J364

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J364</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J364&coll=lithang">see text in Tibetan script</a></table>85.349b<br><font size=+1>

@##/ /rgya gar skad du/ badzra DA ka nA ma ut+ta ra tan+t+ra/ bod skad du/ rdo rje mkha' 'gro zhes bya ba'i rgyud phyi ma/ 'jig rten dbang phyug la phyag 'tshal lo/ /gsang dang mchog dang dgyes pa dang / /thams cad bdag nyid la rtag bzhugs/ /mkha' 'gro kun dngos sems dpa' ste/ /rdo rje mkha' 'gro bde ba'i mchog /'di ni rang byung bcom ldan 'das/ /'di nyid gcig pu lhag pa'i lha/ /'byung gnas sgra gzugs las nges 'byung / /dam tshig spyod yul bcom ldan rnams/ /thog mtha' dbus mthar yang dag gnas/ /'jig rten gsum rnams na rnyed dka'/ /'dod chags ma yin chags bral min/ /dbu mar yang ni dmigs pa med/ /sgyu ma'i phyag rgya bud med kun/ /gnyis med ye shes dam pa yin/ /spyod na ma yang 'grub 'gyur te/ /bde dang spro bas thams cad 'thob/ /nam mkha' kun du spyod 'grub pa/ /mkha' 'gro ma zhes rab tu grags/ /sna tshogs phyag rgya thams cad dang / /kun nas sna tshogs sdom pa ni/ /mkha' 'gro ma kun mnyam sbyor bas/ /rdo rje mkha' 'gror rab tu grags/ /so so'i lha la dmigs pa ni/ /de nyid bsam bral rnal 'byor te/ /dbang bskur ba las nges par skye/ /gzugs brnyan rang bzhin rnal 'byor te/ /rnal 'byor chen po byang chub sems/ /rnal 'byor dbang phyug bdag po rang / /byang chub sems ni rdo rje ste/ /sangs rgyas kun gyi rang bzhin phyir/ /de phyir kun nas 'bad pa yis/ /sna tshogs rang bzhin la mchod bya/ /gnyis gnyis 'khyud pa'i rang bzhin gyis/ /sna tshogs 'gro ba khyab par gnas/ /sangs rgyas nyid dang bdag dang ni/ /sems can dang ni nus ldan rnams/ /rang gi lha yi rnal 'byor pas/ /bsgrub bya'i bdag nyid de yi phyir/ /'di yis sangs rgyas thams cad dang / /</font><hr>85.350a<br><font size=+1>

nus ldan kun gyi de nyid ni/ /thams cad rdo rje 'dzin nyid du/ /skye ba 'dir ni 'grub par 'gyur/ /zhes bcom ldan 'das dpal rdo rje sems dpa' de bzhin gshegs pas bka' stsal to/ /rdo rje mkha' 'gro bde ba'i mchog /thams cad mkha' 'gro thams cad mnyam sbyor te/ /khams gsum po ni ma lus pa/ /nam mkha' pa yi mtshan nyid du/ /thams cad nam mkha'i mtshan nyid dang / /thams cad sgyu ma lta bu'o/ /mthong ba dang ni reg pa rnams/ /thams cad sgyu ma ji bzhin du/ /'gro ba kun tu gnas pa rnams/ /'ga' yang dmigs pa ma yin no/ /rnal 'byor pa yi phyag rgya 'dis/ /'jig rten gsum du rgyu bar byed/ /rmongs pa gang gis 'ching 'gyur ba/ /mkhas pas de yi rol pas grol/ /tshogs gnas gang ba'i sems can rnams/ /gzhan dang gzhan du gsal skye zhing / /gzugs ni sangs rgyas rnam snang mdzad/ /tshor ba rdo rje nyi ma yin/ /'du shes pad ma gar dbang phyug /de bzhin 'du byed rdo rje rgyal/ /rnam shes rdo rje sems dpa' ste/ /dngos po kun gyi rang bzhin la/ /rdo rje mkha' 'gror rab tu grags/ /de dag 'byung chen gcig phu ste/ /thams cad bde ba stsol ba'o/ /rdul dang rdul med du brjod pa/ /sgyu ma chen mo'i rang bzhin nyid/ /sa ni ltung bar byed ma ste/ /chu khams gsod par byed ma'o/ /me yi khams ni 'gugs byed ma/ /gar dbang phyug ma de bzhin rlung / /namakha'i khams kyi rang bzhin ni/ /sgyu ma chen mo'i rang bzhin no/ /'byung ba lnga yi rang bzhin gyis/ /gtso bo rdo rje de bzhugs so/ /'byung ba kun dang mnyam sbyor bas/ /mkha' 'gro ma mchog 'bar ma'o/ /mig la gti mug rdo rjer bshad/ /thos byed zhe sdang rdo rjer bshad/ /ser sna rdo rje de bzhin sna/ /kha la 'dod chags rdo rjer brjod/ /reg la phrag dog rdo rje ste/ /skye mched thams cad mnyam sbyor ba/ /rdo rje mkha' 'gro bde ba'i mchog /</font><hr>85.350b<br><font size=+1>

mig gis mthong sogs stong pas na/ /'di kun stong pa'i rang bzhin gyis/ /rnam par rtog med mthong ba yis/ /de ni thogs pa med par 'gyur/ /'di dag nam mkha'i rang bzhin te/ /thams cad nam mkha'i rang bzhin sems/ /bsgoms pa thogs med dang ldan na/ /rnam par mi rtog rab tu skye/ /zhes bcom ldan 'das dpal rdo rje sems dpa' de bzhin gshegs pas de skad bka' stsal to/ /de bzhin gshegs pa thams cad kyi thogs pa med pa don yod pa'i bde ba chen po'i dam tshig ces bya ba'i ting nge 'dzin gyi rim par bya ba gsungs pa/ ji srid 'khor ba'i gnas na mkhyen pa mchog dang ldan pa bzhugs par gyur pa de srid du sems can gyi don thams cad nus pa mtshungs pa med par mi ldog ste/ 'di nyid kyis na sems can dam pa de srid pa'i zhags pa ni rtag tu mi 'jigs pa dang / brtson 'grus kyi sems can gyi don mi 'dor bar rtag tu myur bar byed pa dang / smon lam dag pa'i phyir na nam mkha'i gnas gzhi ji tsam du gyur pa dang / srid pa dag phyir sems can gyi don sems kyi 'dod pa'i nus pa can te/ de dag ni lha'i bu rnams rtag tu chags pa'i dga' ba can rnams dang / /gzhan yang 'dod chags can rnams kyi don du chags pa rnam par dag pa'i phyir na bskal bar yang mi zad pa'i bde ba chen po rnam par dag pa sbyin par bya ba'i phyir te/ gdod ma nas gnas gzhi med pa bskal pa la sogs pa thams cad du bstan pa mngon du gdod ma nas byung ba bskal ba thog ma nas bde ba chen po rdo rje sems dpa'ang der lhag pa'i lha gcig pur yod de/ sems can thams cad skyed par byed pa 'jig rten gyi khams thams cad kyi rtse mo ste/ glu dang dbyangs sogs rol mo dang / /dngos po kun bdag de yi phyir/ /nga ni kun du bde bar bzhugs/ /sems dpa' thams cad bskyed pa yin/ /'dod la chags pa rnam bral ba/ /der byung ba yi sems dpa' rnams/ /gdul bya de rnams mkhyen pa ste/ /</font><hr>85.351a<br><font size=+1>

yi ge las byung rnam par spangs/ /ye shes 'di de mchod par bya/ /de yongs mchod na mchod par bya/ /de yongs mchod na srid pa zad/ /'o na ye shes las srid byung / /rang bzhin dngos po bems po min/ /de ltar na nga tshor ba ste/ /'gro ba rnam shes tsam du brjod/ /rang rig pas na gang 'di dag /ye shes bdag nyid las gzhan med/ /tshangs pa'i sgong brjod rang bzhin med/ /nam mkha' dang mnyam bdag med de/ /sems can mang yang 'ga' yis kyang / /sems can don gang yod min la/ /bla med sangs rgyas don yang med/ /bdag don dang ni gzhan don dang / /de las gzhan pa'i nus pa med/ /stong pa nyid la rtag gnas na/ /de las 'gro ba'i don du 'ong / /de med sems can don kun med/ /dmyal bar yang ni 'gro 'gyur te/ /de nas gzhan yang 'jig rten gyi/ /khams rnams kun na bzhugs pa yi/ /sangs rgyas thams cad 'dus nas ni/ /nga la myur du bskul bar byas/ /ma hA su kha badzra satwa dzaHhU~M ba~M hoH   su ra ta s+t+wa~M/ nga la 'di yis bskul ma thag /kun la bde ba stsol ba'o/ /'dod pa dag pa don grub pa/ /'gro ba thams cad bde ba bskyed/ /nga ni 'dod pa mchog gi gzugs/ /sangs rgyas kun gyis byin brlabs pa/ /nga yang chos kyi 'dod pa can/ /sangs rgyas kun gyi bdag po ste/ /sangs rgyas kun gyi 'dod chags che/ /sangs rgyas kun gyi bde chen po/ /sangs rgyas kun gyi sku che ba/ /sangs rgyas kun gyi gsung dbyangs yin/ /sangs rgyas kun gyi sems chen po/ /sangs rgyas kun gyi rgyal po che/ /rdo rje 'dzin pa kun gyi bdag /'jig rten dbang phyug kun gyi bdag /rin chen kun bdag dbang phyug ste/ /mkha' 'gro ma ni thams cad dang / /mnyam pa nyid du rab sbyor phyir/ /sangs rgyas kun kyang mnyam sbyor yin/ /sangs rgyas kun dang mnyam pa'i phyir/ /rdo rje mkha' 'gro rab tu brjod/ /de nas dkyil 'khor chen po'i</font><hr>85.351b<br><font size=+1>

sbyor ba dkyil 'khor thams cad bri bar bya ste/ de dbus ji lta'i tshul du ni/ /rdo rje sems dpa' rnam dgod de/ /zla ba'i mdog la 'dzum bag can/ /de bzhin 'od zer dmar po 'khrigs/ /sangs rgyas phreng bas rnam par mdzes/ /rgyan rnams kun gyis rnam par brgyan/ /zhal bzhi pa la phyag bzhi pa/ /spyan gsum ral pa'i thor tshugs can/ /rig ma bzhi dang mnyam par ldan/ /sangs rgyas gzugs kyis nye bar mdzes/ /g.yas zhal zhi ba dkar po yin/ /de bzhin g.yon pa dmar po mchog /nub kyi yang ni ser po mtshungs/ /thod pa la bzhugs gar dang ldan/ /lha rnams 'jigs par mdzad pa po/ /rdo rje dang ni kha T+wA~M 'dzin/ /dril bu thod pa de bzhin no/ /mkha' 'gro ma rnams dang mnyam ldan/ /rgya chen bor ni bri bar bya/ /mkha' 'gro ma rnams dang mnyams so/ /rdo rje mkha' 'gro bde ba'i mchog /bcom ldan 'das rdo rje 'dzin pa rdo rje sems dpa' de bzhin gshegs pas de skad ces bka' stsal to/ /ma dang cha blangs ma nyid dang / /gnyen mo de bzhin bzho byas la/ /gnyis gnyis sbyor bas 'dod spyad nas/ /dngos grub thams cad rab tu ster/ /ba lang sha dang rta sha sogs/ /thogs pa med par bza' bar bya/ /'jig rten la rtag g.yon la spyad/ /'bed de g.yon pas bsnyen bskur bya/ /brtan dang g.yo la sogs pa yi/ /'gro kun g.yon las byung bas na/ /pho nya mo la chags bral bas/ /grol ba nyid du 'gro ba min/ /rtag tu pho nya mor chags grol/ /'di la the tsom yod ma yin/ /sgrub pos de la 'bad byas na/ /brtul zhugs med na'ang brtul zhugs rdzogs/ /dam tshig gzhung lugs la spyod cing / /zas gcig tu ni mdzes par bza'/ /rigs gcig gi ni mtshan nyid phyir/ /rigs lnga la ni mnyam par spyod/ /sbrang rtsi mtshal dang ga bur bcas/ /tsan dan dmar po dang sbyar te/ /rdo rje las byung mnyam ldan pa/ /'di dag bdud rtsi lnga yin te/ /</font><hr>85.352a<br><font size=+1>

dngos grub kun ni rab gsol mdzad/ /sbom po mtha' ltag kha sbyar bas/ /rtag tu rnal 'byor bzhin blangs te/ /zhi ba'i btung ba bzhin myangs na/ /dngos grub rtag par thob par 'gyur/ /mchog gi dam tshig 'di rnams ni/ /zhal bzang mo khyod la bshad yin/ /thabs dang bcas pa'i las rnams kun/ /thogs chags med par rtag tu spyod/ /rnam par rtog med bsgoms pa yis/ /brtul zhugs rnams kyi mchog gi mchog /rnam par rtog med bsgoms pa yis/ /las rnams thams cad rtag tu bya/ /thogs pa med pas spyod pa ni/ /de bzhin dka' thub rnams kyi mchog /thogs pa med pa'i sems kyis ni/ /skra shad 'dzings pa 'dra bar ni/ /yid la lul rnams brten byed pa/ /de ni 'da' dka'i dka' thub yin/ /gang zhig las rnams thams cad la/ /shes rab kyis ni nges par spyad/ /stong pa'i man ngag can de ni/ /bdag nyid chen po'i dka' thub 'di'o/ /shes rab gzugs brnyan lta bu la/ /rnam rtog med pa'i sems kyis ni/ /don la thogs pa med spyod ma/ /de yi dka' thub bdag nyid yin/ /shes rab thabs las gzhan pa min/ /gang gis sems ni gnas mi bya/ /de 'drar yang dag gnas byas na/ /byang chub chen po nye bar ster/ /rnam par mi rtog rjes gnas pa'i/ /rnal 'byor pa la mngon ldan na/ /de rnams kyi ni 'byung ba kun/ /shes rab pha rol phyin par nges/ /shes rab me long gzugs brnyan bzhin/ /'dus byas dngos po de 'dra bar/ /shes rab blo yis dran par bya/ /de yi rnam rtog med sems ni/ /me long nang gi gzugs brnyan dang / /rmi lam sgyu ma chu bur bzhin/ /mig 'phrul lta bur blta ba ni/ /de ni gtso bo yin par bshad/ /glog dang dri za'i grong khyer bzhin/ /'dus byas 'di dag rnam par smin/ /'di ltar dngos rnams rab gsal bar/ /gang de'i rnam grangs rtse mo mchog /des na sems ni</font><hr>85.352b<br><font size=+1>

gang zhig tu/ /gnas pa yod par gzhag pa min/ /'di dag lta bur kun du byung ba'i dngos po rnams kyang sgyu ma khyad par can rnams yang dag par rdzogs par longs spyod pa bskyed de/ bde bas yongs su bzhu bas khyad par can 'ga' zhig tu rdzogs par longs spyod pa skye'o/ /bzang po yongs su gyur pas ni 'bras bu khyad par can 'ga' 'thob bo/ /des ni brtan pa dang g.yo ba'i dngos po rnams grib ma lta bu las gzhan 'ga' ci yang ma mthong ngo / /gang yang khyad par 'di dag bsgom pa goms pa'i stobs las bde ba mchog tu zhi ba la sogs pa'i khyad par can gyi dgos pa bskyed na bla na med pa'i 'bras bu mngon du thob par byed pa'i rgyu'i dngos por 'gyur ba de'i tshe bcom ldan 'das skyon 'ga' yang ma mchis so/ /de'i phyir 'bad pa thams cad kyis/ /rab tu mchod par kun tu gnas/ /dka' thub sdug bsngal drag po yis/ /rmongs pa brkams shing sdug bsngal te/ /sdug bsngal gyis ni sems g.yengs pa/ /g.yengs pa yis ni dngos grub med/ /bde ba kun tu brtan 'gyur ba/ /sems kyi rang bzhin brtan 'gyur gyi/ /sdug bsngal gyis ni sems g.yo zhing / /'gog par yang ni lhag par 'gro/ /lus dang ngag dang sems rnams ni/ /bde bar gnas na byang chub 'thob/ /gzhan du dus min 'chi ba dang / /dmyal bar nges par ltung bar 'gyur/ /bcom ldan 'das rdo rje 'dzin rdo rje sems dpa' de bzhin gshegs pas de skad ces bka' stsal to/ /mkha'agro ma thams cad dang mnyam par sbyor ba rdo rje mkha' 'gro bde ba'i mchog rdo rje mkha' 'gro'i rgyud chen po las/ mchog gi de kho na nyid snang bar byed pa dang / yul la shes pa 'jug pa'i le'u ste dang po'o// // de nas bcom ldan 'das la yang lha mos mchod pa byas nas phyag 'tshal te 'di skad ces gsol to/ /snying po gang gis gdug pa can rab tu 'dul ba ste/ de bzhin gshegs pa thams cad kyi bstan pa la smod pa'i gdug pa can thams cad 'dul ba dang / lha gdug pa can la</font><hr>85.353a<br><font size=+1>

sogs pa'i sems can thams cad gdul zhing zhi ba'i gnas la brtul te/ byang chub kyi snying po'i bar du gdug pa byed par mi 'gyur bar gnas pa bcom ldan 'das kyis gsung du gsol/ de nas bcom ldan 'das de bzhin gshegs pa thams cad kyi sku gsung thugs kyi bdag pos 'di glur blangs te bka' stsal to/ /dang por rnam par snang mdzad gzhag /de rjes rjod byed tha ma ste/ /rgyu ba der lhung nga yis mthong / /snying po'i spyi bor gsum bas brgyan/ /la yi mtha' na gnas pa la/ /steng du yi ge sa dang ldan/ /gnyis pa yis ni mnyes bya ste/ /snying po de la a yig ldan/ /sa mtha' kun dngos de nyid do/ /rjod byed dang ni rjod byed ste/ /rjod byed lnga pas gdan du byas/ /zla phyed theg les brgyan pa can/ /dbus gnas pa las zha bor ldan/ /sreg pa'i mtha' yis yongs su brgyan/ /sa yi de ma thag gnas pa/ /rlung gzugs su gnas 'og tu sbyar/ /de 'og hu~M hu~M thung ngu gnyis/ /yi ge phaT dang bcas rdzogs pa/ /a~M dngos yi ger rdzogs par ldan/ /lnga pa'i dbus na gnas de la/ /gzhan pa'i i yis steng du brgyan/ /de nas brjod byed ra la zhon/ /spyi gtsug tu gnas dbang phyug dang / /brjod byed pa yi 'khor 'gyur ba/ /yang dang yang du gzhag par bya/ /rjod byed ra la bskyon pa dang / /e yig rna ba dag la brgyan/ /de nas rjod byed ra nyid ni/ /yang ni lnga pa dag la bskyon/ /'di yang thams cad pa nyid de/ /brjod byed mgo bor zla phyed brgyan/ /lnga pa dang ldan nyis 'gyur bya/ /kun gyi mgon po de nyid mchog /phaT dang rin chen dag gis brgyan/ /ha ni mjug thogs nyid du'o/ /rnam par snang mdzad kyi tshogs kun la yongs su mnyes par bya'o/ /bcom ldan 'das rdo rje sems dpa' de bzhin gshegs pas dpa' bo drug dang mnyam par sbyor ba'i mkha' 'gro ma dra ba'i sdom pas de skad ces bka' stsal to/ /yang 'dir hU~M yig las byung bar/ /sna tshogs pad+ma nyi dkyil 'khor/ /las kyi rdo rje dbus gnas par/ /</font><hr>85.353b<br><font size=+1>

de nyid hU~M ni rnam bsgoms te/ /'od phreng du ma ldan pa yi/ /mkha' 'gro yi ni 'khor lo spro/ /zhal gcig phyag gnyis spyan gsum ma/ /kha dog dmar mo 'jigs chen mo/ /'jigs pa'i dngos po'i nga ro can/ /spyan gsum dbu skra kham ser gyen/ /na so gzhon byed phun tshogs ma/ /stag gi lpags pa'i smad dkris can/ /'jigs byed chen po ljags 'dril ma/ /'jigs pa yang ni 'jigs mdzad ma/ /mkha' 'gro ma kun dang mnyam sbyor/ /rdo rje mkha' 'gror rab grub pa'o/ /bcom ldan 'das rdo rje 'dzin pa rdo rje sems dpa' de bzhin gshegs pas de skad ces bka' stsal to/ /sngon gyi rim pa ji bzhin dang / /me dang mnyam pa gnyis brjod dang / /ka ra ka ra bdun pa sbyar/ /ban+d+ha de bzhin dgra snying ste/ /'di yang lan gnyis brjod par byed/ /sa sde la ni ma dang a/ /'jig rten gzugs bral gyi mthar gnas/ /rang bzhin 'di yang gnyis su brjod/ /gzhan dang gzhan dang ldan par bya/ /b+ha dza dag dang nyer gnas pa/ /de ni lan gnyis dag tu brjod/ /rjod byed la ni gsum pa dang / /khong na gnas pas ldan par bya/ /de nas zla ba gzhon nu phyed/ /yongs su gang bas brgyan par bya/ /de dag yang dang yang du brjod/ /nyin mor byed pa'i rang bzhin dang / /yongasu ldan pa nyid du bya/ /rjod byed dang ni gshegs gsol gnas/ /lnga par ldan pa nyis 'gyur ro/ /phe yig drag cing myur ba la/ /zla ba gzhon nu dang ldan pa/ /yang gcig kyang ni brjod par bya/ /drag myur brjod pa phaT gnyis so/ /rnam rtog kun gyi bud shing ni/ /bsreg pas da ha da ha ste/ /de skad ces pa bod pa'i sngags/ /lnga pa'i nye cher gnyis par sbyar/ /a nyi dang yang yang dag ldan/ /rjod byed gtso dang yang ldan pa/ /yang dang yang du brjod par bya/ /b+hak+Sha b+hak+Sha zhes rjes su/ /ba sa ru d+hi ra dang ni/ /an+t+ra mA lA ba lam+bi ne/ /gr-ih+Na gr-ih+Na dag dang ni/ /sap+ta bA tA la ka tad sbyar/ /b+hu dzang+ga dang sar+b+ba m+bA/ /tardza ya ni gnyis brjod do/ /ka yig sde las ka nyid la/ /gnyis pa</font><hr>85.354a<br><font size=+1>

dang ni bzhi pa sbyar/ /rlung gi ngo bor gnas pa'o/ /i mtha' sa mtha' zhes brjod la/ /nyi ma bdun gyis gnas par brgyan/ /rjod byed la ni bzhi pas brgyan/ /yang dang yang du brjod par bya/ /ka sha o dang pa sde dang / /de 'og dang po dang ldan gzhag /ra dang har sbrel gnyis dag la/ /thig le gnyis gnyis rab tu sbyar/ /a dang sde tshan sa bon brjod/ /sde tshan gyi ni bzhi pa dang / /dang po ru ni ldan par bya/ /gsum pas kyang ni dang po sbyar/ /gsum pa la yang des mnyes bya/ /rjod byed kyang ni rjod byed ni/ /i yi stan du ldan par bya/ /sa sde la e ra yis brgyan/ /zla dum dang ni thig ler ldan/ /de ni yang yang brjod par bya/ /de nyid e phyogs bzhi par ldan/ /de nas yang dang yang du bzlas/ /rjod byed dang ni bzhi pa sbyar/ /mtha' ru la gcig i dang sbyar/ /de yang yang dang yang du bzlas/ /rjod byed yi ge ha yang sbyar/ /de steng zla dum thig les bskyon/ /lnga pa yang ni mnyes par bya/ /de yang yang dang yang du bzlas/ /rnam mang mtha' yas rab bsgrub cing / /dge ba'i me tog mang spud pa/ /'di ni lha mo sgyu chen mo/ /dngos grub kun rab stsol ba'o/ /'dir ni gsungs ma thag tu yang / /'jig rten khams ni thams cad g.yos/ /de bzhin gshegs pa kun kyang skrag /slar yang de bzhin gshegs pa kun/ /mngon par byang chub rdzogs sangs rgyas/ /ri bo kun yang g.yo zhing 'gas/ /gdug pa kun 'dul dul zhing zhi/ /dkyil 'khor du ni bkug nas bcug /dam tshig gis bcings dbang du 'dus/ /ma mo'i tshogs dang 'byung po'i tshogs/ /gza' dang rims nad thams cad dang / /gnod sbyin srin po log 'dren dang / /sdig pa can dang dmyal ba kun/ /bkas shing bsgyel te rnam par bshig /bcom ldan 'das rdo rje 'dzin pa rdo rje sems dpa' de bzhin gshegs pa mkha' 'gro ma thams cad mnyam par sbyor ba'i rdo rje mkha' 'gro bde ba'i mchog gis de</font><hr>85.354b<br><font size=+1>

skad ces bka' stsal to/ /gru bzhi pa la sgo bzhi pa/ /sgo skyongs rnams dang yang dag ldan/ /de yi dbus su rdo rje bri/ /kha dog dmar po 'od chen po/ /phyi rol ri mo zlum pos bskor/ /de yi dbus su bcom ldan 'das/ /khro bo chen po zhal bzhis mdzes/ /cung zad mche gtsigs 'jigs bag can/ /cung zad 'dzum zhing bzhad pa'i zhal/ /g.yas pa dkar po zhi ba ste/ /g.yon pa dmar po 'jigs pa che/ /nub kyi zhal ni mdangs ser po/ /lha mo bzhi dang mnyam ldan zhing / /phyag bzhi yis ni rnam par mdzes/ /'jigs pa'i bdud bzhi mnan pa po/ /sangs rgyas gzugs kyis nye bar mdzes/ /dpa' bo g.yas na kha T+wA~M ga /thod pa yang ni g.yon na'o/ /g.yas na rdo rje 'bar ba bri/ /thod pa yi ni khyad par ro/ /dpa' bo gzhu dang mda' 'dzin cing / /shes rab dga' mas rab tu mdzes/ /'bar ba dmar po'i dkyil 'khor gsal/ /sems dpa' 'bar ba 'khyil par ldan/ /'jigs pa chen po'i dus dang ni/ /dur khrod kyi ni me bzhin 'bar/ /dbu skra 'bar ba chen po gsal/ /dbu rgyan thod pas rnam par phye/ /rol pa thams cad 'tshogs pa na/ /he ru ka ni gar la spyod/ /ma mo'i 'khor lo'i gnas mchog tu/ /sa rnams kyi ni dbang phyug nyid/ /kun nas kun du thams cad pa/ /rang nyid rtag tu thams cad kun/ /mkha' 'gro kun kyang mnyam sbyor ba'o/ /rdo rje mkha' bde ba'i mchog /bzlas dang bsgom pa'i rab sbyor kyis/ /'grub par 'di la the tsom med/ /thun mtshams nas ni rab sbyor bas/ /mchog gi sdom pa bsgom par bya/ /'bum rdzogs nas ni rdo rje che/ /khro bo'i rgyal po dang mnyam 'gyur/ /rdo rje 'dzin pa chen po yi/ /tshe dang mdog dang na so dang / /gzugs dang stobs dang brtson 'grus dang / /rdzu 'phrul grub pa chen por ldan/ /sems can don byed nus par 'gyur/ /yang na gsang sngags ting 'dzin gyis/ /cung zad tsam zhig bzlas pa bya/ /las ni brgya tsam byed par 'gyur/ /'di lta ste/ brtan pa dang / g.yo ba</font><hr>85.355a<br><font size=+1>

thams cad nges par gnon pa dang / ltung bar byed pa dang / 'jig par byed pa dang / rgyas 'debs pa dang / lkugs par byed pa dang / rengs par byed pa dang / dbugs 'byin par byed pa dang / rmongs par byed pa dang / 'ching ba dang / 'gyes pa dang / dbang du byed pa dang / rnam par bsgyur bar byed pa dang / smyo bar byed pa dang / rnam par 'gyur zhing bskrod par byed pa dang / sdang ba dang / nor rdzas 'joms shing 'jigs par byed pa dang / ngud mo byed du 'jug pa dang / bsdigs par byed pa dang / bdag nyid bcings nas 'tshog pa dang / brdung ba dang / long bar byed pa dang / sa bon 'joms par byed pa dang / rims dang / khong nad dang / dug gis 'dzin pa dang / rang gis brkos nas 'jug pa dang / dmyal bar ltung bar byed pa dang / dud 'gro'i gnas yongs su bsgyur bar byed pa dang / skyes pa bud med du byed pa dang / bu chung lto nas ltung byed pa dang / b+ha ga 'ching ba dang / ma ning du byed pa dang / 'dod pa la chags la snyom par byed pa dang / rgod cing 'ching ba dang gzhan gyis rang gsod du 'jug pa dang / mtshon rdug par byed pa dang / dgos dgu byed pa dang / yud kyis bskrod pa dang / gcer bur byed pa dang / b+ha ga dang bshang lam sgrogs par byed pa dang / b+ha ga dang bshang lam rang lug tu byed pa dang / khu ba khrag tu byed pa dang / nad rnams myur du sel bar byed pa dang / khrag las gyur pa'i mdze nad la sogs pa sud par byed pa dang / mya ngan dang sdug bsngal gyis bcings shing gzir bar byed pa dang / dum bu dum bur byed pa dang / lus can thams cad phye mar byed cing gsad pa dang / thams cad rjes su chags pas 'gugs pa dang / gzhugs pa dang / g.yo ba dang / 'dar ba dang / rgod pa dang / sems can thams cad la rgyun du ca blar smra ba dang / sngon gyi gnas so sor thob pa ltar ston pa dang /</font><hr>85.355b<br><font size=+1>

dbang du byed pa'i las thams cad la rab tu sbyor ba dang / bran du byed pa dang / lha dang / klu dang / gnod sbyin dang / srin po dang / log 'dren dang / 'byung po dang / ma mo dang / mkha' 'gro ma thams cad 'dul bar byed pa dang / nor sbyin pa dang / sa dang / chu dang / me dang / rlung dang / nam mkha' thams cad bka' bsgo bar byed pa dang / tshangs pa dang / khyab 'jug dang / dbang phyug chen po dag las rnam par rgyal bar 'gyur ba dang / chags pa thams cad 'jig par byed pa dang / rims dang / yams dang / dug dang / mkha' 'gro ma thams cad las grol bar byed pa dang / de bzhin gshegs pa thams cad chags pa dang bral ba 'bigs par byed pa dang / byang chub sems dpa' thams cad 'khor ba la skyo ba 'jig par byed pa ste/ de lta bur 'di dag ni lha mo thams cad grub par byed par brjod pa ste/ sngags kyi rgyal po 'di dag nyid ni ma byung 'byung bar mi 'gyur ro/ /bcom ldan 'das rdo rje 'dzin pa ste rdo rje sems dpa' de bzhin gshegs pas mkha' 'gro ma'i sgyu ma thams cad dang mnyam par sbyor ba'i rab tu 'grub pa de skad ces bka' stsal to/ /'di dag ni rdo rje mkha' 'gro'i rgyud chen po las las kyi tshogs thams cad kyi cho ga dang / sgyu 'phrul chen mo'i rnam par 'phrul pa'i sngags kyi cho ga'i le'u ste gnyis pa'o// // de nas gsang ba brjod par bya/ /mdor bsdus phyir na rgyas par min/ /thams cad sgyu mar mnyam sbyor na/ /las rnams thams cad mnyam par byed/ /dngos grub chen po sgyu ma kun/ /dbang phyug thams cad rab grub pa'o/ /rig pa rnam par 'phro byed pa/ /'byung po'i gdon rnams 'gugs par byed/ /hi ma ban+ta s+ye ut+ta re Na b+ha bats+tshi bo na ma/ ma hA ma so/ so ba i a d+ha</font><hr>85.356a<br><font size=+1>

ma si ha~M be hi ma se hi ma se hi ba ti budz+dza i/ i so/ ni do/ ma hi/ nI to/ kum+b+ha kaN+Da/ sin+na do/ sA ga ra sa sat+ya pa Da be sin+na sin+na da~M/ ban+d+hA mi/ ku ru rasas+sa bi Da la sa/ tuN+Da ban+d+hA me/ dzA ba su ra u da ni/ dza ba ra bi ba b+ha a d+hi a ha to bar+N+Na a nu ba de na sA d+hu na/ ma ma ri a sar+b+ba si d+ha na swA hA/ bcom ldan 'das rdo rje 'dzin pa rdo rje sems dpa' de bzhin gshegs pas bka' stsal to/ /'dis lan bdun du mngon par brjod pas bsngags pa byas te/ khyim gyi thog tu gzhag na brjod par byed par 'gyur ro/ /ba sa ha to la i mi dz+nya a/ ba sa ba dza na mo hi a/ e sa bidz+dza tsa ha in man+ta i in+d+ha na/ ha a bA i dza be na diN+Na Ni/ d+ha tam+pa hi ma hA swa ba a na ne bA d+ho si/ rA dza ku la khaN+Da/ Da Ni Da/ dze bA i ba d+ha/ ta d+hi Na ta Na/ na maH   sid+ha na/ na maH    pu pa dza dza pA da na/ ma sa wa rA Ne/ tad+ya da re ma hA daN+De da ha he dun he he swA hA/'dis bye ma la lan bdun du bsngags pa byas te/ 'bru rnams la btab na lce spyang la sogs pa'i srog chags rnams kyis mi za zhing sprin rnam par bzlog par byed/ rat+nA ra ti/ o~M a la la bar tsu li la tsor bag+g+ha ka na da sa bA mu ha ban+d+hA mi swA hA/ shing bu sor bzhi ba pa la lan bdun du bzlas te/ rna ba g.yas pa la btags na chom rkun rnams rengs par byed do/ /i da si/ a ti Ni dza ha a ka li lo hi di/ ping+ga le/ ma me ga b+ha na i/ a ha~M si la u sa ri mi a ba ra b+ha Na i/ a ha~M bA da u sA ra mi a ba ra b+ha Na mi a ham du ha mi b+hi to badz+dza pa/ mi lo lo ka li lo hi di pang+ga li hU~M phaT/ glang gi rwa yis brus pa'i sa dbus ma blangs la sngags 'dis lan bdun du mngon par btab ste/ nags khrod dang 'jigs pa'i lam dang / rgyal pos bkrabs pa la sogs pa thams cad kyis gnod pa byed par mi 'gyur te/ ba glang gi gdong pa can du byas nas cho ga 'di bya ste/ sa de lag</font><hr>85.356b<br><font size=+1>

par gzhag la/ ser ba 'bab pa la sogs pa la btab na/ ldog par 'gyur te 'di yi cho ga 'di'o/ /o~M dzaM bi li a ba a bidz+dzi su ti tha da si/ i su b+ha de su b+ha de o/ so Na o a tsa la hi suN+Na pa da ne/ i si la ba da ba ra Sha badz+dza hi swA hA/ snod bzang por chu blugs te/ rjes su mthun pa'i gnas su 'dug ste/ lan bdun du bsngags nas chu de nam mkha' la gtor na/ ser ba dang rlung 'bab pa la sogs pa rengs par byed do/ /na a mo d+he/ b+ha ga ba ti/ ki b+hi ku re Na sha tra ya/ tha ma ke ha tha ka ra la pA ke /ni ta sa~M ru bi ti b+ha tu ya/ ru dza ri Ta ram Ta ku ke to li Ta lu ya/ lu ta~M hiSh+Tha le ka si ra le lo ti gra le b+hi Shi Sha le Na si mu le kha a ya the sar+b+ba ha de sra na b+hu dza ku b+ha na su the ra Sha ya na pa ya ra ti Shu d+ha ya na sho pa d+ya ti ta ka su sa la ka kha se sid+d+ha ba hA la sa hi pa Na swA hA/ chu la lan bdun bsngags nas kha gdong bkrus na thams cad 'grub par byed do/ /rim pa bzhin du he ru ka dang 'dab ma rnams la mkha' 'gro ma rnams bkod de/ dbugs mi 'byung bar sbyar ba las/ /'grub par 'di la the tshom med/ /yang ni rnal 'byor pa rnams 'dir/ /pad ma la ni rab bsams te/ /yid ni rlabs med par byas te/ /sngags ni pho nya mor sbyar na/ /de yis rtag tu 'grub 'gyur ba/ /'di la sngags pa the tshom med/ /dpal rdo rje mkha' 'gro ma'i rgyud chen po las le'u gsum pa'o// // de nas gzhan yang bshad bya ba/ /rab tu rtogs bya'i dpa' bo drug /dpa' mo drug dang mnyam sbyor phyir/ /gnas rnams re re yi ge ste/ /dang po snying ga nyid du'o/ /mgo bo la ni gnyis par brjod/ /spyi gtsug la ni gsum pa sbyin/ /dpung pa go cha bzhi pa nyid/ /mig dag la ni lnga pa yin/ /drug pa thams cad la ni brjod/ /dpal rdo rje mkha' 'gro'i rgyud chen po las le'u bzhi pa'o// //  de nas gzhan yang bshad bya ba/ /</font><hr>85.357a<br><font size=+1>

mkha' 'gro ma rnams nyer 'dus mchog /gang du mnyes par 'gyur ba yi/ /mkha' 'gro ma kun rab sdom pa'o/ /yi dgas gnas bzhir rab sbyar ram/ /yang na rgya mtsho'i 'gram du 'am/ /lam gyi bzhi mdor rab bsgrub cing / /mchog rnams thams cad bsgrub par bya/ /ri bo phug dang nags tshal dang / /de bzhin shing gcig tu marjod par/ /mtshan mo 'jigs pa'i gzugs kyis rab bsgrubs nas/ /rnal 'byor bla na med pa skye bar 'gyur/ /der ni rtag tu mkha' 'gro ma rnams dang / /lhan cig 'dug par sgrub po the tshom med/ /dpal rdo rje mkha' 'gro'i rgyud chen po las le'u lnga pa'o// // sngar spyod cho ga'i rim pa rnams/ /rab tu bshad kyi lha mo nyon/ /dka' thub rnal 'byor pas mi bya/ /gzhan pa kun dang gnas mi bya/ /lus la mchog tu'ang mchod mi bya/ /brnyas pa nyid du'ang mi bya ste/ /sna tshogs rang bzhin med mnyam lta/ /gseg ma sol bas bsgos bya zhing / /thal bas 'bad de brgyan par bya/ /bza' dang bza' min la sogs la/ /sngags pas kun du rtog mi bya/ /me tog rnyed rnyed thams cad kyis/ /rtag tu phreng ba nyid du bya/ /dpal rdo rje mkha' 'gro'i rgyud chen po las le'u drug pa'o// // de nas go cha rnams kyi ni/ /las kyi tshogs rnams bshad bya ba/ /'jig rten gsum na bcud yod gang / /smyo byed 'bras skyes la bsres na/ /de la skad cig gis kun grub/ /go cha bzlas bzhin 'gro byed na/ /lha rnams kyis kyang mi mthong zhing / /chom rkun stag sogs kyis mi 'jigs/ /go cha bzlos bzhin du rgyal po'i grong du byin gyis brlabs te/ zhugs na mi mthong bar yang 'dod pa de blangs nas slar yod pa dang / go cha bzlos bzhin bzlas pas gang la reg na de mdung bzhin du rengs par 'gyur ro/ /sum bcu rtsa gsum pas kyang mi g.yos so/ /sngags bzlas pa'i rkang pas bsnun na ni slar grol bar 'gyur ro/ /dpal rdo rje mkha' 'gro'i rgyud</font><hr>85.357b<br><font size=+1>

chen po las le'u bdun pa'o// // de nas rtsa ba'i sngags kyi las bshad de/ sha lnga las gzugs brnyan gyi rab tu sbyor ba las las thams cad byed pa yin te/ lha dang lha ma yin dang / klu dang gnod sbyin thams cad dang / dri za thams cad dang / lha'i skye gnas thams cad dran pa nyid kyis mchi'o/ /sprin rnams skrag par byed pa dang / char 'bebs par byed pa dang / bzlog par byed pa dang / rgya mtsho skems par byed pa dang / chu bo rgyun phyogs las bzlog par byed pa dang / dbang po bzlog par byed pas/  dur khrod kyi sol ba la ji tsam 'dod pa bzlas nas gang la bsnun na/ de de'i skad cig ma nyid la ltung ngo / /dur khrod kyi sol ba la yongasu bzlas te/ gang la bsnun na de de'i skad cig nyid la sha zas 'dzin no/ /dpal rdo rje mkha' 'gro'i rgyud chen po las le'u brgyad pa'o// // de nas gzhan yang bshad bya ba/ /mkha' 'gro ma yi spyod pa ste/ /dpa' bo'i dpa' dang cha blangs ma/ /gang gis pho nyar shes byas te/ /dpa' bos mdzes ma spyad par bya/ /sa ni rten du byas nas ni/ /dam pa'i spyod pa'i bzlas brjod bya/ /rim las bzlog pa'i ldang tshul dang / /kha yi rang bzhin 'jigs bag can/ /rtag tu smyon ma bsus pa'i gdong / /chos kyi rim pa myur shes pa/ /mkha' 'gro ma yi rnam spyod yin/ /ri mo gsum po yongs zlum por/ /rim dang rim bzlog ji bzhin shes/ /'gro dang 'ong bas mkha' 'gro ma'i/ /mtshan ma kun gyi mtshan nyid do/ /dgrol las bzhin gyi gnyer ma can/ /ji zhig gis ni slar ldog byed/ /de las rdo rje'i dgug pa gsal/ /de dbyangs ko ki la yi skad/ /rnal 'byor dam pa de lta'i dngos/ /shes par byas na dngos grub ster/ /de la mtshan nyid bsam byas na/ /de yis de yi dngos por 'gyur/ /dpal rdo rje mkha' 'gro'i rgyud chen po las le'u dgu pa'o// // dngos grub kun ni rab ster ba/ /nga yis bshad kyis lha mo nyon/ /lus ngag sems la rtag tu ni/ /yid kyi rdul dang bral bar bya/ /mkha' 'gro kun dang mnyam sbyor ba'i/ /lus kyi dkyil 'khor</font><hr>85.358a<br><font size=+1>

rnam bsam par/ /gang du'ang pho nya mo gnas min/ /yongasu bsgoms pas 'ong min gyi/ /dad pa tsam gyis gzung bya ste/ /mig dang lag pas ma yin no/ /gsang ba 'di gsal mi bya zhing / /rab tu 'bad de sba bar bya/ /rnal 'byor ma rnams kun bsdus lta/ /de phyir lus nyid du mi blta/ /dpal rdo rje mkha' 'gro'i rgyud chen po las le'u bcu pa'o// // de nas gzhan yang bshad bya ba/ /dam tshig spyod pa'i spyod yul te/ /dam tshig rab bsrungs rab 'grub ste/ /dam tshig las ni sngags par gnas/ /rtag tu 'bras skyes stobs brten cing / /rnal 'byor ma rnams smad mi bya/ /rjes su 'jug rnams mi bzlog go/ /dam can mi rnams la mi smad/ /brtson ldan rnams la gnod mi bya/ /'di rnams dang ldan cig bder bya/ /grol bar 'dod pa de don du/ /dam tshig rnams ni spyad par bya/ /sangs rgyas rnams kyis gsungs pa la/ /cung zad tsam yang smad mi bya/ /khros te rab sbyor 'ga' mi bya/ /sngags la sbyar bar mi bya'o/ /dpal rdo rje mkha' 'gro'i rgyud chen po las le'u bcu gcig pa'o// // rdo rje mkha' 'gro sgrub pa'i thabs/ /nga yis bshad kyis lha mo nyon/ /dang por bsgom bya ro nyid de/ /chos dbyings dag tu rig par bya/ /de yi steng nus rnal 'byor pa/ /go 'phang mchog ni bsgom byas te/ /de nyid du ni rnam par dgod/ /rang gi snying ga'i zla dbus su/ /'od las lha mo kun phyung ba/ /phyag 'tshal mchod sogs 'di ltar gsungs/ /dang por snying gar zla dbus su/ /yi ge a yis zla dkyil 'khor/ /rnam par bsams la de steng du/ /yi ge hU~M ni rnam par bsgom/ /de nas byams pa'i sems byas te/ /de nas re zhig dkyil 'khor bri/ /gru bzhi pa la sgo bzhi pa/ /kha khyer rdo rjes nges par mtshan/ /skud pa bzhi dang yang dag ldan/ /'phan gyi phreng ba shin tu mdzes/ /dkyil 'khor kun gyi grwa rnams dang / /sgo khyud kyi ni mtshams rnams su/ /rdo rje rin po ches mtshan par/ /</font><hr>85.358b<br><font size=+1>

dkyil 'khor phyi rim thig gdab bo/ /shes rab can gyis thig gdab bo/ /'khor lo'i phreng bas rnam par mdzes/ /de nang du yang pad ma ni/ /mdog dkar rab tu mdzes pa bri/ /gzhan yang de yi steng du ni/ /mdog dmar pad ma 'od dang ldan/ /pad ma'i phreng bas bskor bas so/ /sngags pas de yi nang du yang / /rdo rje 'phreng ba 'khrigs par bri/ /yang na pad chen 'dab brgyad pa/ /in+d+ra nI la'i 'od mnyam pa'o/ /de dbus dkyil 'khor lngas brgyan par/ /g.yas na rdo rje gtso bo bzhugs/ /ri rab ri yi steng du ni/ /sna tshogs gzugs can yid 'ong ba/ /sangs rgyas byang chub sems dpa' rnams/ /thams cad bdag la dgongs su gsol/ /bdag ming che ge mo zhes pa/ /dus 'di nas ni bzung nas ni/ /ji srid byang chub ma thob par/ /ji ltar dus gsum mgon po rnams/ /byang chub tu ni nges mdzad pa'i/ /bla na med pa'i byang chub sems/ /dam pa bdag gis bskyed par bgyi/ /tshul khrims kyi ni bslab pa dang / /dge ba'i chos ni bsdud pa dang / /sems can don byed tshul khrims gsum/ /bdag gis brtan por so sor gzung / /sangs rgyas rnal 'byor sdom pa la/ /sangs rgyas chos dang dge 'dun la/ /bla na med pa'i dkon mchog gsum/ /deng nas brtsams te gzung bar bgyi/ /rdo rje rigs mchog chen po la/ /rdo rje dril bu phyag rgya dag /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog rnal 'byor la/ /dam tshig yid du 'ong ba ni/ /nyin re zhing ni yang dang yang / /sbyin pa rnam bzhi rtag tu sbyin/ /byang chub chen po las byung ba'i/ /pad ma'i rigs chen dag pa la/ /phyi nang gsang ba theg pa gsum/ /dam pa'i chos rnams so sor gzung / /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla na med/ /dam pa bdag gis bskyed par bgyi/ /sems can kun gyi don gyi phyir/ /sdom pa thams cad</font><hr>85.359a<br><font size=+1>

gzung bgyi zhing / /ma bsgral ba rnams bdag gis bsgral/ /ma grol ba rnams bdag gis dgrol/ /dbugs ma phyin pa bdag gis dbyung / /sems can mya ngan bzlas la dgod/ /o~M swa b+hA ba shud+d+hAH sar+b+ba d+har+m+mAH  swa b+hA ba shud+d+hoha~M/ de nas thams cad bdag med pa gnas gzhi dang ngan par bral bar bltas te/ de nyid bcom ldan rdo rje can/ /rdo rje sems dpa' de bzhin gshegs/ /kha dog sngon po drag po che/ /thod pa'i phreng bas rnam par brgyan/ /phyag bzhi pa la zhal bzhi pa/ /spyan gsum gyis ni rnam par mdzes/ /yi dgas chen po gdan du mdzad/ /nyi ma la bzhugs gar bcas mdzad/ /thod pa dang ni kha T+wA~M ga /gzhu dang de bzhin gzhan mda'o/ /de lta'i cho ga'i rim pa 'di/ /ye shes kyi ni rnam par bsgom/ /shar du dkar po sngo mdangs can/ /g.yon na kha T+wA~M ga dril bu/ /rdo rje thod pa de bzhin gzhan/ /byang na dmar po'am cung zad ser/ /g.yon na kha T+wA~M ga zhags pa/ /phyag g.yas cang te'u thod pa nyid/ /nub na dmar ba'am cung zad ser/ /'bad pas mda' dang gzhu 'dzin cing / /thod pa sna tshogs pad ma dag /g.yas dang g.yon gyi phyag na'o/ /lho na dkar ba'am ser ba 'am/ /g.yon phyag rtse gsum rin po che/ /g.yas na de bzhin thod pa'o/ /glang po dang ni lce spyang dang / /mi dang ba lang nyid dag ni/ /thod pa rnams na cho ga bzhin/ /dang por ltung bar byed ma nyid/ /gnyis pa gsod mar byed ma ste/ /gsum pa 'gugs mar byed ma'o/ /bzhi pa gar gyi dbang phyug ma'o/ /rig ma de dag dbu skra ni/ /gyen du 'bar zhing rgyan rnams kyis/ /brgyan nas gar mdzad bzhugs pa'o/ /mtshams bzhir gnas pa'i thod par ni/ /sangs rgyas gzugs lngas nye bar brgyan/ /btung ba mchog dang yang dag ldan/ /dang por yi ger yang dag ldan/ /skad cig las ni 'bar bar bsam/ /lha mo de ltar bsgom byas nas/ /'bras bu nor gyi dngos grub 'thob/ /rig pa chen po</font><hr>85.359b<br><font size=+1>

sbyor 'grub pa/ /yang dag mngon sum rab tu bsgom/ /mi snang bar gnas thams cad bdag /rnal 'byor pas ni yud kyis mthong / /lha mchog las skyes bu mo rnams/ /sangs rgyas kun la 'phrogs nas spyod/ /rdo rje gsum gyi gnas bzhugs pa'i/ /sangs rgyas gang gA'i bye mnyam rnams/ /rang lag skyu ru ra gzhag bzhin/ /rdo rje mig gis mthong bar 'gyur/ /gang gA'i bye mnyam sangs rgyas zhing / /sku gsung thugs rnams kyis mtshan pa'i/ /sems dngos gar mkhan dngos po ni/ /thams cad bdag nyid du mthong 'gyur/ /rgyud dang sngags rnams rnam bsgoms pa/ /yi ge phyin ci log tu sbyar/ /mchog tu gsang ba 'di dag ni/ /khyod la legs par bshad pa yin/ /mkha' 'gro ma kun mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje de skad gsungs/ /'di dag ni rdo rje mkha' 'gro'i rgyud chen po las/ rdo rje mkha' 'gro chen po bzhengs pa'i le'u ste bcu gnyis pa'o// // de nas dngos grub kun ster ba/ /gang gis dngos grub myur byed cing / /the tshom med par bskyed pa yi/ /mkha' 'gro ma yi snying po bshad/ /mtshan ma gnyis la sngags mnyam sbyar/ /dpa' bo mkha' 'gro ma gnyis med/ /rab tu sbyor ba'i don 'di dag /rnal 'byor ma la rab tu bsgrub/ /de las 'grub par rab tu grags/ /lha dang lha min mir bcas rnams/ /bsgrub bya rnams ni myur bar 'dis/ /ji bzhin rtag tu nye ba dang / /ring yang de bzhin myur bskyed de/ /'di dag nye bar 'gyur ba ni/ /de yi gzugs sku 'gugs par byed/ /pad+ma'i lte bar rab gnas la/ /dbugs kyi brda yis bsgom par bya/ /der ni sna tshogs sku bsams te/ /sna tshogs sku la mchod bya zhing / /byang chub sems ni gtogs byas nas/ /bdag nyid rab tu sbyar bar bya/ /mkha' 'gro ma dang mnyam sbyor ba/ /de la mkha' bzhin gnas par bya/ /'byung gnas thams cad de lta nyid/ /der ni mkha' 'gro ma kun no/ /</font><hr>85.360a<br><font size=+1>

gnas sogs 'byung gnas mkha' 'gro ma/ /yul rnams kun la gnas pa yin/ /yul yul du ni skyes ldan ma/ /rang skye'i gnas su yang dag bshad/ /dkyil 'khor la zhugs mkha' 'gro ma/ /de nas mtshan mo shar nas bza'/ /de yis mnyam par rab sbyar nas/ /sngags pas rtag tu rab bsgrub bya/ /der ni rol pa chen spyod cing / /thams cad sgyu ma lta bur bsgrub/ /dam tshig rang bzhin du byas nas/ /de la sdom pa rab skye ba/ /snang med dga' bar rang rig pa'o/ /de dag ni dpal rdo rje mkha' 'gro'i rgyud chen po las le'u bcu gsum pa'o// // de nas yang dag bshad bya ba/ /ma mo'i dkyil 'khor dge ba dang / /lha rnams kun gyi sgrub thabs kun/ /pho nya rnams kyi khyad par dang / /'byung po gdon dang rig pa che/ /lus srul po ni gang zhig dang / /de bzhin sngags kyi phreng ba dang / /de ltar bshad kyis lha mo nyon/ /gru bzhi pa la sgo bzhi pa/ /sgo skyong rnams dang yang dag ldan/ /dngos grub yon tan kun gyi gzhi/ /dkyil 'khor mdzes par bri bar bya/ /'dod pa'i yon tan lnga dang ldan/ /nye bar spyod pa lnga yis brgyan/ /ri mo mkhan ni dam tshig can/ /sgrub po mchog gis 'dri ru gzhug /ro la dkris pa'i ras dag gam/ /yang na mtshon gyis btab pa'i zas/ /'byung po dag gi ras dag ni/ /ba glang ko ba tsam zhig la/ /nag po'i brgyad dam bcu bzhi la/ /'byung po rnams kyi dkyil 'khor bsgrub/ /de nas 'bum gcig bzlas byin na/ /mdun du mngon sum nyid du 'gyur/ /tshangs pa mo dang shis byed ma/ /gzhon nu ma dang phag mo dang / /dbang po ma dang rgan byad ma/ /tshogs kyi dbang phyug ma dang ni/ /byin za yi ni bdag can ma'o/ /rim pa gnyis pa dag la ni/ /tshangs dang gshin rje chu lha dang / /nor sbyin dang ni yi dgas dang / /byin za dang ni dbang ldan dang / /bden bral de bzhin rlung lha'o/ /rim pa gsum pa dag la ni/ /nyi ma dang ni zla ba dang / /mig dmar dang ni gza' lag dang / /phur bu dang ni pa ba sangs/ /spen pa sgra gcan 'dzin dag go/ /rim pa</font><hr>85.360b<br><font size=+1>

bzhi la sgo bzhir ni/ /tshangs dang khyab 'jug de bzhin du/ /drag po dang ni karti ka /sa dang chu dang me dang rlung / /'byung ba chen po bzhi rnams so/ /rim pa dang po'i dbus nyid kyi/ /phyogs bzhi dang por mkha' 'gro ma/ /mar me ma dang mdzes pa mo/ /'jigs byed ma dang de bzhin du/ /dbus su khyab bdag nyid gnas so/ /yang dag mtha' las mthar 'gyur ba'i/ /rang bzhin gyis ni cho ga bzhin/ /rnal 'byor pas ni bsgrub par bya/ /dkyil 'khor chen po'i sbyor ba yis/ /phyi yi dkyil 'khor de bzhin bri/ /dbus su yongs su zlum po ru/ /ri mo shin du mdzes pas bskor/ /lte ba sbas pa'i spyod yul can/ /pad ma 'dab brgyad bri bar bya/ /de dbus khro bo chen po ni/ /zhal gcig pa la phyag bzhi pa/ /mche ba cung zad gtsigs pa can/ /cung zad bzhad pa'i zhal dang ldan/ /kha dog sngon po gtsigs pa che/ /thod pa'i phreng bas rnam par brgyan/ /ro gcig gar ldan nyi mar bzhugs/ /lha rnams 'jigs par mdzad pa po/ /stag gi lpags pa'i smad dkris can/ /spyan gsum gzugs mchog dang ldan pa/ /rdo rje 'bar ba phyag g.yas na/ /'phan lce gsum pa g.yon na'o/ /mda' gzhu de bzhin g.yas g.yon phyag /mkha' 'gro ma ni shar du bri/ /lho ru 'jigs byed ma nyid de/ /nub tu lha mo mdzes ma'o/ /byang du mar me ma dgod do/ /yi ge hrIHlas byung ba yi/ /phag mo zhal gcig phyag bzhi ma/ /mda' gzhu dang ni de bzhin du/ /rgyal mtshan dang ni thod pa nyid/ /kha dog sngon mo 'jigs chen mo/ /phag gi gdong pas 'jigs par mdzad/ /yi ge phaT las shis byed ma/ /kha dog dmar mo phyag bzhi ma/ /thod pa dang ni lcags kyu nyid/ /de bzhin kha T+wA~M cang te'u/ /yi ge ha las gzhon nu ma/ /kha dog ser mo phyag bzhi ma/ /rtse gsum dang ni 'phan lce gsum/ /de bzhin gzhu dang mda' nyid do/ /ho yig</font><hr>85.361a<br><font size=+1>

las ni rgan byad ma/ /kha dog nag mo phyag bzhi ma/ /kha T+wA~M ga dang thod pa nyid/ /de bzhin ral gri cang te'u/ /baM yig las byung tshangs pa mo/ /kha dog dkar mo phyag bzhi ma/ /pad+ma dang ni thod pa nyid/ /de bzhin gzhan na gzhu dang mda'/ /g+ha yig las byung tshogs dbang mo/ /sngo bsangs mdog la phyag bzhi ma/ /rtse gsum de bzhin thod pa dang / /bgrang phreng dang ni la du'o/ /ba~M yig las ni khyab 'jug ma/ /kha dog sngon mo phyag bzhi ma/ /dbyug tho dang ni thod pa 'dzin/ /de bzhin zhags pa ral gri bzhin/ /yi ge las byung dbang po ma/ /kha dog ser mo phyag bzhi ma/ /rdo rje gsal shing thod pa dang / /sdigs mdzub dang ni zhags pa'o/ /kun kyang dbu skra gyen du 'bar/ /sna tshogs rgyan gyis rnam par brgyan/ /spyan gsum dang ni ro la zhon/ /stag gi lpags pa'i smad dkris can/ /shar gyi sgo ni tshangs pa bri/ /kha dog dkar po zhal bzhi pa/ /thod pa dang ni bgrang phreng dang / /gan+d+ha dang ni pad+ma'o/ /byang du de bzhin khyab 'jug ste/ /kha dog nag po lag bzhi pa/ /ral gri de bzhin 'khor lo dang / /thod pa dang ni dbyug pa'o/ /lho ru drag mo bri bya ste/ /du ba'i mdog la lag bzhi pa/ /rtse gsum nyid dang ka pA la/ /de bzhin zhags pa bgrang phreng 'dzin/ /nub tu karti ka bri ste/ /kha dog ser po lag bzhi pa/ /dpa' bo gsal shing dbyug pa dang / /de bzhin thod pa bgrang phreng 'dzin/ /dbang ldan khyu mchog la zhon pa/ /kha dog dkar po lag bzhi pa/ /thod pa dang ni rtse gsum 'dzin/ /de bzhin gzhan ni thal mo sbyar/ /glang po zhon pa dbang po ste/ /kha dog ser po lag bzhi pa/ /rdo rje dang ni thod pa 'dzin/ /gzhan ni thal mo kha sbyar byed/ /ra skyes zhon pa me phyogs 'dzin/ /kha dog dmar po lag bzhi pa/ /me thab dang ni thod par</font><hr>85.361b<br><font size=+1>

ldan/ /skrag nas gzhan ni thal mo sbyar/ /gshin rje ma he la zhon pa/ /kha dog nag po lag bzhi pa/ /dbyug pa dang ni thod pa 'dzin/ /de bzhin skrag nas thal mo byed/ /bden bral dang ni khyi la zhon/ /kha dog ljang gu lag bzhi pa/ /ral gri nyid dang thod pa 'dzin/ /skrag nas gzhan dag thal mo sbyor/ /chu yi phyogs ni chu srin zhon/ /kha dog dkar po lag bzhi pa/ /zhags pa dang ni thod par ldan/ /gzhan dag thal mo kha sbyor byed/ /rlung ni ri dgas zhon pa ste/ /du ba'i mdog can lag bzhi pa/ /ba dan dang ni thod par ldan/ /de bzhin gzhan ni thal mo sbyor/ /nor sbyin na ni gter la zhon/ /kha dog ser po lag bzhi pa/ /rin po che dang thod par ldan/ /gzhan dag thal mo sbyar ba'o/ /gza' dang rgyu skar thams cad ni/ /so so'i dkyil 'khor la bsam bya/ /rang gi dam tshig las byung ba/ /stobs po che la rdzu 'phrul ldan/ /ma mo kun gyi yang ma mo/ /de bzhin rig par gyur pa'i mchog /nyon cig lha mo cha chen mo/ /gtor ma re res gzung bar bya/ /dngos grub thams cad rab ster ba'i/ /rtag tu rnal 'byor gar spyod na/ /de la 'bad pas khur byed pa'i/ /pho nya'i sgrub thabs rab bshad pa/ /rgyud rnams kun nas rnyed dka' ba'i/ /de yis ldan byas dngos grub 'gyur/ /rnal 'byor gcig pas rtag gnas pas/ /'khor ba'i skyon dang nges par grol/ /pho nya mor chags rtag par grol/ /mchog gi rim pas spyad par bya/ /bsnyen bkur tsam ni bya min gyi/ /skye gnas dman pa'ang dga' bde'i gnas/ /ma dang sring mo bu mo dang / /chung ma yang ni pho nyar gnas/ /'jig rten la rtag g.yon pas spyod/ /rkang pa g.yon pa sngon du 'dor/ /lag pa g.yon pas yongs su bsgyur/ /g.yon pa dang por mchod par bya/ /g.yon pa phyogs kyis bsgyur bya zhing / /g.yon pas 'bad pas tshim par byed/ /dpal rdo rje mkha' 'gro'i</font><hr>85.362a<br><font size=+1>

snying po'i rgyud chen po las le'u bcu bzhi pa'o// //dpal rdo rje mkha' 'gro'i rgyud phyi ma snying po bsdus pa zhes bya ba rdzogs so// // rgya gar gyi mkhan po chen po mchog gi dbang phyug gi zhal snga nas dang / bod kyi dge slong shAkya brtson 'grus kyis grom pa ru lag rgyang phu'i lha ri mo'i mgul gyi dben gnas su bsgyur ba'o// //</font><hr>

</table>