J413

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J413</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J413&coll=lithang">see text in Tibetan script</a></table>87.285b<br><font size=+1>

@#/ /rgya gar skad du/   e ka bI rA khya shrI tsaN+Da ma hA ro Sha Na tan tra rA dza nA ma/   bod skad du/   dpal gtum po khro bo chen po'i rgyud kyi rgyal po dpa' bo gcig pa zhes bya ba/  bcom ldan 'das dpal gtum po khro bo chen po la phyag 'tshal lo/ /'di skad bdag</font><hr>87.286a<br><font size=+1>

gis thos pa dus gcig na/ bcom ldan 'das rdo rje sems dpa'/  de bzhin gshegs pa thams cad kyi sku dang / gsung dang / thugs kyi snying po rdo rje dbyings kyi dbang phyug ma'i b+ha ga rnams la bzhugs so/ /dpag tu med pa'i rdo rje rnal 'byor pa dang / rnal 'byor ma'i tshogs rnams kyang ngo / /'di lta ste/ mi g.yo ba dkar po'i rdo rje rnal 'byor pa dang / mi g.yo ba ser po'i rdo rje rnal 'byor pa dang / mi g.yo ba dmar po'i rdo rje rnal 'byor pa dang / mi g.yo ba ljang gu'i rdo rje rnal 'byor pa dang / gti mug rdo rje ma'i rdo rje rnal 'byor ma dang / phra ma rdo rje ma'i rdo rje rnal 'byor ma dang / 'dod chags rdo rje ma'i rdo rje rnal 'byor ma dang / phrag dog rdo rje ma'i rdo rje rnal 'byor ma dang / de lta bu la sogs pa'i rnal 'byor pa dang rnal 'byor ma bye ba khri brgya stong rnams so/ /de nas bcom ldan 'das rdo rje sems dpa' mi g.yo ba nag po'i ting nge 'dzin la snyoms par zhugs nas 'di nye bar gsungs so/ /dngos dang dngos med rnam grol ba'i/ /gcig pu de ni dga' bzhi'i mchog /rnam par rtog pa kun spangs pa'i/ /spros pa med pa'i rang bzhin nga / /rmongs pa gang gis nga mi shes/ /lus dang ngag rnams kun la gnas/ /nga ni de rnams phan don phyir/ /rnam pa lnga yis yang dag gnas/ /de nas bcom ldan 'das ma rdo rje dbyings kyi dbang phyug ma zhe sdang rdo rje ma'i ting nge 'dzin la snyoms par zhugs nas 'di nye bar gsungs so/ /stong dang snying rje dbyer med pa'i/ /lha yi 'dod pas bde bar gnas/ /bdag ni kun rtog rnam par bral/ /spros pa med cing g.yo ba med/ /bud med gang gis nga mi shes/ /bud med kun gyi lus la gnas/ /bdag ni de rnams phan don phyir/ /rnam pa lnga yis yang dag gnas/ /de nas bcom ldan 'das mi g.yo ba nag po la/  bcom ldan 'das ma zhe sdang rdo rje mas dam du 'khyud</font><hr>87.286b<br><font size=+1>

nas tsum par mdzad de/  gsol ba btab pa dang / lha mo lha mo dga' chen mo/ /gsang ba shin tu'ang rnyed dka' ba/ /snying po las snying mchog gi gtso/ /sangs rgyas kun gyis legs gsungs pa/ /rgyud kyi rgyal po dbang phyug mchog /dga' ma rgyud chen mnyam par gyis/ /dpa' bo gcig pu zhes bya bas/ /sems can dngos grub myur du 'grub/ /dkyil 'khor ma mthong ba rnams la/ /rgyud 'di rab tu bstan mi bya/ /dkyil 'khor gzhan du zhugs pa la'ang / /rgyud 'di bstan par mi bya'o/ /gang zhig gtum po khro bo yi/ /dkyil 'khor rab zhugs mnyam bzhag cing / /dad dang brtson 'grus mchog ldan la/ /gtum po'i rgyud 'di bstan par bya/ /bla ma la gus snying rje can/ /sngags kyi theg par mchog tu gzhol/ /gtum po'i dbang phyug la rtag gus/ /de la rgyud 'di bstan par bya/ /rnal 'byor pa gang la la zhig /'dod brkam sangs rgyas slu byed pas/ /gtum po'i dkyil 'khor ston byed cing / /bla med rgyud ni ston byed na/ /de ni nad chen gyis gzir nas/ /bshang gci'i dri mas gos par byed/ /zla ba drug gi nang du ni/ /de ni 'chi ba'i sdug bsngal 'gyur/ /de phyir gshin rje'i pho nyas bzung / /dus kyi zhags pa'i dbang du 'gyur/ /gang tshe sdig can dmyal bar 'khrid/ /sangs rgyas kyis kyang bsrung mi nus/ /lo ni 'bum du de sdug bsngal/ /gal te myong 'gyur las zad kyang / /gal te mi ru skyes na yang / /rdo rje'i gnam lcags kyis de 'jig /sngags rig brtul zhugs can gyis ni/ /de phyir dkyil 'khor legs bris nas/ /de nyid sngon du yongs brtags pa'i/ /slob ma bzang po rab gzhug bya/ /'jig rten gsum du rnyed dka' ba'i/ /rgyud ni de phyir bstan par bya/ /gang yang ma thos rgyud 'chad pa/ /de yang 'og tu 'gro 'gyur zhing / /gal te sangs rgyas dang</font><hr>87.287a<br><font size=+1>

mtshungs kyang / /de yi gdong du rnam smin 'gyur/ /slob ma dad pa dman pa dang / /the tshom za bas nyan byed na/ /mgo bor rdo rje'i thog ltung ba/ /char 'bab dus su the tshom med/ /mchog gi zhal mnga' lha mo la/ /bdag gis 'di ni bden par bshad/ /dpa' bo gcig nyid rgyud 'di ni/ /gtum po khro bo shin du gsang / zhes pa ni dpa' bo gcig pa nyid du gsungs pa'i/ dpal khro bo gtum po chen po'i rgyud las/  rgyud la 'jug pa'i rim par phye ba zhes bya ba ste dang po'o// // de nas bcom ldan 'das ma zhe sdang rdo rje mas/ gtum po chen po khro bo la dam du mkhyud nas gsol pa/ dkyil 'khor gyi ni bya ba la/ /gang gi tshad kyis bri bar bya/ /de bzhin de dbus bri bya ba/ /gang yin gtso bos bdag la gsungs/ /de nas bcom ldan 'das kyis bka' stsal pa/ /dkyil 'khor tshad du gang gyur pa/ /khru gang dang ni khru do dang / /khru gsum pa dang khru bzhi pa/ /khru lnga'i tshad las lhag mi bya/ /gang du de yi rdul tshon nyid/ /kha dog sna tshogs kyis byas pa/ /gru bzhi pa la sgo bzhi pa/ /rta babs bzhi yis rnam par brgyan/ /sgo ni brgyad cha nyid du ni/ /de yi tshad du rab tu brtag /sgo yi tshad kyis sgo khyud dang / /de yi phyed kyis 'gram dang ni/ /logs dang de bzhin stegs bu dang / /dra ba dra phyed snam bu rnams/ /rtsa ba'i thig gi phyi rol du/ /de yi phyed kyi rdul tshon sa/ /rdo rje'i phreng ba nyid dang ni/ /ka ba brgyad ldan brtag par bya/ /sgo yi sum 'gyur nyid kyis ni/ /sgo yi rta babs mchog tu bya/ /mchog tu sna tshogs rdo rje bri/ /rdo rje'i ra ba khor yug ldan/ /dpag bsam shing sogs dang ldan pa/ /khro bo gtum po'i dkyil 'khor la/ /dkyil 'khor 'khor lo'i rnam pa la/ /'phar ma gcig pa nyid du bya/ /de yi shar phyogs phyogs brgyad la/ /sna tshogs pad ma yang dag bri/ /dbus ma dang dgu de dbus su/ /ral gri sngon po rdo rjes mtshan/ /rdo rje gri gug thod bcas 'og /</font><hr>87.287b<br><font size=+1>

shar du 'khor los mtshan pa yi/ /ral gri kha dog dkar po bri/ /lho ru kha dog ser po yi/ /rin chen dang bcas yang dag bri/ /nub tu kha dog dmar po yi/ /pad ma dmar pos mtshan pa dang / /byang du ral gri rkyang pa yi/ /kha dog ljang khu yang dag bri/ /'khor lo dkar pos mtshan pa yi/ /gri gug me yi mtshams su bri/ /rin chen ser pos rab mtshan pa/ /bden bral du ni bri bar bya/ /pad ma dmar pos rab mtshan pa/ /rlung du de bzhin bri bar bya/ /dbang ldan kha dog ljang khu yi/ /ud pal sngon pos mtshan pa bri/ /zla ba nyi ma'i steng gnas pa'i/ /mtshan ma thams cad rab tu brtag /rdul tshon dkyil 'khor sgrub thabs 'di/ /bdag gis 'jig rten don phyir bshad/ /yang na dkyil 'khor bri bya ba/ /ras ris tshul du bri bar bya/ /sngon bzhin dkyil 'khor bri byas nas/ /dbus su mi g.yo mthing nag bri/ /zhe sdang rdo rje mas 'khyud pa/ /shar du mi g.yo dkar po bri/ /mi g.yo ser po de bzhin lhor/ /nub tu mi g.yo dmar po bri/ /byang du mi g.yo ljang khu bri/ /me mtshams gti mug rdo rje dkar/ /bden bral phra ma rdo rje ser/ /rlung du 'dod chags rdo rje ma/ /lha mo dmar mo yang dag bri/ /dbang ldan phrag dog rdo rje ma/ /ljang bri ras bris dkyil 'khor la/ /de nas dkyil 'khor la sngags kyis lhag par gnas par bya ba ni/ o~M shrI tsaN+Da ma hA ro Sha Na sa pa ri wa ra sa hi ta/ A gats+tsha A gats+tsha dzaHhU~M ba~M hoH a tra maN+Da le/ a d+hiSh+ThA na~M ku ru hU~M phaT swA hA/ 'dis kun nas dgug pa dang / rab tu gzhug pa dang / bcing ba dang / dbang du byas te/  mchod par bya'o/ /de nas sngags kyi mchod par gyur pa ni/ o~M krISh+NA tsa la puSh+pa~M pra tIts+tsha hU~M phaT/ o~M shwe tA tsa la puSh+pa~M pra tIts+tsha hU~M phaT/ o~M pi tA tsa la puSh+pa~M pra tIts+tsha hU~M phaT/ o~M rak+tA tsa la puSh+pa~M pra tIts+tsha hU~M phaT/ o~M sh+yA mA tsa la puSh+pa~M pra tIts+tsha hU~M phaT/ o~M dwe Sha badzri puSh+pa~M pra tIts+tsha hU~M phaT/ o~M mo ha badzri puSh+pa~M pra tIts+tsha hU~M phaT/ o~M bi shu na badzri puSh+pa~M pra tIts+tsha hU~M phaT/ </font><hr>87.288a<br><font size=+1>

o~M rA ga badzri puSh+pa~M pra tIts+tsha hU~M phaT/ o~M IR+Shu badzri puSh+pa~M pra tIts+tsha hU~M phaT/ de bzhin du/ dI pa~M dang / d+hU pa~M/ gan+d+ha/  nai be d+ya~M/ de lta bu'i nye bar spyad pa lngas dkyil 'khor la mchod par bya'o/ /gang tshe dbus su mi g.yo dkar/ /gti mug rdo rje ma dang bcas/ /de yi dkyil 'khor nyid du shes/ /de bzhin mi g.yo ser la sogs/ /rnal 'byor lnga yi rab dbye bas/ /dkyil 'khor lnga ru brtag par bya/ /sems nyid rtse gcig gyur pa yis/ /sngon du bsnyen pa brtsam par bya/ /dkyil 'khor rab bzhugs rnal 'byor ma/ /rnal 'byor dang ni yang dag ldan/ /phan tshun du ni phyag byas nas/ /bza' ba sha dang chang yang bya/ /zhes pa ni dpa' bo gcig pa nyid du gsungs pa'i dpal khro bo gtum po chen po'i rgyud las/ dkyil 'khor gyi rim par phye ba ste gnyis pa'o// // de nas bcom ldan 'das mas gsol pa/ /slob ma ji lta bu nyid la/ /rgyud 'di rab tu sbyar bar bya/ /the tshom med par bya ba nyid/ /khyab bdag chen po bstan du gsol/ /de nas bcom ldan 'das kyis bka' stsal pa/ dang por skyabs su 'gro ba gsum sbyin par bya'o/ /bslab pa lnga dang gso sbyong dag kyang ngo / /de nas dbang lnga dang / gsang ba dang / shes rab ye shes kyi dbang ngo / /de nas skal ldan slob ma la/ /rgyud kyi de nyid bstan par bya/ /gzhan dag ring du spang bar bya/ /gzhan du bar gzhan du gus bcas gyur kyang spang / /de la skyabs su 'gro ba'i tshigs su bcad pa 'di'o/ /ji srid snying po byang chub par/ /sangs rgyas la ni bdag skyabs mchi/ /dam pa'i chos la bdag skyabs mchi/ /dge 'dun la yang mi phyed dang / /de la bslab pa lnga'i tshigs su bcad pa ni/ srog gcod ma byin len pa dang / /gzhan gyi bud med brdzun smra rnams/ /spang bya kun la 'phags bzhin bya/ /lnga pa chang</font><hr>87.288b<br><font size=+1>

gi btung ba nyid/ /de la 'dir gso sbyong gi tshigs su bcad pa ni/ bdag gis sems can bsad mi bya/ /pha rol nor ni phrog mi bya/ /bdag ni tshangs par spyod pa spyad/ /rdzun gyi tshig kyang spang bar bgyi/ /myos byed chang gi btung ba ni/ /bdag gis gang du'ang btung mi bya/ /gar dang glu dang rgyan rnams dang / /rgod bag rnams ni spang bar bya/ /khri stan mtho dang khri stan che/ /dus min kha zas spang bar bya/ /de ltar gso sbyong yan lag brgyad/ /dgra bcom rjes su bdag gis bslab/ /ji ltar sangs rgyas kyis gsungs ltar/ /rnam dag bdag gis gzung bar bgyi/ /de yis g.yon can bdud las rgyal/ /bla med sangs rgyas mchog thob bya/ /'dir ni srid pa zhi gyur nas/ /lus can kun gyi skyabs gyur te/ /'khor ba ji srid de srid par/ /skyes bu bde bar gshegs par skye/ /skye bo bzang po dang 'grogs 'dir/ /blo ldan 'jig rten la phan dga'/ /de la 'dir chu'i dbang ni/ slob ma dri ma dang bral zhing shel dag pa bzhin du bsams nas/ rnam par rgyal ba'i bum pa nas chu blangs te/ lo ma dang bcas pa'i lag pas/ o~M sarba ta thA ga ta a b+hi She ka ta sa ma ya shrA+e ye hU~M/ zhes pa 'dis dbang bskur bar bya'o/ /de la 'dir dbu rgyan gyi dbang bskur ba ni gos la sogs pa la byas pa'i dbu rgyan rin po che kun las grub par bsams nas/ slob ma yang 'khor los sgyur ba ltar bsams nas/ mgo bor dbu rgyan sbyin par bya'o/ /sngon bzhin du dbang bskur bar bya ste/ o~M tsaN+Da ma hA ro Sha Na A bi shA A bi shA A s+yA hri da ye hU~M phaT/ de la ral gri'i dbang bskur ba ni/ lcags la sogs pa'i rang bzhin las/ /ral gri de'i lag pa g.yas su byin nas/ sngon bzhin du dbang bskur bar bya ste/ o~M ha na ha na/ mA ra ya mA ra ya/ sarba sha trU~M dz+nyA na khaD+ga hU~M phaT/ de la 'dir zhags pa'i dbang bskur ba ni/ </font><hr>87.289a<br><font size=+1>

zangs ma la sogs pa las byas pa'i zhags pa de'i sdigs mdzub dang bcas pa'i lag pa g.yon par byin nas/ sngon bzhin du dbang bskur bar bya ste/ o~M gr-ih+Na gr-ih+Na/ ka ha ka ha/ kaD+D+h+ya kan+D+h+ya sarba duSh+Ta~M pA she na ban+d+ha ban+d+ha/ ma hA sa t+ya te d+ham te swA hA/ de la 'dir ming gi dbang ni/ slob ma khro bo gtum po chen po'i phyag rgya ru nye bar bkod nas/ de'i rnam par sems kyis dmigs te/ o~M he shrI b+ha ga ba na kr-iSh+NA tsa la sad+d+hiHtwa~M hU~M phaT/ de nas sngon bzhin du dbang bskur bar bya'o/ /de bzhin du sgrub pa pos nag po la sogs pa'i dbye bas/ mi g.yo ba rnam pa lnga'i ming gis dbang bskur ba sbyin par bya'o/ /zhes bya ba ni dbang lnga'o/ /bud med rnams kyi dbu rgyan gyi dbang bskur ba bzhag nas/ sin d+hu ra'i dbang bskur ba sbyin par bya'o/ /rgyal srid kyi lha mo chen mo'i tshul du/   slob ma dmigs te/ o~M b+ha ga wa ti A bi shA A bi sha A s+yA hr-i da ye hU~M phaT/ lcags la sogs pa'i gri gug de'i lag pa g.yas su sbyin par bya'o/ /o~M kaR+ti ti ke sarba mA rA NA~M ma~M sa~M kaR+ta ya kaR+ta ya hU~M phaT/ lag pa g.yon du mi'i thod pa'am/ rdza las byas pa sbyin par bya'o/ /o~M badzra ka pA la sarba sha tru~M NA~M rak+ta~M d+hA ra ya d+hA ra ya hU~M phaT/ de nas bcom ldan 'das ma'i phyag rgya ru rnam par bkod nas/ de'i rnam par dmigs te/ o~M he shrI dwe Sha badzra sid+d+hi s+t+wa~M hU~M phaT/ de bzhin du bud med ni nag mo la sogs pa'i kha dog gi dbye bas rnal 'byor ma lnga po rnams kyi ming gi dbang bskur bar bya'o/ /'dir shes rab kyi dbang bskur ba'i gnas su thabs kyi dbang bskur ba sbyin par bya'o zhes so/ /de nas gsang ba'i dbang bskur bar gyur pa ni bla ma la slob mas gos la sogs pas yang dag par mchod nas/ de la rang yid du 'ong ba'i gzugs dang / lang tshos brgyan pa'i shes rab ma dbul bar bya'o/ /khyod la 'di ni 'bul lags kyis/ /'dod</font><hr>87.289b<br><font size=+1>

kun bde bar rab tu stsol/ /bdag ni 'dod pa'i bde don phyir/ /mgon po khyod kyis brtse bas zung / /de nas bla ma la phyag 'tshal nas slob ma phyir byung ste/ o~M tsaN+Da ma hA ro Sha Na hU~M phaT/ zhes pa'i sngags bzlas shing gnas par bya'o/ /yang bla mas chang dang sha la sogs pa rnams kyis bdag nyid mchod nas/ shes rab kyang tshim par byas te/ yang dag par sbyor ba las nye bar byung ba'i dkar dmar lo ma'i skyong bu la sogs par bzhag nas slob ma bos te/ de'i lce la mthe bong dang ming med kyis rdzas bzung nas/ hU~M phaTa'i yi ge bri bar bya'o/ /de nas/ a ho su kha~M zhes brjod par bya'o/ /de nas 'di brjod par bya ste/ de ring bdag gis sangs rgyas kyi ye shes bskyed par bya yis/ gang gis 'das pa dang ma 'ongs pa dang da ltar byung ba'i sangs rgyas bcom ldan 'das rab tu mi gnas pa'i mya ngan las 'das pa thob par 'gyur gyis/ 'on kyang khyod kyis dkyil 'khor ma mthong ba rnams kyi mdun du 'di smra bar mi bya'o/ /de nas slob ma'i snying kar ral gri bzhag nas/ 'di skad brjod par bya ste/ gal te smras na de'i tshe/ /shin tu rno ba'i ral gri 'di/ /khro bo gtum po da 'di phyag na gnas/ /gang gis dam tshig 'jig byed pa/ /de la 'di yis mchog tu gcod/ /skye ba bye ba stong rnams su/ /mi rnams ral gri lag phyar bas/ /yan lag kun gcod mgo bo ni/ /'i yis mchog tu gcod par byed/ /gal te dam tshig 'di nyid kyis/ /khyod kyis 'jigs pa thob par 'gyur/ /de nas slob mas brjod par bya ste/ de ltar nges zhes so/ /de nas gdong g.yogs bcings nas/ dkyil 'khor du me tog dbul bar bya'o/ /de nas gdong g.yogs bsal nas/ dkyil 'khor rab tu bstan par bya'o/ /gang dang gang gi mtshan ma de nas bstan par bya'o/ /de nas slob ma la shes rab ma de</font><hr>87.290a<br><font size=+1>

sbyin par bya'o/ /gzungs ma yid 'ong 'di khyod kyis/ /bsten byar sangs rgyas rnams kyis gsungs/ /rmongs pa gang zhig 'da' byed pa/ /de la mchog gi dngos grub med/ /de nas dga' ba bzhi'i rnam par dbye ba bla mas rna bar smra bar bya'o/ /de nas bla ma phyi rol du byung nas/ shes rab gcer bur tsog pus gsang gnas mdzub mos bstan nas/ ci ste bu khyod 'di spro 'am/ /nga las mi gtsang ba dang ni/ /bshang gci rag ta za ba dang / /b+ha ga'i gnas la 'o byed dam/ /sgrub pa pos smra bar bya ste/ khyod las mi gtsang bza' ba ni/ /ci yi phyir na bdag mi spro/ /ji srid byang chub snying po'i bar/ /bdag gis mi mos kun gus bya/ /des kyang a ho bdag gi pad ma 'di/ /bde ba thams cad yang dag ldan/ /gang zhig cho gas bsten byed na/ /bdag ni dngos grub stsol mdzad ma/ /blo ldan brtan par rab sbyor bas/ /pad mar bya ba ji bzhin gyis/ /rang nyid khro bo gtum po chen por gnas pas bde ba chen po ste/ de nas sgrub pa po bdag nyid khro bo gtum po chen po'i rnam par bsams la/ shes rab kyang zhe sdang rdo rje ma'i tshul gyis yang dag par sbyor bas/ dga' ba bzhi mtshon par bya'o/ /de nas yongs su rdzogs pa dang / bla ma la sogs pa la chang dang sha la sogs pa'i tshogs kyi 'khor lo'i mchod pa dbul bar bya'o zhes pa ni shes rab kyi dbang ngo zhes pa ni dpa' bo gcig pa nyid du gsungs pa'i dpal khro bo gtum po chen po'i rgyud las/ dbang bskur ba'i rim par phye ba ste gsum pa'o// // de nas bcom ldan 'das mas gsol pa/ ji ltar sgom pa po yi phyir/ /khro chen gtum po bsgom par bya/ /sngags kyi bzlas pa ji ltar bya/ /dbang phyug dam pa bshad du gsol/ /de nas bcom ldan 'das kyis bka' stsal pa/ yid dang mthun pa'i sa phyogs ni/ /bar du bcod pa</font><hr>87.290b<br><font size=+1>

kun bral bar/ /ji ltar rnyed pa'i stan nyid la/ /de la mnyam gzhag brtag par bya/ /dang po byams pa bsgom par bya/ /gnyis par snying rje bsgom par bya/ /gsum pa la ni dga' ba bsgom/ /kun gyi mtha' la btang snyoms so/ /de nas rang gi thugs ka'i sa bon las pad ma dang zla ba dang nyi ma la gnas pa'i 'od zer rnams kyis mdun du bsam gtan gyi khro bo gtum po bsams nas/  yid kyis mchod pa bya ste/ mkhas pas me tog la sogs pas/ /yid kyis de rnams mchod par bya/ /de mdun sdig pa bshags par bgyi/ /bsod nams la yang rjes yi rang / /gsum la skyabs su 'gro bar bya/ /bskul zhing gsol ba rab tu 'debs/ /bdag nyid yongs su 'bul ba dang / /bsod nams yongs su bsngo bar bya/ /de nas smon lam btab nas ni/ /byang chub sems ni bskyed par bgyi/ /de nas phyag ni btsal byas la/ /'od zer rnams kyis slar yang bsdu/ /mkhas pas stong par bsams pa ni/ /sngags 'di nyid ni brjod par bya/ /o~M shu n+ya tA dz+nyA na badzra swa b+hA ba At+ma ko\u0f85ha~M/ rab tu 'bar bas hU~M yig ni/ 'od zer de yis bsregs par bsam/ /ga bur bsregs pa ji bzhin bsam/ /'od zer la yang rnam mi rtog /thams cad nam mkha' ji bzhin du/ /skad cig gis ni rnam par bsgom/ /dri med dag pa'i shel bzhin du/ /rang lus rnam par bsgom par bya/ /sngon du bsgom bya phyi nas ni/ ya~M ra~M ba~M la~M bzhi rnams la/ /yongs gyur bsgom bya rlung dang ni/ /me dang chu dang sa rnams so/ /b+h+ru~M yig de las bsgom bya ba/ /gzhal yas khang du rab tu bsgom/ /gru bzhi pa la sgo bzhi pa/ /ka ba brgyad kyis nye bar mdzes/ /de yi dbus su bsam bya ba/ /sna tshogs pad ma 'dab brgyad ldan/ /pa yig sa bon las byung ba/ /nga la a~M yig las byung zla/ /ra~M yig las byung nyi ma ste/ /de steng hU~M yig las</font><hr>87.291a<br><font size=+1>

kyang slar/ /des bskyed mi bskyod pa ru bsam/ /mA ma kI bcas yang dag sbyor/ /de la rim bzhin rnal 'byor dbang / /de yi spyi bo la thim nas/ /skar mda' ji bzhin sbyor ba yis/ /mA ma kI yi b+ha gar bsam/ /de las khu ba ro mnyam gyur/ /lhung gyur de yi b+ha ga'i nang / /gtum po'i gzugs su gyur nas ni/ /b+ha ga'i mtha' las nges byung nas/ /mi bskyod pa la ral gri yis/ /bsnun nas phyi nas rab tu bza'/ /mA ma kIs kyang de las de'i/ /sha za bar ni rab tu bsam/ /de phyir mA ma kIs bzung nas/ /ma dang yang dag rab 'dod bya/ /des kyang 'khyud par bsam bya ba/ /zhe sdang rdo rje ma yi gzugs/ /phyag g.yas na ni ral gri phyar/ /g.yon pa zhags pa dang bcas pa'i/ /sdigs mdzub kyis ni bsdigs par byed/ /so yis ma mchu yang dag bsdams/ /rkang g.yas bsdegs pa'i stabs kyis ni/ /bdud bzhi rnam par nyed par mdzad/ /pus mo g.yon pa sa la btsugs/ /'jigs byed 'khyog por gzigs pa can/ /nor 'dzin la ni bsdigs mdzub bstan/ /pus mo g.yon pa'i rtse mos gnas/ /mi bskyod sngon pos dbu rgyan mdzad/ /rin po che yi cod pan can/ /rgyan rnams kun gyis brgyan gyur pa'i/ /gzhon nu zur phud lnga dang ldan/ /brgyad gnyis lo yi rnam pa can/ /spyan gnyis dmar po gtso bo yi/ /sems nyid brtan par bsgom par bya/ /bdag nyid khro bo gtum grub nas/ /de nas srub pa'i sbyor ba yis/ /shar du mi g.yo dkar po spro/ /me mtshams gti mug rdo rje ma/ /ston ka'i zla 'od dang mtshungs spro/ /lho ru mi g.yo ser po spro/ /phra ma rdo rje bden bral ser/ /mi g.yo dmar po nub du spro/ /rlung du 'dod chags rdo rje ma/ /mi g.yo ljang khu byang phyogs su/ /dbang ldan phrag dog rdo rje ma/ /phyi nas shes rab dang bcas des/ /rang gi mgrin pa las byung ba'i/ /lha mo rnams kyis glu yis bskul/ /pa hu mai trI tu bi rbar+dz+dza</font><hr>87.291b<br><font size=+1>

a ho hi ma shun+na sa hA ba todz+dzu bi yo o phiT+Ta mis b+be dza/ ga hi ba b+hA ba/ gti mug rdo rje mas so/ /mA ka ru NA tsi a phaT+Ta hi pa hu mA ho hi tu shun+mA mo dz+dza de ha/ su duk+khi a hu i dzI ba bi hun+na/  phra ma rdo rje ma yis so/ /kI sa tu ha ri sa bi to hi e shun+hi ka ra si pa be sha /todz+dza ni man+Da Na ka ri a ma Nu ats+tsha i lo a shi Sha/ 'dod chags rdo rje ma'i 'o/ /dzo ba na ban+ti a pe khi a ni Sh+pa la shun+naH a DiT+Te/ shun+na sa hA ba bi go i a ka ra hi tu mo eM sa ma g+hiT+Ti/ phrag dog rdo rje ma'i'o/ /khyab bdag byams pa rnam spangs nas/ /stong pa'i rang bzhin du ma mdzad/ /khyod dang rnam bral bdag 'gum pas/ /'gro kun stong par ma mdzad cig /gti mug rdo rje mas so/ /snying rje'i sems bral bdag 'gum pas/ /khyab bdag stong par ma mdzad cig /bdag gi lus ni sdug bsngal bas/ /'tsho ba dang bral ma mdzad cig /phra ma rdo rje mas so/ /ci ste mkhas pa khyod nyid ni/ /dga' ba spangs nas stong par 'jug /'jig rten ma lus pa rnams dang / /bdag gi yid ni khyod la sdod/ /'dod chags rdo rje ma yis so/ /lang tsho dang ldan btang snyoms pa'i/ /mig ni stong pa 'bral med can/ /stong pa'i rang bzhin nyid spongs la/ /bdag la mnyam nyid sbyor bar mdzod/ /phrag dog rdo rje mas so/ /'di ni rmi lam ltar thos nas/ /khu ba las 'khrungs skad cig gis/ /sngon ma'i gzugs bzhin bsam par bya/ /bdag nyid yang dag sbyor de las/ /mi g.yo dkar po la bsnun nas/ /gti mug rdo rjer rab 'dod bya/ /mi g.yo dkar po'i gzugs su bya/ /mi g.yo ser po slar bsad nas/ /'dod bya phra ma rdo rje mar/ /bdag nyid mi g.yo ser por bya/ /de bzhin mi g.yo dmar po bsad/ /'dod chags rdo rje mar 'dod bya/ /mi g.yo dmar por bdag nyid bya/ /mi g.yo ljang khus bsad nas kyang / /phrag dog rdo rje mar 'dod bya/ /mi g.yo ljang khur bdag nyid bya/ /lha mo bzhi la rjes</font><hr>87.292a<br><font size=+1>

chags pas/ /dkyil 'khor thams cad yang dag bsdu/ /bdag nyid gcig tu yang dag sbyor/ /'bad pa yis ni bsgom par bya/ /de las nga rgyal byas pa yis/ /bdag la dngos grub the tshom med/ /kha dog nag phyir rnal 'byor pa/ /gang bsgom de ni mi g.yo nag /kha dog dkar phyir rnal 'byor pa/ /gang bsgom de ni mi g.yo dkar/ /kha dog ser phyir rnal 'byor pa/ /gang bsgom de ni mi g.yo ser/ /kha dog dmar phyir rnal 'byor pa/ /gang bsgom de ni mi g.yo dmar/ /kha dog ljang phyir rnal 'byor pa/ /gang bsgom de ni mi g.yo ljang / /kha dog nag mo'i bud med des/ /zhe sdang rdo rje ma bsgom bya/ /kha dog dkar mo'i bud med des/ /gti mug rdo rje ma bsgom bya/ /kha dog ser mo'i bud med des/ /phra ma rdo rje ma bsgom bya/ /kha dog dmar mo'i bud med des/ /'dod chags rdo rje ma bsgom bya/ /kha dog ljang khu'i bud med des/ /phrag dog rdo rje ma bsgom bya/ /skyes kun rdo rje'i rnal 'byor pa/ /bud med rdo rje'i rnal 'byor ma/ /nag sogs kha dog dbye ba yis/ /'di rnams kun la rab tu brtag /yang na las kyi dbye ba yis/ /dbye ba lnga ru rab tu brtag /gnag phyir gsad dang zhe sdang la/ /zhi la dkar po dag tu 'dod/ /rengs dang rgyas la ser po ste/ /dbang dang dgug la dmar po'o/ /skrod pa las ni ljang khur bshad/ /yang na rigs kyi rab dbye bas/ /bram ze dkar po dmangs rigs nag /gtum po ser po dag la 'dod/ /dmar po gar ma dag la 'dod/ /ljang khu tshos ma zhes bya'o/ /bu mo sngo bsangs mig yangs ma/ /nag po bsgom pa pos 'dod bya/ /bu mo dkar po dkar mo yis/ /bu mo ser po ser mo yis/ /bu mo dmar po dmar mo yis/ /bu mo ljang khu ljang khu yis/ /yang na gang gis de 'dzin pa/ /de dang de yi bsgom pa mchog /ji lta ba yang mi shes pas/ /sems nyid brtan pas 'dod par bya/ /phyogs tsam rab tu sbyor ba las/ /bu mo de yis dngos grub ster/ /rdo rje'i shu krar gyur pa la/ /lce</font><hr>87.292b<br><font size=+1>

yis kun nas 'jib par bya/ /ji srid 'dod pa'i bshang gci yang / /de yi kha dang b+ha gar sbyin/ /gu da pad ma rab 'jib pas/ /boSh+Tha~M ci 'dod rab za bya/ /ngo tsha skyug bro byed gyur na/ /rnam pa kun du dngos grub nyams/ /'di ni rang gi bza' ba mchog /sangs rgyas kun gyis rab tu bzas/ /zhes pa ni dpa' bo gcig pur gsungs pa'i dpal khro bo gtum po chen po'i rgyud las/ lha nyid kyi rim par phye ba ste bzhi pa'o// // de nas sngags rnams kun las btus/ /bdag gis rab tu bshad par bgyi/ /de nas bcom ldan 'das bdud thams cad kyis mi thub pa zhes bya ba'i ting nge 'dzin la snyoms par zhugs nas/ sngags kun las btus pa 'di gsungs so/ /o~M tsaN+Da ma hA ro Sha Na hU~M phaT/ rtsa ba'i sngags so/ /o~M a tsa la hU~M hU~M/ rtsa ba'i sngags gnyis pa'o/ /o~M hU~M phaT rtsa ba'i sngags gsum pa'o/ /hU~M snying po'i sngags so/ /hA~M snying po'i sngags gnyis pa'o/ /ha~M snying po'i sngags gsum pa'o/ /hI tsaN+Da rU pe tsa Ta tsa Ta/ pra tsa Ta pra tsa Ta/ ka ha ka ha/ pra phu ra pra phu ra/ pra phA ra ya pra phA ra ya/ ha na ha na/ gra sa gra sa/ ban+d+ha ban+d+ha/ dzam+b+ha ya dzam+b+ha ya/ stam+b+ha ya stam+b+ha ya/ mo ha ya mo ha ya/ sarba sha trUM NA~M/  mu kha ban+d+ha na~M/ ku ru ku ru/ sarba DA ki nI nA~M gra ha b+hU ta pi shA tsi byA d+hi yak+ShA NA~M/ trA sa ya trA sa ya/ ma ra ma ra/ mA ra ya mA ra ya/ ru ru tsaN+Da/  ru ka rak+Sha rak+Sha/  lha sbyin la tsaN+Da ma hA se naH sarba mA dz+nyA pa ya ti/ o~M tsaN+Da ma hA ro Sha Na hU~M phaT/ phreng ba'i sngags so/ /na maH sarbA shA pa ri pU ra ke b+h+yaH sarba ta thA ga te b+h+yaH sarba thA a tsa la kA Na/ naT+Ta naT+Ta/ moT+Ta moT+Ta/ saT+Ta saT+Ta/ tuT+Ta tuT+Ta/ tiSh+Tha tiSh+Tha/ A bi sha A bi sha /AHma hA mat+ta ba la ka /d+hu na d+hu na/ ti Na ti Na/ khA da khA da/ big+h+nA~M ma ra ma ra/ duSh+Ta~M rak+Sha rak+Sha/ </font><hr>87.293a<br><font size=+1>

sarbA ku ru ku ru/ ki ri ki ri/ ma hA bi Sha ma badzra phaT/ hU~M hU~M hU~M tri ba li ta ra~M gA na rta ka ha~M ha~M ha~M/ /a tsa la tse Ta phaT/ s+phA Ta ya hU~M hU~M/   saman+ti ka trA Ta ma hA ba la sa ta ya/ sa mA na ya/ trA~M mA~M hA~M/ shud+d+h+ya tu lo kaHtu Sh+ya tu badzrI na mo s+t+wa pra ti ha ta ba le b+h+yaH dz+wA la ya trA Ta ha sa na maHswA hA/ phreng ba'i sngags gnyis pa'o/ /na maH sarbA shA pa ri pU ra ke b+h+yaH/   sarba ta thA ga te b+h+yaH sarba trAT/ a mo g+ha tsaN+Da ma hA ro Sha Na/ s+phaT ya hU~M/ b+h+ra ma ya b+h+ra ma ya/ hU~M trA Ta mo hA~M/ phreng ba'i sngags gsum pa'o/ /zhes pa ni mi g.yo ba lnga po rnams kyi spyi'i sngags so/ /o~M kriSh+NA tsa la hU~M phaT/ o~M shwe tA tsa la hU~M phaT/ o~M bI tA tsa la hU~M phaT/ o~M rak+tA tsa la hU~M phaT/ o~M sh+yA mA tsa la hU~M phaT/ lha mo rnams kyi thun mong ba'i sngags ni/ o~M badzra yo gi ni hU~M phaT/ rtsa ba'i sngags so/ /o~M pradz+nyA pA ra mi te hU~M phaT/ rtsa ba'i sngags gnyis pa'o/ /o~M bau he re hU~M phaT/ rtsa ba'i sngags gsum pa'o/ /o~M pi tsu pi tsu pradz+nyA bar+d+ha ni/ dz+wa la dz+wa la me d+hA bar+d+ha ni/ d+hi ri d+hi ri bud+d+hi bar+d+ha ni swA hA/ phreng ba'i sngags so/ /bye brag pa'i sngags ni/ o~M dwe Sha badzri hU~M phaT/ o~M mo ha badzri hU~M phaT/ o~M pi shu na badzri hU~M phaT/ o~M rA ga badzri hU~M phaT/ o~M IR+Sh+ya badzri hU~M phaT/ gtor ma'i spyi sngags ni/ o~M na mo b+ha ga ba te shrI tsaN+Da ma hA ro Sha NA ya de wA su ra/ ma nu Sh+ya trA sa nA ya/ samasta ma ra ba la/ bi nA sha na ya/ rat+na mu ku Ta kr-i ta si ra se i ma~M/ ba liM gr-ih+Na gr-ih+Na ma ma sarba big+h+nA~M/ ha ra ha ra/ tsa turmA ran+ni bA ra ya ni bA ra ya/ trA sa trA sa/ b+h+ra ma b+h+ra ma/ ts+tshin+da ts+tshin+da/ b+hin+da b+hin+da/ nA sha nA sha /tA pa tA pa/ sho Sha sho Sha/ ts+tshe da ts+tshe da/ b+he da b+he da/ duSh+Ta satwA~M/ ma ma bi ru d+d+ha tsit+ta kan b+hasmIM ku ru ku ru/ hU~M hU~M hU~M phaT phaT phaT swA hA/ zhes pa ni dpa' bo gcig pa nyid du gsungs pa'i dpal khro bo gtum po chen po'i rgyud/  las/  sngags kyi rim par phye ba ste lnga pa'o// // </font><hr>87.293b<br><font size=+1>

de nas bcom ldan 'das ma shes rab kyi pha rol du phyin ma la bcom ldan 'das kyis dam du 'khyud nas/ pad ma dang rdo rje rab tu sbyor bas gsungs pa/ rdzogs pa'i rim pa'i sbyor ba yi/ /bsgom par bya ba ci 'dra zhig rnal 'byor rnams la des phan phyir/ /dri ba mtha' dag bshad du gsol/ /de nas bcom ldan 'das kyis bka' stsal pa/ rdzogs pa'i rim pa'i sbyor gnas pa'i/ /gcig sbyor de mchog rnal 'byor pa/ /nyin mtshan bdag gi tshul gyis ni/ /sems rtse gcig pas bsgom par bya/ /re shig rang gi bud med kyang / /khyod kyi gzugs su nges par rtag /de nyid shin du mngon sbyor bas/ /ji lta ba bzhin gsal por bgrod/ /ma dang bu mo de nas ni/ /sring mo dang ni tsha mo dang / /gzhan yang nye du kun dang ni/ /de bzhin Dom bi bram ze mo/ /gtum mo dang ni gar ma dang / /tshos ma dang ni gzugs kyis 'tsho/ /brtul zhugs can ma rnal 'byor ma/ /de bzhin thod pa can ma yang / /gzhan yang ji ltar rnyed pa yi/ /bud med gzugs kyis yang dag gnas/ /cho ga mkhas pas bstan par bya/ /ji ltar 'jig par mi 'gyur bas/ /zhig na khro bo gtum po ni/ /khros pas sgrub pa po 'joms byed/ /ral gri zhags pas 'jigs byed can/ /mnar med par yang ltung bar byed/ /'jig rten 'dir yang dngos grub med/ /'jig rten pha rol kyang de bzhin/ /de phyir shin du gsang ba yis/ /gnyis kyi spyod yul min par bya/ /khro bo gtum po'i sgrub thabs ni/ /mkha' 'gro ma yi sngags bzhin smra/ /shin du 'dod ldan don gyi phyir/ /sangs rgyas bdag nyid kyis gsungs pa/ /bar du gcod pa kun spangs pa'i/ /yid dang 'thun pa'i sa phyogs su/ /rang sems 'dod ldan ma dga' ma/ /rab tu sbas pas brtsam par bya/ /shes rab pha rol phyin dga'</font><hr>87.294a<br><font size=+1>

mas/ /bdag ni sangs rgyas mi g.yor 'grub/ /rang gzugs shin du 'bad pa yis/ /mkhas pas sems kyis bsgom par bya/ /skye bos dben byas gnas su ni/ /ji ltar rnyed pa'i gos kyis ni/ /gnyis gnyis phan tshun sbyor ba yis/ /rab tu 'bad de bsgom par bya/ /mi mo mngon sum byas nas ni/ /mngon du phyogs pas nyer 'dug ste/ /phan tshun gnyis po chags pa yis/ /rab dga' phan tshun blta bar bya/ /de las mthong bde'i bsam gtan ni/ /yid ni rtse gcig gnas par bya/ /de yis de la de nyid brjod/ /bde ba'i gzi mdangs byed pa smra/ /de la bu khyod bdag gi bdag /khyod ni ming po mes po dang / /bdag ni khyod kyi chung ma ma/ /sring mo dang ni tsha mo yin/ /skye ba bdun rgyud zham ring ba/ /khyod ni bdag gi g.yog yin te/ /bdag ni khyod kyis rin gyi nyos/ /bdag ni khyod kyi rje dpon ma/ /rkang pa dag gi drung btud nas/ /shin du thal mo rab sbyar nas/ /de la 'di bzhin brjod par bya/ /bde ba'i gzi mdangs mchog byed brjod/ /khyod ni bdag gi pha dang ma/ /bdag gi chung ma tsha mo yin/ /sring mo bu yi chung ma dang / /khyod ni bdag gi rje bo yin/ /khyod kyi bdag ni rnam kun tu/ /shin du gus pa'i dpung gnyen g.yog /bdag la yum gyi brtse bas gzigs/ /yid 'ong blta bas nges bltas nas/ /de nas yang dang yang du ni/ /skyes bu yis ni tsum b+ha bya/ /yi ge gsum ni g+ho sogs sbyin/ /kha las kha yi bdud rtsi dang / /langs nas pad ma bstan par bya/ /mig 'phrul kha yis 'jib byas nas/ /ku tsa snying kar brtsir bar bya/ /mngon phyogs de yi gdong bltas nas/ /tsu ta'i gnas la smra bar bya/ /de la blta ba'i tshig la ni/ /bdag gi rnam par snang mdzad bza'/ /khyod ni mi bskyod chu 'thungs na/ /bu dang pha dang bran pho'o/ /khyod kyi rje dpon ma nyid nga / /rgyal rigs ma yi yum nyid kyang / /bu khyod rab tu 'bad pa yis/ /bdag gi zhabs</font><hr>87.294b<br><font size=+1>

la skyabs su song / /gang phyir bdag ni 'phel byed ma/ /khyod la rin chen nye bar 'ongs/ /bu khyod byas gzor gyis shig kye/ /rdo rje bde skyed bdag la byin/ /dbus su ze 'brus brgyan pa yi/ /chu skyes mdab ma gsum par gzigs/ /a ho bde ba can gyi zhing / /sangs rgyas sku mdog dmar pos mdzes/ /chags can zhi bde ster mdzad ma/ /rtog pa thams cad rnam par spangs/ /bdag ni gan rkyal yang dag sbyar/ /chags pas yid ni rnam par myos/ /phrag par rkang pa zun byin nas/ /bdag gi steng dang 'og tu ltos/ /de nas rdo rje rab sad pas/ /pad dbus ran drar rab tu gzhug /brgya stong 'bum dang bye ba phrag /de nas bskyod pa nyid du gyis/ /bdag pad mdab ma gsum ldan pa/ /sha yis rab tu gang ldan la/ /rang gi rdo rjer de gzhug pas/ /sems nyid bde bas rab tu mchod/ /rlung dang rlung gis bdag pad la/ /snying po las ni snying po mchod/ /rdo rje'i rtse mor rab tu rig /ban d+hu dmar po dang mtshungs pa/ /'dzag pa'i bsam gtan de la ni/ /slar yang sems nyid tshim par bya/ /shin du mi g.yo'i sems nyid kyis/ /bde ba de skyes bsgom par bya/ /de la lan ni rab tu sbyin/ /dga' ma khyod ni skad cig sdod/ /ji srid ma lus b+ha ga'i gzugs/ /skad cig tsam zhig bsam par bya/ /de la yum gyur cig nyid nges par 'gro ba gsum rnams zhi dang bde ba'i ma ma de/ /sdig pa'i las la gnas nyid mu cor smra ba zhe sdang ba las 'di ni smod par byed/ /de dang de rnams gting mtha' med pa'i dmyal bar de nyid mi bzad rtag tu sdug bsngal nyid/ /lus ni lan mang me yis sreg cing ngu 'bod du ni bskal pa gsum du gnas par byed/ /mi mo'i yon tan gang brjod na/ /sems can thams cad yongs su 'dzin/ /ji snyid brtse dang bsrung ba dang / /</font><hr>87.295a<br><font size=+1>

mi mo'i sems nyid la rab gnas/ /rang gzhan skye ba de snyed kyang / /kun kyang de la yang yang rgyas/ /dpal gyi rdo rje rnal 'byor ma/ /gal te de gzugs las gzhan min/ /de yi lta dang reg pa dang / /nyed pa kun nas ring zhog gi/ /gang zhig dran pa tsam gyis kyang / /skad cig de la bde ba 'thob/ /yul lnga rnams la mi mo yi/ /gzugs 'di nyid ni mchog tu gnas/ /de la bde ba 'bab mdzad pa/ /skyes bu rnams kyis rol par gyis/ /de phyir nyes las nges grol ba/ /yon tan dam pa kun gyis brgyan/ /bsod nams bsod nams bsod nams che/ /yum gyis bdag la bka' drin mdzod/ /de nas de la shin du bltas/ /mchu ni so yis bsdam par bya/ /nu ma 'gram dang sita yog dang / /de yi gos bral rnal 'byor pas/ /byed bcing gis ni bde 'byung bya/ /do li la zhon bcing ba dang / /pus mo bzung la de nyid bcing / /bcing ba brla nyed pa yang yin/ /rkang pas gcod byed bcing pa yang / /bcing pa sa la gnon par bya/ /mkhas pas mnyam bcing de nyid ni/ /bcing ba ri mo can zhes bya/ /bung ba'i dra ba bcing ba dang / /'phrul 'khor der zhon rkang pa can/ /de bzhin nyid du rus sbal bcing / /kun nas bzang po de bzhin nyid/ /de la skyil dkrung dbus su ni/ /mi mo rtsog pu stan la 'dug /dpung pa zung gis phrag pa la/ /de la dam du sbyar bar bya/ /rang gi lag pa zung dag de'i/ /rked pa'i dbus su nyer son te/ /pad mar rdo rje rab bcug nas/ /bde ba 'byung ba'i bcing bar grags/ /gnyis ka'i lag zung rab bcug nas/ /phan tshun sbyor bas bcing bar bya/ /gnyis kas cung zad bskyod par bya/ /do li'i bskyod pa zhes grags so/ /de yi pus gnyis rang gi ni/ /snying ka nyid du yang dag sbyar/ /do li bskyod pa'i byed pa dgod/ /'di ni pus mo bzungs nas bcing / /de yi rkang mthil rang nyid kyi/ /brla yi khar yang</font><hr>87.295b<br><font size=+1>

sbyar bar bya/ /bde ba 'byung byed bkod pa yis/ /'di ni brla nyed bcing ba'o/ /de yi nu ma rkang pa dang / /lte ba snying ka logs gnyis bkab/ /do li g.yo ba'i byed pa dgod/ /bcing ba 'di ni rkang bas spyod/ /de yi 'phongs gnyis sa la bzhag /pha rol la ni 'khyud pa pos/ /bde ba 'byung byed bkod nas ni/ /bcing ba 'di ni sa la mnan/ /tsog pus yang dag gnas de la/ /rkang pa gnyis po rab brkyang bya/ /bcing ba mnyam du shes byas la/ /re re zhing yang brkyang bar bya/ /de'i rkang zung 'khor lor byas/ /g.yon par rab tu sbyar bar bya/ /kun nas mngon par phyogs pas kyang / /rgyab nas 'phongs la reg par bya/ /lag pas dang por mnye bar bya/ /bcing 'di tsi tra can zhes bya/ /slar yang bde ba 'byung byas nas/ /de la gan rkyal bsgyel bar bya/ /lag pa g.yas pas de nyid du/ /pad mar rdo rje nges gzhug bya/ /de yi pus mo'i 'og bzung nas/ /gru khugs steng du sbyar bar bya/ /phan tshun lag pa gnyis kyis ni/ /bung ba'i dra ba zhes su shes/ /de yi rkang pa zung dag ni/ /phrag pa'i steng du nges par byin/ /bcing ba 'di ni 'phrul 'khor zhon/ /'bebs shing 'bebs pas rab tu sbyor/ /de yi rkang g.yon phrag pa la/ /g.yas g.yon brla yi rtsa ba las/ /de yi rkang g.yas g.yon pa las/ /g.yas pa yi ni rtsa ba ru/ /'dir ni rkang pa steng bcings pas/ /yang dag bde bas sdug bsngal 'joms/ /de yi rkang pa'i mthil la ni/ /brang gi dbus su mnyam du sbyar/ /lag pa gnyis kyis brtsir bar bya/ /pus mo rus sbal bcing bar gsungs/ /de yi rkang pa'i mthil la ni/ /mig dang rna ba mgo bo sbyar/ /bcing ba 'di ni kun du bzang / /'dod kun bde ba rab tu ster/ /tsi tra ji srid skyil dkrung byas/ /kun nas sna tshogs pa yi ni/ /khro bo gtum po sbyor ba yis/ /kun nas rnam pa sna tshogs pa/ /ji srid 'dod pas yang nas yang / /de yi kha la 'o bya'o/ /mig ni zim bus gdong du</font><hr>87.296a<br><font size=+1>

blta/ /ji ltar 'dod tshig smra ba yi/ /gdong la lce yis 'jib par bya/ /de yi kha nas byung ba'ang btung / /so yi dri ma'ang za zhing 'jib/ /bde bar rnam par bsgom par bya/ /cho ga shes pas cung zad du/ /so yis lce dang mchu ni bsdam/ /lce yis sna yi bu ga dang / /mig gi zur kyang sbyang bar bya/ /so dang mchan khung las byung ba'i/ /dri ma kun kyang bza' bar bya/ /mgo dang mig dang mgrin pa rnam/ /logs dag rked pa nu ma lag /'os 'jib sen mo sbyin par bya/ /mig gnyis spangs la bud med la/ /lag pas nu ma mnye bya zhing / /so yang gdab cing 'jib par bya/ /rang gis gan rkyal byas nas 'jib/ /lto ba mdzes la 'jib par bya/ /bdag gis sngon nas 'di nyid ni/ /yang dang yang ni dran par bya/ /pad+mar lag pas reg par bya/ /rlung gis mdzes pa zhes smra ba/ /de la 'o dang sen mo sbyin/ /blta zhing lag pas gsal bar bya/ /mi mo'i dri ma mnam bya zhing / /bu ga'ang ro 'dzin gyis sbyang bya/ /ji lta bur ni bdag zhugs nas/ /'di yis kyang ni dpag med bskyed/ /de la blta zhing tshig 'di brjod/ /lam 'di nyid ni drang po ste/ /de nyid mi shes sbyor ba yi/ /lam 'dis 'gro ba drug tu 'jug /sbyor ba rab tu shes pa yis/ /khro bo gtum po'i dngos grub 'gyur/ /de phyir pad byung dkar dmar ni/ /kha yis dgug par byas nas ni/ /yang dang yang ni blta byas nas/ /de ni kha yis bza' bar bya/ /sen mo legs byas brla dang ni/ /bran bzhin rkang pa mnye bar bya/ /mgo bor yi ge gsum sbyin bya/ /snying dbus khu tshur chung ngus sbyin/ /rnal 'byor pa ni mnyam bzhag pas/ /de phyir gzhan don ldan par bya/ /yid ni rtse gcig bde ba yis/ /'dod pa'i bya bi de la sbyin/ /ji ltar 'dod pa rab 'dzag pas/ /'pho med yid ni rtse gcig bde/ /'phos gyur pad ma las 'jib ste/ /pus btsugs rab tu sbyor ba yis/ /pad mar khu ba rdul gyur pa/ /lce yis blangs nas bza' bar bya/ /sna yis na li rab sbyor bas/ /</font><hr>87.296b<br><font size=+1>

stobs ni 'phel phyir btung bar bya/ /kha la 'o ni byas nas kyang / /shes rab pad ma lce yis myangs/ /'khyud byas de yi phyi nas ni/ /sha dang nya ni bza' bya zhing / /'o ma chang ni yang yang btung / /'dod pas rab tu 'phel 'gyur phyir/ /ngal dang snyings gyur de las ni/ /phyi nas 'dod 'gyur bde sogs kyis/ /slar yang sngon ma'i rim pa yi/ /gnyis gnyis phan tshun rab tu brtsam/ /goms pa'i sbyor ba 'di yis ni/ /bde ba chen po bsgrub par bya/ /skye bar 'di nyid sbyor rig na/ /khro bo gtum po'i go 'phang 'dzin/ /chags can dngos grub don gyi phyir/ /bdag gis sbyor ba rab bshad bya/ /g.yon pa'i byin pa steng gzhag nas/ /g.yas pa'i byin pa rol par bya/ /'di ni sems dpa'i dkyil dkrung grags/ /'dod kun bde ba rab tu ster/ /byin pa g.yas pa steng gzhag nas/ /byin pa g.yon pa rol bar bya/ /'di ni pad ma'i dkyil dkrung grags/ /'dod kun bde ba rab tu ster/ /pad ma'i skyil dkrung bcings nas ni/ /byin pa g.yon pa steng du dgod/ /byin pa g.yas pa rol pa ste/ /rdo rje'i dkyil dkrung zhes byar shes/ /rkang pa sa la bzhag nas ni/ /mtshungs par ring du gdong phyogs pa/ /'dod kun rab tu sbyin shes bya/ /'dir ni tsog pu'i gdan la ni/ /rkang pa sa la dgod byas la/ /skyog por 'phred la ring du bya/ /zla ba phyed par shes par bya/ /'dis ni bde ba rab tu ster/ /pus bzung 'phred la sa la bzhag /long bu'i dbus su 'phongs tshos bzhag /'dir ni gzhu yi gdan byas pas/ /'dod pa mchog gi dga' ba ster/ /sems dpa'i skyil dkrung de bzhin du/ /rdo rje'i dkyil dkrung zhes byar brtag /tsog bu zla ba phyed pa dang / /gzhu yi gdan yang 'dir 'dod do/ /zla ba phyed pa'i gdan gnas pa/ /rtag tu mi mo byas nas ni/ /lhung na pad mar lce yis blang / /gsang gnas yi ge gsum mtshon bya/ /slar yang gzhu yi gdan byas nas/ /rang gi</font><hr>87.297a<br><font size=+1>

me yi bshang nang du/ /khro bo gtum po sbyor ba yis/ /des bskyed bde ba bsgom par bya/ /rnam par rtog pa kun spangs nas/ /de yi rnal 'byor ldan par bya/ /chags bral sems ni spang byas la/ /ma la rab tu 'dod par bya/ /rjes su chags las bsod nams 'thob/ /chags bral las ni sdig pa 'thob/ /chags bral las ni sdig gzhan med/ /bde las bsod nams gzhan pa med/ /de phyir sems nyid mnyam bzhag nas/ /'dod pa'i bde ba bskyed par bya/ /de nas bcom ldan 'das la thugs rab tu bgyes nas mngon par dga' bas bcom ldan 'das la phyag 'tshal te/ 'di skad du yang gsol pa/ kye+e bcom ldan 'das ci ste 'dir 'di nyid mi rnams 'ba' zhig gi sgrub pa'i thabs yin nam/ gzhan rnams kyi yang yin/ bcom ldan 'das kyis bka' stsal pa/ phyogs kun tu rnam par gnas pas 'di la rjes su chags par bya ste/ lha dang / lha ma yin dang / mi dang / klu dang de rnams kyis kyang bsgrubs par 'grub bo/ /de nyid thos nas dbang phyug chen po la sogs pa'i lha rnams/ gau ri dang / dpal mo dang / dbang mo dang / dga' mo la sogs pa'i lha mo rnams blangs nas bsgom par rtsom mo/ /de nas de'i skad cig la de thams cad de'i skad cig thang cig de nyid la khro bo gtum bo'i go 'phang thob nas/ sa'i steng du spyod par gyur to/ /de la dbang phyug chen po rdo rje bde byed nyid du grub bo/ /nor lha rdo rje sred med kyi bu nyid do/ /lha'i dbang po phyag na rdo rje nyid do/ /'dod pa'i lha yan lag med pa'i rdo rje nyid do/ /de lta bu la sogs pa'i gang gA klung gi bye ma dang mnyam pa'i lha'i bu rnams kyis grub bo/ /sems can don kun sgrub pa po/ /'dod pa'i yon tan lnga ldan nyid/ /'byung po sna tshogs gzugs 'dzin pa/ /sgyu ma kun las rnam par rgyal/ /ji ltar 'dam las byung ba yi/ /pad ma 'dam gyis gos pa med/ /de ltar 'dod chags</font><hr>87.297b<br><font size=+1>

las byung ba'i/ /nyes pa rnams kyis gos pa med/ /ces pa ni dpa' bo gcig pa nyid du gsungs pa'i dpal khro bo gtum po'i rgyud las rdzogs pa'i rim pa'i rnal 'byor rim par phye ba ste drug pa'o// // de nas bcom ldan 'das mas gsol pa/ skye bo kun gyi 'khrig spyod pas/ /yongs su ngal ba chen por gyur/ /de yi ngal sa'i gnas nyid ni/ /mgon po khyod kyis gsung bar rigs/ /bcom ldan 'das kyis bka' stsal pa/ /bud med bde ba la dmigs nas/ /rang gis mngon sum dgag par bya/ /sha dang nya ni bza' bar bya/ /chang ni btung bya mnyam bzhag pas/ /gzhan yang ji ltar rnyed pa bza'/ /'o chu rag ta la sogs bza'/ /thog mar bud med la byin nas/ /de yi lhag ma bza' bar bya/ /de yi lhag ma'i snod la ni/ /longs ni rtag tu spyad par bya/ /de yi kha bshal chu dang ni/ /pad ma bkrus pa'ang btung bar bya/ /bshang sgo pad ma bkrus bzung nas/ /brtul zhugs can gyis kha sogs bkru/ /de yi skyugs pa bza' bya zhing / /de yi bzhi mnyam bza' bar bya/ /skye gnas las byung btung bar bya/ /kha chu yang ni bza' bar bya/ /ji ltar shing la lud sogs kyis/ /'bras bu lhag par 'gyur ba ltar/ /de bzhin mi gtsang sogs spyod pas/ /bde ba dam pa skyes bu la/ /na dang rgas pa nyid dang ni/ /de yi lus la 'chi ba med/ /gang de'i mi gtsang sten byed pa'i/ /rnal 'byor pa yis de 'grub byed/ /gang du bza' dang bza' min dang / /'dir ni rnam rtog mi bya'o/ /sbyor rig bya dang bya min dang / /bgrod min bgrod pa'ang de bzhin no/ /bsod nams med cing sdig pa'ang med/ /mtho ris thar par brtag mi bya/ /lhan cig skyes pa gcig pu'i gzugs/ /rnal 'byor pa yis mnyam bzhag bya/ /de nyid sbyor ldan rnal 'byor pa/ /gang tshe bsgom pa mchog gyur pa/ /khro bo gtum po gcig sbyor bas/ /de yi nga rgyal 'dzin pa po/ /gal te bram ze brgya bsad kyang / /sdig pa rnams</font><hr>87.298a<br><font size=+1>

kyis gos mi 'gyur/ /de phyir mgon po cho ga yis/ /khro bo gtum po de nyid bsgom/ /skye bo gang zhig drag po yi/ /las kyis dmyal bar 'gro byed kyang / /de la sdig pas mi gos shing / /mtho ris 'gro bar the tshom med/ /yid ni sngon du 'gro ba 'di/ /dge dang sdig pa kun la 'dod/ /yid dang rnam rtog rnam pa la/ /gnas la sogs pa'i dbye bar bstan/ /ji ltar sngags dang bral ba yi/ /dug zos pas ni tshe zad 'gyur/ /sngags dang de nyid shes pa yis/ /bde ba dang ni tshe 'phel byed/ /de nas skad cig de la lha mo mchog gi shes rab kyi pha rol du phyin mas gri gug dang / thod pa'i phyag gis khro bo gtum po'i phyag rgyas/ rdo rje gtum mo khro chen mas/ /de nyid mchog la gzigs nas gsungs/ /bdag gi gzugs ni bsgom byas nas/ /nga rgyal mchog 'di byas gyur na/ /gal te tshangs 'joms de yang ni/ /sdig pa yis ni gos mi 'gyur/ /khro chen sems nyid gcig pu yis/ /bdag gi gzugs ni sgom byed na/ /nya dang bya ni bsad byas kyang / /brtse med g.yo dang khro ba dang / /gsod pa'i don phyir sems dpa' can/ /rnal 'byor sdig pas gos mi 'gyur/ /de rnams kun la phal cher ni/ /mthu che bar ni rab tu bstan/ /zhes pa ni dpa' bo gcig pa nyid du gsungs pa'i khro bo gtum po chen po'i rgyud las/  lus kyi bde ba'i rim par phye ba ste bdun pa'o// // de nas bcom ldan 'das kyis bka' stsal pa/ bcom ldan 'das ma la/ /dkyil 'khor lnga yis phyag btsal nas gsol pa/ dga' ma khyod gzugs rnal 'byor pas/ /ji lta bur na shes par bya/ /bcom ldan 'das mar gus bya ba/ /rnal 'byor pa yis gang la bya/ /de nas bcom ldan 'das mas bka' stsal pa/ nga ni 'jig rten gsum po na/ /mtho dang dma' ba'i gzugs gyur pa/ /bud med gzugs de la ni 'dod/ /ji srid 'jig rten gyis mi mthong / /</font><hr>87.298b<br><font size=+1>

lha mo lha min mo dang ni/ /de bzhin gnod sbyin srin mo dang / /klu mo 'byung mo mi ci mo/ /de bzhin mi yi bu mo dang / /dri za mo dang dmyal ba mo/ /dud 'gro'i bu mo yi dgas mo/ /tshangs ma rgyal rigs rje rigs mo/ /dmangs rigs mo ste shin du mang / /yig mkhan ma dang rgyal mo dang / /gtso mo ka la ut+ti ni/ /tshod mo skyed mos tshal mo dang / /smad 'tshong ma dang chos mkhan ma/ /ko lpags snod mkhan sha ba ri/ /hA Di Dom bi tsaN Da lI/ /khrus ma chang ma la du mkhan/ /lcags mgar 'dreg mkhan gar ma dang / /mkhar ba mo dang gser 'gar ma/ /nya pa mo dang shan pa mo/ /srub ma mkhan dang me tog ma/ /thod pa can ma dung mkhan ma/ /gdugs mkhan ma dang khang mkhan ma/ /ba lang skyong dang mda' mkhan ma/ /phru klog rdo mkhan ma dang ni/ /shing mkhan rgyan cha mkhan mo dang / /rigs rnams kun la rab tu 'jug /ma dang sring mo chung ma dang / /a ne dang ni tsha mo dang / khaT+T+ri ka dang sgyug mo dang / /gzhan yang gnyen 'dab ma kun dang / /brtul zhugs can dang rnal 'byor ma/ /yugs sa mo dang dka' thub ma/ /zhes sogs mang po kun la ni/ /nga ni bud med gzugs gyur nas/ /sems can kun gyi don gyi gnas/ /rang rang tshul du nges pa yis/ /de rnams ji ltar rnyed pa nyid/ /'o dang 'khyud pa la sogs kyis/ /rdo rje pad ma mnyam sbyor ba/ /rnal 'byor rnams kyis bsten par bya/ /sems can kun la phan 'dod pas/ /mi mo bsten pas dngos grub bo/ /skad cig tsam gyis ster byed pa/ /de phyir bud med bsten par bya/ /bud med mtho ris bud med chos/ /bud med de nyid dka' thub mchog /sangs rgyas bud med dge 'dun nyid/ /bud med shes rab phar phyin nyid/ /kha dog rnam lnga'i rab dbye bas/ /so sor brtag par 'dod pa yin/ /bud med gang zhig kha dog sngo/ /zhe sdang rdo rje ma ru grags/ /bud med gang zhig kha dog dkar/ /gti mug rdo rje mar 'dod do/ /</font><hr>87.299a<br><font size=+1>

bud med gang zhig kha dog ser/ /lha mo phra ma rdo rje ma/ /bud med gang zhig kha dog dmar/ /'dod chags rdo rje ma ru grags/ /bud med gang zhig kha dog ljang / /phrag dog rdo rje ma zhes grags/ /bcom ldan shes rab phar phyin ma/ /gcig nyid lnga yi tshul gyis gnas/ /chang dang bza' ba me tog sogs/ /rnams mchod lus la gos kyis mdzes/ /yang dag smra bar 'dud byas nas/ /thal mo yang dag sbyar byas te/ /blta dang reg pa nyid dang ni/ /dran pa yis ni smra bar bya/ /rtag tu 'o dang lag pas 'khyud/ /rdo rje rnal 'byor ma mchod bya/ /lus kyis nus pa rnams byas nas/ /mi nus pa rnams ngag yid kyis/ /mchod pas brnyes des bdag la ni/ /dngos grub thams cad rtsol bar byed/ /bud med kun gyi lus spangs nas/ /bdag ni gzhan du gyur pa med/ /sna tshogs spangs nas bud med mchod/ /'di ni bdag la rab mchod 'gyur/ /'di yis bdag la bsnyen bkur nas/ /sgrub pa po mnyes dngos grub mchog /de yis mthong ba'i lam zhugs nas/ /rnam kun rtag tu kun nas ster/ /ma lus gzugs kyis bdag bsgoms nas/ /rang gi bud med 'dod bsten bya/ /rdo rje pad mo mnyam sbyor bas/ /bdag la byang chub ster ba mo/ /de phyir rnam pa kun gyi ni/ /bdag la gus pas mchog tu de/ /'di yis de nyid rab sbyor bas/ /brtul zhugs can gyis rab gus bya/ /dmyal ba la sogs ngan 'gro yi/ /sdig pa yis kyang 'jigs mi bya/ /'jig rten sdig pas 'jigs gyur na/ /ji srid nus pa thob mi 'gyur/ /sdig pa cung zad yod min zhing / /bsod nams cung zad yod min phyir/ /sems nyid mi srung 'jig rten gang / /sdig dang bsod nams rnam par gnas/ /gang du sems nyid tsam gyis ni/ /thams cad skad cig tsam</font><hr>87.299b<br><font size=+1>

de gnas/ /dmyal bar 'gro ba 'dir gang gis/ /gang gis 'dir ni mtho ris 'gro/ /gang gis dug btags mthu yis 'chi/ /ji lta ba la de nyid med/ /dug gi mthu yis yang dag brgyal/ /de bzhin mtho ris ngan 'gror 'gro/ /de nyid yongs su shes gyur pa'i/ /mkhas pas mya ngan 'das pa 'thob/ /myang 'das stong pa'i tshul nyid du/ /mar me rlung gis ji bzhin du/ /nyer chad ltung ba de yang ni/ /byang chub go 'phang ma yin no/ /de phyir thams cad yongs spangs nas/ /bdag nyid gus bya brtul zhugs can/ /skad cig tsam gyis gtum po yi/ /dngos grub ster bar the tshom med/ /de nas bcom ldan 'das kyis/ bcom ldan 'das ma shes rab kyi pha rol du phyin ma la gsol pa/ ji lta bu yi rnam pa yis/ /gtum mo'i dngos grub ci 'dra zhig /de nas bcom ldan 'das mas bka' stsal pa/ kha dog lnga yi rab dbye bas/ /rnal 'byor ma ru rab grags gang / /de yang rang rang bdag po yi/ /kha dog lnga yi rab dbye las/ /gtum po kun gyi de nyid 'dis/ /bdag ni rnal 'byor ma ru shar/ /kha dog sngon po gang de yang / /bdag po mi g.yo sngon por shes/ /kha dog dkar po'i bdag po gang / /mi g.yo dkar po zhes bya'o/ /kha dog ser po'i bdag po gang / /mi g.yo ser po yang dag grags/ /kha dog dmar po'i bdag po gang / /mi g.yo dmar po zhes grags so/ /kha dog ljang khu'i bdag po gang / /mi g.yo ljang gu zhes bya'o/ /gtum po de nyid gcig pu nyid/ /rnam pa lnga yi tshul gyis gnas/ /'di yi dngos grub brtan pa nyid/ /de ni gtum por yang dag bshad/ /nam mkha'i mthar thug ji snyed pa/ /lha mo'i gzugs kyis yang dag gnas/ /gtum po'i dngos grub ji bzhin gsungs/ /de bzhin du ni gtum mo 'grub/ /zhes pa ni dpa' bo gcig pa nyid du gsungs pa'i dpal khro bo gtum po'i rgyud la/ ngo bo nyid kyi rim par phye ba ste brgyad pa'o// // de nas bcom ldan 'das mas gsol pa/ bcom ldan 'das thabs</font><hr>87.300a<br><font size=+1>

dang shes rab dag gi nga rgyal ji ltar bsgom par bya/ bcom ldan 'das kyis bka' stsal pa/ /mi mo mngon byas rnal 'byor pas/ /phan tshun de yi lta ba mchog /lus ni drang por mnyam gnas nas/ /rtse gcig yid kyis bsam gtan bya/ /sku bzhi yi ni rang bzhin phyir/ /tha dad med pa'i yid kyis so/ /slar yang byang chub dbyer med pas/ /thabs dang shes rab nyid du 'dod/ /'chi ba nyid ni chos su brjod/ /longs spyod rdzogs pa bar srid dang / /'gro ba drug gzugs sprul pa dang / /'dod pa'i longs spyod bde chen po/ /sku bzhi yi ni rang bzhin 'di/ /skyes bu la ni khams gsum pa/ /sku bzhi yi ni rang bzhin phyir/ /bud med gzugs la khams gsum mo/ /sku bzhi yi ni rang bzhin las/ /skyes bu 'dir ni sangs rgyas yin/ /bud med shes rab phar phyin mar/ /phyogs rnams kun du rnam par gnas/ /de nyid nga rgyal byas pa yis/ /slar yang bdag la dngos grub bo/ /khro bo gtum po'i tshul nyid du/ /rang nyid gzugs kyis yang dag gnas/ /'dod chags gtum mo'i gzugs bsgoms na/ /bdag la dngos grub rnam kun du/ /de nyid gsum rig dus ring du/ /'di ni gus pa dang bcas bsgom/ /las kun yongs su spang byas nas/ /bla ma bsten pa de nyid mchog /ji srid dngos grub ma thob par/ /bde ba'i sems nyid gcig pus gnas/ /gang tshe rnal 'byor dngos grub thob/ /sdig pa dang bral dri med 'gyur/ /rlung dang sems kyi 'dzum mdangs ni/ /'jig rten pa yis mthong ba med/ /kun mkhyen kun la khyab pa'o/ /nyon mongs kun las rnam par 'das/ /de la nad dang rgas pa med/ /de la 'chi ba yod min te/ /de la dug gis 'da' ba med/ /chus min mes kyang 'tshig pa med/ /mtshon gyis ma yin dgra yi ni/ /dbang du nam yang 'gro ba min/ /yid kyis bsams pa tsam gyis ni/ /dgos 'dod ma lus 'byung bar 'gyur/ /skad cig de la 'bad med par/ /yid bzhin nor bu dang mtshungs 'gyur/ /ma lus 'jig rten khams rnams su/ /gang</font><hr>87.300b<br><font size=+1>

dang gang du de bzhin gshegs/ /de ni gzhal yas mkha' 'gro ste/ /der ni 'dod kun de rnams kyis/ /gzugs dang lang tshos rab brgyan pa'i/ /lha yi bu mo dga' mas der/ /ji snyed mtho ris skar ma rnams/ /the tshom med pa nyid du 'gyur/ /tshangs dang khyab 'jug dbang phyug gang / /brgya byin yan lag med sogs gang / /mngag gzhug 'gyur zhing 'gro drug du/ /gnas pa'i srog chags kun kyang ngo / /rnal 'byor dngos grub ji lta bzhin/ /de bzhin rnal 'byor mas kyang ngo / /skyes bu rdo rje 'dzin pa ltar/ /bud med rdo rje btsun mo'o/ /de nas bcom ldan 'das mas gsol pa/ bcom ldan 'das lus 'di la thabs dang shes rab kyi sbyor ba las bde ba chen po ji ltar skye ba lags/ bcom ldan 'das kyis bka' stsal pa/ brkyang ma shes rab rang bzhin te/ /g.yon pa'i rtsa ru rab tu grags/ /ro ma thabs kyi rang bzhin gyis/ /g.yas pa la ni yang dag gnas/ /brkyang ma ro ma'i dbus dag la/ /kun d+har mar ni rab tu gsungs/ /gang tshe a ba d+hU tIr rlung / /khu ba dang ni ro gcig gyur/ /rdo rjes mgo bo'i mtshams su 'gro/ /bud med b+ha ga'i ran tra la/ /thabs dang shes rab mnyam sbyor bas/ /lte bar gnas pa'i tsaN Da li/ /mar me ltar 'bar de yis ni/ /zhu ba'i khu ba mchog la ni/ /de las skyes pa'i bde ba la/ /cung zad cung zad rab sbyor las/ /de yang chen po cher sbyor las/ /de yang dngos po'i rang bzhin las/ /gang gis de yi bde ba 'phel/ /rtag tu goms pa'i sbyor ba las/ /de ni skye ba 'di nyid la/ /dpal ldan gtum po nyid du 'gyur/ /zhes pa ni dpa' bo gcig pa nyid du gsungs pa'i dpal khro bo gtum po'i rgyud la/ bsam gtan gyi rim par phye ba ste dgu pa'o// // de nas bcom ldan 'das mas gsol pa/ ci ste bcom ldan sgrub pa pos/ /khro chen gtum po'i go 'phang ni/ /bud med dang bral bsgrub nus sam/ /</font><hr>87.301a<br><font size=+1>

'on te bsgrub par nus ma yin/ /bcom ldan 'das kyis bka' stsal pa/ lha mo bsgrub par nus pa ma yin no/ /bcom ldan 'das mas gsol pa/ bcom ldan 'das ci'i phyir na bde ba ster ba med par mi nus/ bcom ldan 'das kyis bka' stsal pa/ e ma bde ba skyes tsam gyis/ /byang chub mchog ni thob byed pa'i/ /bde ba khyad 'phags 'byung ba las/ /de nyid 'thob kyis de gzhan min/ /de med de yi bya ba yang / /de nyid med par skye ma yin/ /byed po bud med dang sbyor las/ /gzhan du nam yang ma yin no/ /sgyu ma'i de nyid thams cad la/ /bud med sgyu ma'i de nyid bsngags/ /de yi de nyid las 'das gang / /de las dngos grub lhag 'byung med/ /de phyir bud med dang bral 'di/ /nam yang bya ba ma yin no/ /de nyid gal te sdug bsngal gyur/ /'chi dang 'ching ba'i 'jigs pa yang / /de rnams thams cad bzod bya yis/ /'dir ni bud med spang mi bya/ /gang phyir bud med bde de nyid/ /kun nas sangs rgyas ster ba po/ /g.yo dang spobs can 'tshor ngo bral/ /rtag tu 'dod pa'i dpung gnyen no/ /dngos grub ster ba 'di nyid ni/ /dngos po kun gyis bsten par bya/ /bud med tshul ni gcig brjod pa/ /dga' ba'i phyir ni 'chi ba'ang med/ /bdag po dang ni bral gyur na/ /'dod pa mchog ni ci zhig smra/ /de phyir kun gyis bud med lhar/ /rnam pa kun du rab tu brtag /shing dang rdo la sogs rnams kyang / /yid kyis yongs su brtag pa'ang bya/ /skyes pa bud med lha mo dang / /bud med kyi ni skyes pa lha/ /rdo rje pad ma rab sbyor bas/ /phan tshun du ni mchod par bya/ /mchod par bya ba gzhan du min/ /rang nyid byin gyis brlab pa'ang de/ /de phyir rnal 'byor brtse ldan pas/ /dkyil 'khor mdun du byas nas ni/ /de la nye zhugs bud med ni/ /shes rab phar phyin rnam pa la/ /rtag tu me tog gis mchod cing / /de bzhin spos</font><hr>87.301b<br><font size=+1>

dang mar me sogs/ /dkyil 'khor lnga ni rab sbyor bas/ /phyi nas phyag ni btsal bar bya/ /de nas g.yas su bskor ba bya/ /gtum mo la ni mchod par bya/ /gus pa dang bcas sems kyis ni/ /de bzhin skyes bus bud med mchod/ /de nyid mchod pa'i cho ga ni/ /rgyal bas phan tshun bya bar gsungs/ /bud med sad par yong mi bya/ /de nyid 'dod pa'ang spang mi bya/ /snyan pa'i tshig gis smra bya zhing / /rjes su 'thun par sbyin par bya/ /dngos po kun gyis phyag byas te/ /ji bzhin gdug can shes mi bya/ /gang du'ang bud med mi spong ba/ /'di ni sangs rgyas gsung du thos/ /gang du khyod kyis gzhan byas nas/ /de yi sdig pas dmyal bar 'gyur/ /bud med dang bral ci byas kyang / /gzhan du 'chi 'gyur dngos grub min/ /khro bo gtum po'i bsgrub thabs ni/ /dka' thub kyis ni 'grub mi 'gyur/ /yid ni dri med ma byas par/ /'bras med gti mug dra bas bcings/ /'dod ldan 'dod pa spong byed pa/ /brdzun gyis 'tsho ba skye 'gyur te/ /rdzun gyis gang 'tsho sdig pa ste/ /sdig pas dmyal bar 'gro bar 'gyur/ /'chi ba'i dus ni thob pa na/ /brdzun gyis 'tsho bar the tshom med/ /de phyir bsgrub bya bsgrub par bya/ /rgyal ba'i bdag nyid 'dod pas so/ /'dod yon lnga po de spangs nas/ /bdag nyid dka' thub gdung mi bya/ /gzugs rnyed pa ni lta bya zhing / /sgra yang de bzhin mnyan par bya/ /dri ni mnam par bya ba ste/ /ro yi mchog ni bza' bar bya/ /reg bya reg par bya ba ste/ /'dod pa lnga po bsten par bya/ /khro bo gtum po de mchog ni/ /myur du sangs rgyas mchog 'gyur ro/ /gzhan la slu ba med gyur cing / /gti mug mchog tu med par bya/ /mi yi lang tsho thob pa la/ /mi mo'i bde ba mi spyod na/ /chen po mchog tu zad byas na/ /lta ba'ang 'bras bu med par byas/ /'dod can ma rtag bsten byas na/ /'dod pa tsam gyi dpung gnyen gyis/ /gtsun mo'i skye gnas yang dag</font><hr>87.302a<br><font size=+1>

bsten/ /khro bo gtum po'i go 'phang mthong / /gnyid ni ji ltar spang bar bya/ /bza' ba dang ni dgod pa nyid/ /'jig rten ma dad spang ba'i phyir/ /lha mo sgyu 'phrul sras mkhas pas/ /pho brang 'khor gyi btsun mo ni/ /stong phrag brgyad khri spangs nas slar/ /nai raN dza nA'i 'gram gshegs nas/ /sangs rgyas dngos grub rab gsungs dang / /gang du bdud ni 'dul mdzad pa/ /de nyid gzhan don kho na yin/ /gang phyir btsun mo'i nang sangs rgyas/ /go pa dang bcas bde ldan grub/ /rdo rje pad ma mnyam sbyor bas/ /gang phyir bde ba las thob bo/ /bde ba las thob sangs rgyas ni/ /bde ba bud med dang bral min/ /gang du sbyor bral bya ba ni/ /'jig rten nyams pa spang phyir ro/ /'jig rten gang gis 'dul ba na/ /de dang de yi sangs rgyas 'gyur/ /rgyal ba'i sgyu ma'i gar nyid kyis/ /de dang de nyid tshul gyis so/ /mdo sde chos mngon thams cad nas/ /bud med rnams ni smod mdzad pa/ /sna tshogs slob ma'i snod phyir bshad/ /de kho na nyid sbas nas gsungs/ /phung po lnga dang rnam bral ba'i/ /mya ngan 'das pa lta bar bya/ /de nas bcom ldan 'das ma shes rab kyi pha rol du phyin mas gsol pa/ bcom ldan 'das lha mo sgyu 'phrul gyi sras gang lags/ go pa yang gang lags/ bcom ldan 'das kyis bka' stsal pa/ lha mo sgyu 'phrul sras nyid kyang / /khro bo gtum po bdag nyid yin/ /sa 'tsho khyod nyid bcom ldan 'das/ /shes rab phar phyin bdag nyid ma/ /ji snyed pa yi bud med kun/ /khyod kyi tshig nyid 'dir 'dod do/ /skyes bu bdag gi gzugs de nyid/ /de bzhin kun du yongs su grags/ /'di ni rang bzhin gnyis yin te/ /'gro ba thabs shes bdag nyid do/ /de nas bcom ldan 'das mas gsol pa/ bcom ldan 'das ci'i phyir nyan thos la sogs pa rnams bud med sun 'byin par byed/ bcom ldan 'das kyis bka' stsal pa/ gang zhig 'dod pa'i</font><hr>87.302b<br><font size=+1>

khams gnas pa'i/ /nyan thos la sogs grags kun gyis/ /bud med la ltos kun ster ba'i/ /thar pa'i lam ni mi shes so/ /gang na nye bar gnas gyur pa'i/ /gur gum la sogs rnyed sla na/ /de la rin ni thob mi 'gyur/ /gang du ring nas rin chen nyid/ /thog med mi shes sbyor ba yis/ /dad pa dman pa'i skye bo 'di/ /de nyid la ni sems mi 'jug /bdag gi'ang 'di ni rab tu sbas/ /rtsod pa'i dus la de nyid 'di/ /sems can re rer bgrangs pa yi/ /bye ba'i nang na 'ga' zhig kyang / /dad dang brtson pa'i dpung gnyen can/ /kun nas de phyir gsungs pa ni/ /byang chub myur du rab bsgrub phyir/ /zhes pa ni dpa' bo gcig pa nyid du gsungs pa'i dpal khro bo gtum po chen po'i rgyud la mi mo rab tu bsngags pa'i rim par phye ba ste bcu pa'o// // de nas bcom ldan 'das mas gsol pa/ bcom ldan 'das khyod ci ste chags pa dang bcas pa'am/ chags pa dang bral ba lags/ bcom ldan 'das kyis bka' stsal pa/ bdag ni kun te kun la'ang khyab/ /kun byed kun gyi 'jig pa po/ /kun gyi gzugs 'dzin sangs rgyas te/ /byed po 'joms po khyab bdag bde/ /gang dang gang gi gzugs kyis ni/ /sems can 'dul byar 'di nyid 'jug /de dang de nyid tshul gyis ni/ /'jig rten don rgyur bdag gnas so/ /'ga' zhig sangs rgyas grub thob 'ga'/ /la lar chos dang dge 'dun no/ /la lar yi dgas la lar phyugs/ /la lar dmyal ba'i gzugs can no/ /la lar lha dang lha ma yin/ /la lar mi yi gzugs can no/ /la lar brtan pa'i gzugs can pa/ /sna tshogs gzugs can the tshom med/ /bdag ni skyes pa bud med dang / /ma ning gzugs su'ang la lar ro/ /la lar chags can la lar sdang / /</font><hr>87.303a<br><font size=+1>

la lar rmongs shing la lar gtsang / /la lar mi gtsang gzugs su nga / /sems kyi gzugs kyis bdag gnas so/ /bdag ni sems su blta bar bya/ /gzhan du cung zad yod min te/ /dngos po dngos med rab dbye nga / /nga ni bskyed bya skye byed nga / /bdag ni bgegs dang grub pa nga / /kun gyi gzugs kyis yang dag gnas/ /nga ni skye dang 'chi ba'ang nga / /nga ni nad dang rgas pa'ang nga / /nga ni bsod nams sdig pa'ang nga / /de yi las kyi 'bras nyid nga / /'gro kun rang bzhin sangs rgyas nyid/ /kun du bdag gi gzugs nyid 'di/ /rnal 'byor de nyid sems dpa' pos/ /ro mnyam rnam par shes par bya/ /de nas bcom ldan 'das mas gsol pa/ bcom ldan 'das ci ste khyod kyi gzugs nyid 'di lta bu yin nam/ bcom ldan 'das kyis bka' stsal pa/ ji ltar khyod kyi gzugs nyid kyang / /rnam pa de ltar kun nas gsungs/ /brtan dang g.yo ba'i 'gro kun la/ /'dir ni khyod kyis khyab pa po/ /zhes pa ni dpa' bo gcig pa nyid du gsungs pa'i dpal khro bo gtum po chen po'i rgyud las sna tshogs pa'i rim par phye ba ste/  bcu gcig pa'o// // de nas bcom ldan 'das mas gsol pa/ sngags rnams kyi ni sgrub pa'i thabs/ /zhi dang rgyas pa de nyid gsungs/ /dbang dang dgug pa'i rab sbyor dang / /gsad dang bskrad pa la sogs dang / /dug sel ba dang nad zhi dang / /me dang ral gri sogs rengs dang / /g.yul du rnam par rgyal ba dang / /mkhas pa yi ni mchog nyid dang / /gnod sbyin mo sgrub bran dang ni/ /pho nya 'byung sogs sgrub thabs dang / /dpag med rnam shes nus pa rnams/ /bdag la nges par gtso bos gsungs/ de nas bcom ldan 'das kyis bka' stsal pa/ kyai khyod la mchog ci zhig sbyin par bya/ /zhes pa</font><hr>87.303b<br><font size=+1>

dang sgrub pa pos smra bar bya ste/ sangs rgyas nyid stsol cig ces so/ /de nas bcom ldan 'das de'i lus la rab tu zhugs so/ /rab tu zhugs pa tsam gyis/ lo brgyad gnyis kyi rnam pa can/ mngon par shes pa drug pa/ sa bcu gsum gyi dbang phyug /lha'i gzhal yas khang na spyod pa can gyi lha'i bu mo'i tshogs brgya stong gis brgyan pa/ 'dod pa'i gzugs can thams cad mkhyen pa/ bcom ldan 'das ji lta ba bzhin du gyur to/ /yang na ral gri dang / mig sman dang / ri lu dang / rkang mgyogs dang / rkang pa'i byug pa dang / rgyal srid dang / 'dod pa la longs spyod pa'i dbang phyug dang / rig pa dang / nor can dang / rig pa la mkhas pa dang / gnod sbyin dang / gnod sbyin mo dang / bcud len dang / reg rdo dang / khams smra ba ji ltar mngon par 'dod pa bzhin zhu bar bya ste/ de thams cad bcom ldan 'das kyis ster bar byed do/ /yang na dpa' bo gcig pa'i ras ris bris la sngon ma bzhin du bsgrub par bya'o/ /de la dpa' bo gcig pa'i ri mo ni mi g.yo ba nag po la zhe sdang rdo rje mas 'khyud pa'o/ /mi g.yo ba dkar po la gti mug rdo rje mas so/ /mi g.yo ba ser po la phra ma rdo rje mas so/ /mi g.yo ba dmar po la 'dod chags rdo rje mas so/ /mi g.yo ba ljang khu la phrag dog rdo rje mas 'khyud pa bri bar bya'o/ /yang na shes rab dang bral ba'i bcom ldan 'das gcig bu bri bar bya'o/ /yang na ri mo la bcom ldan 'das ma lnga po rnams kyi dbus na gcig tu byas la/ der bdag nyid de'i bdag po'i gzugs su bsams nas sngon bzhin du sgrub par bya'o/ /yang na rang gi bud med la mo'i gzugs su bsams nas bsgrub par bya'o/ /grub par gyur na/ sangs rgyas nyid kyang ster bar byed na dngos grub gzhan</font><hr>87.304a<br><font size=+1>

smos ci dgos yang na zhabs g.yon brkyang ba ral gri dang zhags pa bsnams pas bsgrub par bya'o/ /yang na sems dpa'i dkyil dkrung can ral gri dang zhags pa phyag na bsnams pa/ rang 'od kyi shes rab ma la rol pas bsgrub par bya ste/ lhan cig pa'i khro bo gtum po chen po sngon bzhin du 'grub bo/ /'di nyid bcom ldan 'das kyi ri mo'i dngos grub bo/ /yang na sku gzugs kyi sgrub thabs kyis kyang 'di nyid bsgrub par bya'o/ /de nas ral gri'i sgrubs thabs ni yid kyis de'i tshe me tog dzA ti dang / lcags kyi rang bzhin dang / shing gi snying po'i rang bzhin las sam/ ji ltar mngon par 'dod pa byas nas ba'i rnam pa lnga rab tu bkrus te/ dri thams cad kyis byugs nas yang dag par brtsams te/ sngon bzhin du lag pa gnyis kyis yongs su bzung nas/ thun mtshams gsum dang zla ba gcig tu bzlas par bya'o/ /zla ba'i mthar mchod pa chen po byas nas mtshan mo ril po bzlas pa bya'o/ /tho rangs ral gri 'bar bar 'gyur te/ ral gri'i rig pa 'dzin par 'gyur te/ lo brgyad gnyis kyi rnam pa can skra 'khyil pa 'di ni/ snying po 'dod yon lngas rnam par rol par byed do/ /de bzhin du 'khor lo dang rtse gsum la sogs pa rnams sgrub par bya'o/ /de bzhin du zangs la sogs pa'i rang bzhin gyi zhags pa bsgrub par bya'o/ /de bzhin du bum pa dang / mchil lham dang / mchod phyir thogs dang / gos dang / gdugs dang / shes rab kyi pha rol du phyin ma'i po ti dang / rgyud kyi po ti la sogs pa bsgrub par bya'o/ /de bzhin du rnga pa Ta ha dang / rnga bo che dang / pi wang la sogs pa bsgrub par bya'o/ /de bzhin du gser gyi rang bzhin las/ gnod sbyin dzam b+ha la dang / nor bu bzang po dang / gang ba bzang po</font><hr>87.304b<br><font size=+1>

dang / pi tsi kuN Da li la sogs pa bsgrub par bya'o/ /thams cad mkhyen pa sgrub par byed do/ /de bzhin du smyug ma'i rang bzhin las dri bzangs bsgrub par bya'o/ /grog mkhar gyi sa'i rang bzhin las nam mkha' lding ngo / /thang shing gi rang bzhin las lha rnams te/ tshangs pa dang / khyab 'jug dang / dbang phyug chen po dang / dbang po dang / 'dod lha la sogs pa rnams so/ /dur khrod kyi sol bas srin po bri bar bya'o/ /ga Da'i nya tshig pas yi dgas bri bar bya'o/ /spra tshil gyis mi'o/ /glang po che'i rang bzhin las tshogs bdag go/ /shA kho Ta'i shing gi rang bzhin las pi lu sogs pa'i sha za'o/ /pra bA la'i nya las gau rI tsau rI la sogs pa bri bar bya'o/ /mi'i rus pa'i rang bzhin las rA ma de ba dang / 'dod pa'i lha la sogs pa'i ro langs so/ /nA ga ge shar gyi shing gi rang bzhin las nor rgyas la sogs pa'i klu dang / klu mo rnams so mya ngan med pa'i shing gi rang bzhin las 'phrog ma dang / lha mo sun d+ha ri dang / gar ma dang / dga' ma dang / yid 'ong ma dang / sh+ya ma nu Di dang / pad ma can dang / rjes su chags ma dang / zla 'od ma dang / tshangs pa'i bu mo dang / 'dod pa'i dbang phyug ma dang / mi'i bu mo dang / re ba ti dang / lta byed ma dang / na ra d+hi ra la sogs pa'i gnod sbyin mo rnams bsgrub par bya'o/ /n+ya gro d+ha'i shing gi rang bzhin las dpal lha mo dang / rgyal po'o/ /thang shing gi rang bzhin las/ til mchog ma dang / zla ba'i lha mo dang / gser phreng ma dang / kuN Da la ha ri NI dang / rin chen phreng ba ma dang / ram b+ha dang / ur bA shi dang / dpal gyis brgyan ma dang / dga' ma dang / dbang mo la sogs pa ste lha'i bu mo'i tshogs bsgrub par bya'o/ /de bzhin du nyi ma dang / zla ba dang / bkra shis dang / lhag pa dang / lha'i bla ma dang / pa ba sangs dang / spen pa dang / sgra gcan dang / du ba dang / gza' dgu'o/ /de bzhin du 'jig rten dbang phyug dang / phyag na rdo rje dang / 'jam dpal la sogs</font><hr>87.305a<br><font size=+1>

pa byang chub sems dpa' rnams so/ /de bzhin du rnam par gzigs dang / gtsug tor can te sangs rgyas rnams bsgrub par bya'o/ /de bzhin du gzhan gyis mi thub pa la sogs pa'i 'byung po rnams so/ /de bzhin du gshin rje la sogs pa 'phags pa'i pho nya rnams so/ /de bzhin du kaM ka la sogs pa'i bran rnams so/ /de bzhin du sems can thams cad kyi pho mo rnams bsgrub par bya'o/ /thams cad bka' sgrub pa byed pa por 'gyur ro/ /gal te lan cig gis grub par ma gyur na/ de la lan gnyis pa yang bya'o/ /de'i tshe yang ma grub na lan gsum pa yang brtsam par bya'o/ /de ltar na yang mi dge ba chen po'i dbang gis ma grub na/ de'i tshe sngon bzhin du pus mo g.yon pa'i khar rkang pa g.yas pas kyang mnan nas/ ji srid ma grub pa de srid bzlas pa bya'o/ /de nas tshangs pa 'joms pa pos kyang 'grub bo/ /de la 'dir khro bo gtum po chen po'i sgrub thabs kyi sngags kyi nang du byas nas/ o~M tsaN+Da ma hA ro Sha Na A gats+tsha A gats+tsha hU~M phaT/ ral gri la sogs pa sgrub na che ge mo sgrubs shig ces sbyar bar bya'o/ /gang gi tshe mnan nas/ che ge mo la ha na ha na zhes sbyar bar bya'o/ /de ltar lan cig brjod pas mtshams med pa lnga po byed pas kyang thams cad sreg par byed do/ /sarba pA pa me nA sha ya ti zhes sbyar bar bya'o/ /de bzhin du 'jigs pa thams cad la brjod pa tsam gyis srung bar byed do/ /rak+Sha rak+Sha ha~M zhes brjod par bya'o/ /de lta bus thams cad srin po rnams sreg par byed do/ /de nas rab tu 'bar bzhin pa'i lcags su bsams nas/ yungs kar dang sran ma mud ga dang / ma Sha la brgya rtsa brgyad rang gi sngags kyis mngon par sngags nas mkha' 'gro ma la sogs pa rnams la brab par bya'o/ /thams cad 'bros par byed do/ /brab pa'i dus su TA ki n+yA di ka ma pa sa ra ya</font><hr>87.305b<br><font size=+1>

zhes sbyar bar bya'o/ /yang na thod lo kor gyis kham phor so ma btang ba gnyis la/ pad+ma 'dab ma brgyad pa'i nang du sngags bris nas kha sbyar te/ nya rgyas dkris nas sgo la bcang bar bya'o/ /byis pa rnams kyi srung bar byed do/ /rak+Sha rak+Sha b+ha la ka zhes sbyar bar bya'o/ /spra tshil las bsgrub bya'i gzugs brnyan sor bzhi pa byas te/ gro ga la sngags mngon par bris nas de'i snying kar ske tshe la sogs pa rab tu gzhug par bya'o/ /de nas tsher ma'i kha la phur bus gdab par bya'o/ /phyir rgol ba'i kha la phur bus gdab par bya'o/    /phyir rgol ba'i kha la phur bus btab par 'gyur ro/ /lha sbyin gyi mu khaM kI la ya zhes sbyor bar bya'o/ /lam gyi bzhi mdor brkos nas de bzhin du rkang pa la phur bus gdab par bya'o/ /'gro ba dang 'ong ba rengs par byed do/ /lha sbyin gyi rkang pa la kI la ya zhes sbyar bar bya'o/ /snying la phur bus btab na khros pa rengs par 'gyur ro/ /lha sbyin gyi hr-i da yaM kI la ya zhes sbyar bar bya'o/ /mi'i rus pa'i phur bu'am lcags kyi phur bu'am/ mtshon sbal gyi tsher mas 'ga' zhig gi yan lag la phur bus btab na de dang de'i phur bus btab pa de zug rngu chen por 'gyur ro/ /lha sbyin gyi yan lag che ge mo la kI la ya zhes sbyar bar bya'o/ /gang gis khang pa'i sgo ru brkos nas sbas na de skrod par byed do/ /lha sbyin bskrad par gyis shig ces sbyar bar bya'o dur khrod kyi thal ba la mngon par sngags nas sgo glegs la gtor na skrod par byed do/ /lha sbyin uts+tshA Ta ya zhes sbyar bar bya'o/ /gzugs brnyan la tsher mas btab nas bzlas par bya'o/ /lha sbyin mA ra ya zhes sbyar na 'chi bar byed do ral gri la sogs pa la rang gi sngags kyis brgya rtsa brgyad mngon par sngags nas g.yul du 'jug par byas na rgyal bar 'gyur ro/ /gang bya ba'i phyogs su gtor ma byin pas de 'grub bo sdig pa'i nad la sogs pa la/   rma bya'i sgro la rang gis brgya rtsa brgyad mngon par sngags nas byab par bya'o/ /che ge mo'i che ge</font><hr>87.306a<br><font size=+1>

ro ga nA sha ya zhes sbyar bar bya'o/ /nad thams cad zhi bar 'gyur ro/ /de bzhin du mche ba'i dug la sbyar bar bya ste/ lag pa'i mthil gnyis su'o/ /lha sbyin gyi bi Sha nA sha ya zhes sbyar bar bya'o/ /dug med par 'gyur ro/ /de bzhin du gang gi dbang du bya ba la ni rang gi gnas nas 'ongs te gcer bu skra grol ba mdun du bsams te 'gyel bar bltas nas bzlas pas dbang du 'gyur ro/ /che ge mo bdag gi bra sha ma na ya zhes sbyar bar bya'o/ /de bzhin du sngon ma bzhin du dgug par bsams nas bzlas pas 'gugs par byed do/ /che ge mo a kar Sha ya zhes sbyar bar bya'o/ /bdag nyid kyi nor dang 'bru dang gter la sogs pa yongs su gang bar bsams nas bzlas par bya'o/ /bdag la puSh+TiM ku ru zhes sbyar bar bya'o/ /rgyas par 'gyur ro/ /sngags 'dis gru gsum gnyis kha sbyar te/ dbus su go la'i 'dab ma la tsher mas bris te/ /pho ba ris lnga dang bcas pa'i go la zos nas/ rims thams cad 'joms par byed do/ /sarba dz+wa ra~M nA ya zhes sbyar bar bya'o/ /zla ba gzas bzung ba'am/ nyi ma gzas gzung ba la/ 'o ma'i zan nam zho'i zan gyis lhung bzed bkang nas/ ka ra dang mar dang bcas pa/ a shwad tha'i lo ma bdun gyi steng du bzhag nas/ lo ma bdun gyis steng nas g.yogs te/ lag pa gnyis kyis brten nas/ ji srid ma grol gyi bar de srid bzlas par bya'o/ /de zos pas lo lnga brgya thub bo/ /rim pa 'di nyid kyis ba bla'am/ gi wang ngam/ ldong ros sam/ slang dreg la bsgrub par bya'o/ /'bar bar gyur na thig le 'am/ /mig sman gyi rig pa 'dzin par 'gyur ro/ /du ba byung na mi snang bar 'gyur ro/ /dro bar gyur na dbang du byed do/ /yang na nA ga ge sar gyi sha dz+wa'i shing gi rang bzhin la klu'i rgyal po mtha' yas bya'o/ /de chu'i nang du kha thur du bstan nas/ gdong nam mkhar bltas nas bzlas pa bya'o/ /ha na ha na a nan ta~M shI g+h+ra~M baR+Sha</font><hr>87.306b<br><font size=+1>

pa ya zhes sbyar bar bya'o/ /lha yis char 'bebs so/ /de nas mtha' yas chu nas gton te/ 'o ma yis khrus byas nas gshegs su gsol bar bya'o/ /de nas sprin la rnam par bltas nas bzlas par bya'o/ /char rengs par 'gyur ro/ /sarba ba ta briSh+Ti stam+b+ha ya zhes sbyar bar bya'o/ /zhes pa ni phyed dang bcas pa'i yi ge bcu'i sngags so/ /de bzhin du gnyis pa dang gsum pa'i rtsa ba'i sngags dag gi cho ga dang / snying po'i sngags kyi yang cho ga 'di nyid do/ /dang por phreng ba'i sngags ke ta ki'i lo ma la tsher mas bris nas/ gos sngon po dang skud pa dag gis dkris nas mgo bo'am/ dpung pa'am/ mgul pa'i rgyab bam/ g.yon par bcing bar bya'o/ /kro d+ha ts+tshe da sa che ge mo dz+wa ra~M nA shA ya zhes pa 'di byas pas rims thams cad 'joms par byed do/ /'ching ba'i dus su nad pa gdong shar du phyogs par byas nas/ nya bsregs pa dang zan dang chang la sogs pas gang ba'i kham phor gyis sbyangs nas/ 'di zo la rims la sogs pa thams cad myur du phyir dengs shig /bcom ldan 'das khro bo gtum po chen po'i bka' 'di nyid kyis song shig /gal te na yang gzhan du mi 'gro na/ de'i tshe bcom ldan 'das gtum po khros pa'i ral gris til gyi tshad tsam du gtub par bya'o zhes brjod nas/ bden bral gyi 'tshams su gtang bar bya'o/ /de nas bde bar 'gyur ro/ /de bzhin du nad dang mkha' 'gro ma dang / bar du gcod pa thams cad la gtor ma sbyin par bya'o/ /'jigs pa thams cad la bklags pa tsam gyis srung bar byed do/ /gzhan yang rtsa ba'i sngags brjod pas thams cad byed do/ /phreng ba'i sngags gnyis pa la yang cho ga 'di nyid do/ /phreng ba'i sngags gsum pas lha'i bu'i phung po la mngon par sngags nas sbyin par bya'o/ /mchog ster bar 'gyur ro/ /zan gyi phung po la mngon par sngags nas/ phyi dro'i dus su dben pa'i</font><hr>87.307a<br><font size=+1>

phyogs su sbyin par bya'o/ /bya ba gang gi phyogs la des thams cad 'grub bo/ /cho ga lhag ma ni sngon ma bzhin no/ /cho ga sngon ma bzhin du dkar po'i tshes gcig nas brtsams te ji srid nya gang ba'i bar sngon bzhin du bya'o/ /phreng ba'i sngags rnams kyi stong phrag bcus sngon du bsnyen pa bya'o/ /lha rnams kyi bye brag gi sngags rnams rtsa ba'i sngags kyi cho ga bzhin du'o/ /bcom ldan 'das kyi sngags kyis cho ga ji lta ba bzhin no/ /de bzhin du lha mo rnams kyi'o/ /khyad par du phreng ba'i sngags bzlas pas/ snyan dngags mkhan dang paN Di ta nyid du myur du 'gyur ro/ /rtsa ba'i sngags gsum pa'i cho ga'o/ /mal gyi steng du lag pa g.yon pas ling ga bzung nas brgya rtsa brgyad bzlas par bya'o/ /gang gi ming gang yin pa de 'ong bar byed de 'dod par bya'o/ /sngags ni/ o~M bau he ri che ge mo a yA tu hU~M phaT/ gtsag gis b+ha ga la kun nas byugs nas/ sa la lag pa g.yon pas brten nas brgya rtsa brgyad bzlas par bya'o/ /gang gi ming yin pa de 'ong bar 'gyur ro/ /yungs kar la lan bdun du mngon par sngags nas skyes bu la bsnun par bya'o/ /nad dang bral bar 'gyur ro/ /yid kyis brtag par bya'o/ /chu la yongs su bzlas nas bsnun na khrag 'dzag par 'gyur ro/ /gos la yongs su bzlas nas bsnun na skye bo thams cad dga' bar 'gyur ro/ /lan tshwa la yongs su bzlas nas gang gi rkang pa'i sen mo la byin na de dbang du byed do/ /ba lang gi spu'i thag pa sngags kyis mngon par sngags nas gang gi mgul du bcings pa de ba lang du 'gyur ro/ /nyi ma la mngon par phyogs nas gang gi ming nas mngon par bzlas pa de 'ong bar 'gyur ro/ /zhum bu'i spu'i thag pa gang gi mgul par bcings pa de zhum bur 'gyur ro/ /bya rog gi rgyus pa'i srad bus bya rog tu 'gyur ro/ /skyes bu'i skra'i srad bus skyes</font><hr>87.307b<br><font size=+1>

bur 'gyur ro/ /bud med kyi skya'i srad bus bud med du 'gyur ro/ /de bzhin du gang dang gang gi spu la sogs pa'i srad bus byas pas de dang de'i gzugs nyid du 'gyur ro/ /gang gi ming gis bzlas na de'i khrag 'gugs so/ /mig mi 'dzum par blta zhing 'di bzlas pas de dbang du 'gyur ro/ /zhes pa ni lha mo'i sngags kyi cho ga'o/ /gtor ma'i sngags kyis gtor ma dbul bar bya'o/ /nad dang bgegs la sogs pa'i bar du gcod pa thams cad zhi bar 'gyur ro/ /gtor ma phul nas bya ba gang la zhugs na/ de 'grub par 'gyur ro/ /me tog dkar po'i kham phor dang / 'o ma'i kham phor dang / dri bzangs kyi chu'i kham phor dang / zho zan gyi kham phor te/ kham phor bzhi po 'di rnams shing thag dang nye ba'i shing thog gis rab tu zhi ba'i mtshan mo/ /o~M tsaN+Da ma hA ro Sha Na i ma~M baM li gr-ih+Na grIh+Na bdag gi bya ba che ge mo sgrubs shig hU~M phaT/ ces pa brgya rtsa brgyad sngags nas dben pa'i phyogs su bsgrubs pas de'i mngon par 'dod pa 'grub bo/ /de nas bcom ldan 'das kyi rtsa ba'i sngags brgya rtsa brgyad bzlas nas/ tsha ba'i mar nag gis sbrum ma'i b+ha ga'i nang du mnye bar bya'o/ /'thungs na yang rab tu/  bde ba skye bar 'gyur ro/ /de bzhin du 'dis rma la byugs na yang bde bar 'gyur ro/ /zos pas kyang thams cad du'o/ /dang por phreng ba'i sngags kyis gro ga la chu skyes 'dab ma bcu drug pa'i dbus su bri bar bya'o/ /srad bu sngon pos dkris nas lus la bcings na thams cad du bsrung bar 'gyur ro/ /gi wang ngam rgya skyegs kyis bri bar bya'o/ /'di ni gnyis pa'o/ /de bzhin du rgyud gzhan du gsungs pa'i cho ga yang 'di nyid kyi sbyor bas sbyar bar bya'o/ /rnal 'byor pas bsgoms pa'i mthu yis de bzhin du thams cad 'grub par 'gyur ro/ /zhes pa ni dpa' bo gcig</font><hr>87.308a<br><font size=+1>

pa nyid du gsungs pa'i dpal khro bo gtum po chen po'i rgyud las/ sngags kyi cho ga rim par phye ba ste bcu gnyis pa'o// // de nas bcom ldan 'das mas gsol pa/ rnal 'byor sdom pas gang gis gzhag /spyod pa'i tshul yang ci 'dra zhig /gang gis dngos grub legs par 'thob/ /bya ba khyab bdag gsung bar mdzod/ /bcom ldan 'das kyis bka' stsal pa/ /sangs rgyas bstan pa sun 'byin pa'i/ /nges par gdug can gsad par bya/ /de rnams nyid kyi nor blangs nas/ /sems can rnams la phan phyir spyad/ /yugs sa mo kun nges par bsten/ /gzhan yang ma dang bu mo dang sha dang nya sha bza' bar bya/ /mnyam bzhag nas ni chang ni btung / /rang gzhan ngag gi brdzun dang ni/ /nyes pa de bcab bsam gtan mchog /bdag nyid rnam par mi rtog bslab/ /sbas pa rab sbyor nyid las 'grub/ /gang gang sdig pa de nyid kyis/ /sems can rnams ni 'og tu 'gro/ /de dang de yi thabs kyis ni/ /rnal 'byor myur du dngos grub mchog /de nas bcom ldan 'das ma zhe sdang rdo rje mas bcom ldan 'das la 'di nyid gsol to/ /bcom ldan 'das khyod kyis ji ltar sdom pa phyin ci log tu gsungs/ de nas bcom ldan 'das kyis bka' stsal pa/ mes tshig pa la me yis bdug /'dod chags kyis bsnun 'dod chags kyis/ /dug gis bsnun la dug nyid kyis/ /thabs ni rab tu sbyor las so/ /'gro ba rang bzhin med bsgoms nas/ /bdag gi dngos grub ces bsgom pa/ /shin du sbas pa kun nas spyad/ /sus kyang ji ltar mi shes bya/ /sdig pa thams cad zad byas nas/ /phyin ci log gis 'di nyid 'grub/ /rnal 'byor de nyid gcig sbyor mchog /gang zhig sped par mi byed na/ /sdom pa phyin ci log 'di yi/ /de yi dngos grub yod ma yin/ /sdig pa med cing bsod nams med/ /rang bzhin med pa'i rang bzhin</font><hr>87.308b<br><font size=+1>

las/ /'jig rten 'phya ba bsal ba'i phyir/ /bdag gis gsal bor ma byas so/ /da ni bden par gsung mdzad pa/ /gtum po'i tshul gyis dga' ma kyai/ /rnal 'byor 'jig rten gzhug pa'i phyir/ /sems can kun gyi don rgyu rnams/ /rab gsal sdom pa bshad pa yis/ /da ni dga' ma khyod nyon cig /srogs chags gsad par mi bya zhing / /pha rol nor ni 'phrog mi bya/ /brdzun gyi tshig kyang smra mi bya/ /blo ldan chang ni btung mi bya/ /'jig rten smod pa spang bar bya/ /rab gsal bslab pa'i gnas 'di ni/ /gus pa dang bcas spyad par bya/ /de ni sdom pa'i tshul gsungs pa/ /'di yi spyod pa bshad par bya/ /mgo bo la ni dbu rgyan bya/ /rna ba dag la rna rgyan no/ /de bzhin rang lus nyid la ni/ /sna tshogs rgyan gyis brgyan par bya/ /rkang pa dag la rkang gdub bo/ /de bzhin rked pa rked rgyan no/ /de bzhin lag g.yas ral gri dang / /g.yon du zhags pa bzung bar bya/ /sangs rgyas lnga ni rab sbyor bas/ /mgo bo dbu rgyan phyag rgya bya/ /zur phud lnga yis brgyan byas nas/ /skra dang kha spu breg par bya/ /lo ni bcu gnyis gsang spyod bya/ /tshe phyed kun nas yang dag spyad/ /sngon gsungs rigs kyi dbye ba yis/ /gzhon nu ma rnams rab tu brtag /bu mo la 'os rgyan gyis ni/ /rtag tu yang ni brgyan par bya/ /g.yas par gri gug sbyin bya zhing / /g.yon pa ru yang ka pA la/ /rigs kyi dbye bas nges par bya/ /kha dog dbye bas lus la'o/ /rang rigs shes rab gzung byas nas/ /yang na gzhan rigs mnyam bzhag nas/ /rang 'dod yang dag bzung nas ni/ /spyod pa 'di ni yang dag brtsam/ /rin chen la sogs med gyur na/ /rdzas la sogs pa sprul pas so/ /gal te rab 'jug ma rnyed na/ /yang na sems kyis bsgrub par bya/ /rigs lnga'i rab tu dbye ba las/ /dam tshig lnga la spyad par bya/ /de ni sngon gsungs sbyor ba yis/ /phan tshun gnyis gnyis brtsam par bya/ /</font><hr>87.309a<br><font size=+1>

'dir ni bya ba gzhan mi brtsam/ /rnam kun rnal 'byor dngos grub thob/ /thabs dang shes rab mnyam sbyor bas/ /yig gsum sen mo sbyin par bya/ /'o dang 'khyud pa nyid dang ni/ /kun gyi nor ni khu ba nyid/ /sbyin pa'i pha rol phyin rdzogs par/ /de nyid the tshom med par 'gyur/ /lus ngag yid ni de mchog tu/ /bde bas yang dag sdom pa ni/ /tshul khrims pha rol phyin shes bya/ /sen mo gdab pa bzod pa yis/ /yi ge gsum gyis btsir ba nyid/ /'di ni bzod pa'i pha rol phyin/ /gus pa dang bcas dus ring du/ /shin du bde bas mnyam gnas bya/ /brtson 'grus pha rol phyin shes bya/ /sems nyid bde ba de sbyor las/ /dngos po kun gyi gzugs kyis ni/ /bsam gtan pha rol phyin par 'dod/ /bud med tshul gyis bsgom pa nyid/ /shes rab pha rol phyin mar grags/ /shin du dga' cig sbyor tsam gyis/ /pha rol phyin pa drug rdzogs 'gyur/ /pha rol phyin lnga bsod nams dang / /shes rab ye shes zhes byar gsungs/ /shin du dga' sbyor mtshungs ldan pa/ /rnal 'byor pa yi tshogs gsum 'gyur/ /bsod nams ye shes dang ldan na/ /skad cig tsam gyis 'grub par 'gyur/ /dper na 'khri shing las byung ba'i/ /me tog 'bras bu dang ldan ltar/ /skad cig gcig gis rdzogs byang chub/ /tshogs gnyis las ni yang dag byung / /sa ni bcu gsum dbang phyug tu/ /de ni the tshom med par 'gyur/ /sa ni rab dga' zhes bya dang / /dri med de bzhin 'od byed dang / /'od 'phro ba dang sbyang dka' dang / /mngon gyur ring gyur mi g.yo ba/ /legs pa'i blo gros chos kyi sprin/ /kun du 'od dang de bzhin du/ /dpe med pa dang ye shes spyan/ /bcu gsum zhes bya 'di rnams so/ /zhes pa ni dpa' bo cig pa nyid du gsungs pa'i dpal khro bo gtum po chen po'i rgyud las spyod pa'i rim par</font><hr>87.309b<br><font size=+1>

phye ba ste bcu gsum pa'o// // de nas 'khor der byang chub sems dpa' kun du bzang po zhes bya ba'i rdo rje rnal 'byor pas/ bcom ldan 'das la 'di skad ces gsol to/ /ci phyir mi g.yo ba zhes bya/ /dpa' bo cig nyid ces bya dang / /khro chen gtum po zhes pa yang / /mgon po la ni bdag zhu'o/ /de nas bcom ldan 'das kyis bka' stsal pa/ thabs dang shes rab mnyam sbyor bas/ /bde ba mi g.yo'i gzugs nyid ni/ /thabs dang shes rab bdag nyid can/ /de yang chags bral gyis mi g.yo/ /de nyid phyir na mi g.yor grags/ /rdo rje sems dpa'i rang bzhin can/ /zhal gcig phyag gnyis zhi ba ste/ /sdig pa dang bral dri med yid/ /ral gri zhags pa'i phyag dag ni/ /shes rab mar 'khyud de mchog go/ /sems dpa'i skyil dkrung gis bzhugs pa/ /pad ma zla ba nyi gnas la/ /kun nas 'khor bar gnas pa yin/ /lha yi bde bas shin du gnas/ /de phyir 'di ni mi g.yor gsungs/ /sangs rgyas kun gyis bsten pa ste/ /mi g.yo ba yi mthu nyid kyis/ /dus gsum rgyal ba kun gyis ni/ sems can don ni mdzad pa'i phyir/ /sgrub byed nye bar mtshon pa'o/ /de nas kun tu bzang pos gsol pa/ a yig gis ni ci zhig bstan/ /tsa yig gis ni ci zhig brjod/ /la yig kyang ni ci la brjod/ /ji ltar ming ni yang dag bsdus/ /bcom ldan 'das kyis bka' stsal pa/ /a yig lhan cig skyes pa'i tshul/ /dngos med ngo bo nyid du gsungs/ /tsa yig dga' dang mchog dga' dang / /khyad par dga' ba nyid dang ni/ /lhan cig skyes dga' zhes bya ba'i/ /dga' ba bzhi yi rang bzhin gsungs/ /la yig la na na ru rol/ /shin du bde bar gsungs pa'o/ /a yig gis ni shes rab brjod/ /tsa yig gis ni thabs su bshad/ /thabs dang</font><hr>87.310a<br><font size=+1>

shes rab gcig sbyor bas/ /la yig bde ba'i la k+Sha Na~M/ /de nyid dpa' bo gcig pa nyid/ /gcig phyir gcig pa nyid du gsungs/ /chags bral 'joms phyir dpa' bo ste/ /dpa' bo gcig pa zhes gsungs so/ /gtum po 'di ni shin du rno/ /de ni khro bo chen por gsungs/ /khro bor shes bya ro Sha Na/ /bdud kun rnam par 'joms par byed/ /chags bral tsan Da zhes bya'o/ /shin du chags chen bdud sogs las/ /de la khro bo ro Sha Nas/ /gdul dka' chags bral dgra bo la/ /g.yon pa'i long bus mnan par bya/ /changs pa'i tshig la mnyam gnas nas/ /khro bo'i mche bas chu bsdam bya/ /phyag rgya 'di yis rnal 'byor pas/ /'bad pas shes rab la 'khyud bya/ /chags bral kun nas gzhom byas nas/ /dngos grub sangs rgyas thob par 'gyur/ /zhes pa ni dpa' bo gcig pa nyid du gsungs pa'i dpal khro bo gtum po chen po'i rgyud la/   a tsa la'i don gyi rim par phye ba ste bcu bzhi pa'o// // de nas bcom ldan 'das ma zhe sdang rdo rje mas gsol pa/ dpa' bo gcig pa ji ltar 'grub/ /dbang phyug mchog gis bshad du gsol/ /bcom ldan 'das kyis bshad du gsol/ /bcom ldan 'das kyis bka' stsal pa/ /a yig las sbyor skad cig gis/ /mi g.yo nag por bsgom par bya/ /de nyid brtan pa'i stobs nyid las/ /rnal 'byor sangs rgyas the tshom med/ /mi g.yo dkar po bsgom pa dang / /yang na ser po 'am dmar po 'am/ /yang na ljang gu bsgom byas nas/ /zhe sdang rdo rje ma sogs ldan/ /dbus su mi g.yo lnga rnams kyis/ /bzung nas gcig tu rnam par bsgom/ /shes rab de yi rigs can ma/ /yang na gzhan yang bsgom par bya/ /de yi sbyor bas rnal 'byor pas/ /myur du dngos grub the tshom med/ /yang na shes rab dang bral ba'i/ /</font><hr>87.310b<br><font size=+1>

shin tu mnyam bzhag bsgom par bya/ /mi g.yo bsgom pa yongs rdzogs na/ /byang chub rgyal srid yang dag 'thob/ /de nas bcom ldan 'das mas gsol pa/ lha yi rnam par dag pa gang / /'dren pa bdag ni nyan par 'tshal/ /sngon du gsungs nyid dkyil 'khor rnams/ /gtso bo bdag la rnam dag gsungs/ /de nas bcom ldan 'das kyis bka' stsal pa/ de nas kun gyi sbyong byed pa'i/ /rnam dag bdag gis rab bshad bya/ /de la gru bzhi pa ni tshad med pa'i gnas bzhi'o/ /sgo bzhi ni bden pa bzhi'o/ /rta babs bzhi ni bsam gtan bzhi'o/ /ka ba brgyad ni 'phags pa'i lam yan lag brgyad do/ /'phar ma gcig pa ni sems rtse gcig pa nyid do/ /pad ma ni skye gnas so/ /kha dog sna tshogs pa ni spral pa sna tshogs pa'o/ /lha dgu ni gsung rab yan lag dgu'o/ /phyogs dmar po ni 'dod chags chen po'o/ /mtshams su dkar po dang / ser po dang / ljang khu dang / nag po rnams ni bram ze dang / rje rigs dang / rgyal rigs dang / dmangs rigs rnams nyid do/ /zla ba dang nyi ma ni/ khu ba dang / rngul lo/ /dbus kyi ral gri ni mi g.yo ba nag po'i mtshan ma'o/ /gri gug ni zhe sdang rdo rje ma'o/ /shar la sogs pa'i phyogs rnams ni mi g.yo ba dkar po la sogs pa rnams so/ /me la sogs pa'i mtshams rnams su gti mug rdo rje la sogs pa rnams kyi'o/ /zhes pa ni dkyil 'khor gyi rnam par dag pa'o/ /bsgom pa'i rnam par dag pa brjod par bya ste/ dang po mchod pa ni/ bsod nams kyi tshogs khyad par 'phags pa'i las so/ /stong pa nyid ni ye shes kyi tshogs 'chi ba khyad par 'phags pa dri ma med pa'i lus te/ dri za'i lus so/ /gzhal yas khang gi mthar thug pa sangs rgyas kyi sa'o/ /pad ma ni skye gnas so/ /zla ba nyi ma ni dkar dmar ro/ /hU~M yig ni ma dang pha'i dbus su dri za'i sems so/ /mi bskyod pa ni pha'o/ /</font><hr>87.311a<br><font size=+1>

mA ma kI nI ma'o/ /phan tshun du rjes su chags pa mthong nas pha la rnam par zhe sdang zhing / ma la rjes su chags nas gti mug pas sems can bzhin du 'jug go/ /pad mar zhugs pa'i bu yis pha bsad nas de'i go 'phang 'thob po/ /ma bzung nas skye ba mtha' med pa'i bag chags kyi bde ba khyad par 'phags pas de yang bur skye bar byed do/ /bu mo ni yang mi g.yo ba dkar po la sogs pa rnams dang / gti mug rdo rje ma la la sogs pa yang ngo / /bu rnams kyang pha bsad nas gzhan la bgrod par byed de/ /'di nyid dgra bo zhes de gsod par byed do/ /bu mo rnams kyang skye ba mtha' med pa'i bag chags kyi bde ba khyad par 'phags pas 'dod par byed do/ /ral gri shes rab la zhags pa ni thabs so/ /yang na zhags pa shes rab la ral gri thabs so/ /gnyis ka ro gcig tu gyur ba ni bsdigs 'dzub po/ /g.yon pa 'og tu bltas pa ni sa 'og bdun skyong bar byed pa'o/ /g.yas pa steng du bltas pa ni tshangs pa'i sgong nga bdun skyong bar byed pa'o/ /pus mo g.yon pa sa la btsugs pa ni sa skyong bar byed pa'o/ /g.yas pa'i rkang pas yang dag par bsnun pa ni bdud thams cad skrag par mdzad pa'o/ /phung po'i bdud tshangs pa/ nyon mongs pa'i bdud dbang phyug 'chi bdag gi bdud khyab 'jug /lha'i bu'i bdud lha'i dbang po'o/ /sa ni sa steng mtha' dag gi gzhon nu ma la longs spyod pa'o/ /gzhon nu ma la yun ring du gnas pa'i phyir pad ma'i gdan no/ /skye gnas la skyes pa ni zla ba dang nyi ma'i gdan no/ /khu ba dang rngul las skyes pa'i skyes bu ni dngos po'o/ /bud med ni dngos po med pa'o/ /nag po ni rnam par shes pa'o/ /dkar po ni gzugs so/ /ser po ni tshor ba'o/ /dmar po ni 'du shes so/ /ljang khu ni don yod grub pa'o/ /yang na mthing kha ni nam mkha'o/ /dkar po ni chu'o/ /ser po ni sa'o/ /dmar po</font><hr>87.311b<br><font size=+1>

ni me'o/ /ljang khu ni rlung ngo / /bcom ldan 'das ji lta ba de bzhin du bcom ldan 'das ma'o/ /yang na mthing kha ni chos kyi dbyings rnam par dag pa'i ye shes so/ /dkar po ni me long lta bu'i ye shes so/ /ser po ni mnyam pa nyid kyi ye shes so/ /dmar po ni so sor rtog pa'i ye shes so/ /ljang khu ni bya ba grub pa'i ye shes so/ /ston pa rgyal ba gcig pu nyid/ /lnga yi tshul gyis yang dag gnas/ /shes rab pha rol phyin nyid kyang / /rnam lnga'i tshul gyis yang dag gnas/ zhes pa ni dpa' bo gcig pa nyid du gsungs pa'i dpal gtum po khro bo chen po'i rgyud la/ rnam par dag pa'i rim par phye ba ste bcwa lnga pa'o// // de nas bcom ldan 'das mas gsol pa/ 'jig rten ji ltar skye ba dang / /slar yang skye ba ji ltar mdzad/ /dngos grub ji ltar 'gyur ba yang / /dbang phyug mchog gis bshad du gsol/ /de nas bcom ldan 'das kyis bka' stsal pa/ ma rig pa'i rkyen gyis 'du byed do/ /'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / /smre sngags 'don pa dang / sdug bsngal ba dang / yid mi bde ba dang / 'khrug pa rnams so/ /de lta bu nyid las 'dir sdug bsngal gyi phung po chen po 'ba' zhig pa kun nas 'byung bar 'gyur ro/ /de bzhin du ma rig pa 'gags pas 'du byed 'gag go/ /'du byed 'gags pas rnam par shes pa 'gag go/ /rnam par shes pa 'gags pas ming dang gzugs 'gag go/ /ming dang gzugs 'gags pas skye</font><hr>87.312a<br><font size=+1>

mched drug 'gag go/ /skye mched drug 'gags pas reg pa 'gag go/ /reg pa 'gags pas tshor ba 'gag go/ /tshor ba 'gags pas sred pa 'gag go/ /sred pa 'gags pas len pa 'gag go/ /len pa 'gags pas srid pa 'gag go/ /srid pa 'gags pas skye ba 'gag go/ /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur ro/ /de bzhin du 'dir sdug bsngal gyi phung po chen po 'ba' zhig 'gag par 'gyur ro/ /rten cing 'brel par 'byung bas 'jig rten skye'o/ /de bzhin du rten cing 'brel par 'byung bas 'gag go/ /tshul gnyis po 'di rtogs shing yang gnyis su med pa bsgoms pas 'grub bo/ /de nas bcom ldan 'das mas gsol pa/ ma rig pa la sogs pa'i rnam par dbye ba bshad du gsol/ de nas bcom ldan 'das kyis bka' stsal pa/ 'das pa la sogs rab dbye bas/ /'di ni gsum gyi 'khor mor 'jug /'dir ni rgyal bas chos rnams kun/ /rnam pa bcu gnyis tshul gyis gsungs/ /de la ma rig pa ma spangs pas len pa dang 'chi ba'i nang du gzugs nub pa'i sems kyi lus can zhes pa'i don no/ /de las 'du byed du 'gyur ro/ /de yang rnam pa gsum ste/ de la lus kyi 'du byed dbugs 'byung ba dang rngub pa dag dang / ngag gi 'du byed dag dang / rtog pa dang dpyod pa dag go/ /yid kyi 'du byed 'dod chags zhe sdang gti mug rnams so/ /de rnams dang ldan pa ni ma rig pa ste/ dbugs 'byung ba dang / dbugs rngub pa ste/ rnam par rtog pa ni rags par 'dzin par byed do/ /rnam par dpyod pa ni phra mor 'dzin par byed do/ /rjes su chags pa dang zhe sdang ba yang yin no/ /de las rnam par shes par gyur pa rnam pa drug ste/ mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i</font><hr>87.312b<br><font size=+1>

rnam par shes pa dang / lus kyi rnam par shes pa dang / yid kyi rnam par shes pa ste/ de rnams dang ldan pa ni ma rig pas lta bar byed do/ /nyan par byed do/ /mnom par byed do/ /za bar byed/ reg par byed/ rnam par rtog par byed do/ /de las ming dang gzugs te/ tshor ba ming gzhi la sogs pa rnams so/ /gzugs la gzugs kyi de nyid ces gnyis su mngon par bsdus shing sdoms nas ming dang gzugs zhes gsungs so/ /nye bar len pa'i phung po lnga'i gzugs kyis ma rig pa yongs su gyur pa zhes pa'i don no/ /de la tshor ba rnam pa gsum ni bde ba dang / sdug bsngal dang / sdug bsngal yang ma yin bde ba yang ma yin pa zhes bya'o/ /'du shes ni dngos po rnams kyi rang bzhin gzung ba'i mthar mngon par brjod pa ste/ 'du byed ni spyi'i khyad par gyi gnas skabs la 'dzin pa can gyi sems dang sems las byung ba rnams so/ /rnam par shes pa ni sngon du gsungs pa bzhin no/ /'byung ba chen po bzhi'i bdag nyid kyi gzugs ni/ sa ni lci ba nyid dang / chu ni gsher ba nyid dang / mngon par 'dzag pa nyid do/ /me ni dro ba nyid do/ /rlung ni bskum brkyang ba dang / yang ba dang g.yo ba nyid do/ /de las skye mched drug po rnams ni mig dang / rna ba dang / sna dang / lce dang / lus dang / yid do/ /de rnams dang ldan pa ni/ sngon bzhin du lta bar byed pa la sogs pa'o/ /de las reg pa'o/ /gzugs dang / sgra dang / dri dang / ro dang / reg bya dang / chos kyi khams yang dag par thob pa'o/ /de las sred pas bde ba mngon par 'dod pa'o/ /de las len pa'o/ /de las thob pa'i las so/ /de las srid pa mngal du 'jug pa'o/ /de las skye ba rab tu gsal bar byed pa mngon par rgyu 'thun par byed pa'o/ /mngal gyi phung po lnga 'thob bo/ /de nas mngal nas skye bar 'gyur ro/ /'chi ba'i sems dang sems las byung ba 'gog pas/ de nas rga shi'i</font><hr>87.313a<br><font size=+1>

sems mya ngan dang 'khrug pa med par 'gyur ro/ /grol na bdag gis smre sngags 'don pa tshol bar mi 'gyur ro zhes so/ /nad la sogs pa'i bar du gcod pas kyang sdug bsngal ba can du 'gyur ro/ /de nyid la yang dang yang du yid sbyor bas yid mi bde ba can yin no/ /yid mi bde ba can gyis kyang bar du gcod pas 'khrug pa can yin no/ /'di'i don ni ma rig pa la sogs pa skye mched drug gi mthar thug pas bar do'i sems can gcig nyid du gnas pas/ 'jig rten gsum po lta zhing lta bar byed do/ /pho mo rjes su chags pa la de las 'das pa'i skye ba'i las gang gis 'phangs nas gang zhig tu skye ba len par 'gyur ro/ /de'i skye ba ni pho mo dag gi dga' ba dag la lta bar byed pas/ de'i shin du bdag gi reg pa skye'o/ /de la gal te skyes bur 'gyur ba de'i tshe bdag nyid skyes bu'i rnam par lta bar byed do/ /sems ma la mchog tu chags par 'gyur ro/ /yang pha la sems zhe sdang chen por 'gyur ro/ /'dod chags dang zhe sdang dag gis bde ba dang sdug bsngal gyi tshor ba la/ de las 'di yis lhan cig byed pa gang gis dga' bar byed do zhes sems par byed pas sdug bsngal yang ma yin bde ba yang ma yin pa'i tshor ba'o/ /de yis gdong phyir ldog pa'o/ /de nas sngon gyi las kyi rlung gis 'phangs pa'i sred pa chen po sa de la bdag nyid dga' bar bya'o zhes zhen pa'i cha yis so/ /gang zhig skyes bu yin na rang gi ma la 'dod par bya'o snyam nas/ sems skar mda' bzhin du pha'i mgo bo'i lam nas rab tu zhugs nas/ de'i khu ba la gnas nas sems gnas pa'i phyir rnam par shes pa bde ba la chags pas bdag nyid lta bar byed do/ /bde ba'i rgyus nye bar len par byed do/ /de nas khu ba dang / ro gcig tu gyur bas chags pa chen pos rjes su</font><hr>87.313b<br><font size=+1>

chags pas/ a ba d+hU tI'i rtsa pha'i rdo rje'i lam nas ma'i pad ma'i bu ga'i gnas rdo rje dbyings kyi dbang phyug ma'i rtsa mngal gyi skye ba'i rtsa la gnas nas 'dzag pa'i sems bzhin du/ de las skye ba yin no/ /de yang rim pa bzhin mer mer po dang / kleng kleng po dang / ltar ltar po dang / mkhrang 'gyur dang / yan lag dang nying lag tu gyur pa'i bu ni zla ba dgu'am/ bcu nas lam gang nyid nas rab tu zhugs pa de nyid kyi lam nas skye bar 'gyur ro/ /gal te yang bud med du 'gyur na/ de'i tshe sems pha la rjes su chags par 'gyur ro/ /ma la sems zhe sdang bar 'gyur ro/ /de nas bdag nyid ma'i gzugs la lta bar byed do/ /rnam par shes pa ma'i mgo bo'i lam nas pad mar rab tu zhugs nas pha'i khu ba dang /  'dres par 'gyur nas de'i skye ba'i rtsa la gnas nas/ de nas sngon bzhin du 'byung zhing skye bo/ /de bzhin nyid du ma rig pa la sogs pa dang bcas pa rnams kyis 'jig rten du skye ste/ 'jig rten rnams kyang phung po lnga po rnams de bzhin du de rnams kyang sdug bsngal la 'khor zhing 'jug pa'i phung po lnga po rnams so/ /thar pa don du gnyer ba rnams la/ ma rig pa la sogs pa phung po'i rang bzhin 'gog pa'i phyir/ sdug bsngal gyi bya bar gyur pa yang med do/ /stong pa nyid dang snying po med pa nyid kyis sdug bsngal gyi bya ba yang med cing thar pa'i don dang ldan pa'o/ /de'i phyir thar pa'i bsam pa med cing / med pa'i bsam pa yang med pa'o/ /de'i phyir dngos po med pa dang bral ba'i thabs dang shes rab yang dag par sbyor ba'i bde ba chen po'i gzugs can ni/ dpal ldan mgon po mi g.yo ba'i bdag nyid can dga' ba bzhi'i sku can/ sred pa dang mya ngan las 'das pa la rab tu mi gnas pa'i thugs</font><hr>87.314a<br><font size=+1>

can no/ /thar pa ni 'dod chags las skyes pa ste/ 'jig rten pa'i 'dod chags kyi 'dod chags zad pa dang zad pa ma yin par gyur pa/ mi g.yo ba'i don yongs su shes pa sangs rgyas kyi dngos grub yang dag par grub par byed do/ /g.yo bar byed pa ni/  shes rab dang yang dag par sbyor ba'i bde ba'i ros dga' ba'i sems gang yin pa'o/ /zla ba'i khyad par gyi dga' ba mchog gi snying po de mi g.yo ba zhes gsungs so/ /zhes pa ni dpa' bo gcig pa nyid du gsungs pa'i dpal gtum po khro bo chen po'i rgyud la/ rten cing 'brel par 'byung ba rim par phye ba ste bcu drug pa'o// // de nas bcom ldan 'das mas gsol pa/ mgon po 'dir ni khu khrag sbyor/ /ling ga b+ha ga nu ma rnams/ /rab tu 'phel bar byed nus dang / /nad dang rgas pa 'joms pa dang / /bud med yid ni dbang gyur dang / /mo sham nyid du bya ba dang / /khu ba bcing dang khrag 'bab pa'i/ /sbyor ba yang ni bshad du gsol/ /de nas bcom ldan 'das kyis bka' stsal pa/ lha mo legs so legs par byas/ /khyod kyi nga la gsol btab gang / /rnam pa sna tshogs de bshad bya/ /'jig rten dngos grub don phyir nyon/ /dang por lus ni sbyang byas nas/ /phyi nas las ni yang dag brtsam/ /dper na gos ni dkar byas la/ /mtshon gyis kha dog mchog 'bar ltar/ /'bras bu gsum gyi thang bzung nas/ /ya bak+Sha ra ba la Sha k+Sha/ /bza' bya bu ram dang bcas btung / /srin bu ma zhu rab sbyangs nas/ /ke ta kya khu mar khu dang / /hi la mo tsi sen d+ha ba/ /btung bya byugs nas nyi mas bdug /shig dang srin bral lus su 'gyur/ /ke ta kya khu til mar dang / /lan tshwa dang bcas btung byas nas/ /nyi ma la 'chag sbyor ba yis/ /lan tshwa rnams ni nyams par 'gyur/ /</font><hr>87.314b<br><font size=+1>

hi la mo tsa kha cung zad/ /sen d+ha ba dang yang dag ldan/ /grib ma la ni gnas bcas nas/ /mkhris pa rnams ni sel bar byed/ /ke ta kya khu te la dang / /ku tsa mA la ba 'o ma/ /btung ba'i sbyor ba 'di nyid ni/ /tshil ni sbyong bar the tshom med/ /pha tha se myug khu ba dang / /lan tshwar bcas pa btung byas na/ /srin bu phra mo 'joms par byed/ /'u sus bad kan sbrang snas 'thung / /re re'ang nyi ma gnyis su bya/ /nyes pa sbyangs nas phyi nas brtsam/ /de yis de nyid 'bras bu ster/ /dga' ma gzhan du de 'bras med/ /mon tsa ra shun phye ma yi/ /thug pa tsha mo btung bar bya/ /lan bdun du ni sngags byas nas/ /snga mo 'am ni zas dus su/ /nyin re ji bzhin ji srid 'tshor/ /shu kra sho ni 'phel bar 'gyur/ /o~M tsaN+Da ma hA ro Sha Na i da~M di bya mr-i daM me ku ru hU~M phaT/ na ni ke la'i nang rul dang / /ma he yi ni mar gsar dang / /'bras bu zhag lon dang ldan pa/ /phag las byung ba'i tshil gyis ni/ /ling ga rna ba nu ma dang / /b+ha ga rnams kyang rnam par mnye/ /lus kun kyang ni rnam mnyes na/ /rnam par 'phel bar the tshom med/ /sen mo dang ni bral byas nas/ /'dzub mo yis ni nyed par bya/ /yo ni'i dbus su rab tu nyed/ /byugs na ran dra 'phel bar gyur/ /se 'bru'i shun pa phye ma ni/ /yungs kar til mar la btsos nas/ /nu ma mnyes na 'phel bar 'gyur/ /muN Da rI thang sna yis btung / /yungs kar dkar po shu thag dang / /rta dri dang ni bri ta ti'i/ /phye ma yis ni nyed par bya/ /ling ga nu ma rna ba 'phel/ /glang chen pi pi ling dang ni/ /a pa ra dzi dkar po yis/ /de bzhin ma he'i mar gsar gyis/ /ling gan mnyes na 'phel bar byed/ /se ba la dang ka T+ya dang / /ro hi NI dang ma he yi/ /mar gsar byugs pas ling ga 'phel/ /d+hu tu ra khu rta dri yi rtsa/ / gnur nas ma he'i mar dang bsres/ /d+hu tu ra yi 'bras nang du/ /nyin mtshan</font><hr>87.315a<br><font size=+1>

du ni gzhag par bya/ /de nas ling ga ma he yi/ /mar gyis lan gcig brtan par nyed/ /sngon bzhin du ni zhag gsum du/ /byugs shing mnyes pas 'phel bar byed/ /in tra go ba'i phye ma dang / /ma he'i mar gyis bsgrub par bya/ /yo ni'i nang du byugs gyur na/ /yo ni'i lhod pa dam par 'gyur/ /pad ma'i ze 'bru ud pal 'bru/ /pad rtsa u shi ra dang ni/ /mon lug til mar nang du tso/ /de yis b+ha ga ling ga dag /dri ngan dang ni lhod pa dang / /nad la sogs pa 'joms par byed/ /nim pa'i shun pa'i thang gis ni/ /b+ha ga la ni khrus bya'o/ /nim pa'i shun pas 'dug byas na/ /'di ni gzhon dang dri bzangs dang / /skal bzang yon tan dang ldan 'gyur/ /ba bla yi ni cha lnga dang / /kiM shul h+ka k+ShA ra cha gcig /ya bak+Sha ra cha gcig dang / /chu shing k+Sha ra cha gcig dang / /chu nang mnyes nas byugs tsam gyis/ /b+ha ga mtshan dang skye gnas kyi/ /spu ni ltung bar byed pa yin/ /de nas ha la ha la'i sbrul/ /mjug ma'i phye ma dang bsres nas/ /tsha ba'i til mar zhag bdun gzhag /de yis ling ga la sogs mnye/ /slar yang spu ni 'byung mi 'gyur/ /ma he phag dang glang chen dang / /kar ka Ta yi zhag dang tshil/ /nu ma la sogs nyed byas 'phel/ /sna ma'i me tog til dang btags/ /b+ha ga la ni grul byas na/ /steng du mtho bar byed pa yin/ /ma he yi ni mar gsar dang / /shu thag ru rta ba la dang / /nA ga ba las nyid byas na/ /nu ma 'phel bar byed pa yin/ /chu dron gyis ni khrus byas na/ /ling ga sngon bzhin 'phel ba nyams/ /daN Da ud pal rtsa ba dang / /ba yi mar dang btung byas na/ /dus ldan dus la sbrum par 'gyur/ /rta dri'i rtsa ba mar 'thungs na/ /sbrum ma nyid du 'gyur ba yin/ /ba la a ti ba la dang / ka ra dang / til dang / mAk+Shi ka'i sbrang dang bcas pa 'thungs na sbrum par 'gyur ro/ /bab la'i rtsa ba chu dang btags nas mthungs na/ khrag 'dzag pa chad par 'gyur ro/ /</font><hr>87.315b<br><font size=+1>

nas kyi phye dang / ba'i chu dang / spos dkar dang / shing mngar dang / mar rang gi lus la dril phyis byas na bzang por 'gyur ro/ /bar ha ts+k+ran tA'i rtsa ba dus ldan ma'i rna ba la btags na sbrum par 'gyur ro/ /ka lam bi'i lo ma zos na khams 'phel lo/ /sbrang dang zho zos na khams 'phel lo/ /dkar mar zos na khams 'phel lo/ /bud med kyi dri chen dang dri chu mnyes nas mthungs na khu ba 'phel lo/ /skyu ru ra'i phye ma chu'am mar dang sbrang dang sbyar te phyi dro zos na/ mig gzhon nu dang shes rab kyang skye bar byed do/ /skyu ru ra'i phye ma til phye ma dang mnyam po mar dang sbrang bza' bar byas na yang 'bras bu de ji lta ba bzhin no/ /gar kha tan Tu la'i rtsa ba dang / rta dri dang / til dang / nas dang / bu ram ro mnyam por byas nas bza'i bar byas na gzhon nur 'gyur ro/ /ardzu na'i shun pa'i phye ma 'o ma dang sbyar nyin re zhing bza' bar byas na/ lo gcig gi sbyor bas tshe lo sum brgya'o/ /skyu ru ra'i khu ba srang gcig dang / ba ku so ma ra dza'i phye ma zho gnyis tho rangs 'thungs nas/ zhu ba dang 'o ma'i bza' bzos na/ zla ba gcig byas na tshe lo lnga brgya 'tsho'o/ /bA gu ts-i zho gnyis dang dar ba dang / chu dang tsam mo 'o ma dang / gang yang rung ba dang sbyar 'thungs na zla ba drug gi sbyor bas gzhon nur 'gyur ro/ /muN Da ri'i phye ma mar dang zos na/ zhag bdun phrag gsum gyis lo rgyad gnyis lon pa'i rnam par 'gyur ro/ /sa na bA+ai dzA'i phye ma srang gcig dang / ra ka shA la srang gcig dang / ba kha dog gcig pa'i 'o ma kham phor do btso bar bya'o/ /dang por 'o ma kham phor gang zad pa dang blangs nas/ sa na la sogs pa de la byin nas btso bar bya'o/ /de nas bza' bar bya'o/ /sman zhu nas 'o ma dang bza' bar bya'o/ /rlung dang nyi ma spangs te zhag bdun phrag gsum du ji srid ji lta ba de bzhin du phyi nas bya'o/ /de nas skra la sogs pa ltung bar 'gyur ro/ /slar yang skye bar 'gyur ro/ /</font><hr>87.316a<br><font size=+1>

de nas skra dkar dang gnyer ma bral nas lo brgya 'tsho bar 'gyur ro/ /rakA uts+tsha Ta'i rtsa ba dang / mar dang /  sbrang rnams zhum bu'i lag pa tsam bza' bar bya'o/ /'di'i 'bras bu ni de bzhin nyid do/ /skyu ru ra dang / a ru ra dang / b+h+ring ga rA dza dang / pi pi ling dang / pho ba ris dang / lcags kyi phye ma rnams sbrang dang / kar dag dang / u dum 'ba' ra'i 'bras bu'i tshad tsam ri lu byas nas/ de nas ri lu re re nyin re zhing bza' bar bya'o/ /zla ba gcig gis lo sum brgya 'tsho'o/ /gzhon nu ma srang gcig dang / mar dang /   bcas pa bza' bar bya'o/ /zhag bdun gyis tshe lo brgya'o/ /nas dang til dang / rta dri dang / nA ga bil dang / ba ShA dang / bu ram dang bza' bar bya'o/ /stobs chen por 'gyur ro/ /b+ha dra la'i phye ma sum 'gyur ro/ /a ru ra dang / de bzhin du chu la sogs pa dang bza' bar bya'o/ /stobs cher por 'gyur ro/ /rnam pa thams cad du bdag nyid lha'i rnam par bsgoms nas gtum po'i sngags kyis sman yang dag par byin gyis brlab par bya'o/ /zhes pa ni dpa' bo gcig pa nyid du gsungs pa'i dpal gtum po chen po'i rgyud las/ khams la sogs pa 'phel ba'i rim par phye ba ste bcu bdun pa'o// // de nas bcom ldan 'das kyis bka' stsal pa/ e raN Da'i rtsa ba rang skyur la btags nas spyi bo mnyes na mgo bo'i zug rngu zhi bar 'gyur ro/ /ra dang ba dang mi'i chu bsres nas rgyam tshwa dang bcas pas rna ba bkang na rna ba'i nad zhi bar 'gyur ro/ /sdom skam po til mar du bcug nas/ ka ta ka~M dang / pi pi ling dang / skyu ru ra dang / yung ba dang / zil pa'i chu la ri lu byas nas de yis mig sman byas na/ mig gi nad thams cad sel bar byed do/ /sbrang dang pi pi ling gi mig sman gyis kyang ngo / /rna lpabs dang sbrang gis mig sman byas na srod long sel bar byed do/ /g+ho Sha pha ba~M gi dri ma mnom zhing ka~M kA la~M ko'i rtsa ba dang / sbrang gi chu dang / sna yis btung bar byas na mkhris nad mig</font><hr>87.316b<br><font size=+1>

ser sel bar byed do/ /leb rgan rtsi'i khu ba dang / dUr ba'i khu ba dang / se 'bru'i me tog gi khu ba dang gcig tu byas nas snar blugs na sna khrag 'dzag pa 'chad do/ /kASh+tha u dum 'ba' ra'i rtsa ba dang 'bras kyi chus kha nas khrag 'dzag pa 'chad par byed do/ /se pha li kA'i rtsa ba ldang na mgul 'gags sel bar byed do/ /ra ta'i rtsa bas 'cha' ba sel bar byed do/ /ba'i mar dang / ba'i 'o ma dang / sdig pa'i rkang pa btsos nas rkang mthil la mnye bar byas na/ so 'cha' ba rnam par sil bar byed do/ /la phug gi sa bon dang / pri yang ku dang / tsan dan dmar po dang / ru rta dang brtags nas dril phyis byas na/ khyi rngo la sogs pa 'joms par byed do/ /ha ri Na'i sha skam po srang gcig dang / ra'i 'o ma dang btung bar byas na/ zad byed kyi nad sel bar byed do/ /ma he'i zho dang 'bras zan gyi bza' bas/ btsan thabs su 'khru ba sel bar byed do/ /'bras zan chu dang bcas pa grang mos kyang de bzhin du sel bar byed do/ /ru rta'i shun pa cha gnyis dang / pho ba ris dang / bu ram dang / sgog skya rnams cha re ba'i dar ba dang / 'thungs na lto 'gyings pa sel lo/ /skyu ru ra dang / pi pi ling dang / tsi tra ka dang / sge gsher dang / bu ram rnying pa dang / mar dang sbrang dang / cha mnyam du dgongs ka zos na glo dang dbugs mi bde ba sel lo/ /a ru ra'i phye ma dang / /sbrang gis kyang de bzhin no/ /seng ldeng gi lo ma dang / nas dang / nas kyi myu gu bca' bar byas na/ lto ba'i nad sel bar byed do/ /sge bsher dang / zi ra dang / zho'i thug pa lan tswa dang bcas pa 'thungs pas rab tu tsha ba'i chu nad rnam par sel lo/ /ka ra dang / ya bak+Sha ra dang cha mnyam du bza' zhing / sho b+ha dza na'i rtsa ba'i chang 'thungs na/ chu so'i rde'u 'byin par byed do/ /a ru ra dang / tsi tra ka dang / sge bsher dang / dar ba 'thungs na mtsher ma skrangs pa'i nad sel lo/ /zi ra dang / bu ram bza' bar byas na/ tsha ba sel bar byed do/ /</font><hr>87.317a<br><font size=+1>

ya bak+Sha ra dang / zho 'thungs bar byas na be snabs 'khru ba'i nad sel bar byed do/ /tsha ba gsum dang / byi tang ka dang / rgyam tshwa dang bcas pa'i thug pa dron mo 'thungs na/ me 'bar ba dang / srin bu'i nad sel bar byed do/ /a ru ra dang / bu ram gyi bza' bas 'brum nag gi nad sel bar byed do/ /a ru ra dang / sga skya'i bza' bas be snabs 'khru ba'i nad sel lo/ /dUr ba dang yung ba btags nas byugs na rngo shu sel bar byed do/ /'di yis de bzhin du me dbal dang / phol mig dang / khyim la sogs pa'ang sel bar byed do/ /kA sha mar dra'i rtsa ba rang skyur la btags nas kyang de bzhin no/ /bu ram dang tsha ba'i mar khu 'thungs na/  glo dang dbugs gdug pa sel bar byed do/ /ardzu na'i shun pa dang / mar la sogs pa zos na snying gi zug rngu sel bar byed do/ /ka phed bsregs la bu ram dang bza' bar byas na/ khrag tu 'khru ba sel bar byed do/ /ma tu lung ka'i khu ba bu ram dang btung bar byas na zug rngu sel bar byed do/ /bu ram dang bcwa' sga snar blugs na/ cham pa'i nad thams cad sel bar byed do/ /ka ta kam dang / sbrang gis mig sman byas na mig nad thams cad sel bar byed do/ /rang skyur dang / 'bru mar dang / rgyam tshwa dang / dUr ba'i rtsa ba 'khar ra'i nang du mnyes nas mig sman byas na zug rngu sel bar byed do/ /bu ram dang / mar za bar byed na/ rlung dang / mkhris pa dang / bad kan dang / mdze la sogs pa rnam par sel bar byed do/ /'bras bu gsum gyi phye ma/ mar dang / sbrang dang bza' bar byas na nad thams cad sel bar byed do/ /a ru ra'i phye ma dang / mar dang / sbrang dang / phyi dro'i dus su ldags na/ rlung dang / bad kan sel bar byed do/ /bA sha ka'i yan lag lnga dang / chu thag dang / tshangs ma dang / pi pi ling rnams skams nas phye mar byas te/ rgyam tshwa dang / sbrang dang / ri lu byas te/ de nas sgongs mo zos na bad kan rnams sel</font><hr>87.317b<br><font size=+1>

zhing shin du dbyangs snyan par byed do/ /tshangs ma dang / chu thag dang / bca' sga dang / pi pi ling dang / a ru ra dang / ba sha ka dang / seng ldeng rnams sbrang la ri lu byas nas bza' bar byas na de lta bu'i 'bras bu nyid do/ /la la phug dang / bca' sga dang / a ru ra dang / rgyam tshwa dang cha mnyam por bza' bar byas na/ ma zhu ba thams cad sel bar byed do/ /sle tres kyi khu ba dang / sbrang 'thung bar byas na chu nad thams cad sel bar byed do/ /'o ma dang / pi pi ling gi phye ma mar dang / sbrang dang 'thungs bar byas na/ tsha ba dang / snying nad dang / glo la sogs pa sel bar byed do/ /ladz+dza lu dang / sha ra pung ka'i rtsa ba 'bras khu grang mos btags nas byug par bya'o/ /sle tres kyi rtsa ba bza' bar byas na/ rtsa nang gi rma 'tsho bar byed do/ /bca' sga dang / ya bak+sha ra bza' bar byas na ltogs pa sel bar byed do/ /dza yan ta'i sa bon dang / pho ba ris nyi ma gsum mthung bar byas na sdig pa'i nad 'brum nag sel bar byed do/ /'bras bu gsum dang / rams dang / sa nag po dang / b+h+riM ga rA dza'i khu ba dang / a mra'i sa bon dang / lcags kyi phye ma rang skyur dang bsnyal nas gsing bar bya'o/ /de nas gu gul gyis skra la bdugs nas de yis mnye bar bya'o/ /de nas zhag bdun bcings nas gzhag par bya'o/ /skra kha bsgyur ba'o/ /rma bya'i mkhris pa dang / b+h+ring ga rA dza'i khu ba dag pa'i mar la btsos nas snar blugs na zhag bdun gyis skra'i mdog nag por 'gyur ro/ /phu nar na ba dang ran Da dag gi thang bcu drug 'gyur gyi bar du cha gcig lus kyi bar du bskol bar bya'o/ /de nas g+huny+dza dza dkar po'i phye ma blugs nas dkrug par bya'o/ /de nas 'bru mar kham phor gang dang btso bar bya'o/ /'dis skra dang mnyes pas skra kha dog nag por 'gyur ro/ /b+hu mi bi dA rI dang / tsha ba gsum dang / mu zi dang mnyam po phye mar byas nas sdong bu'i nang du</font><hr>87.318a<br><font size=+1>

bcug nas/ sdong bu kha thur du bstan nas me sbar nas rim par tsha ba'i 'bru mar blangs nas/ rtag tu thigs pa gnyis sna yis mthungs na/ skra dkar dang gnyer ma dang bral bar 'gyur ro/ /de'i khu bas mdze la byugs shing mnyes na mdze nad sel bar byed do/ /mar gsar pa yis mnyes nas ldong ros drug nam gcig dang bcas te dngul chu srang gcig dang / sha ling rtsa dang / lo Ni a'i gong bu dang / lugs skong gi kha bkab nas/ bum pa'i 'phrul 'khor gyi nang du bye ma dang bcas pa me la bsreg par bya'o/ /dngul chu bcing ba bza' bar byas na/ zad byed la sogs pa'i nad sel bar byed do/ /ba'i be'u skyes pa'i dang po'i lci ba blangs nas ri lu byas te piN Da ta ga ra'i rtsa ba dang mnyes nas bcing bar bya'o/ /sor gcig zos nas dug zos na yang gnod par mi 'gyur ro/ /'dzam bu'i sa bon dang / bi dza pU ra ka'i sa bon dang / shi ri ShA sa bon dang btags nas ra'i 'o ma la btso bar byas nas mar dang bza' bar byas na/ zla ba phyed du ltogs par mi 'gyur ro/ /skyu ru ra dang / ru rta dang / ud pa la dang / spang spos dang / bA la dang / de rnams kyis byugs na skra srab mo yang tshan mthug por 'gyur ro/ /khyi'i mche ba du ba'i nang du bsregs nas 'o ma dang mar dang bcas pas mnye bar byas na skra ma skyes pa yang skye bar 'gyur ro/ /na ri ke la'i chu la skyes bu'i dbang po cung zad bar du gzhag nas su ra su na phye ma byin na skyes bu'i dbang po'i shu ba'i nad sel bar byed do/ /rgyal gyi zla ba la b+h+ring ga rA dza'i rtsa ba rang gi khu ba dang sbyar nas byugs na de bzhin no/ /ka ra bi ra dkar po'i 'khri shing dang / rtsangs pa'i khrag gis mnye bar byas nas/ sh+ma thai dang / b+h+rid ga rA dza mnyes nas rab tu byugs na yang de bzhin du 'gyur ro/ /zhes pa ni dpa' bo gcig pa nyid du gsungs pa'i dpal gtum po khro bo chen po'i rgyud las/ nad 'phel ba gzhom pa'i rim par phye ba ste bco brgyad pa'o// //</font><hr>87.318b<br><font size=+1>

de nas bcom ldan 'das kyis bka' stsal pa/ a pa ra dzi ka dkar po'i rtsa ba dang / khu ba ri lu byas nas thig le byas na bud med dbang du 'gyur ro/ /brah+ma daN Di dang / chu thag dang / ru rta dang / sbrang ling ga la byugs nas bud med la 'dod pa byas na dbang du 'gyur ro/ /bong bu'i khu ba dang / chu skyes kyi ge sar gtags nas/ rgyal mtshan la byugs te daN Do uta pal dang / ru rta dang / go la byin na yang de bzhin du 'gyur ro/ /brah+ma daN DI dang / byi ta~M ga dang / ru rta dang / na ga ge sar dang / go la byin na dbang du 'gyur ro/ /byugs nas 'dod pa byas na dbang du 'gyur ro/ /bu chung so ma skyes pa'i lce blangs te/ g+hi ha~M dang / b+h+ring ga rA dza dang / skar ma rgyal la ri lu byas nas thig le byas na dbang du 'gyur ro/ /gi wang rang byung gi me tog la sbangs nas thig le byas na dbang du 'gyur ro/ /dur khrod kyi du bas bdugs nas bud med la bsnun na dbang du 'gyur ro/ /ma yu ra shi kha dang / bya rog gi lce dang / ro'i me tog rnying pa skam po'i phye ma gang gi spyi bor byin pa de dbang du 'gyur ro/ /ba bla dang bya rog gi brun btags nas bza' ba dang btung bar byin na dbang du 'gyur ro/ /biSh+Nu kran ta'i rtsa ba ling ga la byugs nas dga' bar byas na de bzhin no/ /rgyu skar rgyal la d+hu tu ra'i rtsa ba dang 'bras bu blangs nas/ rgyu skar skag la shun pa blangs/ ha sta la lo ma blangs/ nag pa la me tog blangs/ mu la la rtsa ba blangs la/ cha mnyam por phye mar byas nas/ sbrang dang ri lu byas nas/ ras sbangs te skam por bya'o/ /go la byin nas phye ma yis dbang du byed do/ /khyi smyon pa'i rkang pa g.yas pa'i sor mo sol ba'i me la bsregs nas gang gi ming bris te che ge mo khug cig ces pas de 'ong bar byed do/ /du ba med pa'i me la bsro bar bya'o/ /ma yu ra shi kha dri ma lnga'i bza' ba la sogs pa byin na dbang du 'gyur ro/ /a pa ra dzi ta'i rtsa ba skar </font><hr>87.319a<br><font size=+1>

ma rgyal la bton nas/  ras la yang dag par bsgos pa'i sdong bus mi'i thod pa la mig sman du bya'o/ /de'i mig sman gyis skyes pa dang / bud med dbang du 'gyur ro/ /daN Da ud pa la'i rtsa ba dang / dri ma lnga dang byin na dbang du byed par 'gyur ro/ /bi Da~M ga dang / ta ga ra dang / ru ta chang dang byin na mi 'dod pa nyams par byed do/ /ldong ros dang / na ga ge sar phye ma dang / pri yang gu dang / g+hi hang rnams kyis mig sman byas na dbang du byed do/ /gla ba dang / ladz+dza lu dang / d+hu tu ra dang / sa ha de ba dang rnams kyis thig le byas na/ 'jig rten gsum po dbang du byed do zhes te/ o~M tsa la tsi te/ tsi li tsi li tsu lu tsu lu tse re ti muny+tsa muny+tsa swA hA/ rang gi ling ga'i steng du ka ra bi ra dmar po'i me tog gzhag nas stong phrag gcig bzlas par bya'o/ /ming gi mtha' rten nas so/ /gang gi mdun du sngags bzlas nas zangs ma'i khab kyis phug nas bskor bas de dbang du 'gyur ro/ /sngon bsnyen pa stong phrag bcu ming dang /  bral bar byas nas/ na maHtsaN+DA li che ge mo ba shI ku ru swA hA/ bsnyen pa dang bcas pas/ dur khrod kyi thal ba nag po'i bcu bzhi la brgya rtsa brgyad mngon par sngags nas/ bud med spyi bor byin na dbang du 'gyur ro/ /ra'i ling ga blangs nas rked pa la dur khrod kyi srad bus bcing bar bya'o/ /yang na rtsangs pa'i mjug ma bcings na khams 'dzin par 'gyur ro/ /mchog tu bde ba'i yid gcig pus mai thu na bya ste brtan pa'i sbyor bas so/ /rtag tu sems med pa bzhin du gyur nas/ khams mchog tu 'ching bar byed do/ /mu la~M si ta ko ki lak+Sha sbya/ yang na d+hu tu ra gos dang bral zhing 'doms dkris dang / bral skra grol bas bton nas bcings na khams 'ching bar byed do/ /byi la nag po'i rkang pa'i rus pa bcings na khams 'ching bar byed do/ /sha ra bung kha dkar po'i rtsabs bcings na yang khams 'ching bar byed do/ /sa na mu la dang / go la la</font><hr>87.319b<br><font size=+1>

gal te/  na su ra sun na bka' zos nas me thu na sngon bzhin byas na khams 'ching ba'i mchog go/ /'jam 'bras kyi nang brus nas dngul chus bkang nas rked pa la bcings na khams 'dzin par 'gyur ro/ /de bzhin du phag gi tshil gyis ar ka'i bal dkar po la sdong bu byas nas mig sman byas na khams 'ching ngo / /sa'i khri shing gi phye mas sdong bu la til gyi 'bru mar sreg par bya'o/ /khams 'ching bar byed do/ /sa'i 'khri shing phye mar byas nas til gyi 'bru mar gur gum gyi mar khu dang btsos nas/ de yis rkang pa la mnyes na khams 'ching ngo / /sbal pa'i zhag dang sdig pa dag ra'i 'o ma dang sbyar nas des rkang pa la byugs na khams 'ching ngo / /kA ka dzi g+ha dkar po'i rtsa ba dang / pad+ma dkar po ke shar sbrang dang lte bar byugs na khams 'dzin no/ /glang gi rwa gyen du skyes pa blangs nas bdar te/ ling ga la byugs na ling ga gyen du byed do/ /ka pi ka ts+tsha'i rtsa ba bdar nas ra'i chu dang btags nas ling ga la byugs nas mnyes na mkhrang por byed do/ /lan gnyis sam gsum du'o/ /chu dron mos bkrus na zhi bar 'gyur ro/ /'gron bu'i nang du dngul chus bkang nas khar bcug na khams 'ching ngo / /ra'i chu dang / in Da bA ru NI nyi ma bdun du spang bar bya'o/ /des mnyes na ling ga gyen du byed do/ /Do Sha Ni'i rtsa ba dang / ka ma tsi'i rtsa ba dang / d+hu tu ra'i sa bon dang / ka stur dang mnyes nas ling ga la byugs nas bud med la 'khrig pa bya'o/ /rgyam tshwa dang tshal dang / kastur dang / g+ho Sha'i phye ma sbrang dang byugs na yang de bzhin no/ /phug ron gyi brun dang / sbrang ling ga la byugs nas 'dod pa byas na bud med 'dzag par byed do/ /ka ma tsi'i rtsa ba dang / go la bud med dang dga' ba'i dus su zos na de 'dzag par byed do/ /gse yab smin pa dang / la si ka~M dang / rgyam tshwa dang bsres nas rang gi 'dzub mo la byugs nas/  de'i b+ha ga'i rdo rje dbyings kyi dbang phyug ma'i rtsa la ji srid</font><hr>87.320a<br><font size=+1>

bskyod pas de 'dzag par byed do/ /ga pur dang / tshwa la dang / dngul chu dang / ha sti pi pi ling dang / sbrang gis byugs pas bud med 'dzag par byed do/ /ra ma du ti'i rtsa ba dang / lo ma dang bcas pa 'di ga la mnyes nas mai thun byas pas bud med 'dzag par byed do/ /dza yan ti'i rtsa ba dang /  btags nas 'bras kyi chu dang bsres nas rdul dang ldan pa'i skye gnas la byugs na mo sham du the tshom mi za'o/ /pa la sha'i sa bon mnyes nas byugs nas/ sbrang dang /   mar gsar pa'i btung ba dang / tsi tra dmar pos mo sham du the tshom med do/ /cha ga dang / phye ma leb kyi phye mas skye gnas lhod pa la byin na mkhrang por 'gyur ro/ /zhes pa ni dpa' bo gcig pa nyid du gsungs pa'i gtum po khro bo chen po'i rgyud las/ khams bcing ba la sogs pa'i rim par phye ba ste bcu dgu pa'o//      // de nas bcom ldan 'das mas bcom ldan 'das la 'di skad ces gsol to/ /sngags dang 'khrul 'khor sogs mkhas pa'i/ /sna tshogs dbye ba gsungs pa dang / khyab bdag de bzhin ngo mtshar dang / /rlung gi sbyor ba ma lus dang / /de bzhin dus kyi mtshan nyid dang / /gzhan yang bdag ni nyan par 'tshal/ /rang gzugs lus kyi 'khrul 'khor gyis/ /da lta bka' drin mdzad du gsol/ /de nas bcom ldan 'das kyis bka' stsal pa/ lha mo legs so legs mdzad nas/ /gang 'dir khyod kyis gsol btab pa/ /kun gyi rnam par shes bsdus pa/ /de nas bdag gis rab bshad bya/ /o~M dz+wA lA ka rA la ba da ne/ ha sa ha sa/ hA la hA la badzre su badzre s+pha ra s+pha ra/ s+phA ra ya s+phA ra ya/ sarba me g+ha bA ta/ br-iSh+TiM stam+b+ha ya/ stam+b+ha ya/  Ta ya s+pho Ta ya/ ya ya ya sarba pA nI/  ya~M sho Sha ya/ sho Sha ya hU~M phaT/ sngags 'di bzlas nas nam mkha' la khro bo'i lta bas blta bar bya'o/ /rlung dang sprin la sogs pa 'jig par</font><hr>87.320b<br><font size=+1>

par byed do/ /o~M phaT kA ra phe~M phe~M ha ha hA hA phaT/ dur khrod du rol pa'i sngags so/ /o~M sarba bid+h+ya d+hi pa ta ye/ pa ra lan+t+ra man+t+ra/ nA sha ne sarba DA ki nI nAM/ trA sa ya trA sa ya/ ban+d+ha ya ban+d+ha ya/ mu kha~M kI la ya kI la ya hU~M phaT/ zhes pa ni grong khyer du 'jug pa'i sngags so/ /o~M hi li hi li phuHphuH/ zhes pa 'dis sa la mngon par bsngags nas rdul gyis gtor na sbrul 'bros par 'gyur ro/ /mam+mA mam+mA/ zhes brjod na stag 'bros par 'gyur ro/ /be du A be du A/ zhes pa 'dis glang po che 'bros par 'gyur ro/ /te l+li A te l+li A/ zhes pa 'dis bse 'bros par 'gyur ro/ /o~M hrI ba Tu ka nA tha tsaN+Da ma hA ro Sha Na hU~M phaT/ zhes pas lag pa g.yon pa'i sdigs 'dzub kyis brdungs pas khyi 'bros par 'gyur ro/ /o~M ya mAn+ta ka hrIHSh+T+rI hU~M hU~M phaT phaT/ trA sa ya trA sa ya/ tsaN+Da pra tsaN+Da hU~M phaT/ zhes pa 'dis ma he 'bros par 'gyur ro/ /o~M ya ma ma ra da ne mArda ya mAr da ya/  tsaN+Da ma hA ro Sha Na hU~M phaT/ zhes pa 'dis sdig pa'i nad 'bros par 'gyur ro/ /o~M kro d+ha ne sa~M kro Sha be d+ha nA ya hU~M phaT/ chu la mngon par sngags nas byin na zug rngu 'byin par 'gyur ro/ /o~M trA sa ne mo ha nA ya hU~M phaT/ zhes pa 'dis spyi bor bcings na srung bar 'gyur ro/ /o~M a tsa le saM tsa le che ge mo mu kha~M kI la ya hU~M phaT/ spra tshil las gzugs brnyan sor bzhi pa byas nas/ gro ga la blas bris nas de'i khar bcug na phur bus 'debs par 'gyur ro/ /lam gyi bzhi mdor brkos nas sbas na phyir rgol gyi kha phur bus btab par 'gyur ro/ /o~M sarba mAr b+hany+dza ne che ge mo rkang pa la kI la ya hU~M phaT/ sngon ma bzhin du snying kar bcug na rkang pa dag phur bus btab nas 'gro ba dang 'ong ba rengs par 'gyur ro/ /o~M bi kr-itA nan pa ba la b+hany+dza ne/ b+hany+dza ya b+hany+dza ya/ stam+b+ha ya</font><hr>87.321a<br><font size=+1>

stam+b+ha ya/ badzra pA she na che ge mo'i dmag gi sde ban+d+ha ban+d+ha/ stam+b+ha ya stam+b+ha ya hU~M phaT/ khaHgaHhA hA hI hI pheM pheM/ o~M tsaN+Da ma hA ro Sha Na hU~M phaT/ sngon ma bzhin du rab tu bcug na dmag dpon gyi yan lag brgyad la phur bus btab par 'gyur ro/ /me thab kyi 'og tu bskos nas mgo thur du bstan nas sbas na pha rol gyi dmag tshogs 'ong ba rengs par 'gyur ro/ /o~M da ha da ha/ pa tsa pa tsa/ ma tha ma tha/ dz+wa ra dz+wa ra/ dz+wA la ya dz+wA la ya/ sho Sha ya sho Sha ya/ gr-ih+Na gr-ih+Na/ dz+wa la dz+wa la/ o~M tsaN+Da ma hA ro Sha Na hU~M phaT swA hA/ dur khrod kyi gos la dug dang / ske tshes gzugs brnyan sor brgyad pa'i tshad kyi lha sbyin bris la phreng ba'i sngags kyis bskor nas/ spra tshil gyi gzugs brnyan gyi snying kar bcug nas/ shi ri khan Da'i shing gi rang bzhin gyi nang du gzhug par bya'o/ /de nas o~M tsaN+Da ma hA ro Sha Na che ge mo dzo re Na grih+NA ba ya hU~M phaT/ zhes bzlas nas dur khrod kyi me la bdug par bya'o/ /yang na seng ldeng dang rag chung gi me la'o/ /dgra bo rims kyis zin par 'gyur ro/ /o~M dza ya dza ya pa rA dza ya ni ra dzi ta yan+te hI hI/ hA hA/ s+pho Ta ya s+pho Ta ya/ u ts+tshA da ya uts+tshA Ta ya shI g+h+ra~M karma ku ru/ o~M tsaN+Da ma hA ro Sha Na hU~M phaT/ dur khrod kyi gos la bris nas skud pa sngon pos lan brgyad dkris nas dpung pa'am mgul pa'am/ mgo'am/ rked pa la btags na pha rol gyi 'phrul 'khor gyi mthu med par 'gyur ro/ /o~M tsaN+Da ma hA se na gra sa gra sa/ kha kha khA hi khA hi/ sho Sha ya sho Sha ya/ ma ra ma ra/ mA ra ya mA ra ya/ che ge mo hU~M phaT/ dur khrod kyi ras la sngon bzhin du bris nas/ gzugs brnyan gyi nang du bcug nas/ mi'i rus pa'i phur bu sor gcig pa'i tshad dam/ yang na lcags kyi phur bus btab nas/ dur khrod du sa brkos nas mgo thur du bstan nas sbas na/ zhag bdun gyis 'chi bar 'gyur ro/ /tsaN+Da ma hA</font><hr>87.321b<br><font size=+1>

ro Sha N+ya uts+tshA Ta ya hU~M phaT/ nim pa dang / bya rog gi tshi lu blangs nas dur khrod kyi me la bsregs nas thal ba la mngon par sngags nas sngo la gtong nas rnga mo'i steng du bskyon nas mgul pa zhags pas bcings nas lho phyogs su khyer bar bsam par bya'o/ /skrod par byed do/ /o~M dwe Sha Na dwe Sha badzra che ge mo dang che ge mo rnam par zhe sdang bar gyis shig  / o~M tsaN+Da ma hA ro Sha Na hU~M phaT/ khyi gnyis 'thab pa'i rdul blangs nas lag pa g.yas pas gzugs brnyan gnyis la bsnun na phan tshun du zhe sdang bar byed do/ /o~M tsaN+Da ma hA ro Sha N+ya hraM hriM hriM g+ho ra rU pe/ tsa Ta tsa Ta/ pra tsa Ta pra tsa Ta/ ha na ha na/ g+hA ta ya g+hA ta ya/ ka ha ka ha/ pra s+phu ra pra s+phu ra/ pra s+phA ra ya pra s+phA ra ya/ kI la ya kI la ya/ dzam+b+ha ya dzam+b+ha ya/ stam+b+ha ya stam+b+ha ya/ che ge mo hU~M phaT/ gro ga la rus sbal le brgan rtsis yang dag par bris nas sor drug pa'i rkang pa bzhi po rnams la hri yig dang / kha'i nang du pi gi yi ge dang lto bar hri gnyis bris nas rgyab tu dbang du bya ba'o/ /phyi nas phreng ba'i sngags kyis yang dag par bskor nas mchod pa dang / bstod pa yang dag par brtsam par bya'o/ /so phag gi steng du bzhag nas rus sbal gyi khog pas dgab par bya'o/ /srad du dmar pos dkri bar bya'o/ /rkang pa dag phyis pa'i gos gzhug par bya'o/ /rkang pa g.yon pas bsnun zhing che ge mo bdag gi dbang du gyis shig lan bdun gyis dgra bo kha bcings par 'gyur ro/ /o~M tsi li mi li la li te hU~M phaT/ mig zim bur lta bar byed do/ /o~M ts+tsh+rIM ts+tsh+rIM ts+tsh+rIM sho Sha ya sho Sha ya d+hA ra~M ban d+ha ban d+ha/ o~M tsaN+Da ma hA ro Sha Na hU~M phaT/ nya'i rus pa'i phur bu sor bdun gyi tshad la lan brgya rtsa brgyad mngon par sngags nas ba lang lhas su brkos nas sbas na 'o ma med par 'gyur ro/ /o~M badzrI Ni badzraM pA ta ya su ra pa ti rA dz+nyA pa ya ti/ dz+wA la ya dz+wA la ya/ o~M tsaN+Da ma hA ro Sha Na hU~M phaT/ grog mkhar gyi sa'i rang bzhin gyi rdo rje la</font><hr>87.322a<br><font size=+1>

brgya rtsa brgyad mngon par sngags nas tshong 'dus su sbas na pa NaM nyams par 'gyur ro/ /o~M hrIM klIM tra~M yu~M ya ma ma tha ne/ A kaT+d+h+ya AT+d+h+ya /   k+Sho b+ha ya k+Sho b+ha ya/ sarba ka~M pra sA d+ha ne hU~M hU~M phaT phaT swA hA/ gro ga la lha zhal gcig phyag gnyis pa gur gum gyi mdog lta bu zhags pa dang lcags kyu phyag na bsnams pa 'dod pa'i mdangs can 'jigs pa'i yan lag la/ tshil dang / chang dang / le brgan rtsi dang / khrag dang / bud med kyi rdul dang rnams kyis bsten pa'i sngags kyi yi ge rnams te/ o~M shi ra si hrI hri di k+ShI nA b+ho tra~M me D+re/ de nas phreng ba'i sngags kyis bskor nas/   srad bu dmar pos yang dag par dkris nas/   bud med dang /  skyes pa'i thod pa kha sbyar gyi nang du bcug nas/ mar dang sbrang gis bkang nas/ spra tshil gyis dril nas srad bu dmar pos dkris nas sa la sbas te/ mgo bo'i gnas la rkang pa g.yon pas mnan nas bzlas par bya'o/ /stong phrag nyi shu rtsa lngas grong khyer bskyod par 'gyur ro/ /o~M A kaT+D+h+ya A kaT+D+h+ya/ mo hA ya mo hA ya/ che ge mo me ba shI ku ru swA hA/ lto ba'i srin bu zhib mo phye mar byas nas/ shu kra dang / ming med kyi khrag dang / ri lu byas nas mngon par sngags nas bza' ba dang btung bar byin na dbang du byed par 'gyur ro/ /'phur bzhin pa'i sbrang ma'i gshog pa dang / so'i rgyal po gnyis dang / ro'i me tog snying po'i phye ma'i phye mas yan lag dang / rkang pa la byugs na 'gro 'phro la brgyal bar 'gyur ro/ /o~M shwe ta gr-i d+hi Ni khA hi bi Sha~M tsa ru Sha~M tsa ru Shi Ni khaHkhaHkhaHhaHhaHhaH o~M tsaN+Da ma hA se nA dz+nyA pa ya ti swA hA/ yang na o~M saM kA ri Ni d+h+wa~M ha hU~M haM haH/   dug thams cad sel bar byed do/ /o~M nA gA ri pA ma ne ha raHphaT/ mngon par bsngags nas khang pa'i sgo gong du gos kyi ras ma bcings na sbrul khang par 'jug par mi 'gyur ro/ /o~M A ne kA ne che ge mo ba shI ku ru swA hA/ me tog dkar po'i dri zhim po byin na dbang du byed do/ /na mo pI ta rA gA ya/ mai tre ya si ha lo tsa ne swA hA/ chu la mngon par sngags nas mig bkrus na rab rib sel lo/ /</font><hr>87.322b<br><font size=+1>

o~M sa pha ra kha tsUr Na~M khaHtsUr+Na khA dA nA~M na pra b+ha ba ti A ti t+ya ra tha be khe na ba su de pa ba len tsa ga ru/ bak+Sha pa ta na b+hA meM ba ta tu bi Sha~M swA hA/ sbrul dang / bi shwa~M ka ta dang / sdig pa la sogs pa'i dug thams cad sel bar byed do/ /o~M tsa muN+Di a dzi te/ a pa ra dzi te ph+li ph+li rak+Sha rak+Shi swA hA/ lan bdun du par gong la mngon par sngags nas phyogs bzhir 'phang zhing rang gi gnas su gcig gzhag par bya'o/ /o~M dzam+b+ha nI stam+b+ha nI mo ha ni/ sarba duSh+Ta pra sha ma ni swA hA/ tsau ra mi 'byung ngo / /o~M tsaN+Da ma hA kro d+ha ya hu lu hu lu/ tsu lu tsu lu/ tiSh+Tha tiSh+Tha/ ban d+ha ban d+ha/ mo ha mo ha/ ha na ha na/ a mri te hU~M phaT/ me tog la sogs pa la yongs su bzlas nas byin na dbang du 'gyur ro/ /na mo rat+na tra yA ya/ o~M traHsu bi smra re swA hA/ ke ta ki'i 'dab ma gshags pa la bris nas bcangs na tsha ba thams cad sel bar byed do/ /zhes pa ni dpa' bo gcig pa nyid du gsungs pa'i dpal gtum po khro bo chen po'i rgyud las/ 'khrul 'khor dang sngags sna tshogs pa'i rab tu dbye ba gsungs pa'i rim par phye ba ste nyi shu pa'o// // de nas bcom ldan 'das kyis bka' stsal pa/ o~M tsaN+Da ma hA ro Sha Na sarba mA yA dar sha ka / sarba mA yA dar sha ya ni rbi ge gi na hU~M phaT/ ces pa 'dis gtum po khro bo chen por bsams nas thams cad bya'o/ /u dum 'ba' ra'i 'o ma ras la byugs nas/   bug pa med par byas te/ 'bru mar dang /  bcas pa'i spos dkar btags nas der bcug la sdong bu byas la/ chu'i nang du mar me 'od dang bcas pa 'bar zhing gnas so/ /mtshan mo rdo dkar po'i dum bu gnyis bzung nas ni/  g+h+riShu hU~M ka re Na glog gi 'od 'phro ba snang bar byed do/ /dza lu ka shi ba'i phye ma dang bcas pa/   rgya skyegs kyis kha bsgyur nas/ sdong bus me sbar na s+t+ri yang de gcer bur mthong bar byed do/ /mar gyis rna ba dang mig la bsgos nas bdag nyid bsrung ba byas nas/ ha la ha la'i mjug ma gcad par bya'o/ /gcer bu skra grol bas ji srid 'phar ba de srid gar byed par 'gyur ro/ /de'i phye ma drug nam bzhi dang / d+ha du ra'i yan lag lnga so sor drug nam re re dang bcas pa rgya</font><hr>87.323a<br><font size=+1>

skyegs kyis kha bsgyur ba'i gos kyis sdong bu byas na thams cad gar byed par mthong ngo / /sngon bzhin bdag nyid la bsrung bar bya'o/ /sha kha Ta'i rtsa ba dang / ba ru ra'i rtsa ba gcig tu byas nas/  khyim du gzhag na 'thab mor 'gyur ro/ /d+ha du ra'i me tog gi nang gi phye ma dang / su gan d+hi'i me tog gi nang gi phye ma dang / su gan d+hi'i nang du bcug nas mnams pa tsam gyis mgo bo zug rngur 'gyur ro/ /skyur po snar blugs na grol bar 'gyur ro/ /khyi ku skyes pa'i mal stan gyi dud pas bdugs nas/ rma bya'i sgros g.yas su bskor na rtsig pa'i ri mo mi snang bar byed do/ /g.yon du bskor bas slar yang snang bar byed do/ /bya rog gi snying gi khrag gis a mra'i lo ma la de'i gshog pa'i smyu gus sngags bris nas/ gang gi zag pa'i nang du bcug na de bya rog gis za bar byed do/ /o~M kA ka ku ha hi ka dad ta kA ke na b+hak+Sha ya swA hA/ b+ha ga'i rnam pa'i dong byas nas/  bud med kyi bshang ba la za'i lo ma khri phrag gcig bcug nas sba bar bya'o/ /de'i lam zug rngur 'gyur ro/ /shi ri khaN Da'i 'o ma la sbangs pa'i til gyi 'bru mar skra la mnyes na skra dkar por 'gyur ro/ /skra bzhar na sangs par 'gyur ro/ /zhum bu'i phru gu btsas pa'i lam stan dang / bud med kyi bu tsha btsas pa'i lam stan gyi dud pas bdugs na/   rtsig ngos kyi ri mo mi snang bar 'gyur ro/ /mak+Shi kas bdugs na grol bar 'gyur ro/ /rnga mo'i 'gram pa rdul dang dri chu ba bla dang lan mang du sbangs nas lag pa la mnyes nas reg na ri mo mi snang bar 'gyur ro/ /lag pa bkrus na grol bar 'gyur ro/ /s+t+ri gar+b+ha'i mal stan gyis bdugs na/ ri mo da ti/ gu gul gyis bdugs na grol bar 'gyur ro/ /b+ha ga'i tshil gyis mig sman byas na khang pa'i phyam rnams sar par mthong bar 'gyur ro/ /mar me bsnyal nas g+han d+ha ka'i phye ma blugs na slar yang 'bar bar byed do/ /muN Da rI dang / se bA la dang / rdza lo ka dang / sbal pa'i tshil gyis rkang pa dag mnyes nas/ chu</font><hr>87.323b<br><font size=+1>

shing gi lo ma dkris nas me 'dag 'bar ba'i steng du phyin na tshig par mi 'gyur ro/ /shi ri khaN Da dang / bu ram zos na gnyid du 'gyur ro/ /ka ma tsa'i rtsa ba spyi bor bcings na gnyid du 'gyur ro/ /nA ga da ma na ka'i rtsa ba dang / gro na push+pa'i bal dang / yung ba dang / 'bras dang btags nas dril phyis byas na/ chu'i brtags pa las rgyal lo/ /shal ma la'i rtsa bar brus nas/ shing kun bcug na me tog rnams ltung bar 'gyur ro/ /sa skyur mo dang / chang byin nas go la byin na 'khru bar byed do/ /shi ri khaN Da'i 'o ma dang / arka'i sa bon dang / srin bu'i zos pa'i shing phye dang / bu ram zos na khrag tu 'dzag par 'gyur ro/ /spang bye'i phye mas rta'i sna la mnyes na rtswa za bar mi 'gyur ro/ /tsan dan gyis bkrus na dag par 'gyur ro/ /ke ta ka'i rtsa ba spyi bor bcing bar bya'o/ /khang rdzu ra'i rtsa ba dang / ha te ta la'i rtsa ba mu kha rgyal gyi zla ba la byang phyogs su gnas pas/ gcer bu skra grol bar byas nas bton nas/  gsum po dang /  cung zad mnyes nas mthungs na mtshon gyis phed par mi 'gyur ro/ /sho na ka'i sa bon gyis phyin lham gnyis ri dgas kyi lpags pa la byas nas/ nang bkang nas chu la phyin na 'bying bar mi 'gyur ro/ /o~M Sha Ni zos nas lce 'og tu gzhag par bya'o/ /thong lcags bsregs nas ldags na tshig par mi 'gyur ro/ /dngul chu dang k+Sha ra dang ldan pa'i hasti shun Di 'thungs na mngal ltung bar byed do/ /shar pung ga dkar po'i rtsa ba rgyu skar rgyal la bston nas ba'i mar la sbangs nas/   mgo bo 'am dpung par gdags par bya'o/ /mda' dang chom po'i 'jigs pa las skyob par byed do/ /bya rgod kyi zhag dang / 'ug pa'i zhag phyis lham la byugs nas/  steng du gnas nas shin du ring por 'gro 'ong nus so/ /yungs dkar gyi 'bras bu mtshon gyis gcad par bya ste/ nyi ma bzang po'i sgongs mo'i thun mtshams su lhag par gnas pa byas na gcer bu skra grol bar byas nas lag pa g.yon pas bzungs nas sa la ma lhung bar bcom ldan 'das kyi sngags kyis bsrungs nas/ phreng ba'i sngags kyis gang dang gang gi khrag gis sbangs nas/ mtshon</font><hr>87.324a<br><font size=+1>

cha mang po'i khrag gis gtor nas/  Sha bkrus pa'i chu dang / de'i rus pa'i lud dang /   zhag dang / de'i thal ba skyed nas/ de'i thod pa'i nang du/   zhag dang rwa la sogs pa'i khrag la sogs pa bsags nas/ bdug pa dang byug pa la sogs pa 'bad pas byas nas/ yang dang yang du bsrung ba dang gtor ma bya/ yongs su gyur pa'i 'bras bu khar bcug na bdag nyid de 'dra bar 'gyur ro/ /lcags gsum gyis bkris na mi snang bar 'gyur ro/ /de la 'dir lcags gsum ni phyed dang bcas pa'i drug nam bdun dang / phyed dang bcas pa'i gnyis dang / bzhi dang / drug nam lnga rnams te/ nyi ma dang / zla ba dang / me dang rnams mi'i thod pa la gi wang dang /  le brgan dag gis bsgrub bya'i ming sngags kyis bsten nas/   bris nas dri'i chus byugs te/ thod pa gnyis pa yang dag par sbyar bar byas nas/ ro'i srad bus dkris nas spra tshil gyis dril bar bya'o/ /dur khrod kyi me la bdugs pas ji srid mtshan mo spra tshil me zhu'i bar du'o/ /lha'i bu mo 'gugs par byed do/ /o~M A kaT+D+h+ya A kaT+D+h+ya/ mo ha ya mo ha ya/ che ge mo a kar Sha ya dza swA hA/ ka pid tha'i 'bras bu phye mar byas nas ma he'i zho la sbang bar bya'o/ /lan bdun du'o/ /rdza gsar pa na gnas nas dar ba cung zad blugs par bya'o/ /skad cig tsam gyis zho ru 'gyur ro/ /ka pid tha'i 'bras bu btags nas rdza gsar pa la byug par bya'o/ /de la 'o ma bskol nas srub pa dang bral na zho ru 'gyur ro/ /rdza so ma btang ba'i bum par 'o mas bsgos nas btso bar bya'o/ /bum par blugs nas brtan pa dang bum pa bcag pas zho'i bum par 'gyur ro/ /arka'i 'o ma bum pa gsar par lan mang du bsgos nas/ der chu blugs na dar ba bzhin du mthong ngo / /bud med bu tsha skyes nas zhag bcu lon pa'i mes bdugs pa'i thal ba blangs nas/ khu tshur gnyis steng 'og tu rnam par bkod nas chus bkang nas de la thal ba'i ri mo'i steng du khrid na/ bum pa'i chu skams par 'gyur ro/ /'og tu thal bas ri mo byas na gang bar 'gyur ro/ /gza' nyi ma'i nyin mo sha liny+dza'i rtsa ba dang / a pa mAr ga'i rtsa ba bton</font><hr>87.324b<br><font size=+1>

nas so sor dbyug pa'i rtse mo la byugs nas rked par bzung na de dag 'thab par byed do/ /ba hU a ra'i sa bon gyi khu bas ras bzang po mnyes nas chu blugs na ltung bar mi 'gyur ro/ /spa'i bum pa la de yis de bzhin du byugs nas zhon na chu la 'bying bar mi 'gyur ro/ /b+hu la ta dang srin bu me khyer gyi phye mas rtsig pa la byugs na mtshan mo 'bar bar mthong ngo / /zangs kyi snod la chang dang skyu ru ras mnyes nas lcags kyi snod la byugs na zangs ma bzhin du mthong ngo / /ba lang gi rus pa bsregs nas mu zi'i phye ma byin na me lce 'bar bar 'gyur ro/ /d+heb Du ka'i sa bon gyi steng du me tog gzhag nas chu byin na/   me tog yar nas 'gro'o/ /kun Thi ri las byas pa'i byi'u'i nang du/ bung ba bcug na nam mkha' la 'gro bar byed do/ /sha skam po la b+hal+la ta ka'i mar khus sbangs nas chu'i steng du gzhag na 'gro bar byed do/ /zhes pa ni dpa' bo gcig pa nyid du gsungs pa'i dpal gtum po khro bo chen po'i rgyud las/ ngo mtshar sgyu ma'i rim par phye ba ste nyi shu rtsa gcig pa'o// // de nas bcom ldan 'das kyis bka' stsal pa/ snying kar srog rlung thur sel bshad/ /mnyam gnas lte ba'i phyogs na gnas/ /gyen rgyu mgrin pa'i phyogs su gnas/ /lus kun la ni khyab byed gnas/ /de rnams nang nas gtso bo yi/ /srog gi rlung ni snying kar gnas/ /'byung 'jug dbugs kyi dbye ba yis/ /skye bo kun gyi srog tu gnas/ /'pho ba bcu drug sbyor ba yis/ /so sor dbyug gu re re'o/ /dkyil 'khor bzhi ni 'bab pa yis/ /nyi khri chig stong drug brgya la/ /g.yas la reg nas 'bab pa ni/ /me yi dkyil 'khor zhes brjod do/ /g.yon nas reg nas 'bab pa ni/ /rlung gi dkyil 'khor zhes brjod do/ /g.yas g.yon mtshungs par reg pa ni/ /sa yi dkyil 'khor zhes bya'o/ /de nyid 'dir ni dal 'bab pa/ /chu yi dkyil 'khor zhes bya'o/ /la lA na ni g.yon gyis dal/ /ra sa nA g.yas rnam par gnas/ /a ba d+hU tI dbus phyogs nas/ /lhan cig skyes dga' skad cig 'bab/ /'byung dang 'jug pa gnyis gyur pa/ /mi g.yo'i tshul gyis rnam par gnas/ /ji srid srog ni rab 'jug</font><hr>87.325a<br><font size=+1>

pa'i/ /rlung gi 'gro 'ong nyams pas so/ /'jug pa kum b+ha kar shes bya/ /pU ra ka ni gzung bar bya/ /re tsa ka ni dbyung bar shes/ /mi g.yo ba ni rengs par 'dod/ /gtum po khro bo'i ting 'dzin gyis/ /shes rab dang bcas brtsam par bya/ /rlung gi 'jug pa bgrang bya ste/ /brgya stong la sogs grangs rnams kyis/ /skad cig nyid la 'grub 'gyur te/ /mgon po sangs rgyas gsung ji bzhin/ /'bad pas shes rab la 'khyud nas/ /rlung gcig pu ni bgrang bar bya/ /gtum po khro bo'i gzugs kyis ni/ /zla ba phyed tsam gyis 'grub byed/ /lha yi ye shes yang dag ldan/ /mngon par shes pa skye bar 'gyur/ /gtum po khro bo'i ting 'dzin gyis/ /rang gi bud med nges 'khyud nas/ /snying ka dang ni snying ka dang / /gsang ba dang ni gsang ba dang / /zhal dang zhal ni yang dag sbyar/ /sems med bde ba'i mchog de nyid/ /zla ba snying gi nang du son/ /de ni nyi ma'i mthu yis so/ /de nyid brtan pa'i stobs de las/ /mi yis kun mkhyen thob par 'gyur/ /bsams pa tsam gyur nyid kyis ni/ /'das dang ma 'ongs da ltar yang / /pha rol sems ni shes 'gyur te/ /bdag gi 'di ni bden par smras/ /de bzhin de nyid sbyor ba yis/ /rna ba'i nang du sgom byas na/ /phyogs rnams kun na gnas pa'i sgra/ /drung na mo ni ji bzhin thos/ /de bzhin mig gi mthu yis ni/ /'jig rten gsum po mthong bar byed/ /de bzhin sna yis mnams pas kyang / /dri rnams thams cad shes par 'gyur/ /de bzhin lce yis myangs pas kyang / /ring gnas ro yang rab tu skye/ /de bzhin rang rtags rtser bsams pas/ /reg bya ma lus shes par 'gyur/ /de bzhin mgo yi dbus bsams pas/ /kun gyi nus mthu 'phel bar 'gyur/ /gang du sems ni gnas de la/ /rlung gis ro ni yang dag mnyam/ /de dang de las de 'gog pas/ /de nyid 'dir ni gzugs brnyan 'gyur/ /zhi dang rgyas dang dbang dang ni/ /dgug dang de bzhin gsad pa dang / /bskrad dang thams cad shin du bsgom/ /de nyid gang bsgoms rab tu 'grub/ /kum b+ha ka sogs rab sbyor bas/ /lta stangs bzhi po dang sbyor bya/ /g.yon du</font><hr>87.325b<br><font size=+1>

lta ba'i lta stangs kyis/ /bum pa can gyi dbang du byed/ /pu ra ka ni nges sbyor bas/ /g.yas kyi dgug par shes par bya/ /gang zhig dpral gnas lta stangs kyis/ /de ni re tsa ka yis gsad/ /sna rtser gnas nyid lta stangs kyis/ /rengs pa nyid kyis rengs pa can/ /nas kyi me tog kum b+ha ka /sna hI bri k+Sha pU ra ka /rlan bcas shing ni re tsa ka / mig de yang ni stam b+ha ka /kun gyi lta stangs nges sbyor las/ /zla ba drug tu bsam par bya/ /kun gyi nus pa dang ldan par/ /sems ni 'gog pas 'grub par 'gyur/ /sems ni 'gags pas rlung 'gag go/ /rlung 'gags pas kyang sems kyang 'gag /phan tshun 'gags par 'gyur ba yi/ /gnas la sems ni gnas pa'o/ /rdo rje pad ma mnyam sbyor bas/ /thabs dang shes rab gcig tu sbyor/ /'gog pa'i bde la longs spyod pas/ /khyab bdag mi g.yo de 'grub bo/ /rdo rje sems sogs sangs rgyas rnams/ /sngags pa de yi lhan cig na/ /bde byed la sogs grags pa yi/ /'jig rten lha rnams smos ci dgos/ /rgyud rnams kun du rab sbas pa/ /bdag gis de nyid mi g.yo gtso/ /gang zhig de nyid brten byas pas/ /nam mkha' lta bu'i sangs rgyas gyur/ /gang gA'i bye ma dang mtshungs pa'i/ /chen po rnams ni 'byung bar 'gyur/ /da ltar gyi yang rnam sangs rgyas/ /sangs rgyas ye shes dang ldan nyid/ /de phyir rtag tu rnal 'byor pas/ /khyab bdag mi g.yo bsam par bya/ /gang zhig mi g.yo mi shes pa/ /de yi skye ba 'bras med yin/ /de nyid med la dngos grub ni/ /phra mo tsam yang thob pa med/ /zhes pa ni dpa' bo gcig pa nyid du gsungs pa'i dpal gtum po khro bo chen po'i rgyud las/ /rlung gi rnal 'byor gyi rim par phye ba ste nyi shu rtsa gnyis pa'o// // de nas bcom ldan 'das kyis bka' stsal pa/ rkang mthil lte bar 'bugs byed na/ /zhag gsum nas ni 'chi bar 'gyur/ /rkang pa'i mthil du 'bugs pa dang / /mig tu zug rngus zla gsum na/ /rkang pa'i mthil du 'bugs pa dang / /sna yi zug rngus zla gsum na/ /bshang ba 'dzag pa'i dus su ni/ /sbrid pa mnyam byung zla ba na/ /lte ba dang lto ba'i zug rngu yis lo lnga na'o/ /mdzod spu'i zug rngu yis</font><hr>87.326a<br><font size=+1>

nyi ma gcig na'o/ /lce'i rtse mo ma mthong na zla ba phyed na'o/ /sna'i rtse mo'i zug rngu yis zla ba bzhi na'o/ /'khrig pa'i dus kyi sbrid pa yis zla ba na'o/ /mthe'u chung thams cad mnyam du zug rngur gyur na zla ba na'o/ /mnyam du snying ka dang /   mgrin par zug rngur gyur na zla phyed pa gsum na'o/ /mnyam du tA lu ka gsum zug rngur gyur na nyi ma gsum na'o/ /su ra b+ha'i rna ba'i dril bu'i sgra yis zla ba gsum na'o/ /rna ba'i rtsa ba dang / smin ma'i dbus dang / mgo'i dang po rnams su zug rngur gyur na nyi ma gcig na'o/ /rkang pa'i mthil nas brtsams nas/  lte ba'i mthar thug pa'i zug rngus zla ba drug na'o/ /sna rtse'i sha zhum na zhag bdun na'o/ /'gram pa'i sha'i mtshams bye na zla ba lnga na'o/ /mig 'dzag pa ma mthong na zla ba lnga na'o/ /sna'i 'khor lo las zhag bdun na'o/ /snying ka zhom na zla ba phye na'o/ /lce'i dkyil du ri mo nag po byung na zhag gnyis na'o/ /sen mo la khrag ma mthong na zla ba drug na'o/ /so skams na zla ba drug na'o/ /a ru Na ma mthong na zla ba drug na'o/ /grang mo la sogs pa'i dus phyin ci log pa las thams cad du bug par mthong na zla ba phyed na'o/ /ha yig brjod pas grang ba dang / phuHyig brjod pas dro bar gyur na nyi ma bcu na'o/ /ming med kyi rtsa bar ri mo nag po mthong na nyi ma bco brgyad na'o/ /lus mnyes pas sgra thos pa dang / lus thams cad las klu nyid kyang nyi ma bcu tham pa na'o/ /khrus byas pa tsam gyis snying ka dang rkang pa skam na/ rta d+hi man lus la dri ngan pa byung na zhag gsum na'o/ /lus staHnyi ma gcig na'o/ /dri chu g.yon du 'khor na zla ba drug na'o/ /lte ba phyin ci log na nyi ma lnga na'o/ /sna'i rtse mo ma mthong na de zla ba lnga na'o/ /mig sor mos mnan pas 'od ma mthong na nyi ma brgya na'o/ /rna ba'i d+ha n+ya thos na lo gcig na'o/ /pha rol gyi mig la gzugs brnyan ma mthong na zla ba phyed na'o/ /de nyid shes phyir 'chi bslu dang / /'jig rten pha rol bsam par bya/ /zhes pa ni dpa' bo gcig pa nyid du gsungs pa'i dpal</font><hr>87.326b<br><font size=+1>

gtum po khro bo chen po'i rgyud las 'chi ltas kyi mtshan nyid rim par phye ba ste nyi shu rtsa gsum pa'o// // de nas bcom ldan 'das kyis bka' stsal pa/ pha dang ma yi mnyam sbyor las/ /'byung lnga'i bdag can zla ba dang / 'byung ba lnga yi bdag nyid can/ /nyi ma'i sbyor ba 'dzom pa las/ /de la sems can skye bar 'gyur/ /thabs dang shes rab bdag nyid can/ /slar yang dus tshigs zla ba las/ /nyi mas sha la sogs par 'gyur/ /bdag nyid stong pa'i lus gyur la/ /sems can rnams ni las kyis sprul/ /sgyu ma lta bu'i rang bzhin 'di/ /dri za'i grong khyer lta bu dang / /dbang po'i gzhu dang mtshungs pa 'di/ /chu nang zla ba lta bur 'dod/ /ces pa ni dpa' bo gcig pa nyid du gsungs pa'i dpal gtum po khro bo chen po'i rgyud las/  lus kyi rang bzhin gyi rim par phye ba ste nyi shu rtsa bzhi pa'o// // de nas bcom ldan 'das mas gsol pa/ shes rab pha rol phyin 'byung ba/ /gzhan yang bdag gis mnyan par 'tshal/ /shin du rgyal min mdor bsdus pas/ /mgon po bdag la bka' drin mdzod/ /de nas bcom ldan 'das kyis bka' stsal pa/ shes rab pha rol phyin 'byung ba/ /de nas yang dag rab bshad bya/ /bcu drug lo yi gzugs can ma/ /lha mo sems dpa'i dkyil dkrung mdzad/ /sku mdog sngon mo skal chen ma/ /mi bskyod pa yis dbu la brgyan/ /phyag g.yas pad ma dmar po bsnams/ /g.yon pa'i phyag ni rol pa'i stabs/ /'dod pa'i bstan bcos kyis gnas pa/ /pad ma zla ba'i steng du bzhugs/ /nu ma rgyas shing lta bas tshim/ /spyan yangs dga' ma khyod la smras/ /lhan skyes mi g.yo'i ting 'dzin gnas/ /lha mo 'di ni bsgoms par gyis/ /hU~M yig ye shes bud med kyi/   /bdag po dbang phyug dam par bcas/ /de nas gzhan yang rab bshad bya/ /gtum po khro bo bsgoms pa ni/ /sna tshogs pad ma'i steng du lha/ /gtum po khro bo brtag par bya/ /ra ma de ba kha dog dmar/ /</font><hr>87.327a<br><font size=+1>

me ste bden bral mtshams su ni/ /'dod pa'i lha de kha dog ser/ /ma hI Na Na zhes kha dog ljang / /rlung ste lha min ko ki la/ /zhes pa gri gug thod pa'i lag /nag po dbang ldan mtshams su gnas/ /thams cad g.yas brkyang stabs kyis so/ /lha mo par Na sha ba ri/ /bcom ldan 'das kyi nub phyogs gnas/ /'di nyid bsam gtan sbyor ba yis/ /nya sogs bsregs pas mchod par bya/ /lha rnams kun kyang 'chi byed na/ /mi rnams gzhan pa smos ci dgos/ /de la 'di'i sngags ni/ o~M tsaN+Da ma hA ro Sha ban+d+ha ban+d+ha che ge mo hU~M phaT/ shes rab dang ldan bsgom par bya/ /g.yon pa'i phyag na pad ma dkar/ /gtum po khro bo sngon po 'am/ /dmar po yang na nag pos kyang / /rnal 'byor bsgom pa yongs bstan pas/ /skad cig gis ni 'grub par 'gyur/ /de ltar mi g.yo dkar po sogs/ /'bad pa drag pos sgom byed na/ /sems ni rtse gcig mnyam bzhag pas/ /sa bon dang bral nyid kyang bsgom/ /za dang mthung dang nyal ba dang / /'dug dang 'gro dang 'chag par yang / /gnas skabs kun du rnal 'byor pas/ /lha yi rnam par bsgom par bya/ /yang na bde ba 'ba' zhig ni/ /phan tshun bde ba'i rnal 'byor ma/ /ji srid rab tu gsal gyur pa/ /de srid bar du 'bad pas bsgom/ /rab gsal gyur na rnal 'byor pa'i/ /phyag rgya chen po'-i dngos grub bo/ /zhes pa ni dpa' bo gcig pa nyid du gsungs pa'i dpal gtum po khro bo chen po'i rgyud las lha mo rnams kyi bsgrub thabs kyi rim par phye ba ste nyi shu rtsa lnga pa'o// //bcom ldan 'das dpal rdo rje sems dpas de skad ces bka' stsal pa dang / rnal 'byor dang rnal 'byor ma'i tshogs rnams bcom ldan 'das kyis gsungs pa la mngon par dga'o/ /dpal gtum po khro bo chen po'i rgyud kyi rgyal po rdzogs so// //theg pa chen po yang dag pa'i dge ba'i bshes gnyen mkhyen pa dang brtse ba dang phrin las dpag tu med pa mnga' ba bla ma chen po rin chen rgyal mtshan gyi sku drin la rten nas/  bla ma dus 'khor ba chen po shes rab seng ges bskul zhing sbyin bdag mdzad pa la brten nas dpal ldan sa skya'i gtsug lag khang chen por paN+Di ta rat+na shrI'i zhal snga nas lots+tsha ba grags pa rgyal mtshan gyis sbrul gyi lo smin drug gi zla ba'i dkar po'i tshes bcu la rdzogs par bsgyur ro// // #</font><hr>

</table>