J363

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J363</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J363&coll=lithang">see text in Tibetan script</a></table>85.222a<br><font size=+1>

@/ /rgya gar skad du/ shrI badzra DA kA nA ma ma hA tan+t+ra rA dzA/ bod skad du/ rgyud kyi rgyal po chen po dpal rdo rje mkha' 'gro zhes bya ba/ bcom ldan 'das thugs rje chen po 'phags pa spyan ras gzigs dbang phyug la phyag 'tshal lo/ /mkha' 'gro kun dngos sems dpa' ni/ /rdo rje mkha' 'gro bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /'di ni rang byung bcom ldan 'das/ /lhag pa yi ni lha gcig nyid/ /'byung gnas sgra tshul nges 'byung rnams/ /dam tshig spyod pa'i spyod yul yin/ /'jig rten gsum du rnyed dka' ba/ /thog ma dbus mthar yang dag gnas/ /'dod chags ma yin chags bral min/ /dbu mar yang ni mi dmigs so/ /bud med kun gyi sgyu ma'i rgya/ /'di ni gnyis myed ye shes mchog /rnyed dang bde ba kun mos pas/ /ngan par spyod pa'ang 'grub par 'gyur/ /nam mkha' kun du rgyu grub pas/ /mkha' 'gro ma zhes rab tu grags/ /sna tshogs kun du phyag rgya ni/ /sna tshogs kun gyis sdom pa yis/ /mkha' 'gro kun dang mnyam sbyor ba/ /rdo rje mkha' 'gro zhes byar grub/ /de nyid med sems rnal 'byor pa/ /lha la dmigs par byed pa dag /kun du gzugs brnyan yid kyis ni/ /lugs sogs rnal 'byor skye ba min/ /byang chub sems dpa' rnal 'byor gang / /rnal 'byor dbang phyug rang nyid gtso/ /byang chub sems 'di rdo rje ste/ /sangs rgyas kun gyi rang bzhin no/ /'gro ba'i rtsa lag rang bzhin gyis/ /sna tshogs g.yogs te rnam bzhugs pas/ /de phyir 'bad pa thams cad kyis/ /sna tshogs tshul gyis mchod par bya/ /bdag nyid sangs rgyas thams cad dang / /dpa' bo thams cad nyid yin te/ /rang gi lha yi sbyor ba yis/ /bdag nyid rab tu bsgrub par bya/ /'di yis sangs rgyas thams cad dang / /dpa' bo thams cad nyid dang ni/ /rdo rje 'dzin pa thams cad du/ /tshe 'di nyid du 'grub 'gyur zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /</font><hr>85.222b<br><font size=+1>

rdo rje sems dpa' de bzhin gshegs/ /dpal ldan bcom ldan 'das kyis gsungs/ /thams cad nam mkha'i mtshan nyid de/ /nam mkha' la ni mtshan nyid med/ /khams gsum pa ni ma lus pa'i/ /'gro kun sgyu ma lta bu yin/ /brtan pa dang ni g.yo ba yi/ /'gro ba dmigs su med pa ste/ /mthong ba dang ni rigs pa'i dngos/ /thams cad sgyu ma ji bzhin no/ /gang gis blun po 'ching 'gyur ba/ /'dir des mkhas rnams rnam par grol/ /phyag rgya'i sbyor ba 'di yis ni/ /sa gsum ma lus bza' bar bya/ /gzhan du gal te sbyor ba ni/ /ma tshang mar me lta bur 'da'/ /gzugs ni sangs rgyas rnam snang mdzad/ /tshor ba rdo rje nyi ma yin/ /'du shes pad ma gar dbang ste/ /'du byed rdo rje rgyal po yin/ /rnam shes rdo rje sems dpa' ste/ /'di dag dngos kun rang bzhin ni/ /rdo rje mkha' 'gro zhes byar grags/ /yang dag chen po gcig pu'i lha/ /bde ba thams cad rab ster ba/ /sgyu ma chen po'i rang bzhin gyis/ /chags bral chags pa zhes byar bshad/ /sa khams ltung byed ma yin te/ /de bzhin chu khams gsod ma'o/ /me khams 'gugs byed ma yin te/ /de bzhin rlung ni gar dbang ngo / /nam mkha'i khams ni sgyu ma che/ /rang nyid 'gro ma zhes byar bshad/ /sangs rgyas kun dang mnyam sbyor ba/ /mkha' 'gro ma ni 'bar ba'i mchog /'byung ba lnga yi rang bzhin gyis/ /de ni rdo rje gtso mor gnas/ /mig gnyis gti mug rdo rjer bshad/ /nyan pa zhes bya rdo rje brjod/ /sna ni ser sna rdo rje ste/ /kha ni 'dod chags rdo rjer gsungs/ /lus ni phrag dog rdo rje ste/ /skye mched thams cad mnyam sbyor ba/ /rdo rje mkha' 'gro bde ba'i mchog /gzugs 'di thams cad stong pa nyid/ /stong pa'i tshul gyi mig gis ni/ /dogs pa med par bsgom pa'i mchog /rnam par mi rtog pa yis blta/ /nam mkha'i tshul gyi sems kyis ni/ /der ni thams cad nam mkha'i dngos/ /dogs pa med pa'i bsgom par ldan/ /rnam par mi rtog skye 'gyur zhes/ /rdo rje sems dpa' de bzhin</font><hr>85.223a<br><font size=+1>

gshegs/ /bcom ldan rdo rje can gyis gsungs/ /de nas bcom ldan 'das de bzhin gshegs pa thams cad kyi thogs pa med cing gdon mi za ba bde ba chen po'i dam tshig ces bya ba'i rim pa'i ting nge 'dzin la snyoms par zhugs nas 'di skad ces gsungs so/ /ji srid 'khor ba'i gnas su ni/ /mkhas mchog 'dug par gyur ba'i bar/ /de srid sems can mtshungs med don/ /mya ngan mi 'da' bar ni mdzad/ /de ltar sems can dam pa rnams/ /sred pa'i zhags pas 'jigs med par/ /mi skyo bar ni brtson 'grus kyis/ /rtag tu sems can don rnams mdzad/ /nam mkha'i gnas kyi mthar thug par/ /smon lam rnam par spyod byed cing / /sems can don brtson sems kyis ni/ /dpa' bo srid pa sbyong bar mdzad/ /rtag tu 'dod pas myos pa yi/ /lha yi bu 'di rnams dang ni/ /gzhan yang skye bo chags can phyir/ /'dod chags thams cad dag par mdzad/ /bde chen shin du grub bya'i phyir/ /rtog pa rgyas par sbyin pa dang / /thog ma tha ma med pa'i mchog /rtog pa thams cad dang por bshad/ /'das pa'i dus na sngon byung ba/ /rtog pa dang po bde ba che/ /der ni rdo rje sems chen gyi/ /lhag pa yi ni lha gcig bzhugs/ /'jig rten khams rnams mtha' yas kyi/ /sems can kun don 'byung bya'i phyir/ /glu gar rol mo sogs pa'i gar/ /srid pa kun gyi gtso bor gyur/ /sems can thams cad 'byung ba yi/ /dga' ba yang dag bsdus ba dang / /de nas sems can skye 'gyur ba'i/ /'dod pa'i chags pa rnam spangs te/ /des 'dul bar ni mkhyen nas su/ /yi ge las byung rnams spangs shing / /nam mkha' lta bur bdag med par/ /dag pa nyid du de nas son/ /de nas sems can sangs rgyas kyi/ /bla med don ni nus med pa'i/ /stong pa nyid la rtag bzhugs pas/ /</font><hr>85.223b<br><font size=+1>

'gro kun stong par bcos nas ni/ /thams cad dmyal bar ltung mthong ste/ /slar yang bdag dang gzhan don la/ /mos pas gus pa nyid du gyur/ /de nas 'jig rten khams kun na/ /bzhugs pa'i sangs rgyas kun bsdus te/ /myur ba nyid du bdag la bskul/ /o~M ma hA su kha badzra satwa dzaHhU~M ba~M hoHsu ra ta s+t+wa~M/ /'dis ni bskul ba tsam gyis kyang / /dag pa'i bde ba kun ster ba/ /'dod pa'i don kun sgrub byed cing / /'gro kun bde ba skyed par gyur/ /nga ni 'dod pa'i gzugs kyi mchog /sangs rgyas kun gyi byin brlabs pa/ /nga nyid chos kyi sku yi mchog /sangs rgyas kun gyi bdag po yin/ /sangs rgyas kun gyi sbyor 'phrog cing / /sangs rgyas kun gyi bde ba che/ /sangs rgyas kun gyi sku chen po/ /sangs rgyas kun gyi gsung snyan pa/ /sangs rgyas kun gyi thugs chen yin/ /sangs rgyas kun gyi mchod pa che/ /sangs rgyas kun gyi rgyal po che/ /rdo rje 'dzin pa kun gyi bdag /'jig rten dbang phyug kun gyi gtso/ /rin chen 'dzin pa kun gyi dbang / /mkha' 'gro kun dang mnyam sbyor bas/ /sangs rgyas kun dang mnyam par 'gyur/ /sangs rgyas kun dang mnyam pas na/ /rdo rje mkha' 'gro zhes byar 'grub/ /dkyil 'khor chen po'i sbyor ba yis/ /de nas dkyil 'khor thams cad bri/ /de yi dbus su tshul bzhin du/ /rdo rje sems dpa' gzhag par bya/ /zla ba'i mdog can badzum dang bcas/ /'od zer dmar po 'khrugs pa las/ /sangs rgyas phreng bas mdzes pa ste/ /rgyan rnams gyis ni rnam par klubs/ /zhal bzhi phyag bzhi spyan gsum dang / /ral pa'i thor tshugs kyis brgyan cing / /lha mo bzhi dang yang dag ldan/ /sangs rgyas gzugs kyis nye bar brgyan/ /rtsa zhal zhi zhing g.yas dkar min/ /de bzhin gzhan yang g.yon pa dmar/ /rgyab zhal ser po gser sregs 'dra/ /thod pa la bzhugs gar dang ldan/ /sum bcu gsum pa 'jigs par mdzad/ /rdo rje dang ni ral gri dang / /</font><hr>85.224a<br><font size=+1>

dril bu thod pa bsnams pa nyid/ /mkha' 'gro ma yi 'khor los gang / /skyob pa sna tshogs bri bar bya/ /mkha' 'gro kun dang mnyam sbyor ba'i/ /rdo rje mkha' 'gro bde mchog zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ /ma dang sring mo bu mo dang / /de bzhin nye du mo rnams ni/ /dngos grub thams cad rab sgrub pas/ /'dod pa'i sbyor bas chags par bya/ /ba glang sha dang rta sha sogs/ /dogs pa med par bza' bar bya/ /'jig rten la rtag g.yon la spyod/ /brten pa dang ni g.yo ba yi/ /'gro kun g.yon las byung bas na/ /g.yon gyis bza' zhing g.yon mchod bya/ /pho nya ma gtogs gzhan rnams la/ /'dod pa rmongs pas bgrod mi bya/ /pho nya mo rtag zhen thar par/ /'gyur ba nyid du the tshom med/ /sgrub pos mchog tu 'bad byas te/ /brtul zhugs min spangs brtul zhugs rdzogs/ /dam tshig rigs la spyod pa dang / /tsa ru'i bza' ba lhan cig bya/ /rigs lnga la ni kun spyod par/ /rigs gcig nyid du brtag par bya/ /sbrang rtsi khrag dang ga pur bcas/ /tsan dan dmar po sbyar byas la/ /rdo rje chu dang bsres pa ni/ /dngos grub thams cad sgrub byed pa'i/ /de dag bdud rtsi lngar ni 'gyur/ /mthe bo srin lag sbyar ba yis/ /rnal 'byor rig pas rtag tu bza'/ /zhi ba'i btung ba bzhin myangs na/ /dngos grub rtag par 'thob par 'gyur/ /'di dag dam tshig dam pa ste/ /mdzes ma'i gdong can khyod la bshad/ /las rnams kun la thabs bcas shing / /dogs pa med par gang spyod dang / /rnam par mi rtog sgom pa ni/ /brtul zhugs rnams kyi mchog gi mchog /las rnams kun la kun tu ni/ /rnam par mi rtog sgom byed cing / /dogs pa med par kun du spyod/ /de ni dka' thub rnams kyi mchog /the tshom med pa'i sems kyis ni/ /skra zla la sogs rjes dngos kyi/ /yul rnams ma lus sten byed pa'i/ /dka' thub shin du 'da' dka' ba'o/ /</font><hr>85.224b<br><font size=+1>

gang yang las rnams thams cad la/ /shes rab dang ni sbyar byas te/ /de yang stong pa'i gnas su sbyar/ /de 'dir bdag chen dka' thub yin/ /rnam par mi rtog sems kyis ni/ /shes rab dang ni mtshungs gzugs la/ /dogs med spyod pa'i kun spyod pa/ /de ni bdag chen dka' thub yin/ /shes rab thabs ni ma gtogs par/ /gang tshe sems gzhan mi g.yo na/ /de tshe byang chub chen po ni/ /nges par ster ba nyid du bshad/ /rnam par mi rtog rjes 'jug la/ /rnal 'byor pa ni mngon par brtson/ /de ni thams cad 'byung ba yi/ /shes rab pha rol phyin pa yin/ /gang tshe 'dus byas tshul rnams ni/ /rnam par mi rtog sems kyis su/ /me long lta bur rab shes pa/ /de ni shes rab bsten pa yin/ /glog dang chu bur ltar smin pa/ /gang tshe 'dus byas tshul rnams ni/ /gang gis ji ltar mthong 'gyur ba/ /de ni shes rab bstan pa yin/ /me long nang gi gzugs brnyan dang / /rmi lam sgyu ma dri za'i grong / /mig 'phrul mtshungs par gang gis mthong / /de ni gtso bo yin par brjod/ /de ni gang du'ang mngon zhen dang / /gang du'ang gnas pa yod ma yin/ /de ltar yang dag 'byung mod kyi/ /sgyu ma lta bu'i dngos dag ni/ /longs spyod khyad 'phags skye 'gyur ba/ /bde ba yongs su 'gyur bzhin pas/ /'bras bu khyad 'phags 'thob 'gyur bar/ /ci yi phyir na 'dod myi bya/ /brtan g.yo'i dngos po yod min te/ /'on kyang snang ba tsam mtshan nyid/ /bsgom pa khyad par can gang zhig /goms pa'i stobs ni rdzogs pa na/ /yid 'ong bde ba'i 'bras bu ni/ /bla med gsal ba'i blo yi mthu/ /'bras bu don gnyer rgyu bsgrubs na/ /der ni lha mo su zhig 'gog /de bas 'bad pa thams cad kyis/ /kun du 'gro ba mchod par bya/ /dka' thub sdom pa mi zad pas/ /lus ni bskams shing sdug bsngal 'gyur/ /sdug bsngal gyis ni sems g.yengs na/ /g.yengs pas dngos grub gzhan du 'gyur/ /lus dang sems ni brtan gyur na/ /bde ba thams cad brtan par 'gyur/ /sdug</font><hr>85.225a<br><font size=+1>

bsngal gyis ni g.yo gyur pas/ /shin du 'gog par 'gro bar 'gyur/ /des na lus dang ngag sems rnams/ /brtan par byas na byang chub 'thob/ /gzhan du dus min 'chi ba dang / /dmyal bar nges par bsreg 'gyur zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las de kho na nyid snang ba dam pa'i yul la 'jug pa'i ye shes kyi rim par phye ba dang po'o// // de nas bcom ldan 'das la btsun mo rnams kyis slar yang mchod cing phyag byas nas 'di skad ces gsol to/ /bcom ldan 'das snying po gang gis de bzhin gshegs pa thams cad kyi bstan pa 'dral ba'i lha la sogs pa'i gdug pa can rnams dang / skye bo gdug pa can gzhan dag kyang gdul ba dang / 'joms pa dang / zhum par byed pa dang / ltung ba dang / zhi bar byas te/ byang chub kyi snying po'i bar du gnod pa byed par mi 'gyur ba'i snying po sdang ba thams cad rab tu 'joms pa lha yis bshad du gsol/ de nas bcom ldan 'das de bzhin gshegs pa thams cad kyi sku dang / gsung dang / thugs rdo rje'i bdag pos/ glur blangs te 'di skad ces gsungs so/ /dang por rnam par snang mdzad nas/ /der ni sde tshan rnams kyi mthar/ /ta dang po yi d+ha b+ha'i mtha'/ /dbyangs kyi gsum pas spyir brgyan pa'i/ /sa yi mtha' ni rang gis blta/ /la sha'i dbus kyi stan bzhugs pa'i/ /sa yi mtha' ni sbyar bar bya/ /mtha' gnyis kyis ni rnam par sbyang / /a stan gnas pa sa yi mtha'/ /slar yang sa mtha' mda' lnga bstan/ /zla ba'i dum bu thig les brgyan/ /la sa'i dbus gnas sa bon ni/ /mda' bcu yis ni yongs su sbyangs/ /sha dang sa yi dbus gnas la/ /zhal gsum gyis ni brgyan pa dang / /rlung gi phyogs gnas sa bon la/ /ru tra yis ni rnam par brgyan/ /hU~M hU~M ha ni bzung nas su/ /</font><hr>85.225b<br><font size=+1>

dbyangs kyi dgu pas yang dag dgang / /phaT ces bya ba dgod par bya/ /lhag ma ha yi rkang pa dgang / /lnga pa'i dbus gnas de nyid de/ /de la ha dzo zhes bya'o/ /ra stan la gnas sa yi mtha'/ /i zhes bya ba'i mda' dang sbyar/ /slar yang pa zhes bya ba'i mtha'/ /mda' ni sar pas yongs su sbyangs/ /sa mtha' der ni ra yig zhon/ /e zhes bya ba rna ba'i rgyan/ /i dbyangs zla dus thig les brgyan/ /yi ge ra zhon sa yi mtha'/ /slar yang sa mthar sgra lngar ldan/ /zla dum thig les cod pan brgyan/ /slar yang de nyid mgon po bzla/ /rin chen mtha' ma phaT kyis brgyan/ /rnam par snang mdzad sna tshogs kyis/ /tshig rnams kun la dgang bya zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ /dpa' bo drug dang mnyam sbyor ba'i/ /mkha' 'gro ma yi dra ba'i sdom/ /sna tshogs pad ma'i nyi dkyil la/ /der ni hU~M las byung ba yis/ /las kyi rdo rje'i dbus gnas par/ /hU~M gi de nyid rnam bsgom pa'o/ /'od zer sna tshogs 'bar ba las/ /mkha' 'gro ma yi tshogs spro ba'o/ /zhal gcig phyag gnyis spyan gsum pa'i/ /sku mdog dmar mo drag chen mo/ /dung gi dbyibs can 'jigs pa'i gzugs/ /spyan dmar khams skra gyen du brdzes/ /lang tsho phun sum tshogs par ldan/ /stag gi pags pa'i na bza' can/ /ljags 'dril bas ni char 'jigs te/ /'jigs pa dag kyang 'jigs par mdzad/ /mkha' 'gro kun dang mnyam sbyor ba/ /rdo rje mkha' 'gro rab grags zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ /sngon bsags las ni mthar byed pa/ /me dang bcas te lan gnyis bzla/ /ku ru ku ru sems dpa' bral/ /ral pa gya gyu ban d+ha gsal/ /de ni slar yang bzlas par bya/ /'jig rten gzugs dang bral ba yi/ /trA sa ya zhes bya ste brdzun/ /dam pa de ni lan gnyis bzla/ /k+ShaHzhes bya ba o sgrar ldan/ /glo na b+ha ya yang dag gnas/ /de yang slar ni bzlas par bya/ /sa yi mtha' ni nyi stan gnas/ /</font><hr>85.226a<br><font size=+1>

mda' bcu zla dum thig les dgang / /de yang slar ni brjod par bya/ /'od byed sbyangs pa'i sa yi mtha'/ /gshegs su gsol ba glo na gnas/ /nyis 'gyur du ni bya ba yin/ /zla zhon thig gsal phe zhes bya/ /de yang slar ni bzlas par bya/ /phaT ces bya ba bsgyings te bsgrags/ /rnam par rtog pa kun gyi shing / /da ha da ha'i mkha' 'gro'i sdom/ /lnga sde'i thog ma nyid dang ldan/ /sde gtso de ni slar bzlas bya/ /b+hak+Sha b+hak+Sha zhes bya dang / /ba sa ru d+hi ra a~M tra/ /ma la~M ba la~M bi ne dang / /gr-ih+Na gr-ih+Na sap+ta ste/ /pA ta la ga ta b+hu dzA~M ga /sar+p+pa~M bA tardza ya nyis 'gyur bya/ /a dang ka yi yi ge dang / /gsum pa yi ni gsum par sbyar/ /bzhi pa dang ni rlung la gnas/ /lan gnyis su ni bzlas par bya/ /sa yi mtha' ni nyi mar gnas/ /yi ge bzhi pas dgang bar bya/ /slar yang de ni lan gnyis bzla/ /lnga sde mtha' yi stan bzhugs pa/ /ka sha a dang thig ler ldan/ /sa bon de ni gnyis bzlas bya/ /sa mtha' mda' gnyis dang ldan pa/ /slar yang sa mtha' mda' gsum sbyar/ /de bzhin sa mtha' mda' lnga'i stan/ /de kun zla ba'i dum bu dang / /thig le yis ni cod pan brgyan/ /de dag yang yang bsgyur bar bya/ /ka sa tsa dang d+ha rnams ni/ /i sgra yi ni mchog gis gzung / /li yi mtha' ni re rer sbyar/ /de dag kyang ni yang yang bsgyur/ /u sgra la zhon sa yi mtha'/ /slar yang zla dum thig les sbyangs/ /phaT ces bya ba'i rin chen bsgrub/ /cha dang cha min sna tshogs pa'i/ /me tog mang pos yang dag zin/ /de dag lha mo sgyu ma che/ /dngos grub thams cad rab ster ba'o/ /'di ni gsungs pa tsam gyis kyang / /'jig rten khams kun g.yos gyur cing / /de bzhin gshegs pa kun skrag nas/ /slar yang de bzhin gshegs pa kun/ /byang chub tu ni mngon sangs rgyas/ /ri bo thams cad 'dar zhing gas/ /ma mo'i tshogs dang 'byung po'i tshogs/ /gdon dang rims dang dbyig dug dang / /gnod sbyin srin po log 'drin sogs/ /sdang ba thams cad btul zhing bcom/ /zhi 'gyur</font><hr>85.226b<br><font size=+1>

bkug ste dkyil 'khor gyi/ /dbus su bcug ste dam tshig gis/ /bcings nas kyang ni dbang du mdzad/ /dmyal ba pa yi sdig pa kun/ /dral te nges bcom bsnyil lo zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /gru bzhi pa la sgo bzhi pa/ /sgo skyong dang ni yang dag ldan/ /de dbus pad ma bri bya ba/ /'od zer dmar chen gsal ba'i mdangs/ /phyi rol ri mo zlum por bskor/ /de yi dbus su bcom ldan 'das/ /khro bo chen po zhal bzhis brgyan/ /zhal gyi mche ba cung zad gtsigs/ /khro dang bcas shing bzhad pa'i zhal/ /g.yas pa dkar zhing zhi ba ste/ /g.yon pa dmar po cher 'jigs pa/ /rgyab ni 'od zer ser po'i mdog /phyag bzhi yis ni brgyan pa ste/ /dpa' bo g.yon na kha T+wA~M dang / /de bzhin du ni thod pa bsnams/ /g.yas na 'bar ba'i rdo rje dang / /khyad par du ni gshor gyis brgyan/ /rig pa bzhi dang yang dag ldan/ /sangs rgyas gzugs kyis nye bar brgyan/ /dpa' bo'i shes rab dga' mdzes ma/ /mda' dang gzhu ni bsnams pa ste/ /sems dpa' sngon po 'bar ba'i dngos/ /'od kyi dkyil 'khor dmar po can/ /dur khrod me ltar gsang mthong zhing / /'jig pa yi ni dus ltar drag /me ltar 'bar ba'i skra la ni/ /thod pa yi ni dbu rgyan bcings/ /ro langs dang ni lhan cig rol/ /hi ru ka yi gar gyis spyod/ /ma mo'i grong khyer nyams dga' bar/ /sa yi dbang phyug rol par mdzad/ /thams cad du ni thams cad kyis/ /kun du thams cad kun bdag nyid/ /mkha' 'gro kun dang mnyam sbyor ba/ /rdo rje mkha' 'gro bde ba'i mchog /bsam gtan bzlas pa'i sbyor ba yis/ /'grub 'gyur 'dir ni the tshom med/ /dus bzhi ru ni rab sbyor bas/ /bde mchog bla ma bsgom byas te/ /rdo rje chen po 'bum bzlas na/ /khro bo'i rgyal po mtshungs par 'gyur/ /rdo rje che 'dzin tshe dang ni/ /</font><hr>85.227a<br><font size=+1>

mdog dang na so stobs dang rtsal/ /dngos grub rdzu 'phrul chen po ldan/ /mi bzad 'gro don byed mthur 'gyur/ /yang na ma bsgrubs par yang sngags pas lan gcig bzlas pas las brgya tham pa byed par 'gyur ba ni/ 'di lta ste/ rgyu ba dang mi rgyu ba thams cad nges par gnon pa dang / ltung ba dang / bskyod pa dang / skrag pa dang / rgyas gdab pa dang / rmugs pa dang / rengs pa dang / bzlog pa dang / rmongs pa dang / bcing ba dang / dgas pa dang / gtor ba dang / brlag par bya ba dang / smyo bar bya ba dang / gtub pa dang / sbyug pa dang / dbye ba dang / dmeg med par bya ba dang / nor dbrog pa dang / bsdu ba dang / lkugs pa dang / bcing ba dang / bdag nyid brdungs ba dang / gsod du gzhug pa dang / long bar bya ba dang / sa bon brlag par bya ba dang / rims dang / dug dang / dbyig dug gis gzung ba dang / sa g.yo ba dang / dmyal bar gtang ba dang / byol song gi mngal du spo ba dang / skyes pa bud med du bya ba dang / mngal na gnas pa dbyung ba dang / chu bsgag pa dang / ma ning du bya ba dang / 'dod pa'i chags pa bskyed pa dang / gsad pa dang / gzhan gyis gsod du gzhug pa dang / mtshon bcing ba dang / byas pa chud gsan pa dang / gcer bur bya ba dang / b+ha ga dang bshang ba'i lcags sgrog dang / b+ha ga dang gshang ba'i smra ba dang / rgod du gzhug pa dang / khrag dang khu ba dbab pa'i nad dang / gzhom pa dang / khrag dang mdze la sogs pa'i nad bskyed pa dang / mya ngan dang / sdug bsngal dang / gtag pa dang / bcing ba rnams dang / dum bu dum bur bya ba dang / lus thams cad phye mar bya ba dang / gzer ba dang / thams cad chags pa dang / dgug pa dang / gzhug pa dang / bskyod pa dang / gar dang / glu dang / rgod du gzhug pa dang / mang du smrar gzhug pa dang / ltas ngan bstan pa dang / thob pa dbang du bya ba'i las thams cad la sbyar ba dang / bkol ba dang / lha dang / klu dang / gnod sbyin dang / srin po dang / log 'dren dang / 'byung po dang / ma mo dang / mkha' 'gro ma la sogs pa thams cad</font><hr>85.227b<br><font size=+1>

gdul ba dang / mchog sbyin dang / sa dang / chu dang / me dang / rlung dang / nam mkha' rnams thams cad mkhyen pa'i las bya ba dang / tshangs pa dang / khyab 'jug dang / dbang phyug chen po las rgyal ba dang / chags pa thams cad gzhom pa dang / rims dang / dug dang / dbyig dug dang / mkha' 'gro ma las dgrol ba dang / de bzhin gshegs pa thams cad kyi 'dod chags dang bral ba dgas pa dang / byang chub sems dpa' thams cad kyi 'khor ba'i skyo ba bsal ba'o/ /las rnams thams cad sgrub byed par/ /'di de lha mo bshad pa yin/ /sngags kyi rgyal po 'di nyid ni/ /ma byung 'byung bar mi 'gyur zhes/ /sgyu ma kun dang mnyam sbyor ba'i/ /mkha' 'gro ma zhes rab grags pa/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro'i las thams cad kyi cho ga las sgyu ma chen pos rnam par 'phrul ba'i sngags kyi cho ga'i rim par phye ba ste gnyis pa'o// // de nas gsang ba bshad bya ba/ /mdor bsdus pa ste rgyas par min/ /sgyu ma kun gyis mnyam sbyor las/ /las rnams thams cad rnam 'phrul ba/ /sgyu ma kun gyi rdzu 'phrul gyis/ /dbang phyug thams cad rab bsgrub cing / /'byung po gdon gyi rig pa che/ /gang gis sdud cing spro byed pa'o/ /hi ma wan+ta s+ya ut+ta re Na/ b+ha bat+si wo na maH ma hA sa mo so wi/ ad+d+ha ma si ha~M/ be hi ma se hi/ ma se hi/ bi ta budz+wi/  i so ni do/ ma hi nI do/ kum+b+ha kaN+Da/ san ni do/ sA ga ra sa sa d+ya paDa be si na/ san+ni da~M/ ba~M d+hA mi/ ku ku ra sas+sa bi Da la sa tuN+Da ban+d+hA mi/  dza wa su ru/   u da ni/ dza ba ra di/ bya b+ha ba a d+hi a ta to bar+Na/ a nu ba de na/ sA d+hu n+ma ma tsa ri ya/ a sar+b+ba sid+d+ha na swA hA zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ sngags 'di lan bdun mngon par bzlas te khang thog tu bzhag na/ khyim gyi mi rnams dran pa med par 'gyur ro/ /ba sa ha to li mi dz+nya a pa sa pa dza na mo hi/ e sa bidz+dza tsa hi na man+ti in+d+ra na ha a bA</font><hr>85.228a<br><font size=+1>

i dza be na din+na ni d+ha/ ta ma pi ha ma hA swa ba a ne na bA d+ho sa rI dza ku la khaN+Da Da Ni Da/ dze bA i ba d+ha ta d+hi Na ta Na na maHsid+ha na/ na maHpu pa tsadz+dza pA da na/ ba glang gi gdong zhes bya ba'o/ /ma sa ra ba Ne/ tad+ya da/  re/ ma hA daN+De da ha he du na he he swA hA/ sngags 'di bye ma la lan bdun mngon par bsngags te zhing la gtor na/ ri dgas la sogs pa'i srog chags thams cad kyis za bar mi 'gyur ro/ /de nyid kyis bka' tsam gyis sprin bzlog par 'gyur ro/ /rat+na ra ti/ a l+la ba ra tsul+li/ tso ra bag+g+ha kan+da sa/  bA mu ha ban+d+ha mi swA hA/ sngags 'di shing sor bzhi pa la lan bdun sngags te/ rna gong g.yas par btsugs na/ btsau ra ba thams cad bcings bar 'gyur ro/ /in+da si/  a ti Ni dza ha a/ ka li lo hi d+hi ping+ga li ma/ me ka b+ha ni/ a ha~M si la/  u sa ri mi/ a ba ra b+ha Ni/ a ha~M bA da/ u sa ra mi/ a ba ra b+ha Na mi/ a han+d+he ha mi b+hi to ba dza dza ba mi lo/  lo ka li lo hi d-i ping+ga li hU~M phaT/ khyu mchog gi rwa gong du chags pa'i sa sa la ma lhung ba blangs te sngags 'di lan bdun du bzlas pa byas na/ bas mtha' dang 'brog dgon pa'i lam dang rgyal po'i pho brang du yang 'tshe ba thams cad 'byung bar mi 'gyur ro/ /ba glang gi gdong gi cho ga la yang 'di nyid do/ /ka ra bI ra'i lcug ma la sngags bzla ba'i cho ga 'dis rlung dang char ba dang ser ba zlogs par 'gyur ro/ /o~M dza~M bi li a bi dze dza su ti thad si i/   su b+ha de o/ sa Na o/ a tsa la hi suN+Na pa ta ne hi/  sa la ba da bar sa ba dza ha swA hA/ zhib ma'i nang du chu blugs la sngags 'di lan bdun bzlas te rlung phyogs su nam mkha' la gtor na/ rlung dang char dang ser ba la sogs pa bzlogs par 'gyur ro/ /na ya moM d+he b+ha ga wa te/ ki b+hi ku re Na sha tra ya/ tha ma ke ha tha ka ralpA ke ni ta sa~M ru bi ti bi b+ha tu ya/ ru tsha re Ta ra ma Ta ku ke to/ li Ta ku ke to li Ta lu ya/ lu da~M hiSh+Tha le ka si ra le lo ta gri le/ b+hi Shi Sha le Na si mu le kha a ya the sar+b+ba ha de sra na b+hu dza ku b+ha na su the ra Sha ya na pa ra ya ti/</font><hr>85.228b<br><font size=+1>

Shu d+ha yan so ba d+ya ti ta ka su se la ka kha se Da g+he g+ha se d+ha g+ha ri sa ni/ ma byA ha g+ha g+ha/ dzi se na g+ha~M ba sa ra g+ha d+ha/ se ra sa a ha a o~M/ ha pi ru ga a~M pra lAn d+ha k+Sha ka a ra/ hU~M hU~M hU~M/ pa pha pu Ta Sha/ zla tshes thig ler ldan pa'i os/ /rkang pa brgyad pa mdzes par bya/ /swA hA zhes byas brgyan pa ste/ /mtha' dang mthar ni phaT mchog bya/ /'di ni gsungs pa tsam gyis kyang / /klu rnams skrag cing rgyal bar gyur/ /sngags kyi rgyal po 'di'i sbyor ba ni 'di yin te/ sngags pa bdag nyid rlung dang me'i dkyil 'khor la gnas pa'i rdo rje hU~M mdzad zhal bzhi pa phyag bzhi pa 'dam skyes sngon po lta bu'i mdog can sangs rgyas lnga'i me tog gi phreng bas dbu brgyan pa/ bskal pa'i me ltar 'bar ba yan lag gi cha shas thams cad nas rdo rje mkha' 'gro ma spro zhing / zhal bzhi nas hU~M bzhi sgrogs par mdzad par bya'o/ /de nas kham phor gnyis bzung ste/ kham phor gnyis po de ba blas rlung dang me'i dkyil 'khor rang gi mtshan mas mtshan cing 'bar ba la/ klu brgyad kyi dkyil 'khor ri'u mig dgu par bris te/ dkyil 'khor gyi dbus su klu lhag ma can/ mgo la gdengs ka bdun gyis brgyan pa/ cung zad bskum pa'i phyed krung can du bri/ de'i brla g.yon pa la gnas par klu mo gdengs ka gsum dang ldan pa g.yon gyis 'khyud par bri/ de ltar phyi rol gyi dkyil 'khor rnams su mtha' yas la sogs pa bris la/ gdengs ka rnams la hU~M dang spel ba'i phuHbkod de/ thams cad kyi lag pa g.yas na ral gri thogs pa'o/ /dpral ba rnams su yang hU~M phuHhU~M/ rkang mthil rnams la dzaHbri/ rkang pa rnams kyang klu gzhan gyis bcings pa ste/ de dag gi gdengs ka la yang hU~M phuHhU~M bri'o/ /de nas o~M d+hi a ni la ta ra be ga di thi bam She ya he ru/ sarba nA ga ku la bya na ya phuH sa ma ye pra be sha ya A be sha ya phuH sar+b+ba na sA d+ha ya phuHphuHphuHphuHzhes bya ba 'dis/ dkyil 'khor bskor la yang sngags 'di dang</font><hr>85.229a<br><font size=+1>

phyag rgyas so so'i lus la bkug ste gzhug par bya'o/ /phyag rgya ni 'di yin te/ mthe bong kha sbyar te bcings la phyi rol tu bzhag ste/ sor mo lhag ma rnams gdengs ka ltar bya ba'o/ /dzaHhU~M ba~M hoHzhes bya ba sngags kyi mthar bzla zhing dgug pa dang / gzhug pa la sogs pa byas la/ de nas kham bor de mar nag tsha bas bkang ste/ sdong bu la me spar la/ kham phor gzhan gyis bkab la/ kham phor der ri rab tu bsgoms nas/ de'i steng du hU~M gis khro bo'i dkyil 'khor bsgoms la/ rdo rje hU~M mdzad kyi sngags brgya rtsa brgyad bzlas te/ cho ga bzhin du gzhag par bya'o/ /de nas kham phor gyi steng du bsgoms pa'i rdo rje hU~M mdzad la sogs pa'i dkyil 'khor ba'i lus kyi gzar bu las byung ba'i chu rdo rje nyi ma'i dkyil 'khor la 'thor bar bsams la/ bdag nyid rdo rje hU~M mdzad kyi sbyor ba dang ldan pas zhal bzhi nas hU~M bzhi sgrogs shing / rdo rje hU~M mdzad kyi phyag rgya bcings pa'i mdzub mo'i rtse mor hU~M gnyis bsgoms te/ de las byung ba'i me lce'i phreng bas sprin rnams bzlog par bsams te/ dpal rdo rje hU~M mdzad kyi sngags kyang rung ba bzla'o/ /sbyor ba 'dis ni dkyil 'khor gyi phyi rol khru brgyad kyi bar du char bzlog par bya'o/ /dkyil 'khor chen po'i sbyor ba yis/ /phyi yi dkyil 'khor bri bar bya/ /de yi dbus gyur pad ma ni/ /kha dog dkar po mdzes pa la/ /nyi ma'i dkyil 'khor dbus gnas pa'i/ /ye shes sa bon bsgom par bya/ /rlung dang me yi dbus gnas par/ /chu yi dkyil 'khor bsgom par bya/ /dbang chen dkyil 'khor dbus su ni/ /gsal ba'i dkyil 'khor rab bsgoms te/ /zla ba rdo rje'i sbyor ba yis/ /rdo rje mkha' 'gro bsgom bya ba/ /zhal gcig phyag ni bzhi pa ste/ /glang chen stan la g.yas brkyang bzhugs/ /spyan gsum skra ni grol bas brgyan/ /gzugs bzlang gzhon pa phun sum tshogs/ /thod pa'i phreng bas rnam par klubs/ /kha dog dmar po gsal ba'i mdangs/ /</font><hr>85.229b<br><font size=+1>

shin tu mdzes pa'i na bza' gsol/ /'bar ba'i ral gri thod pa dang / /mda' dang gzhu ni 'gengs pa ste/ /khrag la dgyes pa hrIHlas byung / /'od zer dmar po'i phreng 'khrugs shing / /'jigs pa dag kyang 'jigs par mdzad/ /gru bzhi pa la sgo bzhi pa'i/ /mkha' 'gro ma yi 'khor lo bsgom/ /bla re dam pa bris pa dang / /rlung bskyod ba dan bsgrengs nas ni/ /sna tshogs gos ni rnam dbyangs par/ /dur khrod so phag la sogs pa'i/ /tshon rtsi rnam pa lnga yis ni/ /khru bzhi pa yi tshad tsam du/ /dkyil 'khor dge ba'i las tsam sogs/ /de nas rdzing bu bya ba ni/ /tshon rtsi sngon pos bcol bkram ste/ /dba' rlabs chu gnyer la sogs bri/ /tshon chen gyis ni gang ba'i gzugs/ /nya dang nya mid la sogs pa'i/ /srog chags rnam pa sna tshogs bri/ /phyi rol bya rog sogs pas brgyan/ /de nas cho ga 'di yis ni/ /rig pa che dang klu brgyad dgod/ /sgo bzhir mgo gnyis bsnol ba la/ /mjug mas grwa bzhir dkris nas su/ /shar du klu rgyal mtha' yas ni/ /'dam skyes sngon po lta bu'i mdog /gdengs ka bdun ni bsgyings pa la/ /klu mo dang ni bcas par dgod/ /phyag na pad ma bsnams pa'o/ /byang na nor rgyas ser po ste/ /nub du 'jog po dmar po yin/ /lho ru stobs rgyu ljang skya ste/ /dbang ldan du ni dung skyong yin/ /rlung mtshams pad ma bden bral du/ /pad ma chen po dgod par bya/ /me mtshams su ni rigs ldan te/ /cho ga snga mas bri bar bya/ /klu ni brgyad po thams cad kyang / /rin chen cod pan dag dang ldan/ /rgyan kun gyis ni rnam par glubs/gdengs ka'i nor bu'i 'od kyis ni/ /mun pa thams cad sel byed pa/ /thal mo sbyar zhing skrag nas su/ /gdeng ka las ni chu rgyan 'bebs/ /sprin gyi dbang phyug rgyal po rnams/ /phyogs brgyad nas ni dgug par bya/ /sgra grag dang ni rmugs pa dang / /drag po 'gugs byed de bzhin no/ /rgyal ba bzang po dpal dga' mo/ /char 'bebs dang ni sdug ma dang / /myur ba dang ni dbyangs can ma/ /gtum dang 'bebs dang gang dang g.yo/ /'di dag sprin rgyal brgyad po zhes/ /mkha' 'gro kun dang mnyam sbyor</font><hr>85.230a<br><font size=+1>

ba'i/ /rdo rje sems dpa' de bzhin gshegs/ /bcom ldan rdo rje can gyis gsungs/ /bud med gnyis kyi thod pa ming dang ldan pa la/ go ro tsa na dang / khrag gis me'i dkyil 'khor gnyis bris te/ me'i dkyil 'khor gyi mtshams rnams su yi ge k+Shu dang hrI bkod la/ dbus su bsgrub bya ba'i bu mo'i ming bris te/ ri mo gsum gyis bskor nas/ mo dza'i sa bon nam/ re phas dkyil 'khor sum rim du bskor te/ thod pa'i steng 'og gi bye brag shes par byas la seng ldeng gi me la dus gsum du bsros na/ phyi de nyin par 'ong ba'am skams par 'gyur ro/ /gnas dben pa'i sa phyogs su bla gab med par rdo rje sems dpa'i sku gzugs mar nag tsha bar byugs te/ shing stegs mdzes pa la bzhag la/ khrus chab gsol nas bskams te/ sgrub pa'i grogs dang bcas bar char dbab par dmigs nas kha shar stod du bltas la/ sngags bzlas na brgya byin gyis char 'bebs so/ /min na dpal phyag na rdo rje'i sngags dang spel te bzlas na/ rgyun mi 'chad par 'bab bo/ /yang na kham phor la sbrul mgo gnyis pa'i sha dang / khrag gis snga ma ltar bris te me lces ma reg par nam mkha' la bzhag la/ char dbab pa la sngags bzlas na 'bab par 'gyur ro/ /char gcad par 'dod na rdo rje can la phul ba'i me tog gi bdug pa kha steng du gnas te/ gcer bur byung la sprin la bdugs shing sngags bzlas na zlogs par 'gyur ro/ /kham phor so ma btang ba la/ dug la sogs pas rlung la sogs pa'i dkyil 'khor gsum bris te/ de'i sa bon las gyur par bsams la/ chu'i steng du yang pad ma 'dab brgyad bris nas/ lte ba la hU~M gnyis kyis gzir ba'i nang bri/ mdab ma brgyad klu brgyad kyi snying po gzir ba bris la stobs po che'i sngags dang / hU~M dgus cho ga bzhin du mtsho skyes bskor te sngags bzla zhing ji ltar 'byung ba bzhin</font><hr>85.230b<br><font size=+1>

mchod pa byas la/ kham phor kha sbyar te klu'i gnas su bcug na/ klu thams cad char gyi rgyun 'bebs so/ /gal te des sdang ba'i klu rnams char mi 'bebs na der sbyor ba 'di ltar bya ste/ gtum po'i sa bon la lan brgya rtsa brgyad bzlas la/ klu'i mtshor sbyin sreg byas na char 'bab par 'gyur ro/ /gal te des kyang char 'bab par ma gyur na/ de'i tshe yungs dkar dang / tsha ba'i mar nag dang / sbrang rtsi dang / ka ra bi ra'i me tog rnams lhan cig phye mar byas te ri lu byas la/ de nyid la lan brgya rtsa brgyad mngon par bzlas te/ klu'i mtshor bcug na 'bab par 'gyur ro/ /gal te klu rnams sdang bas char mi 'bebs na mgo 'gas par 'gyur ro/ /gal te yang mi 'bab na dur khrod kyi thal ba bzung ste/ rtsabs skyur por sbangs nas sngags bzlas te mtshor bcug na/ klu rnams myos shing char gyi rgyun 'bebs so/ /ji ste des kyang ma babs na pad ma dang / ud pa la sngon po dang / bab bla dang zangs kyi phye ma dang / yungs kar dang / dbang po'i lag pa dang / ba la sha rnams las ri lu rgya shug gi 'bru gu tsam byas la/ ri lu re re zhing lan bdun bdun mngon par bsngags te/ ji srid char 'bab kyi bar du ri lu rnams mtshor skyur na/ nyin mo dang mtshan mo bye brag med par char 'bab par 'gyur ro/ /de nas bcom ldan 'das rdo rje 'dzin pa chen pos sngags kyi rgyal po 'di gsungs te/ o~M na mo nI la a~M ba d+ha ya/ badzra pA Na ye/ ma hA yak+Sha se na pa ta ye/ a ne ka ga~M ga na dI bA lu ko/   s+sa ma bud d+ha ko Ti sha ta ha sa sra pa ri brid ta ya/ bi kri ta~M daM / ka rA la rU pa ya/ ag ni rA/  si na ya/  na yA/ dz+wa li ta bi/  Sha sa swA ya b+hI ma na dA ya/ ba su ki nA ga rA dzA b+hi b+hU Shi ta ka ra tsa ra NA ya/ kriSh+Na b+hu dza gA ya/ ya dz+nyo pa bI trA ya dz+wa li ta b+hu dza/ ma Ni mu ku Ta ya pu/  ri ta Ta pa bA da nA ya sa~M/   kru tsi ta b+hu la tA ya da sha na ShaN+Da ro Sha Na ya/</font><hr>85.231a<br><font size=+1>

kri tAn+ta rU pA ya/  bid+yu dzi hA ya ma ho ra ga bak+Sha NA ya kA ra/  s+pho Ta trA sa na ka rA ya/ su bar+Na ka na ka rA dza me kha lA ya/ hU~M kA ra nA da trA sa na ka rA ya/ a sI ti yo dza na sa ha sra ga~M b+hi ra sA ga ra dzA nu maN+Da lA ya/ tsa krA dit+ya skan d+ha ba ha nA ya da~MSh+Ta ka rA lA ya ha si ta aT+TAT+Ta ha sa nA da nA da ya/ ma hA sa~M k+Sho b+ha ka rA ya/ kA la rU pA ya trai lo kya b+hak+Sha Na kar+NA ya/ nA gA nA~M/  mri t+yu kA lA yA/ i ma~M ga~M gA na dI bA la/   ka sa me/  bud d+ha b+ha ga bang+bi b+hA Shi ta~M/ man tra mA bar+t+ta yi Sh+yA mi/  b+ho b+ho pan+nA ga ad+d+hi/  pA ta ye/ i dan nI lA~M ba ra d+ha ra/  sha rI raM badzra pA Ni/   hr-i da ya ya saHma ti kra ma tha/ ma ku lo ta sA da na~M/ b+ha bi Sh+ya~M ti/ tad ya thA/ bud d+ha bud d+ha/ bi bud d+ha/  bi bud d+ha/ ma hA bA lo ka pA li nI dza/ ha ra dza ha ra/ nA gA nA~M/ pra ha ra pra ha ra/ sar+b+ba nA gA nA~M/ ts+tshin da ts+tshin da/  nA gA nA~M/  hri da yA ni/  b+hin da b+hin da/  nA ga ma ra ma Ni/  bi shi ra yan tu nA ga hri da yA ni/ spo Ta ya/ s+phoT ya/ nA ga ya na nI/  bi shir yan tu nA ga sha rI ra Ni/ tad ya thA hU~M hU~M phaT/ nA ga bi dA ra NA ya phaT/ nA ga ts+tshin+da nA ya phaT/ nI la ba sa nA ya phaT/ a pra ti ha da bA la/   pa ra kra mA ya phaT/ kri tAn ta rU pA ya phaT/ ro Sha NA ya phaT/ trA sa nA ya phaT/ kuSh+maN+Dot+sA da na kA rA ya phaT/ pre ta pi shA tsa pi nI sha kA rA ya phaT/ yak+Sha a pa sma ra bi nA sha kA rA ya phaT/ ha sa ha sa/ da ra da ra/ mA ra ya/  mA ra ya/ nA sha ya nA sha ya/ sar+b+ba big+hA na bi nA sha ka rA ya phaT/ nI lA~M ba ra d+ha ro badzra pA Ni rA dz+nyA pa ya ti swA hA/ gnod sbyin dang srin po la sogs pas zin pa la ni chu la bzlas te gtor na grol bar 'gyur ro/ /char bzlog pa la ni thal ba la bzlas nas sprin la bltas te gtor bar bya'o/ /chu la bzlas te gtor na ni char 'bab par 'gyur ro/ /rims la ni skud pa sngon po la bzlas te lag pa la btags na grol bar 'gyur ro/ /zla ba dang nyi ma gzas zin pa'i dus su go ro tsa na</font><hr>85.231b<br><font size=+1>

la lan stong mngon par bzlas te dpral bar thig le byas na mi snang bar 'gyur ro/ /don la dmigs te gtsang zhing gtsang ba'i gos gyon la nyin mtshan du kun du ru bsregs te lan brgyad brgya bzlas na rmi lam du dge sdig thams cad ston par 'gyur ro/ /sa la lan bdun bzlas te chom po la bltas nas bus na chom po bas mi mthong zhing bzlog par 'gyur ro/ /me tog gam 'bras bu la lan bdun bzlas te gang la byin pa de dbang du 'gyur ro zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las klu thams cad dgug pa'i rim par phye ba ste gsum pa'o// // de nas bcom ldan 'das la lha mo rnams kyis slar yang mchod pas mchod cing phyag gsum byas te/    'di skad ces gsol to/ /las thams cad kyi tshogs bcom ldan 'das lha yis bshad du gsol/ de nas bcom ldan 'das kyis rig pa'i rgyal po 'di mgur du bzhes te bka' stsal pa/ g+hi li g+hi li badzra ba ri pa ba sa pa yad badzra i ni ri sha ba ri sha pa ya/ hU~M hU~M hU~M/ ho ho ho/ b+ha sa/   Tha Tha Tha/ ha sa ha sa ha ha/ o~M ni zla phyed thig les brgyan/ /de ni chu 'dzin brgyad la gnas/ /mkha' 'gro ma yi rig sngags te/ /sgyu ma chen po'i rang bzhin no/ /'di ni gsungs ma thag tu yang / /klu rnams thams cad brgyal 'gyur zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ /na maH sh+ma shA na bA si ni ye/ ma hA kA la a nu tsa rA ya/ tad ya thA/ o~M tsa le tsa le/  pra tsa le/ la lA la lA ya/ de ba liM ga swA hA/ sngags 'di bsnyen pa khri byas te/ mtshan phyed na ling ga'i drung du ji srid 'ongs kyi bar du bzlas pa byas te drung du dgug pa'i cho ga'o/ /o~M tsa muN De dru ma ke shi bid+yu dzi hwe/ ha na ha na/ da ha da ha/ pa tsa pa tsa/ de ba dat+ta mA ra ya swA hA/ rang gi rkang mthil g.yon par sen rtsis ri</font><hr>85.232a<br><font size=+1>

rab bris la/ de'i nang rol gyi grwa bzhir yi ge hrIHbzhi bri/ dbus su sngags kyi tshig bris la/ rdog pas mnan te bzlas na khugs shing dbang du 'gyur ro/ /skyes bu'i byin pa g.yon pa'i rus pa'i thur ma la steng gi char tshogs kyi dbang phyug phyag bzhi pa zhal 'og tu gzigs pa/ lag pa g.yas pa dang / g.yon par tho ba dang / dgra sta dang / zhags pa dang / mdung rtse gsum bsnams pa byas la/ dug dang / khrag dang / ske tshe dang / lan tsha dang / lce myang tshar bcas pa'i mar nag gi nang du phur bu de btsos te stobs po che'i sngags bzlas la/ gang gi khyim sgor sbas pa de la gcong nad chen po 'byung bar gyur la/ bton na thar bar 'gyur ro/ /o~M badzra kro d+hA ma hA ba la ha na da ha pA tsa/ bi d+h+wan sa ya/ ud sA dA ya mA rA ya hU~M phaT/ grog mkhar gyi sa dang / ba'i rnam lngar bcas pas klu bA su ki'i gzugs brnyan mtho gang tsam pa byas te ka ra bI ra'i lcug mas bkab la gu gul gyi bdug pa rgyun mi 'chad par bdug cing dkar gsum gyi gtor ma byin la/ ka ra bI ra'i lcug mas rgyun mi 'chad par chu gtor zhing bzlas na/ zhag bdun gyi char gyi rgyun 'bebs par byed do/ /ji ste bab par ma gyur na/ nyi ma bdun pa la dum bu dum bur byas te/ bum pa'i nang du blugs la/ hU~M bzhi pa'i sngags zlos shing chu bo chen por bskur na nges par 'bab par 'gyur ro/ /o~M ga ga a ri ga gA swA hA/ sngags 'dis nang par sngar gdong ma bkrus par rde'u la lan bdun bzlas te gang yang rung ba'i bu gar bcug la/ che ge mo'i kha chings shig ces brjod na kha 'chings par 'gyur ro/ /mu ka tiSh+Tha na ti mu ka tshan ti/ gats+tsha ti/ muHkAHkar+Yan ti dan+ta la~M ka la~M/  mU kA nA~M/ mu tra pu ri She Na/ de wa data ta s+ya mu kha ban d+ha mi swA hA/ glang gi lci ba sa la ma lhung ba byi ba'i khung bu sgo gnam du bltas pa'i nang du bcug la/ bzlas shing kha chings shig ces brjod na rgyal</font><hr>85.232b<br><font size=+1>

po'i pho brang la sogs pa dang / bshags 'gyed pa la bzlas pa tsam gyis kha bcings par 'gyur ro/ /a kA ro mu kha~M thog mar sbyor/ sar+b+ba d+har+m+mA NA~M de mthar/ /rab tu sbyar te slar yang ni/ /Ad+ya nuta pan+na twAta ces bya/ /sngon du gsungs pa'i sbyor ba yang / /blo gros chen mo mdun gnas te/ /sngags 'di bdun ni brjod byas na/ /mkhar gnas rnams kyis nges par ni/ /chu ni rab tu mang po 'bebs/ /sde tshan gyi mtha' ma ra'i stan la gnas pa la/ dbyangs yig bzhi pa dang thig les brgyan te/ tsan dan dmar pos nyal ba'i sngas kyi sa gzhi la byugs te/ der rang gi khrag gis snying po la ming bris la nyal ba'i dus su me tog dmar pos gtor zhing bdug pas bdugs na/ rang gi bud med chags pas mi phyed par 'gyur ro/ /snying gar nyi ma la hU~M bsgoms te/ bdag nyid khams gsum rnam par rgyal ba la sogs par bsgoms la/ rdo rje so can gyi khrag gis shing dzA ti'i lcug ma'i myu gus ras sam gro ga la rlung gi sa bon gyi dbus su bsgrub bya'i ming dang bskul tshig du bcas pa/ hU~M Da kI zhes bya ba'i sa bon gnyis kyi dbus su bris la lcags kyu la sogs pas dgug pa la sogs pa'i las byas te so phag gi dbus su bcug la/ skud pa dmar pos dkris nas rlung mtshams su g.yon brkyang gi rkang pas mnan te bzlas na rgya mtsho la thug gi sa gzhi thams cad du 'khyam par 'gyur ro/ /bton nas 'o mas bkrus na grol bar 'gyur gyi gzhan du ni ma yin no/ /bdag nyid ma~M dmar po las bud med kyi gzugs su bskyed de/ o~M dmar po spyi bor yang bsams la/ bu mo'i kha nas bdag gi khar sngags kyi phreng ba cho ga bzhin du zhugs par bsams na dbang du 'gyur ro/ /bud med kyi gci ba'i shul gyi sa dang / rang gi gci ba'i shul gyi sa las mo mtshan gyi gzugs byas te/ de'i steng du rang gi mtshan ma bzhag la/ sngags lan bdun bzlas nas der gci ba'i las byas la/ nyi ma bdun du dus gsum du</font><hr>85.233a<br><font size=+1>

sngags brgya rtsa brgyad bzlas na/ brgya byin gyi chung ma yang 'ong bar 'gyur na gzhan rnams lta ci smos/ skyes pa'i thod par go ro tsa na dang sen rtsis bsgrub bya'i gzugs brnyan bris te/ snying gar ming dang spel ba'i sngags bris la/ dri'i chus byugs nas thod pa gnyis kha sbyar cing ro'i skud pas kun tu dkris te/ spra tshil gyis byugs la ro bsregs pa'i sol ba'i me la/ ji srid spra tshil zhu bar ma gyur gyi bar du rig pa'i rgyal po 'di zlos shing gdungs na/ las kyi cho ga de lta bus lha'i 'jig rten yang 'ong bar 'gyur ro/ /dug can gyi thod par gnod sbyin smon pa'i lce bcug la/ rta'i rmig pa'i ser khar bcug ste/ gang gi khyim sgor sbas pa nyi ma bdun gyis bskrad par 'gyur ro/ /yang na las kyi dus su kha zas kyi phud kyi chang bu la sngags lan brgya rtsa brgyad bzlas te/ khro ba dang bcas pas bsgrub byar gzhug ste/ nyi ma bdun gyis bskrad par 'gyur ro/ /lci ba sa la ma lhung ba la bsgrub bya'i gzugs brnyan sor bcu drug pa'am/ phyed dang bcu gsum pa byas la/ ras ma'i dum bu la de'i ming bris te ltor bcug la/ bag zan gyis de'i kha bkang ste/ ro'i skras dkris la gtun shing la sngags lan bdun bzlas te/ khro ba dang bcas pas de'i gdong btsogs na bcings par 'gyur ro/ /dpa' bo g.yul du bsad pa'i ras la bu mo'i gzugs brnyan ri mor bris te/ ba glang gi rdul dang / shing bu pa ta la'i rtsa ba'i bdug pas bdugs na bu mo de 'ong bar 'gyur ro/ /ras sam/ gro ga'am/ spang leb bam/ rtsig ngos la/ khro bo gshin rje'i gshed kyi gzugs kha dog thams cad ldan pa g.yas brkyang pas gnas pa/ lag pa g.yas na tho ba g.yon na sbrul zhags 'dzin cing / khro gnyer dang / smin ma bcum pa/ mche ba gtsigs shing spyan dmar ba/ skra gyen du 'greng zhing sbrul gyi rgyan gyis brgyan pa 'od 'bar ba dang bcas pa bris la/ sbrul zhabs kyi ltor dur khrod kyi sol bas dgra'i tshogs kyi ming sngags</font><hr>85.233b<br><font size=+1>

dang spel ba bris te bzhag na/ ji srid gnas kyi bar du dgra rnams bcing par 'gyur te/ tha na yid kyis kyang cung zad tsam yang gnod par sems par mi 'gyur te/ gal te gnod par sems na 'byung po dang / rims dang / gdon dang / sha za dang / mkha' 'gro mas nye bar 'tshe bar 'gyur la/ lha rnams kyis kyang gtor bar 'gyur te/ pha rol gyi dpung gi tshig spel na dpung bcings par 'gyur ro/ /gzhan yang shing lo la sogs pa la sngags phreng gnyis su bris te/ phreng gnyis pa'i mthar bsgrub bya'i ming yi ge dang spel te bris nas bcings la/ kham phor du bzhag ste/ der bshang ba btang la/ ba glang gi lci skam gyi thal bas bkang ste/ kham phor kha sbyar la dbugs nang du rngub cing sa 'og tu sbas nas/ sas 'thug pa kho nar bkab na/ dgra bcings par 'gyur ba las gzhan du ma yin no/ /rat+na badzra zhes byas nas/ /de nas o~M dang badzra brjod/ /hrI dang phaT ni mthar sbyar ba/ /sngags 'di dpung ni 'ching byed yin/ sa nag po la lha mo tsa muN+Ta'i gdong byas la/ go ro tsa nas bsgrub bya du yod pa'i ming dang spel ba'i sngags bris te de'i khar bcug la/ de'i khar mchod pa rnam pa lngas mchod cing / khyim gyi phyogs gcig tu bzhag la/ nyin gcig bzhin du mchod par byas na kha bcings shing dbang du 'gyur ro/ /kham phor la ldong ros kyis bud med kyi gzugs brnyan bris la de'i b+ha gar 'dzub mo btsugs te/ zla ba gzas zin nas ji srid grol gyi bar du sngags bzla ba'am/ yang na bud med dngos kyi b+ha gar yang rung ste/ de ltar bsgrub pa'i 'dzub mo des 'dzub yug tsam gyis bu mo thams cad 'ong bar 'gyur ro/ /nim ba'i lo ma la dug dang / rang gi khrag dang / d+ha du ra'i khu bas yi ge phuHbri/ de'i dbus su bsgrub bya'i ming bris la bag zan nim zan gyi ri lu'i nang du bcug ste rgongs mo bya rog tshang du 'gro kha ma la zar bcug na nges par bskrad</font><hr>85.234a<br><font size=+1>

par 'gyur ro/ /brtsig ngos sam spang leb la yi ge tha bri/ de'i nang du dbyangs kyi yi ges 'khor bar bri de'i nang du pha bri/ de'i nang du ha bri/ ha'i nang du ka / der bsgrub bya'i ming bris la de kha bcad de bzhag na dbang du 'gyur zhing bcing bas bcings par 'gyur ro/ /lte ba'i pad ma'i dbus su ming gi yi ge'am/ a bsgoms te/ pad ma'i bsdu ba byas la/ snying gi zhags pas bcings na bsrung bar 'gyur te/ a ni sems can thams cad kyi/ /rang gi phyag rgya rtag sa bon/ /srog bsrung la sogs don gyi phyir/ /stobs kyis yang dag bcing bar bya/ /yang na rdo rje lte ba kha sbyor gyi nang du gangs kyi 'od lta bu'i yi ge a bsams la/ de'i mtha' gnyis su snying gi zhags pas bcings na yang bsrung ba'i dam par 'gyur ro/ /snying ga'i pad ma la gnas par yi ge ba kha mthur du bltas pa bsams la/ lte ba'i pad mar yi ge a nas kyi 'bru tshod tsam bsams te/ ba las ba'i 'o ma'i rgyun lta bu'i bdud rtsi'i chu rgyun 'babs pas a las khrus chab gsol ba rtag tu bsams na/ pad ma kha sbyor gyi bsam gtan gyi sbyor ba 'dis ni lus brtan par 'gyur ba dang / srog bsrung ba la snying gar dbang bskur zhing rgyas pa phun sum tshogs par 'gyur ro/ /shing ta la'i 'dab ma la bsgrub bya'i ming gi yi ge ga dang spel ba/ thog ma dang tha mar o~M kha sbyar ba'i ri mo bris la ri mo de dur khrod kyi sol bas bkang la bum pa la sogs pa'i nang du bcug ste/ spra tshil la sogs pas kha bcad la dbugs nang du rngub cing mi gtsang ba'i phung po'i nang du bcug na rgyu ba dang mi rgyu ba thams cad bcings par 'gyur ro/ /shing ar ka'i rtsa ba la tshogs kyi dbang phyug gi gzugs lag pa bzhi dang ldan pa byas te/ sa bon dang / dgug pa dang / dam tshig sbyin pa la sogs pa byas nas/ lan tsha dang / ma ri tsi dang / bca' sga dang / sngon po dang / ske tshe dang / spun pa dang / chu rnams kyis legs par byugs te nyi ma phyed na khyim gyi</font><hr>85.234b<br><font size=+1>

chu'i nang du ske man chad kha lhor bstan te bcug la mchod pa rnam pa lngas mchod de/ sngags pas 'di skad ces brjod par bya'o/ /khyod kyis bdag la sogs pa'i las 'di zhes bya ba byas na/ de nas ci nus pa'i rjes su thun pa'i mchod pa khyod la sbyin no zhes brjod la nyi ma bdun gyi bar du bya'o/ /de nas bya ba byas pa dang / de nas bton la 'o mas bkru zhing ci nus pa'i mchod pa byin la bzod pa gsol bar bya'o/ /bum pa dri'i chu'i bkang ste/  rin po che dang / sman dang / 'bru dang ldan par byas shing stobs po che'i sngags brgya rtsa brgyad bzlas nas maN Da gru bzhi par byas pa'i steng du skyes bu'i gtso bo bzhag ste/ bum pa des khrus byas la sngags de gro ga la go ro tsa nas bris nas gtsug pud la btags te g.yul du zhugs na pha rol gyi g.yul las rgyal bar 'gyur ro/ /dur khrod kyi ras sam/ a ba d+hU tI'i ras la dug dang / khrag dang / nim pa'i lo ma'i khu ba rnams kyis sngags kyi yi ge re re zhing bsgrub bya'i ming dang spel ba lugs las bzlog ste bris la bcings nas nya phor gyi nang du bcug ste/ sha za'i shing gi rtsa ba'i rlung mtshams su sbas na ni bskrad par 'gyur la me mtshams su bzhag na ni phan tshun sdang bar 'gyur la/ bden bral gyi mtshams su gsang ste sbas na ni gsod par 'gyur ro/ /cho ga 'di nyid kyis rnal 'byor pas g.yul du zhugs na dpung bcings par 'gyur ro/ /slar bzlog pa la ni bton la 'o mas bkru zhing / skyes bu'i ming dang spel ba'i sngags lugs su 'byung bar bzlas so/ /ldong ros kyis rang gi lag pa g.yon pa'i mthil la bsgrub bya'i ming bris la me mar gyi rtse mo la bsros na dbang du 'gyur ro/ /maN Dal byugs te/ zan gyi chang bu la ming sngags bzlas nas rgongs mo tshang du 'gro kha ma'i bya rog la byin yang bskrad par 'gyur ro/ /bsgyegs nas bsad pa'i ro'i thag gu blangs la/ dum bu gsum du byas te/ ro bsregs pa'i shing phyed tshig pa blangs la bsrubs shing byas nas/ dur khrod du shing gi khri 'khrog cing</font><hr>85.235a<br><font size=+1>

sgra dang bcas pa la 'dug ste/ tha gu des bsrub shing la btags nas/ ro'i bum par bcug ste/ des bsrubs shing sngags bzlas na gang gi ming nas bzung ste bzlas pa de 'ong bar 'gyur ro/ /yang tha mal pa'i rdo'am/ brdar rdo la klu'i rgyal po gdengs ka gsum dang ldan pa'i gzugs byas la rdza ma nag po'i nang du bzhag ste/ sbrang rtsi dang 'bras yos kyi bo ga ling dang / dri dang / me tog dang / bdug pa dang / mar me dang / 'o thug la sogs pas mchod la snod de nyid kyi nang du bzhag ste/ ras sar pas bkab la bcings nas rgya btab ste/ de'i steng du lag pa bzhag la stong rtsa brgyad bzlas nas shin tu gsang ste grong khyer gyi dbus su sbas na ji srid ma bton gyi bar du grong khyer de gnas par 'gyur ro/ /grong khyer ba 'bros pa rnams dgug par 'dod na de nyid du mchod cing dus gsum du sngags bzlas na 'ong bar 'gyur ro/ /grong khyer ba 'bros par rtsom pa la ni bu ram la bzlas te bzla' bar byin na mi 'bros so/ /grong brtan par bya ba'i sbyor ba gzhan yang rdza mkhan gyi lag pa phyis pa'i 'jim pa la snod byas la stong rtsa brgyad yongs su bzlas te/ dbugs mi 'byin par chu'i nang du bzhag na brtan par 'gyur ro/ /ji ste dgra gsad par 'dod na spra tshil lam/ bag zan las gzugs rnyan byas la/ chos gos kyi ras kyi gzugs brnyan gyi gdong nas brtsams te rkang pa'i mthar thug par dkris la legs par sbas te/ de'i steng du lag pa bzhag la ming dang spel ba'i sngags stong du gcig gis ma tshang ba bzlas nas lha mchod pa'i khyim gyi phyogs gcig tu bzhag ste/ snying gar seng ldeng gi phur bu btab la phur bu'i steng du dus gsum du chu tshan blugs shing yongs su bzlas na brlag par 'gyur ro/ /nyi shu'i phyed kyi rdzas dang kha cher sbyar la rnal 'byor pas thig le byas na skye bo skal ba bzang por 'gyur ro/ /rdzas de dag ma la ya skyes dang bcas pas yan lag thams cad byugs te/ gang la reg pa de shi yang mi gtong ngo / /rdzas de dag nyid dmar po dang pa la sha dang / sbrang rtsi</font><hr>85.235b<br><font size=+1>

dang / nad kyi dbang po dang / 'tshod byed dang / lhan cig tu bsres te byas na rtag tu sa stengs pa rnams byams shing thams cad du rgyal bar 'gyur te/ rgyal po dang / rgyal po'i blon po rnams kyis rnal 'byor pa thams cad du bsrung bar 'gyur ba la the tshom med do/ /rtsa sngags 'bum du bzlas nas su/ /de 'og las rnams brtsam par bya/ /gzhan du dus min 'chi ba dang / dmyal bar nges par bsreg 'gyur zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ las thams cad kyi tshogs rab tu 'byung ba zhes bya ba'i cho ga rgyas pa'i rim par phye ba ste bzhi pa'o// // de nas mkha' dbyings dbus gyur par/ /nyi ma'i dkyil 'khor bsam bya ba/ /phyogs dang phyogs mtshams nam mkha' la/ /dpag med rigs kyis yongs gang ba'o/ /mkha' dbyings nyi ma de dbus su/ /rang gi sa bon mtshan ma ni/ /nyi ma stong bas lhag pa yi/ /'od zer rnon po 'bar zhing 'khrug /me stag 'phro bas bdud sde bsreg /gong bur de bsdus sbyor ba yis/ /zhu ba las ni skur bzhengs pa/ /sku mdog sngon po drag chen po/ /'od zer bskal pa'i me dang mtshungs/ /'bar ba'i lus dang sgra chen gyis/ /'jigs pa dag kyang 'jigs par mdzad/ /lhag ger bzhad chen tshems kyi 'od/ /lha mo'i dkyil 'khor rgyun chags kyi/ /'khor lo bla re mthar gnas shing / /slar yang 'od ldan phyag bzhi bzhi/ /thong ka sgyu ma chen mos mdzes/ /rgyal ba rnam grol drin med rgyun/ /kha ba mchog gi zer tshogs 'khru/ /nyis 'gyur du ni byung bas gsal/ /rin chen la zhugs zhabs gnyis bskyod/ /grong khyer sum brtsegs la sogs pa'i/ /mthar thug bskyod pas rab mdzes pa/ /rnam par rgyal ba'i rgyun 'jug cing / /'byung 'jug dbugs ni yongs gang ba'i/ /sgra yi tshogs kyis 'jom byed pa/ /sa gsum pa ni rab tu g.yo/ /mtshon cha</font><hr>85.236a<br><font size=+1>

sna tshogs 'phangs pas khyab/ /mun pa'i tshogs kyis gtibs pa bzhin/ /thams cad du ni 'jigs par mdzad/ /gnas la gnas pa'i lha rnams dang / /'byung po'i bdag po tshangs sogs kyang / /rkang pa'i grib ma'i mtha' tsam yang / /nye bar bzod par nus ma yin/ /bgegs kyi tshogs gzhan sgyu can dang / /srin po la sogs lha gzhan gyis/ /'od kyi dkyil 'khor phyi rol gyi/ /dpag tshad 'bum gyi char yang ni/ /nye bar gzung bar nus ma yin/ /yod med de ni lha yi phyogs/ /cung zad 'od kyi lus can yid/ /rdul lam du ba lta bur g.yo/ /pad ma rA ga lta bu yi/ /g.yon zhal 'od zer tshogs kyis ni/ /thams cad ma lus bsreg snyam sems/ /ban du ka yi me tog gi /phung po spungs 'dra'i 'od kyis ni/ /rigs gsum las byung kun nas ni/ /lhags pa thams cad ngo mtshar gyur/ /'od gzugs des ni bsreg snyam sems/ /nyi ma stong bas lhag 'od kyis/ /bskul zhing byang chub thob par mdzad/ /phaT sgra chen pos sad mdzad cing / /rab tu bsgyings pas lha kun bsreg /g.yas zhal dkar po'i 'od zer ni/ /gangs kyi snying po spungs pa dang / /shel dang bai dUr rdo dang ni/ /ngang pa kun da zla 'dra ba'i/ /dri med 'od kyis gsal mdzad pa/ /rnyog pa med pa'i gdengs ka'i bar/ /rang gi chu rgyun 'bab pa bzhin/ /rgyal ba'i rigs kun gsal bar mdzad/ /nub ni ser po gser btsos 'dra/ /ku sum dza yi me tog dang / /me 'bar sol ba spungs 'dra zhing / /nyi ma 'char ka'i 'od 'dra bayi/ /spyan zur bgrad pas 'jigs par mdzad/ /shin tu drag pa'-i gzugs chen las/ /sa gzhi rnams ni ma lus par/ /skar mda'i 'od ltar lding zhing 'khrug /blta bar dka' zhing gzung bar dka'/ /me lce 'khyil pa lta bur 'bar/ /dpag tshad stong phrag du ma ru/ /yangs pa'i rdo rje mda' yi ni/ /dra ba chen pos 'khor lo bcings/ /khwa gdong la sogs so so yi/ /ba spu re re'i khung nas kyang / /ri rab du ma'i rdul mtshungs pa'i/ /mkha' 'gro ma yi 'khor lo dang / /rdo rje</font><hr>85.236b<br><font size=+1>

gsum gyi rang bzhin rnams/ /spro bas nam mkha' gsal mdzad pa/ /phyag brgyad spyan gsum gyen skra 'bar/ /mkha' 'gro nyi shu bzhi phyed bskor/ /de ltar sngags pas rnam bsam bya/ /g.yas dang po na rdo rje sngon po 'bar zhing rno ba gdengs pa la rigs ldan gyis dkris pa bsnams pa'o/ /gnyis pa na pad mas bcings pa'i mda'i mchog go/ /gsum pa na pad ma chen pos yu ba dkris pa'i ral gri'o/ /bzhi pa na dung skyong gi zhags pas dkris pa'i lcags kyu'o/ /g.yon gyi dang po na mtha' yas kyi ba dan btags pa'i kha T+wA~M ga bsgreng ba'o/ /gnyis pa na nor rgyas kyi bu yis rgyud byas pa'i gzhu'i mchog go/ /gsum pa na 'jog po'i zhags tha dang bsdigs mdzub bo/ /bzhi pa na tshangs pa'i mgo khrag 'dzag pa stobs kyis rgyu bas bcings pa bsnams pa'o/ /klu'i rgyal po de dag thams cad kyang mche ba gtsigs shing lce 'dril ba/ lta ba'i dug can gdengs ka'i nor bu'i 'od kyis nam mkha'i ngos thams cad gsal ba'o/ /khwa gdong ma la sogs pa thams cad kyang sbrul gyi rgyan gyis glubs shing spyan gsum pa/ skra gyen du 'bar ba/ phyag na zangs gri dang / kha T+wA~M ga dang / thod pa bsnams pa thod pa'i phreng bas glubs shing gcer bu zhal mche ba gtsigs pa/ 'od zer sna tshogs 'phro ba/ khro gnyer gyi rim pa can/ zur mig du gzigs pas sa gzhi bskyod cing / klu'i tshogs skrag pas kha bub du 'gyel bar bsams na nam mkha' la gnas te char gyi rgyun gtong bas sa gzhi skad cig gis gang bar byed do zhes/ mkha' 'gro kun dang mnyam sbyor ba'i/ /mkha' 'gro ma ni 'bar ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /yang na rta bla mo zhib du btags la ras kyis g.yogs te li khri dang bsres la/ sbrang rtsis sbrus te/ mgo bdun pa'i klu'i gzugs sor bcu gnyis pa byas la/ de'i khang pa sor bcu drug yangs par byas nas/ khang pa de gru bzhi la gdong bzhi byas te/</font><hr>85.237a<br><font size=+1>

gru gcig pa ni rta'i gdong pa/ gnyis pa la seng ge'i gdong pa/ gsum pa la spre'u yi gdong pa/ bzhi pa la nya'i gdong pa byas te/ de'i nang du klu'i rgyal po ras kha dog sna tshogs pas g.yogs te bzhag la/ de nas sngags brgya rtsa brgyad yongs su bzlas pas btab ste/ yid kyis ji ltar 'dod pa'i me tog dang / bdug pa dang / gtor ma la sogs pa'i mchod pa bsams te byin la/ yungs kar la lan bdun bsngags te klu'i steng du gtor te/ de nas 'dod pa thams cad pa'i gtor ma byin na/ des klu'i rgyal po rnams mdza' bor gyur nas/ klu thams cad kyis than pa byung ba'i dus su nyi ma bdun du char phab pas 'dzam bu'i gling thams cad gang bar byed do/ /char mi 'bab pa'i dus su de ltar byas na gdon mi za bar char 'bab bo/ /ci ste klu gdug pa can yin na yang rlung grang mo dang / rdo char dang / glog dang / ser ba 'bebs te de bzlog par 'dod na rig pa 'dzin pas thal ba dang yungs kar zho gnyis tsam la lan nyi shu'i bar du bzlas te/ ji srid 'dod pa'i sa phyogs su mtshams bcings la/ yang de nyid la lan bdun bzlas te/ klu'i mgor bsnun zhing yid kyis ji snyed 'dod par phyogs bcing ba byas te/ phyogs mtshams dang steng 'og tu gtor nas mtshams chen po bcings par 'gyur ro/ /ji ste dgra thams cad dang 'gran zla dang sdang ba'i grogs po dang / sdang ba'i phyogs byed pa rnams dang / pha rol gyi 'khor lo 'jigs shing gdul bar 'dod pa dang / btags pa dang / bcing ba dang / gsad pa dang / rengs pa dang / gzhom par 'dod na rta bla mo de nyid dur khrod kyi thal ba dang bsgos te/ skyes pa'am/ bud med kyi gzugs byas la/ khro bo chen po'i sngags brgya rtsa brgyad bzlas te/ dur khrod kyis brkos pa'i nang du ming nas smos te bzhag la/ yungs kar la brgya rtsa brgyad bzlas te de'i steng du gtor la seng ldeng gi phur bu la lan brgya rtsa brgyad bzlas te btab nas sbas na ji srid phur bu ma bton gyi bar du sdug bsngal chen po nyams su myong bar 'gyur te/ rig pa 'dzin pa ma gtogs pa gzhan gyis dgrol bar</font><hr>85.237b<br><font size=+1>

mi nus so/ /ci ste gsad par 'dod na mi rus kyi phur bu la sngags brgya rtsa brgyad bzlas pas bsnun la khrag dang bcas pa'i yungs dkar la bzlas te gtor na zhag bdun sdod par mi 'gyur zhes/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ klu thams cad dgug pa dang / gzhug pa dang / bcing ba'i cho ga rgyas pa ste/ rim par phye ba lnga pa'o// // de nas bcom ldan 'das la lha mo rnams kyis slar yang mchod cing phyag byas te/ 'di skad ces gsol to/ sgra chen pos rnam par 'phrul pa'i klu'i sngags mi 'tshal na/ bka' drin chen pos bshad du gsol/ bka' stsal pa/ sngags kyi rgyal po chen po'i mtshan nyid skal ba chen mo'i lha mo nyon cig /gshin rje mche ba can ma nyid/ /rusbal gyi ni stan la bzhugs/ /dbu ma yi ni tha ma nyid/ /slar yang bzhi pa la gnas pa/ /gshin rje'i phyogs kyi mthar gnas pa/ /bzang po yis ni steng du brgyan/ /slar yang gshin rje'i mche ba can/ /rusbal gyis ni rab tu brgyan/ /o~M b+ha zhes bya ba'i tshig dang ldan/ /dang po dang ni rusbal gyi/ /stan bzhugs mgon po ri mo dang / /rtses brgyan lan gnyis bsgyur bar bya/ /mgon po phan phan tshig gis brgyan/ /ka khi mu khi/ mu ka ke si/ na ga ge/ in d+hu b+hag gi/ ke ti sadz+dzi/ be hi ba di hi/ a pa ri ro si'o/ /ka ha ka hidz+dza'i/ kasma da tha~M/ dza li in da b+ha mi bi da thu ma he sa ro pa tsak+khe bi sar+b+ba la ba ha No bi ho bi Na sa na ta ha na se'i/ ka ki ha a a san+ti a zhes/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /'bugs byed pa ni sa dbang phyug /zla ba'i dum bus brgyan pa ste/ /slar yang dbu ma'i dbu ma gzung / /byang phyogs kyi ni dbu ma yi/ /zhabs kyi pad ma nyi mar ldan/ /bden bral la ni sme bas brgyan/ /</font><hr>85.238a<br><font size=+1>

'bar bas 'bugs pas rnam par klubs/ /byang phyogs kyi ni dang po dang / /khyu mchog steng na gnas pa yi/ /gshin rje phyogs kyi mthar gnas dang / /rlung ni yug sa mo yis brgyan/ /bden bral la ni gnas pa yi/ /gshin rje yi ni mche ba can/ /gti mug rgyan gyis rnam par brgyan/ /gshin rje 'joms pa gti mug klubs/ /klu yi phyag rgya 'di yis ni/ /mkha' 'gro ma kun dga' mgur 'gyur/ /sgyu 'phrul chen po bcu drug 'di/ /yi ge re rer kun gnas zhes/ /mkha' 'gro kun dang mnyam sbyor ba'i/ /mkha' 'gro ma ni bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /dang po rusbal gzung par bya/ /bzang po'i steng du gnas pa yi/ /byang gi dang po gnyis par ldan/ /gshin rje pho nya chu lhar bzhugs/ /yi ge ra ni gti mug brgyan/ /slar yang ka sha zhes byar brjod/ /gshin rje mche can bzang pos brgyan/ /slar yang mche can bden bral bzhugs/ /gti mug dang ni lhan cig ldan/ /der ni sa mtha' zhes bya ba/ /gti mug gis ni lhan cig brgyan/ /lha mo bstan pa 'di yis ni/ /bu mo rnams ni dgug pa'i mchog /shar phyogs nas ni brgyad bzung zhing / /bzhi par ldan pa'i dbus ma'i mtha'/ /yugs sa mo yis spyi bor brgyan/ /slar yang dbu ma'i mtha' ma gzung / /'bugs pa dang ni ldan par bya/ /gshin rje 'joms ma bzung nas su/ /yugs sa mo yis rna cha bya/ /mthar ni swA hAs yongs su brgyan/ /rig byed kyis ni mnyes par bya/ /thod pa'i dbu gnas rgyal bar 'gyur/ /mu o Ni ka ka kA sa~M b-i/ i ka mu ka Na/ ru pa te sa ka mi ka mu pa ni aN To ha pa la ha la ri gi Ni le a hi mu pha ka te/ s+s+ya iny+dzi a bi mu ta~M ki gra s+ya hA mu ka hats+tsha/  gA tha ki ba yan+ha thA mi su swA kha hA phaT/ klu'i phyag rgya 'di yis ni/ /bcing ba dang ni bskrad bar 'gyur/ /o~M in de Na ha da b+ha a/   dza me na u ba di a dzi ha/  hA dA bA ha/  dan de na/  tadz+dzi ya su la ha re na su li ya swA hA/</font><hr>85.238b<br><font size=+1>

o~M dza~M b+ha ni dza~M b+he he/ o~M stam b+ha ni stam b+ha hi/ o~M mo ha ni mo he hi/ o~M A kar Sha ni/ A kar She hi/ o~M tham b+ha tham b+ha ma hA tham b+ha/ a mu ka~M tham b+ha ya swA hA/ de ltar rnal 'byor pa rnams kyi cho ga bzhin las bstan pa'o/ /o~M na mo b+ha ga ba ni tsa mun d+he su kha mu khi Shu ka kaN+The/  ga Do da ri a mu ka s+ya mu kham ban d+ha ban d+ha/ ha na ha na/ da ha da ha/ pa tsa pa tsa/ hU~M phaT swA hA/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ dpa' bo 'ded phyogs su bltas pa'i rkang mthil gyi lpags pa dang / ma na da dang / nya ni pa dang / mig sman dang / rdo dang dmar po rnams mi khrag dang btags la slar yang tsan dan dmar po dang lan mang du sbal te/ a ma'i ri lur gyur pa dang / dbus su lig bu mig bcug ste grib ma la bskams nas/ nyi ma dang / zla ba dang / sreg byed kyi dbus su ri lu bcug la/ slar yang skar ma rgyal la lhag par gnas par bya ste/ rig pa'i rgyal po'i zhal du bcug la ji srid mi snang bar gyur pa de srid du bzlas par bya'o/ /sbrul gyi rgyal po rnyed pa dang / ri mo dkar nag dum bu so sor phye la dkar nag so sor shes par byas pa de dang / shang ka pus pa dang / a ga ru nag po la stong phrag nyi shu rtsa bzhir gcig gis ma tshang ba'i sngags bzlas la/ phyis kyang brgya rtsa brgyad bzlas te bdug par bya'o/ /skar ma rgyal gsum la snam bu byas te/ zla ba yar ngo la dum bu dkar pos bdug go/ /mar ngo la ni dum bu nag pos bdug go/ /de nas de gyon pa'i lus kyis lan khri bzlas na 'grub par 'gyur te/ dkar po dang nag po'i phyogs la so sor gyon pas mi snang bar 'gyur ro/ /gang du 'gro bar 'dod pa der 'gro bar 'gyur zhing gang la 'dod pa de la 'dod pa spyod par 'gyur ro/ /de'i kha'i bu gar lig bu mig bcug ste/ du ba med par bsregs la/ de tshig pa dang mtshan mo zhib mor btags te/ mig la byugs</font><hr>85.239a<br><font size=+1>

na khyim gyi me tog mchog ltar gsal la rang gi lha'i sngags bzlas na mi mthong bar 'gyur ro/ /lto 'phye yi rgyal po sa bum 'am/ kham phor gyi nang du bcug ste gter du sbas la/ de nas rul zhing zags pa dang bton te/ de'i thod pa'i rus pa bdar te thig ler byas na grib ma yang med par byed do/ /de zags pa'i sas lus la byugs na dug sna tshogs zhi bar byed do/ /gang gi rdul gyi dri rtag tu zhim zhing skra g.yas su 'khyil ba dang / yid du 'ong zhing grib ma bdun dang ldan la lus la rma med cing bden par smra ba dang / yun ring du mig mi 'dzums pa de ni lha mo dngos grub byed par 'gyur te/ gzhan yang kha'i dbugs dri zhim zhing rtag tu skyid de bar gnas pa de ni byang chub sems dpa' rnams ltar sbyin pa chen po rtag tu gtong bas sgrub pa po rnams bskyab pa'i phyir mi ro'i gzugs kyis gnas te/ sems can rnams byin gyis brlab pa'i phyir sangs rgyas shAkya thub pa mya ngan las 'da' ba'i gzugs ltar phan par nye bar gnas pa mdun du brdar ba dang yang dag par ldan pa yin no/ /lha mo de ni dngos grub kyi yon tan thams cad kyi 'byung gnas su gyur pas lce spyang dang / bya rog dang / bya rgod la sogs pa sha zan thams cad kyis kyang bskor te gnas la/ yang dpang po'i tshul gyis gzugs de la gnod sbyin dang / srin po dang / lha dang / yi dgas la sogs pas kun nas bskor te/ gnas pa bsgrub pa po shin du mnyam par bzhag pas cho ga de ltar shes par byas nas/ de'i snying ga na ro tsa na yod pa blangs te/ rang gi snying po bzlas pas thig le byas na/ steng du dpag tshad bye ba stong phrag gi bar du 'gro zhing slar yang 'ong la/ rdzu 'phrul dang / cho 'phrul sna tshogs mthong zhing mkha' 'gro ma rnams dang dga' mgur rtse zhing rnal 'byor thams cad rnyed par 'gyur ro/ /de'i sha zos pa tsam gyis khams gsum gyi ye shes can du 'gyur zhing / rlung gi shugs kyis dpag tshad brgyar 'gro la lha'i lus can du 'gyur te/</font><hr>85.239b<br><font size=+1>

gang dang gang 'dod pa de dang de ster bar 'gyur ro/ /nam mkha' lding dang / byi la dang / 'ug pa'i zhag la mi ro'i ras kyis sdong bu byas te/ me mar btang na/ gter thams cad mthong bar 'gyur zhing sha za dang / 'byung po gang dag yib pa de dag thams cad mthong bar 'gyur ro zhes mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las klu'i sngags thams cad kyi rab tu sbyor ba'i rim par phye ba ste drug pa'o// // lag pa'i phyag rgya'i mtshan nyid ni/ /de nas yang dag bshad bya ba/ /gang zhig spyi gtsug phreng reg pa/ /de la mgo bo bstan par bya/ /gang zhig dpral ba ston byed pa/ /de la 'khur tshos bstan par bya/ /gang zhig so ni ston byed pa/ /de la lce ni bstan par bya/ /gang zhig mchu la reg byed pa/ /de la kos ko bstan par bya/ /gang zhig lto ba ston byed pa/ /de la lte ba bstan par bya/ /gang zhig rkub tshos ston byed pa/ /de la sa ni bstan par bya/ /gang zhig skye gnas ston byed pa/ /de la ling ga bstan par bya/ /gang zhig pus mo ston byed pa/ /de la byin pa bstan par bya/ /gang zhig lag pa ston byed pa/ /de la dpung pa bstan par bya/ /gang zhig rkang pa ston byed pa/ /de la mthil ni bstan par bya/ /gang zhig sor mo ston byed pa/ /de la sen mo bstan par bya/ /gang zhig nam mkha' ston byed pa/ /de la nyi ma bstan par bya/ /gang zhig chu bo ston byed pa/ /de la rgya mtsho bstan par bya/ /gang zhig sor mo gcig ston pa/ /de la sor mo gnyis bstan bya/ /de nas shi ba gso ba dang / /gson po nad med spel bya zhing / /'phrog byed ma la sogs pa yi/ /zin pa dang ni dgrol ba'i brda/ /mdor bsdus nas ni bshad bya yis/ /de ni lha mo nyan par gyis/ /gang zhig steng du lta byed pa/ /de la dpral ba bstan par bya/ /gang zhig mig ni ston byed pa/ /de la so ni bstan par bya/ /gang zhig lte ba ston</font><hr>85.240a<br><font size=+1>

byed pa/ /de la mchu ni bstan par bya/ /gang zhig mchu ni ston byed pa/ /de la mche ba bstan par bya/ /gang zhig lce ni ston byed pa/ /de la lto ba bstan par bya/ /gang zhig byin pa ston byed pa/ /de la brla ni bstan par bya/ /gang zhig brla ni ston byed pa/ /de la rkang pa bstan par bya/ /gang zhig rkang pa ston byed pa/ /de la sen mo bstan par bya/ /gang zhig long mo ston byed pa/ /de la sa ni bstan par bya/ /gang zhig ha har rgod ston pa/ /de la khrag gi gnas bstan bya/ /gang zhig mdung ni ston byed pa/ /de la shAka ti bstan par bya/ /gang zhig rtsed mo ston byed pa/ /de la lta ba bstan par bya/ /gang zhig phyogs ni ston byed pa/ /de la phyogs mtshams bstan par bya/ /gang zhig gci ba ston byed pa/ /de la bshang ba bstan par bya/ /gang zhig bzhin 'gyur ston byed pa/ /de la zhi bas blta bar bya/ /de nas mkhur ba dpral dbus su/ /mdung dang sna la shAka ti yod/ /smin ma bcum ste bzlog cing lta/ /nu ma mtho zhing lte ba yangs/ /rab byed smad ni rnam par 'gyur/ /ri mo gsum pa yongs su zlum/ /mkha' 'gro ma ni nyer 'gro ba'i/ /mtshan nyid 'di dag shes par bya/ /song ba'i sa las slar mi ldog /rgyu med par ni ngu ba dang / /de bzhin don med par ni rgod/ /'jam par smra zhing snying rje med/ /don med par ni mang du smra/ /sgyu ma che dang mnyam sbyor ba'i/ /mkha' 'gro ma ni 'bar ba'i mchog /mtshan nyid 'di dag dang ldan pa/ /mkha' 'gro'i mchog tu shes bya zhes/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las lag pa'i phyag rgya'i sbyor ba dang / sos btab pa'i mtshan ma la sogs pa'i rim par phye ba ste bdun pa'o// // de nas sngags kyi rig pa yi/ /lha mo'i mtshan nyid bshad par bya/ /gang zhig lag g.yon ston byed pa/ /phyag ni 'tshal bar byed pa yin/ /gang zhig</font><hr>85.240b<br><font size=+1>

srin lag ston byed pa/ /phyag 'tshal ba yi lan gyur yin/ /gang zhig lto ba la rdebs pa/ /ltogs so zhes ni ston pa yin/ /gang zhig sor mos sor mo ston/ /bza' bar bya zhes ston pa yin/ /gang zhig byin pa la reg pa/ /bdag ni ngal bar ston pa yin/ /gang zhig sor mo la reg pa/ /bdag ni ngal sos zhes ston pa'o/ /gang zhig so ni sos 'cha' ba/ /sha za'o zhes ni ston pa yin/ /gang zhig khro gnyer la reg pa/ /bdag ni bcings par ston pa yin/ /gang zhig mkha' lding la reg pa/ /bdag ni grol bar ston pa yin/ /gang zhig lag pas lag pa ston/ /de ring gtor ma za zhes ston/ /gang zhig lag g.yas ston byed pa/ /de ltar gyis zhes ston pa yin/ /gang zhig rna ba la rdebs pa/ /gnas par bya zhes ston pa yin/ /de nas ngag brda'i cho ga bshad/ /po ta~M gi ni phyag 'tshal ba'o/ /pra ti po ta~M gi ni phyag gi lan/   /no ga mu~M ni 'gro ba'o/ /lum pa ni 'ong zhes bya ba'o/ /ni ga ra~M ni byin cig pa'o/ /tsa tsu ka~M ni long shig pa'o/ /hri da ya ni dpa' bo'o/ /ku ra ba ni shi ba'o/ /kar ni ka ni dril bu'o/ /a li kar ni mgo'o/ /ba ra ha ni skra'o/ /shra ba no ni rna ba'o/ /man tha ni bdud rtsi'o/ /na ra ni mnyam par 'gro ba'o/ /ta li ka ni mkha' 'gro ma'o/ /na ra ka~M ni dkyil 'khor ro/ /a mu ka ni dur khrod do/ /ka khi la ni sgo'o/ /sbos ni bram ze'o/ /pa ri ti ni rgyal rigs so/ /bi ra di ni rje'u yi rigs so/ /krur ni dmangs rigs so/ /an tha ni shen pa'o/ /a li ka ni phyugs so/ /da ki na~M sring mo'o/ /mu ta ka na~M klum mo/ /lce so la reg pa ni bkres par ston pa'o/ /tri sna ni dris bsgo ba'o/ /a ka~M na~M ni gang nas zhes pa'o/ /s+tha nad ni che ge mo nas zhes pa'o/ /ki ri no ni me tog go/ /lam bo da ra dan da ni dgod pa'o/ /ni ro da ni char dbab pa'o/ /big nya pa ti ni tshim pa'o/ /d+hu ma pri ya na ni chu 'dzin no/ /sa nu ni ri bo'o/ /sa ro da ni chu bo'o/ /ang gu la ni cha shas so/ /ba da na ni sdong pa'o/ /</font><hr>85.241a<br><font size=+1>

ra dzi ka ni lce'o/ /a da na ni so'o/ /pa~M ka te ni rgyal mtshan no/ /tshan do ni phreng ba'o/ /tsa la ni rlung ngo / /mre ga pa ti ni phyugs so/ /man da la ni mnyam pa'o/ /swa sa ni lam gyi bzhi mdo'o/ /phal gu sham ni skye ba'o/ /ma hA k+Shar ni phyugs chen po'o/ /tsha ni ra'o/ /na ni skyes bu'o/ /ba ni glang ngo / /ma ni ma he'o/ /ba ni bza' ba'o/ /a bya ka ni rgyal po'i skyes bu'o/ /s+tha ni gnas pa'o/ /kha la reg pa ni zos pa'o/ /so la reg pa ni ngoms pa'o/ /hri ka ni ngo tsha'o/ /stong pa la reg pa ni me thun las gyis shig pa'o/ /brla na reg pa ni de ltar gyis shig pa'o zhes/ mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las mkha' 'gro ma thams cad kyi brda'i rim par phye ba ste brgyad pa'o// // de nas lha mo thams cad yang dag par 'dus te/ bcom ldan 'das thog ma dang tha ma med pa'i rdo rje rnal 'byor gyi dbang phyug chen po la gsol ba btab pa/ bcom ldan 'das de bzhin gshegs pa thams cad kyi gsang chen sdang ba thams cad 'dul ba'i 'phrul 'khor gyi le'u zhes bya ba bskyed du gsol/ de nas bcom ldan 'das kyis de bzhin gshegs pa thams cad kyi gsang chen mchog tu rmad du gyur pa/ rin chen kha sbyor zhes bya ba'i 'khrul 'khor gsungs pa ni mdor bsdus nas ni brjod bya ba/ /de ni bdag gis bshad kyis nyon/ /rigs ldan dang ni rta yi 'gros/ /gshin rje yi dgas de bzhin du/ /gzhan yang ro langs zung dang ni/ /srin po yi ni khyad par gyis/ /de nas rim dang phyi rol rim/ /nges 'joms sgo dang stong pa dang / /grwa yi mthar ni rdo rjer ldan/ /'khrul 'khor chen po bcu gnyis ni/ /sngags kyi phreng bas khyad par byas/ /rim pa 'di bzhin brjod pa yin/ /gru bzhi shin tu tshad ldan zhing / /re'u mig bzhi bcu dgur ldan pa/ /sngags pas mnyam par bzhag ste bya/ /dang po yi ni</font><hr>85.241b<br><font size=+1>

phreng ba gnyis/ /lhag bcas a la sogs pa dgod/ /re'u mig lhag ma rnams la ni/ /ka la sogs pa mdor bsdus pa'i/ /yi ge thams cad ci rigs par/ /go rims bzhin du dgod par bya/ /dbus kyi re'u mig song pa la/ /ka sha zhes bya yi ger ni/ /gnas ba'i ba ni bri bar bya/ /'khor lo ri mo gnyis bskor la/ /ri mo'i bar du rnal 'byor pas/ /'phel ba la sogs bsdus te dgod/ /phyi rol pad ma 'dab brgyad la/ /dbang por ka ste lus ngan tsa/ /chu lha gshin rje Ta dang ta/ /rlung dang me dang dbang chen chur/ /de ltar ya ra la wa dgod/ /'byung ba chen po khams zhes bya/ /slar yang phyi rol gru bzhi la/ /rlung dang me dang bdud rtsi ro/ /gshin rje 'joms ma la sogs te/ /sha Sha sa har bstan pa dgod/ /ri rI li lI zhes bya ba/ /ma ning zhes byar bstan pa bzhi/ /sgo bzhi ru ni dgod par bya/ /cho ga'i sbyor ba de lta bus/ /sngags kyi rgyal po de nas dgod/ /'bugs pa rmi lam zla bar ldan/ /re'u mig dang po brgyan par bya/ /gnyis par bden bral phyi rol gzung / /rusbal dang ni ldan par dgod/ /re'u mig gsum pa la gnas pa/ /dbu ma yi ni mtha' ma bzung / /de nyid kyi ni bzhi par gnas/ /re'u mig bzhi par lho yi mtha'/ /bzang po yis ni spyi bor brgyan/ /bden bral phyi rol gzung nas ni/ /rusbal dang ni ldan par bya/ /re'u mig lnga par yang dag dgod/ /dbu ma'i mtha' ma bzung nas su/ /de nyid kyi ni bzhi par gnas/ /re'u mig drug pa brgyan par bya/ /rlung mtshams phyi rol bzung nas ni/ /rusbal zla phyed thig ler ldan/ /re'u mig bdun par dgod par bya/ /re'u mig la gnas brgyad par rlung / /ma ning dang po'i stan bzhugs shing / /dang po'i gsum pa dgu par dgod/ /nyi shu pa'i stan bzhugs pa/ /rlung gis phyi rol bzung nas ni/ /gti mug brgyan pa bcu par dgod/ /nyi shu rtsa gcig pa nyid ni/ /re'u mig bcu gcig pa la dgod/ /bcu gnyis rlung gis brgyan par bya/ /rusbal gyi ni stan bzhugs pa'i/ /rlung gi phyi rol zla dum dang / /thig les brgyan pa bcu gsum dgod/ /bcu bzhi pa yang des brgyan bya/ /dbu ma yi ni dang po yis/ /re'u mig</font><hr>85.242a<br><font size=+1>

bcwa lnga spras par bzhed/ /gti mug gis ni brgyan pa yi/ /dbu ma'i dbu ma bcu drug par/ /dbu ma'i dbu ma stan bzhugs pa/ /bzang po yis ni mgor brgyan/ /lho mtha' bcu bdun par ni dgod/ /lho yi dbu mar rlung gi ni/ /stan sbyin gti mug brgyan par bya/ /re'u mig bcwa brgyad pa la dgod/ /re'u mig bcu dgu par gnas pa/ /me ni a yis brgyan pa yin/ /rusbal dang ni ldan pa yin/ /rlung gi phyi rol zla dum dang / /thig ler brgyan pa nyi shur dgod/ /dbu ma'i gnyis pa phan pa'i mchog /re'u mig nyi shu gcig par dgod/ /lho mtha' yi ni stan bzhugs pa'i/ /rlung gi phyi rol gzung nas su/ /gti mug ldan pa nyi shu gnyis/ /dang po yis ni gsum pa yis/ /re'u mig nyi shu gsum pa brgyan/ /re'u mig nyi shu rtsa bzhi pa/ /nub phyogs dang ni ldan par bya/ /re'u mig nyi shu rtsa drug pa/ /byang gi dbu mar ldan par 'dod/ /re'u mig nyi shu rtsa bdun pa/ /dbu ma yi ni gnyis pas brgyan/ /re'u mig nyi shu rtsa brgyad pa/ /nub phyogs kyis ni mdzes par byas/ /dang po'i dbu ma bzung nas ni/ /ri zhes bya ba 'og tu sbyin/ /re'u mig nyi shu dgu par dgod/ /dbu ma yi ni bzhi pa yis/ /re'u mig sum bcu pa la brgyan/ /de nyid kyi ni gnyis pa yis/ /re'u mig sum bcu gcig pa brgyan/ /rusbal thig ler ldan pa yi/ /rlung gi phyi rol bzung nas ni/ /re'u mig sum bcu gnyis par dgod/ /re'u mig sum bcu gsum pa yang / /de nyid kyis ni brgyan par bzhed/ /re'u mig sum bcu rtsa bzhi pa/ /nub phyogs kyis ni mdzes par bya/ /o ni thig ler ldan pa dag /re'u mig sum bcu lnga par dgod/ /re'u mig sum bcu drug pa yang / /yi ge'i dbang phyug de nyid bzhed/ /rlung gi phyi rol bzung nas su/ /'bugs dang ldan pa sum bcu bdun/ /rlung gi 'dab ma la gnas pa/ /re'u mig sum bcu brgyad la dgod/ /re'u mig sum bcu dgu pa ni/ /lho yi mtha' yis brgyan par bya/ /re'u mig bzhi bcu tham pa yang / /'phel ba yis ni brgyan par bya/ /re'u mig bzhi bcu rtsa gcig pa/ /'bugs pa rmi lam thig les brgyan/ /shar mdab dbu ma bzung nas ni/ /shar gyi phyi rol 'og tu sbyin/ /re'u mig bzhi bcu gnyis par dgod/ /re'u mig bzhi bcu gsum pa ni/ /nub phyogs kyi ni dang</font><hr>85.242b<br><font size=+1>

por ldan/ /re'u mig bzhi bcu bzhi pa yang / /dbu ma yi ni gnyis pas brgyan/ /rlung gi phyi rol bzung nas su/ /rusbal dang ni thig ler ldan/ /re'u mig bzhi bcu lnga la dgod/ /slar yang rlung gi phyi rol gzung / /rusbal thig ler ldan pa dag /bzhi bcu drug la'ang dgod par bya/ /rlung gi phyi rol bzung nas su/ /lho yi mtha' dang ldan par bya/ /re'u mig bzhi bcu bdun par gnas/ /shar gyi phyi rol stan bzhugs pa'i/ /shar gyi mdab ma'i gsum pa ni/ /re'u mig bzhi bcu brgyad par dgod/ /rlung gis phyi rol bzung nas su/ /lho yi mtha' yi stan bzhugs pa/ /bzhi bcu rtsa dgu pa la dgod/ /dgra rnams thams cad bcing ba dang / /khyad par gyis ni rmongs pa dang / /sgrol ba'i cho ga'i sbyor ba 'di/ /bzhin mdzes ma ni khyod la bshad/ /slar yang re'u mig dang po la/ /'bugs pa rmi lam zla ba yis/ /brgyan pa dag ni dgod par bya/ /bden bral phyi rol bzung nas ni/ /rusbal gyi ni stan bzhugs pa/ /re'u mig gnyis par gnas par bya/ /dbu ma'i mtha' ma bzung nas ni/ /de nyid kyi ni bzhi par gnas/ /re'u mig gsum par dgod par bya/ /rlung gi phyi rol bzung nas su/ /ma kar rmi lam zla bas brgyan/ /re'u mig bzhi par dgod par bya/ /rusbal rmi lam mchod pa yi/ /rlung gi phyi rol bzung nas su/ /re'u mig lnga par dgod par bya/ /re'u mig drug par gnas pa ni/ /dbu ma yi ni gnyis pa dang / /nub phyogs kyi ni dang por 'dod/ /'bugs pa rmi lam thig ler ldan/ /re'u mig bdun par dgod par bya/ /rlung gi phyi rol bzung nas su/ /rusbal rmi lam gyis brgyan pa/ /re'u mig brgyad par gnas pa min/ /re'u mig dgu pa la gnas pa/ /dbu ma yi ni gnyis pa dang / /de bzhin nub kyi dang po yin/ /lho yi mtha' ma bzung nas ni/ /bzang po yis ni mgor brgyan pa/ /re'u mig bcu pa la gnas pa'o/ /bcu gcig pa la yi ge de/ /rlung gi phyi rol bzung nas ni/ /rusbal rmi lam ldan par bya/ /re'u mig bcu gnyis pa la bri/ /re'u mig bcu gsum la gnas pa/ /dbu ma yi ni gnyis pa dang / /de bzhin du ni nub phyogs sbyin/ /shar gyi gsum pa bzung nas su/ /shar gyi ma ning stan</font><hr>85.243a<br><font size=+1>

gnas pa/ /re'u mig bcu bzhi pa la 'dod/ /rlung gi phyi rol bzung nas su/ /rusbal rmi lam zla bas brgyan/ /re'u mig bcwa lnga pa la gnas/ /dbu ma'i bzhi pa'i stan gnas pa'i/ /de nyid kyi ni mtha' bzung ste/ /re'u mig bcu drug pa la bri/ /rusbal gyi stan gnas pa yi/ /bden bral phyi rol bzung nas ni/ /re'u mig bcu bdun par gnas bya/ /ma ka ra la zhon pa yi/ /rlung gi phyi rol thig les brgyan/ /re'u mig bcwa brgyad pa la bri/ /lho yi mtha' yi stan bzhugs pa'i/ /rlung gi phyi rol bzung nas ni/ /bcu dgu pa la bri bar bya/ /re'u mig nyi shu la gnas pa/ /ri yi stan la gnas pa yi/ /dang po yi ni gsum pa gzung / /lho yi mtha' yi stan bzhugs pa/ /rlung gi phyi rol bzung nas ni/ /re'u mig nyi shu gcig par bri/ /re'u mig nyi shu gnyis gnas par/ /ma ka ra la zhon pa yi/ /rlung gi phyi rol thig les brgyan/ /nyi shu gsum pa la yang de/ /re'u mig nyi shu bzhir gnas pa/ /ma kar thig le zlas brgyan pa'i/ /rlung gi phyi rol slar yang gzung / /nyi shu rtsa lnga cho ga bzhin/ /nyi shu drug par gnas pa ni/ /ma ka ra dang thig le yis/ /steng du brgyan pa'i rlung phyi rol/ /nyi shu bdun la'ang de zhes bya/ /nyi shu brgyad pa la gnas par/ /ma kar rmi lam zla ba can/ /rlung gi phyi rol gzung bar bya/ /nyi shu dgu pa la gnas par/ /rlung gi phyi rol bzung nas ni/ /'bugs dang lhan cig ldan par bri/ /dbu ma'i bzhi pa bzung nas ni/ /der ni dang po'i gsum pa'ang sbyin/ /mkhas pas re'u mig sum bcu brgyan/ /dbu ma'i dbu ma bzung nas ni/ /gti mug gis ni mdzes byas pa/ /sum bcu gcig par gnas par bya/ /ma ka ra zhon rmi lam dang / /rlung gi phyi rol zla bas brgyan/ /sum bcu gnyis par dgod par bya/ /shar gyi gsum pa bzung nas ni/ /r-i zhes bya ba de la sbyin/ /re'u mig sum bcu gsum par gnas/ /rlung gi phyi rol bzung nas ni/ /lho mtha'i stan bzhugs gti mug gis/ /brgyan pa sum bcu bzhi la dgod/ /re'u mig sum bcu lngar gnas par/ /dbu ma'i dang po bzung nas ni/ /rlung yang der ni dgod par bya/ /'phel ba dang ni lho mtha' dang / /rlung yang der ni sbyin bya ste/ /re'u mig sum bcu drug pa brgyan/ /</font><hr>85.243b<br><font size=+1>

re'u mig sum bcu bdun par gnas/ /dbu ma yi ni gnyis pa la/ /nub phyogs kyis ni mdzes par bya/ /re'u mig sum bcu brgyad pa la/ /lho yi mtha' ni bzung nas su/ /dbu ma'i dbu ma stan dang ldan/ /bzung ba yis ni spyi bor brgyan/ /slar yang lho yi dbu ma gzung / /gti mug dang ni ldan pa yi/ /rlung gi 'og tu sbyin par bya/ /sum bcu dgu pa la yang de/ /re'u mig bzhi bcu par gnas pa/ /dbu ma'i dang po bzung nas ni/ /rlung yang der ni dgod par bya/ /bzhi bcu gcig la gnas par ni/ /dbu ma yi ni gnyis pa dang / /nub phyogs kyi ni dang po bri/ /bzhi bcu gnyis pa la gnas par/ /rlung gi phyi rol bzung nas ni/ /rusbal rmi lam ldan nyi zla/ /bzhi bcu gsum pa la gnas par/ /'bugs pa rmi lam zla bas brgyan/ /bzhi bcu bzhi la gnas par ni/ /rlung gis phyi rol bzung nas su/ /rusbal rmi lam can nyi zla/ /bzhi bcu lnga la gnas par ni/ /ra zhes bya ba byang phyogs kyi/ /dbu ma dang ni ldan par bri/ /bzhi bcu drug la gnas par ni/ /rlung gi phyi rol bzung nas su/ /ma ka rar zhon rmi lam can/ /bzhi bcu bdun la gnas par yang / /gti mug gis brgyan lho mtha'i stan/ /re'u mig bzhi bcu brgyad par ni/ /ri dang ldan par dang po yi/ /dbu ma yis ni brgyan par 'dod/ /bzhi bcu dgu la gnas par yang / /'bugs pa rmi lam zla bas brgyan/ /'di ni rnal 'byor ldan pa'i mchog /rmugs dang de bzhin ltung ba dag /sngags kyi rgyal pos bskul bas na/ /las rnams thams cad byed par 'gyur/ /rmugs par byed dang gnod pa dag /lha mo khyod la bshad pa ste/ /ma ka ra zhon dri ma med/ /rmi lam zla bar yang dag ldan/ /rdo rje yi ni steng na gnas/ /'bar ba'i phreng bas brgyan pa ste/ /phyogs kun du ni rnam 'phro bar/ /bsgoms nas de yi dbus su ni/ /ji ltar 'byung bzhin bsgrub bya'i ming / /sngags pas de ni spangs nas su/ /phaT kyi gnas su sbyin par bya/ /re'u mig de dag dbus su ni/ /myos par 'gyur ba'i bsgrub bya ni/ /sgrub pa po yis 'dri ru gzhug /ye shes rdo rjes gzhom par bya/ /grib ma yang ni brlug par bsam/ /dpa' bo'i 'phral gyi</font><hr>85.244a<br><font size=+1>

bum pa 'am/ /bram ze'i bum pa skam par ni/ /'khor lo gnyis ni bcug nas su/ /cho ga bzhin du bris byas te/ /'byung po kun gyi gtor ma sbyin/ /sgrub pos de ltar byis nas ni/ /phyi nas las ni brtsams byas na/ /rdo rje thugs kyi bka' bzhin du/ /las rnams thams cad byed par 'gyur/ /slar yang re'u mig dang po la/ /'bugs pa rmi lam zla bas brgyan/ /re'u mig gnyis pa la gnas par/ /bzang pos spyi bor brgyan pa yi/ /lho yi mtha' ni gzung bar bya/ /re'u mig gsum pa la gnas par/ /rlung gi phyi rol bzung nas ni/ /rusbal rmi lam zlas brgyan bya/ /re'u mig lnga pa la gnas par/ /slar yang 'bugs pa zla bas brgyan/ /re'u mig drug pa la gnas par/ /ri yi stan la gnas pa yi/ /shar phyogs kyi ni gsum pa gzung / /re'u mig bdun pa la gnas par/ /rusbal rmi lam zlas brgyan pa'i/ /rlung gi phyi rol gzung bar bya/ /re'u mig brgyad pa la gnas par/ /dbu ma'i bzhi pa'i stan gnas pa'i/ /de nyid kyi ni mtha' ma gzung / /re'u mig bcu pa la gnas par/ /rusbal gyi ni stan gnas pa'i/ /bden bral phyi rol bzung bar 'dod/ /bcu gnyis pa la gnas par ni/ /rusbal rmi lam zlas brgyan pa'i/ /rlung gi phyi rol gzung bar bya/ /bcu bzhi pa la gnas par ni/ /ri'i stan la gnas gyur pa'i/ /shar gyi gsum pa bzung bar bya/ /bcwa lnga pa la gnas gyur pa/ /dbu ma'i bzhi pa'i stan gnas pa'i/ /de nyid kyi ni mtha' gzung bya/ /bcu drug pa la gnas par yang / /rusbal rmi lam zlar ldan pa'i/ /rlung gi phyi rol gzung bar bya/ /bcu bdun pa la gnas par ni/ /rusbal stan la gnas pa yi/ /bden bral phyi rol bzung bar bya/ /bcu dgu pa la gnas par bya/ /lho yi mtha' yi stan gnas pa/ /rlung gi phyi rol bzung bar brtag /nyi shu pa la gnas par ni/ /dbu ma'i gnyis pa bzung nas ni/ /nub kyi dang po'ang sbyin par bya/ /lho mtha'i stan la gnas pa yi/ /rlung gi phyi rol bzung nas ni/ /re'u mig nyi shu gcig par bri/ /'bugs pa rmi lam zlas brgyan pa/ /re'u mig nyi shu dgu par bri/ /dbu ma'i bzhi pa bzung nas ni/ /shar gyi gsum pa der sbyin te/ /re'u mig sum bcu brgyan par bya/ /sum bcu gcig la</font><hr>85.244b<br><font size=+1>

gnas pa ni/ /rusbal rmi lam zlas brgyan pa'i/ /rlung gi phyi rol gzung bar bya/ /sum bcu gsum la gnas par ni/ /'bugs pa rmi lam zlas brgyan bya/ /sum bcu bzhi la gnas par yang / /dbu ma'i dang po bzung nas su/ /der ni rlung yang sbyin par bya/ /sum bcu lnga pa nyid dag kyang / /de nyid kyis ni brgyan par bzhed/ /sum bcu drug la gnas par ni/ /me ni a dang ldan par bya/ /byang gi dbu ma bzung nas su/ /de nyid du ni bri bar bya/ /sum bcu brgyad la gnas par yang / /a zhes bya ba bri bya zhing / /lho yi mtha' ni gzung bya ste/ /rlung yang der ni bri bar bya/ /bzhi bcu pa la gnas par ni/ /rlung gi phyi rol bzung nas ni/ /'og tu lho mtha' gnas pa dang / /gti mug gis ni brgyan par bya/ /re'u mig bzhi bcu gnyis gnas par/ /dang po'i gsum pa bzung nas su/ /ri zhes bya ba 'og tu sbyin/ /re'u mig bzhi bcu gsum pa la/ /rlung gi phyi rol bzung nas su/ /'bugs pa yis ni brgyan par bya/ /bzhi bcu bzhi la gnas par ni/ /rlung gi phyi rol bzung nas su/ /rus sbal rmi lam ldan par bya/ /bzhi bcu lnga pa la gnas pa/ /gti mug gis ni brgyan pa yis/ /dbu ma'i dbu ma gzung bar bya/ /lho yi mtha' ni bzung nas su/ /dbu ma'i dbu mas stan du bya/ /bzang po yis ni mgo bor brgyan/ /lho yi dbu ma'ang gzung bya ste/ /gti mug dang ni ldan pa yi/ /rlung ni de yi stan du bya/ /de nyid du ni mkhas pas dgod/ /re'u mig bzhi bcu bdun pa la/ /gti mug gis ni brgyan pa yi/ /lho mtha' yis ni stan bzhugs par/ /rlung gi phyi rol gzung bar bya/ /re'u mig bzhi bcu brgyad pa la/ /rusbal rmi lam zlar ldan pa'i/ /rlung gi phyi rol bzung nas su/ /lan gnyis su ni bri bar bya/ /re'u mig bzhi bcu dgu pa la/ /ri zhes bya ba dang ldan pa'i/ /dang po'i gsum pa bzung ba yis/ /mdzes pa mchog tu phan par 'dod/ /lha mo 'dis ni sdang gyur nas/ /khyad par du ni g.yul 'gyed byed/ /rta dang ma he bum par ni/ /cho ga ji bzhin gzhag par bya/ /'bugs pa rmi lam zlas brgyan pa'i/ /slar yang bden bral phyi rol gzung / /rusbal dang ni lhan</font><hr>85.245a<br><font size=+1>

cig bces/ /dbu ma'i bzhi pa'i stan bzhugs pa/ /slar yang de yi mtha' bzung ste/ /re'u mig dang po brgyan par bzhed/ /bzang pos spyi bor brgyan pa yi/ /lho yi mtha' ma gzung bar bya/ /rusbal dang ni sbyar ba yi/ /bden bral phyi rol de nas gzung / /dbu ma'i bzhi pa'i stan bzhugs pa/ /slar yang de yi mtha' bzung ste/ /re'u mig gsum pa brgyan par bya/ /dbu ma'i gnyis pa bzung nas ni/ /slar yang nub kyi phyogs kyis mdzes/ /re'u mig lnga pa brgyan par bzhed/ /'bugs pa rmi lam zla bas brgyan/ /dang po'i gsum pa gzung nas su/ /shar gyi ma ning 'og tu sbyin/ /rlung gi phyi rol bzung nas ni/ /lho yi mtha' yi stan du bya/ /bdun pa la ni brgyan par bzhed/ /dbu ma yi ni gnyis pa bzung / /nub kyi phyogs ni de ru sbyin/ /bcwa lnga pa ni shin tu brgyan/ /rlung gi phyi rol bzung nas su/ /rusbal dang ni rmi lam dang / /zla bas brgyan pa lan gnyis kyis/ /bcu bdun pa ni mdzes par bya/ /rusbal rmi lam zlas brgyan pa'i/ /rlung gi phyi rol bzung nas ni/ /lan gnyis su ni bzlas pa ni/ /re'u mig bcu dgu pa la dgod/ /ri zhes bya ba'i stan bzhugs pa'i/ /shar gyi dbu ma bzung ba dang / /lho mtha'i stan la bzhugs pa yi/ /rlung gi phyi rol bzung ba yis/ /nyi shu gcig pa mdzes par bya/ /dbu ma'i bzhi pa bzung nas ni/ /shar phyogs kyi ni dbu ma dang / /dbu ma yi ni dbu ma la/ /a zhes bya bas mdzes par bya/ /lho yi mtha' ni bzung nas su/ /dbu ma'i dbu ma gzung bar bya/ /bzang po yis ni mgo bor brgyan/ /slar yang lho yi dbu ma gzung / /rlung ni 'og tu sbyin par bya/ /gti mug gis ni mdzes pa ste/ /a dang ldan pa'i me yang btu/ /byang gi dbu ma bzung ba dag /nyi shu dgu pa la ni bri/ /rlung gi phyi rol bzung nas ni/ /rusbal rmi lam zla ba can/ /sum bcu gcig la nyis 'gyur bri/ /slar yang rlung gi phyi rol bri/ /</font><hr>85.245b<br><font size=+1>

rusbal rmi lam zla ba can/ /sum bcu gsum par nyis 'gyur bri/ /dbu ma'i gnyis pa bzung nas su/ /slar yang nub kyi dang po can/ /sum bcu lnga pa brgyan par bzhed/ /'bugs pa rmi lam zla ba can/ /der ni 'phel ba'ang sbyin bya ste/ /lho yi mtha' ni bzung nas su/ /slar yang de bzhin rlung dang ni/ /rlung gi phyi rol bzung nas ni/ /'bugs pa yis ni brgyan pa dag /bcu bzhi pa la bri bar bya/ /dbu ma'i gnyis pa bzung nas ni/ /nub kyi dang pos brgyan pa yis/ /sum bcu lnga pa mdzes par bya/ /ri zhes bya ba'i stan gnas pa'i/ /dang po yi ni gsum pa dang / /lho mtha'i stan la gnas pa yi/ /rlung gi phyi rol bzung ba la/ /gti mug gis ni mdzes par bya/ /dbu ma'i dang po bzung nas su/ /rlung yang der ni sbyin pa yis/ /bzhi bcu bdun pa brgyan par bya/ /'bugs pa rmi lam zla ba can/ /shar gyi gsum pa bzung nas su/ /ri zhes bya ba sbyin par bya/ /lho mtha'i stan la gnas pa yi/ /rlung gi phyi rol de nas bzung / /gti mug gis ni mdzes par bya/ /dbu ma'i dang po bzung nas ni/ /de bzhin rlung dang bcas pa yis/ /re'u mig bzhi bcu dgu pa la/ /brgyad pa mchog tu phan pa yin/ /'khor lo 'di ni lha mo che/ /mchog tu rno ste brlag par byed/ /mar ngo yi ni tshes bcu dang / /de bzhin yar ngo'i de nyid dam/ /yang na 'byung po'i mtshan mo la/ /thod pa'i stan la gnas nas su/ /lho phyogs su ni kha bltas nas/ /dug dang khrag dang gtum pa yi/ /sa bon gyis ni snag tsha bya/ /bar snang la ni thod par glugs/ /mi yi rus pa'i smyu gu yis/ /'jigs byed 'jigs pa'i sngags rnams 'atu/ /dang po sha chen gtor byin te/ /de nas las ni brtsam par bya/ /dmar po 'am ni sngon po yi/ /gos ni khyad par dag tu bgo/ /mchod pa rdo rje'i cho ga dang / /de bzhin bsam gtan bzlas pa dag /ji ltar sus kyang mi rtogs pa/ /de ltar sngags pas rtag tu bya/ /gsad la gshin rje'i rgyal po ste/ /yi dgas la ni yi dgas gzugs/ /ro langs la ni ro langs dang / /srin po srin pos gnon par bya/ /stong la stong</font><hr>85.246a<br><font size=+1>

pa'i pad ma ste/ /nges par 'joms pa'i grwa ru ni/ /sngags phreng de bzhin phreng ba yi/ /rim pa de ltar brjod pa yin/ /'di ni khams gsum rgyal zhes bya/ /sngags tshig 'di yis rnam brgyan pa/ /rig rgyal 'khor lo sgyur ba'i sngags/ /ma byung 'byung bar mi 'gyur ro/ /'khrul 'khor chen po bcu gnyis ni/ /bzhin mdzes ma ni khyod la bshad/ /'di ni sdang ba thams cad kyi/ /de bzhin 'jigs byed mi bzad yin/ /yang dag cho ga gang gis ni/ /dngos grub myur du 'jug byed pa/ /bza' dang ston mo 'dus pa yi/ /bsgrub thabs cho ga de nas bshad/ /phyugs rnams dag ni dgug pa nyid/ /sgrub pos sngar bstan rim pas bya/ /rgyu med pa yis phyugs rnams ni/ /rgyu mtshan med pas gzhom par bya/ /phyugs rnams dang ni de bzhin lnga/ /bong bu mi dang rus sbal dang / /rnga mo lce spyang rta la sogs/ /khyi dang phag gi sha dag dang / /zangs kyi gtsug phud can de bzhin/ /bza' dang sbyin sreg gtor ma ni/ /ma dpyad par ni byas gyur na/ /ma lus lus pa myed 'grub cing / /rgyal srid thams cad rab 'grub ces/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las 'phrul 'khor thams cad 'byung ba zhes bya ba'i rim par phye ba ste dgu pa'o// // tshe dang nad med spel ba dang / /bya dang bya min sbyor ba'i mchog /dbugs kyi las la sogs mtshan nyid/ /nyon cig lha mo skal chen ma/ /nyi khri dang ni chig stong dang / /drug brgya ru ni rtsis pa yi/ /chu tshod drug bcu'i dbugs rnams kyis/ /nyin mtshan lo ru grags pa yin/ /'byung dang 'jug pa'i dbugs dag las/ /'byung ba'i mtshan</font><hr>85.246b<br><font size=+1>

mas bgrang bar bya/ /blo dang ldan pas dbugs gnyis las/ /'jug pa 'byung la thim par bya/ /gnas ni bcu gnyis dag tu yang / /phyi rol mtshan ma gzhag par bya/ /tshes grangs bye brag gsungs pa bzhin/ /dbyangs kyi bye brag shes par bya/ /gza' rnams kyi ni bye brag dang / /skar ma rnams kyi rgyu ba las/ /dug gi dug las sogs dang gzhan/ /rim pa 'di yis brjod par bya/ /dpyid zla ra ba nas brtsams te/ /nyi ma byang du 'gro ba'i dus/ /zla ba bcu gnyis po rnams ni/ /rim ni rim pa bzhin du gzhag /shar gyi phyogs nas brtsams nas su/ /snga dro mkhas pas brtsi bar bya/ /tshes grangs gsum dang bcu gsum dang / /bzhi dang de bzhin bcu bzhi pa/ /lnga pa dang ni bcwa lnga pa/ /mtshungs pa nyid du sbyar bar bya/ /da ni yang dag bshad kyis nyon/ /'di lta ste/ dang po ni 'phel ba'o/ /gnyis pa ni gti mug go/ /gsum pa ni bzang po'o/ /bzhi pa ni khyu mchog go/ /lnga pa ni rus sbal lo/ /drug pa ni chu srin no/ /bdun pa ni yugs sa mo'o/ /brgyad pa ni sme ba'o/ /dgu pa ni 'bugs pa'o/ /bcu pa ni 'phyo ba'o/ /bcu gcig pa ni rmi lam mo/ /bcu gnyis pa ni sa'i dbang phyug go/ /dang po ni sa'i dbang phyug go/ /gnyis pa ni 'phel ba'o/ /gsum pa ni gti mug go/ /bzhi pa ni bzang po'o/ /lnga pa ni khyu mchog go/ /drug pa ni rus sbal lo/ /bdun pa ni chu srin no/ /brgyad pa ni yugs sa mo'o/ /dgu pa ni sme ba'o/ /bcu pa ni 'bugs pa'o/ /bcu gcig pa ni 'phyo ba'o/ /bcu gnyis pa ni rmi lam mo/ /gnyis pa ni sa'i dbang phyug go/ /gsum pa ni 'phel ba'o/ /bzhi pa ni gti mug go/ /lnga pa ni bzang po'o/ /drug pa ni khyu mchog go/ /bdun pa ni rus sbal lo/ /brgyad pa ni chu srin no/ /dgu pa ni yugs sa mo'o/ /bcu</font><hr>85.247a<br><font size=+1>

pa ni sme ba'o/ /bcu gcig pa ni 'bugs pa'o/ /bcu gnyis pa ni 'phyo ba'o/ /dang po ni 'phyo ba'o/ /gnyis pa ni rmi lam mo/ /gsum pa ni sa'i dbang phyug go/ /bzhi pa ni 'phel ba'o/ /lnga pa ni gti mug go/ /drug pa ni bzang po'o/ /bdun pa ni khyu mchog go/ /brgyad pa ni rus sbal lo/ /dgu pa ni chu srin no/ /bcu pa ni yugs sa mo'o/ /bcu gcig pa ni sme ba'o/ /bcu gnyis pa ni 'bugs pa'o/ /dang po ni 'bugs pa'o/ /gnyis pa ni 'phyo ba'o/ /gsum pa ni rmi lam mo/ /bzhi pa ni sa'i dbang phyug go/ /lnga pa ni 'phel ba'o/ /drug pa ni gti mug go/ /bdun pa ni bzang po'o/ /brgyad pa ni khyu mchog go/ /dgu pa ni rus sbal lo/ /bcu pa ni chu srin no/ /bcu gcig pa ni yugs sa mo'o/ /bcu gnyis pa ni sme ba'o/ /dang po ni sme ba'o/ /gnyis pa ni 'bugs pa'o/ /gsum pa ni 'phyo ba'o/ /bzhi pa ni rmi lam mo/ /lnga pa ni sa'i dbang phyug go/ /drug pa ni 'phel ba'o/ /bdun pa ni gti mug go/ /brgyad pa ni bzang po'o/ /dgu pa ni khyu mchog go/ /bcu pa ni rus sbal lo/ /bcu gcig pa ni chu srin no/ /bcu gnyis pa ni yugs sa mo'o/ /dang po ni yugs sa mo'o/ /gnyis pa ni sme ba'o/ /gsum pa ni 'bugs pa'o/ /bzhi pa ni 'phyo ba'o/ /lnga pa ni rmi lam mo/ /drug pa ni sa'i dbang phyug go/ /bdun pa ni 'phel ba'o/ /brgyad pa ni gti mug go/ /dgu pa ni bzang po'o/ /bcu pa ni khyu mchog go/ /bcu gcig pa ni rus sbal lo/ /bcu gnyis pa ni chu srin no/ /dang po ni chu srin no/ /gnyis pa ni yugs sa mo'o/ /gsum pa ni sme ba'o/ /bzhi pa ni 'bugs pa'o/ /lnga pa ni 'phyo ba'o/ /drug pa ni rmi lam mo/ /bdun pa ni sa'i dbang phyug go/ /brgyad pa ni 'phel ba'o/ /</font><hr>85.247b<br><font size=+1>

dgu pa ni gti mug go/ /bcu pa ni bzang po'o/ /bcu gcig pa ni khyu mchog go/ /bcu gnyis pa ni rus sbal lo/ /dang po ni rus sbal lo/ /gnyis pa ni chu srin no/ /gsum pa ni yugs sa mo'o/ /bzhi pa ni sme ba'o/ /lnga pa ni 'bugs pa'o/ /drug pa ni 'phyo ba'o/ /bdun pa ni rmi lam mo/ /brgyad pa ni sa'i dbang phyug go/ /dgu pa ni 'phel ba'o/ /bcu pa ni gti mug go/ /bcu gcig pa ni bzang po'o/ /bcu gnyis pa ni khyu mchog go/ /dang po ni khyu mchog go/ /gnyis pa ni rus sbal lo/ /gsum pa ni chu srin no/ /bzhi pa ni yugs sa mo'o/ /lnga pa ni sme ba'o/ /drug pa ni 'bugs pa'o/ /bdun pa ni 'phyo ba'o/ /brgyad pa ni rmi lam mo/ /dgu pa ni sa'i dbang phyug go/ /bcu pa ni 'phel ba'o/ /bcu gcig pa ni gti mug go/ /bcu gnyis pa ni bzang po'o/ /dang po ni bzang po'o/ /gnyis pa ni khyu mchog go/ /gsum pa ni rus sbal lo/ /bzhi pa ni chu srin no/ /lnga pa ni yugs sa mo'o/ /drug pa ni sme ba'o/ /bdun pa ni 'bugs pa'o/ /brgyad pa ni 'phyo ba'o/ /dgu pa ni rmi lam mo/ /bcu pa ni sa'i dbang phyug go/ /bcu gcig pa ni 'phel ba'o/ /bcu gnyis pa ni gti mug go/ /dang po ni gti mug go/ /gnyis pa ni bzang po'o/ /gsum pa ni khyu mchog go/ /bzhi pa ni rus sbal lo/ /lnga pa ni chu srin no/ /drug pa ni yugs sa mo'o/ /bdun pa ni sme ba'o/ /brgyad pa ni 'bugs pa'o/ /dgu pa ni 'phyo ba'o/ /bcu pa ni rmi lam mo/ /bcu gcig pa ni sa'i dbang phyug go/ /bcu gnyis pa ni 'phel ba'o/ /'phel ba'i nyi ma la skyes pa'i byis pa ni/ nyi ma dgu pa'am/ zla ba dgu pa'am/ lo dgu na shi chad du ma gyur na/ phyug cing skal ba bzang ba dang / sems gdug cing rtsub la me drod chung zhing yul mtha'</font><hr>85.248a<br><font size=+1>

'khob kyi gtso bor 'gyur la/ g.yem pa la dga' ba dang / thams cad du 'jam por smra zhing nor dang ldan zhing nad med pa dang / skyid pa la rtag par 'gyur te/ tshe lo brgyad bcu rtsa gcig 'tsho ste/ sa'i dbang phyug gi nyi ma la 'chi bar 'gyur ro/ /sa'i dbang phyug gi nyi ma la btsas pa'i byis pa ni/ nyi ma brgyad pa'am/ zla ba brgyad dam/ lo brgyad pa la gal te shi chad du ma gyur na nor dang 'bru rtag par 'gyur zhing bden par smra la mdza' bshes mang zhing chos shes pa dang / mkhas la tshangs par spyod cing sems can kun la phan pa byed la/ bzo shes pa dang / 'jam por smra zhing skal ba dang ldan te/ bstan bcos thams cad rgyas par 'gyur ba la the tshom med de/ tshe lo brgyad bcu rtsa brgyad 'tsho ste/ rmi lam gyi nyi ma la 'chi bar 'gyur ro/ /rmi lam gyi nyi ma la btsas pa'i byis pa ni nyi ma bzhi'am/ lnga'am/ bcu'am/ min na zla ba brgyad dam/ lo brgyad pa la gal te shi chad du ma gyur na/ des bla ma nyon mongs par byed pa dang / dpa' zhing brtul phod pas pha rol gnon pa dang / dgra thams cad 'joms shing skye bo dam pa dang mdza' ba dang / skyabs med pa rnams kyi dpung gnyen byed cing thams cad du tshig rtsub smra la sdig pa'i las la nan tan byed pa dang / dbul zhing 'phyar ba dang / nad med cing rtag tu bza' ba rnyed pa dang / mthon po la rten pas 'tsho zhing rtag tu seng ge dang 'dra bar sems te/ tshe lo drug cu 'tsho zhing 'phyo ba'i nyi ma la dgra'i mtshon gyis 'chi bar 'gyur ba la the tshom med do/ /'phyo ba'i nyi ma la btsas pa'i byis pa ni zla ba bzhi pa dang / drug pa dang / dgu pa dang / bcu pa la gal te shi chad du ma gyur na/ de ni shes rab chung zhing blo dang me drod dman la/ sdang ba mang zhing bu tsha mi 'tsho la 'khor mang ba dang / yo byad 'phel zhing sdug bsngal mang ba dang /</font><hr>85.248b<br><font size=+1>

gnyen 'dun thams cad dga' la/ ngan song la brtse ba dang nor dang phyugs mang la chung ma gsum len cing cung zad tsam gyis khro ba dang / nga rgyal che zhing dgra rnams 'jigs la khe spogs kyis 'tsho ste/ tshe lo brgyad cu rtsa gcig 'tsho zhing 'bugs pa'i nyi ma la 'chi bar 'gyur ro/ /'bugs pa'i nyi ma la btsas pa'i byis pa ni nyi ma gnyis pa'am/ zla ba gnyis pa'am/ bzhi pa'am/ lo brgyad pa'am/ bcu pa la gal te shi chad du ma gyur na/ de ni pha ma ltogs pa dang / nor chung zhing rmongs pa dang sdig pa'i bsam pa dang ldan zhing ngang tshul ngan la nad bu can du 'gyur ba dang / tshangs par spyod cing dpa' la sdug pa dang / ser sna dang ldan par 'gyur te/ tshe lo drug cu rtsa bzhir 'tsho la/ sme ba'i nyi ma la rang gi khyim du 'chi bar 'gyur ro/ /sme ba'i nyi ma la btsas pa'i byis pa ni nyi ma gnyis pa'am/ lnga pa'am/ zla ba gsum pa'am/ dgu pa'am/ lo dgu pa la gal te shi chad du ma gyur na des ni rang gi rigs bstod cing chos shes pa dang / bstan bcos phun sum tshogs shing bzo sna tshogs rig pa dang / dpa' la nga rgyal che ba dang / g.yo sgyu can yin la phrag dog dang ldan zhing nor nyung ba dang / gzugs bzang zhing bya ba thams cad yang ba yin te/ tshe lo drug cu rtsa gsum du bde bar 'tsho la yugs sa mo'i nyi ma la chur 'chi bar gdon mi za'o/ /yugs sa mo'i nyi ma la btsas pa'i byis pa ni nyi ma gnyis pa'am/ bcu pa'am/ zla ba gnyis pa'am/ brgyad pa'am/ lo brgyad pa la gal te shi chad du ma gyur na de ni sdig pa'i blo dang ldan zhing sems can kun la 'khyal tshig smra zhing nor nyung la 'phyar ba dang / thams cad du nad kyis thebs la rgyal po'i chad pas gcod cing bud med thams cad la skal</font><hr>85.249a<br><font size=+1>

ba bzang por 'gyur la bzo dang ngor thabs thams cad kyi bzo la mkhas pa ste/ tshe lo lnga bcu rtsa lnga'am/ yang na sum bcu rtsa drug tu 'tsho la chu srin gyi nyi ma la 'chi bar the tshom med do/ /chu srin gyi nyi ma la btsas pa'i byis pa ni nyi ma bcu pa'am/ zla ba gsum pa'am/ lnga pa'am/ lo dgu pa la ma shi na bsod nams dang / tshul khrims phun sum tshogs shing / zhi des dang / bslab pa dang ldan zhing nor dang / gzugs dang / skal ba phun sum tshogs la dpal dang grags pa dang / bu dang / tsha bo 'phel la/ grong khyer gyi gtso bor 'gyur ba dang / 'khor dang / longs spyod phun sum tshogs pa dang / bzo dang dus kyi mtha' la mkhas pa dang / dgra thams cad brlag par byed do/ /tshe lo lnga bcu rtsa lnga'am/ yang na drug cu rtsa bzhir 'tsho la rus sbal gyi nyi ma la 'chi bar 'gyur ro/ /rus sbal gyi nyi ma la btsas pa'i byis pa ni nyi ma gnyis pa dang / dgu pa dang / zla ba brgyad pa dang / dgu pa dang / lo dgu pa la ma shi na de ni rtag tu sems khral che ba dang / khro ba dang bcas shing cung zad kyis mgu ba dang / mang du smra zhing gnyen rnams byams pa dang / rtag tu g.yem pa dang / phyugs la gtong phod che ba dang / bu dang chung ma gsod pa dang / sems chung zhing bsam pa ngan pa dang / zhing las kyis 'tsho zhing mdze nad kyis thebs te/ tshe lo drug cu rtsa bzhi'am/ brgyad bcu tham par 'tsho la khyu mchog gi nyi ma la rang gi yul du 'chi bar 'gyur ro/ /khyu mchog gi nyi ma la btsas pa'i byis pa ni nyi ma dgu pa'am/ zla ba gnyis dang / brgyad pa'am/ lo brgyad pa dang / dgu pa la gal te ma shi na dpa' zhing rtul phod pas pha rol gnon la sgeg cing phyug pa dang / chung ma mang du len la gnyen 'dun</font><hr>85.249b<br><font size=+1>

thams cad dga' zhing pha'i tshe 'joms pa dang / khe spogs dang / g.yem pa la dga' zhing le lo dang / mu chor du smra ba dang / ngang tshul ngan pa dang / las gdug pa la dga' ste/ tshe lo drug bcu'am/ nyi shur 'tsho la bzang po'i nyi ma la mtshon gyis 'chi bar 'gyur ro/ /bzang po'i nyi ma la btsas pa'i byis pa ni nyi ma lnga pa'am/ zla ba dgu pa'am/ lo bcu pa la ma shi na de ni dbul zhing chos spyod la bden par smra ba dang / snyan par smra ba dang / chung ma gcig la dga' zhing rig pa'i bdag por 'gyur ba dang / bzo dang / dus thams cad shes shing rang gi gnyen 'dun byams pa dang / rigs kyi 'chad pas 'tsho ba ste/ tshe lo brgyar 'tsho la gti mug gi nyi ma la chur 'chi bar 'gyur ba las gzhan du ma yin no/ /gti mug gi nyi ma la btsas pa'i byis pa ni nyi ma gnyis pa'am/ zla ba dgu pa'am/ lo dgu pa la gal te shi chad du ma gyur na mang du za zhing sems chung la rtag tu g.yem pa la dga' ba dang / rgyun du khro zhing brkam chags che la/ nad bu can du 'gyur ba dang / yid gzhungs shing gnyen 'dun byams pa dang / rtag tu khro ba dang nga rgyal can du 'gyur ba dang / ngang tshul ngan zhing sdig spyod la tshig rtsub dang khyal ba smra ba la dga' ba dang / mtshon cha rdeg pa la dga' ste/ tshe lo drug bcu rtsa bzhir 'tsho la 'phel ba'i nyi ma la yan lag gi zug rngu dang skrangs 'bur gyis 'chi bar 'gyur ba la the tshom med do/ /'phel ba'i nyi ma la nad kyis thebs na shin tu bag bya dgos te/ gal te zhag bcwa lnga la ma shi na de nas nyi ma lnga na 'tsho bar 'gyur ro/ /sa'i dbang phyug la ni nyi ma gsum na ma shi na de nas nyi ma bdun na 'tsho bar 'gyur ro/ /rmi lam la yang nyi ma gsum na ma shi na de bzhin du nyi ma bdun na 'tsho'o/ /'phyo ba la ni nyi ma gsuma'am lnga na 'chi 'tsho cha phyed do/ /'bugs pa la ni nyi ma gsum 'am bzhi pa la ma shi na nyi ma bcu na 'tsho </font><hr>85.250a<br><font size=+1>

bar 'gyur ro/ /sme ba la ni nyi ma gsum pa la 'chi ba'am brgyad pa la 'tsho ste/ yun ring du nad kyis gdung bar 'gyur ro/ /yugs sa mo la ni nyi ma lnga pa la 'chi ba'am dgu pa la ldang bar 'gyur la/ zhag bcu na nad las grol bar 'gyur ro/ /chu srin la ni nyi ma brgyad pa la 'chi ba'am/ zhag nyi shu rtsa gcig gis 'tsho 'chi 'tsho phyed par 'gyur ro/ /rus sbal la ni nyi ma brgyad pa la ma shi na de nas zhag bcu pa la nad las grol bar 'gyur ro/ /khyu mchog la ni nyi ma gsum pa'am/ lnga pa la ma shi na nad cung zad dang bcas par 'gyur zhing brgyad pa la ldang ngo / /bzang po la ni nyi ma brgyad pa dang bcu pa la ma shi na de nas grol bar 'gyur ro/ /gti mug la ni nyi ma gsum pa 'am bdun pa la ma shi na de nas grol bar 'gyur ro/ /gang gi mche bas mngon zin na/ /'chi bdag dang ni mngon par 'grogs/ /dug bsdu ba yi sbyor ba yis/ /de rnams ji ltar 'grub 'gyur zhing / /tshe dang nad med spel ba'i phyir/ /gzhan la cho ga ji ltar sbyar/ bka' stsal pa/ sems can kun kyi nad rnams ni/ /gzhom zhing bskyang bar bya ba dang / /shi ba rnams kyang 'tsho 'gyur na/ /gzhan lta smos kyang ci zhig dgos/ /de rnams bsod nams che 'gyur ba/ /chu yi sbyin bsreg cho ga ni/ /mdor bsdus nas ni brjod bya ba/ /de nas nga yis bshad kyis nyon/ /sa yi cha ni yid 'ong ba/ /kha dog dkar po dri yis byug /me tog phreng dkar gyis brgyan cing / /rgyal mtshan bla res 'bar byas pa/ /rtsa ba nag po ra ri med/ /bum pa chu yis bkang sogs pa/ /de dbus lha mo bsam pa ni/ /pad ma'i stan la yang dag bzhugs/ /zhal gcig phyag ni gnyis pa ste/ shin tu mdzes pa'i na bzas klubs/ /rgyan rnams kun gyis brgyan pa ste/ /pad ma'i phreng bas mdzes par byas/ /mkha' 'gro ma'i 'khor lo spro/ /gangs dang kun da zla 'dra ba'i/ /bdud rtsi'i chu rgyun 'bab pa yis/ /</font><hr>85.250b<br><font size=+1>

dug gi mthu ni 'phrog par mdzad/ /lha mo'i sbyor ba 'di lta bus/ /bsams na dug ni 'joms par 'gyur/ /'o ma nag por gyur gyi bar/ /mun pas ring du zil mnan pa/ /slar yang bdug pas bdug par bya/ /dpyid zla la sogs rims bzhin du/ /nyi ma byang du 'gro ba'i tshe/ /ji lta'i dus bzhin mtshan ma ni/ /rim gyis rim gyis sbyar bar bya/ /nyin mo yi ni chu tshod dag /mkhas pas bzhi dang bcu gnyis bsgyur/ /mtshan mo drug dang bcu gsum bsgyur/ /chu tshod mkhas pas brtsam par bya/ /re'u mig dag ni gnyis pa la/ /dus la mkhas pas mtshan ma bya/ /nyin mo drug dang bcu gnyis bsgyur/ /chu tshod kyi ni mtshan ma bya/ /bzhi dang bcu gsum bsgyur ba ni/ /mtshan mo'i chu tshod du ni brtag /brgyad dang bcu gnyis bsgyur ba dag /nyin mo ru ni brtag par bya/ /gnyis dang bcu ni gsum bsgyur ba/ /mtshan mo'i chu tshod du ni brtag /chu tshod sum bcu tham pa ni/ /dbus kyi bi shu gnyis gar sbyar/ /gnyis dang bcu ni gsum po dag /nyin mo'i chu tshod shes bya ste/ /brgyad dang bcu ni gnyis po dag /de yi mtshan mo'i mtshan mar bya/ /bzhi dang bcu gsum mtshan ma ni/ /nyin mo yi ni chu tshod do/ /drug dang bcu ni gnyis bsgyur ba/ /mtshan mo'i chu tshod mtshan ma bya/ /drug dang bcu ni gsum bsgyur ba/ /nyin mo yi ni shes bya ste/ /bzhi dang bcu ni gnyis bsgyur ba/ /mtshan mo'i chu tshod du ni grags/ /de bzhin lhor ni 'gro ba yi/ /dus shes par ni bshad par bya/ /bzhi dang gsum bsgyur chu tshod ni/ /nyin mo yi ni bshad pa yin/ /drug dang bcu ni gnyis bsgyur ba/ /mtshan mo yi ni mtshan mar bya/ /gnyis dang bcu ni gsum bsgyur ba/ /de bzhin nyin mo'i chu tshod yin/ /brgyad dang bcu ni gnyis bsgyur ba/ /chu tshod mtshan gyir rab tu grags/ /bcu ni gsum du bsgyur</font><hr>85.251a<br><font size=+1>

ba dag /bi shu'i nyin mo'i chu tshod de/ /de bzhin mtshan gyi chu tshod kyang / /bcu ni gsum du bsgyur bar bya/ /brgyad dang bcu ni gnyis bsgyur ba/ /nyin mo yi ni bsam par bya/ /gnyis dang bcu ni gsum bsgyur ba/ /mtshan mo'i chu tshod du ni brtag /bzhi dang bcu ni gnyis bsgyur ba/ /nyin mo'i chu tshod rim pa yin/ /drug dang bcu ni gsum bsgyur ba/ /de bzhin mtshan mo'i chu tshod do/ /sum brgya drug bcu'i dbugs kyis ni/ /chu tshod kyi ni dus rnams 'da'/ /chu tshod drug cu'i grangs kyis ni/ /nyin mtshan phrugs gcig tu ni brjod/ /zla ba'i go rims ji bzhin du/ /rims pa de bzhin mtshan ma bya/ /chu tshod dbugs ni rdzogs dang po/ /rim gyis 'phel zhing rim gyis 'bri/ /las dang las min bye brag bzhin/ /dbugs ni rim gyis gzung bar bya/ /mkha' 'gro gnyis dang dus tshigs dang / /bgrod pa gnyis kyis mtshon par bya/ /gnyis po dag ni bcur bsgyur ba/ /de bzhin lo'i chu tshod do/ /de yi mtshan ma ldan pa yis/ /nyin mtshan gyis ni dbugs su brtsi/ /ngag gi dbang phyug kun bzung nas/ /dbyangs kyi mtshan mar mngon par bzhag /ma ning gnyis ni spangs nas su/ /sa yi dbang phyug kun du bzhag /a yi rim pa la bab na/ /dpal dang mngon par mnyam 'grogs shing / /nor rnyed par ni snang ba ste/ /skal ba bzang por gdon mi za/ /a yi re'u mig la bab na/ /rims dang nad kyis gzer ba dang / /'jigs shing skrag par snang 'gyur bas/ /A zhes bya bas nges par ston/ /yi ge i la bab gyur na/ /rgyal po'i dpal ni ster 'gyur te/ /kun nas nor ni rnyed pa dang / /gang zhig bsams pa de 'grub 'gyur/ /yi ge I la bab gyur na/ /zla ba drug ni 'chi ba dang / /de bzhin dgras ni gzir</font><hr>85.251b<br><font size=+1>

ba dang / /me yis 'jigs par shes par bya/ /yi ge u la bab gyur na/ /dpal ldan grogs mo rnyad pa dang / /nor dang 'bru ni 'phel ba dang / /dpal rnams kyang ni rnyed par 'gyur/ /U la gal te bab gyur na/ /de ni dgra yis 'tshe bar snang / /bran gza' dang ni gnyen tshan rnams/ /'jigs shing skrag par snang bar 'gyur/ /yi ge e la bab gyur na/ /'phral du skye bo skal can 'gyur/ /skyes pa bud med dag gi ni/ /mchod pa'i gnas ni 'thob par 'gyur/ /ai mtshan ma la lhung na/ /dgra dang rgyal po'i 'jigs pa'i dang / /lus can rkun pos gzer 'gyur zhing / /nad dang rims kyis thebs par 'gyur/ /o'i mtshan ma la bab na/ /gnas kyi dbang por 'gyur ba dang / /nor dang 'bru ni rnyed 'gyur zhing / /yid 'ongs rim pa de bzhin no/ /au yi mtshan ma la bab na/ /'thab mo dang ni dgras 'tshe zhing / /gnas las nyams dang brdeg btsog dang / /byas pa chud ni zos par 'gyur/ /yi ge a~M la bab gyur na/ /bran bza' dag ni rnyed 'gyur zhing / /bu dang rig pa'ang rnyed 'gyur te/ /de bzhin grogs po rnyed par 'gyur/ /ji ltar sngon gyi a zhes pa/ /de bzhin mtha' ma'ang gzung bar bya/ /drug 'gyur du ni bzhag nas su/ /snga ma de bzhin sum 'gyur bya/ /sum brgya drug cur bsres nas su/ /sa bzhi ru ni bcad nas su/ /yi ge lhag ma gzung byas te/ /dge dang mi dge mtshon par bya/ /yang na ri mo kyag kyog bri/ /dbyangs kyi dang po la sogs bgrang / /yang na me tog gtor nas ni/ /de bzhin sa ni mtshon par bya/ /yang na sngo dro ro hi tA'i/ /dus su rtsi ba po yis blta/ /rnal 'byor bstan bcos rab rgyas pa'o/ /bcu gnyis kyi ni gnas dag tu/ /sems ni bskyed pa'i cho ga bshad/ /ro hi tA'i dus bdag nyid bsam/ /</font><hr>85.252a<br><font size=+1>

sa dbang phyug la de bzhin khyim/ /rmi lam la ni spun gyi bsam/ /byA ku li la nye du ste/ /b+hi dri kA la bu yi bsam/ /sme ba la ni dgra yir bstan/ /raN+DA la ni sbyor ba bsam/ /ma ka ra la gso dpyad don/ /rus sbal la ni chos kyi don/ /khyu mchog la ni drag po'i las/ /bzang po la ni nor shes bya/ /gti mug la ni kun tu 'khrug /'phel ba la ni reg byed na/ /don rnams 'grub par 'gyur ba dang / /nor dang 'bru dang phrad pa dang / /grogs po sdug dang 'phrad par 'gyur/ /dus ni ring por mi sdod cing / /myur du 'phrad 'gyur gdon mi za/ /sa dbang phyug la reg tsam gyis/ /lam du 'gro ba nyid dang ni/ /kha zas sems dang bu dang nor/ /lam gyi bsam pa ston par byed/ /rmi lam la ni nor rnyed cing / /mchod pa 'thob cing grogs dang 'phrad/ /gnyen bshes yid ni dga' ba dang / /zhi zhing dgos pa'ang 'grub par ston/ /byA ku la la mya ngan dang / /khyed par can gyi don nyams shing / /gnyen 'dun dang ni 'bral bar 'gyur/ /b+hi dri skyes ni ster ba dang / /byams par smra ba rnyed 'gyur te/ /bu ni skye ba mthong bar 'gyur/ /mi ki rA la rtsod pa dang / /ca cos kun tu nyon mongs shing / /chom po bkra ni mi shis dang / /gnyen 'dun nad kyis thebs par 'gyur/ /raN+TA la ni btung dang bza'/ /gos dang rgyan la sogs rnyed cing / /stor ba slar yang rnyed pa dang / /bud med sdug dang phrad par 'gyur/ /ma ka ra la sems khral dang / /don gnyer 'bras bu med par 'gyur/ /yid 'ong nor dang 'bral 'gyur zhing / /'dod pa rnams dang 'phrad mi 'gyur/ /rus sbal la ni skal bzang zhing / /zhi dang bsrung dang bkra shis 'gyur/ /stan dang nor dang btung ba rnyed/ /khyu mchog la ni las rnams la/ /rgyal po'i</font><hr>85.252b<br><font size=+1>

chad pas nges par 'jigs/ /mya ngan dang ni gnas su 'gro/ /bye bral dag ni mthong bar 'gyur/ /bzang po la ni longs spyod dang / /don rnams thams cad nges par 'grub/ /mchod pa'i gnas 'gyur grogs dang ni/ /bkra shis dag ni 'byung bar 'gyur/ /gti mug la ni don rnams kun/ /snying po med pa'i rtswa dang mtshungs/ /gnas ni bcings dang lam gyi ni/ /'du shes dag ni mthong bar 'gyur/ /nyon cig lha mo skal ba chen mo/ /yan lag gi ni mtshan ma rnams ni/ /'phel ba'i nyi ma la mig g.yon pa 'gul na pha dang ma skrag par 'gyur ro/ /sa'i dbang phyug la ni mdzes par snang ngo / /rmi lam la ni gos rnyed do/ /'phyo ba la ni nor rnyed do/ /'bug pa la ni ma dang pha la nyes don 'byung ngo / /sme ba la ni cir yang mi 'gyur ro/ /yugs sa mo la ni gnyen 'dun 'ong ngo / /chu srin la ni bgo ba rnyed do/ /rus sbal la ni 'thab rtsod do/ /khyu mchog la ni byang phyogs nas mgron po 'ong ngo / /bzang po dang / gti mug la de bzhin du bgo ba'o/ /'phel ba'i nyi ma la mig g.yas pa 'gul ba'i 'bras bu yang snga ma bzhin no/ /sa'i dbang phyug la ni ci'i mtshan mar yang mi 'gyur ro/ /rmi lam la ni 'thab rtsod do/ /byA ku li la ni lam rings kyi gtam thos par 'gyur ro/ /'bugs pa la ni nor nyams par 'gyur ro/ /sme ba la ni nor rnyed par 'gyur ro/ /yugs sa mo la ni ngu bar ston no/ /chu srin la ni cir yang mi 'gyur ro/ /rus sbal la ni bgo ba rnyed do/ /khyu mchog la ni stor ba rnyed par 'gyur ro/ /bzang po la ni 'gron po 'ong bar 'gyur ro/ /gti mug la ni pho nya dang phrad do/ /yang ro hi tA'i nyi ma la/ rna ba g.yas pa ngu na bud med dang 'phrad do/ /sa'i dbang phyug gis ni mdzes par</font><hr>85.253a<br><font size=+1>

'gyur ro/ /rmi lam gyis ni mgu bar 'gyur ro/ /byA ku lis ni btung ba rnyed do/ /b+hi dri kas ni cung zad skrag par 'gyur ro/ /mi ki rAs kyang de bzhin no/ /raN Das ni mya ngan gyis 'dzin no/ /ma ka ras ni mdzes par 'gyur ro/ /rus sbal ni 'gron po 'ong ngo / /br-i Sha b+has ni byams sdug tu 'gyur ro/ /bzang pos ni mnyes par 'gyur ro/ /gti mug gis ni cir yang mi 'gyur ro/ /ro hi tA'i nyi ma la rna ba g.yon pa ngu na/ bza' ba dang btung ba 'ong bar 'gyur ro/ /sa'i dbang phyug gis ni dge bar 'gyur ro/ /rmi lam gyis ni sngon ma mthong ba cung zad mthong bar 'gyur ro/ /byA ku li la bcing bar 'gyur ro/ /b+hi dri kA la 'thab rtsod 'byung ngo / /mi ki rA la gzhan dag 'ong ngo / /raN+TA la stor brlag thos par 'gyur ro/ /ma ka ra la shi chad thos par 'gyur ro/ /kUrma la mya ngan gyis 'dzin to/ /b+h-i Sha b+ha la dge bar ston no/ /bzang pos ni gtam ngan thos par 'gyur ro/ /gti mug gis ni cir yang mi 'gyur ro/ /ro hi tA'i nyi ma la rkan g.ya' na/ mi chen po 'ong ngo / /sa'i dbang phyug gis ni khyim dge bar 'gyur ro/ /rmi lam gyis ni su zhig 'ong bar ston no/ /byA ku lis ni bgo ba rnyed do/ /b+hi dri kAs ni sems khral skye bo/ /mi ki rAs ni bde bar ston no/ /raN DAs ni skrag go/ /ma ka ras ni khyim 'phel lo/ /kUr mas ni su zhig 'chi bar ston to/ /khyu mchog gis ni 'dron po 'ong bar gyur to/ /bzang pos ni chom po 'ong bar ston to/ /gti mug gis ni khyim mdzes par ston to/ /ro hi tA'i nyi ma la lus thams cad g.yen/ 'thab rtsod dang skyo sngogs 'byung ngo / /sa'i dbang phyug gis ni nor rnyed do/ /rmi lam gyis ni 'jigs par 'gyur ro/ /byA ku lis ni ma dang pha la nyes don 'byung ngo / /b+hi dri kAs ni las nye bar gnas par ston to/ /mi ki rAs ni pha ma skrag pa skye bar 'gyur ro/ /raN DAs ni lho phyogs nas 'gron po 'ong bar ston to/ /ma ka ras ni skya seng 'ong bar ston to/ /kUr mas ni 'gron po blo bur du 'ong ngo / /</font><hr>85.253b<br><font size=+1>

b+hi Sha b+has ni mya ngan skye'o/ /b+ha dras ni 'jigs pa chen po 'byung ngo / /gti mug gis ni sangs rgyas rjes su dran no/ /ro hi tA'i nyi ma la rkang pa'i sha 'gul na dge'o/ /sa'i dbang phyug kyang de bzhin no/ /rmi lam gyis ni gtam 'dri ba dag 'ong ngo / /byA ku lis ni 'thab rtsod do/ /b+hi dri kAs ni bdag po mdzes par 'gyur ro/ /mi ki rAs kyang 'thab rtsod do/ /raN Das ni 'thab rtsod dang skyo sngogs su 'gyur ro/ /ma ka ras kyang de bzhin no/ /kUr mas ni de nyid du su zhig 'chi bar ston br-i Sha b+has ni gos rnyed do/ /b+ha dras ni nad dang phrad par 'gyur ro/ /mo hi tAs ni mya ngan dang phrad par 'gyur ro/ /'phel ba nor rgyas bu yin te/ /gti mug de bzhin 'jog po yin/ /bzang po stobs kyis rgyu ba ste/ /khyu mchog pad mar shes bya ste/ /rus sbal de bzhin pad ma che/ /chu srin du ni dung skyong gsungs/ /yugs sa mo ni mtha' yas bzhed/ /rig ldan sme bar shes par bya/ /'bugs pa mgo brgya pa zhes bya/ /'phyo ba yid kyis 'gro ba ste/ /rmi lam gtsigs pa zhes bya yin/ /sa yi dbang phyug char 'bebs so/ /lha mo bcu gnyis 'di dag ni/ /lo gnas rten 'brel bcu gnyis dngos/ /de ltar sa rnams shes byas nas/ /dge dang mi dge brtag par bya/ /de nas dus su bgrod pa ni/ /bshad kyis sgrub pa po rnams nyon/ /dga' ba skad cig nyid dang ni/ /'bras bu'i yan lag bye brag rnams/ /sum 'gyur du ni sgyur byas te/ /kun la rkang pa bzhi yis dgang / /mdud pa bcad cing 'char ba yis/ /dus ni de ltar brjod pa yin/ /chad pa bgegs dang gza' rnams dang / /mdung dang dgra rnams ltung ba dang / /khyim sa yi ni dpyad dag la/ /lto 'phye ltor ni brko ba dang / /'gro 'ong sbyor ba'i bye brag dang / /tshe dang nad med spel ba dang / /de bzhin sa bon gdab pa dang / /phyugs rnams ji ltar gdul ba dang / /bral dang 'du dang rgyal srid dang / /rnyed pa dag ni spang bya zhing / /</font><hr>85.254a<br><font size=+1>

yid las byung dang g.yul 'gyed dang / /sdong bu'i phung po de bzhin te/ /byis pa gso ba'i sgrub pa dang / /mig sman khyab par de bzhin te/ /dus dang tshod la sogs pa nyid/ /nyin dang nyin gyis dbye bar bya/ /bcud kyis len dang rtsi rnam gnyis/ /las ni yongs su smin par bya/ /sems 'phel mnyam par 'jug pa yis/ /srid dang zhi ba'i rang bzhin te/ /de ltar rtsi dang bcud len stsogs/ /blo ldan 'bad pas shes bya zhes/ /dam tshig kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ /dbugs brtsi ba'i rim par phye ba zhes bya ba ste bcu pa'o// // de nas yang dag bshad bya ba/ /dngos grub mchog gi rig pa la/ /sgyu ma chen mo zhes bya ba/ /gsang ba chen po'i dbang phyug ste/ /sems can thams cad gdul mdzad gnyen/ /dbang phyug thams cad byed pa po/ /'di ni rig pa dam pa mchog /ming tsam mchog tu rnyed dka' ba/ /dang po chos kyi 'byung gnas bsam/ /de nas yi ge dgod par bya/ /dbyangs yig dang po thig ler bcas/ /pad ma'i steng du yang dag gnas/ /rtag tu dbugs kyi ngo bo ste/ /'byung ba ru ni byed pa yin/ /'bar ba'i phreng bas mdzes pa'i mdog /phyogs kun du ni rnam par 'phro/ /sna tshogs mdud pa'i 'char ba che/ /zla ba'i dbugs gnas bsgom par bya/ /kun tu 'gro ba 'thob 'gyur zhing / /'di ni rnyed dka'i sangs rgyas 'gyur/ /de nyid spangs pas yi ge med/ /'gyur med rnyog pa med pa ste/ /dung dang zla 'dra dri med pa'i/ /byang chub sems zhes de bya'o/ /rang gi snying gi dbus gyur par/ /'dab brgyad pad mas shin tu brgyan/ /de yi dbus</font><hr>85.254b<br><font size=+1>

gyur sa bon ni/ /gangs dang 'dra bar 'dzag pa ste/ /mchog tu zhi ba'i ha la ni/ /dbyangs yig drug pa dang sbyar nas/ /thig les steng du brgyan pa yi/ /yi ge dgod pas dgod par bya/ /rnal 'byor pa yi dbugs rngub byed/ /dngos dang dngos med rnam spangs pa'o/ /rang gi mgrin dbus gnas par yang / /pad ma dmar po kun 'ong mdzes/ /der ni thig le zla ba yis/ /brgyan pa'i dbyangs yig bcu gsum pa/ /pu lu ta zhes bya bar grags/ /mgo yi klad pa'i dbus gnas par/ /thig le'i gzugs can mi shigs pa/ /a ta sa yi me tog bzhin/ /'og tu bltas shing 'phyang ba ste/ /nyin dang mtshan du bdud rtsi yi/ /tshul gyis 'bab pas yang dag gnas/ /dang po 'khor lo bsgoms nas ni/ /dbyangs yig gis ni khyad par sbyar/ /rang gi phyag rgyar mngon ldan pas/ /sangs rgyas byang chub rab tu ster/ /de yi brtul zhugs ma bshad de/ /sbyin sreg las dang sngags rnams dang / /gzung ba dang ni bgrang phreng dang / /gcig nas gcig tu ldog par 'gyur/ /sngags kyi dkyil 'khor dbyibs chos dag /sbyor ba rnam gsum zhes bya ste/ /dug med byas nas nan tan du/ /brten bya 'di ni bsten byas nas/ /srid pa'i longs spyod dag 'gyur zhing / /srid pas srid pa mchog gi bdag /ye shes rnam pa gsum gyis ni/ /srid pa'i nyes pas gos mi 'gyur/ /rnal 'byor pa yis sbyor ba 'di/ /rtag tu rgyun du goms byas na/ /zla drug tsam gyis nges par ni/ /rdo rje sems dpa' mnyam 'gyur zhes/ /rdo rje mkha' 'gro bde ba'i mchog /bcom ldan rdo rje can gyis gsungs/ /zla ba'i dkyil 'khor yongs rdzogs pa/ /b+ha ga'i dbus su bsgom par bya/ /de yi dbus gyur sa bon ni/ /sngo zhing cung zad dmar</font><hr>85.255a<br><font size=+1>

ba'i 'od/ /'od zer sngon po'i phreng 'khrugs las/ /'dam skyes sngon po lta bu yi/ /zhal gcig phyag bzhi spyan gsum pa/ /mgo skyes kham pa gyen bsgreng zhing / /rgyan rnams kun gyis rnams par klubs/ /rked pa stag gi lpags pas dkris/ /phyag na lcags kyu zhags pa dag /mda' dang gzhu ni mchog tu 'gengs/ /in dra nI la lta bu ste/ /dang po'i yi ge las byung sgom/ /gang gi rig pa rab sbyor bas/ /kun nas de ma thag tu 'grub/ /dmar po ru ni bsgoms nas su/ /de nas cho ga bzhin du bya/ /dbyangs yig gnyis pa dang ldan par/ /srid pa gsum po bsgom par bya/ /'bad pas bsgrub bya snang byas te/ /slar yang de nyid du ni gzhug /des ni sa gsum ma lus pa/ /bsgrub pa po yi dbang du 'gyur/ /tshangs dang khyab 'jug drag po dang / /dbang po dang ni 'dod lha sogs/ /yi ge phan tshun bskul ba yi/ /chung ma dang ni bcas te mgugs/ /bcom ldan de nyid shes bya ba/ /spyod pa'i gar gyis gtso bo yin/ /de nas dbus ma'i mtha' dang ldan/ /thig le sgra yis yang dag mtshan/ /sku gsung thugs la legs gnas par/ /dngos po bsgom pas bsgom byas na/ /gong bu dgug pa'i dam pa yin/ /b+ha ga yi ni dbus gyur pa/ /ye ge rgya mtsho bsgom byas la/ /yi ge mi 'gyur rdzogs pa las/ /sku mdog dkar po zhal bzhi pa/ /rdo rje dang ni kha T+wA~M rnams/ /dpa' bo spyi gtsug zla phyed brgyan/ /gshor dang thod pa'ang bsdams pa ste/ /dbugs mi g.yo bar bsgom par bya/ /rlung dang me ni yang dag ldan/ /chu dang dbang chen mnan pa ste/ /spro ba'i bdag nyid can gyis spro/ /'bad de sgrub bya dmigs na ni/ /khu ba dgug pa'i dam pa yin/ /</font><hr>85.255b<br><font size=+1>

ts-i yi ye shes las byung ba/ /sku mdog ser po kun tu 'bar/ /zhal bzhi pa la phyag bzhi pa/ /mgo skyes thod pa'i phreng bas brgyan/ /sdigs mdzub rdo rje zhags pa dang / /ka pA la ni phyag g.yon na/ /g.yas na rdo rje 'bar ba dang / /de bzhin du ni lcags kyu'i mchog /rta zhal tshul du byas nas ni/ /chang 'gugs pa'i dam pa yin/ /ra yi ye shes las byung ba/ /'od zer dmar po drag chen po/ /dpa' bo thod pa'i phreng ba can/ /rgyan kun gyis ni rnam par klubs/ /zhal bzhi pa la phyag bzhi pa/ /lce spyang gi ni gdong can te/ /kha T+wA~M ga dang thod pa dang / /rdo rje de bzhin ral gri bsnams/ /khrag gis gang ba'i lus can sgom/ /'bed de bsgrub bya dmigs nas ni/ /mkha' 'gro ma yi 'khor lo spro/ /rdo rje phra mos phug nas su/ /'jib pa nyid du rab bsgoms na/ /khrag dgug pa yi dam pa zhes/ /sgyu ma kun dang mnyam sbyor ba'i/ /rdo rje mkha' 'gro zhes grags pa/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ sgyu ma kun tu rnam par 'phrul pa'i rim pa phye ba ste bcu gcig pa'o// // rdo rje mkha' 'gro'i sgrub thabs ni/ /bshad par bya yis lha mo nyon/ /dang por ro ni bsgoms byas te/ /mkhas pas chos dbyings rang bzhin bsam/ /rnal 'byor pa ni der gnas nas/ /go 'phang mchog ni bsgom par bya/ /rang snying zla ba'i dbus su ni/ /de nyid thams cad bkod nas su/ /de yi 'od zer las byung ba/ /mkha' 'gro ma sogs mchod nas ni/ /phyag byas nas ni 'di skad brjod/ /sangs rgyas byang chub sems dpa' rnams/ /kun nas bdag la dgongs su gsol/ /bdag ming 'di zhes bgyi</font><hr>85.256a<br><font size=+1>

ba ni/ /dus 'di nas bzung ji srid du/ /byang chub snying por mchis kyi bar/ /ji ltar dus gsum mgon po rnams/ /yang dag byang chub nges mdzad pa/ /de bzhin bla med byang chub sems/ /dam pa bdag gis bskyed par bgyi/ /sangs rgyas rnal 'byor skyed sdom pa/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te mchog tu gzung / /bslab pa yi ni tshul khrims dang / /dge ba'i chos ni bsdu ba dang / /sems can don byed tshul khrims gsum/ /bdag gis so sor brtan por bzung / /rdo rje rigs mtho chen po la/ /rdo rje dril bu phyag rgya yang / /yang dag nyid du gzung bgyi zhing / /slob dpon dag kyang bdag gis gzung / /rin chen rigs chen rnal 'byor gyi/ /dam tshig yid du 'ong ba la/ /nyin re zhing ni dus drug tu/ /sbyin pa rnam bzhi stsal bar bgyi/ /byang chub chen po las byung ba'i/ /pad ma'i rigs chen dag pa la/ /phyi nang gsang ba'i theg pa gsum/ /dam chos yang dag gzung bar bgyi/ /las kyi rigs mchog chen po la/ /mchod pa ci nus bgyi ba dang / /sdom pa thams cad ldan par bgyi/ /bla na med pa'i byang chub sems/ /dam pa de ni skyed bgyi zhing / /sems can kun gyi don gyi phyir/ /sdom pa ma lus gzung bar bgyi/ /ma rgal ba rnams bsgral ba dang / /ma grol ba rnams bdag gis dgrol/ /dbugs ma phyin pa dbugs dbyung zhing / /'gro kun mya ngan 'das la dgod/ /de nas o~M swa b+hA ba shud d+ha sarba d+harmaHswa b+hA ba shud d+ho\u0f85ha~M/ de nas tshig 'di brjod nas chos thams cad bdag med par lta ste/ de nyid bcom ldan rdo rje can/ /rdo rje sems dpa' de bzhin gshegs/ /sku mdog sngon po 'jigs</font><hr>85.256b<br><font size=+1>

chen po/ /thod pa'i phreng bas rnam par klubs/ /zhal bzhi pa la phyag bzhi pa/ /spyan gsum gyis ni mdzes pa ste/ /yi dgas chen po gdan du byas/ /nyi ma la bzhugs gar dang ldan/ /phyag na thod pa kha T+wA~M dang / /de bzhin gzhan yang gzhu dang mda'/ /cho ga'i bya ba de nyid kyis/ /ye shes rgya mtsho bsgom par bya/ /shar ni dkar zhing 'od sngo ste/ /g.yon na kha T+wA~M dril bu dang / /gzhan na rdo rje thod pa'o/ /byang phyogs dmar gang ser skya'i 'od/ /g.yon na kha T+wA~M zhags pa dang / /g.yas na rnge'u chung thod pa bsnams/ /nub phyogs dmar zhing ser skya'i 'od/ /gzhu dang mda' yi mchog dang ni/ /sna tshogs pad ma thod pa dag /g.yon dang g.yas kyi phyag tu dgod/ /lho ni dkar zhing ser ba'i 'od/ /g.yon na dung dang rin chen te/ /g.yas na ba dan thod pa bsnams/ /glang chen lce spyang mi dang ni/ /glang gi thod par rim bzhin bzhug /dang po ltung byed ma yin te/ /gnyis pa de bzhin gsod ma yin/ /gsum pa mgugs ma zhes bya ste/ /bzhi pa gar gyi dbang phyug ma/ /rig ma de dag gyen skra 'bar/ /rgyan rnams thams cad rnam par klubs/ /gar dang ldan pas yang dag bzhugs/ /phyogs mtshams dag ni bzhi po ru/ /thod pa rnam pa bzhi po dgod/ /sangs rgyas gzugs kyis rnam brgyan pa/ /spyi gtsug gsal bar yang dag ldan/ /dang po'i yi ge ldan pa ru/ /bsgoms na skad cig de la 'bar/ /rdzas kyi dngos grub 'bras rab ster/ /lha mo de ltar bsgoms na ni/ /sbyor ba'i dngos grub rig pa che/ /yid ches yang dag 'jug par 'gyur/ /mi snang ba dang thams cad dang / /sgrub pos skad cig gis mthong 'gyur/ /lha mchog las skyes phrogs nas su/ /sangs rgyas kun</font><hr>85.257a<br><font size=+1>

gyi bu mo spyod/ /gang gA'i bye snyed sangs rgyas rnams/ /nyid kyi rdo rje gnas bzhugs pa/ /lag tu shing thog bzhag pa bzhin/ /rdo rje mig gis mthong bar 'gyur/ /gang gA'i bye snyed zhing dag na/ /sku gsung thugs kyi mtshan nyid rnams/ /thams cad rang gi sems nyid kyi/ /ri mo las byung mthong bar 'gyur/ /sngags kyi yi ge go zlog pas/ /rgyud dang sngags ni bsgom par bya/ /gsang chen dam pa de dag ni/ /mdzes ma khyod la bshad pa yin/ /tho rangs rang gi snying gar ni/ /a las zla ba'i dkyil 'khor bsam/ /de steng yi ge hU~M bsgoms la/ /byams pa'i sems ni bskyed nas su/ /de nas dkyil 'khor bri bar bya/ /gru bzhi pa la sgo bzhi pa/ /kha khyer de bzhin rdo rjes mtshan/ /skud pa bzhi dang yang dag ldan/ /dar gyi phreng bas mdzes par byas/ /dkyil 'khor grwa rnams thams cad dang / /sgo dang sgo khyud mtshams rnams su/ /rdo rje rin chen rnam spras par/ /phyi'i dkyil 'khor thig gdab bya/ /shes rab can gyis de'i nang du/ /'khor lo'i phreng bas rnam brgyan te/ /de yi dbus su pad ma ni/ /dkar pos shin du mdzes par bya/ /slar yang de yi dbus gyur par/ /'od ldan pad ma dkar po bri/ /de nas sngags pas de'i nang du/ /rdo rje'i phreng ba kun 'khrugs bri/ /slar yang pad chen 'dab brgyad pa/ /in tra nI la'i 'od 'bar bri/ /rdo rje ka ba'i nang logs su/ /dkyil 'khor lngas ni rnam brgyan pa/ /ri rab lhun po'i steng du ni/ /sna tshogs pad ma yid 'ong bsam/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rdo rje mkha' 'gro 'byung ba'i rim par phye ba ste bcu</font><hr>85.257b<br><font size=+1>

gnyis pa'o// // de nas yang dag bshad bya ba/ /dngos grub thams cad rab sgrub pa/ /gang zhig shes pa tsam gyis ni/ /sgrub pos dngos grub thob 'gyur ba'o/ /a ni snar rtser bsams nas su/ /pa ni ling ga'i lte bar bsam/ /de nas mnyam par sbyar byas te/ /rnal 'byor ma yi 'khor lo kun/ /pad ma'i lte ba rnams su sbyar/ /a ba d+hU tI'i gnas de bzhin/ /smin ma'i bar du gzhag par bya/ /dbyangs yig dang por yang dag ldan/ /bsgoms na skad cig de la 'bar/ /de nas 'bar phreng rgya mtshor ni/ /kun nas sgo'i 'khor lo bsam/ /lte ba snying ga'i kha dang ni/ /dpral steng spyi gtsug 'khor lo ni/ /dang po sngags tshogs byin gyis brlab/ /lte ba snying gar rnal 'byor ma/ /lce gnyis dpa' bos byin gyis brlab/ /dpa' bo dang ni rnal 'byor ma/ /gnyis med cho ga ji bzhin du/ /'gal me'i 'khor lo la gnas pa/ /mkha' 'gro ma ni de bzhin 'khor/ /glog lta bur ni gsal ba'i 'od/ /yid shugs chen pos rig pa che/ /lha'i rnal 'byor dus su ni/ /phyogs bcu rnams su spro bar bya/ /shin tu phra ba'i rdul tshogs ni/ /shin tu phra ba'i dngos por bsgom/ /'gyur ba med cing snang ba med/ /kun mkhyen 'bras bu ster ba'o/ /me tog la ni gnas bsams te/ /gang la byin te rgyas 'debs 'gyur/ /dung dang zla 'dra'i 'od mdzad pa/ /ltung byed ma yi sbyor ba bsam/ /bsgrub bya kha ru bcug nas ni/ /ldad cing bzlas na ltung bar 'gyur/ /de nas nyi ma la gnas pa'i/ /mdung tshul nyi ma'i 'od can ni/ /bskal pa'i me ltar rab 'jigs pa'i/ /gsod ma bsams te yid kyis su/ /bsgrub byar lhan cig gcig gyur nas/ /steng du bltas na 'chi bar 'gyur/ /de nas rlung dang me'i ni/ /dkyil 'khor la gnas me stag gi/ /phung po 'phro</font><hr>85.258a<br><font size=+1>

ba'i mgugs ma bsam/ /yid kyis bsgrub bya'i snying zhugs te/ /de yi snying ni rtsa nas dbyung / /'gugs ma'i sngags bzlas 'gugs par 'gyur/ /rlung gi dkyil 'khor sems kyis ni/ /rlung gi dkyil 'khor la gnas te/ /rlung mdog bsgrub bya rlung nang bsam/ /slar yang bdag dang bsgrub bya ni/ /gcig tu gyur te gar mdzad ma'i/ /sngags zlos shing ni gar byas na/ /gar byed byed du 'jug par 'gyur/ /mchod pa rdo rje rab sbyor gyis/ /de nas las rnams kun sgrub bya/ /snying ga nyid dang de bzhin kha/ /mgo dang spyi gtsug mtshon cha ste/ /lte ba snying ga rnams su ni/ /dbugs mi g.yo bas bsgom par bya/ /dang po rdo rje sems dpa' ste/ /gnyis pa pad ma gar dbang rgyal/ /gsum pa rnam par snang mdzad de/ /de bzhin bzhi pa rta mchog rgyal/ /lnga pa rdo rje nyi ma ste/ /drug pa he ru kar ni brjod/ /slar yang lte ba snying ga dang / /de bzhin kha dang mgo dang ni/ /spyi gtsug mtshon cha nyid dag ste/ /rdo rje phag mo gshin rje ma/ /de bzhin rmongs ma bskyod ma ste/ /skrag ma dang ni gtum mo rnams/ /drug po 'di dag rig pa che/ /pha rol phyin pa rnam pa drug /de nas dbang bskur bsgoms nas ni/ /phyi nas mchod pa brtsam par bya/ /bdag nyid he ru kar byas nas/ /dpal ldan he ru kar dran bya/ /dam tshig ye shes gcig gyur bas/ /des ni rdo rje can du brjod/ /rnal 'byor 'di ni mchod chen dang / /de bzhin sngags kyi dgod pa ste/ /de nas dpa' bo mchod shes nas/ /las ni 'bed pa nyid kyis bya/ /sngags pas rang dgar dbye bya ste/ /phyin ci log tu nges par sbyar/ /tshar gcod pa dang phan 'dogs pa'i/ /las kyi mdog tu rnam par sgom/ /de nyid dbye bas phye nas ni/ /rtsa ni lam du sbyar bar bya/ /sbyor ba yi ni don rnams la/ /</font><hr>85.258b<br><font size=+1>

dga' ba chen pos 'dis sgrub bya/ /cho ga 'di yis bsgrubs na ni/ /lha dang lha min mir bcas 'grub/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ dpa' bo'i gnyis su med pa'i mchod pa dang / las kyi tshogs rnams 'byung ba'i rim par phye ba ste bcu gsum pa'o// // de nas sku gsung thugs kyi ni/ /'khor lor gnas pa'i bye brag dang / /gnas kyi rab tu dbye ba dang / /yul gyi dbye ba bshad par bya/ /go ni ma la ya yul te/ /spyi gtsug dzA la d+ha ra yin/ /u r+yan rna ba g.yas pa ste/ /ar bu da ni rgyab phyogs yin/ /gnas kyi ming can rnam pa bzhi'o/ /go da ba ri rna g.yon te/ /ra mI shwa ri smin dbus gsungs/ /mig ni de bi ko Ti ste/ /dbung ba ma la ba zhes brjod/ /'di dag nye ba'i gnas yin te/ /gnas kyi khyad par tshul gyis ni/ /mkha' spyod thugs kyi 'khor lor gnas/ /kA ma ru mchan khung de bzhin du/ /nu ma o Ter rab tu grags/ /de dag zhing ste lte ba ni/ /tri sha ku ni zhes bya yin/ /sna yi rtse mo ko sa la/ /de dag nye ba'i zhing du brjod/ /kha ni ka ling ga yin te/ /mgrin pa lam pa ka ru brjod/ /tshan d+hA+o ha zhes bya bar grags/ /snying ka kin tsi zhes bya ste/ /chu so hi ma la zhes bya/ /nye ba'i rol sar brjod pa yin/ /gnas kyi khyad par tshul gyi ni/ /sa spyod gsung gi 'khor lor gnas/ /mtshan ni yi dgas gnas pa ste/ /gri ha de ba bshang ba'i lam/ /de dag 'dun sar brjod pa ste/ /brla ni sau raSh+Ta zhes bya/ /byin pa gnyis ni gser gling ste/ /nyi ba'i 'dun sa nyid yin no/ /sor mo rnams ni na ga ra/ /rkang pa'i bol ni sin d+hu ste/ /dur khrod ces ni bya bar brjod/ /mthe bo ma ru zhes bya ste/ /pus mo ku lu tA zhes brjod/ /nye ba'i dur khrod sa 'og ni/ /sku yi 'khor lor yang dag gnas/ /rang lus</font><hr>85.259a<br><font size=+1>

skyes pa'i yul 'di dag /mkha' spyod ma yi gnas su brjod/ /phyi dang nang dang yang dag gnas/ /nyi shu rtsa bzhir phye ba yis/ /sku gsung thugs kyi 'khor lo yin/ /gnas rnams dag ni thams cad du/ /rtsa rnams kun ni yang dag bshad/ /yul 'di rnams ni bu mos gang / /rtsa'i gzugs kyis gnas so zhes/ /dpa' bo kun dang mnyam sbyor ba'i/ /mkha' 'gro ma yi dra ba'i sdom/ /rdo rje sems dpa' de bzhin gshegs/ /bcom ldan rdo rje can gyis gsungs/ /slar yang bsdus te bshad bya ba/ /de ni bdag gis bshad kyis nyon/ /pul+lI ra dang ma la yar thod pa'i dum bu can dang rab tu gtum ma ste/ so dang sen mo 'bab pa'o/ /dzA la~M d+ha rar keng rus chen po dang gtum mig ma ste/ skra dang ba spu 'bab pa'o/ /o Ta ya ner keng rus dang 'od ldan ma ste/ lpags pa dang dri ma 'bab pa'o/ /ar bu der mche ba rnams par gtsigs pa dang sna chen ma ste/ sha 'bab pa ste/ gnas so/ /go da ba rer lha'i sgra dang dpa' bo'i blo ma ste/ thams cad du ni rgyus pa 'bab pa'o/ /rA me shwa rir 'od dpag med pa dang mi thung ma ste/ rus pa'i phreng ba 'bab pa'o/ /de bi ko Tar rdo rje'i 'od dang lang ka'i dbang phyug ma ste/ rtag tu mchin pa 'bab pa'o/ /ma la bar rdo rje'i lus dang ljon grib ma ste/ snying phrug 'bab pa ste nye ba'i gnas so/ /de ltar bstan pa 'di dag ni/ /thugs kyi 'khor lo mkha' spyod de/ /snyoms par zhugs pas yang dag gnas/ /kA ma ru par ni myu gu can dang sa srung ma ste/ rtag tu mig 'bab pa'o/ /o Ter ni rdo rje ral pa can dang 'jigs byed chen mo ste/ mkhris pa 'bab par grags pa ste zhing ngo / /tri sha ku ner dpa' bo chen po dang rlung gi shugs ma ste/ glo ba 'bab pa'o/ /ko sa lar rdo rje hU~M mdzad dang chang 'thung ma ste/ rgyu ma'i phreng ba 'bab pa'o/ /nye ba'i zhing ngo / /ka ling kar ni shin tu bzang po dang sngo bsangs lha mo ste/ rtsib logs kyi snal ma 'bab pa'o/ /lam bA kar ni rdo rje bzang po dang shin tu bzang mo ste/ bong bu rnams ltar lto 'bab pa'o/ /</font><hr>85.259b<br><font size=+1>

rol sa'o/ /kan rtsir ni 'jigs byed chen po dang rta rna ma ste/ bshang ba 'bab par grags so/ /hi ma la yar ni mig mi bzang dang khwa gdong ma ste/ mtshogs ma'i srubs 'bab pa'o/ /nye ba'i rol sa'o/ /gsung gi 'khor lo sa spyod de/ /snyoms par zhugs pas yang dag gnas/ /pre ta pu rir ni stobs po che dang 'khor lo'i shugs can ma ste/ thams cad du bad kan 'bab pa'o/ /gri ha de ba tar ni rin chen rdo rje dang dung skyes ma ste/ rtag tu rnag 'bab pa'o/ /'dun sa'o/ /sau raSh+Tar ni/ rta 'grin dang glang rna ma ste/ rtag tu khrag 'bab par grags so/ /su brna di pa ra nam mkha'i snying po dang 'khor lo'i go cha ma ste/ de bzhin du rdul 'bab pa'o/ /nye ba'i 'dun sa'o/ /nA ga rar ni lha'i dgra dang shin tu dpa' mo ste/ tshil 'bab pa'o/ /sin+d+hu'i yul du ni pad ma gar gyi dbang phyug ma dang / stobs chen ma ste/ rtag tu mchi ma 'bab pa'o/ /dur khrod do/ /ma rur ni rnam par snang mdzad dang 'khor lo sgyur ma ste/ mchil ma 'bab par grags so/ /ku la tar ni rdo rje sems dpa' dang brtson 'grus chen mo ste/ snabs gzhon nu 'bab pa'o/ /nye ba'i dur khrod do/ /sku yi 'khor lo sa 'og spyod/ /snyoms par zhugs pas zhugs yin zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ dpa' bo gnyis su med pa'i gnas bstan pa zhes bya ba'i rim par phye ba ste/ bcu bzhi pa'o// // de nas las kyi rab mchog ni/ /sbyor ba kun gyi dam pa ste/ /gang yang grub par byed pa'i sngags/ /de yi dbye ba rim bzhin bshad/ /yi ge pho nya la sogs sngags/ /mda' yi shugs kyis yongs su 'khor/ /sprul pa'i 'khor lo'i dbus su ni/ /sde tshan brgyad kyis shin du bskor/ /sngags rnams thams cad 'byung ba ste/ /gzhan yang ci yang rung ba ste/ /chos kyi 'khor lo zhes bya ba/ /lus can rnams</font><hr>85.260a<br><font size=+1>

kyi snying dga' byed/ /sgra lnga dang ni yang dag ldan/ /ya ra la was rnam par klubs/ /longs spyod 'khor lo zhes bya ba/ /ro rnams kyi ni rten rang bzhin/ /cha rnams bzhi po dag gis ni/ /kun nas yongs su bskor ba'o/ /bde ba chen po'i 'khor lo che/ /byang chub sum bcu gnyis dang ldan/ /zla ba nyi ma zhes bya ba/ /g.yon dang g.yas kyi ngos gnyis su/ /dpa' bo mkha' 'gro ma rnams kyi/ /'gro dang 'ong bar nges par brjod/ /gnas gnyis la ni mnyam par zhon/ /'og dang steng du yang dag brtan/ /g.yon dang g.yas kyi ngos gnyis su/ /dbyangs yig bcu gnyis steng bltas bris/ /ka sogs 'og tu bltas pa ni/ /ngos gnyis dag tu spel ba ste/ /dbus su des ni sbyar bar bya/ /da ltar bstan pa 'di dag ni/ /rtsa dang sgra yi rang bzhin no/ /gnyis med ye shes rdo rje ste/ /mkha' 'gro sgra yi rang bzhin no/ /nges 'byung sangs rgyas thams cad de/ /gang du skye ba zhes byar grags/ /shin tu rnam dag ye shes che/ /lha mo kun gyi rang bzhin gang / /rdo rje sems dpa' zhes bya ste/ /mchog tu bde bar brjod pa yin/ /rang 'byung gis ni gzugs 'di nyid/ /spro dang sdud par byed pa'o/ /yi ge pho nya la sogs sngags/ /der ni cha dang bral ba gang / /b+ha ga'i dbus su gzugs med pa/ /de ni rtag tu gnas pa yin/ /smin dbus pad ma'i zla ba ru/ /bcu drug skud pas bskor ba yin/ /shes rab thabs kyi mnyam sbyor gyis/ /kha sbyor zhes byar brjod pa yin/ /lag gnyis kun du 'khyud pa yin/ /rdo rje lu gu rgyud bcings brjod/ /slar yang rnam par grol ba'i lam/ /'bab pa'i tshogs ni mchog tu dga'/ /sbyor ba kha sbyar nyid dang ni/ /rdo rje lu gu rgyud du bzhed/ /rdo rje pad ma dbye ba dang / /sgron chung sbrang rtsi byed par bshad/ /skor ba gang phyir bskyod pa ste/ /bde de'i thabs kyis kun rig pa'o/ /dga' dang bde ba'i rang bzhin gyis/ /</font><hr>85.260b<br><font size=+1>

zhags pa pad mor bcug pa yin/ /chags pa lcags kyu kho na ste/ /de bzhin gshegs pa thams cad dgug /mi 'khrug rdo rjes dkrug par bya/ /de ni gsal shing zhes byar brjod/ /de nas chags sogs nyon mongs kyi/ /bag chags dum bu nyid du bya/ /shin tu rgya cher dmigs pa yis/ /kun rdzob de bzhin brdung ba dang / /dngos kun rdo rjes med par bya/ /rdo rje zhes bya de bzhin gshegs/ /ji ltar bstan kyang de dbus su/ /rtag stong 'byin dang sdud pa po/ /de ni de nyid ces bya ste/ /rang 'byung gcig gis khyab pa'o/ /gang ming sangs rgyas thams cad kyi/ /sgyu ma zhes byar grags pa ste/ /gsang ba mchog gi dgyes pa na/ /thams cad bdag nyid gang gnas pa'o/ /'di ni kun mkhyen zhes bya ste/ /kun tu 'gro ba mi shigs pa'o/ /pad ma yi ni sna rtse ru/ /rgyu dang mi rgyu kun sgom bya/ /phyi rol yi ge spangs nas su/ /yid kyi bzlas dang ldan par bya/ /nges pa'i go 'phang rtag tu gnas/ /bstan pa chos dbyings rang bzhin no/ /rtag tu phra ba rdul dang bral/ /ye shes sku ste dri ma med/ /gsal ba chos kyi rang bzhin shes/ /mya ngan 'das pa 'ba' zhig yul/ /phan tshun mdud pa'i gsang sngags ni/ /bye brag tu ni phye nas su/ /sa bon phreng ba de nas sgom/ /hU~M gi skud pas brgyu bar bya/ /bsgrub bya 'gog par gyur na ni/ /gom pa gnyis kyang mi 'gro'o/ /'di yi shes rab lhan skyes te/ /de yi gzugs su gyur bas gnas/ /las kyi rlung gis bskyod nas su/ /lte ba'i dkyil 'khor 'di nas 'bar/ /sgyu ma chen po zhes byar bshad/ /las rnams thams cad rab sgrub pa'o/ /skra rtse brgyar gyur pa yi cha/ /skad cig glog gi 'od zer can/ /lha yi rnal 'byor dus su ni/ /ba spu rnams kyi bu ga nas/ /phyogs bcu rnams su spros nas ni/ /lha dang lha min kun bsdigs te/ /snying ka'i chos kyi 'khor lo ni/ /bsregs te longs spyod 'khor lor song / /sna bug g.yas nas byung nas ni/ /slar yang</font><hr>85.261a<br><font size=+1>

zhugs te smin mtshams kyi/ /mdzod spu'i khung nas byung nas su/ /phyogs bcur bzhugs pa'i sangs rgyas dang / /byang chub sems dpa' thams cad kyi/ /sna sgo g.yon du zhugs nas ni/ /spyi bo'i 'khor lo bsregs nas su/ /sngon gyi lam nas slar byung ste/ /slar yang spyi gtsug tu ni zhugs/ /bsregs par gyur pa'i sangs rgyas rnams/ /dga' ba bskyed nas lte ba yi/ /dkyil 'khor du ni song gyur nas/ /sngon bzhin du ni gnas par gyur/ /dus min 'chi ba las rgyal nyid/ /yan lag kha T+wA~M ga dang sbyar/ /thod pa'i mchod yon snod du ni/ /zhal du mchod yon nges sbyar zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las sku gsum dang sngags dang rgyud kyi 'byung ba dang / 'chi ba slu ba zhes bya ba'i rim par phye ba ste bcwa lnga pa'o// // de nas dngos grub kun gyi gnas/ /gsang ba mchog gi dgyes pa ste/ /yid 'ong bcud ni kun gyi rten/ /sems can kun la bde ster ba/ /'dod pa'i yon tan lnga yis rgyas/ /bla re dam pa bres bas 'bar/ /'dab stong ldan pa'i pad ma che/ /sbyor ba'i gdan la bzhugs pa la/ /der ni lha mos zhus gyur pa/ /'khor lo kun gyi nges pa dang / /dbyangs rnams kyi ni bye brag dang / /yi ge'i dbye ba mi 'tshal te/ /'khor lo'i grangs ni ji lta bu/ /de rnams las ni ci zhig lags/ /sna tshogs glu yi sngags dang ni/ /'phrul 'khor dag ni mdor bsdus dang / /'khor lo'i dbang phyug dus dang ni/ /de bzhin dpa' bo rnams kyi stan/ /'di dag la ni the tsom mchis/ /bde ba chen pos bshad du gsol/ /bka' stsal pa/ /rgyud rnams kun tu sbas pa gang / /de dag thams cad zhu 'dod pa/ /legs so legs so lha mo che/ /blo gros chen mo legs so legs/ /mkha' 'gro ma ni thams cad kyang / /the tsom skye na gzhan ci smos/ /</font><hr>85.261b<br><font size=+1>

sgyu ma kun du rnam 'phrul ba/ /nyon cig lha mo sgyu ma che/ /gang zhig bris pa tsam gyis ni/ /sgrub pos dngos grub thob 'gyur ba/ /mdor bsdus nas ni brjod bya ste/ /de ni bdag gis bshad kyis nyon/ /gnag dang dmar bar rtag gyur nas/ /khyad par du ni gtor ma sbyin/ /tsa ru'i bza' ba lhan cig bya/ /sgrub pa po yis g.yon nas bskor/ /'di yis sgrub po kun la ni/ /ma mo dga' 'gyur the tshom med/ /de nas mkha' 'gro ma rnams ni/ /sa rnams la ni rnam rol pa/ /brtson chen 'khor lo sgyur ma dang / /stobs chen ma dang rab dpa' mo/ /'khor lo'i go cha glang sna ma/ /khaN Da ro ha 'khor lo'i shugs/ /bya gdong ma dang rta rna mo/ /shin tu bzang mo sngo sangs mo/ /chang 'thung ma dang rlung shugs ma/ /de bzhin 'jigs byed chen mo dang / /sa srungs ma dang ljon grib ma/ /lang ka'i bdag mo mi'u thung mo/ /dpa' bo'i blo ma sna chen mo/ /'od ldan ma dang gtum mig ma/ /rab gtum ma ste sgrub byed yin/ /mkha' 'gro ma ni nyi shu bzhi/ /'di dag sngon nyid grub pa yin/ /rang ming brjod pa'i sngags la ni/ /mthar ni hU~M hU~M phaT dang sbyar/ /o~M ni thams cad gsal byed do/ /grub gsol 'dod pa thams cad la/ /rnal 'byor dam mchog 'di mthong na/ /gzhan dag snying po med rtswar mtshungs/ /dpa' bo nyid gyur grub pa ni/ /dpal ldan he ru ka yi ni/ /dkyil 'khor dam pa mthong bas yin/ /de nas de shes rtag bsgom pa/ /dngos grub de bzhin gshegs pas gsungs/ /nyon cig lha mo shes rab can/ /rig pa'i rgyal po bsgrub pa'i thabs/ /'khor lo chen po rmad gyur pa/ /gdengs ka'i dbang phyug ces bya ste/ /thos pa tsam gyis sregs byed na/ /ming dang ldan par bris pa yis/ /gdengs ka thams cad smos ci dgos/ /dbang ldan nas ni brtsams nas su/ /klu rnams sa bon las byung ba/ /rin chen dang ldan gdengs gsum mtho/ /gzhan yang phyogs ni kun tu bsam/ /de nas 'gur 'di bzhes te/ /shar du k+Sha ma~M bar du bri/ /nub tu hi ste byang du ha~M/ /gshin rjer hU~M zhes bya ba bri/ /</font><hr>85.262a<br><font size=+1>

ki li ki li yi dgas su/ /srin por tsi li ji snyed pa/ /rlung ni si li si li bri/ /me yi phyogs su di li nyid/ /dang por rab gtum ma nas ni/ /brtson chen ma yi mthar thug pa/ /sngags 'di dag ni byin gyis brlab/ /'khor lo 'di ni skal chen ldan/ /dgra rnams kyi ni gnad gcod pa/ /hU~M phaT ces bya spel ba yi/ /bsgrub bya de yi dbus su bri/ /lan cig bzlas pa'i gu gul gyis/ /bdug pa nyid du sbyar byas la/ /klu rnams thams cad 'bebs par 'gyur/ /lag pa g.yon pa la 'khor lo 'di dngos su'am yid kyis bris la sngags lan cig bzlas pas byabs na 'chi bas dus su zin pa slob bar byed do/ /ka ra bi ra'i mdab ma'i khu bas ka ra bi ra'i smyug gus bris te/ lan cig bzlas pas reg na mngal gang du 'dod pa der 'pho bar 'gyur ro/ /dug dang lan tshwa dang skye tshes bris te/ khros na gsod par 'gyur ro/ /ro bsregs pa'i 'gal ba da du ra'i khu bas me bsad de 'byung po'i nyi ma la de nyid kyis 'khor lo bris la lan cig bzlas pa des gang la bsnun pa ltung bar 'gyur ro/ /sang ko ta'i smyug gus sngags cho ga snga ma bzhin bri la/ thal ba la mngon par bsngags te/ gang la bsnun pa de sha zas bzung bar 'gyur ro/ /dur khrod kyi sol bas shing leb bam brtsig ngos la 'byung po'i mtshan mo gang gi snying kar ming bris pa de gdon chen pos bzung bar 'gyur ro/ /bsgrub bya'i gzugs byas la/ de'i snying kar 'phrul 'khor bcug ste/ zhag bdun gyi bar du dri'i chu'i nang du bzhag nas/ a ti mug ta'i lcug ma la lan bdun bsngags te de la snun na/ zhag bdun gyi mthar rlung gi shugs kyis 'ong bar 'gyur ro/ /'khor lo de nyid bye brag du dur khrod kyi ras la pho nya'i kha dog gis bye brag tu gyur pa bris la las kyi pho nya dang lhan cig tu bsgrub par bya'o/ /ka ra bi ra'i lcug ma khru phyed dang gnyis kyi tshad dang ldan pa la gang la mngon par phyogs te sngags bris nas ro bsreg pa'i me 'bar ba la dor te/ ji srid ma tshig pa dang myur du blangs la rig pa'i rgyal po lan</font><hr>85.262b<br><font size=+1>

bdun bzlas nas gang zhig dran te klad la bskor na/ de de'i mod la rlung gi shugs kyis 'ong bar 'gyur ro/ /skyes pa'i ro'i kham por la bab bla dang yung ba'i khu bas gang gi ming bris pa de de'i mod la bcings par 'gyur ro/ /dur khrod kyi ras sam/ zla mtshan gyi ras la shing a sho ka'i smyug gus klu rnams spangs pa'i 'khor lo 'di bris la/ de'i dbus su sngags pas cho ga bzhin yi ge e dang spel ba bris na/ mkha' 'gro ma'i khyad par thams cad dang / lus sprul po thams cad bcings par 'gyur ro/ /thod pa la skyes pa'i khrag gis gang gi ming bris la sngags pa khro ba dang bcas pas sngags bzlas na/ de'i khrag mgugs par byed la yid zhi ba dang ldan pas zhi bas sngags bzlas na slar gtong bar 'gyur ro/ /'khor lo de nyid zla bas brgyan cing gsal bar go ro tsa nas gro ga la skar ma rgyal gyi nyin par bris te/ bud med gang gis rtag tu bcangs na rig pa'i rgyal po nyid de'i lhums su zhugs par 'gyur ro/ /bud med dang zhi ba'i 'dus pas kun tu spyod pa'i mi'i mchog de'i lag thil na yod pa'i dpal gang gis kyang dbrog par mi nus la/ rnam pa de lta bu'i cho ga dang ldan pas ni dngos grub thams cad kyi 'bras bu ster bar 'gyur ro/ /bcom ldan 'das 'di la ni brtul zhugs dang spyod pa dang basmyung ba dang / cho ga med par yang cho ga zhib mo'i sbyor ba'i tshul 'di nyid kyis las thams cad ji ltar 'dod pa bzhin byed do/ /nam mkha'i dbyings kyi dbus bsam pa/ /zla ba'i dkyil 'khor dam pa ste/ /'od zer tshogs ni gsal ba'i mdangs/ /'khor lo'i phreng ba rnam par klubs/ /de dbus 'khor lo rtsibs brgyad dang / /pad ma'i phreng bas shin tu mdzes/ /slar yang 'khor lo bri bar bya/ /rdo rje phreng ba rnam par 'phro/ /sku gsung thugs kyi rdo rje yi/ /dkyil 'khor dkyil 'khor lta bu yin/ /nam mkha' thams cad g.yog byed pa/ /rang gi lus las spro bar bya/ /</font><hr>85.263a<br><font size=+1>

dkar dang dmar dang sngon po ste/ /kha dog mchog gi bye brag bya/ /bya ba'i cho ga 'di yis ni/ /dpa' bo'i dbang phyug de bzhin bri/ /dbus su bsgrub par bya ba'i ming / /ji ltar 'dod bzhin sbyar bar bya/ /phyi rol rdo rje'i phreng ba ni/ /'od zer 'bar ba'i phreng 'khrugs bri/ /'di ni bsrung ba chen po ste/ /thams cad bsrung ba bla na med/ /rim dang nad dang dug dang ni/ /mkha' 'gro ma yis 'tshe ba dang / /gdon dang bdud dang log 'dren dang / /gang yang lus srul la sogs pa/ /grib ma yang ni mi 'gom na/ /de yi lus lta smos ci dgos/ /zla gzugs lta bu'i yi ge lta/ /phyogs bcur rnam par 'byer bar byed/ /dkar po yis ni zhi 'gyur te/ /nag pos skad cig dag gis gsod/ /dmar po yis ni dbang byed de/ /de nyid kyis ni nges par 'gugs/ /ser pos nges par 'ching 'gyur te/ /dmag gi dpung ni 'ching bar 'gyur/ /zhes bcom ldan 'das kyis gsungs te/ /las thams cad 'byung ba zhes bya ba'i bsrung ba'i 'khor lo'o/ /bka' yi 'khor lo'i khyad par ni/ /de nas yang dag bshad par bya/ /las kyi cho ga mthong ba yis/ /sems can kun gyi don byed pa'o/ /nam mkha'i dbyings kyi dbus gnas par/ /zla ba'i dkyil 'khor lta bu yi/ /dkyil 'khor 'khor lo lta bus bsam/ /bcu drug 'dab mas rnam par brgyan/ /de dbus pad chen 'dab brgyad pa/ /rdo rje rtse lnga pa yi mchog /'od zer dkar pos shin tu mdzes/ /sgrub por 'khor lo'i phyi rol bri/ /pad ma'i lte bar swA hA bri/ /dngos grub thams cad rab ster ba'o/ /ma mo'i khyim ni nyams dga' bar/ /tsan dan dmar pos byugs nas ni/ /'bol zhing shin tu 'jam pa yi/ /stan la skye gnas phyag rgya bcing / /sngags pas bsgrub bya mngon phyogs te/ /brgya rtsa brgyad du bzlas par bya/ /yan lag rus pas brgyan bsam zhing / /gcer bur gyur pas rang gis bri/ /yi dgas gos sam ro yi ni/ /</font><hr>85.263b<br><font size=+1>

bum pa skam po dag la yang / /yi dgas sen rtsi khrag dang ni/ /de bzhin tsan dan dmar pos bri/ /'khor lo de yi steng gnas te/ /ji ltar 'dod bzhin thun gsum du/ /blo ldan mthe'u chung bskyod nas ni/ /bram ze gsod pa'ang nyin bdun 'grub/ /tsan dan dmar po'i rdul las ni/ /bsgrub par bya ba'i gzugs byas la/ /tsha ba gsum gyis lus byugs nas/ /spra tshil gyis kyang byug par bya/ /zangs ma'i khab kyis skye gnas dbug /seng ldeng mdag me du med la/ /blo dang ldan pas nyin bdun bsro/ /sgrub pa po yis brgya bzlas na/ /rgyal po blon bcas mdun na 'don/ /btsun mo'i 'khor dang bcas pas ni/ /myur du 'gugs par byed pa yin/ /gro ga yi ni 'dab ma la/ /ro yi sen rtsi ro tsa nas/ /m-i yi bdag po 'khor bcas pa/ /ming dang sbel te bri bar bya/ /mngon par phyogs te bzlas bzhin du/ /seng ldeng dang ni dur khrod mer/ /ji srid spra tshil ma zhu bar/ /me yi steng du gdung bar bya/ /bsgrub bya mngon par gdungs tsam gyis/ /lha dang lha min 'ong 'gyur na/ /sa steng skye bo smos ci dgos/ /yi dgas sen rtsi skyes pa yi/ /khrag dang 'gi wang bcas pa yis/ /bsgrub bya'i ming spel gro gar bri/ /bsgrub par bya ba'i rkang rjes sa/ /tsan dan dmar po nyid dang ni/ /dur khrod zas lhag thal ba rnams/ /sgrub pa po yis cig bsdus nas/ /seng ldeng me ni du med la/ /rdul de lag pa gnyis kyis ni/ /mnyes nas sbyin sreg byas pa yis/ /thal ba de ni bzung nas su/ /bsgrub par bya ba'i gzugs byas te/ /snying kar 'phrul 'khor bcug nas ni/ /zlos bzhin du ni mer gdungs na/ /brgyal zhing sems dang bral 'gyur la/ /rmongs shing rab tu myos nas ni/ /rlung gi shugs kyis 'ong bar 'gyur/ /cho ga'i bya ba 'di yis ni/ /yi ge nyi shu rtsa gnyis bzhed/ /lha mo sngags chen 'di dag ni/ /mkha' 'gro</font><hr>85.264a<br><font size=+1>

ma yi snying 'joms yin/ /de nas de bzhin gshegs kun gyi/ /yid 'ong zhi ba bskyed pa mo/ /bka' yi 'khor lo bshad par bya/ /mkha' dbyings dbus gyur bsam pa ni/ /zla ba'i dkyil 'khor dam pa ste/ /rdo rje rtse gsum kha bzhi pa/ /des ni de nas bri bar bya/ /de dbus pad ma 'dab brgyad pa/ /shin tu mdzes pa bris nas su/ /bai ro tsa na'i rig pa che/ /sems can kun skyed sdud pa mo/ /rdo rje sems dpa' de bzhin gshegs/ /bcom ldan rdo rje can gyis gsungs/ /nad thams cad med par byed pa zhes bya ba'i bsrung ba'i 'khor lo'i sbyor ba'o/ /de nas bcom ldan kun mkhyen pas/ /ye shes mngon par shes pa yi/ /'khor lo zhes bya bka' stsal pa/ /ge sar lte bar ldan pa yi/ /pad ma 'dab ma drug par bri/ /zla ba bzang pos nye bar brgyan/ /rdo rje'i phreng bas rnam par klubs/ /de yi phyi rol 'khor lo ste/ /ston ka'i zla ltar dri med pa/ /yi ge mchog ni rnam pa bdun/ /lha mo chen mo phan pa gcig / bdud thams cad kyi las 'joms par byed pa 'khor lo'i rgyal po zhes bya'o/ /tsan dan dkar po ro tsa nas/ /gro ga la ni bris nas su/ /'khor lo lag pa g.yon par bcang / /'khor lo 'di ni lha mo che/ /las kyi 'od kyis brgyan pa yin/ /de nas bsgrub bya nyi dbus su/ /bsams te stong du bzlas nas ni/ /yi ge shel gyi rnam pa ltar/ /bsams te nad kyis gdungs la bstan/ /mthong ba tsam gyi mod la ni/ /nad rnams kun las rnam grol bar/ /'gyur ba nyid du the tshom med/ /lag pa g.yon par 'khor lo 'di/ /zla ba'i dbus su rnam bkod na/ /ston ka yi ni zla 'drar 'gyur/ /'khor lo 'di ni lha mo che/ /las kyi 'od kyis rab brgyan na/ /las kyi cho ga mthong ba yis/ /bya ba thams cad byed par 'gyur/ /dur khrod ras sam thod pa 'am/ /arka yi ni 'dab ma la/ /sngar bstan pa</font><hr>85.264b<br><font size=+1>

yi sol ba dang / /skyes pa'i khrag gi snag tsha yis/ /sgrub pos ming rus smyug gus bri/ /nyi ma'i dbus gyur khro sems kyis/ /gzugs brnyan byas la bsgrub bya yi/ /dbus su de ni bcug nas su/ /ske tshe yis ni byugs nas ni/ /yang dang yang du bsro bar bya/ /sngags kyi rgyal po bskul ba yis/ /bya ba thams cad byed par 'gyur/ /'d-i yi nad rnams thams cad ni/ /'phel dang de bzhin sbyor byed pa'o/ /rims la yi dgas snying kar bri/ /'ga' ri yi dgas klad pa ste/ /rjed byed rlung dang sprin la bri/ /gzer bar bya ba mdung la ste/ /dug dang mdze nad lto 'phye la/ /gza' la gza' yi mtshan mar bri/ /mdor bsdus nas ni 'khor lor dgod/ /shel dang zla ba'i 'od 'dra ba'i/ /yi ge bdud rtsi rgyun 'bab pas/ /ston ka'i zla zer lta bur ni/ /bsam gtan bsams pa tsam gyis ni/ /'chi ba'ang nges par slong bar 'gyur/ /sbrul chen brgya yis zin nas ni/ /'chi ba'ang myur du slong bar byed/ /dug gis rgyal bar gyur pa dag /bstan pa tsam gyis slong bar 'gyur/ /rims dang gdon dang rjed byed dang / /lag pa mthong bas brlag par byed/ /grib ma yang ni mi 'gom na/ /de yi lus lta smos ci dgos/ /zangs ma yi ni 'dab ma 'am/ /lag pa g.yon par 'khor lo 'di/ /bab bla dang ni yung bas bri/ /de nas chu yi nang bzhag la/ /ji ltar 'byung bzhin 'bed de mchod/ /mtshams kyi dus su mnyam bzhag pas/ /de bzhin du ni sngags bzlas bya/ /chu yi nang nas bton nas su/ /'o mas bkrus la rgya mtshor gzhug /g.yul du khu tshur bcangs nas ni/ /rgyan rnams kun gyis rnam brgyan te/ /yid la rtag tu zlos byed na/ /ji srid khu tshur ma dkrol bar/ /myur du thams cad rengs 'gyur te/ /dgra bo gal te lag na ni/ /mtshon cha phyar te thogs pa yang / /ji srid khu tshur ma dkrol bar/ /mtshon cha gtong bar mi nus so/ /yi ge bdun dang rnal 'byor ma/ /drug gi yi ge 'di dag ni/ /'khor lo drug la gnas par ni/ /</font><hr>85.265a<br><font size=+1>

lag pa'i dbus su bkod nas su/ /cho ga rim pas bcang bar bya/ /kha nas gsang sngags rgyal po zlos/ /de yi gzugs gyur bzung nas ni/ /de ni 'gugs 'gyur the tsom med/ /tsan dan dmar po'i rdul dang ni/ /lan tshwa ske tshe de bzhin te/ /bsgrub bya'i rkang rjes rdul dang ni/ /gcig tu byas nas brtag par bya/ /lan brgyar bzlas te rab bsgoms na/ /sa bdag skye bo'i nor dang ni/ /bcas te dbang du gyur pa 'am/ /de ni 'gugs 'gyur the tshom med/ /sbyor ba 'di ni grub pa ste/ /gzhan dag tu ni nga mi smra/ /rdul de nyid ni bzung nas su/ /lcags phye dang ni sre bar bya/ /dur khrod ras la gtums nas su/ /lan bdun du ni bzlas par bya/ /lam gyi bzhi mdor sor brgyad tsam/ /brkos te dgra yi ming nas ni/ /bzung nas sa yis dgab par bya/ /gang gi ming bzung de bcings 'gyur/ /phye ma de nyid bzung nas su/ /'o ma yis ni 'bad de bkru/ /slar yang grol 'gyur the tshom med/ /phye ma de nyid bzung nas su/ /smyo byed lnga dang ldan par bya/ /ro yi gos la bsgrub bya'o/ /ming bris nas ni btum par bya/ /lan brgya bzlas te dur khrod du/ /sbas te skyes bu 'phral du ni/ /smyo 'gyur 'di la the tshom med/ /phyung nas ba yi 'o ma yis/ /'bad de slar yang bkus na ni/ /'grol 'gyur 'dir ni the tshom mad/ /rdo rje sems dpa' de bzhin gshegs/ /bcom ldan rdo rje can gyis gsungs/ /de nas bcom ldan de bzhin gshegs/ /rdo rje dpa' bo'i 'khor lo gsungs/ /zla ba'i dbus 'gyur rdo rje ni/ /rtse gsum de bzhin kha drug pa/ /slar yang zla bar pad ma ni/ /mdab drug legs par gnas pa bri/ /de yi dbus gyur sa bon ni/ /'dod don thams cad sgrub byed pa'o/ /sngags pas lte bar bri bar bya/ /bsgrub bya'i ming dang spel bar bya/ /rdo rje sems sogs lha rnams ni/ /thams cad sna tshogs bla na med/ /sangs rgyas kun gyi go cha che/ /</font><hr>85.265b<br><font size=+1>

mdzes ma'i gdong can khyod la bshad/ /dbus su snga ma'i gsang sngags bri/ /pad ma'i mdab mar de bzhin gzhan/ /ri bo drug ni yongs spangs pa/ /rdo rje yi ni lte bar bri/ /gur kum sen rtsi rang khrag dang / /ro tsa na yis gro ga la/ /cho ga bzhin du bris nas ni/ /dus gsum du ni bzlas byas la/ /mchod chen byas nas gzung bar bya/ /lan bdun du ni mngon zlas te/ /gos kyi mtha' mar bcing bar bya/ /lam du 'gra na rkun po dang / /stag sogs 'jigs par mi 'gyur ro/ /thams cad du ni bsrung 'gyur ba/ /'grub 'gyur 'di la the tshom med/ /lte ba der ni thig le yis/ /bskor ba'i thig le dag kyang bya/ /a ri tsa ta ka bcud dang / /yung ba dag gis khyad par du/ /a sho ka'i smyug gu yi/ /dpa' bo yi ni ras mar bri/ /bsgrub bya'i ming dang spel ba yis/ /sngags 'di stong du de nas zla/ /bsgrub bya'i rkang rjes sa dang ni/ /glang po che yi rkang rjes rdul/ /dur khrod thal bar bcas pa las/ /sgrub pas gzugs brnyan byas nas su/ /bcing bas bcings te de yi ni/ /snying ka ru ni gzhug par bya/ /me tog ser pos mchod nas ni/ /gsang ba'i gnas su sbas gyur na/ /dgra rnams thams cad 'ching 'gyur zhing / /brlag par byed pa mi bzad par/ /rdo rje sems dpa' de bzhin gshegs/ /bcom ldan rdo rje can gyis gsungs/ /mkha' 'gro ma yi snying po'i sngags/ /de nas bcom ldan 'das kyis gsungs/ /nam mkha'i dbyings gyur sa bon ni/ /kun tu 'od zer rab 'phro ba/ /ston ka'i zla ltar dri med pa'i/ /'khor lo rtsibs ni bcu gnyis bya/ /rtsibs de rnams la sa bon gyi/ /yi ge mchog tu phan pa dgod/ /de yi lte bar dgod bya ba/ /rig pa chen po'i yi ge che/ /bsrung ba rdo rje'i chog rig pas/ /mkha' 'gro ma kun go cha bya/ /sngags kyi rgyal po bskul ba yi/ /dbus su bsgrub bya'i ming bri bya/ /rnam pa'i mchog kun ldan pa ru/ /spro ba'i bdag nyid can gyis spro/ /gur kum dang ni ro tsa nas/ /</font><hr>85.266a<br><font size=+1>

gro ga 'am ni ras dkar la/ /snying stobs can gyis bri bar bya/ /las kyi cho ga mthong ba yin/ /thams cad du ni bsrung ba dang / /bsgrub pa po yis sngar bstan bzhin/ /gdug pa rnams ni tshar gcod byed/ /dngos grub thams cad rab ster ba'i/ /las mchog de nas bshad par bya/ /gang zhig bsgrub ba tsam gyis ni/ /'jig rten gsum po dbang byed pa'o/ /skye gnyis rdo rje'i rigs dang ni/ /gzugs bzang bu mo gzhan yang rung / /ka ra bi ra'i me tog dmar/ /rgyal gyi sbyor bas bsgrub par bya/ /go ro tsa nas bsgrubs nas su/ /me tog der ni chur gnas la/ /sgrub po shin tu mnyam bzhag pas/ /lan brgya ru ni bzlas par bya/ /chu bo chen por zhugs nas su/ /lte ba man chad chur bcug ste/ /lag pa thal sbyar dbus bzung nas/ /rig pa stong du bzlas par bya/ /snyim pa chu yis bkang ba dang / /bcas pas sgrub pos btung bar bya/ /de nas de ni 'grub 'gyur te/ /sgrub pos ngag ni grub pa yis/ /rgyal po chung mar bcas pa dag /yid kyis mgugs 'gyur gdon mi za/ /ka ra bi ra'i me tog ni/ /dmar po yang dag bzung nas ni/ /rig pa lan bdun bzlas byas la/ /skye gnas dbus su gzhug bya ste/ /me tog de ni kha sbyar nas/ /gsang ba'i gnas su gzhag par bya/ /gnyis med ye shes rnal 'byor pas/ /brgya phrag gcig tu bzlas par bya/ /sgrub po rtse gcig yid kyis ni/ /me tog de ni blangs nas su/ /me tog gis ni gang bsnun pa/ /de yi mod la dbang du 'gyur/ /brgyal zhing sems dang bral ba yi/ /yan lag tshigs kun gzhan dbang ste/ /mngon 'gyur sems ni ldog pa ru/ /skad cig gis ni dbang byed 'gyur/ /'di ni mngon sum grub pa yi/ /don yod dbang du byed pa yin/ /zhes bcom ldan 'das kyis gsungs so/ /rnal 'byor ma rnams</font><hr>85.266b<br><font size=+1>

mgugs pa'i cho ga 'khor lo'i rgyal po zhes bya ba'o/ /gang zhig bris pa tsam gyis su/ /rdo rje sems dpa' 'ang brlag 'gyur zhing / /dngos grub myur du ster 'gyur ba/ /de nas yang dag bshad bya ba/ /zla ba'i dbus gyur rdo rje ste/ /de bzhin gzhan yang pad ma'o/ /kun nas rnam par 'phro ba yi/ /mkha' 'gro ma yi sa bon dgod/ /dbus su rdo rje phag mo ni/ /shin tu drag cing gsal ba'i gzugs/ /yi ge'i dgod pas dgod par bya/ /rim pa de ltar brjod pa la/ /zhi la zhi ba'i yid kyis su/ /ro tsa na yis gro gar bri/ /ma mo'i gnas dang dur khrod du/ /gos chen de bzhin khro dang bcas/ /chags pa la ni dmar po'i gos/ /rgyas la gos ser de bzhin te/ /de dang der ni bsgom byas nas/ /ci rigs par ni sprul par bya/ /bu mo gzhon nu'i ro yis ni/ /gos ni 'bad de blangs nas su/ /tshes brgyad dang ni bcu bzhi la/ /de nyid las byung sol ba yis/ /sna tshogs rdo rje kha bzhi la/ /sngags dang spel bar bris nas ni/ /lan bdun du ni bzlas nas su/ /gang gi khyim du sbas gyur pa/ /de ni gshin rje'i grong khyer du/ /nyi ma bdun gyis 'gro bar 'gyur/ /de yi rkang pa'i rkang sbubs dang / /bum pa la sogs dag kyang rung / /rus pa'i phur bu'i sbu gur ni/ /'phrul 'khor 'di ni bcug bya ste/ /cho ga'i sbyor ba 'di yis ni/ /'chi 'gyur 'dir ni gdon mi za/ /las rnams kun la sgrub pa pos/ /cho ga dang ni ldan par bya/ /rang gis bzung ba'i sngags kyis ni/ /bskal pa bye ba brgyas mi 'grub/ /las 'di mchog tu shes bya ste/ /sngags gzhan rgyas pas ci zhig bya/ /de dag thams cad spangs nas su/ /'di nyid 'bed de gzung bar bya/ /gang dang gang gi bsam gtan gyis/ /sgrub pos bzlas pa brtsam par bya/ /sbyor ba de dang de dag gis/ /'dod pa'i 'bras bu thob par 'gyur/ /ji ltar nor bu dag pa ni/ /rdzas gang la brten</font><hr>85.267a<br><font size=+1>

de gzugs 'dzin/ /de bzhin rdo rje mkha' 'gro yang / /yang dag bsam gtan mchog 'dzin 'gyur/ /bsam pa gang dang gang gis ni/ /mi rnams yid ni yang dag sbyor/ /de dang de yi dngos 'gyur te/ /sna tshogs gzugs can nor bu bzhin/ /de nyid bsdus dang 'dus pa ste/ /gzhan yang sngon dang tha ma yi/ /de nyid sbyor ba'i cho ga can/ /bya ba'i rgyud rnams thams cad du/ /ji srid me yis 'jig gi bar/ /de der 'gro ba nyon mongs 'gyur/ /thams cad du ni sbas pa ste/ /brtson 'grus pha rol 'joms pa'o/ /rdo rje sems dpa' mnyam ldan pa'i/ /rdo rje slob dpon bdag nyid che/ /myur du dngos grub skye 'gyur ba/ /'phral du yang dag yid ches byed/ /sgrub pos phyag rgya'i sbyor ba yis/ /nyon mi mongs par 'grub par 'gyur/ /dam tshig mi ldan mi dag la/ /klog gam gal te byin gyur na/ /ngan pa'i bdag nyid bcom nas ni/ /ngan 'gro rnams su ltung bar 'gyur/ /g.yon gyi rgyud ni dmigs nas su/ /skye bo g.yon gyi spyod pa bya/ /thams cad g.yon pas byas na ni/ /myur du dngos grub 'grub 'gyur zhes/ /sgyu ma kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ dpa' bo thams cad dang mnyam par sbyor ba'i 'khor lo 'byung ba zhes bya ba'i rim par phye ba ste bcu drug pa'o// // de nas yang dag bshad bya ba/ /snying po thams cad bsdus pa ste/ /sems can kun la phan bya'i phyir/ /sgrub po'i bdud rtsi sbyor ba'i mchog /ga bur dang ni gur kum dang / /gan+d+ha gan+d+ha pa tra ste/ /shing tsha dang ni sug smel bcas/ /</font><hr>85.267b<br><font size=+1>

ku sum dang ni de bzhin chu/ /pi si ta dang kun du ru/ /de bzhin ri yi zhag dang ni/ /ri skyes dang ni spu gu'i zhag /dr-i yi mar khu so dang ni/ /de bzhin lag skyes kyi ni rdul/ /gangs kyi chu dang snying po dang / /rgya mtsho las skyes de dag ni/ /lus can rnams la phan byed pa/ /gang gang la ni gangs chu bzhin/ /de ltar bcwa brgyad rdzas rnams ni/ /bcud kyis len mchog phan byed yin/ /de nas brtag pa'i las dang ni/ /yon tan yan lag cho ga bshad/ /tsam pa ka dang ba ku la/ /nA ga ge sar ku mu ta/ /ud pal she pha li ka dang / /sbrang rtsi 'dzag dang pri yang ku/ /ku su ma ni nyid dag go /shri ba la dang po so 'cha'/ /ka pi ta dang la ku tsha/ /sku ba dang ni brta ki/ /a ru ra dang ba ru ra/ /ba la ta ka skyu ru ra/ /e la rtsi dang pu na ka / e raN Da dang ma ri rtsi/ /de bzhin du ni pi pi ling / /bca' ba dang ni shu dag dang / /yung ba dang ni ru rta dang / /bca' lga dang ni sgog skya dang / /rlan can gyi ni do ba dang / /na ga pa la dkar po dang / /de bzhin rgan po gzhon nur byed/ /glang chen dgra dang ri mdzes dang / /'dzag dang byis pa stug po dang / /ral pa dmar po smyo byed dang / /mtshan mo'i shing dang myur 'gro dang / /ka dam pa dang gser shing ste/ /de bzhin du ni shi ri sha / ka ran dza dang shri khru dang / /nim pa dang ni pi la si/ /de bzhin ga du ma dza ri/ /pa la sha dang tsan dan gnyis/ /de bzhin a gar nag po dang / /gur kum gur shing bye ka ra/ /sbrang rtsi mo k+Sha pus ka ra/ /me tog 'bras bu rtsa ba dang / /shun pa shing dang ro nyid do/ /khu byug zangs kyi gtsug pud can/ /bya rog dang ni gar ra dang / /rma bya ti bya phug ron dang / /drang srong bu stobs 'phel bar byed/ /ra dang ri 'ong ri dgas dang / /sa li ga dang phag</font><hr>85.268a<br><font size=+1>

dang ni/ /khyad par du ni byi ba rnams/ /nad rnams thams cad 'joms par byed/ /me tog 'bras bu shun pa'i chang / /de bzhin du ni 'bru yi chang / /gzhan yang chang gi bye brag dag / mdor bsdus nas ni btung ba'i mchog /'di dag skyes pa bud med kyi/ /stobs rnams skyed pa'i sman yin te/ /nad rnams thams cad 'joms par byed/ /bza' dang btung dang gzhib pa dang / /ldag pa dang ni mur ba dang / /sna sman mgo bor bsku ba dang / /bkru ba dang ni dril phyes dang / /bza' dang btung sogs de dag ni/ /rnal 'byor pa yi sbyor ba mchog /de ltar drug bcu rtsa bzhi yi/ /rdzas dang bcwa brgyad dag tu sbyar/ /sbom po phra mo'i sbyor ba rnams/ /skyes pa dang ni bud med kyang / /chung ngu la sogs dbye ba ste/ /rlung dang mkhris pa bad kan sogs/ /re re zhing yang gsum gsum 'dod/ /nag po dkar po sngo bsangs te/ /'dzag dang de bzhin 'pho ba la'o/ /dgra dang mdza' bshes bar ma ste/ /khams kyi sde tshan bsdus pa yin/ /dpa' bo gcig dang skye gnyis rtsa/ /'bras bu chen po ska ba gsum/ /lhang tsher dang ni dngul chu bzhi/ /bdud rtsi yi ni snying po lnga/ /dus drug de bzhin drug bcu ste/ /bdun po yal ga mdab sogs bcas/ /skam sa dang ni rlan can yul/ /mar dang mar nag bkru sman ni/ /rno dang dngul chu'i zas su sbyin/ /rang skyur dang ni yung ba dag /cha mnyam dngul chu'i 'bras bu ste/ /nyi ma'i 'od zer bsros nas ni/ /sbrang rtsi yi ni thigs pa blugs/ /thal sman lan tshwas bu gar sgrub/ /ro ni bska ba rnams dang yang / /lhang tsher dkar po'i skyo ma sbyin/ /dngul chu drug char bya ba mchog /</font><hr>85.268b<br><font size=+1>

skyed byed don ni rga ba 'joms/ /cha ni tshad ldan 'ching byed de/ /'bras bus bya ba byed par 'gyur/ /sngon du gser shog blugs pa yis/ /rang skyon 'joms pa'i cho ga yin/ /de nas chu dang lan tshwa dang / /thal ba'am rdul ni blugs par bya/ /dron mo blugs na skra dkar skye/ /glang chen mgo yi bcud blangs la/ /seng ge'i tshad du bco bar bya/ /de nas slar ni phyung nas su/ /ar ka'i shing gi khu ba blugs/ /tshos pa'i 'od kyis snying mig 'joms/ /tsan tra dang ni ra sa na/ /sgo skya dang ni ker sa dang / /a tra pa ti'i rus pa dang / /de bzhin du ni me tog bzung / /bya gri dang ni kun du ru/ /sa ri ba dang sen mo dang / /nor bu zla 'od na ge sar/ /thigs pa'i rgyun dang ka tam pa/ /tsam pa ka ri so ba dang / /shi shu bil ba ud pa la/ /rang skyur dang ni bcas pa ru/ /'dzag dang dngul chu kha tshos bya/ /phyung na sbrul gyi gzugs ltar 'gyur/ /khrag dang smyo byed mtshan shing blugs/ /skra dkar gyi ni nyes pa 'joms/ /rgas dang mdze nad sel bar byed/ /rnon po thal sman bcas pa yis/ /bkrus shing bkus nas gzhang 'brum 'joms/ /lto skyes ma rnyings rdzas kyi las/ /bcud dang bcud len mar zhag sngags/ /shi ri sha yi rtswas kyang gzag /mgor gnas la skyes ldan par bya/ /mdog dmar dngul chu rmongs pa gso/ /gsos te 'khrus na 'bras bu'i lam/ /tshad las 'das na dug du 'gyur/ /de nas lpags pa shun pa dang / /me tog dang ni 'bras bu sogs/ /kha dang ska dang mngar ba dang / /tshwa dang skyur po la sogs pas/ /khyad par du ni btso bya ba/ /kha med rdzar ni btso bar bya/ /kha dang bcas par bsreg pa ste/ /tshar gcad pa dang gnon pa yin/ /kha med pa dang thod pa'i dbyibs/ /'od ma dang ni bya rog</font><hr>85.269a<br><font size=+1>

mchu/ /de dag btso ba'i zhi kha rdza/ /yib dang khros dang 'thor ba dang / /bzhi pa chu ru 'bros pa'o/ /shin tu tshos par gyur na ni/ /'dar dang rmongs dang du ba dang / /khrol khrol sgra ni sgrogs pa yin/ /btsir dang mnye dang dkrug pa dang / /de bzhin du ni brdung ba'o/ /sbrang rtsir btso dang bu ram btso/ /glang chen btso dang seng ge btso/ /rnon por byas te btso bar bya/ /mnyes pas dri ma'i rdul 'thor 'gyur/ /blo gros 'khrul pa med pa yis/ /rim gyis rim gyis mnye bar bya/ /cha yi tshad byas gso ba ni/ /sbyangs na 'gyur gyi gzhan du min/ /de nas cha gzhan bcas pa la/ /gi ri kar ni'i phye ma ni/ /lugs las zlog pa'i lam btsugs la/ /tshad ldan cho ga bzhin du btso/ /du ru ka dang ba li ka /tsag kra mar de'i sa bon dang / /ba la ta ka shi kru'i 'bras/ /pa ri tsa ta ku su ma/ ud pal ma li ka sa bon/ /bar dar rus pa ka si dang / /si ri sa sku sa bon dang / /sbrang rtsi bo son ba la sha /zhi ga rdze'u ni tshos pa dang / /de dag skyo ma skyed phyir blugs/ /de dag gi ni rtogs byas la/ /yid la sems pa'i 'phrul 'khor gyis/ /bu mo'i bcud ni drangs te blugs/ /'di yis rab tu bsgrub bar bya/ /gzhan du nam yang ma yin no/ /bu mo gcig dang gnyis dang ni/ /mang po'i bar du brtag par bya/ /lhang tsher dngul chu shing chen ni/ /de tshe 'bras bu smin par 'gyur/ /bya ba kun gyi lam gyis ni/ /byed pa po dang za bor 'gyur/ /lha yis rgya mtsho bsrubs pa bzhin/ /nyi shu rtsa lnga'i cha yi bar/ /stobs ldan bzung ba gnas su 'gyur/ /rdzu 'phrul gyi ni tshad dang ldan/ /dngul chu rma bya'i mgrin 'dra dang / /sbrul gyi gzugs dang sbal pa'i gzugs/ /chu 'dzin dbyibs dang rnam pa bzhi/ /</font><hr>85.269b<br><font size=+1>

sa la'i dri dang dri zhim dang / /de bzhin chang dang chang min dri/ /cha gnyis dang ni cha gsum dang / /bud med mdog nyams snang 'gyur zhing / /bong tshod ran dang ring ba dang / /yan lag rtsub 'dod mgrin pa ring / /mig ni zangs ltar dmar ba ste/ /stobs ldan sngo bsangs nu ma med/ /rkang pa'i khyed par sngar bshad dang / /sbrang rtsi lta bu'i dri dang ldan/ /sgrub po dbang po'i yon tan byed/ /de rnams thabs kyis sbyangs yin te/ /rtsub dang mnyan dang yan lag mkhrang / /stobs ldan zhes ni bya ba yin/ /de dang 'khyud las 'byung ba ni/ /rdzas ni yongs su sbyor byed de/ /rnon po dang ni lhang tsher la/ /thun mong du ni brten nas su/ /zha nye blugs pas 'joms par 'gyur/ /ro ni kha dang bska bar 'gyur/ /de nas rang skyur nang du ni/ /gci bas btsos na nyes pa 'byang / /de nas gci ba'i lan tshwa dang / /phag gi zhag dang tshil dang khrag /bcas par mnyes na'ang nyes pa 'byang / /slar yang tsu ta dzi ti na/ /tshwa dang dmar po nyid dang ni/ /smyo byed cha mnyam dngul chu rig /de dang mnyam pa'i sbrang rtsi chu/ /mnyes na nyes pa zad par 'gyur/ /de nas ma he'i rmig par ni/ /char pa'i chu dang bcas pa la/ /zangs kyi phye ma 'khar phye dang / /mig sman phye ma blugs shing btso/ /tshos nas sbrang rtsi'i nang du gzhug /de yis bcings par 'gyur ba yin/ /de nas khrag ni cha bdun gyis/ /sbyangs na snum zhing stobs ldan la/ /slar yang cha mnyam khrag dang ni/ /mnyes pas snum zhing rtsub par 'gyur/ /ra gan tsu ta'i shing dang ni/ /zangs dang yung ba la sogs drug /byin pas nyes pa tshar gcod 'gyur/ /de nas tsan tra'i shing dang ni/ /sbrang rtsi 'dzag dang sen mo dang / /thal sman 'bus zos shing phye dang / /ma hA ha ta</font><hr>85.270a<br><font size=+1>

mo k+Sha dang / /pus ka ra dang bar ta ki/ /sku ba sin du pa ri phye/ /bcas par mi yi rkang du gzhug /cung zad bzhag ste phyung nas su/ /rdo yi gtun du mnye bar bya/ /'od ma'i nang du blugs nas ni/ /btso rdza rgod ma'i kha 'dra dang / /ka ran da yi mchu yi dbyibs/ /bong bu'i gdong dang rnga mo'i gdong / /kha chen 'di dag bcing ba dang / /tshar bcad pa la bsngags pa yin/ /gang yang 'phrul 'khor kha che ba/ /rdza rnga yi ni dbyibs 'dra dang / /'o ma'i dbyibs 'dra la sogs dang / /mtshon cha ral gri'i shubs 'dra ba/ /kang ka yi ni mgrin pa 'dra/ /nyes pa tshar gcod pa la bsngags/ /gzhan yang dngul chu bcings pa la/ /bshad pa de dag rjes su gzung / /bzhi cha lus pa btso chen te/ /phyed lus stobs chen btso ba yin/ /dngul chur brten pa'i dri ma ni/ /de bzhin du ni sbyar bar bya/ /sbyang ba dang ni rtogs pa dang / /rmongs pa de bzhin gsod pa'o/ /de nas lhang tsher rdul phye dang / /bcas par rtsi yi nang du blugs/ /ban du zhes bya'i phye ma ni/ /skyo mar bcas pa'i nang du btung / /lhang tsher dngul chu rnon po yi/ /cho ga yis ni so sor bcing / /de nas cung zhig ngal bso bya/ /gzhag pa me yi gnas sam ni/ /chu yi shing la brten par bya/ /lci ba'am 'bras kyi phung po'ang rung / /rngo ba yi ni nang dag dang / /ba lang ma he sogs pa'i lhas/ /bye ma yi ni phung por sba/ /de nas ngal bso phyung nas ni/ /gzugs dang sgra dang dri ro sogs/ /tshad dang mtshan ma ji bzhin brtag /la la'i 'bras bu la la'i rtsa/ /kha cig me tog mdab ma dang / /shun pa dang ni rus pa'ang rung / /rnal 'byor pa yis longs spyod ni/ /rnam pa sna tshogs lta bar bya/ /bcos pa'am bcos min yo byed ni/ /rnyed na rdo rje</font><hr>85.270b<br><font size=+1>

'dzin 'drar 'gyur/ /de yang stobs can bcud bral ni/ /sngon bzhin nyes pa sna tshogs 'gyur/ /dngul chu lhang tsher kha dog ni/ /sna tshogs dang ldan skyon yin te/ /khrag dang mkhres pa skyad byed yin/ /dmar pos khrag kyang skyed par byed/ /dkar pos zug zer skyed 'gyur zhing / /srog ni 'joms par byed pa yin/ /ljang ser dag ni ma smin dang / /ser skya lam ni 'gag 'gyur zhing / /nyis 'gyur cha ni shin tu 'ching / /nyes pa dag ni brgyar ldan pas/ /blo dang ldan pas dpyad de bza'/ /sngo dang nag po bcud chen yin/ /de ltar bcud len rnam dpyad na/ /chu skyes chen po'i yon tan ldan/ /dngul chu'i 'ol se gcig dang ni/ /rgya mtsho las byung nyis 'gyur ldan/ /bzhi 'gyur gyi ni me tog bcas/ /sna sman ldag pa'i mchog yin te/ /khrag dang dngul chu bcu 'gyur du/ /rim gyis spel te bza' bar bya/ /de phan chad ni 'bras bu med/ /dngul chu bso bas rmongs pa dang / /khyad par du ni bsad kyang rung / /sngar bstan pa yi me tog dang / /byang chub sems dang bcas te bza'/ /thams cad du ni snga dro bza'/ /cho ga'i rim pa 'di yin no/ /lhang tsher chu dang dngul chu ni/ /dgongs mo'i dus su ldag par bya/ /zla ba la ni zla ba'i lam/ /nyi ma la ni nyi ma ste/ /de dang de nas sbyin par bya/ /de ltar yul dang dus dang ni/ /rdzas rnams rgya cher bstan pa dag /yid gzhungs la sogs 'phel byed yin/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ bcud kyis len gyi cho ga'i rim par phye ba ste bcu bdun pa'o// // de nas yang dag bshad bya ba/ /rgyud du sbas pa nges par bya/ /yang dag bsdus</font><hr>85.271a<br><font size=+1>

pa cho ga ni/ /bshad kyis sgrub pa po rnams nyon/ /bde mchog bla ma'i gnas la sogs/ /mkha' 'gro mas ni thams cad khyab/ /ye shes ldan pa'i rang skye gnas/ /yul dang yul du mngon par skye/ /de ni mkha' 'gro ma zhes bya/ /rdo rje dkyil 'khor gtso mo yin/ /rnal 'byor ma drug sgrub po la/ /brda yi skad kyis bshad pa yin/ /ku lu tA dang ma ru yi/ /yul du gnas pa ma mo ste/ /sin+d+hu dang ni nA ga rar/ /rigs kyi gtso mo rnams yin no/ /lam ba ka dang sau raSh+Tar/ /gang gnas rigs kyi lha mo yin/ /kha ba'i ri dang kan tsi na/ /gang yod byis bcas mo zhes bya/ /pan tsa li yi yul dag dang / /gri ha de ba tA dag na/ /lhan cig skyes pa'i bu mo gnas/ /ka ling ka dang ko sa ler/ /brtul zhugs 'dzin ma sha chen za/ /pre ta pu ri zhes bya dang / /tri sha ku nor sbom dbang phyug /khaN+Da ro ha zhes bya gnas/ /pul+lI ra dang dzA la~M d+har/ /tsan Da la yi bud med gnas/ /o tre dang ni kam ru yi/ /yul du bu mo chen mo ste/ /de bi ko Ti zhes bya dang / /ra mi sha ri'i bu mo'ang 'dod/ /go da ba ar bu der/ /mkha' 'gro ma yi dbang phyug mchog /gser gling ji ltar bstan pa bzhin/ /au D+Di yang ni de bzhin no/ /yul 'di rnams kyi bu mo gang / /dpa' bo gnyis med khyab pa ste/ /kun kyang 'dod pa'i gzugs can ma/ /yid kyi shugs kyis 'jug ma yin/ /de nas bcom ldan 'das la lha mos slar yang mchod cing phyag byas te/ 'di skad ces gsol to/ /mkha' 'gro ma yi khyad par dang / /zhing skyong 'jigs pa chen po yi/ /ming dang zhing gi ming dang ni/ /gnas rnams kyi ni khyad par dang / /gang du sgrub pa pos thos na/ /the tshom med par 'grub 'gyur ba/ /de dag thams cad mdor bsdus te/ /gtso bos bdag la bshad</font><hr>85.271b<br><font size=+1>

du gsol/ /de nas bcom ldan rdo rje can/ /rdo rje sems dpa' de bzhin gshegs/ /nga yis gang la'ang ma bshad pa'i/ /gsang chen shin tu snyed dka' ba/ /gang yin khyod ni zhu 'dod pa/ /legs so legs so lha mo che/ /sgyu ma chen por rang 'gro ba/ /bshad kyis rtse gcig yid kyis nyon/ /a ta ha se'i yul gnas pa/ /zhi ba'i gdong zhes grags pa ste/ /rgyal po lha mo'i skyes gnas 'byung / /rdo rje yi ni mtshon cha bsnams/ /yul der gnas pa'i lha mo de/ /ka dam pa yi shing la brten/ /dril bu chen po zhes bya ba'i/ /k+She tra pA la stobs po che/ /ko la gir ni dpal chen mo/ /gtsigs pa'i skye gnas las byung ba/ /gtsigs pa'i gzugs can lha mo ste/ /rnam par 'gyur zhing 'jigs su rung / /grong khyer der gnas drag shul can/ /ri'i rtse mor brten te gnas/ /me yi gdong pa zhes bya ba/ /k+She tra pA la mdzes pa'i gdong / /da ran ra ni bde byed ma/ /sme brtsegs chen po'i skye gnas byung / /lha mo ga ya'i mtshon cha bsnams/ /chos kyi dbang phyug gsol ba mo/ /zhing der gnas par grags pa de/ /ta la'i shing la brten te gnas/ /gyen du 'bar skra zhes bya ba/ /k+She tra pA la gtsigs pa che/ /de bi ko T+Tar rna mo chen/ /stobs po che'i skye gnas 'byung / /lha mo lag na mdung can te/ /rnal 'byor dbang phyug kun gyis mchog /gnas der lha mo drag chen mo/ /ba Ta'i shing la brten te gnas/ /k+She tra pA la lus chen po/ /mchog gi dbang phyug rgyu zhes bya/ /bi ra dzar ni phyi mo ste/ /ba dan gyi ni phyag brgya bsnams/ /zhi ba'i gzugs can lha mo che/ /'dod pa'i dbang phyug rab stsol ba/ /zhing der gnas pa med 'bar ma/ /A mra'i shing la brten te gnas/ /ha har dgod pa sgra chen po/ /sems can thams cad 'jigs par byed/ /e ru dar ni me lce'i kha/ /</font><hr>85.272a<br><font size=+1>

thod pa dge ba'i skye gnas byung / /lha mo rdo rje shag ti bsnams/ /zhing der shin tu myos bas gnas/ /grong khyer der gnas lha mo de/ /gser shing la ni brten te gnas/ /dril bu sgra zhes bya ba yi/ /k+She tra pA la dpa' bo che/ /pre ta pu rir dmar ser te/ /'jigs pa chen mo'i spyan dang ldan/ /lha mo gtun shing mtshon cha bsnams/ /gtsigs pa'i skye gnas las byung ba'o/ /zhing der gnas pa'i lha mo der/ /dzA ti'i shing la brten te gnas/ /byin chen zhes bya'i zhing skyong ni/ /shin tu gtsigs shing 'jigs su rung / /e la pu rir bong zhon ma/ /rab tu gtum pa'i skye gnas byung / /phyag na zhags pas 'jigs chen mo/ /zhing der myos pas yang dag gnas/ /phyogs der gnas pa'i lha mo de/ /stobs chen pha rol gnon pa mo/ /glang chen rna ba zhes bya ba'i/ /zhing skyes mchog chen las skyes pa'o/ /kha che'i yul du ba lang rna/ /gtum pa'i skye gnas las byung ma/ /rdo rje lcags sgrog thogs nas ni/ /dgra rnams 'joms la mchog tu brtson/ /gnas der gnas pa'i lha mo de/ /ri yi rtse la brten te gnas/ /sbu gu'i byin pa can zhes bya/ /k+She tra pA la 'jigs chen po/ /ma ru'i yul du rim pa mo/ /'jigs gdong dpa' bo'i skye gnas 'byung / /lcags kyu zhags thogs lha mo de/ /zhing der shin tu myos pas gnas/ /yul der gnas pa'i lha mo de/ /dbye chen la ni brten te gnas/ /gtsigs pa zhes bya'i zhing skyong ni/ /rmongs par byed pa gzhan yangs pa'o/ /nA ga rar ni thong gshol ma/ /sme brtsegs yan lag skye gnas byung / /ro langs can ni 'od chen ma/ /dpa' bo kun la dngos grub stsol/ /gnas der gnas pa'i bzang mo de/ /spa yi shing gi ldum rar gnas/ /spu yi byin pa zhes bya ba'i/ /</font><hr>85.272b<br><font size=+1>

k+She tra pA la gtsigs pa che/ /pun da bar ta'i yul du ni/ /tsa muN+Di zhes bya ba ste/ /stobs po che yi skye gnas byung / /kha T+wA~M ga yis lag pa brgyan/ /lha mo spyod dang grol bar byed/ /sdig pa ma lus zad byed pa/ /bum pa zhes bya'i zhing skyong ni/ /zhing de na ni yang dag gnas/ /dza lan d+har ni bzhin dngas ma/ /chags pa'i rigs kyi skye gnas 'byung / /rdo rje lcags sgrog thogs nas ni/ /bde ba'i mchog ni kun la ster/ /grong khyer mchog der gnas lha mo/ /khang pa brtseg mar brten na gnas/ /ral pa gsum zhes bya ba yi/ /zhing skyong shin tu gtsigs po che/ /pre tA pu rir glog gi gdong / /gtsigs pa'i skye gnas yang dag byung / /lha mo dbyig pa shaka ti thogs/ /bsam pa thams cad rdzogs byed ma/ /zhing der gnas pa'i lha mo de/ /drag pa'i gzugs can 'jigs par byed/ /dril bu'i sgra zhes bya ba yi/ /k+She tra pA la dmad pa min/ /'ug pa'i gdong can 'jigs su rung / /so ba der ni me lce'i gdong / /zangs gri yis ni lag pa brgyan/ /sha chen gyi ni stan la gnas/ /bde ba'i dbang phyug rab ster ba/ /zhing der gnas pa'i lha chen mo/ /shal ma ri yi shing la gnas/ /bya ba kun mdzes zhes bya ba'i/ /k+She tra pA la 'jigs chen po/ /tsa rid ta yi yul du ni/ /ka ran dza gnas zhes bya ba/ /shag ti gtsigs pa'i skye gnas byung / /shag ti yi ni phyag rgya thog  /dril bu chen po zhes bya ba/ /k+She tra pA la stobs po che/ /sbrul dang ldan pa'i gyin skra can/ /gdug pa thams cad 'jigs par mdzad/ /u D+yen du ni lha chen mo/     /gsang ba zhes bya'i skye gnas byung / /lha mo rdo rje lcags sgrog thogs/ /shin du drag cing gsal ba'i gzugs/ /sgra chen zhes bya drag po'i gzugs/ /k+She tra pA la stobs po che/ /gnas mchog der gnas</font><hr>85.273a<br><font size=+1>

lha mo de/ /a sho ka yi shing brten gnas/ /dzA lan+d+ha rar gtum mo ni/ /zhi ba'i yi ni skye gnas byung / /lag na zangs gri phyar te thogs/ /dbang phyug thams cad ster ba mo/ /gnas der gnas pa drag chen mo/ /gser shing la ni brten te gnas/ /skyed pa zhes bya'i dpa' bo che/ /bdud rnams thams cad 'jigs par byed/ /k+She re ker ni skye bo'i ma/ /drag cing sngo la stobs chen ma/ /ral gri lag thogs lha mo che/ /dngos grub thams cad ster ba mo/ /lha mo chen mo gyen skra 'bar/ /sa la'i shing la brten te gnas/ /lhun po chen po zhes bya ba'i/ /k+She tra pA la zhing der gnas/ /ma ya pu rir 'dod ma ste/ /'jigs pa'i gdong gi skye gnas byung / /rdo rje shag ti dge ba thogs/ /bsgrub po rnams la stobs ster ba/ /gzugs sngon 'jigs pa chen mo ste/ /'byung po'i shing la brten te gnas/ /der gnas 'jigs pa zhes bya ba'i/ /k+She tra pA la stobs po che/ /pu ta nar ni a mra ke /dgra rnams thams cad 'jigs byed pa/ /thong gshol dang ni ga ya thogs/ /sems can thams cad dbang byed ma/ /da ru'i shing la brten te gnas/ /sems can thams cad 'jigs par byed/ /brtul zhugs chen po zhes bya ba'i/ /k+She tra pA la zhing der gnas/ /rgyal po'i khab tu dza na sa/ /khrag chen gyi ni skye gnas byung / /rdo rje lcags kyur yang dag ldan/ /pha rol g.yul las rgyal bar mdzad/ /zhing der gnas pa'i lha mo de/ /dzi la'i sgra 'byin 'jigs par byed/ /rna chen zhes bya'i zhing skyong ni/ /rtag tu de dang nye bar gnas/ /bod yul du ni lhan skyes te/ /rang byung gi ni skye gnas byung / /chu srin rgyal mtshan lag na thogs/ /zhi zhing gsal ba'i gzugs can te/ /yul der gnas pa'i lha mo de/ /brag gi khyim la brten te gnas/ /longs spyod zhes bya'i dpa' bo che/ /k+She tra pA la thub dka'</font><hr>85.273b<br><font size=+1>

ba'o/ /ma la ber ni dbang bskur ma/ /tho ba yi ni phyag rgya thogs/ /sgrub pa po la rtag tu brtse/ /grags dang dpal dang bkra shis ster/ /zhing der gnas pa'i lha mo de/ /mngar ba'i shing la brten te gnas/ /skyes bu'i dbang phyug zhes bya ba'i/ /zhing skyong sna tshogs dbang phyug yod/ /zhing 'di rnams kyi bu mo dang / /dpa' bo rnams ni dngos grub ster/ /rtag tu mtshan mo 'phyan pa dang / /rtag tu mtshan mo 'du bar byed/ /mkha' la spyod pa rnyed dka' ba'i/ /dngos grub yangs pa ster 'gyur te/ /sgrub pa po yi las rnams ni/ /thams cad 'grub 'gyur the tshom med/ /de nas dngos grub kun ster ba'i/ /mchod pa'i cho ga bshad par bya/ /me tog bdug pa de bzhin du/ /mar me dri yi khyad par dang / /gtor ma'i snod kyis nye bar mchod/ /sha rlon dang ni nya la sogs/ /bza' ba'i rdzas ni thams cad dang / /de bzhin bdud rtsi lnga yi mchog /g.yon gyi char ni snod yin te/ /g.yas su khro bo bstan par bya/ /o~M shing gcig dang ni dur khrod dang / /ri bo dang ni ri sul phug /grong dang bzhi mdo zhing dang ni/ /khyad par du ni khang stong dang / /sems can snod dang thang dang ni/ /khyad par du ni chu la gnas/ /nag po drag po drag chen po/ /lha sbyin mnyam du bsten pa dang / /nag po gtsigs pa 'jigs byed dang / /rga las 'das dang log 'dren rnams/ /rgan byad ma dang drag mo dang / /'jigs byed ma dang u ma dang / /rgyal dang rnam par rgyal ma dang / /mi thub gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma/ /dbang mo dang ni zla ba mo/ /drag tu sdang dang 'phyang ba mo/ /'phrog byed ma dang mar me ma/ /'jib byed grong gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thod chen mo/ /thod phreng phreng dang kha T+wA~M ma/ /sbrul chen ral</font><hr>85.274a<br><font size=+1>

gri dgra sta can/ /rdo rje de bzhin gzhu can ma/ /de nyid chen mo'i mkha' 'gro lnga/ /las kun rjes su sgrub byed pa/ /sbyor ba'i dkyil 'khor rgyal chen mo/ /de bzhin rdo rje dbang phyug gtso/ /de bzhin gshegs pa'i sku chen te/ /rdul med rnal 'byor 'byin pa mo/ /rdo rje dbang mo bka' 'di yis/ /thams cad kun nas 'dir spyon cig /o~M kak+ka d+h+ya na ba ba ban d+ha na kha kha khA da na sar+b+ba duSh+TAn ha na ha na g+hA ta ya g+hA ta ya a mu ka s+ya shan ting ku ru hU~M hU~M hU~M phaT dza swA hA/ bdud rtsi yis ni kha bkang ste/ /lha rnams thams cad tshim par bya/ /rnal 'byor rnal 'byor ma yis ni/ /las rnams thams cad sgrub par bsgom/ /o~M bkA bkA sarba yo ge shwa ri hU~M hU~M hU~M dza swA hA/ la sogs sbyor ba ji bzhin du/ /gtor ma'i las ni sbyar bya ste/ /zhi dang rgyas dang dbang dang dgug /gsad dang sdang dang bcing ba la/ /sgrub pos gtor ma'i de nyid kyis/ /las rnams thams cad bsgrub bya zhing / /ye shes lcags kyu'i bye brag gis/ /rang 'dod lha ni tshim par bya/ /zhing dang gnas dang de bzhin grong / /grong khyer ri yi rtse mo ru/ /'byung po thams cad tshogs gyur par/ /'dus na sgrub po la mchog ster/ /gnas la sogs par rtag gnas shing / /sgrub pa po ni gus ldan la/ /lha mo rnams kyis mchog ster ba/ /sgrub pa po la the tshom med/ /gang gis sgrub pa po 'grub pa'i/ /ro yi bsgrub pa bshad par bya/ /rgan po ma yin rma med cing / /mdze dang shu ba la sogs spangs/ /shin tu mnyam par bzhag pa yis/ /'byung po'i nyi ma la bsgrub bya/ /bdud rtsi lnga yi khyad par dang / /lha yi chu yis bkru bar bya/ /mar khu chen pos byug pa dang / /bdug pa chen pos de bdug bya/ /maN+Dal gru bzhi byas nas ni/ /de dbus 'bad pas gru gsum bya/ /sangs rgyas thams cad bdag la gson/ /</font><hr>85.274b<br><font size=+1>

zhes bya la sogs sngon bzhin brjod/ /ha hA ha hA hU~M hU~M he he/ /zhes bya'i dmod pa rnam pa brgyad/ /sgrub pa po yis chog bzhin bya/ /me la gnas pa'i sa bon ni/ /rlung gi sa bon gyis phye ba/ /spyi gtsug tu ni sbyar byas la/ /sa yi steng du mchod par bya/ /rnal 'byor ma yi dbugs gnas par/ /'bad pa yis ni myur du blta/ /sgrub pos bdag nyid bsam bya ba/ /skye gnas dbus su rim bzhin blta/ /'bar phreng gi ni rgya mtsho ste/ /pho nya 'od dang bcas blta zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ 'du ba'i gnas nges pa dang / bsgrub pa'i cho ga'i rim par phye ba ste bcwa brgyad pa'o// // de nas yang dag bshad bya ba/ /ma mo'i dkyil 'khor dge ba dang / /lha rnams thams cad bsgrub pa dang / /de bzhin pho nya'i khyad par dang / /'byung po gdon gyi rig pa che/ /gang gzhan lus sprul la sogs pa/ /de bzhin sngags kyi phreng ba rnams/ /de ni khyod la bshad kyis nyon/ /gru bzhi pa la sgo bzhi pa/ /sgo khyud dang ni ldan pa yi/ /dkyil 'khor nyams dga' bri bar bya/ /dngos grub kun gyi yon tan gnas/ /'dod yon lnga yis rab brgyan pa/ /mchod pa lnga dang yang dag ldan/ /ro la g.yogs pa'i ras sam ni/ /mtshon gyis brgyab pa'i ras dag dang / /bu btsas pa'i ras dang ni/ /ba glang ko ba la sogs la/ /dam tshig can gyi 'dri mkhan gyis/ /sgrub po mchog gis 'dri ru gzhug /tshes brgyad dang ni bcu bzhi la/ /'byung po'i dkyil 'khor bsgrub par bya/ /de nas 'bum phrag gcig bzlas pas/ /mngon sum du ni mdun gnas 'gyur/ /tshangs pa mo dang zhi ba mo/ /gzhon nu mo dang phag mo dang / /dbang mo dang ni tsa mun Di/ /</font><hr>85.275a<br><font size=+1>

tshogs kyi dbang mo sreg byed ma/ /rim pa gnyis pa yi'o/ /dbang po gshin rje chu lha dang / /lus ngan dang ni yi dgas gtso/ /sreg byed bden bar rlung gi lha/ /rim pa gsum pa yi'o/ /nyi ma dang ni zla ba dang / /mig dmar dang ni gza' lag dang / /phur bu dang ni pa ba sangs/ /spen pa dang ni rA hu la/ /rim pa bzhi pa'i 'o/ /tshangs pa khyab 'jug de bzhin du/ /ru tra skem byed sgo bzhir ro/ /sa dang chu dang me dang rlung / /'byung po chen po'i khams rnams dang / /mkha' 'gro ma dang mar me ma/ /'jib byed 'phrog byed bcas pa'i gtso/ /'byung po las kyang 'byung ba'i gzugs/ /sgrub pos cho ga bzhin du bsgrub/ /dkyil 'khor chen po'i sbyor ba yis/ /phyi rol dkyil 'khor bri bar bya/ /dbus su kun nas zlum por ni/ /ri mo mdzes pas bskor bar bya/ /pad ma 'dab brgyad bris nas ni/ /ge sar gsang ba'i spyod yul gyi/ /dbus su khro bo chen po bri/ /zhal gcig phyag ni bzhi pa ste/ /zhal gyi mche ba cung zad gtsigs/ /khro dang bcas shing bzhad pa'i zhal/ /sku mdog sngon po drag chen po/ /thod pa'i phreng bas rnam par klubs/ /yi dgas la zhon nyi mar bzhugs/ /sum bcu gsum pa 'jigs par mdzad/ /gar dang ldan zhing stag lpags mnabs/ /spyan gsum shin tu gsal ba'i gzugs/ /rdo rje 'bar ba ba dan gsum/ /khrag gang ba yi gshor dang bcas/ /mda' dang gzhu ni de bzhin te/ /g.yas dang g.yon gyi phyag gis 'phyar/ /shar du mkha' 'gro ma bri ste/ /lho yi phyogs su 'phrog byed ma/ /'jib byed lha mo nub tu bri/ /byang du lha mo 'bar ma'o/ /lha mo phag mo zhes bya ba/ /phyag bzhi yi ge hrIHlas byung / /sku mdog sngon mo drag chen mo/ /phag gi gdong can 'jigs par byed/ /mda' dang de bzhin gzhu dang ni/ /rgyal mtshan thod pa thogs pa'o/ /zhi ba mo ni pheM las byung / /mdog dmar gzi brjid chen mo te/ /thod pa dang</font><hr>85.275b<br><font size=+1>

ni lcags kyu dang / /kha T+wA~M Dam ru de bzhin no/ /gzhon nu ma ni hi las byung / /kha dog ser mo phyag bzhi pa/ /mdung rtse gsum dang ba dan gsum/ /mda' dang gzhu ni de bzhin no/ /tsa mun Di ni ho las byung / /mdog sngo lag pa bzhi pa ste/ /kha T+wA~M dang ni thod pa dang / /gshol dang de bzhin Da ma ru/ /ba~M las byung ba'i tshangs pa mo/ /mdog dkar lag pa bzhi pa ste/ /pad ma dang ni thod pa dang / /de bzhin gzhan na mda' gzhu'o/ /tshogs kyi dbang mo ga~M las byung / /sngo bsangs mdog ste lag bzhi ma/ /mdung rtse gsum dang thod pa dang / /bgrang phreng g.yon gyi lag tu thogs/ /khyab 'jug ma ni bim las byung / /mdog sngo lag pa bzhi pa ste/ /chang dang chu yi thod pa dang / /zhags pa kha T+wA~M de bzhin gzhan/ /dbang mo iM las byung ba ste/ /mdog ser lag pa bzhi dang ldan/ /rdo rje shag ti thod pa dang / /sdigs mdzub dang ni zhags pa nyid/ /thams cad gyen skra 'bar ba dang / /sna tshogs kyis ni brgyan pa ste/ /ro yi stan bzhugs spyan gsum dang / /stag gi lpags pas rked dkres pa'o/ /shar sgor tshangs pa bri bya ste/ /mdog dkar lag pa bzhi dang ldan/ /thod pa dang ni bgrang phreng dang / /ril ba spyi blugs pad ma thogs/ /byang du de bzhin khyab 'jug ste/ /mdog sngon lag pa bzhi dang ldan/ /dung dang de bzhin 'khor lo dang / /thod pa dang ni dbyug pa mchog /lho ru ru tra bri bya ste/ /du ba'i mdog can lag pa bzhi/ /rtse gsum mdung dang thod pa dang / /zhags pa dang ni bgrang phreng thogs/ /nub tu skem byad bri bya ste/ /mdog ser lag pa bzhi dang ldan/ /shag ti dang ni dbyug pa dang / /dpa' bo'i thod pa bgrang phreng thogs/ /dbang ldan khyu mchog stan la zhon/ /kha dog dkar po lag bzhi ba/ /thod pa dang ni rtse gsum thog /gzhan gnyis thal mo sbyar ba'o/ /dbang po glang chen zhon pa ste/ /mdog ser lag pa bzhi dang ldan/ /rdo rje dang ni thod pa thogs/ /gzhan gnyis thal mo sbyar ba'o/ /me ni lug gi stan la zhon/ /kha dog dmar po</font><hr>85.276a<br><font size=+1>

lag bzhi pa/ /me thab nyid dang thod pa dang / /gzhan gnyis thal mo sbyar ba'o/ /gshin rje ma he stan la zhon/ /kha dog sngon po lag bzhi pa/ /dbyug pa dang ni thod pa thogs/ /gzhan gnyis skrag ste thal sbyar ba'o/ /bden bral mi ro'i stan bzhugs pa/ /kha dog ljang khu lag bzhi pa/ /kha T+wA~M ga dang thod pa thogs/ /gzhan gnyis skrag ste thal sbyar ba'o/ /chu lha chu srin stan la bzhugs/ /kha dog dkar po lag bzhi pa/ /zhags pa dang ni thod pa thogs/ /gzhan gnyis skrag sta thal sbyar ba'o/ /rlung ni sha ba'i stan la bzhugs/ /du ba'i mdog can lag bzhi pa/ /ba dan dang ni thod pa thogs/ /gzhan gnyis de bzhin thal sbyar ba'o/ /lus ngan gter gyi stan la gnas/ /kha dog ser po lag bzhi pa/ /rin chen dang ni tho ba thogs/ /gzhan gnyis de bzhin thal sbyar ba'o/ /gza' dang skar ma thams cad kyang / /rang rang dam tshig las byung zhing / /rdzu 'phrul ldan zhing stobs chen po/ /rang rang stan la gnas par bsam/ /ma mo rnams kyang kun gyi ma/ /'byung po'i rig pa gzhan de bzhin/ /las rnams thams cad sgrub pa yi/ /pho nya'i bsgrub thabs de nas bshad/ /so sor stobs kyis tshar gcad pa/ /nyon cig lha mo skal chen ma/ /longs spyod la dga'i sgrub pa pos/ /pho nya'i las ni brtsam par bya/ /zla ba rdo rje'i cho ga yin/ /rdo rje sems dpa' bsgom byas te/ /sngags kyi rgyal po bskul ba yis/ /thams cad bran bzhin byed par 'gyur/ /du khrod dang ni shing gcig tu/ /der ni dkyil 'khor brtsam par bya/ /shar dang byang dang nub dang ni/ /de bzhin du ni lho phyogs su/ /drug drug tu ni byas nas su/ /de nas mchod pa brtsam par bya/ /gnas la sogs pa nyi shu bzhi/ /rim pa bzhin du yongs su bskor/ /dri dang me tog de bzhin du/ /mar me dang ni dri yi chu/ /dri yi chu yis bkang ba yi/ /bum pa'ang gos kyis mdzes par bya/ /nyin mtshan phrugs gcig gnas gyur cing / /</font><hr>85.276b<br><font size=+1>

de nas mtshan gcig gnas par bya/ /gnas sogs yang dag phyag byas nas/ /de nas bzod pa gsol bar bya/ /dpa' bo yi ni ston mo yis/ /dang por slob dpon mnyes par bya/ /de ltar byas pa'i sngags pa yis/ /phyi nas las ni brtsam par bya/ /gzhan du dus min 'chi ba dang / /dmyal bar nges par sreg 'gyur te/ /bgegs kyis nye bar gtses nas ni/ /nges par dmyal bar ltung bar 'gyur/ /dam tshig ldan pa'i 'dri mkhan gyis/ /'byung po'i nyi ma la rnyed pa'i/ /bu btsas la sogs ras la ni/ /tshon rtsi khrag dang bsres nas su/ /steng du skyes pa'i nang bzhag nas/ /sgrub pa'i dkyil 'khor bri bar bya/ /yi dgas sen rtsi mar chen dang / /sha chen gyis ni bdug par bya/ /de la dri yis bsgos nas su/ /de bzhin yi dgas me tog mchod/ /lha mo chen mo mchod pa 'dis/ /me 'bar ma ni mchog tu mnyes/ /shing gcig gi ni drung du ni/ /cho ga bzhin du 'bum bzlas bya/ /rgyal la sogs pa'i dus su ni/ /slob dpon gyis ni 'dri ru gzhug /sor ni bcu gnyis tshad du bya/ /gzugs bzang bzhon nu phun sum tshogs/ /rgyan rnams kun gyis brgyan pas ste/ /gos ni ser po bgos par bri/ /lag gnyis gyen du thal mo sbyar/ /me 'bar ba ni kun tu 'od/ /sgrub po'i mdun du bkram nas ni/ /'bad de cho ga bzhin mchod bya/ /me tog dmar dang dri la sogs/ /sha skam gyis ni bdug par bya/ /sha dang nya sha btsong la sogs/ /nye bar spyod pa'i gtor ma sbyin/ /rdzas lnga dag gi dngos po yis/ /mchod nas 'bum du bzlas na ni/ /dang po la ni sgra 'byung ste/ /gnyis pa la ni nya dri bro/ /gsum par shing ni g.yo 'gyur te/ /bzhi pa la ni mdun du gnas/ /dam tshig phyag rgya bstan nas ni/ /sngags ni de la brjod par bya/ /lag gnyis thal mo sbyar nas ni/ /spyi bor bzhag ste brjod bya ba/ /o~M di be shwa ri hU~M/ phuHphuHphuH/ dam tshig gi sngags dang phyag rgya'o/ /</font><hr>85.277a<br><font size=+1>

bdud rtsi lnga yi bkang ba yi/ /dam tshig chu ni sbyin par bya/ /'bad de dam tshig byin nas ni/ /lag pa g.yon pas gzung bar bya/ /rnal 'byor ma dang gnyis med pa/ /byin gyis rlobs la nga sgrubs shing /   /de nas shin tu mdzes ma yis/ /bza' dang btung sogs ston mo dang / /gser zho gnyis ni ster 'gyur te/ /zad pa nyid du longs spyod bya/ /'dod la dga' ba'i 'bar byed ma/ /gal te grub par ma gyur na/ /drag mo yi ni sa bon gyis/ /gzer te 'bum du bzlas par bya/ /sa bon gyis ni gzer tsam gyis/ /mar me ma yi spyi bo 'gems/ /rtag tu sems can don brtson pas/ /'bar ma chung mar bsgrub par bya/ /nyon cig lha mo shes rab che/ /gzhan yang mkha' 'gro bsgrub pa'i thabs/ /thang ka khru gnyis byas nas su/ /lhag par gnas te mchod gtor nas/ /de nas ri mo bri ru gzhug /dkar zhing dmar la shin du mdzes/ /zhal gcig phyag ni gnyis pa ste/ /shin tu mdzes pa'i na bza' gsol/ /lag na bsdigs mdzub lcags kyu thogs/ /skra grol bas ni rnam par mdzes/ /me 'bar 'od zer shin tu gsal/ /ha har rgod cing mig yon ma/ /sa la khrag gis byugs nas su/ /gnas der bri sku dgram par bya/ /me tog dmar po la sogs dang / /dri dang bdug pa'i khyad par gyis/ /nye bar mchod pa'i gtor ma dgod/ /sha dang nya dang btsong la sogs/ /bdud rtsi lnga yis dgang bar bya/ /rnal 'byor ma ni sgom zhing zlos/ /'bum phrag gcig gis 'grub par 'gyur/ /lag gnyis thal mo sbyar nas su/ /khar bcug nas ni bgad par bya/ /o~M DA ki nI hU~M phu~MHphuH/ bsgrub pa'i sngags dang phyag rgya'o/ /dang po sa ni g.yo 'gyur te/ /gnyis pa la ni mdun du dgod/ /gsum pa mdun du snang 'gyur te/ /bzhi pa la ni bka' nod do/ /bdud rtsi lnga yi khyad par gyi/ /dam tshig 'bad de byin nas ni/ /g.yog mo</font><hr>85.277b<br><font size=+1>

ru ni bsgrubs pa yis/ /ci 'dod bka' ni bsgo bar bya/ /dgra rnams bsad cing dmad pa dang / /yan lag gzer ba gang 'dod pa'i/ /las la sogs pa thams cad ni/ /g.yog mo'i las kyis sgrub par 'gyur/ /gal te 'bum gyis gdon za na/ /rdo rje ma yi sa bon gyis/ /sngon du bstan pa'i cho ga bzhin/ /mkhas pas gzer bar byas te bzla/ /ra dag gi ni lpags pa la/ /'bad de thang ka brkyang bar bya/ /'jib byed ma ni 'dri ru gzhug /kha dog dmar po shin tu mdzes/ /lus la rgyan gyis brgyan pa dang / /mdzes pa'i gos ni gyon par bri/ /g.yon pa bsdigs mdzub zhags pa dang / /g.yas su dgra sta dgod par bya/ /lam gyi bzhi mdo yid 'ong bar/ /mkhas pa yis ni bsgrub bya ste/ /lci ba yis ni byugs byas la/ /me tog sna tshogs dgram par bya/ /me tog bdug pa mar me sogs/ /'byung po kun gyi gtor ma sbyin/ /khrag dang nya dang sha dang btsong / /bza' ba dag ni sna tshogs dang / /bdud rtsi lnga yis bkang la sbyin/ /'bed de bsam gtan gnas pas bzla/ /o~M a kaR+Sha ya phuHphaT/ lag gnyis mnyam par byas nas su/ /zhags pa'i tshul gyis gar bskyod bya/ /snying po'i sngags dang phyag rgya'o/ /rnal 'byor pa yis 'bum bzlas pas/ /'jib byed ma ni 'grub 'gyur te/ /dang po khyi ni ngu ba'i sgra/ /gnyis pa la ni gsal bar bgod/ /gsum pa la ni mtshon thogs nas/ /sdigs pa'i phyir ni 'ong bar byed/ /bzhi par mdun du gnas nas ni/ /bdag gis ci bgyi bka' stsol smra/ /bdud rtsi lnga yi khyad par gyi/ /dam tshig dag ni byin nas su/ /sems can rnams la phan pa'i phyir/ /dbul po bdag gis khyod bsgrubs so/ /de nas nyi ma re re zhing / /gser srang phyed phyed ster bar 'gyur/ /gal te 'bum gyis ma grub na/ /ro langs snying pos gzen te bzla/ /sa bon 'di yis gzer tsam gyis/ /'jib byed ma'i mgo 'gems so/ /chu 'gram gyi ni sa phyogs su/ /kam po dzi ni bsgrub par bya/ /ba glang la sogs ko ba ni/ /brgyang ste 'phrog byed</font><hr>85.278a<br><font size=+1>

ma 'drir gzhug /lus ni sbrul gyis brgyan pa ste/ /kha dog sngon po 'bar ba'i 'od/ /skra grol bas ni rnam par brgyan/ /gos dmar bgos shing phyag gnyis mdzes/ /ral gri dang ni zhags pa thogs/ /ha har rgod cing rnam par gtsigs/ /khrag gis maN+Dal byugs nas ni/ /dri dang me tog bdug pas bdug /sha dang nya dang tsong la sogs/ /nye bar mchod pa'i gtor ma sbyin/ /bdud rtsi lnga dang ldan pa yi/ /sngon bzhin lha yi gtor ma sbyin/ /rnal 'byor pa ni sgom zhing zlos/ /'bum gcig gis ni 'grub 'gyur te/ /dang po chu ni g.yo bar 'gyur/ /gnyis pa la ni char chen 'bab/ /gsum par thog ni 'bab 'gyur te/ /bzhi pa la ni mdun du gnas/ /bdud rtsi lnga yi khyad par gyis/ /dam tshig de nas 'bad de sbyin/ /o~M kriM kru~M phu~M phuHphaT/ lag gnyis khu tshur bcings nas su/ /de yi sngags ni brjod par bya/ /snying po'i sngags dang phyag rgya'o/ /mdun na thal mo sbyar nas ni/ /ci zhig bgyi zhes brjod par 'gyur/ /ti se'i gangs kyi rtse ru ni/ /brtse phyir khyod kyis nga khrid la/ /slar yang 'dir ni 'ong ba dang / /rgyal po'i bu mo'am gzhan yang rung / /nga 'dod pa ni khrid de shog /gser dang dngul dang zangs la sogs/ /bza' dang bgo dang btung ba dang / /ji ltar 'dod bzhin khyer te 'ong / /lha yi bu mo'am mi mo'ang rung / /ti se'i gangs kyi rtse ru ni/ /ji ltar 'dod bzhin khrid par byed/ /bstan pa'i las kyis ma grub na/ /las gzhan gyis ni bsgub par bya/ /bdag nyid ye shes mkha' 'gro ru/ /mkhas pa yis ni bsgoms nas su/ /de ni rkang pa g.yon pa yis/ /mnan te lnga brgyar bzlas na ni/ /gdon mi za bar 'grub par 'gyur/ /gal te des kyang ma grub na/ /dpa' bo'i dbus su bkug nas ni/ /dum bu dum bur gtub par bya/ /kri zhes bya dang gsod pa dang / /hU~M gi sa bon bsgoms pa yis/ /thams cad du ni bza' bar bsam/ /des ni bsgrub bya'i rnal 'byor ma/ /thams cad kyi ni dbang phyug ma'ang / /</font><hr>85.278b<br><font size=+1>

gal te ma grub 'chi bar 'gyur/ /bstan pa'i las kyis ma grub na/ /ba la ta ka nag po'i shing / /me sbar ba yi dbus su ni/ /khrag dang bcas pa'i yungs kar ni/ /nyi ma phyed na hU~M zhes pa/ /brjod cing sbyin bsreg byas nas ni/ /mkha' 'gro ma rnams 'chi 'gyur bas/ /gdon mi za bar 'grub par 'gyur/ /de nas shang kar bsgrub pa'i thabs/ /nyon cig lha mo skal chen ma/ /dur khrod dang ni shing gcig dang / /chu 'gram lam gyi bzhi mdor bsgrub/ /dam tshig can gyi 'dri mkhan gyis/ /tshon gyi dkyil 'khor bri bar bya/ /sor ni bcu bzhi'i tshad dag tu/ /dpa' bo yi ni ras la bri/ /gru gsum dkyil 'khor dge ba ste/ /dkyil 'khor zlum po'i tshul du bya/ /sku mdog sngon po glang la zhon/ /lus la thal ba'i rdul gyis byugs/ /pho mtshan gyen 'greng zhi ba'i gzugs/ /ral pa'i cod pan mdung dang ldan/ /zhal bzhi pa la phyag bzhi pa/ /thod pa'i phreng bas rnam par klubs/ /kha T+wA~M ga dang thod pa nyid/ /de bzhin gzhan na gshor dang ldan/ /bshang gcir ldan pas mchod bya ste/ /'byung po kun gyi gtor ma sbyin/ /sngags 'di yis ni bkug nas su/ /'bum du bzlas pas bsgrub par bya/ /o~M ka pA la mA la la~M kri ti shi ra hU~M hU~M/ A gats+tsha ya A gats+tsha ya ru drA ya swA hA/ spyan drang ba'i sngags so/ /o~M a ru dra hU~M hU~M swA hA/ 'bum du bzlas pas 'grub par 'gyur/ /gal te grub par ma gyur na/ /de nas de ni bsreg par bya/ /grub nas bya ba thams cad ni/ /byed par 'gyur te gzhan du min/ /de nas yang dag bshad bya ba/ /nor lha yi ni bsgrub pa'i thabs/ /ri bo dang ni rgya mtsho'i 'gram/ /'bab chu 'dus pa'i mdo dag tu/ /sngar bstan pa yi cho ga yis/ /dkyil 'khor mchog ni bsgrub par bya/ /sor ni bcu gnyis tshad dag tu/ /khyad par tu ni bsgrub par bya/ /kha dog nag po shin du mdzes/ /zhal gcig phyag ni bzhi pa ste/ /'khor lo dang ni dbyig pa bsnams/ /thod pa pad ma de bzhin no/ /</font><hr>85.279a<br><font size=+1>

rin chen gyi ni cod pan dang / /rgyan rnams kun gyis rnam par glubs/ /bshang gci dang ni khu ba khrag /mchod pa nyid du sbyin bya zhing / /mi yi sha yis bdug byas na/ /dngos grub nye bar byed par 'gyur/ /o~M a badzra nA ra ya Na hU~M hU~M AHswA hA/ spyan drang ba'i sngags so/ /o~M ma ma tsakra sA da ya sar+b+ba a su ra da ma na hU~M hU~M swA hA/ stong phrag brgyar ni bzlas pa yis/ /lha ma yin ni kun gyi sgor/ /'jug pa'i nus dang ldan 'gyur zhing / /sgyu ma thams cad ston byed de/ /dgra rnams thams cad 'dul nus shing / /rgyal srid dag kyang thob par 'gyur/ /cho ga'i rim pa 'di nyid kyis/ /de nas tshangs pa'ang bsgrub bya ste/ /chu yi 'gram ni dben pa dang / /khyad par pad mo'i tshul du bsgrub/ /kha dog ser po phyag bzhi pa/ /gdong bzhi yis ni mdzes par byas/ /zhi ba ral pa'i cod pan 'chang / /mchod phyir thogs kyis rnam par brgyan/ /pad ma dang ni bgrang phreng dang / /dbyug pa dang ni thod pa bsnams/ /sgrub pa po yi gtso bo yis/ /bris sku dag ni dmigs nas su/ /yid 'ong sna tshogs dri zhim ni/ /gur kum tsan dan la sogs pa/ /dri chus yang yang bsgo bya zhing / /rtag tu bsgom dang ldan pa yis/ /mchod pa'i cho ga'i rim de dag /b+ha ga'i dbus su sbyin par bya/ /o~M brah+ma A gats+tsha hU~M AHswA hA/ spyan drang ba'i sngags so/ /o~M b+hu bsta twa bi dur+b+ba re Nu/ /b+hargo de ba sa d+hi ma hi/ d+hi yo yo na pra tso da ya ta/ 'bum du bzlas pas 'grub 'gyur te/ /zhi ba dang ni rgyas pa dang / /dgug dang dbang du bya ba dang / /nor skyed pa dang mngon spyod sogs/ /las rnams thams cad nus 'gyur te/ /bzlas dang sbyin bsreg kun gyis 'grub/ /khyod la yang dag bshad pa yin/ /nyon cig lha mo skal chen mo/ /bgegs kyi rgyal po bsgrub pa'i thabs/ /ma mo'i khyim ni nyams dga' bar/ / sgom pa dge ba byas nas ni/ /</font><hr>85.279b<br><font size=+1>

blo ldan mchod pa sngon 'gro bas/ /'bed de bris sku dmigs par bya/ /kha dog dmar po cher 'bar ba/ /skyil dkrung bcing ba'i gar gyis bzhugs/ /zhal gcig pa la spyan gsum pa/ /ral pa'i thor tshugs dag dang ldan/ /'od zer dmar po 'bar zhing 'khrug /mche ba gtsigs pa 'jigs par bri/ /dgra sta dang ni gtun shing dang / /mda' dang gzhu ni de bzhin te/ /kha T+wA~M ga dang lcags kyu dang / /khrag gis gang ba'i thod pa dang / /de bzhin rdo rje ral gri ste/ /gzhan yang sha chen thod pa bsnams/ /mu sun di dang ba dan gsum/ /shak+ti dang ni bcu gnyis so/ /o~M a mo g+ha sid+d+ha sar+b+ba arbu me pra sA d+ha ya hU~M hU~M dzaHdzaHswA hA/ spyan drang ba'i sngags so/ /o~M AHhU~M swA hA/bzlas pa'i sngags so/ /stong phrag brgyas ni 'grub 'gyur te/ /de nas las ni brtsam bar bya/ /lan cig bzlas nas thig le dag /sngags pas byas na skal bzang 'gyur/ /rgyal po sgor yang mchod 'thob ste/ /dgra rnams thams cad zad byed 'gyur/ /bgegs rnams ma lus bskrad pa dang / /'dod pa kun gyis 'bras ster bar/ /'gyur ba 'di la the tshom med/ /cho ga'i sbyor ba de nyid kyis/ /ma mo rnams kyi bsgrub thabs mchog /sbyor ba'i rim pa de nyid kyis/ /gza' rnams kyang ni bsgrub par 'dod/ /o~M sar+b+ba ti thi nAk+Sha tra gra ha mang+ga le b+h+yaHswA hA/ gza' thams cad kyi sngags so/ /o~M zhes bya ba dang po ste/ /swA hA'i mtha' can byin brlab ces/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las 'byung po dang gdon thams cad kyi bsgrub thabs 'byung ba'i rim par phye ba ste bcu dgu pa'o// // de nas bcom ldan 'das la lha mo rnams kyis mchod cing phyag byas te/ 'di skad ces gsol to/ /ye shes de nyid khyad par dang / /</font><hr>85.280a<br><font size=+1>

lus kyi mtshan ma ji ltar lags/ /rtsa rnams gang la rten gyur dang / /de rnams dbye ba mi 'tshal te/ /bcom ldan 'das la nyan par 'tshal/ /bde ba chen pos bshad du gsol/ /nyon cig lha mo sgyu ma che/ /sgyu ma kun du rnam 'phrul ba/ /rtsa chen po ni sum bcu gnyis/ /de dag gzhan las shin tu gtso/ /bcu dang gnyis ni de bzhin du/ /dbyangs rnams 'pho ba'i mtshan nyid de/ /yar ngo mar ngo'i bye brag gis/ /nyi shu rtsa bzhir brjod pa yin/ /dus ni myur dang ring ba dag /yan lag mtshan ma'i mtshan nyid ni/ /gang zhig shes pa tsam gyis ni/ /'chi ba'i dus la bab pas gnas/ /dbugs ni rnam par dgod gyur na/ /lus can drug dang gnyis kyis 'chi/ /snga dro ro hi ta'i dus su/ /de yi mtshan ma mtshon par bya/ /sna dang mig gi gnas dang ni/ /'gram pa dang ni rna ba'i rtsa/ /lce dang so yi mtshams dang ni/ /de bzhin mgrin pa'i phyi rol dang / /snying ka'i dra ba lte ba dang / /brla dang byin pa de bzhin gzhan/ /chu so dang ni mtshan dag dang / /mgo dang spyi gtsug gi ni phyogs/ /dbugs ni chad cing chad gyur pa'i/ /lus kyi mtshan ma myur ba ru/ /'chi ba'i dus ni ston par byed/ /nyi ma'i grangs kyi tshad kyis ni/ /'khor los dus kyi bdag nyid brtsi/ /sgo gcig nas ni nyin drug tu/ /gang tshe dbugs ni rgyu gyur pa/ /yon tan gsum gyi lo dag ni/ /zhag ni sum brgya drug bcu ru/ /bgos pa yi ni tshad dang ni/ /mdor bsdus nas ni bstan par bya/ /lo gnyis dang ni zla ba dag /dus kyi grangs su bstan pa dang / /nyin zhag dag ni bcwa brgyad du/ /de yi tshad ni yang dag brjod/ /nyi ma dag ni bdun dang mtha'/ /gal te rlung ni rgyu gyur na/ /lo gnyis dang ni de bzhin du/ /zla ba drug tu 'tsho 'gyur zhing / /nyi ma brgyad du rlung brgyu na/ /de bzhin lo gnyis zla ba ni/ /rig byed kyi ni grangs dang ni/ /nyi ma nyi shu rtsa bzhi ru/ /'tsho 'gyur dus kyi grangs yin no/ /gal te nyin dgu rgyu gyur na/ /</font><hr>85.280b<br><font size=+1>

lo gnyis zla ba bzhi dang ni/ /nyin zhag nyi ma'i grangs su ni/ /lus can rnams kyi sbyor ba yin/ /gal te nyin bcur rgyu gyur na/ /lo gnyis las ni mi 'tsho'o/ /gal te nyin zhag bcu gcig tu/ /sgo gcig nas ni rgyu ba dag /lo gcig zla ba dgu dang ni/ /nyin zhag bcu brgyad dag las ni/ /mi 'tsho mdzes ma khyod la bshad/ /nyin zhag bcu gnyis rgyu na ni/ /lo gcig dang ni zla ba ni/ /dbyangs kyi grangs dang nyin zhag ni/ /dus kyi grangs las mi 'tsho'o/ /gal te nyi ma bcu gsum du/ /g.yas kyi lam nas rgyu ba ni/ /lo gcig dang ni zla ba dag /rig byed kyi ni grangs dang ni/ /nyi ma dgu las mi 'tsho zhes/ /mdzes ma'i gdong can khyod la bshad/ /gal te bdun phrag gnyis su ni/ /g.yas kyi lam nas rlung rgyu de/ /lo gcig zla ba gnyis dang ni/ /nyi ma bcu yi phyed dag las/ /'tsho bar mi 'gyur de yi ni/ /tshe tshad nges par bstan pa yin/ /gang zhig nyi ma lnga gsum du/ /g.yas kyi sgo nas rlung rgyu na/ /lo gcig na ni gdon mi za/ /gang zhig brgyad phrag gnyis su ni/ /g.yas nas rlung ni rgyu ba dang / /de yi tshe tshad nges pa dag /zla ba bcu dang nyi ma ni/ /nyi shu rtsa bzhi dag las ni/ /mi 'tsho bar ni ngas bshad do/ /gal te nyan zhag bcu bdun du/ /g.yas kyi lam nas rlung rgyu na/ /de nas de yi tshe tshad ni/ /zla ba dgu dang nyin zhag ni/ /bcwa brgyad dag las mi 'tsho bar/ /gdon mi za bar bshad pa yin/ /nyin zhag bcwa brgyad rgyu na ni/ /zla ba dag ni brgyad dang ni/ /nyin zhag nyi ma'i grangs su ni/ /de yi dus ni bshad pa yin/ /gal te nyin zhag bcu dgu ru/ /dri yi bzhon pa rgyu ba dag /ji srid 'tsho ba bshad par bya/ /zla ba dag ni bdun dang ni/ /nyin zhag dus kyi grangs las ni/ /'tsho bar mi 'gyur gdon mi za/ /gal te nyin zhag nyi shur ni/ /rgyu ba zla ba drug na ni/ /de yi srog ni 'gro bar 'gyur/ /gal te nyin zhag nyi shu gcig /nyi ma'i</font><hr>85.281a<br><font size=+1>

lam nas rlung rgyu ba/ /zla ba lnga dang nyi ma ni/ /nyi ma'i grangs las mi 'tsho'o/ /nyin zhag nyi shu gnyis rgyu na/ /zla ba rig byed grangs dang ni/ /nyin zhag nyi shu rtsa bzhi las/ /mi 'tsho bar ni yang dag brjod/ /gal te nyin zhag nyi shu gsum/ /sgo gcig nas ni rlung rgyu na/ /zla ba bzhi dang nyi ma ni/ /dus kyi grangs las mi 'tsho brjod/ /nyi shu rtsa bzhir rgyu ba dang / /zla ba gsum dang nyi ma ni/ /bcu gcig dag las mi 'tsho'o/ /nyin zhag nyi shu lnga rgyu na/ /zla ba gsum las mi 'tsho'o/ /de las gong ma sngar bstan pa'i/ /grangs las mdor bsdus shes par bya/ /bcu dang gnyis kyi rtsis las ni/ /bar bar gyi ni bstan pa yin/ /cha dang cha yis rim bzhin du/ /bar bar nyi ma gsal bar byas/ /blo dman rnams kyis rtogs bya'i phyir/ /dus de dag ni bshad pa yin/ /rnal 'byor pa rnams la ni dus/ /shin tu phra ba nges bshad pa/ /khams rnams snyoms pa'i lus las ni/ /de dag blta zhing yid ches bya/ /sgo ni steng du ltas 'bab pa/ /sna yi bar sha chad gyur na/ /nyin zhag bdun gyis the tshom med/ /cha shas dgu ni yang dag gnas/ /de bzhin sgo ni steng bltas las/ /mig gi chu ni chad gyur na/ /nyi ma lnga na 'chi bar 'gyur/ /cha shas bcu ni shes bya ba/ /steng du ltas te 'gro ba las/ /rna ba g.yon dang 'gram pa yi/ /ngos kyi mtshan ma dag las ni/ /nyin zhag gcig las mi 'tsho'o/ /cha shas bcu gcig gnas pa yi/ /gsal bar steng du 'gro ba las/ /rna ba g.yas par rten pa yis/ /nyin zhag bcwo brgyad dag na 'chad/ /cha shas bcu gnyis de bzhin gnas/ /lce yi skud pa nag mthong na/ /lus can dus kyi nyin zhag 'chi/ /cha shas bcu gsum sten pa yi/ /de bzhin steng du 'bar ba yi/ /steng 'og so ni 'thams gyur na/ /'byung ba dag ni ma lus 'dren/ /srog ni dus grangs nyi mas 'gro/ /dbyangs yig bcu bzhi rten pa ni/ /mgrin pa'i blo na gnas pa'i rtsa/ /steng du</font><hr>85.281b<br><font size=+1>

bltas pa zhes grags kyis/ /nyin zhag lnga las mi 'tsho'o/ /cha shas bcwa lnga gnas pa yi/ /steng du bltas pa'i mchog de la/ /brang gi dra ba zhom gyur na/ /zla phyed na ni gdon mi za/ /cha shas bcwa drug rdzogs pa'i bdag /lte ba'i dbus gyur steng bltas pa/ /sen mo'i khrag ni med gyur na/ /nyin zhag bcu na yang dag nyal/ /slar yang cha shas bcu bdun ni/ /gnas pa'i brla yi mtshan ma las/ /nyin zhag nyi shu rtsa bzhi na/ /'chi 'gyur 'dir ni gdon mi za/ /cha shas bco brgyad gnas pa yi/ /byin pa la ni gnas pa'i rtsa/ /de bzhin steng du bltas pa yis/ /nyin zhag nyi ma'i grangs kyis 'chi/ /bcu dgu yi ni cha shas gnas/ /chu so de bzhin steng bltas pas/ /de dang mnyam pa'i nyin zhag gis/ /'chi 'gyur 'dir ni the tshom med/ /cha shas nyi shu gnas pa yi/ /pho mtshan la ni gnas pa'i rtsa/ /steng du bltas ba mchog dbang phyug /mtshan mas nyin zhag dus kyi ni/ /grangs kyis 'chi 'gyur the tshom med/ /re'u mig bcu gnyis rtsis pa la/ /bar bar nyi ma bstan pa dag /lo yi rim gyis de sbyangs te/ /bdun bcu rtsa gnyis rim pa dang / /sum bcu rtsa drug bcwa brgyad kyis/ /zla ba la sogs go rims bzhin/ /rim gyis rim gyis dbri bar bya/ /lhag mar gang zhig gyur pa ni/ /bsdus te 'tsho ba'i dus su ni/ /lha mo chen mo shes bya zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rtsa dang mnyam par sbyor ba'i dbugs 'byung ba zhes bya ba'i rim par phye ba ste nyi shu pa'o// // sgo dgu po yi mtshan nyid dang / /rtsa ni gang bar gnas pa yi/ /yon tan skyon sogs ji ltar blta/ /de rnams bye brag mi 'tshal te/ /ye shes dbang la nyan par 'tshal/ /bde ba chen pos bshad du gsol/ /gong du 'pho ba'i sbyor mtshan nyid/ /bshad kyis lha mo</font><hr>85.282a<br><font size=+1>

mnyan par gyis/ /sngon du bdag nyid sbyang byas la/ /phyi nas las ni brtsam par bya/ /gzugs med gnas pa mdog sngo ba'i/ /pad chen zla ba lta bu 'dzag /slar yang gzugs su gnas pa ste/ /rnam pa kun gyis brgyan pa'o/ /cha shas bzhi dang yang dag ldan/ /kha ni thur du bltas te 'phyang / /go 'phang gnas pa'i gnas nas ni/ /kun da zla 'dra rtag tu dag /rnam shes ye shes bdud rtsi ni/ /lha mo chen mo 'bab pa'i mchog /rten du gyur pa'i pad ma gang / /zla ba'i 'od kyis rnam par brgyan/ /de ni cha dang cha yis gzugs/ /gong bu gnas pa zhes byar brjod/ /de nas gzhan yang bshad bya ba/ /gnas kyi mtha' ni dag par bya/ /dag nas srid pa 'pho bya yi/ /gzhan du na ni don med 'gyur/ /dgang ba yis ni lus bkang na/ /dug dang rims kyi tsha ba 'phrog /bum pa can gyis sgo bcings na/ /sgo yi sbu gu dag par 'gyur/ /'thor bas sna tshogs rdul du bya/ /rab tu zhi bas zhi bar 'gyur/ /rnam shes dgrog pa'i cho ga dang / /gzhan du 'gro ba'ang bshad par bya/ /de nas phyi rol sbyor ba ni/ /mkhas pa yis ni sbyang bar bya/ /gnas gnyis dag ni bsams nas su/ /rlung gi dkyil 'khor bsgom par bya/ /rlung gi dbus su me yis ni/ /yang dang yang du dbye bar bya/ /A li kA lir ldan pa yi/ /sa bon der ni sbyar bar bya/ /rnal 'byor pa yis khyad par du/ /'byung dang 'jug pas bzlos par bya/ /'byung ba ye shes sa bon gyis/ /bsnun dang ldan par bsam par bya/ /'jug pa snying gi rnam shes la/ /me tog lta bur bsnun par bya/ /rnal 'byor pas ni 'byung bzlas te/ /bdag nyid las ni phyi rol bya/ /'jug pa 'byung bar mtshon bya ste/ /de kho na nyid mnyam par bsgom/ /mnyam bzhag dngos po bsgoms na ni/ /'grub 'gyur 'dir ni the tshom med/ /de nas phyi rol lus la ni/ /bsgrub pa po yis rnam par sprul/ /nyi ma'i lam nas ngang phyung ste/ /lha mo cha shas ldan par bya/ /</font><hr>85.282b<br><font size=+1>

bsgrub bya'i snying kar zhugs nas ni/ /rlung dang me yis 'bar ba dag /de yi rnam shes bzung nas ni/ /lus kyi dkyil 'khor du ni 'jug /bsgrub bya'i rnam shes bsdus nas su/ /'og gi 'khor lo sbyar bar bya/ /ji srid zad par byas bar du/ /de srid lkugs te gnas par 'gyur/ /'chi ba'i dus la bab gyur na/ /'chi ba'i mtshan ma ston pa dang / /rims la sogs pas ma phog par/ /gong du 'pho ba mchog yin no/ /de nas gzhan lus la 'jug pa/ /mdor bsdus nas ni bshad par bya/ /seng ge rnam rol phyag rgya yis/ /rnal 'byor pa yis bcings nas su/ /rtag tu srog dang rtsol ba bya/ /khyod kyi gnas su sbyar nas ni/ /rang gi lus ni yongs btang ste/ /rim gyis sbyor bas phye nas su/ /cho ga 'di ltar byas pa yis/ /sngags pa gzhan gyi lus la 'jug /sbyor ba'i rim pa de nyid kyis/ /rang gi lus la sbyar bar 'dod/ /'gro dang 'ong ba'i bye brag gis/ /mnyam par bzhag ste gang byed pa/ /dpa' bo'i dbang phyug thams cad dang / /mkha' 'gro ma dang sbyor bas mchod/ /gang gi ring nas thos gyur pa/ /de ni yang dag bshad kyis nyon/ /de bzhin mkhas pas gzhan sems kyi/ /bsam pa rjes su shes par bya/ /bsgom dang bzlas pa'i khyad par gyi/ /sbyor ba'i dam pa skye bar 'gyur/ /gang gi lam nas bsams na ni/ /'grub 'gyur 'dir ni the tshom med/ /'khor lo gang zhig sngar bstan par/ /zhugs te nyan pa gnyis su ni/ /'jig rten gsum dang 'dres nas ni/ /me stag bzhin du rnam par 'khor/ /rlung gis bskyed pa'i me yis ni/ /shes rab ldan pas zhugs bsams na/ /zla drug tsam gyis nges par ni/ /ring na gnas pa thos par 'gyur/ /bsgom pa'i sbyor ba 'di yis ni/ /ye shes mig gis mthong 'gyur ba/ /shin tu ring na gnas pa yang / /bsgrub pos skad cig gsal bar mthong / /bstan dang ma bstan gang ci'ang rung / /</font><hr>85.283a<br><font size=+1>

de kun nga yis yang dag bshad/ /nyon cig lha mo sgyu ma che/ /dge ba'i sgo nas 'gro ba dang / /gang gi lam nas 'gro ba yis/ /thar pa'i dngos grub rab ster ba/ /mchog dang tha ma'i bye brag rnams/ /mdor bsdus nas ni bshad par bya/ /lte ba las ni 'dod khams lha/ /thig le gzugs can mtho ris te/ /steng nas 'gro bas steng gi ni/ /myur du 'gro bar byed par 'gyur/ /sna nas gnod sbyin gnas su ste/ /rna ba dag ni grub pa'i lha/ /gal te mig las ye shes 'gro/ /mi rnams kyi ni bdag por 'gyur/ /srid pa'i sgo las yi dgas te/ /de bzhin chu las dud 'gro'o/ /chu min gyis ni dmyal bar ltung / /thar pa'i lam las gzhan du 'gro/ /sngon du bum pa brtsams pa yis/ /sgo rnams thams cad bcing bar bya/ /rgyal ba lnga yi mchod rten gyi/ /sgo yi bu gar bsgom par bya/ /de la 'og gi sgo ru ni/ /chu yi sa bon dkar po bsam/ /chu dang chu min sgo la ni/ /me yi sa bon 'bar ba ste/ /de la shin du mnyam gzhag pas/ /dbugs ni bum pa can du bsgom/ /lus ni rlung gi mdog tu ste/ /rlung gi dkyil 'khor bsgom par bya/ /rlung gi mtha' ni rtsa ba can/ /rlung gi sa bon rtsa bar te/ /thig le sgra dang ldan pa yi/ /rtsa ba'i sa bon drang bar bya/ /'og tu rlung gi dkyil 'khor gyis/ /sgra dang sgra yis 'phul bar byed/ /dus la bab na 'pho bya ste/ /dus min lha rnams gsod par 'gyur/ /lha rnams bsad pa tsam gyis ni/ /dmyal bar nges par bsreg par 'gyur/ /de bas 'chi ba'i mtshan ma ni/ /mkhas pas 'bad de shes par bya/ /rnal 'byor pa yis sngar bstan pa'i/ /sngo chen bde ba phun sum tshogs/ /bsgrub po rnams kyis smin pa la/ /steng gi rtsa ba bza' bar bya/ /chu dang skya reng ldan pa dag /g.yon pa'i bdud rtsir sbyar byas la/ /zos na zhi dang rgyas pa ste/ /dug dang rims kyi tsha ba 'phrog /cho ga'i</font><hr>85.283b<br><font size=+1>

sbyor ba 'di yis ni/ /rnyings dang smin pa 'joms par byed/ /lha mo slar yang bzlog pa yis/ /nam mkhar 'gro ba brjod par bya/ /rlung dang me yi bye brag gis/ /rkang pa'i 'khor lo sbyar byas te/ /yid kyis rab tu zhir sbyar nas/ /nam mkha' la ni 'gro 'gyur zhing / /mkha' 'gro kun gyis bskor nas su/ /lha yi lus kyis kun du rtse/ /ji srid zla nyid yod kyi bar/ /de srid nam mkhar gnas par 'gyur/ /slar yang lugs las bzlog pa yis/ /kha dog dkar po'i pad ma bsam/ /bsgrub bya'i dbus su sbyar ba ni/ /rtag tu ngag gi dngos grub byed/ /rang gi lus dbus bsgom bya ba/ /rlung gi dkyil 'khor 'khrug pa ltar/ /rang gi kha nas byung nas su/ /bsgrub bya'i kha ru thim par bya/ /nyi ma bdun gyis dngos grub tu/ /'gyur te gzhan du yang ma yin/ /rlung gi lam nas bsgrub bya yi/ /lus la thim par gyur ba dang / /de'i sems ni bzung nas su/ /bdag la gzhug ste me la ni/ /bsams te rlung dang me sbyar bas/ /de yi lus ni 'khrug par 'gyur/ /tshigs dgu las ni steng gzhan gyis/ /mod la 'pho bar shes bya ste/ /nyin re bram ze gsod pa dang / /mtshams med lnga ni byed pa dang / /rku 'phrog 'dod la spyod pa yang / /lam 'di yis ni dag 'gyur te/ /sdig pas gos par mi 'gyur zhing / /srid pa'i skyon las ring du 'gro/ /ji ltar 'dam las skyes pa yi/ /pad ma dri med yid 'ong ba/ /de bzhin lus kyi 'dam las ni/ /ye shes sku ni 'dod bzhin 'gro/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las gong du 'pho ba'i bsam gtan dang / seng ge rnam par rol pa'i phyag rgya'i sbyor ba 'byung ba'i rim par phye ba ste nyi shu rtsa gcig pa'o// // ngag gi phyag rgya'i mtshan nyid ni/ /de nas yang dag bshad par bya/ /g.yas kyi cha ru rnal 'byor pa/ /g.yon du rnal 'byor ma nyid de/ /sor mo khar ni 'jug byed pa/ /</font><hr>85.284a<br><font size=+1>

mkha' 'gro ma yi mtshan ma'o/ /g+ho g+hu/ thal mo spyi bor 'jog byed pa/ /'bar byed ma yi mtshan ma'o/ /gu g+hu/ mthe bo 'tshir bar byed pa ni/ /'jib byed ma yi mtshan ma'o/ /mu g+hu/ lag pa rna bar rdebs pa ni/ /blo ldan 'phrog byed rtags yin no/ /lu g+hu/ sna rtser skyor mo rdebs pa ni/ /thugs bde mi bde 'dri ba yin/ da~MSh+T+ya/ sha ba'i mgo ltar ston byed pa/ /rnal 'byed byed pa'i mtshan ma'o/ /gan d+ho de/ gang zhig smin ma'i dbus reg pa/ /nga'i snying sdug grogs po'o/ /a li ni da ha/ so yis lce ni 'tsher byed pa/ /'dus nang gtor ma bza' zhes pa'o/ /bak+shi yo/ lag pa rtsa la 'ju byed pa/ /khyod kyi khyim du ngas phyin pa'o/ /dwi ra ti/ lag pa snying kar nyid byed na/ /da ni nga'i yid 'ong ba'o/ /ru tsa ba ta ba ta/ sna rtser khu tshur 'chang ba ni/ /med do zhes ni ston pa'o/ /shu n+ya ta/ lag pa brkyang ste ltor rdebs na/ /phun sum ldan par yod zhes pa'o/ /kri ka sa ha/ lte ba ru ni nyed byed na/ /kha zas za bar 'dod pa'o/ /tsan Da li ka /mdzub mo mdun du ston byed na/ /zhe gnag gtum la drag pa'o/ /nI la dan ta ba ta/ smin ma la ni reg byed na/ /'dir 'dod pa ni da lta ston/ /a na~M ga yu ta/ lce ni 'dril bar byed pa dag /da lta 'chi zhes bya ba'o/ /dur ga ti/ kun du lta bar byed pa ni/ /tshes grangs shes par 'dod pa'o/ /ta ra ga na/ tshes gcig nas ni brtsams nas su/ /mthe bos ri mo bri bar bya/ /nyi tshod yi ge la sogs pa/ /sngar bstan ba bzhin du mdun du reg /gi ri/ steng du lta bar byed pa ni/ /nyin phyed dga' bas rol ba'o/ /sa ma tsha ya/ 'dzum dang bcas par lta byed cing / /lag pas lag pa bzung nas su/ /rgya mtsho lta bur ston byed pa/ /nor zas byin zhes bya ba'o/ /dzir na pa ta/ lag gnyis khu tshur 'chang byed na/ /da ltar 'grogs la 'dod zhes pa'o/ /sa la bab ta/ mthe 'o yis ni srin lag la/ /reg pa 'chi bar mi 'gyur ba'o/ /so ma/ mthe bo khro bo bza' la sogs/ sur+ya/</font><hr>85.284b<br><font size=+1>

mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rnal 'byor ma rnams kyi ngag gi phyag rgya'i brda yis rol pa'i cho ga'i rim par phye ba ste nyi shu rtsa gnyis pa'o// // lha mos slar yang gar mdzad de/ /glu 'di yis ni mnyes par byas/ /e ba~M si ta a ru na ni b+ha/ dza ni te me d+h+ya ma ga ma A ga ma d+ha ma pA si ni sA sA sA/ ni ga ma sA sA sA/ ri ga mo b+hu pa ti/ sa ri ri sa ri rI sA sA sA/ ma d+h+ya ma a d+ha ma sA sA sA/ shru ta ni sa sA sA sA/ sa ni sa ri ta g+ha ma g+ha ma/ a d+ha ma d+ha ma sA sA sA/ ba ba ma ya ba ba d+ha na mo zhes bya'o/ /shar du me'o/ /gshin rjer ni bre'o/ /nub du ni mi'o/ /byang du ni ku'o/ /me mtshams su ni d+ha si'o/ /bden bral du ni ma ka'o/ /rlung mtshams su ni tu ku'o/ /dbang ldan du ni bi mo'o/ /a ni sgur po'o/ /i ni zla ba la skyes pa'o/ /u ni lha'i bla ma'i'o/ /e ni pa ba sangs kyi'o/ /o ni nyi ma'i bu'i'o/ /a~M ni gza'i bdag po ri 'ong can no/ /a ni nyi ma'o/ /gza' rnams kyi ni cho ga las/ /zla ba nyi ma'i brjod par bya/ /zla ba karka Ta la dbang / /nyi ma gdong lnga pa la ste/ /gza' rnams lhag ma ji snyed pa/ /ra si gnyis gnyis la ni spyod/ /sgang gshong 'khor lo khyod kyis bshad/ /skar ma dus dang nyi ma yi/ /bye brag dag ni mi 'tshal te/ /bde ba chen pos bshad du gsol/ /bka' stsal pa/ lug dang ro hi ta sogs pa/ /gang gi 'chi ba bshad kyis nyon/ /mdor bsdus nas ni brjod par bya/ /zla ba dang ni tshes grangs dang / /skar ma yi ni dus dang ldan/ /gdon dang nad ni de bzhin te/ /sgang gshor ra si tshad ma ni/ /gang zhig las ni skyes pa'i brjod/ /ba tra yi ni nyi ma la/ /dgun zla ra ba'i zla ba yi/ /gza' ni mig dmar dag dang ni/ /rgyu skar smin drug ldan gyur pa/ /de ni de yi 'chi dus yin/ /sus kyang bskyab par mi nus so/ /khyu mchog gi ni nyi ma la/ /lus kyi</font><hr>85.285a<br><font size=+1>

mtshan ma la sogs dang / /smyo zhing 'gul ba'i nad kyis ni/ /'chi bar 'gyur ba bshad par bya/ /de bzhin dgun zla 'bring po yi/ /gza' lag dang ni snar mar ldan/ /nyi ma bzhi pa de la ni/ /dgongs mo 'chi 'gyur the tshom med/ /dgun zla tha chungs lha mo che/ /skar ma mgo dang ldan pa dang / /gza' ni gza' lag bcas pa la/ /'khrig pa'i mi ni gang yin pa/ /nyi ma drug la 'chi bar 'gyur/ /dpyid zla ra ba'i tshes brgyad la/ /skar ma mgo dang ldan pa dang / /gza' ni pa ba sangs 'dzom zhing / /nyi ma snga dro'i dus la ni/ /karka Ta ni 'chi bar 'gyur/ /dpyid zla 'bring po'i gnyis lnga la/ /skar ma mchu dang ldan pa dang / /gza' ni spen par ldan pa la/ /seng ge'i mi ni 'chi bar 'gyur/ /dpyid zla tha chungs bcu gnyis la/ /skar ma nag par ldan pa dang / /gza' ni nyi ma dag la ni/ /skran dang gzer ba'i nad kyis ni/ /bu mo'i mi ni 'chi bar 'gyur/ /dbyar zla ra ba'i bcu bzhi la/ /skar ma lha mtshams ldan pa dang / /gza' ni mig dmar dag la ni/ /srang gi mi ni 'chi bar 'gyur/ /dbyar zla 'bring po'i bcu gcig la/ /nag pa dang ni mig dmar la/ /sdig pa'i mi ni 'chi bar 'gyur/ /dbyar zla tha chungs tshes dgu la/ /skar ma dro zhun ldan pa dang / /gzhu'i mi ni 'chi bar 'gyur/ /de dag nges par ldan gyur na/ /'chi 'gyur bden par nga yis bshad/ /ston zla ra ba'i bdun pa la/ /skar ma rgyal dang ldan pa dang / /gza' ni zla bar bcas pa la/ /chu srin mi ni 'chi bar 'gyur/ /ston zla 'bring po'i bcu gsum la/ /skar ma tha skar ldan pa dang / /gza' ni zla bar bcas pa la/ /bum pa'i mi ni zad par 'gro/ /ston zla tha chungs sgyu ma che/ /nyi ma dag ni brgyad pa la/ /skar ma nam grur ldan pa dang / /gza' ni spen par bcas pa la/ /nya'i mi ni 'chi bar 'gyur/ /sngon du skye dus shes bya ste/ /phyi nas dus ni rtsi bar bya/ /gzhan du dus ni smra ba dag /thams cad don med nyid</font><hr>85.285b<br><font size=+1>

du 'gyur/ /skye dus shin tu mnyam bzhag ste/ /zhi dang drag po dpyad par bya/ /tshe dang 'chi dus la sogs pa/ /de nas de ltar lung bstan zhes/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las gza' dang nyi ma'i nges par 'chi ba tshar gcad pa'i dbang du byas pa'i rim par phye ba ste nyi shu rtsa gsum pa'o// // ltas kyi mtshan nyid dge ba ni/ /rab tu bshad kyis lha mo nyon/ /A li kA li mnyam byas la/ /sde tshan du ni bsdeb par bya/ /dbyangs dang gsal byed dang po sogs/ /bltas te ming ni gzung bar bya/ /cha shas ldan la snying stobs can/ /de yi rigs ni shes par bya/ /mtha' yas la sogs klu rnams dang / /nyi ma la sogs de bzhin gza'/ /mkha' 'gro ma sogs ma mo rnams/ /de yi rigs su rab tu grags/ /lha rnams thams cad nyid dang ni/ /sngags rnams thams cad de las skyes/ /skye bo thams cad skyed byed ma/ /des na ma zhes bya bar brjod/ /a yig dang ni de bzhin a/ /ka tsa Ta dang yang dag ldan/ /ta pa dang ni ya sha ste/ /sde dgu yi ni yi ge'o/ /i dang slar yang lha mo I/ /de bzhin gzhan yang kha tsha Tha/ /tha pha dang ni ra Sha nyid/ /sde tshan gnyis pa yin par brjod/ /u dang lha mo de bzhin U/ /ga dza Da dang yang dag ldan/ /da ba dang ni la sa ste/ /de dag sde tshan gsum pa yin/ /yi ge e dang de bzhin ai/ /de bzhin slar yang g+ha dz+ha D+ha/ /d+ha b+ha wa ha slar de bzhin/ /'di dag sde tshan bzhi pa yin/ /o yig dang ni au yig dang / /a~M zhes bya dang tsheg drag bcas/ /slar yang nga nya Na na ma/ /'di dgu sde tshan lnga pa yin/ /kun tu bzhi bcu rtsa bzhi dang / /lhag ma lnga dang bcas par bya/ /de dag skye bo thams cad kyi/ /skye dang 'jig par yang dag gnas/ /yi ge bcu gnyis</font><hr>85.286a<br><font size=+1>

sgyu 'phrul che/ /'tsho dang dus kyi rang bzhin brjod/ /de dag ra si zhes bya ba/ /skar ma kun dang yang dag ldan/ /zla ba nyi ma'i bye brag gis/ /de bzhin 'og dang steng du lta/ /brtan pa nyid dang g.yo ba nyid/ /gnyis po gnyis su brjod pa yin/ /rkyang pa dang ni sbyar ba ste/ /ring dang thung dang pham dang rgyal/ /de las steng gi rgyal ba ste/ /'og ni 'chi bar shes par bya/ /nyi ma'i rgyu bar 'gro ba yi/ /gza' dang ra si skar ma rnams/ /nyi ma la ni gnas te 'char/ /ra si gza' dang gsum par 'dod/ /dbugs rgyu ba dang yang dag ldan/ /thams cad ra sir shes par bya/ /karka Ta dang glang po'i dgra/ /de bzhin gzhon nu ma dang sras/ /cha shas drug dang yang dag ldan/ /gza' yis bskul nas 'char bar 'gyur/ /sdig pa dang ni chu skyes dang / /khyu mchog dang ni bum par bcas/ /cha shas lnga yi tshad dang ldan/ /gza' yis bskul nas 'char bar 'gyur/ /nya dang lug dang de bzhin du/ /gzhu dang zung du sprod pa dag /cha shas bzhi dang yang dag ldan/ /snga ma bzhin du 'char bar 'gyur/ /slar yang ltas dang bcas pa yi/ /gza' rnams 'char bar bshad par bya/ /'bras bu'i mig dang ldan par bya/ /ltas chen 'byung ba mnyan par gyis/ /nag mo dang / gtsigs ma dang / 'jigs su rung ma dang / rga las 'das ma dang / log 'dren ma dang / gtum mo dang / drag mo'i gzugs can ma dang / dka' zlog lha mo dang / rgyal ma dang / rnam par rgyal ma dang / mi thub ma dang / gzhan gyis mi thub ma dang / nag mo bzang mo dang / nag mo chen mo dang / nag mo sbom mo dang / dbang mo dang / zla ba mo dang / drag mo dang / sdang ma dang / 'phyang ba ma dang / sum bcu'i dbang mo dang / 'phrog byed ma dang / 'bar ma dang / 'jib byed ma dang / lha mo 'di rnams ming dang ni/ /ltas chen nyi shu rtsa bzhi yi/ /ming ni mtshungs pas 'bras bu ster/ /nyis 'gyur du ni byas nas su/ /dbang po'i cha dang</font><hr>85.286b<br><font size=+1>

yang dag ldan/ /ltas ni lhag ma bzung nas su/ /ltas ni shes pa nyid du bya/ /nag mo dang ni 'jigs rung dang / /drag mo'i gzugs dang dka' zlog nyid/ /nag sbom ma dang rgyal ma dang / /drag mo sum bcu'i dbang mo dang / /'phrog byed ma dang 'jib byed ma/ /bcu po 'di dag rtsub por grags/ /bag ma len dang bkra shis dang / /grong dang tshong 'dus gzugs pa dang / /lam du dpag dang thab mo dang / /chen po'i sar ni dbyung ba sogs/ /ltas de las ni 'bras med pas/ /dge ba'i las rnams mi bya ste/ /rigs de rnams la sgyu ma che/ /bzang po'i las ni spang bar bya/ /dge bas kyang ni gsod 'gyur na/ /drag po'i las kyis smos ci dgos/ /lus la gnas pa'i dbugs dang ni/ /phyi rol gza' dang ra si ste/ /phyi dang nang du bcas pa yi/ /rgyu ba shes na 'grub par 'gyur/ /gza' gang yin pa dbyangs shes bya/ /dbyangs gang yin pa de nyid kyang / /ra si nyid du shes par bya/ /dbyangs dang ra si de bzhin du/ /skar ma'ang dbyangs kyi gzugs su blta/ /phan tshun sbyor ba ma gtogs par/ /'bras bu 'grub par mi 'gyur ro/ /g.yo ba 'char la g.yo ba'i las/ /brtan pa la ni mi g.yor 'gyur/ /'dren ma yis ni 'dren ma ste/ /phyi dang nang du bcas pas gsal/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las gza' rnams kyi rgyu ba dang sde tshan gyi ltas kyi cho ga'i rim par phye ba ste nyi shu rtsa bzhi pa'o// // da ni gza' dang skar ma ru/ /bcas pa'i rgyu ba bshad kyis nyon/ /nyi ma rgyu ba'i nyin mo ni/ /thun phyed lnga dang bdun pa la/ /bya ba ci yang mi 'grub bo/ /zla ba yi ni bzhi dang drug /mig dmar gyi ni gsum dang lnga/ /gza' lag gnyis dang bzhi pa la/ /gdon mi za bar 'joms par 'gyur/ /bla mas dang po gsum pa la/ /'chi ba nyid du 'gyur ba yin/ /ngan spong gi ni gnyis pa dang / /</font><hr>85.287a<br><font size=+1>

bdun pa la ni shes par bya/ /dal ba yi ni dang po dang / /drug pa la ni 'chi bar byed/ /rigs de dag la 'char ba yi/ /dus ni yongs su chad par bstan/ /de dag thun mong mtshan nyid de/ /rnal 'byor pa yi gzhan bshad nyon/ /lnga nas nyi shu lnga'i bar 'di dag ni brjod bya ste/ /de las bcu gsum gsum gyi bar du re re spel bar bya/ /dgun zla tha chungs nyi ma la mtshungs gsum mig zla ba drug /gsum zung zla ste zla lhag tshes phyogs mda' yon tan/ /thig le de dag gi ni 'tsho ba yang dag bshad pa yin/ /lnga las bcu'i bar dang de bzhin bcu nas ni/ /bcu lnga'i bar te de nas nyi shu'i bar dang ni/ /de nas nyi shu lnga yi bar du sbyang bar bya/ /de nas bsgrub pos shes bya ba/ /gnas skabs 'gyur ba bshad par bya/ /zla ba gang la gnas pa yi/ /dang po skar ma bsgrang bar bya/ /nyi ma yi ni chu tshod dag /ji snyed 'das pa de snyed ni/ /zla ba'i gnas skabs rgyu ba'i phyir/ /de ni drug bcur bsgyur bar bya/ /slar yang nyi tshod zla ba bsnan/ /drug bcu ru ni bsgyur byas la/ /mda' dang sreg byed ro yi ni/ /dbang por bcas pas de bzhin gcad/ /bcu gnyis dag gi nang nas ni/ /lhag ma'i cha shas gzung bar bya/ /lhag ma'i cha shas de yi ni/ /skyid sdug gnas skabs myong bar 'gyur/ /nyin dang mtshan gyi sbyor ba yis/ /lhag ma'i chu tshod tu ni brjod/ /dang po'i zla bar rab gnas pa/ /de yi bya ba nyams par 'gyur/ /gnyis pa bkra shis shis pa ste/ /gsum pa 'chi ste gsod par 'gyur/ /bzhi pa dgod te tshim par 'gyur/ /lnga pa nor te rnyed par 'gyur/ /drug pa rims te lus 'jig 'gyur/ /bdun pa la ni dga' ba ste/ /tshim pa nyid ni 'thob par 'gyur/ /brgyad pa 'jig rten brlag par 'gyur/ /zla ba dgu par gnas pa yis/ /lus ni dgra dang bcas par 'gyur/ /bcu pa dga' mgur rtse 'gyur zhing / /sna tshogs pas ni rgyal bar 'gyur/ /bcu gcig sna tshogs 'jigs pas gdung / /bcu gnyis pa ni longs spyod de/ /bde ba chen pos rgyal</font><hr>85.287b<br><font size=+1>

bar 'gyur/ /lug la sogs pa bstan pa yis/ /zla ba rim pa bzhin du rgyu/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las thams cad rgyu ba'i rim par phye ba ste nyi shu rtsa lnga pa'o// // de nas bcom ldan 'das la lha mos mchod cing phyag byas nas 'di skad ces gsol to/ /sgang gshong 'khor lo khyod bshad pa/ /de rnams dbye ba ci 'dra dang / /dus kyi grangs ni ji bzhin gsungs/ /rgyu ba yi ni khyad par dag /'di la bdag ni the tshom skyes/ /bde ba chen pos bshad du gsol/ /sgyu ma kun gyis rnam rol pa/ /nyon cig lha mo rgyu ma che/ /dus kyi bgrang ba lus med cing / /thams cad tu ni thams cad gnas/ /dngos po kun la khyab pa ste/ /lus la gnas kyang lus mi skye/ /dus nyid dus ni med pa dang / /'jig rten nyid ni 'jig rten min/ /bden pa dang ni brdzun pa min/ /lha khyod kyis ni sngar bshad pa'i/ /bsam gyis mi khyab dus mtshan nyid/ /gang zhing khyod kyis bshad pa ste/ /don dam shin du rnyed dka' ba/ /lus las 'das shing dri med pa/ /rnal 'byor pa yis ji ltar rtogs/ /skye bo kun la sman slad tu/ /dbugs kyi nges pa bshad du gsol/ /bcom ldan 'das kyis bka' stsal pa/ /nad med rlung dang bral ba dang / /khams ni snyoms par gnas pa dang / /ran par za zhing tshul bzhin rgyu/ /de yi mig btsums gzung bar bya/ /mig btsums mig ni btsums pa ste/ /mig btsums drug la cha shas ni/ /gcig ces bya bar brjod pa yin/ /yud tsam drug ni skad cig ste/ /skad cig drug ni thang cig yin/ /thang cig drug ni chung zad yin/ /dus kyi go rims bya ba 'dis/ /sum bcu tham par bsgyur ba la/ /yi ge lci ba'i dus zhes brjod/ /yi ge lci ba bcu la ni/ /srog gcig ces bya'i dus su bshad/ /</font><hr>85.288a<br><font size=+1>

de ni bcu gsum bsgyur ba las/ /de yang gnyis su bsgyur ba ni/ /srang gcig zhes ni brjod pa yin/ /srang ni drug bcu tham pa la/ /chu tshod gcig tu bzhed pa yin/ /de brgyad thun gcig zhes bya'o/ /de bzhin la ni nyin gcig go/ /nyin mtshan dus ni mnyam pa la/ /mtshan mo'ang de dang mnyam par bshad/ /chu srin nas ni sbal pa'i bar/ /nyi ma 'phel bar brjod pa ste/ /lha mo srang ni gsum gsum gyis/ /nyin re zhing ni spel bar bya/ /chu srin las ni 'das nas su/ /mtshan mo srang ni gsum gsum 'bri/ /tshad ma de dag bstan pa'i phyir/ /zangs ma srang ni bcu gnyis la/ /snod ni spangs su sor brgyad dang / /rgyar ni sor mo bcu gnyis pa/ /legs pa nyid du brdung bar bya/ /gser ni 'ol se sum bcu las/ /sor drug pa yi tshad tsam du/ /thur ma legs par brdungs nas ni/ /thur ma de yis bu ga ni/ /zangs ma'i snod la mkhas pas dbug /chu ni rnyog ma med pa las/ /srang ni drug bcu'i tshad du bya/ /srang 'dis chu tshod tshad yin te/ /skye bo rnams la phan phyir bshad/ /chu tshod de ni yud tsam ste/ /thun phyed dang ni thun gcig dang / /nyin dang mtshan mo'i tshad kyis ni/ /rim bzhin zla phyed zla bar spel/ /zla ba gnyis ni dus yin te/ /de gsum nyi ma 'gro ldog brjod/ /nyi ma 'gro ldog gnyis la ni/ /lo gcig nyid du brjod pa yin/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las dus 'byung ba'i rim par phye ba ste nyi shu rtsa drug pa'o// // de nas skar ma'i rigs gang yin/ /mdor bsdus nas ni bshad par bya/ /tha skar dang ni mgo dang rgyal/ /de bzhin du ni nab so dang / /me bzhi lha mtshams de bzhin du/ /nam gru sa ri gro zhun bcas/ /lha yi tshogs zhes brjod pa yin/ /snar ma dre dang chu stod dang / /</font><hr>85.288b<br><font size=+1>

khrums stod dang ni bra nye dang / /lag dang mgo dang chu smad dang / /khrums smad mi yi tshogs yin no/ /smin drug dang ni chu dang ni/ /mon gru dang ni mon gre dang / /skag dang nag pa snron dang ni/ /sa ga dang ni snrums rnams ni/ /srin po yi ni rigs yin par/ /bzhin mdzes ma ni khyod la bshad/ /smin drug rgyal ni ra yin te/ /mgo dang snar ma klu yin no/ /lag dang snrums ni khyi yin te/ /lha mtshams nab so phag gi rigs/ /mchu dang gre ni byi ba'o/ /skag ni byi lar bshad pa ste/ /nag pa sa ga stag yin no/ /dbo dang khrums stod gnyis po ni/ /khyu mchog zhes ni bshad pa ste/ /stobs 'dod pas ni shes par bya/ /me bzhi dang ni sa ri gnyis/ /ma her shes bya stobs kyi mchog /tha skar dang ni khrums smad gnyis/ /rta yi rigs zhes bya bar grags/ /chu stod dang ni gro zhun gnyis/ /spre'u yi rigs su brjod pa yin/ /bra nye dang ni nam gru gnyis/ /glang po'i rigs kyis byin brlabs pa'o/ /mon gru dang ni mon gre dag /mi yi rigs su yang dag gsungs/ /stobs chen pha rol gnon pa ru/ /lha mo ngas ni bden par bshad/ /chu smad dang ni byi bzhin dag /ne'u le'i rigs su grags pa yin/ /mang po nyid kyis ci zhig bya/ /mdor bsdus nas ni bshad kyis nyon/ /rang gi skye ba'i skar ma ni/ /bya ba kun la dpyad mi dgos/ /skar ma mi yi srog yin te/ /gzhan du ngas ni ma bshad do/ /skar ma'i cha ni bzlog pa dag /bzung na nges par 'chi bar 'gyur/ /lug dang srang dang karka Ta/ /chu srin dag ni g.yo bar brjod/ /sdig pa bum pa seng ge dang / /khyu mchog dag ni brtan pa ste/ /nya dang gnyis sbyor gzhu dang ni/ /bu mo rnams ni 'dren ma'o/ /lha yi bla ma nyi ma dang / /mig dmar skyes pa'i gzugs yin te/ /pa ba sangs dang sgra gcan dang / /zla ba mo'i gzugs yin no/ /gza' lag dang ni spen pa gnyis/ /ma ning nyid du bstan pa ste/ /nam mkha'i 'khor lor gnas pa'i gza'/ /mkha' 'gro kun dang mnyam sbyor pa'i/ /</font><hr>85.289a<br><font size=+1>

rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las skar ma rnams kyi stobs la dbang ba'i cho ga'i rim par phye ba ste nyi shu rtsa bdun pa'o// // tshes dang skar ma gza' 'char ba/ /rab tu bshad kyis lha mo nyon/ /ro hi ta yi tshe la ni/ /smin drug dang ni mig dmar la/ /'dron po lam du 'jug par bzang / /tshes de rnyed pa 'thob 'gyur ba'o/ /ma ka ra yi nyi ma la/ /mchu dang mig dmar ldan pa la/ /gzer dang 'joms sogs 'byung bas na/ /tshes de yongs su spang bar bya/ /swap+na yi ni nyi ma la/ /lag dang spen par ldan pa'i tshe/ /nag po nyid du shes bya bas/ /tshes de'ang yongs su spang bar bya/ /ro hi ta yi nyi ma la/ /mchu dang gza' lag ldan pa la/ /bkra shis dang ni bzang por byed/ /raN+Da yi ni nyi ma la/ /lag dang gza' lag bcas pa dag /kun tu 'joms par bshad pas na/ /mchog gi sbyor bas de yang spang / /sa yi dbang phyug tshes la ni/ /bra nye dang ni gza' lag ldan/ /de yang nag po'i dus shes bya/ /b+ha dra yi ni tshes dag la/ /gre dang lha yi bla mar ldan/ /tshes de rnyed pa byed pas na/ /sbyor pa po yis bsten par bya/ /mi ki ra yi tshes la ni/ /mon gru lha yi bla ma dag /gal te na ni 'dzom gyur na/ /'bru dang nor rnams zad byed par/ /gdon mi za bar bshad pa yin/ /tshes ni bcu gsum dag la ni/ /skag dang lha yi bla ma dag /gal te 'dzoms na nag po bas/ /nyes pa kun gyis 'jigs par 'gyur/ /bri sha ba yi tshes la ni/ /stobs ldan gyi ni blon po dang / /gal te khrums stod 'dzom na ni/ /tshes de rgyas pa ster 'gyur zhing / /dge ba'i grogs rnams thams cad byed/ /brId+d+hi ka yi nyi ma ni/ /chu stod dang ni pa ba sangs/ /gal te 'dzom na nad kyis ni/ /gdungs shing 'joms par the tshom med/ /'byung po yi ni nyi ma la/ /bra nye dang ni pa ba sangs/ /'dzom na gshin</font><hr>85.289b<br><font size=+1>

rje'i mche ba ste/ /tshes de yongs su spang bar bya/ /kur+m+ma yi ni nyi ma la/ /smin drug dang ni spen pa ru/ /gal te 'dzom par gyur na ni/ /rnyed dang grags pa la sogs dang / /bsod nams kun gyi 'bras bu 'thob/ /bya ku li yi nyi ma ni/ /skag dang spen par ji zhig ltar/ /'dzom na gdung bar byed pas na/ /nyi ma de la'ang 'gro ba spang / /zla ba nya yi nyi ma la/ /mchu dang spen par ldan gyur na/ /'chi ba'i dus la bab pas na/ /tshes de shin du spang bar bya/ /me yi mtshams su mi kir bri/ /gshin rje yi ni raN+Da ste/ /srin po yi ni kur+m+ma bri/ /chu yi phyogs su khyu mchog ste/ /'jigs byed du ni bya ku li/ /gter gyi phyogs su swa ba na/ /mig gsum phyogs su bzang po bri/ /shar gyi phyogs su'ang khyu mchog go/ /zla ba nyi ma'i bye brag gis/ /de rnams su ni rgyu bar bshad/ /ba tra nas ni ran dar ste/ /bya ku li dang bre sha ba/ /ba/ /'di dag nyi ma'i rgyu bar ni/ /rigs mchog ma ni khyod la bshad/ /khyu mchog dang ni mi ki ra/ /swa pa na dang kur ma ni/ /zla ba'i rgyu bar bshad pa ste/ /rim pa de ltar brjod pa yin/ /nya la me mtshams gnas pa ste/ /stong la rlung gi phyogs su gnas/ /de ltar de dag dbus su ni/ /gnas pa de dag gdung bar 'gyur/ /zla ba nyi ma las byung ba'i/ /ri mo mnyam du lta bas na/ /des na shes rab can gyis spang / /zhi dang sdig par lta bas na/ /lta ba'i 'chad pa 'byung ba ste/ /myur du gsod par byed pa yin/ /sgra gcan gyi ni rgyu ba yi/ /dus ni mdo ru bsdus pa yin/ /yar ngo mar ngo'i bye brag gis/ /blo ldan 'bad de shes par bya/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las tshes grangs dang skar ma'i nges pa rim par phye ba ste nyi shu rtsa brgyad pa'o// // nyon cig lha mo sgyu ma che/ /sgyu ma kun gyis rnam grol ba/ /</font><hr>85.290a<br><font size=+1>

lus can kun gyi rnam shes te/ /lus las 'das shing dri ma med/ /lhun po dang ni ti se dang / /de bzhin du ni 'bigs byed sogs/ /shar gyi lus 'phags ba glang spyod/ /byang gi sgra mi snyan dang ni/ /'dzam bu'i gling dang bcas pa dang / /lan tsha can dang 'o ma yi/ /rgya mtsho la sogs chu tshogs dang / /'og dang steng du gang gyur pa/ /khams gsum ma lus zad par bya/ /gzugs la sogs pa'i phung po dang / /skye mched khams rnams zad par bya/ /'byung po la sogs phyogs bcu yi/ /'jig rten khams kun zad bsams te/ /dngos dang dngos med 'dres par ni/ /bdag nyid kyang ni bsgom par bya/ /gzugs la sogs pa'i mtshan nyid rnams/ /mnyam nyid stong pa nyid du blta/ /thams cad nam mkhar thim nas ni/ /ba glang rmig par grong khyer bsgom/ /rnal 'byor can gyi cho ga bzhin/ /sems ni me mar lta bur bsgom/ /de dbus yid kyis bltas nas ni/ /der ni mtshan ma brtag par bya/ /me mar lta bus zhi bar 'gyur/ /dmar pos brgyan na rgyas pa ste/ /nyi ma'i dkyil 'khor ltar snang na/ /chags pa la sogs 'grub par 'gyur/ /mtha' mar du ba'am gnag mthong na/ /mngon spyod tu ni grags pa yin/ /rlung gi mdog ltar rab 'khrugs na/ /de ma thag tu bskrad par 'gyur/ /'od zer dkar po long long pos/ /blo ldan sngags kyi dngos grub ni/ /rnal 'byor pa yis 'grub shes bya/ /bkra shis kyis ni lam ston yin/ /cho ga 'dis ni gzhan gsal dang / /gzhan gyi gzugs sogs dbu ma rnams/ /de 'og rnal 'byor bskyed par bya/ /ye shes la sogs sems kyis ni/ /gang zhig stong nyid shes byas na/ /sems ni myur du thar bar 'gyur/ /ye shes kyis ni shes bya brtag /shes byas 'gro ba brtag par bya/ /pha dang ma ni bsad byas shing / /bram ze gtsang ma gnyis bzung nas/ /rgyal po yul 'khor bcas bcom na/ /mi de</font><hr>85.290b<br><font size=+1>

dag par 'gyur zhes bya/ /ye shes rang bzhin kun dang sbyor/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las ye shes 'byung ba'i rim par phye ba ste nyi shu rtsa dgu pa'o// // ye shes khyad par gang gis ni/ /ye shes thun mor byin brlabs pa/ /bye brag can ni ji lta bu/ /lha las rol mo nyan par 'tshal/ /bcom ldan 'das kyis bka' stsal pa/ /lci bar gyur pa sum bcu pos/ /dge dang sdig pa'i 'bras 'byung ba/ /nga rgyal gyis ni byin brlabs pa/ /sems kyis byas pa'i las tshogs kyis/ /bsgom par gyur pa'i rang rig pa'i/ /sems ni 'gro ba de ru 'gro/ /srid pa'i zhags pas rtag 'jigs pas/ /de yi 'gro ba mi mthong ngo / /'du shes rnam pa lnga dang ni/ /lta ba lnga yis pha rol 'gro/ /lha yi ye shes gsal bar blta/ /lha min ye shes khro ba'o/ /yi dgas ye shes zhan pa ste/ /dmyal ba'i ye shes 'jigs pas non/ /byol song ye shes blun pa ste/ /brtan pa rnams ni sems med pa'o/ /rgyu ba'i ye shes rnam pa lnga/ /glen pas bsgribs dang lkugs pa dang / /byis pa'i shes pa'i shes pa can/ /sems can yongs su ma smin dang / /bla ma'i lam ni sun 'byin pa/ /de dag kun gyis mi shes te/ /gsang chen sangs rgyas spyod yul lo/ /ye shes de nyid bye brag dag /bde ba chen pos bshad du gsol/ /bcom ldan 'das kyis bka' stsal pa/ /ye shes de nyid bye brag dag /nyon cig yang dag sgyu ma che/ /las rnams kyi ni bye brag gis/ /ye shes bye brag sprul pa yin/ /dman dang rab dman dman pa can/ /gnod sbyin lha min grub pa po/ /klu dang byol song gsang ba la/ /lto 'phye dang ni mi 'am ci/ /mi dang yi dgas mkha' 'gro ma/ /dmyal ba la sogs gang gyur dang / /gsol ba'i gzugs su mngon brjod dang / /</font><hr>85.291a<br><font size=+1>

phra mo sgo nga las byung ba/ /chu dang me dang rlung dang ni/ /de bzhin du ni sa yi khams/ /brtan pa la sogs thams cad dang / /rtsa dang mdab ma phra ba dang / /sa dang rdo dang brag la sogs/ /thams cad ye shes byin brlabs pas/ /thams cad snang ste gzhan du na/ /ye shes med par skye mi 'gyur/ /skye ba bye ba stong phrag tu/ /sangs rgyas ye shes kyis bskul bas/ /de nas rnal 'byor bstan bcos la/ /'bad de dad pa bskyed par bya/ /gar gyi gnas dang mtshungs pa yi/ /phyi rol bstan bcos su 'byin pa/ /rnal 'byor bstan bcos rjes 'brangs na/ /spyod dang grol ba'i 'bras bu 'thob/ /snying po las kyang snying po mchog /rnal 'byor bstan bcos mtshon par bya/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rdo rje sems dpa' rnam par 'phrul pa 'byung ba'i rim par phye ba ste sum bcu pa'o// // de nas yang dag bshad bya ba/ /rdo rje dril bu'i mtshan nyid de/ /rdo rje sems sogs lha rnams su/ /rdo rje'i blos ni shes par bya/ /zhi dang rgyas dang mngon spyod kyi/ /rdo rje dag ni thams cad kyang / /gser la sogs pa legs par brdung / /rdo rje kun gyis shin tu brgyan/ /cha gsum du ni bzung nas su/ /cha brgyad ska rags legs par brgyan/ /phyogs dang phyogs mtshams brgyad dang ni/ /dbus ma nyid dang sangs rgyas dgu/ /rtse mo dgu ni lha nyid de/ /lha dgu yis ni byin gyis brlabs/ /chu srin las ni byung ba yi/ /rtse mo pad ma zla bar gnas/ /rtse dgu zhes ni bya ba ste/ /rdo rje ye shes 'gro ba sgrol/ /cha gsum gyi ni tshad dag la/ /dbu ma cung zad ring yang rung / /'di ni thun mong tshad yin no/ /rtse mo kun gyi dbus ma zlum/ /phyogs sogs rtse mo 'dus bas gnas/ /dbus ni zur brgyad dag tu bya/ /dbus kyi cha yi tshad ldan pa/ /gnas pa lte ba zhes bya'o/ /rin chen</font><hr>85.291b<br><font size=+1>

ma ra ka ta ltar/ /de yang cung zad zur brgyad bya/ /steng dang 'og dang dbus dag ni/ /so sor cha ni gsum gsum 'dod/ /steng gi pad ma zla ba ni/ /drug cha kun nas zlum por bya/ /de dag la ni seng ge'i sna/ /nas phyed tsam du mtho bar bya/ /mche ba yi ni mthar gnas pa/ /de ni drug cha zhes byar grags/ /cha ni nyi shu rtsa bdun la/ /so so ru ni dgu dgur 'dod/ /cha gsum bla ma'i mtha' ma ni/ /steng gi cha gnyis spangs nas ni/ /dbus kyi mtha' yang de bzhin no/ /mdab ma la ni gang gnas pa'i/ /chu srin cha gcig nyid yin te/ /de yi phyed du ska rags 'dod/ /rdo rje kun la blo ldan pas/ /mchu dang zheng ni mnyam por bya/ /de nas yang dag bshad bya ba/ /dam tshig rdo rje'i mtshan nyid de/ /gser la sogs pa las brdungs pa/ /cha la sogs pa sngon du ni/ /ji ltar bstan bzhin ldan par bya/ /pad ma zla ba la gnas pa'i/ /chu srin gyi ni mche ba'i gzugs/ /'og gi chu srin las byung ba/ /chu zheng ji ltar bstan pa bzhin/ /rtse mo ye shes rang bzhin 'byung / /kun gyi dbus su rnam snang ste/ /shar phyogs su ni mi bskyod pa'o/ /lho ru rin chen bstan pa ste/ /'od dpag med pa nub du dgod/ /byang du don yod grub pa ste/ /rtse bzhi la sogs lha yin no/ /pad ma byang chub yan lag brgyad/ /sa la ji bzhin dgod par bya/ /phyag na pad ma byams pa dang / /mkha' snying kun du bzang po dang / /gnod sbyin bdag dang 'jam pa'i dpal/ /sa snying sgrib sil de bzhin te/ /lha ni brgyad po 'di dag nyid/ /mdab ma brgyad la ji bzhin brtag /dbus su ye shes sems dpa' ni/ /bcu gsum gnas su thim par bya/ /gzhan yang mdab brgyad lha mo brgyad/ /ji bzhin gnas su sbyar bar bya/ /rdo rje lcags kyu zhags pa dang / /rdo rje lcags sgrog dril bu nyid/ /lha mo dag ni bzhi po 'di/ /phyogs kyi pad mar yang dag gnas/ /mtshams ni bzhi po dag tu yang / /slar yang de</font><hr>85.292a<br><font size=+1>

bzhin lha mo bzhi/ /skul byed rin chen sgron ma dang / /de bzhin rdo rje lcags sgrog dang / /de bzhin gzhan gyis mi thub ma/ /pad ma'i mdab ma kun la dgod/ /rtse mo dag ni rnam lnga la/ /mkha' 'gro ma ni lnga nyid de/ /shar du rdo rje mkha' 'gro ma/ /byang du drag mo zhes bya ba/ /ro langs ma ni nub du gnas/ /lho ru de bzhin tsaN+Da lI/ /dbus su ye shes mkha' 'gro ste/ /dam tshig rdo rje bsgom par bya/ /gdug la rdo rje rtse gsum ste/ /rtse mo dag ni gdengs por bya/ /de bzhin rtse mo gcig pa ni/ /klu rnams skrag par byed pa'o/ /khro bo'i rdo rje gdengs po ste/ /lhag ma rnams ni 'dul byed pa'o/ /zhi la zhi ba'i lha nyid de/ /rigs kyi rim pa'i cho gas dbye/ /las kyi cho ga mthong ba yis/ /bya ba thams cad byed par 'gyur/ /de nas gzhan yang bshad bya ba/ /gsang ba'i rdo rje'i mtshan nyid do/ /cha lnga'i tshad dang ldan pa ni/ /spyi gtsug rdo rje zhes byar grags/ /rna cha cha drug tshad tu bya/ /mgul do cha ni bzhi pa ste/ /snying kar cha lnga pa ni gzung / /gsang ba dang ni lag par yang / /cha drug pa ni gzung bya ste/ /ji ltar mdzes par brtag par bya/ /rdo rje'i rgyan gyis brgyan nas ni/ /rnal 'byor pa yi ye shes 'phel/ /cho ga'i bya ba 'di nyid kyis/ /rnal 'byor rig par rtag tu bsgom/ /de nas dril bu'i mtshan nyid kyi/ /chu zheng la sogs bshad par bya/ /rin chen sna tshogs 'bar ba dang / /rdo rje'i ska rags phreng gnyis bya/ /shel sgong dri ma med pa ltar/ /dra ba dra ba phyed pas brgyan/ /cha gsum mtshan nyid ldan pa la/ /rdo rje la sogs mtshan mas brgyan/ /dbus kyi khog pa zab pa dang / /thams cad dga' byed bcud kyi gnas/ /de nas pad ma rin chen dang / /ud pal ku mu da yis brgyan/ /phyogs dang phyogs mtshams cha brgyad tu/ /lha mo la sogs brgyad tu grags/ /de yi steng du lha mo ni/ /sa bon brgyad las bsam par bya/ /shar phyogs su ni sgrol ma ste/ /de bzhin byang du gos dkar mo'o/ /nub du bdag</font><hr>85.292b<br><font size=+1>

ma'i ming can te/ /lho ru sangs rgyas spyan zhes bya/ /mdog mdzes sbrang rtsi yid 'ong ma/ /de bzhin rin chen 'khyil ma'o/ /nam mkha'i phyogs kyi dbus su ni/ /gzugs rdzogs bskor bas yang dag gnas/ /pad ma rgyas pa lta bu'i dbyibs/ /gzugs med srid pa'i phyogs su ni/ /ye shes bdud rtsi bum pa 'dra/ /shes rab bdud rtsi'i gnas yin te/ /de yi dbus kyi stan la ni/ /steng du pad ma rdo rje ni/ /rtse mo dgu par bsam par bya/ /dbus kyi dbyug pa ye shes te/ /thams cad spro zhing sdud pa mo/ /o~M ltar mchog ni stsol bar 'grub/ /bya ba thams cad rab bsgrub ma'o/ /ye shes rdo rje'i dril bu ni/ /rtse mo dgu pa de bzhin no/ /sor mo bcu gnyis tshad du ni/ /rdo rje'i phreng ba ska rags byas/ /pad ma mchog gi mdab ma dang / /dra ba dra ba phyed pas brgyan/ /sngon bzhin mtshan nyid thams cad ldan/ /lha mo yi ni mtshan mas mdzes/ /shar gyi phyogs su pad ma ni/ /kha dog dkar pos mdzes par bya/ /gshin rjer pad ma sngo dmar te/ /nub kyi phyogs su pad ma dmar/ /byang du ud pa la ni bri/ /bdud rtsi gnas kyi dbus na ni/ /lha mo yi ni zhal gcig bri/ /shes rab pha rol phyin ma'o/ /gzugs mdzes bskor bas yang dag gnas/ /steng gi pad dang rdo rje ni/ /snga ma bzhin du bsam par bya/ /dbus kyi ye shes dbyig pa ni/ /zur brgyad pas ni mdzes par bya/ /dril bu 'di ni lha mo che/ /tshe dang nad med phun sum tshogs/ /de nas dpa' bo'i dril bu ste/ /rdo rje'i phreng ba'i ska rags ldan/ /de bzhin du ni shes rab dang / /bdud rtsi yi ni bum par ldan/ /mtshan nyid thams cad yongs su rdzogs/ /dra ba dra phyed dpyang bar bya/ /sor dgu ru ni yangs pa ste/ /kha ni sor lnga'i tshad du bya/ /de las cung zad lhag bya min/ /rtse lnga pa 'am rtse dgu pa/ /skal ba bzang po thams cad dang / /dbang phyug dang ni sngags rnams kyi/ /'bras bu thams cad rab ster zhing / /mkha' 'gro'i stobs dang</font><hr>85.293a<br><font size=+1>

rdzu 'phrul ster/ /de bzhin phun tshogs thams cad dang / /de bzhin gshegs pa thams cad kyi/ /dngos grub mchog ni gsal bar ster/ /da ni de bzhin gshegs pa yi/ /dril bu'i mtshan nyid bshad par bya/ /khar ba las byung sgra snyan byed/ /khong stong dang ni bum par ldan/ /rdo rje rin chen pad ma dang / /ral gri la sogs mtshan ma can/ /dra ba dra ba phyed pas spras/ /chu srin las ni byung ba yi/ /ye shes lnga yi rnam dag pas/ /rtse mo lnga dang bcas pa ste/ /ska rags gnyis gnyis dbus su ni/ /'khor lo'i phreng ba gnyis dang ldan/ /de bzhin ska rags gnyis dbus su/ /pad ma la ni pad phreng gnyis/ /rin chen la ni rin po che/ /de bzhin ska rags ldan par bya/ /don yod grub pa zhes bya la/ /ska rags gnyis dbus ral gris brgyan/ /kun la shes rab gdong ldan pas/ /dpa' bo kun gyis rgyal bar 'gyur/ /kun la'ang 'khar ba'am yang na ni/ /lcags gsum las byung dril bu ste/ /cha gsum dang ni ldan par bya/ /rdo rje'i rigs la ba glang gdong / /ska rags rdo rje'i phreng bas bskor/ /bum pa'i steng du gnas pa yi/ /kha khyer cung zad gru bzhir bya/ /ba glang gdong ni myur ba ru/ /nor dang 'bru rnams 'phel bar byed/ /nad med stobs ni rtag ster zhing / /sdug bsngal thams cad 'phrog par byed/ /sngar bstan rjes su 'brangs nas ni/ /rdo rjes mtshan nyid mtshon par bya/ /rin chen dbang sogs thod pa dang / /rang rang mtshan ma shes par bya/ /sor brgyad dam ni bcu drug gam/ /nyi shu las ni lhag mi bya/ /ji ltar nus shing rjes mthun par/ /bsgrub pa'i dbang pos de dag bya/ /kha yang cho ga'i rim pa yis/ /sor mo lnga las gzhan pa spang / /lha mo 'di ni dril bu yi/ /bsgrub thabs rgya cher bstan pa ste/ /thun mong gi ni rgyud kun las/ /dpa' bo rnams kyis bsngags pa yin/ /mkha' 'gro kun dang mnyam sbyor ba'i/ /</font><hr>85.293b<br><font size=+1>

rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rdo rje dang dril bu'i mtshan nyid dang tshad kyi cho ga'i rim par phye ba ste sum bcu rtsa gcig pa'o// // rdo rje slob dpon mtshan nyid ni/ /rab tu bshad kyis lha mo nyon/ /dul zhing cha lugs mdzes pa dang / /sems can kun la mi 'jigs sbyin/ /sngags dang rgyud kyi sbyor ba shes/ /rnal 'byor bzo'i cha la mkhas/ /thams cad tu ni 'jam par smra/ /sems can kun la bu bzhin lta/ /rtag tu gtong la dga' ba dang / /bsam gtan sbyor la mngon par brtson/ /snying rje phan pa'i sems kyis ni/ /bden par smra zhing 'tshe mi byed/ /rtag tu mnyam pa'i sems bskyed pas/ /sems can kun gyi mgon skyob ste/ /sems can bsam pa'i bye brag mkhas/ /mgon med rnams la gnyen ltar brtse/ /mdza' sdug gis ni legs pas lta/ /sngags kyi tshul la shin tu goms/ /dam tshig spyod la rab tu gus/ /phyag rgya brda'i sbyor ba rig /rnal 'byor ma rnams dam tshig la/ /brda yis sbyor ba ston pa dang / /gnyis med sbyor ba mi phyed gnas/ /sngags kyi 'khor lo spyod la gus/ /dbang bskur don gyi yon tan 'byung / /gnas sogs mthong ba'i ngang tshul can/ /de nyid bcu ni yongs su shes/ /'di ni slob dpon zhes byar brjod/ /gsol pa/ de lta bu'i slob dpon la ji ltar blta bar bgyi/ bka' stsal pa/ sangs rgyas kun gyi rang bzhin sku/ /yan lag byang chub sems dpa' ste/ /ba spu rnams ni dgra bcom nyid/ /spyi gtsug rigs lnga'i sangs rgyas te/ /'jig rten pa ni zhabs kyi gdan/ /'od zer gnod sbyin gsang la sogs/ /de ltar yon tan rang bzhin lus/ /rnal 'byor can gyis rtag tu blta/ /ji lta'i mtshan nyid dang ldan par/ /ye shes can gyis mtshan shes nas/ /de lta'i bla ma 'bad de bsten/ /gang yang khro dang sgyu</font><hr>85.294a<br><font size=+1>

can dang / /ngag ni shin tu rtsub pa dang / /yon tan dag gis chog shes pa/ /de ni bla mar bsten mi bya/ /gzhan yang slob ma'i spyod pa dang / /las kyi de nyid bshad kyis nyon/ /khro dang bcas shing rtog ger gus/ /na so dag ni yol ba dang / /gang yang dge slong dngos gnas dang / /zhen dang chags pas bcings pa la/ /rin thang med pa'i rin chen ni/ /de la bshad par mi bya'o/ /gang yang nga rgyal med pa dang / /sgyu med bdag tu mi 'dzin cing / /de bzhin chos la mngon par dad/ /de la man ngag sbyin par bya/ /gzhan du na ni ltung bar 'gyur/ /slob dpon gyi ni gsang ba dang / /rnal 'byor ma dang lha yi sbyor/ /lha yi dam tshig spyod pa dang / /gtor ma la sogs gsang sbyor ba/ /dmod pa dag tu gang byed pa/ /skrag pa kun dang bcas bzhin du/ /mnar med par ni myur bar ltung / /slob dpon gyi ni mal stan dang / /lham dang gdugs dang na bza' sogs/ /nye ba'i longs spyod thams cad dang / /grib ma bgom bar mi bya zhing / /co bri bar ni mi bya'o/ /gal te byas na dus kun du/ /de ni kun tu gzer 'gyur zhing / /don nyams dpal las ring du 'gyur/ /bdud dang sdang bas gzir 'gyur te/ /mchod rten bshig dang sdig mtshungs pas/ /de bas grib ma 'gom mi bya/ /slob dpon dmod byed gang yin pa/ /rmi lam du 'ang dngos grub med/ /slob dpon gyi ni yon tan gzung / /skyon rnams nam yang gzung mi bya/ /sngags dang phyag rgya'i sbyor la sogs/ /de yi lam gyis 'grub par 'gyur/ /maN+Dal chog sogs rim pa yis/ /sngon du bslab pa sbyin bar bya/ /dngos po rang bzhin med par ni/ /mthong bar byang chub rim pa ste/ /rang bzhin dag pa'i chos rnams ni/ /ngo bo med la dngos mthong bas/ /lus kyi las ni rnam gsum dang / /ngag gi rnam pa bzhi rnams dang / /yid kyi rnam pa gsum dag ste/ /de ltar rnam pa bcur phye ba/ /dkar po yis ni dkar 'gyur la/ /nag pos de bzhin 'bras gnag 'byin/ /des na de dag spang bya ste/ /sems can rnams la tshig rtsub dang / /tshig 'khyal smra ba spang bar bya/ /snying rje yi ni sems</font><hr>85.294b<br><font size=+1>

kyis su/ /'tshe dang gnod pa spang bar bya/ /bdag ni shi bar gyur kyang sla'i/ /srog chags gsod pa de ltar min/ /rab tu 'bar mer mtshungs pas na/ /gzhan gyi nor la reg mi bya/ /rnal 'byor pa yis brdzun bsrung zhing / /bla ma'i bka' stsal thams cad bya/ /rnal 'byor pa yi rnal 'byor pa/ /brdzun du smra ba thams cad dang / /sems can kun la skyon brjod min/ /gzhan gyi bud med spang bya zhing / /log pas 'tsho dang rnyed la sogs/ /de las thams cad spang bar bya/ /dga' ba dag la spyod pa dang / /gtor ma dag gis dus sogs la/ /dam tshig spyod par byed pa yang / /bza' dang bca' sogs tshod zin bya/ /rnal 'byor dngos grub 'dod pa rnams/ /sems can mgu la dngos grub 'byung / /de la dang por re shig slob mas bla gos phrag pa gcig la bzar te/ pus mo g.yas pa'i lha nga sa la btsugs la lag pa gnyis thal mo sbyar te/ 'di skad ces brjod par bya'o/ /sangs rgyas chos dang dge 'dun la/ /rtag tu bdag ni skyabs su mchi/ /rnal 'byor gsang sogs mkha' 'gro ma/ /theg pa gsum po thams cad dang / /dpa' bo dpa' mo dbang lha mo/ /bdag nyid chen mo rnams dang ni/ /khyad par du yang slob dpon la/ /rtag par bdag ni skyabs su mchi/ /o~M pany+tsa DA ki nI pU dzo pas+thA nA ya At+mA nA~M ni ta yA mi hU~M/ sar+b+ba A tsAr+ya pU dzo pas+tha nA ya Ah+mA nA~M ni ta yA mi hU~M/ sar+b+ba satwa pa ri trA Na ar+tha~M Ah+mA nA~M ni ta ya mi hU~M/ zhes bya bas byin gyis brlabs la/ /slar yang 'di skad ces brjod par bya ste/ khro dang bdag tu 'dzin pa dang / /tshig rtsub zhe gcod spang bar bgyi/ /sdig pa'i grogs dang srog gcod dang / /rku 'phrog dag ni spang bar bgyi/ /longs spyod rgya chen spang bgyi zhing / /des dang bcas pas chog shes bgyi/ /gar gyi gnas dang mtshungs pa yi/ /phyi rol bstan bcos spang bar bgyi zhes so/ /de nas yang dag bshad</font><hr>85.295a<br><font size=+1>

bya ba/ /sdom pa'i cho ga bla na med/ /dang po bla ma dam tshig ni/ /thob pa rgyu dang 'bras bu 'byung / /bstan dang de bzhin nges par bstan/ /sku gsung thugs kyi rang bzhin te/ /bstan pa dag ni longs spyod yin/ /nges par bstan pas mya ngan 'das/ /bshang gci la sogs bza' ba dang / /rigs dang rigs min de bzhin gzhan/ /sngags rnams kyi ni man ngag gis/ /ming sogs cho ga bzhin dbang bskur/ /slob mas dngos po bsgoms nas su/ /mya ngan 'das pa bstan par bya/ /khyod kyis srog chags gsad bya zhing / /brdzun du yang ni smra bar bya/ /ma byin par ni blang bar bya/ /gzhan gyi bud med bsten par bya/ /mchod rten las ni mi bya zhing / /glegs bam bklag pa'ang mi bya'o/ /lag pa'i phyag rgya mi bcing zhing / /sngags kyi ye ge bzlas mi bya/ /bstan bcos dag ni rnyed sla ste/ /de yi sbyor ba rnyed par dka'/ /bla ma'i bsnyen bkur brtson pa yi/ /thabs kyis rnal 'byor pa yis rnyed/ /bdag nyid lus dang gzhan gyi lus/ /bdag nyid bde mchog byang grol te/ /bdag gi lus la ma chags shing / /gzugs brnyan sogs 'dra'i lha ru brtag /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las bla ma'i bsnyen bkur dang / dam tshig dang sdom pa'i cho ga'i rim par phye ba ste sum bcu rtsa gnyis pa'o// // de nas mkha' 'gro ma rnams ni/ /sa rnams la ni rnam rol pa'i/ /sngags kyi 'byung bas rol pa ste/ /da ni yang dag bshad par bya/ /o~M k+Sha ma~M k+Sha ma~M phaT phaT/ ka ra ka ra ban d+ha ban d+ha pa tsa pa tsa hi hi hi/  hA~M hA~M/ da ha da ha/ ku ru ku ru/ trA sa ya trA sa ya/ b+ha k+Sha b+ha k+Sha hU~M hU~M/ ki li ki li ba sa ru d+he ra an+t+ra mA lA ba lam+bi ne gr-ih+na gr-ih+na/ k+Sho b+ha ya k+Sho b+ha ya/ hra hra A kaD+D+h+ya ya kaD+D+h+ya ya/ tsi li tsi l-i/ si li si li/</font><hr>85.295b<br><font size=+1>

sap+ta pA tA la ga tA b+hu dza ga sar+b+bi bA tar+dz+dza ya tar+dz+dza ya ya hrauM hrauM pheM pheM hrIM hrIM/ d+hi li d+hi li hUM hUM phaT/ o~M na mo b+ha ga ba te bI re shA ya ma hA k+kag+ni san+ni b+hA ya/ dza Ta mu ku Tot+ka Ta ya da~MSh+TA ka rA lo gra b+hI ShaN mu khA ya sa ha sra b+hu dza b+hA su rA ya pa ra shu pa sho d+ya ti shu la kha T+wA~M ga d+ha ri Ni byA g+h+rA dzi nAm+ba ra d+ha rA ya ma hA d+hA mrAn d+hA kA ra wa pu ShA ya hU~M hU~M phaT swA hA/ o~M hU~M swA hA phaT/ la tre hU~M ru reM bsA ba ka tsa ni ke ru he shI/ o~M badzra bai ro tsa ni ye swA hA/ o~M hrIHha ha hU~M hU~M phaT/ o~M ha na ma hi/ swA hA hU/ bau ShaT he/ hU~M hU~M ho/ phaT haM swA hA/ o~M hI~M hI~M hU~M/ he~M he~M hA/ o~M ba~M/ ha~M yoM hrIM ma~M/ hrIM hrIM/ hU~M hU~M/  phaT phaT/ o~M sar+b+ba bud+d+ha badzra bar+N+Na nI ye badzra DA ki ni ye swA hA/ o~M sum+b+ha ni sum+b+ha hU~M hU~M phaT/ o~M gr-ih+Na gr-ih+Na hU~M hU~M phaT/ o~M gr-ih+NA pa ya gr-ih+NA pa ya hU~M hU~M phaT/ o~M A na ya ho b+ha ga ba~M bid+yA rA dzA hU~M hU~M phaT swA hA/ o~M badzra DA ki nI baR+Sha ba pa ya hU~M b+hu swA hA/ o~M g+hi li g+hi li/ baR+Sha baR+Sha pa ya hU~M hU~M hU~M ho ho ho/ Tha Tha Tha swA hA/ o~M sum+b+ha ni sum+b+ha hU~M hU~M hU~M phaT/ o~M ka ka k+Shi ka ka ru tri ka ka in+d+ro pa ha ri Ni/ a mu ka s+ya dzI bi ta~M shrig+h+ra~M A gats+tsha ka ki ya thA su kha~M phaT/ o~M sar+b+ba ti thi nak+Sha tra gra ha ma~M ga le b+h+yaHswA hA/ o~M ma nu ni ka s+ya i nu ni ba si mu ni ha tha lA g+ha le hi pha De i a mu ka s+ya mu kha ha tha ban+d+ha ni swA hA/ o~M rat+na badzra badzra hri phaT/ o~M gra swA hA/ o~M a Te ba Te na Te ku na Te Tha ke Tha ra ke ta ru bi ta ru be na ta ke li li lu lu hi le mi le ti le Shi le si le a the pa the na the ku na the a na pa Ti ha na pa ti ka s+ya ka s+ya g+ha s+ya g+ha s+ya ma hA g+ha s+ya ma hA g+ha s+ya swA hA/ o~M ping+ga lAk+Sha ya hU~M hU~M hU~M phaT swA hA/ sngags 'di yis ni sgrub pa po/ /las rnams thams cad byed 'gyur te/ /sngags kyi cho ga ji bzhin du/ /nyon cig lha mo bshad par bya/ /o~M na mo b+ha ga ba ti badzra bA ra hi Ar+ya a pa rA dzi te trai lo kya mA te ma hA bid+ye sar+b+ba b+hU ta b+ha yA ba te/ ma hA badzre badzrA sa ne/ a dzi te a pa rA dzi te/  ba shA+e ka ri ne+e tra bra h+mA Ni ba shas sho Sha Ni ro Sha Ni kro d+ha ka rA li ni san+t+rA/ sa ni mA ra Ni su pra b+he d+ha nI pa rA dza ye bi dza ye dza~M b+ha ni sta~M b+ha ni mo ha ni/ badzra bA rA hi/  ma hA yo gi ni/  ka me shwa ri</font><hr>85.296a<br><font size=+1>

kha ge tad+ya thA pro ta~M ge pro ta~M ge/ ha na ha na prA nA~M kiM ki ni khiM khi ni/ d+hu na d+hu na badzra ha ste sho Sha ya kha T+wA~M ga ka pA pa la mA la d+hA ri Ni ma hA pi shi ta mA~M sA sha ni ma nu Sha an+t+ra pra brit+ta san+ni d+h+ya~M na ra si ro mA lA gra~M thi ta d+hA ra ni/ sum+b+ha ni sum+b+ha ha na ha na pra Na~M/   sar+b+ba pA pa sa twa na~M sar+b+ba pa shu b+ha na~M ma hA mA~M sa ts+tshe da ni kro d+ha ni mUr+t+ti the da~MSh+Ta ka rA li ni ma hA mu dre shrI he ru ka de ba s+yA gra ma hi Shi sa ha sra she re sa ha sra ba hA be sha ta sa ha srA na ne dza la ta te dza se dza la la mu khe ping ga la lo tsa ni/   badzra sha rI re badzra a sa ne/ mi li mi li/ ti mi li ti mi li he he/  hU~M hU~M kha kha/ d+hu d+hu d+hu ru d+hu ru/ mu ru mu ru/ a dwai te mo hA yo gi ni pa Thi ta sid+d+hi drai~M d+ha~M drai~M d+ha~M gra~M gra~M/  he he ha ha/ b+hi me ha sa ha sa bI re ha ha ho ho hU~M hU~M/ trai lo kya bi nA sa ni/ sha ta sa ha sra ko Ti ta thA ga ta pa ri bA re te hU~M hU~M phaT/ si ha rU pe kha ga dza rU pe ga trai lo kya u da ra sa mu dra ma kha le gra sa gra sa hU~M hU~M phaT/ bI rA dwai te/  hU~M hU~M ha ha ma hA pa shu mo ha ni yo gi shwa ri twa~M DA ki nI lo kA nA~M ban+da ni sa d+yaHpra t+yA ya ka ri Ni hU~M phaT/ b+hu ta trA sa ni ma hA bI re pa yo ge shwa ri phaT phaT hU~M hU~M phaT/ hU~M hU~M phaT hU~M phaT swA hA/ a A/ i I/ u U/ r-i r-I/ l-i l-I/ e ai/ o au/ a~M aH/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ k+ShaH/ 'di ni bcom ldan lha de nyid/ /lha rnams kun gyi mchog gi gnas/ /sngags rnams thams cad skyed byed pa/ /rgyud rnams kyang ni de bzhin no/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las sngags kyi cho ga rim par phye ba ste sum bcu rtsa gsum pa'o// // de nas yang dag bshad bya ba/ /rgyud du sbas pa nges par bya/ /de nas thams cad chos 'byung bar/ /sna tshogs lte bar mi shigs dge/ /bris nas cho ga bzhin du sngags/ /</font><hr>85.296b<br><font size=+1>

chos kun gcig pu bsdu bar bya/ /A li kA li mnyam byas nas/ /sde mtshan la ni thim par bya/ /der gnas pa las dpa' bo ni/ /'dod pa'i don kun sgrub byed btu/ /ye shes longs spyod rdzogs pa dang / /sprul pa thob gyur gdon mi za/ /'og dang steng 'grub rtag tu ster/ /bdag gi pho nya mo kun 'gro/ /pho nya mo de grub kun ster/ /mthong dang de bzhin reg pa dang / /tsum b+ha na dang rtag par mkhyud/ /sbyor ba'i gnas kyi khyad par nyid/ /ji snyed rnal 'byor tshogs rnams ni/ /thams cad dngos grub byed par bshad/ /bden pa thams cad sbyin bya ste/ /gzhan du nam yang ma yin no/ /ma dang srin mo bu mo dang / /chung ma pho nya mor gnas la/ /gang zhig rtag tu sngags sbyin pa/ /rang gi cho ga de bzhin bya/ /thod pa'i phreng ba'i dbu rgyan dang / /de bzhin sangs rgyas gtsug nor bu/ /pad ma dpal gyi nags rtsa ba/ /brda yis sangs rgyas phyag rgya yin/ /dbang po gang dang gang lam nas/ /rang bzhin de dang de 'gro ba/ /mchog tu mnyam bzhag sbyor ba yis/ /sangs rgyas kun tu rang nyid 'gyur/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ rdo rje dbang bskur ba'i brda'i rim par phye ba ste sum bcu rtsa bzhi pa'o// // de nas mkha' 'gro ma rnams kyi/ /dngos grub thams cad rab ster ba'i/ /ye shes 'byung ba bshad par bya/ /bong bu'i cha byad rnal 'byor bdag /yid shugs kyis ni zlog par byed/ /mkha' 'gro ma dang mdzes ma dang / /dum skyes gzugs can rnal 'byor ma/ /rnal 'byor ma ni 'di dag nyid/ /brda yi tshul gyis bstan pa ste/ /bsam gtan phyag rgya 'dod gzugs can/ /bong bu'i cha byed khrag 'dzag zhal/ /sbrul gyis dkris pa'i mdung rtse ni/ /</font><hr>85.297a<br><font size=+1>

gsum pa mkha' 'gro'i lag na thogs/ /kha T+wA~M ga dang thod pa ni/ /steng du stod de thogs pa dang / /mi ro'i stan bzhugs cher 'bar ba/ /skra ni kham pa gyen brdzes shing / /spyan gsum gyis ni mdzes par byas/ /rgyan rnams kun gyis rnam par klubs/ /phyag na zangs gri bsnams shing rtse/ /sna tshogs me tog 'bras ldan pa'i/ /rin chen mthon po'i gnas su sgom/ /tshe thung ba dang shi ba yang / /'tsho ba dang ni tshe ring bar/ /bong bu'i tshul gyi rnal 'byor gyis/ /lag 'thil gnas pa bzhin du mthong / /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las he ru ka'i rnam par rol pa'i cho ga'i rim par phye ba ste sum bcu rtsa lnga pa'o// // de nas yang dag bshad bya ba/ /sgrub po'i cho ga ji bzhin te/ /nyin re'am yang na zla re 'am/ /yang na de bzhin lo re ni/ /ji bzhin byin gyis brlabs na ni/ /phyag rgya'i dngos grub 'jug par 'gyur/ /sgrub pa po yi lag g.yon gyis/ /pad ma'i snod ni bzung nas su/ /lag pa g.yas pa ba dan ni/ /gsum par byas te bsgom par bya/ /khams kyi rang bzhin thams cad dang / /de bzhin srog dang rtsa las byung / /mngon par 'dus byas legs bris pa/ /slob dpon kun la sbyin par bya/ /lha yi rgyan dang yang dag ldan/ /phyag rgya'i mtshan mas rnam par klubs/ /sangs rgyas rnal 'byor sdom skyes pas/ /skal pa bzang po'i gar chen bya/ /pad ma mchog la reg byed pa/ /lo gcig bar du'ang ma byas na/ /sgrub pos dam tshig spangs 'gyur te/ /des ni dam tshig spangs nas su/ /slar yang mi bya'i sdom pa blang / /gzhan du sngags dang phyag rgya ni/ /rim pa 'bras bu med par 'gyur/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /</font><hr>85.297b<br><font size=+1>

rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las brda yis rol pa dang dam tshig dang sdom pa'i cho ga'i rim par phye ba ste sum bcu rtsa drug pa'o// // mtshon cha kun gyi mtshan nyid ni/ /rab tu bshad kyis lha mo nyon/ /'khrul 'khor gyis 'phen mi 'phen dang / /de bzhin lag pas 'phen pa dang / /'phangs nas slar ni gzung ba dang / /lag pas 'gyed dang rnam pa lnga/ /dbyibs dang bde blag sbyor ba dang / /ltong rgyud sbyor dang 'dren dang myur/ /'gengs dang 'phen dang gsol ba'o/ /grims pa nyid dang sran 'dzugs dang / /mnyen zhing yan lag brten pa dang / /rgya cher 'gengs shing rnam par dag /lus kyi phyag rgya bde blag can/ /'di yis lus la brgyan nas ni/ /rims dang dug dang dbyig dug dang / /mkha' 'gros gtses dang gdon rnams kyis/ /nams kyang tshugs par mi 'gyur ro/ /rang gi snying khar 'dren tshul du/ /bde blag can gyis gzhu bzung nas/ /g.yas su rab tu skor byed cing / /mda' 'phangs na ni grub par 'gyur/ /shar phyogs legs par bsrang nas ni/ /nub phyogs cung zad bkug nas su/ /gzhu rgyud dal bus drangs na ni/ /'gro ba thams cad 'gugs par 'gyur/ /thams cad 'gugs pa'i phyag rgya'o/ /rna drung bar du zlum por ni/ /ci rigs par ni legs par bzung / /yi ge o~M gyis khar drangs te/ /ji srid yi ge a brjod pa/ /de srid bar du bzung bar bya/ /'dzin pa'i phyag rgya'o/ /ci rigs par ni drangs nas ni/ /cho ga bzhin du bzung nas su/ /der ni cung zad dbye bar bya/ /'gengs pa thams cad grub par 'gyur/ /'gengs pa'i phyag rgya 'o/ /chang pas 'ben ni bsgribs nas su/ /mig ni cung zad gdangs te blta/ /lta ba chang pa la gtad de/ /myur du 'phangs ni 'grub pa'i mchog /mda' gzhus rnam par rgyal ba'i phyag rgya'o/ /gru bzhi pa dang rnon po dang / /de bzhin kun nas zlum po ste/ /g.yas phyogs nas ni bskor nas su/ /</font><hr>85.298a<br><font size=+1>

steng dang de bzhin 'og tu ni/ /rim gyis gnon cing drag tu gnon/ /'bigs pa bcu yi rgya mchog gis/ /khams gsum rgyal srid chen po la/ /bde bar rgyal zhing longs spyod 'gyur/ /dpal khams gsum rnam par rgyal ba'i phyag rgya'i sbyor ba bla na med pa'o/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las mtshon cha thams cad kyi brda'i ye shes kyi go cha'i rim par phye ba ste sum bcu rtsa bdun pa'o// // pho nya gdul ba'i bsgrub pa'i thabs/ /de nas yang dag bshad par bya/ /tha mal sngags kyi lus can dang / /zhing skyes ma ni gang yang rung / /sgrub pos de dag thams cad la/ /phan pa'i mchog gis bde ba bsgrub/ /'di dag gzhan pas longs spyod kyi/ /bsnyen bkur gyis ni bsten mi bya/ /skal bzangs phyug cing sra ba ste/ /rang gi bkra shis rigs spyod dang / /ri mo can ni sems g.yo zhing / /'o ma 'dzin sbom pad ma can/ /lte ba dung 'dra dung can ma/ /de dag rim pa bzhin du brjod/ /'byung po'i shing gi rtsa ba 'bad pas khar bcug na/ ji srid bu mo'i bde ba rnyed pa de srid kyi bar du sngags pas 'dzin par 'gyur ro/ /gan du sha dang la k+Sha na'i sman btags te til mar du btsos la rkang pa la bskus na yang 'dod pa la spyod pa rnams kyis bsngags so/ /a shwad tha'i shing kan da dang pa tha dang / bu shel tsi rnams cha mnyams te/ shing ar ka'i 'o ma dang sbyar la des pho mtshan dril phyis byas na/ gdon mi za bar 'phar bar 'gyur te/ de'i 'og tu myur du chu dron gyis bkrus na ji srid 'dod pa bzhin 'gyur ro/ /pad ma dkar po'i ge sar sbrang rtsi dang lhan cig btags te lte bar bskus na/ bud med sra ba rnams kyang khu ba 'dzag par 'gyur ro/ /til dkar po dang / ge sar dang / dpa' bo chig 'greng gi rtsa ba rnams btags ti/ sbrang rtsi dang ma he yi mar dang lhan cig tu sbyar te lte bar bskus na/ pho mtshan mkhreng zhing bud med</font><hr>85.298b<br><font size=+1>

chags pa che ba rnams yid 'phrog par 'gyur zhing / bong bu ltar ni 'dod spyod pas/ /bde don gnyer la bde ster bar/ /'dul ba don yod rgyud las ni/ /ngas ni 'dzin pa bshad pa yin/ /ling gas bud med bsgrub bya zhing / /b+ha gas skyes pa bsgrub par bya/ /ling ga don gnyir mtshan ma zhes bshad de/ /b+ha ga la ni spel bar bya/ /phyag rgya phyag rgyar sbyor ba yin/ /rnam par rol pas ling ga zhes/ /bya ba ru ni bstan pa ste/ /rnam par 'phyed pas b+ha ga yin/ /ma bstan gsal bar bstan pa ste/ /nyi bar bstan pa'i rang bzhin nyid/ /a yig ba yi yi ge las/ /b+ha ga ling ga bskyed nas ni/ /bung ba la sogs rim ji bzhin/ /mkha' 'gro ma kun bsgrub par bya/ /mkha' 'gro ma dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/pho nya gdul ba'i cho ga'i rim par phye ba ste/ /sum bcu rtsa brgyad pa'o// // de nas bcom ldan 'das la lha mos mchod cing phyag byas te 'di skad ces gsol to/ /sems can bsod nams med pa dang / /sngags rnams bsten par mi nus pa/ /de rnams dngos grub ji ltar thob/ /stobs med rnams kyi stobs bskyed cing / /sngags dang bral yang bsrung 'gyur ba/ /mdor bsdus nas ni bshad du gsol/ /sgyu ma kun tu rnam 'phrul ba/ /nyon cig lha mo sgyu ma che/ /sems can rnams ni chags bya'i phyir/ /lha yi sman ni bshad par bya/ /de ni ji ltar gzung bya ba/ /de ni de bzhin bshad par bya/ /bdag nyid lha yi dngos byas nas/ /phyi nas sa bon bsgrub par bya/ /sems can rnams ni chags pa dang / /de bzhin bya ba sna tshogs byed/ /sa bon la sogs gzugs pa yi/ /las rnams sna tshogs 'byung ba'o/ /lha mos gsol pa/ ji lta bu'i sa bon la sogs pa lags/ bcom ldan 'das kyis bka' stsal pa/ e raN+Da</font><hr>85.299a<br><font size=+1>

da dang gser shing la sogs pa'i shing gi sa bon te/ de la sogs pa yongs su smin pa rnams cho ga bzhin bsgrub par bya'o/ /mar ngo'i 'byung po'i nyi ma la/ /zla mtshan tshon dang dbang po bsgo/ /dur khrod thal bar ldan pa dang / /gtor ma dang ni bsrung bar bcas/ /de bzhin lha yi lcug ma gzugs/ /pa tha dang ni rgyal ba dang / /gzhan gyis mi thub pa nyid dang / /tsakra ang ga rmongs byed rnams/ /mtshon cha thams cad zlog par byed/ /tsakra ang ga lag pas 'phen/ /pa tas 'phrul 'khor 'phen pa ste/ /'phangs nas bzung ba rgyal bas so/ /gzhan gyis mi thub lag pas 'gyed/ /rmongs byed kyis mi 'phen pa'o/ /'di dag brda yi tshul gyis bshad/ /de dag thams cad grims par ni/ /g.yon phyogs su ni bsgril nas su/ /mgrin pa'am spyi bor bzung byas na/ /mtshon cha lnga ni bzlog par byed/ /gdol pa'i bu mo mdog sngon gyi/ /pad ma las ni skyes pa dang / /bdud rtsi lnga yis bsgos nas su/ /nyi tshan dag la bskam par bya/ /khyi nag po yi thod pa ni/ /dur khrod sa yis brkang ba ru/ /mar ngo'i tshes brgyad bcu bzhi la/ /pha mes kyi ni nags su gzugs/ /de ni 'bad de blangs nas su/ /dur khrod dang ni bla ma dang / /he ru ka dpal mchod byas la/ /grub pa'i sa bon gzung byas te/ /thod pa ru ni bzhag pa la/ /cho ga bzhin du mngon bsngags te/ /mgul par bcings na sbed par 'gyur/ /mnyam par bzhag ste bcing ba dgrol/ /bya rog nag po'i thod pa dang / /mdung ngam mtshon gyis bsad pa yi/ /skyes bu yi ni thod pa ru/ /sbrul nag po yi zhag gis ni/ /gser shing la sogs sa bon la/ /yang dang yang du bsgos byas la/ /grog mkhar gyi ni sa dag dang / /dur khrod sa yis bsregs bkang ste/ /bzhi mdo lam gyi dbus sam ni/ /chu bo yi ni 'gram dag tu/ /sgrub po shin du mnyam bzhag pas/ /thod par rgongs mo'i dus su bzhag /gtor ma sbyin zhing</font><hr>85.299b<br><font size=+1>

bcu ba dang / /bsrung ba dag ni nyin re bya/ /kha T+wA~M ga sogs ldan pa yi/ /dpal ldan he ru ka gzugs bya/ /lag g.yon thod pa bzung nas ni/ /brtul zhugs spyod par ldan pa yis/ /cho ga bzhin du bskyed byas na/ /sha za la sogs co mi 'dri/ /sa bon smin pa bzung nas ni/ /mkhas pas sngon bzhin mchod byas nas/ /grub pa'i rdzas kyi phud dag ni/ /khyad par du ni bla mar dbul/ /sgrub pos der ni khar bcug na/ /sna tshogs pa yi gzugs su snang / /lha dang sbyin bdag gnod sbyin sogs/ /ji ltar 'dod bzhin gzugs bsgyur te/ /lha yi bu mo rnams dang ni/ /ji srid 'dod kyi bar du rol/ /rgongs mo gtor ma sngon 'gro bas/ /ji bzhin lhag par gnas bya zhing / /shing bskyed cho ga rgyas pa las/ /'byung bzhin bsrung ba la sogs bya/ /gzhan du me tog 'bras bu sogs/ /drag po'i gdon gyis gtses pas na/ /'grub pa nyid du mi 'gyur ro/ /de nas skra grol gcer bur ni/ /gyur pa'i bu mo'i lag g.yon du/ /gal te smin pa'i 'bras bu de/ /sgrub pa pos ni gzhag par bya/ /gang dang gang gi khrag gis ni/ /yang dang yang du 'bras bu bsgo/ /de yi khrag gis bsgos pa yi/ /sha la sogs pa mtshon bya zhing / /de yi thal bas bskyed par bya/ /de yi thod par gzugs pa dang / /de yi sha khrag zhag gis ni/ /yang dang yang du bcu bar bya/ /de yi sha sogs bdug pa dang / /byug pa'ang yang dang yang du bya/ /sngon du gtor ma bsrung sogs bya/ /sa bon de ni smin pa dang / /cho ga bzhin du blangs nas ni/ /kha yi nang du bzhag gyur na/ /cho gas ji ltar bsam pa bzhin/ /de dang de yi gzugs 'gyur te/ /de bzhin 'di yi mthu yis ni/ /mi snang bar ni thams cad 'gyur/ /sa bon ma nyams stobs kyis su/ /'ug pa la sogs rnams kyis kyang / /cha tsam yang ni mthong mi nus/ /de nas gzhan yang bshad bya ba/ /mtshon cha thams cad</font><hr>85.300a<br><font size=+1>

bzlog pa'i phyir/ /nyi ma gzis ni zan dus su/ /pan da ra ga zhes bya dang / /dpa' bo gcig pa stobs po che/ /snga dro nyi ma shar dus su/ /byang phyogs rtsa ba brkos nas ni/ /mnyam par bzhag pas gzung bar bya/ /sngar bstan cho ga'i rim pa yis/ /rgyu dang mi rgyu rmongs par byed/ /bgrod dka'i lam ni nyam nga ru/ /stag dang seng ge sogs 'jigs dang / /rgyal po rkun po'i 'jigs sogs pa/ /thams cad bsrung ba bla na med/ /yang na de yi ge sar ni/ /zho dang lhan cig bza' bar bya/ /ji srid mgrin par lud kyi bar/ /de srid bar du bza' bar bya/ /ji srid de ni ma zhu'i bar/ /rdo rje 'dzin 'dra'i lus su 'gyur/ /de lus mtshon cha phog pa yang / /chu yi thigs pa ltar mi snod/ /mtshon cha thams cad zlog pa yi/ /de nas sbyor ba gzhan bshad bya/ /sngon bzhin gtor ma sogs ldan par/ /ang ko ta ka'i rtsa blangs la/ /de las ri lu byas nas su/ /lcags gsum gyis ni dkri bar bya/ /lha mo der ni khar bcug na/ /mtshon cha thams cad ldog 'gyur zhing / /rims dang glo dang dbugs mi bde/ /nad rnams gzhan yang tshar gcod la/ /rnam pa sna tshogs dug dang ni/ /lus srul la sogs gzhan dag kyang / /seng ge yis ni glang chen bzhin/ /dri tsam gyis ni 'bros par 'gyur/ /de nas sbyor ba gzhan bshad pa/ /pe ti zhes bya lha yi sman/ /rgyal dang nyi ma dag gam ni/ /yang ni zla ba gzas zin tshe/ /phyag rgyar bcas pa'i sgrub pa pos/ /lha yi rnal 'byor dmigs na ni/ /gtor ma mchog sogs byas nas su/ /'bad de sngags ni bzlas byas la/ /skra grol gcer bur gyur pa yis/ /shin du mnyam par bzhag ste gzung / /cho ga'i bya ba 'di yis ni/ /'grub 'gyur 'dir ni the tshom med/ /cha bdun du ni bgos nas su/ /mkhas pas spyi bor gzung bar bya/ /rim pa 'di yis sgyu ma che/ /mtshon cha</font><hr>85.300b<br><font size=+1>

thams cad zlog 'gyur te/ /ji snyed sa stengs gnas pa yi/ /mtshon cha gzhan yang zlog byed pa/ /nyi ma yis ni mun pa bzhin/ /bltas pa tsam gyis bzlog par byed/ /de nas cho ga gzhan bshad pa/ /nag po chen po sman chen po/ /blo ldan gza' ni nyi ma dang / /skar ma rgyal dang ldan pa la/ /mchod dang gtor ma'i cho ga yis/ /shin du mnyam par bzhag pas gzung / /khyu mchog ra yi sa dang ni/ /phyi nas gcig pu bsre bar bya/ /lo gcig bar du nus dang ldan/ /de nas gsar pa gzhan gzung bya/ /ji srid lus la gnas kyi bar/ /mtshon chas chod cing phugs mi 'gyur/ /sgrub po de yi lus la ni/ /dug kyang 'pho bar mi 'gyur ro/ /sngon bstan cho ga'i bya ba yis/ /b+ha ma dan ta'i sman gzung bya/ /pad ma yi ni 'dam dang ni/ /lhan cig tu ni bsre bar bya/ /sngar bstan cho ga'i rim pa yis/ /i shwa ri ni bzung bar bya/ /mtshan ma gcig gi sa dag dang / /shin du mnyam par bzhag ste bsre/ /yon tan dag ni snga ma bzhin/ /nyon cig lha mo shes rab che/ /ku ma rI zhes bya ba'i smen/ /gzhon nu ma yi rkang rjes rdul/ /de yi gci ba'i sa dang bcas/ /ma he rwa yi sa dang ldan/ /'dam 'di sum bcu gsum pas mchod/ /de nas yang dag bshad bya ba/ /biSh+Nu bi zhes bya ba'i sman/ /sngar bstan cho ga'i bya ba yis/ /nags kyi phreng ba bzung bar bya/ /bzlog ste 'khor ba'i 'khor lo yi/ /'jim pa 'bad de blangs nas su/ /de dang lhan cig ldan par bya/ /lus la gnas na bsrung bar 'gyur/ /rtse gcig yid kyis mnyam par gyis/ /phag mo zhes bya'i sman dang ni/ /phag gi lus las byung ba'i 'dam/ /ma he'i rwa yi nang du gzhag /lo gcig bar du nus dang ldan/ /des kyang snga ma bzhin du 'gyur/ /lam gyi bzhi mdo ri rtse dang / /glang chen mche bar chags pa'i sa/ /dbang po shing gi rtsa bar bcas/ /sum bcu gsum dbang 'dam zhes bya/ /de nas tsa mun da bshad bya/ /kha dog</font><hr>85.301a<br><font size=+1>

gcig pa bla na med/ /tsaN Da li yi rtsa gzungs la/ /sngar bstan bzhin du bsgrub par bya/ /shing gcig dang ni mtshan gcig pa'i/ /sa dang sbyar te 'dam du bya/ /de ni lus la gnas par du/ /sum bcu gsum pas kyang mi shigs/ /de nas cho ga gzhan bshad bya/ /snying po thams cad bsdus pa ste/ /mngal nas dang po byung ba ni/ /ma yi nu zho ma 'thungs pa/ /rdo rje phag mor bcas pa yi/ /he ru ka ni mchod byas la/ /de ltar byas nas lha mo che/ /gtor ma byin la yang yang bsrung / /de yi ltag pa gshags nas su/ /lce ni rtsa bar bcas te blangs/ /bring+ga rA dza gser shing dang / /ka ga ga dza gzhan mi thub/ /lha yi sman dang bcas pa las/ /ri lu ru ni byas nas su/ /khar bcug nas ni bzung gyur na/ /mtshon cha thams cad zlog par 'gyur/ /ji snyed sa steng gnas pa yi/ /mtshon cha rnams kyang zlog byed na/ /kha cig la lta smos ci dgos/ /rims dang dug dang nad rnams dang / /mkha' 'gro ma dang gdon gyis 'tshe/ /de dag thams cad zlog 'gyur te/ /gzhan dag tu ni nga mi smra/ /de nas sbyor ba gzhan bshad bya/ /de yi sha dang zhag dang khrag /gcin dang khu bar bcas pa yis/ /yung ba nag po la byugs te/ /rgyal dang 'byung po'i nyi ma la/ /bgegs ni zhi bar bya ba'i phyir/ /'byung po kun gyi gtor byin te/ /las rnams thams cad bsgrub pa'i phyir/ /sngags pa cho gar ldan pa yis/ /byis pa'i ro yi lto bar ni/ /mar ngo 'byung po'i nyi ma la/ /dur khrod kyi ni sa gzhi ru/ /cho ga bzhin du btsugs la bskyed/ /lce spyang la sogs bsrung bar bya/ /'dab ma sbrul zhing smin pa dang / /sngar gyi cho ga bzhin blangs te/ /de ni lus la gnas kyi bar/ /skad cig gis ni dpa' bor 'gyur/ /sngar bstan byis pa'i lce dang ni/ /yung ba nag por bcas pa las/ /ri lur byas te khar bcug la/ /g.yul du zhugs na dgra bcings 'gyur/ /de nas dpung rnams thams cad ni/ /rmongs byed skud pa bshad par bya/ /skar ma rgyal la nan</font><hr>85.301b<br><font size=+1>

tan du/ /nags kyi ras bal blangs nas ni/ /zla mtshan gyis ni byugs byas la/ /sum sgril yang ni sum sgril du/ /gzhon nu ma yis 'bad de bkal/ /rkang pa brgyad pa'i sngags kyis ni/ /bzlas shing mdud pa de tsam bya/ /mdud pa dag ni thams cad kyang / /ma mo brgyad du brtag par bya/ /de ltar sngags brgyad byas pa yis/ /byin gyis brlabs pa byas nas su/ /so so re re dag la yang / /brgya rtsa brgyad brgyad bzlas byas la/ /lag pa g.yon par btags na ni/ /mda' dang ral gri la sogs pa'i/ /mtshon cha thams cad bcings par 'gyur/ /sgyu ma chen po'i rig pa 'di/ /rab tu 'bad de gsang bar bya/ /de nas cho ga gzhan bshad pa/ /nags kyi shal ma li yi ni/ /bal ni skar ma rgyal la blangs/ /bu mo yi ni gci ba yis/ /btags te de dang bsre bar bya/ /bu mo yis ni bkal bar bya/ /gza' dang skar ma dge ba dang / /zla ba stobs can dag la ni/ /mdud pa'i sbyor ba byas nas su/ /so so zhing ni re re la/ /sngar gyi rim pa'i sbyor ba yis/ /shin du mnyam par bzhag ste bsgrubs/ /'di yis bcings pa tsam gyis ni/ /sum bcu gsum pas kyang mi 'ching / /las kyi cho ga mthong ba yis/ /mtshon cha thams cad 'ching 'gyur te/ /'di ni ba glang lhas su bsgrub/ /su rag ta dang seng ldeng dang / /nim pa dang ni ar ka'ang rung / /skar ma rgyal dang nyi ma la/ /shing bu de gnyis bzung nas ni/ /myos par byed pa'i rigs pa che/ /rig pa kun gyi gtso mo ste/ /lan brgya ru ni bzlas nas su/ /shing bu phan tshun drud gyur na/ /dgra bo dang ni 'thab par 'gyur/ /rdo rje yi ni chu dang ni/ /'dzub mo'i khrag dang bcas pa la/ /myos par byed ma'i rig pa bzla/ /sngags kyi bzlas pa sngon 'gro bas/ /dpral bar thig le byas na ni/ /chom po dang ni rkun po dang / /'tshe bar byed pa gzhan yang rung / /skye bo thams cad rmongs par byed/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog / rdo rje sems dpa' de bzhin gshegs/ /</font><hr>85.302a<br><font size=+1>

bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ stobs bskyed pa'i cho ga yi rim par phye ba ste sum bcu rtsa dgu pa'o// // gang gis sgrub pa po 'grub pa'i/ /de nas sbyor ba gzhan bshad bya/ /ras ster gyi ni sa bon dag /snye ma'i rtser gnas blang bar bya/ /sngon bzhin yi dgas zla phyed kyi/ /'byung po'i nyi ma gza' bzang la/ /gau ri la sogs mkha' 'gro mar/ /bcas pa'i he ru ka mgon mchog /bud med kyi ni me tog gis/ /yang yang du ni bsgo bar bya/ /bsgegs pa 'am ni mtshon gyis bsad/ /spyang ki la sogs ma zos pa'i/ /bud med thod pa mdzes pa ru/ /cho ga de yis bskyed par bya/ /de yang rnga mo dag gi ni/ /'khrul 'khor la ni bskyon nas su/ /de yi rtse mo blang bar bya/ /sngags pas mchod pa byas nas ni/ /bu mor bsgom zhing de bskul ba'i/ /chu ni 'bad dang bcas te gtor/ /bud med ro bsregs sa dang ni/ /thal bar bcas pas de bkang la/ /ras ster gyi ni sa bon nyid/ /thod pa der ni bskyed par bya/ /bgegs dgra dang ni gshin gshed kyi/ /sngags ni mngon par bzlas pa yis/ /mchod dang gtor ma phul nas ni/ /ci rigs su ni bsrung bar bya/ /zhi ba'i tshigs bcad sngags kyis ni/ /brgya rtsa brgyad du bzlas pa'i chus/ /der ni bcu ste bskyed par bya/ /gzhan du yi dgas 'tshe ba 'byung / /'bu la sogs pa bsrung ba dang / /shing bskyed rig byed bzhin du bya/ /de ni 'bad de smin pa yi/ /ras bal dag ni bzung nas su/ /gzhon nu ma yi khrag gis ni/ /bsgos la sngar gyi bu mo yi/ /skra dang bcas pa bu mos bkal/ /skud pa de yis bcings gyur na/ /de ma thag tu skyes bu ni/ /'dod chags gdungs pa'i bud med 'gyur/ /bkrol na slar yang rnal bar 'gyur/ /bsgegs pa'i ro yi khrag dang ni/ /zhag gi yungs kar yang yang bsgo/ /gsang ba yi ni zhing sa ru/ /tshes brgyad skar ma</font><hr>85.302b<br><font size=+1>

rgyal la ni/ /lam dang rigs mchog thod pa ni/ /ro bsregs pas bkang ro dang bcas/ /nyi ma shis pa dag la gzugs/ /de ni shin du smin pa blang / /ci rigs 'phrul 'khor btsir ba'i mar/ /bskrad pa la sogs bya ba kun/ /blo ldan ji ltar 'dod bzhin byed/ /sa mtha' lnga pa yang dag ldan/ /rlung gi sa bon las byung ba/ /de yi mod la bskrad 'gyur te/ /bsgrub bya de ni slar mi ldog /bsgegs nas bsad pa'i skyes bu'i ro/ /cho ga'i rim bzhin mchod byas la/ /sngar ni ji ltar bstan pa bzhin/ /mar des yan lag kun du byug /he ru ka yi spyod pa yis/ /sngags ni zlos shing kun du gnas/ /sbyor chen de ni bgegs bskrad bya/ /sngags pa chen pos de dus su/ /bgegs ni rnam pa sna tshogs pa/ /ro yi lus las byung mthong ste/ /de nas der ni de dus su/ /grub pa'i rdzas kyi bar chad byed/ /g.yog dang bcas pa'i sgrub pa pos/ /de tshe phyag rgya bcings bya ste/ /skyes gnas phyag rgya dpral ba yi/ /steng du bcings la bstan bya zhing / /drag po yi ni gzugs kyis su/ /dpa' bo'i dam tshig ci rigs bstan/ /sha dang khrag tu bcas pa yi/ /gtor ma yi dgas rnams la sbyin/ /de yi lus las 'dzags pa'i mar/ /blangs te sku ba'i la nang blugs/ /de yis lus la byugs tsam gyis/ /nam mkhar rgyu ba 'grub par 'gyur/ /gzhan yang ral gri mig sman dang / /rtsi la sogs pa rab tu 'grub/ /khrag dang mi yi zhag gis ni/ /yungs kar la ni bsgos nas su/ /mi ro yi ni khar bcug la/ /bsrung ba la sogs 'bad de bya/ /de nas snga ma bzhin bskyed pa'i/ /yungs kar gang la bsnun pa yi/ /bsgrub bya de ni rims nad kyis/ /'dzin te de ma thag tu 'chi/ /so bya yi ni khrag dang ni/ /zhag gis snum ster bsgo byas la/ /de yi thod pa ro bsregs pas/ /bkang ba ru ni bskyed par bya/ /mchod dang gtor ma la sogs pa/ /</font><hr>85.303a<br><font size=+1>

sngar bstan bzhin du ci rigs bya/ /smin pa'i 'bras bu khar bcug na/ /skyes bya ba yi gzugs su 'gyur/ /de ltar sa bon gzhan dag kyang / /dog pa la gnas 'bras bu gzung / /de dang 'dra ba'i gzugs 'gyur te/ /kha las bton na sngon bzhin 'gyur/ /bya rnams kyi ni tshe dang mtshungs/ /glang po'i gzugs sogs de bzhin bya/ /bi da ri y-i sa bon ni/ /mar ngo skar ma rgyal dang ni/ /gza' ni nyi ma dag la gzung / /ma du lung ga'i yar ngo la/ /mi ro'i zhag gis byugs nas su/ /zla ba gzas ni zin pa'i tshe/ /de yi yan lag mchog tu gzugs/ /zin pa de yi gzugs su 'gyur/ /de yi rus pa rkang dang ni/ /sha la sogs pa bskyed par bya/ /de yi lpags pa rus pa yi/ /phyag rgyas yan lag brgyan byas la/ /blo dang ldan pas sngar bstan bzhin/ /mchod pa byas te thal ba gtor/ /sngags dang bcas pa'i chu yis ni/ /mkhas pa yis ni rtag tu bcug /bgegs mthar byed dang gshin gshed kyi/ /sngags ni sngags pas rtag tu bzla/ /sha za la ni gtor ma sbyin/ /gzhan du na ni bton te khyer/ /sa bon de ni smin par gzung / /lcug ma gsum gyis dkris nas su/ /khar bcug na ni sbed 'gyur te/ /nyi ma zla ba sogs pas kyang / /'jig rten gsum 'dir mthong mi 'gyur/ /ma du lung ga gcig pu ni/ /khar bcug ma du lung gar 'gyur/ /bton na slar yang snang 'gyur te/ /'bras bskyed thun mong cho ga'o/ /de nas sngags kyi cho ga bshad/ /spyan ma'i sngags kyis gzugs par bya/ /mA ma kI yi sngags kyis bcu/ /sgrol ma'i sngags kyis bskyed par bya/ /de bzhin gos dkar mas ni bsrung / /'di dag sa la sogs pa ste/ /thams cad 'dzin cing gso ba yin/ /des na 'bad pa thams cad kyis/ /spyan la sogs pas bsrung bar bya/ /de nas rgongs mo'i dus su ni/ /sku ba khan de'i sa bon dag /mi yi zhag sogs kyis byugs la/ /bzhi mdo'i sas bkang thod par bskyed/ /de yi dpral bar thig le bya/ /</font><hr>85.303b<br><font size=+1>

bza' dang bca' sogs rnam pa lnga/ /mthong ba tsam gyis kha bar 'gyur/ /de nas thig le phyis na ni/ /de yi mod la rnal mar 'gyur/ /'ol ma se yi sa bon ni/ /bram ze yi ni thod pa ru/ /skar ma rgyal la sngags pas bskyed/ /de nas phyung ste slar yang ni/ /tha mal skyes bu'i thod par bskyed/ /sa bon de ni grub gyur na/ /kha ru bcug pas de gzugs 'gyur/ /skyes pa bud med ma ning sogs/ /bya yi cho ga bzhin du 'gyur/ /kha las bton na slar yang ni/ /tha mal gzugs 'gyur the tshom med/ /sbyor ba 'di ni grub pa ste/ /gzhan dag tu ni nga mi smra/ /sngags pas bung ba'i rgyal po'i sman/ /gsal shing bsad pa'i thod par bskyed/ /zhag dang khrag gis gtor bar bya/ /de yi rtsa ba blangs nas su/ /srin lag gi ni khrag dang ni/ /zhag tu bcas pa bsre bar bya/ /spyi bor bzhag na rgyal bar 'gyur/ /lha la sogs pa dbang du byed/ /ba glang rna ba'i lcug ma ni/ /rnyed nas de yi sa bon ni/ /smin pa bzung ste khar bcug nas/ /g.yul du zhugs na rgyal bar 'gyur/ /bring+ga rA dza bzung nas su/ /shan pa'i bu mo sngon mo yi/ /khrag gis zla ba mar ngo la/ /yang yang byugs te sbyar bar bya/ /ba glang rna ba'i lcug dang ni/ /skyes pa'i thod par bskyed dang bcas/ /'bras bu chen po ster bar 'gyur/ /de la sogs pa'i rtsa ba dang / /'bras bu tshul bzhin bskyed pa yis/ /bgegs rnams thams cad brlag byed par/ /sangs rgyas nges pa'i rgyud las gsungs/ /bsgrub par mi bya ba dang ni/ /'grub par mi 'gyur ci yang med/ /man ngag dag ni ma gtogs par/ /dngos grub snang bar mi 'gyur ro/ /ko ka na ta'i 'bras bu ni/ /sna chen gyi ni thod par bskyed/ /dur khrod skyes pa'i bring+ga ni/ /thod par bskyed pa'i rtsa dang bcas/ /yar ngo mar ngo'i bcu bzhi la/ /bdud rtsi lnga dang lhan cig btags/ /rilu mdzes pa byas nas ni/ /grib ma la ni bskam par bya/ /de yis thig le byas nas ni/ /</font><hr>85.304a<br><font size=+1>

'gro kun bran bzhin dbang du 'gyur/ /am bra'i shing gi rus pa ni/ /mar khu chen pos byugs pa dang / /de bzhin ba yi rnam lngas byug /lag par khu ba byugs nas su/ /'bras de gang la byin pa ni/ /de dbang 'gyur te gzhan du min/ /bal po se'u'i 'bras bu ni/ /khrag gis byugs te bud med kyi/ /thod par btsugs pa smin pa yi/ /'bras bu de ni mi dbang la/ /rgyal la byin na rtag dbang 'gyur/ /sku ba khan de'i sa bon ni/ /nim pa la sogs 'bras bus byug /ro bsregs sa dang ldan pa yi/ /chags can kham phor sa bon bskyed/ /shin du mnyam par bzhag ste bsrung / /mar ngo yi ni nyi ma la/ /nyin phyed nyi ma tsha dus bsgrub/ /de ni blugs pa tsam gyis su/ /chang sogs brlag 'gyur the tshom med/ /de nas gzhan yang bshad bya ba/ /yungs kar smin pa brgya dang ni/ /rtsa brgyad blangs nas zhag gis ni/ /bsgos te legs par thum por bya/ /bud med ro yi lto bar gzhug /nyin bdun bzhag ste phyung nas su/ /de yi mchin par bcas pa'i sas/ /de yi thod pa bkang bar bskyed/ /gtor ma dang ni bsrung ba dang / /bdug pa dang ni chus bcu sogs/ /shin du 'bad dang bcas pa yis/ /las rnams thams cad sngon bzhin bya/ /ji srid smin gyi bar du bskyed/ /de nas sngar bzhin 'bad pas blangs/ /bud med kyi ni khrag gis byug /'dab ma dang ni sa bon sogs/ /de yi yan lag ci yang rung / /bud med gang dang gang bsnun pa/ /de ni phyi bzhin 'brang bar 'gyur/ /'ol se'i sa bon 'bad de gzung / /dmar ser thod par bskyed par bya/ /de yi lcug ma bzung nas su/ /blo dang ldan pas sgong nga bya/ /de yi nang du chang blugs na/ /snod der gnas pa'i rdzas rnams ni/ /ji srid ma zad bar du ni/ /de na gnas pa'ang zad mi 'gyur/ /chu 'gram sa dang rdza mkhan sa/ /de bzhin mthong bas chags pa'i sa/ /grog mkhar gyi ni sa dag dang / /mtshan ma gcig pa'i sa rnams</font><hr>85.304b<br><font size=+1>

ni/ /bskyed pa kun la shin tu bsngags/ /gci ba'i shul gyi sa bzung la/ /sngags kyis mngon par byin gyis brlab/ /bong bu'i gcin dang bcas pa las/ /mkhas pas mi yi gzugs brnyan bya/ /gser shing sngar bzhin sbyang byas la/ /sngags pas de yi khar bskyed bya/ /de yi yan lag lnga bzung ste/ /ri lu dag ni mdzes par bya/ /las rnams thams cad byed 'gyur te/ /khyad par du ni dbang du byed/ /yungs kar la sogs 'bras bu ni/ /glang po che yi sha dang ni/ /khrag dang rus pa'i zhag la sogs/ /de yi thal ba sogs pas byug /de yi thod par bskyed pa dag /de ni kha ru bcug tsam gyis/ /glang po che yi gzugs su 'gyur/ /'di ni thun mong cho ga ste/ /de bzhin rta dang ma he sogs/ /de bzhin stag dang ri bong sogs/ /cho ga de bzhin bskyed pa yis/ /khrag bcas bsgoms nas stag sogs 'gyur/ /sbyor ba'i cho ga'i dus su ni/ /grub pa'i gza' la sogs dang sbyar/ /rtag tu sgom dang bzlas la dga'/ /dam tshig spyod pa bsrung ba dag /de yis rtag tu 'grub 'gyur te/ /gzhan du na ni 'bras bu med/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las 'bras bu bcos ma'i phyag rgya ye shes kyi rim par phye ba ste bzhi bcu pa'o// // de nas A li kA li gnyis/ /de nyid las ni kun skyed cing / /spro zhing sdud par byed pa po/ /tha snyad kyi ni cho ga ste/ /sngags kyi mtshan nyid thun mong ba/ /cho ga 'di dag ji bzhin nyon/ /a zhes bya ba mdog dmar ba/ /mgo dang thig le spangs pa ni/ /bsgrub bya'i snying ka mgo bo dang / /gsang ba dang ni lte bar bsam/ /A zhes bya ba thig ler ldan/ /mtshal dang 'ol ma se dang ni/ /ku su ma ni lta bu yi mdog /bsgrub bya'i mgor ni bsam byas la/ /myos shing sems dang bral ba dang / /lkugs shing rnam par nyams par bsam/ /de yi lus ni rang nyid kyi/ /sa bon gyis dkrugs rmongs</font><hr>85.305a<br><font size=+1>

bsgoms na/ /ring por mi thogs dbang 'gyur te/ /rtag tu thams cad ster bar 'gyur/ /i zhes bya ba skas lta bu/ /dbyangs yig gsum pa'i thung ngu ni/ /bsgrub bya'i snying ka lte ba dang / /de bzhin du ni mgrin par bsgom/ /I zhes bya ba'i dbyangs yig bzhi/ /li khri yi ni mdog lta bu/ /bsgrub bya yi ni dpral bar dgod/ /gang gi lus la gsum pa dang / /bzhi pa'i mchog ni bkod pa yis/ /myos shing cha lugs nyams pa dang / /sems dang bral bar byas nas su/ /ji srid 'tsho yi bar du ni/ /lkugs pa bzhin du dbang du 'gyur/ /de nas dbyangs yig lnga pa ni/ /dbang po'i mtshon cha lta bu'i 'od/ /u zhes bya ba'i bsgrub bya yi/ /mgrin par zhags pa lta bur bsam/ /glog dang mtshungs par 'bar ba yi/ /dbyangs yig mchog ni drug pa ste/ /U zhes bya ba bsgrub bya yi/ /snying gi dbus su bsgom par bya/ /lkugs shing myos par gyur pa dang / /lus ni g.yo zhing sems dang bral/ /gang du sgrub pa por gnas par/ /'khrugs pa bzhin du 'ong bar 'gyur/ /bdag nyid dang ni nor dang bcas/ /dbang du yang ni 'gyur ba yin/ /ri zhes bya ba du ba'i mdog /dpral ba lus dang bral ba ste/ /dbyangs yig gi ni dam pa de/ /snying ka dang ni gsang bar bsgom/ /de nas ri ni mun pa'i mdog /bsgrub bya'i lus kyi mgo bo dang / /de bzhin rkang pa mgrin pa ru/ /ring po de ni bsgom par bya/ /bdun pa dang ni brgyad pa 'dis/ /myur du bskrod par byed pa ste/ /sems ni rmugs shing nyams gyur nas/ /sa gzhi ma lus rgyu 'gyur te/ /mthong ba yi ni tshe 'di la/ /slar yang zlog par mi 'gyur ro/ /li zhes bya ba srid pa sdom/ /bya rog gi ni gshog pa 'dra/ /sgrub pos bsgrub bya'i mig dang ni/ /mgrin pa dang ni gsang bar bsgom/ /dbyangs yig ring po lI zhes pas/ /bsgrub par bya ba dkris par bsam/ /bsgrub bya'i lus la bsgoms tsam gyis/ /sdang bar byed pa'i mchog yin te/ /sems can kun gyis smad pa dang / /skye bo kun gyis brnyas pa dang / /mar khu phyung ba'i 'ba' cha bzhin/ /</font><hr>85.305b<br><font size=+1>

skye bo kun gyis spong bar 'gyur/ /cog la ma'i mtshal dang ni/ /lham bu chu shel lta bu'i mdog /e zhes bya ba dbyangs kyi rgyal/ /gsang dang lte ba snying gar dgod/ /e zhes bya ba gzi brjid che/ /li khri dang ni nyi ma'i mdog /bsgrub bya'i mig dang de bzhin du/ /kha dang mgrin par bsgom par bya/ /sgrub pa'i mchog gis yid la ni/ /las 'di byas pa tsam gyis su/ /khams gsum po ni ma lus pa/ /mthe bo'i khyon tsam du ni mthong / /gdong dang gdong ni mngon phyogs te/ /de yi yi ge'i cha shas kyis/ /dbugs kyi ri mo lcug mas dgug /cha shas lcug ma'i dam tshig dbang / /a zhes bya ba'i dbyangs yig ni/ /thig le dang ni zla phyed bcas/ /zla ba gnyis ni tsheg drag bcas/ /'di ni sangs rgyas thams cad kyi/ /yi ge mchog gi phyag rgya ste/ /sangs rgyas ri mor yang dag gnas/ /'di ltar A li kA li zhes/ /bcud len thams cad ces byar brjod/ /gtso bo la ni thim byas nas/ /rdo rje sems dpa' sogs dang sbyar/ /de yi 'og tu phyin nas ni/ /yi ge thams cad gzhug par bya/ /ji srid snang ba yod kyi bar/ /'dis ni bsrung ba byed par brjod/ /thig le zhes bya sems yin te/ /sems kyi rang bzhin stong pa yin/ /zla ba gnyis dang yang dag ldan/ /mi 'gyur mchog gi phyag rgya'o/ /de las dbyangs yig rnams kyi ni/ /sgrub po bdag nyid chen po yi/ /las ni lha dang lha min dang / /mir bcas myur du dbang du byed/ /o~M zhes bya ba nyi ma ltar/ /'od zer 'bar ba stong dang ldan/ /bsgrub bya yi ni mgo bo dang / /dpral ba khyad par snying kar bsgom/ /o~M zhes bya ba rtag 'bar ba/ /nyi ma bye ba'i gzi brjid can/ /bsgrub bya yi ni lus kun la/ /khyab pa nyid du bsgom par bya/ /bskal pa yi ni me dpung ltar/ /dbyangs kyis khyab nas bsgom pa dang / /dbyangs kyi me yis bsgrub bya yang / /rab tu 'bar bar bsgom byas nas/ /dgra bo lo brgyar 'tsho ba yang / /de ma thag tu ltung bar 'gyur/ /a ni thams cad sdud pa ste/ /'tshe ba bzlog par byed pa'ang yin/ /A ni gshegs</font><hr>85.306a<br><font size=+1>

su gsol ba ste/ /ji ltar 'dod bzhin lha yang byed/ /bud med kun gyi mngal du ni/ /bsam na khu ba 'dzag par 'gyur/ /khyad par du ni gzhan dag la'ang / /dkar po dmar po'i ting 'dzin bya/ /a la sogs dang yi ge rnams/ /lus la bkod na dpyad mi dgos/ /de ltar dbyangs kyi las rnams ni/ /khyod la bdag gis gang bstan la/ /dbyangs yig dge ba bcu drug ni/ /lus la go char bgod de bya/ /A zhes bya ba rkang gnyis dgod/ /a ni byin pa gnyis la bsam/ /I ni brla la dgod bya ste/ /i zhes bya ba gsang bar gnas/ /u ni lte ba'i rtsa ba ste/ /U zhes bya ba lte ba'i dbus/ /ri ni lte ba'i steng du dgod/ /rI zhes bya ba snying kar yin/ /li zhes bya ba mgrin par dgod/ /de bzhin lI ni rkan la'o/ /e zhes bya ba kha la ste/ /de bzhin ai ni sna la'o/ /o ni rna ba dag la ste/ /au zhes bya ba dpral bar ro/ /a~M ni mgo la dgod byas te/ /aHzhes bya ba brgyad du dgod/ /dbang dang dgug la dmar por te/ /gsad la thams cad sngon por ro/ /du ba lta bur bsams na ni/ /bskrad pa nyid 'gyur the tshom med/ /dbyangs yig kun gyis byin brlabs 'di/ /bdag gi de nyid gsal ba yin/ /sgrub po bdag nyid dam pa yis/ /de ltar go cha bgos nas ni/ /sgrub pos dbyangs dang yi ge yi/ /phyi nas las rnams shin du sbyar/ /de nas rig pa'i de nyid 'byung / /las rnams rtag tu byas pa ste/ /ka nas ma yi mthar thug pa'i/ /las ni blo gros chen pos nyon/ /lha dang lha min mi dang bcas/ /gang gis sa gsum thams cad ni/ /sgrub po shin tu rgyas pa yi/ /dbang du de dag thams cad 'gyur/ /yid la 'dod pa'i 'bras ster ba/ /de ni nga yis bshad par bya/ /dbyangs yig bcu drug po rnams kyi/ /mdzes ma khyod la sngar bshad nas/ /da ni ka sogs yi ge yi/ /las rnams 'dod bzhin byed pa bshad/ /lha mo yi ge dang po ni/ /nyi ma'i gzi brjid dang mtshungs shing / /li khri spungs pa lta bu yi/ /thig ler ldan pa'i yi ge che/ /sgrub pos bsgrub bya'i snying ka dang / /lte ba dang ni</font><hr>85.306b<br><font size=+1>

mgo bor bsgom/ /de yis bsgrub bya'i lus kyi ni/ /nang du phug ste khyab par bsam/ /de yis lus ni 'khrug nas su/ /rmongs shing sems dang bral ba dang / /brgyal bzhin du ni dbang du 'gyur/ /ji srid lus la gnas kyi bar/ /de srid dbang du 'gyur ba ste/ /ji srid 'tsho yi bar du ni/ /bdag nyid nor dang bcas 'gyur la/ /kha zhes bya ba'ang brtson chen ma/ /lham bu chu gsher lta bu dang / /nyi ma 'char kha lta bu'i mdog /thig ler bcas pa gzi brjid che/ /gsal zhing 'od dang bcas pa ste/ /bsgrub bya yi ni snying ka dang / /mgo dang rkang pa kun du dgod/ /de yis bsgrub bya phug nas ni/ /rmongs shing sems dang bral bar bsam/ /sgrub pa po yi mchog gis ni/ /de yi lus ni dkrugs pa dang / /myos shing brgyal bar bsgom par bya/ /de yis shin du rgyal 'gyur zhing / /yi ge'i dbang pos phye bas na/ /sgrub po bdag nyid chen po yi/ /ji srid 'tsho yi bar du ni/ /nor dang bcas pa dbang du 'gyur/ /ga zhes bya ba'i sa bon che/ /rang gi lha yi sdom pa ste/ /tsheg drag bcas pa gzi brjid che/ /gtso bo char sprin lta bu'i mdog /bsgrub bya'i mgo dang mgrin pa dang / /khyad par du ni snying kar bsam/ /de yis bsgrub par bya ba'i lus/ /yi ges kun tu phug bsam na/ /lus ni rtag tu dkrugs pas na/ /'dar zhing de yi dbang du 'gyur/ /bdag nyid dang ni nor dang bcas/ /sdang ba'i dgra rnams ma lus pa/ /khyim la sogs pa kun du ni/ /ji srid nyi zla yod kyi bar/ /ma lus par ni 'joms par byed/ /g+ha zhes bya ba sgyu ma che/ /bskal pa'i me dang gzi brjid mtshungs/ /steng du thig les brgyan pa ste/ /ku su ma yi khu ba 'dra/ /bsgrub bya yi ni lte ba dang / /gsang ba snying ka kha dang ni/ /mgo bo ru ni bsams tsam gyis/ /bsgrub bya dga' bas myos nas su/ /sems dang bral zhing nyams nas ni/ /ji srid 'tsho yi bar du ni/ /bdag nyid nor dang bcas pa ru/ /shin du de yi dbang du 'gyur/ /nga zhes bya ba gzi brjid che/ /sde tshan gyi ni mtha' mar gnas/ /de ni 'dod pa'i mda'</font><hr>85.307a<br><font size=+1>

yin te/ /'jig rten gsum po dbang du byed/ /de ni bsgrub bya'i gsang bar bsam/ /khu ba dag ni 'dzag par byed/ /gsang ba ru ni zhugs pa yis/ /thams cad du ni 'bigs par 'gyur/ /yan lag gi ni tshigs kun du/ /de yis phug pas myos nas ni/ /nor dang bdag nyid bcas pa ni/ /myur ba nyid du dbang du 'gyur/ /ji srid 'tsho yi bar du ni/ /de la chags dang bral mi 'gyur/ /yi ge lnga po kun gyis kyang / /bdag nyid go cha bskon par bya/ /ka zhes bya ba snying kar dgod/ /kha zhes bya ba mgo la ste/ /ga zhes bya ba spyi gtsug tu/ /g+ha zhes bya ba go char bya/ /nga zhes bya ba sgrub pa po'i/ /lag pa g.yon la dgod par bya/ /de nas bsgrub bya dbang dang ni/ /dgug dang gsad la sogs par sbyar/ /cho ga de ltar byas na ni/ /dpyad mi dgos par dngos grub 'gyur/ /tsa zhes bya ba du ba'i mdog /rlung gi gnas kyi yi ge ste/ /sgrub pos de yi snying ka dang / /mgo dang rkang par bsam par bya/ /bsgrub bya rlung la gnas nas ni/ /kun du 'pho bar bsam pa dang / /sems dang bral bar gyur nas su/ /nam mkha' la ni gnas bzhin du/ /rlung gis gzhan dang gzhan dag tu/ /khyer ba ru ni bsgom par bya/ /bsam gtan sbyor ba 'di yis ni/ /bsgrub bya shin du brtan pa yang / /bskrad 'gyur 'dir ni the tshom med/ /bsgrub bya'i lus ni 'phangs pas na/ /ji srid 'tsho yi bar du ni/ /slar yang 'ong bar mi 'gyur ro/ /tsha zhes bya ba'i yi ge che/ /gsal zhing mig sman nag po'i mdog /cha gnyis pa dang yang dag ldan/ /bsgrub bya yi ni mgo bor bsam/ /de yi mgo la du ba yi/ /tshogs dang mtshungs pa'i rlung gis khyab/ /cung zad tsam gyis bsgrub bya yi/ /lus ni de yis bskor bar bsam/ /slar yang tsha ni tsheg drag bcas/ /lte ba ru ni bsams nas su/ /lan gsum du ni brjod byas na/ /yi ge 'di ni bskrad pa'i mchog /bsgrub bya rmongs shing sems dang bral/ /dgra bo mdangs ni nyams nas su/ /sa stengs ma lus pa ru 'khyam/ /ji srid 'tsho yi bar du ni/ /slar yang ldog par mi 'gyur ro/ /dza zhes bya ba'i yi ge rgyal/ /</font><hr>85.307b<br><font size=+1>

du ba'i mdog can gzi brjid che/ /'od zer ldan zhing shin du 'bar/ /rdul phran dag ni stong du 'phro/ /bsgrub bya yi ni mgo bo dang / /gsang bar yi ge zhugs par bsgom/ /yan lag tshigs kun phug pa dang / /sems dang bral ba bzhin du gnas/ /yi ges yongs su bkang bas na/ /de nas brgyal bar gyur nas ni/ /nyin dang mtshan du rmongs pa dang / /mi sad par ni bsgom par bya/ /sa stengs shing dang nag tshal bcas/ /thams cad du ni 'gro bar 'gyur/ /bskrad pa'i cho ga 'di dag ni/ /dge ma khyod la nga yis bshad/ /ji srid 'tsho ba'i bar du ni/ /slar yang 'ong bar mi 'gyur ro/ /dza zhes bya ba stobs po che/ /bsgrub bya yi ni snying ka ru/ /nyi ma lta bur 'bar ba dang / /'od zer gsal ba rnam par 'phro/ /thig le zla ba phyed pas brgyan/ /bsgrub bya'i mgo dang snying ka dang / /lte ba'i steng du yi ge bsam/ /sgrub pa'i dbang pos bsgrub bya'i lus/ /'bar bas bcud dang phral bar bsam/ /de yis bsgrub bya brgyal 'gyur zhing / /bskrad pa 'am ni 'chi ba 'am/ /yang na smyon pa nyid du 'gyur/ /yi ge yis ni ltung bas na/ /slar yang 'ong bar mi 'gyur te/ /sa gzhi nags tshal bcas pa ru/ /smyo zhing 'gro 'gyur the tshom med/ /dz+ha zhes bya ba 'di yis ni/ /myur du bskrad 'gyur the tshom med/ /nya zhes bya ba'i yi ge mchog /sna tshogs pa yi mdog dang ldan/ /pa la sha yi me tog gi/ /'od zer stong phrag 'bar ba ste/ /chu rgyun stong ni 'bab pa yis/ /de yi lus la dbo bar bya/ /de yis nor dang bcas pa ru/ /brgyal zhing sems dang bral ba dang / /rmongs shing myur du dbang du 'gyur/ /Ta zhes bya ba'i yi ge mchog /dbang po'i mtshon cha lta bu'i mdog /'od zer 'bar ba stong phrag gis/ /yi ge 'bar dang ldan par bsam/ /bsgrub bya yi ni dpral ba dang / /mgrin pa dang ni snying kar bsam/ /bsgrub bya'i steng du nam mkha' la/ /bdud rtsi sgo yi thig le ni/ /spyi bo'i steng du rtag tu bsam/ /cung zad glog ni g.yo 'dra ba'i/ /kha ba dag ni 'bab par bsam/ /sgrub pa po yis bsgrub</font><hr>85.308a<br><font size=+1>

bya ni/ /yan lag tshigs kun g.yo ba dang / /brgyal zhing rmongs la myos bsams na/ /ji srid nyi zla yod bar du/ /nor dang bdag nyid bcas pa ru/ /de yis thams cad dbang du 'gyur/ /de ltar Ta yi rgyal po yi/ /las ni khyod la nga yis bshad/ /de nas yi ge gnyis pa yi/ /las kyi mchog ni bshad par bya/ /Tha zhes bya ba'i yi ge ni/ /dbang chen dang ni 'dra bar 'dod/ /spyi bor bdud rtsi theg les brgyan/ /de bzhin glog dang 'brug gis brgyan/ /yi ge'i mchog ni bsgom par bya/ /bdud rtsi chu rgyun 'bab pa yis/ /bsgrub bya'i lus la kun du gtor/ /bsgrub bya'i mgo dang mgrin pa dang / /snying ka ru ni gnas par bsam/ /bsgrub bya'i mgo ni phug pa dang / /lus la kun du khyab pa yis/ /bsgrub bya myos shing 'dar ba ru/ /sngags pas yi ges rtag tu bsgom/ /de nas ji srid 'tsho bar du/ /brgyal zhing rmongs pas dbang du 'gyur/ /de nas Da zhes bya ba ni/ /yi ge'i rgyal po gsum pa ste/ /de yi las kyi mchog rnams ni/ /rtse gcig yid kyis gus pas nyon/ /Da zhes bya ba thig ler bcas/ /rdo rje lta bu'i dbyibs can yin/ /ud pa la ltar ljang ser te/ /'od zer gsal ba kun du 'phro/ /bsgrub bya'i spyi bor bsam pa yis/ /bsgrub bya'i tshigs ni 'bugs shing 'byed/ /bsgrub bya mig yor bsgom byas na/ /lus ni kun du g.yo bzhin du/ /ji srid 'tsho yi bar du ni/ /rmongs dang bcas pas dbang du 'gyur/ /de nas las kyi mchog gzhan ni/ /shin du gnyer bar byed pa ste/ /D+ha zhes bya ba yi ge rgyal/ /shin du rmad byung byed pa po/ /dbang po'i mtshon cha lta bu'i mdog /nyi ma lta bur 'bar ba ste/ /bsgrub bya'i snying dang lte ba dang / /mgrin par yi ge bsam nas su/ /byang chub sems ni babs 'dzag pas/ /de yi lus la dbo bar bya/ /de yis gzi zhing brgyal nas su/ /gnyid log par ni bsgom byas na/ /'di yis ring por mi thogs par/ /rmongs shing sgrub po'i dbang du 'gyur/ /cho ga'i sbyor ba 'di yis</font><hr>85.308b<br><font size=+1>

ni/ /nam yang chags dang bral mi 'gyur/ /de nas Ta mtha'i yi ge'i las/ /ji ltar 'dod bzhin 'bad de nyon/ /Na zhes bya ba du ba'i mdog /cung zad 'bar zhing gsal ba ste/ /dri ma med pa'i du ba las/ /'od zer gsal ba rnam par 'phro/ /bsgrub bya yi ni lus kun la/ /de yis rnam par khyab byed cing / /'od zer glog stong 'khyug 'dra ba/ /bsgrub par bya ba'i steng du bsgom/ /'od zer brgya yis bkang bas na/ /myos nas su ni brgyal bar 'gyur/ /de yis ji srid 'tsho bar du/ /de ni de yi dbang du 'gyur/ /ta zhes bya yi yi ge mchog /'od zer glog ltar gsal ba ste/ /mdog ni rma bya'i mgrin pa 'dra/ /yi ge 'di ni bsgrub bya yi/ /snying dang mgrin pa gsang ba dang / /lte bar bkod de 'bugs par bsam/ /yi ge de yis rmongs pas na/ /bsgrub bya sems dang bral ba dang / /rmongs shing brgyal bar gyur nas su/ /ji srid 'tsho yi bar du ni/ /myos shing dbang 'gyur gzhan du min/ /de yi drung na gnas pa yi/ /tha zhes bya ba yi ge mchog /mu men gyi ni mdog 'dra dang / /ud pal sngon po'i 'dab ma'i 'od/ /bsgrub bya'i snying ka dpral ba dang / /de bzhin du ni rkang par dgod/ /bsgrub bya'i lus la dbang po yi/ /mtshon cha bzhin du thim par bsam/ /yi ge'i rgyal pos mnan pas na/ /bsgrub bya sems dang bral 'gyur zhing / /sa 'dzin gyi ni dbang po bzhin/ /'gro ba dag kyang bcings par 'gyur/ /reg bya mi shes dri mi shes/ /sgra mi thos shing gzugs mi mthong / /lce yis ro rnams mi myong zhing / /dug gis brgyal ba bzhin du gnas/ /gang dang gang gi steng du ni/ /nyi 'od lta bu'i yi ge bsam/ /yi ge'i rgyal po tha yis ni/ /skyes bu bcings 'gyur the tshom med/ /de nas gzhan yang nga yis ni/ /stong pa'i las kyi cho ga nyon/ /da zhes bya ba mdog sngon ni/ /char sprin nag po'i 'od dang mtshungs/ /'od zer 'bar ba rnam grol ba/ /bsgrub bya yi ni mgor bsam la/ /me stag 'phro ba bsgoms pa ni/ /phyogs kun du ni</font><hr>85.309a<br><font size=+1>

bsam par bya/ /yi ge'i dbang phyug de yis ni/ /bsgrub bya'i mgo bo phug par bsam/ /'bar ba'i sprin ni stong phrag gis/ /de ni kun du bskor bar bsam/ /de ni bkod pa tsam gyis su/ /sdong mgodang ni mtshungs par 'gyur/ /phug ste shin du bcings pas na/ /'gro ba'ang mi g.yo bar ni 'gyur/ /ji srid sgrub po 'dod bar du/ /sems dang bral zhing brtan par gnas/ /slar yang sgrub pos bsam tsam gyis/ /rmongs pa las ni grol bar 'gyur/ /de nas yi ge d+ha yi ni/ /las ni rmad du gyur pa nyon/ /d+ha zhes bya ba gzhu yi dbyibs/ /kha dog ser po gser gyi mdog /gser lta bu yi 'od zer 'phro/ /bsgrub bya yi ni mgrin pa ru/ /zhags pa lta bur 'bar bar bsam/ /sgrub pa'i dbang pos bsgrub bya de/ /khrid de 'ong bar bsgom byas na/ /sgrub pa po ni gar gnas par/ /rmongs dang bcas te 'ong bar 'gyur/ /ji srid 'tsho yi bar du ni/ /phyugs de sems dang bral 'gyur zhing / /nyi ma brgyad pa'i cha la ni/ /rang gi gnas nas 'ong bar 'gyur/ /de nas yi ge na yi ni/ /las kyi cho ga'i sgrub pa nyon/ /mdog ni du ba'i phung po 'dra/ /rlung gi dkyil 'khor 'khrug dang ldan/ /bsgrub bya'i snying ka mgrin pa dang / /lte ba dang ni rkang par sbyar/ /de yis dgra rnams rang yul nas/ /bskrad 'gyur 'dir ni the tshom med/ /de ni rmongs pas rang yul du/ /nam yang phyis ni 'ong mi 'gyur/ /de nas sde tshan lnga pa ni/ /yi ge rnams kyi dbang phyug mchog /las ni shin du grub pa ste/ /gzhan dang gzhan ni bshad par bya/ /pa zhes bya ba rlung gi gnas/ /char sprin gyi ni sprin gyis bskor/ /'bar zhing du bas 'khrigs par ldan/ /bsgrub bya yi ni mgo bo dang / /mgrin pa snying ka rked pa dang / /rkang pa dag tu bsam nas ni/ /pa zhes bya ba yi ge des/ /bsgrub bya'i lus ni dkri bar bya/ /bsgrub par bya ba nga rgyal dang / /khro bas brtan gnas gtso bo yang / /yi ge gtso bo bkod pa yis/ /skad cig</font><hr>85.309b<br><font size=+1>

gis ni bskrad 'gyur te/ /gal te tshe rabs gzhan dag la'ang / /slar zhing ldog par mi 'gyur ro/ /de nas yi ge pha yi ni/ /las mchog nga yis bshad kyis nyon/ /yi ge pad ma'i mdog 'dra zhing / /'bar ba bsgrub bya'i spyi bo dang / /mgrin pa snying ka lte ba dang / /gsang ba'i gnas su bkod nas ni/ /ku su ma yi khu 'dra ba/ /'dzag pa ru ni rnam bsams te/ /bsgrub bya'i lus ni phyi nang du/ /de yis gang bar bsgom byas na/ /bsgrub bya rmongs shing brgyal 'gyur la/ /sems med lus ni 'dar gyur nas/ /rmongs pas sgrub pa po yi ni/ /dbang du 'gyur te dpyad mi dgos/ /ba zhes bya ba'i rgyal po ni/ /gru bzhi pa la stobs po che/ /dung dang zla 'dra dkar po'i mdog /zla ba'i 'od can bsgrub bya ni/ /dbus su sgrub pos thim par bsam/ /de lus dug gis mi tshugs shing / /nad la sogs pas gzir mi 'gyur/ /rims dang bkres dang skom mi 'byung / /'di ni rtag tu bsgoms gyur na/ /tshe ring nad med rgyal bar 'gyur/ /bsam gtan sbyor ba 'di yis ni/ /zla ba dmar dang bcas pa ru/ /lhan cig tu ni bzlas gyur na/ /rtag tu bdud rtsi'i rgyun 'drar 'gyur/ /de nas rgyal po b+ha zhes pa'i/ /las kyi mchog ni mnyan par gyis/ /dbang po'i mtshon cha lta bu ste/ /nyi ma 'char kha lta bu'i mdog /bsgrub bya yi ni mgo bo ru/ /rgyal ba'i mchog ni rtag bsam la/ /de yi lus ni ma lus par/ /yi ge'i rgyal pos dbug bar bya/ /rmongs shing sems dang bral 'gyur te/ /rdo rje yin yang brgyal gyur nas/ /mche bas zin ltar skad cig la/ /ltung zhing 'chi ba nyid gyur pas/ /de yi srog ni rmongs par 'gyur/ /dgra ni lo brgyar 'tsho ba yang / /skad cig gis ni 'chi bar 'gyur/ /de nas gzi brjid chen po yi/ /yi ge nyi shu rtsa lnga pa/ /ma zhes bya ba dam pa mchog /de yi las ni ji bzhin nyon/ /tsam pa ka ltar ser ba'i mdog /bskal pa'i me bzhin gzi brjid 'bar/ /</font><hr>85.310a<br><font size=+1>

'od ni glog stong 'khyug pa bzhin/ /bsgrub par bya ba'i steng bsam la/ /de yi 'od kyis bsgrub bya yi/ /steng dang 'og ni ma lus par/ /lus ni kun du g.yogs bsam na/ /gnod sbyin lha dang klu yi bu/ /sha za dang ni srin po dang / /khams gsum yi ge'i bdag po dang / /lha dang lha min mi dang bcas/ /sgrub po bdag nyid chen po yi/ /skad cig gis ni dbang 'gyur bar/ /mdor bsdus ngas ni khyod la bshad/ /ya zhes bya ba yi ge mchog /mun pa dang ni du ba'i mdog /rlung gi dkyil 'khor dbus gnas shing / /rlung gi gzugs can yi ge che/ /rlung bdun gyi ni gtso bo dang / /gnas zhes bya bar brjod pa ste/ /zla phyed kyi ni dbyibs can la/ /ba dan brgya yis rnam par glubs/ /rnam pa bzhi yi rten gyur pa/ /phyi rol gos ltar dkris pa ste/ /ra zhes bya ba yi ge mchog /'bar ba bye ba stong dang ldan/ /de yi steng du bsam par bya/ /du ba yi ni phreng bas brgyan/ /bsgrub bya'i mgo bor bsgoms nas ni/ /dgra bo lo brgya 'tsho ba yang / /sbrul gyi mche bas zin pa ltar/ /skad cig tsam gyis srog dang ni/ /bral zhing 'chi ba'i sgor gzhol 'gyur/ /lha sogs thams cad gang rung gi /steng du yi ge 'di sbyar na/ /myur du ltung 'gyur dpyad mi dgos/ /gdon dang rims rnams thams cad ni/ /de la 'bab par 'gyur ba dang / /sbrul chen brgya yi 'chi ba 'bab/ /de yis myur du 'chi 'gyur na/ /gnod pa gzhan lta smos ci dgos/ /ya zhes pa dang ra zhes pa/ /rlung dang me yi gzugs can du/ /nam mkha'i phyogs su bsam nas ni/ /nam mkha'i ngos ni g.yogs bsam na/ /nyi zla gza' skar sogs pa'ang rung / /chu bo dang ni rgya mtsho yi/ /dbus su yi ge gnyis po dag /bsam nas nyi ma brgyad pa la/ /rgya mtsho la sogs thams cad skam/ /zhing sa 'bru yi phung po dang / /khyim la sogs pa'i gnas bsam na/ /phyi rol me lce 'bar ba yis/ /thams cad yi ge thal bar byed/ /</font><hr>85.310b<br><font size=+1>

me yi dkyil 'khor dbus gnas te/ /rlung gis kun du bskor bar ni/ /yi ge mchog ni gnyis bsam na/ /las ni kun du nye bar gnas/ /de nas gzhan yang yi ge gnyis/ /stobs chen ldan pa bshad par bya/ /dbang chen dang ni de bzhin chu/ /las rnams thams cad byed pa po/ /la zhes bya ba sa yin te/ /sa zhes bya ba 'dzin pa'i mchog /dbang po rdo rjes mtshan pa dang / /'od zer glog ltar 'bar ba ste/ /kha dog lnga dang ldan pa ru/ /yi ge'i dbang po sa la bsgom/ /de steng chu yi yi ge ni/ /bzhi pa legs par gnas pa ste/ /dung dang zla 'dra dkar po'i mdog /kha ba'i rgyun ni 'bab pa ste/ /la yi steng du bkod nas su/ /shin du bsil ba'i bdud rtsi 'dzag /dbang chen gyis ni bskor ba yi/ /chu yi dkyil 'khor dbus gnas pa/ /spyi bor thig le dang ni ldan/ /char pa'i rgyun ni stong phrag 'bebs/ /steng du sprin gyi phung po ni/ /glog dang 'brug la sogs pas brgyan/ /bdud rtsi char gyi rgyun 'bebs pa/ /nam mkha' thams cad khyab pa ru/ /dkyil 'khor gnyis kyi dbus 'gyur ba/ /rang gi mgo yi steng bsgoms nas/ /sgrub po bdag nyid chen po yi/ /las ni ji ltar 'dod bzhin byed/ /gdengs ka gsum gyis mdzes pa yi/ /lhag ma can ni zhi gzugs bsam/ /de yi mig gnyis dbang po yi/ /mtshon chas brgyan pa'i dbus su ni/ /bdud rtsi 'bebs pa'i i yig dgod/ /grong khyer gyi ni mtha' ma dang / /bsgrub bya yi ni steng du dbab/ /dug dang gdon dang rims la sogs/ /skad cig gis ni zhi bar 'gyur/ /da ni skra dkar gzhom pa yi/ /cho ga bshad kyi nyan par gyis/ /dkyil 'khor nyis 'gyur yi ge ni/ /de ltar rtag tu bsam gyur na/ /tshe thung ba yang ring 'gyur na/ /skra dkar la sogs smos ci dgos/ /bud med dbang phyug rnams la ni/ /'bad pas yang yang g.yon bskor zhing / /rang gi spyi bo'i steng du ni/ /lo gcig bar du bsgom byas na/ /rga ba dang ni 'chi ba</font><hr>85.311a<br><font size=+1>

'joms/ /nad kyis gdung bar mi 'gyur te/ /gal te klu chen brgyad kyi ni/ /mche ba'i dug gis zin gyur kyang / /dug ni dug med byas nas su/ /dug gis brgyal ba slong bar mdzed/ /'dron po lam gyis dub pa dang / /gdon la sogs pas gzer ba rnams/ /kun las thar bar 'gyur ba yin/ /bdag gi spyi bor bsams tsam gyis/ /skad cig gis ni bkres skom 'joms/ /nad rnams kun gyis gdungs pa la/ /yi ge bkod pas grol bar 'gyur/ /de ltar las rnams sna tshogs ni/ /lha mo khyod la bshad pa yin/ /gtso mo bzhi yi rnam pa bzhi/ /las kyi cho ga rgyas pa ste/ /rlung dang me dang bdud rtsi bcud/ /de bzhin drod kyi sde pa ste/ /gshin rje brtan pa phyag gnyis pa/ /rgyan rnams kun gyis rnam par klubs/ /lus ni me las byung ba ru/ /bskal pa'i me lce lta bur bsam/ /'og dang steng du wa yis brgyan/ /de yi phyogs kun thams cad du/ /'bar ba gang gi snying kar bsam/ /'od zer babar ba rnam par 'phro/ /wa dang ldan pa'i yi ge che/ /namakha' khyab pas bcings 'gyur te/ /brtan ma yi ni 'khrul 'khor gyi/ /yi ge'i rgyal pos bcings pas na/ /sa 'dzin lta bur brtan par 'gyur/ /rkang med dang ni rkang gnyis dang / /rkang bzhi la sogs sems can gyi/ /lte ba ru ni bsgom byas na/ /de ma thag tu 'chi bar 'gyur/ /de yang bskal pa'i me lta bu'i/ /'od zer 'bar ba 'phro ba yi/ /wa ni steng du bsgom par bya/ /slar yang me yis 'bar bsam na/ /gang gi lag pa g.yon pa la/ /yi ge de ni dgod par bsam/ /ji srid lag tu bsam gyi bar/ /sa steng gi ni skye bo rnams/ /rang gi gnas ni de nyid nas/ /'bebs shing 'gugs par byed pa'i mchog / 'di ni gshin rje brtan ma la/ /mos pa'i las rnams bshad pa yin/ /dbang po thams cad 'bebs pa yi/ /gshin rje'i pho nya'i las bshad bya/ /ud pal sngon po'i mdab 'dra ba/ /mgo dang thig le spangs pa ni/ /ud pal sngon po'i mdab lta bu/ /</font><hr>85.311b<br><font size=+1>

gang gi lce dang rkan bsam na/ /skal ba bzang po 'joms par 'gyur/ /snying dang kha dang sna dang ni/ /mig dang rna bar de bzhin du/ /yi ge dbu ma bkod na ni/ /dbang po thams cad 'phrog 'gyur te/ /gzugs mi mthong zhing sgra mi thos/ /dri mi tshor zhing stobs mi 'gyur/ /de bzhin lce yis ro mi myong / /dug gis brgyal ba bzhin du gnas/ /las rnams de dag thams cad la/ /yid kyis bzlog na grol bar 'gyur/ /gshin rje mche ba du ba'i mdog /sreg ba'i bskal ba lta bu ste/ /thams cad khyab par 'khyams 'gyur ba/ /sna tshogs 'od can bsgom par bya/ /drod kyi sde pa'i yi ge sa/ /du ba dang ni rlung gi mdog /snying dang lag pa rkang par dgod/ /khams gsum yang ni bskrad 'gyur na/ /sa steng skye bo smos ci dgos/ /thig ler bcas shing ha dang ni/ /bcas pa gang gi lce steng du/ /bsams na phur bu lta bur 'gyur/ /yi ge dge ba de nyid ni/ /rtag tu lce steng bsams na ni/ /lan cig bzlas pas zin 'gyur te/ /de ni bsnyan dngags mkhan por 'gyur/ /de ltar sa dang sa mtha' yi/ /yi ge'i cho ga bshad pa'o/ /'jig rten gsum po 'joms byed ma/ /'od zer dmar po gzi brjid che/ /nyi ma bye ba lta bu'i 'od/ /cung zad sngo ba 'jigs chen mo/ /ma he dang ni rta dag ni/ /'phrul 'khor sbyor ba kun la bsam/ /de yis yi ge'i rgyal po ni/ /gzi brjid chen po'i yi ge ha/ /de yi las ni sna tshogs mchog /'dod pa'i las ni bshad par bya/ /de ltar bdag lus rtag tu ni/ /yi ge lngar ni bsam byas na/ /'gro ba rnams kyi bya ba ni/ /tshig gis thams cad byed par 'gyur/ /sa stengs lha dang lha min dang / /mi dang bcas pa 'bebs byed cing / /sgrub pa po ni dus min par/ /'chi ba dag ni 'joms par byed/ /sgrub po yid la 'dod bzhin du/ /nad rnams thams cad gnon par byed/ /ngag tsam gyis ni dpung tshogs dang / /chu dang rgya mtsho 'ching ba dang / /gru dang khyogs dang 'phrul 'khor dang / /rta dang glang po la sogs 'ching / /</font><hr>85.312a<br><font size=+1>

shing chen sa la sgyel ba dang / /sems can rnams ni dbang du byed/ /las kyi cho ga mthong ba yis/ /bya ba rnams ni 'dod bzhin byed/ /ha zhes bya ba'i yi ge mchog /mgo dang bral zhing thig les brgyan/ /de yi las rnams ma lus pa/ /phan pa bshad kyis mnyan par gyis/ /khyab bya khyab byed stong pa ste/ /kun du 'gro ba mi shigs pa/ /shin du stong dang stong pa ste/ /de ni sems med gnyid log pa/ /sad pa dang ni bral ba ste/ /de ni ci yang snang mi 'gyur/ /lha dang lha min gnod sbyin min/ /mi 'am ci dang dri za min/ /klu rnams dang ni srin po dang / /rgya mtsho dang ni ri rab min/ /chu bo'i shing dang nags tshal dang / /de bzhin sa sogs ma yin te/ /'jigs rung dmyal ba la sogs min/ /me dang du la sogs min zhing / /nyi ma zla ba gza' skar myin/ /mi dang sha la sogs pa min/ /mngal skyes dang ni drod las skyes/ /sgo nga dang ni rlan skyes min/ /thang la gnas dang chu gnas min/ /pad ma las ni skyes pa dang / /dbang po khyab 'jug bde byed min/ /rlung dang mkhris pa bad kan sogs/ /'byung ba'i tshogs la sogs min te/ /ha zhes bya ba yi ge mchog /rtag tu bsams na dmigs mi 'gyur/ /lo gcig bar du bsgoms gyur na/ /rga dang nad kun 'joms 'gyur te/ /de la dug kyang mi 'pho na/ /nad kyi 'jigs pa ga la zhig /dug ni khur bu brgya zos kyang / /de ni 'chi bar mi 'gyur ro/ /rtag tu stong nyid bsgoms na ni/ /de ni thar 'gyur the tshom med/ /mgo dang bral ba'i yi ge k+sha/ /de nyid mchog tu thim nas su/ /bsgoms na skad cig mngon shes skye/ /thig ler ldan pa'i sbyor ba yis/ /rkan dang sna sgo'i lam du ni/ /ri mo dag ni zhugs pa bsam/ /ri mo mar me'i rtse lta bu/ /dkyil 'khor bzhi yi gzi can bsam/ /rtag tu rkan ni phug ste gnas/ /rtag tu sbyor bar gnas pa yis/ /nyi ma bdun na mthong 'gyur te/ /'di dang mtshungs pa yod ma yin/ /bram ze gsod pa'ang nyin bdun gyis/ /</font><hr>85.312b<br><font size=+1>

rtse mo rgyas par mthong 'gyur te/ /de ltar mthong ba'i rnal 'byor pas/ /gzhan gyi grong sogs 'dod bzhin 'gro/ /k+Sha yi rgyal po 'di nyid kyi/ /las ni bsam gyis mi khyab gnas/ /'jig rten 'jig rten 'das dngos grub/ /brtul zhugs ma ni khyod la bshad/ /re re yi ni las rnams kyang / /bstan pa ru ni nus ma yin/ /skye bo rang don byed pa yi/ /yid bzhin nor bu lta bu yin/ /yi ge sde tshan so so yi/ /yi ge dag ni so so zhing / /re re'ang sbyor ba bzhi bzhi ste/ /gcig kyang bzhi ru sbyor ba bzhin/ /A li kI li'i phyag rgya che/ /dngos grub thams cad rab ster ba/ /shes rab thabs ni ma gtogs par/ /go 'phang mchog ni thob mi 'gyur/ /sgyu ma che dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las/ A li kI li'i sngags kyi sgrub thabs 'byung ba'i cho ga'i rim par phye ba ste bzhi bcu rtsa gcig pa'o// // de nas bcom ldan 'das la lha mo rnams kyis mchod cing phyag 'tshal te/ slar gsol pa/ khyod kyis sngar bshad gsang ba dang / /thams cad bdag nyid rtag tu bzhugs/ /yi ge bcu drug rig pa che/ /bde mchog bla mar bshad pa dang / /khams rnams dang ni de bzhin rtsa/ /'byung gnas sgra tshul nges 'byung dang / /'jig rten gsum du rnyed dka' ba/ /thog ma dbus mthar dbye ba dag /ji ltar nang du yang dag gnas/ /de rnams dbye ba de bzhin gsungs/ /bka' stsal pa/ sgyu ma kun gyi rnam rol pa'i/ /nyon cig lha mo sgyu ma che/ /sangs rgyas kun la'ang gsang ba ste/ /gzhan rnams la lta smos ci dgos/ /sgyu ma chen po bcu drug ni/ /ma mo nyid du rab tu bshad/ /de yis nang gi dkyil 'khor du/ /gyur pa nyid du the tshom med/ /rnal 'byor pa yi bdud rtsi sbyor/ /bcu drug char yang mi phod do/ /slar yang bdud rtsi rdzas rnams ni/ /da ni bshad kyis</font><hr>85.313a<br><font size=+1>

mnyan par gyis/ /ra ni dmar chen po yi khams/ /ha zhes bya ba ri las skyes/ /se ni gan da pa tra ste/ /pa ni lpags par bstan pa yin/ /ra zhes bya ba dri ru gsungs/ /me zhes bya ba me tog ste/ /de bzhin ra ni chu yin no/ /me zhes bya ba pi si ta/ /sa ni kun du ru nyid yin/ /ra ni sa ri zhes bya ste/ /ad na zhes bya na la dza/ /ni zhes bya ba dri yi mar/ /sa ni so dang lag skyes yin/ /da ni rgya mtsho las byung ba/ /s+thi ni kha ba'i snying po yin/ /ta zhes bya ba ga bur te/ /byang chub sems las byung ba yi/ /rtag tu ye shes dam pa mchog /rtsa rnams thams cad yang dag 'dus/ /de dag lha mo khyod la bstan/ /gsang sogs rnal 'byor pa yi rdzas/ /bshang dang gci sogs lnga la bya/ /khams rnams sdus pa'i sde tshan ni/ /de ltar bcud len bstan pa yin/ /mkha' 'gro kun dngos chags pa yi/ /sems dpa' rdo rje las byung ba/ /pad ma 'byed pa'i sbyor ba yis/ /pad ma gar dbang zhes bya ste/ /steng du gsal bar 'phro bas na/ /rdo rje nyi ma zhes bya la/ /'di ni gsal zhing 'bar bas na/ /rnam snang mdzad chen thub pa'ang yin/ /rlung ni sna tshogs las byung ba/ /khyad par spyod pas rta mchog yin/ /rnam shes rdo rje sems dpa' ste/ /phan tshun gnyis med rang bzhin no/ /gnas der nyi ma nub pa yi/ /sprul pa'i sku yi gzugs kyi bdag /lha dang mi yi bde ba ni/ /bsdus byas rnyog pa med pa ste/ /'khor ba'i lam ni gcod pa po/ /spros pa thams cad nyer zhi ba'i/ /rdo rje sems dpa' he ru ka /mkha' 'gro ma kun sgra ru bshad/ /yang na mkha' 'gro ma kun gyi sgras ni rab tu gtum mo la sogs pa la bya la dngos po ni rang bzhin te/ de rnams kyi rdul phra rab las bsgrubs pa'o/ /de nyid sems can gyi don la nus pa dang ldan pa'i phyir sems dpa'i sgrar brjod de/ mi shes pa'i ri bo 'joms pas na ye shes nyid ni rdo rje'o/ /sems dpa' rnam pa gnyis gsungs te/ snod dang bcud kyi 'jig rten no/ /</font><hr>85.313b<br><font size=+1>

bcud ni rgyu ba zhes bshad la/ /de bzhin snod ni brtan pa'o/ /re re zhing yang gnyis gnyis te/ /skal ba bzang dang skal ngan no/ /sa dang chu dang me rlung gi/ /gzugs ni rnam pa bzhi ru gnas/ /'di ni zhes bya ba ni bcom ldan 'das de nyid de rang byung bas na rang byung bcom ldan 'das so rang byung ba zhes bya ba ni 'byung ba chen po rjes su dpag pa'i rang bzhin gyi phyir ro/ /bcom ldan 'das shes bya ba ni dbang phyug la sogs pa'i yon tan dang ldan pas so/ /yang na nyon mongs pa la sogs pa'i bdud bcom pas na bcom ldan 'das te/ rang byung bcom ldan 'das de nyid lhag pa'i lha ni gcig nyid de lha nyid yin zhing lhag pa nyid kyi phyir lhag pa'i lha ste/ lhag pa'i lha yi sgrar gang sngar bstan pa'i khams rnams kyi nang na gtso bo dang dam par gyur pa ste/ phung po dang khams dang skye mched rnams yang dag par skyed par byed pa'i khu ba dang khrag go/ /mchog tu bde ba de las skyes shing byung bas na 'byung gnas te/ nges 'byung ni sems skyed pa'i bzhed gzhung gsungs so/ /sgra ni dbyangs te shes rab kyi dbyangs kyi rjes su 'jug pa'o/ /tshul ni sgrar btags pa ste/ de las byung ba'o/ /bsten cing bsnyen par byas pas na dam tshig ste/ yul can gyis yang dag par bzhag pa'i gzugs la sogs pa'i yul rnams dang / don dam par dbyer med pas nye bar brtags nas yul can dbang po la yang yul zhes bya'o/ /spyod pa ni dbang po bcu gnyis po de rnams kyi nye bar rgyu ba ste/ de rnams kyi rnam par shes pa'i rang bzhin byang chub kyi sems thob pa ni spyod yul lo/ /'jig rten gsum du rnyed dka' ba zhes bya ba ni zag pa dang bcas pa'i dngos po gsum las rnyed par mi 'gyur ba'i mtshan nyid de thog ma dbus mthar yang dag gnas pa'o/ /de la thog ma ni gsang ba ste/ 'di skad ces bya ba sngar 'byung gnas su gyur pa'i rig pa'o/ /mtha' zhes bya ba ni dges pa ste thos pa zhes bya ba bsten par bya'o/ /dbus zhes bya</font><hr>85.314a<br><font size=+1>

ba ni mchog ste/ bdag gi zhes bya ba shin tu dam par gyur pa'o/ /yang dag gnas ni thams cad bdag nyid de/ dus gcig na zhes bya ba'o/ /bcom ldan 'das ma sgyu ma chen mo de nyid ngan par spyod pa ste/ lo brgyad pa dang rdo rje pad mo sbyor bas byung ba'i khrag dang bcas pa'o/ /lha dang mi yi bde ba ni/ /bsdus byas rdo rje rdul gyi ni/ /bcu drug char yang mi phod pa ste/ de la bcu drug cha ni bud med kyi skud pa las byung ba'i khams rnams skud pa bcu drug dang lhan cig tu bsgril ba ste chags pa chen po zhes bya ba gang yin pa'o/ /de ltar skud pa bcu drug dang bsgril ba'i cha shas bcu drug go/ /bsdus byas zhes bya ba bdud rtsi lnga'i snying po'i gong bur byas pa ste/ bdud rtsi lnga yi sbyor bar gyur pa'o/ /dang zhes bya ba ni bsdu ba'i don te sde tshan rnams kyis bstan pa'i khams gang dang gang yin pa'i rlan de dang de sa bon dang bsgril te brtag par bya'o/ /lha'i bde ba zhes bya ba ni de bdud rtsi ltar yongs su smin pas rang gi sku rdo rjer gyur pa'i skad cig go/ /mi'i yin pas na mi yi ste nges par gsal ba'i bde ba'o/ /de yang dngos grub thams cad kyi rang bzhin rtag tu bde ba'i gsal bas mtshan pa'o/ /chos kyi dbyings dang mnyam par sbyor ba'i sems kyi rdo rje mngon du bya zhing bde ba bsten pa las bde ba nyid du skye bar 'gyur te/ ther zug tu bde ba ster bas so/ /de yang dper na mngar pos bsgos pa'i sa bon ni/ /mngar po nyid ni bsten pa dang / gang phyir mngar pos bskyed byas na/ /de yi ro ni mngar por 'gyur/ /de bzhin du chos kyi bdud rtsi las byung ba'i bde ba bsten na bde ba 'phel bar 'gyur ro/ /de dang mnyam pa dngos po gsum po gang na yang yod pa ma yin te cha shas kun dang mtshungs pa lta zhog /de'i rdul phra rab kyi cha dang mtshungs pa yang yod pa ma yin no/ /rdul phra rab ni rdo rje phra mo'i rang bzhin te/ byang chub kyi sems bde ba'i bdag nyid spros pa'o/ /mthu dang ngo bo nyid dag dang / /rang bzhin gyis ni grub pa ste/ /de yi rang bzhin gtam dag ni/ /bzhin mdzes</font><hr>85.314b<br><font size=+1>

ma ni khyod la bshad/ /gang zhig phyi rol sbyor la dga'/ /bcu drug char yang mi phod do/ /sbyor ba'i mchog ni 'di mthong na/ /gzhan dag 'bus zos rtswa dang 'dra/ /da ni chu skyes chen po'i yon tan dang ldan pa'i gnas phun sum tshogs pa bshad par bya ste/ mi gsal brda yi tshul gyis ni/ /gnas ni gsang ba zhes byar bshad/ /mi gsal ba yi dngos por ni/ /brda yi skad kyis bshad pa yin/ /'di ni rtog pa la brten nas/ /gnas ni gsang ba bshad par bya/ /dgon chen zhes bya ba la sogs pa ni sgra ji bzhin no/ /gzhan yang dgon chen zhes bya ba ni shes rab ste/ sngags kyi yon tan gyi shing gi tshogs dpag tu med pa dang ldan pa'i phyir ro/ /de nyid rang bzhin gyis lha'i bdag nyid pas na sa phyogs so/ /rigs mtha' yas pa'i rang bzhin gyi phyir mang po'i tshig go/ /bdag dang sems can la sogs par rtogs pa dang bral bas rnam par dben pa ste/ lta ba ngan pa rnams kyis gzhig par mi nus pa'i phyir ri bo'o/ /'jug par dka' ba'i phyir ri bor te/ zab cing rgya che ba'i shes rab kyi chu bo'i gnas su gyur pas rgya mtsho chen po'i 'gram rnams so/ /'phags pa'i lam yan lag brgyad dang sbyin pa la sogs pa'i rang bzhin rnam par dag pa grub pas gdod nas grub pa ste/ nyan thos la sogs pa'i byang chub 'dod chags kyi mes bsregs pas dur khrod do/ /de ltar na me long lta bu la sogs pa lnga rnam par dag pas gnas rnam pa lngar bsgrags so/ /chung ngu ni dang por lo bcu gcig ma'i pad ma dang rol pas bcud kyis len bsgrub par bya'o/ /gnyis par lo bcu gnyis ma dang rol pas ni dam tshig don du gnyer bar bya'o/ /gsum par lo bcu drug ma dang lhan cig tu dga' bas ni sngags rnams goms par bya'o/ /bzhi par lo nyi shu ma dang nam mkhar 'phur ba bsgrub par bya'o/ /lnga par lo nyi shu rtsa lnga ma dang dbang bskur bar bya'o/ /zhes bya ba'i bar du'o/ /de ltar na dbugs 'byung mchog dang bar</font><hr>85.315a<br><font size=+1>

ma dang / zhes bya ba gnas lnga po de dag dang rim pa bzhin du sbyar ro/ /de la rigs ldan rnams ni rdo rje rigs kyi bu mo la sogs pa rnams dri yi chus mchod par bya ste/ bcas pa zhes bya ba ni rigs kyi bu mo de'i me tog bzung la mkhas pas rang gi khu ba dang bcas pas mchod do/ /rtag tu zhes bya ba ni thams cad du rgyun mi 'chad par te/ dus kyi khyad par zhes bya ba snga dro'i dus su'o/ /gzhan yang lhan cig skyes grub ces bya ba thun mong gi dngos grub dang ldan zhing sgrub pa po la brtse ba ste/ thig le des sangs rgyas dang byang chub sems dpa' rnams mchod par bya'o/ /gzhan yang dgon pa chen po zhes bya ba ni bud med kyi phyag rgya ste/ 'dod chags la sogs pa'i nyon mongs pa'i nags tshal dang ldan pa'i phyir ro/ /de nyid thabs kyis yongs su sbyangs na byang chub kyi lam ste/ yongs su sbyangs pa ni ma thug par son pa'o/ /de'i dar mo twa ya ni sa phyogs te/ de nyid de bzhin gshegs pa thams cad kyis bsngags pa'i rdo rje rigs la sogs pa'i bu mo bas na rnam par dben pa'o/ /de nyid bde ba chen pos mi g.yo bas na ri bo'o/ /sems can dman pas 'jug par dka' bas na ri bor te phug dang ldan pas na tshang tshing ngo / /thabs dang shes rab snyoms par 'jug pa'i rgya mtsho'i gnas pas rgya mtsho'i 'gram ste/ sems can thams cad kyi rgyud la mnyam par gnas pas na dur khrod do/ /gdod nas grub pa ni rtag tu grub pa ste/ 'char ba dang nub pa spangs shing nam mkha' ltar yongs su grub pas rtag tu bde ba chen po'i tshul gyis dmigs pas de'i rang bzhin du byas pa'o/ /ni zhes bya ba ni 'dus pa ste de dang ldan pa'i phyir ro/ /sna tshogs pad ma ras kyis g.yogs zhes bya ba la sna tshogs ni rnam pa du ma ste/ pad ma ni gzugs kyi tshig bla dgas so/ /ras ni gsal bar ma byas pa ste/ g.yogs pa ni shin du mi mngon par byas pa'o/ /stan ni rig pa nyid gdan du byas pa ste dag pa ni 'jam pa'o/ /lha mo rnams kyis pad ma rang gi mtshan ma'i gos kyi rgyan</font><hr>85.315b<br><font size=+1>

gyis brgyan pa'o/ /gzhag pa ni mchod par bya ba ste/ yang dang yang du 'dod pas mnyes par bya ba'o/ /sdom pa ni bde ba'i mchog go/ /pad ma'i khrag dang zhes bya ba ni de bzhin du khrag ni bcud kyis len pa ste/ khrag ni pad ma yin la bshang ba la sogs pa ni bcud kyis len to/ /des 'di skad du bstan par 'gyur te/ khrag chen ga bur bcas pa dang / /tsan dan dmar por sbyar ba dag /tshogs kyi nang du zhugs pa na/ /ra sa ya na bla na med/ /ces bya ba la khrag chen ni dus su 'bab pa'i zla mtshan du gyur pa'o/ /tsan dan dmar po ni sha ste de dang bcas pa'o/ /tshogs kyi nang du zhugs pa ni dbang po thams cad las byung ba ste/ de dag thams cad kyi bcud ni ra sa ya na'o/ /bza' bar bya zhes bya ba la/ cho ga gang gis bza' bar bya zhe na/ sbom po'am mtha' ltag ces bya ba la sbom po ni rdo rje'o/ /mtha' ltag ni b+ha ga ste/ a na ma zhes bya ba ming gis bsnyad pa'i phyir ro/ /khar zhes bya ba ni de nyid kyi khas rang gi lha yi khar ro/ /de yang dang por bla mar dbul byas te/ /de nas sangs rgyas rnams la dbul/ /phyag rgya la ni byin nas su/ /zhi ba'i btung ba bzhin du myang / /mchod pa bzhi pa bzhi zhes bya ba la/ byang chub kyi sems bskyed pa'i rim pa sgom pa pos ni/ dus bzhir mkha' 'gro ma la sogs pa'i lha mo dang / rnam par thar pa'i sgo bzhi'i bdag nyid can ji srid stong pa nyid kyi nga rgyal nas bzung ste/ gzugs yongs su rdzogs pa'i bar du nges par byas pas mchod par bya'o/ /dpa' bo dang ni snyoms 'jug pa zhes bya ba ni/ gzhan yongs su rdzogs pa'i rim pa la gnas pa'i sgom pa po ste/ dus kyi nges pa med cing thog ma dang tha ma med pa'i nga rgyal gyis rtag tu gnas pa rnams kyis ci zhig</font><hr>85.316a<br><font size=+1>

bya zhe na/ yid ni nang du chud pa'i ste/ de bzhin gshegs pa thams cad kyi skyed ma mo'i shes rab dang ji lta ba bzhin du mnyam par sbyor ba dang ldan pas mchog tu dga' ba rnam par spro ste/ gnas pas tshim par bya zhes bya ba'i bar du'o/ /de ltar mchod pas tha ma mchog dang bar ma ste/ tha ma ni chags pa chen po'i tshul lo/ /de yang rdo rje can gyis thams cad bsdus nas btsun mo'i b+ha ga bde ba can du spros la/ der dkyil 'khor bri bar bya zhes bya ba dang sbyar ba ste/ gzhan gyi de kho na nyid ji lta ba bzhin du bstan pa'o/ /bar ma ni bdag gi de kho na nyid de/ rdo rje 'dzin pas 'khor lo thams cad rang gi dbus su bsdus la/ rdo rje kun gyi rang bzhin du byas pa cho ga des bsgom pa ni mchog go/ /bud med kun gyi sgyu ma zhes bya ba la bud med kun ni gzugs la sogs pa'o/ /sgyu ma ni yon tan te rang bzhin gyis sku la sogs pas gnas pa'o/ /sgyu ma ste yon tan gyi rgyus ma lus pa/ sgyu ma'i don du gsungs so/ /ma lus pa ni cha shas te cha dang bcas pa'o/ /cha ni dngos por bstan pa ste/ /cha med yon tan zhes bya yin/ /yon tan yon tan can sbyar ba/ /yul dang dbang po rab tu dge/ /A li kA li yon tan gsungs/ /mnyam pa dam tshig spyod yul yin/ /de nyid ni mtshan ma yin pas na phyag rgya ste/ 'di ni zhes bya ba ni 'dzin pa po'i blos mngon du byas pa'o/ /yon tan des rtag tu yon tan dang ldan par gyur pa'i ring po la sogs pa gnyis su med pa'i tshul nyid mchog ste/ bla na med cing dam par gyur pa'o/ /de yang lugs ma la sogs pa gzhan dag las phul du byung bar rang bzhin gyis grub pa'i phyir ro/ /rang bzhin gyis grub pa ni 'gyur ba med pa'i mtshan nyid dang ngo bo nyid rnam par dag pa ste/ ji ltar 'o ma la zho la sogs pa bzhin no/ /de bas na bcos ma las bye brag tu gyur pa'o/ /gzhan yang ngan par spyod pa'ang 'grub par 'gyur/ /rnyed dang bde dang dga' kun gyis zhes bya ba la</font><hr>85.316b<br><font size=+1>

rnyed pa ni byang chub kyi sems rnyed pa ste/ de nyid dga' ba kun gyis khyad par du 'phel bas yin gyi/ slongs mos 'tsho ba la sogs pa dang / dka' thub kyi sbyor ba la sogs pa rnams ni mi mthun pa'i phyogs yin pas nam yang 'grub par mi 'gyur te spang bar bya'o/ /des zhes bya ba ni grub pa'i rdzas kyis te/ khyad par ji lta bu zhig ce na/ rang bzhin dang ngo bo nyid kyis grub pa ste/ rang bzhin gyi sngags kyi yi ge yongs su gyur pa las rang gi lha'i gzugs su yongs su brje ba ste/ sngags bzlas pa dang / rang gi sa bon yongs su gyur ba las rang bzhin yongs su brje ba'o/ /sna tshogs zhes bya ba ni khams kyi rang bzhin te/ mkha' 'gro ma rnam pa bcwa brgyad du phye ba yin gyi/ b+hu ba la sogs pa'i khams ni ma yin no/ /nam mkha' kun du rgyu grub pa/ zhes bya ba la nam mkha'i sgras ni sems la bya ste/ ji ltar nam mkha'i khams la sogs pa thams cad kyi gnas su gyur pa bzhin du thams cad kyi go skabs ster ba'i phyir ro/ /yang na nyan thos la sogs pa'i gnas bsregs pas na nam mkha' ste/ nam mkha' der bdud rtsi'i rang bzhin gyis rgyu zhing spyod pas na/ de ni nam mkha' kun du rgyu grub pas/ /mkha' 'gro ma zhes rab tu grags zhes so/ /sna tshogs kun du phyag rgya ste zhes bya ba la/ kun du ni sku gsung thugs kyi rdo rje'i rigs thams cad do/ /sna tshogs ni rdo rje 'dzin chen po ste/ de'i phyag rgya ni dkyil 'khor gyi 'khor lo'i phyag rgya thams cad do/ /des na sna tshogs phyag rgya ste/ sems kyi rang bzhin gyis zla ba dang dmar po'i grub pa'i rdzas de dag nyi shu rtsa lnga'i bar du rtag tu goms par bya ba stobs su gyur pa'o/ /sna tshogs sdom pa ni rnam pa sna tshogs pa'i bde ba grub pa ste/ mkha' 'gro kun zhes bya ba khrag dang mnyam par sbyor ba'i cho gas sngags pa rdo rje mkha' 'gro zhes bya bar grags pa ste/ rang nyid skyes par gyur pa'o/ /de nyid med sems ni de kho na nyid kyi sems med pa ste/</font><hr>85.317a<br><font size=+1>

phyin ci log gi sems kyis sbyor ba'o/ /lha la dmigs pa ni 'dod pa'i lhar bsgom pa'o/ /shin du de nyid sems zhes bya ba ni de kho na nyid kyi sems kyis brgyan pa ste/ phyin ci ma log pa'i mtshan nyid do/ /de yang khrag la sogs pa'i khams sangs rgyas rnams kyi rang bzhin gyi de kho na nyid de dngos grub thams cad kyi gnas so/ /lugs ma la sogs pa'i rnal 'byor ni de spangs nas bcos ma sgom par byed pa ste/ gang gi phyir gzugs brnyan ma yin pas so/ /des ni 'di skad bstan par 'gyur te/ ji ltar smin pa'i 'bras bu bor nas/ shing gi rtsa ba len par byed pa bzhin du/ rnal ma bor te bcos ma la chags pa yang blo gros dman zhing shin du blun par ston to/ /des na de kho na nyid kyi sems kyis phun sum tshogs pas bdag nyid sbyor zhing rdzogs pa'i rim pas sangs rgyas kyi sku la dmigs pa ni mchog tu mi 'gyur ba'i ye shes 'grub par 'gyur ro/ /ye shes de nyid ni mchog tu mi 'gyur ba ste/ thog ma dang tha ma med pa'i phyir ro/ /des na gzhan yang gzugs brnyan dang lugs ma sogs pa spangs te/ khams sna tshogs kyi shes pa nyid sangs rgyas thams cad 'dus par brtag par bya'o/ /lha'i rnal 'byor dus su ni/ /ba spu rnams kyi bu ga nas zhes bya ba la ba spu ni lte ba'i dkyil 'khor te bu ga ni nam mkha'o/ /rtse mo'i bar zhes bya ba ni yi ge bcu drug yongs su gyur pa'i khams rnams te/ spro ba dam tshig dkyil 'khor te/ /rnal 'byor pas ni rtag tu bsgom/ /dam tshig dkyil 'khor zhes bya ba/ /rang gi pad ma'i lte dbus su/ /zla bar gnas pa'i hU~M yin te/ /sangs rgyas bye ba stong phrag ni/ /phyogs bcu dag tu spro bar byed/ /thig le bcu drug thig skud kyi/ /sngags pas thig gis btab pa yi/ /lte ba'i dkyil 'khor bcu drug par/ /a sogs k+Sha yi mthar thug pa/ /tha ma las ni sngags btu bya/ /phyi nas thig ler cha dang bral/ /bshang dang gci ba'i rang bzhin pas/ /</font><hr>85.317b<br><font size=+1>

'di ru k+Sha ni spang bar bya/ /yi ge ha ni yongs gyur pas/ /yi ge thams cad yal ka 'dra/ /'di ni rang byung bcom ldan 'das/ /gcig pu nyid ni lhag pa'i lha/ /sangs rgyas kun dngos stong pa yi/ /yi ge nyid ni mkha' 'gro ma/ /zhes bya ba ni sngags kyi man ngag go /ka sogs yang dag gnas pa yi/ /yi ge lha yi gzugs yin te/ /a sogs dbyangs rnams thams cad kyi/ /sngar ni bsgeg cing brgyan pa yi/ /lhag pa'i lha ni yi ge hU~M/ /lte ba'i dbus su bsam par bya/ /lte ba pad ma zhes bya ste/ /bsam pa bsgom par bya ba yin/ /sangs rgyas kun dngos stong pa ni/ /rnam shes hU~M gi gzugs nyid do/ /yi ge nyid ni mkha' 'gro ma/ /sgra yi gzugs kyis gnas pa'o/ /gang phyir gzhan yang 'di dag ni/ /ji ltar sangs rgyas kun de bzhin/ /'di ni rtag tu 'don pa dang / /sangs rgyas kun gyi thugs la gnas/ /mgo dang thig le rnam spangs pa/ /gcig pu nyid ni lhag pa'i lha/ /rang gi dbus gnas rdo rje can/ /yi ge rnams kyis yongs su bskor/ /de kho na nyid snang ba dam pa'i yul la 'jug pa zhes bya ba la ye shes ni spyod yul yongs su shes pa'o/ /yongs su shes pa zhes bya ba ni kun nas shes pa'i ye shes te/ de nyid kyis ni bdag nyid sangs rgyas thams cad do/ /bdag nyid ces bya ba ni kun rdzob ste/ kun rdzob yongs su shes pa ni sangs rgyas nyid do/ /de nyid kyis sangs rgyas dang rdo rje 'dzin pa nyid du 'grub bo/ /thabs gang gis zhe na de kho na nyid snang ba zhes bya ba'i bar du'o/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las gsang ba zhes bya ba la sogs pa de kho na nyid 'byung ba'i rim par phye ba ste bzhi bcu rtsa gnyis pa'o// // sbyin bsreg las kyi cho ga ni/ /</font><hr>85.318a<br><font size=+1>

ji bzhin bshad kyis lha mo nyon/ /rgyal srid phyir ni sngags pa yis/ /stong phrag bcur ni bzla bar bya/ /pho nya'i steng du gnas nas ni/ /sbyin bsreg stong phrag lnga ni bya/ /sha chen 'o ma la bsgres pa/ /rim pa 'di yis bsregs na ni/ /dpag tshad 'bum phrag brgya yi bar/ /tshun chad pho brang rnyed par 'gyur/ /dpal ldan rgyal srid che grub pa/ /sus kyang gzhig par mi nus so/ /mi dang ba lang lce spyang shas/ /de bzhin ngo mtshar mchog 'gyur te/ /chang dang 'o mar sbags nas ni/ /sbyin bsreg 'bum phrag gcig byas na/ /gling bdun la ni dbang ba yi/ /rgyal srid longs spyod dpal chen 'gyur/ /de nas mtshams med lnga byed pa/ /gang gis gzhom par 'dod pa des/ /dug dang khrag dang mar nag bcas/ /mi yi rus pa bsregs byas te/ /tsher ma can gyi shing dang ni/ /de bzhin phub ma mi skrar bcas/ /shan pa yi ni me sbar la/ /gcer bu skra ni lhug pa yis/ /lho phyogs su ni kha bltas te/ /khro dang bcas pas nyin phyed na/ /sems mi g.yeng bas sreg pa 'am/ /yang na gos sngon gyon nas su/ /mtshan phyed na ni bsreg par bya/ /sngags kyi mthar ni ming dang sbyar/ /dgra bo stobs dang ldan pa yang / /dpung dang bcas par brlag 'gyur na/ /phal ba la lta ci zhig smos/ /de nas dgra bo stobs kyis ni/ /dregs pa bskrad pa'i cho ga bshad/ /khwa yi gshog pa zhag dang ni/ /nim pa'i khu bar bsres pa dag /sha za'i shing la me sbar te/ /rlung du bltas te bsreg byas na/ /mtshan mo bdun ni tshun chad kyis/ /bskrad 'gyur 'dir ni the tshom med/ /de nas dbye ba bshad par bya/ /smyo byed me ni 'bar ba la/ /nim pa yi ni lo ma dang / /sbrul gyi lpags par sre byas la/ /bya rog dang ni 'ug pa yi/ /tshang gi shing dang bcas pa dag /brgya rtsa brgyad du</font><hr>85.318b<br><font size=+1>

bsregs na ni/ /mdza' bshes gnyen 'dun bcas pa dang / /skye bo thams cad sdang bar 'gyur/ /de nas dgug pa bshad bya ste/ /bsgrub bya shing gi stan la ni/ /rol par bcas shing g.yo dang bcas/ /rlung gis gdong ni steng du blta/ /li khri lta bu'i mdog tu bsam/ /zhags pa lcags kyu'i sbyor ba yis/ /sngags kyi mthar ni dza bzlas te/ /bsgrub bya'i snying gi pad ma dbug /bud med yin na skye gnas dbug /khams gsum 'grub par gdon mi za/ /de nas cho ga gzhan bshad pa/ /dgug pa la sogs ji bzhin 'byung / /dum bu gcig pa'i thod pa ni/ /gzugs mdzes ma chag ma gas la/ /bsgrub par bya ba'i gzugs bris te/ /mdab ma rlon pa brgya la ni/ /khrag dang go ro tsa nar bcas/ /d+ha du ra yi smyug gu yis/ /sngags ni ming dang bcas par bri/ /thod pa'i nang du bzhag nas su/ /bsgrub bya dmar po ras kyis g.yog   /sngags kyi nga rgyal bsgyings nas su/ /mdab ma re re bzung nas ni/ /go bzlog snying po'i gsang sngags ni/ /zlos shing mdab ma thams cad bsreg /yid la bsam bzhin 'gugs par 'gyur/ /de nas gzhan yang tsan dan ni/ /dmar las bsgrub bya'i gzugs byas la/ /rang khrag go ro tsa nar bcas/ /ming bris bsgrub bya'i snying kar gzhug /tsha ba gsum gyis byugs nas su/ /snying ka lte ba gsang ba'i gnas/ /zangs ma'i khab kyis dbug byas na/ /mtshan phyed na ni 'dod bzhin 'gugs/ /gser btsag gis ni skye gnas kyi/ /gzugs bris de yi steng du ni/ /lag pa g.yon pa gzhag byas la/ /brgya rtsa brgyad du bzlas na ni/ /</font><hr>85.319a<br><font size=+1>

gang gi ming nas gzung gyur pa/ /de ni de mod 'ong bar 'gyur/ /rlung gis gtsubs pa'i shing lo la/ /khwa yi sgro yi smyu gu yis/ /ming dang bcas pa'i 'phrul 'khor ni/ /mchi ma las ni bris nas su/ /gyen du ldang ba'i tshub mar bskur/ /cho ga des ni bskrad par 'gyur/ /spre'u rus pa'i phur bu ni/ /sor drug pa yi tshad du bya/ /sngags ni lan bdun bzlas nas su/ /gang gi khyim sgor sbas na ni/ /de yi rigs ni chad par 'gyur/ /ba glang rta dang glang chen dang / /bong bu rnga mo ma he yi/ /gnas su sbas na brlag par 'gyur/ /rlung gi dkyil 'khor la gnas pa'i/ /bsgrub bya rnga mo'i steng du bskyon/ /gcer bu mar khus byugs pa dang / /skra grol kha ni lho ru bltas/ /skyabs med ngu zhing brgyal bar bsam/ /mgrin pa zhags pas bcings nas su/ /rgyab nas khro bos rdeg byed cing / /khams gsum gnon pa'i bsam pa yis/ /me yi mtshams su gdong bltas te/ /sngags kyi mthar ni dza bzlas na/ /ji ltar 'dod bzhin 'grub par 'gyur/ /rta dang ma her zhon pa yi/ /dgra bo nang ni phan tshun du/ /tshon cha thogs nas khros nas ni/ /phan tshun dpung dang bcas pa ru/ /'thab mo byed pa bsgom par bya/ /sngags pa g.yul du kha bltas te/ /de yi ming dang spel ba yi/ /yi ge ra ni bri bar bya/ /gdong ni steng du blta bar bsam/ /sgrub po ro yi steng du ni/ /rdo rje skyil dkrung mi g.yor gnas/ /de yis bsgrub bya mnan nas su/ /lus dang ngag ni gzir bar bya/ /sngags ni ming dang spel ba ru/ /snga ma bzhin du bzlas bar bya/ /bcing ba'i cho ga'o/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las las thams cad kyi bsam gtan 'byung ba dang sbyin bsreg cho ga'i rim par phye ba ste bzhi bcu rtsa gsum pa'o// // </font><hr>85.319b<br><font size=+1>

da ni sbyin bsreg cho ga gzhan/ /rab tu bshad kyis lha mo nyon/ /bsgegs pa 'am ni gzhan yang rung / /rma med shin du mdzes pa ni/ /'byung po'i nyin zhag la rnyed pa/ /sgrub pos sngar bshad bzhin bsgrubs na/ /dngos grub thams cad rab tu 'grub/ /zla mtshan phyis pa'i ras ma ni/ /byi la rtug par bcas pa dag /zhib tu brdungs pas bdug pa bya/ /bdug pa 'di yis sgrub pa po/ /shin du byin gyis rlob par 'gyur/ /khyi mo nag mo'i 'o ma dang / /ma sha 'bras bu bcas pa las/ /'o thug byas te ro yi khar/ /'jigs pa med par sbyin bsreg bya/ /de nas ro de langs nas ni/ /ci bgyi zhes ni smra 'gyur te/ /ri lu mig sman dngos grub dang / /rkang byug ral gri de bzhin te/ /gter dang dgra bo tshar gcad dang / /gnod sbyin mo dang bcud kyis len/ /gang bslangs gcig ni byin nas su/ /'gro bar 'gyur gyi gzhan du min/ /dpa' bo rnams dang rtse 'gyur ba/ /gzhan dag tu ni nga mi smra/ /de nas ro langs chen po yi/ /bsgrub thabs gzhan ni bshad par bya/ /sngar bstan mtshan nyid ldan pa yi/ /ro ni mdzes pa bzung nas ni/ /rnal 'byor chen por legs gnas pa/ /mtshan phyed na ni bsgoms nas su/ /de yi sha ni dmar chen bcas/ /sbyin bsreg brgya rtsa brgyad byas na/ /dpal ldan rdo rje phag mo ni/ /mkha' 'gro ma yis bskor gyur cing / /ro langs srin po du mas bskor/ /ha har bzhad pas 'jigs byed pa/ /der ni drung du 'ong bar 'gyur/ /lce spyang brgya phrag mang po ni/ /bskor nas 'jigs pa'i sgra sgrogs byed/ /de mthong 'jigs par mi bya ste/ /sngags kyis bsgyings pa'i lus su bya/ /rdo rje brtul shugs bdag nyid sems/ /kye ho dpa' bo chen po legs/ /lha mos de skad brjod nas ni/ /sgrub po yid la gang 'dod pa'i/ /dngos grub brgya yang ster bar 'gyur/ /rnal 'byor ma yis yongs bskor te/ /dpa' bo rang gi gnas su 'gro/ /de ni de yi mod la yang / /lha yi lus su gyur nas ni/ /</font><hr>85.320a<br><font size=+1>

khams gsum kun du rgyu bar 'gyur/ /dpa' bo 'dod pa'i gzugs can te/ /skal bzang de bzhin gshegs pa 'dra/ /rtag tu nam mkhar 'phur ba dang / /rga dang 'chi ba rnam par spong / /sa bzhi kun tu rgyu 'gyur zhing / /ji ltar 'dod bzhin dngos grub 'jug /de nas nyon mongs zhi bya dang / /ting nge 'dzin ni rgyas bya'i phyir/ /rang gi lha yi sbyor bar gnas/ /nang gi sbyin bsreg brtsam par bya/ /zla ba'i dkyil 'khor dbus su ni/ /bdag nyid rtag tu bsam par bya/ /'od zer phreng ba 'khrugs shing drag /'od kyi dkyil 'khor phreng ba can/ /phyogs bcur bzhugs pa'i rgyal ba ni/ /stong gsum stong gi rdul mtshungs pa/ /kha dog dkar la sogs bkug ste/ /lus mchog de la gzhug par bya/ /'di ni zhi ba'i sbyin bsreg yin/ /rgyas la byang chub sems dpa' dgug /rangs pa'i gzugs su lhag par mos/ /shin du nyon mongs zad bya'i phyir/ /khyad par khro bo'i gzugs su bya/ /sna tshogs rjes su chags bya'i phyir/ /bud med kyi ni gzugs su bsam/ /'di ni nang gi sbyin bsreg tu/ /sgrub po kun la bstan pa yin/ /phung po la sogs bud shing ni/ /las kyi rlung gis bskyod pa yi/ /lte ba'i dkyil 'khor nas 'bar ba/ /ye shes me la bsreg par bya/ /tshangs pa'i me ni rked par gnas/ /la la na ni dgang gzar te/ /ra sa na ni blugs gzar kha/ /dbyug pa rdo rje rin chen 'og /rang gi rdo rje mtha' yi bar/ /thod pa bsreg rdzas snod yin te/ /rdzas rnams thams cad bsreg par bya/ /'di ni bla med sbyin bsreg gi/ /cho ga'i rim pa nyid yin te/ /lha mo khyod la bshad pa yin/ /de ltar byas na ting 'dzin ni/ /nyams par mi 'gyur brtan 'gyur bar/ /rgyud rnams kun las thun mong du/ /cho ga 'dis ni rab tu grags/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /</font><hr>85.320b<br><font size=+1>

rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las ro langs bsgrub pa dang / nang gi sbyin bsreg gi cho ga'i rim par phye ba ste bzhi bcu rtsa bzhi pa'o// // bgrang phreng cho ga ji bzhin du/ /rab tu bshad kyis lha mo nyon/ /yang dag cho ga gang gis ni/ /'di ni 'grub 'gyur the tshom med/ /shel dang nya phyis mu tig dang / /khams kun la sogs gzhan yang rung / /dung dang lung tang mu men ni/ /tshe dang nad med 'phel bar byed/ /gser dang de bzhin dngul dang ni/ /khyad par pad ma'i sa bon dang / /rin chen phreng ba mdzes pa ni/ /mkhas pa yis ni bgrangs nas su/ /rgyal srid phyir ni sngags bzlas na/ /dpal chen myur du 'thob par 'gyur/ /gur gum la sogs dri dang ni/ /khyad par du yang byi ru dang / /tsan dan dmar po dngul la sogs/ /sgrub pa po yis ri lu bya/ /zhen cing rjes su chags pa mchog /sgrub pa po la 'bras bu ster/ /ru rag lung tang sa bon dang / /mi yi rus pa de bzhin te/ /drag po'i las la sbyar bar bya/ /khyad par du ni mngon spyod la'o/ /zhi rgyas dbang dang mngon spyod la/ /bu dan tsi ba las kun byed/ /sngags mnyes pa la lnga bcu ste/ /rjes su chags par de yi phyed/ /zhi ba la ni brgya yin te/ /rgyas la brgyad ni lhag par bya/ /mngon spyod la ni drug bcu ste/ /las kyi bye brag gis ni sbyar/ /las kyi bye brag ji bzhin du/ /bgrang ba'i phreng ba rnams ni bya/ /gser gyi skud pas brgyu bar bya/ /las rnams kun byed dge ba yin/ /yang na ras bal skud pa ni/ /bu mo gzhon nu gzugs mdzes shing / /yan lag shin du rdzogs pa dang / /blo gros ldan zhing ngag 'jam smra/ /de yi bkal ba'i skud pas brgyu/ /sngags kyi dngos grub grol bar 'gyur/ /ri lu rnams ni dgra bcom ste/ /steng ma mchod rten du ni brtag /mchod rten chos kyi dbang po pas/ /chos kyi dbyings ni dbus su bya/ /bskrad la bya rog spu dang ni/ /</font><hr>85.321a<br><font size=+1>

bong bu rnga mo'i spu las bya/ /rta dang ma he'i spu yis ni/ /phan tshun sdang ba'i skud par bya/ /dur khrod skra yi skud pa dang / /khyi yi spu dang bsres te bkal/ /drag po'i las la khyad par du/ /mdor bsdus nas ni bstan pa yin/ /zhi ba la ni 'dzub mor bzhag /rgyas la gung mor dgal bar bya/ /dbang du bya ba srin lag gsungs/ /mtha' ma la ni mngon spyod bya/ /mthe bo lcags kyur byas nas ni/ /lha rnams thams cad 'gugs par bsam/ /shin du mnyam bzhag sngags bzlas na/ /'grub 'gyur 'di la the tshom med/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las bzlas pa'i cho ga'i rim par phye ba ste bzhi bcu rtsa lnga pa'o// // de nas pad mar rdo rje bcug pa bskyod cing gar byas te/ bcom ldan 'das la lha mos 'di skad ces gsol to/ /gtsug lag khang dang khang bzang dang / /mchod rten dkyil 'khor grong khyer dang / /khyim dang ldum ra la sogs pa/ /lto 'phye'i lto bar brko ba dang / /slob ma sa gzhi gzung ba dang / /bum pa sta gon gnas pa nyid/ /bsrung ba'i cho ga sngon 'gro ba'i/ /lha dang slob ma sta gon gnas/ /ye shes skud pa tshon rtsi rnams/ /mdor bsdus nas ni bshad du gsol/ /slob ma yi ni cho ga dag /ji bzhin bshad kyis lha mo nyon/ /sngar bshad mtshan nyid ldan pa dang / /ye shes yongs su rdzogs pa'i lus/ /sems can don brtson sems kyis ni/ /dngos po kun gyis gsol ba gdab/ /slar yang dkyil 'khor bri ba'i phyir/ /slob ma yis ni bla ma la/ /yang dang yang du gsol bar bya/ /gsol nas bla mas smra bya ste/ /yo byad thams cad 'byor ram ci/ /cung zad cig ni 'byor gyur la/ /kha cig dag ni ma 'byor ces/ /smra na slob dpon bdag chen gyis/ /</font><hr>85.321b<br><font size=+1>

de yi sems ni brtag par bya/ /brtan pa la ni brtan par te/ /g.yo ba las ni g.yo ba ru/ /'dren ma la ni 'dren mar shes/ /slob ma yi ni rkang mthil du/ /gzhu 'dra'i rlung gi dkyil 'khor bsam/ /lte bar ye shes me 'bar ba/ /de yi 'od zer snying kar 'bar/ /'bar bas kun nas 'khrigs par bsgom/ /ba~M las byung ba'i mi sdug gzugs/ /sdig ni sna yi sgo nas dbyung / /de nas khro bo'i gzugs bsgoms la/ /de ni kun nas za bar bsgom/ /o~M badzra DA ki ni kha kha khA hi khA hi/ sarba pA pa~M da ha da ha b+hasmi ku ru hU~M hU~M phaT/ bsgrub bya lha gzugs bskyed nas su/ /bsrung ba dag ni dgod par bya/ /dkyil 'khor cho ga ji bzhin du/ /brtag pa ru ni su yis nus/ /rang gi lha yi sbyor ba yis/ /dkyil 'khor dag ni brtags na 'grub/ /grong dang dur khrod tshong dus dang / /tshal dang lha khang grong khyer gyi/ /shar dang byang gi sa gzhi shis/ /lho dang nub phyogs de lta min/ /gtsug lag khang gi gnas khang dang / /tshal dang ri rtse rdo leb dang / /khang bzangs gi ni steng phyogs dang / /dur khrod dang ni lha yi khyim/ /sa yi cha ni ji snyed pa/ /rgyud rnams kun la bsngags pa yin/ /sa yi mtshan nyid shes par bya/ /yang na yid ni gar dga' bar/ /de rnams su ni dkyil 'khor bri/ /dman sogs dngos grub bye brag gis/ /pus mo chu so lte ba'i bar/ /brkos la phub ma rdo dang ni/ /gyo mo sol ba zug rngu dang / /tsher ma la sogs bsal la bcag /phyi nas mtho gang tshad du brko/ /de ni chu yis rab bkang la/ /shar du bltas te gom brgyar 'gro/ /slar log las ni brtag par bya/ /chu ni gang bar gnas na shis/ /skams na sngags pas spang bar bya/ /sngon du 'bru la sogs pa gzhug /de ltar sa yi cha sbyangs la/ /la~M gyi sa bon las byung ba'i/ /gos dang rgyan gyis rnam par klubs/ /zhal gcig phyag ni gnyis pa ste/ /'od zer ser po kun du 'bar/ /sa yi lha mo lag pa na/ /gser gyi</font><hr>85.322a<br><font size=+1>

bum pa thogs pa ni/ /lus phyed sa la gnas pa ru/ /bltas te lag pa g.yas pa ni/ /sa la reg na bskul bar bya/ /o~M e h+ye hi ma hA de bi pr-i th+wI lo ka mA ta re sar+b+ba rat+na sa~M pur+N+Na da byi a lang+kA ra b+hU Shi te hA ra nU pu ra nir+g+hoSha badzra sa twa pra p+'u dzi te gr-i hI twA/ i da~M ar+g+ha~M asmin sin+na ni hi to b+ha ba hri hi hi hi ha~M swA hA/ me tog dri la sogs mchod nas/ /de nyid du ni thim par bsam/ /khang bzangs rdo leb gzhi dang ni/ /gtsug lag khang dang zhabs kyis bcag /ba glang lhas dang rgya mtsho'i 'gram/ /lag pa sa la bzhag nas su/ /rang gi snying po brgyad brgyar bzla/ /der ni brko sogs bya mi dgos/ /de ltar sbyangs pa'i sa gzhi la/ /dkyil 'khor dang ni rjes 'thun pa'i/ /rin chen la sogs bzhi 'gyur gyi/ /dkyil 'khor gyi ni khang pa bya/ /AHla~M hU~M zhes brjod nas/ /sa 'og rdo rje'i dngos por bya/ /o~M me de ni badzri b+ha ba hU~M/ /khung ni rim pa 'di yis dgang / /de dbus khro bo chen po ni/ /bskal pa'i me ltar 'bar ba bsgom/ /de nas khwa'i gdong sogs ni/ /steng ni khro mo'i gzugs can la/ /lte ba man chad rtse gcig pa/ /rdo rje yi ni gzugs su spro/ /bgegs kyi tshogs la 'og gzigs pa'i/ /bsgyings bcas sngags ni zlos bzhin du/ /de rnams snying kar gdab par bya/ /o~M badzra DA ki nI sar+b+ba big+h+nan a nu ts+tshe da ye ki la ya hU~M phaT/ de nas sngar bstan sa dbus su/ /rdo rje 'dzin chen sbyor ba yis/ /bdag nyid nye bar gnas nas ni/ /nam mkha' dang ni mtshungs par bsgom/ /don dam la ni lta ba ste/ /'di ni bsrung ba'i dam pa mchog /gang zhig bsrung ba'i cho ga kun/ /'di nyid du ni brtags pa yin/ /de nas rdo rje mda' yi ni/ /dra ba rdo rje ra ba dang / /rdo rje rang bzhin sa ru bya/ /rgyal po chen por bsgyings byas la/ /dkyil 'khor sa la hU~M zhes brjod/ /rdo rje'i 'gros kyis kun du bskor/ /bdud rtsi lngas ni kun du byug /de bzhin gshegs pa'i</font><hr>85.322b<br><font size=+1>

gnas rnams su/ /tsan dan sogs pas gru bzhir bya/ /phal pa yi ni gnas rnams su/ /so sor zlum por byas nas ni/ /lha yi 'khor lo cho ga bzhin/ /me tog sogs pas mchod par bya/ /de nas rin chen gser dang dngul/ /zangs sam 'jim pa dag kyang rung / /ji ltar 'byor pa'i rjes thun par/ /bum pa dag ni bya ba ste/ /rtsa ba nag po la sogs spang / /lto yang bum pa bzang po'i dbyibs/ /bya g+h+ri seng tri dbyug pa yi/ /ud pa la dang gzhan mi thub/ /sa ha de ba'i sman chen bcas/ /gser dang dngul dang mu tig dang / /mu men byi ru rin chen lnga/ /til dang nas dang gro dang ni/ /mon sran gre'u dang mud kar bcas/ /ga bur tsan dan dmar po sogs/ /sman gyi chu yis dgang bar bya/ /de ltar dam tshig chen po yi/ /me tog chu dang ldan par bya/ /dngos po rang bzhin dag pa'i phyir/ /yid 'ong mi 'ong brtag mi bya/ /dngos kun rtog pa las byung bas/ /yid 'ong mi 'ong dpyad mi bya/ /rdzas kyi nus pa bsam mi khyab/ /sangs rgyas nyid du 'bab par 'gyur/ /dper na spa yi rtsa ba ni/ /dkar po nag po rna ba dang / /dpral bar byug pas bud med kyi/ /zla mtshan 'dzag pa zhi bar 'gyur/ /glang chen gcin dang ga bak+Sha/ /dkar po'i sa bon mig bskus na/ /lto ni 'khru bar 'gyur ba bzhin/ /'dir yang yo byad khyad par can/ /sbyangs la nye bar spyod pa yis/ /khyad par 'bras bu thob bar 'gyur/ /dper na sngags kyis sbyangs pa'i dug /zos pas nad rnams thams cad ni/ /'joms shing bcud len nyid du 'gyur/ /de bzhin 'dir yang brtag par bya/ /thams cad rang rang mtshan ma dang / /so so'i sngags kyis mngon par bzla/ /mtshan mar rang rang mdog tu bya/ /mgrin par ras zung sar bas dkri/ /kha ni shing lo sar pas dgang / /ku sha'i chun po 'og tu gding / /kha dog btsos pa'i skud pas brgyan/ /lhag par gnas shing mchod byas nas/ /bdug spos dag ni</font><hr>85.323a<br><font size=+1>

phul nas su/ /'khor lo'i dbus su gzhag par bya/ /de nas pus mo g.yas pa ni/ /sa la btsugs te spyis gtugs la/ /'di skad brjod de mkhyen par gsol/ /dkyil 'khor thugs rje'i rang bzhin can/ /slob ma rnams la brtse ba dang / /khyed rnams la yang mchod pa'i phyir/ /bdag ni di ring 'dri bar 'tshal/ /ji bzhin re ba bkang ba dang / /sems can rnams la sman slad du/ /mgon pos gus ldan bdag la ni/ /bka' drin dag ni gnang bar gsol/ /de ltar lan gsum brjod bya zhing / /bum pa sta gon gnas nas su/ /sangs rgyas 'jig rten mgon po rnams/ /di ring bdag la brtse bas dgongs/ /byang chub sems dpa' dgra bcom dang / /gang gzhan sngags kyi lha rnams dang / /'jig rten skyong ba'i lha rnams dang / /bstan pa la ni dga' ba yi/ /'byung po rdzu 'phrul chen po dang / /gang yang lha yi spyan can rnams/ /rdo rje can bdag 'di zhes byas/ /dkyil 'khor dge ba 'di zhes pa/ /yo byad ci 'byor pa yis ni/ /de ring 'dri bar 'tshal lags na/ /dkyil 'khor dang ni bcas pa yi/ /bdag dang slob ma'i tshogs bcas la/ /kun gyis byin rlob nye bar bzhugs/ /cho ga bzhin du lan gsum brjod/ /de nas sar pa legs par bsgril/ /tshad ldan shin du mdzes pa yis/ /skud pas shes rab can thig gdab/ /cho ga bzhin du me tog mchod/ /nyi shu rtsa lngar phye ba yi/ /skud pa dag ni brkyang bar bya/ /shar dang nub dang byang dang lhor/ /thig skud brkyang ba'i rim pa 'dis/ /dkyil 'khor dag ni cha brgyad bya/ /phyed ni lag par bsdogs nas su/ /thig gdab cho ga brtsam par bya/ /g.yon pa'i rdo rje khu tshur ni/ /lte bar bzhag ste gzung bar bya/ /de yi 'og tu ci bder bya/ /sngags pa shar du kha bltas te/ /phyogs kun mnyam par dmigs nas su/ /mnyam zhing tshad dang ldan pa ru/ /tshangs pa'i</font><hr>85.323b<br><font size=+1>

thig gnyis bri bar bya/ /me mtshams gnas te rlung dang ni/ /bden bral grwar gnas dbang ldan du/ /sngags pa shar dang lhor bltas la/ /skud pa dag ni gdab par bya/ /'dir ni slob dpon slob ma dag /g.yas phyogs su ni bskor bar bya/ /slob ma med na rang nyid kyis/ /phur bur btags te bri bar bya/ /nyis 'gyur byas te phur bur gdab/ /nang gi 'khor lo rdo rje ra/ /'od kyi dkyil 'khor rim gnyis su/ /dbang ldan mtshams nas brtsams nas ni/ /g.yas skor du ni skud pa bskor/ /sgo ni dkyil 'khor brgyad cha ru/ /mu khyud med par 'dod pa yin/ /sgo yi tshad kyis sgo khyud de/ /de yi phyed kyis 'gram pa bya/ /sgo yi sum 'gyur twa ra na/ /ba dan dril bur ldan pa yin/ /rgyal mtshan ba dan ri dgas bcas/ /kha khyer tshad dang ldan par bya/ /twa ra na yi phyi rol du/ /tshon gyi sa yi nyis 'gyur du/ /phyi yi 'od kyi dkyil 'khor bya/ /'khor lo de yi phyi rol du/ /shing la sogs pa'i dur khrod bya/ /gzhan yang 'khor lo'i rjes 'thun par/ /ji ltar mdzes par rab tu brtag /thig skud chad na slob dpon 'chi/ /dman dang lhag pas nad 'byung ste/ /phyogs la 'khrul na slob ma myos/ /de bas skyon med shes par bya/ /ye shes thig skud gshegs gsol nas/ /de nas las 'di brtsam par bya/ /'dod dang thar pa rab ster ba'i/ /tshon rtsi dag ni bskyed par bya/ /dkar dang ser dang dmar dang ljang / /kun gyi nang rol nag po ru/ /tshon gyi cha ni rim bzhin dgye/ /de nas slob mas ci dgar dgye/ /tshon rtsi re re 'i zheng du ni/ /sgo yi nyi shu cha yi tshad/ /gal te tshon rtsi mi mnyam zhing / /yo dang dma' bar gyur na ni/ /ri mo dma' bas dngos mi 'grub/ /yon po gdung ba skyed byed pas/ /spangs ni mthe'u chung gang tsam du/ /mtho zhing drang bar bri bar bya/ /de la spom na nad 'byung ste/ /dma' na nor ni zad par 'gyur/ /yon pos phan tshun sdang 'gyur te/ /chad na bla ma slob ma dag /</font><hr>85.324a<br><font size=+1>

gnyi ga 'chi bar shes par bya/ /g.yas skor ma yin bris na ni/ /rdul tshon phur bus btab par 'gyur/ /shar ni shin tu dkar ba'i mdog /lho ni dmar po'i mdog tu bya/ /nub phyogs ser por bya ba ste/ /byang ni ljang khu nyid du bya/ /cho ga dag ni de dag gis/ /sangs rgyas bzhi yi gdan bzhugs pa/ /rdo rje la sogs dpa' rnal 'byor/ /mdab ma'i mkha' 'gro la sogs pas/ /khwa gdong la sogs dbye bar bya/ /dbus su sna tshogs pad ma ni/ /ge sar dang ni ldan pa la/ /mtshams rnams su ni thod pa'o/ /dkar dang dmar dang de bzhin sngo/ /sku la sogs pa'i kha dog dbye/ /de ltar 'khor lo lha mo che/ /dpa' bo rnams ni mchod par bya/ /sngar bshad sa yi mtshan nyid la/ /dbus su mtho bar bri bar bya/ /shar dang byang du gzhol ba ni/ /sngags pa rnams kyi dngos grub 'gyur/ /dbus su mtho bas rgyal srid dang / /rig pa 'dzin pa'i gnas dag 'thob/ /byang du mtho bas 'chi 'gyur ram/ /nor rnams brlag par 'gyur ba ste/ /yang na nad kyis 'debs par 'gyur/ /ji skad bshad pa'i shar mtho bas/ /myur du rigs rnams zad par 'gyur/ /dbus su dma' ba'i rang bzhin sa/ /sgrub pa po ni 'joms dang ldan/ /de nyid bsdus dang bde mchog dang / /gsang dang rdo rje 'jigs byed du/ /dkyil 'khor rnams kyi rgyal po 'di/ /ma byung 'byung bar mi 'gyur ro/ /bshad dang ma bshad gang ci'ang rung / /thams cad he ru ka la gnas/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las sa gzung ba dang / sta gon la gnas pa dang / thig bri ba'i cho ga'i rim par phye ba ste bzhi bcu rtsa drug pa'o// // de nas bcom ldan 'das la lha mos mchod cing phyag byas nas 'di skad ces gsol to/ /rim par phye ba bcu bdun</font><hr>85.324b<br><font size=+1>

par/ /khyod kyis khams kyi bcud chen gsungs/ /phyi rol rnam pa du zhig dang / /nang ni rnam pa du ru dbye/ /dgra dang mdza' bshes bar ma dang / /de bzhin gzhan yang tshad dbye dang / /skams sa dang ni rlan can yul/ /khams kyi sde tshan bsdus pa dag /ngo mtshar chen po 'di dag la/ /bdag ni the tshom skye bar gyur/ /bcom ldan 'das kyis bka' stsal pa/ /da ni sde tshan rnams dang ni/ /'bral ba rab tu bshad kyis nyon/ /sbom po phra mo'i sbyor ba yis/ /chung ngu la sogs bye brag dag /rlung dang mkhris pa bad kan sogs/ /skyes pa dang ni bud med kyang / /re re zhing yang gsum gsum 'dod/ /nag po ser skya sngo bsangs dang / /rtsub dang 'jam dang yan lag mkhrang / /'dzer pa can zhes bya ba yin/ /sbom thung bong tshod ran dang ring / /sngo bsangs mtshungs rtsub mgrin pa ring / /mig ni zangs ltar dmar ba ste/ /phreng can thun mong nu ma med/ /mdog nyams sA li'i dri dang ni/ /chang dang chang min myos pa'i dri/ /chang gnyis dang ni chang gsum ste/ /rked pa yi ni bye brag yin/ /sbrang rtsi ltar 'dzag sbrang rtsi'i dri/ /so sor bya yi gzhan du min/ /yid la sems pa'i 'phrul 'khor gyis/ /bu mo'i bcud ni drangs te glugs/ /'di ni so sor bsgrub pa yin/ /bu mo gcig dang gnyis dang ni/ /mang po'i bar du brtag par bya/ /yon tan gsal bar gyur pa ste/ /sgrub po'i dbang po'i yon tan byed/ /nyi shu'i bar du gzhon nu yin/ /de rnams thabs kyis sbyang bar bya/ /stobs dang ldan pa gzung ba'i gnas/ /de dang 'khyud las byung ba ni/ /rdzas rnams yongs su sbyong byed yin/ /bya ba kun gyi mtshams ldan ni/ /byed po za po'i lam chen yin/ /dngul chu yi ni shing chen po/ /des na chu skyes yon tan lnga/ /rang skyon 'joms pa yid ches yin/ /de dag ni thun mong gi cho ga'o/ /lto skyes ma rnyings rdzas kyi las/ /skyed byed don ni rgas pa 'joms/ /lhang tsher dngul chu bcings pa'i mchog /gser sgyur rtsi chen cho ga yis/ /rdzu 'phrul la sogs gsal</font><hr>85.325a<br><font size=+1>

bar 'gyur/ /lhang tsher dang ni dngul chu bzhi/ /rma bya'i mgrin pa'i gzugs dang ni/ /sbrul gyi gzugs dang sbal pa'i gzugs/ /gzugs dang sgra dang dri dang ro/ /de yi tshad ni kun shes bya/ /de yang stobs ldan bcud bral na/ /sngon bzhin nyes pa sna tshogs 'gyur/ /dngul chu lhang cher kha dog ni/ /sna tshogs dang ldan skyon yin te/ /mkhris pa dag kyang skyed par byed/ /dmar pos khrag ni skyed par byed/ /dkar pos gzer nad skyed 'gyur zhing / /srog ni 'joms par byed pa yin/ /ljang ser dag ni ma smin dang / /ser skyas bshang gci'i lam ni 'gag /nyis 'gyur cha ni shin du 'ching / /nyes pa dag ni brgyad ldan pas/ /blo dang ldan pas dpyad de bza'/ /bcud len sngon por shes byas nas/ /'bad pas de ltar bcud lin spyad/ /gzhag pa me yi gnas dang ni/ /chu yi shing la brten pa dang / /'bru yi dbus su gzhug pa dang / /bye ma'i phung por 'khrul 'khor 'jug /gso la kha cig 'bras bu dang / /kha cig me tog 'dab mar bcas/ /shun pa dang ni rus pa sogs/ /sgrub po'i nye ba'i longs spyod ni/ /de nyid rig pas sbyar bar bya/ /cho ga du ma mthong ba yis/ /bcos ma'am bcos ma ma yin pa'i/ /yo byad dag ni rnyed gyur na/ /rdo rje 'dzin dang mtshungs par 'gyur/ /zhes bya ba ni gzhag pa dang gso ba'i cho ga'o/ /lci ba dang ni rdo nang dang / /ba glang ma he'i lhas la sogs/ /cho ga bzhin du rnam brtags pa'i/ /bcud kyi rdzas ni gzhag par bya/ /bcud len sngon po shes byas nas/ /'bad de de ltar bcud len bya/ /bcud brtag pa'i gnas kyi cho ga'o/ /glang chen mgo yi bcur blugs te/ /seng ger btso bar byas pa yis/ /'bras chan ster ba'i yon tan 'gyur/ /gso thabs ni/ /sha ri sha yi rtsa ba dang / /gser shog gis ni gso bar bya/ /mdog dmar dngul chu rmongs pas ni/ /lpags pa dang ni shun pa dang / /me tog 'bras bur ldan pa yin/ /rnon por bcas te bcos pa dag /mnyes na dri ma'i rdul 'thor 'gyur/ /</font><hr>85.325b<br><font size=+1>

blo gros 'khrul pa med pa yis/ /rim gyis rim gyis mnye bar bya/ /'di dag ni 'jug pa'i cho ga'o/ /de nas gci ba'i lan tshwa dang / /phag gi zhag dang tshil dang khrag /bcas pas mnyes na'ang nyes pa 'byang / /slar yang 'byung po'i sgra dang ni/ /dza ni ta dang ral pa dmar/ /bin dza ra dang tsam pa dang / /smyo byed dag ni cha mnyams te/ /de dang mnyam pa'i sbrang rtsi ru/ /mnyes na rtsi yi nyes zad 'gyur/ /de nas ma he'i rmig par ni/ /char ba'i chu dang bcas pa la/ /zangs kyi phye ma khar phye dang / /mig sman phye ma blugs shing btso/ /tshos nas sbrang rtsi'i nang du gzhug /de yis bcings par 'gyur ba yin/ /de nas khrag ni cha bdun gyis/ /sbyangs na snum zhing lci la sogs/ /de yi stobs ni zad par 'gyur/ /slar yang cha mnyam khrag dang ni/ /mnyes pas snum zhing lci bar 'gyur/ /ra gan tsu ta'i shing dang ni/ /zangs ma dang ni yung ba dang / /go ra sa ni dkar nag gnyis/ /drug pos nyes pa tshar gcod 'gyur/ /de nas tsan+d+ra'i shing dang ni/ /sbrang rtsi 'dzag dang sen mo dang / /thal sman 'bus zos shing phye dang / /ma ha ha ha mak+Sha dang / /pus ka ra dang brta ki/ /sku ba sin+d+hu ba ra'i phye/ /bcas par mi yi rkang du gzhug /cung zad bzhag ste phyung nas su/ /rdo gtun brdung ba sngar bshad nyid/ /'od ma'i nang du blugs nas ni/ /de nas 'khrul 'khor nang du gzhug /btsos nas lhang tsher dngul phye dang / /bcas par rtsi yi nang du blugs/ /lhang tsher dngul chu rnon po yi/ /cho ga yis ni so sor bcing / /de dag zla ba las byung ba/ /a tra pa ta'i rus pa dang / /de bzhin du ni me tog bzung / /bya gri dang ni kun tu ru/ /sa ri pa dang sen mo dang / /nor bu zla 'od na ge sar/ /skyu ru ra khu ka tam pa/ /tsam pa ki ri so ba dang / /shi sho ba'i ba ud pa la/ /rang skyur dang ni bcas pa ru/ /'dzag dang dngul chu khA tshos bya/ /phyung na sbrul gyi gzugs ltar 'gyur/ /khrag dang bsnyo byed yung ba blugs/ /skra dkar nyes pa kun 'joms byed/ /mar dang mar nag bskol ba ni/ /</font><hr>85.326a<br><font size=+1>

gnyis po yang dang yang du bya/ /chu shing a ba marga dang / /snu ha pa la sha yi bdab/ /so pan tsa na'i bcud dang ni/ /thal sman sde yis sbyang bar bya/ /sbyang ba'i cho ga'o/ /de nas rang skyur yung ba dag /rnon po dngul chu'i zas su sbyin/ /de nas 'og gi lam nas ni/ /'khrul 'khor gyis ni bkru sman bya/ /rgas dang mdze nad sel bar byed/ /rnon po thal sman bcas pa yis/ /bkrus shing bskus na gzhang 'brum 'joms/ /rtsi dang bcud len rim gyis 'phel/ /rnon po dang ni lhang tsher la/ /thun mong du ni brten nas su/ /zha nye blugs pas 'dul 'gyur te/ /de tshe ro ni kha dang ska/ /de nas rang skyur nang du ni/ /lci bas btsos na nyes pa 'byang / /nyi ma'i 'od la bsros pas kyang / /skra dkar gyi ni nyes pa skyed/ /bcud ni shin du bskol ba yi/ /'od kyis snying dang mig 'joms so/ /de la sbrang rtsi po son cha/ /thig le dag ni byin pas sbyang / /skyon sbyang cho ga sngon du ni/ /gser shog thal sman lan tshwas bsgrubs/ /ro ni bska ba dang bcas pa'i/ /lhang tsher dkar po'i skyo mas blugs/ /cha ni nges pa dang bcas pas/ /yun ring du ni mnyes gyur na/ /nyes pa 'byang gi gzhan du min/ /gzhan yang cha dang cha can dang / /gi ri kar na'i phye ma dag  /drug cha dngul chu bya ba yin/ /cha ni tshad ldan nges par 'ching / /de tshe go bzlog lam nas su/ /'khrul 'khor cho ga bzhin du blugs/ /zhi kha rje 'u ru btso bar bya/ /de nas du ru ka dang ni/ /pa li tsakra mar da yi/ /sa bon ba la ta ka dang / /ka shi shi khru'i 'bras bu dang / /ba ri tsa ta ka me tog /ud pal ma li ka sa bon/ /rgya shug gi ni rus pa dang / /shi ri sha dang sku sa bon/ /sbrang rtsi po son cha dang ni/ /pa la sha yi shun pa dag /cho ga shes pas ji ga rdzer/ /tshos nas legs par blugs par bya/ /de nas cho ga bzhin bton nas/ /slar yang de dag btags pa yis/ /phye ma dang ni skyo ma blugs/ /btso ba dang ni bsreg pa dang / /tshar bcad pa dang mnan pa'o/ /btso ba thod pa'i 'khrul 'khor dang / /'od ma bya rog</font><hr>85.326b<br><font size=+1>

mchu yi dbyibs/ /yib dang khros dang 'thor ba dang / /chu yi nang du 'bros pa yin/ /shin du tshos pa'i mtshan ma ni/ /'dar ba dang ni rmongs pa dang / /du bar 'thul zhing khrol sgra 'byin/ /btsir dang mnye dang dkrug pa dang / /brdung ba dang ni rnam pa bzhi/ /sbrang rtsir btso dang bung bar btso/ /glang chen btso dang seng ger btso/ /rgod ma dang ni ka ran dang / /bong bu dang ni rnga mo'i kha/ /bcing ba dang ni tshar bcad la/ /'khrul 'khor 'di dag shin du bsngags/ /'khrul 'khor gang zhig kha che ba/ /rdza rnga yi ni dbyibs 'dra dang / /'od ma lta bu la sogs pa/ /tshon cha ral gri'i shubs 'dra dang / /kang ka'i mgrin pa bya rog mchu/ /gzhan yang bcing bar gang bshad pa/ /des ni tshar bcad rjes gzung bya/ /bzhi cha lus pa bskol chen te/ /phyed lus stobs ldan bskol ba yin/ /rtsi la brten pa'i nyes pa dag /thun mong min pa de yis 'byang / /sbyang ba dang ni rtogs pa dang / /rmongs dang de bzhin gsad pa'o/ /lhang tsher sman ni bcings pa ru/ /dngul gyi phye ma blugs par bya/ /dpa' bo gcig dang skye gnyis rtsa/ /'bras bu chen po bska ba gsum/ /lhang tsher dang ni dngul chu bzhi/ /bdud rtsi yi ni snying po lnga/ /dus drug de bzhin drug bcu ste/ /bdun po yal ga 'dab sogs bcas/ /tsha dang kha ba skam skyes mchog /mngar dang skyur ba rlan can bzang / /lan tshwa bska ba gnyi ga'ang rung / /nim ba ba ru ra dang ni/ /a ru ra yi 'bras bu rnams/ /mar nag bskol na bya ba byed/ /skyu ru ra khus mkhris sel te/ /bud med 'o mar bskol ba ni/ /'tsho zhing nad med 'phel bar byed/ /tsam pa la dang ba ku la/ /nA ga ge sar ku mu ta/ /ud pal she pa li ka dang / /sbrang rtsi 'dzag dang pri yang khu/ /ku sum pa dang spri ka dang / /re'u nu ka dang bcu gcig ste/ /me tog gi ni sde ru brjod/ /shri phar la po son cha/ /ka pit+tha dang la ku tsha/ /sku ba dang ni bar ta ki/ /a ru ra dang ba ru dang / /pa lu ta ka skyu ru ra/ /e la dzi dang pu na ka /e raN Da dang ma ri tsa/ /pi pi ling dang bcu drug ste/ /'di dag 'bras bu'i sde tshan yin/ /bca' ba dang ni shu dag dang / /yung ba dang ni ru rta dang / /bca' lga dang ni</font><hr>85.327a<br><font size=+1>

sgog skya dang / /rlan can gyi ni do ba dang / /nA ga pA la dkar po dang / /de bzhin rgan po gzhon nu byed/ /ba li ka sdug mtshan mo'i shing / /bcu gnyis rtsa ba yi ni sde/ /dngos grub thams cad rab ster ba'o/ /glang chen skra dang ri mdzes dang / /'dzag dang byis pa stug po dang / /ral pa dmar po d+ha du ra/ /a shwa kan da bdun po ni/ /sdong po yal ga rtsa bar bcas/ /ka tam pa dang gser shing ste/ /de bzhin du ni shi ri sha /ka ran dza dang shi khru dang / /nim pa dang ni pi si/ /de bzhin ka du ma dza ri/ /'di brgyad shun pa'i sde zhes brjod/ /tsan dan gnyis dang a kar ni/ /nag po dang gsum sdong po bzung / /bu ram bye ma ka ra dang / /sbrang rtsi i k+Shu pus ka ra/ /sha kha ra dang rnam pa drug /bcud kyi sde zhes bya ba yin/ /khu byug dang ni bya rog dang / /rma bya dang ni ti bya rnams/ /'di dag gi ni sha gzung ste/ /nyam dang stobs ni 'phel bar byed/ /zangs kyi gtsug bud g+har ka ra/ /phug ron dang ni nai tso rnams/ /'di dag gi ni khu ba gzung / /sems can kun la stobs rab ster/ /ra dang ri bong sha ba dang / /sa la gi dang phag dang ni/ /khyad par du ni byi ba rnams/ /nad rnams thams cad 'joms par byed/ /khyad par du ni rlung la bsngags/ /ri'u nu ka dang par thi ba/ /a 'bra bil ba'i me tog dang / /mardza ri dang lha min dgra/ /su ra si dang ral pa can/ /pa par nA ga pus pa dang / /ar dza ka yi 'dab ma dang / /ka tu dang ni bi sha na/ /sgron shing rig pa 'dzin pa dang / /yal ga rnam pa lngar bshad pa/ /'di dag mdza' bo'i sde zhes bya/ /bar ba ri dang ga na dang / /dza la dang ni gya gyu dang / /u pi ta yi shun pa dang / /rnag gi dri dang rkun po dang / /khu tra lo ha shu ka ti/ /chur skyes shing dang brag zhun dang / /sbrang rtsi me tog b+h+ring ga ra/ /ha ta zhe pa li dang ni/ /de bzhin du ni pa ya si/ /bar ma yi ni sde tshan yin/ /di ra da dang bo la dang / /zho dang kun dur ka da dza/ /thang shing dang ni sra rtsi dang / /po son cha yi khu ba dang / /shu dag dang ni gan da dang / /</font><hr>85.327b<br><font size=+1>

tu hi na dang ra las skyes/ /mri ga dang ni ba gu dza/ /sgog kya dang ni mi si dang / /shing kun dang ni yung ba rnams/ /dgra bo'i sde zhes bya bar bshad/ /dgra bo yi ni rdzas la khyab/ /gu gul dang ni bre sha dang / /ki tang de bzhin 'o ma ste/ /bo ra dang ni rang skyur dang / /ga pur dang ni sa la ki/ /dgu po de dag sla ba'i rdzas/ /mu ra ral pa dmar po dang / /dza la dang ni gya gyu dang / /stug po nad dang ku thi ra/ /ni sha dang ni shi khru dang / /shi ra gca' ba shu dag rnams/ /bcu gnyis rtsa ba la skyes yin/ /pu thi dang ni ke so dang / /gla bal dang ni sen mo ste/ /gan da ku ri zhes bya ba/ /lnga po srog chags las byung ba'i/ /dri ru sgrub pos shis par bya/ /shi ri sha dang gser shing dang / /lo da dang ni ka pit+tha/ /na gi ka dang pi tsu shun/ /skyur rtsi chen po zhes bya ba/ /bdun po 'di dag shun pa'i sde/ /tsan dan gsum dang a kar nag /sgron shing dang ni shing sha pa/ /drug po 'di dag sdong bu yi/ /sde zhes bya bar kun du bshad/ /sgyu ma kun dang mnyam sbyor ba'i/ /rdo rje mkha' 'gro zhes grags pa/ /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las bcud kyis lan gyi rdzas kyi dbang du byas pa'i cho ga'i rim par phye ba ste bzhi bcu rtsa bdun pa'o// // de nas bcom ldan 'das la lha mos mchod cing phyag byas nas 'di skad ces gsol to/ /las rnams thams cad rab sgrub pa'i/ /sbyin bsreg khyod kyis sngar gsungs na/ /thab khung rnams kyi tshad dang ni/ /'dug stangs yam shing sogs ma 'tshal/ /bcom ldan 'das kyis bka' stsal pa/ /sgyu ma kun gyis rnam rol pa'i/ /nyon cig lha mo sgyu ma che/ /dang po sa gzhi bzung nas su/ /phyi nas hom khung brtsam par bya/ /zhi bas sa ni dkar po'i char/ /khru gang tshad la shin tu zlum/ /khru phyed thur du brko bar bya/ /shin du mnyam par bzhag pa yis/ /sor brgyad pa yi rdo rje ni/ /pad ma'i steng du bri bas mtshan/ /khung nas sor</font><hr>85.328a<br><font size=+1>

bzhi bor nas ni/ /sor bzhi'i spangs dang zheng ldan ba'i/ /kha khyer gyis ni bskor bar bya/ /mtshams su rdo rje'i dbyibs lta bu'i/ /rtse gsum rdo rjes bskor bar bya/ /sa ser dang ni ba gci yis/ /hom khung kun du byug par bya/ /brtul zhugs can gyis gnyis gar yang / /dri ni dkar pos byugs nas su/ /shin du mnyam par bzhag pa yis/ /me tog dkar pos gtor bar bya/ /dkyil 'khor khang pa la sogs pa'i/ /shar gyi phyogs su las de brtsam/ /rgyas pa sa gzhi ser po la/ /rin po che yi dbyibs 'dra'i thab/ /yang na gru bzhi pa yang rung / /khru do zabs su khru gang brko/ /de nang sor brgyad bor nas su/ /kha khyer sor brgyad tshad du bya/ /sor brgyad dpangs dang ldan pa la/ /rin chen phreng bas bskor bar bya/ /hom khung nang du 'khor lo ni/ /rtsibs brgyad ser po bris ba la/ /'og tu cha drug sor drug pa'i/ /rdo rje rin chen bri bar bya/ /sa ser dang ni dri ser gyis/ /hom khung kun du byugs nas su/ /me tog ser po la sogs pa'i/ /mchod pa dag ni ji bzhin bya/ /'di ni rtag tu grong khyer sogs/ /byang gi phyogs char bya ba yin/ /dbang la sa gzhi dmar po la/ /pad ma yis ni mtshan ba yi/ /thab khung skye gnas dbyibs su bya/ /yang na zla phyed dbyibs lta bu/ /khung bu dang ni kha khyer sogs/ /zhi ba yi ni tshad du bya/ /sa dmar dri mar sogs byugs te/ /me tog dmar po la sogs gtor/ /'di ni grong khyer la sogs pa'i/ /nub kyi phyogs char rtag tu bya/ /mngon spyod pha mes nags dang ni/ /ma mo'i khyim du rtsub pa dang / /gas pa'i sa la bri bar bya/ /gru gsum sor mo nyi shu tshad/ /sor bcu thur du brko bar bya/ /rtse gsum khro bo'i rdo rje ni/ /char sprin gyi ni 'od dang mtshungs/ /sor brgyad pa yi tshad tsam du/ /de yi dbus su mtshan par bya/ /khung bu sor gsum bor ba ni/ /kha khyer sor gsum bskor bar bya/ /sa nag dur khrod thal ba sogs/ /ci snyed pa yis byugs byas te/ /dkyil 'khor</font><hr>85.328b<br><font size=+1>

khang sogs lho phyogs bya/ /lhag ma yi ni las rnams kyang / /las bzhi'i khung bur 'dus mod kyi/ /slar yang de rnams khyad par gyi/ /khung bu 'dir ni bshad kyis nyon/ /dgug pa'i hom khung rdo rje ni/ /rtse gcig lta bu'i dbyibs su bya/ /rdo rje lcags kyus bskor ba la/ /lhag ma dag ni dbang dang mtshungs/ /bcing ba la ni gru bzhi ste/ /rmongs la rgyas pa lta bu yin/ /dbang ldan gyi ni phyogs cha ru/ /sa ni dkar dang ser por bya/ /bskrad la mngon spyod lta bu ste/ /khyad par du ni rlung mtshams su/ /rnga mo'i lci bas byugs te bya/ /mdza' bo dag ni nyams nas su/ /phan tshun sdang bar bya ba la/ /de yang mngon par spyod pa yi/ /cho ga ji bzhin blta bar bya/ /las rnams thams cad bsdus pa yi/ /cho ga de nas bshad bya ste/ /las kun de nyid rig pa yis/ /bsam pa la sogs bye brag dbye/ /las kyi rjes mthun sa gzhi la/ /las kyi rjes 'thun thab khung bya/ /sngags pa'i yid ni gar dga' ba'i/ /sa phyogs su ni sbyar yang rung / /khru gang ba'i tshad du ni/ /pad ma ud pal dbyibs 'dra bya/ /kha khyer pad ma lta bu ste/ /khung dang kha khyer cung zad gding / /nang du bor sogs zhi ba 'dra/ /phyogs bzhir rdo rjes mtshan par bya/ /rgyar ni sor brgyad tshad tsam la/ /dpangs ni sor gcig tshad tsam pa'i/ /'khor lo rin chen pad ma dang / /ral gri mtshon chas bskor ba yi/ /dbus su rdo rje'i mtshan ma bya/ /ngos su rdo rje'i ra ba yis/ /hom khung kun nas zlum po la/ /'og ni 'khor bar bri bar bya/ /hom khung gi cho ga'o/ /yam shing pa la sha dang ni/ /u dum ba ra a 'bra dang / /n+ya gro d+ha dang pa la sha /  /ka tam pa sogs 'o ma can/ /rtse mo cha las byas pa ste/ /sor ni bcu gnyis tshad du bya/ /rlon zhing 'dab mar bcas pa ste/ /snying dang rtse mo nyams pa dang / /shun pa med cing gas pa dang / /thung dang shin du ring ba dang / /phra dang sbom dang 'khyog pa dang / /gas dang chags dang 'bus zos dang / /rtse mo cha ni gnyis yod cing / /</font><hr>85.329a<br><font size=+1>

srog chags ldan zhing skams pa dag /dge ba'i las rnams thams cad la/ /spangs te sdig pa'i las la shis/ /nas dang til dang 'o ma zho/ /sA lu'i 'bras chan pri yang ku/ /ku sha sngon po tsu ta'i 'dab/ /me tog tsan dan dkar po dang / /sbrang rtsi mar dang yos bog dang / /dur ba dri zhim khu ba rnams/ /rnal 'byor pa yis zhi ba la/ /ji ltar rnyed pas bsreg par bya/ /mchod sbyin gyi ni shing rnams la/ /bud shing thab las dma' bar bya/ /nags kyi lci skam dag kyang rung / /srog chags ldan pa spang bar bya/ /zhi ba'i yam shing dang bud shing dang 'bru la sogs pa bsreg rdzas kyi cho ga'o/ /yam shing zhi ba'i lta bu ste/ /dbus kyi cha ni mdzes pa las/ /srid du bcag khru gang du bya/ /dri ser chu yis gtor nas ni/ /zho dang 'o ma mar la sbag /mngar gsum la ni brtags par bya/ /de nas zas mchog zho zan dang / /mar dang til ni nag po dang / /sha ta pus pa mar dang bcas/ /sbrang rtsi dang ni sA lu'i 'bras/ /'bru rnams gzhan dang pad ma dang / /nA ga ge sar bil ba'i 'bras/ /de bzhin dur bar bcas pa dag /rgyas pa'i las la bsreg par bya/ /bud shing sngar bzhin khyad par du/ /'bras bu dang ni bcas pas bya/ /tsam pa dang ni a sho ka /pu na nA ga na ge sar/ /shin tu dmar zhing skyur ba dang / /me tog dang ni 'bras bur bcas/ /yal ga yi ni cha las byas/ /sor lnga pa yi tshad du ni/ /dbang gi las kyi yam shing bya/ /bud shing yang ni skyur ba dang / /me tog bcas pa'i shing la bya/ /me tog dri ngan rnams dang ni/ /de bzhin 'bru ni nag po dang / /phub ma dag ni gtor bar bya/ /de bzhin mi rus phye ma dang / /dug la sogs pa dbul bar bya/ /tsha zhing kha dang tsher mar bcas/ /dur khrod du ni skyes pa'i shing / /rtsa ba'i cha las byas pa ste/ /sor mo bcu gnyis yam shing tshad/ /rtse mo rno la rtsub pa ste/ /rtse gnyis dug la sogs pa sbag /'ug pa'i sgro la sogs pa'ang rung / /drag po'i las kyi bud shing bya/ /de nas mchod yon snod bsham pa/ /gser dang dngul las byas pa 'am/ /</font><hr>85.329b<br><font size=+1>

dung dang nya phyis dag kyang rung / /zangs dang khar ba'i rdzas rnams dang / /sa dang shing lo dag kyang rung / /ji ltar 'byor bar bsham par bya/ /me tog 'o mar bcas pa yi/ /arga'i snod ni mdun du gzhag /dri zhim bdug pas bdugs nas su/ /rang gi sngags kyis lan bdun bzla/ /g.yon du chu snod gzhag bya ste/ /zhi ba'i las kyi mchod yon yin/ /zho dang til du bcas pa dang / /dri ser la sogs ldan pa'i chu/ /rang gi sngags kyis mngon bzlas pa/ /rgyas pa yi ni arga yin/ /dbang la zangs kyi snod sogs par/ /dri dmar la sogs bcas pa'i chu/ /me tog dmar pos 'bar ba ste/ /yongs su bkang bas chags par bya/ /chu ni nag cing dri mi zhim/ /khrag dang ldan pas bya ba 'am/ /rang skyur dang ni ba glang gcin/ /yang na mi yi gci ba 'am/ /yang na bong bu'i gcin yang rung / /phaT dang spel ba'i sngags bzlas pa/ /g.yas kyi phyogs su bzhag nas ni/ /drag po'i las la sbyar bar bya/ /arga'i cho ga'o/ /nad sogs zhi phyir zhi ba ni/ /snying rjer ldan pas dgong mo bya/ /dpa' bo shar du bltas nas su/ /me tog phreng sogs rgyan dang ni/ /bsgo ba dag ni dkar por bya/ /'jam pa'i stan la gnas nas ni/ /pad ma'i skyil dkrung bcings nas su/ /dpal ldan rnam snang mdzad bsgoms te/ /brtsi dang ldan pas mi smra bar/ /bsgrub bya yi ge o~M byung ba'i/ /chu yi dkyil 'khor dkar po la/ /seng ge pad ma zla ba yi/ /stan la gnas pa dmigs nas su/ /'og nas 'byung ba'i rim pa yis/ /sems can kun la phan bya'i phyir/ /swA hA'i mtha' can sngags bzlas la/ /rtag tu zhi ba'i las rnams bya/ /dbul dang rid sogs rgyas pa'i las/ /dga' dang ldan pas snga dro bya/ /gos ser la sogs brgyan nas ni/ /byang phyogs su ni kha bltas te/ /bzang po yi ni 'dug stangs sam/ /yang na rol pa'i stangs kyis gnas/ /'bras chen dkar po zho dang ni/ /bcas bza' de nyid rig pa yis/ /bza' dang btung bas tshim nas su/ /rin chen 'byung bar bsgoms nas ni/ /</font><hr>85.330a<br><font size=+1>

yi ge la~M las byung ba yi/ /dbang chen gyi ni dkyil 'khor la/ /glang chen steng du gnas pa yi/ /bsgrub par bya ba dmigs nas su/ /sngags kyi mthar ni o~M brjod cing / /rgyas par bya ba'i cho ga sbyar/ /dbang gi don du 'di gsungs te/ /mtshan mo chags pa'i sems kyis ni/ /nub kyi phyogs su kha bltas la/ /dmar po'i rgyan gyis klubs nas ni/ /sems dpa'i skyil dkrung gnas nas su/ /rdo rje chags pa mchog tu bsgoms/ /ya~M las byung ba'i rlung dkyil la/ /btsun mo'i pad ma 'jam ldan par/ /bsgrub par bya ba dmigs nas su/ /sngags kyi mthar ni ho bzlas te/ /'od zer dmar pos bskul nas su/ /zur mig lta bas sbyin bsregs nas/ /bud med rnams ni rmongs par 'gyur/ /dkon mchog gsum la gnod pa dang / /dam tshig 'das shing khro ba la/ /sdang ba'i sems kyis lhor bltas ti/ /mtshan phyed dam ni nyi phyed la/ /gos sogs sngon pos brgyan nas su/ /mkhrang zhing rtsub pa'i stan la ni/ /khro bo'i skyil dkrung gnas nas su/ /rdo rje khro bor bsgom par bya/ /ra~M las nyi ma'i dkyil 'khor la/ /bsgrub par bya ba dmigs nas su/ /hU~M dang phaT ces bya ba ni/ /'brug gi sgra ltar grags pa ste/ /thog ma dbus mtha' sbyar bar bya/ /bsgrub bya'i las kyi cho ga'o/ /de nas sgrub po dpal ldan pas/ /rgyan rnams kun gyis brgyan nas su/ /gsang ba gnyis kyi ting 'dzin gnas/ /sbyin bsreg las ni brtsam par bya/ /chu yi snod ni g.yon du gzhag /g.yas su bsreg rdzas gzhag par bya/ /las kun byed pas bzlas pa yis/ /rdzas rnams kun la bsang gtor te/ /de nas bkra shis bcas pa yis/ /g.yas nas bskor la ku sha dgram/ /rtse mo'i cha las byas pa ni/ /dri ma med cing ma nyams la/ /bdab mar bcas shing kha dog sngo/ /shin du ring min thung ba min/ /'dud par byas pa g.yas skor dgram/ /de nas las kyi rjes 'thun par/ /</font><hr>85.330b<br><font size=+1>

thab khung phyogs kyi bye brag gis/ /gzhan yang shar phyogs bstan te dgram/ /de yis sgor ni bkram nas su/ /de nas thab kyi nang du ni/ /sgrub pa po yis ku sha sbyin/ /ku sha'i las ni rdzogs nas su/ /me yi las ni brtsam par bya/ /gtsub shing las byung me 'am ni/ /yang na las kyi bye brag gis/ /skye gnyis la sogs me yang rung / /rlung yab kyis ni spar nas su/ /'o mar ldan pa'i bud shing sogs/ /me ni gsal bar sbar bar bya/ /me ni 'bar bar shes nas su/ /de nas me lha dgug par bya/ /me yi phyogs nas spyan drang ba/ /drang srong gi ni 'khor gyis bskor/ /yi ge ra~M las yang dag byung / /las byung ba'i pad ma ni/ /mdzes pa'i lug gi steng gnas pa/ /bsam gtan la bzhugs yang dag bsam/ /mdog dang na bza' rgyan la sogs/ /las kyi rjes su 'thun par bya/ /me yi khams kyi rang bzhin te/ /'bar ba'i phreng ba rgya chen bcas/ /zhal gcig dang ni phyag bzhir ldan/ /rdo rje rtse gsum dbyig pa dang / /bgrang phrang ril ba spyi blugs ni/ /g.yas dang g.yon du rim bzhin bsam/ /rdo rje me ni byon pa dang / /thab kyi dbus su bzhugs su gsol/ /de nas ar+g+ha sogs byin te/ /cho ga bzhin du mchod par bya/ /las kun byed pa'i chu yis ni/ /bsang gtor byas nas zhal bsil sbyin/ /dngos grub bslang ba'i bsam pa yis/ /de yi khar ni dgang blugs dbul/ /dge ba'i las la gru mo ni/ /pus mo'i bar du bcug ste bsreg /drag po'i las la lag pa g.yon/ /phyi ru phyung ste bsreg par bya/ /o~M badzra a na la ma hA b+hU ta dz+wa la ya sar+b+ba b+hasmi ku ru sar+b+ba duSh+TA~M bi g+h+nAM hU~M phaT/ me yi sngags ni de nyid la/ /las dang rjes su 'thun par spel/ /sar+b+ba sam+pa te swA hA/ /mar gyi'o/ /mar gya'o/ /o~M ag+na ye swA hA/ zho zan gyi'o/ /o~M a pra ti ha ta badzrA ya swA hA/ zhes bya ba ni ku sha yi 'o/ /o~M sar+b+ba pA pa da ha na badzrA ya swA hA/ zhes bya ba ni til gyis sdig pa bsreg par bya ba'i'o/ /</font><hr>85.331a<br><font size=+1>

o~M badzra A yuHShe swA hA/ zhes bya ba ni dUr ba'i ste/ tshe spel bar bya ba'i'o/ /o~M badzra puSh+Ta ye swA hA/ zhes bya ba ni 'bras kyi ste/ khyim rgyas par bya ba'i'o/ /'bru la sogs pa gzhan dag kyang 'dir mar gyis bsgos te bsreg par bya'o/ /de 'og gsang gtor zhal bsil sogs/ /me ni tshim byas 'bar ba yi/ /rnam par yongs su thim par 'gyur/ /de nas me dbus bdag gi lha/ /rgyan dang na bza' kha dog sogs/ /las kyi rjes su 'thun par ni/ /bsam zhing me yi mtshan ma brtag /gser la sogs pa'i kha dog gis/ /me yi mdog ni shes par bya/ /zhi la kha dog dkar po shis/ /rgyas pa la ni gser lta bu/ /dbang la byi ru bcag pa'i mdog /mngon spyod la ni nag po dang / /sngo sogs mtshan mar shes par bya/ /dbyibs ni dpal gyi be'u dang / /rdo rje 'khor lo la sogs pa/ /rang gi mtshan mas brgyan pa shis/ /me ni shin du dri zhim na/ /dge ba'i las kyi dngos grub ster/ /mi ro'i dri dang nya yi dri/ /du ba che zhing sgra dang ldan/ /me stag gis ni sngags pa sreg /me yi mtshan ma ngan pa ste/ /mi dge ba yi mtshan ma ni/ /mi dge ba'i las la shis/ /de nyid shis pa'i las rnams la/ /shis pa'i mtshan ma ma yin no/ /de nas bgegs ni bskrad nas su/ /de nas slar yang sbyin bsreg brtsam/ /de nas rang gi sngags kyis ni/ /me la bsang gtor byas nas su/ /dgang bzar cho ga bzhin bkang la/ /dgang blugs lan gsum sbyin par bya/ /o~M ag+na ye a mu ka ba sa a ti ka~M ku ru swA hA/ zhes bya ba'i sngags kyis so/ /lha rnams tshim par bya ba'i phyir yi ge gsum gyi sngags sngon du bzlas pa dang / rang gi sngags spel te rim pa bzhin du bsreg par bya'o/ /de la bsreg pa'i go rims ni 'di yin te/ dang por ni yam shing ngo / /de'i 'og tu ni mar ro/ /de nas gro dang til la sogs pa'o/ /de nas bza' ba la sogs pa'o/ /de nas zan no/ /de nas zho dang / 'o ma dang / 'bras bu la sogs pa dang / bldag pa dang / btung ba la sogs pa'i tshogs</font><hr>85.331b<br><font size=+1>

bsregs la/ de nas rnal 'byor pas me tog dang / so rtsi la sogs pas dbul lo/ /de bzhin du rang gi lha yang mchod nas 'dod pa'i don gyi dngos grub gsol bar bya'o/ /de nas mgon po gshegs su gsol nas/ slar yang slob mas me lha mchod de gshegs su gsol na rnal 'byor pa la 'dod pa'i 'bras bu ster bar 'gyur ro/ /sbyin bsreg gi cho ga'o/ /gser ram dngul lam zangs ma 'am/ /mchod sbyin gyi ni shing yang rung / /dgang gzar skyu dang dbyig pa sogs/ /tshad dang dbyibs la sogs pa bshad/ /steng du sor bzhi dang ldan pa/ /dkyus ni gru bzhir bya ba ste/ /zabs su sor gnyis brko bar bya/ /dkyil du ye shes rdo rjes brgyan/ /de yi steng du mchu sor bzhi/ /pad ma'i 'dab ma lta bur bya/ /de dbus bcud ni 'dzag pa yi/ /bu ga mthe'u chung tshad du bya/ /de nas 'og tu dbyug pa ste/ /rdo rje rin chen sor drug brgyan/ /dgang gzar chos ni ster ba'i ma/ /blugs gzar ro ldan thabs yin te/ /sems can kun la phan byed pa/ /rgya ru sor gnyis zabs sor gcig /kha ni pad ma'i 'dab ma 'dra/ /dbus su rdo rjes mdzes pa ste/ /lhag ma sngon bzhin mtshon par bya/ /sor mo lnga dang ldan pa yis/ /gang ba'i sbyin bsreg bya bar brjod/ /sor mo gsum dang ldan pa yis/ /sbyin bsreg gcig shos bya bar brjod/ /zhi ba byang chub mchog gis gzung / /nor bu'i khu tshur rgyas pa la/ /dbang dang dgug pa dag la ni/ /de bzhin pad ma'i khu tshur gzung / /drag po'i las la 'bad pa yis/ /de bzhin khro bo'i khu tshur bya/ /dgang gzar blugs gzar gyi cho ga'o/ /dgang blugs zhes bya ba ni gang ba'i sbyin bsreg la sogs pa'o/ /de yi cho ga gzhan bshad bya/ /zhi ba dang ni rgyas dang dbang / /dge ba yi ni las rnams la/ /gdong ni 'dzum dang bcas par bya/ /drag po'i las la khro gdong gis/ /yam shing la sogs bsreg par bya/ /de nyid bsdus dang</font><hr>85.332a<br><font size=+1>

bde mchog dang / /gsang dang rdo rje 'jigs byed bcas/ /ti la ka sogs ma bshad pa/ /sbyin bsreg mdo ru bsdus pa'o/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las las thams cad kyi sbyin bsreg gi cho ga'i rim par phye ba ste bzhi bcu rtsa brgyad pa'o// // slar yang lha mos gar byas te/ /tshig 'di dag ni gsol bar 'gyur/ /chung ngu la sogs ji lta bu/ /de rnams bye brag ji ltar lags/ /khams kyi rang bzhin sna tshogs la/ /rdzas kyi mtshan nyid gang bshad pa/ /de dag bdag ni the tshom skyes/ /thub pa chen pos bshad du gsol/ /bcom ldan 'das kyis bka' stsal pa/ /da ni chung ngu la sogs kyi/ /bye brag la sogs bshad par bya/ /yon tan ldan pa'i rdzas mtshan nyid/ /bshad kyis shes rab lha mo nyon/ /chung ngu la sogs pa gang dag gi yin pa de dag ni chung ngu la sogs pa ste/ sogs pa'i sgras bar ma dang chen po dang chen po'i chen po la bya ste/ gnas skabs kyi dbye ba rnam pa bzhis rnam pa bzhir dbye bar bya'o/ /rlung dang mkhris pa dang bad kan la sogs pa'i rang bzhin gyi dbye bas bud med dang skyes pa dag bye brag tu shes par bya ste/ /rdzas rnams sbyar bar bya'o/ /de yang rlung can la ni snum pa'i rdzas sbyin par bya la/ mkhris pa can la ni bsil ba'i rdzas byin na phan te/ bad kan can la ni kha ba dang bska ba'i rdzas sbyin no/ /yang rtsub pa dang gsil ba dang snum pa rnams rlung dang mkhris pa dang bad kan can la so sor bsngags so/ /skyes pa dang ni bud med kyang / /re re zhing yang gsum gsum 'dod/ /ces bya ba ni khams kyi rang bzhin gyis nges pa gsum du 'dod pa'o/ /kyang zhes bya ba ni brtag pa ste/ ma ning la ni bcud kyis len mi sbyar ba'i phyir ro/ /nag po ni kha dog nag po ste/ 'dzag pa la bsngags so/ /ser skya</font><hr>85.332b<br><font size=+1>

yang kha dog ste 'pho ba la'o/ /sngo bsangs ni nag po dang ser po gnyis 'dus pa ste/ 'dzag pa dang 'pho ba gnyis ka la'o/ /dang zhes bya ba ni rim pa bzhin du sbyar ba'i don to/ /rtsub pa zhes bya ba ni ba lang gi lce ltar rtsub pa'o/ /'jam pa ni pad ma can zhes bya ba'o/ /mkhrang ba ni khu ba sra ba ste/ gang gi khu ba 'thas par gyur pa'o/ /'dzer pa can ni dung can ma ste/ pad ma la sha mdzer yod pa'o/ /bud med 'di dag ni bcud bcing ba la dbang bar gyur pa yin no/ /sbom zhes bya ba ni gdong dang kha dang nu ma phel kha che zhing sbom pa'o/ /thung zhes bya ba ni bong thung ba dang skra thung zhing chang gi dri dang ldan la 'dod pas myos pa ste/ de dag ni bong tshod ran zhes bya bar bshad do/ /ring ba ni gdong dang lag pa dang rkang pa'i dkyus ring ba'o/ /gzhan yang nya'i dri dang ldan pa'i khu ba ring du 'dzag pa ste/ dung can ma'o/ /sngo bsangs mtshungs zhes bya ba ni dbyangs mi snyan zhing yan lag dang skra thung ba'o/ /yan lag rtsub ces bya ba ni dri mi zhim zhing 'gros dal ba ste/ ri mo can ma'o/ /mgrin pa ring ba ni gang gi mgrin pa mtho ba de mgrin pa ring ba ste/ pad ma dkar po lta bu'i 'od yod cing yid du 'ong la dus rtag tu rdul gyi dri zhim pa dang / ri dgas kyi mig 'dra la ri dgas ltar lta zhing mgrin pa dang lto ri dgas 'dra la rked pa ri dgas kyi rgyal po lta bu ste/ pad ma can du shes par bya'o/ /mig ni zangs ltar dmar ba zhes bya ba ni mig dang rkang pa dang lag pa shin du dmar zhing ma li ka'i dri dang ldan pa dang / bde bar gshegs pa'i rigs la dga' zhing de bzhin du bde ba'i dngos grub ster ba'o/ /pi no un ta zhes bya ba ni pi na ni 'o ma 'dzin pa ste/ de mkhrang zhing skra li ba dang bzhin kun nas zlum pa dang / lte ba'i dbus na ri mo gsum yod pa de ni phreng ba can du shes par bya ba'o/ /thun mong ma ni gang gi rgyu sbyin par byed pa'o/ /nu ma med ces bya ba ni ngang tshul ngan pa dang skyes pa ltar nu ma spangs pa ste/ yan lag ma tshang ba zhes bya ba'i bar du'o/ /mdog nyams zhes</font><hr>85.333a<br><font size=+1>

bya ba ni mdangs rtsub pa'o/ /sA lu dri zhes bya ba ni sA li ltar yid du 'ong ba'i dri yod pa'o/ /chang ni stobs te/ dam tshig dang spyod pa phun sum tshogs pa'i bsam pa dang ldan pa'o/ /chang min dri zhes bya ba ni khyad par du mi ro'i dri'i rjes su 'gro ba'o/ /myos pa ni shin du khyad par du gyur pa'o/ /cha gnyis pa ni cha gnyis te cha gnyis gnyis bsdus pa'o/ /cha gsum ni cha gnyis po de gsum du bsgyur ba ste/ spu med pa dang / sha che ba dang / ru sbal gyi rgyab ltar mtho ba dang / glang po che'i ze ba ltar mkhrang ba dang / skye gnas yangs pa dang khrag dang khu ba rtag tu 'dzag pa ste/ drug po de dag ni skal bzang ma ste/ su b+ha ga yin la de dag ni sgrub pa po la mchog ster ba yin no/ /de dag ni rked pa'i bye brag go/ /de nyid kyis sbrang rtsi ltar 'dzag sbrang rtsi'i dri ste/ sbrang rtsi'i rang bzhin can no/ /so so ni dam tshig gi don dang gzhan la so so ste tha dad par sbyar gyi/ gzhan du ste sems can gyi don du ra sa ya na la sogs pa las gzhan du ni nam yang ma yin te/ gzhan du ni tshig tsam yang sbyar bar mi bya'o/ /'dir ni so sor bsgrub pa ste/ yid la sems pa'i 'khrul 'khor gyis zhes bya ba la yid las byung ba ni yid la sems pa ste/ 'khrul 'khor ni shing dang lpags pa'i rang bzhin gyis 'khrul 'khor ro/ /bsgrub pa ni des bsgrub par bya'o/ /bu mo gcig ni dang po ste/ byang chub dang thar pa'i don du'o/ /gnyis ni dam tshig gi don du'o/ /mang po ni nor gyi don du brtag par zhes bya ba ni khyad par du rdzas bcwa brgyad kyi ste/ gsal bar gyur pa ni gcig nyid mtha' yas pa'i yon tan ster ba'i phyir ro/ /su la zhe na sgrub pa'i dbang po la ste/ yon tan byed pa ni de nyid kyis bya'i gdong pa'i rtsa'i bdud rtsis yon tan de yang dang yang du goms par bya bas so/ /byis pa zhes bya ba ni shed ma bye ba ste/ bu mo gzhon nu ma'o/ /nyi shu zhes bya ba</font><hr>85.333b<br><font size=+1>

lo nyi shu'i bar du'o/ /de rnams thabs kyis sbyang bar bya zhes bya ba ni de rnams nyid sa bon gdab pa'i zhing du gyur pas sbyang bar bya ba yin la/ de rnams nyid thabs yin te mngon par 'dod pa'i don nye bar gtod cing ster la 'bras bu mngon sum du byed pa zhes bya ba'i bar du'o/ /phra mo ni yid du 'ong ba ste nam mkha' lta bu'i spyod yul lo/ /stobs ldan gzung ba yi ni gnas pa zhes bya ba la stobs ldan ni nus pa yod pa'o/ /gzung ba ni bdag gir bya ba'o/ /gnas ni dbyibs te thur du 'bebs pa dang gyen du 'phen pa'i do la dang kur ba la sogs pa'o/ /rdzas ni yongs su sbyong zhes bya ba la rdzas ni srid pa'i rgya mtsho'o/ /de las gru ltar sbyong zhing phan 'dogs par byed pas na yongs su sbyong ba'o/ /kun gab ces bya ba ni srog chags ne'u le ltar kun du 'khyud pa dang / phug ron ltar 'o byed cing sos ma mchu bzung ste 'jib pa dang skra nas gzung ba dang / sen mo 'debs pa dang khu tshur snun pa dang / sos 'debs shing 'dral ba dang mchan khung dang nu ma dang / rked pa dang brla gnyis dang mgrin pa dang rgyab tu sen mos 'dral zhing sid ces bya ba'i sgra dang bcas par sngags pas sngon du bya zhing / gzhan yang nu ma mnye ba la sogs pas de'i sems rnam par 'dul ba'i bya ba de dag so sor byed pa'i tshul rnam pa brgyad dang sbyar ro/ /sen mo 'debs pa de yang 'jam zhing gzhon nu la ni ku sha'i tshad tsam du gdab pa dang dral bar byas te/ rked pa dang rgyab dang b+ha ga'i steng dang skra dang 'gram pa la sogs pa rnams su 'bras kyis gzegs ma'i tshad tsam gyi ri mo ci rigs par chags pa lhod pa rnams la gdab bo/ /de yang sen mo 'ba' zhig ni ma yin gyi/ 'o bya ba la sogs pa rnams kyis tshim par bya'o/ /gang zhig chags pa sra ba rnams la ni sor mo ring po gsum sbrul gyi mgo ltar byas la/ mo mtshan gyi bu gar bcug nas/ sid ces bya ba'i sngags 'byung gi bar du brud</font><hr>85.334a<br><font size=+1>

par byas pas rgan mo la sogs pa tshim par bya ba ni rdo rje sor mo zhes bya'o/ /gang zhig gzhon zhing mnyen pa rnams la ni rang gi mtshan ma dang 'od dang ldan pa'i byang chub kyi sems 'bab pa'i rtsar lce bcug ste zil pa tsam gyis dga' bar bya ste rdo rje lce'i thur ma zhes bya'o/ /de ltar sgrub pa pos yang dang yang du bsgul bas snying 'dar ba dang dga' bas myos shing sems kyi rdul phra mo'i chu 'dzag la/ ngo tsha la sogs pa dang bral te ba spu langs nas shin du chags pas lta zhing 'khyud pa la gus par gyur cing sid ces zer ba dang / de nas skyil dkrung bcings la rdo rje dang pad mo mnyam par sbyor bas do la dang / kur pa na dang / su tsi dang ud k+she pa dang su pra sa ri dang / gra ma na ga ra dang / preng khe na dang u ru spo ta zhes bya ba la sogs pa ji snyed bstan bcos thams cad las 'byung ba'i ka ra na bsten par bya ste/ de dag kun kyang rdo rje sems dpa'i phyag rgyar brjod do/ /de dag gis rang gi don gyis dngos grub rab tu sgrub pas na de dag kun dga' ba las byung ba'i/  rdzas ni yongs su sbyong byed yin zhes bya ba nyid za ba po zhes bya ste/ de yang ji srid du yul rnams kyi ra sa ya na la skyes bus dman par spyod cing dga' ba'i 'khor lor zhugs nas kyang / skyes bu dman par spyod pa ni/ mi 'pho zhes bya'o/ /bya ba kun gyi lam gyis ni zhes bya ba ni byang chub kyi lam ste za ba po zhes bya ba phyi dang nang gi mig la sogs pa'i dbang po dang / gzugs la sogs pa'i yul thams cad gcig tu bsdus shing rang rang gi tshul dang rang rang gi cha la gnas pa'i nye ba'i longs spyod pa thams cad bsdus te nyams su bster ba yin gyi/ gzhan du so so bas ni thams cad la nye bar longs spyod par mi 'gyur ro/ /nye bar longs spyod pa de nyid khrid par byed pas na lam mo/ /dngul chu yi ni shing chen po zhes bya ba ni ji ltar dpag bsam gyi shing 'dod pa'i don thams cad </font><hr>85.334b<br><font size=+1>

ster ba ltar byang chub kyi sems 'dis kyang 'bras bu thams cad spyod yul du byed pa'i phyir ro/ /des na chu skyes yon tan ldan/ /rang skyon 'joms pa'i yid ches yin/ /zhes bya ba la gang gis don ston cing gsal bar byed pas na yid ches te/ de kho na nyid la lta bar byed pa'o/ /de yang 'dir phyag rgya'i ye shes kyi dbang bskur bas dbugs phyung ba yin la/ phyag rgya'i ye shes kyang rnam pa gnyis te/ dngos grub sna tshogs dang bde ba 'jug pas rig pa dang rig par bya bar gzung ngo / /de ltar na dbang po kun las skyes pa'i yid ches pa des dpal dang na so dang nad med pa'i bde ba phun sum tshogs par 'gyur te/ dpal dang na so dang chags pa dang ldan pa'i zla ba la sogs pa la nye bar spyad pas dbang phyug dang nad med pa dang stobs 'phel ba dang / sems can gyi don du yun ring du 'tsho zhing bde ba dam pa de nyid kyis de kho na nyid la blta zhing yid ches pas phyin ci ma log pa'i dngos grub tu 'gyur ro zhes bya ba'i bar du'o/ /rang gi zhes bya ba ni rang gi khu ba ste/ des zhi ba dang rgyas pa dang dbang dang dgug pa la sogs pa kun du 'gyur te/ de nyid ni rtsi zhes bya ba ra sa ya na'i gtso bor bshad do/ /lto skyes ma rnyis rdzas kyi las zhes bya ba la ma rnyis pa ni ma rgas pa ste/ 'bu la sogs pa dang bral zhing mtshan nyid ldan pa'o/ /lto skyes ni mngal nas dang po byung ba shi ba'o/ /las ni de'i bya ba ste mi snang ba la sogs pa dang gzhan yang gzugs sna tshogs su sgyur ba dang / rtsi la sogs pa'i bya ba thams cad sbyar bar bya'o/ /skyed byed don ni rgas pa 'joms zhes bya ba la bdag nyid kyi mthu gang gis skyed byed kyi don rga ba 'joms pa ste/ skyed byed ni 'byin pa po'o/ /rdzas des skyed byed kyi don nyid rga ba 'joms pa'o/ /rgas pa 'joms pa la sogs pa yang dbang pos o tsa ka'i nad rnams la zla ba brgyad du mngal na gnas pa'i byis pa'i ros bcom pa</font><hr>85.335a<br><font size=+1>

la sogs pa yin no/ /lhang tsher dngul chu bcing ba'i mchog ces bya ba la/ mchog ni gsal ba dang mngon sum du gyur pa zhes bya ba'i bar du'o/ /rtsi ni rdzu 'phrul ldan pa'i cha zhes bya ba la/ rdzu 'phrul ni nam mkhar 'phur ba la sogs pa'o/ /cha ni cha shas te skyon gyi tshogs yin la/ de dang bral ba las 'grub pa'o/ /dngul chu bzhi zhes bya ba ni ba ra ta dang / nye ba'i bcud dang / bcud can dang rtsi'i dbang po rnams so/ /lhang tsher bzhi zhes bya ba ni dkar po dang ser po dang sngon po dang dmar po'i bye brag gis so/ /de re re zhing yang rnam pa bzhi ste/ rma bya'i mgrin pa dang sbrul dang sbal pa dang sprin gyi bye brag gis so/ /de la rma bya'i mgrin pa ni mgrin pa'i spu ltar sngon dmar du 'dug pa'o/ /sngon po ni bcud chen po ste lhag par gzung bar bya'o/ /sbrul gyi gzugs ni bye brag tu 'phel bas sbrul gyi dbyibs ltar gyur pa'o/ /sbal pa'i gzugs ni sbal pa'i 'gros lta bu'o/ /sprin gyi gzugs ni chu 'dzin gyi 'gos lta bu'o/ /stobs ldan sogs bcud bral na ni/ /sngon bzhin nyes pa sna tshogs 'gyur zhes bya ba la/ stobs ldan ni mu zi ste/ de'i skyon ni lci ba dang snum pa dang sra ba dag yin te/ skyon des snga mkho bzhin du 'gyur ba'o/ /nag pa dang g.yo ba dang lci ba ni lhang tsher dang rtsi'i skyon no/ /rdo dang rlan dang lci ba dang srog chags kyis zos pa lta bu dang rtul ba ni rnon po'i skyon te skyon lnga po des snga ma bzhin no/ /rdo dang bcus pa yang mu zi'i skyon no/ /bab bla yi ni ser skya'o/ /mu tig gi yang ser skya ste/ snying po med pa'o/ /byi ru'i ni snum bag med pa'o/ /khar ba'i ni gser rdo'o/ /mu men gyi ni gser med pa'o/ /nor bu'i ni phug pa'o/ /gser gyi ni btsos ma'i lhad do/ /dngul gyi ni 'gas pa dang sra ba la sogs pa'o/ /zha nye'i ni yan lag la gnod pa'o/ /sbrul ring 'khar ba'i g.yu dang bye ma la sogs pa ni skya bo'o/ /skyon de dag</font><hr>85.335b<br><font size=+1>

thams cad kyis kyang snga ma bzhin te rin po che'i cho ga'o/ /ma lus pa zhes bya ba ni gzhan srog chags dang rtsa ba la sogs pa yang ste/ swa sti'i mdab ma'i yang ser skya'o/ /kha da si'i rlig pa'i yang bcos ma dang ser skya'o/ /sman sen mo'i ni phag pa'i rna ba lta bu'o/ /ri dgas kyi skyon chen po ni nya dang thal sman la sogs pa'i dri lta bu dang / bsregs na myur du thal bar 'gyur ba ste spang bar bya'o/ /rgya mtsho'i sdig pa'i yang cung zad ser zhing skya ba ste/ las thams cad la spang bar bya'o/ /ro nye'i ni sbrul ltar ring ba'o/ / yung ba'i ni mdog med pa dang skya bo dang phra ba'o/ /shu dag gi ni ljang gur sgrub pa pos shes par bya'o/ /rurta'i ni cag na rgya mtsho'i dbu ba lta bu'o/ /ka ko la'i ni sbal pa'i gzugs ltar mi mnyam la sbun pa ltar yang ba'o/ /dzA ti pha la'i skyon ni skya ba dang snum med pa dang sgra chung ba'o/ /sug smel dang 'bras bu gsum gyi skyon ni sbun pa ltar yang ba ste/ nyes pa gsum skyed par byed do/ /re'u nu ka'i ni na le sham ltar chu'i steng na 'phyo ba'o/ /pri yang ku'i ni ljang gu ste 'gal lo/ /gur gum gyi ni blo dang ldan pas phra ba dang seng ldeng lta bu dang / ge sar chung ba dang cung zad ser ba dang mar nag ltar mdog med pa'o/ /ro nye'i ni sbrul ltar ring ba'i'o/ /u shi ra'i skyon ni 'od ljang gur 'dug pa dang / thung ba ste rtag tu spang bar bya'o/ /ke bar to'i gla sgang gi ni chu rnyog pa can las skyes pa dang zi ma'i nang nas skyes pa ste spang bar bya'o/ /gla sgang gi ni rlan can las skyes pa'o/ /tsha tra kra'i ni kha dog ljang gu'o/ /se ha li'i ni rtsa ba med pa'o/ /ku su ma'i phra ba'o/ /cam pa ka'i ni kha cher bye bar shes par bya'o/ /ke ta ki'i ni bu mang ba'o/ /nyon cig lha mo skal chen ma/ /rtsi dang rdzas rnams skye ba'i yul/ /ri kha ba can gyi rtse mo dang / ri bo dbang chen dang / 'bigs byed kyi brag las byung ba dang / gzhan yang gnas kyi tshang tshing gang nas mig sman</font><hr>85.336a<br><font size=+1>

lta bu'i chu rgyun du 'bab pa'i brag las skyes pa ste/ gang dag gis rtsi byin gyis rlob pa'i gnas kyang bshad par bya'o/ /bung ba'i tshogs kyis nam mkha'i ngos su brgyan pa dang / /rlung tshogs mi rgyu de nyid rlung skyes kha ba 'bab/ /sna tshogs shing bu gel ba'i dri yis bsgos pa dang / /mkha' la lha tshogs sangs rgyas sgra yis gsal byed pa/ /sna tshogs dri zhim dri yis rol ba'i yid du 'ong / /sna tshogs shing gi 'bras bu brul bas sa gzhi brgyan/ /de lta'i ri shong chu 'bab ba/ /bcud ni skye ba'i gnas su bshad/ /de la brag dkar po las ni shel dang chu shel la sogs pa'i nor bu skye bar 'gyur ro/ /brag ser po chu ser po 'bab pa las ni byi ru dang btsag dang brgya byin gyi gzhu lta bu'i nor bu dang nor bu dz+ni ba ni ri dmar po dag las skye bar 'gyur ro/ /ri'i ljongs gang ljong sngon du 'dug cing dro ba dang bcas la rlangs pa du ba lta bu yod cing sa rdo gnag pa las ni gser rdo dang /   khar ba dang gzhan dag dang lcags khab len gyi rigs rnam pa bzhi skye bar 'gyur ro/ /brag ljang sngon las ni bye ma la sogs pa rnams dang mu men dang nor bu stam pa la sogs pa sna tshogs dag skye bar 'gyur ro/ /brag kha dog sngon dmar sna tshogs su 'dug pa las ni ldong ros dang bab bla dang mu zi la sogs pa skye bar 'gyur ro/ /brag sum zhing srog chags dang bcas pa las ni tshal la sogs pa thal sman rnams skye bar 'gyur ro/ /de dag blang ba yang dang po gtor ma byin la sku ba'i snod du blang bar bya'o/ /dngul chu gang rdo las gci rlon gyi sbyor bas bsgrubs pa de ni mchog go/ /rig pa de dag lha mo che/ /sbyor ba kun gyi dam pa yin/ /tshangs pa brgya byin sogs 'grub ma/ /gzhan dag la lta smos ci dgos/ /'das pa'i dus na sngon byung ba/ /bskal pa dang po bde ba che/ /der ni rdo rje sems dpa' che/ /lhag pa yi ni lha gcig bzhugs/ /lha min</font><hr>85.336b<br><font size=+1>

grub pa sogs mthong ste/ /lha yi tshogs ni skrag gyur nas/ /sangs rgyas thams cad 'dus nas ni/ /myur du nga la bskul bar byed/ /thig ler zhu las lha mo che/ /bdud kyis kun du gtor ba ni/ /thams cad rmongs par byed pa yi/ /dngul chu zhes ni bya bar grags/ /chu gting las byung dman pa ste/ /de bzhin ri las skyes pa mchog /da ni dri yi sbyor ba dag /slar yang bshad kyis lha mo nyon/ /dkar po dang ni dmar po dang / /khyad par du ni ser po ste/ /de rnams dbye ba bshad par bya/ /mchog dang dman dang bar ma yin/ /ke ta ke ltar dri zhim zhing / /yang la snum ba gla rtsi'i mchog /kha da si ni skam skyes pa'i/ /rlig pa sha chen zlum po shis/ /sdig pa sngo zhing snum pa dang / /rgya mtsho las ni byung ba bzang / /sen mo rta yi rmig 'dra dang / /glang po che yi rna lta bu/ /ba da ri si ud pal dang / /mdab ma lta bu rnam pa bzhi/ /gnyis gnyis shing ni bdug par sbyar/ /a ka ru ni lci ba dang / /snum zhing bya rog mchu 'dra shis/ /gca' ba sor mo'i dbyib 'dra zhing / /dri ma med pa shin du bsngags/ /mu ra ser po mchog yin te/ /skya bo dag ni dman shes bya/ /shu dag sbom zhing phyi rol ser/ /nang na dkar po yod pa bzang / /nang dbang sha ba'i ra 'dra bar/ /mdzes pa yon tan ldan pa yin/ /yung ba ku da tsa ltar ser/ /sbom zhing tshigs ni che ba dang / /bcag na mig smen mdog 'dra ba/ /rtsi yis las la dge ba yin/ /cung zad mdog ni sngo ba dang / /bcag na sa ha ra yi dri/ /yung ba de ni mer nag dang / /rtsi yi las la dman par bshad/ /ra na sran ma mang+ga ltar/ /sngo ba mchog ni yin par bshad/ /pri yang ku ni nags skyes shing / /sa ha de ba'i mdab 'dra mchog /gur gum ku sum dmar 'dra zhing / /snum la ge sar srab pa mchog /ge sar sbom zhing ser ba dang / /sbrang rtsi'i dri ldan 'bring po yin/ /dzA hi pha la sgra che zhing / /lci la snum pa shin du gces/ /kak+ko la ni snyoms pa dang / /lci zhing sgra med bzang ba yin/ /u sa ra ni dkar ba dang / /</font><hr>85.337a<br><font size=+1>

ring zhing sra ba de bzhin bsngags/ /ke bar ti mud gla sgang ni/ /chu bo'i 'gram dang mtsho 'gram dang / /dri ma med pa'i chu la skyes/ /zi ma 'dab bu la sogs bral/ /shin du dri zhim yid 'ong mchog /tsha ti ba ni gi wang gi/ /mdog ltar 'tshod pa bsngags pa yin/ /gla sgang skam skyes mkhregs pa bzang / /rlan snyoms yul nas skyes pa 'bring / /a ru ra ni 'bigs byed kyi/ /nags dang ri bo dbang chen skyes/ /nar ma da yi chu skyes mchog /gzhan dag dman dang 'bring po yin/ /smyung po dang ni 'jigs med dang / /'tsho dang de bzhin bdud rtsi ste/ /gtsang ma dang ni 'phel ba dang / /rnam par rgyal ba bdun du brjod/ /ri mo gsum po smyung po ste/ /'jigs byed ri mo lnga pa yin/ /'tsho ba gser mdog shes par bya/ /bdud rtsi sha chen zhes bya ste/ /de bzhin gtsang ma sha med yin/ /ser skya 'phel ba zhes bya ste/ /ku ba lta bu rnam par rgyal/ /dri la smyung po sbyar bya ste/ /bcud kyis len pa bdud rtsi bsngags/ /'jigs med rnam par rgyal ba 'bring / /lhag ma rnams ni don med do/ /skyu ru ra ni sha che zhing / /rus pa chung la ro dang ldan/ /rdo ba can gyi ri las skyes/ /shin du smin pa mchog tu bshad/ /ba ru ra ni tha mal pa'i/ /ri las skyes pa'am gzhan yang rung / /a ru skang ni snum zhing sngo/ /lci zhing mar dang bcas pa bzang / /da ni de dag re re zhing / /gzung bar bya ba bshad kyis nyon/ /rdzas ni dus bzhin skyes pa dang / /bcud dang bcas pa gzung bya ste/ /'thun pas phan pa nyid 'gyur gyi/ /bzlog pas gnod pa nyid du 'gyur/ /da ni tshim par bya ba yi/ /cho ga bshad kyis lha mo nyon/ /ma d+hi dang ni peSh+thi dang / /de bzhin go d+hi dza ka la/ /de dag 'bru dang bcos pa'i chang / /ro yi bye brag sna tshogs de/ /rim pa de dag brjod pa yin/ /ma d+hi rnam pa lngar bshad de/ /peSh+thi rnam pa brgyad du brjod/ /go di rnam pa bdun yin te/ /de bzhin dza ga la</font><hr>85.337b<br><font size=+1>

ni gsum/ /btso dang sbyor ba'i cho ga dag /da ni rab tu bshad kyis nyon/ /sbrang rtsi las byung dang po ste/ /khardza ri yi gnyis pa yin/ /rgun 'brum las byung gsum pa ste/ /bcud tshogs las byung bzhi pa yin/ /lnga pa dbang chen zhes bya ste/ /thams cad kyi ni gtso bor brjod/ /rab tu gdang dang ser skya dang / /myos par byed pa thams cad 'byung / /lo di las byung mdog bzang dang / /mchog tu gser dang dzi bo dang / /zhi ba dang ni rnam pa brgyad/ /de brgyad peSh+thi las byung ba/ /mdor bsdus nas ni brjod pa yin/ /u k+Sha las byung dang po ste/ /si tu yi ni gnyis pa yin/ /gsum pa bu ram gnyis las byung / /bzhi pa skya bo zhes bya ste/ /sna tshogs dang ni de bzhin gzhan/ /mi 'jigs zhes bya dang ni bdun/ /'bras bu yi ni khu ba dang / /me tog dang ni de bzhin gzhan/ /nya bu can gyi 'bras bu dang / /tsa kra ang ka bzung nas ni/ /na le sham ni drug bcu bzhi/ /skyu ru ra khu srang bcu dang / /po son cha ni srang phyed bcas/ /chu bre gang du mnyes nas ni/ /nyi ma'i 'od la btso bar bya/ /sa har da dri'i me tog dang / /'u su sha ta pus pa dang / /ma la ya dang u shi ra/ /ri las skyes pa'i gzhon nu ma/ /dzA ti shing tsha so pan tsa/ /de dag so sor zho gnyis gnyis/ /bur shing khu ba srang brgyad dang / /chu ni da yi bzhi 'gyur bcas/ /sngon po kaN+Da ka ri dang / /rgya spos sug spel ta ma la/ /btsod dang nA ga ge sar dang / /u shi ra dang na le sham/ /glang po che yi pi pi ling / /bu ram srang ni gcig dang bcas/ /chu ni srang bdun nang du blugs/ /rgya spos brag zhun ta ma la/ /rgya spos ru ta cha re bya/ /'bru chang bre gang nang du ni/ /thams cad bcos te nyin bdun du/ /nyi ma'i 'od la btso bar bya/ /de nas sbrang rtsi de mnyam dang / /'dzam bu'i shing ni cha brgyad bcas/ /slar yang snga ma bzhin du ni/ /nyi ma la ni btso byas te/ /</font><hr>85.338a<br><font size=+1>

sbrang rtsi tsam zhig lus pa dang / /bdug spos kyis ni bdug par bya/ /de nas zla ba gcig tu ni/ /'bras kyi so ba'i nang du gzhug /de nas sa yi 'og tu ni/ /zla ba gcig dang nyin bzhi gzhag /thog ma tha ma mnyam pa ste/ /bar ma bzhi 'gyur du ni blugs/ /du hi ga bur gla rtsis bdug /de ni sgeg mo zhes bya yin/ /da tri'i me tog srang phyed dang / /chang dang mnyam pa'i bu ram dang / /lhag ma'i cha ni rdzogs nas su/ /phyi nas gcig tu bsre bar bya/ /chang gi bcu drug cha dang ni/ /da tri'i me tog ji snyed pa/ /dri zhim gyi ni skyo ma dang / /de rnams thams cad gcig tu spyo/ /zla ba re re spel bya ste/ /de yi nang du sgeg mo blugs/ /dang por mnyam por blugs bya ste/ /zla ba gnyis la nyis 'gyur bya/ /de ltar gsum bzhi lnga drug bdun/ /la sogs lo gcig bar du spel/ /de nas zla ba drug tu ni/ /kha bcad nas ni sba bar bya/ /bu ram khu bas spel bya ste/ /rab tu myos byed gso bar bshad/ /chu shing smin pa rdog ma brgyad/ /de bzhin sgeg mo srang brgyad dang / /phur mo'i phye ma srang gcig dang / /'od ma'i nang du blugs nas su/ /'bru yi nang du zla phyed gzhag /chags can mchog ces bshad pa yin/ /'bras bu gsum dang sha shi dang / /A ka ru dang ardzu na/ /dzA ti me tog bcas pa'i rdzas/ /phye ma srang gcig bzung nas su/ /slar yang sgeg mo srang brgyad bcas/ /nyi ma bdun du gzhag par bya/ /me tog myos byed zhes bya yin/ /rgun 'bru~M ka ta~M shing dbang phyug /khardza ri yi khu ba dang / /spa yi rtsa ba rnam pa gnyis/ /pa ta me tog la sogs bcas/ /rnam pa brgyad ni sbyar bar bya/ /phabs ni bcos pa'i cho ga yin/ /peSh+thi las byung myos byed de/ /zan las byung ba chu can mchog /rtsu ta la sogs shun pa las/ /byung ba chang zhes bya ba yin/ /dza ga la ni 'bru chang brjod/ /rgun 'brum sbrang rtsi dpa' bo gcig /skyur po g.yon can zan mo yin/ /tsin tsa rtsa ba las byung</font><hr>85.338b<br><font size=+1>

gang / /nya phyis can zhes bya bar grags/ /me tog gis bsgom rab myos yin/ /dri zhim dang bcas sgeg mor bshad/ /kha zas mi len rid pa dang / /mkhris pa can la dza gal phan/ /bad kan can la zan chang phan/ /gnyi ga la ni dzi bo bsngags/ /sbyor bas bcud len ro yi mchog /tsaka kra ang ka sbrang rtsi dang / /ru rta dang ni gla sgang gi /khu ba dang ni tsu ta dang / /kum pa la sogs gzhan dag kyang / /chang gi phabs su sbyar bar bya/ /chang dang phabs kyi cho ga'o/ /gla sgang dang ni ku tsa dang / /yung ba dang ni sgog skya rnams/ /sings po'i nang du zhag gsum sbang / /de nas lo ma lnga pa yi/ /khu ba'i nang du bskol bar bya/ /'bras phye dang ni bu ram bcas/ /shing khru'i khu ba ra gcin gyis/ /bkrus na dag par 'gyur ba yin/ /sho ban dza dang ra gcig tu/ /gla rtsi dag ni sbang byas na/ /de yis dri dang 'bral mi 'gyur/ /kha da si yi rlig pa ni/ /dang po thal bas spu phyi la/ /de nas lo ma lnga pa yi/ /khu bar khwa tshos byas nas ni/ /slar yang shing khru'i khu ba dang / /ra yi gcin du sbangs nas ni/ /ke ta ki yi nang bcug la/ /so pan tsa yi rtsa bar gzhug /de ni kha da si rlig sbyang / /shu dag dang ni yung ba gnyis/ /yungs mar rdo rje'i 'o ma dang / /sings po cha mnyam nang bskol bas/ /dag 'gyur 'dir ni the tshom med/ /e ran da yi khu ba dang / /brag zhun gyi ni chur bcas pas/ /se hal le ni bkrus nas su/ /'dab mar btums te lci bas byug /sa yi 'og tu sbas pas 'dag /ku su ma dang 'bras bu rnams/ /dang po ta krar sbangs nas ni/ /bkrus nas shi ri pha la yi/ /nang du bcug nas bsros pas 'dag /mu zi mar khus dag 'gyur te/ /bab bla ba lang sha yis 'dag /bya gri ba lang lci bas sbyar/ /ldong ros dang skyur gyis ni 'dag /gur kum mar gyis 'dag par 'gyur/ /gca' ba glang gi gcin gyis te/ /a ka ru ni khrag gis sbyang / /</font><hr>85.339a<br><font size=+1>

si h+la bu mo'i khrag gis 'dag /de nas bcom ldan 'das la lha mos mchod cing phyag byas te 'di skad ces gsol to/ /bcud kyis len ni rab sbyor ba/ /gnas ni gang du brtsam par bgyi/ /sde tshan rnams ni sngar bshad pa'i/ /'brel pa dag ni ji ltar lags/ /sbyor ba'i rim pa khyod bshad pa'i/ /dgos pa dag ni ci zhig lags/ /mar nag btso ba cho ga dang / /yul dang 'brel pa'i ting nge 'dzin/ /khams ni bcwa brgyad bstan pa yi/ /phan tshun bsdus pa ji lta bu/ /'khrul 'khor bye brag bshad pa dag /phyi dang nang ni ji ltar lags/ /nad rnams sna tshogs byung ba dag /ji ltar smin pas 'bras bur 'gyur/ /sbom po'i bye brag du zhig mchis/ /phra mo yi ni khyad par ci/ /rdzas dang bcud len mi 'tshal te/ /khyod kyis sbyor ba gang bshad pa'i/ /dus kyi khyad par ji lta bu/ /de rnams bdag ni the tshom skyes/ /bde ba chen pos bshad du gsol/ /bka' stsal pa/ sgyu ma kun gyis rnam rol pa/ /nyon cig lha mo sgyu ma che/ /sbrang rtsi lta bur bcud bsdus pa/ /rgyud rnams kun du gsang ba yin/ /gnas sogs ji bzhin mchod nas su/ /bde mchog sngags kyi bsnyen par bya/ /dpa' bo rnal 'byor gnyis med pa/ /nyi shu rtsa bzhi cher mchod nas/ /rnal 'byor chen po de yis ni/ /bcud len sman gyi sbyor ba brtsam/ /rig pa 'dzin pa'i grogs po ni/ /sngags kyi bsnyen par gus pa dang / /skyo dub med cing dgos pa med/ /dam tshig spyod la gus pa ste/ /dpa' zhing brtan la g.yo sgyu med/ /'jam zhing bla ma'i bsnyen bkur brtson/ /de dang lhan cig bsgrub par bya/ /sgrub pos gzhan du byis na ni/ /dngos grub 'bras bu 'byung mi 'gyur/ /sngar bshad rig pa sbyang byas te/ /dang po dam tshig sbyin par bya/ /gcer bu'i brtul zhugs 'dzin pa yis/ /gnyis pas ming sogs dbang ni bskur/ /dbang bskur nas ni de nyid bstan/ /stong dang stong min sogs spangs pa'i/ /</font><hr>85.339b<br><font size=+1>

ro ni mi mchog gis rtogs bya/ /sgo dgu las ni byung ba'i rdzas/ /sbom po zhes ni bya ba ste/ /rdzas ni 'ju bar byed pa yin/ /bcud ni dngul gyi lhag ma yin/ /len pa snying stobs zhes byar bshad/ /snying stobs rdzas zhes bya ba ste/ /dngul ni zhu ba zhes byar brjod/ /de ltar rdzas dang zhu ba ni/ /bsdus pa len pa zhes bya'o/ /mun pa phra mo zhes bya ste/ /phra mo nam mkha'i khams mtshan nyid/ /phung po la sogs khyad par dang / /khams rnams thams cad 'tshod pa yin/ /sna tshogs gzugs rnams 'byin pa ni/ /nga yi ye shes kyis bskul yin/ /de dag lha mo skal chen mo/ /rdzas dang khams ni bsdus pa ste/ /brtson 'grus dman zhing tha shal dang / /bsod nams dman pas mthong mi 'gyur/ /brtson 'grus bcud kun gnas yin pas/ /de bas brtson 'grus brtsam par bya/ /bcud ni bcing dang gso ba dag /mdor bsdus nas ni bshad pa yin/ /yongs su smin pa'i mchog gis ni/ /mnyam med bcud la brten pa yi/ /rnam bcing la sogs nyes pa brgya/ /blo dang ldan pas dpyad de dgag /bcud ni nag po sngon po ste/ /bcud ni yongs su grub pa yin/ /dngul chu lhang tsher cho ga yis/ /ji srid bcud chen grub kyi bar/ /de srid du ni 'bad de dpyad/ /'khrul 'khor gang zhig kha che ba/ /de ni ka ran rgod ma'i kha/ /'khrul 'khor gang zhig rdza rnga 'dra/ /de nyid bong bu rnga mo'i kha/ /rgod ma'i kha ni 'od ma yi/ /sbu gu yis ni brgyan bar bya/ /ka ran da yi 'khrul 'khor ni/ /ral gri shugs kyis brgyan par bya/ /'khrul 'khor bong bu'i kha zhes pa/ /kang ka'i mgrin pa'i sbu gur sbyar/ /rnga mo'i kha yi 'khrul 'khor ni/ /bya rog mchu dang sbyang bar bya/ /tshar gcad pa ni sbal ba ste/ /'od ma can gyis sbrang rtsir btso/ /bya rog mchu can bung bar btso/ /rdo leb 'bar zhing 'od dang bcas/ /kang ka'i mchu can glang chen btso/ /ral gri shubs can 'khrul 'khor gyis/ /seng ge ru ni btso ba yin/ /bcud chen yib dang khros</font><hr>85.340a<br><font size=+1>

pa dang / /'thor zhing shin du tshos pa yis/ /chu yi nang du 'bros par 'gyur/ /de nas glang chen mgo bcud dang / /mu zi la sogs byin nas ni/ /bsregs pas tshar gcad mnan pa dang / /'og tu sa la bo nas su/ /'dar zhing rmongs la du bar 'thul/ /khrol khrol gyi ni sgra 'byin no/ /de nas a sa gan da dang / /ba la tsakra mar da dang / /ba la ta ka shi khru ste/ /pa ri tsha da ku mu ta/ /ud pal ma li ka sa bon/ /rgya shug rus pa yi sa bon/ /sku ba'i sa bon ma tu dang / /po son pa la shu ba'i shun/ /phyi ma skyo mar byas pa yi/ /nang du de nas brdung bar bya/ /cha ni nges dang bcas pas 'ching / /rdzas ni drug cha sbyin par bya/ /de nas rdo yi gtun du mnye/ /dang po re zhig sbyang bar bya/ /de nas gci ba'i lan tshwa dang / /phag gi zhag dang khrag tu bcas/ /dkrugs pas nyes pa gzhom par bya/ /'khrul 'khor gzhug pa bshad par bya/ /tsan tra thal sman la sogs dang / /bcas pa rkang gi nang du gzhug /dang po brgya rtsa brgyad par bya/ /phyi nas lto skyes bcas pa'i bcud/ /'od ma'i nang du bcug nas su/ /sngar bshad gnas su gzhag par bya/ /rtsa ba 'bras bu zhes bya ba ni so pan dza la sogs pa'i rtsa ba dang 'bras bu'o/ /ka tu ma dzardza la sogs pa'i ni me tog dang 'dab ma dang rus pa la sogs pa gzung ngo / /bcud btso ba'i sbyor ba'i cho ga'o/ /lhang tsher phyogs kyi cha dang ni/ /bcud ni dbang po'i cha dang bcas/ /cha ni nges pas 'ching 'gyur te/ /cha bcus rim gyis spel bar bya/ /dri zhim zla ba re re sbyin/ /gser gyis mdog ni bzang por 'gyur/ /dngul gyis so ni bzang por 'gyur/ /mu tig mig ni dag par 'gyur/ /mu men skra dang spu la phan/ /rdo rjes thog ni zlog 'gyur te/ /lcags kyis chu dang mtshon rnams zlog /sna tshogs dbang phyug sems dang ni/ /lhang tsher gyis ni brgya byin dang / /me dang gshin rje chu lha dang / /lus ngan la sogs bgegs kun zlog /nA ga bar ni mar sar dang / / </font><hr>85.340b<br><font size=+1>

rgya mtsho lan tshwar bcas pa yi/ /dngul chu'i sbyor ba mchog 'di yis/ /rgas pa dang ni mdze nad 'joms/ /ba lang lce yi sman dang ni/ /dngul chur bcas pa byugs pa yis/ /gzhang 'brum nad ni sel bar byed/ /ka ri ke sas gso ba ste/ /gi ri kar ni ka dang ni/ /ral pa dmar pos bzhu zhing gsad/ /'dzag dang a sha gad da dang / /nA ga ba la ba li ka /cha mnyam gyis ni rmongs par bya/ /d+ha du ra yi khu ba yis/ /rang gi yon tan ma lus byed/ /de nas snying po kun bsdus pa'i/ /mar khu'i cho ga bshad par bya/ /mar khu rnam pa gnyis gsungs te/ /snod dang sems can las byung ba'o/ /dang po snod kyi bshad bya ste/ /'bras bu chen po gsum gyi chus/ /snum ster rnams la yang yang bsgo/ /de ni legs par bskam byas la/ /rdul la sogs pa'i skyon bral ba'i/ /sa yi char ni sngags pas bskyed/ /legs par smin cing snum pa dang / /skya bo la sogs skyon spangs gnag /legs par brdung zhing bsros nas su/ /skyu ru ra khu char chus sbang / /sra ba de yi bdug pas bsgo/ /du med me yis ran par bdug /de nas 'khrul 'khor dag gis bcing / /dpyid dang sos ka ston dus gsum/ /nyi ma'i 'od la sman mar btso/ /dgun stod dgun smad dbyar dang gsum/ /mar khu me yis ran par btso/ /gan da pa tra twa tsa dang / /sug smel nA ga pus par bcas/ /ral pa dang ni sa li la/ /de dag phye mar byas pa ni/ /til las byung ba'i nang blugs te/ /chu ni mar khu'i bzhi 'gyur bya/ /a ga ru ni srang phyed dang / /sman gyi bzhi 'gyur byas nas su/ /de nas me ni ran pas bskol/ /slar yang ral pa gla sgang dang / /tsan dan shing tsha ba trar bcas/ /sngar bshad phye ma mnyam por bya/ /de bzhin snga ma bzhin du btso/ /slar yang sih+la dkar min lha/ /ru rta dza la ba thar bcas/ /thams cad bsres pa srang gcig btang / /mar khu srang ni brgyad dang bcas/ /</font><hr>85.341a<br><font size=+1>

'od ma'i nang du blugs nas ni/ /nyi ma bdun du nyi mar btso/ /yid 'ong skal bzang stobs rab ster/ /'dod pa'i don ni phun sum tshogs/ /gal te tshangs pa'i mar khur bcas/ /rnal 'byor can la mchog ster 'gyur/ /gzhan yang sba la sug smel dang / /ba ta b+h+ring ga rA dza dang / /sen mo ru rta pi sha tsa/ /so sor cha bzhi cha drug bdun/ /cha ni bcu gnyis dag dang bcas/ /'di rnams sman gyi skyo ma ni/ /sngar bshad pa yi tshad dang bcas/ /sngar bshad 'od ma'i cho gas btso/ /gang tshe rkang gi mar khur bcas/ /nad rnams thams cad 'phrog par 'gyur/ /de nas sha chen mar khu dang / /lhan cig bsres te sbrang rtsi yi/ /snod tu blugs te nyi mar bsro/ /nyi ma bdun ni tshun chad kyis/ /ri dgas lte ba dang mtshungs 'gyur/ /sbyor ba 'di ni dam pa ste/ /bsrung ba kun gyis bla na med/ /ti tra tsa yi 'bras bu dang / /tsan dan sih+la shing tshar bcas/ /sngar bshad pa yi mar khu de/ /rkang gi mar dang bsres nas ni/ /sngar bzhin sbrang rtsi'i snod gzhag sogs/ /de ni ga bur mtshungs 'gyur te/ /skye bo thams cad rmongs par byed/ /de nas ri skyes mar khur bcas/ /'bras gsum gla sgang shu dag dang / /pu ti ta dkar ku gsum/ /se bal yi ngar pa dang / /gur kum dang ni lhan cig bcas/ /sbrang rtsi'i snod du blugs nas su/ /nyin bdun nyi ma'i drod la btso/ /skal bzang stobs 'phel mdangs dang ldan/ /rtag tu 'o ma btung bya zhing / /bsam gtan bzlas la 'bad par bya/ /tshangs par spyod la rtag gnas nas/ /khu ba dag ni dgag par bya/ /sbrang rtsi dang ni bcas pa ru/ /sgrub pos phra mo zla drug bza'/ /de yi bshang ba kun blangs la/ /phra mo lhan cig phye mar bya/ /rdza ma sar par bzhag nas su/ /tsha gsum tso ra'i phye ma ni/ /nyis 'gyur du na byis pa dang / /'byin byed phye ma bcu char bsre/ /bu ram gyis ni ri lu bya/ /sgrub po shin du mnyam bzhag pas/ /nyi ma re re zho</font><hr>85.341b<br><font size=+1>

gnyis gnyis/ /zos na nad rnams thams cad ni/ /'jig 'gyur khyad par gzhang 'brum 'joms/ /mes po yi ni cha bzhi dang / /sgog skya dang ni bcu drug bsre/ /'o ma dang ni lhan cig btung / /nyi ma bdun ni tshun chad kyis/ /gzer nad glang sna 'joms par 'gyur/ /sings po dang ni lhan cig tu/ /snga ma bzhin du 'thungs na ni/ /nad rnams thams cad sel bar byed/ /zla drug sbyor ba goms pa yis/ /skra dkar dang ni gnyer ma 'phrog /'bras ni dmar po'i phye ma dang / /ba la'i rtsa ba 'dab mar bcas/ /sgog skya zho gnyis lhan cig tu/ /btags te ri lu byas nas ni/ /mar ram mar nag nang du btso/ /zos nas gcin dang 'tsham par btung / /des ni rus pa chag pa dag /'byor zhing stobs dang nyam 'phel 'gyur/ /b+h+ring ga rA dza tshangs pa ni/ /rlon pa gci ba dang bcas bza'/ /de yis dug ni 'phrog par byed/ /yung ba'i khu ba zho gnyis dang / /de dang mnyam pa'i gci bar bcas/ /mthungs na rgyu ba'i dug dang ni/ /shu ba dang ni nad kun 'joms/ /yung ba'i khu ba ba lang gcin/ /de bzhin 'byung po'i gtso bo ste/ /rig byed grangs dang mnyam pa'i srang / /de la zho ni gnyis gnyis btung / /dpyid kyi dus su cung zad bskyed/ /sbyor ba'i gtso bo 'di yis ni/ /dug dang rims rnams sel bar byed/ /gla sgang skyu ru ra dang ni/ /dri rnon dang ni zhag chen dang / /sbrang rtsi cha mnyam phye ma ni/ /khab len lcags kyi snod du gzhag /sbyor ba'i rim pa 'di yis ni/ /srang ni sum brgya'i bar du bya/ /'ba' sa~M ta zhes bya ba ste/ /dngos grub thams cad rab ster ba/ /lo gcig bar du sbyor ba yis/ /yid 'ong yid ni gzhungs par 'gyur/ /nad rnams kun las rnam par grol/ /gnyer ma dang ni skra dkar sel/ /dus kyi rlung dang nyi tshan sogs/ /bsten kyang 'jigs par mi bya'o/ /sbyor ba gzhan la brten pa ni/ /'bras bu med cing log par 'gyur/ /rtag tu bsam</font><hr>85.341c<br><font size=+1>

# gtan bzlas byas nas/ /lo ni sum brgya'i bar du 'tsho/ /pi pi ling dang gur kum ni/ /cha ni mnyam por byas nas su/ /so ka'i dus su bza' bar bya/ /de rjes gci ba dro 'thungs na/ /kha zas yi gar 'ong zhing 'ju/ /nir ku~M di yi khu ba dang / /gci bar bcas pa sna sman sbyin/ /bad kan las gyur nad rnams 'phrog /de nyid pad ma'i dri ma dang / /bcas par byugs na glang shu sel/ /ma ra ka da'i rtsa ba dang / /so dang sen mo'i rdul du bsre/ /rma ni dang po mar gyis bkru/ /de rjes sman des byugs na ni/ /rma ni 'drub par byed pa'i mchog /so phag rdul dang sug smel phye/ /gi ri kar+Na'i khu ba ru/ /mnyes te mig la byugs na ni/ /rab rib dag ni 'joms pa'i mchog /'bras bu gsum gyi khu bas sbyang / /ma ha ha ta ka yi 'dab/ /'o ma dang ni lig bu mig /'byung po'i chu dang bcas pa ru/ /mig tu blugs nas lo d+ha yis/ /bdugs na dri ma med par 'gyur/ /yung ba gnyis kyi cha mnyam phye/ /ba yi dar ba bre dor bcas/ /bre gang lus kyi bar du bskol/ /zhag bdun du ni de 'thungs na/ /de yis lus ni rgyas 'gyur te/ /bcud kyis len gyi sbyor ba 'di/ /dpa' bo rang nyid bshad pa yin/ /yung ba dang ni so phag dang / /de bzhin btsag dang smyo byed khu/ /rlung med gnas su gnas nas ni/ /lus la dril phyis byas na ni/ /rtag tu stobs ni 'phel byed cing / /dngul chu bcing ba dag la phan/ /ru rta mur ba shug ti ka /shing tsha cha mnyam phye dang ni/ /mang si tsha ni nyis 'gyur bcas/ /dril phyis byas na 'dod pa 'grub/ /brag zhun dang ni so phag dang / /nir gun di dang e la tsha/ /cha ni mnyam por byas pa yi/ /yung ba dag ni bzhi 'gyur bcas/ /gser shing khu ba cha phyed kyis/ /dril phyis byas na dug 'phrog cing / /gci bar bcas pa'i dril phyis kyis/ /khyi rngo dang ni mdze nad 'joms/ /khye'u dang bu mo gzhon nu'i</font><hr>85.341d<br><font size=+1>

# sha /mar dang bcas pa ci rigs par/ /rgyun du zos na tshe ring 'gyur/ /mdzes ma las byung me tog ni/ /zos na rim gyis rga ba 'joms/ /rtag tu ga bur tsan dan dag /bsten na nad rnams sel ba'i mchog /de bzhin bzhi mnyam gci bar bcas/ /sna sman byin na'ang nad kun sel/ /sha sha ka dang yung ba dang / /kha ba yi ni snying po dag /pad ma can gyi pad ma ni/ /smyung po yi ni khu ba dang / /sems kyi dbang phyug lag mthil du/ /mnyes te rim gyis bsten na ni/ /nad rnams kun las grol 'gyur zhing / /bsam pa thams cad rdzogs byed par/ /gdon mi za bar ngas bshad de/ /dpyid kyi dus su bskul bar bya/ /mkhrang ma zhes bya chen po'i chen/ /de yi gci ba'i lan tshwa dang / /de yi khrag dang khu bar bcas/ /dngul chu dang ni sbrang rtsir bsre/ /sbyor ba chen po 'di dag ni/ /mdzes ma'i gdong can khyod la bshad/ /rtag tu nad med stobs ldan 'gyur/ /bad kan can gyi mi rnams la/ /tsha ba'i rdzas dang lhan cig sbyin/ /thung ngu'i pad ma las byung ba/ /dang po mkhas pas gzung bar bya/ /lce dang dkar por bcas pa las/ /sbyor ba pos ni ri lu bya/ /zla ba drug tu bsten pa yis/ /rgyu dang mi rgyu bcas par 'ching / /ji srid lus ni gnas kyi bar/ /dug kyang 'pho bar mi 'gyur ro/ /mkhrang ma las byung me tog gzung / /de bzhin khwa gdong bdud rtsir bcas/ /sha chen dag ni nyis 'gyur bya/ /rang las byung ba'i sems dang bcas/ /de ni zos shing bsten pa yis/ /tshe dang nad med phun sum tshogs/ /rim 'di rtag tu bsten byas na/ /lo ni sum brgyar 'tsho 'gyur zhing / /skra dkar dang ni gnyer ma sel/ /bstan bcos kun la 'jigs med 'gyur/ /bshang ba'i phye ma zho gnyis dang / /a pa marga'i thal ba dag /mi yi gcin dang ma he'i gcin/ /bcas par mkhas</font><hr>85.342a<br><font size=+1>

pas blud na ni/ /stobs rnams bde bar skye 'gyur bar/ /ngas bshad pa la the tshom med/ /rdo rje bla ma mchod nas ni/ /de 'og las ni brtsam par bya/ /yung ba she ka rar bcas pas/ /khrag dang mkhris pa'ang sel bar byed/ /mi mo'i 'o ma srang brgya dang / /rdo rje'i 'o ma srang brgyar bcas/ /skyu ru ru'i khu ba'ang de tsam ste/ /ba yi 'o ma kham phor gang / /yung ba sbrang rtsi tsan dan dmar/ /srang gcig dang ni pa the dag /sngar bshad mtshan nyid ldan pa ni/ /brgya rtsa brgyad ni gzung bar bya/ /sngon bzhin ran par btso byas la/ /khyim gyi me tog dkar por bcas/ /dpyid kyi dus su bskul bar bya/ /sbom po la sogs lnga yi ni/ /las kyi cho ga bshad par bya/ /nu ma med pa rtsub mo dang / /mdzer pa can te gsum pa yi/ /gci ba'i lan tshwa bzung nas su/ /mthe bo yi ni khrag dang bcas/ /'gugs par byed pa'i dam pa yin/ /rdzas la rta dang ma he'i khrag /khro bo yi ni khrag dang bcas/ /de bzhin du ni tha chungs kyi/ /khrag dang bcas pas gsad pa'ang 'grub/ /thung ngu yi ni lan tshwa dang / /de nyid kyi ni khu bar bcas/ /ring po'i khrag dang bcas pa yis/ /rgyas pa chen por 'gyur ba yin/ /de nyid srin lag 'byung po'i bdag /don yod dbang du sdud pa yin/ /dri yi chu ni rgyal mtshan gyi/ /khrag dang lhan cig bcas nas su/ /lag mthil du ni mnyes la bza'/ /'dod don thams cad sgrub byed yin/ /pad ma las byung ma rnyed na/ /ro yi lag pa las byung gzung / /rnal 'byor don gnyer dbul po yis/ /lag pa'i mchod pas yid 'dod bya/ /rgyud rnams kun du gang sbas pa/ /de dag thams cad khyod la bshad/ /dbang bskur lag tu bkod nas ni/ /mkhas pas rgyab tu gshegs su gsol/ /mdzes ma kun du ru'i sa bon/ /phag gi mche bas mnyes nas su/ /</font><hr>85.342b<br><font size=+1>

thig ler byas na rgyu mi rgyu'i/ /'gro ba dbang du byed par 'gyur/ /gi ri kar+Nan dkar po dang / /pri yang ku ru bcas te blag /nyams stobs dag ni 'phel bar 'gyur/ /bu mo gzhon nu'i mig rnag dang / /ldong ros bcas pa bsten na ni/ /sna tshogs dug rnams 'joms par byed/ /bu mo sngo bsangs mig rnag dang / /klad pa yi ni zhag tu bcas/ /de ni bsten pa tsam gyis su/ /skra dkar 'joms par the tshom med/ /lce dang khrag ni cha mnyams la/ /bu ram 'ol ske bzhi char bcas/ /gzhan yang khu ba mar dang ni/ /dngul chu sngar ni bshad bzhin bzung / /mu zi bzang por bcas pa ni/ /bsten na sbyor ba'i dam pa ste/ /zla drug tsam du nges par ni/ /rga dang na las grol 'gyur zhing / /lo ni sum brgyar 'tsho bar 'gyur/ /rkang gi zhag dang mu zi ni/ /zho ni phyed phyed sbyar byas la/ /lo gcig bar du bsten na ni/ /lha yi gzugs 'gyur the tshom med/ /nam mkha'i me ni mnyes byed pa/ /su si ra'i tshad dang mnyam/ /'di ni sbyor ba chen po ste/ /tshe dang nad med 'phel byed yin/ /rtsi bsad dang ni bkra shis bcas/ /lhag pa'i lha yi sems par ldan/ /bslad dang gzhib dang sna sman gyis/ /rdo rje'i lus 'gyur the tshom med/ /ce myang tsha dang gser shing dang / /smyo byed dag la bzhi char bcas/ /tsag kra marda sen mo'i rdul/ /so ma ra dza yung ba dag /thams cad gcig tu sbyor ba yi/ /rdzas ni srang gcig bzung nas su/ /sngar bshad cho ga bzhin du ni/ /mar khu dag ni btso bar bya/ /mi rgyal ta la sa h+ya de/ /'bras bu yi ni chu dang bcas/ /bzhi dang lnga dang drug bdun cha/ /de dag ji snyed mar de snyed/ /lcags kyi dri ma spri yang ku/ /so dang sen mo yung bar bcas/ /de dag slar yang mar khur btso/ /gsal zhing nad med 'phel bar byed/ /mgo bsku</font><hr>85.342c<br><font size=+1>

# ba yi cho ga'o/ /pri yang ku dang tsan dra dang / /kan te la ba na'i me tog /sbrang rtsi 'dzag dang ku mu ta/ /ud pal chu yi do bar bcas/ /skyer bar bcas pa'i skyo ma ni/ /srang gcig tshad du bzung bar bya/ /'dod pa'i me ni 'bar byed de/ /skal bzang stobs ni 'phel bar byed/ /tsam pa dang ni gur kum dang / /ba bla'i khu bar bcas pa bsku/ /bsku byug gi cho ga'o/ /'byin byed gcig dang mar khu gnyis/ /dbang po gsum dang ldan par bya/ /ska ba zhes bya skyu ru ra/ /kri ri ma la e la dzi/ /tsam pa ka dang tsan dan dang / /nA ga ge sar ru rta dang / /pad ma rag ta pri dar bcas/ /sbrang rtsi me tog pri yang ku/ /ba na ma la phur mo dang / /a pra da di pus par bcas/ /chu yi do ba dpa' bo gcig /sha ta pus pa dza la gsum/ /rgya spos dag ni mchog yin te/ /mar khu btso ba'i cho gas ni/ /sna sman btung dang bsku byug bya/ /sna sman srang bcu sbyin bya ste/ /btung ba srang ni rnam pa brgya/ /nyi shu lhag pa mgor bsku yin/ /dril phyis srang ni sum brgyar bya/ /sman bskol cho ga bshad bya ste/ /sman ni ji snyed yod pa yin/ /chu ni bcu drug 'gyur du btso/ /sman dang mnyam pa'i chu lus pa/ /bskol ba'i cho ga'i mchog tu bshad/ /ki da dang ni ma tshan di/ /sa la dzang dang gu gul dang / /kun du ru dang a ka ru/ /mar du bcas pa bdug spos kyi/ /sbyor ba'i mchog tu bshad pa yin/ /sum bcu gsum pa'ang mchod par byed/ /brag zhun ga bur ru rta dang / /tsan dan sen mo pi pi ling / /gla sgang bcas pa sngar bshad pa'i/ /rdzas dang lhan cig bsres nas ni/ /bye ma kha ra mar dang bcas/ /bu ram dag ni spang bar bya/ /kham phor thod pa'i dbyibs 'dra ba/ /ta la'i 'bras bu'i nang du gzhug /bdug spos kyi 'khrul 'khor gnyis kyi cho ga'o/ /biSh+Nu kran da kha da si/ /ral pa dmar po pri yang gsum/ /shing tshwa sen mo</font><hr>85.342d<br><font size=+1>

# ru rta dang / /gla sgang rgya spos 'dag gu ni/ /bud med khrus kyi 'dag chal mchog /da ni bud med mngal gang nas/ /rnag dang thal ba nya dri 'byung / /de rnams sbyang bar bya ba bshad/ /dang po dri zhim chu yis bkru/ /de nas lo da bskol bas bkru/ /de nas khri steng bzhag nas su/ /kham phor bdug spos kha sbyar te/ /bug pa dag ni dbug par bya/ /de ru sbu gu bcug nas ni/ /skye gnas nang du bdug par bya/ /n+ya gro d+ha yi shing bu ni/ /mthe'u chung tshad tsam blangs nas su/ /ba yi gcin gyi nang du ni/ /zhag gcig bar du sbang bar bya/ /de yis so ni brud nas su/ /de 'og ru rta a ru ra/ /cha mnyam dri yis so la bsgo/ /kha yi dri ma sel ba'i mchog /gla sgang ru rta e la dang / /sug smel 'u su shing mngar rnams/ /zos na rnag dang sgog dri dang / /chang gi dri ni 'phrog pa'i mchog /pa la ba ni rnam gnyis kyis/ /sbang ba dang ni bsgo byas na/ /me tog dang ni skyur po sogs/ /sbyang zhing dri yis bsgo ba'i mchog /ral pa dmar po ba la dang / /sug smel rgya spos 'u su bcas/ /sen mo dang ni gla sgang la/ /skyu ru ra ni sum 'gyur blugs/ /'di ni khrus kyi sbyar ba'i mchog /shing tsha gla sgang rgya spos dang / /pa tra ke par ti yi ni/ /gla sgong ru rta sen mor bcas/ /skyu ru ra ni cha gsum bya/ /de dag bkru ba'i 'dag chal mchog /rgyal po la sogs phyi rol sbyor/ /drug bcu rtsa bzhi'i rim pa ni/ /bdag las skyes pa lnga dang bsre/ /rgyal po la sogs bcu drug bya/ /a i o a ste dang po'o/ /l-i u e r-i gnyis pa'o/ /I a~M a o ni gsum pa'o/ /U l-I r-I e ni bzhi pa'o/ /lha yi gzugs su byed pa yi/ /sman ni de dag bstan pa yin/ /dbyangs tshad cho ga shes pa yis/ /de dag thams cad shes par</font><hr>85.343a<br><font size=+1>

bya/ /a ni sa yi bdag po ste/ /i ni sa ha de ba yin/ /o ni rma bya'i cod pan te/ /A ni ngan par sbyor ma yin/ /l-i ni kri ta a dzA li/ /u ni ral pa dmar po yin/ /e ni rtag tu du ba ste/ /r-i ni gi ri kar+Ni ka /I ni tsag kra ang ka yin/ /a~M ni sha si she kha ra/ /a zhes bya ba nyi ma'i shing / /o zhes bya ba la dzu ba/ /U ni smyo byed ces bya ste/ /lI ni mgo yi lcug ma yin/ /r-I ni ma he'i rwa yin te/ /e zhes bya ba rdo rje can/ /ka ni gu gul lo/ /kha ni rdo rje can no/ /ga ni smyo byed do/ /g+ha ni ra ma'o/ /nga dang tsa ni sa ra pod ka dang a ta pa ri'o/ /tsha dang dza ni si dang tsam pa ka'o/ /dz+ha ni kun du ra'o/ /nya dang Ta ni ang ko la dang son tsi ka'o/ /Tha ni ldong ros so/ /Da ni a ka ru'o/ /D+ha ni lug ru'o/ /Na ni dUr ba dkar po'o/ /ta dang tha ni nya dang gan ti ka'o/ /da dang d+ha ni gur kum dang ro tsa na'o/ /na ni pa~M sh+thi'o/ /pa dang pha ni sha kha ra dang li shi'o/ /ba ni pri yang ku'o/ /b+ha ni nA ga ge sar ro/ /ma ni sen mo'o/ /ya ra la wa bzhi po ni/ /rlung la sogs pa'i sbyor ba mchog /pring ka an dza li dang ni/ /ral pa dmar po sa ha de/ /dpral bar thig le byas pa yi/ /rgyu dang mi rgyu bcas rmongs byed/ /su ta pa ti ma yu ra/ /ti ka dza la gzhan mi thub/ /de dag b+ha gar byugs na ni/ /lan cig tsam gyis bka' nyan 'gyur/ /badzri me sha a ka dang / /a dan dza le thal sman mchog /ral pa ka tam smyo byed dang / /kan ta'i ri lus dbang du byed/ /na ni na ra an dza li/ /la dza lar ni bcas pa yis/ /chu la shAkya'i dbang po bzhin/ /rgyal po kri ta an dza li/ /na ri dang ni de stir bcas/ /me ni bcing ba'i dam pa yin/ /be snu he ma badzri dang / /hI dur bcas pa khar bcug na/ /de yi mod la ngal sos 'gyur/ /</font><hr>85.343b<br><font size=+1>

rgyal po blon po la ta dang / /pa na rdo rje mkhrang ba'i mchog /pa na sa ha shi kha dang / /me shar bcas pas dug 'joms byed/ /par+ya su pa me she dang / /sni ha b+ha gar blugs na ni/ /mngal na gnas pa skye bar 'gyur/ /ma he'i ra dang la ta dang / /na ri a ba nar bcas pa/ /lag pas byugs na rgyan rgyal 'gyur/ /pre ta tsan di na ra dang / /sa ha de ba khar bcug na/ /mtshan mo dag ni 'jigs med rgyu/ /skag dang rgyal rtsa khris pa dang / /pan du blon po de bzhin te/ /pu ta ar thi cha bsnyams pa/ /'dod dang ldan zhing mngal 'dzin 'gyur/ /sha ta sring ga hasta dang / /tsan dan gyi ni phye ma dag /sems can thams cad dbang du byed/ /bud med kun la bde ba ster/ /ni ta ke ke pe ya dang / /skyes bus b+ha ga byugs na ni/ /dbang du sdud par byed pa'i mchog /rtsa mkhris ral pa dmar po dang / /da la dang ni pa 'dur bcas/ /ri lu kha ru bcug na ni/ /'khrig dus khu ba 'dzin pa'i mchog /ma yu ra dang a shu dang / /ar ka me shi phye mas ni/ /dgra bo brlag par byed pa yin/ /rmongs byed kan ta gzhan mi thub/ /sa yi bdag por yang dag ldan/ /smig ma yi ni sa bon bcas/ /bya ba kun byed dge ba yin/ /ga ri du hi kra ma dang / /bu dan tsa ri rdo rje can/ /rang khrag bcas pa'i skyo ma yis/ /sta re 'bar ba'ang gangs su byed/ /a a/ i I/ u U/ r-i r-I/ l-i l-I/ e ai/ o au/ a~M AH/ a la sogs pas lus byugs na/ /lha rnams kyis kyang mchod 'gyur na/ /sa stengs skye bo smos ci dgos/ /yang a i o AHrnams ni/ /yid 'ong bdug pa'i sbyor ba'o/ /l-I U r-I au rnams ni/ /dril phyis sbyor ba'i dam pa yin/ /A a~M e I rnams ni/ /mig sman la sogs cho ga'o/ /u l-i r-i e rnams ni/ /khrus kyi bya ba'i</font><hr>85.344a<br><font size=+1>

cho ga'i mchog /ka sogs bdud rtsi lnga ldan pa/ /dbang du bya ba'i cho ga mchog /tsa la sogs dang bdud rtsi lngas/ /bram ze rgyal rigs rje'u rigs sogs/ /skyes pa bud med dbang du byed/ /Ta la sogs dang bdud rtsi lngas/ /dmangs rigs dag ni dbang du byed/ /ta la sogs dang til chen gyis/ /dpral bar thig ler byas na ni/ /rgyu dang mi rgyu bcas rmongs byed/ /pa la sogs dang bdud rtsi lngas/ /tsan dan bcas pas dbang du byed/ /sha Sha sa ha rnams kyis ni/ /rlung dang me dang dbang chen chu/ /ya la sogs pa'i dkyil 'khor gyi/ /cho ga ji bzhin rig pa yis/ /bskrad pa la sogs byed par 'gyur/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las bcud kyis len gyi sbyor ba dang / sdom pa'i cho ga'i rim par phye ba ste/ bzhi bcu rtsa dgu pa'o// // gsang ba mchog gi dgyes pa na/ /thams cad bdag nyid rtag bzhugs la/ /gsang chen du ni legs bzhugs pa'i/ /der ni lha mos 'di skad gsungs/ /lha khyod kyis ni sngar bshad pa'i/ /mtshon cha lnga yi cho ga dang / /thod pa'i phreng ba'i dbang bskur ba/ /de bzhin pad ma'i nags tshal dang / /gnas bzhi khyod kyis gsungs pa yi/ /dgos pa dag ni ji lta bu/ /bsdus pa'i ming ni ji ltar lags/ /de bzhin gzhan yang bri ba ci/ /khyod kyis ba dan gsum bshad pa'i/ /mchod pa yi ni khyad par ci/ /de dag bdag ni the tshom gyur/ thub pa chen pos bshad du gsol/ /sgyu ma kun gyis rnam rol pa'i/ /rgyud rnams kun du sbas pa gang / /de dag thams cad zhu 'dod pa/ /sgyu 'phrul chen mo legs so legs/ /nang gi sbyor ba'i sdom pa ni/ /rab tu bshad kyis lha mo nyon/ /ltong</font><hr>85.344b<br><font size=+1>

rgyud sbyor ba la sogs tshogs/ /me tog dag ni bsdus pa 'dra/ /rna drung bar du 'gengs pa dag /lcags kyu zhags pa sogs pa'ang sbyar/ /mda' ni myur ba mgyogs pa ste/ /'phen pa mda' yi shugs yin no/ /g.yas dang g.yon ni gnyi ga yis/ /'gengs pa mchog ma'i bar du yin/ /'dzin pa cung zad gnas pa ste/ /mi 'da' bar ni 'phang bar bya/ /mda' yi cho ga brjod mi lang / /da ni phyag rgya brjod par bya/ /sa ni phyag rgyas gdab par bya/ /mnyam pa rkang gnyis gzhibs pa ste/ /yangs pa rgya cher bskyed pa yin/ /zlum po dkyil 'khor lta bur bya/ /g.yon pa cung zad bskums pa ni/ /g.yas pa brkyang zhes bya ba ste/ /g.yon brkyang g.yon pa bsrang nas ni/ /g.yas pa cung zad bskums pa'o/ /mda' gzhu rig byed cho ga yis/ /mtshon cha thams cad 'phang bar bya/ /'di ni dbyibs kyi phyag rgya yin/ /da ni lus kyi mtshan nyid rnams/ /phyag rgya rab tu bshad par bya/ /grims pa ni mi lhod pa ste snying stobs dang ldan pa'o/ /sran 'dzugs pa ni brtan zhing brtson 'grus dang ldan pa'o/ /mnyen pa zhes bya ba ni mdzes shing snyan par smra ba'o/ /yan lag brtan zhes bya ba ni phyag rgyas rma srol cher 'dod pa'i ngang tshul can no/ /rgya cher 'gengs shing rnam par dag zhes bya ba la 'gengs pa ni yongs su rdzogs pa ste/ tshad dang ldan zhing yid du 'ong ba'i lus 'dzum pa dang bcas shing 'thun par 'jug pa'o/ /lus kyi phyag rgya bde blag can/ /zhes bya ba ni rab tu rdzogs pa'i ngang tshul can no/ /rims dang dug dang dbyig dug dang / /bsam gtan sbyor bas dbug par bya/ /khro bo'i gzugs su bsgoms nas su/ /lha yi dbang por gzhur byas nas/ /klu dbang ba su da yi rgyud/ /glog ni mda' ru bsam bya ste/ /me lce 'bar ba mde 'ur bya/ /sgro ni rlung zhes bya ba ste/ /rnam pa lngar ni 'bugs pa yin/ /lag pa</font><hr>85.345a<br><font size=+1>

g.yas pa zhes bya ba ni sna sgo g.yas pa ste/ de nas spro bar bya'o/ /lag pa g.yon pa ni sna sgo g.yon pa ste bsdu ba'o/ /chang bas 'ben ni bsgribs nas su zhes bya ba ni dbang du bya ba'i don to/ /'gyed pa zhes bya ba ni dgug pa'o/ /de la chang ba zhes bya ba ni rnam par shes pa dang rlung ngo / /mig gdangs pa ni bzhin 'dzum ba dang bcas pa'o/ /lta ba chang ba la gtad ces bya ba ni shi ba rnams kyang 'tsho bar byed pa'i mchog go/ /mda' gzhus rnam par rgyal ba yi/ /'bugs pa'i mtshan nyid bshad par bya/ /smin ma'i dkyus ni gzhu yin te/ /bzlog ste lta ba mda' yin no/ /'bugs pa rang gi sems kyis ni/ /gzhan sems don la gtad pa yin/ /rol pa 'gros ni dal ba ste/ /'o ma 'dzin pa mkhrang ba ni/ /bo no u na ta zhes bya/ /bu mo 'di ni yid 'phrog ma/ /thams cad dngos po gsum yin te/ /yan lag mi gsal 'od ldan gang / /de ni yang dag gsal zhing 'bar/ /snying gis thams cad 'dzin pa gang / /de ni yan lag bsgrub par brjod/ /snying ni pad ma zhes bshad de/ /pad ma de ni kun gyis mchod/ /thams cad 'dzin pa mgo bo yin/ /glad pa nas ni kun du rgyu/ /gang gi stobs ni gang yin pa/ /de ni de tshe sbyar bar bya/ /gnas ni rnam pa du mar bshad/ /sha dang pus kar bung ba sogs/ /'dir yang rim pa de nyid kyis/ /sems ni dgugs pa sngon 'gro ba'i/ /bdag gi gdan la sogs pa yino/ /rang nyid kyis ni rtogs par sla/ /brda yis bshad pa brjod par bya/ /gru bzhi la sogs zhes bya la/ /gru bzhi pa ni zur bzhi ste/ /la yig dbang chen dkyil 'khor ro/ /'dab ma can ni gru gsum ste/ /me yi dkyil 'khor ra~M las byung / /de bzhin kun nas zlum po ni/ /ba dang ya zhes bya bar bshad/ /bsgrub par bya la dkyil 'khor dag /yi ge dang bcas bsams te</font><hr>85.345b<br><font size=+1>

bsgrubs/ /g.yas phyogs nas ni bskor ba ni/ /bsgrub bya'i yan lag kun bsams pa'o/ /rim gyis gnon cing 'gro bya ste/ /bsgrub po shin du mnyam bzhag pas/ /rdo rje chags par bdag bsgoms na/ /rgyal srid thams cad longs spyod 'gyur/ /slar yang e ni gzhur byas te/ /ba zhes bya ba mda' yin no/ /mda' gzhu'i rig byed sbyor ba yis/ /sngar bshad ji bzhin gnas par bya/ /bsgrub par bya ba 'od dmar 'gyur/ /mdun du bltas pa bsam par bya/ /gsang ba'i gnas kyi nges pa ni/ /sha yi 'bugs par ngas bshad de/ /lte ba'i dbugs ni pus ka ra/ /snying ka bung ba zhes bya ste/ /ge sar 'bugs pa dpral ba yin/ /mig sogs g.yo ba zhes bya ste/ /dbang po'i tshogs ni g.yul 'gyed pa/ /mi yi bdag po gsad par bya/ /de dag kun gyi man ngag ni/ /bla ma'i kha las nges par bya/ /'khrul 'khor gyis 'phen mi 'phen dang / /zhes bya ba la 'khrul 'khor ni ta la'i 'dab ma dang / gro ga dang ras la sogs pa la ral gri dang / pad ma dang / 'khor lo'i dkyil 'khor sngags dang bcas par bris pa ste/ de ni 'khrul 'khor gyis 'phen pa'o/ /mi 'phen pa zhes bya ba ni rang gi snying ka'i yig 'bru las sna sgo'i lam nas byung ste dgug pa dang / gzhug pa dang / bcing ba dang / dbang du bya ba'o/ /lag pas 'phen pa zhes bya ba ni rang gi lhar dmigs te dam tshig dbang du bya ba'i phyir 'gro ba dang 'ong bar byed pa'o/ /'phangs nas slar ni gzung ba dang zhes bya ba ni phyag rgyar bcug ste bslang nas thal bar byas la slar yang gzung ba zhes bya ba la sogs pa'i yi ges rang nyid bkug nas bslang ste/ rdo rje lcags kyu la sogs pas nam mkha'i ngos thams cad yongs su khyab pa'i du ba lta bu'i ye shes der bkug cing gsos te dam bca'o/ /de nas dgra bo'i gzugs brnyan byas te/ rnam par snang mdzad</font><hr>85.346a<br><font size=+1>

la sogs pa ci rigs par bsams nas rkang pa dang rkang par/ lag pa dang lag par/ kha dang khar/ lus dang lus su/ ngag dang ngag tu/ lta ba dang lta bar 'thab cing 'ching bar bsgom par bya ba 'di ni lag pas 'gyad pa ste rnam pa lnga'o/ /A li kA li mnyam byas nas/ /zhes bya ba ni/ a~M i~M/ u~M e~M/ o~M a~M A/ ka tsa Ta ta pa ya sha rnams te/ /rab tu sbyor ba rgyas par ni/ /bsgrub pa bsgrub po rnams la bshad/ /pad ma gar dbang bsgyur nas su/ /bu mo'i gnas la 'dug par bsam/ /e zhes bya dang ba~M zhes pa/ /la zhes bya ba gsum pa ste/ /bsgrub pos 'dir ni yi ge bsam/ /me mar gyi ni rtse ltar bya/ /rtse mo lta bu zhes bya ba la/ shi kha ni mgo ste klad pa'i gong bu'o/ /rtse mo ni me'i rtse mo ste/ des mar sar bum par btsos pa ltar thams cad du bzhu bar bya'o/ /sngags kyi mar me 'di yis ni/ /skad cig gis ni 'dar bar 'gyur/ /bu mo chags pas gdungs nas su/ /ji srid 'tsho bar dbang du 'gyur/ /lha mo klu mo gnod sbyin mo/ /lugs ma 'am ni bris pa la/ /de yi ming ni bris nas su/ /blo ldan snying kar bcug ste bsgom/ /nyi ma bdun ni tshun chod kyis/ /mar me yi ni cho ga yis/ /'grub 'gyur 'dir ni the tshom med/ /gang gi dbang po rdzas yin te/ /shin du mnyam par bzhag ste bsgrub/ /dbang po mig la sogs pa yin/ /rigs pa'i sbyor ba lam yin te/ /gang dang gang gi rang bzhin te/ /de dang de yi dngos po yis/ /bde ba nyid du bsgrub par bya/ /bde ba sems zhes bya ba ste/ /de nyid du ni bdag bde sogs/ /sdug bsngal gyis ni 'grub mi 'gyur/ /bde ba yis ni 'grub par bshad/ /shin du bde ba'i bsgrub thabs ni/ /thos dang bsam gtan sogs spangs pa'i/ /dman pa dag ni gang gis kyang / /</font><hr>85.346b<br><font size=+1>

bsgrub par nus pa ma yin te/ /skye bo thabs dang bral bas na/ /tshul ngan dman pa dka' bas bsgrub/ /bdag nyid bsgrub pa dang bral bas/ /skal med ngal ba don med cing / /de la dngos grub zhes mi brjod/ /a sa ma zhes bya ba ni dpe dang zla med pa'o/ /a d+hi ta zhes bya ba ni rnal 'byor pa rnams kyi sbyor ba'o/ /sangs rgyas kun du rang nyid 'gyur/ /zhes bya ba ni dngos po thams cad gnyis su med pa'i ye shes su mtshon cing 'jug pa'o/ /pra ta ha~M zhes bya ba ni nyi ma re re zhing ngo / /yang na zla re ste zla ba nya la'o/ /yang na lo re zhing ste gal te ma 'byor pa'am/ skal ba med pa dang / 'das pa'i dbang gis kyang rung ste/ de dag gis ni lo re zhing bya'o/ /de bzhin zhes bya ba ni dbang bskur ba'i cho ga ltar bya ba'o/ /yang na de bzhin te/   slob dpon gzhan med na ji bzhin byin gyis brlabs nas zhes bya ba la de la byin gyis brlabs nas zhes bya ba ni sangs rgyas kyi sdom pa ste/ de rnyed nas bdag dang lhan cig tu gar bya ba'o/ /sangs rgyas sdom pa ni sangs rgyas dang 'brel pa ste/ de su zhig ce na/ gzugs la sogs pa dang / lang tsho phun sum tshogs pa'i bu mo'o/ /gar zhes bya ba ni bdag nyid rang gi lha'i rnal 'byor dang ldan pas spyad par bya zhes bya ba'i don to/ /des ni 'di skad bstan par 'gyur te/ phyag rgya la sogs pa'i yo byad rnams ji ste rgyun du ma 'byor na des bde ba slar yang rjes su gzung ba'i phyir/ rim pa 'dis mchod pa bya zhing dam tshig bsrung zhing bskyang bar bya'o zhes bya ba'i don to/ /gzhan yang brdas bshad pa'i don bstan par bya ste/ pra ta ha~M zhes bya ba ni rab tu mang po'o/ /de ci zhig zhe na/ khams bcwa brgyad kyi mnyam par sbyor ba zhes bya ba'i bar du'o/ /zla re zhes bya ba ni zla ba dang / dmar po'o/ /lo re zhes bya ba ni lo bcu gcig ma nas brtsams te/ nyi shu rtsa lnga ma'i bar du'o/ /gal te de dag kyang ma</font><hr>85.347a<br><font size=+1>

'byor na ji bzhin byin gyis brlabs nas zhes bya ba bdag nyid gcig pus bde ba'i sbyor bas dam tshig bskyang bar bya zhes bya ba'i don to/ /phyag rgyas dngos grub 'jug par 'gyur zhes bya ba la 'jug pa ni nyams su len pa'o/ /sgrub pa po yi lag g.yon gyis/ /pad ma'i snod ni bzung nas su/ /zhes bya ba la pad ma'i snod ni dum bu gcig pa'i thod pa ste/ de la ka zhes bya ba ni lus so/ /pA la zhes bya ba ni skyong ba ste/ dum bu gcig pa zhes bya ba ni ma nyams shing shin du mdzes pa'o/ /de la pad ma zhes bya ba ni pad ma can nam/ rigs gzhan gyi bu mo yang rung ste/ snod ni de'i chos kyi 'byung gnas kyi pad ma yin la de nyid mnyam pa ste/ rma med pa zhes bya ba'i bar du'o/ /lag pa zhes bya ba ni brtan pa zhes bya bar 'jug pa'o/ /g.yon pa zhes bya ba ni zur mig g.yon du lta ba'o/ /ba dan gsum zhes bya ba ni bu mo'i bcud 'dzag pa ste de bza' ba'o/ /lag pa g.yas pa zhes bya ba la lag pa ni lo nyi shu rtsa lnga ma'i bar yin la/ bshes gnyen dang ldan pa'i phyir g.yas pa'o/ /de nyid ni g.yon pa ste/ de las byung ba de longs spyad par bya ba'o/ /de la longs spyad pa zhes bya ba ni ji ltar bla mas nyams su bstar ba de ltar spyad pas 'grub par 'gyur ro/ /sgrub pa pos de ltar nges par shes par byas la de nas dus bcing bar bya'i/ gzhan du na ltung bar 'gyur ro/ /ltung ba zhes bya ba ni dam tshig las 'das pa zhes bya ba'i don to/ /sngags ni bla mas bstan pa ste/ /phyag rgya de la bstan pa yin/ /de nyid rtag tu sbyor ba yis/ /chos kyi 'khor lo bskor bar 'gyur/ /'di dag thams cad mi rtog pa/ /mi rtog pa yang ma yin te/ /rtog pa med pa'i rang bzhin gyis/ /mi rtog pa ni brtags pa yin/ /dus drug du ni bstan pa dag /rtag tu rnam par mi rtog gnas/ /rdo rje sems sogs rgyal ba ru/ /de yi rang bzhin yongs shes bya/ /sos ka dang</font><hr>85.347b<br><font size=+1>

ni dbyar dang ston/ /dgun stod dgun smad de bzhin dpyid/ /de dag ma 'dres shes byas la/ /'dis ni las rnams thams cad bya/ /sos ka'i dus ni rta mchog ste/ /de bzhin dbyar ni he ru ka /rdo rje nyi ma ston yin te/ /pad mas rol pa dgun stod yin/ /dgun smad rdo rje sems dpa' la/ /dpyid ni rnam par snang mdzad do/ /sos ka mar mes mchod bya ste/ /de bzhin dbyar ni chu yis mchod/ /ston ni mar khus mchod bya ste/ /dgun stod de bzhin me tog dbul/ /dgun smad ga bur bza' bya ste/ /khyad par du ni bzhi mnyam gyis/ /dpyid kyi dus su mchod par bya/ /dus kyi mchod dang mnyam med de/ /sbyor ba kun gyi dam pa yin/ /rnal 'byor ma ni thams cad dang / /mkha' 'gro ma dang ma mo mnyes/ /de bas 'bad pa thams cad kyis/ /mchod na mchod pa'i bdag nyid 'gyur/ /rang bzhin de dag rdzogs par ni/ /gang zhig gyur pa'i rnal 'byor pas/ /sgrub po rnams kyi las rnams ni/ /thams cad byed 'gyur gdon mi za/ /de dag rang bzhin grub pa ste/ /dus zhes bya bar brjod pa yin/ /dus la sogs pa'i rang bzhin gyis/ /rgyal ba thams cad yang dag bzhugs/ /dus kun sems la gnas mod kyi/ /de ltar na yang rnam par 'khrul/ /mi shigs pa zhes bya ba ni yi ge hU~M ste/ de yang bdag nyid kyi lus la gnas pa'i hU~M ngo / /de nyid ni yi ge mchog ces bya ste/ yi ge mchog de'i phyag rgya ni rtsa gsum nas bde ba chen po'i sgor sna'i sgo gnyis nas rlung ji lta ba bzhin du 'jug pa yin la/ de nyid ni A li kA li ste/ g.yas dang g.yon du'o/ /des 'di skad bstan par 'gyur te/ lte ba'i dkyil 'khor du byang chub kyi sems la sogs pa'i rlung gi dkyil 'khor 'jug pa yin la/ de'i steng du ni chu'i dkyil 'khor ro/ /de nas ni me'o/ /de nas ni sa'o/ /de'i steng du ni pad ma'o/ /de'i steng du</font><hr>85.347c<br><font size=+1>

# gnas pa'i sa bon ni mi shigs pa dang yi ge'i mchog ces brjod do/ /dbang po kun las byung ba yin/ /dam tshig thod pa zhes byar brjod/ /mdzes pa phreng ba zhes bshad de/ /de kho na nyid u rgyan yin/ /gtsug gi nor bu dbang bskur te/ /sangs rgyas zhes bya rjes gnang yin/ /he ru ka yi dbang bskur ba'o/ /thod pa lus zhes bya ba ste/ /rked pa phreng ba'i ming can yin/ /dbu rgyan b+ha ga zhes byar brjod/ /sangs rgyas khu ba zhes brjod do/ /gtsug gi nor bu bde bar bshad/ /rdo rje pad ma'i dbang bskur ba'o/ /slar yang bshad par bya ba ste/ /thod pa dbang gnyis dam tshig ste/ /phreng ba sngags kyi bdag por brjod/ /bcu drug thig gis btab pa'o/ /stong pa dbu rgyan zhes byar bshad/ /a la sogs pa'i ma mo rnams/ /sangs rgyas zhes bya'i sgra ru brjod/ /de rnams dbus kyi bde ba gang / /de ni gtsug gi nor bur brjod/ /rigs rnams kun gyis thams cad du/ /rtag tu dbang bskur de lta bu/ /dpal zhes bya ba dga' ba ste/ /bde ba sangs rgyas su ni brjod/ /pad ma pad ma nyid yin la/ /nags ni skya reng zhes byar grags/ /rtsa ba byang chub sems yin no/ /yang na pad ma lte ba'i 'khor lo ste/ /nags ni a sogs ma mo yin/ /rtsa ba thar ba ster byed pa'i/ /brda yis sangs rgyas phyag rgya yin/ /yang na lte ba mtsho skyes zhes bya ste/ /nags zhes bya ba ngag yin la/ /rtsa ba lus kyi bla dgas yin/ /sangs rgyas sems kyi brda yin no/ /gcig pu nges pa'i rnal 'byor yin/ /dben pa rtog pa spangs pa ste/ /sbas pa gsal bar ma byas pa'o/ /nags ni sngar bshad khams rnams te/ /lhan cig mchog tu 'jug pas na/ /bsdus pa zhes ni bya bar brjod/ /lha zhes bya bar rang ming brjod/ /gza' dang skar ma la sogs lha/ /a kra zhes bya'i sgra brjod pa/ /de ni rnal 'byor shes pa min/ /a kra gtso bo zhes brjod cing / /a kra dam pa zhes bya la/ /a kra dang po zhes bshad cing / /a kra spyi bor gnas pa</font><hr>85.347d<br><font size=+1>

# pa'o/ /rang gi ming dang ldan pa yis/ /sdig pa dag ni sel bar byed/ /yang na sa ni a sogs te/ /de rnams a kra ha zhes bya/ /mgor gnas 'og tu bltas nas ni/ /yi ge tha snyad char du 'bebs/ /tha snyad ces bya ba ni dbyangs dang gsal byed rnams te de rnams kyis 'tsho bar gyur pa'o/ /dbyangs zhes bya ba la swa ni rang nyid kyis so/ /ra ni mdzes pa ste des na swa ra'o/ /ha ni skal bzangs yi ge ste/ /rnam pa'i mchog kun ldan pa dang / /rgyan rnams kun gyis klubs pa yi/ /rdo rje sems sogs lha rnams su/ /bdag gi lus ni bsam par bya/ /bsam gtan sbyor ba 'di yis ni/ /sdig pa kun las grol 'gyur zhing / /bsod nams kun dang ldan pa ru/ /dngos po gsum ni yang dag gnas/ /bris pas bsod nams gang mthong ba/ /bsams pas kyang ni de bzhin mthong / /slob ma bdag nyid chen po la/ /'di yis dbang ni bskur bar bya/ /dbang bskur dam pa bsgom byar 'dod/ /gang dang gang gi lha yi mchog /de dang de ni slob dpon 'gro/ /gang dang gang la lhag mos pa/ /de dang de yis dbang bskur bya/ /dbang ni rnam pa bzhi dag tu/ /yang dang yang du so sor bshad/ /gang zhig sngar ni bshad pa rnams/ /de dag kun gyis brjod pa yin/ /rnal ma'i sbyor ba rtogs bya'i phyir/ /bcos ma yi ni bsgom pa dang / /bcos ma yi ni bzlas pa bya/ /rnal ma'i sbyor ba rtogs gyur na/ /bcos ma'i sbyor ba phyi rol nas/ /rnal ma'i sbyor ba rtogs gyur pas/ /bcos ma dag ni mi bya'o/ /dper na gzings la 'jus nas ni/ /chu yi pha rol 'gro bar byed/ /pha rol phyin nas 'dor ba ltar/ /bcos ma dag kyang de bzhin no/ /dkyil 'khor la sogs las gang ni/ /bcos ma'i sems kyis gang byed pa/ /phyi rol las rnams gsal byed pas/ /dang po'i las can rnams la bsngags/ /dngos grub de kun 'dir gnas pas/ /rgyal</font><hr>85.348a<br><font size=+1>

ba'i dngos nyid rig la min/ /gang yang sgra shes bstan bcos rnams/ /drang srong rnams kyis byas pa ltar/ /rang gi sems ni 'jug byed pa'i/ /skyes bu'i bcos ma'i bya ba rnams/ /rgyud kyi rjes su 'brangs nas ni/ /'bad pas sdug bsngal slong bar byed/ /de phyir dkyil 'khor la sogs pa/ /bya ba'i cho ga la 'bad pa/ /thar pa dang bral phyi rol te/ /skyes bu nyon mongs 'ba' zhig byed/ /mi rtog bas ni 'tshang mi rgya/ /rtog dang bcas pas kyang de bzhin/ /shin du rnam dag yongs shes na/ /yid 'dod rnams kyi de nyid 'gyur/ /rgyu dang 'bras bu'i rang bzhin ni/ /dam pa nyid du yod min cing / /rang bzhin gsal ba nyid kyi phyir/ /stong pa nyid kyang ma yin no/ /rang bzhin dbye ba thams cad kyi/ /rnam pa dag ni rnam gnas pa/ /rgya mtsho la ni rin chen bzhin/ /thog mtha' med pa'i tshul can yin/ /'jig rten rtag tu tha snyad spyod/ /'jig rten las 'das de dang 'gal/ /yod dang med ces bya ba ni/ /rang bzhin nyid du shes pa min/ /'di yi tshul gyis rab rtogs pa/ /rdzogs dang bral bas grol ba min/ /rnal ma'i lam la brten na ni/ /thams cad byas kyang rnam par grol/ /skyon dang yon tan 'phel byed pa'i/ /'khor ba dang ni mya ngan 'das/ /bde ba dang ni sdug bsngal dngos/ /lhan cig skyes par yang dag gnas/ /mkha' 'gro kun dang mnyam sbyor ba'i/ /rdo rje mkha' 'gro bde ba'i mchog /rdo rje sems dpa' de bzhin gshegs/ /bcom ldan rdo rje can gyis gsungs/ /rgyud kyi rgyal po chen po dpal rdo rje mkha' 'gro las rdo rje sems dpa'i dbugs dbyung ba dang / rang bzhin nges par bstan pa'i rim par phye ba ste lnga bcu pa'o// //rgyud kyi rgyal po chen po dpal rdo rje mkha' 'gro rdzogs s+ho// // rgya gar gyi paN Di ta chen po ga ya d+ha ra dang / bod kyi zhu chen gyi lo ts+tsha ba 'gos lhas btsas kyis bsgyur cing zhus te/ dpe gnyis la gtugs nas gtan la phab pa'o/ /</font><hr>85.348b<br><font size=+1>

[This is a blank page with] [blank image]</font><hr>85.349a<br><font size=+1>

[This is a blank page with] [blank image]</font><hr>

</table>