J434

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J434</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J434&coll=lithang">see text in Tibetan script</a></table>89.290a<br><font size=+1>

@#/ /rgya gar skad du/  badzra pA Ni nI lAm ba ra bi d+hi badzra daN+Da tan tra/  bod skad du/  lag na rdo rje gos sngon po can gyi cho ga rdo rje be con gyi rgyud/  sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ gnod sbyin thams cad yongs su rgyu ba/ shin du dben pa/ shin du yongs su dag pa na/ gnod sbyin gyi sde dpon chen po lag na rdo rje gos sngon po can zhes bya ba/ dus gsum gyi de bzhin gshegs pa thams cad kyi las kyi khro bor dbang bskur ba/ mche ba gtsigs pa/ yid khros pa lta bu/ mig me mdag gi phung po 'dra ba/ dbugs me lce ltar 'bar ba/ 'jigs pa'i nga ro can/ lag pa dang rkang pa klu nor rgyas kyi bus brgyan pa/ klu nag po se ral khar thogs pa/ klu dga' bo dang nye dga' bos snyan brgyan pa/ sbrul 'bar ba rin po che'i cod pan thogs pa/ sbrul gdug pa 'bar ba za ba/ bzhin rgyas pa/ smin ma dpral bar bsdus pa/ ya sos ma mchu mnan pa/ gshin rje'i cha byad can/ lce glog ltar 'gyu ba/ sbrul za ba/ gsus pa che ba/ lag pa brdabs pa'i sgras 'jigs par byed pa/ klu'i rgyal po 'dab bzangs ska rags su bcings pa/ a la la zhes sgrog par byed pa/ rgya mtsho'i zabs su dpag tshad brgyad khri bzhi stong</font><hr>89.290b<br><font size=+1>

yod pas rkang pa'i pus mor phyin pa/ dbang po dang nyi ma phrag pa la rab tu khur ba/ klu thams cad rlag par byed pa'i gad rgyangs chen po dgod pas kun du 'khrug par byed pa/ klu thams cad 'ching bar byed pa/ 'byung po thams cad 'gugs shing 'ching bar mdzad pa/ sbyor ba thams cad gcod par mdzad pa/ sbyor ba thams cad zlog par mdzad pa/ sbyor ba thams cad gnon par mdzad pa/ yon tan thams cad ma lus pa'i bdag nyid de/ gnod sbyin gyi sde dpon chen po nyi shu rtsa brgyad dang / gnod sbyin mthu bo che thams cad dang / gnod sbyin drag po thams cad dang / lha thams cad dang / klu thams cad dang / dri za thams cad dang / lha ma yin thams cad dang / nam mkha' lding thams cad dang / mi 'am ci thams cad dang / lto 'phye chen po thams cad dang / 'byung po dang / yi dgas dang / brjed byed la sogs pa dang thabs gcig tu bzhugs te/ 'di ltar nyi ma dang / zla ba dang / skar ma'i tshogs lta bur bzhugs so/ /de'i tshe sa yang cher g.yos so/ /'brug gi sgra yang byung / nyi ma dang skar ma yang mi snang bar gyur to/ /de nas 'phags pa lag na rdo rje gos sngon po can la 'khor thams cad kyis gsol pa/ gos sngon po can khyod ci/ bde gshegs kun gyi sprul pa 'am/ /gal te bsdus pa'i sku yin nam/ /las kyi khro bor dbang skur ram/ /bdag cag 'khor dang bcas pa rnams/ /ci lta bu yi dus gsum bka' nyan te/ /las dang bya ba thams cad bka' stsal mdzod/ /drag po'i ting 'dzin bstan du gsol zhes gsungs so/ /gleng gzhi'i le'u ste dang po'o// //  de nas lag na rdo rje drag po zhes bya ba'i ting nge 'dzin</font><hr>89.291a<br><font size=+1>

du zhugs te 'di skad ces gsungs so/ /phyag rgya gsang sngags mthu sbyor las/ /khro bo'i rgyal po bsam par bya/ /khro bo rdo rje'i ting 'dzin gyis/ /byin brlabs ya mtshan sna tshogs ldan/ /ting 'dzin de la dbang thob nas/ /las rnams sgrub la thogs pa med/ /zhi rgyas dbang dang drag po dang / /gsad rmongs sna tshogs nges par 'grub/ /de nyid grub par gdon mi za/ /rang gzhan 'phags dang bla ma dang / /shin du bla ma dam pa yang / /mchod nas dngos grub myur du 'byung / /gal te gzhan la phan 'dogs na/ /sku de sna tshogs sku ru snang / /snang ba'i sgyu ma'i sku yin yang / /gdug pa 'dul phyir rigs par snang / /sna tshogs de nyid bsam bral ba'i/ /dngos gzhi yang dag thar pa gcig /le'u gnyis pa'o// //   gzhan yang gsang sngags sbyor ba ni/ /da ha bsreg sogs gsang sngags kyis/ /thogs med las rnams grub pa yin/ /gnyis kyi 'og mas gsum pa brgyan/ /ra yi mthar ni gsum pa'i mtha'/ /de la gnyis kyi gang ldan pa/ /zung dang rab zung ming dang ldan/ /yang ming skal ldan bsam gtan ni/ /lcags kyu'i sbyor ba rab tu bya/ /o~M badzra pA Ni ma hA yak+Sha nI lAm ba ra hU~M phaT/ mjug rdzogs gong dang gsum pa'i mtha'/ /lan gnyis gong bzhin brdegs sngags shes/ /gsum pa'i dang po gnyis pa dang / /drug pa'i dang po yi ge ni/ /lan gnyis gong bzhin gtogs byed sngags/ /gnyis kyi dang po lnga dang pos/ /drag po dga' ba'i sa bon ldan/ /lan gnyis ldan gyur las grub pa/ /gong ma bzhin du mchod byed do/ /le'u gsum pa'o// // de nas 'phags pa lag na rdo rje gos sngon po can/ sna tshogs mngon par 'grub pa'i ting nge 'dzin la snyoms par zhugs te/ 'di skad ces gsungs so/ /o~M badzra pA Ni ma hA yak+Sha nI lAm ba ra da ha ni badzra hU~M phaT/ gang zhig ting 'dzin rnal 'byor de/ /nyes</font><hr>89.291b<br><font size=+1>

pa kun las rab tu thar/ /legs pa'i yon tan thams cad 'thob/ /'bras bu yang dag mngon par 'grub/ /sngags ni gang yin ming yin te/ /gdul bya'i mtha' dang ldan pa la/ /mtha' ma las sngags mtha' dang ldan/ /le'u bzhi pa'o// //  de nas gos sngon po can 'khor lo mngon par 'grub pa'i ting nge 'dzin la snyoms par zhugs te 'di skad ces gsungs so/ /'byung bzhi'i sangs rgyas rab bsgoms nas/ /so so las kyis bsgom pa ni/ /me brgyad rlung gnyis ldan par bsam/ /chu brgyad dngos po nyid yin te/ /de bzhin sa brgyad hU~M 'bras ldan/ /rlung brgyad me gnyis ldan pa ste/ /'bras bu rim gyis gnod sbyin gtso/ /sgrub pa sngags bzhin mngon par 'grub/ /e dang so so'i mtha' dang ldan/ /me la gong mas mngon par 'grub/ /rgyun du rtsa ba'i gsang sngags bzlas/ /le'u lnga pa'o// // de nas 'phags pa gos sngon gyis/ /las bcu mngon par sgrub pa yi/ /ting nge 'dzin la snyoms zhugs nas/ /las bcu'i sbyin bsreg 'di gsungs so/ /zhi la shAn t-ing ku ru ste/ /rgyas pa puSh+TiM ku ru'o/ /dbang la wa shang ku ru'o/ /drag po mA ra gsum par ldan/ /thab khung dbyibs ni las bzhi ste/ /shing ni rigs dang sbyar bar bya/ /zhi la dkar po'i shing rnams te/ /rgyas la gser shing la sogs pa'o/ /dbang la seng ldeng shing bsregs ste/ /drag po tsher ma can gyi shing / /gzhan ni tsan dan shing las bya/ /thabs khung 'dab brgyad dbyibs yin te/ /b-i d+h+wan sa ya/ uts+tsha Ti ni/ mo ha ya mo ha ya/ stam b+ha ya stam b+ha ya/ un ma na u na ma na/ A kar Sha ya A kar Sha ya/ ba shing ka ra ba shing ka ra/ rak+Sha ya rak+Sha ya/ mo ha b+ha ya/ sarba karma ku ru hU~M phaT/ le'u drug pa'o// // de nas dpal ldan rdo rje 'dzin/ /gdul dka' ba ni 'dul ba'i mchog /gsang ba'i bdag po gos sngon can/ /</font><hr>89.292a<br><font size=+1>

drag po chen po rab 'bar ba'i/ /ting nge 'dzin la snyoms zhugs nas/ /'khor gyi klu tshogs dbang bsdus te/ /nyen rnams bzlog pa'i cho gar gsungs/ /gnas khang rim pa gsum dag la/ /phyi rol sme bsregs dbral bar bya/ /bar du phyi nang khrus byas te/ /mnyes pa'i las kyang ci nus bya/ /nang du bum pa'i dbang bskur bas/ /nyen rnams bzlog la the tshom med/ /kye ho nyen rnams 'dul ba'i mchog /e ma gsang chen drag po che/ /e ma ma rungs 'jigs pa can/ /e ma gsang sngags rnal 'byor che/ /phyag na rdo rje khyod phyag 'tshal/ /phyogs bral khro bo khyod phyag 'tshal/ /le'u bdun pa'o// // de skad ces gsungs nas 'khor thams cad dga' ba'i rjes las/ 'di skad ces bka' stsal to/ /thams cad ldan pa'i gtor ma la/ /ra~M gyis sbyangs nas ya~M gis bus/ /kha~M gis bkrus te dag pa la/ /ba~M las bdud rtsi chu rgyun bskyed/ /ya~M ra~M dbab pa'i sbyor ba bya/ /dzaHyis bkug ste gtor ma bstim/ /bsam gtan lha mos mchod pa 'bul/ /de nas 'khor la 'di skad bsgos/ /nga ni khro bo gos sngon can/ /sangs rgyas thams cad 'dus pa'i sku/ /sangs rgyas kun gyis byin gyis brlabs/ /dbang bskur mchog thob nga yi sku/ /ci ste nga yi dam 'das na/ /gtor ma dug gi rang bzhin gyis/ /khyed rnams thal ba'i rdul du rlogs//gal te dam tshig ma 'das na/ /gtor ma ye shes bdud rtsi yis/ /khyed kyi sgo gsum sgrib sbyangs nas/ /nges par legs pa'i yon tan thob/ /o~M a kA ro mu kha~M sarba d+harmA NA~M Ad+ya nud pan na twad o~M AHhU~M swA hA/ le'u brgyad pa'o// // de nas dpal ldan gos sngon can/ /gdul dka' 'dul ba'i bdag po des/ /bsam gtan 'khor lo med pa la/ /sngags kyi nges pa bshad par bya/ /</font><hr>89.292b<br><font size=+1>

tad+ya thA/ b+ho b+ho pan nA ga a d+hi pa ta ye/ i dan nI lA~M ba ra d+ha ra sha rI ra~M/ badzra pA Ni hr-i da yA na/ yaHsa mA ti kra ma tha/ mA ku la/ ud sA da na/ b+ha bi Sh+ya~M ti/ las thams cad pa'i sngags so/ /las so so la klu 'dul ba'i sngags/ tad+ya thA/ bud d+ha bud d+ha/ bi bud d+ha bi bud d+ha/ mA ti kra ma tha/ ha ra ha ra nA gA nA~M/ pra ha ra pra ha ra nA gA nA~M/ ts+tshin da ts+tshin da/ nA ga hri da yA ni/ b+hin da b+hin da nA ga marmA Ni bi shI r+yan tu nA ga sha rI rA Ni/ bi s+pho Ta ya nA ga nA ya nA ni/ tad+ya thA/ hU~M phaT/ nA ga bi dA ra NA ya hU~M phaT/ nA ga uta sA da nA hU~M phaT/ yi dgas thams cad bzlog pa ni/ nI lAm ba sa nA ya hU~M phaT/ a pra ti ha ta pa la pa rA kra mA na ya phaT/ kri tAn tA yA phaT kri tAn ta rU pA ya phaT/ ro ShA NA ya phaT/ trA sa nA ya phaT/ ku~M` b+haN Dota sA da nA ya phaT/ gshin rje bzlog pa'o/ /pre ta pi shA tsa bi nA sha ka rA ya phaT/ yi dgas thams cad bzlog pa'o/ /yak+Sha a pasmA ra bi nA sha kA rA ya phaT/ gnod sbyin la sogs pa bzlog pa'o/ /ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba big+h+na bi nA sha ka rA ya phaT/ bgegs thams cad bzlog pa'o/ /sarba sha trU~M sa~M g+ha bi nA sha ka rA ya phaT/ dge 'dun gyi dgra 'dul ba'o/ /nI lAm ba ra d+ha ra badzra pA Ni rAdz+nyA pa ya ti swA hA/ rdo rje be con drag po che/ /rdo rje 'jigs pa sngags kyi bdag /rdo rje khro bo bgegs kyi gshed/ /rdo rje mi thub 'jigs pa che/ /rdo rje las kun grub pa che/ /rdo rje las rnams kun mdzad pa/ /sngags kyi bdag po khyod phyag 'tshal/ /sngags kyi ngo bo khyod phyag 'tshal/ /le'u dgu pa'o// //  de nas klu dgug pa'i sngags bstan te/ rdo rje lcags kyu rlung gi sbyor bas 'grub par 'gyur/ /de bzhin me yis kyang ni 'dul bar nus pa yin/ /de ltar nus phyir dgug pa'i sngags ni bshad par</font><hr>89.293a<br><font size=+1>

bya/ /o~M badzra pA Ni ma hA yak+Sha nI lAm ba ra nA ga hrIH gr-ih+Na gr-ih+Na hU~M phaT/ A kar Sha ya A kar Sha ya hU~M phaT/ bsam gtan drag pos bzlas pa bya/ /bzlas pa 'di la rab 'bad bya/ /klu rigs du ma thams cad kun/ /'gugs 'gyur 'di las gzhan du min/ /ji sr-id 'gugs pa'i ting 'dzin gyis/ /khugs par gyur pa'i klu rnams kun/ /zangs gzhong nang du spyan drangs te/ /khro bo'i che ba brjod nas ni/ /dam tshig bsre zhing dug rnams gzhom/ /sman gyi mchog gis gsos nas ni/ /gang gnod phyogs su gshegs su gsol/ /le'u bcu pa'o// //  de nas gzhan yang bshad bya ste/ /zhi ba'i las kyis mi 'dul ba'i/ /klu gzir drag sngags bstan par bya/ /o~M badzra pA Ni ma hA yak+Sha nI lAm ba ra nA ga ha na ha na hU~M phaT/ nA ga da ha da ha hU~M phaT/ nA ga s+pho Ta s+pho Ta hU~M phaT/ nA ga bi s+pho Ta ya bi s+pho Ta ya hU~M phaT/ nA ga gardza gardza hU~M phaT/ nA ga b+hin da b+hin da hU~M phaT/ bsam gtan rdo rje thogs pa yis/ /gdul ba'i steng nas gdab par bya/ /'og tu me yi 'khor lo bsam/ /me phung chen po'i ting 'dzin gyis/ /me 'bar klong chen dkyil du gzir/ /yungs kar yungs nag ske tshe yis/ /brdeg cing khro bo'i sprul pa spro/ /khra spyang la sogs rtsa lnga'i gsob/ /gcan gzan sna tshogs mche sder dang / /mchu sder dbab cing sprul pa spro/ /myur du thar bar gdon mi za/ /le'u bcu gcig pa'o// // de nas 'phags pa gos sngon can po can gyis nyid la nyid kyis mchod pa phul ba/ hU~M rdo rje bdug pa ma/ bdag nyid dri yis rgyas mdzad ma/ /badzra d+hU pe pU dza me hU~M/ /hU~M rdo rje me tog ma/ bdag nyid yongs su bkra mdzad ma/ /badzra puSh+pe pU dza me hU~M/ hU~M rdo rje dri chab ma/ bdag nyid dngos po dag mdzad ma/ / badzra gan d+he pU dza me hU~M/ hU~M rdo rje mar me ma/ bdag nyid dkyil 'khor gsal mdzad ma/ /</font><hr>89.293b<br><font size=+1>

badzra A lo ke pU dza me hU~M/ ji srid thams cad mchod pa che/ /ji srid mchod pa bde ba che/ /ji srid mchod pa bla na med/ /ji srid mchod pa yang dag che/ /e ma ho/ le'u bcu gnyis pa'o// // de nas gzhan yang bshad bya ba/ /bcom ldan gsang ba gos sngon can/ /bsdu ba thabs kyi ting 'dzin gyis/ /'khor gyi klu rnams sdud mdzad nas/ /me yi 'khor lo snyoms zhugs tshe/ /gsad pa me yi sngags bzlas pas/ /klu rnams ma lus tshig par mdzad/ /bral nas dpag tshad gnas su bros/ /slar bsdus bdud rtsi sman gyis gsos/ /las bcol so so'i gnas su 'khod/ /de nas khams gsum rnam par rgyal/ /thal mo sbyar nas 'di skad gsol/ /me brgyad 'khor lo'i bdag nyid che/ /rtag tu me yi ting 'dzin la/ /snyoms zhugs khyod ni rgyal gyur cig /bde ba'i rol mo me klong du/ /bsregs mdzad me brgyad khyod phyag 'tshal/ /rang bzhin rnam dag khyod phyag 'tshal//dag phyag chu yi ngang la gnas 'dod na/ /chu brgyad ting 'dzin la gnas te/ /de tshe 'khor gyis 'di skad bstod/ /chu brgyad 'khor lo'i bdag nyid che/ /rtag pa chu yi dkyil 'khor can/ /'byung ba'i gtso bo chu yi bdag /chu brgyad mnga' bdag khyod phyag 'tshal/ /rlung brgyad ting 'dzin la gnas na/ /'thor zhing 'bud pa'i bdag nyid che/ /rlung chen drag po rtsal shugs ldan/ /rlung lha gos sngon khyod phyag 'tshal/ /sa yi ting 'dzin la gnas nas/ /mi g.yo brtan pa'i las mdzad pa/ /gser ldan rol mo sna tshogs ldan/ /sa brgyad 'khor lo khyod phyag 'tshal/ /le'u bcu gsum pa'o// //  de nas dpal ldan gos sngon can/ /phra mo'i ting 'dzin la gnas nas/ /'khor gyi gnod sbyin mang po kun/ /shin tu yid dga' dad pas zhus/ /phra mo'i thig le chen po yis/ /cir snang dngos po gcig tu 'dus/ /de nyid mtha' 'das rang bzhin med/ /de nas</font><hr>89.294a<br><font size=+1>

dpal ldan gos sngon can/ /'dod chags ting 'dzin la gnas pas/ /'khor gyi gnod sbyin mang po kun/ /sngangs dang dus dang brgyal ba las/ /bslang ste bla med don bstan pas/ /thams cad 'dod chags mngon sangs rgyas/ /'khor gyi sku la mngon par bstod/ /kye ho gsang bdag gos sngon can/ /bla med rdzogs pa'i klong dkyil na/ /'dod chags dag pa'i blo ldan pas/ /mngon par sangs rgyas khyod phyag 'tshal/ /le'u bcu bzhi pa'o// // de nas 'dus pa'i 'khor rnams kyis/ /'khor gyi gtso la mngon par bstod/ /lcang lo can gyi pho brang nas/ /gsang ba'i bdag po gos sngon can/ /yon tan thams cad sku la rdzogs/ /dngos med dag pa khyod phyag 'tshal/ /'khor gyi klu tshogs 'dul ba'i phyir/ /klu brgyad sku la rab brgyan nas/ /klu tshogs zhal du gsol mdzad pa/ /klu 'dul byams pa khyod phyag 'tshal/ /sna tshogs dag pa'i sku mnga' zhing / /rigs drug sde brgyad 'dul bar mdzad/ /skyon gyis ma gos rang sangs rgyas/ /thogs med kun 'dul phyag 'tshal bstod/ /ci ltar bsam pa'i dngos po kun/ /khyod las 'byung bas mi zad gter/ /sna tshogs yid bzhin 'phrul po che/ /yid bzhin nor bu khyod phyag 'tshal/ /nad dang rims kyi gshed po mdzad/ /nor dang zas kyi bdag po mdzad/ /'jigs pa kun las skyob par mdzad/ /bla med skyob mdzad khyod phyag 'tshal/ /zhes bstod nas rjes su yi rang ngo / /lha dang / klu dang / gnod sbyin dang / lha ma yin la sogs pa yang yid dga' ba'i mchod pas khyab par gyur to/ /mi la sogs pa 'jigs pa'i nyen dang ldan pa thams cad bde ba la bkod do/ /le'u bcwo lnga pa'o// //'phags pa lag na rdo rje gos sngon po can gyi cho ga rdo rje be con gyi rgyud rdzogs s+ho// //</font><hr>

</table>