J424

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J424</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J424&coll=lithang">see text in Tibetan script</a></table>88.177a<br><font size=+1>

@#/ /rgya gar skad du/  shrI badzra mA la a b+hi dA na ma hA yo ga tan tra sarba tan tra hri da ya ra ha s+ya bi ka Ta~M i ti/  bod skad du/  rnal 'byor chen po'i rgyud dpal rdo rje phreng ba mngon par brjod pa rgyud thams cad kyi snying po gsang ba rnam par phye ba zhes bya ba/ 'phags pa 'jam dpal gzhon nur gyur pa la phyag 'tshal lo/ /bcom ldan 'das rnam par snang mdzad chen po la phyag 'tshal lo/ /dpal rdo rje mkha' 'gro la phyag 'tshal lo/ /dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga rnams la tshad med pa'i phyag rgya chen pos mngon par rtogs pas bzhugs te/ dpag tu med</font><hr>88.177b<br><font size=+1>

pa'i rdo rje'i rigs dang 'brel ba'i byang chub sems dpa' bye ba khrag khrig brgya stong du ma dang thabs gcig tu thams cad kyi phyag rgya chen po mngon par rtogs pa mngon du bya ba la bzhugs pa/ gnyis su med pa'i bde ba chen po nyams su myong bas dgyes pas mchog tu pad ma dgyes pa/ chos thams cad kyang ji lta ba bzhin nyams su myong ba mthong bas rnam par mi rtog pa'i ye shes kyi de kho na nyid la mngon du phyogs pa/ rdo rje 'chang chen po'i dam tshig bla na med pa'i dbang du gyur pa la rab tu mkhas pa 'di lta ste/ byang chub sems dpa' sems dpa' chen po dam tshig rdo rje dang / byang chub sems dpa' sems dpa' chen po zhe sdang rdo rje dang / byang chub sems dpa' sems dpa' chen po chags pa rdo rje dang / byang chub sems dpa' sems dpa' chen po rdo rje las dang / byang chub sems dpa' sems dpa' chen po rdo rje ye shes dang / byang chub sems dpa' sems dpa' chen po sa rdo rje dang / byang chub sems dpa' sems dpa' chen po chu rdo rje dang / byang chub sems dpa' sems dpa' chen po me rdo rje dang / byang chub sems dpa' sems dpa' chen po rlung rdo rje dang / de lta bu rnams gtso bor gyur pa dam tshig chen po'i rigs dang 'brel ba byang chub sems dpa' stong phrag bdun bcu rtsa gnyis dang / gzhan yang rigs chen po dang 'brel pa'i byang chub sems dpa' bye ba khrag khrig brgya stong la ni 'di lta ste/ byang chub sems dpa' sems dpa' chen po nam mkha' la 'gro ba dang / byang chub sems dpa' sems dpa' chen po nam mkha' rnam par rgyas pa dang / byang chub sems</font><hr>88.178a<br><font size=+1>

dpa' sems dpa' chen po nam mkha'i zla ba dang / byang chub sems dpa' sems dpa' chen po nam mkha'i gtsug tor dang / byang chub sems dpa' sems dpa' chen po mtshams rnams kyis nges par grol ba dang / byang chub sems dpa' sems dpa' chen po rdo rje sems dpa' dang / byang chub sems dpa' sems dpa' chen po rdo rje snying po dang / byang chub sems dpa' sems dpa' chen po rdo rje blo gros dang / byang chub sems dpa' sems dpa' chen po lag na rdo rje dang / byang chub sems dpa' sems dpa' chen po rdo rje rgyal po dang / byang chub sems dpa' sems dpa' chen po rdo rje dam tshig dang / byang chub sems dpa' sems dpa' chen po rdo rje chos dang / byang chub sems dpa' sems dpa' chen po rdo rje longs spyod dang / byang chub sems dpa' sems dpa' chen po rdo rje spyi bo dang / byang chub sems dpa' sems dpa' chen po rab kyi rtsal gyis rnam par gnon pa dang / byang chub sems dpa' sems dpa' chen po rnam rtog med pa'i spyin gtsug dang / byang chub sems dpa' sems dpa' chen po rnam rtog med pa'i sgra dang / byang chub sems dpa' sems dpa' chen po rnam rtog med pa'i chos dang / byang chub sems dpa' sems dpa' chen po rnam rtog med pa'i dam tshig dang / byang chub sems dpa' sems dpa' chen po dga' ba'i rdo rje dang / byang chub sems dpa' sems dpa' chen po rab tu dga' ba'i rdo rje dang / byang chub sems dpa' sems dpa' chen po sna tshogs dga' ba'i rdo rje dang / byang chub sems dpa' sems dpa' chen po lhan cig skyes pa'i rdo rje dang / gzhan yang dpag tu med pa'i rdo rje'i theg pas lhag par</font><hr>88.178b<br><font size=+1>

grol ba'i byang chub sems dpa' sems dpa' chen po rnams dang thabs gcig tu bzhugs so/ /bcom ldan 'das de yang chos kyi 'khor lo ni shin tu bskor/ sangs rgyas kyi mdzad pa shin du yongs su mthar phyin/ bsod nams dang ye shes kyi tshogs ni shin tu yongs su rdzogs pa de 'khor la zhal rab tu 'dzum par bcas pas bzhugs so/ /de nas bcom ldan 'das kyis byang chub sems dpa' sems dpa' chen po'i 'khor rgya chen po rnams la gzigs nas/ de dag snod du rung bar bya ba'i phyir rdo rje phreng ba mngon par byang chub pa'i rdo rje theg pa zhes bya ba'i ting nge 'dzin la snyoms par zhugs nas/ ba spu'i bu ga thams cad las 'od zer gyi dra ba chen po bkye ste bzhugs so/ /'od zer gyi dra ba chen po des kyang byang chub sems dpa' sems dpa' chen po de rnams la reg pas mchog tu dga' ba thob pa ni gnyis su med pa'i sbyor ba dang ldan pa'i bcom ldan 'das rdo rje 'chang chen po ji lta ba bzhin no/ /de nas byang chub sems dpa' sems dpa' chen po de dag nyid dga' ba dang bde ba dang mchog tu mgu ba skyes nas brgyal bar gyur to/ /de nas yang de'i dus su bcom ldan 'das kyi mdzod spur 'od zer gyi dra ba chen po bsdus par gyur to/ /bsdus pa de yang rdo rje'i lam nas lcags kyu'i rnam pa can gyi 'od zer chen po nye bar phyung bar gyur pa des brgyal ba de dag la reg nas rdo rje phreng ba lta bu nyid rdo rje'i lam nas gtsug tor gyi 'khor lo la zhugs nas gnas so/ /slar yang byang chub sems dpa' sems dpa' chen po de dag bde ba chen po rjes su myong bar gyur te/ rdo rje'i yi ge hU~M brjod pa de nyid kyis bde ba chen po de nyid nyams su myong ba nyid kyi thugs ka'i lte ba'i</font><hr>88.179a<br><font size=+1>

rtsa sbubs nas 'od zer chen po phyung ste rang rang gi stan la 'khod par gyur to/ /de nas de rnams chu'i gting nas 'thon pa lta bur sems dga' ba skyes te/ bcom ldan 'das kyi ngo mtshar chen po'i cho 'phrul mthong nas shin tu mig gdangs te/ bcom ldan 'das la dbyangs gcig gis yang dag par bstod do/ /bcom ldan ro gcig gyur pa yi/ /lhan cig skyes pa'i dga' bas rgyas/ /bcom ldan mchog tu ngal bso kye/ /ngag gi lam gyi spyod yul 'das/ /bcom ldan nyid kyi dgyes nyams ltar/ /'gro ba gsum po yang dag bde/ /e ma'o lhan cig skyes bdud rtsi/ /ro bsten thugs rje chen po skye/ /bcom ldan 'das sems can thams cad kyi/ /sems can don kun gsal bar mdzad/ /de nyid gsum gyi ro gcig pa/ /phyag rgya chen po rab dbye ba/ /bcom ldan rnal 'byor che la dgyes/ /'ching ba thams cad gcod mdzad kyi/ /bcom ldan dgyes pa cher mdzad cing / /'gro ba skal bzang nges par mdzad/ /e ma'o rdo rje theg pa bde/ /rab tu dga' zhing mgu ba stsol/ /e ma'o sngags ni rab rgyas pa/ /rang byung go 'phang sgrub pa po/ /e ma'o shin tu zab mo'i chos/ /dmigs pa med par ston par mdzad/ /e ma'o rdo rje 'chang chen gtso/ /gsang ba'i bdag po shin tu gsang / /e ma'o mchog tu byang chub pa/ /e ma'o spros pa rnam spangs shing / /bden pa'i don ni gsal mdzad pa/ /theg pa'i sgron mas snang bar mdzad/ /mgon po bdag cag khyed drin gyis/ /rdo rje sems dpa'i go 'phang thob/ /mgon po bdag cag lam log zhugs/ /khyed gyis yang dag lam la bkod/ /mgon po bdag cag mun par 'thoms/ /ye shes snang ba thob par mdzad/ /dam tshig rdo rje nyi ma</font><hr>88.179b<br><font size=+1>

kyai/ /phyag rgya chen po'i don ston mdzad/ /bcom ldan khyod la phyag 'tshal bstod/ /thugs rje'i phyag rgya che bdag nyid/ /phyag 'tshal gnyis med dga' ba'i mkha'/ /dga' ba'i zla ba khyed la 'dud/ /ces bya ba la sogs pa'i tshigs su bcad pas bcom ldan 'das la bstod pa mdzad nas slar yang 'dus par gyur te/ rdo rje'i phreng ba mngon par brjod pa zhes bya ba shin tu phra ba'i sa ji lta ba'i ngo bo 'dri bar 'dod nas yid la byed pa gcig pa dang / sems rtse gcig gis dga' bar byed pa'i gsung nyan par 'dod nas ba spu ldang ba dang dbugs g.yo ba dang bcas pas yang dang yang du bcom ldan 'das la phyag byed cing rang gi stan la 'khod nas sems re dogs dang bcas pas gnas so/ /bcom ldan 'das kyis de rnams kyi de lta bu'i sems kyi rtog pa thugs kyis mkhyen nas slar yang rdo rje phreng ba mngon par byang chub pa zhes bya ba'i ting nge 'dzin la snyoms par zhugs nas gsang ba'i rdo rje las rang gi rig ma 'phyung ste/ sgeg pa la sogs pa'i nyams dang ldan pa bdag nyid kyis 'dod chags dang bral ba'i gzugs spangs nas sgeg pa la sogs pa'i nyams dang ldan pa'i gzugs blangs nas rang rang gi rig ma la 'khyud de/ phyag rgya chen po'i rnal 'byor la rjes su zhugs nas/ slar yang de dag de lta bu'i gzugs nyid du mthong ste ngo mtshar skyes nas mig gdangs te ri mo'i bkod pa lta bur mthong ba nyid kyis ci yang mi smra bar gyur pas de la 'khor rnams yang dag par 'khod par gyur to/ /de nas bcom ldan 'das rang gi rig ma yang dag par bskul te/ phyag rgya chen po'i rnal 'byor dor nas nyid kyi sku gsung</font><hr>88.180a<br><font size=+1>

thugs rdo rje las rdo rje btsun mo rdo rje rigs kyi snying po 'di gsungs so/ /o~M AHhU~M/ de nas de skad du gsungs ma thag tu bcom ldan 'das kyi ba spu'i bu' ga las de bzhin gshegs pa thams cad dang / rig ma dang byang chub sems dpa' dang / khro bo'i rgyal po rnams phyung bar gyur to/ /phyung nas kyang bcom ldan 'das kyi shar la sogs pa'i phyogs su rang rang gi stan la gnas par gyur te/ kha cig ni rnam par snang mdzad kyi gzugs kyis so/ /kha cig ni rin chen 'byung ldan gyi gzugs kyis so/ /kha cig ni 'od dpag tu med pa'i gzugs kyis so/ /ji srid gnod mdzes rgyal po dang gtsug tor 'khor los sgyur ba'i rgyal po'i bar gyis gzugs kyis so/ /de nas bcom ldan 'das cung zad cig ci yang mi gsung bar bzhugs so/ /gang gi tshe byang chub sems dpa' de dag thams cad kyis dbyangs cig gis ched du brjod nas smras pa ni/ e ma'o rdo rje rigs chen po/ /rdo rje phreng ba'i don ston mdzad/ /e ma'o rdo rje theg gsal ba/ /chos kyi dbyings kyi don ston mdzad/ /ces lan gsum brjod nas de dag gis rdo rje 'chang chen po la phyag 'tshal nas 'dug par gyur to/ /de nas de'i tshe skad cig thang gcig yud tsam de la byang chub sems dpa' sems dpa' chen po'i 'khor rgya chen po 'dus pa de dag mthong nas phyag na rdo rjes bcom ldan 'das la phyag 'tshal nas 'di skad ces gsol to/ /bcom ldan ye shes rdor dbang phyug /gsang ba'i pad ma'i nang bzhugs pa/ /dam tshig chen po'i rnal 'byor dbang / /thugs rjes bdag gi tshig gson cig /bskal pa bzang po'i sangs rgyas</font><hr>88.180b<br><font size=+1>

rnams/ /rdo rje theg pa mngon 'dod pa/ /byang chub sems dpa' sems dpa' che/ /'di dag lus kyis phyag 'tshal 'khod/ /snyigs ma lnga yi dus na ni/ /ma 'ongs pa yi sems can rnams/ /brtson 'grus chung zhing bsod nams chung / /lta ba ngan pa mang po dang / /tshe thung ba yi sems can rnams/ /go 'phang mchog ni thob cing zhu/ /rgyal ba'i sras ni de dag dang / /ma 'ongs pa yi sems can rnams/ /'khor ba las ni pha rol du/ /gang gis myur du thar bar 'gyur/ /gtso bo rdo rje 'chang chen la/ /'di ltar bdag ni gsol ba 'debs/ /'gro ba'i gtso bo khyod drin gyis/ /de nyid mchog ni bdag gis 'tshal/ /sangs rgyas kun gyi gsang ba yi/ /rgyud rnams kun gyi don bsdus pa/ /bla na med pa'i rim pa gnyis/ /rdo rje phreng ba mngon rtogs pa/ /cung zad 'dri bar 'tshal lags kyis/ /rdzogs pa'i rim pa'i rnal 'byor gyis/ /khyod kyis bdag la bstan du gsol/ /dpal ldan 'dus par brda tsam gang / /rnal 'byor bla na med rgyud du/ /thub pa chen pos chos phung po/ /brgyad khri dang ni bzhi stong ngo / /de skad smras nas mdun 'dug ste/ /lus kyis phyag ni byas nas kyang / /ye shes chen po bcom ldan 'das/ /rdo rje sems dpa' 'gro ba'i bla/ /rdo rje gsum ni ro gcig don/ /de nyid gsum gyi go 'phang ston/ /rnal 'byor rgyud kyi sbas pa'i don/ /bdag la bstan par mdzad du gsol/ /rdo rje phreng ba'i ming ni ci/ /'dus pa ci zhig stong ba ci/ /thig le'i dbye ba dang ni sgra/ /gsang ba dang ni dam tshig dang / /sdom pa dang ni sgra tsam dang / /rlung gi de nyid bde chen ci/ /rdo rje pad mo mnyam sbyor dang / /sngags kyi de nyid rnal 'byor pa/ /rlung rnams dang ni 'khor lo dang / /grangs ni ci tsam gang</font><hr>88.181a<br><font size=+1>

du gnas/ /rnal 'byor lus la rtsa gang lags/ /rnam pa sna tshogs sogs skad cig /dga' ba bzhi dang rdzas dang ni/ /sngags dang rlung dang thig le dang / /yi ge gsum gang de nyid gsum/ /de bzhin sna yi rtse mo gsum/ /lus kyi stong nyid ye shes dang / /lha rnams kyang ni ji ltar gnas/ /de rnams kyi ni ming ni ci/ /'char ba dang ni nub pa ci/ /mgon po dga' rnams ji ltar ni/ /yang dag skye ba gsal bar gsungs/ /sngar bshad rtsa rnams rtag tu ni/ /rdo rje'i lus la ji ltar rgyu/ /mtshams kyi rtsa gsum de dag ni/ /gtso bo ru ni ji ltar gsungs/ /rlung rnams ji ltar ldang ba dang / /gtso bo de rnams ji ltar thim/ /de ni mkha' 'gro mar sdud pa/ /gtso bo ji ltar yang dag 'thob/ /rnam rtog rlung ni rab bcad nas/ /rnam rtog med par ji ltar 'char/ /rtsa rnams ji ltar nub pa dang / /sbyor ba drug gis ji ltar rtsom/ /dus kyi mtshan nyid ji lta bu/ /gsang ba'i yang ni 'bras bu ci/ /chos kyi dbyings kyi rdo rje dang / /rigs kyi dbye ba ji lta bu/ /phyag rgya'i dbye ba ji tsam zhig /phung po la sogs skye mched dang / /phyag rgya chen po'i ming ni ci/ /ro rnams kyi ni dbye ba dang / /bdag gi sgra ni gang la gnas/ /stong nyid dbye ba bsdus pa dang / /stong pa nyid ni gang du skye/ /nyin mo dang ni mtshan mo gang / /A li kA li brda dang ni/ /mtshams kyi 'char ba ji lta bu/ /rgyud gsungs sngon ni bsnyems pa sogs/ /cho ga nyi shu'i las dang ni/ /rgyu mtshan ci zhig 'bras bu'ang ci/ /mchod pa'i cho ga ji ltar gsungs/ /de bzhin lha mo'i rang bzhin dang / /lha mo'i ming ni ji ltar gsungs/ /rgyud du thog mar gsungs pa yi/ /'di skad bdag sogs</font><hr>88.181b<br><font size=+1>

ji lta bu/ /'di skad ces sogs dang po'i ngag /don rgyas par ni ji ltar 'gyur/ /nang gi bdag nyid sbyin bsreg ci/ /bdud rtsi lnga ni bza' ba dang / /rnal 'byor ma tshogs 'dus pa dang / /de bzhin gsang ba'i brda dang ni/ /sku gsung thugs kyi rdo rje yi/ /dkyil 'khor rnams ni ji ltar gsungs/ /sangs rgyas dam chos dge 'dun gyi/ /ming rnams bshad pa ji lta bu/ /bla ma ston pa slob dpon dang / /rdo rje 'chang ni bshad pa ci/ /slob ma'i yon tan gang ldan na/ /rnal 'byor rgyud kyi snod du 'gyur/ /de yi spyod pa'i dbye ba du/ /de yi 'bras bu ji lta bu/ /zhi ba rgyas pa dbang dang ni/ /de bzhin bsad dang bskrad pa dang / /rengs par byed pa nyid dang ni/ /ji ltar bsgrub par sbyor ba dang / /bsgrub bya la ni mngon spyod dang / /sngags kyi tshig ni ci zhig dang / /mgon po khro bo'i bzlas pa ci/ /dngos grub brgyad ni thob pa dang / /mngon shes lnga ni ji ltar thob/ /rnal 'byor rnams kyis de nyid mthong / /skad cig gcig la mngon byang chub/ /lus brtan pa dang rgas pa med/ /bcud kyis len gyi sbyor ba dang / /gser 'gyur sogs kyi sbyor ba dang / /rdo rje'i phyag rgya dngos grub che/ /'gro ba'i bla ma ji ltar 'thob/ /lus kyi rang bzhin gzhal yas khang / /de ni rang bzhin ji lta bu/ /'dis ni gnas sogs ji ltar gnas/ /thim dang longs spyod bdag po dang / /rlung ni gang gi mtshan nyid ci/ /de dag 'jig par ji ltar 'gyur/ /de ltar dri tshig rdzogs pa dang / /lag na rdo rje thal sbyar te/ /'gro ba'i bla ma'i mdun 'dug nas/ /lus kyis phyag byas de nas ni/ /gtso bos rdo rje sems dpa' la/ /legs so bya ba byin nas ni/ /tshangs dbyangs zab mo snyan pa yis/ /'gro ba'i mgon pos gsungs pa yin/ /rnal 'byor chen po'i</font><hr>88.182a<br><font size=+1>

rgyud dpal rdo rje phreng ba mngon par rtogs pa las gsol ba gdab pa dang dri ba dang / slob ma'i las nyid la sogs pa rgyud kyi gleng gzhi'i le'u zhes bya ba ste dang po'o// // de nas bcom ldan rdo rjes gsungs/ /de nyid gsung gis 'gro mgon gyis/ /lag na rdo rje la bos te/ /yang dag dris pa nges bshad pa/ /snying po'i don ni don bsdus pa/ /dbye bar dka' ba'i dngos po kun/ /khyod kyis dri bar byas pa rnams/ /rdo rje dbang phyug gsang chen bdag /bya ba spyod pa'i rgyud rnams dang / /rnal 'byor rgyud ni gang du yang / /mchog tu gsang ba ma gsungs pa/ /rdo rje'i dbang phyug de nyid mchog /dris pa'i lan rnams gsal por ni/ /nges par nga yis rab bshad bya/ /skad cig gis ni spyan phye la/ /mchog tu rmad byung ston mdzad la/ /thugs rjes khyab pas de skad gsungs/ /de phyir khyod ni legs par nyon/ /de nas bcom ldan 'das thugs rjes thugs brlan cing the tshom thams cad gcod pa la phyag na rdo rjes gsol ba btab ste mchog tu gsang ba'i tshig gis bshad pa gsungs pa ni/ dbang bskur ba ni gtso bo ste/ /dngos grub thams cad rtag tu gnas/ /nga yis ji bzhin don bshad kyis/ /de phyir thog mar yang dag nyon/ /thog mar slob ma gang gi tshe/ /blo ldan yang dag dbang bskur na/ /rdzogs pa'i rim pa'i rnal 'byor la/ /de yi tshe na snod du 'gyur/ /yang dag dbang bskur gyis dben na/ /sgrub pos rgyud kyi don shes kyang / /slob dpon slob mar mtshungs par ni/ /mi bzad dmyal ba chen por 'gro/ /de phyir yang dag bla ma ni/ /rab tu gus pas bsnyen bkur bya/ /dbang bskur thob cing de nyid</font><hr>88.182b<br><font size=+1>

shes/ /blo ldan snying rje'i bdag nyid can/ /zab cing rgya che dri ma med/ /gnod dang 'tshe ba rnam par spangs/ /skal bzang lus ni rdzogs pa dang / /mtshan dang dpe byad rnam par brgyan/ /chags pa che la gcig tu dga'/ /yul la phrag dog rnam par spangs/ /bag yod rtag tu dga' ba dang / /rnal 'byor ma yi mngal nas skyes/ /rdo rje theg pa gcig tu mos/ /theg pa dman la rgyab kyis phyogs/ /de la sogs pa'i yon tan ldan/ /bla ma slob mas bsnyen bkur bya/ /yang dag bla ma rnyen nas ni/ /slob ma'i rang bzhin dri ma rnams/ /dag dang rtogs dang smin byas nas/ /ji bzhin ye shes bzang dang ldan/ /ji ltar rin chen bdar ba dang / /gser ni bsregs dang bcad pas brtag /de bzhin du ni slob ma yang / /lo ni bcu gnyis bar du brtag /de phyir phan tshun de lta bus/ /dus kun du ni de ltar brtag /gzhan du bgegs ni 'byung 'gyur te/ /dngos grub 'joms shing sdug bsngal ster/ /dug ni sngags kyis 'joms pa bzhin/ /sngags kyi dag byas bcud len byed/ /de phyir 'bad pa thams cad kyis/ /sngags kyi slob ma rtogs byas nas/ /bla ma dbang bskur la sogs kyis/ /dngos grub phyir ni ji lta'i don/ /de phyir dbang bskur slob ma ni/ /ma dag pa yang dag par 'gyur/ /rdo rje sems dpa' bde chen la/ /de la lag na rdo rjes zhus/ /dbang bskur ji ltar rgyud du ni/ /gtso bo ru ni gsungs pa lags/ /rdo rje sems dpa' thams cad mkhyen/ /the tshom thams cad gcod mdzad pa/ /de kho na nyid mkhyen pas ni/ /lag na rdo rje la gsungs pa/ /don de ji lta ba bzhin du/ /nga yis yang dag</font><hr>88.183a<br><font size=+1>

bshad kyis nyon/ /dbang bskur ba yi dbye ba ni/ /dang po'i dbang ni gtso bo ste/ /gnyis pa gsang ba'i ming can no/ /gsum pa kun nas sbyor ba ste/ /bzhi pa'i don ni dam pa'o/ /gtso bo dbye ba bcu gcig ste/ /bcu gnyis pa ni gsang ba'o/ /bcu gsum pa ni yang dag sbyor/ /bcu bzhi pa ni don dam ste/ /dbang bskur re re sa re'o/ /rnam pa gsum ni rgyu yi dbang / /bzhi pa 'bras bur shes par bya/ /dga' ba la sogs rim pa yis/ /thams cad la ni nga yis khyab/ /mar ngo yi ni tshes gsum dang / /de bzhin tshes bcu tshes bcu bzhi/ /yon tan bzang ldan slob ma la/ /bla mas cho ga bzhin dbang bskur/ /lus phra lo ni bcu drug lon/ /gzugs dang skal ba dag gis brgyan/ /sngo bsangs mig ni yangs pa dang / /snying rje'i bsam ldan yang dag mos/ /dge snyan dbang bskur thob pa dang / /rnal 'byor rgyud la lhag par mos/ /yang na lo ni nyi shu lon/ /nyams dga' bde bar byed pa ste/ /de las lhag par skal med 'gyur/ /de ni dngos grub ring du byed/ /lhag par 'jam pa'i bu mo la/ /chung ma'am yang na sring mo 'am/ /yang na bu mo'am dad pa yis/ /bla ma la ni dbul bar bya/ /gser dang rin chen gos dang ni/ /mu tig phreng ba sna tshogs pas/ /mchod nas bla ma'i mdun 'dug nas/ /slob ma yis ni 'di skad brjod/ /deng nas brtsams te bdag bran du/ /gtso bos bdag ni mchod pa bzhes/ /de lta'i rnam pas mnyes nas ni/ /bdag nyid kun gyis bla ma mchod/ /bla ma'i ngo bo rdo rje 'chang / /de phyir yang dag bla ma mchod/ /de nas bcom ldan yum phyag rgya/ /yang dag mchod nas bsten par bya/ /bsten pa las ni gang byung ba/ /ltung ba skal bzang kha la ni/ /sbom po tha ltag sbyor ba yis/ /yang dag par ni longs spyod bya/ /</font><hr>88.183b<br><font size=+1>

de las skyes pa'i ye shes ni/ /bde ba chen po rang rig pa/ /dbyung rngub pa ni ro gcig cing / /rab tu dga' bas mchod par bya/ /hU~M phaT sngags kyi nor bu'i sgor/ /bkod de rdo rje rab bskyod bya/ /dga' rnams ji lta ba bzhin du/ /skad cig de la skyes gyur pa/ /dga' ba'i sems kyis bde ba la/ /rdo rje btsun mo'i kha nas brjod/ /de yang slob ma'i lag tu ni/ /gtad nas gsal bar 'di skad brjod/ /ji ltar pad mchod bya ba ni/ /byas la e ba~M mchog gi gdong / /gang phyir rdo rje dbyings dbang phyug /rang nyid 'di yi snying la zhugs/ /thabs gzhan gyis ni sangs rgyas nyid/ /rnal 'byor pa yis thob mi 'gyur/ /shin du phra ba'i dngos de yang / /bde chen rnal 'byor pa yis rtogs/ /rab tu 'bad pas bsten par bgyis/ /lhan cig skyes dga'i mtshan nyid ni/ /dbang bskur gtso bor gyur pas na/ /thams cad ji lta ba bzhin thob/ /rnal 'byor chen po'i rgyud dpal rdo rje phreng ba mngon par rtogs pa las slob dpon dang slob ma brtag pa dang dbang bskur ba'i le'u ste gnyis pa'o// // de nas de nyid gzhan yang nyon/ /rdo rje phreng ba'i don gsal ba/ /rgyud rnams kun du sbas pa ni/ /dri ba gzhan la brjod mi bya/ /rdo rje phreng ba zhes bya'i ming / /de yang sa ni bcu gsum pa/ /dga' ba bzhi yi don gyi gnas/ /thams cad stong pa dga' ba ste/ /ngag gi spyod yul rnams las 'das/ /gnyis pa thams cad rnam par spangs/ /skal bzang rnal 'byor kun gyi mtha'/ /rnal 'byor ma yi ngag gi yul/ /stong nyid ye shes rdo rje dang / /rdo rje phreng ba zhes bshad do/ /stong</font><hr>88.184a<br><font size=+1>

nyid rdo rje gsang pad ma/ /rtsa ni rdo rje dbyings dbang phyug /ye shes mchog tu bde ba che/ /lhan cig skyes dga' rmad byung ba/ /rdo rje de yang rnam rtog rnams/ /'bigs par byed par yongs su grags/ /phreng ba de rnams kyi yang rgyun/ /byang chub sems kyi rdo rje rnams/ /mi phyed pas ni rdo rjer gsungs/ /rgyud rnams kun du sbas pa ni/ /gang yang rung bas brjod mi bya/ /de ni dbugs su yongs su grags/ /phreng ba rgyun ni mi 'chad par/ /dga' ba rab 'bab bdag nyid kyis/ /rnam rtog rlung kun 'bigs par byed/ /rlung la 'bigs par mi nus so/ /nyin dang mtshan mo rtag tu ni/ /brgya dang brgyad lhag gsal bar yang / /rnam rtog rang bzhin rlung rnams ni/ /'char ba dang ni 'joms pa dag /ji lta ba bzhin rab dbye yis/ /rlung rnams kyi ni ming nyon cig /btang bzung dang ni dung phyur dang / /myos pa dang ni blo ngan dang / /bsil byed dang ni g.yab sa dang / /ngar rnams dang ni sta re dang / /gzegs pa chu srin dza sha dang / /rnam par gtsigs dang myos pa'i dus/ /'dod myos chu ba chu srin dang / /sna tshogs skyed dang 'dud pa dang / /snyems dang rnga dang sgra sgrogs dang / /rlung lha dang ni gnad 'bigs dang / /me dang dus dang ci bgyi dang / /rdo rje mchog sbyin tsu ta dang / /sbra ma dang ni zla ba'i 'od/ /kam po dza dang ral pa can/ /yungs nag rab bkram dus 'gugs dang / /sdig pa dang ni g.yon can sten/ /grims mo dang ni mgrin pa dang / /kun sel mchog ster smyo byed dang / /nga rgyal mtsho dang tshogs bdag dang / /rtsangs pa dang ni sa yi blo/ /theg pa bzang dang mchog tu skyes/ /dri med phru gu nyi ma dang / /gsal byed dang ni nyi ma gnon/ /stobs bzhin nga</font><hr>88.184b<br><font size=+1>

ro dang ni dus/ /sdom pa dang ni mchongs nas 'gro/ /sbrang ma khyi dang mtshan ma dang / /thod dang sgur po drang po dang / /sa dang sa la 'gro ma dang / /bram ze dang ni sna 'gyur gnas/ /ma mo'i rigs dang lce bskyod pa/ /mi smra dang ni rnga sgra'i sprin/ /dga' bar byed dang mig yangs dang / /dri med 'od bsrung ne tso dang / /sna tshogs mchu dang mig mnyam dang / /mdzes dang chos kyi dbyig pa dang / /'gro kun snying stobs brtan pa dang / /za phod bong bu snyom las dang / /kha gdangs sgra chen stobs kyis rtse/ /rtsa bran dbang byed g.yo sgyu can/ /gtso bo che dang rtag tu dga'/ /glog phreng dang ni dga' byed dang / /dbugs dbyung ra ga lce dang ni/ /bde mchog u dum ba ra rmongs/ /pad ma'i dra ba pad ma bskor/ /dgra sta rma bya rlung dang ni/ /rdo rje dbang phyug rlung gi ming / /de ltar nga yis bstan pa yin/ /bcom ldan dris pa'i rlung rnams kyi/ /gnas rnams kyi ni dbye ba yis/ /de dag gang las ldang ba dang / /mched pa rnams su bgyid pa lags/ /bcom ldan rdo rje can gyis gsungs/ /rlung gi gnas kyi mtshan nyid ni/ /'khor lo drug la khyab pa'i rlung / /chos kyi 'khor lo rtag tu gnas/ /srog ces bya bas 'gro la khyab/ /rnam rtog med pa mtshan phyed na/ /nam mkha' mchog las shar nas ni/ /rlung gi rang bzhin 'joms par byed/ /rlung de dgu yi rnam par rgyu/ /chos kyi 'khor lo'i cha na gnas/ /mtshan phyed dus nas brtsams nas ni/ /'khor lo drug la dgu bdag nyid/ /nyi ma phyed kyi mtha' ru ni/ /rlung rnams kyang ni ldang bar byed/ /nyi ma phyed nas brtsams nas ni/ /'khor lo drug las dgu bdag nyid/ /mtshan phyed kyi ni dus kyi mthar/ /rlung rnams gsal bar rgyu ba na/ /de nyid gnas kyi</font><hr>88.185a<br><font size=+1>

dbye ba yis/ /sna tshogs pa yi rtog par 'gro/ /rnam par rtog pa rnams phye nas/ /de dag ming rnams bshad par bya/ /'dod chags zhe sdang gti mug dang / /rgyags dang nga rgyal mngon par zhen/ /phra dog khro dang ser sna dang / /g.yo dang sgyu la cha lugs ngan/ /blo rgod brkam chags gnyid dang ni/ /the tshom dang ni ngar 'dzin dang / /dga' dang chags bral dregs pa dang / /'chab dang sred dang bag chags dang / /sgyur dang rmongs dang 'dod chen dang / /rtsod dang rtse 'jo spyi brtol dang / /tshul 'chos dregs dang kun nas gdungs/ /rnam 'gyur ma zhi shes bzhin med/ /bems po log pa'i nga rgyal dang / /'gyod dang khrel ni med pa dang / /gus pa med dang ches pa med/ /blo dman ngo tsha med dang 'ching / /ngo tsha shes dang ngo tsha dang / /mi ster ba dang mya ngan dang / /yid gnyis dang ni rlom sems med/ /bsgrims dang the tshom ngal ba dang / /dbang dang 'khrul ba'i snying stobs dang / /snyam sems pa dang brgyal ba dang / /thim pa dang ni mi srun dang / /gya gyu snyoms dang myos pa dang / /rig byed min dang bag yod dang / /gnas ngan len dang nyam chung nyid/ /yid mi bde dang lhag par rtog /skrag dang rmugs dang gnyid dang ni/ /brkyam chags rol pa khrung khrung dang / /'tshe ba le lo yon po nyid/ /bsam dang spyod dang zhum pa dang / /kun rdzob de nyid don yod dang / /ster dang dga' ba'i 'dod pa dang / /'jigs dang 'dar dang phra bdag nyid/ /gsal dang rnam gsal lhad 'jug dang / /'bral dang rtag pa'i de nyid dang / /ru sbal ngoms med gnod pa dang / /mi gsal ba dang yid du 'ong / /gnas med mang du smra ba dang / /bdag nyid skyes bu nyid dang ni/ /ya mtshan dga' dang skye bo ngan/ /dman pa'i de nyid sdug</font><hr>88.185b<br><font size=+1>

bsngal gsum/ /'khor ba la ni chags pa dang / /rtag tu brgya dang brgyad lhag pa/ /nyin dang mtshan mor rtag tu ni/ /rlung gi rang bzhin rgyu ba yin/ /rnal 'byor chen po'i rgyud dpal rdo rje phreng ba mngon par rtogs pa las rdo rje phreng ba'i tshig dbye ba'i le'u ste gsum pa'o// // de nas rdo rje gsum nyi ma/ /gsang ba'i pad ma kha 'byed pa/ /bde ba chen po'i go 'phang bzhugs/ /'dus pa'i mchog don rab gsungs pa/ /'dus pa 'dres pa zhes ni bshad/ /'dres pa nga yis khyod la bshad/ /'khor lo bzhi dang tha mi dad/ /sngags ni lhan cig cho ga bzhin/ /dpa' bo rnal 'byor ma sbyor ba/ /gang tshe gsang ba'i rtsa gnyis ni/ /yang dag sbyor ba reg gyur pa/ /de tshe nam mkha' rnam rgyas nyid/ /nam mkha' las ni skyes pa'i rlung / /de yis me ni rab tu 'bar/ /rtsa ni stong phrag bdun bcu gnyis/ /rtsa rnams rab sad gzi brjid kyis/ /bde ba kun gyi go 'phang mchog /bde ba chen po'i 'khor lor khyab/ /bde ba chen po'i byang chub sems/ /rnam par zhu nas rtsar gnas pa/ /rdor gsum rang bzhin gcig 'gyur phyir/ /khams rnams ro gcig gyur pa dang / /phung po rnams ni yongs zad dang / /ngal bso ba la rlung rnams ni/ /dga' ba rnams ni yang dag skye/ /de nas byang chub sems kyang ni/ /gnas kun nas ni zhu gyur nas/ /ngo bo gcig tu gyur pa dang / /rtsa ni gcig gi 'bras bu ni/ /ro gcig tu ni gyur pa la/ /'dres pa zhes ni de la gsungs/ /phung po khams dang dbang po dang / /yul rnams su ni sbas pa rnams/ /rnam rtog kun nas zad pa las/ /bde ba chen po yang dag skyes/ /</font><hr>88.186a<br><font size=+1>

ro gcig pa ni ngal bso ba/ /de ni 'dus pa 'dres pa ste/ /de kho na nyid mchog gsang ba/ /rdo rje sems dpa'i go 'phang gsungs/ /rnal 'byor chen po'i rgyud dpal rdo rje phreng ba mngon par rtogs pa las 'dus pa'i tshig lhag par bshad pa'i le'u ste bzhi pa'o// // de nas gzhan yang de nyid nyon/ /stong nyid don ni rab rgyas pa/ /stong pa nyid ni chos rnams kun/ /nang du khyab pa'ang chos nyid de/ /de nyid yang dag shes pa ni/ /de bzhin nyid dang rnam mi rtog /bdag dang gang zag chos rnams ni/ /bdag med rang bzhin gcig pa nyid/ /stong pa nyid dang rang rig dang / /thams cad bdag nyid rtag bzhugs pa/ /rnal 'byor gcig pus rtogs pa ste/ /rtog ge pa yi spyod yul min/ /chos rnams thams cad mdor bsdus pa/ /'khor lo drug tu rnam par brjod/ /de nas nang du'ang khyab pa ni/ /rtsa yi 'khor lo legs rgyas pa/ /de ni nam mkha' khyab cing phra/ /khyab byed zhi ba'i mtshan nyid can/ /dmigs pa med cing rten pa med/ /gzugs med nyon mongs med pa dang / /rnam par mi rtog mchog tu zhi/ /rang bzhin med cing dri ma med/ /gnyis su med cing bya ba med/ /gzung dang 'dzin pa rnam par spangs/ /dus dang dpe las 'das pa ste/ /ngag gi lam gyi spyod yul bral/ /chos nyid chos ni thams cad kyis/ /ji lta ba bzhin mngon par brjod/ /dngos dang dngos med rnam par bral/ /dge dang mi dge'i srid las grol/ /de ni kun nas bsgribs pa med/ /nam mkha' lta bur mchog tu khyab/ /chos rnams ji lta ba bzhin skye/ /de ni de bzhin nyid ces brjod/ /gang nas kyang ni ma 'ongs shing / /gang du yang ni 'gro ba med/ /rmongs dang</font><hr>88.186b<br><font size=+1>

'khrul pa gcig pu las/ /de ni rab tu spro bar snang / /bde ba dang ni sdug bsngal spangs/ /'dod chags zhe sdang sogs mi gos/ /'khrul dang rnam par 'khrul par 'brel/ /rtog pa dang bral dri ma med/ /bdag dang srog dang skye ba po/ /skyes bu de bzhin gang zag dang / /shed las skyes dang shed bu dang / /byed pa po dang tshor ba po/ /shes pa po dang mthong ba po/ /sgro 'dogs pa yi rnam par spangs/ /phung po skye mched khams la sogs/ /rnam shes dang ni gzung ba yis/ /sgrib pa med cing mchog tu phra/ /nam mkha' mchog la yang dag gnas/ /de ltar ma lus stong nyid do/ /brjod dang brjod bya'i don dang bral/ /ming tsam gcig pu kho na yang / /rang byung mchog tu rmad byung ba'o/ /brjod pa yi ni kun rdzob tu/ /de ni nga yis yang dag bshad/ /rang rig shin tu phra ba'i phyir/ /de kho na nyid mthong ba med/ /bdag nyid rang gi ngo bor rig /pha rol gzhan gyi spyod yul min/ /de ni rang rig par bshad do/ /chos kun gnas ni zhi ba'o/ /rnam rtog gis 'khrul rtog ge gang / /mi shes pa yi rmongs pa rnams/ /don dam par ni mi shes shing / /kun rdzob dgra yi mdzod 'dzin pa/ /ye shes mchog ni mi shes shing / /rtog ge stong nyid smra bar byed/ /rnal 'byor bsam gtan rnal 'byor pas/ /de ni mchog tu phra bar spyod/ /stong nyid yang dag nam mkha' che/ /shes dang shes bya rnam par spangs/ /rtog pa'i rnam pa rnams dang bral/ /stong pa nyid kyi 'khor lor brjod/ /phung po lnga yi bdag nyid lus/ /'khor lo drug gi phug nang na/ /zla ba phyed pa'i cha lta bu/ /stong nyid rlung gi 'khor lor gnas/ /phyed min gang ba med pa dang / /ji ltar bag chags chu zla bzhin/ /rlung gi 'khor</font><hr>88.187a<br><font size=+1>

lo srog tu bshad/ /mtshan phyed skad cig ma la 'char/ /de ltar yang dag bsgom pa ni/ /'di ni stong nyid sgom byed pa'o/ /don dam gnyis med rnal 'byor gyis/ /yang na rgyu 'bras sbyor ba'i phyir/ /de ni rang bzhin 'grub par bsgom/ /don dam rang gi ngo bor ni/ /kun rdzob kyang ni de bzhin du/ /bsgoms pas 'khor ba 'joms par 'gyur/ /ji ltar til la til mar ni/ /gnas pa nyid la mthong mi 'gyur/ /de bzhin lus la stong pa nyid/ /gnas kyang bsgribs pas mthong ba med/ /bla ma'i zhal las 'di shes par/ /yang dag rig pas kun rdzob spangs/ /rnal 'byor chen po'i rgyud dpal rdo rje phreng ba mngon par rtogs pa las stong pa nyid kyi don bstan pa'i le'u ste lnga pa'o// // de nas gzhan yang bshad kyis nyon/ /thig le'i dbye ba bla na med/ /'jig rten thig le dbye bas dben/ /'khor bar yang dang yang du 'khor/ /mdzod spu'i dbus na gnas pa ni/ /thig le rlung du yang dag bshad/ /sngags kyi de nyid kyis ni 'byed/ /rnal 'byor mdud pa bkrol nas ni/ /rlung gi de nyid rig pa de/ /mchog tu 'byed pa'i sbyor ba yis/ /sbyor ba de yang mi shes par/ /rlung dang sngags kyi rnal 'byor gyis/ /rjod dang brjod bya'i dpe las 'das/ /mig gsal log par mthong rnams kyis/ /bsam gtan bsgom bya dang bral ba'i/ /sangs rgyas rnams ni thob pa dka'/ /rnal 'byor ma yi drin gyis ni/ /zhal nas zhal du brgyud nas gnas/ /bcom ldan bde ba chen po la/ /rdo rje sems dpas slar zhus pa/ /'gro ba'i mgon gyis bstan du gsol/ /thig le'i dbye ba rig bcas pa/ /rnal 'byor mchog ni gang</font><hr>88.187b<br><font size=+1>

gis shes/ /sbyor bas mdud pa 'byed par byed/ /khams gsum pa yi 'gro ba 'di/ /myur du dngos grub mchog tu 'gro/ /de skad zhus nas rdo rje can/ /rdo rje dbang phyug la gsungs pa/ /mchog tu gsang ba 'di nyid ni/ /gang du'ang gsal bar ma gsungs pa/ /thig le'i dbye ba de yang ni/ /nga yis bshad kyis de nyid nyon/ /snying gi pad sbubs nam mkha' la/ /ye shes rdo rje rtag tu bzhugs/ /steng dang 'og la brten nas ni/ /srog dang thur sel rlung chen gnas/ /de yang dbye bar dka' ba yi/ /dbus su mdud pa gsum gyis dkris/ /de yis mchog dang bcom byas pas/ /steng du 'gro ba thob mi byed/ /des bcom slar yang rnam lnga rgyu/ /srog dang thur sel gyen rgyu dang / /khyab byed dang ni mnyam gnas nyid/ /rtse mo lnga las rgyun du ni/ /rtsa lnga la ni yang dag brten/ /rgyags dang rnam par rgyas pa dang / /myos dang btung dang 'dza' bo ste/ /de dag rtsa ni lngar shes bya/ /rdo rje'i 'og tu gsal bar khyab/ /steng gi srog gi dbus na yang / /rdo rje'i lte ba'i mkha' dbyings 'gro/ /srog ces bya ba'i rlung chen po/ /lte ba mdud pa dang phrad pas/ /bcom nas kyang ni rnam lngar rgyu/ /rtse mo rnams la rtsa lngar ni/ /zla ba'i cha dang sna dang ni/ /bsnyen bkur lkog shal mchin pa ste/ /rtsa ni lnga yi ming yin no/ /rtsa ni lnga las rgyu ba'i rgyun/ /klu dang rus sbal rtsangs pa dang / /lha sbyin dang ni gzhu las rgyal/ /de ltar rtsa de dang bcas pa/ /lus kyi thur du 'gro bas na/ /sprul pa'i 'khor lo'i rtsa rnams ni/ /yang dang yang du bskul byas nas/ /bskul bas kyang ni rgyas pa na/ /gti mug chen pos dbang du byed/ /de steng chos kyi 'khor lo na/ /</font><hr>88.188a<br><font size=+1>

gnas pa'i rtsa ni bskul byas nas/ /de rnams lhan cig rtsa de dag /zhe sdang gis ni dbang du byed/ /yang dag bskul nas de steng gi /longs spyod mchog tu ngo mtshar skye/ /rtsa de rnams dang lhan cig tu/ /chags pa chen pos dbang byas nas/ /bskul ba dang ni de steng gi /spyi bo'i 'khor lo'i bde chen du/ /rtsa de rnams dang lhan cig tu/ /byang chub sems kyis gang bar byed/ /rnam rtog rnam par rgyu byed cing / /sna tshogs dbye ba thams cad las/ /steng ma rnams kyang thur du 'gro/ /srog gis rab tu bcom nas ni/ /de dag thams cad rdo rje'i rtser/ /zhugs nas thur du kha bltas pa'o/ /de yang thur du mi 'gro ste/ /ma rig mdud pa'i 'khor lo ni/ /rnam par shes pa'i shing rta'i rlung / /de ni bag chags dang 'dres pas/ /mig dang rna ba de bzhin sna/ /lce ste rnam par shes pa bzhi/ /rtse mo bzhi nas phyung nas ni/ /bag chags rnam shes dang 'dres nas/ /rnam shes dbang po lhan cig tu/ /don ni rab tu rgyas par byed/ /slar yang lam de nyid nas ni/ /ji lta ba yi rim pas 'jug /de yi dngos nyid de sbyor bas/ /rnam shes bsten pa'i skad cig la/ /de yi bag chags bcas kyis 'phel/ /'khrul bcas 'khor ba'i 'khor lo las/ /de ltar bag chags kyis bslad pa'i/ /rnam shes las kyi ngo bor 'gro/ /de nyid kyang ni srog sbyor bas/ /khams gsum par ni 'khrul pa'o/ /byed po las kyi 'bras bur myong / /gzhan nyid du ni 'khor ba med/ /de phyir 'khor ba gzhom don du/ /thig le go 'phang gsal bar dbye/ /bsgom pa la ni 'bad par bya/ /ma rig gzhan ni mi shes pa/ /dbus kyi mdud pa de</font><hr>88.188b<br><font size=+1>

yang ni/ /de phyed na ni dngos grub 'gyur/ /rnal 'byor rnal 'byor grub pa ste/ /ye shes lnga ni thob nas ni/ /mngon shes lnga ni thob pa dang / /mchog tu gsang ba thob nas ni/ /blo bzang ji lta ba bzhin gnas/ /phreng ba mi dgos bsgom mi dgos/ /bya ba mi dgos dgag mi dgos/ /sngags kyi de nyid gcig pu yis/ /yang dag rdzogs pa'i sangs rgyas 'thob/ /las chos dam tshig phyag rgya yi/ /dbye ba 'di ni ma gsungs so/ /'khor lo'i dbye bas ma yin zhing / /de bzhin dga' ba sogs kyi min/ /phyag rgya chen po'i go 'phang gsal/ /sngags kyi de nyid kyis ni 'thob/ /stong nyid ye shes rdo rje dang / /gnyis med bde ba de nyid dang / /gsang ba'i thig le'i dbye ba dang / /rnal 'byor grub pa'i bde chen po/ /ma rig sgo nga'i sbubs 'byed cing / /'jig tshogs lta ba'i ri bo 'joms/ /phyag rgya chen po'i dngos grub dang / /rab tu byed pa mchog tu bshad/ /sngags kyi de nyid nges sbyor bas/ /rigs shing yan lag gsal ba gang / /rnal 'byor ma yi bka' drin dang / /bla ma'i zhal las nges rtogs 'gyur/ /man ngag med pa'i bzlas pa ni/ /sngags kyi rgyal po blo rmongs byed/ /de yis dka' ba gcig pu dang / /chu bsrubs mar ni mi 'gyur ltar/ /de bzhin man ngag dang bral sngags/ /skyes bus ji srid 'tsho yi bar/ /bzlas kyang de yi 'bras bu yi/ /cha tsam thob par mi 'gyur ro/ /mi shes pa yi mi 'ga' zhig /rgya mtsho bzhi yi pha mtha' yi/ /sa la shin tu 'gro 'dod pa/ /lam ni gang yin mi 'dri gang / /de ltar bdag nyid 'gro bar byed/ /de bzhin dka' ba cher byed pa'i/ /man ngag dang bral sgrub pa</font><hr>88.189a<br><font size=+1>

po/ /'bras bu med cing mkhas pa yang / /sgrub pa po ni khong khro skye/ /khong khro skyes pa'i skad cig la/ /'bras bu med cing ngu 'bod 'gro/ /de phyir 'bad pa thams cad kyis/ /dad pas bla ma brgyud pa las/ /man ngag dag ni bslab par bya/ /gang phyir brgyud pa'i lung gis khyab/ /brgyud pa'i rim pas gnas par byed/ /de ni rnal 'byor ma zhal dang / /bla ma'i zhal las 'bad pa yis/ /de nyid mchog ni bslab par bya/ /sngags kyi man ngag brgyud pa'i lung / /de thos lag na rdo rjes kyang / /rdo rje sems dpa' bde ba che/ /the tshom thams cad gcod pa la/ /phyag byas nas ni zhus pa ni/ /khyed kyis bstan pa 'di nyid mchog /bcom ldan 'das kyis rgyal po ni/ /sngags kyi dngos grub bla na med/ /gang brlabs skad cig dngos grub 'gyur/ /de nas bcom ldan rdo rjes gsungs/ /sngags kyi de nyid rab gsal ba/ /de nyid mchog tu gsang ba ni/ /gang du'ang nga yis ma bshad pa/ /skal ba med pa bsam pa'i rgyus/ /rgyud rnams kun du sbas byas la/ /de ni nga yis bshad kyis nyon/ /sngags kyi rgyal po bla na med/ /sngags kyi spyad pa spyod pa yis/ /gang gi myur du dngos grub 'gyur/ /thog mar uSh+ma'i tha ma bri/ /dbyangs yig drug pas rnam par brgyan/ /sde tshan tha ma'i mtha' dang ldan/ /dbyangs med pa yi cha dang bcas/ /uSh+ma'i mtha' la dbyangs yig 'di/ /dgu pa dang ni yang dag ldan/ /mthar ni tsheg drag mchog gi sgra/ /sngags kyi gtso bo btu bar bya/ /de ltar yi ge gnyis kyi ming / /sngags kyi brda ni rmad byung ba/ /'dzin pa thams cad spangs pa'i phyir/ /sgra dang thig le'i ming du byas/ /rlung gnyis kyis ni phye nas ni/ /ma</font><hr>88.189b<br><font size=+1>

rig mdud pa 'byed par byed/ /phyag rgya chen po mchog gi rgyu/ /mchog tu zhi ba'i yi ge gnyis/ /man ngag thob pa'i 'dod pa'i don/ /gang gis zla ba drug bzlas na/ /thig le'i sgra yi go 'phang gsal/ /'dod pa'i don kun sgrub par byed/ /skye bos dben pa lha yi gnas/ /sgra yi tsher ma rnams dang bral/ /bgegs med skal bzang nyams dga' ba/ /bskyed mos tshal gzhi bde ba che/ /'dod pa lnga la longs spyod pas/ /sngags kyi gtso bo 'grub par 'gyur/ /'di ni gzhan yang bshad kyis nyon/ /khyim du bde ba'i phyag rgyas gnas/ /gang gis dngos grub mchog tu 'gyur/ /sgrub po bde ba'i stan 'dug nas/ /mig gnyis sna rtser gtad byas nas/ /sna ni lte ba'i tshad du bzhag /phrag gong bsnyams la lce rkan sbyar/ /so dang mchu ni bde bar bzhag /dbugs kyi 'byung rdub klod nas ni/ /cung zad cung zad rtsol bral nas/ /ji lta ba bzhin 'byung rdub ni/ /rdo rje dkyil krung legs gnas pas/ /de ltar phyag rgya dang ldan pas/ /yi ge gnyis ni rtag tu bzlas/ /thig le'i dbye bas bde ba che/ /zla ba drug gis rnal 'byor mchog /thob 'gyur 'di la the tshom med/ /rtsa ba'i rgyud ni dang po 'di/ /a ba d+hU tI dri med gnas/ /rlung gi de nyid ye shes ches/ /rdo rje sems dpa' yi ni rgyu/ /ri lu ral gri ro langs dang / /rgyal po mig sman bcud kyis len/ /dmag dpung rengs dang brtsigs pa 'bigs/ /rig 'dzin gyi ni go 'phang mchog /mi snang ba dang gter mthong ba/ /'dod dgur bsgyur dang gzugs mthong dang / /gser 'gyur dang ni dug las rgyal/ /me yi nang du 'jug pa dang / /mngon shes lnga yi go 'phang dang / /ye shes lnga ni thob par 'gyur/ /de ltar skad cig</font><hr>88.190a<br><font size=+1>

gcig la ni/ /byang chub mtshan nyid go 'phang ngo / /dka' ba spyod pa spangs nas ni/ /shes rab snying rje yang dag ldan/ /bshad pa'i bde ba chen po ster/ /sdom pa mi dgos sbyin sreg min/ /phreng ba mi dgos bgrang mi dgos/ /'di ni bskyed rim dbye mi dgos/ /gsungs pa'i dka' thub sogs mi dgos/ /sngags kyi rnal 'byor gcig pu yis/ /bla ma'i zhal las brgyud pa dang / /zla ba drug tu mngon sbyor bas/ /go 'phang mchog ni thob par 'gyur/ /rnal 'byor chen po'i rgyud dpal rdo rje phreng ba mngon par rtogs pa las thig le'i dbye ba dang rnal 'byor mchog thob par byed pa'i le'u ste drug pa'o// // de nas gzhan yang de nyid nyon/ /bla na med pa nA da'i don/ /gang gis shes pa tsam gyis ni/ /tshe 'di nyid la dngos grub 'gyur/ /sgra yang mi shigs par ni bshad/ /rang bzhin 'od gsal dri ma med/ /rnam pa kun las rnam par grol/ /lte ba sprul pa yang dag gnas/ /sbrul gyi lce ltar phra ba ni/ /gnyis med ye shes rmad byung ba/ /tshangs pa khyab 'jug drag po dang / /dbang phyug dang ni rtag zhi ba/ /de dag de ltar rin po che/ /skyed pa po yi pha dang mas/ /yi ge med cing gong bu med/ /'byung ba chen po rnam par spangs/ /dus dang rtog pa rnams las grol/ /skye med zad med rmad du byung / /'dzin pa kun la zhen la sogs/ /spangs shing lhag ma med pa dang / /mchog gi mchog ste zhi ba med/ /dngos po kun gyi dbus na gnas/ /rnam rtog med cing brten pa med/ /kun gzhi rnam shes zhes gsungs pa/ /nyon mongs can gyi yid kyis ni/ /bems po rnams kyis sad par byed/ /mchog tu gnyis med rnal 'byor gyis/ /thob pa'i go 'phang bla na med/ /gnyis med mchog tu gsal ba dang / /rlung gi de nyid yang dag rten/ /yi ge hoHyis bskul nas ni/ /me yi 'khor lo sad par byed/ /de</font><hr>88.190b<br><font size=+1>

lta'i nA da'i go 'phang don/ /bla ma'i zhal las yang dag gnas/ /rnal 'byor chen po'i rgyud dpal rdo rje phreng ba mngon par rtogs pa las nA da'i tshig rnam par bshad pa'i le'u ste bdun pa'o// // de nas gzhan yang gsang ba'i don/ /bla na med pa bshad kyis nyon/ /gsang ba b+ha ga zhes su gsungs/ /b+ha ga de bzhin chos 'byung ba/ /bde ba chen po'i go 'phang brten/ /dga' ba skyed par byed pa'i rgyu/ /rdo rje sems dpa' yi ni gnas/ /ye shes lnga yi bdag nyid gsal/ /ye shes chen po spros pa med/ /rnam par rtog pa thams cad spangs/ /bral dga'i mtha' ste mchog tu phra/ /lhan cig skyes dga' kun bdag gnas/ /dga' bral la sogs skad cig gnas/ /phra ba yang dag byang chub sems/ /srog la phan par 'tsho ba ste/ /srang mda'i 'khrul 'khor lta bur gnas/ /dus bral rnam rtog med pa ste/ /stong nyid skye med 'chi ba med/ /sprul pa'i 'khor lor thim pa dang / /bde ba chen po'i 'khor lo skye/ /bsam gyis mi khyab zhi ba ste/ /chags bral 'gro kun skye ba med/ /rdo rje pad ma mnyam sbyor bas/ /bde ba thams cad ster bar byed/ /rlung gi de nyid rig pa yis/ /rtsa yi dbus su 'dzin par byed/ /gang de skye ba nyams myong bar/ /gsang ba zhes ni bya bar grags/ /de nyid gsang ba yi ni mchog /bla ma'i zhal la lhag par gnas/ /phan tshun brgyud pa'i rim pa yis/ /bla ma bzang po'i zhal las shes/ /rnal 'byor chen po'i rgyud dpal rdo rje phreng ba mngon par rtogs pa las gsang ba chen po'i tshogs ma lus par bstan pa zhes bya ba'i le'u ste brgyad pa'o// //</font><hr>88.191a<br><font size=+1>

de nas gzhan gang sdom pa'i don/ /de kho na nyid bshad kyis nyon/ /sdom pa srung bar byed pa gang / /de ni byang chub sems zhes brjod/ /rdo rje'i rtse mor sems 'dzin pa/ /de ni bsrung ba zhes ni grags/ /dbang po rnams ni yul rnams la/ /'jug cing rtag tu gang gnas pa/ /de ni sdom pa bsrung ba dang / /dam tshig bsrung bar bshad pa yin/ /gdul dka' tshul 'chos g.yo sgyu can/ /rmongs dang sems khros g.yo can dang / /dad med rtog ge ba lhan cig /rtags kyis nye bar 'tsho ba dang / /nyan thos nor la brkam chags can/ /de kho na nyid sun 'byin cing / /don dam pa ni mi shes pa/ /med par lta dang tshul khrims 'chal/ /gtam dang tshig gi kyal pa dang / /'dri ba la sogs mi bya zhing / /se gol togs pa tsam du yang / /de dang lhan cig gnas mi bya/ /las kyi phyag rgya nyams dga' ba/ /gal te byis pa'i skye bo dang / /de dang lhan cig dam tshig ni/ /mi bya rnal 'byor nyams par 'gyur/ /skyed na dam tshig dbus zhugs dang / /pad snod phyag rgya sogs brtan dang / /brkam dang 'brel pas 'jug pa dang / /dam tshig la ni 'jug mi bya/ /snod dang cang te'u gri gug dang / /glegs bam dang ni bgrang phreng dang / /dam tshig med pa gzhan dag la/ /gang du'ang bstan par mi bya'o/ /dge slong sdom la gnas pa la/ /rnal 'byor spyod sogs bya ba dang / /man ngag rnams ni bstan mi bya/ /ras ris la sogs mi bstan cing / /gang gis dam tshig lhan cig tu/ /ji ltar spyod pa yang dag spyod/ /bla ma la yang smra min na/ /gzhan rnams la ni smos ci dgos/ /dbang po yul la spyod pa ni/ /gang nas de ni bsdams nas ni/ /stong nyid gnyis med sgyu ma la/ /sogs pas kun rdzob lhag spyad na/ /shes rab ye shes dbang bskur sogs/ /nyams su</font><hr>88.191b<br><font size=+1>

myong ba'i bde ba yis/ /bde ba chen po'i dran pa yis/ /dbang po rnams ni yul las ldog /bdag bstod gzhan la smod pa dang / /ye shes snyems sogs nges spangs pa/ /blo ldan rdo rje dbang phyug gi /yang dag sdom pa bshad pa yin/ /de lta bu sogs dam tshig ni/ /rnal 'byor pa yis rtag bsrung bya/ /gzhan du rnal 'byor nyams par 'gyur/ /rnal 'byor ldan pa rdo rje can/ /bgrang phreng dang ni dbu rgyan dang / /rus pa'i rang bzhin phyag rgya dang / /glegs bam bsam gtan ras ris dang / /thod pa la sogs rnal 'byor ma/ /thams cad du ni dngos grub phyir/ /bla ma la yang sba bar bya/ /sngags ni tshig tu brjod mi bya/ /mchu 'gul bar yang mi mngon zhing / /cung zad mgrin par brjod bya yis/ /sngags kyi rgyal po de ltar bzlas/ /gsang las dngos grub mtshungs pa med/ /gang phyir de ni sdom par bshad/ /snod min nor ni chen po dang / /ldan yang rgyud las skyon du gsungs/ /bla mas bla med dngos grub phyir/ /'bad pa yis ni spang bar bya/ /bza' btung gos la sogs pa dang / /nor ni chen po la chags shing / /snod min slob ma man ngag mchog /rmad du byung ba smra ba gang / /rnal 'byor shes pa tshe 'di la/ /de ni dmyal ba ngu 'bod 'gro/ /rnal 'byor chen po'i rgyud dpal rdo rje phreng ba mngon par rtogs pa las sdom pa'i tshig gtan la dbab pa'i le'u ste dgu pa'o// // de nas gzhan yang de nyid nyon/ /dam tshig don ni bla na med/ /bza' ba yi ni dam tshig gang / /de ni de yi don bshad bya/ /bza' ba ru ni bshad pa gang / /de ni bdud rtsi lnga ru brjod/ /rlung gi de nyid sbyor ba yis/ /zhu nas ro gcig slar yang ni/ /rdo rje lam nas steng song ste/ /gcig tu gyur pa bza' ba'o/ /dam tshig lus dang ngag yid kyis/ /de nyid gsum dang gang shar dang / /'khor lo bzhi po rnams la yang / /bde ba nyams su myang ba gang / /de dang ro gcig</font><hr>88.192a<br><font size=+1>

rnal 'byor pa/ /rtag tu spyod pa bza' ba'o/ /byang chub sems kyi de nyid mchog /bde ba chen po'i go 'phang thim/ /zhu ba rlung gi de nyid kyis/ /bza' ba bsam gtan bzang po'o/ /spyi bo thod pa'i slad nas ni/ /de tsam rnal 'byor pas rtag tu/ /de la snying rje btung ba ni/ /byang chub sems dpa' bde ba che/ /snod mchog gsang ba'i pad mar blugs/ /rten ni bza' ba rab rtogs byed/ /sems kyis bdud rtsi mthung byed na/ /bdud rtsi lnga yi ro rdzas 'thung / /de za ba ni rdo rje 'chang / /glang mo rta khyi ba lang mi/ /byang chub sems dang bcas pa'i khrag /bsres nas skad cig de la bza'/ /de ni bdud rtsi lnga zhes brjod/ /rnam rtog dang ni kun rtog gis/ /stong pa nyid du gsal ba'i snod/ /rdo rje can gyis rtag tu bza'/ /stong nyid ye shes pha rol 'gro/ /dga' ba gsum pa'i bde ba ni/ /lhan skyes lhan cig snod du ni/ /rdo rje can gyis rtag tu bza'/ /bde ba chen po'i go 'phang gnas/ /rnam rtog rlung rnams thams cad ni/ /zhi ba'i de nyid snod bzang por/ /rlung gi de nyid shes pas bza'/ /rnam rtog med pa'i go 'phang gnas/ /phyag rgya gsum dang yang dag sbyor/ /phyag rgya chen por bshad snod du/ /rnal 'byor de nyid shes pas bza'/ /srog dang rtsol ba'i go 'phang gnas/ /rnam rtog dang ni kun rtog gis/ /sgom dang sgom min sogs 'khrul pa/ /srog chen po yi snod du ni/ /rnam rtog dra ba'i sa bon tshogs/ /phung po'i bud shing snod bzang por/ /ye shes chen po'i me yis min/ /sngags kyi de nyid rtogs pas bza'/ /bdud bzhi'i khro bo chen po yi/ /stobs kyi rig pas sgrub pa pos/ /sgrub pos legs par mnyam gzhag nas/ /rtag tu rnal 'byor snod du bza'/ /rlung dang sngags dang rdzas rnams kyi/ /thig le gsum ste bla na med/ /mi shigs go 'phang</font><hr>88.192b<br><font size=+1>

snod du ni/ /zos na rnal 'byor pha rol 'gro/ /stong nyid ye shes mtshungs med pa/ /snying rje'i snod kyis mchog tu ni/ /ye shes chen po mnyam bzhag nas/ /btung zhing rtag tu btung ba'o/ /phyag rgya'i dam tshig ces su bshad/ /rdo rje pad ma yang dag sbyor/ /de kho na nyid mchog skyes gang / /de ni skal ldan snod la ni/ /rnal 'byor pas 'thungs nyams dga' ba/ /bsgrub par bya ba'i de nyid mchog /nyon mongs dang bral lhan cig skyes/ /phyag rgya chen po'i don bsgrub bya/ /de lta bu sogs dam tshig sogs/ /gzhan ni gang du'ang ngas ma bshad/ /rdo rje sems dpa'i go 'phang mchog /bla ma'i zhal las gsal bar rtogs/ /rnal 'byor chen po'i rgyud dpal rdo rje phreng ba mngon par rtogs pa las dam tshig gi don gtan la dbab pa'i le'u ste bcu pa'o// // de nas gzhan yang bshad kyis nyon/ /sgra tsam don ni bshad par bya/ /gang gis shes pa tsam gyis ni/ /'pho ba med pa'i go 'phang 'thob/ /chos kyi 'khor lo'i pad sbubs su/ /sgra tsam yang dag gnas pa ni/ /chags med snang ba med pa dang / /gnyis su med cing dri ma med/ /dpe bral g.yo ba med pa dang / /gzhi med bla gab med pa dang / /lha yi dbang phyug ye shes mchog /'byung dang rngub pa rnam par spangs/ /rnal 'byor rnams kyi lha dbang phyug /de lta bu ni rnyed par dka'/ /mchog tu zhi ba bde ba che/ /gzugs mchog 'chi ba med pa'i mchog /rten cing 'brel 'byung rang bzhin gyis/ /rgun chang ro yis myos pa ltar/ /mchog tu nang du song gyur nas/ /de bzhin rnam pa kun gyi gnas/ /sngags kyi de nyid rig pa'i rten/ /rang gi nyams myong rtog pa'i gnas/ /de nas ston pa bla med pa/ /rdo rje sems dpas zhus pa ni/ /bcom ldan de nyid zhi ba mkhyen/ /sngags kyi de nyid rab dbye ba/ /gang gis rnam par shes tsam gyis/ /de kho na nyid 'grub par 'gyur/ /de nas rdo rje can gyis gsungs/ /sngags kyi de nyid bla na med/ /mchog dang rab mchog</font><hr>88.193a<br><font size=+1>

phra ba dang / /ye shes chen po mchog chen po/ /snying po yi yang snying po mchog /yang dag bshad kyis mnyan par gyis/ /rgyud rnams kun du sbas pa rnams/ /gsang ba'i go 'phang 'pho ba med/ /lte ba'i 'khor lo de nyid mchog /sgra tsam du ni yang dag gnas/ /stong nyid chen po'i dbus su thim/ /bde ba chen po'i go 'phang gsal/ /gnyis med 'jigs bral zhi ba dang / /snang ba med cing kun rdzob med/ /gnyis med ting 'dzin sbyor ba yis/ /sngags kyi de nyid rab gsal ba/ /thog ma med cing zhi ba dang / /dngos dang dngos med bdag nyid gtso/ /stong nyid snying rje dbyer med pa/ /byang chub sems kyi rang bzhin ni/ /de tshe thog mar stong nyid sgom/ /snang ba med pa'i go 'phang zhi/ /rang bzhin med gnas nyams dga' ba/ /rnam rtog med la mchog tu brten/ /stong nyid ye shes mtshungs pa med/ /byang chub sems kyi rgyud dang ni/ /yi ge hU~M las yang dag byung / /rnal 'byor shes pa rmad byung che/ /de nyid gsum ni ro gcig don/ /a ba d+hU tI'i go 'phang gnas/ /slar yang dga' ba'i sbyor ba yis/ /'jug pa la sogs rnam par spangs/ /bde ba chen po'i go 'phang ni/ /byang chub sems ni dri ma med/ /sna tshogs skad cig dbyer med pa/ /brjod pa'i bdag nyid dbyangs bral ba/ /rtag tu gnas pa'i rgyun gyis kyang / /byang chub sems ni 'bab pa ni/ /sngags kyi rnal 'byor gyis ni thob/ /skye med zhi ba'i thig le tsam/ /sngags kyi spyod pas spyad pas na/ /ye shes mchog ni rang rig pa'o/ /rnal 'byor chen po'i rgyud dpal rdo rje phreng ba mngon par rtogs pa las sgra tsam gyi don gtan la dbab pa'i le'u ste bcu gcig pa'o// // de nas rlung gi de nyid mchog /don dam pa ni bshad kyis nyon/ /rnal 'byor pa yis rlung bsgoms na/ /myur du dngos grub thob par 'gyur/ /rlung gi thig le ye shes</font><hr>88.193b<br><font size=+1>

che/ /phra zhing de nyid go 'phang gsal/ /dngos grub kun byed nyams dga' ba/ /gnyis med rnal 'byor mi zad pa/ /skye med kun 'gro zhi ba dang / /lus rnams kun la khyab pa dang / /ma pham stong pa bsam mi khyab/ /thams cad bdag nyid rtag tu bzhugs/ /sgom dang bsam gtan rnal 'byor gyis/ /thig le rang gi ngo bo shes/ /chos rnams gcig tu gyur pa'i gnas/ /sngags kyi de nyid kyi ni rgyu/ /bag chags kun las rnam par grol/ /kun mkhyen bde ba kun gsal ba/ /sna yi rtse mor de nyid mchog /'od zer thig le bsam par bya/ /srog dang rtsol ba yang dag sbyor/ /rtog pa rnams kyi grangs ster ba/ /skal bzang ye shes lnga yi bdag /sangs rgyas lnga yi cho ga ni/ /rin chen lnga yi sbyor ba'i gzugs/ /'byung ba lnga yi bdag nyid tsam/ /thog ma lus kyi phyag rgya'i dngos/ /ngag gi grangs kyi zlos mtshan nyid/ /yid kyi rnal 'byor che la zhen/ /sgom pa'i go 'phang mi zad pa/ /dbugs kyi tshogs ni bgrang ba dang / /rlung gi rnam par dpyad pa dang / /gnas kyi dbye ba rtsa rnams kyi/ /dus kyi dbye ba rtogs pa dang / /rlung rnams kyi ni zlog pa dang / /rtog pa dang bcas spangs pa ste/ /de ltar mdor bsdus rnam drug gis/ /'byung dang rngub pa zhes su brjod/ /thog mar 'byung dang rngub pa rnams/ /nyi khri dang ni chig stong dang / /de bzhin grangs ni brgya phrag drug /nyin dang mtshan mo nges pa ni/ /ji srid grangs ni thob pa'i gnas/ /nyin zhag nyi shu rtsa bdun du/ /grangs kyi rjes su sbyor ba yis/ /grangs ni yang dang yang du brtag /dus mtshams kyi ni rab dbye bas/ /de nas rjes su zlos par 'gyur/ /thun tshod so sor srog rnams dang / /rtsol ba ru ni brtag pa ste/ /nyis stong bdun brgya'i grangs kyis ni/ /yang dag par ni nges bzung med/ /yongs</font><hr>88.194a<br><font size=+1>

su gsal bar bcad nas ni/ /nyin zhag nyi shu rtsa bdun la/ /'khor lo bzhi yi dbye ba yis/ /nyin dang mtshan du nges par ni/ /de rjes gnas kyi rtsol ba yis/ /tha dad du ni rab tu brtag /rtsa yi 'khor lo rgyu ba yis/ /'byung dang rngub pa nges par ni/ /nges par gzung ba'i sbyor ba las/ /rtsa yi 'khor lo spyad par bya/ /de yi 'khor lo'i rtsa dbye bas/ /nyin zhag nyi shu rtsa bdun las/ /de rjes gnas kyi sbol pa'i sa/ /gnas kyi dbye bas brtag par bya/ /gnas ni so sor brtags pa yis/ /brgya dang brgyad ni lhag par rgyu/ /rnam rtog med pa'i sbyor ba mchog /rtog pa spangs pa'i mtshan nyid can/ /dngos po kun gyi rang bzhin bdag /brgya dang brgyad ni lhag par rgyu/ /'di ni yang dag rnal 'byor mchog /nyin zhag nyi shu rtsa bdun gyis/ /mtshan nyid sgom pa'i rnal 'byor pa/ /ji ltar gnas par rang ngo bo/ /rtog dang bcas pa'i rnal 'byor pa/ /de nas rnal 'byor log nas ni/ /rtog pa dang bral rlung chen po/ /rtsa yi 'khor lo rnam par rgyu/ /de thob nas ni log pa dang / /kun nas nyon mongs rnal 'byor pas/ /nges pa la ni don dam pa/ /nyin zhag nyi shu rtsa bdun las/ /las dang po pa'i sbyor ba yis/ /blo dang ldan pa log pa las/ /de nas dgag pa de dag kyang / /yang dag rnal 'byor stobs kyis ni/ /srog dang rtsol ba'i rnam rtog rnams/ /kun nas rab tu spangs nas ni/ /rlung gi de kho na nyid rgyu/ /rnal 'byor mchog ni bsgom par bya/ /gnyis med mchog gi rnal 'byor gyis/ /nyin zhag nyi shu rtsa bdun la/ /rlung gi de kho na nyid rten/ /'khrul pa'i rnal 'byor dag pa ni/ /de la rtse gcig sems kyis ni/ /rtog med de kho na nyid kyis/ /rlung gi de nyid rnal 'byor mchog /yang dag rtsol la byas pa gsal/ /khang bzang byed pa bzhin du ni/ /thog mar sa ni yongs su sbyang / /de steng bgegs dang bral byas la/ /gnas ni legs par dag par bya/ /khang bzang skal ba nyams dga' ba/ /blo ldan ji ltar 'dod par bya/ /de bzhin rnal 'byor spyod pas</font><hr>88.194b<br><font size=+1>

mchog /rlung gi de nyid rnam par bsgom/ /snga ma bzhin du mnyam bzhag nas/ /srog dang rtsol ba'i sbyor ba dang / /rnal 'byor mchog gi ye shes che/ /rnal 'byor rig pa bsgom par bya/ /thog mar rlung gi de nyid dang / /de nas sngags kyi de nyid gsal/ /de la rlung gi 'od zer mchog /gsal ba chen po'i kha dog lnga/ /de bzhin gshegs pa lnga rang bzhin/ /phung po lnga yi rang ngo bo/ /de ni ye shes lnga dag pa/ /rlung lnga ru ni rgyu bar byed/ /mngon par byang chub rnam pa lnga'i/ /de nyid mtshan nyid go 'phang mchog /sna yi rtse mo de nyid mchog /rlung lnga dang ni rang ngo bo/ /rlung gi thig le zhes ni bshad/ /yang dag de nyid gsal ba yang / /sna rtser yungs kar de yang ni/ /rgyud gzhan rnams su gsungs pa ni/ /sna rtser yungs kar de yang ni/ /srog dang rtsol ba'i brtag pa ste/ /srog dang rtsol ba la gnas pa/ /'od lnga sangs rgyas rnams su bsgom/ /steng gi sna las nges 'byung ba/ /g.yas dang g.yon dang gnyis ga yang / /dal bar rgyu dang rnam bzhir 'gyur/ /nang gi dus ni yin par bshad/ /lkog ma snying ga lte ba dang / /gsang ba'i pad mar 'gro 'ong ston/ /thun phyed kyi ni dus dag tu/ /go rim ji bzhin gnas pas bstan/ /g.yas pa nas ni 'byung ba'i khams/ /me yi dkyil 'khor nyid yin te/ /kha dog dmar zhing gsal ba nyid/ /pad ma'i mgon po rgyu ba'o/ /g.yon pa nas ni 'byung ba'i khams/ /rlung gi dkyil 'khor zhes bya ba/ /ljang ser dag tu snang ba ste/ /las kyi mgon po rgyu ba'o/ /gnyis ka las ni 'byung ba'i khams/ /gser gyi mdog tu snang ba ste/ /dbang chen gyi ni dkyil 'khor nyid/ /rin chen mgon po rgyu ba'o/ /dal zhing rgyu ba med pa'i khams/ /dag pa'i shel ltar snang ba ni/ /chu yi dkyil 'khor nyid yin te/ /rdo rje mgon po rgyu ba'o/ /lus kun la ni gnas</font><hr>88.195a<br><font size=+1>

pa'i rlung / /bya ba kun la 'jug pa'o/ /'di ni rnam snang ngo bo ste/ /'chi ba'i lus la 'byung bar 'gyur/ /rlung gi de nyid gsal ba 'di/ /ye shes lnga yi rang bzhin can/ /rnal 'byor byis pa'i yul min zhing / /rtog ge pa yis mi shes so/ /dngos grub thams cad gsal byed pa/ /rnal 'byor kun gyi dngos grub pa/ /de nyid kun gyi go 'phang gsal/ /rnal 'byor kun gyi don bsdus pa/ /rdo rje sems dpa'i go 'phang gsal/ /thams cad bdag nyid rtag tu bzhugs/ /de nyid mchog ni shin tu phra/ /bla ma'i zhal las rtogs par 'gyur/ /rnal 'byor chen po'i rgyud dpal rdo rje phreng ba mngon par rtogs pa las rlung gi de kho na nyid bshad pa'i le'u ste bcu gnyis pa'o// //  de nas gzhan yang bshad kyis nyon/ /bde ba chen po gsal ba'i tshig /rdor sems go 'phang mi phyed pa/ /rang rig pas ni mchog gi mchog /kun rtog gi brtags kyis stong pa/ /bde ba chen po zhes 'di brjod/ /lhan cig skyes pa'i dus du ni/ /gzung dang 'dzin pa rnam par spangs/ /bde dang sdug bsngal rnam par spangs/ /zhi ba gnyis med rnam par bral/ /dngos po kun gyi rang bzhin bdag /bde chen zhes ni 'di la brjod/ /rdo rje ye shes lnga yi dngos/ /sangs rgyas lnga yi rang bzhin can/ /lnga ni rtsa nas 'bab pa'i rgyun/ /stong nyid rdo rje'i go 'phang gsal/ /rang bzhin med cing rten med pa/ /gnyis med dngos po rnam bral zhing / /cha med cha ni rnam par spangs/ /rtag tu rtog pa kun las grol/ /'pho ba med cing zhi ba dang / /zad med bde ba thams cad gsal/ /nyon mongs kun las rnam grol ba/ /bde ba thams cad la 'jug pa/ /stong pa stong pa chen po dang / /shin du stong pa mchog gi mchog /stong pa dang gzhan stong pa'i gnas/ /nam mkha' lnga yi ngo bo nyid/ /mi mchod mi 'gyur ngo bo nyid/ /mi tshig pa dang mchog tu 'bigs/ /sangs rgyas lnga yi ye shes mchog /rang bzhin rdo rje zhes ni brjod/ /snying rje rnal 'byor yang</font><hr>88.195b<br><font size=+1>

dag 'dres/ /mchog tu skye ba'i bde ba 'di/ /de nyid gcig pu ro gcig pa/ /rjod dang brjod bya rnam par spangs/ /bde chen zhes bya'i 'khor lor gnas/ /dbang po rnams kyi spyod yul min/ /mchog tu gnyis med rnal 'byor gyis/ /zhi ba dga' ba'i mtshan nyid gcig /'khor lo bzhi yi rim gyis thob/ /rnal 'byor bzhi yi go 'phang gsal/ /stong nyid lnga yis kun nas gang / /cha bzhi yis ni rnam bkag pa/ /rdo rje mor ni 'dzin pa ni/ /sems dpa' zhes byar gtan la dbab/ /nam mkha' lnga yi cha yis gang / /'di ni rdo rje sems dpar brjod/ /de nyid bde chen go 'phang ste/ /bzhi pa dga' ba kun la khyab/ /dpa' bo rnal 'byor ma sbyor skyes/ /mi phyed dbye ba rnam par spangs/ /de yi ngo bo de nyid de/ /rang nyid tshor ba rig pa'o/ /pha rol gzhan gyi spyod yul min/ /dpe bral mtshon par dka' ba dang / /rang gi blo la yang dag gnas/ /rang rig pa zhes bshad pa'o/ /gzhon nu ma yi rab dga' bzhin/ /mchog tu gsal bar nyams su myong / /de nyid mchog dang pha rol 'gro/ /mchog ni thub pa kun la sogs/ /rtog pa gsal ba'i go 'phang ni/ /de ni mchog dang bde ba che/ /de nyid gsum du mtshan nyid gcig /dngos dang dngos med las grol bde ba'i bdag nyid 'khor ba'i sdug bsngal las ni grol bar rtogs/ /gnyis dang gnyis med rnam dpyod rang bzhin dang bral blo ni zhi ba'i bdag nyid can/ /gsungs pa'i nyon mongs gcod cing 'jig rten kun rtog dang ni bral ba zhes/ /shes dang shes bya'i rnam rtog dben pa spangs shing bden pa'i rang bzhin dang / /mthar gyur kun khyab zhi ba mchog dang mchog rab de nyid 'gro ba bde la stsol/ /dus ni dus kyi mtha' zhes brjod/ /bzhi pa'i dus sbyor zhes bya ba/ /'khor ba 'khrul ba'i rtog spangs shing / /mya ngan 'das pa thob pa spangs/ /mnyam pa'i nyams ni chen por myos/ /mnyam nyid ye shes</font><hr>88.196a<br><font size=+1>

mtshan nyid can/ /gzung ba rnams kyi yul rnams zhes/ /kun nas gzugs la sogs pa las/ /'dzin pa dbang po rnam shes rnams/ /mig la sogs pa'i rang bzhin gyis/ /de dang bral zhing mchog tu phra/ /ye shes bde ba kun gyi bdag /sdug bsngal kun las rnam par grol/ /gzung dang 'dzin pa rnam par spangs/ /bde ba sems ni zhi ba nyid/ /sdug bsngal 'khor ba'i mtshan nyid des/ /de las rnam grol 'jigs pa med/ /mi gnas mya ngan 'das pa po/ /stong nyid ye shes chen po'i bdag /'khor ba'i sdug bsngal mi 'byung zhing / /thugs rje zhi bar mdzad pa'i phyir/ /mya ngan 'das pa'i bde mi gnas/ /nyan thos ye shes zhi ba nyid/ /gnyis med mchog dang bse ru'o/ /de dag bde ba rtogs pa yi/ /de dang bral ba'i bde chen po/ /dgang phyir mchog tu dka' ba'i dus/ /nyan thos ye shes zhes brjod do/ /de mtha' bral ba'i dga' ba ni/ /rang rgyal mya ngan 'das pa dang / /de ni gnyis med ye shes zhi/ /bde ba yis ni bye brag byas/ /dngos po mkhyen pa'i ye shes che/ /byang chub sems kyang 'dzin par byed/ /rtsa rnams kun la bde ba ni/ /bde ba chen po'i go 'phang gnas/ /de yi bdag nyid de nyid ni/ /bde ba chen po zhes ni brjod/ /rnal 'byor gcig pus de nyid ni/ /rtog pa rnam rtog bdag nyid min/ /bsnyen nas bzlas pa sbyin sreg min/ /bsam gtan rlung ni bgegs pas min/ /bya ba ma yin phreng bas min/ /bskyed pa'i rim pa bsgoms pas min/ /cung zad bzhi pa'i dbang bskur gyis/ /bla ma dam pa'i zhal nas 'thob/ /rnal 'byor ma kun kun spyod ni/ /mchog gi ye shes bde ba che/ /rnal 'byor chen po'i rgyud dpal rdo rje phreng ba mngon par rtogs pa las bde ba chen po'i tshig rnam par bshad pa'i le'u ste bcu gsum pa'o// // de nas gzhan yang bshad kyis nyon/ /</font><hr>88.196b<br><font size=+1>

rdo rje pad ma mnyam par sbyor/ /gang gis yang dag dngos grub 'gyur/ /tshe 'di nyid la rnal 'byor pa/ /mi phyed rdo rje zhes ni brjod/ /de ni rlung du yang dag grags/ /yi ge a ni phye ba yis/ /rnal 'byor shes pas rtog mchog stsol/ /de rten snying ga'i pad ma yis/ /'dab ma brgyad kyis rnam par brgyan/ /chos kyi 'khor lo skal ba bzang / /thams cad bdag nyid rtag tu bzhugs/ /de yi 'dab ma la skyes pa/ /rnam shes brgyad ni kun rdzob bo/ /mig la sogs pa yang dag rten/ /'gro ba gsum du rnam par spyod/ /de dag 'joms pa rlung rdo rje/ /bgegs mthar byed pa zhes ni brjod/ /rnam shes rnams dang gang de la/ /'jig rten skyong ba rnams su brjod/ /'jig rten gsum du kun nas khyab/ /'jig rten pa yi lha rnams gnas/ /skyong ba yang ni thams cad kyis/ /yul la sogs pa'i 'bras bu gnas/ /de la rlung gis yang dag sbyor/ /rdo rje pad mo zhes ni brjod/ /rdo rje snying rjer shes par bya/ /pad ma yang ni stong pa nyid/ /de dag sbyor ba'i mchog tu shes/ /rdo rje pad ma mnyam sbyor ba/ /rdo rje nyi ma zhes ni gsungs/ /'od zer tshogs kyi bdag nyid can/ /de rnams kyis ni 'byed pa gang / /de ni pad ma zhes su brjod/ /de yi rnal 'byor mchog tu shes/ /rdo rje pad ma mnyam sbyor ba/ /byang chub sems kyang rdo rjer 'gyur/ /bde chen 'khor lo pad ma'o/ /de la'ang de yi sbyor ba gang / /sbyor ba mchog tu rmad du byung / /bla ma'i gsung ni rdo rje ste/ /slob ma bzang gis thos pa'i snod/ /pad ma de yi gnas de la/ /de yi sbyor ba'ang mchog tu gsal/ /zhi gnas pad ma zhes gsungs la/ /de la lhag mthong rdo rje'o/ /de gnyis gcig gyur rnal 'byor ni/ /sgom pa yis ni de nyid mthong / /rnal 'byor ma zhal pad mar gnas/ /rdo rje bde chen bla na med/ /pad ma slob ma bzang gi kha/ /man ngag gi ni don gyi snod/ /</font><hr>88.197a<br><font size=+1>

de gnyis rnal 'byor kun bdag nyid/ /yang dag de nyid don mthong byed/ /blo ldan rnam rtog bral ba yi/ /rdo rje ling ga zhes ni bshad/ /rnam rtog bral ba'i blo ldan gyis/ /b+ha ga pad ma zhes ni brjod/ /dam tshig gis brlan rnal 'byor ma/ /de gnyis dngos gcig yang dag sbyor/ /gnyis med ye shes mthong bar byed/ /stong phrag gnyis dang bdun khri yi/ /rtsa rnams rdo rje zhes ni brjod/ /byang chub sems ni 'bab pa'i rtsa/ /pad ma zhes ni yongs su grags/ /de ni kun du sbyor ba des/ /dga' ba skyed par byed pa yis/ /rdo rje yi yang nyams dga'i stan/ /rang rig rdo rje 'chang pad ma/ /de la de gnyis mnyam sbyor ba/ /sangs rgyas ye shes go 'phang gsal/ /dbang bskur mchog ni rdo rje ste/ /bla ma slob ma snod bzang po/ /de gnyis mchog tu yang dag sbyor/ /yang dag de gnyis kyi ni rgyu/ /e ni pad ma zhes su brjod/ /yi ge ba~M ni rdo rje nyid/ /thig le de nyid mi shigs pa/ /de gnyis sbyor ba'i ngo mtshar ni/ /de ltar sbyor ba mchog tu shes/ /rdo rje pad snod sdom pa ni/ /rnal 'byor ma yi man ngag dang / /bla ma'i drin gyis yongs su shes/ /rnal 'byor chen po'i rgyud dpal rdo rje phreng ba mngon par rtogs pa las rdo rje pad ma yang dag par sbyor ba bshad pa'i le'u ste bcu bzhi pa'o// //  sngags kyi de nyid ye shes mchog /bshad kyis rdo rje can ni nyon/ /sngags kyi spyod pa spyad pa yis/ /ngag gis dngos grub myur 'grub 'gyur/ /sku gsung thugs kyi rdo rje rnams/ /sngags ni gzungs bzhin bzlas brjod bya/ /de yis myur du dngos grub 'gyur/ /rlung gi de nyid pha mthar phyin/ /rdo rje'i phyag rgya go 'phang zhing / /phyag rgya chen po'i sdom pa'i don/ /mchog gi de nyid ye shes che/ /sngags kyi de nyid bstan pa yin/ /dmigs pa med pa'i go 'phang gsal/ /rdo rje sems dpa' nges pa'i rgyu/ /sngags ni yon tan kun gyis</font><hr>88.197b<br><font size=+1>

gsal/ /lus ngag yid kyi sdom pa'o/ /de nyid de skyes ye shes mchog /de nyid kun gyi don bsdus pa/ /snying ga'i pad+mar mchog tu gsal/ /de nyid ye shes bla na med/ /zla drug bzlas pas 'grub par ni/ /'gyur te gzhan du ma yin no/ /rnal 'byor mchog gi thabs dang ni/ /rnal 'byor pas ni yongs su grags/ /dmigs med zhes ni gang gsungs pa/ /de ni don dam par ni brjod/ /sbrul sogs pa yi dbye ba yis/ /sngags mi bzlos pa gnyis su med/ /'on kyang mi phyed de nyid gsum/ /sngags kyi don dam bsdus pa'o/ /bzlas pa'i dngos grub mtshungs pa med/ /yang dag mnyam par bzhag bzlas na/ /dngos grub mtshungs pa med par 'gro/ /rnam dag go 'phang bzang po gsal/ /gang shes de ni 'gro ba'i bla/ /sngags don sngags de nyid dang ni/ /sngags kyi man ngag kha brgyud pa/ /sngags kyi man ngag mi gsal ba/ /gang shes de ni 'gro ba'i bla/ /de nas rdo rje sems dpa' ni/ /kun mkhyen 'gro ba'i bla ma la/ /rdo rje sems dpas yang nas yang / /phyag byas nas ni yongs su zhus/ /sngags kyi mtshan nyid ji lta bu/ /bcom ldan 'das kyis ming dang don/ /rang bzhin ci zhig rab gsal ba/ /sngags kyi de nyid man ngag ni/ /sngags kyi sdom don ji lta bu/ /de nas bcom ldan rdo rjes gsungs/ /rnal 'byor gsum gyi 'bras bdag nyid/ /sngags kyi don dang ming mchog dang / /gnyis med ye shes mtshan nyid can/ /de kho na nyid bshad kyis nyon/ /snying po'i snying po'i don bsdus pa/ // /                        / /                        / /                        / /                          / /                   / /                   / /                       / /</font><hr>88.198a<br><font size=+1>

thog ma med cing zhi ba dang / /dngos dang dngos med bdag nyid gtso/ /stong nyid snying rje dbyer med pa/ /sngags don rig pa'i mtshan nyid ni/ /nyon mongs med cing mi gsal ba/ /rang bzhin med pa'i mchog gi mchog /ming med rang bzhin med pa dang / /rnam pa med pa'i chen po'i mchog /gnyis pa thams cad rnam par spangs/ /bde ba yang dag 'phel bar byed/ /skal bzang bde ba 'phel bar byed/ /thams cad shes shing cha dang bral/ /gnyis med ye shes rnal 'byor skyes/ /de nyid de ni don dam yang / /de nyid de bzhin nyid gzhan min/ /de nyid rdo rje 'chang ba'i dngos/ /ye shes lnga yi rang bzhin nyid/ /khyab pa kun 'gro stong pa nyid/ /nyon mongs thams cad rab tu 'joms/ /dri med dri bral dga' ba dang / /rang rig pa yi go 'phang mchog /dang po'i lha ste nyams dga' bzang / /cha yi tshogs rnams rgyas par byed/ /man ngag gnas kyi bye brag gis/ /'khor lo'i dbye bas btu bar bya/ /rtsa dang mgrin pa snying ga rkan/ /rtsol ba ji bzhin brjod pa yi/ /de bzhin du ni las bya ba/ /zhi ba la sogs go rim bzhin/ /ji bzhin dngos grub ye shes dang / /ji bzhin nyams su myong mtshan nyid/ /rang bzhin rdzogs pa ji lta bu/ /rgyun gyi dbye ba ji lta bu/ /rig pa ji bzhin sbyor ji bzhin/ /'bras bu ji lta ba bzhin gnas/ /yang dag bsam gtan phyag rgya'i rim/ /gzugs rdzogs pa la sogs pa yi/ /bla ma brgyud pas yang dag gnas/ /rab tu 'bad pas bslab par bya/ /gser dang do shal gos dang ni/ /rin chen sna tshogs yon tan mchog /bran dang las byed grangs med dang / /dad cing gus pa la sogs kyis/ /ji ltar bzhed pa ston pa la/ /rnyed par dka' ba'i dngos rnams kyis/ /sngags kyi don ston bla ma ni/ /dgongs pa yongs su rdzogs par bya/ /phyag byas de</font><hr>88.198b<br><font size=+1>

rjes sngags pa yis/ /yang dag bzung nas 'bras bu'i don/ /mi yi rus pa'i smyu gu dang / /sa gzhi rin chen rab 'bar ba/ /yang na dur khrod thal ba ni/ /rab brdal dngos grub ster bar byed/ /thog mar dbang bskur blang byas nas/ /mdun du dkyil 'khor la sogs bya/ /bgegs mthar byed la gtor ma ni/ /chen po gtsug lag khang du sbyin/ /sku gsung thugs ni sgrub byed pa'i/ /mtshungs pa med pa'i sngags btu bya/ /dang po'i yi ge thog mar bri/ /dbyangs yig lnga pa yang dag ldan/ /sde tshan tha ma'i mtha' cha ldan/ /sku yi sa bon du ni brjod/ /thog ma'i yi ge nyis 'gyur la/ /uSh+ma Sha yi cha dang ldan/ /mtshungs pa med pa'i sngags btu bya/ /gsung gi rdo rje snying po mchog /uSh+ma Sha yi cha dang bcas/ /dbyangs yig drug par yang dag ldan/ /sde tshan mtha' yi mtha' char bcas/ /thugs kyi rdo rje go 'phang gsal/ /sku gsung thugs kyi dam tshig gsum/ /'jig rten gsum yang 'grub par bya/ /rnal 'byor pa yi de nyid mchog /sngags btu ba ni bla na med/ /de nyid dngos grub thams cad byed/ /sngags rnams kun gyi don bsdus pa/ /sngags kyi theg pa kun yin no/ /rgyu dang mi rgyu sa nyid la/ /dngos grub rnams kyi rnal 'byor mchog /rnal 'byor ye shes bla na med/ /rdo rje sems dpa'i snying po ni/ /ye shes bla na med pa'i mchog /man ngag ji bzhin sngags zlos pa/ /dngos grub phyir ni lung bzhin gyis/ /de yi dngos grub rgya chen 'gro/ /tshe 'di nyid la sngags shes pas/ /ye shes chen po zhes bshad pa'i/ /sku gsung thugs kyi rnal 'byor che/ /rab gsal sngags ni mtshungs pa med/ /'dod pa kun la longs spyod byed/ /gang zhig sngags ni mgul pa ru/ /rtag 'chang de kho na nyid shes/ /rtog pa kun yang 'grub par byed/ /dkyil 'khor kun du zhugs pa dang / /dam tshig thams</font><hr>88.199a<br><font size=+1>

cad shes pa dang / /blo bzang 'jig rten gsum yang 'grub/ /rnal 'byor chen po'i rgyud dpal rdo rje phreng ba mngon par rtogs pa las sngags kyi de kho na nyid gsungs pa'i le'u ste bcwa lnga pa'o// // de nas gzhan yang bshad kyis nyon/ /grangs kyi rim pa bla na med/ /ji ltar gnas pa'i rlung rnams kyi/ /rim pa ji lta ba bzhin du/ /gang gis thob pa skal ba bzang / /srog ni thams cad bdag nyid gnas/ /gang gis yang dag yongs su shes/ /rnal 'byor mchog ni thob par byed/ /rlung gi mtshan nyid mi shes pa/ /'jig rten gsum du rnam par 'khor/ /goms pa thob pa de yang ni/ /bla ma rnal 'byor de shes brgyud/ /rlung gi mtshan nyid ji lta bu/ /lo tshigs kyi ni mtshan nyid ni/ /mdor bsdus nas ni bshad par bya/ /sprin gyi dpal las gsal ba gang / /mdor bsdus nas ni dus ni drug /lo tshigs su ni yongs su grags/ /sbyor ba gnyis ni dus yin te/ /dus de nyin zhag drug bcu'o/ /nyin dang mtshan du nges pa la/ /nyin zhag gcig ces yongs su grags/ /nyin mtshan chu tshod drug bcu ste/ /de bzhin dbyugu tsa sha'o/ /'byung dang rngub pa'i dus drug la/ /tsa sha zhes ni yongs su grags/ /skad cig ma drug la ni dbugs/ /de nyid se gol gtogs pa'i tshad/ /thang cig gsum la skad cig go/ /de la yungs kar bskor ba tsam/ /dbugs gsum la ni thang cig go/ /thang cig de ni yud tsam mo/ /thang cig gsum la mig btsums te/ /de yang mig ni 'dzums pa yi/ /tsam gsum la ni mig btsums te/ /tsam ni thal mo brdabs pa'o/ /bde ba 'char ba de gsum tsam/ /de ni thig le 'pho ba'o/ /sngags pa gsum la bde bar gnas/ /de ni rab 'gyel 'jigs par brjod/ /dus gsum la ni 'jigs par bshad/ /dus ni phra ba skad cig bdag /'das pa dang ni da ltar dang / /ma 'ongs pa yi mtshan nyid do/ /'das pa'i skad cig gsum</font><hr>88.199b<br><font size=+1>

du gsungs/ /da ltar yang ni skad cig gsum/ /ma 'ongs skad cig gsum du bshad/ /de las slar yang skad cig gsum/ /de ltar skad cig gsum gyi cha/ /de las cha gsum de las cha/ /de srid grangs ni ji srid du/ /rtog pa stong pa gnyis su med/ /rnal 'byor mchog ni thob par 'gyur/ /srog gi gnas ni bla na med/ /phyogs dang dus kyi rtog pa bral/ /rigs pa'i mtshan nyid spangs pa dang / /de yi srog ni shar nas thim/ /gnyis med de ni bsdus pa'o/ /gzhan yang bshad par bya yis nyon/ /srog ni thim dang 'char ba yi/ /gang tshe skad cig la sogs rtogs/ /kun nas rab tu ma zhi ba/ /de srid srog ni rlung gi gnas/ /grol ba'i gnas ni mi shes so/ /bshang sgo gsang ba'i dbus na gnas/ /ming ni ma skyes cha chen po/ /de yang rnam shes dang bral ba/ /ye shes lus ni bdag med pa/ /der ni skye ba mchog gi mchog /srog chags rnams kyi mchog tu brjod/ /rnam par shes pa'i ngo bo ston/ /thog mar 'byung ba bzhi po la/ /sgro 'dogs bskyed pa'i ngo bor byed/ /de tshe rang gi gnas su thim/ /rnam shes las ni skye ba rlung / /de las me ni skye bar 'gyur/ /me las chu ni 'byung bar byed/ /de las sa ni yang dag skye/ /de dag rnams las phung por byung / /de phyir skye mched rnams dang ni/ /de las rnam shes rang bzhin med/ /brgya dang brgyad kyis lhag pa'i rim/ /ji ltar skye bo de yi gnas/ /thim nas 'gro ba'i rang bzhin du/ /rgyags pa bskyed pa'i rlung chen po/ /nyon mongs yid ni 'das nas ni/ /sngags thob nas ni rnam rgyas te/ /skye mched rnams ni sdud par byed/ /de las rgyags pas chu yi rlung / /rgyags pa bskyed pa za ba'i phyir/ /phung po rnams kyang sdud byed nyid/ /rim gyis lus chen sgra sgrogs byed/ /de las rgyags pa'i cha ni 'byung / /rgyags pa'i chu ni sdud par byed/ /'byung ba rnams kyis bsdus nas kyang / /go rim ji lta ba</font><hr>88.200a<br><font size=+1>

bzhin du/ /de la rlung ni btang bzung 'byung / /rgyags pa'i cha ni za bar byed/ /de nas kyang ni rlung ni sdud/ /khyab cing phra la sgrib par byed/ /de las mi zad btang bzung dang / /rnam shes skad cig sgrib par byed/ /bsgribs nas de las rnam shes kyang / /bems por song nas brgyal bar 'gyur/ /skye mched cha ni sgrib par byed/ /dag pa'i ye shes mchog gi mchog /de las thim par gyur pa'i srog /rnam shes dang ni mtshungs par ldan/ /de nyid mchog ni de ltar bshad/ /srog ni thim zhing 'char ba dang / /ji lta ba bzhin yongs su shes/ /bla ma brgyud pa'i rim pa 'byung / /rigs pa gzhan yang bshad par bya/ /rdo rje'i sku ni bsgrub pa'i phyir/ /'chi ba med pa'i bsgrub pa ni/ /gang gis 'chi med lus mchog ni/ /thob pa yon tan rnams kyi rten/ /gang phyir sems can tshe thung bas/ /'chi med go 'phang bsgrub mi nus/ /de phyir 'bad pa thams cad kyis/ /'chi ba med par rab bsgrub bya/ /bcom ldan mgon po ye shes mchog /rnal 'byor de nyid pha rol byon/ /rdo rje sems dpas phyag byas zhus/ /'chi ba med nyid rigs par ni/ /ji ltar yang dag thim pa lags/ de nas bcom ldan rdo rjes gsungs/ /bya ba kun bsgrub go 'phang ni/ /'chi ba med pa'i rnal 'byor che/ /yang dag de nyid rnam nges pa/ /sems can tshe ni thung ba yis/ /dngos grub 'grub pa gang yang med/ /de bas rnal 'byor bzang po rnams/ /tshe ring ba ni dge ba'o/ /de la thog mar rnal 'byor mchog /blo bzang nang gi bdag nyid bsgrub/ /lce ni rkan gyi dbus sbyar ba/ /byas nas de kho nyid tshig bzla/ /sems dpa'i dkyil krung bcas nas ni/ /yang dag rnal 'byor rjes dran bya/ /sna rtser dbugs ni rgyu bya zhing / /kha ni gsal bar dgag par bya/ /rkan gyi gnas son zla ba ni/ /sngags kyi rnal 'byor</font><hr>88.200b<br><font size=+1>

gyis ni zhu/ /zhu ba rlung gi rnal 'byor gyis/ /rtag tu rnal 'byor gtso bos btung / /mtshan phyed kyi ni dus tshod mthar/ /ji srid thun gcig ma chad par/ /de srid rnal 'byor pas sngags bzla/ /rdo rje'i lus ni byed par 'gyur/ /sde tshan gnyis pa'i gsum pa la/ /dbyangs bcas pa dang yang dag ldan/ /yan lag ma nyams rtag tu bzla/ /sgrub pa po yi srog ni 'gugs/ /rdzas kyang rtag tu bsten par bya/ /de nyid lnga yi rim pas skye/ /bzlas pa rdzogs nas rtag tu ni/ /lus la 'byung ba'i dri ma med/ /lcags lnga'i rang bzhin snod du ni/ /bzhag nas ji srid nyi ma ni/ /'char kar de nas de la yang / /yo Shig rag gtam bde ba ni/ /blugs nas rtag tu rdzas kyi mchog /bdud rtsi bdun pa'i ming can no/ /nyal kar yang ni de 'thungs na/ /rdzas kyis tshe ni 'phel bar byed/ /sngags kyi rgyal po o~M AHhUM/ /de nas lan bdun bzla bar bya/ /lag g.yas ba dan gyis mtshan la/ /snod bzangs de la bkab nas su/ /yi ge brgya pa'i sngags kyis ni/ /lan gsum du ni dag par bya/ /de phyir bud med gzhon nu ni/ /rtag tu 'khur ba bkang zhing btung / /de ni bza' ba sbyin pa yang / /mar la btags pa'i 'bras dang ni/ /ma sha dang ni nyi dga' dang / /ra yi 'o ma kha ra kar/ /til rnams cha mnyams byas nas ni/ /mos pa yis ni sbyin sreg bya/ /nyal kar de la bza' ba sbyin/ /bla na med pa'i bza' ba po/ /de ltar rig pas chog shes nas/ /su la'ang smra bar mi bya'o/ /thams cad sngon bzhin zhi ba ni/ /myur du dngos grub ster bar byed/ /zla ba drug tu'ang gang bsten pa/ /de ni rdo rje'i lus su 'gyur/ /bcud kyis len dang gser 'gyur sogs/ /tshe dgug pa ni bla na med/ /rab tu 'bad pas bsten par bya/ /phyag rgya che don sgrub pa pos/ /rgas pa med cing srin nad med/ /snyom las med cing lkugs pa med/ /glo skam rlung mkhris nad sogs</font><hr>88.201a<br><font size=+1>

med/ /nad dang 'bras dang 'brum bu dang / /shu ba g.yan pa 'brum phran med/ /mdze nad mtshan ma rdol ba med/ /dung dang pad dkar dpal lus ldan/ /'dzam bu'i chu bo gser ltar 'bar/ /rig pa 'dzin pa'i bu mo mchog /de ni rtag tu 'gugs par byed/ /de yi mdza' chen lha rnams te/ /rnal 'byor ma rnams sems par byed/ /lus kyi rang bzhin rtag tu ni/ /phyag bya ba dang mchod par 'gyur/ /rnal 'byor chen po'i rgyud dpal rdo rje phreng ba mngon par rtogs pa las rlung gi grangs kyi rim pa'i gnas bstan pa'i le'u ste bcu drug pa'o// // de nas gzhan yang rtsa rnams ni/ /grangs dang gnas ni bsdus pa nyon/ /'khor lo'i grangs kyi dbye ba yis/ /ji bzhin rmad du byung ba'i mchog /'khor lo drug la rten bcu drug /lus la lha yi gzhal yas khang / /rnal 'byor ji bzhin gnas ji bzhin/ /mdor bsdus nas ni bshad par bya/ /rlung gi 'khor lor gnas pa'i rtsa/ /'dab drug rlung ni mkha' la spyod/ /'dab gsum me yi 'khor lor bshad/ /rtsa gsum gnas ni rim gyis 'char/ /de bzhin longs spyod 'khor lo yang / /rtsa ni bcu drug yang dag brjod/ /chos kyi 'khor lor gnas pa'i rtsa/ /brgyad ni kun la khyab pa'o/ /de bzhin sprul pa'i 'khor lo yang / /drug bcu rtsa bzhir 'char bar bshad/ /bde ba chen po'i 'khor lo cher/ /rtsa ni sum cu gnyis su bshad/ /de ltar mdor bsdus rim pa yang / /brgya dang sum bcu gcig lhag par/ /rtsa rnams su ni yang dag bshad/ /gzhan dag tu ni rgyas par yang / /rtsa ni bdun khri nyis stong du/ /gnas kyi dbye bas phye ba ni/ /nges par brjod pa 'bum sder gsungs/ /rgyud ni chung ngu'ang 'di nyid du/ /snying po las ni snying por gsungs/ /smin ma'i dbus gnas rlung 'khor lo/ /bye ba 'khyil pa mi bzad pa/ /mi bzang brtan dang mtshan</font><hr>88.201b<br><font size=+1>

nyid can/ /rtsa thung drug gi mtshan nyid do/ /'dzin pa rtog med gang ba ni/ /rtsa gsum gru gsum me dkyil 'khor/ /mgrin pa'i 'og tu bshad pa yin/ /dri ma dang bral gsal ba dang / /drag po dang ni gsum yin no/ /yang dag zhugs dang shin tu zhugs/ /shin du bzang dang bzang por 'gro/ /stobs chen dang ni mi bzad che/ /mdzes chen mdun du skyes pa che/ /rgyags pa'i rtag dang rgyags pa'i cha/ /rgyags pa'i chu dang rgyas smyo byed/ /rgyags dang rgyags pa'i rgyu mthun dang / /rgyags pa'i rlan dang rgyags pa 'chang / /rtsub dang mkha' dang 'byung brlang dang / /dbugs mi bde dang g.ya' mkha' 'gro/ /'dab chags yan lag khwa yi gdong / /za phod mi bzad sgra sgrogs dang / /dri ldan rdeg dang rdul ba dang / /dbyangs dang dbyangs skyes dang ni sprin/ /chu ba mthong dang rgyun ltar sngo/ /yud tsam gtso bo yud ma skyes/ /rgyab tu kha bltas dbyug pa dang / /dbyug snyoms dang ni rnying pa dang / /tshigs kyi lha dang tshigs kyi tshig /tshigs kyi tshad dang brtul ba dang / /tshigs kyi gnas dang tshigs kyi gdong / /tshigs 'od tshigs kyi lu gu rgyud/ /dul byed dud 'gro gzi brjid dang / /dri med dul ba'i snyems pa dang / /chu 'phyang lto dang chu 'phyang chags/ /chun 'phyang chun 'phyang phyed sbrang bu/ /phru gu phru gu ster dri ba/ /lo ma lo ma'i mgrin pa dang / /rab mchog ma dang rab gsal te/ /de ltar drug bcu rtsa bzhir bshad/ /lte ba sprul pa'i 'khor lo gnas/ /bdud rtsi mchog gis yongs su gang / /rin chen chen po pad ma dang / /rdo rje chen po stobs po che/ /mgo bo che dang sgra che dang / /nyes dga' chen po myos pa che/ /'di brgyad chos kyi 'khor lo'i dbus/ /snying ga'i pad mar yang dag gnas/ /longs spyod longs spyod ster ldan dang / /nyi 'gro gsal dang skal ba dang / /sgom pa dang ni thal ba'i gdong / /bza' ster bza' dang bkres pa dang / /bcud len ros ni</font><hr>88.202a<br><font size=+1>

bkur ba dang / /ro 'jigs pa dang ro dang ni/ /khrung khrung longs spyod 'khor lor gnas/ /grangs ni bcu drug tu ni brjod/ /de steng rim rigs 'dod pa can/ /'dod can ma dang srog gi lus/ /zla 'thung zla ster mdzes pa ni/ /'dod chags min smra ku sha dang / /shi ba spo dang dag pa dang / /me dang me ro ne tso dang / /gang la gnyis ro ldan pa dang / /kos ring chang ster bdud rtsi dang / /dung can dang ni dung rna dang / /dug gi mig dang dug gi sna/ /rgyags dbang rgyags pa brkam pa dang / /rgyags pas brgyal dang ngo mtshar rgyags/ /snyems pa dang ni tshogs kyi sten/ /sum bcu rtsa gnyis zhes ni brjod/ /bde ba chen po'i 'khor lo che/ /mchog tu dga' ba ster bar byed/ /phra dang reg bya mchog tu phra/ /gzung dang 'dzin pa rnam par spangs/ /rang nyid bde chen rang bzhin dang / /gzhan dag la yang ster bar byed/ /de ltar yang dag rtsa yi rim/ /bla ma'i zhal las shes par bya/ /rtsa yi rim med nges par ni/ /phung po la sogs mi 'byung ngo / /phung po med na ye shes che/ /rnal 'byor pa yis thob mi 'gyur/ /phung po lnga yi bdag nyid lus/ /mkha' 'gro lngar ni rab tu grags/ /de nyid 'byung ba lnga yis ni/ /ye shes lngar ni rnam par gnas/ /de phyir 'bad pa thams cad kyis/ /rtsa yi 'khor lo shes par bya/ /ji ltar chu yi dbus kyi shing / /myur du yang ni 'phel nas 'gro/ /de las 'bras bu sogs ldan pa/ /ster bar 'di la the tshom med/ /de bzhin phung po shing zhes bya/ /rtsa yi chu yis 'phel nas ni/ /'phel bas yang dag 'bras bu ni/ /thams cad mkhyen pa nyid ster byed/ /lha yi rnam pa'i ngo bo yis/ /rtsa rnams rang bzhin bsgom par bya/ /gnyis phrad pa las reg bya gnyis/ /gal te rdo rje lhag gyur na/ /de tshe me ni yang dag 'bar/ /de rjes me yi 'khor lo'i dbus/ /'khor lo'i ming can pad ma rnams/ /rim gyis rim gyis bye bar</font><hr>88.202b<br><font size=+1>

'gyur/ /'di ni rtsa las 'bab de las/ /byang chub sems ni bde ba che/ /sprul pa'i snying po yang dag thob/ /ngo bo gcig gyur bsdus nas ni/ /'bab pa'i nyi ma zla ba'o/ /mi dbang dkyil 'khor dbus su yang / /gang phyir srad bu'i rnam par gnas/ /rgyu gcig tu yang shes nas ni/ /de nyid 'bras bu rnam pa gnyis/ /g.yas pa nyi ma'i rnam pa dang / /g.yon pa zla ba'i rnam par 'byung / /gang tshe g.yas pa'i nyi ma ni/ /de tshe khrag 'gyur bde ba'o/ /gang tshe g.yon pa'i zla ba gsal/ /bde ba kun kyang de lta bu'o/ /de gnyis khongs su chud pa'i me/ /yan lag bdun nyid yang dag gnas/ /sngon la rlung gi rnam shes ni/ /brgya lam gang tshe 'khrul gyur na/ /pha yi mkha' la mtshungs par gnas/ /de tshe chags pa'i dbang du 'gyur/ /gsang gnas zla mtshan ldan pa'i rtsa/ /me dang nyi ma 'char ba na/ /de tshe lhag par chags pas non/ /chags pa mchog tu 'dod par 'gyur/ /rdo rje pad ma 'dres pa'i gdong / /'jug pa pha yi kha yi rlung / /de tshe sa bon du ni 'gyur/ /sa bon las ni sems can 'byung / /de phyir rtsa las yang dag 'char/ /'bras bu ngo mtshar can ni skye/ /de nyid byang chub sems kyang ni/ /'dzin pa srog ni bsdus pa'o/ /ye shes mchog dang de nyid mchog /mchog tu bde ba rmad byung che/ /ye shes rnal 'byor thob pa yis/ /mchog tu bde ba bla na med/ /rnal 'byor chen po'i rgyud dpal rdo rje phreng ba mngon par rtogs pa las rtsa'i 'khor lo'i gnas kyi rim par bstan pa'i le'u ste bcu bdun pa'o// //  de nas gzhan yang bshad bya ba/ /rnal 'byor lus la rim ji bzhin/ /rtsa rnams rtag tu yang dag ni/ /rgyud pa yi ni rigs kyis skye/ /gsal ba ru ni ma gsungs pa/ /dad pa'i bsam pa rnam spangs pa/ /skye bo skal ba med don du/ /gang du'ang gsal bar ma gsungs pa/ /snyigs ma lnga zhes bya ba'i dus/ /sems can myur du dngos</font><hr>88.203a<br><font size=+1>

grub don/ /snod du bya bar 'dod pa yis/ /rang byung ye shes rmad byung ba/ /rnal 'byor lus kyi bde chen po'i/ /'khor lo'i rtsa ni sum bcu gnyis/ /byang chub sems ni gsal 'bab pa'i/ /rtsa rnams yang dag rnam bshad bya/ /de ni bde ba chen po'i gnas/ /de ni mtshan nyid bshad par bya/ /ka tsa Ta ta pa'i sde tshan/ /ya ra la wa Sha sha sa/ /de dag rim par shes par bya/ /slar yang de dag bsdus nas ni/ /sde tshan tsam ni gcig tu 'gro/ /de yang zhi ba'i ye shes mchog /byang chub sems la thim nas 'gro/ /kun rtog thams cad spangs nas ni/ /bde ba kun gyi gzhi yi mchog /shes dang shes bya rnam par spangs/ /thams cad bdag nyid rtag tu bzhugs/ /de las 'khor lo gsum dbye bas/ /rtsa ni brgyad kyi dbye ba las/ /sku gsung thugs kyi sngags kyis ni/ /gsum phye bdun bcu rtsa gnyis gsal/ /de ni stong du rab phye ba/ /so sor 'phros pa'i bdag nyid can/ /stong phrag bdun bcu rtsa gnyis kyis/ /rtsa rnams kyi ni grangs zhes bya/ /rlung dang mkhris pa bad kan ni/ /khams gsum gyi ni dbye ba yis/ /stong phrag nyi shu rtsa bzhir ni/ /'khor lo 'khor lo'i dbye ba yis/ /rnal 'byor chen po'i rgyud kyi ni/ /nges pa'i man ngag rjes 'brangs na/ /phyag rgya'i rnal 'byor de nyid mchog /lha yi rim pa'i mtshan nyid ni/ /rtsa ni so sor dbye ba yis/ /bla ma'i zhal las shes par bya'o/ /de las yang ni sdom sbyor bar/ /song nas phan tshun kun nas brten/ /slar yang bdun bcu rtsa gnyis 'gro/ /bde chen 'khor lo rtsa yi gnas/ /rtsa ni sum bcu rtsa gnyis las/ /de yang 'khor lo sdom par 'gyur/ /'khor lo re re'i gtso bo'i rtsa/ /brgyad brgyad du ni 'gyur bar gsal/ /rnal 'byor lus kyi rtsa mchog ces/ /rmad byung sum bcu rtsa gnyis ni/ /yi ge</font><hr>88.203b<br><font size=+1>

sum bcu gnyis dbye bas/ /rtag tu rnal 'byor gtso bos thob/ /phung po khams dang don yul nyid/ /dbang po'i sgo ni srung ba'o/ /sum bcu rtsa gnyis dbye bdag nyid/ /gsal ba yi ni dkyil 'khor mchog /lus kyi gzhal yas khang du yang / /de nyid kyi ni nang bzhugs pa/ /de bzhin gshegs dang lha mo dang / /gzugs la sogs dang rgyal sras rnams/ /khro bo bcu zhes bya ba yi/ /de nyid mchog ni yang dag bzhugs/ /slar yang khro bo rgyal sras la/ /nang du mi snang bar ni 'gro/ /rgyal sras rnams ni gzugs la sogs/ /lha mo rnams la bsdus nas ni/ /de rnams kyang ni sa sogs 'gro/ /de dag de bzhin gshegs lnga la/ /sku gsung thugs kyi rdo rje la/ /de dag la yang bsdus nas 'gro/ /de kho na nyid bde gcig pu/ /de la yang ni thim nas 'gro/ /gzung dang 'dzin pa rnams las grol/ /bde ba kun rten pa yi mchog /de yang nyams myong tsam las slar/ /de ni yi ge tsam la thim/ /yi ge tsam ni thig ler thim/ /thig le yang ni sgra la thim/ /sgra yang sgra tsam la ni thim/ /sgra tsam 'od gsal ba la'o/ /'od gsal go 'phang yang dag par/ /spro dang bsdu ba'i mtshan nyid do/ /rnam par shes dang chos dbyings dang / /don dam pa dang bde ba che/ /gzung dang 'dzin pa las grol ba/ /byang chub sems ni dri ma med/ /rdo rje sems dpa'i zhi ba che/ /gnyis med ye shes rmad du byung / /dbang bskur bzhi pa bde ba dang / /bzhi ba'i dga' ba go 'phang mchog /de la sogs ming bye brag gis/ /go 'phang mchog ni gsungs pa yin/ /spro dang bsdu ba'i dbye ba yis/ /rim pa ji lta ba bzhin du/ /de ltar bskyed dang rdzogs pa yi/ /rim don bla ma brgyud las shes/ /zhi ba gnyis med mtshan nyid can/ /rnal 'byor chen po'i rgyud dpal rdo rje phreng ba mngon par rtogs pa las rnal 'byor pa'i lus kyi rtsa bsdus pa'i le'u ste bcwo brgyad pa'o// // de nas gzhan yang bshad</font><hr>88.204a<br><font size=+1>

bya ba/ /sna tshogs la sogs skad cig bdag /yang dag gzhung lugs mtshan nyid ni/ /de nyid ji lta ba bzhin nyon/ /rnam pa sna tshogs rnam par smin/ /rnam par 'joms dang mtshan nyid bral/ /skad cig ma ni bzhi zhes gsungs/ /rnam par phye nas slar bshad bya/ /rnam pa sna tshogs mngon par 'dod/ /de yi skad cig dbye bar bya/ /a ling ga na dang / tsum pa na sha dang tsum sha na dang ku tsa gra ha dang bu la tra tra han dang da sha na dang da kha da na dang do la dang pu tsi tsi dang kur pa la sogs pa'i ka ra na dang / /rnam pa sna tshogs skad cig go /na li stong phrag bdun bcu gnyis/ /lus ni bde ba rgyas pa na/ /mgrin pa dag tu gang phyin pa/ /rnam smyin zhes bya skad cig go /lhan cig skyes pa'i ye shes ni/ /rdo rje phreng ba'i mtshan nyid can/ /thams cad mngon par byang chub pa'i/ /rnam pa med pa'i skad cig go /na li las byung shu kra 'das/ /rnam pa dang bral skad cig go /ye shes bzhi dang stong pa bzhi/ /skad cig ma ni bzhi las rtogs/ /rnal 'byor chen po'i rgyud dpal rdo rje phreng ba mngon par rtogs pa las skad cig ma'i mtshan nyid rgyas par bshad pa'i le'u ste bcu dgu pa'o// // de nas gzhan yang bshad bya ba/ /dga' ba bzhi yi mtshan nyid ni/ /lugs 'byung lugs las bzlog pa yi/ /ji lta ba yi rim pa yi/ /dga' ba'i bde ba dang po ste/ /mchog tu dga' ba gnyis pa dang / /dga' bral zhes pa gsum pa dang / /bzhi pa lhan cig skyes par bshad/ /sprul pa'i 'khor lor dga' ba dang / /mchog dga' chos kyi 'khor lor gnas/ /longs spyod bral ba'i dga' ba dang / /lhan cig skyes dang bde ba che/ /lugs bzlog rim pa zhes ni gsungs/ /de rjes lugs 'byung bshad bya ste/ /bde chen 'khor lo spyi bo la/ /de ni dga' bar bshad pa yin/ /longs spyod 'khor lor mchog dga' dang / /dga' bral chos kyi 'khor lor gnas/ /sprul pa'i 'khor</font><hr>88.204b<br><font size=+1>

lor lhan cig skyes/ /dga' ba nyams su myong bar byed/ /blta dang dgug dang de bzhin brda/ /kha la tsum pa byed pa yi/ /dga' ba nyams su myong bar shes/ /rnam pa sna tshogs mtshan nyid do/ /rnal 'byor rnal 'byor ma mchog tu/ /de bzhin skra la 'dzin pa dang / /rdo rje pad mar bzhag nas ni/ /nyams myong sa ni skad cig mchog /rnam smin zhes bya skad cig nyid/ /de nyid rgyur ni rnam par shes/ /rtsa yi dbus na rab gsal gnas/ /gtum mo yang ni rnam rtog 'joms/ /bde ba chen po'i 'khor lo che/ /mchog gi cha ni zhu bar byed/ /bral dga'i gnas su myong ba na/ /rnam rtog skad cig mtshan nyid do/ /de la ro gcig rang bzhin ni/ /rtsa ni gcig gi rgyun la rten/ /bde ba chen po'i go 'phang zhi/ /lhan cig skyes pa'i mtshan nyid ni/ /rnam pa sna tshogs skad cig gsungs/ /stong nyid kun gyi gzhi yi mchog /chos kyi 'khor lo de la te/ /rnal 'byor pa yis bsgrub bya ba/ /nyams su myong ba mchog dga' ste/ /rnam smin skad cig mtshan nyid do/ /longs spyod 'khor lo de las ni/ /steng du byed pa'i skad cig la/ /nyams myong bral ba'i dga' ba ni/ /rnam 'joms mtshan nyid skad cig go /bde ba chen po'i 'khor lo che/ /de thob mtshan nyid skad cig ma/ /lhan cig skyes dga'i nyams myong ba/ /mtshan nyid dang bral skad cig go /rtsa gsum kun gyi nam mkha' che/ /rnal 'byor ma tshogs yang dag gzugs/ /de las rab sad nyams myong ba/ /mtshan nyid gcig par ro mtshungs pa/ /rnal 'byor chen pos nyams su myong / /slar yang mtshan nyid med par 'gro/ /rab tu sad pa nyams su myong / /stong phrag bcu drug bdag nyid do/ /bde chen go 'phang mi phyed pa/ /gnyis med rdo rje sems dpa'i gnas/ /de ltar 'di ni dga' dbye ba/ /gzhan du gsal bar ma gsungs so/ /rnal 'byor ma yi bka' drin gyis/ /bla ma brgyud pa las shes bya/ /</font><hr>88.205a<br><font size=+1>

rnal 'byor chen po'i rgyud dpal rdo rje phreng ba mngon par rtogs pa las dga' ba'i mtshan nyid rnam par dbye ba'i le'u ste nyi shu pa'o// // de nas gzhan yang bshad kyis nyon/ /thig le gsum ni bla na med/ /gang gis shes pa tsam gyis ni/ /rnal 'byor pa yi dngos grub 'gyur/ /rtsa rnams kun du 'bab pa dang / /byang chub sems ni zhu byas pa/ /rdo rje 'am ni pad ma'i rtse/ /rlung ni bzung ba'i skad cig la/ /rkan dgug pa yi sbyor ba dang / /k+Sh+mi gyi sngags kyi sbyor ba yis/ /rnal 'byor mchog ni thob par byed/ /bde ba kun gyi gzhi yi mchog /chos kyi 'khor lo de nyid mchog /snying ga'i pad ma'i lte ba la/ /dbus su hU~M ni bkod nas ni/ /thams cad stong pa'i mtshan nyid ni/ /dngos dang dngos med rnam par grol/ /de kho na nyid lus skyob pa/ /phyogs yul dus dang rnam par grol/ /steng dang 'og ni rnam par spangs/ /sems bral rang gi ngo bor gnas/ /ngag gi dra ba yongs su spangs/ /rgyud dang mtshan ma dang bral zhing / /rtog pa'i spyod yul rnams dang bral/ /gnyis pa kun la rnam par grol/ /mchog tu rtag cing zhi ba'o/ /rlung gi thig le rnal 'byor mchog /kha dog lnga pa gsal ba che/ /sna rtser sbyor ba'i rnal 'byor gyis/ /kun nas kyang ni bsgom par bya/ /yi ge o~M ni sngags kyi mchog /rnal 'byor pa yis bzla bar bya/ /snga ma bzhin du ye shes lnga/ /zhi ba la sogs de bzhin bsgrub/ /bag chags rim pa'i mtshan nyid ni/ /sku gsung thugs kyi dbye ba yis/ /rtsa ni gsum po 'di ni mchog /bsdus nas slar yang dbye ba ni/ /phan tshun du ni so sor 'gro/ /rdzas kyi thig le khong chud pa/ /thig le gnyis te sngags dang rlung / /sngags kyi thig le de nyid mchog /thig le gnyis ni 'od dang rdzas/ /slar yang rlung gi thig le yang / /</font><hr>88.205b<br><font size=+1>

thig le gnyis kyi nang du 'gro/ /sngags dang rdzas kyi bdag nyid can/ /rnal 'byor pa yis yang dag shes/ /zla ba nyi ma me yi rtsa/ /gsum zhes bya ba'i mtshan nyid do/ /la la nA dang ra sa nA/ /a ba d+hU tI zhes bya'i ming / /sku gsung thugs kyi rang bzhin dang / /de nyid du ni yongs su grags/ /steng dang 'og tu khyab pa nyid/ /so sor lu gu rgyud tshul du/ /rtsa rnams kun la khyab nas ni/ /yang dag man ngag rim pas gnas/ /de ltar rnal 'byor mchog tu phra/ /shes dang shes bya rnam par spangs/ /dngos grub thams cad kyi ni gzhi/ /rnal 'byor chen po'i rmad byung che/ /gso sbyong gis min bzlas pas min/ /phreng bas ma yin 'gog pas min/ /grangs min dus min sbyin sreg min/ /'byin byed 'gogs byed kyis ni min/ /ye shes chen po'i go 'phang zhi/ /rnal 'byor gcig pus rtogs par byed/ /mngon par shes pa lnga dang ni/ /de bzhin ye shes lnga yi mchog /thig le gsum ni rnam sgom pa/ /zhi sogs bya ba yang dag ni/ /rnal 'byor mchog gis 'grub par 'gyur/ /stong nyid ye shes mtshan nyid ni/ /ye shes sems dpa' rdo rje sems/ /dam tshig sems dpa' zhes bya gsungs/ /gnas dang grangs kyi dbye ba yis/ /bla ma brgyud pa las shes bya/ /rnal 'byor chen po'i rgyud dpal rdo rje phreng ba mngon par rtogs pa las thig le gsum rnam par dbye ba'i le'u ste nyi shu rtsa gcig pa'o// // de nas gzhan yang de nyid nyon/ /de nyid gsum gyi go 'phang mchog /sku gsung thugs kyi rdo rje yi/ /snying po bdag nyid dam tshig ni/ /yi ge gsum ni sku gsung thugs/ /snying po yang ni bshad par bya/ /de ni rnam phye khyod nyon cig /de ni ji lta ba bzhin bshad/ /o~M ni sku yi rdo rje yi/ /snying po ru ni yang dag bshad/ /yi ge a dang yi ge u/ /yi ge ma zhes bya ba gsum/ /AHni chos</font><hr>88.206a<br><font size=+1>

'khor pad ma la/ /rlung gi 'khor lo la ni khyab/ /sgrib med pa yi rlung chen po/ /srog tu gsungs pa thams cad bsdus/ /cha med cha dang bral ba dang / /dngos po dngos med dbus na gnas/ /thig le 'khor lo'i cha la khyab/ /nam mkha'i khams kyi yi ge mchog /sngags rnams kun gyi don gyi gnas/ /sngags rnams thams cad rab sad byed/ /sngags rnams kun gyi phan byed cing / /ngag gi 'khor lo rab sad byed/ /dngos su lan gsum gyi ni gzhi/ /'byung ba thams cad dbang du byed/ /zad med 'phel ba med pa'i gnas/ /byang chub sa bon bde ba che/ /gzugs med khams su yang dag bshad/ /'khor lo bzhi yi don bsdus pa'o/ /u ni longs spyod 'khor lor gnas/ /me dang nyi ma 'dra ba yi/ /mgrin pa'i mtha' nas spyi gtsug mtha'/ /khyab pa gzi brjid kyi ni lus/ /gzugs kyi khams zhes bya bar shes/ /gnas ris bcu bdun bdag nyid can/ /bde chen 'khor lo zhes byar bshad/ /yi ge ma ni thig le tsam/ /gdong tshad mtha' yi sor bzhi tsam/ /dga' ba'i gtsug tor gnas na gnas/ /zla ba'i gzugs dang 'dra ba yi/ /bde ba chen po'i go 'phang zhi/ /rtsa ni kun la khyab pa po/ /mi phyed lus kyi go 'phang ni/ /'dod pa'i khams zhes bshad pa yin/ /bsdus na gnas ris nyi shu'o/ /de ltar rlung ni gnas gsum gyi/ /rtsa gsum gyi ni gnas su 'dus/ /yi ge o~M gyi brda shes na/ /khams gsum rnam par sad par byed/ /rnam par snang mdzad 'gro ba'i gzugs/ /spro ba'i bdag nyid can gyi rgyu/ /rnam par rtog pa'i rlung gnyis ni/ /sna yi bu ga nas ni byung / /yang dag nyi ma zla ba gnyis/ /sbas pa nang nas rgyu bar byed/ /me ni 'bar ba rtse mo la/ /smin ma'i dbus su srog gi rlung / /de ltar gcig pu'ang gsum du bshad/ /gtan la phab ste de nyid gsum/ /zhi ba khams gsum la khyab pa/ /</font><hr>88.206b<br><font size=+1>

skye ba'i sa bon rgyas pa'o/ /yi ge a ni ye shes mchog /gsung gi rdo rje snying po mchog /a ni gnyis dang yi ge ha~M/ /ring por byas te dbye ba gsum/ /chos kyi dbyings kyi don bsdus pa/ /yi ge AHni sngar bshad zin/ /gnyis pa yang ni srog gi rlung / /stong nyid ye shes ming can te/ /srog dang rtsol ba gnyis su rigs/ /yul dang dbang po bsdus pa'o/ /kun gzhi dang ni nyon mongs yid/ /gzung dang 'dzin pa'i ngo bo nyid/ /ngo bo gcig tu gyur nas ni/ /gsung gi rdo rje brjod pa'i mchog /AHni chos 'khor pad ma las/ /mgrin par yi ge AHnyid 'gyur/ /srog nyid dang ni thur sel dang / /yi ge ha yis kun nas ni/ /mgrin pa'i dbus na gnas pa bcings/ /a ha~M kha nas gsal bar brjod/ /ro 'bab pa yi khrung khrung ni/ /ro skyur ba zhes bya bar gsungs/ /bkug nas rtag tu khyab par byed/ /gzugs kyi khams ni 'bar ba'o/ /ha dang de bzhin yi ge u/ /de ni yi ge ma dang gsum/ /rkang pa nas ni mgo mtha'i bar/ /'khor lo bzhi yi don bsdus pa/ /ha ni thur sel ming can rlung / /bshang sgo gsang ba'i dbus na gnas/ /yi ge u ni khyab byed rlung / /mgrin pa pad ma'i dbus na gnas/ /yi ge ma ni srog rlung yin/ /dpral ba rlung gi 'khor lo la/ /de dag gcig gyur snying ga nas/ /thugs kyi sa bon du ni brjod/ /mi bskyod snying po kha dog gnag /gzugs med khams kyi ming can no/ /sku gsung thugs kyi rdo rje yi/ /snying po gsum du rab tu bshad/ /lag na rdo rjes thal sbyar nas/ /slar yang thams cad mkhyen la zhus/ /rdo rje gsum gyi sngags don dang / /gnas kyi dbye ba 'tshal lags na/ /'di rnams dbus na bdag po gang / /ji lta bu zhig gtso bos gsungs/ /gtso bo rdo rje 'chang ba che/ /bcom ldan 'das kyis slar gsungs pa/ /gsang ba'i mchog tu gsungs pa yi/ /sbas pa'i don ni khyod</font><hr>88.207a<br><font size=+1>

'dri ba/ /rgyud rnams kun du ma gsungs pa/ /rab tu bshad kyis mnyan par gyis/ /thugs kyi sa bon bdag po ste/ /kun gyi nang na rnam rtog med/ /gang phyir gtso bos gzhan rnams ni/ /sgrib dang de bzhin 'phrog pa dang / /rnam par rtog pa'i rlung gnyis ni/ /lus kun la ni khyab par byed/ /sna yi bu ga las ni rgyu/ /lus la rtag tu 'byung bar byed/ /'gro ba drug gi 'khor lo'i lam/ /gang gi stobs kyis khyab par byed/ /gsum pa rnal 'byor pa yis rtogs/ /rnam rtog med par rmad byung che/ /rlung rnams thams cad 'gags pas na/ /skyes pa de nyid rtogs pa'o/ /rlung ni thams cad 'gog pa yang / /yang dag rigs par nga yis bshad/ /sprul pa'i chos kyi 'khor lo'i dbus/ /rgyud 'di pad ma gnyis su gsungs/ /drug bcu rtsa bzhi brgyad 'dab gnyis/ /steng dang 'og tu kha bltas nas/ /slar yang kha sbyor tshul du gnas/ /srog dang mthur sel rgyud bar byed/ /de nyid rtog pa dang bcas pa/ /rlung gnyis su ni gsal bar gsungs/ /sku dang gsung gi snying po gnyis/ /la la nA dang ra sa nA/ /a ba d+hU tI mchog gi gnas/ /de gnyis dbus na mchog gi mchog /rnam rtog med pa rlung gi rlung / /rtag tu rgyu zhing kun la khyab/ /rnam rtog gang thob rtag tu ni/ /las kun byed cing mkhas par 'gyur/ /rlung gi rang bzhin bye brag ni/ /brgya dang brgyad las gang rgyal ba/ /dus kun du ni 'phel bar rigs/ /rnal 'byor byis pas mi shes pa/ /skad cig gcig mngon rdzogs byang chub/ /de yis thob par rgyud 'dir gsungs/ /de ni gang tshe skad cig thob/ /de ni skad cig mchog tu gsungs/ /de yang ji ltar thob par byed/ /de la rigs pa ru ni brjod/ /thog mar rnal 'byor pa chen po/ /blo bzang gis ni zhi gnas bsgom/ /bskyed pa'i rim</font><hr>88.207b<br><font size=+1>

pa'i sbyor ba yis/ /khro bo'i phyag rgya byas nas kyang / /dbang po yi ni sgo dgu la/ /thams cad du ni kun rdzob pa/ /hU~M bzlas pa ni mtshungs pa med/ /mchog tu rgyun mi 'chad par ni/ /zla ba gcig tu bzlas byas na/ /de rjes skad cig de la thob/ /gang phyir de ni bzlas byas na/ /snying ga'i pad ma'ang steng bltas 'gro/ /de nas gsang ba'i pad ma las/ /kha sbyor ba ni de bas kyang / /rnam par rtog pa'i rlung gnyis ni/ /de las rnam par bcas nas 'gro/ /rnam rtog med pa'i rlung chen po/ /sku gsung rdo rje bcad nas ni/ /rnam rtog med pa'i bde ba ster/ /sngags kyi de nyid kyis ni 'thob/ /a ba d+hU tI'i rgyun la gnas/ /smin dbus rlung ni bcad byas pa/ /de thob thob byas dga' ba ni/ /rgyun du 'chang zhing mi bzad pa/ /chags sogs bral zhing zhi ba dang / /rang rig bde ba chen po'o/ /'dir ni rgyu mtshan bshad par bya/ /sngags grub pa yi rnal 'byor pas/ /'dar dang rngul dang ba spu langs/ /rtag tu dga' ba'i bsam pa dang / /gdong ni zangs mdog yid du 'ong / /kun gyis mthong dang dga' ba dang / /grangs lhag chad pa la sogs dang / /'jig rten chos dang de bzhin gnas/ /rnal 'byor sngags kyi de nyid ni/ /gnod pa nyid du mi 'gyur ro/ /rnal 'byor chen po'i rgyud dpal rdo rje phreng ba mngon par rtogs pa las sku gsum gyi snying po bshad pa'i le'u ste nyi shu gnyis pa'o// // de nas gzhan yang bshad kyis nyon/ /de nyid gsum gyi tshig bstan bya/ /bdag nyid sngags sogs byed pa yis/ /ji lta ba bzhin rim pa rnams/ /bdag gi de nyid rnal 'byor mchog /rdo rje sems dpa' nyid kyi rgyu/ /sangs rgyas kun gyi rang bzhin bdag /sangs rgyas kun gyi sku gcig pu/ /kun mkhyen go 'phang mi gsal byed/ /rigs kyi dbye bas rab gsal byed/ /rigs ni lnga yi rnam pa gang / /de ni phung po'i</font><hr>88.208a<br><font size=+1>

mtshan nyid do/ /phra rag la sogs dbye ba yis/ /thogs bcas thogs med mtshan nyid dang / /'byung ba chen po bzhi yi dngos/ /'di ni gzugs kyi phung por gsungs/ /der ni rnam snang ngo bo dang / /thams cad spros bar byed pa'i rgyu/ /bde dang sdug bsngal mchog tu zhi/ /grang dang dro ba mchog gi mchog /gang gis shin du rig pa ni/ /de ni tshor ba'i phung por bshad/ /rin chen 'byung ldan nyid kyi mtshan/ /de bzhin gshegs pa'i spros bdag nyid/ /glang po bong bu ce spyang dang / /rta dang ri dgas dang ni phag /pha dang ma dang pha yi spun/ /mdza' bo snag gi gnyen tshan sogs/ /gang gis yang dag shes pa ni/ /'du shes phung po'i mtshan nyid ni/ /de bzhin gshegs pa 'od dpag med/ /de ni spros pa kun nas gsal/ /'gro ba khyab par yongs su shes/ /dge dang mi dge'i las 'bras bu/ /gzhan yang lung du ma bstan min/ /de yi 'du byed du ni bshad/ /don yod spro ba'i rang bzhin can/ /'khor ba dngos dang dngos med sogs/ /kun rtog 'byung ba'i bdag nyid can/ /rnam shes zhes ni rnam par shes/ /mi bskyod spro ba'i bdag nyid can/ /de ltar phung po yongs shes na/ /lung dang rigs pa'i shes pa skye/ /dzi na dzika dang rata na d+h+r-ika / A ro lika dang pradz+nyA d+h+r-ika / badzra d+h+r-ig ces bya ba'i sngags/ /ci rigs par ni rim bzhin shes/ /spyan la sogs pa bzhi po gang / /de ni khams gsum yongs su brtag /sra ba la sogs bzhir phye bas/ /sa yi khams su yongs su brtag /gti mug dga' bar mngon par brjod/ /de yi spyan du yongs su grags/ /zhu ba ci mchi khu ba sogs/ /rdzas kyi bye brag yang dag bstan/ /chu yi khams su rnam par shes/ /mA ma kI yi bdag nyid can/ /dro ba bza' btung smin pa dang / /gzi brjid 'phro ba nyid thams cad/ /me yi khams su shes</font><hr>88.208b<br><font size=+1>

par bya/ /gos dkar spro ba'i bdag nyid can/ /'byung ba rngub pa rab tu 'phel/ /rlung rnams kyi ni tshogs kyi mchog /brkyang ba dang ni bskum pa dang / /steng dang 'og tu byed pa dag /de ni rlung gi khams su shes/ /sgrol ma spro ba'i bdag nyid can/ /de ltar 'byung ba bzhi po yang / /rnal 'byor mchog nyid rnam par shes/ /mo ha ra ti dwe Shar ti/ /rA ga ra ti badzra ra ti/ /de ltar rim pas sngags rnams ni/ /de dag mngon sum cho ga yis/ /gzugs la sogs pa yul gyi tshogs/ /lha mo'i gzugs kyi mtshan nyid du/ /rnal 'byor mchog gis rnam par shes/ /stong nyid gcig pu rgyu gcig pu/ /sngo ser sogs kyi dbye ba dang / /ring dang thung ba'i rnam pa yis/ /lha mo de gzugs rdo rje ma/ /phyi rol gzung ba'i rang bzhin can/ /mkhar rnga sil snyan sbubs rol mo/ /de bzhin rnga snyan pi bang dang / /bstod dang smad sogs sgra dag ni/ /sgra yi rdo rje ma zhes bya/ /gzung ba dang ni rang bzhin mchog /rnam par shes pa sad par byed/ /dri nga ba dang dri bzang dang / /sbyar ba'i dri yi mchog rnams ni/ /dri rdo rje mar de shes bya/ /gzung ba'i rnam par cher dmar ba/ /ro drug mchog tu ldan pa ni/ /lan tshwa skyur la sogs dbye yis/ /rdo rje ro mar de shes bya/ /kun kyang gzung ba'i rnam pa'o/ /mig sogs dbang po la brten pa/ /rnam par shes pa'i tshogs brgyad ni/ /rim pa ji lta ba bzhin du/ /byang chub sems dpa' brgyad du shes/ /byang chub sems dpa'i bdag nyid che/ /mig gnyis sa yi snying por gsungs/ /gzugs la sogs pa ci rigs par/ /rang gi ngo bo spro bar byed/ /sgra yi rnam pa thams cad nas/ /bye brag so so ci rigs par/ /sgra yi rnam par shes pa ni/ /phyag na rdo rjer yang dag bshad/ /dri yi bye brag la spyod pa/ /so sor ji ltar rigs par ni/ /sna yi rnam shes mtshan nyid</font><hr>88.209a<br><font size=+1>

ni/ /nam mkha' snying po rnam par shes/ /ro yi bye brag la spyod pa/ /dbye ba so so'i go rims bzhin/ /lce yi rnam shes mtshan nyid ni/ /'jig rten dbang phyug tu ni shes/ /reg bya'i bye brag la spyod pa/ /bye brag so so'i go rims bzhin/ /reg bya'i rnam shes mtshan nyid ni/ /sgrib pa rnam par sel bar shes/ /yid kyi bye brag la spyod pa/ /dbye ba so so'i go rims bzhin/ /yid kyi rnam shes zhes gsungs pa/ /'jam dpal zhes bya'i ming can no/ /rgyus pa kun la yang dag sbyor/ /dbye ba so so'i go rims bzhin/ /bag chags yul gyi bdag nyid can/ /byams pa ru ni rnam par shes/ /rtsa rnams so so'i mtshan nyid can/ /bde ba kun gyi gzhi yi mchog /dngos po kun gyi rang bzhin can/ /'di ni kun tu bzang por bshad/ /de ltar rnam shes tshogs brgyad mchog /yang dag de nyid bla na med/ /mig sogs dbang po'i rnam shes ni/ /gzugs sogs mthong ba'i rang bzhin no/ /rje ngar dpung pa brla thal gong / /sgo gnyis dang ni thams cad kyi/ /shes pa bcu yi mtshan nyid ni/ /khyab pa rnams su yongs su shes/ /gshin rje mthar byed shes mthar byed/ /pad ma mthar byed bgegs mthar byed/ /'dod pa'i rgyal po mi g.yo ba/ /dbyig sngon dang ni stobs po che/ /gnod mdzes gtsug gtor 'khor lo sgyur/ /de ltar de rnams gnas dbye bas/ /ye shes gsum gyis yongs su gsal/ /ngo bo gcig tu gyur nas ni/ /yang dag de kho na nyid rten/ /gang gis de nyid cho ga bzhin/ /bla ma brgyud pa las shes bya/ /sngags kyi de nyid rnal 'byor mchog /ye shes chen po legs rgyas pa/ /skye med zad med mi gsal dang / /'gyur ba med cing sgrib pa med/ /gnyis med 'jigs bral zhi ba dang / /bde ba chen po'i go 'phang mchog /sprul dang btus dang</font><hr>88.209b<br><font size=+1>

mtha' med dang / /mgo med yongs su dbye ba yis/ /o~M dang hU~M phaT swa hA'i mtha'/ /sbrul zhes bya ba mngon par brjod/ /rang ming yon tan dang ni gzugs/ /btus pa'i mtshan nyid ming can no/ /o~M la sogs pa zhabs med pa/ /mtha' med ces bya'i ming can no/ /swA yi mtha' can o~M med pa/ /mgo med zhes ni bshad pa yin/ /thams cad yod la o~M med pa/ /mgo med ces ni bshad pa yin/ /de ltar mtshan nyid shes nas ni/ /sngags kyi de nyid bla na med/ /rtsa ba'i rgyud kyi rjes 'brangs nas/ /'di yi rgya chen don shes bya/ /ye shes de nyid rnal 'byor mchog /gnyis pa thams cad rnam par spangs/ /dbang po thams cad mnyam par sbyor/ /dngos po thams cad gcig pu'i lus/ /ngag gi rnam rtog kun spangs pa/ /snang ba thams cad rnam spangs pa/ /bdag byin brlab pa'i rang bzhin can/ /kun la khyab pa rmad du byung / /rang rig pa yi rnal 'byor mchog /skad cig bzhi yi mtshan nyid ni/ /cha bral kun 'gro khyab pa dang / /rnal 'byor byis pas mi shes shing / /kun rdzob yongs su mi shes pa/ /don dam rang gi ngo bo ni/ /rdzogs pa'i rim pas dbye ba dang / /sngags kyi de nyid rab tu gsal/ /a ni de nyid mtha' thig ler/ /yang dag thim pa rnam par sgom/ /thig le yi ge a la thim/ /a ni mtha' yi ha tsam la'o/ /ha yang yi ge hU~M la'o/ /yi ge U ni ha~M la'o/ /yi ge ha~M yang a la thim/ /yi ge a ni thig le tsam/ /thig le yang ni sgra la thim/ /sgra yang sgra tsam la ni'o/ /sgra tsam mchog ni nam mkha' la'o/ /de yang 'od gsal ba la thim/ /'od gsal go 'phang gsal ba ni/ /shin du rnam dag chos dbyings te/ /gnyis su med pa'i ye shes mchog /rab tu sad cing rab tu 'char/ /ngag gi spyod pa rnams dang bral/ /gnyis pa</font><hr>88.210a<br><font size=+1>

thams cad rnam par spangs/ /phung po lnga ni gcig pu'i gzhi/ /'byung ba lnga ni yang dag bsten/ /rnam shes brgyad kyi tshogs dben pa/ /phyi yi yul drug bsdus pa ni/ /rlung bcus shes pa bcu bsdus pa/ /de ltar mtshan nyid kun bsdus pa'o/ /kun nas spro ba'i rnal 'byor gyis/ /gang gis bzhugs gnas srid pa gsum/ /dngos grub kun byed dpal dang ldan/ /skal ba bzang po kun 'phel ba/ /rdo rje de ni rdo rje sems/ /rdo rje 'jigs byed dbang phyug dang / /he ru ka dang dus 'khor lo/ /dang po'i sangs rgyas thub pa che/ /kun du bzang po 'jam dpal dang / /sna tshogs spro ba'i bdag nyid can/ /sna tshogs yon tan tshogs kyi gzhi/ /kun nas spro ba'i rnal 'byor ni/ /rnal 'byor chen po dri ma med/ /ye shes de nyid gsal ba ni/ /rtog pa med cing gnas pa med/ /chos dbyings 'pho ba zhes bshad do/ /bskyed dang rdzogs pa'i mtshan nyid dag /skra yi rtse mo brgyad stong 'dra/ /shin tu gsal zhing 'od gsal ba/ /lung dang rigs pa'i dbye ba yis/ /bla ma brgyud pa las ni shes/ /de ltar de nyid gsum de mchog /nyal nas brgyud pa'i rim pa skye/ /gsang ba yi ni ye shes mchog /bzhi pa'i mtshan ni skad cig mchog /rnal 'byor chen po'i rgyud dpal rdo rje phreng ba mngon par rtogs pa las de kho na nyid gsum gyi dam tshig gtan la dbab pa'i le'u ste nyi shu gsum pa'o// // de nas yang dag bshad kyis nyon/ /sna rtse gsum gyi mtshan nyid ni/ /gsang ba snying ga gdong sna'i ming / /gsum po rgyud las gsal ba ni/ /'khor lo gsum gyi dbye ba yis/ /rnal 'byor pa yis bsgom pa'i rim/ /shin du chags pa'i dbang song ba'i/ /sems kyi bde ba ster bar byed/ /rlung gi de nyid sbyor ba yis/ /rtsa yi 'khor lo sad par byed/ /bde ba chen po kun nas skye/ /khams gsum ro gcig gyur nas ni/ /dgug dbang cho ga bzhin du bya/ /byang</font><hr>88.210b<br><font size=+1>

chub sems ni bde ba che/ /lhan skyes skad cig mtshan nyid ni/ /rdo rje rtse mor gzung bar bya/ /de nyid bde ba chen po ste/ /ye shes lnga yi rang bzhin can/ /kun rtog thams cad rnam par spangs/ /gsang ba'i sna rtser rdzas thig le/ /yang dag gzung ba'i bdag nyid can/ /chags chen sems ni gcig pu yis/ /rnal 'byor mchog tu shes par bya/ /pad 'dab bcu drug rtsa bzhi la/ /rtsa yi 'khor lo rim bzhin 'char/ /de yi lte ba snar ni bshad/ /gsang ba bde ba thams cad ster/ /snying ga'i pad ma 'dab ma brgyad/ /de yang lte ba snar ni brjod/ /zhes sdang nyid kyi sems ni bsgom/ /gsang sngags 'bar ba'i ye shes sems/ /yang dag spro bar byed pa'i rgyu/ /ngag gi rtog pa kun spangs pa/ /rmad byung chen po ye shes mchog /rtag tu sngags ni nA da 'byung / /rnam rtog med pa'i bde ba che/ /bsam gtan la sbyor bde ba'i mchog /man ngag thob pas bde ba rgyal/ /zhe sdang myur du dbang byas nas/ /zhi ba'i de nyid rgyu gcig ni/ /zla ba nyi ma me dang gsum/ /lan gsum gyi ni dbus nas khyab/ /gdong gi sna ni zhes byar bshad/ /rlung rnams gnas kyi mtshan nyid dang / /de la gnas pa'i ye shes che/ /thig le gti mug gis gnon yis/ /bsam gtan gti mug mchog las rgyal/ /dngos po thams cad rnam par spangs/ /ye shes lnga yi bdag nyid gsal/ /de kho na nyid lnga rten mchog /de yi 'od zer thig le tsam/ /gdong gi sna rtser yang dag brten/ /rnal 'byor mchog ni bsgom par bya/ /gti mug rgya mtsho las ni rgyal/ /de nyid dam tshig sems dpa' yi/ /ming can du ni yang dag bshad/ /sangs rgyas kun gyi dam tshig ni/ /ye shes lnga yi mtshan nyid can/ /rnal 'byor mkhas pa rnams kyis ni/ /gti mug mun pa rnam 'joms pa/ /kun mkhyen rtogs pa'i mtshan nyid ni/ /sangs rgyas lnga yi rigs gnas na/ /sna rtse bu ga las byung zhing / /rlung lnga steng du yang dag rgyu/ /lus la rtag tu spyod par 'gyur/ /kun rdzob snar ni rgyu</font><hr>88.211a<br><font size=+1>

ba yi/ /sgo de las ni rnam par byung / /g.yon dang g.yas dang gnyis ka dang / /dal bar rgyu dang rnam pa bzhi/ /g.yas pa las ni 'byung ba'i khams/ /me yi dkyil 'khor nyid yin te/ /kha dog dmar po bzang po 'di/ /pad ma mgon po rgyu ba'o/ /g.yon pa nas ni 'byung ba'i khams/ /rlung gi dkyil 'khor dang 'dres pa/ /ljang ser dag tu snang ba ste/ /dbang chen gyi ni dkyil 'khor nyid/ /rin chen mgon po rgyu ba'o/ /dal zhing rgyu ba med pa'i khams/ /dag pa'i shel ltar snang ba ni/ /'di ni chu yi dkyil 'khor te/ /rdo rje mgon po rgyu ba'o/ /khams gsum las ni yang dag byung / /rten dang brten par bzung ba ni/ /rnam par snang mdzad rang bzhin te/ /'chi ba'i mthar ni 'byung bar 'gyur/ /dkyil 'khor bzhi po de dag ni/ /mnyam par bzhag pas rtag tu bzlos/ /sngags bzlas pa yi grangs kyis ni/ /nyin mtshan rtag tu zlos pa yin/ /de ltar rlung ni sna rtser ni/ /kha dog lnga par rnam par bsgom/ /gnyis med mchog gi rnal 'byor gyis/ /'od zer tshogs ni dri ma med/ /de yis zhi sogs bya ba ni/ /rim gyis sbyor bas 'grub par 'gyur/ /rdo rje sems dpar 'gro bar 'gyur/ /rdo rje sems dpa' 'gro mgon la/ /de nas lag na rdo rjes zhus/ /thig le gsum gyi gzhung lugs ni/ /khyod zhabs bsnyen bkur gyis 'tshal na/ /'di la cung zad the tshom mchis/ /srid pa mthar mdzad gsal bar mdzad/ /rdzas dang sngags dang de bzhin rlung / /thig le gsum ni bsgoms pa na/ /rnal 'byor pa gcig nyid dam ni/ /yang na rnal 'byor so sor bsgom/ /de la the tshom kun gcod gtso/ /bcom ldan rdo rje sems dpas gsungs/ /yun rings chags chen dbang song bas/ /srid pa gsum du skyob pa rnams/ /de dag dgrol ba'i don du ni/ /rdzas kyi thig le gsungs pa yin/ /zhe sdang chen po dbang song ba/ /mi gang mi srun pa yi</font><hr>88.211b<br><font size=+1>

lus/ /de rnams myur du grol don du/ /sngags kyi thig ler gsungs pa yin/ /gti mug chen pos kun nas 'khrul/ /srid pa'i rgya mtsho las skyob gang / /de dag dngos grub brgyad 'bras bu/ /thob phyir ye shes rgya mtsho ni/ /rlung gi thig ler gsungs pa yin/ /yang dag de nyid spros pa ni/ /de ltar yang dag thig le gsum/ /bsam pa ji bzhin sbyor ji bzhin/ /tshe 'di nyid la grub don du/ /sgrib pa thams cad dag pa'i phyir/ /rtse gcig pa yi sems kyis ni/ /ye shes gsum gnas nyams dga' ba/ /me tog 'bras bu chu yis brgyan/ /skye bos dben pa'i ri yi rtser/ /dngos grub thams cad bsdus pa ni/ /'bad pa yis ni bsgrub par bya/ /rnal 'byor chen po'i rgyud dpal rdo rje phreng ba mngon par rtogs pa las sna'i rtse mo gsum gtan la phab pa'i le'u ste nyi shu rtsa bzhi pa'o// // de nas yang dag bshad kyis nyon/ /stong nyid ye shes mtshan nyid ni/ /lus la gnas pa de nyid mchog /thams cad bdag nyid rtag tu bzhugs/ /chos rnams thams cad snang bar byed/ /mtshan nyid stong pa nyid du 'dod/ /de las ye shes bde ba che/ /'od gsal ba ni rnam dag pa/ /gang phyir a ba d+hU tIr zhugs/ /yang dag stong pa nyid du 'dod/ /chos rnams rnam rtog snang ba mched/ /kun rtog thams cad gcod par byed/ /rnam rtog rlung gi ngal so ba/ /de ni stong pa nyid du bshad/ /gtso bo chen po mi bskyod pa'i/ /'jig rten khams ni de nyid do/ /der ni rtag tu bzhugs pa'i sa/ /srog gi ye shes ming can te/ /gzugs med drag po chen po yi/ /zhi ba'i rang bzhin mtshan nyid can/ /de la ye shes bde ba che/ /byang chub sems kyis gang ba nyid/ /de nyid bde chen go 'phang gnas/ /ye shes yang dag byang chub sems/ /de la sogs pa ming gi sgras/ /brjod bya gcig pu bde ba che/ /dngos po gcig dang ldan pa nyid/ /stong nyid ye shes zhes ni brjod/ /bde ba can zhes de la bshad/ /bde ba dge ba'i thob mtshan nyid/ /gang de bde bar gnas pa ni/ /de ni bde ba can zhes brjod/ /tshe dpag med pa'i zhing</font><hr>88.212a<br><font size=+1>

khams na/ /bde ba kun gyi gzhi yi mchog /byang chub sems ni tshe dpag med/ /de las byung zhing skye ba'i 'od/ /de phyir 'od dpag med du shes/ /bde ba kun gyi gzhi yi mchog /stong nyid rdo rje dbyings dbang phyug /ye shes rdo rje'i dbang phyug dang / /de nyid mnyam par sbyor ba ni/ /stong nyid ye shes zhes ni brjod/ /shes rab pad ma la la nA/ /zla mtshan nyi ma 'bab pa na/ /de yang stong par rnam par shes/ /gnyis pa thams cad rnam par spangs/ /thabs kyi rdo rje ra sa nA/ /zla ba shu kra rab tu 'bab/ /de ni ye shes mchog tu gsungs/ /bde ba chen po'i go 'phang mchog /de gnyis sbyor ba mchog tu shes/ /stong nyid ye shes mi zad pa/ /zla ba nya dang de nyid yin/ /rnal 'byor ma yi zhal las shes/ /rnal 'byor chen po'i rgyud dpal rdo rje phreng ba mngon par rtogs pa las stong pa nyid kyi tshig bshad pa'i le'u ste/ nyi shu lnga pa'o// // de nas gzhan yang bshad kyis nyon/ /lus ni stong pa nyid kyi gnas/ /lus ni gang gis shes pa ni/ /lha rnams kun gyi pho brang mchog /longs spyod chos dang sprul pa dang / /bde ba chen po yi ni rten/ /'khor lo yang ni gang bshad pa/ /rim pa ji bzhin ma lus pa/ /de ltar rtag tu yang dag bzhugs/ /thim dang longs spyod bdag po ni/ /lha nyid mchog tu gnyis su med/ /yang dag ngo bo'i go 'phang rten/ /ye shes chen po'i go 'phang phyir/ /bde ba chen po'i yang dag rten/ /zhe sdang che dang gti mug che/ /phrag dog che dang chags dngos kyis/ /khro bo che dang rnam pa'i mchog /'khor ba'i mdud pa nges gcod pa/ /sa dang chu dang de bzhin me/ /rlung dang nam mkha'i dbye ba yis/ /gzugs dang sgra dang de bzhin dri/ /ro dang reg bya nyid dang ni/ /chos kyi dbyings dang mig bzangs dang / /rna ba sna dang lce dang ni/ /lus kyi rnam shes chos dang ni/ /kun gzhi</font><hr>88.212b<br><font size=+1>

nyon mongs can gyi yid/ /dad dang brtson 'grus dran ting 'dzin/ /shes rab dbang po'i dbye ba yis/ /dad stobs brtson 'grus stobs dang ni/ /dran pa'i stobs dang ting 'dzin stobs/ /shes rab stobs ni bla na med/ /ji bzhin gnas su yang dag shes/ /lus kyi lha ru gsal ba yin/ /sngon bzhin ming gi dbye ba yis/ /sngags kyi dbye bas rim pa dang / /sngags dgod pa yi rnal 'byor gyis/ /rim bzhin gnas kyi dbye ba yis/ /lung gis rnam par nges byas pa'i/ /yang dag gnas kyi dbye ba dang / /lha mo rtag tu rnal 'byor pas/ /bdag la byin brlabs go 'phang gnas/ /'dod pa lnga la longs spyod cing / /rab tu 'bad de mchod pa bya/ /rdo shing sa yi rang bzhin gyi/ /phyi rol lha la phyag mi bya/ /bdag la byin brlabs rim de nyid/ /gzhan du srid pa gsum na med/ /de kho na nyid rnal 'byor mchog /bdag la byin brlabs sgrib med pa/ /sngags dang phyag rgya'i rim pa sogs/ /phyi yi dngos po mi bgrang ste/ /de nyid thob pa'i rnal 'byor pa/ /rnal 'byor ma la mchog tu ni/ /'bad pas byin gyis brlab par 'dod/ /bdag byin rlob thabs mtshan nyid do/ /rnal 'byor chen po'i rgyud dpal rdo rje phreng ba mngon par rtogs pa las lus kyi lha ye shes kyi mtshan nyid kyi le'u ste nyi shu drug pa'o// // de nas gzhan yang lha mo yi/ /de rnams kyi ni ming bshad bya/ /'khor lo bzhi yi dbye ba yis/ /rtsa yi rim pa'i grangs kyis ni/ /las dang rdo rje pad ma dang / /'khor lo la sogs rigs dbye bas/ /rim pa bzhi yi dbye ba yis/ /rtsa yi rim pas yang dag bzhugs/ /'dir ni rigs ni lnga par yang / /de kho na nyid nyams myong mchog /tshor ba nyams su myong ba yi/ /thams cad la ni khyab par gnas/ /sprul pa rang gi rigs las skyes/ /lha mo 'di dag yang dag zhugs/ /mkhyen ma gtum mo dpa' mo ma/ /las sgrol ma dang yid gcugs ma/ /'khrul</font><hr>88.213a<br><font size=+1>

'khor ma dang 'bud ma dang / /de bzhin rlung rgyu ma dang ni/ /snying stobs yang dag sangs rgyas ma/ /rab dang ma dang yid 'ong ma/ /grub ma sprul 'tsho sgra ma dang / /gter 'dzin lha yi dbang phyug ma/ /ge sar pad ma dri med ma/ /rlung gi lu gu rgyud byed ma/ /bzang mo dang ni khwa yi gdong / /gnyid log ma dang mi 'phel ma/ /'phar ma sngo bsangs dus mtshan ma/ /rtse 'jo ma dang skal bzang 'phel/ /na ra dz+wa na khyi gdong ma/ /chags ma dga' ma rnam sgeg ma/ /brtson 'grus 'phel dang dkar mo dang / /bdud rtsi lnga ni 'phel ba ma/ /dngos 'bebs shin du dpa' mo dang / /pad ma rnga dang 'dod ma dang / /sgyu ma yid 'ong mdza' mo dang / /skyur dang chang gi dbang phyug ma/ /mi bzad che dang las skal bzang / /me tog bzang mo gdug rmongs ma/ /steng gzigs zhal dang rtse gsum mtshan/ /mdzes ma dang ni ljags bskyod ma/ /rtag bam ma dang gar ma dang / /ri dgas mig dang chags dga' ma/ /sna tshogs rmongs par rol pa mo/ /dkar mo 'jig rten gsum pa mo/ /ro blan dri med 'gro bstun ma/ /ral ga rnams ni yang dag bzhugs/ /rtag tu brgyad dang brgyad spel grangs/ /zhal gsum phyag drug dri ma med/ /rigs kyi phyag rgya dbye ba yis/ /mtshon cha rnams kyis yang dag brgyan/ /de dag sna tshogs rdo rje g.yas/ /g.yon pa 'gying bas uta pa la/ /g.yas na 'khor lo rin chen dang / /de bzhin ral gri chos 'byung ni/ /g.yon gyi phyag gnyis la ni 'gyur/ /sems dpa'i dkyil krung gis legs bzhugs/ /zhal ni ljang khu spyan gsum pa/ /don yod grub pa'i cod pan can/ /zhal rnams bzhad par bsgom pa dang / /bde ba thams cad 'phel bar byed/ /rang gi ming gi dbye ba yis/ /yi ge gsum dang rnam par spel/ /sngags kyis yang ni yang dag mchod/ /'dod pa'i de nyid rab stsol mdzad/ /</font><hr>88.213b<br><font size=+1>

chos kyi 'khor lo rtsibs brgyad dbus/ /lha 'di dag ni yang dag bzhugs/ /rdor dbyings dbang phyug lA ma dang / /rdo rje phyag rgya stobs chen mo/ /rdo rje sgeg mo rdo rje gdong / /rdo rje chos ma rdo rje bzang / /rdo rje rol mor shes par bya/ /chos kyi 'khor lor dgu bdag nyid/ /zhal gsum phyag drug rnam pa dang / /sems dpa'i dkyil krung gis legs bzhugs/ /rdo rje 'khor lo rin chen dang / /g.yas pa yi ni phyag na 'dzin/ /g.yon na ral gri pad ma dang / /dril bu 'dzin pa bla na med/ /sku mdog sngon po spyan gsum pa/ /zhal gyi mche ba cung zad gtsigs/ /rang ming yi ge gsum dang spel/ /sngags kyis de dag rab tu mchod/ /longs spyod 'dab ma bcu drug la/ /pad pad+ma ma'i dbus na lha rnams bzhugs/ /pad ma'i sgrol ma pad dkar mo/ /pad ma ku mu da 'phel ma/ /pad ma'i spyan dang pad gtsug phud/ /pad ma'i phreng ba pad skyes ma/ /pad gdan pad ma'i dra ba ma/ /de bzhin pad ma'i 'od dang ni/ /pad pad+ma ma'i spyan dang pad bzangs ma/ /pad ma'i nang bzhugs pad skyes ma/ /pad ma'i ge sar pad ma ma/ /de ltar 'di ni yang dag bshad/ /zhal gsum phyag drug rnam pa can/ /sems dpa'i dkyil krung gis legs bzhugs/ /g.yas na pad ma 'khor lo dang / /rdo rje yang ni 'debs par mdzad/ /g.yon na ral gri dril bu dang / /rin po che yis rnam par bsdigs/ /spyan gsum rnam par 'char ba dang / /pad ma dmar po'i mdog ltar dmar/ /nyi ma'i dkyil 'khor nyer bzhugs shing / /sems dpa'i dkyil mo krung gis bzhugs/ /rang ming yi ge gsum dang bcas/ /'di rnams sngags ni bla na med/ /bde ba chen po'i 'khor lo che/ /pad 'dab sum bcu rtsa gnyis la/ /rtag tu lha mo rnams ni bzhugs/ /rab tu sad pa 'bad pa can/ /'khor lo'i shugs ma rdo rje ldan/ /rin chen sgrol ma pad zhugs ma/ /sna tshogs las ma gti mug dga'/ /zhe sdang rdo rje dga' chags ma/ /rdo rje las chags</font><hr>88.214a<br><font size=+1>

gzugs rdo rje/ /sgra yi rdo rje ro rdo rje/ /reg bya rdo rje chos dbyings ma/ /spyan 'od ma dang thod dbyangs ma/ /sna yi snang ba ro dga' ma/ /sku yi rgyal mtshan yid dga' ma/ /khams bcas ma dang rgyu 'bab ma/ /gshin rje 'joms pa'i blo yi ni/ /bye brag rnam par rgyas ma dang / /pad ma'i ral pa gyen du brdzes/ /bgegs rnams thams cad 'joms pa mo/ /sbas pa'i mthil dang dbyug sngon ma/ /shin tu brtan ma stobs chen ma/ /rang byung ma dang 'khor lo'i gtsug /de ltar rtsa yi dbus nas shar/ /slar yang lha mo zhal gsum dang / /phyag drug bde ba 'phel ba can/ /zla ba'i dkyil 'khor la yang bzhugs/ /dri med pad ma dkar mo'i mdog /zhi ba zhal gsum spyan gsum pa/ /g.yas pa'i phyag na bsnams pa ni/ /'khor lo lcags kyu rdo rje rim/ /de bzhin g.yon pa'i phyag gsum la/ /pad ma zhags pa rin po che/ /'char dang 'debs dang sgeg par mdzad/ /pad ma dkar po 'dra ba'i 'od/ /spyi bor rnam par snang mdzad 'chang / /rang gi ming dang yig gsum ming / /'di dag sngags ni go rim bzhin/ /de nyid mchog ni rab tu gsal/ /sku gsung thugs kyi sdom pa ni/ /de lta bu yi sdom pa mchog /lha mo rnams kyi de nyid mchog /rtag tu gnyid log lus la gnas/ /'dod pa lnga yi longs spyod bsten/ /mchod pa nyid kyis yang dag mnyes/ /rdo rje pad pad+ma ma'i bde bas myos/ /rdo rje sems dpa'i go 'phang mchog /mnyes nas slar yang gso bar byed/ /de yi zhi sogs bya ba rnams/ /'grub 'gyur 'di la the tshom med/ /bsam gtan rnal 'byor sogs spyod dang / /sngags dbyibs la sogs bya ba ni/ /dgos med mchog tu cung zad ni/ /bla ma'i lung las yang dag skyes/ /de phyir rdo rje slob dpon ni/ /'bad pas dngos grub kyis mnyes bya/ /rnal 'byor chen po'i rgyud dpal rdo rje</font><hr>88.214b<br><font size=+1>

phreng ba mngon par rtogs pa las 'khor lo bzhi'i lha mo bzhi rim pa rnam par phye ba'i le'u ste nyi shu bdun pa'o// // de nas gzhan yang bshad bya ba/ /'char dang nub pa'i mtshan nyid ni/ /rtsa rnams kyis ni rnal 'byor mchog /dngos grub thams cad kyi ni gnas/ /mdun gnas pa yi yul rnams las/ /yid la byed pas der mi 'gro/ /sngon gyi bag chags nang gnas pa/ /de tshe dbang po rab tu gsal/ /de yis de ni rab tu sad/ /de rnams rtsa la rim bzhin gnas/ /rab sad de yis sad byas nas/ /lha mo rang yang 'khor lo las/ /de yis 'char ba'i rim par gsungs/ /nub pa yang ni bshad par bya/ /yul rnams kyang ni dngos bral med/ /yid la byed nas gzhan du gnas/ /bag chags kyang ni sad mi sad/ /rtsa rnams 'char bar mi 'gyur zhing / /lha rnams yang dag sad par ni/ /de yi phyir ni mi 'gyur te/ /snying gi dbus nas bde ba'i dngos/ /sangs rgyas nyi ma gsal ba'i 'od/ /gzung dang 'dzin pa'i gzugs kyis kyang / /de ni 'od zer bcu gnyis te/ /'od 'phel 'od zer gzi brjid ma/ /gsal ba 'bar ma 'od 'bar ma/ /mig la sogs pa la brten nas/ /phyi rol gzugs sogs 'dzin pa'o/ /mun sel 'od ma snang ba mo/ /gsal mdzes gsal 'od nyi ma gsal/ /phyi rol gzugs sogs rnam pa'o/ /drug po 'di dag 'og tu 'dod/ /lha mo rnams ni gang 'char ba'ang / /ye shes nyi ma 'char ba yin/ /de yang yang dag nub pa ni/ /de yang mchog tu nub pa'o/ /'char ba nub pa rnams chud pa/ /go 'phang mchog tu shes par bya/ /rnal 'byor chen po legs par sad/ /sangs rgyas nyi ma sdom pa'o/ /'di ni rnal 'byor de nyid mchog /'char dang nub pa'i mtshan nyid do/ /rdo rje gsang ba'i rjes 'brangs nas/ /bla ma rgyud</font><hr>88.215a<br><font size=+1>

pa las shes bya/ /rnal 'byor chen po'i rgyud dpal rdo rje phreng ba mngon par rtogs pa las 'char ba dang nub pa'i le'u ste nyi shu brgyad pa'o// //  de nas gzhan yang bshad kyis nyon/ /dga' ba skyes pa'i mtshan nyid ni/ /gang gis yang dag shes pa yis/ /rdo rje sems dpa'i go 'phang mchog /de ni rtsa yi 'khor lo la/ /slar yang rgyas dang bsdus pa yis/ /'khor lo bzhi yi dbang dag sbyor/ /rtsa rnams brgyad dang gnyis lhag pa/ /mtshams kyi rtsa yi rim pa yang / /rtsa ni bcu drug la yang brten/ /bzhi dang bzhi yis rtag tu khyab/ /de rnams dga' ba'i rim pa'o/ /chu khams khong du chud pa can/ /pad ma'i snal ma lta bu'i/ /de nas de yis khyab byas shing / /bde ba chen po phan par byed/ /'khor lo so so'i dbye ba yis/ /cha bzhi pa yi yi ge ha/ /shin du phra ba'i cha dag tu/ /khyab pa rten gyi tshul du gnas/ /rim pa bzhi yi dbye ba las/ /rim pa bcu drug dbye bas 'thob/ /'phreng ba'i bdag nyid rmad byung ba'o/ /ro gcig pa yi go 'phang 'thob/ /rim gyis so sor nyams myong las/ /sna tshogs chu yi sbyor ba las/ /rim gyis rgya mtsho chu bzhin du/ /sbyor ba bzhi yi 'khor lo'i dus/ /dga' ba bzhi ni de la brjod/ /rnal 'byor ma rgyud spyod pa las/ /go 'phang mchog ni thob par 'gyur/ /rnal 'byor chen po'i rgyud dpal rdo rje phreng ba mngon par rtogs pa las dga' ba skyed pa'i mtshan nyid kyi le'u ste nyi shu dgu pa'o// //  de nas gzhan yang yang dag nyon/ /rdo rje brtan pa'i lus kyis ni/ /rtag tu rtsa rnams kyi ni rgyun/ /de kho na nyid ngas bshad bya/ /stong phrag nyi shu rtsa bzhi ni/ /rtsa ni rtag tu rmad byung ba/ /byang chub sems ni 'bab par shes/ /bde ba thams cad rab tu 'phel/ /rtag tu rmad du byung ba'i rtsa/ /stong phrag nyi shu rtsa bzhi ni/ /khrag 'bab par ni</font><hr>88.215b<br><font size=+1>

shes par bya/ /nyi ma 'pho ba'i bdag nyid can/ /rtag tu rmad du byung ba'i rtsa/ /stong phrag nyi shu rtsa bzhi ni/ /rlung rgyu bar ni shes par bya/ /rgya mtsho chen po'i rgyud las ni/ /lus kyi gnas ni dbye ba yis/ /de nyid nyi shu rtsa bzhir brjod/ /thim dang longs spyod bdag po nyid/ /grangs ni bdun bcu rtsa gnyis brjod/ /re re'ang 'khor lo stong stong ngo / /thim pa longs spyod bdag 'dod pa/ /gtso bo yang ni bsdus pa las/ /gnas rnams kyi ni grangs su 'gyur/ /slar yang bsdus nas 'gro ba na/ /gsum po brgyad brgyad dbye ba'ang ni/ /nyin dang mtshan mo'i dbye ba dang / /thun tshod skad cig sbyor ba yis/ /rtsa rnams gong nas gong du ni/ /nang du 'gro bar shes par bya/ /g.yon pa byang chub zla ba 'bab/ /g.yas pa khrag dang nyi ma 'bab/ /dbus ni rlung rgyu ba yis ni/ /mi sad byed par shes par bya/ /la la nA dang ra sa nA/ /a ba d+hU ti zhes bya'i ming / /de rnams spro ba'i sbyor ba yis/ /re re'i rim gyis thun brgyad brgyad/ /gsum po nyi shu rtsa bzhi 'gro/ /thim dang longs spyod bdag po'i phyir/ /rim gyis grangs ni bdun bcu gnyis/ /slar yang de spro sbyor ba yis/ /re re'ang stong stong dbye ba yis/ /rtag tu grangs nyid 'gyur ba ni/ /stong phrag bdun bcu rtsa gnyis so/ /gtso bo gsum po slar yang ni/ /sbyor bas gcig pa nyid du 'gro/ /dang po las ni rnal 'byor pas/ /phra ba de ni shes par dka'/ /bsam gyis mi khyab mchog tu ni/ /thig le nA da rnam par spangs/ /bde ba kun gyi gzhi gsang ba/ /srog gi rten gyi mtshan nyid dang / /rdo rje dbyings kyi dbang phyug dang / /dus kyi rtsa ni rnam par bshad/ /ro gcig go 'phang bdag nyid can/ /rnal 'byor ma yi rgyud las shes/ /rnal 'byor chen po'i rgyud dpal rdo rje phreng ba mngon par</font><hr>88.216a<br><font size=+1>

rtogs pa las rtsa 'bab pa'i mtshan nyid kyi go cha zhes bya ba'i le'u ste sum bcu pa'o// //  de nas gzhan yang bshad kyis nyon/ /mtshams kyi rtsa yi ngo bo nyid/ /rtsa rnams sdom pa 'char ba ni/ /gang gis shes na rtag tu ni/ /mchog tu dga' ba nyams myong ba/ /lha yi ye shes gsal bar byed/ /lha yi sngags su yang dag sbyor/ /lha yi rnal 'byor don nges pa/ /de nyid gsum sbyor dri ma med/ /de gsum cig char bdag nyid sdom/ /'jig rten gsum du khyab cing phra/ /lus kun la ni yang dag brten/ /ye shes sems dpa' rdo rje sems/ /gang phyir dam tshig sems dpa' bde/ /rnal 'byor mchog tu shes par bya/ /khyab pa'i de nyid rmad byung ba/ /mchog rab mchog dang phra ba dang / /rang byung ye shes mi zad pa/ /byang sems sum bcu rtsa gnyis 'bab/ /rtsa ni thams cad mchog tu rgyas/ /bde ba chen po'i 'khor lor gnas/ /cha kun bdag nyid rtsa ba ni/ /de yi dbus su rtsa gsum ste/ /gtso bo yang ni yang dag bshad/ /zla ba nyi ma me rgyu ba/ /'byung ba thams cad la ni khyab/ /ji ltar shing rtsa cung zad cig /sa la brtan par gnas pa na/ /sdong bu yal ga 'dab phreng bu/ /sogs pa yis ni kun nas khyab/ /de bzhin skyes bu mgor ldan pas/ /phung po khams la sogs tshogs la/ /mchog tu kun nas khyab pa'o/ /rnam par thar pa'i sgo gsum dngos/ /de kho na nyid gsum sdom pa/ /'dod chags zhe sdang gti mug dang / /rang bzhin mtshan nyid dbye ba gsum/ /mtshan mo nyin mo mtshams kyis kyang / /dam tshig mtshan nyid rnam pa gsum/ /sangs rgyas dam chos dge 'dun ni/ /gsum phye dam tshig mtshan nyid dang / /stong nyid ye shes rdo rje ni/ /rnam gsum de nyid mtshan nyid do/ /rgyu dang 'bras bu nye 'khor ni/ /rnal 'byor gsum gyi mtshan nyid do/ /rlung dang bad kan mkhris pa ni/ /gsum phye khams ni bsdus pa'o/ /'dod khams</font><hr>88.216b<br><font size=+1>

gzugs khams gzugs med khams/ /'jig rten gsum po'i mtshan nyid do/ /rtsa ba gsum dang 'bras bu gcig /rim bzhin gyur nas chos 'khor 'gro/ /de ni sprul pa gsum du gsal/ /sku gsung thugs kyi rang bzhin gyis/ /gang tshe de la de sbyor ba/ /de ni gzas zin mtshan nyid do/ /gang tshe cung zad sbyor ba na/ /de tshe phyed 'dzin mtshan nyid do/ /gang phyir srog gi rlung bcom na/ /de tshe 'chi ba'i mtshan nyid yin/ /rtsa yi gtso bo nyid rnams ni/ /gsum po nges pa zhes ni bya/ /rgyas par rnal 'byor ma rgyud las/ /rnal 'byor pa yis gsal por shes/ /rnal 'byor chen po'i rgyud dpal rdo rje phreng ba mngon par rtogs pa las mtshams kyi rtsa gsum gyi nges pa'i le'u ste sum bcu gcig pa'o// // de nas gzhan yang bshad kyis nyon/ /rlung skye ba yi mtshan nyid ni/ /dus kyi glags ni btsal ba na/ /ji ltar dngos su yang dag shes/ /bag chags nyon mongs can gyi yid/ /rang gi ngo bo gzugs gzhan mthong / /don ni shes par mi shes shing / /rlung tsam gcig pus rmongs pa'o/ /kun gzhi rnam shes bkug nas ni/ /bag chags nang du rnam par spyod/ /bag chags kyis ni rnam shes bzung / /bag chags dang 'dres rim pa las/ /nang gi bag chags bsgos pa yis/ /de rnams zla mtshan dus su ni/ /mngal gyi rtsa la 'jug pa na/ /rdo rje khu khrag zhu thig le/ /'dres pa ru ni gyur pa dang / /kun gzhi las ni rnam shes skye/ /ji ltar chang ros myos pa bzhin/ /kun gzhi rnam shes bag chags las/ /rnam par shes pa'i rgyun ni skye/ /nyon mongs can nyid srog rlung nyid/ /skad cig gcig la yang dag 'gro/ /thog mar 'pho ba'i dus su ni/ /nya yi rnam pa lta bur 'gyur/ /'pho ba gnyis pa'i dus su ni/ /slar yang khrag dang 'dres pa ni/ /steng dang 'og gi dbye ba yis/ /srog gi rlung ni gnyis su 'gro/ /mthur</font><hr>88.217a<br><font size=+1>

sel rlung gi 'gro 'ong la/ /ru sbal rnam par 'dzin par 'gyur/ /de nas 'pho ba gsum pa la/ /khrag dang khu ba zos pa na/ /thur du sel ba'i rlung gi tshogs/ /skams nas kun du rlung ni 'byung / /steng du kha bltas nas ni gnas/ /phag rgod 'dra ba'i lus 'chang 'gyur/ /slar yang 'pho ba bzhi pa la/ /khrag dang khu ba bsgos pa ni/ /gyen du rgyu ba'i rlung bkug nas/ /'og tu kha bltas nas ni 'gro/ /seng ge'i rnam pa yis kyang ni/ /khyab byed rlung ni spro bar byed/ /de nas 'pho ba lnga pa la/ /khrag dang khu ba 'phel nas ni/ /mnyam gnas rlung ni 'dar nas ni/ /me yi gzugs red rim bzhin 'gro/ /mnyam gnas rlung gis khyab byed spro/ /gang gis 'gul dang 'dar bar 'gyur/ /phung po lnga ni rdzogs pa na/ /de ltar gsungs pa de las slar/ /'pho ba drug pa'i dus tshod la/ /sa yi khams dang mig gnyis dang / /khyab byed rlung gis klu rlung spro/ /rlung gi dngos po 'phel bar byed/ /de nas 'pho ba bdun pa la/ /chu yi khams dang sna sug dod/ /klu yi rlung gis ru sbal rlung / /spros nas gnyis su med par sprod/ /de nas 'pho ba brgyad pa la/ /me dang sna yi bu ga 'byung / /ru sbal rlung gis rtsangs rlung spro/ /rang gi rang bzhin shes par byed/ /de nas 'pho ba dgu pa la/ /rlung gi khams dang ro ni tshor/ /rtsangs pa zhes bya'i rlung chen pos/ /lha sbyin rlung ni spro bar byed/ /de rjes 'pho ba bcu pa la/ /lha sbyin rlung gis gzhu rgyal spro/ /rlung kun bsdus pa'i mtshan nyid can/ /dgu pa'i dbus na khyab pa'i khams/ /phra zhing thogs med mtshan nyid can/ /rtsa dang rgyu ma rgyus pa'i sbubs/ /sgo ni dgu po rgyas par byed/ /lus kyi mchog tu tshor ba dang / /gcig tu reg pa'i mtshan nyid 'dzin/ /rab sad mchog ni nam mkha' la/ /'od gsal bzang po yang dag gnas/ /sangs rgyas rnams kyi shes pa</font><hr>88.217b<br><font size=+1>

bcu/ /de lta bu nyid bshad par bya/ /'pho ba bcu ni sa bcu ste/ /rim pa yi ni rnam par shes/ /ma ni shes rab pha rol phyin/ /b+ha ga phyag rgya chen por brjod/ /byis pa yang dag rdzogs sangs rgyas/ /thams cad mkhyen cing thams cad gzigs/ /mgo bo'i skra ni bregs pa dang / /khru ma'i chos gos dmar po bgos/ /dpal dang ldan pa thal mo sbyar/ /spyi bo sa la gtugs pa phyag /mtshan ni sum bcu rtsa gnyis 'chang / /dpe byad bzang po brgyad bcus brgyan/ /ye shes chen po legs par sad/ /'du byed thob pa grol dang bcas/ /dpa' bo chen po rnam rtog med/ /skyed byed sha ni 'jig par byed/ /bdud rtsi lnga ni ye shes che/ /rtag tu bdud rtsi lnga myang byed/ /dngos po thams cad rnam spangs pa/ /rnal 'byor seng ge bzhin du spyod/ /'di gnyis mchog ni gsang ba ste/ /gang du yang ni ma gsungs so/ /rlung skyes pa yi nges pa ni/ /bla ma brgyud pa las shes bya/ /rnal 'byor chen po'i rgyud dpal rdo rje phreng ba mngon par rtogs pa las rlung gis bskyed pa skyes bu skye ba 'jug pa'i le'u ste sum bcu gnyis pa'o// // de nas gzhan yang bshad bya ba/ /rlung rnams mchog tu nub pa ni/ /gang gis yang dag shes pa yis/ /'chi ba'i skad cig mtshan nyid ni/ /phan tshun du ni yang dag sad/ /skye ba'i rim ltar thim par 'gyur/ /rlung rnams yang dag skye ba ni/ /phan tshun nub pa'i nyi ma bzhin/ /thog mar lo bcu lon nas ni/ /rgyags pas myos pa'i rlung skyes na/ /gzhu las rgyal ba'i rlung zos te/ /rim gyis sgra gcan zla ba bzhin/ /de rjes lo bcu phyin pa ni/ /rgyags chu rlung gis yang dag skye/ /lha sbyin zhes bya'i rlung ni za/ /rlung gi rim pa snga ma bzhin/ /gzhan yang lo bcu phyin pa na/ /rgyags pa'i chu rlung skyes par 'gyur/ /rtsangs pa zhes bya'i rlung ni</font><hr>88.218a<br><font size=+1>

za/ /de nas gzhan yang lo bcu phyin/ /lo las skyes pa'i rim pa yis/ /btang gzung rlung ni chen po yis/ /ru sbal rlung ni za bar byed/ /klu yi rlung dang gtang gzung rlung / /stobs dang gzi brjid mtshungs pa'i phyir/ /dus gzhan lo bcur phyin pa na/ /gnod par byed par mi nus te/ /stobs dang nus pa mtshungs pa'i phyir/ /gang gis gang la gnod pa ni/ /byed pa nyid du mi nus so/ /bcu de gzhan du phyin pa'o/ /long ba btang gzung stobs chen thob/ /klu yi rlung ni rim gyis za/ /de nas bcu pa gzhan phyin na/ /khrag dang sha ni rnam par 'phel/ /rgyags shing myos pa'i rim pa yis/ /btang gzung rlung ni za bar byed/ /de rjes lo bcu lon pa na/ /myos chu rlung ni bkug nas ni/ /tshil dang kha chu rnam par 'phel/ /de yi btang gzung klu za byed/ /de nas bcu pa gzhan phyin pa'i/ /lo la btang gzung rlung stobs skyes/ /myos pa'i dus rlung za bar byed/ /me dang rlung ni 'phel bar byed/ /btang gzung rlung nyid rnam gyur nas/ /longs spyod chen po 'phel gyur nas/ /de nas lo bcu gzhan lon nas/ /rlung gis lus rgyas lci bar 'gyur/ /chu dang rlung ni 'dres pa na/ /khyab cing sgrib byas rim pa las/ /de las lo bcu gzhan du phyin/ /chu shing 'bras bu bzhin du med/ /rtsa ba dang bcas med par 'gyur/ /las kyi rnam smin mtha' yis ni/ /de ltar rim pa bcu pa yis/ /zla ba 'am ni nyin zhag gzhan/ /tshe ni nyung ngur byas nas ni/ /srog zad par ni shes par bya/ /mkha' 'gro sdud pa'i rgyud las ni/ /shin du rgyas par shes par bya/ /rnal 'byor chen po'i rgyud dpal rdo rje phreng ba mngon par rtogs pa las rlung gi rim pas srog zad pa rgyas par bshad pa'i le'u ste sum bcu gsum pa'o// // de nas gzhan yang bshad kyis nyon/ /mtshan nyid chen po ye shes mchog /bsdu ba'i mkha' 'gro rnal</font><hr>88.218b<br><font size=+1>

'byor mchog /snying pos snying po'i don bsdus pa/ /gang phyir mkha' 'gro mas bsdus pa/ /de phyir bsdus pa'i mkha' 'gro brjod/ /lte ba'i dbus na rtag bzhugs pa/ /nyi ma stong dang mtshungs pa'i 'od/ /ye shes chen po'i me 'byung ba/ /kun rtog thams cad 'joms par byed/ /'char bas phung po rnam rtog ni/ /bsregs byas bar chad med pa'i lus/ /rdo rje khams kyi rnam rtog ni/ /bsdus nas slar yang rang bzhin gyis/ /gzung dang 'dzin pa'i rnam rtog ni/ /snying rjes der ni slar yang sdud/ /de ltar gang la phye leb bzhin/ /'ching ba thams cad sreg par byed/ /rlung gi de nyid mngon sbyor bas/ /sngags kyi lus kyi sbyor ba yis/ /rnam par rtog pa tsam yang ni/ /sring pa nyid du the tshom med/ /mkha' 'gro sdud pa'i rgyud las ni/ /rnal 'byor mchog gi rim shes na/ /mkha' 'gro ye shes rgyas par ni/ /rnal 'byor bsten pas rig par bya/ /rnal 'byor chen po'i rgyud dpal rdo rje phreng ba mngon par rtogs pa las mkha' 'gro ma sdud pa'i le'u ste sum bcu bzhi pa'o// // de nas gzhan yang bshad kyis nyon/ /rnam rtog rlung ni rnam par gcod/ /nyin dang mtshan du shes par ni/ /brgya dang brgyad ni lhag par rgyu/ /rlung rnams de ni rnam rtog ni/ /gang phyir rnam par gcod par byed/ /rnal 'byor de ni mchog tu zhi/ /thams cad stong pa'i ngo bor byed/ /the tshom thog mar sbyor ba drug /rnal 'byor rig pas mchog tu bsgrub/ /de nas dbyangs med yi ge ha/ /shin du rgya che bzlas par bya/ /gang phyir mdud pa 'joms byed cing / /bde ba skye ba ster bar byed/ /de yis rnam rtog thams cad ni/ /skad cig gis ni gcod par byed/ /rnal 'byor rjes su rnal 'byor dang / /shin du rnal 'byor rnal 'byor che/ /de yi dbye ba bcwo brgyad kyis/ /dang po sbyor ba bsgom par bya/ /bcu bdun rjes su rnal 'byor sogs/ /de las dkyil 'khor rgyal mchog ni/ /rnal</font><hr>88.219a<br><font size=+1>

'byor mchog la dbye ba lnga/ /de las kyang ni las rgyal mchog /rnal 'byor dbye ba bcu gnyis so/ /de nyid dbye ba bzhi bcu dgu/ /bskyed pa'i rim pa bsdus pa yis/ /mngon sum byed pa'i rnal 'byor ro/ /de la rdo rje bzlas rim mchog /rdzogs rim rnal 'byor yan lag ni/ /rnam par rtog pa dzes byed pa/ /phra ba 'di nyid bla na med/ /cho ga ji bzhin rnal 'byor pa/ /blo dang ldan pas sngon bzhin bsgom/ /srid pa'i 'ching ba gcod par byed/ /rnal 'byor chen po ye shes che/ /de nyid chen po rmad 'byung che/ /nges par bsgoms pas yang dag ni/ /rnam rtog rlung ni 'joms par byed/ /don gyi rjes 'gro bzlas pa yis/ /dngos med ngo bo gcig pa dang / /stong nyid bsten pa mngon par zhen/ /sgoms pa nges par brtan par byed/ /sgrub pos yang dag bsgom byas na/ /rdo rje bzlas rim bla na med/ /de yi rim pa bzhin ye shes/ mchog thob 'gyur 'di the tshom med/ /rnal 'byor chen po'i rgyud dpal rdo rje phreng ba mngon par rtogs pa las/ rnam par rtog pa'i rlung gcod pa'i mtshan nyid kyi le'u ste sum bcu lnga pa'o// //  de nas gzhan yang bshad kyis nyon/ /rnam rtog med pa'i rlung shar na/ /gang shes rdo rje sems dpa' yi/ /rang dngos go 'phang bzang po 'thob/ /rnam rtog med pa'i rlung chen po/ /gnyis pa thams cad rnam par spangs/ /dngos po kun gyi rang bzhin bdag /sgom dang sgom min go 'phang bral/ /rnal 'byor chen po'i ye shes che/ /gnas pa med cing dri ma med/ /phra ba'i cha kun dbus na gnas/ /thig le nA da rnam par spangs/ /kun la khyab cing zhi ba dang / /bdag byin brlab pa'i mtshan nyid gcig /mtshan gzhi mtshan nyid rnams las grol/ /bag chags rnam rtog rnam par spangs/ /tshigs dang mdud pa'i lam dang ni/ /sgom dang bsgom bya rnam par spangs/ /</font><hr>88.219b<br><font size=+1>

stong nyid ye shes mtshan nyid do/ /sngags dang phyag rgya'i rnam pa'i cha/ /rnam pa'i spyod pa rnam par spangs/ /bya ba spyod pa rnal 'byor gyi/ /rgyud rnams la yang bklag mi bya/ /rnal 'byor chen po'i rgyud chen po/ /bshad par bya ba dam tshig mchog /man ngag ji bzhin cho ga bzhin/ /thog ma nyid du bshad par rigs/ /de yi rim pa'i rjes 'gro shes/ /bla ma brgyud pa'i go 'phang mchog /rnal 'byor chen po'i rgyud dpal rdo rje phreng ba mngon par rtogs pa las rnam rtog med pa'i mtshan nyid kyi le'u ste sum bcu rtsa drug pa'o// // de nas rdo rje can gyi gsungs/ /rtsa rnams nub pa'i rnal 'byor ni/ /de kho na nyid bshad kyis nyon/ /yul dang dbang po yang dag sbyor/ /rtsa rnams kyang ni 'char bar 'gyur/ /shar nas sngon bzhin song nas ni/ /bskyed pa'i rim pa bla na med/ /rnam rtog skye ba de yi phyir/ /brgya dang brgyad kyis lhag pa'i rim/ /de las skye dang rga dang na/ /'chi zhing slar yang ldog par 'gyur/ /yul rnams dngos po med pa yis/ /sbyangs pa'i ye shes de nyid phyir/ /de nyid 'di la spyod pa'i phyir/ /dngos su yul rnams dngos med phyir/ /dbang po rnams ni skye ba min/ /de las gnyis gnyis yang dag sbyor/ /dngos dang dngos med stong pa nyid/ /de nas rtsa rnams nub 'gyur te/ /'khor lo'i rim pa la yang rton/ /de rnams nub pa las ni zhi/ /stong phrag bdun bcu rtsa gnyis ni/ /kun kyang rtsa yi 'khor lor 'gyur/ /de nyid kun chos nang du khyab/ /stong nyid bsgom pa rnal 'byor las/ /yul rnams kyi ni ngo bo nyid/ /nges pa ru ni shes pa zhes/ /rig pa'i rdo rje rnam par 'joms/ /rnal 'byor chen po'i rgyud dpal rdo rje phreng ba mngon par rtogs pa las rtsa rnams nub pa'i sbyong ba'i le'u ste sum bcu rtsa bdun pa'o// //  de nas gzhan yang</font><hr>88.220a<br><font size=+1>

bshad kyis nyon/ /spyod drug go 'phang mtshan nyid ni/ /ji lta ji lta ba bzhin sbyor/ /ji ltar 'dod pa'i yan lag rten/ /rnam pa drug po de las phyed/ /de bzhin brgyad brgyad de las lhag /brgyad gnyis brgyad phrag bzhi dang ni/ /de ltar grangs kyis sbyor ba gsal/ /zla ba phyed pa'i cha lta bu/ /stong nyid rlung gi 'khor lor gnas/ /phyed pa ma yin rdzogs pa min/ /chu yi zla ba lta bur snang / /sgyu ma chen po 'gro ba'i ma/ /thams cad rten pa'i mtshan nyid ni/ /rlung gi 'khor lo srog ces bshad/ /mkhas pa rnams kyi spyod yul min/ /me yi 'khor lo stong nyid khyab/ /dbus na thig le lta bu ni/ /mi 'gyur kun du 'gro ba dang / /rang byung kun la khyab pa dang / /bde ba yang dag 'phel bar byed/ /dbyangs dang gsal byed rnam par spangs/ /'jig rten gsum ni ma lus pa/ /gcig tu byas na skyed par byed/ /mi shig nA da'i go 'phang can/ /rnam pa thams cad rnam par spangs/ /sbrul gyi lce ltar g.yo ba dang / /tshangs pa la sogs pha mes dang / /'jigs pa ma yin g.yo ba min/ /yi ge dang ni tshig ma yin/ /'byung ba'i tshogs ni rnam par spangs/ /grangs bral zad med skye ba med/ /lte ba sprul pa'i 'khor lor gnas/ /chos kyi 'khor lo'i dbus gnas pa/ /sgra tsam dri ma dang bral ba/ /chags bral chags pa med pa dang / /bya ba byed dang gnas med pa/ /dpe med gnas pa med pa dang / /srog dang rtsol ba rnam par spangs/ /lha yi dbang phyug ye shes mchog /de lta bu yang rnyed par dka'/ /longs spyod 'khor lo mchog tu gnas/ /'ching ba med pa'i rnam pa mchog /mchog tu khong du chud gyur pa/ /rnam pa kun gyis yang dag bzhugs/ /rten cing 'brel 'byung rang bzhin gyi/ /chang gi ro yis myos pa bzhin/ /mchog ni dang po ma lus pa/ /dngos po kun gyi nang na gnas/ /thog ma tha ma lhag par</font><hr>88.220b<br><font size=+1>

gnas/ /mtshan nyid med cing snang ba med/ /mtshan nyid thams cad rnam par spangs/ /zhi ba mi 'jigs brjod du med/ /rang bzhin nyams myong rang ngo bo/ /bde ba chen po'i 'khor lor gnas/ /bla ma brgyud pa las ni thob/ /de ltar ye shes bye brag che/ /rang gi ngo bo rnam shes drug /steng dang 'og tu yang dag sbyor/ /rnal 'byor zhes ni rab tu grags/ /rnal 'byor chen po'i rgyud dpal rdo rje phreng ba mngon par rtogs pa las 'khor lo drug sgom pa'i le'u ste sum bcu brgyad pa'o// //  de nas bcom ldan rdo rjes gsungs/ /dus kyi mtshan nyid sdom pa ni/ /rnal 'byor gang gis rnam par shes/ /grangs kyi rnal 'byor bla na med/ /dus ni dus tshod zhes ni bshad/ /bsam dang bsam bral rang dngos ni/ /dus bzang dang ni dus ngan dang / /rnam pa gnyis la yang dag gnas/ /sna yi bu ga las byung nas/ /phyi yi sgo las rtag tu 'char/ /nang du sdud par dus bzang gsungs/ /'byung ba yang ni dus ngan 'dod/ /dus ngan las ni gzhan pa mchog /dus bzang mchog ste rang nyid ni/ /rdzogs ldan dang ni gsum ldan dang / /gnyis ldan dang ni dus bzang po/ /rtsod pa'i dus ni ngan pa ste/ /de ltar gsungs pa'i dus mtshan nyid/ /dga' dang mchog tu dga' ba dang / /lhan cig skyes pa dus bzang ste/ /dga' dang bral ba ngan dus so/ /dus kyi mtshan nyid de ltar bshad/ /'jug pa dang ni gnas pa'i dus/ /dus bzang por ni yongs su grags/ /ldang ba yang ni dus ngan te/ /de ltar dus kyi mtshan nyid do/ /dus ni khams rnams thams cad de/ /mnyam pa ro gcig go 'phang mchog /ye shes rnam shes rnam spangs te/ /dus ni gcig ni brjod pa yin/ /dngos dang dngos med spros bral ba/ /bzhi pa'i skad cig mtshan nyid ni/ /brjod bya rjod byed las grol ba/ /dus gcig zhes ni brjod pa yin/ /chags dang chags bral nges grol ba/ /bde ba chen po go 'phang spangs/ /phyag rgya chen po'i don gyi gzhi/ /dus gcig zhes ni brjod pa yin/ /mtshan</font><hr>88.221a<br><font size=+1>

nyid med cing snang ba med/ /grangs ni rnal 'byor rnam par spangs/ /de nyid dus su nges bshad de/ /bla ma brgyud pa las shes bya/ /rnal 'byor chen po'i rgyud dpal rdo rje phreng ba mngon par rtogs pa las dus dang dus tshad rnam par bshad pa'i le'u ste sum babacu rtsa dgu pa'o// // de nas gzhan yang bshad bya ba/ /gsang ba'i 'bras bu mchog nyon cig /gang gis dngos grub mchog tu 'gro/ /phyag rgya chen po yang dag bsten/ /gsang ba sbas pa zhes ni bshad/ /rnal 'byor byis pas mi shes shing / /bzhi pa'i dbang zhes bya ba'i ming / /zhal nas brgyud pa'i rim pa rnams/ /mchog tu zhi ba'i ye shes che/ /rnam rtog thams cad rnam par spangs/ /phyag rgya chen po'i dngos grub che/ /rnal 'byor chen po'i don bsdus pa/ /rnal 'byor ma rgyud las bslabs pa/ /mchog tu rmad byung ngo bo nyid/ /ye shes chen po'i ro 'bebs pa/ /de nyid chen po'i yon tan ldan/ /nam mkha' mchog la gnas pa'i sa/ /rdo rje sems dpa' rang ngo bo/ /bde ba rnams ni 'phel bar byed/ /bde ba chen po'i go 'phang 'das/ /shes dang shes bya rnam par bral/ /sgom dang bsgom bya rnam par spangs/ /sngags dang rgyud kyi bya bas stong / /kun du rtog pa thams cad spangs/ /dngos po kun gyi go 'phang gsal/ /'jig rten gsum gyi rnam pa'i ni/ /chags dang chags bral rnam par spangs/ /dam tshig chen po la gnas pa/ /grangs med 'jig rten gsum gcig dngos/ /dngos grub de kho na yi rgyud/ /de ltar gsang ba'i 'bras bu gsal/ /gzhan ni gang du'ang ma gsungs pa/ /rnal 'byor mchog gi ye shes mchog /rnal 'byor ma rgyud las shes bya/ /rnal 'byor chen po'i rgyud dpal rdo rje phreng ba mngon par rtogs pa las gsang ba'i 'bras bu zhes bya ba'i le'u ste bzhi bcu pa'o// // de nas bcom ldan</font><hr>88.221b<br><font size=+1>

rdo rjes gsungs/ /chos kyi dbyings kyi go 'phang mchog /chos kyi dbyings nas khyab pa'i khams/ /chos kyi dbyings kyis de la brjod/ /kun khyab mchog tu phra ba dang / /kun 'gro rtag tu 'char ba dang / /phung po lnga nyid 'byung ba lnga/ /yul dang skye mched rnam shes dang / /de dag yang dag ldan chos kun/ /bshad de gsang ba'i dbang phyug ste/ /de dag dbus na gnas pa'i khams/ /khyab cing spyod yul ma yin pa/ /ji ltar til gyi til mar dang / /ji ltar shing la me bzhin du/ /de bzhin chos rnams thams cad la/ /khyab kyang mthong ba ma yin no/ /nam mkha' bzhin du dri ma med/ /chos kun gyi ni gzhi yi mchog /gzung dang 'dzin pa'i kun rtog gis/ /khyab kyang mthong ba ma yin no/ /stong nyid ye shes rnal 'byor gyis/ /rnal 'byor pa yis gsal bar mthong / /chos dbyings b+ha ga zhes ni brjod/ /b+ha ga rin chen za ma tog /gang phyir dbang phyug sogs yon tan/ /ldan pa de phyir b+ha ga brjod/ /b+ha ga chos rnams su yang bshad/ /dbyings ni byang chub sems su gsungs/ /khams gsum pa yi 'gro ba yi/ /rgyu ni b+ha ga zhes byar bshad/ /dbyings ni yang dag sbyor dngos kyis/ /chu zla bzhin du yang dag gnas/ /don dam gcig pu'i de nyid shes/ /lag mthil skyu ru bzhag pa bzhin/ /mchog gi de nyid ltar ni snang / /rang rig shin tu dri ma med/ /dngos dang dngos med zad nas ni/ /rtag tu de nyid mthong zhing snang / /chos kyi dbyings kyi go 'phang gsal/ /de ltar shin tu rgyas par bshad/ /gzung dang 'dzin pa dang bral bas/ /sbyor bral shes pa rmad du byung / /rnal 'byor chen po'i rgyud dpal rdo rje phreng ba mngon par rtogs pa las chos kyi dbyings kyi don bshad pa'i le'u ste bzhi bcu gcig pa'o// // de nas bcom ldan rdo rjes gsungs/ /rdo rje yi ni mtshan nyid mchog /de yi don du bshad kyis nyon/ /ji lta ba bzhin bshad par bya/ /rdo rje mi phyed zhes ni gsungs/ /ye</font><hr>88.222a<br><font size=+1>

shes lnga yi bdag nyid mchog /rtsa lnga yi ni nam mkhar rten/ /rtse mo lnga yi rang ngo bo/ /sa dang chu dang de bzhin me/ /rlung dang nam mkha' nyid dang ni/ /rtsa yi nam mkha'i cha yi gzugs/ /bla ma'i brgyud las shes par bya/ /a~M ra~M la~M ba~M ya~M sa bon/ /brjod pa rtsa ni lnga rnams te/ /'bad pa yis ni shes par bya/ /rdo rjes skye ba'i mtshan nyid ni/ /pad ma lte ba'i dbus gnas pa/ /thig ler bshad pa 'gro ba med/ /dam tshig gnas ni shes pa dang / /bdud rtsi mchog gis rab tu gang / /rnam pa kun ldan rnam pa med/ /de ni rdo rjer yongs su grags/ /me long mnyam nyid ye shes dang / /so sor rtog dang bya nan tan/ /rnam par dag pa chos kyi dbyings/ /ye shes lnga yi rang bzhin no/ /de yi ngo bo yongs su shes/ /rdo rje rang nyid nyams myong mchog /nam mkhar cher gnas zhi ba dang / /rtog pa med cing nyon mongs med/ /rdo rje sems dpa' yang dag gzhi/ /bla ma brgyud pa las shes bya/ /rnal 'byor chen po'i rgyud dpal rdo rje phreng ba mngon par rtogs pa las rdo rje bshad pa'i le'u ste bzhi bcu gnyis pa'o// // de nas bcom ldan rdo rjes gsungs/ /rigs kyi dbye ba don bsdus pa/ /de tshe rigs ni rnam pa lnga/ /rtsa ba'i rgyud du gsal bar gsungs/ /rnal 'byor spros pa dbye ba yis/ /rnal 'byor chen po'i dam tshig go /rgyud du grags pa dbye ba yi/ /mthar thug de ni yang dag gsungs/ /de nyid las ni bsdus nas kyang / /rigs kyi dbye ba brgya ru gsungs/ /sna tshogs spros pa'i rnal 'byor gyis/ /rdo rje sems dpa' zhes ni brjod/ /gang gis de yi rnam pa mthong / /sna tshogs nor bu ji bzhin no/ /sems can mos pa sna tshogs dang / /sna tshogs bsam pa'i bye brag gis/ /sna tshogs nyon mongs mnan nas ni/ /'gro ba'i bla mas grol ba'i phyir/ /gzhung nas gang gis de yis ni/ /sna tshogs spro ba'i</font><hr>88.222b<br><font size=+1>

ngo bo nyid/ /grangs med pa yi dbye ba yis/ /dbye ba grangs med sbyor ba yis/ /don dam rigs kyi dbye ba nyid/ /rgyud gzhan rnams su gsungs pa yi/ /sems can bsam pa'i bye brag gis/ /de ni bsdus na dbye bar 'gyur/ /rtsa yi 'khor lo'i rim pa yis/ /stong phrag bdun bcu rtsa gnyis pa'o/ /de la stong phrag sum bcu drug /lus kyi rdzas dang gnas sogs kyis/ /rim pa'i dbye ba de las kyang / /stong phrag nyi shu rtsa bzhi'o/ /de rjes brgya yis mchog tu gang / /bdun bcu rtsa gnyis drug bcu bzhi/ /sum bcu rtsa drug bsdus pa las/ /nyi shu rtsa bzhi de las kyang / /sum bcu dang ni dgu yang ngo / /de las lnga dang de phyir gsum/ /gsum yang bsdus na gcig nyid de/ /rdzogs pa'i rim pa'i sbyor ba yis/ /gzhan nas gzhan du 'dres nas 'gro/ /de yang 'od gsal go 'phang la'o/ /rnam rtog med pa'i bde ba che/ /gnyis med ye shes dri ma med/ /chos kyi dbyings kyi bdag nyid mchog /rnal 'byor chen po'i rgyud dpal rdo rje phreng ba mngon par rtogs pa las rigs kyi dbye ba'i bsdus pa zhes bya ba'i le'u ste bzhi bcu rtsa gsum pa'o// // de nas bcom ldan rdo rjes gsungs/ /phyag rgya'i dbye ba bla na med/ /chos dang las dang dam tshig dang / /phyag rgya chen po mngon par brjod/ /las kyi rnam smin nges pa yis/ /kun nas rgyas btab lta bur gnas/ /gang yang 'di ni las gang gis/ /de 'bras ji lta ba bzhin 'gyur/ /chos rnams rang bzhin med pa nyid/ /rang bzhin gyis ni rgyas btab nas/ /dam tshig rang gi yon tan dngos/ /rgyal sras rnams kyi rgyas btab pa/ /stong dang snying rje mi phyed pa/ /sangs rgyas zhing ni rnam sbyong ba/ /de bzhin gshegs pa'i dam tshig ni/ /yongs su dag pa'i mdzad pa'i sa/ /de yi rang bzhin rang bzhin med/ /phyag rgya chen po zhes ni brjod/ /las kyi phyag rgya yongs shes na/ /sngags pa las ni</font><hr>88.223a<br><font size=+1>

thob par skye/ /bla mas shes rab dbang bskur na/ /ji ltar mthong ba'i mtshan nyid ni/ /rdo rje sems dpa' rang dngos don/ /snying rje'i bsam pas gsal ba ni/ /de las nges par thob nas ni/ /chos nyid sgo nas nges par byed/ /de ltar de nyid de ye shes/ /de ltar rnal 'byor ma mtshan nyid/ /dam tshig la zhen mkhas pa dang / /rlung gis de nyid pha rol son/ /dpal ldan 'dus pa'i don bslab pa/ /ngag 'jam shes rab ldan ma dang / /mig yangs ma yi bu mo rnyed/ /gzugs dang lang tshos rnam par brgyan/ /ji bzhin rnal 'byor dam tshig la/ /phyag rgyas lhan cig sgrub par byed/ /de nas de nyid thob pa na/ /phyag rgya chen po'i mtshan nyid do/ /de nyid bde chen go 'phang ni/ /kun du rtog pa thams cad spangs/ /stong nyid ye shes dri ma med/ /chos kyi dbyings kyi go 'phang gsal/ /de nas gzhan yang bshad bya ba/ /phyag rgya'i dbye ba bla na med/ /rigs dang pha rol phyin dbye bas/ /phyag rgya drug tu yang dag bshad/ /ya~M ra~M la~M ba~M a~M ha~M dang / /lha mo rnams kyi rim pa las/ /mchod pa'i rim pa ro gcig pa/ /rtag tu yang ni mchod par bya/ /gdol pa mo dang khrus mkhan mo/ /sme sha can dang gar mkhan ma/ /ro bsregs mo dang bram ze mo/ /grub 'gyur don du rnal 'byor pas/ /bdag nyid rol cing gnas par bya/ /khrus mkhan rin chen rigs las skyes/ /gdol pa pad ma'i rigs las skyes/ /de bzhin gar mkhan las kyi rigs/ /ro bsregs ma ni 'khor lo'i rigs/ /sme sha can ni rdo rje'i rigs/ /ye shes phyag rgya bram ze mo/ /rdo rje sems dpa'i rigs su brjod/ /'di ni rigs ni drug tu 'gyur/ /bram ze mo ni ma yin te/ /khrus mkhan mo ni sring mor brjod/ /gar mkhan mo ni bu mor shes/ /sme sha can ni chung mar grags/ /ro bsregs mo ni mna' ma ste/ /sgyug mo gdol pa ma zhes bya/ /shes rab thabs kyi cho ga yis/ /rnam</font><hr>88.223b<br><font size=+1>

rtog med pas brjod par bya/ /gang phyir rnam rtog med gyur na/ /dngos grub kun la dus kun du/ /sems ni ma ru gyur nas ni/ /sring mo dag tu yang dag bshad/ /lus ni bu mor shes par bya/ /srog ni chung mar rab tu gsal/ /mna' ma thur du sel ba'i rlung / /dbu ma'i rlung ni sgyug mor brjod/ /ma ni rgyags pa'i rtsa yi cha/ /sangs rgyas rin chen za ma tog /sring mo khu ba 'bab pa'i rtsa/ /spyi bo'i gnas na yang dag gnas/ /bu mo khrag rgyu ba yi rtsa/ /de ni phyed phyed lhag par gnas/ /chung ma gcin ni 'bab pa'i rtsa/ /de nyid kyi ni dbus na gnas/ /mna' ma mchi ma 'dzag pa'i rtsa/ /mgrin pa'i gnas su lhag par gnas/ /ma ni sa ru yang dag bshad/ /chu yi khams ni sring mor brjod/ /me ni bu mor shes par bya/ /rlung ni chung mar rab tu grags/ /mna' ma nam mkha' ru ni bshad/ /sgyug mo nam mkha' chen po'o/ /mngar bar gyur pas ma dang ni/ /skyur ga sring mo ru ni brjod/ /kha ba rang gi bu mo dang / /lan tshwa chung mar yongs su grags/ /bska ba sgyug mor shes par bya/ /tsha ba mna' mar yongs su grags/ /de dag 'bad pas 'dod bya zhing / /dngos grub 'dod pas bsten par bya/ /las kyi phyag rgya dbye ba 'di/ /de yi yon tan bsten pa'i mchog /dam tshig de dang rtog par 'jug /phyag rgya chen po'i bde ba che/ /rdo rje sems dpa'i go 'phang zhi/ /ye shes mchog ni bla na med/ /de ltar phyag rgya'i go 'phang gsal/ /rnal 'byor ma rgyud spyod yul lo/ /rnal 'byor chen po'i rgyud dpal rdo rje phreng ba mngon par rtogs pa las phyag rgya'i dbye ba rgyas par bshad pa'i le'u ste bzhi bcu bzhi pa'o// //  de nas gzhan yang yang dag bshad/ /phung sogs skye mched mtshan nyid ni/ /rgyal ba rgyal ni gzugs zhes bshad/ /rdo rje 'dzin ni rnam shes dang / /rin chen 'dzin la tshor bar gsungs/ /'khor las brgal bar 'du shes gsungs/ /shes rab 'dzin</font><hr>88.224a<br><font size=+1>

ni 'du byed dang / /de ltar phung por rab tu grags/ /sa ni gti mug dga' mar bshad/ /de bzhin chu ni zhe sdang dga'/ /me ni chags la dga' ba dang / /de bzhin rlung ni rdo rje dga'/ /nam mkha' rdo rje dbyings dbang phyug /gzugs ni gzugs kyi rdo rje dang / /sgra ni sgra yi rdo rje ste/ /dri ni dri yi rdo rje dang / /ro ni ro yi rdo rjer bshad/ /reg bya'i rdo rje reg byar 'gyur/ /chos kyi dbyings kyi dbang phyug ma/ /mig gnyis sa yi snying po dang / /rna ba phyag na rdo rje dang / /sna ni nam mkha'i snying po dang / /lce ni 'jig rten mgon po dang / /lus ni sgrib pa rnam sel mdzod/ /yid ni kun du bzang po dang / /rtsa ni byams pa ru ni brjod/ /ye shes mchog ni 'jam dpal nyid/ /khyab pa ru ni yang dag bshad/ /de bzhin lus kyi chos rnams ni/ /khro bo bcur ni yang dag bshad/ /de ltar lus kyi dkyil 'khor gsungs/ /phung po la sogs skye mched sogs/ /rnal 'byor gnyis med mchog gis ni/ /bla ma brgyud pa las shes bya/ /rnal 'byor chen po'i rgyud dpal rdo rje phreng ba mngon par rtogs pa las phung po la sogs pa dang skye mched kyi mtshan nyid kyi le'u ste bzhi bcu lnga pa'o// // de nas gzhan yang bshad bya ba/ /phyag rgya chen po'i don mtshan nyid/ /rnal 'byor chen po'i 'bras bu zhi/ /ye shes chen po'i don bsdus pa/ /bde ba chen po'i skal ba che/ /ro mchog chen po'i bdag nyid can/ /sgyu ma chen mo mchog tu phra/ /chen po'i chen po nam mkha' che/ /phyag rgya de bzhin gshegs ye shes/ /rnam rtog med pa'i go 'phang ste/ /mi phyed rdo rje sems dpa'i gnas/ /rnam rtog med pa'i bde ba che/ /nam mkha' bzhin du gos pa med/ /rang bzhin med cing gzhi dang bral/ /gnyis med bdag med brjod du med/ /rnal 'byor rnams ni rang rig pa/ /phung po khams dang skye mched cha'i/ /kun rtog chos ni yongs su spangs/ /sgom dang bsgom bya snyom 'jug dang / /rim pa gnyis ni rnam par spangs/ /rnam shes ye shes dang bral ba/ /</font><hr>88.224b<br><font size=+1>

sngags dang bzlas brjod bsnyen pa spangs/ /dngos po kun gyi gnas las brgal/ /ye shes chen po rab gsol ba/ /dngos grub chen po 'dir shes bya/ /phyag rgya chen po bla na med/ /rnal 'byor chen po'i rgyud dpal rdo rje phreng ba mngon par rtogs pa las phyag rgya chen po'i don rnam par nges pa'i le'u ste bzhi bcu rtsa drug pa'o// // de nas bcom ldan rdo rjes gsungs/ /nyams kyi mtshan nyid dbye ba ni/ /gang gis yongs shes rnal 'byor pa/ /rnal 'byor chen po dag shes par/ /gyur nas kyang ni ye shes che/ /de nyid rnal 'byor kun las bsgyings/ /'dar dang rngul dang ba spu langs/ /dbyangs 'gyur ba dang ldibs pa dang / /mdog 'gyur mchi 'dzag thim pa dang / /snying stobs can gyis 'di brgyad nyams/ /dga' ba rgyas pa'i rtsa yi cha/ /rgyags pa'i cha yi rtsa dga' ni/ /khong stong 'dar bar skyed par byed/ /rgyags pa'i chu yi rtsa de ni/ /rab tu rngul byed skyed par byed/ /de bzhin rgyags pas g.yengs pa'i rtsa/ /khong stong ba spu ldang bar byed/ /de bzhin na sa ra yi rtsa/ /khong stong tshig ni ldib par byed/ /rus sbal chen po'i rtsa rgyas na/ /kha dog 'gyur ba skye bar byed/ /mgo bo chen po'i rtsa rgyas nas/ /brgyal zhing sdug bsngal bcas par byed/ /'ur 'ur chen po'i rtsa bye na/ /ba spu langs pa skyed par byed/ /dga' ba chen po'i rtsa rgyas na/ /khong stong mchi ma 'dzag par byed/ /myos pa chen po'i rtsa bye na/ /srog gi rlung ni thim par byed/ /brgyal dang sems med bde ba che/ /de nas dran pa nyams par 'gyur/ /sgeg pa la sogs nyams su shes/ /sngar bshad rim pas sad par byed/ /dzaHhU~M ba~M hoHde bzhin du/ /a la la la la ho sngags/ /rab tu bskul bas rgyas nas su/ /nyams ni so so'i dbye bas shes/ /de ltar de ni dbye brgyud pa'o/ /rnal 'byor chen po'i rgyud dpal rdo rje phreng ba mngon par rtogs pa las nyams kyi</font><hr>88.225a<br><font size=+1>

dbye ba bshad pa'i le'u ste bzhi bcu rtsa bdun pa'o// // de nas bcom ldan rdo rjes gsungs/ /bdag ces bya ba sgra yi rten/ /gang gis yang dag shes pa yis/ /srid pa'i 'ching ba'i mtshan nyid ni/ /a ha~M 'khor lo'i 'ching ba dag /de ni yongs zad grol ba'o/ /a ni dngos po kun gyi mchog /lus rnams kun la lhag par gnas/ /rnam pa kun gyi mchog dang ldan/ /kun khyab kun mkhyen zad pa med/ /thogs med snying stobs zhes bya ba/ /thabs gcig tu ni skye bar byed/ /srid dang srid rtse brtse ba med/ /sprul pa'i sku yi mchog dang ni/ /don kun byed pa la mkhas pa/ /de bzhin gshegs pa'i dbugs 'byung ba'o/ /ha~M ni dngos po dang bral ba/ /lus la gnas kyang lus bskyed min/ /dbang po las 'das mi gsal ba/ /rnam pa thams cad rnam par spangs/ /dngos dang dngos med las grol zhing / /gang la'ang lhag par gang gnas pa/ /dngos po thams cad nub pa dang / /chos kyi sku yi ngo bo nyid/ /sems ni rdo rje 'chang dbugs phyung / /don kun byed pa dang bral ba/ /stong pa'i rang bzhin mya ngan 'das/ /ye shes sku yi rang bzhin nyid/ /rjod dang brjod bya rnam par grol/ /de yang yi ge ha~M du grags/ /thams cad a ha~M kun la khyab/ /thams cad bdag nyid rtag tu bzhugs/ /a ha~M dngos po thams cad la/ /khyab pa'i sa ni lhag par gnas/ /a ha~M dang bral skyes bu ni/ /rtsa ba bcad pa'i shing bzhin no/ /ha~M ni dpral ba'i skra mtshams na/ /a ni lte bar yang dag gnas/ /'dir ni a las zla bar bshad/ /'od zer stong 'gyed pa yi ha~M/ /'dir yang a yi ming la brten/ /rten pa'i ha~M du rab tu grags/ /a ni srog gi rlung du bshad/ /de bzhin mthur sel ha~M du brjod/ /de gnyis gcig gyur 'khor ba ste/ /des na a ha~M zhes par grags/ /rnam rtog bral ba'i gnas pa ni/ /a ha~M gang du gnas pa med/ /gzhan ni 'ga' zhig</font><hr>88.225b<br><font size=+1>

'di la yang / /don dam par ni dmigs su med/ /de ltar a ha~M nga yis bshad/ /rgyud rnams kun du rnyed par dka'/ /rnal 'byor chen po'i rgyud dpal rdo rje phreng ba mngon par rtogs pa las a ha~M gi sgra'i don bshad pa'i le'u ste bzhi bcu rtsa brgyad pa'o// // de nas bcom ldan rdo rjes gsungs/ /stong nyid dbye ba bsdus pa ni/ /rnal 'byor pa ni gang gis shes/ /stong nyid de ni shes par 'gyur/ /mi mthun pa dang gnyen po'i phyir/ /stong nyid bsgom par yongs su gsungs/ /nang gi bdag nyid chos rnams ni/ /kun du rtog pa'i gnyen po dang / /phyin ci log ni rnam dag pa/ /phyi nas stong pa nyid du 'dod/ /phyi rol dmigs pa dang bral ba/ /nang gi bdag nyid chos rnams dang / /phyi rol du yang mi rtog pa/ /'dir ni phyi dang nang gi ni/ /stong pa nyid du yang dag bshad/ /snod kyi 'jig rten dang bral ba/ /chen po stong pa nyid du brjod/ /ye shes gang gis de stong par/ /mthong ba de yang stong par brjod/ /me long ye shes rdzogs pa la/ /rjes su dmigs par byed phyir ro/ /de yi mi mthun phyogs stong pa/ /dngos med stong pa nyid stong nyid/ /don dam par ni brdzun pa'i dngos/ /shes pa don dam stong pa nyid/ /'dus byas sbyin pa la sogs kyi/ /dge ba dmigs su med pa'i phyir/ /rang gi rnam rtog mtshan nyid spyod/ /'dus byas stong pa nyid du bshad/ /yang dag byang chub 'dus ma byas/ /rgyu mtshan yang ni dmigs su med/ /dngos dang dngos med rnam par spangs/ /'dus ma byas pa'i stong nyid gsungs/ /sems can don du smon lam sogs/ /rang dga' sogs pa dmigs pa med/ /shin tu stong pa nyid du bshad/ /kun rtog thams cad rnam par spangs/ /mtha' las 'das pa'i stong nyid gsungs/ /thog mtha' med pa'i 'jig rten gyi/ /'gro ba'i phyir ni smon lam nyid/ /rlom sems med par de brjod do/ /thog mtha' med pa'i</font><hr>88.226a<br><font size=+1>

stong pa nyid/ /mya ngan 'das la dmigs pa med/ /dge ba'i bdag nyid mi stong ba/ /rlom sems med pa zhes bshad do/ /dor ba med pa stong pa nyid/ /'dod chags la sogs dri ma ni/ /bdag ni rang bzhin gyis dag pa'i/ /de ltar rlom sems med gsungs pa/ /rang bzhin stong pa nyid du gsal/ /mtshan dang dpe byad la sogs pa/ /sku gzugs de yi yon tan ni/ /gzhan rnams la yang mi dmigs pa/ /rang gi mtshan nyid stong pa nyid/ /byang chub phyogs kyi chos rnams nyid/ /spyod pa la yang rlom sems med/ /chos rnams thams cad stong par bshad/ /bdag dang skyes pa'i chos rnams ni/ /sgro btags dngos po med pa'i mchog /'ching ba thams cad rnam par gcod/ /dngos med stong pa nyid du gsungs/ /ji ltar sngon gsungs stong pa nyid/ /de ltar dngos po med shes pa/ /slar yang mi dmigs pa nyid ni/ /dngos po med pa stong nyid 'dod/ /de ltar stong nyid dbye ba yang / /bag chags rnams kyi gnyen po'i phyir/ /rgyu yi gnyen po mi mthun phyogs/ /bla ma brgyud pa las shes bya/ /rnal 'byor chen po'i rgyud dpal rdo rje phreng ba mngon par rtogs pa las stong pa nyid kyi mtshan nyid kyi le'u ste bzhi bcu rtsa dgu pa'o// // de nas bcom ldan rdo rjes gsungs/ /stong pa nyid ni skye ba'i rgyu/ /rnam pa med pa'i nyams myong dngos/ /lus rnams la ni khyab pa dang / /phung po lnga ni rang bzhin lus/ /'khor lo drug la khyab pa dang / /chos rnams kun gyi dbus gnas phyir/ /ring ba ma yin nye ba min/ /de ni kun rdzob dang dbyer med/ /stong pa nyid ni don dam mo/ /rdo rje phreng ba de ltar bshad/ /srog gi rten gyi mtshan nyid ni/ /sku mdog sngon po zhal gsum pa/ /spyan gsum po la phyag drug mchog /rdo rje 'khor lo nor bu g.yas/ /g.yon pa dril bu pad ma dang / /ral gri shin du rnon po dang / /phyar ba go rims bzhin du bsnams/ /</font><hr>88.226b<br><font size=+1>

A li kA li las byung ba/ /zla ba nyi ma'i gdan la bzhugs/ /sna tshogs pad rgyas gdan la ni/ /sems dpa'i dkyil mo dkrung gis bzhugs/ /hU~M gi sa bon rdzogs pa dang / /rdo rje chen po'i rigs las byung / /kun rtog rnams ni skyed pa'i rlung / /rnam par gcod cing thim par byed/ /gnod byed de dag sel bar byed/ /gnyis pa thams cad rnam par gcod/ /sgyu ma chen mo stong pa che/ /sangs rgyas sa ni rmad du byung / /sangs rgyas nyid kyi 'bras ster ba'o/ /'di yi sngags ni brjod par bya/ /o~M dang badzra mA le+e dang / /de bzhin AHdang hU~M dang gnyis/ /phaT dang swA hA yang dag ldan/ /sngags mchog btus pa bla na med/ /rlung 'phrog de kho na nyid kyis/ /yid kyi rnam rtog sel bar byed/ /zhi ba'i gnas dang chu 'gram dang / /shing gcig lam gyi bzhi mdo dang / /yang na sum mdor 'bum phrag bcu/ /gsal bar yang ni bzlas par bya/ /de ni dngos grub mchog tu 'gro/ /rdzogs pa'i rim pa'i rnal 'byor gyis/ /de yi yon tan gsal bar 'byung / /zhi ba la sogs 'bad mi dgos/ /skad cig gcig la mngon par rtogs/ /de ni de nyid rigs mchog shes/ /dpa' bo gcig pu'i cho ga 'di/ /dpa' mo gcig pu nyid bsgrub pa/ /de yi mtshan nyid sgom pa gang / /rnam rtog spangs pa'i rnal 'byor pa/ /shin du rnam dag mkha' yi dngos/ /rang gi dngos grub mchog tu 'gro/ /rnal 'byor chen po'i rgyud dpal rdo rje phreng ba mngon par rtogs pa las stong pa nyid kyi rdo rje'i phreng ba skyed pa'i mtshan nyid kyi le'u ste lnga bcu pa'o// // de nas bcom ldan rdo rjes gsungs/ /mtshan mo nyin mo'i mtshan nyid ni/ /mtshan mo shes rab shes par bya/ /'byung po thams cad thim nas 'gro/ /mtshan mo'i cha ni zla bar 'gyur/ /zla ba mya ngan 'das mtshan nyid/ /kun rdzob dang ni don dam gyi/ /shes rab rnam pa gnyis zhes bya/ /kun rdzob shes</font><hr>88.227a<br><font size=+1>

byar shes par bya/ /don dam reg bya rnam par spangs/ /reg bya dang bral bde ba gang / /bde ba mchog de thob par dka'/ /nyin mo slar yang thabs su bshad/ /thabs ni nyin mor gyur pa dang / /gang tshe dngos las skyes nyi ma/ /rtag tu b+ha ga'i bdag por 'gyur/ /'khor ba'i rnam pa nyi mar 'gyur/ /nyi ma las ni zla ba skye/ /de las gnyis med ngo bor bshad/ /'bar ba'i phyir ni nyi mar 'gyur/ /rnam par dpyad pa'i don dam dang / /chags bral mchog tu phra ba dang / /mi snang ba dang stong pa'i lus/ /'od gsal ba yi go 'phang zhi/ /gang du yang dag mi gnas so/ /rnal 'byor chen po'i rgyud dpal rdo rje phreng ba mngon par rtogs pa las mtshan mo nyin mo rgyas par bshad pa'i le'u ste lnga bcu gcig pa'o// //  de nas bcom ldan rdo rjes gsungs/ /A li kA li'i dam tshig ni/ /rgyud rnams gzhan du ma gsungs pa'i/ /rgyal sras rnams la dgongs pa yi/ /'od gsal go 'phang las skyes pa'i/ /snang ba mched pa'i mtshan nyid ni/ /gsal byed sum bcu rtsa gsum ldan/ /kA li'i dkyil 'khor rgyas pa'o/ /snang ba mched pa'i go 'phang ni/ /snang ba las byung zad pa med/ /dbyangs ni bcu drug dang ldan pa/ /A li'i dkyil 'khor rgyas pa'o/ /de gnyis gsang ba'i sbyor ba las/ /dbus su skyes pa'i bde ba che/ /A li kA li'i dam tshig ces/ /dgongs pa'i tshig gis bye brag byas/ /shin tu phra ba'i ye shes mchog /bla ma brgyud las shes par bya/ /rnal 'byor chen po'i rgyud dpal rdo rje phreng ba mngon par rtogs pa las A li kA li rgyas par bshad pa'i le'u ste lnga bcu gnyis pa'o// // de nas gzhan yang bshad kyis nyon/ /mtshams kyi mtshan nyid bla na med/ /snang dang mi snang bral ba'i mtshams/ /shes rab rdo rje las byung ba/ /gnyis med 'dres pa'i dbus na gnas/ /'bags shing gos pa rnam par</font><hr>88.227b<br><font size=+1>

spangs/ /rdo rje pad ma 'chi med skyes/ /zla ba nyi ma yang dag 'dres/ /mthar ni yang dag mi 'gro gang / /mtshams med 'khor ba dag par byed/ /rang gi ngo bo rnam pa mchog /phra ba'i mtshan nyid bsam mi khyab/ /sems can kun gyi mtshams kyi ni/ /rdo rje 'chang gi btsun mo dang / /'char ba mchog tu dag par bshad/ /dga' bral la sogs rnam par spangs/ /mdud pa'i rtser gnas mchog tu zhi/ /tsa na ka yi tshig gu tsam/ /mtshan mo bdag po de shar ba/ /gang phyir steng gi go 'phang gnas/ /la la thig le'i rang ngo bor/ /rnam pa bzhi yis yang dag gnas/ /la lar thog ma la sogs spangs/ /la lar de yang dmigs su med/ /gang phyir rang gi bdag nyid can/ /de phyir brjod du med pa'o/ /rnal 'byor chen po'i rgyud dpal rdo rje phreng ba mngon par rtogs pa las mtshams kyi 'char ba'i mtshan nyid kyi le'u ste lnga bcu rtsa gsum pa'o// //  de nas bcom ldan rdo rjes gsungs/ /rnam pa nyi shu'i ming tsam ni/ /slob dpon las su yongs su bshad/ /sngags kyi rnal 'byor legs rgyas pa/ /sngon du bsnyen pa sa sbyang dang / /'byung po bskrad pa nyid dang ni/ /sa gzung nyid dang thig skud ni/ /sbyang dang lhag par gnas pa dang / /bgegs bskrad de bzhin dkyil 'khor gyi/ /thig ni rab tu gsal ba dang / /phur bus yang dag gdab pa dang / /bum pa byin gyis brlab pa dang / /bcom ldan 'das kyi lhag gnas dang / /khrus dang rab tu sbyang ba dang / /mchod pa rab gnas gtor ma dang / /slob ma lhag par gnas pa dang / /me la sbyin sreg cho ga bzhin/ /dbang bskur ba dang gshegs su gsol/ /de ltar cho ga nyi shu'i las/ /gang gis de shes 'gro ba'i bla/ /dge slong rdo rje 'dzin pas bya/ /bdud las sdigs 'dzub de ni mchog /yi ge gsum zlos pa la zhen/ /rdo rje theg pa lhag par grol/ /zhi ba la sogs las gang gis/ /rtag tu lag pa'i mthil la gnas/ /de yi yang dag cho ga</font><hr>88.228a<br><font size=+1>

yis/ /cho ga mchog ni bya ba yin/ /rnal 'byor rjes su rnal 'byor sogs/ /cho ga la sogs brtsam par bya/ /bgegs mthar byed pa'i snying po'i sngags/ /yi ge nyi shu rtsa bzhi mchog /stong phrag bcu ni yongs su bzla/ /thog mar mkhas pa ji bzhin du/ /bgegs rnams thams cad bsal ba'i phyir/ /sngon du bsnyen pa zhes ni bshad/ /de 'og yi ge gsum khrir ni/ /bsam pa kun gyis bzlas byas na/ /yid la 'dod pa'i dngos grub ster/ /slob ma rnams kyi dngos grub rgyur/ /skye bos dben pa'i phyag dar byas/ /sa gzung chu ni nye bar bcas/ /grong dang ha cang mi nye zhing / /ring por yang ni brtsam mi bya/ /shin du 'jam zhing srog chags med/ /rgyal po'i pho brang shin du ring / /khang khyim tshong dus las rgyang ring / /yang na bde gshegs rten la ni/ /thog mar sor mo rnams la ni/ /bde bar gshegs pa'i sngags dgod bya/ /khru gang sor ni bzhi pa yis/ /seng ldeng phur pa byas nas ni/ /yi ge gsum sngags chu yis bkru/ /yi ge brgya pa lan bdun dang / /yi ge gsum gyi sngags kyis brko/ /sa ni chu yi mthar thug pa/ /yang na khru ni phyed dang gsum/ /yang na sems kyis sbyang bar bya/ /de la gnas pa'i 'byung po ni/ /yang dag 'gror ni 'jug par bya/ /o~M ma hA kro d+ha dz+wa lArka/ /hU~M phaT mtha' dang yang dag ldan/ /de ltar lag mthil sngags bkod la/ /'byung po rnams ni bskrad par bya/ /sa la thal mo lan gsum du/ /brdab pa byas nas sngags bzlas te/ /u gats+tsha da lan gnyis brjod/ /sarba bud d+ha gra ha ud gats+tsha/ /yi ge gsum ni mtha' ru brjod/ /badzra satwa be shad de/ /las ni thams cad par gsungs pa'i/ /gtor ma byin nas 'gro ru gzhug /sa ni yongs su bzung rjes la/ /rdo rje slob dpon gyis brtsam bya/ /tshwa sgo med cing dri ma bsal/ /mnyam zhing zug rngu med pa dang / /me long lta bur 'jam pa dang / /mnyam pa yang ni mkhas pas bya/ /ba yi lci ba la sogs pa/ /rnam pa lnga yis byug par bya/ /byugs</font><hr>88.228b<br><font size=+1>

nas de rjes khrus byas la/ /slob dpon khro bo'i sku dang ni/ /dkyil 'khor 'jam pa'i rdo rje yi/ /mchog tu mi g.yo gzugs kyis ni/ /'jam pa dang ni sum sgril gyis/ /ras sam yang na gso ma yis/ /yi ge gsum gyis rnam par sbyang / /thig skud kyis ni kun nas mnyam/ /gru bzhi par ni byas nas kyang / /rdo rje can gyis khru gsum gsum/ /gru bzhi par ni gzung bar bya/ /de yi dbus su lte ba'i cha/ /sgrib pa'i skyon ni spang bar bya/ /sku gdung dang ni rin chen gzhug /legs par bsangs nas byin gyis brlab/ /yi ge gsum yang swA hA'i mtha'/ /phaT kyi dbus su yang dag sbyar/ /sngags 'di yang ni bzlas par bya/ /brgya dang brgyad kyis lhag par gsal/ /tshangs pa'i thig ni btab nas ni/ /yi ge brgya pa bzla bar bya/ /de rjes de la me tog char/ /sngags ni brjod nas gtor bar bya/ /o~M dang a mo g+hA pad mo/ /de bzhin du ni phyi nas su/ /b+ha su d+ha ri d+ha ra gnyis/ /d+ha ra Ni maN Da li hU~M/ /yi ge brgya pa'i sngags dang ni/ /lan gsum bar du thig skud la/ /zhabs bsil chu yis bsang bar bya/ /yi ge gsum gyis thig gdab bya/ /zur bzhi pa la sgo bzhi pa/ /rdo rje can gyis mtshams bzhi pa/ /thog mar shar dang byang dang ni/ /ji srid lho dang nub dag dang / /mtshams su yang dag thig skud dang / /slar yang yang dag gdab par bya/ /shar dang lho yi mtshams dang ni/ /nub dang byang gi mtshams su ni/ /thig skud kyis ni tshad gzhal bya/ /zur bzhi dang ni thig skud bya/ /skor thig gsum ni sgo bzhi pa/ /rdo rje phreng ba gsum gyis mdzes/ /tshangs pa'i thig gnyis btab nas ni/ /de las dbang po'i pho brang ni/ /rnam pa kun gyis yang dag thig /rgyal ba kun gyi bzhugs gnas gsal/ /de la rig pa 'dzin pa bri/ /slar yang rin chen phye ma 'am/ /tshon sna lnga rnams me tog dang / /rdzas sam las kyi sbyor ba las/ /rim pa ji lta ba bzhin du/ /mtshan ma'i phyag rgya la sogs bri/ /</font><hr>88.229a<br><font size=+1>

mi bskyod sku mdog phyag rgya sogs/ /rigs ni dbus su dgod par bya/ /rgyal ba rgyal dang rin chen 'chang / /'khor ba 'das dang shes rab 'chang / /rim bzhin sku mdog dbye ba yis/ /shar la sogs pa'i phyogs su dgod/ /gti mug zhe sdang chags pa dang / /rdo rje dga' sogs rim pa bzhin/ /me la sogs pa'i mtshams rnams su/ /ji lta ba bzhin dgod par bya/ /sna tshogs pad ma zla ba yi/ /gdan bdun gzhan gyi nyi ma gnyis/ /'khor dga' zhe sdang dga' bar bcas/ /ka yi phreng gis rnam par brgyan/ /zhal gsum phyag drug rnam pa can/ /g.yon na shes rab ral gri bsnams/ /gzugs dang dbyibs rnams ji bzhin du/ /dbus kyi dkyil 'khor mchod par bya/ /phyi rol gzugs kyi rdo rje sogs/ /mtshams kyi char ni rnam par dgod/ /shar la sogs pa'i snam bu la/ /byams pa sa yi snying po shar/ /'jam dpal phyag na rdo rje lhor/ /mkha' snying 'jig rten dbang phyug ni/ /kun nas nub tu bsgom par bya/ /sgrib pa rnam par sel ba dang / /kun du bzang po byang du dgod/ /zhal gsum phyag drug rnam pa can/ /g.yon na ral gri dgod pa dang / /phyag na rdo rje dri med pa'i/ /nyi ma'i dkyil 'khor gyi ni gdan/ /lha mo rnams la zla ba'i gdan/ /sna tshogs pad ma'i steng na gsal/ /rnam par snang mdzad rigs las byung / /mtshan ma'i phyag rgya la sogs dgod/ /shar la sogs pa'i sgo rnams su/ /gshin rje gshed la sogs pa dgod/ /zhal gsum phyag drug rnam pa can/ /de bzhin ral gri g.yon na 'dzin/ /mi g.yo la sogs mtshams rnams su/ /gshin rje gshed kyi rang ngo bo/ /zhal gsum phyag drug rnam pa can/ /g.yon na ral gri rnam par bsam/ /gang phyir shes rab rang bzhin g.yon/ /de bzhin g.yon nas ral gri brjod/ /gnod mdzes de bzhin gtsug tor ni/ /'og dang steng du rnam par dgod/ /khro bo rnams ni nyi mar bzhugs/ /</font><hr>88.229b<br><font size=+1>

de bzhin sna tshogs pad ma'i gdan/ /de bzhin phyag rgya dbyug la sogs/ /nye bar mtshon nas dgod par bya/ /de bzhin gshegs pa rnam dag pa'i/ /ri mo lnga ni rnam par dgod/ /de la rdo rje 'bar ba'i phreng / /ra ba yis ni yongs su bskor/ /rin chen dra ba rnga ma dang / /lha mo rnams kyi snam bu yis/ /ka ba rta babs 'khor lor mtshan/ /ri dgas rnams kyi mtshan pas brgyan/ /gdugs dang rgyal mtshan ba dan sogs/ /rnga yab me long la sogs kyis/ /brgyan pa ru ni rnam par bshad/ /sangs rgyas rnams kyis yang dag brten/ /slob dpon mchog gi dkyil 'khor ni/ /rang gi lus kyi gzugs brnyan no/ /rdo rje slob dpon gyis bya ba/ /bgegs bskrad pa ni sngon song bas/ /su~M b+ha'i sgra dang ni su~M b+ha/ /thog mar o~M dang ngo mtshar che/ /hU~M gnyis phaT kyi mtha' dang ldan/ /shar gyi sgo ru dgod par bya/ /o~M dang gr-ih+Na gr-ih+Na zhes/ /hU~M gnyis phaT dang yang dag ldan/ /blo dang ldan pas lho ru dgod/ /o~M dang gr-ih+NA pa ya gnyis/ /hU~M gnyis phaT kyi mtha' dang ldan/ /nub du yang dag spro bar bya/ /o~M A na ya ho b+ha ga /bAn dang bid+yA rA dzA dang / /hU~M gnyis dang ni phaT mthar dgod/ /de rjes yang ni byang du dgod/ /'di yis gdug pa bkug nas ni/ /de nas sngags pas phur pa gdab/ /seng ldeng las ni byas pa yi/ /phur bu sor ni bcu gnyis tshad/ /zur gsum yi ge gsum gyis mtshan/ /yi ge brgya pa so sor bzlas/ /sngags kyi chu yis bsangs nas ni/ /phyogs dang mtshams su dgod par bya/ /o~M dang yi ge g+ha lan gnyis/ /de bzhin g+hA ta ya na gnyis/ /sarba du Sh+Ta phaT zhes dang / /de bzhin kI la ya gnyis dang / /sarba pA pa~M phaT dang ni/ /hU~M gsum badzra kI la ya/ /badzra d+ha ra Adz+nyA pa ya ti/ /kA ya bAka tsit+ta badzra dang / /kI la ya hU~M phaT yi ge'i/ /mtha' can gyi ni phur bus gdab/ /o~M dang badzra mud ga ra/ /badzra kI la ya A ko Ta/ /ya dang hU~M gnyis phaT mtha' dang / /sngags dang phur bus brdung ba brjod/ /de rjes bgegs ni 'jug la sogs/ /bskrad don rdo rje ra ba dang / /</font><hr>88.230a<br><font size=+1>

steng du mda' yi dra ba dang / /'og tu sna tshogs rdo rje dang / /gtsug tor gnod mdzes sngags kyis ni/ /byin gyis brlab pa'i cho ga yis/ /bum pa bcu 'am yang na drug /rin chen las byas rnam dag pa/ /sman lnga dang ni 'bras bu lnga/ /'bru lnga la sogs kyis gang ba/ /rin chen lnga dang sna ma sogs/ /lo ma lnga yis rnam par brgyan/ /gur gum gla rtsi ga pur dang / /tsan dan chu yis gang bar bya/ /me tog la sogs kyis mchod bya/ /rang rang sngags kyis byin gyis brlab/ /badzra d+h+r-ika dang dzi na dzig /rad na d+h+r-ig dang A ro lig / de bzhin pradz+nyA d+h+r-ika sngags dang / /lcags kyu'i rnam pa'i 'od zer gyis/ /'og min 'jig rten khams nas ni/ /bu~M` pa rang gis bskur byas pa/ /de nas spyan drangs nas ni gzhug /de nas lha mo'i gzugs spros nas/ /de rjes gzhan la dgod par bya/ /o~M dang ru ru spu ru dang / /de nas dz+wa la tiSh+tha gsal/ /de bzhin sid d+ha lo tsa ne/ /sarba ar tha sA d+ha ne/ /swA hA zhes ni de la bzlas/ /spyan gyi rnam pa rdzogs nas ni/ /bum pa'i dbus su mchod par bya/ /o~M dang sha~M ka re dang ya/ /de las shAn ting ku ru dang / /de bzhin g+huT+Ti g+huT+Te dang / /g+huT+Ti ne dang g+huT+Ti ne/ /g+ha ta ya ni lan gnyis brjod/ /swA hA'i mtha' can sngags brjod bya/ /mA ma kI yi rnam pa rdzogs/ /bum pa'i dbus su mchod par bya/ /o~M dang ka Te bi ka Te/ /ni ka Te ka Ta~M ka Te/ /ka ro Ta bIr+ye swA hA/ /gos dkar rnam par rdzogs nas ni/ /bu~M pa'i dbus su mchod par bya/ o~M dang tA re tud tA re/ /tu re swA hA dgod par bya/ /sgrol ma'i rnam pa rdzogs nas ni/ /bu~M pa'i dbus su mchod par bya/ /gshin rje gshed sogs gzhan rnams la/ /gcig la las ni thams cad pa/ /o~M na maHsa man ta kA ya bA ka tsit+ta badzrA NA~M/ na mo badzra kro d+hA ya/ ma hA da~MSh+Tota ka Ta b+hai ra bA ya/ a si mu sa la/ /ba ra shu pA sha hastA ya/ o~M a mr-i ta kuN Da li/ kha kha</font><hr>88.230b<br><font size=+1>

khA hi khA hi/ tiSh+Tha tiSh+Tha/ ban d+ha ban d+ha/ ha na ha na/ da ha da ha/ gardza gardza/ bi s+pho Ta ya bi s+pho Ta ya/ sarba big+h+na bi nA ya kAn/ ma hA ga Na pa ti/ dzi bi ta an ta ka rA ya hU~M phaT swA hA/ sngags 'di lan bdun bar du ni/ /las ni thams cad pa yin te/ /snying po'i sngags ni bzlas byas la/ /rigs kyi dbang phyug mchod par bya/ /yi ge brgya pa'i sngags kyis ni/ /lan bdun bar du bsgom par bya/ /brgya dang rtsa brgyad rim pa yis/ /yi ge gsum yang bzlas pa ni/ /de nas rang lha'i rnal 'byor gyis/ /mchod yon snod du mchod par bya/ /de nas du gu la ras ni/ /ga pur a ga rus bdugs pa/ /bkab nas rang rang sngags dang ni/ /de la rim bzhin lhag gnas bya/ /zhal gsum phyag drug rnam pa can/ /sprin bral nam mkha' lta bu'o/ /de lta bu yi sku mdog phyag /rang snang ba yi sku la 'khyud/ /A li kA li las byung ba/ /sna tshogs pad ma'i gdan la bzhugs/ /gzhal yas khang dbus nyams dga' ba'i/ /'og min zhing khams na bzhugs pa'i/ /dkyil 'khor 'khor dang bcas par ni/ /sangs rgyas lnga yi cod pan can/ /bsgoms nas de las 'od zer spro/ /kha dog lnga dang lcags kyu yi/ /de yi spyan drangs slob dpon gyis/ /sngags brjod nas ni spyan drang bya/ /e h+ye hi dang b+ha ga bAn/ /sa ma ya ma nu sma ra/ /tiSh+Tha gnyis dang sa ma ya/ /de la a nu sma ra gnyis/ /sku gsung thugs kyi rdo rje dang / /swA hA'i mtha' can lan gsum brjod/ /'jam pa'i rdo rje spyan drang bya/ /dkyil 'khor ba dang yang dag ldan/ /dkyil 'khor dbus su spyan drang bya/ /rang gi gdan gyi dbye ba la/ /bzhugs shing yang dag mchod par bya/ /rang rang sngags dang rim ji bzhin/ /lha yi me tog sogs kyis mchod/ /'khor lo mchog ni mchod par bya/ /bdag ming 'di zhes bgyi ba 'dir/ /chos kyi dbyings kyi rang bzhin grong / /yo byad ci 'byor pa yis</font><hr>88.231a<br><font size=+1>

ni/ /dkyil 'khor mchod pa bgyi bar 'tshal/ /thugs kyis brtse bar nyer dgongs te/ /mgon pos mchod pa 'di bzhes shig /o~M sarba ta thA ga tA nA~M/ pU dzo pas+thA na yA Ata mA na~M nir+yA ta yA mi/ bla mas yi ge gsum ni brjod/ /lha yi rnam par byas nas ni/ /de rjes bdag la mchod par bya/ /o~M sarba ta thA ga te/ /pU dzA badzra swa b+hA ba/ /Ata ma ko\u0f85 ha~M zhes ni brjod/ /rang lha'i nga rgyal byas nas ni/ /ji ltar bskyed pa'i yul rnams dang / /gnod byed kha na ma tho med/ /zhe sdang chen po'i rigs las byung / /dkyil 'khor dbang phyug mchod bya zhing / /de nas lha rnams lhag gnas bya/ /yid 'phrog sna tshogs lha yi gos/ /ga pur a ga ru yis bdug /sngags kyis dag byas dgab par bya/ /o~M dang tiSh+Tha badzra ho/ /brjod nas dkyil 'khor lhag gnas bya'o/ /o~M dang s+pha ra badzra ho/ /blo dang ldan pas sngags 'di brjod/ /me tog spar bas gtor nas ni/ /lhag gnas der ni gshegs par bya/ /rnam pa kun dang yang dag ldan/ /dkyil 'khor mchog ni mthong bar bya/ /rigs lnga'i rang bzhin bzang po yis/ /bcom ldan gzugs brnyan bsgoms nas ni/ /me long sogs la khrus bya zhing / /de bzhin rdzas dang 'o ma sogs/ /ji ltar ltams pa tsam gyis kyang / /de bzhin gshegs kun khrus gsol ba/ /de bzhin bdag gi sku khrus gsol/ /cod pan dbang phyug rdo rje sems/ /dbus su yi ge gsum dang spel/ /swA hA'i mtha' can brjod par bya/ /las kyi de nyid cho ga shes/ /de rjes sbyar ba'i gtor ma bya/ /o~M sarba A ba ra Na/ /shud d+ha sarba pA pa~M dang / /bi shud d+ha badzra hUM~M phaT/ /swA hA'i mtha' can sngags brjod bya/ /pad ma bskor ba'i phyag rgya dang / /yungs kar dkar po bsregs byas nas/ /nyon mongs pa ni sel bar byed/ /mkhyud cing bskor bas dor bar bya/ /de nas cho ga bzhin legs mchog /sil snyan glu la sogs pa dang / /bcom ldan</font><hr>88.231b<br><font size=+1>

'das la dbul bar bya/ /rang rang sngags dang go rim bzhin/ /o~M sarba ta thA ga ta/ /puSh+pa pU dzA me g+ha dang / /sa mu drA dang s+pha ra Na/ /sa ma ye dang shrI ye AH/ /hU~M gi sngags ni rjes su brjod/ /rdzas rnams kun la rang ming ni/ /gzugs la sogs pa snga ma bzhin/ /cho ga bzhin du yang dag brjod/ /rdo rje sems dpa' legs bsgyings pa/ /rdo rje slob dpon cho ga shes/ /sngags 'di yis ni rab gnas bya/ /o~M dang su pra tiSh+Tha dang / /badzra swA hA'i mtha' can bzlas/ /yi ge gsum gyi snying po ni/ /sku gsung thugs la bkod nas ni/ /me tog char ni dbab par bya/ /slob dpon slob ma'i tshogs dang bcas/ /glu yis yang dag bskul nas ni/ /sad pa na ni phyag kyang byas/ /las kun bdag nyid rnal 'byor bdag /gtor ma don kun grub par byed/ /las la byang zhing mkhas pa dang / /cho ga bzhin du bsgyings bcas dang / /chang dang sna tshogs sha dang ni/ /de bzhin la du 'o ma dang / /'bras chan phye yi khur ba dang / /sran khur bye ba mang po dang / /mchod yon me tog sogs kyis mchod/ /snod bcu chu yis gang ba la'o/ /gsungs pa'i khro bo bcu sngags kyis/ /snga ma bzhin du cho ga yis/ /de dbus 'byung po kun la ni/ /ngo mtshar chen po'i gtor ma sbyin/ /snga ma bzhin du cho ga yis/ /til bsregs bza' bas khyad par du/ /blo dang ldan pas sngags bzlas bya/ /'di ni don kun sgrub byed pa/ /o~M brah+ma de ba tA sarba/ in dra da sha lo ka rak+Sha ka / nA ga gan d+ha rba ku~M b+ha Na Da/ yak+Sha b+hU ta ga Na/ ta thA pre ta u ga ta/ pi shA tse a pasmA ra/ DA ki ni gra ha/ big+ha nan mA tr-i ga NA/ sarba ta thA ag ne ma ra gra hA/ o~M dzo b+hak+Sha ma hA te dza/ ma nu Sh+ya na ma/ bi hi sa ka /mu dra man tra a d+hi d+ho b+h+yaHtsa/ gra ha nak+Sha tra ma nu Sh+ya/ i ma~M ba li/ pra grI h+nan sid d+ha yad tshan du me san d+ha/ sa t+ya ma ne Sh+ya ka ra me Shu/ sad sa ha ya b+ha ban du tse/ d+hA na d+hA na/ su pa ra nany+tsa/ d+ha DAn tu ma ma to</font><hr>88.232a<br><font size=+1>

Shi ta/ i ti u pA trA na tro Sha Ni satwA ta nam na sha yan tu tsa/ thog mar o~M dang AHhU~M phaT/ /swA hA'i mtha' can las kun byed/ /de ltar sngags 'di snod la bzlas/ /rdo rje sems dpa' rnam par rol/ /slob ma lhag par gnas par bya/ /mtshan nyid yon tan gyis brgyan pa/ /tsan dan ga pur gla rtsi yi/ /chu yis kyang ni khrus byas te/ /dad pa'i chu ni 'chang ba yis/ /sems kyi dri ma rnam par 'khrud/ /bdog pa thams cad gtong bar byed/ /gos gtsang ba ni mchog tu bgo /khang pa brtseg ma byas nas ni/ /ras kyi yol ba kun nas bre/ /yi ge gsum dang yang dag ldan/ /rdo rje can gyis sngags chu ni/ /lan bdun gtor la gtor ma yis/ /las skyes dri ma sbyong bar byed/ /de nas sa yi snying po sogs/ /mig la sogs la rnam par dgod/ /sor mo dbu ma gnyis kyis ni/ /dbang po so so la reg pas/ /sngags brjod bya zhing byin gyis brlab/ /lus kyi dkyil 'khor rnal 'byor gyis/ /o~M dang tsak+Shu tsak+ShuHdang / /sa man ta dang tsak+ShuHbzlas/ /mai tri satwa lo tsa ne/ /sarba aratha sA d+ha ni/ /swA hA'i mtha' dang sngags 'di brjod/ /mthe bo gung mo yang dag sbyar/ /zhabs bsil chu dang mnyes nas ni/ /sngags de lan gsum bzlas par bya/ /slob ma'i mig la so sor ni/ /mthe bo'i phyag rgyas reg par bya/ /khru gang ba la sor bzhi pa'i/ /skud pa zhags pa 'dra ba la/ /yi ge brgya pa'i sngags lan gsum/ /bzlas nas zhabs bsil chus bsang bya/ /skud pa lan gsum dkris pa ni/ /rdo rje gsum ni mdud par ldan/ /dpung pa g.yon par bcings pa ni/ /sngags 'di lan gsum brjod par bya/ /o~M dang lo tsa ne yi sgra/ /ya ta twad ta~M sa~M pra ta~M/ /mi b+ha bi shud d+hi yi sgra/ /ra~M dang rad na tra yA ya/ /sid d+hi na ni da da sha / ya swA hA yi sngags 'di ni/ /theg pa bla med lan bdun bzlas/ /slob ma la ni me tog gtor/ /de nas rdo rje 'chang gis ni/ /sor ni bcu gnyis gzhal ba yi/ /</font><hr>88.232b<br><font size=+1>

zur ni gsum du yongs su bya/ /yi ge gsum gyis byin brlab bsgom/ /slob ma'i lag tu gtad par bya/ /o~M dang pra ti badzra dang / /sa yan ta dang i shwa ri/ /o~M AHhU~M swA hA'i mtha' can sngags/ /bzlas nas slob mas dor bar bya/ /sar 'bab pa yi phur bu ste/ /phyogs ni gang du lta ba nyid/ /slob dpon dang ni slob ma yis/ /de yi phyogs bltas nyal bar bya/ /nam langs yang dag bla ma la/ /ji ltar mthong ba'i don kun zhu/ /de la dmigs nas sbyin bsreg ni/ /zhi ba la sogs rab dbye bas/ /las ni thams cad pa nyid dam/ /bgegs zhi ba yi don du bya/ /rdo rje sems dpa' bsgyings bcas pas/ /rnal 'byor ji bzhin cho ga bzhin/ /sngar bzhin 'dir yang gtor ma ni/ /bgegs rnams zhi phyir sbyin par bya/ /de nas gsol 'debs slob ma ni/ /rdo rje slob dpon thugs rjes khyab/ /thal mo sbyar bar byas nas ni/ /mdun du 'dug nas phyag byas te/ /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid gsal du stsol/ /sdom pa rnams kyang bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /de nas bla mas de la yang / /bya dang mi bya gsungs pa ni/ /sems can las kyi srad bus gdab/ /rdul tshon bkye ba'i rim pa dgye/ /'gro ba 'di dag dkyil 'khor te/ /rang bzhin dag pa gnyis med pa'o/ /thog mar dkyil 'khor rnal 'byor bdag /rdo rje slob dpon rang nyid bsgom/ /slob ma bdag nyid 'drar dmigs nas/ /de 'og thams cad rab bsgrub bya/ /bla ma bzang la dbang bskur phyir/ /slob mas de rjes gsol ba gdab/ /'di nas 'khor ba'i rgya mtsho la/ /nyon mongs chu srin na kras khyab/ /las kyi rlung gis dba' klong 'khrugs/ /bdag byin thugs rje'i rgya mtsho kye/ /mi shes ling tog gis sgribs mig /nyon mongs dbang du bya ba ni/ /bde ba</font><hr>88.233a<br><font size=+1>

sdug bsngal 'jigs las skyob/ /thugs rje'i rgya mtshos bdag skyabs mdzod/ /de 'dra tshig gsan rdo rje can/ /thugs rje'i thugs ni yongs su gang / /slob ma la ni yongs su gsungs/ /bu khyod dus 'di nas bzung ste/ /rdo rje theg pa'i gzhung lugs bstan/ /rnal 'byor mchog ni khyod kyis zung / /rdo rje sems dpa'i spyod pa'i gnas/ /bu khyod 'di ni bdud rtsi ste/ /srungs shig ma srung na ni sreg /bsrungs na dngos grub kun 'grub 'gyur/ /nyon mongs thams cad sel ba'i klung / /o~M dang pany+tsa a mr-i ta/ /u da ka dang AHhU~M Tha/ /slob mas bdud rtsi lnga btung bya/ /rdo rje ye shes rmad byung ba'o/ /gsang ba dran na skyon 'gyur phyir/ /rdo rje slob ma la ni dbab/ /dri chen dri chu la sogs pa/ /mtshal chen 'bab pa'i bu mo'i gos/ /khrag dang khu bas yang dag bsgos/ /gu gul dang ni rnam par bsres/ /yi dgas me ni blangs nas su/ /pad ma'i snod du bzhag nas ni/ /der ni thams cad gzhug par bya/ /khro bo rdo rje gsum bdag nyid/ /g.yas brkyang ba yi gnas pas gnas/ /rdo rje 'chang dbang slob ma la/ /rmad byung chen po'i bdug pas bdug / /'bab par 'gyur bar the tshom med/ /o~M tiSh+Tha ma hA kro d+ha/ /de bzhin A be sha ya hU~M/ /rnal 'byor pa yis sngags 'di brjod/ /slob ma la ni gsal bar dbab/ /badzra sa twa hi ma he/ /bid+yA rA dzA ya bid+yA ma he/ /de ltar sngags ni 'di yis kyang / /slar yang slob ma dbang bskur nas/ /rang bzhin gyis dag rang gi lus/ /dkyil 'khor mchog 'di mthong ba na/ /de bzhin gshegs dang lha mo dang / /rgyal ba'i sras kyi yang dag gzhi/ /khro bo khyab pa'i gsang ba'i mchog /rdo rje sems dpa' rten dang ni/ /phyi dang nang gi dkyil 'khor ni/ /gnyis po de la bstan par bya/ /slar yang slob mas gsol ba gdab/ /bdag la dbang bskur mdzad du gsol/ /rnam rgyal bum pa blangs nas ni/ /pad ma'i</font><hr>88.233b<br><font size=+1>

snod ni bzang po la/ /de yi dbus su blo bzang po/ /hU~M rdor las byung mi bskyod bsgom/ /rang nyid ye shes sa bon gyi/ /'od zer yang dag bskul bas byung / /slar yang ye shes sems dpa' bsgom/ /mi bskyod pa yi rnam pa mchog /mi bskyod ngo bo de nyid kyis/ /rnam par shes pa'i phung po bsgom/ /slob ma'i mgo bor lag pa bzhag /rdo rje slob dpon thugs rjes khyab/ /o~M dang ma hA sa twa dang / /de bzhin I sha ra taM dang / /a b+hi Shiny+tsa mi sa hA/ /o~M sarba ta thA ga ta/ /a b+hi She ka sa ma ya/ /shri ye AHhU~M de nas bzla/ /chu yi gting nas slob ma la/ /dbu rgyan dbang bskur don du ni/ /cod pan 'jig rten gsum rgyal po/ /sems can kun gyi don sgrub pa/ /snying rjes khyab pa nges byin gyis/ /rdo rje sems dpa'i yon tan gnas/ /sa bon tri las byung ba yi/ /rin chen 'byung ldan bsgoms nas ni/ /ri mo dar sogs cod pan yang / /slob ma'i mgo la sbyin par bya/ /o~M sarba ta thA ga ta/ /rad na mu ku Ta sgra dang / /de bzhin sgra dang pU dza ya/ /a tiSh+Tha dang AHhU~M dang / /sngags 'di dag ni brjod nas ni/ /me tog mgo la sbyin par bya/ /slob ma rdo rje dbang bskur phyir/ /slar yang bla ma la gsol gdab/ /ye shes lnga yi rang bzhin dngos/ /rdo rje brtul zhugs ngas byin gyis/ /gang gis ma rig sgo nga 'byed/ /ye shes thob 'gyur nga yis byas/ /hrIHlas pad ma rdzogs par ni/ /'od dpag med du rnam par bsgom/ /rdo rje lag pa g.yas par sbyin/ /slob ma la ni 'di skad brjod/ /ngas khyod de ring dbang bskur bya/ /'di de sangs rgyas thams cad de/ /kun tu bzang po'i brtul zhugs brtan/ /dngos grub bzang phyir rdo rje long / /kha~M las byung ba'i ral gri 'am/ /don yod grub pa'i rang ngo bo/ /rdzogs par lag pa g.yon par ni/ /slob ma bsgyings pa'i phyag rgya 'dzin/ /'di ni sangs rgyas thams cad kyi/ /dril bu sgra yi rjes 'gror brjod/ /</font><hr>88.234a<br><font size=+1>

khyod kyis kyang ni rtag tu bcang / /byang chub mchog ni rgyal ba'i gzhi/ /rdo rje dril bu bzung rjes la/ /rdo rje sems dpa' rang ngo bo/ /rang bzhin yon tan rnams kyis gang / /bdag po yi ni rnal 'byor 'gyur/ /rnam par snang mdzad rang ngo bo/ /slob ma'i mgo la lag bzhag ste/ /rdo rje can gyis ming dbang bskur/ /gzugs kyi phung po rnam par bsgom/ /o~M sarba ta thA ga ta/ /che ge mo zhes badzra sa twa~M/ /a b+hi ShIny+tsa mi swA hA/ /phung po lnga yi rnam dag pas/ /thog mar chu nas ming gi mthar/ /dbang bskur ba ni mchog tu shes/ /rmad byung chen po bshad par bya/ /sangs rgyas lnga ni dag pa 'di/ /dbang bskur lnga ni thob par 'gyur/ /ma rig pa ni bsal nas ni/ /ye shes lnga ni thob par 'gyur/ /de nas rdo rje sems dpa' yi/ /slob ma 'dod don sngags dbang sbyin/ /sngags kyi dbang bskur ye shes mchog /ngas byin dngos grub ster bar byed/ /de nas yi ge drug sngags phaT/ /swA hA'i mtha' can yi ge gsum/ /kha ni dam tshig gis bkang nas/ /sngags kyi sku yis dag pa dang / /bla ma'i zhal las yang dag brjod/ /bla mas dngos grub sbyin bya'i phyir/ /'di ni sangs rgyas thams cad kyi/ /snying po yi ni ye shes mchog /sangs rgyas thams cad bsdus pa ni/ /khyod kyis kyang ni rtag tu bcang / /de nas slob ma spyod brtul zhugs/ /sna tshogs bsam pa'i bye brag gis/ /gang gi spyod pa rnam dag pa/ /'dod la thugs rje'i gtso bo yis/ /sems can don ni byed pa'i thabs/ /nga yis spyod pa'i brtul zhugs sbyin/ /de nas glegs bam dung la sogs/ /mda' gzhu ral gri 'khor lo dang / /sngon bzhin sngags kyis dag par byed/ /slob ma'i lag tu rim bzhin sbyin/ /'di ni kun bzang spyod brtul zhugs/ /bsam pa sna tshogs rnam dag byed/ /khyod kyis kyang ni rtag tu bcang / /sems can kun gyi don gyis byos/ /o~M sarba ta thA ga ta/ /de bzhin d+hI Tar twa~M dang / /d+har+ya mi AHhU~M dang / /de ltar sngags 'di dgod</font><hr>88.234b<br><font size=+1>

par bya/ /de nas lung bstan thob don du/ /bsam pa dang bas bla ma la/ /da ltar sangs rgyas rigs su 'jug /khyed kyis bdag la lung bstan gsol/ /don yod rdo rje zhes bya khyod/ /rigs kyi dbang phyug lung bstan bya/ /de nas slob ma dbugs dbyung 'dod/ /bla ma'i zhal snga nas ni skye/ /mgon po yang dag bdag dbugs phyung / /byang chub spyod pa'i brtul zhugs brtan/ /de nas rdo rje chos gos mtha'/ /g.yon pa'i lag pas bzung nas ni/ /g.yas pa mi 'jigs sbyin byas la/ /dbugs dbyung ba yi mchog bya ba/ /nga yis rdo rje gsung bdag khyod/ /sangs rgyas kun gyi go 'phang mchog /rdo rje sems dpa' mngon par brjod/ /khams gsum gyi ni rgyal po che/ /dpal ldan yon tan 'byung gnas bdag /bdud kyi stobs ni kun las rgyal/ /grong khyer mchog tu khyod zhugs so/ /de nas slob ma don 'dod la/ /phyir mi ldog pa'i dbang bskur bya/ /phyir mi ldog pa'i dbang bskur che/ /rdo rje sems dpa' bdag la stsol/ /de nas ye shes rdor dbang phyug /ye shes sems dpa'i 'od zer gyis/ /spyan drangs sangs rgyas lnga la sogs/ /lha mo'i 'khor lo rim bzhin 'byung / /de yis ye shes chus bkang ba'i/ /bum pa phyag bsnams de bzhin gshegs/ /rdo rje 'dzin dang rgyal ba rgyal/ /rin chen 'dzin dang 'khor ba sgrol/ /shes rab 'chang ni rim pa bzhin/ /gti mug zhe sdang 'dod chags la/ /de bzhin rdo rje dga' ma sogs/ /gshin rje mthar byed shes mthar byed/ /pad ma mthar byed bgegs mthar byed/ /'di yis kun nas dbang bskur bas/ /rdo rje slob ma rnam par bsam/ /dbang bskur ba ni rdo rje che/ /khams gsum kun gyis phyag byas pa/ /gsang ba gsum gyi gnas las byung / /sangs rgyas kun ni nga yis sbyin/ /de nas de bzhin gshegs lha mo/ /khro bo rang gi gnas su dgod/ /'jam dpal rnam par bsgoms nas ni/ /ye shes rdo rjes rnam par brgyan/ /o~M dang d+ha</font><hr>88.235a<br><font size=+1>

su pra tiSh+Tha/ badzra swA hA zhes ni dgod/ /blo bzang gis ni sngags brjod nas/ /slob ma la ni me tog gtor/ /de nas me tog sogs kyis mchod/ /slob ma'i dkyil 'khor 'khor lo 'dra/ /thugs rjes khyab pa'i bla ma yis/ /de nas slob ma rjes gnang bya/ /de nyid shes pa'i rnal 'byor pas/ /mi bya ba ni ci yang med/ /dpal chen khyod kyis bka' drin gyis/ /nga ni 'dod yon lnga la spyod/ /sgyu ma rmi lam 'drar shes nas/ /rten 'brel las byung chos rnams ni/ /gzugs brnyan lta bur shes nas ni/ /sems can don ni mnyam med byos/ /bya ba byas pa'i slob ma ni/ /ci bde bar ni bsgrub par gyis/ /de nas bla ma la yon dbul/ /bstod cing kun nas phyag kyang bya/ /skye bo bzang dang lhan cig tu/ /de nas bla ma gsang don gnyer/ /mthur du kha bltas kha sbyar te/ /ji ltar bdag nyid chen po khyed/ /bdag kyang de dang 'dra bar mdzod/ /de nas rigs lnga las byung ba'i/ /las dang chos sogs dbye ba yis/ /sngags kyi theg pas lhag par grol/ /skal ldan bud med phyag rgyar bshad/ /skye bos dben pa'i mtshan phyed na/ /ro yi gzhi yi gnas song nas/ /thugs rje chen pos khyab pa yi/ /rdo rje slob dpon yon tan 'byung / /ji ltar de ltar rnyed phyag rgya/ /snyoms 'jug la ni gang byung ba'i/ /bla na med pa'i rang bzhin gyi/ /sangs rgyas thams cad 'dus pa ni/ /rnal 'byor ma yi yang dag ltung / /kun rdzob byang chub sems gang yin/ /gsang ba de yis dbang bskur bya/ /'di de sangs rgyas thams cad kyi/ /dam tshig chen po rnam byung ba/ /khams lnga las byung bcud kyis len/ /bde ba chen pos myong bar gyis/ /slob ma rtog pa dang bral bas/ /pad ma la gnas de myang gyis/ /'das pa'i rdo rje 'chang ba yis/ /rgyal sras ji ltar dbang bskur ba/ /byang chub sems kyi chu yis ni/ /bu khyod de bzhin dbang bskur bya/ /de nas shes rab dbang bskur phyir/ /bla mas don 'dod slob ma la/ /dngos</font><hr>88.235b<br><font size=+1>

grub thams cad bsdus pa ni/ /bdag la khyed kyis dbang bskur stsol/ /de nas slob dpon bdag nyid che/ /phyag rgya yang dag byin gyis rlob/ /mchog ni thob par bya ba'i phyir/ /de 'og slob ma la ni sbyin/ /lha mo phyag rgya chen po 'di/ /dpag med bde ba rab ster ba/ /bu yis kun nas blangs nas ni/ /bla na med pa'i mchod pa gyis/ /de nas shes rab ye shes de'i/ /sgrub po mchog tu 'dod pa'i don/ /lha mo'i ye shes de nyid mchog /dngos grub don du nga yis sbyin/ /lha mos de la bka' bsgo ba/ /dpa' bo'i bu ni bla na med/ /dpa' bo khyod ni spro 'am ci/ /byang chub sems ni za nus sam/ /yang dag de ni nges par ni/ /ji ltar 'dod pa bzhin du smros/ /ji ltar gsungs pa'i dam tshig mchog /lha mo ci phyir bdag mi nus/ /de nas lha mo de dgyes nas/ /skra bkrol gos ni bor nas kyang / /pad ma dag ni 'byed byed cing / /b+hany+dza mok+Sha ho zhes gsungs/ /bka' yi pad ma'i dbus gnas pa/ /bde ba kun du rgyu ba'i rtsa/ /sor mos bskul nas dga' bar bya/ /dzi hwas kyang ni rol bar bya/ /lhan cig skyes pa'i bde byed pa/ /'di nyid rig pa bzang bsten na/ /mchog tu dga' bas nyams myong nas/ /lhung ba'i bde bas de myang bya/ /de nas bcom ldan ma dgyes nas/ /b+hany+dza mok+Sha'i sngags gsung zhing / /rkang pa g.yon pa mgo la bzhag /bka' yis de nyid yang dag bstan/ /de ring phan chad bu khyod kyis/ /ji srid byang chub snying po'i bar/ /rmi lam bzhin du sems can gyi/ /bla na med pa'i don byos shig /bskyed pa'i rim pa bsgom pa yi/ /man ngag las ni 'di mi shes/ /rig pa 'di ni dor byas na/ /thabs gzhan gyis ni sangs mi rgya/ /brtul zhugs rnams kyi mchog gi mchog /rig pa'i brtul zhugs bu yis spyod/ /de ltar 'di ni byang chub mchog /rdo rje rnal 'byor rnal 'byor ma/ /rim pa bzhin du yongs shes bya/ /rdo rje sems dpa'i go 'phang rten/ /bdag la go 'phang</font><hr>88.236a<br><font size=+1>

mchog stsol lags/ /ting 'dzin kun gyis 'bras bu gsal/ /sems can kun la ci 'dod par/ /dngos grub bla na med pa gsol/ /slar yang gshegs par mdzad pa'i phyir/ /rang gi gnas gshegs badzra muH/ /de nas lhag ma'i gtor ma sbyin/ /'khor lo lhag par 'byung ba'i rim/ /u ts+tshiSh+Ta k+She tra pa la/ /a ti tsakra u ts+tshiSh+Ta/ /su b+ho dza nA~M bi ba gnyis/ /b+hu rak+Sha gnyis dang sarba dang / /sid d+hi pra~M yats+tsha me dang / /o~M sngon AHhU~M phaT swA hA/ /de yi rjes la brjod par bya/ /rdo rje dril bu 'chang 'gyur ba/ /g.yon brkyang ba yi gnas pas gnas/ /khams gsum rnam rgyal rang bzhin dang / /rdo rje slob dpon rang bzhin ni/ /khams gsum rnam rgyal rang bzhin 'chang / /de ltar cho ga nyi shu las/ /bskyed pa'i rim pa'i mtshan nyid bstan/ /de nyid mang du shes pa yis/ /bla ma dge ba'i las bzang po/ /rnal 'byor chen po'i rgyud dpal rdo rje phreng ba mngon par rtogs pa las cho ga nyi shu'i las rgyas pa'i le'u ste lnga bcu rtsa bzhi pa'o// // de nas gzhan yang bshad bya ba/ /de yi rgyu mtshan 'bras bu ni/ /las ni cho ga nyi shur bshad/ /dbang phyug chen po'i rgyu mtshan ci/ /de yi 'bras bu ci zhig 'gyur/ /chen po'i chen po ji skad gsungs/ /de nas bcom ldan rdo rjes gsungs/ /las kyi rgyu mtshan 'bras bu dang / /sngon du bsnyen pa'i las kyis ni/ /rgyu mtshan 'jig rten dngos grub brgyad/ /ser sna la sogs bsal ba'i phyir/ /sangs rgyas mchod pa rnam bsgom zhing / /sbyin pa tshul khrims bzod pa dang / /brtson 'grus bsam gtan rab tu rdzogs/ /shes rab ye shes dbang bskur gyis/ /shes rab pha rol phyin pa rdzogs/ /gsang ba la sogs la gnas pa/ /skye bo chags pa'i rgyu mtshan no/ /kun du spyod pa'i chos rnams kyis/ /mnyam nyid ye shes rgyu yis ni/ /bla ma dad pas mchod pa ni/ /rdo rje sems dpa'i go 'phang don/ /chu sogs ming ni mthar thug pa/ /ye shes lnga yi</font><hr>88.236b<br><font size=+1>

rnam dag phyir/ /spyod pa phyir mi ldog pa'i mtha'/ /sems can bsam pa rnam dag phyir/ /shes rab brtul zhugs sogs kyi mtha'/ /dpe yis bde ba bstan pa'i phyir/ /dkyil 'khor sa tshon phra rab dang / /mtshungs pa de bzhin gshegs pa kun/ /mchod pa nyid du 'gyur ba dang / /de ltar 'bras bu 'khor lo 'jug /sangs rgyas thams cad mchod pa ni/ /las kyi sgrib pa dag par 'gyur/ /shin du rnam dag chos kyi dbyings/ /dbang bskur ba ni thob pa dang / /dngos po'i ngo bo ji bzhin du/ /shes rab ye shes kyis ni thob/ /bla ma yis ni sgrub pa yang / /mchod pa de yi go 'phang mchog /de ltar yun mi ring bar 'thob/ /dag pa'i spyod pa brtul zhugs mchog /rnal 'byor chen po'i rgyud dpal rdo rje phreng ba mngon par rtogs pa las cho ga nyi shu pa'i rgyu mtshan dang 'bras bu bstan pa'i le'u ste lnga bcu rtsa lnga pa'o// // de nas rdo rje sems dpas gsungs/ /mchod pa'i cho ga bla na med/ /gnyis med mnyam pa'i rnal 'byor gyis/ /lus la mchod pa'i cho ga'i rim/ /rdo shing sa dang gser gyi ni/ /sku gzugs la ni phyag mi bya/ /rab gnas dkyil 'khor sbyin bsreg dang / /de nas nam yang mi bya'o/ /dri chen rdor chu dkon mchog sogs/ /bdag nyid lnga ni rtag tu mchod/ /de phyir de la mngon zhugs pa'o/ /thugs kyi rdo rje rang nyid gtso/ /sems de yang ni de dngos med/ /gang phyir stong nyid mtshan nyid ni/ /stong nyid kyang ni rnam pa med/ /de phyir thams cad nam mkha' 'dra/ /de ltar rnam dag rnam shes kyang / /rtsa ni gsum la'ang mchod par bya/ /gang phyir sems kyi rang bzhin kun/ /sems las gzhan pa yod ma yin/ /rang nyid rdo rje sems dpa' dang / /sems kyi rang bzhin la ni gnas/ /lha yi gzugs ni bla med pa/ /sems ma gtogs pa gzhan ni med/ /de phyir de ltar rnam dpyod pa/ /rang lus gcig pu rtag tu mchod/ /rigs lnga</font><hr>88.237a<br><font size=+1>

rtag tu rtag spyod pa/ /rigs gcig tu ni rnam par brtag /'dod dang mi 'dod dbye ba dang / /btung dang mi btung rnam par spangs/ /rnal 'byor skal yod skal med ces/ /nam yang smra bar mi bya'o/ /phyag rgya'i rnam pa sngon po sogs/ /de bzhin gzugs la'ang dbye ba gsum/ /gzugs rdo rje ma bkug nas su/ /sa snying la ni dbul bar bya/ /yang dag glu dang brjod bral dbyangs/ /de bzhin sgra la'ang dbye ba gsum/ /sgra rdo rje ma yang dag dgug /phyag na rdo rje la ni dbul/ /ga pur a gar dza ti sogs/ /de bzhin dri yang dbye ba gsum/ /dri rdo rje ma yang dag dgug /nam mkha'i snying po la yang dbul/ /'o byed pa dang 'jib pa dang / /ro drug de bzhin dbye ba gsum/ /rdo rje ro ma yang dag dgug /'jig rten dbang phyug la ni dbul/ /rdo rje pad ma yang dag sbyor/ /gos dang 'khyud pa'i dbye ba gsum/ /reg bya rdo rje yang dag dgug /sgrib sel la ni dbul bar bya/ /phyi yi chos rnams 'di dag kun/ /brtags pa dang ni ma brtags pa'ang / /chos dbyings rdo rje yang dag dgug /'jam pa'i rdo rje la ni dbul/ /de bzhin phyi dang nang dang ni/ /gnyis ka yang ni mi dmigs pa/ /gzugs la gsum du byas nas ni/ /lha rnams la ni dbul bar bya/ /yul ni lnga ni nges gnas te/ /rgyud lngar nges par 'byung ba ni/ /rmi lam rlung dang ldan pa ru/ /'dod pa lnga rnams spyod par byed/ /dbang po gang dang gang lam gyis/ /sgrub pa po ni yul 'thob bo/ /de dag thams cad thugs rje che/ /mnyes pa'i phyir ni dbul bar bya/ /yang dag dga' ba'i me tog gis/ /rdo rje nyi ma pad ma 'byung / /me tog bdag nyid la mchod pa/ /rdo rje gsum gyi dam tshig mchog /rnam rtog tshul gyi yul min zhing / /de ltar gtum mo'i me yis ni/ /nges par bsregs pa de ni spos/ /thugs kyi rdo rje la ni dbul/ /rdo rje pad ma yang dag par/ /zhugs pa la sogs rim las byung / /rnal 'byor</font><hr>88.237b<br><font size=+1>

pa yi mi shigs sgra/ /thugs rdo rje la dbul bar bya/ /yi ge hU~M las yang dag byung / /sngags kyi 'od zer shin du gsal/ /mar me 'bar ba'i yang dag 'od/ /thugs kyi rdo rje la dbul bya/ /bde ba chen po nam mkhar gnas/ /byang chub sems ni sad pa dang / /de nyid kyis kyang byugs pa ni/ /thugs kyi rdo rje la dbul bya/ /'dir ni gang dang gang longs spyod/ /dbang po thams cad yang dag bsten/ /de dag thams cad thugs rdo rje/ /bza' ba'i snod du mchod par bya/ /dgod dang sgeg dang rtse 'jo ni/ /sna tshogs kyis ni sems dga' byed/ /rnam par thar pa'i sgo dag dang / /thugs kyi rdo rje la ni dbul/ /rnal 'byor chen po'i rgyud dpal rdo rje phreng ba mngon par rtogs pa las nang gi bdag nyid mchod pa'i cho ga'i rnam par dbye ba'i le'u ste lnga bcu rtsa drug pa'o// // de nas bcom ldan rdo rjes gsungs/ /lha mo yi ni mtshan nyid mchog /rnal 'byor bde la rtog pa rnams/ /rtsa dbye ba yi rang bzhin gyis/ /rtag tu lus kyi rtse 'jo bya/ /de yi lha rnams su ni bshad/ /rtag tu bde ba kun gyis dga'/ /kun nas rnam par sgeg pa'i lus/ /bde ba chen pos kun du khyab/ /lha nyid du ni yang dag brjod/ /dga' dang mchog tu dga' ba dang / /bral ba lhan cig skyes skad cig /char pa dang ni rtse 'jo dang / /kun nas lhag par sgeg pa dang / /brgyal dang sad par gyur pa dang / /de rnams lha mo ru ni bshad/ /phyi rol du ni byung ba na/ /gang phyir yang dag sbyor bar 'gyur/ /lus kyi rtsa rnams yang dag sad/ /de phyir rnal 'byor mar ni bshad/ /rnal 'byor chen po'i rgyud dpal rdo rje phreng ba mngon par rtogs pa las lha mo'i mtshan nyid kyi le'u ste lnga bcu rtsa bdun pa'o// // de nas bcom ldan rdo rjes gsungs/ /e ba~M zhes bya yi ge gnyis/ /e ni stong pa nyid du bshad/ /de bzhin ba~M ni thugs rje dang / /thig le de gnyis sbyor las byung / /de ni rnal 'byor rmad mchog byung / /e ba~M gnyis</font><hr>88.238a<br><font size=+1>

ni sangs rgyas dang / /mdor bsdus chos kyi phyag rgya'o/ /rgyal po chen po phyag rgya gnyis/ /rgyud rnams su ni thog mar gsungs/ /e ni b+ha ga'i mtshan nyid do/ /pad ma'i sten du shes par bya/ /rten pa rdo rje zhes ni gsungs/ /brtan pa rdo rje 'chang ba yi/ /de la gnas pa'i thig le'i gzugs/ /sna tshogs sprul pa ston par byed/ /bde ba kun gyi gzhi yi gnas/ /rdo rje sems dpa' bde ba che/ /e ni gsang ba'i mkha' dbyings sam/ /b+ha ga chos 'byung pad ma la/ /rnal 'byor seng ge'i gdan la bzhugs/ /mchog tu rmad byung ston par mdzad/ /rdo rje sems dpa' ba~M rdo rje/ /rdo rje 'jigs byed dbang phyug dang / /he ru ka dang dus 'khor lo/ /dang po sangs rgyas la sogs mtshan/ /e ba~M de bzhin gshegs pa'i rgya/ /gnyis su med pa'i bde mchog dang / /stong nyid snying rje dbyer med dang / /gang la de nyid mngon par brjod/ /de la de bzhin gshegs pa'i rgya/ /gnyis med ye shes mtshan ma ni/ /rgyud kun gyi ni gleng gzhir gsungs/ /rgyud kun gyi ni don bsdus pa/ /stong nyid snying rje mi phyed pa/ /gang la de nyid mngon par brjod/ /e ba~M zhes bya'i yi ge gnyis/ /gang la 'di nyid med pa ni/ /de la de kho na nyid med/ /gang la de nyid yongs shes pa/ /btso ma'i gser ltar gsal por ni/ /rgyud ni legs bshad de nyid shes/ /sngags kyi spyod pa la gnas par/ /de ltar 'di ni de nyid mchog /e ba~M don ni rnam par nges/ /chos kyi phyag rgya yi ge gnyis/ /dang po'i ngag tu yang dag bshad/ /rnal 'byor chen po'i rgyud dpal rdo rje phreng ba mngon par rtogs pa las e ba~M zhes bya ba dang po'i ngag bshad pa dang rgyu mtshan bstan pa'i le'u ste lnga bcu rtsa brgyad pa'o// // de nas gzhan yang bshad kyis nyon/ /e ba~M la sogs don rgyas pa/ /gang gis yang dag yongs su shes/ /chos kyi de ni yang dag rtogs/ /</font><hr>88.238b<br><font size=+1>

e/ e ni shes rab dam pa ste/ /'dod chags bral sogs skad cig bdag /srid pa gsum na yongs shes pa/ /'di ni rtsa bar rnam par bstan/ /ba~M/ 'od ma bsgreng ba ltar mdzes shing / /chags la sogs pa rab bskyed ldan/ /snang ba gsal ba rnam par shes/ /ming ni thabs shes bya ba yin/ /ma/ rig chen rang nyid rtsa ba ste/ /ma rig pa ni zlog pa yin/ /ma rig pa las 'di 'byung bas/ /de bas snang ba 'byung ba'o/ /yA/ 'gro ba rnam shes gsum dang po'i/ /de ming snang ba gsal ba ste/ /de ni stong pa cher 'gyur la/ /de yang 'od gsal bar 'gro'o/ /shru/ snang ba gsum gyi mtshan nyid can/ /gang 'di rnam shes gsum thob pa/ /sems can khams ni ma lus pa'i/ /rang bzhin rtsa ba 'di yin no/ /ti/ de ni re re'i don snang ba/ /rlung gis blangs nas 'dzin byed pa/ /rlung dang ldan pa'i rnam shes ni/ /kun du 'gro la gnas par 'gyur/ /e/ 'di ni rlung khams chen po ste/ /rnam shes gsum gyi bzhon pa yin/ /de yis rang bzhin dag tu ni/ /ji lta ji ltar 'gro bar 'gyur/ /ka / sra ba'i sa khams chu nyid dang / /de bzhin me dang rlung dag ni/ /rnam par shes par blangs nas su/ /srid gsum gnas su skye bar 'gyur/ /smi/ 'di ni phung po lnga rnams su/ /'byung ba 'dus byas mtshan nyid ni/ /gzugs tshor 'du shes 'du byed dang / /rnam shes nyid ni lnga pa'o/ /sa/ mnyam nyid so sor rtog pa dang / /bya ba grub pa nyid dang ni/ /me long dang ni chos kyi dbyings/ /'di ni ye shes lnga po yin/ /ma/ yid kyi skye mched nyid dang ni/ /mig dang de bzhin rna ba dang / /sna dang lce dang lus rnams te/ /'di ni skye mched rnams 'byung ba'o/ /ye/ gang yang khams gsum sems can rnams/ /srog dang rtsol ba la brten pa/ /gsang sngags rgyal po zlos bzhin du/ /mi shes bsam gtan klog pa spangs/ /b+ha/ 'di las rang bzhin chags pa dang / /chags med la sogs</font><hr>88.239a<br><font size=+1>

par yang 'gyur/ /de las dge dang mi dge'i las/ /de las skye ba 'byung ba yin/ /ga /'gro ba 'byung ba'i phung po rnams/ /sangs rgyas lnga yi bdag nyid de/ /mngon par byang chub rnam lnga zhes/ /ming gis rab tu bskul ba yin/ /bAn/ rlung dang chu dang me dang sa/ /spyan la sogs pa bzhi po ste/ /ye shes bdag nyid can gsum du/ /shes bya sangs rgyas byang chub ster/ /sa/ thams cad de bzhin gshegs pa'i skur/ /phyag rgya bzhis ni rgyas btab cing / /mig la sogs pa'i bdag nyid der/ /sa snying la sogs rgyal sras so/ /rba/ rol pas dga' ba gang yin pa'i/ /khro bo'i rgyal po stobs chen rnams/ /de yi phyogs mtshams ngo bo ru/ /dpung pa yan lag rnams su brtag /ta/ de dang de yi rigs las byung / /lha dang lha mo tha dad pa/ /de ni yod min de dag kyang / /'gro ba'i don phyir ston pa yin/ /thA/ 'di las gnyis med mthong ba yi/ /rnal 'byor pa ni ye shes gsum/ /mthong phyir dman dang bar ma dang / /dam pa'i yul la gzhag par bya/ /ga /dbang po rang nyid rang yul la/ /'gro bar 'gyur ba de dang de/ /dbang po'i spyod yul gang dang gang / /de dang de snang tsam nyid do/ /ta/ dbang po de yi lam nas ni/ /sgrub pa pos ni yul thob pa/ /de bzhin de las ma gsungs par/ /tshim par bya phyir dbul bar bya/ /kA/ sku gsum dag ni tha dad par/ /skyob pa yis ni yang dag bstan/ /rdzogs pa'i rim gyis sbyor ba yis/ /gcig tu yang ni 'gyur ba yin/ /ya/ gang zhig sangs rgyas sku mtshan nyid/ /kun rdzob bden par gsungs pa ni/ /de nyid rdzogs rim sbyor ba yis/ /'od gsal bar ni rnam dag 'gyur/ /bA ka / tshig gi lam gyi yul 'di nyid/ /gtso bo ye shes sku rang bzhin/ /sems can kun la phan pa'i phyir/ /'ja' tshon bzhin du snang ba yin/ /tsi ta/ /sems dang sems byung ma rig pa/ /shes rab thabs dang nyer thob dang / /stong dang shin du stong pa dang / /stong chen zhes kyang rab tu brjod/ </font><hr>88.239b<br><font size=+1>

/rang bzhin snang ba'i dbye shes na/ /de nas spyod pa rab tu bya/ /las kyi lus ni yongs spangs nas/ /rdo rje sku nyid thob par 'gyur/ /hr-i/ thugs la 'jig rten pa rnams kyi/ /don spyod bzhag nas de bzhin gshegs/ /kun rdzob tu ni sprul skur gnas/ /ji lta ji ltar 'dod pa spyod/ /da/ yid bzhin nor bu mchog bzhin du/ /'dod pa thams cad ster bar 'gyur/ /sangs rgyas rnams kyi phun tshogs kyang / /stobs kyis blangs nas spyod par 'gyur/ /ya/ rnal 'byor dbang po gang gang 'dod/ /de ni sgrib pa med par bya/ /mnyam par ma bzhag rnal 'byor gyis/ /rtag tu mnyam par 'jog par 'gyur/ /ba/ rdo rje pad mo mnyam sbyor bas/ /ye shes gsum gyi cha rig pa/ /blo la gos dang ma gos pa/ /der ni bde bas rtag tu gnas/ /dzra/ sgyu ma lta bu'i ting 'dzin gyis/ /dngos dag kun las rnam par rol/ /sangs rgyas mdzad pa byed bzhin du/ /gtan la phab pa'i gzhi la gnas/ /yo/ /rnal 'byor lhag pa'i rnal 'byor dang / /rnal 'byor chen po rang nyid 'gyur/ /rdo rje can dang mkha' 'gro ma/ /gang yang rnal 'byor de rang nyid/ /ShIta/ dgag pa dag kyang byed pas na/ /bya dang bya min rnam spangs te/ /pad ma la ni 'dam gyis bzhin/ /ngo bo nyid ces gos mi 'gyur/ /b+ha/ yon tan brgyad dang nyer ldan pas/ /sems can thams cad rigs 'gyur zhing / /'jig rten khams ni ma lus par/ /bdag nyid ye shes lus kyis spyod/ /ge/ gtso bo gang du spyod pa yi/ /de yi khyim ni nam mkha' nyid/ /bde ba chen po'i ting 'dzin gyis/ /de nyid du ni rtag tu rol/ /Shu/ 'di la snang ba dbye ba la/ /thun mtshams nyin mo mtshan mo yi/ /'jig rten tha snyad byas pa yis/ /ye shes gsum ni mthong phyir ro/ /be/ sna tshogs pa yi tha snyad dag /'jig rten pas ni yongs brtags pa/ /lam gsum gyi ni dbye ba yis/ /ye shes gsum las byung ba'o/ /dza/ skye dang gnas dang 'jig pa dang / /</font><hr>88.240a<br><font size=+1>

srid pa bar mar gnas pa ste/ /ji snyed 'jig rten gyis brtags pa/ /sems kyi rlung ni rnam 'phrul lo/ /ha/ dgod dang rtsed mo byed pa dang / /gar gyi nyams dgur ldan pa dang / /sngags dang phyag rgya rnam rtog pa/ /rdo rje sems dpa'i spyod pa'o/ /ra/ bdag byin brlabs chen ma gtogs pa/ /rin chen gzhan dag 'di na med/ /me yis sbyangs pa'i nor bu bzhin/ /rang bzhin 'od gsal rnam pa'o/ /'di skad la sogs dang po'i ngag /mchog tu gsungs pa'i don rgyas pa/ /gsang ba 'dus pa'i rtsa ba'i mdo/ /de nyid bshad pa bsdus pa ni/ /rim pa ji lta ba bzhin shes/ /sgrub po'i de nyid shes pa ni/ /ye shes mchog gi mtshan nyid kyis/ /gang du gsal bar ma gsungs so/ /rim pa 'di yis rnal 'byor pas/ /dpal ldan 'dus pa rgyas btab pa/ /de ltar rim pa 'di yis shes/ /sems can kun la phan skyed pa'o/ /rnal 'byor chen po'i rgyud dpal rdo rje phreng ba mngon par rtogs pa las e ba~M ma yA zhes bya ba dang po'i ngag bshad pa'i le'u ste lnga bcu rtsa dgu pa'o// // de nas gzhan yang bshad kyis nyon/ /nang gi bdag nyid sbyin bsreg mchog /nang du rgyu ba'i 'byung ba rnams/ /gang gis thim par gyur pa dang / /rnam rtog bag chags sa bon ni/ /phung po lnga yi bud shing dang / /rnal 'byor ye shes chen po'i mes/ /rtag tu sbyin bsreg rmad byung bya/ /lte dbus gnas pa'i sgra tsam ni/ /sgra tsam phyi rol gsang pad ma/ /de la rang rgyud rlung gis ni/ /yongs su bskul ba'i me yis ni/ /dbang po gnyis ni yang dag sbyor/ /gzi brjid gsal bar rab tu 'bar/ /gang tshe mar gang gsang pad ma/ /de la 'di ni snod du brjod/ /ha~M ni blugs gzar zhes byar gsungs/ /rdo rje dgang gzar du ni brjod/ /b+ha ga thab khung zhes ni bshad/ /dbang po lnga yi bsreg rdzas dang / /phung po yam shing du ni gyur/ /mar ni byang chub sems</font><hr>88.240b<br><font size=+1>

su bshad/ /gnam stong nas brtsams nya yi bar/ /ji srid byed pa gshegs su gsol/ /me thab thig le tsam du gsungs/ /blugs gzar nam yang mi 'bo ba/ /sangs rgyas gti mug dga' la sogs/ /gzugs rdo rje sogs rgyal sras rnams/ /khro bo'i rgyal po bcu la ni/ /rtag tu sbyin bsreg gis tshim bya/ /rdo rje sems dpa'i mchod pa gang / /de yang dgang blugs su ni brjod/ /hU~M phaT yang dag ldan sngags kyis/ /cho ga bzhin du bsreg blugs dbul/ /de yis lus gnas mnyes 'gyur na/ /lha yi dam tshig bla na med/ /yid la ji ltar 'dod pa rnams/ /de ltar dngos grub stsal nas ni/ /sbyin bsreg 'di ni mchog tu gsungs/ /dngos grub kun gyi 'bras bu stsol/ /rnal 'byor chen po'i rgyud dpal rdo rje phreng ba mngon par rtogs pa las nang gi bdag nyid kyi sbyin bsreg gi le'u ste drug bcu pa'o// // de nas bcom ldan rdo rjes gsungs/ /bdud rtsi lnga ni bza' ba ni/ /dngos grub kun byed de nyid mchog /ji ltar rigs pa'i rim pa bzhin/ /rnam snang mdzad dang mi bskyod dang / /don yod grub dang 'od dpag med/ /rin chen rgyal mtshan lnga po ni/ /bdud rtsi lnga yi mtshan nyid do/ /khrag ni rin chen dbang phyug dang / /byang chub sems ni 'od dpag med/ /de bzhin don yod grub pa sha / mi bskyod de bzhin rdo rje chu/ /dri chen rnam snang mdzad du bshad/ /de dag bdud rtsi lnga ni mchog /bas mtha' nyams dga' skye bos dben/ /sgra yi tsher ma rnam par spangs/ /de la khang pa bya ba ni/ /khang pa gnyis brtsegs sgo dang bcas/ /sa 'og khang pa gcig bya zhing / /gzhan dag de yi steng du bya/ /gzhan ni gsangs nas bya ba ste/ /'jig rten pa ni gcig tu shes/ /sgrub pos de nyid kun shes shing / /sngags shes bsam pa rgya che ba/ /brtan zhing snying rje mkhas pa dang / /yul la phrag dog rnam par</font><hr>88.241a<br><font size=+1>

spangs/ /sgrub po gtso bo'i yon tan gang / /de lta bu nyid sgrub grogs mchog /chags dang chags bral rnam par spangs/ /brtson zhing brkam chags med pa dang / /khro med dang bcas dpa' ba dang / /mang du thos shing yod par lta/ /thog ma gnyis ka yi ni lus/ /'bras bu sogs kyis dag bya ba/ /gnod mdzes skul byed 'bum phrag gcig /de rjes sngags pas bzla bar bya/ /o~M su~M b+ha ni su~M b+ha hU~M hU~M phaT/ o~M gr-ih+Na gr-ih+Na hU~M hU~M phaT/ o~M gr-ih+Na pa ya gr-ih+Na pa ya hU~M hU~M phaT/ o~M A na ya ho b+ha ga ban bid+yA rA dzA hU~M hU~M phaT/ de nas zla gcig yi ge gsum/ /sgrub pos mi smra bzlas par bya/ /kun du bzang po 'gro ba'i gtso/ /de ni skad cig rmi lam mthong / /des ni bka' yis bsgo ba ni/ /ka n+ya mchog ni bsten gyis la/ /sems can don ni mtshungs med byos/ /ji ltar de nyid rdo rje 'chang / /bu mo skal ldan mig yangs ma/ /gzugs dang lang tshos rnam par brgyan/ /brkam chags med cing chags bcas sems/ /bsgeg pas myos shing bsgyings dang bcas/ /nu rgyas sngo bsangs nyams dga' ba/ /rnam rtog med cing mang du thos/ /sgrub pos de srid 'dod par bya/ /ji srid khu ba dang bcas gyur/ /de nas gdong ni pad ma gnyis/ /gnyis ka 'byung ba blangs nas ni/ /pad ma'i snod der gzhag par bya/ /mtshan nyid bzang por zhag bdun du/ /glang po rta khyi ba lang mi/ /dpyid zla tha chungs gnyis ka shar/ /skye gnas nas ni blangs nas ni/ /de bzhin de ru rim pa bzhin/ /pad snod de nyid la ni der/ /zhag bdun bar du gzhag par bya/ /nyin zhag nyi shu rtsa gcig tu/ /yi ge gsum ni sngags bzlas bya/ /'du 'dzi med cing dben pa'i gnas/ /tsan dan bzang po byugs nas ni/ /dzaHhU~M ba~M hoH'i sngags bkod pa'i/ /pad mo'i snod la gzhag par bya/ /ra yi 'o ma til gyi mar/ /mar dang li kha dkar po dang / /</font><hr>88.241b<br><font size=+1>

cha bsnyams bskol ba byas nas ni/ /de dang lhan cig snod bzhag bsre/ /rgya shug tshig gu tshad tsam gyis/ /blo dang ldan pas ri lu bya/ /grib ma la ni bskam byas nas/ /rim gyis bskyed cing bza' bar bya/ /rdo rje ming sring spun dang ni/ /rnal 'byor ma dang lhan cig bza'/ /zla ba gcig nas de nas lhag /mdza' bo rnams dang yang dag bsgo/ /mar ngo'i tshes brgyad tshes bcu 'am/ /yang na bcu bzhi nas brtsams te/ /de la gtor ma bya ba ni/ /las kun la ni bla na med/ /de las kyang ni dngos grub skye/ /phyag rgya chen po mngon rdzogs dang / /dngos grub rgyas dang zhi ba sogs/ /de yis 'bad mi dgos par 'thob/ /rlung gi de nyid yang dag slob/ /mkha' spyod nyid ni thob par 'gyur/ /rnal 'byor chen po'i rgyud dpal rdo rje phreng ba mngon par rtogs pa las bdud rtsi lnga bza' ba'i cho ga'i le'u ste drug bcu rtsa gcig pa'o// // de nas gzhan yang bshad kyis nyon/ /tshogs kyi 'khor lo cho ga mchog /gang gis mchod pa las byung ba/ /rgyal sras rnams kyi dngos grub mchog /rnal 'byor che dang lhan cig tu/ /sgrub pa'i phyir ni yang dag gnas/ /phyag rgya brda ni yongs shes shing / /de dang dam tshig la ni 'jug /de rnams tshogs ni rab mchog dang / /tshogs kyi 'khor lo zhes ni brjod/ /kun kyang dam tshig la gnas pa/ /rtog pa thams cad rnam par spangs/ /bla ma la dad dam tshig gnas/ /gtong sogs yon tan rnams kyis brgyan/ /thabs zhes bya ba bgegs med na/ /tshogs kyi 'khor lo la ni 'jug /gzhan du skyon ni 'byung 'gyur te/ /'khor lo la yang 'grub mi 'gyur/ /shes rab kyang ni thabs dang mtshungs/ /mdza' bo bzang dang rab tu mkhas/ /lo ni nyi shu rtsa lnga lon/ /lhag ma yongs su spangs nas ni/ /thabs dang so sor shes rab dang / /kun la gcig ni phan yon med/ /thog ma yid 'ong nyams dga' bar/ /me tog gi ni</font><hr>88.242a<br><font size=+1>

dkyil 'khor bya/ /de nyid sna tshogs mchod pa ni/ /legs par mnyam par bzhag nas mchod/ /gtso bo dngos po kun gyis ni/ /rdo rje sems dpa' bzhin du mchod/ /tshogs kyi mchod pa byas rjes la/ /dkyil 'khor lugs 'byung lugs bzlog pas/ /dad pa dngos pos kun nas ni/ /mnyam pas blta bas bsgoms nas ni/ /bstan bcos nyams myong 'jig rten dang / /'gal ba de ni gzhug mi bya/ /gzhan yang bstan bcos las gsungs pa/ /mtshan phyed na ni dgug par bya/ /slob dpon mgon la yang dag mchod/ /ji ltar gdan stengs bzhugs gsol nas/ /gdan ni rdo rje sems dpa' yi/ /phyag rgya chen po yang dag ldan/ /rdo rje slob dpon de nyid kyang / /mkhyen pa 'khor lo'i dbus na bzhugs/ /dkyil 'khor pa ni gzhan rnams dang / /de bzhin 'khor lo gnas pa gzhan/ /dkyil 'khor pa bzhin shes par bya/ /tshogs kyi 'khor lor gtam smra dang / /rtsod dang de bzhin sgrub pa dang / /mchil snabs dor zhing dgod pa dang / /rkang pa la sogs rkyong ba dang / /yang dang yang du ldang ba ni/ /de la dus kun du mi bya/ /phyag rgya brda yi tshogs rnams kyis/ /bya zhing bya bar shes par bya/ /shes bzhin du ni gar dang glu/ /tshogs kyi dkyil 'khor du ni bya/ /gtso bo la ni snod kyi mchog /dum bu gcig pa mtshan nyid bzang / /de med dum bu gsum pa la/ /me tog sna tshogs rnams kyis mchod/ /lha yi chang la sogs pa gang / /legs par mnyam par gzhag ste dbul/ /tshogs rnams la yang so sor snod/ /me tog tshogs kyis yongs gang ba/ /thog mar gtor ma chen po sbyin/ /sngon bzhin bza' ba la sogs ldan/ /gang gis dga' ba rnams nyams pa/ /de 'dra btung bar mi bya'o/ /yang dang yang du phyag byas nas/ /phyag rgya bcings nas btung bar bya/ /de nas bza' ba thams cad ni/ /sbyang bya sogs kyis yang dag sbyangs/ /o~M dang AHdang hU~M gis ni/ /sbyang dang sad dang</font><hr>88.242b<br><font size=+1>

rtogs par bya/ /gur gum tsan dan dpa' bo dang / /gangs dang ri dgas lte ba dang / /'di ni dag byed bdud rtsi lnga / /bza' ba 'di rnams rab tu spyod/ /sbom po ming med sbyor ba yis/ /dpa' bo rnal 'byor ma rim bzhin/ /rang gi lce yis myang bar bya/ /dpa' bo dbus su dus kun du/ /kha la dpa' bo rnam par dgod/ /bla na med pa'i mchod pa bya/ /pad ma'i lte ba'i dbus la ni/ /dpa' bo rnams kyi gdan du brjod/ /gal te dpa' bos ma shes na/ /dpa' bo don gyi mtshan nyid rnams/ /dngos grub thams cad stsol ba yi/ /'khor lo de yi 'bras bu med/ /de lta'i 'bras bu cung zad gang / /phyi nang bdag nyid yang dag spyod/ /de yis rnam dag dngos grub 'gyur/ /tshogs kyi 'khor lo'i 'bras bu ster/ /rnal 'byor ma dang lhan cig 'dres/ /rab tu bshad kyis de nyid nyon/ /'dul ba'i mkha' 'gro ma 'ga' zhig /sems rtog med pa'i phyir 'ongs nas/ /de la de tshe smra ba yang / /sgrub pa pos ni mi bya zhing / /tshig tsam gyis ni lan mi gdab/ /bde bar 'ongs sam phyag rgyas bya/ /de la cung zad bya smra gang / /slob dpon rang nyid kyis ni bya/ /yang na bya ba thams cad ni/ /las kyi rdo rjes yang dag sbyar/ /gang phyir rang nyid rdo rje sems/ /las kyi rdo rje gzhan dga' min/ /sna tshogs gzugs kyi rnal 'byor ma/ /yang dang yang du dgug par bya/ /de la g.yo ba'i spyod pa med/ /slob dpon dpa' bo bzhin du spyod/ /gang yang skyon gyi spyod pas ni/ /de yi lus ni ltung bar 'gyur/ /shin du dga' ba yang dag skyes/ /bka' bsgo gar gyi spyod pa bya/ /rdo rje bcing ba de yang bya/ /lha rnams ji ltar mnyes pa nyid/ /ma 'am sring mo bu mo 'am/ /gal te mchod par 'dod pa na/ /shes rab thabs kyi cho ga yis/ /rtog pa med pas bstan par bya/ /rab mchog de yi dngos grub ni/ /thob par 'di la the tshom med/ /lhag ma'i gtor ma blangs nas ni/ /dgon pa chen por song nas dor/ /k+Sh+m+rI u ts+tshiSh+Ta k+She tra pA/ /lA ya swA hA sngags</font><hr>88.243a<br><font size=+1>

brjod bya/ /gal te de ltar rab byed pa'i/ /rnal 'byor pa yis slar yang mthong / /de ltar de ni yongs shes nas/ /rnal 'byor pa yi mtshan nyid mchog /gang gis gdong ni 'bar ba'i 'od/ /zlum zhing 'jam la mdzes pa dang / /smin ma ring ba de shes bya/ /'od dpag med kyi rigs las byung / /de las pad ma'i phyag rgya bstan/ /rus sbal phyag rgya lan yin no/ /mchu rle mig dkyus ring ba dang / /kha dog ser mo yid 'phrog ma/ /'di yi dpral bar ri mo gsum/ /ji srid skra mtshams bar du gnas/ /g.yul du 'chi ba rnams kyis ni/ /gtam dag la ni rab tu nyan/ /'di 'dra'i nyan pa ma mthong nas/ /mdung gi phyag rgya bstan par bya/ /rkang pa g.yon pa bskum pa dang / /de ni gar byed rab tu ston/ /g.yon pa yongs su bskor nas ni/ /phyag rgya'i lan ni bstan par bya/ /sna tshogs pa yi gos la dga'/ /rin chen 'byung ldan rigs las byung / /kha dog gnag cing gos kyang gnag //skra ni 'khyil cing dar gyis bcings/ /dpral bar gzhu yi rnam pa yi/ /de 'dra'i mtshan ma mthong na ni/ /rtag tu de yi sems g.yo ba/ /ma mo zhes ni rab tu grags/ /dril bu'i phyag rgya bstan par bya/ /de yi g.yon pas phyag rgya ston/ /mi bskyod rigs las byung bar shes/ /mtshan mo 'ongs nas 'gro ba mchog /thung ngu lto sbom kha dog dkar/ /byin pa sbom zhing shin du mdzes/ /sa spyod mar ni shes par bya/ /dung gi phyag rgya lan yin no/ /rnam par snang mdzad rigs las byung / /mig yangs rdzi ma stug pa dang / /yan lag kun la ba spus khyab/ /sngo bsangs mig ni dmar ba dang / /yan lag phra zhing dpung pa ring / /de ni mkha' 'gro ma ru grags/ /don yod grub pa'i rigs las byung / /de 'dra ba ni rab mthong na/ /ba dan gyi ni phyag rgya dang / /g.yon pa'i phyag rgya lan yin no/ /de ltar 'bad pas shis nas ni/ /mkhas pas mtshan mo song nas ni/ /de la cung zad 'jigs mi bya/ /</font><hr>88.243b<br><font size=+1>

gang phyir de nyid mchod par bya/ /rnal 'byor chen po'i rgyud dpal rdo rje phreng ba mngon par rtogs pa las tshogs kyi 'khor lo'i mchod pa dang rnal 'byor ma dang 'dres pa'i le'u ste drug bcu rtsa gnyis pa'o// // de nas gzhan yang bshad kyis nyon/ /gsang ba'i tshig ni bshad pa ni/ /rdo rje'i gnas sogs gnas rnams su/ /rigs kun las byung rnal 'byor ma/ /mtshan mo'i 'dre ba'i dam tshig ni/ /'di 'dra ba yi tshig rnams dang / /de lta bu yi gsang ba ni/ /bdag gis dad pa yis ni nyon/ /sa~M po dang ka~M chang 'thung ba/ /bri ra~M sha ru rnam par brjod/ /ni la nA p+la tra~M thod pa/ /gu lang mi yi thod pas brgyan/ /kun du ra~M 'dod yang dag spyod/ /tsha dru~M ro drug bza' ba po/ /su~M su TA~M dbang gnyis sbyor ba/ /a lo ka~M yod pa yi ming / /shar mi ga skam skal yod shes/ /tsakra ka ni skal med brjod/ /tu~M shA~M ra~M ni khu tshur shes/ /me ka ma tra~M gcig tu brjod/ /tsan dra ma ni khrag tu bshad/ /ga na~M bshang bar yongs su grags/ /g+ha na~M sha chen du ni bshad/ /ni dza~M d+ha du ra ru brjod/ /b+ha sa na~M ni chu ru bshad/ /ba k+Sha~M yan lag rab tu bshad/ /shu pa~M bzang po zhes ni brjod/ /ho ni tshim pa zhes ni grags/ /marga ltogs pa ru ni brjod/ /g+hi ta~M lam du bshad pa dang / /byo ma ga~M na~M pha rol dpung / /ka ma ya ni gyis shig brjod/ /na ga ra~M ni bdag lus brjod/ /pa ta ka ni nyos zhes brjod/ /a dza~M ya ni me zhes brjod/ /sha kham za ba zhes ni brjod/ /ra gam 'dor ni cho ga brjod/ /sha ta ka~M mi bza' bar brjod/ /ci 'dra ba ni sngags zhes brjod/ /sha ra~M khyi 'tshed sha zhes brjod/ /ra~M pa ka ni bla mar bshad/ /ka ya 'dir ni rgyal rigs brjod/ /ra ga~M rje rigs zhes ni bshad/ /ba ra~M rgya ni dmangs rigs brjod/ /tsa ba~M rigs ngan zhes ni brjod/ /sha ra~M sme sha can du brjod/ /b+ha ba tsa kra~M ko lpags mkhan/ /khad kom ri sreg ma ru bshad/ /sa mun tra ni rgyal por brjod/ /mi ra~M ma yi ring du brjod/ /b+ha</font><hr>88.244a<br><font size=+1>

ra ha gang zhes ni bshad/ /bim+kh+ya phag ces brjod par bya/ /pa la~M sha ni nya zhes brjod/ /di nam ra skyes su ni bshad/ /nag tu~M sbyin bsreg tu ni bshad/ /marta ah+na ni 'dab chags brjod/ /hi ra phyu ni me tog brjod/ /sha drul la~M ni spos su bshad/ /mA la tri ni dri ru bshad/ /sha ku ni ka mar mer brjod/ /ka shi ka~M ni gos su bshad/ /ke sa ra ni gdong du brjod/ /ba~M tra~M dpral ba zhes su bshad/ /ma la smin mar yang dag grags/ /ko bal ya~M ni mig tu shes/ /a da ra ni so ru brjod/ /pal la po ni mchu ru shes/ /pa sha mgrin pa ru ni grags/ /hU~M so 'phrag pa ru ni bshad/ /a gu ro ni dpung par brjod/ /so so ru ni lag par bshad/ /shri pang le ni nu mar brjod/ /dza ti pha la~M rkang par brjod/ /da la na~M ni lte bar brjod/ /pad ma 'dza' lam gsang ba'i gnas/ /ka ta~M ba ka~M brla gnyis so/ /be sa~M rje ngar du ni bshad/ /tsha ga na ni rkang par brjod/ /pa ra a ka ke sa ra/ /sen mo zhes ni yang dag bshad/ /pad ma gar ni ga ni snang / /sha kra ku su la~M mal stan/ /shag tu bu zhes bya bar brjod/ /na la ni nA lam ston med/ /go bag Sh+ma lam thams cad brjod/ /sA ga ra~M ni rgas par bshad/ /sa la~M ro ni zhim por brjod/ /a k+Sho ra~M rim mi zhim bshad/ /mr-i ga~M mi smra bar ni bshad/ /pa go la mu da~M glu len/ /mi tra gar zhes bya bar brjod/ /shab ta tshul 'chos su ni bshad/ /spar sha zhags par rab tu grags/ /ra sa sgeg mo'i ro 'bebs ma/ /ru pa~M ri yi rtse mo'o/ /rta ne ha ni bsad par bshad/ /pA rA pa ta 'chi bar brjod/ /ta ma lA ko se ma yul/ /pha la~M grong khyer du ni brjod/ /pra na grong du bshad pa yin/ /th+ya n+ya srog ces bya bar bshad/ /ku ru ta ra mkhas par bshad/ /na ya na ni rnam shes brjod/ /a bi na pa~M dgod par bshad/ /ru ti ra ni 'chang bar brjod/ /ku mu ra ni nyin mor bshad/ /kan nya mtshan mor rab tu grags/ /</font><hr>88.244b<br><font size=+1>

da sa nyi ma phyed du bshad/ /da pi mtshan gyi cha ru grags/ /rnal 'byor chen po'i rgyud dpal rdo rje phreng ba mngon par rtogs pa las gsang ba'i tshig bshad pa'i le'u ste drug bcu rtsa gsum pa'o// // de nas gzhan yang bshad kyis nyon/ /sku gsung thugs kyi dkyil 'khor ni/ /sku ni mgo bor gnas pa ste/ /sum bcu rtsa gnyis byang sems 'bab/ /de ni so sor rab phye bas/ /sku yi 'khor lo ru zhes bya/ /yi ge phyi mo'i dbye ba yis/ /gsung la gnas par rab tu shes/ /chags sogs bag chags dbye ba yis/ /thugs kyi 'khor lo ru ni shes/ /sku gsung thugs kyi bshad pa ni/ /sems dpa' chen po khyod nyon cig /rdo rje slob dpon sku la ni/ /rgyal ba'i sku ni rim bzhin gnas/ /dang po sku yi rdo rje ni/ /gzugs phung la ni yang dag bzhugs/ /de rjes nam mkha' rdo rje ni/ /tshor ba yi ni phung por bzhugs/ /bcom ldan gsung gi rdo rje ni/ /'du shes kyi ni phung por bzhugs/ /las rnams kyi ni rdo rje ni/ /'du byed kyi ni phung por bzhugs/ /bcom ldan thugs kyi rdo rje ni/ /rnam shes phung por yang dag bzhugs/ /yang 'di'i sha sogs sa khams la/ /bcom ldan 'das yum spyan bzhugs so/ /khrag sogs chu yi khams la ni/ /bcom ldan 'das yum mA ma bzhugs/ /dro ba la sogs me khams la/ /bcom ldan 'das yum gos dkar bzhugs/ /mi bskyod la sogs rlung khams la/ /bcom ldan 'das yum sgrol ma bzhugs/ /de mig dbang po gnyis la ni/ /de bzhin gshegs pa sa snying po/ /de yi rna ba'i dbang gnyis la/ /bde gshegs phyag na rdo rje'o/ /de yi sna bug gnyis la ni/ /de bzhin gshegs pa nam mkha'i mdzod/ /de bzhin gshegs pa 'jig rten dbang / /de yi lce yi dbang la gnas/ /de yi yid kyi dbang po la/ /de bzhin gshegs pa 'jam dbyangs bzhugs/ /</font><hr>88.245a<br><font size=+1>

khams bzhi'i rang bzhin gong bu ni/ /lus zhes bya bar brtags pa la/ /sgrib pa thams cad rnam sel ba/ /de bzhin gshegs pa de bzhugs so/ /lus kyi tshigs ni thams cad la/ /de bzhin gshegs pa kun du bzang / /lus kyi rtsa rgyus thams cad la/ /de bzhin gshegs pa byams pa'o/ /lag pa g.yas pa'i rtsa bar ni/ /de bzhin gshegs pa gshin rje'i gshed/ /lag pa g.yon pa'i rtsa bar ni/ /de bzhin gshegs pa gzhan mi thub/ /kha yi pad mar bzhugs pa ni/ /de bzhin gshegs pa rta mgrin no/ /gsang ba'i gnas su bzhugs pa ni/ /de bzhin gshegs pa bdud rtsi 'khyil/ /dpung pa g.yas par bzhugs pa ni/ /de bzhin gshegs pa mi g.yo ba/ /dpung pa g.yon par bzhugs pa ni/ /de bzhin gshegs pa 'dod pa'i rgyal/ /pus mo g.yas par bzhugs pa ni/ /de bzhin gshegs pa dbyig pa sngo/ /pus mo g.yon par bzhugs pa ni/ /de bzhin gshegs pa stobs po che/ /rang gi mgo stengs bzhugs pa ni/ /de bzhin gshegs pa 'khor lo sgyur/ /rkang pa'i 'og tu bzhugs pa ni/ /de bzhin gshegs pa gnod mdzes te/ /lus ni 'di nyid kun la 'dir/ /de bzhin gshegs pa thams cad bzhugs/ /sku yi dkyil 'khor zhes brjod pa/ /rdo rje sems dpa' nyid kyi sku/ /rdo rje sems dpa'i dbye ba yis/ /rdzogs pa'i sangs rgyas ma lus 'di/ /lus pa med pa sangs rgyas sku/ /skye ba 'di la rnal 'byor pa/ /mya ngan 'das pa myur du 'thob/ /khyod kyi dge ba yongs sbyin pa/ /de bas rdo rje slob dpon gyi/ /lus la rgyal ba thams cad bzhugs/ /mthong na don ni yod pa kye/ /phyi ma'i dus na sems dpa' che/ /de bas sems can thams cad kyi/ /lha yi mchod pa'i yo byad kyis/ /rab tu 'bad de bla ma bsten/ /de nas mthong ba don yod bcas/ /byang chub sems dpa' grags pa che/ /dga' zhing mgu bas phyag byas</font><hr>88.245b<br><font size=+1>

nas/ /bcom ldan 'das la mchi ma blags/ /gsung dang thugs kyi dkyil 'khor bzhugs/ /legs so bya ba byin nas ni/ /bcom ldan 'das kyis 'di skad gsungs/ /a A i I u U dang / /r-i r-I l-i l-I e ai dang / /o au a~M aHdbyangs zhes bya/ /ka tsa Ta ta pa sde tshan/ /ya ra la wa sha Sha sa/ /ha dang gsung gi dkyil 'khor shes/ /ngag kun rab tu spro dang ldan/ /'dod chags la sogs bag chags kyang / /grangs ni nyi shu brgyad kyis so/ /thugs kyi dkyil 'khor legs rgyas pa/ /dpal mchog las ni shes par bya/ /de ltar 'dus pa'i rnal 'byor rnams/ /rdo rje gsum ni dam tshig mchog /mchog tu rmad byung rgyas pa ni/ /sgrub pa'i dbang pos yang dag shes/ /rnal 'byor chen po'i rgyud dpal rdo rje phreng ba mngon par rtogs pa las sku gsung thugs kyi dkyil 'khor bshad pa'i le'u ste drug bcu rtsa bzhi pa'o// // de nas bcom ldan rdo rjes gsungs/ /sangs rgyas dam chos dge 'dun dang / /bla ma ston pa slob dpon dang / /rdo rje 'chang dang slob ma yi/ /mtshan nyid thams cad bsdus pa ni/ /dri med sems ni sangs rgyas 'gyur/ /chos ni ngag tu yang dag gsungs/ /sku ni dge 'dun zhes bya ste/ /byang chub sems dpa'i tshogs kyi gnas/ /sangs rgyas yi ge hU~M du bshad/ /gsung ni yi ge AHru brjod/ /dge 'dun zhes bya yi ge o~M/ /kun nas 'phro ba'i bdag nyid do/ /sangs rgyas a ba d+hU tIr 'gyur/ /chos kyang la la nA ru brjod/ /dge 'dun ra sa nA ru brjod/ /'di ni gsum po'i mtshan nyid do/ /gzugs med khams ni sangs rgyas 'gyur/ /gzugs kyi khams ni chos dang ni/ /'dod khams de bzhin dge 'dun te/ /de ltar khams gsum mtshan nyid mchog /snying por gyur pa rang srog las/ /khams gsum na ni gzhan med de/ /sgyu ma rlung gi khams gsum pa/ /rmi lam rmi ba</font><hr>88.246a<br><font size=+1>

bzhin du mthong / /khams gsum bdag nyid de bzhin nyid/ /gcig pur myur bar mthong bar 'gyur/ /byin gyis brlab nas de bzhin nyid/ /dngos grub myur du thob par 'gyur/ /sangs rgyas longs spyod rdzogs pa'i sku/ /dam pa'i chos ni chos kyi sku/ /dge 'dun sprul pa'i skur ni 'gyur/ /de ni sku gsum bdag nyid can/ /snang ba sangs rgyas kyi ni gzugs/ /chos ni snang ba thob pa'o/ /dge 'dun snang ba mched par 'gyur/ /de ni snang ba gsum mtshan nyid/ /zhi ba la sogs las la byang / /sngags dang rnal 'byor che rnams shes/ /cho ga nyi shu bya ba bslabs/ /de ni bla mar mngon par brjod/ /tshul khrims dag cing sbyin pa gtong / /bzod dang brtson 'grus mchog tu ldan/ /nyin dang mtshan du sgom la zhen/ /shes rab ldan zhing bzo la mkhas/ /bla ma'i spyir ni yon tan tshogs/ /dpal ldan slob dpon zhes ni brjod/ /nang gi gsang 'dus la rab dga'/ /phyi rol nyan thos la spyod pa/ /de lta'i man ngag rim pa yis/ /slob ma rnams la rjes su bslab/ /de ni ston par yongs su gsungs/ /de skad smras pa de bzhin byed/ /rtog pa rnams dang dkyil 'khor tshogs/ /dam pa'i don gyi bya ba dang / /slar yang snang ba gsum dang ni/ /rnal 'byor mchog gi spyod pa la/ /slob cing gzhan yang slob tu 'jug /de ni slob dpon zhes bya'o/ /de nyid bcu ni yongs shes nas/ /dkyil 'khor la sogs bya ba shes/ /slob ma rjes su nus pa dang / /gsang ba'i dbang ni bskur ba dang / /shes rab snying rje yang dag ldan/ /rgyud kyi man ngag la mi 'jigs/ /zab cing rgya cher yang dag ldan/ /rdo rje sems dpa' gnyis pa mchog /tshar gcod phan 'dogs pa la mkhas/ /de ni rdo rje 'chang du bshad/ /dad cing bla ma la yang gus/ /rtag tu dge ba'i las la gnas/ /gnyis med sgyu yang med pa dang / /rtog pa ngan pa rnam par spangs/ /</font><hr>88.246b<br><font size=+1>

lung ni mang du thos pa dang / /gsod pa dang ni 'tshe ba spangs/ /sems can rnams ni 'don pa'i blos/ /kun du brtson dang yang dag ldan/ /de la sogs pa'i yang dag ldan/ /dad pa chen po'i slob ma bzang / /stong nyid snying rje dbyer med pa/ /gang la de nyid nges shes bya/ /gong na med pa'i spyod rab mchog /sngags dang rnal 'byor rim pa sogs/ /ye shes lnga ni rnam dag dang / /sangs rgyas lnga ni rang bzhin nyid/ /mngon par byang chub rnam lnga yis/ /snang ba gsum gyi mtshan nyid dang / /chos dang longs spyod sprul pa dang / /sku gsum rnam par bsgom pa dang / /bde chen yon tan mtshan nyid ni/ /dga' ba la sogs dbye ba dang / /de bzhin sgeg sogs nyams dang ni/ /rnal 'byor rjes su rnal 'byor dang / /shin du rnal 'byor rnal 'byor che/ /dang po sbyor ba mdor bsdus pas/ /de bzhin dkyil 'khor rgyal po mchog /las kyi rgyal po rnal 'byor mchog /'jug dang gnas dang ldang ba ni/ /rdzogs pa'i rim pa'i rnal 'byor dang / /bde gnyis dbugs 'byung gnyis la sogs/ /gang la rgyas bshad de nyid rgyud/ /rnal 'byor chen po'i rgyud du brjod/ /yon tan ji lta bu yi rgyud/ /thos sogs yon tan mchog gi ni/ /rten dang snod ces bya bar gsungs/ /mtshan rnams kun gyis brgyan pa dang / /ji ltar seng ge'i 'o ma ni/ /sa yi snod du bzhag mi bya/ /de bzhin rnal 'byor chen po'i rgyud/ /snod min dag la sbyin mi bya/ /slob ma skad cig de la 'chi/ /'di dang pha rol du na phung / /snod min man ngag rab bshad na/ /slob dpon dngos grub nyams par 'gyur/ /rnal 'byor chen po'i rgyud dpal rdo rje phreng ba mngon par rtogs pa las/ sangs rgyas dang dam pa'i chos dang dge 'dun la sogs pa'i mtshan nyid kyi tshig rgyas pa'i le'u ste drug cu rtsa lnga pa'o// // de nas bcom ldan rdo rje gsungs/ /slob ma'i bya ba'i spyod pa ni/ /zhi ba la sogs bya ba yang / /sngags dang rnal 'byor</font><hr>88.247a<br><font size=+1>

rim pa yi/ /lham dang gdugs dang gtsug tor dang / /so rtsi la sogs myang ba dang / /snabs kyi gong bu mchil ma sogs/ /'dor zhing rkang pa rkyong ba dang / /gzhan du lta dang spyi brtol smra/ /nor gyis snyems dang ngar 'dzin dang / /rgyan la sogs pa blta ba dang / /bag med par ni smra ba dang / /bla ma'i grib ma 'gom pa dang / /de la sogs pa skyon gyi tshogs/ /bla ma'i mdun du rnam par spangs/ /'jigs pas thal mo sbyar nas ni/ /spyi bor phyag rgya bka' lung nod/ /rab bdog kun gtong dam bcas pas/ /ngo tsha bcas shing gdong smad pas/ /slob mas bla ma'i mdun gnas bya/ /gal te dngos grub mchog 'dod na/ /bla ma'i mdun du slob ma rnams/ /de lta bu sogs spyod zhes bya/ /dam tshig sdom pa sngar bshad pa/ /de rnams slob ma'i spyod pa'o/ /de yi zhi sogs bya ba ni/ /bla mas bstan par bya ba'i rigs/ /de la mdor bsdus bshad par bya/ /thun mong cho ga'i mtshan nyid ni/ /zhi ba dang ni rgyas pa gnyis/ /zla ba yar gyi ngo la bya/ /dbang dang mngon spyod kyi ni las/ /zla ba mar gyi ngo la brtsam/ /byang du kha bltas zhi ba la/ /de bzhin rgyas pa shar du blta/ /drag po'i las la lho phyogs su/ /dbang gi las la nub tu blta/ /gsod pa nyid la me yi phyogs/ /sdang bar bya la bden bral du/ /gnas nas bskrad la rlung gi phyogs/ /rengs pa la ni dbang ldan phyogs/ /zhi ba'i kha dog dkar po ste/ /rgyas pa la ni ser po bya/ /dbang dang dgug pa la ni dmar/ /kha dog nag po gsod pa la'o/ /byams pa'i sems kyis zhi ba la/ /dga' ba'i sems kyis rgyas pa la/ /chags pa'i sems kyis dbang dag la/ /khro ba'i sems kyis gsod pa'o/ /zhi la phal cher tho rangs bya/ /de bzhin rgyas pa snga dro bya/ /dbang dang mngon spyod dag gi las/ /nyi ma gung dang mtshan phyed la'o/ /de ltar rigs par yang dag bshad/ /sngags kyi rgyud gsungs mtshan nyid kyis/ /</font><hr>88.247b<br><font size=+1>

zhi ba la sogs dngos grub brgyad/ /blo ldan cho ga bzhin du bsgrub/ /rnal 'byor chen po'i rgyud dpal rdo rje phreng ba mngon par rtogs pa las slob ma'i spyod pa rnam par dag pa dang zhi ba la sogs pa'i las kyi 'bras bu bstan pa'i le'u ste drug bcu rtsa drug pa'o// // de nas gzhan yang bshad kyis nyon/ /khro bo bzlas pa'i mtshan nyid ni/ /gang gis rnal 'byor dngos grub brgyad/ /thob 'gyur 'di la the tshom med/ /khro bo'i sems kyi bzlas pa ni/ /khro bo'i bzlas pa zhes ni brjod/ /yang na khro bo'i rgyal po rnams/ /sngags bzlas pa yi sbyor ba yis/ /khro bo'i bzlas pa de shes bya/ /dngos grub brgyad kyi 'bras bu stsol/ /'jigs su rung ba'i dur khrod du/ /'jigs pa 'jigs par byed pa'i gnas/ /skyes bu thod pa'i khrag gis gos/ /rma med pa yi mtshan nyid blang / /skyes bu'i khu ba zla mtshan dang / /bsres nas bri bar bya ba ni/ /de na bsgrub bya'i rnam pa dang / /gsal dang 'jigs pa skrag pa dang / /g.yon brkyang ba yis mnan nas ni/ /zhag bdun bar du dus gsum du/ /gshin rje gshed kyi sngags 'dis ni/ /dngos grub rgyur ni bzlas par bya/ /na maHsa man ta kA ya bAka tsit+ta badzrA NA~M/ o~M kha kha khA hi khA hi/ sarba duSh+Ta sa twa da ma ka / a si mu kha la ba ra shu pA sha hasta/ khaD+ga bA ma ta ra tsa ni haSh+Tha/ tsa tur mu kha/ tsa tur b+hu dza/ Sha Da tsa ra Na/ A gats+tsha A gats+tsha/ sarba duSh+Ta prA Na a pra ha ri Ne/ ma hA big+h+na g+hA ta ka / bi kr-i ta A nan/ sarba b+hU ta b+ha ya~M ka ra/ aT Ta aT Ta ha sa nA di ne/ /byA g+h+ra tsarmA ni bA sa na/ ku ru ku ru/ sarba karmA Ni/ ts+tshin da ts+tshin da/ sarba man trAn/ bin d+ha bin d+ha/ pa ra mu drAn/ A kar Sha ya A kar Shasha ya/ sarba b+hU tAn/ ma tha ma tha/ nir ma tha nir ma tha/ sarba duSh+TAn/ pra be sha ya pra be sha ya/ maN Dal ma d+h+ye/ bai ba shwa ta/ dzI bi ta an ta ka ra/ ku ru ku ru/ ha na ha na/ da ha da ha/ pa tsa pa tsa/ mA bi lam ba</font><hr>88.248a<br><font size=+1>

mA bi lam ba/ sa ma ya ma nu sma ra/ hU~M hU~M/ tardza ya/ b+he gA nA~M/ phaT phaT/ s+pho Ta ya s+pho Ta ya/ ka ra ka ra/ sarbA a nA na pa ri pu ra ya/ he he b+ha ga bAn/ kiny+dzi rA ya si/ na maH sarbAr+tha sA d+ha ya hU~M phaT swA hA/ thog mar khro bo'i bzlas pa 'di/ /dbang du bya dang dgug pa'i mchog /bskrad pa rab tu bshad par bya/ /khro bo gnyis pa'i bzlas pa yang / /skye tshe lan tshwa yungs mar dang / /dug dang d+ha du ra'i khu ba/ /sdigs mdzub khrag dang bsres nas su/ /dur khrod ras dang bya ba ni/ /zla ba phyed pa lta bu mchog /rlung gi dkyil 'khor bri bar bya/ /logs gnyis rdo rjes mtshan par bya/ /de dbus bsgrub bya'i ming bris la/ /g.yon brkyang bar ni gnas nas ni/ /sngags 'di yongs su bzla bar bya/ /sngar bzhin bsgrub bya'i ming bkug nas/ /mtshan phyed kyi ni dus su ni/ /kun nas zhag bdun bsgrub par bya/ /bskrad par yang ni 'grub par 'gyur/ /na maHsa man ta kA ya wAka tsit+ta badzrA NA~M/ na mo badzra kro d+hA ya/ ma hA daMSh+Tha ka Ta b+hai ra wA ya/ a si mu sa la ba ra shu pA sha ha stA ya/ o~M a mrI te kuN Da li/ kha kha khA hi khA hi/ tiSh+Tha tiSh+Tha/ ban d+ha ban d+ha/ ha na ha na/ da ha da ha/ gardza gardza/ s+pho Ta s+pho Ta/ bi s+pho Ta ya bi s+pho Ta ya/ sarba big+ha na bi nA ya kAn/ ma hA ga Na pa ti/ dzI bi ta an+ta ka rA ya hU~M phaT swA hA/ sngags 'dis gdug pa'i sems can ni/ /bskrad pa'i don du byas pa yin/ /zhi ba'i las ni bshad bya ba/ /gzhan gyis mi thub ming dang ni/ /khro bo gsum pa bzlas nas ni/ /me dang sbrul sogs zhi bar byed/ /lag pa gnyis la nyi ma gnyis/ /de la hU~M gnyis bsgom par bya/ /bsgrub bya'i mgo la lag gnyis kyis/ /brabs la de la zhugs nas ni/ /bsgrub bya'i snying la de gnyis kyis/ /'byung po bsreg par bsam par bya/ /me dang 'byung po 'jigs byed pa'i/ /'di yi sngags ni bshad par bya/ /na maHsa man ta kA ya wAka tsit+ta</font><hr>88.248b<br><font size=+1>

badzrA NA~M/ o~M a pa rA dzI ti ri dz-i hU~M phaT/ che ge mo 'byung po'i gdon las grol bar mdzod cig /g+h+r-iHdug sel ba'i sngags kyis ni/ /bzhi pa bshad kyis de nyon cig /khro bo rta mgrin bzlas pas ni/ /yang dag mi mtshungs pa yi mchog /bsgrub bya sems dpa' sum brtseg bsgom/ /snying gar zla gnas ye shes sems/ /de yi 'od zer gyis rab gang / /bsgrub bya'i lus la mchog tu bsam/ /rab tu 'bar ba de yis dug /de nas lag g.yas bsam pa ni/ /zla ba ha~M gis rnam par brgyan/ /kha dog dkar por sor mor dgod/ /de ltar sgrub pa po la bya/ /hU~M d+h+r-iHdzi k+ShI sA d+ha dgod/ /las rnams kun ni 'grub par byed/ /bsgrub bya'i mgo bo nas brtsams te/ /rkang pa'i mtha' yi bar du bsgom/ /chu rgyun rgyun mi 'chad pa ni/ /dug ni 'og btang rim pa yis/ /'dir ni sngags 'di bzlas bya ste/ /rta mgrin du ni mngon par brjod/ /na maHsa man ta kA ya wAka tsit+ta badzrA NA~M/ o~M hU~M hU~M hU~M/ ta ru la bi ru la/ sarba bi Sha g+hA ta ka ta ka dz+wa li ta bI s+phu li ga / aT+TAT+Ta hA sa nA da sa hI ta/ ka sa ri sa ho ba ta~M ad de ba badzra khu g+ha ta na/ tsa ta ba su d+ha ta la ni shwA sa ma ru ta od k+Shi ba ta d+ha ra Ni d+ha ra/ bi Sha na aT+Ta hA sa a pa ri mi ta wal pa ra kra ma Ar+ya ga Na b+hi ta/ bud d+ha bud d+ha/ ha ya grI ba kha kha/ ts+tshin da ts+tshin da/ A be sha ya/ sarba gra he Sh+wa/ pra ti ha to b+ha ba/ badzra daM ki tsi rA ya si i da~M duSh+Ta gra ha~M da~MSh+Ta sarba~M bA/ du na du na/ mA tha mA tha/ mam+Ta mam+Ta/ bud d+ha d+harma ra d+ha/ bud d+ha d+harma sa~M g+he a nu dz+nyA na kar ma ku ru swA hA/ che ge mo'i dug la sogs pa sel bar mdzod cig hU~M zhes bya ba dang sngags spel lo/ /rtsa ba'i rgyud kyi rjes 'brangs te/ /lhag ma rgyas par shes par bya/ /rnal 'byor chen po'i rgyud dpal rdo rje phreng ba mngon par rtogs pa las khro bo'i bzlas pa dang zhi ba la sogs pa'i dngos grub brgyad kyi le'u ste drug bcu rtsa bdun pa'o// //</font><hr>88.249a<br><font size=+1>

de nas gzhan yang bshad par bya/ /dngos grub thams cad bsdus pa ni/ /sangs rgyas rnams kyi ye shes mchog /dngos grub la sogs mtshan nyid ni/ /sa snying phyag na rdo rje dang / /'jam dpal sgrib pa sel ba dang / /byams pa lnga po 'di dag dang / /yi ge gsum dang rnam par spel/ /mig dang rna ba yid dang lus/ /rtsa yi 'khor lo byin gyis brlab/ /mtshan gsum nyin mo de dang 'dra/ /mngon shes lnga nyid thob par byed/ /bzhi pa yi ni dbang bskur bas/ /blo ldan de nyid mthong bar 'gyur/ /snang ba mtshan mo'i cha ru 'gyur/ /nyin mo snang ba mched pa'o/ /mtshams ni snang ba thob pa'o/ /de ltar snang la sogs mtshan nyid/ /mtshan min mtshams dang nyin mo min/ /kun rtog rlung ni spong bar byed/ /de ni skad cig mngon byang chub/ /mtshan nyid skad cig mar ni brjod/ /tha mar 'byung dang thog mar 'byung ba 'am/ /dbus mi 'byung ba'ang dbus su 'byung ba 'am/ /mtha' min 'byung ba'ang mthar ni 'byung ba 'am/ /de ni thams cad stong pa'i skad cig gcig tu gsungs/ /gang du 'gro ba dang ni 'ong med cing / /zad med 'phel med dngos dang dngos med min/ /ngo mtshar gzugs can yin zhing ngo mtshar min/ /gnas par 'gyur min myur du 'gro ba min/ /gang zhig yod dang med pa'i tha snyad rnams dang bral/ /bsod nams gzugs min sdig pa'i gzugs ma yin/ /bsod nams sdig gi bdag min mchog gyur pa/ /de ni thams cad stong pa'i skad cig gcig tu gsungs/ /skad cig gcig la mngon byang chub/ /mtshan nyid 'di ni skad cig mchog /rdo rje rtse mo byang sems ni/ /'dzin pas lus kyi brtan pa nyid/ /de yis de nyid byang sems ni/ /rlung gi de nyid rab sbyor bas/ /rigs pas steng du byed pa ni/ /rgas pa med par the tshom med/ /hU~M hoHrim bzhin shes pa ni/ /'dzin pa steng du rnam par spel/ /sngar bshad pa yi bdud rtsi lnga/ /'di ni bcud kyis len du brjod/ /</font><hr>88.249b<br><font size=+1>

'di nyid kyis ni grub par byed/ /lcags kyi gser 'gyur byas nas ni/ /rdo rje phyag rgya dngos grub che/ /zung du 'jug pas thob par 'gyur/ /bskyed pa'i rim pa'i sbyor ba dang / /de bzhin rdzogs pa'i rim pa yang / /gang la de gnyis gcig 'gyur ba/ /de ni zung du 'jug par bshad/ /'khor ba dang ni mya ngan 'das/ /rtog pa gnyis po spangs pas ni/ /gang du dngos po gcig 'gyur ba/ /zung du 'jug ces de la bshad/ /kun rdzob dang ni don dam dag /rtog pa gnyis dang rnam par bral/ /gang du yang dag 'dres gyur pa/ /de ni zung du 'jug par bshad/ /rdo rje bzlas pa'i rab sbyor bas/ /rlung gi mtshan nyid shes nas ni/ /rnam rtog rlung rnams rnam par gcod/ /sems la dmigs pa 'thob par 'gyur/ /bdag la byin brlabs rim pas kyang / /dngos grub brgyad ni thob par 'gyur/ /snang ba la sogs dbye ba shes/ /mngon par byang chub rim pa thob/ /zung 'jug rim pa la gnas pa/ /dngos grub thams cad bsdus pa ni/ /tshe 'di nyid la 'grub par 'gyur/ /rnal 'byor pa yis the tshom med/ /phyag rgya chen po'i dngos grub cher/ /zung du 'jug pa'i ting 'dzin gyis/ /rnam rtog med par zhugs nas ni/ /thob pa 'di la the tshom med/ /lus ni gzhal yas khang du 'gyur/ /sangs rgyas kun gyis yang dag brten/ /zur bzhi pa yi mdun rgyab dang / /g.yas dang g.yon gyi dbye bas so/ /steng 'og sgo yi dbye ba yis/ /sgo bzhi zhes ni bshad pa yin/ /sna rtse bzhi yi dbyibs kyis ni/ /rta bab bzhi ni brjod par bya/ /dra ba chu bar yang dag bshad/ /rgyus par gyur pa dra ba phyed/ /cha ni zla ba phyed pa dang / /bum pa lto bar yang dag shes/ /rje ngar bla dpung lag ngar ni/ /ka ba brgyad du yang dag bshad/ /mig gi rnam shes me long sogs/ /sgra yi rnam shes rol mo dang / /sna yi rnam shes me tog phreng / /rin chen pha gu lce rnam shes/ /lus kyi rnam shes ras 'phan dang / /yid kyi rnam shes ri dgas so/ /mig ni 'khor lo'i mtshan ma dang / /rna ba kun nas rdo rje rnams/ /sna ni ba dan du ni bshad/ /lce ni dril bu ru ni gsungs/ /</font><hr>88.250a<br><font size=+1>

rnga yab la sogs rnam dag pa/ /lus kyi tshogs zhes bya bar bshad/ /yid ni dbus kyi pad mar gsungs/ /rnam rtog rlung ni yang dag brten/ /ye shes lnga ni rnam dag pa/ /re khA lngar ni yang dag brjod/ /phung po lnga ni rnam dag lnga / /rnam dag kha dog lnga ni dbye/ /de dag gzhal yas khang du bsgom/ /dang po sbyor bar shes par bya/ /mngon par byang chub rnam pa lnga / /rigs kyi dbye ba rang ngo bo/ /de nyid phyi rol gnas par brjod/ /dkyil 'khor rnam par dag pa'o/ /khams bzhi'i rang bzhin bdag nyid ni/ /gzugs kyi phung po mdor bsdus na/ /gzugs kyi phung po rnams dang ni/ /mig gi rnam shes sa snying po/ /phyi rol gzugs kyi rdo rjer bshad/ /byams pa rtsa rgyus dbus na bzhugs/ /de bzhin khro bo'i rgyal po gnyis/ /shar dang lho yi mtshams su ni/ /me long ye shes su ni bshad/ /rnam par snang mdzad rnam dag nyid/ /bde dang sdug bsngal 'jigs dang skyo/ /tshor ba'i mtshan nyid du ni 'dod/ /tshor ba chu yi khams dang ni/ /phyi rol sgra ni rdo rje dang / /rna ba phyag na rdo rjer bshad/ /rigs ni gnyis po 'dres pa nyid/ /de yi rdo rje phyi rol 'gyur/ /sna yi ye shes mkha' snying po/ /khro bo gnyis po rnam par shes/ /mnyam nyid rin chen 'byung ba dang / /dngos dang dngos med sogs 'du shes/ /snga ma rjes dran mtshan nyid can/ /'du shes phung po me khams dang / /phyi rol dri yi rdo rje dang / /lce yi rnam shes 'jig rten mgon/ /de bzhin khro bo'i rgyal po gnyis/ /de ni so sor rtog ye shes/ /'od dpag med kyi rigs las byung / /dge dang mi dge'i las rnams kyis/ /bag chags 'du byed mtshan nyid ni/ /'du shes phung po rlung gi khams/ /phyi rol ro yi rdo rje dang / /lus kyi rnam shes sgrib rnam sel/ /kun bzang tshigs kyi mtshams dbus bzhugs/ /de bzhin khro bo'i rgyal po gnyis/ /bya ba nan tan grub ye shes/ /don yod grub pa'i rigs las byung / /dngos po kun gyi rang bzhin ni/ /ye shes</font><hr>88.250b<br><font size=+1>

mtshan nyid rnam shes brjod/ /rnam par shes pa nam mkha'i khams/ /yid kyi rnam shes 'jam rdo rje/ /de bzhin khro bo'i rgyal po gnyis/ /shin du rnam dag chos kyi dbyings/ /mi bskyod pa yi rigs las byung / /mngon par byang chub rnam pa lnga / /gzhal yas khang na 'di dag bzhugs/ /de nyid khams kyi dbye ba yis/ /rim pa ji bzhin bshad par bya/ /skra rus phyi sa mchil ma snying / /sa ni rnam snang bdag nyid do/ /spu dang gnag dang nye ba'i snying / /sen mo chu yi khams su shes/ /rin chen 'byung ldan bdag nyid kyi/ /rigs kyi rten du shes par bya/ /so dang lpags pa sha dang snying / /me yi khams zhes bya bar brjod/ /'od dpag med kyi rang bzhin dang / /rigs kyi dbye bar shes par bya/ /rgyus pa sha dang rtsibs logs snying / /rlung ni don yod grub pa'o/ /dri ma rgyus pa mkhris pa snying / /de ni nam mkha'i khams su grags/ /mi bskyod pa yi rang bzhin dang / /snying ni rnam shes lnga zhes bya/ /re re la yang so sor ni/ /rnam pa lnga ni spro ba shes/ /de bzhin gshegs pa'i phung po lnga/ /nang gi bdag nyid rdzas phye ba/ /sha rtsa rgyus pa sha kham tshad/ /glad pa dang ni glad rgyas dang / /rus pa rkang dang snye ma dang / /mkhal ma snying dang lto ba dang / /glo ba mtsher pa gcin dang ni/ /bshang ba pho ba long ka dang / /zhag dang chu ser gnag dang ni/ /khrag dang mkhris pa bad kan dang / /ngar snabs skra dang kha spu dang / /sen mo spu dang lpags pa dang / /lag pa rkang mig yan lag sogs/ /mtshogs ma dpung pa zhes ni brjod/ /de dag rim par shes par bya/ /gzhal yas khang ni rnam dag pas/ /de la gnas kyi dbye ba ni/ /mdor bsdus nas ni bshad par bya/ /pU l+li ra ni mgo bor shes/ /spyi gtsug dzA lan d+ha ra dang / /rna ba g.yas par o Tun dang / /spyi bo'i rgyab ni arbu da/ /go dA ba ri rna ba g.yon/ /rA me shwa ri smin ma'i dbus/ /mig gnyis de wi ko Ti dang / /mA la we ni dpung pa'i rtsa/ /kA ma rU pa mchan khung gnyis/ /ku lu nu ma gnyis su grags/ /</font><hr>88.251a<br><font size=+1>

ko sa la ni lte bar shes/ /tri sa ku ni sna yi rtsa/ /kha yi pad ma ka ling ga /mgrin pa lam bA kar ni brjod/ /snying ni kany+tsir shes par bya/ /hi ma la ya mdoms su shes/ /mtshan ma gr-i ha de wa dang / /pre ta pu ri bshang ba'i lam/ /brla gnyis su war+N+Na dwI pa/ /sauraSh+Ta ni byin pa gnyis/ /rkang pa'i bol ni sin d+hU'i yul/ /sor mo rnams la nA ga ra/ /mthe bong gnyis ni ma rur shes/ /ku lu ta ni rkang pa'i mthil/ /de ltar gnas kyi rnam dag dang / /sa bcu rnam par dag pa nyid/ /de nyid dang ldan shes par bya/ /thim dang longs spyod bdag po nyid/ /'jug pa la sogs bye brag gis/ /rims kyis rdo rje sems dpa' nyid/ /de nas gzhan yang rab bshad pa/ /rlung rnams kyi ni mtshan nyid mchog /srog gi rlung ni snying gar gnas/ /mi bskyod bye brag rigs las skyes/ /mdoms na gnas pa'i thur sel ni/ /rin chen 'byung ldan bye brag skyes/ /stod du rgyu ba lkog mthar gnas/ /'od dpag med pa'i rang bzhin no/ /me dang mnyam gnas lte bar gnas/ /don yod grub pa'i rang bzhin no/ /khyab byed yan lag kun la gnas/ /rnam snang mdzad kyis byin gyis brlabs/ /dbang po'i sgo yi rgyun las ni/ /srog dang rtsol ba rgyun 'di dang / /dus kun du ni rgyu ba ni/ /srog ces bya ba yin par bshad/ /srog dang rlung dang phyi sa dang / /de bzhin du ni khu ba sogs/ /'og 'dren 'di ni thur sel rlung / /rtag tu rnal 'byor pas shes bya/ /dgod dang za dang ldag pa dang / /kun du 'thung dang 'jib pa dang / /gang zhig rtag tu mnyam gnas pa/ /mnyam du gnas pa zhes byar brjod/ /gyen du 'gro zhing sdud pa dang / /bza' dang myang ba la sogs pa/ /shes nas lhan cig 'byor pa dag /gyen rgyu'i las su shes par bya/ /khyab dang 'dzin pa nyid dang ni/ /de bzhin 'gro dang ldog pa sogs/ /tshigs kun du ni khyab pa'i phyir/ /khyab byed ces ni bya bar bshad/ /rlung gi mtshan nyid bshad pa ni/ /de nas de yi 'jigs par brjod/ /snga ma</font><hr>88.251b<br><font size=+1>

bzhin du btang bzung sogs/ /phan tshun du ni gnod par byed/ /gzhan ni gzhan la 'tshe ba yin/ /stobs ni thob pa'i rang bzhin gyis/ /gcig ni gcig la thim par 'gro/ /ji ltar zla ba gzas bzung la/ /rlung rnams rim gyis nyams 'gyur ba/ /snga ma bzhin du gong nas gong / /rang gi bdag nyid la thim par/ /btang bzung slar yang 'gro bar byed/ /ji ltar mes bsregs dngos med dang / /rgyu med par ni thim par 'gro/ /slar yang srog gi rlung shar ba/ /las kyi rlung ni sna tshogs pa/ /de ni lhan cig rnam shes dang / /slar yang 'jig rten gsum du gnas/ /de las las dang de las skyes/ /de las chags sogs bag chags dang / /de las slar yang 'chi dang skye/ /de ltar 'khor lo bskor ba 'dra/ /sngon bzhin rdo rje bzlas la sogs/ /rim gyis de yi dbye bar 'gyur/ /de nas sems dpa' chen po kun/ /de nyid mig sman thur ma yis/ /thams cad 'khrul ba'i long ba bsal/ /yang dag dngos po nyid ni mthong / /de nas yang 'di phyag byas te/ /mchi bcas mig gis bcom ldan la/ /lan gsum du ni bskor byas nas/ /rdo rje 'chang la yang dag bstod/ /e ma'o kun 'gro kun dbang phyug /nam mkha' dang ni mtshungs pa brnyes/ /e ma'o dam tshig de nyid gsum/ /mchog tu rmad byung ston par mdzad/ /khams gsum las ni rnam par grol/ /chos kyi dbyings kyi ngo bo nyid/ /'dod pa rnams kyis ma gos pa/ /dmigs med khyod la phyag 'tshal lo/ /phung po rnams dang khams rnams dang / /skye mched rnams la mi rten cing / /srid dang mya ngan 'das las grol/ /dmigs med khyod la phyag 'tshal bstod/ /de ltar nam mkha' gnas med cing / /spros pa med cing gos pa med/ /mkha' dang mnyam pa'i thugs mnga' ba/ /dmigs med khyod la phyag 'tshal bstod/ /de nas bcom ldan 'das kyi sku/ /'jig rten gsum las rgyal gyur pa/ /'jig rten gsum 'di rnam par g.yos/ /bdud rnams bcom par mdzad nas ni/ /'jig rten gsum nas lha las</font><hr>88.252a<br><font size=+1>

rgyal/ /khro bo bcu ni kun nas ni/ /'jig rten gsum rgyal gtso bo yis/ /'di ltar bka' ni bsgo bar 'gyur/ /sa yi cha ni gang na 'di/ /rdo rje phreng bar mngon brjod pa'i/ /rnal 'byor chen po'i dam tshig brgyad/ /dus kun du ni spyod 'gyur zhing / /rgyud du de nyid rang nyid kyis/ /khro bo bcu yis de las ni/ /rtag tu phur bus bgegs kun la/ /bsrung ba'i don du yul 'khor dang / /rang rang phreng ba'i sngags kyis ni/ /de rnams la ni gtor ma dbul/ /sems can yongs su gzung ba'i phyir/ /sna tshogs sprul pa bstan nas ni/ /rdo rje sems dpa' dus kun du/ /nyin dang mtshan du bzhugs par 'gyur/ /rnal 'byor chen po'i rgyud dpal rdo rje phreng ba mngon par rtogs pa las dngos grub thams cad bsdus pa'i le'u ste drug bcu rtsa brgyad pa'o/ /rnal 'byor chen po'i rgyud dpal rdo rje phreng ba mngon par rtogs pa las rgyud thams cad kyi snying po gsang ba rnam par phye ba zhes bya ba rdzogs s+ho// //thugs dam sa'i snying po tho ling snying po dpal dpe med lhun gyis grub pa'i gtsug lag khang du rgya gar gyi mkhan po su dza na shrI dz+nyA na dang / sgra bsgyur gyi lo tsA ba chen po bod kyi lha btsan po bla ma dge slong zhi ba'i 'od kyi zhal snga nas bsgyur cing zhus te gtan la phab pa/ stag lung rgyud 'bum dang bstun pa'i zhu dag grub// //</font><hr>

</table>