J423

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J423</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J423&coll=lithang">see text in Tibetan script</a></table>88.165b<br><font size=+1>

@#/ /rgyud phyi ma/ de nas byams pa la sogs pa byang chub sems dpa' sems dpa' chen po rnams de bzhin gshegs pa thams cad kyi dbang bskur ba dang sku dang gsung dang thugs kyi gsang ba bstan pa la dngos po thams cad kyis ji lta ba dang / dus ji lta ba bzhin du mthong zhing thos la khong du chud nas chos gzigs pa</font><hr>88.166a<br><font size=+1>

dang ldan pa'i de bzhin gshegs pa de dag thams cad la 'di skad ces gsol to/ /e ma'o kun du bzang po yi/ /sku gsung thugs kyi nges par dag /rdo rje gsum gyis kun du ni/ /rdo rje gsum la kun tu bzhugs/ /sems can thams cad dus gsum gyi/ /rdo rje'i ngo bor yang dag byung / /sangs rgyas rdo rje rdzu 'phrul che/ /byang chub rdo rje'i gnas thob pa'o/ /e ma'o 'di rab ngo mtshar che/ /e ma'o zhi ba dbang po 'das/ /e ma'o 'khor ba dag gi rgyun/ /e ma'o mchog tu mya ngan 'das/ /de nas de bzhin gshegs pa de dag thams cad kyis byang chub sems dpa' sems dpa' chen po de rnams la 'di skad ces bka' stsal to/ /byang chub sems dpa' de de bzhin no/ /sems dpa' chen po de de bzhin no/ /de nas byang chub sems dpa' sems dpa' chen po de dag thams cad yang 'dus par gyur nas/ /de bzhin gshegs pa de dag thams cad la gsang ba dang / phyi'i mchod pa rnams kyis yang dag par mchod nas phyag byas te mgrin gcig tu 'di skad ces gsol to/ /e ma'o shin tu rnyed dka' ba/ /byang chub sgrub pa'i thabs 'di yin/ /rgyud kyi mchog gi mchog gyur pa/ /gsang ba 'dus pa zhes bya'i rgyud/ /sbas pa de ni rtogs phyir dang / /sems can rnams la phan 'dod pas/ /yang dag gsung bas gang bshad pa/ /mgon po khyed la gsol bar 'tshal/ /de nas de bzhin gshegs pa de dag thams cad kyis byang chub sems dpa' de rnams la 'di skad ces bka' stsal to/ /gang zhig sbas pa'i rgyud tshig de/ /de dag thams cad 'dri 'dod pa/ /sems dpa' chen po legs so legs/ /yon tan 'byung gnas legs so legs/ /</font><hr>88.166b<br><font size=+1>

de nas byang chub sems dpa' kun/ /rab tu dga' bas mig gdangs te/ /yang dang yang du phyag 'tshal nas/ /'di yi som nyi zhus par gyur/ /gsang ba zhes 'di gang la bgyi/ /'dus pa zhes ni gang la brjod/ /rgyud kyi 'brel pa ji lta bu/ /rnal 'byor rgyud 'dir ci la bgyi/ /de nyid rnam pa du ru bshad/ /de bzhin gsang ba rnam pa du/ /gsang chen zhes ni gang la bgyi/ /dam pa rnam pa du zhig mchis/ /byang chub sems zhes gang la bgyi/ /de bzhin rig pa'i skyes bu ci/ /badzra d+h+rIka ces ci la bgyi/ /de bzhin dzi na dzika ni gang / /de la rata na d+h+r-ika ni gang / /de bzhin A ro lika ni ci/ /pradz+nyA d+h+r-ika ces gang la bgyi/ /rigs 'dir de bzhin gang zhig lags/ /mo ha zhes ni gang la bgyi/ /dwe Sha zhes bya 'dir gang lags/ /rA ga zhes ni ci la bgyi/ /badzra sngags ni gang la bgyi/ ra ti zhes 'dir gang la bgyi/ /phun sum tshogs pa gang zhig lags/ /ya mAn ta kr-ita don ni gang / /de bzhin pradz+nyA na ta kr-ita ci/ /pad mAn ta kr-ita ming ci lta/ /de bzhin big+h+nan ta kr-ita ci/ /kun du spyod pa gang ci lags/ /de bzhin sngags kyi spyod pa gang / /'dir ni bzlas pa gang zhig lags/ /rgyas btab pa zhes gang la bgyi/ /chos 'byung ba ni ji ltar bsgom/ /de bzhin sdom pa ji lta bu/ /zhe sdang gti mug 'dod chags chos/ /sems can don mdzad ji lta bu/ /dkyil 'khor zhes ni gang la bgyi/ /phyag rgya'i dgod pa ji ltar lags/ /'dir ni me tog ci zhig lags/ /mchod rten zhes ni gang la bshad/ /ye shes 'khor lo ji ltar shes/ /'dir ni gnas shes gang la bshad/ /mgon po bskul ba ji lta bu/ /gtong ba dag kyang ji lta bu/ /</font><hr>88.167a<br><font size=+1>

ji ltar de rnams spyan drang bgyi/ /bcing ba 'dir ni ji lta bu/ /dbang bskur ba ni ji ltar stsal/ /de bzhin rig pa'i brtul zhugs gang / /bdud rtsi lnga rnams ci ltar bza'/ /de bzhin dpa' bo lnga gang lags/ dngos grub tha mal ji lta bu/ /de bzhin mchog kyang ji lta bu/ /de la thabs ni rnam pa du/ /de bzhin thabs byung ji lta bu/ /rnal 'byor rdo rje can kun gyi/ /bka' ni ji ltar bsgo bar bgyi/ /las kyi mchog gi tshogs rnams ni/ /sna tshogs ji ltar byed par 'gyur/ /de nas de bzhin gshegs pa de dag thams cad byang chub sems dpa' sems dpa' chen po de rnams kyis zhus pa'i tshig nye bar gsan nas/ byang chub sems dpa' chen po rdo rje 'dzin pa la dmigs par mdzad nas skad cig cang mi gsung bar gyur to/ /de nas byang chub sems dpa' che/ /snying rje'i bdag nyid rab dga' nas/ /rdzogs pa'i sangs rgyas bde bar gshegs/ /mgon la yang dang yang rab bskul/ /de nas de bzhin gshegs pa de dag thams cad kyis byang chub sems dpa' de rnams la 'di skad ces bka' stsal to/ /sku gsung thugs kyi rdo rje yis/ /sku gsung thugs ni rdo rje la/ /bzhag nas byang chub sems dbang po/ /zhus pa rgya chen mnyan par gyis/ /de nas byang chub sems dpa' sems dpa' chen po de dag thams cad de bzhin gshegs pa de dag thams cad kyis rjes su gzung pa'i bka' spyi bos rab tu mnos te/ bcom ldan 'das legs so legs so/ /bde bar gshegs pa legs so legs so zhes gsol nas/ rang rang gi lus dang ngag dang yid rdo rjes byang chub sems dpa' chen po rdo rje 'dzin pa chen po'i sku dang gsung dang thugs rdo rje la dmigs te cang mi smra bar gyur to/ /de nas</font><hr>88.167b<br><font size=+1>

de bzhin gshegs pa de dag thams cad rang rang gi thugs thugs rdo chen po la dmigs par byin gyis brlabs nas byang chub sems dpa' chen po de dag rnams la zhus pa de dag gsung gcig gis bka' stsal pa/ sku gsung thugs ni rnam pa gsum/ /gsang ba zhes ni bstan pa yin/ /sangs rgyas thams cad ces bya ba/ /tshogs pa 'dus pa yin par bshad/ /lnga pa dang ni dgu pa dang / /bcu bdun pa dang bcu gsum pa/ /sangs rgyas byang chub sems rnams kyis/ /bstan pa dag ni sgrub chen yin/ /bzhi pa dang ni bcu drug pa/ /brgyad pa de bzhin bcu gnyis pa/ /slob dpon spyi yi las dang ni/ /dngos grub brtul zhugs sdom pa yin/ /drug pa dang ni gnyis pa dang / /bcu pa dang ni bcu bzhi pa/ /drag spyod rjes su chags pa dang / /nye bar sgrub pa'i sdom pa'o/ /bdun pa dang ni gsum pa dang / /bcu gcig pa dang bcwa lnga pa/ /dngos grub zhing dang mtshan ma ni/ /bsnyen pa sgrub pa'i sdom pa'o/ /de bzhin gshegs pa kun gyi las/ /tshar gcod phan 'dogs spyod pa dag /dul dang gdul dka' zhi ba yi/ /sems can rnams kyi 'jug pa'o/ /bskyed pa'i rim dang 'brel ba yi/ /bsnyen pa rdo rje'i cho ga bzhi/ /thun mong dngos grub 'brel pa yin/ /mchog tu gyur pa'i gzhung nyid do/ /dkyil 'khor brtul zhugs 'brel ba yi/ /gzhung ni slob dpon phun tshogs pa'o/ /bla mas sngags kyi lam gyis ni/ /slob ma yongs su smin bya ba/ /brtul zhugs bzang dang dbang bskur ba/ /rang gi slob ma bdag nyid che/ /sangs rgyas byang chub sems rnams kyis/ /ston pas yongs su grol ba yin/ /thabs dang shes rab snyoms 'jug pa/ /rnal 'byor zhes ni bshad pa yin/ /gang zhig dngos med shes</font><hr>88.168a<br><font size=+1>

rab ste/ /thabs ni dngos po'i mtshan nyid do/ /rgyud ni rgyun zhes bya bar grags/ /rgyun de rnam pa gsum 'gyur te/ /gzhi dang de bzhin rang bzhin dang / /mi 'phrog pa yis rab phye ba/ /rnam pa rang bzhin rgyu yin te/ /de bzhin mi 'phrogs 'bras bu'o/ /gzhi ni thabs shes bya ba ste/ /gsum gyis rgyud kyi don bsdus pa'o/ /rig ni lnga dang gsum dag dang / /ngo bo nyid gcig rigs brgya'o/ /byang chub rdo rje bcas gsungs pa/ /de ni phyi ma'i rgyud du 'dod/ /de nyid rnam pa lnga ru bshad/ /gsang ba rnam pa gsum du bshad/ /lhag ma'i lha ni gsang chen te/ /dam pa'i rigs ni rnam pa brgya/ /thog ma tha ma med zhi ba/ /dngos dang dngos med zad pa'i gtso/ /stong nyid snying rje mi phyed pa/ /byang chub sems zhes bya ba yin/ /sku gsung thugs kyi rdo rje yis/ /mi phyed dbye ba'i ngo bo nyid/ /rigs dang lhan cig ldan pas na/ /rig pa'i skyes bu zhes brjod do/ /rgyu lnga dang ni 'bras bu lnga/ /rdo rje zhes ni bshad pa yin/ /'chang ba 'dzin pa ces grags te/ /badzra d+h+rika ni rnam shes yin/ /yod dang med dang dbus las 'das/ /'byung dang 'byung las gyur las byung / /sems can kun gyi lus yin te/ /skye las rgyal ba dzi na dzika / don rnams thams cad 'byung bas na/ /sems ni rin po che zhes bya/ /tshor ba po yis nges tshor bas/ /tshor ba rad Na d+h+rig tu 'dod/ /mtshan gzhi mtshan nyid dngos po yis/ /kun la kun gyis thams cad du/ /dga' ba'i mtshan nyid mtshan gzhi ni/ /A ro lika ces bshad pa yin/ /rnam shes rab mthar phyin byed pa/ /gang yin de ni shes rab ste/ /'du byed sems pa 'dzin pas na/ /pradz+nyA d+h+rika ces bya bar bshad/ /rigs ni rgyud ces bya bar bshad/ /rgyud ni thog ma zhes brjod de/ /mi 'jig skye ba med gang yin/ /mgon po de ni yin par bshad/ /rgyu 'bras gnyis la sdang</font><hr>88.168b<br><font size=+1>

bas na/ /rnam shes zhe sdang yin par bshad/ /bems po bcings pa'i rang bzhin pas/ /gzugs ni gti mug ces byar bshad/ /bdag tu rlom pa'i ngo bo bas/ /tshor ba dregs pa yin par bshad/ /dngos la chags pa'i mtshan nyid can/ /'du shes yang dag chags bdag nyid/ /rgyan gyis drang ba'i bdag nyid can/ /'du byed rtag tu phrag dog yin/ /byang chub sems kyi ngo bo nyid/ /srid pa kun 'byung thams cad du/ /'dod chags zhe sdang rmongs ldan pa'i/ /sems ni 'dod pa zhes byar bshad/ /dam tshig sna tshogs 'dra ba yin/ /mngon phyogs las las skyes 'bras bu/ /gnyis med ye shes chos rnams la/ /nga rgyal byed pa rmongs shes bshad/ /de la phan tshun 'dzer ba ni/ /zhe sdang zhes ni bya bar bshad/ /mtshan nyid 'dod chags zhen pa yin/ /ye shes thabs ni rdo rjer bshad/ /dga' ba rdzogs pa'i longs spyod mchog /bud med bde mchog phun sum tshogs/ /gti mug zhe sdang 'dod chags dang / /rdo rje la dga' rtag par gnas/ /de nas sangs rgyas rnams kyi thabs/ /rdo rje theg pa zhes bshad do/ /mi 'jig bdag nyid chos rnams ni/ /ma skyes pa yi ngo bo nyid/ /dngos po kun gyi dam tshig ste/ /de nyid gshin rje mthar byed do/ /rnam shes min bdag chos rnams ni/ /don dam mi 'gyur dag gyur te/ /sems kun gyi ni dam tshig ste/ /de nas rgyal ba shes mthar byed/ /brjod med bdag nyid chos rnams ni/ /ming dang gzugs blo dngos po med/ /chos rnams kun/ gyi dam tshig ste/ /des na khyab bdag pad mthar byed/ /mi rtog bdag nyid chos rnams ni/ /rang bzhin gyis ni zhi</font><hr>88.169a<br><font size=+1>

ba'i dngos/ /rdo rje kun gyi dam tshig ste/ /des na gtso bo bgegs mthar byed/ /mi 'jig rnam par mi shes pa/ /brjod du med dang rtog bral ba/ /sangs rgyas byang chub ye shes 'di/ /shes na bde ba thob par 'gyur/ /gti mug gti mug longs spyod pas/ /gti mug zad phyir gshin rje gshed/ /des na lus mthar byed pa ste/ /des na shes bya mthar byed 'gyur/ /nyes pa nyes pa longs spyad pas/ /nyes pa zad phyir shes mthar byed/ /des na sems ni mthar byed de/ /des na nyon mongs mthar byed 'gyur/ /'dod chags 'dod chags longs spyod pas/ /'dod chags zad pas pad mthar byed/ /des na chags pa mthar byed de/ /de bzhin snyoms 'jug mthar byed 'gyur/ /nyon mongs kun zad gang yin dang / /de bzhin las ni thams cad zad/ /sgrib pa kun zad ye shes ni/ /bgegs mthar byed ces bya bar bshad/ /nyon mongs rdo rje'i sgrib dag na/ /las rnams thams cad rnam par dag /las rnams thams cad rnam dag pas/ /las skyes 'bras bu rnam dag 'gyur/ /gzung dang chags pa nyid dang ni/ /rnam pa de bzhin mi g.yo dang / /rgyu nyid 'bras bu nyid dag ste/ /drug las thugs ni kun du 'byung / /'dod pa'i rgyal po la sogs drug /khro bo'i dbang por rnam par grags/ /dam tshig rdo rje la sogs drug /sa la sogs pa rnam pa lnga/ /'byung dang 'byung las gyur par grags/ /rig pa'i rgyal por zhes bshad do/ /gzugs kyi rdo rje la sogs drug /rdo rje'i bdag po zhes bshad do/ /sku gsung thugs kyi rdo rje las/ /bdag nyid chen po kun du 'byung / /thabs dang shes rab las byung ba'i/ /phung po khams dang skye</font><hr>88.169b<br><font size=+1>

mched gzugs/ /rdzogs pa'i rim pa'i sbyor ba yis/ /sngags pas sbyor ba nges byas la/ /thams cad dag par mos pa yis/ /'jigs pa thams cad spangs nas su/ /dogs pa med pa'i sems kyis ni/ /sngags pas seng ge bzhin du spyod/ /'di la mi bya ci yang med/ /de bzhin mi bza'ang yod ma yin/ /smra bar mi bya cung zad med/ /rtag tu mi bsam ci yang med/ /mnyam par ma bzhag sbyor ba yis/ /rtag pa nyid du mnyam par 'jog /gang gis sems kun la spyod pa/ /kun du spyod pa zhes bshad do/ /dbang po dang ni yul rnams kyi/ /rkyen gyis gang dang gang byung yid/ /yid de man zhes bya bar bshad/ /ta ni skyob par byed pa'i don/ /'jig rten spyod las rnam grol bar/ /gang bshad dam tshig sdom pa ste/ /rdo rje kun gyis bsrungs pa ni/ /sngags kyi spyod pa zhes bshad do/ /rang rang gi ni ngo bo nyid/ /snying po yid kyis rnam bsams te/ /gsang sngags zlos pa'i dbye ba yis/ /zlos par byed cing spro zhing bsdu/ /sangs rgyas sna tshogs rdo rje'i bdag /ye shes sa bon dag gis bsdu/ /byang chub bdag med sa bon gyis/ /brtul zhugs can gyis bdag med gzung / /sna tshogs bzhin du sna tshogs spro/ /dus gsum sa bon dag gis bzla/ /bzlas pa smra bar grags pas na/ /ngag kun bzlas pa zhes bshad la/ /sngags kun 'bod pa zhes bshad de/ /de nyid bskul bar smra ba'o/ /ji ltar thugs sogs byin rlob pa/ /ting nge 'dzin kyang de bzhin no/ /de rnams spyi bor dbang bskur dang / /de bzhin kun tu mchod pa'o/ /rdo rje 'chang ba gang yin pa'i/ /rig pa yod pa'i sbyor ba dang / /bdag byin brlab sogs de bzhin te/ /de yi longs spyod bzhir shes bya/ /dpa' bo rdo rje</font><hr>88.170a<br><font size=+1>

gcig pu yi/ /spyi bor dbang bskur re re ste/ /snying po phyag rgya sngags tsam dang / /rang rigs rim gyis rgyas gdab pa'o/ /'bras bus rgyu ni rgyas gdab cing / /rgyu yis 'bras bu rgyas gdab par/ /bsgom gyi gzhan du dngos grub ni/ /bskal pa bye bar 'byung mi 'gyur/ /longs spyod bzhi dang yang dag ldan/ /rig pa'i skyes bu rdo rje can/ /sku gsung thugs kyi dbye ba yis/ /gru gsum du ni rnam par bsgom/ /kun nas ser ba'i 'khor lo ni/ /rtsibs bcu de dbus rnam par bsgom/ /rtsibs kun la ni khro bo bcu/ /ye shes bdag nyid bcu las byung / /'gog pa'i rdo rjes bsgom bya zhing / /mchog tu mdzes pas bsgrub par bya/ /rdo rje 'bar ba'i sprin spros pas/ /mi g.yo ba dang mtshungs par 'khor/ /de ltar chos 'byung ye shes ni/ /rang bzhin dri ma med zhi ba/ /bsgoms pas skad cig nyid kyis ni/ /sangs rgyas spyan ni rab tu 'byung / /rdo rje can gyis chos bstan pa/ /rim pa gnyis la yang dag brten/ /bskyed pa yi ni rim nyid dang / /de bzhin rdzogs pa'i rim pa'o/ /sgrub pa dang ni nan tan dang / /dam tshig de bzhin sdom pa rnams/ /sngar ni de kun rgyas par ni/ /rim pa'i dbye bas phye ba yin/ /gzugs dang sgra sogs 'dod pa ni/ /bde sdug gnyi ga'i bdag nyid can/ /'dod chags zhe sdang gti mug sogs/ /rtag tu snying la skye bar 'gyur/ /chags la 'dod chags rdo rje can/ /rdo rje 'dra bar rin chen 'byung / /rin chen bzhin du dam tshig shes/ /'dod pa de rnams dam tshig mtshungs/ /rnam bcas dang ni rnam pa med/ /kun 'gro yi ge gsum bdag nyid/ /bya ba dang ni dbrog pa dang / /spyo dang rang gi bzlas pa bya'o/ /de ltar zhe sdang gti mug dag /sa gsum du ni bskyed par bya/ /gsang ba'i bdag</font><hr>88.170b<br><font size=+1>

pos rgyas btab cing / /rdo rje can gyi don byed do/ /zhe sdang sbyor ba'i rnal 'byor pas/ /zhe sdang 'khor lo bskyed nas su/ /rdo rje drag pos bcom nas ni/ /ye shes rdo rje can gyis bsdu/ /de ni spro bas rtogs byas la/ /de bzhin slar yang bsdu bar bya'o/ /'di lta'i sbyor ba goms byas na/ /zhe sdang rdo rjer bdag nyid 'gyur/ /khams gsum po ni ma lus pa/ /gsad dang de bzhin gso ba dang / /skad cig tsam gyis byed par ni/ /mngon du nus par the tshom med/ /gti mug sbyor ba'i rnal 'byor pas/ /gti mug 'khor lo bskyed nas ni/ /rgyan la sogs pa gang ci'ang rung / /de dag thams cad rtag tu brku/ /gti mug sems kyi rgya mtsho bsgom/ /rin chen kun gyis rab tu dgang / /gti mug 'khor lo can kun gyis/ /sbyin pa'i char ni rab tu 'bebs/ /rdzas rnams thams cad ma lus par/ /rab tu sbyin dang dbrog pa nyid/ /sems kyi rdo rje bstan po yis/ /skad cig tsam gyis dbye bar 'gyur/ /'dod chags sbyor ba'i rnal 'byor pas/ /'dod chags 'khor lo bskyed nas ni/ /lha mo thams cad phrogs nas su/ /'dod pa'i sbyor bas 'dod pa spyod/ /dga' sdug bde bas rangs pa yis/ /'dod pa'i rtsed mos rnam par 'phrul/ /de nas 'khor lo can kun la/ /lha mo rab tu dbul bar bya/ /khams gsum dag du byung ba yi/ /lha dang lha min chung ma yang / /skad cig tsam gyis 'dod spyod na/ /mi yi bud med smos ci dgos/ /dkyil 'khor dang ni dbang bskur dang / /las mchog gi ni tshogs rnams dag /nyams su len cing byin rlob pa/ /grub pa'i bgrod pa gzhan yin no/ /b+ha ga'i dkyil 'khor zhes grags dang / /byang chub sems kyi dkyil 'khor dang / /lus kyi dkyil 'khor</font><hr>88.171a<br><font size=+1>

zhes bshad pa/ /gsum po dkyil 'khor yin par gsungs/ /phung po skye mched khams rnams ni/ /sangs rgyas thams cad rgyas btab pa'o/ /des ni rtag par rgya dgod pa/ /dkyil 'khor zhes ni bstan pa yin/ /lcags kyu dbyig to rtse gsum dang / /ral gri mtshams su rnam par dgod/ /'dod rgyal dbyig sngon stobs mi g.yo/ /steng du 'khor lo 'og gnod mdzes/ /rig rgyal rdo rje can rnams kyi/ /'khor los sgyur ba drug gi rgya/ /sa la sogs pa sems dpa' yi/ /phyag rgya rang gi dkyil 'khor pa/ /me long pi bang dung dang ni/ /de bzhin snod dang sna tshogs ras/ /chos 'byung ba yi phyag rgya drug /rdo rje'i bdag po rdo rje can/ /sangs rgyas byang chub sems dpa' dang / /khro rgyal rnams kyis rgyas gdab bo/ /de nas gzhan yang dpa' bo gcig /rigs ni kha dog dag gis brtag /lha mo dgu dang nam mkha'i khams/ /me tog ces ni bshad pa yin/ /sku gsung thugs kyi dbye ba yis/ /rigs kyi rim gyis dgod par bya/ /mchod rten sangs rgyas thams cad kyi/ /bzhugs gnas pho brang yin par bshad/ /ye shes sems dpas gang reg pa/ /ye shes 'khor lo zhes bshad do/ /mi 'gyur rdo rje gsum yi ge/ /sa bon yi ge gnas zhes bshad/ /sku gsung thugs kyi de nyid ni/ /sad par byas pas bskul bar bshad/ /phyogs bcu'i 'jig rten khams rnams su/ /'od zer 'gyed pa gtong ba'o/ /rdo rje can kun spyan 'dren pas/ /rdo rje can kun spyan drang ba'o/ /rdo rje can gyi gnas de yi/ /'od zer gyis ni rdo rje kun/ /bsdus nas gong bu'i tshul gyis su/ /bcings pa bcing ba yin par bshad/ /sku gsung thugs kyi rdo rje yis/ /sku gsung thugs kyi dkyil 'khor du/ /sku gsung thugs ni rgyas btab ste/ /</font><hr>88.171b<br><font size=+1>

ri mo'i dkyil 'khor brtag par bya/ /dbang bskur dbye ba rnam gsum du/ /rgyud 'di la ni rab tu brtag /bum pa'i dbang bskur dang po ste/ /gnyis pa gsang ba'i dbang bskur ba/ /shes rab ye shes gsum pa ste/ /bzhi pa de yang de bzhin no/ /mig yangs sngags kyi snod du rung / /me tog bcas shing sa bon byung / /blangs nas gsang ba'i dbang bskur ba/ /sngags pas slob ma dag la sbyin/ /nam mkha'i dbyings kyi dbus gnas par/ /dri chu rkang dang yang dag ldan/ /rdo rje pad ma'i sbyor ba yis/ /rdo rje can kun yang dag bsdu/ /sku gsung thugs kyi rdo rje yis/ /de dag thams cad snying gar bsdu/ /rdo rje'i lam nas byung nas su/ /slob ma'i khar ni dbab par bya/ /'di ni gsang sngags de kun gyi/ /dbang bskur ba yi go 'phang mchog /las mchog gi ni tshogs rnams dang / /gsang sngags thams cad 'grub par 'gyur/ /mchog tu dad cing shes rab che/ /gzugs bzang sgrub pa po la dga'/ /sbyor ba gcig gis bya ba goms/ /dam tshig dag gi dam tshig can/ /bla ma la ni slob ma yis/ /yon rnams rab tu phul nas ni/ /bla mas de ni byin brlabs te/ /sgrub pa po la sbyin par bya/ /rmongs pas gti mug bdag nyid sbyor/ /gti mug dga' dang yang dag ldan/ /gti mug rgyun gyis dbang bskur na/ /gti mug rdo rjer bdag nyid 'gyur/ /zhe sdang sdang ba'i bdag nyid sbyor/ /zhe sdang dga' dang yang dag ldan/ /zhe sdang rgyun gyis dbang bskur na/ /zhe sdang rdo rjer bdag nyid 'gyur/ /chags pas 'dod chags bdag nyid sbyor/ /'dod chags dga' dang yang dag ldan/ /'dod chags rgyun gyis dbang bskur na/ /'dod chags rdo rjer bdag nyid 'gyur/ /shes rab ye shes bdag nyid sbyor/ /rdo rje dga' dang yang dag ldan/ /</font><hr>88.172a<br><font size=+1>

ye shes rgyun gyis dbang bskur na/ /shes rab ye shes bdag nyid 'gyur/ /rig pa'i lha mo de nyid ni/ /rdo rje can gyi slob mas blang / /lag par lag pa bzhag nas ni/ /de bzhin gshegs rnams dbang byas la/ /slob ma'i mgo bor lag bzhag ste/ /bla ma rdo rje can gyis bsgo/ /thabs gzhan gyis ni 'tshang mi rgya/ /de bas rig pa 'di mchog yin/ /chos kun gnyis su med pa la/ /dngos po gnyis su btags pa yin/ /de bas 'khor ba rnam bral bar/ /rtag tu khyod kyis mi bya'o/ /'di ni sangs rgyas thams cad kyi/ /rig pa'i brtul zhugs bla med pa'o/ /rmongs pa gang zhig 'das gyur na/ /de yi dngos grub mchog mi 'gyur/ /thal mal lus kyi chos la ni/ /dri ma lnga rnams snang ba ni/ /ye shes lnga yis byin brlabs pas/ /bdud rtsi lnga zhes bya bar bshad/ /sbyar dang de bzhin bsreg pa dang / /snang bar byed dang gzugs snang ba/ /sngags kyi lus su rab sbyor bas/ /bdud rtsi lnga ni bza' bar bya/ /rdo rje hU~M las byung ba ni/ /bar snang la gnas bsam par bya/ /A las byung ba'i pad ma ni/ /de yi 'og tu bsgom par bya/ /o~M gyis mtshan pa'i bdud rtsi ni/ /de yi dbus su gzhag par bya/ /rdo rje'i pad ma mnyam sbyor ba/ /'bar bas rnal 'byor tshim par bya/ /shel dang mtshungs par snang gyur cing / /ye shes nyi ma gnyis par gyur/ /phyogs bcu'i 'jig rten khams rnams kyi/ /mtshon cha mchog gis drang nas ni/ /bdud rtsi de ru phab nas kyang / /bza' ba'i sbyor bas bza' bar bya/ /bsgrub bya'i dngos grub cho ga yis/ /de bzhin dpa' bo lnga rnams bza'/ /yig gsum sa bon las bskyed bya/ /gzhan du de ni 'grub mi 'gyur/ /mi snang la sogs dngos grub ni/ /</font><hr>88.172b<br><font size=+1>

tha mal pa zhes bshad pa yin/ /sangs rgyas nyid bsgrub sangs rgyas kyis/ /dngos grub mchog ces gsungs pa yin/ /thabs ni rnam pa bzhi po dag /byang chub rdo rje can gyis gsungs/ /rnal 'byor rgyud ni thams cad du/ /rnal 'byor pa yis rtag par sngags/ /bsnyen pa'i cho ga dang po ste/ /nye bar sgrub pa gnyis pa yin/ /sgrub pa yang ni gsum pa ste/ /sgrub pa chen po bzhi pa'o/ /thun mong mchog gi bye brag gis/ /bsnyen pa rnam pa gnyis su 'gyur/ /rdo rje bzhi po thun mong ste/ /ye shes bdud rtsi mchog yin no/ /dang po stong nyid byang chub ste/ /gnyis pa sa bon bsdus pa yin/ /gsum pa gzugs ni rdzogs pa ste/ /bzhi pa yi ge dgod pa'o/ /rdo rje rnam bzhi 'di dag gis/ /tha mal sgrub la bsnyen pa bya/ /mchog gi ye shes bdud rtsi nyid/ /sbyor ba drug gi bya ba yi/ /bsnyen pa yan lag drug gis ni/ /byas pas sgrub pa mchog tu 'gyur/ /gzhan du sgrubs par gyur na ni/ /so sor sdud dang bsam gtan dang / /srog rtsol de bzhin 'dzin pa dang / /rjes su dran dang ting 'dzin te/ /sbyor ba'i yan lag drug tu bshad/ /dbang po bcu po rnams kyi yang / /rang gi 'jug gnas thams cad du/ /'dod pa so sor sdus pas na/ /so sor sdud pa zhes bshad do/ /'dod pa lnga ni mdor bsdus nas/ /sangs rgyas lnga ru sbyor ba yis/ /brtag pa bsam gtan zhes bshad de/ /bsam gtan de ni rnam lngar 'gyur/ /rtog dang dpyod dang dga' ba dang / /de bzhin bde ba nyid dang yang / /sems kyi rtse gcig nyid dag ste/ /lnga po der ni bsam gtan bsdu/ /gsang ba'i rgyud ni thams cad du/ /rnam pa du mar yongs</font><hr>88.173a<br><font size=+1>

bshad pa/ /gsang ba gsum 'byung rtog pa ste/ /de yi longs spyod byed pa'o/ /dga' dang 'dra ba gsum pa ste/ /bde ba bsdus pa bzhi pa'o/ /shes dang shes bya byung zad pa'i/ /rang sems lnga par shes par bya/ /sangs rgyas kun dngos zhi ba ni/ /'dod pa kun la rab tu gnas/ /ye shes lnga yi rang bzhin dbugs/ /'byung ba lnga yi ngo bo nyid/ /gong bu'i gzugs kyi phyung nas ni/ /sna yi rtse mor rab tu brtag /rin chen kha dog sna lnga pa/ /srog dang rtsol ba zhes byar bshad/ /rang sngags snying gar bsam nas ni/ /srog ni thig ler gyur par bzhag /rang dbang rin chen dag pa yin/ /gzung ba 'dzin pa yin par bshad/ /sems ni 'gog pa'i rdo rjer gyur/ /mtshan mar nyer 'dzin 'byung bar 'gyur/ /mtshan ma'i khams ni rnam pa lngar/ /byang chub rdo rjes gsungs pa yin/ /smig rgyu 'dra ba dang po ste/ /du ba lta bu gnyis pa yin/ /mkha' snang 'dra ba gsum pa ste/ /mar me ltar 'bar bzhi pa'o/ /sprin med nam mkha' lta bur ni/ /rtag tu snang ba lnga pa'o/ /brtan gyur rdo rje'i lam nas ni/ /nam mkha'i khams su spro bar bya/ /rjes dran gang zhig rnam bsgom pa/ /de dang 'dra bar spro bar bya/ /rjes su dran pa zhes bshad de/ /so sor snang ba de la skye/ /thabs dang shes rab snyoms 'jug pas/ /dngos po thams cad mdor bsdus pa/ /gong bu'i tshul gyis bsdus nas ni/ /dbus su gzugs ni rnam par bsgom/ /yud kyis ye shes rdzogs byed pa/ /ting nge 'dzin ces bya bar gnas/ /so sor sdud la snyoms 'jug na/ /sngags rnams thams cad byin gyis brlob/ /bsam gtan ye shes snyoms 'jug na/ /mngon shes lnga po 'thob par 'gyur/ /srog dang rtsol bas nges par ni/ /byang chub sems dpa' rnams kyis gzigs/ /rtag tu 'dzin pa'i stobs kyis ni/ /rdo rje sems dpa' yang dag 'byung / /rjes dran mnyam par sbyor ba yis/ /nor gyi dkyil 'khor 'byung bar 'gyur/ /ting 'dzin dbang</font><hr>88.173b<br><font size=+1>

gyur tsam gyis ni/ /sgrib pa rnams dang bral bar 'gyur/ /snying po de ni thugs ka ru/ /zla ba rdo rje'i sbyor bas blta/ /mtshon cha mchog gis drangs nas ni/ /sems ni sngags kyi dngos byas te/ /sngags kyi gzugs kyi tshul gyis ni/ /byang chub tshigs bcad brjod par bya/ /cho ga yang dag sbyor bsgom pas/ /rang gi dkyil 'khor la gnas te/ /sems de ye shes gzugs kyis ni/ /bsgom pa nye bar bsgrub pa'o/ /ji srid mthong ba de srid du/ /rnam gnyis zla ba drug tu bsgom/ /'dod pa kun la longs spyod pas/ /thams cad du ni rtag tu bya/ /gal te zla ba drug gis ni/ /ji skad gsungs pa ma mthong na/ /ji skad bshad pa'i cho ga dang / /sdom pa lan gsum brtsam par bya/ /de ltar byas kyang sgrub pa pos/ /mthong ba 'byung bar ma gyur cing / /gang tshe bya ba ma grub na/ /drag shul sbyor bas bsgrub par bya/ /de tshe de yi ye shes ni/ /'grub pa nges par nye bar 'byung / /rigs kyi dbye ba'i sbyor bas ni/ /rdo rje phur bus phur bu gdab/ /de nas dbang du bya ba dang / /bsrung ba'i sbyor ba dag kyang bya/ /'dod chags chen po'i tshul nyid kyis/ /ye shes 'khor lo can rnams bsdu/ /lha mo dgu ni spros nas su/ /bsgrub par bya ba'i lus la dgod/ /yongs su gyur las phyag rgya bzhi/ /dkyil 'khor der ni rtag par bya/ /bdag nyid dbus su gnas byas la/ /'khor lo can kun bsdu bar bya/ /thams cad rdo rje'i dngos byas la/ /de 'og byang chub bsgom par bya/ /bskul ba'i glu dbyangs bzhi yis ni/ /lha mos snying po bskul ba yis/ /dus gsum rdo rje'i rang bzhin sems/ /ye shes lta bur lus bsgoms mo/ /dregs</font><hr>88.174a<br><font size=+1>

pas kha dog rnam par dbye/ /de bzhin nyams kyis snying po ste/ /dbang bskur bas ni rang gi rgyu/ /gzhi yis 'bras bu phye ba yin/ /sngags kyis chos ni byed 'gyur la/ /rig pa'ang chos kyi phyag rgyas so/ /'khor los sgyur ba'i rgyal po drug /gtsug gtor zhes ni rnam par grags/ /rdzu 'phrul chen po longs spyod bzhi/ /rig pa'i rgyal mo zhes byar grags/ /de bzhin rdo rje'i bdag po rnams/ /'dod pa thams cad ces byar bshad/ /bsam gtan rdo rje thams cad la/ /dbang bskur ba ni rab tu bsngags/ /cho ga'i sbyor ba 'di yis ni/ /ye shes lus dang lhan cig tu/ /sku gsung thugs kyi rdo rje yis/ /gnyis su med par byed sgrub pa/ /sngar bshad pa yi rim gyis ni/ /rig pa'i skyes bu rdo rje can/ /bdag dang 'dra bar dkyil 'khor bskyed/ /bsgrub pa chen po zhes bshad do/ /bsnyen pa'i dus su gtsug tor che/ /sbyor ba nyid kyis gzugs su dmigs/ /nye bar sgrub pa'i dus su ni/ /bdud rtsi 'khyil pa'i gzugs kyi bar/ /sngags pa cho ga shes pa yis/ /sgrub pa rang lha'i sbyor bas bya/ /sgrub pa chen po'i dus su ni/ /gtso bo sangs rgyas bdag po'i sku/ /'di ni rdo rje can kun dang / /rnal 'byor mchog gi gsang ba che/ /de lta'i rnam phyes shes byas nas/ /dngos grub mchog ni bsgrub par bya/ /gzhan du bskal pa bye bas ni/ /sangs rgyas skyob pa rnams kyis kyang / /dngos grub mchog ni zhi ba dag /nges par 'byung bar mi 'gyur ro/ /bsgrub bya bsgrub par yang dag sbyor/ /gang yin de ni bsnyen par bshad/ /rdo rje pad ma mnyam sbyor ba/ /nye bar sgrub pa zhes bshad do/ /yi ge hU~M dang phaT ldan pa/ /bskyed pa sgrub pa zhes bshad pa/ /ngo bo nyid ni zhi bde ba/ /sgrub pa chen po zhes bshad do/ /dpal ldan sangs rgyas</font><hr>88.174b<br><font size=+1>

kun gyi bdag /rdo rje 'chang ba chen po'i gnas/ /sangs rgyas kun gyi thabs las byung / /de nyid chos rnams chos nyid do/ /las dang rjes 'thun gang gang gis/ /rnal 'byor pa yis sbyor ba dmigs/ /dkyil 'khor de dang de bskyed nas/ /dam tshig mi zad bsgo bar bya/ /sku gsung thugs kyi rdo rje yi/ /dam tshig dang po bsrung bar bya/ /de nas gtsug tor dam tshig ni/ /cho ga ji skad gsungs las byung / /las dang gang gang rjes mthun pas/ /rang gi 'khor la bka' yang bsgo/ /bsgrub bya'i lus gang yin pa la'ang / /dkyil 'khor rnam par bsgoms nas su/ /de yi lus gnas 'khor lo la/ /de yi nyes pa bsgrag par bya/ /de nas de rnams des bcom nas/ /byung bar gyur pa rnam par bsgom/ /dngos po kun gyis rnam bsgoms nas/ /dngos po kun gyis drangs nas ni/ /de ni rang gi 'khor lor gzhug /ji skad gsungs pa'i rdzas rnams kyis/ /de yi gzugs brnyan byas nas ni/ /khro bas khyab pa'i sems kyis ni/ /rkang pas mtshan ma gnon par bya/ /de nas bka' mnos khro bo ni/ /sna tshogs tshogs kyis bskor ba rnams/ /sgrub pa rdo rje can gyis ni/ /bsgrub bya gsang phyir gtang bar bya/ /khro bo'i rgyal po des bskor nas/ /de ni bcing zhing brdeg pa dang / /de nas gdungs shing skrag gyur pa/ /sgrub pa pos ni dgug par bya/ /rdo rje gsum gyi sngags kyis ni/ /de yi gzugs brnyan la phab nas/ /sngags pas rdo rje dag gis ni/ /spyi bo mgrin pa snying ga ru/ /phur ba'i sngags kyis phur bu gdab/ /yams dang nye bar 'tshe ba kun/ /sna tshogs yul las byung ba rnams/ /gzugs de la ni phab nas su/ /de rnams kyis ni phur bus gdab/ /de nas sbyor ba thams cad kyis/ /</font><hr>88.175a<br><font size=+1>

cho ga ji skad gsungs pa bzhin/ /'khrul 'khor sngags kyi sbyor la sogs/ /las kyi dbye bas sbyar bar bya/ /mtshan ma mnan nas bzlas pa'am/ /khro bo'i dkyil 'khor sbyin sreg gam/ /bsgom pas gdug pa'i sems can gyis/ /zos par gyur par rab tu brtag /zhi la zhi ba'i sems kyis bya/ /rgyas la dga' ba'i yid kyis te/ /dbang la chags pa'i yid du bya/ /khro la gtum pas rab tu bsgrub ces pa'o/ /de nas bcom ldan 'das de bzhin gshegs pa de dag thams cad kyis byang chub sems dpa' sems dpa' chen po de rnams kyi the tshom thams cad bcad par mdzad nas/ the tshom thams cad gcod par mdzad pa sku dang gsung dang thugs rdo rje rang gi sku dang gsung dang thugs rdo rje la bzhugs par rang gi sku dang gsung dang thugs kyis dmigs nas cang mi gsung bar bzhugs par gyur to/ /de nas byang chub sems dpa' sems dpa' chen po de dag thams cad kyis de bzhin gshegs pa de dag thams cad la bstod pa'i rgyal po 'dis bstod do/ /thams cad sku khyod phyag 'tshal lo/ /thams cad gsung la phyag 'tshal 'dud/ /thams cad thugs khyod phyag 'tshal lo/ /thams cad mdzad la phyag 'tshal 'dud/ /sku gsung thugs ni rdo rje yi/ /sku gsung thugs ni thob 'gyur bas/ /sems can sangs rgyas mi mnyam mnyam/ /bsgrub bya su yin sgrub po gang / /sgrub pa'i dbang po bdag nyid che/ /sangs rgyas thams cad gsod pa yis/ /ji ltar sdig pas gos mi 'gyur/ /gal te gos 'gyur 'bras bu gang / /de nas de bzhin gshegs pa de dag thams cad kyis byang chub sems dpa' sems dpa' chen po de rnams la legs so legs</font><hr>88.175b<br><font size=+1>

so zhes bya ba byin te/ sems dpa' chen po legs so legs/ /bdag nyid chen po legs so legs/ /gsung dbyangs chen po legs so legs/ /mchod pa chen po legs so legs/ /slob dpon byang chub rdo rje can/ /dpal ldan sangs rgyas kun gyi bdag /dngos rnams thams cad sgyu ma bzhin/ /skyed dang sdud par mdzad pa po/ /des na de yi sdig mi 'gyur/ /bsod nams dag kyang de bzhin no/ /gang la sdig dang bsod nams med/ /de ni byang chub yin par gsungs/ /mgon po de yi slu ba yis/ /lus can thams cad 'jig mdzad kyang / /ngan 'gror skye bar mi 'gyur zhing / /byang chub kyang ni rnyed mi dka'/ /sngon ni mi bzad las byas pas/ /gal te dmyal ba rnams su ni/ /skye bo skye 'gyur de rnams kyi/ /dmyal ba rnams kyi 'bras bu che/ /byang chub rdo rjes sgrub bya 'di/ /ye shes kyis ni rgyas btab pas/ /sems can rnams la sbyor ba des/ /mchog tu phan btags shes par bya/ /tshar gcod pa dang rjes bzung las/ /bdag nyid chen po de yis bya/ /sgrub pa chen po'i mthar thug par/ /byas nas las rnams brtsam par bya/ /de nas byang chub sems dpa' sems dpa' chen po de rnams rdo rje can thams cad kyi thugs rje chen po'i tshul gyi chos thos pas dga' zhing rab tu dga' la 'gu ba'i yid kyis legs so zhes bya ba gsol te/ mgon po chen po legs so legs/ /thub pa chen po legs so legs/ /chos rnams chen po legs so legs/ /thugs rje chen po legs so legs/ /e ma'o kun tu bzang po yi/ /thugs rje chen po dri ma med/ /gdug pa'i mi bzad las kyis kyang / /sangs rgyas nyid kyi 'bras bu stsol/ /de nas de bzhin gshegs pa de</font><hr>88.176a<br><font size=+1>

dag thams cad kyis byang chub sems dpa' sems dpa' chen po de rnams la 'di skad ces bka' stsal to/ /rigs kyi bu de lta bas na de bzhin gshegs pa thams cad kyis dbang bskur ba'i gsang ba 'dus par dbang bskur ba'i sngags pas 'jigs par mi bya zhing / /skrag par mi bya/ dngang bar mi bya'o/ /de ci'i phyir zhe na/ byang chub rdo rje las byung ba/ /zhe sdang rdo rje che la sogs/ /sngags kyi rgyun ni bsdus pa dag /yongs su spang bar mi bya'o/ /de nas byang chub sems dpa' sems dpa' chen po de dag thams cad kyis de bzhin gshegs pa de dag thams cad la mgrin gcig tu tshigs su bcad pa 'dis mngon par bstod do/ /dus gsum rdo rje'i thugs yin srid dang thar gyur gang / /zhi zhing sgrib med nam mkha' dag pa'i ngo bo nyid/ /sangs rgyas rnam rgyas byang chub dbang phyug rdo rje can/ /de la lus ngag yid kyis rtag tu phyag 'tshal lo/ /gang zhig gzugs dang tshor ba 'du shes 'du byed dang / /rnam par shes dang skye mched drug dang dbang po drug /sa chu me dang rlung dang nam mkha' thams cad ni/ /byang chub sems 'dra rgya chen de la phyag 'tshal lo/ /gti mug nyes pa 'dod chags rdo rje chos bcas gang / /rig pa'i sbyor ba las byung rtag tu rab 'brel bar/ /rnam pa sna tshogs dga' bas myos pa'i dngos gyur pa/ /byang chub sems 'dra rgya chen de la phyag 'tshal lo/ /spro dang dga' dang rnam pa de bzhin mi 'gyur dang / /rgyu dang 'bras bu'i rang bzhin sems su rjes gtogs chos/ /rmongs dang zhe sdang 'dod chags sgrib pa rdo rje ste/ /byang chub sems 'dra rgya chen de la phyag 'tshal lo/ /gang zhig thog med dngos po rnam dag 'di bsgom pa/ /thabs dang shes rab las byung</font><hr>88.176b<br><font size=+1>

spros dang rnam par bral/ /gsang ba'i dbang bskur brtul zhugs dam tshig sbyor ba brtag /byang chub rdo rje 'drar blta de la rtag phyag 'tshal/ /gang zhig dngos grub mchog gi thabs ni 'di sgom zhing / /bsnyen pa'i cho ga nye bar sgrub dang sgrub pa dang / /sgrub pa chen pos blo mi 'gyur ba'i sgrub dbang po/ /byang chub rdo rje 'drar blta de la rtag phyag 'tshal/ /gang zhig thun bzhi'i rdo rje dag ni sgrub byed pa/ /mi snang la sogs sna tshogs mchog dang dman grub cing / /bla ma'i drin gyis 'di na ma nor lam rtogs pa/ /byang chub rdo rje 'drar blta de la rtag phyag 'tshal/ /gang zhig rab gsang 'dus pa'i rgyud 'di nyan pa dang / /'don par byed dang klog pa dang ni sems pa dang / /mchod pa byed pa dang ni 'dri'am 'brir 'jug pa/ /byang chub rdo rje 'drar blta de la rtag phyag 'tshal/ /gang du zhi sogs las tshogs shin tu brtags pa yis/ /'khrul 'khor sngags kyi cho ga de bzhin rgyas 'debs pa'i/ /sgrub bya 'di dang ldan pa'i sgrub pa'i dbang po ni/ /byang chub rdo rje 'drar blta de la rtag phyag 'tshal/ /gang gis gtso bo sgrub pa po mthong reg pa dang / /legs par dran dang ming tsam nges par thos pa dang / /dad par byed cing phyogs gcig tsam zhig 'dzin pa dag /byang chub rdo rje 'drar blta de la rtag phyag 'tshal/ /bstod pa'i tshig ni zhi ba 'dis/ /'dren pa kun la bstod pa dang / /byang chub sems dpa' mchod chen la/ /mgon po de dag rjes yi rang / /'dus pa gsang ba las byung ba/ /de bzhin gshegs pa kun gyi gsang / /rgyud kun bdag po'i dbang po yis/ /rgyud 'di legs par gsungs pa yin/ /de nas de bzhin gshegs pa de dag thams cad dang / byang chub</font><hr>88.177a<br><font size=+1>

sems dpa' de dag thams cad kyis de skad ces gsungs nas nyid kyi sku dang gsung dang thugs rdo rje la bzhugs te/ sku dang gsung dang thugs rdo rje'i sku dang gsung dang thugs rang gi sku dang gsung dang thugs rdo rje la dmigs te cang mi gsung bar gyur to/ /de bzhin gshegs pa thams cad kyi sku dang gsung dang thugs kyi gsang ba chen po gsang ba 'dus pa las gsang ba thams cad ston pa rdo rje'i ye shes kyis byin gyis rlob pa zhes bya ba'i le'u ste bco brgyad pa rdzogs s+ho// // rgya gar gyi mkhan po a tsAr+ya shrad d+hA ka ra war+m+ma dang / zhu chen gyi lo tsA ba dge slong rin chen bzang pos bsgyur te gtan la phab pa/ /ltag lung rgyud 'bum la bstun pa'i thang chen pa dang rgyal mtshan ring mo zhus dag grub/ /</font><hr>

</table>