@#/ /rgya gar skad du/ ma hA kA la tan tra rA dza nA ma/ bod skad du/ nag po chen po zhes bya ba'i rgyud kyi rgyal po/ dpal nag po chen po la phyag 'tshal lo/ /'di skad bdag gis thos pa dus gcig na/ 88.50b bcom ldan 'das lha mo rnams kyis ji ltar thob pa de bzhin bzhugs so/ /lha mos gsol pa/ 'khor ba'i rgya mtshor lhung ba'i sems can de rnams thabs gang gis gdon/ 'khor ba lha gang gis gang las grol bar bgyi/ bcom ldan 'das kyis bka' stsal pa/ gang gis bskyed pa'i rim pa dang / rdzogs pa'i rim pa sbyor ba la ye shes su de dag brjod par bya'o/ /lha mo legs par nyon cig /bskyed pa'i rim pas 'gog pa la gnas pa dang / de'i 'bras bu ster ba'i ji lta ba'i lam yang dag par 'byung bar byed pa la nges par phyag rgya las dbang bskur ba'i bye brag bya'o/ /rgyu ba gcod pa la spyod pa de la yongs su brtag pa ste/ na ra dang sbyor ba las ji ltar lam dang ldan pa skyed pa'i rim pa'o/ /lha mos gsol pa/ kye bcom ldan 'das dgos pa gang gis rdo rje sems dpa' bskyed pa yin/ de ltar na so so'i bum pa la dgos pa ci yod/ bcom ldan 'das kyis bka' stsal pa/ skyes pa la ni dngos med bkag pa ste/ rdo rje nam mkha' yin pa'o/ /nges par bdag med pa yin zhing / bde ba skad cig ma'o/ /ji ltar tshogs pa ma lus pa dang / grong khyer ba de ltar skyes pa la stobs kyis 'gog pa yis bde ba rgyas pa 'ching ba med na ji ltar skye/ lha mos gsol pa/ kye bcom ldan 'das lus bstan pa'i dgos pa gang lags/ lam la khrag dang byang chub sems 'dus pa las gzugs brnyan gyis grol ba las med dam/ 'bras bu ster ram lta ba'i don du 'dod chags kyi phyir rab tu sbyor bar brjod dam/ bcom ldan 'das kyis bka' stsal pa/ lus rdo rje zhes brjod pa'o/ /ji ltar sgyu mar sems pas na ra dang sbyor ba bzhin no/ /lam 'dus pa las khrag go zhes pa ni/ la la nA dang ra sa nA dang a ba d+hU ti rnams kyis phung po lnga la rnam par spyad pa yis thabs gcig tu mnyam par gang gis shes pa'i 88.51a tshe'i rdo rje la de'i lam 'dus pa las khrag ces brjod do/ /rab tu sbyor ba'i lus zhes brjod pa de ni rnam par spyad pa mi bzod pa gang 'dod pa de rab tu sbyor ba'i lus so/ /rab tu sbyor bas rmongs pa'i phyir rab tu sbyor ba byas pa zhes brjod do/ /lha mos gsol pa/ chos gang lags/ chos kyi tshogs pa'i gtam brjod pa gang lags/ mi rnams kyi bde ba phun sum tshogs par bya ba'i phyir ram/ don thob par bya ba'i phyir ram/ nad med par 'dod pa'i 'bras bu thob par bya ba'i phyir yin/ bcom ldan 'das kyis bka' stsal pa/ mir skyes pa'i sems can chos ji ltar spyad na tshegs med par de'i dngos grub ji lta bar brjod par bya'o/ /dngos grub chen po brgyad rnams ni ral gri dang mig sman dang ril bu dang rkang mgyogs kyi dngos grub dang / grub pa'i sman dang / sngags rnams la nges par dngul chu dang bcud len te/ dngos grub chen po brgyad thob nas dngos grub gzhan brtags na ji lta bar sems can nag po chen po'i rgyud pa rnams kyis 'grub bo/ /'dir tshogs pa med par nges pa'o/ /lha mos gsol pa/ mig sman dngos grub 'di las 'jug pa la bcing bya bcing byed ji ltar phra bar brjod/ bcom ldan 'das kyis bka' stsal pa/ legs par bsrung ba dang rmig pa'i sgra ltar brlag pa ji lta bar sbas pa de'i sdom pa rgyas par brjod do/ /lha mos gsol pa/ bcom ldan 'das rdo rje'i lus la rtsa du lags/ dbugs 'gro 'ong dang skad cig ma du lags/ bcom ldan 'das kyis bka' stsal pa/ rtsa rnams ni sum bcu rtsa gnyis so/ /dbugs 'gro 'ong ni yongs su bcing ba dang / lus las skyes pa'i dbugs phyir 'thon pa ni zla ba dang nyi ma dag gis bskyod pa'o/ /grangs kyi bye brag brjod pa ni drug brgya lhag pa'i stong phrag nyi shu rtsa gcig gis 'gro 'ong ngo / /de las 'gro ba dang 'ong ba skad 88.51b cig go/ /lha mos gsol pa/ kye bcom ldan 'das ji ltar 'dod pa'i lha yis rab tu gsal bar gang mdzad/ 'dod pa sgrub pa khyab 'jug gis kyang sgyu mas sprul pa byas pa bzhin lak+Sha me dang dbyangs can ma dag gi phyir/ dbul po rnams la mun pa dag dang bral ba ltar zhing skyong bas na sbyor ba bsgo ba byas pa yin nam/ bcom ldan 'das kyis bka' stsal pa/ kye lha mo 'dzam bu'i gling ba'i sems can rnams 'khor ba na 'khor zhing yod pa de rmongs pa dang / 'dod chags dang / phrag dog dang / phra ma rnams skyes par gyur pas dpal nag po chen po yis gang smras pa de gus pa dang bcas pas so/ /khyab 'jug ltar 'dod pa'i lha dang / mkha' 'gro ma drug cu rtsa bzhi 'khor dang bcas pa rnams bskyed par brjod do/ /lha mos gsol pa/ kye bcom ldan 'das nag po chen po zhes bya ba ci la bgyi/ bcom ldan 'das kyis bka' stsal pa/ nag po chen po la dmigs nas sdod pa de yis dus kyi grangs shin tu tshad mar byas pa dang / nyi ma re re zhing grangs gang la bzang por rgyu ba de nag po chen po zhes brjod do/ /gang la med pa 'am/ gang la dus chen po'i mtha' dang ldan pa nag po chen po ste/ nag po chen por yongs su bya ba 'di'o/ /lha mos gsol pa/ yi ge ma zhes bgyi ba gang lags/ hA zhes bya ba ni ci la bgyi/ kA la zhes pa ni ji lta bu lags/ bcom ldan 'das kyis bka' stsal pa/ ma zhes pa sems dpa'i snying rje dang / hA zhes pa shes rab dang sbyor ba ste shes rab nyid do/ /kA la ni gnyis tshogs pa las dus te/ thabs dang shes rab kyis snying rje chen po la sbyor ba zhes pa'o/ /rengs pa dang / bskrad pa dang / sde rengs par byed pa dang / mngon spyod rnams rnal 'byor gyi dbang phyug rnams kyis ji ltar rigs pas rnal 'byor ma brgyad rgyud 'dir bzhengs pa/ gtum pa'i dbang phyug ma dang / 88.52a tsar tsi kA dang / dus can ma dang / rigs kyi dbang phyug ma dang / dum skyes ma dang / mche gtsigs ma dang / mi thung ma dang / dbang phyug chen mo rnams gang gis bsgoms pa la skye ste/ 'dzin pa'i shes pa de dus kyis gtso bo grol bar 'dod pa'o/ /de ni bsgom bya dang sgom pa med pa yin no/ /gang dang gang gis bsgom pa rnams mi skye'o/ /des na yid kyi mnga' bdag gis sems rab tu brtags pa med pa/ /bai tA li'i gzugs kyis yang dag par bsgrubs kyang mi skye'o/ /rigs lnga la spyad pa yis ji ltar gsungs pa'i las de ltar 'grub po/ /gzhan dang gzhan du bgrod pa ni tshes kyi bye brag bzang po la ma byung ba 'byung bar 'gyur ba'i don du'o/ /nges par gang dang gang thob par byed par 'gyur te/ rnam grangs kyi 'bras bu de rnams so/ /dpal nag po chen po'i rgyud kyi rgyal po las de kho na shes par byed pa'i le'u ste dang po'o// // thab khung gi rnam pa'i le'u bshad par bya ste/ lha mos gsol pa/ kye rje btsun sems can gyi phyir dngos grub brgyad kyi bya ba de'i don du sdug bsngal med par byed pa gang gis nye bar 'thob/ bcom ldan 'das kyis bka' stsal pa/ zla ba rgyu ba'i dus su dbugs phyir rgyu ba bzung ste gnas pas nges par dngos grub chen po brgyad 'grub bo/ /gang gi tshe yongs su smin par 'dod pas 'di byas na 'grub bo/ /gsad pa la thab khung gru bzhi pa rgyar khru gang par me tog nag pos sbyin sreg bya'o/ /rengs pa la zlum po rgyar khru do pa'o/ /dbang du bya ba la gru gsum rgyar khru gang pa/ sa sbyang ba khru gang brkos la byas ste/ me tog dmar pos sbyin sreg bya ba ni blo gros can gyis dom gyi pags pa la bsdad la 'di bya'o/ /rkang byug sgrub pa'i don du sbyin sreg gi thab khung gi mtshan nyid brjod pa zlum po khru gang pa las sbyang ba ni khru lnga brkos la bya'o/ /mig 88.52b sman don du sbyin sreg 'dir brjod pa/ sbrul gyi mgo lta bu khru phyed dang do pa las sbyang ba khru bdun brkos pa ni mig sman gyi thab khung ngo / /'dir ri lu'i bstan pa ni glang po che'i rmig ma tsam pa la/ sa sbyang ba khru bcu brkos pa 'di ri lu'i thab khung ngo / /bcud len gyi don du thab kyi dbyibs rna brgyan lta bu khru phyed dang gnyis pa la/ sa sbyang ba khru gsum brkos pa ni bcud len gyi thab khung ngo / /rgyal po'i don du thab khung khru gang ba yin te/ dbyibs zlum po'o/ /sa sbyang ba la khru brgyad brkos pa ni dngos grub sgrub pa'i don du ste/ sbyor ba 'di yis dngos grub nges pa'o/ /'dir brjod pa thams cad me tog dkar pos sbyin sreg byas na dngos grub thams cad kyi 'bras bu nye bar 'thob par 'gyur ro/ /nag po chen po'i rgyud kyi rgyal po las thab khung gi rnam pa bstan pa zhes bya ba'i le'u gnyis pa'o// // de nas sngags kyi le'u bshad par bya ste/ sngags kyi bye brag gnyis las zhi ba'i sngags kyi rim pa ni o yig gi ming gis rgyud 'dir shes te/ sangs rgyas kyi bstan pa skyob pa zhi ba la dga' ba'i sngags so/ /sangs rgyas kyi dam bca' byas pa de'i phyir ye shes chen po'i sngags brjod pa'o/ /o~M ma hA kA la hU~M phaT swA hA/ phyag gnyis pa'i sngags so/ /o~M hrIM hrIM hU~M hU~M phaT phaT/ phyag bzhi pa'i sngags so/ /o~M ma hA b+hai ra ba sarba sid+d+hi/ dA ya ka DaM hU~M kuM d+h+waM TaH/ phyag drug pa'i sngags so/ /o~M AHhU~M phaT/ hrIHhaH/ phyag brgyad pa'i sngags so/ /o~M hI kaM hUM kI la kI la ma hA nA dA kA rA la bi ka rA lak+ShI gr-I haH/ da ha da ha/ pa tsa pa tsa/ sid+d+hi dA kA ya swA hA/ phyag bcu pa'i sngags so/ /o~M daM Sh+t+rota ka Ta b+hai ra bA ya saM saM saM ru ru ru ru hU~M hU~M hU~M phaT swA hA/ phyag bcu gnyis pa'i sngags te las thams cad byed pa dang / sangs rgyas thams cad kyis phyag byed pa dang / 'jig rten gsum 'grub pa dang / gang 'dod pa byed par 'gyur ro/ /o~M ya ma dza ga da k+Sho b+ha ya k+Sho b+ha ya/ tA la pa tA la khA hi khA hi/ gr-ih+Na ba liM gra hAH 88.53a gra hAH/ o~M maM tsaM ma hA b+hai ra bA ya swA hA/ dngos grub thams cad kyi don du phyag bcu bzhi pa'i sngags 'dis gtor ma rgyun du sbyin no/ /o~M maM maM raM hU~M hU~M maM rak+Sha pA lA ya hU~M badzra phaT/ bdag bsrung ba'i sngags so/ /o~M d+ha ra Ni d+ha ra d+ha ra hU~M hU~M a mu ga s+ya rak+ShA ku ru swA hA/ gzhan bsrung ba'i sngags so/ /o~M hrAM hrAM yaM maM ka rA la/ bi rA lA k+Sha baM ka rA la ma hA yo ge shwa ra sarba dA ya ka swA hA/ phyag bcu drug pa'i sngags so/ /o~M shrI k+ShI grIh+Na ba li hU~M phaT/ mad+ya mAM sa puSh+pa d+hU pa/ rak+ta ta le pA ta le aSh+Ta nA ga de wa yak+Sha rAk+Sha sa grIh+na i daM ba liM hA hA hA/ hU~M khA hi khA hi/ kha kha hU~M dza pheM pheM haM haM ma hA Da d+ha ra hA sa gar+dz+dza gar+dz+dza/ krISh+Na ba ra NI ye he hU~M swA hA/ sran ma chen po legs par btsos pa dang / chang dang / sha dang / khrag gis legs par bkang la/ de nas mtshan mo rgyun du gtor ma sbyin pa ste/ zhag nyi shu rtsa gcig na dge ba'i mtshan ma 'byung ngo / /zla ba gcig na dngos grub ster te/ lo gcig na gang 'dod pa ster ro/ /o~M hrI hrI hU~M phaT/ 'di ni sngags kyi rgyal po sngags bklags pa tsam gyis sdig pa thams cad zad par 'gyur zhing rgyun du bzlas na dngos grub thams cad 'grub bo/ /sgyid snyoms dang bcas par stong phrag lnga bzlas na zhi ba nges par 'grub bo/ /khri phrag gcig bzlas na bud med dbang du 'gyur ro/ /'bum gyis rgyal po dbang du 'gyur ro/ /'bum phrag lnga yis lha dang gnod sbyin thams cad nges par dbang du 'gyur ro/ /nges par 'gugs par yang byed na skyes pa dang bud med lta smos ci 'tshal/ dbang du bya ba'i sngags so/ /o~M ma hA kA la hU~M hU~M phaT phaT swA hA/ spyi'i sngags so/ /o~M ma hA naM de shwa ra hU~M phaT swA hA/ me'i kha dog kha la bsgoms na 'chi'o/ /o~M k+ShIM shrIM ho k+ShaHde ba data taM maM maM mA ra ya phaT/ gsad pa'i sngags so/ /o~M k+ShI he tsa ta De shwa rI hU~M shrI swA hA/ gtum pa'i dbang phyug ma'i sngags so/ /o~M lA ke ku li ge shwa ri he pheM swA hA/ rigs kyi dbang phyug ma'i sngags so/ /o~M mAM ma he shwa rI hU~M shrI he pheM/ dbang 88.53b phyug ma chen mo'i sngags so/ /o~M ki li bi ka rI la shrIHk+ShiM k+ShIM hUM phaT swA hA/ dus can ma'i sngags so/ /o~M tsa~M tsa ra tsa ya hU~M hrIHtsar tsi kA'i sngags so/ /o~M tsa mu Na De/ da ha da ha pa tsa pa tsa/ o~M daM ba liM gr-ih+Na gr-ih+Na hU~M pheM heMsh+Wu phaT swA hA/ lha mo dum bu can gyi gtor ma'i sngags so/ /o~M hrI hAHhU~M shrI phaT swA hA/ lha mo u mA'i sngags so/ /o~M AHhU~M/ lus ngag yid gsum byin gyis brlab pa'i sngags so/ /aHhUM k+ShiM ShIM o~M g+haM de ba dat+ta hi mA ra ya mA ra ya hU~M phaT/ thams cad gsad pa'i sngags so/ /o~M k+ShiM ha hAM/ che ge mo uts+tsa Ta ya hU~M phaT/ bskrad pa'i sngags so/ /o~M maM dzaM k+ShaM/ dgra rengs par byed pa'i bsngags so/ /o~M dzaM hU~M ha stiM staM b+ha ya phaT/ byi ba'i mjug ma la lan bdun du bsngags te/ brgyab na glang po che rengs pa'o/ /o~M khaHhaHphaT/ g+ho ta kastiM b+ha naM zhes pas ba lang gi sha la sngags te brgyab na rta rengs par 'gyur ro/ /o~M muHhAM sarba pA shu na sto~M b+hA ya mo hA ya hU~M phaT/ stag gi lpags pa la lan bdun sngags nas brgyab na ma he dang / khyi dang / glang po che dang / ba lang dang / ce spyang dang / stag dang / dom rnams nges par rengs par 'gyur ro/ /o~M ma hA naM ta hU~M haHdngul la lan bdun bzlas nas sbrul la brgyab na sbrul rengs par bya ba'i sngags so/ /o~M mu khaM staM b+ha ya che ge mo'i baM phaT/ mi'i ngag rengs par bya ba la'o/ /o~M hrIHmaM raM tsa muN+Da haHshrI hU~M phaT/ ral gri la sogs pa rengs par bya ba'i sngags so/ /o~M ma hi la la b+ha le la ha hoH long pa rengs par byed pa'o/ /o~M g+haM hU~M/ bud med rmongs par byed pa'i sngags so/ /o~M haHka ha ka ha ma li ni mu khe/ ya sA d+ha ya/ ma hA kA la bud d+ha dz+nyAM/ pra hi to si/ mA ra ya mA ra ya/ kA ra ya kA ra ya sarba du pra du gr-Ih+Na gr-Ih+Na/ ma ra ma ra/ kha kha khA hi khA hi/ shI g+h+raM da ha da ha/ pa tsa pa tsa/ hU re hU re/ maM raM hU~M phaT/ i daM ba liM gra ha gra ha/ 88.54a shrI swA hA/ sangs rgyas kyi bstan pa la bya ba ma yin pa byed pa'i mi rtsod pa dang rab tu rtsod pa dag /sngags 'dis mi'i thod pa bza' rgyus bkang la nag po'i tshes brgyad la gtor ma sbyin no/ /skad cig de nyid la 'chi'o rims kyis thebs par 'gyur ro/ /me yis rab tu 'tshig par 'gyur ro/ /mgo 'gems par 'gyur ro/ /gtor ma chen po'i sngags te dgra gnon pa'o/ /o~M tsa muN De/ ha na ha na/ da ha da ha/ hU~M phaT/ gsad pa'i sngags so/ /o~M hU~M ma~M mA ra ya swA hA/ dgra gsad pa'i sngags so/ /hU~M phaT/ a tha b+ha ga bAn bo d+hi satwA ma hA satwA ma hA kA ru Ni kA/ tad+ya thA/ o~M kA rA la bi ka Te shwa ra/ hU lu hU lu/ ki li ki li/ ma hA ka kA la ha la/ k+ShAM shrIM ba~M tsaM maM haM hU~M/ ma hA naM de shwa rA ya swA hA/ sngags 'di nyi ma re re la lan bdun bdun du bzlas la gdong ba bkrus na skye bo thams cad kyi yid du 'ong bar 'gyur ro/ /dgra thams cad nges par zhi bar 'gyur ro/ /bya ba thams cad sgrub par 'dod pa de la nyis 'gyur du ster bar byed do/ /sgrub pa thams cad la cher dga' ba'i gzugs nag po chen po'i sngags so/ /o~M ma hA kA la hU~M hU~M hU~M phaT swA hA/ las tshogs thams cad bsgrub pas 'bras bu 'byung bar byed pa dpal mgon po nag po'i rgyud kyi rgyal po las sngags kyi le'u ste gsum pa'o// // de nas dbang gi le'u bshad par bya ste/ dang por nag po chen po phyag gnyis pa'i sngags stong phrag bcu bzlas la slob ma la dbang bskur te/ thog mar bum pa'i dbang bskur ba thub pa dril bu'i sgra dang / rdo rje'i sbyor ba dang ldan pas chu la sogs pa dbang lnga rnams kyi bye brag gis so/ /drug pa la rdo rje'i rim pa rnams kyis dang / bdun pa'i dbang bskur ba'i bye brag ni ji lta bar shes rab dang mnyam par sbyor ba'o/ /brgyad pa zhes pa ni 'di la rnal 'byor mas yongs su 'khyud pa'o/ /dgu pa la skyes bu nyid la 88.54b rjes su skye ba'o/ /bcu pa la nam mkha'i chu rnams kyis so/ /bcu gcig pa rnams kyis kyang rim pas yang dag pa'i rig pas bsgrubs pas/ gnas dang gnas su rjes su 'byung ba thub pa ka pi la bar+Na shi ba ji lta bar rim pas zhi ba'i ye shes sgrub pa 'di gsang la spyad par bya ba bdud rtsi lnga dang shes rab ma 'di rnams kyis so/ /ma dang sring mo dang / bya rog rkang ma dang / mi thung ma dang / sgur mo rnams dang yang dag par sbyor bar bya ba dang / ji ltar bka' stsal pa ltar ming thams cad yang dag par gzung ngo / /de ltar byas na mnga' bdag las dbang bskur ji lta ba bzhin nye bar 'gyur ro/ /bla mas slob ma brtags la sbyin par bya'o/ /mnga' bdag khyod thabs dang ldan pas/ bdag nyid chen po bdag cag gis ming thams cad spyad pas sems can gyi sdug bsngal spong ba ji lta ba'i lam gsungs pa zhig bcom ldan 'das skye bo rnams kyi don du gang yin pa de dbang gi don bye brag gi rim pa las ji lta bar shes par mdzod cig /dus dang tshod ji lta bar shes pa las so/ /dpal nag po chen po'i rgyud kyi rgyal po las dbang gi rim par phye ba ste le'u bzhi pa'o// // de nas yang lha rnams dbang ba bshad par bya ste/ dang por lha mo la sogs pa rnams kyis bum pa'i dbang bskur bar bya'o/ /lha mo brgyad rnams kyis ni bdud rtsis so/ /mchod yon dang zhabs bsil byin nas bstod pa dang / sngags kyis byin gyis brlab pa ni/ o~M ka la sha a b+hi na ya naM sna naM/ o~M shUn+ya tA a d+hiSh+Thi te swA hA/ chu'i dbang bskur ba byin pa dang / bdud rtsi lnga byin pa ni lha mo rnams kyis pha rol tu phyin pa drug yongs su rdzogs par 'gyur ro/ /lha mo rnams kyis me tog gi char 'bab par 'gyur ro/ /gla rtsi dang dri zhim po yongs su 'dzin par 'gyur ro/ /sred med kyi bu la sogs pas byin gyis rlob par 'gyur ro/ /lha thams cad kyi dam tshig gis skyong zhing srog la bab kyang gtong bar mi 'gyur ro/ / 88.55a 'di ni nag po chen po'i rgyud las lha dbang bskur ba'i le'u ste lnga pa'o// // de nas yang rdo rje 'byung mo la sogs pa'i lha mo gtsor gyur pa rnams the tshom skyes te yid mi bde bar gyur nas/ bcom ldan 'das la thams cad kyis 'di skad ces gsol to/ /kye bcom ldan 'das the tshom 'di rnams bsal du gsol/ /'di ltar le'u 'dir bshad pa'i gar gyi nyams dgu dang / glu yis grub par 'gyur ba de bdag the tshom mchis na glu dang gar gyis don ji ltar du 'gyur ba lags/ lha la dbang bskur ba nye bar spyod pa ji ltar 'gyur ba lags/ zhe sdang la sogs pa'i phyag rgyas ji ltar rgyas 'debs par 'gyur ba lags/ sa bon thams cad sngags kyi le'u las brjod pa ji ltar lags/ lha mo'i sa bon la the tshom skyes pa gang lags/ gzugs can gyi sa bon gyi mthu gang lags/ kyai bcom ldan 'das dam tshig can rnams kyi spyod pa gang lags/ bcom ldan 'das gyis bka' stsal pa/ ko yi g+ha Na pi Ta Ta yi ra hA hA kA ri ma hA kA la uts+tsha la ya yi/ kak+ke le g+ha Na Da ma ru badzra dzi ya yi/ kA ru Ne yA yi na re li yA yi/ ta hi ma hA ma sa ni ba b+ha re khA hi ya yi/ pi ba yi ma ya NA g+haN+Te/ ha re ka li dz+nyA dza ra pa yi sa yi bA yi ya yi/ duta ta ra mA ga pa i bat+te/ kastu ra kA ta tha ri sil+la tsa u sa ma lA gA bi yA yi/ si li ni b+ha ra mAM sa/ kI ta hi la hi ya yi/ nA Te gI taM e ko na mu yi lI lA b+ha ra Na mA lA b+ha ri ya yi ta hi pa Ni ya yi/ sa hA gA thi Na kun du ru pa yi yA yi/ DA ma ru nA da u tsa tsha li ya yi/ gar ni dpal nag po chen po'i rnal 'byor gyis ji ltar bde ba'i sbyor bas skya reng shar ba dang bsam gtan la chags pa'i sems kyis so/ /goms pa'i rigs pa'i sems ni sangs rgyas thams cad kyi de bzhin nyid kyi rnal 'byor gyi ma rnams la'o/ /gzhan du ni ma yin no/ /gar dang glu 'di dag gis mchog tu bde ba skye bar 'gyur ro/ /'di nyid kyis bdag bsrung ba dang / tshogs bsrung ba dang / bdud rtsi lnga dang mchog tu dga' ba'i dbang du gyur pa'i sngags 88.55b bzlas pa 'dis 'jig rten du tshegs med par bya ba byed pa de'i phyir dngos grub rtag tu blang bar bya'o/ /bar du gar yang bya'o/ /yang yang du tshogs kyi bdag po de nyid la dang por bya rgod kyi dri dang / gnyis pa dpal sred med kyi bu'i dri sna'i nye bar dmigs par 'gyur ro/ /gsum pa gla rtsi'i dri dang / gur gum la sogs pa'i dri sna tshogs mnyam par longs spyod par 'gyur ba/ /rnal 'byor dbang phyug gi sa'o/ /de'i rjes la glu byin gyis brlabs pas bung ba'i sgra nyan pa dang / ngang pa dang / khu byug dang / go mA yu dang / gal te gar byed na thams cad dang sgra bzhin no/ /de nas klu'i tshogs byin gyis brlab pa ni/ phyi mi 'am ci dang / sred med kyi bu la sogs pa dag tshigs rnams kun du spyad par bya'o/ /grong khyer gyi mtha' 'am/ skyed mos tshal lam/ nags tshal du nges par mtshon par bya'o/ /phyag rgya thams cad kyi nges par dngos grub tu 'gyur ro/ /lha mos gsol pa/ kye bcom ldan 'das 'dzam bu'i gling pa'i sems can gyi don byed par 'dod pa dang / bcud len byed par 'dod pa rnams de bzhin du dbang la sogs pa de rnams kyi thabs kyis ji ltar 'byung ba bstan du gsol/ bcom ldan 'das kyis bka' stsal pa/ lha mo rnams kyis phyag rgya bzhi ji lta bar shes par bya'o/ /de'i rjes su thams cad ston gyis/ yang lha mos gsol pa/ rim pa rnams ji ltar yid ches par bshad par byed/ bcom ldan 'das sems can rnams kyis don thob par bya ba'i phyir yin nam/ lha mo ngas le'u brgyad pa la sogs pa bshad par bya'o/ /rigs rnam pa lnga la bzhugs nas gang nyi ma re re de'i 'bras bu dngos grub nges par 'thob par 'gyur ro/ /'di ni nag po chen po'i rgyud las spyod pa'i le'u ste drug pa'o// // de nas thog mar nye bar mkho ba'i mchod pa dang / sdig pa bshags pa la sogs pa tshangs pa'i gnas bzhi bsgoms nas lhag 88.56a ma nyid/ o~M shUn+ya tA dz+nyA na badzra swa b+hA ba At+ma ko\u0f85 ha~M byas nas sgyu ma'i spyod pa thams cad sbyangs nas/ nag po chen po zhal gsum pa/ dbu skra ser po 'bar ba gyen du brdzes pa/ skra dang smin ma 'bar ba/ mche ba gtsigs shing rgod pas 'jigs par mdzad pa/ shin tu 'jigs pa'i zhal dang po gnag pa/ g.yon dkar po/ g.yas kyi zhal ljang gu/ stag gi pags pa gos su gyon pa/ mi'i mgo bo'i phreng bas nye bar 'phyang ba/ thung zhing gsus pa 'phyang ba/ klu brgyad kyi brgyan gyi gdengs kas brgyan pa'o/ /phyag brgyad pa g.yas g.yon gyi dang po gnyis kyis lha mo la 'khyud pa/ gnyis pa gri gug /gsum pa rdo rje/ bzhi pa DA ma ru/ phyag g.yon na khrag gis bkang ba'i thod pa/ gsum pa na dril bu/ bzhi pa na tho ba/ ro la zhon pa/ zhabs g.yon brkyang bas gnas pa/ rnal 'byor ma bzhis yongs su bskor ba/ shar phyogs kyi snam bu la tsaN De swa ri phyag na gri gug dang thod pa bsnams pa/ kha dog dkar mo skra grol ba/ mche ba gtsigs shing 'jigs par mdzad pa/ lho'i snam bu la tsar tsi kA kha dog nag mo/ gcer bu skra sil bu/ lag pas gri gug dang thod pa bsnams pa/ zhabs g.yon brkyang bas gnas pa/ mche ba gtsigs pa la sogs pa 'jigs par byed pa'o/ /nub kyi 'phar ma la kA li kA kha dog nag po mdung rtse gsum pa dang thod pa bsnams pa/ skra sil bu/ thams cad snga ma smos pa bzhin no/ /byang du rigs kyi dbang phyug ma lag pa gyen du brkyang ste/ g.yon pa na thod pa kha dog ljang gu/ lhag ma thams cad snga ma bzhin no/ /lha mo thams cad spyan gsum pa/ lha mo bzhis yongs su bskor ba'i bcom ldan 'das lha mo la 'khyud pa/ lhan cig skyes pa'i kha sbyor la mngon par gnas pa/ sbyor ba de dag spyod pa'i rnal 'byor gyis phyag brgyad pa bzhengs pa'o/ /dang po hU~M las 'od byung bas khams gsum na gnas 88.56b pa'i lha dang / bla ma dang / sangs rgyas dang / byang chub sems dpa' rnams spyan drangs la/ o~M shUn+ya tA la sogs pas 'gro ba thams cad rang bzhin med par bsgoms nas hU~M gi sa bon las 'od zer byung nas des bkug pa'o/ /phyi nas rdo rje dra ba rnam par bsgom par bya'o/ /rtag tu rnal 'byor pa zhal bzhi pa/ dang po nag po/ g.yas pa dmar po/ g.yon pa dkar po/ rgyab phag gi gdong pa/ zhabs bzhi pa/ g.yon brkyang bas gnas pa/ kha dog nag po/ gsus pa 'phyang ba/ zhal re re la spyan gsum gsum pa/ dbu skra gyen du brdzes pa/ a tshoms 'bar ba/ lhag ma snga ma bzhin no/ /phyag bcu gnyis pa/ phyag g.yas g.yon dang po gnyis kyis lha mo la 'khyud pa/ bcom ldan 'das kyi mche bas lha mo'i mchu btsir ba/ g.yon gnyis pa na rnga ma dkar po/ gsum pa na rtse gsum pa/ bzhi pa na thod pa/ lnga pa na glang po che'i pags pa dang / drug pa na log 'dren gyi mche ba/ g.yas kyi gnyis pa na gri gug /gsum pa na rdo rje rtse gcig pa/ bzhi pa na tho ba/ lnga pa na glang po che'i pags pa/ drug pa na rdo rje/ ma he la zhon pa/ bdud thams cad zhabs kyis mnan pa/ ljags 'dril ba/ khrag 'dzag pa/ zhal kha sbyor du byed pas gnas pa/ lhag ma snga ma bzhin no/ /rnal 'byor ma bzhis yongs su bskor ba/ glu'i mchod pa nye bar longs spyod pa rnams dang / phem gyi sgra chen po sgrogs pa/ gad mo chen po rgyun mi 'chad par 'byung ba'i lha mchog tu dga' ba'i rang bzhin can gyi A li kI li'i sgra dang ldan pa/ 'jig rten pa rab tu zhi ba'i don du 'gro ba 'di rnams dga' ba chen po'i rim pa'i mgon po ni hi li kI li'i sngags kyi phreng ba dang ldan pa'o/ /bud d+ha'i bstan pa dang ldan pa/ phyag bzhi pa bzhengs pa bshad pa ni bcom ldan 'das kyis dngos grub thams cad kyi don dang / 88.57a bgegs nye bar zhi bar byed pa la zhal gcig phyag bzhi pa/ sku mdog nag po/ mche ba rnam par gtsigs shing 'jigs par byed pa/ lto 'phyang ba/ dbu skra kham pa gyen du brdzes pa/ ag tshoms kham ser/ klu brgyad kyi rgyan gyis brgyan pa/ ro'i gdan la bzhugs pa/ rgyab stag la snyes pa/ hU~M las bskyed pa phyag bzhi pa/ g.yas na rtse gsum dang tho ba/ g.yon na gri gug dang thod pa/ pheM gyi sgra 'byin pa/ phyogs gnyis su rnal 'byor ma gnyis gnas pa bsgom par bya'o/ /bgegs thams cad zhi bar bya ba'i don du phyag drug pa bzhengs pa bshad pa/ gsum pa mchog tu dga' ba'i rang bzhin can/ sangs rgyas kyi bstan pa la nye bar phan par byed pa/ sdig pa la sogs pa yongs su spong ba/ dang po stong pa nyid la sogs pa yongs su bsgoms nas rnal 'byor pas dang por rdo rje gur gyi sbyor ba bya'o/ /de dang dus mnyam du hrIH'i sa bon las langs pa'i lha'o/ /seng ge'i steng na gnas pa/ zhal gsum pa/ dang po sprin nag po'i mdog /g.yas dkar la g.yon ljang ba/ mi brtan pa'i yan lag can/ mche ba gtsigs shing 'jigs pa/ skra dmar po gyen du brdzes pa/ spyan gsum pa/ klu brgyad kyis brgyan pa/ g.yas na gri gug tho ba DA ma ru/ g.yon na thod pa rtse gsum ral gri/ gtum pa'i dbang phyug ma dang / ka liM ga dang / rigs kyi dbang phyug ma dang / tsar tsi kA bzhi rnams kyis bskor ba ni kha sbyor gyi rnal 'byor gyis gnas pa/ lha mo bzhir gnas pa thams cad kyis yang dag par bskul nas langs pa/ 'byung ba lnga las yang dag par bzhengs pa/ thams cad kyi ming gis bskor ba/ lha mos gsol pa/ kyai bcom ldan 'das rang gi lha'i gzugs kyis 'gro ba'i dngos grub kyi mtshan nyid ji ltar shes/ bcom ldan 'das kyis gsungs pa/ lha mo 88.57b u ma'i rnal 'byor gyi bdag nyid dang / dpal nag po chen po'i skye bo la sogs pa'i don du skad cig dang gcig shos gzhan dang gzhan du gang bkag pa de la dngos grub mi 'jug go/ /dang po goms pa'i dus su dngos grub kyi mchog gi gnas brtag par bya ste/ gang du grub pa'i gnas de'am/ sngags pa rang gi khyim mam/ thang stong ngam/ phyi rol bla gab med pa 'am/ dben pa'i phyogs sam/ der mnyam par bzhag ste/ khang stong du rtag tu bsgom par bya'o/ /phyag bcu drug pa/ rnal 'byor ma brgyad kyis bskor ba/ yang dag par ldan pa de'i 'khor rnams sred med kyi bu la sogs pas kyang yongs su gang ba bsgom par bya'o/ /dngos grub bsgrub pa zhes ngas bsam par bya'o/ /rigs lnga la bzhugs pa/ shes rab kyis kyang mnyam par sbyor ba'o/ /rnal 'byor pas rtag tu bza' ba ni sha chen nam ba lang dang / khyi dang / mi la sogs pa sha lnga dang / bdud rtsi lnga rnams rtag tu bza' bar bya'o/ /'dir dngos grub 'dod pa'i rnal 'byor pa rnams kyis dngos grub sgrub bo/ /gang rigs lnga la gnas pas ser skya'i sha bza' bar bya'o/ /de nas bdag gi sems kyis nag po chen po bsgom par bya'o/ /rnal 'byor pas phyag bcu drug pa/ rtag tu de nyid kyis byed pa brjod par bya'o/ /gang dang gang du phyag gnyis pa bsgoms pas dngos grub thams cad bsgrub pa'i don no/ /phyag rgya bsgrub pa rab tu 'bad pa yis phyi nas dus 'dir dngos grub thams cad nges pa'o/ /dngos po bsgom pa bsgom pa med pa'o/ /rtag tu dngos grub kyi ye shes nye bar 'thob pa'o/ /gang dngos grub thob pa'i rnam pa ji ltar 'gyur/ de nas dang po mchod pa nye bar bya ste/ dri sna tshogs pa la sogs pa spos dang me tog phreng ba la sogs pa'o/ /snying gar hU~M yig bltas la mchod pa la sogs pa byas nas mdun du blta bar bya'o/ /sdig pa bshags 88.58a pa la sogs pa byas nas tshangs pa'i gnas bzhi bsgom par bya'o/ /lag pa la dgod pa la sogs pa bya ste/ lag pa g.yas la o~M g.yon pa la aM/ gnas rnams su byin gyis brlab pa ni/ o~M tha mu AHhU~M/ mig tu k+Shi/ rna ba g.yon pa la A/ rna ba g.yas pa la A/ sna la traM/ lce la hrIH rkang pa gnyis la baM bAM/ rdo rje la hU~M/ phyin nas lus ngag yid byin gyis brlab par bya'o/ /o~M haM hU~M/ snying kar hU~M/ mgrin par o~M/ spyi gtsug tu haM/ gzhal yas khang rta babs bzhi dang ldan pa/ gru bzhi pa/ seng ge'i gdan yongs su bsgom par bya'o/ /stong pa nyid du bsgom par bya'o/ /o~M shUn+ya tA dz+nyA na badzra swa b+hA ba Ata ma ko\u0f85 haM/ ji ltar gyur pa de nas blta bar bya ste/ pi bang dang rnga bran dang / gling bu dang / ting ting shag dang / gar dang / glu dang / rnga sgra dang / sred med kyi bu la sogs pas hU~M gi yi ge bsam par bya'o/ /rdo rje gur bcings pa la sogs pa ma lus pa sngar bzhin bya'o/ /lha mos gsol pa/ kye bcom ldan 'das bzhengs la sems can gyi don mdzod cig /ci'i phyir stong pa nyid du sems/ stong pa nyid kyi ting nge 'dzin la ma zhen par gang sems can 'dzam bu'i gling pa rnams la gzigs shing dngos grub sna tshogs pa rnams byin cig /bcom ldan 'das kyis lha mo ma lus pa la gsungs pa/ lha mo chen mo'i bdag nyid ltos shig ltos shig /dpal nag po chen po mchog tu dga' ba'i rang bzhin nam mkha'i rang bzhin rnams zhal bzhi pa hU~M las bskyed pa/ dang po'i zhal nag po/ g.yon ljang gu/ g.yas dmar po/ rgyab ma hi Sha'i gdong pa can/ mche ba gtsigs shing 'jigs par byed pa/ 'jigs pa chen po'i nga ro shin du drag pa/ 'jigs pa yang shin tu 'jigs par byed pa/ sma ra ser po dang / skra ser po gyen du brdzes pa/ zhal re re la yang spyan 88.58b gsum gsum pa/ skra shin du gyen du bsgreng ba/ 'od zer dang ldan pa/ klu 'jog pos dkris pa/ zhabs bzhi pa/ ma hi Sha 'og tu gnon pa/ phyag bcu drug pa/ g.yas g.yon gyi dang po gnyis kyis lha mo la 'khyud pa/ zhabs g.yas brkyang bas gnas pa/ bdud bzhi yang dag par mnan pa/ g.yas kyi gnyis pa na gri gug /gsum pa na tho ba/ bzhi pa na rnga ma dkar po/ lnga pa na gshin rje'i dbyug pa/ drug pa na rdo rje/ bdun pa na log 'dren gyi mche ba/ brgyad pa na glang po che'i pags pa/ g.yon gyi gnyis pa na khrag gis bkang ba'i thod pa/ gsum pa na rtse gsum pa/ bzhi pa na rnge'u chung / lnga pa na rdo rje/ drug pa na dril bu/ bdun pa na ma he'i mgo/ brgyad pa na glang po che'i pags pa lto 'phyang ba/ stag gi pags pas rked pa dkris pa/ rigs can gyis dpung pa brgyan pa/ mgo bo'i phreng ba'i do shal 'phyang ba/ rked pa dang mgrin pa la sogs pa rnams la dga' bo dang / nor rgyas la sogs pa rnams kyis yongs su brgyan zhing / klu thams cad kyis brgyan pa/ mkha' 'gro ma brgyad kyis yongs su bskor ba/ sred med kyi bu la sogs pa rnams kyi zhabs la 'jus nas phyag byed pa/ pheM gyi sgra chen po yongs su sgrogs pa/ ki li kI la'i sgra dang ldan pa/ 'brug gi sgra sgrogs pa/ ha hA hi hI he hai ho hau sgra rab tu 'byung ba/ shar gyi 'phar ma la/ gtum pa'i dbang phyug ma/ tsaM gyi sa bon las bskyed pa/ phyag gnyis kyis gri gug dang thod pa 'dzin pa/ mgo bo'i phreng ba'i do shal can kha dog dkar mo mche ba rnam par gtsigs shing 'jigs par byed pa/ lho'i 'phar ma la tsa kA kha dog nag mo kaM gi sa bon las bskyed pa/ phyag gnyis na gri gug dang thod pa 'dzin pa/ lhag ma sngar bzhin/ nub kyi 'phar ma la kA li kA/ laM gyi sa bon las bskyed pa g.yas g.yon na rtse gsum pa dang thod pa/ lhag ma rnams sngar bzhin 88.59a no/ /byang du rigs kyi dbang phyug ma/ ra gyi sa bon las bskyed pa kha dog ser mo/ g.yas pa gyen du bsgreng ba/ g.yon pa na thod pa thogs pa/ lhag ma ni snga ma bzhin no/ /lha mo thams cad spyan gsum pa/ mgo bo'i phreng ba rab tu 'phyang ba/ klu brgyad kyis yang dag par brgyan pa/ ro'i steng na zhabs g.yon brkyang bas gnas pa/ de bzhin du gcer bu skra sil bu 'jigs par byed pa/ phyi'i snam bu la chom rkun ma lag pa rnga ma bzung ba kha dog nag mo/ tsam gyi sa bon las bskyed pa/ lhag ma sngar bzhin no/ /lho'i snam bu la lan tsha ni kha dog ljang gu/ tsam gyi sa bon las byung ba/ lag pas spos khang bzung ba/ nub tu dga' chen mo maM gyi yi ge las bskyed pa kha dog dmar mo/ lag pa rdo rje dang dril bu thogs pa/ byang du dga' ba'i dbang phyug ma naM gyi yi ge las yongs su rdzogs pa/ kha dog ser mo/ lhag ma sngar bzhin no/ /lha mo u mAs gtso bo la 'khyud pa kha dog dkar mo phyag bzhi pa dga' ba chen pos gnas pa/ de bzhin du mche ba rnam par gtsigs pa/ lhag ma sngar bzhin no/ /phyag rgya shin tu dga' bas gnas pa/ sangs rgyas rnams kyis sngags gsal bar bshad par bya ste/ dngos grub sna tshogs mchog tu ster ba'i phyir/ dpal sems can rnams la chags pas sems can rnams la phan pa dang mi phan pa'i rnam pa mi spyod pas dga' ba chen por gnas pa'i sgrub pa pos brgyad dam bcu 'am bcu gnyis la bsgom par bya'o/ /gang rnal 'byor pa chang dang go ku da ha na la sogs pa bdud rtsi lnga dang / yang dag par ldan pas spyad par bya'o/ /rtag tu btung ba khrag gis bya'o/ /gal te the tshom za na skye bar mi 'gyur ro/ /gang gis 'bad pa chen pos bsnyen pa byas nas dngos grub nges par 'byung zhing des yun mi ring bar 'joms par 'gyur ro/ /gsang ba'i rigs la gnas na de bzhin du las bya'o/ /ji ltar gsal bar mi 'gyur ro/ /gal te 88.59b gang gis gsal bar byas na ni de dngos grub tu mi 'gyur ro/ /chen por mi gsal bar bsam par bya'o/ /lha mos gsol pa/ kye bcom ldan 'das dgongs pa'i skad ni ji ltar gsungs/ de kho na nyid ji lta ba bzhin nyan par 'tshal lo/ /bcom ldan 'das kyis bka' stsal pa/ dgongs pa'i skad ni ji lta bar rgyas par tshang la stobs can zhes bya/ sha la ba la zhes so/ /skad chen mi yis ma rtogs par bya/ /dngos grub thob par shes par bya ba'i phyir/ rigs can lnga rab tu gsal bar bshad par bya ste/ g.yung mo rdo rje'i rigs las byung ba dang / gar mkhan ma pad ma'i rigs las byung ba dang / bram ze mo rin po che'i rigs las byung ba dang / tshos mkhan ma las kyi rigs las yang dag par skyes pa dang / rgyal rigs mo sku'i rigs las byung ba'o/ /phyag rgya 'di ni rang gi dngos grub ster ba dang / de 'di dag rnams la bud med rnams kyis rdo rje dkar po 'dzin pa sngags pas nges par de yis rab tu mchod pa dang / rtag tu btung bar bya'o/ /kyai lha mo la bshad pa de/ 'di ltar gang khyod snying rje dang ldan pas thams cad du gus pa chen po'i bdag nyid kyis yongs su gzung bar bya'o/ /skad gzhan gyis ngo mtshar ba dang / mi gang dbang ma bskur ba dang / skad 'dis dpal nag po chen po'i dbang ma bskur ba la rab tu bshad na/ de nyi ma bdun gyis 'chi bar 'gyur ro/ /gal te ma shi na yang na ba dang / tshe thung ba dang / po ti mig gis mi mthong bar 'gyur ro/ /dbang ma bskur ba dang / brdzun du smra ba dang / mi gus pa'i mi de rnams rnal 'byor ma dang mkha' 'gro ma thams cad dang / lha rnams 'khrug par 'gyur ro/ /lha mo gang dang gang du ngas bshad pa thams cad ma lus pa 'bad pa la ngas byin gyis brlab po/ /dngos grub chen po brgyad 'grub bo/ /rgyud thams cad kyi gleng gzhi rgyud 'dir smras pa/ de'i phyir dbang bskur ba'i mis klog pa'am 'dri bas dngos grub 'grub bo/ /rje btsun bri 88.60a bar bya ste/ sor bcu drug tsam gyi tshad tsam/ rgya skyegs kyi khu ba 'am/ sen rtsi 'am/ dri sna tshogs kyis bsres te/ nim pa'i shing gi smyug gus gro ga la gzugs brnyan ji lta bar bris nas ras dmar po 'am dur khrod kyi ras la brten nas lag pa byin gyis brlab pa la sogs pa bsgom par bya ste/ yang na nim pa'i shing la byas pa la rtag tu yang dag par bsam par bya'o/ /lha mos gsol pa/ kyai bcom ldan 'das khyod nyon cig /bzhengs shig bdag gis 'di bskul nas nag po chen po'i bdag nyid/ u Ta Thi ya/ b+ha rA To/ kA ru Na ma N+ya/ nA tsa mi ha wuM de bi/ i thi ta kI sa ka ri ba ma yi dza yi tu hU~M bu ts+tsha tsha si kA dza dza ta ga kha Ne ho yi sarba yA rA hA saM Na tsa tsa yi/ e ka la bi ra/ ti Na Ni b+hu ya Ne ka ka ri yA kha DA ru ha ye/ a tsa tshan te kA lI bo lI/ tsaN Des sa rI ku li kI nI b+hi ri lA a ge ta yi kiM pUr+N+Na pu ts+tsha si lo b+ho lI/ a I na an ta na na hi to he ka / e kA nai ka ri ya si sata tabA thA/ ed b+hu ta su ma hi ya ka ri hi si dzo yi/ ji ltar bskul ba'i dus su bcom ldan 'das skad cig de nyid la rdzogs par longs shig /yid kyi 'gyur ba gsal bas phyag bcu drug pa rdzogs par byas nas phyag gnyis pa bshad par bya ste/ sems can rnams kyi sdug bsngal bsal ba'i don du ji ltar phan par bsams pa tsam gyis sdug bsngal thams cad la yang dag par 'don pa'o/ /lha'i rigs bsam par bya'o/ /bcom ldan 'das kyis gsungs pa/ dang por hU~M yig bsam par bya ba dang / phyi nas mchod pa dang bsnyen bkur la sogs pa byas nas dngos grub 'dod pas bsgom par bya'o/ /zhal gcig phyag gnyis pa g.yas gri gug g.yon thod pa/ sku mdog nag po skra ser po gyen du brdzes pa/ ro'i steng na gnas pa/ klu chen po brgyad kyis brgyan pa/ lto 'phyang ba/ bong thung ba/ rnal 'byor ma gnyis kyis yongs su bskor ba dang thabs gcig 88.60b tu bsgom par bya'o/ /char sprin gyi mdog lta bu 'brug gi sgra sgrogs pa po/ skye bo gnas pa de'i dus su sgra snyan pa/ sbas pa rnams kyis dung skyong dran par bya'o/ /kyai lha mo mi 'grub na nye bar spyod pa la dgos pa ci yod/ lha mos gsol pa/ kyai bcom ldan 'das ci'i phyir rnal 'byor gyi dbang phyug ji ltar du rgyu/ gal te rigs lnga la gnas pa'i kyai lha chen po me tog gi char 'bab pa/ yan lag stong dang ldan pa/ yan lag gcig tu gyur pa/ ji ltar yan lag bzhi yis yang dag par spyod pa lags/ bcom ldan 'das kyis gsungs pa sa gsum dang mnyam par sbyor ba'i rnal 'byor ma rnal 'byor bsgrub pa'i don du nges par yongs su bsgrub par bya'o/ /'di ni dpal nag po chen po'i rgyud las lha rnams bzhengs pa'i le'u ste bdun pa'o// // de nas lha mos gsol pa/ 'on kyang mnyam par longs spyod cing longs spyod par 'dod pa'i sems can dbul po rnams kyi don du thabs ji ltar lags/ bcom ldan 'das kyis gsungs pa/ ji ltar 'dzam bu'i gling pa'i dngos grub sna tshogs nye bar spyod pa zhes bya ba bshad par bya'o/ /rnal 'byor pa rnams kyis byin gyis brlabs pas sa stengs kyi dngos grub rnams 'grub bo/ /mtshan mo'i cha la rdo rje'i khyim du sna tshogs pa'i nya dang / sha dang khrag dang bcas pa bza' bar bya'o/ /bgegs nye bar zhi bar byed pa'i gtor ma bya ste sngags kyi le'u las bshad pa ji ltar 'byung ba ltar bya'o/ /dgra rnams btsir ba ar+k+ka'i 'dab ma la ba blas sngags bris la/ rab tu sbyor ba dang ldan pas phyi nas ming bris te sa 'og tu bcug nas/ rkang pa g.yon pas mnan la sngags bzlas te/ nag po chen po'i gzugs su bsgoms nas so/ /zhi bar 'dod na 'khar ba'i snod du 'o mas bkrus la/ o~M ma hA kA la kA ru Ni+A kA sarba sha trUM Ni mu khaM baM d+ha ya staM b+ha ya mo ha ya hU~M teM phaT/ tsha ba gsum dang / b+ha lA ta ka dang / sge gsher dang / 88.61a ke su'i rtsa ba dang / nyi ma bdun gyis rdzogs par mu zi lhan cig phye mar byas pa blugs la/ ji ltar rnal 'byor pas sbrang rtsi dang lhan cig bza' bar bya'o/ /de'i lus la dgra yis mi tshugs so/ /de ni bsgrub par rigs pa ste lus rgyas par byed pa'o/ /nyi ma nyi shu rtsa gcig tu goms pas so/ /lte ba'i me gzhan pa rgyas par bya ba ni de nas de nyid tsi tra ka dmar po pi pi ling gi rtsa ba dang / legs mthong gi rtsa ba dang tsha ba'i mar khu yang dag par ldan pas byang chub kyi shing gi khu ba a ru rA btsos pa dang / tshwa dang lhan cig tu bza' bar bya'o/ /ri lu nyi ma nyi shu rtsa gcig dang ldan par byas pas sngar gyi gzugs bzhin du 'gyur ro/ /me'i drod chen po dang ldan par 'gyur ro/ /lus brtan pa'i dngos grub bstan pa'o/ /dang po ba ru ra dang / ta ka'i rtsa ba dang / skyu ru ra dang / til ti la dang / de dang de mnyam par ldan pa/ nA ga mchog tu byas pa/ kha'i nang du bcug nas srin bya'i khrag mig gnyis la byugs nas 'og gi bug pa mthong bar 'gyur ro/ /gzhan yang nA ga khar bcug las ha de ba'i 'dab ma'i khu bas dngul chu bcings pa dang / khrag dang / ga bur dang ldan pa mig sman du bskus na sa 'og gi bug pa mthong bar 'gyur ro/ /nag po chen po'i 'bras bu dang sku ba khan de dang / se ba'i 'bras bu dang se 'bru dang 'di rnams bsres nas tsha ba gsum dang sbrang rtsi dang bcas nas btsos nas til nag po dang / lus rnam par dag par byas nas ji ltar goms pa yis man cha nges par byas nas zos na nyi ma lnga na sa'i bug pa mthong bar 'gyur ro/ /'bad de lus la byugs na gangs ti se la sogs pa mthar thug pa mthong bar 'gyur ro/ /cong zi'i chus khrus byas na snga ma bzhin du legs par gnas par 'gyur ro/ /tsa la ta'i khu ba dang / bya rgod kyi sha dang / til nag po'i mar rnams sbyar nas/ rab tu zos na nyi ma nyi shu rtsa gcig tu phyi nas rang gi chus mig sman 88.61b byas na sa 'og gi gter thams cad mthong bar 'gyur ro/ /sa 'og gi sbrang dang / sbrul dug med kyi tshil dang / 'gi wang dang ldan pas cha mnyam par bya ste cong zi'i chu dang bsres te mig gnyis su mig sman byas na khru lnga tsam na yod pa'i sa 'og gi gter rnams drag tu nges par mthong bar 'gyur ro/ /po ro lI'i khu ba dang / khrag dang / 'gi wang dang / pags pa 'dul byed kyi sman dang / dur khrod kyi ras legs par sbangs te sdong bu byas la ra'i zhag dang / bram ze'i thod pa ru mig sman byas nas de'i phyi nas mig la bskus na dri ma dag par 'gyur ro/ /yang na ras kyis mig bkab pas kyang mthong bar 'gyur ro/ /rgyu skar sa ri la pad ma'i skud pa dang / tsan dan yongs su sbyangs nas gling dkar po la gur gum dang gla rtsi byugs la sdong bu byas na/ lce spyang tshil bu dang mi'i thod par mig sman ba bla bsil ba'i dus su mig sman byas na sa 'og gi bug pa mthong bar 'gyur ro/ /phyi nas mig gnyis bkru bar bya'o/ /ras dan kha dang lcags gsum la ba lang gi tshil bu btsos nas yang tshil chen du btsos nas gzhan yang ma he'i mar dang / phyi nas ri lu bu khar bcug nas nyi ma gsum du smyung bar gnas te/ rang gi mchil mas rang gi mig sman byas na sa 'og gi bug pa mthong bar 'gyur ro/ /dang po lto dag par bya ba ni/ nyi ma gcig zas mi za bar byas la sa'i lcug ma'i mar khu dang / sgog skya btsos nas ril bu bcu bzhir byas pa nyi ma dang por zos na'o/ /nyi ma gsum pa la nyi shu rtsa gcig bza' bar bya'o/ /nyi ma bzhi pa la sum cu gsum ba ba'i bar bya'o/ /nyi ma lnga pa la sum cu rtsa lnga bza' bar bya'o/ /drug pa dang bdun pa la yang sum cu rtsa lnga bza' bar bya'o/ /nyi ma re re 'o ma btung bar bya'o/ /nyi ma brgyad pa la ra'i 'o ma btung bar bya'o/ /dang po dang gnyis pa la ma he'i 'o ma btung bar bya'o/ /nyi ma gsum pa la ba ser skya'i 'o ma btung bar bya'o/ /bzhi pa la 88.62a sna bug nas thun mong gi 'o ma btung bar bya'o/ /thun tshod lnga pa la rang gi chus mig sman byas na nges par sa 'og rim pa bdun gyi sa'i bug pa mthong bar 'gyur ro/ /'bras bu gsum dang / gu gul dang / ba lang gi chu yis bshal byas nas/ yungs kar gyi mar dang / sbrang dang bu ram dang / tsha ba gsum dang / sgog skya dang / mar dag zos nas ra'i 'o ma 'thungs na/ ji srid nyi ma bdun gyi pha rol du til nag po'i mar dang sa'i lcug ma btsos nas zos na lcug ma lnga'i tshad tsam lhag ma nyi ma bdun pa la til gyi mar khu dang / so ba'i zan zos na nyi ma nyi shu rtsa gcig na nyin mo dang mtshan mo la nges par sa 'og gi bug pa mthong bar 'gyur ro/ /tshes brgyad la phyag bzhi pa'i mgon po nag po'i sngags bzlas na stong phrag lnga ru chang dang / sha dang / nya dang / lcags kyu lnga la sogs pa bza' bar bya'o/ /lha mo'i rten la de nas mig 'bras la mig sman byas nas sa stengs na gnas pa'i gnod sbyin la sogs pa rnams mthong bar 'gyur ro/ /gal te ma grub na sbyor ba'i mchog 'dis de ni mtshams med pa lnga'i las byas par 'gyur ro/ /ma byung bar gyur na nag po chen po nga'i yang dag pa'i mig sman ma yin no/ /sa lin tsi dang / ma lin tsi dang / ke sha ra dza/ bring ga rA dza/ bcu gang dang / tsha ba gsum dang / pa la sha'i shun pa dang / ka ma tsi dag btsos nas ku mu ha'i sha dang / lan bdun du btso ba'i rim pa 'dis til nag po'i mar khu dang / lto dag par byas na sum mam gnyis nyi ma dang po la bza'o/ /gnyis pa la sum mam gsum mo/ /gsum pa la sum mam lnga'o/ /bzhi pa la sum nam drug go/ /lnga pa la sum nam brgyad do/ /drug pa la sum nam bcu'o/ /bdun pa la sum nam bcwa lnga'o/ /nges par swa ba'i khu ba zos nas brtan par bya'o/ /gzhan du na nyi ma brgyad pa la 'gar da ma'i sbrang rtsis mig gnyis la bskus na des bug pa thams cad 88.62b mthong bar 'gyur ro/ /sna bug g.yon nas ra'i 'o ma 'thungs nas ji srid nyi ma nyi shu rtsa gcig tu 'o ma'i btung ba'o/ /'gi wang dang sbrang rtsis mig sman byas nas mig gnyis la bskus na/ sa gzhi la yod pa'i gter thams cad mthong bar 'gyur ro/ /kho Di'i sa bon dang / dza yan ti'-i sa bon dang / pa lak+Sha pa dra ba'i khu ba dang / si ti li'i khu ba dang / 'gi wang dang / rang byung dang / d+ha du ra'i khu ba dang / klu 'dul ba dang / pa na ra'i lo ma dang / rtsa ba'i khu ba dang / sman 'gar da ma du dang / sbrul dug med kyi mkhris pa dang bcas pa btags nas ril bu byas te nyi ma gnyis par gyur pa la srod kyi dus su mig sman byas na sa 'og gi bug pa mthong bar 'gyur ro/ /g+hi la ka'i 'bru gu dang / 'gar da ma du ya dang / yang dag par ldan pa dang / ba ser skya'i mar dang / 'gi wang dang / khu ba dang khrag dang mnyes nas phyi nas basmyung bar gnas nas ltogs pa'i dus su mig sman byas na sa 'og gi bug pa mthong bar 'gyur ro/ /rig par bya ba ni bcu bzhi la gro ga'i lo ma la sngags bris nas khar bcug nas sngar bzhin du mig la mig sman byas na nyin mo sa'i gter thams cad mthong bar 'gyur ro/ /ji ltar rjes su gnas pa bzhin du mig sman gyi dngos grub de nyid de ltar rig pas dpyad par bya'o/ /rnal 'byor pas ji ltar 'dod pa'i bye brag gis go rim bzhin bya'o/ /'dir bye brag tu bsam pa ni ji lta bas rnal 'byor pas rtag tu thob par bskyed par bya ste/ de nas nag po chen po'i 'khor lo bsgoms nas bgegs zhi bar bya ba'i don du dur khrod du gnas nas nyi ma lngar bdud rtsi lnga la longs spyad par bya'o/ /gang dang gang du rtag tu gnas pa de dang der sngon du gnas pa blta bar bya'o/ /sa sbyang ba ni gtor ma dang mdzes pa'i ston mo dang / lha bshos sngags kyis byin gyis brlabs nas phyi nas nges par sa brko bar byas na/ dngos grub gzhan du nges par mi 'gyur ro/ /lha 88.63a mos gsol pa/ kyai bcom ldan 'das gang dang gang du rtag tu gnas pa de'i mtshan nyid ji ltar lags/ gang sems can rnams kyi sdug bsngal ba bsal ba gang lags/ bcom ldan 'das kyis bka' stsal pa/ gang du gnas pa'i mtshan nyid ni ci brjod pa'i ngag rung ba dang / mi rung ba'i sman rnams ji lta bar 'gyur ro/ /de bskyang ba la sogs pa'i rig pas bza' ba dang yo byad du ji lta bar 'gyur ro/ /nges par le'u 'di'i dngos grub tu gang 'gyur ba rnal 'byor pa yongs su tshol bzhin pas nyin par dang nub mo mthong bar bya ba me tog uta pa la la sogs pa ltar ram gal te du ba ltar sems nges par bya'o/ /khang pa stong pa na byi ba'i sgra thos nas gang dang gang du nges par gyur pa na de na gter yod par 'gyur ro/ /yul dbus sam thad ka la chu 'dzin pa mthong na gang dang gang du me tog dor ba de brtan par gyur pa dang / de nas gter 'byung bar 'gyur ro/ /phyag bcu drug pa'i sngags kyi 'be ta'i shing la lan bdun du bsngags nas gsol ba btab na der nges par rmi lam mthong bar 'gyur ro/ /mgo'i sgru gang na 'don pa'i sa de na gter yod par 'gyur ro/ /rma bya'i sgra thos pa'i sa gang na grag pa de'i sa na nor bu yod par 'gyur ro/ /'dis ni sems can gyi don yongs su rdzogs par 'gyur ro/ /'di ni dpal nag po chen po'i rgyud las sa 'og gi bug pa brtag pa'i le'u ste brgyad pa'o// // de nas rnal 'byor pa thams cad kyi don du ri lu'i le'u bshad du gsol/ bcom ldan 'das kyis bka' stsal pa/ ril bu ni lus dang ngag dang yid gcig tu byas pa'o/ /gu zhes bya ba ni lus la brten pa'o/ /Di zhes bya ba ni ngag gi rang bzhin no/ /ka zhes bya ba ni sems so/ /gsum gcig tu byas pa ni ril bu'o/ /dbang po gnyis mnyam pa nyid kyi ye shes kyi rang bzhin ni dus kyi me yis rab tu 'bar ba gsum ro gcig pa ni ril bu ste/ sems can rnams kyi bden pa 88.63b phun sum tshogs pa'i rgyu'o/ /lha mos gsol pa/ kyai bcom ldan 'das sems can rnams kyi bde ba phun sum tshogs pa'i rgyu nye bar bstan par bya ba'i don ji ltar lags/ bcom ldan 'das kyis bka' stsal pa/ zla ba gzas zin pa'i dus su sman ta ka ri'i rtsa ba dang / u pa lam d+hi ka'i rtsa ba dang / de'i rtsa ba yongs su bzung nas bzhag ste/ smin drug gi zla ba la nyi ma gzas zin pa'i dus su lcags gsum gyis legs par yongs su dkris nas khar bcug na ri lu'i dngos grub tu 'gyur ro/ /nyin re bzhin du nyi ma dang po la ba ti'i rtsa ba dang / gnyis pa thog gis lhung ba'i shing dang / gsum pa la ni re ke la dang / bzhi pa la se ba'i 'bras bu dang / lnga pa la bud med kyi khrag dang / drug pa la dngos grub mchog go/ /bcom ldan 'das kyis ri lu'i dam tshig spyad pa'o/ /gzhan du ni dngos grub tu mi 'gyur ro/ /rgyal gyi zla ba'i nag po'i phyogs kyi bcu bzhi la/ bi DA la'i rtsa ba dang / ladz+dza lu'i me tog rnams gcig tu byas nas go rims bzhin du lus la byugs na ji ltar rigs par ri lu'i dngos grub 'grub par 'gyur ro/ /dza lu'i rtsa ba dang / srod kyi dus su ril bu byas la dngul chu dang bsres la byug pa byas na mi mthong bar 'gyur ro/ /nag po'i phyogs kyi tshes brgyad la mi grir shi ba'i sha dang khrag blangs nas phyag drug pa'i mgon po nag po bsgoms la/ nyi ma shar ba'i dus su bdud rtsi'i ril bu khar bcug na mi mthong bar 'gyur ro/ /gza' mig dmar la sman ma hU ga ga sa bon rang gi khu ba dang bsres te lcags gsum gyi phye ma dang bsre ba byas nas/ pata tra pi sha tsi'i khu ba dang yongs su bsre ba byas pa byi bla'i mkhris pa dang ril bu byas nas nyi ma bdun du dur khrod du sbas te/ mtshan mo'i dus su blangs nas ji ltar bgegs med par bya ba'i phyir/ nag po chen po phyag bcu drug pa'i sngags bzlas la bsrung ba'i don du lan bdun du gtor ma sbyin par bya'o/ / 88.64a des der bgegs zhi bar 'gyur te/ 'phongs su bcug na lam nas 'gro na yang mi mthong bar 'gyur ro/ /tsa tras ku la mnyam pa dang dur khrod kyi sol ba blangs nas rang byung sreg blugs lnga brgya dbul bar bya'o/ /o~M ka rA la bi ka~M rA la ma hA na da hU~M grih+Na ka taM gi swA hA/ sreg blugs kyi sngags so/ /'di ni dngos grub kyi sngags te de'i mig bzung nas khar bcug na mi snang bar 'gyur ro/ /'dzam bu'i gling na rnyed par dka' ba'i dngos grub 'byor pas nges par 'grub par 'gyur ro/ /so ma skyes pa'i byis pa'i lce blangs la ka nye ji'i nang du nyi ma gcig bzhag /nyi ma gnyis pa la ra'i mar la bzhag /de bton nas nyi ma gsum pa la rang 'byung gi nang du bzhag /de nas de ril bu byas nas mar khu chen po dang btsos nas de nas nyi ma bdun dngul chu'i nang du bzhag pa dang / nyi ma lnga sbrang rtsi'i nang du bzhag /rigs ngan gyi thod pa'i nang du nyi ma gcig bzhag pa de blangs pa dang / byi bla'i khrag bskus nas bskams pa dang / bya bzang po'i sha dang lce spyang gi sha rnams mnyes nas ril bu byas pa bcas te/ khar bcug na mi snang bar gyur to/ /lha mo 'di ni shin tu ngo mtshar rnams so/ /shi ka dang ga pur dang / de bzhin du na ga rA dang / mu rA dang / dri ma med pa dang / hA rA dang / smyo byed kyi lo ma'i khu ba rnams btags nas ril bu byas na ri lu'i mchog go/ /gzhan yang bcu drug nam gcig tu bzhugs pa ni tshil chen dang / 'dzo tis ma'i mar khu drug ma bzhi bram ze'i thod par mnyes pa dang / ging he ka'i mar khu dang / sol ba'i lo ma'i khu ba lus la byugs na nges par mi mthong bar 'gyur ro/ /bal po'i zangs kyi snod du ba'i mar bskol ba dang tshil chen brah+ma kA pa la'i nang du gling dkar po la sdong bu byas nas blangs pa dang dzan du pi sha tsi'i khu ba dang / bsres pas mig sman dang thig le byas na yang mi mthong bar 'gyur ro/ /kyai bcom ldan 'das khyod kyis 'dzam bu'i gling pa'i 88.64b sems can rnams kyi don du gsungs pa/ ngas kyang ri lu cung zhag bshad par bya'o/ /sngags kyi le'u yis sngags brjod pa de ni sngags lan bdun bzlas pas gsol ba btab na ri lu'i dngos grub mchog tu 'gyur te/ gzhan du ni ma yin no/ /thams cad du yongs su rdzogs par byas na rab tu 'grub par 'gyur ro/ /sna tshogs yongs su rdzogs par 'grub par 'gyur ro/ /dang po ni su da ra'i 'dab ma phye mar byas nas se da ka N+DA phye ma dang lug gi gcin dang mi sha dang cha mnyam por byas nas rab tu btags te ril bu byas nas mid na mi mthong bar 'gyur ro/ /ji ltar mthong bar 'dod na ka na dzi 'thungs na de ltar mthong bar 'gyur ro/ /rgyu skar nag pa la pa Ta'i rtsa ba bton nas rgyu skar bra nye la ta ka ra'i rtsa ba dang / khrums stod la lung thang gi rtsa ba dang / rgyu skar mgo la kun da'i rtsa ba dang / tshes lnga la mnyam por byas te btags na nam mkha'i chu dang mnyes nas rim gyis ril bu byas te/ lha mo'i sngags brjod na mi mthong bar 'gyur ro/ /rtag par byas te ji srid du 'o ma nag por song song gi bar du bzhag na 'grub par 'gyur ro/ /'o ma nag por mi 'gyur na rigs lngas bsgrub cing bram ze la zan dang zho sbyin pa dang / mkhan pa la chang byin na 'grub par 'gyur ro/ /shu dag dang / ru rta dang / pi pi ling dang / lha skya dang a ru ra dang / skyu ru ra dang / nim pa dang / so shing gi rtsa ba dang / lung thang rnams chu bya'i sha dang / /mi'i 'bras bu rnams btag na kan dzi na'i nang du nyi ma bdun du ra'i mar dang stabs gcig bzhag na mi mthong bar 'gyur ro/ /ji ltar mthong bar 'dod na kan zi mthungs na de ltar mthong / 'gyur ro/ /pad ma'i ze 'bru'i rdul dang / grog mkhar dang / lang ka'i steng gi sa rnams gcig tu byas te ril bu byas nas rnams snang gi lam du bcug na mi snang bar 'gyur ro/ /de gal te ma grub na des mtshams med pa lnga'i las byas par 'gyur ro/ /rang gi dbang po lnga ji ltar 'gyur 88.65a ba rigs lnga la yang dang yang du gnas par bya'o/ /rigs lnga bzung nas lcags gsum gyis dkris pa dang / dur khrod du phyin la phyag rgya ma bzung ste zhal nas sngags zlos shing nam mkha' la sgra 'byung ba thos pa dang khyim du log nas mig sman byas na de nas mi mthong bar 'gyur ro/ /nim pa rlon pa bzung ste lus la byugs nas gza' nyi ma la su ma ka ta lag pa g.yon pas lus la byugs te tshes brgyad la mi'i mar khus lus la byugs nas rim pa ji lta ba bzhin du byas na mi snang bar 'gyur ro/ /gza' mig dmar la sems can du ma ni ka bzung ste/ gza' lag pa la rin po che'i ral gri bzung nas klu lhag ma can gyi lce bcad nas bzung ba de/ dang po gser gyi snod du bcug nas phyi nas bton te/ de bzhin du phyi rol nas zangs ma de bzhin du lcags gsum gyis dkris nas khar bcug na mi mthong bar 'gyur ro/ /sman 'dzag byed kyi rtsa ba la gsol ba btab nas skud pas bcings te nyi ma bzang po la blangs nas sen d+ha ba dang tshil chen dang lhan cig tu btsos te zos na mi mthong bar 'gyur ro/ /lha mo'i sngags lan bdun sman dza yan ti'i lo ma la bzlas nas kan dzi'i nang du nyi ma gcig bcug nas bton te/ nim pa'i shing gi nang du sbas nas/ de nyid las de bzhin du blangs nas ba ta pa'i shing de la de bzhin du gzhug /phyi nas smal po'i zla ba nag po'i phyogs kyi bcu gsum la btags nas lus la byugs na mi mthong bar 'gyur ro/ ji srid du lo gcig tu yang de bzhin no/ /lha mo'i ril bu chen po ni me tog bdun gyi sul dang / na ri ke la'i me tog dang / sman ka ta ka pa tra dang / sa ma ya go la dag dang / nA ga puSh+pa dang / pin ta d+ha ka ra'i rtsa ba dang / /tri pu ra dang / d+ha du ra'i rtsa ba dang / 'bras bu gsum rnams la ril bu nyi shu rtsa gcig lung thang gi lnga cha tsam mo/ /pin ta d+ha ka ra dang / rang byung dang / da brta nA ra dang / ril bu nyi shu rtsa gcig dang / nag po chen po'i 'bras bu 88.65b ril bu nyi shu rtsa gcig dang mnyam pa'o/ /de rnams btags nas sbrang rtsi dang ril bu lnga byas nas dang po ril bu gcig khar gzhug /gnyis pa rnam par snang mdzad kyi lam du/ gsum pa dang bzhi pa lag pa g.yas g.yon gnyis re re'o/ /lnga pa ni dpral bar thig le bya'o/ /nges par mi snang bar 'gyur ro/ /de nas yang gza' mig dmar nag po phyogs kyi bcu gnyis la su ra bi tsa'i rtsa ba bzung nas tshil chen dang btsos te/ de nas mu ru mu ri ga'i khu ba dang / sman b+ha gi na'i khu ba la ril bu byas te/ lha mo'i sngags bdun bzlas te ril bu byas nas rnam snang du bcug na mi snang bar 'gyur ro/ /nyi ma bdun du lha mo'i sngags bzlas nas sngags pas g+ho d+ha zos nas chang 'thungs na thams cad mthong bar 'gyur ro/ /bcom ldan 'das kyis bka' stsal pa/ lha mo dngos grub thams cad kyi mthu khyod kyis brjod pas ji lta bar de kho na nyid ston par byed do/ /de'i phyir nus pa gang dang gang byed pa ji lta ba'i dngos grub thams cad kyi 'phrul pa'o/ /lha mos gsol pa/ kye+e bcom ldan 'das 'dzam bu'i gling gi sems can rnams la phan pa dang bde ba'i don du ji lta ba bzhin du bstan du gsol/ 'di ni dpal nag po chen po'i rgyud kyi rgyal po las lha mos zhus pa dang lan las ril bu'i le'u ste dgu pa'o// // de nas yang dag par bshad par bya ste/ sems kyis bsam gyis mi khyab pa'i rkang mgyogs kyi mtshan nyid sna tshogs pa zhes bya ba ste/ bcom ldan 'das kyis bka' stsal pa/ rkang mgyogs la phyag bcu gnyis pa'i sngags 'bum phrag lnga bzlas na mchog tu 'grub pa'o/ /nyi ma dang po'i dus su/ dngul chu dang / rang 'byung dang / pa la sha'i rtsa ba'i khu ba dang / sha du ri btags nas rnga mo'i chu yis mde gu byas te/ rkang pa la byugs na bar snang la 'gro bar 'gyur ro/ /zla ba'i chu yis yongs su byed pa dang yang dag par ldan pas dngos grub brgyad pa dang mnyam pa ri ka na ba su dang 88.66a ldan pas/ sman d+ha na cha lngas lhag pa rkang pa la byugs pa tsam gyis nam mkha' la 'gro bar 'gyur ro/ /ji ltar gza' yis zin pa na de nas de nyid du 'bum phrag gcig gi nang nas gcig blangs pa la sngags de nyid ji snyed grol grol gyi bar du bya/ sbrang rtsi rkang pa la byugs na nges par bar snang la 'gro bar 'gyur ro/ /dam tshig can gyis bsten pa na bcom ldan 'das kyis dngos grub mnyam pa med pa bdag la stsol ba'o/ /de nas yang nyi ma gzas zin pa la sen d+ha ba dang / lan tshwa dang / go Ta byas pa yongs su bsdus nas phyag bcu drug pa'i sngags lan bdun du bzlas nas rkang pa la byugs na bar snang la 'gro bar 'gyur ro/ /dang po'i bud med kyi rdul dang / sih+la dang / chu dron gcig tu byas nas sngar gsungs pa'i sngags kyis/ yid spro bas sbyangs par gyur na dngos grub tu 'gyur ba ni mtshan mo kun la rim pa bzhin du 'chag par 'gyur ro/ /sman paN+Di go la ka dang / sga dang / a ru ra dang / ba la ta ki dang mnyam par bsres nas rkang pa gnyis la byugs na bar snang la 'gro bar 'gyur ro/ /gal te ma grub na de yis mtshams med pa lnga'i las byas par 'gyur ba'o/ /ji ltar mar dang de bzhin no/ /me tog nyi shu rtsa lnga'am/ kun d+ha'i me tog dang tshil chen bsres nas sbyin sreg bya ba ni/ o~M d+ha mu d+ha mu k+Sha mu k+Sha swA hA/ de nas sngags 'di nyid dang / klu 'dul ba'i me tog dang / mi skam pa'i me tog dang / ba ser skya'i zhag dang / mi'i zhag dang mnyes nas rkang pa la byugs na/ de yang me tog re re 'am thams cad kyis bar snang la 'gro bar 'gyur ro/ /o~M ma Ni d+hA ri Ni/ ma hA kA li ni kha kha khA hi khA hi/ ha na ha na/ g+hA ta ya g+hA ta ya/ tsa la tsa la/ hU~M hrIHhrIHhaH sngags 'di lan brgya bzlas pa dang ldan pas/ sman shi la pa ta ka rkang pa la byugs na bar snang la 'gro bar 'gyur ro/ /sa bla ru 'gro bar 'dod pa'i mis 88.66b sman pa li ka'i rtsa ba dang / ba lang gi lce'i rtsa ba dang / sman kun su ma dang / a ru ra'i rtsa ba dang / yung ba dang 'di rnams sum 'gyur du byas nas glang po che'i chang dang / lhan cig rdo kyong ser por rab tu mnyes nas sbrang dang lhan cig rkang pa la byugs na nges par sa bla la 'phyo bar 'gyur ro/ /de nas lha mos gsol pa/ sbyor ba lnga ji ltar 'gyur ba rab tu bshad du gsol/ /da ni yang dag par rab tu sbyin pas 'grub pa/ dang po la sman se b+ha'i khu ba blangs nas/ nyi ma gnyis pa dang gsum pa la ba ru'i chu dang / bzhi pa la sa hor gyi 'bras bu lnga dang / lnga pa la shing ba ta'i 'dab ma rnams la ra'i chus blugs la nyi ma lnga bzhag la ma he'i 'o ma la nyi ma lnga sbang / rnga mo'i chu la nyi ma lnga sbang / de rdo kyong ser por si si ri dang btags te/ dngul chu dang gnyis sbyar nas de'i rjes la mchod sbyin gyi shing dang lhan cig tu ril bu byas nas nya phyis kyi nang du rang gi khu ba dang gnyis mnyes nas rkang pa la byugs na nges par bar snang la 'gro bar 'gyur ro/ /zla 'dzin gyi chu dang sman nA ga d+ha man dang / pha na ki ra Na'i 'dab ma gnyis shi la pat+ta'i khu ba dang / su gan d+ha ti ka ta chen po dang / sgra snyan gyi sman dang / hri ran n+ya pa ri ga dang / su ga tra mu tra mu khi 'di rnams thams cad gcig tu bsdus nas yungs kar gyi mar la sbags te/ yan lag thams cad la byugs na thun tshod gcig la bar snang la 'gro bar 'gyur ro/ /gal te zla ba gzas zin pa'i dus su ma grub na rgyal gyi zla ba'i dkar po phyogs kyi tshes lnga la byi la nag po'i mkhris pa blangs nas de'i rjes la tshes bdun la rma bya'i mkhris pa dang / zla ba dang / lug gi khrag dang bcas pas rkang pa gnyis kyi mthe bong la byugs na thun gcig gis bar snang la 'gro bar 'gyur ro/ /gal te ma gyur na bsgom don du gnyer ba'i skyes bus de nas chos thams cad nyams par 88.67a byas pa'o/ /bdag nyid kyis smras pa bslus pa'o/ /sman so ka ra'i rtsa ba dang / sman sa ba da li blangs nas ba lang gi sha dang btags nas rkang pa la byugs na de nas su ra si yis bkrus na nges par bar snang la 'gro bar 'gyur ro/ /sman na ma sa dang / dbu rtsa ba dang / sa sha ma ran dang / su ka ta dang / e ran ta dang / sa tho ta ka rnams lcags gsum dang / in+da ro dang / dpal 'bras kyi sa bon dang / ba ta ba'i sa bon dang / nim pa'i sa bon dang / sa ta ni'i rtsa ba dang / lo ma dang / de rnams gcig tu btags nas rkang pa la byugs na bar snang la 'gro bar 'gyur ro/ /gal te ma grub na sgrub pa pos mtshams med pa lnga'i las byas par 'gyur ro/ /khyod kyis chos thams cad rgyud la chags pa nyams par byas pas so/ /de'i tshe nga yis rdzun smras shing bslus par gyur pa'o/ /de nas yang ri'i rtse la rab tu gnas te/ lha mo'i sngags lan bdun brjod do/ /ldong ros kyi phye ma dang / ken du'i lo ma dang / dzA ti'i lo ma dang / sa bon rab tu mnyes te bkrus nas 'di rnams kyis rkang pa la byugs na bar snang la 'gro bar 'gyur ro/ /de nas yang rtsa ba bdun pa'i khu ba dang / zla ba'i chu'i 'gu li ka rkang pa la byugs na nges par bar snang la 'gro bar 'gyur ro/ /gang de kho na nyid shes pa'i mi de dang de'i rgyu nye bar mtshungs pa la dngos grub sna tshogs mchog tu ster ba 'di bris pa'o/ /skyes bu de nyid glu sna tshogs kyis rab tu brgyan pas so/ /'di ni dpal nag po chen po'i rgyud las rkang byug gi le'u ste bcu pa'o// // de nas chos thams cad kyi mthu bshad par bya ste/ lha mos gsol pa/ chos rnams thams cad ni nam mkha' bzhin de nyid de ltar rgya mtsho la bya'i rgyal po ngang pa spyod pa bzhin skye 'am/ dngos grub gang gi rang bzhin rang gi lha'i gzugs kyis gnas pas sam/ bcom ldan 'das kyis bka' stsal pa/ kyai lha mo gzhan du na skad cig tsam sems yod pa 88.67b dang / sems med par gnas pas dngos grub dkar po 'dod pa rnams la/ 'od zer dkar po dang ldan pas dri ma med pa'i dngos grub 'dod pa ster bas nyi ma dang po la goms shing goms pa'i dus su yang dang yang du gnas pas brtan par bya ste/ ji ltar bde ba'i don du'o/ /lha mos gsol pa/ kyai bcom ldan 'das skad cig gis sems yod par yongs su 'khrul pa'i mi yis de ltar rigs lnga la sogs pa la spyad pas 'grub par ji ltar rigs/ khams rnams bsrung ba ni sngags gcig gis ji ltar rigs/ 'dis ni dngos grub chen po mthar thug pa dngos grub kyi 'bras bu yongs su 'grub par 'gyur ram/ bcom ldan 'das kyis bka' stsal pa/ kyai lha mo gang khyod kyis smras pa la dgos pa ci yod/ dngos grub thams cad nges par gyur pa sgom pa chen po goms pa ni rkang mgyogs so/ /sbyor ba chen po 'dus pa ni ril bu'o/ /dam tshig gi chos kyi mtshan nyid ni mig sman no/ /mchog gi gnas yang dag sbyor ba ni ral gri'o/ /ji srid rtog pa med pa'i bar dang yod par smra ba mchog tu zhi ba ma yin te des na 'khrul pa'o/ /dri ma med pa'i sngags kyis nges par dngos grub tu 'gyur ro/ /mchog tu dga' ba'i go 'phang bcud kyi dngos grub mis don du gnyer bas lhag ma mkha' spyod dang sa spyod la sogs par yang 'gyur bas so/ /tshe ring po'ang rab tu 'grub pa'o/ /le'u 'di'i sgom pa don du gnyer bas rgyal por 'gyur ro/ /rtsa rnams thams cad kyi nang nas ni rgyal po a ba d+hu ti'i rtsa'o/ /lha mos gsol pa/ kyai bcom ldan 'das thams cad zos nas de kho na nyid kyi rjes su 'brangs nas nye bar dmigs pas ji ltar dngos grub 'thob/ bcom ldan 'das kyis bka' stsal pa/ lha mo gnyis ka la mnyam par 'dus pa las ji lta ba'i bde ba thob pa'i rgyu nye bar bstan par bya'o/ /dbang po gnyis mnyam par sbyor ba'i kun du ru las kun du ru mtshon pa las gzhan du ni ma yin no/ / 88.68a gang gi sems mnyam par bzhag pa las de la bde ba ster bar 'gyur ro/ /phyag bcu drug pa la goms pas dbang bskur ba mtshon pa'i rnal 'byor pa des rgyud kyi rgyal po bri bar bya ba dang / rigs lnga la chags pa dang ldan pas so/ /ji ltar brjod pa rnams la the tshom byas na mgo ardza ka'i dog pa bzhin 'gyes pa 'byung ba dang / nad mang ba dang / tshe thung ba dang / mi mthong bar 'gyur ro/ /'di ni nag po chen po'i rgyud kyi rgyal po las lha mo mthu yis brgyan pa'i le'u ste bcu gcig pa'o// // de nas yang 'di nyid du mig sman gyi le'u bshad par bya ste/ mig sman ni rdo rje dang pad ma mnyam par sbyor ba las ro gcig par brjod pa'o/ /phyi rol gyi mig sman ni mkha' spyod kyi bya rgod bzhin no/ /nag po'i brgyad la byi ba'i rus pa yang dag par bzung nas/ ma li ka'i snod du gza' nyi ma la a sa mi ni byas nas dar ling la sdong bu byas te/ de'i rjes su khyi'i zhag dang / bram ze'i thod par mig sman phab nas mig gnyis la bskus na pho rog gi mig bzhin nam mkha' la rgyu ba'o/ /de nas yang lcags kyu mchog gis ril bu gnyis byas te/ rab tu bzung nas gza' mig dmar la zos nas glang nag po bzung nas gang bzhag pa de la ji srid du bsnun nas/ glang skad phyung ba dang / de nas bdag nyid zhon nas bza' ba zos na yang tho rangs kyi dus su phyag bcu drug pa'i sngags lan bdun bzlas nas mig la byugs na glang las rnam par grol nas nges par nam mkha' la 'gro bar 'gyur ro/ /rigs la yang dag par gnas pa/ nag po'i phyogs kyi bcu bzhi la rim pas dri bu gan d+ha/ nA ga ra ga ta dang / gur gum dang / gla rtsi dang / tsan dan dang / tsam bu li ka dang / shih+la ka'i bar thams cad rdo gtun gyi steng du mnyes nas ril bu byas te sbrang rtsi dang 88.68b bcas pas mig sman byas na sprin bzhin du thams cad du 'khor bar 'gyur ro/ /de nas yang dag par bshad par bya ste/ rnal 'byor pa'i snying ga dang mgrin pa'i rnal 'byor pa'i ngo mtshar ba nag po chen po la gus pa gang rnal 'byor pa sna ring bar nges pa de mig sman no/ /tha ma dang 'bring gi sems can 'di ni de'i dngos grub mchog tu 'gyur ro/ /lha mos gsol pa/ sman sha ba ri'i rtsa ba dang sbrang bu btags te sbyar nas mig gnyis la bskus na dngos grub grub par 'gyur ba ni sprin bzhin du nam mkha' la 'phyo zhing ji lta ba bzhin bskyod par 'gyur ro/ /de nas gza' pa ba sangs la smyo byed kyi rtsa ba blangs la gza' spen pa la sman nyi dga' blangs pa dang / gza' nyi ma la dza yan ti'i rtsa ba blangs pa dang / gza' zla ba la byi la nag po'i mkhris pa blangs pa rdo kyong ser po ru sbrang dang lhan cig tu rab tu mnyes la mig gi mig sman du 'gyur ba ni sprin bzhin du 'khor bar 'gyur ro/ /rdo kha dog gcig pa'i steng du dza ya ra'i 'bras bu'i nang bcud dang sman nyi 'khor dang / dpal 'bras kyi me tog dang / lcam pa dang / cod pan can gyi mkhris pa dang / sbrang rtsi rnams rab tu mnyes pa'i mig sman mig gnyis la byas na mi bya rgod bzhin du lding bar 'gyur ro/ /de yang lha mo rkang mgyogs kyi dngos grub bzhin no/ /'di ltar yang 'di ni dngos grub sla ba'o/ /'di ni nag po chen po'i rgyud kyi rgyal po las mig sman gyi le'u ste bcu gnyis pa'o// // de nas yang bcom ldan 'das kyis gsungs pa/ 'dzam bu'i gling pa ji ltar mchog tu bde ba gang 'dod pa la bcud kyi len rab tu bshad par bya'o/ /gang gis sems can rnams grol bar 'gyur ba/ bcud kyi nus pa chen po gsol ba'i bcud bsten par bya ste/ sbas pa rnams rab tu gsal ba'i skad/ dgongs pa'i skad dang / 88.69a skad ngan pa dang / brda yis so/ /mchog tu dga' ba'i dga' ba chen po phun sum tshogs pa zhes bya'o/ /bcud kyi rig pa shes pa'i rnal 'byor pas de'i yang mchog tu dpag tu med pa'i stobs bskyed par 'gyur ro/ /bcud bsdus pa phun sum tshogs pa'i dus su bcud sgong bar nus so/ /ra sa zhes pa'i yi ge gnyis ni gnyis la zung du 'jug pa'i rim pas blang ngo / /dang por bcud rab tu blugs pa ni ra'i 'o mar gnur ro/ /d+ha du ra'i 'dab ma'i khu ba dang / sen da ba dang / lan tshwa dang / ba lang gi lci ba'i khu ba rnams kyis de bzhin byas la karma ra ga'i khu ba blugs la nyi ma la thun tshod gsum du bzhag ste/ de nas nam mkha'i chu dang / cong zi'i chus bkrus nas/ mi'i khrag dang ka ru Na'i khu ba blugs la/ de nas gser gyi phye ma man cha gcig dang / dngul chu man cha nyi shu rtsa bzhi dang / zla ba gcig tu sim pa'i 'dab ma'i khu ba dang stabs gcig tu bzhag nas mnyes te de bzhin du bkrus nas de'i rjes la sde tshan gnyis kyi dbu ma'i yi ge zhes bya ba ni ming gi yi ge dang por bzhag pa'o/ /mtha' zhes bya ba rab tu bstan pa ni sde tshan bzhi pa'i dang po dang / dbyangs yig bzhi pas brgyan pa dbu mar rab tu bstan pa ni sde tshan drug pa'i yi ge dang po dang / 'di'i yang mtha' sde tshan bzhi pa'i mtha' ma'i yi ge'o/ /as sngar gyi yi ge gnyis brgyan pa/ de'i ming ni shing dza yan tI zhes bya bar rab tu grags pa'o/ /de'i lo ma'i khu ba me mdag la bsros nas mkhas pas lhang tsher ba dkar po'i phye ma man cha gsum dang srang gcig dang nges par byas nas bzhi 'gyur du bsre bar bya'o/ /rnal 'byor mkhas pas zla ba gcig tu btso zhing nyi ma re re blta bar bya'o/ /lhang tsher zangs su blugs par bya'o/ /gal te gser du gyur pa na nges par nyi ma nyi shu rtsa gcig tu mi yis bza' bar bya'o/ /za ba'i dus su lo ma dang / 88.69b skyur po dang / bud med dang / nyi ma rnams bsrungs na zas gang du 'dod pa der 'gro bar 'gyur ro/ /gnyer ma dang skra dkar dag nas tshe lo stong phrag du 'tsho'o/ /ngan pa thams cad spong bar 'gyur ro/ /gzugs dang ldan par 'gyur ba dang / shin tu blo rno bar 'gyur ro/ /zha nyer blugs na dngul du 'gyur te gong ma ltar ro/ /de'i dus kyi gtor ma'i sngags brjod pa/ o~M ba li ma Ni raM hU~M dzaHrak+Sha Ni rak+Sha mi k+Sha mi kha kha/ gr-ih+Na gr-ih+Na ba li/ ma hA b+hI Sha NaM/ pra sA d+ha ya pra sA d+ha ya/ hu lu hu lu phaT swA hA/ sran ma dzam bu Di dang / mi'i sha dang / chang dang / dri dang / bdug pa dang / phreng ba dang / mar me dang / phye ma dang / gdugs dang / dril bu dang / ba dan la sogs pa/ khrag dang 'bras sa lu dang / nyi ma re re la phogs gsum gsum du gtor ma chen po ji srid du nyi ma bdun du brtsam par bya'o/ /bcud kyi las de'i dus su phyag bcu drug pa'i sngags bzlas par bya'o/ /ring po ma lon par the tshom med par 'grub par 'gyur ro/ /de nas yang bcud blangs nas gnur bar bya ste tshi mi li'i lo ma'i khu ba dang / yang ba ki ta'i lo ma'i khu bas so/ /de nas yang sman a lam bu blugs la de nyid rim pa 'dis sbrul gyi lce dang / go ra k+ShaM du la'i 'dab ma dang / sman nyi 'khor dang gcig tu byas nas lhang tsher ba nag po dang / 'di thams cad btags la steng 'og gi rim pas kong bu legs par g.yogs la thab khung glang po che'i lag pa lta bu ru bcug la snod du sra bar gyur pa dang / zha nye dkar po srang re re sra bar gyur pa man cha re re la blugs na dngul du gyur pas na 'di thams cad mkhas pas bza' bar bya'o/ /bcud bzung nas byi la'i mkhris pa dang sbyar nas chu shing gi khu bas bkrus pa dang / btsag dmar po'i phye ma dang / chu shing dang / sa rtsi ka'i tsha dang / ro bsregs pa'i shul gyi 'dag pa dang / 88.70a de rnams yongs su mnyes nas/ de yang lce spyang gi zhag dang / de nas yang se 'bras kyi khu bas phyis bkrus nas de'i rjes la sman si si ri dang / kany+dzi'i nang du bzhag nas nyi ma ring ba'i dus su thun drug tu bzhag nas de nas phyung ste chu dron mos bkrus nas dzam b+hi ra'i khu ba'i nang du nyi ma gnyis bzhag nas de nas tshil chen dang / de'i rjes la nam mkha'i cong zi'i chus rab tu bkrus nas nyi ma ring ba'i dus su thun gcig bzhag na/ 'dis kyang legs par byas pa shes so/ /da ni zhugs shing gi 'du byed ces bya ste dkar po dang nag po'i gseb nas 'dab ma gcig par byas te/ kany+dzi ka dang / ma hi Sha'i zho dang / ra'i 'o ma dang / stabs gcig tu nyi ma gcig tu bzhag nas/ de nas de'i lci ba'i khu ba dang / glang po che'i sbangs kyi khu ba dang / kanya dzi rnams kyi nang du bcug nas de phyung ste nya ro hi ta'i mkhris pa dang / khyi'i mkhris pa dang / nyin zhag lnga rab tu mnyes nas bskams pa la ka rA+o ny+dza na blugs te nyin zhag gcig bskams pa 'di ni mkhas pa lhang tsher ba sbyangs par byas te/ rgyud 'dir gang smras pa 'di 'grub par 'gyur ro/ /'du byed gnyis kyi rig pa legs par sbyangs pas thams cad nye bar 'byor pa yis dngul srang gcig dang / zha nye srang bzhi phye mar byas pa dang / nyis 'gyur gyi lhang tsher kong bu ru blugs te ka li ka'i rtsa ba'i khu ba byin nas bzung ste/ rwa dza'i khu ba dang / dza yan ta'i 'dab ma'i khu ba dang / shu dag rnams zla ba phyed du gzags nas ji srid rdog por gyur gyi bar du'o/ /de nas me la bsregs la phye ma byas pa man cha gcig zha nye srang gcig la bcug na dngul du 'gyur ro/ /bcud 'dus pa sngar gyi de nyid blangs nas rnal 'byor pa gang gis ra ti re re tsam zos na smras pa'i rim pas lus kyi dngos grub 'grub par 'gyur ro/ /kA ru Na'i 'dab ma'i khu ba mar nag 88.70b la zangs kyi snod du btsos nas de la bcud byugs te thun gsum nyi ma la bskams la sim pa'i 'dab ma'i khu ba dang mnyes pa dang de nas pe dri dang na ri ke la'i rtsa ba dang / sman lo ma bzang po la 'khril ba dang / ne le dang / mud ga dang / ga ga na rnams kong bur blugs la steng dang 'og 'jim pas byugs pa glang po che'i rmig pa lta bu'i sa dong du btsos na sra bar 'gyur ro/ /gal te rnal 'byor pas zos na zhi ba dang mnyam par 'gyur te/ gzhan dang mnyam pa ma yin no/ /zla ba gcig gis 'grub par 'gyur ro/ /gal te ma grub par gyur na bdag nag po chen po ma yin no/ /sngar gyi zangs man cha gcig la de bcug na nges par gser du 'gyur ro/ /lha mos gsol pa/ kye+e bcom ldan 'das nyi ma gang la dngos grub dang bcud du 'gyur ba the tshom mchis na/ kye+e bcom ldan 'das khyad par du rtogs pa lha mo da kak+ko la la rnam par chags nas sa steng du rab tu spyod par 'gyur bas blangs na nges par bcud kyi dngos grub 'grub par 'gyur ram/ bcom ldan 'das kyis bka' stsal pa/ kye+e lha mo gal te lha mo byung ba tsam gyis 'byung bar 'gyur na rtag tu nges par shes par 'gyur ba'o/ /ji ltar nus pa med na nad ma rungs pa bzlog par mi nus pa dang / rab rib dang mchin nad dang rkang nad la thug pa bzlog par mi nus pas mi rnams kyis rjes su gnas pas dngos grub brgyad kyang rnam par bsam par bya'o/ /'khor ba mi bzad pa'i rgya mtsho chen po las sgrol bar byed pa dang / sgyu mar yongs su brtags pas du ma dang bral ba rab tu spyod na/ sngon du bsags pa'i dngos po ngan pa spangs pas tshegs med par sa stengs kyi dngos grub sna tshogs 'dir 'grub par 'gyur ro/ /'di ni dpal nag po chen po'i rgyud kyi rgyal po las dngul chu'i le'u ste bcu gsum pa'o// // lha mos gsol pa/ ji ltar gsungs pa de ltar bgegs 88.71a rnams kyis gang ba ji ltar mnan/ dang por rnal 'byor pa mkhas pas thams cad bsgrub par 'gyur ram/ dkar po dang nag po dang sbyar ba ni 'dab ma gcig tu byas nas kany+dzi dang btags pas yang sman so na'i khu ba lan gnyis su bgos par gyur pas de nas pa la sha'i 'dab ma'i khu ba dang / de nas me tog o d+ha dkar po'i khu ba dang / de yang lci ba'i khu ba dang / de nas yang nya ro hi ta'i mkhris pa dang / lan dgu ru 'di rnams rdzogs par sman ka ra li dang / ka ru Na dang / gang nyi ma'i mtha' ru gyur pa na nges par dngos grub 'grub par 'gyur ro/ /rgya mtsho dang / smyo byed kyi lo ma'i khu ba dang / mi bsregs pa'i sa dang ba bla dang / ba sha ka dang bsres nas dad pa can gyi nyi ma'i 'od la bzhag nas dza~M b+hi ra'i khu ba dang / mtshan mo gcig tu dngul chus brlan pa'i bsdus pa yang yang des lhan cig tu bzhag pa gang 'dod pa de dag par 'gyur te mkhas pas bya'o/ /gal te bcud brtsom zhing rtsom pa'i dus su bgegs glo bur du 'ong ba ni rtsod pa byed cing skra kham pa de bzhin du kha dog dkar po gegs byed pa'i skyes bu ste/ rnam par 'joms pa de'i dus su ji ltar nus pas gtor ma sbyin par bya ste/ sha dang / chang dang / me tog dang / bdug pa dang / dri dang / phreng ba dang / khyim bya'i sha dang / zhing skyong 'ongs pa la sbyin no/ /nag po 'ongs na yang sngon bzhin du gtor ma sbyin par bya ba ste/ gnod sbyin 'ongs pas so/ /gal te bcud zag pa la nyi ma bdun gyi bar du 'ongs na shes par bya ba ni/ o~M yak+Sha kI li kI li nA ma phaT kA ra rak+Sha rak+ShA di sam ban d+ha/ mu khaM ban d+ha ha/ taM ban d+ha ban d+ha sarba aM gaM hU~M hU~M ra~M hU~M phaT swA hA/ sngags 'dis 'ongs pa rnams las rang bsrung bar bya'o/ /rnal 'byor gang gis shes nas de'i dus kyi bgegs bcom na/ dngos grub nges par 'grub par 'gyur ro/ /rtsom pa'i dus su gnod 88.71b sbyin mo gdong thug tu 'ongs pa'am blo bur du 'ongs pa de yang bud med nag mo cung zhig mig dmar por shes pa/ bag tsam bong thung ba/ smra mkhas pa/ snyan par smra ba go la ster bzhin pa zhe sa dang bcas pa de la dngos grub kyi don du gtor ma sbyin par bya'o/ /gang rnam par 'jog pa kha dog ser skya bong ge ring ba/ rje ngar la sogs pa'i yan lag ring ba dang / shin du gzugs dang ldan pa/ smin ma brdzes pa kha dog gnyis nye bar mtshon pa/ bcud kyi bar chad byed cing 'joms pa ste rab tu gtum ma'o/ /mtshan mo ma'i gzugs dang / sring mo'i gzugs dang / de bzhin du tsha mo dang / pha'i ma dang / sgyug mo'am/ mdza' mo la sogs pa de lta bu'i gzugs bzung nas byung na/ o~M ka ti me dzaHhU~M zhes pas bdag bsrung bar byas pa dang / bcud la thod le bskor gyis phogs bdun mngon par bsngags par byas te bsnun nas cung zad 'dod pa brjod pa dang / shin tu yang dag par blta ba dang ldan pas rmi lam brtag ste/ bstan na bcud len gyi don yang dag par byed pas de blang ba'i sbyor ba bya'o/ /min dang ma byed ces pa 'byung bar 'gyur ba na mi 'grub par shes par bya'o/ /dngul dang sman baN Da'i 'bras bu dngul chu dang gnur ba srang gcig dang / de la gser drug nam pa gcig bsnun pa rdo ba'i snod du byi la nag po'i mkhris pa dang dngul chu rnams bsres pa la phyi nas sings po blugs so/ /gsum pa la ma he'i gcan dang / bzhi pa la mi'i sha dang / lnga pa la skyu ru ra bre gang mnyes pa dang / drug pa la b+hal te ka dang / bdun pa la 'bras bu gsum mo/ /phyi nas mi'i gcin byan gyis bkrus nas nyi ma la sman dzam b+hi ra'i khu ba blugs la thun gcig bzhag ste/ de nas btan la sman sim bi dang ba ru Na dang kA ling ka dang / hi ma rang ga dang tsi tA ka dang mud ga rnams kyi khu ba la dbyug gu gcig tu bzhag nas/ sman sim b+hi dang / dza yan ti'i khu bas bkrus la nyi ma gsum du bskams te/ lhang 88.72a tsher dkar po srang bzhi sngon du brjod pa ltar sbyangs pas so/ /zla ba bcu gnyis su nyi ma re re lhang tsher nges par bya'o/ /dkyu ru ra'i khu ba dang / sman su dang / sha na'i lo ma'i khu ba dag gis zla ba gcig tu gdul lo/ /ji srid g.yas skor du byung na dngos grub mnyam pa med pa lha dang tshangs pa dag gis byin pa ste/ nyi ma lnga'i bar du ra ti re re nyin re bzhin zos na lcags brgyad la reg pa tsam gyis nges par gser du 'gyur ro/ /de'i dus su zla ba dang nyi ma dag shwa bar gyur na skad cig de la de gang 'dod pa byed do/ /gzhan yang dpung chen po'i gseb tu bud med dbang du byed do/ /dpal nag po chen po'i rgyud kyi rgyal po las dngul chu'i sgrub thabs kyi le'u ste bcu bzhi pa'o// // lha mos gsol pa/ kye bcom ldan 'das mi rnams gnas gang dang gang du 'gro zhing skye/ mnga' bdag dang rnal 'byor ma rnams 'chi ba dang gnam dang / rnams kyi gnas ji ltar lags gsungs shig /bcom ldan 'das kyis bka' stsal pa/ ri rab kyi byang phyogs na grong khyer bA la b+hany+dza bya ba de na/ klu'i rgyal po bu ga bo ga d+hi ga zhes pa 'byung ste/ phyag rgya chen po'i dngos grub thob bo/ /de'i bu rigs rgyud stong gi bar du grong khyer klu'i gdung rgyud du 'gyur te/ rje btsun 'jam dpal gyi snying po stong phrag bye ba gcig tu zlas pa dang / nga skye ba brgyad nas thang shing gi lo ma tsam gyis dngos grub thob bo/ /de nas grong khyer de rgya mtshos nub nas 'gro'o/ /yang gling ba ri ka zhes bya ba ru gyur nas de ru skye ba ste/ ming ni Na Ten dra zhes pa dang ldan pa lha ma yin gyi rgyal po 'byung ngo / /phyi nas skyes bu bdun gyi bar du gar d+ha ba zhes pa'i ming can gyi srin por skyes te lo 'bum phrag nyi shu'i bar du'o/ /de nas 'phags pa spyan ras gzigs dbang phyug la 'jug pa de dang de la gang dang gang gi gzugs kyis chos ston te/ de'i gzugs 88.72b thams cad la 'jug pa zhes bstan te/ de'i byang du gling ut+ta ra aM ku ra zhes par dam tshig dang bsgom pa yongs su shes pa'i nus pas pa ri ka ti bar ta na'i dus 'byung ste lo bye ba phrag bcu gcig dang khri phrag nyi shu rtsa bdun gyis rdzogs so/ /de na ki ta nan da'i dus 'byung ste/ dus tshigs su dung phyur phrag bcu dang / 'bum phrag bdun bcu rtsa gcig dang / stong phrag bcu gnyis dang / brgya rtsa gcig song ba dang / ba bla brgya phrag lnga bcu rtsa gcig dang / bzhi yis lhag pa'i 'bum phrag bzhi ste/ 'di rnams la uta tar aM ku ra zhes par yongs su bsgrags so/ /yang ri rab kyi lho phyogs lang ka la thug pa na ri ba hu ra zhes pa 'byung ste/ de na srin po'i tshogs nyi ma dang zla ba ji srid gnas kyi bar du 'byung ngo / /de'i lho phyogs na grong khyer sa mo ri zhes pa 'byung ste/ de'i rgyal po ra sa na zhes bya'o/ /de'i lho phyogs na grong khyer kA ma ru zhes pa ru de ru rgyal po mtshan nyid bdun pa zhes pa 'byung ngo / /rgyal po 'byung ba'i gnas der ma byung 'byung bar mi 'gyur ba'i 'dod pa'i gzugs can ma 'byung bar 'gyur ro/ /tsa NI ka yang 'byung bar lung bstan to/ /nya pa gcig nya yis zos nas shi ba dang / de rnal 'byor pa d+ha ri ka zhes par skyes nas des chu bo gang gA la chang 'phangs pas chu tshod gcig na yul pa da ha zhes par 'gyur ro/ /de'i sngags kyi 'bras bus mkha' 'gro dang mkha' 'gro ma 'ching ngo / /yul der rtsis mkhan chen po ba ra ha zhes pa 'byung ngo / /rgyal po su bA ha zhes bya ba'i bu dang bu'i yang bu'i bar du 'byung ste/ lo nyi shu rtsa bzhi'i bar la lha rten 'bum phrag gcig brtsigs pa dang lo lnga bcu'i bar la rdzogs so/ /de nas lo brgyad lhag pa'i 'bum phrag lnga bcu dang dus tshigs gsum gyi bar la rnal 'byor khri phrag gcig dang / sangs rgyas stong phrag gcig 'byung bar 'gyur ro/ /de'i shar du ri'i rgyal po chen po 'byung 88.73a ste/ rgya mtshos phogs gsum du nub nas 'ong ngo / /der yang ni d+h+ri ta zhes pa'i gnod sbyin dus tshigs gnyis su gnas pa 'byung ngo / /phyi nas b+ha~M ga la'i ri khrod pa rnams kyi dpon po'i chung mar skyes nas lha mo tsun dA la mchod pa byed par 'gyur ro/ /de nas skye ba brgyad na kA ma rU pa'i rgyal por skyes te/ btsun mo bzhi brgya dang / pho brang dgu dang / 'bru sna tshogs tshang ba dang / a ga ru nag po rnams dang ldan pa 'byung bar 'gyur ro/ /de'i lho phyogs su ma gan d+ha ri zhes pa'i tshong 'dus 'byung ste/ lo 'bum phrag brgya'i bar du gnas so/ /phyi nas de dpal gyi tshong 'dus zhes par gyur nas 'gro ste de'i lnga cha gcig lci ba dang yang ba dang / gzhon pa'i a ga ru nag po 'bum phrag dang ldan par 'gyur ba dang / lo brgya phrag sum bcu so gnyis kyi bar du'o/ /kA ma rU pa'i shar lho mtshams kyi ri ku ha ra zhes par ji srid nyi zla gnas kyi bar du gnas pa ha na man+ta zhes pa 'byung ngo / /de'i lho phyogs su rgyal po yang dag pa'i don can zhes pa ra ma dang / la kh+ma Na'i pha shing rta bcu pa dang / a dza ti'i bu bA li dang pu dri ba dang / thams cad yongs su byed pa b+hu dzaM ga pod d+hi ka rnams kyi bar 'dod chags dang / gti mug dang / mya ngan gsum gyis bskyed nas rgyal por 'gyur ro/ /de'i nub phyogs su ba su de ba'i sprul pa pA Na Du zhes pa rtags lnga 'dzin pa lag pas dbyug pa ma bzung bar 'dul bar nus pa 'byung ba dang / lha ma yin gyi rgyal po bA la'i rim pa 'byung ste/ de dag gi yul rgya mtshos bskor ba 'byung bar 'gyur ro/ /de'i dbus su pa ti ko ra ka zhes pa'i yul du bu dang bu'i bu la sogs pa'i rgyal po lo lnga bcu lhag pa'i lnga brgya'i bar la lha ru phyugs bdag mchod pa 'byung bar 'gyur te/ de rnams ni gnas skabs kyi rgyal po pA la zhes pa dang ldan pa'i brgyud pa lnga bcu 'byung bar 'gyur ro/ /de'i lho nub tu grong khyer b+han Da pu ri zhes 88.73b pa'i rgyal po'i bzhugs sa 'byung ste/ der rgyal po bi kra ma a di d+ya zhes pa dzaM b+ha la'i bka' drin gyis grub pa thob pa lo bzhi brgya gnas par 'byung ba dang / grong khyer de ru dngos grub bye brag thams cad 'thob pa 'byung ba dang / de'i lnga cha yis bu'i bya ba byed pa 'byung bar 'gyur ro/ /lo lnga bcu'i bar la 'byung po dang lha yis skyong bar 'gyur ro/ /de rnams bsdoms pas lo stong phrag gcig song nas rgyal po rus sbal zhes pa lo nyis brgya'i bar du gnas so/ /b+ha ga la'i mnga' bdag lo brgya phrag bcwa brgyad kyis bar la gang skyes pa'i skyes bu kha dog ser po so sto ba de ga ba zhes pa dang ldan pa'i brgyud par yul a ba lu ka'i rgyal por 'gyur te/ de'i bu dang bu'i yang bu la sogs pa rnams rgyal po byed par 'gyur ro/ /rgyal po de rnams kyi dus la grub pa thob pa'i rnal 'byor pa lnga dang / rnal 'byor ma gnyis kyang 'byung bar 'gyur ro/ /de ltar yul o ru bI sa yang mtshungs par nges pa'o/ /der skyes bu brtson 'grus chen po'i sbyor ba dang ldan pa/ ra ma na'i bka' dang mtshungs pa/ sde tshan dang po'i dang po ka la dbyangs yig dang pos brgyan pa/ sde tshan bdun pa'i bzhi pa cung zad na la zhon pa'i ming can rnal 'byor dbang po gcig po 'dis dngos grub chen po brgyad thob par 'byung ngo / /'dzam bu'i gling du ma byung 'byung bar mi 'gyur ro/ /de'i slob ma rnal 'byor pa drug gis lus dngos po spangs pa'i phyag rgya chen po thob par 'gyur ro/ /de nas tsaN dra zhes pa'i ming dang ldan pa'i rgyal po'i rigs rgyal khams skyong ba 'byung ba las rigs de 'grib pa'i dus zla ba'i ming dang ldan pa'i bram ze'i bu dmangs rigs nA ma b+ha pA li ta zhes pa 'byung bar 'gyur ro/ /de nas slob ma sde tshan dang po'i gnyis pa la dbyangs yig gsum pas brgyan pa/ sde tshan bzhi pa'i dang po la dbyangs yig bcu gsum pas brgyan pa 'byung ste/ zla ba'i ming dang ldan pa rdzogs nas so/ /de ni sngon gyi dus su 88.74a rje btsun 'jam dpal gyis bzlas pa bye ba phrag bcu gnyis bzlas pa'i 'bras bu'o/ /de'i phyi nas bram ze'i ming can gyi rgyal po 'byung bar 'gyur te/ phyi nas de'i bu dang bu'i yang bu nges par rnal 'byor par 'gyur ro/ /yang pA la zhes pa'i ming dang ldan par gyur te skyes bu gcig kho na'o/ /de spangs nas data ta dang / g+hoSha dang d+ha ma dang / sing ha dang / nan ti dang / aM pa ra dang / A di d+ya dang / se nA rnams kyis rim gyis rim gyis skabs skabs su skyong bar byed do/ /phyi nas bsod nams chung bar gyur pa'i rgyal po 'byung bar 'gyur ro/ /pa Di ke ra ka'i byang phyogs su rgya mtsho gcig 'byung ste/ phyis bye ma'i sa gzhir 'gyur ro/ /yul de la ma Da zhes so/ /der skam po dza zhes pa'i rgyal po 'byung bar 'gyur ro/ /de'i bu'i ming ko shAm+ba zhes pa dang ldan pa'i rgyal po 'byung zhing grong khyer gyi ming yang ko sham pa zhes pa 'byung ngo / /phyi nas yul pa hri ka re ka ra sha b+ha la zhes pa 'byung ste/ de'i bu rgyal por 'gyur ro/ /yang bi kra ma pu ri zhes pa yul gyi dbus su brtags pa der 'on kyang rnal 'byor ma dngos grub dang ldan pa 'byung ste/ de'i dbus su rnal 'byor ma gcig gis btsun mo byed par 'gyur ro/ /de'i bsod nams kyis bu'i bu la sogs pa'i rigs rgyud kyi ba ga la dag par bya ste/ 'on kyang 'dir sa gzhi'i bzod pa zad pa la rtsod pa'i dus zhes brjod do/ /de rdzogs nas mgon po byams pa zhes pa'i sangs rgyas 'byung ste/ dngos po med pa'i rang bzhin mthong ba blo gros kyis 'chad par 'gyur ro/ /gzhan yang yul o ru b+hi sa dang / tso d+ha dang sing+g+ha la d+hI pa rnams su dus dus su klu'i rgyal pos char 'bebs par 'gyur ro/ /yang yul ra d+ha ru pa la zhes pa'i ming can skyes bu sum bcu'i bar du 'byung ste/ brgyud pa tha ma'i bus yul o ru b+hi sa'i rgyal po 'bras bu la phan pa zhes pa'i lha skor dang bcas pa 'joms shing / rnal 'byor ma rnams 'joms pa 'byung ste/ 88.74b des rnal 'byor pa rnams kyi gtso bo mchog gi dbang phyug thob pa ni sangs rgyas dang mnyam par sdom pa dang ldan pas bzlas pa bye ba phrag bcu gnyis bzlas pas so/ /de'i slob ma gnyis dang / slob pa'i slob ma gsum dang / de'i yang slob ma rnal 'byor pa rnams dang / paN Di ta rnams kyi gtso bor gyur pa chos kyi grags pa zhes par yongs su grags pa 'di dang skyes bu drug bstan pa la phan pa tshangs par spyod pa la gnas pa rnams kyis grub pa 'thob bo/ /phyi nas ma ti la dang / bA ga ra dang / b+ha bya g+ho Sha dang / sa hA sri kAr+Na zhes pa'i ming can yongs su skyong ba rnams lo bcu gsum gyis grub pa thob pa 'byung ngo / /yang rnal 'byor pas sarma dang / ha ti na dang / gar mu ka dang / pa tsan na dang / sam be du dang / bud d+ha s+ha dang / pa te la rnams kyis rus sbal gyi rigs rdzogs so/ /de'i nub phyogs su grong khyer mA la wa zhes pa grub pa thob pa'i gnas der b+ho dz+ya de ba zhes par yongs su grags par rdzogs nas/ ko ti ka dang pA li ta dag 'khor dang bcas pa yis tshe lo stong phrag gcig thub pa'i rgyal po 'byung ngo / /de'i nub phyogs su grong khyer sam bu ka zhes bya ba 'byung ste der rgyal po stong phrag lnga ru b+ha d+ha na zhes pa dang ldan pa'i ming can 'byung ngo / /phyi nas ka le dang ma la zhes pa 'byung ste/ de dag gis grub pa thob par 'gyur ro/ /de'i lho phyogs su grong khyer a dza ra yo gi ni zhes pa 'byung ste/ der klu sgrub pa zhes bya ba'i rnal 'byor pas shing sa la zhon pa go pA la zhes pa la rgyal po byin pas bu shi nas ba h+na'i tsha bo la sogs pa'i rgyal po 'byung ngo / /dpal rnal 'byor gyi dbang phyug rdzogs nas 'jig rten gsum gyi rgyal po'i 'brel pa dngos grub chen po brgyad kyi rnyed pa thob pa 'byung ste/ de'i ming ni ke ba ta pu tra zhes pa'i rgyal po'i bu rje rigs kyis bsad nas de'i bu 88.75a dang bu'i yang bu'i bar du nub phyogs su gang dang gang song ba de dang de rdo rjer gshegs so/ /de'i yang nub phyogs na tri pa Ta na zhes pa'i lha rten yod pas so/ /de'i lho phyogs su de'i bu nyi ma zhes pa 'byung ngo / /de'i lho nub mtshams su grong khyer b+ha Ta ku ni re zhes par grong khyer ba rnams blo gros dang ldan pa 'byung zhing rgyal po ni b+han du de wa zhes pa 'byung ngo / /de'i bu dang bu'i yang bu rdzogs nas sin d+hu zhes par gyur nas 'gro'o/ /de shi na gar zhes par 'byung ngo / /phyi nas skye ba bdun gyi bar du rnal 'byor par 'byung bar shes par byas te phyogs dang phyogs bral ba rnams kyang ngo / /de nas grong khyer de la b+han d+ha ni zhes par 'gyur nas 'gro'o/ /de ru tsaN Da ma hA ro Sha Na'i rnal 'byor nyams su blangs pas rgyal por 'gyur ro/ /de yis skye ba 'di la sangs rgyas kyi 'bras bu 'khor dang bcas pa yis 'thob bo/ /lho phyogs na grong khyer sa b+hiny+dzi ka zhes pa sangs rgyas kyis dus thams cad du byin gyis brlabs pa'i gnas su sangs rgyas rje btsun gyis rgyal po mdzad pa la 'khor grub thob rnams kyis bskor ba 'byung ste lo stong gi bar du'o/ /de'i byang phyogs su lhas mdzad pa'i rdo rje'i khri la bzhugs pa'i rje btsun bzhugs so/ /de'i shar phyogs mtshams su yul khar sa pa Ni zhes par rje btsun 'phags pa spyan ras gzigs nges par 'byung bar 'gyur ro/ /nub phyogs su grong khyer ma hA b+ha b+dza pu ri zhes pa 'byung ngo / /der rgyal po ba su b+ha d+ha na zhes pa 'byung ste/ de'i bu dang bu'i yang bu rdzogs nas rgyal po gdung rgyud 'chad do/ /de nas thams cad rgya mtshos nub par 'gyur ro/ /gzhan yang yul la Ta dang tso De dang / go d+ha bang ga la dang po o Di yA na dang / dza laM d+ha ra dang / ba Ti ke ra ka dang / kA ma rU pa la sogs pa rnams pa rgyun du sangs rgyas kyis byin gyis brlabs mdzad par 'gyur ro/ /yul de rnams su 'dod 88.75b pa thams cad 'byung ste/ rgyal po dang / 'khor dang / rnal 'byor pa dang / grub pa thob pa la sogs pa don rnams yongs su mdzad pa la 'dzam bu'i gling zhes grags so/ /rgya mtsho'i shar phyogs su ri bo hu ra zhes pa na/ lha ma yin dpag tu med pa gnas pa 'byung ngo / /lho phyogs su bya rog gi gdong pa can zhes pa gnas par 'gyur te/ de dag thams cad kyis kyang thabs mchog tu gyur pa shes pa 'byung ngo / /rgya mtsho'i lho phyogs su mi gdong gru gsum pa dang / srin po dang / mi 'am ci dang / lha ma yin la sogs pa rnams dang / spre'u la sogs pa rnams ha ha zhes pa'i sgra sgrogs pa dang / ha nu man ta rnams nges par gnas par 'byung bar 'gyur ro/ /rgya mtsho'i nub phyogs su zla ba phyed pa'i gdong pa can gyi mi gnas par 'gyur ro/ /de'i nub phyogs na lha la sogs pa gnas pa 'byung ngo / /rgya mtshos bskor ba na gnas pa'i mi rnams la ba lang spyod ces bsgrags te/ de na gnas pa'i mi rnams gdong zlum po dang ldan pa dang / de rnams kyi rgyal por gnas pa de yul thams cad kyi rgyal po ste/ 'chi 'pho ba dang skye ba med par 'byung bar 'gyur ro/ /de'i nub phyogs kyi grong khyer ra sa lan d+hi zhes par dang po'i dus su lha ma yin gyi rgyal po 'byung ngo / /de nas rgyal po lha'i lus can zhes bya ba'i ming gi rgyal po 'byung ngo / /de bsad nas kaM bi si ha zhes pa dang bu dang bu'i yang bar du 'byung ngo / /de nas b+he sa dz+ya se na zhes pa'i ming gi mtha' rten dang ldan pa'i skyes bu bdun gyi bar du 'byung ngo / /de nas pa la zhes pa'i rgyal po 'byung ste/ de nas des nya ba'i shu bi la grong 'jug byas pas rgyal po sa ha de wa zhes par 'gyur ba 'byung ngo / /grong khyer gser gling gi shar phyogs su grong khyer maN Da ka zhes pa na rgyun du gnas pa'i mi/ rma bya'i mdongs la brgyan pa/ zhal rgyas pa/ o~M su mu khi ni sarba zhes pa'i sngags brjod nas zas su lbu ba 88.76a za ba de rnams kyi lhag ma med par bsod nams dang ye shes kyi tshogs thob bo/ /de'i rgyal po sbrul gyis phyogs bzhi'i rgyan byed pa 'byung ngo / /de nas srin por 'gyur te/ de'i bu dang bu'i yang bu'i bar rdzogs nas rgya mtsho yis thams cad nub par 'gyur ro/ /lha mos gsol pa/ kye+e bcom ldan 'das ci'i phyir gnas thams cad rdzogs par mi gsung thams cad du yongs su gsungs pa'i byang chub sems dpa' zhes pa spangs nas gsungs pa ci'i phyir/ de'i phyir 'di skad la sogs pa mi bden no/ /bcom ldan 'das kyis bka' stsal pa/ lha mo chen mo nyon cig nyon cig /gang dang gang du nga yis gnas brtan pa/ de dang de ni sangs rgyas kyis byin gyis brlabs pa'o/ /gnas gzhan rnams ni sangs rgyas ma yin pa'i lha rnams kyis rnam par btags pa'o/ /gang grub pa thob pa thams cad kyi ming gnas kyis btags so/ /sdig pa re re dag par byed pa gang dang gang la yod pa de dang de ting nge 'dzin no/ /bum pa gsum la sogs pa rnams dang / gang dang gang la phung po lnga rnams yod pa la lus zhes bya ste/ rgyal po dang rgyal srid rnams dang / rnal 'byor pa dang / rnal 'byor ma rnams la dbugs dbyung ba dang / dbugs 'jug pas dag pa ni dper na dbang po dang yul bzhin no/ /bde bar gshegs pa'i lam dang 'brel pa la skyabs su gang 'gro ba des skye ba 'di la bsgrub par byas pa thams cad 'grub bo/ /gang gis rgyal po'i gtam rgyud 'di klags na des lkog tu gyur pa'i ye shes 'thob bo/ /le'u sum bcu so drug par rtsis kyi ye shes brjod par bya ste/ 'das pa dang / ma 'ongs pa dang / da ltar ba ji ltar shes pa de'i bya ba byed do/ /kye+e lha mo le'u nyi shu rtsa lnga pa la sogs par ming gang gis thams cad shes par byed par nus pa de'i dus kyi ye shes so/ /de ltar thams cad bdud kyis bslus par mi 'gyur ro/ /'di ni nag po 88.76b chen po'i rgyud kyi rgyal po las rgyal po'i gtam brgyud bstan pa'i le'u ste bcwa lnga pa'o// // de nas bcom ldan 'das kyis bka' stsal pa/ bsgrub par bya ba rgyal po 'dod pas rgyal po la blta bar bya'o/ /bsgrub par bya ba dngul chu 'dod pas dngul chu la blta bar bya'o/ /bsgrub par bya ba lus grub par 'dod pas lus la blta bar bya'o/ /bsgrub par bya ba de kho na 'dod pas de kho na la lta bar bya'o/ /bsgrub par bya ba 'dod pa'i yon tan 'dod pas 'dod pa'i yon tan la blta bar bya'o/ /lha mo de'i phyir bsgrub bya gcig grub nas thams cad tshegs med par 'grub bo/ /de spangs pa'i gzhan sgrub pa rnams 'bras bu med pa la 'bad rtsol byed pa'o/ /mtshan ma gcig pa 'am/ dur khrod dam chu 'gram rnams su rma med pa ma god pa'i ro'i steng du bsdad nas sngags brgya phrag brgyad bzlas na sngags kyi rjes la lce reg tu 'ong ste/ de bcad nas lag pa g.yas pas bzung na ral gri'i dngos grub 'grub bo/ /de nas gzhan yang brjod par bya ste/ tshwa blangs la ro la bsnun na gser drug nam brgyad ster bar byed do/ /tshes brgyad dam bcu 'am bcu bzhi rnams la rang gi bzhi mnyam blangs nas lus la byugs te phyi nas bram ze'i thod pa'i steng du bsdad nas/ sman mu ta ka dang shi h+la yis lha mo lnga la sogs pa'i mar me sbar la rdo rje'i khang par sngags stong phrag gcig bzlas par bya ste de yis bzlas pa bya ba'i sngags kyi rgyal po ni 'di yin te/ o~M ma hA tsaN Da hU~M hU~M hU~M phaT phaT phaT swA hA ces pa'o/ /nag po'i phyogs kyi tshes brgyad la chu 'gram du song ste/ me tog a pa rA tsi ta yis maN Dal byas te chu 'gram gyi bye ma'i steng du gnod sbyin gyi kI li kI la'i gzugs brnyan yongs su 'dri ba byas la dri sna tshogs kyis lus la byug go/ /phyi nas de ru bsdad nas sngags bzlas pa ni/ o~M suHShaHhU~M zhes pa'i sngags stong phrag lnga bzlas na khyod bza'i zhes 88.77a smra zhing 'ong ste/ sgrub pa pos kyang 'jigs par mi bya bar g.yog po khyod nga cag gi don gyis shig ces brjod cing de'i mgo la arga phul na gser srang lnga brgya lnga brgya nyin re zhing ster bar byed cing bcud dang bcud kyis len dang ngo / /gal te ma byung na de'i tshe mu zi dang / lhang tsher dang / su par+Na ma k+Shi rnams lag pa g.yon pas bzung la/ de'i spyi stengs su thal lcag gsum rgyab na nges par 'ong ngo / /ma 'ongs na mgo ardza ka'i 'bras bu ltar 'gas par 'gyur bas rim pa de ltar bsgrub pa byas na gang 'dod pa de byed de/ de ltar byas na gnod sbyin brgyad ka yang 'ong bar 'gyur ro/ /rnal 'byor pas grong khyer gyi mthar song la nag po chen po phyag bzhi pa'i sngags stong phrag lnga song ba dang / phyi nas nag po chen po'i dkyil 'khor bzhengs la sha Na'i rtsa ba dang / sman dza ta ka'i lpags pa dang / sman ti mi ri'i rtsa ba rnams btags pas lus la byugs na/ 'jigs byed chen po sgra chen po dang bcas nas 'ongs pas tsan dan gyi chu dang nam mkha'i chu yis arga dbul te/ de mthong ba la 'jigs par mi bya'o/ /sgrub pa'i grogs po byang phyogs na gnas pas skyes bu zhes pa dang bcas pas phyogs gsum du bsgo ba byas na gang 'dod pa de yis byed do/ /gzhan yang skyed mos tshal du song nas shing mya ngan med pa'i 'og tu stag gi lpags pa'i steng du bsdad la gcer bur phud skra bkrol ba/ bdag srung ba yan chod de ltar byas nas shing pu pa sim pa'i lo ma'i khu bas lus la byugs nas nag po chen po phyag gnyis pa'i sngags stong phrag gcig bzlas pa dang / gtor ma sbyin pa ni mar dang / sbrang rtsi dang / sul ka dang / sran ma dang / tu mu la dang / chang dang / sha rnams kyis yang dag par brgyan la phyi nas ral gri thogs nas spyon zhes pa phyogs gsum brjod pa dang / dga' ba chen po thal mo rdebs shing 'ong ste/ de la 'jigs par ma byas 88.77b na rnal 'byor pa dngos grub 'dod pas mthong ba dang gser srang stong phrag gcig ster bar 'gyur ro/ /mtshan ma gcig par song nas shar phyogs su kha bltas te nag po chen po'i sngags stong phrag lhag pa bzlas shing de'i dus su bdud rtsi lngas lus la byug go/ /yang sngags brgya phrag bzlas pa'i phyi nas su pa sim pa'i khu bas lus la byugs te ro steng du bsdad de sngags bzlas pa ni/ o~M muHhUMHdzaHbaM hiHzhes brjod pas thun tshod gsum na gnod sbyin mo sna tshogs pa'i gzugs bzung nas sna tshogs pa'i rdzas kyi mchod pa bzang po dang bcas par 'ongs te/ grogs byed pas las gzhan du ma yin pas nyin re zhing gser srang lnga lnga ster bar byed do/ /shing bsrung ba ldan gyi drung ngam me tog can gyi drung dag gong dang mtshungs so/ /gzhan yang legs par brjod par bya ste/ zla ba dang nyi ma dgug pa ni sangs rgyas kyi rten yod par song la gtor ma chen po byin nas rgya skyegs dang chu dang tsan dan rnams legs par sbyar bas lus la byugs te/ ro'i steng du shar du bltas pas bsdad la yang bdud rtsi lngas lus la byugs nas sgra chen po dang bcas pas sngags stong phrag lnga bzlas na 'dir nyi ma 'ong ste/ 'ongs pa dang byang na gnas pa'i sgrub pos gi hang dang tsan dan dag gis arga byin na ngas ci bya ba zhes nyi mas brjod par 'gyur ro/ /de la sgrub pa pos bcud len gyi dngos grub bdag la gsol zhes phogs gsum du brjod do/ /shing kun da'i 'og tu rtsa ba bdun pas rgyan byas la ji lta ba'i cho gas gtor ma byin nas me tog pad ma bkram pa'i steng du bsdad nas sngags bzlas na zla ba nges par 'ongs nas gang 'dod pa de byed do/ /de'i khyim du mnyam par bzhag ste/ sin d+hu ra dang spos chu dag gis lus la byugs nas rnal 'byor pas mi'i thod pa'i steng du bsdad de/ nag po chen po'i thang ka'i mdun du sngags stong phrag 88.78a brgyad bzlas na der dus can ma 'ong ngo / /gal te mi 'ong na spyi bo la thal mo rdeg pa'i phyag rgya byas na nges par 'ongs na tI na ra brgya brgya nyin re zhing ster te g.yog mor nges so/ /gzhan yang tsa kA bsgrub par bya ste/ 'on kyang phyag rgya dpyi g.yon par bcas na nges par 'ongs nas nor bu dang nor bu rin po che ster ro/ /yang de yis bsgrub par bya ste/ rnal 'byor ma gnyis kyis bcud dang bcud kyis len gang 'dod pa de ster te/ blang ba'i sngags ni o~M yak+Sha hU~M TaHzhes pas rnal 'byor ma thams cad ca co'i sgra sgrogs shing sa dang pheM chen po'i sgra sgrogs shing 'ongs pas 'jigs par mi bya bar mthong ba dang byang gi sgrub pa pos brjod pa khyod kyis nga'i g.yog mo gyis shig ces bya'o/ /dur khrod du song la nag po chen po'i thang sku'i mdun du ma he'i thod pa'i steng du mnyam par gzhag pas nyin zhag bdun du sngags bzlas na thun tshod gsum nas nag po chen po 'khor dang bcas pa 'ong ste/ de rnams mthong yang 'jigs par mi bya'o/ /skye sgrub pa po khyod bza' bo zhes des smra na/ de la byang na gnas pa'i sgrub pa pos hU~M sod cig ces brjod nas gi hang dang tsan dan dag gi chus arga dbul lo/ /phyi nas de yis gsungs pa/ kyai dpa' bo chen po ci'i phyir nga 'bod ces gsungs na/ byang na gnas pa'i sgrub pa pos gsol pa/ gang dang gang gi dus su khyod la las bcol na gtong dgos pa de'i don du zhes brjod do/ /dngos grub gang dang gang 'dod pa sbyin no zhes des gsungs so/ /de la seng ge'i phyag rgya bcas na rnyed par dka' ba'i seng ge'i lus kyang 'thob bo/ /'di yis rdzas dang dngos grub sna tshogs kyang ster bar 'gyur ro/ /de'i sngags ni o~M A gats+tsha ma hA hU~M ho ho zhes so/ /'di ni nag po chen po'i rgyud kyi rgyal po las g.yog mo bsgrub pa'i le'u ste bcu drug pa'o// // gzhan yang dbang du bya ba'i le'u bshad par bya ste/ bcom ldan 'das kyis bka' 88.78b stsal pa/ lha mo nga yis sman dang sngags dang phyag rgya rnams bshad par bya'o/ /lha mos gsol pa/ kye+e bcom ldan 'das sman gyi 'bras bu chen po gsungs shig /bcom ldan 'das kyis bka' stsal pa/ tshes brgyad la sbyin sreg gi cho ga gang yin pa ltar byas la shing arga'i 'bras bu'i bal blangs pa la dur khrod kyi ras kyis dkris pa dang / gi hang dang / bdud rtsi lnga dang / mi lce rnams phye mar btags te sdong bu byas la zangs kyi nang du mi'i tshil la mig sman phab la rang gi byang sems dang bsres nas thig le byas te/ gang dang gang gi bu mo la bltas na 'bab par 'gyur ro/ /gal te mi 'bab na nag po chen po ma yin te/ sangs rgyas kyi bstan pa bsrung bar dam bcas pa spangs pas mtshams med pa byas pa'o/ /o~M hrIHk+ShaHa mu ki A gats+tshan ti ya zhes pa'i sngags 'dis shing sim pa'i lo mas sbyin sreg stong phrag lnga byas te gos dang bral zhing skra grol ba sems ma yengs par bsgoms na/ rkang pa'i drung du sngags kyi nus pas nges par 'ong ste/ g.yog mo'i gzugs kyis bde ba skyed cing gzhan gyi dbang du mi 'gyur ro/ /gal te mi 'ong na sngags mgo mjug bzlog nas brgya rtsa brgyad bzlas brjod byas na mgo gas nas 'chi zhing dngos grub mchog ster ro/ /dgun zla tha chungs kyi tshes bcu bzhi la nag po chen po sku mdog dmar por spros te de la mchod pa rgya chen po byas nas kha shar phyogs su bltas la chang dang / ut+pal dmar po dag gis stong phrag phyed du sbyin sreg byas na nam phyed nas rgyal po'i bu mo yang dbang du 'gyur na/ gzhan gyi bu mo la smos ci dgos gal te dbang du ma gyur na/ sngags bzlas pas nges par dbang du 'gyur te/ 'dzam bu'i gling na rnyed par dka' ba'i dbang du bya ba'o/ /de'i sngags ni 'di yin te/ o~M badzra hU~M~M~M~M~M~M~M phaT swA hA zhes pa'o/ /sman sA lu ka dang kyi lce ba dang tsan dan dang a ka 88.79a ru dang bdud rtsi lnga rnams til mar gyis phrul nas phyag bcu drug pa'i sngags kyis phogs nyi shu rtsa gcig bzlas te/ des kha bkrus te rgyal po'i pho brang du bsdad nas rgyal po la khro zhing cung zad smra dang 'thun pa'i tshig smrar 'ong ngo / /ngo mtshar can gyis sbyor ba 'di sangs rgyas thams cad kyis yongs su bsgrags pa ste/ phya rgod kyi sha gi hang dang bcas pa rang gi byang chub sems kyis phrul la bu mo la sbyin no/ /bzlas pa'i sbyor bas g.yog mor nges par 'gyur te/ dbang du bya ba chen po'i sbyor ba'o/ /ba lang gi zhag dang / ne tsho'i zhag dang / til gyi mar rnams k+ko la'i sa bon dang phrul nas bu mo la bsnun na phyi nas khu ba 'dzag cing rang lus ster bar 'gyur te/ ma shi bar du sdod do/ /gro ga'i lo ma la gi hang dang rgya skyags kyi pho tshos dang sin d+hu ra rnams skyu ru ra'i khu bas phrul la/ 'khor lo gru gsum cha shas gsum pa bri'o/ /de'i dbus su sde tshan gsum pa'i dang po cung zad ra la zhon pa sna ldan gyis brgyan pa dbus su'o/ /yang phyi rol tu o~M dzoM a mu ki kA ma de ba a mu ka sa ya hA kA rA hAHhaHhaHphaT swA hA/ zhes pa bkod la de dur khrod kyi ras la gtums te tsan dan gyi chu la bcug nas thun tshod gcig bzhag na dus de nyid du nges par dbang du 'gyur te/ gang 'dod pa de byed do/ /yang nyin re zhing d+ha dur sum brtseg gi sa bon la sngags 'dis stong phrag lnga bsnun na nyin zhag lnga na bI bA ha dbang du 'gyur ro/ /o~M s+t+ri k+ShIHa mu ka~M aHs+yaHbi tA bi bA ho na ma h+ya~M da~M pa ya swA hAH/ zhes pa'i sngags nag po'i tshes brgyad dam bcu gcig dag la ut+pal nag po dang / mar dang sbrang rtsi dang / bu ram rnams yang dag par sbyar bas sbyin sreg brgya phrag lnga byas na nyin zhag bdun gyis rnal 'byor pas bu mo dbang du 'gyur ro/ /gal te dbang du ma gyur na sngags brgya brgya bzlas na nges par dbang du 'gyur ro/ /dur khrod kyi sa dang ldong ros dang yab k+Shar dang bu ram rnams rang gi khu ba 88.79b brul nas lus la byugs na phyugs thams cad nges par dbang du 'gyur ro/ /'di ni dpal nag po chen po'i rgyud kyi rgyal po las dbang du bya ba'i le'u ste bcu bdun pa'o// // gzhan yang pha rol gyi bya ba chud gsan par bya ba'i le'u bshad par bya'o/ /mi gang gis log par byed pa de bsad pa'i sman shin tu mchog tu gyur pa/ a mu ha ba tus la skams te gtor na bya ba nges par chud gson no/ /ldong ros gtor na nges par chud gson no/ /bud med kyi khrag gtor na bya ba nges par chud gson no/ /rjes su shi ba'i ras gyon na nges par chud gson no/ /'di ni dpal nag po chen po'i rgyud kyi rgyal po las pha rol gyi bya ba chud gson pa'i le'u ste bcwa brgyad pa'o// // grong khyer gang na lha mos 'dod pa gsum dang ldan pa'i sangs rgyas kyi mtshan nyid byed pa yod pa de rengs par byed pa'i gnas te/ de 'di rjes su 'gro'o/ /de'i dus su sangs rgyas thams cad 'dus pa'i nag po chen po zhe sdang gi rang bzhin zhal gcig pa/ sku mdog dkar po 'jigs pa chen por byed pa/ g.yas brkyang ba'i 'og tu lha ma yin nag po sgyel ba/ gri gug dang thod pa phyag na bsnams pa/ spyan gsum pa rgyan thams cad kyis brgyan pa/ 'di bsgom pa tsam gyis thams cad rengs par 'gyur ro/ /bsgoms pas skyo na sngags kyi rjes su 'brang ba ste/ o~M muHdzaHa mu kaM sta~M b+hA ya hU~M phaT ces pa khri phrag gcig sngon du bsnyen pa byas na dngos po thams cad rengs par 'gyur ro/ /me tog can gyi ras la tshes brgyad dam bcu bzhi la lha rnams kyi rje bri bar bya ste/ bdud rtsi lnga nyin re bzhin khar bcug la rengs par bsgom par bya'o/ /'dir mi gang gis bsgrub thabs gzhan bsgrub pa ste rkang pa bzhi la sogs pa yang dag par rengs par bya ba ni de'i dus su blo gros can gyis sman brtsam par bya ste/ byi ba'i sha dang / rus sbal gyi sha dang / sbrul gyi sha rnams phye mar 88.80a byas la bsnun na phyugs thams cad rengs par 'gyur ro/ /gzhan yang sman su ta ka dang / pha la ni dang rus sbal gyi mgo bo dang / sman dza yan te rnams bsres nas gtor na mi rnams nges par 'gyur ro/ /gu gul dkar po dang / sman ka na rdu ka ya ra ka'i sim bU ri dang phu la de rnams cha mnyams te sbyangs pa gtor na sbrul rengs par 'gyur ro/ /shu dag dang / sman ku mA rI dang / be li d+ha rnams bsnun na nges par rengs par 'gyur ro/ /sman sim b+he dang / ka la da dang / ka k+sha twi dang rang 'byung rnams phreng bar byas rked par bcings na sa bon rengs par 'gyur ro/ /sprin rengs par byed pa yang de nyid do/ /sprin rengs pa dgrol ba brjod par bya ste/ sman si dzi rA da dang pu ga nA dang / sa ma na da dang / ru sbal rnams cha bsnyam pa yis sprin rengs pa grol bar 'gyur ro/ /'di ni dpal nag po chen po'i rgyud kyi rgyal po las rengs pa'i le'u ste bcu dgu pa'o// // gzhan yang 'dir yang dag par brjod par bya ste/ bya ba ma yin pa byed pa rnams bsad nas 'jig rten pa bde ba la dgod pa'i phyir 'jigs byed chen po sgoms par bya ba ni zhal gcig pa/ kha dog nag po lto 'phyang ba/ gri gug dang thod pa phyag na 'dzin pa/ ma he la zhon pa klu brgyad kyis brgyan pa/ mche ba gtsigs pa dbu skra gyen du 'bar ba/ 'jigs par byed pa yang 'jigs par byed pa/ lo bcu drug pa'i cha byad 'dzin pa/ mtshan ma gyen du bsgreng ba/ gcer bu sbom la thung ba/ sa bon yi ge hU~M las 'od zer 'phro ba 'di rnams dang ldan pa bsams pa tsam gyis dgra thams cad brlag par 'gyur zhing rgyun gcod pa dang / mgo bo 'gas so/ /de'i sngags ni o~M maM hU~M a mu ka sruM phaT ces pa gri phrag gcig gis bsnyen pa'o/ /bkra shis pa'i yan lag tu nag po chen po'i brgyad la me tog can gyi ras la bris pa dang bdud rtsi lnga khar bcug la bsgoms la rab tu gnas par 88.80b bya ba ni tshes bcu bzhi'i nub mo dam tshig gi ro rnams rnal 'byor pa nyi shu rtsa gcig dang stabs gcig tu rnal 'byor ma lnga shin tu dag pa dam tshig skyong bar sems pa rnams kyis sngags 'di stong phrag gcig bzlas so/ /slob dpon gyis sngags 'di lan bdun bzlas la me tog pad ma brgya rtsa brgyad kyis mchod pa dang / maN+dal gru gsum byas te de la rdo rje'i phreng bas bskor ba dang / ral gri dang / gu gri gug bkod la khrag gis bkru bar bya ba dang / 'jigs byed chen po la bdud rtsi lngas bsnun par bya ba rnams kyi sngags ni o~M buM aHb+hai ra wa swA hA/ zhes pa yis rab tu gnas par byas te/ de'i nub mo thams cad kyis khrag dang chang btung bar bya zhing bza' thams cad rdzogs par bza'o/ /de nas gser drug nam re re dbul ba byas na 'jigs byed chen pos nges par byin gyis rlob ste glu dang sgra yang bya'o/ /gang gi tshe gsod par byed pa'i dus ni tshes brgyad dam/ bcu bzhi la thung sku bkram la khrag dang / chang dang / sha rnams kyis rnal 'byor byas la/ dgra'i ming blangs te sngags brgya rtsa brgyad bzla zhing mtshan mo rke la rkang pas gnon na nges par rims chen pos thegs pa dang / shin tu rab tu gtum pa'i rgyu gzer gtong zhing rmi lam du 'jigs byed chen pos 'di skad du byang chub sems dpa' la brnyas pa byas pas bzod gsol gyis zhes smrar 'ong ngo / /de'i dus su bzod gsol byas na dus de nyid du nad thams cad zhi bar 'gyur ro/ /thang sku 'di la rnal 'byor pas nyi ma re re zhing sha lnga la sogs pas mchod pa'i gtor ma sbyin par byas te/ o~M maHhU~M kha kha khA hi khA hi/ mA ra mA ra sarba tra wa ma hA b+hai ra wa tra yats+tsa tu swA hA/ zhes pa'i sngags 'dis so/ /mgo bo'i nad dang rims nad dang rgyu gzer dang chos gcig gi gong ma la sam bcug gis/ nag po chen po'i 'bras bu byugs nas yungs kar dang / sman ka ka le'i sa bon dang / pho ba ris dang lga thol dang / 88.81a rdo rje'i 'o ma dang / shis d+ya kan+tha rnams phye mar byas pa byugs la ba lang gi lci ba'i gseb tu bcug na 'dus pa'i nad kyis 'chi bar 'gyur ro/ /mi'i thod par bcug na rgyu gzer gyis so/ /gcin gyi nang du bcug na mgo nad kyis so/ /chu gsab tu bcug na rims chen po yis so/ /ba lang gi ra bar sbas na long bar 'gyur ro/ /nyi ma la bzhag na pags pa 'drul bar 'gyur ro/ /me la bzhag na mgo 'gas par 'gyur ro/ /sbyor ba 'di ni 'dzam bu'i gling na shin du rnyed par dkon no/ /ngo mtshar 'di rnams rnal 'byor gang 'dod bya ba'i don du dang po zhi bar byas la bya'o/ /lan tsha dang dur khrod kyi sa dang shi ri khan+da dang shing ma da na'i tsher ma dang / shing ba ya ra'i 'bras bu rnams de bzhin ma he'i 'o mar bcug nas skar ma snar ma dang ldan pas sngags lan bdun bzlas na 'chi bar 'gyur te/ skad cig de la sbrang rtsi'i nang du bcug na slar 'tsho bar 'gyur ro/ /'di ni shin du ngo mtshar ba'o/ /nag po'i brgyad dam bcu bzhi la yungs kar dang / ba lang gi sha dang lhan cig byas nas shin du 'dra ba'i gzugs brnyan byas pa la sngags stong phrag gcig tu bzlas shing / shi ri khan+da'i tsher mas btsugs na nyi ma bdun gyis nges par 'chi'o/ /phyis 'tsho ba med pas bsgrub par bya ba ma yin te/ skar ma khrums la skyes pa'i mi tshig par 'gyur ba dang / skar ma smin drug la skyes pa'i mi nges par 'chi bar 'gyur bas so/ /gza' bkra shis la dug dang sman ra tsi ka dang la phug rnams kyis gzugs brnyan byas la ba lang gi khrag gis kyang ngo / /khar dug bcug nas lan bdun sngags bzlas na skad cig de nyid la dbang po chen po'i rims kyis thebs nas zla ba drug nas 'chi'o/ /ra'i 'o mas bkrus na slar 'tsho bar 'gyur ro/ /gza' nyi ma'i tshe gro ga'i lo ma la rgya skyags kyi khu ba dang dug dag gis gza' nyi ma bris la dpral ba la yi 88.81b ge hU~M/ mig la yi ge khaM/ nu ma gnyis la yi ge tha/ lte bar yi ge hrIH gsus pa la ming / brla gnyis la yi ge hA rnams bris la shing kaN+Da pha la'i me la bsros na dang por rims kyis thebs nas nges par 'chi bar 'gyur ro/ /rdo rje'i chus bkrus na slar rab tu zhi bar 'gyur ro/ /gza' zla ba'i tshe shing Sha Na'i lo ma la ba bla yis gza' zla ba bris la lce la yi ge hU~M/ dpral ba la yi ge k+ShaHdang / gsus pa la sngags ming dang spel ba rnams bris te/ phag gi sa'i nang du bcug nas chur bcug na mdzes thebs par 'gyur ro/ /bkra shis kyi tshe gro ga la 'gi wang dang khrag gis gza' bkra shis bris la spyi gtsug la yi ge kha~M/ dpral ba la yi ge haM/ mig la yi ge gsus pa la ming / rkang pa gnyis la yi ge hrIHrnams bris nas lcags kyi snod du bsros na skams nas 'chi bar 'gyur ro/ /'o mas bkrus na slar 'tsho bar 'gyur ro/ /gza' lag gi tshe rdo ba la btsag gis gza' lag bris la rna ba la yi ge sha~M/ dpral bar yi ge haM/ sna la yi ge muM/ ske la yi ge dzaM/ gsus pa la ming / brla gnyis la baM dzaM/ lte ba la yi ge hU~M me'i mdog lta bu rnams bris te/ nyi ma la skams na rims mi bzad pas thebs nas khrag skyugs te 'chi bar 'gyur ro/ /snga ma ltar byas na rab tu zhi bar 'gyur ro/ /gza' phur bu'i tshe me tog gi 'dab ma la khrag gis gza' phur bu bris la dpral ba la yi ge k+ShaM/ mgrin pa la yi ge hU~M/ gsus pa la ming rnams bris nas/ phru bar bcug na gsus pa sbos nas 'chi bar 'gyur ro/ /bcag na rab tu zhi bar 'gyur ro/ /gza' pa ba sangs kyi tshe gro ga dkar po la byang sems kyis gza' pa ba sangs bris la/ kha la yi ge hU~M/ dpral ba la yi ge he/ snying gar yi ge TaM rnams bris te sbas nas tho ba bsnun na nges par sgur por 'gyur ro/ /gza' spen pa'i tshe shing arga'i lo ma la gza' spen pa la bris la dpral ba la yi ge la~M/ 88.82a byas la bsnun na phyugs thams cad rengs par 'gyur ro/ /gzhan yang sman su ta ka dang / pha la ni dang rusbal gyi mgo bo dang / sman dza yan ti rnams bsres nas gtor na mi rnams nges par rengs par 'gyur ro/ /gu gul dkar po dang / sman ka Nardu ka ya ra ka'i sim bU ri dang phu la Di rnams cha bsnyams te sbyangs pa gtor na sbrul rengs par 'gyur ro/ /shu dag dang / sman ku mA rI dang / be li d+ha rnams bsnun na nges par rengs par 'gyur ro/ /sman sim b+hi dang / ka la Da dang / ka k+Sha twi dang rang 'byung rnams phreng bar byas rked par bcings na bon rengs par 'gyur ro/ /sprin rengs par byed pa yang de nyid do/ /sprin rengs pa dgrol ba brjod par bya ste/ sman si dza dI dang pu ga nA dang / sa maN Da dang / ru sbal rnams cha bsnyams pa yis sprin rengs pa grol bar 'gyur ro/ /'di ni dpal nag po chen po'i rgyud kyi rgyal po las rengs pa'i le'u ste bcu dgu pa'o// //gzhan yang 'dir yang dag par brjod par bya ste/ bya ba ma yin pa byed pa rnams bsad nas 'jig rten pa bde ba la dgod pa'i phyir 'jigs byed chen po ni zhal gcig pa/ kha dog nag po lto 'phyang ba/ gri gug dang thod pa phyag na 'dzin pa/ ma he la zhon pa klu brgyad kyis brgyan pa/ mche ba gtsigs pa dbu skra gyen du 'bar ba/ 'jigs par byed pa yang 'jigs par byed pa/ lo bcu drug pa'i cha byad 'dzin pa/ mtshan ma gyen du bsgreng ba/ gcer bu sbom la thung ba/ sa bon yi ge hU~M las 'od zer 'phro ba 'di rnams dang ldan pa bsams pa tsam gyis dgra thams cad brlag par 'gyur zhing rgyun gcod pa dang / mgo bo 'gas so/ /de'i sngags ni o~M maM hU~M a mu ka sru phaT ces pa khri phrag gcig gis bsnyen pa'o/ /bkra shis pa'i yan lag tu nag po chen po'i brgyad la me tog can gyi ras la bris pa dang bdud rtsi lnga khar bcug la bsgoms la rab tu 88.82b gnas par bya ba ni tshes bcu bzhi'i nub mo dam tshig gi ro rnams rnal 'byor pa nyi shu rtsa gcig dang stabs gcig tu rnal 'byor ma lnga shin tu dag pa dam tshig skyong bar sems pa rnams kyis sngags 'di stong phrag gcig bzlas so/ /slob dpon gyis sngags 'di lan bdun bzlas la me tog pad+ma brgya rtsa brgyad kyis mchod pa dang maN+Dal gru gsum byas te de la rdo rje'i phreng bas bskor ba dang / ral gri dang / gri gug bkod la khrag gis bkru bar bya ba dang / 'jigs byed chen po la bdud rtsi lngas bsnun par bya ba rnams kyi sngags ni o~M buM aHb+hai ra wa swA hA zhes pa yis rab tu gnas par byas te/ de'i nub mo thams cad kyis khrag dang chang btung bar bya zhing bza' ba thams cad rdzogs par bza'o/ /de nas gser drug nam re re dbul ba byas na 'jigs byed chen pos nges par byin gyis rlob ste glu dang sgra yang bya'o/ /gang gi tshe gsod par byed pa'i dus ni tshes brgyad dam bcu bzhi la thang sku bkram la khrag dang / chang dang / sha rnams kyis rnal 'byor byas la/ dgra'i ming blangs te sngags brgya rtsa brgyad bzla zhing mtshan mo rke la rkang pas gnon na nges par rims chen pos thebs pa dang / shin tu rab tu gtum pa'i rgyu gzer gtong zhing rmi lam du 'jigs byed chen pos 'di skad du byang chub sems dpa' la brnyas pa byas pas bzod gsol gyis zhes smrar 'ong ngo / /de'i dus su bzod gsol byas na dus de nyid du nad thams cad zhi bar 'gyur ro/ /thang sku 'di la rnal 'byor pas nyi ma re re zhing sha lnga la sogs pas mchod pa'i gtor ma sbyin par byas te/ o~M ma hU~M kha kha khA hi khA hi/ mA ra mA ra sarba tra wa ma hA b+hai ra wa tra yats+tshaM tu swA hA zhes pa'i sngags 'dis so/ /mgo bo'i nad dang rims nad dang rgyu gzer dang chos gcig gi gong ma la sam bcug gis nag po chen po'i 'bras bu byugs nas yungs kar dang / sman ka ka li'i sa bon dang / pho ba ris dang lgal thol dang / 88.83a mchu la yi ge daM/ lag pa gnyis la yi ge maM/ snying kar ming / lte bar yi ge saHrnams de bzhin du bri bar byas nas me la bsros na nges par blo yis thebs par 'gyur ro/ /tshes bcu gcig gi dus su shing ba Da'i lo ma la khrag gis spre'u bris la lag pa gnyis la yi ge baM bris nas shing nA ga ge sar la bcug ste thal lcag brgyab na dus thams cad du rtsod pa 'byung bar 'gyur ro/ /de rnams kun gyi sngags ni/ o~M mAM hU~M a mu sruM phaT ces pa 'di bsgrags na nges par 'grub ste/ de rnams thams cad sdug bsngal ster bar go bar bya'o/ /nag po'i brgyad kyi dus su gro ga'i lo ma la rgya skyegs dang ba bla dag gis gza' sgra gcan bris la/ sa la yi ge ra~M gsum/ dpral ba la yi ge hriH mgo la ming rnams bris te me la bsros na mgo nad 'byung zhing nyin zhag gsum na dbang po chen po'i rims 'byung bar 'gyur ro/ /chur bcug nas slar rab tu zhi bar 'gyur ro/ /shing arga'i lo ma la ba bla'i seng ge bris la sa la yi ge de bzhi lce la yi ge hU~M las ming dang sngags rnams bris nas ba lang chu la bcug na dug chu bur 'byung bar 'gyur ro/ /'o bas slar rab tu zhi bar 'gyur ro/ /shing ba Da'i lo ma la bse ru'i khrag gis chu bdag bris la/ lto ba la sngags/ lce la yi ge h+lIM/ / mgo la yi ge tsam dang ming rnams bris te gtsang po la bcug na sbrul gyis gsod par 'gyur ro/ /gang gis gso bar 'dod na steng du lag pas bzung ngo / /tshes lnga'am bcu gsum la shing ba Di'i lo ma la byang sems kyis sgur la rgas pa bris la brang la yi ge trAM/ snying ga la ming rnams bris nas chu la bcug na nges par sgur por 'gyur ro/ /rje btsun gyis gang gsungs pa des tshegs med par 'grub ste/ rjes su gnang nas byed pas ji ltar bsgrubs pa ltar 'grub par 88.83b 'gyur ro/ /brjod bya'i gtso bor thams cad kyi lus rnams bshig par byed pa ci'i phyir na sgrub pa po sangs rgyas kyi bya ba ma yin pa byed pa des rnyed par dkon pa'o/ /gzhan yang brdzun pa'i sdug bsngal nyams su len pa/ nu ma nyed pa rang don mi shes pa/ bzhin bzlog pa/ bdud rtsi lnga dang dri zhim po rgyun du za ba'i rnal 'byor pa/ ha hU~M zhes brjod cing kun tu 'gro ba/ dad pa rgyun du 'gro ba brlag pa'i byang chub sems dpa'i phyir ro/ /'di ni dpal nag po chen po'i rgyud kyi rgyal po las bsad pa'i le'u ste nyi shu pa'o// // gzhan yang bcom ldan 'das kyis bka' stsal pa/ kye lha mo mtshan nyid thams cad tshang ba'i bud med nga yis 'khyud pa'i lha mo ste/ sa steng bde ba gang yang 'grub pa'o/ /lha mos gsol pa/ kye+e bcom ldan 'das nyi ma gang la dngos grub 'grub/ bcom ldan 'das kyis bka' stsal pa/ nyon cig lha mo sgrub pa po gang gis bsgrub pa ni 'dir dgun zla tha chungs kyi nag po'i tshes brgyad la 'dzam bu'i gling du skyes pa'i dus su la rnal 'byor pas bsgrubs na dngos grub brgyad de yis 'grub bo/ /'di la the tshom med do/ /dpyid zla tha chung gi lnga la sgrub pa'i mis myur bar 'grub bo/ /dbyar zla tha chung gi nag pa'i bcu bzhi la nges par dngos grub chen po thob par 'gyur ro/ /ston zla tha chung la yang de dang mtshungs so/ /ston zla 'bring po'i dkar po'i bcu gcig la lugs ma dang po ti dang thang sku rnams rtsom pa'i rnal 'byor pa de la byin brlabs nges par 'ongs pas rab tu gnas pa yang tshes de nyid la bya ste/ khrag dang sha lnga la sogs pa dang / chang dang sha sna tshogs dang / bza' ba dang btung ba dang rang 'dod pa rnams byas na the tshom med par dngos grub thams cad 'grub par 'gyur ro/ /'di'i dpal nag po chen po'i rgyud kyi rgyal po las dngos grub nges pa'i le'u ste nyi shu rtsa gcig pa'o// // 88.83c # de nas sprin dral ba dang bsdu ba'i le'u bshad par bya ste/ char chen po bab pa'i dus su dur khrod du phyin la phyag brgyad pa'i sngags stong phrag lnga / ut+pa la stong phrag lnga la bzlas shing sbyin sreg byas na/ char nges par rab tu zhi bar 'gyur ro/ /grong gi mthar phyin la ba lang gi thod pa'i steng du bsdad nas til mar chen pos lus la byugs te/ 'jigs byed chen po rab tu bkram la bsam pa dang ldan pas ut+pa la sngon po brgya phrag lnga yis sbyin sreg byas pa dang / sha dang chang dang khrag rnams btung ba dang / bza' ba yis bdag nyid bde bar byas la/ o~M k+shaM U U U swAta ya nAr ya/ gar+dz+dza gar+dz+dza ru ta ru ta haHhU~M phaT/ aSh+Ta nA gA nAM kha kha khA hi khA hi/ UHUHzhes pa bzlas na nges pa nyid du des nas char rab tu zhi bar 'gyur ro/ /arga sbyangs nas sngags yang dag par bzlas na des yon tan thams cad 'gyur ro/ /mtshan ma gcig phyin la ljon shing gi 'og tu bsdad nas lag pa g.yon pa'i mdzub mo khar bcug ste/ lag par seng ge bsam pa dang phyag bcu drug pa'i sngags stong phrag lnga bzlas na nges par sprin zhig nas 'gro bar 'gyur ro/ /maN+Da lar phyin la stag gi pags pa'i steng du bsdad nas khar rje rang gyi khrag blugs te/ phyag bcu pa'i bsngags kyis brun la stong phrag gcig bzlas na nges par char 'chad par 'gyur ro/ /kriSh+Na a pa ra dzi ta'i me tog dang bu ram dang til rnams bsres la stong phrag lngar sbyin sreg bya ste/ o~M ma hA dz+nyA nA sa ma ya hU~M hU~M hU~M phaT phaT phaT me g+hAM s+phA ta ya hU~M phaT ces pa 'di kho na bzlas na mi'i 'jig rten du nges par sprin 'jig pa'i sbyor ba 'di ni rmad du byung ba ste/ nges par char 'chad par 'gyur ro/ /gal te char mi 'bab pa'i dus su khang stong du phyin la/ maN+Dal gru bzhi pa bcas pa'i dbus su dong khru gang brus par me tog stong phrag gcig sbyin sreg bya ba'i 88.83d # sngags ni/ o~M hU~M pra sha pra baR+Sha dzaHdzaHdzaHhaHhaHhaHphaT ces pa 'di kho na bzlas na nges par char 'bab par 'gyur ro/ /de nas sbyor ba chen po gsungs pa bar grong khyer gyi phyi rol tu spre'u yi thod pa'i steng du bsdad la til mar chen pos lus la byugs te/ sbyor ba ji lta bas chang btung ba dang / bza' ba dang btung bar 'dod pa'i rnal 'byor pas the tshom med par 'grub par 'gyur te/ a pa rA dzi ta'i me tog stong phrag lnga'i sbyin sreg bya ba 'am/ 'on te bdag nyid seng ge'i gzugs su bsgoms la khro ba dang bcas pas dang po sgra dang ldan par bzlas pa ni/ o~M muH ha pra baR+Sha ya pra baR+Sha ya ha ha/ hi swA hA zhes pas lag pa'i snyim pa phye la nga la char pa slang zhes brjod cing khang pa'i rang bzhin nas snod kyi 'jig rten du 'bab par bsam mo/ /'di ni nag po chen po'i rgyud kyi rgyal po las char dbab pa dang gcad par bya ba dag gi le'u ste nyi shu rtsa gnyis pa'o// // de nas sems can rnams kyi don du bskrad pa'i le'u bshad par bya'o/ /rnyed dka' ba'i dus su rnal 'byor pa bdag nyid kyis nag po chen po'i gzugs su bsgoms la shing bil ba'i 'bras bus stong phrag gcig sbyin sreg bya ba ni/ o~M khaHhU~M badzra a g+ha ye swA hA/ zhes pa'i sngags kyis rnyed pa sla bar 'gyur ro/ /o~M tsi hi li hi li hU~M ma hA sa nai sha tsa ra kha kha hU~M phaT ces pas ba lang gi zhag gis kang la sun da la byugs pas brgya phrag gis/ sbyin sreg byas na 'dis ni spen pa 'bros te rnyed sla bar 'gyur ba dang / dus thams cad du 'chi bar yang 'gyur bas grong khyer thams cad nor dang zas dang ldan par 'gyur ro/ /phyag bcu gnyis pa bkram la chang gi sbyor bas mchod par byas nas de'i sngags stong phrag lnga bzlas pa dang / se 'bru stong phrag gcig sbyin sreg byas na/ 'dis ni nges par spen pa 88.84a 'bros pa 'am 'chi bar 'gyur ro/ /gal te ma byung na de'i tshe sngar gyi steng du bzlas na nges par 'bros par 'gyur ro/ /nag po'i brgyad kyi nub mo stag gi lpags pa la bsdad nas/ o~M ke tu khaM hU~M phaT ces pa'i sngags rnal 'byor ma lnga dang stabs gcig tu bzlas na mjug rings nges par 'bros so/ /tshes bcu bzhi la rnal 'byor ma lnga dang stabs gcig tu bza' ba sna tshogs pa dang chang la sogs pa btung la sngon du brjod pa'i sngags stong phrag gcig bzlas na sgra gcan nges par 'bros par 'gyur ro/ /pe chag pa'i dgra byung na de'i dus su thang phrom gyi me tog stong phrag lnga dang chang sbyin sreg byas na pe chag pa thams cad 'bros pa dang 'chi bar 'gyur ro/ /o~M hrIHhU~M pa taM g+ha nu ts+tshe daM yak+ShaHphaT ces pa cho ga 'di'i sngags so/ /de rnams byas na bar du gcod pa thams cad rab tu zhi bar 'gyur ro/ /chu gang du byung sar/ o~M dza la haM dzaHzhes pa'i sngags kyis ba dmar mo'i 'o ma la stong phrag gcig dang por bzlas nas me tog kun+da stong phrag lnga'i sbyin sreg byas na/ 'o ma des nges par chu rab tu zhi bar 'gyur ro/ /'bru thams cad brlag na de'i dus su skyu ru ra skam po stong phrag lnga dang chang sbyin sreg byas nas bza' ba dang btung ba dang / glu len pa dang / chang dang bcas pas lha mo lnga la mchod pa/ o~M stuM baM shAn+taM pra ku ru swA hA zhes pa 'dis 'bru thams cad dang ldan par 'gyur ro/ /gal te ma grub na de'i tshe ngas mtshams med pa lnga byas par 'gyur ba dang / chos thams cad brdzun du 'gyur ro/ /de'i phyir rnal 'byor pa klog pa dang mnyen pa nges par bya'o/ /gal te nyan pa dang klog pa mi byed na de'i tshe rnal 'byor pa 'chi ba dang / zhar ba dang sgur bar bya ba rnams cung zad tsam dang mi 'grub par 'gyur ro/ /gang dang gang du bcom ldan 'das kyis gsungs pa ltar nges par byas na 88.84b myur bar thams cad 'grub par 'gyur ro/ /grong khyer na gnas pa'i mi rnams la gang gi tshe skar mda' ltung na nag po chen po phyag bzhi pa'i thang sku'am lugs ma'i mdun du 'di nyid kyi sngags kyis thang phrom gyi sa bon gyis brgya phrag lnga sbyin sreg byas la rnal 'byor ma lnga yis bza' ba dang btung ba yis mchod nas de nas gtor ma sbyin no/ /rim pa 'di yis zhi bar 'gyur gyi gzhan gyis ma yin no/ /rab tu drag pa'i rim gyis nges par thebs na de'i tshe/ o~M hrIHsarba sa twa na nu paM pa ya hrIHhU~M phaT swA hA zhes pa'i sngags kyis me tog kun+da stong phrag lnga sbyin sreg bya ba ste/ rnal 'byor ma lngas snga ma ltar zhi bar 'gyur ro/ /gang gi tshe 'brum bu dang rgyu gzer dang mig ser rnams la rnal 'byor ma lngas sha lnga la sogs pa rang gang 'dod pa zos 'thungs te/ sngon du song ba'i sngags stong phrag gcig bzlas nas stong phrag lnga sbyin sreg byas na nges par rab tu zhi bar 'gyur ro/ /gang dang gang rgyud 'dir bshad pa rnams gzhan du ma bshad de/ de bag tsam bshad na yang lung bstan pa tsam du bshad pa'o/ /'di ni nag po chen po'i rgyud kyi rgyal po las gtso bor rnyed par dka' ba'i sems can thams cad la bde ba ster bar byed pa'i le'u ste nyi shu rtsa gsum pa'o// // rgyal por bya ba'i don du phyag bcu drug pa/ bsgom pa dang / stong phrag gcig ba bzlas na gang dang gang gis rgyal po 'thob par 'gyur ram mi 'gyur gyi ltas bshad par bya ste/ rgyal po 'grub par 'gyur ram/ mi 'gyur brtag pa ni bram ze kha dog nag po drung du 'ongs nas slong zhing bgegs byed par nges par 'dod pa byung na nges par de ni dngos grub ster ba ste/ bgegs ji lta ba bzhin du zhi bar byas nas bsgrubs na 'grub bo/ /yang gang dang gang du rgan mo'i gzugs su 'ongs nas mgron bu bzhi slong 88.85a du byung na de ni rdo rje rnal 'byor ma'i sprul pa ste/ 'dir des 'grub par the tshom med do/ /gal te gshan pa lag na me tog thogs pa 'ongs na 'jigs byed bgegs byed du 'ongs pa'o/ /rmi lam du bya rgod kyi rgyu ma za ba mthong na rgyal po 'thob pa'i mtshan ma'o/ /yang thang chen po mthong na yang ngo / /'di ni nag po chen po'i rgyud kyi rgyal po las rgyal po 'grub bam mi 'grub brtag pa'i le'u ste nyi shu rtsa bzhi pa'o// // 'dir gzhan yang yang dag par bshad par bya ste/ bsgrub par 'dod pa'i mi gang gis ji ltar bsgrub na/ 'di ltar 'dir thabs gang dang gang gis dang por lam btsal ba ni lha mo skye bo rnams rab tu brtag par byas nas sa stengs kyi rgyal po de la yongs su bsgrags so/ /lam la sogs pa gang gi dus su zhu ba dbul na dpyid zla tha chungs pa san+ta'i brgyad dam/ bcu'am/ bcu bzhi nas rgyun du bsgrubs na nges par 'di la the tshom med do/ /ri'i rtse la phyin la sngon du gsungs pa'i nag po chen po bsgom zhing sngags 'bum phrag lnga bzlas pa dang / lcags gsum khar bcug nas me tog pad ma stong phrag lnga sbyin sreg byas na nges par 'grub par 'gyur ro/ /dur khrod du phyin nas ro'i steng du bsdad de lag par ral gri bzung la dang por dri dang me tog la sogs pa kha dog bzang po rnams bkram pa'i steng du ral gri bskyur na rnal 'byor pas gang 'dod pa the tshom med par 'dis 'grub par 'gyur ro/ /nges par khang stong du tsartsi kA'i thang sku bkram la sngags stong phrag lnga bzlas pa dang / phyi nas ut+pal stong phrag brgyad sbyin sreg bya ba'i sngags ni/ o~M baM khaN+DA li ni swA hA zhes pa'o/ /de nas sman rtsa ba brgyad pa dang 'o ma mthungs na nges par rgyal por 'gyur ro/ /ston zla ra ba'i tshes lnga la nag po chen po phyag bzhi pa'i thang sku bris la mchod pa chen po byas nas lcags brgyad dang gser las ril bu byas nas khar bcug ste nag po chen po'i gzungs stong phrag gcig 88.85b bzlas pa dang / sha chang la longs spyad pa yis de rnams song nas gzungs 'di bzlas te/ o~M su mu khi su sarba de hi de hi hU~M hU~M tsa Ta tsa Ta/ ri Ta ri Ta/ rAM ku Ta ku Ta/ hU~M phaT swA hA zhes pa zla ba drug gi bar du sbyor bas rgyal por 'gyur te/ gzhan du ni ma yin no/ /gal te lo gcig tu 'khor los sgyur ba'i mtshan nyid chen po 'dzin pa shin du rol pas bzhugs na 'khor los sgyur ba'i rgyal po chen po'i mtshan nyid can du 'gyur ro/ /chu 'gram gyi sa blangs pa dang / dung gi phye ma dang phag pa'i sha rnams stabs gcig tu seng ge byas la yi ge baM khar bsams nas sngags khri phrag gcig bzlas na rgyal por 'gyur ro/ /gal te ma grub na me tog pad+ma stong phrag gcig sbyin sreg byas na 'grub par 'gyur te the tshom med par skye ba 'di la thams cad 'grub par 'gyur ro/ /mtshan ma gcig pa'am dur khrod du phyin la ro'i steng du bsdad nas lag tu ral gri bzung bas tshwa gsum sbyar ba brdungs na rgyal por 'gyur ro/ /shes rab kyis gang 'dod pa'i rjes su 'gro bar bya ba'i phyir mkhas pas brtag par bya'o/ /bsam pa tsam gyis zhi bar bya ba 'grub na lus kyi bya ba 'grub bo/ /'di ni nag po chen po'i rgyud kyi rgyal por bya ba'i le'u ste nyi shu rtsa lnga pa'o// // gzhan yang byang chub sems dpa' sems dpa' chen po shes rab stobs dang lha mo gnyis kyis stabs gcig tu yang dag par gsol ba btab pa/ kye+e bcom ldan 'das gsungs shig /'dod pa dang gti mug gi rang bzhin ji ltar go bar byed/ bcom ldan 'das kyis bka' stsal pa/ lha mo lnga la dbang bskur ba thob pa'i mi gang gis blang bar bya ste/ tshes brgyad dam bcu bzhi la gser srang lnga bshig la maN+Dal gru bzhi pa gcus par zur bzhi ru lha mo bris nas sbyin sreg gi bya ba bya'o/ /shes rab ye shes go bas phyag rgya dang mnyam par rab tu sbyor zhing bza' ba dang btung ba la longs 88.86a spyad na nges par 'grub par 'gyur ro/ /kye+e tshe dang ldan pa shes rab rje mo des nges par gzhan yang nges so/ /'di ni nag po chen po'i rgyud kyi rgyal po las phyag rgya'i dkyil 'khor gyi le'u ste nyi shu rtsa drug pa'o// // bslab pa'i le'u bshad par bya'o/ /bslab pa rab tu gsal bar 'gro ba ji ltar bslab par 'dod pas slob pa'i dus su chang dang sha dang bla ma rdo rje sems dpa'i shes rab la dus thams cad du gnas pas gtsug tor steng gi chu bo la shes rab ces pa dang / rnal 'byor ma zhes par bdag dang gzhan gyi don dang ldan pas bshad par bya ba byed pas zhu ba la phyag rgya ma zhes pa dang / rdo rje'i gnas zhes pa dang / rje mo zhes par the tshom med do/ /sems g.yo 'gul med pa la bslab pa zhes bya'o/ /'di ni nag po chen po'i rgyud kyi rgyal po las bslab pa'i sdom pa'i le'u ste nyi shu rtsa bdun pa'o// // gzhan yang bcom ldan 'das kyis bka' stsal pa/ de kho na zhes pa ni mtshungs pa rgyun du 'gro ba'i sems rjes su gnas pa'i rang bzhin yid la mi byed pa gang la 'phel ba/ de dang ldan pa de dngos po med pa'o/ /u Nu a ra nA hi tat+ta ha lu e te Ni dza hi ka ha wi nA saM ho/ tsi a ra go tsa ra i tsit+ta ha ha thaM bi na su ha la pa ri b+hA si om+ha re kha Na pi na thak+ka o/ udz+dza Ni e le kha sa No/ b+ha Na i b+he o sa wa rat+ta ka hi wi Na ts+tshi T+Thi o zhes pa dang / b+haM bA lo a go a ra tsin+tA g+ha raM g+ha ra g+ha re Ni he Ta mu k+Sha hi o/ ma hA dza nan de wi a so hi Na b+ha Ni o/ bi ha ha da te pa ri b+ha waM te/ ka ha wi na dza i zhes pa 'di dag ni skad ngan pa'i bye brag gis de kho na bshad pa'o/ /'di ni nag po chen po'i rgyud kyi rgyal po las de kho na'i le'u ste nyi shu rtsa brgyad pa'o// //gzhan yang zhing skyes brjod par bya ste/ bram ze'i rigs las skyes pa'i bud med bong ge ring ba/ mig che ba/ kha dog ser skya'am nag po ste/ 'di lta bu'i rnal 'byor mas dag par byed do/ /dmangs rigs las skyes 88.86b pa'i rkang pa 'khyog pa kha dog sngo sangs sam/ ser skya 'am/ nag mo skra 'khyil ba skad 'dzer ba ni mkha' 'gro ma'o/ /rdo rje'i rigs kyang de dang mtshungs so/ /reg mi btub pa las skyes pa'i mtshan nyid thams cad rdzogs pa des khrums stod dang / nag pa dang / sa ri dang / lag dang / chu stod dang / nab so dang / bra nye dang / smin drug rnams las skyes pa'i mi de rnams kyis 'jigs byed chen po'i dngos grub thob par 'gyur ro/ /snar ma dang / mgo dang / mchu dang / skag rnams la yang ngo / /'di ni nag po chen po'i rgyud kyi rgyal po las zhing skyes kyi le'u ste nyi shu rtsa dgu pa'o// // de nas zhing skyong bshad par bya'o/ /gang gis nges par bgegs yod pa'i sar phyin la ji ltar bskyed par bya ba de ltar bskyed pa ni dang por yi ge hU~M gis dmigs la mchod pa sna tshogs pas mchod la/ sdig pa bshags pa la sogs pa bya ba dang / snying gar hU~M yongs su gyur pa las gri gug yi ge k+ShaM dang hU~M gis byin gyis brlab pa'o/ /de rnams yongs su gyur pa las bdag nyid zhing skyong phyag gnyis pa/ gri gug dang thod pa phyag na bsnams pa/ g.yas brkyang gis bzhugs pas khyi mnan pa/ phaT ces pa'i sgra sgrogs pa/ mche ba gtsigs pa/ kha dog sngo nag spyan gsum pa/ dbu skra kham pa gyen du brdzes pa/ stag gi lpags pa na bzar gsol ba/ khrag mthungs pa/ rnal 'byor ma gnyis kyis bskor ba bsgoms nas sngags rgyun du bzlas so/ /chu 'gram gyi sa las phreng ba bya/ Sha Na pa'i skud pa la brgyus pa thogs la/ o~M hU~M tsaM sarba sid+d+hi dA yak+Sha ya swA hA zhes pa zla ba drug bzlas na rnal 'byor pa gang 'dod pa 'grub par 'gyur ro/ /khrag dang / chang dang / sha gsar pa dang / sran ma ma Sha las byas pa'i zan rnams la gtor ma byas de yis nyi ma re sbyin no/ /ljon shing gi drung ngam/ 88.87a dur khrod dam/ chu 'gram rnams su yang de ltar bya'o/ /sa bon yi ge tsaM las zhing skyong ser skya gsum bskyed pa ni rnal 'byor pa dge ba dang mi dge ba'i las rgyun tu so sor byas nas dngos grub bsgrub par bya'o/ /'di ni nag po chen po'i rgyud kyi rgyal po las zhing skyong bzhengs pa'i le'u ste sum bcu pa'o// // rtsa'i 'khor lo bshad par bya'o/ /gsum 'dres pa'i rnal 'byor dang ldan pa'i slob dpon la byang chub sems dpa' chen po gnas pa ste/ rang 'dod spangs pa la yang dag par spyod pa ni a ba d+hU tI dang la la nA dang ra sa nA rnams 'dus par bya'o/ /rtsa drug bcu rtsa bzhi bstan par gyur pa'i nus pa brtsis pa ni la la nA shes rab kyi rang bzhin can du shes pa'o/ /ra sa nA khams bde ba'i rang bzhin can tshod shes pa'o/ /a ba d+hU tI ni bde ba chen po'i rang bzhin can man shes pa'o/ /khams dkar po bskyed pa dang / khams gsum bskyed pa'o/ /aT+Tha uT+The hA nA hA i a/ sa a la saM mo he/ tsa tsa tsi u ha rA dza ne tAM b+hAn+ti o/ nA ha ha nA d+ha saM ku la b+ha wa i swa ra ha b+ha na i kA la/ kA la ha ka ri tsi a naM pa i swA hA/ 'di ni nag po chen po'i rgyud kyi rgyal po las rtsa'i 'khor lo'i le'u ste sum bcu so gcig pa'o// // de nas bcom ldan 'das byang chub sems kyi rdo rjes bdag la smras pa ni sems kyi rang bzhin skad cig ma bcu drug tu yang dag par skye ba de/ ye shes chen po'i rgyu'i rang bzhin no/ /rnam par shes pa dang yul rkang pa gnyis 'du ba la bar du gcod pa'i bu mo la skad cig ma bcu drug 'dzin mar 'dod pa tsha reg dang grang reg ji bzhin no/ /a ha ka ha re/ i Ni bud+d+ha swa b+hA be/ tsit+ta ba Dan+ti bo/ b+ha wA na si la/ u pa lak+kha ma dza dz+heM/ tsI a pa la bi pa phA ra NA kAM ti ma NA/ b+han+ti ka tha naM/ 'di ni nag po chen po'i rgyud kyi rgyal po las dge ba dang 88.87b mi dge ba brjod pa'i le'u ste sum bcu so gnyis pa'o// // de nas bsam gtan gyi bsgrub pa bshad par bya'o/ /gang dang gang gis sems can gyi sdug bsngal dgrol bar shes pa des gro ga la dug dang gcin dang khrag rnams kyis yi ge maM dang raM dang gnyis kyi bar du bsgrub bya'i ming hU~M phaT dang ldan pa'i 'khor lo bris pa/ de dril te mes bsros na skad cig de nyid la sbyor ba des 'chi bar 'gyur ro/ /nang par snga bar langs te gdong bkrus pa dang / o~M ma Ni b+ha drA ya ma hA ka la prA kr-i ti se na pa ta ye/ o~M mi li mi li mAn+d+ha nAM d+ha da dA pa ye swA hA zhes pas phogs bcwa lnga ru byug cing maN+Dal zlum po byas la/ o~M naM dI ma hA kA lA ya badzra puSh+pe hU~M/ zhes pas me tog a pa rA tsi ta nag po dbus su dbul lo/ /o~M kA lA ya ka yak+ShA ya badzra puSh+pe hU~M zhes pas shar phyogs su'o/ /o~M ba DA la mu khA yak+ShA ya badzra puSh+pe hU~M zhes pas lho phyogs su'o/ /o~M a swa mu khA yak+ShA ya badzra puSh+pe hU~M~M zhes pas nub phyogs su'o/ /o~M kr-i mi mu khA yak+ShA ya badzra puSh+pe hU~M zhes pas byang phyogs su'o/ /mtshams rnams su ni ra hu mu khI yak+ShI yak+Shi ya N+yai maM/ sU ka ra mu khI yak+Shi N+yai hU~M/ u lU ka mu khI swa d+hi ta yak+ShI Ne baM/ a su tsa ti ya mu khI ya khI Ne baM zhes pa thams cad la swA hA sbyar bas so/ /phyi nas yang me tog dbus su dbul ba ni/ o~M muk+ta muk+ta ma hA kA lA ya swA hA/ o~M s+pho Ta ka ma hA kA lA ya swA hA/ o~M ku ru ki ta ma hA kA lA ya swA hA/ o~M gA D+ha tsakra ma hA kA lA ya swA hA/ o~M khi Ta gu ru ma hA kA lA ya swA hA/ zhes pa rnams dang bcas pas so/ /gzungs brgya rtsa brgyad kyang bzlas par bya'o/ /phyi nas bzod gsol byas la/ o~M su ga pad ma hA kA lA ya muHzhes pas gshegs su gsol lo/ /'di'i dus su shing nim pa la stan bya/ gos sngon po bgo zhing gzhon nu ma bdun la nyi ma re re zhing ras yug re re sbyin/ rje btsun la me tog a pa rA dzi ta dbul/ bza' ba dang / 88.88a btung ba sngon du gsungs pa ltar bza' btung bya/ de ltar thams cad dus gsum du byas na sangs rgyas thams cad la bsnyen bkur byas pa'o/ /maN+Dal 'di bya rog skad ma bton pa'i dus su langs la bya'o/ /nam gyi cha smad la nag po chen po phyag bcu drug pa bkram la chang 'thung zhing thun tshod re re'i bar du gzungs kyi sngags kyis byin gyis brlab pa'i sbyor ba 'di sgrub pa pos byas na/ rje btsun nag po chen pos zla ba gsum gyi bar la rmi lam ston cing nges par dngos grub kyang 'thob par 'gyur ro/ /sgom chen pa'i gzugs kyi gser srang phyed dang gsum ster bar 'gyur ro/ /zla ba drug gi bar gyis mkha' spyod kyi dngos grub thob cing rim gyis thams cad 'grub ste/ nges par phyag rgya'i dngos grub 'thob par 'gyur ro/ /gal te gcig kyang ma grub na ngas nges par mtshams med pa lnga'i las byas par 'gyur zhing lha thams cad bsad pa dang mtshungs so/ /rgyud 'di ni rnal 'byor gyi cho ga'i bcud thams cad bsdus pa nyid do/ /gal te le'u 'di'i sbyor ba la nye bar gnas nas bsgrubs na skad cig gis khyab par byed pa'i mtshams med pa lnga'i rnam par smin pa nyams su myong bar mi 'gyur ro/ /nye bar longs spyad par bya ba'i mchod sbyin gyi shing ni mtshan nyid dang ldan pa'i thab khung bas cung zad thung ba'o/ /zhi bar bya ba'i don du thang stong gi lci ba blangs la bya'o/ /rgyas par bya ba la rje btsun gyi mdun du ji lta ba bzhin thab bcas la rten du byas pa'i shing 'bras bu dang ldan pa la thab khung dma' bar byas pas so/ /lha mos gsol pa/ kye rje btsun sbyin sreg shing gi bye brag blangs la bsreg par bya ba rnams kyi nang nas mchog tu gyur pa gang lags/ sems can rnams la phan pa dang bde ba'i don du gsungs shig /bcom ldan 'das kyis bka' stsal pa/ de rnams kyi nang nas mchod sbyin gyi shing srog chags med pa/ skam pa/ thab khung bas cung zad 88.88b dma' ba/ sngar bshad pa'i 'bras bu can gyi shing rgyas pa'i thab khung du lci ba spangs pas so/ /mngon spyod la shing ro tsha ba tsher ma dang ldan pas dri zhim pa'am/ dur khrod nas byung ba 'am/ bong bu 'am/ rta la sogs pa'i sbangs skam pos nges par 'grub par 'gyur ro/ /dbang du bya ba la shing dri zhim pa aM pa'i 'bras bu dang / me tog dang ldan pas so/ /dgug pa la shing tsher ma can la sogs pa ste sbyin sreg gi rim pa'i bye brag go/ /lha mos gsol pa/ gal te dngos grub chen po brgyad thob par 'dod pa'i rnal 'byor pas tshes brgyad dam bcu'i dus su gong du gsungs pa ltar maN+Dal byas la sngags stong phrag lnga sha dang chang bza' ba dang btung ba dang bcas te bzlas par bya'o/ /nyal ba'i dus su chang phogs brgya rtsa brgyad du mnyes pas gdong bkrus nas nyal na/ rmi lam du dge ba dang mi dge ba ston no/ /de rnams kyi sngags ni o~M mu swap+na ga ka thA ya hU~M zhes pa'o/ /de ltar min na sngags des lce spyang gi sha la sogs pa chang gis sbags la/ chu nang gi shing me la khri phrag gcig tu sbyin sreg byas na nyal ba'i dus su mar me'i mar gyis sngags brgya phrag gcig bzlas shing rkang pa la byugs te nyal na rmi lam du 'byung ba dang mi 'byung ba nges par shes par 'gyur ro/ /gnyid ma log pa'i dmigs pa'i sbyor ba ni/ o~M ma Ni d+hA ri NI nan+da ya nan+da ya/ swab+na kA tha ya kA thA ya hU~M phaT swA hA/ zhes khri phrag lnga bzlas te rang gi chus gdong bkrus nas bya ba la sems shing nyal na dge ba dang mi dge ba'i don 'byung ba dang mi 'byung ba ston to/ /gzhan yang sngags pas sbyor bas bsgrub par bya ba ni cho ga'i rim pa ji lta ba bzhin du/ rnga mo la sogs pa 'am/ ba lang ngam/ ma he rnams dang stabs gcig tu 'gro zhing / sngar gyi sngags mchog bzlas na the tshom med par 'grub par 'gyur ro/ /grong khyer gyi phyi rol 88.89a lam/ ldum ra 'am/ mtshan ma gcig pa 'am/ dur khrod rnams su dus thams cad du phyin la rnal 'byor pa gsum mam lnga dang stabs gcig tu chang dang sha la bde bar longs spyad la/ de nas khyim du 'ongs la/ kun du ru'i sbyor ba byas nas ji ltar 'byor pa'i rdzas kyis gtor ma gtang ste/ sems kyi bya ba byas la nyal na/ 'jigs byed chen pos nges par dge ba dang mi dge ba'i rmi lam ston zhing ril bu dang bkra shis pa'i gnas dang / tshe lo lnga brgya thub pa'i sman rnams the tshom med par mngon sum su ster bar 'gyur ro/ /rims gzhom pa ni yi ge hU~M brjod cing sman dza yan+ta'i rtsa ba bza' bar byas na the tshom med par zhi bar 'gyur ro/ /yang o~M a mo g+ha ri ti ma hA kA lA hU~M phaT phaT/ ki li ki li/ ma ra ma ra/ kA ra ya kA ra ya/ sa ma sa ma/ tsa ma tsa ma/ da ma da ma/ dz+wa ra me kA hi kaD+D+h+ya hi kaD+D+h+ya ta kiM tsa turba kaM/ mA si kaM/ ma d+ha mA si kaM/ be+et+ti kaM/ kleSh+mi kaM/ hU~M ta dzaM/ bai tA DAM/ ha na ha na/ shAn ti ma mu ka s+ya ku ru ha hA hi hI hu~M hA~M he hai ho ho haM haHzhes bzlas pa dang / dbugs phyed la skud pa bsgrims pa la mdud pa byas la skra la btags na/ nad rims rab tu zhi bar 'gyur ro/ /yang o~M ma hA kA la shu tsi ra pu wi rwa spu ra bar+d+ha na hU~M phaT swA hA/ zhes pa'i sngags kyi rgyal po chen po yi ge bcu bdun pa 'di 'bum phrag gcig bzlas nas bsgrub par bya ba ni/ sman ga la ra Ta dang / su pa la na dang / ma hAn+ta ra dang / i k+kha ra ya wa dang / sa ma Ta ra Ni dang / a la wu dang / nI ra ka la dang / kAM TA hA pI ka dza dang / chu shing gi 'bras bu dang / sbrang dang / Ta su rI dang / mu ti ri dang / sa p+ta dang / li dang / a~M ga ba lI dang / ra Na sA su ra dang / phe Ta wA ra dang / g+ha na Ta ka pha la dang / su mu ri dang / tsan+d+ra ma su ri dang / u b+hak+ta tsi dang / la Ta kI dang / te na ha dang / tsar+Ta pri dang / puk+Sha yA dang tsa ra Ta dang / ma di ra bI dza dang hAM/ suM pha la 88.89b dang / ha sgor dra bya ne ha ra dang / sud+d+ha mu Ni prA tsAr+ya pha la dang / aM mra pha la dang / pra ha ri dang / kun+d+hi li tsa lI dang / dza la tsa ra Dib+ba dang / hang+sa Dib+ba dang / mA ga Ta dang / bu ma la ha dang / a yan ta pha la dang / kany+dza ru dang / pu ga dang / a mu ga la dang / g+han pA ra mA na sA dang / rnal 'byor pas rdzas bzhi bcu po de rnams bzung la/ zla ba dang / nyi ma gzas bzung ba'i dus su de rnams cha mnyams la lto stong la mid nas ji srid grol gyi bar du sngags bzlas na skad cig de nyid la 'chi ba med de mkha' spyod kyi dngos grub 'grub par 'gyur ro/ /gal te ma grub na sgrub pa pos zla phyed bskyar na lo stong phrag gcig tu 'tsho zhing dngos grub chen po brgyad rnams las gang 'dod pa de 'grub par 'gyur ro/ /zla ba dang nyi ma gzas gtong ba'i dus su gong gi bya ba byed pa des the tshom med par thams cad mkhyen pa dang mtshungs pa'i sangs rgyas 'thob bo/ /gal te dngos grub 'di ma grub na sangs rgyas dang chos dang dge 'dun rnams rnam par smad pa yin no/ /de'i phyir tshig mang pos dgos pa med de/ gang gis de rnams las 'di mthong ba la nye bar gnas par mi byed pa'i mi de/ sdig pa'i gong bu dang mtshungs par rig par bya ste/ skye ba 'dir dgrol bar mi nus so/ /le'u 'di ni dad pa dman pa rnams la gsal por bsgrag par mi bya'o/ /gal te gsal por bsgrags na slob dpon des de bzhin gshegs pa lnga rnam par nyams par byas pa'o/ /le'u 'di mthong ba tsam yang rnyed par dkon no/ /sman b+han duM dang / kI raM dang / ma ka ri dang / su mi taM dang / pra b+haM DaM rnams zla ba dang nyi ma gzas bzung dus su zos na ngag gi dbang phyug 'grub par 'gyur ro/ /ljon shing pu na la'i rtsa ba dang / sa ga ra'i 'dab ma dang / pa ra da rnams dang / tsha ba'i mar dang yang dag par ldan pa gzas bzung ba'i dus su zos na thos pa tsam gyis 'dzin par nus pa dang / bklags pa tsam gyis zin par nus pa dang / the tshom med par tshigs su bcad pa rtsom par nus par 'gyur ro/ / 88.90a sman bra h+mi tsu Ta dang / b+ho TA ra lA dang / thang shing gi khu ba dang / stobs gcig tu 'thungs na paN+Di tar 'gyur ro/ /shu dag dang / mA ni dang / lga dang / go snyod dang / kam+Ta badzra ma li rnams sbrang dang sbyar te zos na/ skad cig gis paN+Di ta chen por 'gyur ro/ /o~M mA hrIHzhes pa'i sngags 'di gzas bzung ba'i dus su sman bdar khar bcug ste ji srid btang gi bar du bzlas na nyin re zhing tshigs su bcad pa brgya phrag re re zin par 'gyur ro/ /sngags stong phrag gcig bsnyen pa bskyal nas lag pa'i mthil drul te chu khyor ba gang 'thungs na dbyangs can ma 'grub par 'gyur te/ nges par thos pa tsam gyis zin par 'gyur ro/ /sngags 'di khri phrag gcig sbyin sreg byas na gsung chen po tshig dag pa yang thob par 'gyur ro/ /'di ni nag po chen po'i rgyud kyi rgyal po las dbyangs can ma'i cho ga bsam gtan gyi bsgrub pa'i le'u ste sum bcu so gsum pa'o// //gzhan yang gzhon nu mas rtsi ba'i le'u bshad par bya'o/ /madz+j+heM ha ri pu ha u ra ha ri o/ an+te a ru dzu u ra pa si o/ dza dzA dza ta tha ma dzA i o ta k+kha Na ho/ i Nu pA wi o ka ha naM/ a ra wA ra Ni yut+ti a nA hi o/ su ti o pa i Ti u se sa wak+kA na te sa ka khu sa hi o/ dzaM ha u dA tha a ha o/ ka ha ka ha ta ga kha Nu ka hi o/ 'di ni nag po chen po'i rgyud kyi rgyal po las gzhon nu mas rtsi ba'i le'u ste sum bcu so bzhi pa'o// //gzhan yang rim gyis sna'i rgyu ba gnyis gcig tu bya ste/ brgyus na lha rnams kyang 'chi bar 'gyur bas so/ /dper na grong khyer gyi skye bo mi shes pa rnams kyis khrims dang 'gal ba byas te/ yul nas 'thon pa dang skrag cing dngangs pas de rnams bros kyang srog dang 'bral bar 'gyur ba ltar ro/ /'di ni nag po chen po'i rgyud kyi rgyal po las mnyam par sbyor ba'i le'u ste sum bcu so lnga pa'o// // gzhan yang gi wang 88.90b dang / sA ShA dang / tso Na dang / pre ta rnams cha bsnyams nas khar bcug ste sngags bzlas na 'das pa dang ma 'ongs pa'i don nges par shes par 'gyur ro/ /yang 'gi wang dang su kha da yI dang / pa ra so d+hA nI dang / ha pu ru ru dang / a ru dU ni rnams dka' ba spyod pas cha bsnyams nas ril bu bya ste/ mid na skad cig de la 'das pa dang ma 'ongs pa'i don shes par 'gyur ro/ /yang yung ba dang / se na dang / ra Na pa Na rnams kyi khu bas mig gnyis la byugs na 'jig rten gsum na gnas pa shes shing mthong bar 'gyur ro/ /yang a sha mU li dang / dza yan+ta mu la dang / paN+Da ta ka ra mU la rnams zla ba dang / nyi ma gzas bzung ba'i dus su khu ba la bsnur nas/ bya ba thams cad bsngogs la khar bcug ste sngags bzlas so/ /phyi nas kha'am gsang ba'i lam du bcug na nges par 'das pa dang ma 'ongs pa'i don shes par 'gyur ro/ /gal te mi shes na ngas mtshams med pa lnga byas pa'o/ /ljon shing gang dang gang gi rtsa ba zil pa'i chu la bsnur na kha dog bzang por 'gyur ro/ /'di ni nag po chen po'i rgyud kyi rgyal po las kha dog 'byung ba'i le'u ste sum bcu so drug pa'o// //gzhan yang rengs par bya ba'i sngags bshad par bya'o/ /o~M dza la ya wa hU~M zhes pa 'bum phrag gcig bzlas na 'das pa dang ma 'ongs pa'i don shes par 'gyur ro/ /o~M wa ra wa ra/ pra wa ra pra wa ra hU~M zhes pa khri phrag gcig bzlas te phyi nas phogs bdun bzlas shing gdong bkru ba dang btung bar byas na/ thos pa tsam gyis zin pa dang / bklags pa tsam gyis zin par 'gyur ro/ /o~M pra wa ra hraHrab tu dgug pa'i sngags so/ o~M pA su ga ya li hU~M bskrad pa'i sngags so/ /o~M kha Ta pa tsa tra hraHgsad pa'i sngags so/ /o~M ru a swA sa bi du paH/ rmugs par byed pa'i sngags so/ /o~M haHhaHdzaHdgug pa'i sngags so/ /o~M he 88.91a tiSh+Tha he baHhU~M mkha' 'gro ma 'ching ba'i sngags so/ /o~M mAM raM ha 'byung po 'ching ba'i sngags so/ /o~M AHswA hA bya khyung bcing ba'i sngags so/ /o~M mAM hU~M bya skrad pa'i sngags so/ /o~M dz+waM raM me rengs par bya ba'i sngags so/ /o~M dzaM dzaM dzaM chu rengs par bya ba'i sngags so/ /o~M haM dzaM yaM swA hA ral gri rengs par bya ba'i sngags so/ /o~M dzaM maM raM khu ba rengs par bya ba'i sngags so/ /bcom ldan 'das kyis bka' stsal pa/ dben pa'am rdo rje'i khyim mam khang stong rnams su'o/ gzhan du ni ma yin no/ /nag po chen po'i dkyil 'khor bsgoms la bya ba thams cad bya ba ni chang dang sha dang khrag dang ba lang sha rnams dang bcas pas sru mo dang / ne ne mo dang sring mo dang / tsha mo dang ma yar mo dang / bu mo dang / zhang po'i chung ma rnams la/ rnal 'byor pas snyoms par 'jug pa ni dang po ske nas 'khyud de/ mchu nas sos bzung la nu ma la sen mos brud mtshan mar sor mo gzhug go/ /de nas bskyod pa dang des b+ha ga tsum pa na bya'o/ /o~M gau ri ban d+ha mu hraM sarba gau ri ta/ dz+nyA naM da dA maN Da le s+phA Ta ye hU~M hU~M hU~M phaT phaT phaT swA hA/ zhes pa ni rnal 'byor ma byin gyis brlab pa'i sngags so/ /blo gros can gang gis 'di rnams byed pas nges par bde ba thams cad 'grub par 'gyur ro/ /bza' ba dang btung ba dang ldan par rnal 'byor ma dang stabs gcig na/ lha mo u mA the tshom med par spyan drangs par 'gyur ro/ /dgun gyi dus na me tog ban d+hu spyi bor btags na spyan drangs par 'gyur ro/ /'di ni nag po chen po'i rgyud kyi rgyal po las rengs par bya ba'i sngags kyi le'u ste sum bcu so bdun pa'o// // gzhan yang mi rnams zhi bar bya ba'i sbyin sreg bshad par bya ste/ thab khung gru bzhi pa gting du khru phyed brus par sbyin sreg stong phrag bdun bya 88.91b ba ni ji ltar rnyed pa'i me tog gis o~M k+ShaM sa ma sid+d+he d+ha pa ya hrAM swA hA zhes pa dang bcas par gzhan du mi sems par ro/ /ar+g+ha dbul sbyin sreg thams cad du mar dang sbrang rtsi dbul lo/ /gal te ma grub na rgyud thams cad du bshad pa'i sems can thams cad la phan par mdzad pa po btags pa de rnams mi rigs par 'gyur ro/ /'di ni nag po chen po'i rgyud kyi rgyal po las sbyin sreg gi le'u ste sum bcu so brgyad pa'o// // de nas yang lha mos gsol pa/ kye+e bcom ldan 'das mi la bde ba ster bar 'gyur ba'i theg pa gang dang gang gi de kho na nyid nges par nyan par 'tshal bas sgrub pa po gang dang gang gis bza' ba dang btung ba la longs spyad na lus 'grub pa la/ gal te gshe bar byed pa la chad pa ma bcad na/ ye shes 'byung bar 'gyur ram/ bka' stsal pa/ gang dang gang gis khyod kyis chang 'thungs pa dang sring mo blangs pa dang sha chen po zos pa zhes smra na/ de'i tshe shing su b+ha any+dza na'i rtsa ba brdungs pa chang gis phrul pa la bsgrub bya'i gzugs brnyan byas te de'i khar chang blugs nas phyis gsus pa la sngags bri zhing bzlas par bya ba ni/ o~M ka ma le bi ma le/ ra twAM sma rA mi che ge mo las/ ba wa ma d+yA mAn sa~M ha~M ha~M haHhaHzhes pa'i sngags dran pa tsam gyis chang dang sha nges par skyug par 'gyur ro/ /de'i phyir che ge mos sring mo blangs pa la sogs pa gang gis kyang smra bar mi nus shing / rang gi lus rnam par dag par yang byed do/ /'di ni nag po chen po'i rgyud kyi rgyal po las ston mo dang shes rab mas rnam par dag par byed pa'i le'u ste sum bcu so dgu pa'o// // yang bcom ldan 'das kyis bka' stsal pa/ nyan thos la sogs pa'i rim pas tshangs par spyod pa la brtan par gnas pa yongs 88.92a su spyad par byas nas nyi ma rgas pa dang / chen por gnas pas thams cad rab tu phye la/ rnga bo che dang / rnga pa Ta ha dang / pa Ta ha chen po dang / rdza rnga dang / rdza rnga chen po dang / tam bu ra dang / gling bu la sogs pa'i sgra rdung lugs sna tshogs pa dang / dri za rjes kyi glu la sogs pa'i sgra dang gar thams cad yongs su rdzogs par bya zhing dam tshig can dang stabs gcig tu gnas la/ phyi nas thams cad byin gyi brlabs pa'i sngags ni/ o~M a shru Ni pra hU~M/ zhes pa 'di brjod na nges par nag po chen po'i byin gyis brlabs the tshom med par 'byung ngo / /slad kyis thams cad 'grub par 'gyur ro/ /'di ni nag po chen po'i rgyud kyi rgyal po las rol mo'i rgya mtsho zhes bya ba'i le'u ste bzhi bcu pa'o// // gzhan yang rab tu sbyor ba'i le'u bshad par bya'o/ /dus shes pas shes bya thams cad rkang par mnan par bsams pas brlag par 'gyur ba ni shes pas bde ba thob par ji ltar bya na/ bsgom bya sgom byed sgom pa spangs la/ brtan par gnas pa'i sbyor ba bsam du med par mthar gtugs kyi bar du nges par bya'o/ /'di ni nag po chen po'i rgyud kyi rgyal po las rab tu sbyor ba'i le'u ste bzhi bcu rtsa gcig pa'o// // gzhan yang byol song bskrad par bya ba'i sngags bshad par bya ste/ o~M dzaM dzaM zhes pa dran par byas na glang po che 'bros par 'gyur ro/ /haM ra zhes pa dran par byas na khyi 'bros par 'gyur ro/ /praHpraHzhes pa dran par byas na rta 'bros par 'gyur ro/ /Ta hU~Mzhes pa dran par byas na seng ge 'bros par 'gyur ro/ /e hi DaM sa Na haHzhes pa dran par byas na sbrul 'bros par 'gyur ro/ /muHzhes pa dran par byas na spre'u 'bros par 'gyur ro/ /gau wa gaHzhes pa dran par byas na glang 'bros par 'gyur ro/ /sa ku lu ku lu zhes pa dran par byas na rgyal pos cung zad kyang gnod pa bya bar nus par mi 'gyur ro/ / 88.92b 'di ni nag po chen po'i rgyud kyi rgyal po las byol song bskrad pa'i le'u ste bzhi bcu rtsa gnyis pa'o// // gzhan yang mnyam par sbyor bas rje btsun rtogs te/ mchog tu zab pa la mnyam par sbyar na rang bzhin bde ba mchog tu 'gyur ba skye bas so/ /bde ba thob par byed pa ni sems ma yin zhing sems las byung ba yang ma yin no/ /dngos po dang dngos po med pa yang rtogs pa dang mi ldan pa blon po gcol chung mchog tu zab pa gang gis mi shes pa'i mi des gnyis su med pa'i ye shes tshig tsam du yang dran par mi 'gyur ro/ /'di ni nag po chen po'i rgyud kyi rgyal po las/ mnyam par sbyor ba'i le'u ste bzhi bcu rtsa gsum pa'o// // gzhan yang rnal 'byor gyi le'u bshad par bya ste/ steng 'og yang dag par mnan te/ lte ba'i dbus su zla ba bsgoms na zla ba drug gis nges par 'grub par 'gyur ro/ /sna'i bug pa bkag ste thig le bsgoms na nyin zhag nyi shu rtsa gcig gis 'grub par 'gyur ro/ /lce stengs su bkug na rgas pa dang shi ba las grol bar 'gyur ro/ /dgang ba dang / dbyung ba dang / bum pa can rim pa ji lta bar dran par byas na zla ba phyed kyis mkha' spyod 'grub par 'gyur ro/ /rlung gis yid bsad pa la zla ba'i sbyor ba bya ba ni sngags kyi sbyor ba rnam par byed pas skad cig tsam gyis kyang 'phrog ste/ lag pa rab tu gcag par bya'o/ /'di ni nag po chen po'i rgyud kyi rgyal po las rnal 'byor gyi le 'u ste bzhi bcu rtsa bzhi pa'o// // 'dir rnal 'byor pa gza' rnams kyi gtso bo bsgrubs nas yang dag pa'i bde ba shin tu khyab par byed pa'i sbyin sreg bya ste/ bdag nyid la gur gum dang / sman ha re Nu dang khu ba dang dngul chu rnams lus la byugs na phas kyi dpung 'joms par 'gyur ro/ /'di ni nag po chen po'i rgyud kyi rgyal po las phas kyi dpung 'joms pa'i le'u ste bzhi bcu rtsa lnga pa'o// // gzhan yang lha mos 88.93a gsol pa/ kye+e bcom ldan 'das nyi ma gang dang gang la sngags dang sman gyi nus pa 'grub par 'gyur gsungs shig nyan par 'tshal lo/ /bcom ldan 'das kyis bka' stsal pa/ nyi ma thams cad bzang po yin te/ 'on kyang dus tshod la ltos par rigs pas de'i phyir dus tshod brjod par bya'o/ /nyi ma ni lnga pa la'o/ /zla ba ni gnyis pa la'o/ /gza' rnams kyi gtso bo ni bdun pa la'o/ /sngags pa ni bzhi pa la'o/ /gza' lhag pa ni gsum pa la'o/ /mig dmar ni drug pa la'o/ /spen pa ni gcig pa la ste/ rang rang gi dus tshod nges par 'grub par 'gyur ro/ /'di ni nag po chen po'i rgyud kyi rgyal po las gzung ba dang dor ba'i le'u ste bzhi bcu rtsa drug pa'o// gzhan yang nang gi bdag nyid can gyis rmi lam brtags la sems can rnams kyi rmongs pa dang bral ba'i dus tshod dang rab tu ldan par bya ba'i phyir gza' dang / skar ma dang / tshes grangs kyi go rim brjod par bya ste/ nag po'i phyogs kyi bcu bzhi 'am/ brgyad dam/ bcu 'am/ tshes gcig rnams kyis ri dang / chu stod dang / me bzhi dang / skag dang / mchu dang / nag pa dang / tha skar dang / bra nye dang / smin drug rnams dang rab tu ldan par bya'o/ /'di ni nag po chen po'i rgyud kyi rgyal po las skar ma'i le'u ste bzhi bcu rtsa bdun pa'o// // gzhan yang nam yid ches pa'i dus su mkhas pas rgyu ba'i rtsa gnyis mnan par bya zhing / shin tu dga' ba la sogs pa la nye bar gnas nas shes bya thams cad lte ba'i dkyil 'khor du mnan na 'gro ba rnams kyi bde ba the tshom med par thob pa ni yul rnams ye shes kyi mes bsregs nas sgyu ma snang ba'o/ /ma 'ongs pa'i dus na 'ang 'gro ba rnams kyis shin tu yongs su dag pa dri ma med pa bsam du med pa'i zhing bzang por skye bar 'gyur ro/ /rnal 'byor 'dis 'o ma 'thungs na lbu ba ltar dri ma med par 'gyur ro/ /rlung phyir 'don cing dag par byas na dge ba bsam 88.93b pa 'grub par 'gyur ro/ /'di ni nag po chen po'i rgyud kyi rgyal po las dge ba bsam pa'i le'u ste bzhi bcu rtsa brgyad pa'o// // lha mos gsol pa/ bcom ldan 'das lam gyi cho ga'i rim pa bshad du gsol/ gang gis gang sbar la sbyin sreg bya/ snying rje dang ldan pas sems can thams cad bde ba la ji ltar dgod/ dang por dngos grub 'dod pa'i sngags bzlas pa byas nas sbyin sreg bya'o/ /myur ba ni rtag pa bstan na bde ba'i rang bzhin ye shes go ste/ skad cig de la lus can rnams kyis ye shes 'thob par 'gyur ro/ /'di ni nag po chen po'i rgyud kyi rgyal po las lam gyi cho ga'i rim pa'i le'u ste bzhi bcu rtsa dgu pa'o// // gzhan yang a tharba sha ba rI'i sngags kyi le'u bshad par bya'o/ /o~M sarba man+t+ra Ni dA naM k+She maM raM hU~M k+ShaHhaHzhes pa'i sngags kyi rgyal po 'di phogs gcig bklags pa tsam gyis sgrub pa po rnams kyi sdig pa thams cad tshegs med par zad par 'gyur ro/ /'di ni dpal nag po chen po'i rgyud kyi rgyal po las a tharba sha ba rI'i sngags kyi le'u ste lnga bcu pa rdzogs s+ho// //ldang 'bul gyi gtsug lag khang chen po ra sa ra mo cher pha rgyal khams pas zhus pa'i don du/ paN Di ta chen po sa man+ta shrI dang / zhu chen gyi lo ts+tsha ba rwa dge slong chos rab kyis bsgyur cing zhus te gtan la phab pa'o/ /ye d+hArmA he bu d+ha wA he tun+te ShAn ta tha ga to h+ya ba data te Shany+tsa yo ni ro d+ha e ba~M ba dI ma hA shra ma NaH/ mang+ga la~M b+ha ba tu/ shu b+ha~M mastu sarba dzA ga ta~M/ shub+ha~M// // |