J410

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J410</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J410&coll=lithang">see text in Tibetan script</a></table>87.165b<br><font size=+1>

@#/ /rgya gar skad du/   shrI tsa tu R+pI tha ma hA yo gi nI tan tra rA dza nA ma/   bod skad du/   rnal 'byor ma'i rgyud kyi rgyal po chen po dpal gdan bzhi pa zhes bya ba/  thugs rje chen po 'phags pa spyan ras gzigs dbang phyug la phyag 'tshal lo/ /rnal 'byor ma yi dra ba sdom/ /ye shes stong pa can dbang phyug /gnas gtsang ma na bzhugs nas su/ /thams cad mkhyen pas 'di skad gsungs/ /sbyangs pa'i yon tan can dang / mi sdug pa dang 'phyang ba dang / mgrin pa gsum pa can dang / ri rab dang ri rab gtsug tor dang / pad ma can dang / pad+ma yangs pa la sogs pa rnal 'byor gyi dbang phyug bye ba phrag brgyad bcu'i nang nas phyag na rdo rje la gzigs nas 'dzum pa mdzad do/ /'dzum pa mdzad ma thag tu 'dir phyag</font><hr>87.166a<br><font size=+1>

na rdo rje stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ lag pa thal mo sbyar nas bcom ldan 'das la 'di skad ces gsol to/ /gsang ba sbyor ba'i mtshan nyid rnams/ /ye shes dbang la nyan par 'tshal/ /sa dang nam mkha' ji ltar lags/ /chu dang me ni ji lta bu/ /'byung dang 'jug pa'i dbugs dag gis/ /bsam gtan ji ltar gzung bar bgyi/ /yul 'khor skyong ba dang po'i lha/ /dkyil 'khor dag ni ji ltar lags/ /ye shes rnams shes lus kyi ni/ /las la sogs pa ji ltar sbyor/ /'khor ba las sgrol mtshan nyid kyi/ /de nyid ji bzhin rdo rjes nyon/ /dbugs kyi las la sogs thams cad/ /ye shes can gyi las su sbyar/ /nyi khri dang ni chig stong dang / /drug brgya ru ni brtsi bar bya/ /chu tshod drug bcu'i dbugs rnams kyis/ /nyin mtshan du ni grags pa yin/ /'byung dang 'jug pa'i dbugs rnams ni/ /'byung ba'i grangs kyis brtsi bar bya/ /blo dang ldan pas dbugs gnyis ni/ /'jug pa 'byung la thim par bya/ /de bzhin sa ni bcu gnyis la/ /phyi rol mtshan ma bzhag bya ste/ /tshes grangs mtshan ma ji bzhin du/ /re mig bcu gnyis rnams su gzhag /go rims bcu gnyis rab brtson pas/ /shar nas dpyid zla 'bring sogs gzhag /ro hi ta dang mo hi ta/ /de bzhin b+ha drA br-i Sha b+ha/ /kur ma ma kar raN+Da dang / /mi kir de bzhin bi tri ka /byA ku swapa na kA ma nA/ /ka ma sa dang bcu dang gnyis/ /'di dag shar sogs re mig la/ /go rims bzhin du dgod par bya/ /ro hi ta la btsas pa'i bu/ /skal ba bzang la de bzhin phyug /gdug pa'i sems la nad bu can/ /rtag tu mtha' 'khob gtso bo ste/ /'khrig pa la ni rtag tu dga'/ /thams cad du ni snyan par smra/ /ro hi ta la lha mchod cing / /de bzhin tshe lo bdun bcu thub/ /ro hi ta la nor btang na/ /mdza' bo thams cad ldog par 'gyur/ /</font><hr>87.166b<br><font size=+1>

ro hi ta la lus rmas na/ /dpal dang kun tu phrad par 'gyur/ /ro hi ta la gnas brten na/ /grogs dang nor gyis rgyas par 'gyur/ /ro hi ta la mgron zhugs na/ /bsam pa thams cad mngon par 'grub/ /bag ma blang dang me yi las/ /zhi ba'i las ni sbyar bar bya/ /mo hi ta'i don sbyor ba/ /bgrang ba nyid kyis shes par bya/ /mo hi ta la btsas pa'i bu/ /tshe ni drug bcu rtsa lngar grags/ /mang du za zhing sems chung la/ /'khrig pa la ni rtag tu dga'/ /rtag tu gdug cing ca cor ldan/ /mi snyan pa dag smra la dga'/ /khro la nga rgyal snying stobs med/ /sdig pa byed cing ngang tshul ngan/ /'khyal pa dang ni tshig rtsub smra/ /mtshon gyis nges par 'chi bar 'gyur/ /yang na tshe lo brgyad bcu ni/ /rtsa bzhi dag tu rab tu grags/ /rung ba'i sa ni spong byed cing / /mi rung ba la brtson par 'gyur/ /lus kyi yan lag rmas na ni/ /'chi bdag dang ni phrad par 'gyur/ /gal te cung zad nor gtong na/ /btang ba slar ni mi ldog go /b+ha drA la ni skyes pa'i bu/ /kha zas bzang po za ba dang / /bzang po'i las ni byed 'gyur zhing / /lo brgya ru ni 'tsho bar 'gyur/ /dbul la chos ni spyod pa dang / /bden par smra zhing snyan par brjod/ /chung ma gcig gis tshim pa'i lus/ /bzang por smra ba'i gtso bor 'gyur/ /bzo rnams kun dang dus tshod rig /rtag tu rang gi gnyen dang mdza'/ /chad pa gcod pa'i rigs can te/ /de bzhin lus ni chu ru 'chi/ /bri Sha b+ha la skyes pa'i bu/ /brtson 'grus ldan zhing dgra la dpa'/ /sgeg dang nor gyis phyug pa ste/ /chung ma mang du len par 'gyur/ /rtag tu gnyen ni mang ba ste/ /pha'i srog ni 'joms par byed/ /so nam tshong gis 'tsho byed cing / /tshe ni drug bcur 'tsho bar 'gyur/ /snyom las mu cor smra ba dang / /gdug cing las dang ngang tshul ngam/ /mtshon gyis 'chi bar 'gyur ba 'am/ /yang na srog chags gdug pas so/ /kurma la ni btsas pa'i bu/ /rtag tu sems khral</font><hr>87.167a<br><font size=+1>

can du gnas/ /chung gis khro zhing chung gis mgu/ /mang du smra zhing gnyen la byams/ /drag du smra zhing lhag par khro/ /phyug cing thams cad gtong la dga'/ /bu dang chung ma 'chi bar 'gyur/ /rtag tu rang gi yul na gtso/ /zhing gi las la sogs pas 'tsho/ /mdze yi nad kyis 'dzin par 'gyur/ /tshe lo brgyad bcu lon pa na/ /de bzhin rang gi yul du 'chi/ /ma ka ra la btsas pa'i bu/ /tshe ni dgu bcu rtsa drug ste/ /tshul khrims phun tshogs bsod nams ldan/ /'dul ba dang ni spyod pa srung / /nor ldan gzugs bzang phun sum tshogs/ /skal pa bzang zhing grags pas mdzes/ /bzo dang sgyu rtsal kun la mkhas/ /chung ma gcig ni shin tu gsal/ /rtag tu sems ni lhod pa ste/ /dul ba dang ni bsrung ba ste/ /gnyen gyi nang na gcig pu gtso/ /kun la snyan sogs smra ba dang / /de bzhin g.yul ngor 'chi bar 'gyur/ /tshe lo lnga bcu rtsa lnga dang / /yang na drug bcu 'am sum bcu'o/ /raN+Da la ni btsas pa'i bu/ /rtag du sdig pa'i blo can te/ /sems can rnams la 'khyal par smra/ /rtag tu dbul zhing kha gsag smra/ /dus kun du ni nad bu can/ /rgyal pos chad pa gcod pa'i bdag /'khrig pa la ni rtag tu dga'/ /gzhan dag la ni yid mi rton/ /zol dang bzo sogs kun rig pa/ /bud med rnams la skal pa bzang / /tshe lo lnga bcu rtsa lnga 'am/ /yang na drug bcu 'am sum bcur nges/ /mi ki ri la btsas pa'i bu/ /chos shes rang gi rigs kyang mtho/ /lugs kyi bstan bcos phun sum tshogs/ /bzo dang rig pa sna tshogs ldan/ /tshig rtsub smra la drag pa ste/ /shin du khro zhing 'jigs su rung / /nor nyung gzugs ni bzang ba ste/ /bya ba thams cad myur bar 'grub/ /de yi lus ni rang nyid kyis/ /chu ru mchongs te 'chi bar 'gyur/ /tshe lo brgyad bcu rtsa brgyad na/ /yang na rgyal po'i khrims kyis gsod/ /bi tri ka</font><hr>87.167b<br><font size=+1>

la btsas pa'i bu/ /skyes ma thag du ma ni 'chi/ /pha yang lo ni brgyad na 'chi/ /de bzhin rang gi khyim na gtso/ /khro la rdzas ni nyung bar 'gyur/ /sdig pa la sogs blun dang ldan/ /las dang sems khral chung ba ste/ /dpung rnams kyi ni gtso bo nyid/ /tshe lo brgya dang rtsa brgyad na/ /rang gi khyim du 'chi bar 'gyur/ /gnyen rnams kun dang mdza' ba ste/ /sdug phongs rnams la rtse bar ldan/ /byA ku la ni btsas pa'i bu/ /blo chung ngan par smra ba dang / /shes rab bzhan cing nad bu can/ /rtag tu grogs po ngan dang 'grogs/ /rang gi gnyen byams skal pa bzang / /sdug phongs rnams la rjes su brtse/ /nor dang ba lang shin tu phyug /khyim dang chung ma gsum la sogs/ /skad cig khro zhing nga rgyal ldan/ /dgra yis gzir bas 'jigs par 'gyur/ /pha dang ma ni tshe yang ring / /de bzhin tshe lo bdun bcu thub/ /tshong gi las kyis 'tsho bar byed/ /lan gcig tshong gi rgyu yis 'chi/ /sbyor ba brtsams pa'i mtshan ma la/ /ye shes can gyis bgrang bar bya/ /swapa na la ni btsas pa'i bu/ /dpa' rtul pha rol gnon pa yis/ /dgra rnams thams cad bsreg par byed/ /mgon med rnams kyi rtsa lag ste/ /dus rnams kun tu dbul ba dang / /sdig pa'i las la nan tan byed/ /bdag nyid seng ger sems pa dang / /tshig rtsub smra la thams cad rig /dus kun du ni nad med cing / /rtag tu longs spyod rnyed par 'gyur/ /gzhan la brten pas 'tsho ba dang / /bud med kun la gnod cing spyod/ /tshe lo lnga bcu tham pa ru/ /de ni nges par 'tsho bar 'gyur/ /dgra yi mtshon gyis brgyab nas su/ /'chi bar 'gyur ba gdon mi za/ /kA ma nA la btsas pa'i bu/ /tshe ni drug bcu rtsa brgyad 'tsho/ /nor dang 'bru dang grong dang ni/ /phyugs dang rta sogs bzhon par ldan/ /bden par smra zhing chos kyang shes/ /sems can kun la phan par byed/ /rig pa dang ni</font><hr>87.168a<br><font size=+1>

snyan par smra/ /bstan bcos thams cad shin tu rgyas/ /sems can kun la skal pa bzang / /rang gi yul du 'chi bar 'gyur/ /sbyor ba'i mtshan ma bstan pa rnams/ /ngas bstan pa la the tshom med/ /ro hi ta ni lha la mchod/ /mo hi ta ni nor la brkam/ /b+ha drA kha zas bzang po za/ /phr-i Sha b+ha la mang du khro/ /kurma la ni gzhan du sems/ /ma ka ra la 'brel par smra/ /raN+Da la ni sdig sems can/ /mi ki ra ni 'khrig la brten/ /bi tri ka ni gnyid log cing / /byA ku li ni bla rdol lo/ /swapa na la ni rang nyid sems/ /kA ma glu dang klog 'don byed/ /ro hi ta la zhi ba'i las/ /de bzhin bri Sha rgyas pa ste/ /ma ka ra ni dbang dang 'byor/ /b+ha drA la ni mngon spyod bya/ /mo hi ta yis bskrad pa ste/ /kur ma la ni bcing ba'i las/ /raN Das dbye bar shes par bya/ /byA ku la ni sman sbyar bya/ /ra yi khyu mchog grub pa ste/ /bdud rtsi sbyor bas skye mi 'gyur/ /shar la sogs pa'i phyogs bzhag nas/ /snga dro mkhas pas brtsi bar bya/ /ro hi ta la nor byin na/ /rdzu 'phrul dag ni rgyas par 'gyur/ /mo hi ta la nor bsdus na/ /gzhan gyis dgag par mi nus so/ /b+ha drA la ni khyim brtsams na/ /dpal dang yang dag 'phrad par 'gyur/ /bri Sha lha'i rnal 'byor gyis/ /sngags ni kun tu 'grub par 'gyur/ /kurma'i sbyor bas bag ma blang / /thams cad du ni 'bral mi 'gyur/ /ma ka ra la zhing btab na/ /gdon mi za bar 'bru rnams 'phel/ /raN+Da bud med 'grod byas na/ /shi bar gyur kyang mi gtong ngo / /mi ki ra la tshong byas na/ /gtam pa de ltar len par snang / /rtag tu brtan par gzhag bya ba'i/ /las tshogs bi tri ka las bzung / /byA ku li las 'gron zhugs na/ /'tshe ba med par gnas su phyin/ /swapa nas thams cad kun tu ni/ /nges par rtag tu mngon par 'ong / /kA ma la ni nor btang na/ /btang ba slar la ldog</font><hr>87.168b<br><font size=+1>

mi 'gyur/ /ro hi ta la nor rgyas bu/ /mo hi ta ni 'jog po yin/ /stobs kyis rgyu ba b+ha drA'i gnas/ /de bzhin pad ma br-i Sha b+ha/ /kurma pad ma chen po ste/ /ma ka ra ni dung skyong ngo / /raN+Da dung skyong chen po ste/ /mi ki ra ni rigs ldan no/ /bi tri mgo brgya pa yin te/ /byA ku la ni 'khyil ltung yin/ /swapa na 'jigs pa zhes bya ste/ /kA ma dus kyis 'chi bar 'dod/ /'di dag dus sbyor rim pa bzhin/ /bye brag tu ni shes par bya/ /rwa'i khyu mchog grub pa ste/ /bdud rtsi'i sbyor bas skye mi 'gyur/ /gang gi mche bas mngon zin na/ /'chi bdag dang ni phrad 'gyur ba'o/ /dug bsdu ba yi sbyor ba dag /gzhan la dug ni sbyar bar bya/ /dus kyi mtshan ma ji bzhin du/ /go rims rim pa bzhin du bya/ /dpyid zla 'bring sogs rims bzhin du/ /nyi ma byang du 'gro ba'i tshe/ /ji lta'i dus bzhin mtshan ma ni/ /rim gyis rim gyis sbyar bar bya/ /nyin mo'i chu tshod so sor ni/ /mkhas pas bcu gnyis bzhi bsgyur bya/ /mtshan mo drug dang bcu gsum bsgyur/ /chu tshod mkhas pas brtsam par bya/ /re mig dag ni gnyis pa la/ /dus la mkhas pas dus tshod bya/ /nyin mo drug dang bcu gnyis bsgyur/ /chu tshod kyi ni mtshan mar bya/ /bzhi dang bcu gsum bsgyur ba ni/ /mtshan mo chu tshod du ni brtag /bdag dang bcu gnyis bsgyur ba dag /nyin mo ru ni brtag par bya/ /gnyis dang bcu ni gsum bsgyur ba/ /mtshan mo'i chu tshod du ni brtag /chu tshod sum bcu tham pa ni/ /dbus kyi bi shu gnyis par sbyar/ /gnyis mtha' bcu ni gsum po dag /nyin mo chu tshod shes pa ste/ /brgyad dang bcu ni gnyis po dag /de yi mtshan mo'i mtshan mar bya/ /bzhi dang bcu gsum mtshan ma ni/ /nyin mo yi ni chu tshod de/ /drug dang bcu ni gnyis bsgyur ba/ /mtshan mo'i chu tshod mtshan ma bya/ /drug dang bcu ni gsum bsgyur ba/ /nyin</font><hr>87.169a<br><font size=+1>

mo yi ni shes bya ste/ /bzhi dang bcu ni gnyis bsgyur ba/ /mtshan mo'i chu tshod du ni grags/ /byang du bgrod pa bshad nas ni/ /de bzhin gzhan gyi dus shes bya/ /bzhi dang gsum bsgyur chu tshod ni/ /nyin mo yir ni bshad pa yin/ /drug dang bcu ni gnyis bsgyur ba/ /mtshan mo yi ni mtshon par bya/ /gnyis dang bcu ni gsum bsgyur ba/ /de bzhin nyin mo'i chu tshod yin/ /brgyad dang bcu ni gnyis bsgyur ba/ /chu tshod mtshan gyir rab tu grags/ /bcu ni gsum gyis bsgyur ba dag /bi shu nyin mo'i chu tshod de/ /de bzhin mtshan gyi chu tshod kyang / /bcu ni gsum du bsgyur bar bya/ /de bzhin nyid shu bar ma gnyis/ /brgyad dang bcu ni gnyis bsgyur ba/ /nyin mo yi ni bsam par bya/ /gnyis dang bcu ni gsum bsgyur ba/ /mtshan mo'i chu tshod du ni brtag /drug dang bcu ni gnyis bsgyur ba/ /nyin mo'i chu tshod rim pa yin/ /bzhi dang bcu ni gsum bsgyur ba/ /de bzhin mtshan mo'i chu tshod do/ /sum brgya lnga bcu rtsa gnyis kyi/ /chu tshod kyis ni dus rnams 'da'/ /chu tshod drug bcu'i grangs kyis ni/ /nyin mtshan phrugs gcig du ni sbyar/ /zla ba'i go rim ji bzhin du/ /rim pa de bzhin mtshan ma bya/ /chu tshod dbugs sogs rdzogs pa dang / /bi shu ma gtogs rim 'phel bri/ /las dang las min bye brag bzhin/ /dbugs kyi rim gyis bzung bar bya/ /kha dang ra sogs dus tshigs dang / /bgrod pa gnyis kyis mtshon par bya/ /gnyis po dag ni bcus bsgyur ba/ /de bzhin lo yi chu tshod do/ /de yi mtshan ma ldan pa yis/ /nyin mtshan gyi ni dbugs su brtsi/ /ngag gi dbang phyug kun bzung nas/ /dbyangs kyi mtshan mar mngon par gzhag /ma ning gnyis ni spangs nas su/ /sa yi dbang phyug kun tu gzhag /a yi rim pa la bab na/ /</font><hr>87.169b<br><font size=+1>

dpal dang mngon par mnyam 'grogs shing / /nor rnyed pa ni snang ba ste/ /skal pa bzang por gdon mi za/ /A yi re mig la bab na/ /rims dang nad kyis gzir ba dang / /'jigs shing skrag par snang 'gyur ba/ /a zhes bya bar nges pa ston/ /yi ge i la bab gyur na/ /rgyal po'i dpal ni ster 'gyur te/ /kun nas nor ni rnyed pa dang / /gang zhig bsam pa des 'grub 'gyur/ /yi ge I la bab gyur na/ /zla ba drug na 'chi ba dang / /de bzhin dgras ni gzir ba dang / /me yis 'jigs pa shes par bya/ /yi ge i la bab gyur na/ /dpal dang grogs mo rnyed pa dang / /nor dang 'bru ni 'phel bar 'gyur/ /dpal rnams kyang ni rnyed par 'gyur/ /U la gal te bab gyur na/ /de ni dgra yis 'tshe bar 'gyur/ /bran gza' dang ni gnyen mtshan rnams/ /'jigs shing skrag par snang bar 'gyur/ /yi ge e la bab gyur na/ /'phral du skye bo skal can 'gyur/ /skye ba bud med dag gi ni/ /mchod pa'i gnas ni thob par 'gyur/ /ai yi mtshan ma la lhung na/ /dgra dang rgyal po'i 'jigs pa dang / /lus can rkun pos gzir 'gyur zhing / /nad dang rims kyis thebs par 'gyur/ /o yi mtshan ma la bab na/ /gnas kyi dbang po 'gyur ba dang / /nor dang 'bru ni rnyed 'gyur zhing / /yid 'ong rig pa de bzhin no/ /au yi mtshan ma la bab na/ /'thab mo dang ni dgras 'tshe zhing / /gnas las nyams dang brdeg 'tshog dang / /byas pa chud ni zos par 'gyur/ /yi ge a~M la bab gyur na/ /bran bzang dag ni rnyed 'gyur zhing / /bu dang rig pa rnyed 'gyur te/ /de bzhin grogs po rnyed par 'gyur/ /ji ltar sngon gyi a zhes pa/ /de bzhin tha ma'ang gzung bar bya/ /drug 'gyur du ni gzhag nas su/ /lnga pa de ni sum 'gyur bya/ /sum brgya drug bcu bsres nas ni/ /sa bzhin du ni bcad nas su/ /yi ge lhag ma bzung byas te/ /dge dang mi</font><hr>87.170a<br><font size=+1>

dge mtshon par bya/ /yang na ri mo kyag kyog bri/ /dpangs kyi dang po la sogs bgrang / /yang na me tog gtor nas ni/ /de bzhin sa ni mtshon par bya/ /snga dro ro hi ta dus su/ /bden pa thams cad blta bar bya/ /rnal 'byor bstan bcos rab tu bsngags/ /bdag gi gdan gyi rab tu byed pa las rim par phye ba ste dang po'o// // ye shes de ni bye brag dag /bcom ldan 'das la nyan par 'tshal/ /lus kyi mtshan ma ji lta bu/ /de nyid gang la brten par bgyi/ /lus kyi mtshan ma ston pa rnams/ /nyon cig rdo rje rgyal po che/ /lus kyi mtshan ma mngon bstan gyis/ /gang zhig shes pa tsam gyis ni/ /'chi ba'i dus la bab par gnas/ /dbugs ni rnam par rgod tsam gyis/ /lus can zla ba drug gis 'chi/ /'jigs pa cung zad mthong min par/ /'gram pa'i mtshams ni bye 'gyur na/ /de tshe dus la bab par 'gyur/ /dbugs ni chad cing chad gyur pa/ /snga dro ro hi ta dus su/ /mtshan ma dag ni brtag par bya/ /sna yi bar ni chad gyur na/ /nyi ma bdun na gdon mi za/ /mig gi chu ni chad gyur na/ /de bzhin nyi ma lnga yis 'chi/ /'gram pa'i logs kyi mtshan ma yis/ /zhag gcig las ni mi 'tsho'o/ /rna ba'i chol bzangs ltebs pa yis/ /chu tshod lnga na gdon mi za/ /'dir ni lce yi thig nag gis/ /lus can zhag gnyis 'chi bar 'gyur/ /steng 'og so ni 'thams pa na/ /zhag gsum 'chi bdag phrad par 'gyur/ /mgrin pa'i logs kyi phyi rol rtsas/ /zla ba phyed na gdon mi za/ /brang gi dra ba zhom gyur na/ /zla phyed sman pas gsor mi rung / /sen mo khrag ni med pa yis/ /lus can nyi ma brgyad na 'chi/ /'chi ba'i mtshan ma brgyad bcas pa/ /'chi ba'i dus bab mtshon par bya/ /sna yi bar sha chad pa la/ /ye shes sa bon gyis gzir bya/ /mig gi chu ni chad pa la/ /rdo rje ma yi sa bon gzung / /mkhur tshos logs kyi mtshan ma la/ /drag mo'i sa bon</font><hr>87.170b<br><font size=+1>

gzir bar bya/ /rna ba'i chol zangs zhum pa la/ /ro langs ma yi sa bon dgod/ /lce yi thig nag 'di la ni/ /gtum mo'i sa bon bsam par bya/ /so dang so ni 'thams pa la/ /seng ge ma yi sa bon brdeg /mgrin pa'i logs kyi phyi rol rtsa/ /stag mo'i sa bon brdeg par bya/ /brang gi dra ba zhom pa la/ /lce spyang sa bon gzung bar bya/ /lag pa'i sen khrag med pa la/ /'ug pa ma yi sa bon gzung / /'chi ltas yan lag mtshan ma ni/ /sa bon de dag dgod pas bsrung / /phyi nas ye shes 'khor lo ni/ /bri ba'i cho gas rnam shes bsrung / /ma bsregs kham phor gnyis bzung la/ /gur gum ro tsa na yis ni/ /'og gi cha ni re mig dgu/ /de bzhin steng la bcu gnyis bya/ /dbus su ming ni bris nas su/ /sa bon gyis ni mngon par bskor/ /phyag 'tshal dbyangs kyi dang po ste/ /bsrung ba'i tshig ni sngon du bya/ /sangs rgyas lnga sogs ldan pa yi/ /sa bon mtha' ru gnas pa ste/ /bsreg byed yi ge de yi mtha'/ /steng sogs myu khyud dbyangs yig dgod/ /kha ba gnyis 'gyur sa bon dang / /lha mo rdo rje ma zhes bya/ /sangs rgyas lnga yin sa bon ldan/ /thams cad phyag 'tshal sreg byed mtha'/ /dbyug pa 'jig rten dbang phyug mgon/ /gya gyu phyag na rdo rje yin/ /de bzhin lus ni 'jam pa'i mchog /mgo dang dpung pa byams pa ste/ /steng du 'bar ba ma yig ste/ /'khor ba thams cad sgrol byed pa'o/ /de la shar gyi phyogs gnas pa/ /lha mo rdo rje mkha' 'gro ma/ /byang du drag mo zhes bya ba'i/ /sa bon nyid ni sbyar bar bya/ /nub kyi phyogs su gnas pa ni/ /ro langs ma yi sa bon sbyar/ /lho yi phyogs su gang gnas pa/ /gtum mo'i sa bon rdzogs par bstan/ /sa bon mngon du bstan pa bzhin/ /dbang ldan du ni seng ge ma/ /me mtshams stag mo dgod bya ste/ /bden bral du ni lce spyang ma/ /rlung du hU~M byed 'ug pa mo/ /mtshams na gnas pa'i sa bon ni/ /bzhi</font><hr>87.171a<br><font size=+1>

po'i drug po'i dngos su ni/ /phyogs dang phyogs mtshams ji bzhin du/ /de bzhin sa bon dgod par bya/ /steng gi gnas ni bcu gnyis la/ /dbyangs kyi sa bon gzhag par bya/ /phyag 'tshal bsreg pa mtha' dang bcas/ /phyogs su ma ning gzhag par bya/ /'bar ma 'jib ma zhes bya dang / /de bzhin 'phrog byed mkha' 'gro ma/ /phyag 'tshal sreg pa mthar gnas pa/ /ji lta'i gnas bzhin gzhag par bya/ /shar phyogs mkha' 'gro ma yi gnas/ /byang du gnas pa 'bar ma ste/ /nub tu 'jib mar yang dag gsungs/ /lho ru 'phrog byed dgod par bya/ /dbus su ming ni bri bya ste/ /'og tu ji bzhin steng de bzhin/ /gnyi ga kha ni sbyar nas su/ /skud pa dmar pos dkri bar bya/ /kun nas mnyam pa'i gnas su ni/ /tsan dan dmar pos byug gnas su/ /sna tshogs me tog bdug pa dang / /drir bcas nyer spyod gtor ma byin/ /dbus su 'khrul 'khor gzhag nas ni/ /mkha' 'gro ma lngas bskor bar bya/ /bdag nyid rdo rje can sbyor bas/ /rdo rje sems dpa' bdag ces brjod/ /rdo rje lag ni lag rtse rung / /rdo rje bsams nas reg byas la/ /dbus su bstan pa'i sa bon ni/ /brgyad brgya ru ni bzlas par bya/ /tshe rabs snga ma'i sdig la sogs/ /lha la sogs la bsgo bar bya/ /yan lag thams cad gzir ba dang / /'chi ba'i dus bab 'byung mi 'gyur/ /'tshe med nad ni thams cad dang / /nad pa glor gzhag sbyar na ni/ /dus rnams kun tu nad mi 'byung / /lus can tshe ni zad pa yang / /zla ba drug tu gnas par 'gyur/ /gnas gzhan du ni bzhag nas su/ /rtag tu mchod la brtson bar bya/ /rdo rje rgyal ldan sbyor ba yis/ /rnam shes gang du'ang 'gro mi 'gyur/ /gzhan yang bdag gi dbugs dag ni/ /der ni rab tu brtag par bya/ /dbugs kyi gnas ni mtshungs pa na/ /thams cad</font><hr>87.171b<br><font size=+1>

grub par gsungs pa yin/ /g.yas la g.yas su gnas pa dang / /blo ldan g.yon la g.yon du gnas/ /der gnas na ni smra byed pa/ /thams cad 'grub pa nyid du 'gyur/ /dbugs dang 'dri ba mi mthun pa/ /dngos grub ring ba mtshon par bya/ /skad cig srog gi rab sbyor ba/ /sbyor ba gnyis ni shes bya ste/ /skad cig la ni bya ba kun/ /rgyas par 'gyur bar rab tu grags/ /srog la bya ba gang byas pa/ /grub pa ring bar the tshom med/ /mche ba la sogs bsams nas dug /der ni gso ba dag tu bya/ /sbyor sogs sngar gyi mtshan nyid can/ /thams cad rig pas klu la bsgo/ /sbyor ba bzhi la sogs btab pa/ /'chi bar 'gyur ba the tshom med/ /dug bsdu ba'i sbyor ba yis/ /gzhan ma thams cad gso bar bya/ /sos btab lus la kun rig pas/ /sa bon gyis ni dgod par dgod/ /yi ge brgyad kyi sngags dag ni/ /yan lag brgyad po rnams su dgod/ /kha dog dkar po bsams pa yi/ /sa bon rnams kyis yid dug dbrog /dkyil 'khor dbus su gnas pa yis/ /ye shes kyis ni rnam shes bcing / /yan lag bsgyur ba'i sbyor byas nas/ /de 'og phyi rol brtsam par bya/ /chu dang 'o ma bsres pa yis/ /sa snod yongs su dgang bar bya/ /zla ba'i dkyil 'khor gyis brgyan pa'i/ /dbus su pad+ma bsam par bya/ /gdugs dkar po yis brgyan pa yi/ /rdo rje mkha' 'gro ma de bsgom/ /phyag gnyis sems dpa'i skyil dkrung bcas/ /sbrul gyi rgyan gyis rnam par klubs/ /kha T+wA~M ga dang thod pa dang / /shin tu mdzes pa'i na bza' klubs/ /klu brgyad kyi ni mgo bo bsnams/ /pad+ma yi ni gdan la mnan/ /shar du nor rgyas bu bsam bya/ /de bzhin byang du 'jog po'o/ /nub du stobs kyis rgyu ba ste/ /lho ru pad+ma blta bar bya/ /dbang ldan du ni pad ma che/ /me mtshams su ni dung bskyong ngo / /bden bral rigs ldan zhes bya ba/ /rlung mtshams 'khyil pa ltung ba'o/ /klu brgyad</font><hr>87.172a<br><font size=+1>

po ni bsams nas su/ /mgo bo rnams ni mnan par bsgom/ /rdzas rnams kun gyis mchod nas su/ /me tog spos sogs gtor ma sbyin/ /bdag nyid lha yi rnal 'byor ni/ /rdo rje mkha' 'gro ma ru bsam/ /rma bya sgro yi chun po yis/ /chu yi sbyor bas drang bar bya/ /kun nas rkang par drangs nas su/ /rkang pa nas ni chur thim bya/ /o~M hrI TaT+Ta N+Ta ra hU~M phaT swA hA/ rdo rje sems dpar mngon sbyor bas/ /'bum phrag la sogs bsnyen pa bya/ /o~M bA su ki ri hrI TaT+TaN+Ta ra hU~M hU~M hU~M phaT swA hA/ o~M tak+Sha ka hrI Ta T+TaN+Ta ra swA hA/ o~M kar+k+ko Ta ka hrI TaT+TaN+Ta ra swA hA/ o~M pad+ma hrI Ta T+Ta N+Ta ra swA hA/ o~M ma hA pad+ma hrI TaT+TaN+Ta ra swA hA/ o~M sha~M kha pA la hrI TaT+TaN+Ta ra swA hA/ o~M b+h+yo ku li kA ya la~M hrI TaT+TaN+Ta ra swA hA/ o~M hu lun+da ke hrI TaT+TaN+Ta ra swA hA/ o~M hrI TaT+TaN+Ta ra hU~M hU~M hU~M phaT phaT phaT a mu ka s+ya nir bi sha~M ku ru hU~M phaT swA hA/ zhes brjod cing / 'o ma'i dbus su drangs pa yis/ /'phral du 'o ma nag por 'gyur/ /yungs kar me tog dkar po dang / /tsan dan dag gis bsres pa yis/ /'chi bas zin pa'i snying ka ru/ /gsang sngags zlos shing brdeg par bya/ /snying ni 'phar ma thag tu yang / /ye shes bsdams te gzung bar bya/ /rnam shes bsdams pa tsam gyis kyang / /de bzhin dbugs ni g.yo bar 'gyur/ /dbugs ni rnam par g.yos pa yis/ /bdag gi dbugs kyis gzir bar bya/ /dbugs kyis gzir ma thag tu yang / /rkang lag la sogs 'dar bar 'gyur/ /yan lag thams cad 'dar ba na/ /bdag nyid dbyangs ni blang bar bya/ /hU~M gi glu ni blangs nas su/ /se gol gsum gyis bslang bar bya/ /'chi bas zin pa bslang nas ni/ /de yi yan lag bsrung bar bya/ /bsdus nas klu'i gnas su ni/ /'o ma de ni dbo bar bya/ /zla ba'i dkyil 'khor dbus gnas pa'i/ /rdo rje sems dpar mngon sprul la/ /'bum phrag gsum ni bzlas pa yis/ /sngon du bsnyen pa la sogs</font><hr>87.172b<br><font size=+1>

bya/ /de nas sgrub pos dug bsdus na/ /'grub 'gyur 'di la the tshom med/ /kha dang thig le gnyis dag dang / /steng dang mgrin pa sna rtse dang / /snying ga lte ba gsang ba dang / /rkang pa'i mthe bo dag tu ni/ /zin pa gso bar mi bya ste/ /'chi ba nyid kyi rgyu ru gsungs/ /nyon cig rgyal po rdo rje che/ /char pa dbab pa'i cho ga mchog /chu 'gram dang ni nye ba yi/ /sa phyogs nyams ni dga' ba ru/ /bla re dag ni bres nas su/ /dar dpyangs sna tshogs dpyangs pa ru/ /kha dog sna lngar btsos pa yi/ /tshon gyi las ni brtsa bar bya/ /gru bzhi pa la sgo bzhi pa/ /klu brgyad kyis ni rnam par klubs/ /mgo bo gnyis ni bsgor bcas te/ /mjug ma gnyis kyis grwa ru mdud/ /shar du rgyal ba bzang po ste/ dpal dang dga' bo byang du'o/ /nub tu char 'bebs sdug pa ste/ /brtan dang drag po lho ru'o/ /klu brgyad kyi ni ra ba ste/ /phyogs la sogs par rigs brgyad dgod/ /nor rgyas bu ni shar du ste/ /'jog po byang du dgod par bya/ /nub kyi phyogs su stobs kyis rgyu/ /lho yi phyogs su pad+ma ste/ /dbang ldan du ni pad+ma che/ /me mtshams dung skyong dgod par bya/ /bden bral du ni rigs ldan te/ /rlung mtshams 'khyil ba ltung ba'o/ /sprin gyi dbang phyug rgyal po brgyad/ /phyogs brgyad nas ni dgug par bya/ /sgra sgrogs rmugs pa de bzhin du/ /drag po 'khyil pa sdug po dang / /gtum po char 'bebs rab gang ba/ /brgyad po rgyal po zhes bya'o/ /shar la sogs pa'i phyogs dgod pa/ /ji bzhin phyogs kyi mdog tu bsam/ /dbus su rdo rje mkha' 'gro ma/ /pad+ma'i gdan la yang dag bzhugs/ /kha T+wA~M ga dang rnal 'byor snod/ /sbrul gyi rgyan gyis rnam par klubs/ /sku mdog dkar po shin tu 'bar/ /shin du mdzes pa'i na bza' bsnams/ /pad+ma sbrul gyis skor nas su/ /sbrul ni gdan du sbyar bar bya/ /mchod pa rgya chen bshams nas ni/ /'o ma la sogs snod brgyad bzhag /me tog</font><hr>87.173a<br><font size=+1>

bdug sogs dri dang ni/ /mar me sna tshogs rig pas mchod/ /ye shes mkha' 'gro bdag bsgom pa'i/ /ye shes can gyi rnal 'byor pa'i/ /o~M b+hur+b+hu ba swA hA/ nye bar spyod pa'i sngags so/ /o~M bA su ki hU~M swA hA/ o~M tak+Sha ka hU~M swA hA/ o~M karko Ta hU~M swA hA/ o~M pad+ma hU~M swA hA/ o~M ma hA pad+ma hU~M swA hA/ o~M sha~M kha pA la hU~M swA hA/ o~M ku li sha pA la hU~M swA hA/ o~M hu lun+d+ha hU~M swA hA/ klu'i rgyal po brgyad kyi sngags so/ /o~M g+hi li g+hi li/ baR+Sha baR+Sha pa ya/ hU~M hU~M hU~M/ ho ho ho/ Tha Tha Tha swA hA/ sprin gyi rgyal po brgyad kyi sngags so/ /lag pa kun du bskor nasu/ /phyogs brgyad du ni bstan par bya/ /sprin gyi rgyal po brgyad kyi phyag rgya'o/ /g.yon pa khu tshur bcangs nasu/ /mthe'u chung dang mthe bong brgyad/ /g.yas pa sbrul mgo gdengs nas su/ /mthe bong steng du gung mor sbyar/ /klu'i rgyal po brgyad kyi phyag rgya'o/ /o~M badzra DA ki nI/ baR+Sha baR+Sha pa ya hU~M phu swA hA/ rtsa ba'i sngags so/ /sngon du bsnyen pa 'bum phrag ni/ /gsum du byas nas bzlas pa bya/ /rnal 'byor can gyi las 'di rnams/ /char 'bebs pa yi cho ga mchog /gzhan yang dge dang sdig pa yi/ /pho nya'i mtshan ma bshad par bya/ /mig yon mgo dkar sgur po dang / /'jigs pa'i gos dang dbyug pa thogs/ /bud med rnams dang 'grogs te 'ong / /ngu zhing skra ni lhug pa sogs/ /gcer bu nam gyi smra ba dang / /sbyor bzhis 'chi ba ston pa yin/ /pho nya ji bzhin bdag nyid la/ /brtags nas rnam pa gnyis su bya/ /de tshe sngags pa 'grogs 'dod na/ /grub pa nyams par the tshom med/ /bdag gi gdan gyi rab tu byed pa zhes bya ba las rim par phye ba gnyis pa'o// // rnal 'byor brtson pa'i khyad par dag /bcom ldan 'das la nyan par 'tshal/ /gang gis sngags rnams 'tshal bar bgyi/ /ye shes gzung ba ji ltar lags/ /nyon cig rdo rje de kho na/ /de bzhin lha yi bdag nyid do/ /dang</font><hr>87.173b<br><font size=+1>

por stong nyid bsgoms pa yis/ /lus can dri ma bkru bar bya/ /dang po gzugs ni stong sogs bya/ /ji srid bcwa brgyad nyid yin te/ /gzugs khams zhes bya stong pa ste/ /de nyid du ni sgra yang bya/ /dri khams zhes bya stong pa ste/ /de nyid du ni ro yang bya/ /reg bya'i khams ni stong pa ste/ /de nyid du ni gzugs kyang bya/ /mig gi bdag nyid stong pa la/ /dbus na rnam shes ji ltar yod/ /nyan pa'i bdag nyid stong pa la/ /dbus na rnam shes ji ltar yod/ /mnom pa'i bdag nyid stong pa la/ /dbus na rnam shes ji ltar yod/ /lce yi bdag nyid stong pa la/ /dbus na rnam shes ji ltar yod/ /lus kyi bdag nyid stong pa la/ /dbus na rnam shes ji ltar yod/ /yid kyi rang bzhin stong pa la/ /dbus na ji ltar brtag par bya/ /yid ni nam mkha' thim nas su/ /thams cad stong par bsam par bya/ /gling dang ri rab la sogs pa/ /steng dang 'og dang bar gyi ni/ /khams gsum stong par bsgoms pa yis/ /thams cad zad pa nyid du bya/ /phyogs bcu'i 'jig rten khams kun gyi/ /gzugs la sogs pa zad par bsgom/ /bdag gi dngos po zad bya ste/ /dngos po 'dris par dmigs par bya/ /sbyor ba mnyam par kun bsams te/ /rnal 'byor pa ni mkhas pa yis/ /mnyam nyid stong par bsams nas su/ /de yi dbus su bltas nas kyang / /de la mtshan ma brtag par bya/ /mar me'i 'od kyis zhi ba ste/ /ser po dngul gyis rgyas par 'gyur/ /nyi ma'i dkyil 'khor snang ba ni/ /chags pa la sogs 'grub par 'gyur/ /mthar ni du ba gnag mthong na/ /mngon spyod du ni rab tu grags/ /rlung gi mdog ltar 'khrugs pa yis/ /de yi mod la bskrad par 'gyur/ /zla ba dkar po'i 'od zer ltar/ /thams cad du ni dkar mthong nas/ /rnal 'byor grub par shes par bya/ /blo ldan 'gro ba'i yang dag gnas/ /de 'og rnal 'byor las byung ba'i/ /myu gu la sogs</font><hr>87.174a<br><font size=+1>

mngon par bsam/ /gang zhig stong shes bsgom pa yi/ /myur du sems dpa' grol bar 'gyur/ /ye shes kyis ni shes bya blta/ /shes byas 'gro ba brtag par bya/ /pha dang ma ni bsad bya ste/ /bram ze gtsang ma gnyis bzung nas/ /rgyal po yul 'khor bcas bcom na/ /mi de dag par 'gyur zhes bya/ /bdag gi gdan gyi rab tu byed pa las rim par phye ba gsum pa'o// // nyon cig rdo rje ji bzhin lam/ /gnyis spangs gnyis su med pa ste/ /'khor ba'i rgya mtshor rab 'jigs pas/ /chu yi dgra ni dam pas gang / /dbus su bying ba'i lus can rnams/ /sgrol ba'i mtshan nyid ces byar brjod/ /mtshon byas mtshan nyid mtshon pa po/ /rnam shes kyis ni ye shes te/ /ye shes kyis ni shes bya blta/ /shes byas 'gro ba brtag par bya/ /'gro ba brtags pa'i sems kyis ni/ /ji ltar 'dod bzhin mngon par 'gro/ /zhags pas glang chen myos bcings ltar/ /'khor ba'i zhags pas gnod rmongs pas/ /rnal 'byor pa ni stong phrag gcig /tshe rabs snga ma'i 'gro bar 'gro/ /sngon du mtshan nyid bstan pa bzhin/ /mnyam nyid stong par bsams nasu/ /stong pa'i zhing la sogs lus la/ /blo dang ldan pas sa bon gdab/ /dper na gdol pa'i khang pa mer bsregs pa/ /lha'i byin gyis brlabs par rab tu brjod/ /rigs can dge dang mkhas pa kun du gnas/ /de bzhin ting nge 'dzin gyis kun bshig nas/ /sa bon dgod pas rab tu dgod par bya/ /steng du me yi sa bon brtag /sa yi sa bon rnam pa gnyis/ /mig gnyis su ni sbyar bar bya/ /stong sogs rlung gi sa bon ni/ /sna dang rna ba dag la bsam/ /bdud rtsi'i chu yi sa bon ni/ /lce yi dbang po dbang phyug gtso/ /gang gis brtsegs pa rim bzhin gzung / /gnas bzhi ru ni</font><hr>87.174b<br><font size=+1>

sbyar bar bya/ /mgrin par gti mug sa bon te/ /de bzhin dpung par nyon mongs so/ /snying ga'i phyogs su g.yo ba ste/ /lte ba'i rtsa bar phyugs yin no/ /yan lag brgyad du sa bon ni/ /brgyad po bkod pas bsrung bar bya/ /ye shes mkha' 'gror bdag byas te/ /lus ni sa bon ldan par bya/ /nyi ma'i dkyil 'khor gyis brgyan pa/ /pad+ma yi ni stan la bzhugs/ /gdugs ni dkar pos steng du g.yogs/ /btso ma'i gser ltar 'bar ba'i 'od/ /zhal gsum phyag ni drug pa ste/ /sems dpa'i skyil dkrung yang dag bzhugs/ /steng du rdo rje dbu rgyan can/ /dar gyi thod ni mdzes par bcings/ /spyan gsum khro zhing bzhad pa ste/ /shin tu mdzes pa'i na bza' gsol/ /ral gri dgra sta rdo rje dang / /g.yon pa'i bsdigs mdzub nyid dang ni/ /shak+ti kha T+wA~M bsgreng ba ni/ /mtshan ma'i phyag rgya mngon par bsnams/ /sangs rgyas sprin ni 'phros pa yis/ /sems can rnams kyi don mdzad brtson/ /'od zer sna tshogs 'bar ba ru/ /dbugs mi g.yo bar bsgom par bya/ /yid kyi ye shes rnam shes dag /shel dang 'dra bar bsam par bya/ /A li kA li rab sbyor bas/ /de yi sa bon gzung byas te/ /smin par thigs pa'i gnas dag tu/ /ye shes can gyi sa bon bsgom/ /sangs rgyas lnga yis brgyan pa yi/ /yi ge'i sa bon bzlas par bya/ /rlung dang me yi bdun don la/ /rdo rje me yi sa bon bskul/ /sgra dang thig les yang dag mnan/ /char pa'i rgyun zhes bya ba brjod/ /thog mar bla ma'i yi ge gzhag /bsreg byed yi ge mthar bzlas bya/ /ting nge 'dzin dang ldan pa yi/ /blo gros can gyis sum 'bum bzla/ /bzlas dang ldan pa'i rnal 'byor pa/ /de yis bsam pa thams cad 'grub/ /las brgyad la sogs dngos grub rnams/ /sngon du bsnyen pa la sogs bya/ /de 'og las rnams</font><hr>87.175a<br><font size=+1>

brtsam byas na/ /'grub 'gyur 'dir ni the tshom med/ /rmongs par bya ba'i bye brag ni/ /nyon cig rdo rje de kho na/ /bcings pa rnams kyi bye brag dag /sngon du rdo rje'i tshig brjod la/ /sde tshan dang po'i dang po bzung / /de bzhin sde tshan bzhi pa yi/ /yi ge dang po bzung nas ni/ /nyis 'gyur re pha steng du gzhag /de bzhin i dang re phar sbyar/ /gang zhig sde tshan gnyis pa yi/ /yi ge gnyis pa thig le can/ /lcags kyu yis ni gzir bar bya/ /bzhi pa yi ni gsum par bcas/ /lan gnyis su ni bzlas par bya/ /sangs rgyas lnga yis brgyan pa dang / /sngon du phyag 'tshal yi ge ste/ /yi ge drug po mtha' ru sbyar/ /sa bon 'di bzlas rnal 'byor pas/ /dngos po thams cad bcing bar 'gyur/ /lag gnyis sor mo bsnol nas ni/ /de nyid bza' ba lta bur sbyar/ /khro bo dang ni dbu ma brkyang / /gnyis ka phan tshun drud par bya/ /'di ni chen po'i phyag rgya ste/ /'od zer 'bar ba'i phreng ba 'khrug dgra yi mgrin pa la sogs pa/ /dngos po thams cad yid kyis rol/ /de nas chu la sogs pa kun/ /rab tu bcing ba bshad par bya/ /gang yang sde tshan tha ma ni/ /yi ge gsum pa gzung bar bya/ /de bzhin sde tshan gsum pa yi/ /yi ge gsum pa nyid dang ni/ /de yi sa bon gsum pa la/ /steng du e zhes bya bar sbyar/ /sde tshan lnga pa'i dang po la/ /lcags kyu yis ni gzir bar bya/ /gsum pa chu yi sa bon dang / /tsheg drag yi ge dbus byas te/ /mtha' ma rdo rje can dang sbyar/ /re pha glon lcags kyu can/ /mtha' ni drag po'i yi ge dang / /dang por phyag 'tshal gzhag par bya/ /bcing ba yi ni sngags su grags/ /lag gnyis thal mo sbyar nas su/ /srin lag gnyis ni phan tshun dkri/ /khro bo gnyis kyis mnan par bya/ /mthe bo gnyis ni dbus su sbyar/ /de nyid du ni mthe chung sbyar/ /rgo ma kha yi phyag rgya 'di/ /'od zer 'bar ba'i phreng ba can/ /phyogs bcu'i</font><hr>87.175b<br><font size=+1>

gnas su 'bar ba yis/ /sprin gyi lha tshogs bsreg par byed/ /char pa bcing la sogs dus su/ /phyag rgya 'di ni sbyar bar bya/ /sgrub pos 'bum phrag gcig bzlas pas/ /sngon du bsnyen pa la sogs bya/ /bdag gi gdan zhes bya ba'i rab tu byed pa bzhi pa'o// // lha yi gzugs ni ji lta bu/ /bcom ldan 'das las nyan par 'tshal/ /zhi ba'i sbyin sreg la sogs dang / /gtor ma ldan pa ji ltar lags/ /gzugs sogs bsam pa rtse gcig pa/ /nyon cig rdo rje de kho na/ /sngags dang phyag rgya sbyin sreg gi/ /bzlas dang bsam gtan bsgom pa rnams/ /sngon du me yi las sogs la/ /blo ldan bzlas pa shes par bya/ /sa ni sbyangs ma thag tu yang / /stegs bu'i mtshan nyid 'bad de bya/ /sor brgyad lhag ni yan chad du/ /khru gang tsam nas brtsams nas su/ /ji snyed khru stong bar du gzung / /brgyad pa dgra ni 'joms pa ste/ /de bzhin bcu pas rgyas par 'gyur/ /bcu gnyis pas ni dbang du sdud/ /bcu bzhis de bzhin zhi ba nyid/ /mtheb sor bcu drug tshad kyis ni/ /rigs rnams mngon par 'phel bar byed/ /mtheb sor bcwa brgyad gnas kyis ni/ /ba lang rigs sogs mngon par 'phel/ /thab khung sor ni nyi shu pas/ /grong khyer dang ni yul 'khor zhi/ /rgyar ni cha gsum bgos pa las/ /cha gnyis su ni brko bar bya/ /brkos pa yi ni brgyad cha yis/ /khung bu yi ni kha khyer bya/ /kha khyer gyi ni phyed pa yis/ /phyi rol gyi ni mu khyud bya/ /mu khyud cha brgyad ldan pa la/ /pad+ma'i 'dab de cha brgyad bya/ /pad+ma yi ni phyi rol du/ /sor gcig pa yi ra ba bya/ /thab khung nang du rdo rje rnams/ /pad+ma'i nang du gzhag par bya/ /mngon spyod la ni gru gsum ste/ /zhi ba la ni gru bzhi'o/ /kun nas zlum po dbang du sdud/ /rgyas pa la yang de bzhin no/ /bskrad la zla ba phyed pa ste/ /dgug</font><hr>87.176a<br><font size=+1>

dang bcing la zur brgyad pa'o/ /rim gyis rim gyis sbyar bar bya/ /zhi dang rgyas dang dbang sogs rnams/ /sangs rgyas lnga yi mtshan ma rnams/ /ji bzhin phyogs su dgod par bya/ /kha khyer gyi ni gnas bzhi ru/ /sangs rgyas mtshan mas brgyan par bya/ /zla phyed rdo rjes shin tu mdzes/ /grwa dang grwa ru rnam par gzhag /ji bzhin stan gyi gnas su yang / /mtheb sor bcu gnyis dag dang ni/ /dpangs su khru phyed ldan pa yi/ /ti se'i gangs ni mdzes par bzhag /'dab ma brgyad kyi gnas rnams su/ /lha mo rnams ni rim bzhin dgod/ /rnal 'byor pa yis de yi tshad/ /khyad par du ni sbyar bar bya/ /o~M hi li hi li ka li be twa li hU~M phaT/ nye bar spyod pa'i sngags so/ /ye shes mkha' 'gro bsgom pa yis/ /rang gi lus ni bsrung bar bya/ /bdag gi yan lag brgyad po ru/ /thams cad bkod pas bsrung bya ste/ /lce la chu ni nyid dang ni/ /nam mkha' rna ba sna dag la/ /sa ni mig tu sbyar bar bya/ /de bzhin me ni tshangs pa la/ /mgrin par rmongs pa'i dad dpon te/ /g.yo ba snying la gnas pa'o/ /nyon mongs thong ka kun tu'o/ /lte ba'i rtsa bar phyugs yin no/ /yan lag brgyad kyis bsrung ba 'di/ /lha rnams su ni shes byas la/ /ba dan gsum gyi phyag rgya yis/ /yan lag brgyad du gtugs te bsrung / /ye shes mkha' 'gro'i bdag nyid du/ /bdag nyid lus ni sprul byas te/ /kuN+da zla ba ltar dkar zhing / /rgyan rnams kun gyis rnam par klubs/ /sems dpa'i skyil dkrung phyag gnyis pa/ /shin tu mdzes pa'i na bza' mnabs/ /phyag na kha T+wA~M rdo rje ste/ /'bar ba'i phreng ba kun tu gsal/ /rang gi lus ni mnyam bzhag pas/ /dbugs mi g.yo bar bsgom par bya/ /de nas sa ni sbyang bya ste/ /o~M ha na ha na kro d+ha hU~M phaT/ lag pa g.yas pa brkyang byas te/ /rdo rjer bsgoms nas sa la bsnun/ /</font><hr>87.176b<br><font size=+1>

sa sbyangs pa'i sngags dang phyag rgya'o/ /lag gnyis khu tshur kha sbyar te/ /gung mo gnyis brkyang kun tu bstan/ /phyag rgya 'di ni dag byed pa'o/ /o~M shrI swA hA/ mar sbyang ba'i sngags so/ /o~M a swA hA/ rdzas bkru ba'i sngags so/ /o~M dzriM swA hA/ 'bru sbyang ba'i sngags so/ /o~M ku ru ku ru swA hA/ zas mchog la sogs pa'i rdzas sbyang ba'i sngags so/ /o~M a swA hA/ yam shing sbyang ba'i sngags so/ /me dbus pad+ma bsams nas su/ /me yi lha ni dgug par bya/ /g.yon pa khu tshur bcings nas su/ /khro bo dang ni dbu ma brkyang / /dbu ma'i tshigs ni gsum pa la/ /khro bo bsams te btsugs pas dgug /o~M A gats+tsha A gats+tsha ag+ne dzaHswA hA/ pad+ma'i gdan la bzhugs pa ru/ /thab khung dbus su bsgom par bya/ /bgrang phreng spyi blugs bu ram mdog /ral pa'i thor tshugs ser skyar ldan/ /shin tu mdzes pa'i na bza' klubs/ /'od zer me ltar kun tu 'bar/ /me yi dbus su bsgom par bya/ /der ni ji ltar 'byor ba dang / /dngos po lnga yis mchod nas su/ /me dbus me lha'i lce la ni/ /kun nas sreg blugs gsum gsum bya/ /lag gnyis thal mo sbyar nas su/ /pad+ma'i tshul du cung zad dbye/ /dbu ma kun tu brkyang bar bya/ /o~M dzu hu dzu hu a g+he swA hA/ me'i snying po'i sngags dang phyag rgya'o/ /de nas 'bad pas se gol gsum/ /gtogs pas 'bar bar thim par bsgom/ /me yi gnas su kun rig pas/ /de nas sbyang ba brtsam par bya/ /o~M hUM Ta Ti hU~M phaT/ rdo rjer bcas pa'i lag pa yis/ /me tog yungs kar chu yis ni/ /phyogs kun du ni gtor nas su/ /mi yi nang du blugs par bya/ /sbyang ba'i sngags dang phyag rgya'o/ /o~M badzra prA kA ra hU~M phaT/ lag g.yon thal mo phar bstan te/ /g.yas pa tshur bstan rgyab sbyar nas/ /dbang ldan phyogs sogs bskor bar bya/ /</font><hr>87.177a<br><font size=+1>

ra ba'i sngags dang phyag rgya'o/ /lag pa gnyis ni brkyang nas su/ /phan tshun rtse mo reg par bya/ /o~M dzru~M swA hA/ rdo rje dra ba'i sngags dang phyag rgya'o/ /g.yon pa'i khu tshur bcas nas su/ /mthe bong 'og tu brkyang bar bya/ /o~M bru~M swA hA/ phur bu'i sngags dang phyag rgya'o/ /nyi ma'i dkyil 'khor gyis brgyan pa'i/ /me dbus pad+ma bsams nas su/ /gdugs dkar po yis g.yogs pa yi/ /rdo rje dbus su bsgom par bya/ /rdo rje rtse mo lnga pa ste/ /kha dog dmar sogs bsam par bya/ /'od zer sna tshogs 'bar ba las/ /nyi ma'i dkyil 'khor dbus su ni/ /rdo rje'i gzugs su bskyed nas su/ /rang gi dbugs las byung ba'i/ /sbyor ba'i gdan la byung ba yis/ /las kyi mdog tu bsgom par bya/ /phyag gnyis kha T+wA~M rdo rje bsnams/ /thams cad rgyan gyis rnam par klubs/ /rdo rje'i gzugs ni bskyed nas su/ /rang gi dbugs las byung ba yi/ /bdag gi lus ni gang yin la/ /ye shes mkha' 'gro bstim par bya/ /me yi dbus su kun rig pas/ /sna tshogs dngos po mchod par bya/ /o~M ThaHThaHThaHswA hA/ dgang blugs kyi sngags so/ /g.yas su dbyug pa bsam par bya/ /de bzhin g.yon du snod ni sbyang / /o~M hUM swA hA/ rtsa ba'i sngags dang phyag rgya'o/ /lag pa g.yas pa brkyang ba dang / /o~M pra tIts+tsha su gan+d+ha hU~M swA hA/ zhes bya ba ni dri'i sngags dang phyag rgya'o/ /brkyang ba de nyid kyi mthe bong dang khro bo sbyar ba dang / /o~M puSh+pa mA le hU~M swA hA/ zhes bya ba ni me tog gi sngags dang phyag rgya'o/ /khu tshur de nyid las mthe bong brkyang ba dang / o~M tIk+Sh+Na dI pe hU~M swA hA/ zhes bya ba ni mar me'i sngags dang phyag rgya'o/ /me tog gi phyag rgya de nyid las dbu ma bsgreng ba dang / /o~M d+hu pe shA ri hU~M swA hA/ zhes bya ba ni bdug pa'i sngags dang phyag rgya'o/ /lag pa gnyis ka brkyang ste mthe bong dang / gung mo bskyod pa</font><hr>87.177b<br><font size=+1>

dang / o~M ku ru ku ru ma hA ba li hU~M swA hA/ zhes bya ba ni gtor ma'i sngags dang phyag rgya'o/ /me yi kha yi nang du ni/ /lan re bzlas shing lan re bzhin/ /dbus su gong bu bsreg par bya/ /bdun las lhag ma kun bzung nas/ /dbus su gong bu ran par ni/ /gong ma'i tshul gyis gnas pa ni/ /'bad de rdzogs pa'i mtha' ru ni/ /lhag ma dag ni bsreg par bya/ /bsreg pa zin nas lha rnams ni/ /bdag gi lus la thim par bsgom/ /dgang blugs kun la rdzogs pa ru/ /sngags dang phyag rgyas rdzogs par bya/ /snod ni mar gyis bkang nas su/ /me yi dbus su blugs nas kyang / /drangs nas dbugs ni stongs 'gyur te/ /rang gi lus la thim par bya/ /de nas rang gi lus nyid du/ /mkhas pa yis ni bsgom par bya/ /dbus su me yi lha nyid ni/ /mkhas pa yis ni bsams nas kyang / /lhag ma lan gsum bsregs nas su/ /mchod de gtor ma sbyin par bya/ /bkra shis dbyangs ni blangs nas su/ /der ni phyag rgya sbyar bar bya/ /sbyin sreg las kyis phye ba gzhan/ /mdor bsdus rgyas pa min par bshad/ /sA lu 'bras dang so ba dang / /til dkar po dang yungs kar dang / /nas dang dur ba'i sa bon bcas/ /mar dang 'o mar bsres nas su/ /sbrang rtsi bsres pa'i 'o thug ni/ /khyad par du ni bsreg par bya/ /'o ma can gyi shing lnga las/ /sor mo bcu bzhir ldan pa'i tshad/ /zhi ba'i dUs la bab pa na/ /bsreg pa'i cho ga'i mchog yin no/ /til nag po dang ma sha dang / /sa lu dmar po'i zan dang ni/ /dri dang gur kum 'o ma ni/ /mar dang sbrang rtsir bsres pa dang / /mar dang ldan pa'i 'o thug dag /khyad par du ni bsreg par bya/ /'o ma can gyi shing lnga las/ /yam shing sor bcu'i tshad dang bcas/ /gal te rgyas pa'i las 'dod na/ /sgrub pos khyad par bsreg par bya/ /til ni dmar dang gnag pa dang / /nA ga ge sar pri yang ku/ /</font><hr>87.178a<br><font size=+1>

de bzhin skye tshe 'u su dang / /sbrang rtsi dang ni mar sar sbyar/ /thang shing dang ni n+ya gro dang / /klu shing dang ni ba sha ka / yam shing sor mo bcu gnyis pa/ /chags pa'i las la mchog yin no/ /til nag po dang ma sha dang / /ba la ta ka nag chen 'bras/ /tsha ba'i mar nag khrag dang ni/ /bsres pa yis ni byugs pa dang / /lung tang shing dang sgur po'i shing / /ba lo ta ka ku li'i shing / /yam shing sor brgyad pa yi tshad/ /mngon spyod las la rab tu grags/ /yungs kar mon sran gre'u dang se'u/ /lam gyi rdul dang bsres pa dag /khrag dang khra ba'i mar nag gis/ /de ni bsgo bar rab tu grags/ /gser shing dang ni ba sha ka'i/ /yam shing der ni bzung nas ni/ /de nyid las la bsreg bya ba/ /bskrad pa dag la rab tu grags/ /nya dang sha la sogs pa'i rdzas/ /bag phye 'bru rnams thams cad dag /khrag dang sbrang rtsis bsgos pa dang / /bya rog gi ni sgro dag dang / /bya rog tshang gi shing phu dang / /so shing 'chos nas bor ba ste/ /'di dag bcing ba'i las rnams la/ /brtson dang ldan pas sbyor ba bya/ /de nas gzhan yang khyad par du/ /sbyin sreg mtshan nyid bshad par bya/ /zho dang mar dang sbrang rtsi yis/ /bsgos pa yi shri ba la ni/ /byang chub shing gi yam shing la/ /lnga rgya ru ni bsreg par bya/ /de yi dbus su mnyam gzhag nas/ /smon lam btab ste khrus byas na/ /rgyal srid nyams pa'ang myur du ni/ /sa gsum rgyal po dbang du 'gyur/ /mar dang 'o ma sbrang rtsir bcas/ /lo ta'i yam shing me la ni/ /brgya phrag brgya ru mngon bsregs na/ /shin tu myur bar dpal ldan 'gyur/ /bya ba gang dang gang bsams pa/ /de de thams cad 'dir 'grub 'gyur/ /de nas yongs gzung slob ma yi/ /mtshan nyid dag ni bshad par bya/ /yan lag thams cad yongs su rdzogs/ /dul zhing sbyong ba zhi ba dang / /chos gsum la ni mngon</font><hr>87.178b<br><font size=+1>

bar ngang / /theg pa che la rtag tu dga'/ /sngags dang rgyud kyi sbyor ba shes/ /bzo dang rgyu rtsal thams cad mkhas/ /bsam gtan sbyor ba mngon par dga'/ /thos dang klog sogs gus dang bcas/ /dus rnams kun tu bla mar gus/ /sbyin sogs dge ba'i las la brtson/ /'dod la dga' ba ma yin zhing / /longs spyod la ni brten pa min/ /khro dang nga rgyal med pa dang / /ngang tshul ngan min tshig rtsub min/ /sems can kun la smod pa dang / /lha dang bla ma de bzhin te/ /gdug sems can dang ngang tshul can/ /rtag tu sdig pa'i blo dang ldan/ /'khyal pa dang ni tshig rtsub smra/ /'di lta bu dag spang bar bya/ /gzhan gyi gdan gyi rab tu byed pa las rim par phye ba dang po'o// // chu yi sbyin sreg ji lta bu/ /lha las gzigs mo nyan par 'tshal/ /chu yi sbyin sreg la sogs pa'i/ /mtshan nyid dag ni ji ltar lags/ /chu sogs yang dag mtshan nyid rnams/ /nyon cig rdo rje de kho na/ /bla re dag ni bres nas su/ /sna tshogs gos rnams rab tu dpyangs/ /shin tu yangs shing gru bzhi par/ /kun du dri yis byug par bya/ /dbus su chu yi snod sogs la/ /dri ni dkar pos byugs nas su/ /chu dang 'o mar bsres pa yis/ /snod ni mdzes par dag par bya/ /bum pa dag ni brgyad po yang / /phyogs brgyad dag tu gzhag par bya/ /dri yi chu yis rab tu dgang / /kha ni shing lo sar pas brgyan/ /bdag nyid ye shes mkha' 'gro ru/ /skad cig gis ni bskyed nas su/ /me tog bdug spos dri sogs pa'i/ /dngos pos bdag nyid mchod byas pa'i/ /de 'og phyi rol gzhag pa yis/ /chu yi las rnams sbyar bar bya/ /lag gnyis thal mo sbyar nas su/ /pad+ma'i tshul du cung zad dbye/ /o~M ka ma le b+he swA hA/ pad+ma'i sngags dang phyag rgya'o/ /zla ba'i dkyil 'khor gyis brgyan pa'i/ /pad+ma chu yi nang bkod la/ /gdugs</font><hr>87.179a<br><font size=+1>

dkar po yis g.yogs pa yi/ /sa bon dbus su bsgom par bya/ /rang gi dbugs las byung ba yi/ /sa bon las ni gzugs su bskyed/ /sems dpa'i dkyil dkrung phyag gnyis ldan/ /rgyan rnams kun gyis rnam par klubs/ /phyag gnyis rdo rje dbyug pa bsnams/ /kha dog dkar po shin tu mdzes/ /bzhad cing khro la sgeg dang bcas/ /shin tu mdzes pa'i na bza' gsol/ /dam tshig phyag rgyar rab tu grags/ /o~M sa ma ye tiSh+Tha hU~M phaT/ dam tshig gi sngags dang phyag rgya'o/ /shar gyi bum pa rdo rje ma/ /byang du drag mo zhes bya ba/ /nub tu ro langs ma yin te/ /lho phyogs su ni gtum mo gnas/ /seng ge zhes bya dbang ldan du/ /de bzhin me mtshams stag mo 'o/ /bden bral na ni lce spyang mo/ /hU~M byed 'ug pa rlung gi phyogs/ /so so so sor mtshan ma dang / /dam tshig phyag rgyar bstan par bya/ /rang gi gzugs kyi sku mdog ldan/ /sngags dang phyag rgya bstan pa'o/ /me tog bdug spos dri la sogs/ /mkhas pa y-is ni mchod par bya/ /rdo rje khu tshur gnyis bcings la/ /g.yon pa snying gar gzhag nas su/ /g.yas pas steng nas dbub par bya/ /rtsa ba'i phyag rgyar rab tu grags/ /o~M dzru~M hU~M swA hA/ rtsa ba'i sngags dang phyag rgya'o/ /kun+da la sogs me tog dkar/ /rtse mor dUr ba btsugs nas su/ /lha mo'i dbu steng rdo rje yi/ /cod pan la ni gtor bar bya/ /gsang sngags lan re bzlas nas su/ /lan re'-i sbyor bas dbul bar bya/ /lan grangs khri yi las kyis ni/ /thams cad rig cing tshe 'phel 'gyur/ /ka ra bi ra'i me tog dmar/ /dUr ba dang ni ldan pa yi/ /las ni khri phrag byas pa yis/ /khyim rnams zhi bar rab tu grags/ /nA ga puSh+pa'i yam shing gi /'o mar sbags te dbul bar bya/ /las 'di khri phrag byas pa yis/ /grong ni zhi bar byed par 'gyur/ /pad+ma yi ni yam shing rnams/ /</font><hr>87.179b<br><font size=+1>

khri phrag du ni bzlas nas su/ /las rnams kun la sbyar byas na/ /yul phyogs zhi bar byed par 'gyur/ /pri ya~M ku dang bil ba dang / /de bzhin ut+pal ku mu ta/ /rgyal po'i las la sogs sbyar nas/ /pha rol yul 'khor 'joms par 'gyur/ /sngags pas rtag tu skyor chu gtor/ /bye brag tu ni rgyas par 'gyur/ /gzhan gyi gdan gyi rab tu byed pa las rim par phye ba gnyis pa'o// // 'khor ba'i pha rol sgrol mtshan nyid/ /nyon cig rdo rje rgyal chen po/ /dngos dang dngos med rnam par grol/ /dag dang ma dag rab tu spangs/ /dngos po gnyis ni rab spangs pas/ /gnyis med chos zhes bya ba ste/ /gzugs stong thog mar mthar thug dang / /dbu ma mnyam par gnas pa'o/ /dag dang ma dag dbu ma ni/ /'ba' zhig gis ni mnyam par blta/ /bsten dang bsten med dbu ma yi/ /mnyam nyid ye shes las byung ba/ /lus ni mnyam par gnas pa ste/ /ngag kyang mnyam par gnas nas su/ /mnyam nyid ye shes las byung bas/ /mnyam pa'i lta bas blta bar bya/ /mnyam pa'i lta ba ji lta bu/ /bcom ldan 'das la nyan par 'tshal/ /gnyis med chos zhes bgyi ba yi/ /bdag nyid ji ltar 'tshal bar bgyi/ /gnyis med ye shes mtshan nyid ni/ /ji bzhin de nyid rdo rjes nyon/ /dngos po gnyis ni rab spangs la/ /ye shes can gyis gnyis med chos/ /rnal 'byor kun gyi thog ma ru/ /dag pa rnam gsum brjod par bya/ /o~M swA b+hA ba shud+d+haHsar+b+ba d+har+m+mAHswa b+hA ba shud+d+ho\u0f85ha~M/ o~M badzra shud+d+haHsar+b+ba d+har+m+mA badzra shud+d+ho\u0f85ha~M/ o~M yo ga shud+d+haHsar+b+ba d+har+m+mA yo ga shud+d+ho\u0f85ha~M/ bla med nyid du bya ba'i phyir/ /thal mo sbyar nas de dag brjod/ /yid du 'ong ba'i sa phyogs kyi/ /gnas dag tu ni brten nas su/ /bla re dag ni bre bar bya/ /sna tshogs gos ni dpyangs nas su/ /ba dan rgyal mtshan bsgreng bar bya/ /</font><hr>87.180a<br><font size=+1>

g.yer kha dra bas mdzes byas la/ /gnas bcu dag ni kun tu yang / /de bzhin dri yi dkyil 'khor bya/ /skad cig rnal 'byor tshul gyis ni/ /rang gi lus ni bsam par bya/ /ye shes mkha' 'gro bzung nas ni/ /bdag nyid mchod pas mnyes par bya/ /lag pa gan rkyal bzhag nas su/ /der ni rdo rje brtag par bya/ /gnas lnga dag tu bstim par bya/ /sa 'og tu ni sbyang bar bya/ /phyag 'tshal 'joms pa'i mtha' ldan pa'i/ /hU~M zhes bya ba sbyar bar bya/ /lhun po'i steng du bsam bya ba/ /kha dog bzhi sogs ldan pa yi/ /gser las byung ba'i grong khyer ni/ /rin chen bdun la sogs pas spras/ /g.yer ka'i dra ba'i phreng ba can/ /mnyam zhing ji ltar 'dod pas dbyangs/ /phyag rgya kun gyi thog mar ni/ /dam tshig phyag rgya bcing bar bya/ /rdo rje khu tshur gnyis bcing la/ /g.yon pa snying gar bzhag nas su/ /g.yas pa mchan khung gzhug par bya/ /dam tshig phyag rgya shes par bya/ /phyag 'tshal bsreg pa'i mtha' ldan pa'i/ /ji ltar rdo rje dngos sa bon/ /sngags dang phyag rgya 'di yis ni/ /de bzhin dam tshig bstan par bya/ /seng ge'i gdan ni rnam pa lnga/ /gnas ldan dag tu sbyar bar bya/ /nyi ma'i gdan ni bsams nas su/ /gdugs dkar po yis brgyan par bya/ /rang gi dbugs las byung ba yi/ /ye shes mkha' 'gro dbus su bsam/ /zhal gsum phyag ni drug pa ste/ /sems dpa' yi ni skyil dkrung can/ /skra grol bas ni g.yogs pa ste/ /sangs rgyas lnga yis mdzes par bya/ /kha dog sngon mo drag chen mo/ /sbrul gyis rgyan gyis rnam par klubs/ /bzhad dang khro dang sgeg pa yi/ /zhal gsum po ni spyan gsum po/ /ha har bzhad cing gtsigs pa ste/ /na bza' dmar pos shin tu mdzes/ /kha T+wA~M gyen du bsgreng ba dang / /gnyis pa na ni dgra</font><hr>87.180b<br><font size=+1>

sta nyid/ /gsum pa na ni rdo rje thogs/ /g.yon pas dril bu sgra sgrogs shing / /gnyis pa na ni snod nyid de/ /gsum pas de bzhin ral gri 'phyar/ /'od zer sna tshogs 'bar ba ru/ /dbus su mkhas pas bsgom par bya/ /ye shes kyi ni shar phyogs su/ /bdag gi chu las byung ba ste/ /kha dog dkar po shin tu mdzes/ /skra grol ba ni rnam par klubs/ /phyag gnyis sems dpa'i dkyil dkrung bcas/ /rgyan rnams kun gyis brgyan pa ste/ /phyag na kha T+wA~M rnal 'byor snod/ /shin tu mdzes pa'i na bzas klubs/ /'od zer sna tshogs 'bar ba yi/ /rdo rje mkha' 'gro ma bsgom bya/ /ye shes kyi ni byang gi char/ /bdag gi me las byung ba yi/ /kha dog ser po shin tu mdzes/ /sems dpa' yi ni skyil dkrung can/ /skra grol bas ni shin tu brgyan/ /sbrul gyi rgyan gyis rnam par klubs/ /sku la na bza' mdzes pa bsnams/ /phyag gnyis kha T+wA~M rnal 'byor snod/ /mkha' 'gro drag mo zhes bya bsgom/ /ye shes kyi ni nub phyogs char/ /bdag gi rlung las byung ba yi/ /phyag gnyis sems dpa'i skyil dkrung can/ /kha dog dmar po kun tu 'ong / /kha T+wA~M rnal 'byor snod bsnams shing / /skra grol bas ni mdzes pa ste/ /lus kun sbrul gyi rgyan gyis brgyan/ /shin tu mdzes pa'i na bza' gsol/ /'od zer sna tshogs 'bar ba yi/ /mkha' 'gro ro langs ma bsgoM bya/ /ye shes kyi ni lho yi char/ /sa yi ye shes las byung ba/ /phyag gnyis sems dpa'i skyil dkrung can/ /kha dog sngon po shin tu mdzes/ /kha T+wA~M rnal 'byor snod bsnams shing / /rgyan rnams kun gyis klubs pa ste/ /skra grol bas ni shin tu mdzes/ /ha har rgod pas 'jigs par mdzad/ /'od zer sna tshogs 'bar ba yi/ /mkha' 'gro gtum mo zhes byar bsgom/ /bdag dngos lnga las byung ba yi/ /mkha' 'gro ma</font><hr>87.181a<br><font size=+1>

ni lnga zhes bya/ /lnga po lnga ru bsgom par bya/ /gzugs sogs shin tu mdzes pa yin/ /dbang ldan gyi ni phyogs kyi char/ /seng ge'i gdong ni bsam par bya/ /kha dog dkar zhing ser ba ste/ /glang po yi ni stan la bzhugs/ /rdo rje lcags kyu bsdigs mdzub can/ /shin tu mdzes pa'i na bza' gsol/ /'od zer sna tshogs 'bar ba yis/ /'bar ba'i lus can bsgom par bya/ /me mtshams stag mo zhes bya ba/ /rin chen bdun gyi stan la bzhugs/ /phyag gnyis kha dog dkar zhing sngo/ /shin tu mdzes pa'i na bza' gsol/ /lag na lcags kyus brgyan pa ste/ /g.yon pa bsdigs mdzub zhags pa can/ /'od zer sna tshogs 'bar ba yi/ /'bar ba'i lus can bsgom par bya/ /bden bral lha mo lce spyang mo/ /ha hA bzhad pas 'jigs par mdzad/ /ma he yi ni gdan la bzhugs/ /mdog ni dmar zhing sngo ba ste/ /sku la na bza' mdzes pa gsol/ /phyag gnyis lcags kyu zhags pa dang / /bsdigs mdzub kyis ni shin tu mdzes/ /sbrul gyi rgyan gyis rnam par klubs/ /'od zer sna tshogs 'bar ba yi/ /'bar ba'i lus can bsgom par bya/ /rlung mtshams lha mo 'ug pa mo/ /kha dog ser zhing dmar ba ste/ /klu yi stan la yang dag bzhugs/ /rgyan du'ang de nyid sbyar bar bya/ /phyag gnyis sems dpa'i skyil dkrung can/ /bsdigs mdzub lcags kyu zhags pa bsnams/ /'od zer sna tshogs 'bar ba yi/ /'bar ba'i lus can bsgom par bya/ /dbus kyi mkha' 'gro ma brgyad kyi/ /phyi rol dag ni rnam bzhi la/ /shar du mkha' 'gro rgyal dbang mo/ /phyag gnyis kha dog dkar po ste/ /yi dgas kyi ni stan la bzhugs/ /sbrul gyi rgyan gyis klubs pa ste/ /shin tu drag cing skra grol bas/ /'od zer sna tshogs yang dag 'bar/ /lag gnyis kha ru bcug nas ni/ /</font><hr>87.181b<br><font size=+1>

ha hAr bzhad pas shin tu 'bar/ /byang na 'bar ma rgyal dbang mo/ /kha dog ser mo shin tu 'bar/ /spyi bo'i steng du lag pa gnyis/ /thal sbyar mar me lta bu 'bar/ /drag mo'i gzugs can tshig pa ste/ /shin tu mdzes pa'i na bzas brgyan/ /yi dgas kyi ni stan la bzhugs/ /'od zer mo ltar 'bar ba bsgom/ /nub kyi lha mo 'jib byed ma/ /kha dog dmar mo 'jigs byed can/ /yi dgas kyi ni stan la bzhugs/ /rab tu mdzes pa'i go bgos shing / /yi dgas stan la kun tu mnan/ /lag tu skud pa dmar khyer zhing / /thal mo sbyar te khrag 'thung ma/ /drag mo me ltar 'bar ba'i 'od/ /lha mo 'jib byed rab tu grags/ /ngag 'phrog ma ni lho phyogs su/ /kha dog nag mo mnyam pa'i 'od/ /yi dgas stan la gnas pa yi/ /skra ni gyen du 'bar brgyan pa'i/ /rab tu mdzes pa'i dmar po'i gos/ /sbrul gyi rgyan gyis brgyan pa yi/ /bsdigs mdzub gtun shing lag na thogs/ /rnam par rmongs pa'i sems can sgrol/ /drag mo me ltar 'bar ba'i 'od/ /thams cad kun nas mkhas pas bsgom/ /de dag gi ni gzugs mdun du/ /dam tshig dag ni bstan par bya/ /rlung dang me yi bdun don la/ /rdo rje ma yi sa bon dbye/ /sgra dang thig le yang dag mnan/ /char pa'i rgyun zhes bya bar brjod/ /phyag 'tshal dang po sreg byed mtha'/ /ye shes mkha' 'gro'i sa bon yin/ /dbyangs thog dang po'i sa bon ni/ /phyag 'tshal dang po sreg byed mtha'/ /shar phyogs rdo rje mkha' 'gro ma'i/ /sa bon du ni rab tu grags/ /dbyangs yig yi ge gnyis pa ni/ /phyag 'tshal sreg byed sbyar bar bya/ /'di ni byang gi phyogs gnas pa/ /mkha' 'gro drag mo'i sa bon yin/ /sa bon dag ni 'di nyid la/ /dbyug pa glo ru gzhag par bya/ /phyag 'tshal dang po sreg byed mtha'/ /nub phyogs ro langs ma</font><hr>87.182a<br><font size=+1>

yi yin/ /sa bon dag ni 'di nyid la/ /steng du thig le sbyin par bya/ /phyag 'tshal sreg pa mthar sbyar ba/ /lho phyogs gtum pa mo yi yin/ /ma ning sa bon dang po ni/ /phyag 'tshal sreg byed mtha' dang sbyar/ /dbang ldan lha mo seng ge ma'i/ /sa bon du ni rab tu grags/ /ma ning sa bon gnyis pa ni/ /phyag 'tshal sreg byed mtha' dang sbyar/ /me mtshams lha mo stag mo yi/ /de kho na nyid sa bon bshad/ /de bzhin ma ning sa bon gsuM/ /phyag 'tshal sreg byed mtha' dang spel/ /bden bral lha mo lce spyang ma/ /khyad par gyi ni sa bon yin/ /ma ning yi ge bzhi pa la/ /phyag 'tshal sreg byed mtha' dang sbyar/ /rlung mtshams hU~M byed 'ug pa mo'i/ /sa bon du ni rab tu sbyar/ /sde tshan dag ni lnga pa yi/ /yi ge dag ni gnyis pa bzung / /sa bon rtsa bar sgra dang sbyar/ /phyag 'tshal thog mar sreg byed mtha'/ /shar gyi mkha' 'gro rgyal dbang mo'i/ /sa bon du ni shes par bya/ /sde tshan dag ni lnga pa yi/ /de bzhin yi ge gnyis pa gzung / /e dang thig ler sbyar bar bya/ /phyag 'tshal thog ma sreg byed mtha'/ /byang phyogs lha mo 'bar byed ma'i/ /sa bon yi ge sbyar bar bya/ /sde tshan dag ni lnga pa yi/ /yi ge gnyis pa bzung bar bya/ /o dang re pha thig ler bya/ /phyag 'tshal thog mar sreg byed mthar/ /nub phyogs lha mo 'jig byed ma'i/ /khyad par gyi ni sa bon yin/ /sde tshan dag ni lnga pa yi/ /yi ge gnyis pa bzung nas su/ /re pha'i yi ge lcags kyu sbyar/ /phyag 'tshal sreg pa'i mtha' sbyar ba/ /lhor gnas lha mo 'phrog byed ma'i/ /sa bon du ni rab tu grags/ /khu tshur gnyis ni bcings nas su/ /dbu ma gnyis ni brkyang nas kyang / /rtse mo phan tshun sprad nas ni/ /ye shes lha mor bstan par bya/ /lag gnyis phan tshun sbyar nas su/ /dbu ma dag ni mthe bong sprad/ /cung zad cig ni bskyed par bya/ /shar phyogs rdo rje</font><hr>87.182b<br><font size=+1>

ma la bstan/ /khu tshur rnam par bcing nas su/ /mthe bong gnyis ni brkyang byas la/ /byang gi phyogs nas brtsams nas su/ /rgya 'di drag mo la yang bstan/ /phyag rgya 'di ni bcings nas su/ /mthe chung gnyis ni brkyang bar byas/ /lho phyogs su ni bshad pa ste/ /de ni phyag rgya bzhi pa'o/ /rdo rje khu tshur gnyis bcings nas/ /khro bo gnyis ni brkyang nas su/ /rtse mo sprad de gnas pa ni/ /mtshams bzhi yi ni phyag rgya yin/ /lag gnyis thal mo khar bcug nas/ /phu zhes bya ba sbyar bar bya/ /shar phyogs mkha' 'gro'i phyag rgya yin/ /lag gnyis thal mo kha sbyar nas/ /spyi bo ru ni gzhag par bya/ /byang du gnas pa'i 'bar ma la/ /phyag rgya 'di ni bstan par bya/ /phyag 'tshal thal mo sbyar nas su/ /kha ru gzhag ste hU~M zhes bya/ /nub phyogs lha mo 'jib byed ma'i/ /phyag rgya ru ni sbyar bar bya/ /lag gnyis kun tu bskor byas nas/ /sor mo rnams kyi rtse mor sbyar/ /gsang ba'i gnas su gzhag nas kyang / /lho phyogs 'phrog byed ma la bstan/ /phyag 'tshal dang ni sreg pa yi/ /dbus su hU~M zhes bya ba sbyar/ /lag pa kun tu brkyang la sogs/ /dri sngags phyag rgyar rig par bya/ /bdud rtsi ro dang thig ler bcas/ /phyag 'tshal dang ni sreg pa mtha'/ /dri yi phyag rgya brkyang nas su/ /khro bo dang ni mthe bong sbyar/ /sngags dang phyag rgya 'di yis ni/ /thams cad rig pas thams cad dbul/ /sde tshan dang po'i dang po ni/ /phyag 'tshal thog ma sreg byed mtha'/ /phyag rgya de nyid sbyar nas su/ /dbu ma'i sor mo bsgreng bar bya/ /bdug pa'i sngags dang phyag rgya yis/ /lha rnams thams cad mchod par bya/ /dgu mtha' yi ni sa bon gzung / /phyag 'tshal dang ni sreg byed mtha'/ /khu tshur bcings nas mthe bong bsgreng / /mar me'i sngags dang phyag rgya'o/ /lha rnams thams cad mchod par bya/ /sde tshan dang po'i</font><hr>87.183a<br><font size=+1>

gsum pa gzung / /sgra dang thig ler sbyar ba dang / /phyag 'tshal dang ni sreg byed mtha'/ /gtor ma'i phyag rgya dang ni sbyar/ /lag pa gnyis ni sbyar nas su/ /mthe bong gung mo sbyar bya ba/ /thams cad du ni skad cig bskyod/ /gtor ma'i sngags ni snga mar sbyar/ /gnyis med gtor ma snga ma bzhin/ /de nyid 'di yi mchod par bya/ /sngon du rdzas ni rnam pa lnga/ /sna tshogs pa yi lcags kyu dang / /dri dang me tog bdug pa sogs/ /sngags dang phyag rgya phul nas kyang / /phyi nas mchod pa nyi shu yis/ /mkhas pa yis ni mchod par bya/ /hU~M zhes pa yi glu blangs nas/ /rnal 'byor ma lus mnyes par bya/ /rdo rje khu tshur gnyis bcings la/ /rked pa'i mtshams su gzhag nas ni/ /yan lag gsum du hU~M gis bskyod/ /pi wang tshul du bsgreng ba dang / /gling bu'i tshul du 'bud pa dang / /zangs dung tshul du 'bud pa dang / /cang te'i tshul gyis brdung ba dang / /dkrol ba'i tshul gyis dkrol ba dang / /pa Ta ha ltar brdung ba dang / /gar gyi tshul gyis bskyod pa dang / /bsil g.yab tshul gyis g.yob pa dang / /rgyal mtshan tshul gyis bsgreng ba dang / /bla re'i tshul du bres pa dang / /ba dan tshul du 'phyar ba dang / /gdugs kyi tshul du dbub pa dang / /rdza rnga'i tshul du rdung ba dang / /rnga zlum tshul du brdung ba dang / /'dzum pa'i tshul du bzhad pa dang / /khro ba'i tshul du khro ba dang / /sgeg pa'i tshul du sgeg pa dang / /'gying ba'i tshul gyis rol pa dang / /mda' 'dren nu mar mkhyud pa dang / /rdo rje gsor zhing phyag 'tshal pa'i/ /phyag 'tshal tshul du 'dud pa ste/ /rnal 'byor ma brgyad de nyid kyi/ /dngos po kun gyis mchod par bya/ /de nyid dbyangs su blangs nas su/ /hU~M zhes bya ba bdag gis sprul/ /hU~M gis glu ni blang bar bya/ /rdo rje dga' ba'i mthu dang spyan gyis gzigs/ /yi ge'i dngos por rang bzhin stong par rol/ /dngos dang dngos med las grol dbu</font><hr>87.183b<br><font size=+1>

ma mkhyen/ /mi 'gyur dgra bcom lhag ma sems pa'o/ /gnyis sprod gnyis 'khyud chu yi bya ba can/ /gnyis med chos skyes thar pa'ang brnyes pa'o/ /bde bas 'khor mnan thar pa'ang btang ba'o/ /thams cad dngos kyis rnal 'byor ma rnams rol/ /rnal 'byor ma lnga sangs rgyas de nyid mkhyen/ /gzugs mang sgyu mas sems can smin mdzad pa/ /rdo rje kun rtogs chos kyi rmongs pa gcod/ /rnal 'byor ma rmongs snying chos tshogs la 'dud/ /rnal 'byor ma yi chos grol nges pa'i gtso la 'dud/ /sems can grol mdzad rnal 'byor bdag la bstod phyag 'tshal/ /thams cad bdag skyes gcig dngos de la bstod phyag 'tshal/ /'khor ba'i rgya mtsho rmongs pa gcod pa bstod phyag 'tshal/ /de nyid gcig la rtag tu bdag 'dud bstod phyag 'tshal/ /zhes bya bas khyad par du bstod cing / glu dang bstod pas nye bar mchod par bya'o/ /bar bar du hU~M gi sgra dang dril bu bsgrags la smon lam rnam pa gsum gdab par bya'o/ /rdo rje thal mo dam bcings nas/ /snying ga'i phyogs su btsir bar bya/ /o~M swa b+hA ba shud+d+hAHsar+b+ba d+har+m+mAHswa b+hA ba shud+d+ho\u0f85ha~M/ o~M badzra shud+d+hAHsar+b+ba d+har+m+mA badzra shud+d+ho\u0f85ha~M/ o~M yo ga shud+d+hAHsar+b+ba d+har+m+mA yo ga shud+d+ho\u0f85ha~M/ g.yas pa pad+ma bsams nas su/ /g.yon pa rdo rje bsgrengs nas kyang / /pad+ma'i bskor bas bskor nas ni/ /phyag rgya chen po bstan par bya/ /o~M ha ho hrIHswA hA/ phyag rgya chen po byin gyis brlabs pa'i sngags dang phyag rgya'o/ /rnal 'byor can gyis mtshungs pa ru/ /lha rnams thams cad bsam par bya/ /'jig rten pa sogs ye shes can/ /phyi yi dkyil 'khor brtag par bya/ /so sor dri yis mchod pa dang / /so sor me tog gtor ba dang / /so sor bdug pas bdug pa sogs/ /so sor sbyor bar dbul bar bya/ /bdud rtsi lnga ni bsres nas su/ /nya phyis la sogs dbul bar bya/ /</font><hr>87.184a<br><font size=+1>

ha zhes bya bas kha dog dbrog /ho zhes bya bas dri gzhom ste/ /hrI zhes bya bas nus pa gzhom/ /go rim de ltar mngon par brjod/ /rnam gsum lan gsum brjod nas su/ /lha gsum du ni bsam par bya/ /pad+ma'i dbang phyug gzugs mdzes gser gyi mdog /dri chu'i ngo bo shin tu rnam snang mdzad/ /myang ba rdo rje'i dbang phyug phyag rdo rje/ /lha gsum dbang phyug tu ni bsgom par bya/ /g.yon pa zla ba'i lag pa yi/ /zla ba'i dbus su bdud rtsi yi/ /yi ge kun rig gug bskyed bcas/ /mthe bong sor mo sa nyid de/ /srin lag dag ni ri rab bo/ /bsrubs pa'i stobs kyis bdud rtsi yi/ /chu ni rnam gsum shes par bya/ /rnal 'byor ma ni thams cad la/ /mthe bong thor 'thung so sor dbul/ /de 'og rang gi dngos po yis/ /bdag nyid la ni bsam bya ba/ /rgyas pa lnga yi mchod rten ni/ /rnam pa gsum gyis bkru bar bya/ /lce rtse thig le steng du yang / /blo dang ldan pas gnas gsum mchod/ /ltos shig shin tu mdzes pa'i chos/ /'di la rtog pa yong min thong / /bram ze khyi dang rdol pa gsum/ /rang bzhin cig pas lhan cig bza'/ /rnal 'byor pho mo'i 'khor lo la/ /tshigs bcad 'di yis sbyin par bya/ /pad+ma'i bskor ba mngon 'gro bas/ /sems ni shel ltar bsams nas su/ /g.yas pa pad+ma'i gdan la ni/ /rdo rje rtse gsum bsgreng bar bya/ /'dod chags dri ma dang bral ba'i/ /rin thang med las legs 'ongs chos/ /gzung dang 'dzin pa rnam spangs pa/ /de kho na nyid bdag phyag 'tshal/ /tshigs bcad 'di yis blang byas te/ /sbyor ba'i dngos grub don du ni/ /kun spyod de nyid ji bzhin du/ /rnal 'byor pa yis kun tu sbyar/ /ji ltar bde bas kun zhes brjod/ /dmar po yi ni rdzas rnams kyis/ /maN+Dal gru gsum gsum du bya/ /rdo rje khu tshur gnyis bcings la/ /rgyab dang rgyab tu sbyar bar bya/ /mthe chung gnyis ni</font><hr>87.184b<br><font size=+1>

bsgreng nas su/ /mdzub mo gnyis ni bsgreng bar bya/ /g.yas pa cung zad bskum nas su/ /sbyar bas phyag rnams spyan drang ngo / /o~M ku ru ku ru sa ma ya a d+hi pa ti hU~M dzaHswA hA/ spyan drang ba'i sngags dang phyag rgya'o/ /me tog dmar po bdug pa dang / /dri dang mar me la sogs dbul/ /rgyas pa'i gtor ma'i snod la ni/ /nye ba'i longs spyod gtor mar ldan/ /sha rlon dang ni nya la sogs/ /bza' ba'i rdzas rnams thams cad la/ /bdud rtsi lnga dang bcas par dgod/ /g.yon gyi cha ru snod gzhag la/ /g.yas su khro bo bstan par bya/ /o~M shing gcig dang ni dur khrod dang / /ri bo dang ni ri sul dang / /grong dang bzhi mdo zhing dang ni/ /khyad par du ni khang stong dang / /gdol pa snod dang thang dang ni/ /khyad par du ni chu la gnas/ /nag po drag po drag chen po/ /lha sbyin mnyam du bsten pa dang / /nag po gtsigs dang mi sdug dang / /rga las 'das dang log 'dren rnams/ /rgan byed ma dang drag mo dang / /mi sdug ma dang U ma dang / /rgyal ma rnam par rgyal ma dang / /mi thub gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma/ /dbang mo dang ni zla ba mo/ /drag tu sdang dang 'phyang ba mo/ /'phrog byed ma dang mar me ma/ /'jib byed grong gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thod chen ma/ /thod phreng can dang kha T+wA~M ma/ /sbrul chen ral gri dgra sta can/ /rdo rje de bzhin gzhu can ma/ /lha yi dbang phyug ma rnams ni/ /de bzhin chen mo mkha' 'gro lnga/ /las kun rjes su sgrub byed ma/ /sbyor ba'i dkyil 'khor rgyal chen mo/ /de bzhin rdo rje dbang phyug gtso/ /de bzhin gshegs pa'i sku chen te/ /rdul med rnal 'byor 'byin pa mo/ /rdo rje dbang mo'i bka' 'di yis/ /thams cad kun nas 'dir spyon cig /o~M kak+ka T+d+han/ bab+ban+d+ha na/ khakh+khA da na/ sar+b+ba duSh+TaM ha na ha na g+hA ta ya g+hA ta ya a </font><hr>87.185a<br><font size=+1>

mu ka s+ya shAn+ti~M ku ru hU~M hU~M phaT dza swA hA/ bdud rtsi yis ni kha bkang nas/ /las kyi go 'phang mngon par bsam/ /rnal 'byor rnal 'byor ma bsgoms te/ /las rnams thams cad rjes su 'grub/ /rdo rje khu tshur gnyis bcings nas/ /rgyab dang rgyab tu sbyar bar bya/ /o~M tiSh+Tha hU~M b+hak+Sha b+hak+Sha dzaHphaT swA hA/ ji bzhin las sbyor sngags sbyar nas/ /gtor ma'i las la sogs pa sbyar/ /zhi rgyas dbang dang dgug pa dang / /gsad bskrad dbye dang bcing ba la/ /phyi rol gtor ma de nyid kyis/ /gtor ma'i las la sogs pas sgrub/ /de nas mchod pa'i khyad par las/ /rung dang mi rung rnam par spang / /lcags kyu la sogs rnam pa lnga/ /de nyid lnga ru bya ba ste/ /lcags kyu che la dgod pa ni/ /ye shes lhar ni 'dod pa ste/ /rdo rje lcags kyur mi bskyod pa/ /gnas kyi lcags kyur rin chen dbang / /rgyal po'i lcags kyur don yod grub/ /g.yo ba'i lcags kyur 'od dpag med/ /lcags kyu lnga la sogs pa la/ /de nyid thams cad sbyar bar bya/ /gang zhig 'dod pas lha kun dang / /rnal 'byor ma kun tshim par bya/ /'dod la dga' ba ma yin zhing / /longs spyod phyir ni bsten mi bya/ /rang 'dod thams cad de nyid de/ /mchod pa'i las la sogs pa bya/ /de yi dbus su dpa' bo rnams/ /A li kA li sbyar bar bya/ /A li kA li rab sbyor gyis/ /lha rnams thams cad tshim par bya/ /de yi dbus nas byung ba yi/ /bdud rtse'i ro kun myang bar bya/ /rdzas rnams kun gyi lhag ma dag /phyi yi dkyil 'khor du ni brtag /hU~M zhes bya ba'i glu yis ni/ /bkra shis sgra yis dgang bar bya/ /lus can don phyir shes rab gsol btab pa/ /kun mkhyud la sogs gnyis kyis gnyis sprod cing / /sgyu ma lta bur sbyor bas shin tu brgyan/ /srid pa las sgrol khyod la phyag 'tshal lo/ /rang 'dod bkra shis</font><hr>87.185b<br><font size=+1>

sgra dang ni/ /hU~M hU~M brjod cing dril bu gsil/ /rdo rje thal mo bcings nas ni/ /snying ga'i gnas su rab gzhag la/ /ma lus sems can kun gyi phyir/ /smon lam dag ni gdab par bya/ /sems can thams cad nad med cing / /sems can thams cad bde gyur cig /gang gi lam nas 'gro ba yis/ /sangs rgyas nyid dang 'phrad par shog /ma rgal ba rnams sgral ba dang / /ma grol ba rnams bdag gis sgrol/ /da lta nyid du rjes brtse bas/ /rnal 'byor bstan bcos gnas la dgod/ /rdo rje khu tshur dam bcings nas/ /g.yon pa'i snying gar bzhag par bya/ /g.yas pa sa la brkyang nas ni/ /de yi 'og tu gshegs su gsol/ /o~M At+ma tiSh+Tha hU~M swA hA/ de nas rang gi dbugs kyis ni/ /bdag gi lus la bstim par bya/ /skad cig tshul gyi rnal 'byor gyis/ /bdag gi dngos po mchod par bya/ /o~M sar+b+ba duSh+Ta~M grih+Nagats+tsha hU~M phaT/ se gol gsum ni gtogs pa yis/ /phyi rol lha rnams gshegs su gsol/ /gzhan gyi gdan gyi rab tu byed pa las rim par phye ba gsum pa'o// // bdud rtsi lnga yi khyad par dang / /gang gis lcags kyu lnga po brlabs/ /dngos dang dngos med rnam par rtog /gnyis med gnyis su med pa'i chos/ /gnyis kyi rtog pa ji ltar spang / /A li kA li ji ltar lags/ /rnal 'byor bstan bcos tshul rnams ni/ /phyi rol phyag rgya'i sems ni ci/ /bcom ldan 'das la nyan par 'tshal/ /bcom ldan 'das kyis bka' stsal pa/ /dang po rdo rje bdud rtsi'i chu/ /lnga yi bdag nyid rab tu 'jug /reg na dro ba med yin te/ /du ba ltar snang rlung yin no/ /sla ba'i rang bzhin chu zhes bya/ /gzugs su snang ba sa yin no/ /ye shes byin brlabs rdo rje'o/ /lha lnga ru ni bsgom par bya/ /ma lus chu yi dbyibs dang ni/ /zad par bya ba me nyid dang / /de bzhin rtag tu rlung dang ni/ /ngang pa mtshungs</font><hr>87.186a<br><font size=+1>

don sa dbang po/ /ye shes kyi ni yi ge lnga/ /sgra dang thig ler sbyar bar bya/ /de yi dbus su zla ba yi/ /dbus su bdud rtse'i yi ge'o/ /lnga po lnga ru brjod par bya/ /dngos dang dngos med las grol ba'i/ /rdo rje chu ni sbyangs pa yis/ /des ni gti mug bsrings pa yin/ /phyi rol bdud rtsi rdzas bzang po/ /me yis btsos nas sbyangs pa ltar/ /lha sogs me yis btsos nas ni/ /lhag ma bshang dang gci ba yin/ /me yis btsos nas sbyang me yi/ /dbus su sbyin sreg rtag tu dbul/ /rdo rje chu yi sa bon ni/ /sa bon babs pas bzlas nas kyang / /de yi dbus su nyi ma la/ /dur khrod yi ge bsams nas sreg /dngos dang dngos med las grol bas/ /de phyir rmongs las ring du 'gyur/ /pad+ma'i dbang phyug gzugs mdzes shin tu sdug /dri chu'i ngo bo shin tu rnam snang mdzad/ /myang ba rdo rje dbang phyug phyag rdo rje/ /lha gsum rnam gsum du ni shes par bya/ /ha zhes pa yis kha dog dbrog /ho zhes pa yis dri gzhom ste/ /hrIHzhes bya bas nus pa gzhom/ /go rim de ltar mngon par brjod/ /bdud rtsi chu zhes bya ba ste/ /lha ni rnam pa gsum du grags/ /dngos dang dngos med las grol bas/ /de phyir rmongs pa ring du spong / /A li bung ba zhes brjod de/ /bung ba rdo rje 'jigs byed yin/ /A li nam mkha'i mthas gtugs pa'i/ /chos kyi dbyings ni rang bzhin te/ /rgyu dang mi rgyu gsang blo can/ /lus ni ma lus bskyed pa'o/ /bcu dang brgyad kyi rtsa rnams nas/ /dbang po kun gyi bdud rtsi rnams/ /de yi dbus nas drangs nas su/ /A li'i dbus su thim par 'gyur/ /'jigs byed rdo rje sgra yis te/ /sbyor ba'i rdzas rnams skye ba yin/ /rlung dang me yi bdun don la/ /rdo rje ma yi sa bon sbyar/ /sgra dang thig les yang dag mnan// char ba'i rgyun zhes bya bar brjod// dbyangs yig dang po mchog sa bon// de yi dbus su zung bar bya/ / dngos dad dngos med las grol ba/ / de phyir rmongs las ring du 'gyur// kA li me tog kun du</font><hr>87.186b<br><font size=+1>

pa'i zhes bar yig po sa de dbus gzung bya/ /dang med grol de ring li tog tu mnan/ /rdo rje can gyi lus me tog /'khor ba thams cad bskyed pa ste/ /sa dang kun gyi ma zhes bya/ /ye shes chu yi rgya mtsho 'dir/ /de bzhin shes rab chu srin nya/ /gnyis med 'dam gyi dbus su ni/ /thabs kyi myu gu de bzhin te/ /ban+du ka ltar kha phye ba'i/ /sbrang rtsi bdud rtsi yi ger gnas/ /kA li bdud rtsi de nyid ni/ /me tog chu yi de bzhin bskor/ /yi ge gnyis 'gyur thig le dang / /rtsa bar sgra ni yang dag sbyar/ /yi ge'i sa bon de nyid ni/ /lha rnams kyi ni rigs kyi yum/ /zla ba'i dbus su bsam par bya/ /bdud rtsi'i sa bon bsgoms pa yis/ /dngos dang dngos med las grol ba/ /de phyir rmongs pa kun tu spong / /A li bung ba zhes byar brjod/ /kA li de bzhin gshegs ma yin/ /lus gnyis po las skyes pa dag /bdud rtsi yi ni cho ga mchog /sde tshan gsum pa gang yin pa'i/ /yi ge gsum pa gzung bya ba/ /dbyug pa phyi mo rdo rje can/ /lu gu rgyud kyis dkri bar bya/ /bdud rtsi lnga yi de nyid kyis/ /lus can bdag nyid dkru bar bya/ /bdud rtsi lnga yi khyad par dang / /gang gis shes 'gyur 'chi mi 'gyur/ /'gro ba'i sgo ni mthong 'gyur zhing / /dag pa'i lus ni skyon med par/ /bdud rtsi sbyor ba kun shes pas/ /rang dgar bdud rtsi myang bar bya/ /bza' ba lnga yi bye brag gi/ /de nyid ji bzhin rdo rjer nyon/ /gang zhig shes nas zos pa yis/ /myur du 'gro ba mthong bar 'gyur/ /blo chen dang ni ngag dang ni/ /rigs la 'gran dang reg 'gro dang / /lcags kyu chen po rnal 'byor pas/ /shel dang 'dra bas longs spyad bya/ /rnam shes sa bon bzlas nas ni/ /de yi sa bon gzung bar bya/ /shel gyi sems kyis longs spyod na/ /rnal 'byor rmongs pa gcod par 'gyur/ /dag pa'i sems kyis bza' bar bya/ /bgegs kyi lcags kyu gcig yin te/ /de yi yan lag la sbyar ba/ /hU~M zhes bya ba'i sa bon gyis/ /lcags kyu ru ni</font><hr>87.187a<br><font size=+1>

sbyar bar bya/ /gnas kyi bdag po'i lcags kyu ni/ /gri zhes bya ba'i sa bon nyid/ /rab tu sbyang nas bsams nas su/ /rnam par rtog pa ring du spang / /rta yi lcags kyu'i dbus gnas pa/ /thams cad rig pas dgod bya ba/ /rnal 'byor pa yis dzri~M zhes pa/ /dag pa'i shel ltar bsam par bya/ /rdo rje lcags kyu byin brlabs pas/ /rdo rje'i lus su brjod pa ste/ /sri zhes bya ba bkod de bza'/ /rnal 'byor pa rnams sdig 'byang ngo / /bcu bzhi pa dang bcwa lnga dang / /khyad par du ni tshes brgyad la/ /dngos grub 'dod pa'i rnal 'byor pas/ /rab tu 'bad de gtor ma sbyin/ /sgrub pos rnal 'byor bstan bcos la/ /rtag tu mchod pa'i las byas na/ /spyod dang grol ba gang 'dod dang / /las rnams thams cad 'grub par 'gyur/ /rgyal po'i pho brang 'gro na yang / /myur du dpal dang ldan par 'gyur/ /mdza' bo sdug cing yid 'ong bar/ /mthong ba tsam gyis 'grub par 'gyur/ /dbul po nor gyis phongs pa yang / /khyim ni 'byor zhing rgyas par 'gyur/ /'chi ba'i tshe na rnal 'byor pa/ /bde ba can du skye bar 'gyur/ /dri zhim dang ni sbyar ba yi/ /rdzas bcu po dag ldan pa la/ /yi ge bcu yi sngags dag ni/ /phyag 'tshal bsreg pa'i mtha' dang ldan/ /rnal 'byor pa yis 'bum bzlas te/ /mkha' 'gro gtor ma'i byin brlabs la/ /sgrub pos 'di yi du bas bdug /'gro ba thams cad rmongs par 'gyur/ /gur gum dang ni sbyar ba yi/ /rdzas bcud phan tshun ldan pa yi/ /rnal 'byor pa yis thig le bya/ /skyes bu 'gro la skal bzangs 'gyur/ /tsan dan dang ni sbyar ba yi/ /rdzas bcud dag ni ldan pa yi/ /yan lag dag ni byugs nas su/ /reg na shi yang mi gtong ngo / /dbang po lag dang sbyar ba yi/ /rdzas bcu dag dang ldan pa ru/ /bza' dang btung bar sbyin byas na/ /dbang med dbang du</font><hr>87.187b<br><font size=+1>

'du bar 'gyur/ /sngags ni lan 'bum bzlas nas kyang / /mkha' 'gro'i gtor ma byin brlabs nas/ /de dag las su sbyar bar bya/ /ngas bstan pa la the tshom med/ /gnyis med ded dpon gnas su ni/ /thig le byas na go char 'gyur/ /de nyid theg pa'i snying po 'dir/ /'khor ba las ni rgyal bar 'gyur/ /bdud rtsi 'od dang skal bzangs ma/ /sems can rnams la sdug par lta/ /bde sdug dag ni 'phrog byed ma/ /de bzhin sgeg pa'i nyams kyis mdzes/ /thun mong nga rgyal bdag 'dzin ma/ /mi brtson ma dang brtson sems can/ /skal bzang lha kun rmongs byed ma/ /kun nas 'joms pa nyid dang ni/ /blo ngan srid pa'i ngo bo 'joms/ /lha mo byams ma nyid dang ni/ /yid 'ong bdud rtsi ldan grags ma/ /yon tan ldan pa'i lha mo nyid/ /lha mo 'di dag las kyis ni/ /spyod dang grol ba'i 'dod pa stsol/ /de ltar yon tan ldan lha mo/ /mkhas pa yis ni mchod par bya/ /pho nya'i las kyi bya ba yis/ /grub pa'i rnal 'byor don gyi phyir/ /rnal 'byor ma bzhi'i sgrub thabs ni/ /bcom ldan 'das las nyan par 'tshal/ /pho nya'i las su sbyar ba yis/ /de nyid ji bzhin rdo rjes nyon/ /las rnams kun gyi snying po bas/ /rab tu 'bad de pho nya bsgrub/ /shing gcig gi ni drung dag tu/ /cho ga bzhin du 'bum du bzlas/ /khru gang bzhi char bcas pa yi/ /thang ga la ni bri bya ste/ /mtheb sor bcu gnyis tshad du ni/ /kha dog ser po shin tu mdzes/ /phyag gnyis mgo bor thal sbyar ba'i/ /'od zer me 'bar lha mo bri/ /sgrub po'i mdun du bkram nas su/ /'bad de mchod pa'i cho ga brtsam/ /dri dang me tog dmar po dang / /sha skam gyis ni bdug par bya/ /sha dang nya sha tsong la sogs/ /nye bar spyad pa'i gtor ma sbyin/ /</font><hr>87.188a<br><font size=+1>

rdzas lnga dag ni dngos po lnga/ /mchod nas de bzhin 'bum du bzlas/ /dang po la ni sgra 'byung ste/ /gnyis pa la ni nya dri bsnam/ /gsum par shing ni 'gul 'gyur te/ /bzhi pa la ni mdun du gnas/ /de yi sngags ni brjod nas kyang / /dam tshig phyag rgya bstan par bya/ /o~M dI pe shwa ri hU~M phuH lag gnyis thal mo sbyar nas su/ /spyi bor bzhag ste brjod par bya/ /dam tshig sngags dang phyag rgya'o/ /bdud rtsi lnga yis bkang ba yi/ /dam tshig chu ni sbyin par bya/ /'bad de dam tshig byin nas ni/ /lag pa g.yon pas bzung nas su/ /rnal 'byor ma dang gnyis med pas/ /byin gyis rlobs la bdag bsgrubs shig /de nas rang gi gzugs bzung nas/ /bza' dang btung sogs ston mo dang / /gser la sogs pa ci yang rung / /bka' bzhin myur du ster bar 'gyur/ /thun phyed du ni lhan cig spyad/ /'khrig la sred pa'i rnal 'byor la/ /gal te grub par ma gyur na/ /de tshe drag mo'i sa bon bzla/ /sa bon gnyis ni gzir tsam gyis/ /'bar phyed ma yi spyi bo 'gems/ /sems can don 'bad sgrub pa pos/ /'bar ba chung mar bsgrub par bya/ /grub pa'i mkha' 'gro ma gzhan gyi/ /de nyid ji bzhin rdo rjes nyon/ /thang ga khru gnyis dman pa la/ /mchod dang gtor ma byin brlabs te/ /de 'og gzugs ni bri bar bya/ /dkar zhing dmar la shin tu mdzes/ /phyag gnyis rol pa'i stabs kyis bzhugs/ /shin tu mdzes pa'i na bza' gsol/ /phyag na sdigs mdzub lcags kyu bsnams/ /skra grol bas ni rnam par brgyan/ /'od zer me ltar 'bar zhing gsal/ /mig g.yon ha har bzhad pa bri/ /dur khrod kyi ni sa phyogs su/ /sgrub pa po yis bris sku dgram/ /kun tu khrag gis byugs nas ni/ /me tog dmar la sogs pas mchod/ /me tog dri dang bdug pa dang / /sha dang nya sha tsong la sogs/ /bdud rtsi lnga yis bgang ba</font><hr>87.188b<br><font size=+1>

yi/ /nye bar spyod pa'i gtor sbyin cing / /rnal 'byor bsgom pas bzlas nas ni/ /'bum gyis dngos grub skye bar 'gyur/ /lag gnyis thal mo bcings nas su/ /kha ru bcug nas brgad par bya/ /o~M DA ki nI hU~M phru~M phuH sgrub pa'i sngags dang phyag rgya'o/ /dang po sa ni g.yo 'gyur te/ /gnyis pa mdun du gad rgyangs sgrogs/ /gsum pa mdun du snang gyur nas/ /bzhi pa la ni bka' lung nod/ /bdud rtsi lnga yi khyad par gyi/ /dam tshig 'bad de byin nas ni/ /g.yog mo ru ni sgrub pa yis/ /ci 'dod bka' ni bsgo bar bya/ /dgra rnams bsad cing gtse ba dang / /yan lag gzir ba gang 'dod pa'i/ /las la sogs pa thams cad ni/ /g.yog mo'i las kyis bsgrub par bya/ /gal te 'bum gyis gdon za na/ /rdo rje ma yi sa bon gyis/ /sngon du bstan pa'i cho ga bzhin/ /mkhas pas gzir bar byas te bzla/ /ra dag gi ni lpags pa la/ /'bad de thang ka brkyang bar bya/ /'jib byed ma de bri ru gzhug /kha dog dmar po shin tu mdzes/ /lus la rgyan gyis brgyan pa dang / /mdzes pa'i gos ni gyon pa bri/ /g.yon pa sdigs mdzub zhags pa dang / /g.yas su dgra sta dgod par bya/ /lam gyi bzhi mdo yid 'ong bar/ /mkhas pa yi ni bsgrub bya ste/ /lci ba yis ni byug byas la/ /me tog sna tshogs dgram par bya/ /me tog bdug pa mar me sogs/ /'byung po kun gyi gtor ma sbyin/ /khrag dang nya dang sha dang tsong / /bza' ba dag dang sna tshogs dang / /bdud rtsi lnga yis dgang ba sbyin/ /'bad de gnas pas 'bum gcig bzla/ /o~M tsu ShI ni A kaR+Sha ya phuHphaT/ lag gnyis mnyam par byas nas ni/ /snyim pa'i tshul gyis bar bskyod bya/ /snying po'i sngags dang phyag rgya'o/ /rnal 'byor pa yis 'bum bzlas pas/ /'jib byed ma ni 'grub 'gyur te/ /dang po khyi ni ngur ba'i sgra/ /gnyis pa la ni gsal bar dgod/ /gsum pa la ni</font><hr>87.189a<br><font size=+1>

mtshon thogs nas/ /bsdigs pa'i phyir ni 'ong bar byed/ /bzhi par mdun du gnas nas ni/ /bdag gis ci bgyi bka' stsol smra/ /bdud rtsi lnga yi khyad par gyis/ /dam tshig dag ni byin nas su/ /sems can rnams la phan pa'i phyir/ /dbul po bdag gis khyod bsgrubs so/ /de nas nyi ma re re bzhin/ /gser srang phyed phyed ster bar 'gyur/ /gal te 'bum gyis ma grub na/ /ro langs snying pos gzir te bzla/ /sa bon 'di yis gzir tsam gyis/ /'jib byed ma yi mgo 'gems so/ /chu 'gram gyi ni sa phyogs su/ /kam po tsi ni bsgrub par bya/ /ba lang la sogs ko ba ni/ /brkyang ste 'phrog byed bri ru gzhug /lus ni sbrul gyis brgyan pa ste/ /kha dog sngon po 'bar ba'i 'od/ /skra grol bas ni rnam par brgyan/ /gos dmar bgos shing phyag gnyis mdzes/ /ral gri dang ni zhags pa thogs/ /ha har bzhad cing rnam gtsigs pa/ /khrag gis maN Dal byugs nas ni/ /dri dang me tog bdug pas bdug /rgyas pa'i gtor ma sbyin par bya/ /sha dang nya dang tsong la sogs/ /nye bar spyod pa'i gtor ma sbyin/ /bdud rtsi lnga dang ldan pa yi/ /sngon bzhin lha yi gtor ma sbyin/ /rnal 'byor pas ni bsgom zhing bzlas/ /'bum gcig gi ni 'grub 'gyur te/ /dang po chu ni g.yo bar 'gyur/ /gnyis pa la ni char chen 'bebs/ /mdun du rdo rje'i sgra 'byin cing / /gsum par thog ni 'bab 'gyur te/ /bzhi pa la ni mdun du gnas/ /bdud rtsi lnga yi khyad par gyi/ /dam tshig de nas 'bad de sbyin/ /o~M kra~M kru~M phra~M phruHphaT/ lag gnyis khu tshur bcings nas su/ /de yi sngags ni brjod par bya/ /snying po sngags dang phyag rgya'o/ /mdun na thal mo sbyar bas ni/ /ci zhig bgyi zhes brjod par 'gyur/ /ti se gangs kyi rtse ru ni/ /rtse phyir khyod kyis nga khrid la/ /slar yang 'dir</font><hr>87.189b<br><font size=+1>

ni 'ong ba dang / /rgyal po'i bu mo'am gzhan yang rung / /nga 'dod pa de khrid de shog /gser dang dngul dang zangs la sogs/ /bza' dang btung dang bgo ba ni/ /ji ltar 'dod bzhin khyer te 'ong / /lha mi'i chung ma gang yang rung / /ti se gangs kyi rtse ru ni/ /ji ltar 'dod bzhin khrid par byed/ /bstan pa'i las kyis ma grub na/ /las gzhan gyis ni bsgrub par bya/ /bdag nyid ye shes mkha' 'gro ma/ /mkhas pa yis ni bsgoms nas su/ /de yi rkang pa g.yon pa yis/ /mnan te lnga brgya bzlas nas ni/ /gdon mi za bar 'grub par 'gyur/ /gal te des ma 'grub na/ /dpa' bo'i dbusu bgug nas ni/ /dum bur dum bur gtub par bya/ /kri zhes bya dang gsod pa mtha'/ /hU~M gi sa bon bsgoms pa yis/ /thams cad du ni bza' bar bsam/ /des ni bsgrub bya'i rnal 'byor ma/ /thams cad kyi ni dbang phyug ma'ang / /gal te ma 'grub 'chi bar 'gyur/ /bstan pa'i las kyis ma 'grub na/ /b+ha la ta ka nag po'i shing / /me 'bar ba yi dbus su ni/ /khrag dang bcas pa'i yungs kar ni/ /nyi ma phyed na hU~M zhes ni/ /brjod cing brgya rtsa brgyad bsregs na/ /mkha' 'gro ma rnams 'chi 'gyur ba'am/ /cho nges 'debs shing 'ongs nas su/ /nges par las rnams sgrub byed par/ /ngas bstan pa la the tshom med/ /khro bo sngon po mdzes pa ste/ /khyod ni dam tshig yid du 'ong / /nor bu rin chen gces bcings pa'i/ /dbyug pa phyag na bsnams pa ste/ /bdag ni 'khor ba las bsgral phyir/ /dpa' bos gnang gis gtang du gsol/ /rnal 'byor ma yi tshogs dbus su/ /bzang po sgo 'di phye ste thong / /rnal 'byor rnal 'byor ma gsang che/ /gsang dang gsang bas shes bya ba/ /ngag gi phyag rgya'i mtshan nyid ni/ /bcom ldan 'das la nyan par 'tshal/ /ngag gi phyag rgya'i mtshan nyid ni/ /de nyid ji bzhin rdo rjes nyon/ /g.yas kyi cha ru rnal</font><hr>87.190a<br><font size=+1>

'byor pa/ /g.yon du rnal 'byor ma nyid de/ /sor mo khar ni 'jug byed pa/ /mkha' 'gro ma yi mtshan ma'o/ /thal mo spyi bor 'jog byed pa/ /g+ho g+hu/ 'bar byed ma yi mtshan ma yi/ /gu g+hu/ mthe bo 'tshir bar byed pa yi/ /'jib byed ma yi mtshan ma'o/ /mu g+hu/ lag pa rna bar brdebs pa ni/ /blo ldan 'phrog byed rtags yin no/ /lu g+hu/ sna rtser skyor mo brdabs pa ni/ /thugs bde mi bde 'dri ba yin/ /Da~MSh+Ta/ sha ba'i mgo ltar stod byed pa/ /rnal 'byor byed pa'i mtshan ma'o/ /gan+d+ho de/ gang zhig smin ma dbus reg pa/ /nga yi snying sdug grogs po'o/ /ag+ne da ha/ so yis lce ni 'tshir byed pa/ /lus nang gtor ma bza' zhes pa'o/ /b+hak+Sha so/ lag pa skra la 'ju byed pa/ /khyod kyi khyim du ngas phyin pa'o/ /dwe ra ti/ lag pa snying gar dag byed na/ /da ni nga yi yid 'ong ba'o/ /ru tsa Ta ba ta/ sna rtser khu tshur 'chang ba ni/ /med do zhes ni ston pa'o/ /shU n+ya tA/ lag pa brkyang ste ltor brdebs na/ /phun sum ldan par yod zhes pa'o/ /bip+d+ha ka si Da/ lte ba ru ni nyed byed na/ /kha zas bza' bar 'dod pa'o/ /tsaN+Da lika / mdzub mo mdun du ston byed na/ /zhe gnag gtum la drag pa yin/ /nI la daN+Da pa ta/ smin ma la ni reg byed na/ /'dir 'dod pa ni nga la ston/ /a na~M gA yud+d+ha/ /lce ni 'dral bar byed pa dag /da ltar 'chi zhes bya ba'o/ /dur+k+ka ti/ kun tu blta bar byed pa ni/ /tshes grangs shes par 'dod pa'o/ /tA ra ga NaH /tshes gcig nas ni brtsams nas su/ /mthe bos ri mo bri bar bya/ /nyi tshod yi ge la sogs pa/ /sngar bstan bzhin du mdun du reg /gi ri te/ steng du blta bar byed pa ni/ /nyin phyed dga' bar rol pa'o/ /sa ma ts+tsha yA/ 'dzum dang bcas pas blta byed cing / /lag pa lag pas bzung nas su/ /rgya mtsho lta bur ston byed pa/ /nor bzangs byin</font><hr>87.190b<br><font size=+1>

zhes bya ba'o/ /jIM N+Na bta/ lag gnyis khu tshur 'chang byed na/ /sa l+ya bad/ mthe bong gis ni srin lag la/ /reg pa 'chi bar mi 'gyur ro/ /so ma/ mthe bong khro bo bza' la sogs/ /sur+ya bad/ rnal 'byor pha dang rnam 'byor ma rnams kyi/  dga' ba la rol pa'i ngag gi phyag rgya dang brda'i mtshan nyid do/ /gzhan gyi gdan zhes bya ba'i rab tu byed pa bzhi pa'o// // mtshon cha'i mtshan nyid gzhan dag ni/ /bcom ldan 'das la nyan par 'tshal/ /de nyid bzhi po ji lta bu/ /shes nas ji ltar sbyar bar bgyi/ /'khor ba las sgrol mtshan nyid ni/ /yang dag ji bzhin rdo rjes nyon/ /dang po de nyid rdo rje ni/ /dril bu yang ni gnyis pa'o/ /bgrang ba'i phreng ba gsum pa ste/ /ye shes mtshan nyid bzhi pa'o/ /de nyid bzhi yi rba rlabs kyis/ /ji ltar 'dod bzhin pha rol sgrol/ /dbus kyi lha ni rnam snang mdzad/ /thams cad thog mar mi bskyod pa/ /lho yi rtse mor rin chen 'byung / /nub tu snang ba mtha' yas dgod/ /byang gi phyogs su don yod grub/ /rtse mo lnga ni lha rnams so/ /pad+ma byang chub yan lag brgyad/ /ji bzhin sa ru bzhag par bya/ /phyag na pad+ma byams pa dang / /nam mkha' dang ni kun tu bzang / /gnod sbyin bdag dang gzhan gyi dpal/ /sgrib pa rnam par sel ba dang / /lha ni brgyad po 'di dag nyid/ /shar la sogs par ji bzhin bsam/ /dbus kyi bcu gsum sgo nga ru/ /ye shes lha ni thim par bya/ /pad+ma brgyad la lha mo brgyad/ /ji bzhin gnas su sbyar bar bya/ /rdo rje lcags kyu de bzhin du/ /zhags pa lcags sgrog sgrol ma ste/ /de ltar lha mo bzhi po dag /de bzhin phyogs bzhir rol pa yin/ /mtshams kyi cha ni rnam pa bzhir/ /mkhas pa yis ni bsam bya ba/ /skul byed rin chen sgrol ma dang / /rdo rje lcags sgrog ming can de/ /gzhan gyis mi thub zhes bya</font><hr>87.191a<br><font size=+1>

ste/ /mtshams kyi 'bad ma kun la dgod/ /rtse mo lnga ni mkha' 'gro ma/ /snga ma ji bzhin bsam par bya/ /shar du rdo rje mkha' 'gro ma/ /byang du drag mo zhes bya ste/ /nub du de bzhin ro langs ma/ /lho yi phyogs su gtum ma gnas/ /dbus su ye shes mkha' 'gro ma/ /rdo rje de kho na yi lha/ /mkhas pa yis ni shes par bya/ /cha gsum gsal bar gzung ba la/ /ska rags kyis ni shin tu brgyan/ /ud+pa la ku mu da ltar mdzes/ /rin chen pad+ma yang dag gnas/ /phyogs la sogs pa brgyad dang ni/ /dbu ma'i sangs rgyas nyid dang dgu/ /rtse mo dgu yi lha nyid de/ /lha dgu yis ni byin gyis brlabs/ /chu srin las ni byung ba ni/ /rtse mo 'od zer zla bar gnas/ /rtse mo dgu pa zhes bya ba/ /ye shes rdo rje 'gro ba sgrol/ /rdo rje de nyid gang yin pas/ /bdag nyid rdo rje'i bdag nyid bsam/ /rdo rje'i snying po'i rnal 'byor pa/ /rdo rje yi ni sems su bya/ /rdo rje dag pas brtan byas nas/ /chos rnams rdo rje las gzhan med/ /thams cad rdo rje de nyid yin/ /rdo rje las kyi snying po'o/ /rdo rje 'pho ba sbyor ba'i bdag /rdo rje 'khor ba sgrol bar byed/ /rdo rje 'gug pa sbyor ba'i bdag /rdo rje bcings pa'i sbyor bar ldan/ /bdun pa de bzhin nyon mongs ldan/ /rnam shes bcas pa'i sgron ma ni/ /ye shes rdo rjes bcom nasu/ /phyogs kun du ni snang bar byed/ /rdo rje'i sgrub pa la sogs kun/ /rdo rje'i bdag nyid blta bar bya/ /chos kyi 'ching ba rdo rje ste/ /thar pa mchog 'bad rdo rje'o/ /rdo rje pad+ma bzung nas ni/ /de nyid thams cad bsgrub par bya/ /rdo rje pad mor zhugs pa ni/ /mkhas pa yis ni bsgrub par bya/ /dril bu yi ni mtshan nyid rnams/ /nyon cig rdo rje 'dzin rgyal po/ /shes rab sgra yi de nyid ni/ /thos pas srid pa las sgrol ba'i/ /nam mkha'i</font><hr>87.191b<br><font size=+1>

khams kyi mthas gtugs par/ /byang chub snying por rnam par gnas/ /thams cad rig pas phyogs kun tu/ /gnas pa'i 'jig rten khams mthar thug /phyogs brgyad ces ni bya ba rnams/ /lha mo brgyad du rab tu grags/ /yi ge brgyad kyi sa bon ni/ /phyogs brgyad du ni dgod par bya/ /shar du lha mo sgrol ma ste/ /byang gi phyogs su gos dkar mo/ /nub kyi phyogs su mA ma kI/ /lho'i phyogs su sangs rgyas spyan/ /mdog bzang dbyangs snyan mdzes pa dang / /bzhi pa rdo rje phreng ba mo/ /dbus su nam mkha'i rang bzhin la/ /gzugs kun rdzogs shing shin tu mdzes/ /pad+ma rgyas la yang dag 'byung / /gzugs med gnas kyi phyogs su ni/ /shes rab bdud rtsi bum pa 'dra/ /shes rab bdud rtsi gnas dag la/ /de yi dbus kyi stan dag la/ /shes rab pha rol phyin lha mo/ /gzugs mdzes yon tan rnams kyi gnas/ /steng gi pad+ma rdo rje rnams/ /snga ma bzhin du bsam par bya/ /dbus kyi ye shes dbyug pa ste/ /thams cad spro dang sdud pa po'o/ /A li kA li'i rab sbyor gyis/ /phyogs brgyad du ni bskyod par bya/ /A li kA li'i rab sbyor bas/ /'khor ba thams cad gcod pa ste/ /rdo rje dril bu'i thabs yin te/ /thabs kyis rdo rje'i dbus gnas so/ /g.yas par nyi ma bsams nas su/ /g.yon pa ru ni zla ba dgod/ /lag pa gnyis ni brkyang nas su/ /pad+ma'i rnam pa lag du bskor/ /lus rnams la ni thabs dang sbyar/ /rang 'dod lha rnams bsam par bya/ /rdo rje gsor bas sgrol ba ste/ /'khor ba sgrol ba yang dag byung / /hU~M zhes bya ba'i glu yis ni/ /sangs rgyas thams cad rjes chags bya/ /rdo rje gsor bas mdzes pa yis/ /sems can thams cad mdzes par bya/ /rnam thar chos su bya ba ste/ /rdo rje shin tu snying po mchog /o~M badzra gaN+Te ho hU~M/ </font><hr>87.192a<br><font size=+1>

o~M badzra d+har+m+mA raNi ta pra ra Ni ta~M sar+b+ba bud+d+ha bra tsA li ta pradz+nyA pA ra mi tA nA dA swa b+hA be badzra d+har hri da ya a ba san+to Sha Ni/ hU~M hU~M hU~M/ ho ho ho/ a a a swA hA/ shes rab thabs kyi gzugs brnyan gyis/ /shes rab thabs kyis dkrol bar bya/ /shes rab thabs kyi chos kyis ni/ /'gro ba rnams kyis rtags bya 'am/ /mi shes 'dam du bying ba yi/ /sems can don phyir dkrol bar bya/ /rdo rje de kho na yis bzung / /chos kyi dril bu dkrol bar bya/ /sems can don byed rnal 'byor pas/ /shes rab thabs su lta bar bya/ /de nyid med pa'i rnal 'byor pa/ /glang chen dril bu'i sgra dang mtshungs/ rnal 'byor de nyid dman pa yi/ /dngos grub ring bar shes par bya/ /de nas gsang dang phra ba yi/ /rdo rje'i mtshan nyid gzung ba ste/ /yang dag cho ga gang gis ni/ /'dod pa'i dngos grub sgrub byed pa/ /dbu ma'i tshig ni bskor ba la/ /gsang ba'i rdo rje cha gsum bya/ /de nyid kyi ni cha gcig gis/ /phra ba'i rdo rje rab tu brtag /spyi gtsug lag pa la sogs pa/ /rtag tu dag byed khu tshur bcang / /slob dpon rdo rje brtul zhugs 'dzin/ /'dod don thams cad sgrub pa'i mchog /bgrang phreng la sogs gzung ba ni/ /yang dag ji bzhin rdo rjes nyon/ /yang dag cho ga gang gis ni/ /'grub 'gyur 'dir ni the tshom med/ /shel dang nya phyis mu tig dang / /gzhan yang nor bu dkar po sogs/ /zhi sogs las la khyab par gyi/ /bgrang phreng gi ni khyad nyid ni/ /gser dang dngul dang zangs ma dang / /pad ma sa bon khyad par du/ /rgyas pa yi ni bgrang phreng ste/ /mkhas pa rnams kyis bgrang bar bya/ /gur gum la sogs dri zhim pa'i/ /dri rnams kun gyi khyad par las/ /ril bur byas te dmar por btsos/ /dbang du sdud par rab tu grags/ /ru drAk+Sha dang lung tang dang / /mi yi rus pa de bzhin te/ /drag po'i las la sbyar bar bya/ /mngon spyod du ni rab tu grags/ /zhi dang rgyas dang dbang drag la/ /po ti tse ni las kun byed/ /sngags sgrub pa la lnga bcu ste/ /dbang la de yi phyed du bya/ /zhi la brgya phrag</font><hr>87.192b<br><font size=+1>

gcig yin te/ /rgyas pa la ni brgyad lhag pa'o/ /mngon spyod la ni drug bcu'o/ /las kyi bye brag gis ni sbyar/ /las kyi bye brag ji bzhin du/ /bgrang phreng dag ni brtag par bya/ /phyogs dang phyogs mtshams brgyad dang ni/ /dbu ma nyid dang sangs rgyas dgu/ /lha dgu yi ni skud pa la/ /lha dgus byin gyis brlab par bya/ /gzugs rdzogs shin tu mdzes pa dang / /gtsang zhing dad ldan snyan par smra/ /de yis bkal ba'i bgrang phreng gis/ /grol ba'i dngos grub skye bar 'gyur/ /skud pa rnams ni sangs rgyas tshul/ /ril bu rnams ni dgra bcom yin/ /'og ma mchod rten du ni bstan/ /steng ma chos kyi dbyings yin no/ /mchod rten chos kyi dbang po'o/ /lag par nyi ma bsams nas su/ /dbyangs kyi dang po yi ge ni/ /lag pa yi ni dbus dag tu/ /dmar po la ni dmar po bsgom/ /g.yon pa zla ba'i dbus su ni/ /bdud rtsi'i yi ge bsam bya ba/ /'od zer sna tshogs 'bar ba yi/ /kha dog dkar po bsgom par bya/ /g.yas pa'i sor mo rdo rjer sam/ /g.yon pa pad ma'i 'dab mar bsgom/ /rdo rje pad ma sbyor ba yis/ /kha sbyor dbus su phreng bzhag la/ /de nyid thams cad bsgoms pa yis/ /bgrang phreng byin gyis brlab par bya/ /sor mo dag gi bye brag gis/ /de nas sngags pas bzlas pa bya/ /rdo rje ma dngos g.yon pa ste/ /g.yas pa rdo rje'i ngo bo'o/ /dkar po dud pa dung dang ni/ /pad ma g.yas kyi sor mo ste/ /gi wang dri gsum 'jigs pa dang / /sa gdugs g.yon par dgod pa dang / /ye shes rnam shes mthe bong gnyis/ /lag la sogs pa'i las can ma/ /zhi ba la ni khro bos bgrang / /rgyas pa la ni gung mo ste/ /srin lag la ni dbang du bstan/ /tha mas mngon par spyod pa ste/ /mthe bong rdo rje lcags kyu ni/ /lha nyid dgug pa'i bsam pa yin/ /mnyam par gzhag ste bzlas bsgoms na/ /'grub 'gyur 'di la the tshom med/ /de nyid med pa'i rnal 'byor pa/ /de nyid med pa'i sngags bzlas dang / /de nyid med pa'i rdo rje dril/ /phyag rgya de nyid med 'byung ba/ /</font><hr>87.193a<br><font size=+1>

rnal 'byor pa yis grub pa med/ /rnal 'byor de nyid dmigs na ni/ /de nyid thams cad kun bya'o/ /yi ge'i rgyu las byung ba'i dngos/ /sngags kyi snying po mdzes pa ste/ /rang bzhin med pa'i grangs bzlas na/ /rnal 'byor ma yi snying po 'grub/ /bram ze rgyal rigs dmang rigs gcig /rnal 'byor ma yi dra ba 'grub/ /o~M pa de pa de ma hA pa de dz+nyA na sarba bud+ha ma hA b+hA be/ hU~M hU~M hU~M/   ho ho ho/ AHswA hA/ sngags 'di yis ni sbyang byas na/ /bgrang phreng gi ni lha rnams 'grub/ /las rnams thams cad 'grub 'gyur te/ /mi gsal ba ni ring bar 'gyur/ /ye shes de dag bye brag dag /yang dag rdo rje chen pos nyon/ /ye shes bye brag ring du gnas/ /thun mong ye shes brjod pa ste/ /dman dang rab dman dman pa can/ /gnod sbyin lha min grub pa po/ /klu dang byol song gsang ba pa/ /lto 'phye dang ni mi 'am ci/ /mi dang yi dgas mkha' 'gro ma/ /dmyal bar 'tshed pa'i sems can dang / /byol song gzugs su brjod pa ste/ /phra mo sgo nga gzung mi nus/ /chu dang me dang rlung dang ni/ /de bzhin du ni sa yi khams/ /brtan pa de nyid thams cad dang / /rtsa dang 'dab ma phra ba dang / /bong ba rdo dang brag la sogs/ /thams cad ye shes byin gyis brlabs/ /ye shes med na skye mi 'gyur/ /ye shes thams cad kun rig pa'o/ /ye shes thar par gang gis ni/ /ye shes thun mong byin brlabs pa/ /bye brag gzhan ni ji lta bu/ /lha las rol mo nyan par 'tshal/ /bcom ldan 'das kyis bka' stsal pa/ /nyi shu rtsa gsum lha yi gnas/ /gong nas gong du gnyis 'gyur te/ /'dod pa lnga yi ye shes dag /gong ma'i ye shes ye shes 'phel/ /gsang ba'i ye shes reg pa ste/ /lha min ye shes khro bo'o/ /yi dgas ye shes zhen pa ste/ /dmyal ba'i ye shes 'jigs shing ngu / /byol song ye shes glen pa ste/ /brtan pa rnams ni sems med pa'o/ /mi</font><hr>87.193b<br><font size=+1>

rnams ye shes rnam pa lnga/ /bye brag du ni shes par bya/ /glen pas sgribs dang lkugs pa dang / /bud med ye shes slu brid do/ /byis pa'i shes pa'i shes pa can/ /ye shes de nyid bye brag dag /rnal 'byor bstan bcos kyis sbyangs pa/ /skye ba bye ba stong phrag du/ /sangs rgyas ye shes kyis bskul yin/ /rnal 'byor bstan bcos rjes 'brangs nas/ /'bad de dad pa bskyed par bya/ /sgra sgrogs phyi rol bstan bcos ni/ /gar gyi gnas dang mtshungs pa ste/ /blo ldan rnal 'byor bstan bcos kyis/ /spyod dang grol ba'i 'bras bu thob/ /snying po snying po bstan bcos te/ /rnal 'byor gsang ba'i rim yin no/ /sbyor ba'i gdan gyi rab tu byed pa las rim par phye ba dang po'o// // 'khor los sgrub pa'i khyad par dag /de nyid ji bzhin rdo rjes nyon/ /zhi dang rgyas dang dbang rnams dang / /bsrung dang mngon par spyod pa dang / /re mig dgu sogs 'khor lo ni/ /phyi rol mu khyud bskor bar bya/ /'khor lo las kyi kha dog gis/ /mkhas pa yis ni bsgom par bya/ /o~M tA re tut+t+wa re tu re swA hA/ sa bon de dag thams cad ni/ /phyag 'tshal tha ma dbus su bya/ /dbus su ming dang bsrung ba yis/ /tshig kyang de bzhin sbyar bar bya/ /mnyam nyid stong pa'i rang bzhin chus/ /bdag gi las ni bkru bar bya/ /mnyam nyid thams cad rig pas gnas/ /bsrung ba'i 'khor los bsrung bar bya/ /ye shes can gyis bsrung bsgoms na/ /'jigs pa kun las ring bar 'gyur/ /sems can dngos po med pa ru/ /sbyor ba'i dngos pos 'jigs pa la/ /zla ba'i dkyil 'khor dbus gnas par/ /pad ma'i gdan ni bsam par bya/ /sgrol ma'i rgyud du bsgoms pa yis/ /bdag gi las ni rnam par sprul/ /o~M tA re swA hA/ mgo la'o/ /o~M tut+t+wa re swA hA/ mig la'o/ /o~M tu re swA hA/ sna la'o/ /</font><hr>87.194a<br><font size=+1>

o~M tu swA hA/ rna ba la'o/ /o~M re swA hA/ lce la'o/ /o~M tA re ni swA hA/ snying gar ro/ /yan lag drug du rtag tu dgod/ /'phags ma sgrol ma bsam bya ba/ /phyag gnyis sems dpa'i dkyil dkrung bcas/ /rgyan rnams thams cad kyis ni klubs/ /kun tu mi 'jigs sbyin pa dang / /gzhan gyi rna drung ut+pal bsnams/ /thams cad 'od zer rnam bsgoms nas/ /khyad par du ni sngags bzlas bya/ /thams cad yon tan can du bsgom/ /o~M tA re tut+tA re tu re swA hA/ bsrung ba'i las thams cad kyi sngags so/ /rgyal po'i btson ra dgra phyogs dang / /nyam nga'i lam du 'gro ba dang / /yan lag sna tshogs rim dang ni/ /chu dang dug gis 'chi la sogs/ /gang dang gang du 'jigs pa'i gnas/ /de dang der ni bsam par bya/ /shes rab zhan dang le lo sogs/ /'khor lo bris nas bcang bar bya/ /bsrung ba bzang po 'di yis ni/ /'jigs pa kun las grol bar 'gyur/ /bsrung ba 'di dag thams cad ni/ /de nyid sbyor bas bsgrub par bya/ /'khor lo 'dab ma brgyad pa la/ /phyi rol mu khyud bskor nas su/ /dbus su thog ma tha ma ste/ /bzlas pa thams cad gzhag par bya/ /mu khyud dbyangs kyi bskor nas su/ /'khor lo dkar po bsam par bya/ /yan lag thams cad phye ba yis/ /mnyam nyid stong par bsams nas su/ /sngon gyi mtshan nyid ldan pa yis/ /sngar bstan bzhin du sbyar bar bya/ /'khor lo 'di ltar bsgom pa yis/ /las 'dis shes rab 'bar bar 'gyur/ /o~M pradz+nye pradz+nye ma hA pradz+nye hU~M swA hA/ 'od zer sna tshogs 'bar bas su/ /dngos po bsgom pas bsgom par bya/ /zla ba'i dkyil 'khor dbus gnas par/ /shes rab bdag nyid bsgoms nas su/ /phyag gnyis sems dpa'i skyil dkrung bcas/ /rgyan rnams kun gyis rnam par klubs/ /kha dog dkar po shin tu 'bar/ /shes rab dngos po bsgoms nas su/ /sa bon 'di ni bzlas byas nas/ /shes rab myur du 'phel bar 'gyur/ /glen dang snyoms las blun po yang / /sbyor ba 'di yis</font><hr>87.194b<br><font size=+1>

shes rab 'phel/ /snying po re'u mig dgu ru bya/ /de bzhin bar ma bcu gnyis te/ /phyi rol re'u mig bcu drug go/ /mthar thug mu khyud de bzhin te/ /phyag 'tshal sreg pa'i mthar sbyar ba'i/ /dbus su bdag gi sems gzhag la/ /sgra dang thig le ldan pa yis/ /yi ge brgyad po snying por dgod/ /bcu gnyis po la dbyangs sa bon/ /ma ning spangs pa bri bar bya/ /sde tshan gsum gyi yi ge rnams/ /yi ge lhag ma gcig dang bcas/ /sgra dang thig ler ldan pa dag /bcu drug gnas su bzhag par bya/ /gsod pa'i yi ge mu khyud la/ /thams cad rig pas kun tu bskor/ /dang po dkar por bsam bya ste/ /gnyis pa ser por bsgom par bya/ /gsum pa dag ni dmar po ste/ /de bzhin bzhi pa sngon po'o/ /sngon bzhin mtshan nyid ldan pa yis/ /mnyam nyid stong par yang dag gnas/ /mnyam nyid lta ba skyed nas su/ /'khor lo 'di ni bsgom par bya/ /mnyam gzhag dngos po bsgoms pa yis/ /'grub 'gyur 'di la the tshom med/ /kun nas thams cad 'bar ba ste/ /me ltar 'bar ba'i 'od kyis ni/ /bdud rnams thams cad bsreg par byed/ /ye shes 'khor lo bsgoms pa yis/ /kun nas nyon mongs g.yogs pa yang / /sangs rgyas 'bras bu thob par 'gyur/ /mnyam nyid ye shes bskyed nas su/ /bdag nyid nam mkha' bsgom byas la/ /'od zer sna tshogs 'bar ba yis/ /nyi ma'i dkyil 'khor bsgom par bya/ /de yi dbus su sa bon ni/ /mkhas pa yis ni gzung bya ste/ /sde tshan dang po gang yin pa'i/ /yi ge dang po bzung nas su/ /lcags kyu yis ni gzir bya ba/ /rtsa bar re pha sbyar bya ba/ /bdud rtsi'i thig le steng du dgod/ /nyi ma'i dkyil 'khor dbus gnas par/ /'od zer sna tshogs 'phro ba ni/ /shin tu mnyam par gzhag pa bsgom/ /rgyal po rgyal po'i pho brang dang / /yid can gyis ni bsam par bya/ /yi ge nyis 'gyur thigs pa dang / /rtsa bar sgra ni sbyar bar bya/ /bdud rtsi'i mtha' zhes bya ba ste/ /'bum phrag gcig gis dbang du sdud/ /bu mo rnams</font><hr>87.195a<br><font size=+1>

kyis gang bsams pa/ /ming dang bcas nas bsgrubs nas ni/ /bsam pa tsam gyis 'grub par 'gyur/ /ngas bstan pa la the tshom med/ /sngon gyi mtshan nyid thams cad ni/ /sngar bzhin du ni stong pa nyid/ /thams cad bdag nyid bsams nas su/ /zla ba'i dkyil 'khor dbus gnas par/ /bdud rtsi kun rig phyi mor bcas/ /'od zer sna tshogs rnam par 'phro/ /'od zer ser po shin du mdzes/ /gzugs sdug 'od zer 'phro bar bsam/ /rin chen la sogs gang 'dod pa/ /thams cad rang gi dbugs kyi dgug /sgrub pa po'i lus la ni/ /de yi dkyil 'khor dbus gnas par/ /rlung gi sa bon gyis bskor ba'i/ /lcags kyu'i yi ge bsgom par bya/ /kha dog la sogs dmar bsams zhing / /gzugs kyang kha dog dmar por bsgom/ /zla ba'i dkyil 'khor dbus gnas par/ /ye shes mkha' 'gro bsgom par bya/ /gzugs mdzes shin tu rdzogs pa ste/ /rgyan rnams kun gyis rnam par klubs/ /g.yon pa lcags kyu'i tshul gyis ni/ /yid ni 'gugs pa bsgom par bya/ /lcags kyu'i yi ge bsgoms pa yis/ /mdzub mo lcags kyu bskyod par bya/ /yi ge nyis 'gyur thigs pa dang / /rtsa bar sgra ni sbyar bar bya/ /bdud rtsi'i mtha' zhes bya ba ste/ /'bum phrag gcig gis dbang du 'grub/ /de ltar bsgom zhing bzlas nas su/ /sor mo yang ni bskyod byas na/ /bsgrub bya'i yid ni bskyod 'gyur bar/ /'bum phrag gcig gis 'grub par 'gyur/ /'khor lo 'dab ma med pa la/ /mu khyud kyi ni bskor bar bya/ /dbyangs kyi yi ge thams cad kyis/ /mu khyud mkhas pas bskor bar bya/ /sde tshan lnga pa gang yin pa/ /yi ge gsum pa bzung nas su/ /i dang re pha sbyar nas su/ /'bad pas dbus su bzhag nas kyang / /ye shes can gyi sa bon 'di/ /sgra yi bdun pa dang sbyar la/ /'dab ma rnams la'ang de nyid bya/ /'dab mar 'di nyid gzhag par bya/ /rnal 'byor ma yi grub</font><hr>87.195b<br><font size=+1>

'dod pas/ /'od zer sna tshogs rab 'bar bas/ /gser gyi mdog du bsgom par bya/ /sngon bzhin mtshan nyid ldan pa ru/ /sngar bstan bzhin du mkhas pas bsgom/ /de 'og lha mo nor rgyun gyi/ /gzugs su bdag nyid bskyed par bya/ /gzugs mdzes shin tu yongs su rdzogs/ /rgyan rnams kun gyi rnam par klubs/ /thams cad lag g.yas mi 'jigs sbyin/ /g.yon pa 'bras kyi snye ma bsnams/ /dbus su bstan pa'i sa bon ni/ /phyag 'tshal bsreg pa'i mtha' sbyar te/ /de ltar bsgom zhing bzlas pa yis/ /rgyas pa'i sbyor ba 'grub par 'gyur/ /lha mo nor ldan rnal 'byor gyis/ /rgyas pa ru ni grags pa yin/ /bdag nyid bye brag gzhan dag tu/ /rnam gzhag thams cad de bzhin no/ /bdag nyid sngon gyi mtshan nyid kyis/ /stong pa'i de nyid bsgoms nas su/ /nyi ma'i dkyil 'khor dbus gnas par/ /sa yi dkyil 'khor bsgom par bya/ /zla ba'i dkyil 'khor dbus gnas par/ /ye shes rnam shes dngos po bsgom/ /'dab ma brgyad pa'i 'khor lo ni/ /dbus su sa bon bsgoms nas su/ /phyi rol 'khor lo'i mu khyud la/ /dbyangs kyi sa bon bskor bar bya/ /phyogs kyi 'dab mar bdud rtsi bzhi/ /gug skyed kun dang sbyar bar bya/ /mtshams kyi 'dab ma bzhi la yang / /sangs rgyas lnga yis mngon par brgyan/ /zla ba'i dkyil 'khor rdzogs pa ni/ /'od zer sna tshogs 'bar ba can/ /rin chen bdun gyis mdzes pa ste/ /rang gi lus la bsgom par bya/ /gang 'dod yid ni rtog bya'i phyir/ /de'i 'od zer sbyar bar bya/ /'jigs pa med cing 'tshe med pas/ /dngos pos dngos po bsgom par bya/ /</font><hr>87.196a<br><font size=+1>

rmugs dang glen dang snyoms las dang / /shes rab zhan cing lta ngan rnams/ /rnal 'byor pa yi skad cig la/ /snyom las la sogs ring du spong / /mnyam gzhag cung zad bltas nas su/ /rdul phran dkar po spro bar bya/ /phyogs bcur song ste khyab nas ni/ /thams cad rim pas kun snang bya/ /ye shes sems la bltas nas ni/ /rnal 'byor pha rol sems shes 'gyur/ /sems ni mnyam par bcings nas su/ /mnyam gzhag 'khor lor lta bar bya/ /mnyam nyid ye shes mthong ba yis/ /'khor ba'i pha rol sgrol bar 'gyur/ /zla ba'i dkyil 'khor dbus gnas par/ /ye shes sa bon gyis sprul te/ /pad ma'i gdan la bzhugs pa yis/ /kha dog dkar po bsgom par bya/ /phyag gnyis sems dpa'i dkyil dkrung bcas/ /rgyan rnams kun gyis klubs pa ste/ /phyag gnyis phyag rgya che bcings nas/ /snying ga'i phyogs su 'tshar bar mdzad/ /kha dog dkar po mdzes pa yi/ /'phags pa rnam par snang mdzad gtso/ /sangs rgyas sprin ni rnam par spro/ /spro ba sna tshogs mi zad pas/ /sems can khams ni sgrol bar mdzad/ /shes rab rdo rjes 'gro sgrol ba/ /dbyangs yig dang po mchog sa bon/ /mtha' ru tsheg drag sbyar bar bya/ /phyag 'tshal sreg pa'i mtha' dang ldan/ /sa bon 'di ni bsgoms nas su/ /mnyam gzhag dngos por bzlas nas ni/ /byang chub rim pa mthong bar 'gyur/ /sbyor ba'i gdan gyi rab tu byed pa las rim par phye ba gnyis pa'o// // byin brlabs sbyor ba'i ngo bo dag /gang gis sems can rnams la bstan/ /byin brlabs rim pa ji lta bu/ /lha las gzigs mo nyan par 'tshal/ /sems can rmongs pa gso ba'i phyir/ /byin gyis rlob pa'i chos bstan pa/ /yang dag 'khor ba sgrol ba yi/ /de nyid ji bzhin rdo rjes nyon/ /snying gar zla ba bsams nas su/ /hU~M gi sa bon dbus su bsam/ /'od zer me ltar 'bar zhing gsal/ /nyi ma'i dbus su gzhag</font><hr>87.196b<br><font size=+1>

par bya/ /phyogs bcu'i 'jig rten khams rnams su/ /me yi dkyil 'khor bsam par bya/ /gnas rnams thams cad 'bar ba yis/ /kun nas thams cad bsregs nas su/ /sngon bzhin mtshan nyid bstan pa yi/ /dang po stong pa nyid du bya/ /me yi dkyil 'khor dbus gnas pa'i/ /sangs rgyas lnga ni bsam par bya/ /dbyug pa 'jig rten dbang phyug mgon/ /gya gyu phyag na rdo rje ste/ /lus ni 'jam pa'i mchog yin no/ /mgo dang bum pa byams pa ste/ /steng du 'bar ba'i ma yig ni/ /'khor ba thams cad sgrol ba po/ /'jig rten gsum gyi grub 'dod na/ /sa bon de ni bsgom par bya/ /pad ma'i stan la gnas pa yi/ /nyi ma'i dkyil 'khor bsgom nas su/ /ye shes mkha' 'gro'i rang bzhin du/ /bdag nyid ye shes kyis bsrung ba/ /phyag gnyis sems dpa'i dkyil dkrung bcas/ /kha dog dmar po shin tu mdzes/ /steng gi rdo rje cod pan la/ /sangs rgyas lnga yis rnam par brgyan/ /kha T+wA~M ga dang rnal 'byor snod/ /rgyan rnams kun gyis rnam par klubs/ /'od zer sna tshogs 'bar ba ru/ /dbugs mi g.yo bar bsgom par bya/ /sde tshan gsum pa gang yin pa'i/ /rdo rje dbyug pa gug bskyed bcas/ /lu gu rgyud la sogs pas dkri/ /phyag 'tshal bsreg pa'i mtha' dang ldan/ /'bum phrag gsum ni bzlas nas su/ /gnyis med gtor ma'i las kyis ni/ /de yi 'og tu las rnams bya/ /bdud rtsi lnga dang ldan pa la/ /brgyad brgya ru ni bzlas par bya/ /cho gar ldan pas sbyin par bya/ /de yi mod la 'bab par 'gyur/ /'babs nas rnal 'byor pa yis ni/ /rdo rje'i glu ni blang bar bya/ /rol cig rol cig rdo rje khyod/ /zhan dang drag po sbyor ba yis/ /thams cad kun nas khyod kyis gsol/ /skad cig 'khor las bdag mnyam bsgral/ /glu 'di yis ni gar byed de/ /rdo rje dril bu dkrol bar bya/ /o~M tiSh+Tha yo ge ma hA kro d+ha hU~M hU~M hU~M swA hA/ </font><hr>87.197a<br><font size=+1>

'di ni tshim bya thams cad bya/ /rnal 'byor ma kun bstan par bya/ /dman dang bar dang mchog rnams la/ /de yi 'og tu chos bstan bya/ /o~M yo ga A be sha ya/ shin du mnyam gzhag rnal 'byor pas/ /'di yis sngon du bsnyen par bya/ /gnyis med gtor ma ldan pa yis/ /rnal 'byor pa yis yungs kar dang / /hU~M gi sgra ni 'jigs pa yis/ /sgrub pa po yis 'dis gdab bya/ /sngar gyi smos pa'i sngags kyis ni/ /bdag nyid ji ltar 'dod bzhin byed/ /o~M ma na g+hu ru g+hu ru/ d+h+ri sti tsi li tsi li hU~M hU~M phaT/ rnal 'byor pa yis 'bum bzlas na/ /bltas pas 'bebs pa 'grub par 'gyur/ /mchod cing gang la bltas pa yi/ /mthong bar byas te gar byed do/ /o~M ma la ma li hU~M phaT/ 'bum phrag gsum gyis 'grub 'gyur te/ /'gro ba thams cad 'bebs par 'gyur/ /o~M ma hA tsi li tsi li hU~M hU~M phru~M phaT/ 'bum phrag gcig ni bzlas pa yis/ /skyes sogs ring po nas kyang 'bebs/ /o~M ba ta li ba ta li hU~M phaT/ rnal 'byor 'bum phrag gsum du ni/ /bzlas pas sngon du bsnyen pa bya/ /yi dgas 'byung po gsang ba sogs/ /lha rnams thams cad 'bebs par byed/ /o~M pa ta na pa ta ni hU~M phaT/ rnal 'byor pa yis 'bum phrag gcig /bzlas pas sngon du bsnyen pa bya/ /chu dang bong ba rdo dang ni/ /shing rnams kun la 'bebs par byed/ /dkyil 'khor sngon du slob dpon gyis/ /sngon du bsnyen pa byas nas ni/ /shin tu dul zhing brtags pa yis/ /de 'og dkyil 'khor de nyid bsam/ /lha ni mnyes par ma byas na/ /bdag nyid la ni co 'dri yin/ /o~M be ta li rak+Sha rak+Sha hU~M hU~M hU~M g+h+ra~M phuHphaT/ thal bar lan bdun bar du ni/ /mngon par bzlas te ro la gtor/ /nyin zhag bdun du bzhag na yang / /cis kyang za bar mi 'gyur ro/ /o~M phu ru phu ru/ maM tre dzaHhU~M phuHphaT/ skud pa dmar la brgyad brgya ru/ /yongs su bzlas dang ldan pa yi/ /gang gi mgrin par bcings gyur na/ /lce spyang bzhin</font><hr>87.197b<br><font size=+1>

shin tu 'khyam par 'gyur/ /skud pa dang ni bral gyur na/ /bdag nyid 'dod pa bzhin du byed/ /byin brlabs rim pa'i rnal 'byor gyis/ /mnyam par gzhag pas bsgom zhing bzlas/ /zla ba'i dkyil 'khor dbus gnas par/ /rdo rje mkha' 'gro ma bsam bya/ /rgyan rnams kun gyis brgyan pa'i sku/ /'od zer sna tshogs shin tu 'bar/ /rlung gi dkyil 'khor dbus gnas par/ /mngon du bsgrub pa bya bar bsam/ /rkang mthil gnyis su rlung gi ni/ /sa bon stan du bsgom par bya/ /sgra dang thig ler ldan pa ni/ /rlung gi sa bon dbus gnas par/ /rlung gis bskor ba snying gar bzhag /thams cad kha dog sngon por bsam/ /rang gi dbugs kyi rtse mo yi/ /rlung gi brda ru sbyar bar bya/ /o~M yu~M pre ta bA yu a mo ka s+ya yu~M phaT/ rnal 'byor pa yi gsang sngags 'di/ /brgyad brgyar bzlas na 'grub par 'gyur/ /'gro ba la sogs bzung nas su/ /dug dang khrag gis bri bar bya/ /rnal 'byor mchog ni bzung nas su/ /thams cad gnas nas bri bar bya/ /brgyad brgya ru ni bzlas pa yis/ /skud pa dmar pos dkris nas ni/ /shing gi rtse mor gdags par bya/ /rlung gis spur bar bsgom pa ste/ /gang du rlung ni gzhol 'gyur ba/ /de yi phyogs su 'gro bar 'gyur/ /rnal 'byor pa yis bskrad pa ni/ /'grub 'gyur 'di la the tshom med/ /zla ba'i dkyil 'khor dbus gnas par/ /rdo rje mkha' 'gro ma bsams te/ /bdag gi lus ni bsgoms nas su/ /blo dang ldan pas sngags bzlas na/ /gnyis med gang ba'i gtor ma ni/ /de yi dbus su sbyar bar bya/ /o~M badzra DA ki nI de sha mA kaR+Sha ya o~M hrIHhU~M pheM phrung phuHphaT/ maN+Dal dmar por byugs nas ni/ /seng ldeng phur bu brgyad kyis gdab/ /dbus su ming ni bris nas su/ /gtor ma yongs su gang bar ldan/ /skud pa dmar la bzlas nas kyang / /lan bdun bskor bas drang bar bya/ /rdo rje lcags kyus drangs nas su/ /gsang sngags 'dis ni bzlas byas na/ /dpag tshad brgya yi phyi rol nas/ /las 'dis bzlogs nas 'gugs par 'gyur/ /maN+Dal gyi ni dbus dag tu/ /las</font><hr>87.198a<br><font size=+1>

'dis 'grub 'gyur the tshom med/ /nyi ma'i dkyil 'khor dbus gnas par/ /mkha' 'gro drag mor bsam bya ba/ /rang gi lus ni rnal 'byor mar/ /mkhas pa yis ni bsgoms nas su/ /nya mo gcig ni bzung nas su/ /mkha' 'gro'i gtor ma byin gyis brlab/ /sngags dang bcas pa'i ming bris la/ /nya yi kha ru bcug nas ni/ /rkang pas mgo ni rab mnan la/ /brgyad brgya ru ni bzlas par bya/ /o~M phru~M phru~M/ a mu ka s+ya mu kha~M ban d+ha ban d+ha/   hrI hrI hrI/ pu~M phaT/ de ni bzlas pa tsam gyis ni/ /bya ba thams cad bcing bar 'gyur/ /thams cad chu la bya ba ste/ /las gzhan cho ga bshad par bya/ /sngags 'di rab tu sbyar nas ni/ /bag zan gyis ni dril bar bya/ /gang du nya ni gnas pa yi/ /nya yi kha ru gzhug par bya/ /mkha' 'gro'i gtor ma byin brlabs te/ /ril bu brgyad brgya byas nas ni/ /lan re bzlas te zar bcug na/ /bya ba thams cad bcings par 'gyur/ /rlung gi dkyil 'khor dbus gnas par/ /bdag nyid tsaN+Da li yi gzugs/ /gzugs rnams thams cad yongs rdzogs shing / /me ltar 'bar ba bsams nas su/ /gnyis med gtor ma'i las rnams ni/ /de yi dbus su rab tu bya/ /lci bas pad+ma'i gzugs byas pa/ /ming dang sngags kyis gzhag par bya/ /o~M stam b+ha ya stam b+ha ya hU~M/   b+ha gra~M gA~M mu trA~M phru phru~M phaT/ gsang sngags 'di dang ming dag ni/ /rkang pa g.yon pas mnan nas su/ /lan grangs brgyad brgyar bzlas nas su/ /'grub 'gyur 'di la the tshom med/ /chung ma shin tu g.yon can rnams/ /las 'di yis ni gdul bar bya/ /mthar ni chu dang 'o ma yis/ /bkrus na bcings pa las grol 'gyur/ /rlung gi dkyil 'khor dbus gnas par/ /lha mo rdo rje ma ru bsgom/ /kha dog sngon po shin tu mdzes/ /'od zer me dang mtshungs par 'bar/ /yongs su rdzogs shing mdzes par ldan/ /rgyan rnams kun gyis klubs pa ste/ /yi dgas kyi ni gdan la bzhugs/ /ha har bzhad pas 'jigs su rung / /gnyis med gang</font><hr>87.198b<br><font size=+1>

ba'i gtor ma yi/ /las ni de ru byas nas kyang / /'bras phye la sogs khyad par las/ /pad ma'i dbyibs ni byas nas su/ /khyi yi spu yis dgang bar bya/ /ming dang sngags su sbyar nas su/ /gnyis med gtor ma'i las rnams ni/ /las der byin gyis brlab par bya/ /o~M kro d+he shwa ri phu phru~M phaT/ brgyad brgya ru ni bzlas nas su/ /rdo rje gsang bar gzhug par bya/ /las 'di sbyar zhing gzir ba yis/ /b+ha ga dag ni bzlog par 'gyur/ /las 'dis shin tu 'grub pa ste/ /phyung na de las thar bar 'gyur/ /chung ma shin tu gdul dka' la/ /las ni de ltar sbyar bar bya/ /zla ba'i dkyil 'khor dbus gnas par/ /lte bar bdud rtsi'i yi ge bsgom/ /rtsa rnams kun las drangs nas su/ /bdud rtsi'i chu ni 'dzag par bya/ ban du'i me tog rgyas pa yi/ /dbus su lcags kyu'i yi ge ste/ /kha dog dmar po shin tu 'bar/ /gsang zhing gsang pas bsgom par bya/ /khro bo'i sor mo rtse mo ru/ /bdud rtsi'i yi ge bsams nas ni/ /sor mo 'di yis bskyod par bya/ /sbyor ba gsum ni bsams pa yis/ /de yi dbus kyi gnas rnams su/ /bdud rtsi'i chu ni 'dzag par bya/ /chung ma shin tu gdul dka' la/ /'di yis b+ha ga brtag par bya/ /'od zer can dang bla mar bya/ /smyo byed yan lag lnga dang bcas/ /gu gul chen po'i cha dang bsre/ /mar nag chen pos bskor bar bya/ /sngags pas bdud rtsi'i chu dang ni/ /lce yi dbang pos myang bar bya/ /'dir ni smyo 'gyur the tshom med/ /mar zos pas ni grol bar 'gyur/ /yi dgas gos ni ma lhung bas/ /mar me yi ni sdung bu bya/ /klu dbang gi ni gong du gzung / /rkang gi mar gyis sbar bar bya/ /gtor ma yi ni gnas dag tu/ /mkha' 'gro ma yi snying sngags kyis/ /du ba dag ni dbab par bya/ /dur khrod du ni gtor byin la/ /brgyad brgya ru ni bzlas nas su/ /lam gyi bzhi mdor shing gcig drung / /gang la du ba byugs pa des/ /mkha' 'gro ma kun mthong bar 'gyur/ /lhag ma'i snod ni gnyis</font><hr>87.199a<br><font size=+1>

gzung la/ /dur khrod kyi ni sol ba yis/ /tsha ba'i rdzas la sbyar nas ni/ /bya rog sgro rtsas bri bar bya/ /o~M ki ri ki ri kro d+he a mu ska~M phruHphru~M phaT/ snod ni gnyis la so so ru/ /gzugs gnyis ming dang bcas bris la/ /gnyis med gtor ma byin nas ni/ /khro bos bkang ste drud par bya/ /o~M ka li bar ta li bar ta li kro d+ha mu khe a mu ka s+ya hi li hi li badzra tiSh+Tha mu khi phru~M phroM phroM phaT/ brgya phrag gcig tu bzlas nas ni/ /myur tu 'thab rtsod 'byung bar 'gyur/ /gnyis med gtor mar ldan pa yi/ /dbang bskur na ni zhi bar 'gyur/ /sbyor ba'i gdan gyi rab tu dbye ba las rim par phye ba gsum pa'o// // gnyis med sbyor ba'i snying po ste/ /gnyis med ming gis brjod pa yin/ /sbyor ba ji ltar brtsam bgyi ba/ /rol mo dag ni nyan par 'tshal/ /gnyis med sbyor ba de nyid kyi/ /rdo rje dril bu'i phyag rgya dag /so sor gzung ba'i de kho na/ /yang dag ji bzhin rdo rjes nyon/ /de nyid ji bzhin bdag nyid dang / /chos kyi dril bu lha mo'o/ /kha sbyor sbyor ba phyag rgya ste/ /thabs ni de ru thim pa'o/ /dang por re shig rnal 'byor pas/ /rdo rje thal mo dam bcings nas/ /sems can kun la rjes brtse bas/ /dag pa rnam gsum brjod par bya/ /o~M swa b+hA ba shud d+haHsarba d+harma swa b+hA ba shud+d+ho\u0f85ha~M/ o~M badzra shud d+haH sarba d+harmA badzra shud+d+ho\u0f85ha~M/ o~M yo ga shud d+hAHsarba d+harmA yo ga shud+d+ho\u0f85ha~M/ gzung dang 'dzin pa las grol bas/ /sbyin pa'i ra bas sbyin par bya/ /rnal 'byor ldan pa'i sems kyis ni/ /thams cad rtsa bzhin blta bar bya/ /sems can kun la mi 'jigs sbyin/ /'gro rnams brtse bar mi bya sogs/ /sems can don ni dgag mi bya/ /steng du tshul khrims dra ba'o/ /gzhan la gnod pa 'gog la sogs/ /bzod ma 'phur bu 'og tu gdab/ /phur bu ra ba dra ba yis/ /sdang ba'i bdud dang dgra rnams bskrad/ /bdud ni bdud du 'char mi 'gyur/ /rang gi sems kyis bsdams</font><hr>87.199b<br><font size=+1>

pa'o/ /rang gis rang sems btul ba na/ /bdud kyis 'tshe bar ga la 'gyur/ /mnyam nyid sems kyi dri yis ni/ /gru bzhi pa ru byug par bya/ /lus la ste 'jog tsan dan 'jug /sems ni mnyam par gzhag pa ste/ /bzod pa'i me tog rnal 'byor pas/ /'bad dang ldan pas dgram par bya/ /mnyam nyid bsgoms pa'i bdug pa yis/ /rang bzhin dag pas bdug par bya/ /shes rab mar me'i snang ba ste/ /khams gsum gyi ni mun pa rnams/ /mar me 'di yis bcom nas su/ /ji ltar 'dod bzhin snang bar bya/ /sems kyis mi 'jigs sbyin pa yis/ /dbugs ma phyin pa dbugs dbyung bya/ /mchod pa'i dus dang khyad par du/ /gtor ma'i dus su rab tu sbyar/ /yid du 'ong ba'i sa phyogs su/ /bde ba'i stan la 'dug nas su/ /bdag nyid rdo rjer bskyed nas ni/ /shes rab dril bu zhes byar sprul/ /bar du khru gang bzhag nas su/ /mnyam nyid lta bas blta bar bya/ /snying gar hU~M ni bsgom byas la/ /thams cad rig pas kun stong bya/ /khams gsum zad par byas nas ni/ /thams cad nam mkha' yang dag gnas/ /sngon bzhin mtshan nyid yang dag ldan/ /mnyam nyid stong par bsams nas su/ /pho brang yangs par ci 'dod pa/ /ri rab rtse mor bsam par bya/ /lha ni nyi shu rtsa brgyad ldan/ /rdo rje sngon du bstan pa bzhin/ /'od zer sna tshogs 'bar ba yi/ /hU~M gi thig le las byung ba/ /zla ba'i dkyil 'khor dbus su ni/ /mi g.yo rdo rje bsgoms nas su/ /rdo rje sems dpa'i rang bzhin du/ /bdag gi lus ni sprul par bya/ /yi ge'i dgod pas bkod nas su/ /mkhas pas go cha byas nas hU~M/ /sangs rgyas lnga yis brgyan pa ste/ /gangs dang kun da zla ba'i mdog /phyag gnyis sems dpa'i dkyil dkrung bcas/ /rgyan rnams kun gyis klubs pa ste/ /phyag rgya chen po snying por bcas/ /go 'phang mchog ni bsgom par bya/ /'od zer sna tshogs 'bar ba la/ /sangs rgyas sprin ni rnam par 'phro/ /dngos po bsgom pa bsgom nas su/ /hU~M gi sgra yis dgang bar bya/ /</font><hr>87.200a<br><font size=+1>

rang nyid ji ltar 'dod sems kyis/ /ye shes sa bon bzlas par bya/ /btso ma'i gser ltar shin tu 'bar/ /sems can kun gyi don la chags/ /de nas stong pa'i mtshan nyid ni/ /sngar gyi mtshan nyid bdag nyid can/ /zla ba'i dkyil 'khor dbus gnas par/ /sngar gyi mtshan nyid kun rig pas/ /nyi shu rtsa gsum lha rnams kyis/ /dril bu'i bdag nyid bsgom par bya/ /'od zer sna tshogs 'bar ba las/ /sangs rgyas 'od ni rnam par spro/ /de ltar bskyed pa'i lus rnams ni/ /shes rab pha rol phyin mas bskyed/ /phyag gnyis sems dpa'i dkyil dkrung bcas/ /rgyan rnams kun gyis rnam par klubs/ /kha dog cung zad 'dres pa'i sku/ /sangs rgyas lnga yis mngon par brgyan/ /yi ge brgyad kyi sngags rnams ni/ /yan lag brgyad du dgod par bya/ /phyag gnyis phyag rgya chen po ste/ /go 'phang mchog ni bsgom par bya/ /A li kA li las byung ba'i/ /de yi sa bon bzlas par bya/ /'dod chags sems kyi stobs kyis ni/ /btso ma gser gyi 'od dang bcas/ /sems can bsgral phyir kun tu 'khyud/ /nu ma 'khyud cing zhal gnyis 'jib/ /rdo rje sor mo'i rtse mor ni/ /bdud rtsi'i yi ge bsams nas ni/ /lha mo'i g.yon gyi cha ru ni/ /bstan pa'i rtse mor gzung bar bya/ /bcu dang brgyad kyi gnas rnams ni/ /kun nas bdud rtsi gang gnas pa/ /mdzub mo 'di yis bskyod pa yis/ /bdud rtsi'i chu ni 'dzag par 'gyur/ /gnyis kyi kun sprod btang nas su/ /shar gyi phyogs su blta zhing bskyod/ /rol pa'i stabs kyis lha mo ni/ /rdo rje rkang pa'i stobs kyis mnan/ /dril bu g.yon gyi rlung gnon pa/ /nu ma lag pa gnyis kyis gzir/ /sgeg cing bzhad pa'i bzhin can te/ /'og ma gnon pos btsir bar bya/ /dril bu lag gnyis gsang bar sbyor/ /de bzhin sa bon gnyis med bzlas/ /shar phyogs su ni bskyod pa yis/ /sems can pha rol sgrol ba yis/ /lha mo g.yon pa bskyod nas su/ /lho ru kha ni blta bar bya/ /rdo rje yang ni bskyod nas su/ /rkang</font><hr>87.200b<br><font size=+1>

mthil gnyis ni de bzhin btsir/ /dril bu'i lag pa gnyis kyis ni/ /rked pa bsdams te btsir bar bya/ /rdo rje g.yas kyi nu ma dang / /de bzhin gsang bar rtse bar bya/ /rdo rje dril bu'i lus dag ni/ /yang dang yang du sprad par bya/ /sa bon gnyis ni bzlas pa yis/ /lho phyogs sems can sgrol bar 'gyur/ /nub phyogs snying po'i rkang stabs kyis/ /lha mo nub tu blta bar bya/ /rdo rje yi ni phyogs gcig gis/ /g.yas kyi brla ni mnan par bya/ /'grin pa'i rgyab nas gnyis 'khyud de/ /dril bu'i lce ni bskyod nas su/ /rdo rje lce la reg par bya/ /de bzhin sbyar nas gnyi ga bzlas/ /rdo rje mnyam pa'i dbus su ni/ /lag pa gnyis kyis bsdam pa'o/ /dril bu'i lag pa gnyis kyis kyang / /rna ba'i drung bar gzugs par bya/ /gnyis ka'i mchu ni kun sbyar nas/ /de yi bdud rtsi btung bar bya/ /rnal 'byor pa yis sngags bzlas nas/ /rdo rje dril bu dkrol bar bya/ /sems can thams cad bde gyur cig /kun kyang 'tshe ba med par shog /gang gi lam nas 'gro ba yis/ /sangs rgyas nyid du 'grub gyur cig /skad cig tshul gyis rnal 'byor dang / /skad cig tshul gyis phyag rgya can/ /kun nas kun tu skad cig ste/ /skad cig gis ni gsang sngags 'don/ /dril bu lha ru sbyor ba yis/ /mkhas pa yis ni bsgom par bya/ /yi ge brgyad kyi sngags dag ni/ /gnas rnams kun gyi lha nyid de/ /rang nyid lha mor bsam par bya/ /slar yang 'di nyid rab tu bya/ /rang gi rjes su chags pa'i sems/ /de nas rdo rje kun tu 'khyud/ /de nas bdag nyid rdo rje ru/ /ka ra nar bcas bsam par bya/ /rdo rje yi ni nga rgyal gyis/ /rdo rje sems dpa' bdag ces brjod/ /chu las byung ba'i me tog ni/ /gsang ba'i nang gi mtshan nyid las/ /rtsa ba myu gu me tog ste/ /ban du ka ni rgyas pa 'dra/ /thong ka gnyis kyi sa bon rnams/ /sa dang rlung dag nyid yin no/ /'og tu chu yi rang bzhin la/ /myu gu me yi sa bon no/ /sde tshan gsum pa gang yin pa'i/ /yi ge gsum pa bzung nas su/ /dbyug pa</font><hr>87.201a<br><font size=+1>

phyi mo rdo rje can/ /lcags kyu la sogs pa yi dkri/ /lha mo'i gzugs su bsams nas su/ /sa yi nang du thim par bya/ /dus me'i yi dgas mer sbyor cing / /yi dgas me dang dus me sbyor/ /lag pa gnyis kyis kha sbyar ba/ /mtheb chung mthe bos mnan nas su/ /gsum po dag ni rtse mor sbyor/ /phyag rgya gnyis kyis mgor btsugs nas/ /bdud rtsi bza' ba'i bsam pa yis/ /gnon pos 'og ma btsir bar bya/ /bcu dang brgyad kyi lam dag nas/ /dril bu'i bdud rtsi bskul bar bya/ /g.yon gyi cha na ban du ka /chu 'dzag pa yi cha byad can/ /chu 'dzag bya mchu'i dbyibs lta bu/ /mkha' 'gro ma yi tshul dag la/ /der ni phyag rgyas bskul bar bya/ /rdo rje g.yas kyi chu dag ni/ /rang bzhin mnyam pa'i tshul du bya/ /thong ga la sogs gnas kun tu/ /de nas sor mo gdab par bya/ /de nas rdo rje'i rtse mo ni/ /phyag rgya glo ru sbyar nas bya/ /gnyis ka kun tu sbyar nas ni/ /rdo rje pad mo bsgul bar bya/ /hU~M gi sgra yis bkang nas su/ /lha mo thams cad tshim par bya/ /dril bu yi ni dngos po yis/ /A li sa bon kun tu sbyin/ /ye shes sa bon rdo rje rtse/ /bdag gi lha ni mnyes par bya/ /rdo rje dril bu lus yin te/ /phyag rgya kha sbyor sbyar bar bya/ /rdo rje dril bu'i phyag rgya yang / /de kho na yis so sor gzung / /rdo rje de kho nas bskyod la/ /dril bu rang dgar dkrol bar bya/ /rdo rje dril bu rab sbyor te/ /phyag rgya'i de nyid sbyor ba yin/ /lus ni gnyis ka mnyes pa yis/ /sems can pha rol sgrol bar 'gyur/ /gnyi ga yi ni bdag nyid sems/ /chu de byin gyis brlab par bya/ /sgeg cing bsgyod par gnas pa ste/ /bde ba'i stan la 'dug nas ni/ /rdo rje rol pa'i rkang pa ste/ /dril bu g.yon gyi brla yis rol/ /lag g.yon 'khyud cing nu ma gzung / /g.yas kyi rdo rje gsor bar bya/ /bzhad cing khro dang sgeg pa yis/ /yang dang yang du spro</font><hr>87.201b<br><font size=+1>

bar bya/ /dril bu bskyod pa'i tshul gyis ni/ /brla yi stan la 'dug nas su/ /rkang pa g.yas pas dkris nas ni/ /dku yi gnas su gzhag par bya/ /mgrin par gcig gis 'khyud nas ni/ /g.yon pas dril bu gsil bar bya/ /ngo tshar bcas bzhad sgeg pa yis/ /yang dang yang du sprad par bya/ /de nas rdo rje glu blang zhing / /sna tshogs hU~M zhes bya bar 'dod/ /bdud rtsi'i chu ni bzung nas su/ /slar yang glu ni blang bar bya/ /'khor lo stong pa snying po med pa ni/ /snying po dag ni shin tu bsags pa ste/ /rnam par thar pas rab tu bsgral ba ste/ /dngos las rnam par grol ba rab tu 'grub/ /phan tshun kun tu 'khyud pa'i sbyor byas pa/ /de yis don ni yang dag byed par 'gyur/ /'khor ba'i snying po dag ni med pa la/ /rnal 'byor ma yi dbus su snying po bsgrub/ /rdo rje dril bu'i sgrar bcas pas/ /de nas de ltar glu blang bya/ /mnyam bzhag sgom zhing bzlas pa yis/ /'grub 'gyur 'di la the tshom med/ /las ni gang zhig bsams pa rnams/ /de yis thams cad 'grub par 'gyur/ /sman la sogs pa'i khyad par rnams/ /bskyod pa'i sbyor bar ldan par bya/ /gur kum dang ni gi wang dang / /ka ra sbrang rtsi pa la sha /yung ba ru rta cha mnyam pa/ /sbyor ba'i gnas su gzung bar bya/ /rdzas de dag ni bsgoms nas su/ /rtag tu thig le byas gyur na/ /rgyal po blon po pho brang bcas/ /thams cad du ni dga' bar 'gyur/ /dbang po lag dang ru rta dang / /rmongs byed ma dang rengs byed ma/ /bdag gi lnga dang yan lag lnga/ /lnga po thams cad cha mnyams la/ /bza' dang btung dang so rtsi dang / /zhib tu btags te sbyar la sbyin/ /thams cad du ni dbang 'gyur te/ /'chi ba na yang stong mi 'gyur/ /khrag ni gtor ba'i sbyor ba yis/ /dbang la sogs pa'i las rnams 'grub/ /sngags ni 'bum du bzlas pa yis/ /'gro ba thams cad rmongs</font><hr>87.202a<br><font size=+1>

par 'gyur/ /bdag gi lus la gshegs gsol ba/ /bdag nyid ji ltar dga' bar bya/ /sems can don phyir blo ldan pas/ /thams cad dbang du 'du bar 'gyur/ /brtul zhugs bram ze'i nye du mos/ /zhi ba'i las ni skye bar 'gyur/ /rgyal po bla ma gsang ba mos/ /rgyas pa'i las ni sbyar bar bya/ /rje rigs dmangs mo thams cad kyis/ /dbang gi las ni bsgrub par bya/ /lham mkhan shan pa nya pa mos/ /mngon spyod du ni rab tu grags/ /kla klo gdol pa tshon mkhan mas/ /sbyor ba'i dngos grub bshad pa yin/ /de bas 'bad pa thams cad kyis/ /rnal 'byor bstan bcos gzung bar bya/ /gzhan yang rkang stabs bcing bar bya/ /sems can bsgral ba'i gnas yin te/ /gnyis ni kun tu 'dus nas bskyod/ /de nyid phyag rgya zhes bya bcing / /mnyam pa'i rkang stabs dang / dbye ba'i stabs dang / zlum po'i stabs dang / gsum gnon po'i stabs dang / rus sbal gyi stabs dang / g.yas brkyang dang / g.yon brkyang dang / gnas gcig pa dang / 'dug pa dang / bung ba'i tshogs dang / rgya mtsho rlob pa dang / ri bo dpung pa dang / rkang pa'i 'phen pa dang / mchod sdong gi tshul dang / pus mo btsir ba dang / bsdu ba'i tshul dang / mnyam du gnas pa dang / dus kyi me dang snying po dang / dga' bas gnas pa dang / gcig tu bsdu ba'o/ /rkang stabs bskyod pa bcwa brgyad ni/ /mchod pa'i dus su sbyar bar bya/ /yon tan thams cad 'byung ba'i gnas/ /rnal 'byor pa yis mtshon par bya/ /snying gar btsir ba dang / rkang pa sbyar ba dang / phreng ba'i tshul dang / nu ma'i tshul dang / gnyi ga sbyar te bza' ba dang / phyed kyis 'khyud pa dang / lag pa gnyis sbyar ba dang / gsang bar reg pa dang / lus bsnye ba dang / kos ko la reg pa'o/ /lag pa'i thabs nyid bcu dang ni/ /zhal ni bzhad cing sgeg pa dang / /mtshan nyid sna tshogs ldan pa yis/ /de yis las rnams 'grub par bya/ /rdo rje</font><hr>87.202b<br><font size=+1>

dril bu'i phyag rgya dag /de kho na yis so sor bzung / /gsang ba'i rdo rje dang bral na/ /dril bus ji ltar 'bras bu 'grub/ /rdo rje'ang dril bu dang bral na/ /rdo rje sgrub pa'ang ring bar 'gyur/ /rdo rje dril bu'i phyag rgya dag /dmigs na pha rol sgrol bar 'gyur/ /mtshan mo zla ba med pa dang / /nyin mo zla bas ci zhig nus/ /de bas rdo rje dril bu dag /mnyam pa de nyid gsal bar byed/ /A li kA li mnyam bsgoms nas/ /rnal 'byor chen po bsgrub pa pos/ /A li rdo rje zhes byar brjod/ /kA li de bzhin gshegs ma yin/ /A li kA li mnyam sbyor bas/ /dgos pa thams cad sgrub par byed/ /sems can don rnams ma lus pa/ /lha yi gzugs kyis bri bar bya/ /phyi rol shes rab thabs rnams kyis/ /ji ltar 'khor ba sgrol bar 'gyur/ /rmongs pa phyi rol sems ldan pas/ /de yi dam tshig bstan pa yin/ /gsang ba'i gsang ba gsang ba che/ /rtag tu gab cing gsang ba yin/ /gang zhig lung ni shes gyur pa/ /de yi rnal 'byor pa ru grags/ /shel ltar dag pa'i sems la ni/ /de yi chos ni bstan par bya/ /gal te sems ni the tshom na/ /skad cig gis ni dmyal bar ltung / /'dod la dga' ba ma yin cing /   /longs spyod phyir ni bsten mi bya/ /sems can don bya'i phyir du ni/ /rab tu 'bad pa'i de nyid dmigs/ /gal te 'dod dga'i rnal 'byor pa/ /thabs kyi mtshan nyid gcig yin te/ /rang dgar skad cig yang dag 'byung / /rdo rje dril bu sbyor ba'o/ /skad cig tshul gyis bskyed nas ni/ /bdag gi rnal 'byor bdag ces brjod/ /gsang ba'i nang gi dbus gnas par/ /A li'i sa bon gzung bar bya/ /bdag nyid skad cig rnal 'byor ni/ /hU~M zhes bya ba 'bad de bzla/ /gang yang cung zad lus dang ngag /lha yi sbyor bar thim par bya/ /thal sbyor phyogs ni thams cad du/ /rnal 'byor rnal 'byor ma dbang gson/ /dgyes shing thugs ni tshim pa yis/ /'gro ba thar pa de ring</font><hr>87.203a<br><font size=+1>

thob/ /e ma'o chos kyi mchog gi lam/ /e ma'o 'khor ba gcod pa po/ /e ma'o rnal 'byor grol ba'i gnas/ /e ma'o ngo mtshar rnal 'byor lam/ /tshes grangs med cing rgyu skar med/ /smyung ba med par bstan pa ste/ /'di ni bde ba'i sgrub par brjod/ /bde bas 'khor lo gcod par byed/ /las kyi 'khor lor cho ga rnams/ /sgrub pa po yi sna tshogs 'dod/ /zla ba'i dkyil 'khor dbus gnas par/ /drag mo'i gzugs su sprul par bya/ /de yi gzugs su bsams nas ni/ /sngon bzhin de nyid sgom par bya/ /sngags pas sum 'bum bzlas nas su/ /phyi nas las ni bsgrub par bya/ /yi ge gnyis 'gyur thig le dang / /rtsa ba'i sgra ni sbyang bar bya/ /phyag 'tshal sreg pa'i mthar bzhag pa/ /rnal 'byor pa yis sum 'bum du/ /bzlas pas sngon du bsnyen nas ni/ /de nyid las rnams 'bad de sgrub/ /yi dgas gos la sogs bzung la/ /lha mo ser mo tshon rtsi bris/ /phyag gnyis rol pa'i rkang stabs can/ /dkar dang ser la 'bar ba'i lus/ /ha har bzhad cing gtsigs pa ste/ /skra ni lhug pas rnam par brgyan/ /yi dgas kyi ni stan la bzhugs/ /skyes bu'i lpags pa'i na bza' mnabs/ /don yod grub pa'i dbu rgyan can/ /sbrul gyi rgyan gyis rnam par klubs/ /glang po'i lpags pa'i sham thabs can/ /kha T+wA~M mchog gis brgyan pa ste/ /g.yon pa chang gi thod pa bsnams/ /hU~M gi sgra yis 'jigs par mdzad/ /'od zer me ltar 'bar zhing gsol/ /lha mo seng ge bsgom par bya/ /sa yi dbus sogs sbyor bar bya/ /mkhas pa yis ni bsgrub par bya/ /sngon gyi mtshan nyid ldan pa yis/ /gnyis med gtor mas dgang bar bya/ /gal te 'byor na yi dgas mo/ /tha mal me 'bar dbus su ni/ /yam shing thang shing las byas pa'am/ /zho can lnga yi shing las bya/ /mchod pa sna tshogs rgya chen dang / /sha chen la sogs bsreg par bya/ /sbrang rtsi khrag la spags pa dag /brgyad brgya ru ni sbyin srig bya/ /de ltar bsag pa</font><hr>87.203b<br><font size=+1>

tsam gyis ni/ /des ni mtshan ma ston par 'gyur/ /o~M smra~M phru~M phuHphaT/ sbyin sreg gi rtsa ba'i sngags so/ /thams cad sngar bstan bzhin du bya/ /dang po sa ni 'gul 'gyur te/ /gnyis pa la ni bri gzugs 'gul/ /gsum pa la ni dri chen 'byung / /bzhi par seng ge sgra sgrogs te/ /lnga par bsgrub pa'i grogs por ni/ /seng ge'i tshul du babs nas su/ /drag po'i gzugs can rnam par gtsigs/ /'jigs pa'i sgra ni sgrog par byed/ /dam tshig phyag rgya sogs phyin nas/ /gtor ma'i mchod pas mnyes par bya/ /ji ltar 'dod bzhin gnas rnams dang / /bstan ni bdag gis mdzad du gsol/ /de nas lha mo'i dngos bstan nas/ /bdag gis bu yi ci zhig bsgrub/ /'bad de dam tshig byin nas su/ /de la phyag rgya bstan par bya/ /dpa' bos de ltar byin nas su/ /da ltar bdag gi 'di mdzod cig /bdag nyid la ni lha mo 'grub/ /o~M tiSh+Tha ma ma ku ru hU~M hU~M hU~M dza dza dza swA hA/ spyi bor lag pa bzhag nas ni/ /gsang sngags 'dir ni brjod par bya/ /sha dang khrag dang sran chan bcas/ /gnyis med gtor ma de la sbyin/ /yi dgas bgrod par gnas nas su/ /rtag pa'i dus su byin gyis brlab/ /lha min klu mo gnod sbyin mo/ /dri za ma 'am ci dang ni/ /yi dgas mi mo gang 'dod pa/ /bka' bzhin skad cig gis 'gugs na/ /phran tshegs mi mo smos ci dgos/ /bka' ni bsgo ba tsam gyis su/ /lha min klu'i gnas nas kyang / /gang zhig don du gnyer ba rnams/ /myur du khrid nas 'ong bar 'gyur/ /gang yang dgra rnams gsang ba dang / /bka' bzhin du ni skrod par 'gyur/ /las rnams kun byed lha mo ste/ /mkhas pa yis ni bsgrub par bya/ /stag mo lce spyang 'ug pa mo/ /las de nyid kyis bsgrub bya sta/ /dngos grub de ltar shes byas la/ /mkhas pa yis ni bsgrub par bya/ /rdo rje dril bu'i phyag rgya ni/ /de bzhin nyid kyis so sor bzung / /rdo rje de nyid kyis sbyar zhing / /</font><hr>87.204a<br><font size=+1>

dril bu chos kyi lha mo'o/ /phyag rgya gnyis su ldan pa yin/ /kun rig pas ni thams cad sgrub/ /sbyor ba'i gdan zhes bya ba'i rab tu byed pa bzhi pa'o// //  rnal 'byor phyag rgya sogs mtshan pa'i/ /slob dpon dag ni gzung bya ba/ /sngags dang phyag rgya sbyor sogs ldan/ /'khor ba las sgrol mnyam nyid kyi/ /ji bzhin lam gyis 'khor ba las/ /sgrol ba'i mtshan nyid rdo rje nyon/ /slob dpon yon tan ji 'dra zhing / /bla ma zhes bgyi ji ltar lags/ /slob dpon ji ltar sbyar bar bgyi/ /bcom ldan ji ltar blta bar bgyi/ /thams cad byang chub mtshan nyid kyi/ /de nyid phyag na rdo rjes nyon/ /byang chub rdzogs pa'i mtshan nyid dang / /lus ni sangs rgyas thams cad kyi/ /cha shas byang chub yan lag gnas/ /dbu rgyan rigs ni lnga nyid de/ /ba spu rnams ni dgra bcom mo/ /'jig rten pa ni zhabs kyi gdan/ /'od zer gnod sbyin gsang la sogs/ /de ltar yon tan ldan pa'i skur/ /rnal 'byor can ni rtag tu blta/ /ye shes can ni shes bya ba/ /mtshan nyid gang yin bstan par bya/ /shin tu dul zhing zhi ba'i gzugs/ /sems can kun la mi 'jigs sbyin/ /sngags dang rgyud kyi sbyor ba mkhas/ /rnal 'byor bzo dang bstan bcos rig /thams cad du ni snyan par smra/ /sems can kun la bu bzhin lta/ /sbyin pa la sogs rtag tu dga'/ /rnal 'byor bsam gtan mngon par brtson/ /snying rje phan pa'i sems kyis ni/ /bden par smra zhing 'tshe mi byed/ /mnyam nyid sems ni bskyed pas na/ /sems can rnams kyi mgon skyob yin/ /de nyid bcu ni yongs shes pa/ /'di ni slob dpon zhes byar brjod/ /gzhan yang slob mas spyod pa yi/ /de nyid mtshan nyid mnyam par gyis/ /rnal 'byor ma yi sbyor ba lta/ /dam tshig spyod pa dang lta nyid/ /gtor ma gsang ba las sogs ldan/ /slob dpon gsang ba smad mi bya/ /smad na myur du mnar med 'gro/ /kun tu dam</font><hr>87.204b<br><font size=+1>

tshig med pa dang / /stan dang mal dang lham sogs dang / /gdugs dang na bza' nyer spyod rnams/ /grib ma 'gom zhing brdzi mi bya/ /bzlog dang gzir ba'i tshig brjod min/ /'das na de ni dus kun tu/ /gdon gyis 'tshe bar 'gyur ba dang / /nor nyams dpal las ring du 'gyur/ /bdud dang sdang bas 'joms par byed/ /de yi grib ma 'gom gyur na/ /mchod rten bshig pa'i sdig 'drar brjod/ /slob dpon smod par gang byed pa/ /rmi lam na yang dngos grub med/ /slob dpon yon tan gzung bya yi/ /skyon rnams nam yang gzung bya min/ /sngags dang phyag rgya'i sbyor la sogs/ /de yi lam gyis 'grub phyir ro/ /bslab pa sbyin pa sngon 'gro bas/ /de nas maN+Dal la sogs bya/ /sngar bstan yi ge gcig pa yis/ /sangs rgyas lnga ru bstan par bya/ /de yi rnal 'byor ldan pa yis/ /las rnams 'dod bzhin 'grub par 'gyur/ /sngags kyi dbang bskur ldan pa yis/ /yi ge brgyad po bsgom bar bya/ /gnyis med gtor sbyin dbang bskur ba'i/ /de yis chos ni shes par bya/ /sbyor ba'i dbang bskur ldan pa la/ /ye shes rnam shes bstan par bya/ /slob dpon dbang ni bskur nas su/ /thams cad gsang ba la sogs bstan/ /dang por slob mas bya ba ni/ /bla gos phrag par gzar nas su/ /pus mo g.yas pa'i lha nga dag /sa la legs par btsugs nas ni/ /thal mo snying gar sbyar bar bya/ /bla ma stan la 'dug nas ni/ /rang gi lha ru rab bsgoms la/ /lag pas lag pa bzung nas ni/ /mkhas pas bslab pa sbyin par bya/ /sangs rgyas chos dang dge 'dun la/ /rtag tu bdag ni skyabs su mchi/ /theg pa gsum po thams cad dang / /rnal 'byor gsang sogs mkha' 'gro ma/ /dpa' bo dpa' mo dbang lha mo/ /byang chub sems dpa' bdag nyid che/ /khyad par du yang slob dpon la/ /rtag tu skyabs su mchi bar bgyi/ /rnam snang mdzad dang mi bskyod pa/ /rin chen mchog dang 'jig rten dbang / /don yod grub pa la sogs pa/ /sangs rgyas byang chub sems dpa' kun/ /thams cad bdag la</font><hr>87.205a<br><font size=+1>

dgongs su gsol/ /bdag ming 'di zhes bgyi ba ni/ /dus tshod 'di nas bzung nas su/ /byang chub snying por mchis bar du/ /ma bsgral ba rnams bsgral bgyi zhing / /ma grol ba rnams bdag gis dgrol/ /de ltar rjes su brtse ba'i phyir/ /bdag gis chos khrims 'di bgyi'o/ /de ltar lan gnyis lan gsum du/ /mnyam nyid brtan pa'i sems ldan brjod/ /o~M swa b+hA ba shud d+hAHsarba d+harmAHswa b+hA ba shud d+ho\u0f85ha~M/ o~M badzra shud d+hAHsarba d+harmA badzra shud d+ho\u0f85ha~M/ o~M yo ga shud d+hAHsarba d+harmA yo ga shud d+ho\u0f85ha~M/ /lus kyi las ni rnam gsum dang / /ngag gi las ni rnam pa bzhi/ /yid kyi rnam pa gsum dag ni/ /lus bsdams pas ni dam tshig bsrung / /sems ni mnyam nyid shes nas su/ /ji skad gsungs pa'i chos bshad bya/ /de nas ras kyis mig bkab nas/ /gtor ma'i gnas su gzhug par bya/ /lag pas lag pa bzung nas su/ /slar yang bslab pa bstan par bya/ /sangs rgyas kun gyi rang bzhin sku/ /slob dpon la ni skyabs su mchi/ /dpa' bo dpa' mo 'khor lo yi/ /sbyor ba'i gdan la bdag phyag 'tshal/ /don dam rtogs mchog seng ge slob ma rnams shes nas/ /rnal 'byor ldan pas sgribs g.yogs rnams su dral ba'i phyir/ /srid pa'i nyes dmigs bskyed pa'i nyon mongs bcom nas su/ /rnal 'byor don dam grub byed de nyid rgyal por 'gyur/ /AHni yig 'bru kun gyi mchog /gsung gi rdo rjer byin gyis brlab/ /hU~M ni nyon mongs bsreg pa ste/ /thugs kyi rdo rjer byin gyis brlab/ /o~M ni ye shes 'gugs pa ste/ /sku yi rdo rjer byin gyis brlab/ /de nas mig phye mthong ma thag /kun la yan lag lngas btud nas/ /bdag gi rang bzhin lus 'di nyid/ /sbyor ba'i gdan du gding bar bya/ /de nas mtshan nyid ci 'dra bar/ /lus ni ji ltar bstan pa bzhin/ /mkhas pa yis ni sbyin par bya/ /ji ltar bstan bzhin mtshon byas la/ /de nas bslab sogs yang bya ste/ /ji ltar bstan pa'i yid kyis brtag /bdud rtsi lnga dang ldan</font><hr>87.205b<br><font size=+1>

pa yis/ /dam tshig chu ni de nas sbyin/ /ha zhes pa yis kha dog 'phrog /ho yis dri ni 'joms par byed/ /hrIHyis nus pa gzhom bya ste/ /la lar sngags ni bzlas par bya/ /bla ma'i zhabs kyi drung du ni/ /mgo bos btud de dbul bar bya/ /o~M pany+dza DA ki nI pU dzo pas+thA nA ya At+mA na~M nir+yA ta yA mi/ o~M A tsAr+ya pu dzo pas+thA nA ya At+mA na~M ni ta yA mi/ o~M sarba satwa pa ri trA Na ar+thA ya At+mA na~M nir+yA ta yA mi/ nga rgyal dang ni khro ba dang / /brlang dang tshig rtsub spang bar bya/ /sdig pa'i grogs po spang bya ste/ /srog gcod brku ba de bzhin no/ /longs spyod kun la mi chags shing / /bdag nyid nges par chog shes bya/ /gar gyi gnas dang tshul 'dra ba'i/ /phyi rol bstan bcos zhen mi bya/ /sa ma ya s+t+wa~M/ sa ma ya hoH a A a~M aHhU~M dza /    rdo rje phyag rgya ldan pa yis/ /yan lag drug gi sa bon gzung / /gzhan yang chos rnams thams cad kyi/ /rdzogs pa'i byang chub rim par bstan/ /de nas slob ma 'byor ldan pas/ /rtag tu bla ma yon dbul bya/ /rang gi bu dang chung ma dang / /gnyen 'dun bran khol bcas pa dang / /glang chen rta dang ba glang khyu/ /rin chen khyim dang zhing yul bcas/ /gser dang dngul dang zangs dang ni/ /gos dang 'bru la sogs pa'i nor/ /stan dang mal cha lham la sogs/ /gdugs sogs nye ba'i longs spyod dbul/ /mthar ni rang gi lus nyid kyang / /bla ma'i yon du phul nas su/ /chos rnams rang bzhin dag pa nyid/ /dngos po'i rang bzhin med pa ru/ /rdzogs pa'i byang chub rim par bstan/ /sngon du bzod pa'i tshul gyis ni/ /sems can rnams la gzir mi bya/ /gzhan la tshig rtsub smra mi bya/ /thams cad mi dgar bya ba min/ /tshul khrims sdom pa bsrung ba dang / /skye bo rnams la gnod mi bya/ /srog chags gsad par mi bya ste/ /de bas shi bar 'gyur kyang bla/ /rab tu 'bar me mtshungs pas na/ /gzhan gyi nor la reg mi bya/ /dngos</font><hr>87.206a<br><font size=+1>

la srid pa'i blun po rnams/ /bdag nyid srid pa mi bzad ltung / /rags dang phra mo tsam la yang / /rnal 'byor pa yis brdzun bsrung ngo / /rnal 'byor spyod pa'i rnal 'byor pa'i/ /de la brdzun smra yod pa min/ /spyod pa legs par bsdams pa dang / /bza' bca' sogs la'ang legs par bsdam/ /dga' dang rtse la'ang legs par bsdam/ /gtor ma'i dus su'ang legs par bsdam/ /rnal 'byor dngos grub 'dod pa rnams/ /sems can dga' bas 'grub par 'gyur/ /gang zhig kun shes slob ma la/ /sems can spro ba bstan par bya/ /mnyam nyid ye shes bskyed nas ni/ /thams cad mnyam par blta bar bya/ /rtag tu mnyam par spyod par bya/ /rnal 'byor bsam gtan 'bad par bya/ /sems can dman pa sred pa'i gzhis/ /tshong byed myu gu 'phel 'gyur te/ /de yi myu gu ljon shing gis/ /'gro ba'i 'bras lam 'gog par byed/ /mtho ris longs spyod 'dod pa yis/ /lus can rnams ni byams pas na/ /dga' zhing rtse ba'i chos spyod kyis/ /bdag nyid srid par ltung bar 'gyur/ /mchod rten las ni mi bya zhing / /glegs bam bklag par mi bya'o/ /lag pa'i phyag rgya mi bcing zhing / /sngags kyi yi ges bzla mi bya/ /bstan bcos dag ni snyed sla ste/ /de yi sbyor ba snyed par dka'/ /slob dpon dag gi lung gis ni/ /mkhas pa yis ni blta bar bya/ /bdag gi lha dang gzhan las ni/ /bdag gi lha ni lha yi mchog /bdag gi gzugs su mi nus pas/ /gzugs brnyan la sogs bri bar bya/ /gsang ba'i gdan gyi rab tu byed pa las rim par phye ba dang po'o// //  der ni sbyor ba rnyed dka' ba/ /nyon cig rdo rje rgyal po gtso/ /de nyid med pa'i sngags pa rnams/ /srid pa 'phel byed 'og tu ltung / /lus po ngo mtshar skyes gyur pas/ /de nyid chos ni bstan du gsol/ /rnal 'byor kyi ni tshad ma ci/ /sngags dang phyag rgya ji lta bu/ /chu dang me dang rlung rnams kyis/ /lus kyi tshad ni ji ltar lags/ /rnal 'byor pa</font><hr>87.206b<br><font size=+1>

yi gtor ma'i las/ /rab tu sbyar ba'i tshad ma gang / /gang gis 'gro ba bsgrub pa yi/ /mtshan nyid tshad ma ji ltar lags/ /mtshon cha'i lus dang sems kyi tshad/ /ji bzhin de nyid rdo rjes nyon/ /bdag gi khams ni mi brtan pas/ /gtor ma'i las dang bzlas pa dang / /dkyil 'khor me dang chu yi las/ /phyag rgya gdugs sogs mchod pa yi/ /'bras bu thob pa'i rnal 'byor pa'ang / /srid pa'i rgya mtshor ltung bar 'gyur/ /phyag na rdo rjes yang gsol pa/ /srid pa so sor 'byung ba rnams/ /gang gis de yi tshad ma ste/ /sems ni ji ltar blta bar bgyi/ /yid ni the tshom skyes par gyur/ /'khor ba khyod kyis dris pa nyon/ /sems ni yid kyis bkrus nas su/ /rang dga' ye shes dngos med pa/ /mkha' 'gro rlung gis bcings pa yis/ /sems ni gzugs dang gzugs med par/ /bsam gtan dmigs pas 'grub par 'gyur/ /'dod lha la sogs 'dod can rnams/ /rtag tu 'dod yon spyod pa ste/ /de ltar 'khor ba'i mi rnams ni/ /rang 'dod sa la sogs pa 'grub/ /de las sgrol ba'i dngos po rnams/ /de yi don ni gang yin pa/ /nga yis legs par bshad par bya/ /rdo rje 'dzin gyis mdor bsdus nyon/ /rnal 'byor can gyi rnam shes dang / /lhan cig 'gro bas 'gro bar 'gyur/ /rnam shes rnam par shes pa yis/ /phyogs kun gyis ni gsal bar 'grub/ /sems kyi ngo bo the tshom pas/ /bcom ldan de yang bshad du gsol/ /shes rab rnam shes dngos rang bzhin/ /mi shes ye shes ji ltar lags/ /rnam shes ye shes mtshan nyid kyis/ /the tshom gyur pa nyan par 'tshal/ /shel dang mtshungs pa dag pa'i sems/ /sems la skyon dang yon tan med/ /yul rnams dang ni sprad pa yin/ /srid pa'i skyon gyis gos pa yin/ /gang gis 'di yi srid pa'i dngos/ /yul gnas pa yi zhi gyur nas/ /ji ltar gnas bzhin rab sbyor ba/ /bu ga'i sgo ru gzir bar bya/ /de</font><hr>87.207a<br><font size=+1>

yi dbus su shes bya ba/ /rtag tu rnam shes nam mkha' 'dra/ /kha dog med cing thams cad mtshon/ /mi ldan lus can ldan pa ste/ /gzugs med pa ni kun gyi gzugs/ /de bzhin thung ngu ring po min/ /sems kyi de kho na nyid kyis/ /dngos med rdzu 'phrul 'grub par 'gyur/ /mtshan nyid med pa'i sems kyis ni/ /mtshan nyid thams cad ster ba'o/ /dngos po med par bsgom pa yis/ /bsgom pa dag ni mtshon par bya/ /gzugs dang stong pa'i dbus su ni/ /sems ni mkhas pas shes bya ste/ /thams cad kun nas dmigs pa yis/ /rnal 'byor lus ni skyon med pa'o/ /gsang las gsang ba gsang chen po/ /rnam shes ye shes gsang ba dag /bstan bcos klog la sogs sbas shing / /yul gyis mtshan nyid las kyang ring / /mtshon bya'i mtshan nyid de nyid ni/ /bla ma'i lam gyis mthong bar 'gyur/ /sems dang lus su bcas mnyam zhing / /sems kyang gdung bar mi bya'o/ /lus ni gdung bar mi bya'o/ /yid du 'ong ba'i sa phyogs su/ /mkhas pa yis ni bsgrub par bya/ /bde ba'i stan la gnas nas ni/ /sems dpa'i dkyil dkrung bcas nas ni/ /lag gnyis gsang ba'i gnas su gzhag /mig ni sna rtser bltas nas su/ /dbugs ni lte ba'i rtsa bar bzung / /thong ka kun tu spangs pa ni/ /dkyil 'khor lta bur sbyar bar bya/ /'bad de mnyam nyid sems kyis ni/ /de nyid rang bzhin dag byas la/ /yid kyi dri yis byug pa dang / /yid kyi me tog mchod par bya/ /rang bzhin dri yis byugs nas su/ /shes rab sgron mas snang bar bya/ /bdud rtsi'i gtor mas tshim pa'i lus/ /kun nas drangs te bza' bar bya/ /kha dog ser po 'bar ba'i 'od/ /ka sha gnyis 'gyur yi ge ste/ /drag mor ldan pa'i sa bon nyid/ /tshangs pa'i sgo ru shin tu bsrung / /thams cad gzugs kyi 'jig byed pa/ /dril bu chu yi yi ge ste/ /stong par ldan pa'i sa bon ni/ /sna dang rna ba dag la dgod/ /bdud rtsi'i chu yi sa bon ni/ /lce dbang</font><hr>87.207b<br><font size=+1>

rtse mor gzung bar bya/ /seng ge'i sa bon brtsegs pa yis/ /rgyas pa'i sgo ni bsrung bar bya/ /stag mo'i sa bon brtsegs pa yis/ /thong ka kun du gzung bar bya/ /lce spyang sa bon brtsegs pa ni/ /snying ga'i gnas su gzhag par bya/ /lte ba'i tshigs ni gdan gyi sgor/ /phyugs kyi sa bon gyis bsrung ngo / /lha mo brgyad du sbyar nas ni/ /sa bon brgyad po gzung bar bya/ /de yi mdog ni dkar mo ste/ /lus kun du ni shin tu 'bar/ /steng gi mche ba gnyis las ni/ /dngul chu'i rgyun dang 'dra bar dbab/ /'o ma'i chu zhes bya ba yin/ /'jug pas brlabs pa'i mdog lta bu/ /steng gi mche ba gnyis kyi ni/ /lce yis bsten pa'i bdud rtsi'i chu/ /lce chung gsang ba'i nang du dbab/ /dpral ba'i sde dang sna dang ni/ /rna ba gnyis kyi rgyab dag tu/ /kha zas lta bu'i dngos po ni/ /kun nas drangs te gzhag par bya/ /mchod rten sgo ru sa bon ni/ /hU~M zhes bya ba dbang phyug mchog /bdud rtsi'i chu yis bkrus nas su/ /lhag ma 'og tu thim par bya/ /'og tu rlung gi sa bon gyis/ /'khrul 'khor lta bur kun nas drangs/ /chu ni mdzub do rtsibs logs dang / /de bzhin mtshan khung gnyis dang ni/ /dus dang yi dgas me rkang pa/ /tshigs rnams kun dang snying ga nas/ /bdud rtsi btung ba gang yin pa/ /ba lang rmig par thim nas ni/ /sgo gcig nas ni sgo dgur gzhag /lus kun la ni gnas pa yi/ /bdud rtsi gang gis shes pa dag /lus rnams thams cad skye 'gyur bas/ /de yi rnal 'byor brtags pa yin/ /snying dbus zla ba bsam bya ba/ /mdangs ldan shin tu mdzes shing gsal/ /gangs dang kun da zla ba 'dra/ /zla ba de dbus 'o ma'i rgyun/ /bdud rtsi'i kun rig gug skyed bcas/ /bdud rtsi'i 'od ni shin tu bsil/ /ma ning rnams ni spangs pa yis/ /dbyangs kyi yi ge thams cad kyis/ /zla ba'i dkyil 'khor dngos rnams kyi/ /gnas rnams kun tu bskor</font><hr>87.208a<br><font size=+1>

bar bya/ /ba lang rmig pa'i steng du ni/ /rtag tu bdud rtsi bzhag nas su/ /gzugs dang kha dog mdzes pa yi/ /ye shes lus su bsgom par bya/ /mi g.yo 'tshe ba med pa ru/ /dngos po dngos po bsgom byas la/ /'o ma'i zla ba sa bon dag /phyag 'tshal bsreg pa'i mtha' ldan pa/ /mnyam bzhag dngos pos bzlas byas nas/ /'grub 'gyur 'dir ni the tshom med/ /dbang po rnams kyi sred pa dang / /bkras skom la sogs med par 'gyur/ /lo ni brgya phrag du mar 'tsho/ /gzugs dang gzi brjid na tshod ldan/ /rims dang dug la sogs pa dang / /grang dang tsha sogs gnod pa rnams/ /ye shes can gyi ye shes lus/ /yan lag kun la gnas mi 'gyur/ /bdud rtsi'i rtsa ba dmigs pa yis/ /myu gu skye zhing 'byung bar 'gyur/ /de dang de ni 'phel 'gyur bas/ /gzugs dang ye shes bdag nyid che/ /de yi rnal 'byor gnas rnams ni/ /stong pa'i brag la sogs par brten/ /bdud rtsi gang gis shes pa yis/ /bdud rtsi'i 'bras bu ster bar 'gyur/ /ji ltar bdag nyid kyi ni sems/ /ye shes can gyis de kho nas/ /dag bya 'khor ba'i pha rol mtshan/ /ye shes dbang las nyan par 'tshal/ /gnyis med sngon gyi sems kyis ni/ /'dod chags nyon mongs rgya mtsho yi/ /rang gi lus ni bkru bya ba/ /ye shes sems dpa' mnyan par gyis/ /rgya mtsho zab mo lta bu yi/ /stong nyid ye shes de nyid kyis/ /phyi nang dri ma bkrus pas na/ /lus ni shel dang mtshungs par 'gyur/ /shel dang 'dra ba'i lus kyi dngos/ /dri med dung dang kun da 'dra/ /ye shes dbang po sna tshogs kyi/ /chos kyi tshon gyis btso bar bya/ /rang bzhin gyis ni rnal 'byor pa/ /nyes byas legs byas las byung ba/ /gang gis rang bzhin las rgyal ba/ /ye shes kyis ni snang bar bya/ /sngon gyi mtshan nyid stong pa yis/ /'gro ba'i dngos kun zad par bya/ /mnyam nyid sems ni bskyed pa yis/ /gzugs sogs thams cad zad pa na/ /de gnyis dbus su bsam bya ba/ /zla 'od 'o ma'i sa bon te/ /A li kA</font><hr>87.208b<br><font size=+1>

li rab sbyor bas/ /de yi dbus su btu bar bya/ /de yi sa bon de nyid kyis/ /'od zer phreng ba bsam par bya/ /sa bon de nyid gang gis ni/ /myur du ye shes snang bar 'gyur/ /gzugs mdzes yongs su mdzes pa yis/ /ye shes sku ru de nas bsgom/ /phyogs bcu'i 'jig rten khams su ni/ /sangs rgyas sprin rnams spro bar bya/ /phyag 'tshal bsreg pa'i mtha' ldan pa'i/ /sa bon gang zhig bzla ba ni/ /sde tshan gsum pa gang yin pa'i/ /yi ge gsum pa gzung bar bya/ /dbyug pa spyi bo rdo rje dang / /sku bo che la sogs pas dkri/ /sems ni mnyam nyid bsgoms nas su/ /rnal 'byor can gyis bzlas par bya/ /mi g.yo 'tshe ba med pa ru/ /dngos pos dngos po bsgom byas la/ /rnal 'byor bsam gtan la 'bad pas/ /'og min la sogs snang bar bya/ /'od zer 'phro ba spros pa yis/ /sa 'og rim pa bdun yang bsam/ /rnal 'byor snang bar 'dod pa yis/ /rtag tu sems kyis bsgom par bya/ /snying ga'i dkyil 'khor dbus gnas par/ /hU~M zhes bya ba dbang phyug mchog /sngon gyi mtshan nyid kun rig pas/ /thams cad kun nas zad par bya/ /rlung gi dkyil 'khor dbus gnas par/ /zla ba'i dkyil 'khor bsgom par bya/ /'od zer sna tshogs 'bar ba yi/ /ye shes sa bon de dbus bsam/ /de las byung ba'i ye shes lus/ /ye shes mkha' 'gro'i bdag nyid de/ /zla ba'i dkyil 'khor dbus gnas par/ /pad ma'i stan la bzhugs pa ste/ /sngon gyi mtshan nyid kun rig pas/ /yan lag rdzogs pa'i skur bsgoms la/ /snying gi dkyil 'khor dbus gnas par/ /zla ba 'o ma'i sa bon bsam/ /kun nas mnyam pa'i sems kyis ni/ /rtag tu de nyid bsgom par bya/ /kha dog dkar po 'od 'bar las/ /kun tu rdul phran dkar pos dgang / /pha rol dngos po dmar po ru/ /zla ba'i dkyil 'khor dbus gnas par/ /pad ma'i stan la bzhugs pa yi/ /rdo rje sems dpar bsams nas su/ /gang gi snying gi dbus su ni/ /de yi rnam shes bzung bar bya/ /hU~M zhes bya ba'i phyogs brgyad du/ /kha dog dmar po bsams nas ni/ /</font><hr>87.209a<br><font size=+1>

rtag tu mnyam nyid lta ba yis/ /blo ldan pha rol sems shes bya/ /kun nas dpag tshad phyi rol du/ /rnal 'byor pas ni gang bsams na/ /de yi bsam pa thams cad ni/ /yi ge de yis ston par 'gyur/ /gal te pha rol cha yis ni/ /sems kyi mtshan nyid shes 'dod pas/ /gzhan gyi sems ni rig pa yis/ /kun nas thams cad shes byas la/ /dpa' bo sems can kun don phyir/ /rnal 'byor 'di yis sbyar bar bya/ /de nas me yi las kyi bdag /sbyor ba ji ltar 'tshal bar bgyi/ /ye shes me yi bdag nyid la/ /sbyin sreg mtshan nyid ji ltar lags/ /thams cad sems kyis byin brlabs pas/ /skye bo'i lus can ye shes me/ /thams cad ye shes byin brlabs pa/ /me yi de nyid mnyam par gyis/ /bdag nyid sems kyis bsregs pas ni/ /rnal 'byor can gyis sbyin sreg bya/ /mdud pa'i lte ba'i dbus nyid kyi/ /dngos su sor ni bdun pa ste/ /me yi thab kyi gnas yin la/ /klu dbang 'khyil ba'i bskor ba yin/ /yi ge thams cad 'bar bar bya/ /de dbus pad ma rig pa yis/ /nyi ma'i dkyil 'khor dbus gnas par/ /ye shes lus ni 'bar bar gzung / /mdud pa'i me la dkar po ru/ /rdo rje mkha' 'gro thim par bya/ /g.yas kyi cha yi logs su ni/ /drag po thim bya me dang 'dra/ /lte ba dmar po 'bar ba la/ /lha mo'i rtse mo ro langs ma/ /g.yon phyogs cha ni sngon po la/ /drag tu 'bar ba gtum mo ste/ /me lnga yi ni bdag nyid rnams/ /gzugs mdzes mthe bo'i tshad du blta/ /chu dang me dang rlung dang ni/ /sa dang ye shes rnams pa lnga/ /lha mo lnga yi bdag nyid la/ /sbyin sreg cho ga'i mchog yin no/ /bcu dang brgyad kyi rtsa rnams nas/ /dus su bdud rtsi dmigs par bya/ /ba lang rmig pa'i dbus su ni/ /'dzag pa der ni thim par bya/ /me yi dbus su bsreg pa'i gzhi/ /dbyangs yig dang po sogs sa bon/ /'di ltar de kho na bsgoms nas/ /bdag nyid rgyas phyir bsreg par bya/ /cung zad bza' dang btung la sogs/ /rung bar byas nas</font><hr>87.209b<br><font size=+1>

bza' bar bya/ /'di ltar spyod pa'i rnal 'byor pa/ /bu lon du yang mi 'gyur ro/ /gsang ba'i gdan gyi rab tu byed pa las rim par phye ba gnyis pa'o// // spre'u 'dra bar mi gnas pa/ /mnyam nyid gang gis sbyar bar bgyi/ /lus kyi sbyor ba'i mtshan nyid rnams/ /lha la rol mo nyan par 'tshal/ /'byung ba yi ni khyad par dang / /gsang ba rdo rje chen pos nyon/ /sems ni mnyam par gnas pa ste/ /nye bar zhi nas ka lir 'jug /lus las spu rnams skye ba ni/ /kun tu chu yi tshad ma ste/ /chu la lus ni me yin te/ /lus la chu yi tshad ma yin/ /lus kun las ni khyab pas na/ /blo ldan chu ni tshad ma'o/ /lus ni rdo rje lha mo yin/ /lus kyi yan lag thams cad la/ /me 'bar lta bur dro ba ste/ /kha zas smin pa'i tshad ma yis/ /me ni tshad mar rab tu grags/ /yan lag thams cad khyab pa yi/ /me ni kun rig dmar yin pas/ /lus ni drag mor bstan pa ste/ /bdag nyid tshad mar rab tu grags/ /bu gar zla ba 'dra gnas pas/ /rlung gis lus kun khyab pa ste/ /dbugs rgyu ba yi tshad ma yis/ /mkhas pas sems ni tshad mar grags/ /lus la brten pa'i sbyor ba yis/ /dbugs ni gang gis shes nas su/ /thams cad lha mo ro langs mar/ /mkhas pa yis ni shes par bya/ /sa ni kun gyi gnas yin te/ /gzugs sogs dbang po yon tan ldan/ /gzugs la sogs pa snang ba na/ /sa ni tshad ma'i gnas yin no/ /mdzes ma zhes bya rab tu grags/ /de ni lha mo gtum mo ste/ /kun gyi gtso mor rab tu grags/ /yid ni the tshom gcod pa ste/ /byed po sdud po za po'ang yin/ /dbang po kun gyi sems rnams kyi/ /mtshan gzhi mtshan nyid shes par bya/ /dbang rgyal nyer sbyor longs spyod pa/ /yul la sogs pa nyer spyod kyi/ /rnal 'byor tshad ma mkhas pa yis/ /lus la ye shes bsten par bya/ /sems las chu ni byung bas na/ /rnam shes chu ru gyur pa ste/ /gal te chu ni gzhan yin na/ /ci phyir zhe na chu mi 'byung / /lus la</font><hr>87.210a<br><font size=+1>

nges par drod yod na/ /chu yi nang du bying mi 'gyur/ /lus la tshad ma lnga yod pas/ /lnga po gcig gi bdag nyid 'gyur/ /mtshan nyid gcig tu shes byas nas/ /rnal 'byor pa yis 'gro ba brtag /de yi mtshan nyid shes bya'i phyir/ /dge ba'i bshes gnyen bsten par bya/ /de nyid rnal 'byor grogs kyis ni/ /'khor ba'i pha rol rgal bar 'gyur/ /yul dang dbang po'i ye shes ni/ /gzir dang bcas pas sdom par 'gyur/ /sgong skyes khyim gyi gnas su ni/ /dbus su gnas pa bcing bar bya/ /'byung dang 'byung min sems kyi ni/ /g.yo ba'i dngos po bskor bar bya/ /bcing ba'i gnas dang stan dag 'di/ /rnam shes pad ma'i stan la'o/ /rnal 'byor pa yis de yi phyir/ /rnam shes rang bzhin mtshon par bya/ /gzugs shes bya ba'i dngos po yis/ /rnal 'byor grub par bya ba'i phyir/ /rang bzhin zhes bya'i dngos por 'gyur/ /lte bar chu shing me tog ni/ /snying gar yang ni 'greng ste gnas/ /rtag tu stong pa'i sgo yin te/ /mkhas pas rtag tu bzlog par bya/ /ge sar dang ni ldan pa yi/ /rtag tu 'dab ma brgyad du 'gyur/ /de dbus rtag tu gsungs pa ni/ /ye shes rnam shes sbyor ba ste/ /sbyor ba yi ni shar phyogs char/ /de dang 'thun pa'i sor drug pa'o/ /mdud pa yi ni nub phyogs char/ /'og tu sor ni lnga pa'o/ /zhing de la ni sa bon dang / /'od zer tshogs kyi myu gur 'gyur/ /sa bon de yi 'od zer gyis/ /chu shing lta bur bskor bar bya/ /rgyas pa lnga yi sa bon la/ /lto yi 'og nas dgas bar bya/ /pad mo mdzes pa bkas pa yis/ /'dab ma brgyad kyis rnam par brgyan/ /pad mo de yi stan la ni/ /sgong skyes ye shes gnas dag la/ /dbus su shel ltar dag pa yis/ /ye shes rnam shes dbu ma nyid/ /mkha' 'gro ma bzhi'i sa bon rnams/ /phyogs kyi 'dab mar gnas pa ste/ /dbyangs yig dang po sogs sa bon/ /</font><hr>87.210b<br><font size=+1>

mtshams su sen mo la sogs pa'i/ /ma ning yi ge sngar bstan bzhin/ /snying gar dngos bo dngos bo yis/ /snying kar yi ge blta bar bya/ /ba lang rmig pa'i steng du ni/ /sgo dgu pa yi bdud rtsi yis/ /rnal 'byor can gyis rtag tu bkru/ /yi ge dkar po brgyad po rnams/ /bdud rtsi yi ge dkar po yi/ /'od 'bar ba spu'i khung nas spro/ /rnal 'byor can gyis thams cad du/ /'gro dang 'chag dang 'dug pa dang / /nyal ba la sogs dus kun tu/ /ye shes rnam shes sa bon bzlas/ /shin tu mnyam gzhag sems kyis ni/ /rnal 'byor can gyis bsgom bzlas na/ /ye shes las byung rnal 'byor pa/ /'khor ba'i pha rol rgal bar 'gyur/ /g.yo ba med cing 'tshe med par/ /dngos pos dngos po bsgom par bya/ /gong du 'pho ba'i sbyor mtshan nyid/ /ji bzhin rdo rjes mnyan par gyis/ /lam bzang po yi rnal 'byor pa/ /'gro ba mdzes pa blta bar bya/ /sgo dgu po ni ji lta bu/ /ye shes sgo yi bye brag gis/ /yon tan skyon rnams ji lta bu/ /ye shes dbang las nyan par 'tshal/ /'chi ba'i dus kyi tshad ma rnams/ /yang dag rab sbyor mnyan par gyis/ /lam bzang po yis mdzes pa'i gnas/ /lam ngan srid pa'i skyon gyis gos/ /thig le lte ba spyi gtsug dang / /mig dang sna dang rna srid sgo/ /chu dang chu min sgo yin te/ /sgo dgu yi ni mtshan nyid yin/ /lte ba 'dod can mtho ris te/ /thig les gzugs khams kyi lus can/ /steng nas steng du gnas de ru/ /mi gdung la sogs de ru 'gro/ /sna nas gnod sbyin gnas su ste/ /rna ba dag gis grub pa'i lha/ /gal te mig las ye shes 'gro/ /mi rnams kyi ni bdag por 'gro/ /srid pa'i sgo yis yi dgas te/ /de bzhin gci bas dud 'gro'o/ /chu min rnam shes myur ba ru/ /dmyal ba brgyad du shes par bya'o/ /sgo rnams kyi ni bye brag gis/ /'khor ba'i bye brag 'byung ba yin/ /de bas sgo yi bye brag las/ /sgrub pos lam ni bzang po ste/ /</font><hr>87.211a<br><font size=+1>

'chi ba'i mtshan ma ston pa dang / /'chi ba'i dus la 'bab pa na/ /rims la sogs pas ma phog par/ /gong du 'pho ba sbyor ba'i mchog /sngon du bum pa brtsams pa yis/ /sgo rnams thams cad bcing bar bya/ /rgyas pa lnga yi mchod rten gyis/ /sgo ni dgag pa bsgom bya ste/ /de la 'og gi sgo ru ni/ /chu yi sa bon dkar po bsam/ /chu dang chu min sgo la ni/ /me yi sa bon 'bar ba ste/ /de la shin tu mnyam gzhag pas/ /dbugs ni bum pa can du bsgom/ /lus ni rlung gi mdog du ste/ /sems ni rlung gi dkyil 'khor la/ /rtsa ba rlung gi sa bon no/ /rlung gi mtha' ni rtsa ba can/ /thig le sgra dang ldan pa yi/ /rtsa ba'i sa bon drang bar bya/ /rdo rje'i sa bon drag mo yis/ /lcags kyu la sogs sbyar bar bya/ /nyi shu rtsa gcig dbugs rnams kyis/ /gnas nas drag tu drang bar bya/ /gnas dang gnas nas steng du dbye/ /tshigs dgu las ni steng du bya/ /steng du smin pa'i sa bon dang / /yi ge phyed dang gnyis kyis sbyang / /drag mo'i nga ro brjod bya ste/ /brgyad kyi mtha' yi sa bon la/ /sde tshan dang po'i dbang po ni/ /yi ge phyed du sbyar bar bya/ /'og tu rlung gi dkyil 'khor gyis/ /sgra yi dbye bas bskul bar bya/ /rlung gi sa bon ldan pa yi/ /rlung gi dkyil 'khor bsams nas ni/ /nyi shu rtsa gcig gnas rnams nas/ /gong nas de bzhin steng gnas su/ /rnal 'byor pa yis smin byas la/ /steng gi rtsa la bzla bar bya/ /tshigs dgu las ni steng gzhan gyis/ /mod la 'pho bar shes bya ste/ /nyin re bram ze gsod pa dang / /mtshams med lnga ni byed pa dang / /rku 'phrog 'dod la spyod pa dag /lam 'di yis ni dag 'gyur te/ /sdig pas gos par mi 'gyur zhing / /srid pa'i skyon las ring du 'gro/ /ji ltar 'dam nas skyes pa yi/ /pad ma dri med yid 'ong ba/ /de bzhin lus kyi 'dam las ni/ /ye shes sku ni 'dod bzhin 'gro/ /dus la bab na 'pho bya ste/ /dus min lha rnams gsod par</font><hr>87.211b<br><font size=+1>

'gyur/ /de bas lus la mtshan ma rnams/ /mthong nas mkhas pas sbyor ba brtsam/ /rnal 'byor bsgrub pa'i khyad par gyi/ /de nyid ji bzhin rdo rjes nyon/ /sngar gyi mtshan nyid kun rig pas/ /mnyam nyid sems ni bsgom par bya/ /snying ga'i dkyil 'khor dbus gnas par/ /sangs rgyas lnga yi sa bon bsam/ /de 'od nyi mar 'bar ba yis/ /gzugs rnams zad par bsams nas ni/ /sngon bzhin mtshan nyid ldan pa yis/ /sngar bstan stong nyid bsam par bya/ /gzugs sogs thams cad bcom nas ni/ /hU~M zhes bya ba gnas par bsam/ /sa bon gyis ni bskyed bya ba/ /zla ba'i dkyil 'khor dbus gnas pa/ /pad ma'i stan la bzhugs pa yi/ /ye shes mkha' 'gro'i bdag nyid ni/ /zhal gsum phyag ni drug pa ste/ /spyan gsum cod pan gyis brgyan zhing / /bzhad dang khro dang sgeg pa ste/ /rgyan rnams kun gyis klubs pa yi/ /kun da zla ba ltar dkar zhing / /shin tu mdzes pa'i na bza' mnabs/ /sems dpa'i dkyil dkrung gnas nas ni/ /sangs rgyas sprin rnams spro ba mdzad/ /g.yas kyi dang po mda' yin te/ /gnyis pa yis ni lcags kyu bsnams/ /gsum pa na ni rdo rje nyid/ /g.yon pa khro bo'i sdigs mdzub ste/ /gnyis pa 'jigs pa'i zhags pa thogs/ /go cha'i gzhu ni steng na bsnams/ /'od zer sna tshogs 'bar ba ru/ /dbugs mi g.yo bar bsgom par bya/ /yan lag brgyad du rab 'bad nas/ /sa bon brgyad kyi yi ge dgod/ /A li kA li rab sbyor bas/ /sa bon ji bzhin btu bar bya/ /'od zer ldan pa'i sa bon rnams/ /kun tu kha dog dkar por bya/ /chu shing me tog pad mo la/ /snying gar sgong skyes bzhag par bya/ /de yi dbus su rnam shes dang / /ye shes lhan cig ldan par ni/ /mi g.yo 'tshe ba med pa ru/ /dngos pos dngos po bsgom par bya/ /de nas phyi rol sbyor ba ni/ /</font><hr>87.212a<br><font size=+1>

mkhas pa yis ni gzung bar bya/ /gnas gnyis dag ni bsams pa ni/ /rlung gi dkyil 'khor bsgom par bya/ /de yi dbus su me yin te/ /me yi dbus su nyi ma la/ /A li kA lir ldan pa yi/ /de yi sa bon dmar por dgod/ /rnal 'byor pa yis khyad par du/ /'byung dang 'jug pas bzlas par bya/ /'byung ba ye shes sa bon gyis/ /dbus su snun dang ldan par bya/ /'jug pas snying gi rnam shes la/ /me tog lta bur bsnun par bya/ /'byung ba 'jug min bzlas bya zhing / /'jug pa 'jug pa min la bzla/ /rnal 'byor pa yis 'byung 'jug dang / /bdag nyid dang ni phyi rol bya/ /'byung ba'i mtshan nyid mtshon pa dang / /'jug pa yis ni mtshon byas la/ /rnal 'byor pa yi 'byung 'jug dag /de kho na nyid mnyam par bsgom/ /mnyam gzhag dngos po bsgoms nas ni/ /'grub 'gyur 'dir ni the tshom med/ /de nas phyi rol lus la ni/ /sgrub pa po yis rnam par sprul/ /pha rol sems dang rjes 'thun par/ /mkhas pa yis ni shes par bya/ /bsgom dang bzlas pa'i khyad par gyi/ /shin tu mnyam par gzhag ste bsam/ /gang gis lam nas bsams nas ni/ /'grub 'gyur 'dir ni the tshom med/ /gsang ba'i gdan gyi rab tu byed pa las rim par phye ba gsum pa'o// // gsang ba'i gdan gyi gsang ba nyid/ /sems dang ye shes 'dres pa yi/ /rdzogs pa'i byang chub rim ci 'dra/ /ye shes dbang las nyan par 'tshal/ /gsang ba'i gsang ba chos kyi don/ /byang chub rim pa rdo rje nyon/ /'dod chags la sogs rim spangs nas/ /mnyam nyid sems ni bskyed par bya/ /yid du 'ong ba'i sa phyogs su/ /bde ba'i stan la gnas nas ni/ /khams dang sems ni bde ba yis/ /snying rjes phan pa bsam par bya/ /yang dag bstan bcos de nyid thos/ /slob dpon lung gi rjes 'gro</font><hr>87.212b<br><font size=+1>

zhing / /gsang chen de nyid don sgom pa/ /gcig nas gcig brgyud de nyid can/ /thams cad sngon bzhin mtshon byas nas/ /thams cad stong pa nyid du bya/ /dri ma bkrus pa'i lus la ni/ /byang chub rim pas btso bar bya/ /zla ba'i dkyil 'khor dbus gnas par/ /ye shes mkha' 'gro bsam byas te/ /zla ba'i 'od zer 'phro ba yi/ /kun da zla ba ltar dkar mdog /zhabs gnyis sems dpa'i dkyil dkrung bcas/ /pad ma yi ni stan la bzhugs/ /rgyan rnams kun gyis brgyan pa'i sku/ /sangs rgyas lnga yis brgyan pa ste/ /phyag gnyis phyag rgya che bcings nas/ /nyid kyi thugs kar 'tshir bar mdzad/ /gzugs mdzes shin tu rdzogs pa ste/ /ye shes sems dpa' bdag ces brjod/ /chu shing me tog lte ba nas/ /snying gi bar du 'greng ste gnas/ /sngar gyi mtshan nyid kyis bzlog nas/ /sngon bzhin pad ma rgyas par bya/ /ge sar dang ni lte bar bcas/ /'dab brgyad shin tu mdzes pa ste/ /dbus kyi sgong skyes la gnas par/ /yi ge'i dgod pa dgod par bya/ /kha dog dkar po dag cing gsal/ /dbus su bsgom bya zhu ba'i gtso/ /de yi dbus su rnam shes dang / /ye shes dag ni sbyar bar bya/ /shar du byams par ldan pa yis/ /mi bskyod pa yi sa bon bsam/ /lho yi sgo ru snying rje ste/ /rin chen sa bon de nyid do/ /nub kyi sgo yi 'dab ma la/ /'od dpag med kyi sa bon dgod/ /byang gi cha yi 'dab ma la/ /don yod gtso bo bsam par bya/ /dbyangs yig thog ma sogs sa bon/ /thig le dbyugs par ldan rim bzhin/ /'od zer dkar pos brgyan pa ste/ /yi ge bzhi ni dgod par bya/ /phyogs mtshams dag ni bzhi po ru/ /sngon du bstan pa'i ma ning dgod/ /de yi dbus su de yi sems/ /yi ge ru ni mtshon par bya/ /stong pa mtshan nyid med pa las/ /ji ltar yi ge sbyar bar bgyi/ /sems ni ya</font><hr>87.213a<br><font size=+1>

mtshan skyes par 'gyur/ /bcom ldan bdag la bshad du gsol/ /bcom ldan 'das kyis bka' stsal pa/ /stong pa'i mtshan nyid mtshon pa las/ /chu shing snyi ma'i bdud rtsi bzhin/ /snying po med pa'i snying por gyur/ /de nyid ji bzhin rdo rjes nyon/ /dbus na gnas pa ye shes te/ /ye shes rang bzhin gzugs med cing / /mtshan nyid med pa'i mtshan nyid can/ /dri ma med pa'i ye shes sku/ /dngos dang dngos med rnam par grol/ /yi ge gzugs ni yi ge med/ /gzugs dang stong pa'i dbus su ni/ /rnal 'byor can gyis de nyid gzugs/ /gang gi mtshan nyid shes byas nas/ /mnyam nyid ye shes shes pa dang / /de yis rdzogs pa'i byang chub lam/ /myur ba nyid du mthong bar 'gyur/ /bla ma nyid kyi lam gyis ni/ /ye shes rnam shes rang bzhin nyid/ /bstan bcos la ni mtshan nyid bstan/ /de kho na nyid dpa' bos bshad/ /'od zer dkar pos rgyas pa ru/ /'di ni kun tu bsgom par bya/ /rgyas pa lnga yi mchod rten te/ /bdud rtsi'i sa bon bsams nas ni/ /'od zer dkar po gsal ba'i mdangs/ /bdud rtsi'i chu rgyun 'dzag pas bkru/ /thigs pa'i dbus su sa bon ni/ /mthe bo tsam gyi zlum por bya/ /de yi dbus kyi sa bon ni/ /A li kA li dag las btu/ /kha dog dkar po shin tu mdzes/ /zla ba'i 'od zer kun tu 'phro/ /de yi dbus kyi sa bon ni/ /thig le bsam par rab tu grags/ /skra yi rtse mo brgya yi cha/ /rdul phran gzugs su kun du bsam/ /rnam par shes pa'i dngos po yi/ /mtshan nyid mtshon pa'i ye shes can/ /sems kyi mtshan nyid mi shes pas/ /thig le gnas kyi go 'phang lta/ /snying dang tshangs pa'i sgo nga ni/ /thigs pa'i lam gyi sgo dag tu/ /bla ma'i lung la gus pa yis/ /rnam shes ye shes gzung bar bya/ /phyi rol gyi ni lam dag dang / /bstan bcos las kyang ring ba yin/ /bstan bcos dag ni rnyed sla ste/ /de yi sbyor ba rnyed par dka'/ /bla ma'i bsnyen bkur la gus pa'i/ /thabs dang ldan pa sgrub pa po/ /</font><hr>87.213b<br><font size=+1>

bla ma'i lung gi lam gyis ni/ /mkhas pa yis ni blta bar bya/ /mi g.yo 'tshe ba med pa ru/ /mnyam par gzhag pas dngos po bsgom/ /chos kyi sngon 'gro yid yin te/ /yid kyis 'jug cing yid kyis 'dug /de bas thams cad yid rang bzhin/ /blo ldan yid las 'byung zhes bya/ /gal te bzlas 'dod rnal 'byor pas/ /snying gi sdom pa bsam par bya/ /sa bon gyi ni rgyur gyur pa/ /de kho nar ni gzugs min no/ /rgyu dang 'bras bu'i sa bon ni/ /de kho na nyid mthong ba min/ /gzugs sogs srid pa'i longs spyod la/ /sa bon dmigs shing bzlas par bya/ /kun nas kun tu 'jug pa dang / /'og min 'og min yang dag gnas/ /rtsa bar rtag tu gzer bar bya/ /ye shes rnam shes sa bon ni/ /thig le sgra dang yang dag ldan/ /srid pa'i longs spyod 'dod pa yis/ /phyi rol ngag ni spangs nas su/ /yid kyis bzlas dang ldan par bya/ /rtag pa chos kyi dbyings nyid kyis/ /mi g.yo go 'phang rgyun tu gnas/ /rtag tu phra zhing gos med pas/ /ye shes la ni rnam shes thim/ /rnam shes ye shes nyid gyur nas/ /byang chub rim pa mthong bar 'gyur/ /mar me lta bu thams cad du/ /snang 'gyur mtshan ma dang po ste/ /srin bu me khyer lta bu'i rdul/ /mthong ba mtshan ma gnyis pa yin/ /gsum pa la ni rnal 'byor pas/ /nyon mongs 'joms pa'i mtshan ma ste/ /rdul phran dkar po'i tshul gyis ni/ /de bzhin phyogs bcur mthong bar 'gyur/ /'dod pa lha yis longs spyod rnams/ /sems kyis mthong ba bzhi pa ste/ /mtho ris gzugs kyi lha rnams ni/ /sems kyis mthong ba lnga pa yin/ /gzugs med longs spyod drug pa ste/ /bdun pa chos kyi sa la'o/ /sangs rgyas 'bras bu brgyad pa ste/ /rnal 'byor pa ni rang dgar spyod/ /mchod rten gzugs kyi khyad par las/ /dbyibs kyi gzugs ni ji lta bu/ /lha yi rnam dag bsgoms pa rnams/ /bcom ldan 'das la nyan par 'tshal/ /lus can rnams la yang dag blta/ /yang dag de nyid</font><hr>87.214a<br><font size=+1>

shes nas su/ /de nyid sbyor ba brtsam pa yi/ /rab sbyor rdo rje mnyan par gyis/ /snying gar zla ba bsams nas su/ /dbus su hU~M ni bsgom par bya/ /me ltar 'bar ba'i 'od zer gsal/ /spyi gtsug dkar por yang dag ldan/ /me lce 'bar bas bcom nas ni/ /thams cad kun nas zad par bya/ /sngon gyi mtshan nyid de kho nas/ /de nyid stong pa nyid du bya'i/ /de nas zla bar sa bon ni/ /mkhas pa yis ni bsams nas su/ /mchod rten pho brang gnas nyid ni/ /de la sems kyis bskyed par bya/ /gya gyu sa zhes brjod pa ste/ /phyogs brgyad dag ni khams yin na/ /dril bu nam mkha'i dbus gnas pa/ /lhun po'i lha yi gnas nyid do/ /'dod na spyod pa'i lus can rnams/ /bre ru nges par brtag par bya/ /'og dang steng dang dbus nyid kyi/ /dbus su gnas pa bdag med chos/ /gzugs khams zhes bya'i mtho ris rnams/ /'khor lo'i phreng bas rnam par brgyan/ /gzugs can bcu dang brgyad po ni/ /go rim ji bzhin rnam par gnas/ /gzugs med srid pa'i sems can ni/ /chos kyi srog shing nyid du thim/ /lha rnams kun gyi pho brang ni/ /gzugs su mchod rten bskyed par bya/ /steng gi sgong skyes gnas su ni/ /bdag gi sems ni mnyam bya ste/ /sems dang ye shes 'dres pas na/ /gnyis med mnyam pa'i khyad par gyis/ /gzugs dang stong pa'i mtha' dang ni/ /de bzhin dngos dang dngos med nyid/ /gzung dang 'dzin pa la sogs gzhan/ /legs byas dang ni bzlog pa rnams/ /mtshan gzhi mtshan nyid ston pa'o/ /de yi dbus su bsgom par bya/ /sbyin dang tshul khrims bzod sogs pa'i/ /rdzas 'di yis ni mchod nas su/ /mi g.yo 'tshe ba med pa ru/ /dngos pos dngos po bsgom par bya/ /mnyam bzhag dngos po bsgoms nas ni/ /'grub 'gyur 'dir ni the tshom med/ /chos kyi dbyings kyi rang bzhin gyi/ /de nyid bstan bcos lung la</font><hr>87.214b<br><font size=+1>

sogs/ /rnal 'byor dmigs pa goms byas pa'i/ /slob ma chen po'i lus can rnams/ /gdan bzhi pa yi de kho na/ /bla ma'i man ngag ldan pa yis/ /rim gyis rang dgar longs spyod de/ /bdag med blta zhing myang bar bya/ /bdud rtsi myong ba'i rnal 'byor pas/ /ye shes sku ni myur tu 'thob/ /ye shes sku yi rnal 'byor pas/ /bdag dang gzhan don mchog du 'gyur/ /shin tu rnam par dag pa yi/ /chos kyi dbyings kyi rnal 'byor ro/ /gsang chen sbyor ba'i mtshan nyid kyi/ /de nyid de nyid mchog de nyid/ /gang gis byang chub lam gyur pa/ /bcom ldan 'das la nyan par 'tshal/ /bcom ldan 'das kyis bka' stsal pa/ /dang por re shig rnal 'byor pas/ /bdag nyid rang dgar byed pa yi/ /rta rgod lta bu'i sems de nyid/ /mkhas pa yis ni bsdam par bya/ /ji ltar bung ba me tog bsnyung ba yi/ /chang gis myos shing sems ni brtan 'gyur te/ /longs spyod zhugs shing sdug bsngal rmongs dang bral/ /de bzhin bsgom pa'i lam gyis yid bcing bya/ /yid bsdams pa ni 'grub 'gyur bas/ /dang por yid ni bsdam par bya/ /yid kyis bsgrub pa'i bye brag gis/ /byang chub ye shes mtshon par bya/ /zla ba'i dkyil 'khor dbus gnas par/ /ye shes mkha' 'gro sprul bya ste/ /phyag rgya chen po snying gar bcing / /sngon gyi mtshan nyid kun rig pas/ /yi ge brgyad kyi sa bon rnams/ /yi ge'i gnas su dgod par bya/ /rgyal ba lnga yi mchod rten gyi/ /sgo ni dgag par bsam bya ste/ /bdud rtsi'i sngags kyi yi ge yis/ /rgyas pa'i sgo ni bsrung bar bya/ /me yi yi ge 'bar ba yis/ /chu dang chu min de bzhin bsrung / /chu shing me tog pad ma ni/ /mdzes shing 'khyil pa rgyas par dbye/ /de yi dbus kyi sgong ngar ni/ /dung dang zla ba ltar dkar ba/ /phyogs phyogs gnas su sa bon de/ /phyogs bzhir khams ni bzhi po yi/ /phyogs mtshams sa bon brtsegs pa bzhi/ /</font><hr>87.215a<br><font size=+1>

shin tu mnyam par gzhag pas bsgom/ /'od zer kun nas dkar zhing dag /lha mo'i yi ge bsgom par bya/ /ye shes rnam shes ngo bo'o/ /de nyid dbus su dmigs nas ni/ /sems ni rang dgar bsgoms pa yis/ /phyi nas gzugs ni gzhom par bya/ /phyogs dang phyogs kyi mtshams dag tu/ /phyogs phyogs gnas su bzhag nas su/ /rang bzhin thams cad bcom pa yi/ /lhag ma rnam shes ye shes nyid/ /shar gyi phyogs su chu yin te/ /kha dog dkar po kun da'i 'od/ /me ni ser po 'od 'bar bar/ /rtag tu byang du bsam par bya/ /rlung gi sa bon dmar po ni/ /nub kyi phyogs su brtag par bya/ /sa yi sa bon ljang khu ni/ /lho yi phyogs su bsam par bya/ /phyogs mtshams 'dres pa'i kha dog gis/ /grwa bzhi dag tu sbyar bar bya/ /lhag ma dbus kyi ye shes te/ /sgong skyes bcas pa gzhom par bya/ /de yi mtshan nyid mtshon par bya/ /mtshon bya mtshan nyid dngos med pa'o/ /sems kyi dngos po stong ba bas/ /rang bzhin gnas rnams zad par bya/ /rnam rtog stong pa'i dbus dag tu/ /rdul phran tsa na lta bu'i gzugs/ /A li kA li sa bon ni/ /rdul phran zhes bya dbus su ste/ /rnam pa med cing brjod du med/ /thams cad rdul zhes bya ba la/ /stong nyid du 'ang mi dmigs te/ /gzugs la sogs par mi blta'o/ /rdul ni sa bon ma yin la/ /rang bzhin med cing mtshan nyid med/ /rlung dang nam mkha' ma yin te/ /mnyam nyid dbu mar mtshon par bya/ /gzugs dang stong pa de bzhin dbus/ /de bzhin rnal 'byor can gyis gzung / /bla ma'i lung gis rtogs bya ste/ /lung gi dam pa dag dang ni/ /bstan bcos mtshan nyid daphyad nas su/ /lung dang bcas pas 'grub par 'gyur/ /mi g.yo 'ang 'tshe ba med pa ru/ /dngos pos dngos po bsgom par bya/ /mnyam gzhag dngos pos</font><hr>87.215b<br><font size=+1>

dpyad nas ni/ /byang chub rim pa 'grub par 'gyur/ /ye shes thim pa'i rnal 'byor pas/ /sems can don byed mchog tu brtson/ /kun rtog lus dang sems kyi ni/ /gang tshe yul 'khor bsrung 'dod na/ /ye shes dbang po'i longs spyod can/ /rang 'dod lus kyi dngos grub kyis/ /rgyun tu zhugs pa'i 'bras 'dod cing / /khams gsum ye shes kyis blta dang / /rang 'dod yid kyi gnas dang ni/ /nam mkhar rgyu ba'i lus can dang / /sems can kun gyi gzhan don gnyer/ /mchog ni myur du ster bar 'gyur/ /lus dang dbang po don gnyer bas/ /bdag med pa yis rang dgar bya/ /chos kyi dbyings kyi rang bzhin gyi/ /sbyor bas 'khor ba sgrol bar 'gyur/ /sangs rgyas 'dren pa rnams kyi yang / /sbyor ba gzhan ni don gnyer 'gyur/ /sgrub po 'du 'dzi med pa dang / /sgra sgrogs skye bos dben pa yi/ /tshal dang ri sul brag phug tu/ /gnas nas de ru bsgom par bya/ /na ga mu la pa la sha /ru rta cha ni gsum po dag /ma ga d+ha ni srang gcig ste/ /cha bsnyams phye mar byas nas ni/ /ba yi 'o mar yang dag bcas/ /phye ma bzhi char bsres nas su/ /'di ni nyin re rnal 'byor pa/ /mkhas pa yis ni bza' bar bya/ /rnal 'byor can gyi lo brgya ru/ /brag phug stong sogs gnas nas ni/ /nges par shin tu smin pa yis/ /grang dang bkres skom la sogs grol/ /sman 'di dag ni ldan pa ru/ /brag phug stong sogs gnas nas ni/ /'dul ba bsrung ba'i rnal 'byor pa/ /lus ni rtag tu bsungs par 'gyur/ /ji ltar bud med byis gtam rjes yi rang / /gnyis sprod gtam du smra zhing ston pa ste/ /de ltar lam bshad 'chi ba yod ma yin/ /rnal 'byor lam ngan de ltar bstan pa min/ /rig byed chu dang de bzhin dur ba rnams/ /bram zes spyir bzhag sangs rgyas pas gzung min/ /dbang bskur sngags sogs nyams kyis 'jigs pas na/ /gnas ngan lha tshogs rigs la phyag mi bya/ /de nas rnal 'byor pa dang / rnal 'byor ma</font><hr>87.216a<br><font size=+1>

dang / mkha' 'gro dang / mkha' 'gro ma dang / byang chub sems dpa'i dge 'dun bye ba phrag brgyad bcu du ma'i 'khor rnams sems tshim nas/ thams cad kyis ye shes thob par gyur te/ phyag na rdo rje la sogs pa'i byang chub sems dpa' dang / sems can rnams kyis thal mo sbyar te glu blangs pa/ rang dgar sems can sgrol ba yi/ /rgyu med dngos la 'dud par bgyi/ /te na hU~M te na hU~M te na te te hU~M/ ston ka'i zla ltar zhal mdzes shing / /dung ltar dkar ba'i sku 'dzin pa/ /te na hU~M te na hU~M te na te te hU~M/ rdo rje dril bu'i phyag rgya can/ /gnyis su sbyar ba 'dzin pa po/ /te na hU~M te na hU~M te na te te hU~M/ sgyu ma'i lus su thim pa yi/ /'gro ba mdzes pa rgyu med dngos/ /te na hU~M te na hU~M te na te te hU~M/ srid pa gsum 'bar sku ni rjes chags 'dul bar ldan/ /'od zer rnon po stong phrag nyi ma stong 'drar ldan/ /rnam mang sku dang cha byad rjes chags sems dpar ldan/ /rdo rje sems dpa' dbang phyug mchog dang rol gar mdzad ces bya ba ste/ bkra shis sgra yis bkang nas su/ /thams cad kun nas glur blangs so/ /ji bzhin lam ni rdo rjes nyon/ /bstan bcos shin tu mnyam gzhag pas/ /gang zhig su yang rung ba las/ /yi ge 'am tshig tsam nyan byed na/ /mtho ris longs spyod thob 'gyur te/ /yang na 'khor los sgyur bar ro/ /'dri 'am 'drir 'jug klog pa dang / /shin tu dad ldan sngags zlos pa'i/ /rnal 'byor pa rnams 'pho ba'i tshe/ /srid pa'i gzugs kun bsams bzhin 'grub/ /rnal 'byor bsam gtan byed pa rnams/ /myur du byang chub rim pa thob/ /ces bdag nyid kyis bka' stsal pas phyogs bcu'i 'jig rten gyi khams kyi rnal 'byor pa dang / /rnal 'byor ma 'dus pa de dag dang / phyag na rdo rje la sogs pa'i byang chub sems dpa' sems dpa' chen po thams cad dang / lha dang / klu dang / gnod sbyin dang / dri za dang / lha ma yin la sogs pa thams cad dang ldan</font><hr>87.216b<br><font size=+1>

pa'i 'khor gyis dga' zhing mgu nas/ bcom ldan 'das kyis gsungs pa la mngon par bstod do/ /dpal gdan bzhi pa zhes bya ba'i rnal 'byor ma'i rgyud kyi rgyal po chen po bcom ldan 'das rdo rje 'dzin pas 'bum phrag bcwa brgyad pa las snying po lta bur gsungs pa rdzogs s+ho// // rgya gar gyi mkhan po chen po gA ya d+ha ra dang / zhu chen gyi lots+tsha ba 'gos khug pa lhas btsas kyis bsgyur cing zhus te gtan la phab pa/ /  </font><hr>

</table>