang yin pa yang gnas yin zhing skabs yin no/ /'di na so so'i skye bo la la mi'i srid pa brgyad mngon par 'grub pa gang yin pa yang gnas yin zhing skabs yin no/ /'di na skyes bu gang zag la la tshangs pa nyid sgrub pa 'am/ bdud dam bram ze bsgrub pa gang yin pa yang gnas yin zhing skabs yin no/ /'di na skyes bu gang zag la la 'khor lo bsgyur ba'i rgyal por 'gyur ba gang yin pa yang gnas yin zhing skabs yin no/ /'di na skyes bu gang zag la la de bzhin gshegs pa dgra bcom pa yang dag par rdzogs pa'i sangs rgyas su 'gyur ba gang yin pa yang gnas yin zhing skabs yin no/ /'jig rten gyi khams gcig tu de bzhin gshegs pa gcig byung ba gang yin pa yang gnas yin zhing skabs yin no/ /khyim bdag de ltar na de bzhin gshegs pas gnas shes pa rab tu mkhyen to/ /khyim bdag gzhan yang de bzhin gshegs pas gnas thob pa'i gang zag yang dag pa ji lta ba bzhin rab tu mkhyen te/ gang zag 'di ni sangs rgyas kyi chos rnams kyi snod yin no/ /gang zag 'di ni rang sangs rgyas kyi chos rnams kyi snod yin no/ /gang zag 'di ni nyan thos kyi chos rnams kyi snod yin no/ /khyim bdag de ltar na de bzhin gshegs pas gnas shes pa yang dag pa ji lta ba bzhin rab tu mkhyen to/ /de bzhin gshegs pa gnas shes pa de la yang zhu ba zhus pa na bskal par lan gsung ste/ bskal pa brgya 'am/ bskal pa stong ngam/ bskal pa 'bum 'am/ bskal pa bye ba 'am/ bskal pa sa ya 'am/ bskal pa gtams sam/ bskal pa bkrigs sam/ bskal pa dpag tu med par lan gsung ngo / /bskal pa grangs med pa dang / bsam gyis mi khyab pa dang / gzhal du med pa dang / dpag tu med pa dang / brjod kyis mi lang bar lan gsung ngo / /bskal pa</font><hr>42.8b<br><font size=+1>

dpag tu med pa'i yang dpag tu med pa dang / grangs med pa'i dpag tu med pa dang / bsam gyis mi khyab pa'i dpag tu med pa dang / gzhal du med pa'i dpag tu med pa dang / gzhal gyis mi lang ba'i dpag tu med pa dang / brjod du med pa'i dpag tu med pa'i bskal par lan gsung ngo / /bskal pa grangs med pa'i dpag tu med cing grangs med pa'i dpag tu med pa dang / grangs med pa'i grangs med pa dang / grangs med pa'i bsam gyis mi khyab pa dang / grangs med pa'i gzhal du med pa dang / grangs med pa'i gzhal gyis mi lang ba dang / grangs med pa'i brjod du med pa dang / bsam gyis mi khyab pa'i dpag tu med pa dang / bsam gyis mi khyab pa'i grangs med pa dang / bsam gyis mi khyab cing bsam gyis mi khyab pa'i gzhal du med pa dang / bsam gyis mi khyab pa'i gzhal gyis mi lang ba dang / gzhal du med pa'i dpag tu med pa dang / gzhal du med pa'i grangs med pa dang / gzhal du med pa'i bsam gyis mi khyab pa dang / gzhal du med pa'i gzhal du med pa dang / gzhal du med pa'i gzhal gyis mi lang ba dang / gzhal du med pa'i brjod du med pa dang / gzhal gyis mi lang ba'i dpag tu med pa dang / gzhal gyis mi lang ba'i grangs med pa dang / gzhal gyis mi lang ba'i bsam du med pa dang / gzhal gyis mi lang ba'i gzhal gyis mi lang ba dang / gzhal gyis mi lang ba'i brjod du med pa dang / grangs med pa'i brjod du med pa dang / bsam gyis mi khyab pa'i brjod du med pa dang / gzhal du med pa'i brjod du med pa dang / gzhal gyis mi lang ba'i brjod du med pa'i brjod du med par lan gsung ste/ de'i spobs pa zad mi shes so/ /khyim bdag de ci'i phyir zhe na/ 'di ltar de bzhin gshegs pas chos kyi dbyings bla na med pa/ mkhyen rab kyis shin tu thugs su chud de/ thugs su chud pa'i gnas gang la zhu ba zhus pa'i spobs pa mi zad do/ /de lta bas na 'dir gang gi ye shes mthong ba thogs pa med par</font><hr>42.9a<br><font size=+1>

'jug pa de ni tsan dan gyi khyams dang khang bzang 'di la longs spyod par 'gyur ro/ /khyim bdag ji ltar na de bzhin gshegs pas gnas shes pa/ kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis gnas shes pa/ kun 'byung ba shes pa yang dag par 'grub pa'i rgyu de dag rkyen de dag yang dag pa ji lta ba bzhin rab tu mkhyen te/ gal te mi rtag par rjes su blta bar gnas pa 'am/ gal te sdug bsngal bar rjes su blta bar gnas pa 'am/ gal te nang du rjes su blta ba 'am/ gal te 'bras su rjes su blta ba'am/ gal te zug rngur rjes su blta ba'am/ gal te sdig par rjes su blta ba'am/ gal te gnod par rjes su blta ba'am/ gal te chung ngur rjes su blta ba'am/ gal te 'jig par rjes su blta ba'am/ gal te g.yo ba nyid du rjes su blta ba'am/ gal te rab tu 'jig par rjes su blta ba'am/ gal te 'go ba'i nad du rjes su blta ba'am/ gal te stong pa nyid du rjes su blta ba'am/ gal te bdag med par rjes su blta ba'am/ gal te dbugs dbyung ba med par rjes su blta ba'am/ gal te nyes dmigs su rjes su blta bar gnas pa'am/ gal te nges par 'byung bar rjes su blta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /de ni gnas shes pa kun 'byung ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ gang zag 'di ni de bzhin gshegs pa khrag khrig de dag la dge ba'i rtsa ba bskyed nas/ gnas shes pa la nges par 'byung ba zhes khyim bdag de ltar na de bzhin gshegs pas gnas shes pa kun 'byung ba shes pa yang dag pa ji lta ba bzhin rab tu mkhyen to/ /de bzhin gshegs pa gnas shes pa kun 'byung ba shes pa de la yang zhu ba zhus pa na/ bskal par lan gsung ba nas/ bskal pa</font><hr>42.9b<br><font size=+1>

brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /khyim bdag de ci'i phyir zhe na/ 'di ltar de bzhin gshegs pas chos kyi dbyings bla na med pa mkhyen rab kyis shin tu thugs su chud par mdzad de/ gang thugs su chud pa'i de bzhin gshegs pa gnas shes pa kun 'byung ba shes pa la zhu ba zhus pa'i spobs pa mi zad do/ /de lta bas na 'dir gang gi ye shes mthong ba thogs pa med par 'jug pa de ni tsan dan gyi khyams dang khang bzang 'di la longs spyod par 'gyur ro/ /khyim bdag ji ltar na de bzhin gshegs pas gnas shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing / don ma yin pa zlog la snang ba byas shing mun pa bsal te/ sems can dpag tu med pa sdug bsngal las yongs su thar bar byas nas bde ba la btsud pa ni gnas shes pa 'gog pa shes pa yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ tshogs pa bral bas 'gags shing tshogs pa sbyor bas gnas shes pa skyes la de yang gzod ma nas ma skyes pa'i chos can te/ khyim bdag de ltar na de bzhin gshegs pas gnas shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pas gnas shes pa 'gog pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /khyim bdag de ci'i phyir zhe na/ 'di ltar de bzhin gshegs pas chos kyi dbyings bla na med pa mkhyen rab kyis shin tu thugs su chud de/ gang thugs su chud pa'i de bzhin gshegs pa gnas shes pa 'gog pa shes pa la zhu ba zhus pa'i spobs pa mi zad do/ /de lta bas na 'dir gang gi ye shes mthong ba thogs</font><hr>42.10a<br><font size=+1>

pa med par 'jug pa de ni tsan dan gyi khyams dang khang bzang 'di la longs spyod par 'gyur ro/ /khyim bdag ji ltar na de bzhin gshegs pas gnas shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas gnas shes pa 'gog par 'gyur ba'i lam shes pa yongs su shes pa khong du chud/ mngon sum du byas pa'i shes pa de yang dag pa ji lta ba bzhin rab tu mkhyen te/ gal te ro myong ba med par rjes su blta bar gnas pa 'am/ gal te nyes dmigs su rjes su blta bar gnas pa 'am/ gal te nges par 'byung bar rjes su blta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /'di ni gnas shes pa 'gog par 'gyur ba'i lam shes pa zhes bya ste/ de bzhin gshegs pa gnas shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /khyim bdag de ci'i phyir zhe na/ 'di ltar de bzhin gshegs pas chos kyi dbyings bla na med pa mkhyen rab kyis shin tu thugs su chud de/ gang thugs su chud pa'i de bzhin gshegs pa gnas shes pa 'gog par 'gyur ba'i lam shes pa la zhu ba zhus pa'i spobs pa mi zad do/ /de lta bas na 'dir gang gi ye shes mthong ba thogs pa med par 'jug pa de ni tsan dan gyi khyams dang khang bzang 'di la longs spyod par 'gyur ro/ /khyim bdag gzhan yang ji ltar na de bzhin gshegs pas gnas ma yin pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ lus kyis nyes par spyad pa'i rnam par smin pa 'dod pa sdug pa yid du 'ong ba 'grub pa gang yin pa ni gnas ma yin zhing skabs ma yin no/ /ngag gis nyes par spyad pa dang / yid kyis nyes par spyad</font><hr>42.10b<br><font size=+1>

pa'i rnam par smin pa 'dod pa/ sdug pa yid du 'ong ba 'grub pa gang yin pa ni gnas ma yin zhing skabs ma yin no/ /lus kyis nyes par spyad pa dang / ngag gis nyes par spyad pa dang / yid kyis nyes par spyad pa'i rnam par smin pas lus zhig nas shi ba'i 'og tu bde 'gro mtho ris kyi 'jig rten du skye ba gang yin pa de ni gnas ma yin zhing skabs ma yin no/ /ngag gis nyes par spyad pa dang / yid kyis nyes par spyad pa'i yang de bzhin no/ /lus kyis legs par spyad pa'i rnam par smin pa mi 'dod pa mi sdug pa yid du mi 'ong ba mngon par 'grub pa gang yin pa ni gnas ma yin zhing skabs ma yin no/ /ngag gis legs par spyad pa dang / yid kyis legs par spyad pa yang de bzhin no/ /lus kyis legs par spyad pa'i rnam par smin pas lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye ba gang yin pa dang / de bzhin du ngag gis legs par spyad pa dang / yid kyis legs par spyad pa'i rnam par smin pas lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye ba ni gnas ma yin zhing skabs ma yin no/ /lta ba phun sum tshogs pa'i gang zag gis bsams bzhin du ma srog dang phral ba dang / de bzhin du pha dang / de bzhin du dgra bcom pa dang / de bzhin du dge 'dun phye ba dang / de bzhin du de bzhin gshegs pa la ngan sems kyis khrag phyung ba gang yin pa ni gnas ma yin zhing skabs ma yin no/ /lta ba phun sum tshogs pa dang ldan pa'i gang zag gis ston pa gzhan rnam par bstan pa dang / de bzhin du 'di las phyi rol pa gzhan gyis yang dag pa'i lta ba 'cha' zhing bcas pa dang / sbyangs pa gzhan yang dag par len du 'jug pa dang / dge sbyong dang bram ze gang yang rung ba la la dag gis dge mtshan dang / bkra shis mang po so so'i bden pa de dag gis dag par 'dod pa dang / dge sbyong dang bram ze gzhan dag gis bshad pa la phyogs</font><hr>42.11a<br><font size=+1>

shing / tshe dang ldan pa shes par bya ba 'di ni shes par bya/ blta bar bya ba 'di ni mthong bar bya ba gang yin pa yang gnas ma yin zhing skabs ma yin no/ /lta ba phun sum tshogs pa'i gang zag gis mi'i srid pa brgyad mngon par 'grub pa gang yin pa ni gnas ma yin zhing skabs ma yin no/ /bud med bdag gi dngos po de nyid kyis brgya byin nam/ bdud dam/ tshangs pa bsgrub pa gang yin pa ni gnas ma yin zhing skabs ma yin no/ /bud med bdag gi dngos po de nyid kyis 'khor los bsgyur ba'i rgyal por 'gyur ba gang yin pa ni gnas ma yin zhing skabs ma yin no/ /bud med bdag gi dngos po de nyid kyis de bzhin gshegs pa dgra bcom pa yang dag par rdzogs pa'i sangs rgyas su 'gyur ba gang yin pa ni gnas ma yin zhing skabs ma yin no/ /'jig rten gyi khams gcig tu de bzhin gshegs pa dgra bcom pa yang dag par rdzogs pa'i sangs rgyas gnyis 'jig rten du 'byung ba gang yin pa yang gnas ma yin zhing skabs ma yin no/ /khyim bdag de ltar na de bzhin gshegs pas gnas ma yin pa shes pa yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas gnas ma yin pa thob pa'i gang zag yang dag pa ji lta ba bzhin rab tu mkhyen te/ gang zag 'dis sangs rgyas khrag khrig 'di snyed gcig thugs byung bar byas pas/ de sangs rgyas kyi chos rnams dang / rang sangs rgyas kyi chos rnams dang / nyan thos kyi chos rnams kyi snod ma yin pa de ltar de bzhin gshegs pas gnas ma yin pa shes pa yang dag pa ji lta ba bzhin rab tu mkhyen to/ /de bzhin gshegs pa gnas ma yin pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de lta bas na 'dir gang gi ye shes mthong ba thogs pa med par 'jug pa de ni tsan dan gyi khyams dang khang bzang 'di la longs spyod par</font><hr>42.11b<br><font size=+1>

'gyur ro/ /khyim bdag gzhan yang ji ltar na de bzhin gshegs pas gnas ma yin pa shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis gnas ma yin pa shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te rtag par rjes su blta bar gnas pa 'am/ gal te sdug bsngal ma yin par rjes su blta ba 'am/ gal te nad ma yin par rjes su blta ba 'am/ gal te 'bras ma yin par rjes su blta ba 'am/ gal te zug rngu ma yin par rjes su blta ba 'am/ gal te sdig pa ma yin par rjes su blta ba 'am/ gal te gzhan ma yin par rjes su blta ba 'am/ gal te 'jig pa ma yin par rjes su blta ba 'am/ gal te g.yo ba ma yin par rjes su blta ba 'am/ gal te rab tu 'jig pa ma yin par rjes su blta ba 'am/ gal te 'go ba'i nad ma yin par rjes su blta ba 'am/ gal te mi stong par rjes su blta ba 'am/ gal te bdag yod par rjes su blta ba 'am/ gal te dbugs 'byung ba med par rjes su blta ba 'am/ gal te nyes dmigs med par rjes su blta ba 'am/ gal te gnod pa med par rjes su blta ba 'am/ gal te phyir rgol ba ma yin par rjes su blta bar gnas pa ma yin pa shes pa kun 'byung ba shes pa zhes bya ste/ de de bzhin gshegs pas mkhyen/ thugs su chud mngon sum du mdzad do/ /de lta bas na de bzhin gshegs pa'i ye shes gang gis gnas ma yin pa shes pa kun 'byung ba shes pa yang dag pa ji lta ba bzhin rab tu mkhyen te/ 'di ni gnas ma yin pa shes pa kun 'byung ba shes pa zhes bya'o/ /de bzhin gshegs pa gnas ma yin pa shes pa kun 'byung ba shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ </font><hr>42.12a<br><font size=+1>

de'i spobs pa zad mi shes so/ /khyim bdag de ci'i phyir zhe na/ 'di ltar de bzhin gshegs pas chos kyi dbyings bla na med pa mkhyen rab kyis shin tu thugs su chud par mdzad cing / gang thugs su chud pa'i de bzhin gshegs pa gnas ma yin pa shes pa kun 'byung ba shes pa la zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de lta bas na 'dir gang gi ye shes mthong ba thogs pa med par 'jug pa de ni/ tsan dan gyi khyams dang khang bzang 'di la longs spyod par 'gyur ro/ /khyim bdag ji ltar na de bzhin gshegs pas gnas ma yin pa shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ de bzhin gshegs pa la ma bsten pa'i sems can rnams gnas ma yin pa shes pa kun 'byung ba shes par gyur cing / de de bzhin gshegs pa la bsten na bral te/ khyim bdag de ltar na de bzhin gshegs pas gnas ma yin pa shes pa 'gog pa shes pa yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing / don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni gnas ma yin pa shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas gnas ma yin pa shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa gnas ma yin pa shes pa la yang zhu ba zhus pa na/ bskal par lan gsung</font><hr>42.12b<br><font size=+1>

ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de lta bas na 'dir gang gi ye shes mthong ba thogs pa med par 'jug pa de ni tsan dan gyi khyams dang khang bzang 'di la longs spyod par 'gyur ro/ /khyim bdag ji ltar na de bzhin gshegs pas gnas ma yin pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shin tu rmongs pa gang gis gnas ma yin pa ston pa la mi shes pa byung ba'i shin tu rmongs pa de ni ngo bo nyid dang bral ba ste/ des na shin tu rmongs pa'i chos med de/ chos thams cad ngo bo nyid dang bral ba'i phyir ro/ /khyim bdag de ltar na de bzhin gshegs pas gnas ma yin pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pa shes pa gang gis gnas ma yin pa shes pa yongs su shes pa'i 'gog pa shes pa de yang dag pa ji lta ba bzhin rab tu mkhyen te/ gal te ro myong ba med par rjes su blta bar gnas pa'am/ gal te nyes dmigs med par rjes su blta bar gnas pa de/  de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gnas ma yin pa shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med par lan gsung ste/ de'i spobs pa zad mi shes so/ /de ci'i phyir zhe na/ 'di ltar de bzhin gshegs pas chos kyi dbyings bla na med pa mkhyen rab kyis shin tu thugs su chud cing / gang thugs su chud pa'i de bzhin gshegs pas gnas ma yin par shes pa 'gog par 'gyur ba'i lam shes pa de la zhu ba zhus pa na/ bskal par lan gsung ba nas/ </font><hr>42.13a<br><font size=+1>

bskal pa brjod du med pa'i yang brjod du med pa'i bar dag tu lan gsung ste/ de lta bas na 'dir gang gis ye shes mthong ba thogs pa med par 'jug pa de ni tsan dan gyi khyams dang khang bzang la longs spyod par 'gyur ro/ /khyim bdag gzhan yang ji ltar na de bzhin gshegs pas 'das pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'das pa'i bskal pa dpag tu med pa'i sangs rgyas dang / sangs rgyas kyi zhing dang / sems can rnams rab tu mkhyen te/ 'das pa'i bskal pa grangs med pa dang / bsam gyis mi khyab pa dang / gzhal du med pa dang / gzhal gyis mi lang ba dang / brjod du med pa'i bar dag gi sangs rgyas dang / sangs rgyas kyi zhing dang / sems can rnams rab tu mkhyen to/ /'das pa'i bskal pa dpag tu med pa'i yang dpag tu med pa dang / dpag tu med pa'i grangs med pa dang / dpag tu med pa'i bsam gyis mi khyab pa dang / dpag tu med pa'i gzhal du med pa dang / dpag tu med pa'i brjod du med pa'i sangs rgyas dang / sangs rgyas kyi zhing dang / sems can rnams rab tu mkhyen to/ /de bzhin du sbyar te 'das pa'i bskal pa brjod du med pa'i dpag tu med pa dang / brjod du med pa'i grangs med pa dang / brjod du med pa'i bsam gyis mi khyab pa dang / brjod du med pa'i gzhal du med pa dang / brjod du med pa'i gzhal gyis mi lang ba dang / brjod du med pa'i yang brjod du med pa'i bar dag gis sangs rgyas dang / sangs rgyas kyi zhing dang / sems can rnams rab tu mkhyen to/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni 'das pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'das pa shes pa de la yang zhu ba zhus pa na/ bskal par lan gsung ba nas/ </font><hr>42.13b<br><font size=+1>

de bzhin du sbyar te yongs su longs spyod pa'i bar du 'gyur ro/ /kun 'byung ba dang / 'gog pa dang / lam yang sngar ji skad bstan pa bzhin no/ /khyim bdag ji ltar na de bzhin gshegs pas ma 'ongs pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas ma 'ongs pa'i bskal pa dpag tu med pa'i sangs rgyas dang / sems can rnams rab tu mkhyen te/ ma 'ongs pa'i bskal pa grangs med pa dang / bsam gyis mi khyab pa dang / gzhal du med pa dang / brjod du med pa'i sangs rgyas dang / sangs rgyas kyi zhing dang / sems can rnams rab tu mkhyen to/ /ma 'ongs pa'i bskal pa dpag tu med pa'i yang dpag tu med pa dang / dpag tu med pa'i grangs med pa dang / dpag tu med pa'i bsam gyis mi khyab pa dang / dpag tu med pa'i gzhal du med pa dang / dpag tu med pa'i gzhal gyis mi lang ba dang / dpag tu med pa'i brjod du med pa'i sangs rgyas dang / sangs rgyas kyi zhing dang / sems can rnams rab tu mkhyen pa nas ma 'ongs pa'i bskal pa brjod du med pa'i yang brjod du med pa'i bar dag gi sangs rgyas dang / sangs rgyas kyi zhing dang / sems can rnams rab tu mkhyen to/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ma 'ongs pa shes bya ste/ de bzhin gshegs pa ma 'ongs pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i bar dag tu lan gsung ste/ de'i spobs pa zad mi shes so/ /de lta bas na 'dir gang gi ye shes mthong ba thogs pa med par 'jug pa de ni tsan dan gyi khyams dang khang bzang 'di la longs spyod par 'gyur ro/ /kun 'byung ba dang / 'gog pa dang / lam yang ji skad bstan pa bzhin no/ /khyim bdag gzhan yang ji ltar na de bzhin gshegs pas da ltar byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas da ltar</font><hr>42.14a<br><font size=+1>

byung ba'i shar phyogs kyi sangs rgyas dang / sangs rgyas kyi zhing dang / sems can dpag tu med pa rnams rab tu mkhyen te/ da ltar byung ba grangs med pa dang / bsam gyis mi khyab pa dang / gzhal du med pa dang / gzhal gyis mi lang ba dang / brjod du med pa'i sangs rgyas dang / sangs rgyas kyi zhing dang / sems can rnams rab tu mkhyen pa nas de bzhin du sbyar te/ da ltar byung ba'i bskal pa brjod du med pa'i yang brjod du med pa'i bar dag gi sangs rgyas dang / sangs rgyas kyi zhing dang / sems can rnams rab tu mkhyen te/ de la shes pa dang / mthong ba dang / gsal ba dang / yang dag par khong du chud pa dang / mkhas pa gang yin pa 'di ni da ltar byung ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa da ltar byung ba shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de lta bas na 'dir gang gi ye shes mthong ba thogs pa med par 'jug pa de ni tsan dan gyi khyams dang khang bzang 'di la longs spyod par 'gyur ro/ /kun 'byung ba dang / 'gog pa dang / lam yang ji skad bstan pa bzhin no/ /khyim bdag gzhan yang ji ltar na de bzhin gshegs pas las shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas yang dag par len pa'i las bzhi rab tu mkhyen te/ bzhi gang zhe na/ tshe 'di la myong bar 'gyur ba'i las dang / skyes nas myong bar 'gyur ba dang / lan grangs gzhan la myong bar 'gyur ba dang / myong bar mi 'gyur ba'i las so/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni las shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa las shes pa de la yang zhu ba zhus pa na/ bskal par lan gsung ba nas/ bskal pa brjod</font><hr>42.14b<br><font size=+1>

du med pa'i bar dag tu lan gsung ste/ longs spyod pa'i bar du 'gyur ro/ / bam po gnyis pa/ khyim bdag ji ltar na de bzhin gshegs pas las shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis las dang kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su blta bar gnas pa nas/ gal te phyir rgol bar rjes su blta bar gnas pa'i bar de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa las shes pa kun 'byung ba shes pa de la yang zhu ba zhus pa na/ bskal par lan gsung ba nas/ longs spyod pa'i bar du 'gyur ro/ /khyim bdag ji ltar na de bzhin gshegs pas las shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa'i don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni las shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas las shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa las shes pa 'gog pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas las shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes</font><hr>42.15a<br><font size=+1>

pa gang gis las shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su blta bar gnas pa 'am/ gal te nyes dmigs su rjes su blta bar gnas pa 'am/ gal te nges par 'byung bar rjes su blta bar gnas pa de de bzhin gshegs pas yang dag pa ji lta ba bzhin rab tu mkhyen to/ /khyim bdag de ltar na de bzhin gshegs pas las shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin gshegs pa las shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung zhing / bskal pa brjod du med pa'i yang brjod du med par lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yang dag par len pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas yang dag par len pa'i las bzhi po yang dag pa ji lta ba bzhin rab tu mkhyen te/ bzhi gang zhe na/ da ltar byung ba na yang sdug bsngal la/ phyi ma la yang rnam par smin pa sdug bsngal ba yang dag par len pa'i las yod pa dang / da ltar byung ba na bde la phyi ma la rnam par smin pa sdug bsngal ba yang dag par len pa'i las yod pa dang / da ltar byung ba na sdug bsngal la phyi ma la yang rnam par smin pa bde ba yang dag par len pa'i las yod pa dang / da ltar byung ba na yang bde la phyi ma la yang rnam par smin pa bde ba yang dag par len pa'i las yod do/ /da ltar byung ba na yang sdug bsngal la phyi ma la yang rnam par smin pa sdug bsngal ba yang dag par len pa'i las gang zhe na/ yang dag par len pa'i las gang dge sbyong dang bram ze mkhas pa rnams kyis smad pa 'di lta ste/ mi dge ba bcu'i las</font><hr>42.15b<br><font size=+1>

kyi lam rnams yang dag par len pa yin te/ de yang 'dod chags drag po dang / zhe sdang drag po dang / gti mug drag pos yang dag par blangs pa ni/ dbul ba'i sdug bsngal yang dag par blangs pa yin la/ de yang tshe 'di nyid la mkhas pa rnams kyis smad par bya ba yin zhing / phyi ma la yang rnam par smin pa mi 'dod pa yin te/ yang dag par len pa'i las 'di ni da ltar byung ba na yang sdug bsngal la/ phyi ma la yang rnam par smin pa sdug bsngal ba yin no/ /da ltar byung ba na bde la/ phyi ma la yang rnam par smin pa sdug bsngal ba yang dag par len pa'i las gang zhe na/ 'dod chags drag po dang / zhe sdang drag po dang / gti mug drag po dang / dbang phyug gi dbang gis yang dag par blangs pa yin te/ 'di lta ste/ mi dge ba bcu'i las kyi lam rnams yang dag par blangs pa yin la/ de tshe 'di nyid la longs spyod kyi grangs su 'gyur zhing / byis pa rnams kyis kyang bsngags la/ mkhas pa rnams kyis ni smad la/ phyi ma la yang mi 'dod pa/ mi sdug pa dag tu 'gyur te/ byis pa rnams kyis bsngags la/ mkhas pa rnams kyis smad pa yang dag par len pa'i las 'di ni da ltar byung ba na bde la/ phyi ma la rnam par smin pa sdug bsngal ba yin no/ /da ltar byung ba na yang sdug bsngal la/ phyi ma la yang rnam par smin pa bde ba yang dag par len pa'i las gang zhe na/ 'dod chags drag po dang / zhe sdang drag po dang / gti mug drag po gang dag so sor rtog pa 'dis las kyi ro myang ba la zhugs la/ dge ba bcu'i las kyi lam rnams yang dag par blangs te/ dbul ba zil gyis mnan nas tshul bzhin du so sor rtog pa/ mkhas pa rnams kyis bzung ba/ sdug bsngal la bzod pa/ yid mi bde ba la bzod pa/ dge ba'i phyogs yang dag par len pa/ 'phags pa'i chos yang dag par len pa ste/ yang dag par len pa'i las 'di ni da ltar byung ba na sdug bsngal la/ phyi ma la rnam par smin pa bde ba yin no/ /</font><hr>42.16a<br><font size=+1>

da ltar byung ba na yang bde la/ phyi ma la yang rnam par smin pa bde ba yang dag par len pa'i las gang zhe na/ 'dod chags chung ba dang / zhe sdang chung ba dang / gti mug chung ba dang / shes rab gsal ba gang dag gis tshul bzhin du so sor rtog pa ste/ dge ba bcu'i las kyi lam rnams yang dag par blangs shing yo byad phun sum tshogs kyang / dbang phyug dang rgyags pa zil gyis mnan nas/ dge ba'i phyogs kyi gzhi la gnas pa'o/ /de tshe 'di la yang bde la yo byad bde ba nyams su myong zhing mkhas pa rnams kyis kyang bstod pa yin la/ phyi ma la yang de'i 'dod pa dang / sdug pa dang / yid du 'ong bar 'gyur ba yin te/ yang dag par len pa'i las 'di ni/ tshe 'di la yang bde la/ phyi ma la yang rnam par smin pa bde ba yin no/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni yang dag par len pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yang dag par len pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de bzhin du sbyar te de ni tsan dan gyi khyams dang khang bzang 'di la longs spyod par 'gyur ro/ /khyim bdag ji ltar na de bzhin gshegs pas chos yang dag par len pa shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la rgyu gang dang rkyen gang dag gis yang dag par len pa shes pa kun 'byung ba shes pa yang dag par 'grub pa'i rgyu de dang rkyen de dag de bzhin gshegs pas yang dag pa ji lta ba bzhin rab tu mkhyen te/ gal te mi rtag par rjes su blta bar gnas pa nas/ gal te phyir rgol bar rjes su blta bar gnas pa'i bar de dag de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yang dag par len pa shes pa kun 'byung ba shes pa de la yang</font><hr>42.16b<br><font size=+1>

zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yang dag par len pa shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni yang dag par len pa shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas yang dag par len pa shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa yang dag par len pa shes pa 'gog pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i bar dag tu lan gsung la/ bskal pa brjod du med pa'i yang brjod du med pa'i bar dag tu lan gsung ste/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yang dag par len pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis yang dag par len pa shes pa yongs su shes/ khong du chud/ mngon sum du byas pa'i 'gog pa de/ de bzhin gshegs pas yang dag pa ji lta ba bzhin rab tu mkhyen te/ gal te ro myang ba med par rjes su blta bar gnas pa 'am/ gal te nyes dmigs su rjes su blta bar gnas pa 'am/ gal te nges par 'byung bar rjes su blta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yang dag par len pa'i 'gog</font><hr>42.17a<br><font size=+1>

par 'gyur ba'i lam shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnas dang gnas kyi shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ las 'di lta bu ni sems can dmyal ba'i gnas su rnam par smin par 'gyur ro/ /las 'di lta bu ni dud 'gro'i gnas su rnam par smin par 'gyur ro/ /las 'di lta bu ni gshin rje'i gnas su rnam par smin par 'gyur ro/ /las 'di lta bu ni lha ma yin gyi gnas su rnam par smin par 'gyur ro/ /las 'di lta bu ni mi'i gnas su rnam par smin par 'gyur ro/ /las 'di lta bu ni rgyal chen bzhi'i ris kyi gnas su rnam par smin par 'gyur ro/ /las 'di lta bu ni sum bcu rtsa gsum gyi gnas su rnam par smin par 'gyur ro/ /las 'di lta bu ni 'thab bral gyi gnas su rnam par smin par 'gyur ro/ /las 'di lta bu ni 'phrul dga'i gnas su rnam par smin par 'gyur ro/ /las 'di lta bu ni gzhan 'phrul dbang byed kyi gnas su rnam par smin par 'gyur ro/ /las 'di lta bu ni tshangs pa'i gnas su rnam par smin par 'gyur ro/ /tshangs ris kyi gnas dang / tshangs pa mdun na 'don gyi gnas su rnam par smin par 'gyur ro/ /las 'di lta bu ni 'od chung dang / tshad med 'od dang / 'od gsal gyi gnas su rnam par smin par 'gyur ro/ /las 'di lta bu ni dge ba dang / chung dge dang / tshad med dge ba dang / dge rgyas kyi gnas su rnam par smin par 'gyur ro/ /las 'di lta bu ni che ba dang / chung che dang / tshad med che ba dang / 'bras bu che ba'i gnas su rnam par smin par 'gyur ro/ /las 'di lta bu ni mi che ba dang / mi gdung ba dang / gya nom snang ba dang / shin tu mthong ba dang / 'og min gyi gnas su rnam par smin par</font><hr>42.17b<br><font size=+1>

'gyur ro/ /las 'di lta bu ni 'du shes med pa'i gnas su rnam par smin par 'gyur ro/ /nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched kyi gnas su rnam par smin par 'gyur ro/ /las 'di lta bu ni 'khor ba'i gnas su rnam par smin par 'gyur ro/ /las 'di lta bu ni mya ngan las 'da' bar zhugs pa'i rnam par smin par 'gyur ro/ /zhes khyim bdag de ltar na de bzhin gshegs pas gnas dang gnas kyi shes pa yang dag pa ji lta ba bzhin rab tu mkhyen to/ /de bzhin gshegs pa gnas dang gnas kyi shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnas dang gnas kyi shes pa gun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis gnas dang gnas kyi shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su blta bar gnas pa nas/ gal te phyir rgol bar rjes su blta bar gnas pa'i bar de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gnas dang gnas kyi shes pa kun 'byung ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnas dang gnas kyi shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs</font><hr>42.18a<br><font size=+1>

su thar bar byas nas/ bde ba la btsud pa ni gnas dang gnas kyi shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas gnas dang gnas kyi shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa gnas dang gnas kyi shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnas dang gnas kyi shes pa 'gog pa shes par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis gnas dang gnas kyi shes pa yongs su shes/ khong du chud/ mngon sum du byas pa'i 'gog pa/ gal te ro myang ba med par rjes su blta bar gnas pa 'am/ gal te nyes dmigs su rjes su blta bar gnas pa 'am/ gal te nges par 'byung bar rjes su blta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas gnas dang gnas kyi shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rgyu yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dang dmigs pa gang dag gis sems can dag sems can dmyal ba'i las kyi rnam par smin pa mngon du yang dag par byed pa'i rgyu de dang rkyen de dang / dmigs pa de dag de bzhin gshegs pas yang dag pa ji lta ba bzhin rab tu mkhyen te/ 'di ni dud 'gro'i rnam par smin pa/ gshin rje'i rnam par smin pa/ lha ma yin gyi rnam par smin pa/ mi'i rnam par smin pa/ rgyal chen</font><hr>42.18b<br><font size=+1>

bzhi'i ris kyi rnam par smin pa/ sum bcu rtsa gsum gyi rnam par smin pa/ 'thab bral gyi rnam par smin pa/ dga' ldan gyi rnam par smin pa/ 'phrul dga'i rnam par smin pa/ gzhan 'phrul dbang byed kyi rnam par smin pa/ tshangs ris dang / tshangs pa'i mdun na 'don dang / tshangs 'khor dang / tshangs pa chen po'i rnam par smin pa/ 'od dang / 'od chung dang / tshad med 'od dang / 'od gsal gyi rnam par smin pa/ dge ba dang / chung dge dang / tshad med dge ba dang / dge rgyas kyi rnam par smin pa/ che ba dang / chung che dang / tshad med che ba dang / 'bras bu che ba'i rnam par smin pa dang / mi che ba dang / mi gdung ba dang / gya nom snang dang / shin tu mthong dang / 'og min gyi rnam par smin pa/ 'du shes med pa'i sems can gyi rnam par smin pa'i rgyu gang dang rkyen gang dang / dmigs pa gang dag gis las kyi rnam par smin pa mngon du yang dag par byed pa'i rgyu de dang rkyen de dang / dmigs pa de dag de bzhin gshegs pas yang dag pa ji lta ba bzhin rab tu mkhyen te/ rgyu gang dang rkyen gang dang dmigs pa gang dag gis las kyi rnam par smin pa mngon du yang dag par byed pa'i rgyu de dang / rkyen de dang / dmigs pa de dag de bzhin gshegs pas yang dag pa ji lta ba bzhin rab tu mkhyen te/ khyim bdag de ltar na de bzhin gshegs pas rgyu mkhyen pa yang dag pa ji lta ba bzhin rab tu mkhyen to/ /de bzhin gshegs pa rgyu shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sems can rnams kyi rgyu shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis rgyu shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su blta bar gnas pa nas/ </font><hr>42.19a<br><font size=+1>

gal te phyir rgol bar rjes su blta bar gnas pa'i bar de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rgyu shes pa kun 'byung ba shes pa de la yang zhu ba zhus pa na/ bskal par lan gsung ba nas/ tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rgyu shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni rgyu shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas rgyu shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa rgyu shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rgyu shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis rgyu shes pa 'gog par 'gyur ba'i lam shes pa yongs su shes/ khong du chud/ mngon sum du byas pa'i 'gog pa shes pa de la yang dag pa ji lta ba bzhin rab tu mkhyen te/ gal te ro myang ba med par rjes su blta bar gnas pa 'am/ gal te nyes dmigs su rjes su blta bar gnas pa ste/ khyim bdag de ltar na de bzhin gshegs pa rgyu shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /khyim bdag rgyu shes pa 'gog par 'gyur</font><hr>42.19b<br><font size=+1>

ba'i lam shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rnam par smin pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ las kyi rnam par smin pa 'di lta bu ni sems can dmyal ba rnams kyi gnas su rnam par smin par 'gyur ro/ /las kyi rnam par smin pa 'di lta bu ni dud 'gro'i skye gnas su rnam par smin par 'gyur ro/ /las kyi rnam par smin pa 'di lta bu ni gshin rje'i 'jig rten du rnam par smin par 'gyur ba nas/ las kyi rnam par smin pa 'di lta bu ni/ 'du shes med 'du shes med min skye mched rnams su rnam par smin pa'i bar du 'gyur ro/ /las kyi rnam par smin pa 'di lta bu ni rnam par smin par mi 'gyur te/ las de'i byed pa po yang med la/ las de'i rnam par smin pa so sor myong ba yang med de/ de de bzhin gshegs pas yang dag pa ji lta ba bzhin rab tu mkhyen to/ /khyim bdag de ltar na de bzhin gshegs pas rnam par smin pa shes pa yang dag pa ji lta ba bzhin rab tu mkhyen to/ /de bzhin gshegs pa rnam par smin pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rnam par smin pa shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu</font><hr>42.20a<br><font size=+1>

med pa rnams la dge ba'i rtsa ba bskyed pa'i rnam par smin pa shes pa kun 'byung ba shes pa yang dag par 'grub pa de/ de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas rgyu gang dang rkyen gang dag gis rnam par smin pa shes pa kun 'byung ba shes pa yang dag par 'grub pa'i rgyu de dang rkyen de dag gis yang dag pa ji lta ba bzhin rab tu mkhyen te/ gal te mi rtag par rjes su blta bar gnas pa nas/ gal te phyir rgol bar rjes su blta bar gnas pa'i bar der/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rnam par smin pa shes pa kun 'byung ba shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pa rnam par smin pa shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni rnam par smin pa shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas rnam par smin pa shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa rnam par smin pa shes pa 'gog pa shes pa de la yang</font><hr>42.20b<br><font size=+1>

zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rnam par smin pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa gang gis rnam par smin pa shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su blta bar gnas pa 'am/ gal te nyes dmigs su rjes su blta bar gnas pa 'am/ gal te nges par 'byung bar rjes su blta bar gnas pa ste/ khyim bdag de ltar na de bzhin gshegs pas rnam par smin pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin gshegs pa rnam par smin pa shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas thams cad du 'gro ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ 'di ltar zhugs pa ni gshin rje'i 'jig rten du skye'o/ /'di ltar zhugs pa ni lha ma yin du skye'o/ /'di ltar zhugs pa ni mir skye ba nas/ 'di ltar zhugs pa ni 'du shes med 'du shes med min skye mched kyi bar du'o/ /'di ltar zhugs pa ni lhar skye'o/ /</font><hr>42.21a<br><font size=+1>

'di ni mir skye'o/ /zhes khyim bdag de ltar na de bzhin gshegs pas thams cad du 'gro ba'i lam shes pa yang dag pa ji lta ba bzhin rab tu mkhyen to/ /de bzhin gshegs pa thams cad du 'gro ba'i lam shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas thams cad du 'gro ba'i lam shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ kun 'byung ba shes pa yang dag par 'grub pa de/ de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang rgyu gang dang rkyen gang dag gis thams cad du 'gro ba'i lam shes pa yang dag par 'grub pa'i rgyu de dang rkyen de dag de bzhin gshegs pas yang dag pa ji lta ba bzhin rab tu mkhyen te/ gal te mi rtag par rjes su blta bar gnas pa nas/ gal te phyir rgol bar rjes su blta bar gnas pa'i bar de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa thams cad du 'gro ba'i lam shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang / khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas thams cad du</font><hr>42.21b<br><font size=+1>

'gro ba'i lam shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la rgyu gang dang rkyen gang dag gis thams cad du 'gro ba'i lam shes pa 'gog pa de dang rkyen de dag yang dag pa ji lta ba bzhin rab tu mkhyen to/ /de bzhin gshegs pa thams cad du 'gro ba'i lam shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang / khang bzang gi bar 'di la longs spyod par 'gyur ro/ /khyim bdag ji ltar na/ de bzhin gshegs pas thams cad du 'gro ba'i lam shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la shes pa gang gis thams cad du 'gro ba'i lam shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen to/ /de bzhin gshegs pa thams cad du 'gro ba'i lam shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas mig gi khams shes pa yang dag pa ji lta ba bzhin rab tu mkhyen te/ mig gi khams shes pa kun 'byung ba shes pa/ mig gi khams shes pa 'gog pa shes pa/ mig gi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /gzugs kyi khams shes te gzugs kyi khams shes pa kun 'byung ba shes/ gzugs kyi khams shes pa 'gog pa shes gzugs kyi khams</font><hr>42.22a<br><font size=+1>

shes pa 'gog par 'gyur ba'i lam shes pa yang dag pa ji lta ba bzhin rab tu mkhyen te/ mig gi rnam par shes pa'i khams shes te/ mig gi rnam par shes pa'i khams shes pa kun 'byung ba shes/ mig gi rnam par shes pa'i khams shes pa 'gog pa shes/ mig gi rnam par shes pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin du sbyar te rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams shes so/ /yid kyi khams shes te/ yid kyi khams shes pa kun 'byung ba shes/ yid kyi khams shes pa 'gog pa shes/ yid kyi khams shes pa 'gog par 'gyur ba'i lam shes so/ /chos kyi khams shes te/ chos kyi khams shes pa kun 'byung ba shes/ chos kyi khams shes pa 'gog pa shes/ chos kyi khams shes pa 'gog par 'gyur ba'i lam shes so/ /yid kyi rnam par shes pa'i khams shes te/ yid kyi rnam par shes pa'i khams pa kun 'byung ba shes/ yid kyi rnam par shes pa'i khams shes pa 'gog pa shes/ yid kyi rnam par shes pa'i khams shes pa 'gog par 'gyur ba'i lam shes pa yang dag par ji lta ba bzhin rab tu mkhyen to/ /khyim bdag ji ltar na de bzhin gshegs pas mig gi rnam par shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ </font><hr>42.22b<br><font size=+1>

zin pa'i 'byung ba chen po'i rgyur byas pa dang ba gang yin pa ni mig gi rnam par smin pa ste/ gang gi mig la gzugs su snang bar 'gyur zhing / gzugs kyang thogs pa dang / mig gzugs rnams la thogs pa gang yin pa dang / gang du mig kyang gzugs la thogs pa dang / mig gang gis gzugs mthong ba dang / lta ba dang / lta bar 'gyur ba dang / gzugs mthong bar bya ba'i phyir rtag tu tha mi dad par rung ba'i mig gang yin pa dang / khams bcwo brgyad dag las mig gi khams gang yin pa dang / skye mched bcu gnyis dag las mig gi skye mched gang yin pa dang / dbang po nyi shu rtsa gnyis dag las mig gi dbang po gang yin pa ste/ de ni mig kyang yin/ de ni mig gi khams kyang yin/ de ni mig gi skye mched kyang yin/ de ni mig gi dbang po yang yin/ de ni rgyun kyang yin/ de ni mtsho yang yin/ de ni rgya mtsho yang yin/ de ni klong yang yin/ de ni snang ba yang yin/ de ni chu 'byung yang yin/ de ni khrid byed kyang yin/ de ni 'dren byed kyang yin/ de ni gzhi yang yin/ de ni sbubs kyang yin/ de ni gsal ba yang yin/ de ni pha rol gyi 'gram ma yin pa yang yin/ de ni bdud kyi snod kyang yin/ de ni bdag gi dngos por 'jug pa yang yin/ de ni grong stong par 'jug pa yang yin/ de ni mngon par shes par bya ba yang yin/ de ni yongs su shes par bya ba yang yin/ de ni spang bar bya ba yang yin te/ 'di ni mig gi khams shes bya'o/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni mig gi khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mig gi khams shes pa de la yang zhu ba zhus pa na/ bskal par</font><hr>42.22c<br><font size=+1>

# lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /khyim bdag de ci'i phyir zhe na/ 'di ltar de bzhin gshegs pas chos kyi dbyings bla na med pa mkhyen rab kyis shin tu thugs su chud par mdzad cing / gang thugs su chud pa'i de bzhin gshegs pa mig gi khams shes pa de la yang zhu ba zhus pa na/ spobs pa zad mi shes so/ /khyim bdag de lta bas na/ 'dir gang gi ye shes mthong ba thogs pa med pa de ni/ tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ mig gi khams shes pa kun 'byung ba shes pa yang dag par 'grub pa de/ de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas rgyu gang dang rkyen gang dag gis mig gi khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mig gi khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag la lan gsung ste/ de'i spobs pa zad mi shes</font><hr>42.22d<br><font size=+1>

# so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni mig gi khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas mig gi khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa mig gi khams shes pa 'gog pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de bzhin du sbyar te de ni tsan dan gyi khyams dang / khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis mig gi khams shes pa 'gog par 'gyur ba'i lam shes pa yongs su shes/ khong du chud/ mngon sum du byas pa'i 'gog pa/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs</font><hr>42.23a<br><font size=+1>

pa mig gi khams shes pa/ 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gzugs kyi khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas gzugs kyi kha dog dang / dbyibs yang dag pa ji lta ba bzhin rab tu mkhyen te/ 'di lta ste/ kha dog bzang po dang / kha dog ngan pa dang / dbyibs legs pa dang / dbyibs ma legs pa dang / mdog bzang ba dang / mdog ngan pa dang / kha dog ngan pa dang / kha dog bzang bo'i kha dog dang / mdog nag po dang / ser po dang / so dog lta bu dang / dmar po dang / dkar po dang / btsod ka dang / shel mdog dang / gru bzhi dang / cha drug pa dang / cha brgyad pa dang / cha bcu drug pa dang / zur gsum pa dang / dma' ba dang / mtho ba dang / mnyam pa dang / mi mnyam pa dang / grib ma dang / nyi ma dang / sprin dang / sprin med pa dang / du ba dang / rdul dang / sgyu ma dang / smig rgyu dang / snang ba dang / mun pa dang / mtshan ma snang ba 'di ni gzugs kyi khams shes bya ste/ de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni gzugs kyi khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gzugs kyi khams shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar</font><hr>42.23b<br><font size=+1>

na de bzhin gshegs pas gzugs kyi khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ gzugs kyi khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas rgyu gang dang rkyen gang dag gis gzugs kyi khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gzugs kyi khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gzugs kyi khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni gzugs kyi khams shes pa 'gog pa ste/ de yang gzod ma nas ma skyes pa'i chos can no/ /</font><hr>42.24a<br><font size=+1>

khyim bdag de ltar na de bzhin gshegs pas gzugs kyi khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa gzugs kyi khams shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gzugs kyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis gzugs kyi khams shes pa 'gog par 'gyur ba'i lam shes pa yongs su shes/ khong du chud mngon sum du byas pa'i 'gog pa gal te ro myang ba med par rjes su blta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa 'di ni/ gzugs kyi khams shes pa 'gog par 'gyur ba'i lam shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gzugs kyi khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung te/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi rnam par shes pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ mig dang gzugs la brten nas/ mig gi rnam par shes pa ste/ dngos po so sor rnam par rig pa'i mtshan nyid de skye ba med na/ nang gi mig las kyang ma byung / phyi rol gyi gzugs las kyang ma 'ongs/ bar du rnam par bzung ste/ yang mi gnas mod</font><hr>42.24b<br><font size=+1>

kyi/ 'on kyang mig dang gzugs la brten nas/ mig gi rnam par shes pa skye ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mig gi rnam par shes pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi khams rnam par shes pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ mig gi rnam par shes pa'i khams shes pa/ kun 'byung ba shes pa yang dag par 'grub pa de/ de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis mig gi rnam par shes pa'i khams shes pa/ kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mig gi rnam par shes pa'i khams shes pa/ kun 'byung ba shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi rnam par shes pa'i khams shes pa/ 'gog pa shes pa yang dag pa ji lta ba bzhin rab tu mkhyen ce na/ khyim bdag</font><hr>42.25a<br><font size=+1>

'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar mdzad nas/ bde ba la btsud pa ni mig gi rnam par shes pa'i khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas mig gi rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pas mig gi khams shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi rnam par shes pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes pa gang gis mig gi rnam par shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas mig gi rnam par shes pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rna ba'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ zin pa'i 'byung</font><hr>42.25b<br><font size=+1>

ba chen po'i rgyur byas pa gang yin pa de/ dang ba gang yin pa ni rna ba'i rnam par smin pa ste/ gang gi rna ba la sgrar snang bar 'gyur zhing / rna ba gang sgra la thogs pa dang / rna ba gang la sgra thogs pa dang / rna ba gang gis sgra thos par gyur pa dang / thos pa dang / thos par 'gyur ba dang / sgra dag thos par bya ba'i phyir yang rtag tu tha mi dad cing rung ba'i rna ba gang yin pa dang / khams bcwo brgyad dag las rna ba'i khams gang yin pa dang / skye mched bcu gnyis dag las rna ba'i skye mched gang yin pa dang / dbang po nyi shu rtsa gnyis dag las rna ba'i dbang po gang yin pa ste/ de ni rna ba yang yin/ de ni khams kyang yin/ de ni rna ba'i skye mched kyang yin/ de ni rna ba'i dbang po yang yin/ de ni sgo yang yin/ de ni dkar ba yang yin/ de ni rgyun kyang yin/ de ni mtsho yang yin/ de ni klong yang yin/ de ni snang ba yang yin/ de ni chu 'byung yang yin/ de ni khrid byed kyang yin/ de ni 'dren byed kyang yin/ de ni sbubs kyang yin/ de ni gsang ba yang yin/ de ni zhing yang yin/ de ni gzhi yang yin/ de ni pha rol gyi 'gram ma yin pa yang yin/ de ni bdud kyi snod kyang yin/ de ni grong stong par 'jug pa yang yin/ de ni bdag gi dngos por 'jug pa yang yin/ de ni mngon par shes par bya ba yang yin/ de ni yongs su shes par bya ba yang yin/ de ni spang bar bya ba yang yin te/ 'di ni rna ba'i khams shes bya'o/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni rna ba'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rna ba'i khams shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /</font><hr>42.26a<br><font size=+1>

bam po gsum pa/ khyim bdag ji ltar na de bzhin gshegs pas rna ba'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ rna ba'i khams shes pa kun 'byung ba shes pa yang dag par 'grub pa dang / khyim bdag gzhan yang de bzhin gshegs pas rgyu gang dang rkyen gang dag gis rna ba'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ de bzhin du sbyar te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas rna ba'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rna ba'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni rna ba'i khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas rna ba'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pas rna ba'i khams shes pa 'gog pa shes pa de la zhu ba zhus pa na/ bskal par lan gsung ba nas/ de bzhin du sbyar te de'i spobs pa zad mi shes so/ /</font><hr>42.26b<br><font size=+1>

de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rna ba'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas shes pa gang gis rna ba'i khams shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rna ba'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sgra'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'byung ba chen po la shin tu brten pa'i sgra'i khams shes pa yang dag pa ji lta ba bzhin rab tu mkhyen te/ 'di lta ste sgra snyan pa nyid dang / sgra mi snyan pa nyid dang / sgra snyan cing 'jebs pa nyid dang / sgra snyan cing 'jebs pa ma yin pa nyid dang / sgra yid du 'ong ba nyid dang / sgra yid du mi 'ong ba nyid dang / sgra nyan par 'os pa nyid dang / sgra dga' bar byed pa nyid dang / sgra mi 'thun pa nyid dang / sgra 'thun pa ma yin pa nyid dang / dung gi sgra dang / rnga bo che'i sgra dang / rdza rnga'i sgra dang / 'khar rnga'i sgra dang / chu sgra rnam par go bar byed pa'i sgra dang / me'i sgra dang / chu'i sgra dang / rlung gi sgra dang / 'brug sgra 'ur 'ur ba dang / glog las byung ba'i sgra dang / ser ba 'bab</font><hr>42.27a<br><font size=+1>

pa'i sgra dang / zin pa dang ma zin pa dag gi 'byung ba chen po 'dus pa'i sgra 'di ni sgra'i khams shes bya ste/ de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni sgra'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas sgra'i khams shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sgra'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ sgra'i khams shes pa yang dag pa kun 'byung ba shes pa yang dag par 'grub pa dang / khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis sgra'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa sgra'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sgra'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing / don ma yin pa bzlog la snang ba byas shing mun pa bsal</font><hr>42.27b<br><font size=+1>

te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni sgra'i khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas sgra'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa sgra'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sgra'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis sgra'i khams shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas sgra'i khams shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rna ba'i rnam par shes pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen to/ /rna ba dang sgra la brten nas rna ba'i rnam par shes pa skye ste/ dngos po so sor rnam par rig pa'i mtshan nyid skye ba na/ rna ba'i nang nas kyang ma byung / phyi rol gyi sgra dag las kyang ma 'ongs bar du rnam par bzung ste yang mi gnas mod kyi 'on kyang tshogs pa'i dbang gis rna ba'i rnam par shes pa skyes la/ de'i 'ong ba med cing 'gro ba med la/ stong zhing ngo bo nyid dang bral ba yin no/ /de la shes</font><hr>42.28a<br><font size=+1>

pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni rna ba'i rnam par shes pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rna ba'i rnam par shes pa'i khams shes pa de la yang zhu ba zhus pa na bskal par lan gsung zhing / bskal pa brjod du med pa'i yang brjod du med pa'i bar dag tu lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rna ba'i rnam par shes pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ rna ba'i rnam par shes pa'i khams shes pa kun 'byung ba shes pa yang dag par 'grub pa dang / khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis rna ba'i rnam par shes pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen to/ /de bzhin gshegs pas rna ba'i rnam par shes pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rna ba'i rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa</font><hr>42.28b<br><font size=+1>

rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni rna ba'i rnam par shes pa'i khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas rna ba'i rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa rna ba'i rnam par shes pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rna ba'i rnam par shes pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen te/ khyim bdag 'di la de bzhin gshegs pa shes pa gang gis rna ba'i rnam par shes pa'i khams shes pa yongs su shes/ khong du chud mngon sum du byas pa'i 'gog pa nas/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa'i bar de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rna ba'i rnam par shes pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sna'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar yang dag pa ji lta ba bzhin rab tu mkhyen te/ zin pa'i 'byung ba chen po'i rgyur byas pa dang ba gang yin pa ni/ sna'i rnam par smin pa ste/ gang gi sna la dri snang bar 'gyur zhing dri yang thogs pa dang / </font><hr>42.29a<br><font size=+1>

sna gang dri dag la thogs pa dang / sna gang la dri thogs pa dang / sna gang gis dri bsnams pa dang / bsnom pa dang / bsnom par 'gyur ba dang / dri dag bsnam pa'i phyir yang tha mi dad cing rung ba'i sna gang yin pa dang / khams bcwo brgyad dag las sna'i khams gang yin pa dang / skye mched bcu gnyis dag las sna'i skye mched gang yin pa dang / dbang po nyi shu rtsa gnyis dag las sna'i dbang po gang yin pa ste/ de ni sna yang yin/ de ni sna'i khams kyang yin/ de ni sna'i skye mched kyang yin de ni sna'i dbang po yang yin/ de ni sgo yang yin/ de ni dkar ba yang yin/ de ni rgyun kyang yin/ de ni mtsho yang yin/ de ni rgya mtsho yang yin/ de ni klong yang yin/ de ni snang ba yang yin/ de ni gsal ba yang yin/ de ni khrid byed kyang yin/ de ni 'dren byed kyang yin/ de ni zhing yang yin/ de ni chu 'byung yang yin/ de ni dngos po yang yin/ de ni sbubs kyang yin/ de ni gsang ba yang yin/ de ni pha rol gyi 'gram ma yin pa yang yin/ de ni bdud kyi snod kyang yin/ de ni grong stong par 'jug pa yang yin/ de ni mngon par shes par bya ba yang yin/ de ni yongs su shes par bya ba yang yin/ de ni spang bar bya ba yang yin te/ 'di ni sna'i khams shes bya'o/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / khams pa gang yin pa 'di ni sna'i khams mkhyen pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas sna'i khams shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sna'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen to/ /sangs rgyas bcom ldan 'das dpag tu med pa rnams la dge ba'i rtsa ba bskyed nas/ sna'i khams</font><hr>42.29b<br><font size=+1>

shes pa kun 'byung ba shes pa yang dag par 'grub pa dang / khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis sna'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa sna'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sna'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sems can dpag tu med pa rnams kyi don mdzad cing don ma yin pa zlog la/ snang ba mdzad cing mun pa bsal te/ sems can dpag tu med pa rnams sdug bsngal las yongs su thar bar mdzad nas/ bde ba la btsud pa ni sna'i khams shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas sna'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa sna'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pa sna'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis yongs su shes/ khong du chud mngon sum du mdzad pa'i shes pa de yang dag pa</font><hr>42.30a<br><font size=+1>

ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa sna'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dri'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sna'i yul shes pa yang dag pa ji lta ba bzhin rab tu mkhyen te/ 'di lta ste/ dri zhim pa dang / dri nga ba dang / dri 'dod pa dang / dri sdug pa dang / dri mi sdug pa dang / dri yid du 'ong ba dang / dri yid du mi 'ong ba dang / dri yid du 'thad pa dang / dri yid du mi 'thad pa dang / dri'i ngo bo dga' ba dang / dri'i ngo bo mi dga' ba dang / dri'i ngo bo legs pa dang / dri'i ngo bo mi legs pa dang / snod na yod pa dang / rtsa ba la yod pa dang / snying po la yod pa dang / snying po med pa la yod pa dang / shun pa la yod pa dang / dar ba la yod pa dang / lo ma la yod pa dang / me tog la yod pa dang / 'bras bu la yod pa'i dri gang yin pa 'di ni dri'i khams shes bya ste/ de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni dri'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dri'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dri'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la</font><hr>42.30b<br><font size=+1>

de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ dri'i khams shes pa kun 'byung ba shes pa yang dag par 'grub pa de/ khyim bdag gzhan yang de bzhin gshegs pas rgyu gang dang rkyen gang dag gis dri'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dri'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ba'i bar du'o/ /khyim bdag ji ltar na de bzhin gshegs pas dri'i khams shes pa 'gag pa yang dag pa ji lta ba bzhin rab tu mkhyen ce na/ khyim bdag 'di la/ de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing / don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni dri'i khams shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas dri'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa dri'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs</font><hr>42.31a<br><font size=+1>

pas dri'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis dri'i khams shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen to/ /de bzhin gshegs pas de la yang zhes bya ba nas/ gal te ro bro ba med par rjes su lta bar gnas pa 'am/ gal te nges par 'byung bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dri'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sna'i rnam par shes pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sna dang dri la brten nas/ sna'i rnam par shes pa skye ste/ dngos po so sor rnam par rig pa'i mtshan nyid de skye ba na nang gi sna las kyang ma byung / phyi rol gyi dri dag las kyang ma 'ongs/ bar du rnam par bzung ste yang mi gnas 'ong ba med cing 'gro ba med la/ stong zhing ngo bo nyid dang bral ba yin no/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni sna'i rnam par shes pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa sna'i rnam par shes pa'i khams shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ba'i bar du'o/ /khyim bdag ji ltar na de bzhin gshegs pas sna'i rnam par shes pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas</font><hr>42.31b<br><font size=+1>

bcom ldan 'das dpag tu med pa rnams la dge ba'i rtsa ba bskyed nas/ sna'i rnam par shes pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis sna'i rnam par shes pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa sna'i rnam par shes pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ba'i bar du'o/ /khyim bdag ji ltar na de bzhin gshegs pas sna'i rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni sna'i khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas sna'i rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa sna'i rnam par shes pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas sna'i rnam par shes pa'i khams shes pa 'gog par</font><hr>42.32a<br><font size=+1>

'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis sna'i rnam par shes pa'i khams shes pa yongs su shes/ khong du chud mngon sum du byas pa'i shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa sna'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lce'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ zin pa'i 'byung ba chen po rgyur byas pa'i dang ba gang yin pa ni lce'i rnam par smin pa ste/ lce'i skye mched gang la ro snang bar 'gyur ba dang / ro yang thogs pa dang / lce gang ro dag la thogs pa dang / lce gang la yang ro thogs pa dang / ro myangs pa dang / lce gang ro myong ba dang / ro myong bar 'gyur ba dang / ro dag myang bar bya ba'i phyir/ rtag tu tha mi dad cing rung ba'i lce gang yin pa dang / khams bcwa brgyad dag las lce'i khams gang yin pa dang / skye mched bcu gnyis dag las lce'i skye mched gang yin pa dang / dbang po nyi shu rtsa gnyis dag las lce'i dbang po gang yin pa ste/ de ni lce yang yin/ de ni lce'i khams kyang yin/ de ni lce'i skye mched kyang yin/ de ni lce'i dbang po yang yin/ de ni lce'i sgo yang yin/ de ni dkar ba yang yin/ de ni rgyun kyang yin/ de ni mtsho yang yin/ de ni rgya mtsho yang yin/ de ni klong yang yin/ de ni snang ba yang yin/ de ni chu</font><hr>42.32b<br><font size=+1>

'byung yang yin/ de ni khrid byed kyang yin/ de ni 'dren byed kyang yin/ de ni zhing yang yin/ de ni dngos po yang yin/ de ni sbubs kyang yin/ de ni gsang ba yang yin/ de ni pha rol gyi 'gram ma yin pa yang yin/ de ni bdud kyi snod kyang yin/ de ni bdag gi dngos por 'jug pa yang yin/ de ni grong stong par 'jug pa yang yin/ de ni mngon par shes par bya ba yang yin/ de ni yongs su shes par bya ba yang yin/ de ni spang bar bya ba yang yin te/ de ni lce'i khams shes bya'o/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni lce'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lce'i khams shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ba'i bar du'o/ /khyim bdag ji ltar na de bzhin gshegs pas lce'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ lce'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis lce'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lce'i khams shes pa kun 'byung ba shes pa de la yang zhu ba zhus pa na/ bskal par lan</font><hr>42.33a<br><font size=+1>

gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ba'i bar du'o/ /khyim bdag ji ltar na de bzhin gshegs pas lce'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal nas/ sems can dpag tu med pa rnams sdug bsngal gyi rgya mtsho las yongs su thar bar byas nas bde ba la btsud pa ni lce'i khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas lce'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa lce'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lce'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis lce'i khams shes pa yongs su shes/ khong du chud/ mngon sum du byas pa'i 'gog pa de de bzhin gshegs pas yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lce'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung zhing de'i spobs pa zad mi shes so/ /de ni tsan dan gyi khyams</font><hr>42.33b<br><font size=+1>

dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas ro'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lce'i khams kyi spyod yul yang dag pa ji lta ba bzhin rab tu mkhyen te/ 'di lta ste/ ro zhim pa nyid dang / ro mi zhim pa nyid dang / ro 'dod pa nyid dang / ro mi 'dod pa nyid dang / ro yi gar 'ong ba nyid dang / ro yi gar mi 'ong ba nyid dang / ro yid du 'ong ba nyid dang / ro yid du mi 'ong ba nyid dang / ro'i ngo bo dga' ba nyid dang / ro'i ngo bo mi dga' ba nyid dang / ro'i ngo bo legs pa nyid dang ro'i ngo bo ma legs pa nyid dang / kha ba 'dzin pa dang / tsha ba 'dzin pa dang / skyur ba 'dzin pa dang / mngar ba 'dzin pa dang / ro ba tsha can nyid nas ro bska ba nyid dang / lan tshwa'i ro dang / ro gang dag snod na yod pa dang / rtsa ba la yod pa dang / snying po la yod pa dang / snying po med pa la yod pa dang / shun pa la yod pa dang / dar ba la yod pa dang / lo ma la yod pa dang / me tog la yod pa dang / 'bras bu la yod pa'i bar gyi ro gang dag yod pa 'di ni ro'i khams shes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa ro'i khams shes pa de la yang zhu ba zhus pa na/ bskal par lan gsung zhing de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas ro'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ ro'i khams shes pa kun 'byung ba shes pa yang dag par 'grub pa de/ de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis ro'i khams shes pa kun 'byung ba shes pa yang dag par</font><hr>42.34a<br><font size=+1>

'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ de bzhin du sbyar te phyir rgol bar rjes su lta bar gnas pa'i bar de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa la ro'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas ro'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni ro'i khams shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas ro'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa ro'i khams shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas ro'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas shes pa gang gis ro'i khams shes pa yongs su shes/ khong du chud mngon sum du byas pa'i 'gog pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa ro'i khams shes pa 'gog par 'gyur ba'i lam shes pa de la yang zhu ba zhus</font><hr>42.34b<br><font size=+1>

pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lce'i rnam par shes pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ lce dang ro la brten nas lce'i rnam par shes pa skye ste/ dngos po so sor rnam par rig pa'i mtshan nyid de skye ba na nang gi lce las kyang ma byung / phyi rol gyi ro dag las kyang ma 'ongs/ bar du rnam par bzung ste yang mi gnas/ 'ong ba med cing 'gro ba med la stong zhing ngo bo nyid dang bral ba yin no/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni lce'i rnam par shes pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lce'i rnam par shes pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lce'i rnam par shes pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ lce'i rnam par shes pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis lce'i rnam par shes pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par</font><hr>42.35a<br><font size=+1>

rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lce'i rnam par shes pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lce'i rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni lce'i rnam par shes pa'i khams shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas lce'i rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa lce'i rnam par shes pa'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lce'i rnam par shes pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis lce'i rnam par shes pa'i khams shes pa 'gog par 'gyur ba'i lam shes pa yongs su shes khong du chud mngon sum du byas pa'i 'gog pa de gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas</font><hr>42.35b<br><font size=+1>

pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lce'i rnam par shes pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lus kyi khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ zin pa'i 'byung ba chen po'i rgyur byas pa dang ba gang yin pa ni/ lus kyi rnam par smin pa ste/ lus gang gi reg bya snang bar 'gyur zhing / reg bya yang thogs pa dang / lus gang reg bya la thogs pa dang / lus gang la reg bya yang thogs pa dang / lus gang gis reg bya la reg par gyur pa dang / reg pa dang reg par 'gyur ba dang / reg bya la reg par bya ba'i phyir rtag tu tha mi dad cing rung ba'i lus gang yin pa dang / khams bcwa brgyad dag las lus kyi khams gang yin pa dang / skye mched bcu gnyis dag las lus kyi skye mched gang yin pa dang / dbang po nyi shu rtsa gnyis dag las lus kyi dbang po gang yin pa ste/ de ni lus kyang yin/ de ni lus kyi khams kyang yin/ de ni lus kyi skye mched kyang yin/ de ni lus kyi dbang po yang yin/ de ni sgo yang yin/ de ni dkar ba yang yin/ de ni rgyun kyang yin/ de ni mtsho yang yin/ de ni rgya mtsho yang yin/ de ni klong yang yin/ de ni snang ba yang yin/ de ni chu 'byung yang yin/ de ni khrid byed kyang yin/ de ni 'dren byed kyang yin/ de ni zhing yang yin/ de ni dngos po yang yin/ de ni sbubs kyang yin/ de ni gsang ba yang yin/ de ni pha rol gyi 'gram ma yin pa yang yin/ de ni bdud kyi snod kyang yin/ de ni bdag gi dngos por 'jug pa yang yin/ de ni grong stong par 'jug pa yang yin/ de ni mngon par shes par bya ba yang yin/ de ni yongs su shes par bya ba yang yin/ de ni spang bar bya</font><hr>42.36a<br><font size=+1>

ba yang yin te/ de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni lus kyi khams shes pa'o/ /de bzhin gshegs pa lus kyi khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lus kyi khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ lus kyi khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis lus kyi khams shes pa kun 'byung ba shes pa yang dag par 'grub pa'i rgyu de dang rkyen de dang dmigs pa de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lus kyi khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lus kyi khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal nas/ de bzhin du sbyar te bde ba la btsud pa'i bar ni lus kyi khams shes</font><hr>42.36b<br><font size=+1>

pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas lus kyi khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa lus kyi khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lus kyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa gang gis lus kyi khams shes pa yongs su shes/ khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa'i shes pa de yang dag pa ji lta ba bzhin rab tu mkhyen to/ /de bzhin gshegs pa lus kyi khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas reg pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lus kyi khams kyi spyod yul yang dag pa ji lta ba bzhin rab tu mkhyen te/ 'di lta ste/ mig gi reg pa dang / rna ba'i reg pa dang / sna'i reg pa dang / lce'i reg pa dang / lus kyi reg pa dang / yid kyi reg pa dang / bde ba'i tshor bar reg pa dang / sdug bsngal gyi tshor bar reg pa dang / sdug bsngal yang ma yin/ bde ba yang ma yin pa'i tshor bar reg pa dang / zag pa dang bcas pa'i reg pa dang / zag pa med pa'i reg pa dang / 'jig rten pa'i reg pa dang / 'jig rten las 'das pa'i reg pa 'di ni reg pa'i khams shes bya ste/ de la shes pa nas mkhas pa gang</font><hr>42.37a<br><font size=+1>

yin pa'i bar 'di ni reg pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa reg pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas reg pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas reg pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis reg pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa reg pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas reg pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni reg</font><hr>42.37b<br><font size=+1>

pa'i khams shes pa 'gog pa de yang gzod ma nas ma skyes pa'i chos can te/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa reg pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas reg pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa gang gis reg pa'i khams shes pa yongs su shes/ khong du chud mngon sum du byas pa'i 'gog pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas reg pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ / bam po bzhi pa/ khyim bdag ji ltar na de bzhin gshegs pa lus kyi rnam par shes pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ lus dang reg pa la brten nas/ lus kyi rnam par shes pa skye ste/ de skye ba na nang gi lus las kyang ma byung / phyi rol gyi reg pa las kyang ma 'ongs/ bar du rnam par bzung ste yang mi gnas mod kyi/ 'on kyang tshogs pa'i dbang gis skye zhing 'ong ba med la/ 'gro ba med pa dang / stong zhing ngo bo nyid dang bral ba yin no/ /de la shes pa dang mthong ba nas mkhas pa'i bar gang yin pa 'di ni lus kyi rnam par shes pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin du sangs rgyas bcom ldan 'das dpag tu med pa rnams la dge ba'i rtsa ba bskyed nas lus kyi rnam par shes pa'i khams shes pa kun 'byung ba shes pa yang dag par 'grub</font><hr>42.38a<br><font size=+1>

pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis lus kyi rnam par shes pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas de bzhin du sbyar te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lus kyi rnam par shes pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pa lus kyi rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal nas/ de bzhin du sbyar te bde ba la btsud pa'i bar du lus kyi rnam par shes pa'i khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba nas mkhas pa'i bar gang yin pa 'di ni lus kyi rnam par shes pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lus kyi rnam par shes pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yid kyi khams shes pa yang dag pa ji lta ba bzhin rab tu mkhyen</font><hr>42.38b<br><font size=+1>

ce na/ khyim bdag 'di la de bzhin gshegs pas 'di ltar rab tu mkhyen te/ rnam par shes pa'i tshogs drug po dag 'das ma thag pa'i yid dang po nyid du byung ba gang yin pa 'di ni yid kyi khams shes bya'o/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni yid kyi khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yid kyi khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ yid kyi khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis yid kyi khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yid kyi khams shes pa 'gog pa shes pa yang dag pa ji lta ba bzhin rab tu</font><hr>42.39a<br><font size=+1>

mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni yid kyi khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni yid kyi khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi khams shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yid kyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis yid kyi khams shes pa yongs su shes khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas chos kyi khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas yid kyi khams kyi spyod yul yang dag pa</font><hr>42.39b<br><font size=+1>

ji lta ba bzhin rab tu mkhyen te/ 'di lta ste/ rnam par shes pa'i tshogs drug gis 'di ni chos kyi khams shes bya'o/ /khyim bdag gzhan yang de bzhin gshegs pas chos kyi khams thams cad rab tu mkhyen to/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni chos kyi khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa chos kyi khams shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas chos kyi khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas chos kyi khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis chos kyi khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa chos kyi khams shes pa kun 'byung ba shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas chos kyi khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di</font><hr>42.40a<br><font size=+1>

la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni chos kyi khams shes pa 'gog pa shes pa yang dag par 'grub pa ste/ de yang gzod ma nas ma skyes pa'i chos can no/ /de la shes pa dang mthong ba dang gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni chos kyi khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa chos kyi khams shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas chos kyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis chos kyi khams shes pa yongs su shes khong du chud/ mngon sum du byas pa'i 'gog pa de de bzhin gshegs pas yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa chos kyi khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yid kyi rnam par shes pa'i khams shes pa yang dag pa ji lta ba bzhin rab tu mkhyen</font><hr>42.40b<br><font size=+1>

ce na/ khyim bdag 'di la de bzhin gshegs pas 'di ltar rab tu mkhyen te/ yid rnam par rgyu ba dang por byung ba'i rjes su 'brang ba 'jal ba dang dpyod pa gang yin pa 'di ni yid kyi rnam par shes pa'i khams shes bya'o/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni yid kyi rnam par shes pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi rnam par shes pa'i khams shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang / khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yid kyi rnam par shes pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed pa nas/ yid kyi rnam par shes pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis yid kyi rnam par shes pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi rnam par shes pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs</font><hr>42.41a<br><font size=+1>

pas yid kyi rnam par shes pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni yid kyi rnam par shes pa'i khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni yid kyi rnam par shes pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi rnam par shes pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas yid kyi rnam par shes pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa gang gis yid kyi rnam par shes pa'i khams shes pa 'gog par 'gyur ba'i lam shes pa yongs su shes/ khong du chud mngon sum du byas pa'i 'gog pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi rnam par shes pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang</font><hr>42.41b<br><font size=+1>

gi bar 'di la longs spyod par 'gyur ro/ /khyim bdag de ltar na de bzhin gshegs pas khams du ma shes pa yang dag pa ji lta ba bzhin rab tu mkhyen te/ de bzhin gshegs pas khams du ma shes pa de la yang zhu ba zhus pa na bskal par lan gsung ba nas bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas khams sna tshogs shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'dod pa'i khams shes pa yang dag pa ji lta ba bzhin rab tu mkhyen te/ 'dod pa'i khams shes pa kun 'byung ba shes pa/ 'dod pa'i khams shes pa 'gog pa shes pa 'dod pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin du sbyar te de ltar na gnod sems kyi khams shes pa dang / rnam par 'tshe ba'i khams shes pa dang / nges par 'byung ba'i khams dang / gnod sems med pa'i khams dang / rnam par mi 'tshe ba'i khams dang / log par lta ba'i khams dang / 'das pa'i khams dang / ma 'ongs pa'i khams dang / da ltar byung ba'i khams dang / dge ba'i khams dang / mi dge ba'i khams dang / lung du ma bstan pa'i khams dang / zag pa dang bcas pa'i khams dang / zag pa med pa'i khams dang / zang zing dang bcas pa'i khams dang / zang zing med pa'i khams dang / 'phags pa'i khams dang / 'phags pa ma yin pa'i khams dang / 'jig rten pa'i khams dang / 'jig rten las 'das pa'i khams dang / 'dus byas kyi khams dang / 'dus ma byas kyi khams shes pa/ kun 'byung ba shes pa/ 'dus ma byas kyi khams shes pa 'gog pa shes pa/ 'dus ma byas kyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /khyim bdag</font><hr>42.42a<br><font size=+1>

ji ltar na de bzhin gshegs pas 'dod pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sred pa'i rnam par spyod pa sum bcu rtsa drug gis kun nas nyon mongs pa'i khams yang dag pa ji lta ba bzhin rab tu mkhyen to/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni 'dod pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'dod pa'i khams shes pa de la yang zhu ba zhus pa na/ bskal par lan gsung ba nas/ bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /khyim bdag de ci'i phyir zhe na/ 'di ltar na de bzhin gshegs pas chos kyi dbyings bla na med pa shin tu thugs su chud par mdzad de/ thugs su chud pa'i de bzhin gshegs pa gang 'dod pa'i khams shes pa de la zhu ba zhus pa'i spobs pa zad mi shes so/ /khyim bdag de lta bas na 'dir gang gis ye shes mthong ba thogs pa med par 'jug pa de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dod pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ 'dod pa'i khams shes pa kun 'byung ba shes pa yang dag par 'grub pa dang / khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'dod pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir</font><hr>42.42b<br><font size=+1>

rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas 'dod pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dod pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing / don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni 'dod pa'i khams shes pa 'gog pa shes pa ste/ de yang gzod ma nas ma skyes pa'i chos can no/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni 'dod pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'dod pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dod pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes pa gang gis 'dod pa'i khams shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par</font><hr>42.43a<br><font size=+1>

'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'dod pa'i khams shes pa 'gog par 'gyur ba'i lam shes pa de la yang zhu ba zhus pa na/ spobs pa zad mi shes pa nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnod sems kyi khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas kun nas mnar sems kyi dngos po dgu dag gis kun nas nyon mongs pa'i khams rab tu mkhyen te/ de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni gnod sems kyi khams shes pa zhes bya'o/ /de bzhin gshegs pa gnod sems kyi khams shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnod sems kyi khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ gnod sems kyi khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis gnod sems kyi khams shes pa kun 'byung ba shes pa yang dag par 'grub pa nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnod</font><hr>42.43b<br><font size=+1>

sems kyi khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni gnod sems kyi khams shes pa 'gog pa shes pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas gnod sems kyi khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa gnod sems kyi khams shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnod sems kyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes pa gang gis gnod sems kyi khams shes pa yongs su shes khong du chud mngon sum du byas pa'i 'gog pa de/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gnod sems kyi khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rnam par 'tshe ba'i khams shes pa yang dag pa ji lta ba bzhin rab tu</font><hr>42.44a<br><font size=+1>

mkhyen ce na/ khyim bdag 'di la de bzhin gshegs pas lta bar gyur pa drug bcu rtsa gnyis dag gis kun nas nyon mongs pa'i khams yang dag pa ji lta ba bzhin rab tu mkhyen te/ khyim bdag de ltar na de bzhin gshegs pas rnam par 'tshe ba'i khams shes pa yang dag pa ji lta ba bzhin rab tu mkhyen to/ /de bzhin gshegs pa rnam par 'tshe ba'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rnam par 'tshe ba'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas rnam par 'tshe ba'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis rnam par 'tshe ba'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rnam par 'tshe ba'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rnam par 'tshe ba'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim</font><hr>42.44b<br><font size=+1>

bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar mdzad nas bde ba la btsud pa ni rnam par 'tshe ba'i khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas rnam par 'tshe ba'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa rnam par 'tshe ba'i khams shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rnam par 'tshe ba'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ shes pa gang gis rnam par 'tshe ba'i khams shes pa yongs su shes/ khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rnam par 'tshe ba'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas nges par 'byung ba'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas srid pa'i rnam par spyod pa sum bcu rtsa drug dag gis kun nas nyon mongs</font><hr>42.45a<br><font size=+1>

pa med pa'i khams yang dag pa ji lta ba bzhin rab tu mkhyen te/ de bzhin gshegs pa nges par 'byung ba'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas nges par 'byung ba'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ nges par 'byung ba'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis nges par 'byung ba'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol ba'i bar du ste/ de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni nges par 'byin pa'i khams shes pa kun 'byung ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa nges par 'byung ba shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas nges par 'byung ba'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin</font><hr>42.45b<br><font size=+1>

gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni nges par 'byung ba'i khams shes pa 'gog pa ste/ de yang gzod ma nas ma skyes pa'i chos can no/ /'di ni nges par 'byung ba'i khams shes pa 'gog pa shes pa zhes bya ste/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa nges par 'byung ba'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas nges par 'byung ba'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis nges par 'byung ba'i khams shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nges par 'byung bar rjes su lta bar gnas pa'i shes pa de de bzhin gshegs pas yang dag pa ji lta ba bzhin rab tu mkhyen to/ /'di ni nges par 'byung ba'i khams shes pa 'gog par 'gyur ba'i lam shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa nges par 'byung ba'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin</font><hr>42.46a<br><font size=+1>

gshegs pas gnod sems med pa'i khams yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas kun nas mnar sems kyi dngos po dgu dag gis kun nas nyon mongs pa med pa'i khams yang dag pa ji lta ba bzhin rab tu mkhyen to/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni gnod sems med pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gnod sems med pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnod sems med pa'i/ khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ gnod sems med pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis gnod sems med pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa'i bar de de bzhin gshegs pas yang dag pa ci lta ba bzhin rab tu mkhyen to/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni gnod</font><hr>42.46b<br><font size=+1>

sems med pa'i khams shes pa kun 'byung ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gnod sems med pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnod sems med pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni gnod sems med pa'i khams shes pa 'gog pa ste/ de yang gzod ma nas ma skyes pa'i chos can no/ /khyim bdag de ltar na de bzhin gshegs pas gnod sems med pa'i khams shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa gnod sems med pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas gnod sems med pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes pa gang gis gnod sems med pa'i khams shes pa yongs su shes/ khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas</font><hr>42.47a<br><font size=+1>

pa 'am/ gal te nges par 'byung bar rjes su lta bar gnas pa gnod sems med pa'i khams shes pa 'gog par 'gyur ba'i lam shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa gnod sems med pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rnam par mi 'tshe ba'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lta bar gyur pa drug bcu rtsa gnyis dag gis kun nas nyon mongs pa med pa'i khams shes pa yang dag pa ji lta ba bzhin rab tu mkhyen to/ /de la shes pa dang mthong ba dang gsal ba dang mngon par rtogs pa dang / yang dag par khong du chud pa dang mkhas pa gang yin pa 'di ni rnam par mi 'tshe ba'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rnam par mi 'tshe ba'i khams shes pa de la yang zhu ba zhus pa na/ bskal par lan gsung ba nas de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang / 'gog pa dang / lam yang sngar ji skad bstan pa bzhin no/ /khyim bdag ji ltar na de bzhin gshegs pas log par lta ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas log par lta ba la log par lta ba zhes yang dag pa ji lta ba bzhin rab tu mkhyen te/ de 'di'i lta ba yang dag pa yin zhe na/ de ltar de bzhin gshegs pas log par lta ba shes pa yang dag pa ji lta ba bzhin rab tu mkhyen to/ /de bzhin du sbyar te de ni tsan dan gyi khyams dang / </font><hr>42.47b<br><font size=+1>

khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas log par lta ba shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ log par lta ba shes pa kun 'byung ba shes pa yang dag par 'grub pa dang / khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis log par lta ba shes pa kun 'byung ba shes pa yang dag par 'grub pa de/ de bzhin gshegs pas yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas de bzhin du sbyar te thams cad la yang bya'o/ /khyim bdag ji ltar na de bzhin gshegs pas 'das pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'das pa'i khams su gyur pa byung ba dang / skyes pa dang / kun nas skyes pa dang / shin tu byung ba dang / rab tu byung ba dang / 'das pa'i char gyur pa dang / 'das pa'i rgyud ma chad pa dang / 'das pa'i dus kyi bzung ba gang yin pa 'di ni 'das pa'i khams shes bya ste/ de de bzhin gshegs pas rab tu mkhyen to/ /de bzhin gshegs pa 'das pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'das pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas</font><hr>42.48a<br><font size=+1>

'das pa'i khams shes pa kun 'byung ba shes pa yang dag par 'grub pa dang / khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'das pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ de bzhin du sbyar te thams cad la yang bya'o/ /khyim bdag ji ltar na de bzhin gshegs pas ma 'ongs pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas khams ma skyes pa dang / kun nas ma skyes pa dang / ma byung ba dang / kun nas ma byung ba dang / rab tu ma byung ba dang / shin tu ma byung ba dang / ma 'ongs par gyur pa dang / ma 'ongs pa'i rgyud du gyur pa dang / ma 'ongs pa'i rgyud ma chad pa dang / ma 'ongs pa'i dus kyis bzung ba dang / ma 'ongs pa'i dus ma chad pa gang yin pa 'di ni ma 'ongs pa'i khams shes pa zhes bya ste/ kun 'byung ba dang / 'gog pa dang / lam yang sngar ji skad bstan pa bzhin no/ /khyim bdag ji ltar na de bzhin gshegs pas da ltar byung ba'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas khams skyes pa dang / kun nas skyes pa dang / byung ba dang / kun nas byung ba dang / rab tu byung ba dang / da ltar byung ba dang / da ltar byung ba'i rgyud du gyur pa dang / da ltar byung ba'i dus kyis bzung ba dang / da ltar byung ba'i rgyud ma chad pa gang yin pa 'di ni da ltar byung ba'i khams shes bya ste/ de de bzhin gshegs pas yang dag pa ji lta ba bzhin rab tu mkhyen to/ /sngar ji skad bstan pa bzhin nas/ longs spyod pa'i bar du 'gyur ro/ /khyim bdag ji ltar na de bzhin gshegs pas da ltar byung ba'i khams shes pa kun 'byung ba shes pa yang dag pa ji lta ba</font><hr>42.48b<br><font size=+1>

bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ da ltar byung ba'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis da ltar byung ba'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni da ltar byung ba'i khams shes pa kun 'byung ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa da ltar byung ba'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang / 'gog pa dang / lam yang sngar ji skad bstan pa bzhin no/ /khyim bdag ji ltar na de bzhin gshegs pas dge ba'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas dge ba bcu'i las kyi lam dang yang dag par ldan pa'i khams yang dag pa ji lta ba bzhin rab tu mkhyen te/ de la shes pa dang mthong ba dang gsal ba dang / mngon par rtogs pa dang yang dag</font><hr>42.49a<br><font size=+1>

par khong du chud pa dang / mkhas pa gang yin pa 'di ni dge ba'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dge ba'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dge ba'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ dge ba'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis dge ba'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dge ba'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dge ba'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don</font><hr>42.49b<br><font size=+1>

byas shing don ma yin pa zlog la/ snang ba byas shing mun pa gsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni dge ba'i khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba dang / gsal ba dang mngon par rtogs pa dang / yang dag par khong du chud pa dang / mkhas pa gang yin pa 'di ni dge ba'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dge ba'i khams shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na dge ba'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis dge ba'i khams shes pa yongs su shes/ khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa 'di ni dge ba'i khams shes pa 'gog par 'gyur ba'i lam shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dge ba'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ / bam po lnga pa/ khyim bdag ji ltar na de bzhin gshegs pas mi dge ba'i khams shes pa yang dag pa ji lta ba bzhin rab tu mkhyen ce na/ khyim</font><hr>42.50a<br><font size=+1>

bdag 'di la de bzhin gshegs pas mi dge ba bcu'i las kyi lam rnams dang / yang dag par ldan pa'i khams yang dag pa ji lta ba bzhin rab tu mkhyen to/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni mi dge ba'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mi dge ba'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mi dge ba'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ mi dge ba'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis mi dge ba'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de la shes pa dang mthong ba dang / gsal ba dang mngon par rtogs pa dang / yang dag par khong du chud pa dang / mkhas pa gang yin pa 'di ni mi dge ba'i khams shes pa kun 'byung ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mi</font><hr>42.50b<br><font size=+1>

dge ba'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mi dge ba'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te sems can dpag tu med pa rnams sdug bsngal las yongs su thar bar byas nas/ bde ba la btsud pa ni mi dge ba'i khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni mi dge ba'i khams shes pa 'gog pa shes pa zhes bya ste de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mi dge ba'i khams shes pa 'gog pa shes pa de la yang zhu ba zhus pa na bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mi dge ba'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas gang gis mi dge ba'i khams shes pa de yongs su shes khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa 'di ni mi dge ba'i khams shes pa 'gog par 'gyur ba'i lam shes pa zhes</font><hr>42.51a<br><font size=+1>

bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mi dge ba'i khams shes pa 'gog par 'gyur ba'i lam shes pa de la yang zhu ba zhus pa na bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lung du ma bstan pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas las kyi rnam par smin pa mngon par 'grub pa'i khams yang dag pa ji lta ba bzhin rab tu mkhyen te/ khams gang yang dag par yongs su spyad pa dang / gang mi 'thun par yongs su spyad pa dang / gang dus tshigs su yongs su spyad pa dang / gang spyod lam pa'i khams shes pa de dag yang dag pa ji lta ba bzhin rab tu mkhyen to/ /de la shes pa dang mthong ba nas mkhas pa'i bar gang yin pa 'di ni lung du ma bstan pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lung du ma bstan pa'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lung du ma bstan pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ lung du ma bstan pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i</font><hr>42.51b<br><font size=+1>

bar 'di ni lung du ma bstan pa'i khams shes pa kun 'byung ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lung du ma bstan pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lung du ma bstan pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni lung du ma bstan pa'i khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba nas mkhas pa'i bar gang yin pa 'di ni lung du ma bstan pa'i khams shes pa 'gog pa shes pa'o/ /de bzhin gshegs pa lung du ma bstan pa'i khams shes pa 'gog pa shes pa de la yang zhu ba zhus pa na bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas lung du ma bstan pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis lung du ma bstan pa'i khams shes pa yongs su shes khong du chud/ mngon sum du byas pa'i 'gog pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am gal te nyes dmigs su rjes su lta bar gnas pa 'am gal te nges par 'byung bar rjes su lta bar gnas pa'o/ /de bzhin gshegs pa lung du ma bstan pa'i khams shes pa</font><hr>42.52a<br><font size=+1>

'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zag pa dang bcas pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'dod pa'i zag pa dang yang dag par ldan pa'i khams yang dag pa ji lta ba bzhin rab tu mkhyen to/ /srid pa'i zag pa dang yang dag par ldan pa'i khams yang dag pa ji lta ba bzhin rab tu mkhyen/ lta ba'i zag pa dang yang dag par ldan pa'i khams yang dag pa ji lta ba bzhin rab tu mkhyen/ ma rig pa'i zag pa dang yang dag par ldan pa'i khams yang dag pa ji lta ba bzhin rab tu mkhyen to/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni zag pa dang bcas pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zag pa dang bcas pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pa zag pa dang bcas pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la/ de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ zag pa dang bcas pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis zag pa dang bcas pa'i khams shes pa kun 'byung ba shes pa yang dag par 'grub pa'i rgyu de dang rkyen de dag</font><hr>42.52b<br><font size=+1>

yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas de bzhin du sbyar te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zag pa dang bcas pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni zag pa dang bcas pa'i khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba nas mkhas pa'i bar gang yin pa 'di ni zag pa dang bcas pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zag pa dang bcas pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zag pa dang bcas pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis zag pa dang bcas pa'i khams shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa'am/ gal te nges par 'byung bar</font><hr>42.53a<br><font size=+1>

rjes su lta bar gnas pa'o/ /de bzhin gshegs pa zag pa dang bcas pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zag pa med pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'dod pa'i zag pa dang mi ldan pa'i khams yang dag pa ji lta ba bzhin rab tu mkhyen te/ srid pa'i zag pa dang lta ba'i zag pa dang / ma rig pa'i zag pa dang mi ldan pa'i khams yang dag pa ji lta ba bzhin rab tu mkhyen to/ /de la shes pa dang mthong ba dang gsal ba nas mkhas pa'i bar gang yin pa 'di ni zag pa med pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zag pa med pa'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zag pa med pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ zag pa med pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis zag pa med pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa</font><hr>42.53b<br><font size=+1>

de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zag pa med pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zag pa med pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni zag pa med pa'i khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba nas mkhas pa'i bar gang yin pa 'di ni zag pa med pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zag pa med pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zag pa med pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis zag pa med pa'i khams shes pa 'gog par 'gyur ba'i lam shes pa yongs su shes/ khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa'i shes pa de yang dag pa ji lta ba bzhin rab tu mkhyen to/ /de bzhin gshegs pa zag pa med pa'i khams shes pa</font><hr>42.54a<br><font size=+1>

'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zag pa dang bcas pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'dod pa'i yon tan lnga dang yang dag par ldan pa'i khams yang dag pa ji lta ba bzhin rab tu mkhyen to/ /de la shes pa dang mthong ba nas mkhas pa'i bar gang yin pa 'di ni zang zing dang bcas pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zang zing dang bcas pa'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pa zang zing dang bcas pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ zang zing dang bcas pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas rgyu gang dang rkyen gang dag gis zang zing dang bcas pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar du'o/ /de bzhin gshegs pa zang zing dang bcas pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi</font><hr>42.54b<br><font size=+1>

khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zang zing dang bcas pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni zang zing dang bcas pa'i khams shes pa 'gog pa shes pa ste/ de yang gzod ma nas ma skyes pa'i chos can no/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni zang zing dang bcas pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zang zing dang bcas pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zang zing dang bcas pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis zang zing dang bcas pa'i khams shes pa 'gog par 'gyur ba'i lam shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa'i shes pa de yang dag pa ji lta ba bzhin rab tu mkhyen to/ /de bzhin gshegs pa zang zing dang bcas pa'i khams shes pa 'gog par 'gyur ba'i lam shes pa de la yang</font><hr>42.55a<br><font size=+1>

zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zang zing med pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'dod pa'i yon tan lnga dag dang mi ldan pa'i zang zing med pa'i khams yang dag pa ji lta ba bzhin rab tu mkhyen to/ /de la shes pa dang mthong ba nas mkhas pa'i bar gang yin pa 'di ni zang zing med pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zang zing med pa'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zang zing med pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ zang zing med pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis zang zing med pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zang zing med pa'i khams shes pa kun 'byung ba shes pa de la yang zhu ba zhus pa na/ bskal par lan gsung</font><hr>42.55b<br><font size=+1>

ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zang zing med pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog pa nas de bzhin du sbyar te/ bde ba la btsud pa 'di ni zang zing med pa'i khams shes pa 'gog pa shes pa ste/ de yang gzod ma nas ma skyes pa'i chos can no/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni zang zing med pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zang zing med pa'i khams shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas zang zing med pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis zang zing med pa'i khams shes pa yongs su shes khong du chud/ mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa zang zing med pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod pa'i bar du 'gyur ro/ /de bzhin gshegs pas 'phags pa'i khams</font><hr>42.56a<br><font size=+1>

shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas chags pa dang mi ldan pa'i khams yang dag pa ji lta ba bzhin rab tu mkhyen/ zhe sdang dang mi ldan pa dang / gti mug dang mi ldan pa'i khams yang dag pa ji lta ba bzhin rab tu mkhyen to/ /de la shes pa dang mthong ba nas mkhas pa'i bar gang yin pa 'di ni 'phags pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'phags pa'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'phags pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ 'phags pa'i khams shes pa kun 'byung ba shes pa yang dag par 'grub pa de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'phags pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen to/ /de bzhin gshegs pa 'phags pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'phags pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma</font><hr>42.56b<br><font size=+1>

yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni 'phags pa'i khams shes pa 'gog pa ste/ de yang gzod ma nas ma skyes pa'i chos can no/ /de la shes pa nas mkhas pa'i bar gang yin pa 'di ni 'phags pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'phags pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'phags pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis 'phags pa'i khams shes pa yongs su shes khong du chud/ mngon sum du byas pa'i 'gog pa shes pa yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'phags pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'phags pa ma yin pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas chags pa dang yang dag par ldan pa dang / zhe sdang dang yang dag par ldan pa dang / gti mug dang yang dag par ldan pa'i khams yang dag pa ji lta ba bzhin rab</font><hr>42.57a<br><font size=+1>

tu mkhyen to/ /de la shes pa nas mkhas pa'i bar gang yin pa 'di ni 'phags pa ma yin pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'phags pa ma yin pa'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'phags pa ma yin pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ 'phags pa ma yin pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'phags pa ma yin pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'phags pa ma yin pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'phags pa ma yin pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma</font><hr>42.57b<br><font size=+1>

yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni 'phags pa ma yin pa'i khams shes pa 'gog pa shes pa ste/ de yang gzod ma nas ma skyes pa'i chos can no/ /de la shes pa dang mthong ba dang / gsal ba dang mngon par rtogs pa dang / yang dag par khong du chud pa dang / mkhas pa gang yin pa 'di ni 'phags pa ma yin pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'phags pa ma yin pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'phags pa ma yin pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'phags pa ma yin pa'i khams shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'phags pa ma yin pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten pa'i shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'jig rten pa'i kun tu spyod pa shes pa yang dag pa ji lta ba bzhin rab tu mkhyen te/ khyim bdag de ltar</font><hr>42.58a<br><font size=+1>

na de bzhin gshegs pas 'jig rten pa'i shes pa yang dag pa ji lta ba bzhin rab tu mkhyen to/ /de bzhin gshegs pa 'jig rten pa'i shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten pa'i shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ 'jig rten pa'i shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'jig rten pa'i shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'jig rten pa'i shes pa kun 'byung ba shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten pa'i shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni 'jig rten pa'i shes pa 'gog pa ste/ </font><hr>42.58b<br><font size=+1>

de yang gzod ma nas ma skyes pa'i chos can no/ /de la shes pa dang mthong ba dang / gsal ba dang mngon par rtogs pa dang / yang dag par khong du chud pa dang / mkhas pa gang yin pa 'jig rten pa'i khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'jig rten pa'i shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis 'jig rten pa'i khams shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'jig rten pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten las 'das pa'i khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'khor ba 'gog pa shes pa rjes su 'thun pa'i khams yang dag pa ji lta ba bzhin rab tu mkhyen to/ /de la shes pa dang mthong ba nas mkhas pa'i bar gang yin pa 'di ni 'jig rten las 'das pa'i khams shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen</font><hr>42.59a<br><font size=+1>

to/ /de bzhin gshegs pa 'jig rten las 'das pa'i khams shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ra/ /khyim bdag ji ltar na de bzhin gshegs pas 'jig rten las 'das pa'i khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ 'jig rten las 'das pa'i khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'jig rten las 'das pa'i khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'jig rten las 'das pa'i khams shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten las 'das pa'i khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug</font><hr>42.59b<br><font size=+1>

bsngal las yongs su thar bar byas nas/ bde ba la btsud pa ni 'jig rten las 'das pa'i khams shes pa 'gog pa ste/ de yang gzod ma nas ma skyes pa'i chos can no/ /de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'jig rten las 'das pa'i khams shes pa 'gog pa shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten las 'das pa'i khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na khyim bdag 'di la de bzhin gshegs pa gang gis 'jig rten las 'das pa'i khams shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen to/ /de bzhin gshegs pa 'jig rten las 'das pa'i khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dus byas kyi khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas nye bar len pa'i phung po lnga rnams yang dag pa ji lta ba bzhin rab tu mkhyen to/ /de bzhin gshegs pa 'dus byas kyi khams shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dus byas kyi khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ </font><hr>42.60a<br><font size=+1>

sangs rgyas bcom ldan 'das dpag tu med pa rnams la dge ba'i rtsa ba bskyed nas/ 'dus byas kyi khams shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'dus byas kyi khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'dus byas kyi khams shes pa kun 'byung ba shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dus byas kyi khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni 'dus byas kyi khams shes pa 'gog pa shes pa ste/ de yang gzod ma nas ma skyes pa'i chos can no/ /de de bzhin gshegs pas yang dag pa ji lta ba bzhin rab tu mkhyen to/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni 'dus byas kyi khams shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen</font><hr>42.60b<br><font size=+1>

to/ /de bzhin gshegs pa 'dus byas kyi khams shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang / khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dus byas kyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes pa gang gis 'dus byas kyi khams shes pa yongs su shes/ khong du chud/ mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa'o/ /de la shes pa dang / mthong ba nas mkhas pa'i bar gang yin pa 'di ni 'dus byas kyi khams shes pa 'gog par 'gyur ba'i lam shes pa'o/ /de bzhin gshegs pa 'dus byas kyi khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ / bam po drug pa/ khyim bdag ji ltar na de bzhin gshegs pas 'dus ma byas kyi khams shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas so sor brtags pas 'gog pa dang / nam mkha' dang / mya ngan las 'das pa yang dag pa ji lta ba bzhin rab tu mkhyen to/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni 'dus ma byas kyi khams kyi shes pa zhes bya ste/ de bzhin gshegs pa 'dus ma byas kyi khams shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la</font><hr>42.61a<br><font size=+1>

longs spyod par 'gyur ro/ /khyim bdag ji ltar na de bzhin gshegs pas 'dus ma byas kyi khams shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ 'dus ma byas kyi khams shes pa kun 'byung ba shes pa yang dag par 'grub pa de de bzhin gshegs pas ji ltar rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'dus ma byas kyi khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'dus ma byas kyi khams shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dus ma byas kyi khams shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni 'dus ma byas kyi khams shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni 'dus ma byas kyi khams</font><hr>42.61b<br><font size=+1>

shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'dus ma byas kyi khams shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'dus ma byas kyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis 'dus ma byas kyi khams shes pa yongs su shes/ khong du chud/ mngon sum du byas pa'i lam shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa'o/ /de bzhin gshegs pa 'dus ma byas kyi khams shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas bskal pa brjod du med pa'i yang brjod du med pa'i bar dag tu lan gsung ste/ de'i spobs pa zad mi shes so/ /khyim bdag de ci'i phyir zhe na/  'di ltar de bzhin gshegs pas chos kyi dbyings bla na med pa mkhyen rab kyis shin tu thugs su chud de/ gang thugs su chud pa'i de bzhin gshegs pa 'dus ma byas kyi khams shes pa 'gog par 'gyur ba'i lam shes pa de la yang zhu ba zhus pa na spobs pa zad mi shes so/ /de lta bas na 'dir gang gis ye shes mthong ba thogs pa med par 'jug pa de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten shes pa yang dag pa ji lta ba bzhin rab tu mkhyen ce na/ nyi ma dang zla ba yongs su rgyu bas</font><hr>42.62a<br><font size=+1>

phyogs gsal zhing snang bar byed pa'i zla ba stong dang / nyi ma stong dang / 'dzam bu'i gling stong dang / gling chen po dang / shar gyi lus 'phags stong dang / byang gi sgra mi snyan stong dang / nub kyi ba lang spyod stong dang / rgyal chen bzhi'i ris stong dang / sum bcu rtsa gsum gyi gnas stong dang / 'thab bral gyi gnas stong dang / dga' ldan gyi gnas stong dang / 'phrul dga'i gnas stong dang / gzhan 'phrul dbang byed kyi gnas stong dang / tshangs pa'i 'jig rten stong ji snyed pa 'di ni stong spyi phud dang / chung ngu dang / tha ma'i 'jig rten gyi khams shes bya ste/ tshul de lta bu'i spyi phud kyi 'jig rten gyi khams stong gang yin pa 'di ni stong gnyis pa bar ma'i 'jig rten gyi khams shes bya'o/ /tshul de lta bu'i stong gnyis pa bar ma'i 'jig rten gyi khams stong gang yin pa 'di ni stong gsum gyi stong chen po'i 'jig rten gyi khams shes bya ste/ 'dra bar 'jig /'dra bar 'chags/ 'dra bar zhig nas gnas/ 'dra bar chags nas gnas so/ /tshul de lta bu'i stong gsum gyi stong chen po'i 'jig rten gyi khams shar phyogs su 'jig rten gyi khams gzhan dag ni 'jig /gzhan dag ni 'chags/ gzhan dag zhig nas gnas/ gzhan dag chags nas gnas te/ lho phyogs dang / nub phyogs dang / byang phyogs dang / shar lho dang / lho nub dang / nub byang dang / byang shar dang / 'og dang / steng gi 'jig rten gyi khams dpag tu med pa gzhan dag ni 'jig /gzhan dag ni 'chags/ gzhan dag zhig nas gnas/ gzhan dag chags nas gnas so/ /de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni 'jig rten shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'jig rten shes pa de la yang zhu ba zhus pa na/ bskal par lan gsung ba nas de bzhin du sbyar te/ de ni tsan dan gyi khyams</font><hr>42.62b<br><font size=+1>

dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ 'jig rten shes pa kun 'byung ba shes pa yang dag par 'grub pa de de bzhin gshegs pas ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis 'jig rten gyi khams shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de yang dag pa ji lta ba bzhin rab tu mkhyen to/ /de bzhin gshegs pa 'jig rten shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni 'jig rten gyi khams shes pa 'gog pa ste/ de yang gzod ma nas ma skyes pa'i chos can no/ /de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'jig rten gyi khams shes pa 'gog pa shes pa de la yang zhu ba zhus pa na/ bskal par</font><hr>42.63a<br><font size=+1>

lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas 'jig rten gyi khams shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes pa gang gis 'jig rten shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa 'jig rten shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mos pa du ma shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can 'di dag ni gzugs la mos so/ /sems can 'di dag ni sgra la mos so/ /sems can 'di dag ni dri la mos so/ /sems can 'di dag ni ro la mos so/ /sems can 'di dag ni reg bya la mos so zhes khyim bdag de ltar na de bzhin gshegs pas mos pa du ma shes pa yang dag pa ji lta ba bzhin rab tu mkhyen to/ /de bzhin gshegs pa mos pa du ma shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mos pa du ma shes pa kun 'byung ba shes pa de yang dag pa ji lta ba bzhin rab tu mkhyen ce na/ khyim bdag 'di la de</font><hr>42.63b<br><font size=+1>

bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ mos pa du ma shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis mos pa du ma shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa 'am/ gal te phyir rgol bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mos pa du ma shes pa kun 'byung ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mos pa du ma shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni mos pa du ma shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni mos pa du ma shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mos pa du ma shes pa 'gog pa shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par</font><hr>42.64a<br><font size=+1>

'gyur ro/ /khyim bdag ji ltar na de bzhin gshegs pas mos pa du ma shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis mos pa du ma shes pa 'gog pa shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mos pa du ma shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mos pa sna tshogs shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can 'di dag ni sngon po la mos so/ /sems can 'di dag ni ser po la mos so/ /sems can 'di dag ni dmar po la mos so/ /sems can 'di dag ni dkar po la mos so/ /sems can 'di dag ni sna tshogs la mos so zhes/ khyim bdag de ltar na de bzhin gshegs pas mos pa sna tshogs shes pa yang dag pa ji lta ba bzhin rab tu mkhyen to/ /de bzhin gshegs pa mos pa sna tshogs shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mos pa sna tshogs shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas mos pa sna tshogs</font><hr>42.64b<br><font size=+1>

shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis mos pa sna tshogs shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mos pa sna tshogs shes pa kun 'byung ba shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mos pa sna tshogs shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni mos pa sna tshogs shes pa 'gog pa ste/ de yang gzod ma nas ma skyes pa'i chos can no/ /de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mos pa sna tshogs shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mos pa sna tshogs shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de</font><hr>42.65a<br><font size=+1>

bzhin gshegs pa shes pas gang gis mos pa sna tshogs shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mos pa sna tshogs shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas mig gi dbang po shes pa yang dag pa ji lta ba bzhin rab tu mkhyen te/ mig gi dbang po shes pa kun 'byung ba shes/ mig gi dbang po shes pa 'gog pa shes/ mig gi dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen to/ /de bzhin du rna ba dang / sna dang / lce dang / lus dang yid kyi dbang po shes pa kun 'byung ba shes/ yid kyi dbang po shes pa 'gog pa shes/ yid kyi dbang po shes pa 'gog par 'gyur ba'i lam shes pa dang / mo'i dbang po shes pa dang / pho'i dbang po shes pa dang / lam shes pa dang / srog gi dbang po shes pa dang / bde ba'i dbang po shes pa dang / sdug bsngal gyi dbang po shes pa dang / yid bde ba'i dbang po shes pa dang / yid mi bde ba'i dbang po shes pa dang / btang snyoms kyi dbang po shes pa dang / dad pa'i dbang po shes pa dang / brtson 'grus kyi dbang po shes pa dang / dran pa'i dbang po shes pa dang / ting nge 'dzin gyi dbang po shes pa dang / shes rab kyi dbang po shes pa dang / mi shes pa kun shes pa'i dbang po shes pa dang / kun shes pa'i dbang</font><hr>42.65b<br><font size=+1>

po shes pa dang / kun shes par byed pa'i dbang po shes pa kun 'byung ba shes pa kun shes par byed pa'i dbang po shes pa 'gog pa shes/ kun shes par byed pa'i dbang po shes pa 'gog par 'gyur ba'i lam shes pa'i bar gang dag ji lta ba bzhin rab tu mkhyen te/ thams cad la yang rgyas par bya zhing mdo dang po ji lta ba bzhin no/ /khyim bdag ji ltar na de bzhin gshegs pas mig gi dbang po shes pa yang dag pa ji lta ba bzhin rab tu mkhyen ce na/ 'byung ba chen po bzhi dag gi/ dang ba ni mig gi dbang po yin te/ sa'i khams dang ba dang / chu'i khams dang ba dang / me'i khams dang ba dang / rlung gi khams dang ba yin te/ de la sa'i khams dang ba yang mig ma yin la/ sa'i khams dang ba las gzhan pa yang mig ma yin/ chu'i khams dang ba yang mig ma yin la/ chu'i khams dang ba las gzhan pa yang mig ma yin/ me'i khams dang ba yang mig ma yin la/ me'i khams dang ba las gzhan pa yang mig ma yin/ rlung gi khams dang ba yang mig ma yin/ rlung gi khams dang ba las gzhan pa yang mig ma yin mod kyi/ khyim bdag 'on kyang las kyi rnam par smin pas mig yongs su grub pa yin te/ de de bzhin gshegs pas yang dag pa ji lta ba bzhin rab tu mkhyen to/ /de la shes pa dang / mthong ba nas mkhas pa'i bar gang yin pa 'di ni mig gi dbang po shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mig gi dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi dbang po shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ </font><hr>42.66a<br><font size=+1>

mig gi dbang po shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis mig gi dbang po shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mig gi dbang po shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi dbang po shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni mig gi dbang po shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba dang gsal ba dang mngon par rtogs pa dang yang dag par khong du chud pa dang / mkhas pa gang yin pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mig gi dbang po shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mig gi dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ </font><hr>42.66b<br><font size=+1>

khyim bdag 'di la de bzhin gshegs pa shes pa gang gis mig gi dbang po shes pa yongs su shes khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mig gi dbang po shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas rna ba'i dbang po shes pa yang dag pa ji lta ba bzhin rab tu mkhyen ce na/ 'byung ba chen po bzhi dang ba ni rna ba'i dbang po yin te/ sa'i khams dang ba dang / chu'i khams dang ba dang / me'i khams dang ba dang / rlung gi khams dang ba yin te/ de la sa'i khams dang ba yang rna ba'i dbang po ma yin la/ sa'i khams dang ba las gzhan pa yang rna ba'i dbang po ma yin zhing / rlung gi khams dang ba las gzhan pa yang rna ba'i dbang po ma yin mod kyi/ 'on kyang las kyi rnam par smin pas rna ba'i dbang po mngon par grub pa yin no/ /de la shes pa dang mthong ba nas mkhas pa'i bar gang yin pa 'di ni rna ba'i dbang po shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rna ba'i dbang po shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /sna dang lce dang lus kyang de bzhin no/ /khyim bdag ji ltar na de bzhin gshegs pas yid kyi dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas yid kyi dbang po ni dbang po lnga po dag gi gtso bo yin no/ /</font><hr>42.67a<br><font size=+1>

zhes yang dag pa ji lta ba bzhin rab tu mkhyen to/ /yid kyi dbang po ni dbang po lnga dag gi spyod yul la spyod pa dang / yid kyi dbang po ni dbang po lnga'i zhing yin no zhes yang dag pa ji lta ba bzhin rab tu mkhyen te/ khyim bdag de ltar na de bzhin gshegs pas yid kyi dbang po shes pa yang dag pa ji lta ba bzhin rab tu mkhyen to/ /de bzhin gshegs pa yid kyi dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas mo'i dbang po shes pa yang dag pa ji lta ba bzhin rab tu mkhyen ce na/ mo'i sgra dang / mo'i dbyibs dang / mo'i sba ba dang / mo'i tshul dang / mo'i kun tu spyod pa gang yin pa 'di ni mo'i dbang po'o/ /de la shes pa dang mthong ba nas mkhas pa'i bar gang yin pa 'di ni mo'i dbang po shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mo'i dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas pho'i dbang po shes pa yang dag pa ji lta ba bzhin rab tu mkhyen ce na/ pho'i sgra dang pho'i cha byad dang / pho'i sba ba dang / pho'i tshul dang pho'i kun du spyod pa gang yin pa 'di ni pho'i dbang po shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa pho'i dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag</font><hr>42.67b<br><font size=+1>

ji ltar na de bzhin gshegs pas tshe'i dbang po shes pa yang dag pa ji lta ba bzhin rab tu mkhyen ce na/ khyim bdag sems can gang dag dud 'gro'i skye gnas su song ba'i tshe'i tshad nyin zhag gcig yod de/ dus ma yin par 'chi ba yang yod/ sems can gang dag dud 'gro'i skye gnas su song ba'i tshe'i tshad ni lnga brgya pa yang yod la/ dus ma yin par 'chi ba yang yod/ sems can gang dag dud 'gro'i skye gnas su song ba'i tshe'i tshad bskal par yod la/ dus ma yin par 'chi ba yang yod/ 'dzam bu'i gling gi mi rnams kyi tshe'i tshad ni lo brgya pa ste/ dus ma yin par 'chi ba yang yod/ nub kyi ba lang spyod kyi mi rnams kyi tshe'i tshad ni lo nyis brgya lnga bcu pa ste/ dus ma yin par 'chi ba yang yod/ shar gyi lus 'phags kyi mi rnams kyi tshe'i tshad ni lo lnga brgya pa ste/ dus ma yin par 'chi ba yang yod/ byang gi sgra mi snyan gyi mi rnams kyi tshe'i tshad ni lo stong ste/ dus ma yin par 'chi ba ni med/ mi rnams kyi lo lnga bcu gang yin pa de dang de ni/ rgyal chen bzhi'i ris kyi lha rnams kyi nyin zhag gcig go/ /nyin zhag gi tshad des nyi ma bcwa lnga la zla ba phyed do/ /nyi ma sum bcu la zla ba gcig go/ /zla ba bcu gnyis la lo gcig go/ /rgyal chen bzhi'i ris kyi lha rnams kyi tshe'i tshad ni lo lnga brgya ste/ dus ma yin par 'chi ba yang yod/ mi rnams kyi lo brgya pa de ni/ sum bcu rtsa gsum gyi lha rnams kyi nyin zhag gcig ste/ nyin zhag gi tshad des zla ba bcu gnyis la lo gcig go/ /sum bcu rtsa gsum gyi lha rnams kyi tshe'i tshad ni lo stong ste/ dus ma yin par 'chi ba yang yod/ mi rnams kyi lo nyis brgya gang yin pa de ni/ 'thab bral gyi lha rnams kyi nyin zhag gcig go/ /nyin zhag gi tshad des zhag sum bcu la zla ba gcig go/ /zla ba bcu gnyis la lo gcig go/ /'thab bral gyi lha rnams kyi tshe'i tshad ni lo nyis stong ste/ dus ma yin par 'chi ba yang yod/ mi rnams kyi lo bzhi brgya gang yin pa de ni dga' ldan gyi lha rnams kyi nyin zhag gcig go/ /nyin zhag gi tshad des shes bya ba nas/ zla ba bcu gnyis</font><hr>42.68a<br><font size=+1>

dang lo'i bar du'o/ /dga' ldan gyi lha rnams kyi tshe'i tshad ni lo bzhi stong ste/ dus ma yin par 'chi ba yang yod/ mi rnams kyi lo brgyad brgya gang yin pa ni/ 'phrul dga'i lha rnams kyi nyin zhag gcig go/ /nyin zhag gi tshad des shes bya ba nas lo'i bar du'o/ /'phrul dga'i lha rnams kyi tshe'i tshad ni lo brgyad stong ste/ dus ma yin par 'chi ba yang yod/ mi rnams kyi lo stong drug brgya gang yin pa de ni gzhan 'phrul dbang byed kyi lha rnams kyi nyin zhag gcig go/ /nyin zhag gi tshad des shes bya ba nas lo'i bar du'o/ /gzhan 'phrul dbang byed kyi lha rnams kyi tshe'i tshad ni lo khri drug stong ste/ dus ma yin par 'chi ba yang yod/ tshangs pa dang / tshangs ris dang / tshangs pa'i mdun na 'don dang / tshangs 'khor dang / tshangs pa chen po rnams kyi tshe'i tshad ni bskal pa ste/ dus ma yin par 'chi ba yang yod/ 'od dang / 'od chung dang / tshad med 'od dang / 'od gsal gyi lha rnams kyi tshe'i tshad ni bskal pa gnyis te/ dus ma yin par 'chi ba yang yod/ dge ba dang chung dge dang / tshad med dge dang / dge rgyas kyi lha rnams kyi tshe'i tshad ni bskal pa bzhi ste/ dus ma yin par 'chi ba yang yod/ che ba dang chung che dang / tshad med che dang / 'bras bu che ba'i lha rnams kyi tshe'i tshad ni bskal pa brgyad de/ dus ma yin par 'chi ba yang yod/ 'du shes med pa'i sems can gyi lha rnams kyi tshe'i tshad ni bskal pa lnga brgya'o/ /mi che ba rnams kyi ni bskal pa stong ngo / /mi gdung ba rnams kyi ni bskal pa nyis stong ngo / /gya nom snang ba rnams kyi tshe'i tshad ni bskal pa bzhi stong ste/ dus ma yin par 'chi ba yang yod/ shin du mthong gi lha rnams kyi tshe'i tshad ni bskal pa brgyad stong ste/ dus ma yin par 'chi ba yang yod/ 'og min gyi lha rnams kyi tshe'i tshad ni bskal pa khri drug stong ste/ dus ma yin par 'chi ba yang yod de/ tshig thams cad la yang sbyar ro/ /nam mkha' mtha' yas skye mched kyi lha rnams kyi tshe'i tshad ni bskal pa nyi khri chig stong ste/ dus ma yin par 'chi ba yang yod/ /rnam shes mtha' yas skye</font><hr>42.68b<br><font size=+1>

mched kyi lha rnams kyi tshe'i tshad ni bskal pa bzhi khri nyis stong ste/ dus ma yin par 'chi ba yang yod/ ci yang med pa'i skye mched kyi lha rnams kyi tshe'i tshad ni bskal pa drug khri sum stong ste/ dus ma yin par 'chi ba yang yod/ 'du shes med 'du shes med min gyi lha rnams kyi tshe'i tshad ni bskal pa brgyad khri bzhi stong ste/ dus ma yin par 'chi ba yang yod do/ /rgyal chen bzhi'i ris kyi lha rnams kyi tshe'i tshad gang yin pa de ni/ sems can dmyal ba chen po yang sos kyi nyin zhag gcig go/ /nyin zhag gi tshe'i tshad des shes bya ba nas lo'i bar du'o/ /sems can dmyal ba chen po yang sos kyi tshe'i tshad ni lo lnga brgya ste/ dus ma yin par 'chi ba yang yod/ sum bcu rtsa gsum gyi lha rnams kyi tshe'i tshad gang yin pa de ni sems can dmyal ba chen po thig nag gi nyin zhag gcig go/ /nyin zhag des shes bya ba nas lo'i bar du'o/ /sems can dmyal ba chen po thig nag gi tshe'i tshad ni lo stong ste/ dus ma yin par 'chi ba yang yod/ 'thab bral gyi lha rnams kyi tshe'i tshad gang yin pa de ni sems can dmyal ba chen po ngu 'bod kyi nyin zhag gcig go/ /nyin zhag gi tshad des shes bya ba nas lo'i bar du'o/ /sems can dmyal ba chen po ngu 'bod kyi tshe'i tshad ni lo nyis stong ngo / /dga' ldan gyi lha rnams kyi tshe'i tshad gang yin pa de ni/ ngu 'bod gtum po'i nyin zhag gcig go/ /nyin zhag des shes bya ba nas lo'i bar du ste/ tshe'i tshad lo bzhi stong ngo / /'phrul dga'i lha rnams kyi tshe'i tshad gang yin pa de ni/ sems can dmyal ba chen po tsha ba'i nyin zhag gcig go/ /nyin zhag gi tshad des shes bya ba nas lo'i bar du'o/ /sems can dmyal ba chen po tsha ba rnams kyi tshe'i tshad ni lo brgyad stong ngo / /gzhan 'phrul dbang byed kyi lha rnams kyi tshe'i tshad gang yin pa de ni sems can dmyal ba chen po rab tu tsha ba'i nyin zhag gcig go/ /nyin zhag gi tshad des shes bya ba nas lo'i bar du'o/ /sems can dmyal ba chen po rab tu tsha ba'i tshe'i tshad ni lo drug stong ngo / /sems can dmyal ba chen po bsdus gzhom gyi</font><hr>42.69a<br><font size=+1>

tshe'i tshad ni bskal pa phyed de/ dus ma yin par 'chi ba yang yod/ sems can dmyal ba chen po mnar med pa'i tshe'i tshad ni bskal pa ste/ dus ma yin par 'chi ba yang yod/ 'di lta ste dper na/ yul ma ga d+hA'i khal gsum bre bzhi'i phrag nyi shu la/ til khal drug bcu rtsa bzhi ste/ de las lo brgya 'das shing mis til 'bru gcig bor te/ rnam grangs dang thabs de lta bus yul ma ga d+ha'i khal drug bcu rtsa bzhi las zad par gyur kyang sems can dmyal ba chen po chu bur can gyi tshe'i tshad ni de ltar mi zad do/ /sems can dmyal ba chen po chu bur can gyi tshe'i tshad nyi shu gang yin pa de ni sems can dmyal ba chen po chu bur rdol gyi tshe'i tshad gcig yin no/ /sems can dmyal ba chen po chu bur rdol gyi tshe'i tshad nyi shu gang yin pa de ni sems can dmyal ba chen po so tams tams kyi tshe'i tshad gcig yin no/ /sems can dmyal ba chen po so tams tams kyi tshe'i tshad nyi shu gang yin pa de ni kyi hud zer gyi tshe'i tshad gcig go/ /kyi hud zer gyi nyi shu gang yin pa de ni a chu zer gyi gcig go/ /a ra De'i nyi shu gang yin pa de ni me tog dri zhim ltar gas pa'i gcig go/ /me tog dri zhim ltar gas pa'i nyi shu gang yin pa de ni me tog dri ngad 'jam ltar gas pa'i gcig go/ /me tog dri ngad 'jam ltar gas pa'i nyi shu gang yin pa de ni ud pa la ltar gas pa'i gcig go/ /ud pa la ltar gas pa'i nyi shu gang yin pa de ni ku mu da ltar gas pa'i gcig go/ /ku mu da ltar gas pa'i nyi shu gang yin pa de ni pad ma dkar po ltar gas pa'i gcig go/ /pad ma dkar po ltar gas pa'i nyi shu gang yin pa de ni sems can dmyal ba chen po pad ma ltar gas pa'i tshe'i tshad gcig yin no/ /khyim bdag de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang mkhas pa gang yin pa 'di ni tshe'i dbang po shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa tshe'i dbang po shes pa de la yang zhu</font><hr>42.69b<br><font size=+1>

ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas tshe'i dbang po shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sangs rgyas bcom ldan 'das dpag tu med pa rnams la dge ba'i rtsa ba bskyed nas/ tshe'i dbang po shes pa kun 'byung ba shes pa yang dag par 'grub pa de de bzhin gshegs pas yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ rgyu gang dang rkyen gang dag gis tshe'i dbang po shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen te/ gal te mi rtag par rjes su lta bar gnas pa nas/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa tshe'i dbang po shes pa kun 'byung ba shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas tshe'i dbang po shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni tshe'i dbang po shes pa 'gog pa shes pa ste/ de yang gzod ma nas ma skyes pa'i chos can no/ /'di ni tshe'i dbang po shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa tshe'i</font><hr>42.70a<br><font size=+1>

dbang po shes pa 'gog pa shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas tshe'i dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa shes pa gang gis tshe'i dbang po shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa tshe'i dbang po shes pa 'gog par 'gyur ba'i lam shes pa de la yang zhu ba zhus pa na bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas bde ba'i dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lus kyi bde ba'i tshor ba 'am/ tshor ba'i rnam pa bde ba gang cung zad yod pa yang dag par yongs su spyad pa 'am/ mi mthun par yongs su spyad pa 'am/ spyod lam pa 'am/ dus tshigs kyis yongs su bsgyur ba 'di ni bde ba'i dbang po shes pa zhes bya'o/ /de la shes pa dang mthong ba dang gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni bde ba'i dbang po shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa bde ba'i dbang po shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di</font><hr>42.70b<br><font size=+1>

la longs spyod par 'gyur ro/ /kun 'byung ba dang 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas sdug bsngal gyi dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lus kyi sdug bsngal gyi tshor ba 'am/ tshor ba'i rnam pa gang cung zad yang dag par yongs su bsgyur ba 'am/ mi 'thun par yongs su bsgyur ba 'am/ dus tshigs kyis yongs su bsgyur ba 'am/ spyod lam pa 'di ni sdug bsngal gyi dbang po zhes bya ste/ de la shes pa dang / mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni sdug bsngal gyi dbang po shes pa zhes bya'o/ /de bzhin gshegs pa sdug bsngal gyi dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas yid bde ba'i dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sems las byung ba'i bde ba'i tshor ba 'am/ tshor ba'i rnam pa bde ba gang cung zad yang dag par yongs su bsgyur ba 'am mi 'thun par yongs su bsgyur ba 'am/ dus tshigs kyis yongs su sgyur ba 'am/ spyod lam 'di ni yid bde ba'i dbang po zhes bya'o/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang mkhas pa gang yin pa 'di ni yid bde ba'i dbang po zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid bde ba'i dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang</font><hr>42.71a<br><font size=+1>

khang bzang gi bar 'di la longs spyod par 'gyur ro/ /kun 'byung ba dang 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas yid mi bde ba'i dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sems las byung ba sdug bsngal gyi tshor ba 'am/ tshor ba'i rnam pa mi bde ba gang cung zad yang dag par yongs su bsgyur ba 'am/ mi 'thun par yongs su bsgyur ba 'am/ dus tshigs kyis yongs su bsgyur ba 'am/ spyod lam pa 'di ni yid mi bde ba'i dbang po zhes bya'o/ /de la shes pa dang mthong ba dang / gsal ba dang mngon par rtogs pa dang / yang dag par khong du chud pa dang / mkhas pa gang yin pa 'di ni yid mi bde ba'i dbang po shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid mi bde ba'i dbang po shes pa de la yang zhu ba zhus pa na bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang 'gog pa dang / lam yang ji skad bstan pa bzhin rgya cher bya'o/ /khyim bdag ji ltar na de bzhin gshegs pas btang snyoms kyi dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lus kyi 'am/ sems las byung ba'i tshor ba 'am/ tshor ba'i rnam pa bde ba nyid ma yin pa 'am/ mi bde ba nyid ma yin pa gang cung zad yang dag par yongs su bsgyur ba 'am/ mi 'thun par yongs su bsgyur ba 'am/ dus tshigs kyis yongs su bsgyur ba 'am/ spyod lam pa 'di ni btang snyoms kyi dbang po zhes bya'o/ /de la shes pa dang mthong ba dang gsal ba dang / mngon par rtogs pa dang yang dag par khong du chud pa dang / mkhas pa gang yin pa 'di ni btang snyoms kyi dbang po shes pa zhes bya ste/ de de bzhin gshegs pas yang dag pa ji lta ba bzhin rab</font><hr>42.71b<br><font size=+1>

tu mkhyen to/ /de bzhin gshegs pa btang snyoms kyi dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas dad pa'i dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas dge ba'i chos rnams la don du gnyer ba nyid dang / 'dun pa dang / 'dod pa dang / byang chub kyi phyogs kyi chos rnams la nges par rtogs pa dang / mngon par rtogs pa dang / dang ba dang shin du dang ba dang / sems rnyog pa med pa dang / dad pa'i dbang po dang / dad pa'i stobs gang yin pa 'di ni dad pa'i dbang po'o/ /de la shes pa dang mthong ba dang gsal ba nas mkhas pa'i bar gang yin pa 'di ni dad pa'i dbang po shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dad pa'i dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dad pa'i dbang po shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis dad pa'i dbang po shes pa kun 'byung ba shes pa yang dag par 'grub pa'i rgyu de dang rkyen de dag yang dag pa ji lta ba bzhin rab tu mkhyen to/ /de bzhin gshegs pa dad pa'i dbang po shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dad pa'i dbang po shes pa 'gog pa shes pa yang dag pa ji lta ba bzhin rab</font><hr>42.72a<br><font size=+1>

tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ rgyu gang dag yod na dad pa'i dbang po skye ste/ rgyu de dag 'gog pa ni dad pa'i dbang po 'gog pa ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa dad pa'i dbang po shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag 'di la ji ltar na de bzhin gshegs pas dad pa'i dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas shes pa gang gis dad pa'i dbang po shes pa yongs su shes/ khong du chud mngon sum du byas pa'i 'gog pa shes pa de yang dag pa ji lta ba bzhin rab tu mkhyen to/ /de bzhin gshegs pa dad pa'i dbang po shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ / bam po bdun pa/ khyim bdag ji ltar na de bzhin gshegs pas brtson 'grus kyi dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lus kyi 'am/ sems las byung ba'i brtson 'grus yang dag pa ji lta ba bzhin rab tu mkhyen te/ de yang mkhyen pa gang gis yang dag pa ji lta ba bzhin rab tu mkhyen cing / zag pa med pa'i mkhyen pa dang / 'jig rten las 'das pa'i mkhyen pas rab tu mkhyen te/ brtson 'grus 'di ni rgyun du 'jug pa'i 'bras bu la gnas par 'gyur/ brtson 'grus 'di ni lan gcig phyir 'ong ba'i 'bras bu la gnas par 'gyur/ brtson 'grus 'di ni phyir mi 'ong ba'i 'bras bu la gnas par 'gyur/ brtson 'grus 'di ni dgra bcom pa la gnas par 'gyur/ brtson 'grus 'di ni</font><hr>42.72b<br><font size=+1>

rang sangs rgyas la gnas par 'gyur ro/ /zhes khyim bdag de ltar na de bzhin gshegs pas brtson 'grus kyi dbang po shes pa yang dag pa ji lta ba bzhin rab tu mkhyen to/ /de bzhin gshegs pa brtson 'grus kyi dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas brtson 'grus kyi dbang po shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis brtson 'grus kyi dbang po skye bar 'gyur ba/ gal te dge ba'i bshes gnyen la brten pa 'am/ gal te mal stan la gnas pa 'am/ gal te yul la gnas pa'i rgyu de dang rkyen de dag yang dag pa ji lta ba bzhin rab tu mkhyen to/ /de bzhin gshegs pa brtson 'grus kyi dbang po shes pa kun 'byung ba shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas brtson 'grus kyi dbang po shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ rgyu gang dang rkyen gang dag gis brtson 'grus kyi dbang po skyes te rgyu de dag 'gog pa'i brtson 'grus kyi 'gog pa rab tu mkhyen to/ /de bzhin gshegs pa brtson 'grus kyi dbang po shes pa 'gog pa shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas brtson 'grus kyi dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas shes pa gang dag gis brtson 'grus kyi dbang po shes pa yongs</font><hr>42.73a<br><font size=+1>

su shes/ khong du chud mngon sum du byas pa'i 'gog pa shes pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa brtson 'grus kyi dbang po shes pa 'gog par 'gyur ba'i lam shes pa de la yang zhu ba zhus pa na bskal par lan gsung ba nas de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dran pa'i dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas mngon par brjod pa'i mtshan nyid ni dran pa'o zhes yang dag pa ji lta ba bzhin rab tu mkhyen to/ /dran pa so so nye bar gzhag pa ni dran pa'i dbang po'o zhes yang dag pa ji lta ba bzhin rab tu mkhyen to/ /thams cad du 'gro ba ni dran pa'i dbang po'o zhes yang dag pa ji lta ba bzhin rab tu mkhyen to/ /de bzhin gshegs pa dran pa'i dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dran pa'i dbang po shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis dran pa'i dbang po skye ba'i rgyu de dang rkyen de dag yang dag pa ji lta ba bzhin rab tu mkhyen te/ gal te sngon gyi mtha' rjes su dran pa 'am/ gal te phyi ma'i mtha' las brtsams pa 'am/ gal te da ltar byung ba'i dus las brtsams pa 'am/ gal te lus la dmigs pa 'am/ gal te tshor ba la dmigs pa 'am/ gal te sems la dmigs pa 'am/ gal te chos la dmigs pa 'am/ gal te 'dod pa la dmigs bsam/ gal te gnod sems la dmigs pa 'am/ gal te rnam par 'tshe ba la dmigs pa 'am/ gal te nges par 'byung ba la dmigs pa 'am/ gal te gnod sems med pa</font><hr>42.73b<br><font size=+1>

la dmigs pa 'am gal te rnam par mi 'tshe ba la dmigs pa 'am gal te sangs rgyas la dmigs pa 'am/ gal te chos la dmigs pa 'am/ gal te dge 'dun la dmigs pa 'am/ tshul khrims la dmigs pa 'am/ ting nge 'dzin la dmigs pa 'am/ shes rab la dmigs pa 'am/ rnam par grol ba la dmigs pa 'am/ rnam par grol ba'i ye shes mthong ba la dmigs pa 'am/ gal te zad pa la dmigs pa 'am gal te mi skye ba la dmigs pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa de la yang zhu ba zhus pa na/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas dran pa'i dbang po shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis dran pa'i dbang po skyes pa'i rgyu de dag 'gog pa las dran pa'i dbang po 'gog ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa de la yang zhes bya ba nas longs spyod pa'i bar du 'gyur ro/ /khyim bdag ji ltar na de bzhin gshegs pas dran pa'i dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes pa gang gis dran pa'i dbang po shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen to/ /de bzhin gshegs pa dran pa'i dbang po shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas/ de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas ting nge 'dzin gyi dbang po shes pa yang</font><hr>42.74a<br><font size=+1>

dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sems rtse gcig pa nyid yang dag pa ji lta ba bzhin rab tu mkhyen te/ gal te bsam gtan dang po 'am/ gal te bsam gtan gnyis pa 'am/ gal te bsam gtan gsum pa 'am/ gal te bsam gtan bzhi pa 'am/ gal te byams pa 'am/ gal te snying rje 'am/ gal te dga' ba 'am/ gal te btang snyoms sam/ gal te nam mkha' mtha' yas skye mched la snyoms par 'jug pa 'am/ gal te 'du shes med 'du shes med min skye mched la snyoms par 'jug pa'i bar ram/ gal te rnam par thar pa 'am/ gal te zad par gyi skye mched dam/ gal te zil gyis gnon pa'i skye mched de dag gis ji ltar sems rtse gcig par mngon du gyur pa de/ de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa sems rtse gcig pa de dag la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /khyim bdag ji ltar na de bzhin gshegs pas ting nge 'dzin gyi dbang po shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis sems rtse gcig tu 'gyur ba/ gal te mi gtsang ba'i 'du shes kyis sam/ gal te rnam par sngos pa'i 'du shes kyis sam/ gal te rnam par rul ba'i 'du shes kyis sam/ gal te rnam par zos pa'i 'du shes kyis sam/ gal te rnam par tshig pa'i 'du shes kyis sam/ gal te rus gong gi 'du shes kyis sam/ gal te rnam par 'thor ba'i 'du shes kyis sam/ gal te rnam par mi ldan pa'i 'du shes kyis sam/ gal te nges par 'byung ba'i 'du shes kyis sam/ gal te gnod sems med pa'i 'du shes kyis sam/ gal te rnam par mi 'tshe ba'i 'du shes kyis sam/ gal te sems can gyi 'du shes kyis sam/ gal te chos kyi 'du shes kyis te/ de de bzhin gshegs pas</font><hr>42.74b<br><font size=+1>

yang dag pa ji lta ba bzhin rab tu mkhyen to/ /de bzhin gshegs pa ting nge 'dzin gyi dbang po shes pa de la yang zhu ba zhus pa na/ bskal par lan gsung ba nas de bzhin du sbyar te/ longs spyod pa'i bar du 'gyur ro/ /khyim bdag ji ltar na de bzhin gshegs pas ting nge 'dzin gyi dbang po shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis ting nge 'dzin gyi dbang po skye pa'i rgyu de dang rkyen de dag 'gog pa las/ ting nge 'dzin gyi dbang po 'gags te/ de de bzhin gshegs pas yang dag pa ji lta ba bzhin rab tu mkhyen te/ de bzhin gshegs pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas ting nge 'dzin gyi dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas shes pa gang gis ting nge 'dzin gyi dbang po shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen pa nas/ de bzhin du sbyar te longs spyod pa'i bar du 'gyur ro/ /khyim bdag ji ltar na de bzhin gshegs pas shes rab kyi dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sdug bsngal gyi phung po dpag tu med pa mthar byed pa'i shes rab kyi dbang po dang 'khor ba dpag tu med pa'i mthar byed pa dang / phung po dag gi rim pa dpag tu med pa'i mthar byed pa dang / mi sdug pa dang phrad pa dpag tu med pa'i mthar byed pa dang / sdug pa dang bral ba dpag tu med pa'i mthar byed pa dang / sdug bsngal gyi sdug bsngal dpag tu med pa'i mthar byed pa dang / 'gyur ba'i sdug bsngal dpag tu med pa'i mthar byed pa dang / </font><hr>42.75a<br><font size=+1>

'du byed pa'i sdug bsngal dpag tu med pa'i mthar byed pa 'di ni shes rab kyi dbang po ste/ dran pa nye bar gzhag pa bzhi bskyed pa/ yang dag par spong ba bzhi bskyed pa/ rdzu 'phrul gyi rkang pa bzhi bskyed pa/ dbang po lnga bskyed pa/ stobs lnga bskyed pa/ rjes su dran pa drug bskyed pa/ byang chub kyi yan lag bdun bskyed pa/ 'phags pa'i lam yan lag brgyad pa bskyed pa/ zhi gnas dang lhag mthong bskyed pa/ rig pa bskyed pa/ rnam par grol ba bskyed pa/ rnam par grol ba'i ye shes mthong ba bskyed pa/ rnam par thar pa'i sgo'i mchog /sgrib pa med pa'i mig 'khor ba'i skyon yang dag par ston pa/ mya ngan las 'das pa'i yon tan shin tu brjod pa/ 'das pa'i de bzhin gshegs pa rnams kyis mchog tu bya ba byas pa/ ma 'ongs pa'i de bzhin gshegs pa rnams kyis kyang mchog tu byed par 'gyur ba/ da ltar gyi 'jig rten gyi khams dpag tu med pa dag na/ sangs rgyas bcom ldan 'das bzhugs shing gzhes pa de dag gis kyang / shes rab kyi dbang po 'di mchog tu mdzad pa/ nyan thos kyi theg pa 'am/ rang sangs rgyas kyi theg pa 'am/ bla na med pa'i sangs rgyas kyi ye shes kyi shes rab kyi dbang po'i thog ma ste/ khyim bdag de ltar na de bzhin gshegs pas shes rab kyi dbang po shes pa yang dag pa ji lta ba bzhin rab tu mkhyen to/ /de bzhin gshegs pa shes rab kyi dbang po shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /khyim bdag ji ltar na de bzhin gshegs pas shes rab kyi dbang po shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ rgyu gang dang rkyen gang dag gis shes rab kyi dbang po shes pa yang dag par 'grub pa gal te mi rtag pa'i rnam pas sam/ de bzhin du sbyar te phyir rgol ba'i rnam pas sam/ gal te mun pa'i rnam pas sam/ </font><hr>42.75b<br><font size=+1>

gal te mi rtag pa dang rjes su 'drel ba'i rnam pas sam/ gal te dbus su spyod pas sam/ gal te mi mdza' ba'i rnam pas sam/ gal te mi mdza' ba la mdza' bshes lta bu'i rnam pas sam/ gal te skyon du blta ba'i rnam pas sam/ gal te sgyid lug pa'i rnam pas sam/ gal te yid brtan du mi rung ba'i rnam pas sam/ gal te chu'i srin po'i rnam pas te/ rnam pa de lta bu dpag tu med pa 'bum de dag gis shes rab kyi dbang po shes pa kun 'byung ba shes pa yang dag pa ji lta ba bzhin rab tu mkhyen to/ /de bzhin gshegs pa shes rab kyi dbang po shes pa kun 'byung ba shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas shes rab kyi dbang po shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes rab kyi dbang po ni bskyed pa'i chos can yin la/ bskyed pa'i chos can gang yin pa de ni 'gog pa'i chos can te/ shes rab de yang sems can dpag tu med pa rnams kyi don gyi phyir skyes shing sems can dpag tu med pa rnams kyi don byas nas 'gags/ sems can dpag tu med pa rnams kyi don byas shing don ma yin pa bzlog nas 'gags/ sems can dpag tu med pa rnams kyi sdug bsngal las yongs su thar bar mdzad nas 'gags/ sems can dpag tu med pa rnams bde ba la btsud nas 'gags te/ shes rab kyi dbang po rjes su dran pa na yang sems can dpag tu med pa rnams kyi don byed par 'gyur/ sems can dpag tu med pa rnams kyi don ma yin pa bzlog par 'gyur zhing 'gags/ shes rab kyi dbang po rjes su dran pa na yang sems can dpag tu med pa rnams sdug bsngal las yongs su thar bar byed par</font><hr>42.76a<br><font size=+1>

'gyur/ sems can dpag tu med pa rnams bde ba la btsud par 'gyur zhing 'gags/ shes rab kyi dbang po rjes su dran pa na yang sems can dpag tu med pa rnams kyi mun pa sel bar 'gyur/ sems can dpag tu med pa rnams kyi snang bar byed par 'gyur zhing 'gags/ shes rab kyi dbang po rjes su dran pa na yang lam gol ba 'gog par 'gyur zhing lam 'byed par 'gyur te/ 'di ni shes rab kyi dbang po shes pa 'gog pa shes pa zhes bya'o/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni shes rab kyi dbang po shes pa 'gog pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen te/ khyim bdag de ltar na de bzhin gshegs pas shes rab kyi dbang po shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa shes rab kyi dbang po shes pa 'gog pa shes pa de la yang zhu ba zhus pa na/ bskal par lan gsung ba nas de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas shes rab kyi dbang po shes pa 'gog par 'gyur ba'i lam shes pa de yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas shes pa gang gis shes rab kyi dbang po shes pa yongs su shes/ khong du chud/ mngon sum du byas pa'i 'gog pa shes pa de yang dag pa ji lta ba bzhin rab tu mkhyen te/ gal te mngon par shes pa'i shes pas sam/ gal te yongs su shes pa'i shes pas sam/ gal te spong ba'i shes pas sam/ gal te bsgom pa'i shes pas sam/ gal te mngon sum du byas pa'i shes pa de de bzhin gshegs pas yang dag pa ji lta ba bzhin rab tu mkhyen to/ /shes pa gang gis shes rab kyi dbang po shes pa yongs su shes/ </font><hr>42.76b<br><font size=+1>

khong du chud/ mngon sum du byas nas 'gog pa shes pa de nyan thos dang rang sangs rgyas thams cad dang thun mong ma yin pa yang dag pa ji lta ba bzhin rab tu mkhyen to/ /de bzhin gshegs pa shes rab kyi dbang po shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung zhing bskal pa brgya 'am/ bskal pa stong ngam/ bskal pa bye ba 'am/ bskal pa phrag 'bum mam/ bskal pa khrag khrig gam/ bskal pa gtams sam/ bskal pa dkrigs sam/ bskal pa khyad phyin nas/ bskal pa dpag tu med par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas mi shes pa kun shes par byed pa'i dbang po yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas gnas shes pa la mi shes pa dag kun shes so zhes yang dag pa ji lta ba bzhin rab tu mkhyen/ gnas shes pa kun 'byung ba shes pa la mi shes pa dag kun shes so zhes yang dag pa ji lta ba bzhin rab tu mkhyen/ gnas shes pa 'gog pa shes pa la mi shes pa dag kun shes so zhes yang dag pa ji lta ba bzhin rab tu mkhyen/ gnas shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /gnas ma yin pa shes pa la mi shes pa dag kun shes so zhes yang dag pa ji lta ba bzhin rab tu mkhyen/ gnas ma yin pa shes pa kun 'byung ba shes pa la mi shes pa dag kun shes so zhes yang dag pa ji lta ba bzhin rab tu mkhyen/ gnas ma yin pa shes pa 'gog pa shes pa la mi shes pa dag kun shes so zhes yang dag pa ji lta ba bzhin rab tu mkhyen/ gnas ma yin pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /'das pa shes te 'das pa shes pa kun</font><hr>42.77a<br><font size=+1>

'byung ba shes 'das pa shes pa 'gog pa shes/ 'das pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /ma 'ongs pa shes pa la mi shes pa dag kun shes so zhes yang dag pa ji lta ba bzhin rab tu mkhyen te/ ma 'ongs pa shes pa kun 'byung ba shes ma 'ongs pa shes pa 'gog pa shes/ ma 'ongs pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /da ltar byung ba la mi shes pa dag kun shes so zhes yang dag pa ji lta ba bzhin rab tu mkhyen te/ da ltar byung ba shes pa kun 'byung ba shes/ da ltar byung ba shes pa 'gog pa shes/ da ltar byung ba shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /las shes pa la mi shes pa dag kun shes so zhes yang dag pa ji lta ba bzhin rab tu mkhyen te/ las shes pa kun 'byung ba shes pa la mi shes pa dag dang las shes pa 'gog pa shes pa la mi shes pa dag dang / las shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /yang dag par blang ba shes pa la mi shes pa dag kun shes so zhes yang dag pa ji lta ba bzhin rab tu mkhyen te/ yang dag par blang ba shes pa kun 'byung ba shes/ yang dag par blang ba shes pa 'gog pa shes yang dag par blang ba shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /gnas dang gnas kyi shes pa la mi shes pa dag kun shes so zhes yang dag pa ji lta ba bzhin rab tu mkhyen te gnas dang gnas kyi shes pa kun 'byung ba shes/ gnas dang gnas kyi shes pa 'gog pa shes/ gnas dang gnas kyi shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /rgyu dang rgyu'i shes pa la mi shes pa dag kun shes so zhes yang dag pa ji</font><hr>42.77b<br><font size=+1>

lta ba bzhin rab tu mkhyen te/ kun 'byung ba dang 'gog pa dang / 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /rnam par smin pa shes pa kun 'byung ba shes/ rnam par smin pa shes pa 'gog pa shes rnam par smin pa shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /thams cad du 'gro ba'i lam shes pa kun 'byung ba shes/ thams cad du 'gro ba'i lam shes pa 'gog pa shes thams cad du 'gro ba'i lam shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /khams du ma shes te/ khams du ma shes pa kun 'byung ba shes/ khams du ma shes pa 'gog pa shes/ khams du ma shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /khams sna tshogs shes te/ khams sna tshogs shes pa kun 'byung ba shes/ khams sna tshogs shes pa 'gog pa shes/ khams sna tshogs shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /'jig rten shes pa la mi shes pa dag kun shes so zhes yang dag pa ji lta ba bzhin rab tu mkhyen te/ 'jig rten shes pa kun 'byung ba shes/ 'jig rten shes pa 'gog pa shes/ 'jig rten shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /mos pa du ma shes pa kun shes so zhes yang dag pa ji lta ba bzhin rab tu mkhyen te/ mos pa du ma shes pa kun 'byung ba shes/ mos pa du ma shes pa 'gog pa shes/ mos pa du ma shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /mos pa sna tshogs shes pa la mi shes pa dag kun shes so zhes yang dag pa ji lta ba bzhin rab tu mkhyen te/ mos pa sna tshogs shes pa kun </font><hr>42.78a<br><font size=+1>

'byung ba shes mos pa sna tshogs shes pa 'gog pa shes/ mos pa sna tshogs shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /dbang po shes pa la mi shes pa dag kun shes te dbang po shes pa kun 'byung ba shes/ dbang po shes pa 'gog pa shes/ dbang po shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /stobs shes pa kun 'byung ba shes/ stobs shes pa 'gog pa shes/ stobs shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /brtson 'grus shes te/ brtson 'grus shes pa kun 'byung ba shes/ brtson 'grus shes pa 'gog pa shes/ brtson 'grus shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /rim pa shes pa kun 'byung ba shes/ rim pa shes pa 'gog pa shes/ rim pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /bsam gtan shes te/ bsam gtan shes pa kun 'byung ba shes/ bsam gtan shes pa 'gog pa shes/ bsam gtan shes pa 'gog par 'gyur ba'i lam shes pa kun shes so zhes yang dag pa ji lta ba bzhin rab tu mkhyen to/ /rnam par thar pa shes te/ rnam par thar pa shes pa kun 'byung ba shes/ rnam par thar pa shes pa 'gog pa shes/ rnam par thar pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /ting nge 'dzin shes te ting nge 'dzin shes pa kun 'byung ba shes ting nge 'dzin shes pa 'gog pa shes/ ting nge 'dzin shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /snyoms par 'jug pa shes te/ snyoms</font><hr>42.78b<br><font size=+1>

par 'jug pa shes pa kun 'byung ba shes snyoms par 'jug pa shes pa 'gog pa shes/ snyoms par 'jug pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /kun nas nyon mongs pa shes te kun nas nyon mongs pa shes pa kun 'byung ba shes/ kun nas nyon mongs pa shes pa 'gog pa shes/ kun nas nyon mongs pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /rnam par byang ba shes te/ rnam par byang ba shes pa kun 'byung ba shes/ rnam par byang ba shes pa 'gog pa shes/ rnam par byang ba shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /rnam par gzhag pa shes te rnam par gzhag pa shes pa kun 'byung ba shes/ rnam par gzhag pa shes pa 'gog pa shes/ rnam par gzhag pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /sngon gyi mtha' shes te/ sngon gyi mtha' shes pa kun 'byung ba shes/ sngon gyi mtha' shes pa 'gog pa shes/ sngon gyi mtha' shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /sngon gyi gnas shes te sngon gyi gnas shes pa kun 'byung ba shes/ sngon gyi gnas shes pa 'gog pa shes/ sngon gyi gnas shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /phyi ma'i mtha' shes te/ phyi ma'i mtha' shes pa kun 'byung ba shes/ phyi ma'i mtha' shes pa 'gog pa shes/ phyi ma'i mtha' shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /'chi ba shes te/ 'chi ba shes pa kun 'byung ba shes/ 'chi ba shes pa 'gog pa shes/ 'chi ba shes</font><hr>42.79a<br><font size=+1>

pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /skye ba shes te/ skye ba shes pa kun 'byung ba shes/ skye ba shes pa 'gog pa shes/ skye ba shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /'dod pa'i zag pa shes te/ 'dod pa'i zag pa shes pa kun 'byung ba shes/ 'dod pa'i zag pa shes pa 'gog pa shes/ 'dod pa'i zag pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /srid pa'i zag pa shes te/ srid pa'i zag pa shes pa kun 'byung ba shes/ srid pa'i zag pa shes pa 'gog pa shes/ srid pa'i zag pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /lta ba'i zag pa shes te lta ba'i zag pa shes pa kun 'byung ba shes/ lta ba'i zag pa shes pa 'gog pa shes/ lta ba'i zag pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /ma rig pa'i zag pa shes te/ ma rig pa'i zag pa shes pa kun 'byung ba shes/ ma rig pa'i zag pa shes pa 'gog pa shes/ ma rig pa'i zag pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /zad pa shes te/ zad pa shes pa kun 'byung ba shes/ zad pa shes pa 'gog pa shes/ zad pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /mi skye ba shes te mi skye ba shes pa kun 'byung ba shes/ mi skye ba shes pa 'gog pa shes/ mi skye ba shes pa 'gog par 'gyur ba'i lam shes pa la mi shes pa</font><hr>42.79b<br><font size=+1>

dag kun shes so zhes yang dag pa ji lta ba bzhin rab tu mkhyen to/ /mi 'jigs pa shes te/ mi 'jigs pa shes pa kun 'byung ba shes/ mi 'jigs pa shes pa 'gog pa shes/ mi 'jigs pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /de bzhin du de bzhin gshegs pa'i byang chub kyi mtshan nyid la yang bya zhing / de bzhin du so so yang dag par rig pa la yang bya'o/ /de bzhin gshegs pa'i mtshan nyid shes te/ de bzhin gshegs pa'i mtshan nyid shes pa kun 'byung ba shes/ de bzhin gshegs pa'i mtshan nyid shes pa 'gog pa shes/ de bzhin gshegs pa'i mtshan nyid shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /de bzhin gshegs pa'i gnas pa shes te/ de bzhin gshegs pa'i gnas pa shes pa kun 'byung ba shes/ de bzhin gshegs pa'i gnas pa shes pa 'gog pa shes/ de bzhin gshegs pa'i gnas pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /de bzhin du de bzhin gshegs pa'i dbang po la yang bya'o/ /lus kyi las shes pa dang / ngag gi las shes pa dang / yid kyi las mtha' yas pa shes te/ yid kyi las shes pa kun 'byung ba shes/ yid kyi las shes pa 'gog pa shes/ yid kyi las shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /sngon du 'gro ba mtha' yas pa shes te/ sngon du 'gro ba shes pa kun 'byung ba shes/ sngon du 'gro ba shes pa 'gog pa shes/ sngon du 'gro ba shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /rjes su 'brang ba mtha' yas pa shes</font><hr>42.80a<br><font size=+1>

te/ rjes su 'brang ba shes pa kun 'byung ba shes/ rjes su 'brang ba shes pa 'gog pa shes/ rjes su 'brang ba shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /yongs su nyam pa shes te/ yongs su nyam pa shes pa kun 'byung ba shes/ yongs su nyam pa shes pa 'gog pa shes/ yongs su nyam pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /thams cad mkhyen pa shes te/ thams cad mkhyen pa shes pa kun 'byung ba shes/ thams cad mkhyen pa shes pa 'gog pa shes/ thams cad mkhyen pa shes pa 'gog par 'gyur ba'i lam shes pa la mi shes pa dag kun shes so zhes yang dag pa ji lta ba bzhin rab tu mkhyen to/ /'di ni mi shes pa kun shes par byed pa'i dbang po zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mi shes pa kun shes par byed pa'i dbang po shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang / 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas kun shes pa'i dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas kun shes pa'i dbang po'i gnas shes pas me long lta bur gyur pa'i dkyil 'khor rab tu mkhyen to/ /khyim bdag 'di lta ste dper na/ skyes bu'i lag pas me long gi dkyil 'khor bzung bar gzugs thams cad snang ngo / /de bzhin du de bzhin gshegs pas kun shes pa'i dbang po'i gnas shes pa des sems can thams cad kyi bsam pa rab tu mkhyen cing / sems can thams cad kyi dbang</font><hr>42.80b<br><font size=+1>

po rab tu mkhyen te/ sems can 'di dag gi dbang po ni rno'o/ /sems can 'di dag gi dbang po ni 'bring ngo / /sems can 'di dag gi dbang po ni rtul lo/ /sems can 'di dag gi dbang po ni mchog tu rno ba'o/ /sems can 'di dag gi dbang po ni mchog gi 'bring ngo / /sems can 'di dag gi dbang po ni mchog gi rtul ba'o/ /sems can 'di dag gi dbang po ni 'bring gi rno ba'o/ /sems can 'di dag gi dbang po ni 'bring gi 'bring ngo / /sems can 'di dag gi dbang po ni 'bring gi rtul ba'o/ /sems can 'di dag gi dbang po ni rtul ba'i rno ba'o/ /sems can 'di dag gi dbang po ni rtul bo'i 'bring ngo / /sems can 'di dag gi dbang po ni rtul ba'i rtul ba'o/ /sems can 'di dag gi dbang po ni 'dod chags kyis nye bar nyon mongs pa'o/ /sems can 'di dag gi dbang po ni zhe sdang gis nye bar nyon mongs pa'o/ /sems can 'di dag gi dbang po ni gti mug gis nye bar nyon mongs pa'o/ /sems can 'di dag gi dbang po ni 'dod chags dang zhe sdang gis nye bar nyon mongs pa'o/ /sems can 'di dag gi dbang po ni 'dod chags dang gti mug gis nye bar nyon mongs pa'o/ /sems can 'di dag gi dbang po ni zhe sdang dang 'dod chags kyis nye bar nyon mongs pa'o/ /sems can 'di dag gi dbang po ni zhe sdang dang gti mug gis nye bar nyon mongs pa'o/ /sems can 'di dag gi dbang po ni gti mug dang 'dod chags kyis nye bar nyon mongs pa'o/ /sems can 'di dag gi dbang po ni gti mug dang zhe sdang gis nye bar nyon mongs pa'o/ /sems can 'di dag gi dbang po ni 'dod chags dang zhe sdang dang gti mug gis nye bar nyon mongs pa'o/ /sems can 'di dag gi dbang po ni nye bar nyon mongs pa'o/ /sems can 'di dag gi dbang po ni nye bar nyon mongs pa med pa'o/ /sems can 'di dag gi dbang po ni zhi ba'o/ /sems can 'di dag gi dbang po ni ma zhi ba'o/ /sems can 'di dag gi dbang po ni rab tu zhi ba'o/ /sems can 'di dag gi dbang po ni rab tu ma zhi ba'o/ /</font><hr>42.81a<br><font size=+1>

sems can 'di dag gi dbang po ni rnyog pa can no/ /sems can 'di dag gi dbang po ni rnyog pa med pa'o/ /sems can 'di dag gi dbang po ni dkrugs pa'o/ /sems can 'di dag gi dbang po ni ma dkrugs pa'o/ /'di dag gi dbang po ni gsal ba'o/ /'di dag gi dbang po ni mi gsal ba'o/ /'di dag gi dbang po ni grol ba'o/ /'di dag gi dbang po ni ma grol ba'o/ /'di dag gi dbang po ni rab tu grol ba'o/ /'di dag gi dbang po ni rab tu ma grol ba'o/ /'di dag gi dbang po ni bde ba'o/ /'di dag gi dbang po ni mi bde ba'o/ /'di dag gi dbang po ni ma tshang ba'o/ /'di dag gi dbang po ni ma tshang ba med pa'o/ /'di dag gi dbang po ni drug char yongs su tshang ba'o/ /'di dag gi dbang po ni drug char yongs su ma tshang ba'o/ /sems can 'di dag gi dbang po ni nges pa'o/ /sems can 'di dag gi dbang po ni ma nges pa'o/ /sems can 'di dag ni nyan thos kyi dbang po dang ldan pa'o/ /sems can 'di dag ni rang sangs rgyas kyi dbang po dang ldan pa'o/ /sems can 'di dag ni de bzhin gshegs pa'i dbang po dang ldan pa'o/ /sems can 'di dag gi dbang po ni 'khor ba'i spyod pa dang ldan pa'o/ /sems can 'di dag gi dbang po ni mya ngan las 'da' ba'i spyod pa dang ldan pa'o/ /sems can 'di dag gi dbang po ni thun mong ba'o/ /sems can 'di dag gi dbang po ni thun mong ma yin pa'o/ /sems can 'di dag gi dbang po ni shin tu mgu ba'o/ /sems can 'di dag gi dbang po ni shin tu ma mgu ba'o/ /sems can 'di dag gi dbang po ni tshim pa'o/ /sems can 'di dag gi dbang po ni ma tshim pa'o/ /sems can 'di dag gi dbang po ni 'khrul pa'o/ /sems can 'di dag gi dbang po ni ma 'khrul pa'o/ /'di dag gi dbang po ni 'phyar ba'o/ /'di dag gi dbang po ni ma 'phyar ba'o/ /'di dag gi dbang po ni rgyas pa'o/ /'di dag gi dbang po ni ma rgyas pa'o/ /sems can 'di dag gi dbang po ni g.yengs pa'o/ /sems can 'di dag gi dbang po ni ma g.yengs pa'o/ /</font><hr>42.81b<br><font size=+1>

sems can 'di dag gi dbang po ni yangs pa'o/ /sems can 'di dag gi dbang po ni yangs pa ma yin pa'o/ /sems can 'di dag gi dbang po ni dbugs 'byin pa'o/ /sems can 'di dag gi dbang po ni dbugs 'byin pa ma yin pa'o/ /'di dag gi dbang po ni mgyogs pa'o/ /'di dag gi dbang po ni mi 'gyogs pa'o/ /sems can 'di dag gi dbang po ni myur ba'o/ /sems can 'di dag gi dbang po ni myur ba ma yin pa'o/ /sems can 'di dag gi dbang po ni rgya che ba'o/ /sems can 'di dag gi dbang po ni rgya che ba ma yin pa'o/ /sems can 'di dag gi dbang po ni nges par 'byung ba'o/ /sems can 'di dag gi dbang po ni nges par 'byung ba ma yin pa'o/ /sems can 'di dag gi dbang po ni nges par 'byed pa'o/ /sems can 'di dag gi dbang po ni nges par 'byed pa ma yin pa ste/ khyim bdag de ltar na de bzhin gshegs pas kun shes pa'i dbang po shes pa yang dag pa ji lta ba bzhin rab tu mkhyen to/ /de bzhin gshegs pa kun shes pa'i dbang po shes pa de la yang zhu ba zhus pa na/ bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas kun shes pa'i dbang po shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis kun shes pa'i dbang po shes pa kun 'byung ba shes pa yang dag par 'grub pa/ gal te mi rtag par rjes su lta bar gnas pa 'am/ gal te sdug bsngal bar rjes su lta bar gnas pa nas de bzhin du sbyar te phyir rgol bar rjes su lta bar gnas pa'i bar gyi rgyu de dang rkyen de dag yang dag pa ji lta ba bzhin rab tu mkhyen to/ /de bzhin gshegs pa kun shes pa'i dbang po shes pa kun 'byung ba shes pa de la yang zhu ba zhus pa na/ bskal par lan gsung zhing bskal pa brgya nas bskal pa brjod du</font><hr>42.82a<br><font size=+1>

med pa'i yang brjod du med pa'i bar dag tu lan gsung ste de bzhin du sbyar te/ de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas kun shes pa'i dbang po shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa bzlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas bde ba la btsud pa ni kun shes pa'i dbang po shes pa 'gog pa ste/ de yang gzod ma nas ma skyes pa'i chos can no/ /de la shes pa dang mthong ba dang gsal ba dang / mngon par rtogs pa dang / yang dag par khong du chud pa dang mkhas pa gang yin pa 'di ni kun shes pa'i dbang po shes pa 'gog pa shes pa zhes bya ste de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa kun shes pa'i dbang po shes pa 'gog pa shes pa de la yang zhu ba zhus pa na bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas kun shes pa'i dbang po shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis kun shes pa'i dbang po shes pa yongs su shes khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa kun shes pa'i dbang po shes pa 'gog par 'gyur ba'i lam shes pa de la yang zhu ba</font><hr>42.82b<br><font size=+1>

zhus pa na bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas kun shes pa dang ldan pa'i dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas phyogs bcu'i 'jig rten du nyan thos dang rang sangs rgyas dang / de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa rnams kyi mdzad pa dag mdzad pas dad pa dang / brtson 'grus dang / dran pa dang / ting nge 'dzin dang / shes rab yang dag pa ji lta ba bzhin rab tu mkhyen to/ /de la shes pa dang mthong ba dang / gsal ba dang / mngon par rtogs pa nas mkhas pa'i bar gang yin pa 'di ni kun shes pa dang ldan pa'i dbang po zhes bya'o/ /khyim bdag gzhan yang de bzhin gshegs pas rgyun du zhugs pa'i kun tu sbyor ba gsum spangs pa la bya ba ci yang med do zhes rab tu mkhyen to/ /lan cig phyir 'ong ba'i 'dod pa'i 'dod chags dang gnod sems bsrabs pa la bya ba ci yang med do zhes rab tu mkhyen to/ /phyir mi 'ong ba'i kun tu sbyor ba tha ma'i cha dang 'thun pa lnga dag spangs pa la bya ba ci yang med do zhes rab tu mkhyen to/ /dgra bcom pa'i kun tu sbyor ba thams cad spangs pa la bya ba ci yang med do zhes rab tu mkhyen to/ /khyim bdag gzhan yang de bzhin gshegs pas 'di ltar rab tu mkhyen te/ kun shes pa dang ldan pa'i dbang po byas pa so sor rtogs cing mi skye ba so sor rtogs pa rab tu mkhyen to/ /de bzhin gshegs pa kun shes pa dang ldan pa'i dbang po shes pa de la yang zhu ba zhus pa na/ bskal par lan gsung ba nas de bzhin du sbyar te/ longs spyod pa'i bar du 'gyur ro/ /kun 'byung ba dang 'gog pa dang lam yang ji skad bstan pa bzhin no/ /ston pa mig dang ldan pas byas pa nad 'drar mkhyen/ /nyon mongs thams cad spangs pas de yi bslab bya med/ /bslab pa kun la bslabs pas de yi</font><hr>42.83a<br><font size=+1>

bslab bya med/ /bya ba byas pa des mkhyen 'di ltar rmongs pa med/ /sbrul gyi mche ba bcad cing dug kun rnam bcom pas/ /sems can gnod byar mi rung dug so dngos med pa/ /de ltar nyon mongs spongs pa rlom sems mi dmigs te/ /shin tu sgrom bu sbas pa'i sos gzugs mi rung ba/ /de yi sdig mthong sems can khyad par med pa ltar/ /de ltar nyon mongs pa dag spangs shing 'das pa med/ /sngon gyi las mngon 'du byed sdug bsngal 'khor lo sdig /gang gis tshe gzhan dag tu phyir zhing sdug bsngal bzlog /khyim bdag ji ltar na de bzhin gshegs pas dbang po shes pa yang dag pa ji lta ba bzhin rab tu mkhyen to/ /de bzhin gshegs pa dbang po shes pa de la yang zhu ba zhus pa na bskal par lan gsung ba nas de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag ji ltar na de bzhin gshegs pas stobs shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sems can rnams kyi stobs dang stobs ma yin pa shes pa yang dag pa ji lta ba bzhin rab tu mkhyen te/ gang zag 'di ni dad pa'i stobs 'di tsam dang ldan/ gang zag 'di ni brtson 'grus kyi stobs 'di tsam dang ldan/ dran pa'i stobs 'di tsam dang / ting nge 'dzin gyi stobs 'di tsam dang / gang zag 'di ni shes rab kyi stobs 'di tsam dang ldan/ gang zag 'di ni thabs la mkhas pa'i stobs 'di tsam dang ldan/ gang zag 'di ni mos pa'i stobs 'di tsam dang ldan no/ /de la shes pa dang / mthong ba nas mkhas pa'i bar gang yin pa 'di ni stobs shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa stobs shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang lam yang ji skad bstan pa bzhin no/ /'dir chos nyid 'di la 'di skad ces brjod par bya ste/ bdag nyid chen pos dus ring dag nas</font><hr>42.83b<br><font size=+1>

stobs shes bsten/ /sangs rgyas dpag med dag la ma lus yongs su zhus/ /'jig rten gsal mdzad dbang po stobs dang stobs min gsung / /sems can kun gyi shes gang mi mchog rab tu mkhyen/ /sems can dag gi dad brtson dran shes shes rab mkhyen/ /gang zhig chos 'di la 'jug 'byor ba ci 'dra ba/ /de'i zhus de bzhin gshegs pas mkhyen pas lung ston mdzad/ /rdzogs sangs stobs shes de la yang dang yang bslabs pas/ /'dir ni zhus na de yis thogs med lung ston mdzad/ /rnam 'dren de ni khang mchog 'di la longs spyod 'gyur/ / bam po brgyad pa/ khyim bdag ji ltar na de bzhin gshegs pas brtson 'grus kyi stobs shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ brtson 'grus brtsams pas don dag 'grub cing / le lo dag gis ni ma yin/ brtson 'grus dag brtsams pas gnas shes pa rtogs par 'gyur zhing / le lo dag gis ni ma yin/ de bzhin du brtson 'grus dag brtsams pas gnas shes pas kun 'byung ba shes pa rtogs par 'gyur zhing / le lo dag gis ni ma yin/ brtson 'grus dag brtsams pas gnas shes pa 'gog pa shes pa rtogs par 'gyur zhing / le lo dag gis ni ma yin/ brtson 'grus dag brtsams pas gnas shes pa 'gog par 'gyur ba'i lam shes pa rtogs par 'gyur zhing / le lo dag gis ni ma yin/ de bzhin du sbyar te stobs bcu'i bar dag la yang bya'o/ /brtson 'grus dag brtsams pas thams cad mkhyen pa'i shes pa 'gog par 'gyur ba'i lam shes pa rtogs par 'gyur zhing / le lo dag gis ni ma yin no/ /de la 'di skad ces bya ste/ lus dang lpags pa rgyus pa rus pa skams gyur cing / /bdag gi lus dang khrag bcas thams cad yongs skams kyang / /thams cad shes pa rtogs par ma byas bar du ni/ /brtson 'grus gtong ba dag tu byed par mi 'gyur</font><hr>42.84a<br><font size=+1>

ro/ /de ltar na brtson 'grus brtsams pas gnas shes pa rtogs par 'gyur zhing / le lo dag gis ma yin te/ brtson 'grus brtsams pas don dag bsgrub par 'gyur zhing / le lo dag gis ni ma yin/ thams cad mkhyen pa'i shes pa 'gog par 'gyur ba'i lam shes pa'i bar du 'gyur zhing / le lo dag gis ni ma yin no/ /de ltar na de bzhin gshegs pas brtson 'grus shes pa yang dag pa ji lta ba bzhin rab tu mkhyen to/ /de bzhin gshegs pa brtson 'grus shes pa de la yang zhu ba zhus pa na bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas rim pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sems can thams cad kyi brtson 'grus kyi rim pas lus kyi dang sems las byung ba'i brtson 'grus yang dag pa ji lta ba bzhin rab tu mkhyen te/ sems can kha cig lus kyi brtson 'grus dang ldan la/ sems las byung bas ni ma yin/ sems can kha cig sems las byung ba'i brtson 'grus dang ldan la/ lus kyis ni ma yin te/ de la sems can gang dag brtson 'grus kyi lus dang ldan la/ sems las byung bas ni ma yin pa de/ lus nyam chung ba las smod par byed/ lus nyam chung ba las rnam par byang ba med par 'jig cing smod la spro ba mi skyed do/ /gang dag sems las byung ba'i brtson 'grus dang ldan la/ lus kyis ni ma yin pa de ni sems kyi dbang gis smod par byed cing 'phyar bar 'gyur ro/ /gang dag lus kyi dang sems las byung ba'i brtson 'grus dang ldan pa de dag ni/ zung ngu mnyam zhing ldan pa ni smod par mi byed cing 'phyar bar mi byed la/ brtson 'grus bar ma'i shes pa dang ldan pas tshogs sgrub cing bya ba mthar byed la/ bya ba yang dag par sgrub/ bdud kyi zhags pa gcod/ bdud pham par byed/ bdud phyir phyogs par</font><hr>42.84b<br><font size=+1>

byed/ bdud kyi ris dag skrag par byed/ sangs rgyas kyi rgyud 'phel bar byed/ lam spyod par byed/ mu bsten par byed/ zam pa 'dogs par byed/ stegs 'cha' bar byed ye shes kyi sgron ma 'bar bar byed/ snang bar byed/ mun pa sel bar byed lam ston par byed/ yang dag par blang ba'i brtson 'grus la shin tu gnas shing yongs su mi nyams par byed do/ /gang dag lus kyi 'am/ sems las byung ba'i brtson 'grus de dag ni/ shing ka ta ka'i 'bras bu ltar de dag yongs su nyam par 'gyur ro/ /de ltar na de bzhin gshegs pas brtson 'grus kyi rim pa shes pa yang dag pa ji lta ba bzhin rab tu mkhyen to/ /de bzhin gshegs pa brtson 'grus kyi rim pa shes pa de la yang zhu ba zhus pa na/ bskal par lan gsung ba nas de bzhin du sbyar te de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang / 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas bsam gtan shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas nyams pa'i cha dang 'thun pa'i bsam gtan yang dag pa ji lta ba bzhin rab tu mkhyen/ gnas pa'i cha dang 'thun pa'i bsam gtan yang dag pa ji lta ba bzhin rab tu mkhyen/ khyad par gyi cha dang 'thun pa'i bsam gtan yang dag pa ji lta ba bzhin rab tu mkhyen/ nges par 'byed pa'i cha dang 'thun pa'i bsam gtan yang dag pa ji lta ba bzhin rab tu mkhyen te/ khyim bdag de ltar na de bzhin gshegs pas bsam gtan shes pa yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas rgyu gang dang rkyen gang dag gis yongs su nyams pa'i bsam gtan de dag gi rgyu de dang rkyen de dag yang dag pa ji lta ba bzhin rab tu mkhyen/ rgyu gang dang rkyen gang dag gis gnas pa'i cha dang 'thun par gyur pa de dag gi rgyu de dang rkyen de dag yang dag pa ji lta ba bzhin rab tu mkhyen/ rgyu gang dang rkyen gang dag gis khyad par gyi cha dang 'thun par gyur pa'i</font><hr>42.85a<br><font size=+1>

bsam gtan de dag gi rgyu de dang rkyen de dag yang dag pa ji lta ba bzhin rab tu mkhyen/ rgyu gang dang rkyen gang dag gis nges par 'byed pa'i cha dang 'thun par gyur pa'i bsam gtan de dag gi rgyu de dang rkyen de dag yang dag pa ji lta ba bzhin rab tu mkhyen te/ de ltar na de bzhin gshegs pas bsam gtan shes pa de yang dag pa ji lta ba bzhin rab tu mkhyen to/ /de bzhin gshegs pas bsam gtan shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas rnam par thar pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rnam par thar pa brgyad yang dag pa ji lta ba bzhin rab tu mkhyen te/ brgyad gang zhe na/ gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /gtsang ba nyid la mos pa 'di ni rnam par thar pa gsum pa yin no/ /nam mkha' mtha' yas skye mched la snyoms par 'jug pa'i rnam par thar pa dang / rnam shes mtha' yas skye mched la snyoms par 'jug pa'i rnam par thar pa dang / ci yang med pa'i skye mched la snyoms par 'jug pa'i rnam par thar pa dang / 'du shes med 'du shes med min skye mched la snyoms par 'jug pa'i rnam par thar pa dang / 'du shes dang tshor ba 'gog pa'i rnam par thar pa brgyad pa ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa rnam par thar pa shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas ting nge 'dzin shes pa yang dag pa ji lta ba bzhin rab tu mkhyen ce na/ </font><hr>42.85b<br><font size=+1>

khyim bdag 'di la de bzhin gshegs pas ting nge 'dzin bzhi yang dag pa ji lta ba bzhin rab tu mkhyen te/ bzhi gang zhe na/ 'di lta ste/ shugs ldan zhes bya ba'i ting nge 'dzin dang / seng ge zhes bya ba'i ting nge 'dzin dang / zhi ba zhes bya ba'i ting nge 'dzin dang / chos thams cad kyi rgyun dang ldan pa zhes bya ba'i ting nge 'dzin te de ltar na de bzhin gshegs pas ting nge 'dzin shes pa yang dag pa ji lta ba bzhin rab tu mkhyen to/ /de bzhin gshegs pa ting nge 'dzin shes pa de la yang zhu ba zhus pa na bskal par lan gsung ba nas/ longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas snyoms par 'jug pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas bsam gtan la mngon par gnas pa dang / don rtogs pa yang dag pa ji lta ba bzhin rab tu mkhyen te/ gang dag bsam gtan dang po la brten nas/ zag pa zad cing don rtogs pa'i snyoms par 'jug pa dang / bsam gtan dang po la brten nas mi rtag pa yid la byed pa'i snyoms par 'jug pa dang / bsam gtan dang po la brten nas sdug bsngal yid la byed pa'i snyoms par 'jug pa nas de bzhin du sbyar te phyir rgol ba yid la byed pa'i bar gyi snyoms par 'jug pa dang / bsam gtan dang po la brten nas/ mtshan ma dang bral ba'i snyoms par 'jug pa dang / bsam gtan dang po la brten nas bdag med pa dang bral ba'i snyoms par 'jug pa dang / bsam gtan dang po la brten nas smon lam dang bral ba'i snyoms par 'jug pa dang / bsam gtan dang po la brten nas rgyun tu 'jug pa'i 'bras bu mngon sum du bya ba'i snyoms par 'jug pa dang / bsam gtan dang po la brten nas/ dgra bcom pa'i 'bras bu mngon sum du bya ba'i bar la snyoms par 'jug pa ste/ de bzhin du bsam gtan gnyis pa la brten pa nas/ bsam gtan bzhi pa la brten pa dang / 'du shes med pa'i snyoms par 'jug pa dang / nam</font><hr>42.86a<br><font size=+1>

mkha' mtha' yas skye mched la snyoms par 'jug pa dang / rnam shes mtha' yas skye mched la snyoms par 'jug pa dang / cung zad med pa'i skye mched la snyoms par 'jug pa dang / 'du shes med 'du shes med min skye mched la snyoms par 'jug pa dang / 'du shes dang tshor ba 'gog pa'i snyoms par 'jug pa'i bar la yang rgya cher bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa snyoms par 'jug pa shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas kun nas nyon mongs pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'dod chags kyis kun nas nyon mongs pa yang dag pa ji lta ba bzhin rab tu mkhyen/ 'dod chags dang zhe sdang gis kun nas nyon mongs pa yang dag pa ji lta ba bzhin rab tu mkhyen/ 'dod chags dang gti mug gis kun nas nyon mongs pa yang dag pa ji lta ba bzhin rab tu mkhyen/ zhe sdang dang 'dod chags kyis kun nas nyon mongs pa yang dag pa ji lta ba bzhin rab tu mkhyen/ zhe sdang dang gti mug gis kun nas nyon mongs pa yang dag pa ji lta ba bzhin rab tu mkhyen/ gti mug dang 'dod chags kyis kun nas nyon mongs pa yang dag pa ji lta ba bzhin rab tu mkhyen/ cha mnyam pas kun nas nyon mongs pa yang dag pa ji lta ba bzhin rab tu mkhyen/ khro bas kun nas nyon mongs pa yang dag pa ji lta ba bzhin rab tu mkhyen/ khon dang yongs su gdung ba dang / phrag dog dang / ser sna dang / g.yo dang / sgyu dang / ngo tsha med pa dang / khrel med pa dang / khengs pa dang / nyes rtsom dang / rgyags pa dang / bag med pa dang / nga rgyal las kyang lhag pa'i nga rgyal gyis kun nas nyon mongs pa yang dag pa ji lta ba bzhin rab tu mkhyen/ nga rgyal gyi yang nga rgyal gyis kun nas nyon mongs pa yang dag pa ji lta ba bzhin rab</font><hr>42.86b<br><font size=+1>

tu mkhyen/ log pa'i nga rgyal gyis kun nas nyon mongs pa dang / mngon pa'i nga rgyal gyis kun nas nyon mongs pa yang dag pa ji lta ba bzhin rab tu mkhyen/ lhag pa'i nga rgyal gyis kun nas nyon mongs pa yang dag pa ji lta ba bzhin rab tu mkhyen/ cung zad snyam pa'i nga rgyal gyis kun nas nyon mongs pa yang dag pa ji lta ba bzhin rab tu mkhyen/ kha gsag dang / gzhog slongs dang / thob kyis 'jal bas kun nas nyon mongs pa yang dag pa ji lta ba bzhin rab tu mkhyen/ rnyed pas rnyed par byed 'dod pas kun nas nyon mongs pa dang / sdig 'dod pas kun nas nyon mongs pa dang / 'dod chen dang 'dod pa dang / dran pas kun nas nyon mongs pa dang / spyod pa ma yin pas kun nas nyon mongs pa dang mi snyan par smra ba nyid kyis kun nas nyon mongs pa dang / mi bzod pas kun nas nyon mongs pa dang / sbed pas kun nas nyon mongs pa dang / yongs su sbed pas kun nas nyon mongs pa dang / chos ma yin pa'i 'dod chags kyis kun nas nyon mongs pa dang / chags pa dang mi 'thun par chags pas kun nas nyon mongs pa dang / 'jig tshogs la lta bas kun nas nyon mongs pa dang / the tsom gyis kun nas nyon mongs pa dang / tshul khrims dang brtul zhugs mchog tu 'dzin pas kun nas nyon mongs pa dang / 'dod pa la 'dun pas kun nas nyon mongs pa dang / gnod sems kyis kun nas nyon mongs pa dang / rmugs pa dang gnyid kyis kun nas nyon mongs pa dang / rgod pa dang 'gyod pa dang / yid gnyis kyis kun nas nyon mongs pa dang / mi dga' bas kun nas nyon mongs pa dang / dga' bas kun nas nyon mongs pa dang / glal bas kun nas nyon mongs pa dang / bza' ba ma bsdams pas kun nas nyon mongs pa dang / sems las byung ba kun nas nyon mongs pas sems kun nas nyon mongs pa dang / 'du shes sna tshogs kyis kun nas nyon mongs pa dang / bdag la dbang med pas kun nas nyon mongs pa dang / lus kyi gnas ngan len gyis kun nas nyon mongs</font><hr>42.87a<br><font size=+1>

pa dang / thogs pas kun nas nyon mongs pa dang / chog mi shes pas kun nas nyon mongs pa ste/ khyim bdag de ltar na de bzhin gshegs pas kun nas nyon mongs pa shes pa yang dag pa ji lta ba bzhin rab tu mkhyen to/ /de bzhin gshegs pa kun nas nyon mongs pa shes pa de la yang zhu ba zhus pa na/ bskal par lan gsung ba nas/ de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas rnam par byang ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'dod pa la 'dun pa'i gnyen po ni mi gtsang ba'o zhes yang dag pa ji lta ba bzhin rab tu mkhyen/ gnod sems kyi gnyen po ni byams pa'o zhes yang dag pa ji lta ba bzhin rab tu mkhyen/ rmugs pa dang gnyid kyi gnyen po ni brtson 'grus rtsom pa'o zhes yang dag pa ji lta ba bzhin rab tu mkhyen/ rgod pa'i gnyen po ni zhi gnas so zhes yang dag pa ji lta ba bzhin rab tu mkhyen/ 'gyod pa'i gnyen po ni shes rab tshol ba'o zhes yang dag pa ci lta ba bzhin rab tu mkhyen/ the tsom gyi gnyen po ni chos rnams la rnam par nges pa khong du chud pa'o zhes yang dag pa ji lta ba bzhin rab tu mkhyen/ mi dga' ba'i gnyen po ni phan yon ston pa'o zhes yang dag pa ji lta ba bzhin rab tu mkhyen/ dga' ba'i gnyen po ni bdag bsdus pa'o zhes yang dag pa ji lta ba bzhin rab tu mkhyen/ glal ba'i gnyen po ni brtson 'grus rtsom pa'o zhes yang dag pa ji lta ba bzhin rab tu mkhyen/ bza' ba ma bsdams pa'i gnyen po ni zas la mi mthun pa'i 'du shes so zhes yang dag pa ji lta ba bzhin rab tu mkhyen/ kun nas nyon mongs pa'i gnyen po ni sems rab tu bsdus pa'o zhes yang dag pa ji lta ba bzhin rab tu mkhyen/ 'du shes sna tshogs kyi gnyen po ni mtshan ma med pa'o zhes yang dag pa ji lta ba bzhin rab tu mkhyen/ yid la mi byed pa'i gnyen po ni chos rnams la don du byed pa nyid do zhes yang dag</font><hr>42.87b<br><font size=+1>

pa ji lta ba bzhin rab tu mkhyen/ lus kyi gnas ngan len gyi gnyen po ni sdom pa'o zhes yang dag pa ji lta ba bzhin rab tu mkhyen/ chags pa'i gnyen po ni dge ba'i bshes gnyen la brten pa'o zhes yang dag pa ji lta ba bzhin rab tu mkhyen/ mu stegs kyi shes pa nyid dag la chags pa'i gnyen po ni mi 'thun pa'i 'du shes so zhes yang dag pa ji lta ba bzhin rab tu mkhyen te/ khyim bdag de ltar na de bzhin gshegs pas rnam par byang ba shes pa yang dag pa ji lta ba bzhin rab tu mkhyen to/ /de bzhin gshegs pa rnam par byang ba shes pa de la yang zhu ba zhus pa na/ bskal par lan gsung ba nas/ longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas rnam par gzhag pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ 'di ltar bsam gtan dang po las ldang bar bya zhing / bsam gtan dang po las langs nas/ chos 'di dag la yang dag par spyod pa de yang dag pa ji lta ba bzhin rab tu mkhyen/ bsam gtan dang po las langs pa'i sems dben pa la gzhol bar gyur pa yang dag pa ji lta ba bzhin rab tu mkhyen/ bsam gtan dang po las langs pa'i sems dga' bar byed pa'i chos gang yin pa dang / bsam gtan dang po las langs pa'i mngon par brjod par byed pa'i chos gang yin pa dang / de dang po'i chos gang yin pa yang dag par spyod pa'i chos de dag rab tu mkhyen/ sems gang gzhol bar gyur pa yang dag pa ji lta ba bzhin rab tu mkhyen/ chos gang dag la dga' ba'i chos de dag yang dag pa ji lta ba bzhin rab tu mkhyen/ gang dag la mi dga' ba'i chos de dag yang dag pa ji lta ba bzhin rab tu mkhyen/ chos gang yid la byas shing ldang ba de yang dag pa ji lta ba bzhin rab tu mkhyen te/ de bzhin du bsam gtan gnyis pa dang / gsum pa dang / bsam gtan bzhi pa dang / de bzhin du rnam par thar pa rnams dang / de bzhin du ting nge 'dzin rnams</font><hr>42.88a<br><font size=+1>

dang de bzhin du snyoms par 'jug pa rnams kyi ste/ de ltar na de bzhin gshegs pas rnam par ldang ba shes pa yang dag pa ji lta ba bzhin rab tu mkhyen to/ /de bzhin gshegs pa rnam par ldang ba shes pa de la yang zhu ba zhus pa na/ bskal par lan gsung ba nas rgya cher bya ste longs spyod pa'i bar du 'gyur ro/ /kun 'byung ba dang / 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas sngon gyi mtha' shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sngon gyi bskal pa rab tu mkhyen te/ bskal pa gang ming du btags par gyur pa de/ rkyen gang dag gis ming du btags nas yang dag par gnas pa'i bskal pa de dag ni 'di lta ste/ dper na/ bskal pa bzang po 'di'i ming bskal pas pad ma stong mthong zhes btags pa de bzhin du bskal pa de dag gi so so rab tu mkhyen/ sangs rgyas bcom ldan 'das de dag gi mtshan btsun par btags pa yang rab tu mkhyen te/ 'di lta ste dper na/ 'dir shAkya'i rigs las thub pa 'khrungs pa la/ shAkya thub pa zhes mtshan btags pa de bzhin du/ de bzhin gshegs pas bskal pa de dag dang / sangs rgyas de dag gi mtshan btags pa rab tu mkhyen de bzhin gshegs pas der yang sems can thams cad kyi ming du btags pa rab tu mkhyen to/ /de bzhin gshegs pa sngon gyi mtha' shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang / 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pa sngon gyi gnas shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas bskal pa brjod du med pa'i yang brjod du med pa dag rab tu mkhyen te/ gang du bdag yun ring por gnas shing / de nas kyang sngon gyi gnas gang la phyir zhing gnas pa/ gal te sems can dmyal ba 'am/ gal te dud 'gro'i skye gnas su 'am/ </font><hr>42.88b<br><font size=+1>

gal te gshin rje'i 'jig rten du 'am/ gal te mir ram/ gal te lhar ram/ gal te yi dgas su 'am/ gal te seng ger ram/ gal te stag tu 'am/ gal te gzig tu 'am/ gal te nam mkha' la rgyu ba 'am/ gal te bya'i tshogs su 'am/ gal te sbrul gdug pa'i tshogs su 'am/ gal te sbrul gyi tshogs su 'am/ gal te phre mo'i tshogs su 'am/ gal te sa la rgyu bar ram/ gal te bar snang la rgyu bar ram/ gal te rkang med du 'am/ gal te rkang gnyis par ram/ gal te rkang bzhi par ram/ gal te rkang mangs su 'am/ gal te chu la rgyu bar 'am/ gal te skams la rgyu bar 'am/ gal te gnod sbyin gyi tshogs su 'am/ gal te sha za'i tshogs su 'am/ gal te srin po'i tshogs su 'am/ gal te 'byung po'i tshogs su 'am/ gal te lha ma yin gyi tshogs su 'am/ gal te nam mkha' lding gi tshogs su 'am/ gal te mi 'am ci'i tshogs su 'am/ gal te lto 'phye chen po'i tshogs su 'am/ gal te mi ma yin pa'i tshogs su 'am/ gal te phreng ba 'chang ba'i tshogs su 'am/ gal te lag na gzhong thogs kyi lhar ram/ gal te rtag tu myos pa'i lhar ram/ gal te lus rgyan thogs pa'i lhar ram/ gal te rgyal chen bzhi'i ris kyi lhar ram/ gal te sum bcu rtsa gsum gyi lhar ram/ gal te 'thab bral gyi lha nas de bzhin du sbyar te/ dga' ldan du 'am/ gal te 'phrul dgar ram/ gal te gzhan 'phrul dbang byed dam/ gal te tshangs par ram/ gal te tshangs ris su 'am/ gal te tshangs pa mdun na 'don du 'am/ gal te tshangs pa kun 'khor du 'am/ gal te tshangs pa chen por ram/ gal te 'od tu'am/ gal te 'od chung du 'am/ gal te tshad med 'od du 'am/ gal te 'od gsal du 'am/ gal te dge bar ram/ chung dger ram/ tshad med dger ram/ dge rgyas su 'am/ che bar ram/ chung cher ram/ tshad med cher ram/ 'bras bu che bar ram/ 'du shes med pa'i sems can du 'am/ gal te nam mkha' mtha' yas skye mched du 'am/ gal te rnam shes</font><hr>42.89a<br><font size=+1>

mtha' yas skye mched du 'am/ gal te ci yang med pa'i skye mched du 'am/ gal te 'du shes med 'du shes med min skye mched du ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas 'das pa'i dus kyi dge ba'i rtsa ba gang dag mngon par 'dus byas pa/ gal te sbyin pa'i pha rol tu phyin pa dang / so so yang dag par ldan pa 'am/ gal te tshul khrims kyi pha rol tu phyin pa dang / so so yang dag par ldan pa 'am/ gal te bzod pa'i pha rol tu phyin pa dang / so so yang dag par ldan pa 'am/ gal te brtson 'grus kyi pha rol tu phyin pa dang / so so yang dag par ldan pa 'am/ gal te bsam gtan gyi pha rol tu phyin pa dang / so so yang dag par ldan pa 'am/ gal te shes rab kyi pha rol tu phyin pa dang / so so yang dag par ldan pa de dag thams cad rab tu mkhyen/ de bzhin gshegs pas 'das pa'i dus su 'khor ba gang dag la gnas nas/ gang du sangs rgyas bcom ldan 'das nges par gnas pa de dag la bsnyen bkur byas shing / yongs su zhus nas mkhyen pa gang dag bsgrubs pa 'di lta ste/ thabs la mkhas pa dang / bzo'i shes pa dang / snyoms par 'jug pa'i shes pa bsgrubs pa de dang de dag thams cad rab tu mkhyen to/ /zag pa zad pa shes pa ma gtogs par bzo 'am/ bzo shes pa 'am/ las sam/ las shes pa gang dag de bzhin gshegs pas sngon ma bskyed pa med de/ sngon mngon par 'dus ma byas pa gang yang med do/ /de lta bas na 'dir gang gi ye shes mthong ba thogs pa med par 'jug pa de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang / 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas phyi ma'i mtha' shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas ma 'ongs pa'i bskal pa'i sangs rgyas rnams dang / sems</font><hr>42.89b<br><font size=+1>

can rnams ming du btags pa rab tu mkhyen/ rgyu gang dang rkyen gang dag gis sangs rgyas bcom ldan 'das rnams dang / sems can de rnams kyi ming du btags par 'gyur ba de thams cad de bzhin gshegs pas rab tu mkhyen to/ /de bzhin gshegs pa phyi ma'i mtha' shes pa de la yang zhu ba zhus pa na/ bskal par lan gsung ba nas/ de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas 'chi ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can gang dag skyes nas 'chi bar 'gyur ba/ 'chi ba dang / 'chi 'pho ba dang / 'chi bar byed pa dang / gsod pa dang / dus byed pa dang / phung po 'jig pa dang / lus 'dor ba dang / srog gi dbang po yang dag par gcod pa dang / ris lhan cig mthun pa 'byed pa/ de bzhin gshegs pas yang dag pa ji lta ba bzhin rab tu mkhyen te/ sems can 'di dag ni tshe'i tshad yongs su ma rdzogs par 'chi bar 'gyur/ sems can 'di dag ni pha rol gyi gnod pas 'chi bar 'gyur/ sems can 'di dag ni ya nga ba spong bas 'chi bar 'gyur/ sems can 'di dag ni ya nga ba ma spangs pas 'chi bar 'gyur/ sems can 'di dag ni dus tshigs kyis bsgyur nas 'chi bar 'gyur/ sems can 'di dag ni bsod nams zad pas 'chi bar 'gyur ro/ /zhes de ltar na de bzhin gshegs pas 'chi ba shes pa yang dag pa ji lta ba bzhin rab tu mkhyen to/ /de bzhin gshegs pa 'chi ba shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas skye ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ rigs kyi bu 'am rigs kyi bu mo 'chi ba na/ </font><hr>42.90a<br><font size=+1>

skye ba'i mtshan ma 'di dag 'byung bar 'gyur te/ gang du 'dis skye bar byed pa sems can dmyal ba'i mtshan ma dag mthong ba ni sems can dmyal bar 'gro'o/ /dud 'gro'i mtshan ma dag mthong ba ni dud 'gro'i skye gnas su 'gro'o/ /gshin rje'i 'jig rten gyi mtshan ma dag mthong ba ni gshin rje'i 'jig rten du 'gro'o/ /mi'i mtshan ma dag mthong ba ni mi'i 'jig rten du 'gro'o/ /lha'i mtshan ma dag mthong ba ni mtho ris su 'gro'o/ /mi skye ba'i mtshan ma dag mthong ba ni mya ngan las 'das par 'gro'o zhes/ khyim bdag de ltar na de bzhin gshegs pas skye ba shes pa yang dag pa ji lta ba bzhin rab tu mkhyen to/ /de bzhin gshegs pa skye ba shes pa de la yang zhu ba zhus pa na/ bskal par lan gsung ba nas/ de ni tsan dan gyi khyams dang khang bzang gi bar 'di la longs spyod par 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas 'dod pa'i zag pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ 'dod pa'i zag pa ni yongs su rtog pa las byung ba'i ngo bo nyid dang bral ba yang dag pa ma yin pa/ so so nye bar gzhog pa/ dge ba'i rtsa ba rnam par 'jig par byed pa/ bcings pa lhod kyang rab tu thar bar dka' ba mi bshes kyang bshes pa ltar snang ba/ bar du gcod par byed pa mi mthun pa rnam pa du ma dag tu mtshungs pa'o/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa gang yin pa 'di ni 'dod pa'i zag pa shes pa zhes bya ste/ yang dag pa ji lta ba bzhin rab tu mkhyen to/ /de bzhin gshegs pa 'dod pa'i zag pa shes pa de la yang zhu ba zhus pa na/ bskal par lan gsung ba nas/ longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas srid</font><hr>42.90b<br><font size=+1>

pa'i zag pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ srid pa la sred pa dang / srid pa la rtag tu mngon par dga' ba dang / srid pa'i bya ba la chags pa dang srid pa la ro myang bar bltas pa dang / srid pa gang gi dbang gis sngon gyi mtha' ma shes te/ sdug bsngal nyams su myong la srid pa de'i sdug bsngal la chags shing rab tu mi shes/ sdug bsngal spang ba rab tu mi shes pa'o/ /de la shes pa dang mthong ba nas mkhas pa'i bar gang yin pa 'di ni srid pa'i zag pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa srid pa'i zag pa shes pa de la yang zhu ba zhus pa na/ bskal par lan gsung ba nas/ longs spyod pa'i bar du 'gyur ro/ /kun 'byung ba dang / 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas lta ba'i zag pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ lam gol bar zhugs pa ni 'di dag yin te/ 'di lta ste/ chad par lta ba dang / rtag par lta ba'o/ /de ci'i phyir zhe na/ gang chad pa'i chos de gang yang med cing / gang 'jig rten 'di nas 'jig rten pha rol du 'pho ba'i chos de yang mi dmigs te/ gzhan du na las tshogs pa dag gis skye ste/ khyim bdag 'di lta ste dper na/ chu chen po 'bab pa na sgra 'byung la/ de'i sgra 'byung ba la byed pa po su yang med de gzhan du na tshogs pa'i sbyor bas 'byung ngo / /khyim bdag de bzhin du rkyen yod na/ 'khor ba'i rgyun du 'jug ste/ nyon mongs pa dag yod na las byed la/ las yod na rnam par smin pa mngon par 'grub cing 'dir so sor myong bar mngon par 'du byed pa gang yang med de/ gzhan du na rkyen de dag yod cing tshogs pas 'grub po/ /de la bus pa thos pa dang mi ldan pa so so'i skye bo dag 'di snyam du sems te/ ngas las 'di mngon par 'du byas pa gang nga'i rnam par smin pa/ so so yang dag par myang bar</font><hr>42.91a<br><font size=+1>

bya'o zhes de ltar nga rgyal la mngon par zhen pa yod pas 'khor ba'i rgyun mi 'chad do/ /de la shes pa dang mthong ba nas mkhas pa'i bar gang yin pa 'di ni lta ba'i zag pa shes pa zhes bya ste/ khyim bdag de ltar na de bzhin gshegs pas lta ba'i zag pa shes pa yang dag pa ji lta ba bzhin rab tu mkhyen to/ /de bzhin gshegs pa lta ba'i zag pa shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang / 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas ma rig pa'i zag pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ ma rig pa ni ji lta ba bzhin du mthong ba la sgrib pa dang / chad pa dang mun pa dang / mig ma yin par byed pa dang / shes rab 'gog pa dang / phongs pa'i phyogs dang / mya ngan las 'das par yang dag par 'jug par mi byed pa'o/ /de la shes pa dang mthong ba nas mkhas pa'i bar gang yin pa 'di ni ma rig pa'i zag pa shes bya ste/ khyim bdag de ltar na de bzhin gshegs pas ma rig pa'i zag pa shes pa yang dag pa ji lta ba bzhin rab tu mkhyen to/ /de bzhin gshegs pa ma rig pa'i zag pa shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas zad pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ gang nyon mongs pa zad pa de zag pa zad pa'o/ /gang zag pa zad pa de nyon mongs pa zad cing de sdug bsngal zad pa'o/ /gang sdug bsngal zad pa de mya ngan las 'das pa zhes bya ste/ 'khor ba'i lam du mi 'jug go/ /de ltar na de bzhin gshegs pas</font><hr>42.91b<br><font size=+1>

zad pa shes pa yang dag pa ji lta ba bzhin rab tu mkhyen to/ /de la shes pa nas mkhas pa'i bar gang yin pa 'di ni zad pa shes pa zhes bya'o/ /de bzhin gshegs pa zad pa shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas mi skye ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sred pa'i rkyen gyis sdug bsngal 'grub la/ shes pa'i dbang gis de'i spong ba 'grub ste/ de ltar na de bzhin gshegs pas mi skye ba shes pa yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pa shes pas gang gis nyon mongs pa spong ba yongs su mkhyen te/ de ni mi skye ba shes pa'o/ /de la shes pa nas mkhas pa'i bar gang yin pa 'di ni mi skye ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa mi skye ba shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas thams cad mkhyen pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas chos thams cad la gzhan la rag ma lus pa'i shes pa la dmigs nas/ ngas mngon par rdzogs par sangs ma rgyas pa'i chos gang yang med de/ gang pha rol dag gis de chos 'di dag la mngon par rdzogs par sangs ma rgyas so zhes rgol ba la snyengs pa mi mnga'o/ /de ltar de bzhin gshegs pa ma lus par thugs su chud pa la bzhugs so/ /de bzhin gshegs pa ma lus par thugs su chud pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas</font><hr>42.92a<br><font size=+1>

don so so yang dag par rig pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas don so so yang dag par rig pa shes pa 'di ltar rab tu mkhyen te/ yi ge 'di ni don 'di ston te/ 'di lta ste chos kyi don dang / sems can gyi don dang / srog med pa'i don dang / gang zag med pa'i don dang / stong pa nyid yongs su bstan pa'i don dang / mtshan ma med pa dang bral ba'i don dang / smon lam dang bral ba ste/ de yang 'dir brjod par bya zhing 'di ltar mngon du dpyad par bya ste/ 'di lta ste/ mi rtag pa zhe 'am/ sdug bsngal ba zhe 'am/ bdag med pa zhe 'am/ mtshan ma dang bral ba zhe 'am/ smon pa dang bral ba zhe 'am/ zhi ba zhe 'am/ rlom sems med pa zhe 'am/ bdag 'dul ba zhe 'am/ mngon par 'du mi byed pa zhe 'am/ spros pa med pa zhes bya'o/ /yi ge 'di dag ni dus dang ldan par so sor brjod par bya ste/ bdag tu mngon par chags pa dag gi dus su ni stong pa nyid do/ /mtshan ma la mngon par chags pa dag gi dus su ni mtshan ma med pa'o/ /smon lam la mngon par chags pa dag gi dus su ni smon pa med pa'o/ /bsam pa rnam par spyod pa dag la ni spobs pa so so yang dag par rig pa'o/ /de la shes pa dang mthong ba nas mkhas pa'i bar gang yin pa 'di ni so so yang dag par rig pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa so so yang dag par rig pa shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas/ de bzhin gshegs pa'i mtshan nyid shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas de bzhin gshegs pa'i mtshan nyid bzhi yang dag pa ji lta ba bzhin rab tu mkhyen te/ 'di lta ste/ glang po che ltar gzigs pa nyid dang / seng ge ltar rnam par bsgyings pa nyid dang / sems</font><hr>42.92b<br><font size=+1>

can thams cad kyi bsam pa la 'jug pa nyid dang / sems can thams cad kyi lam dang rjes su 'thun pa nyid do/ /de la shes pa dang mthong ba nas mkhas pa'i bar gang yin pa 'di ni de bzhin gshegs pa'i mtshan nyid shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen te/ de bzhin gshegs pa mtshan nyid shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas de bzhin gshegs pa'i gnas pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sems can thams cad kyi don du byams pa bsgom par mdzad de/ ngas sems can 'di dag gi skye ba'i 'jigs pa las bskyab par bya/ rga ba'i 'jigs pa dang / nad kyi 'jigs pa dang / 'chi ba'i 'jigs pa las bskyab par bya/ sems can thams cad la phan pa dang / bde ba'i phyir/ byams pa bsgom pa 'di ni de bzhin gshegs pa'i gnas pa dang po'o/ /kye e ma sems can 'di dag ni sdug bsngal ba ste/ de dag gi sdug bsngal bsal ba'i don du chos bstan par bya'o/ /gzhan ma yin pa 'phags pa'i lam gyis thar bar bya'o/ /zhes thugs rje bskyed par mdzad do/ /gzhan ma yin pa'i lam 'di ni de bzhin du sdug bsngal las yongs su thar bar byed pa'o zhes dgyes pa bskyed par mdzad do/ /dgyes pa de sdug bsngal thams cad las btang snyoms su mdzad cing / sems pa med pa'i btang snyoms bskyed par mdzad de/ 'di dag ni de bzhin gshegs pa'i gnas pa bzhi pa'o/ /de la shes pa dang mthong ba nas mkhas pa'i bar gang yin pa 'di ni de bzhin gshegs pa'i gnas pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa de bzhin gshegs pa'i gnas pa shes pa de la yang zhu ba zhus pa na/ bskal par lan gsung ba</font><hr>42.93a<br><font size=+1>

nas longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas de bzhin gshegs pa'i dbang po shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas bskal pa bye ba dpag tu med par byang chub kyi phyogs kyi chos rnams yang dag par bsgrub pa la don du gnyer ba nyid yang dag pa ji lta ba bzhin rab tu mkhyen te/ dang ba'i sems dang / rnyog pa med pa'i sems dang / dkrugs pa med pa/ dang ba'i sems yang dag pa ji lta ba bzhin rab tu mkhyen to/ /byang chub kyi sems la gzhol ba dang / sems rab tu bsdus pa dang / sems kyi rgyun brjed pa med pa dang / sems kyi rgyun ma g.yengs pa dang / nyon mongs pa med par gyur pa'i shes rab ste/ de de bzhin gshegs pas yang dag pa ji lta ba bzhin rab tu mkhyen to/ /de la shes pa dang mthong ba dang / gsal ba dang / mngon par rtogs pa dang / yang dag par khong du chud pa dang / mkhas pa'i bar gang yin pa 'di ni/ de bzhin gshegs pa'i dbang po shes pa zhes bya ste/ khyim bdag de ltar na de bzhin gshegs pas de bzhin gshegs pa'i dbang po shes pa yang dag pa ji lta ba bzhin rab tu mkhyen to/ /de bzhin gshegs pa de bzhin gshegs pa'i dbang po shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas lus kyi las shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lus kyi las dge ba yang dag pa ji lta ba bzhin rab tu mkhyen te srog gcod pa spong ba dang / ma byin par len pa spong ba dang / 'dod pas log par g.yem pa spong ba ste/ khyim bdag de ltar na de bzhin gshegs pas lus kyi las dge ba yang dag pa ji lta ba bzhin rab tu mkhyen to/ /khyim</font><hr>42.93b<br><font size=+1>

bdag ji ltar na de bzhin gshegs pas lus kyi las mi dge ba yang dag pa ji lta ba bzhin rab tu mkhyen ce na/ 'di la srog gcod pa yang dag pa ji lta ba bzhin rab tu mkhyen/ ma byin par len pa dang / 'dod pas log par g.yem pa yang dag pa ji lta ba bzhin rab tu mkhyen te/ khyim bdag de ltar na de bzhin gshegs pas lus kyi las mi dge ba yang dag pa ji lta ba bzhin rab tu mkhyen to/ /khyim bdag ji ltar na de bzhin gshegs pas lus kyi las lung du ma bstan pa yang dag pa ji lta ba bzhin rab tu mkhyen ce na/ 'di la de bzhin gshegs pas lus kyi las bsams pa las byung ba'i rnam par smin pa ma yin pa yang dag pa ji lta ba bzhin rab tu mkhyen to/ /de la shes pa dang mthong ba nas mkhas pa'i bar gang yin pa 'di ni lus kyi las shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa lus kyi las shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang / 'gog pa dang lam yang ji skad bstan pa bzhin no/ / bam po dgu pa/ khyim bdag ji ltar na de bzhin gshegs pas ngag gi las shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas ngag gi las dge ba rnam pa bzhi yang dag pa ji lta ba bzhin rab tu mkhyen te/ brdzun du smra ba spangs pa dang / phra ma smra ba spangs pa dang / ngag rtsub po smra ba spangs pa dang / tshig kyal pa spangs pa ste/ ngag gi las kyi dge ba rnam pa bzhi yang dag pa ji lta ba bzhin rab tu mkhyen to/ /brdzun du smra ba dang / phra ma dang / ngag rtsub po dang / tshig kyal pa ste/ khyim bdag de ltar na de bzhin gshegs pas ngag gi las mi dge ba rnam pa bzhi yang dag pa ji lta ba bzhin rab tu mkhyen to/ /khyim bdag ji ltar na de bzhin gshegs pas ngag gi las lung du ma bstan pa rnam pa bzhi yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas</font><hr>42.94a<br><font size=+1>

yang dag par yongs su spyad pa dang / mi mthun par yongs su spyad pa dang / dus tshigs kyis rnam par bsgyur ba dang / spyod lam las byung ba'i ngag gi las yang dag pa ji lta ba bzhin rab tu mkhyen to/ /de la shes pa nas mkhas pa'i bar gang yin pa 'di ni ngag gi las shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa ngag gi las shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas yid kyi las shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas yid kyi las dge ba rnam pa gsum rab tu mkhyen te/ brnab sems med pa dang / gnod sems med pa dang / yang dag pa'i lta ba'o/ /yid kyi las mi dge ba rnam pa gsum rab tu mkhyen te/ brnab sems dang / gnod sems dang / log par lta ba'o/ /yid kyi las lung du ma bstan pa rnam pa gsum yang dag pa ji lta ba bzhin rab tu mkhyen te/ yang dag par yongs su spyad pa dang / mi mthun par yongs su spyad pa dang / spyod lam las byung ba dang / dus tshigs kyis rnam par bsgyur ba'o/ /de la shes pa nas mkhas pa'i bar gang yin pa 'di ni yid kyi las shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa yid kyi las shes pa de la yang zhu ba zhus pa na/ bskal par lan gsung ba nas/ longs spyod pa'i bar du 'gyur ro/ /kun 'byung ba dang / 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas sngon du 'gro ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pa'i stobs bcu shes pa sngon du 'gro bar byas nas/ lus kyi</font><hr>42.94b<br><font size=+1>

las rtsom ngag gi las rtsom yid kyi las rtsom mo/ /khyim bdag gzhan yang de bzhin gshegs pas gal te zad pa shes pa 'am/ gal te mi skye ba shes pa 'am/ gal te 'khor ba shes pa 'am/ gal te mya ngan las 'das pa shes pa sngon du 'gro bar byas pa nas yid kyi las rtsom pa'i bar du'o/ /de la shes pa nas mkhas pa'i bar gang yin pa 'di ni sngon du 'gro ba shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa sngon du 'gro ba shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas rjes su 'jug pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas lus kyi las thams cad de bzhin gshegs pa'i stobs bcu'i rjes su 'jug pa yin no zhes rab tu mkhyen te/ lus kyi las gang de bzhin gshegs pa'i stobs bcu dag gis yongs su shes pa ma bskyed pa 'am/ mi gnas pa 'am/ mi 'gag pa de med de/ de bzhin du ngag gi las dang yid kyi las la yang bya'o/ /de la shes pa dang mthong ba nas mkhas pa'i bar gang yin pa 'di ni rjes su 'jug pa shes pa zhes bya'o/ /khyim bdag gzhan yang de bzhin gshegs pas gang dmigs par mdzad pa'i mkhyen pa des/ rnam par dpyod par mdzad de/ byams pa dang ldan pa'i thugs kyis sems can la dmigs pa gnod pa med par 'jig rten gnas pa la gzigs pa na/ lam gol bar rab tu zhugs pa srid pa dang / 'gro ba thams cad gnod pa dang / rga ba dang / na ba dang / 'chi ba yod pa dag gis nyen par thugs su chud nas thams cad du mkhyen pas dpyod par mdzad pa ni phung po kun spangs pa ma gtogs par gzhan du cung zad kyang gnod pa med par ma gzigs te/ de'i mkhyen</font><hr>42.95a<br><font size=+1>

pa des thams cad kyi rjes su 'jug go/ /gnod pa yang gang kun nas mnar sems dang / gnod pa spong ba'i phyir gnod pa med pa yongs su mkhyen to/ /de ltar na de bzhin gshegs pas rjes su 'jug pa shes pa yang dag pa ji lta ba bzhin rab tu mkhyen to/ /de bzhin gshegs pa rjes su 'jug pa shes pa de la yang zhu ba zhus pa na/ bskal par lan gsung ba nas de bzhin du sbyar te longs spyod pa'i bar du 'gyur ro/ /kun 'byung ba dang / 'gog pa dang / lam yang ji skad bstan pa bzhin no/ /khyim bdag ji ltar na de bzhin gshegs pas yongs su mi nyam pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas sangs rgyas kyi chos ma 'dres pa bcwa brgyad dag las yongs su mi nyam mo/ /khyim bdag gzhan yang de bzhin gshegs pas shes pa gang thugs su chud pa de las yongs su mi nyam ste/ 'di lta ste 'dod chags spang ba shes pa dang / zhe sdang spang ba shes pa dang / gti mug spang ba shes pa de las kyang yongs su mi nyam mo/ /shes pa gang thugs su chud pa de ni dran pa nye bar gzhag pa shes pa nas/ de bzhin du sbyar te lam shes pa dang / rjes su dran pa shes pa dang / zhi gnas shes pa dang / lhag mthong shes pa dang / rig pa shes pa dang / rnam par grol ba shes pa dang / zad pa shes pa dang / mi skye ba shes pa dang / yongs su shes pa shes pa dang / spang ba shes pa dang / bsgom pa shes pa dang / mngon sum du bya ba shes pa dang / rdzu 'phrul gyi rnam pa shes pa dang / lha'i mig shes pa dang / lha'i rna ba shes pa dang / pha rol gyi sems shes pa dang / sngon gyi gnas shes pa dang / zag pa zad pa shes pa dang / rgyu shes pa dang / 'bras bu shes pa dang / 'jug pa shes pa dang / ldog pa shes pa dang / phung po shes pa dang / khams shes pa dang / skye mched shes pa dang / rten cing 'brel bar 'byung ba shes pa dang / dbang po shes pa dang / stobs shes pa dang / bden pa shes pa dang / 'khor ba shes pa dang / mya ngan las 'das pa shes pa dang / dus</font><hr>42.95b<br><font size=+1>

shes pa dang dus ma yin pa shes pa dang / rig pa shes pa dang / mngon sum pa shes pa dang / bzod pa shes pa dang / ring ba shes pa dang / nye ba shes pa dang / 'byung ba shes pa dang / mi 'byung ba shes pa dang / bsgoms pa shes pa dang / ma bsgoms pa shes pa dang zad pa shes pa dang / kun nas mnar sems shes pa dang / kun rdzob shes pa dang don dam pa shes pa'i bar te/ de ltar na sangs rgyas ni shes pa mtha' yas pa de las yongs su mi nyam mo/ /de la shes pa dang mthong ba nas mkhas pa'i bar gang yin pa 'di ni yongs su mi nyam pa shes pa zhes bya ste/ de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pas yongs su mi nyam pa shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /kun 'byung ba dang 'gog pa dang lam yang ji skad bstan pa bzhin no/ /khyim bdag ji ltar na de bzhin gshegs pas thams cad mkhyen pa nyid shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas gzhan las ma gsan par chos thams cad bdag nyid kyis mngon par rdzogs par sangs rgyas te/ de la de bzhin gshegs pa yang dag par rtogs pa la mkhas pas chos nyan pa po'i dbang gis dus dang dus ma yin pa la mkhas/ sems can dag gi bsam pa la mkhas pas dus las mi 'da' ba la mkhas/ yongs su smin par bya ba la mkhas pas snod la mkhas/ chos ston pas chos nyan pa po dag gi thabs dang / chos yang dag par thob par bya ba la mkhas pa ste/ de ltar na de bzhin gshegs pas thams cad mkhyen pa shes pa yang dag pa ji lta ba bzhin rab tu mkhyen to/ /khyim bdag gzhan yang de bzhin gshegs pas sems can thams cad kyi dbang po yang dag pa ji lta ba bzhin rab tu mkhyen te/ sems can 'di dag ni 'dod chags kyi bsam pa can no/ /sems can 'di dag ni zhe sdang gi bsam pa can no/ /sems can 'di dag ni gti mug gi bsam pa can no/ /sems can 'di dag ni 'dod chags dang zhe sdang gi</font><hr>42.96a<br><font size=+1>

bsam pa can no/ /sems can 'di dag ni 'dod chags dang gti mug gi bsam pa can no/ /sems can 'di dag ni zhe sdang dang gti mug gi bsam pa can no/ /sems can 'di dag ni gti mug dang 'dod chags kyi bsam pa can no/ /sems can 'di dag ni gti mug dang zhe sdang gi bsam pa can no/ /sems can 'di dag ni 'dod chags dang zhe sdang dang gti mug gi bsam pa can no/ /sems can 'di dag ni bsam pa dge la sbyor ba gnag ga // /sems can 'di dag ni bsam pa gnag la sbyor ba dge ba'o/ /sems can 'di dag ni bsam pa gnag la sbyor ba yang gnag pa'o/ /sems can 'di dag ni bsam pa dge la sbyor ba yang dge'o/ /sems can 'di dag ni zang zing la gdu la chos la mi gdu ba'o/ /sems can 'di dag ni chos la gdu la zang zing la mi gdu ba'o/ /gang zag 'dis ni dge ba'i rtsa ba 'di lta bu zhig mngon par 'dus byas/ sems can 'di dag gis ni dge ba'i rtsa ba 'di lta bu zhig mngon par 'dus byas/ gang zag 'di ni lam 'di lta bu zhig gis kun nas nyon mongs par 'gyur/ gang zag 'di ni lam 'di lta bu zhig gis rnam par dag par 'gyur/ gang zag 'di ni byams pa 'di lta bu zhig gis kun nas nyon mongs par 'gyur/ gang zag 'di ni byams pa 'di lta bu zhig gis rnam par dag par 'gyur ro/ /zhes de ltar na de bzhin gshegs pas thams cad mkhyen pa shes pa yang dag pa ji lta ba bzhin rab tu mkhyen to/ /de bzhin gshegs pa thams cad mkhyen pa shes pa de la yang zhu ba zhus pa na/ bskal par lan gsung ba nas de bzhin du sbyar te/ longs spyod pa'i bar du 'gyur ro/ /khyim bdag ji ltar na de bzhin gshegs pas thams cad mkhyen pa shes pa kun 'byung ba shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas rgyu gang dang rkyen gang dag gis thams cad mkhyen pa shes pa yang dag</font><hr>42.96b<br><font size=+1>

par 'grub pa gal te mi rtag par rjes su lta bar gnas pa 'am/ gal te sdug bsngal bar rjes su lta bar gnas pa 'am/ gal te nad du rjes su lta bar gnas pa 'am/ gal te 'bras su rjes su lta bar gnas pa 'am/ gal te zug rngur rjes su lta bar gnas pa 'am/ gal te sdig par rjes su lta bar gnas pa nas nyams par rjes su lta bar gnas pa 'am/ gal te g.yo bar rjes su lta bar gnas pa 'am/ rab tu 'jig par ram/ nyes par ram/ 'go ba'i nad du 'am/ stong pa nyid du 'am/ bdag med par ram/ gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te gnod par rjes su lta bar gnas pa 'am/ gal te phyir rgol bar rjes su lta bar gnas pa'i bar de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa thams cad mkhyen pa shes pa kun 'byung ba shes pa de la yang zhu ba zhus pa na/ bskal par lan gsung ba nas longs spyod pa'i bar du 'gyur ro/ /khyim bdag ji ltar na de bzhin gshegs pas thams cad mkhyen pa shes pa 'gog pa shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ sems can dpag tu med pa rnams kyi don byas shing don ma yin pa zlog la/ snang ba byas shing mun pa bsal te/ sems can dpag tu med pa rnams sdug bsngal las yongs su thar bar byas nas/ bde ba la btsud pa ni thams cad mkhyen pa shes pa 'gog pa ste/ de yang gzod ma nas ma skyes pa'i chos can no/ /khyim bdag ji ltar na de bzhin gshegs pas thams cad mkhyen pa shes pa 'gog pa shes pa yang dag pa ji lta ba bzhin rab tu mkhyen to/ /de bzhin gshegs pa thams cad mkhyen pa shes pa 'gog pa shes pa de la yang zhu ba zhus pa na bskal par lan gsung ba nas de bzhin du sbyar te longs spyod pa'i bar du 'gyur ro/ /khyim bdag ji ltar na de bzhin gshegs pas thams cad mkhyen</font><hr>42.97a<br><font size=+1>

pa shes pa 'gog par 'gyur ba'i lam shes pa yang dag pa ji lta ba bzhin rab tu mkhyen ce na/ khyim bdag 'di la de bzhin gshegs pas 'di ltar rab tu mkhyen te/ shes pa gang gis thams cad mkhyen pa shes pa yongs su shes/ khong du chud mngon sum du byas pa'i 'gog pa gal te ro myang ba med par rjes su lta bar gnas pa 'am/ gal te nyes dmigs su rjes su lta bar gnas pa 'am/ gal te nges par 'byung bar rjes su lta bar gnas pa de de bzhin gshegs pas yang dag pa ji lta ba bzhin rab tu mkhyen to/ /de bzhin gshegs pa thams cad mkhyen pa shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ba nas bskal pa brgya 'am/ bskal pa stong ngam/ bskal pa khri'am/ bskal pa bye ba'am/ bskal pa ther 'bum 'am/ bskal pa gtams sam/ bskal pa dkrigs sam/ bskal pa yid yal tam/ bskal pa khyad phyin tam/ bskal pa dpag tu med par lan gsung ngo / /bskal pa grangs med pa dang / bskal pa bsam gyis mi khyab pa dang / gzhal du med pa dang / gzhal gyis mi lang bar lan gsung ngo / /bskal pa brjod du med par lan gsung ngo / /bskal pa dpag tu med pa'i yang dpag tu med par lan gsung ste/ bskal pa dpag tu med pa'i grangs med pa dang / dpag tu med pa'i bsam gyis mi khyab pa dang / dpag tu med pa'i gzhal du med pa dang / dpag tu med pa'i gzhal gyis mi lang ba dang / dpag tu med pa'i yang brjod du med par lan gsung ngo / /bskal pa dpag tu med pa'i grangs med pa dang / grangs med pa'i grangs med pa dang / grangs med pa'i bsam gyis mi khyab pa dang / grangs med pa'i gzhal du med pa dang / grangs med pa'i gzhal gyis mi lang ba dang / grangs med pa'i brjod du med pa dang / bsam gyis mi khyab pa'i grangs med pa dang / bsam gyis mi khyab pa'i gzhal du med pa dang / bsam gyis mi khyab pa'i gzhal gyis mi lang ba dang / bsam gyis mi khyab pa'i brjod du med pa dang / gzhal du med pa'i dpag tu med pa</font><hr>42.97b<br><font size=+1>

dang / gzhal du med pa'i grangs med pa dang / gzhal du med pa'i bsam gyis mi khyab pa dang / gzhal du med pa'i gzhal du med pa dang / gzhal du med pa'i gzhal gyis mi lang ba dang / gzhal du med pa'i brjod du med pa dang / gzhal gyis mi lang ba'i dpag tu med pa dang / gzhal gyis mi lang ba'i grangs med pa dang / gzhal gyis mi lang ba'i bsam gyis mi khyab pa dang / gzhal gyis mi lang ba'i gzhal gyis mi lang ba dang / gzhal gyis mi lang ba'i brjod du med pa dang / brjod du med pa'i dpag tu med pa dang / brjod du med pa'i grangs med pa dang / brjod du med pa'i bsam gyis mi khyab pa dang / brjod du med pa'i gzhal du med pa dang / brjod du med pa'i gzhal gyis mi lang ba dang / brjod du med pa'i brjod du med par lan gsung ste/ de'i spobs pa zad mi shes so/ /khyim bdag de ci'i phyir zhe na/ de bzhin gshegs pa des chos kyi dbyings bla na med pa/ mkhyen rab kyis shin tu thugs su chud de/ gang thugs su chud pa'i de bzhin gshegs pa thams cad mkhyen pa shes pa 'gog par 'gyur ba'i lam shes pa de la yang zhu ba zhus pa na/ bskal par lan gsung ste/ spobs pa mi zad do/ /de lta bas na 'dir gang gi ye shes mthong ba thogs pa med par 'jug pa de ni tsan dan gyi khyams dang khang bzang gi bar 'di la longs spyod par 'gyur ro/ /khyim bdag de la de bzhin gshegs pas gnas shes pa 'di ltar rab tu mkhyen te/ 'di lta ste dper na/ nam mkha'i bya rjes ji snyed pa nyid ni ming tsam ste/ de bzhin gshegs pas gnas shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas shes pa kun 'byung ba shes pa 'di ltar rab tu mkhyen te/ 'di lta ste dper na/ bud med gzhon nu dag gi rmi lam na bu btsas pa ji snyed pa nyid ni ming tsam ste/ de bzhin du de bzhin gshegs pas gnas shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas shes pa 'gog pa shes pa 'di ltar rab tu</font><hr>42.98a<br><font size=+1>

mkhyen te/ 'di lta ste dper na/ bud med gzhon nu dag gi rmi lam na bu shi ba ji snyed pa nyid ni ming tsam ste/ de bzhin du de bzhin gshegs pas gnas shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ bud med gzhon nu dag gi rmi lam na bu'i mya ngan byed pa ji snyed pa nyid ni ming tsam ste/ de bzhin du de bzhin gshegs pas gnas shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas ma yin pa shes pa 'di ltar rab tu mkhyen te/ 'di lta ste dper na/ nam mkha' la ri mo bris pa ji snyed pa nyid ni ming tsam ste/ de bzhin du de bzhin gshegs pas gnas ma yin pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas ma yin pa shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na tshon sbyor ba ji snyed pa nyid ni ming tsam ste/ khyim bdag de bzhin du de bzhin gshegs pas gnas ma yin pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas ma yin pa shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na ri mo 'dri ba'i bye brag ji snyed pa nyid ni ming tsam ste/ de bzhin du de bzhin gshegs pas gnas ma yin pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas ma yin pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rmi lam na ri mo mkhan ji snyed pa nyid ni ming tsam ste/ de bzhin du de bzhin gshegs pas gnas ma yin pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs</font><hr>42.98b<br><font size=+1>

pas 'das pa shes pa 'di ltar rab tu mkhyen te/ 'di lta ste dper na/ rmi lam na 'dod pa'i dga' ba ji snyed pa nyid ni ming tsam ste/ de bzhin du de bzhin gshegs pas 'das pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'das pa shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na 'dod chags kyi dga' ba la 'dun pa ji snyed pa nyid ni ming tsam ste/ de bzhin du de bzhin gshegs pas 'das pa shes pa kun 'byung ba shes pa gang yin pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'das pa shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na dga' ba dang bral ba ji snyed pa nyid ni ming tsam ste/ de bzhin du de bzhin gshegs pas 'das pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'das pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rmi lam na dga' ba dang bral ba'i brjod pa ji snyed pa nyid ni ming tsam mo/ /khyim bdag de la de bzhin gshegs pas ma 'ongs pa shes pa 'di ltar rab tu mkhyen te/ 'di lta ste dper na/ rmi lam na yul du 'jug pa ji snyed pa nyid ni ming tsam ste/ de bzhin du de bzhin gshegs pas ma 'ongs pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ma 'ongs pa shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na skom 'dod pa de bzhin du de bzhin gshegs pas ma 'ongs pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ma 'ongs pa shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na yul dag ma thob par zhig pa ji snyed pa nyid ni ming tsam ste/ de bzhin du de bzhin gshegs pas ma 'ongs pa shes pa 'gog pa shes pa ji snyed pa nyid kyang ming tsam du de ltar</font><hr>42.99a<br><font size=+1>

rab tu mkhyen to/ /khyim bdag de la de bzhin gshegs pas ma 'ongs pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rmi lam na ma 'ongs pa'i yul tshol ba ji snyed pa nyid ni ming tsam ste/ de bzhin du de bzhin gshegs pas ma 'ongs pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas da ltar byung ba shes pa 'di ltar rab tu mkhyen te/ 'di lta ste dper na/ rmi lam na sdug pa dang phrad pa ji snyed pa nyid ni ming tsam ste/ de bzhin du de bzhin gshegs pas da ltar byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas da ltar byung ba shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na skye bo sdug pa dang phrad par tshol ba/ ji snyed pa nyid ni ming tsam ste/ de bzhin du de bzhin gshegs pas da ltar byung ba shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas da ltar byung ba shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na sdug pa shi ba ji snyed pa nyid ni ming tsam ste/ de bzhin du de bzhin gshegs pas da ltar byung ba shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas da ltar byung ba shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sdug pa dang 'grogs pa'i dga' ba ji snyed pa nyid ni ming tsam ste/ de bzhin du de bzhin gshegs pas da ltar byung ba shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas las shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na bskyod pa ji snyed pa nyid ni ming tsam ste/ de bzhin gshegs pas las shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas las shes pa kun 'byung ba shes pa 'di ltar rab</font><hr>42.99b<br><font size=+1>

tu mkhyen te/ 'di lta ste dper na/ rmi lam na nor tshol ba ji snyed pa nyid ni ming tsam ste/ de bzhin du de bzhin gshegs pas las shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas las shes pa 'gog pa shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na nor chud zos pa ji snyed pa nyid ni ming tsam ste/ de bzhin du de bzhin gshegs pas las shes pa 'gog pa shes pa ji snyed pa nyid kyang ming tsam du de ltar rab tu mkhyen to khyim bdag de la de bzhin gshegs pas las shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na 'gyod pa bsal ba ji snyed pa nyid ni ming tsam ste/ de bzhin du de bzhin gshegs pas las shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yang dag par blang ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mdun khang byed pa ji snyed pa nyid ni ming tsam ste/ de bzhin du de bzhin gshegs pas yang dag par blang ba shes pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yang dag par blang ba shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na gter rnyed pa ji snyed pa nyid ni ming tsam ste/ de bzhin du de bzhin gshegs pas yang dag par blang ba shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yang dag par blang ba shes pa 'gog pa shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na nor zad pa ji snyed pa nyid ni ming tsam ste/ de bzhin du de bzhin gshegs pas yang dag par blang ba shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yang dag par blang ba shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na nor rab tu gtong ba ji snyed pa nyid</font><hr>42.100a<br><font size=+1>

ni ming tsam ste/ de bzhin du de bzhin gshegs pas yang dag par blang ba shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas dang gnas kyi shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na gnas byed pa ji snyed pa nyid ni ming tsam ste/ de bzhin du de bzhin gshegs pas gnas dang gnas kyi shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas dang gnas kyi shes pa kun 'byung ba shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na sdug pa dang phrad par dga' ba ji snyed pa nyid ni ming tsam pa nas/ ji snyed pa nyid kyang ming tsam gyi bar du rab tu mkhyen to/ /khyim bdag de la de bzhin gshegs pas gnas dang gnas kyi shes pa 'gog pa shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na sdug pa dang bral ba ji snyed pa nyid ni ming tsam ste/ khyim bdag de bzhin du de bzhin gshegs pas gnas dang gnas kyi shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas dang gnas kyi shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na gter rnyed pa ji snyed pa nyid ni ming tsam ste/ de bzhin du de bzhin gshegs pas gnas dang gnas kyi shes pa 'gog par 'gyur ba'i lam shes pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rgyu dang rgyu'i shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na chung ma la byams pa ji snyed pa nyid ni ming tsam ste/ de bzhin du de bzhin gshegs pas rgyu dang rgyu'i shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rgyu dang rgyu'i shes pa kun 'byung ba shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na khye'u tshol ba ji snyed pa nyid ni ming tsam ste/ de bzhin du de bzhin</font><hr>42.100b<br><font size=+1>

gshegs pa nas de bzhin du sbyar te/ tshig thams cad la yang rgya cher bya'o/ /khyim bdag de la de bzhin gshegs pas rgyu dang rgyu'i shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na khye'u shi ba ji snyed pa nyid ni ming tsam ste/ de bzhin du de bzhin gshegs pas rgyu dang rgyu'i shes pa 'gog pa shes pa nas de bzhin du sbyar te ming tsam gyi bar du'o/ /khyim bdag de la de bzhin gshegs pas rgyu dang rgyu'i shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na khye'u shi ba las smre sngags 'don pa ji snyed pa nyid ni ming tsam ste/ de bzhin du de bzhin gshegs pa nas ming tsam gyi bar du rab tu mkhyen to/ /khyim bdag de la de bzhin gshegs pas rnam par smin pa shes pa 'di ltar rab tu mkhyen te 'di lta ste dper na/ sgyu ma'i skyes bu'i rmi lam na smig rgyu mthong ba ji snyed pa nyid ni ming tsam ste/ de bzhin du de bzhin gshegs pas rnam par smin pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par smin pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na smig rgyu dag la chu'i lteng ka'i 'du shes ji snyed pa nyid ni ming tsam ste/ de bzhin du de bzhin gshegs pas rnam par smin pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par smin pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na chu'i lteng ka skams pa'i 'du shes ji snyed pa nyid ni ming tsam ste/ de bzhin du de bzhin gshegs pas rnam par smin pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par smin pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na smig rgyu'i chu dang bral ba'i 'du shes ji snyed pa nyid ni ming tsam ste/ de bzhin du de bzhin gshegs pa nas ming tsam gyi bar du de bzhin du sbyar ro/ /khyim bdag de la de bzhin gshegs pas thams cad du 'gro ba'i lam shes pa 'di</font><hr>42.101a<br><font size=+1>

ltar rab tu mkhyen te/ 'di lta ste dper na/ sgyu ma'i skyes bu'i rmi lam na lam ston pa ji snyed pa nyid ni ming tsam ste/ de bzhin du de bzhin gshegs pas thams cad du 'gro ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas thams cad du 'gro ba'i lam shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na don la brtson pa ji snyed pa nyid ni ming tsam ste/ de bzhin du de bzhin gshegs pas thams cad du 'gro ba'i lam shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas thams cad du 'gro ba'i lam shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yul gzhan du 'gror med pa ji snyed pa nyid ni ming tsam ste/ de bzhin du de bzhin gshegs pas thams cad du 'gro ba'i lam shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas thams cad du 'gro ba'i lam shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na phyogs du mar don grub pa ji snyed pa nyid ni ming tsam ste/ de bzhin du de bzhin gshegs pas thams cad du 'gro ba'i lam shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas khams du ma shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na khams du ma shes pa ji snyed pa nyid ni ming tsam ste/ de bzhin du de bzhin gshegs pas khams du ma shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas khams du ma shes pa kun 'byung ba shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na tshon rtsi'i kha dog sna tshogs ji snyed pa nyid ni ming tsam ste/ de bzhin du de bzhin gshegs pa nas de bzhin du sbyar te ming tsam gyi bar du'o/ /khyim bdag de la de bzhin gshegs pas khams du ma shes pa 'gog pa shes pa 'di ltar</font><hr>42.101b<br><font size=+1>

rab tu mkhyen te/ 'di lta ste dper na/ sgyu ma'i skyes bu'i rmi lam na kha dog du ma'i bye brag shes pa ji snyed pa nyid ni ming tsam ste/ khyim bdag de bzhin du de bzhin gshegs pas khams du ma shes pa 'gog pa shes pa nas de bzhin du sbyar te ming tsam gyi bar du'o/ /khyim bdag de la de bzhin gshegs pas khams du ma shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na tshon rtsi mthong ba'i shes pa ji snyed pa nyid ni ming tsam ste/ de bzhin du de bzhin gshegs pas khams du ma shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'di khams du ma shes pa sna tshogs shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na za ma tog gi nang nas gzugs rnam pa sna tshogs dag 'byin pa ji snyed pa nyid ni ming tsam ste/ de bzhin du de bzhin gshegs pas khams sna tshogs shes pa ji snyed pa nyid kyang ming tsam du de ltar rab tu mkhyen to/ /de la de bzhin gshegs pas khams sna tshogs shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na sgyu ma mkhan rnam pa sna tshogs su rtse bas skye bo'i tshogs dga' bar byed pa ji snyed pa nyid ni ming tsam ste/ de bzhin du de bzhin gshegs pas khams sna tshogs shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas khams sna tshogs shes pa 'gog pa shes pa 'di ltar rab tu mkhyen te/ 'di lta ste dper na sgyu ma'i skyes bu'i rmi lam na 'chi ba ston pa ji snyed pa nyid ni ming tsam ste/ de bzhin du de bzhin gshegs pa nas de bzhin du sbyar te ming tsam gyi bar du'o/ /khyim bdag de la de bzhin gshegs pas khams sna tshogs shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na nad pa shi ba la thug pa la sman gyi rnam pa sbyin pa ji snyed pa nyid ni ming tsam ste/ de bzhin du de bzhin gshegs pas khams sna tshogs shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /de la de bzhin gshegs pas</font><hr>42.102a<br><font size=+1>

'jig rten shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na bad kan byung ba ji snyed pa nyid ni ming tsam ste/ de bzhin du de bzhin gshegs pa nas de bzhin du sbyar te/ ming tsam gyi bar du'o/ /khyim bdag de la de bzhin gshegs pas 'jig rten shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu dpyid kyi dus su rgyan gyi rnam pa ji snyed pa nyid ni ming tsam ste/ de bzhin du de bzhin gshegs pas 'jig rten shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'jig rten shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na dpyid kyi dus su me tog gi shing gcod pa ji snyed pa nyid ni ming tsam ste/ de bzhin du de bzhin gshegs pa nas de bzhin du sbyar te ming tsam gyi bar du'o/ /khyim bdag de la de bzhin gshegs pas 'jig rten shes pas 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yo byad kyi rnam pa ji snyed pa nyid ni ming tsam ste/ de bzhin du de bzhin gshegs pas 'jig rten shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mos pa du ma shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na/ bro mkhan mthong ba de bzhin du de bzhin gshegs pas mos pa du ma shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mos pa du ma shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yo byad kyi za ma tog ji snyed pa nyid ni ming tsam ste/ de bzhin du de bzhin gshegs pas mos pa du ma shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mos pa du ma shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yo byad kyi za ma tog chag pa ji snyed pa nyid ni ming tsam ste/ de bzhin du de bzhin gshegs</font><hr>42.102b<br><font size=+1>

pas mos pa du ma shes pas 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mos pa du ma shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yo byad kyi rnam pa bsdus pa ji snyed pa nyid ni ming tsam ste/ de bzhin du de bzhin gshegs pas mos pa du ma shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mos pa sna tshogs shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mig 'phrul chen po mthong ba ji snyed pa nyid ni ming tsam ste/ de bzhin du de bzhin gshegs pa nas ming tsam gyi bar du'o/ /khyim bdag de la de bzhin gshegs pas mos pa sna tshogs shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na skye bo phal po che'i tshogs kyi rgyan gyi rnam pa ji snyed pa nyid ni ming tsam ste/ de bzhin du de bzhin gshegs pas mos pa sna tshogs shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mos pa sna tshogs shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na skye bo phal po che'i tshogs zhig pa ji snyed pa nyid ni ming tsam ste/ de bzhin du zhes bya ba nas/ de bzhin du sbyar te ming tsam gyi bar du'o/ /khyim bdag de la de bzhin gshegs pas mos pa sna tshogs shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na skye bo phal po che'i tshogs kyi dbugs 'byin pa ji snyed pa nyid ni ming tsam ste/ de bzhin du de bzhin gshegs pas mos pa sna tshogs shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas dbang po shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na kun rdzob kyi rnam pa ji snyed pa nyid ni ming tsam ste/ de bzhin du de bzhin gshegs pas dbang po shes pa ji snyed</font><hr>42.103a<br><font size=+1>

pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas dbang po shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na tshig la spyod pa ji snyed pa nyid ni ming tsam ste/ de bzhin du de bzhin gshegs pas dbang po shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas dbang po shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na tshig 'gal ba ji snyed pa nyid ni ming tsam ste/ de bzhin du de bzhin gshegs pas dbang po shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas dbang po shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na kun rdzob thob pa de bzhin du de bzhin gshegs pas dbang po shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas stobs shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sgyu ma shes pa'i dpung gi sbyor ba ji snyed pa nyid ni ming tsam ste/ de bzhin du de bzhin gshegs pas stobs shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas stobs shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sgyu ma kun tu spyod pa ji snyed pa nyid ni ming tsam ste/ de bzhin du zhes bya ba nas de bzhin du sbyar te/ ming tsam gyi bar du'o/ /khyim bdag de la de bzhin gshegs pas stobs shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sgyu ma zhig pa ji snyed pa nyid ni ming tsam ste/ de bzhin du de bzhin gshegs pa'i stobs shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas stobs shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sgyu ma shes pa khong du chud pa ji snyed pa nyid ni ming tsam ste/ </font><hr>42.103b<br><font size=+1>

de bzhin du de bzhin gshegs pas stobs shes pa 'gog par 'gyur ba'i lam shes pa gang yin pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas brtson 'grus shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na brtson 'grus rtsom pa ji snyed pa nyid ni ming tsam ste/ de bzhin du de bzhin gshegs pas brtson 'grus shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas brtson 'grus shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na don mngon par brjod pa shes pa ji snyed pa nyid ni ming tsam ste/ de bzhin du de bzhin gshegs pas brtson 'grus shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas brtson 'grus shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na brtson 'grus nyams pa ji snyed pa nyid ni ming tsam ste/ de bzhin du zhes bya ba nas de bzhin du sbyar ro/ /khyim bdag de la de bzhin gshegs pas brtson 'grus shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na rnyed pa thob pa ji snyed pa nyid ni ming tsam ste/ de bzhin du de bzhin gshegs pas brtson 'grus shes pa 'gog par 'gyur ba'i lam shes pa ji snyed kyang ming tsam du de ltar rab tu mkhyen to/ /khyim bdag de la de bzhin gshegs pas rim pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na bye brag tu khong du chud pa ji snyed pa nyid ni ming tsam ste/ de bzhin du de bzhin gshegs pas rim pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rim pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na slob dpon gyi lung 'bog pa ji snyed pa nyid ni ming tsam ste/ de bzhin du de bzhin gshegs pas rim pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rim pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na</font><hr>42.104a<br><font size=+1>

slob dpon shi ba ji snyed pa nyid ni ming tsam ste/ de bzhin du de bzhin gshegs pas rim pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rim pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na bzo btsal ba ji snyed pa nyid ni ming tsam ste/ de bzhin du de bzhin gshegs pas rim pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ / bam po bcu pa/ khyim bdag de la de bzhin gshegs pas bsam gtan shes pa 'di ltar rab tu mkhyen te/ 'di lta ste dper na/ gser mgar gyi rmi lam na gser la dpyod pa ji snyed pa nyid ni ming tsam ste/ de bzhin du de bzhin gshegs pas bsam gtan shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas bsam gtan shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na gser mgar gyi shes pa slob pa ji snyed pa nyid ni ming tsam ste/ de bzhin du de bzhin gshegs pas bsam gtan shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas bsam gtan shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na gser mgar gyi mig 'gog pa shes pa ji snyed pa nyid ni ming tsam ste/ de bzhin du zhes bya ba nas de bzhin du sbyar te/ ming tsam gyi bar du'o/ /khyim bdag de la de bzhin gshegs pas bsam gtan shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rmi lam na gser mgar gyi mig nyams pas gser shes pa ji snyed pa nyid ni ming tsam ste/ de bzhin du de bzhin gshegs pas bsam gtan shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par thar pa shes pa 'di ltar rab tu mkhyen to/ /'di lta ste dper na/ rmi lam na skyed mos tshal ji snyed pa nyid ni ming tsam ste/ de bzhin du de bzhin gshegs pas rnam par thar pa shes</font><hr>42.104b<br><font size=+1>

pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par thar pa shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na sgyu ma'i skyes bu skyed mos tshal du rtse ba ji snyed pa nyid ni ming tsam ste/ de bzhin du de bzhin gshegs pas rnam par thar pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par thar pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na rtse ba dang bral ba ji snyed pa nyid ni ming tsam ste/ de bzhin du de bzhin gshegs pas rnam par thar pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par thar pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rmi lam na sgyu ma'i skyes bu skyed mos tshal du 'gro ba'i 'bras bu ji snyed pa nyid ni ming tsam ste/ de bzhin du de bzhin gshegs pas rnam par thar pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ting nge 'dzin shes pa 'di ltar rab tu mkhyen te/ 'di lta ste dper na/ rmi lam na gos bdag gi snam bu bltab pa ji snyed pa nyid ni ming tsam ste/ de bzhin du de bzhin gshegs pas ting nge 'dzin shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ting nge 'dzin shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na gos bdag gi snam bu bltab pa ji snyed pa nyid ni ming tsam ste/ de bzhin du de bzhin gshegs pas ting nge 'dzin shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ting nge 'dzin shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na gos bdag gi snam bu brkyang ba shes pa ji snyed pa nyid ni ming tsam ste/ de bzhin du de bzhin gshegs pas</font><hr>42.105a<br><font size=+1>

ting nge 'dzin shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ting nge 'dzin shes pa 'gog par 'gyur ba'i lam shes pa 'di ltar rab tu mkhyen to/ /'di lta ste dper na/ rmi lam na gos bdag gi snam bu'i rin shes pa ji snyed pa nyid ni ming tsam ste/ de bzhin du de bzhin gshegs pas ting nge 'dzin shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas snyoms par 'jug pa shes pa 'di ltar rab tu mkhyen te/ 'di lta ste dper na/ rmi lam na sman pas nad pa'i khams mnyam pa shes shing rab tu shes pa ji snyed pa nyid ni ming tsam ste/ de bzhin du de bzhin gshegs pas snyoms par 'jug pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas snyoms par 'jug pa shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na sman pas nad pa'i sman gyi rnam pa shes par bya ba rab tu shes pa ji snyed pa nyid ni ming tsam ste/ de bzhin du de bzhin gshegs pas snyoms par 'jug pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas snyoms par 'jug pa shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na sman pas nad pa nad dang bral bar rab tu shes pa nyid ni ming tsam ste/ de bzhin du de bzhin gshegs pas snyoms par 'jug pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas snyoms par 'jug pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rmi lam na sman pas nad pa gso ba'i dpyad yang dag par rab tu shes pa ji snyed pa nyid ni ming tsam ste/ de bzhin du de bzhin gshegs pas snyoms par 'jug pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la</font><hr>42.105b<br><font size=+1>

de bzhin gshegs pas kun nas nyon mongs pa shes pa 'di ltar rab tu mkhyen te/ 'di lta ste dper na/ rmi lam na sprin gyi dra ba byung ba ji snyed pa nyid ni ming tsam ste/ de bzhin du de bzhin gshegs pas kun nas nyon mongs pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas kun nas nyon mongs pa shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na mtshan mo grang ba'i nang par gyi dus kyi tshe nyi ma'i gung byung ba ji snyed pa nyid ni ming tsam ste/ de bzhin du de bzhin gshegs pas kun nas nyon mongs pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas kun nas nyon mongs pa shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na mtshan mo'i mun pa dang bral ba ji snyed pa nyid ni ming tsam ste/ de bzhin du de bzhin gshegs pas kun nas nyon mongs pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas kun nas nyon mongs pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rmi lam na mtshan mo'i mun pa mun nag la snang ba byung ba ji snyed pa nyid ni ming tsam ste/ de bzhin du de bzhin gshegs pas kun nas nyon mongs pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par byang ba shes pa 'di ltar rab tu mkhyen te/ 'di lta ste dper na/ rmi lam na dmus long gis gzugs mthong ba ji snyed pa nyid ni ming tsam ste/ de bzhin du de bzhin gshegs pas rnam par byang ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par byang ba shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na dmus long gi mig gso ba'i dpyad shes pa ji snyed pa nyid ni ming tsam ste/ de bzhin du</font><hr>42.106a<br><font size=+1>

de bzhin gshegs pas rnam par byang ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par byang ba shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na glog byung nas med pa ji snyed pa nyid ni ming tsam ste/ de bzhin du de bzhin gshegs pas rnam par byang ba shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par byang ba shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rlung yod pa'i rmi lam na sprin dang bral ba'i shes pa ji snyed pa nyid ni ming tsam ste/ de bzhin du de bzhin gshegs pas rnam par byang ba shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par gnas pa shes pa 'di ltar rab tu mkhyen te/ 'di lta ste dper na/ rmi lam na rgyal po'i bu gzhon nu dbang bskur ba shes pa ji snyed pa nyid ni ming tsam ste/ de bzhin du de bzhin gshegs pas rnam par gnas pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par gnas pa shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na rgyal po'i bu gzhon nu dbang bskur ba'i yo byad shes pa ji snyed pa nyid ni ming tsam ste/ de bzhin du de bzhin gshegs pas rnam par gnas pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rnam par gnas pa shes pa 'gog pa shes pa 'di ltar rab tu mkhyen te/ 'di lta ste dper na/ rmi lam na rgyal po rgyal rigs kyi spyi bo nas dbang bskur ba'i bu gzhon nu dang bral ba ji snyed pa nyid ni ming tsam ste/ de bzhin du de bzhin gshegs pas rnam par gnas pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag</font><hr>42.106b<br><font size=+1>

de la de bzhin gshegs pas rnam par gnas pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ rgyal po rgyal rigs kyi spyi bo nas dbang bskur ba'i rmi lam na dbang bskur ba grub pa ji snyed pa nyid ni ming tsam ste/ de bzhin du de bzhin gshegs pas rnam par gnas pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon gyi mtha' shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na brgad pa dang / dga' ba dang / rtses pa dang / yongs su spyad pa dag rjes su dran pa ji snyed pa nyid ni ming tsam ste/ de bzhin du de bzhin gshegs pas sngon gyi mtha' shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon gyi mtha' shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na bro mkhan 'dus pa ji snyed pa nyid ni ming tsam ste/ de bzhin du de bzhin gshegs pas sngon gyi mtha' shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon gyi mtha' shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na nye du dang bral ba ji snyed pa nyid ni ming tsam ste/ de bzhin du de bzhin gshegs pa nas ming tsam gyi bar du'o/ /khyim bdag de la de bzhin gshegs pas sngon gyi mtha' shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na nye du dang mi ldan pa shes pa ji snyed pa nyid ni ming tsam ste/ de bzhin du de bzhin gshegs pas sngon gyi mtha' shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon gyi gnas shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na lha'i gnas rjes su dran pa dang / skye ba'i rigs rjes su dran pa dang / longs spyod rjes su dran pa dang / mdza' bshes dang phrad pa rjes su dran pa dang / mi mdza' ba dang phrad pa rjes su dran pa dang / </font><hr>42.107a<br><font size=+1>

mtsho dang 'brel pa rjes su dran pa ji snyed pa nyid ni ming tsam ste/ de bzhin du de bzhin gshegs pas sngon gyi gnas kyi khams shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon gyi gnas shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yul na gnas pa'i rgyu dang rigs la gnas pa'i rgyu dang / mdza' bshes dang phrad pa'i rgyu dang mi mdza' ba dang phrad pa'i rgyu dang / chu dang 'brel ba'i rgyu ji snyed pa nyid ni ming tsam ste/ de bzhin du de bzhin gshegs pas sngon gyi gnas shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon gyi gnas shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yul na gnas pa'i rgyu dang bral ba dang / rigs la gnas pa'i rgyu dang bral ba dang / mdza' bshes la gnas pa'i rgyu dang bral ba dang / mi mdza' ba la gnas pa'i rgyu dang bral ba dang / mtsho la gnas pa'i rgyu dang bral ba ji snyed pa nyid ni ming tsam ste/ de bzhin du de bzhin gshegs pas sngon gyi gnas shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon gyi gnas shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na thabs la mkhas pa ji snyed pa nyid ni ming tsam ste/ de bzhin du de bzhin gshegs pas sngon gyi gnas shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas phyi ma'i mtha' shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na skye ba'i rigs la 'jug pa dang / skye ba'i yul du 'jug pa dang / mdza' bshes dang phrad par 'jug pa dang / </font><hr>42.107b<br><font size=+1>

mi mdza' ba dang phrad par 'jug pa dang / mtsho yongs su shes par 'jug pa ji snyed pa nyid ni ming tsam ste/ de bzhin du de bzhin gshegs pas phyi ma'i mtha' shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas phyi ma'i mtha' shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yul du gnas par 'jug pa'i rgyu shes pa dang / skye ba'i rigs la 'jug pa'i rgyu shes pa dang / mdza' bshes dang phrad par 'jug pa'i rgyu shes pa dang / mi mdza' ba dang phrad par 'jug pa'i rgyu shes pa dang / mtsho yongs su shes par 'jug pa'i rgyu shes pa ji snyed pa nyid ni ming tsam ste/ de bzhin du de bzhin gshegs pas phyi ma'i mtha' shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas phyi ma'i mtha' shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na 'jug pa'i rgyu dang bral ba ji snyed pa nyid ni ming tsam ste/ de bzhin du de bzhin gshegs pas phyi ma'i mtha' shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas phyi ma'i mtha' shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yul na gnas pa'i ting nge 'dzin shes pa dang / skye ba'i rigs yang dag par grub pa shes pa dang / mdza' bshes dang phrad pa yang dag par grub pa shes pa dang / mi mdza' ba dang bral ba yang dag par grub pa shes pa dang / mtsho yongs su shes pa yang dag par grub pa shes pa ji snyed pa nyid ni ming tsam ste/ de bzhin du de bzhin gshegs pas phyi ma'i mtha' shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'chi ba shes pa 'di ltar rab tu mkhyen te/ 'di lta ste dper na/ sgyu</font><hr>42.108a<br><font size=+1>

ma'i skyes bu'i rmi lam na yul na 'chi ba shes pa dang / mdza' bshes dang bral ba shes pa dang / mi mdza' ba dang bral ba shes pa dang / mtsho dang bral ba shes pa ji snyed pa nyid ni ming tsam ste/ de bzhin du de bzhin gshegs pas 'chi ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'chi ba shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na 'chi ba shes pa bsags pa'i rgyu dang / yul na gnas pa bsags pa'i rgyu dang / yul ngan par gnas pa bsags pa'i rgyu dang / mdza' bshes dang phrad pa bsags pa'i rgyu dang / mi mdza' ba dang phrad pa bsags pa'i rgyu dang / mtsho yongs su shes pa bsags pa'i rgyu ji snyed pa nyid ni ming tsam ste/ de bzhin du de bzhin gshegs pas 'chi ba shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'chi ba shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yul na gnas pa'i rgyu dang bral ba dang / mdza' bshes la gnas pa'i rgyu dang bral ba dang / mi mdza' ba shes pa la gnas pa'i rgyu dang bral ba dang / mtsho yongs su shes pa'i rgyu dang bral ba ji snyed pa nyid ni ming tsam ste/ de bzhin du de bzhin gshegs pas 'chi ba shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'chi ba shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na yul na gnas pa yid la byung ba dang / mdza' bshes dang phrad pa yid la byung ba dang / mi mdza' ba dang phrad pa yid la byung ba dang / mtsho la gnas pa yid la byung ba ji snyed pa nyid ni ming tsam ste/ de bzhin du de bzhin gshegs pas 'chi ba shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas skye ba shes pa 'di</font><hr>42.108b<br><font size=+1>

ltar rab tu mkhyen te/ 'di lta ste dper na/ sgyu ma'i skyes bu'i rmi lam na mar me dang mar me shes pa ji snyed pa nyid ni ming tsam ste/ de bzhin du de bzhin gshegs pas skye ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas skye ba shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mar me dang mar me'i bya ba shes pa ji snyed pa nyid ni ming tsam ste/ de bzhin du de bzhin gshegs pas skye ba shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas skye ba shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mar me'i bya ba nyams pa ji snyed pa nyid ni ming tsam ste/ de bzhin du de bzhin gshegs pas skye ba shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas skye ba shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na bya ba shes pa 'gog pa'i thabs la mkhas pa shes pa ji snyed pa nyid ni ming tsam ste/ de bzhin du de bzhin gshegs pas skye ba shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'dod pa'i zag pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na chu bo chen po shes pa ji snyed pa nyid ni ming tsam ste/ de bzhin du de bzhin gshegs pas 'dod pa'i zag pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'dod pa'i zag pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na char chen po 'bab pa shes pa ji snyed pa nyid ni ming tsam ste/ de bzhin du de bzhin gshegs pas 'dod pa'i zag pa shes pa kun 'byung ba shes pa ji</font><hr>42.109a<br><font size=+1>

snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'dod pa'i zag pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na chu bo chen po rnam par skams pa shes pa ji snyed pa nyid ni ming tsam ste/ de bzhin du de bzhin gshegs pas 'dod pa'i zag pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas 'dod pa'i zag pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na chu bo chen po rnam par skams pa shes shing mkhas pa ji snyed pa nyid ni ming tsam ste/ de bzhin du de bzhin gshegs pas 'dod pa'i zag pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas srid pa'i zag pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na rgyal srid thob pa'i shes pa ji snyed pa nyid ni ming tsam ste/ de bzhin du de bzhin gshegs pas srid pa'i zag pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas srid pa'i zag pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na rgyal srid thob pa'i srid pa ji snyed pa nyid ni ming tsam ste/ de bzhin du de bzhin gshegs pas srid pa'i zag pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas srid pa'i zag pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na rgyal srid nyams pa ji snyed pa nyid ni ming tsam ste/ de bzhin du de bzhin gshegs pas srid pa'i zag pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas srid pa'i zag pa shes pa</font><hr>42.109b<br><font size=+1>

'gog par 'gyur ba'i lam shes pa 'di ltar rab tu mkhyen pa nas ming tsam gyi bar du'o/ /khyim bdag de la de bzhin gshegs pas lta ba'i zag pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mtshan mo mun pa mun nag gi nang na sbrul gdug pa'i za ma tog rnyed pa ji snyed pa nyid ni ming tsam ste/ de bzhin du de bzhin gshegs pas lta ba'i zag pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas lta ba'i zag pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sbrul gdug pa'i za ma tog la dga' ba'i 'dun pa shes pa ji snyed pa nyid ni ming tsam ste/ de bzhin du de bzhin gshegs pas lta ba'i zag pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas lta ba'i zag pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sbrul gdug pa'i za ma tog chag pa ji snyed pa nyid ni ming tsam ste/ de bzhin du de bzhin gshegs pas lta ba'i zag pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas lta ba'i zag pa shes pa 'gog par 'gyur ba'i lam shes pa 'di ltar rab tu mkhyen pa nas ming tsam gyi bar du'o/ /khyim bdag de la de bzhin gshegs pas ma rig pa'i zag pa shes pa 'di ltar rab tu mkhyen te/ 'di lta ste dper na/ dmus long gi rmi lam na gzugs mthong ba ji snyed pa nyid ni ming tsam ste/ de bzhin du de bzhin gshegs pas ma rig pa'i zag pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ma rig pa'i zag pa shes pa kun 'byung ba shes pa 'di ltar rab tu mkhyen te/ 'di lta ste dper na/ dmus long gi rmi lam na chu'i sgra skad grag pa ji snyed ni ming tsam ste/ de bzhin du de bzhin gshegs pas ma rig pa'i zag pa shes pa kun 'byung</font><hr>42.110a<br><font size=+1>

ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ma rig pa'i zag pa shes pa 'gog pa shes pa 'di ltar rab tu mkhyen te/ 'di lta ste dper na/ dmus long skom pa'i rmi lam na btung ba rnam par skams pa ji snyed pa nyid ni ming tsam ste/ de bzhin du de bzhin gshegs pas ma rig pa'i zag pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ma rig pa'i zag pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ dmus long gi rmi lam na mun pa dang bral ba ji snyed pa nyid ni ming tsam ste/ de bzhin du de bzhin gshegs pas ma rig pa'i zag pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas zad pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na 'dod chags zhe sdang gti mug spang ba shes pa ji snyed pa nyid ni ming tsam ste/ de bzhin du de bzhin gshegs pas zad pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas zad pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na dge ba'i bshes gnyen gyi gdams ngag shes pa ji snyed pa nyid ni ming tsam ste/ de bzhin du de bzhin gshegs pas zad pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas zad pa shes pa 'gog pa shes pa 'di ltar rab tu mkhyen te/ 'di lta ste dper na/ dmus long gi rmi lam na nor chud gzan pa shes pa ji snyed pa nyid ni ming tsam ste/ de bzhin du de bzhin gshegs pas zad pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de</font><hr>42.110b<br><font size=+1>

bzhin gshegs pas zad pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ dmus long gi rmi lam na snang ba thob pa shes pa ji snyed pa nyid ni ming tsam ste/ de bzhin du de bzhin gshegs pas zad pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mi skye ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mi skye ba shes pa de bzhin du de bzhin gshegs pas mi skye ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mi skye ba shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na zad pa dang / mi skye ba shes pa ji snyed pa nyid ni ming tsam ste/ de bzhin du de bzhin gshegs pas mi skye ba shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mi skye ba shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na nor ma rnyed pa'i rnyed pa shes pa ji snyed pa nyid ni ming tsam ste/ de bzhin du de bzhin gshegs pas mi skye ba shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mi skye ba shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na nor rab tu nyams pa'i mi skye ba shes pa ji snyed pa nyid ni ming tsam ste/ de bzhin du de bzhin gshegs pas mi skye ba shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas de bzhin gshegs pa'i mi 'jigs pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na shes pa thams</font><hr>42.111a<br><font size=+1>

cad khong du chud pas mi 'jigs pa shes pa ji snyed pa nyid ni ming tsam ste/ de bzhin du de bzhin gshegs pas mi 'jigs pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mi 'jigs pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na chos yongs su dris pa shes pa ji snyed pa nyid ni ming tsam ste/ de bzhin du de bzhin gshegs pas mi 'jigs pa shes pa kun 'byung ba shes pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mi 'jigs pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na chos ji ltar bzung ba rnams kyi rab tu 'jig pa shes pa ji snyed pa nyid ni ming tsam ste/ de bzhin du de bzhin gshegs pas mi 'jigs pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mi 'jigs pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na 'gog pa'i chos rjes su dran pa ji snyed pa nyid ni ming tsam ste/ de bzhin du de bzhin gshegs pas mi 'jigs pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas so so yang dag par rig pa shes pa 'di ltar rab tu mkhyen te/ 'di lta ste dper na/ rmi lam na brag ca'i sgra brnyan gyi spobs pa don rnam par rig par byed pa nyid kyi sgra ji snyed pa nyid ni ming tsam ste/ de bzhin du de bzhin gshegs pas so so yang dag par rig pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas so so yang dag par rig pa shes pa kun 'byung ba shes pa 'di ltar rab tu mkhyen te/ 'di lta ste dper na/ rmi lam na brag ca'i don shes te/ don shes pa</font><hr>42.111b<br><font size=+1>

kun 'byung ba shes/ don shes pa 'gog pa shes/ don shes pa 'gog par 'gyur ba'i lam shes/ chos shes te chos shes pa kun 'byung ba shes/ chos shes pa 'gog pa shes/ chos shes pa 'gog par 'gyur ba'i lam shes/ nges pa'i tshig shes te/ nges pa'i tshig shes pa kun 'byung ba shes/ nges pa'i tshig shes pa 'gog pa shes/ nges pa'i tshig shes pa 'gog par 'gyur ba'i lam shes/ spobs pa so so yang dag par rig pa shes te/ spobs pa so so yang dag par rig pa shes pa kun 'byung ba shes/ spobs pa so so yang dag par rig pa shes pa 'gog pa shes/ spobs pa so so yang dag par rig pa shes pa 'gog par 'gyur ba'i lam shes pa ji snyed pa nyid ni ming tsam ste/ de bzhin du de bzhin gshegs pas so so yang dag par rig pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas so so yang dag par rig pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mtshan mo mun pa mun nag dag nas snang ba dang / bral ba'i bar ji snyed pa nyid ni ming tsam ste/ de bzhin du de bzhin gshegs pas so so yang dag par rig pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas so so yang dag par rig pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na snang ba dang bral ba'i shes pa ji snyed pa nyid ni ming tsam ste/ de bzhin du de bzhin gshegs pas so so yang dag par rig pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mtshan nyid shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na kun brjod pa shes pa ji snyed pa nyid ni ming tsam</font><hr>42.112a<br><font size=+1>

ste/ de bzhin du de bzhin gshegs pas mtshan nyid shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mtshan nyid shes pa kun 'byung ba shes pa 'di ltar rab tu mkhyen te/ 'di lta ste dper na/ de bzhin gshegs pas sprul pa mngon par 'du byed pa shes pa ji snyed pa nyid ni ming tsam ste/ de bzhin du de bzhin gshegs pas mtshan nyid shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mtshan nyid shes pa 'gog pa shes pa 'di ltar rab tu mkhyen te/ 'di lta ste dper na/ de bzhin gshegs pa'i sprul pa shes pa dang bral ba ji snyed pa nyid ni ming tsam ste/ de bzhin du de bzhin gshegs pas mtshan nyid shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas mtshan nyid shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ de bzhin gshegs pa'i sprul pa thabs mkhas shing shes pa ji snyed pa nyid ni ming tsam ste/ de bzhin du de bzhin gshegs pas mtshan nyid shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas de bzhin gshegs pa'i gnas pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na byams pa la gnas pa shes pa dang / snying rje la gnas pa shes pa dang / dga' ba la gnas pa shes pa dang / btang snyoms la gnas pa shes pa ji snyed pa nyid ni ming tsam ste/ de bzhin du de bzhin gshegs pas de bzhin gshegs pa'i gnas pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas gnas pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na byams pa la gnas pa'i shes pa rtogs pa dang / snying rje la gnas pa'i shes pa rtogs pa dang / </font><hr>42.112b<br><font size=+1>

dga' ba la gnas pa'i shes pa rtogs pa dang / btang snyoms la gnas pa'i shes pa rtogs pa ji snyed pa nyid ni ming tsam ste/ de bzhin du de bzhin gshegs pas de bzhin gshegs pa'i gnas pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas de bzhin gshegs pa'i gnas pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na shes pa 'gog pa ji snyed pa nyid ni ming tsam ste/ de bzhin du de bzhin gshegs pas de bzhin gshegs pa'i gnas pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas de bzhin gshegs pa'i gnas pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na thabs mkhas pa'i shes pa khong du chud pa ji snyed pa nyid ni ming tsam ste/ de bzhin du de bzhin gshegs pas de bzhin gshegs pa'i gnas pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas de bzhin gshegs pa'i dbang po shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na dad pa'i dbang po dang bral ba dang / brtson 'grus dang / dran pa dang / ting nge 'dzin dang / shes rab kyi dbang po dang bral ba ji snyed pa nyid ni ming tsam ste/ de bzhin du de bzhin gshegs pas de bzhin gshegs pa'i dbang po shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas de bzhin gshegs pa'i dbang po shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na nga rgyal gyi shes pa la 'jug pa ji snyed pa nyid ni ming tsam ste/ de bzhin du de bzhin gshegs pas de bzhin gshegs pa'i dbang po shes pa kun 'byung ba shes pa ji snyed pa nyid kyang ming</font><hr>42.113a<br><font size=+1>

tsam du de ltar rab tu mkhyen to/ /khyim bdag de la de bzhin gshegs pas de bzhin gshegs pa'i dbang po shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na nga rgyal la dbang byed pa dang bral ba ji snyed pa nyid ni ming tsam ste/ de bzhin du de bzhin gshegs pas de bzhin gshegs pa'i dbang po shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas de bzhin gshegs pa'i dbang po shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na lam rnyed pa ji snyed pa nyid ni ming tsam ste/ de bzhin du de bzhin gshegs pas de bzhin gshegs pa'i dbang po shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas lus kyi las shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na lus bskyod pa shes pa de bzhin du de bzhin gshegs pas lus kyi las shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas lus kyi las shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na bya ba la 'jug pa ji snyed pa nyid ni ming tsam ste/ de bzhin du de bzhin gshegs pas lus kyi las shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas lus kyi las shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na til mar gyi mar me bus pa zad cing zhi ba shes pa ji snyed pa nyid ni ming tsam ste/ de bzhin du de bzhin gshegs pas lus kyi las shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin</font><hr>42.113b<br><font size=+1>

gshegs pas lus kyi las shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na lus kyi las yongs su shes pa ji snyed pa nyid ni ming tsam ste/ de bzhin du de bzhin gshegs pas lus kyis las shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ngag gi las shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na brdzun du smra ba 'am/ brdzun du smra ba las ldog pa 'am/ phra ma'i ngag gam/ phra ma'i ngag las ldog pa 'am/ tshig rtsub po'i ngag gam/ tshig rtsub po'i ngag las ldog pa 'am/ tshig kyal pa 'am/ tshig kyal pa las ldog pa ji snyed pa nyid ni ming tsam ste/ de bzhin du de bzhin gshegs pas ngag gi las shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ngag gi las shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mtshad ma bstan pa shes pa ji snyed pa nyid ni ming tsam ste/ de bzhin du de bzhin gshegs pas ngag gi las shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ngag gi las shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na ngag gi las 'gog pa ji snyed pa nyid ni ming tsam ste/ de bzhin du de bzhin gshegs pas ngag gi las shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas ngag gi las shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na zos pa dang / ma zos pa yongs su shes pa ji snyed pa nyid ni ming tsam ste/ de bzhin du de bzhin gshegs pas ngag gi</font><hr>42.114a<br><font size=+1>

las shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yid kyi las shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na bar snang la ri mo 'dri ba ji snyed pa nyid ni ming tsam ste/ de bzhin du de bzhin gshegs pas yid kyi las shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yid kyi las shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na ri mo 'dri ba'i bzo shes pa ji snyed pa nyid ni ming tsam ste/ de bzhin du de bzhin gshegs pa nas de bzhin du sbyar te/ ming tsam gyi bar du'o/ /khyim bdag de la de bzhin gshegs pas yid kyi las shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na ri mo 'dri ba'i bskal pa shes pa ji snyed pa nyid ni ming tsam ste/ de bzhin du de bzhin gshegs pa nas de bzhin du sbyar te ming tsam gyi bar du'o/ /khyim bdag de la de bzhin gshegs pas yid kyi las shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na slob dpon gyis bstan pa ji snyed pa nyid ni ming tsam ste/ de bzhin du de bzhin gshegs pas yid kyi las shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ / bam po bcu gcig pa/ khyim bdag de la de bzhin gshegs pas sngon du 'gro ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sngon du mgyogs pa ji snyed pa nyid ni ming tsam ste/ de bzhin du de bzhin gshegs pas sngon du 'gro ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon du 'gro ba shes pa kun 'byung ba shes</font><hr>42.114b<br><font size=+1>

pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na phyogs dag du don gyis bsam pa ji snyed pa nyid ni ming tsam ste/ de bzhin du de bzhin gshegs pas sngon du 'gro ba shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon du 'gro ba shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sngon du mgyog pa shi ba ji snyed pa nyid ni ming tsam ste/ de bzhin du de bzhin gshegs pas sngon du 'gro ba shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas sngon du 'gro ba shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na phyogs dag tu don grub pa shes pa ji snyed pa nyid kyang ming tsam ste/ de bzhin du de bzhin gshegs pas sngon du 'gro ba shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rjes su 'jug pa shes pa 'di ltar rab tu mkhyen te/ 'di lta ste dper na/ rmi lam na rnam par sad pa byed pa shes pa ji snyed pa nyid ni ming tsam ste/ de bzhin du de bzhin gshegs pas rjes su 'jug pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rjes su 'jug pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na rnam par sad pa shes pa ji snyed pa nyid ni ming tsam ste/ de bzhin du de bzhin gshegs pas rjes su 'jug pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rjes su 'jug pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na ma shi ba ji snyed pa nyid ni ming</font><hr>42.115a<br><font size=+1>

tsam ste/ de bzhin du de bzhin gshegs pas rjes su 'jug pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas rjes su 'jug pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na mi mthun pa'i rtsa ba yang dag par gcod pa ni ming tsam ste/ de bzhin du de bzhin gshegs pa nas de bzhin du sbyar te ming tsam gyi bar du'o/ /khyim bdag de la de bzhin gshegs pas yongs su mi nyams pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na dug 'thungs pa'i rtsi sman ma lus par byed pa ji snyed pa nyid ni ming tsam ste/ de bzhin du de bzhin gshegs pas yongs su mi nyams pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yongs su mi nyams pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na dug byin pa la dug bsal ba tshol ba ji snyed pa nyid ni ming tsam ste/ de bzhin du de bzhin gshegs pas yongs su mi nyams pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yongs su mi nyams pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na dug yang mi 'byung ba ji snyed pa nyid ni ming tsam ste/ de bzhin du de bzhin gshegs pas yongs su mi nyams pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas yongs su mi nyams pa shes pa 'gog pa shes par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na dug byin pa la yang dag pa'i gso ba'i dpyad byed pa ji snyed pa nyid ni ming tsam ste/ de bzhin du de bzhin gshegs pas yongs su mi nyams pa shes pa 'gog par 'gyur ba'i lam shes</font><hr>42.115b<br><font size=+1>

pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas thams cad mkhyen pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na rtsi sman mkhan don la mkhas pa dang nad kun nas ldang ba la mkhas pa dang / nad pa'i khams la mkhas pa dang / sman sbyor ba la mkhas pa dang / kha zas kyi cho ga la mkhas pa dang / khrus kyi cho ga la mkhas pa dang / sku mnye'i cho ga la mkhas pa dang / rkang pas mnye ba'i cho ga la mkhas pa dang / lag pas mnye ba'i cho ga la mkhas pa dang / nyal ba'i cho ga la mkhas pa dang / sad pa'i cho ga la mkhas pa dang / longs spyod kyi cho ga la mkhas pa dang / dpyad kyi sbyor ba 'jug pa la mkhas pa dang / dus shes/ tshod shes/ dus min shes shing sgyu ma'i skyes bu'i rtsi sman dag gis nad thams cad 'joms pa shes pa ji snyed pa nyid ni ming tsam ste/ de bzhin du de bzhin gshegs pas thams cad mkhyen pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas thams cad mkhyen pa shes pa kun 'byung ba shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na sprul pa'i gso ba'i dpyad shes pa ji snyed pa nyid ni ming tsam ste/ de bzhin du de bzhin gshegs pas thams cad mkhyen pa shes pa kun 'byung ba shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas thams cad mkhyen pa shes pa 'gog pa shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na nad thams cad rab tu zhi bar byed pa shes pa/ ji snyed pa nyid ni ming tsam ste/ de bzhin du de bzhin gshegs pas thams cad mkhyen pa shes pa 'gog pa shes pa ji snyed pa nyid kyang ming tsam du de ltar rab tu mkhyen to/ /khyim bdag de la de bzhin gshegs pas thams cad mkhyen pa shes pa 'gog par 'gyur ba'i lam shes pa 'di ltar rab tu mkhyen te/ 'di lta ste dper na/ sgyu ma'i skyes bu'i rmi lam na gso ba'i dpyad ji snyed pa nyid</font><hr>42.116a<br><font size=+1>

ni ming tsam ste/ de bzhin du de bzhin gshegs pas thams cad mkhyen pa shes pa 'gog par 'gyur ba'i lam shes pa ji snyed pa nyid kyang ming tsam du de ltar rab tu mkhyen to/ /khyim bdag de lta bas na 'dir gang gi ye shes mthong ba thogs pa med par 'jug pa gzhan gyis ma bstan cing / gzhan la rag ma las pa'i shes pas sems can rnams la phan gdag pa'i don du bdag nyid mngon par rdzogs par sangs rgyas pa de ni tsan dan gyi khyams dang / khang bzang gi bar 'di la longs spyod par 'gyur ro/ /de skad ces smras pa dang / khyim bdag phywa mkhan gyis lag gi bla tshe dang ldan pa gang po la 'di skad ces smras so/ /gang po bcom ldan 'das de da ltar gang na bzhugs/ de skad ces smras pa dang / lag gi bla gang pos khyim bdag phywa mkhan la 'di skad ces smras so/ /khyim bdag byang phyogs logs na ko sa la zhes bya ba'i yul gyi ljongs yod de/ gangs ri'i rgyal po'i drung na mnyan yod ces bya ba grong khyer chen po de na rgyal po'i bu gzhon nu rgyal bu rgyal byed kyi tshal khyim bdag mgon med zas sbyin gyi kun dga' ra ba na/ bcom ldan 'das de da ltar bzhugs so/ /de skad ces smras pa dang / khyim bdag phywa mkhan gyis lag gi bla tshe dang ldan pa gang po la 'di skad ces smras so/ /gang po mnyan yod kyi grong khyer chen po 'di nas ring khyad ci tsam smras pa/ khyim bdag de dpag tshad sum stong drug bcu rtsa bzhi yod do/ /de skad ces smras pa dang / khyim bdag phywa mkhan gyis lag gi bla tshe dang ldan pa gang po la 'di skad ces smras so/ /gang po ring ba de nas bcom ldan 'das de ji srid cig gis 'dir byon smras pa/ khyim bdag de bzhin gshegs pa la ni ring ba 'am nye ba med de/ khyim bdag bcom ldan 'das de bzhed na/ sems can yongs su smin par bya ba'i phyir grangs med pa'i gang gA'i klung gi bye ma snyed las lhag pa'i 'jig rten gyi khams khrag khrig dag tu gshegs so/ /khyim bdag 'di la de bzhin gshegs pas sems can thams cad kyi sems dang spyod pa dag mkhyen/ shin tu mkhyen/ shin tu gzigs/ </font><hr>42.116b<br><font size=+1>

shin tu thugs su chud/ shin tu mngon sum du mdzad de/ mig btsums pa tsam gyis sems can thams cad kyi sems dang spyod pa dag rab tu mkhyen to/ /khyim bdag de bzhin gshegs pas de bzhed na sems can thams cad la phan gdags pa'i blo nye bar bzhag nas/ 'jig rten gyi khams khrag khrig dag tu gshegs so/ /gang po bdag gi dge ba'i rtsa ba yongs su gzung ba'i phyir de bzhin gshegs pa de zhal zas bzang po la nye bar spyan drangs na gshegs sam/ khyim bdag gal te cung zad yongs su gtong ba lta na de bzhin gshegs pa de zhal zas gtsang ma la spyan drongs shig dang / khyod kyi dge ba'i rtsa ba yongs su gzung ba'i phyir bcom ldan 'das de nyan thos kyi dge 'dun dang bcas par gshegs so/ /de nas khyim bdag phywa mkhan gyi tshe dang ldan pa gang po'i ltar mnyan nas/ me tog dang / phreng ba dang / bdug pa dag blangs te/ tsan dan gyi khyams dang / khang bzang gi steng du 'dzegs nas me tog gis brgyan/ spos kyi byugs nas bcom ldan 'das de phyogs gang logs na bzhugs pa der phyogs nas gos phrag pa cig tu gzar te/ pus mo g.yas pa'i lha nga sa la gtsug nas thal mo sbyar te 'di skad ces gsol to/ /bcom ldan 'das bdag la thugs brtse ba nye bar dgongs te/ zhal zas bzang po de la de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang thabs cig tu gshegs par ci gnang / bcom ldan 'das rgyal bu rgyal byed kyi tshal na bzhugs pa/ mi las 'das pa/ lha'i snyan rnam par dag pas khams kyi khyim bdag phywa mkhan gyi spyan drangs pa gsan nas gshegs par gnang ngo / /de nas khyim bdag phywa mkhan gyi bcom ldan 'das mngon par spyan drangs te/ bran dang / las byed pa dang / zho shas 'tsho ba dang / mdza' bshes dang / nye du dang / snag gi gnyen mtshams dag la 'di skad ces smras so/ /khyed cag nyon cig ngas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de nyan thos kyi dge 'dun dang bcas par zhal</font><hr>42.117a<br><font size=+1>

zas bzang po la spyan drangs kyis/ de la khyed nus pa ci yod pa dang / mthu ci yod pa'i lus kyis zhal ta bya ba la brtson pa dang ldan par gyis shig /khyim bdag phywa mkhan gyis de skad ces smras pa dang / mdza' bshes dang / nye du dang / snag gi gnyen mtshams dang / bran pho dang / bran mo dang / las byed pa dang / zho shas 'tsho ba dag gis khyim bdag phywa mkhan la 'di skad ces smras so/ /khyim bdag smyos so/ /khyim bdag g.yengs so/ /gang bcom ldan 'das de ma mthong bar zhal zas bzang po la spyan 'dren tam/ khyim bdag phywa mkhan gyis bcom ldan 'das de spyan 'dren to zhes su gsol/ de skad ces smras pa dang / khyim bdag phywa mkhan gyis mdza' bshes dang / blon po dang / nye du dang / snag gi gnyen mtshams dang / bran pho dang / bran mo dang / las byed pa dang / zho shas 'tsho ba dag la 'di skad ces smras so/ /grogs po dag bcom ldan 'das de sangs rgyas kyi yon tan dpag tu med pa dag brnyes te/ des na nga'i sems mkhyen nas gnang ngo / /de dag mgu zhing dga' la yi rangs pa dang rab tu dga' zhing bde ba dang / yid bde ba skyes nas de'i mtshan mo bza' ba dang / bca' ba bzang zhing rab tu mang po mngon par yang dag par byas so/ /de nas bcom ldan 'das de phyem red kyi dus su nang du yang dag 'jog las bzhengs nas/ smyig ma'i ldum bu'i 'khor gyis khyams ga la ba der gshegs so/ /de'i tshe smyig ma'i ldum bu'i 'khor gyi khyams na/ tshe dang ldan pa kun dga' bo dang / dge slong rab tu mang po dag dang lhan cig 'dus nas 'khod par gyur to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la mnyan yod kyi grong khyer chen po na dge slong nye bar gnas shing 'khod pa ji snyed pa de dag thams cad rim gro'i gnas su 'dus nas nga la sbron cig /tshe dang ldan pa kun dga' bos de ltar 'tshal zhes bcom ldan 'das kyi ltar mnyan nas/ mnyan yod kyi grong khyer chen po na dge slong nye bar gnas shing 'khod pa ji snyed pa de dag thams cad rim gro'i gnas su 'dus nas/ bcom ldan 'das ga la bzhugs pa der song ste phyin nas/ bcom ldan 'das la gsol pa/ bcom ldan 'das mnyan yod kyi grong</font><hr>42.117b<br><font size=+1>

khyer chen po na dge slong nye bar gnas shing mchis pa de dag thams cad rim gro'i gnas su 'dus lags te/ bcom ldan 'das de'i dus la dbab lags so/ /de nas bcom ldan 'das rim gro'i gnas ga la ba der gshegs nas gdan bcas pa de la bzhugs so/ /de nas bcom ldan 'das kyis dge slong de dag la bka' bstsal pa/ dge slong grong khyer chen po dge ba'i pha rol 'gro na khyim bdag phywa mkhan gyis sangs rgyas dang dge slong gi dge 'dun la sogs pa mngon par spyan drangs te/ de ngas gnang gis de'i phyir dge slong gang dag rdzu 'phrul dang ldan pa de dag gis tshul shing long shig /de'i tshe na der dge slong lnga brgya'i dge slong gi dge 'dun gang dag gis tshul shing blangs so/ /de nas bcom ldan 'das kyis dge slong dag la bka' stsal pa/ dge slong dag rdzu 'phrul gyi 'phrul ba rnam pa sna tshogs dag gis sems can dag yang dag par dga' bar bya ba'i phyir nam mkha'i lam las 'dong bar gyis shig /bcom ldan 'das legs so zhes gsol te/ dge slong de dag bcom ldan 'das kyi ltar mnyan to/ /de nas bcom ldan 'das de'i mtshan mo 'das nas nang par sngar smad g.yogs dang / chos gos gsol/ lhung bzed bsnams te rgyal bu rgyal byed kyi tshal nas nam mkha' la mngon par 'phags te/ grong khyer chen po dge ba'i pha rol 'gro ga la ba der gshegs so/ /tshe dang ldan pa shing shun can rgyal po'i khab na drang srong gi ri ngos la sba dang / shing pib pa la skye ba na 'dug la/ nam gyi cha stod dang cha smad la mi nyal bar rnal 'byor la brtson te/ byang chub kyi phyogs kyi chos sum cu rtsa bdun dag bsgom pa'i rnal 'byor la rjes su brtson zhing / zhi gnas dang lhag mthong la mngon par brtson pa 'chag cing 'gro ba des bcom ldan 'das nyan thos kyi dge 'dun dang thabs cig tu nam mkha'i lam nas gshegs pa mthong ste/ 'di lta ste dper na/ ngang pa'i rgyal po ltar mthong nas/ bcom ldan 'das ga la ba de logs su thal mo sbyar ba btud nas bcom ldan 'das la phyag 'tshal zhing 'dug go/ /de nas bcom ldan 'das kyi tshe dang ldan pa</font><hr>42.118a<br><font size=+1>

shing shun can la bka' stsal pa/ shing shun can tshur shog /de nas tshe dang ldan pa shing shun can bcom ldan 'das kyis bka' stsal par rig nas/ lus dang srog la ma bltas par ngam grog dang g.yang sa de la bdag nyid mchongs so/ /de bar snang la song ma thag tu mngon par shes pa drug mngon sum du byas par gyur to/ /de nas bcom ldan 'das dang / shing shun can dang / dgra bcom pa lnga brgya tshang bar thabs gcig tu grong khyer chen po dge ba'i pha rol 'gro ga la ba der gshegs so/ /de nas dge slong de dag rdzu 'phrul gyi 'phrul pa rnam pa sna tshogs dag gis tsan dan gyi khyams dang / khang bzang der mngon par zhugs te/ la la ni seng ge'i gzugs/ la la ni stag gi gzugs/ la la ni glang po che'i gzugs/ la la ni rta'i gzugs/ la la ni khyu mchog gi gzugs/ la la ni klu'i gzugs/ la la ni nam mkha' lding gi rgyal po'i gzugs/ la la ni 'khor los sgyur ba'i rgyal po'i gzugs/ la la ni blon po'i gzugs/ la la ni dge slong rang gi gzugs/ la la ni lus las 'od sngon po dag rab tu 'byin/ la la ni dmar po dang / la la ni dkar po dang / la la ni lus las 'od btsod kha dag rab tu 'byin/ la la ni char 'bebs/ la la ni rlung rab tu gtong / la la ni nor gyi char rab tu 'bebs/ la la ni gser gyi char rab tu 'bebs/ la la ni dngul gyi char rab tu 'bebs/ la la ni spos chu'i char rab tu 'bebs/ la la ni ser bu bsil ba rab tu gtong / la la ni phrag pa sa la khyer/ la la ni rgya mtsho chen por chu 'bebs pa khyer/ la la ni shing rta la zhon/ la la ni glang po che'i shing rta la zhon/ la la ni rta'i shing rta la zhon/ la las ni klu'i shing rta mngon par sprul/ la las ni grul bum gyi shing rta mngon par sprul/ la las ni gnod sbyin gyi shing rta mngon par sprul/ la las ni dri za'i shing rta mngon par sprul/ la las ni cho 'phrul dag zung du sprul/ la las ni bdag lus las me 'bar/ la las ni bdag gi lus las chu 'dzag ste/ de dag la sogs pa rdzu 'phrul gyi 'phrul pa rnam pa sna tshogs gzhan dag gis kyang tsan dan</font><hr>42.118b<br><font size=+1>

gyi khyams dang / khang bzangs su mngon par zhugs so/ /bcom ldan 'das ni bdag nyid kyi dngos po bzung bas skyes bu chen po'i mtshan sum bcu rtsa gnyis kyis ni yang dag par brgyan/ dpe byad bzang po brgyad bcus ni rnam par spras/ mdzes shing dang ba dang / dbang po ni zhi/ thugs ni zhi/ dul ba dang / zhi gnas dam pa ni brnyes/ dul ba dang zhi gnas mchog gi pha rol tu ni phyin/ mi mjed kyi bdag po tshangs pa dang / lha'i dbang po brgya byin dang / rgyal po chen po bzhi dang / gnas gtsang ma'i ris kyi lha'i bu stong dag gis ni phyag byas/ bdud rtsi'i char gyi rgyun rab tu 'bebs shing mchod pa dang / me tog man dA ra ba'i char 'bebs shing / tsan dan gyi khyams dang khang bzangs su mngon par gshegs te/ de lta bas na bcom ldan 'das nyan thos kyi dge 'dun dang thabs gcig tu sems can dag yang dag par dga' bar mdzad cing tsan dan gyi khyams dang khang bzangs su mngon par gshegs so/ /dge ba'i pha rol 'gro'i bram ze dang / khyim bdag gis bcom ldan 'das nyan thos kyi dge 'dun dang thabs gcig tu bar snang las gshegs pa mthong ste/ 'di lta ste dper na/ ngang pa'i rgyal po chen po lta bur mthong nas/ srog chags khri dag chos rnams la chos kyi mig rdul med cing dri ma dang bral te rnam par dag go/ /gang dag sngon gyi sangs rgyas bcom ldan 'das rnams la spyad pa'i srog chags khri dag gis ni/ bcom ldan 'das kyi rdzu 'phrul gyi cho 'phrul mthong nas/ byang chub tu sems bskyed de/ de dag byang chub tu sems bskyed ma thag tu mi skye ba'i chos la bzod pa thob po/ /sngon sems ma bskyed pa'i srog chags khri dag gis ni byang chub tu sems bskyed do/ /nyan thos dag gis 'dul ba'i srog chags brgyad khri dag ni nyan thos kyi rdzu 'phrul mthong nas chos rnams la chos kyi mig rdul med cing dri ma dang bral te rnam par dag go/ /lha'i bu khri dag gis ni bcom ldan 'das kyi rdzu 'phrul mthong nas/ chos rnams la chos kyi mig rdul med cing dri ma dang bral te rnam par dag go/ /gzugs na spyod pa'i lha'i</font><hr>42.119a<br><font size=+1>

bu khri dag gis ni chos rnams la chos kyi mig rdul med cing dri ma dang bral te rnam par dag pa nas/ phyir mi 'ong ba'i 'bras bu thob pa'i bar du gyur to/ /de nas lha rnams kyi dbang po brgya byin gyis dri za'i rgyal po'i bu gtsug phud lnga pa la smras pa/ gtsug phud lnga pa de bzhin gshegs pa la bkur sti gyis shig /dri za'i rgyal po'i bu gtsug phud lnga pas de ltar 'tshal zhes lha rnams kyi dbang po brgya byin gyi ltar mnyan te/ dri za sa ya phrag drug dag dang lhan cig tu rgyud kyi dbyangs dang / glu'i dbyangs kyis de bzhin gshegs pa la bskur sti byed do/ /rol mo'i sgra dang glu sgra de dag gis rgya mtsho chen po'i klu'i rgyal po de dag rab tu dga' zhing bde ba dang yid bde ba skyes nas rang rang gi gnas nas byung ngo / /de dag byung bas rgya mtsho chen po na 'byung po chen po dag gi gnas rnam par 'khrugs so/ /klu'i rgyal po mdzes pa la sogs pa klu dung phyur phrag brgyad dag bcom ldan 'das la blta ba'i phyir rgya mtsho chen po nas bskyod do/ /klu'i rgyal po lha mdzes la sogs pa klu dung phyur phrag dgu dag bcom ldan 'das la blta ba dang / phyag bya ba dang / bsnyen bkur bya ba'i phyir bskyod do/ /klu'i rgyal po rgya mtsho la stsogs pa klu dung phyur phrag dgu dag bcom ldan 'das blta ba'i phyir rgya mtsho chen po nas bskyod do/ /klu'i rgyal po gser gtsug la sogs pa klu dung phyur phrag dgu dag bcom ldan 'das blta ba'i phyir bskyod do/ /klu'i rgyal po ud pa la mig la sogs pa klu dung phyur phrag dgu dag bcom ldan 'das blta ba'i phyir bskyod do/ /klu'i rgyal po dga' bo la sogs pa klu dung phyur phrag dgu nas/ de bzhin du sbyar te thams cad la yang bya'o/ /klu'i rgyal po nye dga' la sogs pa klu dung phyur phrag dgu dang / klu'i rgyal po ma dros pa la sogs pa klu dung phyur phrag dgu dang / klu'i rgyal po e la'i rA ba Na la stsogs pa klu dung phyur phrag dgu dang / klu'i rgyal po tshib pa'i bu la sogs pa klu dung phyur phrag dgu dang / klu'i rgyal po mig nag</font><hr>42.119b<br><font size=+1>

pa la sogs pa klu dung phyur phrag dgu dang / klu'i rgyal po gau ta ma la sogs pa klu dung phyur phrag dgu dang / klu'i rgyal po kam pa la la sogs pa klu dung phyur phrag dgu dang / klu'i rgyal po yul 'khor srung la sogs pa klu dung phyur phrag dgu dang / klu'i rgyal po mgrin sngon la sogs pa klu dung phyur phrag dgu dang / klu'i rgyal po gser mgrin la sogs pa klu dung phyur phrag dgu dang / klu'i rgyal po 'jigs sgros la stsogs pa klu dung phyur phrag dgu dang / klu'i rgyal po gzi can la sogs pa klu dung phyur phrag dgu dang / klu'i rgyal po rnam par snang byed la sogs pa klu dung phyur phrag dgu dang / klu'i rgyal po rdul bral la stsogs pa klu dung phyur phrag dgu nas de bzhin du sbyar te/ klu'i rgyal po 'od chen la sogs pa dang / klu'i rgyal po rab tu gdung byed la sogs pa dang / klu'i rgyal po stobs chen la sogs pa dang / klu'i rgyal po sprin chen la sogs pa dang / klu'i rgyal po zla chen la sogs pa klu dung phyur phrag dgu dang / rlung yang dag par ston pa la sogs pa klu dung phyur phrag dgu dang / klu'i rgyal po shugs 'dzin la sogs pa klu dung phyur phrag dgu dang / klu'i rgyal po sprin chen la sogs pa dang / klu'i rgyal po rab tu gdul dka' la sogs pa dang / klu'i rgyal po thams cad me long zhes bya ba klu dung phyur phrag dgu dang / klu'i rgyal po char chen spyod la sogs pa klu dung phyur phrag dgu dag /bcom ldan 'das la blta ba'i phyir/ rgya mtsho chen po nas bskyod do/ /de dag la sogs pa klu bye ba khrag khrig brgya stong dpag tu med pa gzhan dag dang / 'khor dung phyur phrag dgu dag bcom ldan 'das la blta ba'i phyir rgya mtsho chen po nas bskyod do/ /de dag gis rgya mtsho chen po dkrugs so/ /dge slong de dag gis kyang grong khyer dang / grong rdal dang / tshong 'dus dang / ri 'or sa dang / bcas pa dkrugs so/ /de nas sa rnam pa du mar g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul/ ldeg rab tu ldeg /kun tu rab tu ldeg go/ /</font><hr>42.120a<br><font size=+1>

de nas khyim bdag phywa mkhan gyis sangs rgyas la sogs pa dge slong gi dge 'dun la bza' ba dang / bca' ba dang / myang ba bzang zhing rab tu mang po rang gi lag gis yang dag par tshim par byas shing yang dag par brims so/ /de nas bcom ldan 'das kyis dge slong rnams la bka' stsal pa/ dge slong dag su'i bsod snyoms kyang yongs su bza' bar mi bya ste/ grong khyer chen po dge ba'i pha rol 'gro ba 'di klu dkrugs pa dag gis grong khyer ma rung bar byas sa re/ de nas bcom ldan 'das bsod snyoms bzhes nas nam mkha' la mngon par 'phags te/ 'di lta ste dper na/ ngang pa'i rgyal po chen po bzhin no/ /de nas bcom ldan 'das kyis dge slong gi dge 'dun phyir bkye nas gnas su sprul pa brgya stong phrag dpag tu med pa dag mngon par sprul to/ /der klu'i rgyal po gang dag bcom ldan 'das blta bar 'dod pa de dag la de bzhin gshegs pa'i sprul pa mngon par sprul to/ /klu'i rgyal po gang dag bcom ldan 'das la ma dad cing blta bar mi 'dod pa de dag yongs su smin par bya ba'i don du 'od zer bye ba khrag khrig brgya stong phrag dpag tu med pa dag mngon par sprul to/ /der klu bye ba khrag khrig brgya stong phrag dpag tu med pa dag mi skye ba'i chos la bzod pa thob po/ /klu bye ba khrag khrig dpag tu med pa dag ni sangs rgyas la dad pa bskyes so/ /de dag dad pa thob ma thag tu klu'i skye gnas de nas shi ste/ bde 'gro mtho ris kyi 'jig rten du skyes so/ /de nas bcom ldan 'das kyis klu bye ba khrag khrig dpag tu med pa de dag btul nas bsod snyoms bzhes te bar snang la gshegs so/ /de'i tshe na yul lag mthil ltar mnyam pa na dka' thub can mes byin zhes bya ba zhig gnas te/ de nas bcom ldan 'das nam mkha'i bar snang las gshegs pa mthong ngo / /de mthong nas kyang bcom ldan 'das la shin tu gus pa bskyed nas/ bcom ldan 'das la 'di skad ces gsol to/ /bcom ldan 'das bdag la mtshan ma'i rnam pa de bzhin du mdzad du gsol/ gang bdag gi gnas 'dir bzhugs na mchod</font><hr>42.120b<br><font size=+1>

par bgyi'o/ /de nas bcom ldan 'das kyis ral pa can mes byin gyi bsam pa thugs su chud nas/ skye bo phyi ma dag nyid la thugs brtse ba'i slad du rdo leb la zhabs bzhag go/ /de nas bcom ldan 'das kyis ral pa can mes byin la 'di skad ces bka' stsal to/ /bram ze khyod kyi sems dad par bya ba'i don tu 'di ni mchod rten no/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu tshur shog /ma dros pa'i mtsho ga la ba der 'dong ngo / /bcom ldan 'das legs so zhes gsol nas/ tshe dang ldan pa maud gal gyi bu chen po bcom ldan 'das kyi ltar mnyan nas/ klu'i rgyal po ma dros pa'i gnas kyi chu 'gram du bzhugs so/ /de nas klu'i rgyal po ma dros pa bcom ldan 'das nyan thos kyi dge 'dun dang bcas pa gshegs par rig nas/ gser dang / dngul dang / bai dUr+ya dang / shel dang / mu tig dmar po dang / spug gi snying po dang / rdo'i snying po rin po che sna bdun las byas pa'i stan lnga brgya tsam zhig mngon par sprul to/ /khri stan lnga brgya de dag gi dbus su bcom ldan 'das kyi gdan rin po che sna bdun las byas pa'i gdan bshams te/ klu'i ras bcos bus g.yogs so/ /de nas klu'i rgyal po ma dros pa klu'i bu mo'i 'khor dang bcas pa bcom ldan 'das kyi drung du song ngo / /de nas bcom ldan 'das kyis tshe dang ldan pa maud gal gyi bu chen po zan zos shing lhung bzed dang lag pa bkrus par thugs su chud nas bka' stsal pa/ maud gal gyi bu song la gnas brtan shA ri'i bu khyod la ston pa 'bod do zhes smros shig /bcom ldan 'das legs so zhes gsol te/ tshe dang ldan pa maud gal gyi bu chen po bcom ldan 'das kyi ltar mnyan nas/ 'di lta ste dper na/ skyes bu stobs dang ldan pa'i lag pa bskum pa brkyang ba 'am/ brkyang ba bskum pa de bzhin du tshe dang ldan pa maud gal gyi bu chen po ma dros pa'i mtsho nas byung ste/ rgyal bu rgyal byed kyi tshal na tshe dang ldan pa shA ri'i bu'i mdun na 'dug go/ /de'i tshe na tshe dang ldan pa shA ri'i bu snam sbyar 'grub par gyur to/ /de nas</font><hr>42.121a<br><font size=+1>

tshe dang ldan pa maud gal gyi bu chen po tshe dang ldan pa shA ri'i bu dang lhan cig tu yang dag par dga' ba'i gtam dang gtam snyan pa rnam pa mang po byas nas tshe dang ldan pa shA ri'i bu la 'di skad ces smras so/ /ston pa ni tshe dang ldan pa shA ri'i bu khyod la 'bod de/ ston pa khyod la mngon par dgyes kyis/ tshe dang ldan pa shA ri'i bu tshur shog /ston pa khyod la gsung gis 'dong ngo / /de skad ces smras pa dang / tshe dang ldan pa shA ri'i bus tshe dang ldan pa maud gal gyi bu chen po la 'di skad ces smras so/ /tshe dang ldan pa maud gal gyi bu chen po re shig snam sbyar 'di 'tshem mo/ /de nas tshe dang ldan pa maud gal gyi bu chen pos sor mo lnga khab lngar mngon par sprul nas snam sbyar de btsems so/ /de nas tshe dang ldan pa shA ri'i bus tshe dang ldan pa maud gal gyi bu chen po la 'di skad ces smras so/ /tshe dang ldan pa maud gal gyi bu 'di ci byed smras pa/ snam sbyar btsem par bya ba 'di myur du btsem par bya'o/ /smras pa/ drub pa dang / zin pa nyid du gyis shig /de ma thag tu drub cing zin pa nyid du byas nas/ smras pa tshe dang ldan pa shA ri'i bu tshur shog da 'dong / smras pa/ mi 'gro/ smras pa/ gal te khyed mi 'gro na stobs kyis bkur ro/ /smras pa/ tshe dang ldan pa maud gal gyi bu re shig ska rags 'di stobs kyis khyer nus dang nga stobs kyis khyer bar shes so/ /des ska rags de 'jig rten gyi khams bdun du byin gyis brlabs so/ /de nas tshe dang ldan pa maud gal gyi bu chen pos ska rags de rdzu 'phrul gyi stobs kyis bteg pa na stong gsum gyi stong chen po'i 'jig rten gyi khams 'di g.yos kyang ska rags de gdeg par ma nus so/ /de nas ma dros pa'i mtsho rlabs shin tu g.yos so/ /de nas bcom ldan 'das la tshe dang ldan pa rta thul gyis 'di skad ces gsol to/ /bcom ldan 'das 'jig rten du dog sa chen po g.yos pa byung ba 'di rgyu gang lags/ rkyen gang lags/ de skad ces gsol pa dang / bcom ldan 'das kyis rta thul la 'di skad ces bka' stsal to/ /nyan thos chen po'i rnam par 'phrul pa'o/ /de nas tshe</font><hr>42.121b<br><font size=+1>

dang ldan pa shA ri'i bus tshe dang ldan pa maud gal gyi bu la 'di skad ces smras so/ /tshe dang ldan pa maud gal gyi bu je bzhud cig /bdag kyang mchi'o/ /de skad smras nas/ tshe dang ldan pa shA ri'i bu bcom ldan 'das kyi spyan sngar song nas zhabs la mgo bos phyag 'tshal te/ phyogs gcig tu 'dug go/ /tshe dang ldan pa maud gal gyi bu chen po ni phyi nas 'ong ngo / /tshe dang ldan pa shA ri'i bu mngon du phyogs pa'i rdzu 'phrul thob pas de dang por bcom ldan 'das kyi spyan sngar song nas 'dug go/ /de nas bcom ldan 'das kyis mtshan ma de lta bu byung ba mdzad pa'i mtshan ma ji lta bu byung ba mdzad pas rgya mtsho'i klu'i rgyal po bcom ldan 'das ga la ba der song nas phyogs gcig tu 'dug go/ /de nas bcom ldan 'das la klu'i rgyal po mdzes dgas 'di skad ces gsol to/ /gal te bcom ldan 'das kyis bdag la skabs phye na bcom ldan 'das de bzhin gshegs pa la bdag phyogs 'ga' zhig zhu'o/ /bka' stsal pa/ mdzes dga' ngas zhu ba lung bstan pa'i phyir 'di ltar thams cad skabs dbye bar bya'o/ /tshigs su bcad pa ston pa bde byin mdzad la zhu ba ni/ /spyad pa spyod tshe sug las ci bgyis dang / /bde ba'i lam gyis mya ngan 'das reg pa/ /bde gshegs sbyin mdzad de ni lung bstan gsol/ /ma dros klu yi 'jig rten mgon de la/ /zhus pa bde bar gshegs pas lung bstan pa/ /dge ba'i las kyi 'bras bus yid zhi zhing / /gang gi bde bas bde bar gshegs pa bskyed/ /sngon gyi srid par spyad pa spyod pa'i tshe/ /skye bo thams cad bde bas bde ldan byas/ /de yis legs pa'i las de byas pas na/ /bde ba'i lam gyis mya ngan 'das reg 'gyur/ /ston pa'i gsung gis mdzes pa de dga' nas/ /de yi skad cig sa steng pus btsugs te/ /gzhal med dga' ba'i sems ni dang bas su/ /'jig rten sgron ma 'dren la phyag 'tshal byed/ /ston pa'i blo yis mkhas la phyag 'tshal lo/ /'gro ba kun las nges 'byung phyag 'tshal lo/ /'jigs med blo dag pa la phyag 'tshal lo/ /</font><hr>42.122a<br><font size=+1>

bde gshegs gzhan min gsung la phyag 'tshal lo/ /de nas klu'i rgyal po lha mdzes kyis bcom ldan 'das la tshigs su bcad pa'i dbyangs kyis zhus pa/ 'od mdzad spyan sdug legs pa'i spyan mnga' ba/ /blo dge nyon mongs tshogs las rnam grol zhing / /ye shes dri med spyod yul khyod la ni/ /spyad pa spyod tshe rnam thar bla med zhu/ /lha dang bcas pa'i 'jig rten sman slad du/ /ji ltar spyad na byang chub zhi 'tshal zhing / /mi mchog dam pa bdag gi spyod sbyong ba/ /yid 'das de dag bdag la bka' stsal gsol/ /rgyal ba de yis rdul bcom dbang po bsdams/ /'dod pa'i 'ching las thugs ni rnam grol ba'i/ /dgongs pa'i de nyid sems kyi rjes 'jug pa/ /thugs zhi ma dkrugs des ni lung bstan pa/ /mkhas pas dge ba'i dag ni spyad pa'i phyir/ /srog gi phyir yang yid ni mi ldog cing / /rtag tu spyod tshe nyon mongs med yid kyis/ /lus dang ngag gi dge ba mnyam spyod pa/ /de yis legs pa'i las de byas pas na/ /'khor ba'i 'gro la spyod pa rnam dag ste/ /chu yi nang nas pad ma skye ba ltar/ /gos pa med cing byang chub yang dag 'grub/ /bde gshegs gsung gis lha yi mdzes pa klu/ /de ni dga' zhing legs par mgu bas su/ /de yi skad cig sa la pus btsugs te/ /sangs rgyas rkang gnyis mchog la phyag 'tshal byed/ /thub pa 'jig rten gsum la sman mdzad pa/ /blo gros nges par zhi la phyag 'tshal lo/ /spyad pa spyod tshe khyod kyi rjes slob cing / /byang chub mi g.yo yid ni bskyed par bgyi/ /sems can don du spyad pa spyod pa'i tshe/ /lus dang srog ni de bzhin btang nas su/ /sdug bsngal thar byed sangs rgyas 'gyur ba dang / /byang chub zhi ba bla med thob par bgyi/ /klu de'i bsam pa thugs su chud nas su/ /rgyal ba dgra las rgyal ba 'dzum mdzad de/ /de tshe ji ltar gang gA'i bye snyed kyi/ /sangs rgyas mtha' yas zhing ni 'od kyis khyab/ /bde bar gshegs pas 'dzum pa bstan pa la/ /nam mkha'i</font><hr>42.122b<br><font size=+1>

lhas rig legs so zhes gsol te/ /e ma'o rgyal bas rdul bcom dbang po bsgoms/ /khyod dang mnyam med gong na yod ma yin/ /sangs rgyas zhing mang dag ni rab g.yos shing / /'dod pa'i lha ni sder bcas shin tu rmongs/ /lha tshogs mang po bsam pa rab dga' zhing / /rgyal ba dbang po thub la phyag 'tshal byed/ /ston pa'i nyan thos rdzu 'phrul che ba'i mchog /maud gal rus kyis rgyal la yongs zhus pa/ /gang gis dpag tu med pa'i 'dzum mdzad pa/ /bcom ldan bde gshegs rgyu gang rkyen gang lags/ /maud gal bu yis rgyal la nyer zhus pa/ /the tsom gcod mdzad rgyal bas bka' stsal pa/ /nga la mchod pa byed pa'i klu 'di ni/ /ma 'ongs pa yi dus na sangs rgyas 'gyur/ /ji snyed zhing 'di 'od kyis khyab pa dag /de dag thams cad rgyal ba'i zhing gcig 'gyur/ /des na rgyal ba 'di ltar 'gyur ba ste/ /'dren pa de'i ming dbang po rgyal mtshan no/ /srog chags bye ba khrag khrig mtha' yas dag /des ni 'gro srid pha rol sgrol byed de/ /'di la brten nas ngas ni 'dzum pa bstan/ /maud gal bu khyod de ltar shes par gyis/ /klu de lung bstan pa ni thos nas su/ /bla na med pa dag gi dga' bas khyab/ /lung bstan thos nas bar snang 'di las ni/ /ta la brgyad bcu srid du mngon par 'phags/ /phyogs bcu dag na rnam dag rgyal ba'i zhing / /bzang la grangs med sangs rgyas de mthong ste/ /mthong nas sangs rgyas rkang gnyis mchog dag la/ /tshigs bcad sna tshogs dag gis rgyal ba bstod/ /'gro ba phan skyed rgyal ba dgra las rgyal/ /dbang po thul cing ma nor de bzhin gsung / /'od mdzad bden gsung khyod la phyag 'tshal lo/ /bde gshegs tshig rmongs med la phyag 'tshal lo/ /de nas klu'i rgyal po rgya mtshos bcom ldan 'das la tshigs su bcad pa'i dbyangs kyis zhu ba zhus pa/ 'jigs sel sngags grol khyod la phyag 'tshal lo/ /spyad pa spyod tshe sug las ci bgyis pas/ /'jigs las grol dang 'gro</font><hr>42.123a<br><font size=+1>

ba thar bgyid pa/ /'jig rten lam zhugs bdag la bka' stsal gsol/ /ji ltar 'dren pa bdag nyid 'jigs grol zhing / /skye bo 'jigs las rab tu grol mdzad pa/ /khyod kyis legs par gsungs pa'i bka' thos nas/ /de bzhin ngoms med yid kyis spyad par bgyi/ /chu chen 'dzin pa klu yi rgya mtsho des/ /'gro la phan phyir ston la zhu byed pa/ /'jigs bcas zhe sar bcas shing de brten nas/ /mi dbang spyan sngar zhe sa bcas pas 'dug /de yi bsam pa 'dren pas thugs chud nas/ /ji ltar spyad na 'jigs dang rnam bral zhing / /sems can dag kyang 'jigs las thar byed pa/ /yan lag brgyad ldan gsung gis lung bstan to/ /byang chub spyad pa rjes su spyod bya zhing / /dbyug mtshon med pas 'gro la rab tu ston/ /chu dang thang dang de bzhin g.yul 'thab pa'i/ /'jigs la yang dang yang du 'jigs med sbyin/ /de yis legs pa'i las ni byas pas na/ /'jigs par mi 'gro byang chub reg 'gyur la/ /mnyam par bzhag pa'i byams pa'i sems kyis su/ /shin tu mi bzad bdud stobs rab skrag byed/ /stobs bcu'i mkhyen pas rgya mtsho de dga' nas/ /de yi skad cig sa la pus btsugs te/ /'jigs par mi gnas zhi bar rab 'dug nas/ /bde bar gshegs la thal sbyar phyag 'tshal byed/ /srid kun bdag la mi gnas phyag 'tshal lo/ /dngang med 'jigs bral ldan la phyag 'tshal lo/ /dngang dang 'jigs las skye bo bsgral bgyi zhing / /de bzhin gshegs pa mi dngang bdag 'gyur bgyi/ /de nas klu'i rgyal po gser gtsug gis bcom ldan 'das la tshigs su bcad pa'i dbyangs kyis zhu ba zhus pa/ drang srong chen po spyan dge dbang po thul/ /srid pa'i rgya mtsho rgal cing pha rol phyin/ /skam la bzhugs pa sred bskam gang zag mchog /'gro ba'i don phyir khyod zhu bka' stsal gsol/ /ji ltar spyad na bde gshegs bdag skye zhing / /rgyal ba'i bstan la rab tu gnas gyur dang / /bdud phrag stong dag gis kyang mi bskyod pa/ /kun spyad 'di dag bdag la bka'</font><hr>42.123b<br><font size=+1>

stsal gsol/ /sangs rgyas tshul la mi g.yo rab gnas shing / /klu yi gtso bos 'dren la de zhus pa/ /klu yi bdag po bsam pa thugs chud nas/ /nyon mongs kun spangs de ni lung bstan pa/ /lhag pa'i bsam pas chos kyi nges ldan zhing / /nges pa stong pa'i yul la rab tu gnas/ /srid las rnam rgyal bstan la mi g.yo zhing / /gzhal med byang chub la ni 'dun pa bskyed/ /gser gtsug rdzu 'phrul che ba'i klu de ni/ /sangs rgyas gsung pa thos nas the tsom med/ /byang chub phyir ni mi g.yo yid bskyed cing / /'jigs kun pha rol phyin la mngon par bstod/ /srid mtsho rgal cing skam la shin tu bzhugs/ /the tsom mi mnga' mi g.yo brtan par \u0f99\u0f7asa shing / /srid par 'khor brtan bzhin du rab bzhugs pa/ /ri rab ri la lha yi gnas bcas bzhin/ /'di ltar mi g.yo ba la skyabs mchi zhing / /mi g.yo ri lta bur ni 'gyur bar bgyi/ /de'i tshe 'gul dang mi 'gul zhing mi gnas/ /mi g.yo ri rab lta bur 'gyur bar bgyi/ /ma smad pas ni de yi thugs chud nas/ /yid du 'ong ba'i dbyangs kyis lung bstan pa/ /bskal pa stong phrag brgyad bcur spyad byas nas/ /ma 'ongs pa yis dus su sangs rgyas 'gyur/ /bde ba'i lam gyis rgyal bar 'gyur ba ste/ /mtshan ni legs mthong zhes bya shin tu sdug /srog chags bye ba stong phrag thar byed cing / /bsil ba bde ba zhi ba'i lam 'god 'gyur/ /rgyal bas gsungs pa klu des thos nas su/ /gzhal med dga' ba'i sems ni rab dang bas/ /nyon mongs thams cad sel cing ma smad pa/ /'gro ba'i 'dren pa la ni phyag 'tshal byed/ /de nas klu'i rgyal po ud pa la mig gis bcom ldan 'das la tshigs su bcad pa'i dbyangs kyis zhu ba zhus pa/ mi mchog 'dul mdzad gzi brjid mtha' yas pa/ /thugs rab zhi zhing nyer zhi pha rol gshegs/ /zhi gnas yon tan rab zhi rnam grol ba/ /zhi ba mkhas pa bde bar gshegs pa gsung / /khyod sras byang chub ji ltar spyad bgyis na/ /zhi gnas dga' zhing zhi</font><hr>42.124a<br><font size=+1>

gnas bsten pa dang / /zhi gnas la ni ji ltar mkhas par 'gyur/ /kun gzigs myur du bdag gi som nyi khum/ /rgyal ba la ni klu des zhus pa dang / /rgyal bas ud pal mig la lung bstan pa/ /gang gis dge ba'i las kyi yid 'ong ba'i/ /zhi gnas la ni shin tu bslabs par 'gyur/ /de phyir byang chub sems dpa' mkhas pa ni/ /spyad pa spyod tshe sems g.yor mi byed cing / /bskal pa bye bar zhi gnas bsten byas pa/ /byang chub dam pa dpa' mchog sangs rgyas 'gyur/ /de yid rab zhi byang chub rtogs nas su/ /rnam 'dren 'gro ba zhi la sbyor byed cing / /rab tu sems zhi g.yo bar mi 'gyur la/ /sems can nyon mongs mi g.yo zhi bar byed/ /des pa ud pal mig gi klu des ni/ /rgyal bas legs par gsungs pa'i tshig thos nas/ /nyon mongs kun g.yo yid ni zhi gyur te/ /byang chub mchog rab sems ni bskyed gyur to/ /de yi zhi gnas sems la brten nas su/ /byang chub sems bskyed rgyal ba de la bstod/ /khyod la bskyed nas zhi gnas rtogs gyur cing / /shin tu yid zhi sangs rgyas 'gyur bar bgyi/ /de nas klu'i rgyal po dga' bos bcom ldan 'das la tshigs su bcad pa'i dbyangs kyis zhu ba zhus pa/ bde bar gshegs pa zhi gnas thugs su chud/ /rgyal ba gang zag mchog la bdag zhu ba/ /khyod nyid las 'khrungs byang chub rab gnas pa/ /mi mchog ji ltar lhag mthong dag la spyad/ /mi 'dul kha lo sgyur la dga' bos zhus/ /klu de'i sngon gyi mtha' ni gzigs pas na/ /dge ba'i las bsags pa dag thugs chud nas/ /mi 'dul kha lo sgyur ba 'di skad gsung / /ye shes dam pa byang chub mchog btsal phyir/ /ma zhum yid kyis nor dang 'bru dag la/ /ser sna med cing rdzas mang mi nyung dang / /chung ma dang ni bdag nyid gtong bar byed/ /de yis legs pa'i las de byas pa dang / /gtong ba shin tu sdug bsngal bsten pas na/ /ye shes dam pa bdag rgyal sangs rgyas 'gyur/ /de ni lhag mthong spyad</font><hr>42.124b<br><font size=+1>

pa'i 'bras bu yin/ /de nas klu'i rgyal po nye dgas bcom ldan 'das la tshigs su bcad pa'i dbyangs kyis zhu ba zhus pa/ 'gro ba kun gyi 'dren la bdag zhu ba/ /khyod sras byang chub ji ltar spyad bgyis na/ /zhi gnas lhag mthong mnyam par spyod pa dang / /zang zing med zhi byang chub 'thob 'gyur lags/ /'dren pa de la klu des zhus pa dang / /zhi gnas lhag mthong yang dag len mkhyen pa/ /thogs pa med pa 'dren pa 'di brnyes pas/ /de ni bde bar gshegs pa'i bstan la bzhag /byang chub sems dpa' gang zhig spyad spyod tshe/ /gnyis ka'i stobs 'di mnyam par bsten pas na/ /de ni bye ba khrag khrig mtha' yas zhing / /'gro ba'i don du mnyam par rnam par sbyong / /bskal pa bye ba mang po de 'tshang rgya/ /zhing gi dam pa dag kyang 'god 'gyur te/ /de'i mtha' bsngags pa bskal pa bye mang du/ /sangs rgyas bye bas zad par de mi spyod/ /de tshe klu yi bdag po nye dga' yis/ /theg pa mnyam pa'i bsngags pa thos nas su/ /gzhal du med pa'i dga' bas sems bde nas/ /byang chub mchog gi sems rab bskyed gyur to/ /'jig rten phan phyir byang chub de lung bstan/ /ma 'ongs dus su sangs rgyas 'gyur ba ste/ /ming ni rgyal ba 'dren pa kun spyan no/ /srog chags bye ba stong phrag thar bar byed/ /de nas klu'i rgyal po ma dros pas bcom ldan 'das la tshigs su bcad pa'i dbyangs kyis zhu ba zhus pa/ bde gshegs khyod sras ji ltar spyad bgyis na/ /'gro ba'i don du phan pa tshol byed cing / /byang chub bla ma tshol la mi skyo ba/ /rkang gnyis dam pa mchog gis de lung ston/ /mi yi khyu mchog la ni klus zhus pa/ /klu yi bdag po'i bsam pa thugs chud de/ /thub pa sngon mtha' sbyor la mi 'jigs pas/ /klu yi bdag po'i the tshom lung bstan pa/ /byang chub zhi ba spyad pa spyod 'dod pa/ /des shing nyams pa med par spyod pa dang / /bdag dang gzhan dag la yang mi gnod cing / /ser sna med cing gtong ldan rgyal ba yin/ /de yis legs pa'i las de byas pas na/ /'gro ba gang gi 'khor</font><hr>42.125a<br><font size=+1>

bar bde 'dod la/ /des shing thams cad du ni snying rjer ldan/ /nor byin pas ni sdud pa byed par 'gyur/ /de yis legs pa'i las de byas pas na/ /nam du'ang skye ba'i sdug bsngal myong mi 'gyur/ /rtag tu bde bas skye bo bder 'god la/ /kha na ma tho med cing gnas zhir 'jog /ston pa'i gsung gis klu de bskul bas na/ /mchog tu dga' bas sems ni bder 'gyur te/ /de yis skad cig sa la pus btsugs nas/ /tshigs bcad sna tshogs dag gis rgyal bstod pa/ /gau tam 'jig rten kun na mnyam med de/ /'gro ba zil mnan bde gshegs lhang nge ba/ /khyod kyi zhal du lhar bcas 'gro kun bal/ /'di ltar thal mo sbyar nas skyabs su mchi/ /byang chub mchog gi yid ni bskyed bgyi zhing / /'di ltar bde gshegs khyod kyi ye shes dang / /ston pa khyod kyis the tshom bsal ba ltar/ /bdag kyang thos nas 'jig rten the tshom bsal/ /de nas de'i ston gzhal med byang chub phyir/ /yid ni shin tu dgyes nas bka' stsal pa/ /'jig rten phan phyir 'dren par 'gyur ba yi/ /mi mchog ming ni dbang po chen po'o/ /de nas klu'i rgyal po e ra pa nas bcom ldan 'das la tshigs su bcad pa'i dbyangs kyi zhu ba zhus pa/ 'jig rten dpag med mang po'i skyabs kyi mchog /rgyal ba the tshom gcod la zhu bgyi ba/ /byang chub sems dpas sug las ci bgyis na/ /sangs rgyas mngon du lhan cig phrad pa 'thob/ /'jig rten mgon po de la klus zhus nas/ /'jig rten phan phyir 'dren pas lung bstan pa/ /sems can rgyud la nyon mongs rnam rig dang / /yongs su dul ba'i yid ni rnam shes nas/ /'gro la phan phyir snying rje bskyed nas su/ /byang chub mchog gis don du spyad pa spyod/ /bdag dang rgyal bar ji ltar phrad snyam nas/ /thabs la mkhas par mngon par rab gnas te/ /rgyal ba rnams dang bde gshegs mya ngan 'das/ /sku gdung dag la gzhal med mchod byed cing / /rnam grol yid kyis smon lam 'debs par byed/ /de yis legs pa'i las de byas pas na/ /rtag tu sangs</font><hr>42.125b<br><font size=+1>

rgyas mngon par phrad 'thob ste/ /rgyal ba mngon sum mchod pa byas nas su/ /byang chub dga' ba 'od ldan reg par 'gyur/ /sangs rgyas kyis ni legs gsungs tshig thos nas/ /e ra pa na klu ni yid mgu ste/ /gzhal du med pa'i dga' bas sems bde nas/ /dad pa'i yid kyis sangs rgyas mngon bstod pa/ /mi 'dul kha lo sgyur la phyag 'tshal lo/ /khyod kyis bdag gi som nyi the tshom bsal/ /byang chub don du yid 'di bskyed bgyi ste/ /sdug bsngal mthar bgyid sangs rgyas 'gyur bar bgyi/ /gang zag bdag gis klu yi bdag po yi/ /bsam pa thugs chud byang chub lung bstan pa/ /bskal pa bye ba brgyad bcu rtsa bzhi ru/ /spyod pa spyad nas de nas sangs rgyas 'gyur/ /mi mchog mtshan ni thams cad sgrol ba ste/ /srog chags bye ba stong phrag thar bar byed/ /de yi ring bsrel mang por 'gyur ba ste/ /skye bo mang po mtho ris 'gro bar 'gyur/ /klu de ston pa'i gsung gis dga' gyur nas/ /'jig rten phan mdzad rnam 'dren mngon bstod pa/ /khyod kyis 'gro ba'i don ni rgya cher mdzad/ /sdug bsngal mthar mdzad sangs rgyas phyag 'tshal lo/ / bam po bcu gnyis pa/ de nas klu'i rgyal po tshib pa'i bus bcom ldan 'das la tshigs su bcad pa'i dbyangs kyis zhu ba zhus pa/ lha dang bcas pa'i 'jig rten don slad du/ /'jig rten don mdzad rnam 'dren la zhu ba/ /spyad pa spyod tshe sug las ci bgyis pas/ /ma rtogs rtogs nas rgyal ba rnam 'dren 'gyur/ /tshib pa'i bu des rgyal la mngon zhus nas/ /nyon mongs thams cad bsal bas lung bstan pa/ /dge ba'i las kyis 'bras bu yid 'ong zhing / /nyon mongs bcom pas des na rgyal zhes bya/ /de ni 'gro kun tshe dang sangs rgyas la/ /mchog tu dang ba dag gis sems kyang shes/ /de yis las kyi lam de byas pas na/ /'gro ba'i rtag pa rgyal ba dag tu 'gyur/ /de yis rgyal ba'i bshad pa thos nas su/ /'gro ba thams cad la ni dad</font><hr>42.126a<br><font size=+1>

par byas/ /de tshe de yis dge ba byas pas na/ /'di yi smon lam btab ltar bdag 'gyur ro/ /de nas 'jig rten mgon pos de lung bstan/ /mi mchog sangs rgyas su ni 'gyur ba ste/ /srog chags bye ba stong phrag thar byed cing / /spyad pa spyod tshe rgyal ba mngon par bstod/ /ston pa'i gsung gis klu de dga' gyur nas/ /sangs rgyas la ni dad bskyed mngon bstod pa/ /'gro ba thar mdzad sangs rgyas phyag 'tshal lo/ /bsam yas bde gshegs khyod la phyag 'tshal lo/ /de nas klu'i rgyal po nag pos bcom ldan 'das la tshigs su bcad pa'i dbyangs kyis zhu ba zhus pa/ drang srong chen po skyabs mchog dpag tu med/ /skyon dang bral zhing yon tan mchog brnyes pa/ /stobs bcu'i 'jigs pas rnam gnon khyod la ni/ /byang chub zhi spyod mkhas pa rab gnas zhu/ /des pa'i nyon mongs ji ltar bsal ba dang / /rgyal ba'i mchog nyid ji ltar bsgom par bgyi/ /bdud kyi spyod yul de dag ji ltar spang / /sangs rgyas spyod yul dag la ji ltar spyad/ /rgyal ba la ni klu des zhus pa dang / /ji ltar bde gshegs spyod yul spyad pa dang / /ji ltar bdud kyi spyod yul spang ba dag /lam gnyis shin tu mkhyen pas rab tu bstan/ /ston pa la ni klu bdag des zhus nas/ /de yi bsam pa thugs chud lung bstan pa/ /mi mkhas gang dag sems can 'du shes spyod/ /de dag nag po'i rtsa lag spyod yul spyod/ /gang dag sems can med cing yid mi gnas/ /de dag thams cad gzigs pa'i spyod yul spyod/ /nag po'i rtsa lag dag las rgyal nas su/ /byang chub bla med zhi ba des thob po/ /ston pa'i gsung gis klu de dga' gyur nas/ /bdud kyi spyod yul myur bar rnam spangs te/ /sangs rgyas thams cad gzigs ltar spyod yul dag /bsten pas de ni myur du rgyal bar 'gyur/ /de nas klu'i rgyal po gau ta mas bcom ldan 'das la tshigs su bcad pa'i dbyangs kyis zhu ba zhus pa/ kha lo sgyur mchog</font><hr>42.126b<br><font size=+1>

khyod la zhu bgyi ba/ /'dren pa khyod sras ji ltar spyad bgyis nas/ /klu yi skye gnas dag ni gcod bgyid cing / /sangs rgyas tshul gyi myu gu bskyed par bgyid/ /bde bar gshegs la klu des zhus pa dang / /de yi bsam pa thugs chud lung bstan pa/ /sems can med la rgyal ba'i sras spyod cing / /byang chub sems la nams kyang de mi gnas/ /de ni stong nyid khong du chud pa yin/ /mkhas pa mtshan ma smon lam rnam spangs shing / /'dzangs pa mi dmigs pa la gnas pa dag /'di ni sangs rgyas chos mngon myu gu bskyed/ /ston pa'i gsung gis klu de dga' gyur nas/ /mi dmigs pa la brten par rab gnas shing / /bdud kyi zhags bcings dam pa bcad nas su/ /sangs rgyas tshul la klu ni rab tu gnas/ /'jig rten mkhas pas byang chub de lung bstan/ /ma 'ongs dus su sangs rgyas 'gyur ba ste/ /rnam thar rgyal zhes phyogs su rnam grags shing / /bdud kyi dbang song srog chags thar bar byed/ /ston pa'i gsung gis klu de dga' gyur nas/ /thal mo sbyar nas sangs rgyas phyag 'tshal byed/ /khyod kyi lam bstan pas na sangs rgyas bsten/ /mi mchog thar mdzad zhing la phyag 'tshal lo/ /de nas klu'i rgyal po kam pa la'i sgras bcom ldan 'das la tshigs su bcad pa'i dbyangs kyis zhu ba zhus pa/ zla ba'i 'od ltar dri med mthu che zhing / /mi mchog rang byung gyur la zhu bgyi ba/ /rnam 'dren sras ni ji ltar spyad bgyis na/ /phan par 'jug cing rjes su skye bar 'gyur/ /gal te stong nyid smon med rjes song zhing / /phung po mtshan ma mi ldan bral ba dang / /nam mkha' 'dra ba'i chos dang rnam shes na/ /pha yi lam du bu yang rjes 'gro 'gyur/ /ston pas legs par gsungs pa de dga' nas/ /dmigs su med pa yi ni sems bskyed do/ /'jig rten mkhas pas byang chub de lung bstan/ /rjes su 'thun 'di spyod pa spyad byas shing / /zhing mchog dag kyang yongs su sbyangs nas su/ /ma 'ongs dus su sangs rgyas 'gyur ba ste/ /zla bas lhag par phyogs su rnam grags shing / /</font><hr>42.127a<br><font size=+1>

srid par 'gro ba'i sems can thar bar byed/ /kam pa la zhes ming btags klu de ni/ /shAkya sras mkhas byang chub lung bstan nas/ /sems ni dga' zhing yongs su yid mgu ste/ /'gro kun thar bar mdzad la mngon bstod pa/ /thub pa che la 'di ltar skyabs su mchi/ /sangs rgyas 'gyur bar the tshom bdag ma mchis/ /mun pa dag la sgron ma gzung bgyi zhing / /long ba mig ma mchis la lam bstan bgyi/ /de nas klu'i bdag po yul 'khor srung gis bcom ldan 'das la tshigs su bcad pa'i dbyangs kyis bstod pa/ mgon po 'jig rten long bar gyur pa'i mig /mig sbyin sman pa drang srong che la zhu/ /gang gis 'jig rten rnam thar lam bzang zhing / /zhi ba'i sar mchis rkang gnyis dbang po gsungs/ /stobs bcu'i stobs mnga' rnam thar lam ston pa/ /'jig rten mgon po rkang gnyis dbang pos de lung bstan/ /gang gis yun ring zhugs pa'i sdug bsngal lam zhi zhing / /'khor ba nyer zhi mya ngan 'das pa gsal bar 'gro/ /ston la klu yi rgyal po lam zhi thos nas su/ /sdug bsngal ba la snying rje dam pa bskyed byas shing / /klu yi rgyal pos byang chub 'dun pa drag bskyed de/ /stobs bcu'i stobs 'chang 'jig rten mgon du bdag 'gyur byed/ /stobs bcu'i yon tan mnga' bas klu dbang lung bstan pa/ /mi yi seng ge bdag nyid mu stegs dgrar 'gyur zhing / /sems can mtha' yas dpag med 'khor bar 'gro ba dag /bde gshegs mchog gi tshig gis 'dren cing thar bar byed/ /ston pa'i gsung mchog klu yi rgyal pos thos nas su/ /dga' ba'i sems kyis sor bcu'i rtse mo thal sbyar te/ /mi dbang 'jig rten mgon po drang srong chen po la/ /gus pa bskyed nas 'khrul med tshig gis mngon bstod pa/ /skyabs mchog shin tu thugs gzhungs mtshungs med ye shes tog /'gro ba'i dge ba spyod cing dge la yun ring dang / /'gro ba'i bsam pa mtha' yas khyod kyis thugs chud pas/ /des na mi dbang khyod ni 'jig rten rgya cher grags/ /de nas klu'i rgyal po gser mgrin gyis bcom ldan 'das la</font><hr>42.127b<br><font size=+1>

tshigs su bcad pa'i dbyangs kyis zhu ba zhus pa/ stobs bcu'i stobs mnga' stobs che stobs dang ldan pa ste/ /thugs dge snang mdzad 'od dang ldan zhing sdig mi mnga'/ /srid rgyal blo gros bzang bas 'gro ba shin tu mkhyen/ /rgyal ba dge spyod shin tu dri med zhal gsungs shig /mi mchog rdul bral khyod sras ji ltar spyad bgyis na/ /mkhas pa ma dkrugs ma bskyod pa dag thugs chud cing / /rgyal ba rdul bral dpag med brgya ni yongs su mkhyen/ /rgyal sras skye bo phan mdzad thugs su chud pa'i spyan/ /blo gros dpag med mnga' ba lha mi mkhas pa yis/ /bla mar bgyis shing rgyal ba dpag med sa yas bskor/ /mkhas pa dus su 'gro ba dpag med phan mdzad dgongs/ /stobs bcu mnga' ba klu yi 'gro ba zhus pa gsungs/ /blo 'chal bral zhing blo gtsang rjes dgongs brtag pa mdzod/ /nga yi sras mchog rgyal bsten rga shi zad byed pa/ /'thob cing rgyal bas mchod cing rdul med skyon bral re/ /'gro ba'i sdug bsngal dpag med brgya shes yongs su 'grol/ /stobs bcu blo gros mnga' bas klu yi bdag po yis/ /rga shi zad bya thos nas rab tu yid dga' ste/ /'gro la phan yid byang chub yid byas rgyal ba'i mchog /rnam 'dren blo mnga' 'gro la phan mdzad mngon bstod pa/ /'gro ba mang po'i mun pa rab rib ling tog dag / gcod mdzad 'gro 'di'i sdug bsngal 'joms shing mun pa dang / /rab rib ling tog kun nas sel mdzad bdud rtsi'i lam/ /shin tu dri med spyan mnga' dge ba phyogs bcur ston/ /klu yi bdag po'i gser dngul lta bu'i khyim gshegs shing / /yon tan dpag med mnga' ba shin tu thugs su chud/ /blo gros ston mdzad 'od zer stong 'dra'i spyan mnga' zhal/ /ma 'khrul ma glongs ma smad gzi che mkhas pa'i gzi/ /stobs bcu 'od chen mnga' la 'gro ba'i tshig gis bstod/ /rgyal mchog bdag nyid bde ldan sangs rgyas byang chub nas/ /'gro ba 'khyams shing mngon med rga shi sdug bsngal gyis/ /nyam</font><hr>42.128a<br><font size=+1>

thag sdug bsngal dpag med bsal te thar bar bgyi/ /bde dang zhi dang zhi ba rdul med rgya che sel/ /zhi ba'i lam du zhugs nas bdag ni sangs rgyas bgyi/ /rgyal ba rgya yis thugs chud bdud kyi stobs dag ni/ /stobs med bgyi zhing mi mkhas pa dag gzhug par bgyi/ /de nas klu'i rgyal po mgrin sngon gyis bcom ldan 'das la tshigs su bcad pa'i dbyangs kyis zhu ba zhus pa/ ston mchog 'dul ba kha lo sgyur la zhu bgyi ba/ /'dren pa khyod kyi sras ni ji ltar spyad bgyis na/ /kha na ma tho med cing zhi la rdul bral dang / /nyon mongs med cing byang chub dam pa sangs rgyas 'gyur/ /'gro ba'i don du 'dren pas gsungs pa gang / /dpa' bo khyod nyid las 'khrungs sras thos nas/ /kha na ma tho med cing bdag dang gzhan/ /sangs rgyas 'gyur dang byang chub the tshom khum/ /mgrin sngon klu de yis ni zhus pa dang / /'jig rten kun la chags pa med pa'i thugs/ /chos rnams kun la mi 'jigs dbang brnyes shing / /ston pa'i gsung la legs gnas lung bstan pa/ /nga sras 'jig rten gsum la ma chags shing / /'gro la phan par spyad pa spyod byed pa/ /'dod pa'i khams dang gzugs kyi khams dag dang / /gzugs med khams su'ang ched du mi skye'o/ /mya ngan 'das dbyings gzhal med 'dus ma byas/ /thams cad kyi ni sdug bsngal zad cing 'gog /de ni nyer bzung 'jig rten gos med yin/ /rgyal ba rgyal ba'i dbang po rab tu bsgom/ /de yis legs pa'i las de byas pas na/ /gos pa med cing 'jigs med rnam spyod la/ /bdag dang gzhan la gnod pa med gnas te/ /bdag nyid bla med byang chub mngon 'tshang brgya/ /de ni rnam smin de las rjes 'thun pa/ /shin tu dga' bas byang chub 'tshang rgyar 'gyur/ /de yi skye bo srog chags lha dang klu/ /mi dang srin po dag gis mi mthong ngo / /klu mgrin sngon po stobs po che de ni/ /sangs rgyas kun mkhyen gsung gis dga' gyur nas/ /sor mo bcu yi thal sbyar mgo btud de/ /'jig rten sgron mdzad 'dren la phyag 'tshal byed/ /mi mchog la ni</font><hr>42.128b<br><font size=+1>

'di ltar bdag skyabs mchi/ /yab kyi rjes su sras kyang mchi bgyi zhing / /mthar bgyid bcom la byang chub 'tshang rgyar bgyi/ /sems can sdug bsngal chos kyis gnod gyur dgrol/ /'jig rten mkhas pas byang chub de lung bstan/ /khyod ni ma 'ongs dus su 'tshang rgya ste/ /kun tu spyan zhes phyogs su rnam grags shing / /'gro ba'i srid las sems can grol bar byed/ /de nas klu'i rgyal po 'jigs sgrogs kyis bcom ldan 'das la tshigs su bcad pa'i dbyangs kyis zhu ba zhus pa/ mi 'dul kha lo sgyur ba yid las 'das/ /ston pa sug las ci bgyis bdag zhu'o/ /rgyal ba de ni snam phyogs gzigs pa na/ /dkyil 'khor tsam gyis ni mdun du 'gyur/ /chos la nges pa'i rgyal bas de lung bstan/ /kun mkhyen mkhyen pas bsam pa thugs chud nas/ /bla na med pa'i thugs ni bskyed mdzad de/ /de bzhin mi mchog gis ni 'di lung bstan/ /bde ba 'byung ba dag gi las byas shing / /de dag sngan chad yang dang yang dran pas/ /de yi rnam smin las ni 'di ltar shes/ /de yi gzigs par sa ni 'gyur ba yin/ /rgyal bas legs gsungs tshig ni thos nas su/ /klu rgyal de ni mchog tu dga' gyur nas/ /'phags pa'i zang zing med pa'i dga' bskyed de/ /nga rgyal bcom nas sangs rgyas phyag 'tshal byed/ /de nas klu'i rgyal po gzi can gyis bcom ldan 'das la tshigs su bcad pa'i dbyangs kyis zhu ba zhus pa/ lam stor ba la lam ni rab ston cing / /'jig rten don mdzad 'dren la zhu bgyi ba/ /sngon tshe rtag tu phrin las ci mdzad na/ /ji ltar dgongs pa bzhin du zhi gnas mdzad/ /'jig rten mgon po rgyal bas de lung bstan/ /sems can klu ni gdul ba'i dus bab cing / /'gro ba thams cad la ni phan pa'i phyir/ /'dren pa bdud stobs 'joms pas lung bstan pa/ /'das pa'i dus su spyad pa spyod pa'i tshe/ /tshul bzhin ma yin sems dang gnyen min pa'i/ /nams kyang mi sems rtag tu zhi gnas bsten/ /de la ngas ni yun ring bslabs pa yin/ /de bzhin rgyal ba dag</font><hr>42.129a<br><font size=+1>

gi mchod rten la/ /phreng ba rin chen dag ni bkram zhing phul/ /de yis legs pa'i las de byas pas na/ /nyon mongs sems dang nams kyang mi gnas so/ /nga yis bskal pa stong phrag bye ba ru/ /gzhan la gnod pas nams kyang gnod ma byas/ /nga ni de yis las kyi rnam smin rgyus/ /ji ltar bsams bzhin zhi gnas sten par byed/ /drang srong che bas lung bstan 'di thos nas/ /gzi can klu ni dga' bar gyur pa na/ /gzhal du med pa'i bde bas sems dga' nas/ /ston pa'i mdun 'dug tshigs su bcad pas bstod/ /'gro ba'i kun ldang nyon mongs zhi mdzad cing / /de dag sems zhi khyod kyi bstan pa mdzad/ /thub pa nyon mongs med par 'jig rten spyod/ /zla 'od lta bur blo zhi phyag 'tshal lo/ /de nas klu'i rgyal po rnam par snang byed kyis bcom ldan 'das la tshigs su bcad pa'i dbyangs kyis zhu ba zhus pa/ sngon tshe dag tu phrin las ci mdzad na/ /thub pa khyod kyis sku la rdul mi gos/ /dpe med rnams gnon 'di dag bdag la gsungs/ /gang dag thos nas dge ba'i las spyad bgyi/ /rnam par snang byed dge ba tshol ba'i klus/ /'jig rten mgon de la ni zhus pa dang / /nyon mongs kun sel yan lag brgyad ldan zhing / /snyan cing 'jebs pa'i sgras ni lung bstan pa/ /nga yis sngon chad byang chub tshol ba na/ /nams kyang tshul bzhin ma yin ngas ma bsams/ /nams kyang rab tu nyes sems ngas ma bskyed/ /bla med byams las yang dang yang du byas/ /nga yis dge ba'i las de byas pas na/ /bla med byang chub zhi ba reg nas su/ /mi mchog rgyal ba thub pa'i sku dag dang / /na bza' la yang rdul gyi mi gos so/ /rgyal ba'i phrin las dge bsags de thos nas/ /rnam par snang byed klu ni yid dga' ste/ /sor bcu'i thal mo sbyar nas mgo bo yis/ /rgyal ba'i zhabs la mngon par phyag 'tshal byed/ /legs so rgyal ba mu byed sngon du gshegs/ /khyod kyis rgya che mtha' yas don dag mdzad/ /srid pa'i tshogs la dga' zhing sdug bsngal gyis/ /gdungs pa'i 'gro ba mtha' dag khyod kyis bkrol/ /skye</font><hr>42.129b<br><font size=+1>

bo dug gdug rig pa'i sman pa ste/ /skye bo dug bcom khyod ni gso sman lags/ /me 'bar zhi ltar rim gyis mya ngan 'da'/ /'di ltar thal sbyar mgos btud skyabs su mchi/ /de nas klu'i rgyal po bsgyings pas bcom ldan 'das la tshigs su bcad pa'i dbyangs kyis zhu ba zhus pa/ rnam 'dren dge ba'i phrin las ci mdzad na/ /zhabs ni shin tu mnyam zhing brtan pa brnyes/ /gang dag thos nas shin tu yid dga' 'thob/ /mi yi mchog gyur de dag bdag la gsungs/ /klu yi rgyal po bsgyings pas rnam par 'dren/ /'jig rten mkhas la de yis zhus pa dang / /yid du 'ong ba'i tshigs bcad sna tshogs kyis/ /klu yi rgyal po yid ni dga' bar gyur/ /nga yis tshul khrims brtul zhugs rnam par bsgrubs/ /nga yis gzhan yang tshul khrims brtul zhugs bsgoms/ /ngas ni dge ba'i las de byas pas na/ /rkang pa mnyam pa dag gis sa la reg /de tshe thams cad mkhyen pas lung bstan pa/ /rdul bral klu ni yid dga' mgu gyur nas/ /gzhal du med pa'i bde bas sems dga' ste/ /sangs rgyas rkang gnyis mchog la phyag 'tshal byed/ /legs so rgyal ba 'od mdzad rdul bcom zhing / /shin tu nyon mongs bag chags bcas pa bcom/ /zla nya'i dkyil 'khor sgra gcan gyis btang ltar/ /dgra bcom nas ni phyogs rnams rab tu gsal/ /de nas klu'i rgyal po 'od chen gyis bcom ldan 'das la tshigs su bcad pa'i dbyangs kyis zhu ba zhus pa/ lha dang bcas pa'i 'jig rten sman slad du/ /'jig rten 'das gsung 'dren la zhu bgyi ba/ /rkang gnyis dam pa sug las ci bgyis na/ /rnam 'dren gnas ma lag pa 'tshal ba 'thob/ /sngon tshe dag tu spyad pa spyod pa na/ /lus dang ngag yid dang ni sems kyis kyang / /bde ba 'byung ba'i yang dag las byas te/ /las gang byas pas nams kyang gdung mi 'gyur/ /rab tu dga' zhing dge bas brlan pa dang / /gnas ma yin pa'i lam gyod thams cad ni/ /dge bcu las kyi lam gyis rnam par sbyangs/ /gnas ma yin pa'i nyon</font><hr>42.130a<br><font size=+1>

mongs thams cad bcom/ /rnam 'dren de yis las de mdzad pas na/ /'di nas 'phos nas gzhan 'phrul dag tu gshegs/ /mi yi 'jig rten brnyes nas der 'das te/ /bla med gnas ma yin pa shes pa 'thob/ /gnas ma yin pa shes la nams kyang ni/ /bye ba khrag khrig bdud kyis bskyod mi nus/ /sems dang de bzhin nyon mongs yid grol te/ /de bzhin gshegs pas 'gro kun rab tu mkhyen/ /ston pas lung bstan pas ni 'od chen klu/ /yid ni mgu zhing shin tu dga' 'gyur te/ /gzhal du med pa'i bde bas sems dga' nas/ /yon tan pha rol gshegs la phyag 'tshal byed/ /shin tu thugs dul yid gnyis 'joms pa po/ /'dam las rgal cing skams la shin tu bzhugs/ /thub chen rgal cing 'gro ba sgrol mdzad pa/ /ji ltar nyi mas mun pa bsal nas su/ /gzugs kyi rnam pa snang zhing gsal ba ltar/ /de bzhin ston pa'i thugs ni rnam grol zhing / /sems can sdug bsngal mang gnod mthar mdzad pa/ /mig sbyin gso ba'i dpyad la phyag 'tshal lo/ /de nas klu'i rgyal po rab tu gdung byed kyis bcom ldan 'das la tshigs su bcad pa'i dbyangs kyis zhu ba zhus pa/ rgyal ba gser mdog phrin las ci mdzad na/ /dus gsum mkhyen la rab tu brtan par bzhugs/ /nam mkha' lta bur mkhyen ldan zhu bgyis pa/ /'gro ba'i 'dren pa de dag bdag la gsungs/ /thogs med mkhyen pas thugs ni ma chags shing / /som nyi gcod la the tsom sel mdzad pa/ /rgyal ba rang byung thugs kyis de'i bsam pa/ /shin tu thugs chud de ni lung bstan pa/ /rtag tu dge ba dran ldan sten byed cing / /nges pa'i las byas pas ni bde 'byung dang / /rtag tu gzhan yang shes la 'jog byed cing / /bdag nyid ji tsam shes pa ser sna med/ /mkhas pa de yis las de byas pas na/ /lus zhig nas ni gzhan 'phrul dag tu 'gro/ /'dod pa dag na spyod pa'i lha gnas dang / /thur du 'bab cing mi yi bar du 'byung / /dus gsum shes la rnam par rtse byed cing / /bdag dang de bzhin gzhan yang shes par</font><hr>42.130b<br><font size=+1>

byed/ /lpags pa srab cing blo dang ldan gyur pa/ /bde gshegs thogs pa med pas lung bstan to/ /shin tu blo ldan mchog gis bstan thos nas/ /klu chen rab tu gdung byed dga' gyur te/ /byang chub gzhal du med la rab gnas shing / /yang dag bsngags pas mi mchog rgyal ba bstod/ /dus gsum mtshan nyid gcig tu gzigs mdzad cing / /las dang rnam smin de bzhin rab tu mkhyen/ /sems can dag gi khyad par bde ba mkhyen/ /bde gshegs thams cad gtong la phyag 'tshal lo/ /de nas klu'i rgyal po stobs chen gyis bcom ldan 'das la tshigs su bcad pa'i dbyangs kyis zhu ba zhus pa/ /mi mchog mchog rab mkhyen rab mtha' yas pa/ /mgon po rdul bral thugs ni yongs su dag /bdag gi som nyi myur sol the tshom yang / /skyen par dgum phyir bde bar gshegs pas gsungs/ /ji ltar sngon tshe mi dang lha dag gis/ /sug las bgyis pa blo mkhas ji ltar 'tshal/ /ji ltar bla med byang chub mchog thob pa/ /bdag gis the tsom zhus pa myur bar gsungs/ /stobs bcu'i stobs mkhyen bdag nyid shin tu nges/ /rgyal la klu yis zhus pa myur gsung ste/ /nga yis ji ltar mi yi spyod kun dang / /dge ba'i bsam pas byang chub tshol byed cing / /ji ltar yid rab dga' bas bsgrubs pa dang / /ji ltar skye dgu sdug bsngal gyis gnod cing / /tha ma mthong la ngan 'gror ltung ba dang / /nyon mongs brgya yis mun par gyur pa shes/ /der ni sems can snying pos snying rje bskyed/ /nga yis sems can 'di dag sdug bsngal dgrol/ /thar bar 'gyur ba'i lam mchog dag tu bzhag /nga yis ngan 'gro dag gi lam ngan dgag /nga yis lam mchog zhi ba rab tu bstan/ /bde ba'i lam gyis byang chub zhi bar bkur/ /stobs bcu'i lam mchog rab tu bstan bya zhing / /yun ring mi dag gis ni don 'gyur bya/ /de ltar brtan pa des ni snying rje bskyed/ /drang srong chen pos dge tshul bsgrubs nas su/ /mgo dang mig dang de bzhin sha dag ni/ /btang nas bde gshegs lam nas</font><hr>42.131a<br><font size=+1>

dpa' bo 'gro/ /sngon gyi dus su mi yis spyad pa ni/ /de tshe rmi lam lta bur rab tu mkhyen/ /dge ba 'di dag mi yis shes pa na/ /stobs bcu mnga' la mchod pa rtsol bar byed/ /mgon la gzhal med de bzhin dad bskyed nas/ /ji ltar 'gro kun mgon du bdag 'gyur snyam/ /ji ltar skye bo phongs tshe bdag gis ni/ /stobs bcus bstan pa'i lam la gzhag par bya/ /dge ba'i rtsa ba 'di dag bsten pa na/ /'dren pa dag gis spyad la rjes su bslab/ /bskal pa bye ba khrag khrig mtha' yas su/ /lam gol song ba rnams la lam mchog bstan/ /'di ltar bdag nyid chen po'i spyad spyod na/ /mi yis sngon gyi phrin las byas pa mthong / /rmi lam lta bur byas par rnam rig cing / /de ni dran la pha rol dag la'ang ston/ /stobs bcu mnga' ba'i bka' ni thos nas su/ /stobs chen klu ni yid dga' mgu gyur nas/ /sor bcu'i thal mo spyi bor sbyar btud de/ /byang chub zhi thob bya phyir rgyal ba bstod/ /rnam par 'dren la bdag gis dad bskyed pas/ /stobs bcu'i mdzad pa dag ni bdag gis bgyi/ /skye bo lam gol 'gro zhing mun gyur rnams/ /byang chub zhi ba thob par bdag gis bgyi/ /de nas klu'i rgyal po sprin chen pos bcom ldan 'das la tshigs su bcad pa'i dbyangs kyis zhu ba zhus pa/ stobs bcu mnga' ba skye bo yongs grol mdzad/ /'dren pa rang byung la ni bdag 'di zhu/ /ji ltar ston pa'i sras kyis brtson bskyed na/ /zhi ba rdul med byang chub mchog 'thob 'gyur/ /ji ltar 'bad pa'i brtson 'grus stobs kyis su/ /bla med byang chub byang chub sems 'thob pa/ /yon tan dpag med ye shes mchog mnga' ba'i/ /drang srong chen pos sras zhus lung bstan pa/ /byang chub don du nga yis sngon spyad pa/ /ji ltar 'gro ba rnams su stobs brtson bsten/ /brtson 'grus stobs kyi byang chub ngas brnyes pa/ /de ni nga yis cung zad bshad par bya/ /'das pa'i dus su mi bdag byung ba ni/ /mi yi dbang phyug mi dbang stobs 'chang zhes/ /rin chen bdun</font><hr>42.131b<br><font size=+1>

yod bu dang ldan pa ste/ /bdag las skyes pa khri phrag brgya dag byung / /de tshe 'jig rten khams 'di'ang rgyas pa ste/ /ri bong bdag ces sangs rgyas zhing dag byung / /der ni mi mchog rang byung byung gyur pa/ /rin chen dpal zhes 'jig rten sgra rnams grags/ /mi mchog de yis nyan thos dge 'dun ni/ /sa ya phrag ni brgyad bcu dag byung ngo / /bde gshegs mchog gi rjes skyes sras tshogs ni/ /nyon mongs khro dang nga rgyal 'chang bral ba'o/ /de tshe mi mchog de yi byang chub sems/ /sa ya phrag ni brgyad bcu dag byung ste/ /rgyal ba dpag med dag la spyad ldan zhing / /'gro la phan phyir byang chub 'thob 'gyur ro/ /de na rnam par 'dren pa de yi ni/ /byang chub sems dpa' bdud bsten zhes bya byung / /drang srong chen po bdud stobs rab 'joms pa/ /de yis tshogs kyi gtso bo de byed do/ /de nas bdud stobs bsnyen par dka' zhes pa/ /lha'i bu byung nas 'dren pa rgyal ba'i mchog /de ni byang chub mchog tu gshegs pa la/ /ji ltar mi reg bya phyir bar chad byed/ /sa 'di rgya mtshor bcas pa yon tan ldan/ /de dag bud med tshogs kyis mngon sprul te/ /bzang mo yon tan rab mchog 'dzin pas bkang / /dga' ba'i tshig dang yid 'ong tshig smra zhing / /mig ni bzang la 'gros kyang ldem bag can/ /glang po'i sna ltar lag mnyam pa yi mdog /yun ring dag tu brtul zhugs 'dzin pa ste/ /nu ma sra la legs dang ldan pa yin/ /ngag tshig snyan cing pad ma 'dra ba'i mig /so yi phreng ba thags dag 'chang ba ste/ /byi ru'i mdog ltar mchu ni mdzes pa yin/ /bzhin dang 'gram pa dag ni mdzes dang ldan/ /bzhin gyi mdog ni zla ba dri med 'phrog /'dzum zhing tshig ni snyan pa gtong ba ste/ /glang mchog myos pa lta bur mdzes pa'i 'gros/ /ngo tsha shes pas blo gros ngan pa spangs/ /nu ma sra zhing tshigs kyis zin pa ste/ /ri dgas rgyal po lta bur de'i lus 'chang / /bzang mo'i lus ngos srab cing 'jam dang ldan/ /ri dgas rgyal po'i byin 'dra rtse 'gro zhing / /</font><hr>42.132a<br><font size=+1>

rkang pa mnyam la 'jol ba'i thabs su 'gro/ /'dod chags ldang bar 'gyur ba'i bu mo dag /bdud kyis sa rnams thams cad gang byas pa/ /dmar ba zung du ldan pa'i myos ma ste/ /bdud kyis bdud kyi zhags pa mdun du bstan/ /de yi 'dod pa bdud stobs thams cad dag /de tshe bskyed nas bdud bsten 'jigs byas kyang / /nag po'i rtsa lag de yis gtse ma nus/ /bar chad bya bar rab tu ma tshugs so/ /de nas shin tu mi bzad srin po ni/ /byed ba dag gis tshig rtsub smra bar byed/ /dpag tu med cing bsam yas mu med pa'i/ /lus bong mtha' yas mngon sprul tshig rtsub smra/ /mdung thung mda' bo che yis rgyob shig rgyob/ /'di yi glad pa myur du ri yis chos/ /'di yi snying la gzi brjid yod pa phrogs/ /myur du dus las 'da' zhing 'gog par gyis/ /thang cig tsam yang 'di ni srog ma sbyin/ /ji ltar 'dod pa'i yon tan de bsten na/ /bdag gi rgyal srid gnod pa med par 'gyur/ /nga yi yang dag tshig de thos nas su/ /rgyal ba'i bstan pa 'phel bar ma byed cig /de tshe bong bu'i rnam pa mngon sprul pa/ /mgo gcig pa dang mgo gnyis pa dag byung / /srin po rnams ni sgra bo che dag 'bod/ /la la mdung dang mda' bo che dag thogs/ /la la dag kyang ri ni khyer ba ste/ /la la sdang ba'i sems kyis sprul 'dzin cing / /de yi mdun du shin tu sgra dag 'byin/ /de tshe la la gnod sbyin mngon sprul te/ /lus gcig pa dang lus gnyis lag pa ni/ /gsum dag yod cing lus bzhi lag pa gcig /de tshe lus gcig mngon par sprul byas shing / /de tshe de bzhin mgo bzhi mngon par sprul/ /de nas lus gcig mngon par sprul byas te/ /de dag bong bu ra dang byi la dang / /stag gi gdong ste 'jigs par byed pa dag /so so mi 'dra ba yi skad dag 'byin/ /bong bu'i gdong ni ra yi skad 'byin cing / /ra yi gdong ni bong bu'i skad 'byin la/ /bong bu glang po'i skad dang rta skad 'byin/ /bong bu gcig gi kha nas skad kun 'byin/ /de tshe ra yi kha nas thams cad skad/ /shin tu 'jigs skad dpag tu med pa 'byin/ /gzhan yang bde gshegs bsnyen par bya ba'i phyir/ /glang po</font><hr>42.132b<br><font size=+1>

kha nas tshig rtsub dpag med 'byin/ /de tshe glang po bong bu'i skad 'byin cing / /de bzhin rta dang de bzhin glang po dag /rnam pa mtha' yas skad dag 'byin byed kyang / /bde gshegs ba spu'i khung bu'ang ma g.yos so/ /rta ni glang po'i skad dag 'byin byed cing / /de bzhin spre'u ni rta yi skad dag 'byin/ /spre'u yi kha nas mtha' yas skad 'byin kyang / /bde gshegs ba spu'i khung yang g.yos ma gyur/ /ri dgas rgyal po wa yi skad 'byin cing / /bong bu'i phyugs dang bya byi rta skad 'byin/ /de tshe rnam 'dren gtse bar ma nus shing / /ba spu'i khung bu'ang g.yos par ma gyur to/ /de tshe stag ni phag gi skad 'byin cing / /de tshe phyugs dang bya ni sbrul skad 'byin/ /rnam 'dren de ni gtse bar ma nus shing / /bar chad bya ba dag tu'ang ma tshugs so/ /ri dgas khyu mchog seng ge'i skad 'byin cing / /byi la wa ni phag gi skad 'byin la/ /ma he dag ni stag gi skad 'byin kyang / /'jig rten mkhas pa bar chad bya ma nus/ /de bzhin phyugs kyi kha nas mtha' yas pa/ /rnam pa bye ba sems can skad 'byin kyang / /rnam 'dren de ni gtse bar ma nus shing / /bar chad bya ba dag tu'ang ma tshugs so/ /stag ni ri dgas khyu mchog skad 'byin cing / /de bzhin bong bu'i skad dang rta yi skad/ /de tshe dom ni seng ge'i skad 'byin kyang / /'jig rten phan mdzad ba spu'i khung ma g.yos/ /dred ni nam mkha' lding gi skad 'byin cing / /de tshe de bzhin glang po rta skad 'byin/ /rnam 'dren de ni gtse bar ma nus shing / /bar chad bya ba dag tu'ang ma tshugs so/ /nam mkha' lding ni khu byug skad 'byin cing / /de bzhin ne tso phyugs bzhon skad 'byin la/ /ne tso'i skad ni yang dag skad 'byin byed/ /shang shang te'u'i skad rnams 'byin par byed/ /de tshe ka la ping ka'i yang dag skad/ /de tshe mtshan mo gang la zhe sa'i skad/ /de tshe nyams su dga' ba rma bya'i skad/ /de bzhin tsan tsa'i skad dang shugs kyi skad/ /phyugs bzhon zhe sa'i skad dag 'byin par byed/ /de tshe ka la ping ka yid 'ong dga'/ /ko ka'i tshig rtsub dag ni 'byin byed kyang / /rgyal ba'i thugs ni gzhan du ma gyur to/ /sbrul ni glang</font><hr>42.133a<br><font size=+1>

po'i skad dag 'byin byed cing / /de bzhin glang po sbrul gyi skad 'byin kyang / /rnam 'dren de la gtse bar ma nus shing / /bar chad bya ba dag tu'ang ma tshugs so/ /de tshe ngang pa seng ge'i skad 'byin cing / /de bzhin khyim bya khra yi skad 'byin kyang / /rnam 'dren de la gtse bar ma nus shing / /bar chad bya ba dag tu'ang ma tshugs so/ /rta ni dre'u yi skad dag 'byin byed cing / /de bzhin tsan tsa go bo'i skad 'byin kyang / /rnam 'dren de la gtse bar ma nus shing / /bar chad bya ba dag tu'ang ma tshugs so/ /glang po 'ug pa tsan tsa'i skad 'byin cing / /bya dang khyu mchog skad 'byin khrung khrung skad/ /de tshe bya rgod 'dzim+ha'i skad 'byin cing / /bya dang khyu mchog b+he ri'i skad 'byin la/ /ngang pa'i kha nas skad rnams thams cad 'byin/ /de bzhin khu byug gnod sbyin kun gyi skad/ /de tshe grul bum thams cad skad 'byin cing / /de bzhin kha gcig nas ni skad kun 'byin/ /kha yi rnam pa de las de skad 'byin/ /skad cig tu ni mtha' yas skad 'byin kyang / /rnam 'dren de la gtse bar ma nus shing / /bar chad byed pa dag tu'ang ma tshugs so/ /klu yi kha nas rdo yi char 'bebs shing / /de bzhin mtshon cha drag po'i char 'bebs kyang / /rnam 'dren de la gtse bar ma nus shing / /bar chad byed pa dag tu'ang ma tshugs so/ /gnod sbyin kha nas rdo yis char 'bebs shing / /de bzhin me rab 'bar ba'i char 'bebs la/ /de bzhin ri dang phyag dar char 'bebs kyang / /bde gshegs bar chad bya bar ma nus so/ /grul bum mda' yi char dang de bzhin du/ /me 'bar dang ni mtshon cha'i char 'bebs kyang / /rnam 'dren de la gtse bar ma nus shing / /bar chad byed pa dag tu'ang ma tshugs so/ /de tshe bdud ni sdig can de yis su/ /shin tu mi bzad rnam pas gtses byas kyang / /brtson 'grus dpag med stobs ni bskyed nas su/ /bdud stobs sten pa byang chub rtogs par chud/ /rang byung gis ni bdud sde dpa' bkong zhing / /ljon mchog drung du skyil mo dbyer med bcas/ /sbun pa rlung gis phyar ltar bcom nas su/ /byang chub mchog reg skye dgu thugs su chud/ /</font><hr>42.133b<br><font size=+1>

de tshe sa ni rnam drug rab g.yos shing / /bsnyen par dka' ba'i sde de phyogs 'tshol to/ /rlung gi rgyal pos bya ni khyer ba ltar/ /bde bar gshegs pa'i gzi yis rnam par bcom/ /klu dang gnod sbyin srin po de dag gis/ /de tshe sna tshogs gdong ni mngon par sprul/ /de dag bdud bsten pa yi gzi brjid kyis/ /kha na byed pa yod pa de dag bcom/ /ji ltar nga yis bdud kyi bu mo bcom/ /bud med 'di dag bdag gis der rgas nas/ /de bzhin bdud stobs bsnyen dka' rang gis sprul/ /bdud stobs bsten pa'i mthu yis bcom par gyur/ /bde gshegs mchog la lha yis bu sprul bkang / /'jig rten rnam par 'dren pas zil gyis mnan/ /lha yi bu mo khri phrag brgyad bcu kun/ /bdud bsten pas ni byang chub dag la btsud/ /rnam par btul cing byang chub mi g.yo gnas/ /de tshe bsnyen par dka' ba sdug bsngal gyur/ /de yi tshe na bdud bsten byung nas su/ /'gro ba de dag bdag gis grol bar byas/ /de ltar nga yis brtson 'grus bskyed pas su/ /de tshe thub par dka' ba'i bdud las rgyal/ /rdul bral zhi mchog byang chub tshol ba na/ /nga yis sras kyis de ltar slab par bya/ /sems can bye ba mang po'i don bya zhing / /nams kyang bdag gi phyir ni bde mi bya/ /ji ltar mgo la me 'bar gzhan mi sems/ /skyes bus zhi bya lta bur brtson 'grus bskyed/ /de ltar zhi ba mchog dag tshol ba na/ /yid kyis yid kyis rnam par bsam par byos/ /de nas klu'i rgyal po zla ba chen pos bcom ldan 'das la tshigs su bcad pa'i dbyangs kyis zhu ba zhus pa/ mi dang lha yi ston pa kha lo bsgyur/ /lha dang bcas pa 'gro 'di'i 'dren pa ste/ /ji ltar bde gshegs bdag 'khrungs dran ldan pa/ /bla med byang chub thob pa bdag gis zhu/ /'dren pa thub pas 'dir ni srid las rgyal/ /ji ltar 'dren pa bde gshegs bdag la 'khrungs/ /bdud ni rmongs mdzad mya ngan 'das reg pa/ /rgyal ba gang zag mchog gis lung bstan pa/ /dran pa nye bar gzhag la dran bsdams na/ /nyes bcas 'khor ba'i 'gro ba 'gag par 'gyur/ /</font><hr>42.134a<br><font size=+1>

skye bo mi mkhas gang la chags gyur pa/ /bde ba rab tu mi shes sdug bsngal reg /dran pa nyams pa 'khor ba de dang der/ /mi 'khor ba yi sdug bsngal rjes su dran/ /rmongs pa de ni thar pa'i 'gro mi shes/ /nyon mongs bdud kyi spyod yul dag la dga'/ /log pa rnam par nyams pa'i yid kyis su/ /mi rtag rtag dang sdug bsngal bde ba dang / /bdag med bdag dang mi gtsang gtsang 'dzin pa/ /nyon mongs bdud kyi yul las mi 'grol lo/ /rab nyams de dag gis ni 'gro ba shes/ /dran pa nyer gzhag lam ni rab tu shes/ /spyad pa spyod tshe 'gro la phan pa'i phyir/ /byang chub byed pa'i dran pa nye bar gzhag /dran pa nye bar gzhag pa klus thos nas/ /byang chub gzhal du med la 'dun pa bskyed/ /klu chen zla bas mi 'dul kha lo sgyur/ /dran pa nye bar gzhag pa rgyal la bstod/ /dran pa nyams pa'i 'gro ba 'dren pa lags/ /dran stobs shin tu gnas la phyag 'tshal lo/ /byang chub gzhal du med par 'dun pa bskyed/ /dran pa nyams pa med pa'i 'gro ba bstan/ /byang chub gzhal du med la 'dun pa bskyed/ /byang chub dran ldan gnas la reg par bgyi/ /bdud stobs bdud dpung bcas gzhom spang bya zhing / /bdud kyis dam du bcings pa'i sems can dgrol/ /rgyal ba dran pa nye bar gzhag pa mkhyen/ /klu de'i bsam pa thugs su chud nas su/ /sems can phan phyir klu chen zla ba ni/ /'dren pas gzhal med byang chub lung bstan pa/ /sngon gyi sangs rgyas bye ba brgyad bcu la/ /klu bdag de yis sngon ni bsnyen bkur byas/ /'di nas phyis ni sangs rgyas bye ba bcu/ /byang chub zhi ba tshol tshe mchod pa byed/ /phyi nas de ni gzhal med byang chub reg /rgyal ba'i mtshan ni zla bzang zhes bya ste/ /bdud kyi stobs ni shin tu stobs nyams byed/ /bdud kyi stobs ni rgyal ba'i stobs byed 'gyur/ /sangs rgyas kyis ni legs gsungs 'di thos nas/ /klu ni bye ba byang chub mchog la gnas/ /sngon med byang chub la ni yid zhugs te/ /sangs rgyas legs par gsungs</font><hr>42.134b<br><font size=+1>

la'ang mngon par dga'/ /de nas klu'i rgyal po tshogs byed kyis bcom ldan 'das la tshigs su bcad pa'i dbyangs kyis zhu ba zhus pa/ rgyal ba nyid 'khrungs yang dag 'du gyur pa/ /ma 'khrul sems kyis spyad pa spyod pa na/ /bdud kyi stobs bcas dpung bcas bcom nas su/ /bla med byang chub zhi ba ji ltar 'thob/ /bde ba'i sems ni g.yo bar mi bya zhing / /nyon mongs bdud kyis stobs ni rnam par spang / /mnyam gzhag rgyal ba'i spyad pa spyod byed pa/ /de ni myur du byang chub zhi 'thob 'gyur/ /lung bstan pas ni klu de dga' gyur nas/ /rgyal ba'i byang chub la ni yid 'jug cing / /mnyam gzhag bdud kyi spyod yul las ni 'byung / /'dren la bsam gtan tshul gyis mngon bstod pa/ /spyod yul dang ni spyod yul ma yin mkhyen/ /gang dag 'jig rten 'dren pa khyod kyis bslabs/ /'gro ba de dag bdud kyi spyod las thar/ /chags med thugs kyis dgongs la phyag 'tshal lo/ /de ring slan chad rgyal ba'i spyod yul la/ /spyad par bgyi zhing bdud kyi spyod yul spang / /bdud kyi spyod yul las ni 'gro ba dgrol/ /bde gshegs spyod yul la ni yang dag dgod/ /gang zag mchog gis klu yi bdag po yis/ /bsam pa mkhyen nas byang chub lung bstan pa/ /gang dag nyon mongs bdud kyi yul la brten/ /bye ba tham pa'i klu ni yang dag gnas/ /de nas klu'i rgyal po shugs 'chang gis bcom ldan 'das la tshigs su bcad pa'i dbyangs kyis zhu ba zhus pa/ mi dag 'di ru shes rab la spyod pa/ /'dod la chags med spyad pa spyod pa'i tshe/ /bdud kyi stobs bcus dpung bcas bcom nas su/ /byang chub gzhal med nyes med ji ltar 'thob/ /'gro kun sgyu ma 'dra bar rnam shes pa/ /de ni bdud kyi zhags pas 'ching mi byed/ /'gro ba 'di dag bdud kyis bcings mthong nas/ /snying rje bskyed de dka' thub mchog la spyod/ /ston pa'i gsung gis klu de dga' gyur nas/ /gzhal du med pa'i dga' bas sems rangs te/ /rgyal ba thub la mkhyen pas bstod nas su/ /byang chub gzhol ba</font><hr>42.135a<br><font size=+1>

la ni yid bskyod do/ /klu yi bdag po'i bsam pa thugs chud nas/ /'dren pas byang chub mchog la lung bstan to/ /klu ni bye ba byang chub mchog la gnas/ /'jig rten mkhas pas byang chub de lung bstan/ /de nas klu'i rgyal po nyi ma'i snying pos bcom ldan 'das la tshigs su bcad pa'i dbyangs kyis zhu ba zhus pa/ 'dren pa thabs la mkhas pa bdag la gsungs/ /thabs gang gis ni spyod pa spyad bgyis na/ /byang chub sems dpa' byang chub las mi ldog /mi mchog 'di dag bdag la bka' stsol cig /ji ltar yid ni rab tu mi ldog pa/ /bde gshegs gang zag mchog ni khyod las su/ /gang dag thos nas thabs mkhas mnyam par rtsom/ /spyad pa spyod pa rnams ni skyo mi 'gyur/ /'gro ba mi mkhas lam ngan zhugs pa yi/ /'gro ba rnam par nyams la snying rje bskyed/ /'gro la phan phyir rdzogs pa'i sangs rgyas chos/ /bdag nyid yongs su btang ste tshol bar byed/ /chos rnams kyi ni ngo bo shes pa na/ /bdag nyid gtong la zhum par mi 'gyur ro/ /chos ni g.yo ba med par shes pa na/ /de bzhin sems can rnams la rab tu ston/ /chung ma bu dang bu mo bdag nyid kyi/ /mgo yang yongs su gtong la mi zhum mo/ /de ni gang du'ang gnas par mi 'jug ste/ /bdag med 'du shes kyis ni yid la gnas/ /de ni phung po bdag med rab tu ston/ /zang zing med pa'i bde ba'i mchog 'thob bo/ /de tshe sems can bye ba dpag med dag /smin par byed la dga' zhing zhum pa med/ /ston pa'i gsung gis klu de mgu gyur nas/ /sangs rgyas la ni snying nas skyabs song zhing / /byang chub gzhol la yid ni bskyed pa dang / /'jig rten mkhas pas byang chub de lung bstan/ /de nas klu'i rgyal po gzung bar dga' bas bcom ldan 'das la tshigs su bcad pa'i dbyangs kyis zhu ba zhus pa/ bde gshegs khyod sras ji ltar spyad bgyis na/ /sangs rgyas byang chub bde bas sgrub par bgyid/ /ji ltar thub pa gshegs ltar myur du mchi/ /dpag med gshegs pa de dag bdag la gsungs/ /rgyal ba mi mchog rang byung mkhyen pas su/ /byang chub nges</font><hr>42.135b<br><font size=+1>

la de ni lung bstan pa/ /ji ltar rigs su byang chub spyod pa na/ /nams kyang 'gro ba'i sdug bsngal rnams mi reg /byams pa'i stobs kyis phan par spyod pa na/ /byams pa'i sems ni gar yang mi rmongs so/ /byams pa la ni sdug bsngal mi 'byung zhing / /nyes pa rab zhi spyod pa mi g.yo'o/ /spyod tshe sems can kun la rab tu ston/ /byams pa bsgoms shig gar yang ma g.yo shig /rab tu zhi ba'i yid kyis nyes pa chom/ /sems can rnams la phan phyir zhi ba btsal/ /de yis legs pa'i las de byas pas na/ /spyad pa spyod tshe sdug bsngal mi 'thob cing / /gzhal med byang chub myur du gso bar byed/ /de yi 'khor ni thams cad 'thun par 'gyur/ /ston pa'i gsung gis klu de dga' gyur nas/ /shin tu zhi ba'i yid kyis nyes pa spangs/ /byams pa'i sems kyis nyes pa rnam par btul/ /byang chub gzhol ba la ni yid bskyed do/ /rgyal ba snga phyi mkhas pas de'i bsam pa/ /rab tu dang ba'i yid kyis nyon mongs btul/ /yongs su dag la shin tu gnas mkhyen nas/ /byang chub mchog la klu ni lung bstan pa/ /bskal pa bye ba khrag khrig brgyad bcu ru/ /byams pa bsten nas ma 'ongs dus su ni/ /rgyal ba thugs dag zhes bya dbang po btul/ /lha dang mi dag gis ni mchod par 'gyur/ /mchog tu dga' ba rab tu mgu sems kyis/ /rgyal ba'i zhabs la mgo bos phyag 'tshal te/ /tshigs su bcad pa 'di yi rgyal ba bstod/ /rab tu thugs dag nongs pa shin tu btul/ /gti mug rnam par bcom zhing bdud las rgyal/ /sems can kun la phan pa'i thugs rje can/ /nyes pa'i dug spangs khyod la phyag 'tshal lo/ /de nas klu'i rgyal po thams cad rgyags pas bcom ldan 'das la tshigs su bcad pa'i dbyangs kyis zhu ba zhus pa/ spyad pa spyod pa'i tshe na thabs gang gis/ /bdud kyi spyod yul dbang du mi 'gyur zhing / /sangs rgyas thams cad kyis ni bsrungs 'gyur ba/ /bde gshegs thub chen sangs rgyas la zhu'o/ /rgyal bas de yi bsam pa mkhyen pa na/ /chags med ye shes kun tu spyan mnga' ba/ /bsod nams brgya mtshan phan pa'i thugs rje</font><hr>42.136a<br><font size=+1>

can/ /sangs rgyas stobs la mkhas pas lung bstan pa/ /rtag tu de ni dran pa nyer gzhag na/ /nyon mongs bdud kyi dbang du bya ba med/ /rtag tu rnam dag sems kyis dran spyod na/ /des na bdud kyi dbang du de mi 'khrid/ /rgyal bas legs gsung tshig de thos nas su/ /ston pa'i gsung gis klu de dga' gyur nas/ /rab tu sems dang tshig ni gtsang ba dang / /ma smad pa yis bde gshegs mngon par bstod/ /srid pa'i skye la rgyal ba thugs brtse ldan/ /sems can lam ngan rab zhugs gzigs nas su/ /the tsom sel cing yongs su dgyes thugs kyis/ /rgyal bas bstan pa'i lam la sems can rnams/ /khyod kyis legs gsungs tshig ni thos nas su/ /rgyal ba'i chos btsal spyod pa spyad par bgyi/ /bdud kyi stobs bcas dpung bcas bcom nas su/ /sdug bsngal chos grol sangs rgyas 'gyur bar bgyi/ /de nas klu'i rgyal po char chen po spyod pa zhes bya bas bcom ldan 'das la tshigs su bcad pa'i dbyangs kyis zhu ba zhus pa/ skye dgu dag la byams thugs skyabs kyi mchog /kun du spyan mnga' rgyal mchog thugs rje can/ /rdul bral byang chub la ni ji ltar spyad/ /stobs bcu ye shes phung po khyod la zhu/ /'jig rten mgon po bdag gi the tshom khum/ /'gro ba kun gyi bsam pa rnam par mkhyen/ /bde bar gshegs pas klu de dga' gyur nas/ /rang sems shes par bya phyir brtson 'grus brtan/ /ji ltar bde bar gshegs pas bstan ltar bslabs/ /rang sems shes par bya phyir nges par gyur/ /rgyal bas bstan pa'i lam ni thos nas 'dug /yongs su mgu ba'i yid kyis the tsom bsal/ /dga' bas sa la pus mo btsugs nas su/ /rnam 'dren 'jig rten phan mdzad mngon bstod pa/ /nyon mongs thams cad bsal ba bla na med/ /khyod 'dra ma mchis gong na ga la mchis/ /ma smad sems can yid ni dga' bar mdzad/ /bde gshegs byang chub mi zad phyag 'tshal lo/ /de nas bcom ldan 'das kyis klu'i rgyal po de dag thams cad kyi bsam pa mkhyen/ las kyang mkhyen/ smon</font><hr>42.136b<br><font size=+1>

lam dag kyang mkhyen te/ lha dang mi dang lha ma yin du bcas pa'i 'jig rten gyi don chen po mdzad nas/ dge slong rnams la bka' stsal pa/ dge slong dag ltos shig /klu'i rgyal po rnams kyis de bzhin gshegs pa las 'dul ba thos nas/ 'dul ba'i rtags dag ston par byed/ rjes su chags pa'i rtags dag ston par byed/ rjes su 'dzin pa'i rtags dag ston par byed/ 'dren pa'i rtags dag ston par byed/ rnam par 'dren pa'i rtags dag ston par byed/ mur byed pa'i rtags dag ston par byed de/ 'di lta ste/ lhag pa'i bsam pas bla na med pa yang dag par rdzogs pa'i byang chub tu sems bskyed do/ /klu'i rgyal po de dag thams cad kyang / sems can rnams kyi don byas nas bla na med pa yang dag par rdzogs pa'i sangs rgyas kyi theg pas yongs su mya ngan las 'da'o/ /de nas tshe dang ldan pa maud gal gyi bu chen pos/ bcom ldan 'das la 'di skad ces gsol to/ /'di ltar de bzhin gshegs pas sems can rnams kyi las kyi rnam par smin pa mkhyen pa yang dag pa ji lta ba bzhin rab tu mkhyen pa nas/ bcom ldan 'das rdzu 'phrul chen po'i bar dang / bcom ldan 'das gzi brjid chen po'i bar dag ngo mtshar che lags so/ /bcom ldan 'das phrin las rnam par smin pa gang gis bcom ldan 'das gnas mkhyen pa grub lags/ bcom ldan 'das sems can thams cad la thugs brtse bar dgongs te lung bstan du gsol/ ji ltar bcom ldan 'das kyis lung bstan pa thos nas byang chub sems dpa' sems dpa' chen po bla na med pa yang dag par rdzogs pa'i byang chub kyi spyad pa spyod pa na/ rab tu dga' zhing dga' ba dang / yid bde ba skyes pas spyad pa spyod par 'gyur lags so/ /de skad ces gsol pa dang / bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu legs so legs so/ /maud gal gyi bu khyod gang de bzhin gshegs pa la don 'di yongs su zhu bar sems pa ni maud gal gyi bu khyod skye bo mang po la phan pa dang / skye bo mang po la bde ba dang / 'jig rten la snying brtse</font><hr>42.137a<br><font size=+1>

ba dang / skye bo'i tshogs mang po'i don dang phan pa dang bde ba'i phyir zhugs te/ khyod de bzhin gshegs pa la don 'di yongs su zhu bar sems pa ni legs so/ /maud gal gyi bu de'i phyir legs par rab tu nyon la yid la zung cig dang ngas bshad do/ /tshe dang ldan pa maud gal gyi bu chen pos bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /maud gal gyi bu nga gnas shes par bya ba'i don du 'das pa'i dus kyi byang chub sems dpa'i spyad pa spyod pa'i tshe/ de bzhin gshegs pa dpag tu med pa dag la bsnyen bkur byas te yongs su zhus so/ /dge ba'i rtsa ba bskyed pa de dag gi rnam grangs des na maud gal gyi bu khyod kyis 'di ltar rig par bya ste/ maud gal gyi bu sngon byung ba 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas me tog 'dzin ces bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba/ kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ de bzhin gshegs pa dgra bcom pa yang dag par rdzogs pa'i sangs rgyas me tog 'dzin de'i nyan thos kyi dge 'dun bye ba phrag dgu bcu rtsa drug byung ngo / /de'i tshe bram ze ud pa la'i mig ces bya ba shing sa la chen po lta bu zhig kyang byung ste/ de bcom ldan 'das de bzhin gshegs pa me tog 'dzin nyan thos kyis dge 'dun dang bcas pa de la gtsug lag khang dbul ba phul nas smon lam btab pa/ bdag gis bcom ldan 'das nyan thos kyi dge 'dun dang bcas pa'i gnas bgyi ba'i dge ba'i rtsa ba 'dis/ bcom ldan 'das bdag gnas shes pa thob par gyur cig /de nas de bzhin gshegs pa me tog 'dzin pa des nga la legs so zhes bya ba rjes su gnang ste/ ud pa la'i mig legs so legs so/ /dge ba'i rtsa ba 'dis ud pa la'i mig khyod ma 'ongs pa'i dus na/ gnas shes pa 'thob par 'gyur ro/ /</font><hr>42.137b<br><font size=+1>

dge ba'i rtsa ba des nga gnas shes pa thob bo/ /de nas bcom ldan 'das kyis de'i tshe tshigs su bcad pa 'di dag gsungs so/ /bsam gtan pa yi gnas byas shing / /gtsug lag khang ni phul ba yi/ /dge ba'i rtsa ba de yis na/ /ngas ni gnas kyi shes pa bsgrubs/ /ngas dge ba'i rtsa ba de bskyed nas/ 'di ltar sems bskyed de sems can gang dag phyogs bcu'i 'jig rten na gnas shes pa dang yang dag par ldan pa'i dge ba'i rtsa ba mngon par 'du byed pa de dag thams cad kyi bsod nams la rjes su yi rang ste ngas rjes su yi rang ba'i bsod nams de yang bla na med pa yang dag par rdzogs pa'i byang chub tu yongs su bsngos so/ /dge ba'i rtsa ba des nga gnas shes pa dang / kun 'byung ba shes pa 'grub bo/ /de nas bcom ldan 'das kyis de'i tshe tshigs su bcad pa 'di dag gsungs so/ /gnas ni shes par bya ba'i phyir/ /gang dag g.yel ba med spyod pa/ /de yi spyod la rjes yi rang / /nga'i sems rnam par ma g.yos shing / /dge la rjes su yi rang ste/ /mi dbang de yi spyod pa la/ /bsam pas rjes su yi rang nas/ /ngas ni de ltar kun 'byung grub/ /nga rtag par rgyun du khams gsum la ma chags pa'i yid kyis dge ba'i rtsa ba mngon par 'dus byas pa de dag la rjes su yi rang ste/ de dag gi rnam par smin pa la the tsom med pa'i dge ba'i rtsa ba des nga gnas shes pa 'gog pa shes pa thugs su chud do/ /lam de yang brtson 'grus brtsams pas thugs su chud kyi le los ni ma yin te/ dge ba'i rtsa ba des nga gnas shes pa 'gog par 'gyur ba'i lam shes pa thugs su chud do/ /de nas bcom ldan 'das kyis de'i tshe tshigs su bcad pa 'di dag gsungs so/ /gnas dang kun 'byung shes pa dang / /de bzhin 'gog pa dag la yang / /lam gang gis ni de 'thob pa/ /rkang gnyis mchog ni de mkhyen to/ /shes pa de dang ldan pa yi/ /byang chub sems dpa' 'jigs med pa/ /'jig rten kun la phan pa'i phyir/ /'dren pas de ni grol bar byed/ /maud gal gyi bu nga gnas ma yin pa shes par bya ba'i don du dge ba'i rtsa ba dpag tu med pa dag bskyed de/ maud gal gyi bu sngon</font><hr>42.138a<br><font size=+1>

byung ba 'das pa'i dus 'khor ba dpag tu med pa na/ de bzhin gshegs pa mi gnas par spyod pa zhes bya ba ston pa 'jig rten du byung ste/ de bzhin gshegs pa mi gnas par spyod pa de'i nyan thos 'dus pa gcig ni drug khri brgyad stong byung ngo / /de'i tshe na khyim bdag thos spyod zhes bya ba zhig kyang byung ste/ des de bzhin gshegs pa mi gnas par spyod pa de'i yo byad thams cad sbyar nas smon lam 'di skad btab bo/ /bdag dge ba'i rtsa ba 'dis mi gnas pa'i chos thob par gyur cig ces btab ste/ de'i rgyur byas pa'i chos gang la yang smon lam ma btab bo/ /dge ba'i rtsa ba mngon par 'dus byas pa des nga srid pa dang / 'gro ba dang / 'chi ba dang / skye ba thams cad la gang gi gzhi'i gnas ldog pa ni nga la med de/ dge ba'i rtsa ba des nga gnas ma yin pa shes pa thugs su chud do/ /de nas bcom ldan 'das kyis de'i tshe tshigs su bcad pa 'di dag gsungs so/ /rten pa med pa'i sems kyis su/ /tshul khrims bzod pa'i stobs la brten/ /gang gis 'gro ba spungs byas pa/ /gnas ma yin gyi shes pa thob/ /ngas sems can dpag tu med pa dag gnas ma yin pa shes pa la btsud cing dge ba'i rtsa ba yang bskyed la/ nga dge ba'i rtsa ba de dag la yang gus par rjes su yi rang ste/ dge ba'i rtsa ba des nga gnas ma yin pa shes pa dang / kun 'byung ba shes pa mngon par grub bo/ /dge ba'i rtsa ba de dag kyang ngas bla na med pa yang dag par rdzogs pa'i byang chub ma gtogs par phung po dag mngon par 'grub par byed pa gar yang ma bsngos so/ /dge ba'i rtsa ba des nga gnas ma yin pa shes pa 'gog pa shes pa mngon par grub bo/ /nga lam gyi shes pa 'di bsgrub pa'i don du 'di lta ste/ dge ba'i rtsa ba dpag tu med pa dag mngon par 'dus byas pa ni maud gal gyi bu sngon byung ba 'das pa'i dus 'khor ba dpag tu med pa na de bzhin gshegs pa zug rngu 'byin ces bya ba 'jig rten du byung ste/ de'i nyan thos 'bum tshang bar byung ngo / /de'i tshe dbang pos byin zhes bya ba bram ze shing sA la chen po lta bu zhig kyang byung ste de de bzhin gshegs pa zug rngu 'byin pa nyan thos kyi dge 'dun</font><hr>42.138b<br><font size=+1>

dang bcas pa'i yo byad thams cad lo khrir sbyar to/ /maud gal gyi bu de'i tshe de'i dus na dbang pos byin zhes bya ba bram ze shing sA la chen po lta bur gyur pa de gzhan yin par sems na khyod kyis de ltar mi blta ste/ de'i tshe de'i dus na nga bram ze dbang pos byin zhes bya ba shing sA la chen po lta bur gyur to/ /maud gal gyi bu chen po de lta bas na/ gnas ma yin pa shes pa 'gog par 'gyur ba'i lam shes par 'dod pa'i byang chub sems dpas dge ba mngon par 'dus byas te/ bag yod pas gnas ma yin pa shes pa 'gog par 'gyur ba'i lam shes par yongs su bsngo bar bya'o/ /maud gal gyi bu gzhan yang de bzhin gshegs pas sngon byang chub sems dpa'i spyad pa spyod pa na/ lhag pa'i tshul khrims kyi bslab pa yang dag par blang ba la kun tu bsten cing bsgoms te mang du mdzad do/ /de las kyi rnam par smin pa des zhabs shin tu brtan par gnas te/ sku la skyes bu chen po'i mtshan mnga' bar gyur/ phyag bzang zhing dpe byad mnga' bar gyur cing gnas ma yin pa shes pa'ang brnyes so/ /lhag pa'i tshul khrims kyi bslab pa yang dag par blang ba de la skye bo mang po yang dag par 'dzin du bcug ste/ dge ba'i rtsa ba des nga gnas ma yin pa shes pa kun 'byung ba brnyes so/ / bam po bcu gsum pa/ ngas lhag pa'i tshul khrims kyi bslab pa yang dag par blang ba de'i bsngags pa brjod de/ de'i las kyi rnam par smin pa des nga gnas ma yin pa shes pa 'gog pa shes pa brnyes so/ /lhag pa'i tshul khrims kyi bslab pa yang dag par blang ba de la ngas skye bo'i tshogs mang po rab tu bkod de/ las kyi rnam par smin pa des nga gnas ma yin pa shes pa 'gog par 'gyur ba'i lam shes pa brnyes so/ /ngas phyir mi 'phrogs pa yang thugs su chud de/ maud gal gyi bu nga sngon byang chub sems dpa'i spyad pa spyod pa na dam bcas pa las nam yang 'gal bar ma byas te/ ngas ji ltar dam bcas pa de ltar byas so/ /maud gal gyi bu sngon byung ba 'das pa'i dus de'i pha rol gyi yang ches pha rol na rgyal po dpal gyi snying po zhes bya ba gdugs gcig pa/ sa rnams kyi dbang</font><hr>42.139a<br><font size=+1>

phyug sbyin pa po/ sbyin bdag dam bcas par don yod par byed pa/ dam bcas pa las mi 'da' ba zhig byung ngo / /de'i tshe bram ze tshangs pa'i lha zhes bya ba zhig rgyal po dpal gyi snying po ga la ba der song ste phyin nas rgyal ba zhes brjod de/ tshigs su bcad pa'i dbyangs kyis blangs pa/ sa dbang dpal gyi snying po rgyal bar spyon/ /yon tan ldan pas rgya mtsho sar bcas skyongs/ /bdag gi mchis brang du ni sras mo stsol/ /bdag slong 'bras bu yod par rgyal pos mdzod/ /bram ze de dka' thub spyod pa yin te/ bdag lus shin tu skem la skra ser/ so mi sdug cing dkar la gtsigs pa/ shel gyi mig la blta na mi zad cing / ral pa'i thor tshugs can de mthong nas/ rgyal po de 'jigs shing skrag la mi dga' ste/ ba spu'i khung bu zing zhes byed par gyur pa nas/ 'jigs par sems pa'i rjes su zhugs pa'i bar du gyur te/ gal te bu mo 'di ma byin na de bdag la dmod pa byed par 'gyur/ gzhan yang bdag gis sems can thams cad la bkur sti bya ba yin te/ bdag gis dam bcas pa dang yang 'gal bar 'gyur ro snyam mo/ /bu mo de yul gyi bzang mo zhes bya ste/ gzugs bzang zhing mdzes la lta na sdug pa/ rgyal po'i khyad par du 'phags pa'i tshul thams cad dang ldan pa zhig byung bar gyur to/ /de 'di snyam du sems te/ bdag gis sems can thams cad kyi bsam pa yongs su rdzogs par bya bar de ltar bdag gis dam bcas na/ drang srong 'di ni gzugs mi sdug la/ bdag gi bu mo 'di ni mchog tu gzugs bzang ba yin te/ 'di ltar de'i bdag por mi dga' bar 'gyur bas dam bcas pa gzhig par bya'o snyam ste/ de sems pa 'di la zhugs nas sems khong du chud cing 'dug go/ /de nas bu mo yul gyi bzang mo des/ pha de la tshigs su bcad de smras pa/ yab cig dgongs shing shin tu dgongs par mdzad/ /bram ze'i tshig las 'gal bar ma mdzad cig /'di 'dra'i las kyis bdag bskyed yab yum la'ang / /dbang mi mnga' bas khyim thab de stsol cig /de nas rgyal po dpal gyi snying po bu mo de'i</font><hr>42.139b<br><font size=+1>

tshig thos nas mgu zhing dga' la yi rangs te/ rab tu dga' zhing bde ba dang yid bde ba skyes nas/ bu mo yul gyi bzang mo de bram ze de la byin no/ /de nas bram ze des bu mo de blangs nas song ste/ bu bskyed nas chung ma dang bu bzhag ste yang rab tu byung ngo / /rgyal po des bram ze de'i bsam pa yongs su rdzogs par byas pa'i dge ba'i rtsa ba des gzhan 'phrul dbang byed kyi lha rnams dang brtul zhugs 'dra bar skyes te/ de 'dod pa na spyod pa'i lha'i ris drug gi tshe'i tshad yongs su rdzogs par byas nas mir skyes pa na phyir mi 'phrogs pa'i chos thams cad thob bo/ /maud gal gyi bu de'i tshe de'i dus na/ rgyal po dpal gyi snying po zhes bya ba de gzhan ma yin te/ nga de'i tshe de'i dus na rgyal po dpal gyi snying po zhes bya bar gyur to/ /dge ba'i rtsa ba des nga gnas ma yin pa shes pa thob cing bdud kyi zhags pa thams cad kyis kyang phyir mi 'phrogs so/ /maud gal gyi bu des na nga byang chub sems dpa'i spyad pa spyod pa na/ sems can dpag tu med pa dge ba'i rtsa ba 'di yang dag par 'dzin du bcug pa'i dge ba'i rtsa ba des/ nga gnas ma yin pa shes pa kun 'byung ba shes pa thob cing / dge ba'i rtsa ba 'di'i rnam par smin pa la the tsom med de/ de'i las kyi rnam par smin pas nga gnas ma yin pa shes pa 'gog pa shes pa thugs su chud/ mtshan dang dpe byad phun sum tshogs pa'ang brnyes so/ /ngas gang gi tshe dge ba'i rtsa ba 'di dag mngon par 'dus byas te/ sems can rnams dge ba'i rtsa ba 'di la bcug pa des nga rab tu dga' ba gzhal du med pa skyes te/ dge ba'i rtsa ba des nga gnas ma yin pa shes pa 'gog par 'gyur ba'i lam shes pa thob ste/ shes pa gang dang ldan pas bdag dang sems can rnams kyi gnas ma yin pa shes pa 'gog par 'gyur ba'i lam shes pa so sor shes so/ /de nas bcom ldan 'das kyis de'i tshe tshigs su bcad pa 'di dag gsungs so/ /gnas ma yin pa shes pa rgyur bcas dang / /de bzhin 'gog dang lam dang sems can gyi/ /spyod dang bsam pa nges par de yi mthus/ /ngas ni brtag dang spyod pa kun tu shes/ /maud gal gyi bu de la de bzhin gshegs pa yun ring du byang</font><hr>42.140a<br><font size=+1>

chub sems dpa'i spyad pa spyod pa na rtag par rab tu dran pa nye bar gzhag par gyur te/ dran pa'i dbang po gang gis nga shin tu nye bar gnas pas yun ring por byas pa dang / yun ring por bshad pa brjod de/ maud gal gyi bu sngon byung ba 'das pa'i dus 'khor ba dpag tu med pa na/ de bzhin gshegs pa 'jigs sgrogs bla ma zhes bya ba nas rgya cher sbyar te/ sangs rgyas bcom ldan 'das kyi bar du 'jig rten du byung ngo / /de bzhin gshegs pa 'jigs sgrogs bla ma de'i rim gro pa/ dge slong yid du 'ong zhes bya bar gyur te/ de lo bye ba phrag drug bcur de bzhin gshegs pa 'jigs sgrogs bla ma de'i rim gro pa byas shing yid du 'ong ste/ yid du mi 'ong ba ma yin pas bshad pa yang 'dzin la/ rang gi don kyang mi gtong ngo / /sangs rgyas kyi zhing gi bskal pa gcig po de la sangs rgyas khri nyis stong byung ste/ de dag thams cad kyi rim gro par yang dge slong yid 'ong de gyur to/ /de ltar phyis de bzhin gshegs pa stobs kyi shugs brnyes zhes bya ba byung ste/ de'i rim gro par yang dge slong yid 'ong de gyur te/ de dge ba'i rtsa ba des lha dang mi rnams su skyes so/ /maud gal gyi bu de'i tshe de'i dus na dge slong yid 'ong zhes bya bar gyur pa de gzhan yin par sems na de ltar mi lta ste/ nga de'i tshe de'i dus na dge slong yid 'ong zhes bya bar gyur to/ /dge ba'i rtsa ba des nga 'das pa shes pa thob cing / dran pa shes pa de ngas skye bo mang po yang dag par 'dzin du bcug cing / gzhan dag gi dge ba'i rtsa ba la yang yid dga' bas rjes su yi rangs te dge ba'i rtsa ba des nga 'das pa'i shes pa kun 'byung ba shes pa brnyes so/ /dge ba'i rtsa ba de dang shes pa de yang shes pa gang gis yongs su bsngos pa'i dge ba'i rtsa ba des/ 'das pa shes pa 'gog pa shes pa mngon sum du byas/ thabs gang gis nga spyad pa spyod pa na/ de skye bo'i tshogs mang po shes pa de la rab tu bkod de/ dge ba'i rtsa ba des nga 'das pa shes pa 'gog par 'gyur ba'i lam shes pa brnyes so/ /maud gal gyi bu nga ma 'ongs pa shes par bya ba'i don du sngon byang chub sems dpa'i spyad pa spyod pa na/ dka' ba mang po</font><hr>42.140b<br><font size=+1>

byas te/ gtang bar dka' ba btang nas ji ltar ma 'ongs pa'i dus na bdag sgrib pa med pa'i ye shes mthong bar gyur cig snyam mo/ /maud gal gyi bu sngon byung ba 'das pa'i dus 'khor ba dpag tu med pa na/ de bzhin gshegs pa ye shes gsal ba'i sgron ma zhes bya ba 'jig rten du byung ste/ de bzhin gshegs pa ye shes gsal ba'i sgron ma de'i 'khor nyan thos 'bum byung ngo / /de ma 'ongs pa'i dus las brtsams nas nyan thos rnams la chos ston pa de'i tshe/ dge slong rtag tu brtson 'grus rtsom pa zhes bya ba de'i 'khor nyid du 'dus te 'dug par gyur pa de 'di snyam du sems te/ kye e ma bdag ma 'ongs pa'i dus na sgrib pa med pa'i ye shes mthong ba dang ldan par gyur cig snyam nas/ de de bzhin gshegs pa ye shes gsal ba'i sgron ma de la gser gyi me tog chen po mngon par gtor te/ smon lam btab pa/ kye e ma bdag ma 'ongs pa'i dus na 'di lta bu'i ye shes skye bar gyur cig ces btab ste/ dge ba'i rtsa ba des nga ma 'ongs pa shes pa brnyes so/ /dge ba'i rtsa ba des kyang nga rten cing 'brel par 'byung ba mkhyen te/ dge ba'i rtsa ba des nga ma 'ongs pa shes pa kun 'byung ba shes pa brnyes so/ /rgyu dang rkyen gang zhig yod na ma 'ongs pa shes pa kun 'byung ba shes pa yang dag par 'grub kyi/ de'i rgyu med na de lta bu rab tu shes par mi 'gyur te/ dge ba'i rtsa ba des nga ma 'ongs pa shes pa 'gog pa shes pa mngon sum du byas so/ /nga mchog tu dga' ba gang gis byang chub sems dpa' sems dpa' chen po de dag la bstan te/ shes pa de mngon par dga' zhing yongs su dag pa'i tshul khrims kyi dge ba'i rtsa bas nga ma 'ongs pa shes pa 'gog par 'gyur ba'i lam shes pa brnyes so/ /maud gal gyi bu gzhan yang da ltar byung ba'i shes pa bsgrub pa'i don du dge ba'i rtsa ba rnam pa sna tshogs du ma dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa'i pha rol na de bzhin gshegs pa dgra bcom pa yang dag par rdzogs pa'i sangs rgyas mtha' yas spyan zhes bya ba nas/ sangs rgyas bcom</font><hr>42.141a<br><font size=+1>

ldan 'das kyi bar 'jig rten du byung ste/ de 'khor brgya stong du mas yongs su bskor cing mdun gyis bltas pa la/ da ltar byung ba'i dus las brtsams te chos ston to/ /de'i tshe bram ze blo ldan zhes bya ba shing sA la chen po lta bu zhig kyang de'i 'khor nyid du 'dus te 'dug par gyur to/ /bcom ldan 'das kyi spobs pa thogs pa med pas da ltar gyi dus las brtsams nas chos ston pa bram ze blo ldan shing sA la chen po lta bus thos so/ /thos nas kyang de bzhin gshegs pa de'i drung nas ngo mtshar du bya ba gzhal du med pa zhig skyes par gyur te/ 'di ltar de bzhin gshegs pas da ltar byung ba'i dus las brtsams nas spobs pa thogs pa med pas chos ston pa 'di ni ngo mtshar to/ /'di ni rmad du byung ba'o snyam mo/ /de de bzhin gshegs pas drung nas ngo mtshar du bya ba thob nas de bzhin gshegs pa de la rin po che'i me tog gtor te smon lam btab pa/ kye e ma bdag bla na med pa yang dag par rdzogs pa'i byang chub mngon par rdzogs par sangs rgyas nas spobs pa thogs pa med pa thob par bya ba'i phyir chos ston par gyur cig ces btab ste/ de las kyi rnam par smin pa des bskal pa bye ba phrag brgyad bcur log par ltung bar ma song ngo / /maud gal gyi bu de'i tshe de'i dus na bram ze blo ldan shing sA la chen po lta bur gyur pa de gzhan yin par sems na khyod kyis de ltar blta bar mi bya ste/ nga de'i tshe de'i dus na bram ze blo ldan shing sA la chen po lta bur gyur to/ /dge ba'i rtsa ba des nga da ltar byung ba'i dus na sgrib pa med pa'i ye shes skyes te/ ngas da ltar byung ba'i shes pa de la skye bo'i tshogs mang po btsud do/ /dge ba'i rtsa ba des nga da ltar byung ba shes pa kun 'byung ba shes pa mngon par grub ste/ da ltar byung ba'i shes pa de yang ngas mngon sum du byas shing yang dag par rab tu bstan pas skye bo'i tshogs mang po dag kyang mngon sum du byas so/ /dge ba'i rtsa ba des nga da ltar byung ba shes pa 'gog pa shes pa mngon sum du byas te/ lam gang gis da ltar byung ba shes pa 'gog par 'gyur ba'i lam mngon sum du</font><hr>42.141b<br><font size=+1>

byas pa de shes par bya ba'i don du sngon byang chub sems dpa'i spyad pa spyod pa na/ sangs rgyas bye ba khrag khrig dpag tu med pa dag la bsnyen bkur byas shing yongs su zhus so/ /maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na de bzhin gshegs pa dgra bcom pa yang dag par rdzogs pa'i sangs rgyas mtha' yas gzigs shes bya ba nas/ sangs rgyas bcom ldan 'das kyi bar 'jig rten du byung ste/ de bzhin gshegs pa mtha' yas gzigs de'i nyan thos kyi dge 'dun ther 'bum phrag bdun byung ngo / /de nyan thos kyi dge 'dun de'i nang du bzhugs nas da ltar byung ba shes pa 'gog par 'gyur ba'i lam las brtsams te/ lam 'dis da ltar byung ba'i tshul yongs su shes par bya'o zhes chos ston to/ /de'i tshe rgyal rigs sa ga'i bshes gnyen zhes bya ba shing sA la chen po lta bu de'i 'khor nyid du 'dus te 'dug par gyur nas/ des bcom ldan 'das de bzhin gshegs pa mtha' yas gzigs de la 'di skad ces gsol to/ /bcom ldan 'das de ltar byung ba mkhyen pa 'gog par 'gyur ba'i lam las brtsams nas gang 'di bcom ldan 'das kyis sems can rnams kyi bsam pa sna tshogs dang / nyon mongs pa sna tshogs dag spyod pa la lam gyi chos ston pa thos par 'tshal lo/ /de skad ces gsol pa dang / bcom ldan 'das de bzhin gshegs pa mtha' yas gzigs des rgyal rigs sa ga'i bshes gnyen shing sA la chen po lta bu de la 'di skad ces bka' stsal to/ /sa ga'i bshes gnyen khyod 'di ltar yun ring por chos zab mo spyad zab mo'i tshul la rab tu gnas shing sngon gyi sangs rgyas la bsnyen bkur byas te/ skye bo'i tshogs mang po'i don du bsams nas/ zab mo de dag zhu ba zhus pa de legs so legs so/ /sa ga'i bshes gnyen de'i phyir rab tu nyon la yid la zung shig dang ngas bshad do/ /rgyal rigs sa ga'i bshes gnyen shing sA la chen po lta bus bcom ldan 'das legs so zhes gsol nas bcom ldan 'das kyi ltar nyan pa dang / bcom ldan 'das kyis de la 'di</font><hr>42.142a<br><font size=+1>

skad ces bka' stsal to/ /sa ga'i bshes gnyen sems can dag gzugs la 'dod chags spyod pa'i gnyen po ni mi gtsang ba'o/ /sems can dag sgra la 'dod chags spyod pa'i gnyen po ni mi rtag pa'i 'du shes so/ /de bzhin du sems can dag dri la 'dod chags spyod pa'i gnyen po ni stong pa nyid do/ /sems can dag ro la 'dod chags spyod pa'i gnyen po ni mi mthun pa'i 'du shes so/ /sems can dag reg bya la 'dod chags spyod pa'i gnyen po ni sdug bsngal ba'i 'du shes so/ /sems can dag chos la 'dod chags spyod pa'i gnyen po ni bdag med pa'i 'du shes so/ /sa ga'i bshes gnyen tshul 'dis ni sems can dag ji ltar spyod pa'i gnyen po bstan par bya ste/ sa ga'i bshes gnyen gzhan yang sems can thams cad kyi lam yod cing lam gyi spyod pa yod de/ 'di lta ste the tshom med pa'i sman 'jig rten thams cad la mngon par mi dga' ba'i 'du shes so/ /sa ga'i bshes gnyen gzhan yang sems can thams cad kyi spyod pa the tshom med par lam gang la sems can thams cad kyi spyod pa lam gyi mchog la lam gang gis yang dag par spong ba 'di lta ste/ rnam par thar pa'i sgo mtshan ma med pa'o/ /sa ga'i bshes gnyen 'di lta ste/ mtshan ma thams cad yid la mi byed pa 'di yang thams cad kyi spyad pa the tsom med pa'i lam 'ching ba thams cad yang dag par gcod par 'gyur ro/ /sa ga'i bshes gnyen ngas shes pa 'di bsgrub pa'i phyir/ sngon gyi sangs rgyas bye ba khrag khrig dag la bsnyen bkur byas te/ de ltar ngas dge ba'i rtsa ba bskyed cing dge ba'i rtsa ba de dag gis nga da ltar byung ba shes pa 'gog par 'gyur ba'i lam bsgrubs so/ /maud gal gyi bu de nas rgyal rigs sa ga'i bshes gnyen shing sA la chen po lta bus bcom ldan 'das de bzhin gshegs pa mtha' yas gzigs de la rin po che thams cad kyi me tog gis mngon par gtor/ mngon par rab tu gtor nas lus thams cad kyis bcom ldan 'das de la phyag 'tshal lo/ /maud gal gyi bu de'i tshe de'i dus na rgyal rigs sa ga'i bshes gnyen shing</font><hr>42.142b<br><font size=+1>

sA la chen po ltar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal rigs sa ga'i bshes gnyen shing sA la chen po lta bur gyur to/ /dge ba'i rtsa ba des nga da ltar byung ba shes pa 'gog par 'gyur ba'i lam shes pa mngon par yang dag par thugs su chud do/ /de nas bcom ldan 'das kyis de'i tshe tshigs su bcad pa 'di dag gsungs so/ /rgyal ba kun gzigs skyob la bkur sti byas pas su/ /dge rtsa de yis da ltar byung shes nga rnam spangs/ /de 'dra'i dge rtsa med na kun mthong mi nus te/ /dge rtsa gang gis da ltar byung shes nga rnam spangs/ /nga ni chos gang mi shes ci yang med pas na/ /bdud kyi zhags pa'i rgyud las sems can thar bar bya/ /maud gal gyi bu de lta bas na byang chub sems dpa' yongs su dri ba'i rang bzhin can du bya ste/ maud gal gyi bu byang chub sems dpa' yongs su 'dri ba'i rang bzhin can ni myur du bla na med pa yang dag par rdzogs pa'i byang chub mngon par rdzogs par 'tshang brgya'o/ /maud gal gyi bu sngon byung ba 'das pa'i dus 'khor ba dpag tu med pa'i 'khor ba de'i pha rol gyi yang ches pha rol na de bzhin gshegs pa khrid mdzad ces bya ba nas/ sangs rgyas bcom ldan 'das kyi bar 'jig rten du byung ste/ de'i tshe 'dzam bu'i gling 'di zheng du dpag tshad drug khrir gyur cing / kun nas gru bzhi la ji tsam du srid du yod pa de tsam du zheng du yang gru bzhi ste/ 'di lta ste/ mdzes par sprul pa shin tu rnam par phye ba mig mangs ris su bris pa/ gser gyi gdugs kyis shin tu bkab pa/ lag mthil ltar mnyam par gyur to/ /de'i tshe nga 'dzam bu'i gling gi rgyal por gyur te/ chos kyi rgyal po chos dang ldan pa rgyal ba'i sde zhes bya'o/ /de'i bu stong tshang bar byung ste/ de'i bu pho bo gzhon nu zhi ba'i blo gros zhes bya ba sangs rgyas dpag tu med pa la bsnyen bkur byas pa/ byang chub sems dpa'i chos thams cad la 'dris par byas pa stong pa nyid la mos pa/ chos zab mo'i bzod pa dang ldan pa rgya chen po la mos shing / chos dman pa la ma mos te/ chos dman pa la rnam par smod pa/ blo gros shin tu zhib pa zhig byung ngo / /de nas rgyal po rgyal ba'i sde 'di snyam du</font><hr>42.143a<br><font size=+1>

gyur te/ gzhon nu 'di ni shin tu blo zab cing chos dang ldan pa yin te/ bdag gis de'i bsam pa yongs su rdzogs par bya'o snyam nas/ des de la smras pa/ gzhon nu khyod kyi bya ba ci yod/ des smras pa/ yab gal te bdag la thugs dpag mdzad na/ dge sbyong dang bram ze mang du thos pa las bsdur gsol/ yab bdag chos rnams la the tsom mchis te/ de bdag gis dri bar bgyi na/ 'di ltar chos kyi the tshom gcod pa rngo thogs pa de 'tshal to/ /de nas rgyal po rgyal ba'i sde de gzhon nu zhi ba'i blo gros kyi tshig thos nas/ gang 'jig rten gyi khams na dge sbyong dang bram ze mkhas pa blo gros 'thun pa/ spyod pa ma nyams pa de dag rgyal po rgyal ba'i sde de'i bskyed mos tshal gyi gnas su bsdus so/ /de nas gzhon nu zhi ba'i blo gros dge sbyong dang / bram ze mkhas pa de dag dang lhan cig tu bskyed mos tshal ga la ba der dong ngo / /de nas gzhon nu zhi ba'i blo gros dang / dge sbyong dang bram ze mkhas pa dpyod pa de dag dang lhan cig tu chos bgro bar byed do/ /'phags pa dag 'jig rten na ci gnod/ de la kha cig gis 'di skad smras so/ /dbul ba ni 'jig rten na gnod de/ dbul bas nyen pa'i sems can dag ni ci nas kyang bdag de la brten te/ bde bar bya'o snyam nas gzhan la rten par byed do/ /kha cig gis 'di skad smras so/ /brnyas pa ni 'jig rten na gnod de brnyas par bya ba'i sems can dag ni ci nas kyang de la brten te brnyas su mi 'dod do/ /snyam nas gzhan la rten par byed do/ /kha cig gis 'di skad smras so/ /ngag dang mi ldan pa ni 'jig rten na gnod de/ ngag nyams pa'i sems can dag ni ci la brten te bde bar bya'o snyam nas gzhan la rten par byed do/ /kha cig gis 'di skad smras so/ /blo dang mi ldan pa ni 'jig rten na gnod de/ blo rnam par nyams pa'i sems can dag ni ci nas kyang bdag de la brten te blo thob par byas la blo'i stobs bskyed pa gang gis bde bar 'tsho bar bya'o snyam nas gzhan la rten par byed do/ /kha cig gis 'di skad smras so/ /don yongs su nyams pa ni 'jig rten na gnod de/ don yongs su nyams pa'i sems can dag ni ci nas kyang de la brten te/ don yongs</font><hr>42.143b<br><font size=+1>

su nyams pa med par bya'o snyam nas gzhan la rten par byed do/ /kha cig gis 'di skad smras so/ /mdza' bshes dang bral ba ni 'jig rten na gnod de/ mdza' bshes dang bral ba'i sems can dag ni ci nas kyang de la brten te/ bde bar 'tsho bar bya'o snyam nas gzhan la rten par byed do/ /kha cig gis 'di skad smras so/ /bzo mi shes pa ni 'jig rten na gnod de/ bzo mi shes pa'i skyes bu dag ni ci nas kyang de la rten te/ bde bar 'tsho bar bya'o snyam nas gzhan la rten par byed do/ /kha cig gis 'di skad smras so/ /rgyal srid nyams pa ni 'jig rten na gnod de/ rgyal srid nyams na rgyal po la rten pa thams cad sdug bsngal bar 'gyur ro/ /gzhan dag gis 'di skad smras so/ /rgyal po la brnyas na sdug bsngal zhing rgyal po'i blon po la brnyas na yang sdug bsngal bar yang 'gyur ro/ /gzhan dag gis 'di skad smras so/ /chung ma ma gus pa dag ni gnod de/ khyim thabs 'khrugs na gsod par 'gyur ro/ /gzhan dag gis 'di skad smras so/ /gzhan gyi bud med kyi gan du 'gro ba ni 'jig rten na gnod de/ gzhan gyi bud med kyi gan du 'gro ba'i sems can dag ni rgyu de na nyon mongs par 'gyur te/ de lta bas na gzhan gyi bud med kyi gan du 'gro ba ni 'jig rten na gnod do/ /gzhan dag gis 'di skad smras so/ /chog mi shes pa ni 'jig rten na gnod de/ chog mi shes pa'i skyes bu ni lcags kyi lam dang / phur bu'i lam dang spa'i lam nas 'gro zhing chog mi shes pa'i skyes bu chags pas zil gyis non pa'i sems kun nas 'dzin pas nor gyi phyir gzhan gyi khyim du 'jug ste/ de ni de las nyon mongs par 'gyur ro/ /gzhan dag gis 'di skad smras so/ /byas pa mi gzo ba ni 'jig rten na gnod de/ byas pa mi gzo ba'i skyes bu ni phan pa byed pa la mi lta ste/ de sngon phan pa byas pa la mi rtog cing / sngon gyi phan pa byed pa la mi lta/ de sngon phan pa byas pa'i sngon gyi don la mi rtog cing / sngon gyi phan pa rnam par 'jig par byed la/ byas pa mi gzo ba phal cher gnod par bya ba sems te/ 'di skad ces thos so/ /skyes bu gang zhig tshal gyi nang du</font><hr>42.144a<br><font size=+1>

song ba las sprin nag po byung nas mgon med skyabs med pa las dom zhig gis bskyabs te/ de des khrid nas rang gi gnas su bcug go/ /de der zhag bdun du 'bras bu dang rtsa bas gsos te/ 'di grang bas sdug bsngal skyes pa med par bya'o zhes zer nas bzung ste mchan du bcug go/ /de nas zhag bdun 'das pa dang sprin nag po de med de de'i gnas nas phyung ste gtong ngo / /de nas sngon gyi phan btags pa yongs su gtang ste/ rngon pa gzhan dag gis mthong bar byas nas dom de bsad do/ /de lta bas na byas pa mi gzo ba nyid ni 'jig rten na sdug bsngal te/ 'di ltar sdug bsngal gyi rnam pa mang po sna tshogs rab tu bstan to/ /de nas gzhon nu zhi ba'i blo gros kyis dge sbyong dang bram ze mkhas pa dag la 'di skad ces smras so/ /gang gi tshe tshe dang ldan pa khyed cag gis sdug bsngal dang gnod pa sna tshogs bshad pa ni bdag rjes su yi rang ngo / /gzhan yang bdag gis 'jig rten na gnod pa gsum mthong ste/ gnod pa gang gis sems can dag gnod cing sdug bsngal bar gyur pa gsum gang zhe na/ rga bas gnod pa dang / na bas gnod pa dang / 'chi bas gnod pa ste/ gsum po 'di dag gis 'jig rten gnas pa bdud dang bcas pa/ tshangs pa dang bcas pa gnod pas gnod de/ de las nges par 'byung ba yang dag par rab tu mi shes so/ /de bzhin gshegs pa bar snang la khrid mdzad ces bya ba 'jig rten du byung ste de skye ba dang / rga ba dang / nad dang / 'chi ba las yang dag par 'da' ba'i chos ston to zhes de skad thos te/ khyed cag tshur shog /lhan cig tu bcom ldan 'das de'i drung du dong la 'jig rten na gnod pa du mchis zhes zhu bar bya'o/ /bcom ldan 'das de ji lta ba bzhin du lung ston te/ de ltar don gzung bar bya'o/ /de nas gzhon nu zhi ba'i blo gros srog chags bye ba phrag drug dang lhan cig tu de bzhin gshegs pa khrid mdzad de ga la ba der dong ste phyin nas bcom ldan 'das de bzhin gshegs pa de'i zhabs la spyi bos phyag 'tshal te/ phyogs gcig tu 'dug go/ /srog</font><hr>42.144b<br><font size=+1>

chags bye ba phrag drug po de dag kyang so sor skyil mo dkrung bcas te 'khod do/ /rgyal po gzhon nu zhi ba'i blo gros phyogs gcig tu 'dug pas/ de bzhin gshegs pa de la tshigs su bcad pa'i dbyangs kyis zhu ba zhus pa/ shin tu dri med thugs zhi lhar bcas pa'i/ /'jig rten khrid mdzad khyod la zhu ba ni/ /'gro ba spyod pa'i gnod pa gang lags pa/ /kun tu spyan mnga' de dag bdag la gsungs/ /chags pa gang gis 'gro ba'i gnod pa dag /phan mdzad brtse ldan de dag bdag la gsungs/ /gang zhig thos nas skye bo 'am gal te bdag /rab tu thar bar bgyi ba 'tshal bar bgyi/ /gzhon nu'i tshig des shin tu yon tan ldan/ /zhu ba 'di ni khrid mdzad gsan nas kyang / /rgyal ba chos rnams thams cad thugs chud pa'i/ /'dren pas 'jig rten phan phyir lung bstan pa/ /gang gis skye la gnod pa'i rnam pa ni/ /rga dang na dang 'chi dang mya ngan dang / /rnam pa sna tshogs sdug bsngal gnod 'gyur ba/ /'gro ba nye bar nyon mongs mi shes so/ /skyes ma thag tu sngon gyi las kyis su/ /ngan pa 'am bzang po'i rjes su myur du 'gro/ /de bzhin dma' ba 'am mtho ba'i rigs su skye/ /khyad par de yis kha dog phun sum tshogs/ /gzugs ngan pa 'am mngon par gzugs bzang dang / /bud med skyes pa de bzhin ma ning ngam/ /tshangs pa de bzhin rgyal rigs rje'u rigs dmangs/ /dbul ba 'am de bzhin longs spyod ldan pa 'am/ /dbang po nyams pa med pa 'thob pa 'am/ /de bzhin dbang po dag ni ma tshang ba/ /skye ba srid pa de yis gnod pa yin/ /rga dang na dang 'chi ba sdig yin te/ /khro ba spangs pas gzugs bzang 'thob 'gyur la/ /khro ba bskyed pas gzugs ngan thob par 'gyur/ /nga rgyal bskyed pas brnyas pa 'thob 'gyur la/ /nga rgyal spangs pas bkur sti 'thob par 'gyur/ /srog chags bsad pas tshe ni thung 'gyur la/ /bsrung ba byas pas tshe ring tshe 'phel 'gyur/ /srog chags gtses pas ngan 'gror de 'gro la/ /mi yi skye bar de ni nad can 'gyur/ /mi yi 'jig rten</font><hr>42.145a<br><font size=+1>

sems can bsrung byas shing / /sdug bsngal mang po 'jigs las dbugs phyung ba/ /las de byas pas mi ni spangs nas su/ /lha gnas dag tu de ni rab tu dga'/ /lha las shi nas rjes su mi thob ste/ /bde zhing nad med dran pa mngon du 'byung / /skye bar nam yang sdug bsngal mi myong ste/ /lha dang mi yi yid du 'ong bar 'gyur/ /mi gang gzhan gyi bud med der 'gro na/ /mi las shi nas ngan 'gror de 'gro la/ /lcags kyi shal mar tsher ma rnon po yis/ /'bigs par byed cing sdug bsngal mi yis gdungs/ /sdig can dmyal ba'i las ni zad byas nas/ /mi yis 'jig rten rnyed dka' thob nas su/ /rang gis chung ma la yang dbang med cing / /las mi shes pas de ni mya ngan byed/ /gang dag gzhan gyi bud med sdom byed cing / /gzhan gyi bud med dag la yid mi gtod/ /mi yi lus ni de yis spangs nas su/ /'di nas 'phos nas mtho ris rab tu dga'/ /de rtag lha yi 'jig rten shes rab ldan/ /mkhas pa mi yi 'jig rten thob nas kyang / /gus byed bud med rnyed cing rjes 'brang la/ /bsam pa 'thun pa'i slob ma rnyed par 'gyur/ /mi gang tshig la shin tu mi sdom pa/ /de la dris na rdzun pa'i tshig smra ste/ /mi las shi nas ngan 'gror de 'gro zhing / /legs pa ma yin sdug bsngal tshor myong 'gyur/ /de nas shi nas mi yi srid par 'ongs/ /mi yi 'jig rten rnyed dka' thob nas su/ /yang dag ma yin med pa'i skur pa 'thob/ /mi yi 'jig rten dag tu nyon mongs 'tsho/ /mi gang tshig ni shin tu sdom pa dag /bden pa srung la brdzun du mi smra ba/ /mi yi 'jig rten shi nas brtul zhugs gtsang / /yon tan ldan pa lha yi 'jig rten 'gro/ /mkhas pa gtsang ba'i las dag zad nas su/ /lha las shi nas mi yi 'jig rten 'ong / /de yis smras pa yang dag tshad mar 'gyur/ /gtsang ma'i 'bras bu de ni mi mthun med/ /mi yi 'jig rten du ni phra ma dang / /mi yi srid par dbyen sbyor byed pa ni/ /mi yi lus 'di dag ni spangs nas su/ /de ni ngan song sdug bsngal 'thob cing myong / /</font><hr>42.145b<br><font size=+1>

de nas shi nas mi srid 'dir 'ongs te/ /mi yi 'jig rten rnyed dka' 'thob nas kyang / /ji ltar rtswa rtser zil pa mi gnas ltar/ /mdza' bshes dang ni de bzhin gnyen 'byed do/ /mi mthun pa yi mi dag bsdums byas na/ /'di nas shi nas mtho ris rab tu dga'/ /de ni lha yul dag na shin tu bkur/ /lha yi tshogs kyis mkhas pa yang dag mchod/ /de nas shi nas mi srid 'dir 'ongs te/ /bsam pa 'thun pa'i bud med phun sum tshogs/ /snying nye mi phyed 'khor ni rnyed 'gyur te/ /nyes pa'i gnas na 'dug kyang de mi gtong / /gnam po ma yin tshig rtsub smra ba ni/ /gzhan la mya ngan byed 'jug mi sdom pa/ /mi yi lus 'di dag ni spangs nas su/ /ngan song thob cing sdug bsngal tshor ba reg /ngan song tshor ba sdug bsngal zad byas shing / /de nas shi ste mi yi srid par 'ong / /gang gis rtag tu sems khro mi 'dod tshig /thos shing de yi yid ni rab tu 'khrug /snyan par smra ba'i tshig dang ldan pa ni/ /pha rol sems la shin tu dga' bar byed/ /de ni mi yi lus dag spangs nas kyang / /'di nas shi nas bde 'gro rab tu dga'/ /gtsang ldan de ni mtho ris shi nas su/ /mi yi 'jig rten du ni lus thob nas/ /gang gis yang dang yang du yid 'ong sgra/ /thos nas rtag tu 'di'i sems shin tu dga'/ /gang zhig don byed dus ma yin par smra/ /mi yi lus ni de yis spangs nas su/ /ngan song rnyed cing sdug bsngal des myong 'gyur/ /sdig pa'i las kyi rnam smin zad byas nas/ /de nas shi nas mi srid 'dir 'ongs te/ /de'i tshig mngon par 'dod par mi 'gyur zhing / /mkhas par mi 'gyur nams kyang mchod mi 'gyur/ /gang zhig don chen tshig dang don ldan pa/ /dus su smra byed skye bo rab tu dga'/ /de yis mi yi lus dag spangs nas su/ /lha yi 'jig rten bde bar de rab dga'/ /de nas shi nas mi srid 'dir 'ongs te/ /ji ltar sems can skom pa chu 'thung ltar/ /shin tu bsdams pa skye bo chen po yi/ /de yi tshig smras tshig gzung 'os par 'gyur/ /mi gang gzhan la gnod sems mdud par 'dzin/ /dug 'dra'i</font><hr>42.146a<br><font size=+1>

nyes pa byung ba mi zhi ste/ /de ni mi yi lus dag spangs nas su/ /ngan song thob cing sdug bsngal des myong 'gyur/ /ngan song sdug bsngal thob pa des zad cing / /ngan song dag las shi nas mi 'thob ste/ /de yi lus ni kha dog ngan par 'gyur/ /'gro la blta ba'i mig ni mi 'dzums la/ /pha rol dag la gnod sems med pa ni/ /dug 'dra'i nyes pa byung ba zhi bar 'gyur/ /de yis mi yi lus dag spangs nas su/ /'di nas shi nas mtho ris rab tu dga'/ /mkhas pa lha yi 'jig rten dge zad nas/ /mi yi 'jig rten thob dka' rnyed nas su/ /'gro ba dga' zhing mdzes pa dag tu 'gyur/ /'gro la lta ba'i mig ni 'dzums byed pa/ /mi gang gzhan gyi nor la 'dod sems shing / /gzhan gyi bde ba shin tu sdug bsngal byed/ /de ni mi yi lus dag spangs nas su/ /ngan song thob cing sdug bsngal myong bar 'gyur/ /de nas shi nas mi srid 'dir 'ongs te/ /de ni phongs shing gzi brjid chung bar 'gyur/ /glang po nyam chung 'dam du song ba ltar/ /gzhan gyi tshig smra thos nas zhum par 'gyur/ /gzhan la gnod sems yid ni mi gnas shing / /gang zhig gzhan gyi phun tshogs bde byed pa/ /mi las shi nas lha yi gnas su skye/ /tshe dang mdog dang grags dang stobs dang gzugs/ /sgra dang dri dang ro dang reg bya dag /lha yi yon tan ldan pa bcu 'thob cing / /ji ltar tshangs pa lha tshogs brtul zhugs don/ /de ni lha yi tshogs kyis gsol zhing mchod/ /de nas shi nas mi srid 'dir 'ongs te/ /gzi brjid ldan zhing dpal ni 'bar gyur la/ /nyi ma la ni brtag par mi bzod ltar/ /de yi gzi brjid mchog tu bzang bar 'gyur/ /mi gang las kyi rnam smin dag la rmongs/ /rang gis byas dang dbang phyug sprul pa dang / /bde dang sdug bsngal rgyu med 'dod pa 'am/ /las kyi 'bras bu med par sems pa dag /las rnams smin la de'i yid log zhugs pas/ /de ni lus dang ngag gi nyes pa byed/ /mi yi lus ni de yis spangs nas su/ /ngan song dang ni sdug bsngal nyams pa 'thob/ /de nas shi nas mi srid 'dir 'ongs te/ /shes rab rtul zhing blo med de glen 'gyur/ /'dren pa rnams kyis</font><hr>42.146b<br><font size=+1>

las ni mi shes pas/ /sangs rgyas stong gis dgrol bar de mi spyod/ /las kyis 'gro bar rab tu chud gzon zhes/ /las rnams smin la mkhas pa de nges pas/ /khrid mdzad las ni kha drang de mi nus/ /de yis legs pa'i las de byas pas na/ /'di nas shi nas mtho ris rab tu dga'/ /lha yi 'jig rten gnas te de nas shi/ /mi yi 'jig rten gnas te legs par bkur/ /mkhas pa de ni rtag tu legs bkur cing / /nams kyang nyon mongs dag tu mi 'gro'o/ /de yi lta ba sdig dang mi ldan te/ /rtag tu dam pa'i chos la nges par spyod/ /de ni 'gro ba'i las dang sdig pa dang / /gnod pa dang ni nyon mongs de dag bstan/ /bzlog pas dge ba dag ni bstan pa ste/ /rnam par byang dang mtho ris lam yang bstan/ /de ni sdug bsngal kun la rab 'jug pa'i/ /skye ba'i rgyu las thams cad rab tu 'byung / /gang zhig 'di las nges 'byung mi shes pa/ /gal te de yi gnod med zhi 'dod na/ /las kyi 'jig rten pha rol ci mi 'gro/ /'jig rten pha rol nas kyang cis ma 'ongs/ /sangs rgyas bstan pa 'pho med shes par gyis/ /byas pa'i 'bras bu'ang chud zar mi 'gyur zhing / /byed pa po dang las kyang gang yang med/ /'bras bu spyod pa gang yang 'thob med de/ /rgyu la brten nas chos rnams rab tu 'byung / /med la 'dzin pas sdug bsngal rab tu 'jug /rgyal ba gang dag 'das dus yongs 'das pas/ /thams cad chu zla lta bur gzigs pas na/ /chos rnams ngo bo nyid ni de 'drar ltos/ /ji ltar smig rgyu'i ngo bo nyid med ltar/ /dngos dang dngos med bral ba ci yang med/ /ji ltar rmi lam du ni dngos med dang / /ji ltar chu nang sprin gyi dngos med ltar/ /de ltar chos rnams dag gi ngo bo med/ /nam mkha'i bar na skar ma 'dug pa ltar/ /dngos po'i ngo bo gzhan dngos 'di dag gsog /ji ltar mi dag myos pa'i rmi lam na/ /dga' bar tshor ba sad nas de med cing / /rmi lam rmis pa snying po med pa ste/ /mtshan mo sad pa'i mi ni rjes dran dang / /rmi lam rmis pa'i mi yis mthong ba ltar/ /de bzhin dngos po dag dang ngo bo med/ /ji ltar</font><hr>42.147a<br><font size=+1>

shin tu khros par rmis pa'i mi/ /rmi lam dag na khro ba gang yang med/ /mkhas pa sad nas gnod sems ma mthong ltar/ /de bzhin dngos po ngo bo nyid kyis gsog /ji ltar rmi lam dag na chang 'thung mi/ /de ni chang 'thungs pas na myos par shes/ /chang dang myos pa'i dngos nyid med pa ltar/ /de bzhin chos rnams dag gi dngos po med/ /ji ltar mi dag gi ni rmi lam na/ /bud med rgyan sdug dag gi bzhin mthong nas/ /rmi lam rmis tshe 'dod chags skyed pa dag /sad nas bud med bzhin ni ma mthong ste/ /rmi lam der ni bud med med pa dang / /de bzhin 'dod chags bud med de bzhin dga'/ /sad nas 'dod chags bud med de dga' dag /ma mthong ba ltar chos dngos de 'dra'o/ /mi gang mi mkhas rnam par mi shes pa/ /gang gis 'gro ba'i gnod pa mi shes te/ /'gro ba'i gnod pa skyes pa de 'dra zhing / /mkhas pa chos la 'dod chags mi bskyed do/ /de ltar gzhon nu mkhas pa'i rang bzhin ni/ /rtag tu chos rnams rmi lam lta bur rtog /nad 'go gnod pa rnams las thar ba ltar/ /de bzhin gzhan dag la yang rab tu shod/ /maud gal gyi bu de'i tshe de'i dus na rgyal po gzhon nu zhi ba'i blo gros zhes bya bar gyur pa de gzhan yin par sems na/ de ltar mi lta ste/ nga de'i tshe de'i dus na/ rgyal po gzhon nu zhi ba'i blo gros zhes bya bar gyur to/ /maud gal gyi bu de lta bas na nga'i shes pa 'dod pa dang / sems can rnams sdug bsngal las thar bar 'dod pas da ltar byung ba'i shes pa la rnal 'byor du bya'o/ /maud gal gyi bu nga da ltar byung ba shes pa la mngon par brtson pa de'i 'jigs pa med pas lus dang srog la mi lta bar gyur te/ lus dang srog la ma bltas pa'i dge ba'i rtsa ba bskyed do/ /da ltar byung ba'i shes pa mngon par grub pa'i rgyu gang yin rkyen gang yin zhe na/ ngas dge sbyong dang bram ze mkhas pa dag la bsnyen bkur byas shing yongs su zhus pa yin no/ /maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol bskal pa grangs med pa'i yang ches grangs med</font><hr>42.147b<br><font size=+1>

pa na/ mi mjed kyi 'jig rten gyi khams 'di nyid rin po che'i me tog brtsegs pa zhes bya ba'i 'jig rten gyi khams su gyur cing / 'dzam bu'i gling 'di gser 'od ces bya ba'i gling chen por gyur te/ zheng du dpag tshad drug khri yod cing / chur yang dpag tshad drug khri yod la gru bzhi pa mdzes par sprul pa/ shin tu rnam par phye ba skal ba mnyam pa ste/ dper na gling chen po byang gi sgra mi snyan 'di nyid kyi yongs su spyod pa dang 'dra'o/ /gling chen po gser 'od ces bya ba der rgyal po chad pa thog tu phebs pa zhes bya ba zhig byung ngo / /de'i tshe de bzhin gshegs pa dri med spyan zhes bya ba chos thams cad kyi rgyu la mkhas pa/ chos thams cad kyi rkyen la mkhas pa zhig 'jig rten du byung ngo / /de nas de'i tshe rgyal po chad pa thog tu phebs pa de'i drung du gzhan mu stegs spyod pa kun tu rgyu mang po dag cig 'dus te 'dug nas/ bar der da ltar byung ba'i shes pa mngon par grub pa'i rgyu ni gang / rkyen ni gang zhes gtam gyi tshul 'di nyid kun du smra bar gyur to/ /de nas gzhan mu stegs spyod pa kun du rgyu ba de dag rgyal po chad pa thog tu phebs pa ga la ba der song nas/ rgyal po chad pa thog tu phebs pa la ched du 'di skad ces smras so/ /rgyal po chen po rgyal bar spyon cig /bdag gi gsol ba rgyal po chen po la 'debs pas gal te skabs phye na gsol lo/ /de skad ces smras pa dang / rgyal po chad pa thog tu phebs pas mu stegs pa gzhan spyod pa kun du rgyu ba pa de dag la 'di skad ces smras so/ /tshe dang ldan pa dag the tshom gang dang gang yod pa dris shig /gal te lung bstan par nus na lung bstan par bya'o/ /gal te mi nus na thabs gang gis tshe dang ldan pa dag gi don 'di shes par bya ba bshad do/ /de dag gis smras pa/ zhal bzang da ltar byung ba'i shes pa mngon sum du bya ba'i rgyu ni gang rkyen ni gang / des smras pa/ ngas don 'di lung bstan par mi nus te/ 'on kyang de bzhin gshegs pa dgra bcom pa yang dag par rdzogs pa'i sangs rgyas dri med spyan de nga dang nye ba me tog 'dzin pa'i bskyed mos tshal</font><hr>42.148a<br><font size=+1>

'di nyid na bzhugs te/ de bzhin gshegs pa dri med spyan des mi mkhyen pa 'am/ ma gzigs pa 'am/ thugs su ma chud pa ci yang med de/ de la 'di zhus dang lung ston par 'gyur bas de bzhin du gzung bar bya ste/ tshe dang ldan pa dag de bzhin gshegs pa dri med spyan de ga la ba der 'dong / /de nas rgyal po chad pa thog tu phebs pa de bzhin gshegs pa dri med spyan ga la ba der song ste phyin nas/ de bzhin gshegs pa de'i zhabs la mgo bos phyag 'tshal te phyogs gcig tu 'dug go/ /gzhan mu stegs spyod pa kun du rgyu ba pa de dag kyang de bzhin gshegs pa dri med spyan dang lhan cig mngon sum du yang dag par dga' ba dang / yang dag par chags par 'gyur ba'i gtam rnam pa sna tshogs dag byas nas phyogs cig tu 'khod do/ /phyogs gcig tu 'khod nas gzhan mu stegs spyod pa kun tu rgyu ba pa de dag gis/ de bzhin gshegs pa dri med spyan de la tshigs su bcad pa'i dbyangs kyis zhu ba zhus pa/ dge ba'i sug las ci bgyis bde ba 'byung / /da ltar byung ba'i shes tshul rab tu 'tshal/ /gang gis ye shes mchog tu 'grub pa dag /gzhan mi gsung ba de dag bdag la shod/ /nyon mongs bcom pas rgyal ba thugs dag ste/ /thogs med mkhyen cing kun tu spyan mnga' ba/ /thogs med mkhyen pas de bsam thugs chud nas/ /'dren pa dri med spyan gyis lung bstan pa/ /byams pa'i mig gis 'gro ba 'di la blta/ /sdug bsngal rgyud dag la ni snying rje bskyed/ /byams pa 'di la 'gro ba rab tu bkod/ /nyon mongs dag gi khams la btang snyoms yin/ /de yis legs pa'i las de byas pas na/ /rgyu de kun du shes shing shes pa 'char/ /legs par bshad pa'i tshul 'di thos nas su/ /byang chub la ni gzhal med 'dun pa skyes/ /gang gis 'gro ba lhar bcas rab grol ba'i/ /da ltar byung ba'i shes pa 'char ba 'thob/ /chags pa med pa'i shes dang nga ldan pa/ /sdug bsngal gnod pa'i chos las sems can bkrol/ /de yis legs pa'i las de byas pas na/ /da ltar byung shes</font><hr>42.148b<br><font size=+1>

tshul 'di rab tu shes/ /gang gis 'gro ba'i bsam pa rab shes pa/ /de ltar rgyal ba dbang thul lam yang mkhyen/ /maud gal gyi bu de ji snyam du sems/ de'i tshe de'i dus na rgyal po chad pa thog tu phebs pa zhes bya bar gyur pa de gzhan yin par sems na de ltar mi lta ste/ nga de'i tshe de'i dus na rgyal po chad pa thog tu phebs par gyur to/ /dge ba'i rtsa ba des nga da ltar byung ba shes pa kun 'byung ba shes pa brnyes te/ maud gal gyi bu da ltar byung ba shes pa de'i da ltar byung ba shes pa kun 'byung ba shes pa zad pa'i chos nyid dang / 'gyur ba'i chos nyid du shin tu yongs su zhus/ shin tu yongs su shes/ shin du mngon sum du byas so/ /maud gal gyi bu sngon byung ba 'das pa'i dus 'khor ba dpag tu med cing grangs med pa'i yang grangs med pa de'i pha rol gyi yang ches pha rol na de bzhin gshegs pa dam 'cha' bar mi mdzad pa zhes bya ba nas/ rgya cher sbyar te sangs rgyas bcom ldan 'das kyi bar 'jig rten du byung ngo / /de'i tshe bram ze shin du brtags spyod ces bya ba shing sA la chen po lta bu zhig byung ste/ de bya ba gang dang gang rtsom pa de nyid shin du brtags nas byed de/ sems can la phan pa'i yid dang / sems can la phan pa'i sems dang ldan pa de mtshan mo tho rangs kyi gnyid sangs ma thag tu bar snang las kun 'byung gi chos gang yin pa de thams cad ni 'gog pa'o zhes sgra thos so/ /de mtshan mo de 'das nas gnyid sangs te langs nas de khyim la mi dga' zhing khrus mi byed de/ lus mi skud/ zas mi za/ rtsed mo mi byed dga' bar mi byed cing yongs su mi spyod de/ gzhan du na shin tu yid mi dga' ste/ sems khong du chud cing 'dug go/ /de'i ma dang pha dang mdza' bshes dang / nye du dang / snag gi gnyen mtshams rnams 'dus nas 'di skad ces dris so/ /gzhon nu khyod ci gang gis yid mi dga' bar byas shing phyir phyogs la sems khong du chud/ des ma dang pha dang / mdza' bshes dang / nye du dang / snag gi gnyen mtshams de dag la 'di skad ces smras so/ /yab dang yum bdag de ring mtshan mo'i tho rangs gnyid sangs pa dang / bar snang las kun 'byung</font><hr>42.149a<br><font size=+1>

gi chos gang yin pa de thams cad ni 'gog pa'i chos can no zhes sgra thos te/ bdag sgra de thos nas mi dga' ba skyes te/ 'dus byas ngan pa 'jig pa'i chos can gang la bdag dga' ba skye ba bral bar gyur te/ yab bdag ni gang mi 'gog pa'i chos de tshol lo/ /de la ma dang pha de dag gis smras pa/ ci 'khrul tam/ ci skrag gam/ ci dngangs sam/ ci gnod sbyin nam/ 'byung po kha cig gis ma gtses sam/ gzhon nu mi 'gog pa'i chos ni gang yang med de/ gzhon nu 'di lta ste dper na/ nam mkha' la sgrib pa 'am/ gnyen po med do/ /gzhon nu de bzhin du mi 'gog pa'i chos de ni gang yang med do/ /des pha ma de dag la 'di skad ces smras so/ /yab yum mi skye na 'gum pa ma mchis te/ gang skye ba de 'gum lags so/ /gang mi skye ba ni de'i 'gum pa ma mchis te/ gang gi bu mchis na de'i bu 'gum la/ gang la bu ma mchis na de'i bu mi 'gum par gda' lags so/ /de'i bu dag las bu skyes na bu dang ldan pa'i bu 'gum par gda' lags te/ de lta lags pas bu skye ba mchis na 'gum pa yang mchis so/ /bu skye ba ma mchis na bu 'gum par yang mi 'gyur lags te/ de ltar nye bar len pa thams cad la yongs su 'dzin te/ de lta bas na gang nye bar mi len pa de dag la ni sdug bsngal ma mchis so/ /de 'di snyam du gyur te thabs shig yod de/ thabs gang gis yongs su 'dzin pa'i nyes pa mi bskyed par bya'o snyam mo/ /de yang 'di snyam du gyur te/ mngon par zhen pa ni yongs su 'dzin pa'i nyes pa ste/ mngon par zhen pa med pa ni yongs su 'dzin pa'i nyes pa med pas/ gang bdag gis sems can thams cad yongs su gzung bar bya zhing de dag la mngon par zhen par ni mi bya'o snyam mo/ /de yang 'di snyam du gyur te/ sems can 'di dag ni yongs su 'dzin pa'i nyes pa mi shes la de nyes pa de dag spong bar mi byed de/ nyes pa de dag ma spangs pas yongs su 'dzin pa'i nyes pas gos te bdag gis 'di ltar sems can thams cad yongs su gzung bar bya zhing sems can de dag thams cad</font><hr>42.149b<br><font size=+1>

bdag gis bslab par bya/ yongs su 'dzin pa'i nyes pa yang khong du chud par bya'o snyam mo/ /de ci'i phyir zhe na/ yongs su 'dzin pa med pa la ni byang chub med de sems can de dag la snying rje chen po bskyed nas/ sems can thams cad yongs su 'dzin pa med pa'i tshul gyis bzung ste/ yongs su 'dzin pa'i nyes pa yang mi bskyed do snyam mo/ /maud gal gyi bu de'i tshe de'i dus na/ bram ze gzhon nu shin tu brtags spyod ces bya ba shing sA la chen po lta bur gyur pa de gzhan yin par sems na khyod kyis de ltar mi blta ste/ nga de'i tshe de'i dus na bram ze shin tu brtags spyod ces bya ba shing sA la chen po lta bur gyur to/ /nga shin tu brtags par spyod pa dag la gnas pas myur du bla na med pa yang dag par rdzogs pa'i byang chub mngon par rdzogs par sangs rgyas te/ rgyal rigs shing sA la chen po lta bu dang / khyim bdag shing sA la chen po lta bu dang / rgyal po dang / blon po dang / blon po'i bu dag gis tshul ni de dag yin no/ /maud gal gyi bu tshul des spyod pa de ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /maud gal gyi bu de la ngas bla na med pa yang dag par rdzogs pa'i byang chub 'di yongs su tshol ba na dka' ba rnam pa mang po du ma dag byas shing gtang bar dka' ba dag kyang btang ste/ maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na/ shar phyogs kyi phyogs na 'jig rten gyi khams mi 'gul bar byas pa zhes bya ba byung ste/ de na de bzhin gshegs pa dgra bcom pa yang dag par rdzogs pa'i sangs rgyas dri med spyan tog gi rgyal po zhes bya ba nas/ sangs rgyas bcom ldan 'das kyi bar 'jig rten du byung ste/ maud gal gyi bu de bzhin gshegs pa dri med spyan tog gi rgyal po de'i sangs rgyas kyi zhing stong gsum gyi 'jig rten gyi khams brjod du med pa dag byung ngo / /de bzhin gshegs pa dri med spyan tog gi rgyal po de'i nyan thos kyi dge 'dun brjod du med pa khrag khrig dag byung ngo / /de bzhin gshegs pa dri med spyan tog gi rgyal po de'i rim gro pa ni byang chub sems</font><hr>42.150a<br><font size=+1>

dpa' seng ge'i blo gros shes bya ba byung ste de de bzhin gshegs pa dri med spyan de'i rim gro ba lo bye ba khrag khrig phrag bdun bcu rtsa drug du byas shing thugs dang 'thun te/ thugs dang mi mthun pa ma yin pa la bshad pa yang 'dzin cing rang gi don kyang mi gtong ngo / /de de bzhin gshegs pa dri med spyan tog gi rgyal po de la lo bye ba khrag khrig phrag drug bcu rtsa drug tu da ltar byung ba shes pa 'gog par 'gyur ba'i lam shes pa'i zhu ba zhus so/ /bcom ldan 'das legs so/ /da ltar byung ba shes pa 'gog par 'gyur ba'i lam shes pa bdag la bshad du gsol/ gang bdag gis da ltar byung ba shes pa 'gog par 'gyur ba'i lam shes pa thos nas bshad par bgyi'o/ /de bzhin gshegs pa dri med spyan tog gi rgyal po des/ bza' ba dang / btung ba dang / bca' ba dang / gzims pa ma gtogs par lo bye ba khrag khrig phrag bdun bcu rtsa drug tu da ltar byung ba'i shes pa 'gog par 'gyur ba'i lam shes pa bstan te/ da ltar byung ba'i gnas shes pa 'di ltar yongs su shes par bya/ da ltar byung ba shes pa kun 'byung ba shes pa 'di ltar yongs su shes par bya/ da ltar byung ba shes pa 'gog pa shes pa 'di ltar yongs su shes par bya/ de bzhin du sbyar te gnas ma yin pa shes pa kun 'byung ba shes pa yongs su shes par bya/ gnas ma yin pa shes pa 'gog pa shes pa/ gnas ma yin pa shes pa 'gog par 'gyur ba'i lam shes pa yongs su shes par bya/ de bzhin du da ltar byung ba thams cad mkhyen pa nyid kyi shes pa yongs su shes par bya/ thams cad mkhyen pa shes pa kun 'byung ba shes pa da ltar byung ba thams cad mkhyen pa shes pa 'gog pa shes pa/ da ltar byung ba thams cad mkhyen pa shes pa 'gog par 'gyur ba'i lam shes pa rab tu shes par bya'o/ /maud gal gyi bu de ji snyam du sems/ de'i tshe de'i dus na byang chub sems dpa' seng ge'i blo gros shes bya ba rim gro par gyur pa de gzhan yin par sems na/ khyod kyis de ltar mi blta ste/ de ci'i phyir zhe na/ nga de'i tshe de'i dus na/ seng</font><hr>42.150b<br><font size=+1>

ge'i blo gros shes bya ba rim gro par gyur to/ /maud gal gyi bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas par 'dod pas le lo med par sangs rgyas bcom ldan 'das rnams kyi rim gro par yongs su spyad par bya zhing lus dang srog la mi blta bar slong ba la yongs su mi gtong ba ci yang med par bya'o/ /maud gal gyi bu ngas mngon par shes te/ 'das pa'i dus na da ltar byung ba shes pa 'gog par 'gyur ba'i lam shes par bya ba'i don du rgyal srid yongs su gtang bar bya ste/ maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na/ rgyal po tshangs pas byin zhes bya ba bdag gi ba thams cad yongs su gtong zhing legs par gsungs pa tshol ba zhig byung ngo / /de slongs mo pa gang dang gang slong ba de dang sbed pa med par yongs su gtong ngo / /maud gal gyi bu de nas rgyal po tshangs pas byin btsun mo dam pa dang / bu thu bo gzhon nu dang lhan cig tu bkad sar song nas 'khod pa las/ de nas sha za gzugs mchog tu mi sdug pa zhig 'ongs nas/ rgyal po de 'dug pa'i bkad sa'i bar snang la skyil mo dkrung bcas nas 'di skad ces smras so/ /sa bdag chen po legs par gsungs pa tshol ba rgyal bar spyon cig /bdag gis sngon gyi de bzhin gshegs pa rnams kyis legs par bshad pa de las thos pa yod de/ gal te khyod de don du gnyer na zung shig /de nas rgyal po tshangs pas byin gyis sha za de la 'di skad ces smras so/ /'byung po chen po legs par gsungs pa 'dod kyis gang khyod 'dod pa de ngas rab tu sbyin no/ /des smras pa/ sa bdag chen po gang rgyal po khyod kyi sdug pa gsum po bdag nyid dang chung ma dang bu de dag bdag la byin na legs par gsungs pa phyis bshad do/ /des smras pa/ 'di dag gis ci zhig bya/ des smras pa/ bza' bar bya ste/ legs par gsungs pa yang bshad do/ /de nas rgyal po tshangs pas byin</font><hr>42.151a<br><font size=+1>

g.yon logs na chung ma dang / g.yas logs na bu 'dug pa bltas pa dang / de dag gis smras pa/ rgyal po chen po myur du bdag cag thong la legs par gsungs pa gang gis 'khor ba las sgrol bar 'gyur ba'i slad du legs par gsungs pa yang gson cig /maud gal gyi bu de nas sha zas de'i lhag pa'i bsam pa rig nas legs par gsungs pa'i tshigs su bcad de smras so/ /bdag gi phyir dang gzhan gyi phyir dag tu/ /bde ba 'dod na sdig pa mi bya ste/ /byis pa bde 'dod gang zhig sdig byed na/ /de yi 'bras bu so sor myong bar 'gyur/ /de nas rgyal po tshangs pas byin 'di snyam du gyur te/ ji tsam du legs par gsungs pa'i tshigs su bcad pa 'di ni ngo mtshar che ste/ tshigs su bcad pa 'di 'i don du bdag gi lus gang gA'i klung gi bye ma snyed kyang yongs su gtang bar bya ste/ de dag kyang yongs su btang nas tshigs su bcad pa 'di 'dod par bya'o snyam ste/ de stan las langs nas lag pa g.yon pas chung ma dang / lag pa g.yas pas bu bzung ste/ sha za de la smras pa/ tshigs bcad 'di yis bdag gi don chen byed/ /ji ltar dga' bar khyod kyis spyad par gyis/ /maud gal gyi bu de nas sha za de tshul de mi snang bar byas nas rang gi tshul yang dag par bstan nas/ rgyal po tshangs pas byin de la tshigs su bcad de smras pa/ sbyin la dpa' ba legs so legs/ /ser sna'i sdig pa bcom byas shing / /gtong ba so sor 'dzin pa khyod/ /de ni yid bzhin grub gyur cig /de nas rgyal po tshangs pas byin gyis/ 'byung po chen po de la smras pa/ grogs po khyod su zhig /des smras pa/ grogs po bdag ni lha rnams kyi dbang po brgya byin yin te/ rgyal po chen po khyod mchog gang dang gang 'dod pa de nga las long / de nas rgyal po tshangs pas byin gyis 'di skad ces smras so/ /lha rnams kyi dbang po gal te mchog stsal bar spyod na/ gang la skye ba med pa dang / rga ba med pa dang / na ba med pa dang / 'chi ba med pa dang / mya ngan dang / smre sngags 'don pa dang / </font><hr>42.151b<br><font size=+1>

sdug bsngal ba dang / yid mi bde ba dang / 'khrugs pa med pa mchog de bdag la stsol cig /des de la smras pa/ rgyal po chen po bdag 'di la dbang med de/ sangs rgyas bcom ldan 'das ni mchog 'di la mnga' brnyes so/ /mchog gzhan gang dang gang 'dod pa slongs/ de nas rgyal po tshangs pas byin gyi lha rnams kyi dbang po brgya byin la 'di skad ces smras so/ /dbang phyug pa yang dbang med pa dag byis pa mthong ngo cog /brgya byin yi chad 'di ltar glang chen 'dam song nyams pa bzhin/ /maud gal gyi bu de'i tshe de'i dus na/ rgyal po tshangs pas byin zhes bya ba de gzhan yin par sems na khyod kyis de ltar mi lta ste/ de'i tshe de'i dus na/ rgyal po tshangs pas byin zhes bya bar gyur pa de nga yin no/ /maud gal gyi bu dge ba'i rtsa ba des nga da ltar byung ba shes pa 'gog par 'gyur ba'i lam shes pa brnyes so/ /maud gal gyi bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dang / da ltar byung ba shes pa 'gog par 'gyur ba'i lam shes pa thob par 'dod pas/ bdag gi thams cad yongs su btang bar bslab par bya/ ltos pa med par sbyin pa sbyin par bya'o/ / bam po bcu bzhi pa/ maud gal gyi bu nga las shes par bya ba'i don du dka' ba dpag tu med pa dag spyod cing / /gtang bar dka' ba dpag tu med pa dag kyang btang ste/ maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na/ bram ze b+ha ra dwa dza dang rus gcig pa zhes bya ba zhig shing gzhan zhig gi drung du song ste/ 'dug pa las de'i tshe dus ma yin pa'i sprin chen po zhig byung nas de nyid du char bab po/ /de nas bram ze b+ha ra dwa dza dang rus gcig pa de shing drung der zhag bdun gyi bar du char bab ste/ de na gnas pa na zas mi za bar de bzhin du 'dug go/ /de'i tshe shing de'i sdong bu'i gseb na/ ri bong yon tan mchog dang ldan pa zhig gnas te/ de shing</font><hr>42.152a<br><font size=+1>

gseb de nas byung nas/ bram ze b+ha ra dwa dza dang rus gcig pa de'i rkang pa la lces bldag go/ /de nas bram ze b+ha ra dwa dza dang rus gcig pas ri bong de pang bar blangs nas zhag bdun gyi bar du 'dzin cing lag pas kyang de'i lus la yongs su byugs so/ /byams pa'i sems kyis yang dag par blta zhing / lus kyi las kyis yang dag par nyug par byed do/ /byams pa'i lus kyi las kyis yang dag par byugs/ byams pa'i ngag gi las dang / byams pa'i yid kyi las kyis kun nas brjod cing / de'i tshe tshigs su bcad pa 'di dag smras so/ /ri bong tshal shing nags na gnas pa legs/ /chos dang ldan zhing chos dga' bla ma bsnyen/ /gang gis srid pa tshal shing 'di ru gnas/ /bdag gis dris pa dag ni legs par smros/ /nga dang lhan cig 'dug pa'ang mi 'jigs sam/ /gzhan yang bkres dang skom pa dag med dam/ /rtswa 'jam dag la za bar med pa na/ /khyod kyi lus ni gang gis tshal na gnas/ /des smras pa/ mi yi bram ze bdag las gsan par mdzod/ /nags khrod 'di na chos spyod khyod gzigs shig /btung ba dag dang de bzhin rtswa mi 'tshal/ /drang srong lta zhing lhan cig dga' bar bgyi/ /chos ldan mthong nas tshul khrims brtul zhugs spyad/ /'jig rten bde der dga' mgu thob par bgyi/ /khyod kyis las ci byas pas mi yul du/ /'ongs shing gang gis dud 'gro'i skye gnas song / /gang zhig thos nas mgu bar 'gyur ba dag /de ni brtags pa'i tshig gis nga la smros/ /smras pa/ sngon gyi srid par chos 'chad nyan par bdag /zhugs nas bdag gis chos smra de gtses te/ /des na dud 'gro'i 'gro bar bdag song ngo / /des smras pa/ ring zhig bdag gis 'dir 'dug nga ni 'gro/ /cung rtsan bzod mdzod skom 'thung rtswa zo la/ /dus las 'da' ba dag tu khyod ma byed/ /des smras pa/ bdag ni chu dag don du gnyer ma yin/ /rtswa yang mi 'dod bshad pa'ang mi 'dod kyi/ /bdag la gzigs</font><hr>42.152b<br><font size=+1>

shing ma btang ma bzhud par/ /bram ze tshal 'di'i nang du bzhugs par mdzod/ /des smras pa/ cung rtsan bza' ba'i rnam pa ga la yod/ /de bzhin btung ba dag gi rnam pa dang / /gnas pa dag kyang rab tu med pas na/ /bram ze gang gis tshal 'di'i nang du gzung / /des smras pa/ drang srong gis ni yongs su dris pa'i zas/ /med de de bzhin btung dang til med cing / /'bras kyang yod pa ma yin mal cha dang / /stan dag bdag la yod pa ma yin pas/ /drang srong la ni bdag nyid gtang bya ste/ /drang srong rab tu dga' bas bdag mnobs la/ /mthong ba'i chos la dga' ba rnyed dga' bas/ /mnobs te bdag gi tshal 'dir zhugs par mdzod/ /de ni sad par bya phyir tshig smras pa/ /khyod ni de ring bza' zhing tshal gnas bya/ /khyod nyid khyod kyis sod la bdag la byin/ /khyod zos bdag ni yid dga' gnas par bya/ /des smras pa/ lus la ltos pa med kyis me'i nang du/ /bdag ni chug ste di ring mnabs par mdzod/ /shi ma thag tu yid ni dgar 'gyur zhing / /mkhas pa dag dang yid dga' phrad par 'gyur/ /drang srong gis ni de la sad bya'i phyir/ /der ni rtswa dang shing dag bsdus nas su/ /me ni bus nas ri bong la smras pa/ /sregs shig bdag gis tshal du gnas par bya/ /me 'bar de ni ri bong mthong nas su/ /rdzing gi chu bsil nang du 'jug pa ltar/ /dad pa rgya cher bskyed nas 'bar ba ru/ /gang la'ang ltos pa med par der zhugs so/ /ri bong la ni drang srong de yis su/ /dga' bskyed byams shing skyobs pas de bzung ste/ /cung rtsan bskal pa'i bar du tshal 'dug shig /khyod la phan par bya phyir tshal gnas bya/ /drang srong de ni tshal der gnas nas su/ /ri bong de la phan pa'i gdams pa ni/ /dge ba dpag tu med pa'i las byas pas/ /mtho ris 'gro zhing der ni bde ba 'byung / /maud gal gyi bu de ji snyam du sems/ de'i tshe de'i dus na ri bong du gyur pa de gzhan yin par sems na/ khyod kyis de ltar mi blta ste/ /nga de'i tshe de'i dus na ri bong du gyur to/ /maud gal gyi bu de ji snyam du sems/ de'i tshe de'i dus na/ </font><hr>42.153a<br><font size=+1>

drang srong du gyur pa de gzhan yin par sems na/ khyod kyis de ltar mi blta ste/ de'i tshe de'i dus na shA ri'i bu drang srong du gyur to/ /nga las de dang nga dge ba'i rtsa ba des las shes pa brnyes so/ /maud gal gyi bu de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas las shes pa la bslab par bya zhing / las de dag kyang bsre bar mi bya ste/ gzhan du na bla na med pa yang dag par rdzogs pa'i byang chub tu yongs su bsngo bar bya'o/ /maud gal gyi bu de ltar byang chub sems dpa' sems dpa' chen pos las shes pa yongs su shes par bya'o/ /maud gal gyi bu las shes pa kun 'byung ba shes par bya ba'i don du/ nga sngon byang chub sems dpa'i spyad pa spyod pa na/ dge ba'i rtsa ba dpag tu med pa mngon par 'dus byas shing / gtang bar dka' ba yang btang la/ bya dka' ba dag kyang byas te/ maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na/ chos kyi rgyal po chos dang ldan pa gdugs gcig pa/ sa rnams kyi dbang phyug rgyal po mya ngan med pa'i dpal zhes bya ba zhig byung ngo / /de'i tshe de bzhin gshegs pa bdud kyi stobs rab tu 'joms pa zhes bya ba 'jig rten du byung ste/ bcom ldan 'das de bzhin gshegs pa bdud kyi stobs rab tu 'joms pa de'i nyan thos kyi dge 'dun dgra bcom pa zag pa zad pa dung phyur phrag dgu byung ngo / /de nas de bzhin gshegs pa bdud kyi stobs rab tu 'joms pa/ nyan thos dung phyur phrag dgu po de dag gi dbus su bzhugs nas/ 'di lta ste/ las shes pa kun 'byung ba shes pa las brtsams te/ nyan thos rnams la chos ston to/ /de'i tshe 'khor de nyid du byang chub sems dpa' sems dpa' chen po mya ngan sel ba zhes bya ba zhig 'dus par gyur nas 'dug go/ /de stan las langs nas gos phyogs gcig tu gzar te/ pus mo g.yas pa'i</font><hr>42.153b<br><font size=+1>

lha nga sa la btsugs nas/ bcom ldan 'das de bzhin gshegs pa bdud kyi stobs rab tu 'joms pa ga la ba de logs su thal mo sbyar ba btud de/ bcom ldan 'das de la tshigs su bcad pa'i dbyangs kyis zhu ba zhus pa/ mi dbang thugs dag dge bas brgyan pa ste/ /'dren pa rang byung la ni bdag 'di zhu/ /mgon po ji ltar spyad na rnam 'dren sras/ /dge bar spyod pa'i las kyi rgyu 'tshal lags/ /ji ltar chags bral dag pa'i las su 'gyur/ /ji ltar dag pa'i las kyis dge ba bsten/ /ji ltar spyad na dag pa'i las thob 'gyur/ /'dren pa dag pa'i las rgyu gsungs shig gsungs/ /ji ltar las kyi rnam dag rab tu thob/ /ji ltar 'gro ba rnam dag las mngon 'gyur/ /ji ltar rnam par dag las rgyu dran lags/ /rnam 'dren kha lo sgyur gtso gsungs shig gsungs/ /mchog tu dge ba yid 'ong spyod pa'i sems/ /spyod pa mnyam rtsom zhi ba dag pa'i las/ /mi dbang khyod kyi dag pa'i gsung thos nas/ /'dren pa khyod sras byang chub rab tu gnas/ /maud gal gyi bu de nas de bzhin gshegs pa bdud kyi stobs rab tu 'joms pa des/ byang chub sems dpa' mya ngan sel ba de la 'di skad ces bka' stsal to/ /mya ngan sel ba khyod skye bo mang po la phan pa dang / skye bo mang po la bde ba dang / 'jig rten la snying brtse ba'i phyir zhugs te/ khyod de bzhin gshegs pa la don 'di yongs su zhu bar sems pa ni/ mya ngan sel ba legs so legs so/ /rigs kyi bu de'i phyir legs par rab tu nyon la yid la zung shig dang ngas khyod la bshad do/ /byang chub sems dpa' mya ngan sel bas bcom ldan 'das la legs so zhes gsol nas/ bcom ldan 'das kyis de la 'di skad ces bka' stsal to/ /rigs kyi bu 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang brgya bar 'dod pas/ nga rgyal spang ba la bslab par bya/ sems can thams</font><hr>42.154a<br><font size=+1>

cad la yon gnas yin par sems nye bar gzhag par bya/ chos kyi kun dga' ba la yang so sor rig par bya/ byang chub kyi sems kyang mi gtang bar bya/ dge ba'i bshes gnyen yang mngon par mgu bar bya/ chos btsal ba la yang chog mi shes par bya/ mang du thos pa la yang mngon par brtson par bya/ bstan bcos shin tu brtags pa dag kyang btsal bar bya/ so sor rtogs pa la yang bslab par bya/ grub pa'i mtha' so sor rtogs pa la yang bslab par bya/ tshod ga la mkhas par yang bya/ bla ma la gus par bya/ bla ma la zhe sa med pa'i nye bar spyad par mi bya/ bla ma'i tshig las 'da' bar yang mi bya/ don dang ldan pa'i bstan bcos btsal bar bya zhing don med pa gzhan spang bar bya/ 'jig rten rgyang 'phen pa'i bstan bcos dang / chad pa'i khrims kyi bstan bcos dang / byad stems kyi bstan bcos dang / smra ba'i rig pa'i bstan bcos dang / 'byung po rig pa'i bstan bcos dang / rmugs byed rig pa'i bstan bcos dang / gzhon nu rtse ba'i bstan bcos dang / bza' ba'i bstan bcos dang / rgyan po'i bstan bcos dang / 'tshong ba'i bstan bcos dang / sgyu ma byed pa'i bstan bcos dang / nyo tshong gi bstan bcos dang / shan pa'i bstan bcos dang / chang 'tshong gi bstan bcos dang / 'khrig pa'i bstan bcos dang / 'gro ba'i bstan bcos dang / kun du 'tsho ba la rmongs pa'i bstan bcos dang / nyal ba'i bstan bcos dang / rengs byed kyi bstan bcos dang / rnam par rmongs byed kyi bstan bcos dang / sbrul bzung ba'i bstan bcos dang / gzhan gang dag de las gzhan pa gang rnam par thar pa dang / mi mthun pa'i bstan bcos gang kun du rmongs par 'jug pa de dag thams cad ni byang chub sems dpa'i theg pa la yang dag par rab tu gnas pas yongs su spang bar bya'o/ /de ci'i phyir zhe na/ 'di ltar de dag ni thar pa la thogs par gyur pa'i phyir ro/ /mya ngan sel ba gzhan yang byang chub sems dpa' bla na med pa yang dag par</font><hr>42.154b<br><font size=+1>

rdzogs pa'i byang chub mngon par rdzogs par 'tshang rgya bar 'dod pa des sbyin pa dang / dul ba dang / yang dag par sdom pa la mngon par brtson par bya/ sems can bsdu ba'i phyir bdag nyid snod du bya/ ji ltar 'di'i tshig gzung bar 'gyur bar bya ste/ rigs kyi bu ji tsam du bag tsam yang dus ma yin par smra ba ni gzung bar mi 'gyur te/ de lta bas na dus dang rigs par tshig dbyung bar bya'o/ /maud gal gyi bu sngon byung ba 'das pa'i dus na/ grogs po gnyis shig byung ste/ sngo bsangs dga' zhes bya ba dang / bla ma zhes bya ste de gzhan zhig na/ rgyal po'i pho brang 'khor na 'dug go/ /gcig ni rgyal po la bsten/ gnyis pa ni smad 'tshong ma la bsten to/ /de la gang smad 'tshong ma la bsten pa ni sngo sangs dga'o/ /gang rgyal po la bsten pa de ni bla ma'o/ /de la gang rgyal po la bsten pa sten grogs bla ma de ni rigs par smra zhing dus su smra'o/ /gang smad 'tshong ma la bsten pa sten grogs sngo bsangs dga' de ni dus ma yin par smra zhing / rigs pa ma yin pa smra ste/ de smad 'tshong ma de dag gis chang blud nas ra ro bar rig pa dang / rtswa stan gyis dkris nas lam gyi bzhi mdor bor ro/ /mtshungs pa ma yin pas slob ma de dus ma yin pa'i tshig de dang rigs pa ma yin pa'i tshig de las nyon mongs par gyur to/ /maud gal gyi bu de ji snyam du sems/ de'i tshe de'i dus na/ sten grogs bla ma zhes bya ba de gzhan yin par sems na/ khyod kyis de ltar mi lta ste/ nga de'i tshe de'i dus na sten grogs bla ma zhes bya bar gyur to/ /maud gal gyi bu de ji snyam du sems/ de'i tshe de'i dus na sten grogs sngo bsangs dga' zhes bya bar gyur pa/ dus ma yin par smra zhing rigs pa ma yin par smra ba de gzhan yin par sems na/ de ltar mi lta ste/ lha sbyin de'i tshe de'i dus na sten grogs sngo bsangs dga' zhes bya bar gyur to/ /de dus ma yin par smra ba de dang rang rigs pa ma yin par smra ba de las nyon mongs par gyur to/ /gang gis nga bde</font><hr>42.155a<br><font size=+1>

ba nyams su myong ba ni 'di lta ste/ ngas kun 'byung ba dus su smras shing rigs par smras pa yin no/ /gang gis lha sbyin sdug bsngal nyams su myong ba de'i las kyi rnam par smin pa'i rgyu ni 'di lta ste/ dus ma yin par smra zhing rigs pa ma yin par smra ba yin no/ /maud gal gyi bu de lta bas na byang chub sems dpa' dus shes pa kun 'byung ba shes pa la rnal 'byor du bya'o/ /maud gal gyi bu de la byang chub sems dpa' sems dpa' chen po dus su smra ba la nye bar gnas pa des ni dran pa rnal 'byor du byas te/ maud gal gyi bu dbang po nye bar gnas pa'i byang chub sems dpa' ni bag yod pa zhes bya'o/ /de byang chub sems dpa'i chos dag las yongs su nyams par mi 'gyur ro/ /maud gal gyi bu byang chub sems dpa'i chos de dag kyang gang zhe na/ gang byang chub sems dpa' dag gis yongs su mi nyams par bya ba 'di lta ste/ pha rol tu phyin pa drug la 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'o/ /maud gal gyi bu 'di dag ni byang chub sems dpa'i chos rnams yin te/ byang chub sems dpa' gang dag gis yongs su nyams par mi bya'o/ /byang chub sems dpa' dran pa la nye bar gnas pa ni gtong ba rjes su dran pa bsgom ste/ sbyin pa las byung ba'i bsod nams bya ba'i dngos po yongs su rdzogs par byed do/ /sbyin pa las byung ba'i bsod nams bya ba'i dngos po yongs su rdzogs na ser sna zlog ste/ gang ser sna bzlogs pas gtong ba 'dzin to/ /de yongs su 'dzin pa thams cad la mngon par zhen pa med de/ gang yongs su 'dzin pa thams cad la mngon par zhen pa med pa de 'ching ba gcod do/ /gang 'ching ba gcod pa de thar pa'o/ /gang thar pa ni grol ba'o/ /grol ba de ni mngon par zhen pa med cing phung po lhag ma med pa'i dbyings su mya ngan las</font><hr>42.155b<br><font size=+1>

'da'o/ /maud gal gyi bu de dag ni byang chub sems dpa'i chos rnams yin te/ byang chub sems dpa' gang dag mi 'chi/ yongs su mi nyams par byed pa'o/ /maud gal gyi bu byang chub sems dpa' yongs su nyams pa med pa na/ lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i tshogs rnams kyis ston par rig par bya/ 'dren par rig par bya/ yongs su 'dren par rig par bya/ sgron ma 'dzin par rig par bya/ snang ba byas pa rig par bya/ de bzhin du sbyar te gsal bar byed pa dang / ston pa dang khrid par byed pa dang / zhi bar byed pa dang / rab tu zhi bar byed par rig par bya/ dga' bar byed pa dang / rgyas par byed pa dang / sngon du 'gro ba dang / mdun du 'gro ba dang / mthar byed par rig par bya/ sgrol ba dang / pha rol du 'gro ba dang / 'od byed pa dang / bde byed du rig par bya/ gnas dang / mgon dang / skyabs dang pha rol du 'gro ba dang / mi 'jigs par byed pa zhes rig par bya'o/ /maud gal gyi bu de ci'i phyir zhe na/ 'di ltar byang chub sems dpa' dag ni sems can de dag las snying rje chen po 'thob ste/ kye ma sems can 'di dag ni mgon med pa ste/ kha cig sdug bsngal las nges par 'byung zhing 'dod pa'i bde ba 'dod/ kha cig ni sdug bsngal las nges par 'byung zhing / snyoms par 'jug pa'i bde ba 'dod pa ni lam rab tu nyams pa/ lam gol bar zhugs pa/ lam ngan pa'i rjes su 'brang ba'o snyam mo/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na/ ston pa dben par spyod pa zhes bya ba byung ste/ de sems can rnams 'dod pa'i rab tu gnod pa las nges par grol ba dang / nges par 'byung ba la 'jog par byed de/ des dag par yang 'dzin to/ /des skye bo mang po yang dag par 'jog ste/ gang gi tshe sems can dag 'dod pa rnams la dben pa 'thob cing</font><hr>42.156a<br><font size=+1>

re shig 'dis yongs su mya ngan las 'da' bar 'dod de/ des skye bo'i tshogs mang po 'dod pa las dben pa la rab tu btsud do/ /de dag kyang 'dod pa las dben pa mthar phyin to snyam pa'i 'du shes su gyur to/ /gang gi tshe sems can rnams 'dod pa las dben pa skye bar gyur pa de'i tshe/ mya ngan las 'das par gyur to zhes zer te/ yang lus mi bskyed do/ /des srog chags bye ba phrag brgyad bzod pa de la btsud de de dag thar pa'o snyam pa'i 'du shes kyi 'chi ba'i dus byas nas tshangs pa'i 'jig rten du skye ba mthong ngo / /de dag 'di snyam du gyur te 'di lta ste/ mya ngan las 'das pa zhes bya ba 'di ni chos log pa'o/ /'di lta ste/ mya ngan las 'das pa zhes bya ba'i lam 'di ni lam log pa'o snyam mo/ /dge sbyong dang bram ze gang dag mya ngan las 'das so zhes smra ba de dag ni log par smra ba yin te/ de dag skyes ma thag tu des tshangs pa'i gzhal med khang mthong ba yang mi snang bar gyur cing sems can dmyal ba chen po byung bar gyur to/ /de lta bas na lam gzhan gyis thar pa ma gtogs par 'dod pa las nges par 'byung ba ni thar pa ma yin no/ /gang dge sbyong dang bram ze kha cig ni bsam gtan gyi bde bas thar par 'dod pa yang yod do/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na/ drang srong rigs mchog ma yin pa zhes bya ba zhig byung ste/ de 'dod pa rnams la 'ching bar 'du shes nas/ 'dod pa spong zhing 'byung ste/ de mngon par byung nas rtog pa dang bcas pa/ dpyod pa dang bcas pa bsam gtan dang po thob nas de 'di snyam du gyur te/ gang la rtog pa dang dpyod pa dag 'jug pa'i sa 'di ni rab tu ma zhi ba yin te/ 'di bas cung zhig gong na zhi ba nyid dang / gya nom pa nyid yod do snyam nas des bsams te rtog pa med pa'i bsam gtan thob nas de 'di snyam du gyur te/ gang la rtog pa dang dpyod pa dag mi 'byung ba 'di ni mya ngan las 'das pa yin te/ 'di ni zhi ba'o/ /'di ni gya nom pa'o/ /</font><hr>42.156b<br><font size=+1>

gang la rtog pa dang dpyod pa dag med pa de yang dang yang du skye bar mi 'jug la nye bar len pa cung zad kyang med de/ 'di ni phung po lhag ma med pa'i dbyings su mya ngan las 'da'o snyam nas de ting nge 'dzin de las langs nas/ srog chags 'bum phrag drug bzod pa 'di la btsud do/ /de dag kyang 'di snyam du gyur te/ rtog pa dang dpyod pa 'di dag spangs na de'i skye ba mi 'jug pa 'di ni mya ngan las 'da' ba thob bo snyam mo/ /de ltar bzod pa dang snang ba la dga' ba de dag la 'od gsal gyi gzhal med khang dag byung bar gyur to/ /de ltar gzhal med khang de dag mthong nas 'di snyam du gyur te/ 'di lta ste/ mya ngan las 'das pa zhes bya ba 'di ni log par 'dzin pa'o/ /gang dge sbyong dang bram ze mya ngan las 'das par smra ba de dag ni log par zhugs pa'o/ /de ci'i phyir zhe na/ mya ngan las 'das pa la ni gzhal med khang med do snyam nas/ de dag mthong ba thob ma thag tu gzhal med khang de dag mi snang bar gyur cing sems can dmyal ba chen por ltung bar gyur to/ /de'i tshe bram ze mngon par shes pa lnga dang ldan zhing rnam par lta ba pa shes pa sna tshogs yod pa zhes bya ba zhig byung ngo / /des sems can dmyal ba chen por zhugs pa de dag mthong nas de 'di snyam du gyur te/ kye ma 'jig rten gnas pa 'di ni rab tu nyams pa ste/ 'di ltar sems can log par 'dzin pa 'di dag sems can dmyal ba chen por rab tu ltung ngo snyam mo/ /de lta bu'i ting nge 'dzin mnyam par gzhag pa la ji ltar sems mnyam par gzhag pa'i rdzu 'phrul gyi stobs bskyed pa des sems can dmyal ba chen po de dag thams cad bsil bar byas so/ /bsil bar byas nas sgra phyung ba/ kye sems can dag mya ngan las 'das pa yod de/ khyod kyis sngon mya ngan las 'das pa ma thos shing / khyod kyis mya ngan las 'das pa ma yin pa la mya ngan las 'das par 'du shes te/ des na khyed cag dmyal bar skyes so/ /khyed cag gis lta bar gyur pa 'di dag legs par thong shig /'on tang khyed cag mya ngan las 'das pa</font><hr>42.157a<br><font size=+1>

'thob bo/ /sems can de dag gis de'i tshig de thos nas lta bar gyur pa de dag btang ste/ mya ngan las 'das pa'i 'du shes skyes so/ /de dag mya ngan las 'das pa'i 'du shes skyes ma thag tu/ sems can dmyal ba chen po de las shi'o/ /de shi nas ston pa shes pa sna tshogs yod pa de'i drung du lhags so/ /de dag shes pa sna tshogs yod pa des bstan bcos nas dgra bcom pa 'thob pa'i bar du ston to/ /maud gal gyi bu de'i tshe de'i dus na ston pa sna tshogs yod pa zhes bya bar gyur pa de gzhan yin par sems na de ltar mi blta ste/ nga de'i tshe de'i dus na ston pa shes pa sna tshogs yod par gyur to/ /maud gal gyi bu sems can dag yun ring po nas log par mngon par zhen pas bslus te/ maud gal gyi bu de lta bas na byang chub sems dpas log pas mngon par zhen pa la mngon par zhen pa med par bya'o/ /chos rnams kyi ngo bo nyid kyi mtshan nyid kyi shes pa la rab tu 'bad par bya'o/ /dge ba'i bshes gnyen yang yongs su btsal bar bya'o/ /maud gal gyi bu byang chub sems dpa' rnams kyi byang chub ni dge ba'i bshes gnyen dang 'brel pa'o/ /maud gal gyi bu byang chub sems dpas nyan thos kyi theg pa la yang dag par bsten par mi bya/ rang sangs rgyas kyi theg pa la yang dag par bsten par mi bya'o/ /maud gal gyi bu de ci'i phyir zhe na/ tshul khrims 'chal pa dang / log par lta ba ni byang chub sems dpa'i sdig pa'i grogs po ma yin gyi/ gzhan du na nyan thos kyi theg pa dang / rang sangs rgyas kyi theg pa ni byang chub sems dpa' sems dpa' chen po'i sdig pa'i grogs po yin no/ /de ci'i phyir zhe na/ tshul khrims 'chal pas byang chub sems dpa'i tshul khrims gzhig par mi nus/ log par lta bas byang chub sems dpa'i lta ba gzhig par mi nus so/ /de ci'i phyir zhe na/ tshul khrims 'chal pas byang chub sems dpa'i tshul khrims 'chal par bya mi nus/ lta ba log pas byang chub sems dpa'i lta ba log par bya mi nus kyi/ nyan thos kyi theg pa pa dang / rang sangs rgyas kyi theg pa pas ni byang chub sems dpa' zag pa med pa'i shes pa la 'jug par mi nus so/ /de lta bas</font><hr>42.157b<br><font size=+1>

na nyan thos dang / rang sangs rgyas kyi theg pa pa ni byang chub sems dpa'i sdig pa'i grogs po yin no/ /yang byang chub sems dpa'i theg pa la yang dag par gnas pas tshul khrims 'chal pa 'am/ lta ba log pa dang lhan cig dga' bar byas pa ni rung gi/ nyan thos dang rang sangs rgyas kyi theg pa pa dag ni de lta ma yin no/ /tshul khrims 'chal pa dang lta ba log pa ni byang chub sems dpa'i ring du song ba yin la/ nyan thos dang rang sangs rgyas kyi theg pa pa ni byang chub sems dpa'i theg pa la yang dag par gnas pa'i mthar byed pa gsod pa'i tshul du blta ste/ byang chub sems dpa' so sor ma brtags pa'i theg pa la yang dag par gnas pa de ni so sor 'bad pa mi nus te/ de lta bas na byang chub sems dpas nyan thos dang / rang sangs rgyas kyi theg pa pa dag dang lhan cig dga' bar mi bya'o/ /seng ge dang / wa lhan cig dga' bar byed pa ni rigs pa med de ji ltar wa lta bu de ltar ni nyan thos dang / rang sangs rgyas thams cad kyi theg pa pa yin par blta'o/ /ji ltar seng ge lta bu de ltar ni byang chub sems dpa'i theg pa la yang dag par gnas pa yin par rigs par bya'o/ /de ci'i phyir zhe na/ nyan thos ni bdag la phan par zhugs pa yin gyi/ byang chub sems dpa' ni bdag dang gzhan la phan par zhugs pa yin no/ /nyan thos ni bdag gi lam shes kyi/ byang chub sems dpa' ni bdag dang sems can thams cad kyi lam rab tu shes so/ /nyan thos ni bdag gi sems rnam par sbyong gi/  byang chub sems dpa' ni bdag dang sems can thams cad kyi sems rnam par sbyong ngo / /nyan thos dang rang sangs rgyas ni bdag gi nyon mongs pa rnams zhi bar byed kyi/ byang chub sems dpa' ni bdag dang gzhan gyi nyon mongs pa rnams zhi bar byed do/ /nyan thos ni lam gcig nas 'bros kyi/ byang chub sems dpa' ni lam chen po nas 'gro'o/ /nyan thos dang rang sangs rgyas dag nyon mongs pa spangs la/ bag chags ma spangs kyi/ byang chub sems dpa' ni byang chub mngon par rdzogs par sangs rgyas pa na nyon mongs bag chags kyi mtshams</font><hr>42.158a<br><font size=+1>

sbyor ba dang bcas pa yang spangs so/ /nyan thos ni gzhan gyis bstan pa'i lam gyis yongs su mya ngan las 'da'i/ byang chub sems dpa' ni rang byung gi lam gyis yongs su mya ngan las 'da'o/ /nyan thos dag gi dam pa'i chos ni mi gnas kyi/ byang chub sems dpa'i dam pa'i chos ni bla na med pa yang dag par rdzogs pa'i byang chub mngon par rdzogs par sangs rgyas nas gnas so/ /nyan thos dang rang sangs rgyas dag la ni stobs phun sum tshogs pa med kyi/ byang chub sems dpa' dag la ni byang chub mngon par rdzogs par sangs rgyas nas/ stobs bcu phun sum tshogs par 'gyur ro/ /nyan thos dang rang sangs rgyas dag la ni mi 'jigs pa phun sum tshogs pa med kyi/ sangs rgyas dag la ni mi 'jigs pa phun sum tshogs pa mnga'o/ /nyan thos dang rang sangs rgyas dag la ni de bzhin gshegs pa'i so sor yang dag par rig pa med kyi/ de bzhin gshegs pa la ni thun mong ma yin pa'i so sor yang dag pa'i rig pa mnga'o/ /nyan thos dang / rang sangs rgyas thams cad la ni mtshan med kyi/ de bzhin gshegs pa la ni thun mongs ma yin pa'i mtshan mnga'o/ /de bzhin gshegs pa'i so so yang dag par rig pa la slob pa ni dpes bstan pa de bzhin nyid yod do/ /dpes bstan pa gang gis stong gsum gyi stong chen po'i 'jig rten gyi khams mi shes pa de gang gis tshul 'di lta bu de las gzhan pa sdig pa mi dge ba'i chos dpag tu med pa dag gis kun nas dkris pa'i sems sangs rgyas kyi yon tan dang mnyam par 'gyur ro/ /byang chub sems dpa'i yon tan de dag la slob pa ni lam 'di lta bu khong du chud pa'i phyir lha dang bcas pa'i 'jig rten gyi rmongs par bya mi nus te/ des na byang chub sems dpa' 'di nas shi nas bla na med pa yang dag par rdzogs pa'i byang chub las phyir mi ldog cing de 'di snyam du sems te/ kye ma sems can 'di dag ni don med cing mig phyung ba dge ba'i phyogs dang mi mthun pa la mngon par zhugs pa las ngan pa'i dbang gis gang gzugs dang / </font><hr>42.158b<br><font size=+1>

sgra dang / dri dang / ro dang / reg bya 'dod pa de dag gal te brgya la mthong na mi mthun pa dang nyam nga ba 'thob ste/ de nges par 'byung ba yang dag pa ji lta ba bzhin rab tu mi shes so/ /'di lta ste dper na/ mi zhig la sbrul nag pos zin na sbrul la gnod par sems kyi dug spang ba'i phyir 'bad par ni mi byed do/ /de bzhin du byis pa so so'i skye bo rnams kyis lha'i 'dod pa'i dga' ba la mi bde bar sems kyi nyon mongs pa spang ba'i phyir 'bad par ni mi byed do/ /de ci'i phyir zhe na/ 'di ltar sdug bsngal gyi rgyu yang dag pa ji lta ba bzhin rab tu mi shes te/ de lta bas na byang chub sems dpa' sems dpa' chen pos sems can rnams kyi don bya bar 'dod cing / don ma yin pa bzlog par 'dod pas las rnams kyi rgyu nyon mongs pa dag so sor shes par bya'o/ /maud gal gyi bu nyon mongs pa gang gis las yang dag par len pa ngas shes shing mthong ba smras/ zag pa zad pa ma shes ma mthong ba yang ngas smra ste/ ci shes ci mthong zhe na 'di lta ste/ tshul bzhin yid la byed pa dang / tshul bzhin yid la mi byed pa'o/ /tshul bzhin ma yin pa gang zhe na/ mun pa'i tshogs gsum dag go/ /tshul bzhin gang zhe na/ rnam par thar pa'i sgo gsum ste/ stong pa nyid dang mtshan ma med pa dang / smon pa med pa'o/ /gang gi tshe stong pa nyid la gnas pa de'i tshe bdag dang bdag gi 'am/ rtag pa 'am brtan pa 'am/ zhi ba 'am ther zug pa zhes som nyi med cing the tshom med do/ /de'i nges par gyur pa rtogs nas der bdag med cing bdag gi med pa de'i tshe mun pa rmongs pa 'di bcom par 'gyur te/ dper na snang ba byung bas mun pa med par 'gyur ro/ /de bzhin du stong pa nyid la nges par gyur pas mun pa'i tshogs la 'jigs par mi 'gyur ro/ /des na bcom ldan 'das kyis rnam par shes par 'gyur zhing / de bzhin gshegs pa'i stobs bcu'i sgo 'byed par 'gyur te/ 'di lta ste gnas shes pa dang / gnas shes pa kun 'byung ba shes pa dang / gnas shes pa 'gog pa shes pa dang / gnas shes pa 'gog par 'gyur ba'i lam shes pa nas de bzhin du sbyar te/ thams cad mkhyen pa shes pa 'gog par 'gyur ba'i lam shes pa'i bar du'o/ /</font><hr>42.159a<br><font size=+1>

maud gal gyi bu de lta bas na byang chub sems dpa'i theg pa la yang dag par gnas pa'i rigs kyi bu 'am rigs kyi bu mo bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas mun pa rmongs pa'i tshogs gsum dag shes par byas la/ rnam par thar pa'i sgo gsum dag la so sor brtag par bya zhing / stobs bcu dag la smon lam gdab par bya'o/ /'jig tshogs dang mun pa'i tshogs kyis bsgribs pa'i sems can rnams la snying rje bskyed nas sems can rnams kyi mun pa'i tshogs yang dag par bstan pa'i phyir rnal 'byor du bya'o/ /maud gal gyi bu sngon byung ba 'das pa'i dus 'khor ba grangs med dpag tu med pa de'i pha rol gyi yang ches pha rol na/ drang srong rdzu 'phrul che zhing gzi brjid che ba mngon par shes pa lnga yod pa gser ldan zhes bya ba zhig byung ngo / /des sngon gyi gnas shes pa thob ste/ de ji lta bu'i tshul gyi ting nge 'dzin la mnyam par gzhag pa la de lta bu'i ting nge 'dzin thob pas/ sngon gyi bdag gi ngo bo nyid rjes su dran no/ /'das pa'i dus na bdag 'khor los sgyur ba'i rgyal po rin po che sna bdun dang ldan pa'i 'od chen po zhes bya bar gyur to/ /bdag gis drang srong mngon par shes pa lnga yod pa gzi brjid drag pa de las gang srog gcod pa de ngan song gi lam 'dzin to/ /gang srog gcod pa spangs pa de mtho ris kyi lam 'dzin to/ /gang nyon mongs pa zad pa'i lam 'dzin pa de thams cad mkhyen pa'i lam 'dzin to zhes thos so/ /de bdag gis thos nas 'di snyam du gyur te shes pa gang thos pas sems can thams cad kyi 'gro ba rab tu shes pa 'di lta ste/ thams cad du 'gro ba'i lam shes pa 'di ltar shes pa de 'thob pa de ni legs so/ /de ni rab bo snyam mo/ /de 'di snyam du gyur te/ rgyu gang gis thams cad du 'gro ba'i lam shes pa'i lam du 'gyur/ de 'di snyam du rab tu shes te/ thams cad du 'gro ba'i lam sgrub pa'i rgyu ni las mngon par 'du byed pa'o/ /las mngon par 'du byed pa'i rgyu gang yin/ de 'di snyam du gyur te/ nyon mongs pa 'dod chags zhe sdang gti mug gsum ni las mngon</font><hr>42.159b<br><font size=+1>

par 'du byed pa'i rgyu'o/ /de 'di snyam du gyur te/ 'dod chags zhe sdang gti mug gi rgyu gang yin/ de 'di snyam du gyur te tshul bzhin ma yin pa yid la byed pa ni las dang nyon mongs pa'i rgyu yin te/ tshul bzhin ma yin par zhugs pa ni nyon mongs pa skye zhing nyon mongs pas lus dang ngag dang yid kyi las mngon par 'du byed do/ /tshul bzhin ma yin pa yid la byed pa kun nas slong bas dbang po drug mngon par 'grub ste/ de la gnas nas yang nyon mongs pa 'grub bo/ /yang nyon mongs pa las las 'grub ste/ de'i las kyis yang rnam par smin pa dbang po drug 'grub ste/ de ltar sngon gyi mtha'i sdug bsngal gyi phung po chen po 'di rab tu mi shes so/ /gang du sems can dag rab tu nyams pa yang dag pa ji lta ba bzhin rab tu mi shes na shes pa gang gis sdug bsngal bar 'gyur ba'i de ji ltar 'thob par 'gyur/ smras pa/ gang gis nyon mongs par mi 'gyur ba ni tshul bzhin du so sor rig pa ste nyon mongs pa med na/ las mngon par 'du byed pa med la/ las mngon par 'du byed pa med na/ dbang po drug 'grub pa med de gang las mngon par 'grub pa med na de mya ngan las 'da'o/ /tshul bzhin ma yin pa 'di ni 'khor ba yin la/ tshul bzhin ni mya ngan las 'das pa'o/ /tshul bzhin ma yin pas ni 'jug par 'gyur la/ tshul bzhin gyis ni phyir ldog par 'gyur ro/ /tshul bzhin ma yin pas ni 'khor ba'i 'khor lor 'khyem la tshul bzhin gyis ni chos kyi 'khor lo bskor ro/ /tshul bzhin ma yin pas ni 'ching la/ tshul bzhin gyis ni 'thar ro/ /gang de ltar shes pa ni 'khor ba'i lam las thar zhing mya ngan las 'das pa'i lam 'thob ste/ de'i sdug bsngal dag ldog go/ /'di lta ste/ des las thams cad kyi rnam par smin pa dbang po drug gi shes pa thob nas skye bo'i tshogs der rab tu btsud do/ /de dge ba'i rtsa ba des chos thams cad kyi rigs pa rab tu shes nas/ dang por bzo byung ba thams cad byed do/ /des sems can thams cad rjes su gzung ba'i phyir thog mar lus kyi nad rnams kyi sman dpyad tshe'i rig byed bstan to/ /de'i 'og tu sems can rnams nad med par bya ba'i bsam pas yo byad bsags pa'i don du tha snyad kyi chos lugs bstan to/ /de'i 'og tu bdag nyid kyi yo byad bsags par bya ba'i phyir dang / yang dag par srung bar bya ba'i phyir</font><hr>42.160a<br><font size=+1>

'phong gi dpyad bstan to/ /de'i 'og tu brtsam pa 'grub par bya ba'i phyir skar ma'i shes pa bstan to/ /de nas sdug bsngal bzlog par bya ba'i phyir dang / bde ba thob par bya ba'i phyir thar pa'i shes pa bstan to/ /sems can rnams kyi sdug bsngal bsal bar bya ba'i don du bzo'i gnas dang las kyi gnas rnam pa du ma dag rab tu bstan to/ /maud gal gyi bu khyod de'i tshe de'i dus na drang srong gser ldan zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na drang srong gser ldan zhes bya bar gyur to/ /nga sems can thams cad la phan pa'i phyir zhugs nas/ bzo'i gnas dang las kyi gnas shes pa de dag thams cad rab tu bstan to/ /de nas bcom ldan 'das kyis de'i tshe tshigasu bcad pa 'di dag gsungs so/ /de tshe gser ldan drang srong du/ /nga gyur dka' thub drag po yin/ /sems can kun la phan pa'i phyir/ /las de dag ni rab tu bstan/ /dang por tshe yi rig byed de/ /de yi 'og tu 'phong dpyad do/ /skar dpyad zug rngu byed pa dang / /gong dag tu ni mtshan nyid do/ /de nas sngon byung da ltar byung / /de bzhin du ni ma 'ongs dang / /sngon byung ba dang ma 'ongs dang / /da ltar byung ba 'di dag dang / /sgra sbyor gtam ni grub pa dang / /sa shes pa dang khams smin dang / /khyad par du ni tshal shes dang / /shes mchog 'di dag thams cad ni/ /sems can dag la phan bya dang / /sems can ji ltar bde 'tsho dang / /sems can dag la phan bsams nas/ /nga yis dus gsum shes la bkod/ /maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na 'dzam bu'i gling 'dir dbang phyug rgya mtsho'i lha zhes bya ba zhig byung ste/ de dang nye ba zhig tu drang srong 'bras bu za ba rnam par gnon pas 'gro zhes bya ba zhig byung ngo / /de nas drang srong rnam par gnon pas 'gro ba 'bras bu 'dod pa'i phyir tshal du zhugs so/ /de tshal der song ba nas 'bras bu'i shing phun sum tshogs pa 'bras bu dang / 'bras bur ldan pa zhig mthong ngo / /shing de'i drung na sbrul gdug pa zhig 'dug ste/ dbugs gdug pa gtong ba rlung gis khyer ba na/ ji tsam du mig gis mthong ba'i bar thams cad sreg go/ /drang srong des sbrul gdug pa nyal zhing 'dug pa de mthong nas 'di snyam du sems te/ gal te sbrul gdug pa 'di sad na ji tsam du mthong ba thams cad sreg go/ /gang bdag</font><hr>42.160b<br><font size=+1>

gi rdzu 'phrul gyi stobs kyis 'dzam bu gling gi sbrul gdug pa'i rdzing der dor bar bya'o snyam mo/ /de rdzu 'phrul gyi stobs kyis sbrul gdug pa de dag sbrul gdug pa'i rdzing der bor ro/ /de bor ma thag tu sbrul gdug pa'i rdzing der shi nas/ sbrul gdug pa de dag gis zos so/ /de nas drang srong rnam par gnon pas 'gro bas slob ma rnams la smras pa/ bram ze'i bu dag ji tsam du da ltar byung ba'i nyon mongs pa skyes shing mngon par grub ste/ sdug bsngal chen por zhugs pa 'di la ltos/ ngas sbrul gdug pa 'di sbrul gdug pa'i rdzing du shi ba mthong ste/ sbrul gdug pa 'di sngon mir gyur pa na/ da ltar byung ba'i nyes pa mi bzlog la khon du 'dzin pa shin tu cher byed pa'i nyes pa de 'phel bar byas/ nyes pa de spyod cing 'dug go/ /maud gal gyi bu de lta bas na da ltar byung ba'i nyes pa bzlog par bya'o/ /sems can gang dag ji tsam du log par ltung ba de dag thams cad ni da ltar byung ba'i nyon mongs pa ma bzlog pa yin/ sems can gang dag ji tsam du 'das pa'i dus na sdug bsngal myong ba de dag thams cad da ltar byung ba'i nyon mongs pa ma bzlog pa yin no/ /de ltar 'das pa'i dus su dge sbyong dang bram ze de dag sdug bsngal myong bar gyur to/ /sems can gang dag 'das pa'i dus na da ltar byung ba'i phyogs dkar po 'phel bar byed pa de dag thams cad kyi rkyen gyis 'das pa'i dus su bde ba myong ngo / /sems can gang dag ji tsam du ma 'ongs pa'i dus na bde ba myong bar 'gyur ba de dag thams cad da ltar byung ba'i phyogs dkar po 'phel bar byas pas ma 'ongs pa'i dus su bde ba myong bar 'gyur ro/ /sems can gang dag ji tsam du da ltar byung ba'i dus su sdug bsngal myong ba de dag thams cad da ltar byung ba'i nyon mongs pa ma bzlog pa yin no/ /sems can gang dag ji tsam du da ltar byung ba'i dus su bde ba myong ba de dag thams cad da ltar byung ba'i nyon mongs pa bzlog pa yin no/ /maud gal gyi bu de lta bas na da ltar byung ba'i nyon mongs pa spang ba la bslab par bya'o/ /maud gal gyi bu byang chub sems dpa'i theg pa la yang dag par gnas pa'i rigs kyi bu 'am rigs kyi bu mos 'di ltar bslab par bya ste/ sems can gang dag ji tsam du 'das pa'i dus na bde ba myong ba de dag thams cad da ltar byung ba'i dge ba'i chos yang dag par spel ba yin/ sems can gang dag ji tsam du ma 'ongs pa'i dus na bde ba myong bar 'gyur ba de dag thams cad da ltar byung ba'i dge ba'i phyogs yang dag par spel ba yin sems can</font><hr>42.161a<br><font size=+1>

gang dag de ltar na da ltar byung ba'i dus su bde ba myong ba de dag thams cad da ltar byung ba'i dge ba'i chos dag yang dag par spel ba'i rgyu yin te/ da ltar byung ba na yang da ltar bde ba myong ngo / /de ltar na da ltar byung ba'i sdug bsngal gyi rgyu ni 'di lta ste/ da ltar byung ba'i rgyu yin no/ /de lta bas na chos gang gis rgyu byas shes chos de brtag par bya ste/ mi dge ba'i phyogs kyi tshul bzhin yid la byed pas ni brtags pa'i rgyu nyid ces bya'o/ /dge ba'i phyogs la tshul bzhin yid la byed pas ni byas pa'i rgyu zhes bya ste/ 'khor ba dang mya ngan las 'da' ba'i rgyu ni de dag yin no/ /de la byang chub sems dpas 'khor ba'i rgyu bzlog par bya zhing / mya ngan las 'das pa'i rgyu yang dag par spel bar bya'o/ /maud gal gyi bu ngas thams cad du 'gro ba'i lam shes par bya ba'i don du dge ba'i rtsa ba sna tshogs dag mngon par 'dus byas pa ni maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na sgyu ma mkhan sgyu ma'i bzo la shin tu bslab pa bzo sna tshogs stsogs pa zhes bya ba zhig byung ngo / /de skye bo'i tshogs mang po'i mdun du sgyu ma'i bzo rnam pa sna tshogs dag ston te/ bar bar ni glang po che'i gzugs/ bar bar ni rta'i gzugs/ bar bar ni khyu mchog gi gzugs/ bar bar ni mi dag gi gzugs te/ 'di'i rnam pa sus kyang mi shes so/ /maud gal gyi bu de ji snyam du sems/ de'i tshe de'i dus na/ sgyu ma mkhan du gyur pa gzhan yin par sems na de ltar mi lta ste/ nga de'i tshe de'i dus na/ sgyu ma mkhan du gyur to/ /ngas de'i tshe yang sems can rnams la sgyu ma rnam pa sna tshogs bstan te/ da ltar yang sems can rnams la chos thams cad sgyu ma lta bu'o zhes ston to/ /ji ltar sgyu ma mkhan sgyu ma rnam pa sna tshogs ston pa de ltar yongs su shes pa rnam par shes pa 'gro ba thams cad kyi lam rtogs par byed de/ yongs su shes pa'i sems kyis kyang</font><hr>42.161b<br><font size=+1>

mya ngan las 'das pa'i lam rnam par sbyong bar byed do/ /maud gal gyi bu de lta bas na yongs su shes pa la byang chub sems dpas bslab par bya'o/ /maud gal gyi bu ngas thams cad du 'gro ba'i lam shes pa kun 'byung ba shes par bya ba'i don du dge ba'i rtsa ba dpag tu med pa mngon par 'dus byas pa ni maud gal gyi bu sngon byung ba 'das pa'i dus 'khor ba dpag tu med pa nas pha rol gyi yang ches pha rol na/ gtso bo'i bu tsan dan zhes bya ba sngon gyi rgyal ba la lhag par bya ba byas pa/ dad pa gzhal du med pa dang ldan pa/ de bzhin gshegs pa la dga' ba gzhal du med pa dang ldan pa zhig byung ngo / /ji ltar sangs rgyas kyi mkhyen pa'i don du de thams cad du 'gro ba'i lam 'gog pa'i chos can du mthong ste/ de 'di snyam du gyur to/ /'phags pa'i shes pas ni byang chub mngon par rdzogs par 'tshang rgya bar mi nus la/ shes pa gzhan la yang gnas par mi bya'o/ /de ci'i phyir zhe na/ dngos por 'dzin pa nyid de/ 'di lta ste/ lam la 'dzin pa 'am/ mya ngan las 'das pa la 'dzin pa'o/ /dngos po cung zad kyang mi 'dzin pa ni byang chub mngon par rdzogs par 'tshang rgya bar nus te/ de lta bas na thams cad du 'gro ba'i lam shes pa la mngon par zhen pa med par bya'o/ /'di lta ste dper na gzings la brten te/ pha rol tu phyin nas gzings dor bar bya'o/ /de bzhin du rdzogs pa'i byang chub thob nas thams cad du 'gro ba'i lam shes pa dor bar bya'o/ /ji ltar 'dzin pa med pa'i tshul gyis chos thams cad ngo bo nyid dang bral bar blta ba de ltar mngon par zhen pa med pa'i tshul gyis thams cad du 'gro ba'i lam shes pa dor bar bya ste/ de ltar na chos rnams gzings lta bur yongs su mthong bar 'gyur ro/ /maud gal gyi bu de ji snyam du</font><hr>42.162a<br><font size=+1>

sems/ de'i tshe de'i dus na/ gtso bo'i bu tsan dan zhes bya bar gyur pa de gzhan yin par sems na de ltar mi blta ste/ nga de'i tshe de'i dus na gtso bo'i bu tsan dan zhes bya bar gyur to/ /maud gal gyi bu de lta bas na byang chub sems dpas dngos po thams cad la mngon par zhen pa med par bya'o/ /maud gal gyi bu ngas thams cad du 'gro ba'i lam shes pa 'gog pa shes par bya ba'i don du dge ba'i rtsa ba dpag tu med pa dag mngon par 'dus byas te/ maud gal gyi bu sngon byung ba 'das pa'i dus nas pha rol gyi yang ches pha rol na dri za skye bo kun gyis rtogs pa zhes bya ba pi bang gi rgyud kyi shes pa la shin tu mkhas pa zhig byung ngo / /pi bang gi rgyud gcig las kyang rol mo'i sgra dang / pi bang rgyud gcig pa dang / pi bang dang / na ku la dang / shin tu dbyangs snyan dang / sil snyan dang / cang te'u dang / de bzhin du rol mo'i sgra bye ba phrag dag pi bang gcig las byung ste/ de bzhin du sdeb sbyor dag shin tu byung / de bzhin du rgyan dag shin tu byung / de bzhin du pi bang gi rgyud dag shin tu byung ste/ de skye bo'i tshogs mang po'i mdun du pi bang gang dang gang gi rnam pa brtsams pa des skye bo de dag nyid dga' bar byed de/ pi bang de'i nyes pa'i bar chad gang yang med cing / pi bang gang dang gang gi sgra blangs pa de dang de nyid kyis skye bo dga' bar byed do/ /ji ltar 'dir pi bang gi bzo la shin tu bslabs pa de gcig pu dben par song nas 'di snyam du gyur te/ kye e ma sems can 'di dag ni pi bang gi sgra 'dis bslus te/ gang sgra 'di 'gog pa'i chos so zhes yang dag pa ji lta ba bzhin rab tu mi shes so/ /de la snang ba shes shing mthong ba mngon par rtogs pa thams cad ni 'phags pa zhes bya ste/ 'di ltar kun rdzob tsam du yang dag pa ji lta ba bzhin rab tu shes pa ni mi skye ba'i chos la bzod pa thob pa yin no/ /bzod pa de thob pas sems can</font><hr>42.162b<br><font size=+1>

khrag khrig dpag tu med pa dag phyir mi ldog pa la btsud par 'gyur ro/ /maud gal gyi bu khyod de'i tshe de'i dus na dri za skye bo kun gyis rtogs pa zhes bya ba de gzhan zhig yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na dri za skye bo kun gyis rtogs pa zhes bya bar gyur to/ /maud gal gyi bu de lta bas na byang chub sems dpa' sems dpa' chen pos/ kye ma pi bang gi sgra 'di dag thams cad ni 'gog pa'i chos can te/ de 'byung ba na gang nas kyang mi 'ong zhing 'gog pa na gar yang mi 'gro'o/ /de la kun rdzob tu skye ba dang / 'gag par 'gyur la chos de ngo bo nyid kyis gang yang dmigs su med do/ /gang ngo bo nyid skye ba 'am 'gag pa de kun rdzob tsam du 'gags shes bya'o/ /sbyor ba'i rnal 'byor la mkhas par bya ste/ sbyor ba'i rnal 'byor la mkhas pa'i byang chub sems dpa' ni thams cad mkhyen pa nyid kyi lam las nams kyang nyams par mi 'gyur ro/ /maud gal gyi bu thams cad du 'gro ba'i lam shes pa 'gog par 'gyur ba'i lam shes par bya ba'i phyir sngon byang chub sems dpa'i spyad pa spyod pa na dge ba'i rtsa ba dpag tu med pa mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po dpag med rgyal mtshan zhes bya ba zhig byung ngo / /de'i tshe 'dzam bu gling 'dir grong khyer bye ba phrag drug byung ngo / /de'i tshe 'dzam bu'i gling 'di dpag tshad khri phrag bzhir gyur te lag mthil ltar mnyam zhing sdong dum dang / tsher ma med la mi mjed kyi 'jig rten gyi khams 'dir thams cad dang ldan zhing nyes pa thams cad dang bral bar gyur to/ /de'i tshe de bzhin gshegs pa mun pa 'joms pa zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa mun pa 'joms pa de'i tshe'i tshad ni lo bye ba khrag khrig drug</font><hr>42.163a<br><font size=+1>

bcur gyur to/ /de'i tshe sangs rgyas kyi zhing der sems can gang skyes par gyur pa de dag thams cad nad nyung zhing gnod pa nyung bar gyur te/ sems can gang yang na bar ma gyur cing sems can de dag 'chi ba'i nad kyis mi'i dus las 'das pa ni ma gtogs te/ phung po'i lhag ma dang bcas pa'i dus byas nas gzhan 'phrul dbang byed kyi lha rnams dang skal ba mnyam par skye'o/ /gzhan du na sems can de dag las gang phal cher smon lam gyi dbang gis bla na med pa yang dag par rdzogs pa'i byang chub las phyir mi ldog ste/ de 'dod na 'jig rten gyi khams du mar song zhing / skye ba gcig gis thogs pa bla na med pa yang dag par rdzogs pa'i byang chub mngon par rdzogs par 'tshang rgya'o/ /rgyal po dpag med rgyal mtshan gyis de bzhin gshegs pa 'jig rten du byung ba thos so/ /thos nas bcom ldan 'das ga la ba der song ste/ phyin nas bcom ldan 'das kyi zhabs la phyag 'tshal te/ rim gro dang bde ba'i gnas thams cad du dge slong gi dge 'dun 'khor dang bcas pa dang thabs gcig tu spyan drangs shing / snying rje chen pos yongs su non pa'i sems kyis byang chub kyi phyir yang dag par gnas so/ /maud gal gyi bu de'i tshe de'i dus na rgyal po dpag med rgyal mtshan zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po dpag med rgyal mtshan du gyur to/ /maud gal gyi bu ngas khams du ma shes par bya ba'i don du sngon byang chub sems dpa'i spyad pa spyod pa na/ dge ba'i rtsa ba dpag tu med pa dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na bram ze rgyal ba 'dzin ces bya ba shing sA la chen po lta bur gyur pa/ mdzangs shing gsal la yid gzhungs pa/ gzhi shes shing mkhas la de shes rab kyi rang bzhin</font><hr>42.163b<br><font size=+1>

can te/ de yang sems par gyur to/ de yon tan dang nyes pa sems te dben par nang du yang dag 'jog la zhugs nas/ sems kyis 'di ltar yongs su rtog pa skye ste/ nyes pa'i gzhi ni gang las byung / yon tan gyi gzhi ni gang las byung snyam mo/ /de de ltar bsam nas bdag nyid kyi shes pa gzhan la rag ma las pa byung nas da ltar byung ba'i nyon mongs pa sna tshogs byung ba dag ma bzlog pa las kun nas nyon mongs par 'gyur/ da ltar byung ba'i nyon mongs pa byung ba dag bzlog na kun nas nyon mongs par mi 'gyur/ da ltar byung ba'i dge ba'i chos byung ba dag bzlog na dkar po'i phyogs mi 'phel la/ da ltar byung ba'i dge ba'i chos byung ba dag 'phel na phyogs dkar po 'phel bar 'gyur ro snyam mo/ /de nas bram ze rgyal ba 'dzin shing sA la chen po lta bu dge ba'i chos dag byung ba dang / mi dge ba'i chos dag bzlog pa so sor ji lta ba bzhin du brtags nas dge ba'i chos byung ba dag yang dag par 'phel bar byed cing / mi dge ba'i chos byung ba dag 'dor bar byed do/ /dge ba'i chos byung ba dag 'phel bar byed cing / mi dge ba'i chos byung ba dag 'dor bar byed de/ mi dge ba'i chos spangs shing dge ba'i chos rnams la bsten pas ting nge 'dzin thob ste/ ting nge 'dzin gang thob pas mi dge ba'i phyogs thams cad gtan du bzlog par byed la/ dge ba'i chos 'byung ba rnams mchog tu 'phel bar byed do/ /de las de byas shing bsags la mthar phyin cing rdzogs pa dang / yang dag par blangs pas bskal pa 'bum phrag brgyad bcur log par ltung bar ma song ngo / /maud gal gyi bu khyod de'i tshe de'i dus na bram ze rgyal ba 'dzin ces bya ba shing sA la chen po lta bur gyur pa de gzhan yin par sems na khyod kyis de ltar mi blta ste/ nga de'i tshe de'i dus na bram ze rgyal ba 'dzin ces bya ba shing sA la chen po lta bur gyur to/ /ngas 'khor ba'i rgyu bzlog pa dang / mya ngan las 'das pa'i rgyu yang dag par 'phel ba'i phyir bar</font><hr>42.164a<br><font size=+1>

de dag tu sangs rgyas bye ba khrag khrig du ma dag la bsnyen bkur byas shing yongs su zhus so/ /dge ba'i rtsa ba des nga da ltar bag chags kyi mtshams sbyor ba dang bcas pa'i nyon mongs pa spangs nas chos la sgrib pa med pa'i ye shes brnyes so/ /de skad ces bka' stsal pa dang / tshe dang ldan pa maud gal gyi bus bcom ldan 'das la 'di skad ces gsol to/ /bcom ldan 'das thugs skyo ba mi mnga' ba nas/ bcom ldan 'das yang dag par blangs pa'i go cha chen po gsol nas sems can gyi don du bcom ldan 'das bla na med pa yang dag par rdzogs par byang chub pa ni ngo mtshar lags so/ /de skad ces gsol pa dang / bcom ldan 'das kyis tshe dang ldan pa maud gal gyi bu la 'di skad ces bka' stsal to/ /maud gal bu de ltar yin te/ maud gal gyi bu de bzhin gshegs pas rgyun gyi rjes su 'gro ba'i sems can rnams rgyun las bzlog par bya ba'i don du go cha chen po 'di bgos so/ /maud gal gyi bu bdag nyid ma bsrungs par gzhan gyi don bya bar mi nus te/ lus dang srog la mi lta bas ni gzhan gyi don bya bar nus so/ / bam po bcwa lnga pa/ maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na gtso bo chu lha zhes bya ba grong dang grong khyer dang / grong rdal zhi ba'i gtso bo byed cing phyug la nor mang zhing longs spyod che ba/ longs spyod mang ba bdag gir bya ba mang ba/ rdzas dang yo byad mang zhing 'byor pa nor bu dang mu tig dang / bai D+hUr+ya dang dung dang / man shel dang / byi ru dang / dngul dang gser du ldan pa/ 'dzangs shing gsal la yid gzhungs shing snying rje yod pa/ sems can thams cad la phan par sems pa zhig byung ngo / /de'i tshe grong rdal grong khyer zhi bar rgyal po gnyen ldan zhes bya ba chos kyi rgyal po chos dang ldan pa zhig kyang byung ngo / /de'i mi mthun pa rgyal po drag pa'i lha zhes bya ba stobs che zhing dpung che la stobs che bas rang gi rgyal srid kyis chog ma shes nas gzhan gyi yul 'khor la glags lta bar byed de/ </font><hr>42.164b<br><font size=+1>

dpung gi tshogs yan lag bzhi bshams nas/ rgyal po gnyen ldan gyi yul rnam par rgyal byed du 'ong ngo / /de nas rgyal po gnyen ldan gyis blon po rnams la smras pa/ grong gi gtso bo dag rgyal po drag pa'i lha stobs dang / dpung dang dpung chen pos rang gi rgyal srid kyis chog mi shes nas nga'i rgyal srid 'phrog tu 'ong ste/ grong gi gtso bo dag ji ltar bya ba de soms shig /de la kha cig gis smras pa/ snying stobs bskyed par bya ste/ snying stobs bskyed dang 'on kyang slar ldog par 'gyur ro/ /kha cig gis 'di skad smras so/ /rgyal srid yongs su bsrung ba'i don du nor dag sbyin par bya ste/ de rgyal srid yongs su bskyangs pa dang / yang rgyal srid kyi don yang dag par 'phel lo/ /kha gcig gis 'di skad smras so/ /nang blon dang blon po dag la bsgrub par bya ste/ nang blon dag gis rab tu sbyor ba bya'o/ /kha gcig gis 'di skad smras so/ /dpung gi tshogs yang dag par bsdu bar bya ste/ dmag gis slar brgal bar bya'o/ /de nas rgyal po gnyen ldan gyis grong khyer gyi gtso bo chu lha la smras pa/ chu lha shes par gyis shig gang rgyal po drag pa'i lha rang gi rgyal srid kyis chog mi shes pa 'di nga'i yul rnam par rgyal byed du 'ong na/ de la 'dir ji ltar bya/ de skad ces smras pa dang / grong khyer gyi gtso bo chu lhas rgyal po gnyen ldan la 'di skad ces smras so/ /rgyal po chen po de'i slad du gang bdag gis bgyi ba de bgyi ste/ nor ji snyed 'tshal ba de snyed du bdag gis stsal bar bgyi'o/ /de sngags kyi sbyor ba dag la zhugs na/ de sngags kyi stobs kyis bzlog par ma nus nas dmag 'dren du 'ong ngo / /de nas de'i don yang dag par bsgrub par bya ba'i phyir pho nya btang zhing glang po dag byin yang 'on kyang bzlog par ma nus te/ dmag de nyid mngon par 'ong ngo / /de nas rgyal po gnyen ldan gyis de'i mi mthun pa'i rgyal po la pho nya btang ste/ khyod la bdag gis gsol ba ni bdag kyang bdag gi rgyal srid 'dis chog /khyod kyang rang gi rgyal srid kyis chog par mdzod la/ bdag dang khyod du lhan cig dga' bar</font><hr>42.165a<br><font size=+1>

mdzad cing / khyod kyis slar bzlog par gsol bar 'tshal lo/ /des 'di yang smras so/ /'tsho ba yun thung la pha rol tu 'gro bar 'gyur bas kha zas gcig tsam gyis 'tsho ba dang / gos zung gcig tsam gyis 'tsho ba dang / mal cha gcig tsam gyis 'tsho ba dang / chung ma gcig tsam dang lhan cig dga' bar/ grogs po de ltar shes par gyis shig /de ci'i phyir zhe na/ mkhas pa ni pha rol dang lhan cig rtsod par mi byed de 'jig rten gyi khams du ma gso bar mi nus so/ /sems can gcig la gang gser gyi ri gcig yod kyang des chog mi shes te/ rnyed pa la chags pa rab tu 'phel bar byed do/ /grogs po re zhig dgongs la de btang bar mdzod cig /de ci'i phyir zhe na/ mkhas pas ni chog shes pa bskyed par bya'o/ /'di lta bur rjes su 'thun par byed pa na chags pas zil gyis non pa mang bas mi ldog ste 'ong zhing 'di skad ces kyang smra'o/ /bdag bsad na ni khyod kyi rgyal srid du 'gyur la/ khyod bsad na ni bdag gi rgyal srid du 'gyur ces de'i pho nya sgo zhing spring yig kyang ston par byed do/ /de 'di snyam du sems te/ 'jig rten gyi khams du ma zhig gnas te khams gang dang gang nyid la mngon par chags pa de las sdug bsngal myong bar 'gyur/ khams yod na sems can gyi yo byad dgos la khams med na sems can gyi yo byad mi dgos te/ sngon gyi khams blangs pa las yo byad btsal ba yang sdug bsngal mang por 'gyur ro/ /khams kyis ci'i phyir sdug bsngal myong / gal te yang bskyed na yang sdug bsngal myong bar 'gyur/ de de ltar bsams nas rgyal srid btang ste/ rab tu byung nas tshangs pa'i gnas bzhi bskyed de tshangs pa'i 'jig rten du skyes so/ /maud gal gyi bu khyod de'i tshe de'i dus na rgyal po gnyen ldan zhes bya bar gyur pa de gzhan yin par 'dzin na de ltar mi blta ste/ nga de'i tshe de'i dus na rgyal po gnyen ldan zhes bya bar gyur to/ /de'i tshe yang nga khams du ma'i nyes pa spangs te/ da ltar yang khams du ma'i nyes pa mthong ba las nye bar len pa rnam par grol lo/ /maud gal gyi bu de lta bas na byang chub sems dpas khams</font><hr>42.165b<br><font size=+1>

du ma'i nyes pa mthong ba las chags pa dang bral bar bya'o/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na rgyal po tshangs pa'i lha zhes bya ba 'dzangs shing chos sems pa zhig byung ngo / /de 'di snyam du sems te/ bdag ci ste mi 'di dag gi dbang phyug la dbang byed/ mi de dag gi ming ni gang zhig dbang phyug gang dag la bdag dbang byed snyam mo/ /de 'di snyam du sems te/ khams bcwa brgyad po 'di dag ste/ khams bcwa brgyad gang la mi 'di dag 'di snyam du kun 'byung ba ni gang / gzhi ni gang yin snyam du 'du shes skyes so/ /de 'di snyam du sems te/ 'di dag ni las kyis mngon par bsgrubs pa yin la/ las kyang rnam pa gsum ste/ chags pa las skyes pa dang zhe sdang las skyes pa dang / gti mug las skyes pa'o/ /chags pa las skyes pa'i las kyis 'gro ba lnga'i khams sems can dmyal ba dang dud 'gro'i skye gnas dang / gshin rje'i 'jig rten dang mi dang lha rnams su mngon par 'grub po/ /zhe sdang las skyes pa'i las kyis 'gro ba gsum gyi khams sems can dmyal ba dang / dud 'gro'i skye gnas dang / gshin rje'i 'jig rten yang dag par 'grub po/ /gti mug las skyes pa'i las kyis 'gro ba lnga'i khams sems can dmyal ba dang / dud 'gro'i skye gnas dang gshin rje'i 'jig rten dang / mi dang lha rnams su mngon par 'grub po/ /de ci'i phyir zhe na/ chags pa ni sgo lnga dag gi las byed/ zhe sdang ni sgo gsum/ gti mug ni sgo lnga dag gi las byed do/ /de ci'i phyir zhe na/ chags pa'i sa gang yin pa gti mug gi yang de bzhin no/ /zhe sdang ni ngan song 'ba' zhig gis ste/ des na khams du ma zhes bya'o/ /snang ba byin pas ni nga'i mig bsgrubs/ khro ba med pas ni nga'i gzugs kyi khams bsgrubs/ shes pa rjes su byin pas ni nga'i mig gi rnam par shes pa'i khams bsgrubs so/ /dga' ba'i tshig byin pas ni nga'i rna ba'i khams bsgrubs/ rol mo'i sgra byin pas ni nga'i sgra'i khams bsgrubs/ rol mo'i sgra la rjes su yi rang bar byas pas ni nga'i rna ba'i rnam</font><hr>42.166a<br><font size=+1>

par shes pa'i khams bsgrubs so/ /spos byin pas ni nga'i sna'i khams bsgrubs/ spos zhim po byin pas ni nga'i dri'i khams bsgrubs/ spos sbyar ba byin pas ni nga'i sna'i rnam par shes pa'i khams bsgrubs so/ /ro zhim po byin pas ni nga'i lce'i khams bsgrubs/ ro'i mchog byin pas ni nga'i ro'i khams bsgrubs/ ro sbyar ba byin pas ni nga'i lce'i rnam par shes pa'i khams bsgrubs so/ /yid bsdams pas ni nga'i lus kyi khams bsgrubs/ gos 'jam po byin pas nga'i reg bya'i khams bsgrubs/ gos byin pa la rjes su yi rang bas ni nga'i lus kyi rnam par shes pa'i khams bsgrubs so/ /yid du 'ong ba byin pas ni nga'i yid kyi khams bsgrubs/ chos byin pas ni nga'i chos kyi khams bsgrubs/ chos bsam pa la bzod pas ni nga'i yid kyi rnam par shes pa'i khams bsgrubs te/ rgyu 'di dag dang / rkyen 'di dag dang rgyu gang dag dang / rkyen gang dag gis khams bcwa brgyad mngon par 'grub po/ /de 'di ltar yang sems te yang dag pa ji lta ba bzhin du mthong ba bskyed de/ de dge ba'i rtsa ba des skye ba thams cad kyi skye gnas la nyon mongs pa'i rkyen gyis las/ las kyi rkyen gyis khams the tshom med pa rjes su 'thob po/ /maud gal gyi bu khyod de'i tshe de'i dus na rgyal po tshangs pa'i lha zhes bya ba de gzhan yin par the tshom 'am/ yid gnyis su byed na de ltar mi blta ste/ nga de'i tshe de'i dus na rgyal po tshangs pa'i lha zhes bya bar gyur to/ /maud gal gyi bu de lta bas na/ byang chub sems dpa' sems dpa' chen pos las dang nyon mongs pa la mkhas par bya zhing rnam par smin pa la yang mkhas par bya'o/ /maud gal gyi bu ngas khams du ma shes pa kun 'byung ba shes par bya ba'i don du sngon byang chub sems dpa'i spyad pa spyod pa na dge ba'i rtsa ba sna tshogs dpag tu med pa dag mngon par 'du byas shing bla na med pa yang dag par rdzogs pa'i byang chub 'di nyid yongs su tshol ba na nga tshangs par spyod pa yang dag par blangs pas bud med rgyan sna tshogs kyis brgyan pa 'bum dag rab tu byin te/ bdag gi 'dod pa'i don du ma yin gyi/ 'on kyang sems can</font><hr>42.166b<br><font size=+1>

rnams kyi bsam pa yongs su rdzogs par 'dod pas bud med rgyan thams cad kyis brgyan pa bye ba khrag khrig phrag brgya stong dag yongs su btang ngo / /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na/ rgyal po phur bu'i lha zhes bya ba las kyi rnam par smin pa las byung ba'i rdzu 'phrul dang ldan pa rgyal srid kyi spyi byed pa zhig byung ste/ chos kyis phyir rgol ba ni bcom/ kla klo de dag dang ni bral/ lo ni legs skye bo mang pos ni gang / dge ba ni spyod skye bos ni brgyan/ dug gi shing dang ni bral/ bdud rtsi'i shing gis ni khebs/ lag mthil ltar mnyam par ni gyur/ 'dod pa'i 'bras bu'i shing thams cad kyis khebs te/ 'di lta ste dper na sum cu rtsa gsum gyi gnas bzhin no/ /de nas rgyal po phur bu'i lha de 'di snyam du sems te/ bdag la rgyal srid ni cher yod/ skyon dang bral yon tan thams cad dang ni ldan/ slongs mo pa ni med de de lta mod kyi 'di dag ni bdag gis bya ba yin te/ mi'i 'jig rten du skyes pas mtho ris kyi 'jig rten yang dag par 'grub pa'i lam yongs su sbyang bar bya/ 'phags pa'i skye bo dang lhan cig 'grogs pa btsal bar bya/ 'o na bdag yon tan thams cad dang ldan pa'i mchod sbyin bya'o snyam nas/ bram ze mdun na 'don la smras pa/ bram ze nga ni mchod sbyin dang rjes su 'thun par 'dod de/ chos kyis phyir rgol ba ni bcom/ chos kyis tsher ma ni dkrugs/ chos kyis kla klo de dag ni phyung / yo byad thams cad dang ni ldan pas bdag mchod sbyin byed 'dod na bdag la mchod sbyin bya ba dag rjes su ston cig /des smras pa rgyal po chen po mchod sbyin bgyi ba de dag bsdur gsol/ rgyal po chen po 'dir mchod sbyin la sems can sna tshogs dag 'dug ste/ kha cig ni rlung gi rang bzhin can kha cig ni mkhris pa'i rang bzhin can/ kha cig ni bad kan gyi rang bzhin can/ kha cig ni 'dus pa'i rang bzhin can te/ rgyal po chen po de dag la de dang 'thun pa'i kha zas kyi rnam pa so sor stsal bar bka' stsal du gsol/ de nas rgyal po phur bu'i lhas bram ze mdun na 'don gyi ltar mnyan nas mchod sbyin gyi yo byad dag bsags nas/ mchod</font><hr>42.167a<br><font size=+1>

sbyin chen po de la bram ze khri phrag brgyad cu dag 'dus par gyur to/ /de dag yid bzhin du 'grub par 'gyur te/ yid bzhin du tshod ma dang / yid bzhin du rim gro pa rnams kyis rim gror byas/ mchod sbyin chen po de la phal cher gser gyi snod kyi nang nas 'drim ste/ bram ze gang la snod gang phul ba de de nyid la 'bul bar byed do/ /mchod sbyin chen po de la gser gyi stan phal cher bting zhing mchod sbyin de la bud med dag gis 'drim par byed de/ bram ze re re la bud med re res 'drim mo/ /bram ze gang la bud med 'drim pa de nyid de la 'bul te/ gal te 'dod na ni len par byed/ gal te mi 'dod na ni mi len to/ /gang 'dod na ni longs spyod de thams cad len par byed/ mi 'dod na ni len par mi byed do/ /mchod sbyin chen po de lo khri'i bar du byas te lo khri'i bar du mchod sbyin 'thun pa de las sems can gang tha na ba bzho ba tsam gyi bar du yang nad kyis ma btab bo/ /de ltar na nga'i spyod pa des sems can thams cad la phan par 'dod pa dang / yon gnas su 'du shes nye bar bzhag nas mchod sbyin byas so/ /maud gal gyi bu khyod de'i tshe de'i dus na rgyal po phur bu'i lha zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na rgyal po phur bu'i lha zhes bya bar gyur to/ /dge ba'i rtsa ba des ngas khams du ma shes pa yang brnyes/ ngas khams kyi mnyam pa nyid kyang brnyes sems can thams cad kyi khams du ma shes pa yang brnyes/ ngas gnod pa nyung ba yang brnyes so/ /maud gal gyi bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas khams du ma shes pa la gnas te de'i khams dang kun 'byung ba rgyu gang gis khams du ma shes pa dang / kun 'byung ba shes pa thob pa brtag par bya'o/ /maud gal gyi bu de la ngas las shes pas mngon par rdzogs par sangs rgyas te/ rgyu des na las 'di mngon par 'dus byas shing / bya ba 'di spangs pas shes pa 'di yang dag par grub po/ /bsam pa 'dis na sems can sdug bsngal ba rnams nyon mongs pa gang dang gang dag gis/ gnod pa'i sems can kha cig ni 'dod</font><hr>42.167b<br><font size=+1>

chags kyi khams su gnas/ kha cig ni zhe sdang gi khams su gnas/ kha cig ni gti mug gi khams su gnas pa la nga snying rje chen pos non to de ltar nyon mongs pa gang dang gang dag gis nyon mongs pa'i sems kyis las de mngon par 'dus byas shing / khams de dang de nyid kyis de mi 'gyur bar bstan te/ la la ni ser po la la ni nag po/ la la ni dmar po la la ni bya tsa go ra'i mig can/ la la ni khrung khrung gi mig can/ la la ni ring / la la ni thung la la ni bar ma ste/ las de dag yang dag pa ji lta ba bzhin rab tu mkhyen to/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na/ rgyal po'i bu snying rje can zhes bya ba sems can thams cad la phan par 'dod pa/ bde bar 'dod pa grub pa dang bde bar 'dod pa thabs mkhas pa dang ldan pa zhig byung ngo / /de 'di snyam du sems te sems can 'di dag gang gis na kha dog sna tshogs nyid du snang / dbyibs sna tshogs nyid dang / skad sna tshogs nyid du snang dge ba sna tshogs nyid du snang / rigs sna tshogs nyid du snang rus sna tshogs nyid du snang ming sna tshogs nyid du snang / rgyu ni gang yin rkyen ni gang yin snyam mo/ /de 'di snyam du sems te/ da ltar byung ba la shes pa med pas ni mi nus te/ 'jig rten na dge sbyong dang / bram ze gang bdag gi don de lung ston pa su yod snyam nas/ de shes pa de btsal ba'i don du phyogs bcur mi bkye ste khyod song la shes par gyis shig /'jig rten na dge sbyong ngam bram ze'am/ slob dpon nam/ slob dpon gyi bu gang don 'di khrol ba dang / gang bdag gi the tshom sel ba su yod/ de nas gzhon nu de'i phar gyur pa rgyal po shin tu gnas pa zhes bya ba des bu de la smras pa/ gzhon nu bsam gyis mi khyab pa la sems bcol gyis mi khyab pa la 'chol te/ gzhon nu khyod bsam pa 'dis bdag nyid nyon mongs par 'gyur rgyal po yang 'khrugs par 'gyur/ bsam gyis mi khyab pa 'di mthar yang mi phyin no/ /gzhon nu de ci'i phyir zhe na/ dri ba 'di dag gi lan ldon pa med do/ /gzhon nu rgyal srid la dga' bar byos/ 'jig rten thams cad kyis mngon par 'dod pa'i dbang phyug la dga' bar byos/ gzhon nu don btang ste don med pa</font><hr>42.168a<br><font size=+1>

sems pa ni nyon mongs shing ngal ba'i skal bar 'gyur ro/ /de skad ces smras pa dang / gzhon nu snying rje can gyis rgyal po shin tu gnas pa la 'di skad ces smras so/ /rgyal po chen po mun pa mi snang ba la mi snang ba ma mdzad cig /khyod kyi yul na dga' ba ni mdog phun sum tshogs pa dang / mdog ngan pa dang / yan lag thams cad yongs su rdzogs pa dang / gzugs bzang ba dang / rigs phun sum tshogs pa dang rigs ngan pa dang / nor phun sum tshogs pa dang / dbul ba dang glen pa dang 'dzangs pa dang / de bzhin du bzo rnam pa du ma dag khong du chud pa dang / bzo dag mchis shing bzo dag slob pa dang / dbul ba dag mchis shing 'bad na longs spyod rnyed pa dang / nad pa mchis shing bgyi ba dag gis nad las ldang ba dag mchis te/ rgyal po chen po rnam grangs 'dis na 'di ltar rig par bgyi ste/ chos de dag gi rgyu ni mchis na de bdag gis mi 'tshal te/ rgyal po chen po gang bdag mi 'tshal ba de ma mchis pa ni ma lags te/ bdag bzo mang po ni ma 'tshal cing / gang shes pa de bzo gzhan dag mchis pas kyang mi 'tshal lo/ /rgyal po chen po shes pa de ni mchis te/ bdag gis kyang shes pa de ma 'tshal to/ /de lta bas na dge sbyong dang bram ze mdzangs shing kun gyis bkur ba shes rab dang bcas pa kun gyis bkur ba de la yongs su zhu bar bgyi'o/ /de skad ces smras pa dang rgyal po shin tu gnas pas gzhon nu snying rje can de la 'di skad ces smras so/ /gzhon nu de'i phyir 'dzangs pa kun gyis bkur ba/ shes rab dang bcas pa kun gyis bkur ba/ dge sbyong dang bram ze de la yang yongs su zhus shig /de'i tshe de bzhin gshegs pa skar 'od ces bya ba nas/ sangs rgyas bcom ldan 'das kyi bar 'jig rten du byung ngo / /gzhon nu snying rje can gyi bar snang las de bzhin gshegs pa skar 'od ces bya ba 'jig rten du byung ba bzhugs te/ de zhu ba 'di dag gi don lung ston par 'gyur ro zhes sgra thos so/ /de nas gzhon nu snying rje can de'i mtshan mo 'das nas rgyal po shin tu gnas pa ga la ba der song ste phyin nas rgyal po shin tu gnas pa la 'di skad ces smras so/ /rgyal po chen po gang mkhyen par mdzod cig /</font><hr>42.168b<br><font size=+1>

rgyal po chen po bdag mtshan mo 'di la mchis nyal ba na bar snang las de bzhin gshegs pa skar 'od ces bya ba 'jig rten du byung ba bzhugs te/ de zhu ba 'di dag gi don du lung ston par 'gyur ro zhes sgra thos lags so/ /de skad ces smras pa dang / rgyal po shin tu gnas pas gzhon nu snying rje can de la 'di skad ces smras so/ /gzhon nu de bzhin gshegs pa skar 'od de phyogs gang na bzhugs/ de nas de bzhin gshegs pa skar 'od kyis rgyal po shin tu gnas pa de'i sems kyi bsam pa dang / yongs su rtog pa mkhyen nas/ ji lta bu'i rdzu 'phrul mngon par 'du mdzad de/ de lta bu'i rdzu 'phrul mngon par 'du mdzad pa mngon par 'du mdzad pas thams cad dang ldan pa shar phyogs snang bar mdzad do/ /gzhon nu snying rje can dang rgyal po shin tu gnas pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas skar 'od de mthong ste/ 'od kyis sangs rgyas kyi zhing thams cad dang ldan pa snang bar mdzad pa yang mthong nas/ bcom ldan 'das de bzhin gshegs pa skar 'od la sems dad par gyur to/ /de sems dad nas gzhon nu snying rje can dang / srog chags khri phrag drug bcu dang lhan cig tu de bzhin gshegs pa skar 'od de ga la ba der song ste phyin nas/ de bzhin gshegs pa skar 'od de'i spyan sngar zhe sa che ba rab tu byas nas phyogs gcig tu 'dug go/ /phyogs gcig tu 'dug nas/ gzhon nu snying rje can gyis bcom ldan 'das la tshigs su bcad pa'i dbyangs kyis zhu ba zhus pa/ ston pa dpe med sems can rnams kyi mgon/ /gso ba'i spyad la mkhas la zhu bgyi ba/ /ji ltar sems can sna tshogs dag gi khams/ /mtshan nyid mi 'drar gyur pa 'dren pas gsungs/ /mdog dang dbyibs dang rigs ni phun sum tshogs/ /skye dang rus dang sgra yang phun sum tshogs/ /ming yang gang gis sna tshogs tha dad pa'i/ /khyad par thub pa chen po 'dren pas gsungs/ /mdog dang dbyibs dang rigs ni phun sum tshogs/ /skye dang rus dang sgra yang phun tshogs dag /thams cad mkhyen pa'i mkhyen las thams cad 'byung / /gang dag yon tan gzhan ni ngas</font><hr>42.169a<br><font size=+1>

ma bstan/ /thams cad mkhyen pa'i thugs las kun 'byung ste/ /ji ltar byang chub byed pa'i sems skyes shing / /byang chub sems dpas stobs kun thob par 'gyur/ /de nas de bzhin gshegs pa dgra bcom pa yang dag par rdzogs pa'i sangs rgyas skar 'od kyis gzhon nu snying rje can gyi bsam pa thugs su chud nas 'dzum pa mdzad do/ /de nas gzhon nu snying rje can gyis 'dzum pa mdzad par rig nas sangs rgyas su gyur cig ces smon lam legs par btab nas/ de bzhin gshegs pa de la tshigs su bcad pas zhu ba zhus pa/ 'jig rten phan mdzad 'dzum pa gang / /mgon po bdag la de lung ston/ /'gro ba gang dag thos nas dang / /mtshungs med rang byung dag tu 'gyur/ /rkang gnyis dbang po khyod 'khor 'di/ /mi yi seng ge'i lha la blta/ /rgyal ba'i lung ston nod pa lags/ /mi mchog gsungs shig the tshom sol/ /de nas de bzhin gshegs pa skar 'od kyis rgyal po shin tu gnas pa de dang / srog chags khri phrag drug bcu po de dag dang lhan cig tu bla na med pa yang dag par rdzogs pa'i byang chub tu lung bstan to/ /maud gal gyi bu khyod de'i tshe de'i dus na gzhon nu snying rje can zhes bya bar gyur pa de gzhan yin par the tsom 'am/ yid gnyis za na khyod kyis de ltar mi blta ste/ nga de'i tshe de'i dus na rgyal bu gzhon nu snying rje can zhes bya bar gyur to/ /maud gal gyi bu de lta bas na byang chub sems dpas bstan bcos thams cad la mkhas par bya'o/ /maud gal gyi bu byang chub sems dpa' bstan bcos thams cad la mkhas pa ni thams cad mkhyen pa nyid la zhugs par 'gyur ro/ /maud gal gyi bu de ci'i phyir zhe na/ thams cad mkhyen pa'i ye shes kyi rtsom pa 'di ni 'di lta ste/ bstan bcos thams cad la mkhas pa'o/ /maud gal gyi bu byang chub sems dpa' bstan bcos thams cad la mkhas pa ni bstan bcos byed pa thams cad kyi ngo bo nyid kyi rjes su 'gro bar 'gyur te/ ngo bo nyid 'dis bstan bcos de ston to de la de bzhin gshegs pa khams du ma mkhyen pa 'gog par 'gyur ba'i</font><hr>42.169b<br><font size=+1>

lam mkhyen pa ni thams cad mkhyen pa nyid du rig par bya ste/ de ci'i phyir zhe na/ las las nyon mongs pa rjes su dpag ste/ nyon mongs pa 'dis las 'di mngon par 'dus byas/ nyon mongs pa las sems rjes su dpag ste/ nyon mongs pa rab tu spyod pas chags pa 'am/ sdang ba'am rmongs pa'i sems rjes su dpag go/ /sems las gang zag 'byung bar rjes su dpag ste/ de bzhin gshegs pas sems can de dag gi 'gro ba 'dogs par mdzad do/ /gang zag 'dis las 'di mngon par 'dus byas pas/ de sems can dmyal bar 'gro'o/ /gang zag 'dis las 'di mngon par 'dus byas pas/ de dud 'gro'i skye gnas su 'gro'o/ /gang zag 'dis las 'di mngon par 'dus byas pas/ de gshin rje'i 'jig rten du 'gro'o/ /gang zag 'dis las 'di mngon par 'dus byas pas de lha ma yin gyi ris su 'gro'o/ /gang zag 'dis las 'di mngon par 'dus byas pas de mir 'gro'o/ /gang zag 'dis las 'di mngon par 'dus byas pas de mtho ris su 'gro'o/ /gang zag 'dis las 'di mngon par 'dus byas pas de mya ngan las 'das par 'gro'o/ /'di lta ste dper na ri mo mkhan nam/ ri mo mkhan gyi slob ma mkhas pa zhig gis shing leb sbyangs pa 'am/ rtsig pa legs par byi dor byas pa la tshon sbyar legs pas gzugs gang dang gang bya bar 'dod pa de/ de nyid mngon par 'grub par byed do/ /de de las rjes su dpags na ri mo mkhan de mkhas pa zhes bya'o/ /maud gal gyi bu de bzhin du las las nyon mongs pa rjes su dpag ste/ tshul de lta bus nyon mongs pas las 'di mngon par 'dus byas te/ gal te 'dod chags las skyes pa 'am/ gal te zhe sdang las skyes pa 'am/ gal te gti mug las skyes pa 'am/ gal te 'dod chags dang zhe sdang las skyes pa 'am gal te 'dod chags dang gti mug las skyes pa 'am/ gal te zhe sdang dang 'dod chags las skyes pa 'am/ gal te zhe sdang dang gti mug las skyes pa 'am gal te gti mug dang 'dod chags las skyes pa 'am/ gal te gti mug dang zhe sdang las skyes pa zhes las las nyon mongs pa rjes su dpag cing / nyon mongs pa las gang zag rjes su</font><hr>42.170a<br><font size=+1>

dpag go/ /de la las mngon par 'du byed pas gang zag rig par bya ste/ gang zag 'di ni sems can dmyal ba pa/ gang zag 'di ni sems can dmyal bar yang dag par gnas pa yin/ gang zag 'di ni dud 'gro'i skye gnas pa/ gang zag 'di ni dud 'gro'i skye gnas su yang dag par gnas pa yin/ gang zag 'di ni gshin rje'i 'jig rten pa/ gang zag 'di ni gshin rje'i 'jig rten du yang dag par gnas pa yin/ gang zag 'di ni lha ma yin pa/ gang zag 'di ni lha ma yin gyi 'jig rten du yang dag par gnas pa yin/ gang zag 'di ni mi gang zag 'di ni mi'i 'jig rten du yang dag par gnas pa yin/ gang zag 'di ni lha/ gang zag 'di ni lha'i 'jig rten du yang dag par gnas pa yin/ gang zag 'di ni yongs su mya ngan las 'das pa/ gang zag 'di ni yongs su mya ngan las 'da' bar yang dag par gnas pa yin no zhes las las nyon mongs pa rjes su dpag /nyon mongs pa las gang zag rjes su dpag gang zag las 'gro ba rjes su dpag /'gro ba las rnam par smin pa rjes su dpag rnam par smin pa las 'khor ba rjes su dpag 'khor ba las 'khor ba'i sdug bsngal rjes su dpag 'khor ba'i sdug bsngal las las dang nyon mongs pa rjes su dpag sdug bsngal dang kun nas nyon mongs pa de zad na nges par 'byung ste/ nyon mongs pa zad pas las zad/ las zad pas mngon par mi 'grub ste/ gang mngon par ma grub na de mya ngan las 'das pa yin no/ /de gang gis mya ngan las 'das pa yin zhe na/ sdug bsngal 'di'i mya ngan las 'das pa yin te 'di lta ste dper na shing bsdus pa las me 'bar ro/ /shing zad na me 'chi ste 'dir gzhan gang yang me ma yin gyi shing gang zad na 'chi'o/ /de bzhin du las dang nyon mongs pa zad na mya ngan las 'da' ste 'dir gzhan gang yang sdug bsngal ma yin gyi gang de'i mya ngan las 'da' ba ni las dang nyon mongs pa zad pa las mya ngan las 'da'o/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na de bzhin gshegs pa 'jig rten gsum</font><hr>42.170b<br><font size=+1>

gyi bla ma zhes bya ba nas/ sangs rgyas bcom ldan 'das kyi bar 'jig rten du byung ste/ de bzhin gshegs pa 'jig rten gsum gyi bla ma de'i sangs rgyas kyi zhing der bram ze zla ba'i smin ma zhes bya ba shing sA la chen po lta bu zhig byung ste/ 'don pa sngags 'dzin pa/ rig pa gsum gyi pha rol tu phyin pa sgra nges par sbyor ba dang / shes gsal dang lnga pa ste/ sngon byung ba dang bcas pa dang / tshig gis lung ston pa dang / 'jig rten rgyang 'phen pa dang / mchod sbyin gyi rgyud dang skyes bu chen po'i mtshan gyi rigs dang 'thun par rjes su skyes pa/ rang gi slob dpon gyi gsung rab rig pa gsum la ma mgu nas dge ba'i chos tshol te/ de bram ze kun gyis rjes su shes pa'i pha rol tu phyin cing / 'jig rten rgyang 'phen pa'i rgyud kyi pha rol tu phyin pa/ gso ba'i dpyad kyi rgyud thams cad kyi pha rol tu phyin pa/ mtshan ma'i rgyud thams cad kyi pha rol tu phyin pa/ sgyu ma'i bstan bcos thams cad kyi pha rol tu phyin pa la 'di lta ste/ mig 'phrul dang nye ba'i mig 'phrul dang / thags zangs ris kyi 'phrul dang / rab bcom gyi 'phrul dang rus pa'i 'phrul dang / bde mchog gi 'phrul dang / gzhon nu rtse ba dang / rig sngags 'chang rtse ba dang / phyi rol gyi tshogs kyi rdzu 'phrul gyi rtse ba dang / de las gzhan pa'i rtse ba'i bstan bcos dpag tu med pa dag la 'jigs pa med do/ /bram ze zla ba'i smin ma shing sA la chen po lta bu de de bzhin gshegs pa 'jig rten gsum gyi bla ma zhes bya ba nas/ rig pa dang zhabs su ldan pa sangs rgyas bcom ldan 'das kyi bar 'jig rten tu byung ste/ des mi mkhyen pa 'am/ ma gzigs pa 'am/ thugs su ma chud pa 'am/ mngon sum du ma mdzad pa ci yang med do zhes thos so/ /de lta na bdag gi sngags kyi lung dag las gang skyes bu chen po'i mtshan sum cu rtsa gnyis dang ldan pa'i skyes bu chen po ni rnam pa gnyis su 'gyur te/ gzhan du ni ma yin no/ /gal te khyim na gnas na 'khor los sgyur ba'i rgyal por 'gyur te/ gling bzhi'i dbang phyug rnam par rgyal zhing chos kyi rgyal po chos dang ldan pa rin po che sna bdun dang ldan te/ de'i rin po che sna bdun</font><hr>42.171a<br><font size=+1>

ni 'di dag yin no/ /'di lta ste 'khor lo rin po che dang / glang po rin po che dang / rta rin po che dang nor bu rin po che dang / bud med rin po che dang / khyim bdag rin po che dang / blon po rin po che ste 'di bdun no/ /yang bu stong tshang bar yod de/ dpa' zhing rtul phod pa yan lag mchog gi gzugs dang ldan pa pha rol gyi sde rab tu 'jom pa yin te/ de sa'i dkyil 'khor 'di chad pa med pa dang / mtshon gyis bda' ba med par rang gi chos 'ba' zhig gis shin tu gnas so/ /gal te skra dang kha spu bregs gos ngur smrig gyon te dad pas khyim nas khyim med par rab tu byung na de bzhin gshegs pa dgra bcom pa yang dag par rdzogs pa'i sangs rgyas nas sangs rgyas bcom ldan 'das kyi bar du 'gyur ro/ /gang bcom ldan 'das de bzhin gshegs pa 'jig rten gsum gyi bla ma de/ gal te skyes bu chen po'i mtshan sum bcu rtsa gnyis 'di dang ldan nam 'on te mi ldan pa bdag gis brtag go/ /gal te skyes bu chen po'i mtshan sum bcu rtsa gnyis dang ldan par mthong na/ de bzhin gshegs pa zhes bya bar shes so snyam mo/ /de nas bram ze zla ba'i smin ma shing sA la chen po lta bu bram ze shing sA la chen po lta bu drug bcu dang lhan cig tu bcom ldan 'das de bzhin gshegs pa 'jig rten gsum gyi bla ma de ga la ba der song ste phyin nas/ de bzhin gshegs pa 'jig rten gsum gyi bla ma dang lhan cig mngon du yang dag par dga' ba'i gtam gyi rnam pa dag byas nas phyogs gcig tu 'dug go/ /phyogs gcig tu 'dug nas/ bram ze zla ba'i smin ma shing sA la chen po lta bus bcom ldan 'das de bzhin gshegs pa 'jig rten gsum gyi bla ma de'i skyes bu chen po'i mtshan sum bcu rtsa gnyis dag bsams so/ /bram ze zla ba'i smin ma shing sA la chen po lta bus bcom ldan 'das de bzhin gshegs pa 'jig rten gsum gyi bla ma'i skyes bu chen po'i mtshan sum bcu rtsa gnyis dag mthong ste/ zla ba'i smin mas bcom ldan 'das de bzhin gshegs pa 'jig rten gsum gyi bla ma de'i sku la skyes bu chen po'i mtshan gzhan gnyis dang gnyis dag gi dran pa 'di lta ste/ 'doms kyi sba ba sbubs su nub pa dang / ljags</font><hr>42.171b<br><font size=+1>

ring ba la som nyi za'o/ /de nas de bzhin gshegs pa 'jig rten gsum gyi bla ma des bram ze zla ba'i smin ma shing sA la chen po lta bu'i bsam pa thugs su chud nas/ zhal nas ljags phyung ste spyan dang snyan gyi 'gram pa gnyis la ljags kyis kun tu nyug par mdzad/ kun reg par mdzad/ ljags kyis snyan gyi rgyud gnyis la yongs su nyug par mdzad/ kun tu nyug par mdzad de/ mtshan ma ji lta bu 'byung bar mdzad pa de lta bu'i mtshan ma 'byung bar mdzad pas bram ze zla ba'i smin ma shing sA la chen po lta bus bcom ldan 'das kyi sku la 'doms kyi sba ba sbubs su nub par mthong ngo / /de de bzhin gshegs pa'i skyes bu chen po'i mtshan sum bcu rtsa gnyis la som nyi med/ the tshom med nas de stan las langs te/ pus mo g.yas pa'i lha nga sa la btsugs nas de bzhin gshegs pa 'jig rten gsum gyi bla ma ga la ba de logs su thal mo sbyar ba btud nas/ de bzhin gshegs pa de'i zhabs la mgo bos phyag 'tshal cing / khas gtugs te lag pa gnyis kyis shin tu bteg nas/ bcom ldan 'das bram ze zla ba'i smin ma shing sA la chen po lta bu zhes bgyi ba lags so/ /bcom ldan 'das bram ze zla ba'i smin ma shing sA la chen po lta bu zhes bgyi ba lags so zhes/ bdag gi ming dang rus lan gsum gyi bar du gsol to/ /sems kyang 'di ltar bskyed do/ /bdag ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su gyur nas ma dul ba dang ma grol ba rnams dgrol ba dang / ma zhi ba rnams zhi bar bgyid pa dang / ma rgal ba rnams bsgral ba dang / dbugs ma phyin pa rnams dbugs dbyung ba dang / yongs su mya ngan las ma 'das pa rnams yongs su mya ngan las bzla ba dang / lha dang bcas pa'i 'jig rten gyi 'dren par gyur cig /de nas de bzhin gshegs pa 'jig rten gsum gyi bla ma des bram ze zla ba'i smin ma shing sA la chen po lta bu'i bsam pa thugs su chud nas 'dzum pa mdzad do/ /'di ni chos nyid de gang gi tshe/ </font><hr>42.172a<br><font size=+1>

bcom ldan 'das 'dzum pa mdzad pa de'i tshe/ 'od zer kha dog du ma dang kha dog sna tshogs dag zhal gyi sgo nas byung ste/ de bzhin gshegs pa 'jig rten gsum gyi bla ma de la lan gsum bskor ba byas nas spyi gtsug tu nub bo/ /de'i tshe de bzhin gshegs pa de'i rim gro pa dge slong zhi ba'i dbang po zhes bya ba zhig byung ste/ de stan las langs nas bla gos phrag pa gcig tu gzar nas/ de bzhin gshegs pa de ga la ba de logs su thal mo sbyar ba btud de/ bcom ldan 'das de bzhin gshegs pa 'jig rten gsum gyi bla ma de la tshigs su bcad de gsol pa/ 'dren pa dpa' chen rgyu ma mchis par 'dzum mi mdzad/ /glang po chen po 'dzum mdzad rgyu ci bdag la gsungs/ /'dren pa 'jig rten gsal mdzad 'dzum pa'i rgyu gsungs shig /khyod sras gang dag thos nas mgu zhing dga' bar 'gyur/ /brtson 'grus rtsom zhing sangs rgyas chos dag 'thob par 'gyur/ /bdud kyang 'joms par 'gyur zhing lam chen sbyong bar 'gyur/ /'dren pa sangs rgyas chos la nges par 'byung 'gyur zhing / /'dren pa sangs rgyas chos la the tshom med par 'gyur/ /ji ltar sangs rgyas sras kyis 'bad pa don yod cing / /slob tshe 'jigs pa med cing zhum pa med par 'gyur/ /de nas de bzhin gshegs pa 'jig rten gsum gyi bla ma des/ rim gro pa de la tshigs su bcad de gsungs pa/ ji ltar smras pa de bzhin rgyu med 'dzum mi mdzad/ /sras kyi bsam pa mkhyen nas 'jig rten don gyi phyir/ /sems can 'jig rten don du 'dren pa 'dzum pa mdzad/ /bram ze zla ba'i smin ma dpa' bo mkhas pa 'di/ /nga la mchod pa byas shing bstan la dad pa rnyed/ /bskal pa bye ba drug bcur log par mi 'gro zhing / /de nas mi ru 'ongs nas 'jig rten sangs rgyas 'gyur/ /mtshan ni 'jig rten gsal mdzad sems can thugs brtse ldan/ /de yi sku tshe lo ni bye ba brgyad bcur 'gyur/ /nyan thos 'khor ni bye ba bdun bcu dag tu 'gyur/ /lo ni bye ba dgu bcur rkang gnyis mchog gnas te/ /nyan thos 'dus pa brgyad bcu de yi rnam pa ni/ /dmigs</font><hr>42.172b<br><font size=+1>

med grags pa chen po 'dus pa 'byung bar 'gyur/ /blo mchog ldan pa mya ngan 'das pa'i dam chos lo/ /khri phrag brgyad bcur gnas te lha mi dag gis spyod/ /maud gal gyi bu de ji snyam du sems/ de'i tshe de'i dus na bram ze zla ba'i smin ma zhes bya ba shing sA la chen po lta bur gyur pa de gzhan yin par sems na/ de ltar mi blta ste nga de'i tshe de'i dus na bram ze zla ba'i smin ma zhes bya ba shing sA la chen po lta bur gyur to/ /maud gal gyi bu de lta bas na byang chub sems dpas blo la dad pa mang du bya/ bstan bcos thams cad la mkhas par yang bya mngon par brtson par yang bya'o/ /maud gal gyi bu ngas khams sna tshogs shes par bya ba'i don du sngon byang chub sems dpa'i spyad pa spyod pa na ji ltar khams sna tshogs shes pa yang dag par bsdus pas sems can rnams kyi khams sna tshogs dag gi khams kyi gnyen po nges pas ji ltar chos bstan par bya snyam nas dge ba'i rtsa ba dpag tu med pa dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na rgyal po dge ba'i mig ces bya ba nas/ rang gi chos kyis shin tu rgyal srid kyi nang na gnas pa'i bar zhig byung ngo / /de'i tshe na de bzhin gshegs pa thogs pa med pa'i spyan rig pa dang zhabs su ldan pa zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa dgra bcom pa yang dag par rdzogs pa'i sangs rgyas thogs pa med pa'i spyan de'i sangs rgyas kyi zhing ni gang gA'i klung gi bye ma snyed kyi stong gsum gyi stong chen po dag byung ngo / /sangs rgyas kyi zhing der sems can gang kun nas nyon mongs pa'i tshul khrims sam/ kun nas nyon mongs pa'i sems can thams cad du gang ma skyes te/ sngon yang dag par rdzogs pa'i sangs rgyas dang / dge ba'i rtsa ba bskyed pa'i sems can de dag thams cad ni de bzhin gshegs pa thogs pa med pa'i spyan de nyid dang lhan cig tu dge ba'i rtsa ba bskyed do/ /de nas de bzhin gshegs pa thogs pa med pa'i spyan gyis sems can de dag gi bsam pa</font><hr>42.173a<br><font size=+1>

thugs su chud nas/ de bzhin gshegs pa'i stobs bcu dag gi bsngags pa brjod de/ de bzhin gshegs pa'i stobs bcu dag la brten na phun sum tshogs pa thams cad mngon par 'grub par 'gyur bas/ de dag khong du chud par bya ba'i don du lus dang / lpags pa dang rgyus pa dang rus pa skams shing khog pa dang / sha dang khrag yongs su skams kyang brtson 'grus brtsam par bya'o/ /gal te brtson 'grus btang na de bzhin gshegs pa'i stobs bcu dag mi thob par 'gyur ro/ /de dag thams cad brtson 'grus brtsams pa de dang ldan pas/ de bzhin gshegs pa'i stobs bcu thob par bya ba'i phyir 'bad do/ /de bzhin gshegs pa thogs pa med pa'i spyan de ni de dag thams cad kyi sngon du gshegs par gyur te/ de bzhin gshegs pas sems can dpag tu med pa de dag thams cad sangs rgyas kyi ye shes la btsud de/ de dag thams cad bla na med pa yang dag par rdzogs pa'i byang chub mngon par 'tshang rgya zhing yongs su mya ngan las 'da' bar bkod do/ /maud gal gyi bu de ji snyam du sems/ de'i tshe de'i dus na rgyal po dge ba'i mig ces bya bar gyur pa de gzhan yin par sems na/ de ltar mi blta ste/ nga de'i tshe de'i dus na rgyal po dge ba'i mig ces bya bar gyur to/ /de lta bas na de phyin cad sems can yongs su smin par bya ba la ngoms pa med par byed de/ de ci'i phyir zhe na byang chub sems dpa'i spyad pa spyod pa na ji tsam du sems can yongs su smin par byed pa de tsam gyis yongs su mya ngan las 'da' ste/ maud gal gyi bu sems can de dag gi grangs yongs su shes par nus pa gang yang med de/ ngas sems can de snyed yongs su mya ngan las bzlas so/ /sems can de dag gi grangs gdags par yang mi nus te/ maud gal gyi bu ngas sangs rgyas kyi rgyud mi gcad par bya ba'i phyir zhugs nas ngas sems can de snyed cig bla na med pa yang dag par rdzogs pa'i byang chub la yongs su btsud cing yongs su smin par byas so/ /maud gal gyi bu de lta bas na byang chub sems</font><hr>42.173b<br><font size=+1>

dpa' sangs rgyas kyi rgyud mi gcad par bya ba la rnal 'byor du bya'o/ /maud gal gyi bu ngas khams sna tshogs shes pa kun 'byung ba shes par bya ba'i don du sngon byang chub sems dpa'i spyad pa spyod pa na/ khams sna tshogs shes pa kun 'byung ba shes pa thob nas/ bdag gis sems can gyi don ji ltar bya snyam nas/ dge ba'i rtsa ba rnam pa du ma mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na/ mgar ba legs rtogs zhes bya ba mgar ba 'dzangs shing gsal la yid gzhungs pa/ bzo rnams la bslabs pa zhig byung ste/ de yongs su sbyang ba byas pas gser gyi gzugs brnyan la 'jug pa shes/ ldang ba yang shes/ rin yang shes so/ /de yongs su sbyang ba byas pa'i gser gyi gzugs brnyan gyi rin la shin tu rmongs pa med pas phyogs dang phyogs mtshams su rgya cher kye ma mgar ba 'di mkhas so zhes grags pa dang / sgra dang tshigs su bcad pa'i mngon par 'phags so/ /'di bzo'i mchog khong du chud pas rgyal po'i pho brang 'khor gyi bar du grags nas de'i rnyed pa dag kyang byung ste/ rgyal po de'i gos dag byin/ 'gro ba thams cad kyis kyang / bzo bo de'i tshig gzung bar 'os par gyur to/ /maud gal gyi bu de ji snyam du sems/ de'i tshe de'i dus na mgar ba legs rtogs shes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na mgar ba legs rtogs shes bya bar gyur to/ /maud gal gyi bu de lta bas na byang chub sems dpa' khams sna tshogs shes pa kun 'byung ba shes pa la mkhas par bya'o/ /maud gal gyi bu ngas gzhan yang khams sna tshogs shes pa kun 'byung ba shes par bya ba'i don du sngon byang chub sems dpa'i spyad pa spyod pa na/ dge ba'i rtsa ba rnam pa du ma dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na gar gyi slob dpon 'gro ba thams cad kyi gtso</font><hr>42.174a<br><font size=+1>

bo zhes bya ba 'dzangs shing gsal la yid gzhungs pa mnyen la 'thun pa dang / tshig gzung bar 'os pa skye bo'i tshogs mang pos mnos shing mngon par dga' ba/ dus shes pa dang / dus ma yin pa shes pa dang ma shes pa dang / pha shes pa dang bdag shes pa dang / 'khor shes pa dang / 'jig rten gyi bsam pa'i rjes su zhugs shing tshig smras pa tsam gyis sems can dag gi bsam pa 'dzin par byed pa zhig byung ngo / /de'i bu mo 'gro ba'i dpa' mo zhes bya ba de bzhin gshegs pa dpag tu med pa la dge ba'i rtsa ba bskyed pa/ bsam pa rgya che ba 'dod chags chung / zhe sdang chung gti mug chung ba/ mi'i mdog las 'das shing / lha'i gzugs kyi mdog lta bu yang dag par thob pa/ bro gar gyi bzo la mchog tu mkhas pa/ cho ga la mkhas pa/ mthong ba tsam gyis sems can thams cad kyi mig 'dzin pa zhig byung ngo / /de'i tshe der skye bo'i tshogs mang po 'dus shing tshogs mang po 'khod do/ /de nas gar mkhan gyi bu mo 'gro ba'i dpa' mo rgyan thams cad kyis brgyan nas tshogs kyi dbus su 'dug ste/ glu dbyangs 'di dag blangs so/ /lang tsho 'di dag ri bo'i chu ltar 'gro/ /skad cig thang cig yud tsam shin tu ltung / /byis pa'i skye bo rab tu myos pa dag /brgyal zhing g.yo ba'i shugs kyang mi shes so/ /ston ka'i sprin stug snying po med pa dang / /'phyar ba'i shugs ltar lang tsho 'gro ba yin/ /gang dag gzugs kyi bcing bas bcings pa ni/ /mi rtag mi ltung bar ni mi 'dzin to/ /ji ltar bus pa khye'u'i ma ma ltar/ /mi mkhas blo gros ngan pa de dag ni/ /yid slu 'chi bar 'gro ba mi shes so/ /de dag 'bras bu med pas yid sbags pa/ /de ni mi rtag 'jig pas skems par byed/ /bsod nams med pa 'chi mthas srog 'joms so/ /mkhas pa gang dag rgyal ba'i gsung rab la/ /rtag tu brtson pa lang tsho dga' 'brel la/ /mkhas pa de yis dga' bar mi bya'o/ /mkhas pas bde bar gshegs pa'i gsung rab la/ /lang tsho mi rtag snying med brtag par gyis/ /dga' ba de yis lang tsho sngon du 'phrog /gal te skye bo mkhas pa 'dzangs pa dag /'di dag bdag med lang tsho</font><hr>42.174b<br><font size=+1>

rtog par byed/ /ji ltar skyes bu rang gi rdzas tshol ba/ /de bzhin dga' bas rang gi rdzas tshol lo/ /gang gis snod brnyas ji srid bdag la 'dug /de bzhin lang tsho bdag gi don byed de/ /bdag ni gang gis brnyas pa'i snod 'dra'o/ /ji srid lang tsho la ni bdag gnas pa/ /stobs dang brtson 'grus bdag gis nyams mi bya/ /bdag gi lang tsho rga bas sngon 'phrog pas/ /rgyal ba'i bstan la bdag gis sbyar bar bya/ /lang tsho'i rnam pa gang dag phrogs pa ni/ /kye ma bsam pa bslus shing stobs nyams so/ /lang tsho'i rnam pa de yi skad cig la/ /mi rtag stobs nyams mi sla ma yin no/ /lang tsho mi rtag de yi skad cig la/ /yongs su brtag par bya ba mi sla ste/ /de bas mi ni lang tsho 'dzin pa'i tshe/ /rga ba zad par bya la 'bad par gyis/ /lang tsho rga bas yal cing rgas pa dang / /nyams pas chos ni gtad par mi nus so/ /mkhas pa gang dag rgyal ba'i bstan pa la/ /spyod par byed pa bdud rtsi tshol ba yin/ /me la chu yis btab na mi 'bar ltar/ /bdud kyi zhags pa de yis gcod par byed/ /de lta bas na lang tsho 'dzin pa na/ /bde bar gshegs kyi bstan la spyad par gyis/ /lang tsho spyod pa bdud kyi 'khor las rgyal/ /maud gal gyi bu de ji snyam du sems/ de'i tshe de'i dus na bu mo 'gro ba'i dpa' mo zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na gar mkhan gyi bu mo 'gro ba'i dpa' mo zhes bya bar gyur to/ /maud gal gyi bu de lta bas na/ rga ba'i khams dang skye mched thal bar ma brlag pa de srid du mkhas pas bdud rtsi khong du chud par bya ba la 'bad par bya'o/ /maud gal gyi bu ngas gzhan yang khams sna tshogs shes pa 'gog pa shes par bya ba'i don du bdag gis chos gang dag yongs su shes pa ji ltar mi 'gag par bya snyam nas/ dge ba'i rtsa ba dpag tu med pa mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na/ de bzhin gshegs pa grags pa ma smad pa</font><hr>42.175a<br><font size=+1>

zhes bya ba zhig byung ngo / /de'i gsung rab la byang chub sems dpa' spyod pa bla ma zhes bya ba zhig byung ste/ yid dam blangs pa las mi g.yo ba dang ldan pa zhig byung ngo / /de'i yi dam gyi tshul ni 'di dag yin te/ ji srid du bdag gi sangs rgyas kyi zhing der sems can dag bla na med pa yang dag par rdzogs pa'i byang chub kyi snod du ma gyur na/ de srid du bdag bla na med pa yang dag par rdzogs pa'i byang chub mngon par rdzogs par 'tshang mi rgya'o/ /ji srid du bdag gi sangs rgyas kyi zhing der gang sems can skyes pa de dag thams cad mngon par shes pa myur ba bde ba'i lam gyis yongs su mya ngan las 'da' bar ma gyur na/ de srid du bdag bla na med pa yang dag par rdzogs pa'i byang chub mngon par rdzogs par 'tshang mi rgya'o/ /de bzhin du sbyar te ji srid du bdag gi sangs rgyas kyi zhing der sems can skyes par gyur pa de dag thams cad mi dge ba'i chos spangs shing dge ba'i chos thams cad dang ldan par ma gyur na/ de srid du bdag bla na med pa yang dag par rdzogs pa'i byang chub mngon par rdzogs par 'tshang mi rgya'o/ /ji srid du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sems can thams cad bla na med pa yang dag par rdzogs pa'i byang chub las phyir mi ldog par ma gyur na/ de srid du bdag bla na med pa yang dag par rdzogs pa'i byang chub mngon par rdzogs par 'tshang mi rgya'o/ /gal te bdag gi sangs rgyas kyi zhing der sems can dmyal ba'i sgra 'am/ dud 'gro'i skye gnas 'thob pa 'am/ lha ma yin gyi ris su skye bar gyur na de srid du bdag bla na med pa yang dag par rdzogs pa'i byang chub mngon par rdzogs par 'tshang mi rgya'o/ /gal te bdag gi sangs rgyas kyi zhing der sdug bsngal gyi sgra yod na de srid du bdag bla na med pa yang dag par rdzogs pa'i byang chub mngon par rdzogs par 'tshang mi rgya'o/ /gal te bdag gi sangs rgyas kyi zhing der sems can skyes pa de dag thams cad srid pa tha ma par ma gyur na de srid du bdag bla na</font><hr>42.175b<br><font size=+1>

med pa yang dag par rdzogs pa'i byang chub mngon par rdzogs par 'tshang mi rgya ste/ byang chub sems dpa' smon lam gyis gnas pa ni ma gtogs so/ /sangs rgyas kyi zhing de 'di la sogs pa'i yon tan gzhan dang yang ldan no/ /maud gal gyi bu khyod de'i tshe de'i dus na byang chub sems dpa' spyod pa bla ma zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na spyod pa bla ma zhes bya bar gyur to/ /maud gal gyi bu de lta bas na byang chub sems dpa' sems dpa' chen pos sems can rnams la phan par bya ba'i don du yid dam la brtan par bya'o/ / bam po bcu drug pa/ mngon par 'dus byas te maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na rgyal po zla sbyin gyi bu mo/ bu mo grangs las 'das pa zhes bya ba gzugs bzang zhing mdzes pa/ blta na sdug pa kha dog bzang mo rgyas pa mchog dang ldan pa zhig byung ngo / /de pha mas khyim thab la btang bar byas so/ /des pha ma de dag la smras pa/ yab yum bdag ni khyim thab mi 'tshal lo/ /de'i pha mas smras pa bu mo khyod kyi bsam pa ci yod/ des smras pa/ yab yum bdag ni khyim thab mi 'tshal to/ /de ci'i slad du zhe na yab ji tsam du nye bar len pa de tsam du sdug bsngal ba lags so/ /gang la nye bar len pa ma mchis pa de la sdug bsngal ma mchis so/ /yab gzigs shig khyim thab mchis pa la ni khyim thab kyi mya ngan mchis la/ khyim thab ma mchis pa la ni khyim thab kyi mya ngan ma mchis so/ /bu mchis pa la ni bu'i mya ngan mchis la/ bu ma mchis pa la ni bu'i mya ngan ma mchis so/ /'dzin pa mchis pa la ni 'dzin pa'i mya ngan mchis la/ 'dzin pa ma mchis pa la ni 'dzin pa'i mya ngan ma mchis te/ bdag 'dzin pa des 'tshal to/ /'dzin pa mchis na nongs pa thams cad 'byung ste/ bdag khyim thab des 'tshal to/ /gnod pas 'tshal to/ /yab sems can dag khams sna tshogs la mos te/ gang 'khor ba la dga' ba de dag la ni 'dzin pa 'tshal gyi/ gang 'khor ba la mi dga' ba</font><hr>42.176a<br><font size=+1>

de dag la ni 'dzin pa mi 'tshal te/ bdag kyang 'khor ba la glo ba mi dga' ste/ des na bdag 'dzin pa mi 'tshal lo/ /gang gis 'dzin pa thams cad spangs na de bde ba zhes bgyi'o/ /maud gal gyi bu de ji snyam du sems/ de'i tshe de'i dus na bu mo grangs las 'das pa zhes bya bar gyur pa de gzhan yin par sems na de ltar mi blta ste/ nga de'i tshe de'i dus na bu mo grangs las 'das pa zhes bya bar gyur to/ /maud gal gyi bu de lta bas na nga'i sngon gyi ltar/ da ltar yang byang chub sems dpas 'dzin pa yod na sdug bsngal du 'gyur zhing / 'dzin pa med na sdug bsngal du mi 'gyur ro/ /zhes rig par byas nas 'dzin pa med pa la bslab par bya'o/ /maud gal gyi bu ngas khams sna tshogs shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na/ bdag khams sna tshogs shes pa kun 'byung ba shes pa mngon par rdzogs par shes nas/ sems can rnams la ji ltar rab tu bstan par bya snyam nas/ dge ba'i rtsa ba rnam pa sna tshogs du ma dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na mtshon mgar rgyal sde zhes bya ba las zhib mo thams cad la shin tu bslabs pa/ rgya'i las thams cad la shin tu bslabs pa/ snod kyi rgya thams cad 'dri ba zhig byung ngo / /de nas mtshon mgar rgyal sde 'di snyam du sems te/ bdag gis bzo thams cad kyi so so'i rgya bzung ste/ gang bdag gis bzo so so'i rgya ma bzung ba cung zad kyang med do snyam mo/ /de'i tshe de bzhin gshegs pa mtha' yas gzigs shes bya ba rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das 'jig rten du byung ngo / /de sngon gyi gnyen snag gi gnyen mtshams rnying pa/ lha snying rje can zhig bar snang la 'dug ste/ rang gi gzugs kyi mdog mi snang bar byas nas tshigs su bcad de</font><hr>42.176b<br><font size=+1>

smras pa/ grogs po yang dag sangs rgyas rkang mchog byung bzhugs pa/ /'jig rten rnams la brtse mdzad mtshan ni mtha' yas gzigs/ /sems can kun la phan mdzad chos kun pha rol gshegs/ /zhus pa rnams kyi mthar mdzad ston pa the tshom sel/ /de ni ji lta bzhin du kun mkhyen de drung song / /bsnyen byos bsams pa zhus te de ni thos nas sgrubs/ /ston pa de nyid gsung ba nges te gzhan tshig min/ /de yis de gsung ji ltar thos pa bzhin du sgrubs/ /de nas mtshon mgar rgyal sde lha de'i spobs pa thos te/ de'i mtshan mo 'das nas bcom ldan 'das de bzhin gshegs pa mtha' yas gzigs de da ltar gang na bzhugs shes kun tu tshol lo/ /de bzhin gshegs pa de mthong bar bya ba mi shes na gar 'gro bar bya/ de bzhin gshegs pa de ga la bzhugs shes shin tu bsgom mo/ /de nas de bzhin gshegs pa mtha' yas gzigs des mtshon mgar rgyal sde de'i dge ba'i rtsa ba'i dus tshigs la bab par thugs su chud nas/ steng gi bar snang la de bzhin gshegs pa'i sku mngon par sprul nas skyil mo dkrung bcas te/ mtshon mgar rgyal sde de la tshigs su bcad de gsungs pa/ khyod gang tshol ba 'jig rten mgon po de bzhin gshegs/ /bzang po de ni khyod kyi spyir bzhugs gang 'dod zhus/ /nga ni zhus pa'i lan 'debs nga ni the tshom gcod/ /khyod kyi yid la gang bsams myur du zhu ba zhus/ /zhi ba'i yid kyis bzo gang rnam pa zhu ba ni/ /'jig rten gang du cung zad bzo ni bdag ma 'tshal/ /rgyal sde sangs rgyas rab snang zhu ba zhus pa dang / /ston pa kun gzigs 'dren pas de yi lung bstan mdzad/ /gang la bzo med gang na nam yang bzo bo med/ /chos kun ma skyes 'di ni mi mchog bzo yin no/ /nga yi bzo 'di bslabs dang myur du bzo bor 'gyur/ /bzo rnams kun la bslabs pas srog chags don byed do/ /de nas mtshon mgar rgyal sdes sa'i phyogs de nyid du ma g.yos par mi skye ba'i chos la bzod pa de nyid thob po/ /maud gal gyi bu khyod de'i tshe de'i dus na mtshon mgar rgyal sde zhes bya bar</font><hr>42.177a<br><font size=+1>

gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na mtshon mgar rgyal sde zhes bya bar gyur to/ /bla na med pa'i bzo bslabs so/ /maud gal gyi bu de lta bas na byang chub sems dpas khams sna tshogs shes pa 'gog par 'gyur ba'i lam shes pa la slob par 'dod pas chos thams cad kyi skye ba med pa la bslab par bya'o/ /maud gal gyi bu ngas 'jig rten shes par bya ba'i don du sngon byang chub sems dpa'i spyad pa spyod pa na bdag 'jig rten shes pa bslabs nas sems can rnams la yang dag pa ji lta ba bzhin ji ltar rab tu bstan par bya snyam nas/ dge ba'i rtsa ba rnam pa sna tshogs du ma dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na rtog pa nges par dpyod pa zhes bya ba rtsa ba 'byin pa 'jig rten pa thams cad kyi rgyud mngon par shes pa zhig byung ngo / /de grong dang grong khyer dang grong rdal dang / yul 'khor dang rgyal po'i pho brang 'khor du zhugs nas rtsa ba shes pa yang dag par rab tu ston to/ /de'i tshe yongs su rgyu ba pa 'char ka zhes bya ba dge ba'i rtsa ba kun la bslabs pa zhig byung ngo / /des rtog pa la nges par sems pa rtsa ba 'byin par byed pa de skye bo mang po'i mdun du rtsa ba shes pa rab tu ston to zhes thos so/ /thos nas 'di snyam du sems te/ 'jig rten gyi shes pa 'di lta bur yang dag par rab tu bstan par mi bya ste/ 'di ltar bdag nyid kyis 'jig rten gyi shes pa rig par bya'o snyam mo/ /de rtsa ba de thos nas de dgon par song ste bas mtha'i gnas mal du gnas bcas nas bdag gis 'jig rten gyi shes pa gang las btsal bar bya snyam du de ltar so sor rtog go/ /de 'di snyam du sems te 'jig rten gyi shes pa lus 'di nyid las gzhan du btsal bar mi bya'o snyam mo/ /de 'di snyam du sems te/ 'jig rten 'di dag gang yin zhes de de ltar so sor rtog pa na 'di ltar sems skyes te/ 'jig rten 'di ni 'di lta ste/ phung po lnga dag go/ /de dag ni skye ba dang rga ba dang na ba dang 'chi bas 'jig rab tu 'jig rnam par rab tu 'jig shig shig</font><hr>42.177b<br><font size=+1>

por 'gyur/ lhod lhod por 'gyur/ rnyings par 'gyur/ kha dog ngan par 'gyur ro/ /yongs su shes pa gang gis 'jig rten 'di nyid de ltar shes na/ rga ba'i sdug bsngal dag 'gag par 'gyur/ na ba'i sdug bsngal dag 'gag par 'gyur/ 'chi ba'i sdug bsngal dag 'gag par 'gyur ro snyam mo/ /de 'di snyam du sems te/ sems can 'di dag thams cad ni 'jig rten gnas pa thams cad 'jig pa'i chos dang rab tu 'jig pa'i chos su sems can de dag gis rab tu mi shes so snyam nas/ de sems can 'di dag nyid las snying rje chen po thob ste/ bdag gis sems can 'di dag 'jig rten las yongs su thar bar bya'o snyam mo/ /de 'di nyid la brtson pas mngon par shes pa lnga thob ste/ de rang gi mngon par shes pa lnga po de dag gis rtse'o/ /mngon par shes pa lnga po dag sems can rnams la yang dag par rab tu ston to/ /mngon par shes pa lnga dang ldan pas sems can dag 'gro ba lngar rnam par rgyug pa mthong ngo / /des na snying rje chen po bskyed nas sangs rgyas kyi zhing de na sems can de dag thams cad mngon par shes pa lnga la rab tu bkod do/ /maud gal gyi bu khyod de'i tshe de'i dus na yongs su rgyu ba pa 'char ka zhes bya bar gyur pa de gzhan yin par sems na de ltar mi blta ste/ nga de'i tshe de'i dus na yongs su rgyu ba pa 'char ka zhes bya bar gyur to/ /ngas gang gis sangs rgyas kyi zhing thams cad dang ldan pa'i sems can de dag mngon par shes pa lnga la bkod do/ /sems can de dag thams cad kyi mngon par shes pa lnga po de dag bla na med pa yang dag par rdzogs pa'i byang chub tu yongs su bsngos so/ /sems can de dag thams cad kyang bla na med pa yang dag par rdzogs pa'i byang chub mngon par rdzogs par 'tshang rgya ba sems can rnams kyi don byas nas yongs su mya ngan las bzlas so/ /maud gal gyi bu de lta bas na byang chub sems dpas 'jig rten bdag gi lus 'dom gang tsam pa 'di nyid rig par bya/ 'jig rten kun 'byung ba dang / 'jig rten 'gog pa dang / 'jig rten 'gog par 'gyur ba'i lam yang rig par bya'o/ /maud gal gyi bu ngas gzhan yang 'jig rten shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam</font><hr>42.178a<br><font size=+1>

pa sna tshogs du ma dag mngon par 'dus byas te/ sbyin pa'i pha rol tu phyin pa dang yang dag par ldan par byas/ tshul khrims dang bzod pa dang brtson 'grus dang bsam gtan dang shes rab kyi pha rol tu phyin pa dang yang dag par ldan par byas so/ /maud gal gyi bu sngon byung ba 'das pa'i dus 'khor ba dpag tu med cing grangs med/ bsam gyis mi khyab gzhal du med gzhal gyis mi lang brjod du med pa'i 'khor ba de'i pha rol gyi yang ches pha rol na ded dpon snying rje can zhes bya ba 'dzangs shing gsal la yid gzhungs pa/ phyogs la mkhas pa dang / phyogs mtshams la mkhas pa dang / don la mkhas pa dang / don ma yin pa la mkhas pa dang / rgyu skar la mkhas pa dang / nyin mo la mkhas pa dang / thang cig la mkhas pa dang / skad cig la mkhas pa dang / yud tsam la mkhas pa dang thabs la mkhas pa dang / ngan song la mkhas pa zhig byung ngo / /de nges par byas pa yin te/ dge mtshan dang bkra shis byas nas tshong pa lnga brgya dang lhan cig tu rgya mtsho chen por zhugs so/ /der tshong pa'i ded dpon 'dren pa de tshong pa de dag la 'jig rten gyi gtam smra'o/ /'jig rten 'di'i shar phyogs kyi 'jig rten gyi khams dpag tu med pa na gzhan ni skye/ gzhan ni 'gag /gzhan ni 'jig gzhan ni 'byung gzhan ni zhig nas gnas gzhan ni byung nas gnas/ gzhan ni byung ste grogs po dag 'jig rten gyi khams de dag ni mtha' med do/ /de bzhin du phyogs bcu'i 'jig rten gyi khams de dag na sems can rigs phun sum tshogs pa yod/ sems can rigs dma' ba yod sems can kha cig ni phyug kha cig ni dbul sems can kha cig ni bran yin kha cig ni rje bo yin te/ de ltar spyi shes pa dang / khyad par shes pa rnam pa du ma 'di ni 'jig rten shes pa zhes bya'o/ /grogs po dag de lta bas na 'jig rten dang 'jig rten gyi shes pa la 'bad par bya'o/ /maud gal gyi bu de ji snyam du sems/ de'i tshe de'i dus na ded dpon snying rje can zhes bya ba de gzhan yin par sems na de ltar mi blta ste/ de ci'i phyir zhe na/ nga de'i tshe de'i dus na ded dpon snying</font><hr>42.178b<br><font size=+1>

rje can zhes bya bar gyur to/ /maud gal gyi bu de lta bas na byang chub sems dpas 'jig rten dang 'jig rten gyi spyod pa la rnal 'byor du bya'o/ /maud gal gyi bu ngas gzhan yang 'jig rten shes par bya ba'i don du sngon byang chub sems dpa'i spyad pa spyod pa na dge ba'i rtsa ba sna tshogs dpag tu med pa dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na skye bo thams cad kyi bsam pa'i rjes su 'jug pa zhes bya ba gzugs kyis 'tsho ba gzugs bzang zhing mdzes la blta na sdug pa/ kha dog bzang po rgyas pa mchog dang ldan pa zhig byung ngo / /des skyes bu gang dang gang du 'gro bar 'gyur ba de dang der thams cad kyi bsam pa'i rjes su 'jug ste/ bdag gi ngo bo nyid ni mi ston cing gar yang rjes su mi gtong ngo / /maud gal gyi bu de bzhin du 'du byed thams cad ji lta ji ltar so sor brtags na/ dngos po med par mthong ste/ 'du byed rnams gang yang nges pa med do/ /gal te gtsang bar rtog na gtsang ba'i kha dog tu ston la/ gal te mi gtsang bar rtog na mi gtsang ba'i kha dog tu ston to/ /de bzhin du sbyar te/ gal te bde ba 'am/ gal te sdug bsngal ba 'am/ gal te rtag pa 'am/ gal te mi rtag pa 'am/ gal te mtshan ma 'am/ gal te mtshan ma med par rtog na de'i kha dog tu ston par byed do/ /maud gal gyi bu de la gtsang bar rtog pa ni 'ching la/ mi gtsang bar rtog pa ni thar pa'o/ /bde bar rtog pa ni 'ching la/ sdug bsngal du rtog pa ni thar pa'o/ /de bzhin du sbyar te/ rtag pa ni 'ching la mi rtag pa ni thar pa'o/ /bdag ni 'ching la bdag med pa ni thar pa'o/ /mtshan mar rtog pa ni 'ching la/ mtshan ma med par rtog pa ni thar pa'o/ /maud gal gyi bu de lta bas na byang chub sems dpa' sems dpa' chen po yongs su mya ngan las 'da' bar 'dod pa dang / sems can rnams kyang yongs su mya ngan las bzla bar 'dod pas/ gtsang ba'i mtshan ma spang bar bya zhing / mi gtsang ba'i mtshan ma la bsten par bya'o/ /de bzhin du sbyar te/ mtshan ma spang bar bya zhing / mtshan ma med pa la bsten par bya ba'i</font><hr>42.179a<br><font size=+1>

bar du ste thar pa'i lam ni de yin no/ /maud gal gyi bu byang chub sems dpas 'jig rten shes pa kun 'byung ba shes pa la ji ltar bslab par bya zhe na/ maud gal gyi bu 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas dge ba'i bshes gnyen la bsten pa brtson pa mi gtang bar bya'o/ /maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na/ byang chub sems dpa' 'od yang dag 'phags shes bya ba bla na med pa yang dag par rdzogs pa'i byang chub la yang dag par gnas pa de bzhin gshegs pa dpag tu med pa la dge ba'i rtsa ba bskyed pa/ dge ba'i rtsa ba rnam pa sna tshogs dang ldan pa zhig byung ngo / /de nyal ba'i rmi lam na de bzhin gshegs pa dang lhan cig gtam yang dag par rjod pa 'jug pa la ma gtogs par gzhan ci yang mi mthong ste/ ji ltar 'dir de bzhin gshegs pa dang lhan cig 'dris par byas so/ /de'i tshe de bzhin gshegs pa thogs med ston ces bya ba 'jig rten du byung ste/ de bzhin gshegs pa thogs med ston de dang lhan cig bar du gtam 'di lta bu dag byas so/ /bcom ldan 'das 'jig rten shes pa dang kun 'byung ba shes pa ji ltar yang dag par 'grub par 'gyur/ 'jig rten shes pa dang / kun 'byung ba shes pa de'i rgyu nye bar bgyid par 'gyur ba ni gang lags/ bka' stsal pa/ rigs kyi bu khyod skye bo mang po la phan par zhugs shing khyod skye bo mang po la phan pa'i phyir/ de bzhin gshegs pa la don 'di yongs su zhu bar sems pa ni legs so legs so/ /rigs kyi bu de'i phyir legs par rab tu nyon la yid la zung shig dang ngas bshad do/ /bcom ldan 'das legs so zhes gsol nas/ bcom ldan 'das kyi ltar nyan to/ /rigs kyi bu 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas bstan bcos thams cad shes par bya ba la mngon par brtson par bya ste/ </font><hr>42.179b<br><font size=+1>

shes pa khong du chud par bya ba'i phyir rtogs pa la yang brtson par bya'o/ /'di lta ste bshad pa dang sngon gyi rabs kyi grub pa'i mtha' 'di la spyod pa'i byang chub sems dpa' gang zag gi tha snyad dang / grong gi tha snyad la bslabs par bya/ yul gyi tha snyad la bslab par bya/ gang dang gang du 'gro ba/ de dang de'i tha snyad la bslab par bya/ ji tsam du 'jig rten gyi shes pa gang dag shes pa thams cad la mkhas par bya'o/ /maud gal gyi bu de ji snyam du sems/ de'i tshe de'i dus na byang chub sems dpa' 'od yang dag 'phags shes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na byang chub sems dpa' 'od yang dag 'phags shes bya bar gyur to/ /maud gal gyi bu de lta bas na byang chub sems dpa' sems dpa' chen pos 'jig rten shes pa kun 'byung ba shes pa la bslab par bya'o/ /maud gal gyi bu ngas gzhan yang 'jig rten shes pa kun 'byung ba shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa sna tshogs du ma dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ gtso bo'i bu mya ngan sel ces bya ba sngon gyi rgyal ba la lhag par bya ba byas pa zhig byung ngo / /de 'di snyam du sems te/ 'jig rten shes pa kun 'byung ba shes pa mngon par rdzogs par shes nas yang dag par bshad par bya'o snyam mo/ /de 'di snyam du sems te/ 'jig rten na dge sbyong dang bram ze gang 'jig rten shes pa kun 'byung ba shes pa yang dag pa ji lta ba bzhin rab tu shes pa su yod/ de la bdag yongs su dri'o snyam mo/ /de'i tshe de bzhin gshegs pa bdud rtsi'i dbyangs sgrogs shes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa bdud rtsi'i dbyangs sgrogs de'i sangs rgyas kyi zhing der gtso bo'i bu mya ngan sel ba de byung ngo / /de nas gtso bo'i bu mya ngan sel skyes ma thag pa'i</font><hr>42.180a<br><font size=+1>

sngon gyi gnyen rnying pa lha snying rje can des bar snang la 'dug ste/ lus snang bar byas nas gtso bo'i bu snying rje can de la tshigs su bcad de smras pa/ 'jig rten mgon po bdud rtsi'i dbyangs sgrogs pa/ /gzi brjid mtha' yas stobs bcu mnga' ba 'di/ /'gro la phan pa dpag tu med pa spyod/ /'gro ba'i the tshom sel cing gcod par mdzad/ /gang gis lag mthil skyu ru ra bzhag ltar/ /de bzhin lha dang mi yi bsam pa gzigs/ /gang dag 'das dang ma 'ongs da ltar byung / /'gro ba 'di dag da lta shin tu mkhyen/ /bde bar gshegs pa lha mi'i mchod pa'i gnas/ /drang srong mgon po sdug bsngal rnams la brtse/ /rtag tu 'gro ba'i yid la byed pa mkhyen/ /ji ltar nor mkhan rin chen nor bu'i skyon/ /rab tu shes shing dug skyon shes ldan ltar/ /de bzhin stobs bcu 'gro ba'i bsam pa mkhyen/ /thugs rje dpe med dag ni bskyed nas su/ /'dod chags dug gis bskyed pa'i mi gang 'di/ /rab tu rmongs pas nyal la gso sman bya/ /zhe sdang drag po'i dug gis bskyed pa gang / /de la bdag gis byams bskyed gso sman bya/ /gti mug drag pa'i dug ni 'jigs chen gyis/ /mi yi sems kyi rjes su song ba gang / /de la bdag gis dug med nad med bya/ /de ring dug dag bcom ste dug med bya/ /ji ltar bdag ni the tshom mi 'gyur bar/ /the tshom de ni khyod kyis bsal bar spyod/ /lha mi the tshom yid gnyis skyes pas 'jig /rang byung de la 'di dag zhu bar gyis/ /de nas de yi yid 'ong tshig thos shing / /bdag nyid tshe lha nam mkhar 'dug mthong nas/ /sor bcu'i thal mo spyi bor sbyar byas te/ /nam mkhar 'dug pa'i lha la sangs rgyas 'dri/ /the tshom dpag med gcod pa'i sangs rgyas ni/ /gang na bzhugs shing bdag ni gang phyogs mchi/ /mi mchog gtso bo thub pa stobs bcu ldan/ /de drung bdag mchi don ni thob par bgyi/ /stobs bcu ldan pa shar phyogs rgyal po'i khab/ /zhi ba rnying pa zhes bya de na bzhugs/ /lha dang mi yi the tshom</font><hr>42.180b<br><font size=+1>

gcod mdzad kyis/ /song la rang byung rgyal la rab zhus shig /de nas gtso bo'i bu mya ngan sel gyis lha de'i tshig thos nas de'i mtshan mo 'das te/ srog chags bye ba khrag khrig stong phrag drug bcu dang lhan cig tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rtsi'i dbyangs sgrogs ga la ba der song ste phyin nas/ gtso bo'i bu mya ngan sel bas de bzhin gshegs pa bdud rtsi'i dbyangs sgrogs mdzes pa dang / mdzes pa sdug pa dang / dbang po zhi thugs zhi dul ba dang zhi gnas mchog ni brnyes/ dul ba dang zhi gnas dam pa ni brnyes sbas pa/ glang po dbang po ni dul/ mtsho ltar dang zhing rnyog ma med la rab tu gsal bar mthong ngo / /mthong nas de bzhin gshegs pa de'i drung du gzhal du med pa'i dga' ba skyes te/ de re shig chos mi nyan to/ /de nas de 'di snyam du sems te/ khyod kyi ye shes ci 'dra bar bdag kyang de 'dra bar gyur cig /khyod kyi sku dang gsung ci 'dra bar bdag kyang de 'dra bar gyur cig snyam mo/ /de bzhin gshegs pas de bla na med pa yang dag par rdzogs pa'i byang chub tu lung bstan to/ /des de bzhin gshegs pa bdud rtsi'i dbyangs sgrogs de la rin po che sna bdun gyi me tog gis gang ba'i skon pa stong mngon par gtor nas tshigs su bcad pas mngon par bstod pa/ ji ltar thos pa de bzhin mthong ste de bas lhag par bzang / /'di ltar khyod la skyabs mchi rkang gnyis mchog 'gyur bgyi/ /dge ba'i rtsa ba 'di yis mi yi 'dren gyur nas/ /sems can mgon med skyabs med sdug bsngal dgrol bar bgyi/ /maud gal gyi bu de ji snyam du sems/ de'i tshe de'i dus na gtso bo'i bu mya ngan sel ces bya bar gyur pa de bzhin gshegs pa gang la yongs su zhu ba la 'ongs nas/ mthong ba tsam nyid kyis the tshom dang bral ba de gzhan yin par sems na khyod kyis de ltar mi blta ste/ nga de'i tshe de'i dus na gtso bo'i bu mya ngan sel ces bya bar gyur to/ /gang la zhus pa tsam nyid kyis the tshom dang bral te/ des na nga de</font><hr>42.181a<br><font size=+1>

bzhin gshegs pa de mthong ba tsam gyis dad pas 'jig rten shes pa kun 'byung ba shes pa bsgrubs so/ /maud gal gyi bu de lta bas na byang chub sems dpa' sems dpa' chen pos de nyid mthong bar bya'o/ /maud gal gyi bu de nyid mthong ba'i byang chub sems dpas sangs rgyas la dad pa bskyed par bya/ 'jig rten pa'i shes pa khong du chud par bya ba la rnal 'byor du bya'o/ /maud gal gyi bu ngas 'jig rten shes pa 'gog pa shes par bya ba'i don du sngon byang chub sems dpa'i spyad pa spyod pa na/ bdag 'jig rten shes pa mngon par rdzogs par shes nas sems can rnams la ji ltar yang dag par rab tu bshad par bya snyam nas/ dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na drang srong gro zhin skyes shes bya ba zhig byung ste/ de dben par song nas nang du yang dag 'jog la 'jug ste/ 'di snyam du sems so/ /gang srog chags dang srog chags ma yin pa de dag srid pa la ji ltar 'gro snyam mo/ /de 'di snyam du sems te bdag dge sbyong dang bram ze gang dag gi drung du song ste gang yin pa yongs su dri bar bya snyam mo/ /de'i tshe de bzhin gshegs pa 'jig rten sgron ma zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa 'jig rten sgron ma des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jig rten sgron ma de zhes bya ba nas de mi mkhyen pa 'am/ ma gzigs pa 'am/ thugs su ma chud pa 'am/ mngon sum du ma mdzad pa 'am/ mngon par rdzogs par thugs su ma chud pa ci yang med de/ de bdag gi 'di 'chad do zhes bya ba'i bar de lta bu'i sgra mngon par phyung ngo / /de nas drang srong gro zhin skyes 'di snyam du sems te/ bdag de bzhin gshegs pa'i drung du song nas yongs su zhu bar bya/ bcom ldan 'das de bzhin gshegs pa de ji lta bzhin du lung ston par mdzad de/ de'i don de bzhin</font><hr>42.181b<br><font size=+1>

du gzung bar bya'o snyam nas/ de bcom ldan 'das de bzhin gshegs pa 'jig rten sgron ma de ga la ba der song ste phyin to/ /bcom ldan 'das de bzhin gshegs pa 'jig rten sgron ma de mthong nas gzhal du med pa'i dad pa thob ste/ sems rab tu dang bas zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas drang srong gro zhin skyes des bcom ldan 'das de bzhin gshegs pa 'jig rten sgron ma de la tshigs su bcad pa'i dbyangs kyis zhu ba zhus pa/ mi mchog bde gshegs sems can gang dag srid par skye/ /de dag tshogs rnams gar mchi 'dren pa bdag la gsungs/ /dngos po 'di kun rgyu med pa zhes kha cig mchi/ /bdag gi rang bzhin skye ste 'gro bar de bzhin mchi/ /sa ni sa ru mchi zhing chu yang chu ru mchi/ /me ni me ru mchi zhing rlung yang rlung du mchi/ /'byung ba'i tshogs pa ma gtogs de las gzhan ma mchis/ /der ni rnam shes mthong ste 'di ltar rnam shes snang / /kha cig 'di skad mchi ste gzugs la sems thogs med/ /ldog pa ga las 'byung ba 'di kun mi 'tshal na/ /ji ltar bdag ni the tshom med cing chos kun mkhas/ /mi mchog bdag gi the tsom de dag dgum pa gsungs/ /sgron ma gang zag mchog gi mkhyen pas de lung bstan/ /gro zhin des pas gang zhus bshad kyis nga la nyon/ /gzugs dang tshor ba 'du shes sems pa sems dang lnga/ /'di dag brten nas 'byung ste 'ong ba de dag med/ /ji ltar nam mkha'i sprin ni byung nas zhig cing med/ /de ltar 'gro dang mi 'gro med pa'i chos shes byos/ /de nas drang srong gro zhin skyes 'di snyam du sems te/ ji tsam du de bzhin gshegs pa ni mkhyen pa mnyam ste/ gang gis chos rnams kyi chos nyid 'di gzigs pa ni ngo mtshar to/ /chos de dag kyang gang nas kyang mi 'ong la gang du yang mi 'gro 'gro bar yang snang la/ rgyu med pa las kyang mi skye/ gar yang mi skye la 'gog pa yang med 'gro ba yang med do snyam nas/ de dad pa mchog dang ldan pas sems</font><hr>42.182a<br><font size=+1>

bskyed de/ bdag ma 'ongs pa'i dus na de bzhin gshegs pa'i ye shes 'di dang ldan nas chos rnams kyi chos nyid 'di dag nyid sems can rnams la yang dag par rab tu ston par gyur cig /maud gal gyi bu de ji snyam du sems/ de'i tshe de'i dus na drang srong gro zhin skyes zhes bya bar gyur pa de gzhan yin par sems na de ltar mi blta ste/ de ci'i phyir zhe na/ nga de'i tshe de'i dus na drang srong gro zhin skyes shes bya ba 'jig rten du 'jig rten gyi mchod rten du gyur to/ /dge ba'i rtsa ba des nga 'jig rten shes pa 'gog pa shes pa brnyes so/ /maud gal gyi bu de lta bas na byang chub sems dpas 'jig rten shes pa 'gog pa shes pa la mngon par brtson par bya'o/ /maud gal gyi bu 'jig rten shes pa 'gog par 'gyur ba'i lam shes par bya ba'i don du bdag 'jig rten shes pa 'gog par 'gyur ba'i lam shes pa mngon par rdzogs par shes nas sems can rnams la ji ltar yang dag par rab tu bstan par bya snyam nas/ dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po 'od byed ces bya ba chos kyi rgyal po chos dang ldan pa zhig byung ngo / /rin po che sna bdun dang ldan te/ de'i rin po che sna bdun ni 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che ste/ rin po che 'di bdun no/ /bu yang stong tham pa byung ste dpa' zhing rtul phod la yan lag mchog gi gzugs dang ldan pa pha rol gyi sde rab tu 'jom pa'o/ /de sa'i dkyil 'khor chen po 'di nyid chad pa med cing tshon gyis bda' ba med la/ rang gi chos kyis shin tu gnas so/ /de'i tshe de bzhin gshegs pa spyod pa zhi ba zhes bya ba rab tu byung ba'i tshogs dge 'dun dpag tu med pa'i 'khor dang / dge bsnyen khri phrag dpag tu med pa'i 'khor dang / lha bye ba khrag khrig</font><hr>42.182b<br><font size=+1>

brgya stong phrag dpag tu med pa'i 'khor dang / klu bye ba khrag khrig brgya stong phrag dpag tu med pa'i 'khor byung ngo / /de bzhin gshegs pa spyod pa zhi ba de'i sangs rgyas kyi zhing der sems can rnams kyi yongs su spyod pa 'di lta bu byung ste/ 'di lta ste dper na/ byang gi sgra mi snyan gyi mi rnams kyi tshe'i tshad du sems can de dag gi tshe'i tshad de bzhin nges te/ lo stong du tshe'i tshad nges pa ni ma yin la tshe dpag tu med par gyur te/ /tshe'i tshad du ma phyin par bar du 'chi ba'i dus mi byed do/ /de rgyal po 'od byed blon po bdun stong tsam dang lhan cig /rgyal phran lnga stong tsam dang lhan cig tu bcom ldan 'das de bzhin gshegs pa spyod pa zhi ba ga la ba der song ste phyin nas/ bcom ldan 'das de'i zhabs la mgo bos phyag 'tshal te phyogs gcig tu 'dug go/ /blon po bdun stong po de dag gis kyang bcom ldan 'das de bzhin gshegs pa spyod pa zhi ba'i zhabs la mgo bos phyag 'tshal te/ phyogs gcig tu 'dug nas bcom ldan 'das de bzhin gshegs pa spyod pa zhi ba de la tshigs su bcad pas zhu ba zhus pa/ gzugs la ji ltar brtags na 'dun pa 'dod chags med/ /ji ltar gzugs las byung na phung grol mya ngan med/ /gzugs las byung na ji ltar phung po so sor rtog /ji ltar gzugs dang bral zhing zhi ba ji ltar tshol/ /ji ltar bya rgyal ji ltar sgong sbubs bya bzhin du/ /yul la mthong ba bcom nas dpa' bo ji ltar mchi/ /'jig rten mi dag me gsum gyis ni gdungs pa na/ /mun kun bcom nas ji ltar mya ngan 'das par mchi/ /phung po khams dang skye mched ji ltar yongs su gtong / /me 'bar zhi ba lta bu dbang po ji ltar dor/ /lhar bcas 'jig rten ji ltar bla med yon gnas dang / /dpa' bo yon spyod ji ltar sems can rab tu 'grel/ /me zhi lta bur ji ltar 'gro bar 'jigs ma mchis/ /las dang nyon mongs thams cad kun tu ji ltar zhi/ /mya ngan 'das par 'gro ba'i skye ba ji ltar 'thob/ /gdugs dang rgyal mtshan ba dan mchog gis mchod par 'gyur/ /de bzhin gshegs</font><hr>42.183a<br><font size=+1>

pa spyod zhi bstan pa bde bar gshegs/ /rkang gnyis mchog gis chos kun gzigs pas de lung bstan/ /shes rab kyis bsal 'dod chags zhe sdang gti mug spang / /shes pas phung po shes bya sems can med shes kyis/ /chags pa mar me zad 'dra chags med nye bar zhi/ /lha mi dri za de dag 'gro ba mi shes te/ /las dang nyon mongs shes shing srid shes mya ngan med/ /me shing zad pa lta bur chags med mya ngan 'da'/ /gang tshe sred dang bral gyur rnam shes rgyud bsregs shing / /sdug bsngal myu gu mi sgrub ye shes me yis bsros/ /de yi 'gro ba med de me lce 'bar ba bzhin/ /sangs rgyas kun gyis 'du byed 'gro ba med par bstan/ /de nas rgyal po 'od byed des de bzhin gshegs pa spyod pa zhi ba la rin po che'i me tog thams cad kyis mngon par gtor mngon par rab tu gtor cing / de'i 'og tu spos dang me tog dag gis kyang gtor to/ /de dge ba'i rtsa ba des bskal pa grangs med pa bdun bcu rtsa drug tu ngan 'gro dang nams kyang dbul ba'i rigs dang / nams kyang rigs dma' bar ma skyes so/ /maud gal gyi bu de ji snyam du sems de'i tshe de'i dus na rgyal po 'od byed ces bya bar gyur pa de gzhan yin par sems na de ltar mi blta ste/ nga de'i tshe de'i dus na rgyal po 'od byed ces bya bar gyur te/ de bzhin gshegs pa spyod pa zhi ba de ga la bar rin po che sna bdun gyi me tog dang / spos dang / me tog dag gis mngon par gtor nas ngas gzhal du med pa'i gus pa byas so/ /maud gal gyi bu de lta bas na byang chub sems dpas byang chub sems dpa'i spyad pa spyod pa na sangs rgyas bcom ldan 'das rnams la gus pa gzhal du med pa bskyed par bya/ thams cad mkhyen pa nyid kyi sems kyang yongs su mi gtang bar bya/ thams cad mkhyen pa nyid kyi sems yongs su ma btang ba'i byang chub sems dpa' ni myur du bla na med pa yang dag par rdzogs pa'i byang chub las phyir mi ldog par 'gyur ro/ /maud gal gyi bu ngas bsam gtan shes par bya ba'i don du byang chub</font><hr>42.183b<br><font size=+1>

sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas/ ji ltar zhi gnas kyi dbang pos nges par 'byung bar bya snyam nas dge ba'i rtsa ba rnam pa sna tshogs rgya che ba du ma dag mngon par 'dus byas te/ maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na rgyal po thams cad skyob ces bya ba zhig byung ste/ rgyal po thams cad skyob de'i btsun mo bud med drug khri brgyad stong byung ste lha'i bu mo'i gzugs dang 'dra zhing / ma ltar byams pa/ sru mo ltar yid gcugs pa bran mo ltar gus pa/ lha mo ltar yon tan can de dag gi nang na rgyal po thams cad skyob 'dug ste/ 'dod pa las dben pa sdig pa mi dge ba'i chos las dben pa rtog pa dang bcas dpyod pa dang bcas pa/ dben pa las skyes pa/ dga' ba dang bde ba'i bsam gtan dang po rdzogs par byas te gnas so/ /de bzhin du bsam gtan bzhi pa'i bar rdzogs par byas te gnas so/ /de bsam gtan bzhi pa las snyoms par zhugs nas/ bsam gtan bzhi pa las langs te/ sems can dag 'dod pa'i yon tan lnga la mos shing 'dod pa la lhag par chags/ sdig pa'i las dag kun tu spyod cing / sdig pa'i las dag byas pas ngan 'gror rab tu ltung ste/ kha cig ni sems can dmyal bar kha cig ni dud 'gro'i skye gnas su/ kha cig ni gshin rje'i 'jig rten du/ kha cig ni lha'i 'jig rten du/ kha cig ni mi'i 'jig rten du tshe thung ngur 'gyur ba'i las mngon par 'du byed/ kha cig ni tshe ring por 'gyur/ kha cig ni gnod pa nyung bar 'gyur/ kha cig ni rigs dma' bar 'gyur/ kha cig ni rigs btsun par 'gyur/ kha cig ni gzi brjid chung bar 'gyur/ kha cig ni gzi brjid che bar 'gyur/ kha cig ni longs spyod chung bar 'gyur/ kha cig ni longs spyod che bar 'gyur/ kha cig ni shes rab 'chal bar 'gyur/ kha cig ni shes rab chen por 'gyur/ kha cig ni rgyun gyi rjes su 'bad/ kha cig ni rgyun las bzlog pa la 'bad pa dag mthong ngo / /de 'di snyam du sems te/ lam 'di ni yul dang mi</font><hr>42.184a<br><font size=+1>

mthun pa yin te/ gang bdag mngon par rdzogs par sangs rgyas pa'i lam 'dir bdag gis skye bo 'di dag gzhug par bya'o snyam nas/ bsam gtan bzhi pa de las langs te/ sems can rnams la snying rje bskyed de/  grong dang grong khyer dang / grong rdal dang yul rnams su rgyu zhing spyod do/ /de mngon par shes pa lnga po de dag thob pa'i stobs kyis snying rje chen pos non pas na dge ba bcu'i las kyi lam ston cing / mi dge ba bcu'i las kyi lam 'gog pa na grong nas grong du grong khyer nas grong khyer du/ yul nas yul du spyad pa spyod do/ /de'i tshe sems can de dag thams cad sangs rgyas kyi zhing der dge ba bcu'i las kyi lam la rab tu bkod do/ /mi dge ba bcu'i las kyi lam las bzlog go/ /sems can de dag thams cad kyang dge ba bcu'i las kyi lam de dag bla na med pa yang dag par rdzogs pa'i byang chub tu yongs su bsngo'o/ /de na sems can de dag thams cad sangs rgyas kyi zhing der phyir mi ldog pa nyid la rab tu btsud de/ sangs rgyas kyi zhing der sems can thams cad phyir mi ldog pa nyid la rab tu btsud pa lus zhig nas tshangs pa'i 'jig rten du tshangs par 'gyur zhing tshangs pa chen por skyes nas zil gyis gnon cing / zil gyis mi non to/ /de nas shi nas bskal pa 'jig pa'i tshe 'od gsal gyi lha rnams dang skal ba mnyam par skyes so/ /'od gsal gyi lha rnams kyi nang du skyes nas bskal pa 'jig pa'i tshe yang tshangs pa'i 'jig rten du skyes so/ /des tshangs pa'i 'jig rten der 'dug pa na sems can bye ba khrag khrig dpag tu med pa dag phyir mi ldog pa nyid la btsud do/ /yang 'jig rten 'jig pa na 'od gsal gyi lha rnams kyi nang du skyes te/ des gnas pa der sems can khrag khrig dpag tu med pa dag phyir mi ldog pa nyid la rab tu btsud do/ /de nams kyang der skyes pa med gang chos med pa la gnas so/ /thabs brgya stong 'di byas pas tshangs pa'i 'jig rten nas shi nas/ 'od gsal gyi lha'i nang du 'od gsal nas tshangs pa'i 'jig rten du/ gal te brgya la mi</font><hr>42.184b<br><font size=+1>

rnams kyi nang du 'ongs shing gang gi tshe sangs rgyas ma byung na yang mngon par shes pa lnga dang ldan par 'gyur/ sangs rgyas byung ba bzhugs na sangs rgyas bcom ldan 'das de dag gi rim gro par gyur te/ de dge ba'i rtsa ba bsags pa sangs rgyas bcom ldan 'das de dag snyoms par 'jug pa la bzhugs pa 'dis bzhugs te/ gal te bde ba 'am/ gal te dben pas de bzhin gshegs pa bzhugs so zhes shes so/ /maud gal gyi bu de ji snyam du sems/ de'i tshe de'i dus na rgyal po thams cad skyob ces bya bar gyur pa de gzhan yin par sems na de ltar mi blta ste/ de ci'i phyir zhe na nga de'i tshe de'i dus na rgyal po thams cad skyob ces bya bar gyur to/ /ngas de'i tshe yang skye bo yul la chags pa dag bsam gtan la bkod cing / 'dod pa'i khams las thar bar byas so/ /ngas da yang skye bo yul la chags pa dag 'khor ba'i sdug bsngal las thar bar bya zhing / mya ngan las 'das pa'i lam la dgod par bya'o/ /maud gal gyi bu de lta bas na byang chub sems dpa' sems dpa' chen po 'jig rten gyi don byed par 'dod pas thams cad mkhyen pa nyid kyi lam la bslab par bya'o/ /maud gal gyi bu ngas bsam gtan shes pa kun 'byung ba shes par bya ba'i don du sngon byang chub sems dpa'i spyad pa spyod pa na yul la sdud par gzhol ba'i sems can rnams bdag slob pa'i rjes su bla na med pa yang dag par rdzogs pa'i byang chub kyi lam ji ltar bstan par bya snyam nas/ dge ba'i rtsa ba sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na de bzhin gshegs pa zhi ba'i gnas shes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa zhi ba'i gnas de'i sku tshe'i tshad ni lo bye ba khrag khrig phrag bdun bcur gyur to/ /de bzhin gshegs pa zhi ba'i gnas de'i nyan thos 'dus pa dang po nas dgra bcom pa</font><hr>42.185a<br><font size=+1>

nas sems kyi dbang thams cad kyi dam pa'i pha rol tu phyin pa'i bar nyan thos khri byung ngo / /de'i byang chub sems dpa' 'dus pa dang po brgyad bcu byung ngo / /nyan thos 'dus pa gnyis pa ni dgra bcom pa zag pa zad pa nas sems kyi dbang thams cad kyi dam pa'i pha rol tu phyin pa'i bar gyi nyan thos bye ba khrag khrig phrag dgu bcu byung ngo / /byang chub sems dpa' 'dus pa ni de'i nyis 'gyur byung ste/ de dag thams cad theg pa chen po la yang dag par rab tu gnas pa nas sangs rgyas kyi zhing yongs su dag pa dpag tu med cing tshad med pa dang ldan pa'i bar du'o/ /thabs 'dis de bzhin gshegs pa de'i nyan thos 'dus pa dang / byang chub sems dpa' 'dus pa dpag tu med pa byung ngo / /de'i tshe de bzhin gshegs pa de'i sangs rgyas kyi zhing der byang chub sems dpa' zhi gnas gus pa zhes bya ba zhig byung ste/ de bzhin gshegs pa de'i de bzhin gshegs pa bzhugs pa'i rjes su 'brang bas zhi gnas la gus par gyur to/ /gzhan yang sngon gyi rgyal ba la bsnyen bkur byas pas 'dra bar rnam par mthong ba dang ldan par gyur te/ de'i zhi gnas gang rnam par mthong ba thob nas/ snying rje chen pos non pa'i sems kyis bsam gtan shes pa kun 'byung ba shes pa thob nas/ thabs mkhas pas zhi gnas kyang mi mthong la rnam par mthong ba la yang bsten to/ /des rdzu 'phrul mngon tu byas nas sprul pa stong mngon par sprul te/ skye bo yul gang la rnam par g.yengs pa dag sbyin pas bsdus so/ /sbyin pas bsdus nas tshul khrims la rab tu bkod do/ /tshul khrims la bkod nas sangs rgyas kyi chos dag rab tu bstan to/ /der sems can khrag khrig dpag tu med pa chos zab mo 'di'i bzod pa la rab tu btsud do/ /dam pa'i chos rnam par shes pa'i lus dang sems rgyas par yang dag par rab tu 'dzin par 'gyur/ snying rje chen po la yang rab tu btsud/ sngon bsam gtan de dag la yang rab tu btsud/ thams cad mkhyen pa'i ye shes la yang yun ring du goms pas de dag pha rol</font><hr>42.185b<br><font size=+1>

tu phyin pa drug la rab tu btsud de/ yun mi ring bar yongs su dag pa'i sangs rgyas kyi zhing du bla na med pa yang dag par rdzogs pa'i byang chub mngon par rdzogs par sangs rgyas nas sems can khrag khrig dpag tu med pa yongs su mya ngan las zlo zhing / yongs su mya ngan las 'da' bar byed do/ /maud gal gyi bu de ji snyam du sems/ de'i tshe de'i dus na byang chub sems dpa' zhi gnas gus pa zhes bya ba de gzhan yin par sems na de ltar mi blta ste/ nga de'i tshe de'i dus na byang chub sems dpa' zhi gnas gus pa zhes bya bar gyur to/ /des na nga bsam gtan goms pas pha rol tu phyin pa drug yongs su rdzogs so/ /gang du sbyin pa'i pha rol tu phyin pa drug tu 'gyur te/ pha rol tu phyin pa drug car kun yongs su rdzogs so/ /byang chub sems dpa' de ltar spyod na thabs mkhas shing phyir mi ldog par rig par bya'o/ /maud gal gyi bu ngas gzhan yang bsam gtan shes pa kun 'byung ba shes par bya ba'i don du sngon byang chub sems dpa'i spyad pa spyod pa na bdag sems can rnams la bsam gtan shes pa kun 'byung ba shes pa ji ltar yang dag par rab tu bstan par bya/ yul gyi skyon gang thos nas sems can rnams la ston par gyur cig snyam nas dge ba'i rtsa ba dpag tu med pa mngon par 'dus byas so/ /maud gal gyi bu sngon byung ba 'das pa'i dus na rgyal po 'jig rten sna tshogs la mngon par dga' ba zhes bya ba zhig byung ngo / /rgyal po 'jig rten sna tshogs la mngon par dga' ba de 'di snyam du sems te/ ji lta ji ltar 'jig rten sna tshogs la mngon par dga' ba de lta de ltar yon tan las yongs su nyams pas gang bdag gis yul spangs te tshal du 'gro'o snyam mo/ /de nas rgyal po 'jig rten sna tshogs la mngon par dga' ba rgyal srid bor nas tshal du gnas so/ /des tshal du gnas nas dbang pos yul rig cing zhi gnas rig pas rnam par gnas so/ /de 'di snyam du sems te/ bdag gi chos rjes su dran pa dang yid la byed pas bsam gtan shes pa kun 'byung ba shes</font><hr>42.186a<br><font size=+1>

pa byung ba gang yin snyam mo/ /de 'di snyam du sems te/ bdag gis bsam gtan la zhugs pa rnams la so sor dgyes pa byas so/ /dge ba'i rtsa ba des nga bsam gtan shes pa kun 'byung ba shes pa thob po/ /dge ba'i rtsa ba de rjes su dran nas rigs kyi bu bsam gtan dang rab tu ldan pa rnams la 'jig rten gyi zas so sor dgyes pa byas so/ /maud gal gyi bu de ji snyam du sems/ de'i tshe de'i dus na rgyal po 'jig rten sna tshogs la mngon par dga' ba zhes bya ba de gzhan yin par sems na de ltar mi blta ste/ nga de'i tshe de'i dus na rgyal po 'jig rten sna tshogs la mngon par dga' ba zhes bya bar gyur to/ /ngas sems can zhi gnas la mngon par dga' ba de rnams la 'jig rten gyi zas kyis sbyin pa byas te/ gang zhi gnas la mngon par brtson par gnas pa rnams kyi zhi gnas bskyed do/ /maud gal gyi bu de lta bas na byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas zhi gnas dang 'thun pa'i bsam gtan pa la 'tsho ba'i yo byad rab tu sbyin par bya'o/ /maud gal gyi bu ngas bsam gtan shes pa 'gog pa shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na drang srong thogs med bsam gtan zhes bya ba zhig byung ngo / /de bsam gtan gang dang gang bskyed pa de dang de 'gog pa'i chos can du shes shing srid pa dang 'gro ba thams cad la zhum pa med pa'i 'du shes byung ngo / /des na de mi gnas pa'i sems kyi rgyun 'gog pa la gzhol bas 'chi ba'i dus byed pa na bskal pa dgu bcu rtsa drug tu mngal gyi gnas su mi 'jug ste/ rtag par rgyun tu rdzus te skye bar 'gyur ro/ /maud gal gyi bu de ji snyam du sems/ de'i tshe de'i dus na drang srong thogs med dpal zhes bya bar gyur pa de gzhan</font><hr>42.186b<br><font size=+1>

yin par sems na de ltar mi blta ste/ nga de'i tshe de'i dus na drang srong thogs med dpal zhes bya bar gyur to/ /de'i tshe nga nyid bskal pa dgu bcu rtsa drug tu mngal gyi gnas su ma zhugs so/ /maud gal gyi bu de lta bas na byang chub sems dpa' 'du byed thams cad 'gog pa'i 'du shes su bya ste bral bar mi bya'o/ /maud gal gyi bu ngas bsam gtan shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa sna tshogs du ma dag mngon par 'dus byas te/ maud gal gyi bu sngon byung ba 'das pa'i dus nas de'i pha rol gyi yang ches pha rol na/ ston pa spyan bzang zhes bya ba byung ste/ de'i 'dod pa'i khams ni 'dod pa'i skyon gyis gnod par mthong / gzugs kyi khams ni gzugs kyi skyon gyis gnod par mthong / gzugs med pa'i khams ni gzugs med pa'i skyon gyis gnod par mthong nas de 'di snyam du sems te/ kye ma sems can 'di dag ni mgon med cing 'dren pa med de/ gang dang gang la gnas par byed pa de dang des gnod de/ gang bdag gis 'du byed thams cad la gnas par mi bya ste/ gnas pa med na g.yo bar mi 'gyur ro snyam mo/ /de chos thams cad la mi gnas pa'i bsam gtan can ni sems can la snying rje chen po 'thob bo/ /de shes pa khong du chud nas sems can rnams la yang dag par rab tu bstan to/ /de'i chos de bstan pa las sems can khrag khrig dpag tu med pa dag thogs pa med pa'i ye shes la btsud cing / de mi gnas pas yongs su mya ngan las 'das so/ /maud gal gyi bu de ji snyam du sems de'i tshe de'i dus na ston pa spyan bzang zhes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na ston pa spyan bzang zhes bya bar gyur te/ ngas 'dod pa de las nges par 'byung ba bstan to/ /maud gal gyi bu de lta bas na byang chub sems dpas skye ba dang 'jig pa'i chos la rnal 'byor du bya'o/ /maud gal gyi bu ngas rnam par thar pa shes par bya ba'i don du sngon byang chub sems dpa'i</font><hr>42.187a<br><font size=+1>

spyad pa spyod pa na dge ba'i rtsa ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na de bzhin gshegs pa dbugs 'byin stsol ba zhes bya ba zhig byung ngo / /de lha dang lha ma yin gyi 'jig rten rga ba dang na bas gzir ba'i dbugs stsol bar mdzad cing rga ba dang na ba las 'da' ba'i phyir chos ston te/ rga ba dang na ba las rab tu grol ba'i sems can rnams 'jigs pa med par 'gyur ro/ /chags par 'gyur ba rnams la mi chags/ sdang bar 'gyur ba rnams la mi sdang / rmongs par 'gyur ba rnams la mi rmongs/ bsam gtan rnams la mi chags/ zad par gyi skye mched rnams la mi chags/ mthar gyi snyoms par 'jug pa rnams la mi chags te/ de sems rnam par grol zhing shin tu rnam par grol ba 'di ni rnam par thar pa zhes bya'o/ /de rnam par thar pa brgyad po de dag rtogs par byas nas chos ston to/ /de'i tshe rgyal po dgra thams cad rab tu 'joms pa zhes bya ba stong gsum gyi stong chen po'i 'jig rten gyi khams kyi dbang phyug zhig byung ngo / /de skye bo'i tshogs mang po dang lhan cig khams kyi rgyal phran stong phrag drug bcu dang lhan cig tu bcom ldan 'das de bzhin gshegs pa dbugs 'byin stsol ba de ga la ba der song ste phyin nas/ de bzhin gshegs pa dbugs 'byin stsol ba de'i zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas rgyal po dgra thams cad rab tu 'joms pa de la bcom ldan 'das de bzhin gshegs pa dbugs 'byin stsol bas rnam par thar pa brgyad bstan to/ /des rnam par thar pa brgyad thos nas stong gsum gyi stong chen po'i 'jig rten gyi khams rin po che sna bdun gyis bkang ste phul nas de khams kyi rgyal phran dang lhan cig tu khyim nas khyim med par rab tu byung ngo / /der khams kyi rgyal phran stong phrag drug po de dag rnam par thar pa brgyad mngon sum du byas te/ rgyal po dgra thams cad rab tu 'joms pa de ni</font><hr>42.187b<br><font size=+1>

ma gtogs so/ /maud gal gyi bu de ji snyam du sems/ de'i tshe de'i dus na rgyal po dgra thams cad rab tu 'joms pa zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po dgra thams cad rab tu 'joms pa zhes bya'o/ /des na nga rnam par thar pa brgyad thos pas srid pa thams cad la mi gnas so/ /srid pa dang 'gro ba dang 'chi ba dang / skye ba'i sems can thams cad la snying rje chen po'i dbang gis bskal pa grangs med pa phrag bcwa brgyad du 'khor ba la gnas shing / 'khor ba'i sems can rnams kyi don bsams so/ /maud gal gyi bu de lta bas na byang chub sems dpas mi gnas par bya'o/ /maud gal gyi bu snyoms par 'jug pa thams cad la mi gnas pa'i byang chub sems dpa' ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / bam po bcu bdun pa/ maud gal gyi bu ngas rnam par thar pa shes pa kun 'byung ba shes par bya ba'i don du sngon byang chub sems dpa'i spyad pa spyod pa na yul nyam nga ba la zhen pa rnams chags pa thams cad las bdag gis ji ltar sems rab tu grol bar bya snyam nas/ rnam par thar par 'gyur ba dang rnam par thar pa shes pa kun 'byung ba shes par 'gyur ba'i dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na rgyal po blo gros legs bsams zhes bya ba 'gro ba la phan par bya ba'i phyir snying rje chen pos yang dag par rab tu gnas pa 'gro ba thams cad kyi 'ching ba gcod pa la yang dag par rab tu gnas pa zhig byung ngo / /de 'di snyam du sems te gal te bdag ye shes gang gis bdag dang sems can thams cad kyi 'ching ba gcod pa'i ye shes de rtogs par bya'o snyam mo/ /de ye shes de rtogs par bya ba'i don du yongs su 'dzin pa thams cad la lhag par chags par mi byed do/ /lhag par chags pa med pa na 'di ltar so sor rtog ste/ chos gang la bslabs pas sems can thams cad kyi kun 'byung ba rab tu shes pa'i chos gcig po gang yang yod dam/ </font><hr>42.188a<br><font size=+1>

de 'di snyam du sems te thams cad mkhyen pa'i thugs ma gtogs par gang sems can thams cad kyi kun 'byung ba shes par 'gyur ba'i chos gcig po ni med do snyam mo/ /thams cad mkhyen pa'i thugs thob pa'i byang chub sems dpa' ni byang chub tu smon lam 'debs te/ gang bdag byang chub tu smon lam 'debs pa ni de sems can thams cad la snying rje bskyed nas bla na med pa yang dag par rdzogs pa'i byang chub tu sems bskyed de/ bdag ma 'ongs pa'i dus na thams cad mkhyen pa de bzhin gshegs par gyur nas ma dul ba rnams 'dul ba dang / ma zhi ba zhi bar bgyid pa dang ma grol ba rnams grol bar bgyid pa dang / dbugs ma phyin pa rnams dbugs 'byin pa dang / yongs su mya ngan las ma 'das pa rnams yongs su mya ngan las bzla'o/ /de 'di snyam du sems te/ bdag thams cad mkhyen pa nyid kyi lam la 'jug par byed pa'i dge sbyong dang / bram ze bsnyen bkur bya ba gang yin snyam mo/ /de'i tshe de bzhin gshegs pa dgra bcom pa yang dag par rdzogs pa'i sangs rgyas bdud rtsis dbang bskur ces bya ba nas rgya cher sbyar te/ sangs rgyas bcom ldan 'das kyi bar 'jig rten du byung ngo / /de bzhin gshegs pa bdud rtsis dbang bskur de'i sangs rgyas kyi zhing du rgyal po 'jigs byed bla ma zhes bya ba byang chub sems dpa' zhig byung ngo / /rgyal po blo gros legs bsams de ma mthong ba'i grogs po yon tan gyi grogs po/ chos kyi grogs po yin no/ /des rgyal po blo gros legs bsams de la grogs po de bzhin gshegs pa bdud rtsis dbang bskur de thams cad mkhyen pa/ thams cad gzigs pa/ yon tan dang skyon thams cad mkhyen pa zhig 'jig rten du byung ngo zhes thos te/ 'dong bar bya ba nas bsnyen bkur bya'o zhes bya ba'i bar du pho nya btang ngo / /pho nya des bka' bzhin 'tshal zhes rgyal po 'jigs byed bla ma'i ltar mnyan nas/ rgyal po blo gros legs bsams ga la ba der song ste phyin nas/ rgyal po blo gros legs bsams la rgyal po zhes mang du brjod nas spring yig phul te tshig kyang smras pa/ rgyal po chen po don gyi dus lags/ chos kyi dus</font><hr>42.188b<br><font size=+1>

lags/ nye bar gshegs pa'i dus lags so/ /rgyal po chen po de bzhin gshegs pa bdud rtsis dbang bskur zhes bgyi ba 'jig rten du byung ba ni yon tan bsngags pa dpag tu med pa dang ldan no zhes de bzhin gshegs pa bdud rtsis dbang bskur de'i bsngags pa brjod do/ /de nas rgyal po blo gros legs bsams de de bzhin gshegs pa de zhes sgra thos/ bdud rtsis dbang bskur zhes sgra thos nas/ seng ge'i khri las babs te/ pus mo g.yas pa'i lha nga sa la btsugs nas thal mo sbyar te/ de bzhin gshegs pa bdud rtsis dbang bskur de la phyag 'tshal lo/ /phyag 'tshal lo zhes lan gsum du ched du rjod pa ched du brjod do/ /de'i tshe de rings pa nyid du tshul dang 'thun pa'i bzhon pa bzang po bshams nas bzhon pa bzang po de la zhon te/ blon po'i tshogs kyis yongs su bskor cing / skye bo'i tshogs mang po dang lhan cig tu/ rgyal po 'jigs byed bla ma de ga la ba der song ste phyin nas grogs po'i chos tshul byas nas dris pa/ grogs po de bzhin gshegs pa ga la bzhugs gsungs/ des smras pa grogs po re shig kha zas kyi bya ba byas te/ phyis de bzhin gshegs pa bstan to/ /des 'di skad ces smras so/ /grogs po 'di lta ste/ de bzhin gshegs pa mthong ba de nyid kha zas kyi bya ba byas par 'gyur ro/ /de nas rgyal po 'jigs byed bla mas rgyal po blo gros legs bsams blon po'i 'khor dang bcas pa de dang lhan cig srog chags khri phrag brgyad bcu rtsa drug dang lhan cig tu rgyal po'i rdzu 'phrul chen po dang / rgyal po'i mthu chen pos pho brang rin chen can nas byung ste/ 'byung po thams cad sgrogs pa zhes bya ba'i bskyed mos tshal gang na bcom ldan 'das de bzhin gshegs pa bdud rtsis dbang bskur de ga la ba der song ngo / /ji tsam du bzhon par bya ba'i sa de tsam du bzhon pas song nas bzhon pa las babs te bcom ldan 'das de bzhin gshegs pa bdud rtsis dbang bskur de ga la ba der song nas mthong ngo / /de bzhin gshegs pa bdud rtsis dbang bskur des kyang rgyal po gnyis po de dag skye bo'i tshogs mang po de dang rgyang ring po nas 'dir 'ong ba</font><hr>42.189a<br><font size=+1>

gzigs nas ta la'i srid tsam du nam mkha' la mngon par 'phags te 'chag go/ /'chag pa na de bzhin gshegs pa bdud rtsis dbang bskur de'i sku'i smad las chu'i rgyun rab tu phab po/ /sku'i stod las me rab tu 'bar ro/ /'dod pa na spyod pa'i lha dag gis kyang lha'i gdugs 'dzin cing lha'i me tog man dA ra ba dag kyang rab tu 'thor ro/ /de nas rgyal po blo gros legs bsams kyis de bzhin gshegs pa de mthong ma thag tu gzhal du med pa'i dad pa bskyed nas bla na med pa yang dag par rdzogs pa'i byang chub tu sems bskyed ma thag tu mi skye ba'i chos la bzod pa thob po/ /des na de bzhin gshegs pa bdud rtsis dbang bskur la tshigs su bcad pas mngon par bstod pa/ gzugs kun dpe med khams gsum dag las khyad par 'phags/ /'dren pa khyod la dper bya nus pa su ma mchis/ /sems can kha lo bsgyur ba'i gzugs gang dper bya ba/ /de ltar khyod kyi gzugs dang 'dra ba gang ma mchis/ /khyod kyi gzugs ni sems kyis grub ste gang 'dra ba/ /gang gis khyod kyi dper 'gyur khams gsum 'di na med/ /bdag gzugs 'di 'drar gyur cig ye shes 'di 'drar shog /gang gis 'gro ba 'khor ba'i btson rar bcings 'grol ba/ /de'i sems rkang gnyis mchog gis mkhyen nas lung bstan pa/ /rnam 'dren mchog thob ming ni sred med bu zhes bya/ /bdud rtsi'i dbang bskur rdzogs rgyas rkang gnyis mchog tu 'gyur/ /'jig rten ston pa bla med sems can bye ba 'dren/ /de tshe de yi lung bstan skye bo kun gyis thos nas su/ /byang chub sems bskyed de dag kyang ni 'dren pas lung bstan pa/ /rgyal bas 'gro ba ma lus thams cad byang chub lung bstan to/ /rgyal la yang dag bsnyen bkur byas nas byang chub pha rol 'gro/ /mkhas pa 'jig rten don byas sangs rgyas de kun mya ngan 'das/ /de ltar rdzogs pa'i byang chub de dag blo mchog shin tu skyes/ /maud gal gyi bu de ji snyam du sems/ de'i tshe de'i dus na rgyal po blo gros legs bsams shes bya bar gyur pa de gzhan yin par sems na de ltar mi blta ste/ de bzhin gshegs pa 'od srung de de'i tshe de'i dus na rgyal po blo gros</font><hr>42.189b<br><font size=+1>

legs bsams zhes bya bar gyur to/ /maud gal gyi bu de ji snyam du sems/ de'i tshe de'i dus na rgyal po 'jigs byed bla ma zhes bya bar gyur pa de gzhan yin par sems na de ltar mi blta ste/ de ci'i phyir zhe na/ nga de'i tshe de'i dus na rgyal po 'jigs byed bla ma zhes bya bar gyur te/ des na nga rnam par thar pa shes pa la nges par gyur pas mi skye ba'i chos la bzod pa thob po/ /maud gal gyi bu de lta bas na byang chub sems dpas rnam par thar pa shes pa kun 'byung ba rtogs par bya ba'i phyir dge ba'i bshes gnyen la bsnyen bkur bya zhing / yongs su 'dri ba'i rang bzhin can du yang bya'o/ /maud gal gyi bu byang chub sems dpa' dge ba'i bshes gnyen gyi lag tu song ba ni myur du bla na med pa yang dag par rdzogs pa'i byang chub las phyir mi ldog par 'gyur ro/ /maud gal gyi bu rnam par thar pa shes pa 'gog pa shes par bya ba'i don du sngon byang chub sems dpa'i spyad pa spyod pa na/ bdag zhi ba rnam par thar pa dag gi 'gog pa shes pa rtogs nas sems can rnams la ji ltar yang dag par rab tu bshad par bya snyam nas dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na rgyal po grags 'phags shes bya ba de bzhin gshegs pa dpag tu med pa la dge ba'i rtsa ba bskyed pa/ lhag par bya ba byas pa/ tshangs par spyod pa yun ring du spyad pa/ byang chub sems dpa'i yon tan dpag tu med pa dang ldan pa zhig byung ngo / /de nyin mtshan du 'jig rten na dge sbyong ngam/ bram ze gang dag 'khor ba las nges par 'byung ba rab tu shes pa su yod kun tu tshol lo/ /de'i tshe de bzhin gshegs pa chos kyi sprin mngon par bsgrags pa'i dbyangs shes bya ba 'jig rten du byung ste/ de rgyal po'i pho brang shin tu dul ldan zhes bya ba na bzhugs shing gnas so/ /mi rnams kyi sems shin tu dul ba theg pa chen po la yang dag par rab tu gnas pa de</font><hr>42.190a<br><font size=+1>

dag thams cad kyi gnas ni kun dga' ra ba phun sum tshogs pa dang / tshal phun sum tshogs pa dang / 'bab chu phun sum tshogs pa dang / bskyed mos tshal phun sum tshogs pa ste/ tshangs par spyod pa la gnas pa dang 'thun pa yin no/ /rgyal po grags 'phags kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos kyi sprin mngon par bsgrags pa rgyal po'i pho brang shin tu dul ldan na bzhugs shing gnas te de 'khor ba las nges par 'byung ba rab tu mkhyen to/ /zhes thos so/ /thos nas kyang shing rta stong phrag drug bcu dang / mi bye ba phrag dgu bcu rtsa drug dang rgyal po'i pho brang shin tu dul ldan nas byung ste/ rgyal po'i rdzu 'phrul chen po dang / rgyal po'i mthu chen pos sprin tshal gyi bskyed mos tshal gang na bcom ldan 'das de bzhin gshegs pa chos kyi sprin mngon par 'phags pa'i dbyangs bzhugs pa der song ste phyin nas ji tsam du bzhon par bya ba'i sa de tsam du bzhon pas song nas/ rkang pas sprin tshal gyi bskyed mos tshal de nyid du zhugs te/ de bzhin gshegs pa dgra bcom pa yang dag par rdzogs pa'i sangs rgyas chos kyi sprin mngon par bsgrags pa'i dbyangs de ga la ba der song ste phyin nas/ de bzhin gshegs pa de'i zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas rgyal po grags 'phags des bcom ldan 'das de bzhin gshegs pa chos kyi sprin mngon par bsgrags pa'i dbyangs de la tshigs su bcad de gsol pa/ grags pa chen po gzi brjid che/ /tshogs chen 'od ni chen po lags/ /kun mkhyen rdzu 'phrul chen po brnyes/ /'dren pa mtha' yas dag gi yab/ /sgrol ba 'dod chags zug rngu 'byin/ /sman pa chen po gsos sman lags/ /sgrol ba rma rnams gso bar mdzad/ /rkang gnyis mchog ni bdag la gsungs/ /tshul khrims phung la shin tu bzhugs/ /ting nge 'dzin gyi pha rol gshegs/ /shes rab phung la shin tu bzhugs/ /des bcom rnam par grol ba bsgrubs/ /</font><hr>42.190b<br><font size=+1>

'jig rten gsum las shin tu byung / /sdug bsngal kun la 'jigs mi mnga'/ /rab tu gsal mdzad skam la bzhugs/ /'jigs dang 'jigs par byed las rgal/ /zhus pa rnams kyi mthar mdzad cing / /the tsom rnams ni sel ba po/ /gnas mchog dag ni brnyes pa ste/ /'jig rten kun gyi mchod rten lags/ /lha dang klu dang gnod sbyin dang / /mi 'am ci dang lto 'phyer bcas/ /thub khyod gang la bzhugs pa yi/ /dgongs pa'i rnam pa ma 'tshal to/ /lha rnams dang ni dri za dang / /gnod sbyin dang ni srin pos kyang / /thub pa khyod kyis gang brnyes pa'i/ /lam de rnam par ma 'tshal to/ /'jig rten 'das pa rab tu gsal/ /gang gA'i klung gi bye snyed kyi/ /gang gis 'dren pa bzhud pa ni/ /de yi lam gyis gshegs par gyur/ /de nas rgyal po grags 'phags kyis bcom ldan 'das de bzhin gshegs pa chos kyi sprin mngon par bsgrags pa'i dbyangs de la tshigs su bcad de mngon par bstod pa'i dge ba'i rtsa ba des bskal pa khri phrag dgu bcur log par ma lhung ngo / /maud gal gyi bu de ji snyam du sems/ de'i tshe de'i dus na rgyal po grags 'phags shes bya ba chags pa thams cad la rab tu grol bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po grags 'phags shes bya bar gyur to/ /dge ba'i rtsa ba des nga bskal pa khri phrag dgu bcur log par ma lhung ngo / /da ltar yang nga rnam par thar pa shes pa 'gog pa shes pa thugs su chud do/ /maud gal gyi bu de lta bas na byang chub sems dpa' rnam par thar pa shes pa 'gog pa shes pa mngon par rdzogs par shes par 'dod pas yongs su 'dzin pa thams cad la chags pa med cing grol bar bya'o/ /maud gal gyi bu ngas rnam par thar pa shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la ji ltar yang dag par rab tu bstan par bya snyam nas/ dge ba'i rtsa ba rnam</font><hr>42.191a<br><font size=+1>

pa sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na de bzhin gshegs pa dgra bcom pa yang dag par rdzogs pa'i sangs rgyas don yod gshegs shes bya ba nas sangs rgyas bcom ldan 'das kyi bar 'jig rten du byung ngo / /de bzhin gshegs pa dgra bcom pa yang dag par rdzogs pa'i sangs rgyas don yod gshegs de'i nyan thos 'dus pa dang po khri byung ngo / /byang chub sems dpa' 'dus pa ni de'i nyis 'gyur byung ngo / /nyan thos 'dus pa gnyis pa ni nyan thos dgra bcom pa nas rgya cher sbyar te/ khri phrag stong tham pa byung ngo / /byang chub sems dpa' 'dus pa gnyis pa ni de'i nyis 'gyur byung ngo / /nyan thos 'dus pa gsum pa ni nyan thos khri phrag brgya stong dpag tu med pa byung ngo / /maud gal gyi bu de bzhin gshegs pa don yod gshegs de'i gsung rab la dge slong grags pa'i 'od ces bya ba theg pa chen po la rab tu gnas pa zhig byung ngo / /rtsom pa 'di lta bu dang ldan pa zhig byung ste/ bdag bla na med pa yang dag par rdzogs pa'i byang chub ma thob kyi bar du lus dang lpags pa dang rgyus pa dang rus pa yang skams/ khog pa dang sha dang khrag yongs su skams kyang brtson 'grus 'di nyid mi gtong ngo / /de de bzhin gshegs pa don yod gshegs de'i spyan sngar ras bcos bu yug cig gis lus dkris nas til mar gyis byugs te me sbar nas spyan sngar mar me bus so/ /me 'bar bas lus sreg pa na de bzhin gshegs pa don yod gshegs de la tshigs su bcad pas mngon par bstod pa/ rnam 'dren rang byung thugs dag mtha' yas mchog /skyon dang rgyags dang nyes pa spangs pa lags/ /'gro ba lam ngan zhugs la thugs rje bskyed/ /kun tu gzigs pa gnas mchog bstan tu gsol/ /skye bo blo nyams sdug bsngal rab tu sdug /mig nyams gnas med yongs su 'khyam pa la/ /snying rje chen po dpag med bskyed nas su/ /'gro ba thar par bgyi slad spyod pa</font><hr>42.191b<br><font size=+1>

spyad/ /bdag ni bdag la dga' bar mi bgyid de/ /'gro ba lam gol mchi ba 'di la lta/ /'dod chags zhe sdang 'bar bas 'gro ba gdungs/ /de dag bdag gi lam chus zhi bar bgyi/ /drang srong chen po stobs bcu khyod kyi bslab/ /bdag gi dngos la ltos med spyod pa spyad/ /'gro ba 'di dag 'bar bas sreg pa na/ /bdud rtsi'i chab kyis bsil bar gyur par bgyi/ /sems can don du bdag gi lus bsregs pas/ /sems can kun gyi lus la nad med shog /sems can don du bdag gis 'bad pa 'di/ /sems can sdug bsngal gnod pa med gyur cig /'dren pa de la mchod pa byas pa dang / /bde bar gshegs la nga yi dngos po phul/ /sangs rgyas mchod byas bskal chen brjod du med/ /sum bcu drug tu ngan 'gror ma song ngo / /rtag tu lhar song mi yi 'jig rten 'thob/ /nga ni gsal ba dag dang dbang phyug gyur/ /rtag tu 'gro dang 'thun par 'khor lo bskor/ /lha dang mi rnams kyis ni nga mchod do/ /maud gal gyi bu de ji snyam du sems/ de'i tshe de'i dus na byang chub sems dpa' grags pa'i 'od ces bya bar gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' grags pa'i 'od ces bya bar gyur te/ ngas brtson 'grus de lta bu brtsams par gyur to/ /brtson 'grus brtsams pa des ngas brtson 'grus kyi pha rol tu phyin pa yongs su rdzogs par byas so/ /maud gal gyi bu de lta bas na byang chub sems dpas brtson 'grus brtsam par bya'o/ /brtson 'grus brtsams pas byang chub mngon par rdzogs par 'tshang rgya bar nus kyi/ le los ni ma yin no/ /maud gal gyi bu ngas ting nge 'dzin shes par bya ba'i don du sngon byang chub sems dpa'i spyad pa spyod pa na/ yul la dbang po g.yeng ba rnams bdag gis bsam gtan mnyam pa la ji ltar sbyar bar bya snyam nas dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol</font><hr>42.192a<br><font size=+1>

na rgyal po drang srong skye ba tshol ba zhes bya ba zhig byung ngo / /de rgyal srid spangs nas rab tu byung ste/ de rab tu byung ba'i dbang po yul rnams la rnam par g.yeng ngo / /de 'di snyam du sems te/ kye e ma kyi hud bdag gis yul gang dag btang nas rab tu byung ba yin na dbang po rnam par g.yeng ba ni ma legs shing rung ba ma yin te/ des dbang po rnam par 'khrul pa yul gyi gzeb la bcug pa de dag nam mkha' lta bur mnyam pa'i ting nge 'dzin la brten nas stobs chen po pha rol gnon pa yang dag par bskyed par bya ba na byang chub sems dpa' sems dpa' chen po rnams kyi nam mkha' ltar mnyam pa'i ting nge 'dzin gang yin snyam mo/ /de nas rgyal po drang srong skye ba tshol ba 'di snyam du sems te/ chos 'di dag thams cad ni nam mkha' dang mnyam mo/ /'di lta ste dper na nam mkha' la ni thogs pa med do/ /de bzhin du yul thams cad ni nam mkha' dang 'dra'o/ /yongs su mi rtog pa ni thogs pa med do/ /yongs su mi rtog pa ni thar pa'o/ /yongs su rtog pa ni 'ching ba'o/ /yongs su mi rtog pa ni 'ching ba gcod pa'o/ /'on tang bdag gis yongs su rtog pa ni gtang bar bya'o snyam mo/ /de'i tshe de yongs su 'dzin pa thams cad yang dag par gcad par bya ba la zhugs so/ /de nam mkha' ltar mnyam pa'i ting nge 'dzin thob nas mi skye ba'i chos la bzod pa thob po/ /de'i tshe de chos kyi dbyings kyi stobs bskyed pa thob pas ta la bdun srid tsam du mngon par 'phags te bar snang la song nas de'i tshe tshigs su bcad pa 'di dag smras so/ /mi gang thogs med chos ni rjes su rtogs/ /de ni sangs rgyas kun gyi spyod yul shes/ /sngon gyi sangs rgyas rnams kyi spyod yul zhugs/ /chos kyi rgyal po rnams kyi chos rnams shes/ /chos 'di thams cad nam mkha' lta bu ste/ /chos nyid shes par bya ba yod pa med/ /chos nyid la ni chos nyid gang med rtogs/ /chos 'di thams cad 'gyur med gnyis su med/ /nams kyang sna tshogs nyid kyi chos med de/ /</font><hr>42.192b<br><font size=+1>

ji ltar bar snang dgab pa gang yang med/ /rgyal bas mya ngan 'das par chos ma bstan/ /chos 'dug par yang rgyal bas ma gsungs so/ /rgyal ba thams cad gnyis med chos gsung ste/ /mi mkhas gang dag sna tshogs chos byed pa/ /de ni bdud kyi zhags pas bcings nas nyal/ /chos nyid rjes rtogs chos ni gang yang med/ /chos la rmongs pa med cing mkhas pa'ang med/ /gang dag bdag gi chos nyid chos shes na/ /gnyis med des ni chos nyid rjes su thob/ /mi mkhas gang dag sna tshogs chos byed na/ /de dag bdud kyi spyod yul spyod pa yin/ /gang dag gnyis med chos smra gnyis su med/ /de dag 'dren pa yab 'dra sangs rgyas sras/ /gang yang ma mthong gang yang thos pa med/ /mi dag chos rnams sna tshogs byed pa ni/ /rgyal ba'i byang chub la ni des ma rtogs/ /'di ltar rgyal ba lam gnyis mi gsung ste/ /gang dag chos gnyis la ni de mi spyod/ /gang dag tshul gcig tu ni chos rtogs pa/ /lam gol mi 'gro sangs rgyas byang chub kyi/ /sangs rgyas bzhugs la mi de spyod par 'gyur/ /maud gal gyi bu de ji snyam du sems/ de'i tshe de'i dus na rgyal po drang srong skye ba tshol ba zhes bya ba/ gang pha rol las sgra ma thos par mi skye ba'i chos la bzod pa thob par gyur pa de gzhan yin par sems na de ltar mi blta ste/ nga de'i tshe de'i dus na rgyal po drang srong skye ba tshol ba zhes bya bar gyur to/ /dge ba'i rtsa ba des nga lo bye ba phrag brgyad bcur sangs rgyas kyi zhing du skyes pa na de bzhin gshegs pa yin no zhes 'du shes su ma gyur to/ /maud gal gyi bu de lta bas na rigs kyi bu 'am rigs kyi bu mo bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas sangs rgyas byung ba dang phrad kyang rung ma phrad kyang rung / chos zab mo la rnam par shes shing rtogs par bya ba'i phyir rnal 'byor du bya'o/ /maud gal gyi bu ngas ting nge 'dzin shes pa kun 'byung ba shes par bya ba'i don du dge ba'i rtsa ba rnam pa du ma dag</font><hr>42.193a<br><font size=+1>

mngon par 'dus byas so/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na de bzhin gshegs pa grags pa bsgrags pa zhes bya ba rig pa dang zhabs su ldan pa nas sangs rgyas bcom ldan 'das kyi bar 'jig rten du byung ngo / /maud gal gyi bu de bzhin gshegs pa grags pa bsgrags pa de'i nyan thos 'dus pa gnyis byung ste/ nyan thos 'dus pa gcig ni nyan thos bye ba khrag khrig bdun bcu rtsa bdun gyi nyan thos 'dus pa byung ngo / /nyan thos 'dus pa gnyis pa ni nyan thos bye ba khrag khrig brgya phrag stong byung ste/ dgra bcom pa zag pa zad pa nyon mongs pa med pa dbang du gyur pa sems thams cad kyi dbang dam pa'i pha rol tu phyin pa rnams so/ /de'i tshe sangs rgyas kyi zhing der shing ljon pa phan pa med pa zhig byung ngo / /de'i tshe sangs rgyas kyi zhing der dge slong theg pa chen po la yang dag par rab tu gnas pa zhig byung ste/ 'di lta ste dmigs pa thams cad la rtog pa zhes bya ba sangs rgyas bye ba khrag khrig dpag tu med pa rnams la dge ba'i rtsa ba bskyed pa de re shig bla na med pa yang dag par rdzogs pa'i byang chub la sems mi 'jug go/ /bla na med pa theg pa chen po la yang dag par rab tu gnas shing brjod du med pa'i yang brjod du med pa'i sangs rgyas kyi zhing yongs su sbyong bar 'dod pa zhig byung ste de'i tshe dge slong gcig po de lha tshe rings po rnams kyi nang du skyes pa ma gtogs par/ sems can gang dag gis kyang byang chub kyi sa bon ma bskyed par ma gyur to/ /de nas de bzhin gshegs pa grags pa bsgrags pa de sangs rgyas kyi mdzad pa mdzad pa na ngas sangs rgyas kyi zhing thams cad du sems can gcig po de ma gtogs par sems can gyi don ma byas pa gang yin zhes rnam par gzigs so/ /de'i dge ba'i rtsa ba bla na med pa yang dag par rdzogs pa'i byang chub kyi snod du gyur par gzigs kyang de mi khom pa thob po/ /des na bdag nyid bla na med pa yang dag par rdzogs pa'i byang chub kyi dge ba'i rtsa ba bskyed pa'i skal</font><hr>42.193b<br><font size=+1>

ba med do/ /de nas shi nas sems can dmyal ba chen po mnar med par lhung ngo / /de der bskal par 'dug go/ /der yang de bla na med pa yang dag par rdzogs pa'i byang chub kyi dge ba'i rtsa ba bskyed pa'i skal ba med do/ /de nas shi nas mir skyes te/ glen zhing long la lkug cing lag brda byed pa chos kun tu shes pa'i stobs med do/ /der de bzhin gshegs pa'i sprul pa dag gis de yongs su smin par mdzad de/ de'i sprul pas yongs su smin par mdzad pa na de bzhin gshegs pa de sku tshe bye ba khrag khrig phrag drug bcur thugs skyo bar byas so/ /maud gal gyi bu ji tsam du de bzhin gshegs pa'i thugs rje chen po sems can gcig la mdzad pa thugs skyo bar gyur pa la ltos/ de bzhin gshegs pas gang zag de yongs su smin cing phyir mi ldog pa nyid la rab tu gzhag par ma spyad do/ /maud gal gyi bu gang zag gang gis bsod nams ma yin pa mngon par 'dus byas pa des yun de tsam du de bzhin gshegs pa de thugs skyo bar byas pa la ltos/ maud gal gyi bu de lta bas na byang chub sems dpas de bzhin gshegs pa rnams kyi thugs mngon par dgyes par bya bar 'dod pas bdag snod du 'gyur bar bya/ de bzhin gshegs pa thugs skyo bar 'gyur bar mi bya ste/ bdag nyid snod du 'gyur bar bya/ rigs kyi bu 'am rigs kyi bu mo bdag nyid theg pa chen po la yang dag par rab tu gnas pas de bzhin gshegs pas rjes su bsrung na bdag snod du 'gyur bar bya'o/ /maud gal gyi bu khyod de'i tshe de'i dus na byang chub sems dpa' gcig po chos kyi snod ma yin par gyur pa lha tshe ring po rnams kyi nang du skyes par gyur pa de gzhan yin par sems na de ltar mi blta ste/ de bzhin gshegs pa bdud rtsi'i 'od de de'i tshe de'i dus na byang chub sems dpa'i snod ma yin par gyur te/ chos la brnyas pa byas pas log par lhung ngo / /maud gal gyi bu de ji snyam du sems/ de'i tshe de'i dus na gang gis sems can de yongs su smin par mdzad pa'i de bzhin gshegs pa de gzhan yin par sems na de ltar mi blta ste/ de ni</font><hr>42.194a<br><font size=+1>

de bzhin gshegs pa don thams cad grub pa yin no/ /de'i tshe sems can de yongs su smin par bya ba'i don du bskal pa grangs med par bzhugs kyis kyang sems can de yongs su smin par mdzad par ma spyod do/ /maud gal gyi bu de lta bas na byang chub sems dpa'i theg pa la yang dag par gnas pa'i rigs kyi bu 'am/ rigs kyi bu mos de bzhin gshegs pa mngon par dgyes par bya ba'i don du bdag snod du 'gyur bar bya ste/ de bzhin gshegs pa rnams kyi thugs skyo bar 'gyur bar mi bya'o/ /maud gal gyi bu ngas ting nge 'dzin shes pa 'gog pa shes par bya ba'i don du sngon byung ba 'das pa'i dus de'i pha rol gyi yang ches pha rol na bdag bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la ji ltar yang dag par rab tu bshad par bya snyam nas/ dge ba'i rtsa ba rnam pa sna tshogs rgya che ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa de'i pha rol gyi yang ches pha rol na rgyal po blo gros dag pa zhes bya ba zhig byung ste/ dge ba'i rtsa ba dpag tu med pa dang ldan pa/ de bzhin gshegs pa dpag tu med pa rnams kyi tshangs par spyod pa shin tu spyad pa/ de bzhin gshegs pa de dag gi rim gro pa lan mang du byas par gyur to/ /de de bzhin gshegs pa de dag thams cad kyi byang chub kyi sems kyis de bzhin gshegs pa de dag gi rim gro pa byas nas 'di ltar sems bskyed de/ bdag mtshan ma'i rim gros de bzhin gshegs pa'i thugs mnyes par mi bya/ bdag nams kyang 'jig rten pa'i zang zing gi sems kyis de bzhin gshegs pa'i rim gro mi bya/ gzhan du na bdag thams cad mkhyen pa 'di nyid 'dod pa'i phyir de bzhin gshegs pa de dag la yid du 'thad de yid du mi 'thad pa ma yin pas rim gro bya'o/ /de bzhin gshegs pa la rim gro byas pa 'dis bdag thams cad mkhyen pa'i ye shes thob par gyur cig /de ltar ngas sems bskyed nas ji ltar bdag bla na med pa yang dag par rdzogs pa'i</font><hr>42.194b<br><font size=+1>

byang chub mngon par rdzogs par sangs rgyas pa'i sems can thams cad mngon par shes pa myur ba sla ba'i lam gyis bla na med pa yang dag par rdzogs pa'i byang chub mngon par rdzogs par 'tshang rgya snyam nas/ des bdag byang chub sems dpa'i spyad pa spyod pa na sems can de dag thams cad mngon par shes pa myur ba sla ba'i lam gyis bla na med pa yang dag par rdzogs pa'i byang chub rjes su thob par byas so/ /de ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas shin tu mang zhing sangs rgyas kyi dgon par ma gyur cig ces de lta bu'i sems kyis de bzhin gshegs pa de dag thams cad kyi rim gro byas so/ /dge ba'i rtsa ba des nga'i bskal pa bzang po 'di la de bzhin gshegs pa dgra bcom pa yang dag par rdzogs pa'i sangs rgyas dgu brgya dgu bcu rtsa drug byung ngo / /de bzhin gshegs pa gang dag la bdag gis byang chub sems dpa' de dag dge ba'i rtsa ba bskyed du btsud pa'i de bzhin gshegs pa de dag thams cad la bdag gis mchod do/ /de bzhin gshegs pa de dag thams cad la dge ba'i rtsa ba bskyed pa ni de bzhin gshegs pa de dag thams cad la bdag gi lus kyi las yongs su dag pas rim gro byas/ ngag gi las yongs su dag pas bstod/ yid kyi las yongs su dag pas nges par bsams so/ /dge ba'i rtsa ba des de'i sku rgya chen por gyur to/ /ngas de bzhin gshegs pa de dag thams cad kyi rim gro yongs su spyad pas rnyed pa mchog dang grags pa mchog thob po/ /ngas de bzhin gshegs pa de dag thams cad kyi gsung rab la brtsam pa drag pas rab tu gnas so/ /dge ba'i rtsa ba des nga'i sangs rgyas kyi zhing rgya che ste mtha' gzhal bar mi nus so/ /maud gal gyi bu de lta bas na byang chub sems dpa' rnyed pa mchog dang grags pa mchog thob pa dang gsung rab 'dod pas de bzhin gshegs pa la rim gro yongs su spyad cing sems yongs su dul bar bya/ byang chub sems dpa' sangs rgyas kyi zhing rgya che bar 'dod pas sgrib pa med pa'i ye shes mthong ba sngon du</font><hr>42.195a<br><font size=+1>

byas te spyod pa spyad par bya/ thams cad mkhyen pa'i ye shes rtogs par bya ba'i phyir dge ba'i rtsa ba mngon par 'du bya ba rnams kyi chog mi shes par bya'o/ /maud gal gyi bu ngas ting nge 'dzin shes pa 'gog par 'gyur ba'i lam shes par bya ba'i don du bla na med pa yang dag par rdzogs pa'i byang chub yongs su tshol ba na bdag bla na med pa yang dag par rdzogs pa'i byang chub mngon par rdzogs par sangs rgyas nas ting nge 'dzin shes pa 'gog par 'gyur ba'i lam shes pa sems can rnams la ji ltar yang dag par rab tu bstan par bya/ bdag chos ston pa yang zad pa med par gyur cig snyam nas dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na/ de bzhin gshegs pa sgra thams cad kyi dbyangs shes bya ba nas sangs rgyas bcom ldan 'das kyi bar 'jig rten du byung ngo / /de bzhin gshegs pa sgra thams cad kyi dbyangs de'i nyan thos 'dus pa dang byang chub sems dpa' 'dus pa dpag tu med pa dag byung ste chos bshad pa re res kyang nyan thos khrag khrig dpag tu med pa dag nges par byung ngo / /byang chub sems dpa' khrag khrig dpag tu med pa dag phyir mi ldog pa nyid la gnas so/ /de'i tshe de bzhin gshegs pa de'i byang chub sems dpa' bdud rtsi'i dbyangs shes bya ba byang chub sems dpa'i tshogs de dag thams cad las yon tan dang / ye shes khyad par du 'phags pa zhig byung ngo / /de nas byang chub sems dpa' bdud rtsi'i dbyangs de 'di snyam du sems te/ de bzhin gshegs pa sgra thams cad kyi dbyangs 'dis bla na med pa yang dag par rdzogs pa'i byang chub yang dag par bsdus pa de bzhin du bdag gis kyang yang dag par rab tu bsdu bar bya'o snyam mo/ /de nas de bzhin gshegs pa sgra thams cad kyi dbyangs de yang byang chub sems dpa'i tshogs chen po de'i mdun na bzhugs pa la tshigs su bcad pa'i dbyangs</font><hr>42.195b<br><font size=+1>

kyis zhu ba zhus pa/ 'dren pa mi yi khyu mchog stobs bcu yon tan mnga' ba lha yul sa steng med/ /rgyal mchog mchog rab lha mi phan mdzad pa las 'gro ba'i don du bdag zhu ba/ /spyod pa ji ltar spyad na blo gros legs mdzad 'gro ston khyod dang 'dra bar 'gyur/ /'gro la phan mdzad bdag dang 'gro ba'i the tshom de dag myur du gsungs shig gsungs/ /'gro ba rdul dang dri ma rnyog pa sdug bsngal brgya yis yongs ldan rig nas su/ /mkhas pa snying rje bskyed de ji ltar spyad na 'gro phan skye dgu rnam 'grel bgyid/ /ji ltar 'gro ba sdug bsngal brgyas nyen bde brgya'i phyi rol yid bde mi 'tshal rnams/ /de dag bdag srid myur zad bde mchog mtshungs med 'gro la bstan gyis stobs bcu gsungs/ /ji ltar khyod kyi gsung chen thos nas rab tu dga' zhing 'gro ba yongs su bstan/ /ji ltar 'gro ba khyod kyi gsung rtogs gsung la mkhas na sdug bsngal yongs su spong / /sdug bsngal zad thob mun bcom rab rib med cing rgyal ba'i nyi zer rab tu ldan/ /stobs bcu mnga' ba'i gsung gis 'gro ba 'jigs med 'gyur ba de dag bdag la gsungs/ /rgyal ba'i gsung thob gsung gis g.yo tshig bcom ste su zhig gsung gnas dga' bder 'gyur/ /bde gshegs khyod kyi gsung 'chang mkhas pa dri ma skyon spangs shin tu dri med yid/ /des thob srid pa'i 'gro spangs 'gro ba mchog la gnas te rgyal mchog 'gyur ba yi/ /rgyal ba thub pa rnam 'dren 'gro la phan mdzad snyan pa'i gsung gis de dag gsungs/ /ston pa de bzhin gshegs pa 'jig rten phan bzhed de yi bsam pa thugs chud lung bstan pa/ /sdug bsngal 'di dag zad par rgyal bas gzigs pa'i mya ngan 'das pa'i lam bsgoms na/ /gang dag 'das pa'i 'jig rten phan 'dod gang yang ma 'ongs 'jig rten phan par 'dod/ /gang dag da ltar 'gro la phan 'dod de yang lam mchog 'di ni yongs su mthong / /rgyal ba'i sras dag byang chub yongs su tshol na de ni rab tu 'bad de sgoms/ /bdud kyi stobs</font><hr>42.196a<br><font size=+1>

mchog bcas pa stobs bcom sangs rgyas stobs la mngon par myur du 'dug /bu des thos nas thogs par bde bar gshegs pa'i bzod la rab tu gnas/ /sangs rgyas sgra kun mkhyen pa rkang gnyis mchog la de ni skyabs sor blo gnas so/ /maud gal gyi bu de ji snyam du sems/ /de'i tshe de'i dus na byang chub sems dpa' bdud rtsi'i dbyangs shes bya bar gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' bdud rtsi'i dbyangs shes bya bar gyur to/ /de'i tshe yang ngas sems can gyi khams sdug bsngal las yongs su thar bar byas so/ /da ltar yang nga sems can rnams kyi sdug bsngal zad par bya ba'i phyir chos ston to/ /maud gal gyi bu ngas snyoms par 'jug pa shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la snyoms par 'jug pa shes pa/ ji ltar yang dag par rab tu bshad par bya snyam nas dge ba'i rtsa ba rnam pa du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na rgyal po spyod pa shin tu brtan pa zhes bya ba chos kyi rgyal po chos dang ldan pa zhig byung ba nas shin tu gnas pa'i bar du rgya cher sbyar ro/ /de'i tshe 'dzam bu'i gling 'dir grong khyer bye ba phrag drug bcu byung ngo / /'dzam bu gling 'di dpag tshad stong phrag drug bcur gyur to/ /grong dang grong khyer dang grong rdal thag nye bas grong khyer dang grong rdal gyi bya gag grong phan tshun du 'gro bar gyur to/ /der rgyal po spyod pa shin tu brtan pa gnas te/ chom rkun dang kla klo dang ni bral/ chos dang ldan pa'i mi rnams kyis ni gang dga' ston gyi dus ni mang / skye bo rab tu dga' ba dag gis ni mngon par gang / chos spyod pa'i mi ni kun tu byung / thams cad nas thams cad du sdig pa'i tha snyad kyang med na de spyod pa lta ci zhig ga la yod/ phyi rol du</font><hr>42.196b<br><font size=+1>

bskyed mos tshal dang / kun dga' ra ba dang / mtshe'u dang rdzing bu dag gis mdzes te/ lha rnams kyi dga' ba'i tshal bzhin no/ /rtag par rgyun tu dung dang rdza rnga dang khar rnga dang pi wang rgyud gsum pa dang phyogs mang por thos pa'i pi wang dang / pi wang rgyud gcig pa dang / na ku la dang shin tu dbyangs snyan dang cang te'u dang / bro gar gyi rgyud dang ban du ra dang / bum rnga dang gdu bu dang / rol mo man du ga'i sgra sna tshogs kyi glu dbyangs rnams kyis mngon par dga' ba mi ma yin pa lha'i gnas ltar lha'i rgyan gyi shing gis kun tu khebs pa spos dang / phreng ba dang gos kyi shing gis shin tu khebs pa/ 'dod pa'i 'bras bu'i shing dang ldan pa 'phags pa'i skye bo gnas shing 'phags pa ma yin pa'i skye bo med do/ /de'i tshe stong gsum gyi stong chen po'i 'jig rten gyi khams 'dir de bzhin gshegs pa dri med tog ces bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa dri med tog de'i sku tshe'i tshad dpag tu med par gyur to/ /sems can de dag kyang 'tsho ba bde bar gyur te/ 'dod chags chung / zhe sdang chung gti mug chung ngo tsha shes shing khrel yod pa dang ldan/ 'phags pas bsgrubs pa'i ngo tsha dang ldan te/ gang phal cher de bzhin gshegs pa dri med tog de dang las lhan cig bsags pa yin no/ /der bcom ldan 'das de bzhin gshegs pa dri med tog de bzhugs nas bsnyen bkur byas/ rjed cing mchod sgra grags snyan pa yang dag par byung / grags pa rnam par grags te/ ji ltar 'dir 'phags pa'i skye bo yang dag par 'du ba byung ba bzhin no/ /de bzhin gshegs pa dri med tog de'i sangs rgyas kyi zhing de 'jig rten gyi khams brjod du med pa cig byung ngo / /der de bzhin gshegs pa dri med tog de grong nas grong du grong khyer nas grong khyer du/ grong rdal nas grong rdal du spyad pa spyod do/ /gang dang gang du gshegs nas slar bzhud pa'i tshe de dag ngu zhing mchi ma 'byin to/ /gang dang gang du gshegs pa de dang der dga' bar 'gyur te yid du 'ong zhing bla mar</font><hr>42.197a<br><font size=+1>

sems so/ /de gang dang gang du chos ston pa de dang der sems can bye ba khrag khrig mtha' yas pa dag 'dul bar 'gyur te/ la la ni nyan thos kyi theg pas/ la la ni rang sangs rgyas kyi theg pas/ la la ni bla na med pa sangs rgyas kyi theg pas 'dul bar mdzad do/ /de bzhin gshegs pa dri med tog de chos ston pa na yan lag brgyad dang ldan pa'i gsung zhal nas 'byung zhing sgra dbyangs kyi yan lag lnga brgyas yang dag par bsdus pa de mngon par byung bas thams cad dang ldan pa'i sangs rgyas kyi zhing 'dir mngon par go bar mdzad do/ /gang gi tshe bcom ldan 'das de bzhin gshegs pa dri med tog chos ston pa de'i tshe thams cad dang ldan pa'i sangs rgyas kyi zhing der spos chus chag chag btab par 'gyur ro/ /de bzhin gshegs pa de'i phrin las mngon par 'du mdzad pas/ gang gi tshe bcom ldan 'das de bzhin gshegs pa dri med tog de chos ston pa de'i tshe bar snang las lha'i sil snyan gyi sgra dag rab tu 'byung ngo / /de la sems can gang 'dod pa la dga' ba de dag ni yid du 'ong ba'i sgra dbyangs snyan cing bde ba la mngon par dga' ba dag thos so/ /sgra dbyangs gang lta bu la dga' zhing 'dod pa de 'dra ba'i sgra thos so/ /gal te mya ngan las 'das pa'i dga' ba 'dod na dga' ba de kha na ma tho ba med cing bde bar so so yang dag par myong bar 'gyur ro/ /sems can gang dag chos 'dod par gyur na de dag mi rtag pa'i sgra thos shing sdug bsngal gyi sgra dang / bdag med pa'i sgra dang zhi ba'i sgra thos so/ /mya ngan las 'das pa'i sgra thos/ sangs rgyas kyi sgra dang chos kyi sgra dang / dge 'dun gyi sgra thos so/ /sangs rgyas rjes su dran pa'i sgra thos so/ /de bzhin du sbyar te chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa'i sgra thos so/ /de bzhin gshegs pa de'i phrin las rnam par smin pa mngon par bsgrubs pa nyid kyis</font><hr>42.197b<br><font size=+1>

chos nyan pa de dag la rlung bsil ba ldang ngo / /rlung bsil ba gang dag langs pas chos nyan pa dag dga' ba skye'o/ /gang gi tshe de bzhin gshegs pa de chos ston pa na/ de bzhin gshegs pa de'i rnam par smin pa mngon par grub pa'i rlung langs pa de nyid kyis de'i tshe chos 'dod pa'i sems can de dag thams cad kyi sgrib pa lnga thams cad nas thams cad rnam pa thams cad nas thams cad du mi 'byung ngo / /de'i tshe de bzhin gshegs pa de'i rim gro pa dge slong dpal 'byung zhes bya ba 'khor de nyid na de bzhin gshegs pa de'i snam logs na 'dug par gyur te de chos la chud pa'i yid kyis de bzhin gshegs pa'i 'khor de mthong ngo / /gang dkrugs pa'i sgra 'am/ 'khrugs pa'i sgra 'am/ ma dad pa'i sgra med cing de rnam par dang ba'i yid kyis sems yang dag par bskyed de ji ltar de bzhin gshegs pa dri med tog da ltar 'khor bzhi dag la chos ston pa ltar bdag ma 'ongs pa'i dus na de bzhin gshegs pa'i yon tan thams cad kyi pha rol tu phyin pa 'khor gyi dkyil 'khor 'di lta bus yongs su bskor cing chos ston par gyur cig snyam mo/ /de nas de bzhin gshegs pa dri med tog des rim gro pa dge slong de'i bsam pa la gzigs nas 'od btang ngo / /'od gang gis reg ma thag tu dge slong dpal 'byung de snying rje chen po dang ldan pa'i ting nge 'dzin thob po/ /ting nge 'dzin gang gi mthus bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de ji snyam du sems/ de'i tshe de'i dus na byang chub sems dpa' dpal 'byung zhes bya bar gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' dpal 'byung zhes bya bar gyur to/ /maud gal gyi bu de lta bas na byang chub sems dpas snyoms par 'jug pa'i mkhas pa la rnal 'byor du bya'o/ /maud gal gyi bu ngas snyoms par 'jug pa shes pa kun 'byung ba shes par bya ba'i don du sngon byang chub</font><hr>42.198a<br><font size=+1>

sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la snyoms par 'jug pa shes pa kun 'byung ba shes pa ji ltar yang dag par rab tu bstan par bya snyam nas dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na bram ze dri med mig ces bya ba shing sA la chen po lta bu phyug cing nor che la longs spyod che ba longs spyod mang ba/ bdag gir bya ba mang ba/ nor dang yo byad mang ba pha ma gtsang ba chung ma gtsang ba/ mngal gyi skyon gyis ma gos pa rigs dma' ba'i kha na ma tho ba med pa/ 'don pa po gzhung 'dzin pa rig pa gsum dang / sgra nges par sbyor ba dang bcas pa/ shes gsal dang bcas pa yi ge dang bcas pa/ rab tu dbye ba dang bcas pa lnga pa ste sngon byung ba'i pha rol tu phyin pa gnas dang brda sprod pa dang / 'jig rten rgyang pan pa dang / mchod sbyin gyi rgyud dang / skyes bu chen po'i mtshan nyid kyi rgyud rig pa gsum gyi gsung rab la so so'i slob dpon rnams kyis rjes su gnang ba zhig byung ngo / /de'i tshe de bzhin gshegs pa bcings pa thams cad rab tu rnam par 'grol ba zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa bcings pa thams cad rab tu rnam par 'grol ba de'i gsung rab de la sems can rnams kyi tshe'i tshad dpag tu med par gyur to/ /de bzhin gshegs pa bcings pa thams cad rab tu rnam par 'grol ba de'i nyan thos kyi 'khor stong phrag dpag tu med pa dag byung ngo / /byang chub sems dpa'i 'khor dpag tu med pa dag byung ngo / /de bzhin gshegs pa bcings pa thams cad rab tu rnam par 'grol ba de'i nyan thos 'dus pa dang / byang chub sems dpa' 'dus pa dpag tu med pa dag byung ngo / /der de bzhin gshegs pa bcings pa thams cad rab tu rnam par 'grol ba de</font><hr>42.198b<br><font size=+1>

snyoms par 'jug pa shes pa kun 'byung ba shes pa las brtsams nas chos ston te/ byang chub sems dpas ting nge 'dzin la mkhas par bya/ snyoms par 'jug pa shes pa kun 'byung ba shes pa la yang mkhas par bya'o/ /dge slong dag ji ltar byang chub sems dpa' snyoms par 'jug pa shes pa kun 'byung ba shes pa la mkhas par bya zhe na/ 'di la byang chub sems dpas bsam gtan dang po'i rjes su 'thun pa'i chos rnams la mngon par brtson par bya'o/ /bsam gtan dang po de ni gang yin/ bsam gtan dang po de la ji ltar snyoms par 'jug pa'i ming 'thob ce na/ 'di la byang chub sems dpas 'di ltar rab tu shes par bya ste/ 'dod pa'i rnam par rtog pa las nges par 'byung ba ni rnam par rtog pa'i gnyen po'o/ /nges par 'byung ba'i rnam par rtog pa des 'dod pa'i rnam par rtog pa zlog ste/ de 'di'i gnyen po'o/ /snyoms par 'jug pas de la snyoms par 'jug pa zhes bya'o/ /gnod sems kyi rnam par rtog pa'i gnyen po ni gnod sems med pa'i rnam par rtog pa ste/ de 'di la snyoms par 'jug pa yin pas de la snyoms par 'jug pa zhes bya'o/ /rnam par 'tshe ba'i rnam par rtog pa'i gnyen por ni rnam par 'tshe ba med pa'i rnam par rtog pa ste/ rnam par 'tshe ba med pa'i rnam par rtog pas rnam par 'tshe ba'i rnam par rtog pa zlog par byed do/ /de 'di la snyoms par 'jug pa yin pas de la snyoms par 'jug pa zhes bya ste/ des bsam gtan dang po la snyoms par 'jug go/ /bsam gtan gnyis pa'i gnyen po ni rnam par rtog pa dang / rnam par dpyod pa yin la de dag gi gnyen po ni ting nge 'dzin gyis bskyed pa'i dga' ba yin no/ /de 'di la snyoms par 'jug pa yin pas de la snyoms par 'jug pa zhes bya'o/ /bsam gtan gsum pa'i ting nge 'dzin gyis bskyed pa'i dga' ba'i gnyen po ni de'i dga' ba med pa bde ba'i gnyen po ste/ de 'di la snyoms par 'jug pa</font><hr>42.199a<br><font size=+1>

yin pas de lta bas na snyoms par 'jug pa zhes bya'o/ /bsam gtan bzhi pa la bde ba yang ma yin/ sdug bsngal ba yang ma yin pa'i tshor ba 'jug ste de ni bde ba dang sdug bsngal gyi gnyen po'o/ /de 'di la snyoms par 'jug pa yin pas de la snyoms par 'jug pa zhes bya'o/ / bam po bcwa brgyad pa/ nam mkha' mtha' yas skye mched kyi gnyen po ni gzugs kyi 'du shes dang / thogs pa'i 'du shes so/ /de'i gnyen po ni nam mkha'i 'du shes snyoms par 'jug pa zhes bya'o/ /rnam shes mtha' yas skye mched kyi gnyen po ni nam mkha'i 'du shes so/ /de 'di la snyoms par 'jug pa yin pas de la snyoms par 'jug pa zhes bya'o/ /ci yang med pa'i skye mched kyi gnyen po ni rnam shes kyi 'du shes so/ /de 'di la snyoms par 'jug pa yin pas de la snyoms par 'jug pa zhes bya'o/ /'du shes med 'du shes med min skye mched kyi gnyen po ni ci yang med pa'i skye mched do/ /de 'di la snyoms par 'jug pa yin pas de la snyoms par 'jug pa zhes bya'o/ /'gog pa la snyoms par 'jug pa'i gnyen po ni 'du shes med 'du shes med min skye mched do/ /de 'di la snyoms par 'jug pa yin pas de la snyoms par 'jug pa zhes bya'o/ /de'i kun 'byung gang zhe na 'di lta ste 'dun pa'o/ /snyoms par 'jug pa shes pa kun 'byung ba shes pa'i rgyu ni 'dun pa'o/ /de'i tshe byang chub sems dpa' blo gros zab mo zhes bya ba de bzhin gshegs pa de'i snam logs na 'dug cing de bzhin gshegs pa de la bsil yab kyis g.yob bo/ /de 'di snyam du sems te bdag ma 'ongs pa'i dus na ma dul ba rnams 'dul ba dang / ma zhi ba rnams zhi bar byed pa dang / bcings pa rnams grol bar byed pa dang / ma rgal ba rnams sgrol bar byed pa'i de bzhin gshegs par gyur cig snyam mo/ /bram ze dri ma med pa'i mig shing sA la chen po lta bu de yang 'di snyam du sems te bdag ma 'ongs pa'i dus na ma dul ba rnams</font><hr>42.199b<br><font size=+1>

'dul ba dang / ma zhi ba rnams zhi bar byed pa dang / bcings pa rnams grol bar byed pa dang / ma rgal ba rnams sgrol bar byed pa'i de bzhin gshegs par gyur cig snyam mo/ /de nas de bzhin gshegs pa bcings pa thams cad rab tu rnam par 'grol ba zhes bya bas byang chub sems dpa' yang dag par 'dzin pa gnyis la ched du brjod pa 'di ched du brjod do/ /sems can gang dag sdug bsngal mthong nas snying rje che skyes pa/ /de dag rin chen kun gyis mchod pa byas pas de mi nus/ gang tshe sems can kun gyis phyogs bcu'i 'jig rten dag tu med/ /bus nas bde gshegs mchod kyang de yis mchod par mi 'gyur ro/ /de yi sems gcig bskyed pa'i yon tan mtha' dag tshig gis su/ /brjod par mi nus yon tan zad par bya lta ga la nus/ /de lta bas na mkhas pa'i mi yis sangs rgyas chos tshol na/ /yon tan rnams la 'bad bya de bzhin gshegs pa yon tan mchod/ /sangs rgyas chos tshol ba na lus la bsrungs pa med/ /'dren pa'i gtong la bslabs pas yang dang yang du yongs btang ngo / /rkang gnyis mchog ni dngos po kun la yongs su bslabs pas su/ /'di ltar sangs rgyas chos nyid byang chub mchog ni nga yis brnyes/ /gang dag chos rnams skye ba ji lta bzhin du rnam shes na/ /bu de mi yi dbang po yab kyi rigs ni 'phel bar byed/ /mnyam pa'i chos rtogs pa ni bdud kyis bcings pa gcod byed cing / /bdud kyi zhags pa las grol sems can gzhan yang rab grol byed/ /de lta bas na byang chub tshol bas dngos kun yongs su spong / /byang chub zhi ba tshol na chos kyi tshul la bslab par gyis/ /de nas byang chub sems dpa' de gnyis bcom ldan 'das kyis rjes su bstan pa nas/ de'i tshe dngos po thams cad yongs su gtong ba la blo nges shing de gnyis phyir mi ldog par gyur to/ /maud gal gyi bu de ji snyam du sems de'i tshe de'i dus na bram ze dri med mig ces</font><hr>42.200a<br><font size=+1>

bya ba shing sA la chen po lta bur gyur pa de gzhan yin par sems na de ltar mi blta ste/ de ci'i phyir zhe na de bzhin gshegs pa 'od srung de/ de'i tshe de'i dus na bram ze dri med mig ces bya ba shing sA la chen po lta bur gyur te/ maud gal gyi bu de ji snyam du sems de'i tshe de'i dus na byang chub sems dpa' blo gros zab mo zhes bya bar gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' blo gros zab mo zhes bya bar gyur to/ /maud gal gyi bu de lta bas na byang chub sems dpas snyoms par 'jug pa la mkhas par bya zhing de bzhin du byang chub sems dpas bslab par bya'o/ /maud gal gyi bu ngas snyoms par 'jug pa shes pa 'gog pa shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la snyoms par 'jug pa shes pa 'gog pa shes pa ji ltar yang dag par rab tu bstan par bya snyam nas dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na de bzhin gshegs pa rdul dang dri ma dang mun pa 'joms pa zhes bya ba nas rgya cher sbyar te/ sangs rgyas bcom ldan 'das kyi bar 'jig rten du byung ngo / /de bzhin gshegs pa rdul dang dri ma dang mun pa 'joms pa de'i sku tshe'i tshad ni lo stong phrag brgyad bcur gyur to/ /de bzhin gshegs pa dgra bcom pa yang dag par rdzogs pa'i sangs rgyas rdul dang dri ma dang mun pa 'joms pa de'i nyan thos 'dus pa gsum byung ste/ nyan thos 'dus pa gcig ni dgra bcom pa zag pa zad pa nas rgya cher sbyar te mnyam pa nyid shes shing rnam par grol ba'i bar bye ba phrag dgu bcu rtsa drug go/ /gnyis pa ni dgu bcu rtsa bzhi'o/ /gsum pa ni dgu bcu rtsa gnyis so/ /de'i byang chub sems dpa' 'dus pa gsum byung ste/ </font><hr>42.200b<br><font size=+1>

de dag thams cad theg pa chen po la yang dag par rab tu gnas pa/ theg pa dpag tu med pa la yang dag par rab tu gnas pa/ theg pa grangs med pa la yang dag par rab tu gnas pa/ theg pa bsam gyis mi khyab cing gzhal du med pa la yang dag par rab tu gnas pa/ sangs rgyas kyi zhing yongs su dag pa dpag tu med par smon lam gyis yang dag par rab tu gnas pa de bzhin du sbyar te/ sangs rgyas kyi zhing yongs su dag pa brjod du med pa'i bar la smon lam gyis yang dag par rab tu gnas pa rnams so/ /de yongs su mya ngan las 'das pa'i dam pa'i chos ni lo bye ba phrag brgyad bcur gnas so/ /de'i tshe 'khor los sgyur ba'i rgyal po gser gyi rgyal mtshan zhes bya ba rin po che sna bdun dang ldan pa zhig byung ngo / /de'i rin po che sna bdun byung ba ni 'di dag yin te 'di lta ste 'khor lo rin po che dang de bzhin du sbyar te/ blon po rin po che'i bar bdun po de dag yin no/ /de'i bu stong tham pa yod de dpa' zhing rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa/ de thams cad sa'i dkyil 'khor 'di 'ba' zhig kho nas chad pa med cing / mtshon gyis bda' ba med la rang gi chos kyis shin tu gnas so/ /rgyal po gser gyi rgyal mtshan gyi yul rnam par rgyal byed der/ sems can thams cad dge ba bcu'i las kyi lam dang ldan par gyur to/ /de'i tshe sangs rgyas kyi zhing der sems can dmyal ba dag ma byung / dud 'gro'i skye gnas dang / gshin rje'i 'jig rten ma byung / lha ma yin gyi ris dag ma byung ngo / /de'i tshe sangs rgyas kyi zhing der sems can thams cad dge ba bcu'i las kyi lam rnams dang ldan par gyur cing / sems can de dag thams cad kyang tshe nges par gyur to/ /sems can rnams kyi tshe'i tshad lo stong phrag brgyad bcur gyur to/ /de'i tshe byang chub sems dpa' dri med gtong zhes bya ba zhig byung ste/ de byang chub sems dpa' stong phrag brgyad bcu dag dang lhan cig tu byang chub</font><hr>42.201a<br><font size=+1>

sems dpa'i spyad pa spyod do/ /de de bzhin gshegs pa yongs su mya ngan las 'das pa de'i ring bsrel la mchod pa bya bar spro bar gyur te/ de bzhin gshegs pa de'i ring bsrel la mchod pa byed pa ni lo lngar byas shing yongs su bzung ngo / /de lo lngar byang chub sems dpa' bye ba phrag dgu bcu 'dus te/ de dag la byang chub sems dpa' dri med gtong bdag gi dngos po thams cad gtong bar byed de/ tshe dang ldan pa dag gang la yo byad gang dgos pa de bdag nyid kyis gtang bar bgyi'o/ /ji tsam du sha dang khrag dgos na yang gtong na yo byad gzhan lta smos kyang ci dgos/ de'i tshe rgyal po dri med zla ba zhes bya ba byang chub sems dpa' de la mngon par dad nas/ des 'khor gyi btsun mo stong phrag brgyad bcu dang / bdag nyid kyang dge 'dun la phul bar gyur to/ /des dge slong re re dag la bdag gi btsun mo de dag slar blu ba'i phyir chos gos dang lham zung dang / gdugs dang ril ba spyi blugs tshos pa dang / lus la bgo ba dang / steng nas dgab pa dang gding ba dang / longs spyod thams cad phul lo/ /dge slong gi dge 'dun la ji srid 'tsho'i bar du chos gos dang bsod snyoms dang / mal cha dang na ba'i gsos sman gyi rkyen gyis yo byad rnams mngon par sbyar to/ /maud gal gyi bu de ji snyam du sems/ de'i tshe de'i dus na byang chub sems dpa' dri med gtong zhes bya ba gang gis de bzhin gshegs pa yongs su mya ngan las 'das pa de'i bstan pa yongs su bzung zhing lo lngar byas par gyur pa de gzhan yin par sems na de ltar mi blta ste nga de'i tshe de'i dus na byang chub sems dpa' dri med gtong zhes bya bar gyur to/ /ngas de bzhin gshegs pa yongs su mya ngan las 'das pa de'i bstan pa yongs su bzung zhing de yang lo lngar byas so/ /dge slong gi dge 'dun de dag gi bde ba'i rim gro byas shing / nga rtag tu sems shin tu mnyam par bzhag par gyur to/ /dge ba'i rtsa ba de dag thams cad kyang snyoms par 'jug pa 'gog pa mngon du bya bar yongs su bsngos so/ /dge ba'i rtsa ba des ngas snyoms par 'jug pa shes pa 'gog pa shes pa</font><hr>42.201b<br><font size=+1>

mngon du byas so/ /maud gal gyi bu de lta bas na byang chub sems dpa' snyoms par 'jug pa shes pa 'gog pa shes pa mngon du bya bar 'dod pas de bzhin gshegs pa la mchod pa bya bar spro bar bya/ dge slong gi dge 'dun la yang rim gro yongs su spyad pa'i phyir sems sbyang bar bya'o/ /maud gal gyi bu ngas snyoms par 'jug pa shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na/ bdag snyoms par 'jug pa shes pa 'gog par 'gyur ba'i lam shes pa thob nas sems can rnams la ji ltar yang dag par rab tu bstan par bya snyam nas/ dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus nas de'i pha rol gyi yang ches pha rol na rgyal po kun nas mdzes pa zhes bya ba chos kyi rgyal po chos dang ldan pa nas rgya cher sbyar te/ shin tu gnas pa'i bar zhig byung ngo / /de 'das pa'i dus na de bzhin gshegs pa dpag tu med pa rnams la dge ba'i rtsa ba bskyed pa/ bla na med pa yang dag par rdzogs pa'i sangs rgyas kyi theg pa la yang dag par rab tu gnas pa de 'ba' shig kho nas gling bzhi pa'i 'jig rten gyi khams kyi bar la dbang phyug gis dbang byed pa dang ldan pa skyon thams cad dang bral zhing yon tan thams cad dang ldan no/ /de nas rgyal po kun nas mdzes pa de 'di snyam du sems te/ sngon gyi 'khor los sgyur ba rnams kyi sgrub pa ci 'dra ba zhig tu gyur/ bdag sgrub pa gang gis rgyal srid bya/ bdag 'khor los sgyur ba'i sgrub pa'i chos spyod pa'i mi 'da' bar bya/ bdag chos spyad pas sdig pa'i 'gro bar 'gyur ba nas bdag dbang phyug dang ldan pa las ngan song gi sar 'jug pa'i bar du mi 'gro ba dag rgyal po'i ming don med par mi 'gyur bar bya snyam nas/ skyon de dag yang dag par mthong ste/ blon po rnams la smras pa/ 'di ltar grong gi gtso bo khyed cag nga'i bran yin te/ rgyal srid so sor srung ba chos kyi rgyud ston pa khyed la sngon gyi rgyal pos sgrubs pa gang gis rgyal srid rjes su bstan pa dang / yongs su</font><hr>42.202a<br><font size=+1>

sbyangs pa dang so sor bsrungs pa nga 'dri yis ji ltar bdag rgyal po'i sgrub pa rgyal srid mi zad pa dang / mi nyams pa dang / mi 'da' ba dang rjes su ston pa de khyod kyis bdag la ston cig de dag gis 'di skad smras so/ /lha bdag cag gis de'i don ma 'tshal to/ /lha'i nyen kor na drang srong mngon par shes pa khyim gyi gnas nas mngon par byung ba/ chos la mkhas pa/ bstan bcos la mkhas pa rab tu dga' ba'i mig can zhig mchis te/ de bsgrubs pa gang gis sngon gyi rgyal po'i rgyal srid rjes su bstan pa dang / yongs su sbyangs pa dang so sor bsrungs pa 'tshal te/ lha de dag bsdur gsol bsdus nas 'khor los sgyur ba'i sgrub pa sngon gyi rabs yongs su rmar gsol/ 'on tang 'khor los sgyur ba'i rgyud sngon gyi rabs 'byung bar 'gyur lags so/ /de nas rgyal po kun nas mdzes pa blon po de dag gi ltar mnyan nas gang 'di dang nye ba na sngon gyi mi yul gyi khyim gyi gnas nas mngon par byung ba de dag bkur sti chen pos rgyal po'i pho brang rgya mtsho can du sdud par byed do/ /rgyal po'i pho brang rgya mtsho can de yang 'byor pa dang / rgyas pa dang dge ba dang / lo legs pa dang / skye bo dang mi mang pos gang zhing / der de'i skye bo dag kun tu 'dus par gyur to/ /de'i tshe rgyal po kun nas mdzes pa de'i drung du drang srong khri phrag brgyad bcu phal cher lnga mngon par shes shing dge ba'i rtsa ba yun ring du spyad pa/ skye dgu la phan par 'dod pa dag cig byung ngo / /rgyal po kun nas mdzes pa de srog chags khri rnams dang lhan cig dpung gi tshogs dang / grong rdal gyi yul mi dang lhan cig tu gus pa chen pos de dag dpag tshad du bsu'o/ /gang rgyal po de'i yongs su spyod pa'i btsun mo dang / 'khor gyi slas bud med khri phrag brgyad bcu po de dag dang lhan cig tu drang srong de dag la ston pa'i 'du shes bskyed nas/ drang srong de dag ga la ba der song ste phyin nas/ drang srong de dag gi rkang pa la mgo bos phyag 'tshal te/ drang srong de dag dang yang dag par smra ba la zhugs so/ /de'i tshe 'khor los</font><hr>42.202b<br><font size=+1>

sgyur ba'i sgrub pa'i don du sngon gyi rabs 'don pa'i mi srog chags stong phrag brgyad bcu tsam 'dus so/ /de dag thams cad la rgyal po kun nas mdzes pa de zhe sa chen por byed do/ /drang srong de dag dang sngon gyi rabs 'don pa'i mi de dag 'khor los sgyur ba de'i sgrub pa'i sngon gyi rabs kyi ngo bo de dag smra bar byed de/ 'khor los sgyur ba'i sgrub pa'i sngon gyi rabs gang gis rgyal srid byas pa dang / rjes su bskyangs pa dang / rjes su bstan pa smras so/ /de drang srong de dag dang sngon gyi rabs 'don pa de dag gi ltar mnyan nas 'khor los sgyur ba'i sgrub pa 'phags pas rgyal srid byed do/ /sems can thams cad la yang byams pa'i sems nye bar bzhag ste/ des de dag rgyal srid kyi chos kyi rjes su bstan cing tshangs pa'i gnas bzhi bskyed do/ /skye bo thams cad la yang tshangs pa'i gnas bzhi bskyed du btsud de de dag thams cad kyang tshangs pa'i 'jig rten du skyes te/ de na snyoms par 'jug pa shes pa 'gog par 'gyur ba'i lam shin tu bsgoms te/ tshangs pa'i 'jig rten de nas shi nas/ kun nas mdzes pa de dang / thams cad dang ldan pa'i skye bo dag dge ba'i rtsa ba des bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu med pa rnams kyi don byas nas yongs su mya ngan las 'das te/ byang chub sems dpa' kun nas mdzes pa de ni ma gtogs so/ /maud gal gyi bu de ji snyam du sems/ rgyal po kun nas mdzes pa zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na/ rgyal po kun nas mdzes pa zhes bya bar gyur to/ /de'i tshe yang ngas chos kyi rgyal srid byas shing tshangs pa'i 'jig rten bskyed/ da ltar yang ngas bla na med pa yang dag par rdzogs pa'i byang chub mngon par rdzogs par sangs rgyas nas snyoms par 'jug pa 'gog par 'gyur ba'i lam rab tu bstan te/ skye bo'i tshogs mang po dag phung po lhag ma med pa'i mya ngan las 'das pa'i dbyings su yongs su mya ngan las bzlas so/ /maud gal gyi bu</font><hr>42.203a<br><font size=+1>

de lta bas na/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dang / sems can rnams la ston par 'dod pas yongs su 'dri ba'i rang bzhin can du bya'o/ /maud gal gyi bu ngas kun nas nyon mongs pa shes par bya ba'i don du sngon byang chub sems dpa'i spyad pa spyod pa na/ bdag kun nas nyon mongs pa shes pa mngon par rdzogs par shes nas sems can rnams la ji ltar yang dag par rab tu bstan par bya snyam nas dge ba'i rtsa ba rnam pa sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de bzhin du sbyar te/ de'i pha rol gyi yang ches pha rol na drang srong dbang po bsdams pa zhes bya ba 'dod chags dang ma bral ba/ so sor brtags pa des dbang po 'dzin pa zhig byung ste/ bsgoms pa'i stobs kyis ni ma yin no/ /de bdag gi dbang po yul rnams la kun nas nyon mi mongs par bya ba'i phyir dgon pa nas dgon pa nyid du tshal nas tshal tu nags nas nags su 'gro'o/ /de yun ring zhig 'das nas re shig cig na bud med cig mthong bar gyur to/ /de'i dbang po de dag sdom pas gnas shing ma bsgoms pas bud med de mthong ma thag tu 'dod pa'i 'dod chags kyis kun nas nyon mongs par gyur to/ /de'i 'dod pa'i 'dod chags skyes pa de'i tshe dran pa rnyed de de 'di snyam du sems so/ /so sor rtog pa 'dis bdag gi dbang po bzung gi/ shes pas so sor brtags pas ni ma yin no snyam mo/ /de 'di snyam du sems te/ shes pa gang gis dbang po so sor bsrungs te kun nas nyon mongs par mi 'gyur ba'i 'phags pa'i ye shes btsal bar bya'o snyam mo/ /de de'i tshe de ltar so sor rtog pa na bar der bdag nyid kyi shes pa skyes te/ 'di ltar skyes pa'i chos kun nas nyon mongs pa shes par bya ba de dag gang yin/ gang la bud med kyi chos kun nas nyon mongs pa shes par bya ba de dag gang yin/ de de ltar so sor rtog pa na kun nas nyon mongs pa'i chos de mi dmigs shing / </font><hr>42.203b<br><font size=+1>

gang la kun nas nyon mongs pa'i chos de yang mi dmigs so/ /de de'i tshe 'dod pa rnams la 'dod chags dang bral ba rjes su thob bo/ /des kun nas nyon mongs pa shes pa 'di la kun nas nyon mongs pa'i chos gang yang med cing / 'dir gang la yang kun nas nyon mongs pa'i chos gang yang med par 'phags pa'i ye shes 'dis the tsom med pa rjes su thob bo/ /maud gal gyi bu de ji snyam du sems/ de'i tshe de'i dus na bram ze dbang po bsdams pa zhes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na drang srong dbang po bsdams pa zhes bya bar gyur to/ /kun nas nyon mongs pa yongs su shes pa des/ nga da ltar byung ba'i nyon mongs pa dmigs pa la kun nas nyon mongs pa med do/ /maud gal gyi bu de lta bas na byang chub sems dpas 'phags pa'i ye shes kyis kun nas nyon mongs pa yongs su shes par bya'o/ /maud gal gyi bu ngas kun nas nyon mongs pa shes pa kun 'byung ba shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la kun nas nyon mongs pa shes pa kun 'byung ba shes pa ji ltar yang dag par rab tu bstan par bya/ sems can rnams gang gis kun nas nyon mongs pa shes pa kun 'byung ba shes pa thob par 'gyur snyam nas/ dge ba'i rtsa ba rgya che ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de bzhin du sbyar te/ de'i pha rol gyi yang ches pha rol na de bzhin gshegs pa mi shes pa ston pa zhes bya ba nas/ rgya cher sbyar te sangs rgyas bcom ldan 'das kyi bar 'jig rten du byung ngo / /de 'khor brgya phrag stong du ma dag gis yongs su bskor cing mdun du bdar ba der 'di lta ste/ kun nas nyon mongs pa shes pa kun 'byung ba shes pa las brtsams nas chos ston to/ /</font><hr>42.204a<br><font size=+1>

de'i tshe byang chub sems dpa' zla ba bas lhag pa'i 'od ces bya ba snying rje can sems can 'dren pa med pa rnams kyi 'dren par 'gyur bar 'dod pa ston pa dang bral ba rnams kyi ston par 'gyur bar 'dod pa/ mun pa rnams la snang bar byed par 'dod pa mig phyung ba rnams la mig bskyed par 'dod pa/ lam rab tu nyams pa rnams la lam yang dag par ston par 'dod pa/ 'khor bar rab tu zhugs pa rnams la 'khor ba las 'da' bar 'dod pa/ snying rje chen po thob pas lus yongs su gtong ba la lus dang srog la mi lta ba zhig 'khor de nyid du 'dus te 'dug par gyur to/ /sems can dag gi don gyi phyir stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das de bzhin gshegs pa mi shes pa ston pa ga la ba de logs su thal mo sbyar ba btud nas bcom ldan 'das la tshigs su bcad pa'i dbyangs kyis zhu ba zhus pa/ sems can snying po dpal che gzi che 'od che ldan/ /sems can rnams la thugs brtse mgon po thugs rje can/ /mkhas pa 'jigs med sangs rgyas ye shes khyod la zhu/ /sangs rgyas byang chub tshol bar spyad mchog spyod pa'i tshe/ /rnam 'dren byang chub sems dpas las dge ci bgyi na/ /mkhas pa nyon mongs kun 'byung shes mchog ji ltar 'thob/ /mgon po kun 'byung mkhyen pa ji ltar bdag thos 'tshal/ /legs zhus de ni thugs rje bskyed de bdag la gsungs/ /ston pa 'jig rten kun mkhyen thob pa thugs rje can/ /de yis rtog lam bcad de de nyid mkhyen pas bstan/ /kun nas nyon mongs shes la so sor bged par ldan/ /nad pa la ni zas skom gos kyis bged byas pa/ /dge ba'i las des byas pa byang chub yongs su bsngo/ /blo ldan shes pa des ni nyon mongs rgyu shes so/ /maud gal gyi bu de ji snyam du sems/ de'i tshe de'i dus na/ byang chub sems dpa' zla ba las lhag pa'i 'od du gyur pa de gzhan yin par sems na/ de ltar mi blta ste/ nga de'i tshe de'i dus na byang chub </font><hr>42.204b<br><font size=+1>

sems dpa' zla ba las lhag pa'i 'od ces bya bar gyur to/ /maud gal gyi bu de lta bas na byang chub sems dpas dge ba'i rtsa ba mngon par 'dus byas te/ byang chub sems dpa' rnams la so sor bged pa byas nas dbye ba med par byang chub tu yongs su bsngo bar bya'o/ /maud gal gyi bu ngas kun nas nyon mongs pa shes pa 'gog pa shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la ji ltar yang dag par rab tu bstan par bya/ snyam nas dge ba'i rtsa ba rnam pa sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po blo gros dag pa zhes bya ba zhig byung ngo / /de'i blon po rtog pa zhi ba zhes bya ba mjal dum dang thab mo la dbang ba zhig byung ngo / /de bya ba thams cad kyi 'jig pa rtog ste/ de yang tshig brjod pa tsam gyis pha rol gyi bya ba 'jig par byed/ gang sems bskyed pa de tshig brjod cing tshig smras pas/ de'i bya ba nges par byed de/ 'di lta ste dper na mi dag gang bsams pa de smra'o/ /skyes bu mkhas pa dag 'di nas de nyid lung ston cing 'chad do/ /de bzhin du rgyal po'i blon po rtog pa zhi ba de tshig thams cad 'gog par rtog go /de nas rgyal po blo gros dag pa de'i bya ba gang byung ba de dag thams cad blon po rtog pa zhi ba la 'tshol lo/ /de de dag byed de bya ba gzhan du 'gyur ba ni med do/ /de ltar rgyal po de'i blon po rgyal po blo gros rnam dag de'i shin tu nges pa'i phyir gnod pa med pa zhig byung bar gyur to/ /maud gal gyi bu de ji snyam du sems/ de'i tshe de'i dus na rgyal po'i blon po rtog pa zhi ba zhes bya bar gyur pa de gzhan yin par sems na/ de ltar mi blta ste/ de ci'i phyir zhe na/ nga de'i tshe de'i dus na rgyal po'i blon po rtog pa zhi ba zhes bya bar gyur to/ /ngas rgyal srid 'jig pa de bya ba yongs su brtags pas shin tu 'phel bar byas shing yongs su bskyangs so/ /maud gal gyi bu de lta bas na byang chub sems</font><hr>42.205a<br><font size=+1>

dpas srid pa 'jig pa'i mtha' las kun 'byung ba thams cad kyi chos gang yin pa de thams cad ni 'gog pa'i chos can no zhes yongs su brtag par bya'o/ /maud gal gyi bu ngas kun nas nyon mongs pa shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas kun nas nyon mongs pa shes pa 'gog par 'gyur ba'i lam shes pa sems can rnams la ji ltar yang dag par rab tu bstan par bya snyam nas/ dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na de bzhin gshegs pa blo gros dkar ba zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa blo gros dkar ba de'i sku tshe'i tshad lo bye ba phrag dgu bcur gyur to/ /de bzhin gshegs pa dgra bcom pa yang dag par rdzogs pa'i sangs rgyas blo gros dkar ba de'i nyan thos 'dus pa dang po ni khri phrag brgyad bcu byung ngo / /nyan thos 'dus pa gnyis pa ni dgra bcom pa khri byung ngo / /nyan thos 'dus pa gsum pa ni nyan thos 'bum phrag drug bcu rtsa brgyad byung ngo / /de'i tshe rgyal po mkhas pa'i tshul gyi bu gzhon nu byang chub sems dpa' ri bong tshig ces bya ba blta na sdug pa bskal pa grangs med pa bdun bcu rtsa bdun du dge ba'i rtsa ba bskyed pa zhig byung ngo / /de bzhin gshegs pa blo gros dkar ba des sa la zhabs bzhag pa na/ sa chen po 'di rnam par 'byin la/ zhabs kyi 'og tu gser gyi pad ma 'dab ma stong yod pa 'byung zhing byung ma thag tu nub par gyur to/ /de'i tshe stong chen po'i 'jig rten gyi khams 'di thams cad sangs rgyas kyi 'od kyis rgyas par gyur to/ /sangs rgyas kyi zhing der thams cad du nyin gcig la spos chu'i char</font><hr>42.205b<br><font size=+1>

lan gsum mngon par 'bab po/ /rlung gang dag ldang ba de dag thams cad kyang lha'i spos dang ldan pa ldang ngo / /sangs rgyas kyi zhing der sgra gang dag 'byung ba de dag thams cad mi rtag pa'i sgrar go bar byed/ sdug bsngal gyi sgra dang / bdag med pa'i sgrar go bar byed zhi ba'i sgra dang / bdud rtsi'i sgrar go bar byed do/ /sems can de dag thams cad sgra de lta bu thos so/ /sems can de dag thams cad nyal ba na sangs rgyas kyi sku'i zhal nye bar ston par mdzad de/ byang chub sems dpa' ri bong tshig gi rmi lam du de bzhin gshegs pa blo gros dkar ba 'jig rten du byung bar mthong ngo de mthong ma thag tu de bzhin gshegs pa de la gzhal du med pa'i dga' ba skyes te/ de dga' ba skyes nas grong mi bsdus so/ /bsdus nas smras pa/ grogs po dag shes par gyis shig /de bzhin gshegs pa rig pa dang zhabs su ldan pa blo gros dkar ba zhes bya ba nas rgya cher sbyar te/ sangs rgyas bcom ldan 'das kyi bar 'jig rten du byung ngo / /de rgya cher kun nas nyon mongs pa rab tu ston par mdzad de/ kun nas nyon mongs pa 'dod chags dang / kun nas nyon mongs pa zhe sdang dang / kun nas nyon mongs pa gti mug dang / kun nas nyon mongs pa nyes par spyad pa dang / nyon mongs pa de dag gi rgyu dang bcas pa ston par mdzad/ kun nas nyon mongs pa de dag gi 'jig pa yang dag par rab tu ston par mdzad/ kun nas nyon mongs pa de dag gi nges par 'byung ba yang yang dag par ston par mdzad do/ /de bzhin gshegs pa blo gros dkar ba de ga la ba der khyod dang 'dong bar bya'o/ /de nas byang chub sems dpa' ri bong tshig srog chags bye ba khrag khrig khri phrag dpag tu med pa dang lhan cig tu de bzhin gshegs pa blo gros dkar ba de ga la ba der dong ngo / /gzhon nu ri bong tshig gis bcom ldan 'das de bzhin gshegs pa blo gros dkar ba de rgyang ring po nyid nas mdzes shing sdug pa/ dbang po zhi ba thugs zhi ba/ dul ba dang zhi gnas dam pa brnyes pa</font><hr>42.206a<br><font size=+1>

dul ba dang zhi gnas mchog brnyes pa sbas pa glang po dbang po thul ba/ mtsho ltar dang ba dang zhing rnyog pa med pa/ gser gyi mchod sdong lta bu/ rgya mtsho ltar rin po ches yongs su gang ba/ dbang po ltar lhas yongs su bskor ba/ tshangs pa ltar thugs zhi bar mthong ngo / /mthong nas bcom ldan 'das de la dad pa shin tu bskyed de sems bskyed pa bdag gis de bzhin gshegs pa dge slong gi dge 'dun dang bcas pa sang spyan drang ngo snyam nas de bzhin gshegs pa blo gros dkar ba de ga la ba der song ste phyin nas bcom ldan 'das de bzhin gshegs pa blo gros dkar ba de'i zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas gzhon nu ri bong tshig gis bcom ldan 'das de bzhin gshegs pa blo gros dkar ba la 'di skad ces gsol to/ /bcom ldan 'das bdag la thugs brtse bar dgongs te/ dge slong gi dge 'dun dang thabs gcig du sang gdugs tshod la gshegs par ci gnang / bcom ldan 'das de bzhin gshegs pa blo gros dkar ba des gzhon nu ri bong tshig de la thugs brtse bar dgongs nas gnang ngo / /de nas gzhon nu ri bong tshig bcom ldan 'das de bzhin gshegs pa blo gros dkar ba de 'dzum pa mdzad pas gnang bar rig nas bcom ldan 'das de'i zhabs la mgo bos phyag 'tshal te/ bdag gi khyim ga la ba der song ste phyin nas/ de'i mtshan mo bza' ba dang / bca' ba dang myang ba dang zhim po gya nom pa rab tu mang po dag mngon par 'dus byas so/ /dge slong re re la yang ras bcos bu stong phrag brgya bsdogs so/ /de mtshan mo de 'das nas bcom ldan 'das la dus la bab po zhes gsol te/ bcom ldan 'das gzhon nu ri bong tshig gi dus la bab lags so/ /de nas bcom ldan 'das dge slong gi dge 'dun dang thabs gcig tu gzhon nu ri bong tshig gi khyim du gshegs nas gdan bshams pa de la bzhugs so/ /de nas gzhon nu ri bong tshig gis bcom ldan 'das de bzhin</font><hr>42.206b<br><font size=+1>

gshegs pa blo gros dkar ba de dge slong gi dge 'dun dang gdan la bzhugs par rig nas/ bza' ba dang bca' ba dang / myang ba zhim po mang pos yang dag par brims shing yang dag par tshim par byas so/ /de nas bcom ldan 'das de bzhin gshegs pa blo gros dkar bas ji lta bu'i rdzu 'phrul mngon par 'du mdzad pa de lta bu'i rdzu 'phrul mngon par 'du mdzad pa mngon par 'du mdzad pas zas kyi snod gcig las sangs rgyas la sogs pa dge slong gi dge 'dun dang bcas pa thams cad yang dag par tshim par gyur to/ /de nas gzhon nu ri bong tshig gis rdzu 'phrul gyi cho 'phrul de lta bu dag mthong nas/ kye ma bdag bla na med pa yang dag par rdzogs pa'i byang chub mngon par rdzogs par sangs rgyas nas rdzu 'phrul gyi cho 'phrul 'di lta bus sems can gdul bar gyur cig ces smon lam btab po/ /de nas de bzhin gshegs pa blo gros dkar ba des gzhon nu ri bong tshig gis 'di lta bu'i sems bskyed pas bla na med pa yang dag par rdzogs pa'i byang chub tu lung ston par mdzad de/ de bla na med pa yang dag par rdzogs pa'i byang chub tu lung bstan to/ /de dge ba'i rtsa ba'i shugs kyis ta la bdun srid tsam du nam mkha' la mngon par 'phags nas de bzhin gshegs pa blo gros dkar ba de la tshigs su bcad de gsol pa/ bde gshegs mkhas mchog ye shes dam pa dpag tu med/ /gang gis mgon po mthong ste bdag gis dge ba bgyis/ /mi mchog dpag tu med la 'di ltar bstod pa ni/ /yon tan mchog rab mnga' ba khyod 'dra 'jig rten med/ /'di ltar bdag kyang yon tan dpag tu med gyur cig /'gro ba kun gyi sdug bsngal thar bgyid 'dren pa dang / /lam chen yan lag brgyad dang ldan pa zhi ba yis/ /sems can sdug bsngal las 'dren mya ngan 'das bgyid shog /maud gal gyi bu de ji snyam du sems/ de'i tshe de'i dus na gzhon nu ri bong tshig ces bya bar gyur pa de gzhan yin par sems na de ltar mi blta ste/ nga de'i tshe de'i dus na/ gzhon nu ri bong tshig ces</font><hr>42.207a<br><font size=+1>

bya bar gyur to/ /ngas kun nas nyon mongs pa bsal nas de bzhin gshegs pa blo gros dkar ba de dge slong gi dge 'dun dang bcas par mchod ston gsol/ tshigs su bcad pas kyang bstod do/ /maud gal gyi bu de lta bas na byang chub sems dpas kun nas nyon mongs pa thams cad bsal nas de bzhin gshegs pa la bkur sti bya/ maud gal gyi bu byang chub sems dpa' gang kun nas nyon mongs pa thams cad sel ba de ni gnod sems can du mi 'gyur ro/ /maud gal gyi bu ngas rnam par byang ba shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la rnam par byang ba shes pa ji ltar yang dag par rab tu bstan par bya snyam nas dge ba'i rtsa ba rnam pa sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na de bzhin gshegs pa dri med tog ces bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa dri med tog de'i sku tshe'i tshad lo bye ba phrag drug bcur gyur to/ /de bzhin gshegs pa dri med tog de'i nyan thos 'dus pa dang po ni nyan thos drug 'bum byung ngo / /nyan thos 'dus pa gnyis pa ni nyan thos brgyad 'bum byung ngo / /nyan thos 'dus pa gsum pa ni sa ya tham pa byung ngo / /byang chub sems dpa' 'dus pa ni de'i nyis gyur to/ /de'i tshe rgyal po'i bu ljon pa zhes bya ba sangs rgyas khri phrag dpag tu med pa rnams la dge ba'i rtsa ba bskyed pa sangs rgyas kyi zhing yongs su dag par smon lam gyis yang dag par rab tu gnas pa sangs rgyas kyi zhing brjod du med par smon lam gyis yang dag par rab tu gnas pa zhig byung ngo / /des 'di ltar smon lam btab ste/ gang gi tshe sems can dag mgon med par gyur cig skyabs med pa dang dpung gnyen med pa</font><hr>42.207b<br><font size=+1>

dang ngan song la gzhol ba dang / ngan song la 'bab pa dang / ngan song la bab par gyur pa de'i tshe bdag gis bskyed pa 'di sems can gnas med pa de rnams kyi gnas su gyur cig /sems can mgon med pa rnams kyi mgon du gyur cig /sems can ngan song du rab tu lhung ba rnams kyi 'dren par gyur cig /maud gal gyi bu de ji snyam du sems/ de'i tshe de'i dus na rgyal po'i bu ljon pa zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po'i bu ljon pa zhes bya bar gyur to/ /ngas dam pa'i chos rnam par 'jig pa'i dus su sems can rnams rjes su bsrung bar bya ba'i phyir dang sems can la phan par bya ba'i phyir 'di ltar dge ba'i rtsa ba rgya che zhing 'di ltar bdag nyid che ba de dag yongs su bsngos so/ /maud gal gyi bu de lta bas na byang chub sems dpa' snying rje chen po dang yongs su ldan pa'i sems kyis sems can rnams kyi don dang / sems can sdug bsngal ba rnams yongs su smin par bya ba'i don du dge ba'i rtsa ba yongs su bsngo bar bya zhing / dge ba'i rtsa ba rnams la chags par yang mi bya'o/ /maud gal gyi bu ngas rnam par byang ba shes pa kun 'byung ba shes par bya ba'i don du sngon byang chub sems dpa'i spyad pa spyod pa na de bzhin du sbyar te/ yang dag par rab tu bstan par bya ba'i bar dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus nas de'i pha rol gyi yang ches pha rol na de bzhin gshegs pa chos kyi sprin gyi char gyis rgyal srid shin tu tshim pa zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa chos kyi sprin gyi char gyis rgyal srid shin tu tshim pa de'i sku tshe'i tshad lo bye bar gyur to/ /de bzhin gshegs pa dgra bcom pa yang dag par rdzogs pa'i sangs rgyas chos kyi sprin gyi char gyis rgyal srid shin tu tshim pa de'i nyan thos 'dus pa nyan thos khri phrag dpag tu med pa dag byung ngo / /rnam grangs 'dis na nyan thos 'dus pa dpag tu med pa dag</font><hr>42.208a<br><font size=+1>

byung ngo byang chub sems dpa' 'dus pa yang de bzhin no/ /nyan thos shes rab kyis rnam par ma grol ba gang yang med de/ /thams cad kyang rnam par thar pa brgyad la bsam gtan pa sha stag go/ /byang chub sems dpa' gang sangs rgyas kyi zhing tshad med pa yongs su dag pa brjod du med par yang dag par rab tu gnas par ma gyur pa gang yang med do/ /de'i tshe bram ze shing sA la chen po lta bu'i byang chub sems dpa' gnas med pa'i sgra dbyangs la lhag par mos pa yang dag par gnas pa zhig byung ngo / /de de bzhin gshegs pa chos kyi sprin gyi char gyis rgyal srid shin tu tshim pa de la yid du 'thad de/ yid du mi 'thad pa ma yin pas lo bye ba tham par rim gro pa byas te bshad pa yang 'dzin la rang gi don kyang mi gtong ngo / /de de bzhin gshegs pa chos kyi sprin gyi char gyis rgyal srid shin tu tshim pa des byang chub kyi sems kyis rim gro pa byed pa 'di de bzhin gshegs par 'gyur bar yongs su gzigs kyang de bla na med pa yang dag par rdzogs pa'i byang chub tu lung ma bstan to/ /de ci'i phyir zhe na/ 'di ltar de byang chub kyi sems la mngon par zhan pa'i phyir ro/ /maud gal gyi bu de ji snyam du sems/ de'i tshe de'i dus na byang chub sems dpa' gnas med pa'i sgra dbyangs la lhag par mos pa yang dag par rab tu gnas pa zhes bya bar gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' gnas med pa'i sgra dbyangs la lhag par mos pa yang dag par gnas pa zhes bya bar gyur to/ /yang dag pa'i byang chub kyi sems kyis nga de bzhin gshegs pa de'i rim gro pa byas kyang nga byang chub kyi sems la mngon par zhen pa'i phyir de bzhin gshegs pa des bla na med pa yang dag par rdzogs pa'i byang chub tu lung ma bstan to/ /maud gal gyi bu de lta bas na byang chub sems dpa' byang chub kyi sems de la yang mngon par zhen pa med par bya'o/ /maud gal gyi bu ngas rnam par</font><hr>42.208b<br><font size=+1>

byang ba shes pa 'gog par 'gyur ba shes par bya ba'i don du bdag bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la ji ltar yang dag par rab tu bstan par bya snyam nas/ dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus nas rgya cher sbyar te/ de'i pha rol gyi yang ches pha rol na bram ze sprin sgrogs shes bya ba shing sA la chen po lta bu zhig byung ste/ phyug cing nor mang la longs spyod che ba nas nor rdzas dang / yo byad mang ba nor bu dang mu tig dang / bai dUr+ya dang dung dang man shel dang / byi ru dang gser dang dngul gyi bar du mang ba/ 'don pa gzhung 'dzin pa sgra nges par sbyor ba dang bcas pa/ shes gsal dang bcas pa yi ge dang bcas pa/ rab tu dbye ba dang / lnga pa sngon byung ba rnams dang / gnas dang lung ston pa dang / 'jig rten rgyang pan dang / mchod sbyin gyi rgyud dang / skyes bu chen po'i mtshan nyid dang / rig pa gsum gyi khams dge mtshan dang ldan zhing / dge ba gang yin pa tshol ba rang gi slob dpon gyis 'thun pa'i rgyud gnang zhing dam bcas pa zhig byung ngo / /de'i tshe de bzhin gshegs pa bdud rtsi'i rgyal po zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa dgra bcom pa yang dag par rdzogs pa'i sangs rgyas bdud rtsi'i rgyal po de'i sku tshe'i tshad lo bdun stong du gyur to/ /nyan thos 'dus pa lnga byung ste/ nyan thos 'dus pa gcig ni dgra bcom pa zag pa zad pa nas de bzhin du sbyar te/ mnyam pa nyid shes pas rnam par grol ba'i bar du dung phyur phrag dgu byung ngo / /'dus pa gnyis pa ni dung phyur tham pa'o/ /'dus pa gsum pa ni dgra bcom pa dung phyur phrag stong byung ngo / /'dus pa bzhi pa dang lnga pa la nyan thos dgra bcom pa khrag khrig dpag tu med pa dag byung ngo / /byang chub sems dpa' 'dus pa gsum byung ste/ de'i nyis 'gyur ro/ /sangs rgyas kyi zhing der byang chub sems dpa' sems kyi mi dman pa can zhes bya ba</font><hr>42.209a<br><font size=+1>

sangs rgyas khri phrag dpag tu med pa dag la dge ba'i rtsa ba bskyed pa zhig byung ngo / /de 'di snyam du sems te/ e ma 'jig rten gnas pa 'di ni mun par gyur pa yin te/ gang skye ba'i chos rnams 'gog par mi mthong la 'gags pa rnams kyang mi skye bar rnam par mi shes so/ /chos gang dag skye la de dag 'gog cing mi skye ba mi mthong la rnam par mi shes so/ /'jig rten na dge sbyong ngam bram ze su yod gang de'i drung du bdag song ste/ yongs su dri bar bya'o snyam pa las bar snang las de bzhin gshegs pa bdud rtsi'i thigs pa'i rgyal po zhes bya ba/ thams cad mkhyen pa thams cad gzigs pa de mi mkhyen pa 'am/ thugs su ma chud pa 'am/ ma gzigs pa ci yang med la/ de 'gags pa'i chos rnams kyi mi 'gro ba med par rab tu mkhyen pa zhig 'jig rten du byung ngo zhes des thos so/ /de 'di snyam du sems te/ mi dman pa bdag de bzhin gshegs pa bdud rtsi'i thigs pa'i rgyal po'i drung du song ste/ don 'di yongs su zhu bar bya'o/ /de bzhin gshegs pa de ji lta ba bzhin du lung ston te/ bdag gis don de ltar gzung bar bya'o snyam mo/ /de nas byang chub sems dpa' sems mi dman pa can de skye bo'i tshogs mang po dang lhan cig /bram ze 'bum phrag drug dang / rgyal rigs shing sA la chen po lta bu khri phrag brgyad bcu rtsa bzhi dang lhan cig /de dag la sogs pa bram ze khri phrag dpag tu med pa dag dang lhan cig tu de bzhin gshegs pa bdud rtsi'i thigs pa'i rgyal po de ga la ba der dong ngo / /de bzhin gshegs pa bdud rtsi'i thigs pa'i rgyal po des byang chub sems dpa' sems mi dman pa can de skye bo'i tshogs mang po dag dang lhan cig tu rgyang ring po nyid nas 'ong ba gzigs so/ /gzigs nas kyang ji lta bu'i rdzu 'phrul mngon par 'du mdzad pa mngon par 'du mdzad de/ de lta bu'i rdzu 'phrul mngon par 'du mdzad pa/ mngon par 'du mdzad pas/ thams cad dang ldan pa'i sangs rgyas kyi zhing gser gyi 'od kyi mdog gis rgyas</font><hr>42.209b<br><font size=+1>

par mdzad do/ /ji lta bu'i rdzu 'phrul mngon par 'du mdzad pa mngon par 'du mdzad de/ de lta bu'i rdzu 'phrul mngon par 'du mdzad pa mngon par 'du mdzad pas/ 'di dag ni lha 'di dag ni mi zhes lha dang mi rnams kyi bye brag gam/ tha dad tu bya ba med do/ /skye bo'i tshogs chen po de dag tha na sems can gang gi lud pa'i sgra yang med par mdzad de/ 'khor de rab tu zhi bar gyur to/ /de nas byang chub sems dpa' sems mi dman pa can gyis 'khor de dag rab tu zhi ba rig cing sgra 'byung ba ma thos nas/ de 'di snyam du sems te/ sgra gang dag 'byung ba med na de dag 'gog pa med chos gang dag 'gags na/ de gang yang skye ba med do snyam mo/ /de 'di snyam du sems te/ 'di ltar sgra 'byung ba med na 'gag pa med de/ med pa'i phyir nges par 'gog pa'i chos kyang med la/ de yang dag par yod pa ma yin pa'i phyir skye ba med do snyam mo/ /de yang 'di snyam du sems te/ chos 'di dag gang skyes pa de dag gi rang bzhin ci yin de 'di ltar blo skyes te/ srid pa'i chos skyes pa 'di dag gi rang bzhin gang yang med de/ 'di dag skyes pa med la 'gags pa yang med do snyam mo/ /de de'i tshe chos de dag gi rang bzhin ma dmigs pa na/ mi skye ba'i chos la bzod pa thob bo/ /de nas de bzhin gshegs pa bdud rtsi'i thigs pa'i rgyal po des/ byang chub sems dpa' sems mi dman pa can mi skye ba'i chos la bzod pa thob par thugs su chud nas/ legs so zhes bya ba rjes su gnang ste/ rigs kyi bu khyod kyis 'di ltar chos 'di'i don ji lta ba bzhin rnam par shes pa rigs kyi bu legs so legs so/ /maud gal gyi bu de ji snyam du sems/ de'i tshe de'i dus na byang chub sems dpa' sems mi dman pa can zhes bya ba de gzhan yin par sems na de de ltar mi blta ste nga de'i tshe de'i dus na byang chub sems dpa' sems mi dman pa can zhes bya bar gyur to/ /dge ba'i rtsa ba des nga bskal pa grangs med pa bdun bcu rtsa drug tu nams kyang log par ma ltung / nams kyang chos la ma rmongs/ nams kyang mi dge ba'i sems chags</font><hr>42.210a<br><font size=+1>

pa las skyes pa 'am/ zhe sdang las skyes pa 'am gti mug las skyes pa ma byung ngo / /rtag par rgyun du thams cad mkhyen pa nyid kyi sems su rab tu zhugs te/ sems dang ba des nga'i bag chags spangs so/ /maud gal gyi bu de lta bas na byang chub sems dpas chos rnams kyi 'gog pa so sor brtag par bya ste bag chags yang dag par 'joms par 'gyur ro/ /maud gal gyi bu ngas rnam par byang ba shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la ji ltar yang dag par rab tu bstan par bya snyam nas dge ba'i rtsa ba rgya che ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po dri med dbang bskur zhes bya ba chos kyi rgyal po chos dang ldan pa zhig byung ste/ rin po che sna bdun dang ldan pa nas rgya cher sbyar te/ shin tu gnas pa'i bar du'o/ /de 'jig rten gang dag na dge sbyong dang bram ze'i dben pa'i gnas mal na 'dug cing de blon po gnyis dang / de las gzhan pa'i mkhas pa kun dang rnam par dpyod par byed/ yongs su 'dri bar byed do/ /de'i tshe rgyal po dri med dbang bskur de dang nye ba zhig na de bzhin gshegs pa dri med spyan zhes bya ba rig pa dang zhabs su ldan pa nas sangs rgyas bcom ldan 'das kyi bar zhig bzhugs so/ /de chos ston pa thog mar dge ba bar du dge ba/ tha mar yang dge ba/ don bzang po tshig 'bru bzang po/ ma 'dres pa yongs su rdzogs pa yongs su dag pa tshangs par spyod pa rab tu ston to/ /rgyal po dri med dbang bskur de 'di dang nye ba zhig na/ de bzhin gshegs pa dri med spyan zhes bya ba chos ston to zhes thos so/ /de bzhin gshegs pa'i 'khor dge slong gi dge 'dun dpag tu med ces thos so/ /thos nas kyang de 'di snyam du sems te/ de bzhin gshegs pa de ni nges par thun mong ma yin pa'i ye shes dang ldan pas mkhas pa'o/ /gang gi 'khor de snyed</font><hr>42.210b<br><font size=+1>

cig yod pa de la chos dang 'thun pas phyir brgal bar 'di la su yang nus pa med do/ /gang bdag de bzhin gshegs pa dri med spyan de'i drung du song ste/ rnam par byang ba shes pa yang dag par 'du ba shes pa yongs su zhu bar bya'o/ /snyam nas de srog chags 'bum phrag brgyad dang lhan cig blon po stong tham pa dang lhan cig /bud med 'bum phrag brgyad dang lhan cig tu de bzhin gshegs pa dri med spyan ga la ba der dong ngo / /de'i tshe de bzhin gshegs pa de srog chags khri phrag dpag tu med pa dag gis yongs su bskor ba la chos ston te/ 'khor de sgra chung la sems can thams cad kyi bsams shing rna ba blags te chos nyan to/ /de'i tshe 'khor gyi dkyil 'khor de'i nang na sgra tha na lud pa'i sgra tsam yang med do/ /rgyal po de sngon gyi dge ba'i rtsa ba bsags pas de bud med 'bum phrag brgyad kyi nang na 'dug bzhin du bsam gtan bzhi pa'i bar la snyoms par zhugs so/ /des de bzhin gshegs pa de mthong ba tsam nyid kyis dbang po de dag zhi/ spyod lam zhi bar shes nas de bzhin gshegs pa de la gzhal du med pa'i dga' ba bskyed cing / de bzhin gshegs pa de'i 'khor 'di snyed cig yod pa la phyir brgal bar sus kyang mi nus so/ /de ci'i phyir zhe na 'khor 'di snyed cig yod pa'i phyir ro/ /'di ltar de bzhin gshegs pa de'i spyod lam zhi ste/ spyod lam de dang 'dra ba gang yang med do/ /thun mong ma yin no/ /rnam grangs des na de bzhin gshegs pa de ni the tsom med par thun mong ma yin pa'i ye shes dang ldan pa'o snyam mo/ /de 'khor de dag dang btsun mo'i 'khor de dag dang lhan cig tu de bzhin gshegs pa dri med spyan de ga la ba der dong ngo / /de nas de bzhin gshegs pa dri med spyan rgyang ring po nyid nas 'di skad bka' stsal te/ rgyal po chen po tshur spyon rgyal po chen po legs par byon to/ /rgyal po chen po de bzhin gshegs pa mthong bar bya ba'i phyir/ yun ring po nas 'bad par byas so/ /rgyal po chen po khyod de bzhin gshegs pa mthong nas don yod par 'gyur ro/ /rgyal po chen po khyod</font><hr>42.211a<br><font size=+1>

'bras bu dang bcas par 'gro zhing / de bzhin gshegs pa la zhus pa lung bstan pas brnag pa yongs su rdzogs par 'gyur ro/ /de nas rgyal po dri med dbang bskur des 'khor dang lhan cig tu de bzhin gshegs pa de'i zhabs la mgo bos phyag 'tshal te/ phyogs gcig tu 'dug go/ /de'i tshe tshangs ris kyi lha bye ba phrag brgyad bcu de bzhin gshegs pa de'i steng gi bar snang la thal mo sbyar te 'khod do/ /'dod pa na spyod pa'i lha gang dag gi mig gis kyang mthong bar mi 'gyur na/ mir gyur pas lta smos kyang ci dgos/ des na de bzhin gshegs pa dri med spyan des ji lta bu'i rdzu 'phrul mngon par 'du mdzad pa mngon par 'du mdzad de/ de lta bu'i rdzu 'phrul mngon par 'du mdzad pa mngon par 'du mdzad pas rgyal po dri med dbang bskur gyis mi'i 'khor de dang 'dod pa na spyod pa'i lha'i 'khor de dang / tshangs ris kyi lha'i 'khor de dag mthong ngo / /mthong nas 'di snyam du sems te/ de bzhin gshegs pa dri med spyan de la phyir rgol bar sus kyang mi nus te/ 'di ni gnas ma yin no/ /gang 'dod pa na spyod pa'i lha 'di dag thams cad thal mo sbyar ba dang / tshangs ris kyi lha 'di dag bar snang la thal mo sbyar te 'dug pas phyir brgal bar gang lha dag gis kyang mi nus na mir gyur pas lta smos kyang ci dgos snyam nas de stan las langs te/ pus mo g.yas pa'i lha nga sa la btsugs nas bcom ldan 'das de bzhin gshegs pa dri med spyan de ga la ba de logs su thal mo sbyar ba btud de/ bcom ldan 'das de bzhin gshegs pa dri med spyan de la tshigs su bcad de mngon par bstod pa/ bam po bcu dgu pa/ mkhyen rab chen po chos kun pha rol gshegs la phyag 'tshal lo/ /lhar bcas 'jig rten gang dag khyod la thal mo sbyar nas mchis/ /lha dang mi dang dri za mi 'am ci dang lto 'phye che/ /sangs rgyas la ni thams cad thal</font><hr>42.211b<br><font size=+1>

mo sbyar nas lta zhing mchis/ /'di kun bcom ldan 'das kyi mkhyen rab kun tu gzigs nas mchis/ /des na lhar bcas 'jig rten thal mo sbyar nas phyag 'tshal bgyid/ /mkhyen rab chen po khyod kyi mkhyen rab thob phyir phyag 'tshal te/ /'di kun bcom ldan 'das kyi mkhyen rab kun du bzung nas mchis/ /khyod kyi gzugs dang 'dra ba ma mchis mkhyen rab 'dra ma mchis/ /'di kun rkang gnyis mchog la yid kyis shes par bgyis nas mchis/ /ji ltar thos bzhin de ltar mthong ste de bas lhag par bzang / /bdag gis bde gshegs mthong ba'i bdag ni mi nyid legs par rnyed/ /lha klu gnod sbyin lha ma yin dang de bzhin srin po dag /'jig rten gsum na khyod dang 'dra ba ma mchis so/ /'dren pa gang la bdag gis sngon gyi brgal ba'i sems byung ba/ /'jig rten 'dren pa mthong ba tsam gyis de nyid ma mchis so/ /brtson chen mkhyen rab thugs brtser ldan pa khyod la zhu bgyi ba/ /dge ba'i las gang bgyis pas skyon rnams kun gyis gos mi 'gyur/ /de nas de bzhin gshegs pa dri med spyan gyis rgyal po bdud rtsi dbang bskur de'i shes rab 'di lta bu 'byung po thams cad la phan pa dang bde ba de gsan nas/ gsung ma 'khrul ba dang spobs pa grol bas rgyal po bdud rtsi'i dbang bskur de la slar tshigs su bcad de bka' stsal pa/ 'jig rten kun la phan byed zhu ba zhus pa legs so legs/ /khyed kyi don de bshad kyi ji lta ba bzhin nga la nyon/ /'bar ba lta bur ye shes gang gis nyon mongs sreg par byed/ /de ni shes nas yang dag bsdus te de 'drar sgrub byed na/ /nyon mongs dag las rnam grol shes pa de la mi chags te/ /ji ltar pha rol phyin pa gzings la ltos med bor nas 'gro/ /de bzhin rgyal ba'i mkhyen pas sdug bsngal rgyu ni sreg byed la/ /shes pa de la gnas par mi byed 'di ni dge ba'i lam/ /byang chub sems dpa' 'jigs med mkhas pa de ni 'dir slob na/ /rtag tu mnyam par gzhag cing rnam g.yeng 'di dag med par 'gyur/ /byang chub gzhol ba'i sems kyis 'chag pa dang</font><hr>42.212a<br><font size=+1>

ni gnas pa dang / /mkhas pa shes rab bcas pa 'dug dang mal du nyal bar byed/ /chos kun ngo bo nyid kyis ngo bo med par rab tu shes/ /mkhas pa chos rnams thams cad la ni gnas par mi byed do/ /'jig rten mgon po skyob pa de yi gsung de thos nas su/ /yid la brnag pa dga' zhing ston pa la ni mngon par bstod/ /'jig rten spyod bcom 'jig rten gsal mdzad khyod la phyag 'tshal lo/ /'dren pa rang gi grol bas sems can dag gi sdug bsngal bkrol/ /ded dpon bla na med pa brtson 'grus chen po myur mdzad pa/ /'dren pa rang gi rgal bas sems can mang po de dag bsgral/ /khyod kyis ma rig pa yi sbubs bcom khyod kyis snang ba bstan/ /khyod kyis 'od dpag med pas sangs rgyas zhing ni rab du snang / /khyod kyi 'od kyis kun mkhyen sangs rgyas zhing ni dpag tu med/ /grangs med bye ba dag tu snang bas rtag tu khyab par mdzad/ /sgra gcan zla ba btang ltar nam mkha'i dkyil na dri ma med/ /zla ba rnam par snang ltar de bzhin sangs rgyas rnam par snang / /lha ma yin gyi zhags bcad nam mkha'i dkyil na dri ma med/ /nyi ma'i 'od zer brgya dag rnam shar bar snang gsal byed ltar/ /bdud kyi zhags pa bcad nas sangs rgyas nyi ma yang dag 'phags/ /bdud phyogs nges par bcom nas sangs rgyas lam la rnam snang mdzad/ /srin bu me khyer 'od pas nyi 'od yang dag 'phags pa ltar/ /rgyal ba'i nyi ma yang dag 'phags pas mu stegs snang bar mdzad/ /'di ltar 'jig rten mgon po 'od mdzad pa la skyabs su mchi/ /mun par byed pa bcom nas kun tu snang ba rnam par bstan/ /nyi ma kun mig snang ltar sangs rgyas spyan ni rnam par snang / /ston ka'i sprin las nyi ma shar ltar rnam par snang bar mdzad/ /de nas rgyal po bdud rtsis dbang bskur gyi zhu ba lung bstan pa 'dis mngon par dga' nas bcom ldan 'das de bzhin gshegs pa dri med spyan de la tshigs su bcad de mngon par bstod pa'i dge ba'i rtsa ba des bskal pa grangs med pa dgu bcu rtsa drug tu log par ma song zhing nams kyang rigs ngan dag tu ma skyes/ nams kyang so</font><hr>42.212b<br><font size=+1>

sngor ma gyur mig ser por ma yin 'jigs pa'i mig tu ma yin/ rnam par 'khrul pa'i mig tu ma yin te/ rtag par rgyun du bdag nyid 'od can du gyur/ 'dren pa dang shes pa dang cho 'phrul can du gyur/ sangs rgyas kyis gnang / sangs rgyas kyi zhing gang du skyes pa der sangs rgyas 'byung ba shin tu shes/ der srog chags shin tu 'khor ba bye ba khrag khrig brgya stong phrag dpag tu med pa dag theg pa gsum ste/ nyan thos kyi theg pa 'am/ rang sangs rgyas kyi theg pa 'am bla na med pa'i sangs rgyas kyi theg pas 'dul bar byed do/ /maud gal gyi bu khyod de'i tshe de'i dus na/ rgyal po bdud rtsis dbang bskur zhes bya bar gyur pa de gzhan yin par the tsom 'am yid gnyis za na de ltar mi blta ste/ nga de'i tshe de'i dus na rgyal po bdud rtsis dbang bskur zhes bya bar gyur to/ /nga byang chub sems dpa'i spyad pa spyod pa na smon lam 'di lta bu dag btab ste/ bdag sangs rgyas kyi zhing gang du skyes pa der sangs rgyas byung bar sems can dag shin tu shes par gyur cig /smon lam de lta bus byang chub sems dpa'i spyad pa spyod pa na/ 'di ltar de gnod sems med pa'i sems su gyur pa'i shes pa de la mngon par zhen pas sems can khri phrag dpag tu med pa dag btul to/ /maud gal gyi bu de lta bas na byang chub sems dpa' sems dpa' chen pos smon lam yongs su rdzogs par bya zhing yongs su byang bar bya'o/ /maud gal gyi bu ngas rnam par gnas pa shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la rnam par gnas pa shes pa ji ltar yang dag par rab tu bstan par bya snyam nas/ dge ba'i rtsa ba rgya che ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na de bzhin gshegs pa n+ya gro d+ha'i rgyal po zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa n+ya gro d+ha'i rgyal po de'i</font><hr>42.213a<br><font size=+1>

sangs rgyas kyi zhing 'jig rten gyi khams brjod du med pa dgu bcu rtsa drug tu gyur to/ /de'i tshe sangs rgyas kyi zhing grong khyer rgya che ba der thams cad nas thams cad du sems can dmyal ba ma byung / dud 'gro'i skye gnas med/ gshin rje'i 'jig rten med/ sems can gyi mdog tha dad pa nyid gang yang med de/ sems can de dag thams cad kyi mdog gcig tu gyur te/ 'di lta ste gser gyi mdog go/ /sems can gyi dbyibs tha dad pa nyid gang yang med de/ sems can de dag thams cad n+ya gro d+ha'i tshad du gyur to/ /sems can gyi longs spyod tha dad pa nyid gang yang med de sems can de dag thams cad longs spyod gcig tu gyur to/ /sems can gyi tshe'i tshad tha dad pa nyid gang yang med de sems can de dag thams cad tshe'i tshad nges par gyur te/ sems can rnams tshe'i tshad lo bye ba khrag khrig phrag brgyad bcur gyur to/ /sems can gang yang dus byed pa las lhag par 'da' ba med par gyur/ sems can gang yang ya nga ba ma spangs par dus byed par ma gyur te/ sems can de dag thams cad khyad par du 'gro ba'i dus byed par gyur to/ /de skad ces bka' stsal pa dang / tshe dang ldan pa maud gal gyi bus bcom ldan 'das la 'di skad ces gsol to/ /bcom ldan 'das gang gi tshe sems can de dag thams cad bye brag ma mchis par gyur pa lags na/ sems can de dag de nas gum nas ji ltar khyad par du mchi bar 'gyur lags/ de skad ces gsol pa dang / bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu legs so legs so/ /chos 'di dag la 'gro ba zhes bya ba mi snang ste/ chos 'di dag la nyan thos rnams kyi 'gro ba snang ba ma yin/ rang sangs rgyas rnams kyi 'gro ba snang ba ma yin/ byang chub sems dpa' sems dang po bskyed pa rnams kyi gang re shig byang chub sems dpa' sems dang po bskyed pa de dag thams cad kyi 'gro ba yang 'di ma yin na/ nyan thos rnams lta smos kyang ci dgos/ maud gal</font><hr>42.213b<br><font size=+1>

gyi bu byang chub sems dpa' gang rgyal tshab kyi sa la gnas pa de'i sa yang ma yin te/ maud gal gyi bu byang chub sems dpa' 'di dag gi dge ba'i rtsa ba bskyed pa'i stobs kyang snang ngo / /maud gal gyi bu 'jig rten gyi khams der dge ba'i rtsa ba'i chos gang yang rung bas 'gro ba ma yin te/ 'on kyang byang chub sems dpa' de dag gi blo nyin mtshan du 'phel zhing yongs su mi nyams te/ des na khyad par du 'gro ba zhes bya'o/ /de'i tshe de bzhin gshegs pa n+ya gro d+ha'i rgyal po de'i sangs rgyas kyi zhing du byang chub sems dpa' yid gnyis las yang dag par 'das pa zhes bya ba zhig byung ste/ /de rgyal srid byed do/ /de nas rgyal po yid gnyis las yang dag par 'das pa'i 'khor gyi bud med 'bum phrag brgyad yod do/ /blon po yang stong tham pa yod do/ /de nas rgyal po yid gnyis las yang dag par 'das pa bud med khri phrag brgyad bcu po de dag dang lhan cig tu ha cang yang sred pa med pa'i grong khyer gyi skyed mos tshal gyi sos ka'i dus kyi shing gi me tog rgyas pa dben zhing dga' ba bsil ba'i tshal du song nas rgyal po yid gnyis las yang dag par 'das pa de'i smon lam 'di lta bu dag btab bo/ /bdag dang nye ba'i sems can gang dag nor med pa de dag bdag gis rgyal po'i mdzod nas nor dang ldan par bya'o zhes de lta bu'i bsam pas rgyal srid byed do/ /rgyal po yid gnyis las yang dag par 'das pa de tshul khrims 'chal ba'i 'du shes mi 'jug tshul khrims dang ldan pa'i 'du shes yang dag par mi spyod/ dran pa dang ldan pa'i 'du shes yang dag par mi spyod de 'dod pa'i 'dod chags kun nas dkris pa'i sems la kun tu mi gnas/ zhe sdang kun nas dkris pa'i sems dang / gti mug kun nas dkris pa'i sems la kun tu mi gnas te yongs su dag pa'i yid kyis rtag tu byang chub kyi sems dang bral bas nams kyang mi gnas so/ /'ong ba dang 'gro ba dang gnas pa dang 'dug pa dang nyal ba dang gnyid log pa na de rgyags pa'ang med na bag med pa lta ga la zhig yod/ gzhan du na byang chub kyi sems kyi rgyun rab tu 'jug ste/ sems can sdug bsngal ba rnams la byams pa dang ldan/ sems can nyon</font><hr>42.214a<br><font size=+1>

mongs pa rnams la snying rje dang ldan sems can bde ba rnams la dga' ba dang ldan/ sems can bya ba yongs su rdzogs pa rnams la btang snyoms dang ldan par sems bskyed do/ /mtshan mo nyal ba na sems skyed par byed pa ni 'jig rten na bdag gi dge ba'i rtsa ba bskyed par bya ba'i yon gnas yongs su 'dzin pa su yod gang la bdag shes par bya bsam gtan dang po la ji ltar snyoms par 'jug par bya/ bsam gtan dang po las ji ltar ldang bar bya/ de bzhin du bsam gtan bzhi pa'i bar la ji ltar snyoms par 'jug par bya/ bsam gtan bzhi pa las ji ltar ldang bar bya/ de bzhin du byams pa dang snying rje dang dga' ba dang btang snyoms dag gi gnas shes pa la ji ltar snyoms par 'jug par bya/ gnas shes pa la ji ltar ldang bar bya/ de bzhin du ji ltar gnas shes pa kun 'byung ba shes pa dang / ji lta bur gnas shes pa 'gog pa shes pa dang / ji ltar gnas shes pa 'gog par 'gyur ba'i lam shes pa la snyoms par 'jug par bya/ ji ltar gnas shes pa 'gog par 'gyur ba'i lam shes pa las ldang bar bya/ de bzhin du gnas shes pa kun 'byung ba dang 'gog pa dang lam dang / de bzhin du thams cad mkhyen pa'i shes pa la ji ltar snyoms par 'jug par bya ji ltar ldang bar bya/ de bzhin du kun 'byung ba dang 'gog pa dang lam shes pa la yang bya 'o/ /de nas rgyal po yid gnyis las yang dag par 'das pa'i gnyen rnying ba snag gi gnyen mtshams sngon gyi lha zhig gis rgyal po'i pho brang de snang bar byas nas lus ma sbas par rgyal po yid gnyis las yang dag par 'das pa de la tshigs su bcad de smras pa/ rgyal po chen po legs so legs/ /mi yi bdag po khyod legs so/ /'jig rten kun la phan 'dod pa/ /khyod kyi sems kyi bsam pa legs/ /de bzhin gshegs pa 'jig rten bzhugs/ /mtshan ni n+ya gro d+ha zhes bod/ /sangs rgyas de drung de song la/ /skye bo'i bdag pos yongs su zhus/ /lha de yi ni tshig de dag /mi yi bdag pos thos nas su/ /sems dga' yid ni mgu gyur nas/ /lha la mngon par smras pa ni/ /</font><hr>42.214b<br><font size=+1>

'jig rten gsal bar mdzad pa yi/ /rkang gnyis mchog ni yul gang na/ /bzhugs pa der ni bdag mchi zhing / /bsnyen bkur dag ni rab tu bya/ /de nas lha des rgyal po yid gnyis las yang dag par 'das pa de la tshigs su bcad de smras pa/ shar phyogs 'di yi phyogs cha na/ /grong khyer lhun po 'byung ba yod/ /de na mgon po de bzhugs te/ /srog chags rnams la chos ston to/ /de ni 'jig rten yon gnas te/ /pha rol dag gi phul bas 'tsho/ /sems can rnams la thugs brtse'i phyir/ /yon gnas so sor bzhes par mdzad/ /bskal pa bye ba stong phrag tu/ /de bzhin gshegs pa de bzhugs te/ /rgyal po chen po de bzhin gshegs/ /'khrug pa mi mnga' 'dod chags bral/ /sems can kun la thugs brtse'i phyir/ /yon ni so sor bzhes par mdzad/ /yongs su gsol nas ston par mdzad/ /yon gyi 'bras bu 'di yin no/ /thub pa 'jig rten kun la mkhas/ /'jig rten gsum gyi bsod nams zhing / /de drung song la bsnyen bkur gyis/ /de ni khyod kyi lung ston mdzad/ /de nas rgyal po yid gnyis las yang dag par 'das pa lha des bskul ba dran nas/ de'i mtshan mo 'das te de'i blon po rnams bsdus so/ /bsdus nas smras pa/ grong gi gtso bo dag gang shes par gyis shig /shar phyogs kyi phyogs cha na grong chen po lhun po 'byung ba zhes bya ba yod de/ de na de bzhin gshegs pa n+ya gro d+ha zhes bya ba bzhugs so/ /de la bsnyen bkur bya bar 'dong gis/ bzhon pa bzang po dag myur du sbyor cig de bzhin gshegs pa de blta ba'i phyir de ring nyid 'dong ngo / /blon po de dag gis lha bka' bzhin 'tshal zhes rgyal po yid gnyis las yang dag par 'das pa de'i ltar mnyan nas bzhon pa bzang po sbyar to/ /de nas rgyal po yid gnyis las yang dag par 'das pas btsun mo la bka' stsal pa/ chung ma gang shes par gyis shig /nga de bzhin gshegs pa n+ya gro d+ha'i rgyal po blta ba'i phyir 'gro yis bag yod par sgrubs shig /des smras pa de bzhin gshegs pa de bdag cag gis blta bar rngo thog gam/ smras pa chung ma nus so/ /smras pa/ lha de lta na de bzhin gshegs</font><hr>42.215a<br><font size=+1>

pa de blta ba'i phyir bdag cag kyang mchi'o/ /smras pa chung ma gang gis dus la da bab par shes na 'dong ngo / /de nas rgyal po yid gnyis las yang dag par 'das pa de bzhin gshegs pa n+ya gro d+ha'i rgyal po blta bar 'dod pa de bzhin gshegs pa n+ya gro d+ha'i rgyal po de blta ba'i phyir rgyal srid ltos pa med pa dang / yongs su 'dzin pa ltos pa med pas rang rang gi grong khyer nas byung ngo / /de bzhin gshegs pa n+ya gro d+ha'i rgyal po sangs rgyas gyi spyan sgrib pa med pas rgyal po yid gnyis las yang dag par 'das pa de rang gi grong khyer nas byung ba gzigs so/ /gzigs nas rgyal po'i lam thams cad dpag bsam gyi ras bcos bu mngon par sprul pa rnams kyis yang dag par g.yogs so/ /yul dang phyogs rnams su yang mtsho dang mtshe'u dang rdzing dag mngon par sprul to/ /rgyal po de'i lam lag mthil ltar mnyam par gyur cing dpag bsam gyi ras bcos bu mngon par sprul pas shin tu g.yogs shing rlung bsil ba dag rab tu ldang ngo / /gnas gtsang ma'i lha rnams la bka' stsal pa/ song la rgyal po yid gnyis las yang dag par 'das pa'i lam spos chus chag chag thob shig /steng du yang ras bcos bu sna tshogs kyi bla bre bres shig /de 'ong ba'i rim gro yongs su spyad par gyis shig /de nas gnas gtsang ma'i lha dag de bzhin gshegs pa n+ya gro d+ha'i rgyal po ltar mnyan nas/ rdzu 'phrul gyi stobs kyis 'bad pas rgyal po yid gnyis las yang dag par 'das pa la mchod pa byed do/ /de nas rgyal po yid gnyis las yang dag par 'das pa rgyal po'i lam gyi 'byor pa de dag mthong nas blon po dag la smras pa/ grong gi gtso bo dag mi'i gzugs las 'das pa'i skyes bu lha'i gzugs dang ldan pa de la mchod pa byed pa 'di dag ga las 'ongs gang bdag la mchod pa byed pa'i rgyu 'di dag ni/ de dag bdag gi drung na med do/ /de nas gnyen rnying ba snag gi gnyen mtshams lha des rgyal po yid gnyis las yang dag par 'das pa de la tshigs su bcad de smras pa/ lha 'di</font><hr>42.215b<br><font size=+1>

dag ni 'jig rten gyi/ /mgon po de yi rim gro pa/ /de bzhin gshegs pa'i bka' yis su/ /mchod pa dam pa byed pa yin/ /rgyal po pho brang nas byung ba/ /sangs rgyas kyis ni lha gzigs so/ /khyod ni 'ong bar shes nas su/ /lha rnams kyis ni rab tu brgyugs/ /bzhud la byang chub sems dpa' yi/ /mchod pa dag ni dam pa mdzod/ /'jig rten mgon po skyob pa yis/ /khyod la de ni thugs brtse'i phyir/ /de yis lha ni de dag btang / /mchod pa dag ni dam pa byed/ /sangs rgyas mthong bar 'dod pa yi/ /rgyal po'i lam ni rgyan gyis brgyan/ /rgyal po chen po mngon byung shig /gang zag mchog la byang chub sems/ /nyan thos rnams kyis mdun bdar cing / /mchod pa byed pa ma mthong ngam/ /de nas rgyal po yid gnyis las yang dag par 'das pas lha de'i tshig thos nas shing rta las bab te/ gos phrag pa gcig tu gzar rgyan bkrol nor bu'i mchil lham phud nas/ bcom ldan 'das phyogs ga la bzhugs pa'i phyogs der thal mo sbyar ba btud nas de bzhin gshegs pa n+ya gro d+ha'i rgyal po la phyag 'tshal lo/ /phyag 'tshal lo zhes ched du rjod pa 'di lan gsum du brjod do/ /de bzhin gshegs pa n+ya gro d+ha'i rgyal po 'khor 'bum phrag du mas yongs su bskor cing mdun gyis bdar bas/ rgyal po yid gnyis las yang dag par 'das pa phyag 'tshal bar byed pa gzigs so/ /gzigs nas kyang de'i tshe tshigs su bcad pa 'di dag bka' stsal to/ /gang dag gis ni 'jig rten mgon po la/ /dga' ba'i sems kyis gom pa gcig bor ba/ /'dzam bu'i chu klung gser srang 'bum grangs rnyed/ /de ni de dang mtshungs pa yod ma yin/ /gang dag gis ni 'jig rten mgon po la/ /dga' ba'i sems kyis gom pa gcig bor ba/ /'dzam bu'i chu klung gser srang bye ba gnyis/ /de ni de dang mtshungs pa yod ma yin/ /gang dag gis ni 'jig rten mgon po la/ /bsnyen bkur bya phyir gom pa gcig bor ba/ /'dzam bu'i chu klung gser srang bye ba dag /de ni de dang mtshungs pa yod ma yin/ /</font><hr>42.216a<br><font size=+1>

de nas gnas gtsang ma'i lha dag gis/ bcom ldan 'das 'khor dang bcas pa kun la kun tu dgab par bya ba'i don du gos 'bum phrag brgyad bcu dag mngon par sprul to/ /de nas rgyal po yid gnyis las yang dag par 'das pas de bzhin gshegs pa la de lta bu'i mchod pa mthong nas 'di snyam du sems te/ gdugs 'di dag ga las 'ongs shig snyam mo/ /de'i sems bskyed ma thag tu gdugs de dag mi snang bar gyur nas de 'di snyam du sems te/ gdugs 'di dag gar song snyam mo/ /de nas lha de dag gis rgyal po yid gnyis las yang dag par 'das pa de la tshigs su bcad de smras pa/ gdugs ni gang nas ma skyes shing / /gang du yang ni 'gags ma gyur/ /chos kun dngos po 'di 'dra ste/ /de ni sangs rgyas rnam par mkhyen/ /'jig rten gsal mdzad 'di 'dra ste/ /chos nyid de dag 'di 'dra'o/ /gang dag de ni rnam shes pa/ /de dag sangs rgyas thugs las byung / /de ni bdud kyi zhags bcad nas/ /sangs rgyas lam du nye bar zhugs/ /'jig rten gsal bar mdzad pa mthong / /bdud 'dul bar ni 'gro bar 'gyur/ /lha rnams dang ni mi chen gyis/ /lung bstan 'di ni thos nas su/ /byang chub sems dpa'i chos nyid dag /dpa' bo chen pos lung bstan pa/ /de ni bcings med grol ba med/ /lam chen la ni bya ba byas/ /sangs rgyas chos ni bla na med/ /dpa' bo chen pos lung bstan pa/ /'jig rten mgon po skyob pa yi/ /de yi gsung ni thos nas su/ /'ongs pa med cing byung ba med/ /gnas pa med par rnam par shes/ /de yi lung bstan thos nas su/ /chos ni gang yang ma byung zhing / /'gags pa med cing mi gnas par/ /lha dag gis ni rnam par mthong / /de yi gsung de thos nas su/ /skye bo mang po de kun dag /stong pa'i chos ni rnam shes te/ /'gags pa med cing ma 'ongs med/ /chos gang 'das pa'ang ma yin te/ /rnam par shes med ma 'ongs med/ /chos rnams kun gyi ngo bo nyid/ /rgyal ba'i sras dag rnam par shes/ /de yi tshig de thos nas su/ /chos ni thams cad mtshan nyid gcig /sangs rgyas byang chub thub chen gang / /</font><hr>42.216b<br><font size=+1>

thams cad de la rab tu zhugs/ /de yi tshig de thos nas su/ /de tshe de bzhin gshegs byung gang / /rgyal ba bye ba sprul mdzad nas/ /stong pa'i chos ni rab tu ston/ /lha ni khri phrag brgyad bcu dag /de dag la ni de bzhin gshegs/ /'jig rten gsal mdzad byang chub lam/ /sbyong bar mdzad pas lung bstan to/ /maud gal gyi bu khyod de'i tshe de'i dus na rgyal po yid gnyis las yang dag par 'das pa zhes bya bar gyur pa de gzhan yin par sems na de ltar mi blta ste/ nga de'i tshe de'i dus na rgyal po yid gnyis las yang dag par 'das pa zhes bya bar gyur to/ /maud gal gyi bu de lta bas na byang chub sems dpa' sems dpa' chen pos 'das pa'i dge ba'i rtsa ba dag yang dag par bsdu ba'i don du chos thams cad la skye ba med pa'i chos 'thob par bya ba'i phyir 'bad par bya'o/ /maud gal gyi bu ngas rnam par gnas pa shes pa kun 'byung ba shes par bya ba'i don du sngon byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la rnam par gnas pa shes pa kun 'byung ba shes pa ji ltar yang dag par rab tu bstan par bya snyam nas/ dge ba'i rtsa ba rnam pa sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na de bzhin gshegs pa 'od zer dpag med ces bya ba rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das 'jig rten du byung ngo / /de bzhin gshegs pa 'od zer dpag med de'i nyan thos 'dus pa dang po ni nyan thos bye ba phrag dgu bcu byung ngo / /nyan thos 'dus pa gnyis pa ni nyan thos bye ba phrag dgu bcu rtsa bzhi byung ngo / /nyan thos 'dus pa gsum pa ni nyan thos bye ba phrag dgu bcu rtsa drug byung ngo / /de bzhin gshegs</font><hr>42.217a<br><font size=+1>

pa 'od zer dpag med de'i gsung rab la khyim bdag dben pa 'dod pa zhes bya ba phyug cing nor mang la longs spyod che ba chos kyi dge mtshan dang ldan pa/ legs par gsungs pa yongs su tshol ba la mngon par brtson pa/ legs par gsungs pa'i don du de'i yongs su ma btang ba ci yang med pa zhig byung ngo / /de bzhin gshegs pa 'od zer dpag med ces bya ba 'gro ba thams cad kyi the tsom gcod pa/ de sems can dmyal ba'i lam dang / dud 'gro'i skye gnas kyi lam dang / gshin rje'i 'jig rten gyi lam dang mi'i lam dang mtho ris kyi lam dang mya ngan las 'das pa'i lam ste/ lam de dag rab tu ston pa zhig 'jig rten du byung ngo zhes des bar snang las sgra byung ba thos so/ /des sgra de thos nas gos phyogs gcig tu gzar te/ pus mo g.yas pa'i lha nga sa la btsugs nas bar snang la phyogs te/ de'i tshe tshigs su bcad pa 'di dag smras so/ /de ring bar snang 'di dag la/ /tshig snyan gtong ba su zhig lags/ /'dren pa de ni ga la bzhugs/ /don de khyod kyis bdag la gsungs/ /des yang bar snang las sgra thos/ /shar phyogs logs kyi phyogs cha na/ /grong khyer lhun po rgyal mtshan dga'/ /zhes bya yod de rkang gnyis bzhugs/ /the tsom thams cad gcod par mdzad/ /des yang thal mo sbyar nas de'i tshe tshigs su bcad pa 'di dag smras so/ /dpag tshad bye ba ji snyed yod/ /dpag tshad ji snyed dag tu 'gro/ /dpag tshad ji snyed song bas su/ /de bzhin gshegs pa mthong bar 'gyur/ /des yang bar snang la 'dug pa las sgra thos pa/ dpag tshad bye ba phrag bcu dang / /dpag tshad brgya phrag bcu dag na/ /gang na rdzogs sangs rgyas bzhugs pa/ /der ni song ste yongs su zhus/ /des sgra de thos nas blon po rnams la smras pa/  grong gi gtso bo dag /bzhon pa bzang po myur du sbyor cig /shar gyi phyogs kyi phyogs cha na dpag tshad bye ba phrag bcu dang / dpag tshad stong na grong khyer</font><hr>42.217b<br><font size=+1>

lhun po'i rgyal mtshan zhes bya ba yod de/ de na de bzhin gshegs pa 'od zer dpag med ces bya ba bzhugs shing nye bar gnas te/ der de bzhin gshegs pa de la blta ba dang bsnyen bkur bya ba'i phyir 'dong ngo / /blon po dag gis bka' bzhin 'tshal zhes khyim bdag dben pa 'dod pa'i ltar mnyan nas bzhon pa bzang po dag bshams so/ /bshams nas gsol pa/ jo bo gang gi dus la dbab par mkhyen na bzhon pa bzang po dag bshams lags so/ /de nas khyim bdag dben pa 'dod pa shing sA la chen po lta bu bzhon pa bzang po la zhon te rang gi grong khyer nas byung ngo / /de gang dang gang du 'gro ba de dang der skye bo thams cad phyi bzhin 'brang ngo / /de bcom ldan 'das de bzhin gshegs pa 'od zer dpag med ga la ba der song ste/ sangs rgyas kyi mthus gnas gtsang ma'i lha de dag gis rim gro yongs su spyad par byed do/ /de'i tshe grong khyer lhun po'i rgyal mtshan gyi phyogs na bskyed mos tshal kun nas mdzes pa zhes bya ba de na de bzhin gshegs pa de bzhugs te/ 'di ltar de bzhin gshegs pa bzhugs pas bskyed mos tshal de dpal 'bar zhing lhan ne lhang nge bar rgyang ring po nyid nas mthong ngo / /de bzhon pa'i sa ji tsam pa de tsam du bzhon pas song ste/ bzhon pa las babs nas rkang thang bas yongs su bskor cing rkang thang bas mdun du bdar nas/ rkang thang bas bskyed mos tshal kun nas mdzes par zhugs so/ /de skyed mos tshal der zhugs pa na/ sangs rgyas kyi mthus rlung bsil ba bde ba dag langs shing spos chu'i char dag mngon par rab tu bab po/ /de nas de bzhin gshegs pa 'od zer dpag med des khyim bdag dben pa 'dod pa shing sA la chen po lta bu'i bsam pa thugs su chud nas/ bdud rtsi'i 'od bsil ba btang ngo / /de'i bdud rtsi'i bsil ba des de lam gyis dub pa med par mdzad do/ /de bzhin gshegs pas de'i lus dub pa med par thugs su chud nas shing ta la gcig tsam du nam mkha' la mngon par 'phags te 'chag</font><hr>42.218a<br><font size=+1>

go/ /khyim bdag dben pa 'dod pa shing sA la chen po lta bu des bcom ldan 'das de bzhin gshegs pa 'od zer dpag med de mdzes shing sdug /dbang po zhi thugs zhi ba bar snang la 'chag cing bzhugs pa mthong ngo / /mthong nas kyang tshigs su bcad de gsol pa/ ji ltar thos pa de bzhin mthong / /de bas kyang ni lhag par bzang / /'jig rten dag na khyod dang ni/ /ye shes yon tan 'dra ma mchis/ /de la de bzhin gshegs pa 'od zer dpag med des slar tshigs su bcad de bka' stsal pa/ khyim bdag khyod kyis tshig smras pa/ /dben par 'gyur ba yin te legs/ /ji ltar 'dir ni yun ring du/ /dge ba'i rtsa ba shin tu bsten/ /'jig rten dag na nga 'dra med/ /nga las lhag 'gyur ga la yod/ /khyim bdag cung zad yid la ni/ /zhu ba gang dag 'dod pa zhus/ /des pa khyod kyi 'dod pa gang / /nga yis khyod kyi sems rangs bya/ /nga la cung zad gang 'dri ba/ /de ring the tsom med par bya/ /de nas khyim bdag dben pa 'dod pa shing sA la chen po lta bus de bzhin gshegs pa 'od zer dpag med de la tshigs su bcad de gsol pa/ ji ltar bsam gtan langs nas mchis/ /bsam gtan bsam gtan yon tan dga'/ /'di la yid gzhol ji ltar 'gyur/ /zhus pa de dag bdag la gsungs/ /dge ba'i rtsa ba gang gis ni/ /shes pa de ni rtogs par 'gyur/ /ldan pa dang ni shes pa'i rgyu/ /zhus pa de dag bdag la gsungs/ /de la de bzhin gshegs pa 'od zer dpag med des lung bstan pa tshigs su bcad pa gcig gis yongs su mgu bar mdzad de/ mtshan med byas pa'i bsam gtan ni/ /ldang ba la yang shin tu nges/ /shes pa gang gis bsam gtan de/ /so sor thob nas rab tu shes/ /zhu ba lung bstan thos nas su/ /'jig rten mgon po skyob pa yis/ /khyim bdag dpa' bo mkhas pa ni/ /skye ba med la rab tu bzhag /de ni sangs rgyas chos dag la/ /som nyi the tsom med par gnas/ /'khor de snang bar byas nas su/ /'dren pa la ni 'di skad gsol/ /bcom ldan 'das kyis bka' gsung dag /ji ltar</font><hr>42.218b<br><font size=+1>

rnam par 'tshal bar 'gyur/ /de nas de bzhin gshegs pa 'od zer dpag med des khyim bdag dben pa 'dod pa shing sA la chen po lta bu la tshigs su bcad de bka' stsal pa/ gang gA'i bye snyed sems can dag /nga yis legs bshad thos nas su/ /yang dag pa ni ji bzhin shes/ /skye ba med la rab tu bkod/ /maud gal gyi bu de ji snyam du sems/ khyim bdag dben pa 'dod pa shing sA la chen po lta bur gyur pa de gzhan yin par sems na de ltar mi blta ste/ nga de'i tshe de'i dus na khyim bdag dben pa 'dod pa zhes bya ba shing sA la chen po lta bur gyur to/ /'gro ba thams cad la phan pa'i phyir zhu ba yongs su zhus so/ /maud gal gyi bu de lta bas na byang chub sems dpa' sems dpa' chen po sems can thams cad la phan par 'dod pas bsam gtan la mkhas par bya/ bsam gtan gyi ldang ba la mkhas par bya/ ldang ba shes pa kun 'byung ba shes pa'i dge ba'i rtsa ba gang yang dag par 'du bar 'gyur ba'i dge ba'i rtsa ba de dag shin tu gzhag par bya/ shin tu gzung bar bya/ maud gal gyi bu ngas rnam par gnas pa shes pa 'gog pa shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas pa nas de bzhin du sbyar te/ ji ltar yang dag par rab tu bshad par bya snyam nas/ dge ba'i rtsa ba rgya che ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po dgra nges par bcom pa zhes bya ba 'ba' shig kho nas sangs rgyas kyi zhing la rgyal srid byed pa zhig byung ngo / /rgyal po dgra nges par bcom pa de dang nye ba zhig na de bzhin gshegs pa bde mdzad ces bya ba zhig byung ngo / /de bzhin gshegs pa bde mdzad de'i 'khor nyan thos khri phrag dpag tu med pa dang byang chub sems dpa' khri phrag dpag tu med pa dag byung ngo / /byang chub sems dpa' de dag gi nang du byang chub sems dpa' mos pa'i stobs dang</font><hr>42.219a<br><font size=+1>

ldan pa zhes bya ba la sogs pa byung ngo / /de'i tshe sangs rgyas kyi zhing der sems can dag theg pa gsum la yang dag par rab tu gnas par gyur te/ nyan thos kyi theg pa dang / rang sangs rgyas kyi theg pa dang / sangs rgyas kyi theg pa'o/ /sems can gang dag sangs rgyas kyi theg pa 'di la yang dag par rab tu gnas pa des nyan thos kyi theg pa la yang dag par rab tu gnas pa'i sems can de dag yang dang yang du sangs rgyas kyi theg pa la spro ba rab tu bskyed par byed de/ grogs po dag theg pa chen po ni dga' bar bya ba yin te/ gang la mi shes pa 'am ma mthong ba 'am/ ma rig pa 'am mngon sum du ma byas pa 'am/ nye bar skye ba 'am/ nye bar 'dug pa 'am 'gags pa gang yang med do/ /de la gang nyan thos kyi theg pa pa'i sems can de dag yongs su mi dga' ba'i blo skyes te/ 'khor bar shin tu rgyug pa'i sems can sngon gyi mtha' mi shes pa'i 'gro ba 'di dag la re shig su zhig spro bar 'gyur snyam nas de nas byang chub sems dpa' theg pa la yang dag par rab tu gnas pa'i sems can de dag dang chos 'thun pas rtsod par byed de/ kye ma tshe dang ldan pa khyed cag ci sngon yun ring po nas sdug bsngal dang sdug bsngal shin tu bskyed pa 'di shes sam/ smras pa tshe dang ldan pa dag ma yin no/ /smras pa khyed cag la gang gi tshe yongs su bzung ba dang bcas pa rnyed pa de'i tshe khyed cag 'jigs sam/ khyed cag spro ba chen po ma byas pa la rtog la byas pa la ni mi rtog /tshe dang ldan pa dag byas pa btang nas ma byas pa la rtog pa de ni 'jigs par 'gyur/ gang zhig byas pa la rtog cing ma byas pa la ma yin de 'di snyam du sems te/ bdag gis mang du byas so/ /de byas pa rtogs pa de ni 'jigs pa med do/ /tshe dang ldan pa dag bcom ldan 'das kyis gsungs pa'i don bdag cag gis 'di ltar shes te/ byas pa byas pa la yongs su brtag par bya ste/ byas pa byas pa la gang yongs su rtog pa de ni bdag gis mang du byas so zhes mi shes so/ /tshe dang ldan pa</font><hr>42.219b<br><font size=+1>

dag sngon byung ba 'das pa'i dus na drang srong rta dmar zhes bya ba zhig byung ste/ de 'di snyam du sems so/ /'jig rten gyi mthar song nas phyis 'chi ba'i dus bya'o snyam nas de 'jig rten gyi mthar 'gro bar chas so/ /de'i gom pa 'di lta bur 'dor te ri rab kyi rtse mo gcig nas ri rab kyi rtse mo gzhan la gom pa 'dor ro/ /mgyogs pa de lta bu dang ldan par gyur te/ 'di lta ste dper na rdzu 'phrul gyi sems kyis 'gro ba bzhin no/ /de 'jig rten gyi mthar ma son par 'chi ba'i dus byas so/ /tshe dang ldan pa dag rkang pas 'jig rten gyi mthar 'gro'o zhes sangs rgyas bcom ldan 'das mi gsung ste/ ye shes kyis 'jig rten gyi mthar 'gro'o/ /tshe dang ldan pa khyed gang sdug bsngal dang sdug bsngal la yang dag par shes pa de khyed kyis ma 'ongs pa yongs su rtog na sdug bsngal dang sdug bsngal gyi 'du shes su 'gyur ro/ /byang chub sems dpa' sems dpa' chen po gang dag sred pa zad pa'i mthar 'gro bar byed kyi 'jig rten gyi mtha' 'dogs par ni mi byed de/ de dag la sdug bsngal dang sdug bsngal gyi 'du shes med do/ /de ltar nyan thos kyi theg pa la yang dag par rab du gnas pa'i dge slong mang po de dag la theg pa chen po la yang dag par rab tu gnas pa'i dge slong de dag gis bzlog par ma nus so/ /de ci'i phyir zhe na/ dge slong de dag la mos pa'i stobs med de/ gang mos pa'i stobs med pa de bla na med pa yang dag par rdzogs pa'i byang chub sgrub tu skal ba med do/ /maud gal gyi bu de bas byang chub sems dpa' sems dpa' chen po sems can thams cad kyi don byed par 'dod pas mos pa'i stobs la mngon par brtson par bya'o/ /maud gal gyi bu de ji snyam du sems/ de'i tshe de'i dus na mos pa'i stobs dang ldan pa zhes bya ba byang chub sems dpa'i theg pa la yang dag par rab tu gnas pa'i dge slong zhig byung bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na mos pa'i stobs dang ldan pa zhes bya ba dge</font><hr>42.220a<br><font size=+1>

slong du gyur to/ /maud gal gyi bu ngas rnam par gnas pa shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas pa nas sems can rnams la ji ltar yang dag par rab tu bstan par bya snyam nas/ dge ba'i rtsa ba sna tshogs grangs med cing dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med cing grangs med bsam gyis mi khyab gzhal du med gzhal gyis mi lang brjod du med pa'i 'khor ba de'i pha rol gyi yang ches pha rol na de bzhin gshegs pa tshangs pa'i bla ma zhes bya ba nas sangs rgyas bcom ldan 'das kyi bar 'jig rten du byung ste/ dge slong gi dge 'dun gyi 'khor dpag tu med pa dang / byang chub sems dpa'i 'khor dpag tu med do/ /der byang chub sems dpa' rig pa dang ldan pa zhes bya ba cig byung ste/ des tshor ba thams cad gdul ba'i don du tshor ba bdag gi don rtogs te/ de de ltar rnam par shes nas rdzu 'phrul gyi sangs rgyas kyi zhing thams cad snang bar byas so/ /grogs po dag tshor ba rnams gdul ba'i don du yun ring por brjod du med par sangs rgyas kyi zhing gi sems can rnams byang chub tu yongs su smin par byas so/ /de dag gdul ba'i don du rig pa brjod de/ sems can 'dod chags spyod pa rnams kyi 'dod chags 'dul/ sems can zhe sdang spyod pa rnams kyi zhe sdang 'dul/ sems can gti mug spyod pa rnams kyi gti mug 'dul/ sems can cha mnyam par spyod pa rnams kyi nyon mongs pa thams cad 'dul lo/ /maud gal gyi bu de ji snyam du sems/ de'i tshe de'i dus na byang chub sems dpa' rig pa dang ldan pa zhes bya bar gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' rig pa dang ldan pa zhes bya bar gyur to/ /sangs rgyas kyi zhing gi sems can de dag thams cad ngas</font><hr>42.220b<br><font size=+1>

tshig gis byang chub tu 'dul te/ de bzhin gshegs pa de dag thams cad sems can rnams kyi don mdzad nas phung po lhag ma med pa'i mya ngan las 'das pa'i dbyings su yongs su mya ngan las 'das so/ /de bzhin gshegs pa de dag thams cad kyi bstan pa dngos po gsum po dang po mngon par rdzogs par sangs rgyas pa dang / zhugs pa dang / yongs su mya ngan las 'das pa rnams ngas yongs su bzung ngo / /maud gal gyi bu de lta bas na byang chub sems dpa' sems dpa' chen pos sangs rgyas kyi bstan pa yongs su gzung bar bya/ gnas shes pa 'gog par 'gyur ba'i lam shes pa yang gzung bar bya'o/ /maud gal gyi bu de tsam gyis na byang chub sems dpas dam pa'i chos yongs su bzung bar 'gyur te/ gang lam yongs su 'dzin pa de ni bstan pa yongs su bzung bar 'gyur ro/ /byis pa so so'i skye bo dag yang dag pa ma yin pa'i lam la sdug bsngal zhes tshig tu brjod kyang sdug bsngal so sor mi shes/ sdug bsngal gyi rgyu tshig tu brjod kyang sdug bsngal gyi rgyu yongs su mi shes/ mi rtag pa zhes tshig tu brjod kyang sdug bsngal 'gog pa so sor mi shes/ sdug bsngal las 'bros kyang sdug bsngal las yongs su ma thar to/ /maud gal gyi bu de lta bas na byang chub sems dpa' sems dpa' chen pos rgyu dang 'bras bu la mkhas par bya'o/ /maud gal gyi bu rgyu dang 'bras bu la mkhas pa'i byang chub sems dpa' ni rgyu 'gog pa'i lam ston par byed do/ /sngon gyi sbyor ba gsum po 'di dag ni 'jig rten shes pa la sbyar bar bya'o/ /maud gal gyi bu ngas 'jig rten shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa du ma mngon par 'dus byas te/ sbyin pa'i pha rol tu phyin pa dang yang dag par ldan par byas/ tshul khrims dang / bzod pa dang brtson 'grus dang bsam gtan dang shes rab dang yang dag par ldan par byas so/ /maud gal gyi bu sngon</font><hr>42.221a<br><font size=+1>

byung ba 'das pa'i dus 'khor ba dpag tu med cing grangs med/ bsam gyis mi khyab gzhal du med/ gzhal gyis mi lang ba'i 'khor ba de'i pha rol gyi yang ches pha rol na/ ded dpon snying rje can zhes bya ba 'dzangs shing gsal la yid gzhungs/ phyogs dang phyogs mtshams la mkhas/ don dang don ma yin pa la mkhas/ rgyu skar dang nyin mo la mkhas/ skad cig dang thang cig yud tsam la mkhas/ thabs dang thabs ma yin pa la mkhas pa zhig byung ngo / /de sdom pa mnos shing dge mtshan dang bkra shis dang ldan par byas nas tshong pa lnga brgya dang lhan cig tu rgya mtsho chen por zhugs so/ /de tshong pa ded dpon gyi yongs su 'dren pa yin te/ de tshong pa de dag dang 'jig rten gyi gtam smra'o/ /'jig rten gyi khams 'di nas shar phyogs logs kyi 'jig rten gyi khams dpag tu med pa na la la ni skye la la ni 'gag /la la ni 'jig la la ni 'byung / la la ni zhig nas 'dug /la la ni byung nas 'dug ste/ grogs po dag 'jig rten gyi khams de dag gi mtha' med do/ /de bzhin du phyogs bcu'i 'jig rten gyi khams de dag na sems can rigs phun sum tshogs pa dag yod sems can rigs dma' ba dag yod sems can kha cig ni phyug /kha cig ni dbul/ sems can kha cig ni bran byed kha cig ni jo bo byed de/ de ltar spyi shes pa dang / khyad par shes pa rnam pa du ma 'di ni 'jig rten shes pa zhes bya'o/ /grogs po dag de lta bas na 'jig rten dang 'jig rten shes pa la 'bad par bya'o/ /maud gal gyi bu de ji snyam du sems/ de'i tshe de'i dus na ded dpon snying rje can zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na ded dpon snying rje can zhes bya bar gyur to/ /maud gal gyi bu de lta bas na byang chub sems dpas 'jig rten dang 'jig rten las 'das pa shes pa la rnal 'byor du bya'o/ /maud gal gyi bu ji ltar na byang chub sems dpas 'jig rten shes pa kun 'byung ba shes pa la bslab par</font><hr>42.221b<br><font size=+1>

bya zhe na/ maud gal gyi bu 'di la byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas dge ba'i bshes gnyen la bsten par bya zhing / brtson 'grus mi gtang bar bya'o/ /maud gal gyi bu sngon byung ba 'das pa'i dus nas de'i pha rol gyi yang ches pha rol na byang chub sems dpa' 'od 'phags shes bya ba bla na med pa yang dag par rdzogs pa'i byang chub la yang dag par rab tu gnas pa/ de bzhin gshegs pa dpag tu med pa rnams la dge ba'i rtsa ba bskyed pa dge ba rnam pa sna tshogs dang ldan pa zhig byung ngo / /de nyal ba'i rmi lam na de bzhin gshegs pa dang lhan cig tu gtam yang dag par smra bar 'gyur ba la ma gtogs par gzhan ci yang mi mthong ste/ ji ltar 'dir de bzhin gshegs pa dang yang dag par 'grogs pa byas shing / yongs su 'dris par byas so/ /de'i tshe de bzhin gshegs pa thogs med ston zhes bya ba 'jig rten du byung ste/ de de bzhin gshegs pa thogs med ston de dang lhan cig bar skabs su gtam 'di lta bu zhig byas so/ /bcom ldan 'das 'jig rten shes pa kun 'byung ba shes pa ji ltar yang dag par rtogs par 'gyur/ 'jig rten shes pa kun 'byung ba shes pa de'i rgyu mtshan phan par 'gyur ba ni gang lags/ bka' stsal pa rigs kyi bu khyod skye bo mang po la phan par zhugs/ skye bo mang po la bde ba'i phyir de bzhin gshegs pa la don 'di yongs su zhu bar sems pa ni legs so legs so/ /rigs kyi bu de'i phyir legs par rab tu nyon la/ de bzhin du sbyar te/ bcom ldan 'das legs so zhes gsol nas/ byang chub sems dpa' 'od 'phags bcom ldan 'das kyi ltar nyan pa dang bcom ldan 'das kyis 'di skad ces bka' stsal to/ /rigs kyi bu 'di la byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas shes</font><hr>42.222a<br><font size=+1>

pa rtogs par bya ba'i phyir bstan bcos thams cad khong du chud par bya ba la mngon par brtson par bya/ gzhan yang 'jig rten gyi kun tu spyod pa la brtson par bya/ gzhan yang dge mtshan dang ldan par bya/ 'di lta ste/ byang chub sems dpa' spyod pa na phyis 'byung ba'i sngon gyi rabs grub pa'i mtha' 'di la bslab par bya gzhan yang gang zag gi tha snyad dang / grong dang yul gyi tha snyad la bslab par bya/ gang dang gang du 'gro ba de dang de'i tha snyad la bslab par bya ste ji tsam du gang 'jig rten gyi shes pa dang / thams cad du shes pa la mkhas par bya'o/ /maud gal gyi bu de ji snyam du sems/ de'i tshe de'i dus na byang chub sems dpa' 'od 'phags shes bya bar gyur pa de gzhan yin par sems na/ khyod kyis de ltar mi blta ste/ de ci'i phyir zhe na nga de'i tshe de'i dus na byang chub sems dpa' 'od 'phags zhes bya bar gyur to/ /maud gal gyi bu de lta bas na byang chub sems dpas 'jig rten shes pa kun 'byung ba shes pa la bslab par bya'o/ / bam po nyi shu pa/ maud gal gyi bu gzhan yang 'jig rten shes pa 'gog pa shes par bya ba'i don du sngon byang chub sems dpa'i spyad pa spyod pa na/ dge ba'i rtsa ba rnam pa sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na gzugs kyis 'tsho ba skye bo thams cad kyi ngo bo'i rjes su 'jug pa zhes bya ba gzugs bzang zhing mdzes la blta na sdug pa/ kha dog bzang po rgyas pa mchog dang ldan pa zhig byung ngo / /de skyes bu gang dang gang du rjes su 'gro bar 'gyur ba de dang de nyid du dge ba'i rtsa ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na ded dpon 'byung po kun la brtse</font><hr>42.222b<br><font size=+1>

ba dang ldan pa zhes bya ba yo byad thams cad dang ldan pa zhig byung ste/ tshong pa lnga brgya dang lhan cig tu rgya mtsho chen por zhugs so/ /de rgya mtsho'i dbus su phyin pa dang / chu srin gyis gru mid par byed de/ de'i khar gru de 'jug go/ /de nas tshong pa de dag lha gang dang gang la dad cing mos pa de dang de dag la phyag 'tshal zhing ngu ste/ kha cig ni zhi ba la/ kha cig ni skem byed la/ kha cig ni dbang phyug chen po la/ kha cig ni dbang po la/ kha cig ni chu lha la/ kha cig ni skye dgu'i bdag po la/ kha cig ni tshangs pa la/ kha cig ni bde byed la/ kha cig ni nyi ma la/ kha cig ni zla ba la/ kha cig ni rgya mtsho chen po de nyid la phyag 'tshal bar byed/ kha cig ni bdag cag la mgon skyabs 'di dag med pas shi yang rung zhes cang mi zer bar 'khod kyang de dag gang yang skyob par ma gyur to/ /de nas ded dpon 'byung po kun la brtse ba dang ldan pa de 'di snyam du sems te/ kye ma tshong pa 'di dag thams cad ni skyabs ngan pa la rten to/ /mgon skyabs ma yin pa la 'du shes su gyur te/ log par mos pa 'di las thams cad kyi ngo bo'i rjes su 'jug ste/ bdag yang dag par ston pa lta bur byed kyang ngo bo nyid ni su la yang mi ston to/ /maud gal gyi bu de bzhin du 'du byed thams cad la ji lta ji lta ba bzhin du rtog na de lta de ltar dngos po med par mthong ngo / /'du byed rnams la nges pa gang yang med de/ gal te gtsang bar 'dod pa'i gtsang bas mtshan ma spangs te/ mi gtsang ba'i mtshan ma la brten par bya'o/ /de bzhin du sbyar te/ mtshan ma spang zhing mtshan ma med pa la brten par bya ste/ 'di ni thar pa'i lam mo/ /maud gal gyi bu ngas khams du ma la mos pa shes par bya ba'i don du rtag pa ni 'ching ba yin la/ mi rtag pa ni thar pa'o/ /bdag ni 'ching ba yin la/ bdag med pa ni thar pa'o/ /mtshan ma ni 'ching ba yin la/ mtshan ma med pa ni thar pa'o/ /maud gal gyi bu de lta bas na byang chub</font><hr>42.223a<br><font size=+1>

sems dpa' yongs su mya ngan las 'da' bar 'dod pa dang / sems can yang yongs su mya ngan las bzla bar yongs su rtog na gtsang ba'i kha dog tu ston par byed la/ gal te mi gtsang bar yongs su rtog na mi gtsang ba'i kha dog tu ston par byed/ gal te bde bar 'am/ gal te sdug bsngal du 'am/ gal te rtag par ram/ gal te mi rtag par ram/ gal te bdag tu 'am/ gal te bdag med pa 'am/ gal te mtshan mar ram/ gal te mtshan ma med par rtog na mtshan ma med pa'i kha dog tu ston par byed do/ /maud gal gyi bu de la gtsang bar rtog pa ni 'ching ba yin la/ mi gtsang bar rtog pa ni thar pa'o/ /bde bar rtog pa ni 'ching ba yin la/ sdug bsngal bar rtog pa ni thar pa'o/ /de bzhin du sbyar te/ nyon mongs par gyur to/ /gang de dag bdag gis nyon mongs pa 'di las thar bar bya'o snyam mo/ /de'i tshe de bzhin gshegs pa mun pa thams cad 'joms pa zhes bya ba 'jig rten du byung ste/ ded dpon 'byung po kun la brtse ba dang ldan pa des de thos ma thag tu dad par gyur nas/ des tshong pa de dag la 'di skad ces smras so/ /khyed cag 'di ltar dad pa'i skyabs kun la sus kyang skyabs su 'gyur ba med kyis khyed cag tshur shog /nga gang la skyabs su nye bar 'gro ba de la skyabs su deng shig /de dag gis smras pa/ khyod gang la skyabs su bzhud/ des smras pa/ grogs po dag de bzhin gshegs pa mun pa thams cad 'joms pa zhes bya ba bzhugs te/ nga de la skyabs su 'gro yis khyed cag tshur shog /de bzhin gshegs pa mun pa thams cad 'joms pa de la phyag 'tshol cig skyabs su deng shig /khyed cag thams cad kyi blo nges par byos la de bzhin gshegs pa mun pa thams cad 'joms pa de la phyag 'tshal lo zhes tshig de skad brjod cing / de dag thams cad 'chi bas 'jigs skrag pas mos pa mchog bskyed nas de bzhin</font><hr>42.223b<br><font size=+1>

gshegs pa mun pa thams cad 'joms pa de la phyag 'tshal lo zhes tshig de skad brjod do/ /chu srin des sangs rgyas kyi sgra thos nas rna bar snyan par gyur te/ de'i kha btsums pa dang / de nas tshong pa de dag thams cad nyon mongs pa de las thar to/ /maud gal gyi bu de ji snyam du sems/ de'i tshe de'i dus na ded dpon 'byung po kun la brtse ba dang ldan pa zhes bya bar gyur pa de gzhan yin par sems na/ khyod kyis de ltar mi blta ste/ de ci'i phyir zhe na/ nga de'i tshe de'i dus na ded dpon 'byung po kun la brtse ba dang ldan pa zhes bya bar gyur to/ /maud gal gyi bu de lta bas na byang chub sems dpa' mos pa du ma shes pa mngon par rdzogs pa shes par 'dod pas dngos por 'dzin pa bsal bar brtson par bya'o/ /maud gal gyi bu ngas mos pa du ma shes pa kun 'byung ba shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na de bzhin gshegs pa sems can gyi gnyen zhes bya ba 'jig rten du byung ste/ de bzhin gshegs pa sems can gyi gnyen de'i sangs rgyas kyi zhing der byang chub sems dpa' rtag tu brtson zhes bya ba brtson 'grus brtsams pa/ sems zhum pa med pa/ go ca chen po bgos pa/ sangs rgyas kyi zhing dpag tu med par smon lam yongs su dag pa dang ldan pa/ sangs rgyas kyi zhing grangs med cing bsam gyis mi khyab/ gzhal du med/ brjod du med par smon lam yongs su dag pa dang ldan pa zhig byung ngo / /de 'di snyam du sems te/ sems can dag mos pa sna tshogs dang mos pa du ma shes pa'i rgyu ni gang rkyen ni gang / sems can dag mos pa sna tshogs gang dang ldan snyam mo/ /de 'di snyam du sems te/ sems can dag yul gang dang gang la mang du bsten pa de nyid la mos</font><hr>42.224a<br><font size=+1>

shing de nyid la dga' ste/ de dang de nyid kyis mngon par dga'/ de la gzhol bar 'gyur/ de la 'bab de la bab ste yul gzhan la yang mi mthun par 'gyur ro/ /de nas de yul de ma dmigs pa na yang gzhan gang la goms pa yod nas/ de la yang de nyid yin par 'dzin te de la mos par yang 'gyur ro/ /yul gzhan dang gzhan du 'gyur na yang de'i mos pa ldog par 'gyur te/ de yon tan du mthong ngo / /yon tan du 'dzin pa las sems can dag der gzhol bar 'gyur la/ skyon du 'dzin pa las zhe 'gras par 'gyur ro/ /de lta bas na yul gyi yon tan de la sems gzhol bar mi bya/ skyon du 'dzin pa la zhe sdang bar mi bya/ yul rnams la so sor brtags pas btang snyoms su bya'o/ /byang chub sems dpa' rtag tu brtson pa ni yul gyi yon tan la yang rjes su chags pa med/ skyon la yang zhe 'gras pa med de/ so sor brtags pas btang snyoms su byed pa ni byang chub sems dpa'i chos rnams las phyir mi ldog par 'gyur ro/ /maud gal gyi bu khyod de'i tshe de'i dus na/ byang chub sems dpa' rtag tu brtson zhes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ de bzhin gshegs pa mar me mdzad de de'i tshe de'i dus na/ byang chub sems dpa' rtag tu brtson zhes bya bar gyur to/ /maud gal gyi bu de lta bas na byang chub sems dpas yul thams cad la mos pa rnam par spang zhing / mya ngan las 'das pa la mos par bya ste/ mos pa 'di ni mchog yin no/ /maud gal gyi bu ngas mos pa du ma shes pa 'gog pa shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus na 'khor ba dpag tu med pa nas/ de'i pha rol gyi yang ches pha rol na drang srong rin po che'i dpal kun las 'phags pa zhes bya ba sems can lam gol ba la rab tu zhugs pa rnams la lam</font><hr>42.224b<br><font size=+1>

yang dag par ston pa zhig 'jig rten du byung ngo / /de sems can mos pa du ma dang / mos pa du ma la mngon par zhen pa rnams kyi skyon bstan pa'i phyir mos pa du ma shes pa 'gog pa shes pa yang dag par rab tu ston to/ /mos pa dang 'gog pa'i chos de dag thams cad dang / rang gi mos pa la lhag par chags pa bskyed par mi bya ste/ mos pa de dag thams cad ni slu ba yin no/ /khyed cag gi mos pa de gzhan yin la chos kyi ngo bo yang gzhan yin te/ yang mos pa de dag las ldog go/ /de rnam grangs des srog chags stong phrag mang po dag sdug bsngal las yongs su thar bar bya'o/ /maud gal gyi bu khyod de'i tshe de'i dus na drang srong rin po che'i dpal kun las 'phags zhes bya bar gyur pa de gzhan yin par sems na de ltar mi blta ste/ de ci'i phyir zhe na/ nga de'i tshe de'i dus na drang srong rin po che'i dpal kun las 'phags zhes bya bar gyur to/ /maud gal gyi bu ngas mngon par shes te/ 'das pa'i dus na nga gzugs la mos nas bud med gzugs blta na sdug pa mchog khri phrag dpag tu med pa dag yongs su btang ngo / /yang nga sgra la mos par gyur nas/ nga sgra la mos pas de bzhin gshegs pa'i mchod rten la rol mo'i sgra rnam pa sna tshogs dag gis mchod pa byas kyang des nga yongs su ma mgu'o/ /yang nga dri la mos par gyur nas/ nga dri la mos pas dri mang po dag yongs su gtang bar byas kyang des nga yongs su ma mgu'o/ /yang nga ro la mos par gyur nas nga ro la mos pas 'bru mang po sna tshogs dang ro'i bye brag rnam pa sna tshogs dag yongs su btang yang des nga yongs su ma mgu'o/ /yang nga reg bya la mos par gyur nas/ nga reg bya la mos pas gos 'jam po sna tshogs dag yongs su btang yang des nga yongs su ma mgu'o/ /maud gal gyi bu nga chos la mos nas shes pa rnam pa sna tshogs dag bslabs kyang de dag gis nga yongs su ma mgu'o/ /maud gal gyi bu gang mya ngan las 'das pa de las yongs su nyams pa med do/ /maud gal gyi bu de lta bas na byang chub sems dpa' sems dpa' chen pos</font><hr>42.225a<br><font size=+1>

mos pa du ma shes pa la bslab par bya ste/ mos pa thams cad kyang 'gog pa'i chos can du blta'o/ /maud gal gyi bu ngas mos pa du ma shes pa 'gog par 'gyur ba'i lam shes par bya ba'i don du dge ba'i rtsa ba rnam pa sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na de bzhin gshegs pa chos kyi sprin gyi char rab tu 'bebs pa zhes bya ba 'jig rten du byung ste/ nyan thos kyi theg pa pa dang / rang sangs rgyas kyi theg pa pa dang / byang chub sems dpa'i theg pa pa'i tshogs dpag tu med pa dag gis yongs su bskor to/ /de'i tshe tshogs de'i nang na byang chub sems dpa' sa 'dzin zhes bya ba zhig byung ste/ byang chub sems dpa'i yon tan dpag tu med pa dang ldan pa dbang po rno ba/ sems re re bskyed pas bskal pa grangs med pa'i dge ba'i rtsa ba mngon par 'du byed pa/ sems re re bskyed pas sems can grangs med pa dag nyan thos kyi theg pa la rab tu btsud/ de bzhin du rang sangs rgyas kyi theg pa dang / de bzhin du sems re re bskyed pas byang chub sems dpa' khri phrag grangs med pa dag phyir mi ldog par rab tu btsud do/ /de'i tshe sems can khri phrag dpag tu med pa dag ni nyan thos kyi theg pa la rab tu gnas so/ /sems can khri phrag dpag tu med pa dag ni rang sangs rgyas kyi theg pa la rab tu gnas so/ /sems can khri phrag dpag tu med pa dag ni byang chub sems dpa'i theg pa la rab tu gnas so/ /de nas byang chub sems dpa' sa 'dzin de 'di snyam du sems te/ kye ma de bzhin gshegs pa chos kyi sprin gyi char rab tu 'bebs pas gang gis sems can gang de dag nges par 'byung bar bcom ldan 'das kyis lung bstan pa mdzad pas/ rang rang gi 'khor 'di dag nyid lung bstan pa thos nas yi rangs par gyur cig snyam mo/ /de nas de bzhin gshegs pa chos kyi sprin gyi char rab</font><hr>42.225b<br><font size=+1>

tu 'bebs pas sems can de dag ji ltar smon pa bzhin du lung bstan to/ /maud gal gyi bu khyod de'i tshe de'i dus na byang chub sems dpa' sa 'dzin zhes bya bar gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' sa 'dzin zhes bya bar gyur to/ /maud gal gyi bu de lta bas na byang chub sems dpa'i theg pa la yang dag par rab tu gnas pa'i sems can dag yongs su gzung bar bya'o/ /maud gal gyi bu ngas mos pa sna tshogs shes par bya ba'i don du byang chub sems dpa'i spyad pa spyod pa na dge ba'i rtsa ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na de bzhin gshegs pa nye bar zhi 'phags zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ngo / /de bzhin gshegs pa nye bar zhi 'phags de'i sangs rgyas kyi zhing der byang chub sems dpa' nor bu 'dzin zhes bya ba de bzhin gshegs pa dpag tu med pa rnams la yun ring du tshangs par spyad pa/ dge ba'i rtsa ba dpag tu med pas gang ba/ snying rje chen po thob pa zhig byung ste/ de de bzhin gshegs pa de'i rim gro par gyur to/ /de de bzhin gshegs pa de la yid du 'thad de/ yid du mi 'thad pa ma yin pas rim gro pa byas shing / bshad pa yang 'dzin la/ rang gi don kyang mi gtong ngo / /des bcom ldan 'das kyi rim gro pa byas te/ mngon par shes pa lnga bsgrubs pas de pha rol gyi sems la mkhas so/ /bcom ldan 'das de bzhin gshegs pa nye bar zhi 'phags de'i thugs kyis sems mkhyen pa mdzad nas gang gi tshe de bzhin gshegs pa de dben pa la bzhugs pas bzhugs pa de'i tshe de rang gi don mi gtong ngo / /de bzhin</font><hr>42.226a<br><font size=+1>

gshegs pa de bzhugs pa gang gis bzhugs pa de nyid kyis de yang 'dug pas 'dug go/ /de bzhin gshegs pa nye bar zhi 'phags de yang de'i bsam pa thugs su chud nas/ de lta bu'i tshul gyis bzhugs pas bzhugs so/ /nor bu 'dzin de'i 'gro ba'i yul ci tsam du bzhugs pas bzhugs te/ byang chub sems dpa' nor bu 'dzin de yang de'i rjes su 'brang ngo / /de ltar de bzhin gshegs pa des byang chub sems dpa' sangs rgyas kyi bzhugs pa la bslabs so/ /de de bzhin gshegs pa de'i khams sna tshogs shes pa de'i nang du chud do/ /maud gal gyi bu khyod de'i tshe de'i dus na byang chub sems dpa' nor bu 'dzin zhes bya ba gang gis/ de bzhin gshegs pa de'i khams sna tshogs yang dag par dran par gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' nor bu 'dzin zhes bya bar gyur te/ de bzhin gshegs pa de'i mos pa sna tshogs shes pa rjes su rtogs so/ /maud gal gyi bu de lta bas na byang chub sems dpas de bzhin gshegs pa bzhugs pa rjes su rtogs par bya'o/ /maud gal gyi bu ngas mos pa sna tshogs shes pa kun 'byung ba shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ de bzhin gshegs pa spyan mdzes zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa spyan mdzes de'i sangs rgyas kyi zhing 'jig rten gyi khams bye ba phrag dgu bcu rtsa dgu byung ste/ sangs rgyas kyi zhing der rnam pa thams cad du sems can dmyal ba ma byung / dud 'gro'i skye gnas dang / gshin rje'i 'jig rten dang / lha ma yin gyi ris dag ma byung ste/ </font><hr>42.226b<br><font size=+1>

rnam pa thams cad kyi thams cad du mi khom pa ma byung ngo / /sangs rgyas kyi zhing der gcig tu yongs su dag par gyur te/ sangs rgyas kyi zhing der kun nas nyon mongs pa'i las cung zad kyang med do/ /de ltar de bzhin gshegs pa des sngon byang chub sems dpa'i spyad pa spyod pa na sems can dpag tu med pa dag yongs su smin par mdzad do/ /de'i tshe sangs rgyas kyi zhing der byang chub sems dpa' chu lha zhes bya ba khyim na gnas pa zhig byung ste/ bcom ldan 'das de bzhin gshegs pa spyan mdzes de'i dge bsnyen rigs la thugs brtan pa yin te/ 'di lta ste dper na/ bcom ldan 'das 'od srung gi bu rigs rdza mkhan dang / nga'i sbrang tshal bkra ba lta bu'o/ /de nas byang chub sems dpa' chu lha des bcom ldan 'das de bzhin gshegs pa spyan mdzes de'i drung du song nas zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas byang chub sems dpa' chu lha des skye bo'i tshogs mang po de dag gi mdun du bcom ldan 'das de bzhin gshegs pa spyan mdzes de la tshigs su bcad pa'i dbyangs kyis zhu ba zhus pa/ stobs bcu sgra grags mi lha mi yi 'jig rten dag na 'dra ma mchis/ /rgyal ba 'gro ba'i bsam pa mkhyen cing lhag par mos pa rab tu mkhyen/ /rgyal ba 'dren pa mos pa sna tshogs dang ni de 'gog rab tu mkhyen/ /ji ltar lhag par mos pa sna tshogs 'gog par 'gyur ba de dag gsungs/ /ji ltar rnam 'dren khyod sras sems can kun gyi mos pa sna tshogs dag /yang dag 'gog 'gyur mngon par 'tshal ba de dag bde gshegs bdag la gsungs/ /rgyal ba thams cad gzigs pa lha dang mi yi bsam pa kun la mkhas/ /'jig rten thams cad la ni phan phyir spyan mdzes des ni lung bstan pa/ /gang tshe 'gog par 'gyur ba yongs su mkhyen nas 'gro ba'i don chen mdzad/ /de bzhin gshegs pas 'gro ba'i mos pa sna tshogs lus pa med par mkhyen/ /ji ltar gzhol ba'i ris ni 'bab pa'i chu dag 'bab par 'gyur ba ltar/ /yul ni</font><hr>42.227a<br><font size=+1>

gang dang gang la mi yis phyir bsten de la de mos so/ /de ni bde gshegs bstan pa thob cing dge ba'i bshes gnyen sangs rgyas la/ /rim par sten byed yul la mngon par chags pa don med yongs su shes/ /de ni 'ching ba shes shing yul gyi skyon yang shes nas yongs su spong / /yul gyi skyon dag yongs su mthong ba 'gag par byed cing phyir mi skye/ /gang dag yul 'di mthong nas yang dang yang du goms pa 'gog mi byed/ /de dag yul gyi ro mchog dag gis zil non sdug bsngal skyed par byed/ /de lta bas na mkhas pa'i mi dag 'gro la phan bsams byang chub mchog /mngon par 'dod pa des ni bsgrims te yul dag yongs su shes par bya/ /maud gal gyi bu de ji snyam du sems/ de'i tshe de'i dus na byang chub sems dpa' chu lha zhes bya bar gyur pa de gzhan yin par sems na de ltar mi blta ste/ nga de'i tshe de'i dus na byang chub sems dpa' chu lha zhes bya bar gyur to/ /ngas der yul de dag yongs su shes pas de phyin chad nga nams kyang skyon ma byung ngo / /de ci'i phyir zhe na/ de ltar ngas de dag don med par yongs su shes so/ /maud gal gyi bu de lta bas na byang chub sems dpas yul don med par gyur pa yongs su shes par bya'o/ /maud gal gyi bu ngas mos pa sna tshogs shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na dge ba'i rtsa ba dpag tu med pa dag bskyed do/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na de bzhin gshegs pa sems can thams cad byang chub tu sgrol ba la mkhas pa zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa des sngon byang chub sems dpa'i spyad pa spyod pa na/ sems can gang yang nyan thos kyi theg pa 'am/ rang sangs rgyas kyi theg pas yongs su smin par ma byas kyi/ sems can thams cad byang chub kyi sems yang dag par 'dzin du btsud do/ /bla</font><hr>42.227b<br><font size=+1>

na med pa yang dag par rdzogs pa'i sangs rgyas kyi zhing der sems can de dag bla na med pa yang dag par rdzogs pa'i byang chub tu yang dag par rab tu gnas par gyur to/ /sems can de dag la de bzhin gshegs pa des pha rol tu phyin pa drug las brtsams te chos ston to/ /de bzhin gshegs pa sems can thams cad byang chub tu sgrol ba la mkhas pa des sems can dpag tu med pa dag phyir mi ldog pa nyid la btsud cing / bskal pa grangs med par gnas nas phyis phung po lhag ma med pa'i mya ngan las 'das pa'i dbyings su yongs su mya ngan las 'das so/ /sems can gang byung ba de dag kyang bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu med pa'i don byas te/ yongs su mya ngan las 'das so/ /de'i tshe sangs rgyas kyi zhing der byang chub sems dpa' lha'i zla ba zhes bya ba zhig byung ngo / /byang chub sems dpa' lha'i zla ba des sangs rgyas kyi zhing bcu'i rdul phra mo snyed kyi phyogs bcu'i 'jig rten gyi khams su byang chub sems dpa' khri phrag dpag tu med pa dag bla na med pa yang dag par rdzogs pa'i byang chub la btsud nas yongs su mya ngan las 'das so/ /de'i tshe sangs rgyas kyi zhing der byang chub sems dpa' dri med zla ba zhes bya ba zhig byung ste/ byang chub sems dpa' lha'i zla ba des yongs su smin par byas/ yongs su rdzogs par byas so/ /de 'di snyam du sems so/ /gang gi tshe byang chub sems dpa' lha'i zla ba des sems can khri phrag dpag tu med pa dag byang chub la btsud/ sangs rgyas kyi rgyud yang dag par spel to/ /bdag gis kyang byang chub sems dpa' de'i rjes su bslab par bya/ bdag gis kyang sangs rgyas kyi rgyud yang dag par spel bar bya'o snyam mo/ /des phyogs bcu'i 'jig rten de na sems can thams cad kyi bsam pa shes nas/ sems can rnams kyi mos pa ji lta ba bzhin du sprul pa sprul te/ lha dag la mos pa ni lha'i sprul pa mngon par</font><hr>42.228a<br><font size=+1>

sprul/ klu dag la mos pa dang / gnod sbyin dag la mos pa dang / dri za dag la mos pa dang / lha ma yin dag la mos pa dang / mi 'am ci dag la mos pa dang / lto 'phye chen po dag la mos pa ni lto 'phye chen po'i sprul pa mngon par sprul to/ /de ltar gang dang gang la mos pa de dang de dag gi rjes su 'thun pa'i sprul pa mngon par sprul te/ sangs rgyas kyi zhing der sems can ji snyed pa de dag yun mi ring bar la la ni nyan thos kyi theg pa/ la la ni rang sangs rgyas kyi theg par byang chub tu yongs su smin par byas so/ /de ltar sems can de dag thams cad sangs rgyas kyi zhing du dge ba'i rtsa ba rnams la rab tu btsud do/ /der yang byang chub sems dpa' rnams kyis dad pa bskyed de/ dge ba'i rtsa ba des sems can thams cad kyi mos pa sna tshogs shes pa thob bo/ /maud gal gyi bu de ji snyam du sems/ de'i tshe de'i dus na byang chub sems dpa' dri med zla ba zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na byang chub sems dpa' dri med zla ba zhes bya bar gyur te/ ngas sems can de snyed cig theg pa gsum gyis btul to/ /maud gal gyi bu de lta bas na byang chub sems dpas sems can yongs su smin par bya ba la brtson par bya'o/ /maud gal gyi bu ngas mos pa sna tshogs shes pa 'gog pa shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po lha'i zla ba zhes bya ba 'ba' zhig kho nas 'dzam bu'i gling gi dbang phyug gis dbang byed pa/ chos kyi bdag po chos dang ldan pa/ chos kyis mi mthun pa med par rgyal srid byed pa zhig byung ngo / /bu yang stong tham pa yod de/ dpa' zhing rtul phod pa/ yan lag mchog gi gzugs dang ldan pa/ pha rol gyi sde rab tu</font><hr>42.228b<br><font size=+1>

'joms pa dag byung ngo / /de'i tshe de bzhin gshegs pa 'jig rten sgron ma zhes bya ba zhig byung ngo / /de bzhin gshegs pa 'jig rten sgron ma zhes bya ba de byang chub sems dpa'i theg pa yang dag par rab tu ston te/ nyan thos kyi theg pa dang / rang sangs rgyas kyi theg pa las brtsams te mi ston to/ /de ci'i phyir zhe na/ de ltar de bzhin gshegs pa des sngon byang chub sems dpa'i spyad pa spyod pa na/ sems can thams cad byang chub sems dpa'i theg pa la yang dag par 'dzin du btsud de/ sems can de dag thams cad byang chub sems dpa'i theg pa la yang dag par rab tu gnas so/ /de bzhin gshegs pa des de dag la byang chub sems dpa'i theg pa nyid bstan te/ sems can de dag thams cad byang chub sems dpa'i theg pa la nges par byung ngo / /de'i tshe de bzhin gshegs pa de'i sangs rgyas kyi zhing der byang chub sems dpa' dpa' ba'i stobs shes bya ba tshogs de thams cad kyi gtso bo byed pa zhig byung ngo / /de'i tshe de bzhin gshegs pa de'i bdud shugs 'chang zhes bya ba gang byang chub sems dpa'i tshogs de dag gi bar chad byed par nye bar gnas pa zhig byung ngo / /de byang chub sems dpa' de dag gi thams cad mkhyen pa nyid dang yang dag par ldan pa'i gtam zer ro/ /de nas bdud shugs 'chang de 'di snyam du sems te/ 'di ltar de bzhin gshegs pa 'jig rten sgron ma 'dis yun mi ring bar bdag gi yul stongs par gyur te/ gang bdag gis de'i bar chad bya'o snyam nas/ de sangs rgyas kyi gzugs su mngon par sprul nas 'khor gyi nang du zhugs te/ byang chub sems dpa'i tshogs de dag gi nang du 'dug nas thams cad mkhyen pa nyid dang yang dag par ldan pa'i gtam ngan pa bsngags la/ 'dod pa'i yon tan dang yang dag par ldan pa'i gtam zer ro/ /byang chub sems dpa' de dag la yang 'dod pa'i yon tan lnga po dag nye bar 'bul te/ </font><hr>42.229a<br><font size=+1>

mig gis rnam par shes par bya ba gzugs mang po dang / bza' ba dang / bca' ba'i yo byad dang / me tog gi yo byad dang / bldag pa'i yo byad dang / rol mo'i yo byad dang / glu dbyangs kyi yo byad dang / gar gyi yo byad rnams 'bul bar byed do/ /de nas byang chub sems dpa' dpa' ba'i stobs de 'di snyam du sems te/ gang bdag gis bdud shugs 'chang 'di bdag gi shugs kyis gdul bar bya'o snyam nas/ ji lta bu'i rdzu 'phrul mngon par 'du bya ba mngon par 'du byed de/ de lta bu'i rdzu 'phrul mngon par 'du bya ba mngon par 'dus byas pas bdud shugs 'chang gi mgul du khyi ro zhig btags so/ /shugs 'chang gi gzugs kyis bdud kyi gnas der song ngo / /song nas bdud kyi gnas der zhugs te/ lha'i bu mo khri phrag dgu bcu rtsa dgu dag byang chub yang dag par 'dzin du bcug go/ /byang chub sems dpa'i yang dag par ldan pa'i gtam de lta bu dag byas te/ 'di ltar lha'i bu mo khri phrag de dag bla na med pa yang dag par rdzogs pa'i byang chub las phyir mi ldog par gyur to/ /lha'i bu mo khri phrag de dag thams cad phyir mi ldog pa nyid la btsud nas/ bdud kyi gnas de nyid du 'dod pa'i yon tan lnga dag gis bdag nyid rtse ba mngon par sprul to/ /de nas bdud shugs 'chang khyi ro btags pa de rang gi gnas ga la ba der song ba dang / gnas de na lha'i bu dang / lha'i bu mo de dag dang lhan cig tu rtse zhing yongs su spyod pa mthong ngo / /mthong nas kyang sdug bsngal zhing yid mi bde la/ glong glong por gyur cing der mi dga'o/ /de nas lha'i bu mo khri phrag dgu bcu po de dag bdud shugs 'chang glong glong por gyur par rig nas/ snying rje chen po skyes te/ bdud shugs 'chang 'di srog chags rnams kyi phyir sdig pa'i ros glong glong por gyur cing / yang dag pa ji lta ba bzhin mi shes pa la ltos/ kye e ma slob dpon dpa' ba'i stobs bdud shugs 'chang 'di bdag cag gi</font><hr>42.229b<br><font size=+1>

bdud kyi gnas la dbang phyug gi dbang gis bgegs bgyid par 'gyur na/ bdag cag la 'tshe bar mi 'gyur bar mdzad du gsol/ de nas byang chub sems dpa' dpa' ba'i stobs kyis ji lta bu'i rdzu 'phrul mngon par 'du bya ba mngon par 'du byed de/ de lta bu'i rdzu 'phrul mngon par 'du bya ba mngon par 'dus byas pas bdud shugs 'chang gi gnas kyi gong du bdud kyi gnas gzhan ches rdzu 'phrul che ba/ ches gzi brjid che ba/ ches mthu che ba/ ches gzi che ba zhig mngon par sprul to/ /'jig rten gyi khams gzhan zhig kyang mngon par sprul te/ der bdud de dbang phyug la dbang byed de/ des gnas de dang bdud de yang thal bar brlags so/ /de nas bdud shugs 'chang gis bdud de dang bdud kyi gnas de mthong nas yid gnyis su gyur te/ bdag kyang yun mi ring bar 'chi ba'i chos su 'gyur ro/ /bdud kyi gnas 'dis bdag gi ngo bo dang / yongs su 'dzin pa thams cad dang tha dad pa'i ngo bor 'gyur ro snyam mo/ /gnas de dag gis de kun tu skyo bar gyur cing yid mi dga' bar gyur nas/ 'jigs skrag glong glong por gyur nas byang chub sems dpa' dpa' ba'i stobs de la 'di skad ces smras so/ /mkhas pa mgon med mgon mdzod rnam par ltung las dgrol bar mdzod/ /byis pa'i ngo bo bdag gis mi dge gang bgyis mi rtag pas/ /srid par 'gro ba kun gnod rtag pa ma lus mthol zhing mchis/ rnam 'jig chos kyi dngos po cung zad mgon skyabs bgyid ma mchis/ /rnam 'jig chos kun bdag gis rnam spang bdag kyang ma grol ba/ /'di ltar bzod par mdzod cig dpa' stobs bde bar gshegs pa'i sras/ /rtabs la skrag cing nyams pas de yi yid kyi skyo ba chad/ /nga rgyal rnam spangs rgyal ba'i sras la thams cad skyabs su zhugs/ /gang gis rgud 'jigs yongs mthong 'di ltar khyod la skyabs su mchi/ /rgyal sras mkhas pa sdug bsngal nyams pa dag las bdag las skyobs/ /shugs 'chang skyo ba rgyal ba'i sras kyis gzigs nas des smras pa/ /grogs po rgyal ba'i</font><hr>42.230a<br><font size=+1>

sras la bgegs ma byed cing nga rgyal spongs/ /srid kun mi rtag yongs su 'dzin la mngon par zhen pa thong / /sems ni mngon par dad pas nges par 'byung ba rab tu shes/ /sems can gang yang 'khrugs pa'i yid kyi chos zhes nam yang med/ /yid kyi rnyog pa bsal btang rgyal ba mchog gis bstan pa mthong / /des smras pa/ rgyal sras bdag sems rnyog pa bral zhing yid kyis rnam par 'bad/ /rgyal ba'i rim gro bgyid kyis rgyal ba'i gsung dag gsungs shig gsungs/ /des smras pa/ de bzhin gshegs pa'i yon tan byang chub sems la bdud nyon cig /bde gshegs sras las gang dag thos pa bdud kyi zhags pa gcod/ /rgyal bas rab gsungs chos nyid mi g.yo 'gyur med chos kyi dbyings/ /rgyal ba'i sras 'di shes na rgyal bas mchod pa byas par 'gyur/ /gang dag blo nges med pa so so'i skye bo byis pa zhes/ /bya ste de ltar sems nges med pa kun rtog rlung dang 'dra/ /gang dag rgyal ba'i gsung ni rnam shes de dag bdud kyi zhags/ /rlung gi stobs kyis phub ma phyar ltar ma lus shin tu bcom/ /'gyur med chos dbyings stong pa mi g.yo gnyis med smras pa ni/ /bdud stobs 'joms par byed cing bdud dbang song bas shes par dka'/ /sems can gang dag skyes dang 'chi dang 'byung ba gang yang med/ /kun tu 'pho ba med cing las dang ltung ba'ang yod pa ma yin te/ /stong nyid rtog par byed na rgyal ba'i sras dag yid mi rmongs/ /tshul bzhin ma yin pa yis chos 'di kun la byed pa po/ /las dang rnam smin kun rtog mi mkhas bdud kyi zhags pas 'ching / /kye ma ji ltar skud mdud gzings pa'i skud pa rnam grol ltar/ /de bzhin 'dod chags ma bral chos la 'dod chags bcas mthong 'ching / /de yis sdug bsngal myong ste 'dir ni sdug bsngal gang yang med/ /gang dag rgyal ba'i gsung la the tsom med yid de 'ching med/ /mar me gang dag zad ltar de ni ma lus mya ngan 'da'/ /'gro la</font><hr>42.230b<br><font size=+1>

phan brtson rnam 'dren brtan pa 'gro ba de mi gsungs/ /me 'bar zhi ltar 'gro ba med ces rgyal sras dpa' ba'i tshig /'di ltar de tshe 'di dag thos nas bdud de dga' bar 'gyur/ /de bzhin stobs bcu'i skyabs su song zhing stobs bcu'i spyod pa 'ang sgrub/ /maud gal gyi bu de ji snyam du sems/ de'i tshe de'i dus na byang chub sems dpa' dpa' ba'i stobs zhes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na byang chub sems dpa' dpa' ba'i stobs shes bya bar gyur te/ sems can rnams kyi mos pa sna tshogs shes pa 'gog pa shes pa mngon par shes so/ /maud gal gyi bu de lta bas na byang chub sems dpas mos pa sna tshogs shes pa 'gog pa shes pa la bslab par bya'o/ /maud gal gyi bu gzhan yang ngas mos pa sna tshogs shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na dge ba'i rtsa ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ de bzhin gshegs pa dgra bcom pa yang dag par rdzogs pa'i sangs rgyas sman gyi rgyal po zhes bya ba rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / /de bzhin gshegs pa sman gyi rgyal po de'i sangs rgyas kyi zhing der byang chub sems dpa' shugs mtshungs pa med pa zhes bya ba/ de bzhin gshegs pa dpag tu med pa la dge ba'i rtsa ba bskyed pa/ yun ring du tshangs par spyod pa zhig byung ste/ bcom ldan 'das de bzhin gshegs pa sman gyi rgyal po de'i rim gro pa yin la/ don shes/ chos shes/ dus shes/ tshod shes/ bdag shes/ 'khor shes/ gang zag mchog dang mchog ma yin pa dang / ya mtshan can</font><hr>42.231a<br><font size=+1>

thams cad kyi grub pa'i mtha' dang / bstan bcos thams cad kyi grub pa'i mtha' dang / bzo'i gnas thams cad kyi grub pa'i mtha' shes te/ de ltar 'dir yun ring du shes pa spyad do/ /de de bzhin gshegs pa sman gyi rgyal po de'i drung du song nas zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas byang chub sems dpa' shugs mtshungs pa med pas bcom ldan 'das de bzhin gshegs pa sman gyi rgyal po de la tshigs su bcad pa'i dbyangs kyis zhu ba zhus pa/ rnam par 'dren pa mchog brnyes pa/ /glang chen khyod la zhu ba ni/ /sems can rnams kyi dbang po shes/ /rgyu gang gis ni zhi bar 'gyur/ /chos rnams kun gyi pha rol gshegs/ /bdag gis zhus pa de dag gsungs/ /gang dag shes pa de yi rgyu/ /thos nas 'bad par bgyid par 'gyur/ /'jig rten ston pa mkhas pa ste/ /thams cad mkhyen pa 'jigs mi mnga'/ /ji ltar rgyal ba'i sras kyis zhus/ /rkang gnyis mchog gis de lung bstan/ /gang dag thams cad mkhyen pa yi/ /mi mchog sems ni bskyed byed na/ /de ltar der ni nang du zhugs/ /dbang po dag kyang nye bar zhi/ /gang dag shes pa de la 'jug /'gro ba 'byang zhing zad par 'gyur/ /zad pa de la gang shes pa/ /'di yis de ni 'gag par 'gyur/ /de yis de ni lung bstan pa/ /rga nad skye ba med pa yis/ /chos la bzod pa thob par gyur/ /maud gal gyi bu de ji snyam du sems/ de'i tshe de'i dus na byang chub sems dpa' shugs mtshungs pa med pa zhes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na byang chub sems dpa' shugs mtshungs pa med pa zhes bya bar gyur to/ /dge ba'i rtsa ba des nga mos pa thob bo/ /maud gal gyi bu de lta bas na byang chub sems dpa' mos pa sna tshogs shes pa 'gog pa shes pa mngon du byed par 'dod pas thams cad mkhyen pa'i rtogs par bya ba la brtson par bya'o/ /maud gal gyi bu ngas dbang po</font><hr>42.231b<br><font size=+1>

shes par bya ba'i don du sngon byang chub sems dpa'i spyad pa spyod pa na dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ bram ze sgra rnam par grags pa zhes bya ba shing sA la chen po lta bu zhig byung ste/ rig pa thams cad kyi pha rol tu phyin pa/ sbyin pa po sbyin bdag chos kyi sdud pa dang / zang zing gi sdud pas shin tu sdud pa zhig byung ngo / /de thams cad mkhyen pa'i shes pa rtogs par bya ba la brtson no/ /de'i tshe de bzhin gshegs pa sgrib med lung ston zhes bya ba byung ste/ de bzhin gshegs pa de'i sku tshe'i tshad dpag tu med par gyur/ nyan thos kyi dge 'dun dpag tu med pa dag byung / sangs rgyas kyi zhing dpag tu med pa dag byung / nyan thos 'dus pa dpag tu med pa dag byung ngo / /bram ze sgra rnam par grags pa shing sA la chen po lta bus de bzhin gshegs pa sgrib med lung ston thos so/ /thos nas bram ze bye ba phrag dgu bcu rtsa brgyad dang lhan cig tu de bzhin gshegs pa sgrib med lung ston de'i drung du dong ste phyin nas/ bcom ldan 'das de bzhin gshegs pa sgrib med lung ston de la mchod pa 'di lta bu dag byed de/ thams cad dang ldan pa'i bar snang la nor bu'i bla re kun tu bres/ thams cad dang ldan pa'i sa gser gyi glegs mas kun tu g.yogs/ gser gyi khang pa brtsegs pa 'phang du dpag tshad gcig tsam pa stong phrag brgyad bcu gnas bcur kun du brgyan te/ khang pa brtsegs pa re re yang bu mo rgyan thams cad kyis brgyan pa stong dag mngon par 'dzeg go/ /khang pa brtsegs pa re re'i sa la yang sil snyan stong gi sgra dbyangs 'byung ngo / /khang pa brtsegs pa'i sa thams cad du me tog kha dog rnam pa lnga dag bkram/ khang pa brtsegs pa'i sa thams cad du lha'i spos dang ldan pa dag gis byugs/ lha'i bdug spos dag gis bdugs shing bdug par byed de/ khang pa brtsegs pa de dag thams cad bdug pas 'khrigs par gyur/ spos dang spos dag dang bdug pa dag gis dregs par gyur/ </font><hr>42.232a<br><font size=+1>

spos dang / bdug pa dag gis dga' bar gyur to/ /sangs rgyas kyi mthus khang pa brtsegs pa de dag thams cad kyang ma bzung bar bar snang la 'gro'o/ /khang pa brtsegs pa de dag thams cad las sangs rgyas la bstod pa'i sgra grag chos la bstod pa'i sgra grag /dge 'dun la bstod pa'i sgra grag go/ /de bzhin du sbyar te/ stong pa nyid dang / mtshan ma med pa dang / smon pa med pa'i sgra grag go/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu'i sgra grag go/ /mi rtag pa dang / sdug bsngal ba dang / bdag med pa'i sgra grag go/ /bsam gtan dang / rnam par thar pa dang / ting nge 'dzin dang / snyoms par 'jug pa la rnam par gnas pa'i sgra grag go/ /rdzu 'phrul gyi rnam pa'i sgra grag go/ /lha'i mig dang / lha'i rna ba'i sgra dang / sems kyi rnam grangs kyi sgra dang sngon gyi gnas kyi sgra grag go/ /'gog pa'i sgra grag go/ /kha cig ni thar pa dang 'thun pa'i sgra ste/ gang de dag khang pa brtsegs pa de dag thams cad las grag go/ /khang pa brtsegs pa de dag bar snang las 'gro ba'i mdun du yang spos chu'i char rab tu bab cing / yang dag par 'das pa'i lha'i me tog gi char rab tu bab bo/ /de de bzhin gshegs pa sgrib med lung ston de'i spyan sngar 'dug nas skon pa khri me tog sna lnga dag gis bkang nas mngon par gtor ro/ /gtor ba de dag thams cad kyang sangs rgyas kyi mthus sa la ma lhung zhing steng du me tog gi bla re bres so/ /de nas bram ze sgra rnam par grags pa shing sA la chen po lta bu des rdzu 'phrul gyi cho 'phrul 'di lta bu 'di dag mthong nas/ ji lta bu'i dge ba'i rtsa ba'i shugs thob pa de lta bu'i dge ba'i rtsa ba'i shugs thob pas shing ta la bdun srid du nam mkha' la mngon par 'phags so/ /de bar snang la song nas bcom ldan 'das la tshigs su bcad de mngon par bstod do/ /dpa' bo thugs dag mi yi seng ges bdud stobs rab tu bcom/ /nyon mongs tshogs bcom 'gro ba mkhyen pas bde 'gro rjes su brnyes/ /srog chags kun sman thabs</font><hr>42.232b<br><font size=+1>

chen kun grub dge ba sdig mi mnga'/ /stobs bcus sred pa'i chu bo rnams bskams srid pa'i rgya mtsho rgal/ /mi dbang mi yi seng ges srid mtsho bskams te bskal par bzhugs/ /srid mtshor zhugs pa'i sems can shin tu nyam thag gzhan yang sgrol/ /mi yi seng ges me gsum gdungs pa'i skye bo de las thar mdzad cing / /rang byung rang byung nyid kyis thugs chud 'jig rten lam ston mdzad/ /ston par gyur pas sems can lam nyams pa dag lam la bslabs/ /drang srong chen po khyod la bslabs na bla med byang chub 'thob/ /khyod kyi sras dag 'ching las rgal cing srid pa'i rgya mtsho rgal/ /skam la phyin cing mya ngan 'das par zhugs te phyag 'tshal bgyid/ /'dir ni 'jig rten mun lam rab byung chen po khyod kyis bstan/ /bdag kyang byang chub thob nas lam rab nyams pa lam la bzhag /mgon po khyod la bslabs na bla med byang chub zhi bar mchi/ /byang chub zhi ba rtogs nas 'gro yid ma zhi rab tu zhi bar bgyi/ /'gro ba lam rab nyams pa 'di dag 'tshal nas snying rje bskyed/ /sgron ma gsal bar bgyi zhing mig long gyur pa rnam par sbyang / /bdag gis rgyal ba bstod pa'i bsod nams mi nyung 'di bskyed pas/ /dge rtsa de yis dgra 'dul rgyal bar bgyi zhing 'gro lam bstan/ /maud gal gyi bu de ji snyam du sems/ de'i tshe de'i dus na bram ze sgra rnam par grags pa shing sA la chen po lta bur gyur pa de gzhan yin par sems na khyod kyis de ltar mi blta ste/ /nga de'i tshe de'i dus na bram ze sgra rnam par grags pa shing sA la chen po lta bur gyur to/ /maud gal gyi bu de lta bas na byang chub sems dpas 'di ltar bslab par bya ste/ de bzhin gshegs pa la yon tan yod pa dag gis bstod par bya ste/ de ltar bslab par bya'o/ /maud gal gyi bu gzhan yang ngas dbang po shes par bya ba'i don du sngon byang chub sems dpa'i spyad pa spyod pa na dge ba'i rtsa ba dpag du med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ bram ze rgyal gyi lha shing sA la chen po lta</font><hr>42.233a<br><font size=+1>

bu las bdag gir bya ba la mngon par brtson pa zhig byung ste/ deng bdag gis dge ba ci zhig mngon par 'dus byas mi dge ba ci zhig btang / lung du ma bstan pa ci zhig mngon par 'dus byas snyam/ de las bdag gir bya ba la mngon par brtson te/ las gang dang gang mngon par 'du bya ba de nyid shin tu yongs su shes/ yongs su rig /shin tu brtags pas byed de/ gal te dge ba'i las mngon par 'du byed na shin tu brtags pas mngon par 'du byed do/ /de dbang po gang gis las mngon par 'dus byas pa'i dbang po de yang dag pa ji lta ba bzhin rab tu shes te/ gal te 'dod chags kyi phyogs las gang gis 'dod chags skyes pa bzlog pa'i dbang po de yang dag pa ji lta ba bzhin rab tu shes so/ /gal te chungu'am/ gal te 'bring ngam/ gal te chen po dag ste/ gal te dbang po chungus nyon mongs pa chungu zlog par byed/ gal te dbang po chungus nyon mongs pa 'bring zlog par byed/ gal te dbang po chungus nyon mongs pa chen po zlog par byed do/ /gal te dbang po 'bring gis nyon mongs pa chungu zlog par byed/ gal te dbang po 'bring gis nyon mongs pa 'bring zlog par byed/ gal te dbang po 'bring gis nyon mongs pa chen po zlog par byed do/ /gal te dbang po chen pos nyon mongs pa chungu zlog par byed/ gal te dbang po chen pos nyon mongs pa 'bring zlog par byed/ gal te dbang po chen pos nyon mongs pa chen po zlog par byed pa'i dbang po de yang dag pa ji lta ba bzhin rab tu shes so/ /de shes pa de dang ldan te/ las de mngon par 'dus byas pas bskal pa brgyad bcur log par ltung bar ma gyur to/ /maud gal gyi bu de ji snyam du sems/ de'i tshe de'i dus na bram ze rgyal gyi lha zhes bya ba shing sA la chen po lta bur gyur pa de gzhan yin par sems na khyod kyis de ltar mi blta ste/ nga de'i tshe de'i dus na bram ze rgyal gyi lha zhes bya bar gyur to/ /de'i tshe yang ngas sems can rnams kyi dbang po shes pa la bslabs par gyur te/ da ltar yang nga bla na med pa yang dag par rdzogs pa'i byang chub mngon par rdzogs par sangs rgyas nas</font><hr>42.233b<br><font size=+1>

sems can rnams kyi dbang po shes pa yang dag pa ji lta ba bzhin rab tu mkhyen to/ /maud gal gyi bu de lta bas na byang chub sems dpa' sems can rnams kyi dbang po shes pa la bslab par bya'o/ /dbang po shes pa la slob pa'i byang chub sems dpa' ni phyir mi ldog cing myur du bla na med pa yang dag par rdzogs pa'i byang chub rjes su thob bo/ / bam po nyi shu gcig pa/ maud gal gyi bu ngas dbang po shes pa kun 'byung ba shes par bya ba'i don du sngon byang chub sems dpa'i spyad pa spyod pa na dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus na rgyal po zla ba'i lha zhes bya ba zhig byung ngo / /de'i bu mo zla ba'i lha mo zhes bya ba mkhas shing yid gzhungs la/ rgyal po'i bya ba byed pa zhig byung ste/ de pha de'i rgyal srid rjes su skyong ngo / /de nas rgyal po zla ba'i lha des bu mo de la smras pa/ bu mo rgyu gang gis dbang po shes pa kun 'byung ba shes pa yang dag par sgrub/ ji ltar na dbang po shes pa kun 'byung ba shes pa yang dag par 'thob par 'gyur ba khyod la dri'o/ /des de la smras pa/ dge sbyong dang / bram ze tshul khrims dang ldan zhing shin tu mang du thos pa rnams la bsnyan bkur bgyis na dbang po shes pa kun 'byung ba shes pa yang dag par 'grub par 'gyur lags so/ /de ci'i slad du zhe na/ dge sbyong dang / bram ze tshul khrims dang ldan zhing mang du thos pa gang de dag la bsnyen bkur bgyis na shes pa de mngon par 'du bgyis par 'gyur zhing / shes pa de la slob par 'gyur lags te/ rgyu des na dbang po shes pa kun 'byung ba shes pa yang dag par sgrub par 'gyur lags so/ /de nas rgyal po zla ba'i lhas lung bstan pa de thos nas/ slong ba po rnams la mgu zhing dga' la yi rangs ste/ rab tu dga' nas dad pa mi phyed pa thob bo/ /maud gal gyi bu de ji snyam du sems/ de'i tshe de'i dus na/ zla ba'i lha zhes bya ba'i bu mor gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na</font><hr>42.234a<br><font size=+1>

rgyal po zla ba'i lha zhes bya ba'i bu mor gyur to/ /de'i tshe yang nga dbang po shes pa kun 'byung ba shes pa mkhyen par gyur la/ da ltar yang dbang po shes pa kun 'byung ba shes pa yang dag pa ji lta ba bzhin rab tu mkhyen te/ sems can rnams la yang yang dag par rab tu bstan to/ /maud gal gyi bu de lta bas na byang chub sems dpas dbang po shes pa kun 'byung ba shes pa la brtson par bya'o/ /maud gal gyi bu ngas dbang po shes pa 'gog pa shes par bya ba'i don du sngon byang chub sems dpa'i spyad pa spyod pa na dge ba'i rtsa ba rnam pa du ma dag gi bar mngon par 'dus byas so/ /maud gal gyi bu sngon byung ba 'das pa'i dus na/ de'i pha rol gyi yang ches pha rol na/ drang srong kun 'byung zhes bya ba lnga mngon par shes pa zhig byung ngo / /de tshal gyi nang na dka' thub byed pa'i tshe 'di snyam du sems te/ shes pa gang gis dbang po 'gags shing yang mi skye bar 'gyur snyam mo/ /de 'di snyam du sems te/ 'phags pa'i shes pa gang gis dbang po 'gag pa yongs su shes te/ dbang po shes pa'i 'gog pa gang mi skye ba de/ 'di lta ste dper na/ mi'i mgo bcad pa las mgo phyir mi skye'o/ /de bzhin du dbang po 'gags pa las yang dbang po mi skye ste/ de dbang po shes pa 'gog pa yin no snyam nas de shes pa des dbang po yongs su shes par 'dod na shes pa de ma rnyed do/ /de 'di snyam du sems te/ shes pa gang gis dbang po yongs su shes shing yang mi skye ba'i shes pa de bdag gis nges par 'tshal bar bya'o snyam nas/ de shes pa de yongs su shes par bya ba'i phyir dge sbyong dang / bram ze don nyung ba/ bya ba nyung ba dgon pa na gnas pa gang dag mthong ba de dag gi drung du song nas dris pa/ grogs po dag shes pa gang gis dbang po yongs su shes shing yang skye bar mi 'gyur/ de dag gis 'di skad smras so/ /grogs po bdag cag gis kyang shes pa gang gis dbang po yongs su shes</font><hr>42.234b<br><font size=+1>

shing yang skye bar mi 'gyur ba mi 'tshal lo/ /de 'di snyam du sems te/ shes pa gang gis dbang po yongs su shes shing yang mi skye bar 'gyur ba bdag nyid kyis shes pa bskyed par bya'o snyam nas/ shes pa de btsal ba'i phyir gtang ba/ rkang pa dpag tu med pa dag yongs su btang ba nas/ mgo yongs su btang ba dang / mig gi bar yongs su btang yang des shes pa de ma rnyed do/ /maud gal gyi bu de ji snyam du sems/ de'i tshe de'i dus na drang srong kun 'byung zhes bya bar gyur pa de gzhan yin par sems na/ khyod kyis de ltar mi blta ste/ de ci'i phyir zhe na/ nga de'i tshe de'i dus na drang srong kun 'byung zhes bya bar gyur to/ /nga bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa des shes pa gang gis dbang po yongs su shes shing yang mi skye ba 'di lta ste/ 'phags pa'i lam gyi shes pa de rnyed do/ /maud gal gyi bu de lta bas na byang chub sems dpas gang gis dbang po 'di yongs su shes shing yang mi skye ba 'phags pa'i shes pa yongs su btsal ba la brtson par bya'o/ /maud gal gyi bu ngas dbang po shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na shes pa gang gis dbang po 'gog pa yongs su shes shing yang mi skye ba shes pa de ji ltar 'thob par bya snyam nas/ bzhon pa'i glang po dpag tu med pa dag yongs su btang / bzhon pa'i rta dang / de bzhin du bzhon pa'i shing rta dpag tu med pa dag yongs su btang / rkang thang ba dpag tu med pa dag yongs su btang ste/ des na ngas lam bar ma'i tshogs de bya ba'i phyir dge ba'i rtsa ba dpag tu med pa dag bskyed de/ gal te dge ba'i rtsa ba de gzugs can du gyur na 'jig rten gyi khams gang gA'i klung gi bye ma snyed du yang mi shong ngo / /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ rgyal po dga' mthong zhes bya ba gling bzhi</font><hr>42.235a<br><font size=+1>

pa'i 'jig rten gyi khams kyi dbang phyug la dbang byed pa zhig byung ngo / /de'i gling bzhi pa'i 'jig rten gyi khams 'di rgyas par gyur te/ gling re re la yang grong khyer sa ya phrag brgyad byung ngo / /grong khyer re re yang chur dpag tshad bcu/ zheng du dpag tshad bcu ste/ gru bzhi yin la shin tu sprul pa/ mig mangs ris su bris pa/ gser gyi skud pas g.yogs pa ra ba rin po che thams cad las byas pa/ cog 'dzam bu'i chu bo'i gser las byas pa/ nor bu rin thang med pa'i dra bas steng shin tu g.yogs pa/ nor bu rin thang med pa dag gis sa gzhi bkram la/ rin po che sna bdun gyi dril bu g.yer ka'i dra bas shin tu g.yogs pa/ sems can dge ba'i rtsa ba dpag tu med pa bsags pa rnams kyi gnas te/ rin po che sna bdun gyi shing ljon pas shin tu g.yogs pa/ de'i phyi nang du longs spyod dang ldan te/ gang gi tshe mi dag rtse bar 'dod par gyur pa de dag gang 'dod pa/ sil snyan yan lag lnga pas yongs su spyod de/ de'i tshe sil snyan yan lag lnga pa'i sgra rab tu 'byung ngo / /gang gi tshe pi wang dang / sil snyan dag gis yongs su spyod par 'os pa de'i tshe pi wang dang / sil snyan dag gi sgra rab tu 'byung ngo / /gang gi tshe dri za'i rol mos yongs su spyod par 'dod pa de'i tshe dri za rim gro byed do/ /rgya cher gang dang gang nyid rtse bar 'dod pa'i rtsed mo de nyid 'byung ngo / /lor ram/ lo stong du 'am/ lo khrir rtse bar 'dod na de nyid kyis rtse bar byed de/ de rtag par rgyun tu rtse ba'i rjes su 'jug go/ /grong khyer de'i 'byor pa dang ldan pa ni de 'dra ste/ de ltar grong khyer thams cad du rtsed mo de dag dang ldan par gyur to/ /de'i tshe de bzhin gshegs pa bdud rtsi'i 'od zer zhes bya ba byung ste/ de'i 'khor nyan thos 'bum phrag brgyad byung ngo / /de nas rgyal po dga' mthong gis gling bzhi pa'i 'jig rten gyi khams 'di dar gyi lda ldi btags shing yul thams cad shin tu brgyan te/ sngon gyi mi dang bcas par bcom ldan 'das de bzhin gshegs pa bdud rtsi'i 'od</font><hr>42.235b<br><font size=+1>

zer nyan thos kyi dge 'dun dang bcas pa de yongs su spyod pa'i don du phul lo/ /bdag gi bu dang chung ma dang 'khor kyang phul lo/ /der bcom ldan 'das de nyan thos kyi dge 'dun dang bcas pa nyan thos 'bum phrag brgyad dang / thabs gcig tu sangs rgyas kyi bzhugs pa dpag tu med pas bzhugs so/ /de la yang rgyal po dga' mthong gis lo sa ya phrag brgyad du zhal zas ro brgya pas yongs su mnyes par byas so/ /btsun mo dang 'khor dang bcas pas kyang yongs su spyad pa byas so/ /maud gal gyi bu de ji snyam du sems/ de'i tshe de'i dus na rgyal po dga' mthong zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po dga' mthong zhes bya bar gyur to/ /maud gal gyi bu rgya cher bya ste/ dge ba'i rtsa ba des nga dbang po shes pa 'gog par 'gyur ba'i lam shes pa brnyes so/ /maud gal gyi bu de lta bas na byang chub sems dpas sangs rgyas la sogs pa dge slong gi dge 'dun la dad par bya'o/ /dad pa thob pa ni bskal pa grangs med dpag tu med par bde ba'i yo byad 'grub par 'gyur/ byang chub kyang 'grub par 'gyur ro/ /maud gal gyi bu ngas stobs shes par bya ba'i don du sngon byang chub sems dpa'i spyad pa spyod pa na/ sems can thams cad dbang po rnams kyi stobs dang / stobs ma yin pa ji ltar shes par bya snyam nas dge ba'i rtsa ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po seng ge'i blo gros shes bya ba chos kyi rgyal po chos dang ldan pa/ gling bzhi par 'dus pa yongs su skyong ba dang zhing dad pa dang ldan pa/ bstan bcos thams cad la mkhas pa/ yon gnas la dga' ba/ sbyin bdag sgra thams cad la mkhas pa zhig byung ngo / /de 'jig rten na dge sbyong dang bram ze gang dag yod pa de dag thams cad bsdus nas kha zas ro brgya pas ston mo byas so/ /yul ka shi ka'i</font><hr>42.236a<br><font size=+1>

gos kyis kyang mngon par bkab bo/ /bstan bcos thams cad la mkhas pas sems can rnams kyi sems kyi spyod pa la yang rnam par lta'o/ /shes rab kyi dbang po'i stobs dang / stobs ma yin pa la yang rnam par 'jug go/ /de'i dbang po shes pa'i stobs dang / stobs ma yin pa rnam par shes par bya ba'i phyir/ sems can shes pa khyad par can rnams la yang mchod pa byed do/ /de nas rgyal po seng ge'i blo gros kyis stobs dang stobs ma yin pa 'di shes par bya ba'i phyir/ lo khri phrag brgyad du nyin mtshan rtag par rgyun du sbyin pa byin zhing / dge sbyong dang / bram ze dag la yang yongs su dris so/ /shes pa smra ba dag la yang stobs dang stobs ma yin pa shes pa nye bar brtags so/ /maud gal gyi bu de ji snyam du sems/ de'i tshe de'i dus na/ rgyal po seng ge'i blo gros zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po seng ge'i blo gros zhes bya bar gyur to/ /maud gal gyi bu de lta bas na byang chub sems dpa' sems dpa' chen pos dbang po'i stobs dang stobs ma yin pa shes pa mngon par 'dod na/ shes pa dang ldan pa la mchod pa bya zhing stobs dang stobs ma yin pa shes pa la yang rnam par 'jug par bya'o/ /maud gal gyi bu ngas stobs dang stobs ma yin pa shes par bya ba'i don du/ sngon byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams kyi stobs shes pa ji ltar shes par bya snyam nas/ dge ba'i rtsa ba rnam pa sna tshogs yid bzhin dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na bram ze dbang po'i lha zhes bya ba shing sA la chen po lta bu/ phyug cing nor mang la longs spyod che ba/ mang du</font><hr>42.236b<br><font size=+1>

thos pa rnams yongs su sdud pa shes pa la gus pa zhig byung ste/ de dge sbyong dang bram ze 'dod pa lhag par mos pa rnams yongs su sdud pa/ bye brag shes shing blo'i stobs kyi bye brag shes pa/ brtson 'grus kyi rim pa'i bye brag shes pa/ shes pa la lhag par mos pa de dag thams cad kyi bar du spro bar byed pa/ ji ltar shes pa dag chud za bar mi 'gyur snyam nas mngon par brtson pa rnams la rab tu spro bar byed do/ /des srog chags stong phrag mang po dag shes pa sna tshogs dag la rab tu btsud do/ /maud gal gyi bu de ji snyam du sems/ de'i tshe de'i dus na bram ze dbang po'i lha zhes bya ba shing sA la chen po lta bur gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na/ bram ze dbang po'i lha zhes bya ba shing sA la chen po lta bur gyur to/ /ngas srog chags stong phrag dpag tu med pa de dag shes pa sna tshogs la rab tu btsud do/ /de'i tshe nga shes pa dang ldan zhing stobs dang stobs ma yin pa shes pa rnam par shes la/ da ltar yang ngas bla na med pa yang dag par rdzogs pa'i byang chub mngon par rdzogs par sangs rgyas nas/ sems can thams cad kyi stobs dang stobs ma yin pa shes pa mngon par rdzogs par thugs su chud do/ /der yang nga lta bu med pas gang gis nga 'khor gyi nang du seng ge'i sgra bsgrag go/ /maud gal gyi bu de lta bas na byang chub sems dpas pha rol gyi stobs dang stobs ma yin pa shes pa la mngon par brtson par bya'o/ /bdag nyid kyang bstan bcos 'don pa thams cad la lhag par mos par bya'o/ /maud gal gyi bu ngas stobs shes pa 'gog pa shes par bya ba'i don du sngon byang chub sems dpa'i spyad pa spyod pa na bdag sems can gyi stobs bskyed pa'i rim pa shes pa ji ltar shes par bya snyam nas dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i</font><hr>42.237a<br><font size=+1>

dus 'khor ba dpag tu med pa nas/ de'i pha rol gyi yang ches pha rol na rgyal po mes byin zhes bya ba 'byung po thams cad kyi sgra shes pa mkhas shing don sems pa zhig byung ngo / /de sgra gang dang gang thos pa de nyid kyi don rnam par shes te/ thos pa 'di byung na/ de ci'i phyir don brjod/ ci'i phyir dus kyi don brjod/ yang na kha cig ni brjod/ yang na kha cig ni mi brjod do/ /de ltar shes pa thams cad la stobs dang stobs ma yin pa rjes su 'gro ste/ bya ba thams cad la shes pa 'di'i bya ba byas nas ci 'gags sam/ 'on te ma byas/ 'on te bya ba cung zad cig byas nas 'gags sam/ cung zad cig ma byas/ gang zag 'di ji tsam na shes pa'i snod du 'gyur/ ji tsam na nyon mongs pa zhi bar nus/ de ltar shes pa de la nges par byung ste/ 'dzam bu gling kun gyi shes pa thams cad kyi slob dpon du gyur to/ /maud gal gyi bu de ji snyam du sems/ de'i tshe de'i dus na rgyal po mes byin zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na rgyal po mes byin zhes bya ba 'byung po thams cad kyi sgra shes pa bstan bcos thams cad kyi don shes par gyur to/ /dge ba'i rtsa ba de nyid kyis nga sgra thams cad shes pa rnam par shes shing bstan bcos thams cad kyi rjes su 'jug pa shes pas bla na med pa yang dag par rdzogs pa'i byang chub mngon par rdzogs par sangs rgyas so/ /maud gal gyi bu de lta bas na/ byang chub sems dpas bstan bcos thams cad la mkhas par bya/ bstan bcos thams cad kyi don la yang mkhas par bya'o/ /maud gal gyi bu ngas stobs shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na/ bdag sems can rnams kyi stobs dang stobs ma yin pa shes pa 'gog par 'gyur ba'i lam shes pa ji ltar rnam par shes par bya snyam nas/ dge ba'i rtsa ba sna tshogs</font><hr>42.237b<br><font size=+1>

dpag tu med pa dag mngon par 'dus byas so/ /maud gal gyi bu sngon byung ba 'das pa'i dus na/ drang srong 'od bzang zhes bya ba/ brtul zhugs dang / dka' thub dang / yon tan dang / shes pa dang ldan pa zhig byung ngo / /de'i brtul zhugs ni ral pa'i thor tshugs lnga thogs te/ de dag la sogs pa brtul zhugs kyi bye brag dpag tu med par gyur to/ /de'i dka' thub kyi nags tshal gyi nang du gnas par brtson la/ de grang ba dang dro ba yid la byed pa'i nyon mongs pa zad cing sregs lugs za ba/ lus la mi ltos pa yin te/ de dag la sogs pa gzhan yang dka' thub kyi bye brag dpag tu med par gyur to/ /de'i yon tan gyi khyad par ni 'di dag yin te/ srog chags 'byung po rnams la mi 'tshe ma byin pa dag shin tu sdom/ gzhan gyi bud med kyi drung du 'gro ba'i yid la byed pa med/ chang 'thung ba spangs/ sems 'khrul ba med/ dka' thub dang ma bral/ pha rol gyi sems rjes su srung / tshig rtsub po yongs su srung / kun shes pa la bsten/ sngon gyi drang srong gi rjes su dran te/ de dag la sogs pa gzhan yang yon tan gyi khyad par dpag tu med pa dag dang ldan par gyur to/ /de'i shes pa'i khyad par ni 'di lta bu 'di dag yin te/ 'di lta ste/ rdzu 'phrul gyi rnam pa shes pa dang / lha'i rna ba shes pa dang / pha rol gyi sems shes pa dang / sngon gyi gnas shes pa dang / sems can rnams kyi 'chi 'pho dang / skye ba shes pa dang / bzo'i gnas dang / las kyi gnas kyi don thams cad shes pa dang / chos shes/ dus shes/ dus tshod shes/ bdag shes/ thabs la mkhas pa shes te/ de dag la sogs pa gzhan yang shes pa'i khyad par dag dpag tu med par gyur to/ /de 'di snyam du sems te/ bdag gi shes pa'i khyad par 'di dag ni rtogs na shes pa gang gis shes pa 'di dag thams cad gang du 'gog par 'gyur ba'i yongs su shes pa'i shes pa de dag mi shes te/ 'jig rten</font><hr>42.238a<br><font size=+1>

na dge sbyong ngam/ bram ze gang dag shes pa 'di la bslabs pa su yod snyam nas/ de shes pa de btsal ba'i phyir slongs mos 'tsho bar gyur nas/ de mu stegs pa thams cad kyi drung du song ba dang / de slongs mos 'tsho bar rig nas gdol pa yan cad dag gis mchod sbyin byed kyang gang gis yang ma blangs so/ /de ma blangs pas slongs mos 'tsho ba'i sgra phyogs bcu'i 'jig rten du grags so/ /de'i tshe lho phyogs na gangs ri'i rgyal po la drang srong kun rig ces bya ba lnga mngon par shes pa zhig gnas so/ /de nyin mtshan du gnas na 'dug ste/ 'jig rten thams cad la rtog pa zhes bya ba'i ting nge 'dzin la snyoms par zhugs so/ /ji ltar sems mnyam par gzhag pas sems can thams cad kyi sems kyi spyod pa dag rab tu shes/ ngag gi spyod pa dag kyang rab tu shes/ lus kyi spyod pa dag kyang rab tu shes/ dka' thub spyod pa dag kyang rab tu shes/ brtul zhugs spyod pa dag kyang rab tu shes/ yon tan spyod pa dag kyang rab tu shes/ shes pa spyod pa dag kyang rab tu shes/ rnam par shes pa spyod pa dag kyang rab tu shes/ de lha'i mig gis slongs mos 'tsho ba 'od bzang de mthong ste/ de'i sems kyang rab tu shes/ de'i bsam pa yang rab tu shes so/ /slongs mos 'tsho ba 'od bzang 'di stobs dang stobs ma yin pa shes pa'i nges par 'byung ba rab tu mi shes te/ rab tu mi shes pas nyam thag go snyam nas/ de de la snying rje skyes so/ /de snying rjes non pa'i sems kyis 'di lta ste dper na/ skyes bu'i lag pa bskum pa las brkyang ba 'am/ lag pa brkyang ba las bskum pa de bzhin du drang srong kun rig gangs ri'i rgyal po las babs nas/ slongs mos 'tsho ba 'od bzang gi mdun du shes pa dang ldan par byas nas 'dug go/ /slongs mos 'tsho ba 'od bzang gis shes rig de rgyang ring po nas 'ong ba mthong</font><hr>42.238b<br><font size=+1>

ngo / /mthong nas kyang de'i nus pa spangs nas/ kun rig shes ldan gyi rkang pa la mgo bos phyag 'tshal te/ shes rig gi stan bshams nas lag pa gnyis kyis legs par bzung nas shes pa smra bar stan de la bzhag go/ /bzhag nas shes par 'dod pa dang ldan pas zhes cher rab tu byas te/ drang srong kun rig de la tshigs su bcad pa'i dbyangs kyis dri ba dris pa/ mkhyen pa kun la 'jigs mi mnga'/ /mkhyen pa gsung ba sa gang la/ /gang du bdag skyes the tshom mchis/ /dge ba'i sug las ci bgyis pas/ /sems can kun la phan pa bgyid/ /sems can kun gyi spyod pa dang / /stobs dang stobs ma yin shes dang / /gang gis khyod kyis shes mchog ni/ /thos nas de nas phyir mi 'gag /shes pa gang gis rnam shes pa/ /ye shes chen po khyod la zhu/ /mkhas pa de dag bdag la gsungs/ /shes pa yi ni stobs dang ldan/ /shes pa kun la 'jigs med pa/ /snying brtse ba na de dag kun/ /ji lta bzhin du de'i lung bstan/ /chos sbyin pa la ser sna med/ /shes pa dag kyang yongs su sdud/ /shes ldan rnams la de dga' zhing / /sbyin pa yang dag sdud par byed/ /shes pa mang po rnams kyang 'dod/ /sbyin pa yang dag sdud par byed/ /shes pa'i ye shes tshol byed pa/ /ye shes dam pa de 'thob bo/ /mkhas pa yi ni shes pa yis/ /'dzangs pa de ni shes pa rtogs/ /'gog par 'gyur ba'i lam shes shing / /myur ba nyid du ting 'dzin skyes/ /maud gal gyi bu de ji snyam du sems/ de'i tshe de'i dus na/ slongs mos 'tsho ba 'od bzang zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na slongs mos 'tsho ba 'od bzang zhes bya bar gyur to/ /maud gal gyi bu de ji snyam du sems/ de'i tshe de'i dus na drang srong kun rig ces bya ba shes pa smra bar gyur pa de gzhan yin par sems na/ khyod kyis de ltar mi blta ste/ </font><hr>42.239a<br><font size=+1>

de bzhin gshegs pa mar me mdzad de de'i tshe kun rig ces bya ba shes pa smra bar gyur to/ /maud gal gyi bu de lta bas na byang chub sems dpa' sems dpa' chen po stobs dang stobs ma yin pa shes pa 'gog par 'gyur ba'i lam shes pa rtogs par 'dod pas yang dag par sdom pa can du bya/ ye shes kyi snang ba 'dod par yang bya/ 'jig rten gyi zang zing yang yongs su gtang bar bya'o/ /maud gal gyi bu ngas brtson 'grus shes par bya ba'i don du sngon byang chub sems dpa'i spyad pa spyod pa na bdag sems can thams cad kyi don du brtson 'grus shes pa ji ltar rtogs par bya snyam nas dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na ded dpon slong ldan zhes bya ba phyug cing nor mang la longs spyod che ba/ sngon nas rab tu nyon mongs pa med pa/ ded dpon gyi bu ded dpon gyi bzo rigs khong du chud par ldan pa zhig byung ngo / /de'i pha'i bsam pa bdag ji lta bu 'di dang mi 'bral bar bya/ de ci'i phyir zhe na/ bdag la bdun brgyud tshun chad kyi nor rdzas mang po ma nyams par yod de/ des na gzhon nu 'di 'tsho ba bde bar 'gyur ro snyam mo/ /de skyes ma thag tu tshong pa gang dag gi khye'u shed mnyam du skyes pa de dag pha mas de'i sten grogs su byin te/ bu sten grogs 'di dag dang de ltar lhan cig tu dga' bar rtses shig /yongs su spyod cig /de khyim bdag de nyid kyi nang na bzo thams cad slob tu bcug ste/ der yi ge dang / der bgrang ba dang / grangs dang / der tshong pa'i tha snyad dang / der zhing rmed pa'i tha snyad dang / der bzo'i tha snyad dang / der bzo thabs thams cad dang / tha na las byed pa'i bzo yang slob tu bcug ste/ de bzo thams cad la bslabs shing / sgyu rtsal gyi rnam pa thams cad shes te/ sgyu rtsal drug bcu rtsa bzhi bslabs so/ /sten grogs de dag dang lhan cig tu kug shud kyis rtse ste/ de sgyu rtsal thams cad la</font><hr>42.239b<br><font size=+1>

bslabs pas/ sten grogs de dag la bslabs pa thams cad ston to/ /de nas sten grogs gcig gis yang dag pa'i tshig gis skul bar byed de/ gzhon nu khyod gzhan du 'gro ba'i skyon mi shes sam/ skye bo gzhan gyis phyir rgol bar mi shes sam/ yul gzhan du 'gro ba'i gnyen ma yin pa'i skyon mi shes sam/ 'brog gi skyon mi shes sam/ chu'i dgon pa'i skyon mi shes sam/ bza' ba dgon pa dang / btung ba dgon pa dang / skom dgon pa'i skyon mi shes sam/ mi mdza' ba'i dgon pa dang / rkun pos dkrugs pa'i skyon mi shes sam/ gcan zan khro bas dkrugs pa'i skyon mi shes sam/ chus dkrugs pa dang / rgya mtshor song ba'i gru bo che 'jig pa'i skyon mi shes sam/ srin mos 'jigs pa dang / gnod pa thams cad las yongs su grol ba mi shes sam/ gzhon nu khyod gzhan gyi rdzas kyis yongs su spyod dam/ bdag gi sdug bsngal gyi rnam pa de nyid mi shes te/ chos ma yin pas bslus so/ /sdug bsngal gyis bsdus pa'i rdzas ya nga ba'i rdzas 'di dag mi dgongs sam zhes te sten grogs des yongs su bskul bar gyur to/ /tshig shin tu thos nas/ sems pa'i rjes su zhugs te nyes pa de dag thams cad snying la bzhag nas des de la smras pa/ sten grogs bdag la bsgo ba legs so legs so/ /da ltar gyi nor bsags pa ni sdug bsngal ba yin te/ sten grogs de lta bas na bdag nyid kyi nor rdzas yang dag par bsdu bar bya'o/ /des pha ma dag la smras pa/ yab yum tshong la mchi zhing ded dpon gyi bzo nus par bgyi'o/ /de nas pha ma dag gis smras pa/ gzhon nu khyod gzhan du 'gro bar ma byed cig /bu gzhan du 'gro ba la skyon dpag tu med pa yod do/ /bdun brgyud tshun chad kyi phugs kyi nor rdzas rab tu mang po de dag yod de/ 'khrul pa med par 'dug gi/ gang de dag la yongs su spyod la/ khyod kyis gang gzhan du 'gro bar byas pa med par gyis shig /bu gzhan du 'gro ba dang / nor rdzas yang dag par bsdu ba de la</font><hr>42.240a<br><font size=+1>

yang sdug bsngal mang ba ste/ gzhon nu 'di nas ma 'byung bar nor rdzas kyis nor rdzas kyi bya ba gyis shig /des smras pa/ yab de ltar ma lags te/ yang dag par ma gsungs so/ /de ci'i slad du zhe na/ gal te bdag gi bdun rgyud kyi zung gis nor rdzas btsal ba de ci bus yongs su ma spyad dam/ gang drug pa'i zung gis btsal ba de ci bus yongs su ma spyad dam/ gang lnga pa'i zung gis bsgrubs pa de ci bus yongs su ma spyad dam/ gang mes kyi yab kyi bar gyis bsgrubs pa de ci mes kyis yongs su ma spyad dam/ gang yab kyi yab kyis bsgrubs pa'i nor rdzas de ci yab kyis yongs su ma spyad dam/ de bzhin du bdag kyang gnyen gyis bsgrubs pa'i nor rdzas yongs su spyod par mi spro'o/ /de pha ma'i 'dod pa dag med nas/ gru bo che'i tshong pa dang song ste/ de rgya mtsho chen por zhugs pa dang / rlung gis gru bo che rin po che'i gling du phul to/ /des nor bu rin po che rin thang med pa sna tshogs dag gis gru bo che bkang ngo / /de 'gro ba shin du grub nas phyir log ste/ rgya mtsho las de rgal nas rgya mtsho la nye reg byas pa dang / nor bu rin po che lag pa la btags pa rgya mtsho chen por lhung ngo / /des nor bu rin po che de lhung ba tsam nyid kyis chu phyags thogs te/ nor bu rin po che'i phyir de ring rgya mtsho 'di bskam par bya'o snyam nas/ des chu phyags thogs te rgya mtsho chen po bskam par brtsams pa dang / des chu phyags bzung ma thag tu/ lha bye ba khrag khrig stong phrag brgya dag grogs byed par grub par gyur te/ rlung yang grogs byed par gyur/ me yang grogs byed par gyur to/ /de nas chu phyags kyis chu phyags ma thag tu/ rlung gis ni skems mes ni sreg go/ /de nas rgya mtsho'i lha de dag gis tshigs su bcad de smras pa/ rgya mtsho 'di ni mtha' yas mi zad de/ /chu zad 'gyur gyi rgya mtsho de lta min/ /grogs po mkha' la lam gyi tshad 'dod ltar/ /rgya mtsho bskam pa dag tu ji ltar nus/ /des lha de dag la tshigs</font><hr>42.240b<br><font size=+1>

su bcad de slar smras pa/ /lha dag rgya mtsho mtha' yas ma yin te/ /rgya mtsho dpag tshad mtha' yas dpag tu rnyed/ /bdag gis brtson 'grus mtha' yas dpag med de/ /rgya mtsho chen po bdag gis bskam par nus/ /rgya mtsho'i lha dag bdag gi stobs la ltos/ /mkha' la lha yis rab tu gang ba ltos/ /dpag med lha dag bdag gi grogs yin te/ /'bar dang sreg dang de bzhin rlung du byed/ /bdag gis mkha' la chu gtor ba dag ltos/ /nam mkha' der ni 'gro ba med pa ltos/ /lha tshogs dag ni bdag gi grogs 'gyur te/ /bar snang chu ni sreg cing skems par byed/ /bar snang rlung ni bdag gi grogs yin te/ /rgya mtsho bskam pa dag la zhum pa med/ /rgya mtshos bdag gi nor bu ma btang na/ /bdag la yon gnas stobs dang ldan pa ste/ /bdag gi yon gnas sangs rgyas dkon mchog dang / /de bzhin spros med nges par 'byung ba'i chos/ /'dren pa'i sras de dge 'dun rin chen yod/ /de dag bdag gir 'gyur te mtsho lha'i min/ /skyes bu khyod kyi tshig ni nges pa ste/ /de bzhin brtson stobs khyod dang ldan pa legs/ /nor bu dang ni ldan par 'gyur te sbyin/ /de ring dkon mchog gsum la 'bul bar gyis/ /maud gal gyi bu de ji snyam du sems/ de'i tshe de'i dus na ded dpon slong ldan zhes bya bar gyur pa de gzhan yin par sems na/ khyod kyis de ltar mi blta ste/ de ci'i phyir zhe na/ nga de'i tshe de'i dus na ded dpon gyi bu slong ldan zhes bya bar gyur to/ /maud gal gyi bu de lta bas na byang chub sems dpas brtson 'grus brtsam par bya'o/ /maud gal gyi bu le lo med cing brtson 'grus brtsams pa'i byang chub sems dpas ni bdud lnga las rgyal bar nus so/ /lnga gang zhe na 'di lta ste/ nyon mongs pa'i bdud dang / las kyi bdud dang / phung po'i bdud dang / 'chi bdag gi bdud dang / lha'i bu'i bdud do/ /maud gal gyi bu ngas brtson 'grus shes pa kun 'byung ba shes par bya ba'i don du/ sngon byang chub sems dpa'i spyad pa spyod pa na dge ba'i rtsa ba sna</font><hr>42.241a<br><font size=+1>

tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po grags bzang zhes bya ba chos kyi rgyal po chos dang ldan pa tshe ring ba/ ring du 'tsho ba rin po che sna bdun dang ldan pa/ mi'i 'byor pa bzhi dang ldan pa/ bud med 'bum phrag drug gi bdag po/ skye bo'i bsam pa thams cad la dbang sgyur ba/ de bzhin gshegs pa dpag tu med pa dag la rim gro byas pa/ dge ba'i rtsa ba bsags pa dpag tu med pa dang ldan pa/ sangs rgyas khri phrag dpag tu med pa dag la dge ba'i rtsa ba bskyed pa dang ldan pa zhig byung ngo / /de'i tshe de bzhin gshegs pa 'od zer mtha' yas shes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa 'od zer mtha' yas de'i 'khor nyan thos dgra bcom pa zag pa zad pa/ nyon mongs pa med pa/ dbang dang ldan par gyur pa nas de bzhin du sbyar te/ yang dag pa'i shes pas rnam par gral bar byed pa bye ba khrag khrig phrag stong brgyad bcu byung ngo / /de bzhin gshegs pa 'od zer mtha' yas de'i sku tshe'i tshad dpag tu med par gyur to/ /de'i tshe rgyal po grags bzang de'i yul rnam par rgyal byed de nas sems can bye ba khrag khrig phrag dgu bcu rtsa dgu dag de bzhin gshegs pa de'i drung du skra dang kha spu bregs nas/ gos ngur smrig bgos te/ khyim nas khyim med par rab tu byung ngo / /de dag thams cad bde ba skyes par ni gyur na/ de dag le lo med pa yang rnyid par gyur to/ /de nas de bzhin gshegs pa 'od zer mtha' yas te sngon gyi dge slong gi dge 'dun de dag dang thabs gcig tu dge slong de dag ga la ba der gshegs te phyin nas/ dge slong gi dge 'dun de dag gi dbus su bzhugs te/ de'i tshe brtson 'grus shes pa kun 'byung ba shes pa dang yang dag par rab tu ldan pa'i gtam 'di lta bu 'di dag mdzad do/ /gang zag theg pa bde bas brtson 'grus shes pa kun 'byung ba shes pa sgrub par 'dod pas</font><hr>42.241b<br><font size=+1>

lam bar mas rtogs par bya ste/ 'di lta ste/ byang chub kyi yan lag dus dang dus ma yin par bsgom pa la zhum pa med pa'i brtson 'grus kyis brtson 'grus yang dag byang chub kyi yan lag bsgom par bya'o/ /chos rnam par 'byed pa yang dag byang chub kyi yan lag bsgom par bya'o/ /chos rnam par 'byed pa yang dag byang chub kyi yan lag btang snyoms su bya/ dga' ba yang dag byang chub kyi yan lag bsgom par bya/ ting nge 'dzin yang dag byang chub kyi yan lag la btang snyoms su bya ste/ de yang dran pas brtag par bya'o/ /sems can rnams la bde bar sems pa de yang zas zhim po bza' ba dang ldan pa dang / gnas mal bde bar 'dug pa dang / lus gya nom pa sla bar 'gyur ro/ /brtson 'grus kyi spyad pa rtsam pas sdug bsngal dang bral zhing / shes pa bar ma des bde bar nges par 'byung ngo / /de'i tshe rgyal po grags bzang de chos bshad pa de dag la gus par byas shing thos la brtson 'grus shes pa kun 'byung ba shes pa rtogs pas mi skye ba'i chos la bzod pa thob bo/ /maud gal gyi bu de ji snyam du sems/ de'i tshe de'i dus na rgyal po grags bzang zhes bya bar gyur pa de gzhan yin par sems na/ khyod kyis de ltar mi blta ste/ de ci'i phyir zhe na/ nga de'i tshe de'i dus na rgyal po grags bzang zhes bya bar gyur to/ /de skad ces bka' stsal pa dang / tshe dang ldan pa maud gal gyi bu chen pos bcom ldan 'das la 'di skad ces gsol to/ /bcom ldan 'das bdag cag gis 'di ltar 'tshal te/ gang gi tshe de bzhin gshegs pa mar me mdzad kyis mi skye ba'i chos la bzod pa thob bo/ /zhes bshad pa 'di'i don ji ltar blta bar bgyi/ bcom ldan 'das kyis bka' stsal pa/ maud gal gyi bu gang zag gi dbang gis sangs rgyas bcom ldan 'das dag chos ston pa go bar mdzad do/ /maud gal gyi bu de lta bas na byang chub sems dpa' brtson 'grus shes pa kun 'byung ba shes pa bsgrub par 'dod pas brtson 'grus mnyam pa nyid la mngon par brtson par</font><hr>42.242a<br><font size=+1>

bya zhing rtogs par bya/ brtson 'grus shes pa kun 'byung ba shes pa la chos so sor bged pa dang / zang zing so sor bged par yang bya'o/ /maud gal gyi bu ngas brtson 'grus shes pa 'gog pa shes par bya ba'i don du sngon byang chub sems dpa'i spyad pa spyod pa na bdag sems can rnams la phan par bya ba'i phyir brtson 'grus shes pa 'gog pa shes pa ji ltar thob par bya snyam nas dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus nas/ de bzhin du sbyar te/ de'i pha rol gyi yang ches pha rol na de bzhin gshegs pa bdud dad pa zhes bya ba nas/ sangs rgyas bcom ldan 'das kyi bar 'jig rten du byung ngo / /de bzhin gshegs pa bdud dad pa de'i sangs rgyas kyi zhing du bdud shugs 'chang zhes bya ba byung ste/ des sangs rgyas lnga brgya dag gi gsung rab la bdud kyi las byas so/ /de bzhin gshegs pa de dag la srid pa'i 'gro bar 'chi ba dang / skye ba de dang de dag tu mdud par 'dzin pa rjes su dran te/ de bzhin gshegs pa de dag bzhugs pa dang / yongs su mya ngan las 'das pa de dag la bdud kyi las rnams byas so/ /de bzhin gshegs pa de dag dang / de bzhin gshegs pa'i nyan thos de dag dang / de bzhin gshegs pa so so'i gsung rab la bar chad byas pas bskal pa grangs med par log par ltung ngo / /de de bzhin gshegs pa bdud dad pa de byang chub mngon par 'tshang rgya bar bzhed pa'i de bzhin gshegs pa de'i gsung rab la yang bar chad bya bar 'dod do/ /de nas byang chub sems dpa' bdud dad pa de byang chub kyi snying po la bzhugs pa dang / bdud shugs 'chang de sngon gyi gnas rjes su dran no/ /de bdud shugs 'chang de'i dge ba'i rtsa ba de dag gzigs nas/ ji lta bu'i rdzu 'phrul mngon par 'du mdzad pa mngon par 'du mdzad de/ de lta bu'i rdzu 'phrul mngon par 'du mdzad pa mngon par 'du mdzad pas bdud shugs 'chang sngon gyi de bzhin gshegs</font><hr>42.242b<br><font size=+1>

pa de dag la mdud par bzung ba rjes su dran te/ gang sems can dmyal ba chen por skyes pa de dag rjes su dran/ gang sems can dmyal ba chen po'i rgyur gyur pa de dag rjes su dran nas/ de 'jigs skrag ste/ spu zing zhes byed nas/ skyo ba thob bo/ /skyo ba thob pas byang chub sems dpa' de la sems rab tu dang ba'i dad pa thob nas/ byang chub sems dpa' bdud dad pa de la tshigs su bcad de smras pa/ shes rab chen po ye shes dpag med mnga' ba phan mdzad thugs rje can/ /'jig rten kun la phan pa mdzad pa bde gshegs khyod la skyabs su mchi/ /ji ltar ral gri gzeb la mi mchis skad cig gyen du 'phar ltar bdag /de ltar rgyal po khyod la dad ma bgyis pas sems can sdug bsngal myong / /ji ltar mi dag mda' mdung mda' bo ches brgyab sdug bsngal tshor 'gyur ltar/ /khyod lta yid kyis sdang ba sems can dmyal bar mchi zhing sdug bsngal myong / /ji ltar mi dag chas nas ri bo'i rtser song lhung ba lus sdug bsngal/ /lhung bas brgyab cing phyer blags lus ni skad cig tsam yang bde mi 'thob/ /de bzhin stobs bcu khyod la yid kyis snang ba'i lus kyang phye mar 'gyur/ /ji ltar mi dag ral gri dgra stas brgyab ltar srid 'gror bde mi 'thob/ /rgyal la yid sdang srid 'gror bde ba cung zad tsam yang thob pa med/ /de lta bas na bde gshegs khyod la yid ni shin tu mngon dad bgyi/ /mchog sbyin khyod la skyabs su mchi zhing bdag ni mi dge'i las mthol lo/ /rgyal ba stobs bcu mnga' bar bdag 'gyur de ring smon lam brtan par 'debs/ /'gro ba dpag med srid pa'i 'gro bar mi bde sdug bsngal mang po myong / /stobs bcu'i stobs dag rab tu thob nas bdud kyi stobs ni stobs med bgyi/ /rgyal la bdag ni yid gnyis rdul tsam ma mchis bde bar gshegs pa'i blo la 'jug /rgyal ba 'gro gtso stobs mchog stobs mnga' dpag tu med par bdag 'gyur bgyi/ /bde gshegs stobs bcu stobs mchog khyod la mi yi</font><hr>42.243a<br><font size=+1>

tshogs dag skyabs su mchi/ /srid pa spangs shing rnam srid zad nas bdag kyang 'gro ba'i rgyal bar bgyi/ /maud gal gyi bu de ji snyam du sems/ de'i tshe de'i dus na bdud shugs 'chang zhes bya bar gyur pa de gzhan yin par sems na khyod kyis de ltar mi blta ste/ nga der gyur to/ /maud gal gyi bu de lta bas na byang chub sems dpa' ngan song spong bar 'dod cing / sems can gyi don bya bar 'dod pas mdud par gzung bar mi bya'o/ /maud gal gyi bu ngas brtson 'grus shes pa 'gog par 'gyur ba'i lam shes par bya ba'i don nas de bzhin du sbyar te/ mngon par 'dus byas pa'i bar du'o/ /maud gal gyi bu sngon byung ba 'das pa'i dus nas/ 'khor ba brjod du med pa de'i pha rol gyi yang ches pha rol na rgyal po dngos por nges par 'dzin pa zhes bya ba chos kyi rgyal po chos dang ldan pa zhig byung ngo / /dngos po thams cad la nges pa 'di skad smra/ 'di ltar blta ste/ ji ltar dngos po gang gis bya ba de de ltar gyur te gzhan du ma yin no/ /de'i blon po chos la spyod pa zhes bya ba 'dzangs shing dpyod pa bya ba dang / bya ba ma yin pa la mkhas pa/ rgyal srid yongs su skyong ba/ de bzhin gshegs pa dpag tu med pa la bsnyen bkur byas pa/ dge ba'i rtsa ba dpag tu med pa byas pa/ theg pa chen po la yang dag par rab tu gnas pa zhig byung ngo / /de rgyal po dngos por nges par 'dzin pa de lta bar gyur pa de las 'bral bar 'dod nas des gser gyi snod dag byed du bcug ste/ til mar gyi snod dang / mar gyi snod dang / kha ra'i snod dang / btung ba'i snod dang / bza' ba'i snod de rin po che'i snod kyi rnam pa de dag byed du bcug ste/ de snod de dag byas nas rgyal po dngos dpor nges par 'dzin pa de la 'di skad ces smras so/ /rgyal po chen po snod 'di dag gang gi snod du nges lags/ des smras pa grong gi gtso bo snod 'di dag gang gir rung ba khyod bdag nyid kyis shes par gyis shig /'di ni re shig chu'i snod du nges so/ /'di ni</font><hr>42.243b<br><font size=+1>

til mar gyi snod du nges so/ /'di ni mar sar gyi snod du nges so/ /'di ni sbrang rtsi'i snod do/ /'di ni btung ba'i snod do/ /'di ni bza' ba'i snod do/ /'di ni gser gyi snod do/ /'di ni dngul gyi snod de/ snod de dag thams cad ni nges par bstan pa yin no/ /de nas blon po des snod de dag thams cad brjes te/ til mar gyi snod du mar blugs/ mar gyi snod du til mar blugs/ sbrang rtsi'i snod du btung ba blugs/ btung ba'i snod du sbrang rtsi blugs te/ thabs des snod de dag thams cad brjes so/ /de nas blon po des snod de dag thams cad brjes nas rgyal po de gdugs tshod la spyan drangs te bzhugs nas rim gro pa la smras pa/ grogs po bkru bshal gyi chu snod nas chu khyer te shog /bkru bshal bya yis chu nyung ngu zhig khyer te/ shog ces ji skad bsgo ba bzhin snod bkang ste phul lo/ /de nas rgyal po dngos por nges par 'dzin pa de snod de dag bkang ba mthong nas/ blon po de la 'di skad ces smras so/ /grong gi gtso bo snod byas pa 'di dag chud ma zos sam/ gang chu snod du mar blugs/ de bzhin du sgyu mar byas pa'i chos thams cad chud ma zos sam des smras pa/ ji ltar snod kyi rnam pa 'di dag chab 'tshal ba de bzhin du dngos po thams cad rnam par 'jig pa'i mtha' lags te/ dngos po gang yang nges pa ma mchis so/ /dngos po thams cad ni rnam par 'jig pa'i mtha' lags shing / yongs su 'gyur ba'i mtha' lags so/ /dngos po thams cad ni mi rtag pa nyid kyi mtshan nyid kyis rnam par 'jig pa'i chos can lags so/ /dngos po thams cad ni yongs su 'gyur ba'i mtshan nyid kyis gzhan du gyur te/ dngos po gang yang rtag pa ma lags/ dngos po gang yang nges pa ma lags la/ gzhan du mthong zhing gzhan du 'gyur lags so/ /rgyal po chen po de lta lags pas mi rtag pa'i dngos po la mi rtag pa'i 'du shes bsgom par bgyi/ nges pa ma mchis pa'i dngos po la g.yo ba'i 'du shes bsgom par bgyi'o/ /</font><hr>42.244a<br><font size=+1>

rgyal po chen po gzhan yang dar la bab pa ni rgas par 'gyur/ gzhon nu ni bar mar 'gyur/ bar ma ni rgas par 'gyur rgas pa yang 'gum par gda' lags te/ de lta lags pas dngos po thams cad la nges par ma mchis lags so/ /de nas rgyal po dngos por 'dzin pa de blon po des gzhi de 'dor du bcug go/ /des blon po de la smras pa/ grong gi gtso bo legs so legs so/ /shes pa 'di rtogs par bya ba'i phyir 'bad par bya'o/ /maud gal gyi bu de ji snyam du sems/ de'i tshe de'i dus na blon po chos spyod ces bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na blon po chos spyod ces bya bar gyur to/ /maud gal gyi bu de lta bas na byang chub sems dpas dngos po thams cad la nges pa med par bya/ brtson 'grus kyi stobs kyi rim pa rtogs pas bya ba la lci ba dang yang bar 'gyur ro/ /maud gal gyi bu ngas rim pa shes par bya ba'i don du sngon byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub mngon par rdzogs par sangs rgyas nas/ rim pa shes pas sems can rnams la ji ltar yang dag par rab tu bstan par bya/ bdag gis sems can dag rim pa shes pa la ji ltar rab tu dgod/ dge ba dang mi dge ba'i chos kyi khyad par dag la mkhas pa dang / ye shes kyi khyad par dag la mkhas par gyur snyam nas/ dge ba'i rtsa ba rnam pa sna tshogs du ma dag mngon par 'dus byas so/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na/ rgyal po kun tu go byed ces bya ba zhig byung ste/ de rgyal srid thob nas bag yod pas rgyal srid byed do/ /de'i btsun mo bud med khri phrag brgyad byung / gzugs bzang zhing mdzes/ blta na sdug pa/ kha dog bzang po rgyas pa/ mchog dang ldan pa/ sngar ldang zhing phyis nyal ba/ de dag gi gzugs ni lha mo dang 'dra/ </font><hr>42.244b<br><font size=+1>

yon tan ni 'dod chags dang bral ba dang 'dra'o/ /de nas rgyal po kun tu go byed bud med khri phrag brgyad po de dag gi dbus su 'dug nas de lta bu'i ting nge 'dzin la snyoms par zhugs so/ /ji ltar sems mnyam par bzhag pas/ bsam gtan gyi bye brag dang / nyon mongs pa'i bye brag dang / yon tan gyi bye brag dag yang dag pa ji lta ba bzhin rab tu shes so/ /bud med kyi tshogs 'di re shig 'di dag ni shes pa'i bye brag /'di dag ni nyon mongs pa'i bye brag /'di dag ni yon tan gyi bye brag /de bud med kyi nang du 'dug nas/ yun mi ring bar bud med khri phrag brgyad po dag yongs su shes so/ /de bud med gang dag gi lus shes pa nyam chung zhing nyon mongs pa'i stobs dang ldan pa/ de'i nyon mongs pa rnam par gdul ba'i phyir shes pa skyed pa'i chos ston to/ /bud med gang dag nyon mongs pa'i stobs chung la/ shes pa'i stobs dang ldan pa/ de'i nyon mongs pa chung ngu ji tsam yod pa spang ba'i phyir chos stan te/ bud med 'dod chags spyod pa dag la mi gtsang ba dang / mi rtag pa bstan/ zhe sdang spyod pa dag la byams pa dang / mi rtag pa bstan/ gti mug spyod pa dag la rten cing 'brel par 'byung ba dang / mi rtag pa bstan/ rnam par rtog pa spyod pa dag la dbugs 'byung ba dang rngub pa dran pa dang mi rtag pa bstan/ mtshan ma spyod pa dag la mtshan ma med pa dang mi rtag pa bstan/ bud med bdag tu mngon par zhen pa dag la stong pa nyid dang mi rtag pa bstan/ bud med srid pa la sred pa dag la smon pa med pa dang / mi rtag pa bstan te/ de ltar nyon mongs pa gang dang gang spyod par 'gyur ba de dang de dag gi gnyen pos gcod do/ /de'i bud med gang dag 'dod chags spyod pa de dag bsam gtan bsgrubs te/ tshangs pa'i lam bsgoms nas tshangs pa'i 'jig rten du skyes so/ /bud med zhe sdang spyod pa dag la tshad med pa bsgrubs te/ tshangs pa'i lam bstan to/ /de'i bud med de dag tshad med pa la gnas te/ tshangs pa'i lam bsgom nas tshangs pa'i 'jig rten du skyes so/ /</font><hr>42.245a<br><font size=+1>

bud med gang dag mtshan ma la spyod pa de dag mtshan ma med pa bsgrubs te/ tshangs pa'i lam bstan to/ /de'i bud med de dag mtshan ma med pa bsgrubs te/ tshangs pa'i lam bsgoms nas mtho ris kyi 'jig rten du skyes so/ /bud med gang dag srid pa'i 'dod chags la lhag par chags pa de dag la smon pa med pa bsgrubs te tshangs pa'i lam bstan to/ /de'i bud med de dag smon pa med pa bsgrubs te/ tshangs pa'i lam bsgoms nas tshangs pa'i 'jig rten du skyes so/ /de ltar rgyal po kun tu go byed des shes pa dang nyon mongs pa dang / yon tan gyi las dag yang dag par rab tu bstan pa na bud med khri phrag brgyad po de dag 'dod chags dang bral ba dag la rab tu btsud nas tshangs pa'i 'jig rten du skyes so/ /maud gal gyi bu de ji snyam du sems/ de'i tshe de'i dus na rgyal po kun du go byed ces bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na/ rgyal po kun tu go byed ces bya bar gyur to/ /shes pa tha ma dang 'bring gi bye brag la mkhas pa/ nyon mongs pa tha ma dang 'bring dag gi bye brag la mkhas yon tan tha ma dang 'bring dag gi bye brag dag la mkhas so/ /maud gal gyi bu de lta bas na/ byang chub sems dpas chos thams cad kyi tha ma dang 'bring la mkhas par bya'o/ /maud gal gyi bu ngas rim pa shes pa kun 'byung ba shes par bya ba'i don du sngon byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub mngon par rdzogs par sangs rgyas nas rim pa shes pa kun 'byung ba shes pa sems can rnams la ji ltar yang dag par rab tu bstan par bya snyam nas dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ rgyal po nyon mongs pa smod pa zhes bya ba zhig byung ngo / /rgyal po nyon</font><hr>42.245b<br><font size=+1>

nyon mongs pa smod pa de'i btsun mo bud med khri phrag dgu byung ste/ gzugs bzang zhing mdzes pa blta na sdug pa/ kha dog bzang po rgyas pa mchog dang ldan pa yin no/ /de la bud med gang dang gang dag gi mig gis mthong ba'i bud med de dang de dag nyid nyon mongs pa'i 'bras bu dang las kyi 'bras bu yang dag par shes so/ /de dag nyon mongs pa'i 'bras bu dang / las kyi 'bras bu rig nas nyon mongs pa thams cad nas thams cad du mi skye zhing / smad pa de dag kyang nye bar shes par gyur to/ /des bud med khri phrag dgu bcu po dag bdag gi las dang / bdag gi nyon mongs pa khong du chud par byas so/ /de bdag gi las dang bdag gi nyon mongs pa de dag yongs su shes pa na/ 'dod pa rnams la 'dod chags dang bral ba rjes su thob bo/ /de dag lus zhig nas shi ba'i 'og tu tshangs pa'i 'jig rten du skyes so/ /maud gal gyi bu khyod de'i tshe de'i dus na rgyal po nyon mongs pa smod pa zhes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na rgyal po nyon mongs pa smod pa zhes bya bar gyur to/ /ngas de'i tshe bud med khri phrag dgu bcu po de dag las dang nyon mongs pa khong du chud par byas so/ /khong du chud pa na las dang nyon mongs pa yongs su shes nas tshangs pa'i 'jig rten du skyes so/ /maud gal gyi bu de lta bas na byang chub sems dpa' nyon mongs pa spang bar bya'o/ /bam po nyi shu gnyis pa/ maud gal gyi bu ngas rim pa shes pa 'gog pa shes par bya ba'i don du sngon byang chub sems dpa'i spyad pa spyod pa nas de bzhin du sbyar te/ mngon par 'dus byas pa'i bar du'o/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ rgyal po 'gog pa mthong ba zhes bya ba zhig byung ngo / /de chos</font><hr>42.246a<br><font size=+1>

skye ba gang dang gang mthong ba de dang de nyid la 'gog par rnam par rtog go/ /de 'di snyam du sems te/ dngos po gang dag kun 'byung ba'i chos can de dag thams cad ni 'gog pa'i chos can no/ /'byor pa yang 'gog pa'i chos can yin la/ rgud pa yang 'gog pa'i chos can no/ /rnyed pa yang 'gog pa'i chos can yin la/ ma rnyed pa yang 'gog pa'i chos can no/ /de bzhin du sbyar te grags pa dang / smad pa dang / bstod pa dang bde ba dang / sdug bsngal ba yang 'gog pa'i chos can no snyam mo/ /de 'di snyam du sems te/ chos 'di dag mngon par 'dus ma byas na mi skye ste/ gang 'gog pa'i chos can 'di dag thams cad de ci ste mngon par bskyed par bya/ gang skye ba med pa de la 'gog pa med/ gang 'gog pa med pa de la mya ngan med cing smre sngags 'don pa med do/ /de lta bas na ma byas pa nyid mchog yin no snyam mo/ /maud gal gyi bu de ji snyam du sems/ de'i tshe de'i dus na rgyal po 'gog pa mthong ba zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po 'gog pa mthong ba zhes bya bar gyur te/ de nga yin te da ltar byung ba'i chos kyang 'gog pa'i chos su rab tu shes so/ /de 'di snyam du sems te/ kye ma 'jig rten gnas pa 'di ni 'gog pa'i chos dang / chos rnams la spyod pa nyon mongs so snyam mo/ /de nga yin te skye bo'i tshogs mang po'i nang du 'dug nas chos thams cad ni 'gog pa'i chos so zhes chos bstan to/ /des na ngas sngon srog chags khri phrag dpag tu med pa dag mngon par 'du byed pa med pa la rab tu btsud do/ /lha dang mi rnams la yang dag par rab tu bstan te/ nga'i tshangs par spyod pa rgya che bar gyur to/ /maud gal gyi bu de lta bas na byang chub sems dpas 'gog pa la mkhas par bya'o/ /'gog pa la mkhas pa'i byang chub sems dpa' ni phyir mi ldog cing myur du bla na med pa yang</font><hr>42.246b<br><font size=+1>

dag par rdzogs pa'i byang chub tu 'gyur ro/ /maud gal gyi bu ngas rim pa shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na dge ba'i rtsa ba rgya che ba mngon par 'dus byas te/ de bzhin du sbyar ro/ /maud gal gyi bu sngon byung ba 'das pa'i dus nas de'i pha rol gyi yang ches pha rol na rgyal po ro myang ba dang nyes dmigs la mkhas pa zhes bya ba zhig byung ngo / /de chos thams cad kyi ro myang ba dang nyes dmigs ni rab tu shes na nges par 'byung ba de dag rab tu mi shes so/ /de 'di snyam du sems te/ chos 'di dag la nges par 'byung ba rab tu shes pa su zhig yod snyam nas/ de'i mtshan mo nyal du song ba dang / sangs rgyas kyi sku skyes bu chen po'i mtshan sum bcu rtsa gnyis dag dang ldan pa byung nas des de la bka' stsal pa/ rgyal po khyod skye bo mang po la phan pa dang / skye bo mang po la bde ba dang / 'jig rten la snying brtse ba'i phyir tshul bzhin du sems bskyed pa de legs so legs so/ /rgyal po chen po de'i phyir khyod nyid kyis shes par gyis shig /mngon par 'du byed pa med pa ni nges par 'byung ba yin te/ gang mngon par 'du mi byed pa de mi 'byung ngo / /gang ma byung na de nges par 'byung ba zhes bya'o/ /de stan las langs nas bla gos phrag pa gcig tu gzar nas pus mo g.yas pa'i lha nga sa la btsugs nas sangs rgyas kyi sku de la tshigs su bcad de gsol pa/ mi mchog 'jig rten mgon po ste/ /blta na sdug cing shin tu gsal/ /gang du skye bo rmongs pa dag /'di ni byang chub lam lags so/ /maud gal gyi bu khyod de'i tshe de'i dus na rgyal po ro myang ba dang nyes dmigs la mkhas pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na rgyal po ro myang ba dang nyes dmigs la mkhas pa zhes bya bar gyur to/ /de'i tshe ngas mngon par</font><hr>42.247a<br><font size=+1>

'du ma byas shing nges par 'byung ba bstan to/ /maud gal gyi bu de lta bas na byang chub sems dpas mngon par 'du mi byed pa la mkhas par bya'o/ /mngon par 'du mi byed pa la mkhas pa'i byang chub sems dpa' ni chos rnams la myur du phyir mi ldog par rab tu gnas par 'gyur ro/ /maud gal gyi bu ngas sngon gyi mtha' shes par bya ba'i don du sngon byang chub sems dpa'i spyad pa spyod pa na/ dge ba'i rtsa ba rnam pa sna tshogs du ma dag mngon par 'dus byas te/ ji ltar sngar bstan pa bzhin du rgya cher bya'o/ /maud gal gyi bu sngon byung ba 'das pa'i dus 'khor ba dpag tu med cing grangs med/ bsam gyis mi khyab gzhal gyis mi lang / dpag tu med brjod du med pa de'i pha rol gyi yang ches pha rol na rgyal po sngon gyi mtha' shes pa yongs su rtogs pa zhes bya ba zhig byung ngo / /de byed pa gang dang gang rtsom pa de sngon gyi mtha' so sor brtags nas rtsom mo/ /gang bdag gi ngo bo nyid dbang po'i bye brag de dag thams cad ni sngon gyi las kyis bsgrubs pa yin te/ la la ni gzugs ngan/ la la ni gzugs bzang / la la ni bsod nams dang ldan/ la la ni bsod nams chung / la la ni blun la la ni mkhas/ la la ni bran la la ni jo bo/ la la ni rab tu dga' ba skyed/ la la ni gti mug skyed de/ gang bdag bran du 'gyur ba'i las mngon par 'du byed pa 'di bdag dang 'thun par mi 'gyur ro/ /gzugs ngan par 'gyur ba 'am/ bsod nams chung bar 'gyur ba nas/ gti mug skyed par 'gyur ba'i las mngon par 'du byed pa 'di ni bdag dang 'thun par mi 'gyur ro/ /gang bdag gzugs bzang por 'gyur ba'i las mngon par 'du byed pa dang / dbang po thams cad ma tshang ba med par 'gyur ba'i las mngon par 'du byed pa de dag bdag dang 'thun par 'gyur ro/ /gang bdag yid la gcags pa med par 'gyur ba'i las mngon par 'du byed pa de yid la gcags pa med par 'gyur ba'i</font><hr>42.247b<br><font size=+1>

las mngon par 'dus byas te/ de bskal pa grangs med par nams kyang kun nas dkris pa'i sems mi skyed do/ /maud gal gyi bu ji snyam du sems/ de'i tshe de'i dus na rgyal po sngon gyi mtha' shes pa yongs su rtog pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na rgyal po sngon gyi mtha' shes pa yongs su rtog pa zhes bya bar gyur to/ /nga sngon gyi mtha' de yongs su rtog pa na nyon mongs pa'i kun nas dkris pa 'am/ nyes par spyad pa'i kun nas dkris pa'i sems sngon ma byung ngo / /maud gal gyi bu de lta bas na byang chub sems dpas sngon gyi mtha' yongs su brtag pa'i las mngon par 'du bya zhing dge ba la bsten par bya/ sdig pa spang bar bya'o/ /maud gal gyi bu sngon gyi mtha' so sor rtog pa'i byang chub sems dpa' ni kun nas dkris pa'i sems dang bral zhing / myur du phyir mi ldog pa nyid la rab tu gnas par 'gyur ro/ /maud gal gyi bu ngas sngon gyi mtha' shes pa kun 'byung ba shes pa yongs su shes par bya ba'i don nas/ mngon par 'dus byas pa'i bar snga ma bzhin no/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na/ rgyal po sngon gyi mtha' shes pa kun 'byung ba shes pa yongs su rtog pa zhes bya ba sdig pa thams cad dang bral zhing / dge ba'i chos thams cad la mngon par dga' ba zhig byung ngo / /de tshe thung ba dag la smod cing / tshe ring po dag la mngon par dga'/ gnod pa mang po dag la smod cing / gnod pa nyung ba dag la mngon par dga'/ rigs dma' ba dag la smod cing / rigs mthon po dag la mngon par dga'/ gzi brjid chung ba dag la smod cing / gzi brjid chen po dag la mngon par dga'/ dbul ba dag la smod cing / longs spyod chen po dag la mngon par dga'/ shes rab chung ba dag la smod cing / shes rab chen po dag la mngon</font><hr>42.248a<br><font size=+1>

par dga'/ dbang po zhan pa dag la smod cing / dbang po chen po dag la mngon par dga'/ tshig mi snyan pa dag la smod cing / tshig snyan pa dag la mngon par dga' yang dag pa ma yin pa'i tshig dag la smod cing / yang dag pa'i tshig dag la mngon par dga'/ phra ma dag la smod cing phra ma med pa dag la mngon par dga'/ de bzhin du sbyar te/ tshig rtsub po dang / tshig rtsub po ma yin pa dang / sdums byed pa dang / sdums mi byed pa dang / brnab sems dang / brnab sems med pa dang / gnod sems dang gnod sems med pa dang / log par lta ba la ni smod/ yang dag par lta ba la ni mngon par brtson te/ de sdig pa ni spong / dge ba la ni mngon par dga' zhing / skye bo de dag thams cad dge ba bcu'i las kyi lam la rab tu bkod do/ /byams pa'i sems sngon du btang bas de dag la dge ba bcu'i las kyi lam yang dag par rab tu bstan te/ de 'jig rten 'jig pa na 'od gsal gyi lha rnams kyi nang du skyes/ 'jig rten chags pa na tshangs pa'i gzhal med khang stong par skyes so/ /maud gal gyi bu khyod de'i tshe de'i dus na/ rgyal po sngon gyi mtha' shes pa kun 'byung ba shes pa yongs su rtog pa zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po sngon gyi mtha' shes pa kun 'byung ba shes pa zhes bya bar gyur to/ /nga byams pa'i sems sngon du btang nas sems can de dag la dge ba bcu'i las kyi lam bstan pas tshangs pa'i 'jig rten du skyes so/ /maud gal gyi bu de lta bas na/ byang chub sems dpa' byams pa'i sems kyis ting nge 'dzin la rab tu gnas par bya/ mi gnas pa'i tshul gyis dge ba bcu'i las kyi lam bsgom par bya'o/ /maud gal gyi bu ngas sngon gyi mtha' shes pa 'gog pa shes par bya ba'i don du sngon byang chub sems dpa'i spyad pa spyod pa nas/ mngon par 'dus byas pa'i bar dang / yang dag par rab tu bstan pa'i bar du'o/ /maud gal gyi bu sngon</font><hr>42.248b<br><font size=+1>

byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong blo gros gtsang ma zhes bya ba zhig byung ngo / /de nyon mongs pa gang dang gang nyid skyes pa de dang de nyid la mi gtsang ba'i 'du shes su gyur to/ /de mi gtsang bar sems pa na myur ba nyid du spong bar byed/ sel bar byed/ 'dor bar byed de des mngon par mi dga'o/ /de yun mi ring bar nyon mongs pa thams cad la shin tu mi spyod par 'gyur te/ dag pa rnam par byang ba'i phyogs nyid la gnas par gyur to/ /lha dang klu dang / gnod sbyin dang dri za de dag thams cad de la gzhol bar gyur te/ de la 'bab de la bab ste/ tha na rtswa'i lha yang de la gzhol bar gyur de la 'bab de la bab po/ /der skye bo thams cad las bdag gir bya ba'i shes pa la btsud de/ ji ltar las byas pa dag gi rnam par smin pa 'grub pa 'dir skye bo thams cad la mngon sum yin na mi rigs pas yongs su bsgyur nas bdag gi las kyi 'bras bu chud gzon to/ /des skye bo de dag las bdag gir bya ba shes pa la btsud cing / las bdag gir bya ba shes pa la rab tu bkod de/ shes pa'i gnyen po skyes nas phal cher lus zhig nas shi'o/ /shi nas tshangs pa'i 'jig rten du skyes par gyur to/ /maud gal gyi bu de ji snyam du sems/ de'i tshe de'i dus na drang srong blo gros gtsang ma zhes bya bar gyur pa de gzhan yin par sems na/ khyod kyis de ltar mi blta ste/ de'i tshe de'i dus na nga drang srong blo gros gtsang ma zhes bya bar gyur to/ /ngas skye bo de dag las bdag gir bya ba shes pa la btsud cing rab tu bkod de/ shes pa'i gnyen po skyes nas tshangs pa'i 'jig rten du skyes so/ /maud gal gyi bu de lta bas na byang chub sems dpas las bdag gir bya bar shes pa la rab tu gnas par bya'o/ /maud gal gyi bu ngas sngon gyi mtha' shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa na dge ba'i rtsa ba dpag tu med</font><hr>42.249a<br><font size=+1>

pa dag mngon par 'dus byas pa nas/ yang dag par rab tu bstan pa'i bar du'o/ /maud gal gyi bu sngon byung ba 'das pa'i dus 'khor ba dpag tu med cing / grangs med pa de'i pha rol gyi yang ches pha rol na drang srong lam byin zhes bya ba zhig byung ste/ sa'i mtha' rgya mtshor bcas pa btang nas rab tu byung ngo / /de tshal gyi nang du song ste/ shing ljon pa la rtog pa na de 'di snyam du sems te/ shing ljon pa 'di yun mi ring bar sa la ltung bar 'gyur ro/ /de ci'i phyir zhe na/ bsags pa thams cad kyi mtha' zad pa yin la/ mtho ba dag ni ltung ba yin te/ gang mtho ba las mi ltung ba'i thabs gang zhig yod snyam mo/ /de 'di snyam du sems te/ thabs med do snyam mo/ /de 'di snyam du sems te/ gang dag mi mtho ba de mi ltung ngo snyam mo/ /de 'di snyam du sems te/ nga rgyal gyis mtho bar 'gyur te/ nga rgyal med na mtho ba med do snyam nas/ de nga rgyal spang ba'i phyir chos ston te/ nga rgyal spang ba'i phyir chos bstan nas snying rje dang ldan pa'i sems kyis dge ba bcu'i las kyi lam yang dag par rab tu bstan to/ /de snying rje dang ldan pa'i sems kyis sems can de dag la dge ba bcu'i las kyi lam yang dag par rab tu bstan nas lus zhig ste shi ba'i 'og tu tshangs pa'i 'jig rten du skyes so/ /maud gal gyi bu de ji snyam du sems/ de'i tshe de'i dus na drang srong lam byin zhes bya bar gyur pa gang snying rje dang ldan pa'i sems kyis de dag la dge ba bcu'i las kyi lam la yang dag par rab tu bstan nas tshangs pa'i 'jig rten du skyes pa de gzhan yin par sems na de ltar mi blta ste/ nga der gyur to/ /maud gal gyi bu de lta bas na byang chub sems dpa' snying rje dang ldan pa'i sems kyis dge ba bcu'i las kyi lam yang dag par rab tu bstan par bya ste/ de phyir mi ldog pa nyid la gnas par 'gyur ro/ /maud gal gyi bu ngas gnas shes par bya ba'i don du 'das pa'i</font><hr>42.249b<br><font size=+1>

dus nas de bzhin du sbyar te/ maud gal gyi bu sngon byung ba 'das pa'i dus nas/ de'i pha rol gyi yang ches pha rol na drang srong shin tu khrid byad ces bye ba phyi rol gyi lam gyis 'dod pa dag gi 'dod chags dang bral ba/ lnga mngon par shes pa zhig byung ngo / /de 'di snyam du sems te/ gang gis sems can 'di dag gi skye ba yang tha dad pa nyid du snang / rigs kyang tha dad pa nyid du snang / rus kyang tha dad pa nyid du snang ba'i rgyu ni gang rkyen ni gang yin snyam mo/ /de 'di snyam du sems te/ nyon mongs pa rab tu spyod pa las gzhan ma yin te/ ji lta bu'i nyon mongs pa rab tu spyod na/ de lta bu'i las mngon par 'du byed do/ /ji lta bu'i las mngon par 'du byed na/ de lta bu'i rnam par smin pa 'grub par 'gyur te/ rgyu las dang nyon mongs pa yin no/ /nyon mongs pa de gang gi yin/ las mngon par 'du byed pa de yang gang gi yin/ rnam par smin pa de yang su zhig gis myong bar 'gyur ro snyam mo/ /de 'di snyam du sems te/ tshogs 'dus pa'i dbang gis las mngon par 'du byed pa las gzhan ma yin te/ de la nyon mongs pa ni bdag gis las bskyed par bya'o snyam du mi sems/ las kyang bdag gis rnam par smin par 'grub par bya'o snyam du mi sems/ rnam par smin pa yang bdag gis gang zhig rnam par smin par bya'o snyam du mi sems mod kyi/ 'on kyang med pa'i chos la bdag go snyam du yongs su bzung nas/ sdug bsngal gyi tshogs dang sbrel to/ /sdug bsngal de gang nas kyang ma byung / gang gi yang ma yin sus kyang ma bskyed/ cung zad kyang yongs su bzung ba med do/ /de ci'i phyir zhe na/ 'di ltar gang zhig bdag go snyam pa de ni med de med pa la mngon par zhen to/ /gang bdag med pa la mngon par zhen pa de bdag nyid chud gzon te/ bdag med pa'i chos dag la bdag tu mngon par zhen to/ /de bdag tu mngon par zhen nas</font><hr>42.250a<br><font size=+1>

sdug bsngal zhes rtog par byed/ gtsang ba dang rtag go zhes rtog par byed do/ /gang med pa'i chos la de bdag med pa dang / mi rtag pa dang mi bde ba dang mi gtsang bar de bzod pa 'di dag thob nas bskal pa grangs med par nams kyang bdag tu mngon par ma zhen to/ /des sems can grangs med pa dag bdag tu mngon par zhen pa las bskyod nas stong pa nyid la rab tu btsud do/ /maud gal gyi bu de ji snyam du sems/ de'i tshe de'i dus na drang srong shin tu khrid byed ces bya bar gyur pa de gzhan yin par sems na de ltar mi blta ste/ de ci'i phyir zhe na nga de'i tshe de'i dus na drang srong shin tu khrid byed ces bya bar gyur to/ /ngas sems can de dag bdag tu 'du shes pa las bskyod nas stong pa nyid la rab tu btsud do/ /maud gal gyi bu ji tsam du de bzhin gshegs pas 'di lta ste/ chos thams cad mnyam pa nyid du de dag byang chub mngon par rdzogs par sangs rgyas na/ so so'i skye bo thos pa dang mi ldan pa dag bdag tu rtog par byed/ rtag pa dang gtsang bar rtog par byed de/ bdag nyid sdug bsngal gyi tshogs dang / sbrel ba la ltos/ 'di lta ste dper na dar gyi srin bu ni bdag nyid kyis bdag dkris te mes sreg cing 'bar ba na rang gi srin bal yang dag par byung ba de nyid kyis sreg go/ /de bzhin du byis pa so so'i skye bo rang las yang dag par byung ba'i sdug bsngal gyi tshogs des sreg go/ /maud gal gyi bu de lta bas na byang chub sems dpas las mngon par 'du byed pa ni 'ching bar blta'o/ /me de la mngon par zhen cing kun tu 'dod chags pa des sems can dag sreg ste/ de dag sreg pa na sems can dag ma rig pa'i sgrib pas sreg pa la yang dag par sbyar ba'i sngon gyi mtha' mi shes so/ /mngon par zhen pa dang / kun tu chags pa la mkhas pa'i byang chub sems dpa' ni phyir mi ldog cing myur du chos nyid thob par 'gyur ro/ /maud gal gyi bu ngas gnas shes pa kun 'byung ba shes par</font><hr>42.250b<br><font size=+1>

bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas gnas shes pa kun 'byung ba shes pa sems can rnams la ji ltar yang dag par rab tu bstan par bya snyam nas dge ba'i rtsa ba rgya che ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong gnas 'gog pa la mkhas pa zhes bya ba srid pa dang 'gro ba'i 'ching ba dang / skye ba thams cad la mi gnas pa zhig byung ngo / /de 'di snyam du sems te/ kye ma sems can 'di dag thams cad ni chos rnams kyi rang bzhin ma shes pas nyon mongs so/ /de dag rang bzhin med pa'i chos rnams la mngon par zhen nas/ bdag nyid sdug bsngal gyi rgyu yongs su 'dzin to/ /bdag nyid sdug bsngal gyi rgyu yongs su bzung bas bdag nyid sdug bsngal myong ngo / /snyam nas de rang bzhin med pa'i chos thams cad rig cing mngon par 'du byed pa'i rgyu yongs su shes so/ /mngon par 'du byed pa'i rgyu yongs su shes nas/ shes pa'i rgyu spel cing mi shes pa'i rgyu yang dag par bcad do/ /mi dge ba'i chos thams cad nas thams cad du yang dag par gcad pa'i phyir zhugs shing / dge ba'i chos rnam par 'phel bar bya ba la yang zhugs so/ /des sems can khri phrag dpag tu med pa dag gnas shes pa kun 'byung ba shes pa la yongs su smin par byas so/ /maud gal gyi bu de ji snyam du sems/ de'i tshe de'i dus na drang srong gnas shes pa 'gog pa la mkhas pa zhes bya bar gyur pa de gzhan yin par sems na de ltar mi blta ste nga der gyur to/ /ngas sems can dpag tu med pa de dag gnas shes pa kun 'byung ba shes pa la yongs su smin par byas so/ /maud gal gyi bu de lta bas na byang chub sems dpas gnas shes pa kun</font><hr>42.251a<br><font size=+1>

'byung ba shes pa yongs su smin par bya ba la mkhas par bya'o/ /gnas shes pa kun 'byung ba shes pa la mkhas pa'i byang chub sems dpa' ni myur du phyir mi ldog pa'i chos rnams la rab tu gnas par 'gyur ro/ /maud gal gyi bu ngas gnas shes pa 'gog pa shes par bya ba'i don du/ sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas de bzhin du sbyar te/ dge ba'i rtsa ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na rgyal po sa 'dzin ces bya ba chos kyi rgyal po chos dang ldan pa sems can rnams la snying brtse ba zhig byung ngo / /de 'di snyam du sems te/ de ci'i phyir sems can 'di dag sdug bsngal mi zad pa myong / de ci'i phyir 'di dag grol ba rnams kyi thar bar 'gyur snyam nas/ de sems can de dag gi sngon gyi las mngon par 'du byed pa yongs su rtog go/ /de sems can kha cig kun tu 'bar ba dag gis bdag gi ngo bo rab tu 'bar zhing shin tu 'bar bar gyur nas rgyug rab tu rgyug cing nyam thag pa'i skad 'byin pa mthong ngo / /sems can kha cig bya'i tshogs kyis gtses te/ nyam thag pa'i skad 'byin cing rgyug rab tu rgyug pa mthong ngo / /sems can kha cig srin bu dag gis zos nas/ nyam thag pa'i skad 'byin cing rgyug rab tu rgyug pa mthong ngo / /sems can kha cig dri nga bas khyab nas/ nyam thag pa'i skad 'byin cing rgyug rab tu rgyug par mthong nas/ de 'di snyam du sems te/ gnas la mngon par zhen pa'i rgyu dang / las mngon par 'du byed pa'i rgyus sems can 'di dag sdug bsngal sna tshogs myong ngo snyam mo/ /de sems can gang mi rigs pa la yang dag par rab tu gnas par mig gis mthong ba'i sems can de dag la gnas kyi skyon de dag yang dag par ston te/ </font><hr>42.251b<br><font size=+1>

khyed cag bdag gi gnas dag la dga' bar yang dag par rab tu bltas pas bdag la dga' ba'i rgyus sdig pa'i las 'di dag mngon par 'dus byas so/ /gang mngon par 'dus byas pa'i rgyus lus kun tu 'bar la rgyug rab tu rgyug go/ /bya'i tshogs dag gis gtses shing rgyug rab tu rgyug /srin bu'i tshogs dag gis zos shing rgyug rab tu rgyug go/ /dri nga bas khyab cing rgyug rab tu rgyug ste/ de dag bdag gi ngo bo so sor 'dod pas sdug bsngal nyid yang dag par bskyed pa la ma gtogs par bde ba cung zad kyang rjes su ma thob po/ /so sor 'dzin pa'i rgyus sdig pa'i las 'di dag mngon par 'dus byas so/ /gang rnam par smin pa 'di myong ngo / /khyed cag lus la mi zad pa'i 'du shes nye bar zhog shig /mngon par zhen pa med pa'i 'du shes kyang nye bar zhog shig /mi gtsang ba'i 'du shes kyang nye bar zhog shig dang legs so/ /de chos bstan pa des sems can khri phrag dpag tu med pa dag phyir mi ldog pa nyid rjes su thob bo/ /maud gal gyi bu de ji snyam du sems/ de'i tshe de'i dus na rgyal po sa 'dzin ces bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na rgyal po sa 'dzin ces bya bar gyur to/ /ngas sems can khri phrag dpag tu med pa de dag yongs su 'dzin pa de las bzlog nas phyir mi ldog pa nyid la rab tu btsud do/ /maud gal gyi bu de lta bas na byang chub sems dpas yongs su 'dzin pa med pa la bslab par bya'o/ /yongs su 'dzin pa med pa la slob pa'i byang chub sems dpa' ni myur du phyir mi ldog pa'i sa 'thob par 'gyur ro/ /maud gal gyi bu ngas gnas shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa nas mngon par 'dus byas pa'i bar dang / yang dag par rab tu bstan pa'i bar du'o/ /maud gal gyi bu sngon byung ba 'das pa'i dus nas de'i pha rol gyi yang ches pha rol na rgyal po drang</font><hr>42.252a<br><font size=+1>

srong srid pa shes pa rtogs pa zhes bya ba zhig byung ste/ byas pa dang ldan pa/ kun shes pa dang / tshor ba shes pa dang / tshor ba po shes pa dang / 'du byed shes pa dang / bye brag shes pa dang / dge ba shes pa dang / kha na ma tho ba dang bcas pa shes pa dang / kha na ma tho ba med pa shes pa dang / byas pa shes pa dang / de las gzhan pa 'jig rten pa'i bzo'i gnas dang / las kyi gnas rnams la bslabs par gyur to/ /de 'di snyam du sems te/ bzo gang la bslabs pas skye ba med 'jig pa med/ 'chi ba med mi dga' ba med pa yang dag par rab tu sbyang zhing / mi dga' ba dang bral ba'i bzo cung zad yod do snyam mo/ /de de ltar so sor rtog pa na bzo cung zad kyang ma dmigs te/ gang la slob pa na skye ba med/ 'jig pa med 'chi ba med/ skyes pa med do/ /de 'di snyam du sems te/ bya ba 'di dag thams cad ni rdza mkhan gyi snod dang 'dra ste/ sems can yang med/ 'chi ba yang shes so/ /gal te sems can dag mngon par 'du mi byed na 'chi ba med cing skyes pa med do snyam nas/ de de'i tshe de lta bu'i sems kyi ting nge 'dzin thob ste/ ji ltar sems mnyam par bzhag pas sems can rnams kyi lus tha dad pa rjes su dran no/ /de sangs rgyas kyi zhing gi rdul phra mo snyed kyi sems can re re'i bdag gi ngo bo tha dad pa rjes su dran no/ /rgyu gang dang rkyen gang dag gis bdag gi ngo bo grub pa de dag thams cad rjes su dran zhing / dmigs pa gang gis bdag gi ngo bo tha dad pa de dag thams cad rjes su dran no/ /de 'di snyam du sems te/ gang gis bdag gi ngo bo mngon par 'grub par mi 'gyur ba'i shes pa de gang las 'thob snyam mo/ /de 'di snyam du sems te/ mngon par 'du mi byed pa las gzhan ma yin te/ gang zhig mngon par 'du mi byed na de tha dad par 'gyur ba med na yang / rgyu mngon par 'du byed pa lta ga la yod snyam mo/ /de 'di snyam du sems te/ ma rig pa dang sred pa las gzhan ma yin te/ sred pa'i rgyus las mngon par 'du byed de/ skyon de dag rab tu mi shes so/ /sred pa 'gags</font><hr>42.252b<br><font size=+1>

na las mngon par 'du mi byed de/ shes pa de yang rab tu mi shes so/ /de lta bas na mkhas pas ye shes kyi snang ba bya'o/ /ye shes kyi snang ba'i byang chub sems dpa' ni phyir mi ldog pa nyid la rab tu gnas par 'gyur ro snyam mo/ /maud gal gyi bu de ji snyam du sems/ de'i tshe de'i dus na rgyal po drang srong shes pa rtogs pa zhes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na rgyal po drang srong shes pa rtogs pa zhes bya bar gyur to/ /maud gal gyi bu de lta bas na byang chub sems dpas shes pa rtogs par bya'o/ /dngos po shes pa rtogs pa'i byang chub sems dpa' ni phyir mi ldog pa nyid la rab tu gnas par 'gyur ro/ /maud gal gyi bu ngas phyi ma'i mtha' shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas phyi ma'i mtha' shes pa sems can rnams la ji ltar yang dag par rab tu bstan par bya snyam nas dge ba'i rtsa ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na gtso bo blo gros drang po zhes bya ba sems can rnams kyi rtsod pa gcod pa la mkhas pa/ sems can thams cad kyi rtog pa smras pa tsam nyid kyis smras pa 'di dag ni rgyal lo/ /smras pa 'di dag ni mi rgyal lo zhes yang dag par rab tu shes pa zhig byung ngo / /de yang lus dang sems kyi spyod lam mchog tu mdzes te/ de blta ba'i phyir mthong ba tsam nyid kyis sems can rnams kyi mig 'ching ngo / /gtso bo blo gros drang po don bya ba'i phyir langs nas gcig pu dben par song ste/ nang du yang dag 'jog la zhugs pa dang / de lta bu'i sems kyi ting nge 'dzin 'di thob nas/ ji ltar sems mnyam par</font><hr>42.253a<br><font size=+1>

bzhag pas lha'i mig thob bo/ /de lha'i mig gis sems can dag 'chi ba dang / skye ba dang bde 'gro dang / ngan 'gror skyes pa mthong nas/ de 'di snyam du sems te/ gang 'jig rten 'di nas 'jig rten pha rol tu 'gro ba'i chos de gang yin snyam pa dang / gang 'jig rten 'di nas 'jig rten pha rol tu 'gro ba de 'di yin zhes ma dmigs so/ /de 'di snyam du sems te/ chos 'di dag gi rang gi ngo bo ni chu zla lta bu ste/ 'di lta ste dper na chu'i nang du zla ba song ba dang / chu zla'i dkyil 'khor du rnam par rig pa yang snang ngo / /de bzhin du chos 'di dag thams cad kyang chu zla dang 'dra ste/ chos rnams kyi 'pho ba yang med la/ 'jig rten pha rol tu rnam par rig par snang ste/ gang 'jig rten 'di nas 'jig rten pha rol tu 'pho ba'i las 'di na chung zad kyang med do snyam mo/ /de'i tshe skye bo dag chu zla lta bu'i chos thams cad la btsud cing rab tu bkod do/ /de'i skye bo de dag chu zla lta bu'i chos thams cad rtogs nas/ phyir mi ldog pa'i chos la rab tu gnas so/ /maud gal gyi bu de ji snyam du sems/ de'i tshe de'i dus na gtso bo blo gros drang po zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na gtso bo blo gros drang po zhes bya bar gyur to/ /ngas sems can khri phrag dpag tu med pa dag phyir mi ldog pa nyid la rab tu btsud do/ /byang chub sems dpa' de dag thams cad kyang sangs rgyas kyi zhing yongs su dag par byas/ sems can dpag tu med pa dag gi don byas nas sems can dpag tu med pa dag phyir mi ldog pa nyid la rab tu btsud do/ /phung po lhag ma med pa'i mya ngan las 'das pa'i dbyings su yongs su mya ngan las 'das so/ /maud gal gyi bu de lta bas na byang chub sems dpas chos thams cad chu zla'i ngo bo lta bur mos par bya'o/ /chos thams cad chu zla'i ngo bo lta bur mos pa'i byang chub sems dpa' ni myur du phyir mi ldog pa'i sa thob par</font><hr>42.253b<br><font size=+1>

'gyur ro/ /maud gal gyi bu ngas phyi ma'i mtha' shes pa kun 'byung ba shes par bya ba'i don du sngon byang chub sems dpa'i spyad pa spyod pa na dge ba'i rtsa ba dpag tu med pa dag mngon par 'dus byas pa nas de bzhin sbyar ro/ /maud gal gyi bu sngon byung ba 'das pa'i dus 'khor ba dpag tu med pa nas/ de'i tshe pha rol gyi yang ches pha rol na rgyal po drang srong lha bzang zhes bya ba rdzu 'phrul che zhing gzi brjid che la mthu che ba phyi rol gyi lam gyis 'dod pa dag gi 'dod chags dang bral ba lnga mngon par shes pa zhig byung ngo / /de nas rgyal po drang srong lha bzang gcig pu dben par song ste/ nang du yang dag 'jog la zhugs nas 'di snyam du sems so/ /bdag gis 'dir sems can dag 'chi ba dang skye ba dang ngan pa dang / bzang po dang bde 'gro dang / ngan 'gror 'gro ba mthong ba de'i rgyu ni gang rkyen ni gang yin gang gis sems can de dag lus gcig po shi nas skye ba zhes bya ba snang ste/ la la ni sems can dmyal ba rnams su skye la la ni dud 'gro'i skye gnas su/ la la ni gshin rje'i 'jig rten du/ la la ni lha ma yin gyi ris su/ la la ni tshangs par/ la la ni rgyal rigs su/ la la ni rje'u rigs su/ la la ni dmangs rigs su/ la la ni rgyal chen bzhi'i ris kyi lha'i rgyal po lha rnams su/ la la ni lha'i rgyal po'i yongs su spyod pa pa/ la la ni sum bcu rtsa gsum du/ la la ni 'thab bral dang / dga' ldan dang 'phrul dga' dang gzhan 'phrul dbang byed rnams su/ la la ni mi las shi nas tshangs par skye/ la la ni tshangs ris dang tshangs pa'i mdun na 'don dang tshangs 'khor dang / tshangs pa chen po rnams su/ de bzhin du 'od dang 'od chung dang tshad med 'od dang 'od gsal nas dge rgyas kyi bar du'o/ /che ba dang / chung che dang / tshad med che ba dang / 'bras bu che ba dang / 'du shes med pa'i sems can dang / mi che ba dang mi gdung ba nas</font><hr>42.254a<br><font size=+1>

'og min gyi lha rnams kyi bar du skye/ la la ni nam mkha' mtha' yas skye mched du/ la la ni rnam shes mtha' yas skye mched du/ la la ni 'du shes med 'du shes med min skye mched kyi lha rnams kyi nang du skye'o snyam mo/ /de 'di snyam du sems te/ nyon mongs pa'i bye brag dang / las kyi bye brag dang / skye ba'i bye brag las gzhan ma yin te/ nyon mongs pa'i rgyu mngon par grub na las kyi rgyu mngon par grub cing / las kyi rgyu skye'o snyam mo/ /de 'di snyam du sems te/ gal te nyon mongs par ma gyur na las mngon par 'du byed par mi 'gyur las mngon par 'du byed pa med na skye bar mi 'gyur ro snyam mo/ /de 'di snyam du sems te/ 'di las gong na ches zhi ba 'am/ gya nom pa ci yod snyam mo/ /de de ltar tshul bzhin yid la byas pas 'du shes kyi tshor ba 'gags shing snyoms par 'jug pa dag la sems rab tu 'jog go/ /de 'du shes med 'du shes med min skye mched thams cad las yang dag par 'das te/ 'du shes kyi tshor ba 'gags shing snyoms par 'jug pa la nye bar zhugs so/ /de ting nge 'dzin de las langs nas dbugs phyung ste/ sdug bsngal 'di las nges par 'byung ba yod do snyam nas de'i tshe skye bo'i tshogs mang po'i nang du 'dug nas 'du shes kyi tshor ba 'gog pa la snyoms par 'jug pa ston/ grogs po dag gang ting nge 'dzin 'di lta bu shes na de byang chub sems dpa'i chos rnams las phyir mi ldog par 'gyur zhing / ma rtogs pa yang rtogs par 'gyur ro/ /de'i tshe de'i 'khor bzhi po de dag bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de ji snyam du sems/ de'i tshe de'i dus na rgyal po drang srong lha bzang zhes bya bar gyur pa de gzhan yin par sems na khyod kyis de ltar mi blta ste nga der gyur to/ /ngas 'khor bzhi po de dag 'du shes kyi tshor ba 'gog pa la snyoms par 'jug pa thos nas phyir mi ldog par gyur to/ /maud gal gyi bu de lta bas na byang chub sems dpas byang chub sems dpa'i spyad pa</font><hr>42.254b<br><font size=+1>

spyod pa na 'du byed dag las nges par 'byung bar blta bar bya'o/ /'du byed dag las nges par 'byung bar lta ba'i byang chub sems dpa' ni las kyi sgrib pa ri rab tsam yod kyang sems bskyed pa gcig gis sel bar byed/ 'jig par byed 'thor bar byed/ 'joms par byed do/ /maud gal gyi bu ngas phyi ma'i mtha' shes pa 'gog pa shes par bya ba'i don du sngon byang chub sems dpa'i spyad pa spyod pa nas mngon par 'dus byas pa'i bar du'o/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong chen po bram ze dbang po'i lha zhes bya ba rdzu 'phrul che zhing gzi brjid che la mthu che ba phyi rol gyi lam gyis 'dod pa'i 'dod chags dang bral ba zhig byung ngo / /des bsam gtan dang po la gnas nas mngon par shes pa lnga bsgrubs so/ /de 'di snyam du sems te/ bsam gtan dang po la gnas na 'du byed thams cad las nges par 'byung ba rjes su 'thob par nus so snyam mo/ /de 'di snyam du sems te/ bsam gtan dang po 'di la ro myang bar bya ba yod nyes dmigs yod nges par 'byung ba yod cing de 'dir ro myang ba dang nyes dmigs dang / nges par 'byung ba dmigs te/ de la 'du byed thams cad las nges par 'byung ba yod do/ /sangs rgyas bcom ldan 'das kyi bstan pa'i gzhi gcig la nges par 'byung ba phun sum tshogs pa ro myang ba dang / nyes dmigs dang nges par 'byung ba mig gi skye mched la ro myang ba dang / nyes dmigs dang nges par 'byung ba nas/ yid kyi skye mched kyi bar du'o/ /de bzhin du sbyar te/ dri dang ro dang reg bya dang / chos kyi skye mched la ro myang ba dang / nyes dmigs dang nges par 'byung ba yod do/ /de lta bas na byang chub sems dpas chos thams cad la ro myang ba dang / nyes dmigs dang / nges par 'byung bar rnam par rig par bya'o snyam mo/ /de de ltar tshul bzhin yid la byed</font><hr>42.255a<br><font size=+1>

pa na des mi skye ba'i chos la bzod pa thob bo/ /de ting nge 'dzin de las langs nas grong dang grong khyer dang grong rdal dang / rgyal po'i pho brang 'khor du 'dug ste/ sems can rnams la mi skye ba'i bzod pa thob pa'i chos ston pa na des sems can khri phrag dpag tu med pa dag mi skye ba'i bzod pa la btsud do/ /maud gal gyi bu 'di ji snyam du sems/ de'i tshe de'i dus na drang srong bram ze dbang po'i lha zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na drang srong bram ze dbang po'i lha zhes bya bar gyur to/ /ngas srog chags khri phrag dpag tu med pa de dag mi skye ba'i chos kyi bzod pa la rab tu btsud do/ /maud gal gyi bu de lta bas na byang chub sems dpa' mi skye ba'i chos kyi bzod pa thob pa la mngon par brtson par bya/ gzhan dag la yang mi skye ba'i chos kyi bzod pa thob par bya ba'i phyir chos bstan par bya'o/ /maud gal gyi bu ngas phyi ma'i mtha' shes pa 'gog par 'gyur ba'i lam shes par bya ba'i don du bdag bla na med pa yang dag par rdzogs pa'i byang chub mngon par rdzogs par sangs rgyas nas ji ltar yang dag par rab tu bstan par bya snyam nas dge ba'i rtsa ba dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong gdol pa yid 'ong zhes bya ba rdzu 'phrul che zhing gzi brjid che la mthu che ba lnga mngon par shes pa zhig byung ngo / /de gcig pu dben par song nas nang du yang dag 'jog la zhugs te/ de 'di snyam du sems so/ /chos 'di dag la rigs dang rus su brtag pa med de/ chos nyid la chos su brtag pa med cing chos ma yin pa yang med/ chos 'di dag la yon tan nyid kyis brtag pa med cing yon tan ma yin pa yang med/ gang dang gang du chos dmigs pa nyid de chos gnas pa zhes bya ste/ yon tan ni</font><hr>42.255b<br><font size=+1>

gang yin yon tan ma yin pa ni gang yin/ gang 'chi ba'i tshe sems 'gyod pa de ni yon tan ma yin no/ /gang 'chi ba'i tshe sems bde ba de ni yon tan no/ /de lta bas na mkhas pas las mngon par 'du byed na las de mngon par 'du bya'o/ /gang sems bde ba mngon par 'du byed pa de ni skrag pa med cing dngangs par mi 'gyur ro/ /snyam nas de'i tshe ting nge 'dzin de las langs nas phyogs bcu'i 'jig rten du song ste/ sems can de dag la sgra dbyangs 'di skad bsgrags so/ /mkhas pa dag ni mi skye ba'i chos la mi skrag mi dngang / dngang bar mi 'gyur te/ gang 'di ltar byis pa so so'i skye bo thos pa dang mi ldan pa de dag ni skrag par rig par bya'o/ /de ci'i phyir zhe na chos kyi ngo bo gang yang mi dmigs te/ gang ngo bo nyid can dang / gang ngo bo nyid med pa de la skye ba med cing 'gag pa med do/ /de la gang bzod par 'dod pa phyogs gcig nges par khas len pa 'di ni mi skye ba'i chos la bzod pa zhes bya'o/ /de la khyed cag ma skrag ma dngang dngangs par ma byed cig /bdud kyi spyod yul la ma spyod ma 'jug shig /gang yang dag pa ma yin pa'i chos la yang dag par khas len pa de ni bdud kyi spyod yul yin no/ /ngas chos de bshad pa na srog chags khri phrag dpag tu med pa dag mi skye ba'i chos la bzod pa thob cing bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de ji snyam du sems/ de'i tshe de'i dus na drang srong gdol pa yid 'ong zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na drang srong gdol pa yid 'ong zhes bya bar gyur to/ /ngas sems can khri phrag dpag tu med pa de dag mi skye ba'i chos kyi bzod pa la rab tu btsud do/ /maud gal gyi bu de lta bas na byang chub sems dpa' sems dpa' chen pos mi skye ba'i chos la bzod pa thob par bya ba'i phyir chos bstan par bya/ de yang skye bo'i tshogs mang po dag yang dag par 'dzin</font><hr>42.256a<br><font size=+1>

du gzhug par bya'o/ /maud gal gyi bu ngas 'chi ba shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la 'chi ba shes pa ji ltar yang dag par rab tu bstan par bya snyam nas dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas de'i pha rol gyi yang ches pha rol na rgyal po drang srong blo gros rgya mtsho zhes bya ba rdzu 'phrul che zhing gzi brjid che la mthu che ba phyi rol gyi lam gyis 'dod pa rnams la 'dod chags dang bral ba/ 'jig rten la snying brtse bar yang dag par rab tu gnas pa zhig byung ngo / /de 'di snyam du sems te/ bdag ci'i phyir nags tshal na don med par gnas/ gang bdag gis nags tshal 'di dag thams cad rgyu gsum du gzhag par bya ste/ gang rlung nad can de dag la nags tshal gyi cha gcig gzhag par bya gang bad kan can de dag la cha gnyis gzhag par bya/ gang mkhris nad can de dag la cha gsum pa gzhag par bya'o snyam mo/ /de 'di snyam du sems te/ gang bdag gis nags tshal de dag thams cad du ro btsal bar bya ba mthong nas ro 'di dag ni skyur ba dang / lan tshwa dang mngar ba dang / kha ba dang tsha ba dang bska ba'o/ /nags tshal ni gang yin ror brtsi ba ni gang yin snyam mo/ /de'i tshe de la nags tshal gyi lha de dag thams cad kyis thal mo sbyar nas mngon par song ste/ de'i rkang pa la mgo bos phyag 'tshal nas/ rang rang gi ro brjod de/ gang shing gi nags tshal gyi ro skyur ba 'chang ba de dag skyur ba smra'o/ /gang dag lan tshwa'i ro 'chang ba de dag lan tshwa'i ro smra'o/ /gang dag ro kha ba 'chang ba de dag ro kha ba smra'o/ /gang dag ro tsha ba 'chang ba de dag ro tsha ba smra'o/ /gang dag ro bska ba 'chang ba de dag ro bska ba smra'o/ /</font><hr>42.256b<br><font size=+1>

gang dag ro mngar ba 'chang ba de dag mngar ba smra'o/ /de 'di snyam du sems te/ nags tshal ba rnams kyis ni rang rang gi ro ji lta ba bzhin smras na sems can rnams kyi nad kun nas ldang ba du zhig yod snyam mo/ /de 'di snyam du sems te/ sems can rnams kyi nad kun nas ldang ba ni bzhi ste/ rlung nad dang mkhris nad dang / bad kan dang 'dus pa'o/ /de bsdu na don gsum ste/ rlung nad dang mkhris nad dang bad kan no/ /gang 'dus pa ni rlung nad dang mkhris nad dang bad kan dang bcas pa'o/ /de nags tshal gyi skyur ba dang / bska ba gang yin pa de dag rnam par 'byed par byed nags tshal gyi skyur ba dang tsha ba gang yin pa de dag rnam par 'byed par byed/ nags tshal gyi skyur ba dang lan tshwa'i ro gang yin pa de dag rnam par 'byed par byed/ nags tshal gyi lan tshwa'i ro dang / kha ba gang yin pa de dag rnam par 'byed par byed/ nags tshal gyi de bzhin du sbyar te/ bska ba dang skyur ba gang yin pa de dag rnam par 'byed par byed/ nags tshal gyi bska ba dang lan tshwa dang / bska ba dang kha ba dang bska ba dang / mngar ba gang yin pa de dag rnam par 'byed par byed de/ nags tshal gyi ror brtsi ba gang yin pa de dag rnam par 'byed do/ /de sems can gyi rang bzhin yang rig nags tshal gyi rang bzhin yang rig nas/ gso ba'i dpyad shes pa sbyar ro/ /de la nad pa'i phyogs gsum ste/ nges par 'chi ba'i chos dang / 'tsho ba'i chos dang gsum pa ste ma gsos na 'chi ba'o/ /de la sman pa mkhas pas gso sman sbyar bar bya ste/ 'tsho ba'i chos la ma 'ongs pa'i sdug bsngal gyi tshor bas nyam thag par 'gyur ba'i phyir gso sman sbyar bar bya/ 'chi ba'i chos la da ltar gyi tshor bas nyam thag pa'i phyir gso sman sbyar bar bya'o/ /ji ltar na tshor ba bsal bas bde ba'i dus byed pa gang gsos na 'tsho la ma gsos na 'chi ba de la sman pas srog la phan gdags pa'i phyir gso</font><hr>42.257a<br><font size=+1>

sman sbyor bar byed de/ 'chi ba'i chos kyi tshor ba bsal ba'i phyir gso sman sbyor bar byed/ 'tsho ba'i chos kyi srog la phan gdags pa'i phyir gso sman sbyor bar byed/ ma nges pa la sdug bsngal gyi tshor bas nyam thag pa med par bya ba'i phyir rtsi sman sbyor bar byed de/ ji ltar na sdug bsngal gyi tshor ba bsal bas dus byed snyam mo/ /maud gal gyi bu de ji snyam du sems/ de'i tshe de'i dus na rgyal po drang srong blo gros rgya mtsho zhes bya bar gyur pa de gzhan yin par sems na de ltar mi blta ste/ de ci'i phyir zhe na nga de'i tshe de'i dus na rgyal po drang srong blo gros rgya mtsho zhes bya bar gyur to/ /ngas sems can de dag gi tshor ba bsal ba nye bar bzung nas ji ltar na tshor ba bsal te/ bde bas dus byed par 'gyur snyam nas gso sman sbyar to/ /sems can 'tsho ba'i chos can rnams ji ltar na nyon mongs pa med pas 'tsho bar 'gyur snyam nas gsos sman sbyar/ gang dag gsos sman ma rnyed par dus byed pa de dag gi srog yongs su rdzogs par bya ba'i phyir gso sman sbyar to/ /maud gal gyi bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas sems can thams cad kyi chos bshad pa le lo med par bya/ srog kyang btang ste sems can rnams la yang dag pa ji lta ba bzhin shin tu bstan par bya/ yang dag pa ji lta ba bzhin shin tu bstan pa ni thos pa la rmongs pa med par 'gyur ro// // bam po nyi shu gsum pa/ maud gal gyi bu ngas 'chi ba shes pa kun 'byung ba shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas 'chi ba shes pa kun 'byung ba shes pa sems can rnams la ji ltar yang dag par rab tu bstan par bya snyam nas dge ba'i rtsa ba</font><hr>42.257b<br><font size=+1>

sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med cing grangs med bsam gyis mi khyab gzhal du med/ gzhal gyis mi lang brjod du med pa'i 'khor ba de'i pha rol gyi yang ches pha rol na drang srong phyi ma'i mtha' sgrub pa la mkhas pa zhes bya ba rdzu 'phrul che zhing gzi brjid che la mthu che ba/ phyi rol gyi lam gyis 'dod pa dag gi 'dod chags dang bral ba zhig byung ngo / /de gcig pu dben par song ste nang du yang dag 'jog la zhugs nas sems kyi rnam par rtog pa 'di lta bu dag skyes te/ las kyi rnam par smin pa gang gis 'gro ba'i bye brag snang ngo snyam mo/ /de 'di snyam du sems te/ sems can sna tshogs pa yin la sems can rnams kyi rgyud kyang sna tshogs pa yin te de ltar nyon mongs pa sna tshogs dag byung bas las sna tshogs dag mngon par 'du byed par 'gyur/ las sna tshogs dag mngon par 'du byed pas 'gro ba sna tshogs dag dang / sems can dmyal ba rnams na dmyal ba'i bye brag /dud 'gro'i skye gnas dag na dud 'gro'i bye brag gshin rje'i 'jig rten dag na gshin rje'i bye brag /lha ma yin dag na lha ma yin gyi bye brag /mi dag la mi'i bye brag /lha dag la lha'i bye brag dag snang ngo snyam mo/ /de 'di snyam du sems te/ gang gis 'gro ba de dag thams cad bye brag tu mi 'gyur ba'i rtsi sman 'ga' yod dam snyam mo/ /de 'di snyam du sems te/ sems can thams cad bdag la rab tu gnas nas nyon mongs pa shin tu bskyed nyon mongs pa'i sems kyis las mngon par 'du byed de/ de dag gi rnam par smin pa sna tshogs grub po/ /'o na bdag gis chos de dag gi bdag gang yin yongs su btsal bar bya'o snyam nas ci bdag gzugs yin nam/ gal te re shig bdag gzugs su snang na gzugs 'phel ba dang yongs su 'grib pa na gang gi tshe bdag 'phel ba dang yongs su</font><hr>42.258a<br><font size=+1>

'grib par mthong ba de ltar ni ma yin te/ de lta bas na bdag gzugs ma yin no/ /gal te tshor ba bdag yin na de yid bde ba'i gnas dag la bde bar 'gyur/ yid mi bde ba'i gnas dag la sdug bsngal bar 'gyur/ btang snyoms kyi gnas dag la sdug bsngal yang ma yin/ bde ba yang ma yin par 'gyur te/ bdag gi mtshan nyid ni de lta bu ma yin pas de lta bas na tshor ba bdag ma yin/ gal te 'du shes bdag yin na bde ba'i tshor ba dag la bde ba rjes su 'jug par 'gyur/ sdug bsngal gyi tshor ba dag la sdug bsngal rjes su 'jug par 'gyur/ sdug bsngal yang ma yin bde ba yang ma yin pa'i tshor ba dag la sdug bsngal yang ma yin bde ba yang ma yin pa'i tshor ba rjes su 'jug par 'gyur te/ gang gzhan gyi rjes su 'jug par 'gyur ba de ni bdag gi mtshan nyid ma yin pas de lta bas na 'du shes bdag ma yin gal te 'du byed bdag yin na de dge ba dang / mi dge ba dang / mi g.yo ba rnam pa gsum ste/ rnam pa gsum po de dag gi rnam par smin pa bde ba dang / sdug bsngal dang sdug bsngal yang ma yin bde ba yang ma yin pa'o/ /de la ci bdag dge ba 'am 'on te mi dge ba 'am/ 'on te mi g.yo ba/ bdag de ni 'gyur bar mi 'dod pas/ de lta bas na 'du byed bdag ma yin/ gal te rnam par shes pa bdag yin na ci'i phyir bde ba'i tshor ba dag la bde bar rjes su 'jug par 'gyur/ sdug bsngal gyi tshor ba dag la sdug bsngal gyi rjes su 'jug par 'gyur/ sdug bsngal yang ma yin bde ba yang ma yin pa'i tshor ba dag la btang snyoms rjes su 'jug par 'gyur/ bdag de ni 'gyur bar mi 'dod pas de lta bas na rnam par shes pa bdag ma yin no snyam mo/ /de 'di snyam du sems te/ phung po lnga po 'di dag thams cad ni bdag med cing bdag gi ba med de/ nyon mongs pa dag las las/ las dag las rnam par smin pa/ rnam par smin pa las</font><hr>42.258b<br><font size=+1>

nyon mongs pa ste/ de ltar gsum po 'di'i rgyun mi 'chad par 'gyur ro snyam mo/ /de ting nge 'dzin de las langs nas 'khor bzhi rnams la chos ston te/ grogs po dag 'di la bdag dang bdag gi ba med de/ rkyen dag yod na 'du byed rnams 'byung bar 'gyur la/ rkyen dag med na 'du byed rnams 'byung bar mi 'gyur ro/ /de de ltar chos ston pa na sems can khri phrag dpag tu med pa dag mi skye ba'i chos la bzod pa thob po/ /'dir 'du byed 'di dag la ma gtogs par chos gang yang skye ba 'am/ 'jig pa 'am 'chi ba med de/ 'di lta ste/ nyon mongs pa dag las las/ las dag las rnam par smin pa yin no/ /chos 'di dag thams cad ni ngo bo nyid dang bral ba yin te/ nyon mongs pa'i ngo bo nyid dang bral ba las kyi ngo bo nyid dang bral ba rnam par smin pa'i ngo bo nyid dang bral ba'o/ /maud gal gyi bu de ji snyam du sems/ de'i tshe de'i dus na drang srong phyi ma'i mtha' sgrub pa la mkhas pa zhes bya bar gyur pa de gzhan yin par sems na de ltar mi blta ste/ nga de'i tshe de'i dus na drang srong phyi ma'i mtha' sgrub pa la mkhas pa zhes bya bar gyur to/ /ngas nyon mongs pa dang las kyi gtam de lta bu dag smras pa na sems can khri phrag dpag tu med pa dag mi skye ba'i chos la bzod pa thob po/ /maud gal gyi bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas las rnam par gzhag pa gsum la bslab par bya'o/ /maud gal gyi bu ngas 'chi ba shes pa 'gog pa shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas 'chi ba shes pa 'gog pa shes pa sems can rnams la ji ltar yang dag par rab tu bstan par bya snyam nas dge ba'i rtsa ba rgya che</font><hr>42.259a<br><font size=+1>

ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong 'chi ba shes pa 'gog pa shes pa la mkhas pa zhes bya ba rdzu 'phrul che zhing gzi brjid che la mthu che ba phyi rol gyi lam gyis 'dod pa dag gi 'dod chags dang bral ba lnga mngon par shes pa zhig byung ste/ yid kyis 'dus byas thams cad la yod pa dang / 'dus byas kyi chos thams cad 'jig par rjes su lta ba na de 'di snyam du sems so/ /gang gis mi skye ba dang / mi 'gag pa'i chos gang yang yod dam snyam mo de 'di snyam du sems te/ chos gang mngon par 'dus byas pa de 'gog par mi 'gyur la/ mngon par 'du mi byed pa la ni 'gog pa med do/ /snyam mo de de ltar yang dag pa ji lta ba bzhin so sor rtog pa na mngon par 'du mi byed pa'i chos thams cad la mngon par dga' ba zhes bya ba rdo rje lta bu'i ting nge 'dzin la snyoms par zhugs so/ /de rdo rje lta bu'i ting nge 'dzin la rab tu gnas nas sems kyi rgyud la gang dang gang skye ba de dang de sems kyi rgyud nyid la so sor rtog cing rab tu rtog ste/ sems kyi dbang gis chos thams cad skye sems kyi dbang gis chos thams cad 'gag ste/ ji lta ji ltar sems kyi rtog pa de lta de ltar chos thams cad kyi gzugs ston par byed/ sems ni chos thams cad bskyed par byed sems ni chos thams cad 'gog par byed do snyam mo/ /de 'di snyam du sems te/ sems 'di'i sems kyi stobs bskyed pa gang yin/ de 'di snyam du sems te/ sems gzugs med cing bstan du med pa skye ba na sems bdag nyid mi shes shing 'gag pa na yang sems bdag nyid mi shes te/ sems kyis sems de mi bskyed/ sems kyis sems mi 'gog pa'i sems 'di ni sems kyi ngo bo nyid yin no/ /gzugs can</font><hr>42.259b<br><font size=+1>

ma yin pa'i chos 'di ni chos nyid de/ sems 'gog pa rnam par shes par bya ba ma yin pa de 'byung zhing sems kyi rgyud rab tu 'jug /sems gang 'gog pa na sems kyi rgyud 'dra bar rab tu 'jug ste/ sdang ba'i sems 'gog pa de sems kyi rgyud 'dra bar rab tu 'jug /gti mug gi sems 'gog pa de sems kyi rgyud 'dra bar rab tu 'jug cing sems kyi rgyud la chags pa 'am sdang ba zhes gdags so/ /gang gi tshe de shes pa dang rab tu ldan pa'i sems bskyed pa de'i tshe sems kyi rgyud gsum po thams cad rab tu shes te/ 'di lta ste dper na mi la la zhig mun par snod yongs su tshol ba na til mar gyi mar me bus na de snang ba des snod de mthong zhing / de las gzhan pa'i snod dag kyang mthong ngo / /de bzhin du gal te 'dod pa'i 'dod chags kyis kun nas dkris pa'i sems 'gags shing / gang shes pa dang rab tu ldan pa'i sems skye na sems kyi rgyud de dag thams cad rab tu shes so/ /gal te gnod sems kyi kun nas dkris pa'i sems 'gags shing shes pa dang rab tu ldan pa'i sems skye na sems kyi rgyud de dag thams cad rab tu shes so/ /gal te gti mug gis kun nas dkris pa'i sems 'gags shing shes pa dang rab tu ldan pa'i sems skye na sems kyi rgyud de dag thams cad rab tu shes so/ /de de ltar rab tu shes na nyon mongs pa'i sems kyi rnam pa mi mthong ste/ rnam par shes pa gang gis sems de rab tu ldan par mthong ba'i sems de yang mi dmigs so/ /de ci'i phyir zhe na ma rig pa dang nga rgyal nyid kyis sems de'i sems kyi ngo bo dang bral te/ chos ngo bo gang yang med na de mi skye'o/ /gang mi skye ba de mi 'gag /gang mi skye zhing mi 'gag pa de mngon par shes par byar med/ yongs su shes par byar med/ spang du med/ bsgom du med/ mngon sum du byar med de/ de da ltar gyi dus ci 'dra ba 'das pa yang de 'dra'o/ /'das pa ci 'dra ba ma 'ongs pa yang de 'dra</font><hr>42.260a<br><font size=+1>

ste/ de mngon par shes par byar med/ yongs su shes par byar med/ spang du med bsgom du med mngon sum du byar med do/ /gang dus gsum mnyam pa 'di la byis pa so so'i skye bo kun tu rmongs pa dag phung po dben pa las byang chub tshol te/ byang chub ni phung po dag las gzhan pa ma yin no snyam nas/ de ting nge 'dzin de las langs te/ rang bzhin de dag sems can la ston to/ /gang slob pa de la slob pa de dag gis rjes su thob par 'gyur te/ gang sngon gyi sangs rgyas bcom ldan 'das rnams kyi rjes su brnyes pa/ bsnan pa med phri ba med thob pa med/ bshig pa med mod kyi 'on kyang chos kyi rang bzhin yang dag pa ji lta ba bzhin yongs su shes na de'i skye ba yang mya ngan las 'das pa yin/ mi skye ba yang mya ngan las 'das pa yin 'gags pa yang mya ngan las 'das pa yin/ ma 'gags pa yang mya ngan las 'das pa yin/ dngos po yang mya ngan las 'das pa yin/ dngos po med pa yang mya ngan las 'das pa yin no/ /de de ltar chos ston pa na sems can khri phrag dpag tu med pa dag mi skye ba'i chos la bzod pa thob bo/ /maud gal gyi bu de ji snyam du sems/ de'i tshe de'i dus na rgyal po drang srong 'chi ba shes pa 'gog pa shes pa la mkhas pa zhes bya bar gyur pa de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na rgyal po drang srong 'chi ba shes pa 'gog pa shes pa la mkhas pa zhes bya bar gyur to/ /ngas dus gsum mnyam pa de rab tu bstan pa na sems can khri phrag dpag tu med pa dag mi skye ba'i chos kyi bzod pa la rab tu btsud do/ /maud gal gyi bu de lta bas na byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas dus gsum mnyam pa nyid kyi chos bstan par bya ste/ dus gsum mnyam pa nyid la sems can dag rab tu btsud</font><hr>42.260b<br><font size=+1>

pa'i byang chub sems dpa' ni myur du bla na med pa yang dag par rdzogs pa'i byang chub las phyir mi ldog par 'gyur ro/ /maud gal gyi bu ngas 'chi ba shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa nas de bzhin du sbyar te/ mngon par 'dus byas pa'i bar dang / de bzhin du sbyar te bdag gis ji ltar yang dag par bshad par bya snyam pa'i bar du'o/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na bram ze zla dga' zhes bya ba shing sA la chen po lta bu zhig byung ste/ pha ma shin tu dag pa dang ldan zhing chung ma'i skye gnas ma btang ba 'don pa gzhung 'dzin pa/ rig byed gsum dang sgra nges par sbyor ba dang bcas pa dang / shes gsal dang bcas pa dang / yi ge rab tu dbye ba dang bcas pa lnga pa ste/ sngon byung ba'i pha rol tu phyin pa 'jig rten rgyang pan pa'i gzhi lung ston pa mchod sbyin gyi rgyud dang / skyes bu chen po'i mtshan nyid dag la rjes su shes shing yongs su shes pa rig pa gsum gyi tshig la bri ba med pa/ las kyi rnam par smin pa'i rdzu 'phrul thob pa 'dzin pa/ slongs mos 'tsho ba/ mu stegs gdol pa thams cad la kun tu slong ba/ de slongs mo'i 'tsho bas 'tsho bar bya'o snyam nas/ sems can thams cad kyi lto 'gengs par byed de/ nyi ma stong du ston mo byed nyi ma nyis stong dang / sum stong dang bzhi stong dang lnga stong du yang ston mo byed do/ /thabs des lo 'bum phrag brgyad du zla ba'i mchod sbyin rab tu bsgrubs shing lo 'bum phrag brgyad du gang la sems rab tu nyams pa yon gnas su la yang yongs su ma zhus so/ /de'i tshe de bzhin gshegs pa mya ngan thams cad dang bral ba zhes bya ba nas/ sangs rgyas bcom ldan 'das kyi bar byung ngo / /de bzhin gshegs pa mya ngan thams cad dang bral ba de'i 'dus pa ni skar ma dang mnyam par gyur/ byang chub sems dpa'</font><hr>42.261a<br><font size=+1>

'dus pa yang skar ma dang mnyam par gyur to/ /de nas bram ze zla dga' shing sA la chen po lta bu 'di snyam du sems te/ bdag gi mchod sbyin gyi bgad sar ya mtshan can kun phal cher 'jug na/ de bzhin gshegs pa mya ngan thams cad dang bral ba'i nyan thos 'ba' shig mi 'jug cing de bzhin gshegs pa mya ngan thams cad dang bral ba yang mi 'jug na/ gang gis de bzhin gshegs pa mya ngan thams cad dang bral ba/ nyan thos kyi dge 'dun dang bcas pa de bdag gi mchod sbyin gyi bkad sar 'jug par 'gyur ba'i thabs ci yod/ de bdag gi mchod sbyin de la rtog ste/ mchod sbyin gyi skyon gyi nyes pa gang zhig gis de bzhin gshegs pa mya ngan thams cad dang bral ba nyan thos kyi dge 'dun dang bcas par mchod sbyin gyi bkad sa 'dir mi 'jug snyam mo/ /de 'di snyam du sems te/ de bzhin gshegs pa mya ngan thams cad dang bral ba nyan thos kyi dge 'dun dang bcas pa ni dus su za ba yin la/ bdag gi sbyin pa chen po 'di ni grub pas 'drim pa yin te/ skyon des de bzhin gshegs pa de bdag gi mchod sbyin gyi bkad sar mi 'jug pa lta zhig snyam mo/ /de nas bram ze zla dga' shing sA la chen po lta bu nang par sngar langs nas/ bram ze dang bram ze mo rab tu mang po dag gis yongs su bskor mdun du bdar nas/ de bzhin gshegs pa mya ngan thams cad dang bral ba ga la ba der song ste/ bram ze'i tshogs mang pos yongs su bskor nas thams cad rta rgod ma dkar mo'i shing rta la zhon te/ de bzhon pa'i sa ji tsam pa de tsam du bzhon pa song ba nas babs te/ de rkang pa'i bar gyis de bzhin gshegs pa mya ngan thams cad dang bral ba ga la ba der song ba dang / des de bzhin gshegs pa mya ngan thams cad dang bral ba de shing ljon pa gzhan zhig gi drung na gnas shing bzhugs te bzang zhing mdzes la dbang po dul ba thugs dul ba/ zhi gnas dul ba dam pa</font><hr>42.261b<br><font size=+1>

brnyes pa/ zhi gnas dul ba mchog brnyes pa sbas pa glang po dbang po thul ba mtsho ltar dang zhing rnyog pa med la rab tu gsal ba gser gyi mchod sdong ltar 'bar ba mthong ngo / /mthong nas kyang 'di snyam du sems te/ gang bdag gis de bzhin gshegs pa mya ngan thams cad dang bral ba 'di dge slong gi tshogs su shes pa ni bdag gis rnyed pa ngan pa rnyed de/ bzang po ma rnyed do/ /bcom ldan 'das 'di ni phul du byung ba yin te/ phul du byung ba'i gnas su bzhugs par bya zhing phul du byung ba'i zhal zas dang gzims cha dang / snyun rkyen gyi gsos sman gyi yo byad rnams kyis bstod par bya'o snyam nas/ de bzhin gshegs pa de'i drung du song ste/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das de bzhin gshegs pa mya ngan thams cad dang bral ba de'i phyag gnyis la bzung nas khas yongs su gtugs te/ bcom ldan 'das bdag ni bram ze zla dga' shing sA la chen po lta bu lags so zhes bdag gi ming dang rus lan gsum gyi bar du gsol cing / bcom ldan 'das dge slong ma lags te/ phul du byung bar gnas pa lags na gang bdag gis bcom ldan 'das dge slong gi tshogs su bgrangs pa/ bcom ldan 'das nongs pa 'chags so/ /bdag nongs par gzung du gsol/ bcom ldan 'das nyan thos kyi dge 'dun dang bcas par ji srid bzhugs kyi bar du gzims cha dang / snyun rkyen gsos sman gyi yo byad rnams kyis bcom ldan 'das nyan thos kyi dge 'dun dang bcas pa la bdag mchod pa bgyid par bcom ldan 'das kyis bdag la gnang bar mdzad du gsol/ de skad ces gsol pa dang / de bzhin gshegs pa mya ngan thams cad dang bral bas bram ze zla dga' shing sA la chen po lta bu de la 'di skad ces bka' stsal to/ /zla dga' bde bar gyur cig lha dang mi dang lha ma yin dang / klu dang gnod sbyin dang / dri za dang / </font><hr>42.262a<br><font size=+1>

gang gzhan yang lus chen por 'dug pa dag bde ba 'dod de/ zla dga' sangs rgyas bcom ldan 'das ni gang zag gcig gi phyir ji srid 'tsho'i bar du mi bzhugs so/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas ni 'jig rten la phan pa'i phyir 'jig rten du byung ste/ sems can gang dag zas dang mal dang gos dang gnas rab tu nyams pa de rnams la de bzhin gshegs pa thugs brtse ba'i phyir 'jig rten du byung ngo / /gsol pa bcom ldan 'das nyan thos kyi dge 'dun dang bcas pa la dgung bdun du bde ba'i rim gro thams cad kyis bcom ldan 'das dang dge slong gi dge 'dun la bdag yo byad kun gyis mchod pa bgyid par de gnang bar mdzad du gsol/ de bzhin gshegs pa mya ngan thams cad dang bral ba des bram ze zla dga' shing sA la chen po lta bu la thugs brtse ba'i slad du cang mi gsung bar gyur pas gnang ngo / /de nas bram ze zla dga' shing sA la chen po lta bu/ bcom ldan 'das de bzhin gshegs pa mya ngan thams cad dang bral ba de cang mi gsung bar gyur pas gnang bar rig nas/ bcom ldan 'das de'i zhabs la mgo bos phyag 'tshal te/ stan las langs nas bdag gi gnas ga la ba der song ste phyin nas rang gi gnyen bsdus so/ /de bsdus nas 'di skad ces smras so/ /gang bdag gis de bzhin gshegs pa mya ngan thams cad dang bral ba nyan thos kyi dge 'dun dang bcas pa de zhag bdun du yo byad thams cad kyis gdugs tshod la spyan drangs pa khyed shes par gyis shig /de la khyed nus pa ci yod pa dang / mthu ci yod pa'i lus kyis 'bad par gyis shig /de dag gis legs so zhes smras so/ /des na bran dang las byed pa dang zho shas 'tsho ba rnams la smras pa/ grogs po dag gang de bzhin gshegs pa mya</font><hr>42.262b<br><font size=+1>

ngan thams cad dang bral ba zhag bdun du yo byad thams cad la spyan drangs par shes par gyis shig /de la khyed nus pa ci yod pa dang / mthu ci yod pa'i stobs kyis 'bad par gyis shig /de dag gis kyang legs so zhes smras so/ /de mdza' bshes dang / blon po dang gnyen dang snag gi gnyen mtshams dang / bran dang las byed pa dang / zho shas 'tsho ba thams cad dang lhan cig tu 'khor gyi khyams brtsigs te/ gdan bshams shing yo byad dbul ba thams cad kyang bshams so/ /de mtshan mo de 'das nas pho nyas de bzhin gshegs pa de la bcom ldan 'das bram ze zla dga' shing sA la chen po lta bu'i dus la bab lags te/ gang gi dus la da bab par mkhyen na gdugs tshod lags so/ /bka' stsal pa/ khyim bdag song la stan shoms shig bka' bzhin 'tshal zhes mi de de bzhin gshegs pa de'i ltar mnyan nas/ zla dga'i drung du song ste/ 'di skad ces smras so/ /bram ze gsol lags kyis de bzhin gshegs pa de'i gdan shoms shig /der 'khor gyi khyams byas te/ chur dpag tshad bcu gnyis la zheng du yang dpag tshad bcu gnyis pa'i 'khor gyi khyams byas nas/ klu'i rgyal po la smras pa/ grogs po dag gang bcom ldan 'das 'khor dang bcas pa sang gdugs tshod gsol bar bya ba shes par mdzod cig /khyim bdag legs so zhes smras te gnang ngo / /des gnod sbyin rnams la smras pa/ bcom ldan 'das 'khor dang bcas pa de'i gdan shoms shig /bka' bzhin 'tshal lo zhes gnod sbyin rnams kyis zla dga' ltar mnyan nas kun nas dpag tshad bcu gnyis su gdan bshams so/ /klu'i rgyal po de yang spos chu'i chag chag 'debs so/ /des dri za rnams la smras pa/ grogs po dag bcom ldan 'das nyan thos kyi dge 'dun dang bcas pa de gdugs tshod gsol ba na khyed</font><hr>42.263a<br><font size=+1>

rnams kyis rol mo'i sgra long shig /des grul bum rnams la smras pa/ grogs po dag khyed rnams kyis bcom ldan 'das kyi bla re bre bar gyis shig /des klu'i rgyal po rnams la smras pa/ grogs po dag khyed kyis rlung bsil ba gtang bar bya ste/ de bzhin gshegs pa nyan thos kyi dge 'dun dang bcas pa gdugs tshod gsol ba na tsha bar 'gyur ba med par gyis shig /bdag nyid kyi 'khor gyi khyams klu'i dbang po de'i rgyan kun tu 'bre ste/ klu'i nor bu dang mu tig gi bla res kyang yang dag par g.yogs so/ /de nas de bzhin gshegs pa mya ngan thams cad dang bral ba nang par sngar chos gos gsol/ lhung bzed bsnams nas nyan thos kyi dge 'dun dang bcas pa bram ze zla dga' shing sA la chen po lta bu gdugs tshod sbyor ba ga la ba der gshegs nas gdan bshams pa de la bzhugs te/ g.yon rol du dge slong gi dge 'dun no/ /sangs rgyas la sogs pa dge slong gi dge 'dun bzhugs ma thag tu klu dang dri za rnams 'dus nas rol mo'i sgra mngon par rab tu len to/ /bar snang las lha'i spos phye ma mngon par rab tu 'thor ro/ /de nas de bzhin gshegs pa mya ngan thams cad dang bral ba ji lta bu'i rdzu 'phrul mngon par 'du mdzad pa mngon par 'du mdzad de/ de lta bu'i rdzu 'phrul mngon par 'du mdzad pas 'khor gyi khyams de kun nas dpag tshad brgya bar 'dug la bai dUr+ya'i ra bas bskor cing shel gyi kha ran yongs su btags so/ /de nas drang srong zla dga' shing sA la chen po lta bu sangs rgyas la sogs pa dge slong gi dge 'dun bzhugs par rig nas/ bza' ba dang bca' ba dang myang ba zhim po rab tu mang bas yang dag par brims/ yang dag par tshim par byas shing / lha'i rol mo'i sgra dag yang dag par rab tu blangs/ lha'i bdug spos dag gis bdugs la/ spos dag gis gtor to/ /bcom ldan 'das</font><hr>42.263b<br><font size=+1>

dge slong gi dge 'dun dang bcas pa gdugs tshod gsol bar rig nas dge slong gi dge 'dun dang bcas pa la dpag bsams kyi ras bcos bu zung gis mngon par g.yogs so/ /de'i tshe nyi ma dang zla ba nas dkyil 'khor gyi mtha'i lha'i bu gzi brjid che ba gzi brjid che ba'i bar dag gis yongs su gang bar gyur to/ /de nas drang srong zla dga' shing sA la chen po lta bu dge slong gi dge 'dun dang bcas pa gdugs tshod gsol bar rig nas/ lhung bzed dang chab phul te/ pus mo g.yas pa'i lha nga sa la btsugs nas/ bcom ldan 'das de la 'di skad ces gsol to/ /bcom ldan 'das bdag gi sbyin pa sems can thams cad la stsal bar bgyi ste/ dge ba'i rtsa ba 'dis sems can thams cad bla na med pa yang dag par rdzogs pa'i byang chub thob par gyur cig /de nas de'i tshe bcom ldan 'das des 'dzum pa mdzad de/ ji lta bu'i 'dzum pa mdzad pas zla ba dang nyi ma nas dkyil 'khor gyi mtha'i lha dang mi rnams kyi bar la gser gyi 'od kyi mdog gis khyab po/ /de nas drang srong zla dga' shing sA la chen po lta bus bcom ldan 'das la 'di skad ces gsol to/ /gang bcom ldan 'das kyis 'od btang ba'i 'od 'dis ji tsam du sems can rnams la reg pa de dag thams cad bcom ldan 'das la mi phyed pa'i dad pa skyes lags so/ /bcom ldan 'das dge ba'i rtsa ba 'di'i rnam par smin pa gang lags pa de sems can thams cad la stsal bar bgyi'o/ /bcom ldan 'das gang 'dzum pa mdzad pa de'i rgyu gang lags/ rkyen gang lags/ de skad ces gsol pa dang / bcom ldan 'das de bzhin gshegs pa mya ngan thams cad dang bral ba des bram ze zla dga' shing sA la chen po lta bu la 'di skad ces bka' stsal to/ /bram ze ji ci tsam du 'od 'dis reg pa'i sems can de dag thams cad bla na med pa yang dag par rdzogs pa'i byang chub las phyir</font><hr>42.264a<br><font size=+1>

mi ldog par 'gyur te/ de dag thams cad sangs rgyas kyi zhing yongs su dag par bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad kyi don byas te/ phung po lhag ma med pa'i mya ngan las 'da' ba'i dbyings su yongs su mya ngan 'das te/ de dag thams cad kyis byang chub kyi sa bon de bskyed pa yin no/ /de nas de bzhin gshegs pa de sems can de dag thams cad bla na med pa yang dag par rdzogs pa'i byang chub tu lung bstan nas gdan las bzhengs te gshegs so/ /maud gal gyi bu de ji snyam du sems/ de'i tshe de'i dus na bram ze zla dga' shing sA la chen po lta bur gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na bram ze zla dga' shing sA la chen po lta bur gyur to/ /ngas sems can de dag lung bstan par bya ba'i phyir de bzhin gshegs pa de la sems rab tu dang bas zhag bdun du bkur sti byas/ bla mar byas te rjed cing mchod do/ /de bzhin gshegs pa des nga lung ma bstan kyang nga'i sems zhum pa yang med la nga bla na med pa yang dag par rdzogs pa'i byang chub mngon par 'tshang mi rgya'o snyam du yang mi sems so/ /maud gal gyi bu de lta bas na byang chub sems dpas de bzhin gshegs pa la rim gro bya ba'i phyir snyom las med par bya'o/ /rim gro bya ba la snyom las med par zhugs pa'i byang chub sems dpa' ni myur du phyir mi ldog pa'i chos la gnas par 'gyur ro/ /maud gal gyi bu ngas skye ba shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas skye ba shes pa sems can rnams la ji ltar yang dag par rab tu bstan par bya/ sems can dag skye ba shes pa thos nas chos bdag med pa nyid</font><hr>42.264b<br><font size=+1>

brjod pa dang / skye ba yang ji ltar ston par 'gyur snyam nas/ dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus na 'khor ba dpag tu med pa nas/ de'i pha rol gyi yang ches pha rol na/ rgyal po grags chen zhes bya ba chos kyi rgyal po chos dang ldan pa/ rdzu 'phrul che ba gzi brjid che ba mthu che ba phyi rol gyi lam gyis 'dod pa rnams kyi 'dod chags dang bral ba zhig byung ngo / /de mi thams cad kyi tshes bcwa lnga ste zla ba nya la sum bcu rtsa gsum gyi lha rnams kyi 'dun khang du 'gro ste/ de sum bcu rtsa gsum gyi lha rnams dang lhan cig tu chos kyi bgro ba byed do/ /grogs po dag gal te brgya la de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na chos gang dag ston pa ni mdzad pa dang ldan no/ /de'i tshe rgyal po tog gi blo gros shes bya ba dang / rgyal po khyab 'jug blo gros shes bya ba dang / rgyal po zla ba'i blo gros shes bya ba dang / rgyal po thigs pa'i blo gros shes bya ba dang / rgyal po me tog blo gros shes bya ba dang / rgyal po shugs kyi blo gros shes bya ba dang / rgyal po skar 'od ces bya ba dang / rgyal po sprin gyi blo gros shes bya ba dang / rgyal po zla ba dri med blo gros shes bya ba dang / de dag la sogs pa rgyal po khri phrag dgu dag sum bcu rtsa gsum gyi 'dun khang du dong ste/ gang sum bcu rtsa gsum gyi lha rnams dang lhan cig tu chos bgro ba byed do/ /grogs po dag chos smra ba dag gi phyogs su bya zhing chos ma yin pa smra ba dag gi mi bya/ yang dag par smra ba dag gi phyogs su bya zhing yang dag pa ma yin pa smra ba dag gi mi bya/ zhi ba smra ba dag gi phyogs su bya zhing zhi ba ma yin pa smra ba dag gi mi bya/ bden pa smra ba dag gi phyogs su bya zhing bden pa ma yin pa smra ba dag gi mi bya/ grogs po dag stong pa nyid smra ba dag gi phyogs su bya ba dang / grogs po dag bdag med pa smra ba dag</font><hr>42.265a<br><font size=+1>

gi phyogs su bya zhing bdag tu smra ba dag gi mi bya/ sangs rgyas bcom ldan 'das ni stong pa nyid gsung ste/ gang zag mi gsung ngo / /grogs po dag sangs rgyas bcom ldan 'das kyis nang dang phyi'i skye mched bcu gnyis dag ngo bo nyid dang bral bar gsungs so/ /de la lha'i 'khor mang po dag gis sgra chen po dang sgra gsal bar smras pa/ grogs po dag stong pa nyid la las mngon par 'du byed pa ji ltar yod/ gal te bdag dang bdag gi med na lha'i 'khor 'di las mngon par 'dus byas pa gang gis sum bcu rtsa gsum gyi gnas su skyes/ lha'i 'khor gzhan gyis sgra che zhing sgra gsal bar smras pa/ grogs po dag sangs rgyas bcom ldan 'das dag gi bstan pa la skur pa ma 'debs shig /ltas lnga dag byung nas lha'i bu dag 'chi zhing skye ba ni khyed kyi mngon sum yin te/ ci lha'i bu 'chi ba'i bdag po mthong ngam/ bdag la gnod pa de dag gang zhe na gang du bdag cag thams cad 'dus kyang lha'i bu de gnod pa las yongs su bsgral bar bya mi nus te/ ltas dang po la bdag mi snang ngo / /ltas gnyis pa dang / gsum pa dang bzhi pa dang lnga pa la bdag mi snang zhing 'chi bar 'dod pa'i bdag mi snang / 'chi ba dang shi ba'i bdag mi snang ste/ 'di la bdag dang bdag gi med cing chos thams cad ni bdag gam bdag gis stong ste/ sangs rgyas bcom ldan 'das ni yang dag pa gsung ba'o/ /de nas rgyal po tog gi blo gros kyis rgyal po khri phrag dgu po de dag la 'di skad ces smras so/ /khyed cag gcig tu 'dus shig /kye ma lha'i 'khor 'di dag ni mi mthun te/ de bzhin gshegs pa'i bstan pa ma rtogs so/ /bdag cag reshig 'dzam bu'i gling nyid du chos bgro ba bya ste/ gal te chos thams cad mi stong zhing gal te bdag dang bdag gi yod pa de tsam gyi phyir bdag cag lha'i 'dun khang du chos bgro bar 'dong bar byas na/ lha'i 'khor 'di dag phyin ci log la zhugs te/ sangs rgyas kyi bstan pa la the tsom du</font><hr>42.265b<br><font size=+1>

ma yod do/ /tshur shog bdag cag 'dzam bu'i gling du chos bgro bar bya'o/ /de nas 'khor de dag phyogs gcig tu dong nas/ rgyal po tog gi blo gros la 'di skad ces smras so/ /khyod ni yul dbus su skyes pa lags te/ shar phyogs kyi mtha' 'khob dang / nub phyogs kyi mtha' 'khob dang / byang phyogs kyi mtha' 'khob dang / lho phyogs kyi mtha' 'khob tu ma lags so/ /khyod ni mngon par mkhyen pa chos 'di'i tshul lags so/ /de nas rgyal po tog gi blo gros kyis mtha' 'khob kyi rgyal po de dag la 'di skad ces smras so/ /khyed cag re shig shar phyogs nas rgyal po nyi shu rtsa lnga/ nub phyogs nas rgyal po nyi shu rtsa lnga/ byang phyogs nas rgyal po nyi shu rtsa lnga/ lho phyogs nas rgyal po nyi shu rtsa lnga ste/ gang 'dzangs pa dang / mkhas pa dang dpyod pa dang rtab rtab po ma yin pa dang / brtags pa ma yin pa dang / 'khrul pa med pa dang rings pa med pa dang / gang bdag gi rgyud 'byed par nus pa brgya zhig yang dag par khrobs shig /rgyal po de dag gis bka' bzhin 'tshal zhes/ rgyal po tog gi blo gros de'i ltar mnyan nas rgyal po brgya bkrabs so/ /de nas rgyal po tog gi blo gros rgyal po brgya dang lhan cig tu/ 'di lta ste dper na/ ngang pa'i rgyal po bzhin du rdzu 'phrul che bas gangs ri'i rgyal po la yang dag par gnas so/ /der de dag gis 'khor gyi khyams lhas sprul pa byung ste/ lha'i rgyal po de dag thams cad kyang de dag dang mngon sum du gyur to/ /de nas rgyal po tog gi blo gros kyi stan rgyal po brgya po de dag gi dbus su bshams so/ /de sum bcu rtsa gsum gyi lha dag gis rin po che sna bdun las byas par mngon par sprul to/ /de nas rgyal po tog gi blo gros kyis phyogs bcur phyag byas nas stan de la 'dug go/ /rgyal po dgu bcu rtsa dgu po de dag gis de'i rkang pa la phyag byas nas 'khor du 'dug go/ /sum bcu rtsa gsum gyi lha de dag dga' zhing mgu la yi</font><hr>42.266a<br><font size=+1>

rangs par gyur te/ 'dzam bu'i gling gi mi rnams ni dam pa'i chos dang mngon du gyur te/ re shig dam pa'i chos nub par mi 'gyur ro snyam nas/ de'i tshe lha de dag lha'i me tog man dA ra ba'i char phab cing mgu bar gyur nas ji ltar 'dir dam pa'i chos nyan par 'dod nas 'khod do/ /de nas rgyal po tog gi blo gros kyis rgyal po'i pho nya gzhan zhig la smras pa/ grogs po gangs ri'i rgyal po 'di'i rtse mo'i dbus na drang srong dge ba'i blo gros shes bya ba gnas te/ rgyal po'i 'khor 'dus pa de dag khyod mthong bar 'tshal lo zhes de spyan drongs shig /rgyal po'i pho nya des bka' bzhin 'tshal zhes rgyal po de'i ltar mnyan nas 'di lta ste dper na/ skyes bu stobs dang ldan pa'i lag ngar bskum pa las brkyang ba 'am/ brkyang ba las bskum pa de bzhin du rgyal po'i pho nya de rgyal po'i 'khor de'i mdun nas mi snang bar song ste/ drang srong de'i rkang pa'i drung du phyin nas rkang pa la mgo bos phyag 'tshal te/ rang bzhin de dag smras so/ /de de bzhin gshegs pa sa 'dzin yongs su mya ngan las 'das pa de'i sgra thos shing rang bzhin de dag shes nas snying rje ba'i phyir mchi ma byung ngo / /de'i mchi ma de dag gi rgyun dang / mchi ma de dag gi drod kyis gangs ri'i rgyal po'i rtse mo zhu'o/ /de mchi ma de dag phyis nas rgyal po'i pho nya la 'di skad ces smras so/ /grogs po gal te gang de bzhin gshegs pa de mthong ba 'am/ thos pa'i sems can gang dag yod pa dang dam pa'i chos gnas te/ dam pa'i chos ma nub po/ /khyed song shig nga ni mi 'gro'o/ /de ci'i phyir zhe na nga de bzhin gshegs pa'i gnas pa zhi ba btang nas 'du 'dzir 'jug mi phod do/ /smras pa grogs po 'di la bdag yod do/ /bdag med do zhes lha rnams dang rtsod pa byung ba de'i byas pa 'di khyod la tshol lo/ /des smras pa gal te bdag yod na mi rga mi 'chi mi na ba'i rigs te/ de ci'i phyir zhe na/ bdag la skye ba 'am/ </font><hr>42.266b<br><font size=+1>

rga ba 'am 'chi ba med cing de sbyin pa la dga' bar mi 'gyur te de bas na bdag med do/ /de la de skad bstan pas de'i chos kyi mig chos rnams la rdul med cing dri ma dang bral te rnam par dag go/ /de nas pho nya de 'di lta ste dper na/ nam mkha' la ngang pa'i rgyal po ltar rgyal po de dag gi 'khor du song ngo / /de'i bar snang las 'ong bzhin du sgra byung ba/ grogs po dag dam pa'i chos gnas te/ de bzhin gshegs pa'i bstan pa 'bar ro/ /gang dag mngon par brtson pas ni de bzhin gshegs pa'i bstan pa las snying po len to/ /mngon par brtson pa med pa dag la ni sangs rgyas 'byung ba med/ chos thos pa med dam pa'i chos 'dzin pa med de/ de mi brtson pas gang de dag phyir ldog par byed do/ /gang mngon par brtson pa la dam pa'i chos gnas te/ 'du byed thams cad mi rtag pa'o/ /'du byed thams cad sdug bsngal ba'o/ /chos thams cad bdag med pa'o/ /mya ngan las 'das pa ni zhi ba'o zhes shes so/ /de'i sgra de phyogs bcur rlung gis khyer ro/ /de'i sgra de thos nas gang bdag tu smra ba de dag ni bdag med pa la gnas/ gang bdag med par smra ba de dag ni bya ba byas par gyur te/ de dag thams cad tog gi blo gros kyi mthu'o/ /maud gal gyi bu de ji snyam du sems/ de'i tshe de'i dus na/ rgyal po tog gi blo gros shes bya bar gyur pa de gzhan yin par sems na/ khyod kyis de ltar mi blta ste/ de ci'i phyir zhe na/ nga de'i tshe de'i dus na rgyal po tog gi blo gros shes bya bar gyur to/ /ngas skye bo de dag thams cad chos la rab tu btsud do/ /stong gsum gyi stong chen po'i 'jig rten gyi khams sgras go bar byas te/ ji ltar 'dir sngon gyi spyod pas sangs rgyas khri dag la bsnyen bkur byas te/ sems can rnams la snying rje chen po bskyed nas sgra de btang ngo / /maud gal gyi bu de lta bas na/ byang chub sems dpa' sems dpa' chen pos</font><hr>42.267a<br><font size=+1>

sangs rgyas bcom ldan 'das kyi bstan pa la bag tsha ba med pa'i shes pas seng ge'i sgra bsgrag par bya'o/ /maud gal gyi bu ngas skye ba shes pa kun 'byung ba shes par bya ba'i don nas mngon par 'dus byas pa'i bar du'ang de bzhin du sbyar te/ maud gal gyi bu sngon byung ba 'das pa'i dus nas/ de'i pha rol gyi yang ches pha rol na de bzhin gshegs pa 'od zer brgya pa zhes bya ba byung ngo / /'jig rten gyi khams yang dag par 'du ba 'dir rtag tu gnod pa dang bral ba yin te 'jig pa dang 'chags pa dang bral lo/ /'od zer de re re las sangs rgyas sprul pa dpag tu med pa dag byung ste/ de phyogs bcu'i 'jig rten gyi khams dpag tu med par sprul pa de dag sems can khri phrag dpag tu med pa ji ltar mos pa ji ltar mos par sprul pas yongs su smin par byed do/ /ji ltar sems can de dag gi bsam pa de ltar sprul pa de dag gis sems can de dag la chos ston to/ /de ltar de bzhin gshegs pa de'i sangs rgyas kyi zhing stong gsum gyi stong chen po'i 'jig rten gyi khams dpag tu med par gyur te/ thams cad du sangs rgyas kyi zhing der sprul pa dag gis sems can rnams yongs su smin par byed do/ /bdag nyid sangs rgyas kyi zhing dpag tu med par bzhugs te/ byang chub sems dpa' dpag tu med pa dag smin par mdzad do/ /de'i tshe de bzhin gshegs pa de'i rim gro pa dge slong mig nyams pa med pa zhes bya ba zhig byung ste/ de de bzhin gshegs pa'i sprul pa gang gis sems can dag yongs su smin par mdzad pa'i sems can de dag thams cad kyi bsam pa la mkhas so/ /gang gi tshe de bzhin gshegs pa de chos ston par mdzad pa de'i tshe de sems can de dag la chos ston to/ /de chos bstan pa thos nas rim gro byed do/ /sems can khri phrag dpag tu med pa dag de'i rim gro byas pa tsam gyis bla na med pa yang dag par rdzogs pa'i byang chub tu gyur to/ /</font><hr>42.267b<br><font size=+1>

maud gal gyi bu de ji snyam du sems/ de'i tshe de'i dus na rim gro pa dge slong mig nyams pa med pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na dge slong mig nyams pa med pa zhes bya bar gyur to/ /ngas de bzhin gshegs pa de'i chos bstan pa thos nas sems can khri phrag dpag tu med pa dag phyir mi ldog pa la btsud do/ /maud gal gyi bu de lta bas na byang chub sems dpas de bzhin gshegs pa'i chos bstan pa dag dang phrad par byas nas ser sna med pas de bzhin gshegs pa'i chos bstan pa mnyan par bya/ byang chub sems dpa' yang yongs su smin par bya'o/ /maud gal gyi bu ngas skye ba shes pa 'gog pa shes par bya ba'i don du mngon par 'dus byas pa nas/ de bzhin du sbyar te yang dag par rab tu bstan pa'i bar du'o/ /maud gal gyi bu sngon byung ba 'das pa'i dus nas de'i pha rol gyi yang ches pha rol na de bzhin gshegs pa 'od mtha' yas shes bya ba nas/ sangs rgyas bcom ldan 'das kyi bar du byung ngo / /'jig rten gyi khams de spyod pa phun sum tshogs pa yin te/ sngon gyi sbyor ba phun sum tshogs pa'i sems can g.yo med pa/ sgyu med pa drang po'i rang bzhin can/ 'jig rten pha rol gyi kha na ma tho ba la 'jigs par lta ba rnams kyis gang ngo / /de'i tshe sangs rgyas kyi zhing der byang chub sems dpa' gzi brjid drag pa zhes bya ba zhig byung ste/ byang chub sems dpa' 'bum phrag brgyad rnams kyi gtso bo yin la/ thabs mkhas pa dang ldan pa/ sems can rnams kyi bya ba la mkhas pa/ sems can rnams kyi chos ston pa la mkhas pa/ sems can rnams kyi nye bar 'gro ba'i dus la mkhas pa sems can rnams la de dang 'tsham pa'i chos ston pa la mkhas pa/ byang chub sems dpa'i yon tan dpag tu med pa dang ldan no/ /de nas byang chub sems dpa' gzi brjid drag pas/ de bzhin gshegs pa 'od</font><hr>42.268a<br><font size=+1>

mtha' yas de la bltas nas/ sangs rgyas kyi zhing nas sangs rgyas kyi zhing du rgyu zhing song ngo / /de sangs rgyas kyi zhing gang du rkang pa bzhag pa'i sangs rgyas kyi zhing der sems can dag sangs rgyas byung bar yang dag par rab tu shes so/ /bdud kyi gnas dag ni dpa' bkong bar gyur cing lha'i gnas dag ni rab tu dga' bar gyur te/ sangs rgyas kyi zhing de dag thams cad kyang 'od gser gyi mdog gis khyab par gyur to/ /de nas sems can de dag sangs rgyas kyi zhing der snang ba 'di dag phyogs gang nas 'ongs shes ya mtshan du gyur to/ /de nas bar snang las sangs rgyas kyi zhing 'di dag thams cad ni de bzhin gshegs pa'i snang bas khyab ste/ gang de bzhin gshegs pa mthong bar 'dod pa de dag thal mo sbyor la de bzhin gshegs pa mthong bar smros shig dang / de dag gis de bzhin gshegs pa mthong ngo zhes sgra byung ngo / /de nas sems can de dag gis sgra de thos nas bar snang la thal mo sbyar te/ khyod kyis bdag cag de bzhin gshegs pa dang lhan cig sprod cig ces sgra phyung ngo / /de dag la de bzhin gshegs pa'i sprul pa bye ba brgya phrag stong dag mngon par sprul te/ sems can re res sprul pa re re yang dag par shes kyis sprul pa gzhan ni ma mthong ngo / /de'i nyi ma gcig gi 'od kyi dkyil 'khor gyi snang bas sangs rgyas kyi zhing khri phrag dpag tu med pa rnams su byang chub sems dpa' khri phrag dpag tu med pa dag phyir mi ldog par gyur to/ /de nas de bzhin gshegs pa 'od mtha' yas byang chub sems dpa' gzi brjid drag pa'i mthu dang stobs dang / brtson 'grus bskyed par mdzad pa na byang chub sems dpa' gzi brjid drag pa la 'di skad ces bka' stsal to/ /rigs kyi bu song la nga'i 'od kyi rjes snyogs shig /gang du nga'i 'od gnas par mthong ba de tsam du nga'i sangs rgyas kyi zhing du shes par gyis shig /de nas de'i tshe bcom ldan 'das nyid kyi 'od gser gyi kha dog btang ngo / /de rdzu 'phrul gyi</font><hr>42.268b<br><font size=+1>

stobs kyis 'od de dag gi rjes su song ngo / /de bskal pa grangs med par 'od de dag gi rjes su song yang 'od de'i gnas ma mthong ngo / /de bskal pa grangs med par song bas lus snyom zhing sgyid lug go/ /de nas bar snang las sangs rgyas kyi sku byung nas de la bka' stsal pa/ rigs kyi bu ngal ba'i rgyu yid la ma byed cig sgyid lug par ma byed par re shig cung zhig ring du song shig /de nas de bzhin gshegs pa dgra bcom pa yang dag par rdzogs pa'i sangs rgyas 'od mtha' yas kyis ji lta bu'i rdzu 'phrul mngon par 'du mdzad pa de lta bu'i rdzu 'phrul mngon par 'du mdzad pa mngon par 'du mdzad pas de'i lus kyi ngal ba bsal nas lus dang sems kyi brtson 'grus sangs rgyas kyi mthus yang dag par 'dus so/ /de yang bskal pa grangs med par song ba dang / rin po che sna bdun gyi shing ljon pa zhig mthong ste/ de'i pha rol na 'od mthong ngo / /de de'i tshe bla gos phyogs gcig tu gzar te/ pus mo g.yas pa'i lha nga sa la btsugs nas de bzhin gshegs pa 'od mtha' yas de la tshigs su bcad de gsol pa/ thugs la dri ma bral zhing sbyor ba spangs/ /khyod kyis 'jig rten khams kun thugs su chud/ /'dren pa khyod kyi 'od ni ci 'dra ba/ /'di la yul gyi mtha' 'di rjes su 'jug /de'i tshe bar snang las rin po che sna bdun gyi khang pa brtsegs pa zhig byung ste/ khang pa brtsegs pa der sangs rgyas kyi gzugs byung ste/ de byang chub sems dpa' gzi brjid drag pa de la tshigs su bcad de bka' stsal pa/ gang dag nga yi rkang pa'i drung 'dug dang / /gang dag yul 'di yi ni mthar 'dug pa/ /thams cad nga yi sgra dag thos 'gyur te/ /'di yi sgrub pa thams cad shes par 'gyur/ /stobs bcu sangs rgyas chos ni ma 'dres pa/ /brtan pa 'di dag srog chags kun la bden/ /yul gyi rang bzhin yul gyi dngos dang bzo/ /de bzhin yul gyi tshig dag kun shes so/ /rgyal ba nga yi zhing 'dir</font><hr>42.269a<br><font size=+1>

sems can dag /tshig 'di thos nas dang bar mi 'gyur med/ /thams cad bla na med pa'i sa la gnas/ /de dag rgyal ba'i chos las ldog mi 'gyur/ /gang dag nyan thos lhan cig thun mong ba'i/ /de dag ma yin 'di ni rnam 'dren chos/ /rgyal sras gang la rab tu sems dang ba/ /bdud kyi skyon bcom byang chub reg par 'gyur/ /maud gal gyi bu de ji snyam du sems/ de'i tshe de'i dus na byang chub sems dpa' gzi brjid drag pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na byang chub sems dpa' gzi brjid drag pa zhes bya bar gyur to/ /ngas de bzhin gshegs pa de'i 'od dang bskal pa grangs med pa gnyis kyi bar du rjes su 'brel to/ /ngas de bzhin gshegs pa de la tshigs su bcad de mngon par bstod do/ /de bzhin gshegs pa de'i mthus ngas sangs rgyas kyi zhing de dag thams cad tshigs su bcad pa de dag gis mngon par go bar byas so/ /maud gal gyi bu de lta bas na/ byang chub sems dpas pha'i stobs kyi go cha bgo bar bya/ de bzhin gshegs pa'i bka' la yang the tsom med cing som nyi med par bya'o// // bam po nyi shu bzhi pa/ maud gal gyi bu ngas skye ba shes pa 'gog par 'gyur ba'i lam shes par bya ba'i don du/ sngon byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub tu mngon par rdzogs par sangs rgyas pa nas/ ji ltar yang dag par rab tu bstan par bya snyam pa'i bar dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na de bzhin gshegs pa 'gro ba thams cad las 'das pa zhes bya ba nas/ sangs rgyas bcom ldan 'das kyi bar 'jig rten gyi</font><hr>42.269b<br><font size=+1>

khams dge ba'i mig ces bya ba byung ngo / /de bzhin gshegs pa de'i sangs rgyas kyi zhing der byang chub sems dpa' mtha' yas shugs 'chang zhes bya ba byang chub sems dpa' 'bum phrag bdun gyi gtso bo byed pa/ sbyin pa dang / tshul khrims dang bzod pa dang / brtson 'grus dang bsam gtan dang shes rab dang thabs la mkhas pa zhig byung ngo / /de de bzhin gshegs pa 'gro ba thams cad las 'das pa de'i byang chub sems dpa'i tshogs de dag cham du 'bebs so/ /sems can gang dag rang sangs rgyas kyi theg pa pa 'am/ nyan thos kyi theg pa pa de dag kyang yongs su smin par byed do/ /de bzhin gshegs pa de la yang rim gro byed de/ mthong ba'i chos de la bde bar gnas pa dag gis gnas so/ /de'i 'jig rten gyi khams khri phrag brgyad bcu nas de bzhin gshegs pa de'i sangs rgyas kyi zhing gi bar gyi sems can rnams la sprul pa gtong ste/ sprul pa de dag gis sangs rgyas kyi zhing de yongs su smin par byed de/ yongs su sbyong bar byed do/ /de nas de bzhin gshegs pa 'gro ba thams cad las 'das pas byang chub sems dpa' mtha' yas shugs 'chang la 'di skad ces bka' stsal to/ /rigs kyi bu 'jig rten gyi khams khri phrag dpag tu med pa 'di ni ji ltar sems can dmyal ba med par 'gyur ba dang / dud 'gro'i skye gnas med par 'gyur ba dang / gshin rje'i 'jig rten med par 'gyur ba dang / lha ma yin gyi ris med par 'gyur ba dang / ji ltar mi khom pa thams cad med par 'gyur ba dang / sangs rgyas kyi zhing thams cad skad cig gcig dang ldan par 'gyur ba de ltar yongs su smin par nus sam/ de skad ces bka' stsal pa dang / byang chub sems dpa' mtha' yas shugs 'chang gis/ de bzhin gshegs pa 'gro ba thams cad las 'das pa de la 'di skad ces gsol to/ /bcom ldan 'das skad cig gcig gis bgyi ba yongs su rdzogs par rngo thog lags so/ /bcom ldan 'das kyis bka'</font><hr>42.270a<br><font size=+1>

stsal pa/ rigs kyi bu nus sam/ rigs kyi bu da ltar gyi skye dgu tshe ring ba tshe'i tshad bskal pa khri phrag dpag tu med de/ gang byang chub sems dpa' le lo kun yod pa de tshe'i ngo bo gcig thob pas yongs su smin par byed do/ /rigs kyi bu sangs rgyas kyi zhing 'di sangs rgyas khri phrag dpag tu med pa rnams kyis yang dang yang du nga'i mig gis mthong ba'i sangs rgyas kyi zhing du spyad pa yongs su spyad de/ de bzhin du sangs rgyas kyi zhing sangs rgyas mang pos yongs su ma btul ba gang yang med do/ /'di ltar sangs rgyas kyi zhing 'di de ltar sangs rgyas mang pos yongs su smin par mdzad do/ /ji ltar sangs rgyas kyi zhing 'dir sangs rgyas bcom ldan 'das rnams nye bar byung ba de ltar sangs rgyas kyi zhing de lta bu gang yang med do/ /rigs kyi bu de lta bas na khyod de bzhin gshegs pa'i bkas sangs rgyas kyi zhing 'di yongs su smin pa dang / yongs su sbyang ba bya bar nges pa bskyed cig rigs kyi bu khyed kyang sangs rgyas khri phrag dpag tu med pa dag la dge ba'i rtsa ba bskyed/ shes rab rno ba snying rje mtshungs pa med pa dang ldan na/ khyod kyi tshe gcig po 'dis sems can thams cad yongs su smin par nus sam/ de skad ces bka' stsal pa dang / byang chub sems dpa' mtha' yas shugs 'chang gis/ de bzhin gshegs pa 'gro ba thams cad las 'das pa de la 'di skad ces gsol to/ /gal te bdag la de bzhin gshegs pas bka' stsal na/ gang bdag de bzhin gshegs pa'i bkas sems can rnams la glo ba brtse bar bzung ste/ bcom ldan 'das kyi bka' bzhin du bskal pa grangs ma mchis par me ma mur gyi 'obs du ba ma mchis par mchis pa de yang spro'o/ /de skad ces gsol pa dang / de bzhin gshegs pa 'gro ba thams cad las 'das pa de phung po lhag ma med pa'i mya ngan las 'das pa'i dbyings su yongs su mya ngan las 'das so/ /</font><hr>42.270b<br><font size=+1>

de nas byang chub sems dpa' mtha' yas shugs 'chang des/ de bzhin gshegs pa de'i sku gdung rgya cher byas nas mchod pa byas so/ /de bzhin gshegs pa'i bka' de rjes su dran pa na sems can rnams la snying brtse bar bzung nas sprul pa bye ba khrag khrig brgya phrag stong dpag tu med pa dag mngon par sprul to/ /des sangs rgyas kyi zhing de byang chub sems dpa' phyir mi ldog pa rnams kyis me tog bzhin kun tu bkang nas de tshe'i 'du byed btang ngo / /maud gal gyi bu khyod de'i tshe de'i dus na/ byang chub sems dpa' mtha' yas shugs 'chang zhes bya bar gyur pa/ de gzhan yin par sems na/ khyod kyis de ltar mi blta ste/ nga de'i tshe de'i dus na byang chub sems dpa' mtha' yas shugs 'chang zhes bya bar gyur to/ /ngas sangs rgyas kyi zhing de byang chub sems dpa' rnams kyi me tog bzhin kun tu bkang / sangs rgyas kyi gdung yang dag par spel/ de bzhin gshegs pa'i sku gdung rgya cher byas te/ mchod pa byas nas dus byas so/ /maud gal gyi bu de lta bas na byang chub sems dpas sangs rgyas kyi gdung mi gcad par bya ba'i phyir 'bad par byas nas/ phyis byang chub mngon par rdzogs par 'tshang rgya bar bya'o/ /maud gal gyi bu ngas 'dod pa'i zag pa shes par bya ba'i don du/ sngon byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub mngon par rdzogs par sangs rgyas nas/ 'dod pa'i zag pa shes pa sems can rnams la ji ltar yang dag par rab tu bstan par bya snyam nas/ dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na/ rgyal po sems can thams cad kyi rang bzhin gyi rjes su 'jug pa zhes bya ba/ 'dzangs shing gsal la yid gzhungs pa/ </font><hr>42.271a<br><font size=+1>

sems can rnams kyi dbang po'i tshogs rtog pa la mkhas pa zhig byung ste/ sems can gang dag gzugs la mos pa de dag gi gzugs la 'dod chags pa yang dag pa ji lta ba bzhin rab tu shes/ de sems can 'di dag gzugs la 'dod chags pas yongs su gdungs shing gzugs la 'dod chags pas bsregs pa mthong ngo / /de sems can de dag gi gzugs la 'dod chags spang ba'i thabs sems te/ thabs gang gis sems can de dag gzugs la 'dod chags skyes pa mi bskyed pa dang / skyes pa yang spong bar 'gyur/ sems can 'di dag gzugs la 'dod chags pas shin tu gdungs/ 'dod chags kyis yongs su bsregs pa'i sems des 'chi ba'i dus byas shing de dag sems can dmyal bar skye bar ma gyur cig /'dod chags kyi me des shin tu gdungs/ de'i rkyen gyis sems can dmyal ba pa'i mes gdungs te/ de dag shin tu gdung ba gnyis kyis 'chi ba'i zhags pa las mi 'grol lo/ /sdug bsngal gyi gnod pas skye ba na yang 'brel/ 'chi ba na yang 'brel 'jig rten 'di nas 'jig rten pha rol tu 'gro ba na yang 'brel to snyam nas/ de thabs tshol ba na 'di ltar yongs su 'jal te/ byis pa dag rtog pa'i dbang gis gtsang ba'i 'du shes kyis 'ching ste/ stong pa nyid kyi ngo bo dang bral ba kha dog tsam gnyis pa tsam mo/ /de yang gcig tu bsdus na mi gtsang ba nyid de/ 'di la gtsang ba nyid gang yang med do/ /mgal me bskor ba snang ba bzhin du log par 'dzin pas/ 'dod chags 'jug pa gtsang bar 'brel pa de shin tu 'dzin to/ /de ltar skye ba na yang 'brel/ rga ba na yang 'brel 'chi ba na yang 'brel bar byed do/ /'khor bar shin tu rgyug pa dag sngon gyi mtha' mi shes so snyam nas/ de sems can de dag gi gang mi gtsang ba yang dang yang du</font><hr>42.271b<br><font size=+1>

yang dag pa ji lta ba bzhin rab tu ston to/ /de de dag gi mi gtsang ba yang dag pa ji lta ba bzhin rab tu ston pa na/ sems can khri phrag dpag tu med pa rnams kyis mi gtsang bar 'du shes pa yongs su shes shing mi gtsang ba'i blor zhugs/ chos rnams kyi ngo bo nyid dang yang dag pa ji lta ba bzhin yongs su shes so/ /yongs su shes nas sems can khri phrag dpag tu med pa dag mi gtsang ba'i 'du shes kyis bzlog nas/ 'dod pa dag gis 'dod chags dang bral nas tshangs pa'i 'jig rten du skyes so/ /maud gal gyi bu de ji snyam du sems/ de'i tshe de'i dus na/ rgyal po sems can kun gyi rang bzhin gyi rjes su 'jug pa zhes bya bar gyur pa de gzhan yin par sems na/ khyod kyis de ltar mi blta ste/ de ci'i phyir zhe na/ nga de'i tshe de'i dus na/ rgyal po sems can kun gyi rang bzhin gyi rjes su 'jug pa zhes bya bar gyur to/ /ngas srog chags khri phrag dpag tu med pa dag mi gtsang ba'i 'du shes kyis bzlog nas tshangs pa'i 'jig rten du bskyed do/ /de dag thams cad kyang gzugs kyi rang bzhin rab tu shes shing / bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de lta bas na/ byang chub sems dpas gzugs kyi rang bzhin yang dag pa ji lta ba bzhin yongs su shes par bya/ de bzhin du sems can rnams la yang bstan par bya'o/ /byang chub sems dpas gzugs kyi rang bzhin rab tu shes shing de bzhin du sems can rnams la yang rab tu ston pa ni/ bla na med pa yang dag par rdzogs pa'i byang chub las phyir mi ldog par 'gyur ro/ /maud gal gyi bu ngas 'dod pa'i zag pa shes pa kun 'byung ba shes par bya ba'i don du zhes bya ba nas de bzhin du sbyar te/ mngon par 'dus byas pa'i bar dang / de bzhin du sbyar te yang dag par rab tu bstan pa'i bar du'o/ /maud gal gyi</font><hr>42.272a<br><font size=+1>

bu sngon byung ba 'das pa'i dus nas/ de'i pha rol gyi yang ches pha rol na/ drang srong chos la nges pa zhes bya ba/ rdzu 'phrul che ba/ gzi brjid che ba mthu che ba/ phyi rol gyi lam gyis 'dod pa rnams kyi 'dod chags dang bral ba zhig byung ngo / /de 'dod pa'i zag pa shes pa kun 'byung ba shes pa/ me long gi dkyil 'khor du snang ba ltar yang dag pa ji lta ba bzhin rab tu shes te/ ji ltar me long gi dkyil 'khor gyi gzugs kyi rnam pa mthong ba med pa de ltar 'dod pa'i zag pa shes pa kun 'byung ba shes pa mthong ba yang med do/ /de ci'i phyir zhe na/ dngos po yang dag pa ma yin pa'i phyir te/ chos gang dngos po med pa de spang bar mi bya/ yongs su shes par mi bya bsgom par mi bya/ mngon sum du mi bya ba yin na/ 'di ltar byis pa so so'i skye bo thos pa dang mi ldan pa 'dod pa'i yon tan don du gnyer ba de dag de'i rnam pa la spyod par snang ngo / /'di lta ste dper na/ me long gi gzugs kyi rnam pa la de ltar tshul bzhin du so sor brtags na/ mngon par shes pa lnga mngon sum du byas so/ /chos thams cad la yang me long gi dkyil 'khor du snang ba bzhin du 'du shes thob po/ /de sems can khri phrag dpag tu med pa dag bzod pa de la rab tu btsud do/ /maud gal gyi bu de ji snyam du sems/ de'i tshe de'i dus na/ drang srong chos la nges pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na/ drang srong chos la nges pa zhes bya bar gyur to/ /ngas de'i tshe sems can khri phrag dpag tu med pa de dag me long gi dkyil 'khor du snang ba lta bu'i ting nge 'dzin la rab tu btsud do/ /dge ba'i rtsa ba de dag kyang bla na med pa yang dag par rdzogs pa'i byang chub tu yongs su bsngos so/ /maud gal gyi bu de lta bas na/ byang chub sems dpas me long gi dkyil 'khor du</font><hr>42.272b<br><font size=+1>

snang ba lta bu'i chos rnams la sems gzhug par bya'o/ /me long gi dkyil 'khor du snang ba lta bu'i chos rnams la sems zhugs pa'i byang chub sems dpa' ni bla na med pa yang dag par rdzogs pa'i byang chub las phyir mi ldog par 'gyur ro/ /maud gal gyi bu ngas 'dod pa'i zag pa shes pa 'gog pa shes par bya ba'i don du zhes bya ba nas/ dge ba'i rtsa ba sna tshogs dag mngon par 'dus byas pa'i bar dang de bzhin du rgya cher sbyar ro/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong ud dz+ya dad ta zhes bya ba/ rdzu 'phrul che ba/ gzi brjid che ba/ mthu che ba zhig byung ngo / /de 'di snyam du sems te/ gang bdag gis chos rtogs pa'i chos de dag las ches mngon par byung ba 'am/ ches gya nom pa'i chos gzhan gang yang yod dam snyam mo/ /de 'di snyam du sems te/ gang bdag gis chos khong du chud pa de dag ni 'gog pa'i chos so/ /chos gang 'gog pa med pa'i chos de gong du ches mngon par byung ba dang / ches gya nom snang bar 'gyur ro snyam mo/ /de 'di snyam du sems te/ chos gang dag skyes pa de dag ni 'gog pa'i chos yin la/ gang skyes pa med pa de dag ni 'gog pa med pa'i chos so snyam mo/ /de 'di snyam du sems te/ chos gang skyes pa med pa de gang yin/ de 'di snyam du sems te/ yang dag pa ma yin pa'i phyir chos thams cad ni ngo bo nyid kyis ma skyes pa yin te/ chos thams cad ni ngo bo nyid med pa yin/ chos thams cad ni ngo bo nyid dang bral ba yin no/ /de lta bas na chos thams cad kyi ngo bo nyid gang yin pa de ni ma skyes pa'o/ /de de ltar tshul bzhin du so sor rtog pa na mi skye ba'i chos la bzod pa skyes so/ /des mi skye ba'i chos kyi bzod pa de la sems can khri phrag dpag tu</font><hr>42.273a<br><font size=+1>

med pa dag rab tu btsud de/ don kyang 'dzin tu bcug go/ /maud gal gyi bu de ji snyam du sems/ de'i tshe de'i dus na/ drang srong ud dz+ya dad ta zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na drang srong ud dz+ya dad ta zhes bya bar gyur to/ /ngas sems can khri phrag dpag tu med pa dag mi skye ba'i chos kyi bzod pa la rab tu btsud cing / don dam pa yang 'dzin tu bcug go/ /maud gal gyi bu de lta bas na/ byang chub sems dpas mi skye ba'i chos kyi bzod pa la rab tu gnas par bya'o/ /mi skye ba'i chos kyi bzod pa la rab tu gnas pa'i byang chub sems dpa' ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /maud gal gyi bu ngas 'dod pa'i zag pa shes pa 'gog par 'gyur ba'i lam shes par bya ba'i don du/ sngon byang chub sems dpa'i spyad pa spyod pa nas/ mngon par 'dus byas pa'i bar du'o/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na/ drang srong lhag mthong spyad pa zhes bya ba/ rdzu 'phrul che zhing gzi brjid che la mthu che ba/ phyi rol gyi lam gyis 'dod pa rnams kyi 'dod chags dang bral ba zhig byung ngo / /de 'di snyam du sems te/ 'dod pa'i zag pa 'byung ba gang yod/ gang med na mi 'byung ngo / /de 'di snyam du sems te/ 'byung ba ni yul yid la byed pa las gzhan ma yin te/ yid la byed pa med pas ni mi 'byung ngo / /'dod pa'i zag pa 'gog pa las gzhan ma yin pa 'di ni lam yin no snyam mo/ /de de ltar tshul bzhin yid la byed pa na/ 'dod pa'i zag pa bdag med pa'i phyir/ yang dag pa'i don gyi lam bskyed do/ /ji ltar lam 'dis 'dod pa'i zag pa 'gags nas/ mi skye ba de bzhin du lam 'dis zag</font><hr>42.273b<br><font size=+1>

pa thams cad 'gags te mi skye'o/ /de de ltar tshul bzhin yid la byed pas mngon par shes pa lnga thob po/ /mngon par shes pa lnga thob nas/ skye bo'i tshogs mang po mngon par shes pa lnga la rab tu btsud do/ /maud gal gyi bu de ji snyam du sems/ de'i tshe de'i dus na/ drang srong lhag mthong spyad pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na/ drang srong lhag mthong spyad pa zhes bya bar gyur to/ /ngas sems can khri phrag dpag tu med pa dag mngon par shes pa lnga la rab tu btsud do/ /maud gal gyi bu de lta bas na/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas lam de dag la kun tu bsten par bya/ bsgom par bya/ mang du bya'o/ /mngon par shes pa lnga la rab tu gnas pa'i byang chub sems dpa' ni sems can thams cad kyi phan pa byed par 'gyur ro/ /maud gal gyi bu ngas srid pa'i zag pa shes par bya ba'i don du sngon byang chub sems dpa'i spyad pa spyod pa nas/ mngon par 'dus byas pa'i bar dang de bzhin du sbyar ro/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ drang srong srid pa la dga' ba zhes bya ba/ rdzu 'phrul che zhing gzi brjid che la mthu che ba/ phyi rol gyi lam gyis 'dod pa rnams kyi 'dod chags dang bral ba zhig byung ste/ srid pa la snying po med par 'du shes/ mi rtag par 'du shes/ sdug bsngal bar 'du shes/ nyes dmigs su 'du shes/ srid pa thams cad la ngan pa dang / zag pa dang dbugs dbyung ba med pa dang yongs su 'gyur ba'i chos can te/ srid pa la mngon par dga' ba'i sems can de dag ni sdug bsngal ba yin no/ /de ci'i phyir zhe na/ 'di ltar</font><hr>42.274a<br><font size=+1>

gang srid pa zhes bya ba de ni sdug bsngal 'byung ba yin te/ sems can thams cad sdug bsngal dang mi mthun pa/ bde ba 'dod na sems can gang srid pa la mngon par dga' ba de dag sdug bsngal la mngon par dga' ste/ de dag bde ba yang dag par mi shes so/ /de ci'i phyir zhe na/ sdug bsngal 'di'i kun 'byung ni 'di lta ste/ srid pa yin te/ gang mi 'byung na sdug bsngal de med do snyam mo/ /de de ltar tshul bzhin yid la byed pa na/ srid pa la yid byung bar gyur to/ /de srid pa la yid byung nas/ srid pa la gnas par mi byed do/ /de 'di snyam du sems te/ 'di lta ste srid pa la mi gnas pa'i shes pa 'di ni mchog dang / gtso bo dang / phul yin no snyam nas/ de ting nge 'dzin de las langs nas/ sgra 'byin par byed do/ /srid pa ni sdug bsngal ba'o/ /srid pa la mi gnas pa ni bde ba'o zhes sgra dbyangs bsgrags so/ /de lta bas na srid pa ni mi rtag pa 'dus byas pa rten cing 'brel par 'byung ba yin no/ /de de ltar tshul bzhin yid la byed pa na/ gnas med pa mi skye ba'i chos la bzod pa thob po/ /ji tsam du sems can gnas med pa'i sgra thos pa de dag thams cad bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de ji snyam du sems/ de'i tshe de'i dus na drang srong srid pa la dga' ba zhes bya bar gyur pa de gzhan yin par sems na/ khyod kyis de ltar mi blta ste/ nga der gyur to/ /ngas srog chags khri phrag dpag tu med pa de dag gnas med pa'i sgra thos par byas shing bla na med pa yang dag par rdzogs pa'i byang chub las phyir mi ldog par byas so/ /maud gal gyi bu de lta bas na/ byang chub sems dpas srid pa gnas med pa nyid la bslab par bya/ gzhan dag la yang srid pa gnas med pa'i bsngags pa brjod par bya'o/ /maud gal gyi bu ngas srid pa'i zag pa shes pa kun</font><hr>42.274b<br><font size=+1>

'byung ba shes par bya ba'i don du zhes bya ba nas/ mngon par 'dus byas pa'i bar dang / de bzhin du bdag gis ji ltar zhes bya ba'i bar du sbyar ro/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na/ drang srong srid pa zhi byed ces bya ba nas mthu che ba'i bar dang / phyi rol gyi lam gyis 'dod pa rnams kyi 'dod chags dang bral ba/ srid pa don du mi byed pa zhes bya ba zhig byung ngo / /de nas drang srong srid pa zhi byed 'di snyam du sems te/ srid pa zhi ba yod pa 'di ni bdag la legs na/ srid pa zhi ba de yang mi shes te/ ji ltar na srid pa 'jig par 'gyur ba 'jig rten na dge sbyong ngam/ bram ze srid pa zhi ba yang dag pa ji lta ba bzhin rab tu shes pa su yod snyam mo/ /de'i tshe drang srong srid pa rig pa zhes bya bas srid pa zhi byed de lam dang rab tu ldan pa'i sems yang dag pa ji lta ba bzhin rab tu shes na gzhan dag la mi ston to/ /de ci'i phyir zhe na/ ji ltar 'dir srid pa'i 'du 'dzi'i 'dod chags dang bral ba'i phyir ro/ /drang srong srid pa zhi byed des drang srong srid pa rtogs pa srid pa'i 'du 'dzi'i 'dod chags dang bral lo zhes thos nas de 'di snyam du sems so/ /gang srid pa'i 'du 'dzi'i 'dod chags dang bral ba de bde ba yin na/ srid pa'i 'du 'dzi zhes bya ba de dag gang yin/ srid pa'i rang bzhin nyon mongs pa'i 'du 'dzi gang yin pa de srid pa'i 'du 'dzi ste/ de yang mkhas pa dag gis smad pa yin no snyam nas/ de mkhas pa de dag gi tshul yang dag par mthong ba na 'dod chags dang bral ba rjes su thob po/ /de ting nge 'dzin de las langs nas sgra 'byin par byed de/ kye ma 'du 'dzi'i 'dod chags dang bral ba ni bde ba yin no zhes sgra dbyangs rjes su bsgrags so/ /de'i sgra de yang phyogs bzhir rlung gis thogs pa med par khyer ro/ /srog chags khri phrag dpag tu med pa de dag gis sgra</font><hr>42.275a<br><font size=+1>

thos nas/ bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de ji snyam du sems/ de'i tshe de'i dus na/ drang srong srid pa zhi byed ces bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na/ drang srong srid pa zhi byed ces bya bar gyur to/ /nga'i sgra des sems can khri phrag dpag tu med pa dag bla na med pa yang dag par rdzogs pa'i byang chub las phyir mi ldog par byas so/ /maud gal gyi bu de lta bas na byang chub sems dpas 'du 'dzi rnam par smad par bya'o/ /'du 'dzi rnam par smad pa'i byang chub sems dpa' ni myur du bla na med pa yang dag par rdzogs pa'i byang chub las phyir mi ldog par 'gyur ro/ /maud gal gyi bu ngas srid pa'i zag pa shes pa 'gog pa shes par bya ba'i don du zhes bya ba nas/ de bzhin du sbyar te/ mngon par 'dus byas pa'i bar du'o/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na/ drang srong shes pa dpa' ba zhes bya ba shes pa thams cad la 'jigs pa med par bstan bcos khong du chud par bya ba thams cad la blo shin tu gnas pa/ bstan bcos byed pa'i ngo bo 'dzin pa thams cad la bslabs pa zhig byung ngo / /de 'di snyam du sems te/ zag pa thams cad ma skyes na 'gog par nges so/ /'di ni gnad yin te/ phung po 'gog pa dang / khams 'gog pa dang / skye mched 'gog pa dang / dbang po 'gog pa dang / bden pa 'gog par bya ba'i don du gang la slob pa de dag phung po 'gog par bya ba'i phyir zhugs pa yin no/ /de bzhin du sbyar te/ khams dang dbang po dang / bden pa 'gog par bya ba'i phyir zhugs pa yin no gang gnad rab tu shes pa 'di ni mkhas pa'i bya ba</font><hr>42.275b<br><font size=+1>

byas pa yin te/ phung po'i gnad bzhin du sbyar te khams dang skye mched dang dbang po dang bden pa'i gnad do/ /sgo 'di nas nyon mongs pa 'jug pa na nyon mongs pa las/ las rab tu 'jug /las dag las rnam par smin pa'o/ /gnad bcom na nyon mongs pa 'jug par mi byed de/ de ltar srid pa'i lugs 'di shin tu bcad par 'gyur ro snyam nas/ de ting nge 'dzin de las langs nas/ kye ma gnad 'di bcom na bde'o zhes ched du brjod pa 'di lan gsum brjod do/ /de'i sgra de phyogs bzhir rlung gis thogs pa med par song ngo / /srog chags khri phrag dpag tu med pa dag sgra de thos nas gnad gzhom pa'i phyir zhugs so/ /gnad gzhom pa la zhugs pa ni bla na med pa yang dag par rdzogs pa'i byang chub las phyir mi ldog par 'gyur ro/ /maud gal gyi bu de ji snyam du sems/ de'i tshe de'i dus na/ drang srong shes pa dpa' ba zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na/ drang srong shes pa dpa' ba zhes bya bar gyur to/ /ngas srog chags khri phrag dpag tu med pa de dag gnad gzhom pa'i sgra thos par byas nas phyir mi ldog par byas so/ /maud gal gyi bu de lta bas na byang chub sems dpas nyon mongs pa'i gnad gzhom pa la mkhas par bya'o/ /maud gal gyi bu ngas srid pa shes pa 'gog par 'gyur ba'i lam shes par bya ba'i don du/ sngon byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub mngon par rdzogs par sangs rgyas nas/ ji ltar zhes bya ba nas/ dge ba'i rtsa ba rgya che ba sna tshogs dpag tu med pa dag mngon par 'dus byas pa'i bar de bzhin du sbyar ro/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na/ rgyal po drang srong kun tu mig</font><hr>42.276a<br><font size=+1>

ces bya ba zhig byung ngo / /de sgo gang dang gang nyid kyis rnam par blta bar byed pa de dang / de nyid kyi don rnam par blta bar byed do/ /de tsam gyi nang du gnas nas sems can rnams kyi bzo'i las kyi gnas rtsom pa rnam par sems te/ sems can rnams kyi gang cung zad phan pa byed pa dang / dbul ba sdug bsngal gyis nyen pa dang / 'du byed thams cad sdug bsngal gyis nyen pa'i phyir 'di lta ste/ mi dge ba byed pa dang / zag pa dang bcas pa'i dge ba byed pa dang / mi dge ba byed pa ni sems can dmyal ba dang / dud 'gro'i skye gnas dang / yi dgas su 'gro'o/ /zag pa dang bcas pa'i dge ba byed pa ni/ mi'i 'gro ba dang mtho ris su 'gro'o/ /ji tsam du mya ngan las 'das par 'gro bar bya ba'i phyir zag pa med pa'i dge ba byed pa ni 'di lta ste/ dge ba dang mi dge ba mi byed do/ /byang chub kyi phyir thams cad nas thams cad du dge ba mi byed pa ni da ltar gyi zag pa med pa'i chos la bzod pa skye'o/ /byas pa med pa la ni rnam par smin pa'i 'gro ba med de/ 'di ni mya ngan las 'das pa'o snyam nas/ de ting nge 'dzin de las langs nas sgra 'byin par byed de/ chos thams cad la byed pa med pa ni bde ba yin te/ de'i rnam par smin pa med do zhes sgra dbyangs rjes su bsgrags so/ /de'i sgra de phyogs bzhir rlung gis thogs pa med par khyer ro/ /sems can khri phrag dpag tu med pa dag sgra de thos nas/ mi skye ba'i chos la bzod pa thob cing / bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de ji snyam du sems/ de'i tshe de'i dus na/ rgyal po drang srong kun tu mig ces bya bar gyur pa de gzhan yin par sems na/ de ltar mi blta ste/ nga de'i tshe de'i dus na rgyal po drang srong kun tu mig ces bya bar gyur to/ /sems can khri</font><hr>42.276b<br><font size=+1>

phrag dpag tu med pa dag nga'i sgra de thos nas/ mi skye ba'i chos la bzod pa thob cing bla na med pa yang dag par rdzogs pa'i byang chub las phyir mi ldog par gyur to/ /de lta bas na byang chub sems dpas chos thams cad kyi byed pa med pa la bslab par bya'o/ /maud gal gyi bu ngas lta ba'i zag pa shes par bya ba'i don du sngon byang chub sems dpa'i spyad pa spyod pa na bdag bla na med pa yang dag par rdzogs pa'i byang chub mngon par rdzogs par sangs rgyas nas lta ba'i zag pa shes pa sems can rnams la ji ltar yang dag par rab tu bstan par bya snyam nas/ dge ba'i rtsa ba rgya che ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i 'khor ba dpag tu med cing grangs med bsam gyis mi khyab gzhal du med gzhal gyis mi lang zhing brjod du med pa de'i pha rol gyi yang ches pha rol na drang srong chos rnam par ston pa zhes bya ba 'dzangs shing gsal la yid gzhungs pa/ zhing shes pa de mkhas shing shes rab kyi rang bzhin can brtag cing brgal ba'i rnam par dbye ba la mkhas pa sems can rnams kyi don rtogs pa zhig byung ngo / /de dben par song ste nang du yang dag 'jog la bzhag nas 'di snyam du sems so/ /ci bdag dang 'jig rten 'di rtag gam/ 'on te bdag dang 'jig rten mi rtag /'on te bdag dang 'jig rten rtag kyang rtag la/ mi rtag kyang mi rtag 'on te bdag dang 'jig rten rtag pa yang ma yin/ mi rtag pa yang ma yin/ 'on te bdag dang 'jig rten mtha' yod dam/ 'on te bdag dang 'jig rten mtha' med dam/ 'on te bdag dang 'jig rten mtha' med pa'ang ma yin/ 'on te bdag dang 'jig rten mtha' yod pa'ang ma yin/ 'on te srog de lus yin nam/ 'on te srog gzhan la lus kyang</font><hr>42.277a<br><font size=+1>

gzhan/ 'on te de bzhin gshegs pa shi nas yod dam/ 'on te de bzhin gshegs pa shi nas med/ 'on te de bzhin gshegs pa shi nas yod kyang yod la med kyang med/ 'on te de bzhin gshegs pa shi nas yod pa yang ma yin med pa yang ma yin/ dge sbyong dang bram ze kha cig ni chad par smra/ dge sbyong dang bram ze kha cig ni rtag par smra ste/ de la rtag par smra ba ni bzhi'o/ /kha cig ni bzhi mi rtag par smra'o/ /mtha' smra ba ni bzhi'o/ /kun 'byung ba rgyu med par smra ba ni gnyis so/ /tshig 'khrul pa ni bzhi'o/ /'du shes su smra ba ni bcu drug go/ /'du shes yod pa ma yin par smra ba ni brgyad do/ /'du shes yod pa yang ma yin med pa yang ma yin par smra ba ni brgyad do/ /mthong ba'i chos la yid byung bar smra ba ni lnga'o/ /chad par smra ba ni bdun no/ /dge sbyong dang bram ze kha cig bdag rtag pa shi nas nad med pa 'di nyid bden gyi gzhan ni brdzun no zhes de ltar lta/ de ltar smra ba yod/ dge sbyong dang bram ze kha cig rtag kyang mi rtag kyang mi rtag pa shi nas nad med pa 'di nyid bden gyi gzhan ni brdzun no/ /zhes de ltar lta/ de ltar smra ba yod/ dge sbyong dang bram ze kha cig bdag rtag pa'ang ma yin/ mi rtag pa'ang ma yin pa shi nas nad med pa 'di nyid ces bya ba nas/ de bzhin du sbyar te de ltar lta/ de ltar smra ba yod do/ /gnas 'di ni yod de/ gal te dge sbyong dang bram ze kha cig 'bad pa'i rjes su 'gro ba dang / spang ba'i rjes su 'gro ba dang sbyor ba'i rjes su 'gro ba de lta bu'i sems kyi ting nge 'dzin thob ste/ ji ltar sems mnyam par bzhag na bskal pa bzhi bcu rjes su dran no/ /de 'di snyam du sems te/ de tsam na bdag 'di ni de'i pha rol na yang yod do/ /bdag dang 'jig rten de ni rtag go snyam mo/ /'di ni rtag par</font><hr>42.277b<br><font size=+1>

smra ba dang po yin no/ /gnas 'di ni yod de/ gal te dge sbyong dang bram ze kha cig 'bad pa'i rjes su 'gro ba dang / spong ba'i rjes su 'gro ba dang / sbyor ba'i rjes su 'gro ba de lta bu'i sems kyi ting nge 'dzin thob ste/ ji ltar sems mnyam par bzhag na bskal pa brgya lnga bcu rjes su dran no/ /de 'di snyam du sems te/ de tsam na bdag 'di ni de'i pha rol na yang yod do snyam mo/ /'di ni rtag par smra ba gnyis pa'o/ /gnas 'di ni yod de/ gal te kha cig nas de bzhin du sbyar te/ 'bad pa'i rjes su 'gro ba dang / spong ba'i rjes su 'gro ba nas de bzhin du sbyar te/ bskal pa drug bcu rjes su dran no/ /de 'di snyam du sems te/ de tsam na bdag 'di ni de'i pha rol na yang yod do snyam mo/ /'di ni rtag par smra ba gsum pa'o/ /gnas 'di ni yod de/ gal te dge sbyong dang bram ze kha cig nas de bzhin du sbyar bar bya ste/ bskal pa brgyad bcu rjes su dran no/ /de 'di snyam du sems te/ de tsam na bdag 'di ni de'i pha rol na yang yod do snyam mo/ /'di ni rtag par smra ba bzhi pa'o/ /'jig rten 'jig pa 'di ni de'i dus yin/ de'i dus ma yin/ 'jig rten 'jig pa na sems can gang phal cher 'od gsal du 'gro bar 'gyur te/ de dag der dus yun ring du gnas so/ /'jig rten 'chags pa 'di ni de dus yin de dus ma yin te/ 'jig rten 'chags pa'i tshe nam mkha' 'di la sprin gyi dkyil 'khor sum bcu rtsa gnyis shin tu 'dus so/ /kun nas sprin gyi dkyil 'khor sum bcu rtsa gnyis shin tu 'dus te/ thams cad dang ldan pa'i sa'i dkyil 'khor yang dag par khebs nas/ bar gyi bskal pa lngar char gyi rgyun gshol mda' tsam bab ste/ bar gyi bskal pa lngar 'gro ba'i sprin mchog gi</font><hr>42.278a<br><font size=+1>

char bab bo/ /bar gyi bskal pa lngar char gyi rgyun ma chad par bab ste/ bar gyi bskal pa lngar char gyi thigs pa sbom po bab po/ /'jig rten 'chags pa na 'jig rten 'di chus tshangs pa'i 'jig rten gyi bar du gang bar gyur to/ /'jig rten 'chags pa na chu'i steng du rlung skyes te rlung gnas so/ /'di lta ste dper na/ dus tshigs kyi 'o thug tshos pa grangs pa'i steng na pris ma yod pa rgyud chags par 'byung ba de bzhin du 'jig rten chags pa'i chu'i steng na rlung 'byung zhing skye ste gnas so/ /'jig rten 'chags pa na kun tu 'khrug pa zhes bya ba'i rlung byung ste/ rlung de dag g.yeng kun tu g.yeng / g.yo kun tu g.yo/ 'byin kun tu 'byin to/ /'jig rten 'chags pa na chos nyid kyis steng gi phyogs su tshangs pa'i gzhal med khang dag 'byung ste/ sems can tshe zad pa las zad pa/ bsod nams zad pa/ gzhan dag tshangs pa'i gzhal med khang stong par skye'o/ /de der tshangs par 'gyur te/ tshangs pa chen po de lta bar gyur pa 'di dag 'thob ste/ nga ni tshangs pa tshangs pa chen po dbang phyug /'phrul ba po byung ba dang 'byung ba dag gi pha'o snyam mo/ /de ji tsam du yun ring du 'dug pa'i phyir dga' ba skye zhing sred pa skye ste/ kye e ma sems can 'di dag bdag dang brtul zhugs 'thun par skyes kyang ci ma rung snyam mo/ /gnas 'di ni yod de/ tshangs pa de'i sems bskyed ma thag tu sems can tshe zad pa las zad pa bsod nams zad pa gzhan dag 'od gsal gyi lha'i ris nas shi ste tshangs pa de'i brtul zhugs dang 'thun par skye'o/ /tshangs pa de lta ba 'di lta bu 'thob ste/ nga ni tshangs pa ste/ tshangs pa chen po dbang phyug byed pa'o/ /'phrul ba po gtso bo thos par byed pa/ byung ba dang 'byung</font><hr>42.278b<br><font size=+1>

ba dag gi pha ste/ bdag ni 'dir sngar skyes la/ sems can 'di dag ni 'phyi ste/ sems can 'di dag gi rim gro par sprul te/ 'jig rten 'di dag kha cig ni rtag pa/ kha cig ni mi rtag ste/ kha cig tu rtag par lta ba dang po'i sems can de dag kyang lta bar gyur pa 'di lta bu 'thob ste/ 'di ni tshangs pa ste/ tshangs pa chen po/ dbang phyug byed pa po/ 'phrul ba po gtso bo/ thos par byed pa/ byung ba dang 'byung ba dag gi pha ste/ de ni sngar 'dir skyes la bdag cag ni 'phyi'o/ /'dis bdag cag tshangs pa'i rim gro par sprul te/ 'jig rten 'di dag kha cig ni rtag /kha cig ni mi rtag ste/ 'di ni gcig tu rtag par lta ba gnyis pa'o/ /gang dag 'di ni tshangs pa ste/ tshangs pa chen po/ dbang phyug byed pa po/ 'phrul ba po/ gtso bo/ byung ba dang 'byung ba dag gi pha ste/ de ches gzugs bzang zhing ches mdzes la/ gang bdag cag ni tshangs pa des rim gro par sprul to/ /de dag ni gzugs bzang ba ma yin zhing de dag mdzes pa ma yin la/ de dag blta na sdug pa ma yin no/ /'jig rten 'di dag kha cig ni rtag la kha cig ni mi rtag pa 'di ni gcig tu rtag par lta ba gsum pa'o/ /de dus yin de dus ma yin te/ gang sems can gzhan dag tshe zad cing las zad la bsod nams zad de/ tshangs pa'i 'jig rten nas shi nas khams 'dir 'ongs te/ mi rnams dang brtul zhugs mtshungs par 'byor pa'i rjes su 'gro ba dang / yongs su smin pa'i rjes su 'gro ba de lta bu'i ting nge 'dzin thob ste/ ji ltar sems mnyam par bzhag pas de sngon bdag gi rang bzhin shin tu dran nas bde bar gyur pa 'di lta bu 'thob ste/ gang tshangs pa 'di ni tshangs pa chen po/ dbang phyug byed pa po 'phrul ba po/ gtso bo thos par byed pa/ byung ba dang 'byung ba dag</font><hr>42.279a<br><font size=+1>

gi pha ste/ de ni rtag pa brtan pa/ ther zug pa mi 'gyur ba'i chos can te ji tsam du tshangs pa des bdag cag rim gro par gyur to/ /bdag cag de dag ni mi rtag pa mi brtan pa/ ther zug ma yin zhing tshe thung ba 'chi ba'i chos can te/ 'jig rten 'di dag kha cig ni rtag la/ kha cig ni mi rtag pa/ 'di ni gcig tu rtag par lta ba bzhi pa'o/ /gnas 'di ni yod de/ gal te dge sbyong ngam/ bram ze kha cig 'bad pa'i rjes su 'gro ba dang / sbyor ba'i rjes su 'gro ba de lta bu'i sems kyi ting nge 'dzin thob ste/ ji ltar sems mnyam par bzhag pas bdag dang 'jig rten gyi mtha' yod do zhes yang dag par shes so/ /de 'di snyam du sems te/ bdag dang 'jig rten gyi mtha' yod pa 'di nyid bden gyi gzhan ni gti mug go snyam pa 'di ni mthar lta ba dang po'o/ /gnas 'di ni yod de/ gal te dge sbyong ngam/ bram ze kha cig nas de bzhin du sbyar bar bya ste/ ji ltar sems mnyam par bzhag pas bdag dang 'jig rten gyi mtha' med par yang dag par shes so/ /de 'di snyam du sems te/ bdag dang 'jig rten mtha' med pa 'di nyid bden gyi gzhan ni gti mug go snyam pa 'di ni mthar 'dzin pa'i lta ba gnyis pa'o/ /gnas 'di ni yod de/ gal te dge sbyong ngam/ bram ze kha cig nas de bzhin du sbyar te/ ji ltar sems mnyam par bzhag pas gang gi tshe de'i 'du shes 'jig rten na gnas te/ de'i 'du shes gong mar ma yin no/ /de 'di snyam du sems te/ bdag dang 'jig rten ni mtha' yod kyang yod la/ mtha' med kyang med pa 'di nyid bden gyi/ gzhan ni gti mug go snyam pa 'di ni mtha' yod pa dang mtha' med par lta ba'o/ /gnas 'di ni yod de/ gal te dge sbyong ngam/ bram ze kha cig nas de bzhin du sbyar te/ ji ltar sems mnyam par bzhag pas</font><hr>42.279b<br><font size=+1>

'du shes yod pa yang ma yin med pa yang ma yin pa 'jig rten na gnas so/ /de 'di snyam du sems te/ bdag dang 'jig rten mtha' yod pa yang ma yin mtha' med pa yang ma yin pa de ni 'di nyid bden gyi/ gzhan ni brdzun no snyam pa 'di ni mtha' yod pa yang ma yin/ mtha' med pa yang ma yin par lta'o/ /gzhan yang 'dir kha cig tshig 'khrul pa dang gzhan 'khrul pa dag yod do/ /tshig 'khrul pa dang / gzhan 'khrul pa 'jug pa ni de la bdag yod dam zhes dris pa na/ smras pa 'di yang ma yin/ gzhan yang ma yin/ 'di ma yin 'di ma yin pa yang ma yin zhes tshig 'khrul pa dang gzhan 'khrul pa 'jug go bdag med dam zhes dris pa na/ 'di yang de bzhin ma yin gzhan yang ma yin/ 'di ni yod kyang yod la/ med kyang med ces tshig 'khrul pa dang / gzhan 'khrul pa 'jug go/ /bdag dang 'jig rten gyi lta ba dris pa na/ de ni 'di ltar yang ma yin/ 'di ni 'di ltar yang ma yin/ 'di ni gzhan yang ma yin/ 'di ni ma yin zhes tshig 'khrul pa dang / gzhan 'khrul pa dag 'jug ste/ 'di ni tshig 'khrul pa bzhi pa'o/ /gnas 'di ni yod de/ gal te dge sbyong ngam bram ze kha cig 'bad pa'i rjes su 'gro ba nas/ de sems mnyam par bzhag pas/ sngon gyi bdag gi ngo bo nyid rjes su dran no/ /de 'di snyam du sems te/ bdag dang 'jig rten rgyu med pa las byung ngo / /de ci'i phyir zhe na/ bdag sngon ni 'dir ma byung la de 'dir da byung bas bdag dang 'jig rten de rgyu med pa las byung ba 'di nyid bden gyi/ gzhan ni brdzun no snyam pa 'di ni rgyu med pa las byung bar lta ba dang po'o/ /gzhan yang 'di la dge sbyong ngam/ bram ze kha cig rtog ge pa dpyod pa pa yin te/ de dag rtog ge'i kun nas nyon mongs pa/ rang gi lta ba pa/ rang gi spobs pa pa/ dpyod pa'i rjes</font><hr>42.280a<br><font size=+1>

su spyad pa de 'di skad smra ste bdag dang 'jig rten rgyu med pa las byung ba 'di nyid bden gyi/ gzhan ni brdzun no snyam pa 'di ni rgyu med pa las byung bar smra ba gnyis pa'o/ /bcwa brgyad po 'di dag ni sngon gyi mthar brtags pas lta bar gyur pa'o/ /'du shes bcu drug tu lta ba ni bdag gzugs can yin te/ 'du shes dang ldan zhing nad med pa 'di nyid bden gyi/ gzhan ni brdzun no snyam mo/ /bdag gzugs med pa la shi nas 'du shes dang ldan pa nyid bden gyi/ gzhan ni brdzun no/ /bdag gzugs dang gzugs med pa yin te/ shi nas 'du shes dang ldan zhing nad med pa 'di nyid bden gyi/ gzhan ni brdzun no/ /bdag dang gzugs yod pa yang ma yin/ gzugs med pa yang ma yin te/ shi nas 'du shes dang ldan pa nad med pa 'di nyid bden gyi/ gzhan ni brdzun no/ /bdag mtha' yod pa yin te/ shi nas 'du shes dang ldan zhing nad med pa 'di nyid bden gyi/ gzhan ni brdzun no/ /shi nas nad med pa zhes bya ba nas/ de bzhin du sbyar te/ 'di nyid bden gyi gzhan ni brdzun no/ /bdag mtha' yod kyang yod la/ mtha' med kyang med pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag mtha' yod pa yang yin/ mtha' med pa yang yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag mtha' yod pa'ang ma yin/ mtha' med pa yang ma yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag gcig tu sdug bsngal dang ldan pa yin te/ shi nas 'du shes dang ldan zhing nad med pa 'di nyid bden gyi/ gzhan ni brdzun no/ /bdag bde ba dang ldan pa sdug bsngal dang ldan pa yin te/ shi nas 'du shes dang ldan zhing nad med pa 'di nyid bden gyi/ </font><hr>42.280b<br><font size=+1>

gzhan ni brdzun no/ /bdag sdug bsngal yang ma yin/ bde ba yang ma yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag 'du shes gcig tu gyur pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag 'du shes tha dad du gyur pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag 'du shes chung ba yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag 'du shes tshad med pa dang ldan pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no snyam ste/ 'di dag ni 'du shes su smra ba bcu drug go/ /de la 'du shes su smra ba brgyad gang zhe na/ bdag gzugs can yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag gzugs med pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag mtha' yod pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag mtha' med pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag ni gcig tu bde ba dang ldan pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag gcig tu bde ba dang / sdug bsngal ba dang ldan pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /bdag sdug bsngal ba yang ma yin/ bde ba yang ma yin pa dang ldan pa yin te/ shi nas 'du shes dang ldan zhing nad med pa 'di nyid bden gyi gzhan ni brdzun no/ /zhes de ltar kha cig smra ba mngon du smra'o/ /de la 'du shes yod pa yang ma yin med pa yang ma yin par smra ba brgyad gang zhe na/ bdag gzugs</font><hr>42.281a<br><font size=+1>

can yin te/ shi nas 'du shes yod pa yang ma yin/ med pa yang ma yin/ nad med pa 'di nyid bden gyi gzhan ni brdzun no zhes kha cig smra ba mngon du smra'o/ /bdag gzugs can ma yin te/ shi nas 'du shes yod pa yang ma yin/ 'du shes med pa yang ma yin zhing nad med pa 'di nyid bden gyi gzhan ni brdzun no zhes kha cig smra ba mngon du smra'o/ /bdag 'du shes tha dad du gyur pa yin te/ shi nas 'du shes yod pa yang ma yin zhing / / nad med pa 'di nyid bden gyi gzhan ni brdzun no/ /de bzhin du thams cad la sbyar ro/ /bdag cag gcig tu bde ba dang ldan pa yin te/ shi nas 'du shes yod pa yang ma yin med pa yang ma yin zhing nad med pa'o/ /bdag gcig tu sdug bsngal ba dang ldan pa yin te/ shi nas 'du shes yod pa yang ma yin/ med pa yang ma yin pa'o/ /bdag ni bde ba dang sdug bsngal ba yin te/ 'du shes yod pa yang ma yin/ med pa yang ma yin zhing nad med pa'o/ /bdag sdug bsngal ba yang ma yin/ bde ba yang ma yin pa dang ldan pa yin te/ shi nas 'du shes yod pa yang ma yin/ 'du shes med pa yang ma yin zhing nad med pa 'di nyid bden gyi gzhan ni brdzun no zhes kha cig smra ba mngon du smra ste/ 'di dag ni 'du shes yod pa yang ma yin/ 'du shes med pa yang ma yin pa'i skye mched du smra ba brgyad do/ /de la mthong ba'i chos la mya ngan las 'das par smra ba lnga gang zhe na/ 'dir 'di la kha cig 'di skad smra/ 'di ltar lta ba yin te bdag 'di 'dod pa'i yon tan lnga 'byor cing ldan par gyur pa yongs su spyod do/ /de'i tshe bdag 'di mthong ba'i chos la mya ngan las 'das pa mchog thob par 'gyur ro/ /de la gzhan dag 'di skad smra ste/ de'i tshe mthong ba'i chos la mya ngan las 'das pa mchog thob par mi 'gyur te/ gang gi tshe bdag 'di</font><hr>42.281b<br><font size=+1>

'dod pa dag las dben pa/ sdig pa mi dge ba'i chos rnams las dben pa nas bsam gtan dang po'i bar nye bar rdzogs par byas te/ gnas pa de'i tshe bdag 'di mthong ba'i chos la mya ngan las 'das pa mchog thob par 'gyur ro/ /de la gzhan dag 'di skad smra ste/ bdag de de tsam gyis mthong ba'i chos la mya ngan las 'das pa mchog thob par mi 'gyur ro/ /gang gi tshe bdag de rnam par rtog pa dang / rnam par dpyod pa nye bar zhi bar bya ba'i phyir bsam gtan gnyis pa nye bar rdzogs par byas te/ gnas pa de tsam gyis bdag de mthong ba'i chos la mya ngan las 'das pa thob par 'gyur ro/ /de la gzhan dag 'di skad smra ste/ bdag de de tsam gyis mthong ba'i chos la mya ngan las 'das pa mchog thob par mi 'gyur ro/ /gang gi tshe bdag de dga' ba'i 'dod chags dang bral ba nas de bzhin du sbyar te/ bsam gtan gsum pa nye bar rdzogs par byas te/ gnas pa de tsam gyis bdag bde ba'i chos la mya ngan las 'das pa'i mchog thob par 'gyur ro/ /de la gzhan dag 'di skad smra ste/ bdag de de tsam gyis mthong ba'i chos la mya ngan las 'das pa'i mchog thob par mi 'gyur ro/ /gang gi tshe bdag de bde ba yang spangs/ sdug bsngal yang spangs pa nas bsam gtan bzhi pa'i bar nye bar rdzogs par byas te/ gnas pa de tsam gyis bdag de mthong ba'i chos la mya ngan las 'das pa'i mchog thob par 'gyur te/ lnga po 'di dag ni mthong ba'i chos la mya ngan las 'das par smra ba yin no// // bam po nyi shu rtsa lnga pa ste tha ma/ de la chad par smra ba bdun gang zhe na/ 'di la kha cig dag 'di skad smra 'di ltar lta ba yod de/ gang gi tshe bdag gzugs can de 'byung ba chen po bzhi las gyur pa chad par 'gyur/ rnam par 'jig par</font><hr>42.282a<br><font size=+1>

'gyur/ mi 'grub par 'gyur te/ de tsam gyis bdag de yang dag par chad par 'gyur ro/ /gang gi tshe bdag de lha'i 'dod pa'i yon tan dag la yongs su spyad nas chad par 'gyur/ rnam par 'jig par 'gyur/ mi 'grub par 'gyur te/ de tsam gyis bdag de yang dag par chad par 'gyur ro/ /de la gzhan dag 'di skad smra ste/ bdag de de tsam gyis yang dag par chad par mi 'gyur ro/ /gang gi tshe bdag gzugs can de 'jig rten pha rol nas shi nas mi'i bzang po yongs su spyad de chad par 'gyur/ rnam par 'jig par 'gyur/ mi 'grub par 'gyur te/ bdag de yang dag par chad par 'gyur ro/ /de bzhin du sbyar te/ de la gzhan dag 'di skad smra ste/ bdag de de tsam gyis yang dag par chad par mi 'gyur ro/ /gang gi tshe bdag gzugs can ma yin pa de 'jig rten pha rol nas shi nas nam mkha' la 'du shes skye mched du nye bar song ste chad par 'gyur/ rnam par 'jig par 'gyur/ mi 'grub par 'gyur te/ de tsam gyis shes bya ba nas de bzhin du sbyar ro/ /de la gzhan dag 'di skad smra ste/ bdag de de tsam gyis yang dag par chad par mi 'gyur ro/ /gang gi tshe bdag gzugs can ma yin pa de 'jig rten pha rol nas shi nas rnam shes 'du shes skye mched du nye bar song ste/ chad par 'gyur/ rnam par 'jig par 'gyur/ mi 'grub par 'gyur te/ bdag de yang dag par chad par 'gyur ba'i bar de bzhin du sbyar ro/ /de la gzhan dag 'di skad smra ste/ bdag de de tsam gyis yang dag par chad par mi 'gyur ro/ /gang gi tshe bdag gzugs can ma yin pa de 'jig rten pha rol nas shi nas ci yang med pa'i skye mched du nye bar song ste/ chad par 'gyur/ rnam par 'jig par 'gyur/ mi 'grub par 'gyur te/ bdag de yang dag par chad par</font><hr>42.282b<br><font size=+1>

'gyur ba'i bar de bzhin du sbyar ro/ /de la gzhan dag 'di skad smra ste/ bdag de de tsam gyis yang dag par chad par mi 'gyur ro/ /gang gi tshe bdag de 'jig rten pha rol nas shi nas/ 'du shes med 'du shes med min skye mched du nye bar song ste chad par 'gyur/ rnam par 'jig par 'gyur/ mi 'grub par 'gyur te/ de tsam gyis bdag de yang dag par chad par 'gyur ro/ /bdun po 'di dag ni chad par smra ba yin no/ /de dag las sngon gyi mtha' rtog pa ni bcwa brgyad do/ /phyi ma'i mtha' rtog pa ni bcwa brgyad de 'di ni lta ba'i zag pa zhes bya'o/ /de 'di snyam du sems te/ lta bar gyur pa drug bcu rtsa gnyis po 'di dag thams cad ni 'ching ba yin no/ /dge sbyong ngam bram ze gang la la dag lta bar gyur pa drug bcu rtsa gnyis po 'di dag gis 'jug par byed/ ldog par byed do/ /de da ltar de dag gzhan gyis kyang nges par 'byung bar blta ste/ de dag phal cher ni nges par 'byung bar mi blta'o/ /'di lta ste dper na nya pa 'am nya pa'i slob ma mkhas pa lus shin tu gsher ba zhig chur zhugs na/ chu'i klong yang dag par bcad de 'greng ba 'am/ 'dug pa de 'di snyam du sems so/ /srog chags gang la la dag chu chung ngu 'dir de dag gi lus gsher ba thams cad chu'i nang du 'jug pa na 'jug cing de las phyi rol du ma yin no/ /de bzhin du dge sbyong ngam/ bram ze gang la la dag 'jug pa na 'jug ste/ de dag thams cad 'jig tshogs la lta ba'i gzhir lta bar gyur pa drug bcu rtsa gnyis dag gis 'jug par 'jug go/ /de dag bla na med pa yang dag par rdzogs pa'i byang chub tu sems bskyed pa'i skal ba med do/ /de dag 'jig tshogs la lta ba'i gzhi lta bar gyur pa drug bcu rtsa gnyis dag spangs pa'i byang chub sems dpa' ni bla na med pa yang</font><hr>42.283a<br><font size=+1>

dag par rdzogs pa'i byang chub las phyir mi ldog par 'gyur ro snyam nas de ting nge 'dzin de las langs te/ ji ltar rtog pa'i chos dag sems can rnams yang dag par rab tu ston to/ /de'i lta bar gyur pa rnam par bshig pa de dag thos nas sems can dpag tu med pa rnams mi skye ba'i chos la bzod pa skyes shing / bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de ji snyam du sems/ de'i tshe de'i dus na drang srong chos rnam par ston pa la dpa' ba zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na drang srong chos rnam par ston pa la dpa' ba zhes bya bar gyur to/ /ngas lta bar gyur pa rnam par bshig pa de sems can rnam pa du mas thos nas mi skye ba'i chos la bzod pa thob po/ /maud gal gyi bu de lta bas na byang chub sems dpa' sems dpa' chen pos lta bar gyur pa rtog par bya ba la mkhas par bya'o/ /maud gal gyi bu ngas lta ba'i zag pa shes pa kun 'byung ba shes par bya ba'i don du sngon byang chub sems dpa'i spyad pa spyod pa na de bzhin du sbyar te/ bdag gis ji ltar yang dag par rab tu bshad par bya snyam pa'i bar du'o/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na drang srong shes rab rnyog pa med pa zhes bya ba/ rdzu 'phrul che ba/ mthu che ba phyi rol gyi lam gyis 'dod pa rnams kyi 'dod chags dang bral ba zhig byung ngo / /de 'di snyam du sems te/ gang zhig yod na lta bar gyur pa yang dag par 'byung bar 'gyur/ gang zhig med na lta bar gyur pa rnams spong bar 'gyur/ de 'di snyam du sems te/ mun pa'i tshogs gsum yod na/ lta bar gyur pa rnams kun 'byung bar 'gyur la/ de dag nyid med na lta bar gyur pa dag mi 'byung</font><hr>42.283b<br><font size=+1>

ngo / /mun pa'i tshogs gsum gang zhe na/ 'das pa'i dus su bdag byung ngam ma byung / ci 'das pa'i dus su byung nas byung bar gyur tam/ bdag ma 'ongs pa'i dus su 'byung bar 'gyur ram mi 'gyur/ ci ma 'ongs pa'i dus su byung nas 'byung bar 'gyur ram/ da ltar gyi dus 'di la yang som nyi dang the tsom du 'gyur te/ bdag ci yin bdag ji lta bu zhig ci bdag byung bar gyur tam/ ji ltar byung bar gyur sems can de dag gar song / de 'di nas shi nas gar 'gro bar 'gyur snyam mo/ /de bdag yod do zhes de'i nges par 'gyur te/ de rtag par mngon par zhen par 'gyur ro/ /de sngon gyi mthar rtog pa rtag par lta ba bzhi 'thob ste/ gcig tu rtag par lta ba bzhi 'thob po/ /mthar lta zhing smra ba bzhi 'thob 'du shes su lta zhing smra ba bcu drug 'thob/ 'du shes su lta ba brgyad 'thob/ 'du shes yod pa yang ma yin/ med pa yang ma yin pa brgyad 'thob/ mthong ba'i chos la mya ngan las 'das par lta ba lnga mthong ba chad par lta ba bdun 'thob ste/ nges pa yod par mi 'gyur ro/ /de rgyu med pa'i lta ba gnyis 'thob ste/ nges pa yod par mi 'gyur ro/ /ngag 'khrul pa'i lta ba bzhi 'thob ste/ bdag yod do zhes nges par mi 'gyur ro/ /de mthong ba'i chos la mya ngan las 'das pa lnga 'dogs par byed pa chad par lta ba bzhi 'thob ste/ de dag thams cad chad pa dang / rtag pa'i phyogs gnyis la gnas te/ gang zag gnyis po de dag snyoms par zhugs so/ /rtog ge pa kha cig dag bdag rgyu med pa las byung bar mthong ste/ snyoms par zhugs pa'i dbang gis sems rtse gcig pa thob kyang 'chi ba mi dran no/ /gang rtog ge pa de dag brtags nas rnam par brjod de 'di skad smra'o/ /rgyu med pa las byung ste/ de rgyu med pas mi 'gog go zhes rtag pa dang / chad pa dang mtha' med par 'gro ba mthong ngo / /</font><hr>42.284a<br><font size=+1>

gang gis sems can kun 'byung ba'i rigs pa gzhan gang dag yod dam zhes mtha' gnyis po 'di la brten nas blo rnam par dpyod do/ /de de ltar tshul bzhin yid la byas pas shes rab kyi mig skyes nas/ 'di la sems can med cing nyon mongs pa dag las las/ las dag las rnam par smin pa yang dag par 'grub par 'gyur te/ de las kyang rnam par shes pa'o/ /ma rig pa dang sred pa ni nyon mongs pa/ 'du byed dang srid pa ni zhing / nye bar len pa ni ser/ myu gu ni skye ba ste/ de la sdug bsngal dang / rga shi dang mya ngan dang smre sngags 'don pa dang / 'khrug pa rnams 'byung zhing de bzhin du sdug bsngal gyi shing 'di 'byung bar 'gyur ro/ /de bzhin du sngon ma thos pa'i chos 'di rnams la rkyen las ma gtogs pa 'dir chos gang yang skye ba 'am/ 'gag pa med do/ /'di lta ste 'di yod pas 'di 'byung / 'di skyes pa'i phyir 'di skye ste/ 'di lta ste ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen nas rga shi'i bar du ste/ de bzhin du sdug bsngal gyi phung po 'di 'ba' shig po 'byung bar 'gyur zhing / bdag sems par mi byed/ gzhan sems par mi byed do/ /de 'di'i rkyen gzhan las ji ltar 'gyur/ de bzhin du rga shi'i bar yongs su shes par byed do/ /de 'di snyam du sems so/ /kye ma 'jig rten gnas pa 'di ni 'khrul pa'o snyam nas/ de ting nge 'dzin de las langs te/ 'khor brgya stong phrag du ma'i dbus su 'dug nas chos 'di ston par byed do/ /grogs po dag 'di la sems can gang skye ba 'am/ 'gag pa gang yang med de/ khyed cag chos rnams kyi ngo bo nyid yang dag pa ji lta ba bzhin so sor rtogs shing / ngo bo nyid med pa de ni chos rnams kyi ngo bo nyid do/ /de chos rnams kyi ngo bo nyid rab tu ston pa na srog chags khrag khrig grangs med pa dag gis 'di la chos gang yang skye ba 'am/ 'gag pa med par chos</font><hr>42.284b<br><font size=+1>

rnams kyi ngo bo nyid rnam par shes shing de dag mi skye ba'i chos la bzod pa thob po/ /maud gal gyi bu de ji snyam du sems/ de'i tshe de'i dus na drang srong shes rab rnyog pa med pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na drang srong shes rab rnyog pa med pa zhes bya bar gyur to/ /ngas srog chags khrag khrig grangs med pa de dag ngo bo nyid med pa la rab tu btsud do/ /maud gal gyi bu de lta bas na byang chub sems dpa' lta ba rnyog pa med par bya/ ngo bo nyid med pa'i chos rnams kyi ngo bo nyid yang dag pa ji lta ba bzhin du yongs su shes par bya/ so sor rig par bya'o/ /ngo bo nyid med pa'i chos rnams kyi ngo bo nyid yang dag pa ji lta ba bzhin rab tu shes pa'i byang chub sems dpa' ni myur du bla na med pa yang dag par rdzogs pa'i byang chub las phyir mi ldog par 'gyur ro/ /maud gal gyi bu ngas lta ba'i zag pa shes pa 'gog pa shes par bya ba'i don du zhes bya ba nas de bzhin du sbyar te/ mngon par 'dus byas pa'i bar dang bdag gis ji ltar yang dag par rab tu bshad par bya snyam pa'i bar du'o/ /maud gal gyi bu sngon byung ba 'das pa'i dus nas/ de'i pha rol gyi yang ches pha rol na drang srong shes rab mkhas pa zhes bya ba rdzu 'phrul che ba nas de bzhin du sbyar te/ 'dod chags dang bral ba'i bar zhig byung ngo / /de dben par song ste/ nang du yang dag bzhag pa dang / sems kyi yongs su rtog pa 'di lta bu bskyed de/ kye ma 'jig rten 'di ni nyon mongs pa yin te/ 'di lta ste sdug bsngal las nges par 'byung ba rab tu mi shes so snyam mo/ /de 'di snyam du sems te/ sdug bsngal las nges par 'byung ba gang yin/ de 'di snyam du sems te/ rtog pa las sdug bsngal 'byung zhing yongs su rtog pa med na mi 'byung ngo snyam mo/ /de de ltar rig nas gang gi tshe 'du byed thams cad zhi zhing sred pa dang / 'dod chags ma</font><hr>42.285a<br><font size=+1>

lus pa dang bral zhing 'gog pa mya ngan las 'das pa 'di ni zhi ba'o/ /'di ni gya nom pa'o snyam mo/ /de 'di snyam du sems te/ mya ngan las ma 'das pa'i sems can gang kha cig mya ngan las 'das pa yod dam snyam mo/ /de de ltar tshul bzhin yid la byed pa na 'du shes 'di lta bu skyes so/ /gal te sems can zhig yod na mya ngan las 'das par 'gyur ba zhig na/ sems can med pas mya ngan las 'das pa ni med do/ /sems can gyi 'du shes rang las byung ba'i sdug bsngal gyis gnod de/ 'gro ba dag mya ngan las 'das pa tshol ba ni mya ngan las 'das pa gzhan ma yin zhing phung po gzhan ma yin te/ phung po nyid mya ngan las 'das pa'o/ /de ci'i phyir zhe na/ sems can gyi dmigs pa ni mya ngan las 'das pa yin no snyam mo/ /de dran pa nye bar gzhag par shes nas ting nge 'dzin de las langs te/ sgra phyung zhing sgra dbyangs rjes su sgrogs pa/ rang gi kun tu rtog pa ni/ /sdug bsngal phung po rab tu 'jug /kun tu rtog pa med pa ni/ /sdug bsngal phung po 'gag par 'gyur/ /sems can gang yang skye ba med/ /chos ni gang yang 'gag pa med/ /chos las rnam par rtog gzhan med/ /de ni mya ngan 'das shes bya/ /de'i sgra dbyangs de srog chags khri phrag dpag tu med pa dag gis thos nas mi skye ba'i chos la bzod pa thob cing / bla na med pa yang dag par rdzogs pa'i byang chub las phyir mi ldog par gyur to/ /maud gal gyi bu de ji snyam du sems/ de'i tshe de'i dus na/ drang srong shes rab mkhas pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na/ drang srong shes rab mkhas pa zhes bya bar gyur to/ /de'i sgra dbyangs de sems can khri phrag dpag tu med pa dag gis thos nas mi skye ba'i chos la bzod pa</font><hr>42.285b<br><font size=+1>

thob par gyur to/ /maud gal gyi bu de lta bas na byang chub sems dpa' bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas shes rab la mkhas par bya'o/ /maud gal gyi bu ngas lta ba'i zag pa zad pa shes pa 'gog par 'gyur ba'i lam shes par bya ba'i don du sngon byang chub sems dpa'i spyad pa spyod pa nas snga ma bzhin du sbyar ro/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na/ drang srong / grags 'phags shes bya ba rdzu 'phrul che zhing gzi brjid che ba zhes bya ba nas de bzhin du sbyar te/ 'dod chags dang bral ba'i bar zhig byung ngo / /de bram ze'i khye'u bdun stong dang / 'byung ba chen po bzhi 'byung ba tha mi dad pa dus gsum mnyam pa nyid la gnas pa'i gsang tshig 'don to/ /de'i tshe bram ze'i khye'u de dag gi 'khor na/ bram ze'i khye'u mchog gi blo gros shes bya ba bram ze'i khye'u'i 'khor de dag thams cad kyi gtso bo byed pa/ gang bram ze'i khye'u bdun stong po de dag gis gsang tshig gzung ba de gcig pus dran zhing de yun mi ring bar rig byed thams cad kyi pha rol tu phyin par gyur pa de 'di snyam du sems te/ don gang mi shes pa'i gsang tshig 'dzin pa don med pa 'dis ci zhig bya/ gang bdag gis rig byed dang gsang tshig 'di'i don btsal bar bya'o snyam nas/ de de'i tshe dgon pa bas mtha'i gnas mal du 'dug ste/ de dben par song nas nang du yang dag par bzhag pa dang sems kyi rtog pa 'di lta bu skyes so/ /gsang tshig ces bya ba 'di gang yin/ ci gang rlung gi dkyil 'khor yin nam/ 'di ltar rlung gi dkyil 'khor ni gnas med cing gzhi med la gnas pa ma yin te/ 'di ltar rlung gi dkyil 'khor gyis bslang ba de ni shar phyogs su gdags pa med cing / lho phyogs su med/ rgya cher</font><hr>42.286a<br><font size=+1>

sbyar te phyogs bcu nas steng gi phyogs kyi bar du gdags pa med de/ zhi ba mi dmigs/ 'dul ba mi dmigs/ btul ba mi dmigs so/ /de ci'i phyir zhe na/ sems can med pa'i phyir ro snyam mo/ /de de ltar tshul bzhin gyis so sor rtog pa ni 'di snyam du sems/ bram ze'i khye'u mkhan po dang bcas pa 'di dag thams cad ni lam gol ba la gnas pa yin te/ 'di las nyon mongs pa 'byung ngo snyam mo/ /de'i tshe gnas gtsang ma'i lha dag lus kyis mngon sum du bar snang la 'dug nas/ de la legs so zhes bya ba byin te/ rigs kyi bu khyod kyis de bzhin gshegs pa thams cad kyi rjes su bslabs shing / lam khong du chud pa ni legs so legs so/ /rigs kyi bu lam 'dis sangs rgyas kyi zhing brjod du med pa'i rdul phra mo'i rdul snyed pas kyang mang ba'i de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu med pa dag gi don mdzad de yongs su mya ngan las 'das so/ /de ting nge 'dzin de las langs nas/ bram ze'i khye'u bdun stong po mkhan po dang bcas pa de dag la gtam de smras so/ /sems can de dag gis thos nas bla na med pa yang dag par rdzogs pa'i byang chub las phyir mi ldog par gyur cing de dag thams cad kyang de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu med pa dag gi don mdzad de yongs su mya ngan las 'das so/ /byang chub sems dpa' mchog gi blo gros des de bzhin gshegs pa de dag thams cad 'byung ba dag bzhugs pa dang / yongs su mya ngan las 'das pa dag gi chos rnam pa gsum yongs su bzung ngo / /maud gal gyi bu de ji snyam du sems/ de'i tshe de'i dus na byang chub sems dpa' mchog gi blo gros shes bya bar gyur</font><hr>42.286b<br><font size=+1>

pa de gzhan yin par sems na khyod kyis de ltar mi blta ste/ nga de'i tshe de'i dus na byang chub sems dpa' mchog gi blo gros zhes bya bar gyur to/ /maud gal gyi bu de lta bas na byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas sems can ngo bo nyid med par nges par rig par bya'o/ /maud gal gyi bu ngas ma rig pa shes par bya ba'i don du sngon zhes bya ba nas/ bdag gis ji ltar mngon par 'du bya snyam pa'i bar snga ma bzhin du sbyar ro/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong rig byed shes pa zhes bya ba rig byed thams cad shes pa/ bstan bcos kyi pha rol tu phyin pa/ don thams cad rig pa/ rdzu 'phrul che zhing gzi brjid che la mthu che ba/ phyi rol gyi lam gyis 'dod chags dang bral ba zhig byung ste/ de'i tshe'i tshad lo stong phrag dgu bcur gyur to/ /des lo stong phrag brgyad bcur nams kyang glos ma phab cing / nams kyang rmugs pa dang gnyid ma log ste/ gzhan du na sdug bsngal 'di ga las byung zhes de ltar sems kyis sems so/ /de 'di snyam du sems te/ mi shes pa'i dbang las gzhan ma yin te/ mi shes pa ni 'khor ba'i rgyun chags par 'gyur la/ shes shing mthong ba ni 'khor ba ldog par 'gyur ro snyam mo/ /de de ltar tshul bzhin yid la byed pas so sor rtog pa na gnas gtsang ma'i ris kyi lha bye ba phrag brgyad bcu dag steng gi bar snang la 'khod nas ched du brjod pa 'di la lan gsum du ched du brjod do/ /kye ma seng ge seng ge che/ /sems can seng ge 'jigs pa med/ /seng ge bsam pa rnam par sems/ /'dren pa seng ger 'gyur ba yin/ /bar snang 'di la 'khod pa yi/ /lha ni bye ba brgyad bcu dag /'jigs med seng ge'i sgra sgrogs la/ /thal mo sbyar nas phyag 'tshal byed/ /phyogs bcu dag na sangs</font><hr>42.287a<br><font size=+1>

rgyas zhing / /dpag tu med pa thams cad du/ /khyod kyi blo yi snang ba btang / /khyod kyis zhing kun sbyangs pa yin/ /glang po chen po cang shes pa/ /thub par dka' zhing bsnyen par dka'/ /sems can kun gyi 'dren pa ste/ /rkang gnyis dam pa mchog tu 'gyur/ /ji ltar de dag sngon sangs rgyas/ /'dren mngon yang dag sangs rgyas pa/ /'dren pa khyod la yod pas na/ /gang zag mchog ni sangs rgyas 'thob/ /de'i tshe de sems mnyam par bzhag pas 'di snyam du sems te/ 'dis ji tsam zhig snang bar gyur snyam mo/ /de la gnas gtsang ma'i ris kyi lha de dag gis smras pa/ grogs po khyod kyi snang ba 'dis phyogs bcu'i 'jig rten na sangs rgyas kyi zhing brjod du med pa dag snang ba byas par gyur to/ /de'i tshe de'i lha de dag gi sgra thos nas ji lta bu'i dge ba'i rtsa ba'i shugs thob pa de lta bu'i dge ba'i rtsa ba'i shugs kyis nam mkha' la ta la bdun srid tsam du mngon par 'phags so/ /nam mkha' la ta la bdun srid tsam du mngon par 'phags nas phyogs bcu'i 'jig rten na sangs rgyas bcom ldan 'das kha cig ni sku btsas kha cig ni gom pa bdun 'dor/ kha cig ni mngon par 'byung / kha cig ni bla na med pa yang dag par rdzogs pa'i byang chub mngon par rdzogs par 'tshang rgya/ kha cig ni bla na med pa'i chos kyi 'khor lo rab tu bskor/ kha cig ni sku tshe'i 'du byed 'dor/ kha cig ni phung po lhag ma med pa'i mya ngan las 'das pa'i dbyings su yongs su mya ngan las 'da' ba mthong zhing sangs rgyas bcom ldan 'das de dag thams cad kyi chos ston pa yang thos nas/ des bar snang la gnas gtsang ma'i ris kyi lha dag la tshigs su bcad de mngon par smras pa/ grogs po sngon gyi 'khor ba yi/ /mu ni 'tshal bar ma gyur pas/ /bdag cag rgyud 'di skyo ba yis/ /byang chub zhi ba yongs su spangs/ /byang chub mchog gi don gyi phyir/ /bdag cag go cha 'di yang bgo /bskal pa dag ni grangs med par/ /bdag cag go ni bgo bar bya/ /bar snang la ni mngon sum du/ /snying brtse ldan zhing don 'dod pa/ /sngon gyi rgyal ba dran pa</font><hr>42.287b<br><font size=+1>

yi/ /bdag gi drung na lha 'khod pa/ /sangs rgyas chos ni nyams dga' dang / /ci phyir khyed cag 'jug mi byed/ /khyed cag gis ni ci phyir spangs/ /rig byed shes la de smras pa/ /sems can rnams ni thar ba'i phyir/ /bskal pa bye ba dpag med cing / /bskal pa dag ni grangs med par/ /go 'di gang yin bgo bar bya/ /sangs rgyas dag ni chos kyi phyir/ /bdag gis lus dang srog la yang / /ltos pa med par byas nas su/ /bdag gis brtson 'grus brtsam par bya/ /'jig rten 'di ni mun pa dang / /mun nag thibs pos khebs pa yin/ /sangs rgyas dag gi chos kyi rgyus/ /snang ba dag ni rab tu bya/ /bdag cag bdag nyid byang chub tu/ /sangs rgyas spyod yul rtogs bgyis nas/ /srog chags bdud kyi spyod yul gyi/ /lam du zhugs pa bdag gis dgrol/ /maud gal gyi bu de ji snyam du sems/ de'i tshe de'i dus na drang srong rig byed shes pa zhes bya bar gyur pa de gzhan yin par sems na khyod kyis de ltar mi blta ste/ nga de'i tshe de'i dus na drang srong rig byed shes pa zhes bya bar gyur to/ /srog chags khri phrag dpag tu med pa dag nga'i snang bas reg pas phyir mi ldog pa nyid la rab tu btsud do/ /maud gal gyi bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas snang ba la lhag par mos par bya'o/ /maud gal gyi bu ngas ma rig pa'i zag pa shes pa kun 'byung ba shes par bya ba'i don du zhes bya ba nas/ bdag gis ji ltar bya snyam pa'i bar snga ma bzhin du sbyar ro/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong lam dkar po la gnas pa zhes bya ba/ rdzu 'phrul che zhing gzi brjid che la mthu che ba/ phyi rol gyi lam gyis 'dod chags dang bral ba/ dge ba'i chos thams cad dang mtshungs pa'i ting nge 'dzin dang ldan pa zhig byung ngo / /de 'di snyam du sems te/ byang chub sems dpa' ci</font><hr>42.288a<br><font size=+1>

zhig bslabs na dge ba'i chos 'di dang mtshungs par ldan pa'i ting nge 'dzin gyis nges par 'byung snyam mo/ /de 'di snyam du sems te/ chos gang byed pa med pa dang ldan pa'i ting nge 'dzin kyis nges par 'byung ngo / /de ci'i phyir zhe na/ chos thams cad ni byed pa dang bral ba'i phyir byas pa ma yin no snyam nas/ de dran pa yang dag par shes pa'i ting nge 'dzin de las langs nas phyogs bcu'i 'jig rten du yul rgyu zhing / chos thams cad ni byed pa dang bral ba'i phyir byas pa ma yin no zhes chos de dag ston par byed do/ /de'i chos ston pa de srog chags khri phrag dpag tu med pa dag gis thos nas / mi skye ba'i chos la bzod pa thob bo/ /maud gal gyi bu de ji snyam du sems/ de'i tshe de'i dus na/ drang srong lam dkar po la gnas pa zhes bya bar gyur pa de gzhan yin par sems na/ khyod kyis de ltar mi blta ste/ nga de'i tshe de'i dus na drang srong lam dkar po la gnas pa zhes bya bar gyur to/ /nga 'jig rten gyi khams de dag tu rgyu zhing chos thams cad ni byed pa dang bral ba'i phyir byas pa ma yin no zhes bstan pas sems can khri phrag dpag tu med pa dag gis thos nas mi skye ba'i chos la bzod pa thob po/ /maud gal gyi bu de lta bas na byang chub sems dpa' chos thams cad byed pa dang bral ba'i phyir byas pa ma yin no zhes bya ba'i 'du shes 'di kun tu bsten par bya zhing bsgom par bya/ mang du bya'o/ /maud gal gyi bu ngas ma rig pa'i zag pa shes pa 'gog pa shes par bya ba'i don du byang chub sems dpa'i spyad pa spyod pa na/ bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la ji ltar yang dag par rab tu bstan par bya snyam nas/ dge ba'i rtsa ba sna tshogs du ma dag /mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med cing</font><hr>42.288b<br><font size=+1>

grangs med/ bsam gyis mi khyab gzhal du med/ tshad med brjod du med pa nas/ de'i pha rol gyi yang ches pha rol na drang srong shes pa thogs pa med pa zhes bya ba mthu che zhing gzi brjid che ba phyi rol gyi lam gyis 'dod pa'i 'dod chags dang bral ba sems can thams cad kyi ngo bo nyid kun mi dmigs pa zhes bya ba'i ting nge 'dzin dang ldan pa zhig byung ngo / /de chos thams cad ngo bo nyid dang bral ba rtogs pa zhes bya ba'i ting nge 'dzin thob nas bar gyi bskal pa nyi shu rtsa bzhir rdzu 'phrul gyi rkang pa dag kun tu bsten cing bsgoms te/ mang du byas pas sangs rgyas kyi zhing brjod du med pa rdul phra mo snyed du rgyu zhing ngo bo nyid thams cad mi dmigs pa'i ting nge 'dzin ston pa na de bar gyi bskal pa nyi shur sangs rgyas kyi zhing du ma de dag tu sems can khri phrag brjod du med pa dag mi skye ba'i chos kyi bzod pa la rab tu btsud do/ /maud gal gyi bu de ji snyam du sems/ de'i tshe de'i dus na drang srong shes pa thogs pa med pa zhes bya ba de gzhan yin par sems na khyod kyis de ltar mi blta ste/ de ci'i phyir zhe na/ nga de'i tshe de'i dus na drang srong shes pa thogs pa med pa zhes bya bar gyur to/ /ngas rdzu 'phrul gyi rkang pa de dag kun tu bsten cing bsgoms te mang du byas pas/ sangs rgyas kyi zhing du mar sems can khri phrag brjod du med pa dag mi skye ba'i chos kyi bzod pa la rab tu btsud do/ /maud gal gyi bu de lta bas na byang chub sems dpa' rdzu 'phrul gyi rkang pa bzhi la rab tu gnas par bya zhing mi skye ba'i chos kyi bzod pa la rab tu gnas par bya'o/ /maud gal gyi bu mi skye ba'i chos kyi bzod pa la rab tu gnas pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /maud gal gyi bu ngas ma rig pa'i zag pa shes pa 'gog par 'gyur ba'i lam shes par bya ba'i don du/ sngon byang chub sems</font><hr>42.289a<br><font size=+1>

dpa'i spyad pa spyod pa na/ bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams la ma rig pa'i zag pa shes pa ji ltar yang dag par rab tu mastan par bya snyam nas/ dge ba'i rtsa ba sna tshogs dpag tu med pa dag mngon par 'dus byas so/ /maud gal gyi bu sngon byung ba 'das pa'i dus 'khor ba dpag tu med pa nas/ de'i pha rol gyi yang ches pha rol na drang srong sgrib pa med par shes pa mthong ba zhes bya ba rdzu 'phrul che zhing mthu che la gzi brjid che ba phyi rol gyi lam gyis 'dod chags dang bral ba zhig byung ngo de dben par song ste nang du yang dag bzhag pa dang sems kyi yongs su rtog pa 'di lta bu skyes te/ chos ni gang yin chos kyi sgrib pa ni gang yin snyam mo/ /de 'di snyam du sems te/ chos ni gang yang med la/ chos kyi sgrib pa yang gang yang med do/ /de ci'i phyir zhe na/ chos thams cad ni ngo bo nyid dang bral ba yin te/ 'di lta ste dper na/ nam mkha' ni nam mkha'i sgrib pa mi byed de/ de ci'i phyir zhe na/ nam mkha' ni ngo bo nyid dang bral ba'i phyir ro snyam nas/ de dran pa yang dag par shes pa'i ting nge 'dzin de las langs te/ grogs po dag chos thams cad ni ngo bo nyid dang bral ba'i phyir/ chos gang zhig chos gang la yang sgrib pa med do zhes sgra bsgrags so/ /de'i sgra de thos nas/ grogs po dag chos thams cad ni ngo bo nyid dang bral ba yin no zhes phyogs bzhi'i rlung gis thogs pa med par khyer ro/ /de'i sgra de sems can khri phrag dpag tu med pa dag gis thos nas/ chos thams cad ngo bo nyid dang bral ba'i ting nge 'dzin thob par gyur to/ /maud gal gyi bu de ji snyam du sems/ de'i tshe de'i dus na drang srong sgrib pa med par shes pa mthong ba zhes bya bar gyur pa de gzhan yin par sems na/ maud gal gyi bu khyod kyis de ltar mi blta ste/ de ci'i phyir zhe na/ nga de'i tshe de'i dus na</font><hr>42.289b<br><font size=+1>

drang srong sgrib pa med par shes pa mthong ba zhes bya bar gyur to/ /ngas sgra bsgrags pa de phyogs bzhi'i rlung gis thogs pa med par khyer ba sems can 'khod pa de dag gis chos thams cad ni ngo bo nyid dang bral ba yin no zhes thos nas/ mi skye ba'i chos la bzod pa thob po/ /maud gal gyi bu de lta bas na byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas chos thams cad ngo bo nyid dang bral ba la brtson par bya'o/ /de skad ces bka' stsal pa dang / tshe dang ldan pa maud gal gyi bus bcom ldan 'das la 'di skad ces gsol to/ /bcom ldan 'das ji tsam du sangs rgyas bcom ldan 'das kyi ye shes zab cing rgya che ba ngo mtshar lags te/ bcom ldan 'das kyis bka' stsal pa'i don bdag gis 'tshal ba ltar na/ de tsam du sangs rgyas kyi sangs rgyas kyi zhing lags/ ji tsam du sangs rgyas kyi sangs rgyas kyi mkhyen pa de tsam du/ sangs rgyas kyi zhing re re'i sems can 'dul bar mdzad do/ /bcom ldan 'das kyi rigs kyi bu 'am/ rigs kyi bu mo bsod nams don du gnyer ba/ bsod nams tshol ba gang dag gis sangs rgyas kyi zhing brjod du med pa rdul phra mo'i rdul snyed kyi 'jig rten gyi khams rin po ches yongs su bkang ste/ sangs rgyas kyi zhing brjod du med pa rdul phra mo'i rdul snyed kyi bskal par sangs rgyas bcom ldan 'das rnams la dbul ba phul ba bas/ gang gis bcom ldan 'das kyis ye shes rgyas pa'i chos kyi rnam grangs 'di 'dzin cing kun chub par bgyis la/ 'chang zhing gzhan dag la yang yang dag par rab tu ston tam/ tha na glegs bam la bris te/ 'chang ba 'di ni de bas bsod nams tshogs mang du sogs lags so/ /de skad ces gsol pa dang / bcom ldan 'das kyis maud gal gyi bu chen po la 'di skad ces bka' stsal to/ /maud gal gyi bu chen po</font><hr>42.290a<br><font size=+1>

de de bzhin te/ de ni khyod kyi sa yin no/ /maud gal gyi bu yongs su brtag pa nye bar bzung ste/ phyogs bcu'i 'jig rten na sangs rgyas kyi zhing brjod du med pa rdul phra mo'i rdul snyed kyi 'jig rten gyi khams dag na sems can dag sems can du bsdu bar bsdus pa de dag thams cad snga phyi med par mi'i dngos po nyid thob ste/ bla na med pa yang dag par rdzogs pa'i byang chub mngon par rdzogs par sangs rgyas nas/ de bzhin gshegs pa so so'i dbu de snyed du gyur/ sangs rgyas bcom ldan 'das de dag re re'i dbu ji snyed pa la zhal de snyed du gyur/ de dag re re'i zhal ji snyed pa la ljags de snyed du gyur/ mo+od gal gyi bu de bzhin gshegs pa ni ye shes dpag tu med pa dang ldan/ ye shes dpag gis mi lang ba dang ldan/ ye shes grangs med pa dang ldan/ ye shes bsam gyis mi khyab pa dang ldan/ ye shes gzhal du med pa dang ldan/ ye shes gzhal gyis mi lang ba dang ldan/ maud gal gyi bu de bzhin gshegs pa dgra bcom pa yang dag par rdzogs pa'i sangs rgyas ni ye shes brjod du med pa dang ldan pa yin no/ /bcom ldan 'das kyis de skad ces bka' stsal pa dang / tshe dang ldan pa maud gal gyi bu chen po bcom ldan 'das kyis gsungs pa la yi rangs te mngon par bstod do/ /'phags pa bcom ldan 'das kyi ye shes rgyas pa'i mdo sde rin po che'i mthar phyin pa zhes bya ba theg pa chen po'i mdo// rdzogs s+ho// // rgya gar gyi mkhan po pradz+nyA bar ma dang / lots+tsha ba ban de ye shes snying pos bsgyur/ rgya gar gyi mkhan po bi shud d+ha sing ha dang / sarba dz+nyA de ba dang / zhu chen gyi lots+tsha ba ban de dpal brtsegs kyis zhus te gtan la phab pa/   /gcig zhus kun yang zhus she/[ ]</font><hr>

</table>