J407

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J407</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J407&coll=lithang">see text in Tibetan script</a></table>87.126a<br><font size=+1>

@#/ /rgya gar skad du/   shrI bud d+ha ka pA la nA ma yo gi tan tra rA dza/   bod skad du/     dpal sangs rgyas thod pa zhes bya ba rnal 'byor ma'i rgyud kyi rgyal po/  dpal sangs rgyas thod pa la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje'i dkyil 'khor chen po rgyan dang ldan pa'i dbus su de bzhin gshegs pa thams cad dang / rnal 'byor ma rnams dang lhan cig tu bzhugs te/ 'phags pa kun dga' bo la sogs pa 'dod chags dang bral</font><hr>87.126b<br><font size=+1>

ba'i gtso bo rnams dang / 'phags pa spyan ras gzigs dbang phyug la sogs pa'i byang chub sems dpa' bye ba phrag brgyad bcu dang yang thabs cig tu bzhugs so/ /de nas bcom ldan 'das kyis rdo rje'i tshig gis rdo rje chen po'i gnas su rgyud thams cad dang sngags yang dag par bshad nas/ de bzhin gshegs pa thams cad kyi bdag pos rdo rje dang pad mo'i yang dag par sbyar bas btsun mo'i b+ha gar yongs su mya ngan las 'das so/ /de yongs su mya ngan las 'das pa mthong nas/ byang chub sems dpa' thams cad dang / rnal 'byor ma thams cad rmad du gyur te gcig la gcig lta zhing / e ma'o bcom ldan 'das de bzhin gshegs pa thams cad kyi bdag po dkyil 'khor chen po rgyan dang ldan pa'i dbus su ji ltar yongs su mya ngan las 'das/ /de nas rnal 'byor ma sna tshogs sde ma la/ byang chub sems dpa' sems dpa' chen po phyag na rdo rjes 'di skad ces gsol to/ /lha mo sems can bsod nams dman pa rnams nus pa la zhon par 'gyur ba'i thabs cung zad mchis sam/ gsungs pa/ rnal 'byor gyi rgyud la bye ba phrag drug nyid do/ /rnal 'byor ma'i rgyud la ni bye ba phrag bcu drug nyid do/ /mdo sde so so la ni bye ba phrag brgyad bcu'o/ /de bzhin du pha rol du phyin pa'i theg pa la ni bye ba la bsgres pa'i 'bum phrag lnga'o/ /'di dag thams cad</font><hr>87.127a<br><font size=+1>

ni thub pa'i dbang pos gsungs so/ /sngags dang bral na ni rgyud kyi nus pa mi snang ste/ rgyud la lar ni ci nas sngags bye ba bzlas par gsungs so/ /bsod nams 'bring po rnams kyis ni sngags 'bum bzlas pas myur bar 'grub par gsungs so/ /bsod nams che bas khri bzlas pas shin tu myur bar 'grub bo/ /de ltar rdo rje can chen po rgyud kyi bdag po'i gtso bos gsungs so/ /bsod nams chung ba'i sems can rnams kyis ni bye ba bzlas par gsungs so/ /sems can 'bad rtsol chung ba rnams kyis ni 'bum bzlas par bdag smra'o/ /sems can sgom pa la zhen pa rnams kyis ni khri kho na bzlas par bya'o/ /sems can 'dod chags la zhugs pa rnams kyi bzlas pa ji ltar lags/ blun po dang lkugs pa'i rigs can rnams kyi sngags kyi grangs ji ltar lags/ shin tu dmigs pa'i sngags kyi bzlas pa ji ltar lags/ 'di ltar phan tshun smra bas bzlas na dngos grub gzhan du yang 'gyur ro/ /gal te dman pa'i sems kyis nyon mongs bzhin pas bzlas pa de'i tshe bskal pa skar ma lta bu bye bar yang de la dngos grub med do/ /de ltar thos nas rnal 'byor ma sna tshogs sde ma bcom ldan 'das kyi zhal la blta bar byed cing zur mig dang bcas pa'i chags pas bltas te/ shin tu khro bas 'jigs par byed cing snying rje'i thugs 'khrugs pas bdud kyi dpung rab tu bcom mo/ /de ltar bzhugs pa'i lha mo chen mo rgyud thams cad kyi bdag po'i dbang phyug la de nas des gzigs pa tsam gyis bcom ldan 'das kyi dbu las sngags phyung ngo / /o~M bud d+he sid d+he sid d+hi/ a mri ta a ra dze bud d+ha ka pA la s+pho Ta ne pa te ya tra s+pha ya~M hU~M ho phaT/ de ltar sngags kyi mchog gsan pas sa rim pa bdun gyi 'og tu chud pa'i klu rnams bcom par byas shing phye mar byas nas slar 'ongs te sna tshogs sde ma'i zhal du zhugs te/ pad ma'i nang nas byung nas slar thod par zhugs so/ /</font><hr>87.127b<br><font size=+1>

sngags 'di'i mthus klu rnams zhig ste/ skrag cing rngul 'byung bar 'gyur ro/ /nor rgyas la sogs pa'i rdzu 'phrul chen po'i klu thams cad lhags te/ stobs kyis rgyu dang / dung skyong dang / 'jog po dang / mtha' yas dang / pad ma dang / pad ma chen po la sogs pa klu chen po rnams dang / gzhan gang yang rung ba dug las byung ba thams cad kyang lhags so/ /rnal 'byor ma sna tshogs sde ma la kha phyogs te klu thams cad kyis zhus pa/ lha mo bka' ci stsol ci zhig bgyi zhes smra'o/ /gsungs pa gang yang sangs rgyas nyams su myong ba de ltar gyis shig /de ltar thos pa tsam gyis dkyil 'khor chen po rgyan dang ldan pa'i dbus su bcom ldan 'das kyi thod pa kha phye ste glegs bam byung ngo / /nam mkha' la sgra byung ngo / /lha mo lha tshogs sde ma zung / /sems can kun la phan 'dogs ma/ /rgyud 'di rgyal po chen po ste/ /rnal 'byor ma yi gong na med/ /sangs rgyas thod pa zhes bya ba/ /sems can kun la phan byed pa'o/ /de ltar thos nas sna tshogs sde mas glegs bam yang dag par bzung ste/ phyag na rdo rje la nye bar gtad do/ /phyag na rdo rjes rgyud 'di zung / /sems can kun la bde 'bab pa/ /rnal 'byor ma yi dngos grub kun/ /'bras bu myur du ster byed pa'o/ /mnan dang spar ba ye shes che/ /gong na med pa rnyed dka' ba/ /gsang ba mchog gi nyams dga' ba/ /lus kun la ni rnam par gnas/ /nam mkha' lding dang char dbab dang / /dngul chu bcud kyis len pa dang / /bskrad dang dbang du bya nyid dang / /rmongs dang mngon spyod nyid dang ni/ /dpung la sogs pa rengs nyid dang / /dus su zin pa bzlog pa dang / /phur bus gdab dang gsad pa dang / /rtag tu sgrub pa byed pa dang / /sna tshogs sngags rim ji bzhin dang / /ji bzhin rnal 'byor ma bskyed dang / /dpal chen he ru ka yi ni/ /bskyed pa dang ni gnas rgyu dang / /dngos dang dngos med spros med dang / /srid par spyod cing gos med dang / /dgongs pas</font><hr>87.128a<br><font size=+1>

bshad pa mchog chen dang / /rnal 'byor ma yi mchog chen dang / /rnal 'byor ma yi 'dus pa dang / /nus pa rnam pa mang gsungs pa/ /thos pa tsam gyis 'grub par 'gyur/ /gzugs brnyan dag pa nyid dang ni/ /de bzhin brtan pa bskyod pa dang / /dur khrod 'jigs pa che bzang dang / /ro langs bsgrub la sogs pa dang / /stobs po che rnams dgug pa dang / /de bzhin 'jig rten gsum dgug dang / /rims kyis gdung ba 'jigs chen dang / /dgra yi kha sogs bcing ba dang / /de bzhin gsad dang bslu ba dang / /mi snang byed pa mchog dang ni/ /mig sman dang ni ri lu nyid/ /bcud len ral gri nyid dang ni/ /sangs rgyas thod pa'i sbyor ba yis/ /thos pa tsam gyis 'grub par 'gyur/ /mi snang ba ni mchog chen dang / /sna tshogs sgyu 'phrul rnam 'phrul dang / /rang gi gzugs ni sgyur ba dang / /gzhan gyi lus la gzhugs sogs dang / /sangs rgyas bye bas rab bsrungs pa'i/ /sangs rgyas bu mo mchog chen rnams/ /khros pa tsam gyis 'gugs byed na/ /gzhan dag smos lta ci zhig dgos/ /mig 'phrul byed pa nyid dang ni/ /dge mtshan rnam pa mang shes pa/ /'dod pa lnga ni bsten bzhin pas/ /'di ru 'grub par gdon mi za/ /'jigs shing 'joms pa'i rtsod chen po/ /gcig gis 'bum las rgyal bar byed/ /skyes pa gcig gi 'dod chen gyis/ /bud med 'bum phrag 'dzag byed cing / /rdo rjer byed pa rnyed dka' ba/ /gcig gis thams cad 'dod pa spyad/ /de nas gzhan yang rab bshad pa/ /mkha' lding sbyor ba rim ji bzhin/ /rgyud kun du yang rnyed dka' ba/ /mu stegs rnams kyi yul min pa/ /rgyud kun du yang ma gsungaso/ /sangs rgyas thod pa'i gzhung ji bzhin/ /rdo rje mgon pos gsungs pa yi/ /mkha' lding shin du rmad byung ba/ /'jig rten gsum na rnyed dka' ba'i/ /sbyor ba rnam pa bcwa brgyad gsungs/ /sha yi ki yi sbyor ba</font><hr>87.128b<br><font size=+1>

dang / /rig pa 'dzin dang rgyal po 'gyed/ /rnga rdung bud med 'phrog pa dang / /shing snun zhags pas 'ching ba dang / /khu byug pad+mas 'byed pa dang / /stag byed chu blugs dung 'bud dang / /thod lo kor 'phrog skyug pa dang / /ras g.yogs thal lcag brdab pa dang / /yig gsum bsam gtan gyis ni gtam/ /'di rnams kyis ni dgug par bya/ /mkha' lding sbyor ba bcwa brgyad po/ /'jig rten gsum na rab rnyed dka'/ /sems can rnams la phan byed pa/ /rdo rje mgon po nyid kyis gsungs/ /de nas gzhan yang rab bshad pa/ /mchog gi ye shes ji bzhin pa/ /b+ha ga'i dbus su rnam par bzhugs/ /bde ba chen po ster byed pa/ /'di nyid du ni kun gnas kyang / /byis pa rmongs pas mi shes so/ /der ni bcud dang bcud len te/ /de nyid du ni sangs rgyas bzhugs/ /der ni dkyil 'khor bzang po'o/ /der ni slob ma dbang bskur ba'o/ /der ni he ru ka dpa' bo/ /nyi shu rtsa bzhi'i dbang gtso'o/ /der ni nam mkha' lding 'jigs pa/ /de nyid du ni ro langs bsgrub/ /der ni dur khrod brgyad po rnams/ /skad cig tsam gyis skyed pa'i rgyu/ /der ni sangs rgyas bdag ny-id che/ /stong phrag gsum ni rnam par bzhugs/ /der ni 'jig rten khams kun te/ /de nyid bcom ldan 'das lha mo/ /sangs rgyas la sogs skyed pa'i yu~M/ /byang chub sems dpa' dpal chen po/ /shes rab pha rol phyin dpung gnyen/ /de nyid bsod nams kun ster ma/ /de nyid thar pa ster byed na/ /phyag rgya chen po grags chen po/ /dngos grub kun ni 'dod byed ma/ /ma dang tsha mo sring mo dang / /bu mo bud med rab brten ma/ /shes rab mnyes shing 'jigs byed ma/ /'gro drug bde sdug bag chags bcas/ /'khor ba mya ngan 'das nyid dang / /bdag nyid chen po de nyid de/ /rnam rtog kun du rtog pa nyid/ /de bzhin 'char dang nub pa dang / /nyin mtshan mal stan bza' ba dang / /nges pa'i brtul zhugs rtsis dang grangs/ /rnam par mi rtog yang dag rtog /dman dang mchog dang bar ma dang / /gzhan dang gang dang de dang ni/ /</font><hr>87.129a<br><font size=+1>

de nyid bdag nyid chen po gcig /sems can kun la bde ba 'bab/ /de ltar thos nas phyag na rdo rje la sogs pa'i byang chub sems dpa' rnams dang / 'dod can ma la sogs pa ri rab kyi rdul phra rab snyed kyi rnal 'byor ma rnams dga' ba'i spyan gdangs nas sna tshogs sde ma la yang dang yang du btud de/ 'di ltar gsol to/ /e ma'o/ /sna tshogs sde ma rnal 'byor ma/ /sems can kun la bde 'bab ma/ /glegs bam don dang ldan gang zhig /de kun sangs rgyas byin brlabs bshad/ /de nas phyag na rdo rje'i phyag gnyis glang po che'i lag pa ltar rab tu brkyang ste glegs bam yang dag par blangs so/ /de nas sangs rgyas kyi byin gyi brlabs kyis phyag rgya chen po'i rdo rje'i gnas su don dang bcas pa'i gzhung zhu bar gyur to/ /phyag na rdo rje'i snying ga nas byung ste/ sna tshogs sde ma'i thugs su ngal sos so/ /de nas phyag na rdo rje gnod sbyin gyi bdag po chen pos rnal 'byor ma chen mo la 'di ltar gsol to/ /sngags kyi bzlas pa gang zhig lags/ /las kyi tshogs rnams ji ltar 'grub/ /sngon du bsnyen pa gang zhig lags/ /mkha' lding 'grub pa'i nges pa gang / /dngul chu bcud len sna tshogs pa/ /dngos grub ster byed gang zhig lags/ /spar dang mnan pa gang gsungs dang / /dus dang bya ba'i nges bcas dang / /dngos grub thob dus gang zhig lags/ /sangs rgyas ji lta bu ru brjod/ /de bzhin thod pa ji lta bu/ /sbyor dang ldan pa'i ji lta bu/ /sna tshogs sde ma'ang ji lta bu/ /theg pa chen po ji lta bu/ /rnal 'byor ma yi rnam nges ci/ /gsungs pa/ rgyud 'dir sngon du bsnyen pa med/ /de bzhin yul dang dus tshes dang / /gza' dang rgyu skar sbyor med pa/ /blo dang ldan pas rtag tu bsten/ /dus dang bya ba'i nges mi bya/ /sangs rgyas thod pa'i sbyor ba yis/ /thos pa tsam gyis 'grub par 'gyur/ /sangs rgyas rdo rje zhes su gsungs/ /thod pa gru gsum yang dag 'byung / /sbyor ba gsang bar gnas</font><hr>87.129b<br><font size=+1>

pa'i rtsa/ /de yi sna tshogs ngo mtshar byed/ /sde ni bde chen ye shes so/ /'di nyid theg pa chen po ste/ /rnal 'byor ma yi rtsa las byung / /de ni rmad byung che mchog ste/ /sangs rgyas thod pa'i sbyor ba nyid/ /de nyid he ru ka dpa' bo/ /'khor ba'i 'jigs las sgrol byed pa/ /sangs rgyas thod pa'i sbyor ba yis/ /sangs rgyas kun gyi bde ba 'bab/ /rnal 'byor chen mo sna tshogs bde/ /dpa' dbang bdag mo dbang phyug ma/ /de yi thod pa'i dkyil 'khor la/ /sngags dang rgyud ni rnam par gnas/ /de yi ye shes bzang po ni/ /lhan cig skyes pa dag las 'byung / /de ni rig pa'i dbang lnga dang / /sangs rgyas bdun gyi mtshan can te/ /sna tshogs sbyor dang tshe 'phel dang / /dngos grub thams cad sgrub pa ni/ /sangs rgyas thod pa'i sbyor ba yis/ /'grub par 'dir ni gdon mi za/ /man ngag lam las gang shes pa/ /bla ma'i drin las shes par bya/ /sangs rgyas thod pa'i rgyud chen po rnal 'byor ma rnams kyi gong na med pa gsang ba'i yang shin du gsang ba zhes bya ba las dngos grub thams cad dang ye shes gtan la dbab pa dang / thod pa kha phye ba las glegs bam byung ba'i le'u ste dang po'o// // de nas yang dag rab bshad pa/ /sngags le'u ji bzhin gsungs pa ste/ /mkha' 'gro ma mo 'byung po rnams/ /sngags gang gis ni 'grub 'gyur ba/ /de ni bdag gis rab bshad kyis/ /khyod kyis dad pa brtan pas nyon/ /o~M bud d+ha ka pA li ni ta Ta s+pho Ta ya sar+b+ba shu b+ha pra dA yi ni hU~M phaT/ spos dbul ba'i sngags so/ /o~M bud d+ha ka pA li ni ma Ta ma Ta a swA hA/ me tog dbul ba'i sngags so/ /o~M ma hA ka pA la badzri ba ra ba ta Ta sta Ta ya sta Ta ya ma na ma Ta hU~M he swA hA/ dri 'bul ba'i sngags so/ /o~M bud d+ha ka pA li ni/   grih+Na grih+Na/   grih+NA pa ya grih+NA pa ya ba ra ba ra ta Ta ta Ta/ sta Ta ya sta Ta</font><hr>87.130a<br><font size=+1>

ya ma Ta hU~M hU~M hU~M swA hA/ mar me dbul ba'i sngags so/ /o~M bud+d+ha ka pA li ni/ gr-ih+Na gr-ih+Na gr-ih+NA pa ya gr-ih+NA pa ya kha kha hU~M/ lha bshos dbul ba'i sngags so/ /o~M ma hA ka pA li badzra d+har+m+ma d+har+m+ma me ge ba re pra ba re ba ra ba ra ka ra ka ra ta Ta ta Ta ha he swA hA/ gos dbul ba'i sngags so/ /o~M hA~M haiM hauM haiM hoM hA~M hA/ go cha'i sngags so/ /o~M bud d+ha ka pA li ni a kha~M kroM aH A hU~M hU~M hU~M phaT/ spyan drang ba'i sngags so/ /o~M ma hA ka pA la badzri Ni gats+tsha gats+tsha uta tiSh+Tha uta tiSh+Tha dza dza dza ha dza~M dza~M dza~M/ trai lokya bi Ta pa Ni hU~M phaT/ gshegs su gsol ba'i sngags so/ /o~M ma hA ka pA la badzre tsi tre su tsi tre a lAm ba ne phrin yA/ sar+b+ba b+hU ta na mA ra Na kI la ya sar+b+ba duSh+TAn uts+tsA Ta ya sar+b+ba bi g+hA n+bi trA ba ya b+ha ga ba ti yak+Sha rak+Sha sa pi shA tsA na sho Sha ya ta Ta ya sap+ta pA tA la ga tA na/ sa ra sa ra/ pra sa ra pra sa ra/ hU~M hU~M hU~M/ phaT phaT phaT/ 'byung po thams cad pa'i gtor ma'i sngags so/ /'bras sA lu blangs te 'o mas bkrus la bu mo gzhon nu mas de shin du zhib par btags la/ de yang shes rab can gyis gzugs brnyan byas te/ zhal gcig phyag bzhi gzhung bzhin cang te'u dang / kha T+wA~M ga dang / ral gri dang / thod pa 'dzin pa'o/ /de nas ro bsregs pa'i sol ba phye mar byas la rdo rje gtsug gis mnye bar bya'o/ /de nas des gzugs brnyan la byug par bya'o/ /me tog dkar pos mchod pa byas te/ sangs rgyas thod pa'i rnal 'byor pas he ru ka'i rnam pa'i sbyor bas sngags brgya rtsa brgyad bzlas par bya'o/ /o~M ma hA badzra he ru ka badzre/ d+ha ra d+ha ra/ d+hu ru d+hu ru/ ma hA dz+nyA na po Ta Ne/ shI g+h+ra~M sA da ya sta~M b+ha ya kI la ya hU~M phaT/ sngags 'dis chu la lan bdun du mngon par bzlas te/ gzugs brnyan de bkru bar bya'o/ /chu des rang gi gdong bkrus na mi snang bar byed de/ lha rnams kyis kyang rnyed par dka'o/ /nags kyi nang du stag gis kyang mi mthong ngo / /gzhan dag gis kyang de</font><hr>87.130b<br><font size=+1>

mthong bar mi 'gyur ro/ /srog chags 'bum gyi nang du song na ngo mtshar sna tshogs byed do/ /gang gis kyang mi mthong ngo / /lha'i bu mo 'phrog cing lha rnams kyis kyang mi mthong ngo / /'o mas gdong bkrus pa tsam gyis ni mthong bar 'gyur ro/ /gzugs brnyan de'i snying gar 'ba' bo las phug ste/ dur khrod kyi me la 'ba' bo la dang tshangs pa rdo rjes rab tu sbar la/ de'i thal ba yang dag par blangs te/ kham phor du gzhag par bya'o/ /yang na pad ma'i snod du'o/ /sngags 'di brgya rtsa brgyad du mngon par bzlas par bya'o/ /o~M bud+d+ha ka pA li ni trA~M hU~M/   o~M badzra bi li si nI hrIHhU~M/ o~M kA mi nI kha~M hU~M/ o~M pA tA la ba sI nA AHhU~M/ o~M tsi traHse nA sa ma yA d+hiSh+Tha ya hrIHhU~M/ sngags 'di dag ni sangs rgyas rnams kyis kyang shin tu rnyed par dka'o/ /thal ba de dang rdo rje gtsug gis lus byug par byas na ji srid du lus la mtshon chas phog pa de srid du mi tshugs so/ /slar zhing dgra thams cad kyi mgo bo 'chad par 'gyur ro/ /gang sdang ba la bltas na de long bar 'gyur ro/ /gang zhig sdang ba'i sems 'dzin pa na de smyo bar 'gyur ro/ /thal ba de nyid dang mar khu bzang pos mig byugs na dpag tshad stong mthong bar 'gyur ro/ /gang ci yang rung ba'i sa'i 'og na gnas pa'i gter dpag tshad stong gi 'og tu son pa'i dngul dang gser dang / rin po che gang na yod pa de thams cad la srin lag gis sdigs mdzub byas pa tsam gyis thams cad mdun du lhags te gsol ba 'debs so/ /kyai sangs rgyas thod pa'i rnal 'byor pa gter long la sems can gyi don gyis shig /des gter blangs na gang 'dod pa de byed de/ thal ba des byed do/ /thal ba de dang go ro tsa na lhan cig bsnos te/ mdzub mos mnyes pas dpung gi tshogs langs pa mdzub mo bskor ba tsam gyis 'bum phrag stong gi dpung rnams</font><hr>87.131a<br><font size=+1>

kha phub tu lhung bar 'gyur ro/ /gang 'dod pa de byed do/ /bkrus pa tsam gyis langs par 'di the tshom med do/ /thal ba de dang zha nye'i phye ma dang bsnos te gcig tu byas la/ /rdo rje'i gtsug rjes su byin te khab len gyi lcags kyi phye ma bsre zhing gser gyi phye ma yang cung zad bsre bar bya'o/ /rdo rje'i chu'i khu ba dang lhan cig tu bsnos te zangs ma'i snod du nyi ma bdun gyi bar du gzhag go/ /de nas mkhris pa chen po mnyes te rta'i khrag dang lhan cig tu bsnos la yang snod de nyid du nyi ma gsum gzhag par bya'o/ /de nas bton te lcags kyi snod du gzhag par bya'o/ /zangs ma'i snod du bzhag pa de me'i nang du bcug na gser dang dngul du 'gyur bar som nyi med do/ /srang gcig kyang srang stong gi rin thang du 'gyur te rin po che dang 'dra bar 'gyur ro/ /gser de ma sha gcig dang dngul srang gcig bsres te me la bzhu na srang sum brgya'i rin thang gi tshad du 'gyur bar 'di la the tshom med do/ /'di lta bu'i sbyor ba ni sangs rgyas rnams kyis kyang rnyed par dka'o/ /'jig rten dbang phyug la sogs pa'i byang chub sems dpa' grags pa chen po snying rje dang ldan pa'i bdag nyid chen po stobs che ba de rnams kyang sbyin par mi nus so/ /'di yi sbyor ba rnyed dka' ba/ /sangs rgyas thod pa'i rgyud du gsungs/ /rgyud gzhan rnams su sbas pa yin/ /'dus sogs rnal 'byor rgyud du ni/ /sbyor ba rnam pa ma gsungs pa/ /gang tshe sngon du bsnyen de'i tshe/ /de yi sbyor bas ci zhig bya/ /bsod nams dman pa'i sems can gang / /mtshams med lnga ni byed pa yang / /sangs rgyas thod pa'i sbyor ba yis/ /'di lta'i sbyor ba 'grub par 'gyur/ /dngos po de yis blo chen rnams/ /sems can don la gcig tu brtson/ /srang gcig gis ni bsres bya'i rin/ /sbyor ba kun tu rnyed par dka'o/ /sbyor ba glegs bam la ma bris/ /bla ma'i drin las shes par bya/ /bla mas dngos grub bla mas thar/ /bla ma ston pa rnam kun pa/ /des na slob ma blo chen</font><hr>87.131b<br><font size=+1>

gyis/ /'bad pas bla ma mnyes par bya/ /thal ba de nyid kyis lus blta ba'i don du bu mo'i mgo la blugs te rdo rje gtsug gis bu mo bkru'o/ /yang thal bas thig le byas la/ tshangs pas rdo rjes maN Dal gru bzhi byas te/ de'i dbus su bu mo bzhag par bya'o/ /bdug spos lngas bdugs shing sangs rgyas thams cad kyis byin gyis brlabs na bu mo la 'bab par 'gyur te/ 'das pa dang / ma 'ongs pa dang da ltar byung ba ston to/ /bu don gyis 'bras bu la sngags 'di lan bdun du mngon par bsngag so/ /o~M bud+d+ha ka pA li ni de hi/ de hI da dA pa ya da dA pa ya he he b+ha ga ba ti shI g+h+ra~M khaD+ga~M da ra hi bud+d+ha ka pA la badzra s+ya ya dz+nya ma la~M g+ha ya hU~M sta~M hrI phaT a phaT/ yungs kar bsnun pa tsam gyis ni/ /bu mo grags chen ma ni rgod/ /de yi kha nas ral gri bdun/ /'byung ba la ni the tshom med/ /sangs rgyas thod pa'i rnal 'byor pas skad cig ma de nyid la 'grub par 'dir som nyi med do/ /de ltar ral gri gcig grub pas bye ba brgya stong gi rig 'dzin grub pas bskor bar 'gyur ro/ /'di lta bu'i sbyor ba ni 'jig rten gsum na yang rnyed par dka'o/ /bu mo bkrus pa tsam gyis rnal mar 'gyur ro/ /de'i thal ba lcags gsum gyis bkris te ri lu byas nas khar bcug pa tsam gyis ni mi snang bar 'gyur ro/ /shes rab can gyis sum bcu pa yang bskor ro/ /sangs rgyas thams cad kyis kyang mi gzigs so/ /ri lu lag par blangs pas dngos po gang dang gang la reg pa tsam gyis de dbang du 'gyur ro/ /thal ba'i sbyor ba 'di dag ni/ /sangs rgyas kyis kyang rnyed par dka'/ /o~M bud+d+ha ka pA la dzaHhU~M kha~M ra~M a/ 'jig rten gsum/ bsgrub pa'i sngags so/ /o~M bud+d+ha ka pA li ni hrIHhU~M/ dgra rlag pa'i sngags so/ /o~M ma hA ka pA la badzri kha kha khA hi khA hi sarba duSh+Tan g+ha g+ha g+hA ta ya g+hA ta ya sar+b+ba sha tru~M o~M hi trA~M hU~M phaT/ bskrad pa'i sngags so/ /sangs rgyas </font><hr>87.132a<br><font size=+1>

thod pa'i rgyud chen po/ rnal 'byor ma rnams kyi gong na med pa gsang ba'i yang shin du gsang ba zhes bya ba las thal ba'i sbyor ba dang las sna tshogs gtan la dbab pa dang / sngags kyi le'u ste gnyis pa'o// // de nas byang chub sems dpa' sems dpa' chen po phyag na rdo rjes sna tshogs sde ma la btud de 'di skad ces gsol to/ /sems can don la gcig brtson pa/ /legs so bcom ldan 'das lha mo/ /'di lta'i rab tu sbyor zhes pa/ /rgyud gzhan dag tu ma gsungs shing / /sangs rgyas kun gyis rab sbas pa/ /de ni 'bad de gsal bar mdzod/ /lha mo chen mo khyod kyis gsungs/ /lha yi le'u ni ji lta bu/ /sangs rgyas thod pa'i rnal 'byor ma'i/ /rgyud du lha rnams du zhig gsungs/ /de ru gzugs ni ji lta bu/ /gus pa yis ni nyan par 'tshal/ /gsungs pa/ ra~M las nyi ma bsam par bya/ /nyi ma'i steng du hU~M byung ba'i/ /rdo rje nag po bsreg pa'i bdag /rdo rje de nyid 'od zer gyis/ /ra ba dra bas mtshams bcing ngo / /de bzhin rdo rje nag gyur pa'i/ /rdo rje'i sa gzhi bsam par bya/ /rdo rje'i sa gzhi'i dbus chud par/ /e yi rnam pa bdag nyid che/ /gru gsum khams gsum bdag nyid can/ /yi ge la~M gyur sa yi ni/ /dkyil 'khor gru bzhi rab ser po'o/ /de yi dbus nas sa bon ni/ /yi ge o~M ste chos bdag nyid/ /o~M las byung ba'i 'khor lo ni/ /rtsa rnams kun gyi rang bzhin can/ /rnal 'byor ma ni rnam par bzhugs/ /rtsa ni bcu drug bcu la rgyan dang / /sprul pa drug bcu rtsa bzhi 'dab/ /des na rtsa brgya nyi shu'o/ /rdo rje sku yi bdag nyid che/ /shes rab can gyis de ltar bsam/ /de yi dbus gnas sa bon ni/ /lba~M dkar yi ge las byung ba/ /chu yi dkyil 'khor zlum po'o/ /rtsa rnams thams cad chu yi ni/ /dkyil 'khor la ni thim par 'gyur/ /slar yang bsam par bya ba ni/ /ra~M dmar las byung me dkyil</font><hr>87.132b<br><font size=+1>

'khor/ /gru gsum 'bar ba'i bdag nyid can/ /rab tu 'bar bzhin pa yi ni/ /rtsa ba'i 'khor lo yang dag blta/ /de nas bsam par bya ba ni/ /ya~M gyur rlung gi dkyil 'khor ni/ /zla ba phyed pa'i rnam 'dra sngo/ /rtsa rnams rab tu g.yo ba'i gzugs/ /thim gyur 'khor lo'i rig par gsungs/ /de dag thams cad thim 'gyur ba/ /de yi dbus gnas rnal 'byor pa/ /de ltar shes par byed gang zhig /sangs rgyas thod pa'i rnal 'byor pas/ /de nas zla ba bsam par bya/ /zla ba'i steng du nyi ma'o/ /de yi dbus chud sa bon ni/ /hU~M dang a yi rang bzhin no/ /yi ge ka yis ha brgyan te/ /ka ni ha la thim par 'gyur/ /mi phyed pa yi ha dang hU~M/ /gnyi ga'i bdag nyid can blta'o/ /ha ni mi shigs shes rab kyi/ /bdag nyid dang ni thig le dag /gnyi ga gcig tu gyur pa ni/ /yi ge hU~M gi mchog blta'o/ /hU~M las byung ba'i 'od zer rnams/ /de yis bde ba che bskul te/ /ba mo lta bu'i ri bong can/ /nyi mar lhan cig zhu gyur cing / /dkyil 'khor gnyi ga gcig gyur pa/ /nyi ma'i mchog tu blta bar bya/ /yang ni hU~M byung 'od zer dang / /rtsa ba'i 'khor lo thams cad la/ /reg ma thag pa'i mod la ni/ /rtsa ba'i 'khor lo las 'bab 'gyur/ /zhu ba de yis sa bon bkru/ /hU~M gyur pa las rdo rje ste/ /dbus su de nyid kyis byin brlabs/ /sa bon rdo rje las byung ba/ /dpa' bo khrag 'thung mdog sngon po/ /zhal gcig pa la phyag bzhi pa/ /gtso bo hU~M zhes 'don pa ste/ /skyil dkrung phyed pa'i gar gyis gnas/ /gnyi ga'ang khro ba'i bdag nyid can/ /stag gi lpags pa'i na bza' mnabs/ /mgo bo rlon pa'i 'phreng ba 'chang / /bsregs su mchod phyir thogs pa yi/ /shin du bzhad pas 'jigs che ba'i/ /gtso bo snying rje'i bdag nyid blta/ /dpung rgyan mgul do 'khor gdub dang / /gcer bu rus pa'i ska rags 'chang / /g.yer kar bcas pa'i</font><hr>87.133a<br><font size=+1>

rkang gdub can/ /ma lus bdud rnams 'joms par byed/ /ral pa'i cod pan yang dag ldan/ /sangs rgyas rnam pa lnga yis brgyan/ /zla ba phyed pa 'dzin pa'i lha/ /dbu la sna tshogs rdo rjes mtshan/ /'khor lo rna cha gdu bu dang / /phyag rgya rnam pa lnga yis mtshan/ /thal ba'i rdul can 'jigs par byed/ /thod pa gti mug gis brgyan pa'i/ /dpa' bo 'khor ba sgrol byed pa/ /byang chub sa bon rang bzhin no/ /gtso chen de yi shes rab ma/ /sna tshogs sde ma rnal 'byor ma/ /gcer bu mgo bo'i phreng ba spangs/ /rgyan med mchod phyir thogs med ma/ /bde ba kun gyi gzugs can ma/ /phyag gnyis skra ni grol ba'o/ /he ru ka la 'khyud gnas ma/ /de ltar pha rol phyin lha mo/ /kha dog dmar po rnam gsal ma/ /zhal ni shin du rnam 'gyur ba/ /cung zad mche ba gtsigs 'jigs ma/ /g.yas na cang te'u gri gug ste/ /g.yon na kha T+wA~M thod pa'o/ /rang gi lus skyes 'od zer gyis/ /rtsa yi 'khor lo bskul bar bya/ /de yis bskul ba tsam gyis ni/ /rtsa yi 'khor lo'i rang bzhin las/ /'dzag 'gyur 'dir ni the tshom med/ /'dzag pa de las rnal 'byor ma/ /brgyad po bu mo rnams kyi mchog /mchod pa sna tshogs 'dzin pa yis/ /mgon po he ru ka mchod do/ /rdo rje mgon po'i shar gnas pa/ /rdo rje mche ba ma yis ni/ /thod pa khrag gis bkang gzung ste/ /gzi brjid chen po gsol bar mdzad/ /rdo rje pho nya bdag nyid che/ /dbang ldan du ni cang te'u brdung / /rdo rje gdong ma dri snod dang / /me yi phyogs su rnam par gnas/ /rdo rje can ma grags chen mo/ /mchod yon snod bcas bden bral na/ /rdo rje gtsigs ma lho yi ni/ /phyogs na rnga bo che 'dzin gsungs/ /rlung du rdo rje lte ba ma/ /ri bong can gyi snod 'dzin no/ /nub du rdo rje 'jigs ma ni/ /lce spyang phyag na 'dzin par gsungs/ /byang du 'dod chags rdo rje ma/ /lha mo'i chags pas gtso bo mchod/ /de ltar he ru ka bsams nas/ /rnal 'byor</font><hr>87.133b<br><font size=+1>

ma ni brgyad kyis mchod/ /sna tshogs zas dang sna tshogs skom/ /sna tshogs rol mo mchog gsungs dang / /dri zhim lnga dang me tog spos/ /'di dag gis ni gtso bo mchod/ /mchod yon zhal bsil de bzhin khrus/ /glu yi mchog ni rnam mang pos/ /mgon po khrag 'thung bdag nyid che/ /'di dag gis ni mchod par bya/ /dpa' bo rdzogs par mthong nas ni/ /rtsa yi 'khor lo las ni 'dzag /'dzag pa de las rnal 'byor ma/ /rnam mang brtse ba cher ldan pa/ /bder gshegs kun gyis byin brlabs ma/ /sna tshogs rgyan gyis rnam par klubs/ /sna tshogs pa yi na bza' mnabs/ /gzugs ni lang tsho gzhon pas brgyan/ /lo ni bcu dang gnyis lon pa/ /phyag g.yas byang chub sems bkang ba'i/ /bum pa a mra'i lcug bcas bsnams/ /zhal ni rab bzhad dang ba yis/ /he ru ka ni rgyal gyur cig /rgyal gyur cig ces 'di ltar smra/ /mgon pos mdun du bltas nas ni/ /dbang bskur mchog ste gsol ba gdab/ /brtse dang ldan pa'i grags chen mo/ /'khor ba'i 'dam du bying ba bdag /dbang bskur ba yis bdag bsgral phyir/ /rdo rje rnal 'byor mas khrus shig /dper na bu tsha med pa'i khyim/ /shi ba tsam gyis stong pa nyid/ /de bzhin dbang dang bral na ni/ /ye shes kun gyis stong pa nyid/ /dper na pid bang sbyor kun tshogs/ /rgyud dang bral na brdung mi rung / /de bzhin dbang dang bral na ni/ /sngags dang bsam gtan 'grub mi 'gyur/ /rmongs pa gang zhig dbang med par/ /bdag ni dbang bskur zhes smra ba/ /ji srid sangs rgyas bzhugs kyi bar/ /slob mar bcas te dmyal bar 'gro/ /de ltar shes bya rnal 'byor mas/ /slar yang bdag la dbang bskur cig /yang dang yang du phyag 'tshal te/ /thal mo sbyar nas gsol ba gdab/ /gal te dbang bskur med na ni/ /he ru ka yi bdag gyur cing / /de nas rnal 'byor ma de rnams/ /rgyal gyur rgyal</font><hr>87.134a<br><font size=+1>

gyur zhes smra zhing / /bcom ldan dbang bskur khrus gsol lo/ /phyi nang gsang bar bcas pa yi/ /dbang tsam gyis ni nam mkha' yi/ /khams nas rnga yi sgra grag cing / /me tog tsan dan char 'bab 'gyur/ /de nas rnal 'byor ma de rnams/ /rtsa ba'i 'khor lo la ni thim/ /sangs rgyas thod pa'i rgyud rnal 'byor ma'i gong na med pa gsang ba'i yang shin du gsang ba zhes bya ba las lha bskyed pa dang / dbang bskur ba'i le'u ste gsum pa'o// // de nor la pa'i rnams phyag na rdo rje la phyag byas nas 'di skad ces gsol to/ /ci yi phyir na bdag cag rnams/ /'od zer gyis ni 'tshal te mchis/ /bcom ldan bdag la bshad du gsol/ /de nas phyag na rdo rje gnod sbyin gyi bdag po chen pos rnal 'byor ma sna tshogs sde ma la 'di skad ces gsol to/ /nor rgyas la sogs bdag nyid che/ /klu rnams ci phyir dgug pa lags/ /rnal 'byor chen po bdag la gsungs/ /de nas sna tshogs sde ma'i snying gi 'od zer gyis klu thams cad kyi snying ka dang spyi bo'i mthar thug par zhugs te/ tshim par byas nas slar log go/ /de nas klu de rnams thams cad kyis phyag 'tshal te/ 'di skad ces gsol to/ /lha mo bka' ni ci zhig gsol/ /kyai lags ji lta bu zhig bgyi/ /gsungs pa/ mu stegs la sogs mkha' lding sngags/ /ye shes las byung ji lta bu/ /dus su zin pa ji ltar yin/ /ji ltar dug ni skye bar 'gyur/ /sbrul gyis zin pa tsam gyis ni/ /slar yang sems can 'chi 'gyur zhing / /zhus pa/ khyab 'jug dbang phyug sogs lha dang / /tshangs pa tshangs pa mdun na 'don/ /de rnams la ni 'chi 'pho mchis/ /dug gi nyes pas gnod par 'gyur/ /de ltar dus su zin ces smra/ /sbrul gyi dus su zin ces smra/ /sbrul gyi dug ni sel ba med/ /de bzhin sbrul la dug ni yod/ /sbrul zin 'tsho'am mi 'tsho ba/ /bde byed la sogs rdzu 'phrul che'i/ /lha de rnams ni de ltar smra/ /ston</font><hr>87.134b<br><font size=+1>

pa stong nyid nges gsung ba/ /bcom ldan rdo rje 'chang bas gsungs/ /chos rnams thams cad stong pa la/ /sbrul gyi dug ni ji ltar yod/ /gang gis 'dzin cing gang zhig 'dzin/ /dus dang dus min ji ltar 'gyur/ /ji ltar spyod cing ji ltar bsdu/ /gang phyir 'dzin cing gang du 'dzin/ /sems can dug zin mi 'chi ba/ /stong nyid smra ba'i nges pa yin/ /'dod chags gti mug stong pa nyid/ /grags chen yul ni stong pa nyid/ /yul gyi rang bzhin dri ma med/ /dri ma dang bral ji ltar dug /sbrul gyis kyang ni ci zhig byed/ /tha mal pa yi yul ni sbrul/ /yul gyi nyes pa dug nyid do/ /lha rnams yul rnams kyis ni bsgribs/ /thams cad dus su zin pa yin/ /yul gyi nyes pa sbyangs pa nyid/ /ston pa longs spyod gos mi 'gyur/ /sangs rgyas thod pa'i rnal 'byor pas/ /'dod kun nye bar longs spyod bya/ /ri skegs sbyor ba rnyed dka' dang / /sangs rgyas thod pa'i sbyor ldan pas/ /'dir ni klu rnams thams cad blags/ /de phyir rab nges lha mo kyai/ /dus zin the tshom med pa ru/ /blo med mu stegs can de smra/ /'di ltar smras te klu rnams kyis/ /sna tshogs sde la phyag 'tshal te/ /rang rang gi ni gnas su dong / /de nas bcom ldan 'das mas yul gyi nyes pa spong ba'i sngags gsungs pa/ o~M shU n+ya tA dz+nyA na badzra swa b+hA ba At+ma ko\u0f85ha~M/ stong dang stong min mtha' dag bcas/ /sgyu ma rmi lam lta bur gcig /'jig rten mtha' dag brdzun gyis bcings/ /kyai lags bshes mo 'di ltar ltos/ /de nas phyag na rdo rje gnod sbyin gyi bdag po chen pos bcom ldan 'das ma'i zhabs la spyi bos gtugs te/ 'di skad ces gsol to/ /ri skegs sbyor ba rnyed dka' ba/ /lha mo yis ni bshad du gsol/ /sems can don la gcig tu 'bad/ /de ru bdag la ltad mo mchis/ /gsungs pa/ /dkyil 'khor med par sbyin mi bya/ /slob ma bsdu bar mi bya'o/ /gtso bos ji ltar</font><hr>87.135a<br><font size=+1>

gsungs pa yi/ /dkyil 'khor las ni smra bar bya/ /mtho lnga pa yi sa bzung ste/ /khor yug du ni gru bzhi'o/ /de yi phyed kyi zlum po la/ /brgyad las 'dam skyes 'dab ma brgyad/ / o~M hU~M hrIHhU~M kha~M hU~M a hU~M tiSh+Tha tiSh+Tha badzra sa ma ya a d+hiSh+Tha yed/ sa sbyang ba'i sngags so/ /badzra he ru ka badzra sa ma ya hri sar+b+ba duSh+Ta sa ma ya mu tra pra ban dza ha hU~M ru lu ru lu b+h+yo hU~M hUM phaT/ sa sbyang ba'i dus su gtor ma gtang ba'i sngags so/ /o~M sar+b+ba ta thA ga ta a d+hiSh+Tha na i dam sU tra tiSh+Tha mA tsa la he he bud d+ha ka pA la badzra he ru ka hU~M hU~M Tha Tha/ sngags 'dis lan bdun du srad bu la mngon par bsngags par bya'o/ /thig skud kyi sngags so/ /gru bzhi pa la sgo bzhi pa/ /rta babs bzhi dang yang dag ldan/ /kha khyer snam bu spangs pa la/ /ba dan rnam pa brgyad kyis brgyan/ /sangs rgyas thod pa'i sbyor ba yis/ /rdul tshon gzhan dang 'dres med pa'i/ /rdul tshon dmar por rdzogs par bya/ /de ru bum pa bzhi po rnams/ /grwa dang grwa ru rnam par bzhag /bum par mtshan ma bri bya ba/ /thod pa dang ni kha T+wA~M ga /gri gug dang ni cang te'u dang / /cang te'u gnas su rdo rje bri/ /rdo rje'i steng du 'dam skyes te/ /de ltar bum par bri byas nas/ /chu yis yongs su dgang bar bya/ /bum pa la ni ras kyis brgyan/ /rin chen rnam pa lnga gzhug cing / /bum par kun nas 'bru lnga dang / /a mra'i lcug mas dgab par bya/ /de nas 'o ma'i snod bzhag ste/ /rdo rje slob dpon blo chen gyis/ /sangs rgyas thod pa'i sbyor dang ldan/ /pad ma'i steng du nyi ma ste/ /nyi ma'i steng du hU~M yig bsam/ /hU~M gyur pa las rdo rje ni/ /sngon po hU~M gi bdag nyid skyes/ /hU~M dang rdo rje gyur dpa' bo/ /he ru ka ni bdag nyid che/ /sku mdog sngon po phyag bzhi pa/ /gtso bo chen po zhal gcig pa/ /g.yas na gri gug thod pa ste/ /</font><hr>87.135b<br><font size=+1>

g.yon na kha T+wA~M rdo rje'o/ /sku la mi yi rus pas brgyan/ /klu rnams skrag par byed pa po/ /skyil dkrung phyed pa'i gar gyis bzhugs/ /gcer bu 'jigs byed rang bzhin te/ /zhal gyi mche ba cung zad gtsigs/ /dbu skra ser zhing gyen du 'bar/ /thod pas spyi bo brgyan byas pa/ /sa 'og bdun ni 'khrug par byed/ /dpa' bo de ltar bsam par bya/ /phyis ni phyogs kyi 'dab ma la/ /o~M dang hU~M dang kha~M dang swa/ /yi ge yongs su gyur pa las/ /rnal 'byor ma ni rnam pa bzhi/ /sna tshogs sde ma 'dod can ma/ /sa 'og gnas ma rab bzang ma/ /lha mo de dag mdog sngon mo/ /grags chen zhal gcig phyag bzhi ma/ /nyi ma'i dkyil 'khor rnam par bzhugs/ /g.yon brkyang ba yi zhabs kyis bzhugs/ /g.yas na gri gug thod pa 'dzin/ /g.yon na kha T+wA~M cang te'u/ /rus rgyan lha mo kun 'jigs ma/ /zhal gyi mche ba cung zad gtsigs/ /stag gi lpags pa'i na bza' mnabs/ /skra ni ser po gyen du 'bar/ /thod pa'i phreng bas spyi bor brgyan/ /de rnams mgo rgyus phreng ba can/ /lha mo'i 'od zer spros gyur pas/ /klu rnams skrag par mdzad pa mo/ /phyogs kyi 'dab bzhugs cher bzhad ma'o/ /blo ldan mtshams kyi 'dab bzang la/ /nyi ma bzhi la hU~M yig bzhi/ /hU~M yig so sor gyur pa las/ /chang 'tshong ma dang 'byung po ma/ /bzhin bzang nam mkhar 'gro ma ste/ /mtshams kyi 'dab mar gnas lha mo/ /kha dog ser mo grags chen mo/ /thams cad na bza' ser mo mnabs/ /g.yas brkyang ba yi zhabs kyis gnas/ /zhal gcig ma la phyag bzhi ma/ /klu brgyad brgyan byas lha mo ni/ /g.yas na gri gug cang te'u 'dzin/ /g.yon na kha T+wA~M thod pa'o/ /sku las 'od zer ser po 'phro/ /shin du sgeg pa'i nyams dang ldan/ /cung zad mche ba gtsigs pa'i zhal/ /thams cad gar byed skra ser ma/ /klu rnams skrag par skyed byed ma/ /mtshams kyi cha ru</font><hr>87.136a<br><font size=+1>

rnam par gnas/ /de nas bsam par bya ba ni/ /slob dpon he ru kas rang gi lus las skyes pa'i 'od kyis phyogs bcur bzhugs pa'i de bzhin gshegs pa rnams la yang dag par reg par byas nas slar log ste/ de bzhin gshegs pa rnams la yang dag par reg pa'i 'od zer las lha mo'i tshogs yang dag par spros pas he ru ka dang rnal 'byor brgyad lhan cig tu bkrus so/ /bkrus pa tsam gyis de bzhin gshegs pa rnams cod pan du gyur to/ /dkyil 'khor rdzogs par mthong nas ni/ /slob dpon bdag nyid chen po yis/ /phyis ni gtor ma btang bar bya/ /khyad par du ni 'o ma'o/ /sangs rgyas thod pa'i sbyor ldan pa'i/ /shes rab can gyis chang btung zhing / /mar me bzhi ni dbul bar bya/ /'bras bu bzhi yang dbul bya zhing / /de nas slob ma blo chen gyis/ /ras zung gsum ni dbul bar bya/ /der ni gdan yang bstab par bya/ /slob dpon bdag nyid chen po yis/ /de ru rnal 'byor ma mchod do/ /blo gros chen po thugs dgyes pas/ /sna tshogs zas dang sna tshogs skom/ /dpa' bo rnal 'byor ma tshim bya/ /mgu bar sems pa'i yid kyis ni/ /'khor lo khyad par che bya ste/ /phyis ni slob dpon brtse chen bdag /phyi rol sa ru byung nas ni/ /bde ba yi ni gdan bzhugs te/ /slob mas maN Dal gsum byas la/ /zhabs la spyis gtugs 'di skad gsol/ /ston pa bcom ldan bla ma kyai/ /sems can don la gcig brtson pa/ /nam mkha' lding bzang sbyor ba dang / sha ri ka yi sbyor ba 'tshal/ /dus su zin pa bzlog pa yin/ /sems can don ni bzang po 'tshal/ /sangs rgyas thod pa'i rnal 'byor pas/ /ston pa chen pos de dag gsungs/ /bdag gi the tshom bzlog pa dang / /sems can don ni mthar thug bgyi/ /brtan pa dang ni rgyu ba dang / /yan lag skyes dang bcos ma yi/ /dug rnams</font><hr>87.136b<br><font size=+1>

dug med par bgyi zhing / /sems can thams cad 'tsho bgyi ba/ /bla ma chen po de dag gsungs/ /de nas slob dpon brtse ba yis/ /byin gyis brlab pa'i thugs kyis ni/ /khrag 'thung go 'phang gnas pa yi/ /slob ma la ni so shing sbyin/ /so shing sngags ni sbyin par bya/ /o~M hU~M he b+ha ga ba ti mu kha~M pa ri shud d+ha~M ku ru swA hA/ lan bdun mngon par bsngags byas la/ /so brud nas ni kha bshal te/ /slob ma lhag par gnas par bya/ /rang gi lag pa byug bya zhing / /me tog gis kyang dkri bar bya/ /mgrin pa lag par zla ba bsam/ /zla ba'i zer gyis phyogs bcu yi/ /sangs rgyas spyan drangs gdon mi za/ /sangs rgyas tshogs kun zla bar blta/ /grags chen thams cad rab zhugs shing / /zla ba zhu bar gdon mi za/ /slob dpon bsgoms pa'i nus pa yis/ /slob ma'i mgo ru lag bzhag ste/ /lhag par gnas pa'i gsang sngags bzlas/ /o~M sar+b+ba bud+d+ha a tra a mu ka s+ya kA ya ma d+hiSh+Tha na/ yan du mA tsa la mA tsa la tiSh+Tha tiSh+Tha ha ra ha ra/ bi d+ha ra bi d+ha ra/ d+ha ra tra ba tra ba b+ho b+ha ga wAn ta sar+b+ba bud+d+ha ka pA li badzra s+ya ka ta~M ma la ya shI g+h+ra~M ku ru ku ru hU~M hU~M ha ha/ sngags 'dis lan bdun du bzlas pas lhag par gnas par bya'o/ /sangs rgyas de dag thams cad kyis de'i lus la yang dag par byin gyis rlob par 'gyur ro/ /lhag par gnas pa tsam gyis rdzu 'phrul chen po'i klu rnams skrag cing dug gi bum pa yang 'dor ro/ /nor rgyas la sogs pa'i klu stobs po che rnams dpyod par 'gyur ro/ /e ma'o sangs rgyas kyis gsungs pa'i/ /lhag par gnas pa tsam gyis ni/ /'di lta'i sdug bsngal thob 'gyur na/ /mkha' lding rtogs pa'i sems can gyis/ /bdag ni ji ltar 'gro bar 'gyur/ /de ma thag tu slob dpon gyis/ /dkyil 'khor nang du me tog ni/ /rnam pa sna tshogs dbul bar bya/ /sna tshogs spos dang lha bshos dbul/ /dung chos zangs chos snod dag ni/ /</font><hr>87.137a<br><font size=+1>

man ji'i steng du gzhag par bya'o/ /mchod yon gyis ni don ched du/ /bum pa rnams la lhag gnas bya/ /khrag 'thung go 'phang gnas pa yis/ /rnal 'byor ma brgyad bskor ba yi/ /khrag 'thung rnam par spyan drangs te/ /dkyil 'khor ji bzhin yang dag ldan/ /mdog dang mtshan mar ldan pa yi/ /de bzhin gshegs rnams sa bon gyi/ /'od zer gyis ni rnam par bsam/ /bdag nyid chen po grags chen po/ /bum pa ru ni zhugs tsam gyis/ /dam tshig dkyil 'khor zhu bar 'gyur/ /rnal 'byor ldan pa'i sems dang ni/ /slob dpon gyis ni 'di ltar blta/ /de nas zangs ma'i snod du chu blugs shing dung phor chus bkang ste/ man ja'i steng du gzhag par bya'o/ /yang phyir byung nas slob ma'i don du bdag nyid kyis ras kyis mig dgab par bya'o/ /ras gsum gon par gyur pa'i slob ma phyis dkyil 'khor gyi sgor bzhag la chus gtor te sngags bzla'o/ /a b+hi Shiny+tsan+tu mA~M sarba yo gi ni ma ku to a tra a tiSh+Tha yan+tu a tsan+tu hU~M swA hA/ cod pan byin gyis brlab pa'i sngags so/ /de nas slob dpon gyis kyai khyod su zhes smra'o/ /slob mas bdag ni rgyal ba'i sras zhes smra'o/ /de'i rjes su dkyil 'khor gyi dbus su me tog lan gsum du gtor la/ mig ras bsal te/ dkyil 'khor mchod par bya'o/ /o~M he ru ka badzra puSh+pa ya~M pra tIts+tsha hU~M/  dbus su'o/ /o~M tsi tra se nA puSh+pa ya~M pra tIts+tsha hU~M/ shar du'o/ /o~M kA mi nI puSh+pa ya~M pra tIts+tsha hU~M/ lho'i'o/ /o~M pa tA la bA si ni puSh+pa ya~M pra tIts+tsha hU~M/  nub du'o/ /o~M su b+ha dre puSh+pa ya~M pra tIts+tsha hU~M/ byang du'o/ /o~M shoN+Di ni puSh+pa ya~M pra tIts+tsha hU~M/   mer ro/ /o~M bud+d+hI ni puSh+pa pra tIts+tsha hU~M/ bden bral du'o/ /o~M tsa tu ra b+ha dra puSh+pa pra tIts+tsha hU~M/   rlung ngo / /o~M A kA sha b+ha si ni puSh+pa pra tIts+tsha hU~M/  dbang ldan du'o/ /de nas dkyil 'khor gyi lha'i sku mdog</font><hr>87.137b<br><font size=+1>

ji lta ba dang / mtshan ma la sogs pa de bzhin du slob ma la bstan par bya'o/ /yang dung phor blangs te chu btung bar bya'o/ /de 'thungs pa tsam gyis klu thams cad skrag cing skyo bas dug skyugs par 'gyur ro/ /brtan pa dang g.yo ba'i dug gang yin pa dang / gzhan yang sbyar ba dang / nye bar sbyar ba'i dug gang yin pa dang / mda' dug dang / byug pa'i dug dang / dgra rnams kyis gang sbyar ba dang / bud med rnams kyis gang sbyar ba'i dug de rnams nye bar 'pho bar 'gyur ro/ /gal te klu yis zin pa yang / /de ru de ni nges par 'gro/ /gzhan yang sbrul gyi dug kyang rung / /chu ni 'thungs pa tsam gyis kyang / /de dag thams cad 'chi bar 'gyur/ /de yi phyir na dug gi chu/ /'di ru btung bar the tshom med/ /de nas slob ma dri bar bya/ /'dir ni sha li kar byed cing / /mkha' lding shes pa'i slob dpon 'gyur/ /bsam pa rnam par dag shes nas/ /phyis ni bkas gnang sbyin par bya/ /stong ngam brgya ru gsol ba gdab/ /de nas sngags kyi man ngag sbyin/ /ji srid sbrul gyis zin dus dang / /ji srid mkha' lding rigs yod par/ /de srid de dang de las kyang / /ji srid dus su zin med par/ /sangs rgyas thod pa'i rnal 'byor pas/ /de srid 'bad rtsol bya ba min/ /dus zin 'chi ba'ang shes bya ste/ /nam mkha' lding gi bya ba bya/ /dus su zin no zhes smra ba/ /de srid rnal 'byor che 'di yis/ /de ru las ni brtsam par bya/ /bdag nyid he ru kar gyur cing / /rnal 'byor ma brgyad yang dag ldan/ /blo ldan sngon gsungs gsang sngags kyis/ /phyis ni gtor ma sbyin par bya/ /der rjes dkyil 'khor byas nas ni/ /sngon du gsungs pa'i gsang sngags kyis/ /gnas dgu ru ni mchod par bya/ /mkhas pa yis ni mchod byas rjes/ /mnyam par</font><hr>87.138a<br><font size=+1>

bzhag pas las rnams brtsam/ /gang du rdzu 'phrul che klu yang / /de ru sems bzang 'od zer spro/ /klu rnams kyi ni snying skams pas/ /ci zhig bgyi'o zhes ni smra/ /gsungs pa/ lha mo sna tshogs sde ma yis/ /sangs rgyas thod par sngon du gsungs/ /kye kye grags pa che ba'i klu/ /song ste 'dir dus zin gyur pa'i/ /dus zin 'dzin pa bzung ba med/ /dug med sbrul yang med pa'o/ /gang phyir dogs pas rmongs gyur pa/ /de phyir skye bo rnams 'chir 'gyur/ /de nas 'od zer slar log ste/ /snying ga ru ni thim par 'gyur/ /yang ni sems ni mnyam bzhag pa'i/ /slob dpon gyis ni ngo mtshar bstan/ /de nas sa la ma lhung ba'i lci ba blangs te 'dab chags ri skegs gnyis bya zhing snod dkar po byas te/ ro bsregs pa'i sol ba la gzhag par bya'o/ /ro bsregs pa'i sol ba las snag tsha byas te/ sems can gyi don rig pas dben par sngags bri bar bya'o/ /o~M bud+d+ha ka pA li ni hri taT+Tha ba ya b+ho sha li ka na a na ya nA bud+d+ha ka pA la badzra s+ya A dz+nyA ma la~M g+ha ya hU~M hU~M sa ran+tu sar+b+ba da DI ka pha ti ka tse te/ man+d+h+ya g+hi di sar+b+ba dzi i na su nan+ti ba ya ga re re kar ko Ta ka pra b+hi ta ya nA ga rA dza na  spu tan+ti murda na re re sa spya/ a ba sa spya ma tsa la ha ma bu la ha dza i tsa la ha bu la ha re re b+ha ru kri pra b+hi ta ya nA ga rA dza na u ha pu Ta Ta mu d+hi pra na dza i zhes pa ni sha li ka'i snying po'i sngags so/ /de nas blo chen rnal 'byor pas/ /sems ni shin du mnyam bzhag pas/ /yongs rdzogs sha li ka byas la/ /pho dang mo ru brtag par bya/ /snag tsha yis ni bri bar bya/ /mig gi sngon du mi gzhag cing / /sha li ka bzang phyogs blta/ /de nas lcug ma sngags kyis bsngags/ /o~M ha~M ha la khyab 'jug gi sa bon no/ /o~M ba~M tshangs pa'i sa bon no/ /o~M sa~M zhes pa ni zhi byed kyi sa bon no/ /o~M ha ha ha ha ha ha ha~M/ mngag pa'i sngags so/ /'di lta bu yi</font><hr>87.138b<br><font size=+1>

sngags kyi mchog /stong gsum na yang rnyed par dka'/ /lan bdun bsngags pa tsam gyis ni/ /'gro bar 'dir ni the tshom med/ /klu rnams skrag par byed pa yi/ /mkha' lding nyams dga' song nas ni/ /klu yi gnas su zhugs de'i tshe/ /mkha' lding bye ba'i stobs dang ldan/ /rings nas kyang ni gshog rlung gis/ /stobs po che yi klu rnams skrag /mtho ris mi yul sa 'og dang / /gang yang gzhan na gnas pa dang / /gzhan yang rung ste de thams cad/ /skrag nas ci bgyi zhes ni smra/ /klu gang gis zin pa de gal te yang shi na/ bdag nyid chen po sha li ka mthong ma thag long bar 'gyur ro/ /klu dang sbrul de dag gis sha li ka la 'di skad gsol to/ /kyai sha li ka gzhan du gsung bar ma mdzad cig /de ltar thos nas sha li ka mgu ba'i sems kyis dug gis zin pa'i mdun du sbrul long ba khyer te 'jog go/ /de nas slob dpon gyis bltas te/ sa'i gong bu blangs la sha li ka mngag pa'i sngags kyis sbrul long ba la bsnun na/ /skad cig de nyid la de'i mig 'bye bar 'dir som nyi med do/ /dus su zin pa 'gyel te shi ba sbrul gyis mthong nas de'i lus la 'gro ba dang 'ong bar byed pas dus su zin pa dug med par 'gyur zhing / dga' ba'i sems kyis ldang ngo / /zin pa langs pa tsam nyid na sha li kas sbrul bzung ste mi snang bar 'gyur ro/ /skod cig ma de nyid la slob dpon gyis stong pa nyid kyi ye shes sgom par bya'o/ /stong pa dri med kun rang bzhin/ /chos rnams stong pa'i rang bzhin kyai/ /gang gis 'dzin cing gang zhig 'dzin/ /mtha' dag sgyu ma'i rang bzhin kyai/ /dngos po ma lus pa mtha' dag dang dug kyang stong pa nyid du sangs rgyas thod pa'i rgyud las gsungs te/ zhag nyi shu rtsa gcig gi mthar thug par ji srid du lus ma zhig pa de srid du slob dpon gyis yang dag par brtsam par bya'o/ /de ltar slob ma la rjes su gnang ba byin nas phyis lung bstan par bya'o/ /des lan brgya'am stong du gsol ba btab nas/ dug 'joms pa'i sngags bstan par bya'o/ / o~M</font><hr>87.139a<br><font size=+1>

bud+d+ha ka pA li ni a hU~M/  dug bza' ba'i sngags so/ /de nas gzhan yang don du gnyer ba'i sems can de rnams thams cad la dkyil 'khor bstan te/ dung phor gyi chu 'thungs pa des na dug med par 'gyur te/ sbrul gyis ma 'dzin no/ /gal te 'dzin na de'i tshe klu 'chi bar 'dir the tshom med do/ /de ltar slob ma sha li ka'i sbyor ba la mngon par brtson pa la bkas gnang ba byin te/ grong gang du gnas pa der dug gis 'dzin pa med do/ /gal te yod na de'i tshe klu 'chi bar 'gyur ro/ /de ltar thos nas slob ma rdo rje'i sbyor ba dang /   ldan pa'i sems kyis gang ci yang rung ba'i yon der dbul bar bya'o/ /de nas phyi rol gyi sar byung ste gtor ma btang bar bya'o/ /de nas slob dpon gyis dkyil 'khor gyi sngags kyis gshegs su gsol te/ o~M bud+d+ha ka pA li ni hr-I u taSh+Tha gats+tsha hU~M gats+tsha hU~M phaT/ dkyil 'khor gshegs su gsol ba'i sngags so/ /de nas yang dag bshad par bya/ /chu yi sbyor ba bla med pa/ /gang gis byin pa tsam gyis ni/ /dug gis zin pa 'tsho bar 'gyur/ /nyi ma bdun na 'chi ba dang / /gzhan yang dug gis nyams pa rnams/ /chu ni byin pa tsam gyis ni/ /'di ru 'tsho bar the tshom med/ /sngags 'dis dkyil 'khor byas nas ni/ /gnas dgu rnams su mchod par bya/ /dung phor chu yis bkang byas pa/ /dkyil 'khor dbus su gzhag par bya/ /de nas brtse ba chen po yi/ /bdag nyid rnal 'byor pa yis ni/ /rang gi lag pa g.yon pa la/ /zla ba yi ni khyad par bsam/ /bcu drug cha las yongs rdzogs pa'i/ /dri med dge ba'i lus can te/ /de'i dbus sa bon mi shigs dge /kha dog dkar po'i lus can no/ /lag des snod kyi kha bcad de/ /de nas gsang sngags bzla bar bya/ /o~M sar+b+ba bi Sha ha ra ha ra hU~M hU~M phaT phaT swA hA/ sngags 'dis lan bdun gyi bar du mngon par bsngags te/ mi shigs pa dang lhan cig zla ba zhu bar gyur nas chu'i nang du thim ste/ chu dang zla ba gcig tu</font><hr>87.139b<br><font size=+1>

'dres pas shin du dkar por 'gyur ro/ /gal te dug gis zin pa ma shi na de'i che chu blud do/ /yang na shi ba yin na mgo nas rkang pa'i mthar thug par lan gsum gsum du chu rgyun mi chad par blugs na langs par 'dir the tshom med do/ /de nas chu blud na rnal mar 'gyur ro/ /sangs rgyas thod pa'i rgyud rnal 'byor ma'i gong na med pa gsang ba'i yang shin tu gsang ba zhes bya ba las sha li ka'i sbyor ba dang / chu'i sbyor ba'i le'u ste bzhi pa'o// // de nas yang dag rab bshad pa/ /shin du rnyed dka'i bcud len le'u/ /de bzhin gshegs pa'i snying po mchog /rnal 'byor ma yi gong na med/ /gzhon nu ma dang sha ri ka /grub ma byis pa can ma dang / /de bzhin thod bzangs can ma'o/ /'di dag sman ni chen po lnga/ /sangs rgyas las kyang rnyed par dka'/ /'di dag zos pa tsam gyis ni/ /bskal pa bye bar de 'tsho'o/ /gzhon nu ma ni zla drug tu/ /de bzhin sha ri ka zla gsum/ /grub ma zla ba gcig tu'o/ /byis can ma ni zla phyed gnyis/ /thod pa can yang zla bar te/ /tshe 'phel ba yi mchog yin no/ /bya rog ma ni bya rog gzugs/ /glang po ma ni ngang pa'i gzugs/ /drod ma drod kyi gzugs can te/ /sngo bsangs dkar mo sngon mo'i mig /kha sbyar sbyor ba'i dus su ni/ /mig las byung ba'i rdzas gang yin/ /sman de'i ming ni gzhon nu ma/ /'di ru bstan par som nye med/ /de yi pad ma las byung rdzas/ /rtsa yi nang na rnam par gnas/ /ge sar sbas pa'i spyod yul te/ /sman ni sha ri ka ru gsungs/ /me tog ldan pa'i bu mo gang / /kha dog nag mos rab mdzes ma/ /gang du thabs shes gnyis 'dus pa/ /de yi kha sbyor sbyor las byung / /sman de'i ming ni grub mar bshad/ /sangs rgyas thod pa'i sbyor ba yis/ /bud med rab mdzes ma nyams dang / /dbang po gnyis kyi sbyor ba yis/ /mi phyed nye bar spyad pa yi/ /</font><hr>87.140a<br><font size=+1>

de las dang por byung ba'i rdzas/ /sman de byis pa can no zhes/ /bdag nyid chen po'i lha mos gsungs/ /lhan gcig skyes dag byung ba'i rdzas/ /mchog chen mar khu dag dang ni/ /bsre 'gyur 'dir ni the tshom med/ /sman de'i ming ni thod can mo'o/ /zla ba nyi ma'i sbyor ba yis/ /bya bar 'dir ni the tshom med/ /zla bas zla bar nyi mas nyir/ /de lus skra dkar gnyer ma zhi/ /ji srid sangs rgyas bzhugs kyi bar/ /de yi tshe ni rgyas par 'gyur/ /sman 'di grub pa tsam gyis ni/ /dag pa'i lus su 'byung bar 'gyur/ /dngos po gang dang gang yang rung / /lcags dang zangs ma'i snod dag la/ /dngul ni byugs pa tsam gyis ni/ /dngul dang gser du 'gyur ba yin/ /de nas yang dag rab bshad pa/ /dgongs bshad shin du rnyed dka' ba/ /rgyud gzhan du ni rab sbas pa/ /'bad pas de 'dir rab gsal bya/ /dri chu ye shes rdo rje ste/ /dri chen rdo rje bzang po nyid/ /khrag ni mar me rdo rje yin/ /khu ba rdo rje'i thabs byung nyid/ /sha ni chos kyi rdo rje yin/ /de lnga rnal 'byor ma yi mchog /gang gi dam tshig rnyed dka' ba'i/ /thabs 'dir bdag gis bshad par bya/ /ba lang sha ni 'bar ba ste/ /khyi yi sha la spro bar gsungs/ /rta yi sha la bza' bar bshad/ /glang po'i sha la zhu bar gsungs/ /sha chen la ni bzang por bshad/ /de lnga rnal 'byor mchog tu gsungs/ /rnal 'byor rnal 'byor ma ldan par/ /gal te gcig tu byed nus pa/ /de tshe rnam rtog de thams cad/ /'jig 'gyur 'dir ni the tshom med/ /zan la bsod nams zhes bya ste/ /tshod ma la ni sdig pa nyid/ /ro la shin tu rnyed dka' gsungs/ /byis pa la ni 'gal ba nyid/ /g.yung mo la ni bzang mor gsungs/ /rus pa'i phreng la rdzas zhes bya/ /skyes bu la ni rdo rjer gsungs/ /bud med la ni snod bzang nyid/ /dbang po gnyis kyi rab sbyor la/ /gzi</font><hr>87.140b<br><font size=+1>

brjid phreng chen de bshad do/ /rab chags shin tu mthong ba nyid/ /'khyud pa la ni chos zhes brjod/ /'dri ba la ni mar me'o/ /shin du 'dri la me zhes bya/ /'gro ba la ni phreng can ma/ /'ong la shin tu phreng can ma/ /myur ba la ni byug ces bya/ /dpa' ba la ni bzang de brjod/ /pad ma rtse 'jo phreng can ma/ /sngags kyis mtshan ma rab nges zhe'o/ /ljag la lce 'og ces bya ste/ /so la bza' ba sna la bde/ /mig la rol rtsed mu tig rna/ /gsang ba'i yul la rnyed dka' zhe'o/ /'di dag bshad do lag chen po/ /'jig rten gsum na rab rnyed dka'/ /sangs rgyas thod pa'i rnal 'byor pa/ /med par phan tshun smra mi bya/ /'on kyang bshad chen de nyid 'di/ /gcig la gcig gis smra bar bya/ /rgyud rnams thams cad du sbas pa/ /rgyud 'di ru ni gsal bar byas/ /nye 'dun grong mtha' lhan cig zhe'o/ /'dus pa phyi rol zhes su gsungs/ /nye ba'i 'dus pa nang de bzhin/ /gnas la 'bras bu zhes su gsungs/ /nye ba'i gnas la shing nyid do/ /grong mtha' la ni sa bon gsungs/ /nye ba'i grong mtha' myu gu'o/ /tshogs pa la ni sdong bur gsungs/ /gcig pu la ni 'dab ma ste/ /stong pa la ni rtsa bzhi'o/ /de ltar dgongs pas bshad pa ni/ /bde gshegs rnams kyis mi mkhyen no/ /spyan ma la sogs rnal 'byor ma/ /rnams kyi khong du mi chud cing / /byang chub sems dpa'i yul min zhing / /bla ma gus pa'i rnal 'byor pas/ /spros pa thams cad spangs nas ni/ /rdzas la chags par mi bya'o/ /shin du stong sgom rnal 'byor pa/ /'dod chags zhe sdang phrag dog med/ /gti mug dang ni nga rgyal spangs/ /nyon mongs thams cad rnam par spangs/ /za 'thung de bzhin glu len na/ /shin du spros pa spangs bar bya/ /bde bas dga' ba nyid dang ni/ /shes rab thabs kyis bdag nyid gsungs/ /bla med de nyid zla phyed kyis/ /'grub par the tshom med pa'o/ /kyai lags grogs mo 'gro kun</font><hr>87.141a<br><font size=+1>

gang / /mtha' dag dri ma med pa yi/ /blta dang bral la skye bo ltos/ /gsog gsob rang bzhin brdzun bslu ba/ /pad rtsa'i grib ma lta bur ltos/ /dbang po lnga ni sgyu 'dra zhing / /lnga phung dag pa'i rang bzhin gyis/ /rnal 'byor 'di ni bsgoms pas 'grub/ /sangs rgyas thod pa'i rgyud rnal 'byor ma'i gong na med pa gsang ba'i yang shin du gsang ba zhes bya ba las sman bzang po dang / dgongs pa bshad pa'i le'u ste lnga pa'o// // de nas yang dag rab bshad pa/ /dkyil 'khor 'jigs pa mchog gsang bar/ /thabs dang shes rab sgrub pa yis/ /gang gis slob ma dbang bskur ba/ /shes rab pad ma'i nang dbus su/ /dpag tshad bye ba'i dkyil 'khor la/ /gsum rtsegs dag pa'i bdag nyid lus/ /'khor ba'i 'jigs pa las skyob pa/ /dkyil 'khor de yi dbus gnas par/ /mkhas pas slob ma bzang dbang bskur/ /gal te byang chub bla med 'dod/ /phyi yi dkyil 'khor bya ba min/ /lha rnams bshig pa tsam gyis ni/ /sdig pa chen po skye bar 'gyur/ /des na rdul tshon tsam gyis ni/ /de bzhin lha rnams dag mi 'gyur/ /rdo rje 'khor lo rin chen dang / /de bzhin pad ma ral gri nyid/ /byas nas slar yang 'jig byed pa/ /skyes bu tha shal dmyal bar 'gro/ /gang gis sangs rgyas spyan drangs shing / /gang gis gshegs su gsol ba yis/ /rdo rje sems dpa' byon pa dang / /de bzhin gshegs pa byon pa rnams/ /gang na'ang byon pa ma yin no/ /dri ma med cing dag pa'i lus/ /gang gis spyan drangs gshegs su gsol/ /de nyid kyis na brtag med par/ /de bzhin gshegs pa rnams phyag bya/ /lo bcu gnyis pa'i bu mo ni/ /tshul khrims ma nyams chags chung ba'i/ /thos dang ldan zhing grags chen mo/ /nad med snying rje dang ldan ma/ /sems can don la gcig nan tan/ /</font><hr>87.141b<br><font size=+1>

dgod cing pad ma'i spyan dang ldan/ /zla ba'i cha 'dra gdong mdzes ma/ /mu cor mi smra brtan zhing dul/ /des na slob ma blo chen po/ /shin du dad pa'i sems dang ldan/ /'dod med dbang po dul ba dang / /chags dang chags bral rnam par spangs/ /sems can don la shin tu sbyor/ /gti mug zhe sdang phrag dog spangs/ /sangs rgyas kun gyis byin gyis brlabs/ /de rnams la ni de nyid bshad/ /gsang ba phyi yi lnga dang ni/ /bdun dang bcu bzhir bshad pa dang / /gnyi ga gcig tu 'dus pa'o/ /gsang ba'i de nyid bshad par bya/ /slob ma legs dang ldan pa dang / /brtse ldan sems gzhan med pa yis/ /gser ni 'bum phrag bcu drug dang / /sa gzhi yul 'khor ldan pa dang / /glang po bud med dam pa dang / /ral gri 'khor lo rta dang ni/ /yongs 'dren skyes bu rin chen rnams/ /sbyor dang ldan pa'i sems kyis ni/ /der ni bla ma dbul bar bya/ /shin tu dri med sems kyis ni/ /de nas 'dir ni gsol ba gdab/ /'khor ba'i 'dam du bying ba bdag /dpung gnyen khyod kyis bsgral du gsol/ /bdag ni rtsol chung skal dman zhing / /sangs rgyas chos ni rnam par spangs/ /kye kye ston pa bla ma che/ /mgon po khyod kyis brtse bar mdzod/ /de ltar gsol 'debs tshig gsan nas/ /de ru bla ma mi gsungs bzhugs/ /man ngag 'di yi cha dag ni/ /glegs bam rnams las spyod yul min/ /dkyil 'khor gang la gang gis brgyan/ /mtshan ma'i don gzhan gar bkod kye/ /su yis sangs rgyas spyan drangs kye/ /'gro ba brdzun 'dra'i som nyir lhung / /mtha' dag stong pa gos med kye/ /chu nang zla ba ci 'dra ba/ /de 'dra'i dkyil 'khor pad dbus gnas/ /kye lags rnal 'byor ma tshogs ltos/ /der ni he ru ka gcig dang / /thams cad skyed par byed pa yin/ /'gro kun rmi lam bslu bas na/ /gti mug las ni bskyed pa ltos/ /sangs rgyas thod pa'i rgyud rnal</font><hr>87.142a<br><font size=+1>

'byor ma'i gong na med pa gsang ba'i yang shin du gsang ba las dkyil 'khor 'jigs pa bri ba dang / slob ma dbang bskur ba'i le'u ste drug pa'o// // de nas yang dag rab bshad pa/ /ri dang phug dang tshang tshing ngam/ /yang na dur khrod dag na ni/ /gdod nas grub pa'i gnas su 'am/ /'on te rgya mtsho'i 'gram dag tu/ /phyi'i dkyil 'khor bla med bri/ /rdul tshon sngon po ni ro sregs pa'i sol ba las bya'o/ /rdul mtshon dmar po ni dur khrod kyi so phag las bya'o/ /rdul tshon ljang khu ni nim pa'i mdab ma las bya'o/ /rdul tshon dkar po ni mi'i rus pa'i phye ma las bya'o/ /rdul tshon ser po ni yung ba'i phye ma las bya'o/ /de ltar rdul tshon lnga rnams kyis/ /mkhas pas dkyil 'khor bri bar bya/ /pho brang rigs gsum zlum po la/ /rdo rje gsum gyis yongs su bskor/ /phyi rol gru bzhi lham pa yi/ /sgo bzhir rta babs rnams kyis brgyan/ /ba dan rnam pa bzhi yis brgyan/ /dra ba dra ba phyed pas spras/ /phyi rol kha khyer dag pa dang / /rin chen pha gur yang dag ldan/ /pad ma nyi shu nyi shu lnga'i/ /gdan rnams kyis ni shin tu mdzes/ /de yi dbus chud sa bon ni/ /yig ge hU~M gi rang bzhin sngo/ /skad cig tsam gyis he ru ka /sku mdog sngon po grags chen po/ /g.yas na cang te'u gri gug ste/ /g.yon na kha T+wA~M thod pa'o/ /dkyil dkrung phyed pas 'jigs chen po/ /zhal gyis mche ba cung zad gtsigs/ /ral pa'i cod pan gyis brgyan cing / /sangs rgyas lnga yi cod pan can/ /dbu la sna tshogs rdo rje mnan/ /zla ba phyed pa 'dzin pa'i lha/ /sku la thal ba'i rdul gyis byugs/ /dpa' bo phyag bzhi phyag mtshan 'chang / /shin du hU~M sgrogs 'jigs byed pa/ /gar gyi stabs kyis rnam par bzhugs/ /mgo bo rlon pa'i phreng ba can/ /mchod phyir thod pa 'chang ba po/ /thod pa gti mug rnam dag pa/ /</font><hr>87.142b<br><font size=+1>

phreng ba brgyud pas brgyan pa'i lha/ /mgul do dang ni 'khor lo dang / /rkang rdub dang ni dpung brgyan dang / /gdub bu sked pa'i ska rags dang / /dpa' bo rna cha mchog gis brgyan/ /'di 'dra'i gzugs can gtso bo ni/ /hU~M zhes zlos par byed pa'o/ /de las byung ba'i rnal 'byor ma/ /nyi shu rtsa bzhi'i bdag nyid rnams/ /sku mdog sngon mo grags chen mo/ /shin tu 'jigs pa'i gzugs can ma/ /zhal gcig phyag gnyis thod pa 'chang / /so so yi ni ming ji bzhin/ /de rnams ming ni rab tu bshad/ phreng bzangs ma/ 'dod can ma/ 'jigs ma/ thub dka' ma/ dge ba'i ska rags can ma/ gzugs can ma/ rnam rgyal ma/ 'byung gnas ma/ thod can ma/ mtsho chen ma/ byed ma/ gsod ma/ sgrol ma/ 'jigs ma/ mthong ma/ mi pham ma/ dge ma/ 'dzur byed ma/ dus mtshan ma/ grags chen ma/ mdzes sdug ma/ nor 'dzin ma/ skal bzang ma/ grags mthong ma'o/ /'di lta bu'i dkyil 'khor mchog /kha dog rnam pa lnga yis brgyan/ /de'i dbus gnas lha mo ni/ /he ru ka la bde ster ma/ /dkyil dkrung phyed pa'i gar byed ma/ /mi yi rus pa'i phreng bas brgyan/ /lha mo 'od zer dpag dka' zhing / /skra ser gyen du 'bar ba ste/ /hU~M gi bdag nyid las skyes 'jigs/ /zhal nas khrag ni mthor byed ma/ /dkar mo nag mo ljang khu ma/ /thams cad khu ba ldan gyur ma/ /lha'i dkyil 'khor bskyed pa ni/ /nyi shu rtsa bzhi'i bdag nyid gsungs/ /bdag nyid he ru ka gzugs la/ /nyi shu rtsa bzhi'-i lha mos mchod/ /thod pa bdud rtsi lngas bkang ba/ /he ru ka yis btung bar bya/ /de yis 'thungs pa tsam gyis ni/ /'gro ba'i bla ma bdag nyid che/ /gtso bo las gzhan tha dad gzugs/ /rnal 'byor ma kun de dang 'dra/ /de ltar</font><hr>87.143a<br><font size=+1>

he ru ka mgon pos/ /rnal 'byor ma kun spyad par bya/ /thams cad spyad pas zhu gyur te/ /nyi ma'i dkyil 'khor rnam par gnas/ /de ni zhu bar mthong nas ni/ /shin tu srid pa bsgrub pa'i phyir/ /sgo yi rnal 'byor ma yis bskul/ /ci ste 'jig rten snyan mnan na/ /ci phyir khyod ni mi dgyes gyur/ /gal te khyod bdag tshig gsan na/ /mi dgyes gyur pa mtha' dag thong / /srid 'jigs skye bo kun lhung bas/ /stong pa'i thugs ni ma mdzad par/ /nyid kyi dgongs pa kun bsgrubs kye/ /rnal 'byor ma yi grogs po bzhengs/ /gal te spyod gtso tshig gsan na/ /'bras bu yal bar ma dor cig /khyod mi snang na 'gro ba yi/ /skye bo mtha' dag gdung bas non/ /log pa'i nga rgyal ma mdzad par/ /stong pa'i rang bzhin spangs nas ni/ /khyod kyis dngos med kun thong la/ /rnal 'byor ma yi tshogs la spyod/ /rnal 'byor ma ni bzhi po yis/ /'di lta bu yi glu yis bskul/ /sngon bzhin mdog dang mtshan sogs ldan/ /kun nas rnal 'byor ma rnams bskor/ /'jigs pa 'khor ba sgrol byed pa'i/ /dpa' bo chen po 'di bzhengs so/ /sangs rgyas thod pa zhes bya ba'i rnal 'byor ma'i rgyud bla na med pa gsang ba'i yang shin du gsang ba las/ dkyil 'khor dang he ru ka bskyed pa dang bsgom pa'i le'u ste bdun pa'o// // de nas yang dag rab bshad bya/ /sbyin sreg dkyil 'khor mchog bzang po/ /zhi ba dang ni rgyas pa dang / /de bzhin dbang dang mngon spyod de/ /sbyin sregs rnam pa bzhi ru gsungs/ /shing gi sbyin sreg mi bya zhing / /'bras dang 'bru rnams kyis kyang min/ /blo ldan gal te zhi 'dod na/ /me tog gis ni sbyin sreg bya/ /me tog lnga po mchog chen dang / /'o mar yang dag ldan pas bya/ /gal te zhi ba'i sbyin sreg 'dod/ /zhi ba'i gzugs sogs ldan pa yis/ /zhi ba'i thab khung gru bzhi pa/ /</font><hr>87.143b<br><font size=+1>

zab dang rgyar ni mtho gang ba/ /kha la rdo rje rtse lnga pa/ /dkar po rtse mo 'dus pa bri/ /rdo rje rtse gsum sngon po ni/ /zhi ba hU~M bdag 'khor bar ni/ /de yi dbus su 'khor lo la/ /gru gsum pa yi yi ges brgyan/ /e ba~M ma ya mchog chen gyi/ /lte ba ru ni bskyed par gsungs/ /rtse gsum 'jigs pa'i rdo rjes bskor/ /rdo rje'i nang du pad ma ste/ /pad ma'i dbus su nyi ma bsam/ /nyi ma'i dbus su yi ge hU~M/ /kha dog dmar po'i 'od chen po/ /mtshams dang mtshams su rdo rje ni/ /rtse dgu ser po bri bar bya/ /bdag nyid he ru kar blta ste/ /phyis ni sbyin sreg yang dag brtsam/ /shes rab can gyis me yi lha/ /sngags 'di yis ni spyan drang ngo / /o~M sar+b+ba de ba hu ta pra d+he ni a~M bi kal su da ha da ha ne da ha da ha dz+wa la dz+wa la/ pra sa ra pra sa ra/ A gats+tsha A gats+tsha/ ya tri kun+ne a d+hiSh+Tha ya/ a d+hiSh+Tha ya/ tiSh+Tha tiSh+Tha/ ki li ki li/ ha he ho ha~M hraHhriHhU~M swA hA/ me lha spyan drang ba'i sngags so/ /sangs rgyas thod pa'i sbyor ba yis/ /shes rab can sngags lan bdun bzlas/ /sangs rgyas kun gyis byin brlabs shing / /mdog dkar du ba dang bral ba'i/ /me lha rgyal dbang byon nas kyang / /thab khung gi ni dbus su bzhug /de nas blo ldan sbyin sreg bya/ /de ru sol ba bzhug bya ba/ /a shwat+tha dang n+ya gro dang / /u dum ba ra ra ka ti/ pa la sha ste shing lnga las/ sol byas du med 'bar ba'i me/ blo ldan thab khung dbus su gzhug /gal te dngos grub mchog 'dod na/ /pad ma brgya ni rtsa brgyad dang / /de bzhin ut+pa la nyid dang / /ku mu da dmar dri zhim 'dra/ /ka ra bi ra gzhan nyis 'gyur/ /byas te bsregs pas zhi bar gsungs/ /sbyin bdag mdun na 'dug pa la/ /de tshe du ba dbab par bya/ /mkhas pas gsang sngags 'di bton zhing / /pad ma mar sbags sreg par bya/ /o~M pad+ma ra dze ag+ni pra Ni ya a mu ka s+ya shIn+ta~M ku ru swA hA/ mkhas pa yis ni sngags bzlas te/ /ut+pal 'o mas sbyin bsreg bya/ /o~M g+ha g+ha g+hA ta ya g+hA</font><hr>87.144a<br><font size=+1>

ta ya te dzo rA dza bi na ya shIn+ta~M ku ru swA hA/ mkhas pa bde gshegs kun bdag gis/ /gur gum ku mu da sngags bsreg /o~M su puSh+pe su ka ra tsa le dz+wa la nI ye shIn+ta~M ku ru swA hA/ gsang sngags rgyal po 'di yis ni/ /dri zhim tsan dan sbyin bsreg bya/ /o~M d+ha me ma hA me rA dze da ha da ha sarba bi g+hA shIn+ta~M ku ru swA hA/ ka ra bI ra dri zhim mar/ /mkhas pas sngags rgyal bzlas te bsreg /o~M kA li su kA li ka rA la rA tri sar+b+ba pA pa~M da ha da ha shIn+ta~M ku ru swA hA/ me tog re re re re la/ /gsang sngags rgyal po lan re bzla/ /zhi ba'i sbyin bsreg bla med pa/ /'jig rten gsum na rnyed par dka'/ /me ni 'o mas zhi bar bya/ /de nas gzhan yang rgyas pa yi/ /sbyin sreg khyad par bshad par bya/ /rgyas la thab khung zlum po ste/ /chu yi dkyil 'khor ltar snang ba/ /zabs dang rgyar ni mtho gsum ste/ /kha dog ser por rnam par bsam/ /de dbus rdo rje rtse dgu pa/ /sngo bri de steng pad 'dab brgyad/ /bdag nyid he ru ka rnam pa/ /khro ba'i sems kyi bdag nyid kyis/ /shing bsreg pa yi sbyin bsreg bya/ /gal te rgyas pa mchog 'dod na/ /a ma kan tha pa la dang / /arga bil ba du du ra/ /shing du rnyed dka'i shing lnga las/ /sor bcu gnyis kyi tshad tsam du/ /slob dpon gyis ni gzung bar bya/ /ma gas ma skams ma bcad cing / /bu ga can gyi shing spang ngo / /de yi dbus su sangs rgyas dang / /byang chub sems dpa' thams cad bsam/ /re re la ni brgya rtsa brgyad/ /bgrangs te de nas sbyin bsreg bya/ /bdag nyid he ru ka yi tshul/ /sku mdog nag po 'od chen pos/ /mar dang yam shing thams cad ni/ /sngags bsregs 'dir ni the tshom med/ o~M ga ga ni ga ga na bi lo ka ne hU~M phaT/ te dzo rA dza puSh+Ta~M ku ru swA hA/ shing rnams kun gyis sngags 'di yis/ /re re bzhin du sbyin bsreg bya/ /phyis ni ser po'i chus zhi bya/ /'di lta'i rgyas pa'i sbyin bsreg ni/ /'jig rten gsum na rnyed par dka'/ /rgyud gzhan rnams su</font><hr>87.144b<br><font size=+1>

sbas pa ni/ /rgyud 'di ru ni gsal bar byas/ /de nas yang dag rab bshad pa/ /dbang du bya ba'i sbyin bsreg mchog /thab khung gru gsum dmar po la/ /zabs dang rgyar ni sor mo brgyad/ /de dbus pad ma 'dab brgyad dmar/ /zla ba dmar la sogs pas brgyan/ /grwa grwa ru ni rdo rje dmar/ /bdag nyid he ru kar bsam pa/ /dmar po ltar snang chags pa'i bdag /rdo rje dmar po thod pa bsnams/ /yongs su gang ba'i khrag nyid kyis/ /khams gsum pa la rjes su chags/ /a sho ka yi yam shing dang / /go ro tsa nar ldan pa ni/ /blo ldan brgya rtsa brgyad bsregs te/ /shin du mnyam gzhag sngags ni gdon/ /o~M a sho ki ni su ra ke a nu rA ga ya tre lokya ba sha~M ka rI trai lo kyaM bA shA mA nA yA hrI swA hA/ nyin bdun sbyin bsreg byas tsam gyis/ /khams gsum dbang du 'gyur ba yin/ /chu ni dmar por me zhi bya/ /de nas yang dag rab bshad pa/ /mngon spyod dang ni bsad pa mchog /zla ba phyed pa'i cha 'dra'i thab/ /zabs dang rgyar ni khru gang tshad/ /'jigs chen mdog ni ljang khu'o/ /grwa grwa ru ni rdo rje bri/ /dbus kyi sa gzhi stong pa ru/ /blo ldan sha lngas sbyin bsreg bya/ /gsod pa yi ni sbyin bsreg mchog /mngon spyod gsod pa ru ni gsungs/ /dgra kun bsnun cing zlog par byed/ /dgra bo mthur du kha bltas shing / /kha nas khrag ni skyug pa nyid/ /sha yi dbus su bsam par bya/ /seng ldeng sol bas me bya ste/ /med na 'ba' 'bo la nyid kyi/ /'ba' 'bo tsher mas sha phug ste/ /brgya rtsa brgyad du sngags kyis bsreg /o~M mA ra ya mA ra ya kI la ya kI la ya sar+b+ba sha tru~M nA sha ya hU~M phaT/ bdag nyid he ru kar gyur cing / /sku mdog sngon po thugs 'khrugs pas/ /dgra rnams thams cad brlag par ni/ /skad cig de la the tshom med/ /pheng mdzad 'jigs shing 'jigs par byed/ /ha ha zhes mdzad 'jigs par mdzad/ /</font><hr>87.145a<br><font size=+1>

gdug pa thams cad gsod par ni/ /sbyin bsreg tsam gyis the tshom med/ /'di lta'i bsad pa'i sbyin bsreg dang / /mngon spyod kyang ni rnyed dka' ba/ /rnal 'byor lha mos rtogs min na/ /sngags skyes phal lta smos ci dgos/ /de phyir sangs rgyas thod pa yi/ /rnal 'byor nga rgyal dang bral bas/ /shin du mnyam par gzhag pa'i sems/ /lha rnams kyis kyang rnyed par dka'/ /ljang khu'i chu yis me zhi bya/ /gang gis bsregs shing gang zhig bsregs/ /gang gi zhing gang zhi ba/ /gang gis rnam rtog kun bcom pa/ /de yis sems ni mgu bar byed/ /sangs rgyas thod pa zhes bya ba'i rnal 'byor ma'i rgyud bla na med pa gsang ba'i yang shin du gsang ba las sbyin bsreg gi cho ga'i le'u ste brgyad pa'o// // de nas yang dag rab bshad pa/ /spyod le'u shin du rnyed dka' ba/ /bud med shin du mchog gyur dang / /rnal 'byor gang gis spyod kun byed/ /dngos grub brgyad dang yang dag ldan/ /de nas spyod pa yang dag brtsam/ /sems can dngos grub gang gang 'dod/ /de de'i dngos grub rtag tu ster/ /lag pas thod pa gzung byas te/ /gcer bu skra grol gyur pa yi/ /brtul zhugs can gyis spyod pas 'khyam/ /gang dang gang tshe de tshe der/ /rtag tu spyod pa thams cad bya/ /rgyan rnams kun las rnam grol zhing / /nam mkha' dang mtshungs gyur pa yi/ /shes rab can gyis khyim khyim du/ /slongs mo bya bar the tshom med/ /yid dang 'thun pa kun blangs na/ /bsam gtan gnas su the tshom med/ /dga' ba'i sems kyis bsams nas ni/ /rnal 'byor pa yi slongs mo blang / /chos la gzhol ba'i rnal 'byor pas/ /thod pa'i steng du gzhag pa yi/ /rdzas ni de nas bza' bar bya/ /rdzas ni zos ma thag tu yang / /khyim khyim thal phung shing drung dang / /gang du gang tshe der de'i tshe/ /gang gis dga' ba'i sems de yis/ /blo gros chen po gnyid log 'phreng / /'di lta'i spyod pa'i sbyor ba yis/ /phyag rgya chen po ngas par thob/ /</font><hr>87.145b<br><font size=+1>

de ltar yang rgyud las gsungs pa/ /gang du ji ltar der de ltar/ /gang gis de yis sangs rgyas te/ /rang gi rnam rtog dag gis nyams/ /mtha' dag rang bzhin rnam par dag /sangs rgyas thod pa zhes bya ba rnal 'byor ma'i rgyud bla na med pa gsang ba'i yang shin du gsang ba las spyod pa'i le'u ste dgu pa'o// // de nas yang dag rab bshad pa/ /gcig tu sems can don rab nges/ /gser du nges par byed pa'i le'u/ /slob dpon la ni rab dang bas/ /mu tig dang ni nya phyis dang / /dngul chu dang ni byi ru yis/ /gang gis sems can nor ldan 'gyur/ /'di ni phyi yi sman min te/ /shun lpags lo ma ma yin zhing / /dngul chu bcud len ma yin te/ /mu zi lhang tsher ma yin zhing / /lcags dang zha nyi zangs ma yin/ /lcags gzhan dag ni ma yin te/ /grub pa'i sman gyi mchog yin no/ /'di lta bu yi tshig thos nas/ /phyag na rdo rje stobs po ches/ /zhabs kyi rdul gyi cha btud nas/ /sems dpa' gcig tu dad brten pas/ /lha mo legs so zhes ni smra/ /sman gyi mchog ni gang yin zhing / /dngos grub kyang ni ji lta bu/ /gus pa yis ni nyan par 'tshal/ /lha mo chen mo khyod kyis gsungs/ /grub pa'i sman gyi mchog gang lags/ /gang gis sems can nor ldan 'gyur/ /tshe 'phel ba la brtson pa gang / /sngon bsnyen ltos pa med pa yis/ /sman chen grags pas 'grub pa gang / /gang gis rdzas rnams mang por 'gyur/ /mo sham bu dang ldan 'gyur gang / /yang dang yang du mi 'chi zhing / /shi nas yang dag 'tshor 'gyur ba/ /lha mo chen mo khyod kyis gsungs/ /bka' stsal pa/ khyim 'di nyid du gnas pa yi/ /sman chen po yis 'grub pa ste/ /de yang snod bzang mchog la 'grub/ /byis pa rmongs pas mi shes so/ /bdag don gcig pu la 'bab cing / /kye ma gcig tu dka' 'bad pas/ /ji ltar sems can don 'grub 'gyur/ /snod bzang la</font><hr>87.146a<br><font size=+1>

ni gnas pa'i bcud/ /ze'u 'bru gsang ba'i spyod yul te/ /ro bcud rtsa yi nang gnas pa'i/ /sman chen ro bcud ma ru brjod/ /gang gis lcags ni gser 'gyur ba/ /gcig gis kyang ni grangs med 'gyur/ /'di lta bu yi sman chen mchog /ro bcud ma ni de bzhin gnas/ /rab 'byor cho ga sngon 'gro bas/ /sman gyi mchog ni 'grub par 'gyur/ /der ni yang dag sbyor ba bshad/ /dad pa brten pa yis ni nyon/ /me tog ldan pa'i bud med gang / /gzhon nu kha dog nag po ste/ /rgyud 'di thos pa dang ldan zhing / /ngo tsha med cing ltos med ma/ /'dod pa chung zhing sems can brtse/ /de bzhin gshegs pa rnams bsten cing / /rtag tu rab sbas btsog med ma/ /'di lta'i bud med rab blangs te/ /sman chen mchog ni yang dag brtsam/ /skyes bu shin tu chags che zhing / /myur du byang chub sems 'bab pa/ /gang yin de la dngos grub med/ /'di lta bu yi sman chen po/ /sangs rgyas kyis kyang rab rnyed dka'/ /shin du brtan pa'i sems kyis ni/ /blo ldan bud med de rnams bstan/ /de ltar yang zhes gsungs pa/ rab tu brtan pa gtso bo'i gnas/ /zhes ni sgrub pa po rnams smra/ /de phyir brten pa'i sems kyis ni/ /snod bzang 'bras bu bskul bar bya/ /der ni me tog ldan bud med/ /gser gyi sbyor ba rnyed dka' brtsam/ /grub pa'i bcud kyis byugs pa yi/ /zla ba rang gi snying khar bsam/ /sngon du ri yi rgyal pos brgyan/ /der ni yi ge hrIHsa bon/ /sems can don la gcig du 'bad/ /blo ldan dgos pa yang dag brtsam/ /zangs ma'i dngos po srang gcig bcas/ /zlum po snod bzang la bcug ste/ /g.yon pa bskum pa'i g.yas zur gzhag /med na lcags kyang bya ba yin/ /brtan pa'i sbyor ba'i sems kyis ni/ /de nas blo ldan las rnams brtsam/ /ri rab zla ba sa bon rgyal/ /zhu 'gyur the tshom med pa yin/ /</font><hr>87.146b<br><font size=+1>

snod bzang der ni ngal bsos pas/ /'bo ba'i sbyor bas 'dzag pa nyid/ /bzang pos myur du rab blangs te/ /mkhas pa yis ni byug par bya/ /rdog po byugs pa tsam gyis ni/ /me yi nang du gzhug bya zhing / /de nas shes rab can bltas na/ /gser du 'gyur ba the tshom med/ /de yi ma sha gcig gis ni/ /srang brgya ru ni 'gyur ba yin/ /de ltar gser gyi sbyor ba mchog /'jig rten gsum na'ang rnyed par dka'/ /gal te sman chen tshad min na/ /de tshe sangs rgyas tshad ma yin/ /rgyud kyi rgyal po chen po 'dir/ /dngos po gang dang gang gsungs pa/ /sangs rgyas thod pa'i sbyor ba yis/ /de dag thams cad bden par 'gyur/ /gang zhig 'di tshad min smra ba'i/ /blo gros chen po thos ldan pa/ /ji srid sangs rgyas bzhugs kyi bar/ /de dag thams cad dmyal bar 'gro/ /sman 'di tsam gyis ma grub na/ /chos phung brgyad khri bzhi stong dang / /bla med rnal 'byor ma rnams kyi/ /de dag thams cad brdzun par 'gyur/ /mtshams med lnga ni byed pa dang / /sems can sangs rgyas chos la 'tshe/ /sman gyis mchog ni 'grub 'gyur ba/ /skad cig de la the tshom med/ /sems can don la gcig tu 'bad/ /sgom ldan 'grub pa lta ci smos/ /sman mchog gser dang dngul du 'gyur/ /ji srid sangs rgyas ye shes yod/ /mi ni bskal pa bye bar 'tsho/ /de nas yang dag rab bshad pa/ /mo sham rnams kyi bu med pa/ /yang dag sbyor bas bkrus tsam gyis/ /skad cig de la bu ldan 'gyur/ /sngon gyi gtso bos ji skad gsungs/ /khrus kyi cho ga rab tu bshad/ /kha dog lnga yi rdul tshon nam/ /yang na rdul tshon dkar po yis/ /dpag dka' skrag par byed pa yi/ /dkyil 'khor 'jigs pa bri bar bya/ /der ni bum pa lto che ba/ /zlum po bzhi ni gzhag par bya/ /shes rab can gyis chu yis dgang / /ras kyis kyang ni dkri bar bya/ /rang gi khrag gis mtshan ma bri/ /bud med mo</font><hr>87.147a<br><font size=+1>

sham de yi ni/ /khams kyi gtso bo blangs nas ni/ /mkhas pas bum pa'i kha la byug /de nas khrag 'thung go 'phang la/ /gnas pa bsgom pa'i mchog ldan pas/ /nag po dmar mo 'jigs chen po/ /rdo rje hU~M las yang dag byung / /'jigs pa'i me ltar 'jigs byed pa/ /zhal gcig pa la phyag bzhi pa/ /bla ma 'jigs pa'i gar byed cing / /mkhas pas hU~M ni sgrogs bzhin pa/ /blo ldan bum pa'i nang du bsam/ /de nas ral gri 'dzin pa yi/ /skyes pa bzhi po grags chen po/ /khro bo gzhan gyi sems dang ldan/ /'jigs chen skyes bu de rnams kyis/ /ral gris nam mkhar bsnun cing gsod/ /sangs rgyas thod pa'i sbyor ba dang / /'di lta bu yi sbyor ldan pas/ /de bzhin du ni bud med bkru/ /skad cig de la bkrus tsam gyis/ /bud med bu dang ldan par 'gyur/ /sangs rgyas thod pa zhes bya ba rnal 'byor ma'i rgyud bla na med pa gsang ba'i yang shin du gsang ba las sman chen po khyad par can dang / mo sham gyi khrus kyi cho ga'i le'u ste bcu pa'o// // de nas yang dag rab bshad pa/ /mkha' lding sbyor las byung ba'i le'u/ /sngon du gsungs pa'i cho ga yis/ /mkhas pas dkyil 'khor bri bar bya/ /blo ldan he ru ka dang ni/ /kun nas rnal 'byor ma brgyad bskyed/ /mtshan ma phyag sogs sngon gsungs bzhin/ /kha dog dkar po 'ba' zhig nyid/ /phyogs kyi rnal 'byor ma dkar zhing / /mtshams kyi dmar po nyid yin no/ /sngon du gsungs pa'i cho ga yis/ /mkhas pas dkyil 'khor byin gyis brlab/ /bum pa rnam pa bzhi po la/ /sngon gsungs phyag mtshan bri bar bya/ /rig pa 'dzin pa'i sbyor ba yis/ /phyis ni slob ma rjes su gzung / /sngon gyi cho gas gsol btab ste/ /sbyin dang tshogs kyi 'khor lo dang / /de nas dkyil 'khor mchod par bya/ /slar yang gsang sngags 'di yis ni/ /slob ma rjes su</font><hr>87.147b<br><font size=+1>

gzung bar bya/ /sa stengs na ni dus zin la/ /cung zad gso bar mi nus te/ /nam mkha' lding can gyis btang zhing / /dus su zin ces smra ba ni/ /sangs rgyas thod pa'i rnal 'byor pa/ /blo ldan de nas las brtsam mo/ /bdag nyid he ru kar gyur cing / /kun nas rnal 'byor ma brgyad de/ /de kun sku ni dkar po ru/ /cho ga bzhin du sbyar bar bya/ /'bras btags rang bzhin blangs nas ni/ /rig pa 'dzin pa gnyis bya'o/ /shin du mnyam par gzhag pa yis/ /de yi lag par ral gri sbyin/ /de yi snying kar sngags bzhugs pa/ /'dab ma gang dang gang de la/ /mar khu che byas snag tsha dang / /mkhas pas sngags ni bri bar bya/ /o~M bud+d+ha ka pA le ni hrIH o~M ka pA la ni badzri Ni a/ bi d+h+wan sa ya sar+b+ba nA ga na u da pa ya d+ya d+ha ra ni/ bi b+ha ba ya ka la da sha na/ b+ho b+ho b+ha ga ba ti/ bud+ha ka pA la ni/  sar+b+bA na Na k+Sha ya~M ka rI ha ha ha swA hA/ rig pa 'dzin pa'i sngags so/ /de ltar yongs su rdzogs nas ni/ /'dab ma snying khar gzhug par bya/ /gsang sngags 'di dang lcug ma yis/ /lan bdun bar du spyan drang ngo / /o~M bud+d+ha ka pA la ni g+ha Ta g+ha Ta/ g+ha Da g+ha Da hri hri haHhaH he heHha~M/ lan bdun bsngags pa tsam gyis ni/ /rig pa 'dzin pa rnam pa gnyis/ /bar snang du ni lding 'gyur te/ /gcig ni dum bu dum bu ru/ /sa la ltung ba ru ni 'gyur/ /dus zin 'dir langs the tshom med/ /gzhan yang sbyor ba rnyed dka' gang / /pad stegs la sogs bcwa lnga po/ /glegs bam la ni bri ma byas/ /bla ma'i drin las shes par bya/ /sangs rgyas thod pa zhes bya ba'i rgyud rnal 'byor ma'i bla na med pa gsang ba'i yang shin du gsang ba las rig pa 'dzin pa'i sbyor ba'i man ngag nges pa'i le'u ste/  bcu gcig pa'o// // de nas phyag na rdo rjes rnal 'byor ma sna tshogs sde ma la yang dang yang du phyag 'tshal te/ 'di skad ces gsol to/ /rnal 'byor ma yi gtsor gyur pa/ /shes rab chen po'i lha mo legs/ /khyod kyis gsungs pa'i sbyor ba gang / /'jig rten na'ang</font><hr>87.148a<br><font size=+1>

rnyed par dka'/ /bdag gis rgyud kun mthong mod kyi/ /sbyor ba 'di dag rnyed par dka'/ /rgyud 'dir khyod kyis gang gsungs pa/ /sangs rgyas kun gyis ma bshad do/ /e ma'o sems can don la brtson/ /e ma'o sangs rgyas kun skyed ma/ /e ma'o phyag rgya che la brtson/ /sngags rnams kun gyi rab 'byor ma/ /shin du rnyed dka' gang yin des/ /rnal 'byor pa gang ngo mtshar ba/ /sna tshogs byed 'gyur lha mo gsungs/ /dang po'i le'u gang gang gsungs/ /sbyor de lha mos bdag la shod/ /'di lta bu yi tshig gsan nas/ /rnal 'byor ma ni sna tshogs sde/ /bzhad cing shin du bzhad pa yis/ /lha rnams thams cad skrag pa dang / /bdud sde thams cad 'bros pa dang / /bgegs rnams thams cad 'jig par 'gyur/ /e ma'o bzhad pa'i nges pa yis/ /rgyal ba'i mchog kun ngo mtshar ro/ /gsungs pa/ rgyal mtshan 'phyang ba blang byas la/ /de yi sha yang blang bya zhing / /de yi skad cha'i rus pa ni/ /blangs nas thab khung du ni bya/ /de yi thod pa'i rjes bzung ste/ /rgyus pa sdong bur byas te gzhag /de yi mar khus dgang bya zhing / /thab khung gru gsum steng du gzhag /gzhan yang dud pa 'bebs pa dang / /ji srid dud pa chags kyi bar/ /sangs rgyas thod pa'i rnal 'byor pas/ /gsang sngags 'di ni bzlas par bya/ /o~M bud+d+ha ka pA li ni b+ha ra b+ha ra/ d+ha d+ha ra/ d+ha d+ha ra/ d+ha ra pa ya d+ha ra pa ya/ sho Sha ya/ sho Sha ya/ ta pa ya ta pa ya/ trA~M trA~M ma~M sa~M ra d+hA~M ku ru ku ru b+ho b+ha ga ba te bud+d+ha ka pA la s+ya dz+nyA ma la~M g+haya shI g+h+ra~M ka dza la pa ta~M/ pa ta ya pa ta ya/ trA~M trA~M a hU~M stam b+ha ya b+ha ba/  ba ti hUM phaT/ 'di ltar sngags kyi rgyal po yis/ /'jig rten gsum yang skems par byed/ /'byung po ro langs mkha' 'gro ma/ /srin po sha za la sogs dang / /gzhan yang rung ste bgegs de rnams/ /thos pa tsam gyis 'bros par 'gyur/ /ji srid dud pa ma babs pa/ /de srid sngags ni bzla</font><hr>87.148b<br><font size=+1>

bar bya/ /dud pa babs ma thag tu ni/ /lag pa gnyi gas bzung bar bya/ /de nas blo chen rnal 'byor pas/ /rol rtsed phreng ba btung bar bya/ /bu mo lo ni bcu drug ma/ /lang tsho'i gzugs la brtse ba can/ /'di ni rnal 'byor pa yis spyad/ /gcig tu sems can don 'bad pa/ /gcer bu skra grol gyur pa yi/ /mkhas pas he ha'i sngags bton te/ /rol rtsed phreng ma btung bar bya/ /de yi rjes la rtse 'jo brtsam/ /shin du bzhad gyur phed mdzad pa'i/ /brtse ba chen po'i lag g.yon du/ /dud chen mchog ni gzhag par bya/ /sbyor ba la ni mkhas pa yis/ /phyis ni bags kyis bya ba bya/ /pad ma las byung rdzas gang zhig /de nyid kyis ni dud pa mnye/ /ming med mthe bos me tog sbyin/ /ril bu brgya dang rtsa brgyad bya/ /ril bu re re re re la/ /gsang sngags brgya dang rtsa brgyad bzla/ /o~M bud+d+ha ka pA li ni trA~M hrIHhU~M phaT/ 'jig rten gsum na rnyed dka' zhing / /rgyud rnams kun du rnyed dka' ba/ /rnal 'byor mas kyang rnyed dka' ba'i/ /sngags 'di yis ni dud pa bsgrub/ /srin lag gi ni sor mo yis/ /mig la dud pa byugs tsam gyis/ /stong gsum rdul phran lta bu yi/ /sangs rgyas thams cad mthong bar 'gyur/ /dpag tshad 'bum phrag brgyad bcu yi/ /steng dang 'og ni mthong bar 'gyur/ /lag pa g.yon pas mnyes tsam gyis/ /skad cig de la rnal mar 'gyur/ /mdzub mos byugs pa tsam gyis ni/ /rgyu dang mi rgyu mthong 'gyur te/ /'byung po yi dgas sha za dang / /gzhan yang grub pa rnams dang ni/ /dpag tshad bye ba stong phrag gi /steng dang 'og ni mthong bar 'gyur/ /lag pa g.yon pas mnyes tsam gyis/ /rnal mar 'gyur bar the tshom med/ /gung mos byugs pa tsam gyis ni/ /shin du ngo mtshar byed 'gyur te/ /pheg brdabs bdun gyi sgra tshad du/ /nag po 'bar byed rtse mo yis/ /sprin rnams thams cad 'thor bar 'gyur/ /'di lta'i dud pa</font><hr>87.149a<br><font size=+1>

rnyed par dka'/ /lag pa g.yon pas mnyes tsam gyis/ /skad cig de la mi ru 'gyur/ /mthe bong gis ni dud pa yi/ /bdag nyid chen po byugs tsam gyis/ /gzugs brnyen mtshan ma ri dang shing / /gzhan dag gang yang rung ba rnams/ /khro bo'i lta bas bltas tsam gyis/ /dum bu stong du 'gyur ba yin/ /g.yon pas mnyes pa tsam gyis ni/ /rnal mar 'gyur bar the tshom med/ /mthe'u chung gis ni mig byugs na/ /skad cig de la mi snang 'gyur/ /sangs rgyas kyis kyang gzigs mi 'gyur/ /skad cig sum bcu gsum du 'khor/ /mdzod dang bud med rdzas nyid dang / /dngos po gang dang gang 'dod pa/ /dud pa'i bdag nyid chen po yis/ /skad cig de la 'phrog par 'gyur/ /'di lta bu yi dud mchog gi /sbyor ba sna tshogs legs par bshad/ /de ni mig la byugs tsam gyis/ /rang gi gzugs ni bsgyur bar byed/ /dud pa 'di ni byugs tsam gyis/ /rig pa 'dzin pa'i gtso bor 'gyur/ /bya rog 'ug pa bya rgod dang / /sbrul dang khyi dang lce spyang dang / /stag dang gung dang byi la dang / /sbrang bu glang po bong bu ru/ /de ltar dud pa chen po yis/ /sna tshogs pa yi las byed pa'o/ /kun la las kun yod mod kyi/ /sbyor ba 'ba' shig rnyed par dka'/ /sbyor ba glegs bam la ma bris/ /bla ma'i zhal nas shes par bya/ /de nas yang dag rab bshad de/ /sbyor ba shin du rnyed dka' ba/ /sngags dang rus pa'i sbyor ba yis/ /rtag tu sna tshogs las byed do/ /glang po'i rus pas bsad pa'i sbyor ba bya'o/ /o~M bud+d+ha ka pA li nI hrIHhU~M/ rta yi rus pas bskrad pa rnyed par dka' ba bya'o/ /o~M bud+d+ha ka pA li nI kha~M hrIHhU~M phaT/ ba lang gi rus pas dgra'i snying kar phur bu gdab par bya'o/ /o~M bud+d+ha ka pA li nI trA~M hrIH khyi'i rus pas rengs pa chen po bya bar gsungs so/ /o~M bud+d+ha ka pA li nI AHhU~M phaT/ rus pa chen pos ni</font><hr>87.149b<br><font size=+1>

dgug par bya'o/ /o~M bud+d+ha ka pA la nI hrI bau ShaT/ bong bu'i rus pas rmongs par bya'o/ /o~M bud+d+ha ka pA li nI bru~M hU~M/ 'ug pa'i rus pas dbang du bya'o/ /o~M bud+d+ha ka pA li nI trA~M hrIHHhU~M/ bya rgod kyi rus pas dbye bar bya'o/ /o~M bud+d+ha ka pA li nI hAHphaT hU~M/ bong bu'i rus pas rengs par bya'o/ /o~M bud+d+ha ka pA li nI badzri lce spyang gi rus pas g.yul las rgyal bar byed do/ /o~M bud+d+ha ka pA li nI b+ha ga ba ti d+ha ra d+ha ra ha he ho ha ha/ ma he'i rus pas dga' zhing rtse bas lo bcu gnyis su nyin dang mtshan du de'i byang chub sems mi ltung ngo / /o~M bud+d+ha ka pA li nI ra ma ra ma kri Ta kri Ta ha ha/ sbrul gyi rus pas shing rtsad nas 'don no/ /o~M bud+d+ha ka pA li nI ta Ta ta Ta/ tra ta ya tra ta ya/ ma ta s+pho Ta ya spo Ta ya ud+pa Ta ya hU~M phaT/ stag gi rus pas ri 'degs par byed do/ /o~M bud+d+ha ka pA li nI/ g+ha ra g+ha ra/ ma Ta ma Ta tra Ta ya tra Ta ya/ g+ha TA pa ya g+ha TA pa ya/ s+pho Ta s+pho Ta mo Ta mo Ta ya sa~M kra ma ya hrIH  hU~M tra~M phaT/ lcags kyus ni nags stug po stong par byed do/ /o~M bud+d+ha ka pA li nI badzre nA sha ya mA ra ya g+hu Ta g+hu Ti ni sar+b+ba bi na ya ti na hri ye ya~M ta Da ya b+hi trA pa ya tsa ma~M tsa ma~M/ b+h+ra ma ya b+h+ra ma ya/ b+ho b+ha ga ba ti a~M a~M taT hU~M phaT/ sems gcig dri med me long bzhin/ /gang bsams de yang gzugs brnyan dang / /rmyi lam lta bur shes mod kyi/ /'on kyang rnam par rtog pas bzung / /sangs rgyas thod pa zhes bya ba'i rnal 'byor ma'i rgyud bla na med pa'i gsang ba'i yang shin du gsang ba las sngags sna tshogs kyi rab tu sbyor ba'i le'u ste/   bcu gnyis pa'o// // de nas yang dag rab bshad pa/ /rnam dag le'u rab rnyed dka'/ /ne ne mo dang tsha mo dang / /ma dang bu mo chung ma nyid/ /gal te phyag rgya che 'dod na/ /shes rab can gyis 'di dag spyad/ /g.yung mo dang ni gar mkhan ma/ /khrus mkhan ma dang gtum mo yi/ /bu mo</font><hr>87.150a<br><font size=+1>

ko ba byed par gsungs/ /blo dang ldan pas 'di dag spyad/ /de lnga rnal 'byor ma yi mchog /de nas yang dag rab bshad pa/ /ma dag pa yi sems sbyang phyir/ /mig ni sring mor gyur pa ste/ /rna ba tsha mo nyid yin no/ /sna ni ma ru 'gyur ba ste/ /lce ni bu mo nyid yin no/ /yid ni chung mar 'gyur ba ste/ /lnga po de rnams mchog lha mo/ /phyag rgya chen po rab ster ma'o/ /gti mug gar mkhan ma ru 'gyur/ /zhe sdang g.yung mo nyid yin no/ /'dod chags khrus mkhan ma yin te/ /nga rgyal gtum mo nyid yin no/ /phrag dog ko ba byed ma'o/ /lnga po de rnams bud med mchog /gzugs las gti mug skye ba ste/ /sgra las zhe sdang skye ba yin/ /dri la longs spyad pas 'dod chags/ /ro las nga rgyal nyid yin te/ /reg bya las ni phrag dog skye/ /sems kyi dag pa nyid yin no/ /de phyir rnal 'byor blo chen gyis/ /shin du sbyor ba'i sems kyis ni/ /skyes 'dir dngos grub ma thob kyang / /skye gzhan srid par dngos grub 'thob/ /ji ltar dngos po med par bsgom/ /ji ltar dngos po bsgom par bya/ /dngos po sgom bya ji ltar 'gyur/ /sring mo'i gzugs ni ji ltar yin/ /dkar mo ljang khu sngon mo'i mdog /'di lta'i gzugs dang ldan par ni/ /dag pa'i sems kyis blta mi bya/ /tsha mos ji ltar sgra thos pa'i/ /sgra grag pa ni rnam gsum nyid/ /'di lta'i sbyor dang ldan par ni/ /dag pa'i sems kyis mnyan mi bya/ /rab sbas skyed ma gang yin des/ /dri ni rnam pa gsum bltas pa/ /lta min yid dang ldan pa la/ /ji ltar 'dod chags skye bar 'gyur/ /lce dang lhan cig longs spyod rdzas/ /ro drug myangs ba ci 'dra ba/ /myangs bas longs spyod ldan pa yi/ /myangs pa'i gzugs ni ji lta bu/ /yid kyis longs spyod dga' bde nyid/ /yid kyis gnyi ga spyad pas bde/ /der ni rtag pa yod ma yin/ /dngos po las ni dngos med yod/ /dngos med la yang dngos po nyid/ /dngos</font><hr>87.150b<br><font size=+1>

dang dngos med gnyi ga stong / /'di dag sems kyi dag pa nyid/ /de nas gzhan yang rab bshad pa/ /phyi yi lus ni sbyang phyar ro/ /lta dang ldan pa snying rje ste/ /'khyud pa byams par 'gyur ba'o/ /drud pa'i sbyor ba'i bdag nyid ni/ /dga' ba yan lag ma yi mchog /gnyi ga 'dus las gang 'dzag pa/ /de ni bdag gis btang snyoms gsungs/ /de ltar dngos po'i sbyor ldan pa/ /ji ltar 'dod chags kyis 'ching 'gyur/ /mthong ba las ni 'dod chags skye/ /'khyud las 'bras bu cung zad tsam/ /drud pa las ni dga' ba skye/ /kun gyi mtha' mar dga' bral lo/ /de ltar dga' dang dga' bral 'bras/ /khams gsum pa las skye bar 'gyur/ /rab dga' sems kyi sbyor ba yis/ /dngos po gsum gyis 'ching mi 'gyur/ /bza' dang btung ba gang ci'ang rung / /bde ba 'bab pa'i kha zas rnams/ /de kun bshang dang gci sogs su/ /rnal 'byor rig pas rtag tu brtag /gang ci rung ba'i dga' rtse 'jo/ /'khyud pa dang ni 'o byed dang / /nyed dang 'tshir ba nyid kyis ni/ /phyag rgya chen po'ang mthong bar 'gyur/ /'di lta'i bsgom dang ldan pas ni/ /'di ru 'grub par the tshom med/ /rnal 'byor ma lngas sangs rgyas kyi/ /dpal dang phyag rgya cher ster byed/ /rnal 'byor pa yis de mchod na/ /'dod pa rnams kyis gos mi 'gyur/ /phrag dog la sogs kyis sbags kyang / /de la nyes pas gnod pa med/ /rnal 'byor pa yi mchog de nyid/ /srid pa'i nyes pas gos mi 'gyur/ /ji srid khams ni phyi mi gsor/ /sangs rgyas sku srid sdig dang bral/ /byang chub sems ni 'dzag med pa/ /gang tshe phun sum tshogs pa'i shing / /sangs rgyas thod pa zhes bya ba'i rnal 'byor ma'i rgyud bla na med pa gsang ba'i yang shin du gsang ba las sems rnam par dag pa'i le'u ste/  bcu gsum pa'o// // de nas yang dag rab bshad pa/ /sna tshogs sde mas bsngags pa'i le'u/ /de ltar</font><hr>87.151a<br><font size=+1>

phyag na rdo rje la sogs pa'i byang chub sems dpa' rnams dang / ri rab kyi rdul phra rab snyed dang mtshungs pa'i rnal 'byor ma rnams spyan drangs shing mgu ba'i sems kyis sna tshogs sde ma la btud de bstod pa/ /e ma 'o bcom ldan 'das lha mo/ /sangs rgyas thams cad skyed byed ma/ /dpal dang grags pa che zhing 'jigs/ /sems can kun la phan mdzad ma/ /lha mo snying rje che ldan ma/ /phyag rgya chen po blo chen ma/ /don chen 'bras bu ston mdzad ma/ /sangs rgyas thod pa yi ni rgyud/ /rdo rje 'chang gis sbas pa dang / /sangs rgyas rnams kyis ma gsungs shing / /byang chub sems dpa'i yul min pa/ /gsung gcig gis ni gsal mdzad de/ /de ni lha mo khyod kyis gsungs/ /e ma'o snod chen lha mo khyod/ /rnal 'byor ma kun bsdus byas pa/ /de bzhin gshegs kun yul min pa/ /rnyed dka' dngos grub gang yin pa/ /de ni lha mos gsal bar mdzod/ /gsungs pa/ rnal 'byor ma ni thams cad nyon/ /byang chub sems dpa' thams cad dang / /'dod chags bral dang bdag chen nyon/ /sangs rgyas de bzhin gshegs pa nyon/ /klu dang lhar bcas mi rnams nyon/ /rgyud rgyal 'di ni bklags tsam gyis/ /bsod nams gang yin de kun gyi/ /bsod nams rjes rang yongs su bsngo/ /phyag rgya chen po'i don du ni/ /sangs rgyas yon tan rnam pa dbul/ /sngags don zab mo rnams dang ni/ /sbyor ba shin du rnyed dka' ba/ /gang zhig gsal byas bdag bzod mdzod/ /shin du sbas pa'i yul de yang / /sems can don du gsal byas pas/ /rgyal ba'i mchog rnams bdag bzod mdzod/ /de nas yang dag rab bshad pa/ /sngags kyi bzlas pa stobs po che/ /gal te dngos grub mchog 'dod na/ /sangs rgyas thod sbyor bzang po bzla/ /o~M hrIHbud+d+ha hU~M ka pA li nI AH 'jug pa la o~M/ 'byung ba la hrIH  gnas pa la bud+d+ha/ bde ba la hU~M/ nub pa la ka pA li nI/ ldang ba la AH'o/ /de ltar bzlas pa rab rnyed dka'/ /sangs</font><hr>87.151b<br><font size=+1>

rgyas thod pa'i sbyor chud bzla/ /de ltar yid kyi bzlas ldan pas/ /dngos grub 'thob par the tshom med/ /o~M bud+d+ha ka pA li nI AHhrIHheHhU~M phaT/ snying po'i sngags so/ /bud+d+ha ka pA li nI badzri ni ho hU~M/ a dur la k+She hU~M phaT/ nye ba'i snying po'i sngags so/ /de nas yang dag rab bshad pa/ /dbang dus cho ga ji bzhin du/ /slob ma dad brtan gang zhig gis/ /shes rab ma la gsol ba gdab/ /dri zhim pa yi dngos po yis/ /maN Dal rnam pa lnga byas te/ /sangs rgyas kun gyis brgyan byas pa/ /lha mo che la gsol ba gdab/ /zhal du bza' ba'i rdzas mchog bstab/ /rdzas de rnams ni gsol ba dang / /yid ni tshim zhing thugs dgyes so/ /lha mo dgyes par mthong nas ni/ /tshig 'di dag gis smra bar byed/ /rnam par rtog pa mang po yis/ /g.yogs pa'i bag chags rab ldan pa/ /'khor ba'i 'dam du bying ba bdag /mdzes ma khyod kyis skyob par mdzod/ /grags chen snying rje ldan pa yi/ /lha mo de ni zhi bar mdzod/ /der ni rgyan rnams thams cad dang / /lhab lhub rgyan rnams dbul bar bya/ /dad pa brtan pa'i sems kyis ni/ /de nas bdag nyid dbul bar bya/ /sna tshogs zas dang sna tshogs btung / /de yi mdun du dbul bar bya/ /gang gis shes rab ma mnyes pa/ /sangs rgyas thams cad kyis ni mchod/ /'di nyid la ni sangs rgyas bzhugs/ /gzhan yang dngos grub gtso bo dang / /snying rje ldan pa gzhan gang zhig /mkha' 'gro ma kun 'di la bzhugs/ /gang du dbang po 'gags gyur pa/ /bdag rtog rang bzhin nyams pa ste/ /kye de lhan cig skyes dgar 'gyur/ /bla ma'i zhal sngar gsal bar zhus/ /gang zhig 'char dus tshe na dbang po dang / /yul mnyam nub gyur de la phyag 'tshal lo/ /mkhas pa rnams kyi snying sbas su sad pa/ /phyis ni mngon dga' rgyal ba'i mdzes sku gcig /sangs rgyas thod pa zhes bya ba'i rnal 'byor ma'i rgyud bla na med pa gsang ba'i yang shin du gsang ba las sngags kyi bzlas pa dang / shes rab ma la gsol</font><hr>87.152a<br><font size=+1>

ba gdab pa dang / rgyud thams cad kyi gleng gzhi'i le'u ste bcu bzhi pa'o/ /'di gsungs nas sna tshogs sde ma la sogs pa'i rnal 'byor ma thams cad dang / phyag na rdo rje la sogs pa'i byang chub sems dpa' rnams rang rang gi gnas na 'dug ste/ ci'ang mi gsung bar bzhugs so/ /sangs rgyas thod pa zhes bya ba'i rgyud rnal 'byor ma chen mos gsungs pa mchog tu gsang ba rdzogs s+ho// // rgya gar gyi mkhan po shrI ga ya d+ha ra dang / bod kyi lots+tsha ba gyi jo zla ba'i 'od zer gyis bsgyur cing zhus te gtan la phab pa/ /ye d+ha rmA he tu pra b+ha bA he tun to ShAn ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma NaH// </font><hr>

</table>