J422

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J422</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J422&coll=lithang">see text in Tibetan script</a></table>88.98a<br><font size=+1>

@#/ /rgya gar skad du/  sarba ta thA ga ta kA ya bA ka tsita ta ra ha s+yo gu h+ya sa mA dza nA ma ma hA kal pa rA dza/  bod skad du/  de bzhin gshegs pa thams cad kyi sku gsung thugs kyi gsang chen gsang ba 'dus pa zhes bya ba brtag pa'i rgyal po chen po/ dpal rdo rje sems dpa' la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku gsung thugs kyi snying po rdo rje btsun mo'i b+ha ga rnams la bzhugs so/ /brjod kyis mi lang ba'i yang brjod kyis mi lang ba'i sangs rgyas kyi zhing gi rdul phra rab snyed kyi byang chub sems dpa' sems dpa' chen po la 'di lta ste/ byang chub sems dpa' sems dpa' chen po dam tshig rdo rje dang / byang chub sems dpa' sems dpa' chen po sku rdo rje dang / byang chub sems dpa' sems dpa' chen po gsung rdo rje dang / byang chub sems dpa' sems dpa' chen po thugs rdo rje dang / byang chub sems dpa' sems dpa' chen po ting nge 'dzin rdo rje dang / byang chub sems dpa' sems dpa' chen po rgyal ba rdo rje dang / byang chub sems dpa' sems dpa' chen po sa rdo rje dang / byang chub sems dpa' sems dpa' chen po chu rdo rje dang / byang chub sems dpa' sems dpa' chen po me rdo rje dang / byang chub sems dpa' sems dpa' chen po rlung rdo rje dang / byang chub sems dpa' sems dpa' chen po nam mkha' rdo rje dang / byang chub sems dpa' sems dpa' chen po gzugs rdo rje dang / byang chub sems dpa' sems dpa' chen po sgra rdo rje dang / byang chub sems dpa' sems dpa' chen po dri rdo rje dang / byang chub sems dpa' sems dpa' chen po ro rdo rje dang / byang chub sems dpa' sems dpa' chen po reg</font><hr>88.98b<br><font size=+1>

bya rdo rje dang / byang chub sems dpa' sems dpa' chen po chos kyi dbyings rdo rje dang / de dag la sogs pa'i byang chub sems dpa' sems dpa' chen po brjod kyis mi lang ba'i yang brjod kyis mi lang ba'i sangs rgyas kyi zhing gi rdul phra rab snyed rnams dang / de bzhin gshegs pa nam mkha'i khams dang mnyam pa la yang 'di lta ste/ de bzhin gshegs pa rdo rje mi bskyod pa dang / de bzhin gshegs pa rdo rje rnam par snang mdzad dang / de bzhin gshegs pa rdo rje rin chen tog dang / de bzhin gshegs pa rdo rje 'od dpag med dang / de bzhin gshegs pa rdo rje don yod pa dang de dag la sogs pa nam mkha'i khams thams cad dang mnyam pa'i de bzhin gshegs pa rnams dang / thabs gcig tu 'di lta ste dper na til gyi gang bu bzhin du de bzhin gshegs pa thams cad kyis nam mkha'i khams thams cad shin du yongs su gang bar snang bar gyur to/ /de nas bcom ldan 'das de bzhin gshegs pa rdo rje rnam par snang mdzad chen po de bzhin gshegs pa thams cad kyi 'dod chags chen po'i tshul zhes bya ba'i ting nge 'dzin la snyoms par zhugs nas de bzhin gshegs pa thams cad kyi bkod pa de dag nyid kyi sku la zhugs par mdzad do/ /de nas de bzhin gshegs pa de dag thams cad kyis bcom ldan 'das de bzhin gshegs pa thams cad kyi sku gsung thugs kyi bdag po yongs su mnyes par bya ba'i phyir nyid kyi sku bud med kyi gzugs su mngon par sprul nas bcom ldan 'das rnam par snang mdzad chen po'i sku las mngon par byung bar gyur to/ /de la la la ni sangs rgyas spyan gyi rnam par ro/ /la la mA ma kI'i rnam par ro/ /la la gos dkar mo'i rnam par ro/ /la la dam tshig sgrol ma'i rnam par yang dag par gnas par gyur to/ /la la gzugs</font><hr>88.99a<br><font size=+1>

kyi ngo bo'i rnam pas/ la la ni sgra'i ngo bo'i rnam pas/ la la dri'i ngo bo'i rnam pas/ la la ro'i ngo bo'i rnam pas/ la la reg bya'i ngo bo'i rnam pas yang dag par gnas par gyur to/ /de nas de bzhin gshegs pa mi bskyod pas de bzhin gshegs pa thams cad kyi btsun mo'i b+ha ga la gru bzhi rdul med pa dam tshig chen po'i dkyil 'khor byin gyis brlabs pa ni/ gsal ba de yi ngo bo nyid/ /sna tshogs gzugs kyis kun du rgyas/ /sangs rgyas sprin ni kun tu bkram/ /me stag 'phro ba mang po 'khrug /gsal ba la sogs dkyil 'khor ldan/ /de bzhin gshegs pa kun gyi gnas/ /de nas bcom ldan 'das de bzhin gshegs pa thams cad kyi sku gsung thugs rdo rje'i bdag po de de bzhin gshegs pa thams cad kyi dam tshig chen po'i dkyil 'khor gyi dbus su bdag nyid bzhag par gyur to/ /de nas de bzhin gshegs pa mi bskyod pa dang / de bzhin gshegs pa rin chen tog dang / de bzhin gshegs pa 'od dpag med dang / de bzhin gshegs pa don yod grub pa dang / de bzhin gshegs pa rnam par snang mdzad rnams de bzhin gshegs pa byang chub kyi sems rdo rje'i thugs la bzhugs so/ /de nas bcom ldan 'das de bzhin gshegs pa byang chub kyi sems rdo rjes de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par zhugs so/ /bcom ldan 'das de bzhin gshegs pa thams cad kyi bdag po snyoms par zhugs pa de ma thag tu/ de nas nam mkha'i dbyings 'di thams cad de bzhin gshegs pa thams cad kyi</font><hr>88.99b<br><font size=+1>

rdo rje'i ngo bor gnas par gyur to/ /de nas nam mkha'i dbyings thams cad na gnas pa'i sems can ji snyed pa de dag thams cad rdo rje sems dpa'i byin gyis brlabs kyis de bzhin gshegs pa thams cad kyi bde ba dang yid bde ba thob par gyur to/ /de nas bcom ldan 'das de bzhin gshegs pa byang chub kyi sems rdo rje de bzhin gshegs pa thams cad kyi sku dang gsung dang thugs rdo rje'i dam tshig byung ba'i rdo rje zhes bya ba'i ting nge 'dzin la snyoms par zhugs nas/ rig pa chen po skyes bu'i gzugs de bzhin gshegs pa thams cad kyi sngags kyi byin gyis brlabs kyis byin gyis brlabs so/ /byin gyis brlabs pa tsam gyis de ma thag tu bcom ldan 'das byang chub kyi sems rdo rje de bzhin gshegs pa de nyid zhal gsum pa'i rnam par de bzhin gshegs pa thams cad kyis gzigs par gyur to/ /de nas de bzhin gshegs pa mi bskyod pa la sogs pa bcom ldan 'das rnam par snang mdzad chen po'i thugs kha nas mngon par byung ste ched du brjod pa/ e ma ho sangs rgyas thams cad kyi/ /byang chub sems ni rab 'jug pa/ /de bzhin gshegs pa kun gyi gsang / /rab tu mi rtog gnas med pa'o/ /de nas de bzhin gshegs pa thams cad yang gcig tu 'dus nas bcom ldan 'das de bzhin gshegs pa byang chub kyi sems rdo rje la de bzhin gshegs pa thams cad kyi mchod pa spros pa'i dam tshig de kho na nyid kyi rin po che'i sprin gyis yang dag par mchod de phyag 'tshal nas 'di skad ces gsol to/ /'dus pa gsang ba las byung ba/ /de bzhin gshegs pa</font><hr>88.100a<br><font size=+1>

kun gyi gsang / /rdo rje snying po btus pa yi/ /de nyid bcom ldan bshad du gsol/ /de nas bcom ldan 'das de bzhin gshegs pa byang chub kyi sems rdo rjes de bzhin gshegs pa de dag thams cad la 'di skad ces bka' stsal to/ /bcom ldan 'das de bzhin gshegs pa thams cad legs so legs so/ /'on kyang 'di ni de bzhin gshegs pa thams cad kyang the tshom skye bar byed pa yin na byang chub sems dpa' gzhan rnams lta ci smos/ de nas bcom ldan 'das de bzhin gshegs pa thams cad ngo mtshar du gyur/ rmad du byung bar gyur te/ de bzhin gshegs pa thams cad kyi the tshom thams cad gcod par mdzad pa bcom ldan 'das de bzhin gshegs pa thams cad kyi bdag po la 'di skad ces gsol to/ /gang bcom ldan 'das 'di lta bu'i yon tan khyad par can la yang / de bzhin gshegs pa thams cad kyi 'khor du de bzhin gshegs pa thams cad kyi sku dang gsung dang thugs kyi gsang ba ston par mi spro bar de/ bcom ldan 'das de bzhin gshegs pa thams cad la byin gyis brlab pa mdzad nas/ de bzhin gshegs pa thams cad kyi rdo rje'i dam tshig 'byung ba'i tshig gis de bzhin gshegs pa thams cad kyi bde ba dang / yid bde ba myong bar bgyi ba nas/ de bzhin gshegs pa thams cad kyi ye shes dang / mngon par shes pa'i 'bras bu thob par bgyi ba'i bar gyi phyir yang dag par bstan du gsol/ </font><hr>88.100b<br><font size=+1>

de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas de bzhin gshegs pa thams cad kyis gsol ba btab pa de mkhyen nas/ ye shes sgron ma rdo rje zhes bya ba'i ting nge 'dzin la snyoms par zhugs te/ zhe sdang gi rigs kyi sngags mchog gi snying po 'di snying po 'di nyid kyi sku gsung thugs rdo rje las phyung ngo / /badzra d+h+r-ika /de nas 'di phyung ma thag tu/ bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid mi bskyod pa'i phyag rgya chen por sbyor ba mchog gi gnas kyis nag po dkar po dmar po'i rnam pas/ de bzhin gshegs pa thams cad kyi sku gsung thugs rdo rje'i sku gsung thugs rdo rje la bzhugs so/ /de nas bcom ldan 'das de bzhin gshegs pa thams cad kyi dam tshig 'byung ba rdo rje zhes bya ba'i ting nge 'dzin la snyoms par zhugs te gti mug gi rigs kyi sngags mchog gi snying po'i snying po 'di nyid kyi sku/ gsung thugs rdo rje las phyung ngo / /dzi na dzika / de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid rnam par snang mdzad kyi phyag rgya chen po sbyor ba mchog gi gnas kyis dkar po nag po dmar po'i rnam pas de bzhin gshegs pa thams cad kyi sku gsung thugs rdo rje'i spyan sngar bzhugs so/ /de nas bcom ldan 'das de bzhin gshegs pa thams cad kyi rin po che 'byung ba'i rdo rje dpal zhes</font><hr>88.101a<br><font size=+1>

bya ba'i ting nge 'dzin la snyoms par zhugs nas/ yid bzhin nor bu'i rigs kyi sngags mchog gi snying po'i snying po 'di nyid kyi sku gsung thugs rdo rje las phyung ngo / /rat+na d+h+rika / de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid rin chen tog gi phyag rgya chen po sbyor ba nam mkha' mchog gi gnas kyis ser po nag po dkar po'i rnam pas de bzhin gshegs pa thams cad kyi sku gsung thugs rdo rje'i g.yas phyogs su bzhugs so/ /de nas bcom ldan 'das de bzhin gshegs pa thams cad kyi 'dod chags chen po 'byung ba rdo rje zhes bya ba'i ting nge 'dzin la snyoms par zhugs nas rdo rje 'dod chags kyi rigs kyi sngags mchog gi snying po'i snying po 'di nyid kyi sku gsung thugs rdo rje las phyung ngo / /A ro lika / de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid 'jig rten dbang phyug gi rig pa'i bdag po chen po'i phyag rgya chen po sbyor ba mchog gi gnas kyis dmar po nag po dkar po'i rnam pas de bzhin gshegs pa thams cad kyi sku gsung thugs rdo rje'i rgyab tu bzhugs so/ /de nas bcom ldan 'das de bzhin gshegs pa thams cad kyi don yod mchog gi dam tshig 'byung ba rdo rje zhes bya ba'i ting nge 'dzin la snyoms par zhugs nas dam tshig dgug pa'i rigs mchog gi snying po'i snying po 'di nyid kyi sku gsung thugs rdo rje las phyung ngo / /pradz+nyA d+h+r-ika / de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid rdo rje don yod pa'i phyag rgya chen po sbyor ba mchog gi gnas kyis ljang khu nag po dkar po'i rnam pas de bzhin gshegs pa thams cad kyi sku gsung thugs rdo rje'i byang phyogs su bzhugs so/ /zhe sdang gti mug de bzhin chags/ /yid bzhin nor bu</font><hr>88.101b<br><font size=+1>

dam tshig ste/ /rigs ni lnga po 'di rnams nyid/ /'dod dang thar par bsgrub pa'o/ /de nas yang bcom ldan 'das de bzhin gshegs pa thams cad kyi rdo rje 'dzin pa rjes su chags pa'i dam tshig ces bya ba'i ting nge 'dzin la snyoms par zhugs nas rdo rje 'dzin pa thams cad kyi btsun mo'i mchog 'di nyid kyi sku gsung thugs rdo rje las phyung ngo / /dwe Sha ra ti/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid bud med kyi gzugs 'dzin par gyur te lho phyogs kyi grwar bzhugs so/ /de nas bcom ldan 'das de bzhin gshegs pa thams cad rjes su chags pa'i rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi btsun mo'i mchog 'di nyid kyi sku gsung thugs rdo rje las phyung ngo / /mo ha ra ti/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid bud med kyi gzugs 'dzin par gyur te shar phyogs kyi grwar bzhugs so/ /de nas bcom ldan 'das de bzhin gshegs pa thams cad kyi 'dod chags 'dzin pa/ rjes su chags pa'i rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi 'dod chags 'dzin pa'i btsun mo'i mchog 'di nyid kyi sku gsung thugs rdo rje las phyung ngo / /rA ga ra ta/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid bud med kyi gzugs 'dzin par gyur te nub phyogs kyi grwar bzhugs so/ /de nas bcom ldan 'das de bzhin gshegs pa thams cad kyi sku gsung thugs slu ba rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi shes rab 'chang ba rjes su chags pa'i rdo rje 'di nyid</font><hr>88.102a<br><font size=+1>

kyi sku gsung thugs rdo rje las phyung ngo / /badzra ra ti/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid bud med kyi gzugs 'dzin par gyur te/ byang gi grwar bzhugs so/ /de bzhin gshegs pa thams cad kyi btsun mo'i mchog phun sum tshogs pa'o/ /de nas bcom ldan 'das rnam par snang mdzad rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi dkyil 'khor byin gyis rlob pa zhes bya ba'i khro bo chen po 'di nyid kyi sku gsung thugs rdo rje las phyung ngo / /ya mAn ta kr-ita/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid de bzhin gshegs pa thams cad bsnyengs par byed pa'i rnam pas shar phyogs kyi sgor bzhugs so/ /de nas bcom ldan 'das de bzhin gshegs pa thams cad kyi mngon par rdzogs par byang chub pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi dkyil 'khor byin gyis rlob pa zhes bya ba'i khro bo chen po 'di nyid kyi sku gsung thugs rdo rje las phyung ngo / /pradz+nyAn ta kr-ita/ de nas 'di phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid rdo rje dam tshig bsnyengs par byed pa'i rnam pas lho phyogs kyi sgor bzhugs so/ /de nas bcom ldan 'das de bzhin gshegs pa thams cad kyi chos rin po che 'byung gnas rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi 'dod chags 'chang ba'i dkyil 'khor byin gyis rlob pa zhes bya ba'i khro bo chen po 'di nyid kyi sku gsung thugs rdo rje las phyung ngo / /pad mAn ta kr-ita/ de nas de phyung ma thag tu bcom ldan 'das de bzhin gshegs pa thams cad kyi sku gsung</font><hr>88.102b<br><font size=+1>

thugs kyi rig pa'i skyes bu de nyid de bzhin gshegs pa thams cad kyi gsung bsnyengs par byed pa'i rnam pas nub phyogs kyi sgor bzhugs so/ /de nas bcom ldan 'das de bzhin gshegs pa thams cad kyi sku gsung thugs rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi sku dang gsung dang thugs kyi dkyil 'khor byin gyis rlab pa khro bo chen po 'di nyid kyi sku gsung thugs rdo rje las phyung ngo / /big+han ta krita/ de nas de phyung ma thag tu bcom ldan 'das de bzhin gshegs pa thams cad kyi sku gsung thugs kyi rig pa'i skyes bu de nyid de bzhin gshegs pa thams cad kyi sku gsung thugs bsnyengs par byed pa'i rnam pas byang phyogs kyi sgor bzhugs so/ /de bzhin gshegs pa thams cad kyi sku gsung thugs mnyes par byed pa dang dkyil 'khor gyi dam tshig sems dpa' rnams so/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las/ de bzhin gshegs pa thams cad kyi ting nge 'dzin gyi dkyil 'khor byin gyis rlob pa'i le'u ste dang po'o// // de nas bcom ldan 'das de bzhin gshegs pa thams cad kyi sku gsung thugs kyi bdag po la bcom ldan 'das de bzhin gshegs pa thams cad kyis mchod pa byas te phyag 'tshal nas 'di skad ces gsol to/ /snying po sku gsung thugs mchog ni/ /de bzhin gshegs pa kun gyi gsang / /bla na med pa'i byang chub sems/ /bcom ldan 'das kyis bshad du gsol/ /de nas bcom ldan 'das de bzhin gshegs pa thams cad kyi sku gsung thugs rdo rje'i bdag pos de bzhin gshegs pa thams cad kyis gsol ba btab pa mkhyen cing / byang chub sems dpa' thams cad kyi sems kyi yongs su rtog pa thugs kyis mkhyen nas byang chub sems</font><hr>88.103a<br><font size=+1>

dpa' de rnams la 'di skad ces bka' stsal to/ /khyed kyis sems lus kyi rnam pa dang lus sems kyi rnam pa dang / sems tshig tu brjod pas skyed cig /de nas byang chub sems dpa' sems dpa' chen po de dag gis de bzhin gshegs pa thams cad kyi sku dang gsung dang thugs rnams ni nam mkha' lta bur yang dag par sbyar nas ched du brjod pa 'di ched du brjod do/ /e ma ho kun du bzang po yi/ /sku dang gsung thugs rdo rje can/ /skye ba med pa sbyor ba yis/ /skye ba 'di ni rab tu bsgrags/ /de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas de bzhin gshegs pa thams cad kyis mngon par rdzogs par byang chub pa'i tshul rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so/ /dngos po med la sgom pa med/ /bsgom pa bsgom pa ma yin nyid/ /de ltar dngos po dngos med de/ /sgom pa dmigs su med pa'o/ /zhes bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas gsungs so/ /de nas bcom ldan 'das rnam par snang mdzad rdo rje de bzhin gshegs pas de bzhin gshegs pa thams cad kyi mngon par rtogs pa rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so/ /dngos po thams cad rnam bral phung po khams/ /skye mched gzung ba 'dzin pa rnam spangs pa/ /chos bdag med mnyam nyid kyis rang gi sems/ /gdod nas ma skyes stong nyid rang bzhin no/ /zhes bcom ldan 'das de bzhin gshegs pa rdo rje rnam par snang mdzad kyis gsungs so/ /de nas bcom ldan 'das de bzhin gshegs pa rdo rje mi bskyod pas de bzhin gshegs pa thams cad mi zad pa'i rdo rje zhes bya ba'i ting nge 'dzin</font><hr>88.103b<br><font size=+1>

la snyoms par zhugs te byang chub kyi sems 'di gsungs so/ /dngos po 'di rnams ma skyes pa/ /chos dang chos nyid med pa ste/ /nam mkha' lta bur bdag med par/ /byang chub tshul 'di bstan pa'o/ /zhes bcom ldan 'das de bzhin gshegs pa rdo rje mi bskyod pas gsungs so/ /de nas bcom ldan 'das de bzhin gshegs pa rdo rje rin chen tog gis/ de bzhin gshegs pa thams cad kyi bdag med pa rdo rje zhes bya ba'i ting nge 'dzin la snyoms par zhugs te byang chub kyi sems 'di gsungs so/ /chos rnams thams cad dngos med cing / /chos kyi mtshan nyid rnam par spangs/ chos bdag med las kun tu byung / /byang chub tshul 'di brtan pa'o/ /zhes bcom ldan 'das de bzhin gshegs pa rin chen tog gis gsungs so/ /de nas bcom ldan 'das de bzhin gshegs pa rdo rje tshe dpag tu med pas ye shes 'od zer sgron ma rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so/ /ma skyes pa yi chos rnams la/ /ngo bo med de sgom pa'ang med/ /nam mkha'i gnas kyi sbyor ba yis/ /'dis ni dngos po rab tu bsgrags/ /zhes bcom ldan 'das/ de bzhin gshegs pa rdo rje tshe dpag tu med pas gsungs so/ /de nas bcom ldan 'das de bzhin gshegs pa rdo rje don yod grub pas de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par zhugs te byang chub kyi sems 'di gsungs so/ /chos rnams rang bzhin 'od gsal ba/ /gdod nas dag pa nam mkha' bzhin/ /byang chub sems cing mngon rtogs med/ /byang chub tshul 'di brtan pa'o/ /zhes bcom ldan 'das de bzhin gshegs pa rdo rje don yod grub pas gsungs so/ /de nas byams pa la sogs pa'i byang chub sems dpa' sems</font><hr>88.104a<br><font size=+1>

dpa' chen po rnams de bzhin gshegs pa thams cad kyi sku dang gsung dang thugs kyi gsang ba'i chos nyid kyi yi ge thos nas ngo mtshar du gyur/ rmad du byung bar gyur te ched du brjod pa 'di ched du brjod do/ /e ma'o sangs rgyas e ma'o chos/ /chos bshad pa ni ngo mtshar che/ /yang dag don ni dag pa'i don/ /byang chub sems khyod phyag 'tshal lo/ /chos kyi bdag med yang dag byung / /sangs rgyas byang chub rdzogs mdzad pa/ /rnam par mi rtog dmigs su med/ /byang chub sems khyod phyag 'tshal lo/ /kun tu bzang po thams cad don/ /byang chub sems ni rab skor ba/ /byang chub spyod pa rdo rje che/ /byang chub sems khyod phyag 'tshal lo/ /thugs ni de bzhin gshegs pa'i dag /sku dang gsung thugs rdo rje can/ /sangs rgyas byang chub rab ston pa/ /byang chub sems khyod phyag 'tshal lo/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las byang chub kyi sems kyi le'u ste gnyis pa'o// //   de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas de bzhin gshegs pa thams cad 'phro ba sprin bkod pa rdo rje zhes bya ba'i ting nge 'dzin la snyoms par zhugs te rdo rje bkod pa zhes bya ba'i ting nge 'dzin gyi le'u 'di gsungs so/ /o~M shU n+ya tA dz+nyA na badzra swa b+hA bA Ata ma ko\u0f85 haM/ nam mkha'i khams kyi dbus gnas par/ /sangs rgyas dkyil 'khor sgom bya ste/ /'od zer sprin gyi bkod pa che/ /sangs rgyas 'bar ba'i 'od dang mnyam/ /'od zer lnga ni kun tu khyab/ /kun nas yongs su zlum po ste/ /'dod pa'i yon tan lnga yis spras/ /mchod pa rnam pa lngas brgyan pa/ /bsgom par byas nas bsdus pa yis/ /gzugs ni dbus su bsgom par bya/ /rnam par snang mdzad phyag rgya che/ /sku gsung thugs kyi mtshan</font><hr>88.104b<br><font size=+1>

pa'o/ /sku gsung thugs kyi rdo rje yi/ phyag rgya yang ni bsgom par bya/ /bsdus pa gnyis med sbyor ba yis/ /mi bskyod phyag rgya mchog rab dang / /rin chen tog gi phyag rgya che/ /tshe dpag med pa'i 'od byed dang / /don grub phyag rgya chen po rnams/ /sangs rgyas dkyil 'khor dag tu bsgom/ /sku gsung thugs kyi rdo rje can/ /in dra nI la'i kha dog 'dra/ /rab 'bar phyag na rdo rje bsnams/ /rnam par gtsigs gsal 'jigs su rung / /shel dang zla ba'i 'od dang 'dra/ /thor tshugs cod pan gyis brgyan pa/ /rab 'bar phyag na 'khor lo bsnams/ /sna tshogs rgyan gyis mdzes par brgyan/ /'dzam bu chu bo'i gser 'od 'dra/ /sangs rgyas sprin ni kun du 'khrigs/ /rtse mo dgu pa'i rdo rje che/ /de yi phyag tu rnam par bsgom/ /ma ra ka ta'i 'od 'dra ba/ /rdo rje 'bar bas rnam par brgyan/ /kun tu 'bar ba'i sprin gyis khyab/ /phyag na rin chen bsnams par bsgom/ /pad ma rA ga'i mdog 'dra ba/ /gtso bo 'dod chags 'od 'bar 'chang / /rab 'bar phyag na pad ma bsnams/ /'dod chags rdo rje can bsgom bya/ /'od zer lnga yi mdog 'dra ba'i/ /sna tshogs don yod rdo rje can/ /zhi ba phyag na ral gri bsnams/ /sangs rgyas dkyil 'khor du ni bsgom/ /de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas chos kyi dbyings kyi ngo bo nyid rdo rje zhes bya ba'i ting nge 'dzin la snyoms par zhugs nas sku gsung thugs byin gyis rlob pa'i sngags 'di gsungs so/ /o~M d+harma d+hA tu swa b+hA ba Ad ma ko\u0f85 haM/ rin chen chen po kha dog lnga/ /yungs kar gyi ni 'bru tshad tsam/ /sna yi rtse mor nan tan du/ /rnal 'byor gyis ni rtag tu bsgom/ /rin chen brtan par gyur na spro/ /brtan par ma gyur yong mi spro/ /sangs rgyas 'bar ba mnyan pa'i 'od/ /rab mchog sprin rnams spro bar bya/ /'khor lo rdo rje rin chen ches/ /pad ma ral gri mtshon cha 'dzin/ /byang</font><hr>88.105a<br><font size=+1>

chub sems dpa'i sprin chen rnams/ /spro ba'i bdag nyid can gyis spro/ /nam mkha'i khams kyi dbus gnas par/ /zla ba'i dkyil 'khor bri bar bya/ /gsal ba'i dkyil 'khor dbus gnas par/ /'khor lo'i dkyil 'khor bsgom par bya/ /pad ma'i dkyil 'khor yang dag gsal/ /pad ma sgom pas bsgom par bya/ /rin chen dkyil 'khor yang dag gsal/ /rin chen brtson pas bsgom par bya/ /sbyor ba'i dkyil 'khor las byung ba/ /nam mkha' 'dra bar bri bar bya/ /sangs rgyas rab mchog 'di rnams nyid/ /sku gsung thugs ni sgrub pa yis/ /dkyil 'khor rdo rje las byung ba/ /thams cad mkhyen pa'i tshul thob pa'o/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las rdo rje bkod pa'i ting nge 'dzin zhes bya ba'i le'u ste gsum pa'o// // de nas bcom ldan 'das de bzhin gshegs pa thams cad kyis yang 'dus nas/ bcom ldan 'das de bzhin gshegs pa thams cad kyi sku gsung thugs kyi bdag po la bstod pa'i rgyal po 'dis gsol ba btab bo/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa'i mchog /dkyil 'khor dam pa bshad du gsol/ /mtshan nyid thams cad yang dag rdzogs/ /mtshan nyid min pa thams cad spangs/ /kun du bzang po sku yi mchog /dkyil 'khor dam pa bshad du gsol/ /zhi ba'i chos mchog las byung ba/ /ye shes spyod pa rnam sbyong mdzad/ /kun tu bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag cing dri ma med/ /kun bzang thugs mchog kha lo sgyur/ /dkyil 'khor dag ni bshad du gsol/ /de nas ston pa rdo rje 'dzin/ /'jig rten gsum pa khams</font><hr>88.105b<br><font size=+1>

gsum pa/ /'jig rten gsum mchog rdo rje gtso/ /'jig rten gsum mchog ston pa po/ /de bzhin gshegs pa kun gyi gnas/ /de bzhin gshegs pa thams cad kyi/ /thugs kyi dkyil 'khor dkyil 'khor tshul/ /dkyil 'khor nyams dga' rab tu bshad/ /de nas de phyir thugs dkyil 'khor/ /mchog thugs rdo rje rab 'dra ba/ /sku dang gsung dang thugs rnams kyi/ /dkyil 'khor yang dag rab bshad bya/ /lus dang ngag sems bsgoms pa yis/ /shes rab can gyis thig gdab pa/ /thig skud sar pa legs bkal ba/ /tshad ma bzang po mdzes pa yis/ /thugs kyi dkyil 'khor dam pa ni/ /khru ni bcu gnyis tshad du bya/ /ngos bzhi dang ni grwa bzhi dang / /sgo bzhi bar ni rab tu brtag /de yi dbus su 'khor lo ni/ /rab tu zlum po bri bar bya/ /cho ga mthong ba'i las kyis ni/ /de nas phyag rgya dgod par bya/ /de dbus rdo rje bri ba ni/ /in dra nI la'i kha dog 'dra/ /'bar ba chen po rtse lnga pa/ /'jigs pa dag kyang rab 'jigs byed/ /shar du 'khor lo chen po ni/ /rdo rje 'bar bas rnam par brgyan/ /lho ru rin chen chen po ni/ /'od zer mang po rab tu 'khrigs/ /nub tu pad ma chen po ni/ /pad ma rA ga'i kha dog 'dra/ /byang du ral gri chen po ni/ /'od zer 'bar ba rab 'khrigs bri/ /dbus su sprin ni zhi ba'i 'od/ /spyan ni shar gyi grwa ru bri/ /mA ma ki'i rigs byung ba'i/ /rdo rje de bzhin lho ru'o/ /pad ma kha bye sdong bur bcas/ /nub tu kun du bri bar bya/ /byang du uta pal mdzes pa ni/ /mthing ka sprin dang 'dra ba bri/ /tho ba kun nas 'od mdzes 'bar/ /shar gyi sgor ni bri bar bya/ /rdo rje 'bar sogs 'od bzang ba/ /dbyug pa lho ru kun tu bri/ /pad ma ral gri 'bar 'od byed/ /nub tu kun tu bri bar bya/ /</font><hr>88.106a<br><font size=+1>

rdo rje 'khyil ba rdo rje can/ /byang du rdo rje bri bar bya/ /thugs kyi dkyil 'khor dam pa de/ /yongs su gsal bar shes byas nas/ /lus dang ngag sems mchod pa yis/ /nan tan du ni mchod par bya/ /btsun mo mdzes shing mdangs bzang ba/ /lo grangs bcu drug la rnyed nas/ /dri dang me tog brgyan byas te/ /de dbus su ni 'dod pa bya/ /yon tan ske rags mA ma kI/ /shes rab can gyis de byin brlabs/ /zhi ba spro bya sangs rgyas gnas/ /nam mkha'i dbyings ni rab tu brgyan/ /bshang gci khu ba khrag la sogs/ /lha rnams la ni dbul bar bya/ /de ltar byas na sangs rgyas dang / /byang chub sems dpa' grags chen mnyes/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las/ /de bzhin gshegs pa thams cad kyi thugs kyi dkyil 'khor gyi le'u ste bzhi pa'o// // de nas de bzhin gshegs pa ni/ /kun gyi sku dang gsung thugs kyi/ /rdo rje 'chang ba'i rgyal po ni/ /gnas kyi dbang phyug kun mchog gis/ /spyod pa kun mchog chos kyi don/ /spyod pa'i mtshan nyid bka' stsal to/ /rnam par mi rtog don las byung / /'dod chags zhe sdang gti mug 'khrugs/ /theg pa'i mchog ni bla na med/ /rab mchog dngos grub sgrub par byed/ /gdol pa smyin ma mkhan la sogs/ /gsod don don gnyer sems pa rnams/ /theg chen bla na med pa yi/ /theg mchog 'di la 'grub par 'gyur/ /sems can mtshams med las sogs pa/ /sdig pa chen po byed pa yang / /de rnams kun kyang theg pa che/ /mchog gi sgrub pa 'dir 'grub 'gyur/ /slob dpon smod pa po gzhan dag /bsgrubs kyang 'grub par yong mi 'gyur/ /srog gcod pa yi sems can gang / /brdzun du smra la dga' ba dang / /gzhan gyi nor la chags pa dang / /</font><hr>88.106b<br><font size=+1>

rtag tu 'dod pa spyod dga' gang / /bshang gci zas su za ba ste/ /de rnams sgrub pa'i skal ldan 'gyur/ /ma dang sring mo bu mo la/ /sgrub po gang gis 'dod byas na/ /theg chen mchog gi chos su ni/ /dngos grub rgya chen des 'thob po/ /sangs rgyas gtso bo'i yum dag la/ /mnyes par byas kyang mi gos te/ /de ni blo can rnam mi tog /sangs rgyas nyid du 'grub par 'gyur/ /de nas sgrib pa thams cad rnam par sel ba la sogs pa/ byang chub sems dpa' sems dpa' chen po rnams ngo mtshar du gyur/ rmad du byung bar gyur te/ bcom ldan 'das de bzhin gshegs pa thams cad kyi bdag po ci'i slad du/ de bzhin gshegs pa thams cad kyi 'khor gyi nang du 'di lta bu'i tshig ngan pa gsung zhes gsol to/ /de nas de bzhin gshegs pa thams cad kyis sgrib pa thams cad rnam par sel ba la sogs pa'i byang chub sems dpa' sems dpa' chen po rnams kyi tshig gsan nas byang chub sems dpa' de dag la 'di skad ces bka' stsal to/ /rigs kyi bu rnams mthong de skad ma smra cig /chos nyid dag 'di sangs rgyas ni/ /snying po ye shes can rnams kyis/ /snying po'i chos kyi don byung ba/ /'di dag byang chub spyod pa'i gnas/ /de nas yang brjod kyis mi lang ba'i yang brjod kyis mi lang ba'i sangs rgyas kyi zhing ri rab la sogs pa'i rdul phra mo snyed kyi byang chub sems dpa' rnams 'jigs shing skrag la brgyal bar gyur to/ /de nas bcom ldan 'das de bzhin gshegs pa thams cad kyis byang chub sems dpa' de dag brgyal bar gyur pa gzigs nas/ bcom ldan 'das de bzhin gshegs pa thams cad kyi sku gsung thugs kyi bdag po la 'di skad ces gsol to/ /bcom ldan 'das byang chub sems dpa' sems dpa' chen po 'di dag slang du gsol/ de nas</font><hr>88.107a<br><font size=+1>

bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pa nam mkha' dang mnyam pa nyid gnyis su med pa'i rdo rje zhes bya ba'i ting nge 'dzin la snyoms par zhugs so/ /snyoms par zhugs ma thag tu bcom ldan 'das sku gsung thugs rdo rje'i bdag po'i 'od kyis reg pa tsam gyis/ de nas byang chub sems dpa' sems dpa' chen po de dag rang rang gi stan la gnas par gyur to/ /de nas de bzhin gshegs pa thams cad ngo mtshar du gyur rmad du gyur/ dgyes pas khyab par gyur nas chos kyi dbyings 'di skad ces gsungs so/ /e ma'o chos e ma'o chos/ /e ma'o chos kyi don 'byung ba/ /chos don dag pa bdag med pa/ /rdo rje rgyal po phyag 'tshal 'dud/ /sku dang gsung thugs rab tu dag /nam mkha' dang ni mnyam nyid gnas/ /rnam par mi 'gyur snang ba med/ /rdo rje'i sku la phyag 'tshal 'dud/ /thugs ni de bzhin gshegs pa'i gtso/ /dus gsum dag gi lam du 'byung / /nam mkha' chen por khams gyur pa/ /nam mkha'i lam la phyag 'tshal 'dud/ /nam mkha'i sku las yang dag byung / /nam mkha'i lam la gnas pa po/ /nam mkha' thugs te chos kyi mchog /spyod pa'i gnas khyod phyag 'tshal lo/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las kun du spyod pa'i mchog gi le'u ste lnga pa'o// // de nas de bzhin gshegs pa rdo rje mi bskyod pas de bzhin gshegs pa thams cad kyi sku gsung thugs kyi gsang ba rdo rje zhes bya ba'i ting nge 'dzin la snyoms par zhugs te thugs byin gyis rlob pa'i sngags 'di gsungs so/ /o~M sarba ta thA ga ta tsit+ta/ badzra swa b+hA ba At+ma ko\u0f85 ha~M/ de nas bcom ldan 'das de bzhin gshegs pa rdo rje rnam par snang mdzad kyis rdul dang</font><hr>88.107b<br><font size=+1>

bral ba'i rdo rje'i gnas zhes bya ba'i ting nge 'dzin la snyoms par zhugs te sku byin gyis rlob pa'i sngags 'di gsungs so/ /o~M sarba ta thA ga ta kA ya badzra swa b+hA ba At+ma ko\u0f85 ha~M/ de nas bcom ldan 'das de bzhin gshegs pa rdo rje tshe dpag tu med pas mnyam pa nyid mi gnyis pa'i rdo rje zhes bya ba'i ting nge 'dzin la snyoms par zhugs te gsung byin gyis rlob pa'i sngags 'di gsungs so/ /o~M sarba ta thA ga ta wA ka badzra swa b+hA ba At+ma ko\u0f85 ha~M/ /rdo rje gsum pa de bzhin gshegs pa'i gsang / /gnas dang gnas ni rnam par bsgom pa ste/ /de dag nyid mchog rab kyi sngags kyi ni/ /mtshan nyid mtshan ma bsgrub pa nyid du bya/ /de nas bcom ldan 'das de bzhin gshegs pa rdo rje rin chen tog gis ye shes sgron ma rdo rje zhes bya ba'i ting nge 'dzin la snyoms par zhugs te sngags 'di gsungs so/ /o~M sarba ta thA ga ta a nu rA ga Na badzra swa b+hA ba At+ma ko\u0f85 ha~M/ de nas bcom ldan 'das de bzhin gshegs pa rdo rje don yod grub pas rdo rje don yod pa zhes bya ba'i ting nge 'dzin la snyoms par zhugs te sngags 'di gsungs so/ /o~M sarba ta thA ga ta pU dzA badzra swa b+hA ba At+ma ko\u0f85 ha~M/ rtag tu 'dod pa'i yon tan lngas/ /sangs rgyas tshul bzhin mchod par bya/ /mchod pa rnam pa lnga rnams kyis/ /myur du sangs rgyas nyid thob 'gyur/ /zhes bcom ldan 'das de bzhin gshegs pa thams cad kyi sku gsung thugs kyi bdag po rdo rje 'chang chen pos gsungs so/ /de nas bcom ldan 'das de bzhin gshegs pa thams cad kyi sku gsung thugs kyi bdag po rdo rje 'chang chen pos de bzhin gshegs pa thams cad kyi sngags kyi gsang chen 'di gsungs so/ /sngags dmigs pa yi lus kyis ni/ /ngag dang yid la bskul byas pas/ /bsgrub bya rab mchog dngos grub dang / /</font><hr>88.108a<br><font size=+1>

yid ni yang dag dga' mdzes pa/ /sems kyi dmigs pa bdag med pa/ /ngag dang lus kyang rnam par bsgom/ /rnam gsum sbyor ba nam mkha' dang / /mnyam nyid gnas ni grub par bya/ /lus dang ngag dang sems dmigs pa'i/ /ngo bo nyid ni dmigs su med/ /sngags kyi sku yi sbyor ba yis/ /byang chub med cing sgom pa'ang med/ /sku gsung thugs kyi mtshan nyid 'di/ /rnam par dpyad nas bsdu ba yis/ /byang chub sbyor ba ting nge 'dzin/ /sngags kyi brtags pa bsgom par bya/ /de nas dpal ldan rdo rje 'dzin/ /de bzhin gshegs pa kun gyis mchod/ /sangs rgyas kun mchog kun mkhyen gyis/ /sgom pa'i mchog ni bka' stsal to/ /nam mkha'i dbyings kyi dbus gnas par/ /zla ba'i dkyil 'khor bsgom par bya/ /sangs rgyas gzugs ni rab bsgoms nas/ /phra mo'i sbyor ba kun tu brtsam/ /sna yi rtse mor yungs kar bsam/ /yungs dkar rgyu dang mi rgyu ba/ /ye shes gnas ni nyams dga' ba/ /gsang ba'i ye shes brtags pa bsgom/ /nam mkha'i dbyings kyi dbus gnas par/ /nyi ma'i dkyil 'khor bsgom par bya/ /sangs rgyas sku yi gnas bsgom te/ /de yi steng du gnas dgod do/ /hU~M nam mkha'i dbyings kyi dbus gnas par/ /gsal ba'i dkyil 'khor bsgom par bya/ /spyan gyi tshul gyi sbyor ba la/ /de nas pad ma rdo rje sgom/ /nam mkha'i dbyings kyi dbus gnas par/ /rin chen dkyil 'khor bsgom par bya/ /dang po'i sbyor ba nan tan gyis/ /de yi steng du yongs su bsgom/ /nam mkha'i dbyings kyi dbus gnas par/ /'od kyi dkyil 'khor bsgom par bya/ /sangs rgyas tshul ni zhi ba spro/ /'khor dag khyad par dag tu spro/ /ut+pal mthing ka'i mdog 'dra ba/ /rtse mo lnga pa khyad par du/ /nas kyi 'bru tshad nan tan gyis/ /sna yi rtse mor rnam par</font><hr>88.108b<br><font size=+1>

bsam/ /tsa na ka yi 'bru tshad kyi/ /'dab ma brgyad pa ge sar bcas/ /sna yi rtse mor 'di shes te/ /byang chub gzhol bas bsgom par bya/ /'khor lo la sogs khyad par du/ /bsgom pa der ni brtag par bya/ /dngos grub thams cad yon tan gnas/ /nyams dga' byang chub gnas 'grub 'gyur/ /sangs rgyas byang chub gnas rnams ni/ /bsdu bas der ni spro bar bya/ /sku gsung thugs kyi mtshan ma yi/ /chos kyi gnas ni rab tu dbyung / /de nas dpal ldan rdo rje 'chang / /de nyid don kun ston pa pos/ /spyod pa kun mchog legs dag pa/ /gsang ba'i dam pa bka' stsal to/ /gzugs dang sgra dang ro ldan pa/ /shes rab can gyis zla drug bsgom/ /gsang ba 'i de nyid mchod chen ni/ /legs mchod nas kyang bsgom par bya/ /zas su bshang gci bya ba'i phyir/ /dngos grub 'bras bu 'dod pas bya/ /bla med de nyid 'grub pa ni/ /sangs rgyas byang chub skyon med pa'o/ /sha yang bza' bar bya ba'i phyir/ /sha chen po ni rab tu brtag /gsang ba'i sku dang gsung dang thugs/ /dngos grub thams cad 'grub par 'gyur/ /glang po'i sha dang rta yi sha / de bzhin dam pa khyi yi sha / zas kyi phyir ni bza' bar bya/ /gzhan zas bza' bar yang mi bya/ /sangs rgyas rnams ni mnyes par 'gyur/ /byang chub sems dpa' blo can yang / /'di lta bu yi sbyor ba yis/ /myur du sangs rgyas nyid 'thob 'gyur/ /'dod khams dbang phyug 'jig rten du/ /go 'phang las ni byed par 'gyur/ /stobs ldan gtso bo gzi brjid can/ /mdangs bzang mthong na yid du 'ong / /mthong ba tsam gyis bskul med par/ /'jig rten 'di dag dbang byed 'gyur/ /'di ni thams cad sangs rgyas kyi/ /gsang ba byang chub dam pa ste/ /yang dag sngags kyi gsang ba 'di/ /lus ngag sems las 'da' ba'o/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las sku dang</font><hr>88.109a<br><font size=+1>

gsung dang thugs byin gyis rlob pa'i le'u ste drug pa'o// // de nas bcom ldan 'das de bzhin gshegs pa thams cad kyi sku gsung thugs kyi bdag pos dam tshig chen po'i de kho na nyid sngags kyi spyod pa mchog rdzogs par byang chub pa'i le'u 'di gsungs so/ /'dod pa thams cad longs spyod pa/ /bsten pas ji ltar 'dod pa las/ /'di lta bu yi sbyor ba yis/ /nges par sangs rgyas myur thob 'gyur/ /'dod pa thams cad longs spyod pa/ /ji ltar 'dod pa bsten bya zhing / /rang gi lha yi sbyor ba yis/ /bdag dang gzhan la mchod par bya/ /dka' thub nges pa mi bzad pas/ /bsten pas 'grub par mi 'gyur gyi/ /'dod pa thams cad longs spyod pas/ /bsten na myur du 'grub par 'gyur/ /slongs mo za zhing mi bzlas te/ /bslangs la dga' bar yang mi bya/ /'dod pa kun la longs spyod cing / /sngags kyi yan lag dbyer med bzlas/ /lus dang ngag dang sems rnams ni/ /bder gnas thob na byang chub 'thob/ /gzhan du dus min 'chi ba dang / /dmyal bar nges par sreg par 'gyur/ /sangs rgyas byang chub sems dpa' ni/ /sngags kyi spyod pa mchog spyod pas/ /chos dang mi 'gyur mchog brnyes rnams/ /'dod pa thams cad bstan pas so/ /chags can ye shes 'dod pa yis/ /'dod yon lnga rnams rtag tu brten/ /byang chub sems dpa' mnyes par bya/ /byang chub nyi ma chags par bya/ /gzugs la rnam gsum shes byas nas/ /mchod pa'i bdag nyid can mchod bya/ /de nyid bcom ldan sna tshogs pa/ /sangs rgyas rnam par snang mdzad gzhi/ /sgra la rnam gsum shes byas nas/ /lha rnams la ni dbul bar bya/ /de nyid bcom ldan sna tshogs pa/ /sangs rgyas rin chen 'byung gnas gtso/ /dri la rnam gsum shes byas nas/ /sangs rgyas sogs la dbul bar bya/ /de nyid bcom ldan sna tshogs pa/ /'dod chags chos kyi 'byung gnas gtso/ /ro la rnam gsum shes byas nas/ /</font><hr>88.109b<br><font size=+1>

lha rnams la ni dbul bar bya/ /de nyid sangs rgyas sna tshogs pa/ /sangs rgyas don yod rdo rje 'dzin/ /reg bya rnam gsum shes byas nas/ /rang gi rigs la dbul bar bya/ /de nyid bcom ldan rdo rje can/ /mi bskyod pa yi tshul brnyes rnams/ /gzugs sgra dri la sogs pa la/ /rtag tu sems ni sbyar bar bya/ /'di de sangs rgyas thams cad kyi/ /gsang ba snying po btus pa'o/ /gzugs sgra dri sogs sngags pa yis/ /lha rnams nyid du rtag tu bsgom/ /yang na de la rigs kyi ni/ /dbye ba rnam par bsgom pas bsgom/ /sangs rgyas rjes su dran par sbyor/ /chos ni rjes su dran sgom pa/ /lus dang ngag dang sems ni bsgom/ /rdo rje rjes su dran sgom pa/ /rigs ni rjes dran sbyor ba las/ /khro bo rjes su dran sgom pa/ /dam tshig rjes dran sbyor ba las/ /bsgoms na byang chub thob par 'gyur/ /bud med gzugs ldan mdangs bzang ba/ /lo grangs bcu drug lon rnyed nas/ /byin gyis rlob pa'i gnas gsum gyis/ /dben par mchod pa rab tu btsam/ /de bzhin gshegs pa'i btsun mo che/ /spyan la sogs pa bsgom par bya/ /dbang po gnyis ni mnyam sbyar bas/ /sangs rgyas dngos grub thob par 'gyur/ /yi ge hU~M dang o~M dag dang / /phaT kyang rnam par brtag par bya/ /'od zer sna lngas khyab pa yi/ /rdo rje pad mo bsgom par bya/ /de ni 'bar bcas zla 'od bzhin/ /yid du 'ong ba bsgom par bya/ /sangs rgyas rjes dran sbyor la sogs/ /byang chub 'dod pas bsgom par bya/ /de la sangs rgyas rjes su dran pa ji ltar bsgom zhe na/ /b+ha gar ling ga rab bzhag nas/ /sangs rgyas gzugs ni bsgom par bya/ /ba spu'i bu ga rtse bar nas/ /mkhas pas sangs rgyas sprin rnams spro/ /de la chos rjes su dran pa ji ltar bsgom zhe na/ b+ha gar ling ga rab bzhag nas/ /rdo rje chos ni rab</font><hr>88.110a<br><font size=+1>

bsgom bya/ /ba spu'i bu ga rtse bar nas/ /mkhas pas chos kyi sprin rnams spro/ /de la rdo rje rjes su dran pa ji ltar bsgom zhe na/ b+ha gar ling ga rab bzhag nas/ /rdo rje sems dpa' rnam par bsgom/ /ba spu'i bu ga rtse bar nas/ /rdo rje sprin rnams spro bar bya/ /de la rigs rjes su dran pa ji ltar bsgom zhe na/ b+ha gar ling ga rab bzhag nas/ /sangs rgyas gzugs ni rab tu bsgom/ /ba spu'i bu ga'i rtse bar nas/ /mkhas pas rigs kyi sprin rnams spro/ /de la khro bo rjes su dran pa ji ltar bsgom zhe na/ b+ha gar ling ga rab bzhag nas/ /khro bo'i dbang po rab tu bsgom/ /ba spu'i bu ga rtse bar nas/ /mkhas pas khro bo'i sprin rnams spro/ /de la dam tshig rjes su dran pa ji ltar bsgom zhe na/ rang gi rdo rje pad mar ldan/ /dbang po gnyis ni mnyam sbyar te/ /rang gi khu ba'i thigs pa yis/ /sangs rgyas rdo rje sems dpa' mchod/ /de la dkyil 'khor rjes su dran pa ji ltar bsgom zhe na/ dbang po gnyis ni mnyam gzhag ste/ /mkhas pas rang gi khu ba dag /rnal 'byor pa ni chen pos dbyung / /dkyil 'khor dkyil 'khor tshul du bya/ /de la sku rjes su dran pa ji ltar bsgom zhe na/ sangs rgyas kun gyi sku gang zhig /phung po lnga yis rab tu rgyas/ /sangs rgyas sku yi ngo bo yis/ /bdag kyang de dang 'drar gyur cig /de la gsung rjes su dran pa ji ltar bsgom zhe na/ rdo rje chos kyi gsung gang zhig /nges pa'i tshig ni phun sum tshogs/ /bdag gi tshig kyang de 'dra bar/ /chos 'dzin pa dang 'drar gyur cig /de la thugs rjes su dran pa ji ltar bsgom zhe na/ kun tu bzang po'i thugs gang zhig /gsang ba'i bdag po blo ldan pa/ /bdag gi sems kyang de 'dra bar/ /rdo rje 'dzin dang 'drar gyur cig /de la sems can</font><hr>88.110b<br><font size=+1>

rjes su dran pa ji ltar bsgom zhe na/ sems can kun gyi sems gang yin/ /sku dang gsung dang thugs kyi mtshan/ /bdag gi sems kyang de 'dra zhing / /mkha' dang mtshungs par dpa' bo rnams/ /de la sngags kyi gzugs dang sku dang gsung dang thugs thams cad rjes su dran pa ji ltar bsgom zhe na/ sngags kyi rdo rje'i sku gang yin/ /gsung gi sku ni rnam bsgom pa/ /bdag kyang de dang 'dra ba'i sku/ /rtag tu sngags 'dzin pa dang mnyam/ /de la dam tshig rjes su dran pa ji ltar bsgom zhe na/ dam tshig khu chu cho ga bzhin/ /'bras bu 'dod pas btung bya zhing / /de bzhin gshegs pa'i tshogs gsad bya/ /dngos grub rab mchog thob par 'gyur/ /de la shes rab kyi pha rol tu phyin pa'i dam tshig rjes su dran pa ji ltar bsgom zhe na/ thams cad rang bzhin 'od gsal ba/ /skye ba med cing zag pa med/ /byang chub med cing mngon rtogs med/ /khams kyang med cing 'byung ba med/ /de la ma skyes pa rjes su dran pa ji ltar bsgom zhe na/ rang bzhin 'od gsal de nas ni/ /nam mkha' mtshan med mi 'gyur des/ /gnyis med gnyis su med min zhi/ /shin tu dri med nam mkha' bzhin/ /de la zhe sdang gi rigs kyi mchod pa rjes su dran pa ji ltar bsgom zhe na/ bud med sems ni rab brtan pa/ /lo grangs bcu gnyis lon rnyed nas/ /rigs kyi sbyor ba'i rab dbye bas/ /rang gi khu bas mchod par bya/ /'dis ni de bzhin gshegs pa'i sku/ /rdo rje 'dzin pa'i thugs dag dang / /chos 'dzin mchog gi gsung dag ni/ /tshe 'di nyid la thob par 'gyur/ /sku dang gsung thugs yang dag grub/ /dman skyes gang gzhan bshad pa rnams/ /rdo rje mi phyed gsum bsgoms pas/ /bzlas pas de la 'grub par 'gyur/ /de bzhin gshegs pa</font><hr>88.111a<br><font size=+1>

thams cad kyi sku dang gsung dang thugs kyi gsang chen gsang ba 'dus pa las sngags kyi spyod pa mchog gi le'u ste bdun pa'o// // de nas bcom ldan 'das de bzhin gshegs pa rin chen rtog gis bcom ldan 'das de bzhin gshegs pa thams cad kyi bdag po dam pa'i dbang phyug rdo rje 'chang chen po la bstod pa'i rgyal po 'dis gsol ba btab po/ /rdo rje rgyal po theg pa che/ /nam mkha'i spyod pas rnam sbyong ba/ /kun du bzang po'i spyod pa mchog /rgyal mchog mchod pa bshad du gsol/ /'dod chags zhe sdang gti mug che/ /rdo rje theg pa rab ston pa/ /nam mkha'i dbyings dang mtshungs pa'i mchog /rgyal gzhi mchod pa bshad du gsol/ /bar pa'i lam ni rab ston pa/ /theg pa gsum gyi lam 'jug mdzad/ /sangs rgyas skal mchog dag pa'i bdag /mi mchog mchod pa bshad du gsol/ /byang chub sems ni rgyas pa'i spyan/ /chos kyi 'khor lo rab skor ba/ /sku dang gsung thugs shin du dag /rdo rje theg pa khyod phyag 'tshal/ /de nas rgyal po rdo rje 'dzin/ /thams cad nam mkha' mi 'gyur che/ /thams cad dbang bskur kun gyi don/ /kun dbang rdo rje rin chen 'dzin/ /de bzhin gshegs pa'i mchod pa'i mchog /rdo rje gsum ni mi phyed gnas/ /sku dang gsung dang thugs skal mchog /rgyal ba 'byung bar 'gyur ba bshad/ /na chung yangs pa'i mig can ni/ /gzugs dang lang tshos brgyan rnyed nas/ /lo grangs nyi shu lnga lon gzung / /byol song las kyang rab tu brtag /sa phyogs gtsang zhing rnam par dben pa 'am/ /rgyal ba nyid skyes zhi ba zhi ba'i gnas/ /bshang gci chu la sogs pas byug pa yang / /rgyal ba mchod phyir rtag par rab tu bya/ /nu ma'i dbus gang spyi gtsug mtha' dbus su/ /cho ga shes pas rkang pa'i bar du yang / /lte ba ro smad gsang ba rgyal ba'i sras/ /</font><hr>88.111b<br><font size=+1>

rigs lnga rnams ni dgod par rab tu bya/ /nam mkha'i dbyings kyi dbus gnas par/ /ye shes rgya mtsho bsgom par bya/ /bdag nyid zla ba'i dbus gnas bsgom/ /mkhas pas zhi ba rdo rje 'dzin/ /snying gar gang zhig 'dod pa ni/ /bsdu ba dag kyang rab tu bya/ /mchod rten rin chen bzhi'i rang bzhin/ /'od zer phreng bas rnam brgyan pa/ /ye shes rgya mtsho dus gsum gyi/ /gnas su gyur par rnam par bsam/ /rang gi ba spu'i bu ga nas/ /mkhas pas mchod pa'i sprin rnams spro/ /mkhas pas uta pa la dag dang / /pad ma rnam pa lnga shes bya/ /dza ti rnam gsum shes byas nas/ /lha rnams la ni 'bul bar bya/ /me tog kar ni ka ra dang / /mal+li ka dang ya thi ka / me tog ka ra bI ra yang / /bsams nas mchod pa rab tu brtag /dpag tshad brgya yi khyon tsam du/ /'khor lo'i dkyil 'khor bsgom bya zhing / /rnam par mkhas pas rtag par ni/ /rigs rnams rab tu dgod par bya/ /de bzhin pad ma rdo rje dang / /ral gri uta pal mkhas pas bsgom/ /dpag tshad bye ba'i khyon tsam la/ /gru bzhi shin tu mdzes pa yi/ /mchod rten rin chen bzhi'i rang bzhin/ /gsal zhing rang bzhin dri ma med/ /rigs rnams gnas ni mchod pa'i phyir/ /shes rab can gyis bsgom par bya/ /'dod pa'i yon tan lnga rnams kyis/ /de la mchod pa rgya mtsho brtsam/ /rin chen na bza' la sogs pas/ /byang chub 'dod pas rtag tu mchod/ /mchod pa rnam lnga mchog rnams kyis/ /rtag tu lha rnams mnyes par bya/ /rin chen 'byung gnas na chung mchog /rin chen sna tshogs la sogs brgyan/ /bsgrub cing rab tu bsgrub pa'i phyir/ /sangs rgyas kun la dbul bar bya/ /rin chen bdun gyis yongs bkang ba'i/ /zhing 'di rnam par mkhas pas ni/ /ye</font><hr>88.112a<br><font size=+1>

shes 'dod pas dngos grub 'dod/ /nyin re shes rab can gyis dbul/ /bdag po'i phyag rgyar mnyam gzhag la/ /sangs rgyas dkyil 'khor dbus dag tu/ /'dod chags blo can sangs rgyas la/ /reg bya'i sbyor ba dbul bar bya/ /nam mkha'i dbyings kyi dbus gnas par/ /dkyil 'khor bkod pa bsgom par bya/ /rang lus de bzhin gshegs rang bzhin/ /bshang ba gci bas bla ma mchod/ /bzhin bzang yid du 'ong ba yi/ /na chung skal ba'i mchog ldan pa/ /byin gyi brlabs kyi gnas bsam te/ /de nyid mchod pa rab tu brtag /mig yangs khu ba blangs nas ni/ /brtan pa'i blo dang ldan pas bza'/ /'di de sngags rnams thams cad kyi/ /sku gsung thugs kyi mchod pa ste/ /ye shes rdo rje can gyi gsang / /sngags rnams dngos grub byed par gsungs/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las bshang gci'i dam tshig gi le'u ste brgyad pa'o// // de nas rgyal po rdo rje 'dzin/ /thams cad nam mkha' mi 'gyur che/ /thams cad dbang bskur spyod pa'i mchog /kun don dbang phyug dam pa yis/ /sku gsung thugs kyi longs spyod pa/ /rdo rje mi phyed gsum dkyil 'khor/ /sangs rgyas theg pa can la gsang / /nyams dga' mchog ni rab tu bshad/ /nam mkha'i dbyings kyi dbus gnas par/ /sangs rgyas dkyil 'khor bsgom par bya/ /mi bskyod rdo rje rab bsgoms nas/ /lag tu rdo rje bsgom par bya/ /'od 'phro mang po 'bar ba dang / /'od zer sna lngas rab tu gang / /dus gsum 'byung ba'i sangs rgyas rnams/ /bsgoms nas rdo rjes phye mar brlag /sku gsung thugs kyi longs spyod ni/ /rdo rjes phyer brlags med gyur pa/ /bsam gtan</font><hr>88.112b<br><font size=+1>

mchog de bsgoms na ni/ /thugs kyi dngos grub thob par 'gyur/ /rdo rje gsang ba 'di yis ni/ /sems can thams cad bsad na ni/ /mi bskyod sangs rgyas zhing du ni/ /rgyal ba'i sras su skye bar 'gyur/ /'di ni rigs thams cad kyi rgya mtsho las zhes sdang gi rigs kyi dam tshig gi de kho nar shes par bya'o/ /de nas rgyal po rdo rje 'dzin/ /mi shes thar pa rab sgrub pa/ /ngo bo nyid dag gos pa med/ /byang chub spyod pa rab ston pas/ /sangs rgyas byang chub bsgrub pa yi/ /yang dag dam tshig bka' stsal to/ /nam mkha'i dbyings kyi dbus gnas par/ /'khor lo'i dkyil 'khor bsgom par bya/ /rnam par snang mdzad rab bsgoms te/ /sangs rgyas thams cad rnam par bsgom/ /rin chen kun gyi sbyor ba yis/ /rdo rje'i gzugs ni rab tu brtag /nor rnams thams cad phrogs nas su/ /rdo rje gsum gyis rnam par bsgom/ /yid bzhin nor bu 'dra ba yis/ /nor gyi rgya mtshos rab gang 'gyur/ /sangs rgyas kun gyi sras rnams dang / /thub pa'i skyes bu rnams su 'gyur/ /'di ni rigs kyi rgya mtsho thams cad las gti mug gi rigs kyi yang dag pa'i dam tshig tu shes par bya'o/ /de nas rgyal po rdo rje 'dzin/ /'dod chags thar pa rab bsgrub pa/ /gsang ba dag pa dmigs med pas/ /dkyil 'khor rab tu bka' stsal to/ /nam mkha'i dbyings kyi dbus gnas par/ /pad ma'i dkyil 'khor bsgom par bya/ /'od dpag med ni rab bsgoms te/ /sangs rgyas rnams kyis thams cad ni/ /dgang</font><hr>88.113a<br><font size=+1>

zhing de ru thams cad ni/ /btsun mo'i rnam pa'i sbyor bar bsgom/ /dam tshig bzhi yi sbyor ba yis/ /'di ni rdo rje'i tshul mchog go/ /dbang po gnyis ni rab sbyor bas/ /de dag thams cad nye bar spyad/ /'di ni sngags rnams thams cad kyi/ /mi phyed sku gsum sgrub pa'o/ /'di ni 'dod chags kyi rigs kyi yang dag pa'i dam tshig ste/ sngags pas bsgom par bya ba nyid do/ /de nas rgyal po rdo rje 'dzin/ /rdo rje sngags kyi don sgrub pa/ /ye shes las byung bdag med pas/ /gsung ni 'di skad bka' stsal to/ /nam mkha'i dbyings kyi dbus gnas par/ /sangs rgyas dkyil 'khor bsgom par bya/ /rdo rje don yod rab bsgoms te/ /sangs rgyas thams cad bsgom par bya/ /brdzun gyi ngag ni rdo rje'i gnas/ /thams cad gzugs su rnam bsgom bya/ /rgyal ba'i gnas ni thams cad dang / /rgyal ba thams cad bslu bar bya/ /'di de sangs rgyas thams cad kyi/ /nam mkha'i gsung ste dri med pa/ /ye shes blo can kun gyi gsang / /sngags kyi dngos grub byed par bshad/ /'di ni dam tshig 'gugs pa'i rigs kyi dam tshig gi de kho na nyid de/ don ji lta ba bzhin du spro bar bya'o/ /de nas rgyal po rdo rje 'dzin/ /rdo rje gsum mi phyed rgyal gnas/ /dngos grub rdo rje rab ston pas/ /gsung ni 'di skad bka' stsal to/ /nam mkha'i dbyings kyi dbus gnas par/ /dam tshig dkyil 'khor bsgom par bya/ /rin chen tog tu rab bsgoms te/ /gzugs rnams kun gyis 'di dag dgang / /rtsub pa'i ngag la sogs pa yis/ /bsten na ye shes thob par 'gyur/ /bcom ldan 'das de bzhin gshegs pa thams cad kyi rdo rje bkod pas de skad ces bka' stsal to/ /de nas yang de bzhin gshegs</font><hr>88.113b<br><font size=+1>

pa thams cad kyi dam tshig rdo rje tog la sogs pa'i byang chub sems dpa' sems dpa' chen po rnams ngo mtshar zhing rmad du byung bar gyur nas rdo rje'i tshig 'di smras so/ /bcom ldan 'das de bzhin gshegs pa thams cad kyi bdag po khams gsum las 'das shing 'jig rten gyi khams thams cad las 'das pas de bzhin gshegs pa thams cad dang / byang chub sems dpa' thams cad kyi 'khor gyi dkyil 'khor gyi nang du 'di lta bu rmad du byung ba'i tshig gi lam rdo rje'i tshig 'di ci'i slad du gsung / de nas bcom ldan 'das de bzhin gshegs pa thams cad kyis brjod kyi mi lang ba'i yang brjod kyi mi lang ba'i sangs rgyas kyi zhing gi ri rab kyi rdul phra mo snyed kyi de bzhin gshegs pa thams cad kyi dam tshig rdo rje tog la sogs pa'i byang chub sems dpa' de dag la 'di skad ces bka' stsal to/ /rigs kyi bu dman pa'i 'du shes dang / smad pa'i 'du shes 'di lta bu ma skyed cig /de ci'i phyir zhe na/ rigs kyi bu gang 'di byang chub sems pa'i spyod pa ni mchog gi spyod pa'o/ /gang 'di sngags kyi spyod pa ni de bzhin gshegs pa'i spyod pa'o/ /rigs kyi bu 'di lta ste dper na nam mkha' ni thams cad la rjes su song ba ste/ chos thams cad ni nam mkha'i khongs su gtogs pa'o/ /de dag kyang 'dod pa'i khams na mi gnas/ gzugs kyi khams na mi gnas/ gzugs med pa'i kham sa na mi gnas/ 'byung ba chen po bzhi la mi gnas so/ /rigs kyi bu chos thams cad ni de ltar rjes su rig par bya'o/ /'di lta bu'i don gyi dbang mkhyen nas de bzhin gshegs pa rnams sems can rnams kyi bsam pa mkhyen nas chos 'chad par mdzad do/ /rigs kyi bu de lta bu nyid kyi nam mkha'i tshig nges par brjod pas de bzhin gshegs pa'i dam tshig de dag rjes su rig par bya'o/ /</font><hr>88.114a<br><font size=+1>

rigs kyi bu 'di lta ste dper na gtsub shing dang gtsub stan dang mi'i lag pa bskyod pa'i rkyen gyis du ba rab tu 'byung zhing me/ 'byung bar 'gyur mod kyi/ me de yang gtsub shing la yang mi gnas/ gtsub stan la mi gnas/ mi'i lag pa bskyod pa la yang mi gnas so/ /rigs kyi bu de bzhin du de bzhin gshegs pa thams cad kyi rdo rje dam tshig rjes su rig par bya ste/ 'gro ba dang 'ong ba la sogs pas zhes pa'o/ /de nas byang chub sems dpa' de dag ngo mtshar du gyur/ rmad du byung bar gyur pas ngam zhing mig gdangs te tshig 'di skad ces smras so/ /rmad byung chen po'i chos rnams ni/ /nam mkha' dang ni mtshungs pa dang / /rnam par mi rtog dag pa la/ /kun rdzob yang ni bshad pa mtshar/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las/ don dam pa'i dag pa de kho na nyid kyi don gyi dam tshig gi le'u ste dgu pa'o// // de nas bcom ldan 'das de bzhin gshegs pa thams cad yang 'dus te/ bcom ldan 'das dam tshig chen po'i rdo rje de kho na nyid mngon par rdzogs par byang chub pa sku gsung thugs kyi gsang ba de bzhin gshegs pa la phyag 'tshal te 'di skad ces gsol to/ /de nyid sngags snying kun bsdus pa/ /sku dang gsung thugs gsang bar sgrags/ /dngos grub chen po'i tshul gyi mchog /bcom ldan 'das kyis bshad du gsol/ /de nas rgyal po rdo rje 'dzin/ /nyon mongs kun gyi rgya mtsho gtso/ /'bar ba gtum po spyan yangs pas/ /gsung ni 'di skad bka' stsal to/ /lus dang ngag dang sems rnams bsgom/ /sku gsung thugs kyi rdo rje rnams/ /rnam par mi rtog mi dmigs pa/ /mnyam nyid gar yang mi gnas pa/ /de nas bcom ldan</font><hr>88.114b<br><font size=+1>

'das rang bzhin gyis dag pa'i de bzhin gshegs pas pha rol tu phyin pa sngags kyi tshul rdo rje zhes bya ba'i ting nge 'dzin la snyoms par zhugs nas/ de bzhin gshegs pa de dag thams cad la 'di skad ces bka' stsal to/ /bcom ldan 'das de bzhin gshegs pa thams cad mi bskyod pa la sogs pa de bzhin gshegs pa thams cad rig pa du ma bye ba khrag khrig brgya stong dang thabs gcig tu sems can thams cad kyi don bya ba'i gar gyi rol ba ston par mdzad de/ phyogs bcu'i 'jig rten gyi khams mtha' klas par 'dod pa'i yon tan lnga rnams kyis rol pa dgyes par yongs su spyod pa yod kyang de dag sngags spyod pa la mngon par brtson pa rnams la spyan ras kyis mi 'tsho ste/ de rgyu gang gi phyir zhe na/ kye ma 'di dag ni de bzhin gshegs pa thams cad sngags spyod pa'i tshul gyis chos thos pas so/ /de'i phyir skyes bu dam pa chen po de rnams kyi spyan ras kyis btsa' ba'i phyir de bzhin gshegs pa thams cad kyi sku dang gsung dang thugs rdo rje'i gsang ba sngags thams cad kyi thugs kun du skul bar byed pa zhes bya ba'i rab tu gsang ba/ de bzhin gshegs pa thams cad kyi sku gsung thugs kyi dam tshig dmigs pa/ rdo rje 'dzin pa thams cad kyi sku gsung thugs kyi dam tshig dmigs pa/ chos 'dzin pa thams cad kyi sku gsung thugs kyi dam tshig dmigs pa/ nyid kyi sku gsung thugs rdo rje las tshig gi lam nges par brjod pas sngags bsdus pa 'di gsungs so/ /o~M hU~M AHswA hA/ de nas 'di ni gsungs tsam gyis/ /sangs rgyas thams cad sras dang bcas/ /rab tu 'dar zhing rgyal bar gyur/ /rdo rje sems dpa' rjes su dran/ /de nas phyag na rdo rje de bzhin gshegs pa thams cad kyi bdag pos dam tshig 'di</font><hr>88.115a<br><font size=+1>

gsungs so/ /nam mkha'i dbyings kyi dbus gnas par/ /bkod pa'i dkyil 'khor bsgom par bya/ /de yi dbus gnas yi ge hU~M/ /rang gi gzugs su rab tu brtag /rdo rje'i 'od zer cher 'bar ba/ /rnam par 'phro ba bsam par bya/ /sangs rgyas rnams kyi sku gsung thugs/ /drangs par de yis rnam par bsgom/ /de ma thag nyid der 'gyur ba/ /sku gsung thugs kyi rdo rje 'dzin/ /rdo rje sems dpa' rgyal po che/ /kun gyi gtso bo dbang phyug mchog /rang gi dkyil 'khor rang rdo rjes/ /skyed par byed pa'i cho gar 'gyur/ /'di de sangs rgyas thams cad kyi/ /snying po rdo rje bsdus pa'o/ /rang sngags skyes bu bsgoms nas ni/ /gnas bzhi rnams su gzugs kyi tshul/ /zhal gsum rnam pa'i sbyor ba yis/ /kha dog gsum gyis rab tu bsgom/ bcom ldan 'das rdo rje dam tshig gis de skad ces bka' stsal to/ /de la 'di ni mchog rdo rje'i gsang ba'o/ /dkyil 'khor rnams kyi thugs ka yi/ /dbus chud phra mo rnam bsgom bya/ /de yi dbus su chud par ni/ /yi ge mchog gi tshig bsam mo/ /sbyor ba rdo rje chen po ni/ /rtse mo lnga pa rtag tu bsgom/ /rdo rje lcags kyu'i sbyor ba yis/ /rdo rje gsum rnams bsgom par bya/ /de yis thugs ni gzir bya ste/ /lha yang rab tu bskul bar bya/ /'di de rdo rje thams cad kyi/ /sangs rgyas byang chub rab sgrub pa'o/ /rdo rje lcags kyu rnam bsgom pa/ /rdo rje pad mo'i rigs la sogs/ /thugs ni bskul ba rab bshad pa/ /'di de rol mo 'byung ba ste/ /rdo rje yi ni tshul mchog 'di/ /zhag bdun bar du byas na ni/ /gsang chen sku dang gsung dang thugs/ /ye shes rdo rje can grub 'gyur/ /'jigs shing yid ni skrag gyur nas/ /mchog stsol ba ni rnam</font><hr>88.115b<br><font size=+1>

par gzigs/ /yid ni mgu bas dga' ba yi/ /dngos grub rgya chen ster bar 'gyur/ /sangs rgyas byang chub sems dpa' dang / /sngags kyi spyod pa'i mchog 'dzin rnams/ /gal te rmongs bdag nyid 'das na/ /de yi srog ni der zad 'gyur/ /de nas rgyal po rdo rje 'dzin/ /rdo rje gsum mchog ston pa po/ /'jig rten gsum mchog rdo rje gtsos/ /gsung ni 'di skad bka' stsal to/ /sngags kyi skyes bu ji snyed pa/ /rdo rje gsum gyi ye shes rdzogs/ /dbang po gnyis kyi sbyor ba yis/ /dngos po thams cad brtag par bya/ /'di de sangs rgyas thams cad kyi/ /sngags kyi dam tshig sgrub pa'o/ /rig ma'i dbang phyug zhugs pa la/ /rdo rje'i sbyor ba rab bsgom zhing / /chags shing chags pa'i lta bas blta/ /'di ni dam tshig dkyil 'khor ro/ /de nas rgyal po rdo rje 'dzin/ /de bzhin gshegs kun bdag nyid skyes/ /thams cad dbang bskur sangs rgyas gtsos/ /gsung ni 'di skad bka' stsal to/ /'jig rten khams ni thams cad na/ /ji snyed bud med brjod pa kun/ /phyag rgya chen po'i sngon sbyor bas/ /de dag thams cad nye bar spyad/ /bye ba grangs med rdo rje can/ /sangs rgyas gnas ni der spro bya/ /bcom ldan 'das byang chub kyi dam tshig gis 'di skad ces bka' stsal to/ /byang chub 'di yis 'thob par 'gyur/ /rdo rje gsum po mkha' 'dra ba'i/ /byang chub sems dpa' rgyal rgya mtsho/ /rdo rje sems dpa' tshe des 'thob/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las de bzhin gshegs pa thams cad kyi thugs bskul ba zhes bya ba'i le'u ste bcu pa'o// // de nas bcom ldan 'das sku gsung thugs rdo rje de bzhin gshegs pas de bzhin gshegs pa thams cad kyi rdo rje skyes bu mchog ces bya ba'i ting nge 'dzin la</font><hr>88.116a<br><font size=+1>

snyoms par zhugs nas de bzhin gshegs pa thams cad kyi sngags rdo rje rigs pa skyes bu mchog gi le'u 'di gsungs so/ /rdo rje gsum yig sngags kyi mchog /phyag rgya chen po rnam bsgom pa/ /byang chub thams cad 'thob pa ni/ /ye shes rdo rje dag gis bya/ /o~M yig ye shes snying po ste/ /rdo rje sku ni 'thob byed pa'o/ /AHyig byang chub sprul pa'i bdag /rdo rje gsung ni 'thob byed pa'o/ /hU~M yig sku gsung thugs yin te/ /rdo rje gsum ni mi phyed 'thob/ /bcom ldan 'das de bzhin gshegs pa thams cad kyi sku gsung thugs kyi sngags kyi skyes bus de skad ces bka' stsal to/ /nam mkha' rdo rje'i dbus gnas par/ /rdo rje kun skyes dkyil 'khor bsam/ /de ru yi ge da b+h+ru~M bsam ste/ /rdo rje sprin ni 'phro skyed pa'o/ /de la 'di ni ye shes rdo rje'i snying po'o/ /b+h+ru~M/ rdo rje'i dkyil 'khor dbus gnas par/ /yi ge hU~M ni rab tu bsgom/ /gsal ba'i dkyil 'khor dbus gnas par/ /yi ge o~M ni rnam par bsam/ /chos kyi dkyil 'khor dbus gnas par/ /yi ge AHni rab tu bsgom/ /yi ge b+h+ru~M gi gnas bsgoms te/ /rdo rje gsum byung bsgom par bya/ /bcom ldan 'das dam tshig gsum gyi gsang bas 'di skad ces bka' stsal to/ /snying po dus gsum sangs rgyas kyi/ /sku gsung thugs ni mnyes byed pa/ /o~M yig sangs rgyas sku yi mchog /o~M/ AHyig sangs rgyas gsung gi lam/ /AHhU~M yig ye shes 'jings ni thugs/ /hUM 'di ni byang chub tshul mchog yin/ /'di de sangs rgyas thams cad kyi/ /sangs rgyas byang chub rab sgrub pa/ /ye shes rdo rjes sprul pa ste/ /sangs rgyas rgyu dang 'bras bu 'byung / /'di dag sangs rgyas skyes bu nyid/ /sngags dang rig pa zhes bsgrags pa/ /bskyed pa la sogs dam tshig dag /rdo rje gsum mi phyed bsgoms pas/ /de bzhin gshegs pa thams cad kyi sku gsung thugs dam tshig de</font><hr>88.116b<br><font size=+1>

kho na nyid ye shes rdo rje byin gyis rlob pa'i rgyu zhes bya ba'i ting nge 'dzin to/ /rnam par dben zhing nyams dga' bar/ /sbyor ba 'di ni kun tu brtsam/ /rdo rje'i sku dang gsung thugs 'grub/ /phyogs gcig gis ni the tshom med/ /nam mkha' rdo rje'i dbus gnas pa/ /gsal ba'i dkyil 'khor dam pa bsam/ /rang gi sngags kyi dam tshig bskyed/ /yi ge o~M ni thugs kar dgod/ /'od zer lnga pa sprin chen po/ /rnam par snang mdzad mchog sgom pa/ /'di yis sangs rgyas kyi ni sku/ /rdo rje rnam snang rgya mtshor 'gyur/ /sangs rgyas sku dang 'dra ba'i 'od/ /rdo rje gsum gyi kalpa ni/ /ye shes lnga ldan bsten cing gnas/ /phyogs tsam gyis ni 'grub par 'gyur/ /bcom ldan 'das sku rdo rje gsang bas de skad ces bka' stsal to/ /de bzhin gshegs pa thams cad kyi sku rdo rje'i 'od zer bkod pa zhes bya ba'i ting nge 'dzin to/ /nam mkha'i rdo rje dbus gnas pa'i/ /chos kyi dkyil 'khor dam pa bsam/ /rang gi sngags kyi skyes bu bskyed/ /AHyig ngag gi lam la dgod/ /kha dog lnga pa rdo rje che/ /'jig rten dbang phyug mchog bsgoms pas/ /dam tshig ye shes rdzogs byas te/ /tshig gi dam tshig lnga yi mchog /chos gyi tshig gi lam gnas pa/ /rdo rje chos dang mtshungs par 'gyur/ /rdo rje gsum gyi kalpa ni/ /ye shes lnga ldan bsten cing gnas/ /bcom ldan 'das rdo rje'i gsung gsang bas de skad ces bka' stsal to/ /de bzhin gshegs pa thams cad kyi gsung rdo rje'i dam tshig 'byung ba zhes bya ba'i ting nge 'dzin to/ /nam mkha' rdo rje'i dbus gnas pa'i/ /rdo rje dkyil 'khor dam pa bsam/ /rang sngags skyes bu bskyed nas ni/ /thugs la gnas pa'i yi ge hU~M/ /dam tshig chen po de nyid ni/ /kha dog lnga</font><hr>88.117a<br><font size=+1>

pa rnam bsgom bya/ /rdo rje kun dang rgyal ba'i gnas/ /ye shes rdo rje dag gis bya/ /ston pa rdo rje thugs las byung / /ye shes yon tan rgya mtshor 'gyur/ /rdo rje gsum gyi kalpa ni/ /ye shes lnga ldan bsten gnas shing / /bcom ldan 'das rdo rje thugs gsang bas de skad ces bka' stsal to/ /de bzhin gshegs pa thams cad kyi sku gsung thugs dam tshig rdo rje zhes bya ba'i ting nge 'dzin to/ /ye shes dkyil 'khor dbus su ni/ /rdo rje chen po bsgom par bya/ /lus rnams kun la yi ge kha~M/ /rdo rje ye shes mkha' mnyam 'gyur/ /kha~M/ sangs rgyas byang chub sems dpa' yis/ /yang dang yang du mchod pa dang / /kal pa gsum ni dam tshig gnas/ /sangs rgyas kyis kyang gzigs mi 'gyur/ /bcom ldan 'das nam mkha' rdo rje'i dam tshig gis de skad ces bka' stsal to/ /sku gsung thugs rdo rje mi snang ba 'byung ba bkod pa phreng ba can zhes bya ba'i ting nge 'dzin to/ /rdo rje'i dkyil 'khor dbus las ni/ /rang sngags skyes bu rab bsgoms la/ /snying gar rdo rje ha~M zhes pa/ /bzhag ste 'od zer rnam par bsgom/ /ha~M/ 'jam dpal dam tshig rdzogs longs spyod/ /sku gsung thugs kyi rdo rje can/ /byang chub sems dpa'i bdag nyid du/ /sa bcu dag la gnas de 'gyur/ /byang chub sems dpa' ye shes dam tshig zla ba rdo rje zhes bya ba'i ting nge 'dzin to/ /nam mkha'i dbyings kyi dbus gnas par/ /'od zer rab 'bar yi ge th+lI~M / /mtshan mchog rdo rje'i lus su ni/ /bsgoms na rdo rje'i sku mnyam 'gyur/ th+lI~M/ nam mkha' rdo rje'i dam tshig gi bkod pa'i gnas zhes bya ba'i ting nge 'dzin to/ /mngon shes lnga dang mnyam par 'gyur/ /sangs rgyas mngon shes dam tshig mchog /</font><hr>88.117b<br><font size=+1>

'di ni dngos grub thams cad kyi/ /sangs rgyas mngon shes mchog sgrub pa'o/ /nam mkha'i khams kyi dbus gnas par/ /sangs rgyas dkyil 'khor dam pa bsam/ /rdo rje sems dpa' rab bsgoms la/ /ye shes o~M yig bsgom par bya/ /o~M/ rdo rje dam tshig gsum bsgoms pas/ /mi bskyod rdo rje gsum 'drar 'gyur/ /bcom ldan 'das rdo rje mi bskyod pas de skad ces bka' stsal to/ /mi bskyod pa yi sku 'dra dang / /gsung dang thugs mchog rtag tu 'dzin/ /'jig rten khams rnams thams cad du/ /mi bskyod rdo rjes mchod par 'gyur/ /bcom ldan 'das mi bskyod pa'i dam tshig mngon par 'byung ba'i rdo rje zhes bya ba'i ting nge 'dzin to/ /nam mkha'i dbyings kyi dbus gnas par/ /sangs rgyas dkyil 'khor 'od bzang bsam/ /nam mkha' rdo rje rab bsgoms la/ /rin chen o~M yig bsgom par bya/ /o~M/ rdo rje dam tshig gsum bsgoms pas/ /rdo rje gsum gyi tog 'drar 'gyur/ /bcom ldan 'das rdo rje rin chen tog gis de skad ces bka' stsal to/ /sku dang gsung thugs rdo rje yis/ /rin chen tog gi 'od dang 'dra/ /de ni bdag med byang chub dang / /ye shes gsang ba mnyam gnas 'gyur/ /rin po che dam tshig longs spyod rdo rje zhes bya ba'i ting nge 'dzin to/ /nam mkha'i dbyings kyi dbus gnas par/ /sangs rgyas dkyil 'khor dam pa bsam/ /'jig rten dbang phyug rab bsgoms la/ /chos kyi o~M yig bsgom par bya/ /o~M/ rdo rje dam tshig gsum bsgoms pas/ /rdo rje gsum dpag med 'drar 'gyur/ /lus dang ngag sems rdo rje yis/ /'od dpag med dang 'dra bar 'gyur/ /de ni sems can thams cad kyi/ /theg chen lam ni 'byung bar 'gyur/ /bcom ldan 'das rdo rje 'od dpag tu med pas de skad ces bka' stsal to/ /yon</font><hr>88.118a<br><font size=+1>

tan dpag tu med pa'i 'od kyi dpal zhes bya ba'i ting nge 'dzin to/ /nam mkha'i dbyings kyi dbus gnas par/ /sangs rgyas dkyil 'khor dam pa bsam/ /rdo rje uta pal rab bsgoms nas/ /dam tshig o~M yig rab tu bsgom/ /o~M/ rdo rje dam tshig gsum bsgoms pas/ /rdo rje don yod gsum 'drar 'gyur/ /lus dang ngag sems rdo rje yis/ /rdo rje don yod 'dra ba'i 'od/ /de ni dpal ldan ye shes mtsho/ /sems can kun don 'byung bar 'gyur/ /bcom ldan 'das rdo rje don yod pas de skad ces bka' stsal to/ /don yod pa'i dam tshig 'byung ba 'od zer ye shes kyi mchog 'byung ba zhes bya ba'i ting nge 'dzin to/ /nam mkha'i dbyings kyi dbus gnas pa'i/ /sangs rgyas dkyil 'khor 'od bzang bsam/ /rdo rje snang mdzad rab bsgoms la/ /sku gsum o~M yig rab tu bsgom/ /o~M/ rdo rje dam tshig gsum bsgoms pas/ /rnam par snang mdzad mnyam par 'gyur/ /lus dang ngag yid rdo rje yis/ /rnam par snang mdzad 'dra ba'i 'od/ /de ni ye shes rdzogs byang chub/ /sku gsum mi phyed sgrub byed 'gyur/ /bcom ldan 'das rdo rje rnam par snang mdzad kyis de skad ces bka' stsal to/ /lus dang ngag dang yid dmigs pa rdzogs par byang chub pa'i rdo rje zhes bya ba'i ting nge 'dzin to/ /ri bo rnam par dben pa dang / /chu klung 'bab pa rnams dang ni/ /dur khrod la sogs rnams su yang / /bsam gtan bsdus pa 'di dag bya/ /mi bskyod ye shes rdo rje sogs/ /rdo rje nam mkha'i dkyil gnas bsam/ /mngon shes lnga po'i sbyor ba yis/ /gnas su sangs rgyas mchog rnams bsgom/ /bcom ldan 'das rdo rje chen po dam tshig rdo rje mngon par mkhyen pas de skad ces bka' stsal to/ /rdo rje chen po rtse lnga pa/ /'bar ba lnga yis rnam par brgyan/ /gnas lngar</font><hr>88.118b<br><font size=+1>

rab tu sbyor ba yis/ /rdo rje mngon shes 'dra bar 'gyur/ /me stag mang po 'khrug pa yi/ /rang sngags 'khor lo bsgom par bya/ /rdo rje lnga ni sbyor ba yis/ /rdo rje mngon shes 'dra bar 'gyur/ /nam mkha' rdo rje'i dkyil gnas par/ /'khor lo sangs rgyas 'bar 'od 'dra/ /bsgoms nas sangs rgyas 'jug pa yis/ /sangs rgyas gnas dang 'dra bar 'gyur/ /sangs rgyas dkyil 'khor dbus gnas pa'i/ /rang gi lus la snang mdzad bzhag /snying gar yi ge o~M bsam la/ /sngags la rnam par shes pa bsgom/ /de'i sems 'gog pa'i rdo rjer tshud/ /gang tshe skye bar 'gyur ba de/ /sangs rgyas kun gyi mchog sgrub pa/ /yid bzhin nor bu dpal ldan 'gyur/ /sangs rgyas dkyil 'khor dbus gnas pa'i/ /rdo rje mi bskyod rab tu bsgom/ /snying gar yi ge hU~M bsgoms nas/ /sems ni thig ler gyur par bzhag /sangs rgyas dkyil 'khor dbus gnas pa'i/ /tshe dpag med par rab tu bsgom/ /snying gar yi ge AHbsams te/ /rdo rje thig ler gtogs pa bzhag /'di de dam tshig mchog gi mchog /rdo rje gsum ni mi phyed bsgom/ /'gog pa'i dam tshig ye shes te/ /sangs rgyas dngos grub 'thob 'gyur ba'i/ /nam mkha' rdo rje dbyings gnas par/ /bsgom bya gsal ba'i dkyil 'khor ni/ /lus ngag sems la yi ge o~M/ /bsams na de ni bskal par gnas/ /nam mkha' rdo rje dbyings gnas par/ /bsgom bya chos kyi dkyil 'khor ni/ /lus ngag sems la yi ge AH/ /bsams na de ni bskal par gnas/ /nam mkha' rdo rje dbyings gnas par/ /bsgom bya rdo rje dkyil 'khor ni/ /lus ngag sems la yi ge hU~M/ /bsams na de ni bskal par gnas/ /bcom ldan 'das rdo rje gsum gyi rtog</font><hr>88.119a<br><font size=+1>

pa'i dam tshig gis de skad ces bka' stsal to/ /sku dang gsung thugs rdo rje yi/ /rnal 'byor 'di gang nas bzung ste/ /klog gam yang na sems kyang rung / /de yang rdo rje 'dzin par 'gyur/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las de bzhin gshegs pa thams cad kyi sngags kyi dam tshig de kho na nyid rig pa'i skyes bu mchog gi le'u ste bcu gcig pa'o// // de nas ston pa rdo rje 'dzin/ /bskyed pa ye shes mchog sgrub pas/ /dam tshig rdo rje gsum de nyid/ /rdo rje gsung gis bka' stsal pa/ /mkha' dang mtshungs par mnyam gyur pa/ /rnam par mi rtog ngo bo nyid/ /chos rnams rang bzhin dag pa la/ /rol mo 'di dag rab tu bsgom/ /dgon pa chen po'i sa phyogs mchog /me tog 'bras bu sogs pas brgyan/ /ri bo skye bos dben pa ru/ /dngos grub thams cad bsdus pa bsgrub/ /ma~M/ lus dang ngag sems rdo rje la/ /'jam pa'i rdo rje rab tu bsgom/ /lus dang ngag sems la spro ba/ /'jam pa'i rdo rje 'dra bar 'gyur/ /dpag tshad brgyar ni rgya che ba/ /rdo rje 'bar ba'i 'od des ni/ /snang 'gyur dag pa'i bdag nyid de/ /rgyan rnams kun gyis brgyan pa ni/ /tshangs pa drag po la sogs lhas/ /nam yang mthong bar mi nus so/ /'jam pa'i rdo rje mchog gi dam tshig mi snang bar byed pa zhes bya ba'i ting nge 'dzin to/ /rdo rje mi phyed gsum las byung / /bshang gci dam tshig lnga rnams ni/ /lcags gsum dang ni ldan byas nas/ /khar bcug nas ni bsgom par bya/ /sangs rgyas kun gyi mi phyed pa'i/ /thugs ni de ru rab tu bsgom/ /de ni de ma thag nyid du/ /'jam pa'i rdo rje 'od 'drar 'gyur/ /rang gi sngags</font><hr>88.119b<br><font size=+1>

las 'khor lo ni/ /'od 'phro mdangs mchog can bsgoms nas/ /sangs rgyas thams cad bzhugs pa'i gnas/ /bsgoms na sangs rgyas mnyam par 'gyur/ /ri rab sum bcu rtsa drug gi /rdul phran ji snyed yod pa yi/ /de yi rjes su 'brang bar 'gyur/ /thams cad rdo rje 'dzin dang 'dra/ /'di ni 'khor lo'i dam tshig ces bya ba'i ting nge 'dzin to/ /rdo rje chen po rang sngags kyis/ /dkyil 'khor dbus su rab bsgoms la/ /rdo rje kun gyi gnas yin par/ bsams na rdo rje 'dra bar 'gyur/ /ri rab sum bcu rtsa drug gi /phra rab rdul rnams ji snyed pa'i/ /de snyed kyi ni bud med rnams/ /yon tan can gyi gnas su 'gyur/ /drag po dag gis phyag byas pa/ /khams gsum rdo rje chen por 'gyur/ /rdo rje mnyam pa nyid ces bya ba'i ting nge 'dzin to/ /pad ma chen po 'dab brgyad pa/ /rang sngags rdo rjes bsams nas su/ /chos rnams kun gyi gnas yin pa/ /rdo rje chos dang 'dra bar 'gyur/ /ri rab sum bcu rtsa drug gi /phra rab rdul rnams ji snyed pa'i/ /sangs rgyas mchod mchog dkyil 'khor du/ /dag pa'i bdag nyid 'jog par byed/ /pad mo mnyam pa nyid ces bya ba'i ting nge 'dzin to/ /gsum gyi kal pa'i dam tshig ni/ /ye shes lnga ldan bsten cing gnas/ /phyogs bcu'i sangs rgyas thams cad kyi/ /gsang ba rnam gsum bsnyen bkur byed/ /'od zer lnga yi mdog 'dra'i 'od/ /rang gi sngags la ral gri bsgom/ /mig yangs lag na thogs nas ni/ /rdo rje gsum rig 'dzin par 'gyur/ /khams gsum chen pos mchod bya dang / /tshangs dbang lha min phyag byas pa/ /stong gsum na ni gcig pu dpa'/ /gsang ba 'dzin pa'i mchog tu 'gyur/ /sku gsung thugs kyi rdo rje rnams/ /sems kyis gang zhig 'dod pa ni/ /rdo rje thugs las rab tu byung / /</font><hr>88.120a<br><font size=+1>

de lta bu yi dngos grub ster/ /ral gri thams cad dam pa zhes bya ba'i ting nge 'dzin to/ /o~M yig ri lu tsa na ka'i/ /'bru tshad du ni bsams nas ni/ /dbus su rang gi lha yi gzugs/ /bsams te kha ru bsgom par bya/ /de ni de ma thag nyid du/ /byang chub sems dpa'i 'od 'drar 'gyur/ /nyi ma shar ba'i 'od 'dra zhing / /'dzam bu chu bo'i gser gyi mdog /AHyig ri lu tsa na ka'i/ /'bru tshad tsam du bsams nas ni/ /dbus su rang gi lha yi gzugs/ /bsams te kha ru bsgom par bya/ /de ni de ma thag nyid du/ /byang chub ye shes 'od 'drar 'gyur/ /nyi ma shar ba'i 'od 'dra zhing / /'dzam bu chu bo'i gser gyi mdog /hU~M yig ri lu tsa na ka'i/ /'bru tshad tsam du bsams nas ni/ /dbus su rang gi lha yi gzugs/ /bsams te kha ru bsgom par bya/ /de ni de ma thag nyid du/ /rdo rje'i sku dang 'od 'drar 'gyur/ /nyi ma shar ba'i 'od 'dra zhing / /'dzam bu chu bo'i gser 'od 'dra/ /mkha' dbyings gsal ba'i dkyil gnas pa'i/ /rnam par snang mdzad rab tu bsgom/ /lag tu 'khor lo rab bsgoms na/ /'khor lo'i rig pa 'dzin par 'gyur/ /'khor lo chen po'i rigs bsgoms te/ /sangs rgyas sku ni rab sbyor bas/ /ye shes mchog gi sgrub pa 'di/ /ye shes rdo rje dag gis bya/ /mkha' dbyings rdo rje'i dbus gnas par/ /ye shes mi bskyod rab bsgoms te/ /lag tu rdo rje rnam bsgoms na/ /rdo rje'i rig pa 'dzin par 'gyur/ /rdo rje chen po'i rigs bsgoms te/ /rdo rje'i skur ni rab sbyor bas/ /rdo rje mchog gi sgrub pa 'di/ /ye shes rdo rje dag gis bya/ /mkha' dbyings rin chen dbus gnas par/ /rin chen rdo rje rab tu bsgom/ /lag tu rin chen rab bsgoms na/ /rin chen rig pa 'dzin par 'gyur/ /rin chen chen po'i rigs bsgoms</font><hr>88.120b<br><font size=+1>

nas/ /rin chen skur ni rab sbyor bas/ /rin chen mchog gi sgrub pa 'di/ /ye shes rdo rje dag gis bya/ /mkha' dbyings chos kyi dbus gnas par/ /tshe dpag med pa rab tu bsgom/ /lag tu pad mo rab bsgoms na/ /pad mo'i rig pa 'dzin par 'gyur/ /pad mo chen po'i rigs bsgoms nas/ /chos kyi skur ni rab sbyor bas/ /pad mo'i mchog gi sgrub pa 'di/ /ye shes rdo rje dag gis bya/ /mkha' dbyings dam tshig dbus gnas par/ /don yod ye shes rab tu bsgom/ /lag tu ral gri rab bsgoms na/ /ral gri'i rig pa 'dzin par 'gyur/ /dam tshig chen po'i rigs bsgoms te/ /dam tshig skur ni rab sbyor bas/ /dam tshig mchog gi sgrub pa 'di/ /ye shes rdo rje dag gis bya/ /rtse gsum ye shes lcags kyu sogs/ /rdo rje'i khyad par gyis bsgrubs na/ /sku gsung thugs kyi sgrub pa yis/ /bsam gtan des ni 'grub par 'gyur/ /bcom ldan 'das dam tshig chen po'i dngos grub rdo rjes de skad ces bka' stsal to/ /lam gyi bzhi mdo 'am shing gcig drung / /mtshan ma gcig dang zhi gnas su/ /rdo rje dgug pa'i khyad par gyis/ /sgrub pa pos ni rtag tu bsgrub/ /sbyor gsum sngags kyi skyes bu ni/ /rdo rje can gsum sbyor bsams nas/ /sku dang gsung thugs lcags gyu ni/ /sangs rgyas ye shes blo ldan gyi/ /rlung gi dkyil 'khor mchog gnas pa/ /sangs rgyas dgug pa dam pa yin/ /dam tshig las byung phyogs bcu pa/ /rdo rjes bkug nas nye bar spyad/ /nam mkha'i dbyings kyi dam tshig rdo rje dgug pa'o/ /rnam par snang mdzad 'khor lo che/ /rgyal gnas lcags kyu bsams nas ni/ /rdo rje pad ma la sogs pas/ /dam tshig dgug pa'i mchog ni bya/ /khams gsum gyi dam tshig dgug pa'o/ /rnam pa kun gyi mchog ldan pa'i/ /sangs rgyas sku ni rnam bsgoms la/ /lag tu sku dang</font><hr>88.121a<br><font size=+1>

gsung thugs ni/ /kyo ba la sogs rab tu bsgom/ /'di lta bu yi sbyor ba yis/ /de ni gnas las byed par 'gyur/ /rnam pa kun gyi mchog ldan pa'i/ /rdo rje sku ni rnam bsgoms shing / /lce yi rdo rje'i sbyor bas bsgom/ /rdo rje'i gsung dang 'dra bar 'gyur/ /rnam pa kun gyi mchog ldan pa'i/ /sangs rgyas skur ni rnam bsgoms la/ /lag tu bsgrub bya bsams na ni/ /rdo rje dang ni 'dra bar 'gyur/ /gsang gsum dam tshig mchod pa'i mchog /mchod pas mchod nas rab bsgrub 'di/ /de ni sangs rgyas thams cad kyi/ /gsang ba'i snying po bsdus pa yin/ /bcom ldan 'das gsang ba chen po'i dam tshig gis de skad ces bka' stsal to/ /sha chen dam tshig mchog gis ni/ /rdo rje gsum mchog bsgrub par bya/ /bshang gci dam tshig mchog gis ni/ /rig pa 'dzin pa'i gtso bor 'gyur/ /glang po'i dam tshig sha yis ni/ /mngon shes lnga nyid thob par bya/ /rta sha dag gi dam tshig gis/ /mi snang ba yi bdag por 'gyur/ /khyi sha dag gi dam tshig gis/ /dngos grub thams cad 'grub par 'gyur/ /ba glang sha yi dam tshig gis/ /rdo rje dgug pa'i mchog tu 'gyur/ /sha rnams thams cad ma rnyed na/ /thams cad bsams pas rnam par brtag /rdo rje'i sbyor ba 'di byas na/ /sangs rgyas thams cad byin gyis rlob/ /rnam pa kun mchog ldan pa yi/ /sku gsung thugs ni rdo rje can/ /snying gar ye shes dam tshig dang / /dbu rgyan rdo rje mchog 'dzin pa/ /sangs rgyas thams cad mnyes 'gyur la/ /'di ni dam tshig tshul gyi mchog /dam tshig mchog gi bya ba ni/ /dngos grub thams cad byed pa'i mchog /dam tshig thams cad kyi ye shes rdo rje'i zas zhes bya ba'i ting nge 'dzin to/ /lce ni dam tshig rdo rje mchog /hU~M yig rdo rje can bsgoms te/ /bdud rtsi lnga yi sbyor ba</font><hr>88.121b<br><font size=+1>

yis/ /zos na rdo rje gsum thob 'gyur/ /'di ni rdo rje'i tshul mchog ste/ /AHdang o~M gyi dam tshig kyang / /'di lta bu yi sbyor ba yis/ /rdo rje sems dpa' 'dra bar 'gyur/ /rdo rje dam tshig bdud rtsi'i phreng ba zhes bya ba'i ting nge 'dzin to/ /rdo rje dam tshig gsum grub mchog /sku gsum rdo rje can du 'gyur/ /phyogs bcu'i sems can thams cad kyi/ /yid bzhin nor bu'i rgya mtshor 'gyur/ /'jig rten khams ni thams cad du/ /rdo rje'i bdag nyid snang bar byed/ /'khor lo'i dam tshig grub pa mchog /sangs rgyas sku dang mnyam par 'gyur/ /gang gA'i bye snyed thams cad du/ /kun nas grub pa rnam par spyod/ /thams cad dam tshig mchog gis ni/ /rig pa 'dzin pa'i gtso bor 'gyur/ /thams cad dam tshig gzugs mchog ni/ /rdo rje sku ni rab bsgoms pas/ /mi snang gyur pa thams cad la/ /stong gsum gcig pus snang byed pas/ /sangs rgyas kun gyi 'phrog pa dang / /lha mchog bu mo dag la spyod/ /gang gA'i bye snyed sangs rgyas rnams/ /rdo rje gsum gyi gnas bzhugs pa/ /rang lag skyu ru ra bzhag bzhin/ /rdo rje'i mig gis mthong bar 'gyur/ /gang gA'i bye snyed zhing rnams na/ /sgra grag pa ni ji snyed pa/ /rna ba'i drung na 'khod pa bzhin/ /mngon shes khyu mchog gis thos 'gyur/ /gang gA'i bye snyed zhing dag gi /sems can kun gyi sems rnams ni/ /sku gsung thugs kyi mtshan nyid can/ /rol mo ltar byung sems rig 'gyur/ /bskal pa gang gA'i bye snyed du/ /'khor bar gnas par 'byung ba yi/ /sngon gyi gnas kyi gtan tshigs rnams/ /zhag gsum lon pa bzhin du dran/ /gang gA'i bye ma snyed kyi sku/ /sangs rgyas sprin la sogs brgyan pas/ /bskal pa gang gA'i bye snyed du/ /rdzu 'phrul mchog gi rdo rjes</font><hr>88.122a<br><font size=+1>

'gengs/ /bcom ldan 'das dam tshig mngon par mkhyen pas de skad ces bka' stsal to/ /de la mngon par shes pa lnga ni rdo rje'i spyan dang / rdo rje'i snyan dang rdo rje'i thugs dang / rdo rje'i gnas dang rdo rje'i rdzu 'phrul lo/ /sangs rgyas mngon shes don grub cing / /sangs rgyas sku dang 'dra bar 'gyur/ /gang gA'i bye snyed grangs med pa'i/ /'khor gyis yongs su bskor nas su/ /rdo rje'i sku dang gsung dang thugs/ /'jig rten khams kun rnam par bsgrod/ /bsnyen pa dam tshig sbyor ba dang / /nye bar sgrub pa 'byung ba dang / /sgrub pa'i don du dam tshig dang / /sgrub pa chen po dag dang bzhi/ /shes byas rdo rje'i bye brag gis/ /de nas las rnams bsgrub par bya/ /bsnyen pa ting 'dzin rab sbyor ba/ /byang chub mchog ni bsgom par bya/ /nye bar sgrub pa grub mchog la/ /rdo rje'i skye mched rnam dpyad pa/ /sgrub pa bskul ba rab brjod pa/ /sngags dang bdag po rnam bsgom pa/ /sgrub pa chen po byed pa'i tshe/ /rang sngags rdo rje can gyi gzugs/ /dbu rgyan la ni bdag po bsam/ /ye shes rdo rje 'grub par 'gyur/ /bsnyen pa ye shes bdud rtsis bya/ /thams cad du ni rtag tu nyid/ /'di gang sngags rnams thams cad kyi/ /sngags dang de nyid don sgrub pa'o/ /dgon pa chen po'i sa phyogs dang / /rab tu skye bos dben pa dang / /ri bo nags 'dab chu ngogs su/ /rtag tu dngos grub thob par 'gyur/ /bcom ldan 'das rdo rje sgrub pa chen pos de skad ces bka' stsal to/ /yang na rdo rje bzhi dag gis/ /brtul zhugs brtan pas bsnyen par bya/ /rdo rje sku gsum mnyam de yis/ /bsgoms na dngos grub thob par 'gyur/ /thun bzhi rnams dang rab sbyor bas/ /gnas lngar blo dang ldan pa yis/ /o~M gyi yi ge bsgoms nas ni/ /ye shes rdo rjes sdom pa bstan/ /</font><hr>88.122b<br><font size=+1>

zhag bdun dang ni zla phyed dang / /zla gcig zla ba phyed dang gnyis/ /rdo rje dam tshig bsgrubs na ni/ /dngos grub myur du thob par 'gyur/ /zhag grangs bye brag rab dbye bas/ /nga yis rgyas par rab tu bstan/ /phyogs kyi nang las dngos grub gsungs/ /gsang ba mchog las byung rnams kyis/ /de la 'di ni nye bar bsgrub pa'i sdom pa'i yul lo/ /sangs rgyas sku 'dzin dpal dang ldan/ /rdo rje gsum dang mi phyed dngos/ /bdag la byin gyis brlab gnas deng / /sku yi rdo rjes mdzad du gsol/ /phyogs bcur bzhugs pa'i sangs rgyas rnams/ /rdo rje gsum dang mi phyed dngos/ /bdag la byin gyis brlab gnas deng / /sku yi rdo rjes mdzad du gsol/ /de la 'di ni sgrub pa'i sdom pa'i yul lo/ /chos nyid gsung lam dpal dang ldan/ /rdo rje gsum dang mi phyed dngos/ /bdag la byin gyis brlab gnas deng / /gsung gi rdo rjes mdzad du gsol/ /phyogs bcur bzhugs pa'i sangs rgyas rnams/ /rdo rje gsum dang mi phyed dngos/ /bdag la byin gyis brlab gnas deng / /gsung gi rdo rjes mdzad du gsol/ /de la 'di ni sgrub pa chen po'i sdom pa'i yul lo/ /rdo rje thugs 'dzin dpal dang ldan/ /rdo rje gsum dang mi phyed dngos/ /bdag la byin gyis brlab gnas deng / /thugs kyi rdo rjes mdzad du gsol/ /phyogs bcur bzhugs pa'i sangs rgyas rnams/ /rdo rje gsum dang mi phyed dngos/ /bdag la byin gyis brlab gnas deng / /thugs kyi rdo rjes mdzad du gsol/ /sangs rgyas rdo rje sems dpa' 'am/ /yang na chos kyi sems dpa'ang rung / /gal te rmongs bdag nyid 'da' na/ /tshal bar 'gas 'dir gdon mi za/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las de bzhin gshegs pa thams cad kyi rdo rje'i sbyor ba dam tshig sgrub pa mchog nges par bstan pa'i le'u ste bcu gnyis pa'o// //   de nas bcom ldan bde</font><hr>88.123a<br><font size=+1>

gshegs kun/ /ye shes rdo rje mchog 'dzin dang / /sems can kun don yang dag 'byung / /byang chub sems dpa' blo ldan gyis/ /thub pa don kun rdo rje can/ /ston pa che la phyag 'tshal nas/ /dam tshig de nyid mkhyen pa la/ /mchod de rdo rje'i dbyangs 'di gsungs/ /e ma'o sangs rgyas tshul re bzang / /e ma'o byang chub tshul gyi mchog /e ma'o chos kyi tshul re zhi/ /e ma'o sngags kyi tshul re brtan/ /ma skyes pa'i yi chos rnams ni/ /ngo bo nyid kyis khyad par can/ /rnam par mi rtog yang dag la/ /ye shes 'byung bar rab tu gsungs/ /yid 'ong sngags rnams kun bsdus pa/ /rdo rje bzlas pa ye shes che/ /sku gsung mi phyed dkyil 'khor ni/ /sangs rgyas ye shes thob 'gyur ba/ /rdo rje mi phyed gsum bsgoms pas/ /bzlas pa rdo rje'i sbyor ba yis/ /sangs rgyas kun gyis byin gyis brlob/ /rigs ni sngags rnams thams cad kyi/ /sku dang gsung dang thugs mtshan nyid/ /sngags kyi bzlas pa de ring gsungs/ /ye shes rgya mtsho gsan pa dang / /sku gsung thugs kyi rdo rje can/ /sangs rgyas dus gsum byung ba rnams/ /rdo rje sngags ni rab bsgoms pas/ /ye shes mnyam med thob 'gyur ba/ /bcom ldan 'das kyi bshad du gsol/ /de nas ston pa rdo rje 'dzin/ /nam mkha' rdo rje ye shes byung / /byed skyed dam pa mchog gi gtsos/ /rdo rje bzlas pa 'di gsungs so/ /sngags kun don gyi bzlas pa ni/ /rdo rje mi phyed gsum mtshan nyid/ /dbye ba gsum gyi rdo rje'i mthar/ /bkod pa rdo rje gsum brjod bya/ /sku gsung thugs kyi gnas rnams su/ /spro ba rnam pa gsum dag bya/ /rdo rje bzlas pa 'di yis ni/ /rdo rje gsum gyi thugs 'drar 'gyur/ /sangs rgyas rnams kyi sku gsung thugs/ /bsgoms nas mchod pa'i mchog brtag pa/ /ye shes</font><hr>88.123b<br><font size=+1>

rdo rjes byas na ni/ /rdo rje gsum gyi thugs 'drar 'gyur/ /sangs rgyas rnams kyi sku gsung thugs/ /bsams nas mchod pa'i mchog brtag pa/ /ye shes rdo rjes rab tu bya/ /'di ni byang chub mchog 'thob pa'o/ /yang na dbye ba rnam gsum gyis/ /so so so sor spro bar bya/ /sku dang gsung thugs bdag med pa/ /ye shes sems kyi yang dag spro/ /brjod nas rdo rje spro bya zhing / /rdzogs nas rab tu bsdu bar bya/ /'di ni ye shes spyan phye ba'i/ /sangs rgyas rnams ni kun gyi yin/ /sku yi rdo rje rdzogs byang chub/ /dngos dang dngos med rnam dpyad pa/ /sangs rgyas sku zhes bya bar gsungs/ /de ni sku yi bzlas par bshad/ /gsung gi dam tshig rdzogs byang chub/ /sgra dang sgra min rnam dpyad pa/ /gsung gi rdo rje zhes gsungs te/ /de ni gsung gi bzlas par bshad/ /thugs kyi dam tshig rdzogs byang chub/ /gnas pa'i rdo rje rnam dpyad pa/ /thugs kyi rdo rje zhes gsungs te/ /de ni thugs kyi bzlas par bshad/ /don gyi rjes rtogs bzlas pa ni/ /ngo bo nyid byung bzang po yis/ /dus gsum sangs rgyas rnams dpyad pa/ /de ni rin chen bzlas par bshad/ /sangs rgyas zhing las thams cad du/ /sku yi sprin rnams spro ba ni/ /bzhud cing byon pa rdo rje'i don/ /de ni don yod bzlas par bshad/ /khro bo'i dam tshig shes pa yis/ /rang gi rdo rjes bsgrags dkyil 'khor/ /sngags kyi yi ge'i tshig thos pa/ /de ni khro bo'i bzlas par bshad/ /'dod pa'i don gyis myos gyur ma/ /sems can kun la phan dga' med/ /sems can gti mug gnas la 'jog /de ni gti mug bzlas par bshad/ /'dod chags rdo rje las byung tshig /lus dang ngag sems la gnas pa/ /sems can 'dod chags mtshor gnas bzhag /de ni 'dod chags bzlas</font><hr>88.124a<br><font size=+1>

par bshad/ /zhe sdang rdo rje las byung sems/ /lus dang ngag sems la gnas pa/ /sems can zhe sdang gnas la bzhag /de ni zhe sdang bzlas par bshad/ /dam tshig rdo rje gsum de nyid/ /dam tshig rdo rje can dbu ma/ /de nyid dam tshig rdo rje yi/ /ma ning bzlas pa zhes bshad do/ /'dod chags de nyid don bsgom pa/ /rdo rje bdag po thams cad ni/ /sems can kun la phan 'dod pa'i/ /'dod chags las skyes byang chub mdzad/ /rig pa chen po spyan la sogs/ /rtag tu 'dod pa'i don brtson pa/ /'dod pa'i longs spyod dag gis ni/ /ji ltar 'dod pa bsten na 'grub/ /gti mug dam tshig las byung ba/ /rig pa'i rgyal po rdo rje can/ /ma ning dag gi gnas grub pa/ /dngos grub dam pa rab tu ster/ /khro bo zhe sdang gnas las skyes/ /rtag tu gsod la brtson pa rnams/ /gsod pa'i don gyis sgrub pa po/ /mchog gi chos can gyis 'grub 'gyur/ /bcom ldan 'das skyes bu chen po'i dam tshig gis de skad ces bka' stsal to/ /ye shes 'khor lo can gyi ni/ /snying ka'i dbus su 'khor lo bsgom/ /gsal ba'i dkyil 'khor dbus gnas pa/ /dbus su 'khor lo'i don bsgom mo/ /ye shes rdo rje can gyis ni/ /snying ka'i dbus su rdo rje bsgom/ /rdo rje dkyil 'khor dbus gnas pa/ /rdo rje'i sngags don bsgom par bya/ /rin chen ye shes can gyis ni/ /snying ga'i dbus su rin chen bsgom/ /rin chen dkyil 'khor dbus gnas pa/ /rin chen sngags don bsgom par bya/ /pad ma ye shes can gyis ni/ /snying ga'i dbus su pad ma bsgom/ /chos kyi dkyil 'khor dbus gnas pa/ /pad ma'i sngags don bsgom par bya/ /ral gri ye shes can gyis ni/ /snying ga'i dbus su ral gri bsgom/ /dam tshig dkyil 'khor dbus gnas</font><hr>88.124b<br><font size=+1>

pa/ /ral gri'i sngags don bsgom par bya/ /dkyil 'khor kun gyi ngos rnams su/ /sangs rgyas lnga rnams dgod par bya/ /'od zer lnga yi bye brag gis/ /spros na byang chub thob par 'gyur/ /sngags rnams thams cad spro ba ni/ /bye brag rnam pa gnyis su bsgrags/ /sku gsum rdo rje'i bye brag gis/ /spro ba dang ni bsdu bar bya/ /lus ni sku yi ngo bo nyid/ /sems ni thugs kyi ngo bo nyid/ /ngag ni gsung gi rang bzhin gyis/ /mchod na mchod pa'i gnas thob 'gyur/ /dkyil 'khor chen po'i 'khor lo yis/ /rdo rje lnga ni bsgom par bya/ /sku gsung rdo rje'i dbus su ni/ /rang gi bdag po'i gzugs bsams nas/ /rang gi sngags kyi rdo rje'i gzugs/ /dkyil 'khor rnam pa bzhi dag ni/ /kha dog rnam bzhir kun brtags la/ /snying gar sngags kyi don bsgom pa/ /rdo rje rnam pa bzhi yi las/ /bsam gtan rdo rje can dag byed/ /'di ni sngags rnams thams cad kyi/ /mchog tu rtag pa gsang chen no/ /zhi ba la ni spyan gyi tshul/ /rgyas pa pad mo rdo rje can/ /dbang la rnam par snang mdzad gnas/ /rdo rje khro bo mngon spyod la/ /'di de rdo rje thams cad kyi/ /gsang ba sku gsum las byung bas/ /sprul pa sngags rnams thams cad kyi/ /bya ba'i rol mos mtshan pa'o/ /ma dad smra ba'i sems can dang / /slob dpon rdo rje can smod pa/ /gdug pa'i sems can gzhan rnams la'ang / /rab tu bskul ba 'di bya'o/ /bcom ldan 'das ye shes chen po 'khor lo rdo rjes de skad ces bka' stsal to/ /khams gsum gnas pa'i sems can rnams/ /sangs rgyas skur ni rnam bsgoms la/ /dgra bo bsad par bsams nas su/ /de nas las rnams brtsam par bya/ /nam mkha'i dbyings kyi dbus gnas pa/ /rdo rje rtse lnga zhal bzhi pa/ /rnam pa kun gyi mchog dang ldan/ /rdo rje</font><hr>88.125a<br><font size=+1>

sems dpar rnam par bsgom/ /dus gsum dam tshig las byung ba'i/ /sangs rgyas 'khor lo rnam bsgoms la/ /sangs rgyas 'khor lo stobs po che/ /lag pa g.yas pas 'di bya'o/ /phyogs bcu nas byung sems can rnams/ /sangs rgyas sku yi bye brag gis/ /bsdus te gong bu'i tshul gyis su/ /de dag rang gi lus la gzhug /sangs rgyas ye shes 'khor lo can/ /slar yang spro bar rab tu bya/ /khros pas 'khrugs pa'i khro bo bsam/ /mi sdug rab gsal 'jigs su rung / /mtshon cha sna tshogs mchog 'dzin pa/ /gsod pa'i don gyi mchog sems pa/ /gdug pa chen po gsod par byed/ /rdo rje sems dpa' rang nyid kyang / /sangs rgyas sku gsum mchog stsol bas/ /rdo rje gsum gyi dkyil 'khor gnas/ /dngos grub ster 'gyur rmongs bdag nyid/ /'di la the tshom mi bya'o/ /'di ni nyin zhag bdun bya ste/ /sangs rgyas kyis kyang mi 'grub bo/ /rdo rje'i dam tshig ye shes kyi bka'i 'khor lo zhes bya ba'i ting nge 'dzin to/ /nam mkha'i dbyings kyi dbus gnas pa/ /'khor lo rdo rje 'bar bas brgyan/ /rnam pa kun gyi mchog dang ldan/ /rnam par snang mdzad rab tu bsgom/ /dus gsum dam tshig las byung ba/ /rdo rje sems dpa' grags chen po/ /rdo rje me stag 'phro ba can/ /de yi phyag na bsnams par bsgom/ /phyogs bcu nas byung sems can rnams/ /rdo rje'i sku yi khyad par gyis/ /'od zer tshul gyis bsdus nas ni/ /de dag bdag gi lus la gzud/ /rdo rje thams cad spro ba ni/ /ye shes mchog gi gnyen gyis bya/ /sku gsung thugs kyi sbyor ba can/ /sangs rgyas thams cad bdag nyid gson/ /bdag ni dpal ldan rdo rje 'chang / /bka' yi 'khor lo rab sbyor bas/ /gal te dam tshig las 'das na/ /rdo rje kun nas 'bar gzugs kyis/ /sku gsum</font><hr>88.125b<br><font size=+1>

las byung dgas par bgyis/ /zhig par 'gyur 'dir gdon mi 'tshal/ /'khor lo'i dam tshig ye shes rdo rje zhes bya ba'i ting nge 'dzin to/ /sangs rgyas dkyil 'khor rdo rje can/ /nam mkha' rdo rje'i dbus gnas bsam/ /gshin rje gshed ni 'khor lo che/ /rang gi rdo rje rab tu brtag /dus gsum sangs rgyas sems dpa' rnams/ /sku gsum dkyil 'khor la bzhugs pa/ /slar yang sangs rgyas gshin rje gshed/ /rnam pa 'dra bar spro bar bya/ /sems can dus gsum la bzhugs pa/ /gdug sems can dang dgra bo rnams/ /khros pas thams cad gsod par bsgom/ /'di ni rdo rje bka' dkyil 'khor/ /dam tshig thams cad las byung ba sku gsum gyi ye shes rdo rje zhes bya ba'i ting nge 'dzin to/ /sku gsung thugs kyi rdo rje 'am/ /rang sngags don gyi yon tan nam/ /yang na gtsug tor dam tshig gis/ /bka' yi 'khor lo sbyar bar bya/ /sngags kun bsrung phyir ye shes mchog /rdo rje can gyis bya ba ste/ /'di ni rdo rje thams cad kyi/ /byang chub bsrung ba'i don zhes bya/ /bcom ldan 'das byang chub sems dpa' rdo rjes de skad ces bka' stsal to/ /nam mkha'i rdo rje'i dbus gnas par/ /rnam par snang mdzad sku mchog las/ /'byung ba'i sku gsum dam tshig chos/ /bsams nas gdan de rab tu brtag /mkha' dbyings sangs rgyas thams cad kyis/ /yongs su gang bar rnam par bsgom/ /rang sngags yi ge gnas ye shes/ /thugs kyi rnam par bsgom par bya/ /slar yang sangs rgyas sems tsam du/ /bsgoms pa rnams ni rab tu bsdu/ /thugs kyi rdo rjer byas nas su/ /sku gsum la ni de dag gzud/ /bcom ldan 'das nam mkha'i rdo rjes de skad ces bka' stsal to/ /rdo rje'i sngags rin po che rab tu snang bar byed pa zhes bya ba'i ting nge 'dzin</font><hr>88.126a<br><font size=+1>

to/ /rnam pa kun gyi mchog ldan pa'i/ /rdo rje sems dpa' rab tu bsgom/ /sangs rgyas rim par bkod nas ni/ /chu yi steng du bcag par bya/ /rkang pa mnyam bzhag sbyor ba yis/ /spyi bo'i steng du rkang pa bsgom/ /bcom ldan 'das ngo bo nyid dag pas de skad ces bka' stsal to/ /rdo rje chu gter rkang pas gnon pa zhes bya ba'i ting nge 'dzin to/ /dbus su dbang chen dkyil 'khor ni/ /bsams te khro bo'i rigs bzhag la/ /las kyi rdo rje gnas gnon pa/ /de yi spyi bor bsgom par bya/ /mu stegs thams cad dang / phas kyi rgol ba'i 'khrul 'khor gnon pa zhes bya ba'i ting nge 'dzin to/ /khro bo'i gzugs gsum rdo rje mchog /ge sar ser po'i mdog 'dra ba/ /thams cad ri yi rgyal po ltar/ /spyi bor bsams nas rab tu bsgom/ /sangs rgyas dpung yang gnon byed na/ /mi dbang la 'dir the tshom med/ /bcom ldan 'das de bzhin gshegs pa thams cad kyi sku gsung thugs las byung bas de skad ces bka' stsal to/ /dpung thams cad gnon pa zhes bya ba'i ting nge 'dzin to/ /dgra bo skrag pa'i dam tshig la/ /bsam gtan 'di ni rab tu brtag /sangs rgyas kyis kyang gal te bgrod/ /gsal bar 'gyur 'di gdon mi za/ /bcom ldan 'das rdo rje gsum gyi dam tshig gis 'di skad ces gsungs te/ yi ge hU~M las phur bu yi/ /tshad ni rtse mo lnga pa ste/ /rdo rje phur bur byas bsgom la/ /snying kar de yis 'di rab bsgom/ /sangs rgyas dpung ni khros pa yang / /'jig par 'gyur 'dir gdon mi za/ /dgra rmongs pa gnon par byed pa zhes bya ba'i ting nge 'dzin to/ /grong khyer ram ni yang na grong / /ljongs su yang ni rab sbyar bya/ /nad kun spong ba'i zhi ba yang / /'dis ni rtag tu sbyar bar bya/ /bar snang la gnas rdo rje ni/ /rtse mo</font><hr>88.126b<br><font size=+1>

lnga pa rnam par bsgom/ /bskal pa sreg pa ltar bsams la/ /slar yang rab tu bsdu bar bya/ /spro ba dag kyang slar bya'o/ /rin chen yid bzhin nor bu'i 'od/ /chos kyi sprin ni bsgoms nas kyang / /dbang bskur ba ni yang dag bya/ /rdo rje'i bsam gtan 'di yis ni/ /dgang dka' ba yang rab tu 'gengs/ /sbyin pa'i rdo rje rab snang byed/ /yid bzhin nor bu dpal ldan 'gyur/ /der ni sangs rgyas chos chen dang / /rdo rje sems dpa'i sprin spro bya/ /bskal pa grangs med gsum yang gnas/ /sangs rgyas kun gyis byin gyis rlob/ /'di de sangs rgyas thams cad kyi/ /skyon med sku yi gsang ba'o/ /nad thams cad med par byed pa rdo rje 'byung ba zhes bya ba'i ting nge 'dzin to/ /bsam gtan las byung dam bcas pa/ /gnas gang du ni brtsam par bya/ /'di yis bsam gtan sbyor ba yis/ /gnas na sangs rgyas byin gyis rlob/ /rdo rje bdud rtsi rgyal po che/ /rdo rje phur bur rab bsgoms la/ /phyogs bcu'i dkyil 'khor mchog rnams la/ /me stag 'bar ba 'dra bas gdab/ /ces kyang gsungs so/ /'gro ba 'dul ba zhi ba rdo rje zhes bya ba'i ting nge 'dzin to/ /nam mkha'i dbyings kyi dbus gnas pa'i/ /zhi ba'i dkyil 'khor dam pa bsam/ /rnam par snang mdzad gzugs bsams nas/ /rang gi thugs kar don gnyer bzhag /mkha' dbyings spyan gyi mchog rnams kyis/ /yongs su gang bar rnam par bsgom/ /bsdus nas 'od kyi gong bu yis/ /nad pa la ni phab nas su/ /spu khung rtse bar nas sangs rgyas/ /sprin rnams brtul zhugs can gyis spro/ /sangs rgyas sprin rnams de yi tshe/ /de la dbang bskur rab tu stsal/ /dam tshig rdo rje nad pa yis/ /skad cig gis ni dpal ldan 'gyur/ /sangs rgyas kyi dam tshig gi sprin bkod pa zhes bya ba'i ting nge</font><hr>88.127a<br><font size=+1>

'dzin to/ /nam mkha'i rdo rje'i dbus gnas pa/ /dbang chen dkyil 'khor dam pa bsam/ /chos 'dzin pa yi gzugs bsam mo/ /thugs kar don gnyer gzhag par bya/ /mkha' dbyings gnas ni nyams dga' bar/ /dkar mo zhes byas rab tu dgang / /yid bzhin nor bu rin chen 'od/ /'od kyi gong bu bsdu bar bya/ /'di dag 'dod pa'i lus dang ngag /sems kyi gnas la dbab par bya/ /spu khung rtse bar nas rin chen/ /sprin rnams brtul zhugs can gyis spro/ /chos kyi sprin ni bsgom bya zhing / /dbang bskur ba ni yang dag bya/ /rdo rje bsam gtan 'di yis ni/ /dgang dka' ba yang rab tu 'gengs/ /de ni yid bzhin nor dpal ldan/ /sbyin pa'i rdo rje rab snang ba'o/ /chos kyi sprin gyi dam tshig bkod pa zhes bya ba'i ting nge 'dzin to/ /nam mkha'i dbyings kyi dbus gnas pa'i/ /rdo rje zla gam dkyil 'khor bsam/ /rdo rje nam mkha' chos mdun gzugs/ /thugs kar 'dod pa gzhag par bya/ /sangs rgyas byang chub sems dpa' yis/ /nam mkha'i dkyil 'khor yongs su gang / /'od zer lnga yi sbyor ba yis/ /gzi brjid de la dbab par bya/ /de ni de ma thag nyid du/ /sangs rgyas kun gyi thugs su byon/ /'jam dpal dang ni mnyam zhing gsal/ /gnas las byed par der 'gyur ro/ /dgyes pa'i bdag nyid can dbang bskur/ /dga' ston chen po stsol bar mdzad/ /mthong ba nyid kyis byung ba yi/ /'gro ba thams cad dbang du 'gyur/ /rin po che'i dam tshig gi sprin bkod pa zhes bya ba'i ting nge 'dzin to/ /nam mkha' rdo rjer srin po ni/ /drag cing khro la rab gtum dang / /wa dang sna tshogs bya rog dang / /bya rgod khyi yis gang bar bsgom/ /me yi dkyil 'khor la gnas pa'i/ /dgra bo rnams ni rtag par bsgom/ /sangs rgyas kun la gnod byed pa/ /</font><hr>88.127b<br><font size=+1>

bsams nas rnal 'byor sbyar bar bya/ /rgyu ma rus bcud khrag la sogs/ /kun gyis grangs par rnam par bsgom/ /mtshon cha sna tshogs thogs pas mnan/ /bsgoms na dgra rnams 'chi bar 'gyur/ /sangs rgyas rdo rje 'dzin pas kyang / /gal te 'di ltar rab bsgoms na/ /zla phyed nang du rdzogs pa la/ /'chi bar 'gyur 'dir gdon mi za/ /rdo rje sprin dam tshig bkod pa zhes bya ba'i ting nge 'dzin to/ /rnam par snang mdzad zhal gsum pa/ /ston ka'i chu sgong mdog 'dra bsam/ /dkar po nag po rab tu dmar/ /thor tshugs dbu rgyan dag gis brgyan/ /rdo rje can ni zhal gsum bsam/ /nag po dkar po dmar po'i zhal/ /'bar ba'i thor tshugs dbu rgyan can/ /'jig rten khams rnams 'khrug byed pa'o/ /'dod chags can ni zhal gsum bsam/ /dmar po nag po dkar po'i zhal/ /thor tshugs dbu rgyan longs spyod can/ /bsgoms na nges par 'grub par 'gyur/ /'khor lo rdo rje pad mo che/ /g.yas pa'i phyag tu rnam par bsgom/ /rdo rje phyag drug bzang po ni/ /mtshon cha sna tshogs bsnams par bsgom/ /sems can kun la phan bzhed ma/ /spyan ma zhal gsum dag tu bsam/ /dkar po nag po dmar po che/ /mdzes pa'i gzugs su rab tu bsgom/ /mkha' skyes spyan ni rgyal mo che/ /dri ma med cing zhal gsum pa/ /gnag dang dmar dang dkar ba'i tshul/ /mdzes pa'i gzugs su rtag tu bsgom/ /gsung rdo rje spyan rgyal mo che/ /dmar gnag dkar po'i rnam pa yi/ /zhal gsum pa ni myur du 'grub/ /kha dog mdzes par rab tu bsgom/ /rig ma rdo rje uta pal bsnams/ /zhal gsum rab tu gsal ba'i mdangs/ /ser gnag dkar ba'i rnam pa ni/ /bsgoms na ye shes thob par 'gyur/ /khro bo chen po gshin rje gshed/ /zhal gsum drag po'i</font><hr>88.128a<br><font size=+1>

'od bzang ba/ /rnon po 'jigs pa'ang 'jigs par byed/ /kha dog nag po rab tu bsgom/ /gzhan gyi mi thub khro bo che/ /drag tu bzhad pa'i sgra 'byin pa/ /zhal gsum 'od zer mang po dag /rab tu 'phro bar rnam par bsam/ /khro bo chen po rta mgrin ni/ /bskal pa'i me bzhin rab tu 'bar/ /zhal gsum gdug pa zhabs kyi mnan/ /sbyor ba can gyi rtag tu bsgom/ /rdo rje bdud rtsi khro bo che/ /'od zer 'phro ba rab tu 'khrug /drag po rdo rje 'bar ba 'dra/ /'jigs pa dag kyang 'jigs par byed/ /'dod pa'i ye shes khro bo che/ /zhal gsum pa ni 'jigs par byed/ /phyag bzhi 'jigs par byed pa'i mchog /Tak+ki'i rgyal po rab tu bsgom/ /stobs po che ni rdo rje che/ /'jig rten gsum gyi mun sel ba/ /gdug pa thams cad 'joms par byed/ /zhal gsum pa ni rtag tu bsgom/ /khro bo chen po dbyug sngon can/ /khams gsum dag ni 'jigs par byed/ /zhal gsum rdo rje las byung ba/ /'bar ba rnon po can du bsgom/ /rdo rje mi g.yo khro bo che/ /rdo rje las byung zur gyis blta/ /zhi ba ral gri zhags pa bsnams/ /brtul zhugs can gyis zhal gsum bsgom/ /gtsug tor chen po yi ge gcig /'od zer dag ni kun tu 'phro/ /zhal gsum 'bar ba'i 'khor lo can/ /bsam gtan 'od bzang bsgom par bya/ /gnod mdzes ye shes mchog 'dzin pa/ /'jigs pa'i rgya mtsho yang dag byed/ /zhal gsum 'bar ba'i 'od 'phro sku/ /bsam gtan dkyil 'khor bsgom par bya/ /gzi brjid phung po gtsug tor rgyal/ /gang gzhan sngags kyi 'khor lo can/ /dam tshig longs spyod 'di rnams kyis/ /so so so sor bsgom par bya/ /sngags rnams kyi ni ting nge 'dzin/ /</font><hr>88.128b<br><font size=+1>

dpag tu med pa bshad pa yin/ /khro bo dag ni re re yang / /nam mkha'i steng bas shin tu 'phags/ /nam mkha'i dbyings kyi dbus gnas par/ /gsal ba'i dkyil 'khor dam pa bsam/ /sangs rgyas gzugs ni rab bsgoms la/ /rnam par snang mdzad rnam par bsam/ /gsal zhing zla ba bzhin zhi ba/ /'od zer sna tshogs 'dra ba'i 'od/ /me long lta bur yang dag byung / /khams gsum dag ni rgyan gyur pa/ /rgyan rnams kun gyis brgyan pa dag /bsams na byang chub de yis mthong / /bsam gtan rdo rje rab bsgom pa/ /de yis sangs rgyas che ba'i bdag /'jig rten thams cad dbang byed pa/ /tshe 'di nyid la thob par 'gyur/ /rnam par snang mdzad dam tshig 'byung ba mdzes pa'i rdo rje zhes bya ba'i ting nge 'dzin to/ /nam mkha'i dbyings kyi dbus gnas par/ /rdo rje dkyil 'khor dam pa bsam/ /sangs rgyas gzugs ni rab bsgoms la/ /rdo rje sems dpa' rnam par bsam/ /khros pa gsal ba'i lus dang 'dra/ /'bar ba sna tshogs mnyam pa'i 'od/ /rnam pa kun gyi mchog dang ldan/ /rgyan rnams kun gyis rnam par brgyan/ /zhi ba'i ye shes gnas bsgoms na/ /rdo rje nyid ni myur du 'thob/ /bsam gtan rdo rje rab bskul ba/ /'dis ni rdo rje'i bdag nyid che/ /sems can thams cad dbang byed pa/ /tshe 'di nyid la thob par 'gyur/ /dam tshig thams cad 'byung ba mdzes pa'i rdo rje zhes bya ba'i ting nge 'dzin to/ /nam mkha' rdo rje'i dbus gnas pa/ /chos kyi dkyil 'khor dam pa bsam/ /sangs rgyas gzugs ni rab bsgoms la/ /chos kyi sems dpa' rnam par bsgom/ /gsal ba'i lus 'dzin zhi ba ni/ /rgyan rnams kun gyis rnam par brgyan/ /'od zer sprin ni 'khor</font><hr>88.129a<br><font size=+1>

lo che/ /rnam par 'phro ba rab tu bsgom/ /'di yis chos kyi bdag nyid che/ /sku gsum mi phyed las byung ba/ /ye shes rgya mtshos rnam brgyan pas/ /tshe 'di nyid la thob par 'gyur/ /chos kyi sems dpa' 'byung ba'i dam tshig 'byung ba rdo rje zhes bya ba'i ting nge 'dzin to/ /nam mkha' rdo rje'i dbus gnas par/ /zla ba'i dkyil 'khor dam pa bsam/ /sangs rgyas gzugs ni rab bsgoms la/ /spyan ma mchog ni rnam par bsgom/ /zhal mdzes spyan ni rab tu yangs/ /sna tshogs rgyan gyis rnam par brgyan/ /mtshan rnams thams cad rab tu rdzogs/ /bud med sgyu ma'i mchog ldan pa/ /khams gsum dag ni dbang byed pa/ /ye shes dngos grub thams cad byed/ /'khor lo'i yid bzhin nor bu'i 'od/ /phyag tu 'khor lo bsgom par bya/ /spyan gyi dam tshig phyag gi mchog dang ldan pa zhes bya ba'i ting nge 'dzin to/ /nam mkha' rdo rje'i dbus gnas par/ /rdo rje dkyil 'khor 'od mchog bsam/ /sangs rgyas gzugs ni rab bsgoms nas/ /nam mkha' rdo rje mchog rab bsgom/ /zhal bzang spyan ni rab tu yangs/ /ud ut+pa pal mthing ga'i mdog 'dra ba/ /mtshan rnams thams cad rab tu rdzogs/ /nam mkha' dam tshig mchog rab bsgom/ /phyag na ud pal sngo dmar bsnams/ /khams gsum dag gis phyag byas pa/ /sangs rgyas byang chub byed pa'i mchog /dngos grub rdo rje can gyi gsang / /nam mkha' yum rin po che'i 'od kyi sprin rdo rje tshim par byed pa dang ldan pa zhes bya ba'i ting nge 'dzin to/ /nam mkha' rdo rje'i dbus gnas par/ /chos kyi dkyil 'khor dam pa bsam/ /sangs rgyas gzugs ni rab bsgoms la/ /rdo rje chos ma rab tu bsgom/ /zhal bzang spyan ni rab tu yangs/ /pad ma rA ga'i mdog 'dra ba/ /sgyu mas mdzin pa'i mchog</font><hr>88.129b<br><font size=+1>

las byung / /'dod chags chags pa 'dzin sdug pa/ /mtshan nyid thams cad yongs rdzogs shing / /rgyan rnams kun gyis brgyan pa ste/ /phyag na ud pal dmar mdzes bsnams/ /sangs rgyas thams cad rab bsgoms pa/ /chos kyi ye shes 'byung gnas mchog /dam tshig rdo rje can gyi gsang / /chos kyi dam tshig de kho na nyid mngon par rdzogs par byang chub pa kun tu ston pa'i rdo rje zhes bya ba'i ting nge 'dzin to/ /nam mkha' rdo rje'i dbus gnas par/ /dngos grub dkyil 'khor dam pa bsam/ /sangs rgyas gzugs ni rab bsgoms la/ /sgrol ma mchog ni bsgom par bya/ /zhal bzang spyan ni rab tu yangs/ /sna tshogs rgyan gyis rnam par brgyan/ /kha dog ljang ser 'dra ba'i 'od/ /bud med sgyu mas rab tu myos/ /rdo rje ting nge 'dzin las byung / /sems can kun gyis phyag byas pa/ /ud pal ljang ser dmar ba'i mdangs/ /phyag na bsnams pa rab tu bsgom/ /dam tshig sgrol ma mchog dang ldan pa zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /gshin rje gshed mchog rnam par bsgom/ /'bar ba'i 'od zer mang po 'phro/ /'jigs pa'i dkyil 'khor rab tu khros/ /spyan dmar mche ba rnam par gtsigs/ /phyag na ral gri bsnams par bsgom/ /dbu rgyan snang mdzad bzhugs bsgoms na/ /rdo rje can ni dgyes par 'gyur/ /'di ni ye shes rdo rje can/ /thams cad khro bo'i dam tshig yin/ /gshin rje gshed spro ba'i snang ba bkod pa bsgom pa zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /gzhan</font><hr>88.130a<br><font size=+1>

gyis mi thub rab tu bsgom/ /'bar ba 'od zer mang po can/ /sbrul gyis brgyan cing ske rags can/ /zhal ni rnam par gtsigs shing bgrad/ /kha dog dkar po rab tu bsgom/ /mi bskyod dam tshig dbu rgyan la/ /bsams na rdo rje can dag dgyes/ /'di ni ye shes rdo rje can/ /thams cad khro bo'i dam tshig go/ /gzhan gyis mi thub pa'i rdo rje bkod pa zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /rdo rje rta mgrin rab tu bsgom/ /khro bo'i 'od zer mang po dag /thams cad du ni rnam par 'phro/ /gdug pa thams cad zhabs kyis mnan/ /kha dog dmar po rnam par bsam/ /rdzogs sangs dpag med dbu rgyan la/ /bsgoms na rdo rje can dag mnyes/ /'di ni rdo rje ye shes can/ /thams cad khro bo'i dam tshig yin/ /rta mgrin skyed pa 'byung ba rnam par bkod pa zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgom la/ /rdo rje bdud rtsi rab bsgom pa/ /'bar ba'i 'od zer mang po 'phro/ /rdo rje'i sprin ni kun du 'khrug /khros shing khro bcas gnag pa dang / /mche ba rnon po rab tu bsgom/ /mi bskyod dam tshig dbu rgyan la/ /bsgoms na rdo rje can mnyes 'gyur/ /'di ni thams cad khro bo yi/ /'da' bar dka' ba'i dam tshig go/ /bdud rtsi'i dam tshig 'byung ba rdo rje zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /Tak+ki'i rgyal po rab bsgom bya/ /khro bo 'jigs pa'i cha lugs</font><hr>88.130b<br><font size=+1>

gtum/ /'jigs pa dag kyang 'jigs par byed/ /rgyan rnams thams cad yongs su rdzogs/ /rdo rje 'od bzang bsgom par bya/ /mi bskyod dam tshig dbu rgyan la/ /bsgoms na mnyes pa rab tu 'phel/ /'di ni thams cad khro bo yi/ /'da' bar dka' ba'i dam tshig go/ /bsam gtan rdo rje rdzogs par byang chub pa dga' ba zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /stobs po che ni rab tu bsgom/ /'bar ba'i 'od zer mang po 'phro/ /rdo rje gsum gyi gnas dkyil 'khor/ /khro zhing drag po zhags pa 'dzin/ /rdo rje stobs can bsgom par bya/ /mi bskyod dam tshig dbu rgyan la/ /bsgoms na mnyes pa rab tu 'phel/ /'di ni thams cad khro bo yi/ /'da' bar dka' ba'i dam tshig go/ /rdo rje gsum gyi stobs zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /rdo rje sngon po rnam par bsgom/ /khro bo 'jigs pa'i cha lugs can/ /'jigs pa dag kyang 'jigs par byed/ /gzugs ni rab tu gnag la rno/ /nag po'i rgya mtsho skyed par byed/ /'bar ba'i 'od zer mang po 'phro/ /rdo rje dbyug thogs bsgom par bya/ /mi bskyod dam tshig dbu rgyan la/ /bsgoms na rab tu mnyes par 'gyur/ /'di ni thams cad khro bo yi/ /'da' bar dka' ba'i dam tshig go/ /rdo rje dbyug pa'i dam tshig mchog dang ldan pa zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /mi g.yo mchog ni rnam par</font><hr>88.131a<br><font size=+1>

bsgom/ /khros shing 'jigs pa'i zur gyis lta/ /ral gri zhags pa bsnams pa 'khrug /'bar ba'i 'od zer mang po 'phro/ /mi g.yo rdo rje can bsgom bya/ /mi bskyod dam tshig dbu rgyan la/ /bsgoms na mnyes pa rab tu 'phel/ /'di ni thams cad khro bo yi/ /'da' bar dka' ba'i dam tshig yin/ /rdo rje nam mkha' dbyings kyi gnas/ gnon pa zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /rig pa'i 'khor lor rab tu 'byung / /mtshan rnams thams cad yongs su rdzogs/ /'khor lo 'bar bas yongs su bskor/ /gtsug tor 'khor lo dam tshig ni/ /rnam par 'phro ba rab tu bsgom/ /mi bskyod dam tshig dbu rgyan la/ /bsgoms na mnyes pa rab tu 'phel/ /'di ni thams cad khro bo yi/ /'da' bar dka' ba'i dam tshig go/ /gtsug tor gyi dam tshig rig pa'i stobs 'khor lo zhes bya ba'i ting nge 'dzin to/ /nam mkha' rdo rje'i dbus gnas par/ /nyi ma'i dkyil 'khor dam pa bsam/ /sangs rgyas gzugs ni rab bsgoms la/ /rdo rje sum b+ha rab tu bsgom/ /me lce rnon po 'bar ba'i sku/ /rdo rje'i sprin ni rab tu 'phro/ /phyag na rdo rje rab 'bar ba/ /bsgoms na dngos grub thob par 'gyur/ /mi bskyod dam tshig dbu rgyan la/ /bsgoms na mnyes pa rab tu 'phel/ /'di ni thams cad khro bo yi/ /'da' bar dka' ba'i dam tshig go/ /rdo rje dam tshig sum b+ha rab tu 'byung ba'i ting nge 'dzin to/ /'gog pa khro bo'i 'khor lo ni/ /sangs rgyas 'khor lo bstan pa yis/ /ting 'dzin rdo rje ye shes rnams/ /rdo rje'i dkyil 'khor grub par 'gyur/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las/ </font><hr>88.131b<br><font size=+1>

rdo rje'i dam tshig bkod pa de kho na nyid kyi don bsgom pa mngon par rdzogs par byang chub pa zhes bya ba'i le'u ste bcu gsum pa'o// // de nas bcom ldan 'das de bzhin gshegs pa thams cad kyi dam tshig gi bdag po rdo rje 'dzin pa chen pos zhi ba'i dam tshig gi mchog ces bya ba'i ting nge 'dzin la snyoms par zhugs nas/ de bzhin gshegs pa thams cad kyi btsun mo 'di nyid kyi sku gsung thugs rdo rje las phyung ngo / /o~M ru ru s+phu ru dz+wa la tiSh+Tha sid+ha lo tsa ni sarbA ar+tha sA d+ha ni swA hA/ de nas 'di ni gsungs tsam gyis/ /phun sum tshogs kun yid bzhes pa/ /mnyes shing rab tu dgyes gyur pas/ /sangs rgyas rdo rje rjes su dran/ /sangs rgyas rnams kyi zhi skyed ma/ /las rnams thams cad rab sgrub cing / /rdo rje'i dam tshig skul mdzad ma/ /shi ba sos par byed par gsungs/ /rdo rje 'chang chen pos de skad ces gsungs so/ /de nas bcom ldan 'das sku gsum gyi dam tshig khro bo rdo rjes dngos po dang dngos po med pa'i dam tshig rdo rje zhes bya ba'i ting nge 'dzin la snyoms par zhugs nas/ rdo rje 'dzin thams cad kyi btsun mo'i mchog 'di nyid kyi sku gsung thugs rdo rje las phyung ngo / /o~M shang ka ri ShAn ta ka re g+huT Ta g+huT Ta ni g+huT Ta ni/ g+hu ta ya g+hu ta ya g+hu Ta te ni swA hA/ de nas 'di ni gsungs tsam gyis/ /rdo rje gsum ni mi phyed pa/ /rdo rje can mnyes spyan gdangs nas/ /rdo rje thugs ni rjes su dran/ /srung ba'i rdo rje sbyor ba la/ /rtag tu las ni rab bsgrub pa/ /rdo rje chen po 'jigs nyen la/ /rtag tu stobs ni byed par bshad/ /de nas bcom ldan 'das 'dod chags chen po'i dam tshig gzigs</font><hr>88.132a<br><font size=+1>

pa zhes bya ba'i ting nge 'dzin la snyoms par zhugs nas/ chos kyi dam tshig gi sku'i btsun mo'i mchog 'di nyid kyi sku gsung thugs rdo rje las phyung ngo / /o~M ka Te bi ka Te ni ka Te ka Te da ka Te swA hA/ de nas 'di ni gsungs tsam gyis/ /rdo rje chos mchog 'dzin pa rnams/ /rdo rje chos ni rjes su dran/ /mnyes nas bsam gtan thob gyur pas/ /rtag tu chos rgyas stobs dang ldan/ /rtag tu mdzad po che mdzad pa/ /rdo rje gsung gi bka' bzhin du/ /bzlas pa tsam gyis byed par 'gyur/ /de nas bcom ldan 'das dam tshig kun nas 'byung ba rdo rje zhes bya ba'i ting nge 'dzin la snyoms par zhugs nas/ dam tshig sems dpa'i btsun mo'i mchog 'di nyid kyi sku gsung thugs rdo rje las phyung ngo / /o~M tA re tud tA re tu re swA hA/ de nas 'di ni gsungs tsam gyis/ /sangs rgyas kun bdag che skyes mnyes/ /rdo rje'i sku ni rjes su dran/ /bsam gtan ye shes thob gyur pas/ /sangs rgyas rdo rje sde chen dang / /sems can khams ni kun nas su/ /skad cig gis ni bran bzhin du/ /thams cad g.yo med dbang du byed ces bcom ldan 'das kyis gsungs so/ /de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pas dri ma med pa'i 'od zer gyi sprin rdo rje zhes bya ba'i ting nge 'dzin la snyoms par zhugs nas/ rdo rje gshin rje gshed po chen po rdo rje khro bo 'di nyid kyi sku gsung thugs rdo rje las phyung ngo / /na maHsa man ta kA ya bAk+tsit+ta badzrA NA/ o~M kha kha khA hi khA hi/ sarba duSh+Ta satwa da ma ka / a si mu sa la par shu pA sha hasta/ tsa tur mu kha/ tsa tur b+hu dza/ sha Ta tsa ra Na/ </font><hr>88.132b<br><font size=+1>

A gta tsha/ A gta tsha/ /sarba duSh+Ta praNA a pa hA ri Ne/ ma hA bi g+hA ta ka / bi kr-i tA nan/ /sarba b+hU ta b+ha ya~M ka ra/ aT+TAT+Ta ha sa nA de ne/ byA g+hA tsar ma ni ba sa na/ ku ru ku ru/ sarba karmA ni/ tshin+d+ha tshin+d+ha sarba mAn trA na/ bin+d+ha bin+d+ha pa ra mu drAn/ A kar Sha ya/ A kar Sha ya/ sarba b+hU tAn/ ma tha ma tha/ nir ma tha nir ma tha/ sarba duSh+TAn/ pra be sha ya pra be sha ya/ maN Da la ma d+h+ye bai ba swa ta/ dzI bi tAn ta ka ra/ ku ru ku ru ma ma sarba kAr+yam/ da ha da ha/ pa tsa pa tsa/ mA bi lam ba mA bi lam ba/ sa ma ya ma nu sma ra/ hU~M hU~M/ phaT phaT/ bi s+pho Ta ya bi s+pho Ta ya/ sarbAn nA sha ya ka ra ka ra/ big+ha nA~M sarbA ashA pa ri pU ra ka / he he b+ha ga ban/ kin tsi ra ya si/ ma ma sarba ar+thA~M sA d+ha ya swA hA/ de nas 'di ni gsungs tsam gyis/ /sangs rgyas kun ni grangs chen po/ /'jigs shing kun du'i skrag gyur nas/ /rdo rje sems ni rjes su dran/ /thod pa ma chag ma gas pa/ /gzugs mdzes yid 'ong rnyed pa la/ /rkang pas mnan pa'i tshul byas nas/ /sngags 'di rjes su dran par bya/ /mA ma kI 'am spyan yang rung / /rdo rje chen po rigs mthon po/ /lan gsum dag tu brjod na ni/ /de ma thag tu nges par 'gugs/ /bcom ldan 'das thugs rdo rjes de skad ces gsungs so/ /de nas bcom ldan 'das de bzhin gshegs pa rnam par snang mdzad kyis dam tshig 'od zer mthug po mchog ces bya ba'i ting nge 'dzin la snyoms par zhugs nas/ bdud rtsi'i dam tshig gi rdo rje khro bo 'di nyid kyi sku gsung thugs rdo rje las phyung ngo / /na maHsa man ta kA ya bAka tsita ta badzrA NA~M/ na mo badzra kro d+hA ya/ ma hA da~MSh+To ta ka Ta b+hai ra bA ya/ a si/ mu sha la/ par shu pA sha hastA ya/ o~M a mr-i ta kuN</font><hr>88.133a<br><font size=+1>

Da li/ /kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ gar+dz+dza gar+dz+dza/ bi s+pho Ta ya bi s+pho Ta ya/ sarba big+h+na bi nA ya kAn/ ma hA ga na pa ti/ dzI bi tAn ta ka rA ya swA hA/ /de nas 'di ni gsungs tsam gyis/ /sangs rgyas kun ni grags chen po/ /brgyal zhing rab tu 'jigs gyur nas/ /rdo rje sku ni rjes su dran/ /sngags rnams kun gyi sbyor ba la/ /rdo rje bskrad pa'i las rnams ni/ /cho gas sangs rgyas dpung dag kyang / /rang nyid kyis ni sprod par 'gyur/ /de nas bcom ldan 'das de bzhin gshegs pa rin chen tog sangs rgyas kyi 'od zer rdo rje zhes bya ba'i ting nge 'dzin la snyoms par zhugs nas/ rdo rje khro bo chen po gzhan gyis mi thub pa 'di nyid kyi sku gsung thugs rdo rje las phyung ngo / /na maHsa man ta kA ya bA ka tsita ta badzrA NA~M/ o~M hUM dzi na ri TiT+Ta hU~M hU~M hU~M phaT phaT swA hA/ de nas 'di ni gsungs tsam gyis/ /sangs rgyas bdag nyid cha skyes kun/ /'jigs shing kun du skrag gyur pas/ /byang chub sems ni rjes su dran/ /srin po ma rungs gtum po dang / /'jigs pa chen po 'khrugs pa la/ /rdo rje sems kyis rab sbyar bas/ /las rnams cho ga bzhin du byed/ /de nas bcom ldan 'das de bzhin gshegs pa tshe dpag tu med pas dpag tu med pa 'byung ba'i rdo rje zhes bya ba'i ting nge 'dzin la snyoms par zhugs nas/ pad mo 'byung ba'i rdo rje khro bo 'di nyid kyi sku gsung thugs rdo rje las phyung ngo / /na maHsa man ta kA ya bA ka tsita ta badzrA NAM/ o~M hU~M hU~M hU~M ta ru la/ bi ru la/ sarba bi Sha g+hA ta ka / dz+wa li ta bi s+phu ling ga / aT+TAT+Ta hA sa/ ke sa ris Ta a to pa/ badzra khu ra nir g+hata na/ tsa li ta ba su d+hA ta la ni shwA sa mA ru tota k+Shi pa ta d+ha ra Ni d+ha ra/ b+hISha Na aT+TAT+Ta hA sa/ a pa ri mi tA ba la pa rA</font><hr>88.133b<br><font size=+1>

krA ma/ A byag NA b+hI ta b+hU ta ga NA d+h+yu Shi ta/ bud+h+ya bud+h+ya/ ha ya grI ba/ khA da khA da/ ba ra man trAn/ tshin+d+ha tshin+d+ha/  sid+d+hi ma me d+he sha /A be sha ya A be sha ya/ sarba dz+wa ra pi shA tsA na/ sarba gra he Sh+wa a pra ti ha to b+ha ba/ badzra da~MSh+Ta kiny+tsi rA ya si/ i daM duSh+Ta gra ha na/ duSh+Ta sarbam bA/ d+hu na d+hu na/ ma tha ma tha/ mar da mar da/ pA Ta ya/ pA Ta ya/ ma Ta ma Ta/ ban+d+ha ban+d+ha/ bud+d+ha d+harma sang g+ha a nu dz+nyA ta~M karma ku ru ha ya gri bA ya phaT/ badzra ya phaT/ badzra gA trA ya phaT/ badzra ne trA ya phaT/ badzra da~MSh+TA ya phaT/ badzra khu rA ya phaT/ badzra kur nir g+hA ta nA ya phaT/  sarba trai lo kya b+ha yang ka rA ya phaT/ sarba karme Sh+ye a pra ti ha ya phaT/ badzra ku la san trA sa na ya phaT/ hU~M hU~M hU~M phaT phaT swA hA/ de nas 'di ni gsungs tsam gyis/ /chos kyi rdo rje mchog skyes rnams/ /'jigs shing rab tu brgyal bar 'gyur/ /ye shes rgyal po rjes su dran/ /mkha' dbyings dug gis yongs gang ba/ /rdo rje ha la ha la'i 'od/ /khro bo'i rgyal po bskul ba yis/ /dug rnams thams cad med par byed/ /de nas bcom ldan 'das de bzhin gshegs pa gdon mi za bar grub pas gdon mi za ba'i dam tshig 'byung ba'i tog rdo rje zhes bya ba'i ting nge 'dzin la snyoms par zhugs nas/ rdo rje be con sngon po khro bo'i rgyal po 'di nyid kyi sku gsung thugs rdo rje las phyung ngo / /na maHsa man ta kA ya bA ka tsita ta badzrA NA/ o~M e h+ye hi b+ha ga ban/ nI la badzra daN Da/ tu ru tu ru/ hu lu hu lu/ hA hA/ gu lu gu lu/ gu lA pa ya/ gu lA pa ya/ kra ma kra ma/ b+ha ga ban bA yu be ga na/ b+hU tAn shIg+han/ da ha da ha/ da ra da ra/ ba ha ba ha/ pa tsa pa tsa/ ma tha ma tha/ pA ta ya/ pA ta ya/ ma Ta ma Ta/ mo TA pa ya mo TA pa ya/ sarba karmA Ni/ tshin+d+ha tshin+d+ha/ b+hak+Sha ya b+hak+Sha ya/ as+thi me dam as+ya/ </font><hr>88.134a<br><font size=+1>

ru d+hi ra madz+dza med/ pa shA madz+dza/ ru d+hi ra pri ya e h+ya hi/ b+ha ga ban/ sarba big+h+na ni/ sarba bid+yA ni/ sarba man trA Ni/ sarba mU la karmA Ni/ kri tra ma Ni ShA dI ni/ sarba gra hA na/ ha na ha na/ b+han dza b+han dza/ mar da mar da pa e dam me kAr+yam sA d+ha ya/ hU~M nI lA ya/ nI lA ya/ nI la badzra daN DA ya/ tu ru tu ru/ big+h+nan bi nA ya kA~M/ nA sha ya nA sha ya/ hu ru hu ru/ dIb ta tsaN DA ya/ sarba sha tru~M NA~M hrI da yA ni pI Da ya/ tshin+d+ha tshin+d+ha/ pa ra bid+yA nam ts+tshe da ka hU~M bid+yA nA ma/ shiSh+Ta ka / sa ma ya ma nu smar/ /badzra d+ha ra ba tsa na~M tsa/ mar mA ni ni krin ta/  hU~M ha na ha na/ da ha da ha/ ku ru ku ru/ tu ru tu ru/ hu ru hu ru/ phaT phaT hU~M hU~M kri tan tA ya/ de ba ri Shi bi drA pa kA ya/ ha na ha na/ badzra daN De na swA hA/ de nas 'di ni gsungs tsam gyis/ /gdug pa'i mchog las byung ba kun/ /yid ni 'jigs shing rab skrag nas/ /sems dpa'i rdo rje rjes su dran/ /grags chen khro bo'i rgyal po 'di/ /brgya rtsa brgyad du bzlas na ni/ /cho ga'i tshul bzhin bskul ba yis/ /gdug pa thams cad gsod par 'gyur/ /de nas bcom ldan 'das de bzhin gshegs pa mi bskyod pas kun nas sprin gyi dpal zhes bya ba'i ting nge 'dzin la snyoms par zhugs nas/ rdo rje stobs po che 'di nyid kyi sku gsung thugs rdo rje las phyung ngo / /na maHsa man ta kA ya bA kA tsita ta badzra NA~M/ o~M hU~M hUM~MhU~M phaT phaT phaT/ u gra shU la pA Ni hU~M hU~M hU~M phaT phaT phaT/ o~M dz+yo ti nir nA da hU~M hU~M hU~M phaT phaT phaT/ o~M ma hA ba lA ya swA hA/ de nas 'di ni gsungs tsam gyis/ /stobs po che yi klu rnams kun/ /yid ni 'jigs shing rab skrag nas/ /sku gsum rdo rje rjes su dran/ /bzlas pa tsam dang sbyor ba yis/ /las rnams thams cad bsgrub par bya/ /than pa byung ba'i dus su yang / /chu yi dkyil 'khor 'bebs par byed/ /de nas bcom</font><hr>88.134b<br><font size=+1>

'das kun tu sgrogs pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi Tak+ki'i rgyal po chen po khro bo chen po 'di nyid kyi sku gsung thugs rdo rje las phyung ngo / /na maHsa mnata kA ya bA ka tsita ta badzrA NA~M/ Tak+ki hU~M dzaH/ de nas 'di ni gsungs tsam gyis/ /sangs rgyas kun bdag che skyes rnams/ /'jigs shing rdo rje sku gsum ni/ /rjes dran dam tshig ldan gyur nas/ /rdo rje sems dpa'i sbyor ba yis/ /rkang pa g.yas pas ling ga mnan/ /rdo rje gsum gyi sngags bzlas pas/ /sngags rnams thams cad 'gugs par byed/ /de nas bcom ldan 'das ye shes kyi phreng ba chu'i rdo rje zhes bya ba'i ting nge 'dzin la snyoms par zhugs nas/ mi g.yo ba rdo rje gtum po'i dam tshig 'di nyid kyi sku gsung thugs rdo rje las phyung ngo / /na maHsa man ta kA ya bAka tsita ta badzrA NA~M/ a tsa la kA Na tsaN Da/ na Ta na Ta/ maT+Ta maT+Ta/ moT+Ta moT+Ta/ saT+Ta saT+Ta/ taT+Ta taT+Ta/ ha na ha na/ da ha da ha/ mo ha mo ha/ mo ha ka ra/ ha sa ha sa/ badzra ha sa ku ru/ ha sa ha sa/ mam+Ta raT mar da raT/ gar+dz+dza gar+dz+dza/ ha na ha na/ ban+d+ha ban+d+ha/ tiSh+Tha tiSh+Tha/ A bi sha A bi sha / ma hA man tra/ bA la ka / d+hu na d+hu na/ ti Ni ti Ni/ khA da khA da/ big+ha nAn/ mA ra ya mA ra ya/ duSh+TAn/ b+hak+Sha b+hak+Sha/ sarbA na ku ru ku ru/ ki ri ki ri/ ma hA bi Sha Na badzra/ s+pho Ta ya s+pho Ta ya/ hU~M hU~M hU~M tri ba li+A ta rang ga na rta ka / a~M a~M a~M/ hA~M hA~M hA~M/ a tsa la tse Ta/ s+pho Ta ya s+pho Ta ya/ hU~M hU~M a sa man ti ka trAT/ ma hA ba la ma shA ta ya/ ba ra man trAn/ A~M A~M/ hU~M hA~M/ mA~M shud d+h+ya~M tu lo ka / tu ShaM tu badzrI/ na maHstu a pra ti ha ta ba le b+h+yaHdz+wa la ya/ trAT a sa ha na maHswA hA/ de nas 'di ni gsungs tsam gyis/ /</font><hr>88.135a<br><font size=+1>

lha kun 'khor dang bcas pa rnams/ /brgyal zhing yid ni rab skrag nas/ /rdo rje'i sku ni rjes su dran/ /khro bo chen po'i sngags 'di yis/ /lha chen po la sogs pa'i lha/ /mthu chen dag kyang skrag gyur nas/ /kha sbyar lus kyis 'gugs par 'gyur/ /de nas bcom ldan 'das dam tshig rnam par 'phrul pa'i rdo rje zhes bya ba'i ting nge 'dzin la snyoms par zhugs nas/ rdo rje 'dzin thams cad kyi dam tshig khro bo chen po gnod mdzes 'di nyid kyi sku gsung thugs rdo rje las phyung ngo / /o~M sum+b+ha ni sum b+ha hU~M/ grIh+Na hU~M/ grIh+NA pa ya grIh+NA pa ya hU~M/ A na ya hoHb+ha ga bAn/ bid+yA rA dza hU~M phaT/ de nas 'di ni gsungs tsam gyis/ /bu mo mthu chen thams cad ni/ /skra bshig gos dang bral bdag nyid/ /rdo rje sems dpa' rjes su dran/ /rdo rje sems dpa'i zhabs kyis mnan/ /de bzhin gshegs kun bdag po ni/ /rdo rje lcags kyu zhags pa yis/ /bcings na bu mo dgug pa'i mchog /de nas bcom ldan 'das dam tshig chen po'i de kho na nyid 'byung ba rdo rje zhes bya ba'i ting nge 'dzin la snyoms par zhugs nas/ dam tshig chen po rdo rje gsum gyi gsang ba gsung gi dam tshig gi de kho na nyid kyi gnas 'di nyid kyi sku gsung thugs rdo rje las phyung ngo / /sangs rgyas rdo rje'i sku gsum la/ /rdo rje sems dpa' rnam bsgom pa/ /zhags pa rdo rje kyo ba 'dzin/ /sangs rgyas dgug pa dam pa'o/ /sangs rgyas gsung sku'i sbyor ba yis/ /'khor lo chen po sbyor ba las/ /rdo rje sems dpa' rgyal chen po/ /rtag tu nges par 'khugs par 'gyur/ /'khor lo pad mo rdo rje ches/ /mi phyed rdo rje gsum bsgoms pas/ /rdo rje kyo ba'i dbye ba yis/ /sngags rnams thams cad dgug pa'i mchog /</font><hr>88.135b<br><font size=+1>

rang sngags skyes bu bsgoms nas ni/ /thams cad rdo rje'i dngos zhi ba/ /mi yi bu mo mchog rnams kyi/ /snying gar rdo rje kyo ba sbyar/ /rlung gi dkyil 'khor sbyor ba yis/ /nges par rtag tu mgugs par 'gyur/ /rnam par snang mdzad gzugs chen po/ /zla ba'i dkyil 'khor bsgom par bya/ /sha tsi der ni gnas par bsam/ /rdo rje bdud rtsi'i sbyor ba yis/ /lan grangs lnga bcu brjod na ni/ /nges par rtag tu mgugs par 'gyur/ /rdo rje lcags kyu gzugs po che/ /'bar ba rnon po 'dra ba'i 'od/ /rdo rje dkyil 'khor rab bsgoms la/ /nam mkha'i pad mo dgug pa'i mchog /khro bo rdo rje'i dam tshig rang / /rdo rje sa 'og gnas pa la/ /shU la rdo rje kyo zhags pas/ /lha min bu mo 'gugs pa'i mchog /btsug gam rdo rgyus dag kyang rung / /rdo rje kyo ba'i sbyor ba yis/ /zla ba gza' yis zin pa'i tshe/ /khar bcug nas ni bsgrub par bya/ /tshangs dbang drag po la sogs lha/ /rang gi ming rnams bris na ni/ /rdo rje gsung gi bka' bzhin du/ /'jigs shing skrag nas 'ong bar 'gyur/ /rnam pa kun gyi mchog ldan pa'i/ /'jam pa'i rdo rje rab tu bsgom/ /khro bo chen po gshin rje gshed/ /rdo rje lcags kyu rnam par bsam/ /bskal pa sreg pa'i 'khor lo che/ /bsgoms nas gnod sbyin mo dang spyad/ /phyag rgya'i dbye bas thams cad kyi/ /sngags kyi dbye bas thams cad du/ /dgug pa'i rab tu sbyor ba gsungs/ /gzhan du byas na 'jig par 'gyur/ /rdo rje sems dpa' rgyal po che/ /yang dang yang du bskul bar bya/ /de nyid sngags rnams thams cad kyi/ /rgyal po mchog tu rtag pa'o/ /de nas bcom ldan 'das nam mkha' kun</font><hr>88.136a<br><font size=+1>

du rnam par 'phrul pa'i ye shes rdo rje zhes bya ba'i ting nge 'dzin la snyoms par zhugs nas/ rdo rje ral pa gcig ma dam tshig chen po'i gsung rdo rje'i mchog 'di nyid kyi sku gsung thugs rdo rje las phyung ngo / /o~M shU li ni swA hA/ de nas 'di ni gsungs tsam gyis/ /klu yi bu mo mthu chen rnams/ /tshig par gyur cing gos dang bral/ /sangs rgyas byang chub rjes su dran/ /sngags kyi rig pa 'di yis ni/ /klu rnams thams cad mgugs par 'gyur/ /klu yi bu mo mig bzangs dag /bkug nas nye bar spyad par bya/ /de nas bcom ldan 'das nam mkha'i dam tshig 'byung ba rdo rje zhes bya ba'i ting nge 'dzin la snyoms par zhugs nas chos chen po'i dam tshig rdo rje khro gnyer can 'di nyid kyi sku gsung thugs rdo rje las phyung ngo / /o~M sar+b+ba b+ha ya nA sha ni/ trA sa ni trA se/ trA sa ya trA sa ya/ bai ra Ta tri ku TI ti Ti/ bai ra ti bai ra Ti/ shwe te shwe ta/ dza Ti ni swA hA/ de nas 'di ni gsungs tsam gyis/ /rig 'dzin bdag nyid skyes ma kun/ /'dar zhing 'jigs par gyur pas ni/ /ye shes rdo rje rjes su dran/ /rig pa 'dzin pa'i bu mo mchog /gser gyi rna cha g.yo ba rnams/ /sngags kyi rig pa 'di dang ni/ /dam tshig mchog gis dgug par bya/ /'gog pa rdo rje rgyal po ni/ /yongs su rdzogs pas mdzes mchog gis/ /ye shes rdo rje gsum las byung / /kun nas de ma thag tu mgugs/ /yang na khro bo thams cad ni/ /dben pa'i gnas dang chen po ru/ /sngags pas 'bum du bzlas pa yis/ /las rnams thams cad byed par bshad/ /rdo rje slob dpon smod pa gzhan/ /theg pa che mchog smod pa dag /rab tu 'bad pas gsad par bya/ /yang na gnas nas spo</font><hr>88.136b<br><font size=+1>

bar bya/ /'di yis byang chub mchog gi ni/ /sngags kyi dngos grub thob par 'gyur/ /zhes bcom ldan 'das rdo rje 'chang chen pos gsungs so/ /yang gsungs pa/ phyogs bcu'i sems can thams cad kyi/ /lus dang ngag sems gsod pa ni/ /cho ga bzhin du bsgom byas pa/ /gdug sems can gyi dgra rnams ni/ /khrag dang chu yis gsher ba 'am/ /bshang gcis gsher bar byas pa'i gos/ /bgos nas ling ga rkang pas mnan/ /khro bo'i rgyal po sbyar bar bya/ /brgya rtsa brgyad ni yongs bzlas na/ /sangs rgyas kyang ni nges par 'jig /yang gsungs pa/ chu yis gos ni gsher bar byas/ /khro bo mchog gi bcings pa yis/ /ling ga rkang pas mnan na ni/ /sangs rgyas dag kyang nges par 'jig /bshang gcis gsher bar byas pa'i gos/ /ngan pa rul pa'i dri mnam pa/ /bgos te sngags ni bzlas byas na/ /skad cig gis skams 'chi bar 'gyur/ /thal ba'i skyo mas gsher ba'i gos/ /bgos nas khro bas 'khrugs bzhin du/ /brgya rtsa brgyad du bzlas na ni/ /rdo rje sems dpa'ang 'jig par 'gyur/ /yang gsungs pa/ gcer bur phud de skra bshig la/ /'jigs pa'i tshul can gtsigs shing bsgyur/ /ling ga rkang pas mnan na ni/ /nam mkha'i dbyings kyang 'jig par 'gyur/ /ma mo'i gnas sam dur khrod dam/ /khang stong dang ni bzhi mdo dang / /mtshan ma gcig dang shing gcig drung / /mngon par spyod pa brtsam par bya/ /mi rus las byas phur bu ni sor brgyad pa yi tshad dag la/ /brgya rtsa brgyad du bzlas byas te/ /dgra yi sgo khar sbas na ni/ /sangs rgyas sku gsum mchog sbyin pa/ /shes dang mi shes rnam spangs pa/ /zla ba phyed nang rdzogs pa</font><hr>88.137a<br><font size=+1>

yis/ /nyams sam yang na 'chi bar 'gyur/ /yang na thod pa gang ba dag /khyad par du ni mkhas pas btsal/ /der ni sngags kyi tshig bris te/ /rdo rje'i tshig gis bzlas pa bya/ /dgra yi sgo 'am grong dag tu/ /sbas na nges par skrod par 'gyur/ /tA la'i lo ma'am gzhan dag la/ /khro bo'i sngags ni kun bris la/ /dgra yi khyim mam sgo dag tu/ /sbas na skams shing 'chi bar 'gyur/ /bcom ldan 'das dam tshig chen po'i rgyu'i rdo rjes de skad ces bka' stsal to/ /de nas bcom ldan 'das de bzhin gshegs pa thams cad kyi lus dang ngag dang yid nges par 'ching ba rdo rje zhes bya ba'i ting nge 'dzin la snyoms par zhugs nas/ khams gsum pa thams cad kyi lus dang ngag dang yid phur bus gdab pa'i sngags rdo rje 'di nyid kyi sku gsung thugs rdo rje las phyung ngo / /o~M g+ha g+ha/ g+hA ta ya g+hA ta ya/ sarba du Sh+T+rAn phaT phaT/ kI la ya kI la ya/ sarba pA pa~M phaT phaT/ hU~M hU~M hU~M badzra kI la/ badzra d+ha ra Adz+nyA pa ya ti/ kA ya bA ka tsita ta badzra~M/ kI la ya hU~MM hU~M hU~M phaT phaT/ de nas 'di ni gsungs tsam gyis/ /rdo rje rdzu 'phrul chen po kun/ /brgyal zhing rab tu 'jigs gyur nas/ /nam mkha' rdo rje thugs dran gyur/ /mi rus las byas phur bu 'am/ /yang na seng ldeng mchog las skyes/ /lcags las byas pa'i phur bu dag /rdo rje sku gsum 'jig par byed/ /rdo rje sems dpa' mnyam gzhag la/ /'od 'phro 'khrug cing mdangs bzang ba/ /rdo rje sku ni gsum gyi mtha'i/ /gzugs ni bsams nas sbyar bar bya/ /rnam par snang mdzad phyag rgya che/ /yang na 'dod chags rdo rje can/ /gshin rje gshed kyi phyag rgya che/ /bsams na</font><hr>88.137b<br><font size=+1>

rdo rje gsum phur bu/ /rdo rje bdud rtsi 'khyil ba yis/ /gdug pa'i khro bo tshar gcod pa/ /rdo rje'i sbyor bas bya ba yin/ /sangs rgyas bdag nyid chen po'i yang / /snying ga nas ni rkang pa'i bar/ /rdo rje phur bu rnam par bsgom/ /de nyid gong du dam tshig bya/ /phur bu'i rnam par 'phrul pa 'di/ /bsam gtan rdo rje'i sbyor ba yis/ /sangs rgyas kyis kyang nges par 'debs/ /rdo rje sems dpa' rgyal po che/ /phur bus btab na myur du 'chi/ /de nas bcom ldan 'das rnam par snang mdzad chen po'i sku rnam par 'phrul pa'i rdo rje zhes bya ba'i ting nge 'dzin la snyoms par zhugs nas/ sku'i dam tshig tsham ngam gyi rdo rje phur bu'i sngags 'di nyid kyi sku gsung thugs rdo rje las phyung ngo / /o~M ts+tshin+d+ha ts+tshin+d+ha/ ha na ha na/ da ha da ha/ dI pa ta badzra tsakra hU~M phaT/ phan tshun dkri ba'i tshul dang ni/ /mthe bong gzhi ni rab tu bsdam/ /rnam par snang mdzad gnas mnan te/ /rdo rje phur bu nges par gdab/ /btab ma thag tu sems dpa' che/ /rdo rje sku gsum las byung ba/ /dam tshig mchog gis ldang bar 'gyur/ /nyams pa'i gnas su mi 'gyur na'o/ /de nas bcom ldan 'das 'jig rten dbang phyug gsung gi rnam par 'phrul pa rdo rje zhes bya ba'i ting nge 'dzin la snyoms par zhugs nas/ gsung gi dam tshig tsham ngam gyi rdo rje phur bu'i sngags 'di nyid kyi sku gsung thugs rdo rje las phyung ngo / /o~M hrIHb+hU ra b+hu baH/ /ye shes pad mo kha phye ba/ /rdo rje sor mo nges par bzhag /'dod chags rdo rje'i gnas mnan te/ /rdo rje phur bu nges par gdab/ /btab ma thag tu rdo rje che/ /sku gsum dri med las byung ba/ /dam tshig mchog gis ldang bar 'gyur/ /nyams pa'i gnas su mi 'gyur na'o/ /de nas bcom ldan 'das rdo rje 'chang chen pos</font><hr>88.138a<br><font size=+1>

thugs rnam par 'phrul pa rdo rje zhes bya ba'i ting nge 'dzin la snyoms par zhugs nas/ thugs kyi dam tshig tsham ngam gyis gnon pa'i sngags 'di nyid kyi sku gsung thugs rdo rje las phyung ngo / /o~M badzra rA dza hU~M/ rtse mo lnga par bcings nas ni/ /'od 'phro mang po 'khrigs par bsgom/ /sems kyi rdo rje'i gnas mnan te/ /rdo rje phur bus nges par gdab/ /btab pa tsam gyis rdo rje che/ /rdo rje dri med gsum las byung / /dam tshig mchog gis ldang bar 'gyur/ /nyams pa'i gnas su mi 'gyur na'o/ /sku gsung thugs kyi sbyor ba yis/ /cho ga yang dag byas tsam gyis/ /mkha' dbyings rdo rje mtha' klas par/ /phur bus 'debs 'dir gdon mi za/ /bcom ldan 'das rdo rje phur bu chen pos de skad ces bka' stsal to/ /de nas sangs rgyas sku gsum mchog /sems can khams la phan mdzad pa/ /mnyes shing rab tu dgyes gyur nas/ /gsung ni 'di skad bka' stsal to/ /e ma'o gsang ba'i gnas kyi mchog /e ma'o snying po kun btus pa/ /e ma'o chos kyi gnas zhi ba/ /e ma'o rdo rje rnam par 'joms/ /phur 'debs sangs rgyas thams cad dang / /byang chub sems dpa' grags chen po/ /sku gsung thugs kyi rdo rje rnams/ /phur bus gdab pa yang dag bshad/ /'di ni sngags rnams thams cad kyi/ /phur gdab de nyid las byung ba/ /sku gsung thugs las mchog sbyin pa/ /sngags kyi de nyid bsdus pa'o/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las sku dang gsung dang thugs rmad du byung ba sngags 'gugs pa rnam par sprul pa'i rgyal po zhes bya ba'i</font><hr>88.138b<br><font size=+1>

le'u ste bcu bzhi pa'o// // de nas rgyal po rdo rje 'dzin/ /thams cad nam mkha' mi 'gyur che/ /thams cad dbang bskur kun mkhyen pas/ /rdo rje gsung ni bka' stsal pa/ /sme sha can gyi bdag nyid che/ /bu mo lo grangs bcu gnyis pa/ /dben pa'i gnas su khyad par du/ /sgrub pa pos ni rtag tu bsgrub/ /bshang gci'i dam tshig la sogs pas/ /gru bzhi pa ni cho ga yis/ /dkyil 'khor bya'o de ru ni/ /rdo rje dkyil 'khor bsgoms pa yis/ /mtshan nyid thams cad yongs su dag /bzhin yang mdzes la rab tu bzang / /rgyan rnams thams cad yongs rdzogs pa/ /pang par bzhag nas rnam par bsgom/ /dkyil 'khor lnga yi 'khor lo yis/ /sangs rgyas gzugs ni rnam par bsgom/ /sngags kyi 'khor lo can gyi gsang / /mchod pa'i gnas ni nyams dga' bsgom/ /sku gsung thugs ni rdo rje can/ /rnam par snang mdzad sku chen po/ /bsam gtan sngags kyi sbyor ba yis/ /sangs rgyas kyi ni 'od 'drar 'gyur/ /gtso blag mkhan ni bdag nyid che/ /bu mo ud pal mthing ga'i mdog /'dra ba dag ni rtag tu bsgrub/ /rdo rje sems dpa'i sbyor ba yis/ /de nyid sbyor ba'i cho ga ni/ /byas nas las ni brtsam par bya/ /'di ni sngags rnams thams cad kyi/ /dam tshig shin tu 'da' dka' ba'o/ /de ni de ma thag nyid du/ /rdo rje sems dpa'i 'od 'drar 'gyur/ /chos rnams kun 'dzin rgyal po mtshungs/ /'dod dang thar pa rab sgrub pa/ /rdo rje chos ni rnam bsgoms pas/ /gar mkhan bu mo rab mdzes shing / /bzhin bzang mig ni dkyus ring ba/ /sgrub</font><hr>88.139a<br><font size=+1>

pa pos ni rtag tu bsgrub/ /de ni rdo rje chos bdag nyid/ /sa bcu la ni gnas par 'gyur/ /rgyal po gsung gi dam tshig 'dzin/ /kun mchog dbang phyug dam pa'o/ /bram ze rgyal rigs rje'u rigs dang / /dmangs rigs las byung bu mo ni/ /rdo rje chos bdag nyid 'di ni/ /gsang ba thob par byed pa bsgrub/ /rdo rje nyi ma nub nas ni/ /sgrub pa kun tu brtsam par bya/ /skya rengs shar ba'i dus su ni/ /bsgom pa mchog gis 'grub par 'gyur/ /rgyan rnams thams cad yongs su rdzogs/ /dri dang me tog rnams kyis brgyan/ /bsgoms na rdo rje sems dpa' mchog /grub pa myur du thob par 'gyur/ /'di ni sku gsum mchog sbyin pa/ /sangs rgyas mtshan gyis mtshan par 'gyur/ /dpag tshad brgya yi khyon tsam du/ /de yi 'od kyang snang bar byed/ /dbang po gnyis ni sbyor ba yis/ /sbyor ba thams cad brtsam par bya/ /'di ni dngos grub thams cad kyi/ /dam tshig shin tu 'da' dka' ba'o/ /gal te rdo rje can grub 'dod/ /gshang gci'i dam tshig bza' bar bya/ /'di ni dngos grub thams cad kyi/ /dam tshig shin tu 'da' dka' ba'o/ /bshang gci'i dam tshig la sogs pas/ /dbang po gnyis kyi sbyor ba yis/ /sangs rgyas byang chub gnas zhi ba/ /de nyid bla na med pa 'grub/ /bcom ldan 'das 'dod pa dang thar pa'i dam tshig rdo rjes de skad ces bka' stsal to/ /de nas bcom ldan 'das dam tshig chen po rdo rje khro bo zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi rdo rje kun tu skrag par byed pa'i khro bo 'di nyid kyi sku gsung thugs rdo rje las</font><hr>88.139b<br><font size=+1>

phyung ngo / /o~M hrIHSh+TIHbi kri tA na na sarba sha trU~M nA sha ya/ stam b+ha ya/ hU~M hU~M phaT phaT swA hA/ dug ni khrag dang kun tu sbyar/ /lan tshwa ske tshe de bzhin te/ /tsher ma'i me las khros pas bsreg /bu mo'i ming gi tshig dang bcas/ /nyi ma gung ngam nam phyed na/ /'di ni rnam pa kun tu shis/ /shes rab can gyis gru gsum du/ /stong phrag brgyad ni tshul bzhin bsreg /bu mo dag gi don gyi phyir/ /'di ni nyi ma gsum du bya/ /bskal pa gsum dang grangs med ni/ /des ni rtag tu gnon par 'gyur/ /sangs rgyas dang ni chos 'dzin pa/ /rdo rje sems dpa' gzhan yang rung / /gal te rmongs pas 'das na ni/ /de yi tshe ni der zad 'gyur/ /bcu bzhi'am yang na tshes brgyad la/ /dur khrod sol ba blangs nas ni/ /cho ga bzhin du sngags btab na/ /de ni rtag tu ster bar 'gyur/ /sngags shes pa yis gang rung ba'i/ /dgra yi gzugs brnyan byas nas ni/ /bsam gtan dag gis bris na ni/ /'chi bar 'gyur 'dir gdon mi za/ /tho ba bsam gtan sbyor ba yis/ /de ltar byas na nges par ltung / /hU~M yig rab tu 'bar dang bcas/ /rdo rje 'bar ba rab tu bsgom/ /gdug pa thams cad 'jig par byed/ /phyag na rdo rje'i rigs dran te/ /rdo rgyus sol ba la sogs pas/ /skyes pa'am bud med gzugs bris la/ /lag par sta re bsams nas su/ /mgrin pa bcad par rnam par bsgom/ /sangs rgyas sku gsum rin chen mchog /sems can kun la phan 'dod pa/ /'di yis snad par 'gyur ba 'am/ /shi bar 'gyur 'dir gdon mi za/ /las kyi rdo rje rab 'bar che/ /me stag mang po 'khrigs pa can/ /dbus su rdo rje rnam bsgoms la/ /chu rnams gnon pa'i mchog yin no/ /dkyil 'khor dag ni 'dri ba na/ /rlung la sogs pa byung na ni/ /</font><hr>88.140a<br><font size=+1>

mche ba'i phyag rgya bcings nas su/ /gdug pa'i dgra ni rjes dran bya/ /sangs rgyas byang chub sems dpas kyang / /sprul par gang zhing gyur pa ni/ /mthong ba tsam gyis 'gag 'gyur te/ /gzhan du byas na 'jigs par 'gyur/ /sangs rgyas byang chub sems dpa' dang / /skye bo gdug pa gzhan dag kyang / /sngags 'dis skrag par byas na ni/ /'chi bar 'gyur bar gdon mi za/ /de la 'di ni sngags thams cad kyi gsang ba'i snying po'o/ /phaT/ ye shes sems dpa'i sbyor ba yis/ /dbus su gzugs ni bsgom par bya/ /sngags shes pa yis gnas bzhi ru/ /btsun mo rtag tu gzhag par bya/ /rgyan rnams thams cad yongs su rdzogs/ /mtshan rnams thams cad kyis mtshan pa/ /pad mo rab tu rgyas byas nas/ /sngags 'di rab tu bsgom par bya/ /hU~M/ 'od zer lnga 'od rab 'bar ba/ /rdo rje can gyi sbyor ba bsgom/ /rang lus ngag sems rdo rje la/ /phab na byang chub thob par 'gyur/ /de ni de ma thag nyid du/ /rnam par snang mdzad 'od 'dra zhing / /rdo rje sems dpa' rgyal po che/ /sangs rgyas sku gsum rdo rje 'dzin/ /sems dpa' thams cad skyed pa rdo rje zhes bya ba'i ting nge 'dzin to/ /bzhin bzangs phan par 'dod pa yi/ /bud med rnyed na cho ga bzhin/ /bden par mchod pa brtsam par bya/ /gsang ba blangs nas bza' bar bya/ /de ni de ma thag nyid du/ /'jam dpal dang ni gzi brjid mnyam/ /mi snang bdag po dpal dang ldan/ /'dzam bu'i gser gyi mdangs 'drar 'gyur/ /bshang pa'am yang na bza' ba 'am/ /sha yang cho ga bzhin du ni/ /mngon par bsngags nas gzhug par bya/ /zos na mkhas rnams kyis</font><hr>88.140b<br><font size=+1>

mi mthong / /bcom ldan 'das rdo rje 'chang chen pos de skad ces bka' stsal to/ /bshang ba cho ga bzhin blangs nas/ /kham phor sbyar mar bzhag par bya/ /brgya rtsa brgyad du bskul na ni/ /sangs rgyas nyi mas mi mthong ngo / /khyi yi sha dang rta sha dang / /sha chen dag ni cho ga bzhin/ /blangs nas kha sbyar sbyor ba yis/ /zos na de yis mi mthong ngo / /bshang dang lhan cig ldan pa yis/ /ri lu lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo / /khyi yi sha dang sbyar ba yi/ /ri lu lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo / /sha chen dang ni sbyor ba yi/ /ri lu lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo / /ba glang sha dang sbyor ba yi/ /ri lu lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo / /bshang ba las byung srog chags las/ /brtul zhugs can gyis ri lu bya/ /dbang po gnyis kyi sbyor ba yis/ /sangs rgyas kun gyis mi mthong ngo / /ga bur tsan dan sbyar ba yi/ /ri lu lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo / /gi wang a ga ru sbyar ba'i/ /ri lu lcags gsum gyis dkris pa/ /dbang po gnyis kyi sbyor ba yis/ /rdo rje stobs po cher 'gyur ro/ /ga bur gur gum sbyar ba yi/ /ril bu lcags gsum gyis dkris pa/ /dbang po gnyis kyi sbyor ba yis/ /sangs rgyas kun gyis mi mthong ngo zhes gsungs so/ /rdo rje can rnams gang yang rung / /phyag rgya chen por byin brlabs na/ /de 'drar 'gyur te dpal dang ldan/ /stobs chen pha rol gnon pa po/ /</font><hr>88.141a<br><font size=+1>

dpag tshad bye ba rdzogs pa yi/ /steng du rdo rje 'gro bar 'gyur/ /stong gsum bgrod pa dpal dang ldan/ /sangs rgyas 'od dang 'dra bar 'gyur/ /'dod khams gnas pa'i bu mo dang / /lha yi longs spyod rigs brtul zhugs/ /yang na gzugs khams gnas pa la/ /stobs chen gyis ni 'dod pa spyod/ /bcom ldan 'das dam tshig mi snang ba'i rdo rje chen pos de skad ces bka' stsal to/ /de nas sangs rgyas rab dgyes bdag /sems 'khrugs yid la dbang ba dag /ngo mtshar gyur cing spyan gdangs nas/ /gsung ni 'di skad bka' stsal to/ /e ma'o 'di rab ngo mtshar che/ /e ma'o gsang gnas mi 'gyur ba/ /e ma'o ngo bo nyid kyis dag /e ma'o shin tu dri med chos/ /de nas ston pa rdo rje 'dzin/ /skyed po byed po mi 'gyur che/ /sangs rgyas rdo rje chos chen pos/ /rdo rje'i gsung du bka' stsal pa/ /sems dpa' rdo rje'i sbyor ba yis/ /rdo rje 'dzin rnams mnyes par bya/ /sangs rgyas byang chub rab dbye bas/ /sangs rgyas rdo rje can mnyes 'gyur/ /rdo rje spyan dang gzugs sogs kyis/ /gtsug tor mnyes par byed par dran/ /khro bo rnams la'ang de mchog ste/ /sangs rgyas rdo rje rab bsgom pa'o/ /rig pa'i rgyal po chos mchog rnams/ /rin chen tog ni rnam par bsgom/ /rig pa'i rgyal mo'i sbyor ba la/ /tshe dpag med pa rab tu bsgom/ /thams cad las byed sngags rnams la/ /gdon mi za ba'i ye shes bsgom/ /sngags rnams thams cad nyid la ni/ /rdo rje sems dpa' rnam par bsgom zhes gsungs so/ /gnod sbyin mo yi sngags rgyud la/ /gshin rje gshed nyid brtag par bya/ /thams cad sbyor ba'i sngags rnams la/ /spyi bo ru ni</font><hr>88.141b<br><font size=+1>

bskul ba shis/ /bcom ldan 'das dam tshig chen pos de skad ces bka' stsal to/ /bsam gtan 'khor lo 'di yis ni/ /sngags mnyes pa yi dkyil 'khor dag /dam tshig chen po sgrub byed pa/ /sgrub po rnams la phan pa gsungs/ /de nas ston pa rdo rje 'dzin/ /gtso bo chos rnams kun dbang phyug /sku dang gsung thugs yongs dag pas/ /ye shes rdo rje bka' stsal te/ /ri rtse nyams ni dga' ba dang / /nags tshal rab tu dben par yang / /bsam gtan rdo rje rab bya ba/ /sngags dang bzlas pa'i sbyor ba yis/ /rdo rje sems dpa' la sogs kun/ /sngags dang bsam gtan gyis bskul bas/ /gsung gi las kyi bka' bzhin du/ /las rnams sna tshogs byed par 'gyur/ /rdo rje chos kyi gzugs chen po/ /pad ma rA ga'i 'od 'dra ba/ /sku gsung thugs kyi rdo rje ni/ /gnas gsum du ni rigs brtag go /dbab pa'i cho ga thams cad ni/ /byas na gdon mi za bar 'grub/ /bskul dang rengs pa lha chen po/ /'phags pa'i sa ni bzhi po dag /rdo rje grub pa dag gis bya/ /de ltar byas na rtag par 'grub/ /bu mo lo grangs bcu gnyis ma'am/ /khye'u lo grangs bcu gnyis pa/ /mtshan nyid thams cad yongs rdzogs pa/ /bzung nas dbab par rab tu brtag /cho ga thams cad byas nas ni/ /las rnams rab tu bsgrub par bya/ /rnam pa gzhan du byas na ni/ /khams gsum skye bos dpyos par 'gyur/ /de la snying po'i sngags kyi yi ge'i tshig ni 'di rnams so/ /hU~M hAHAHdz+haiH nam mkha'i khams ni sems med cing / /rtog pa thams cad rnam spangs dang / /rdo rje sems dpa'</font><hr>88.142a<br><font size=+1>

rang nyid kyang / /'bab par 'gyur ro cho ga yis/ /hU~M yig rdo rje sems dpa'i bdag /hAHyig sku yi rdo rje can/ /AHyig chos 'dzin rgyal po ste/ /'di ni sngags tshig bstan pa'o/ /yi ge dz+haiHyis bskul bar bshad/ /'khor ba dang ni g.yo ba yin/ /'di ni bskul ba thams cad kyi/ /gsang ba yin par 'di rab bshad/ /khru gang tsam mam khru do 'am/ /ji srid khru brgyad lnga tsam du/ /rdo rje rgyal po rab bskul na/ /'jigs shing skrag nas 'phar bar 'gyur/ /de bzhin thams cad sngar ji ltar/ /'di ni gsang ba thob byed pa'o/ /de nas rgyal po rdo rje 'dzin/ /de bzhin gshegs pa kun gyi bdag /sku gsum gnas ni yongs dag pas/ /gsung ni 'di skad bka' stsal to/ /rtse gcig ma gyur pa yis kyang / /brtul zhugs brtan pas bya ba 'di/ /sbyor ba gzhan min pa yis bya/ /gdug pa thams cad rnam gzhig pa'o/ /dur khrod sol dang phub sogs las/ /dgra yi gzugs brnyan byas nas ni/ /skra bshig gcer bur byung ba yis/ /khams gsum dag kyang 'jig par byed/ /dur khrod ro bsregs thal ba yis/ /dgra yi gzugs brnyan byas nas ni/ /stong brgya rtsa brgyad bzlas pas kyang / /'chi bar 'gyur 'dir gdon mi za/ /dkyil 'khor gru gsum byas pa la/ /ba lang sha dang rta yi sha / khyi yi sha 'am sna tshogs kyis/ /rdo rje'ang gdon mi za bar 'jig /sha chen po yis 'jig pa ni/ /thams cad rdo rje las byung dran/ /'di ni dgra rnams thams cad kyi/ /'jigs pa shin du mi bzad dran/ /chos mchog can gyi bshang gci yis/ /dgra yi gzugs brnyan byas nas ni/ /tsher ma'i me la khros nas bsregs/ /sangs rgyas</font><hr>88.142b<br><font size=+1>

dag kyang nges par 'jig ces gsungs so/ /chu bo'i 'gram gnyis sa yis kyang / /dgra yi gzugs brnyan byas nas ni/ /dug las byung ba'i tsher ma ni/ /til 'bru tsam gyis yan lag kun/ /dgang zhing skul ba'i tshig dang bcas/ /sangs rgyas dag kyang nges par 'jig /ces gsungs so/ /ske tshe lan tshwa 'bru mar dang / /dug dang d+ha du ra dag ni/ /sangs rgyas thams cad gsad pa la/ /'di dag rab mchog gyur par bshad/ /sol khus gsher ba'i gos dag ni/ /gyon te sems ni khros nas su/ /ling ga rkang pas mnan nas ni/ /srin pos 'dzin par gdon mi za/ /rus phye khrag dang dug rnams kyis/ /gzugs brnyan rab tu byas na ni/ /rdo rje sems dpa' drag po yang / /myur ba dag tu 'dzin par 'gyur/ /ske tshe dang ni yang dag ldan/ /bshang gci dag gis rdzogs pa yi/ /ling ga rkang pas mnan na ni/ /tsha ba chen pos 'dzin par 'gyur/ /de la 'di ni de bzhin gshegs pa thams cad kyi dam tshig chen po rdo rje khro bo'i snying po'o/ /na maHsa man ta kA ya bAka tsita ta badzrA NA~M/ o~M hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ pa tsa pa tsa/ gardza gardza/ bi s+pho Ta ya bi s+pho Ta ya/ sarba big+h+n+'a bi nA ya kAn/ ma hA ga Na pa ti dzI bi ta an ta ka rA ya hU~M phaT/ sbyin bsreg slar yang bsam gtan dag /lus dang ngag sems 'jig pa ste/ /ma yengs pa yi sems kyis ni/ /gsod pa yin na mchog 'di bya/ /rdo rje sems dpa' khro bo che/ /rnam par bgrad pa 'jigs 'jigs lta/ /sta re tho ba phyag na bsnams/ /bsams nas bsam gtan rab tu brtag /de la 'di ni drag po chen po khro bo'i dam tshig go/ /mkha' dbyings sangs rgyas thams cad kyis/ /yongs su gang bar rab bsgoms la/ /gdug pa de</font><hr>88.143a<br><font size=+1>

yis bsad par ni/ /bsams nas de ma thag tu 'chi/ /sangs rgyas byang chub sems dpa' yis/ /yongs su gang bar bsgoms nas ni/ /gdug pa'i sems dpas bsad na ni/ /rdo rje 'dzin pa nyid kyang 'chi/ /sangs rgyas gnod byed dgra bo rnams/ /skrag cing 'jigs pas dkrugs par ni/ /sngags mkhan gyis ni mdun bsams na/ /'chi bar 'gyur 'dir gdon mi za/ /srin po khro bo sna tshogs pa/ /gtum zhing khro bo mi bzad pas/ /skrag par gyur par bsams des ni/ /rdo rje 'dzin pa nyid kyang 'chi/ /'ug pa khra dang bya rgod dang / /mchu rings pa dang wa rnams kyis/ /zos par bsams na de yis ni/ /sangs rgyas dag kyang nges par 'jig /sbrul nag rab tu khro ba ni/ /'jigs pa dag kyang 'jigs byed pa/ /dug gi mchog gi dam tshig ni/ /dpral bar bsams na 'di khyad 'phags/ /sbrul des zos par gyur pa yis/ /bsgrub bya dag kyang nges par 'jig /phyogs bcu'i sems can thams cad kyi/ /yams sam nye bar tshe ba rnams/ /'jigs pa dgra la dbab pa'i mchog /'di ni bskul ba'i mchog yin no/ /tho ba rab tu drag po yis/ /brtul zhugs can gyis snying gar brdeg /rdo rje 'dzin pa'i bka' bzhin du/ /dgra yi srog ni med par 'gyur/ /rdo rje can gyis sta re sogs/ /gshegs cing gtub par bsams na ni/ /sku gsum gyi ni mchog sbyin pa/ /rdo rje sems dpa' drag po'ang 'chi/ /bsrung ba la sogs dang po sngags/ /lha rnams kyang ni phur bus gdab/ /'di ni gsod byed mchog gi mchog /dam tshig shin tu 'da' dka' ba'o/ /phung po rdo rjes dkyil 'khor du/ /sems can ji snyed gnas pa la/ /gsang bdag nyid gtogs</font><hr>88.143b<br><font size=+1>

bsams na ni/ /'di ltas mnyes 'gyur gzhan du min/ /ston pa sangs rgyas rdo rje 'dzin/ /rdo rje chos dang rdo rje can/ /bsam gtan sbyor bas 'chi bar 'gyur/ /rdo rje thugs kyi bka' ji bzhin/ /bcom ldan 'das khro bo chen po'i dam tshig rdo rje khro bos de skad ces bka' stsal to/ /de nas rgyal po rdo rje 'dzin/ /thams cad nam mkha' thub chen po/ /thams cad dbang bskur rdzogs sangs rgyas/ /ye shes rdo rjes bka' stsal pa/ /e ma'o ngo bo nyid kyis dag /rdo rje theg pa bla na med/ /ma skyes pa yi chos rnams la/ /rgyal ba rnams kyis skye bar bstan/ /de la 'di ni las phran tshegs kyi rdo rje gsang ba'o/ /sbrul ni mi sdug 'jigs byed pa/ /nag po 'bar ba 'khrug cing khro/ /lce gnyis mche ba'i phreng ba can/ /rdo rgyus dag gam sol bas bris/ /de la 'di ni klu khro bo skul ba'i snying po'o/ /kha~M/ kha yi nang du de bsam zhing / /dug ni ha la ha la 'dra/ /sreg pa me yi kha dog dang / /bsgoms na 'gul bar gdon mi za/ /de la 'di ni dug thams cad dgug pa'i snying po'o/ /hrIH/ rnam pa sna tshogs las byung dug /khams gsum na ni gnas pa kun/ /de yis khyer bar bsgoms nas ni/ /bab par gyur par rnam par bsam/ /de ni de ma thag nyid du/ /dug gi rgya mtsho mi bzad 'gyur/ /reg ma thag tu 'gro ba kun/ /'jig pa 'di la the tshom med/ /sdig pa sbal pa la sogs dang / /sbrul rnams sna tshogs pa dag la'ang / /cho ga bzhin du rab tu bya/ /sbyor ba 'byung ba'i mtshan nyid kyis/ /de la 'di ni dug thams cad 'pho ba'i snying po'o/ /o~M/ lta ba rdo rje'i dug la sogs/ /gzhan yang mi bzad pa yi dug /nam mkha' rdo rje'i dkyil 'khor</font><hr>88.144a<br><font size=+1>

du/ /ye shes rdo rjes bkug nas 'jug /bcom ldan 'das dug gi dam tshig chen po rdo rjes de skad ces bka' stsal to/ /de la 'di ni dug gso ba'i dam tshig rdo rje'i snying po'o/ /hU~M/ snying po 'di ni rdo rje che/ /kha dog dkar por rnam par bsgom/ /'od kyi sprin ni cher 'bar ba/ /zla ba'i 'od zer bzhin du bsil/ /gnas bzhi dag tu sbyor ba yis/ /de ma thag tu sdud pas ldang / /lan gnyis lan gsum rab bsgoms nas/ /skyug pa dag tu rnam bsams na/ /nam mkha'i khams kun gang ba yang / /skad cig gis ni dug med byed/ /zhes de skad ces kyang bka' stsal to/ /de la 'di ni nye ba'i dug thams cad drang ba'i snying po'o/ /AH 'bras dang phol mig 'brum bu dang / /gang gzhan nad du bshad pa rnams/ /phyag na rdo rje'i bka' bzhin du/ /bsams pa tsam gyis med par 'gyur/ /pad ma chen po 'dab ma brgyad/ /ri bong can bzhin dri med pa/ /de yi dbus na 'dug bsam pa/ /'od zer lnga ni rab rdzogs pa'o/ /sdud pa na ni dam tshig gnag /skul ba na ni dkar po 'dra/ /bsam gtan gnas 'di gsang ba ste/ /gsang chen ye shes dri ma med/ /de la 'di ni phyi nang gi nad rnams gso ba'i rdo rje snying po'i sngags kyi yi ge'i tshig rnams ste/ /dzi na dzika / A ro li ki / badzra d+h+rIka / yi ge'i tshig ni gang 'dod pa/ /dad pas yon tan thob par 'gyur/ /de 'dra'i gzugs ni bsgom par bya/ /nad kyi rdo rje bskul ba yis/ /dam tshig spre'u'i rnam pa 'am/ /yang na khyir ni byung ba'ang rung / /rang gi lus ngag sems gnas las/ /byung ba dag tu rnam par bsam/ /'khor lo 'am ni rdo rje'ang rung / /rdo rje'i go 'phang gnas bsgom la/ /lus dang ngag sems dam tshig rnams/ /des ni phye mar brlag par bsgom/ /de nas brtsams te rdzogs sangs rgyas/ /byang chub sems</font><hr>88.144b<br><font size=+1>

dpa' grags chen rnams/ /byin brlabs go 'phang dam pa dag /dgyes pa'i spyan gyis rab tu stsol/ /'di skad ces kyang bka' stsal to/ /rang lus ngag sems rdo rje la/ /sangs rgyas sprin dag rnam par bsam/ /rdo rje rgyal po sprin chen po/ /nad las thar bar bsgom par bya/ /phyogs bcu'i sangs rgyas thams cad dang / /byang chub sems dpa' blo ldan rnams/ /khros pa de la bsam par bya/ /'chi bar byed pa dam pa'i don/ /bsam gtan sbyor ba 'di dag gis/ /las skyes su yang gang grags pa/ /brgya rtsa brgyad bzlas sbyor ba yis/ /nyi ma bdun gyis 'jig par 'gyur/ /yang na rang gi sngags rgyal gyis/ /rdo rje'i bsam gtan cho ga bsam/ /'di ni nad rnams thams cad kyi/ /dam tshig shin tu 'da' dka' ba'o/ /de nas rgyal po rdo rje 'dzin/ /ye shes kyo ba 'od chen po/ /'dod pa thar pa rdo rje ches/ /gsung ni 'di skad bka' stsal to/ /chos rnams rmi lam lta bu ni/ /ngo bo nyid kyis ma skyes shing / /rang bzhin dag pa'i de nyid la/ /'khrul pa'i rdo rje rab tu gsungs/ /bsam gtan bzlas pa'i don brtson pa'i/ /sgrub pa pos ni rtag tu mthong / /sangs rgyas byang chub sems dpa' rnams/ /dbye ba rnam pa gnyis su mthong / /de la 'di ni rmi lam chen po'i dam tshig gi gnas te/ /byang chub ye shes mchog thob pa/ /sangs rgyas 'od ni bzang por mthong / /sangs rgyas longs spyod rdzogs pa yi/ /skur yang bdag nyid myur du mthong / /sems can chen po khams gsum pas/ /mchod pa byed par de yis mthong / /rang gzugs ye shes che 'od mnyam/ /sangs rgyas byang chub sems dpa' yis/ /'dod pa'i yon tan lnga rnams kyis/ /nges par mchod pa byed par mthong / /rdo rje sems dpa'i gzugs chen dang / /</font><hr>88.145a<br><font size=+1>

grags pa chen po rdo rje chos/ /gsang ba rdo rje grags pa che/ /rmi lam dag na rang gzugs mthong / /byang chub sems dpa' rdo rje can/ /sangs rgyas chen po phyag 'tshal ba/ /sku gsung thugs kyi dngos grub stsol/ /rmi lam 'di 'dra mthong bar 'gyur/ /rgyan rnams thams cad yongs rdzogs pa'i/ /lha yi bu mo yid 'ong dang / /khye'u bu mo dag mthong na/ /de ni dngos grub thob par 'gyur/ /phyogs bcu'i sangs rgyas thams cad kyang / /zhing na bzhugs par nges par mthong / /thugs ni dgyes par gyur nas kyang / /chos mdzod yid du 'ong ba stsol/ /chos kyi 'khor lor gnas pa'i lus/ /sangs rgyas kun gyis yongs bskor ba/ /bsam gtan rdo rje la gnas pa'i/ /dam tshig sbyor bas mthong bar 'gyur/ /kun dga' bskyed tshal sna tshogs pa/ /lha yi bu mo sogs pas brgyan/ /sangs rgyas kun gyis byin brlabs pas/ /bsam gtan dam tshig can gyis mthong / /sangs rgyas byang chub sems dpa' yis/ /de ni mngon par dbang bskur mthong / /rig 'dzin rgyal po chen po yis/ /mchod pa byed par nges mthong ngo / /zhes kyang gsungs so/ /rdo rje las byung sna tshogs pa'i/ /rmyi lam dri ma med mthong des/ /sku gsung thugs kyi rdo rje las/ /skyes pa bla med 'grub par 'gyur/ /gdol pa khyi yi sbyor la sogs/ /gal te rdo rje blos mthong na/ /blo ldan rdo rje sems dpa' yi/ /sems kyi gnas ni 'grub par 'gyur/ /de la 'di ni rmi lam rnam par dpyad pa'i dam tshig gi snying po'o/ /rang sems sems ni dmigs pa la/ /chos rnams thams cad rab gnas pa/ /nam mkha' rdo rje'i sems gnas 'di/ /chos med chos nyid med pa'o/ /de nas bcom ldan 'das de bzhin gshegs pa thams cad ngo mtshar du gyur/ rmad du byung bar gyur nas de bzhin gshegs pa thams cad</font><hr>88.145b<br><font size=+1>

kyi sku gsung thugs kyi dam tshig gi the tshom gcod pa rdo rje sems dpa' la zhus pa/ bcom ldan 'das 'di ci zhig lags/ ngo bo nyid med chos rnams la/ /chos kyi de nyid kun bshad pa/ nam mkha' la ni nam mkha' bsgom/ /e ma'o ngo mtshar yang dag byung / /de nas bcom ldan 'das de bzhin gshegs pa thams cad kyi sku gsung thugs phyag na rdo rje de bzhin gshegs pas de bzhin gshegs pa thams cad la 'di skad ces bka' stsal to/ /bcom ldan 'das de bzhin gshegs pa thams cad nam mkha' ni chos gang dang yang mi ldan te/ mi ldan pa yang ma yin no/ /nam mkha' de ni chos thams cad du gtogs la/ thams cad kyi rjes su blta'o snyam du yang mi sems so/ /de bzhin du bcom ldan 'das de bzhin gshegs pa thams cad rmi lam dang / rmi lam las byung bar rjes su rig par bya'o/ /bcom ldan 'das de bzhin gshegs pa thams cad 'di lta ste/ gzhan yang nam mkha' ni brtag tu med pa/ bltar med pa thogs pa med pa'o/ /de bzhin du bcom ldan 'das de bzhin gshegs pa thams cad chos thams cad kyang rjes su rig par bya'o/ /bcom ldan 'das de bzhin gshegs pa thams cad 'di lta ste/ gzhan yang lus dang ngag dang sems dang chos thams cad dang rdo rje'i gnas kyi dam tshig ni thams cad la rjes su song ba ngo bo nyid gcig pa ste/ 'di lta ste/ sems kyi ngo bo nyid do/ /lus dang ngag dang sems kyi khams gang yin pa dang / nam mkha'i khams de dag gnyis su med cing gnyis su byar med do/ /bcom ldan 'das de bzhin gshegs pa thams cad 'di lta ste/ gzhan yang sems can thams cad ni nam mkha'i khams su gnas te/ nam mkha'i khams de yang 'dod pa'i khams na gnas pa</font><hr>88.146a<br><font size=+1>

ma yin/ gzugs kyi khams na gnas pa ma yin/ gzugs med pa'i khams na yang gnas pa ma yin te/ chos gang khams gsum na mi gnas pa de ni skye ba med pa'o/ /gang la skye ba med pa de ni chos gang gis kyang brtag par mi nus so/ /de bas na bcom ldan 'das de bzhin gshegs pa thams cad chos thams cad ngo bo nyid med pa'o/ /kye bcom ldan 'das de bzhin gshegs pa thams cad 'di lta ste/ gzhan yang byang chub kyi sems ni de bzhin gshegs pa thams cad kyi ye shes 'byung bar byed pa rdo rje'i gnas kyi rnam pa ste/ byang chub kyi sems de yang lus la mi gnas/ ngag la mi gnas/ sems la mi gnas so/ /chos gang yang khams gsum na mi gnas pa de la skye ba med de/ /'di ni de bzhin gshegs pa thams cad kyi ye shes 'byung bar byed pa rdo rje'i gnas yin no/ /kye bcom ldan 'das de bzhin gshegs pa thams cad rmi lam ni bdag gis khams gsum du rmi lam gyi gnas mthong bar bya'o snyam du mi sems so/ /mi yang bdag gis rmi lam mthong bar bya'o snyam du mi sems te/ khams gsum gyi bya ba de rnams kyang rmi lam lta bu/ rmi lam dang 'dra ba rmi lam las byung ba'o/ /de bzhin du bcom ldan 'das de bzhin gshegs pa thams cad phyogs bcu'i 'jig rten gyi khams thams cad na sangs rgyas dang byang chub sems dpa' ji snyed bzhugs pa rnams dang / sems can ji snyed pa de dag thams cad kyang rmi lam la bdag med pa'i gnas su rjes su rig par bya'o/ /bcom ldan 'das de bzhin gshegs pa thams cad 'di lta ste/ dper na/ yid bzhin gyi nor bu rin po che ni rin po che thams cad kyi gtso bo yon tan thams cad dang ldan pa ste/ rin po che thams cad kyi gtso bo yon</font><hr>88.146b<br><font size=+1>

tan thams cad dang ldan pa gang yin pa de la sems can gang dag gis gser ram/ rin po che'am dngul yang rung ste/ gang gsol ba btab pa de dag thams cad bsams pa tsam nyid kyis 'byor par byed de/ rin po che la sogs pa de dag kyang sems la mi gnas/ yid bzhin gyi nor bu la gnas pa yang ma yin no/ /de bzhin du bcom ldan 'das de bzhin gshegs pa thams cad chos thams cad dang sangs rgyas kyi chos thams cad kyang rjes su rig par bya'o/ /de nas bcom ldan 'das de bzhin gshegs pa de dag thams cad rab tu dgyes pa'i spyan gdangs nas de bzhin gshegs pa thams cad kyi sku gsung thugs rdo rje de bzhin gshegs pa la 'di skad ces gsol to/ /bcom ldan 'das gang la nam mkha'i khams kyi rjes su 'brang ba'i chos thams cad la sangs rgyas kyi chos rnams rjes su 'brang bar 'gyur ro zhes pa ni ngo mtshar che'o/ /de nas sangs rgyas dang byang chub sems dpa' de dag thams cad kyis bcom ldan 'das phyag na rdo rje de bzhin gshegs pa'i zhabs gnyis la phyag 'tshal nas 'di skad ces gsol to/ /gang bcom ldan 'das kyis sngags thams cad kyi rdo rje'i dngos grub kun nas btus te gsungs pa/ sngags thams cad kyi rdo rje kun nas btus pa'i dngos grub de dag gang la gnas pa lags/ gang nas byung ba lags/ de nas phyag na rdo rjes de bzhin gshegs pa thams cad dang / byang chub sems dpa' de dag thams cad la legs so zhes bya ba byin nas/ de bzhin gshegs pa de dag thams cad la 'di skad ces bka' stsal to/ /bcom ldan 'das de bzhin gshegs pa thams cad sngags thams cad kyi rdo rje'i kun nas btus pa'i dngos</font><hr>88.147a<br><font size=+1>

grub ni sngags thams cad kyi sku gsung thugs la mi gnas so/ /de ci'i phyir zhe na/ 'on kyang bcom ldan 'das de bzhin gshegs pa thams cad dngos grub thams cad dang / sangs rgyas kyi chos thams cad rang gi lus dang ngag dang sems rdo rje la gnas so/ /lus dang ngag dang sems rdo rje de dag kyang 'dod pa'i khams na mi gnas/ gzugs kyi khams na mi gnas/ gzugs med pa'i khams na mi gnas/ sems ni lus la mi gnas/ lus kyang sems la mi gnas/ ngag ni sems la mi gnas/ sems kyang ngag la mi gnas so/ /de ci'i phyir zhe na/ nam mkha' ltar ngo bo nyid dag pa'i phyir ro/ /de nas de bzhin gshegs pa de dag gis de bzhin gshegs pa thams cad kyi sku gsung thugs rdo rje la 'di skad ces gsol to/ /bcom ldan 'das de bzhin gshegs pa thams cad kyi chos gang la gnas pa lags/ gang nas byung ba lags/ rdo rje 'chang gis bka' stsal pa/ rang gi lus dang ngag dang sems la gnas so/ /rang gi lus dang ngag dang sems las byung ngo / /bcom ldan 'das de bzhin gshegs pa thams cad kyis gsol pa/ sems gang la gnas/ bka' stsal pa nam mkha' la gnas so/ /gsol pa nam mkha' gang la gnas/ bka' stsal pa gang la yang mi gnas so/ /de nas sangs rgyas dang byang chub sems dpa' de dag thams cad ngo mtshar du gyur/ rmad du byung bar gyur nas rang gi sems kyi chos nyid la gnas nas sems shing cang mi smra bar 'khod par gyur to/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las sems can thams cad kyi dam tshig gi snying po rdo rje 'byung ba zhes bya ba'i le'u ste bco lnga pa'o// //</font><hr>88.147b<br><font size=+1>

de nas bcom ldan 'das de bzhin gshegs pa thams cad yang 'dus par gyur nas bcom ldan 'das de bzhin gshegs pa thams cad kyi sku gsung thugs rdo rje la de bzhin gshegs pa thams cad kyi sku gsung thugs rdo rje'i tshig gis gsol ba btab nas/ de bzhin gshegs pa thams cad kyi rdo rje rin chen gyi mchod pa'i bkod pas mchod pa byas so/ /de nas bcom ldan 'das phyag na rdo rje de bzhin gshegs pas rdo rje thams cad kyi dkyil 'khor seng ge'i dam tshig gi rgyal po'i bkod pa zhes bya ba'i ting nge 'dzin la snyoms par zhugs nas/ rdo rje sku'i dkyil 'khor 'di sangs rgyas thams cad nyid kyi sku gsung thugs rdo rje las phyung ngo / /de nas de phyir sku'i dkyil 'khor/ /mchog thugs dkyil 'khor rab 'dra ba/ /dkyil 'khor rnams ni kun gyi mchog /legs par rab tu bshad par bya/ /khru ni bcu drug tshad du bya/ /gru bzhi lham pa rab tu mdzes/ /sangs rgyas kun gyi dkyil 'khor te/ /sku yi rdo rje rab tu gnas/ /de yi nang du 'khor lo ni/ /cho ga rdo rjes bri bar bya/ /sngags rnams kyi ni gsang ba mchog /dbus su rnam par snang mdzad gnas/ /phyag rgya rdo rje'i gnas bya'o/ /mi bskyod pa la sogs pa'ang bri/ /sku dang gsung thugs rdo rje mchog /grwa rnams kun du dgod par bya/ /khro bo dang po rnams sgor bri/ /stobs chen pha rol gnon pa rnams/ /rdo rje gsang ba rab bsgom pa'i/ /mchod pa sngags shes pa yis bya/ /'di ni sngags rnams thams cad kyi/ /dam tshig shin tu 'da' dka' ba'o/ /bshang dang gci ba la sogs pa/ /bye brag tu ni nges par dbul/ /'di ni sku yi rdo rje can/ /sngags rnams kun gyi dam tshig go/ /'di ni de bzhin gshegs pa thams cad kyi sku'i dkyil 'khor ro/ /de nas bcom ldan 'das</font><hr>88.148a<br><font size=+1>

phyag na rdo rje de bzhin gshegs pas gsung rdo rje thams cad kyi dam tshig gi sprin bkod pa zhes bya ba'i ting nge 'dzin la snyoms par zhugs nas gsung rdo rje'i dkyil 'khor 'di nyid kyi sku gsung thugs rdo rje las phyung ngo / /de nas de phyir gsung dkyil 'khor/ /mchog thugs dkyil 'khor rab tu 'dra/ /dkyil 'khor rnams ni kun gyi mchog /legs par rab tu bshad par bya/ /khru ni nyi shu'i tshad du bya/ /gru bzhi lham pa cho ga bzhin/ /grwa bzhi pa la sgo bzhi par/ /rdo rje bsgom pas thig gdab bo/ /nyid kyi sku yi dkyil 'khor gnas/ /rdo rje'i gsung gi yon tan skyed/ /rgyal po chen po rdo rje chos/ /rig pa'i dbang po 'jug par bya/ /de dbus 'khor lo chen po ni/ /kun tu zlum po bri bar bya/ /mdor na phyag rgya thams cad ni/ /cho ga brtson pas bri bar bya/ /tshe dpag med kyi phyag rgya che/ /de yi dbus su dgod par bya/ /rdo rje'i gnas ni nyams dga' nyid/ /de dag thams cad yongs su brtag /yongs su gsal bar cho ga yis/ /dkyil 'khor dam pa byas nas ni/ /de nas gsang ba'i mchod pa bya/ /de ltas rdo rje can mnyes 'gyur/ /bshang gci khu ba'i dam tshig gis/ /mchod na dngos grub thob par 'gyur/ /'di ni sangs rgyas thams cad kyi/ /dam tshig shin tu 'da' dka' ba'o/ /de bzhin gshegs pa thams cad kyi gsung rdo rje'i dkyil 'khor ro/ /de nas bcom ldan 'das phyag na rdo rje de bzhin gshegs pas kun nas sprin gyi bkod pa rdo rje zhes bya ba'i ting nge 'dzin la snyoms par zhugs nas/ rab tu gsang ba'i dkyil 'khor gsang chen 'di nyid kyi sku gsung thugs rdo rje las phyung ngo / /rdo rje 'dzin mchog gang yin pa'i/ /gzugs ni dbus su legs bris pa/ /de yi dkyil 'khor gnas su 'gyur/ /sku gsung thugs kyi gsang las byung / /'di ni de bzhin gshegs pa thams cad</font><hr>88.148b<br><font size=+1>

kyi sku dang gsung dang thugs rdo rje'i gnas shes pa'i gsang chen rab tu gsang ba'o/ /de nas bcom ldan 'das phyag na rdo rje de bzhin gshegs pas dkyil 'khor thams cad 'khor lo 'byung ba zhes bya ba'i ting nge 'dzin la snyoms par zhugs nas/ dkyil 'khor thams cad kyi sku dang gsung dang thugs rdo rje'i gsang ba 'di nyid kyi sku gsung thugs rdo rje las phyung ngo / /de la 'di ni rdo rje'i dkyil 'khor gyi sngags kyi snying po'i thig gi yi ge'i gnas rnams te/ o~M AHhUM/ rdo rje'i thig ni gdab pa dang / /mtshon rtsi rnams kyang dgyes pa dag /sngags kyi sems pas mi bya ste/ /byas na byang chub rnyed par dka'/ /de bas dam tshig cho ga shes/ /sngags kyi lha rnams bcug nas su/ /byin gyis brlabs pa'i gnas bsgoms la/ /dkyil 'khor rnams ni rnam par brtag /rgyal chen rnam par snang mdzad dang / /spyan ma yang ni gzhug par bya/ /sku yi dkyil 'khor gnas yid 'ong / /rdo rje'i sku yi yon tan 'thob/ /rdo rje chos ni rgyal po che/ /rang gi chos ma 'jug par bya/ /'di ni sngags rnams thams cad kyi/ /mchog tu rtag pa'i gsang ba'o/ /rdo rje sems dpa' rgyal po che/ /mA ma kI yang 'jug par bya/ /'di de sngags rnams thams cad kyi/ /mchog tu rmad byung gsang chen no/ /de ltar byas pas myur du rang / /rab dang yid dbang rnams byon nas/ /rab tu dgyes par gyur pa rnams/ /gsang ba mchog ni 'dri bar byed/ /'di skad kyang gsungs so/ /sngags grub pa yis bya ba ni/ /rdo rje gsang ba rmad byung che/ /khro bo'i rgyal po yis sangs rgyas/ /thams cad bkug nas mchod par bya/ /rdo rje gsum dang gnas dag la/ /dam tshig mchod pa dus gsum pa/ /rdo rje gsum gyi sbyor bas bya/ /sngags</font><hr>88.149a<br><font size=+1>

kyi dngos grub thob par byed/ /'di skad kyang gsungs so/ /sngags rnams thams cad nyid la yang / /rmad byung chen po'i gtor ma dbul/ /bshang gci sha dang 'bru mar dang / /lnga pa sems las byung ba dang / /khu ba dag gis sngags rnams kun/ /tshim par 'gyur bar kun tu bshad/ /'di ni dam tshig mchog yin te/ /sangs rgyas byang chub rdzogs byed pa'o/ /thig gdab pa yi cho ga 'di/ /rang nyid gang tshe spyod pa na/ /rnam par snang mdzad rab bsgoms nas/ /rdo rje sems dpa' rab tu bsgom/ /yang na rdo rje bdud rtsir grags/ /slob ma rdo rje 'od po cher/ /bsgom bya las kyi go 'phang ni/ /sangs rgyas kun gyis nges sten pa'o/ /sangs rgyas rgyal chen lnga rnams ni/ /rdo rje'i thig skud gshegs rnams dgod/ /'di ni sangs rgyas thams cad kyi/ /gsang ba rab tu rmad byung ba'o/ /nyi shu rtsa lnga'i bye brag gis/ /tshon rtsi dag kyang rnam par dgye/ /'di ni sangs rgyas thams cad kyi/ /gsang chen byang chub dam pa'o/ /sngags rnams thams cad nyid la yang / /rdo rje hU~M mdzad bsgom par bya/ /mchog gi sku gsung thugs dam tshig /gnas lnga dag tu bsgom par bya/ /de ltar byas na nye mi 'gyur/ /rdo rje mi phyed gsum las skyes/ /rdo rje sems dpa' blo ldan pa/ /'jigs shing skrag nas byin rlob mdzad/ /rdo rje bum pa rnams dgod pa/ /sngags rgyud bdag pos shes byas pa/ /rdo rje sems dpa'i ting 'dzin gnas/ /brtan pa'i blos ni brtag par bya/ /dngos grub kun 'bras 'dod pa yi/ /sngags shes pas ni sbyin sreg bya/ /bshang gci 'bru mar sha la sogs/ /bsreg rdzas dag ni dbul bar bya/ /rdo rje mi phyed gsum 'khor lo/ /rdo rje gsang ba'i sbyin bsreg dbul/ /dbus su rang gi lha yi gzugs/ /bsams te zhal du dbab par bya/ /</font><hr>88.149b<br><font size=+1>

'di skad kyang gsungs so/ /dbang po gnyis ni rab sbyor bas/ /brgya rtsa brgyad ni sbyin bsreg bya/ /'di ni sangs rgyas thams cad kyi/ /dam tshig shin tu 'da' dka' ba'o/ /rnam par snang mdzad sbyor ba yis/ /slob ma rdo rje gsum las byung / /aHyig lus dang ngag sems la/ /bsgoms nas rdo rjes 'dzin par byed/ /rgyal chen rdo rje sems dpa' dang / /grags chen rnam par snang mdzad ni/ /sku gsung thugs kyi dam tshig tu/ /byin gyis brlabs ni rab tu stsol/ /de la 'di ni dkyil 'khor chen por gzhug pa'i rdo rje'i dam tshig go/ /AHkha~M bI ra hU~M/ 'di ni dam tshig thams cad kyi lus dang ngag dang sems kyi snying po'i sngags kyi rgyal po'o/ /de la 'di ni rdo rje chen po dbang bskur ba'i gsang ba'i ye shes gsang chen no/ /sangs rgyas kun gyis nam mkha'i khams/ /yongs su gang bar rab tu bsgom/ /rdo rje'i blo yis sil snyan dang / /dri sogs dam tshig sprin tshogs bsgom/ /'di skad kyang gsungs so/ /rdo rje sku gsum sngags kyis ni/ /yungs kar brtul zhugs can gyis brdeg /de la de yi tshe na ni/ /rang nyid dbang bskur rab tu stsol/ /yang ni rdo rje sems dpa' yis/ /ting nge 'dzin gyis sangs rgyas bsgom/ /bum pa dam tshig mchog rnams kyis/ /bzung bar mkhas pas bsgom par bya/ /rtag tu slob ma blo brtan pa/ /rdo rje rnam par snang mdzad bsam/ /lus dang ngag sems rdo rje can/ /sngags shes pas ni dgod par bya/ /de la 'di ni dbang bskur ba thams cad kyi gsang chen te/ slob dpon thams cad kyis rdo rje'i tshig smra bar bya'o/ /dbang bskur chen po rdo rje ni/ /khams gsum pa yis phyag byas pa/ /rdo rje gsang ba gsum byung ba/ /sangs rgyas kun gyis sbyin par bya/ /de la 'di ni slob ma thams cad kyis rdo rje chen po</font><hr>88.150a<br><font size=+1>

gsol ba gdab pa'i cho ga gsang chen no/ /byang chub rdo rjes sangs rgyas la/ /mchod chen ji ltar stsal ba bzhin/ /bdag kyang rab tu sgral ba'i phyir/ /nam mkha'i rdo rje deng bdag stsol/ /de tshe de la dbang bskur ba/ /rab dga'i sems kyis sbyin par bya/ /lha yi gzugs kyi sbyor ba yis/ /snying khar bdag po gzhag par bya/ /rdo rje slob ma blo ldan la/ /de la dkyil 'khor bstan par bya/ /sangs rgyas thams cad kyis gsungs pa'i/ /dam tshig gsang ba bsgrag par bya/ /khyod kyis srog chags gsad par bya/ /brdzun gyi tshig kyang smra bar bya/ /ma byin pa yang khyod kyis blang / /pha rol bud med brten par bya/ /rdo rje'i lam ni 'di dag gis/ /sems can thams cad rab bkul bya/ /'di ni sangs rgyas thams cad kyi/ /dam tshig mchog tu rtag pa'o/ /zhes kyang gsungs so/ /sngags kyis bskul ba smras pa yi/ /de la sngags kyang sbyin par bya/ /sngags kyi rgyal po'i ting 'dzin ni/ /byin nas gsang ba yang dag brtsam/ /khu ba'am yang na bshang ba'ang rung / /mngon par bsngags nas cho ga bzhin/ /rdo rje'i blos ni zar gzhug bya/ /'di ltas dngos grub rnyed mi dka'/ /rnam pa 'di bzhi gsang chen te/ /rdo rje can ni kun gyi gsang / /sngags kyi 'khor los bud med gzugs/ /sems can don spyod phyir gnas pa'o/ /de la 'di ni rdo rje'i dkyil 'khor sngags thams cad kyis mnyes par bya ba gsang ba'o/ /glang po'i sha dang rta yi sha / sha chen dag kyang bza' bar bya/ /sngags rnams kun la dbul bar bya/ /de ltar byas na mgon po mnyes/ /nyin re rdo rje slob ma la/ /mkhas pas dkyil 'khor bstan par bya/ /bshang gci sha yi bya ba dang / /rdo rje gsang ba'i gnas kyis kyang / /sngags rnams kun gyi yi ge o~M/ /bsgoms</font><hr>88.150b<br><font size=+1>

na de ma thag tu 'bar/ /bcom ldan 'das sngags kyi rig pa'i skyes bu chen pos de skad ces bka' stsal to/ /dngos grub thams cad bsgrub pa ste/ /dam tshig chen po bsgrub pa'o/ /rab tu 'bad pas bsgrub bya ba/ /sangs rgyas byang chub rang nyid kyang / /mi snang stobs dang brtson 'grus dang / /rdo rje 'gugs pa mchog dag ni/ /rdo rje sku yi bka' ji bzhin/ /dkyil 'khor du ni thams cad 'grub/ /bshang gci dang ni sha chen rnams/ /cha ni mnyam par byas nas su/ /kham phor sbyar mar bzhag nas ni/ /sangs rgyas kun dang lhan cig 'khod/ /'di skad ces kyang gsungs so/ /de la 'di ni gsang ba thams cad kyi rdo rje mngag gzhug pa rab tu bsgrub pa'i dam tshig gi mchog go/ /hIHy-ig 'bar ba 'od bzang po/ /nam mkha' rdo rje'i dbus gnas bsam/ /sangs rgyas kun gyis nam mkha'i khams/ /yongs su gang bar rnam par bsgom/ /de yi sku gsung thugs kyi gnas/ /der ni sngags la dbab par bya/ /de la 'di ni sku dang gsung dang thugs kyi sngags rdo rje'i byin gyis rlob pa'i gnas so/ /o~MHkhaM d+hIH phyag na rdo rje gzugs chen po/ /phyag na pad mo 'od chen dang / /gzhan gyis mi thub gzugs chen dag /bsgoms nas gsang ba'i gnas gzhag go/ /'di la 'di ni rdo rje gsang ba'i gnas so/ /nyi ma'i dkyil 'khor dbus gnas par/ /mi bskyod pa ni rab tu brtag /tshe dpag med pa'i rdo rje che/ /rdo rje snang mdzad de bzhin te/ /thams cad 'od chen sdug bsngal ni/ /chen pos snying pos bskul bar bya/ /de la 'di ni rdo rje thams cad kyi snying po bskul pa'o/ /AHna dung rtse che dang rdo rje che/ /lcags kyu sna tshogs mchog rnams kyis/ /rdo rje cho ga bzhin du bskul/ /sangs rgyas byang chub rab tu 'grub/ /'di skad ces kyang gsungs so/ /nyams dga' ba dang ri dbang dang / /chu gling rnam pa sna tshogs su/ /</font><hr>88.151a<br><font size=+1>

zla phyed nang dang rdzogs pa yis/ /nges par sangs rgyas nyid thob 'gyur/ /ri rab sum bcu rtsa drug gi /rdul phran ji snyed yod pa yi/ /'khor gyi tshogs rnams de dag ni/ /byang chub rdo rje can grub 'gyur/ /phyogs bcu'i sangs rgyas thams cad kyi/ /sangs rgyas zhing du 'gro bar 'gyur/ /zab mo'i chos ni thos 'gyur zhing / /sangs rgyas sa yang thob par 'gyur/ /bcom ldan 'das dam tshig rdo rje bzhad pa chen pos de skad ces bka' stsal to/ /de la 'di ni mngag gzhug pa thams cad kyi gsang ba rdo rje gsang chen no/ /rdo rje sems dpa' ye shes che/ /de bzhin gsung gi rdo rje 'dzin/ /rdo rje sku yi dgod pa ches/ /mngag gzhug pa rnams rtag tu bskul/ /de la 'di ni rdo rje ye shes 'khor lo sngags kyi dam tshig gi gnas rnam pa bzhi ste/ dam tshig bskul ba dang dam tshig gtong ba dang / dam tshig bod pa dang dam tshig 'ching ba'o/ /mkha' dbyings rgya chen dag pa ni/ /chos rnams thams cad rnam spangs pa/ /gong bu'i tshul gyis rdo rje ni/ /rmad byung gzugs can byed par 'gyur/ /bcom ldan 'das sangs rgyas thams cad kyi bu gcig pa rdo rje sems dpa' chen pos de skad ces bka' stsal to/ /sangs rgyas rdo rje sems dpa'ang rung / /gal te dbang du bya 'dod na/ /rdo rje mchog gsum 'dzin pa che/ /gsang ba chen po 'di bsam mo/ /'jam pa'i rdo rje stobs po che/ /nam mkha' rdo rje'i dbus gnas bsam/ /mda' lnga'i rab tu sbyor ba yis/ /dbu rgyan rtse mor yang dag spro/ /gnas lnga dag tu sngags shes pas/ /rdo rje khro bo dbab par bya/ /byis pa'i blo ni grags chen gyis/ /sngangs shing brgyal bar bsgom par bya/ /bsam gtan 'di ni gsang ba yi/ /skul ba dag gis phyogs gcig</font><hr>88.151b<br><font size=+1>

bsgom/ /sngags rnams kun gyi rab tu gsang / /rdo rje'i don gyi blo yis gsungs/ /nam mkha' rdo rje'i dbus gnas pa'i/ /hU~M yig sangs rgyas dkyil 'khor mchog /bsam bya rdo rje'i sngags sogs kyis/ /rdo rje gsum la sogs pa bsgom/ /mig gnas yi ge o~M bsams nas/ /'di dag cho gas bstan par bya/ /sngags rnams kun gyi gzugs dag ni/ /sku gsung rdo rje can rnams mthong / /bkres skom la sogs nyon mongs che/ /sbyor ba 'di ni rnam bsam na/ /rdo rje thugs kyi bka' bzhin du/ /sdug bsngal thams cad byang bar 'gyur/ /rnam par snang mdzad gzugs chen po/ /don rnams thams cad 'byor bsam la/ /yi ge ba~M khar gnas pa bsgom/ /o~M yig lce la 'dug par bsam/ /bza' bar bya ba kun gyi gnas/ /yid bzhin nor bu rnam brgyan pa/ /zhi ba sdug bsngal thams cad sel/ /ye shes rdo rje rab bskul ba'o/ /bcom ldan 'das yid bzhin gyi nor bus de skad ces bka' stsal to/ /de nas bcom ldan 'das phyag na rdo rje de bzhin gshegs pa dpa' bo chen po de bzhin gshegs pas rdo rje bsgom pa'i tshig gi mchog rdo rje gsung las phyung ngo / /bIHnam mkha' rdo rje'i dbus gnas par/ /sangs rgyas dkyil 'khor 'od bzang bsam/ /rdo rje sku gsum sbyor ba yis/ /bskyed de 'di ni rnam par bsam/ /rgyan rnams thams cad yongs rdzogs pa/ /ser po rdo rje rnam par 'gying / /zhi ba thor tshugs dbu rgyan can/ /bsams nas thams cad brtsam par bya/ /dpa' bo rdo rje'i rlabs kyi phreng ba zhes bya ba'i ting nge 'dzin to/ /de nas bcom ldan 'das rdo rje 'chang kun nas nges par bsgrags pa rdo rje zhes bya ba'i ting nge 'dzin la snyoms par zhugs nas rdo rje chen po bsgom pa'i tshig 'di nyid kyi sku gsung thugs</font><hr>88.152a<br><font size=+1>

rdo rje las phyung ngo / /cu~M/ nam mkha' rdo rje'i dbus su ni/ /nyi ma'i dkyil 'khor dam pa bsam/ /cho ga dag gis sangs rgyas sprin/ /rdo rje gsum mchog grags chen ni/ /sku dang gsung dang thugs kyis ltung / /skul byed rdo rje ma bsgom mo/ /rgyan rnams thams cad yongs rdzogs pa/ /kha dog dkar mor rab tu bsgom/ /rdo rje sems dpa' rgyal po che/ /bsams la sngags kyi gnas dgod do/ /rdo rje'i dam tshig ye shes kyi 'od zer zhes bya ba'i ting nge 'dzin to/ /de nas bcom ldan 'das phyag na rdo rje de bzhin gshegs pas bsam pa thams cad rdo rje'i longs spyod ces bya ba'i ting nge 'dzin la snyoms par zhugs nas ting nge 'dzin 'khor lo'i tshul 'di nyid kyi sku gsung thugs rdo rje las phyung ngo / /dzaM/ nam mkha' rdo rje'i dbus gnas par/ /sangs rgyas dkyil 'khor dam pa bsam/ /sangs rgyas kun gyi cho ga yis/ /rdo rje bsgom pas dbab par bya/ /dza~M b+ha la ni nor bsgrub pa/ /gnod sbyin chen po bskyed par bya/ /zhi ba gnod sbyin gzugs 'dzin pa/ /thor tshugs dbu rgyan rdo rje can/ /sangs rgyas lnga ni cho ga yis/ /gnas lnga dag tu bsgom par bya/ /de yi rdo rje bdud rtsi'i chu/ /bsam gtan gnas la 'dug pas dbul/ /rdo rje sems dpa'i cho ga yis/ /de yi dbu rgyan rnam par bsam/ /de ltar byas na gnod sbyin dbang / /'brog gnas dbang po 'od chen mnyes/ /rdo rje'i phyag rgya'i dam tshig rdzas sgrub pa'i rtog gi dpal zhes bya ba'i ting nge 'dzin to/ /de nas bcom ldan 'das phyag na rdo rje de bzhin gshegs pas 'dod pa nye bar spyod pa'i dpal zhes bya ba'i ting nge 'dzin la snyoms par zhugs nas/ gnod sbyin mo thams cad kyi dam tshig rdo rje'i tshig 'di nyid kyi sku gsung thugs rdo rje las phyung ngo / /k+ShiM/ mkha' dbyings rdo rje'i dbus gnas</font><hr>88.152b<br><font size=+1>

par/ /gru bzhi lham pa rab tu mdzes/ /thams cad rin chen bzhi las byas/ /me tog spos kyis kun tu 'khrigs/ /gnod sbyin mo ni thams cad kyis/ /mkha' dbyings yongs su gang bar bsam/ /rdo rje gsum gyi sbyor bas dbab/ /gzugs ni gcig tu bsam par bya/ /rdo rje gsum las bye brag gis/ /de yi bsam gtan bsam par bya/ /'jam pa'i rdo rje'i ting 'dzin gnas/ /dbu rgyan la ni khro bo bsgom/ /snying gar sngags kyi tshig bsgoms la/ /rdo rje'i sbyor ba brtsam par bya/ /gnod sbyin mo thams cad mnyam pa nyid gnas pa bsgom pa rdo rje zhes bya ba'i ting nge 'dzin to/ /de nas bcom ldan 'das phyag na rdo rje de bzhin gshegs pas rdo rje'i sngags thams cad dngos grub kyi rnam par 'phrul pa rdo rje zhes bya ba'i ting nge 'dzin la snyoms par zhugs nas phra mo'i dngos grub 'di nyid kyi sku gsung thugs rdo rje las phyung ngo / /sku dang gsung thugs yang dag grub/ /sangs rgyas gzugs 'dzin 'od bzang po/ /'dzam bu chu yi gser 'od 'dra/ /dngos grub phra mo dag la gnas/ /mi snang la sogs kun grub ni/ /gtso bo rdo rje 'chang du 'gyur/ /gnod sbyin rgyal mo grub pa che/ /rig pa 'dzin pa'i gtso bor 'gyur/ /de la 'di ni rdo rje'i dngos grub thams cad kyi gzugs gsang ba sngags kyi dngos grub rnams so/ /sngags kyi dngos grub yid 'ong ba'i/ /mdzes pa'i gzugs rnams thams cad ni/ /'jig rten khams ni thams cad du/ /mthong ba nyid kyi dga' bar 'gyur/ /gtsug tor thams cad grub pa yi/ /yid bzhin nor bu'i bdag por 'gyur/ /sangs rgyas byang chub byed pa'i mchog /sangs rgyas nyid kyang rab bsgom pa'o/ /bcom ldan 'das bsam pa thams cad yongs su rdzogs pa'i rdo rjes</font><hr>88.153a<br><font size=+1>

de skad ces bka' stsal to/ /de nas phyag na rdo rje de bzhin gshegs pa de bzhin gshegs pa thams cad kyi bdag pos de bzhin gshegs pa thams cad kyi sku dang gsung dang thugs kyi rig pa'i brtul zhugs yang dag par len pa'i spyod pa 'di nyid kyi sku gsung thugs/ rdo rje las phyung ngo / /sku gsung thugs kyi rdo rje rnams/ /lus dang ngag sems dmigs pa ni/ /rang gzugs nyid kyis de bya ste/ /de ltas dngos grub thob par 'gyur/ /de la 'di ni sku dang gsung dang thugs kyi rdo rje'i rig pa'i brtul zhugs so/ /gzugs ni thor tshugs dbu rgyan 'chang / /chen po kha dog dkar po 'dra/ /cho ga bzhin du thams cad bya/ /sngags kyi sdom pas kun du bsdam/ /lo grangs bcu drug lon pa ni/ /rgyan rnams kun gyis rnam par bklubs/ /bzhin sdug mig gi dkyus ring ba/ /rnyed nas rig pa'i brtul zhugs spyad/ /spyan gyi go 'phang longs spyod cing / /rdo rje'i mtshan ma yis ni bya/ /phyag rgya sngags kyi cho ga shes/ /sngags dang rgyud ni legs par brlabs/ /de bzhin gshegs pa'i btsun mor bya/ /sangs rgyas byang chub la rab gnas/ /brtul zhugs chen pos thun bzhir ni/ /gsang ba'i mchod pa rab tu bya/ /sdong bu rtsa ba 'bras bu rnams/ /bza' dang bca' ba thams cad spyad/ /'di yis myur du sangs rgyas 'gyur/ /bdag po ye shes rgya mtsho che/ /zla ba drug gis de dag kun/ /gdon mi za bar 'dir thob 'gyur/ /rtag tu gzhan gyi nor brku zhing / /gsad pa'ang rmad du byung ba che/ /'dod chags rdo rje'i gnas spyad pa/ /sdom pa 'dis ni kun du bsdam/ /'dod chags rdo rje'i lcags kyu yum/ /yon tan lug rgyud mA ma kIr/ /gsung gi rdo rje mchog thugs</font><hr>88.153b<br><font size=+1>

kyis/ /'di ni rnam pa kun du rigs/ /rang gi phyag rgya'am sems kyis bsam/ /bsam gtan yig gsum rdo rje can/ /de ltar sangs rgyas kun mkhyen yang / /mnyes par 'gyur 'dir gdon mi za/ /sgrub pa po ni blo brtan pas/ /nags tshal dag tu bsod snyoms tshol/ /kha zas bzang po bstar ba dag /'jigs shing skrag nas ster bar 'gyur/ /rdo rje gsum bdag nyid 'das na/ /'jig cing rdo rje'i yi ger 'gyur/ /lha mo klu mo gnod sbyin ma/ /lha ma yin mo mi mo'ang rung / /rnyed nas rig pa'i brtul zhugs bya/ /rdo rje gsum gyi ye shes bstan/ /'di de sngags rnams thams cad kyi/ /gsang ba'i de nyid tshul chen te/ /rdo rje gsum gyi ye shes 'byung / /sangs rgyas byang chub rab 'jug pa'o/ /bcom ldan 'das de bzhin gshegs pa thams cad kyi rig pa'i brtul zhugs kyi dam tshig gi de kho na nyid kyi rdo rjes de skad ces bka' stsal to/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las dngos grub thams cad kyi dkyil 'khor rdo rje mngon par rdzogs par byang chub pa zhes bya ba'i le'u ste bcu drug pa'o// // de nas bcom ldan 'das de bzhin gshegs pa thams cad yang 'dus nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pa la gsol ba btab pa/ mi bskyod rdo rje ye shes che/ /rdo rje dbyings ni mkhas pa che/ /rdo rje gsum mchog dkyil 'khor gsum/ /gsang ba gsungs khyod phyag 'tshal lo/ /rnam par snang mdzad dag pa che/ /rdo rje zhi ba dga' ba che/ /rang bzhin 'od gsal chos rnams ni/ /ston mdzod rdo rje khyod phyag 'tshal/ /rin chen rgyal po rab tu zab/ /rdo rje nam mkha' dri med mkha'/ /rang bzhin dag pas gos pa med/ /gsang ba</font><hr>88.154a<br><font size=+1>

gsungs shig khyod phyag 'tshal/ /rdo rje dpag med rgyal po che/ /mi rtog nam mkha' rdo rje can/ /'dod chags pha rol phyin pa brnyes/ /rdo rje gsungs khyod phyag 'tshal lo/ /don yod rdo rje rdzogs sangs rgyas/ /bsam pa thams cad yongs rdzogs mdzad/ /dag pa ngo bo nyid las byung / /rdo rje sems dpa' khyod phyag 'tshal/ /sangs rgyas kun gyis bskul ba yi/ /bstod tshig zhi ba 'di rnams kyis/ /rdo rje longs spyod bstod na ni/ /de yang sangs rgyas mnyam par 'gyur/ /de nas ston pa rdo rje 'dzin/ /sangs rgyas kun la rjes brtse bas/ /rdo rje gsang ba'i gnas dag pa/ /rdo rje gsung ni bka' stsal to/ /e ma'o sangs rgyas thams cad kyi/ /chos kyi dbyings kyi yi ge che/ /rang bzhin 'od gsal dag pa ni/ /nam mkha'i dbyings bzhin dri ma med/ /de nas phyag na rdo rje de bzhin gshegs pa thams cad kyi bdag pos sangs rgyas thams cad kyi sku rdo rje'i dam tshig 'di nyid kyi sku gsung thugs rdo rje las phyung ngo / /sangs rgyas ye shes mtsho 'od kyis/ /dam tshig bzhi ni bsrung bya ste/ /sha chen rtag tu bza' bya'o/ /'di ni dam tshig mchog yin no/ /de nas phyag na rdo rje de bzhin gshegs pa'i bdag pos sangs rgyas thams cad gsung rdo rje'i dam tshig 'di nyid kyi sku gsung thugs rdo rje las phyung ngo / /dam tshig bzhi po bsrung bya ste/ /gsung gi rdo rje yi ge ches/ /bshang gci rtag tu bza' bya nyid/ /'di ni gsung ba rmad byung ba'o/ /de nas phyag na rdo rje de bzhin gshegs pa thams cad kyi bdag pos rdo rje 'dzin pa thams cad kyi thugs rdo rje'i dam tshig 'di nyid sku gsung thugs rdo rje las phyung ngo / /rdo rje sems dpa' rdzu 'phrul ches/ /dam tshig bzhi po bsrung bya ste/ /khrag dang khu ba sbyar ba dag /brtul zhugs brtan pas rtag tu bza'/ /sku gsung thugs kyi rdo rje yi/ /</font><hr>88.154b<br><font size=+1>

dam tshig de ni rmad byung che/ /sangs rgyas kun gyi rtag pa ni/ /rdo rje 'dzin phyir yang dag bsrung / /gang zhig dam tshig 'di srung ba/ /rdo rje sems dpa' 'od po che/ /de yi sku gsung thugs rtogs pa/ /de ma thag tu sangs rgyas 'gyur/ /de nas phyag na rdo rje de bzhin gshegs pa thams cad kyi bdag pos rang sangs rgyas kyi don gyi dam tshig 'di nyid kyi sku gsung thugs rdo rje las phyung ngo / /ston pa lus kyis de rnams ni/ /rdo rje sku la rab tu gnas/ /sems can 'jug pa'i ngang tshul te/ /mchog tu rtag pa'i dam tshig go/ /de nas phyag na rdo rje de bzhin gshegs pa thams cad kyi bdag pos nyan thos kyi bslab pa'i dam tshig 'di nyid kyi sku gsung thugs rdo rje las phyung ngo / /dge ba bcu yi las kyi lam/ /byed pa ye shes spangs pa rnams/ /dman par mos pa thams cad kyi/ /dam tshig de ni rmad byung che/ /de nas phyag na rdo rje de bzhin gshegs pa thams cad kyi bdag pos tshangs pa'i dam tshig 'di nyid kyi sku gsung thugs rdo rje las phyung ngo / /gti mug lam gyis las gang rnams/ /byed pa 'jigs shing mi sdug pa/ /sangs rgyas byang chub ston pa ste/ /sku yi rdo rje nyid du 'gyur/ /de nas phyag na rdo rje de bzhin gshegs pa thams cad kyi bdag pos drag po'i dam tshig 'di nyid kyi sku gsung thugs rdo rje las phyung ngo / /khams gsum par ni gnas pa yi/ /bud med rdo rje las byung kun/ /sna tshogs dngos pos spyad pa ni/ /dam tshig mchog tu rmad byung ba'o/ /de nas phyag na rdo rje de bzhin gshegs pa thams cad kyi bdag pos khyab 'jug gi dam tshig 'di nyid kyi sku gsung thugs rdo rje las phyung ngo / /</font><hr>88.155a<br><font size=+1>

sems can skyes pa ji snyed pa/ /sku gsum dbyer med la gnas rnams/ /bsam gtan rdo rjes gsad par bya/ /rdo rje mkha' khams bdag nyid kyang / /de nas phyag na rdo rje de bzhin gshegs pa thams cad kyi bdag pos rdo rje gsum gyi dam tshig gi rdo rje 'di nyid kyi sku gsung thugs rdo rje las phyung ngo / /sku yi rdo rje tshangs par 'gyur/ /gsung gi rdo rje dbang phyug che/ /thugs kyi rgyal po rdo rje 'dzin/ /de nyid khyab 'jug rdzu 'phrul che/ /de nas phyag na rdo rje de bzhin gshegs pa thams cad kyi bdag pos gnod sbyin mo thams cad kyi dam tshig 'di nyid kyi sku gsung thugs rdo rje las phyung ngo / /sha dang khrag ni za ba dang / rtag tu bud med 'dod mchog gzhol/ /rdo rje chen po 'di rnams kyi/ /dam tshig bsten dkas mnyes par bya/ /de nas phyag na rdo rje de bzhin gshegs pa thams cad kyi bdag pos klu'i dbang po'i rgyal mo thams cad kyi dam tshig 'di nyid kyi sku gsung thugs rdo rje las phyung ngo / /phra ma dang ni 'o ma 'thung / /'dod dang dri ma rtag tu 'bad/ /dam tshig 'di rnams kyis bsgrub bya/ /gzhan du nges par nyon mongs 'gyur/ /de nas phyag na rdo rje de bzhin gshegs pa thams cad kyi bdag pos lha ma yin gyi bu mo'i dam tshig 'di nyid kyi sku gsung thugs rdo rje las phyung ngo / /khro zhing nga rgyal khur gyis non/ /spos dang me tog spyod pa skyes/ /dam tshig rdo rje sa 'og tu/ /gdul dka' rdo rje 'jigs byed de/ /de nas phyag na rdo rje de bzhin gshegs pa thams cad kyi bdag pos srin mo rnams kyi dam tshig 'di nyid kyi sku gsung thugs rdo rje las phyung ngo / /thod rus gdug pa'i 'bru mar dang / /zhag gis rab tu dga' bar 'gyur/ /'byung po kun</font><hr>88.155b<br><font size=+1>

gyi dam tshig 'di/ /dag byed rdo rje don chen byed/ /de nas phyag na rdo rje de bzhin gshegs pa thams cad kyi bdag pos rdo rje mkha' 'gro ma thams cad kyi dam tshig 'di nyid kyi sku gsung thugs rdo rje las phyung ngo / /bshang ba gci ba khrag bza' zhing / /chang la sogs pa rtag tu btung / /rdo rje mkha' 'gro ma'i sbyor bas/ /gnas kyi mtshan nyid kyis gsang bya/ /ngo bo nyid kyis kun 'byung ba/ /khams gsum dag tu rnam par spyod/ /dam tshig ma lus dngos grub kun/ /phan par 'dod pas spyad par bya/ /khams gsum pa thams cad kyi rdo rje'i dam tshig gi rjes su 'brang ba zhes bya ba'i ting nge 'dzin to/ /de nas phyag na rdo rje de bzhin gshegs pa thams cad kyi bdag pos lus kyi dngos grub kyi dam tshig rdo rje nyid kyi sku gsung thugs rdo rje las phyung ngo / /lus kyi rnam gsum thams cad ni/ /rdo rje yang dag byung bar bya/ /sems can khams ni rnam kun du/ /rtag tu sangs rgyas sku byed pa'o/ /de nas phyag na rdo rje de bzhin gshegs pa thams cad kyi bdag pos ngag gi dngos grub kyi rdo rje'i dam tshig nyid kyi sku gsung thugs rdo rje las phyung ngo / /ngag gi las lam ma lus par/ /khams gsum dri med dkyil 'khor du/ /ngag gi grub gnas nyams dga' 'di/ /dam tshig shin tu 'da' dka' ba'o/ /de nas phyag na rdo rje de bzhin gshegs pa thams cad kyi bdag pos sems rnam par dag pa'i dam tshig nyid kyi sku gsung thugs rdo rje las phyung ngo / /yid kyi rdo rje'i rang bzhin kun/ /brtan pa rdo rje'i blo yis bsgom/ /rdo rje mi phyed gsum ldan gyi/ /dam tshig bshad pa 'di yin no/ /bcom ldan 'das kun du bzang po rdo rje sems dpas de skad ces bka' stsal to/ /de nas phyag na rdo rje de</font><hr>88.156a<br><font size=+1>

bzhin gshegs pa thams cad kyi bdag pos sngags thams cad kyi rdo rje'i dam tshig nyid kyi sku gsung thugs rdo rje las phyung ngo / /sangs rgyas byang chub sems dpa' dang / /rang rgyal nyan thos de bzhin te/ /sku gsung thugs kyi sbyor ba yis/ /phyag 'tshal na ni nyams par 'gyur/ /de nas phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi sku gsung thugs rdo rje'i bsam gtan gyi dam tshig nyid kyi sku gsung thugs rdo rje las phyung ngo / /kun tu sku dang gsung thugs kyi/ /dkyil 'khor rdo rje sems dpa' yi/ /rdo rje gsum gyi sbyor ba yis/ /bsam gtan sngags zlos pas bsgom bya/ /de nas phyag na rdo rje de bzhin gshegs pa thams cad kyi bdag pos sngags rdo rje thams cad kyi sdom pa nyid kyi sku gsung thugs rdo rje las phyung ngo / /sems can khams rnams bsdus nas ni/ /bsam gtan rdo rjes bskul bar bya/ /rdo rje gsum phyag mchog gi mchog /dam tshig rdo rje 'byung ba'o/ /de nas phyag na rdo rje de bzhin gshegs pa thams cad kyi bdag pos bsnyen pa dang / /bsgrub pa dang nye bar sgrub pa dang sgrub pa chen po'i sdom pa nyid kyi sku gsung thugs rdo rje las phyung ngo / /rdo rje bshang gcis nam mkha'i dbyings/ /yongs su gang bar rnam par bsam/ /dus gsum rdo rje dag la dbul/ /dam tshig rab tu rtag pa'o/ /de nas phyag na rdo rje de bzhin gshegs pa thams cad kyi bdag pos rdo rje thams cad mi snang ba'i dam tshig nyid kyi sku gsung thugs rdo rje las phyung ngo / /thun bzhi po ni gang zhig mchog /rdo rje mo ni nyin re spyad/ /slar yang rdzas kyang rtag tu dbrog /rdo rje rdzogs byed dam tshig go/ /de nas phyag na rdo rje de bzhin gshegs pa thams cad kyi bdag pos nam mkha'i</font><hr>88.156b<br><font size=+1>

rig pa 'dzin pa'i dam tshig nyid kyi sku gsung thugs rdo rje las phyung ngo / /sku gsung thugs kyi rdo rje rnams/ /dbu rgyan gyi ni bsam gtan bsam/ /rdo rje gsum gyi dam tshig kun/ /khros pa rnams kyis rgyal mi nus/ /de nas phyag na rdo rje de bzhin gshegs pa thams cad kyi bdag pos sngags 'chang las dang po pa thams cad kyi dam tshig nyid kyi sku gsung thugs rdo rje las phyung ngo / /kha zas la ni sku'i rdo rje/ /phyi rol rdo rje 'dzin pa dang / /rdo rje chos su rtag tu bya/ /mdo 'don cho ga'i bya ba la/ /bcom ldan 'das ngo bo nyid dag pa rdo rjes de skad ces bka' stsal to/ /de nas phyag na rdo rje de bzhin gshegs pa thams cad kyi bdag pos rdo rje 'dzin pa thams cad sku dang gsung dang thugs kyi rdo rje snying po rdo rje mnyam pa nyid rnam par dgongs nas cang mi gsung bar gyur to/ /de nas yang brjod du med pa'i yang brjod du med pa'i sangs rgyas kyi zhing gi ri rab kyi rdul phra rab dang mnyam pa'i byang chub sems dpa' sems dpa' chen po rnams kyis de bzhin gshegs pa thams cad la phyag 'tshal nas 'di skad ces gsol to/ /bcom ldan 'das de bzhin gshegs pa thams cad kyi bdag po 'di ci'i slad du de bzhin gshegs pa thams cad dang / byang chub sems dpa'i 'khor gyi dkyil 'khor gyi nang du cang mi gsung bar bzhugs pa lags/ de nas bcom ldan 'das de bzhin gshegs pa thams cad kyis byang chub sems dpa' de dag la 'di skad ces bka' stsal to/ /rigs kyi bu de bzhin gshegs pa thams cad kyi sku/ gsung thugs kyi bdag po 'di sku dang gsung dang thugs rdo rje'i dmigs su med pa'i ngo bo nyid mi 'gyur ba'i gnas la gang ngo bo nyid med pa mi 'gyur ba'i gnas rnam par dpyad nas cang mi gsung bar bzhugs so/ /</font><hr>88.157a<br><font size=+1>

rigs kyi bu de bzhin gshegs pa thams cad kyi bdag po 'di ni 'di snyam du sems par gyur te/ sku yi yi ge ma skyes pa/ /gsung dang thugs kyang mtshan nyid med/ /nam mkha' rdo rje'i rtog par byung / /log par bzung bas gzung ba yin/ /de nas 'jam dpal la sogs pa byang chub sems dpa' sems dpa' chen po rnams kyis de bzhin gshegs pa de dag thams cad la 'di skad ces gsol to/ /bcom ldan 'das de bzhin gshegs pa thams cad gsung rdo rje'i tshig la log pa kun 'byung bas mi brtag tu gsol/ de ci'i slad du zhe na/ de bzhin gshegs pa thams cad kyi rdo rje'i dbyangs kyi ngo bo nyid spyod pa gshegs pa dang byon pa ni de bzhin gshegs pa thams cad kyi bdag po 'di yin no/ /de ci'i slad du zhe na/ tshangs pa la sogs pa'i byang chub chen po sems pa mngon par shes pa chen po'i ye shes thob pa rnams chos thams cad kyi mtshan nyid kyi ngo bo nyid mi shes pas 'di snyam du yongs su rtog par byed de/ ci rdo rje chen po'i bdag nyid 'di de bzhin gshegs pa thams cad kyi chos thams cad kyi rdo rje de kho na nyid mngon par ma mkhyen nas gsang ba'i yi ge 'chad dam snyam pa yang mchis so/ /de nas bcom ldan 'das de bzhin gshegs pa thams cad kyis byang chub sems dpa' de dag la 'di skad ces bka' stsal to/ /re shig byang chub chen po sems dpa' khyed rnams lta ci smos/ de bzhin gshegs pa thams cad sku gsung thugs kyi gsang ba'i yi ge rnyed pa nged kyis kyang sku gsung thugs kyi byang chub mi shes so/ /de ci'i phyir zhe na/ ngo bo nyid med pa/ mi 'gyur ba las byung ba/ skye ba med pa'i rdo rje mngon par rdzogs par byang chub pas so/ /rigs kyi bu dag sems</font><hr>88.157b<br><font size=+1>

can gyi khongs su gtogs pa'i sems can ji snyed yod pa de dag thams cad byang chub la gnas pa sangs rgyas rdo rje'o/ /de ci'i phyir zhe na/ yong ye sems can 'di dag ni sku gsum rdo rje 'dzin pa nyid nye bar bzung nas sku gsung thugs rdo rje'i ye shes thob pa'o/ /de nas phyag na rdo rje de bzhin gshegs pa thams cad kyi sku gsung thugs rdo rje'i bdag pos de bzhin gshegs pa thams cad dang / byang chub sems dpa' de dag la 'di skad ces bka' stsal to/ /rang bzhin dag cing bdag med pa/ /chos kyi dbyings ni ma lus gnas/ /rtog pa rdo rje yang dag byung / /smra bya smra bya yang ma yin/ /de nas bcom ldan 'das de bzhin gshegs pa thams cad kyis bcom ldan 'das de bzhin gshegs pa thams cad kyi bdag po phyag na rdo rje chen po la phyag 'tshal nas 'di skad ces gsol to/ /bcom ldan 'das de bzhin gshegs pa thams cad kyi sku dang gsung dang thugs rdo rje'i dngos grub gang nas yang dag par 'byung / gang du gnas gang du med par 'gyur ba lags/ de bzhin gshegs pa thams cad kyi bdag po rdo rje 'chang gis bka' stsal pa/ bcom ldan 'das rang gi sku dang gsung dang thugs kyi rgyud la rdo rje rab tu gnas so/ /de bzhin gshegs pa thams cad kyi dngos grub thams cad dang / thams cad mkhyen pa'i ye shes dang / khams gsum ji snyed pa dag kyang ngo / /de bzhin gshegs pa thams cad kyis slar gsungs pa/ bcom ldan 'das de bzhin gshegs pa thams cad kyi sku gsung thugs rdo rje'i dngos grub dang / khams gsum pa thams cad gang na gnas/ ye shes rdo rje'i bdag pos bka' stsal pa/ bcom ldan 'das de bzhin gshegs pa thams cad kyi sku dang</font><hr>88.158a<br><font size=+1>

gsung dang thugs kyi dngos grub dang / khams gsum pa thams cad ni nam mkha'i khams la gnas so/ /de bzhin gshegs pa thams cad kyis gsungs pa/ bcom ldan 'das nam mkha' gang na gnas/ rdo rje 'dzin pas bka' stsal pa/ gang na yang ma yin no/ /de nas de bzhin gshegs pa thams cad dang / byang chub sems dpa' de dag ngo mtshar du gyur/ rmad du byung bar gyur nas dbyangs 'di dag brjod do/ /e ma'o rdo rje e rdo rje/ /e ma'o rdo rje'i bstan pa ni/ /gang du lus dang ngag sems med/ /de ru sku ni rnam sgom pa/ /de nas ston pa rdo rje 'dzin/ /sangs rgyas kun gyis phyag byas pa/ /rdo rje gsum mchog mchog chen mchog /rdo rje gsum mchog dbang phyug gis/ /dngos grub dag ni thams cad kyi/ /rig pa'i skyes bu bsgom pa gsungs/ /mkha' dbyings rdo rje'i dbus gnas par/ /sangs rgyas dkyil 'khor bsgom par bya/ /sku yi rdo rje rab bsgoms nas/ /spyi bor rdo rje rab tu bsgom/ /zhal gsum sku gsum yang dag byung / /rnam par 'phro ba bsam par bya/ /rdo rje 'khor lo 'dzin bsams na/ /myur du byang chub thob par 'gyur/ /thams cad rigs kyi bye brag gis/ /gsang ba 'di ni rnam par bsam/ /gzhan du rnam par bsgom pa ni/ /de dag dngos grub mchog mi 'gyur/ /bcom ldan 'das rig pa'i skyes bu rdo rje gsang bas de skad ces bka' stsal to/ /khams gsum las byung rgyal mo che/ /mnyes par byed pa rnam par bsam/ /'di ltas mnyes 'gyur khyu mchog ni/ /rdo rje sku gsum mtshan pa rnams/ /gang zhig la la 'di sgom pa'i/ /byang chub sems dpa' grags chen rnams/ /</font><hr>88.158b<br><font size=+1>

'od chen pos ni zhag bdun gyis/ /sku gsum dngos grub thob par 'gyur/ /de nas yang bcom ldan 'das phyag na rdo rje de bzhin gshegs pa thams cad kyi bdag pos sku gsung thugs rdo rje bsdus pa'i gsang ba gsang chen nyid kyi sku gsung thugs rdo rje las phyung ngo / /sku gsung thugs kyi dam tshig ni/ /phyag rgya chen po'i don rtogs pa/ /kun mtshan nyid kyis cho ga bzhin/ /bsgoms na sangs rgyas nyid thob 'gyur/ /de nas phyag na rdo rje de bzhin gshegs pa thams cad kyi bdag pos yang sgrub pa po thams cad kyi lus dang ngag dang sems kyi gsang chen nyid kyi sku gsung thugs rdo rje las phyung ngo / /gal te byang chub mchog 'dod na/ /lag pa'i phyag rgya mi bcing ngo / /sngags rnams kun gyi dam tshig 'di/ /rgyal ba rnams kyang mi 'da'o/ /de nas yang phyag na rdo rje de bzhin gshegs pa thams cad kyi bdag pos sangs rgyas thams cad kyi dam tshig nyid kyi sku gsung thugs rdo rje las phyung ngo / /bshang gci khu ba khrag rnams ni/ /smad pa nyid du yong mi bya/ /cho ga bzhin du rtag tu bza'/ /gsang 'di rdo rje gsum byung yin/ /de nas yang bcom ldan 'das phyag na rdo rje de bzhin gshegs pa thams cad kyi bdag pos gsung rdo rje'i dam tshig nyid kyi sku gsung thugs rdo rje las phyung ngo / /khams gsum lam ni nyams dga' bar/ /bud med ji snyed yod pa rnams/ /thams cad cho ga bzhin du spyad/ /gsung gi rdo rje mi smad do/ /de nas yang phyag na rdo rje de bzhin gshegs pa thams cad kyi bdag pos thugs kyi rdo rje'i dam tshig 'di nyid kyi sku gsung thugs rdo rje las phyung ngo / /rdo rje sku gsum la gnas pa'i/ /dam tshig ji snyed yod pa kun/ /rdo rje gsum gyi dam tshig gis/ /mgu bya thugs rdo rje mi smad/ /bcom ldan 'das rdo rje gsum gyi dam tshig chen pos de skad</font><hr>88.159a<br><font size=+1>

ces bka' stsal to/ /de nas yang phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi gsang ba'i rdo rje nyid kyi sku gsung thugs rdo rje las phyung ngo / /mdor na phung po lnga rnams ni/ /sangs rgyas lngar ni rab tu bsgrags/ /rdo rje'i skye mched rnams nyid ni/ /byang chub sems dpa'i dkyil 'khor mchog /de nas phyag na rdo rje de bzhin gshegs pa thams cad kyi bdag pos khams gsum bsags pa'i rdo rje nyid kyi sku gsung thugs rdo rje las phyung ngo / /sa ni spyan zhes bya ba yin/ /chu'i khams mA ma kI zhes bya/ /dkar dang sgrol ma zhes bya ba/ /me dang rlung du rab tu bsgrags/ /mkha' dbyings rdo rje'i dam tshig ni/ /de nyid rdo rje 'dzin pa yin/ /bcom ldan 'das de bzhin gshegs pa thams cad kyi gnas kyi dbang phyug rdo rje sems dpa' chen pos de skad ces bka' stsal to/ /de nas bcom ldan 'das de bzhin gshegs pa thams cad kyi sku gsung thugs rdo rje de bzhin gshegs pa thams cad kyi mnyam pa nyid kyi gnas zhes bya ba'i ting nge 'dzin la snyoms par zhugs so/ /snyoms par zhugs nas kyang de bzhin gshegs pa thams cad kyi 'khor gyi dkyil 'khor la gzigs nas cang mi gsung bar gyur to/ /de nas byang chub sems dpa' sems dpa' chen po/ byams pas de bzhin gshegs pa thams cad la phyag 'tshal nas 'di skad ces gsol to/ /bcom ldan 'das de bzhin gshegs pa thams cad kyi sku dang gsung dang thugs rdo rje'i gsang chen gsang ba 'dus par mngon par dbang bskur ba'i slob dpon la de bzhin gshegs pa thams cad dang / byang chub sems dpa' thams cad kyis ji ltar blta bar bgyi/ de bzhin gshegs pa thams cad kyis bka' stsal pa/ rigs kyi bu de bzhin gshegs pa</font><hr>88.159b<br><font size=+1>

de bzhin gshegs pa thams cad dang / byang chub sems dpa' thams cad kyis byang chub kyi sems rdo rje nyid du blta bar bya'o/ /de ci'i phyir zhe na/ byang chub kyi sems rdo rje dang slob dpon 'di ni gnyis su med cing gnyis su byer med do/ /rigs kyi bu ji snyed mdor bsdus te bstan na ni phyogs bcu'i 'jig rten gyi khams na/ sangs rgyas dang byang chub sems dpa' gang rnams bzhugs pa dang 'tsho ba dang skyong ba de rnams thams cad kyang dus gsum du byon nas/ rdo rje slob dpon de la de bzhin gshegs pa thams cad kyi mchod pa rnams kyis/ yang dag par mchod nas rang gi sangs rgyas kyi zhing du 'gro zhing / ngag rdo rje'i yi ge'i tshig 'di skad du yang 'byin to/ /bdag cag de bzhin gshegs pa thams cad kyi pha'o/ /bdag cag de bzhin gshegs pa thams cad kyi ma'o/ /bdag cag de bzhin gshegs pa thams cad kyi ston pa'o/ /zhes bya ba'i bar du'o/ /'di lta ste gzhan yang rigs kyi bu sangs rgyas bcom ldan 'das phyogs bsu bcing / ji snyed bzhugs pa'i sangs rgyas bcom ldan 'das de rnams kyi sku dang gsung dang thugs rdo rje las byung ba'i bsod nams kyi phung po ji snyed pa de bas kyang / slob dpon gyi ba spu'i bu ga gcig gi bsod nams khyad par du 'phags so/ /de ci'i phyir zhe na/ rigs kyi bu byang chub kyi sems ni sangs rgyas thams cad kyi ye shes kyi snying por gyur pa bskyed pa gnas par gyur pa nas/ thams cad mkhyen pa'i ye shes kyi 'byung gnas yin pa'i bar du'o/ /de nas yang byang chub sems dpa' chen po byams pa yid 'jigs shing skrag nas cang mi smra bar gyur to/ /de nas de bzhin gshegs pa mi bskyod pa dang / de bzhin gshegs pa rin chen tog dang / de bzhin gshegs pa/ 'od dpag</font><hr>88.160a<br><font size=+1>

med dang / de bzhin gshegs pa don yod grub pa dang / de bzhin gshegs pa rnam par snang mdzad kyis rdo rje 'dzin pa dngos grub kyi dam tshig thams cad dmigs pa rdo rje zhes bya ba'i ting nge 'dzin la snyoms par zhugs nas/ byang chub sems dpa' de dag thams cad la bka' stsal pa/ byang chub sems dpa' khyed rnams thams cad nyon cig /gang yang phyogs bcu'i sangs rgyas bcom ldan 'das dus gsum gyi rdo rje ye shes yang dag par byung ba de rnams kyang byon nas gsang ba 'dus pa'i slob dpon la mchod pa byed cing phyag 'tshal lo/ /de ci'i phyir zhe na/ de nyid de bzhin gshegs pa thams cad dang / byang chub sems dpa' thams cad kyi ston pa bcom ldan 'das rdo rje 'dzin pa chen po sangs rgyas thams cad kyi ye shes kyi bdag po yin pa'i phyir ro/ /de nas byang chub sems dpa' sems dpa' chen po de rnams kyis de bzhin gshegs pa thams cad la 'di skad ces gsol to/ /bcom ldan 'das de bzhin gshegs pa thams cad kyi sku gsung thugs kyi dngos grub rnams gang la gnas/ de bzhin gshegs pa thams cad kyis bka' stsal pa/ sku gsum gsang ba'i sku gsung thugs ni rdo rje slob dpon gyi lus dang ngag dang sems rdo rje la gnas so/ /byang chub sems dpa' chen po rnams kyis gsol pa/ lus dang ngag dang sems rdo rje gang la gnas/ de bzhin gshegs pa thams cad kyis bka' stsal pa/ gang la yang mi gnas so/ /de nas byang chub sems dpa' chen po de dag ngo mtshar du gyur rmad du byung bar gyur nas cang mi smra bar gnas par gyur to/ /de nas bcom ldan 'das phyag na rdo rje de bzhin gshegs pas gsang ba'i</font><hr>88.160b<br><font size=+1>

rdo rje'i ting nge 'dzin las bzhengs nas/ de bzhin gshegs pa thams cad dang / byang chub sems dpa' rnams la bka' stsal pa/ khyod de bzhin gshegs pa thams cad dang / byang chub sems dpa' thams cad de bzhin gshegs pa thams cad kyi byang chub kyi sems 'byung ba rdo rje zhes bya ba'i ting nge 'dzin gyi dkyil 'khor chen po nyon cig /de nas yang de bzhin gshegs pa thams cad dang byang chub sems dpa' de dag thams cad kyis thal mo sbyar nas bcom ldan 'das rdo rje 'chang la 'di skad ces gsol to/ /bcom ldan 'das dkyil 'khor chen po bshad du gsol/ bde bar gshegs pa bshad du gsol/ /nam mkha'i dbyings kyi dbus gnas bsam/ /gru bzhi lham pa rab tu mdzes/ /sangs rgyas dkyil 'khor sbyor ba yis/ /bsam gtan rdo rje rab bskul bya/ /rdo rje dkyil 'khor bsam gtan gyis/ /'khor lo can kun gdan du bya/ /mchod pa cho ga de nyid kyis/ /blo dang ldan pas rtag tu bya/ /slob dpon snying gar rab bsgoms nas/ /dbang bskur ba ni yang dag spyad/ /mkha' dbyings sangs rgyas thams cad kyis/ /yongs su gang bar rnam bsgoms la/ /thams cad dbang bskur gnas gsum gyis/ /cho ga bzhin du dbab par bya/ /'di yis sems can thams cad la/ /phan bzhed byang chub thob 'gyur zhing / /dngos grub thams cad rmad byung che/ /sku gsung thugs ni 'grub par 'gyur/ /sangs rgyas dang byang chub sems dpa' thams cad kyi dam tshig gi rdo rje zhes bya ba bsam gtan gyi dkyil 'khor ro/ /de nas slar yang phyag na rdo rje de bzhin gshegs pa thams cad kyi bdag pos thams cad de bzhin gshegs pa'i rdo rje'i sbyor ba zhes bya ba sku dang gsung dang thugs rdo rje'i gsang ba nyid kyi sku</font><hr>88.161a<br><font size=+1>

gsung thugs rdo rje las phyung ngo / /hU~M hrIHkha~M/ sha rus la sogs dkyil 'khor ni/ /nam mkha'i dbyings kyi dbus gnas bsam/ /sku dang gsung thugs gsum snying po/ /rdo rje sems dpa' bsgom par bya/ /drag po mi sdug kun tu khros/ /ud pal sngon po'i kha dog 'dra/ /phyag bzhi pa ni cho ga yis/ phyag na thod pa bsnams par bsgom/ /lnga yi 'od zer rab gsal ba'i/ /rang lce brtul zhugs can gyis bsgom/ /bsam gtan rdo rje'i sbyor ba yis/ /khrag drang ba yi mchog yin no/ /rtse gsum rdo rje dam tshig dang / /phur bu drag po mchog dag gis/ /sangs rgyas nyid kyi sku dag kyang / /rdo rje'i sbyor bas gzir bar bya/ /de nas phyag na rdo rje de bzhin gshegs pa thams cad kyi bdag pos slar yang rdo rje kha zas kyi dam tshig gis bya ba nyid kyi sku gsung thugs rdo rje las phyung ngo / /bza' ba'am btung ba gang cung zad/ /brtul zhugs can gyis gang za ba/ /bshang gci sha yi sbyor ba yis/ /cho ga bzhin du yongs su brtag /de nas phyag na rdo rje de bzhin gshegs pa thams cad kyi bdag pos yang de bzhin gshegs pa thams cad kyi sku dang gsung dang thugs rdo rje mchod pa'i mchog nyid kyi sku gsung thugs rdo rje las phyung ngo / /nyer spyod lnga yi mchod mchog gis/ /mchod bya de dag kyang mchod bya/ /'di ni rdo rje thams cad kyi/ /dam tshig shin tu 'da' dka' ba'o/ /de nas phyag na rdo rje de bzhin gshegs pa thams cad kyi bdag pos yang de bzhin gshegs pa thams cad kyi sku dang gsung dang thugs kyi mchod pa gsang ba nyid kyi sku gsung thugs rdo rje las phyung ngo / /dbang po gnyis kyi sbyor ba yis/ /rang gi khu ba sogs bzung bas/ /cho ga bzhin du kun mchod bya/ /sangs rgyas byang chub thob par 'gyur/ /de nas yang phyag na rdo rje de bzhin gshegs pa thams</font><hr>88.161b<br><font size=+1>

cad kyi bdag pos de bzhin gshegs pa thams cad kyi sku gsung thugs kyi sdom pa nyid kyi sku gsung thugs rdo rje las phyung ngo / /sems can khams rnams mtha' yas kyi/ /ma rnams dam tshig 'dzin pa ni/ /dam tshig gsum gyi rdo rjes spyad/ /sdom pa 'di ni rmad byung che/ /de nas phyag na rdo rje de bzhin gshegs pa thams cad kyi bdag pos thams cad sgrub pa'i sdom pa'i rdo rje nyid kyi sku gsung thugs rdo rje las phyung ngo / /lus dang ngag sems longs spyod rdzogs/ /gsang ba gsum gnas rdo rje skyes/ /bzang po bdag gis bsgrub par bya/ /min na thams cad 'jig par 'gyur/ /de nas yang phyag na rdo rje de bzhin gshegs pa thams cad kyi bdag pos thams cad sgrub pa'i rdo rje sems dpa'i sdom pa nyid kyi sku gsung thugs rdo rje las phyung ngo / /mtho gang tsam gyis spags par ni/ /mgo bor dkyil 'khor brtag par bya/ /o~M yig dbus su gnas bsams nas/ bdud rtsi lnga bo dbab par bya/ rdo rje sbyor ba 'di yis ni/ skad gcig gis ni gzi can 'gyur/ lus dang ngag sems bder gnas par/ 'gyur bar 'dir ni the tshom med/ de nas yang phyag na rdo rje de bzhin gshegs pa thams cad kyi bdag pos sngags thams cad 'dzin pa'i lus dang ngag dang sems kyi gsang ba nyid kyi sku gsung thugs rdo rje las phyung ngo / /mchod rten dag gi las mi bya/ gleg bam bklag pa'ang mi bya zhing / /dkyil 'khor dag kyang yong mi bya/ /rdo rje mchog gsum phyag mi bya/ /de nas yang phyag na rdo rje de bzhin gshegs pa thams cad kyi bdag pos dug thams cad bsal ba gnon pa 'dren pa'i gsang ba nyid kyi sku gsung thugs rdo rje las phyung ngo / /o~M/ 'od zer</font><hr>88.162a<br><font size=+1>

dkar 'bar phreng ba can/ /'khor lo'i dbus su chud par bzhag /'od zer ser po 'khrigs pa yis/ /ser po lta bur bsgom par bya/ /rdo rje gsum 'od dam tshig gis/ /sa bon 'di ni gsang gsum byung / /de nas slar yang phyag na rdo rje de bzhin gshegs pa thams cad kyi bdag pos lus dang ngag dang sems srung ba'i 'khor lo'i sngags rdo rje dang ldan pa nyid kyi sku gsung thugs rdo rje las phyung ngo / /o~M hu lu hu lu/ tiSh+Tha tiSh+Tha/ ban+ha ban+ha/ ha na ha na/ da ha da ha/ a mrI te hU~M phaT/ gro ga sogs la 'khor lo ni/ /las kyi rdo rje la gnas par/ /hUM yig dbus su bzhag nas su/ /ming ni dbus su bri bar bya/ /sngags kyi yi ge'i tshig rnams kyis/ /yang dag brgyan te rtag tu bzhag /'di ni sngags rnams thams cad kyi/ /gsang ba gsum gyi gnas bsdus pa'o/ /de nas slar yang phyag na rdo rje de bzhin gshegs pa thams cad kyi bdag pos rdo rje an dza'i gnas nyid kyi sku gsung thugs rdo rje las phyung ngo / /lam gyi bzhi mdo'am shing gcig drung / ma mo'i gnas sam zhi gnas su/ /de ru rdo rje an dza na/ /thod par rtag tu dbab par bya/ /mar khu chen po dang / khrag dang bshang ba dang pad ma'i skud pa dang ar ga'i skud pas me mar gyi snying po byas la mar ngo'i bcu bzhi'i nam phyed na/ rdo rje an dza na mkhas pas dbab par bya'o/ /sngags de nyid lan brgya rtsa brgyad btab na dngos grub rnam pa gsum du 'gyur ro/ /zhes bcom ldan 'das kun tu bzang pos gsungs so/ /de nas bcom ldan 'das/ de bzhin gshegs pa thams cad kyis phyag na rdo rje de bzhin gshegs pa thams cad kyi bdag po la 'di skad ces gsol to/ /bcom ldan 'das gsang ba'i yi ge du rtogs pa dang ldan na/ byang chub sems dpa' sems dpa' chen po de dag de bzhin gshegs pa thams cad kyi gsang ba'i dam tshig gis spyad pa'i</font><hr>88.162b<br><font size=+1>

rdo rje 'di la dad cing sgom par 'gyur/ de nas de bzhin gshegs pa thams cad kyi bdag po phyag na rdo rjes de bzhin gshegs pa de dag thams cad la 'di skad ces bka' stsal to/ /bcom ldan 'das de bzhin gshegs pa thams cad gsang ba'i yi ge gsum rtogs pa dang ldan na byang chub sems dpa' de dag de bzhin gshegs pa thams cad kyi byang chub kyi spyod pa'i rdo rje gang yin pa 'di la dad cing sgom par 'gyur ro/ /de bzhin gshegs pa thams cad kyis gsol pa/ gsum po gang zhig lags/ rdo rje 'dzin pas bka' stsal pa/ de bzhin gshegs pa thams cad kyi sku rdo rje dang / de bzhin gshegs pa thams cad kyi gsung rdo rje dang / de bzhin gshegs pa thams cad kyi thugs rdo rje ste gsum po 'di dag go/ /de nas de bzhin gshegs pa de dag thams cad kyis bcom ldan 'das phyag na rdo rje'i zhabs gnyis la phyag 'tshal nas cang mi gsung bar bzhugs par gyur to/ /de nas phyag na rdo rje de bzhin gshegs pa thams cad kyi bdag pos de bzhin gshegs pa de dag thams cad dang / byang chub sems dpa' de dag thams cad la bka' stsal pa/ bcom ldan 'das de bzhin gshegs pa thams cad sngon byung ba na brjod kyis mi lang ba'i yang brjod kyis mi lang ba'i sangs rgyas kyi zhing gi/ rdul phra rab dang mnyam pa'i bskal pa 'das nas/ gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyang 'das nas/ thub pa chen po 'od bsrungs</font><hr>88.163a<br><font size=+1>

mngon par rdzogs par sangs rgyas pa'i bar gyis kyang ma gsungs so/ /de rgyu ci'i phyir zhe na/ bcom ldan 'das gsang ba chen po'i gnas kyi don ma bshad pa ni de'i tshe de'i dus na sems can rnams la skal ba med pa'i phyir ro/ /'on kyang bcom ldan 'das de bzhin gshegs pa thams cad gsang ba 'dus pa 'di la skad cig thang cig yud tsam nyid kyis sangs rgyas kyi byang chub rdzogs par byed do/ /gang zhig gang gA'i klung gi bye ma dpag tu med pa snyed kyi kal par byang chub sems dpa' rnams kyis 'bad cing btsal kyang byang chub thob par mi 'gyur ba de gsang ba 'dus pa la mngon par dga' ba'i byang chub sems dpas tshe 'di nyid la de bzhin gshegs pa thams cad kyi sangs rgyas zhes bya ba'i grangs su 'gro'o/ /de nas byang chub sems dpa' de dag gis gsung rdo rje'i yi ge'i tshig 'di thos nas rab tu ngus so/ /de nas de bzhin gshegs pa de dag thams cad kyis byang chub sems dpa' de rnams la 'di skad ces bka' stsal to/ /byang chub sems dpa' khyed rnams ma ngu shig /sdug bsngal gsum ma bskyed cig /de nas de bzhin gshegs pa de dag thams cad la byang chub sems dpa' de rnams kyis 'di skad ces gsol to/ /bcom ldan 'das de bzhin gshegs pa thams cad ji ltar mi ngu bar bgyi/ ji ltar sdug bsngal gsum mi bskyed par bgyi/ de rgyu ci'i phyir zhe na/ bcom ldan 'das gsang ba gsum gyi yi ge'i skal ba ma mchis te/ tha na ming thos pa'i skal ba yang ma mchis so/ /de bzhin gshegs pa thams cad kyis bka' stsal pa/ rigs kyi bu de skad ma zer cig /yi ge ni thun mong ba ste/ rigs kyi bu ji ltar khyed rnams kyis mi shes pa dang ma thos pa de</font><hr>88.163b<br><font size=+1>

bzhin du/ nged de bzhin gshegs pa thams cad dang / byang chub sems dpa' thams cad kyis kyang rigs kyi bu gang gsang ba gsum gyi yi ge 'di dag yang dag par ma thob cing mngon par rdzogs par sangs ma rgyas so/ /de rgyu ci'i phyir zhe na/ gsang ba gsum gyi yi ge rnam par dag pa'i phyir ro/ /de nas byang chub sems dpa' de dag thams cad cang mi smra bar gnas par gyur to/ /de nas bcom ldan 'das de bzhin gshegs pa thams cad de bzhin gshegs pa thams cad kyi sku gsung thugs kyi snying po rdo rje btsun mo'i b+ha ga rnams la bzhugs so/ /de nas de bzhin gshegs pa thams cad kyi sku gsung thugs kyi btsun mos bcom ldan 'das de bzhin gshegs pa thams cad kyi bdag po rdo rje 'dzin pa chen po la dga' bas bstod pa/ sems can khams ni gnas kyi dbang phyug khyod ni rdo rje'i thugs/ /dga' ba yid 'ong don chen 'dod pas bdag la bskyab tu gsol/ /mgon pos gal te de ring bdag ni gsan par mchis bzhed na/ /sems can yab gnyen mchog chen bdag la bgyes par mdzad du gsol/ /de nas de bzhin gshegs pa thams cad kyi thugs kyi btsun mo mA ma kIs bcom ldan 'das de bzhin gshegs/ pa thams cad kyi bdag po rdo rje 'chang chen po la rdo rje 'dod pa dga' ba mchod pa'i mchog gi yi ge'i tshig 'dis yang dag par bstod pa/ rdo rje'i sku khyod bka' yi 'khor lo sems can mang por phan/ sangs rgyas rnams don byang chub mchog don phan pa rjes ston pa/ /mgon pos gal te de ring bdag ni gson par mchis bzhed na/ /chags pas 'dod chags dam tshig bdag la dgyes par mdzad du gsol/ /de nas 'jig rten dbang</font><hr>88.164a<br><font size=+1>

phyug gi btsun mo sku gsung thugs rdo rje'i spyan gyis bcom ldan 'das de bzhin gshegs pa thams cad kyi bdag po rdo rje 'chang chen po la 'dod pa nye bar longs spyod pa'i dam tshig gis yang dag par bstod pa/ khyod ni rdo rje'i gsung ste kun la phan zhing thugs brtse ba/ /'jig rten dag ni dgos pa'i don mdzad pa la rtag tu brtson/ /mgon po gal te de ring bdag ni gson par mchis bzhed na/ /rab dga'i spyod pa kun du bzang pos bdag la dgyes par mdzod/ /de nas de bzhin gshegs pa thams cad kyi sku gsung thugs dam tshig rdo rje'i btsun mo'i bcom ldan 'das de bzhin gshegs pa thams cad kyi bdag po rdo rje 'chang chen po la bde ba dang yid bde ba'i dga' ba 'dis bstod do/ /khyod ni rdo rje 'dod pa dam tshig mchog gi phan don che/ /rdzogs sangs rgyas kyi gdung mchog mnyam nyid rjes su thugs brtse ba/ /mgon pos gal te de ring bdag ni gson par mchis bzhed na/ /yon tan rin chen dam pa'i gter gyur bdag la dgyes par mdzod/ /de nas bcom ldan 'das phyag na rdo rje de bzhin gshegs pa 'dod pa thams cad nye bar longs spyod pa'i dpal zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi btsun mo de dag la dam tshig gi 'khor los 'dod pa spyod cing cang mi gsung bar gyur to/ /de nas nam mkha'i dbyings 'di dag thams cad ni de bzhin gshegs pa thams cad kyi/ sku dang / gsung dang / thugs rdo rje'i dam tshig gis/ yongs su gang ste/ bum pa rdo rje chus gang ba ltar gnas par gyur to/ /de nas rdo rje nam mkha'i dbyings 'di na gang sems can sku gsum yang dag par 'byung ba de rnams rdo rje'i dpal gyis yang dag par rig pa de dag thams cad de bzhin</font><hr>88.164b<br><font size=+1>

gshegs pa dgra bcom pa yang dag par rdzogs pa'i sangs rgyas rdo rje gsum gyi ye shes can du gyur to/ /de nas brtsams te sems can thams cad kun nas bzang po/ kun tu bzang po zhes de bzhin gshegs pa thams cad kyi sku dang gsung dang thugs rdo rjes dbang bskur bar gyur to/ /de nas de bzhin gshegs pa thams cad kyi bdag po phyag na rdo rjes/ de bzhin gshegs pa de dag thams cad la 'di skad ces bka' stsal to/ /bcom ldan 'das de bzhin gshegs pa thams cad chos thams cad kyi mnyam pa nyid mthong ngam/ de nas de bzhin gshegs pa de dag thams cad kyis phyag na rdo rje de bzhin gshegs pa thams cad kyi bdag po la 'di skad ces gsol to/ /bcom ldan 'das de bzhin gshegs pa thams cad kyi ye shes mnyam pa nyid dang / rdo rje ye shes kyi spyod pa mthong lags so/ /bde bar gshegs pa mthong lags so/ /de nas bcom ldan 'das de bzhin gshegs pa thams cad de bzhin gshegs pa thams cad kyi btsun mo'i b+ha ga las mngon par byung nas bcom ldan 'das de bzhin gshegs pa phyag na rdo rje chen po la 'di skad ces gsol to/ /gang gi phyir 'dod chags kyi yi ge'i tshig gis sangs rgyas kyi byang chub rjes su rtogs par bya'o/ /zhes bya ba ni bcom ldan 'das ngo mtshar to/ /bde bar gshegs pa ngo mtshar to/ /de nas phyag na rdo rje de bzhin gshegs pa thams cad kyi bdag pos de bzhin gshegs pa de dag thams cad la 'di skad ces bka' stsal to/ /bcom ldan 'das de bzhin gshegs pa thams cad de skad ma gsungs shig /de ci'i phyir zhe na/ chos thams cad ni nam mkha' rdo rje'i dam tshig</font><hr>88.165a<br><font size=+1>

dang mtshungs pa'i phyir gzugs kyi phung po ma yin/ tshor ba'i phung po ma yin/ 'du shes kyi phung po ma yin/ 'du byed kyi phung po ma yin/ rnam par shes pa'i phung po ma yin/ khams ma yin skye mched ma yin/ de bzhin du 'dod chags ma yin zhe sdang ma yin gti mug ma yin/ chos ma yin chos ma yin pa yang ma yin no/ /de nas de bzhin gshegs pa de dag thams cad cang mi gsung bar gyur to/ /de nas bcom ldan 'das de bzhin gshegs pa thams cad kyi bdag po phyag na rdo rjes de bzhin gshegs pa thams cad dang / byang chub sems dpa' de rnams la bka' stsal pa/ khyed rnams kyis 'jig rten gyi khams thams cad du de bzhin gshegs pa thams cad kyi sku gsung thugs rdo rje gsang ba 'di bsgom par gyis shig /de ci'i phyir zhe na/ phyogs bcu na gnas pa'i byang chub sems dpa' 'di rnams la chos kyi rnam grangs 'di'i skal ba yod pa'i phyir ro/ /de nas phyag na rdo rje de bzhin gshegs pa thams cad kyi bdag pos rdo rje chos la bka' stsal pa/ rigs kyi bu de bzhin gshegs pa thams cad kyi dam tshig gi de kho na nyid 'di zung shig /khyod ni de bzhin gshegs pa thams cad kyis chos thams cad kyi dbang phyug rdo rje zhes bya bar dbang bskur ro/ /de nas byang chub sems dpa' sems dpa' chen po rdo rje chos kyis de bzhin du bgyi'o zhes/ gsol nas cang mi smra bar gyur to/ /de nas de bzhin gshegs pa de dag thams cad rdo rje sems dpa'i yi ge gsum la rang gi sku dang gsung dang thugs zhugs par gyur to/ /de nas de bzhin gshegs pa rnam par snang mdzad khams gsum pa thams cad kyi lus rdo rje la gnas shing de bzhin gshegs pa thams cad kyi sku mnyam pa nyid la dmigs nas cang mi</font><hr>88.165b<br><font size=+1>

gsung bar gyur to/ /de nas de bzhin gshegs pa gsung rdo rje khams gsum pa thams cad kyi ngag rdo rje la gnas shing de bzhin gshegs pa thams cad kyi gsung mnyam pa nyid la dmigs nas cang mi gsung bar gyur to/ /de nas de bzhin gshegs pa phyag na rdo rje khams gsum pa thams cad kyi sems rdo rje la gnas shing de bzhin gshegs pa thams cad kyi thugs mnyam pa nyid la dmigs nas cang mi gsung bar gyur to/ /de skad ces bka' stsal to/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa las de bzhin gshegs pa thams cad kyi dam tshig dang sdom pa rdo rje'i byin gyi brlabs kyi rgyal po zhes bya ba'i le'u ste bcu bdun pa'o/ /de bzhin gshegs pa thams cad kyi sku dang gsung dang thugs kyi gsang chen gsang ba 'dus pa zhes bya ba brtag pa'i rgyal po chen po rdzogs so// //stag lung rgyud 'bum dang bstun pa'i ma la zhus dag / rgya gar gyi mkhan po shrad d+hA ka ra warma dang / zhu chen gyi lots+tsha ba dge slong rin chen bzang pos bsgyur cing zhus te gtan la phab pa/ slad kyis paN Di ta bla ma rdo rje 'dzin pa chen po rje btsun nyi ma'i dbang po'i zhal snga nas chag lo ts+tsha ba dge slong chos rje dpal gyis gus pas zhus shing dag par bcos te gtan la phab pa/ /thang chen pa dang rgyal mtshan ring mos zhus chen bgyi'o/ /</font><hr>

</table>