J426

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J426</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J426&coll=lithang">see text in Tibetan script</a></table>88.306a<br><font size=+1>

@##/ /rgya gar skad du/  badzra dz+nyA na sa muts+tsha ya nA ma tan+t+ra/  bod skad du/  ye shes rdo rje kun las btus pa zhes bya ba'i rgyud/ sangs rgyas dang byang chub sems dpa' thams cad la phyag 'tshal lo/ /ji skad du/ bcom ldan 'das kyis ye shes rdo rje kun las btus pa'i rgyud las ji lta ba bzhin du gsungs pa'o/ /byams pa la sogs pa byang chub sems dpa' drug stong gis bcom ldan 'das la zhus pa/ bcom</font><hr>88.306b<br><font size=+1>

ldan 'das ma rigs pa dang / sems las byung ba dang / sems zhes bgyi ba ci lags/ bcom ldan 'das de bzhin gshegs pa thams cad kyi sku dang gsung dang thugs rdo rjes bka' stsal pa/ rigs kyi bu nyon cig /ye shes gsum rdo rje las yang dag par byung ba de'i phyir ye shes gsum rdo rje'i rang bzhin no/ /byams pas gsol pa/ bcom ldan 'das ye shes gsum rdo rje'i ngo bo ji ltar lags/ bcom ldan 'das kyis bka' stsal pa/ yang dag pa'i mtha' zab pa/ 'gag pa med pa/ skye ba med pa de'i rkyen gyis ma rig pa ste/ ma rig pa zhes bya ba dang snang ba nye bar thob pa dang stong pa chen po'o/ /de yang rtogs par dka' ba'o/ /'on kyang snang ba dang bcas par brjod par bya'o/ /ma rig pa'i rkyen gyis sems las byung ba ste/ de ni snang ba mched pa dang shin du stong pa zhes gsungs so/ /sems las byung ba'i rkyen gyis sems te/ de ni snang ba dang stong pa ste/ sems dang sems las byung ba dang / ma rig pa'i rang bzhin bdag med pa'o/ /gsum po de dang de 'od gsal ba las byung bas rdo rje'i rang bzhin no/ /de nas byams pa la sogs pa byang chub sems dpa' de dag thams cad ngo mtshar du gyur pas cang mi smra bar gyur to/ /de nas bcom ldan 'das de bzhin gshegs pa thams cad kyi sku dang gsung dang thugs rdo rjes/ byang chub sems dpa' chen po de rnams cang mi smra bar 'dug pa mthong nas bka' stsal pa/ rigs kyi bu ci'i phyir cang mi smra bar gyur pas 'dug /de nas byang chub sems dpa' chen po de rnams kyis bcom ldan 'das kyi zhabs gnyis la phyag 'tshal te gtugs nas gzhan yang zhus pa/ e ma'o ston pa rtog par dka' ba rnam par shes pa gsum gyi dbye ba mchog tu zab pa bcom ldan 'das bshad du gsol/ bde bar gshegs pa bshad du gsol/ bcom ldan 'das kyis bka' stsal pa/ gang 'od gsal ba las byung ba rnam par shes pa de nyid sems dang yid dang rnam par shes pa zhes bya la/ </font><hr>88.307a<br><font size=+1>

de ni chos thams cad kyi rtsa ba ste/ kun nas nyon mongs pa dang rnam par byang ba'i bdag nyid de las rtog pa gnyis su gyur te bdag dang gzhan dag tu'o/ /rnam par shes pa de'i bzhon pa rlung ngo / /rlung las me'o/ /me las chu'o/ /chu las sa'o/ de rnams las phung po lnga dang / skye mched drug dang yul lnga ste/ de dag thams cad ni rnam par shes pa rlung dang 'dres pa'o/ /de nas rnam par shes pa gsum gyi rang bzhin gyi snang ba rab tu gsal bar spyod pa rjes su myong bar byed de/ snang ba'i rgyus rang bzhin rnams yang dag par 'byung ngo / /de la 'od gsal ba gnas med pa/ 'gag pa med pa/ skye ba med pa/ don dam pa'i bden pa/ yang dag pa'i mtha' ste/ de las byung ba'i mun pa'i snang ba ni ma rig pa'o/ /de'i rang bzhin lta ba dang 'khrul pa dang rnam par g.yeng ba dang brjed ngas pa dang le lo dang mi smra ba dang mi gsal ba'o/ /ma rig pa sems las byung ba ste/ nyi ma'i snang ba lta bu dang / shin tu gsal ba'i smyig rgyu lta bu'o/ /de'i rang bzhin 'dod chags dang dga' ba dang mchog tu dga' ba dang drag po la sogs pa dang / kun rdzob tu mngon sum du skyes pa'i gzugs dang lha'i tshogs dang mtshan ma dang rdo rje'i brda'o/ /sems las byung ba las sems te/ zla ba'i snang ba dang shin tu gsal ba'i chu'i zla ba lta bu'o/ /rang bzhin ni 'dod chags dang bral ba la sogs pa'o/ /kun rdzob tu ni mngon sum gyi/ bud med dang b+ha ga dang pad+ma dang lha mo'i tshogs kyi brda'o/ /rdo rje dang pad+ma yang dag par sbyor ba las shes rab kyi ye shes byung ba las rang gi rdo rje'i 'bad pa las me'o/ /me las chu ste/ nur nur po'i rnam pa dang / de las mer mer po dang nar nar po dang gor gor po dag go /de nas 'dod chags dang bral ba'i snang ba la khrag gi gong bu mkhrang gyur rnams so/ /de khu ba dang khrag dag gis bskyed pa'o/ /de nas dbang po gnyis mnyam par sbyar</font><hr>88.307b<br><font size=+1>

ba las 'dod chags so/ /'dod chags las 'dod chags dang bral ba dang / bar ma'i 'dod chags rab tu shes par bya ste/ de'i phyir lus te/ lus las byung ba'i skyil dkrung bcing ba la sogs pa dang / gsung gi phyag rgya'i thabs su gyur pa/ A li kA li las yang dag par byung ba'i sngags dang / sems kyi phyag rgya'i thabs su gyur pa sa bon dang mtshan ma las lhar dmigs pa'o/ /gzugs la sogs pa'i yul ni dbang po gnyis snyoms par zhugs pa'i thabs su gyur pa'o/ /rdo rje dang pad+ma yang dag par sbyor ba ni sems dang sems las byung ba dag gi thabs su gyur pa'o/ /sems dang sems las byung ba mnyam par sbyar ba ni bde ba chen po'i ting nge 'dzin gyi thabs su gyur pa'o/ /de sgyu ma'i dpes nye bar mtshon pa ste/ de'i phyir sangs rgyas kyi zhing gang gA'i klung gi bye ma snyed kyi de bzhin gshegs pa rnams ni sgyu ma lta bu dang chu zla dang mig yor dang smig rgyu dang rmi lam dang sgra brnyan dang dri za'i grong khyer dang mig 'phrul dang dbang po'i gzhu dang glog dang chu bur dang / me long gi gzugs brnyan lta bu ste/ sgyu ma'i dpe bcu gnyis kyis bde ba chen po'i ting nge 'dzin nye bar mtshon par byed pa yin no/ /ji ltar 'o ma bsrubs pa las mar dang / ji ltar til las til mar te/ de bzhin du rdo rjes ni thabs kyi ye shes nye bar mtshon pa'i phyir dang / pad+mas ni shes rab kyi ye shes nye bar mtshon pa'i phyir ro/ /ji ltar 'o ma dang til dag yang dag par mngon par 'dus byas pa med par til mar mi 'byung ba de bzhin du/ sngags dang phyag rgya mngon par 'dus byas pa'i rdo rje dang pad+ma mnyam par sbyar ba med par rnam par shes pa gsum nye bar mtshon par mi nus so/ /gang gis b+ha ga dang ling ga yang dag par sbyor bar mi nus pa des ni bde ba chen po'i ting nge 'dzin mi rnyed do/ /</font><hr>88.308a<br><font size=+1>

bde ba chen po'i ting nge 'dzin 'ba' zhig la lhag par mos pa tsam gyis ni las dang po pa'i sa la gnas par 'gyur te/ phyir mi ldog pa la yang slob par 'gyur ro/ /gang rdo rje dang pad ma mnyam par sbyor ba'i bde bas rang bzhin snang ba yang dag par nye bar mtshon par byed pa de ni bde ba chen po'i go 'phang la rab tu gnas par 'gyur ro/ /'di ni sbas pa'i bshad pa'o/ /byang chub sems dpa' sems dpa' chen po rnams kyis gsol pa/ bcom ldan 'das spyi'i don ji ltar lags/ bcom ldan 'das kyis bka' stsal pa/ nyan thos la sogs pa 'dod chags dang bral ba'i chos spyod pa/ rnam par rtog pa'i bag chags las ma grol ba rnams rnal 'byor chen po'i rgyud dag tu btsun mo'i b+ha ga la bzhugs zhes bya ba la sogs pa/ 'dod chags kyi chos gsal bar byed pa ngo mtshar can gyi rdo rje'i tshig thos nas smod par byed pa de rnams dang mi 'gal ba'i sgo nas bshad pa de ni spyi'i don du bshad pa gsungs pa'o/ /byang chub sems dpa' sems dpa' chen po rnams kyis gsol pa/ bcom ldan 'das 'dod chags la spyod pa'i chos kyi tshul du mthar thug pa bshad pa ji ltar lags/ de nas bcom ldan 'das kyis bka' stsal pa/ byang chub sems dpa' rnams legs so/ /legs so/ /byang chub sems dpa' chen po snying rje mchog dang ldan pa rnams nyon cig /mtha' ni mu ste/ 'od gsal ba yang dag pa'i tshul zhes bya ba mthar thug pa'o/ /byang chub sems dpa' sems dpa' chen pos gsol pa/ bcom ldan 'das thabs gang gis mthar thug pa thob pa lags/ bcom ldan 'das kyis bka' stsal pa/ phung po dang khams dang skye mched la sogs pa'i mtha' stong pa gsum mo/ /stong pa gsum gyi mtha' 'od gsal ba'o/ /byang chub sems dpa' chen po rnams</font><hr>88.308b<br><font size=+1>

kyis gsol pa/ bcom ldan 'das stong pa gsum 'od gsal ba'i mthar ji ltar 'gyur ba lags/ bcom ldan 'das kyis bka' stsal pa/ ji ltar mes shing bsregs te thal bar byed pa de bzhin du 'od gsal bar shes rab kyi ye shes yun ring pos rnam par sbyong bar byed do/ /ji ltar ta la'i lo ma thal bar byed pa de bzhin du thabs kyi ye shes rnam par sbyong bar byed do/ /ji ltar ras bal gyi 'dab ma bsregs pa de bzhin du snang ba thob pa'i ye shes mchog tu myur bas rnam par sbyong bar byed do/ /de bas na rim pa 'dis shing ta la'i lo ma dang / ras bal gyi 'dab ma thal bar 'gyur ba de bzhin du stong pa dang / shin du stong pa dang stong pa chen po rnams mthar 'od gsal bar 'gyur ro/ /'di ni mthar thug pa'i bshad pa gsungs pa'o/ /byams pas gsol pa/ bcom ldan 'das rnal 'byor gyi rgyud du de bzhin gshegs pa thams cad kyi mtha' drug gis bshad pa ji ltar lags/ bcom ldan 'das kyis bka' stsal pa/ dgongs pas bshad pa dang / dgongs pa ma yin pas bshad pa dang / drang ba'i don dang nges pa'i don dang sgra ji bzhin pa dang sgra ji bzhin pa ma yin pa rnams so/ /byams pas gsol pa/ bcom ldan 'das thugs brtse ba nye bar gzhag ste tshig re re'i bshad pa bka' stsal du gsol/ bcom ldan 'das kyis bka' stsal pa/ gang mthar thug par bshad pa de nyid dgongs pas bshad pa ste/ 'di lta ste/ 'dod chags ma yin pa dang 'dod chags dang bral ba ma yin pa dang / bar ma nye bar mi dmigs pa zhes bya ba la sogs pa rdo rje'i tshig rnams ni dgongs pas bshad pa'o/ /lus dang ngag dang yid med pa dang bdag med pa dang thams cad stong pa dang / dag pa dang 'od gsal ba zhes bya ba la sogs pa rdo rje'i tshig ni dgongs pa ma yin pas bshad pa'o/ /ga bur dang khrag chen po dang tsan dan dmar po dang rdo rje dang pad ma dang phyag rgya zhes bya ba la sogs pa rdo rje'i tshig rnams ni drang</font><hr>88.309a<br><font size=+1>

ba'i don te/ ga bur ni khu ba dang khrag chen po ni zla mtshan gyi khrag dang tsan dan dmar po'i khu ba dang bsres pa ni tsan dan dmar po'o/ /rdo rje ni mtshan ma ste thabs so/ /pad ma ni b+ha ga ste shes rab dang phyag rgya dang btsun mo zhes bya ba la sogs pa rdo rje'i tshig rnams ni nges pa'i don to/ /gnyis ka dang spyod pa dang bya ba'i rgyud rnams su don gsal bar gsungs pa 'di lta ste/ dkyil 'khor dang mchod sbyin dang gtor ma dang sman dang zhi ba la sogs pa'i las kyi tshogs rnams dang / de bzhin du 'jig rten pa'i dngos grub chen po brgyad gsungs pa rnams ni/ sgra ji bzhin pa ste de ni yi ge'i don gyi bshad pa'o/ /ko trA khya ko trA ba ko trAH ko trA pash+tsa/ ko ti rA gA/ ko la khya/ ko la ba/ ko la ko la pash+tsa/  ko lasta tha/ 'dis dbang po dang yul gsungs te/ de lta bu la sogs pa rdo rje'i tshig rnams ni sgra ji bzhin pa ma yin pas bshad pa'o/ /byang chub sems dpa' sems dpa' chen pos gsol pa/ bcom ldan 'das rnal 'byor chen po'i rgyud dang gnyis ka'i rgyud dang / spyod pa'i rgyud dang bya ba'i rgyud dang rtog pa'i rgyud rnams kyi tshad ji ltar lags/ bcom ldan 'das kyis bka' stsal pa/ rnal 'byor chen po'i rgyud kyi ming stong phrag bcu gnyis zhes bya ste/ rgyus par phye na grangs med do/ /gnyis ka'i rgyud stong phrag drug go /spyod pa'i rgyud stong phrag brgyad do/ /bya ba'i rgyud stong phrag bzhi'o/ /rtog pa'i rgyud stong phrag bzhi'o/ /de dag ni stong phrag sum bcu rtsa bzhi ste/ rgyud dang rtog pa'i ming gi mtha' ma'i yi ge ji snyed pa ni/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+sha/ 'di dag ni ming gi yi ge'i mtha' ma rnams so/ /byang chub sems dpa' chen po rnams kyis gsol pa/ bcom ldan 'das de rnams kyi byed pa dang cho ga dang bsgrub bya dang sgrub pa de gang lags/ bcom ldan 'das kyis bka'</font><hr>88.309b<br><font size=+1>

stsal pa/ don dam pa'i bden pa las bdag byin gyis brlab pa'i rim gyis langs te 'dod chags las byung ba'i byang chub kyi gnas pa rab tu bstan pa'i phyir btsun mo'i 'khor gyi dbus su 'khor los sgyur ba'i gzugs kyi bde ba chen po'i ting nge 'dzin gyis btsun mo'i b+ha ga la yang dag par bzhugs te/ 'jig rten gyi spyod pa dang 'gal ba rmad du byung ba'i rdo rje'i tshig gi mtha' drug gang gis rab tu dpyad de bsgrub par byed pa ni rnal 'byor chen po'i rgyud la bzhugs so/ /rig pa'i lha mo rnams dang lhan cig dkyil 'khor gyi 'khor lo la dgod pa dang / de las byung ba'i byed pa dang las dang sgrub pa la sogs pa de kho na nyid rnam pa bcu rab tu dpyad de sgrub par byed pa ni gnyis ka'i rgyud la bzhugs so/ /las kyi bya ba sna tshogs phyag rgya chen po bya ba'i rgyud kyi phyag rgya dmigs pa'i mtshan nyid rab tu dpyad pas bsgrub par bya ba dang / sgrub par byed pa ni spyod pa'i rgyud la bzhugs so/ /'jigs par dmigs shing shin du gtsang sbra byed pa dang / ye shes sems dpa'i bde ba dam pa med pa dang / bdag nyid lha'i bsnyems pa med pa dang / rmad du byung ba'i spyod yul ma yin pa dang / skyon gyi rgyu'i rtog pas rab tu dpyod pas sgrub par byed pa ni bya ba'i rgyud la bzhugs so/ /sngags dang sman dang sbyin sreg dang / phye ma dang mig sman dang rkang mgyogs la sogs pa dngos grub chen po brgyad rab tu dpyad pa sgrub par byed pa ni rtog pa'i brgyud la bzhugs so/ /byang chub sems dpa' chen po rnams kyis gsol pa/ bcom ldan 'das rgyan rnam pa bdun ji ltar lags/ bcom ldan 'das kyis bka' stsal pa/ gleng bslang ba rnam pa lnga dang mtha' drug gis bshad pa dang / rigs pa rnam pa bzhi dang / bshad pa rnam pa bzhi dang dbye ba rnam pa gnyis dang / gang zag rnam pa lnga'i slob ma brtag pa dang bden pa rnam pa gnyis kyi dgongs</font><hr>88.310a<br><font size=+1>

pa rnams so/ /gleng bslang ba rnam pa lnga ni 'di lta ste/ ming dang gang gi don du byas pa dang byed pa po dang tshad dang dgos pa rnams so/ /mtha' drug tu bshad pa ni 'di lta ste/ dgongs pas bshad pa dang dgongs pa ma yin pas bshad pa dang drang ba'i don dang nges pa'i don dang sgra ji bzhin pa dang sgra ji bzhin pa ma yin pa rnams so/ /rigs pa rnam pa bzhi ni rgyud dang gleng gzhi dang nges tshig dang rgyu rnams so/ /bshad pa rnam pa bzhi ni yi ge'i don dang spyi'i don dang sbas pa dang mthar thug pa rnams so/ /dbye ba rnam pa gnyis ni 'di lta ste/ tshogs la bshad pa dang slob ma la bshad pa'o/ /gang zag rnam pa lnga'i slob ma brtag pa ni 'di lta ste/ rin po che dang tsan dan dang pad ma dang pad ma dkar po dang ut+pa la rnams so/ /bden pa rnam pa gnyis kyi dgongs pa ni 'di lta ste/ kun rdzob kyi bden pa dang don dam pa'i bden pa'o/ /rigs kyi bu kun rdzob ni mi brtan pa dang g.yo ba'o/ /de'i bden pa ni chu zla lta bu'o/ /don dam pa'i bden pa ni stong pa chen po bcwa brgyad do/ /de'i mtha' ni gnas so/ /byang chub sems dpa' rnams kyis gsol pa/ /don dam pa'i bden pa la rab tu gnas pa'i rnal 'byor chen po bas las kyi rgyal po mchog gi ting nge 'dzin la brten nas sems can gyi don ji ltar rab tu spyod par bgyid/ bcom ldan 'das kyis bka' stsal pa/ ji srid du zhi ba la sogs pa'i las kyis sems can gyi don mi byed pa de srid du yang dag pa'i mtha' la rab tu gnas par 'gyur ro/ /gang du sems can gyi don bya bar mthong ba de'i tshe bdag byin gyis brlab pa'i rim pas yang dag pa'i mtha' las langs te sems can gyi don byas nas yang dag pa'i mtha' nyid du 'jug par byed do/ /de nas byams pa la sogs pa byang chub sems dpa' chen po rnams dga' zhing mgu la yi rangs te dga' ba dang yid bde ba skyes nas cang mi smra bar gyur to/ /</font><hr>88.310b<br><font size=+1>

ye shes rdo rje kun las btus pa zhes bya ba rnal 'byor chen po'i rgyud las bde ba chen po'i le'u ste rim par phye ba gnyis pa'o/ /rdzogs s+ho// // rgya gar gyi mkhan po dz+nyA na ka ra'i zhal snga nas dang / zhu chen gyi lo ts+cha ba khu ston dngos grub kyis bsgyur/ slad nas bla ma de nyid dang / dge slong tshul khrims rgyal bas zhus shing gtan la phab pa/ /ye shes rdo rje kun las btus/ /rnal 'byor chen po'i gsal byed yin/ /ye shes rang bzhin 'khor ba dang / /mya ngan 'das pa'i ngo bo'o/ /de gnyis dbyer med rdo rje ste/ /kun 'dir 'dus pas kun las btus/ /de ston pa la der btags nas/ /gzhung la'ang ming don 'tsham pa yin// //lan gnyis zhus/ / </font><hr>

</table>