@/ /rgya gar skad du/ shrI sh+mA shA ni a laM kA ra tan+t+ra rA dza/ bod skad du/ dpal dur khrod rgyan gyi rgyud kyi rgyal po/ /dpal bde ba chen po la phyag 'tshal lo/ /'jigs byed che la phyag 'tshal te/ /zhabs la spyi bos legs btud nas/ /dur khrod gang lags rgyan gang lags/ /rgyud ni gang lags rgyal po gang / /bcom ldan 'das kyis bka' stsal pa/ /legs so rdo rje snying po legs/ /legs par nyon la legs par zung / /dang por dur khrod bshad bya ste/ /dur khrod spyi dang bye brag gnas/ /gzhal yas khang gi phyi rol te/ /rdo rje ra ba'i nang rol du/ /'jigs pa chen po spyi yi gnas/ /bye brag shar la sogs pa ste/ /snod kyi zhen pa bzlog pa yang / /lcags ri nag po tshun chad de/ /rdo rje ra bas de nyid do/ /chen po khru ni nyi shu ste/ /chung ba khru gang phan chad do/ /de las gzhan pa dkyil 'khor ni/ /tshad las nges par 'das pa'o/ /rnam shes tshogs brgyad rnam rtog brgyad/ /mi mnga'i rtags su dur khrod brgyad/ /phyogs dang phyogs bral dag tu dgod/ /tshogs brgyad yon tan brgyad ldan pa'i/ /rtagasu shing brgyad rim pas dgod/ /de bzhin gdug pa brgyad 87.55a bcom pa'i/ /rtagasu klu brgyad rim pas dgod/ /tshogs brgyad mi dge bcu bcom pa'i/ /rtags su phyogs skyong rim pas dgod/ /lus ngag gnyis kyis sems can gyi/ /don mdzad phyir ni char sprin dgod/ /de nyid dur khrod 'jigs pa che/ /thabs dang shes rab gnyis med rgyu/ /rnam rtog zil gnon brgyad por bshad/ /mdzes pa'i phyir na rgyan yin no/ /de nyid gsal bar bya ba'i phyir/ /dang por dur khrod bshad par bya/ /shar du gtum drag nag po che/ /lho ru ha har dgod ser che/ /nub tu mi bzang dmar po ste/ /byang du tshang tshing ljang gu che/ /me ru g.yer ka can yin te/ /bden bral mtshams su 'bar ba 'dzin/ /rlung mtshams dmyal sogs gnas pa ste/ /dbang ldan du ni dbyibs can du/ /b+hu tsa ri khe tsa sha ni/ /sa stengs shar gyi phyi ru dgod/ /pa ta li dang bA sa ni/ /sa 'og nub kyi phyi ru dgod/ /dur khrod 'di rnams mtshan nyid kyang / /'bar ba tshig dang ma tshig sogs/ /keng rus thod pa la sogs dang / /ro langs 'byung po'i tshogs dang bcas/ /lce spyang sgra yis 'jigs pa'i gzugs/ /shar du shi r-i sha yi shing / /lho ru a shwad datha yi shing / /nub tu wang ge ling gi shing / /byang du tsU ta'i shing du nges/ /gong dang mtshungs pa n+ya gro d+ha/ /parka ti lcug pA thA dag /me nas dbang ldan mtshams su dgod/ /ji ltar grags pa'i gzugs su 'dod/ /shar du dbang po gnas pa ste/ /lho ru gshin rje gnas pa'o/ /nub tu klu dbang gnas pa ste/ /byang du gnod sbyin yang dag gnas/ /shar lhor me ni gnas pa'o/ /lho nub mtshams su srin po gnas/ /nub byang mtshams su rlung dgod de/ /byang shar mtshams su dbang ldan dgod/ /nyi zla shar la sa bdag nub/ /ji ltar grags pa'i gzugs su dgod/ /shar du nor rgyas gnas pa ste/ / 87.55b 'jog po lho ste stobs rgyu nub/ /pad ma byang la pad chen me/ /hu lu hu lu srin por dgod/ /rigs ldan rlung mtshams dgod pa ste/ /dung skyong dbang ldan mtshams su'o/ /gdug pa sbrul gyi gzugs su dgod/ /kha dog rigs kyi dbye bas dbye/ /shar du char sprin dkar por dgod/ /lho ru pu mi ti dgod do/ /nub tu 'jigs pa rnam par gnas/ /byang du a ba yang dag gnas/ /sngo nya mer ni yang dag gnas/ /g+hA nya srin po'i mtshamasu dgod/ /rlung gi mtshams su par sha na/ /gtum po 'di brgyad char sprin brgyad/ /btsod kyi mdog 'dra gur kum mdog /nam mkha'i mdog 'dra du ba'i mdog /sprin gyi mdog 'dra sprin gyi gzugs/ /shar la sogs pa bzhi bzhi ste/ /'di dag nang rtags phyi ru 'byung / /dang por spangs pa phun sum tshogs/ /de nas ye shes phun sum tshogs/ /rang rig don ni phun sum tshogs/ /gzhan don phun sum tshogs pa yin/ /rtags su 'jigs pa 'di dag gnas/ /de nas nang gi dur khrod sogs/ /lpags pa rdo rje ra ba ste/ /rus pa rdo rje gur du nges/ /dpung pa nye ba'i dpung pa ste/ /brla dang de bzhin nye ba'i brla/ /brgyad ni dur khrod brgyad du nges/ /rje ngar nye ba'i rje ngar bzhi/ /lags ngar nye ba'i lag ngar bzhi/ /brgyad ni nang gi shing brgyad do/ /tshigs dang de bzhin nye ba'i tshigs/ /steng dang 'og tu bzhi bzhi ste/ /nang gi phyogs skyong yin par 'dod/ /mthil dang de bzhin nye ba'i mthil/ /steng 'og de bzhin klu brgyad do/ /rtse dang de bzhin nye ba'i rtse/ /brgyad ni char sprin brgyad yin te/ /bskyed rim rnam rtog mi mnga'i rtags/ /dur khrod brgyad ni nang na gnas/ /rtsa rlung ngo bo shes pa rgyas/ /de phyir nang gi shing brgyad gnas/ /rags pa'i gdug pa 'dul ba'i phyir/ /nang na klu brgyad yang dag gnas/ /bdag spyod gzhan yang spyod pa'i phyir/ / 87.56a char sprin brgyad ni nang du gnas/ /de nas gsang ba'i dur khrod kyang / /sna rtser rtsa brgyad dur khrod brgyad/ /lte bar rtsa brgyad shing brgyad do/ /snying gar rtsa brgyad phyogs skyong brgyad/ /mgrin par rtsa brgyad klu brgyad de/ /spyi bor rtsa brgyad char sprin brgyad/ /gsang bar rnam rtog mi mnga'i rtags/ /dur khrod brgyad ni gsang bar gnas/ /thams cad bde bar snang ba'i phyir/ /gsang bar shing brgyad yang dag gnas/ /phra ba'i mtshan ma'i rnam rtog gi/ /gdug pa 'joms phyir klu brgyad dgod/ /bde bas bdag spyod gzhan sbyor bas/ /de yi phyir na char sprin dgod/ /de nas bzhi pa'i dur khrod kyang / /rnam shes brgyad ni de nyid brgyad/ /dur khrod brgyad du nges pa'o/ /dur khrod sogs brgyad de nyid shing / /lhag ma gsum dang tshor tshogs lnga/ /brgyad ni phyogs skyong brgyad du nges/ /nyon mongs drug dang de yi gnyis/ /brgyad po dag ni klu brgyad do/ /lnga dang bzhi dag gsum dag ni/ /de dag bzhi pa'i char sprin brgyad/ /gzung 'dzin rnam rtog mi mnga'i rtags/ /bzhi pa yi ni dur khrod brgyad/ /stobs sogs mkhyen pa'i yon tan rgyas/ /rtags su shing brgyad nges pa'o/ /rnam rtog gdug pa 'dul ba yi/ /rtagasu klu brgyad nges pa'o/ /gzugs sku gnyis kyis sems can gyi/ /don mdzad rtagasu char sprin brgyad/ /phyogs skyong bla ma'i zhal nas shes/ /de dag kun gyi bye brag kyang / /bla ma'i zhal nas shes par bya/ /rgyun chags phy-i nang rgyud ces bya/ /rgyal po khyad par 'phags pa'o/ /gzhan yang nga yis gsungs pa'-i bka'/ /gsung gc-ig nyid du gsungs gyur kyang / /du ma nyid du so sor snang / /chos tshul du ma'i bye brag dang / /mos pa du ma'i bye brag dang / /'du shes du ma'i bye brag gis/ /theg pa'i mtha' la thug pa med/ /sems gzung yan lag bsam mi khyab/ /nga yi rjes su 'brang ba yi/ /bla ma sa rab 87.56b non pa dang / /de nyid bcu ldan mngon shes skyes/ /de gsung bcu drug mtha' yi bar/ /rig pa'i gnas lnga mkhas pas sbyang / /mkha' 'gro ma yi lung bstan pas/ /brtsams la bzhi yi mtha' yis nges/ /de lta'i man ngag ma thob bar/ /sngags kyi lta spyod gang spyod pa/ /rang yang phung la gzhan yang phung / /mthong ba'i chos la dmyal sogs 'tshed/ /de bas dngos grub 'dod pa yis/ /bla ma dam pa mnyes byas te/ /man ngag dam pa blang bar bya/ /nges pa'i lta spyod ma rnyed bar/ /gsang ba'i lta dang spyod pa dang / /mos pa'i rjes su gang byed dang / /nyon mongs zil non la sogs dag /gsang sngags lta bur spyad pa spyod/ /'di dag rkun po ma rungs pa/ /mthong ba'i chos la dmyal bar skye/ /dang po srid pa skye ba yang / /yar ngo mar ngo mtshams dang gsum/ /sih+la'i dang po tha ma dang / /'bras bu sred pa skye ba yi/ /dus der kun du ru byed na/ /'byung ba'i rlung gi nang zhugs na/ /nad gzhi bsdus shing nad gzhi skyed/ /srog dang tshangs par spyod pa 'byung / /de la 'dod pa'i mtshon chas ni/ /g.yeng ba me dang gtar ka bya/ /phyi nas rigs kyi bdag pos so/ /srid par skye ba'-i dus tshod kyang / /rgyun chad zhag gsum zhag lnga dang / /bdun dang dgu yi dus rnams spang / /de ltar rgyud mchog rgyal po'-i don/ /khyod la gtad kyis legs par zung / /de nas 'khor thams cad dga' zhing mgu ste rjes su yi rang par gyur to/ /dpal dur khrod rgyan gyi rgyud kyi rgyal po rdzogs s+ho// // paN+Di ta gA ya d+ha ra dang / lots+tsha ba dge slong shAkya ye shes kyis bsgyur ba'o/ / |