J366

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J366</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J366&coll=lithang">see text in Tibetan script</a></table>86.146a<br><font size=+1>

@##/    /rgya gar skad du/ shrI ma hA sam ba rod dA ya tan tra rA dza s+ya nA ma/ bod skad du/ dpal bde mchog 'byung ba zhes bya ba'i rgyud kyi rgyal po chen po/ dpal he ru ka la phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga rnams la bzhugs te/ 'phags pa dga' bo la sogs pa 'dod chags dang bral ba rnams kyis bskor cing / 'phags pa spyan ras gzigs kyi dbang phyug la sogs pa rnal 'byor kyi dbang phyug bye ba phrag brgyad bcu'i dbus su phyag na rdo rje la gzigs nas 'dzum pa mdzad pa dang / phyag na rdo rje stan langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ lag pa thal mo sbyar nas bcom ldan 'das la gsol ba btab pa/ kye rnam pa kun mchog sdom pa yi/ /bskyed pa'i rnal 'byor mtshan nyid dang / /rdzogs pa yang ni ji ltar lags/ /bcom ldan lha las nyan par 'tshal/ /rlung dang me dang chu dang sa/ /de bzhin nam mkha' ji ltar lags/ /rnam pa lnga ni ji ltar lha/ /gtso bo yul drug de bzhin ci/ /phyi dang nang du gnas pa yi/ /sku gsum byin brlabs ji lta bu/ /lha yi sku ni ji ltar lags/ /gtso bos de bzhin lha mo gsungs/ /zla ba nyi ma ci zhig lha/ /lam lnga po ni ji ltar lags/ /lus kyi rang bzhin ji lta bu/ /de bzhin rtsa yi gzugs ni ci/ /rtsa yi grangs kyi tshad ni du/ /de bzhin lus kyi gong bu ci/ /sbas pa'i dam tshig gi ni brda/ /gtso bos bdag la bshad du gsol/ /phyi dang nang gi bdag nyid kyi/ /gnas la sogs pa'i brda du zhig /ji ltar sa la sogs pa 'thob/ /mtshan ma ji ltar mthong bar 'gyur/ /khyod kyi las ni bcu gnyis gang / /sngags kyi bzlas pa ji ltar 'gyur/ /bgrang phreng dag ni</font><hr>86.146b<br><font size=+1>

ji ltar rigs/ /bzlas pa'i grangs ni du zhig lags/ /lha yi rnam pa'i rnal 'byor ci/ /dkyil 'khor bri ba du zhig mchis/ /sngags kyi dngos grub ci zhig lha/ /gzhon nu ma yi mchod pa ci/ /bya dang bya min nyi ma gang / /gtso bo myos byed gtor ma ci/ /bdud rtsi lnga sogs ji ltar lha/ /lcags kyu lnga sogs ji ltar 'gyur/ /dkyil 'khor bri ba bshad du gsol/ /thig gdab pa ni ji ltar 'gyur/ /ji ltar sa ni yongs su sbyang / /srung ba'i 'khor lo ji ltar 'gyur/ /slob dpon gyi ni bya ba gang / /ji ltar slob ma yongs su gzung / /dbang bskur ba yi grangs ni du/ /bzhi pa yang ni ji ltar 'gyur/ /dus kyi nges pa ji lta bu/ /de bzhin 'chi ba blu ba gang / /dus bzhi'i ming ni du zhig mchis/ /gling bzhi pa ni ji ltar lags/ /dus dang dus min dngos grub ci/ /spyod pa ji ltar spyad par bgyi/ /rnal 'byor ma yi rgyud ni du/ /rnal 'byor rgyud ni ji ltar 'gyur/ /mdo sde'i grangs ni ji lta bu/ /de bzhin pha rol phyin pa du/ /rab gnas sbyin sreg mchod sbyin dang / /sngags kyi dngos grub ji ltar 'gyur/ /bcud kyis len ni ji ltar lta/ /myos byed btung ba ji ltar 'gyur/ /gsang sngags ji ltar 'byung 'gyur lha/ /sngags btu ba ni ji ltar 'gyur/ /tshar gcad pa ni ci zhig lha/ /gtso bo rjes gzung ji lta bu/ /bcom ldan de nyid rnams ni ci/ /stong pa nyid dang snying rje gang / /stong pa nyid kyi rang bzhin ci/ /ji ltar de bzhin nyid rang bzhin/ /chos rnams thams cad yongs shas pa'i/ /bsgom pa'i mtshan nyid gtso bos gsungs/ /dpal bde mchog 'byung ba'i rgyud las zhus pa'i le 'u ste dang po'o// // bcom ldan 'das kyis bka' stsal pa phyag na rdo rje gsang ba 'byung ba 'di zhus pa legs so legs so/ /de nas de'i phyir bskyed pa yi/ /rim pa'i bsgom pa yang dag bshad/ /sna tshogs las kyi rang bzhin gyis/ /</font><hr>86.147a<br><font size=+1>

skye gnas bzhi po rnams su 'gyur/ /sgong skyes mngal nas skyes pa dang / /drod gsher dang ni rdzus skyes rnams/ /ngang pa khrung khrung rma bya dang / /ne tso bzhad sogs sgong skyes te/ /glang po ma ha ba lang rta/ /bong bu mi sogs mngal nas skyes/ /srin bu 'bu dang phye ma leb/ /nya la sogs pa drod gsher skyes/ /lha dang dmyal ba'i sems can rnams/ /de bzhin bar do'i sred pa dang / /bskal pa dang po pa la sogs/ /'di rnams rdzus skyes sems can no/ /shar gyi lus 'phags ba lang spyod/ /de bzhin byang gi sgra mi snyan/ /gling gsum po yi mi rnams ni/ /longs spyod chen pos yang dag 'tsho/ /blun rmongs bye brag mi phyed cing / /rtog med rnam par dpyod med pa'o/ /'dzam bu gling du legs skyes pa/ /las kyi sa par rab tu grags/ /legs byas nyes par byas pa'i las/ /mchog dang 'bring dang tha ma rnams/ /skye ba sngon gyi rnam smin 'dir/ /skye bo rnams la snang bar 'gyur/ /rgyags dang ser sna gdug sems rnams/ /g.yo sgyu mngon pa'i nga rgyal dang / /chags sdang gti mug la sogs kyis/ /rims dang nad la sogs pas gzer/ /'dzam bu gling pa'i gtso bo mchog /yul dbus su ni skyes pa ste/ /sngon gyi dge ba la ltos nas/ /dbang po rno 'bring rtul por 'gyur/ /mi ru skyes pa 'bras bu'i dam pa dang po ste/ /rang gi khyim nas nges 'byung rnyed pa gnyis pa yin/ /rab tu byung nas dge ba bsgrub pa gsum pa ste/ /rtse gcig yid ni thob par gyur pa bzhi par gsungs/ /sgyu ma lta bu'i ting nge 'dzin/ /mi rnams kyis rab mi shes te/ /thog med dus kyi nyon mongs kyi/ /bag chags rab tu bsags byas pas/ /de phyir sngon byas las kyis ni/ /skye dang 'chi ba yang dag 'byung / /tshogs pa ma rnyad de srid du/ /zhag bdun bar do'i srid par gnas/ /srid pa bar do'i sems can ni/ /'gron po'i bgrod pa ji bzhin du/ /</font><hr>86.147b<br><font size=+1>

'di ltar las kyi zhags pa yis/ /'gro ba drug tu rab tu skye/ /pha ma'i kun tu sbyor sogs ni/ /srid pa'i skye bos mthong gyur nas/ /rta la zhon bzhin rnam shes ni/ /rlung gi bzhon pa zhon nas su/ /skad cig thang cig nyid la ni/ /shin tu myur bar 'ongs gyur nas/ /shin tu dga' dang bcas stobs kyis/ /kha yi lam nas 'jug par 'gyur/ /rtsa ni stong phrag bdun bcu gnyis/ /rab bskul de yi skad cig la/ /A li kA li zhu byas pas/ /mchog tu dga' ba yang dag 'thob/ /khu ba khrag de'i dbus su ni/ /thig le'i gzugs kyis yang dag gnas/ /dang po'i rnam pa nur nur po/ /mer mer po ni gnyis pa yin/ /ltar ltar por skyes gsum pa ste/ /de bzhin bzhi pa gor gor po/ /rlung rnams kyis ni bskul tsam gyis/ /sha yi rnam pa lta bur 'gyur/ /zla ba lngar gyur sa bon las/ /yan lag lnga ni rab tu skye/ /zla ba bdun na skra dang spu/ /sen mo rtags ni skye bar 'gyur/ /zla ba brgyad na dbang po dang / /lus kyi yan lag 'byung bar 'gyur/ /zla ba dgu na yang dag rdzogs/ /zla ba bcu na sems dang ldan/ /nur nur rang bzhin mi bskyod pa/ /mer mer po ni rin chen 'byung / /'od dpag med mgon star star po/ /gor gor po ni don yod grub/ /mkhrang gyur rnam par snang mdzad de/ /rnam pa lngar ni bstan pa yin/ /dri chu khrag ni mi bskyod pa/ /sa bon rang bzhin 'od dpag med/ /gong bu rin chen 'byung ldan te/ /ro gcig 'dres pa rnam snang bzhugs/ /skye gnas dbus su rtsa gnyis te/ /g.yas dang g.yon na de bzhin gnas/ /g.yon nas khu ba zhes bshad de/ /g.yas nas de bzhin khrag yin no/ /de dag gcig tu 'dus gyur pa/ /chos kyi dbyings kyi rang bzhin no/ /las kyi sa bon dbang thob pas/ /rlung gis yang dag bsgyur nas su/ /chos kyi 'byung gnas sgo ru ni/ /gdong ni nges par phyogs par 'gyur/ /dku</font><hr>86.148a<br><font size=+1>

g.yas su ni brten nas su/ /tsog pur mngon par phyogs te gnas/ /dku g.yon yang dag brten nas ni/ /shes rab ltor ni mngon phyogs 'gyur/ /mkhas pas sa bon ltung ba'i rim/ /dus kyi skad cig yang dag mtshon/ /g.yas na rlung ni rgyu ba gang / /thams cad du ni skyes bur 'gyur/ /g.yon nas rlung ni rgyu ba gang / /nges par bud med rnams su 'gyur/ /gnyis ga'i dbus rgyu'i sa bon gang / /rtag tu ma ning 'gyur ba'o/ /chu khams pha yir shes par bya/ /me yi khams ni ma yi'o/ /lpags pa sha dang khrag rnams ni/ /ma las skyes zhes bshad pa ste/ /rgyus pa rkang dang khu ba rnams/ /pha las skyes zhes bshad pa yin/ /drug po 'di dag bsdus pa'i lus/ /rdo rje sems dpas gang gsungs pa/ /gzugs dang tshor ba 'du shes dang / /'du byed rnam shes de bzhin te/ /sangs rgyas lnga yi rang bzhin du/ /phung po nges par skye ba yin/ /srid pa skyed pa'i rim shes pas/ /rdzogs pa'i sangs rgyas thob bya'i phyir/ /'di ni phung po yongs mkhyen pa'i/ /de nyid gsung ba rnams kyis bshad/ /'di ni bskyed pa'i rim pa nges par bstan pa'i rim pa bye ba ste gnyis pa'o// // de nas gang zhig shes tsam gyis/ /myur du dngos grub thob 'gyur ba'i/ /rdzogs pa'i rim pa'i bsgom pa ni/ /yang dag rab tu bshad par bya/ /lus kyi dkyil 'khor la brten nas/ /chos dang longs spyod rdzogs pa'i sku/ /rdzogs pa'i byang chub rim bsgrubs pas/ /lus kyi dkyil 'khor zhes gsungs so/ /dbang po dman pas bskyed rim gyi/ /dkyil 'khor bsgom zhing bsam par bya/ /dbang po rno bos skad cig gi/ /rnam pas sems tsam dkyil 'khor bsam/ /skad cig rnam pa'i rnal 'byor gyis/ /rdzogs pa'i rim pa bsgom pa ni/ /khams gsum gzhal yas khang bdag nyid/ /srog</font><hr>86.148b<br><font size=+1>

chags rnams ni dkyil 'khor pa/ /de dbus skad cig rnam pa yis/ /dkyil 'khor bdag po rnal 'byor ba'o/ /o~M AHhU~M gi sngags kyis ni/ /sku gsung thugs kyi dkyil 'khor te/ /mtho ris sa stengs sa 'og tu/ /skad cig gis ni sku gcig 'gyur/ /skad cig rnam pas rnal 'byor te/ /skad cig rnam pas gsang sngags 'don/ /dbang po kun dang mnyam sbyor ba/ /mkha' 'gro dra ba'i bde ba mchog /khams bzhi pa dang phung po lnga/ /de bzhin yul drug bdag nyid ni/ /khrag 'thung lha mo'i ye shes te/ /de la tha dad mi brtag go/ /dkyil 'khor de bzhin nyid rgyas btab/ /de bzhin mkha' mnyam stong pa nyid/ /sna tshogs de bzhin nyid bdag med/ /thabs ni snying rje'i stobs yin te/ /zung du 'jug pa rnam rtog bral/ /dkyil 'khor snying po mchog yin no/ /rnam par mi rtog sbyor bsams kyang / /de tshe mi rtog bsam mi khyab/ /de yang rnam pa kun gyi mchog /bde ba'i dbang po rnam pa med/ /de nyid dngos dang dngos min bdag /rtag tu srid pas 'byung bar mdzad/ /sna tshogs spros pa'i rtog pa med/ /rtag tu 'byung ba bde ba che/ /skye ba med pa'i rang bzhin gyis/ /de las skye ba yang dag 'byung / /bems po min phyir bdag nyid rig /mi shes rnam par mi mthong bas/ /gzugs med gang du'ang mi gnas shing / /'gyur ba med phyir brtan pa'o/ /kun rdzob skye ba 'byung bas na/ /chad pa min phyir dngos med min/ /lhan cig skyes dga'i rang dngos su/ /chos rnams thams cad lhan cig skyes/ /bdag byin brlab pa rang 'byung ba/ /mi shigs 'jig pa med pa ste/ /skye ba med pa'i ro myong bas/ /sgom pa yang ni de nyid de/ /stong nyid so sor rtogs pas na/ /bsam gtan shes rab tu yang 'gyur/ /chos kun yongs su shes pa yi/ /bsgom pa de nyid bsgom med pa'o/ /rdzogs pa'i byang chub</font><hr>86.149a<br><font size=+1>

bde ba che/ /phyag rgya chen po mchog de bzhin/ /de nyid chos la 'jug pa'i phyir/ /de rnams dbye bas rab bstan pa/ /bla ma dam pa'i man ngag gis/ /gsal bar 'gyur gyi gzhan du min/ /sangs rgyas kun gyi sdom pa ni/ /e ba~M yi ge la rab gnas/ /sku dang gsung dang thugs kyi las/ /rnam kun mchog gi sdom pa'o/ /sdom pa byang chub bde mchog ste/ /bltar med brjod du med pa'o/ /sangs rgyas kun gyi gsang ba ni/ /'dus pa bde ba'i mchog yin te/ /bdag byin brlab pa'i rim pa 'di/ /bla ma'i drin gyis gsal bar 'gyur/ /'di ni rdzogs pa'i rim pa nges par bstan pa'i rim par phye ba ste gsum pa'o// // de nas de phyir 'byung ba bzhi'i/ /mtshan nyid yang dag bshad par bya/ /dngos po dag ni ma lus gang / /de ni 'byung ba'i rang bzhin te/ /sa de la ni dngos po brten/ /mes ni thams cad 'tshed par byed/ /chu yis 'jig par byed pa ste/ /rlung gis lhan cig bskyod par byed/ /nam mkha' yul gyis stong par gnas/ /der ni thams cad de las skye/ /gang du gcig ni gnas pa der/ /bzhi po kun kyang nye bar gnas/ /rtswa shing ljon pas 'khril shing sogs/ /bems po lta bu'i rnam shes tsam/ /gang dag 'gro drug sems can rnams/ /tshigs dang tshigs ni thams cad du/ /rnam shes bcas pa lta bur gnas/ /de ltar srid pa'i dngos po kun/ /blo dang ldan pas shes par bya/ /sems can rnams ni 'chi ba na/ /yan lag nying lag thams cad kyi/ /rlung ni thams cad bskyod par 'gyur/ /skad cig de la me drod 'dor/ /chu ni rtag tu skams gyur nas/ /de nas tshor ba med par 'gyur/ /lus la sogs pa'i sa khams kyi/ /sra ba nyid tsam gnas par 'gyur/ /skye ba dang ni 'chi ba dag /thams cad du ni 'byung bar 'gro/ /lha dang lha min mi rnams ni/ /'byung</font><hr>86.149b<br><font size=+1>

ba med par skye mi 'gyur/ /lha yi 'jig rten skyong la sogs/ /thams cad la ni lhan cig gnas/ /rig byed grub mtha' thams cad kyi/ /rtag tu 'dod cing bsgom pa ste/ /gang phyir thams cad kun tu 'gro/ /sa stengs skyes bu kun la gnas/ /'byung ba bzhi po gtso bo mchog /bstan bcos kun las yang dag bshad/ /rlung ni srog tu yang dag blta/ /me ni 'tsho ba'i mtshan nyid de/ /chu ni bdud rtsi'i ngo bo nyid/ /sa ni zhing tsam nyid du gnas/ /de la rtag tu gnas pa'i lha/ /rnam shes mchog gi dbang phyug ste/ /lha lnga yi ni rnam pa ru/ /rnam shes de ni yongs su 'gyur/ /gzugs dang tshor ba 'du shes dang / /de bzhin 'du byed rnam par shes/ /me long lta bu mnyam nyid dang / /so sor kun tu rtog pa dang / /de bzhin bya ba grub pa dang / /chos dbyings shin tu rnam dag ste/ /ye shes 'di dag rab tu gnas/ /rnam snang mdzad dang rin chen 'byung / /'od dpag med dang don yod grub/ /de bzhin mi bskyod pa nyid de/ /rnam lnga ro gcig rdzogs byang chub/ /gzugs dang sgra dang de bzhin dri/ /ro dang reg bya chos de bzhin/ /yul drug tu ni shes bya ste/ /'di dag rnam par dag par bshad/ /khams ni bcwa brgyad ces bya ste/ /de dag phung po'i rang bzhin nyid/ /yi ge mchog ni bsgom bar bya/ /sangs rgyas 'bras bu thob bya'i phyir/ /mig la sogs pa bsgom bya ste/ /mig gi dbang po'i rnam shes ni/ /thugs kyi rdo rje'i rnam 'phrul yin/ /ngo bo nyid gsum rnam dag don/ /'od gsal ba yi go 'phang 'gyur/ /sgra dang rna ba rnam shes ni/ /dmigs pa med pa'i ngo bo nyid/ /sna dang dri dang rnam shes kyang / /de bzhin rnam dag shes par bya/ /ro dang lce dang rnam shes ni/ /don dam nyid du rnam par dag /lus dang reg bya rnam shes kyang / /sgyu ma lta bu'i ngo bor skyes/ /yid dang chos dang yid rnam shes/ /snying po nyid du rnam par dag /rnam shes drug ni</font><hr>86.150a<br><font size=+1>

kun gzhi ru/ /'jug pas de bzhin gshegs pa yin/ /'od gsal ba yi go 'phang thob/ /he ru ka dpal yang dag gnas/ /yul dang yul can sbyor ba yis/ /rnam rtog med pa'i go 'phang 'gyur/ /rnam pa kun gyi mchog gnas pas/ /yul ni rnam dag shes par bya/ /sangs rgyas chos dang dge 'dun te/ /gcig la de bzhin gsum du brtags/ /skyabs gsum dang ni de nyid gsum/ /sku gsum rnam par grol ba gsum/ /zhal gsum yig gsum lha gsum ste/ /khams gsum pa'i rang bzhin nyid/ /dkyil 'khor gsum dang rnal 'byor gsum/ /lam gsum du ni bstan pa ste/ /dam tshig gsum dang dge ba gsum/ /de bzhin sku dang gsung dang thugs/ /shes rab dang ni thabs nyid dang / /de yi sbyor ba gsum pa ste/ /chos kyi 'byung gnas rang bzhin gyis/ /ji ltar gsang gsum mthong ba dang / /'khor gsum mi dmigs sbyor ba yis/ /sngags gsum gyi ni rang bzhin nyid/ /phyi dang nang gi bdag nyid kyi/ /rtsa gsum gyi ni rang gi dngos/ /phyi rol 'jig rten pa yi chos/ /lha la sogs pa'i bdag nyid nang / /phyi nang dag pa nyid kyi phyir/ /rnal 'byor pas ni sangs rgyas 'thob/ /chos kyi dbyings kyi rang bzhin du/ /lha ni mngon sum dmigs par bya/ /rnam pa kun gyi mchog rang bzhin/ /lha mor yongs su brtag par bya/ /dang po'i lha yi rang bzhin du/ /rdo rje sems dpa' rnam par bzhugs/ /gnas dang zhing la sogs pa'i brda'/ /dpa' bo rnal 'byor ma'i 'dus pa/ /de bzhin gnyis med mnyam sbyor la/ /lha rnams yang dag 'phro ba ste/ /tshad med lha ni 'phro ba las/ /dkyil 'khor tshad can rnam par brtag /lha yi rnal 'byor bsam mi khyab/ /sangs rgyas rol pa'ang bsam mi khyab/ /mkha' 'gro dra ba'i gzugs kyis ni/ /he ru ka dpal yang dag sbyor/ /de dag mi phyed ngo bo nyid/ /bsgom par nga yis bshad pa yin/ /</font><hr>86.150b<br><font size=+1>

de dag thams cad gnyis med thob/ /gzung dang 'dzin dang rnam bral ba/ /rags pa sgra zhes bshad pa ste/ /phra ba sems kyi rang bzhin 'gyur/ /bsam dang bral ba'i de nyid ni/ /go 'phang mchog ces yongs su grags/ /'di ni 'byung ba bzhi dang rnam pa lnga dang / yul drug lha'i rnam par dag pa rim par phye ba ste bzhi pa'o// // de nas zla ba nyi ma yi/ /rab tu dbye ba yang dag bshad/ /g.yas dang g.yon du sbyor ba yis/ /rim pa ji bzhin rgyu ba ste/ /g.yon du rkan nas bzung nas ni/ /lte ba'i dkyil 'khor rab 'jug pa'i/ /zla ba'i rtsa ni 'og bltas par/ /A li zla bar yang dag 'bab/ /g.yas su lte ba nas bzung nas/ /rkan gyi gnas su rab 'jug pa'i/ /nyi ma'i rtsa ni steng bltas te/ /kA li nyi mar rtag tu 'bab/ /sna yi sgo ni gnyis po nas/ /rtsa gnyis rgyu ba'i mtshan nyid ni/ /rtsa g.yon 'jug pa'i lam yin te/ /g.yas pa 'byung ba'i lam yin no/ /nyi shar nas brtsams ji srid de/ /nub kyi bar ni nyin mo ste/ /nub pa nas brtsams ji srid de/ /shar ba'i bar ni mtshan mor 'gyur/ /nyin dang mtshan mo zhag yin te/ /mel rtse thun zhes brjod pa yin/ /thun bzhi nyin mor shes bya ste/ /de bzhin mtshan mo'ang thun bzhi'o/ /zhag gcig la ni 'pho ba yi/ /yan lag bcu drug rnams yin te/ /thun ni phyed phyed rtag tu rlung / /sna yi bu gar yang dag rgyu/ /yar ngo'i tshes gcig nas gzung nas/ /nyin zhag gsum gyi thun phyed la/ /zla ba'i rlung ni rgyu ba ste/ /de nas zhag gsum nyi ma'i rlung / /go rim 'dis ni ji srid du/ /yar tshes bcwa lnga'i bar du'o/ /mar ngo'i tshes gcig nas bzung na/ /nyin zhag gsum gyi snga dro ni/ /nyi ma'i rlung du grags pa rgyu/ /</font><hr>86.151a<br><font size=+1>

de bzhin tshes ni bcwa lnga'i bar/ /thun re yi ni bzhi cha rnams/ /chu tshod du ni brjod pas na/ /nyin zhag gcig la rtsa rnams ni/ /sum bcu rtsa gnyis shes par bya/ /nyin zhag gcig la dbyug gu yi/ /drug bcu rtsa bzhi'i tshad kyis ni/ /rtsa dang chu tshod phyed dbyug gu/ /thun gyi brgyad cha zhes su bshad/ /sna sgo'i rlung ni 'byung 'jug la/ /dbugs gcig tu ni rab tu grags/ /rlung gi sbyor ba la mkhas pas/ /dbugs drug srog tu shes par bya/ /srog ni lnga bcu tham pa dang / /dbugs gsum rkang pa'ang de dang ldan/ /nyi ma byang du rgyu dus kyi/ /nyi ma dang po'i dbyug gu yin/ /nyi ma lhor ni rgyu dus kyi/ /mtshan mo yang ni de bzhin 'gyur/ /dbyug gu re re'i 'phel 'grib ni/ /dus kyi dbye bas shes par bya/ /dbugs ni drag po bzhi char bcas/ /'pho ba so so'i 'phel 'grib yin/ /dbugs kyi sum cha de'i bzhi cha'i/ /drug chas nyi ma re rer 'gyur/ /thun ni phyed phyed rgyu ba las/ /phyin ci log tu 'phos gyur na/ /rtsod pa la sogs nges 'gyur bas/ /mkhas pas 'di dag yang dag brtag /nyi ma gcig gnyis gsum dang bzhi/ /lnga dang drug tu gang tshe rlung / /phyin ci log tu rtag rgyu na/ /de tshe rtsod pa chen por 'gyur/ /zla phyed rtag tu log par rgyu/ /nad ni chen po yang dag 'byung / /zla ba gcig tu log par rgyu/ /snying sdug gnyen ni brlag par 'gyur/ /phyed dang gnyis su log par rgyu/ /zla ba drug na 'chi bar 'gyur/ /thun mong dus su shes par bya/ /gzhan yang khyad par bshad bya ste/ /mnyam po bdun du nyi ma song / /gang tshe skye ba'i nyin zla ba/ /de tshe rgyas pa zhes bya'i dus/ /'chi ba'i nges pa'i dus yin no/ /mi ni khyim gang las skyes pa/ /gang zhig gzhan yang bdun de'i phyir/ /der ni nyi ma mnyam bdun song / /mnyam po bdun</font><hr>86.151b<br><font size=+1>

zhes bya bar bshad/ /nyi ma'i lam nas thams cad du/ /rlung ni rtag tu rgyu ba dag /rgyun mi 'chad par yang dang yang / /mkhas pas dus ni mtshon par bya/ /dus kyi skad cig gang la rlung / /bgrod pa gzhan du 'jug 'gyur na/ /dus de'i skad cig rdzogs pa na/ /'chi 'gyur 'di la the tshom med/ /nyi phyed dang por byas te nyi ma rdzogs dang de bzhin nyin zhag gcig gi bar/ /de las zhag gnyis zhag gsum dang ni de bzhin zhag ni bzhi'i bar dag tu/ /rlung ni gang zhig rtsa la brten te g.yon pa min pa'i nyi ma'i lam nas rgyu/ /de las sa dang nyi ma phyogs dang bkra shis drug bzhi 'di dag shes par bya/ /lnga nas nyi shu rtsa lngar nyin zhag 'di dag lnga lngar spel bas bgrod par 'gyur/ /de las re res spel bas bcu ni sum 'gyur ji srid gsum gyis lhag pa'i bar/ /de las rgyas pa'i dus su gsum mig zla ba'i lo dang drug gsum zung zla'i zla/ /lhag ma tshes dang phyogs mda' yon tan zung dang zla ba'i zhag tu 'tsho ba yin/ /re'u mig sum bcu bdun bcas pa'i/ /'khor lo rim gsum bris nas ni/ /tshe dang srog gi rlung dag dang / /nyin zhag mtshan ma rim bzhin bri/ /zhag lnga nas ni nyi shu lnga'i/ /bar bar gyi ni nyin zhag la/ /grangs ni bcu drug ma bshad gang / /de rnams tshang bar brjod par bya/ /zhag ni drug bdun brgyad dgu yi/ /rim pas gal te rlung rgyu na/ /yon tan ldan yang nyin zhag ni/ /nyer bzhis ma tshang lo gsum na'o/ /drag po nyi ma yan lag sa'i/ /zhag ni rim pas rgyu na ni/ /yon tan ldan pa'ang nyin zhag ni/ /nyer bzhis ma tshang lo gnyis na'o/ /zhag ni bcu drug de bzhin du/ /bcu bdun dang ni bcwa brgyad dang / /bcu dgu yi ni rim pa yis/ /rlung rgyu yon tan can yang zhag /bcu gnyis gnyis 'gyur ma tshang ba'i/ /lo gcig na ni skyabs med gang / /de ni gshin rje'i grong khyer du/ /the tshom med par 'gro bar 'gyur/ /nyi ma nyi shu</font><hr>86.152a<br><font size=+1>

gcig gnyis gsum/ /nyer bzhi'i rim pas rlung rgyu na/ /yon tan ldan pa'ang zhag drug ni/ /ma tshang zla ba drug na 'chi/ /re'u mig sum bcu gnyis ldan pa'i/ /rim gnyis 'khor lo bris nas ni/ /der ni tshe dang yan lag rlung / /grangs kyi mtshan ma rim bzhin bri/ /'chi ba'i rtags ni 'di dag kun/ /rnam pa thams cad shes byas nas/ /blo ldan 'chi ba blu ba yis/ /gal te brten pa'i go 'phang 'dod/ /rtsa ni yang dag sbyang byas pas/ /de srid rlung ni sbyangs 'gyur te/ /so so'i rim bzhin rnal 'byor pas/ /yang dang yang du mnan par bya/ /g.yon pa'i bu gar bcug nas ni/ /rtsa ni bsdams nas mnan bya zhing / /de bzhin du ni g.yas par rlung / /bkug ste dal bus mnan par bye/ /sems can rnams kyi zhag gcig la/ /rgyu ba'i dbugs kyi grangs kyi tshul/ /brgya phrag drug gis lhag pa yi/ /stong phrag nyi shu rtsa gcig go/ /dbang chen gyis ni rgyal srid de/ /chus ni don rnams yang dag 'byung / /me yi rlung ni rnam rgyu bas/ /bkres skom dug dang sdug bsngal nad/ /bya ba thams cad nyams 'gyur zhes/ /rdo rje 'dzin pa mchog gis gsungs/ /rlung gis rtsod dang skyo dang rmongs/ /nor nyams nyon ni mongs par byed/ /dbang chen nor dang 'bru la sogs/ /rnyed pa thob dang sdud byed pa'o/ /chu yi rlung ni rnam rgyu bas/ /'dod pa'i dngos grub kun byed pas/ /de yi sbyor ba mchog gtso bor/ /rdo rje sems dpas gang gsungs pa'o/ /rlung ni bcom ldan he ru ka'i/ /rang bzhin nyid de gsum du 'gyur/ /g.yon pa shes rab rang bzhin te/ /g.yas pa snying rje'i bdag nyid do/ /gnyis po mi phyed sbyor ba yang / /gnyi ga nas ni rnam par rgyu/ /de bas de nyid rig pas der/ /dge mi dge sogs shes par bya/ /dug sogs gzhom dang lhag ma ni/ /bkra shis dpal ni bskyed pa la/ /shes rab bdag nyid rab tu bsngags/ /</font><hr>86.152b<br><font size=+1>

rtag tu dpal ldan snying rje'i stobs/ /g.yul bsham rol rtsed ston mo dang / /gcad pa dang ni dbug pa dang / /bsreg dang btso ba'i las la ni/ /snying rje'i bdag nyid rab tu bsngags/ /gzhan yang gnyis bdag rdo rje can/ /the tsom 'gyur bar shes bya ste/ /dge dang mi dge nges med par/ /rlung rig pas ni 'dir mtshon bya/ /mgon po ji ste A lir rgyu/ /'ga' zhig kA lir gnas 'dri 'am/ /kA li'i rgyu la A lir gnas/ /de yi 'dod don nyams par 'gyur/ /gang nas mgon po de rgyu ba/ /der gnas 'ga' zhig 'dri byed na/ /de yi don kun yang dag 'grub/ /gnyi kar gnas las the tshom 'gyur/ /rlung gi bdag nyid kyis mgon po'i/ /sku gsum por yang shes par bya/ /'jug pa chos kyi sku yin te/ /gnas pa longs spyod rdzogs pa'i sku/ /'byung ba sprul pa'i sku zhes bshad/ /'di dag sku ni gsum por bzhad/ /'dri ba po'am rang gi'ang rung / /chos skus thams cad dge ba ste/ /longs spyod rdzogs pas the tshom 'gyur/ /sprul pas 'thab mor ston pa'o/ /rnal 'byor pa yi srog rtsol ni/ /sangs rgyas lnga yi ngo bor gnas/ /g.yon dang g.yas kyi gnas gang na/ /rim pa ji bzhin rnam par rgyu/ /g.yas nas rnam par rgyu ba'i 'od/ /me yi dkyil 'khor nyid yin te/ /nags kyi me tog lta bu'i mdog /de ni 'od dpag med pa'i lha/ /g.yon nas rnam par rgyu ba'i 'od/ /rtag tu rlung gi dkyil 'khor te/ /kha dog ljang gu ltar snang ba/ /lha ni don yod mchog yin no/ /gnyi ga nas ni rgyu ba'i 'od/ /gser gyi 'od ltar snang ba ste/ /dbang chen dkyil 'khor gyi ni rlung / /rtag tu rin chen 'byung ldan rgyu/ /'og nas dal bar rab rgyu ba/ /kun da zla ba lta bur dkar/ /chu yi dkyil 'khor rgyu ba ste/ /'od chen rdo rje mgon po'o/ /lus kun la ni rjes 'gro'i</font><hr>86.153a<br><font size=+1>

rlung / /sems kun rab tu 'jug byed pa/ /mgon po rnam par snang mdzad ni/ /'byung bar rab tu grags pa yin/ /rnal 'byor ma ni mnyam gzhag pas/ /'jug pa'i rlung ni bgrang bar bya/ /ji srid 'bum la sogs pa'i grangs/ /sgra dang bral bar rtag tu bzla/ /sgrub pos sgra dang bral bar ni/ /'bum bzlas yongs su rdzogs pa na/ /tshe nyams pa yang lo lnga ru/ /'tsho bar 'dir ni the tshom med/ /rtag tu nang par langs nas rlung / /stong phrag gcig tu bgrang bya ste/ /de bas rlung gi rnal 'byor la/ /rtag tu mnyam gzhag gnas par bya/ /yang na bum pa'i rnal 'byor gyis/ /rtag tu 'chi bdag las rgyal bya/ /bdag nyid rig pas rkyang mthil bar/ /kun tu rlung gis dgang bya ste/ /bum pa can la brtan byas nas/ /dbye ba gsum gyis gzhom par bshad/ /tha ma sum bcu rtsa drug tsam/ /de yi nyis 'gyur 'bring de bzhin/ /sum 'gyur chen por shes bya ste/ /bum pa can des rgyal bar bya/ /bum pa can sngar shes byas nas/ /bdag nyid skyil mo dkrung bcas te/ /lag pa lan gsum mnyes nas ni/ /de nas lan drug se gol brdab/ /ji srid sum bcu rtsa drug bar/ /de srid bum pa can gyis bya/ /sum 'gyur chen pos gzhom pa ni/ /brgya las rtsa brgyad lhag pas so/ /brtan pa'i go 'phang 'dod pas ni/ /brtson pas de nyid kyis rgyal bya/ /bum pa'i sbyor bas rgyal bas na/ /'chi bdag las ni ring du 'jug /bum pa can ni shes byas nas/ /'gog la brtan par gnas pa na/ /de la bskal pa stong du yang / /'chi bdag nye bar 'ong mi 'gyur/ /snying gi chu skyes dbus son rlung / /hU~M yig dkar po'i rnam par ni/ /gang gis mnyam par gzhag bsams na/ /de la yul sogs dmigs mi 'gyur/ /rlung gis</font><hr>86.153b<br><font size=+1>

'khor ba'i steng du 'gro/ /mya ngan 'das pa'i 'og tu bgrod/ /snying ka yi ni chu skyes la/ /mi gnas mya ngan 'das par gnas/ /steng dang 'og tu rgyu ba'i rlung / /kha sbyar du ni yid kyis byas/ /de yi sbyor bas goms byed na/ /des ni brtan pa'i go 'phang thob/ /rlung gi rnal 'byor mi shes pa'am/ /gang zhig shes kyang mi byed pa/ /de ni 'khor ba'i sdug bsngal tshogs/ /du mas gtses pa'i srin bur 'gyur/ /gang zhig 'gro dang 'ong ba'i rlung / /blo dang ldan pas brtag bya ste/ /rlung gis thams cad byin gyis brlobs/ /rlung ni kun tu 'gro 'gyur ba'o/ /'di ni zla ba dang nyi ma'i man ngag gi rim par phye ba ste lnga pa'o// // de nas lam lnga bzang po mchog /rnam par nges par rab bshad bya/ /bdag gzhan don ni phun tshogs pa'i/ /sgrub pos dge dang mi dge brtag /me dang rlung ni nyid dag dang / /de bzhin dbang chen dang ni chu'i/ /dkyil 'khor yang dag rgyu ba las/ /zhi dang rgyas dang dbang dang dgug /de bzhin bsad dang bskrad pa yi/ /mtshan nyid mkhas pas brtag par bya/ /de yi sbyor ba mi shes pa/ /de ni ngal ba don med 'gyur/ /mes ni 'chi bar 'gyur ba ste/ /rlung gis nor rnams nyams par 'gyur/ /dbang chen gyis ni rgyal srid 'gyur/ /chus ni nor dang 'bru rnams ster/ /g.yas pa nas ni rgyu ba'i khams/ /byin za'i dkyil 'khor nyid yin te/ /kha dog dmar zhing gsal ba ni/ /pad ma'i mgon po'i 'byung ba'o/ /g.yon pa nas ni rgyu ba'i khams/ /rlung gi dkyil 'khor nyid yin te/ /kha dog ljang zhing gsal ba ni/ /las kyi mgon po'i 'byung ba'o/ /gnyi ga nas ni rgyu ba'i khams/ /gser gyi mdog ltar gsal ba ni/ /dbang chen dkyil 'khor nyid yin te/ /rin chen mgon po'i rgyu</font><hr>86.154a<br><font size=+1>

ba'o/ /dal zhing rgyu ba med pa'i khams/ /chu yi dkyil 'khor nyid yin te/ /dag pa'i shel ltar snang ba ni/ /rdo rje mgon po'i rgyu ba'o/ /khams rnams kun ni yang dag bsdus/ /rten dang brten pa'ang yang dag 'dzin/ /rnam snang mdzad ni rlung chen te/ /'chi ba'i lus las rnam par rgyu/ /rlung gi de nyid mi shes par/ /las dang las min mi 'grub ste/ /rlung ni thams cad bgrod 'gyur bas/ /rtog ge pa yis mi shes so/ /rlung gi de nyid sngon 'gro bas/ /sngags kyi de nyid bsgrub par bya/ /sems can rnams kyi srog gyur pa/ /rlung zhes bya ba las kun byed/ /'di ni rnam shes bzhon pa ste/ /sangs rgyas go 'phang 'thob byed pa/ /rgyud rnams kun gyi gsang ba ste/ /byang chub rgyu yi thabs yin no/ /'di ni lam lnga nges par bstan pa'i rim par phye ba ste drug pa'o// // de nas rtsa yi 'khor lo ni/ /rim pa bzhin du rab bshad bya/ /lus kyi rjes su 'gro ba'i rtsa/ /stong phrag bdun bcu rtsa gnyis 'gyur/ /rtsa rnams dang ni nye ba'i rtsa/ /de dag gnas la brten pa ste/ /brgya las nyi shu lhag pa'i rtsa/ /gtso bo zhes ni bya bar brjod/ /rtsa yi gnas dang yul rnams ni/ /nyi shu rtsa bzhi'i grangs yin te/ /de rnams dbus kyi rtsa gsum gang / /thams cad khyab cing rten pa'o/ /mgor ni pul+lI ra yin te/ /so dang sen mo 'bab pas gnas/ /spyi gtsug dzA lan d+ha ra ste/ /skra dang spu ni 'bab par gnas/ /o D+yin rna ba g.yas pa'i rtsa/ /lpags pa dang ni dri ma 'bab/ /mgo rgyab ar bu da yin te/ /sha ni yang dag 'bab pa'i rtsa/ /go ta ba ri rna ba g.yon/ /rgyus pa yang dag 'bab pa'i rtsa/ /smin dbus ra me shwa ri ste/ /rtag tu rus pa 'bab pa'o/ /mig ni de bi ko Tir gnas/ /</font><hr>86.154b<br><font size=+1>

mchin pa 'bab pa'i rtsa yin no/ /ma la ba ni dpung pa gnyis/ /snying la 'bab pa'i rtsa gnas so/ /mchan khung kA ma rU pa ste/ /rtag tu mig ni 'bab pa'o/ /nu ma gnyis ni o tri ste/ /rtag tu mkhris pa 'bab pa'i rtsa/ /tri sha ku ni lte ba ste/ /rtsa ni glo ba 'bab pas gnas/ /sna rtse ko sa la yin te/ /rgyu ma'i phreng ba 'bab pas gnas/ /kha ni ka ling ka yin te/ /rtag tu gnye ma 'bab pas gnas/ /mgrin pa lam pa ka yin te/ /rtag tu lto ba 'bab pa'i rtsa/ /kan tsi snying ga'i gnas yin te/ /bshang ba 'bab pa'i rtsa yin no/ /mdoms bar hi ma la ya ste/ /mtshogs ma'i mtshams ni 'bab pa'i rtsa/ /pre ta bu ri mtshan ma ste/ /bad kan 'bab pa'i rtsa yin no/ /gri ha de ba ta bshang lam ste/ /rtag tu rnag ni 'bab pa'o/ /brla gnyis sau raSh+Ta yin te/ /rtag tu khrag ni 'bab pa'o/ /byin pa gnyis ni gser gling gnas/ /rdul 'bab pa yi rtsa yin no/ /rkang pa'i sor mo na ga ra/ /rtag tu tshil 'bab rtsar shes bya/ /rkang pa'i bol ni sin d+hu ste/ /mchi ma 'bab pa'i gzugs can ma/ /ma ru de she mthe bo ste/ /rtag tu mchil ma 'bab pas gnas/ /ku lu ta ni pus mo ste/ /rtag tu sna chu 'bab pas gnas/ /de dag dbus na gnas pa'i rtsa/ /la la nAr ni gci ba 'bab/ /g.yas su khrag ni 'bab pa'i rtsa/ /ra sa nA zhes grags pa yin/ /dbus kyi char ni yang dag 'jug /snying ga'i chu skyes dbus son pa/ /chu shing snye ma'i me tog bzhin/ /'phyang ba kha ni thur du bltas/ /til gyi mar me ltar 'bar zhing / /byang chub sems ni mnyam 'bab de/ /a ba d+hU tIr shes bya ste/ /lhan cig skyes pa ster byed pa'o/ /la la na la sogs pa'i rtsa/ /rtsa rnams kun gyi gtso bo ste/ /de bas 'dir ni gzhan bsten pa/ /gang gA sin d+hur gzhan 'jug bzhin/ /</font><hr>86.155a<br><font size=+1>

gcig gyur kha kha mu kha ste/ /de nyid skye gnas gzhan ma yin/ /longs spyod rdzogs sku'i rang bzhin gyis/ /lus la brten par shes par bya/ /bud med rnams la'ang gtso bo gsum/ /la la nA sogs rtsa rnams yin/ /shes rab rang bzhin la la nA/ /ra sa nA ni thabs su gnas/ /dbus nas a ba d+hU tI ni/ /gzung dang 'dzin pa rnam spangs pa'o/ /longs spyod rdzogs sku la la nA/ /ra sa nA ni sprul pa'i sku/ /a ba d+hU tI chos sku ste/ /sku gsum por ni bshad pa yin/ /rtsa rnams de dag thams cad ni/ /lus ni dge bar byed pa ste/ /de yi tshogs las yang dag byung / /gong bu lha yi bdag nyid do/ /gzugs las 'das pa gong bur 'gyur/ /gong bu las 'das lha nyid de/ /de phyir bsam mi khyab sbyor bas/ /de bzhin nyid bdag kun tu 'gro/ /sgrub pos cho ga gang gang gis/ /gong bu las 'das go 'phang gnas/ /des ni de yi bdag nyid du/ /gyur pas sangs rgyas nyid thob 'gyur/ /'di ni rtsa'i 'khor lo'i thabs rim par phye ba ste bdun pa'o// // de nas gang zhig shes tsam gyis/ /myur du dngos grub 'gyur ba yi/ /dam tshig rnams kyang rim pa bzhin/ /yang dag par ni bshad par bya/ /rang gi khyim mam gsang ba'i gnas/ /dben zhing yid ni dga' ba dang / /ri bo tshang tshing ri sul dang / /rgya mtsho chen po'i 'gram dang ni/ /ma mo'i khyim dang dur khrod dam/ /chu bo 'dus pa'i dbus su ni/ /bla med 'bras bu 'dod pa yis/ /dkyil 'khor yang dag bri bar bya/ /yon bdag dad pa chen po yis/ /zhing skyes gnas skyes sngags skyes ma'i/ /rnal 'byor ma dang rnal 'byor pa/ /slob dpon lha kun spyan drang bya/ /khyim pa 'am ni dge tshul lam/ /de bzhin dge slong slob dpon te/ /slob dpon kha cig 'jig rten pa/ /bstan la gnas pa'i dge slong ngam/ /</font><hr>86.155b<br><font size=+1>

kha cig yon tan ldan pa'am/ /de bzhin mngon shes thob pa'ang rung / /'di rnams nang na yon bdag ni/ /gang la dad pas gtso mchog bya/ /slob dpon sngon du 'gro ba yis/ /dkyil 'khor dge ba bri byas te/ /slob dpon dbang bskur yon tan ldan/ 'jig rten rnams kyis ma smad cing / /mi dge bcu yongs spangs pa ni/ /tshogs kyi 'khor lo'i gtso bor bya/ /rtag tu yon bdag blo ldan gyis/ /snying rje med cing khro dang gdug /khengs dang brkam chags bdag nyid bstod/ /mnyam par ma gzhag gis mi bya/ /gang zhig khyim gnas longs spyod bsten/ /gshol 'dzugs dang ni tshong pa dang / /rmongs pas dam chos 'tshong ba ni/ /tshogs kyi 'khor lo'i gtso bor min/ /'di ltar yon tan kun ldan zhing / /thams cad mkhyen pa'i rgyal mtshan 'dzin/ /dul zhing brtson 'grus yang dag ldan/ /sred pa med cing nga rgyal med/ /rtag tu sems can bsten par ni/ /ltos bcas rgyan gyis brgyan pa dang / /thod pa'i rgyan la dga' ba dang / /rdo rje dril bu mnyam ldan pa'i/ /mkhas pas g.yon gyi phyogs su ni/ /g.yon pa'ang rab tu gzhag par bya/ /'di ltar yon tan ldan slob dpon/ /las rnams kun la rab tu bsngags/ /rim pa ji bzhin slob dpon dang / /lha rnams spyan drang byon pa la/ /ji ltar rnyed pa'i dri chu yis/ /zhabs bkru bas ni gtsang byas nas/ /sa yongs brtag pa'i gnas su ni/ /slob dpon sngon du 'gro ba yis/ /rgan dang gzhon pa'i dbye ba bzhin/ /zhugs nas gdan la gnas par bya/ /skal ba med dang nga rgyal can/ /de bzhin bla ma smod pa dang / /dam tshig ma mthong rang gi bu/ /de bzhin skyes pa bud med rnams/ /sgrub po dngos grub 'dod pa yis/ /dam tshig der ni gzhug mi bya/ /gal te phyugs ni de rnams zhugs/ /dngos grub ring du 'jug par 'gyur/ /dam tshig</font><hr>86.156a<br><font size=+1>

smad pas lus sems ni/ /sdug bsngal de bzhin gnas nyams dang / /dpal las ring zhing sna tshogs pa'i/ /sdug bsngal gyis ni nyer 'tsher 'gyur/ /de ltar shes nas spang bya ste/ /mchod pa'i spyod yul can rnams bsdu/ /rgan dang gzhon pa'i rim bzhin du/ /me tog bdug pa mar me dang / /tsan dan dris ni khyad par du/ /blo dang ldan pas rtag mchod bya/ /gdugs dang rgyal mtshan gyis brgyan pa'i/ /gtor ma slob dpon gyis rab brtag /lha ni bsnyen phyir mchod bya zhing / /yon bdag yid la 'dod pa yi/ /gang zhig zhi dang rgyas pa'i las/ /dngos grub don du dris nas ni/ /gang gang mngon bar 'dod pa yi/ /las de byin gyis brlab par bya/ /sbrang chang bur chang khur ba'i chang / /ji ltar rnyed pa dbul bar bya/ /gtsang zhing dul dang dpa' ba'i sems/ /sred dang gti mug rnam par spangs/ /thams cad mtshungs par lta ba ni/ /las kyi rdo rjer rab tu brtag /bza' dang bca' dang de bzhin btung / /so rtsi dang ni yon de bzhin/ /dkyil 'khor gyi ni mdun nyid du/ /yon bdag gis ni dbul bya zhing / /phyi nam las kyi rdo rje ni/ /mkhas pas rdzas rnams yongs su spyad/ /thog mar lcags kyu mnyam ldan pa'i/ /dam tshig yongs su spyad par bya/ /de nas thams cad yongs rdzogs par/ /slob dpon gyis ni byin gyis brlab/ /gnas dang nye gnas zhing dang ni/ /'dus dang dur khrod gnas pa'o/ /dpa' mo'i dbang phyug ma kun la/ /bdag ni gus pas phyag 'tshal lo/ /lha mo rnams kyi tshad ma dam tshig tshad ma dang / /des bshad gsung ni mchog tu tshad mar gyur pa ste/ /bden par gyur pa des na lha mo rnams kyis 'dir/ /bdag ni rjes su gzung ba'i rgyur ni 'gyur bar shog /gzhan yang dkyil 'khor</font><hr>86.156b<br><font size=+1>

mdun du ni/ /snying gar thal mo rab sbyar te/ /yon bdag gis kyang smon lam ni/ /yongs su bsngo ba nyid du bya/ /srid dang zhi ba mnyam bar chags pa bcom zhing yang dag rtog pa 'dzoms/ /khyed kyi dngos po thams cad mkha' dang mnyam pa'i bdag nyid gzigs par ldan/ /mgon po thugs rje chu yi ljid kyis brlan par gyur pa'i thugs kyi chus/ /bdag la mdzod cig lha mo rnams kyis shin du rjes brtser mdzad du gsol/ /rnal 'byor bdud rtsi ro gcig gsol bas thugs ni rnam par dag pa ste/ /gnas la sogs pa'i yul du bgrod pas sku ni rnam par dag pa yi/ /dpal ldan gnas kyi dbus kyi dkyil 'khor 'khor lo mchog gi mgon po ni/ /bla ma mchog la rtag tu mgo bos btud de gus pas phyag 'tshal lo/ /dpa' bo kun gyi sku ni rtag tu mdzes pa ste/ /lha mo rnams kyi rin chen sku yis 'khyud pas brgyan/ /'khor lor gnas mgon lhan cig skyes dga' dri med pa'i/ /rnal 'byor snying po bde mchog la yang rtag phyag 'tshal/ /sangs rgyas kun mkhyen shin tu rnam par dag pa'i gnas/ /lha mo rnams ni lhan cig skyes pa'i gnas kyis mdzes/ /'dren pa lhan cig skyes pa'i dga' ba 'byung ba ste/ /dri med lhan cig skyes pa mchog la bdag phyag 'tshal/ /tshigs bcad gsum gyis yang dag bstod/ /ji ltar bde bar phyag kyang btsal/ /yid spro ji ltar bde bar ni/ /ca co'i spro ba chen po yis/ /me tog phreng bas rnam brgyan cing / /sna tshogs me tog gis mchod lus/ /chang gi ston mo'i dga' bcas pas/ /rdo rje'i glus ni dgang bar bya/ /mchog tu dga' bas gar bya zhing / /gnas kyi mtshan ma'i stangs stabs gar/ /phyag rgya sngags kyis gar bya'o/ /der ni pa Ta ha sogs dang / /cang te'u dang ni bkra shis rnga/ /rnga rings la sogs sna tshogs pa'i/ /</font><hr>86.157a<br><font size=+1>

rol mo yid 'ong bsgrags par bya/ /he ru ka bcas dpa' bo dang / /rnal 'byor ma mchog g.yon pa ste/ /de rjes tshogs kyi gtso bo yis/ /yon bdag gi ni dge ba bsam/ /rnal 'byor rnal 'byor ma 'dus pas/ /skad cig shis pa brjod pa sbyin/ /bde ba phun tshogs ldan pa dang / /nad med pa dang dge ba'i sems/ /'dod dang grol sogs yang dag 'thob/ /dngos grub phun sum tshogs par 'gyur/ /dkyil 'khor rnam par spros pa ni/ /cho ga bshad bzhin bsdu bar bya/ /lhag ma'i gtor ma bsdus nas ni/ /'byung po 'chol ba rnams la sbyin/ /gnas dang zhing gnas rnal 'byor ma'i/ /tshogs la dri zhim tshim par bya/ /spyan drang dpa' bo thams cad ni/ /bde ba chen por gshegs su gsol/ /'di ni dam tshig gi brda'i cho ga rim par phye ba ste brgyad pa'o// // de nas lag pa g.yon pa'i brda/ /cung zad tsam ni bshad bya ste/ /sgrub pos gang zhig shes tsam gyis/ /myur du dngos grub 'gyur ba'o/ /gang zhig sor mo gcig ston pa/ /de la gnyis bstan legs 'ongs lan/ /gang zhig g.yon pa'i sor mo bsdams/ /bde 'am zhes pa'i rgyar shes bya/ /gang zhig ming med ston byed pa/ /de la mthe'u chung bstan par bya/ /gang zhig gung mo ston byed pa/ /de la mthe bo bstan par bya/ /gang zhig srin lag ston byed pa/ /de la mgrin pa rab bstan bya/ /gang zhig ba ston pa/ /de la rtse gsum bstan par bya/ /gang zhig nu ma ston byed pa/ /de la skra mtshams bstan par bya/ /gang zhig so ni ston byed pa/ /de la 'khor lo bstan par bya/ /gang zhig khro gnyer ston byed pa/ /de la gtsug phud bstan par bya/ /gang zhig dpral ba ston byed pa/ /de la rol pa bstan par bya/ /bud med gang zhig</font><hr>86.157b<br><font size=+1>

g.yon nas 'gro/ /rnal 'byor ma brtag g.yon nas te/ /skad ni chen pos rab tu smra/ /g.yon pa'i lta bas rnam lta zhing / /bud med rnams la dgar smra ba/ /de ni dam tshig ldan shes bya/ /bud med rnams la gsol btab na/ /rigs kyi sa bon rab smra zhing / /rigs kyi bya ba mi 'dor la/ /rang gi rigs kyi rig pa zlos/ /gang zhig rig pa rnam par 'dri/ /lag pa g.yon pas rang gi mgor/ /mgo la 'phrug par byed pa dang / /sgrub pa pos ni khyed par du/ /de yi rang rig dran par 'gyur/ /'khur ba 'am ni kos ko 'am/ /sna dag tu ni sor mo ston/ /zur gyis lta bas dus rtag tu/ /rang gi rigs la rnam par blta/ /bden 'byung 'gro ba'i rnal 'byor ma/ /rnyed dka' nges par dam tshig can/ /rang gi khyim du thod pa dang / /dgra sta ral gri rgyal mtshan dang / /'khor lo dang ni rnga yab dung / /rtse gsum bris nas dga' byed cing / /rtag tu sha dang chang la dga'/ /'jigs dang ngo tsha 'joms byed gang / /mkha' 'gro ma'i rigs yang dag 'byung / /lhan cig skyes ma zhes byar bshad/ /yul dang yul du mngon par skye/ /sgrub po rnams kyis rtag tu bsten/ /gnas dang nye ba'i gnas dang ni/ /de bzhin zhing dang nye ba'i zhing / /tshan d+ho nye ba'i tshan d+ho ha/ /'dus pa nye ba'i 'dus pa dang / /dur khrod nye ba'i dur khrod de/ /'dzam bu'i gling na yang dag gnas/ /gnas ni pul+li rir grags te/ /de bzhin dzA lan d+ha ra'ang gnas/ /u D+yin de bzhin gnas yin te/ /de bzhin ar bu ta yang gnas/ /nye gnas go da ba ri ste/ /de bzhin ra me shwa ri'i ming / /de bi ko Tir mngon brjod dang / /ma la ba yang nye ba'i gnas/ /zhing ni kAm rU'i ming can te/ /o drer mngon par brjod pa'ang zhing / /nye zhing tri sha ku na ste/ /ko sa lAng nye ba'i zhing / /ka ling ka dang lam pa ka'ang / /de bzhin</font><hr>86.158a<br><font size=+1>

tshan d+ho ha yin te/ /kAnya tsi hi ma la ya ni/ /khyad par nye ba'i tshan d+ho ha'o/ /'dus pa pre ta ba si ni/ /gri ha de ba yang de bzhin/ /sau raSh+Ta dang gser gling gang / /nye ba'i 'dus pa gnyis yin no/ /pa til pu tra dur khrod de/ /sin d+hu'ang de bzhin dur khrod do/ /ma ru ku lu tA gnyis ni/ /nye ba'i dur khrod gnas su bshad/ /de ltar phyi rol gnas su grags/ /nang gi gnas nyid lus su brjod/ /rang lus rtsa yi gzugs la 'dir/ /gnas kyi ming du rab tu grags/ /de gzugs lha yi rnam pa ste/ /des na nang gi bdag tu gnas/ /de phyir de yi gong bu'i dngos/ /lus 'di sangs rgyas kun mtshungs pa'o/ /gnas ni rab tu dga' ba'i sa/ /de bzhin nye gnas dri ma med/ /zhing ni 'od byed sa yin te/ /nye ba'i zhing ni 'od 'phro ba/ /mngon du gyur pa tshan d+hor shes/ /nye ba'i tshan d+ho sbyang dka' ba'o/ /'dus pa ring du song ba ste/ /mi g.yo bar grags nye 'dus pa/ /dur khrod de bzhin legs blo gros/ /nye ba'i dur khrod chos kyi sprin/ /gnas sogs sa yi rnam dag pa/ /rim pa ji bzhin bshad pa yin/ /gnas dang nye gnas sogs bsten pas/ /mi rnams dri ma med par 'gyur/ /blo ldan rnam rtog med pa ni/ /rgyu zhing mtshan ma yang dag brtag /sna tshogs gzugs dang 'jigs gzugs ma/ /drag cing mi bzad dgod brtags la/ /rang 'dod lha yi rnal 'byor gyis/ /hU~M gi sgra ni bsgrags par bya/ /thi tshom thams cad rnam spangs nas/ /sgrub pos seng ge bzhin du spyad/ /mthong ngam reg la thos pas kyang / /myur du dngos grub rab 'gro 'gyur/ /'di ni brda dang gnas la sogs pa'i brdas sa rnams nges par bstan pa'i rim par phye ba ste dgu pa'o// // de nas gang zhig bris tsam gyis/ /sgrub pos dngos grub thob 'gyur ba'i/ /zhi ba la sogs rab sbyor ba/ /yang dag rab tu bshad par bya/ /gur kum tsan dan bsres pas gang / /yar ngo yi ni tshes la bri/ /'khor lo rtsibs drug bris nas ni/ /yi ge</font><hr>86.158b<br><font size=+1>

bdun pa'i sngags sbyar zhing / /phyi rol rdo rje'i phreng bas bskor/ /dbus su ming ni rnam spel ba'o/ /dar ram ras ni gtsang ma 'am/ /yang na kham phor kha sbyar la/ /gsang ste las ni bris nas kyang / /srad bu dkar pos bkri bar bya/ /kha dog dkar pos shar bltas te/ /me tog dkar pos mchod par bya/ /mdun du zla ba'i dkyil 'khor gyi steng du bsgrub bya gnas par bltas/ bum po dkar po zla ba'i bdud rtsi'i chus gang bas dbang bskur bar bya'o/ /the tshom med pas thun gsum du/ /yi ge bdun pa'i sngags bzlas na/ /de ma thag tu zhi ba dang / /bde legs skyid dang tshe ring 'gyur/ /rims nad dug dang 'tshe ba la/ /lag pa g.yon par bsgom bya ste/ /'khor lo tsan dan gyis bris la/ /me tog bdug pa mchod par bya/ /bsgrub bya shar du kha bstan te/ /mkhas pa yis ni sbyar bya ba/ /gtor ma chu dang de bzhin me/ /de yi dbus su dur ba 'am/ /rma bya'i sgro 'am ku sha'i chus/ /khyad par du ni de la byab/ /gsang sngags 'di ni gtso bo mchog /zhi sogs cho ga rim bzhin byed/ /gur kum dri bzang sres pa yis/ /rgyas pa'i 'khor lo bri bya ste/ /swA hA'i yi ge dang spel bar/ /kham phor gnyis la bris nas ni/ /srad bu ser pos dkri byas la/ /mar dang sbrang rtsi'i nang du gzhug /byang du kha bltas thun gsum du/ /kha dog ser por bsgom byas la/ /zla ba'i dkyil 'khor ser po la/ /bsgrub bya gnas par mkhas pas bsam/ /bdud rtsi ser pos dbang bskur zhing / /me tog ser pos mchod par bya/ /rnam par mi rtog sems kyis ni/ /rgyas pa'i bsam pas bzla bya ste/ /che ge mo bauSh+Ti ka~M ku ru swA hA/ /bau ShaT sngags kyis spel bar bya/ /nor dang 'bru rnams 'phel ba dang / /dpal dang bkra shis mnyam par 'jug /las kyi sbyor ba 'di yis ni/ /rgyas par 'gyur te gzhan du min/ /tsan dan dmar dang sen rtsi dang / /ming med kyi ni khrag bsres te/ /ras sam gro ga'i 'dab ma 'am/ /kham phor so ni ma btang bzung / /yi ge hoH</font><hr>86.159a<br><font size=+1>

dang spel ba yis/ /'khor lo gnyis ni mnyam par bri/ /srad bu dmar pos bcings nas ni/ /me tog dmar pos mchod par bya/ /mar dang sbrang rtsi'i dbus gzhag la/ /nub kyi phyogs su kha bltas te/ /kha dog dmar por bsgom byas la/ /dkyil 'khor dmar po la gnas pa'i/ /bsgrub bya chags par rnam par bsam/ /rtag tu yig bdun 'byung ba ni/ /rgyun mi 'chad bar bzlas bya ste/ /myos par 'gyur bas zhabs drung lhung / /de ni grub par rnam par bsam/ /gal te dbang du 'ong bar ma gyur na mar dang sbrang rtsi dang bral ba'i 'khrul 'khor seng lding gi 'dab ma la gdung bar byas na/ gang su yang skal ba ngan pa yang skal ba bzang por 'gyur te gzhan du ma yin no/ /dur khrod kyi ras sam/ zla mtshan 'dzag pa'i ras la/ rgya skyegs kyi khu ba dang ldan pas yi ge dzaHhrI dang spel ba'i 'khrul 'khor bri ba'am/ kham phor ram/ bud med kyi thod pa la grub pa'i 'khor lo bris la srad bu dmar pos dkris te/ /me tog dmar pos mchod la bsgrub bya'i snying gnas lcags kyus dbug cing mgrin pa nas zhags pas bcing bar bya'o/ /gang gis de ltar bsams kyang bsgrub bya nam yang 'ong bar ma gyur na seng ldeng gi shing las me sbar la bsres bas 'khrul 'khor tshar gcad par bya zhing che ge mo A kar Sha ya hrIHdzaHzhes bya ba des bsgrub bya skad cig tsam de nyid la dgug par bya ste/ rkang pas dgug pa bla na med pa'o/ /de nas gzhan yang mnan pa yi/ /cho ga bla med bshad par bya/ /ri mo brgyad brgyad mnyam sbyar bas/ /re'u mig bzhi bcu rtsa dgu ste/ /mkhas pas de yi bar gyis ni/ /re'u mig bcu gsum stong par bya/ /zur dang zur du re'u mig dgu/ /grwa bzhi la ni yang dag gnas/ /grwa bzhi kun gyi dbus kyi ni/ /re'u mig stong pa nyid byas la/ /dur khrod ras la zhal bzhi pa'i/ /sngags ni yang dag sbyar te bri/ /yung ba ldong ros bsres pa'i chus/ /'khor lo gnyis la bsgrub bya'i ming / /</font><hr>86.159b<br><font size=+1>

yi ge la~M dang spel te bri/ /ri rab zur brgyad gnas bris pa'i/ /kham phor kha sbyar nyid du bya/ /ri rab steng du dbang chen gyi/ /dkyil 'khor dbus su la~M gyis ni/ /mtshan cing sna tshogs rdo rje yis/ /steng nas mnan par rnam par bsgom/ /srad bu ser pos rnam par dkrid/ /he ru ka ni phyag gnyis pa'i/ /rnam par bdag lus yang dag bsgom/ /rnal 'byor pas ni lhor bltas te/ /kha dog dmar por rnam par bsgom/ /bsgrub bya ri rab dbus gnas shing / /ri rab kyis ni mnan par bsgom/ /de stengs sna tshogs rdo rje yis/ /yongs su mnan par rnam par bsgom/ /rang gi gnas su de byas na/ /dgra yi kha ni gnon pa dang / /dpung rnams kun kyang gnon par byed/ /dgra yi snying yang gnon pa'o/ /o~M sum b+ha ni sum b+ha hU~M hU~M phaT la~M lhas byin sta~M b+ha ya/ o~M gr-i h+Na gr-i gr-ih+Na hU~M hU~M phaT/ la~M lhas byin sta~M b+ha ya/ o~M gr-i h+nA pa ya gr-i h+nA pa ya/ hU~M hU~M phaT la~M lhas byin stam b+ha ya/ o~M A na ya ho bid+yA rA dza hU~M hU~M phaT/ la~M lhas byin sta~M b+ha ya/ sngar bshad rim bzhin 'khor lo ni/ /de nyid kyis ni nges par bri/ /me tog ser pos mchod bya ste/ /ngag gnon pa yi mchog yin no/ /rtag tu dur khrod ras la ni/ /'khor lo gnyis ni mngon bris te/ /yi ge ba~M ni bsgrub bya yi/ /ming dang spel bas kha bcings pa/ /dbang chen dkyil 'khor dbus su ni/ /ga'u kha sbyar byas pa yi/ /lug gi snying kar bsgrub bya ni/ /rab tu zhugs par rnam par bsam/ /sngags ni rgyun mi 'chad par bzla/ /nges par lkugs pa nyid du 'gyur/ /de nas gzhan yang nges par ni/ /gsad pa'i cho ga mchog bshad bya/ /lan tshwa ske tshe tsha ba'i mar/ /nim pa'i lo ma de bzhin dug /dur khrod sol ba d+ha du ra/ /rang gi sdigs mdzub khrag kyang rung / /rdzas 'di dag ni snag tshar bya/ /lho phyogs kha bltas sbyor bas ni/ /khwa yi gshog pa'i smyu gu yis/ /bsgrub bya de yi ming bzung ste/ /yi ge hU~M dang rnam spel ba'i/ /'khor lo gnyis ni yang dag</font><hr>86.160a<br><font size=+1>

bri/ / khro zhing drag po'i nga ro dang / /g.yon brkyang ba yi zhabs kyis ni/ /nyi ma'i dkyil 'khor dbus gnas par/ /bskal pa'i me 'dra zhal rnam 'gyur/ /sngo zhing mi bzad hU~M gi sgras/ /mgur ni gang bar rnam par bsgom/ /gyo mo khrod kyi sar bsam pa'am/ /dur khrod sol ba yi ni dbus/ /'di la sogs pa'i sa phyogs su/ /bsgrub bya gnas par mkhas pas bsam/ /rid cing dri ma dang bcas pa/ /gos hrul gyon par rnam bsam ste| yan lag kun dang mgo bo dang / /snying ga dang ni dpung par yang / /sngags kyis phug par bsam par bya/ /bsgrub bya'i lus la gnas pa'i lha/ /rang gi lus la rab tu gzhug /khyim stong lta bur bltas nas ni/ /phyag na sna tshogs mtshon cha can/ /khro bo'i tshogs ni spro byas la/ /mtshon chas gsod par rnam bsam ste/ /dum bu drug tu gtubs nas ni/ /tshil dang rkang dang zhag dang sha /za dang 'thung bar byed pa dang / /de bzhin du ni khrag kyang 'thung / /ral gri dbyug to gtun shing dang / /dgra sta 'khor lo tho ba yis/ /bsgrub bya la ni rdeg cang gtub/ /dum bu brgyar ni gsheg par byed/ /khwa dang 'ug pa bya rgod dang / /lce spyang srin po mkha' 'gro ma/ /de rnams khros pa'i yid kyis ni/ /za ba dang ni 'thung bar byed/ /yi ge hU~M phaT dang spel ba'i/ /sngags dang de yis bzlas byas te/ /dkon mchog gsum la gnod byed pa'i/ /dgra yi tshogs rnams bsad par bya/ /e ma'o gang phyir bsad pa'i las/ /bsad par 'gyur kyang ma bsad de/ /'khor ba'i rnam par rtog pa tsam/ /de bzhin nyid du yid kyis rtogs/ /de nas yi ge phaT spel ba'i/ /'khor lo gnyis ni bris byas te/ /bsgrub bya'i ming ni yang dag blang / /sngags kyis sbyar te bri bar bya/ /rta dang ma he mnyam zhon pa'i/ /bsgrub bya bltas te yang dag bris/ /thod pa kha sbyar nang gzhag ste/ /srad bu sngon pos dkri bar bya/ /khro ba'i sems kyis nyi phyed dam/ /mtshan mo de yi khyad par la/ /</font><hr>86.160b<br><font size=+1>

rab tu gtum pa'i bzhi mdo 'am/ /dur khrod 'jigs pa'i dbus su ni/ /gsangs nas brkos te gzhug par bya/ /sngar bshad cho ga bzhin du mchod/ /rta dang ma he dag 'thabs pas/ /de yi mod la 'byed par byed/ /gnyis ga khro zhing khro bas 'jigs/ /g.yul 'gyed pa yi bdag nyid che/ /phan tshun rtsod pa byed pas ni/ /rnam par sdang 'gyur gzhan du min/ /yi ge hU~M phaT rnam spel ba'i/ /cho ga 'di nyid kyis 'dir bri/ /sngags dang bsgrub bya mnyam ldan pas/ /dur khrod ras la bris nas ni/ /thod pa kha sbyar nang bzhag ste/ /srad bu nag pos dkris nas ni/ /he ru kar ni bsgoms nas su/ /ro bsregs sa brkos sba bar bya/ /mdun du ya~M las byung ba'i rlung / /gzhu yi dbyibs can dbus gnas shing / /kha dog sngon po rnga mo zhon/ /lho phyogs su ni bskyod pa dang / /khro bo'i tshogs kyis khrid pas na/ /sa stengs smyon pa bzhin du byed/ /yi ge hU~M phaT sbyar ba yi/ /sngags kyi rgyun mi 'chad par bzlas/ /gang gi cho ga ci byas pa/ /de yi mod la skrod par 'gyur/ /sgrub po lhor bltas khros pa yis/ /rang khrag dur khrod thal ba dang / /dug dang lan tshwa 'bru mar tshe/ /myos byed 'dab ma'i khu ba ni/ /ske tshe mnyam bar yang dag sbyar/ /dur khrod ras la de bzhin du/ /'khor lo gnyis po nyid rim bzhin/ /cho ga rdzogs par bri bar bya/ /gsad pa gshin rje'i lus la gnas/ /dbye ba rta dang ma he la/ /bskrad pa rnga mo la gnas pa/ /zhi ba zla ba'i dkyil 'khor la/ /mi mo rnams kyi snying gar dbang / /rgyas pa glang chen rgyab tu'o/ /lkugs pa lug gi lus la gnas/ /mnan pa ri rab dbus te dgug /sha ra b+ha yi seng ger gnas/ /'di ltar las ni brtag par bya/ /las 'di dag dang bral ba'i las/ /bsgrubs kyang des ni mi 'grub ste/ /bla ma'i man ngag med pa'i las/ /stong pa bzhin du 'bras med 'gyur/ /'di ni las rab 'byam ba 'byung ba zhes bya ba'i rim par phye ba ste/ </font><hr>86.161a<br><font size=+1>

bcu pa'o// // de nas sngags kyi bzlas pa yi/ /mtshan nyid gsang ba bshad par bya/ /ri bo tshang tshing ri sul dang / /rgya mtsho chen po'i 'gram dang ni/ /bzhi mdo dang ni mdun khang gnas/ /dur khrod dam ni yid dga' ba/ /sngon du dkyil 'khor bris nas ni/ /phyi nas lha yi bdag nyid kyis/ /sngar bshad cho gas yang dag par/ /sngon du bsnyen pa la sogs bya/ /ri 'am ri bo'i gnas su ni/ /snying po'i sngags ni bzla bar bya/ /o~M shrI badzra he ru he ru ka hU~M hU~M phaT swA hA/ 'bum phrag gcig tu bzlas nas ni/ /bcu cha yi ni sbyin sreg bya/ /'jig rten 'jig rten 'das dngos grub/ /myur du 'grub te gzhan du min/ /tshang tshing ljon shing gtams par ni/ /rtag tu dkyil 'khor bris nas su/ /nye ba'i snying po'i sngags rtag tu/ /rgyun mi 'chad par bzla zhing bsgrub/ /o~M hrIHha ha hU~M hU~M phaT/ /'bum phrag gsum du bzlas nas ni/ /bzlas pa'i bcu cha'i sbyin sreg bya/ /char dbab pa dang gter dang ni/ /ngag gi dngos grub bsgrub par bya/ /ri sul dri med chur bcas par/ /dkyil 'khor dge ba bris nas ni/ /rgyun mi 'chad par sngags bzlas te/ /zhal bzhi pa'i gsang sngags bzlas/ /o~M sum b+ha ni sum b+hahU~M hU~M phaT/ gr-ih+Na gr-ih+Na hU~M hU~M phaT/ gr-ih+NA pa ya gr-ih+NA pa ya hU~M hU~M phaT/ A na ya ho bid+yA rA dza hU~M hU~M phaT/ rnal 'byor pa yis bzhi 'bum bzlas/ /bcu cha yi ni sbyin sreg bya/ /zhi dang rgyas dang bcud kyis len/ /de bzhin sems can don sgrub pa'o/ /rgya mtsho chen po'i 'gram song nas/ /dkyil 'khor yang dag bris nas ni/ /lha mo'i sngags ni khyad par du/ /'bum phrag gsum ni bzlas nas su/ /ji skad gsungs bzhin cho ga ni/ /rdzogs pas bcu cha'i sbyin sreg bya/ /o~M badzra bai ro tsa nI ye hU~M hU~M phaT swA hA/ 'jig rten dngos grub thams cad dang / /de bzhin mkha' spyod dngos grub thob/ /dur khrod du ni sngar bshad pa'i/ /cho ga'i rim pas dkyil 'khor bri/ /yi ge bdun pa'i</font><hr>86.161b<br><font size=+1>

gsang sngags ni/ /'bum phrag gsum du bzlas la bsgrub/ /bcu cha'i sbyin sreg byas nas las/ /rnam par nges pas bsgrub par bya/ /dbye ba dang ni bskrad pa'i las/ /khyad par du ni bsad pa'i las/ /rdo rje sems dpas gang gsungs bzhin/ /bzlas pa tsam gyis 'grub par 'gyur/ /bzhi mdor dkyil 'khor bris nas ni/ /mnan pa'i cho ga bsgrub par bya/ /mkha' 'gro ma yi gsang sngags ni/ /khri bzlas pas ni 'grub par 'gyur/ /o~M DA ki nI ye hU~M hU~M phaT/ bcu cha'i sbyin bsreg bsgrub na ni/ /'byung po ro langs 'grub par 'gyur/ /gtsug lag khang ngam mdun khang du/ /dkyil 'khor mchog ni bri bar bya/ /lA ma'i sngags ni nges par yang / /'bum phrag gcig tu bzlas nas ni/ /lha mo bcu cha'i sbyin bsreg bya/ /o~M lA me hU~M hU~M phaT swA hA/ mig sman dang ni rkang mgyogs dang / /de bzhin dbang du byed pa ni/ /'grub par 'dir ni the tshom med/ /dben zhing nyams dga'i gnas su ni/ /rtag tu dkyil 'khor bri byas la/ /khaN Da ro hi la sogs sngags/ /cho ga sngon bzhin bsgrub par bya/ /o~M khaN Da ro he hU~M hU~M phaT swA hA/ 'bum phrag gnyis ni bzlas nas kyang / /bcu cha yi ni sbyin sreg bya/ /rgyun mi 'chad par sngags bzlas te/ /gnod sbyin gnod sbyin mo rnams bsgrub/ /gzugs can ma yi gsang sngags ni/ /nges par 'bum phrag bzhi bzlas nas/ /lha mo'i bcu cha'i sbyin sreg bya/ /'grub par 'gyur bar the tshom med/ /o~M rU pi Ni ye hU~M hU~M phaT swA hA/ me tog dang ni spos dang dri/ /lha bshos gtor ma de bzhin te/ /bza' dang btung bas khyad par du/ /dkyil 'khor mchog ni mchod bya zhing / /glu dang gar gyi khyad par gyis/ /phyag rgya sngags ni bsgrags par bya/ /yid 'ong dam tshig rnyed nas ni/ /phyogs su gzhag nas bsgrub bya ste/ /las ni gang gis khyad par gyis/ /de yi rigs sogs brtag par bya/ /lha yi rnam pa la gnas te/ /cho ga ji bzhin bzlas shing mchod/ /</font><hr>86.162a<br><font size=+1>

dus gang tshe na mi smra zhing / /der ni sngon du bsnyen pa bya/ /myos byed gtor mar mnyam ldan pas/ /sngags kyi nus pa bsgrub bya ste/ /brgya dang stong dang 'bum gyi bar/ /der ni grangs nyid mtshon par bya/ /grangs med sngags ni bzlas pa yis/ /bla na med pa'i dge ba 'byung / /de dag nges par sbyor ba yis/ /bsgrubs na dngos grub thob par 'gyur/ /'di ni sngakas kyi bzlas pa'i nges pa bstan pa'i rim pa phye ba ste bcu gcig pa'o// // yang dag cho ga gang gis 'dir/ /'grub par the tshom med pa yi/ /bzlas pa'i phreng ba'i mtshan nyid ni/ /gnod sbyin bdag po legs par nyon/ /gser dang dngul dang zangs ma dang / /de bzhin shel dang dung la sogs/ /zhi dang rgyas pa dag la sbyar/ /zhi la ri lu brgya pa ste/ /ri lu brgya rtsa brgyad pa ni/ /rgyas pa'i las la rab bsngags te/ /mkhas pas rgyal srid ched dam dpal/ /bde spro phun sum tshogs phyir bzlas/ /dbang dang dgug pa'i rab sbyor la/ /gur gum la sogs dri'-i ri lu/ /byi ru tsan dan dmar po'i 'bru/ /rtag tu ri lu lnga bcu'o/ /ru drAk+Sha dang lung tang 'bras/ /de bzhin mi rus rnga mo dang / /bong bu ma he'i rus pa ni/ /drag spyod lkug dang gnon pa dang / /dbye bas dgra ni tshar gcad dang / /gsad dang bskrad la sbyar bya ste/ /las kyi khyad par ji lta bar/ /bzlas pa'i phreng ba'ang bya ba yin/ /bong bu rnga mo'i spu dang ni/ /khwa'i sgror ni bsre byas la/ /mnan dang bskrad pa'i las la ni/ /de yi srad bus brgyu bar bya/ /rta dang ma he'i spu yis ni/ /rnam par sdang la srad bu bya/ /dur khrod skra yi srad bu dang / /khyi yi spu ni bsre bya ste/ /de yi srad bu drag po yi/ /las la bsngags phyir sbyar bar bya/ /dge ba'i las la gzhon nu mas/ /bkal ba'i srad bus brgyu bar bya/ /zhi ba la ni 'dzub la gzhag /rgyas pa rtag tu gung mo yis/ /ming med kyis ni dbang</font><hr>86.162b<br><font size=+1>

zhes gsungs/ /tha ma yis ni mngon spyod yin/ /mthe bo lha yi rang bzhin gyis/ /las kun las ni sbyar bar bya/ /rilu dgra bcom mdo 'dzin ni/ /chos kyi dbyings kyi rang bzhin te/ /bzlas pa'i phreng ba'i khyad par gyis/ /mnyam gzhag bsgom zhing bzlas par bya/ /rdzogs ldan dus su gcig bzlas pa/ /gsum ldan dus su gnyis 'gyur bzlas/ /gnyis ldan dus na sum 'gyur bshad/ /rtsod dus bzhi 'gyur du ni bzla/ /sngags kyi grangs ni bzhi po yis/ /rgyun mi 'chad par gsang sngags bzlas/ /bzlas pa'i phreng ba sogs bsdus ba/ /'di ni ngag gi bzlas pa ste/ /lha yi gzugs su dmigs pa yis/ /spro dang bsdu ba'i bdag nyid can/ /sngags kyi de nyid brda yis ni/ /'gro dang 'ong ba yang dag bsam/ /mtha' gsum las ni rnam grol ba/ /don dam de bzhin nyid kyi don/ /'di rnams sngags kyi bzlas pa yi/ /cho ga'i mtshan nyid gsungs pa yin/ /'di ni sngags kyi bzlas pa'i bgrang phreng nges par bstan pa'i rim par phye ba ste bcu gnyis pa'o// // de nas gzhan yang bshad bya ba/ /lha yi dkyil 'khor 'byung ba ste/ /gsang ba mchog gi dgyes pa can/ /dngos grub yon tan kun gyi gnas/ /'dod pa'i yon tan kun khyab pa'i/ /sa phyogs mkhas pas yang dag brtag /khrag 'thung phyag gnyis sbyor ldan pas/ /phung po lnga sogs nga rgyal bya/ /zhal bzhi pa yi sngags brjod pas/ /phyogs ni bcing zhing ra ba ste/ /o~M sum b+ha ni sum b+ha hU~M hU~M phaT shar du'o/ /o~M gr-i h+Na gr-i h+Na hU~M hU~M phaT/ byang bu'o/ /o~M gr-ih+NA pa ya gr-ih+NA pa ya hU~M hU~M phaT/ nub du'o/ /o~M A na ya ho bid+yA rA dza hU~M hU~M phaT/ lho ru'o/ /phyogs su se gol brdabs pa yis/ /gdug pa'i bdud ni bskrad par bya/ /snying ga'i chu skyes hU~M yig las/ /'od zer phreng ba spro bar bya/ /de yi snang bas mdun du ni/ /bla ma sangs</font><hr>86.163a<br><font size=+1>

rgyas sogs bltas la/ /phyag btsal me tog bdug sogs pas/ /mchod de rjes la sdig pa bshags/ /dkon mchog gsum la skyabs 'gro zhing / /byang chub sems ni rnam par bskyed/ /gzhan la phan pa'i sems ni byams pa ste/ /gzhan gyi sdug bsngal 'joms byed snying rje yin/ /gzhan gyi bde bas tshim pa dga' ba ste/ /sems can kun snyoms btang snyoms rnam par bsam/ /o~M swa b+hA ba shud d+hA sar+b+ba d+harmA swa b+hA ba shud d+ho\u0f85ha~M zhes bya bas/ sems tsam nyid la rnam gnas shing / /byang chub tshogs ni bsgom par bya/ /o~M shUn+ya tA dz+nyA na badzra swa b+hA ba Ad ma ko\u0f85ha~M/ rten dang brten pa'i gzugs su ni/ /b+hai ram ba la sogs pa bsam/ /ya~M las byung ba'i rlung dkyil 'khor/ /gzhu 'dra kha dog sngon po ste/ /de yi steng du ra~M las ni/ /me yi dkyil 'khor gyi ni gzugs/ /kha dog dmar po zur gsum pa/ /rdo rje rtse gsum gyis mtshan pa'o/ /de yi steng du ba~M byung ba'i/ /chu yi dkyil 'khor zlum bo dkar/ /de yi steng du'ang la~M byung ba'i/ /sa yi dkyil 'khor zur bzhi pa/ /kha dog ser po grwa bzhir ni/ /de bzhin rdo rje rtse gsum mtshan/ /de yi steng du su~M byung ba'i/ /zur bzhi pa ni ri rab ste/ /rin chen bzhi yi bdag nyid mdzes/ /rtse mo brgyad kyis brgyan pa'o/ /de yi steng du hU~M byung ba'i/ /sna tshogs rdo rje rnam par bsgom/ /de yi steng du pad ma ni/ /lte ba ge sar ldan par bsgom/ /de dbus A li kA li yi/ /dag pa'i sbyor ba bsgom par bya/ /de yi dbus su yi ge hU~M/ /rdo rje sems dpa'i rang bzhin las/ /nyi ma'i dkyil 'khor dbus bzhugs pa'i/ /dpal he ru ka rnam par bsgom/ /dpa' bo zhal gsum phyag drug pa/ /g.yas brkyang ba yis gdan la bzhugs/ /rtsa ba'i zhal ni nag po che/ /g.yas pa kun da lta bu ste/ /g.yon pa dmar po cher 'jigs pa'o/ /ral pa'i cod pan gyis brgyan pa/ /'jigs</font><hr>86.163b<br><font size=+1>

byed dang ni dus mtshan dag /mnan zhing bde ba chen pos bzhugs/ /rdo rje rnam snang mdzad mas 'khyud/ /thugs rje'i chags pas shes cher dgyes/ /phyag gnyis rdo rje dril bu ni/ /mnyam par ldan pas yang dag 'khyud/ /gnyis pa'i phyag ni mchog gnyis kyis/ /glang chen lpags pa gos su 'dzin/ /g.yas kyi gsum pas cang te'u ni/ /chos kun ngo bo nyid sgra sgrogs/ /g.yon gyi phyag ni gsum pa yis/ /kha T+wA~M ga brten thod pa bsnams/ /thod pa'i phreng bas thod du mdzad/ /zla ba phyed pas rnam par brgyan/ /dbu la sna tshogs rdo rjes mtshan/ /rigs kyi bdag pos cod pan mdzad/ /zhal ni rnam 'gyur cher 'jigs pa/ /sgeg pa'i nyams dang ldan pa'o/ /stag gi lpags pa'i na bza' can/ /mi mgo nyi shu'i phyed kyis brgyan/ /lha ni phyag rgya lnga 'chang zhing / /gar gyi nyams ni dgu dang ldan/ /de la 'khyud pa'i bcom ldan ma/ /zhal gcig phyag gnyis spyan gsum ma/ /gcer bu ban d+hu ka yi mdog /dum bus brgyan pa'i sku rags can/ /skra grol ba dang rnam par gtsigs/ /khrag la dgyes shing 'dzag pa'o/ /phyag g.yon 'khyud pas gdug pa yi/ /bdud sogs khrag can thod pa 'dzin/ /g.yas pa sdigs mdzub rdo rje can/ /bskal pa'i me 'dra'i sku chen ma/ /byin pa gnyis ni mnyam 'khyud cing / /rtag tu bde ba cher dgyes pa'o/ /mkha' 'gro de bzhin lA ma dang / /khaN Da ro he gzugs can ma/ /dngos grub kun gyi bde 'byung ba/ /pad ma'i phyogs kyi gnas su dgod/ /gnag dang ljang dang dmar ba dang / /ser skya'i mdog can spyan gsum ma/ /zhal gcig phyag ni gnyis ma ste/ /kha T+wA~M thod pa'i phyag ldan ma/ /g.yas pas rdo rje gri gug ste/ /gcer bu g.yas brkyang ba yi zhabs/ /skra grol mche ba gtsigs pa'i zhal/ /phyag rgya lngas ni rnam par brgyan/ /</font><hr>86.164a<br><font size=+1>

mtshams kyi 'dab ma bzhi la ni/ /byang chub sems la sogs pa'i snod/ /bdud rtsi lnga dang ldan pa dang / /glu dang gar gyi dga' bde mchod/ /sgo bzhir lha tshogs gnas pa ste/ /rtag tu lha rnams bsgom par bya/ /shar gyi sgor ni khwa gdong ma/ /phyag gnyis sngon mor bsgom par bya/ /byang gi sgor ni 'ug gdong ma/ /ljang gu skra ni grol ba'o/ /de bzhin khyi gdong ma ni dmar/ /nub kyi sgor ni yang dag gnas/ /phag gdong ma ni ser mo ste/ /lho sgor yi dgas gdan la gnas/ /me dang de bzhin bden bral dang / /rlung dang dbang ldan mtshams su ni/ /gshin rje brtan ma pho nya mo/ /gshin rje mche ba 'joms ma ste/ /de bzhin zur gnas lha mo ni/ /yid 'phrog gzugs ni gnyis ma ste/ /yi dgas la gnas drag mo che/ /phyag rgya lngas ni rnam brgyan pa'o/ /g.yon na thod pa kha T+wA~M ga /g.yas na rdo rje gri gug ste/ /rnal 'byor ma ni de rnams kun/ /dngos grub thams cad rab stsol ba'o/ /de nas go cha gnyis shes nas/ /ye shes 'khor lo rnam par bsgom/ /sngags dang phyag rgya'i sbyor ba yis/ /dam tshig 'khor lor mnyam par gzhug /de nas go cha gnyis bshad par bya ste/ o~M ha snying dkar ro/ /na ma hi mgo bo la'o/ /swA hA hU spyi gtsug tu'o/ /bau ShaT he phrag pa gnyis la'o/ /hU~M hU~M hoHmig gnyis la'o/ /phaT ha~M yan lag thams cad la ste mtshon cha'o/ /dang po rdo rje sems dpa' ste/ /gnyis pa rnam par snang mdzad bzhugs/ /gsum pa pad ma gar dbang ste/ /dpal he ru ka bzhi par grags/ /lnga pa rdo rje nyi ma yin/ /drug pa de bzhin rta mchog ste/ /go cha drug po rnams kyis bsrungs/ /o~M ba~M ni rdo rje rnam snang mdzad ma'o/ /o~M ha~M ya~M ni gshin rje ma'o/ /o~M hra~M ma~M ni rmongs byed</font><hr>86.164b<br><font size=+1>

ma'o/ /o~M hriM hriM ni bskyod byed ma'o/ /o~M hU~M hU~M ni skrag byed ma'o/ /phaT phaT ni gtum mo lus thams cad la mtshon cha'o/ /lte ba dang snying ga dang de bzhin du kha dang mgo bo dang / spyi gtsug la de bzhin du ni mtshon cha yin no/ /o~M yo ga shud d+hAHsarba d+harmA yo ga shud d+ho\u0f85ha~M/ /lag pa g.yas dang g.yon pa snying gar bzhag ste/ pad ma rgyas pa'i gar bya'o/ /snying po'i phyag rgya la sogs lha/ /bskor ba mkha' 'gro ma dra ba'i sdom/ /rnal 'byor 'di ni gtso bo mchog /lha yi rnal 'byor rnam par bsgom/ /chos dang longs spyod rdzogs sprul pa/ /bde chen 'khor lo sbyar bar bya/ /nyi shu rtsa bzhi'i rtsa rnams ni/ /lus kun dag par byed pa ste/ /gnas ni nyi shu rtsa bzhi yis/ /lus ni sdud cing 'dzin pa yin/ /lus 'di dpa' bo'i rang bzhin te/ /'di de sangs rgyas kun mtshungs pa'o/ /gnyis med rnam pa'i rnal 'byor gyis/ /bsam mi khyab pa'i go 'phang bstan/ /rjes mthun rnal 'byor sems kyis ni/ /go 'phang mchog ni bsgom par bya/ /'di ni dpal he ru ka'i bskyed pa'i rim par phye ba ste bcu gsum pa'o// // de nas rdo rje rnal 'byor ma/ /mchod pa yang dag rab bshad bya/ /gnas sogs bgrod par mi nus na/ /phyi yi rnal 'byor ma mchod bya/ /rang gi khyim du rnal 'byor ma/ /mchod de sngon du bsnyen sogs bya/ /sngon du bsnyen pa med pa las/ /de yi don med yongs su ngal/ /mar ngo yi ni tshes bcu 'am/ /yar ngo'i yang ni de bzhin te/ /khrus dang gtsang sbra sogs ldan pas/ /dad pa'i sems kyis spyan drangs te/ /rang gi khyim du shar bltas par/ /yang dag gnas pas lha mo mchod/ /gur gum mig sman de bzhin du/ /li khri yis ni mgo la byug /rkang pa lag pa gdong de bzhin/ /byug pas byug cing mchod par bya/ /mgo la me tog phreng ba</font><hr>86.165a<br><font size=+1>

dpyangs/ /dri zhim pa yi bdug pas bdug /gcig dang gsum dang bzhi dang lnga/ /khyad par du ni bdun dang dgu/ /ji srid nyi shu rtsa bzhi yi bar/ /yon bdag nges par dang ba yis/ /bza' dang myos byed btung ba dang / /nya dang sha la sogs ldan pas/ /phyag rgya byin gyis brlabs nas mchod/ /dpa' bos brda ni bstan par bya/ /rdo rje rnam snang mdzad pa'i tshogs/ /lha yi bdag nyid rtag tu mchod/ /gtor ma'i bya ba sngon 'gro bas/ /mar me lnga dang bza' ba dbul/ /glu dang bstod par rab ldan pas/ /rdo rje rnal 'byor ma rnams mchod/ /'dir ni brtson pas rdo rje lha mo rnams/ /myos byed sha yis rab tu mchod byas te/ /dpal ldan rdo rje theg par mos 'gyur de'i/ /dad pas ston mos de rnams mchod byas na/ /thugs ni mnyes pas mchog ni rtsol 'gyur te/ /gang phyir mchog ni de yi lag na gnas/ /rnal 'byor ma ni mchod nas su/ /zhi rgyas mtshan ma brtag bya ste/ /gzhon nu ma mchod skad cig la/ /dge dang mi dge'i las 'bras brtag /gang zhig lag gnyis nyed pa na/ /yid ni mnyes par ma gyur nas/ /des na nad rnams 'phel ba dang / /sdug bsngal thob pa nyid du 'gyur/ /mchod byas de yi skad cig la/ /gad mo'i sgra ni phyung gyur na/ /nad med pa ni mi 'grub cing / /'chi ba nyid du the tshom med/ /mchod pa'i mod la du byed cing / /mig gnyis nyed par byed na ni/ /skad cig la ni 'chi zhes brjod/ /sgrub pos rtag du mchod byas pas/ /so so so sor zung rer ni/ /phan tshun gdong ni phyogs gyur na/ /thams cad du ni rtsod 'gyur bar/ /gzhon nu mas ni rtag tu ston/ /rnal 'byor ma ni rgyab phyogs lta/ /so yis sen mo 'cha' byed na/ /sha yi bza' bas ma tshim ste/ /slar yang las ni dgos par 'gyur/ /bza' dang btung ba thams cad kyi/ /ston mos</font><hr>86.165b<br><font size=+1>

mnyes par ma gyur na/ /mtshon la sogs pa glo bur ba'i/ /nad ni 'phral du skye bar 'gyur/ /'di ltar glu dang rol mo byed/ /yang dang yang du rgod pa na/ /rgyal po chom rkun 'jigs pa dag /gzhon nu de ston mkhas pas brtag /myos byed 'thungs nas yang dang yang / /rnam pa du mas gar byed na/ /de rnams la ni nad chen 'byung / /mchod pa'i dus su brtag par bya/ /ston mo'i bza' ba thams cad ni/ /dor nas phyogs su lha byed na/ /spyod pa nyams par byas pa'i skyon/ /lha rnams bdag la 'khrugs pa'o/ /phan tshun gtam la 'jug pa dang / /gal te phan tshun rgod byed na/ /gtso bo'i cho ga nyams par ni/ /gzhon nu de bstan shes par bya/ /zos ma thag tu skyug byed na/ /smyo ba'i nad ni 'byung bar ston/ /mdzes ma gal te 'gro ba'i tshe/ /rgyab kyi phyogs su lta byed na/ /slar yang las ni dgos pa dang / /yun ring zhig na nad byung ston/ /sa la rkang pas nyed pa na/ /gnas ni 'pho ba'i don du 'gyur/ /mchod dus babs par gyur na ni/ /phan tshun g.yul ni 'gyed par ston/ /rnam 'gyur 'di dag bral bas ni/ /mchod pa 'grub par mtshon par bya/ /de bas brtson pas mchod nas ni/ /sgrub pos rtag tu brtag par bya/ /rdo rje rnal 'byor ma rnams mchod/ /'dod pa'i 'bras bu kun rab ster/ /'di ni rdo rje rnal 'byor ma/ /mchod pa'i cho ga nges par bstan pa'i rim par byed ba ste bcu bzhi pa'o// // de nas de phyir snod kyi ni/ /mtshan nyid mchog ni yang dag bshad/ /'jim pa'am de bzhin rus sbal snod/ /'khar ba'am zangs sam lcags las byas/ /gser ram dngul las byas pa 'am/ /dung ngam de bzhin nya phyis te/ /bal po se'u yi 'bras bu mchog /de bzhin gzhan yang gsar byung ba/ /ra las byung dang shing snod sogs/ /</font><hr>86.166a<br><font size=+1>

gzhan yang rdo snod khyad par ro/ /dum bu gcig dang dum bu gnyis/ /de bzhin gsum dang bzhi dang lnga/ /dum bu drug dang dum bu bdun/ /dum bu brgyad par rab tu grags/ /bram ze rgyal rigs rje'u rigs sam/ /dmangs rigs bud med rigs mthar skyes/ /dkar dang dmar dang ljang skya dang / /ser dang de bzhin ser skya ste/ /thal ba'i mdog dang mdog ngan dang / /sna tshogs mdog tu rab tu grags/ /lhag pa dman dang tha ma ste/ /de bzhin dbyibs ni sna tshogs dbye/ /gshongs gnyis glang po'i rgyab lta bu/ /de bzhin rdo rje'am khwa yi rkang / /so ni ljang dang ser ba 'am/ /lto ba'am srin bus zos de bzhin/ /'di kun rnam par bltas nas ni/ /de la yongs su brtag par bya/ /sa gzhi mnyam pa'i yul rnams sam/ /thang ngam bya ma'i gshongs dag tu/ /sngags pas der ni bsgrubs byas la/ /de yi lhung ba brtag par bya/ /lhor bltas bram ze 'jigs par 'gyur/ /bden bral lhung bas ba lang dang / /rigs med pa dang rigs ngan 'jigs/ /rlung bltas sngags ni 'jigs pa ste/ /byang du bltas na phyug por 'gyur/ /dbang ldan sngags kyi dngos grub ste/ /brtul zhugs rgyun ni nyams pa med/ /mer bltas nye bar 'phrog pa ste/ /de bzhin 'og bltas chom rkun ma'o/ /steng bltas gnas pas bud med 'joms/ /logs su lhung bas gtum mo ste/ /snod kyi mtshan nyid rnam shes bya/ /dum bu gcig pa gnas la dbang / /dum bu gnyis pa dkyil 'khor dbang / /dum gsum sgrub po'i dngos grub 'gyur/ /dum bu bzhi pas sngags dngos 'grub/ /lnga pa yis ni zhi dang rgyas/ /dum drug slongs mo rnyed par shes/ /dum bu bdun pas dbang du byed/ /dngos grub sgrub pa 'bras med phyir/ /de bzhin dum bu brgyad pa spang / /bu ga gcig pa bram zer 'gyur/ /</font><hr>86.166b<br><font size=+1>

bu ga gnyis pa rgyal rigs 'gyur/ /bu ga gsum pa rje'u rigs shes/ /bu ga bzhi pa dmangs rigs rnams/ /bu ga mang po'am bu ga med/ /mkhas pa yis ni spang bar bya/ /bud med thod pa'ang mi bzung ste/ /khyad par du ni mdog nyams dang / /so med pa'am so nyams pa/ /dge ba 'dod pas bcang mi bya/ /so ljang pas ni sdug bsngal mang / /khwa yi rkang 'dres rtsod par 'gyur/ /gshong bu gnyis pas rgud par 'gyur/ /de bzhin glang po'i rgyab kyis nang / /dbus kyi gnas su gshong bu bzhi/ /'dod 'jo'i bar ni lta bar bya/ /mdun phyogs su ni gshong bu gnyis/ /yid bzhin nor bu zhes byar bshad/ /dung dang kun da zla ba yi/ /mdog mtshungs snum par shes par blta/ /sngags rnams kun gyi dngos grub ster/ /sgrub pos dngos grub thob par byed/ /che zhing mdog ni ser po 'am/ /pad ma lta bu pad mas mtshan/ /rgyas la bsngags par gsungs pa ste/ /nor ni phun sum tshogs pa 'grub/ /snod ni gang zhig kha dog dmar/ /gzhan yang thig le dmar pos mtshan/ /rtag tu dbang dang dgug pa yi/ /dngos grub ster snod mtshan nyid do/ /ba lang kha lta bu yi dbyibs/ /shin du sra zhing mu tig bcas/ /gsad dang bskrad dang dbye ba la/ /khyad par du ni rab tu bsngags/ /snod ni rab bsngags yang dag 'thob/ /'dod pa'i 'bras bu kun rab ster/ /gnas dang zhing du bgrod nas ni/ /sgrub pos lha mo bsgrub par bya/ /mtshan nyid 'di dag yongs rdzogs pa/ /bcangs na dngos grub 'grub par 'gyur/ /'di ni snod kyi mtshan nges par bstan pa'i rim par phye ba ste bcwa lnga pa'o// // de ni de phyir bdud rtsi lnga'i/ /sgrub pa yang dag rab tu bshad/ /yang dag cho ga gang gis ni/ /dngos grub kun gyi 'bras 'byung ba'o/ /cho ga sbas</font><hr>86.167a<br><font size=+1>

pas bram ze yi/ /mngal nas skyes las yang dag blang / /des na rnam snang mdzad pa'i ming / /grags te dngos grub yang dag bzhed/ /kha dog ljang zhing rab bzang lus/ /mig gi 'bras bu gnas pa yi/ /rin chen rigs ma rnyed nas de'i/ /dri chu bsangs te bsgrub par bya/ /yongs su rdzogs pa'i lus ldan zhing / /yan lag mdzes gzhon pad ma'i rigs/ /bza' dang btung bas yang dag mchod/ /mkhas pas mchod yon phul nas ni/ /de yi mod la snyoms 'jug byas/ /phan tshun gyi ni shu kra blang / /des na gar mkhan rigs ming can/ /de bzhin gshegs pa de bzhin grags/ /sngar bshad pa yi cho ga yis/ /dngos grub yongs su rdzogs bgrod pa/ /chos mkhan zhes ni rab grags pa'i/ /dang po'i me tog rab tu bsngags/ /dam tshig can ma'i gdol pa mo/ /gal te rnyed na rtag brten bya/ /sha dang tshil dang de bzhin khrag /mkhas pa yis ni gzung bar bya/ /sgrub po dngos grub 'dod pa yis/ /lcags kyu lnga ni ci rnyed pa'am/ /'dir ni gsad pa gtsor bshad pas/ /ci ste yang dag rnyed na gzung / /ba lang sha dang rta sha dang / /glang po'i sha yang de bzhin te/ /mi yi sha dang khyi yi sha /mkhas pa yis ni gzung bar bya/ /rdo rje sems dpas gang gsungs pa'i/ /sgron ma lnga zhes grags pa'o/ /rnyed nas tshes bcu'i dus su ni/ /dngos po 'di dag yang dag bsdu/ /dri zhim pa dang bsres nas ni/ /rab tu gsang ste sbyar bar bya/ /sgrub pa po yis gsang ba yis/ /ri lu'i rnam pa yang dag bya/ /de yi mod la yongs rdzogs pa'i/ /bza' dang btung ba'i khyad par gyis/ /tshogs kyi dbus su byin brlabs nas/ /phyi nas las ni yang dag brtsam/ /sngags bzlas de bzhin bsam gtan dang / /'dod pa kun gyi</font><hr>86.167b<br><font size=+1>

'bras 'byung zhing / /lus kyi bcud kyis len dang ni/ /mchog tu grol ba'i dngos grub ster/ /rtag tu ri lu bsten byed pa/ /'dod pa kun gyi 'bras rab ster/ /las rnams kun la rab sbyar na/ /mkha' spyod go 'phang thob par 'gyur/ /'di ni bdud rtsi lnga sgrub ba nges par bstan pa'i rim par phye ba ste bcu drug pa'o// // de nas dkyil 'khor bri ba yis/ /cho ga mchog ni yang dag bshad/ /'di ltar 'ga' zhig gsol 'debs pa'am/ /rang nyid bsod nams 'dod pa yis/ /dang por rang lha'i bdag nyid kyi/ /'khor lo la gnas sngon bsnyen bya/ /sngon du bsnyen pa'i dbang byas nas/ /der ni gtor ma sbyin par bya/ /brtan zhing zab mo'i chos shes pa/ /rab gnas gtor ma'i pha rol son/ /sbyin sreg dkyil 'khor de nyid shes/ /rig pa'i gnas ni thams cad rig /gsang sngags tshul la dad cing mos/ /gzugs bzang blta na sdug pa dang / /bla ma la gus brtser ldan na/ /sdom pa 'byung bar rab bshad bya/ /gtsug lag khang dang mchod rten gnas/ /gnas khang 'dun khang sa phyogs gtsang / /gdod nas grub pa'i dur khrod du/ /der ni dkyil 'khor brtsam par bya/ /sngon du las ni byas pa'i sar/ /brko ba la sogs mi bya ste/ /lag pas reg nas hU~M yi ge/ /sngags bzlas pas ni sa sbyang bya/ /dkyil 'khor gyi ni sa yi cha'i/ /nyis 'gyur sa ni sbyang bar bya/ /rang gi sems ni yongs dag pa/ /de nyid kyis na sa dag 'gyur/ /slob dpon sangs rgyas kun rang bzhin/ /lha yi sku yi bdag nyid can/ /dpa' bo rdo rje dril 'chang ba/ /mkha' 'gror bcas la gsol ba gdab/ /blo ldan rdo rje gsor byed cing / /dril bu 'khrol bar brtson pa yis/ /lha dang lha min gsad pa dang / /rab tu gdug pa'i bgegs tshogs bskrad/ /nga ni dpal ldan snying rje'i stobs/ /srung ba'i 'khor lo rab sbyor bas/ /lus srul la sogs</font><hr>86.168a<br><font size=+1>

gang ci'ang rung / /bgegs kyi tshogs rnams gzhan du deng / /ji ste ngas bsgo su zhig 'da'/ /rdo rje'i bdag po'i sku yis ni/ /lus gsum las byung dgas bya ste/ /'dir ni brlag 'gyur gzhan du min/ /sa ni yongs su bzung byas nas/ /ra bas mtshams ni bcing bar bya/ /lag g.yas dam bcas phyag rgya yis/ /yi ge ba~M byung sa'i lha mo/ /mdog ser gser gyi bum 'dzin la/ /bstod nas rab tu bskul bar bya/ /che ge zhes bya bdag dkyil 'khor/ /'dri la lha mo khyed dbang gyur/ /me tog bdug pa sogs pas mchod/ /mkhas pas mchod yon phul byas la/ /bcom ldan khro mchod rdo rje can/ /de bzhin gshegs la gsol ba gdab/ /rdzogs sangs rgyas rnams dgongs su gsol/ /slob ma rnams la brtse ba dang / /khyed rnams la yang mchod pa'i phyir/ /mgon po lhan cig skyas 'byung ba'i/ /dkyil 'khor 'dri bar 'tshal lags na/ /de bas bcom ldan gus bdag la/ /bka' drin gnang bar mdzad du gsol/ /gang gzhan gsang sngags lha rnams dang / /'jig rten skyong ba'i lha rnams dang / /rdzogs pa'i byang chub la brten pa'i/ /'byung po bstan la mngon dga' ba/ /gang su rdo rje'i spyan ldan kun/ /dkyil 'khor bde mchog 'byung ba yi/ /dkyil 'khor 'dri bar bgyid lags pas/ /bdag dang de bzhin slob ma la/ /rjes su brtse ba bskyed du gsol/ /srad bu ye shes lnga ldan zhing / /nyi shu rtsa lngar rnam dbye bas/ /chos kun ngo bo nyid kyis ni/ /srad bu phan tshun bsgril bar bya/ /sgrub pos yi ge hU~M brjod de/ /bdud rtsi lngas ni byug par bya/ /dkyus su 'khor lo'i nyis 'gyur la/ /sboms su sgo yi nyi shu cha/ /dzaHgsum brjod nas lte bar ni/ /g.yon pa'i khu tshur gyis bzung nas/ /blo ldan nam mkhar thig gdab ste/ /de bzhin sa la'ang gdab par bya/ /</font><hr>86.168b<br><font size=+1>

gsar zhing mdzes par ldan pa dang / /tshad ldan gtsang ma'i srad bu yis/ /dpal ldan lhan skyes 'byung dkyil 'khor/ /shes rab can gyis thig gdab bya/ /khru phyed la sogs nas brtsams nas/ /ji srid khru ni brgya yi bar/ /dang por tshangs pa'i thig yin te/ /gnyis pa la ni zur thig gdab/ /nub dang lho yi gnas su ni/ /slob dpon nges par yang dag gnas/ /shar dang byang gi phyogs gnas su/ /slob ma gnas te mnyam gzhag pas/ /dang por bzhi 'gyur bdag nyid du/ /re'u mig gcig ni thig gdab bya/ /de nas brgyad 'gyur bdag nyid du/ /re'u mig gcig gi thig rab gdab/ /gzhan yang brgyad 'gyur nyid du ni/ /re'u mig gcig ni thig gdab bya/ /de nas gzhan yang nyis 'gyur nyid/ /re'u mig gcig ni thig rab gdab/ /de nas bzhi 'gyur nyid du ni/ /re'u mig gcig ni thig gdab bya/ /gzhan yang nyis 'gyur nyid du ni/ /re'u mig gcig gi thig rab gdab/ /de nas mkhas pas bzhi 'gyur nyid/ /re'u mig gcig ni thig gdab bya/ /de nas gnyis 'gyur bdag nyid te/ /re'u mig gnyis ni thig gdab bya/ /de nas phyed ni rim gnyis bre/ /'di ni dkyil 'khor thig yin no/ /thig skud mtshan ma drug bcu bzhi/ /dkyil 'khor thig gi mtshan nyid de/ /'khor lo'i phyi rol mthar thug par/ /cho ga gsungs bzhin thig gdab bya/ /rin chen lnga yi phye ma 'am/ /yang na 'bras la sogs pa ste/ /dkar dang ser dang de bzhin dmar/ /ljang gu nag po'ang de bzhin te/ /slob dpon dbang ldan phyogs su ni/ /song ste mnyam par bzhag nas su/ /legs sbas g.yon pa'i khu tshur gyis/ /ri mo lnga ni dgye bar bya/ /phan tshun bar du nas re tsam/ /shong ba'i tshad du bri ba ste/ /ri mo sboms na nad du 'gyur/ /phra bas nor ni nyams par 'gyur/ /yon pos</font><hr>86.169a<br><font size=+1>

'dir ni rtsod par 'gyur/ /chad pas 'chi ba 'byung bar 'gyur/ /shar phyogs su ni dkar po che/ /lhor ni ser po yang dag ldan/ /nub kyi cha ni dmar po ste/ /byang du mar gad yang dag ldan/ /dbus kyi sa yi cha nyid ni/ /in dra nI la 'od 'bar ba'o/ /grwa yi cha ni thams cad dang / /sgo khyud kyi ni mtshams rnams su/ /rdo rje rin chen gyis spras par/ /mnyam bar gzhag ste yang dag bri/ /rdo rje ra ba'i nang du ni/ /dur khrod brgyad kyis brgyan pa ste/ /gtum drag de bzhin tshang tshing dang / /rdo rje 'bar ba keng rus can/ /dbang ldan du ni mi bzad bzhad/ /byin za ru ni bkra shis mchog /mun pa drag po bden bral du/ /rlung phyogs ki li ki li'i sgra/ /shar gyi shiR+Sha a shwata shing / /kang kel khyad par tsU ta'i shing / /ba TAT de bzhin ka rany+dza/ /la TA par ka ti pAr+thi dbang po de bzhin sbyin byed dang / /klu yi dbang dang gshin rje'i bdag /dbang ldan de nas byin za dang / /srin po'i dbang po rlung gi bdag /bA su ki dang 'arngog po nyid/ /kar ko Ta dang pad ma nyid/ /pad chen hu lu hu lu dang / /rigs ldan dang ni dung skyong ngo / /sgrogs pa dang ni cher sgrogs dang / /drag dang g.yo dang brtan de bzhin/ /gang ba dang ni de bzhin 'bebs/ /gtum pa 'di dag sprin dbang phyug /gzhan yang sna tshogs du ma yi/ /khwa dang 'ug pa bya rgod dang / /lce spyang lce spyang mo dang ni/ /'ol pa dang ni 'ol pa mo/ /seng ge'i gdong dang stag gi gdong / /drag cing 'jigs pa'i gdong can ma/ /sbrul ni ba lang mgo can dang / /gdong gnyis la sogs phyogs su rgyu/ /keng rus dang ni mdung gnyis phug /'phyang dang phyed tshig pa dang mgo/ /thod pa byin pa mgo rdum dang / /gtsigs pa'i mgo dang rus pa dang / /rigs 'dzin grub pa sna tshogs dang / /dam tshig spyod pa'i</font><hr>86.169b<br><font size=+1>

rnal 'byor pa/ /rnal 'byor ma yi tshogs rnams dang / /gnod sbyin ro langs srin po sogs/ /ki li ki la'i sgra chen bdag /dngos grub rdzu 'phrul yang dag par/ /thob pa'i slob dpon gyi ni tshogs/ /dur khrod dbus su blta bar bya/ /'di ni dkyil 'khor gyi thig gdab pa'i mtshan nyid bstan pa'i rim pa phye ba ste bcu bdun pa'o// // de nas slob dpon mtshan nyid ni/ /yang dag rab tu bshad par bya/ /zhi zhing dul ba'i cha lugs can/ /sems can kun rab mi 'jigs ster/ /sngags dang rgyud kyi rab sbyor shes/ /bstan bcos rig cing snying rjer ldan/ /sems can kun la bu bzhin blta/ /thams cad du ni snyan par smra/ /sbyin la sogs la rtag tu dga'/ /bsam gtan rnal 'byor mngon par brtson/ /kun la mi 'tshe bden par smra/ /snying rje dang ni phan sems ldan/ /mnyam sems dang ni phyag rgya ldan/ /sems can rnams kyi mgon gyur zhing / /sems can bsam pa'i khyad par shes/ /mgon med pa ni rnams kyi gnyen/ /dbang po yongs su rdzogs pa'i lus/ /gzugs dang ldan zhing lta na sdug /dbang bskur don gyi de nyid shes/ /tshig gsal yon tan rgya mtsho ste/ /rtag par rgyun du gnas brten pa/ /de ni slob dpon rig par bya/ /slob ma rigs bzang chos la spro/ /slobs dpon gyis ni yang dag bsdu/ /snying rje med cing khro dang gdug /khengs dang brkam chags rnam g.yengs can/ /drag dang rmongs dang snyom las can/ /gzhan gyi srog la snying brtse med/ /gzhan gyi nor la sred pa ni/ /bla mas rtag tu spang bar bya/ /brtan zhing dul la blo gros ldan/ /bzod ldan drang zhing g.yo sgyu med/ /mi dge bcu ni yongs su spangs/ /sems can rnams la byams par lta/ /'bar ba'i me dang dug bzhin du/ /gzhan gyi nor la mi reg cing / /rtag par rgyun</font><hr>86.170a<br><font size=+1>

du bla ma mchod/ /dam chos lta bar spro ba dang / /rtag tu sbyin pa la sogs dga'/ /'jig rten pha rol mngon par 'dod/ /de dag slob mar rab bsngags te/ /dkyil 'khor dge ba bstan par bya/ /thal mo sbyar ba byas nas ni/ /gus pa'i yid kyis gsol gdab bya/ /rnal 'byor ma mchog kha sbyor ba'i/ /dpa' chen khyod bdag ston pa bas/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems kyang bdag la stsol/ /dpa' bo dpa' mo'i dbang mo dang / /de bzhin phag mo he ru ka /gsang ba'i gnas sogs yang dag dgang / /lus la rnam gnas bshad du gsol/ /sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni 'jug par mdzod/ /bu tshur theg pa chen po yi/ /khyod ni tshul chen snod yin te/ /gsang sngags spyod tshul cho ga ni/ /khyod la yang dag bshad par bya/ /rdo rje gsang sngags mthu yis ni/ /mnyam med ye shes yang dag 'thob/ /de bas kun mkhyen thob bya'i phyir/ /bu yis blo gros 'di gyis shig /bla ma mchod dang de bzhin byams/ /sangs rgyas la gus 'gro la brtse/ /rtsa ba'i ltung ba yongs spang zhing / /sbom po'i ltung ba'ang rnam par spangs/ /sems can rnams ni bsten par bya/ /theg pa dman la 'dod mi bya/ /ma rgal ba rnams brgal bar gyis/ /ma grol ba rnams grol bar gyis/ /'khor ba'i sdug bsngal gyis dkrugs pa'i/ /sems can dbugs ni dbyung bar gyis/ /bslab pa de dag yang dag ldan/ /slob ma rnams ni lhag gnas bya/ /cho ga ji bzhin khrus dang ni/ /bsang byas so shing sbyin par bya/ /srad bu dmar pos khyad par du/ /</font><hr>86.170b<br><font size=+1>

dpung par bcings te rtag tu bsrung / /yi ge d+hI yi sngags bzlas pa'i/ /ku sha de la rab tu sbyin/ /rmi lam dge dang mi dge brtag /sku gsung thugs kyi sdom pa'ang sbyin/ /yon dang lhan cig mnyam ldan pa'i/ /me tog sil ma rab gzung nas/ /der ni gdong g.yogs bcings nas su/ /dkyil 'khor du ni rab tu gzhug /skye ba sngon bsag sdig pa rnams/ /dkyil 'khor mthong bas byang bar 'gyur/ /kye khyod su zhes dri bya zhing / /bdag ni skal bzang zhes kyang smra/ /dam tshig chu dang mna' bsgag dang / /me tog dkyil 'khor dor ba ste/ /gang dang gang du me tog babs/ /de dang de yi rigs su 'gyur/ /chu dang cod pan rdo rje dang / /dril bu dang ni ming dbang bskur/ /de bzhin gshegs lnga'i bdag nyid dbang / /brtul zhugs dang ni lung bstan nyid/ /rjes gnang dang ni dbugs dbyung dang / /phyir mi ldog pa'ang sbyin bya ste/ /gdugs dang gdan dang rig pa sogs/ /rdo rje dril sogs yang dag ldan/ /slob dpon dbang bskur yang dag rdzogs/ /bum pa las ni byung ba'o/ /gnyis pa gsang ba mchog yin te/ /gsum pa shes rab ye shes yin/ /bzhi pa de ltar yang de bzhin/ /dbang bskur 'di dag yang dag ldan/ /de ni dam tshig can shes bya/ /gsang ba mchog gi dkyil 'khor du/ /mchog tu rab zhugs mthong bas na/ /deng khyod sdig pa thams cad las/ /rnam grol bzung por gyur pas gnas/ /sangs rgyas kun gyis mnyam gsungs pa'i/ /rjes gnang mchog tu dbugs dbyung ba/ /dngos grub dam tshig snom pa ni/ /'di dag rtag tu bsrung bar gyis/ /slob ma dad pa'i stobs kyis ni/ /bla ma'i zhabs la phyag btsal nas/ /gtso bos ji ltar bka' stsal pa/ /de ltar bgyi zhes smra bar bya/ /de nas de bzhin</font><hr>86.171a<br><font size=+1>

gshegs gsungs pa'i/ /sna tshogs rgyan dang na bza' sogs/ /khyad par du ni rang gi lus/ /bla ma la ni yon du dbul/ /dbang bskur gtso bo thob pas ni/ /bya ba byas pa'i blo chen gyis/ /gzhan yang rab dgas 'di skad du/ /smra zhing mjug ni rdzogs par bya/ /deng du bdag tshe 'bras bu yod/ /bdag gi gson pa 'bras bur bcas/ /de ring sangs rgyas rigs su skyes/ /sangs rgyas sras por bdag gyur to/ /sbyin sreg gis ni rdzogs bya zhing / /dge 'dun la ni ston mo drang / /de nas tshogs kyi 'khor lo bya/ /nad pa'am mgon med rnams la'ang sbyin/ /phyi nas man ngag ji bzhin du/ /dam tshig spyod pa la brtson pas/ /snod du byas pa'i rgyun gyis ni/ /'khor lo la sogs bsgom pa'i rim/ /yang dag man ngag phun tshogs pas/ /dngos grub 'gyur gyis gzhan du min/ /'di ni dbang bskur ba'i rim par phye ba ste bcwa brgyad pa'o// // de nas 'chi bar nges pa yi/ /mtshan nyid mchog tu bshad par bya/ /rang gi lus sam phyi rol gyi/ /ltas ni mkhas pas brtag par bya/ /rkang 'thil dag tu phug snyam dang / /gang tshe lte bar phug snyam 'gyur/ /de tshe nyin zhag gsum pha rol/ /lnga yi gong du 'gro bar 'gyur/ /bshang dang gci ba'i dus dag tu/ /dus mtshungs sbrid pa byung gyur na/ /lo gcig na dus de nyid kyi/ /dus tshod la ni 'chi zhing brlag /mtshan gnyis mnyam par sbyor ba yi/ /bar dang tha mar sbrid pa ni/ /dus mtshungs byung na de yi tshe/ /zla ba na ni nges par 'chi/ /snying ga rkog ma'i dbus dag du/ /dus mtshungs gal te zug gzer gyur/ /ci ste chos la mi brten na/ /zla ba phyed dang gnyis na 'chi/ /gal te mig g.yon 'bras bu yi/ /gzugs brnyan me long la ma mthong / /ci ste zlog</font><hr>86.171b<br><font size=+1>

par mi byed na/ /zhag bdun na ni nges par 'chi/ /rna rtsa dang ni smin ma'i dbus/ /spyi bo'i rtse mor zug pa ste/ /bzhi po mtshungs par zug gyur na/ /de tshe 'phral du 'chi bar 'gyur/ /glo bur du ni tsho gyur cing / /rid dang khro dang 'jigs pas 'khrugs/ gal te chos ni ma bsten gang / /de ni lo gcig dag na 'chi/ /yar ngo yi ni tshes gcig la/ /gal te khu ba nag por mthong / /de tshe zla ba drug na 'chi/ /dmar pos nad kyis 'debs par ston/ /mig las rtag tu 'dzag pa dang / /gzugs mthong ba yang rnam 'khrul dang / /me long ngam ni tshur gang zhig /rang gi grib ma ma mthong dang / mtshan mo'i tshe na dbang po 'i gzhu/ /nyin par skar ma'i dkyil 'khor mthong / /sprin med par ni lho phyogs su/ /rten pa'i glog 'gyu mthong ba dang / /nyin par grib ma'i lam dang ni/ /de bzhin skar mda' lhung ba mthong / /ngang pa bya rog rma bya ni/ /gcig tu 'dres pa mthong ba dang / /zla ba gnyis dang nyi ma gnyis/ /de bzhin rang gi mgo bo 'bar/ /shing rtse ri yi rtse la ni/ /dri za'i grong khyer mthong ba dang / /yi dgas sha za 'jigs rung ba/ /gzhan dag kyang ni mthong ba dang / /glo bur du ni rab 'dar dang / /yang dang yang du brgyal ba dag /de yis gcig cig mthong gyur na'ang / /zla ba gcig gis 'chi bar 'gyur/ /zla ba ra ri med pa dang / /nyi ma 'od dang bral ba dang / /mtshan mo nyi ma nyin par ni/ /zla ba de bzhin rang mig 'bar/ /skar ma ri rab dag gi tshad/ /rgya mtsho chu bo lta bu dang / /khu ba dang ni bshang gci rnams/ /dus mtshungs par ni 'bab 'gyur na/ /gal te chos la ma brten na/ /zla ba phyed na 'chi bar 'gyur/ /der yang nyin mo grib ma ni/ /skye bo'i gzugs can blta bya ste/ /de yi mgo bo ma mthong na/ /lo gcig gi ni nang du 'chi/ /lag pa g.yon pa ma mthong na/ /bu dang chung ma</font><hr>86.172a<br><font size=+1>

nges brlag 'gyur/ /lag pa g.yas pa ma mthong na'ang / /pha dang bu sogs tshegs chen 'chi/ /gcin ni rgyun lngar 'gyur ba dang / /g.yon nas 'khor zhing dri nga dang / /skyur ba la sogs gcin byung na/ /zla drug nang du 'chi bar 'gyur/ /gang zhig gi ni rmi lam mthar/ /bye ma'am thal ba'i phung po 'am/ /lha khang ngam ni mchod sdong mdzeg /de ni sngon bzhin 'chi bar 'gyur/ /gal te bong bu'am spre'u zhon nas/ /grog mkhar phyag dar phung po la/ /mngon mdzeg lho phyogs 'gro bar ni/ /gang gis rmi lam mthar mthong na/ /bud med gang zhig gos gnag cing / /mdog gnag mi ni 'dod spyod pa/ /de ni dus mtshan yin zhes bya/ /gshin rje'i lto bar 'gro bar 'gyur/ /bya rgod lce spyang khyi dang khwa/ /dred dang yi dgas sha za yis/ /za bar rmi lam mthong na ni/ /lo gcig na ni nges par 'chi/ /gos ni dmar pos g.yogs pa dang / /phreng ba dmar pos brgyan pa dang / /til mar gyis bskus rmi lam mthong / /zla ba drug na gson mi 'gyur/ /man ngag ji bzhin ldan pa yis/ /'chi ba blu bar 'gyur ba ste/ /de nyid kyis ni 'chi las rgyal/ /chos kyis 'chi las rgyal ba ste/ /rdzogs pa'i byang chub rim sgrub pas/ /de bas chos ni mchog tu bsam/ /gzhan yang bsgom pa'i khyad par ni/ /mdzes pas yang dag bshad par bya/ /dbugs ni skad cig 'chad pa dang / /sna tshogs ltas ni yang dag mthong / /'thor dang dgang ba'i sbyor ba yis/ /lus kyi dkyil 'khor sbyang bar bya/ /'chi ba'i dus la yang dag bab/ /'pho ba'i rnal 'byor mchog bya ste/ /bu ga dgur ni son pa'i rtsa/ /pu ri kas ni dgang bar bya/ /re rtse kas ni dbugs mnan bya/ /kum pa kas ni bsdam byas te/ /bu ga'i sgo ni sbyang bar bya/ /rab tu zhi bas zhi bar 'gyur/ /</font><hr>86.172b<br><font size=+1>

rnam shes dbrog pa'i sbyor ba dang / /gzhan yang pha rol bgrod pa la/ /A li kA li mnyam ldan par/ /mkhas pa yis ni sbyar bar bya/ /snying gar yi ge hU~M sbyar te/ /yi ge phyed dang gnyis po ni/ /'og dang steng du gzhag par bya/ /de yi 'og gi char rlung gi/ /sa bon 'og du bltas pa'o/ /rlung gi sa bon gnyis byas te/ /rnal 'byor ldan pas kha sbyar bya/ /nyi shu rtsa gcig rim pa yis/ /yi ge phyed dang gnyis sngags brjod/ /rnam shes bzhon pa rlung yin te/ /gang dang gang du bgrod pa yi/ /rlung gi sgor ni bsam byas na/ /grol ba'i dngos grub ster byed pa'o/ /mchog dang tha ma'i dbye ba ni/ /bshad kyis gsang ba'i bdag po nyon/ /lte bas 'dod khams bde 'gro ste/ /thig le las ni gzugs can lus/ /steng nas gzugs med khams su ste/ /de ni bde bar 'gro byed pa'o/ /sna las gnod sbyin rnams su 'gyur/ /rna ba las ni mi 'am ci/ /lha mo gal te mig las ni/ /mi yi rgyal por 'gyur ba yin/ /kha yi sgo las yi dgas rnams/ /gci las de bzhin dud 'gro'o/ /bshang lam nas ni dmyal bar 'gro/ /grol ba las ni gzhan du 'gro/ /dus la bab na 'pho bya yi/ /dus min lha rnams gsod par 'gyur/ /lha rnams bsad pa tsam gyis ni/ /mi ni dmyal bar 'tshed par 'gyur/ /des na mkhas pas 'chi ba yi/ /mtshan ma yang dag shes par bya/ /'di ni 'chi ba'i ltas blta ba dang 'pho ba'i rnal 'byor rim par phye ba ste bcu dgu pa'o// // de nas de phyir dus bzhi yi/ /tshad ni yang dag rab bshad bya/ /gang zhig rnam par shes tsam gyis/ /bskal pa myur du shes 'gyur ba'o/ /nyi khri dang ni brgyad stong dang / /sa ya phrag gcig bdun 'bum ste/ /de dag la ni rdzogs ldan gyi/ /bskal pa zhes ni grags par bshad/ /rdzogs ldan gsum ldan gnyis mtshams su/ /de bzhin stong phrag brgyad yin no/ /</font><hr>86.173a<br><font size=+1>

sa ya phrag gcig 'bum phrag gnyis/ /dgu khri dang ni drug stong ste/ /gsum ldan bskal pa zhes grags pa/ /der ni mkhas pas shes par bya/ /gsum ldan gnyis ldan bar mtshams su/ /stong phrag drug ni shes par bya/ /drug khri dang ni bzhi stong dang / /'bum phrag brgyad ni gnyis ldan te/ /bstan bcos kun las bsdus nas ni/ /gnyis ldan bskal par yang dag grags/ /gnyis ldan rtsod pa'i bar mtshams su/ /de bzhin stong phrag bzhi yin te/ /sum khri dang ni nyis stong dang / /bzhi 'bum rtsod dus shes par bya/ /rtsod dus rdzogs ldan gnyis mtshams su/ /stong phrag dag ni bzhi dang ldan/ /de rnams dus zhes grags pa ste/ /'grub par 'dir ni the tshom med/ /gling bzhi pa yi dngos po ni/ /mgon po yis ni bshad du gsol/ /shar gyi lus 'phags sgra mi snyan/ /de bzhin nub kyi ba lang spyod/ /gling ni gsum po de dag rnams/ /'bras bu'i sa bar yang dag gnas/ /'dzam bu'i gling du legs skyes pa/ /dngos grub sa bar shes par bya/ /gling gsum por ni skye ba yi/ /'bras bu 'byung ba'i bsod nams gnas/ /'dzam bu'i gling pas grol ba dang / /dngos grub nyid ni sgrub pa ste/ /de dag sngon gyi sangs rgyas kyis/ /gsungs pa'i gling du shes par bya/ /'di ni dus bzhi po nges par bstan pa'i rim par phye ba ste nyi shu pa'o// // de nas sbyor ba pha rol son/ /mchog ni yang dag rab bshad bya/ /sgrub po dngos grub rgyu nyid kyis/ /gang gi dngos grub mthar bgrod pa'o/ /thun mong rnal 'byor rgyud rnams su/ /gsang ba rnam par ma bshad pa/ /dngos grub rnams las mchog dngos grub/ /brtul zhugs rnams las mchog brtul zhugs/ /bla ma dam pa bsnyen bkur nas/ /bla med rgyud ni mang thos te/ /</font><hr>86.173b<br><font size=+1>

de nyid ji bzhin bla ma yi/ /zhal las thos nas rtag tu bsgom/ /nor dang chung ma de bzhin srog /sbyin pa nyid du gtang bar bya/ /mdud pa 'di gsum las grol na/ /rtag tu spyod pa spyad par 'gyur/ /spro ba chen pos rig pa bzlas/ /de bzhin bden par smra la dga'/ /dam bcas pa la rab gnas te/ /ji ltar dad pas sngon du brtsam/ /'dod dang khro ba 'jigs pa dang / /sred dang gti mug nga rgyal spang / /slob ma brtag dang bshad de bzhin/ /gzhung rnams bsdu ba rtag tu spang / /gtsang dang mi gtsang dag byed dang / /btung dang btung min brtag mi bya/ /smad dang bstod la khro ba dang / /mngon pa'i nga rgyal rnam par spang / /rtag tu mi chags dga' med par/ /thams cad la ni mnyam par gnas/ /sbyin sreg med cing mchod pa med/ /phreng ba med cing bzlas pa med/ /nyi ma gza' dang skar ma dang / /tshes grangs kyang ni brtag mi bya/ /bdag gzhan bdag nyid gzugs kyis ni/ /the tshom med par gnas par bya/ /'dod pa med par mi spyad de/ /kun la 'dod pa cung zad spyad/ /stag gi lpags pa gos su byas/ /phyag rgya lngas ni rnam par brgyan/ /shes rab thabs bdag rnal 'byor pas/ /he ru ka dpal rnam par bsgom/ /kun du bzang po'i spyod pa yis/ /yid ni bde bar gnas par bya/ /grong du mtshan mo gcig gnas shing / /grong khyer du ni lngar gnas bya/ /yid dang rjes mthun sbyor ba yis/ /sa yi steng du gnas par bya/ /yang na rlung zhes bya ba yi/ /spyod pa bde zhing dga' bar spyad/ /rtag tu grogs po med par rgyu/ /gcig pa yid ni rtse gcig pas/ /smyon pa'i brtul zhugs la brten nas/ /lo ma rlung gis bskyod bzhin 'khyam/ /dur khrod dam ni mtshan gcig gam/ /shing gcig gam ni nags tshal lam/ /ri yi rtse 'am chu bo'i 'gram/ /rgya mtsho chen po'i 'gram</font><hr>86.174a<br><font size=+1>

yang rung / /bskyed mos tshal lam ri phug gam/ /khang bzangs sam ni khang stong ngam/ /bzhi mdo dang ni sgo mdun nam/ /de bzhin rgyal po'i pho brang sgor/ /gdol pa'i gnas sam phyugs lhas sam/ /bzo yi khang par sbas pas gnas/ /tshong srang dor ba'i me tog phreng / /me tog rnying pa gang ci'ang rung / /dur khrod mtshan gcig me tog phreng / /de dag gis ni lus rab mchod/ /rang gi mgrin par me tog phreng / /khyad par du ni tshangs skud dang / /ska rags dag kyang bcing bar bya/ /rkang pa gnyis la rkang gdub bya/ /smra ba bzlas pa'i bdag nyid grags/ /lag pa bskyod pa phyag rgya ste/ /rnam par mi rtog rab sbyor bas/ /rnal 'byor pa ni ci bder gnas/ /dogs pa thams cad rnam spangs te/ /sgrub pos seng ge bzhin du spyad/ /yang na g.yo med brtul zhugs la/ /brten nas rnal 'byor spyod pa spyad/ /skyed mos tshal lam khyim stong gnas/ /grong dman ngan pa'i khyim du ni/ /ji srid nus pa thob de srid/ /mi smra'i sbyor bas gnas par bya/ /ji ltar gnyid log 'gro dang 'dug /sad dam yang na ma sad pa'am/ /ci rnyed pa tsam za ba dang / /mi bkres pa ni bzang por gnas/ /gal te slongs mos gnas pas na/ /lag pa'i snod du za zhing gnas/ /rnam par mi rtog rang bzhin gyis/ /'dir ni 'grub 'gyur the tshom med/ /gsum po de dag nang nas ni/ /gang 'dod brtul zhugs la brten nas/ /cung zad nus pa rab thob nas/ /ji ltar 'dod pa'i spyod pa spyad/ /lus ni sbyin par byin nas su/ /phyi nas spyod pa yang dag brtsam/ /spyod pas rgyu ba'i rnal 'byor pa/ /nges par dri ma med 'gyur pa/ /'di la 'khrul bar mi bya ste/ /sangs rgyas rdzu 'phrul bsam mi khyab/ /'di ni spyod pa nges par bstan pa'i rim</font><hr>86.174b<br><font size=+1>

par phye ba ste nyi shu rtsa gcig pa'o// // de nas gzhan yang bshad bya ba/ /rnal 'byor rgyud kyi nges pa dang / /rnal 'byor ma yi rgyud kyi tshad/ /bshad kyis gsang ba'i bdag po nyon/ /rnal 'byor rgyud rnams kyi ni tshad/ /bye ba phrag ni drug nges te/ /de bzhin rnal 'byor ma rgyud grags/ /bye ba phrag ni bcu drug grangs/ /theg chen las gzhan mdo sde rnams/ /dung phyur phrag brgyad gsungs pa yin/ /de bzhin pha rol phyin pa'i tshul/ /sa ya dang ni dung phyur lnga/ /'di dag thams cad thub dbang po/ /sku gsum bdag nyid can gyis gsungs/ /bde bar gshegs pas bstan pa'o/ /'dul ba'i gnas la sogs ba kun/ /nyan thos bdag nyid la bstan pa'o/ /sna tshogs mdo sde'i rnam bshad che/ /byang chub sems dpa'i bstan pa'o/ /rnal 'byor rnal 'byor ma yi rgyud/ /gsang ba sangs rgyas spyod yul te/ /shes rab thabs bdag rnal 'byor gyis/ /bde ba chen po bsgom pa yis/ /chos dang longs spyod rdzogs sprul pa'i/ /sangs rgyas myur du thob pa'i phyir/ /sems can bsod nams dman rnams la/ /lha yi bdag nyid can gyis gsungs/ /de nas gzhan yang rab gnas kyis/ /cho ga pha rol son bshad bya/ /sngar bshad mtshan nyid dang ldan pa/ /slob dpon du ni yongs su brtag /lugs ma'am mngon par 'du byas pa'i/ /sku gzugs la sogs pa rnams ni/ /rab gnas don du sa sbyang zhing / /bla re rgyal mtshan ba dan rnams/ /rgyan cing sa ni yongs su gzung / /sku gzugs sam ni glegs bam mam/ /bris sku yongs su rdzogs pa rnams/ /mdun rol du ni gzhag par bya/ /dkyil 'khor 'khor lo nam mkhar gnas/ /nyer spyod lnga yis yang dag mchod/ /sa ma ya s+t+wa~M sa ma ya ho/ lan gsum du ni brjod par bya/ /ji ltar</font><hr>86.175a<br><font size=+1>

rdzogs pa'i sangs rgyas kun/ /dga' ldan yang dag bzhugs nas ni/ /lha mo sgyu 'phrul lhums 'jug ltar/ /de bzhin 'dir ni bzhugs su gsol/ /che ge zhes bya'i don du ni/ /byang chub sems ni yongs 'phel phyir/ /me tog la sogs 'di bzhes te/ /mgon po 'dir ni rtag bzhugs mdzod/ /tshig 'dis de bzhin gshegs pa rnams/ /lhag par gnas par byas nas ni/ /mkhas pa yis ni bstod byas nas/ /yungs kar gyis ni bskor nas su/ /lan gsum du ni sbyang bar bya/ /dri zhim ldan pa'i mar gyis byug /'dag chil gyis ni khrus kyang bya/ /slar yang bum pa so so yis/ /sku gzugs rnams ni khrus kyang byas/ /phyi nas nam mkhar gnas pa yi/ /dkyil 'khor 'khor lo bcom ldan 'das/ /lugs ma sogs la rab gzhug bya/ /yul chos la sogs ji bzhin du/ /las bcu yis ni bya ba bya/ /spyan ni dbye ba byas nas su/ /rdo rje spyan ni byin gyis brlab/ /de bzhin me tog spos mar me/ /byug pa zhal zas de bzhin te/ /de ltar las ni kun byas phyir/ /sbyin sreg las kyis rdzogs par bya/ /lha kun zhal ni ma yin bas/ /mkhas pas rab tu gnas par bya/ /rab gnas yang dag rdzogs dus su/ /bstod dang bkra shis brjod bya zhing / /mri dang ga sogs sil snyan sgra/ /ji ltar rnyed pas rab tu mchod/ /ston mo dang ni yon 'bul bas/ /skye bo tshim zhing rgyas par bya/ /rgyas pas skye bo skal ba bzang / /bkra shis zhi bar bcas 'gyur te/ /zhi ba'i sbyor ba la smod pa/ /sdug bsngal sna tshogs 'tshe bar 'gyur/ /ji ltar rab tu mi gnas lha/ /rab tu gnas par bya bar nus/ /slob ma dang bas gsol 'debs bas/ /bsod nams phyir ni bya ba ste/ /rnam rtog med pa'i rang bzhin gyis/ /</font><hr>86.175b<br><font size=+1>

rab gnas lha ni bzhugs pa yin/ /'jig rten skyong ba'i lha la sogs/ /gang tshe rtag tu gnas gyur pa/ /mchod dang mchod bya mnyam ldan par/ /de tshe lha yang yang dag bzhugs/ /'di ni lha rnams rab tu gnas pa'i rim par phye ba ste nyi shu rtsa gnyis pa'o// // de nas me yi las sogs pa'i/ /mtshan nyid yang dag bshad par bya/ /sa ni sbyang ba byas rjes la/ /me thab dag ni bya ba ste/ /sor brgyad pa nas brtsams nas ni/ /ji srid khru ni stong gi bar/ /sor brgyad pas ni dgra rnams gsod/ /sor bcus de bzhin rgyas pa ste/ /bcu gnyis sor gyis dbang dang dgug /bcu bzhis de bzhin zhi ba'o/ /thab khung sor ni bcu drug pas/ /rigs ni mngon par 'phel bar byed/ /sor ni bcwa brgyad bdag nyid kyis/ /yul dang ba lang rigs 'phel 'gyur/ /thab khung sor ni nyi shu pas/ /yams kyi nad ni zhi bar byed/ /'di dag thab kyi nges pa ste/ /bsreg bya'i rdzas kyi tshad rnams ni/ /las dang rjes su mthun bya bar/ /mkhas pa yis ni shes par bya/ /rgya yi tshad kyi cha gsum gyi/ /cha gnyis zabs su brko bya ste/ /me thab dag ni thams cad kyi/ /brko ba'i thun mong mtshan nyid do/ /thab khung gi ni brgyad cha yis/ /kha khyer nyid ni mtho bar bya/ /kha khyer dpangs kyi phyed tshad nyid/ /de nyid du ni dma' bar sbyar/ /ji ltar phyi rol dma' ba'i tshad/ /de bzhin kha khyer nang nyid do/ /de yi phyi yi kha ran yang / /dpangs kyi tshad ni ji bzhin bya/ /thab khung nang gi khyad par du/ /rdo rje yis ni mtshan par bya/ /dkar dang ser dang dmar ba dang / /de bzhin gnag dang ljang ba ste/ /ji ltar las kyi rjes 'gro bas/ /thab kyi kha dog mtshan nyid yin/ /'on kyang las kun byed pa'i thab/ /zhi ba'i thab kyi khyad par mtshungs/ /kha khyer pad ma'i rnam par te/ /</font><hr>86.176a<br><font size=+1>

dma' ba rdo rje'i phreng bas bskor/ /de yi phyi rol kha khyer ni/ /gru bzhi kha khyer dpangs tshad bya/ /zhi la zlum po'i rnam pa ste/ /shar bltas kha dog dkar por 'gyur/ /rgyas pa la ni gru bzhi ste/ /byang du bltas pas ser pos bya/ /bskrad dang mngon par spyod pa la/ /zla ba phyed pa nub bltas bya/ /dbye dang gsad pa'i las la ni/ /zur gsum lhor ni bstas te bya/ /dbang dang dgug dang dbye ba gsum/ /kha dog dmar po zur gsum pa'o/ /mnan dang rmongs pa'i las la ni/ /bden bral du ni bltas te bya/ /bskrad la dud pa'i mdog lta bu/ /de bzhin rlung phyogs bltas te bya/ /rim gyis gdungs sogs dman pa'i las/ /rtag tu me phyogs bltas te bya/ /lha dang gdan dang mdog rnams ni/ /las kyi gzugs kyis 'gyur ba yin/ /yi ge hU~M gi sbyor ba yis/ /phyag gnyis pa yi rnam par bsgom/ /skad cig rnam pas gsang sngags brjod/ /skad cig rnam pas lha'i bdag nyid/ /rgyas la dga' ba'i sems kyis bya/ /zhi la dga' ba'i sems kyis bya/ /dbang la rjes chags sems kyis so/ /khro ba'i sems kyis gsang ba ste/ /rnam 'gyur drag po'i sems kyis ni/ /bskrad pa dang ni mngon spyod 'gyur/ /mchod yon zhabs la bsil sogs gzhag /de nas me ni spyan drang bya/ /rang snying chu skyes hU~M yig las/ /rdo rje sems dpa' rnam par bsgom/ /yig gsum las byung gzhu'i rnam pa/ /der dbus ra~M gyi sa bon las/ /kha dog dmar po mdzes pa'i zhal/ /dbyug gu ril ba spyi blugs g.yon/ /g.yas kyis bgrang phreng mi 'jigs sbyin/ /gsus 'phyang ral pa'i cod pan can/ /rgyan rnams kun gyis brgyan pa ni/ /sngags pa mkhas pas blta bar bya/ /o~M dza hU~M gi yi ges ni/ /thab</font><hr>86.176b<br><font size=+1>

khung logs su blta bya ste/ /bsang gtor 'thor 'thung mchod yon sogs/ /byin nas thab kyi dbus su gzhag /dam tshig sems dpa' bsams nas ni/ /ye shes sems dpa' gzhug par bya/ /me tog spos dang mar me dang / /de bzhin dri dang zhal zas mchod/ /lag gnyis pus mo'i nang gzhag ste/ /dgang gzar dang ni blugs gzar bzung / /o~M ag+na ye swA hA zhes pas/ dgang blugs bdun nam gsum byin na/ /de nas me ni tshim gyur pas/ /mi 'jigs pa ni chen po ston/ /me tog so rtsi na bza' sogs/ /bstod pas kyang ni mnyes bya ste/ /de nas 'thor 'thung byin nas ni/ /me ni yang dag gnas par bsam/ /o~M bo d+hi bri k+ShA ya swA hA/ a shwata tha yi'o/ /o~M badzra la tA ya swA hA/ blag sha yi'o/ /o~M badzra ya dz+nyA ya swA hA/ u dum ba ra'i 'o/ /o~M badzra ku be rA ya swA hA/ shing lo can rnams kyi'o/ /o~M sarba pA pa~M da ha na badzrA swA hA/ til rnams kyi'o/ /o~M badzra puSh+Ta ye swA hA/ 'bras ma grugs pa rnams kyi'o/ /o~M sarba sam pa de swA hA/ zho dang zas kyi'o/ /o~M badzra A yu She swA hA/ dur ba'i 'o/ /o~M a pra ti ha te badzrA ya swA hA/ ku sha rnams kyi'o/ /de nas snying ga'i pad ma'i gdan la rang gi lha'i sa bon dang / /mtshan ma yongs su gyur pa las rdzogs pa'i dkyil 'khor gyi 'khor lo rnam par bsgom par bya ste/ de nas dam tshig gi 'khor lo la ye shes kyi 'khor lo gzhug par bya'o/ /me yi snying ga'i dbus su ni/ /skad cig rnam pas rnam par bsam/ /bsang gtor 'thur 'thung sogs mchod dang / /mchod yon zhabs bsil bstod pas mchod/ /rang lha'i sa bon bzlas pa yis/ /the tshom med par sbyin sreg bya/ /lha rnams so sor</font><hr>86.177a<br><font size=+1>

phul nas ni/ /phyi nas ci 'dod sbyin sreg bya/ /gsum dang bdun dang lhag par ni/ /ji srid brgyad stong bar de bzhin/ /ji ltar las kyi rjes mthun par/ /mkhas pa yis ni sbyin sreg bya/ /de bzhin zhu ba'i rdzas kun ni/ /de ltar me yi zhal du dbul/ /yam shing dang ku sha la sogs pa ni 'od kyi dkyil 'khor la'o/ /zhal zas dang 'thor 'thung la sogs pa ni phyag tu'o/ /me tog ni dbu la'o/ /bdug pa ni 'od la'o/ /byug pa ni thugs kar ro/ /bsang gtor ni sku la'o/ /zhabs bsil ni zhabs la'o/ /mar me mchod yon zhal zas rnams/ /rim pa bzhin du mdun du dbul/ /sngar bshad cho ga ji lta bas/ /dkyil 'khor mchog ni gshegs su gsol/ /'jig rten sbyin sreg yang dag rdzogs/ /gal te 'jig rten 'das sbyin bsreg /nyin mo 'jig rten sbyin bsreg te/ /de bzhin mtshan mo 'jig rten 'das/ /rnal 'byor rnal 'byor ma rnams 'dus/ /bza' dang btung ba'i khyad par dang / /ca co'i sgra yi spro ba che/ /glu dang gar gyi dga' bde ba/ /rang gi lha yi rnal 'byor gyis/ /der ni tsa ru'i sbyin sreg bya/ /mngon 'dod bya ba gsol btab na/ /'grub 'gyur 'dir ni the tshom med/ /o~M khyod kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /ji ltar bde bar bzhugs su gsol/ /gang yang tshangs pa la sogs pa'i/ /lha'am 'byung po gang zhig la/ /dang por sbyin sreg sbyin par bya/ /o~M na maHsa man ta bud d+ha nA~M/ a mu ka s+ya shAn ting ku ru swA hA/ mngon 'dod bya ba gsol btab na/ /'grub 'gyur 'di la the tshom med/ /de nas sngags pa mnyam gzhag cing / /</font><hr>86.177b<br><font size=+1>

mkhas pas mdog dang sgra dang ni/ /dri dang 'bar ba'i dbyibs brtags te/ /de ltar me yi dge mi dga'/ /ltas ni nye bar mtshon par bya/ /mai ni rtse mo gcig tu 'bar/ /phun sum tshogs pa kun byed pa'o/ /rtse mo gnyis rab mi g.yo bar/ /mtshungs par 'bar na bar mar shes/ /rtse mo bzhi ni mnyam du 'bar/ /rgyas shing dngos grub brtan par gnas/ /kun da zla ba lta bu'i mdog /snum zhing bai dur+ya yi 'od/ /dri med me ni du ba med/ /nad med rigs ni 'phel bar byed/ /zla ba chu shel nor bu'i 'od/ /kha ba yi ni mdog lta bu/ /nor bu pa Shu rA ga'i mdog /sdig pa thams cad 'jig byed yin/ /me tog ban du ka lta bu/ /dza ba'i me tog gi ni mdog /btso ma gser gyi mdog lta bu/ /dbang phyug rgyal srid rab tu ster/ /tsam pa pad ma ut+pal dri/ /u shi ra dang mA la ti/ /shi d+ha gan d+ha'i dri mtshungs pa/ /ga pur a ka ru yi dris/ /dge zhing gnas kyi bdag po mchog /pi wang rgyud mangs rdza rnga dang / /dung dang zangs dung ltar sgra snyan/ /shin du zab pa'i sgra snyan pa'i/ /me mthong bde ba 'byung bar byed/ /dpal be'u gdugs dang dung lta bu/ /gang zhig rtse gsum bum pa'i dbyibs/ /rgyal mtshan rnga yab rdo rje bzang / /g.yung drung rta dang glang po'i dbyibs/ /sgra med g.yas su 'khyil pa dang / /me lce gcig 'bar don cher ster/ /'di dag dge ba phun sum tshogs/ /tshe dang nad med rab ster ba'i/ /g.yo zhing mdun gyi phyogs su 'bar/ /rtse gsum du ba'i tshogs mang dang / /'khor zhing me stag dang bcas pa/ /rnam par 'phro bas nad 'phel byed/ /me gang yang yang rab tu 'dar/ /yang yang rtsub par rgod pa dang / /yang yang g.yon du 'khor ba dang / /yang yang sa la me lce reg /thig le nag po sol ba'i mdog /myur du rigs ni</font><hr>86.178a<br><font size=+1>

zad 'gyur zhing / /gang zhig rgyal po'i drung gnas pa'i/ /sde dang bdag po 'joms par ston/ /mdog med du ba'i mdog ltar gnag /mdog ljang sna tshogs mdog rtsub pa/ /bla k+Sha ya dang 'bru mar mdog /'dis ni don rnams nyams par byed/ /ro'i dri nya yi dri ltar ngan/ /chu skyes srog chags dri dang ldan/ /ji ste me ni 'di ltar mthong / /gtso bo rnam par ltung zhes ston/ /tseg tseg bcas pa'i sgra 'byung zhing / /hur hur gyi ni sgra gang ldan/ /sim sim gyi ni sgra bdag nyid/ /rdo rje'i sgras ni don nyams byed/ /mdung dang ral gri mda' dang sbrul/ /rnga mo ba lang mgo 'dra gang / /'jigs pa'i rnam pa 'di ltar mthong / /de'i mdun bzod par mdzod cig ces/ /'di ltar lan gsum brjod nas ni/ /yon bdag khyim du zhi bde dang / /bde legs cho ga'i rim pa bya/ /de nas gzhan yang sbyin sreg bya /yan lag kun 'byung 'bras rab bshad/ /sa dang sa bzhi zhing byas pa'i/ /thab kyi yan lag yon bdag rgyas/ /mar gyis 'byor pa thams cad byed/ /yam shing gzi brjid rnam 'phel ba'o/ /bud shing lhag par dpa' bar byed/ /ku shas thams cad srung bar byed/ /yungs kar dkar pos zhi bar byed/ /'bras kyis rgyas par byed par bshad/ /til gyis sdig pa 'joms rig bya/ /so bas nor dang 'bru rnams 'gugs/ /ma Shas stobs ni chen por byed/ /nas kyis rlung gi shugs rab ster/ /dur bas tshe ni 'phel bar byed/ /gro yis nad ni 'joms par byed/ /'o ma sbrang rtsis shes rab 'phel/ /lag pan gyis ni bde kun ster/ /mes ni 'dod don dngos grub ste/ /rab 'dod lhas ni grol bar stsol/ /lhag ma las kyi rjes mthun par/ /zhi sogs las byas shes par bya/ /dgang gzar shes rab</font><hr>86.178b<br><font size=+1>

blugs gzar thabs/ /de gnyis sbyar ba gnyis med bsgom/ /de las nges 'byung mar gyi rgyun/ /ye shes chen po'i bdud rtsir 'dod/ /rgyu dang mi rgyu'i bdag nyid kyi/ /me ni de yis yang dag mchod/ /'di ltar sbyin sreg gang byed la/ /skal bzang dngos grub rab tu ster/ /'di ni sbyin sreg nges par bstan pa'i rim par phye ba ste nyi shu rtsa gsum pa'o// // de nas las ni rab 'byam 'byung / /dngos grub sna tshogs go 'phang sngags/ /sna tshogs las kyi 'bras 'byung ba/ /yang dag par ni rab tu bshad/ /o~M na maH sh+ma shA na bA sI ni/ ma hA kA la a nu tsA ra ya/ tad ya thA/ o~M tsa la pra tsa la/ lA la lA la ya/ de ba li ba~M ga~M swA hA/ bsnyen pa khri byas te/ mtshan phyed na ling ga bzung la ji srid 'ongs kyi bar de srid du bzlas par bya ste gong bu dgug pa'o/ /o~M tsa mun+De d+hu ma ke shi/ d+hu ma bid+yu dz+dzi hwe/ ha na ha na/ pa tsa pa tsa/ de ba dat+ta~M A na ya swA hA/ rkang pa g.yon pa'i mthil du sen rtses ri rab bris la/ de'i nang gi zur gyi cha la yi ge hrIHbzhi dbus su sngags kyi tshig bris te/ /gnon cing bzlas na dbang du byed pa'i mchog yin no/ /o~M badzra kro d+ha ma hA ba la na da ha pa tsa bi d+h+wa~M sa ya yo sau mA ra ya hU~M phaT/ grog mkhar gyi sa ba'i rnam pa lnga dang bsres pa las mtho gang tsam gyi bA su ki byas te/ ka ra bi ra'i lcug mas chu gtor zhing / gu gul gyis bar ma chad par bdugs te/ dkar gsum gyi gtor ma byin na nyi ma bdun na chu'i rgyun 'bebs par byed do/ /ci ste mi 'bebs na nyi ma bdun pa la dum bu dum bur byas te bum par bcug te chu bo la skur nas char 'bebs par 'gyur ro/ /char dbab pa'i go cha'o/ /o~M ga ga a ri ga ga swA hA/ sngags 'dis gdong bkrus te/ rdo ba la lan bdun bzlas ba byas na su yang rung ba'i sgo'i bu gar bcug na kha bcing ba</font><hr>86.179a<br><font size=+1>

byed par 'gyur ro/ /o~M mU kA tiSh+Than te mU kA gats+tshan ti mu kA kA D+han ti lA~M ga lA~M/ mU kA nA~M mU tra pU ri She Na/ de ba dat+ta s+ya mu kha~M ban d+hA mi swA hA/ khyu mchog gi ci ba sa la ma lhung ba blangs te/ gang su yang rung ba'i bu gar gzhugs pa byas na tha snyad brjod pa'i kha bcing bar 'gyur te/ bklags pas 'grub pa'o/ /o~M na mo ni khA bai ra bA ya/ tsi ri tsi ri ki rI ta rU pe na/ mu Shi kA nA~M tuN+Da~M ban d+hA mi/ mar k+ka To/ shri~M gA la sar+b+bau bA rA hA dI nA~M/ si ri si ri/ khi li khi li swA hA/ sngags 'dis lag pa ya gcig gam/ rngo ba la lan nyi shu rtsa gcig yongs su bzlas nas khyim mam/ zhing ngam ldum ra'i zur bzhir rdo ba bcug na nye bar 'tshe ba med par 'gyur ro/ /yang na dug dang / lan tsha dang / ske tshe dang / yungs kar dang / la phug gi sa bon dang / d+ha du ra'i sa bon dang nag po chen po'i sa bon gyi rdzas 'di dag ma he dang phag pa dang lce spyang rnams kyi khrag dang bsres te/ yang dag par sbyar nas bcu bzhi'i nyi ma la me tog dang / bdug pa la gtor ma byas te/ de'i rjes la lag pa g.yas pas yang dag par gzung ste/ g.yon pas sdigs mdzub byas nas khro bo'i ngag gis bzlas te/ phyogs bzhir sbas na mtshams bcad pa dang ra ba byas par 'gyur ro/ /o~M hrIM brIM hU~M phaT bi Ta bi Ta swA hA/ sngags 'di ba lang gi ci ba la mngon par sngags te chu'i gnas su bcug na zho rnams rnam par chud zos par 'gyur te/ 'o ma gtor bas ni grol bar 'gyur ro/ /o~M re ban ta swA mi ne/ trai lo kyA d+hi pa ta ye/ ku ru ku ru/ gats+tsha gats+tsha/ b+ha k+Sha ya b+ha k+Sha ya/ ne tra ro gA si ri si ri/ nA sha ya nA sha ya hU~M phaT phaT hrIM hrIM swA hA/ mig nad la bya ba pa'i sngags so/ /o~M a ru Ne hU~M phaT swA hA/ chu la yongs su bzlas te/ mig bkrus na mig nad 'joms</font><hr>86.179b<br><font size=+1>

par 'gyur ro/ /sman pa la'i rtsa ba dum bu bdun du byas te/ lag pa la bcings na rims 'joms par 'gyur ro/ /a bA marga'i rtsa ba bcings na rims nyin bzhi pa 'joms par 'gyur ro/ /shing sap+ta bar+Na blangs te/ sgo rtsa'am lam du sbas na chang rnam par nyams par 'gyur te/ bton na ni grol bar 'gyur ro/ /o~M na ma sh+tsan+Ta ang ku sha ku lu ku lu swA hA/ phug ron gyi brun dang lham bu chu gsher dang stang zil dang gu gul dang / shing tsha dang / chu srin sen mo dang ru rta dang gser shing gi 'bras bu ste/ 'di rnams de bzhin du bu ram dang sbyar la spos su byas te/ zong gi snod thams cad la gdugs na tshong pa rnams rnyed pa bzang bar 'gyur ro/ /o~M na mo b+ha ga ba ti suska mu khi tsa muN+De tsi ri mi ri pA ta ke /a mu ka~M ba sha mA na ya swA hA/ rusta shu thag dbang po'i nas/ /yungs kar ta ka ra'i me tog /sug smel de bzhin klu'i me tog /sardza ra sa cha mnyam byas/ /de dag gis ni rdzas la bdugs/ /tshong ni myur du 'ong bar 'gyur/ /yi ge ya gnyis kha sbyar byas/ /dbus su ming ni sbyar byas te/ /rlung gis khyer ba'i shing lo gzung / /de yi lo ma la bri bya/ /khwa yi sgro yi smyu gu dang / /snag tsha dug dang ske tshe dang / /dur khrod sol ba mnyam ldan pas/ /legs par bsangs te bris nas mchod/ /skag dang mig dmar nyin mo la/ /tshub ma'i rlung la phyar ba 'am/ /chu bo'i rgyun la bskur byas na/ /dgra ni skrod pa nyid du 'gyur/ /mtshan mo gcig pa'i sar mtshan mo song ste/ hU~M hU~M hU~M phaT phaT phaT/ zhes pa bdag nyid chen pos sngags bzlas par bya ste/ bskrad pa'i rab tu sbyor ba'o/ /ba'i lci ba sa la ma lhung ba las sor bcu drug pa'i gzugs brnyan byas te/ dur khrod kyi ras la ming mngon par bris la/ de'i nang du bcug ste/ khro ba dang bcas pas de'i kha zan gyis bkag la/ ro'i skra'i srad bus dkris te/ yang khro</font><hr>86.180a<br><font size=+1>

bas lan bdun bzlas pa'i gtun shing gis de'i khar bsnun par byas na mnan par 'gyur ro/ /lag pa g.yon pa la sdong ros kyis gzugs brnyan bris te/ mar me'i rtse mo la gdung na/  dbang du byed pa'i cho ga'o/ /rlung gi phyogs su maN+Dal nye bar byugs te/ gro ga'i 'dab ma la lhas byin gyi ming dang spel ba bris la zan gyi gong bu'i dbus su bcug ste/ bya rog la byin na bskrad par 'gyur ro/ /rdza mkhan gyi lag pa phyis pa'i 'jim pa la snod byas te/ stong rtsa brgyad yongs su bzlas nas/ dbugs mi 'byin par chu'i nang du gzhag na grong brtan par 'gyur ro/ /de nas dgra gsad par 'dod na spra tshil lam bag zan las gzugs brnyan byas la chos gos kyi ras kyis gzugs brnyan de'i gdong nas brtsams te rkang pa'i bar du dkris la legs par sbas te/ de'i steng du lag pa gzhag la ming dang spel ba'i sngags stong du gcig gis ma tshang ba bzlas nas/ lha'i khang pa'i phyogs gcig tu gzhag ste/ snying gar seng ldeng gi phur bu btab la/ phur bu'i steng du dus gsum du chu tshan blugs shing khro bas yongs su bzlas na brlag par 'gyur ro/ /yungs kar lnga rnams khrag dang bsres pa dang / 'bru mar tsha ba dang b+ha la ta ka bsres pa dang / /lcags kyi phye ma rnams bsres shing sbyar te/ dgra'i ming nas bzung nas sbyin sreg stong phrag gcig byas na de skad cig la gsod par 'gyur ro/ /yungs ser skya khrag dang bsres pa dang / 'bru mar tshwa dang / b+ha la ta ka bsres la dgra'i ming nas gzung nas/ dur khrod kyi me la lan brgyad stong sbyin sreg byas na bsgrub bya brjed byad kyis gsod par 'gyur te/ khrag skyug par 'gyur zhing rims sam gzer nad kyis 'chi bar 'gyur ro/ /dur khrod kyi thal ba las dgra'i gzugs brnyan byas rkang pa g.yon pas mnan la/ skra grol</font><hr>86.180b<br><font size=+1>

zhing khros pas lhar bltas te/ gang gi ming nas gzung nas lan brgyad stong sbyin sreg byas na dgra myur du 'chi bar 'gyur ro/ /til dmar po dang me tog pri yang ku mar dang bsres te/ lan brgyad stong sbyin sreg byas na mchog tu skal pa bzang por 'gyur ro/ /til dkar po dang 'bras dkar po mar dang bsres pas lan brgyad stong sbyin sreg byas na nor dang 'bru 'phel bar 'gyur ro/ /thams cad du bla ma dang bral bas ni ma yin no/ /ka ra bi ra'i me tog gnyis/ /de bzhin du ni tsan dan gnyis/ /ru sta shing tsha yung ba ser/ /me tog shing dang yung ba gnag /de bzhin du ni ut+pal gsum/ /pad ma'i ge sar de bzhin te/ /pri yang ku dang me tog brgya/ /de bzhin don grub dkar po dang / /nir gun Ti dang 'byung po'i sgra/ /gi'u wang ge sar tsha ba gsum/ /de bzhin chu yi sa bon te/ /ldong ros dang ni 'bras bu gsum/ /nim pa'i lo ma u shi ra/ /ka rany+dza yi 'bras sa bon/ /shing kun b+hal+lA ta ka ste/ /'di ltar nyi shu rtsa lnga ni/ /cha mnyam du ni byas nas su/ /rgyal dang nyi ma la sbyar nas/ /ba yi rnam lnga dang btags te/ /ci 'dod ri lu byas nas ni/ /nyi ma la ni bskam par bya/ /mar ngo'i tshes brgyad khyad par la/ /mchog tu smyung bar gnas gyur pas/ /rang 'dod lha yi mdun du ni/ /brgyad stong du ni bzla bar bya/ /cho ga 'di ltar sngar byas nas/ /rab gnas sbyin sreg gis rdzogs bya/ /bcang dang mig sman byug pa dang / /mgo la sngar ni sbyar byas na/ /de yi mod la skyon kun las/ /grol bar 'dir ni the tsom med/ /byis pa rnams kyi mgo la bskus na byis pa'i gdon las yongs su grol bar 'gyur ro/ /gdug pa'i gdon gyis zin pa la bdug par byas na rab tu grol bar 'gyur ro/ /rims thams cad la mgo la byug pa byas na rims med par 'gyur ro/ /mang po'i dbus su rtsod pa'i</font><hr>86.181a<br><font size=+1>

tshe'am rgyal po'i sgor 'gro ba na/ dpral bar byugs na de rgyal bar 'gyur ro/ /skra'i rtse mo la byugs na/ bud med dbang du 'gyur bas gzhon nu ma rnams 'dzin cing skal pa bzang por 'gyur ro/ /bud med bu mi phyin pa rnams kyi lte ba dang skye gnas su byugs na myur du 'byung bar 'gyur ro/ /mdze'i nad thams cad la ba lang gi chu dang lhan cig 'thungs na bde legs su 'gyur ro/ /mngal mi chags pa rnams la dpyid kyi dus su ba'i rnam lnga dang lhan cig 'thungs na mngal chags shing bu dang ldan par 'gyur ro/ /khrag gis gzer ba la 'bras kyi chu dang lhan cig 'thungs na zug gzer rab tu zhi bar 'gyur ro/ /mig na ba la mgo la byugs na mig nad 'joms par 'gyur ro/ /mche ba'i dug gis zin pa la mchil mas bskus na dug med par 'gyur ro/ /rtag tu bcangs na seng ge dang stag dang dom la sogs pa nags kyi bdag po rnams dang / sdigs pa dang rta bla mo la sogs pa dang / gdon thams cad las yongs su thar bar 'gyur te/ thams cad du bsrung ba'i mchog dang skye bo thams cad la sdug pa dang skal pa bzang por 'gyur ro/ /'di ni las rab 'byam gyi sman gyi rab tu sbyor ba nges par bstan pa'i rim par phye ba ste nyi shu rtsa bzhi pa'o// // de nas gzhan yang bcud len gyi/ /cho ga mchog ni yang dag bshad/ /gang zhig rnam par shes tsam gyis/ /lus ni rgyas pa'i mtshan nyid 'gyur/ /zla ba si h+la gla rtsi dang / /sman dang tsan dan ser po ste/ /so so 'am ni lhan cig gis/ /rgas dang 'chi ba blu byed pa'o/ /rigs sngags las byung mchog yin te/ /rang rigs las byung 'bring du 'dod/ /tha mal bud med las byung dman/ /rgan dang byis pa'i rnam par spang / /</font><hr>86.181b<br><font size=+1>

mdog nag lus ni rab tu bzung / /gzhon zhing skra ni snum pa dang / /mig 'bras nag cing dri zhim gang / /de yi me tog rab sngags te/ /mar gyi ngo yi dus 'tshal ni/ /mngon 'dod dngos grub thams cad ster/ /yar ngor 'dzag pa mi sngags te/ /rgas pa la sogs byed pa yin/ /thog ma tha ma rnams spangs pa/ /dag pa'i shes dang mtshungs shing dag /ri dgas lte ba rab sngags te/ /mdzes pa'i gla rtsi yang dag blang / /bsad par gyur pa yang dag gtso/ /mchog gi sman ni gzung bar bya/ /'o ma'i ston mo sogs skyes pa'i/ /tsan dan ser po yang dag gzung / /mar ni gsum ste mgo skyes dang / /sbubs las skyes dang sha skyes so/ /mgo skyes mar ni mchog yin te/ /sbubs las byung ba bar ma yin/ /sha las byung ba tha ma ste/ /bcud kyis len gyis cho ga mchog /zla bas lus ni rgyas par byed/ /tu ru skas ni thams cad srung / /ri dgas lte bas nad 'joms te/ /sman gyis zhi bar byed pa yin/ /rtag tu bzhi mnyam gyur pa ni/ /snga dro'i dus su rgyun du bsten/ /zla bas rlung ni rgyu ba na/ /zla ba'i rgyu ba btung bar bya/ /nyi ma'i rlung ni rgyu ba na/ /nyi mas nyi ma btung bar bya/ /rdzas 'di dag ni mnyam sbyar byas/ /rtag tu snar ni blugs par bya/ /zla ba drug tu sbyar byas na/ /rtag pa'i tshe ni 'phel bar 'gyur/ /sna sgo g.yon du rab blugs na/ /las ni yongs su dag gyur pas/ /yar ngo zla ba ji bzhin du/ /nad kun med cing 'tsho bar 'gyur/ /</font><hr>86.182a<br><font size=+1>

gnag dang ser ba dang bral zhing / /dri ma dri med rnam par spangs/ /dang ba'i chu ltar gyur gang la/ /skyon bzhi dang ni rnam bral ba'o/ /rab mdzes dri ma med cing dge/ /cung zad shel dang mtshungs pa'i 'od/ /dag pa'i shel ltar gyur pa nyid/ /lus ni bcing ba'i mchog yin te/ /nya dang sha dang de bzhin chang / /bud med nyal po rnam par spang / /brtan zhing dul la sbas pa yis/ /rang gi lus ni yongs su bsrungs/ /slob ma dad ldan lhan gcig skyes/ /dben pa'i phug tu rab zhugs der/ /myos byas gtor ma mnyam ldan pas/ /lha rnams la ni mchod par byed/ /rang gis lhag pa'i lhar sbyor bas/ /sngags ni rgyun mi 'chad pa bzlas/ /sbyin dang bsod nams bya ba bya/ /slob ma rnams ni tshims par bya/ /kha na ma tho med pa'i gnas/ /rnyed nas bgegs med byas te gnas/ /bde ba'i stan rab thob nas su/ /blo dang ldan pas smra mi bya/ /ji srid nyi ma bdun gyis bar/ /rang lus yang dag dag par bya/ /de rjes lo ni bcu sogs kyi/ /bar du las ni bsten par bye/ /dngos grubs dus su lo gnyis kyang / /mkhas pas rtags par yang dag bsrungs/ /lo bcu gnyis ni yang dag rdzogs/ /gnyer ma skra dkar rnam par spangs/ /sna tshogs nad las rnam par grol/ /zla ba skar ma yod par 'cho/ /</font><hr>86.182b<br><font size=+1>

lha dang lha min mi rnams kyis/ /bud med rnams la yid 'ong 'gyur/ /rdzas ni lnga po 'dis rnams nyid/ /rtag par rgyun du bza' zhing btung / /las 'di dag ni yang dag rdzogs/ /'dod pa'i dngos grub rab tu 'jug /'dod 'jo'i ba dang mnyam pa'i lus/ /mkha' spyod dngos grub thob par 'gyur/ /so phag tshos 'gyur ldag gu dang / /nir gun thi dang bal gul ne/ /smyo byed 'dab dang nir+ya sa/ /gla rtsi tsan dan ldan pa dang / /bA li ka dang tso rar ldan/ /rang gis lus ni dril byas na/ /nad rnams kun las rnam grol zhing / /dug med mdangs dang ldan par 'gyur/ /'bras bu gsum dang tsan dan gyis/ /phye mar bcas dang gla rtsi ni/ /bsil dang lhan cig lo gcig 'thungs/ /nad med rgas pa'ang med par 'gyur/ /'bras bu gsum dang tsan dan phye/ /gla rtsi lhan cig bsten byas te/ /zos na zla ba drug tsam gyis/ /tshe ring gzugs dang ldan par 'gyur/ /gla rtsi 'bras bu gsum dang bcas/ /rdo yi snod du yang dag bzhag /grangs te gang gis rtag 'thungs na/ /rgas dang nad med yang dag 'byung / /tsan dan ka sa'i sma na gsum/ /mig gang gis ni zla drug zos/ /de la 'dod pa'i dngos grub ni/ /'byung bar 'dir ni the tshom med/ /'di ni bcud kyis len gyis/  cho ga rim par phye ba ste nyi shu rtsa lnga pa'o// // de nas gzhan yang myos byed dang / /</font><hr>86.183a<br><font size=+1>

btso ba yang dag rab bshad bya/ /rgyud rnams kun tu gsang cho ga /ji bzhin gzhan la brjod mi bya/ /bdud rtsi bskyed pa'i ched du ni/ /bshad kyis gnod sbyin bdag po nyon/ /ye shes rdo rje man da rar/ /grags te mkha' dbyings 'o ma'i mtsho/ /'o ma'i rgya mtsho mdzes pa yi/ /bdud rtsi bsrubs pa tsam gyis ni/ /de las skyes pa'i lha mo tshang / /bu mo 'dod pa'i gzugs can ma/ /nyi ma 'char ka'i mdog 'dra zhing / /rgya skyegs khu ba lta bu 'dod/ /rin chen kun kyis brgyan pa'i lus/ /pad ma'i mdog dang mtshungs pa'i 'od/ /yi ge las byung ba'i sku/ /mdzes pa'i phyag ni bcwa brgyad ste/ /lha mo sna tshogs bcud 'dzin cing / /'jig rten gsum po dbang bsdud ma/ /g.yas pas ral gri mda' lcags kyu/ /thod pa rdo rje rgyal mtshan dang / /de bzhin mu tig phreng dril bu/ /dgu pas mchog ni rab ster ba'o/ /g.yon pa'i phyag gis phub dang gzhu/ /zhags pa dang ni kha T+wA~M ga /ril pa spyi blugs mdung dang ni/ /tho ba pi wang bgrang phreng bcas/ /gzhon zhing lang tso phun sum tshogs/ /lha mo mdzes pa'i spyan gsum can/ /man dA ra yis dbus phyung nas/ /chu bo kun du gyur nas ni/ /'o ma'i rgya mtsho zhes bya bar/ /mar dang sbrang rtsi'ang lta bur 'bab/ /zhi ba'i btung ba'ang lha mo des/ /rdo rje rnams snang mdzad gzugs gnas/ /</font><hr>86.183b<br><font size=+1>

rnam snang mdzad ma'i sku'i dbus su/ /he ru ka ni zhu bar 'gyur/ /dpa' bo kun dang mnyam sbyor ba'i/ /mkha' 'gro ma yi dra mchog bde/ /thams cad ro gcig 'gyur ba yi/ /bdud rtsi drag po'i gzugs can ma/ /'phrog dang bya ba longs spyod la/ /de phyir snying po bdud rtsi yin/ /de bzhin thab ni chos 'byung grags/ /glum ni bdud rtsir bsgrags pa ste/ /chang gang rdo rje rnal 'byor ma/ /gang zhig dregs te he ru ka /mdog ni pad ma'i dbang phyug bdag /gang zhig dri de rin chen 'byung / /ro gang don yod grub pa ste/ /gang zhig rlung gi shugs bdag nyid/ /tshad med pa la ye shes ci/ /rnam shes kyang ni ci zhig 'gyur/ /rnam shes ye shes phun tshogs pas/ /chang gis 'gro kun rmongs par 'gyur/ /gnas dang zhing dang tshan d+ho ha/ /'dus pa dang ni dur khrod du/ /mchod bya mchod byed 'brel pa yin/ /bdud rtsi mchod yon mchog yin te/ /rgyud dang rgyud gzhan gsungs pa yi/ /bkra shis bde ba'i dga' ba'o/ /mtshun gyi lha dang mi rnams dang / /bag ma blang dang mchod sbyin las/ /mkhas pas mchod sbyin dag la'ang ste/ /rgyal rigs g.yul ngor 'jug pa dang / /rje'u rigs bkra shis don du ste/ /dmangs rigs rnams ni dngos grub sgrub/ /rang byung mchod pa'i dus dag la/ /yun ring bshad pa'i spyod yul dang / /rab gnas sbyin sreg dus dag tu'am/ /gnas rnams rgyu ba'i spyod yul du/ /rnal 'byor ma rnams spyan drangs te/ /mchod gnas gsang sngags bsgrub de'i dus/ /'di ltar sna tshogs shes byas nas/ /de yi skyon rnams mi rtag go/ /dbang du bya ba bshad par bya/ /gsang ba pa yi bdag po nyon/ /bla ma dpa' bo rnal 'byor ma/ /mchod cing rjes su spyad par bya/ /o~M A hU~M zhes bya sngags kyis/ /rtag tu byin gyis brlab par bya/ /ha hoHhrI zhes bya sngags sogs kyis/ /sbyang ba dang ni rtogs</font><hr>86.184a<br><font size=+1>

bya ste/ /yi ge has ni kha dog 'phrog /ho yi dri ni 'joms pa ste/ /yi ge hrI yis nus pa'ang bcom/ /bdud rtsi rnam par bsten par bya/ /lha gsum la sogs dang bral bar/ /ci ste dam tshig can gyis 'thungs/ /de las dug 'gyur the tshom med/ /sngags kyi dngos grub mi skye'o/ /su zhig chang gis myos 'gyur ba/ /de la bgegs ni mang po 'byung / /sngags pa chang gis rnam 'gyur bas/ /'dod la brkam zhing 'khrig par sred/ /dgod cing glu ni de bzhin len/ /thab mo la spro rnam par 'khrul/ /smod cing nyams par byed pas kyang / /ngu 'bod dmyal bar 'tshed par 'gyur/ /rnal 'byor ma rnams khros nas ni/ /de la nad dang mya ngan 'jigs/ /'jigs par byed pas rnam gtses nas/ /sdig can dmyal bar 'khrid par 'gyur/ /bla ma la 'khu bla ma smod/ /sems can 'khu la sbyin mi bya/ /bdud rtsi de nyid dug de nyid/ /dngos grub sgrub pa 'bras bu med/ /sngags pas 'di dag spang bar ni/ /sngon gyi sangs rgyas rnams kyis gsungs/ /tsa ru'i bza' bar ldan pa dang / /cho gar yang dag ldan pas spyad/ /rnal 'byor rnal 'byor ma'i 'dus pa/ /cho gar gsungs bzhin mi slu ste/ /dngos po thams cad mnyam pas na/ /skal dang skal min brtag mi bya/ /des na 'dus pa zhes gsungs te/ /dngos grub dang ni rjes gnang thob/ /shes rab blo dang stobs dang ni/ /bde dang skal bzang 'bras sterab ste/ /dbang phyug brgyad kyi yon tan kun/ /bla med 'bras bu thob par 'gyur/ /rdzas skyes de bzhin rtsa ba skyes/ /go D+hi peSh+Ti chang gi rigs/ /shing skyes de bzhin bur shing skyes/ /sa steng gang dag skyes rnams te/ /ma'i rnam pa lngar bshad de/ /peSh+Ti rnam pa brgyad du brjod/ /go TI rnam pa bdun yin te/ /rim pa 'di dag shes par bya/ /rno dang kha dang tsha ba dang / /mngar dang 'jam par skye ba ste/ /sna</font><hr>86.184b<br><font size=+1>

tshogs yul du rnam skyes nas/ /chang gi ming du rab tu grags/ /chu la dga' bo bA su ki/ /der ni gdan du bsgom bya ste/ /me tog dang ni gur kum bdug /gtor ma byin nas brtsam par bya/ /cho ga rdzogs pas byas na ni/ /myos byed mchog ni skye bar 'gyur/ /gang tshe grub pa'i chang sems pas/ /nyin re nyin re bya ba yin/ /sbyor ba 'di ni mchog tu mdzes/ /grub pa'i myos byed yid dga' ba/ /shri gro'i sman ni zho gnyis dang / /skyu ru ra yang cha bcu dang / /de bzhin chu ni bre gang nyid/ /pho ba ris ni drug bcu gsum/ /bu ram srang ni gcig gzung ste/ /'di dag gcig tu sbyar byas pa/ /'di ni grub pa'i chang zhes brjod/ /nyi ma'i 'od la btso bar bya/ /skyu ru ra yi myos byed do/ /d+ha ta ka yi me tog bzung / /tsU ta'i me tog so ba dang / /ma la ya dang sa ri ba/ /rdo dreg shri ku bal ka la~M/ /'di dag cha ni mnyam pa 'am/ /bzhi cha ru ni rab tu brtag /chu srang sum bcu rtsa gnyis dang / /bu ram srang ni brgyad du 'gyur/ /nyi ma gsum du chang 'di nyid/ /'byung ba ru ni shes par bya/ /me tog d+hA ta ka'i chang ngo / /pa tra ka dang pho ba ris/ /btsod dang nA ga ge sar gzung / /da DIm 'bras bu de bzhin tsha/ /pi pi ling dang 'o mar bcas/ /gu ram srang ni gcig nyid de/ /chu ni bdun 'gyur sbyin par bya/ /myos byed dri ni zhim pa dang / /bsil ba'i bdag nyid du ni 'gyur/ /pa tra ka'i chang ngo / /shing tsha e la na la da/ /lags mthong tam la ru pa ti/ /sha ka ra dang lhan cig sbyar/ /mkhas pas gcig tu bsres byas la/ /nyi ma'i 'od la lan bdun btso/ /grub pa'i chang ni bla na med/ /kha ra yi chang ngo / /shri gu'i rtsa ba las byung chu/ /sbrang rtsi dang ni lhan cig ldan/ /mkhas pas rdzas ni dag bya'i phyir/ /cha brgyad du ni rab tu sbyin/ /sbrang rtsi lhag par sbyar la btso/ /der yang 'bras bu gsum gur kum/ /gla rtsi dang ni ga bur dang / /gan da pa tra a ga ru/ /dbye bas</font><hr>86.185a<br><font size=+1>

rab tu sbyar bya ste/ /thams cad brgyad char phye nas ni/ /dbye ba'i don du sbyar bar bya/ /nyin zhag bzhir ni khyad par du/ /'bru yi dbus su gzhag par bya/ /chang ni smin par gyur pa na/ /myangs na gla rtsi'i drir 'gyur ro/ /so b+hany+dza na'i shun pa dang / /sbrang rtsi bzhi 'gyur 'grub par 'gyur/ /dbye ba gnyis par ga bur dang / /gla rtsi dzA ti pha lar bcas/ /ri dgas dregs par bcas pas ni/ /chang ni dri ma med par 'gyur/ /d+hA da ka yi me tog dang / /bA li'i phyed dang sbrang rtsir bcas/ /de la slar yang mtshan nyid 'dis/ /bzhi chas lhag pas 'grub par 'gyur/ /gan de pa tra srang phyed ni/ /brgya cha dang ni sbyar bar bya/ /'di ltar 'di nyid sgrub pa yis/ /zla re zla rer sbyar bar bya/ /sna tshogs chang gi dbye ba ni/ /yul dang rjes mthun gyur zhes bya/ /'di ltar chang gi dbye ba ni/ /rgyud dang rgyud gzhan las shes bya/ /myos byed las gzhan mchod pa med/ /mar me sbyin sreg chog ma yin/ /bla ma dang bral chos med de/ /chos dang bral bas 'gro ba med/ /myos byed las gzhan dam tshig ni/ /gar yang 'byung bar 'gyur ma yin/ /bdag nyid bsod nams dbang gis sam/ /la lar bla ma mnyes pas rnyed/ /'di ni myos byed rings par bstan pa'i rim par phye ba ste nyi shu rtsa drug pa'o// // de nas gzhan yang sngags btu ba'i/ /cho ga mchog ni rab tu bshad/ /sa yi cha ni yid 'ong bar/ /dri yi chu ni nye bar byug /dben pa'i gnas su legs sbas te/ /me tog spos kyis nyams dgar bya/ /sngags pa tsa ru'i bza' ba spyad/ /de bzhin bdud rtsi btung bar spyad/ /rang gi lhag pa'i lhar sbyor bas/ /sngon du gtor ma sbyin bya ste/ /mkha' 'gro ma kun mnyam sbyor bas/ /slob dpon legs par mnyam bzhag pas/ /gru gsum dkyil 'khor mnyam dga' ba/ /ri mo gsum gyis phyi rol bskor/ /chos 'byung skyed mos tshul chen po/ /</font><hr>86.185b<br><font size=+1>

sna tshogs me tog gis rnams mdzes/ /der ni A li kA li dbye/ /sde tshan brgyad po rim bzhin bri/ /'dod pa drag po de bzhin nyid/ /thub pa mda' dang gzugs med nyid/ /re'u mig bzhi bcu rtsa dgur ni/ /man ngag bzhin du dgod par bya/ /a sogs yi ge nas brtsams te/ /yi ge ha yi bar du sngags/ /g.yas bskor rnam par sbyar bar ni/ /gsang ba'i bdag pos shes par gyis/ /re'u mig dang po'i lnga pa gzung / /der ni re'u mig bcu pa nyid/ /steng du yang dag sbyin par bya/ /re'u mig dgu pa'i gsum pa yis/ /steng du thig ler rnam par brgyan/ /re'u mig bdun pa'i dang por gzung / /mi yis sa bon 'og tu brgyan/ /dang po yi ni bzhi pa yis/ /brgyan pa 'dod pa mo yi mchog /bdun pa'i gnyis pa'i yi ge gzung / /re'u mig dang po'i bcu gcig blang / /re'u mig dgu pa'i lnga pa gzung / /yi ge u yis 'og tu brgyan/ /re'u mig bdun pa'i bzhi pa gzung / /re'u mig dang po'i bcu gcig pa/ /mgo bo la ni brgyan par bya/ /re'u mig dgu pa'i lnga pa gzung / /dang po'i lnga pas 'og tu brgyan/ /re'u mig lnga pa'i lnga pa gzung / /re'u mig bdun pa'i bzhi pa blang / /re'u mig bcu gcig pas brgyan cing / /lnga pa yi ni 'og tu brgyan/ /re'u mig dgu pa'i gsum pa yi/ /steng bu thig les rnam par brgyan/ /lan gnyis su ni bzlas par bya/ /re'u mig lnga pa'i gnyis pa gzung / /re'u mig gi ni bcu gcig pa'i/ /bzhi pa dang ni yang dag ldan/ /snying po'i sngags ni rtag bzlas na/ /dngos grub yon tan kun gyi gnas/ /re'u mig dag ni bdun pa yi/ /yi ge bzhi pa gzung bar bya/ /re'u mig dag ni dgu pa yi/ /lnga pa yis ni 'og tu brgyan/ /</font><hr>86.186a<br><font size=+1>

dang po'i bzhi bas rnam par brgyan/ /bdun pa yi ni bdun pa yis/ /logs su thig le gnyis sbyin bya/ /re'u mig dag ni bdun pa yi/ /yi ge bzhi pa gzung bya ste/ /lan gnyis su ni bzlas par bya/ /slar yang yi ge de nyid gzung / /dbyangs kyi lnga pas 'og tu brgyan/ /re'u mig dgu pa gsum pa yis/ /thig le yis ni rnam par brgyan/ /lan gnyis su ni bzlas par bya/ /re'u mig dag ni lnga pa yi/ /yi ge gnyis pa gzung bar bya/ /re'u mig bcu gcig ba dag gi/ /bzhi pa nyid ni gzung bar bya/ /sngon du phyag 'tshal sbyin par bya/ /rtag par rgyun du bzlas na ni/ /skal bzang dngos grub byed pa'o/ /re'u mig dag ni bdun pa yi/ /yi ge gnyis pa yang dag gzung / /bcu gcig dang po'i yi ge ni/ /me yi bus ni 'og tu brgyan/ /bdun pa'i gnyis pa'i yi ge gzung / /dbyangs ni bcu gcig pa yis brgyan/ /re'u mig dag ni dgu pa yi/ /yi ge lnga pa yang dag gzung / /dbyangs ni bcu gnyis pa yis brgyan/ /bdun pa'i dang po'i yi ge ni/ /yang dag mchog gi go 'phang gzung / /re'u mig dag ni lnga pa yi/ /yi ge bzhi pa yang dag gzung / /dbyangs kyi bzhi bas brgyan pa'o/ /re'u mig dag ni dgu pa yi/ /yi ge bzhi pa gzung bar bya/ /dbyangs yig bcu gcig pa yis brgyan/ /bdun pa'i bzhi'i yi ge gzung / /dbyangs kyi lnga pas mdzes par bya/ /dgu pa yis ni gsum pa yis/ /de bzhin mgo la mdzes par byas/ /de ni lan gnyis brjod par bya/ /yi ge mchog ni grol ba ste/ /lnga pa'i yi ge gnyis pa gzung / /re'u mig bcu gcig pa yi ni/ /bzhi pa nyid ni sbyar bar bya/ /re'u mig dag ni bdun pa yi/ /yi ge gsum pa gzung bar bya/ /re'u mig dag ni dgu pa yi/ /yi ge bdun pas 'og tu brgyan/ /dbyangs</font><hr>86.186b<br><font size=+1>

yig gnyis pas brgyan par bya/ /re'u mig dag ni bdun pa yi/ /yi ge bzhi pa bsdu bar bya/ /dbyangs kyi gnyis pas brgyan pa'o/ /thog mar yang ni gsal byed sbyin/ /mkha' 'gro ma yi snying dga' ba/ /rtag tu bsgom zhing bzlas byas na/ /dngos grub kun gyi mchog rab ster/ /thog mar yi ge o~M sbyin bya/ /bdun pa'i gsum pa yang dag gzung / /dbyangs kyi lnga pas yang dag brgyan/ /re'u mig dag ni dgu pa yi/ /yi ge gnyis pa gzung bar bya/ /de nyid la ni gsum pa yis/ /mgo la rgyan du byas pa yin/ /re'u mig dag ni lnga pa yi/ /yi ge bzhi pa yang dag blang / /dbyangs kyi gsum pas brgyan pa'o/ /re'u mig dag ni bdun pa yi/ /yi ge gsum pa gzung bar bya/ /dbyangs yig lnga pas yang dag brgyan/ /re'u mig dag ni dgu pa yi/ /yi ge gnyis pa gzung bya ste/ /de nyid la ni gsum pas brgyan/ /re'u mig dag ni bdun pa yi/ /yi ge gsum pa gzung bar bya/ /dbyangs yig lnga pas 'og tu sbyar/ /dgu pa'i gsum pa'i yi ge yis/ /thig le ru ni brgyan pa yin/ /de ni rim bzhin gnyis su bzlas/ /re'u mig dag ni lnga pa yi/ /yi ge gnyis pa yang dag blang / /re'u mig dag ni bcu gcig pa'i/ /bzhi pa'i yig sbyar mchog dbang phyug /re'u mig gcig gi yi ge gzung / /dbyangs kyi bdun pa 'og tu sbyin/ /re'u mig dag ni bdun pa yi/ /yi ge mnyam pa yang dag blang / /re'u mig dag ni lnga pa yi/ /yi ge bzhi pa sbyar bas mdzes/ /sngags ni lan gnyis brjod par bya/ /re'u mig dag ni bdun pa yi/ /yi ge bzhi pa gzung bar bya/ /dbyangs ni lnga pas 'og tu sbyar/ /zla ba phyed pa thig les brgyan/ /de yi tshig ni lan gnyis brjod/ /re'u mig dag ni lnga pa yi/ /yi ge gnyis pa gzung bar bya/ /re'u mig dag ni bcu gcig pa'i/ /bzhi pa sbyar bas bde mchog ster/ /gsal byed dang por yang dag gzhag /re'u mig gcig gi</font><hr>86.187a<br><font size=+1>

yi ge gzung / /dbyangs kyi bdun pas sbyar bar bya/ /re'u mig dag ni bdun pa yi/ /yi ge bzhi pa gzung bar bya/ /re'u mig dag ni lnga pa yi/ /bzhi pa yis ni sbyar bar bya/ /dbyangs yig gnyis pas rnam par brgyan/ /re'u mig lnga pa'i dang po gzung / /re'u mig drug pa'i dang po blang / /tshig ni lan gnyis brjod par bya/ /re'u mig dag ni bdun pa yi/ /yi ge bzhi pa gzung bar bya/ /dbyangs kyi lnga pas 'og tu sbyar/ /zla ba phyed pa thig les brgyan/ /thams cad lan gnyis brjod par bya/ /re'u mig dag ni lnga pa yi/ /yi ge gnyis pa gzung bar bya/ /re'u mig dag ni bcu gcig pa'i/ /bzhi pas sbyar ba dbang phyug mchog /thog mar gsal byed yang dag sbyar/ /yi ge mchog ni sgrub par byed/ /re'u mig bcu gsum pa nyid kyi/ /dbyangs yig dang po gzung bar bya/ /dbyangs yig gnyis par sbyar bar 'gyur/ /re'u mig dag na lnga pa yi/ /yi ge bzhi pa gzung nas ni/ /bzhag pas go 'phang mchog tu 'gyur/ /re'u mig dag ni dgu pa yi/ /yi ge bzhi bzung mchog dbang phyug /re'u mig dag ni bdun pa yi/ /yi ge bzhi pa gzung bar bya/ /dbyangs kyi bcu gsum pa yis ni/ /mgo bo la ni brgyan par 'gyur/ /mkhas pas bdun pa'i bdun pa ni/ /logs su thig le gnyis su gzhag /re'u mig dag ni bdun pa yi/ /yi ge gnyis pa gzung bar bya/ /dbyangs kyi gsum pas spyi bor brgyan/ /re'u mig dag ni dgu pa yi/ /yi ge brgyad pa blang bar bya/ /de nyid kyi 'og bzhi pa sbyin/ /dbyangs kyi gnyis pa sbyar bar bya/ /yi ge mchog ni yin par brjod/ /re'u mig dag ni dgu pa yi/ /yi ge lnga pa gzung bar bya/ /dbyangs ni gnyis pas mdzes par bya/ /re'u mig bdun pa'i dang po ni/ /gzhag pas dngos grub thams cad ster/ /re'u mig dag ni bdun pa yin yi ge bzhi pa blang bar bya/ /dbyangs ni lnga pa sbyar bya ste/ /zla ba phyed pa thig les brgyan/ /lan gnyis brjod pa mchog</font><hr>86.187b<br><font size=+1>

dbang phyug /lnga pa'i yi ge gnyis pa gzung / /re'u mig bcu gcig pa nyid kyi/ /bzhi pa yis ni sbyar bya ste/ /yang dag go 'phang mchog yin no/ /bla ma'i man ngag lam gyis ni/ /sngags btu ba ni shes par bya/ /yang dag bstan dang rnam bral ba'i/ /glegs bam bklags tsam gyi sngags la/ /bskal pa bye ba brgya ru yang / /dngos grub go 'phang 'byung mi 'gyur/ /tshes bcu yi ni dus dag la/ /sna tshogs me tog la sogs dang / /bza' dang btung ba mnyam ldan pas/ /rdo rje rnal 'byor ma mchod bya/ /sngags nyid rnal 'byor ma yi gzugs/ /rnal 'byor ma nyid sngags kyi gzugs/ /ci ste go 'phang mchog thob na/ /de dag dbye bar mi bya'o/ /ci ste dngos grub mchog 'dod na/ /srog ni yongs su gtong yang sla/ /'chi bar mnyam par 'gro yang sla'i/ /rtag tu dam tshig bsrung bar bya/ /'jig rten gsum po rgyu mi rgyu'i/ /'gro kun g.yon las byung bas na/ /rnal 'byor ma rtag g.yon la spyod/ /rkang pa g.yon pa mngon du 'dor/ /rkang pa g.yon gyis mchod par bya/ /g.yon pa yis ni tshim dang za/ /rigs lnga la ni kun spyod pa/ /rigs gcig tu ni rnam par brtag /kun rtog kun las rnam grol zhing / /gnyis pa thams cad rnam par spangs/ /bla ma sangs rgyas bla ma chos/ /bla ma dge 'dun de bzhin te/ /sangs rgyas kun dang mnyam sbyor ba'i/ /mkha' 'gro ma yi dra ba sdom/ /de'i phyir sangs rgyas go 'phang ni/ /'dod pas bla ma mnyes par bya/ /'di ni sngags btu ba'i cho ga rim par phye ba ste nyi shu rtsa bdun pa'o// // de nas de phyir sbyin sreg gi/ /las kyi khyad par rab bshad bya/ /sgrub pos rgyal srid ched du ni/ /sngags ni stong phrag bcu ru bzlas/ /sngar bshad pa yi cho ga yis/ /sbyin sreg las ni brtsam par bya/ /bsgrub bya'i ming dang rnam spel te/ /sha chen 'o mar sbyar ba yis/ /rnam rtog med pas sbyin sreg byas/ /yongs rdzogs rgyal po nyid du 'gyur/ /ba lang mi dang lce spyang sha /chang dang 'o mar mnyam sres pas/ /bsregs</font><hr>86.188a<br><font size=+1>

blugs mchog ni sbyin byas te/ /rtag tu 'bum gcig sbyin sreg byas/ /grong khyer mchog ni thob 'gyur te/ /dpal ldan rgyal po chen por 'gyur/ /tsher ma'i me ni rab sbar la/ /dug khrag 'bru mar tsha ba dang / /de bzhin skra dang phub mar ldan/ /mi yi rus pas sbyin sreg bya/ /skra grol khros pa'i dbang gyur pas/ /lho phyogs kha bltas gcer bu 'am/ /sngags pa gos ni nag po gyon/ /drag po'i las la nyi phyed dam/ /mtshan phyed na ste gdol pa'i mer/ /bsgrub bya'i ming dang sbyar ba'i sngags/ /nga ro drag pos brjod bya zhing / /rtse gcig sems kyis sbyin sreg byas/ /dpung bcas stobs kyang brlag 'gyur na/ /gzhan rnams la ni smos ci dgos/ /de nas stobs kyis dregs pa yi/ /dgra bo bskrad pa shes par bya/ /rlung gi phyogs su kha bltas te/ /sha za'i me ni rab sbar la/ /khwa yi gshog pa zhag nim / /nir ya sa yi 'bru mar bsres/ /las ni mtshan mo bdun sbyar na/ /the tshom med par skrod par 'gyur/ /dbye ba'i las zhes grags pa ni/ /smyo byed shing la mi sbyar la/ /gsang sngags rig pas nim pa yi/ /lo ma sbrul gyi shun par bcas/ /khra dang 'ug pa'i tshang sres te/ /brgya rtsa brgyad ni sbyin sreg byas/ /'jig rten thams cad 'byed 'gyur te/ /snying sdug skye bo'i gnyen gyis spang / /de nas dgug pa bshad par bya/ /li khri mtshungs pa'i 'di bsgoms te/ /bsgrub bya gcer bu rlung phyogs nas/ /steng bltas g.yo bar dmigs nas su/ /stan la rol pa'i gnas pas gnas/ /gsang sngags yi ge dza bzlas te/ /zhags pa lcags kyu rab sbyor bas/ /bsgrub bya'i snying gi pad mar dbug /skye gnas pad ma dbug byas na/ /nges par khams gsum dbang du 'gyur/ /thod pa dum bu gcig pa 'am/ /ma chag sdug cing mdzes pa la/ /bsgrub bya'i gzugs ni rnam par bri/ /de nas bsgrub bya'i ming brjod de/ /d+ha du ra yi shing nyid dang / /ka ra bI ra khrag tu ni/ /yang dag sbyar bas sbyin</font><hr>86.188b<br><font size=+1>

sreg bya/ /gro ga la ni bsgrub bya'i gzugs/ /rang khrag gi'u wang bsres pas bri/ /bsgrub bya gos kyis g.yogs nas ni/ /gsang sngags bzla zhing sbyin sreg bya/ /sngags kyi nga ror bcas lus kyis/ /me tog re re rab gzung nas/ /nyi ma bdun du sbyin sreg byas/ /gang zhig yid la 'dod pa 'gug   /de nas gzhan yang bshad par bya/ /tsan dan dmar po'i shing las ni/ /gzugs brnyan byas nas rang khrag dang / /gi wang gis ni ming bris te/ /de bzhin bsgrub bya'i snying gar gzhug /cha ba gsum gyis lus la byug /zangs ma'i khab kyis dbug bya ba/ /snying ga lte ba gsang ba ste/ /bsgrub bya'i gnas gsum du ni dbug /gang zhig yid la 'dod pa de/ /mtshan phyed nas ni 'gugs par 'gyur/ /gser mdog can gyi btsag gis skye gnas kyi mtshan mngon par bris la de'i steng du lag pa g.yon pas bkab nas brgya rtsa brgyad bzla bar bya ste gang gi ming nas brjod de sngags bzlas na/ skad cig de nyid la 'ong bar 'gyur ro/ /tshub mas khyer ba'i shing lo blangs la khwa'i sgro rtsa dang / /mchi mas bsgrub bya'i ming bris te/ /gyen du langs pa'i tshub ma la bskur na/ /de'i mod la skrod par 'gyur ro/ /spre'u yi rus pa la sor drug pa'i phur pa byas te/   /sngags lan bdun mngon par bzlas nas/ /gang gis sgor sbas pa de'i rigs rgyud chad par 'gyur ro/ /ba lang glang po dang rta dang bong bu dang rnga mo dang / ma he'i gnas rnams su sbas na de dag brlag par 'gyur ro/ /yi dgas kyi gos ma lhung ba blangs la mar khu chen po dang lhan cig zha nye'i snod du</font><hr>86.189a<br><font size=+1>

spar te/ mar ngo'i bcu bzhi'i khyad par la/ /snying po'i sngags bzlas zhing / mig sman dbab pa byas la mig la byugs pa des mkha' 'gro ma thams cad mthong bar 'gyur ro/ /o~M b+hU ta ling ge swA hA/ me dbal la byab pa'i sngags so/ /glang po che'i lci ba blangs te/ rus sbal gyi khog pa'i nang du gzhag la khyim du bdug par byin na 'dis ni 'dre shig la sogs pa yang nges par rab tu zhi bar 'gyur ro/ /o~M u da ke ma sha kA dzA tA/ /u ta ka sa b+ha pA /te shaM du na rna sh+tsa bak+Shan sh+tsa/ /in tro ban Da ti ma hA ba la/ /ma sha kA i n+d+ra pA sha bar+d+haH/ /i n+d+ra pa shag tA ga ts+tshan+te/ /sUy+yo da ya swA hA/ /bzhi mdo'i rdo yi dum bu blangs/ /'di yi lan ni nyi shu bzlas/ /phyogs bzhi ru ni gzhag par bya/ /sbrang bu mchu rings bzlog byas pas/ /yid can rnams ni bde bar 'gyur/ /bde bas chos ni thob 'gyur te/ /chos kyis kyang ni bla med 'gyur/ /'di ni sbyin sreg gi cho ga rim par phye ba ste nyi shu rtsa brgyad pa'o// // de nas de nyid ji bzhin don/ /sgom pa yang dag rab bshad bya/ /sgom pa dngos med rang bzhin te/ /dngos med spros dang bral ba yin/ /  /rang rig bdag nyid can gyi las/ /sgom pa 'ang sgom du med pa'o/ /gcig dang du ma rnam bral 'di'i/ /skad cig de nyid rab tu skye/ /ye shes 'di ni rang rig pa/ /ngag gi spyod yul las 'das shing / /</font><hr>86.189b<br><font size=+1>

kun mkhyen ye shes de yi dngos/ /rmad du byung ba'i rnam par skyis/ /srid pa thams cad dngos med mnyam/ /yangs shing gting dpag dka' ba ste/ /rgyu dang rnam par bral ba ni/ /lhan cig skyes pa'i snang brnyan tsam/ /rang bzhin gyis ni 'od gsal ba/ /rnam par sbyang pa'i spyod yul 'das/ /kha na ma tho med cing zhi/ /nges par bskul du med pa ste/ /brjod du med cing bgrang du med/ /stong pa nyid kyi rnam pa ni/ /dngos po kun gyi rang bzhin gnas/ /sgra sogs yon tan kun rnams bral/ /'di ni sangs rgyas bde 'byung ba'o/ /byang chub gnas ni dpe med pa/ /gang zhig 'gro la rnams gnas pa/ /la lar nges ni ma bshad de/ /so sor mnyam pa'i de nyid ni/ /rgyal ba yis ni gsungs pa yin/ /gnyis pa'i rnam pa las 'das gsal bar rig cing skal pa bzang / /sna tshogs nam mkha'i dkyil khyab ro ni yang dag rdzogs pa'i stobs/ /thams cad sems kyi nang son sna tshogs rnam pa'i gzugs 'phro ba/ /'jig rten gsum par nam mkhar thim ltar yid la snang bar 'gyur/ /rnam kun gcig pa'i bde mchog gis/ /rang bzhin lhan cig skyes zhes brjod/ /rnam kun mchog ldan mtshan nyid kyis/ /de nyid dkyil 'khor shes par bya/ /rtsa kun mkha' 'gro ma</font><hr>86.190a<br><font size=+1>

rnams te/ /skye mched yan lag dkyil 'khor yin/ /thams cad ro gcig thob pa yis/ /he ru ka dpal rang bzhin rgyas/ /snang ba med cing thogs pa med/ /gnas med lus pa med pa ste/ /dngos po kun gyi rang bzhin phyir/ /dngos po kun la rtag tu gnas/ /rnal ma nyid du shes bya ste/ /gang la sgom pa'ang rnal ma nyid/ /ngo bo nyid kyis dga' byas pas/ /'di ni rang byung 'char ba'o/ /de bas bsam mi khyab bsam pas/ /sna tshogs gcig tu shes par bya/ /gang la dngos dang dngos med kyi/ /bye brag rnam spangs bdag nyid ni/ /dga' ba'i bdag nyid brtan gsal bas/ /nam mkha'i mtha' klas khyab par ni/ /bdag nyid chen po rtogs par bya/ /rnam pa sna tshogs dri med pa'i/ /dkyil 'khor dag ni 'phro bar snang / /lhan cig skyes dga' bzhi pa'i ming / /bde ba kun gyis gnas de yin/ /yang dag de nyid rig pa la/ /'dir ni thabs med shes rab med/ /sgrub po sa gsum dkyil 'khor ni/ /rnam rtogs nyid du shes par bya/ /chos dang longs spyod rdzogs sprul pa/ /bde ba chen po zhes pa'i rim/ /bde ba chen po rang bzhin gyis/ /</font><hr>86.190b<br><font size=+1>

'khor lo bzhi po mnyam pa yin/ /rtag tu dngos po thams cad la/ /sgrub pos chags pa med par spyad/ /'khor ba'i 'dam gyi dbus su ni/ /gos med mya ngan 'das pa'o/ /mdzes pa'i yon tan legs 'thob pa/ /ye shes ldan zhing brtson 'grus ldan/ /de nas bla ma'i skye bo la gus sangs rgyas dang ni mnyam lta zhing / /rgyal ba'i chos ni shin du rtogs shing brtan la legs par rab dang ba/ /de 'dir snod du gyur pa yin phyir de la bka' drin sbyin par bya/ /de nas gzugs sogs dbyer med cing / /khams gsum gcig tu shes pas na/ /rgyun mi 'chad par bsgrub po des/ /dga' bas kyang ni mchod chen bya'i/ /ji srid byang chub tshogs ldan pa/ /de srid dri ma med nyid 'gyur/ /bsgrub po thabs dang shes rab dag /bla med 'bras bu thob par 'gyur/ /'di ni de kho na nyid bstan pa'i rim par phye ba ste nyi shu rtsa dgu pa'o// // de nas yang dag bshad bya ba/ /ri mo'i lha yi gzugs rnams kyis/ /sku yi tshad kyi mtshan nyid ni/ /</font><hr>86.191a<br><font size=+1>

gsang ba po yi bdag po nyon/ /tshangs pa'i ri mo sogs gzugs kyi/ /cha lnga yang ni gdan yin no/ /dum bu gsum can sku lus kyi/ /cha mnyam pas ni zhal byas te/ /zhal ni bcu gnyis cha yin no/ /mgrin pa sor ni bzhi pa ste/ /mkhas pas skra mtshams dbus dang ni/ /snyan gnyis la yang de nyid sbyar/ /dpral ba zhal dang shangs kyi tshad/ /che gsum zhal gyi dkyil 'khor ro/ /smin ma'i dbus dang zhal gyi steng / /spyan gyi zhing yang sor gnyis so/ /de dag dkyus ni sor bzhi yi/ /tshad nyid du ni shes par bya/ /mgrin pa'i rtsa ba'i dus kyi tshad/ /dpang pa gnyis kyi'ang cha yin no/ /thams cad du ni thugs ka dang / /lte ba'i gnas kyi tshad gcig go/ /nu ma'i bar gyi tshad kyi ni/ /nu ma dpung pa'i bar gyi tshad/ /lag ngar gnyis kyi tshad kyis ni/ /dpung pa gnyis kyi'ang tshad de nyid/ /brla dang byin pa'i mtshams su ni/ /sor bzhi ba dang yang dag ldan/ /pus mo'i lha nga sor bzhi'i tshad/ /zhabs kyi bol gyi'ang de nyid do/ /cha ni bcu gnyis tshad kyis ni/ /lha yi sku gzugs bri bar bya/ /lhag ma sor ni bzhi pa ste/ /gdan ni gtso bo'i brgyad cha yin/ /gdan gyi dgu cha nyid kyis ni/ /sor ni gnyis gnyis bya ba ste/ /zla ba'i dkyil 'khor snying por ni/ /phyag mtshan na bza' la sogs bya/ /zab mo rdo rje can gyi lha/ /cha ni bcu gnyis mtshan nyid do/ /dman pa'i cha sogs cha rnams ni/ /nye bar mdzes bzhin legs par bri/ /der yang zhal gyi tshad mtshungs pa'i/ /phyag gnyis cung zad bri bar bya/ /sor gnyis dor bar byas nas ni/ /zhi ba'i lha ni bri bar bya/ /der yang zhal ni mtho gang tshad/ /byas te phyag ni rtag mdzes bri/ /yan lag nying lag thams cad la/ /sor ni gnyis gnyis dor bar bya/ /khro bo khro mo'i dbang phyug ma/ /bran pho bran mo ci bgyid ma/ /drag cing 'jigs pa'i gzugs</font><hr>86.191b<br><font size=+1>

rnams ni/ /cha bcu par ni rnam par bri/ /yid du 'ong ba'i rang gzugs ni/ /cha dgu par ni mngon par bri/ /dkyil 'khor 'khor lo'i lha rnams ni/ /rim bzhin rim gyis sbyar bar bya/ /dbus kyi rdo rje rgyal po ni/ /mtshan nyid gcig tu rnam par bri/ /kos ko mgrin pa byin pa rnams/ /gsum po ring na skyon chen po/ /sngags pa bdag nyid nges par ni/ /gnas las nyams shing bskrad par 'gyur/ /shangs dang snyan dang phyag sor rnams/ /gsum po thung na skyon chen po/ /dngos grub nges par 'joms pa dang / /de bzhin dpal yang nyams par 'gyur/ /byin pa zhal dang 'khur tshos te/ /gsum po sbom pa skye chen po/ /sgrub po bdag nyid nges par yang / /dpal las ring zhing bdud bgegs 'byung / /'gram pa brang dang rtsib logs te/ /gsum po zhom na skyon chen po/ /don ni nyams par 'gyur ba dang / /'dir ni bgegs 'byung the tsom med/ /nu ma snyan dang dpral ba rnams/ /gsum po yo na skyon chen po/ /sgrub pa po nyid myur bar ni/ /dgra yi rtsod pas gdung bar 'gyur/ /brla dang dku dang nam tshong gnyis/ /gsum po nyam na skyon chen po/ /chom rkun rnams kyis 'jigs pa dang / /'chi bar 'gyur bar the tshom med/ /snyan dang mchu dang dpral ba dang / /shangs nyams spyan ni yo gyur na/ /sngags pa bdag nyid nges par yang / /sna tshogs bgegs 'byung 'chi bar 'gyur/ /gyen du gzigs shing dbugs bskyod tshul/ /gdan las yo zhing bskyod lta bus/ /rang gi gnas las rtag 'pho zhing / /don rnams 'joms pa nyid du 'gyur/ /mgrin pa nam tshong la sogs sku'i/ /skyon ni grangs med zhig tu grags/ /'dir ni spyan tshogs yo ba 'am/ /phyag rgya phyag mtshan nor gyur na/ /mya ngan</font><hr>86.192a<br><font size=+1>

sdug bsngal gyis rab gdung / /sna tshogs skyon sogs brtag par bya/ /rgyab yol gdugs dang gdan rnams te/ /gsum po chung zhing dog po'i skyon/ /mdza' bos mi snyan brjod pa dang / /dpal nyams 'chi bar gyur pa yin/ /skyon ni 'di dag skyon chen po/ /mkhas pas legs par blta bar bya/ /dul zhing bzo rnams kun shes la/ /cho ga mthong zhing mnyam gzhag pas/ /mtshan nyid thams cad yongs rdzogs shing / /gzugs mdzes pas ni bri bar bya/ /zhi la zhi ba'i tshul gyi sku/ /drag la drag cing 'jigs byed pa/ /dpa' la dpa' zhing nga rgyal sku/ /sgeg pa la ni bzhad pa'i zhal/ /mtshan nyid 'di ltar mtshon nas ni/ /sngags pa rnams kyis bri sku bri/ /sngags pa las ni dang po pas/ /gzugs brnyan la sogs bya ba ste/ /bris sku sgrubs na myur bar ni/ /dngos grub rgya chen thob par 'gyur/ /'di ni ri mo la sogs pa'i sku'i mtshan nyid nges par bstan pa'i rim par phye ba ste sum bcu pa'o// // de nas rnal 'byor ma'i mtshan nyid/ /dge ba yang dag rab bshad bya/ /mkha' 'gro ma ni pad ma ni/ /lA ma hasti ni nyid 'gyur/ /khaN Da ro he shang ki ni/ /gzugs can tsi tri Ni nyid 'gyur/ /rigs ni bzhi po rang dngos su/ /mkhas pa yis ni brtag par bya/ /pad ma ni yi mtshan nyid bshad/ /bzhin ni dkyil 'khor lta bu ste/ /sna ni til gyi me tog mtshungs/ /sen mo zangs 'dra rus sbal rgyab/ /rkang pa'i mthil ni mnyam par gnas/ /nu ma ta la'i 'bras bu bzhin/ /de bzhin ba spu 'khyil pa dang / /khro gnyer gsum can skye gnas mchog /de yi brang yang shin du mdzes/ /glang chen myos pa lta bu'i 'gros/ /pad ma'i dri ldan ngang pa'i dbyangs/ /reg bya pad ma lta bu ste/ /pad ma'i bcing ba 'dod bsten bya/ /skra dang nu ma nas gzung nas/ /mchu ni so yis btsir bar bya/ /b+ha gar sor mo gzhug de ltar/ /pad ma ni la 'dod par bya/ /de nas hasti ni mtshan nyid/ /</font><hr>86.192b<br><font size=+1>

de bzhin yang dag bshad par bya/ /chang gi dri can byin pa sbom/ /sna yon ba spu 'khyil pa yang / /'dod pas myos shing sred pa dang / /lus ni sbom zhing mi srun ba/ /u ra s+pho Ta'i bcing ba yis/ /de la rol bar bya ba ste/ /ri lu'i rnam pa hasti ni/ /mgor ni sor mos bsnun bya zhing / /drag tu 'khyud cing nu ma mnye/ /kha la reg cing so gdab bya/ /mkhas pas sen mos drang bar bya/ /bzhad kyi nga ro hasti ni/ /glu dang rol mo mngon par dga'/ /mtshan nyid 'di dag yang dag ldan/ /hasti nir ni shes par bya/ /shang ki ni yang bshad bya ste/ /skra ring sna yang ring ba ste/ /ha cang skem min sbom pa min/ /nu ma na rang ka'i 'bras mtshungs/ /zho dang 'o ma'i ston mor dga'/ /lag pa g.yon pas skra nas ni/ /bzung bas dga' ba bskyed bya zhing / /so yis mchu ni btsir bar bya/ /shin du dga' bas drag par ni/ /gzhib dang snying gar sen mos brud/ /bong bu yi ni dri ldan dang / /ba lang lce ltar rtsub pa ste/ /bya rog sgra can shang ki ni/ /mtshan nyid 'di dag yang dag ldan/ /rtag tu shang ki ni zhes bshad/ /de nas tsi tri Ni yang bshad/ /lus thung de yi brang rnams mdzes/ /nu ma dpal 'bras lta bu ste/ /shin tu khro zhing ngo tsha spangs/ /rtag tu rtsod pa la dga' zhing / /byin pa phra zhing gan rkyal nyal/ /mchu 'phyangs phug ron gyi ni skad/ /sha yi dri dang ldan pa dang / /dpung pa rgyas pa tsi tri Ni/ /dga' bas rol pa bshad bya ste/ /thog mar lag pas b+ha ga btsir/ /'o bya nu ma mnye ba dang / /mgo la sor mos bsnun bya zhing / /lus ni bskum pas dga' ba dang / /drag pa nyid du 'khyud par bya/ /mchu ni 'jib tu gzhug par bya/ /sdeb sbyor tshigs bcad las bshad pa'i/ /mtshan nyid 'di dag yang dag ldan/ /tsi tr-i Ni ti gzugs can 'gyur/ /de nas gzhan yang 'pho ba yi/ /dbye ba'i mtshan nyid yang dag bshad/ /phyi yi 'pho ba rags pa ste/ /nang gi bdag nyid phra bar bshad/ /spyi bor bde chen 'khor lo ste/ /pad ma 'dab ma bzhi ba</font><hr>86.193a<br><font size=+1>

ni/ /phra ba byang chub sems kyi gnas/ /thams cad brten pa'i gzugs yin pas/ /byang chub snying po'i ngo bo nyid/ /sa bon gyur pa'i phyi rol du/ /pad ma 'dab ma sum bcu gnyis/ /de yi dbus kyi yi ge ha/ /'og tu bltas pa bde ba 'dzag /byang chub sems bdag zla ba ni/ /cha ni bcwa lnga'i bdag nyid can/ /rtag tu bde ba chen por 'bab/ /rnal 'byor ma ni cha bcu drug /de yi logs ni gnyis po ru/ /la la nA dang ra sa nA/ /A li kA li rang gi dngos/ /rgyu dang 'bras bu'i rang bzhin gyis/ /dga' ba bzhi yi gzugs can ma/ /lhan cig skyes dga'i rang bzhin dang / /gnyis med mchog gi dbang phyug ma/ /kun rdzob kun de lta bu ste/ /don dam bde ba'i gzugs can ma/ /sangs rgyas byang chub sems rnams kyi/ /rten de rdo rje 'dzin pa'o/ /mgrin par longs spyod 'khor lo ste/ /dmar po 'dab ma bcu drug pa/ /de yi dbus su yi ge o~M/ /de yi steng gi lce'u chung gi/ /bu ga'i lam nas bdud rtsi ni/ /rgyun mi 'chad par 'bab pa yin/ /snying gar chos kyi 'khor lo ste/ /sna tshogs pad ma 'dab ma brgyad/ /de yi dbus su yi ge hU~M/ /'og tu bltas pas gnas pa ste/ /de'i steng phra ba'i pad ma ni/ /tshangs pa'i gnas kyi rnam pa 'dra/ /de yi dbus kyi rnam shes ni/ /rtag tu 'char ba thams cad khyab/ /rang byung ye shes kyi ni rten/ /rnam shes mchog gi dbang phyug go/ /lte bar pad ma mdog sngon po/ /'dab ma drug bcu rtsa bzhi pa/ /de yi dbus kyi yi ge o~M/ /nor bu bzhin du 'bar ba yin/ /de 'og phra ba'i pad ma ni/ /mdud pa'i gnas su gzhag par bya/ /stong phrag bdun bcu rtsa gnyis kyi/ /rten dang rtsa bar brjod pa yin/ /shes rab rang bzhin la la nA/ /thabs ni ra sa nA ru gnas/ /de dag dbus su son lha mo/ /o~M yig sna tshogs gzugs can ma/ /lha mo sku bzhi'i</font><hr>86.193b<br><font size=+1>

bdag nyid can/ /dngos grub thams cad rab stsol ma/ /kun la bde chen rab stsol la/ /rtag tu yang dag bdag phyag 'tshal/ /dngos po gang dang gang gis ni/ /mi rnams yid ni yang dag sbyor/ /des de'i bdag nyid 'gyur lha mo/ /sna tshogs gzugs can nor bu bzhin/ /shes rab me yis bskyod pas yul gyi dngos po rnam par dpyad na rgyun dang bral/ /gtum mo 'bar zhing rnam par 'phro bas dri ma med nyid yang dag rig cing gsal/ /phung po'i rnam par rtog pa bsregs shing dmigs pa med pa'i rang rig 'dzag pa dang / /dngos po thams cad mnyam nyid bdud rtsi nam mkha' khyab cing yang dag go 'phang ldan/ /de nas gzhan yang thig le'i gzugs/ /'pho ba yang dag bshad par bya/ /yar ngo'i tshes gcig nas gzung nas/ /ji srid nya yi bar du ste/ /yar ngo yi ni tshes gcig la/ /rkang pa'i sor mo yi ge a/ /tshes gnyis byin par yi ge A/ /tshes gsum brla la yi ge i/ /bzhi pa skye gnas yi ge I/ /lnga pa lte bar yi ge u/ /drug pa snying kar yi ge U/ /bdun pa nu mar yi ge li/ /brgyad pa mgrin par yi ge r-i/ /dgu pa lag mthil yi ge l-I/ /bcu pa 'khur tshos yi ge r-I/ /bcu gcig mig tu yi ge e/ /bcu gnyis sna rtsar yi ge ai/ /bcu gsum dpral bar yi ge o/ /bcu bzhi 'tshog mar yi ge au/ /nya la spyi gtsug g.yas g.yon du/ /yi ge a~M aH'i ngo bo nyid/ /mar ngo'i tshes gcig nas gzung ste/ /ji srid gnam stong gi ni bar/ /de nyid kyis ni 'pho bar 'gyur/ /g.yon par A li zla ba ste/ /phra ba yi ni rang bzhin nyid/ /g.yas par kA l-i'i nyi ma ste/ /rags pa yi ni rang bzhin no/ /byang chub sems bdag dbye ba yis/ /de bzhin 'pho ba bcu drug yin/ /thun phyed kun spyod dbye ba yis/ /'pho ba bcu drug dag tu bshad/ /zla ba 'dzin dang nyi ma 'dzin/ /thig le 'gog dang nam mkha' 'gog /'di dag dang ni yang dag</font><hr>86.194a<br><font size=+1>

ldan/ /'pho ba bcu drug shes par bya/ /rnam par mi rtog bde ba che/ /mngon 'dod ye shes kyi ni gzugs/ /'di ni dga' zhing bde ba'i khyim/ /sgo yi them skas dang mtshungs pa'o/ /'di ni rnal 'byor ma bzhi dang / 'khor lo bzhi yi rim pa dang / byang chub kyi sems 'pho ba bstan pa'i rim par phye ba ste so gcig pa'o// // de nas gtor ma'i de nyid ni/ /ji bzhin gsal bar rab tu bshad/ /dkyil 'khor sbyin sreg bzlas pa dang / /rab gnas dang ni zhi rgyas dang / /dbang dang bskrad dang bsad pa dang / /'byung po gnod sbyin mo sgrub dang / /gnas kyis sgrub pa'i dus dag ste/ /las rnams kun la mchog yin no/ /chang dang gtor ma med par ni/ /las rnams myur du 'grub mi 'gyur/ /des na gtor ma rab bsngags te/ /sngon gyi sangs rgyas rnams kyis gsungs/ /dang por bde mchog phyag gnyis pa'i/ /lha yi rnam pa'i rnal 'byor ldan/ /bsrung ba gnyis kyis yang dag bsrungs/ /hU~M gi sgra ni bsgrags par bya/ /nyi shu rtsa bzhi'i gnas kyis ni/ /lus kyi yan lag brgyan par bya/ /skad cig rnam pa'i rnal 'byor kyis/ /skad cig gi ni gsang sngags brjod/ /dang por re shig bza' ba dang / btung ba dang / ston mo la sogs pa mdun du yang dag par gzhag la rnam par sbyang bar bya ste/ de la mdun du yi ge ya~M las rlung gi dkyil 'khor de'i steng du yi ge ra~M las byung ba'i me'i dkyil 'khor/ der y-i ge a dkar po las byung ba'i pad ma'i snod thod pa gsum gyi sgyed pu la gnas pa/ de'i dbus kyi bza' ba la sogs pa rnams la/ o~M a~M tra~M kha~M hU~M/ lA~M mA~M pA~M tA~M bA~M gyi yi ge las byung ba'i bdud rtsi lnga dang / sgron ma lnga'i gzugs rdzogs par byin gyis brlabs la/ /rlung gis bskyod pas me rab tu spar te/ bskol bas sa bon gyi yi ge la sogs pa bzhu ste/ nyi ma 'char ka lta bu'i bcud kyi gzugs su bltas la/ de'i steng du</font><hr>86.194b<br><font size=+1>

dngul chu'i mdog can gyi hU~M las byung ba'i kha T+wA~M ga dkar po bdud rtsi'i rang bzhin can thur du bltas ba rnam par zhu bar bsams te/ de bcud kyi rang bzhin du ro gcig par gyur par bltas la/ A li kA li yongs su gyur pa las o~M AHhU~M gi yi ge brtseg mar yongs su gnas pa ste de dag las dkyil 'khor gyi 'khor lo'i lha rnams spros la 'gro ba'i don byas te/ mnyem par sbyor ba sngon du 'gro bas zhu bar gyur cing ji lta ji lta ba'i sa bon la rab tu bcug ste/ yi ge gsum ci 'dod par brjod pas byin gyis brlab par bya'o/ /mdzub mo mdud byas gung mo nges par sbyar/ /mthe bo rdo rje brtan par rab tu sbyar/ /de ni dpral ba'i dbus su rab gzhag nas/ /bskor zhing bskor bas kun du bskor bar bya/ /rkang pa mnan cing steng du blta/ /gyen du phaT kyi sgra sgrogs shing / /phyogs bcu'i 'jig rten khams bzhugs pa'i/ /dpa' bo rnal 'byor ma rnams 'gugs/ /de nas yang lag pa g.yas pa dang g.yon pa bskor bar bya ste/ sa ma ya s+t+wa~M/ sa ma ya ha sa ma ya hoH/ zhes pa lan gsum brjod cing / g.yas dang g.yon du bskor zhing bskor bas/ mchod bya dang mchod byed kyi dbye ba med cing shin du grol ba sngon du 'gro ba yis/ mkha' 'gro ma'i dra ba'i bde ba dam pas lha rnams la mchod par byas te/ shar du in dra sa pa ri bA rA~M A kar Sha ya dzaH/ lhor/ yA ma sa pa ri bA rA na A kar Sha ya dzaH/ nub tu ba ru Na sa pa ri bA rA na A kar Sha ya dzaH/ byang du ku be ra sa pa ri bA rA na A kar Sha ya dzaH/ dbang ldan du ma hA b+hU ta sa pa ri bA rA na A kar Sha ya dzaH/ mer ag+ni sa pa ri bA rA na A kar Sha ya dzaH/ bden bral du rAk+Shas sa pa ri bA rA na A kar Sha ya dzaH/ rlung du bA yu de ba tA sa pa ri bA rA na A kar Sha ya dzaH/ steng du tsan dra sUr+ya brah+ma Ar+ya de ba tA sa pa ri bA rA na A kar Sha ya dzaH/ sa 'og tu bai ma tsi trI prI thi wI de ba tA sa pa ri bA rA na A kar Sha ya dzaH/ dzaHhU~M ba~M hoH  san tr-i</font><hr>86.195a<br><font size=+1>

pA ta sar+b+ba de ba tA sA d+ha kA s+ya shIn+taM ku ru/ puSh+TiM ku ru/ sarba kar+yAn sing d+hir b+ha ba te/ ya thA su khe/ o~M ka ra ka ra/ ku ru ku ru/ ban d+ha ban d+ha/ trA sa ya trA sa ya/ k+Sho b+ha ya k+Sho b+ha ya/ hrauM hrauM/ hraHhraH/ pheM pheM/ phaT phaT/ da ha da ha/ pa tsa pa tsa/ b+ha k+Sha b+ha k+Sha/ ba sa ru d+hi ra an tra mA lA ba la~M bi ne grih+Na grih+Na sapa ta pA tA la ga ta b+hu dza~M ga sarba ma bA tardza ya tardza ya/ A kaDa D+h+ya A kaDa D+h+ya/ hrIM hrIM/ dz+nyo~M dz+nyauM/ k+Sh+mA~M k+Sh+mA~M / hA~M hA~M/ hi~M hi~M/ hU~M hU~M/ k-i li k-i li/ s-i li s-i li/ h-i li h-i li/ d+h-i li d+h-i li hU~M hU~M phaT/ ces bya ba 'di lan cig brjod pas bcom ldan 'das shes rab dang bcas pa dang / mkha' 'gro ma la sogs pa nas gshin rje 'joms ma'i mthar thug pa rim bzhin du bskor ba byas te/ o~M a ral+li hoH   dzaHhU~M ba~M hoH/ badzra DA ki nI sa ma ya s+t+wa~M dri sh+ya hoHzhes bya ba 'dis lan cig gam gnyis sam gsum 'am bzhi'am lngar brjod de dbul bar bya'o/ /de nas nye reg dang / so rtsi la sogs pa phyag tu phul la pad ma'i lag bskor sngon du 'gro bas yang dag par mchod de bstod nas de srid dang zhi ba mnyam pas chags pa bcom zhing yang dag rtog pa 'joms/ /khyed kyis dngos po thams cad mkha' dang mnyam pa'i bdag nyid gzigs par ldan/ /mgon po thugs rje'i chu yi ljid kyis brlan par 'gyur ba'i thugs kyi chus/ /bdag la mdzod cig lha mo rnams kyis shin du rjes brtser mdzad du gsol/ /zhes bya ba 'dis dngos grub blang bar bya'o/ /de nas dur khrod brgyad kyi phyogs skyong la sogs pa rnams la sngon bzhin bskor bar byas te/ o~M kha kha khA hi khA hi/ sarba yak+Sha/ rAk+Sha sa/ b+hU ta/ pre ta/ pi shA tsa/ u na mA da/ a pa sma ra/ DA ka DA ki n+yA da yaH i mA ba liM grih+Na tu/ sa ma ya rak+Shan tu/ ma ma sar+b+ba si d+hi m+me pra yats+tshan tu/ ya thai ba~M/ ya thaiSh+Ta~M/ b+hun dza tha/ pi ba tha/ dza g+h+ra tha/ mA ti kra ma tha/ ma ma sar+b+ba kAr+ya set+su khaM bi shud d+ha ye/ sa hA yi kA</font><hr>86.195b<br><font size=+1>

b+ha ban tu hU~M hU~M phaT phaT swA hA/ rkang pa brgyad kyi sngags kyis yang dag par bstod la mngon par 'dod pa'i dngos grub blang bar bya zhing brda'i lag pas brda bstan par bya ste/ o~M yo ga shud d+hAH sar+b+ba d+har+m+mAHyo ga shud+d+ho\u0f85 ha~M/ zhes bya ba brjod cing pad ma bskor ba'i phyag rgyas mnyes par bya'o/ /nye bar bsdu ba'i phyag rgya mi phyed par 'khyud pa sngon du 'gro bas mthe bo dang srin lag se gol brdab par bya ste/ o~M khyod kyis sems can don kun mdzad/ /rjes su mthun par dngos grub stsal/ /sangs rgyas yul du gshegs nas kyang / /ji ltar bde bar bzhugs su gsol/ /o~M badzra muH zhes brjod pas gshegs su gsol bar bya'o/ /dkyil 'khor pa'i lha rnams thams cad bdag nyid la gzhug par bya'o/ /de'i rjes la lhag ma'i gtor ma bsdu bas dam tshig bsgrub pa bstan par bya ste/ kha ni myos byed kyis bkang nas/ /'bar ba'i phyag bcing bar bya/ /hU~M gi sgra ni drag po yis/ /lhag ma'i snod du sbyin par bya/ /me tog spos la sogs byin pas/ /mnyes byas sngags ni brjod par bya/ /o~M sar+b+ba kha kha khA hi khA hi uts+tshiSh+Ta ba liM/ uts+tshiSh+Ta b+hak+Sha ke b+h+yaHswA hA/ snying rje la sogs nyams ldan pas/ /de bzhin bkra shis glu blang bya/ /rnam kun don ni yongs dag cing / /rnam pa med pa'i bde ba che/ /sgrub po shes rab thabs bdag nyid/ /las rnams thams cad 'grub par 'gyur/ /'byor na nyi ma re re 'am/ /de bzhin zla ba'am lo rer ni/ /rdzogs pa'i byang chub sems kyi gzugs/ /de bzhin nyid du yongs su bsngo/ /sbyin pa la sogs thams cad kyis ni 'gro ba yid kyi 'dod pa mchog ni kun rdzogs mdzad/ /he ru ka dpal mkha' 'gro ma sogs rnam rtog gti mug grong khyer thams cad phye mar brlags/ /gang zhig 'khor lo rab tu bskor ba'i bla ma rgyal ba'i ye shes 'byung gnas thar sbyin mdzad/ /de ni snying rje chen po'i dbang gyur 'phags pa rnams kyi rtag tu</font><hr>86.196a<br><font size=+1>

myur bar bkra shis yin/ /'di ni gtor ma'i mchod pa bstan pa'i rim par phye ba ste so gnyis pa'o// // de nas ye shes 'byung ba yi/ /dngos grub sdom pa bshad par bya/ /sna tshogs tshul gyi thabs rnams ni/ /dngos grub rnams kyi rgyu yi mchog /phyi dang nang du bcas pa'i lus/ /nam mkha' lta bur dri ma med/ /'di ltar bdag nyid mkha' mtshungs par/ /rtag tu grol ba'i bdag nyid mthong / /lus med thog ma tha ma med/ /sgra la sogs pa'i yon tan bral/ /gnyis pa las ni rnam grol ba/ /rnam pa kun tu cir yang gnas/ /dngos med dngos po la brten nas/ /brten pa med par dngos por bya/ /yid med yid ni byas nas su/ /cung zad tsam yang mi bsam mo/ /stan la gnas nas bla ma yi/ /brgyud par brtan par byas nas ni/ /de bzhin mkha' dang mtshungs pa yi/ /ro gcig sems ni bsgom par bya/ /bsam gtan gzugs las rnam par grol/ /rtog ge'i sbyor ba rnam par spangs/ /sems byung sems su brtan gyur pa/ /'gro ba'ang rang bzhin tshul de bzhin/ /mkha' mtshungs nam mkha' yang dag gnas/ /shel gyi nor bu dag pa bzhin/ /thog ma tha ma med pa'i gzugs/ /spros bral dbang po'i spyod yul min/ /'gyur ba med cing snang ba med/ /thams cad stong pa nyon mongs med/ /'gro ba'i sgron ma srid pa yi/ /'ching ba 'joms shing tshig brjod bral/ /yid kyi'ang spyod yul ma yin te/ /gnyis ldan rnam grol nyon mongs med/ /don dam grol ba rab stsol ba'i/ /'pho med de nyid la phyag 'tshal/ /ji ltar de nyid la reg nas/ /bsam pa kun kyis bsam du med/ /gang tshe bsam du med sems pa/ /de tshe bsam gyis mi khyab 'gyur/ /sems can ji bzhin bsam med de/ /bsam med ji bzhin rgyal ba'ang de/ /gang phyir bsam bral</font><hr>86.196b<br><font size=+1>

sangs rgyas kyis/ /bsam pa 'di ni rab tu bshad/ /bsam gyis mi khyab sems de la/ /bsam pa kun kyi bgrod las 'das/ /sna tshogs rtog pa'i rtog pa med/ /chags med bde ba chen po ste/ /rnam pa thams cad kyi ni mchog /dbang po kun 'das rnam pa med/ /dngos dang dngos med bdag nyid de/ /dngos dang dngos med rnam par spangs/ /bems po min phyir bdag nyid rig /mi shes rnam par mi mthong ba'o/ /gzugs med gar yang mi gnas pa/ /'gyur ba med cing brtan pa'o/ /dngos po med pa'i chos rnams la/ /blang dang dor ba gang la zhig /blang bya dang ni dor bya yi/ /chos kun rmi lam ji bzhin no/ /dga' ba yongs su shes pa yis/ /shes rab pha rol phyin pa mchog /dga' ba'i 'bras bu la gnas pa/ /'di ni dngos med byang chub bo/ /gnyis po ro gcig dbyer med pa/ /dga' ba'i bde ba chen po nyid/ /shes rab snying rje'i dbye ba ni/ /sgron ma dang ni 'od zer bzhin/ /'di gnyis mi phyed bdag nyid ni/ /ro gcig dngos po'i sems yin no/ /shes rab thabs ni mnyam sbyor bas/ /rdzogs pa'i byang chub sgrub byed pa/ /de nyid la ni bla med pa'i/ /sangs rgyas kun rnams rab tu bzhugs/ /rig /gang zhig gnas pa rdo rje sems/ /ji srid rdzogs pa'i byang chub rgyur/ /bde bas sdom pas byas na ni/ /sgrub pos bde mchog rdzogs bar du/ /de srid de ni myong bar 'gyur/ /mdzes pa'i sgyu ma rnam 'phrul dag la de shes ji bzhin nyid/ /dga' dang skyo ba thams cad mnyam pa nyid du rab tu sbyar/ /'jigs par byed pa'ang med cing bde ba 'byung ba'ang yod ma yin/ /de nyid kyis ni sgrub bo de bzhin nyid bdag rjes su 'gro/ /e ma'o bde chen 'dod pa yis/ /sa gsum po ni gang ba ste/ /e ma'o zhi ba'i bde ba 'bab/ /sna tshogs mngon par byang chub rgyas/ /e ma'o bde ba'i bde chen po/ /e ma'o ji</font><hr>86.197a<br><font size=+1>

ltar ji ltar bza'/ /e ma'o lhan skyes bdag nyid che/ /chos rnams kun gyi ngo bo nyid/ /'gro ba chu yi zla ba bzhin du mthong ba dang / /thos pa brag cha dang ni mtshungs par yang dag 'jug /sems kyang mya ngan smig rgyu lta bur blta bya zhing / /'di ltar bza' dang btung ba nam mkha' lta bu ste/ /dri ni nam mkha'i me tog mtshungs par mnam ba dang / /yid ni nyi ma zla ba bzhin du khyab par bya/ /yang dag gnas de'ang ri rab dang ni mtshungs pa yin/ /gzhon nu ma yi rmi lam de bzhin dmigs par bya/ /tha snyad dag ni sgyu ma mig 'phrul lta bur bgrod/ /'di dag ji bzhin lhan skyes bde 'byung de bzhin te/ /srid pa rang bzhin bral zhing bsam gyis mi khyab gzugs/ /rtag tu 'char ba bde gshegs lam mchog phyag 'tshal bstod/ /mchod pa thams cad yongs spangs te/ /bla ma mchod pa yang dag brtsam/ /de mnyes pas ni kun mkhyen pa'i/ /ye shes mchog ni thob par 'gyur/ /bla med mdzad pa'i slob dpon ni/ /rdo rje sems dpa' rab mchod na/ /de yi bsod nams ma byas ci/ /dka' thub ma bsten ci zhig yod/ /'jigs dang sdig pa spangs pa dang / /bde ba dang ni ldan pa nyid/ /dam tshig spyod pa srung byed pa/ /de la rim pa rab bstan bya/ /he ru ka dpal mngon brjod rgyud/ /klog gam 'chang ngam bris nas ni/ /dngos grub rdzu 'phrul skal bzang dang / /byang chub sems dpa' 'ang thob par 'gyur/ /dpa' bo kun dang mnyam sbyor ba'i/ /mkha' 'gro ma yi dra ba sdom/ /dpal sdom 'byung ba'i rgyud la ni/ /gang tshe sgom zhing sems byed na/ /longs spyod che zhing bde ba che/ /dbul ba'i sdug bsngal 'joms par 'gyur/ /mos pa du ma'i</font><hr>86.197b<br><font size=+1>

sems can la/ /spyod pa sna tshogs ston mdzad de/ /sna tshogs tshul gyis 'dul ba la/ /thabs kyang yang dag bstan pa yin/ /zab mo'i chos ni bstan pa la/ /gang zhig mos par ma gyur kyang / /smad pa dag tu mi bya ste/ /stong nyid snying rje mi phyed pa'i/ /chos nyid thams cad bsam mi khyab/ /sangs rgyas rol pa bsam mi khyab/ /mkha' 'gro ma yi tshogs brtan pa'i/ /he ru ka dpal yang dag sbyor/ /sems can mos pas 'jug pa rnams/ /de dag kun la dga' ba ste/ /mkha' 'gro kun dang mnyam sbyor ba'i/ /he ru ka dpal go 'phang gnas/ /'di ni rim par phye ba ste so gsum pa'o// //dpal he ru ka mngon par brjod pa'i rgyud chen po 'bum phrag gsum pa las lhan cig skyes pa 'byung ba'i rtog pa las btus pa/ rnal 'byor ma thams cad kyi gsang ba bklags pas 'grub pa/ dpal sdom pa 'byung ba'i rgyud kyi rgyal po chen po rdzogs so// //shes rab dman zhing sbyangs pa chung mod kyi/ /rgyud kyi gzhung la dad pa brtan skyes pas/ /rang don tsam du bsgyur ba gang lags pa/ /'phags dang mkhas pa rnams kyis bzod pa mdzod/ / rgya gar gyi mkhan po gzhan la phan pa mtha' yas dang / bod kyi lots+tsha ba rgyus ban de smon lam grags kyis bsgyur cing zhus te/  gtan la phab pa'o/ /slar yang yongs su rdzogs pa'i paN+Di ta chen po shrI ba na rat+na'i rgya dpe la gtugs nas lots+tsha ba gzhon nu dpal gyis kyang zhus so//  //</font><hr>

</table>