J437

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J437</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J437&coll=lithang">see text in Tibetan script</a></table>89.314b<br><font size=+1>

@#/ /rgya gar skad du/  shrI badzra tsaN+Da tsit+ta gu h+ya tan+t+ra ut+ta ra/  bod skad du/  dpal rdo rje gtum po thugs gsang ba'i rgyud phyi ma/ dpal rdo rje gtum po la phyag 'tshal lo/ /de nas brgya byin lha'i dbang pos gsol pa/ kyai bcom ldan 'das nyid kyi sku gsung thugs kyi gsang ba'i bstan pa dam pa'i dbang ji lta ba'i gsang ba dam pa mdzad du gsol/ de skad ces gsol pa dang / chos kyi dbyings rnam par dag pa'i ngang las ma hA tsaN+Da kro d+hi hU~M zhes gsungs pas/ g.yon du khro mo gtum chen mo/ /mthing nag chen mo 'jigs tshul can/ /dbu skra kham pa gyen brdzes ma/ /spyan dmar sdang mig bgrad pa'i tshul/ /mche gtsigs khro gnyer spyan gtum ma/ /phyag g.yas dril 'dzin gtso la mkhyud/ /g.yon pa thod khrag gtso la stob/ /zhabs gnyis gtso la dgyes tshul 'khril/ /hi hi dgyes dang ha la'i sgras/ /thams cad g.yo zhing rlag par byed/ /dur khrod rgyan ldan me dpung nang / /sku la 'khril ba'i tshul du gzhugs/ /de nas bcom ldan dgyes chen po/ /dgyes pa'i ting 'dzin la gnas pas/ /nyid kyi mkha' la hU~M o~M ldan/ /nor bu dang ni rdo rjer ldan/ /rdo rje'i rtse mo'i sbub mar phaT/ /yum gyi gsang bar pa tra ldan/ /pad ma dang ni ze 'brur ldan/ /ma las nyi ma'i dkyil 'khor ro/ /dpal rdo rje gtum po thugs gsang ba'i rgyud phyi ma las yum rnam par 'phrul pa dang / mkha' gsang rab tu ldan pa'i le'u ste dang po'o// // de nas lha'i dbang pos gsol pa/ bcom ldan 'das bde rdzogs gang lags bshad du gsol zhes zhus pas bcom ldan 'das bde rdzogs chen po'i ting nge 'dzin la snyoms par zhugs nas 'khor lo bde rdzogs zhes bya ba bka' stsal pa/ nyon cig lha yi dbang po mchog /bde skyong</font><hr>89.315a<br><font size=+1>

'khor lo sum bcu gnyis/ /dung dang kun+da lta bur gnas/ /mi shigs hU~M ni kha 'og bltas/ /mgrin chen longs spyod 'dab bcu drug /dbus na gser zhun lta bu ma~M/ /ya ba ra la kha dog bzhi/ /phyogs bzhi 'dab ma bzhi na gnas/ /chos kyi 'khor lo 'dab brgyad de/ /hU~M mu~M dbus te phyogs mtshams na/ /o~M kro d+hi ha / /sprul pa'i 'khor lo drug cu bzhi/ /dbus na \u0f00 dkar de bzhin du'o/ /me yi 'khor lo drug gsum ra~M/ /rlung gi gzhu 'dra ba dan can/ /dza nya phaT dang ra~M ldan pa'o/ /dbab dang bskyil ba'i sbyor ba yis/ /shin du snod ldan dam pa la/ /srin mthib lces blang dbugs kyis drang / /byin brlabs byas pa'i shes rab ma/ /rang lus thabs ldan gtad pa dang / /bde ba dang ni bde ba che/ /shin du bde chen bde mchog yin/ /dpal rdo rje gtum po thugs gsang ba'i rgyud phyi ma las 'khor lo bde rdzogs kyi le'u ste gnyis pa'o// // de nas lha'i dbang pos gsol pa/ bcom ldan 'das sems can don du byin brlabs mthu/ /sngags kyi mthu rnams bka' stsol cig /ces gsol pas/ nyon cig lha'i dbang po sngon chad nga la de bzhin gshegs pa thams cad kyis gsang ba'i mdzod 'dzin par dbang bskur te/ de ltar ngas khyod la bshad par bya'o/ /'di ni klu thams cad 'joms par byed pa'o/ /nyi ma sa sla la na~M/ nA ga ku na zhi/ tsit+ta ma ling na~M`/ zlor byer/ nA ga shig /nA ga bzlog /nA ga byer/ nA ga da ha da ha mA ra ya phaT/ nA ga ha na ha na/ mA ra ya phaT/ gsang ba gsang ba'i mdzod 'dzin pa'i/ /sngags des klu rnams brlag par byed/ /rdzas su bstan pa 'di lta ste/ /rtsa ba dang ni skyobs su bcas/ /lce pog nag po rgya tshil dang / /mgo gnyis I dra ma g+ha d+ha/ /sa'i dri dang rnam lnga'o/ /gdug pa thams cad 'jil bar byed/ /shu dag tshil chen ra</font><hr>89.315b<br><font size=+1>

gzhob dang / /dri chen dri chu rma bya'i mdongs/ /byug dang bdug par bya ba'o/ /mu zi gla rtsi dri can dang / /zhun chen dri chu sbyar ba rnams/ /ltor btang gdon rnams rang zhir 'gyur/ /'dir ni rang nyid srung bar byed/ /nA ga sha ti dun dzi pas/ nA ga tsi ta na~M/ nA ga ni ra rbad/ shAn ting sha du rtsu pas/ nA ga o ra lig shams/ nA ga dun dun/ gyen gyen/ nA ga sha~M ti/ ya ya/ tshubs tshubs du sha rbud/ dpal rdo rje gtum po thugs gsang ba'i rgyud phyi ma las klu thams cad brlag par byed pa'i le'u ste/ gsum pa'o// //  de nas bcom ldan 'das 'jig rten gsum rnam par 'ching bar byed pa'i ting nge 'dzin la snyoms par zhugs nas 'jig rten 'ching byed kyi sngags gsungs pa/[ \u0f00] e ka ya ma/ he ka ya ma/ hri ma ya ma/ sartsa tsit+ta gzer thums bi g+h+nA~M/ zhes gsungs ma thag tu srid pa'i rtse mo nas mnar med pa la thug pa yin chad sems rnam par myogs te/ lus ri mo bzhin g.yo ba med par bcings par gyur to/ /de nas dpung rnam par bzlog pa zhes bya ba'i ting nge 'dzin la snyoms par zhugs te/ dpung bzlog byed kyi sngags gsungs pa \u0f00 e ka ya ma he dun rak+Sha he dun/ hU~M dzaHhU~M/ ya ma tsit+ta sha ma/ sha trU~M sta~M b+ha ya na~M d+h+r-i ka rbad/ ces gsungs pas 'jig rten gyi khams thams cad 'khrugs shing / dregs pa can thams cad rdza mkhan gyi 'khor lo bskor ba bzhin du gyur te/ myos par gyur to/ /dpal rdo rje gtum po thugs gsang ba'i rgyud phyi ma las 'jig rten bcing bzlog gi le'u ste bzhi pa'o// // de nas bcom ldan 'das khyung rnam par spro ba zhes bya ba'i ting nge 'dzin la snyoms par zhugs</font><hr>89.315c<br><font size=+1>

# nas khyung las la gzud pa zhes bya ba'i gsang sngags gsungs pa/ grang ti tig tig /gra ta brag shi ta ta le he du hU~M phaT/ de nas yang dgra 'ba' zhig pa gsad pa thun mong ma yin pa'i ting nge 'dzin la snyoms par zhugs te/ rdo rje drag po thog 'bab ces bya ba'i sngags gsungs pa/[ \u0f00] mA ra na sod sod/ mA ra na bying bying / mA ra na rmugs rmugs/ mA ra na ha la ha la/ mA ra na dun dun/ myogs myogs/ bying bying / thum ri li li rbad dza dza/ nA ga la sogs sha trU~M sbyar zhes gsungs so/ /dpal rdo rje gtum po thugs gsang ba'i rgyud phyi ma las gsang ba sngags kyi le'u ste lnga pa'o// // de nas yang lha'i dbang pos gsol pa/ kyai bcom ldan 'das gdug pa can tshar bcad pa'i las khyad par can bka' stsal du gsol zhes gsol pas/ bcom ldan 'das khyung sgrol byed gsang ba zhes bya ba'i ting nge 'dzin la snyoms par zhugs nas rab tu gsang sngags bka' stsal pa/[ \u0f00] tad+ya thA/ o~M` Ta ki tsa ti/ gur+ya la/ g+h+yu li mi li sha sha g+h+yu g+h+yu/ shad ti bi ri ti/ hU~M ya hU~M ya/ hU~M tu ti swA hA/ 'bras dang so ba nas nag dang / /a ru ra rnams zhib btags te/ /dgu dang bcu gcig bsgrub par bya/ /mkha' lding sgo nga sngags kyis bskor/ /'gram du bzhag la bsgrub par bya/ /mA ra na sod/ mA ra na bying bying / mA ra na mugs mugs/ mA ra na ha na ha na/ mA ra na dun dun/ ha la ha la/ myos myos/ bying bying / thum ri li li dza dza/ de nas gtor ma dbul bar bya/ /ba liM ta khA hi khA hi/ gr-ih+Na gr-ih+Na/ ma hA rag si pa to/ sa mA ya swA hA/ gsol ba gdab cing phrin las bcol/ /gla rtsi shing kun sha chen dang / /lce pog </font><hr>89.315d<br><font size=+1>

# nag po sha ri ra/ /byi sku stag gi sder mo rnams/ /ras su gtums la lus la bcang / /\u0f00 nyi ma sa sla nAM/ g+hu ni zhi rtsi ta g+hu li nAM/ tsi tra mu tra zlog byer/ tsi ta g+hu li nAM/ ya khra na ga zlog /nA ga shig /nA ga mgo la nAM/ ha pa sa khre/ rtag tu stom changs gtor mas mchod/ /zhi bas dug dbyung byad kyang dgrol/ /rtsa ba'i dkyil 'khor phyogs bzhi ru/ /nA ga'i gzugs bris dug can gzhag /tshon skud sbrul bsgoms bcings pa de/ /spu gri 'bar bas gtubs shing dbye/ /ri rab chen po'i phyogs bzhi na/ /dug bzhi las skyes rigs bzhi'i klu/ /sa chu me rlung dug bzhi'i bdag /bcings pa dgrol cing dug dbyung phyir/ /dug thub sgro la khyung bsam phyir/ /dug byab rang rang gnas su btang / /bden pa bdar zhing ting 'dzin gsar/ /dpal rdo rje gtum po thugs gsang ba'i rgyud phyi ma las rab tu gsang ba'i le'u ste drug pa'o// //   de nas bcom ldan 'das bdud rtsi 'byung ba zhes bya ba'i ting nge 'dzin la snyoms par zhugs nas bdud rtsi mchog bka' stsal pa/ rin chen bum pa tshad ldan la/ /dri yi rgyal po la sogs lngas/ /byugs la bog nag dud pas bdug /rtsi ldan 'o ma 'bras dang nas/ /til dkar dang ni a ru ra/ /ba ru ra dang skyu ru ra/ /mngar gsum klu sman sna tshogs dang / /tsan dan la sogs dri sbyar ba'i/ /chu bkang lcug ma 'o ma can/ /kha rgyan byas te mgul pa yang / /dar ras sngon pos bcings byas la/ /maN+Dal gtsang ma'i steng du bzhag /lha yi nga rgyal ldan pa yis/ /gri lcags sbu gur mchu btsugs te/ /dbugs ma shor bar rab tu bsnags/ /seng ldeng phur pa sor brgyad dang / /sngags kyi mda' mchog la yang bsnag /bum pa la sngags 'bum tshar re bton nas snying rje'i yul la bkru khong du btang na grol bar 'gyur dpal rdo rje</font><hr>89.316a<br><font size=+1>

gtum po thugs gsang ba'i rgyud phyi ma las bdud rtsi bum khrus kyi le'u ste bdun pa'o// //  de nas yang bdud rtsi bum pa khrol bu la bsgrub pa gsungs pa/ nyon cig lha yi dbang po gtso/ /ting 'dzin gsang bar sgrub pa ni/ /dzA ti pha la nas sngon mo/ /'bras dang so ba ma gi ta/ /ting 'dzin gzhu btul byas te bsgrub/ /de la rtags byung phye mar bsgrub/ /byugs nas dri chus skyo mar sbyar/ /zhun chen sbyar te khong du gtang / /bum pa'i chu la lcags sbugs sngags/ /mchod dang ting 'dzin brtson par bya/ /bum chus khrus bya 'de gus byug /skyo ma zhun chen khong du gtang / /dpal rdo rje gtum po thugs gsang ba'i rgyud phyi ma las bum pa khrol bu phye ma dang / 'de gu dang / khong du gtang ba'i le'u ste brgyad pa'o// // de nas yang lha'i dbang po la bka' stsal pa/ nyon cig lha yi dbang po/ gdug pa'i dug la rnam mang yang / /bsdus na rnam pa gnyis yod de/ /mngon sum dug dang rku dug ste/ /rkun thabs dug ni bzlog par dka'/ /gdug can nyon mongs gsum ldan te/ /gti mug che bas byol song rigs/ /'dod chags che bas dbral bar dka'/ /shin du zhe sdang che bas kyang / /dug ni rkun thabs dag tu gtong / /de phyir slar yang ldog par byed/ /phrag dog che bas rang rten la/ /gzhan gyis gtses na gzhan la gnod/ /rkun thabs dug gi mtshan nyid kyang / /thabs shing gdug pa'i dug glod kyang / /bar bar skabs su ldang bar byed/ /de bzlog thabs ni shin tu'ang dka'/ /de yi bzlog thabs dam pa 'di/ /ngas bstan pa la the tshom du/ /gang zhig byed par gyur pa de/ /nam yang grub par mi 'gyur te/ /grub kyang g.yel bar gyur pa yin/ /de nas lha yi dbang po dag /the tsom med par nges par byos/ /tsan dan</font><hr>89.316b<br><font size=+1>

dmar pos gtsor byas te/ /nA ga ge sar ma gi ta/ /rgya tshil rgya mtsho'i lbu ba dang / /phag rgod dag gi sha dag ste/ /yang na rgya tshil ma gi ta/ /phag rgod sha dang sbyar byas te/ /lcags snod nang du lcags kyis phur/ /'bum phrag gsum du bsnyen byas nas/ /bsgrub pas dkar gsum gzhan mi bsten/ /'o ma sol chus lus bkrus te/ /nya la gnas drug thig le bya/ /'khur tshos gnyis dang dpral ba dang / /snying ga rkog ma lag mthil gnyis/ /thig le mtshon gang pa re bya/ /lte ba pus mo gsang gnas su/ /ma gi ta nyid 'ba' zhig byug /thig le re la nyi shu gcig /de ltar lo gcig bar du bya/ /gangs ri la ni nyi ma bzhin/ /dpal rdo rje gtum po thugs gsang ba'i rgyud phyi ma las rkun thabs kyi dug bzlog pa'i le'u ste dgu pa'o// // de nas lha'i dbang pos gsol pa/ kyai ma khro bdag rdo rje 'dzin/ /gdug pa'i dug gi mtshan nyid gang / /zlog dang mi zlog ji lta bu/ /khro bdag chen pos bshad du gsol/ /zhes gsol pas/ bcom ldan 'das kyis bka' stsal pa/ /dga' bas nyon cig lha yi dbang po khyod/ /bsnyen dang bsgrub pa rtags dang gnod pa rtags/ /lcags zangs mi dang gcer bu bum pa thogs/ /ba lang nya lcibs zas su za ba dang / /me chen 'bar dang zam pa 'dzugs pa dang / /skye shing 'dzugs dang nyi ma shar ba dang / /bzang ba yi ni rtags su shes par bya/ /nyi ma nub dang nam sros thur du babs/ /btson du bzung nas mi theg khur bskur dang / /</font><hr>89.317a<br><font size=+1>

bsgrub po gzhan yul 'gro ba ngan pa'i rtags/ /lung pa dang ni skam nas chu byung dang / /nya sbrul sa rlung gsod dang 'tshod pa dang / /rid dang skems pa de dag khri la 'dug /gcer bu spyi bcings kyis sems can gsol ba mthong / /'jigs pa'i chu mig skams dang rtag tu nor bu rgyud/ /sbal sbrul zas su za dang khyi spyang gsod/ /bzang ba yi ni ltas su shes par bya/ /chu nang chud dang sbal sbrul lus la 'jug /de dag phyi bzhin du ni 'brang byed cing / /sbrang bu mchu ring la sogs lus la za/ /ba lang ma he'i tshogs kyis brdungs nas 'ded pa dang / /khyi spyang tshogs kyis zugs dang 'dam du tshud/ /'bag seng bu chung la sogs ston pa ngan/ /gnod pa'i rtags su gting ring grog po ru/ /mi shong bzhin du phyin dang slar mi thar/ /ri brag dog mo lung pa phug rdugs dang / /lha khang gnas khang hrul por mi shong bzhin/ /sgo la 'dzul nas slar yang mi thon dang / /chu ngan mtsho dang lu ma nya sbrul sogs/ /phag pa ba glang ma he la sogs te/ /shin du yid du mi 'ong gzugs mang ston/ /ri gzer mi thar ce spyang tshogs kyis 'ded/ /de dag gnod rtags lus kyi nyams myong yang / /nul ba dang ni ku dang chang la dga'/ /nad dang nyams lci yan lag na/ /sha ni 'gul 'khrig shu g.yan sha bkra dang / /ngo lhog sha ro skabs su zug gzer che/ /de dag gnod pa'i rtags su shes par bya/ /dpal rdo rje gtum po thugs gsang ba'i rgyud phyi ma las bsnyen sgrub kyi ltas dang / gnod rtags bstan pa'i le'u ste bcu pa'o// //</font><hr>89.317b<br><font size=+1>

de nas lha'i dbang pos gsol ba/ kyai bcom ldan 'das sems can gyi lus la gdug pa'i dug lus la sleb pa'i mtshan nyid bshad du gsol/ de skad ces gsol pas/ bcom ldan 'das kyis bka' stsal pa/ /sha mthangs bar du sleb pa'i dug /rtag tu snying yang mi dga' zhing / /sha rtsa za zhing 'gul dang 'khrig /rtag tu 'phrug snying 'dod pa dang / /sha yang 'o ma'i dpris ma bzhin/ /sha mdog me lce 'dra ba'o/ /skabs su sha mthangs bar dag na/ /chu grang blug pa snyam byed dang / /shu ba bal bldags sha bkra 'ong / /gdug pa dug gis sha la sleb pa ni/ /'phrig 'gul sha sbrid ber ba ltar/ /sha ni gnag cing dmar la bem/ /du ba mig tu song ba bzhin/ /mig gi tha ma chu yis gang / /mig kyang zlum la smin ma grugs/ /smin ma byi zhing mig kyang 'gul/ /sor mo rnams ni byi mjug 'dra/ /rtsa dang chu la zhugs pa ni/ /lus la dri ma nga ba 'byung / /chu bur dang ni chu rgangs dang / /de ni rtsa yi me tog yin/ /chu ser mdog ni dud khu 'dra/ /chu ser mdog ni sko rul mnam pa dang / /ko ba rul pa dri mnam pa'i/ /chu ser dag ni 'byung ba yin/ /ro stod mi bde blo yang 'degs/ /spyi yi mtshan nyid 'di dag dang / /'byung bar 'gyur ba dag kyang yod/ /me 'od tsha ba 'dra ba 'ong / /tsher ma zug pa 'dra ba 'ong / /lus po tsha la 'brum pa 'ong / /kor tshe shu ba 'byung ba dang / /rma dang ser ka mi 'tsho ba/ /kor tshe tshor ba med par 'byung / /na tsha med pa'i shu ba 'byung / /tsha la 'khums pa 'byung ba yod/ /lus kyi nyams stobs chung bar 'byung / /glang shu ba dang sha bkra 'byung / /sha ro sbal mig 'dra ba 'byung / /sha sul thams cad 'gul</font><hr>89.318a<br><font size=+1>

'phrig 'byung / /dug gis rus par sleb gyur na/ /phyi yi sha rnams kun skams te/ /mdog ni sngo skya sha mdangs 'chor/ /gos kyi mdangs kyang 'chor ba ste/ /de ni thar bar mi 'gyur kyang / /sngags dang rdzas dang ting 'dzin gyis/ /tshe ring skad gsang lus kyang bde/ /zhes gsungs so/ /dpal rdo rje gtum po thugs gsang ba'i rgyud phyi ma las gdug pa'i dug rus pa la sleb pa'i mtshan nyid bstan pa'i le'u ste bcu gcig pa'o// // de nas lha'i dbang pos gsol pa/ kyai ma bcom ldan 'das slad ma'i dus kyi 'gro ba la phan gdags pa'i phyir rdzas kyi khyad par bka' stsal du gsol zhes gsol pas/ bcom ldan 'das kyis bka' stsal pa/ nyon cig lha yi dbang po gtso/ /phyi ma'i dus kyi sems can rnams/ /gdug pa'i dug gis nyen pa na/ /phan pa'i sbyor ba 'di lta bu/ /kun kyang sngags kyis bsgrub par bya/ /me 'od 'dra na spyang dug btang / /tsher ma zug ba lta bu la/ /ra dug dang ni re lcag go /tsha la 'brum pa byung ba na/ /btsod dang spang spos btang bar bya/ /sha ni kor tshe shu ba la/ /ra thug sre dang long rtol btang / /rma dang ser ka mi 'tsho na/ /khong du bsgrub pa'i ma gi ta/ /de nyid drag po'i sngags kyis gdul/ /kor tshe tshor ba med pa la/ /stag sha gser gyi me tog dang / /rgya tsha sbyar te btang bar bya/ /sha bu thal ba bdud rtsis gso/ /yang na mu zi ba bla ldong ros dang / /dri chu sbyar te bsku bar bya/ /na tsha med pa'i shu ba la/ /bong ril ti tsha mar dkar bsku/ /tsha 'khums lce pog rwa ru gzhob/ /tsha dang zhun chen sbyar bar bya/ /lus kyi nyams stobs chung ba na/ /bum pa'i chu dang ma gi ta/ /sbyar te bkru zhing btung bar bya/ /</font><hr>89.318b<br><font size=+1>

dri chu zhun chen btang bar bya/ /sha bkra gur gum phag tshil lo/ /glang shu 'dra ba byung ba na/ /gser gyi me tog mu zi dang / /sngags kyi bya ba 'bad par bya/ /sha ro sbal mig 'byung ba dang / /sha yi sul rnams 'gul ba la/ /gla ba mu zi lce pog gnag /sha mthangs bar gyi dug rnams la/ /sa yi dri dang ma gi ta/ /shu dag lce pog ru rta dang / /gu gul nag po dri ma dang / /ro yi ro dang btsan dug dang / /byi ku cig skyes mi phag bcud/ /yang na btsan dug lce pog dang / /ldong ros dang ni sa yi dri/ /zhun chen dri chus bsdus te bsku/ /gu gul shu dag shing kun dang / /gla rtsi btsan dug ro yi ro/ /rus chen btags te zhun gyis bsdu/ /ril bu byas te bsregs nas kyang / /yang dang yang du sna bug bdug /dug chen klu dang de las gram pa'i gdon/ /skye dgu 'tshe byed gdon rnams gang yin yang / /gdug pa dug chen po'i dri 'di tshor ba yis/ /gdug pa can rnams klad pa rab tu 'gas/ /nyi ma'i 'od kyis mun pa ji bzhin no/ /sha la zhugs pa'i gdug pa'i dug rnams la/ /byug pa'i rdzas rnams phyi nas byug /bdug pa can gyis rtag tu bdug /ma gi ta dang dri chu grang mor sbyar/ /bkra zhing khong du gtan du btang bar bya/ /nad rnams 'byang zhing spu stsogs byi ba skye/ /rtsa dang chu ba dag la gnas pa'i dug /byug pa bdug pa chu bo'i gzhung bzhin du/ /khong du btang ba'i rdzas ni 'di lta ste/ /ma gi ta ni dri yi chus sbyangs te/ /a ru ra dang sbyar ba rgyun mi bcad/ /rtsa yi gnas su nad rnams dngas snyigs 'byed/ /dngas snyigs phyed pa'i nad ni phyi ru 'byung / /gangs kyi ri la nyi ma lta bu'o/ /dug rnams rus pa dag la rgyas/ /khong du btang ba'i rdzas ni rgyun du btang zhes gsungs so/ /dpal rdo rje gtum po thugs gsang ba'i rgyud phyi ma las gdug pa'i dug rdzas kyis gdul ba'i le'u ste bcu gnyis pa'o// // de nas yang lha'i dbang pos gsol pa/ kyai bcom ldan 'das gdug pa can shin du yang tshar gcod pa'i thabs bka' stsal du gsol zhes gsol pas/ bcom ldan 'das kyis bka' stsal pa/ nyon cig dbang po chen po'i lha/ /gdug pa shin du tshar gcad na/ /bsreg pa'i las la shin du brtson par bya/ /thab</font><hr>89.319a<br><font size=+1>

khung gru gsum sor brgyad pa/ /khrag dang dur khrod sol bas byug /dkyil du rdo rje rtse gsum bri/ /zur du mchod rten gsum gzhag ste/ /de steng drag po'i snod bzhag la/ /nang du gru gsum rtse mo lho/ /gdug pa'i shing yang zur gsum brtsig /dkyil 'khor chen po'i shar lhor bya/ /shing shun dag la sha trU~M yang / /brgya rtsa brgyad bya dug sna dang / /tsha ba gsum dang bong bu'i chu/ /rnga mo bya rog brun yang bsag /lha yi ting 'dzin mchod bsngags kyis/ /ting 'dzin gsal te lha la 'bul/ /sreg pa'i sngags ni 'dis bya'o/ /sarba big+h+nan ma ra ya dz+wa la ra~M/ /stong rtsa brgyad dang brgya rtsa brgyad/ /lan grangs mang du byas pa yi/ /thal ba chu chen gzhung la bor/ /thab khung 'og ma'i thal ba yang / /khyi yi dri chen tsha ba gsum/ /bsres te sha trU~M gzugs byas la/ /nA ga staM b+ha nan zhes rgya gram dkyil du mnan zhes gsungs so/ /dpal rdo rje gtum po thugs gsang ba'i rgyud phyi ma las dregs pa can shin du tshar gcad pa bsreg pa drag po'i le'u ste bcu gsum pa'o// //   de nas yang lha'i dbang pos gsol pa/ kyai bcom ldan 'das/ gnon pa'i las ni bgyi ba yi/ /shin du tshar gcad ji ltar bgyi zhes gsol pas/ bcom ldan 'das kyis bka' stsal pa/ /lha yi dbang po chen po nyon/ /ru sbal khog pa kha sbyar du/ /rgya mtsho'i lbu ba khre rgod dang / /nA ga ge sar cu gang dang / /dkar gsum sha chen sha rI ra/ /ma gi ta yis gtso byas te/ /ru rta dang sbyar ro nye'i shubs/ /re bas gtums te sngon dmar dkri/ /sngags kyis mda' la sum stong bsngags/ /nA ga stam b+ha nan/ brgyad gsum dbus ma'i zla zer la/ /nub kyi rgya gram sum mdo 'am/ /yang na gnod pa'i sa phyogs su/ /shug pa'i phur pas khru gang brko/ /der bcug g.yam pa rgya gram can/ /de steng gnon pa'i ri</font><hr>89.319b<br><font size=+1>

rab gzhag /de dag byed tshe dman zas spang / /kha zas dkar gsum mngar gyis bya/ /sha rul khrag rul rgya tshil dang / /sngags mda' sngags dang ldan pa yis/ /rang gnas brten pa'i bar du gcad/ /thog drag lta bur sngags las bya/ /rtsa gcig bar du gnod mi 'gyur/ /dpal rdo rje gtum po thugs gsang ba'i rgyud phyi ma las phyir mi ldog pa'i gnon pa'i le'u ste bcu bzhi pa'o// //de nas lha'i dbang pos yang gsol pa/ kyai bcom ldan 'das gdug pa can de dag de nyid kho nar 'gro ba la rnam par 'tshe 'am/ de ge gzhan dang gzhan dag gi mthu yang gnon par 'gyur/ gal te gzhan dag gi mthus kyang 'gro ba ma rungs par byed na/ de ji ltar yongs su gsal bar bgyi/ de skad ces gsol pa dang / bcom ldan 'das kyis bka' stsal pa/ /nyon cig dbang po chen po lha/ /phyi ma'i dus kyi sems can la/ /gdug pa'i dug gcig zhugs gyur na/ /pho nya 'di dag ma rungs byed/ /btsan dang rgyal po 'gong po dang / /dngos grub 'tshe ba byed kun du/ /de dag de nyid shes gyur na/ /de dag rang gshed rang gis byed/ /rA dza tsit+ta rbad nan/ tsa hur thums dzaHma rA ya rbad nan/[ \u0f00] tri tsit+ta rbad nan/ tri tsit+ta rbad nan/ hab shaM tri tsit+ta rbad nan/ ru tri tsit+ta rbad nan/ rA dza trig nan/ tsa hur thuM dza/ mA ra ya rbad/ sde brgyad spyir gdul ba ni/[ \u0f00] AHhU~M badzra sarba du sh+TA~M` trig nan/ e hur thu~M dzaHmA ra ya rbad/ gal te rgyal po gdug pa dag /shin du che bar gyur pa na/ /ku sha rtsa la brgya byin gzugs/ /mdze mo'i sog pa g.yas pa la/ /khrag chen gyis bri snying gar stsal/ /tri badzra a ku sha dzaH lce pog gis bdug sngon dmar bcings/ /rtsa ba'i dkyil 'khor dbus dag tu/ /gru gsum nag por bcug byas la/ /lcags kyu'i phyag rgya bcas la dgug /tri badzra</font><hr>89.320a<br><font size=+1>

tri badzra/ yak+Sha duSh+TAn badzra a~M ku sha dzaHkro d+hing / /kro la sha /rA dza tha ma na~M/ rA dza sha trU~M mA ra na phaT/ rA dza a mu kaM /b+hak+Sha ni grI h+Na grI h+Na/ grI h+Na grI h+Na mA ra ya phaT/ phur ba gdab cing lcag gis brab/ /de nas bkar ba'i 'khor lo bca'/ /rtsa ba'i 'khor lo'i lte ba la/ /ku sha'i gzugs gzhag phyi rtsibs la/ /re'u mig bcu bzhi ldan pa la/ /rtsibs la gzugs bris bong khrag sbyar/ /re'u mig cha la bkar sngags dgod/ /du tri pa tri dkor ba kha~M rbad/ /ya tri dkor ba kha~M rbad/ /yung kar khrag sna dug snas brab/ /yang na chu bo'i gzhung la bskur/ /yang na phugs rdugs grog por gnon/ /de tshe zhing lcags drag tu bsnun/ /dpal rdo rje gtum po thugs gsang ba'i rgyud phyi ma las dpal rdo rje gtum po thugs gsang ba'i rgyud phyi ma rdzogs s+ho// // rgya gar gyi slob dpon a ba yug ti dang / bod kyi lots+tsha ba bla ban chos kyi brtson 'grus kyis zhus te bsgyur cing gtan la phab pa'o/ / </font><hr>

</table>