J356

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J356</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J356&coll=lithang">see text in Tibetan script</a></table>84.266a<br><font size=+1>

@#/ /rgya gar skad du/ Ar+ya DA kI nI badzra pany+dzar ma hA tan+t+ra rA dzA kalpa nA ma/ bod skad du/ 'phags pa mkha' 'gro ma rdo rje gur zhes bya ba'i rgyud kyi rgyal po chen po'i brtags pa/ kye rdo rje la phyag 'tshal lo/ /nam mkha' bems bcas dang ba dang / /go skabs med dang 'byed pa dang / /sna tshogs rdo rje'i gzhi gnas khang / /sems can khams dang yid 'ong dang / /sems can snod dang 'jig rten dang / /sa dang sa 'og bar snang dang / /yid dang lus dang ngag dang ni/ /gcig la gnyis dang mkha' bde dang / /drug dang lnga dang drug gnyis dang / /skye 'gro rnams ni bzhi po dang / /gcig gis nyi shur 'tshang ba dang / /khams gsum ma lus pa dang ni/ /pha dang bu dang ma mo dang / /phyi rol dang ni nang dang ngam/ /btsun mo kun dang chos dang ni/ /thams cad las dang bdag med dang / /'bras bu rgyu dang bya ba zhes/ /bsgrub bya sgrub thabs rdo rje dang / /de bzhin kun gzhi rnam shes dang / /chos kyi dbyings dang ma byung dang / /mkha' yi khams dang rang dbyings dang / /bdag med pa dang bdag ces dang / /dngos po med dang dngos med min/ /bde ba can dang gru gsum dang / /a skyes dang ni skyon bral dang / /rdul bral dang ni sdig bcom dang / /dba' rlabs med pa'i rang bzhin dang / /</font><hr>84.266b<br><font size=+1>

mthar ni zhi ba'i bde rig dang / /gsang ba mchog dang dgyes pa la/ /sangs rgyas kun khyab sems dpa' ni/ /mkha' 'gro ma yi rdo rje gur/ /'di ni rang byung bcom ldan 'das/ /lha'i bdag po gcig pu nyid/ /thams cad bdag nyid rtag tu bzhugs/ /'bum phrag lnga bdag kye'i rdo rje/ /las ni dkyil 'khor lngar gsungs pa/ /rdo rje can dang phan pa dang / /de bzhin rdo rje gzi brjid nyid/ /pad+ma gar gyi dbang phyug dang / /rta bdun rgyal po lnga pa'o/ /rdo rje mkha' 'gro'i dkyil 'khor du/ /dkar mo rkun ma ro langs ma/ /g+hasma rI dang puk+ka sI/ /ri khrod gdol pa g.yung mo'o/ /rdo rje phan pa'i dkyil 'khor du/ /skam pa zhags pa ma nyid dang / /dol zlum ma dang lcags kyu 'dzin/ /me tog ma sogs mtshams kyi char/ /rdo rje nyi ma'i dkyil 'khor du/ /nyi lag ma dang mar me ma/ /rin chen sgron ma grog lag ma/ /lA s+yai la sogs mtshams char ro/ /pad+ma chos 'byung lcags sgrogs dang / /'khyud ma gar gyi dkyil 'khor du/ /gling bu ma sogs mtshams kyi char/ /bdag nyid cha byad sbyor bas so/ /rta yi rgyal po'i dkyil 'khor du/ /rdo rje sgo lcags lde kyog ma/ /sgo ma dang ni gos 'dzin ma/ /de bzhin mtshams su spyan la sogs/ /rdo rje mkha' 'gro de rnams kun/ /rkang pa g.yon pa rkyang bas gnas/ /snying gar g.yon bcangs sdigs 'dzub ste/ /kha dog sna tshogs cher 'bar ba'o/ /shin tu zhe sdang zhe sdang che/ /gau rI la sogs rab tu grags/ /shin du gti mug rmongs chen las/ /skam pa ma sogs cher bzung ngo / /shin tu gzi brjid cher gsal ba/ /nyi lags ma sogs rab tu grags/ /shin tu 'dod chags chags chen las/ /pad sogs chos kyi dkyil 'khor du'o/ /phrag dog chen po sgrib chen las/ /sgo lcags ma sogs myur 'gro bdag /rgyal ba mgon po phan pa ni/ /gti mug thams cad zad par mdzad/ /</font><hr>84.267a<br><font size=+1>

rdo rje nyi ma rgyal po che/ /rnam par rtog pa'i rab rib 'phrog /rta mgrin 'dod pa chen po ni/ /'dod chags can gyi byang chub ster/ /rdo rje 'gyogs 'gro phrag dog che/ /theg pa gzhan ni rnam par spangs/ /rdo rje sems dpa' rgyal po che/ /mi skyod ye shes 'byung ba'i gnas/ /skye 'gro mi bzad mgron gnyer phyir/ /sgrib pa lnga ni 'joms pa po/ /de bzhin gshegs pa'i rnam par dag pa'i rdo rje zhes bya ba'i ting nge 'dzin to/ /zhe sdang gti mug nga rgyal dang / /'dod chags ser sna skye bo rnams/ /bsdu phyir rang gi 'khor lo la/ /rdo rje gzugs ni du ma 'dzin/ /shin tu sdug pa drag po la/ /zhi ba nye bar mi sbyar te/ /'di mkhyen rdo rje can chen ni/ /rang gis kye'i rdo rjer 'gyur/ /shin tu stong par zhen rnams kyi/ /yod min brtul zhugs 'dzin rnams kyi/ /sangs rgyas gti mug spyod don du/ /rdo rje rdzogs pa'i sangs rgyas 'gyur/ /shin tu nga rgyal gdug rnams kyi/ /skye 'gro'i nga rgyal zad par mdzad/ /rdo rje nyi ma bdag nyid rgyal/ /nga rgyal chen po'i mun pa 'joms/ /byang chub chags bral las skyes spangs/ /sems can gang zhig bde byed pa/ /chags pas byang chub rab grub phyir/ /pad+ma gar gyi dbang phyug gyur/ /thams cad mkhyen pa'i lam gnas shing / /gang zhig lam gzhan nas 'gro ba/ /de rnams byang chub rab sbyin phyir/ /rdo rje mgyogs 'gro rang gtso bo/ /dbang po gang dang gang lam nyid/ /de dang de yi ngo bor 'gro/ /mchog tu phan pa'i rnal 'byor gyis/ /sangs rgyas kun gyi bdag nyid 'gyur/ /gang dang gang gi dngos po yis/ /skyes pa rnams kyis yid sbyor la/ /des na de yi rang bzhin 'gyur/ /sna tshogs gzugs nor ji bzhin no/ /gang dang gang gis 'dul ba yi/ /sems can 'dul bar 'gyur ba ste/ /de dang de yi rnam pa yis/ /chos kyi bshad pa bya ba'o/ /sems kyi rdo rje las byung ba'i/ /sems</font><hr>84.267b<br><font size=+1>

can sna tshogs rang bzhin can/ /sems ni rang gi rnam rtog gis/ /skye bo'i dri mas nag por byas/ /de bas kun tu rab 'bad pas/ /sems kyi rdo rje rnam par sbyang / /sems dag pa ni bde ba yin/ /nyon mongs dug ni thams cad 'phrog /gal te stong pa thabs yin na/ /de tshe sangs rgyas nyid mi 'gyur/ /'bras bu rgyu las gzhan min phyir/ /thabs ni stong pa nyid ma yin/ /lta ba rnams la log rnams dang / /bdag tu lta ba tshol rnams kyis/ /bdag zhen bsam pa bzlog pa'i phyir/ /stong par rgyal ba rnams kyis gsungs/ /de phyir dkyil 'khor 'khor lo zhes/ /thabs ni bde ba'i sdom pa ste/ /sangs rgyas nga rgyal rnal 'byor gyis/ /sangs rgyas nyid du myur bar 'gyur/ /ston pa sum bcu rtsa gnyis mtshan/ /gtso bo dpe byad brgyad cur ldan/ /de phyir thabs kyis bsgrub bya dang / /de ni thabs kyi gzugs can no/ /thams cad kyi rnam pa mchog tu zhi ba sems can 'jug pa'i le'u ste dang po'o// // de nas rdo rje khams gsum thob/ /rnal 'byor ma yi rdo rje gur/ /dam tshig mchod pa yid 'ong ba/ /'khor la rab tu bka' stsal pa/ /glu ni rdo rje can la 'bul/ /gar ni sangs rgyas rnams la 'bul/ /hi ra mchog la de bzhin dri/ /'jig rten rje la bza' dang btung / /gos kyis mchod pa rta mchog la/ /'di rnams dam tshig dam pa ste/ /rdo rje mchod pa byas pa yi/ /rdo rje can kun mnyes par byed/ /a ka ru nag kye rdo rje/ /phan pa la ni tsan dan dkar/ /dmar po 'jig rten rje la dbul/ /kha che rdo rje snang ba la/ /bdun gyi rgyal po thams cad de/ /hU~M rdo rje las byung ba'i dri/ /'di rnams dri yi rab sbyor bas/ /dam pa'i sangs rgyas nyid thob bo/ /tsha ba kha ba rdo rjer 'bul/ /mngar ba rdo rje rtag pa la/ /skyur ba rdo rje nyi ma la/ /de bzhin lan tshwa 'jig rten rjer/ /rta'i rgyal po thams cad dam/ /bska ba rab tu brtag par bya/ /kye'i rdo rje rdor can gyis/ /me tog mdog gnag rkang 'thung byung / /mal+li kA dang mA la ti/ /kun da rtag tu sangs rgyas 'bul/ /shing gi dbang mchog dri</font><hr>84.268a<br><font size=+1>

med mdog /snang byed la ni sbyar bar bya/ /dbang mchog dmar po chu skyes dang / /ban d+hu dmar po pa ta lar/ /pad+ma gar gyi dbang la 'bul/ /rta mchog rdo rje can la kun/ /rdo rje can gyi khru gsum ste/ /sangs rgyas dkyil 'khor khru bzhi pa/ /snang byed la ni khru lnga nyid/ /pad+ma gar dbang drug pa ste/ /lcags kyi rgyal po de bzhin bdun/ /bza' la rdo rje nyi ma yi/ /lam du lcags kyu mchog gi dang / /gnyid la sangs rgyas mgon po yi/ /shin du bde la gar dbang gi/ /glu gar de bzhin rol mo'i sgra/ /sa gzhi yongs gzung dus su ni/ /rdo rje'i gzugs su bzhag nas ni/ /bdag gis rnal 'byor rab tu bsgrub/ /rdo rje'i dbang po sngon po ste/ /zla ba chu shel thub chen gyi/ /mkhar phyin skyes pa'i me tog dmar/ /nor bu dmar rgyal mkha' mdzod kyi/ /pad+ma rA ga spyan ras gzigs/ /rta yi'ang ma ra ka ta ste/ /rin chen lnga yi rdul mtshon mchog /de nas bcom ldan 'das rdo rje can chen po mkha' 'gro ma'i rdo rje gur 'byung po 'dul ba'i ting nge 'dzin la bzhugs so/ /dam tshig yang dag rab phye ba/ /kun tu bzang po'i sa bon bdag /dbang po sngon po lta bu'i 'od/ /phyag bzhi 'jigs byed chen po ste/ /mdzes pa'i khro bo yi ni lus/ /dbang ldan 'byung po mnan pa ste/ /g.yas pas rigs kyi bdag po nyid/ /lag pa g.yon pas khyi lpags nyid/ /gnyis po dag gis phyag rgyar sbyor/ /zhabs g.yon rkyang bas yang dag gnas/ /cung zad mche bas 'jigs par byed/ /mgo bo'i phreng ba'i rgyan mchog ste/ /mgo 'dzings phyed du bcings par ni/ /ri yi rtse mor bsgom par bya/ /'byung po 'dul bar 'grub par 'gyur/ /gnod sbyin du ma 'byung po dang / /gnod sbyin mo dang klu mo dang / /mi mo lha yi mdzes ma ni/ /sgrub pa po yis nges par 'grub/ /sngags ni/ o~M b+hU ta DA ma ra b+hU tA d+hi ba ti ak+Sho b+h+ya ki rI Ti na sar+b+ba b+hU ta pre ta pi shA tsA na sA d+ha ya hU~M phaT/ de nas rdo rje chen po rdo rje can mkha' 'gro ma'i rdo rje gur stobs po che'i ting nge 'dzin la bzhugs so/ /char chen rab tu dbab bya ste/ /</font><hr>84.268b<br><font size=+1>

pad+ma 'dab ma brgyad pa bsam/ /der ni klu brgyad dgod par bya/ /stobs po che ni rab sbyor bas/ /de rnams rnga ma yang dag mnan/ /char med stobs po che las ni/ /chu yi tshogs ni dbab par bya/ /kha dog nag cing cher gsal ba/ /'jigs pa 'ang ni 'jigs par mdzad/ /phyag brgyad zhal ni bzhi pa ste/ /skar nyi rdo rje gdan mdzad pa/ /phyag rnams kyis ni klu bdag rnams/ /phuHzhes bya ba'i sngags zlos zhing / /hU~M dag nang du chud byas te/ /phaT ni mtha' ru sbyar bar bya/ /dang po'i zhal ni nag po ste/ /gnyis pa zla 'od bzang po nyid/ /gsum pa ser po'i mdog lta bu/ /bzhi pa dmar po nyid du brjod/ /sbrul gyi rgyan gyis yan lag yang dag brgyan/ /rdo rje sems dpas rnam par brgyan/ /klu rnams kyis ni char dbab phyir/ /stobs po che ni rab bsgrub bya/ /de nas rdo rje 'dzin pa'i rgyal po sangs rgyas thams cad kyi rang bzhin 'dzin pa rdo rje gur smra ba pos sangs rgyas kyi de kho na dbye bar bya'o/ /rdo rje pad+ma 'o byas dang / /ri dgas brgyan pa zos pa dang / /rdo rje chu 'thung nor ldan pa/ /sangs rgyas de nyid 'di rig nga / /dag pa'i gnas ni gnas chen po/ /sangs rgyas kun gyis rab gang ba/ /rdo rje rin chen kun khyab pa/ /gang gyur nga yis bshad par bya/ /phan pa'i grong khyer yid 'ong bar/ /mkha' 'gro rdo rje lu gu rgyud/ /zhen pa chen po sangs rgyas kun/ /lcags sgrog rdo rjes bcing bar bya/ /dga' ldan du ni ldeg par 'gyur/ /sangs rgyas rnams kyi 'dod pa thob/ /rgyal ba mgon po byams pa ni/ /ye shes spyan gyis rnam par gzigs/ /rdo rje lu gu rgyud bcings pas/ /rgyal ba'i tshogs rnams bcing bar bya/ /gang zhig dngos grub mi ster na/ /sgrog gis bcings nas dgug par bya/ /rdo rje kyo ba dkar mo che/ /rdo rje zhags ma chom rkun ma/ /rdo rje lcags sgrog ro langs ma/ /rdo rje dril bu g+hasma ri/ /sangs rgyas rnams ni dbang du byed/ /bzlas dang bsgom pa mngon dga' ba'i/ /dngos grub gal te mi ster na/ /de tshe mkha' 'gro ma bzhi yis/ /sangs rgyas rnams</font><hr>84.269a<br><font size=+1>

ni drag shul bsgrub/ /de nas rdo rje 'dzin gyi rgyal po mkha' 'gro ma'i rdo rje gur gyi rgyud kyi nang du 'bum phrag lnga bris pa yang dag par bshad par bya'o/ /sangs rgyas kyi ni dkyil 'khor 'bum/ /rdo rje can gyi de bzhin 'bum/ /'bum gyis rdo rje nyi ma yi/ /'bum gyis rdo rje sa kyi'o/ /'bum phrag phyed kyis rdo rje ste/ /'byung po 'dul ba stong phrag lngas/ /lnga yis las ni rab rgyas pa/ /lnga yis sangs rgyas gar mkhan nyid/ /stong phrag sum bcu dag gis ni/ /ku ru kul+le brtag pa'o/ /lhag ma stong phrag lnga yis ni/ cho ga'i rim brgyud kun gyi'o/ /rdo rje mkha' 'gro kye'i rdo rje / /'bum phrag lnga ni bris pa'o/ /de nas rdo rje 'dzin pa blo dang ldan pa mkha' 'gro ma rdo rje gur sangs rgyas kyi gar gyi ting nge 'dzin la zhugs so/ /gar dang glu la rab zhen pa'i/ /sems can rnams ni bsdu ba'i phyir/ /sangs rgyas gar mkhan rol pa mdzad/ /sangs rgyas gar mkhan rdo rje yis/ /'dod chags can gyi byang chub bsgrub/ /de nas rdo rje can 'byung ste/ /me tog snyim pas rab sbyor bas/ /sems can kun la phan ldan pa'i/ /dam tshig der ni bshad par bya/ /sems can ji snyed pa rnams sems can du bsdu bas bsdus pa sgo nga las skyes pa'am/ mngal las skyes pa'am/ drod gsher las skyes pa'am/ rdzus te skyes pa'am/ gzugs can rnams sam/ gzugs med rnams sam/ 'du shes can rnams sam/ 'du shes med pa can nyid rnams sam/ 'du shes med pa pa rnams sam/ sems can de rnams thams cad bdag gis kyang phyag rgya chen po'i go 'phang la dgod par bya'o/ /dam tshig che bshad de nas ni/ /zur mig mi g.yo mngon byung ste/ /mi bskyod ye shes brnyes ldan pa'i/ /ston pa la ni rnam par smod/ /ci khyod dam tshig hU~M zhes bya/ /thub pa chen po gzhu can yin/ /nga min snying rje'i stobs dpal ldan/ /bdag stobs bcom pa min nam ci/ /ci khyod</font><hr>84.269b<br><font size=+1>

dam tshig zhes bya/ /khyod ni tshangs pa thub pa rnams/ /nga min rnam par snang mdzad dpal/ /khyod ni me bcom 'dod pa bral/ /ci khyod dam tshig AHzhes bya/ /mnga' bdag mkha' lding mkhyen nam ci/ /nga min pad+ma gar dbang dpal/ /khyod ni gar mkhan nyer bzhad mkhan/ /ci khyod dam tshig trA~M zhes bya/ /khyod ni gdugs te tsha ba 'phrog /nga min rdo rje nyi ma dpal/ /gdugs kyi rnam khyod ji ltar min/ /ci khyod dam tshig kha~M zhes bya/ /khyod ni mkha' stong rang bzhin no/ /nga min rdo rje mgyogs 'gro yin/ /khyod ni rta ste pha rol 'gro/ /ci khyod dam tshig snying rje 'chang / /e ma chang 'tshong mdzes ma'o/ /mi g.yo bdag ming mA ma kI/ /zhang po'i grong khyer 'dzin nam ci/ /khyod ni dam tshig zhi ba nyid/ /bud med g.yo sgyu 'dzin nam ci/ /bdag ni ma yin lha mo spyan/ /spyan yin na ni g.yo dang bcas/ /ci khyod dam tshig 'dod chags che/ /smad 'tshong ma la smrar ci yod/ /bdag ming lha mo dkar ba yin/ ji ltar dri ma dkar ba yin/ /ci khyod dam tshig dbang byed tshe/ /btsun mo'i pho nya min nam ci/ /bdag ming zur mig sgrol ma'o/ /sgrol ma mig ni bcom pa yin/ /mig g.yon bdag ni nor ldan dpal/ /de ltar ngo tsha med pas legs/ /ngo tsha med pas sangs rgyas min/ /mthong dang mi mthun myur du smros/ /de nas rdo rje mig yon po/ /smod pa pos ni rab gsungs pa/ /rdo rje sems dpa' zhe sdang che/ /thub pa rnam par snang mdzad rmongs/ 'dod la zhen pa 'jig rten bdag /ser sna rdo rje snang byed de/ /don yod skyon ni thams cad byed/ /'dren pa lnga ni skyon ldan no/ /sgong skyes mngal nas skyes pa 'am/ /drod gsher skyes dang mtha' 'khob bzhin/ /gzugs can rnams sam gzugs med dam/ /rdzus nas skyes pa nyid dang ni/ /thams cad sangs rgyas bya'o zhes/ /khyod kyis dang po gsungs pa la/ /khyod nyid sangs rgyas gyur nas ni/ /de rnams ji ltar rgyal ma mdzad/ /de nyid</font><hr>84.270a<br><font size=+1>

phyir na brdzun gsungs ngam/ /mnga' bdag ji ltar 'di ma gsungs/ /sems can bslus na khyod kyi gang / /sangs rgyas nyid de ngo mtshar rmad/ /'chi bdun tshe 'am mu ge 'am/ /phas kyis 'khor lo'i gnod pa dang / /rab gnas dkyil 'khor sbyin sreg dang / /char med pa dang zhi ba la/ /sngags dang bsgom par ldan par ni/ /gang zhig bdag ni rtag rol pa/ /de yi mdun du bdag 'dug ste/ /der ni brdzun du mi 'gyur ro/ /slob dpon lnga dang lha mo bzhi/ /mi g.yo bdag nyid smod pa'o/ /dkyil 'khor khang pa'i gnas nyid du/ /sangs rgyas gar mkhan rol pa mdzad/ /khams gsum de bzhin rtsa ba 'am/ /ma dag pa'i yang rgyan rnams kyis/ /sangs rgyas rnams kyi gar mkhan gar/ /bde ba dga' bar byed dang bcas/ /chos 'byung grong khyer nyams dga' bar/ /rdo rje dam tshig klu yis dang / /rdo rje rkang pa'i gom pas gar/ /mthar ni rdza rnga lA s+ye sogs/ /phyag rgya chen po rab ster ba'i/ /'di nyid 'dir ni cher gsang ngo / /rdo rje sems dpa'i bka' ji bzhin/ /rab tu 'bad pas bsrung bar bya/ /glu sna tshogs dang rol mo'i sgra dang gar dang 'dul bar 'jug pa dang char dbab pa dang mi g.yo ba'i bdag nyid che ba'i le'u ste gnyis pa'o// // de nas rdo rje 'dzin pa'i rgyal po mkha' 'gro ma rdo rje gur gyi ting nge 'dzin la bzhugs te/ 'byung po'i gtor ma gsungs pa/ nam mkha'i khams kyi dbus gnas par/ /pad+ma 'dab brgyad bsgom par bya/ /dbang po shar gyi 'dab mar bsam/ /mthar byed lhor ni dgod par bya/ /chur gdag nub kyi 'dab ma la/ /byang du nor sbyin dgod par bya/ /mer ni byin za chen po nyid/ /bden bral mtshams skyong de bzhin no/ /rlung du gnas med bsam par bya/ /dbang ldan du ni 'byung po'i gtso/ /zla nyi tshangs pa la sogs dang / /tshangs pa'i ris ni dam pa dang / /tshangs pa'i 'dun na 'don nyid dang / /dga' ldan 'thab</font><hr>84.270b<br><font size=+1>

bral gnas pa dang / /rgyal po chen por gyur pa dang / /gzhan 'phrul dbang sgyur nyid dang ni/ /gang zhig 'phrul dga'i gnas rnams dang / /gtsang ma'i gnas su gang gnas dang / /bde ba can du 'dug pa dang / /'og min du ni gnas pa dang / /'od zer can gyi 'jig rten khams/ /sum bcu rtsa gsum gnas pa dang / /de kun steng du gnas par bya/ /chos 'byung nang du son pa ni/ /stobs kyi rgyu dang dung skyong dang / /de bzhin mtha' yas nor rgyas bu/ /'jog po dang ni rigs ldan nyid/ /pad chen pad+ma bzang po can/ /lha min dmyal ba sems can rnams/ /chos kyi 'byung gnas 'og tu'o/ /o~M las tshangs pa la sogs lha/ /hU~M las ma chags pa la sogs/ /aHlas stobs kyis rgyu la sogs/ /lag gnyis gdong gcig ldan pa ste/ /steng gi lha rnams dkar po che/ /dbang po la sogs nag por mtshungs/ /stobs kyi rgyu sogs dmar po che/ /rang mtshungs rig ma lus sprad ldan/ /rdo rje dril bus lag pa brel/ /g.yas brkyang bas ni stan la gnas/ /tshangs sogs rtag pas phyag rgyas gdab/ /mchod sbyin brgya sogs rdo rje yis/ /stobs kyis rgyu sogs gar dbang gis/ /thams cad rigs gsum las skyes pa'o/ /dkar mos dgug par byas nas ni/ /chom rkun mas ni zhags pas bcings/ /ro langs mas ni sgrog bcings la/ /g+hasma rIs ni dril bus dbang / /de nas mchod yon zhabs bsil dbul/ /sngags ni 'di yis bsang gtor bya/ /o~M AHhU~M/ phyi nas 'thor 'thung dbul bar bya/ /sngags ni 'di yis gshegs su gsol/ /o~M badzra satwa sa ma ya/ ma nu pA la ya/ badzra satwa twe no pa/ tiSh+Tha dr-i D+ho me b+ha wa/ su po Sh+yo me b+ha wa/ su to Sh+yo me b+ha wa/ shA shwa to me b+ha wa/ a nu rak+to me b+ha wa/ sid+hA badzra sa maya tiSh+Tha/ sarba sid+hi miM me pra yats+tsha/ sar+b+ba kAR+Ye Shu me tsit+taM shre yaH ku ru hU~M ha ha ha ha hoH b+ha ga waM sar+b+ba ta thA ga ta badzra mA me muny+dza badzrI b+ha wa ma hA sa ma ya satwa aHmuH de nas</font><hr>84.271a<br><font size=+1>

rdo rje 'dzin pa'i rgyal po mkha' 'gro ma'i rdo rje ming gi ting nge 'dzin la bzhugs te rdo rje ming phye ba'o/ /ming gi dbang gi dus su ni/ /slob ma bdag nyid dbang bskur bya/ /rdo rje ming gis dbang bskur ba/ /skyes pa 'dir ni sangs rgyas nyid/ /bzhad pa'i rdo rje dang / sgeg pa'i rdo rje dang / mdzes pa'i rdo rje dang / rol pa'i rdo rje dang / shin du dga' ba'i rdo rje dang / shin du dga' ba'i myu gu'i rdo rje dang / pad+mo rdo rje dang / pad+ma myu gu rdo rje dang / a la la rdo rje dang / pad+ma lcags kyu rdo rje dang / ye shes rdo rje dang / yid bzhin nor bu rdo rje dang / yan lag med pa'i rdo rje dang shes rab myu gu'i rdo rje dang / snying rje myu gu'i rdo rje dang / dam par dga' ba'i rdo rje dang / shin du bde bar dga' ba'i rdo rje dang / spyan ras gzigs kyi rdo rje dang / 'bebs pa'i rdo rje dang / nam mkha'i rdo rje dang / shes rab rdo rje dang / pha rol phyin pa'i rdo rje dang / 'dod chags rdo rje ni dag pa'i gnas su phyag rgya chen po grub pa rnams kyi rdo rje'i ming 'di rnams yin no/ /bud med rnams kyi 'byung ste/ rdo rje snyems ma dang / rdo rje mtshon cha ma dang / rdo rje e ma'o bde ma dang / rdo rje bdag med ma dang / rdo rje spyan ma dang / rdo rje mkha' 'gro ma dang / rdo rje dkar mo dang / rdo rje sgyu ma dang / rdo rje 'bar ma dang / rdo rje 'khris shing dang / rdo rje mgyogs ma dang / rdo rje ro langs ma dang / rdo rje lcags kyu ma dang / rdo rje bskor ma dang / rdo rje 'phreng ba ma dang / rdo rje lA s+yai ma dang / rdo rje bzhad ma dang / rdo rje mkhyud ma dang / rdo rje phye ma dang / rdo rje pad+ma dang / rdo rje 'byung ma dang / rdo rje chen mo dang / rdo rje 'dod chags ma dang / rdo rje sgrol ma dang / rdo rje do shal ma dang / rdo rje sgegs mo dang / rdo rje kor ka Na dang / rdo rje lA lA ma dang / rdo rje dbugs dbyung ma dang / rdo rje rnam pa ma ni mkha' 'gro ma rnams kyi'o/ /de nas de bzhin gshegs pa rnams kyi mtshan du gyur pa/ kye'i yi rdo rje rdo rje sems dpa' dang / /rnam snang chen po dang ni rang byung dang / /rdo rje arli skems pa'i khro bo dang / /</font><hr>84.271b<br><font size=+1>

de bzhin du yang rdo rje'i khro bo nyid/ /rdo rje bdud rtsi bdud rtsi thabs sbyor dang / /he ru ka dang snying rje'i stobs nyid do/ /rtag pa dang ni gti mug rdo rje dang / /rnam par snang mdzad dang ni thams cad skyob/ /sgyu 'phrul dang ni de nas o~M mdzad dang / /sku'i rdo rje rab tu grags pa dang / /sa snying dang ni gti mug chen po dang / /gshen rje gshed dang tho ba'i dbang phyug dang / /de bzhin gshegs dang shAkya thub pa dang / /sangs rgyas zhes byar rab tu grags pa'o/ /rdo rje nyi ma de nas rin chen bdag /de bzhin du yang rin chen rgyal po nyid/ /rdo rje gzi brjid dang ni rgyal po che/ /rdo rje bdud zil gnon dang snang byed do/ /rta 'grin dang ni 'jig rten bdag po dang / /rdo rje chos dang spyan ras gzigs dang ni/ /pad+ma gar dbang dang ni 'dod chags dang / /'jig rten mgon por rab tu grags pa'o/ /dam pa'i rta dang rta yi rgyal po dang / /bdun kyi rgyal po de nas lcags rgyal dang / /dam tshig rdo rje dang ni rta mchog dang / /de bzhin du yang las kyi rdo rje nyid/ /don yod dang ni don yod grub pa dang / /rdo rje mgyogs 'gror rab tu grags pa'o/ /rdo rje sems dpa' de nas rdo rje can/ /rnam par rgyal ba phyag na rdo rje dang / /dpe med ro mnyam shin du dga' ba dang / /dam pa dang po bde ba chen po'o/ /'dod chags zhe sdang gti mug dang / /dam tshig sems dpa' nor bu ni/ /'di rnams rigs ni drug tu brjod/ /'dod pa'i thar pa rab bsgrub pa'o/ /de bzhin gshegs pa thams cad kyi mtshan gyi le'u ste gsum pa'o// // rdo rje snying po mngon byang chub/ /brtag pa'i rgyal po dang po nyid/ /sgyu ma'i brtag pa gnyis pa ste/ /rdo rje gar ni gsum pa'o/ /bzhi pa sna tshogs brtag pa ste/ /rdo rje brtag pa lnga pa yi/ /brtag pa drug pa stobs po che/ /brtag pa bdun pa mi g.yo mgon/ /brgyad pa gzungs kyi brtag pa ste/ /mkha' 'gro ku ru kul+le dgu/ /bcu pa 'dul ba'i brtag pa ste/ /rnam par snang mdzad bcu gcig la/ /dngos grub brtag pa bcu gnyis pa/ /</font><hr>84.272a<br><font size=+1>

sgrol ma'i brtag pa bcu gsum pa/ /rdo rje phag mo bcu bzhi pa/ /bcu lnga pa ni gzi brjid che/ /bdag med brtag pa bcu drug pa/ /gshen rje gshed kyi bcu bdun pa/ /hU~M mdzad kyi ni bcwa brgyad pa/ /dbyangs mdzad can gyi ni bcu dgu pa/ /sbyin bsreg brtag pa nyi shu pa/ /rab gnas nyi shu rtsa gcig pa/ /dkyil 'khor chen po'i brtag pa ni/ /nyi shu rtsa ni gnyis su 'dod/ /gtor ma'i brtag pa nyi shu gsum/ /nyi shu bzhi pa sta gon gnas/ /mngon par rtogs pa nyi shu lnga/ /de bzhin phyag rgya nyi shu drug /byed pa nyi shu rtsa bdun pa/ /glu ni nyi shu rtsa brgyad pa/ /gar gyi dbang phyug brtag pa ni/ /sum bcur gcig med sum bcu pa/ /brtag pa sum bcu par ni bshad/ /stong phrag gsum bcu'i grangs kyis ni/ /mkha' 'gro mkha' 'gro ma rnams kyi/ /'bum phrag lnga yi rgya mtsho che/ /kye yi rdo rje 'chang gi ni/ /rgyud ni e ma rgyas bstan pa/ /'bum phrag lnga bdag kye rdo rje/ /dag pa'i snying po yongs su bzung / /rdo rje mkha' 'gros gsungs pa ste/ /'di ni rgyud kyis nges pa'o/ /kye yi rdo rje rnal 'byor rgyud/ /dang por rgyal ba rnams kyis bshad/ /phyi nas rnal 'byor ma rgyud ni/ /de nyid bud med bzung phyir ro/ /bcom ldan 'das ji ltar na spros pa las bsdus pa lags/ bskal pa bzang po la byang chub sems dpa' rnams dang so so'i skye bo rnams tshe thung bar 'gyur na/ ji ltar na de rnams 'dzin par 'gyur/ ji ltar na de rnams thos par 'gyur/ ji ltar na sems par 'gyur/ bcom ldan 'das ji ltar na skye bo phal pa tshe thung bar 'gyur/ rdo rje 'dzin pas bka' stsal pa/ re shig gang dag slob dpon rnams su 'gyur ba de rnams rtsa ba'i ltung ba 'byung bar 'gyur ba dang / gang dag spyod pa po de rnams mi dge ba bcu'i las kyi lam la spyod par 'gyur ba dang / gang dag so so'i skye bo de rnams srog chags gsod par 'gyur ba dang / gang dag bud med kyi tshogs rnams gcig tu 'dod pa la zhen par</font><hr>84.272b<br><font size=+1>

'gyur ba ste/ de'i phyir rgyud rnams thams cad rgyas par bstan pa ma yin no/ /de nas bcom ldan 'das de bzhin gshegs pa thams cad rdo rje 'dzin pa'i rdo rje gsung rdo rje thos nas mnyes par 'gyur cing dgyes pa brnyes nas tshig 'di gsungs pa/ snying rje chen po kye'i rdo rje/ /nga ni dur khrod chu 'gram dang / /nags tshal skye bo med grong du/ /bsnyen bkur can la dngos grub ster/ /mtsho skyes rnam pa'i 'gram yid 'ong / /sku gdung zab mo'i mchod rten dang / /rkang 'thung rlon pa'i 'og tu ni/ /nga ni sangs rgyas dngos grub ster/ /tshong dus tshong rdal nyid dang ni/ /tshong dus rnam pa'i khyim du ni/ /rdo rje nyi ma bstan pa nga / /bsnyen bkur can la dngos grub ster/ /glu gar rab tu 'ching ba dang / /chang 'tshong ma yi khyim du ni/ /'di ltar pad+ma gar mkhan nga / /bsnyen bkur can la dngos grub ster/ /rtag tu 'gro mgyogs zhon 'gyur dang / /res 'ga' lam du 'gro ba na/ /rta ni don yod bstan pa nga / /dngos grub rdo rje rnam ster ro/ /de nas bcom ldan 'das rdo rje can chen po mkha' 'gro ma rdo rje gur phyag rgya rnam par rgyal ba'i ting nge 'dzin la snyoms par zhugs te/ phyag rgya dang phyag mtshan yang dag par bshad pa/ sku gsung thugs kyi brtag pa las/ /phyag rgya rnam gsum shes par bya/ /sku la lag pa'i phyag rgya yin/ /sngags bzlas pa las ngag phyag rgya/ /sems la mtshan ma'i phyag rgya yis/ /de nyid bsam gtan dkyil 'khor la'o/ /lag pa gnas na bskam pa ste/ /g.yon na sdigs mdzub de bzhin no/ /mkha' 'gro skam pa 'jigs ma/ /gdug pa rnams kyi 'khor ba 'don/ /g.yas pa'i lag na zhags pa ste/ /gdugs pa rnams bcings rnam par dgag /da 'di zhags pa ma zhes bya/ /g.yon pas gdug pa sdigs 'dzub ma/ /g.yas na nya rgya zlum po ste/ /gdug pa rnams ni dkri bar 'dod/ /'di ni rtag tu dol zlum bshad/ /g.yon pas sdug pa sdigs mdzub mdzad/ /lag pa g.yas par lcags kyu ste/ /gdug pa rnams ni dgug par 'dod/ /'di de rdo rje kyo mar bshad/ /g.yon</font><hr>84.273a<br><font size=+1>

pas bdud la sdig mdzub ma/ /lag pa g.yas pas nyi ma ste/ /gti mug mun pa rnam par dral/ /g.yon pas sdig 'dzub mar ni bshad/ /de ni rdo rje nyi mar brjod/ /lag g.yas mar ma'i sdong snod de/ /de bzhin g.yon par sdigs 'dzub bo/ /'di de rdo rje mar mer bshad/ /rnam par rtog pa'i rab rib 'joms/ /lag pa g.yas na rin po che/ /sems can rnams la sbyin pa ster/ /g.yon na sdig 'dzub 'dzin pa mo/ /rin chen sgron ma 'di rab brjod/ /glog ni lag pa g.yas pa ste/ /rnam par rtog pa'i chu 'dzin 'joms/ /de 'di glog lag mar shes bya/ /de bzhin g.yon pas sdigs 'dzub ma/ /lag pa g.yas par pad+ma ste/ /pad+ma'i 'dod chags brjod par bya/ /g.yon pas sdig 'dzub ma nyid de/ /'di ni mkha' 'gro'i pad+ma mar brjod/ /g.yas par b+ha ga'i pad+ma ste/ /bde ba chen po rnam par 'phel/ /g.yon na sdig 'dzub mdzad ma ste/ /'di ni chos 'byung mar ni brjod/ /g.yas pa'i lag na lcags sgrog ste/ /byang chub zhen pas kun 'chang ba/ /g.yon na sdig 'dzub 'dzin ma ste/ /'di ni rdo rje sgrog mer brjod/ /sangs rgyas rjes chags 'ching ba yis/ /bdag nyid 'khyud par 'dod pa ste/ /byang chub chags pas rab bsgrub ma/ /de 'di rdo rje 'dud mar bshad/ /g.yas pa'i lag na sgo lcags te/ /ye shes kun gyi bsrung ba mo/ /g.yon na sdigs 'dzub 'dzin pa mo/ /'di de rdo rje sgo lcags brjod/ /g.yas pa'i lag tu lde kyog ste/ /ye shes blangs nas gcod pa mo/ /g.yon na sdigs 'dzub 'dzin pa mo/ /'di de rdo rje lde kyog brjod/ /g.yas pa'i lag tu sgo mo ni/ /ye shes skyes pa ma spangs pa/ /g.yon na sdig 'dzub 'dzin pa mo/ /'di ni rdo rje sgo mar brjod/ /lag pa g.yas par yol ba ni/ /rang mtshungs btsun mo bsrung ba nyid/ /g.yon na sdigs 'dzub 'dzin pa mo/ /rdo rje yol ba mar ni brjod/ /de 'di sangs rgyas thams cad kyi/ /mkha' 'gro ma ni dam pa'i tshogs/ /mkha' 'gro lnga ni rab bsgrub phyir/ /mkha' 'gro ma'i rgyud gsungs so/ /de nas byang chub</font><hr>84.273b<br><font size=+1>

sems dpa' de rnams thams cad mkha' 'gro ma'i rdo rje'i gsung thos nas ngo mtshar skyes par gyur te/ bcom ldan 'das phyag rgya 'phrog pa 'di ci nyi tshe ba'i dam tshig phyag rgya gsungs pa lags sam/ de nas bcom ldan 'das kyis byang chub sems dpa' rnams la 'di skad ces bka' stsal pa/ bcom ldan 'das byang chub sems dpa' rnams/ 'od zer can gyi 'jig rten gyi khams na rdo rje nges par brjod pa zhes bya ba'i lung bstan pa yod de 'di ni de'i yin te/ Dai bai ha ya sa ga ma ne'i skad kyi dbyings 'dir rnam par brtags pa ste/ thams cad kun du nam mkha' spyod par grub pas 'di ni mkha'i 'gro mar rab tu grags so/ /de nas byang chub sems dpa' de rnams thams cad tshig 'di thos nas dga' dang mgu ba nye bar skyes par 'gyur ba dang tshig 'di gsol pa/ e ma mkha' 'gro ma'i rgyud/ /rgyud kun las ni phyi ma dang / /rtogs sla rtogs par dka' ba dang / /rig dang mi rig pa nyid pa'o/ /de nas de bzhin gshegs pa mi bskyod pa la sogs pa rdo rje de bzhin gshegs pa thams cad kyis byang chub sems dpa' rnams kyi sems bskul ba'i phyir 'di skad ces gsungs so/ /bcom ldan 'das byang chub sems dpa' thams cad 'di la rdo rje gur rgyud kyi rgyal po chen po 'dir ji ltar rnal 'byor ma rnams dang /   mkha' 'gro ma rnams kyis bsdu ba yin/ byams pa la sogs pa byang chub sems dpa' rnams kyis gsol pa/ sgo nga las skyes pa la sogs pa mtha' yas pa ngas srid pa las bsgral bar bya'o zhes smon lam sngon du 'gro ba'i byang chub gong du rdo rje 'dzin pas gsungs na/ ci'i phyir na srog chags rnams gsad pa dang / gcig tu 'dod pa'i btsun mo rnams spangs lags/ lta ba rnams las log rnams dang / /btsun mo rnams ni bsdu ba'i phyir/ /mkha' 'gro ma'i rgyud bshad do/ /bde ba'i thabs ni mdor bsdus pa/ /gzhung nyung don ni rgyas pa ste/ /blo dman rab tu sad byed pa/ /rgyud kun gyi ni snying por nges/ /sngags rnams kyi ni khyad par du'o/ /rdo rje nges par brjod pa zhes bya ba'i ting nge 'dzin to/ /'di ni bshad pa tsam gyis ni/ /bdag med rnal 'byor ma</font><hr>84.274a<br><font size=+1>

nyid kyis/ /sngon du gar gyis mchod byas nas/ /rang gi 'khor lo 'di gsungs pa/ /sangs rgyas rdo rje sems dpa' dang / /gal te rdo rje chos dang ni/ /rta mchog rdo rje nyi ma yang / /bdag gis spangs na mi 'grub ste/ /nga nyid sangs rgyas thams cad kyi/ /yum gyi gzugs kyis bskyed par byed/ /de rnams kyi ni mdzes ma nga / /de la nga ni dngos grub ster/ /mig sman dang ni rkang byug dang / /ral gri sa 'og bsgrub pa dang / /ri lu mkha' la spyod pa dang / /mi snang ba dang bcud kyis len/ /rig 'dzin 'khor los bsgyur nyid dang / /bu mo dam pa dgug pa ni/ /bdag mnyes pas ni bsgrub pa pos/ /dngos grub rdo rje rnams 'thob bo/ /spros pa rnam pa mang por ni/ /smras pas 'dir ni ci zhig bya/ /bdag spangs nges par mi 'grub cing / /byang chub med cing bsgom pa med/ /gang zhig rtag tu bdag dran zhing / /rtag tu klog cing sems pa dang / /sngags kyi phreng ba bzlas pa dang / /nga yi sku ni bsgom byed pa/ /gal te sgyu ma'i tshul gyis sam/ /gal te rmi lam 'dra bar blta/ /shin du bsgom pa'i rim pa las/ /mngon gsum du ni mthong bar 'gyur/ /gzugs brnyan rab tu sbyor ba las/ /de yi dngos grub sbyin par bya/ /rdo rje pad+ma rab sbyor bas/ /shin du bde chen sbyor ba las/ /gang zhig bdag la 'dod ster ba/ /lus can de la smos ci dgos/ /gang zhig nyi ma gcig bsgom pa/ /rdo rje mchod pa'i sbyor ba las/ /shes rab pha rol phyin dngos grub/ /ster de 'di la the tshom med/ /bdag nyid he ru kar byas shing / /rang gi btsun mo rang bsgoms nas/ /gang zhig rnal 'byor cher 'dod pa/ /de rnams la ni nga mnyes 'gyur/ /'dod pa'i yon tan lnga ldan zhing / /spro ba dga' bar ldan pa dang / /glu dang rol sgra'i rnam pa dang / /'dod kun bde ba spro ba dang / /sna tshogs sgeg par ldan pa dang / /sna tshogs ro yi btung ba dang / /sna tshogs gos ni ri mo can/ /sna tshogs dri yi byug pa yis/ /gang zhig bdag dang rtag nyal ba/ /de yi dngos grub ster ba nga / /phyag rgya chen po'i gnas na 'dug /de yi 'dod pa mar gyur to/ /o~M a A i I u U r-i r-I l-i l-I e ai</font><hr>84.274b<br><font size=+1>

o au swA hA/ gang zhig 'dis nga bskul bar byed pa'i rgyal ba'i sras de rnams kyi lag tu bud med kyi sgyu ma'i bde ba yang dag par gnas kyis 'dug go/ /rdo rje ma ni shar du sbyin par bya'o/ /lho phyogs su ni dkar mo'i gzugs can ma'o/ /nub phyogs su ni chu'i mkha' 'gro ma'o/ /byang du ni rdo rje mkha' 'gro ma'o/ /nga dbus su bzhag ste snying po dang bcas pa'i dkyil 'khor du gang zhig bsam par byed pa de'i bdag mdzes ma ste/ phyag gnyis ma zhal gcig ma'o/ /gri gug dang skyes pa'i thod pas brel ba/ stag gi lpags pa bgos pa/ spyan gsum pa/ skra gyen du brdzes pa/ phyag rgya lngas rnam par brgyan pa/ shar gyi sgor ni dkar mo chen mo'o/ /lhor ni chom rkun ma'o/ /nub phyogs kyi sgor ni chu ma'o/ /de bzhin du byang du ni g+hasma rI'o/ /dbang ldan du ni puk+ka sI'o/ /'tshed ma'i mtshams su ni ri khrod ma'o/ /srin po'i phyogs su ni gdol pa mo'o/ /rtag tu 'gro bar ni g.yung mo'o/ /'di rnams ni mtshams dang mtshams bral du sbyin no/ /gang zhig bdag rab tu bsgom par byed pa de'i lag mthil du phyin pa'i dpal sus kyang dbrog par mi nus so/ /thams cad kyang kha dog nag por mtshungs pa rab tu son pa'i steng du gar dang bcas pa khro mo chen mo dpa' mo/ g.yon khaT+wA~M ga 'dzin pa'o/ /de nas bcom ldan 'das rdo rje can mkha' 'gro ma'i rdo rje gur mchog tu dga' ba'i ting nge 'dzin la bzhugs te/ rig ma'i dbang yang dag par bshad pa/ rang gi rig ma skyes bu'i chus/ /bum pa brgyad po thams cad kyis/ /rdo rje thugs ni rab bsgoms pas/ /rdo rje can bsam dbang bskur bya/ /rdo rje nyi ma rab bsgoms pa/ /der ni u rgyan sbyin par bya/ /thams cad sngon sbyin des bsams rnams/ /rdo rje'i tshigs bcad sbyor ba las/ /rdo rje chen po rtse dgu pa/ /snying gar rang gi lag pas bya/ /slob ma 'jig rten dbang phyug byas/ /rdo rje sems dpas dbang bskur bya/ /sangs rgyas rdo rje'i dbang gis ni/ /de ring khyod ni dbang bskur 'gyur/ /'di de sangs rgyas</font><hr>84.275a<br><font size=+1>

thams cad nyid/ /bzang bsgrub phyir ni rdo rje bzung / /slob ma lcags mchog lha mo ni/ /sgrol mas 'khyud par bsam par bya/ /lag pas rdo rje dril 'khrol zhing / /rdo rje bdag pos dbang bskur bya/ /o~M badzrA d+hi pa ti twa ma b+hi Shany+tsA mi tiSh+Tha badzra sa ma ya s+t+wa~M/ slob ma rnam snang byas nas ni/ /ming gis kyang ni dbang bskur bya/ /o~M badzra satwa twam b+hi Shiny+tsA mi badzra nA mA b+hi She ka ta/ kye che ge mo rdo rje/ gang gang kun gyi rang gtsor gyur/ /de de bdag nyid he ru ka /sangs rgyas ye shes 'byung ba'i phyir/ /chos kyi rang bzhin dag pa'o/ /'di de sangs rgyas thams cad nyid/ /rdo rje sems dpa'i phyag na gnas/ /rdo rje snying po brtul zhugs brtan/ /khyod kyis kyang ni rtag tu zung / /o~M sarba ta thA ga tha ta sid badzra sa ma ya tiSh+Tha e Sho s+t+wa~M d+ha ra yA mi hA hi hi hi hi hi hU~M/ kun kyang cho ga gcig pa yis/ /rtag tu bla med mchod pas ni/ /slob ma rdo rje brtul zhugs sbyin/ /phyis ni rdo rje lag nas lag /sems dpa' thog ma tha ma med/ /rdo rje sems dpa' dga' chen po/ /kun du bzang po kun gyi bdag yang na de ring dril bu sbyin/ /shes rab pha rol phyin skyes pa'i/ /rdo rje dril bu zhes bya ba/ /sems can kun gyi don gyi phyir/ /'di de sangs rgyas thams cad kyi/ /shes rab dbyangs kyi rjes 'gror brjod/ /rgyal bas byang chub mchog brjod pa/ /khyod kyis kyang ni rtag tu bzung / /dbugs 'byin thams cad byin nas ni/ /shAkya thub par rang gyur pas/ /slob ma chen po lung bstan to/ /sangs rgyas nyid du the tshom med/ /khyod ni 'chi 'jigs mya ngan med/ /de bzhin nad dang tsha ba med/ /bde chen theg pa chen po ni/ /'di las nga yis lung bstan bu/ /o~M e Sha/  ha~M byA ka ro mi tA~M badzra satwa sta thA ga tA/ srid pa'i ngan 'gro las bsgral te/ /shin tu srid pa'i dngos grub phyir/ /kye 'grub 'gyur de bzhin gshegs pa yi/ /ming ni rdo rje zhes byar 'gyur/ /de ltar bcom ldan 'das kyis rig ma chen mo'i dbang gi dam tshig bka' stsal to/ /de nas bcom ldan 'das rdo rje chen po ting nge 'dzin</font><hr>84.275b<br><font size=+1>

rdo rje ston pa pos/ dam tshig rdo rje zhes bya ba gton te/ tshig 'di skad bka' stsal pa/ bla ma rdo rje dam mchod cing / /bdun pa rnam par dag par bya/ /byang chub sems ni bskyed nasu/ /chos kyi 'byung gnas rnam par bsgom/ /de la sangs rgyas gnas bsams nas/ /rnam pa lnga ni bsgom par bya/ /dang po skyes bu bsam de nas/ /mkha' 'gro ma yi 'khor lo spro/ /dri za mnyam par zhugs pa ni/ /khu bar rjes su dran par bya/ /'tshams kyi lha mos bskul bar bya/ /'khor lo'i 'dron pa bskul nas ni/ /mig la sogs pa gti mug sogs/ /rdo rje gsum ni gnas gsum dgod/ /phyi nas rjes chags rdo rje ste/ /ye shes rnam par gzhug pa dang / /dbang ni rig ma brgyad rnams kyi/ /yang ni bdud rtsi myang ba dang / /lha mo brgyad kyis mchod pa nyid/ /'khor lo'i 'dren pa bstod pa'o/ /rang byin brlab pas byin brlabs te/ /de la yan lag drug bsgom bya/ /phyi nas yang ni dam tshig gi/ /cho ga'i go rim rim pa yis/ /mtshan ma yang dag mtshon par bya/ /dang po sprin gyi rnam pa ste/ /gnyis pa du ba 'dra ba yin/ /gsum pa me khyer rnam pa yin/ /bzhi pa mir me nyer 'bar ba/ /lnga pa rtag tu snang ba ste/ /sprin med nam mkha' 'dra ba nyid/ /de ni thams cad mkhyen pa'i rgyud/ /dngos grub nya bar 'gyur ba yin/ /phyi nas sgyu ma'i rnam pa ltar/ /rmi lam rnam par skad cig 'gyur/ /khams gsum rgyu dang mi rgyu ba'i/ /ma lus lus pa med pa 'grub/ /'jig rten khams ni thams cad du/ /ji srid rdo rje'i lus can rnams/ /ye shes phung po'i blo ldan pa/ /de yi rjes su thams cad 'brang / /ji srid skye gnas las byung ba/ /khams gsum la ni nyams dga' bar/ /phyag rgya chen po rab sbyar bas/ /de rnams thams cad bza' bar bya/ /byang chub sems dpa' de bzhin gshegs/ /tshig gi rdo rje rnam thos nas/ /dga' zhing rangs par gyur nas ni/ /smra ba'i rdo rje mdzad par ldan/ /rig ma chen mo bdag med dang / /rdo rje rnam snang mnga' bdag dang / /rdo rje sems dpa' rgyal chen dang / /rta mchog thub</font><hr>84.276a<br><font size=+1>

pa chen po dang / /rdo rje nyi ma gzi brjid che/ /rta 'grin mnga' bdag chen po ni/ /sku gsung thugs ni nyid dang yang / /lus kyi gong bu 'gul bar 'gyur/ /lan cig rgyal po ston pa yis/ /'phral du mngon sum byed pa po/ /de nas rdo rje 'dzin pa'i rgyal po sku gsum mchog gi rdo rje 'dzin pa chen po mnyam pa nyid kyi rdo rje'i ting nge 'dzin la bzhugs te tshig 'di gsungs so/ /ma mo'i dkyil 'khor la bzhugs pa/ /zhal brgyad pa la stobs po che/ /phyag ni bcu drug rnams dang ldan/ /dbang po sngon po mtshungs pa'i 'od/ /gzi brjid chen po zhabs bzhi pa/ /sgeg cing khro ba'i gzugs can te/ /dkyil dkrung phyed pa'i gar gyis gnas/ /rus pa'i rgyan gyis rnam par brgyan/ /dang po'i zhal ni nag po ste/ /dkar po dmar pos rnam par brgyan/ /lhag ma'i zhal ni bung ba bzhin/ /bdud bzhi mnyam par mnan pa ste/ /spyi bor rdo rje 'dzin pa mchog /der ni rdo rje mdog nag po/ /'od zer chen po'ang bsgom par bya/ /dbang bskur ba'i gnas nyid du/ /sangs rgyas lngas ni rnam par brgyan/ /glang po rta bong glang nga mo/ /mi dang sa ra b+ha byi la/ /g.yas pa'i thod pa brgyad du ni/ /gnyis 'thung la sogs rim shes bya/ /sa dang chu dang rlung dang ni/ /drod dang zla ba nyi ma nyid/ /mthar byed dang ni nor sbyin nyid/ /g.yon pa'i thod pa brgyad na'o/ /skyes bu chen po bzhengs pa'i rdo rje zhes bya ba'i ting nge 'dzin to/ /gti mug rdo rje mig la dgod/ /zhe sdang rdo rje rna ba la/ /ser sna 'dod chags de bzhin du/ /reg dang bdag med bsgom par bya/ /phyag gnyis zhal ni gcig pa yin/ /sna tshogs gzugs ma btsun mo nyid/ /lag pa gri gug thod pas brel/ /srog song du ni yang dag gnas/ /sa spyod mkha' spyod ma nyid dang / /de bzhin rkang 'og gnas pa mo/ /'di nyid kyi ni cho ga yis/ /gnas gsum du ni gnas par bsgom/ /o~M mdzad rgyal po chen po ni/ /sku yi rdo rje rnam par brgyan/ /thugs kyi rdo rje rgyal po che/ /rdo rje sems dpa'i gnas na bzhugs/ /a ni mchog gi de nyid de/ /ngag gi lam ni gsal byed brjod/ /sku gsung thugs</font><hr>84.276b<br><font size=+1>

kyi rdo rje yin/ /chos can las ni rigs gsum 'byung / /nyi ma'i dkyil 'khor dbus gnas par/ /dkar mo gzugs can bsgom par bya/ /lcags kyu sdigs 'dzub 'dzin pa mo/ /kha dog dkar mo 'od chen mo/ /dkar mo rdo rje can zhes bya ba'i ting nge 'dzin to/ /dmar po'i dkyil 'khor dbus gnas par/ /chom rkun ma yi gzugs can bsgom/ /btso ma gser gyi mdog 'dra ba/ /rdo rje zhag pa mtshon chen mo/ /rdo rje dkyil 'khor dbus gnas par/ /ro langs ma ni khrag dang mtshungs/ /rdo rje lcags sgrogs nga rgyal byed/ /byang chub 'ching bar mdzad pa mo/ /'od kyi dkyil 'khor dbus gnas par/ /de nas g+hasma ri bsgom bya/ /rdo rje bri bus lag pa brel/ /mar gad ud pal 'dra ba'o/ /rdo rje sgo skyong ma rdo rje brtson ma zhes bya ba'i ting nge 'dzin to/ /mtshams su lha mo bzhi rnams ni/ /cho ga'i sbyor bas bsgom par bya/ /byang sems bum pa ri rab dang / /ma yi thab khung rgyal mtshan che/ /phyi bcas gnyis med rnal 'byor pas/ /mgon po de ltar bsgom par bya/ /'dod chags chen po rjes chags pas/ /dba' rlabs med pa'i bde ba 'thob/ /'byung ba bzhi'i rdo rje zhes bya ba'i ting nge 'dzin to/ /de nas rdo rje 'dzin pa'i rgyal po theg pa gsum gyi dam pa ston pa po/ thams cad kyi rnam pa'i ting nge 'dzin la bzhugs te/ dbyangs 'di gsungs pa/ hU~M las byung ba'i khro bo ni/ /rtag tu zhe sdang ldan pa'o/ /nang du ma rungs sems kyis ni/ /rab tu 'bad pas bsgrub par bya/ /na maHsa man+ta b+h+yo/ na mo badzra mung+ga ra hasta ya tsaN+Da lA k+She pa ka rA ya hU~M phaT/ de nas 'dir khro bo chen po bshad pa tsam gyis sangs rgyas thams cad dang / byang chub sems dpa' rnams 'jigs shing 'dar bar gyur nas mnga' bdag rdo rje 'dzin pa dran par byed do/ /skyes pa'i pad+ma gas chags med/ /srubs gcig pa dang srubs gnyis pa/ /rig ma bzhi yi rab sbyor bas/ /sangs rgyas kun gyis rab tu dgang / /rkang rjes rdul gyi sbyor ba yis/ /rkang pas gnan cing bsdigs</font><hr>84.277a<br><font size=+1>

par bya/ /sku gsum bskyed pa'i bsgom pa yis/ /bu mo chen mo dgug par bya/ /gshen rje gshed rdo rje zhes bya ba'i ting nge 'dzin to/ /na maHsa man+tA bud d+he b+h+yo/ ma hA daN+Da d+ha ra bi bi d+ha su rA mar+d+ha na b+hUn+nir+m+ma tha hU~M phaT/ de nas khro bo chen po gzhan gyis mi thub pa'i stobs po che bshad pa las byang chub sems dpa' rnams dang / de bzhin du gzhan rnams kyang 'dar bar gyur cing de dran par byed do/ /'byung po yi dgas sha za nyid/ /mkha' 'gro grul bum zin pa la/ /hU~M gis dregs byas phyag rgyas gdab/ /rdo rje btsir bas bde ba nyid/ /gzhan gyis mi thub pa rdo rje zhes bya ba'i ting nge 'dzin to/ /na maHsa man+ta bud d+he b+h+yo/ hu lu hu lu/ ma hA pad+ma a mri tI ku ru ma hA bi ShA na AH btsan dug chen po dgug par bya'o/ /brgyal ba bslang ba de bzhin no/ /pad+ma'i dragapo'i rdo rje zhes bya ba'i ting nge 'dzin to/ /na maH sa man+ta bud d+he b+h+yo/ na mo badzra kro d+hA ya ma hA da~MSh+rA t+ka Ta b+hai ra wA ya/ badzra san+do ha dar+pA ya o~M a mr-i ta kuN+Da lI hU~M phaT/ de nas khro bo chen po bgegs 'joms rdo rje bshad pas sangs rgyas thams cad dang / byang chub sems dpa' rnams yid mi dga' bar gyur to/ /rlung gis bteg pa po dang / rkang rjes kyi rdul blangs nas bsgrub bya de'i ming byang bzung ste/ tshogs kyi bdag po'i rkang pa'i 'og tu dgod cing hU~M phaT ces bya ste/ hU~M gi nga rgyal byas nas rdo rje bdud rtsi'i ting nge 'dzin las skyes pa/ khro bo'i sngags kyis rab tu sbyor bas sangs rgyas rnams kyang skrod par byed do/ /rdo rje bdud rtsi zhes bya ba'i ting nge 'dzin to/ /shin tu legs par gsang bar ni/ /bya ba 'di ni rab bskul bar/ /ye shes rdo rjes bya ba ste/ /nyi ma bdun gyis 'grub par 'gyur/ /na maHsa man+ta b+h+yo/ o~M ya ma daN+DA ya nI lA ya/ nI la daN+DA ya tu ru tu ru mu ru mu ru sar+b+ba duSh+TA na mA ra ya mA ra ya hU~M phaT/ de nas khro bo chen po dbyug pa sngon po skyes bu chen po bshad pas sems can thams cad dang / sangs rgyas rnams srog la the them du gyur to/ /brgya phrag brgyad bzlas pa tsam gyis kyang shin du bsgom pas sbyor</font><hr>84.277b<br><font size=+1>

ba'i cho gas bskul ba las gdug pa thams cad 'ching bar 'gyur ro/ /dbyig pas gnan pa'i rdo rje zhes bya ba'i ting nge 'dzin to/ /na maHsa man+ta bud d+he b+h+yo/ na mo ma hA ba la ya/ u ts+tshush+ma kro d+ha rA dzA ya sarbA na gA na~M hrI da ya~M tA Da ya hU~M phaT/ de nas gtum po chen po bshad pas dug gis gdong 'jigs shing stobs dang bral ba dang / skrag cing 'dar bar gyur te/ stobs po che dran par 'gyur ro/ /rdo rje stobs kyi spyan ras gzigs zhes bya ba'i ting nge 'dzin to/ /na maH sa man+ta bud bud ng+ha b+h+yo/ na mo a tsa la ka Na tseT+Ta tu moT+Ta moT+Ta tuT+Ta/ g+ha g+ha g+hA ta ya g+hA ta ya hU~M phaT/ de nas khro bo chen mo mi g.yo ba skyes bu chen po bshad pas lha dang klu dang gnod sbyin chen po brgyal te sa la 'gyel to/ /'dis ni khro bo'i rgyal po yis/ /seng ge zhon pa'i cho ga yis/ /rdo rje dkyil 'khor rnal 'byer las/ /skyes pa dang ni lha rnams khug /o~M sum+b+ha ni sum+b+ha hU~M/ gr-ih+Na gr-Ih+Na hU~M/ grih+nA pa ya grih+nA pa ya hUM~M/ a na ya ho b+ha ga wan bid+yA rA dza hU~M phaT/ rdo rje sa 'og gnas pa yis/ /khro bo chen po bshad pa yis/ /lha min bu mo klu mor bcas/ /nu ma 'dar zhing nar ba 'am/ /rdo rje zhags pas nges bcings te/ /lcags kyu yis ni dril nas ni/ /sku gsung thugs ni bsgoms pa yis/ /bu mo thams cad dgug par bya'o/ /'jig rten gsum dgug pa zhes bya ba'i ting nge 'dzin to/ /rdo rje chos ni char sprin che/ /rdo rje sems dpa' char mchog ste/ /rdo rje nyi ma dge 'dun che/ /rta mchog tshogs ni chen po dang / /phan pa'i yang ni char sprin gyi/ /zhags pa lcags kyu'i bsgom pa yis/ /sangs rgyas rnams kyang dgugs brjod na/ /so so skye bo smos ci dgos/ /rang gi rig ma skyes bu bsams/ /sku gsum rdo rjes rnam par brgyan/ /lcags kyu la sogs sbyor ba yis/ /bu mo bkug la bza' bar bya/ /de nas bcom ldan 'das kyis rdo rje chen pos dgug pa'i dam tshig bka' stsal to/ /namaHsa man+tA bud d+heb+h+yo/ o~M Tak+ki hU~M dzaH kha ta dang ni btsag la yang / /rdo rje lcags kyu'i sbyor ba las/ /zla ba nye bar chags dus su/ /khar bcug nas ni</font><hr>84.278a<br><font size=+1>

bsgrub par bya/ /ming ni bris pa tsam gyis kyang / /brgya ni gsal bar bzlas pa yis/ /sgra ldan gnas med dbang po drag /chung mar bcas pa dgug par bya/ /dam tshig lcags kyu'i rdo rje zhes bya ba'i ting nge 'dzin to/ /bsam gtan sngags dang ting 'dzin gnas/ /rang gi rig ma skyes bu bdag /dgug pa'i gnas su bzung bar bya/ /thub pa gzhan du mi 'gyur ro/ /na maHsa man+tA bud d+hA nA~M/ na ma sa man+ta d+har+m+mA NA~M/ na maHsa man+tA sa~M g+hA nA~M/ o~M si tA ta pa tra/ o~M bi ma la/ o~M sha~M ka ra/ o~M bra t+ya~M gi ra/ o~M badzra uSh+NI Sha tsakra wa sar+b+ba yan+t+rA man+t+ra mU la kar+m+ma man+d+ha na tA Da na kI la na~M bA ma ma kr-i te ye na ke na tsi da kr-i ti ta t+ta sar+b+ba na ts+tshin+da ts+tshin+da b+hin+da b+hin+da/ tsi ri tsi ri/ gi ra gi ra/ ma ra ma ra/ hU~M hU~M hU~M hU~M hU~M hU~M hU~M hU~M hU~M hU~M/ phaT phaT phaT/ bdag nyid bsrung ba'i sbyor ba la/ /sbyor ba rgyud sogs bzhig pa la/ /dpang bar rig pa gdags byas na/ /'jig rten gsum gyis 'da' mi nus/ /khro bo chen po 'khor lo rdo rje zhes bya ba'i ting nge 'dzin to/ /dben pa'i nags tshal nyid du yang / /yid gnyis thams cad rnam spangs la/ /rnal 'byor mchog ni 'di bsgrubs na/ /thub pa gzhan du mi 'gyur ro/ /khro bo chen po 'khor lo'i snying po'i sngags la 'jug pa rdo rje zhes bya ba'i le'u ste bzhi pa'o// // de nas bcom ldan rdo rje can/ /sems can kun gyi snying la zhugs/ /kun mkhyen ye shes las byung ba/ /yang dag nges par rab tu dbye/ /sangs rgyas gzugs brnyan rab bsgoms te/ /rdo rje sems dpa' rab bsgom bya/ /sangs rgyas gzugs brnyan rab bsgom bya/ /sangs rgyas gzugs brnyan rab bsgoms nas/ /rdo rje rnam snang dran par bya/ /sangs rgyas gzugs brnyan rab bsgoms te/ /rdo rje nyi ma rab bsgom bya/ /sangs rgyas gzugs par bsgoms nas/ /'dod chags rdo rje rnam par bsgom/ /sems can gzugs brnyan rnam bsgoms te/ /rta yi don</font><hr>84.278b<br><font size=+1>

yod rab bsgom bya/ /sangs rgyas gzugs brnyan las byung ba'i/ /dkyil 'khor rnams ni rtag bsgom bya/ /thams cad rnams kyi sngags 'di yis/ /snying kar ye shes gnas su dgod/ /ye shes sems dpar rab sbyor bas/ /sangs rgyas byang chub thob par 'gyur/ /rang sngags yi ge rdzogs pa dang / /phyag rgya dang ni phyag mtshan brtag /spro dang bsdu ba byas pa ni/ /dkyil 'khor rnams kyi 'byung gnas nyid/ /sgra la rnam gsum shes byas nas/ /lha rnams la ni dbul bar bya/ /de nyid bcom ldan rdo rje can/ /rdo rje sems dpa' grags chen po/ /gzugs la rnam gsum shes byas nas/ /lha rnams la yang dbul bar bya/ /de nyid bcom ldan rgyal po ni/ /rdo rje rnam snang mnga' bdag nyid/ /dri la rnam gsum rnam shes nas/ /lha rnams la ni dbul bar bya/ /de nyid bcom ldan sangs rgyas ni/ /rin chen phung po rab tu grags/ /ro la rnam gsum rnam shes nas/ /lha rnams la yang dbul bar bya/ /de nyid bcom ldan 'dod chags nyid/ /rdo rje chos ni de bzhin gshegs/ /reg la rnam gsum rnam shes nas/ /lha rnams la ni dbul bar bya/ /de nyid bcom ldan sna tshogs pa/ /don yod 'bras bu ster ba po/ /bsrung ba'i dam tshig dbus gnas pa'i/ /dkyil 'khor lnga ni bsgom par bya/ /lnga lnga'i bdag nyid rdzogs sangs rgyas/ /ye shes lnga ni rnam par bsgom/ /'dod pa'i yon tan lnga dang ldan/ /'od zer sna tshogs kun tu khyab/ /sna tshogs las ni byed par brjod/ /thams cad bsdus pa'i dkyil 'khor ni/ /nyi shu rtsa lnga'i dbye ba yis/ /rdul tshon gyis kyang bri bar bya/ /sangs rgyas lnga yi rang bzhin gyis/ /phung po lngar ni rab tu grags/ /sangs rgyas mgon po'i dkyil 'khor ni/ /shar gyi char ni rab tu grags/ /g.yas su rdo rje nyi ma yi/ /nub tu 'dod chags rdo rje yi/ /byang du rta yi rgyal po yi/ /dbus su rdo rje sems dpa' yi/ /shar du dkar po chen po ste/ /lhor ni ser po yang dag ldan/ /dmar po nub kyi cha nyid du/ /</font><hr>84.279a<br><font size=+1>

btsod ni byang du yang dag ldan/ /mtshams kyi char ni thams cad dang / /sgo yi logs dang ya phubs su/ /rdo rje chen po rnams kyis brgyan/ /sna tshogs snang ba rnams kyis mdzes/ /sangs rgyas mgon po gang nyid kyi/ /dkyil 'khor dbus su 'gyur ba ni/ /de nyid kyi ni dkyil 'khor brjod/ /snying po yongs bzung dkyil 'khor te/ /dkyil 'khor re re bsgom pa 'am/ /yang na bsdus pa'i dkyil 'khor ro/ /brgyad brgyad dbus su gnas pa 'am/ /yang na nyi shu rtsa lnga ru/ /gang tshe dkyil 'khor bsdus pa yi/ /sgor ni lcags kyu zhags pa dang / /lcags sgrogs de bzhin rdo rje nyid/ /'jug pa'i sgo srungs dgod par bya/ /bcom ldan 'das kyis bsdus pa chen po'i dam tshig 'di skad ces bka' stsal to/ /don dang bya rgod de bzhin bse/ /snyug glang ba men dang ni stag nyid dang / /spre'u dang sna 'thung ba blang 'tshe/ /rdo rje chos kyi g.yas na'o/ /khwa 'ug chu skyar seng ge dang / /mtshor gnas de bzhin ra dang ni/ /ri dgas phag dang yang dag ldan/ /g.yas min par ni rtag tu gnas/ /rma bya ma he chu srin dang / /nya yi rgyal po rus sbal dang / /'og gi rlung dang ngang skya dang / /ri bong phan pa'i g.yas pa na'o/ /sbal ba thu bo sprin shugs kyi/ /kha chu mig sman mtshungs byi ba/ /g.yag dang dri ldan de bzhin bshad/ /g.yon pa'i thod pa brgyad na'o/ /ka raN+Da dang 'khor lo dag /lug dang tsa ko ra dang ni/ /bye khra hor khra 'ol ba dang / /ku rar nyi ma'i g.yas na'o/ /stobs kyi rgyu dang dung skyong dang / /rigs ldan pad+ma pad bzang dang / /'jog po nor rgyas mtha' yas ni/ /rin chen rgyal po'i g.yon na'o/ /gza' lag phur bu mjug rings dang / /sgra gcan mig dmar pa ba sangs/ /spen pa khyab 'jug rta rgyal nyid/ /g.yas pa nyid du rab tu grags/ /dbang po tshangs pa de bzhin drag /'dod lha de bzhin thod pa can/ /gcer bu dang ni thags bzangs ris/ /stobs ldan zhes bya g.yon na'o/ /glo dang dbugs dang de bzhin 'bog /khong skam mdze dang rkang shu dang / /mchin pa mcher pa'i rang bzhin yang / /glang po la sogs rab tu grags/ /lcags stegs dang ni rjed byed dang / /khrag rdo</font><hr>84.279b<br><font size=+1>

gcong nad rgyal po dang / /gzhang 'brum skran dang bkres nad dang / /mig ser dom la sogs pa'o/ /rdze ma byi dang so nad dang / /mkhris pa khrag dang de bzhin rlung / /bad kan 'dzag dang lus skam dang / /skya rbab 'bras ni rma bya sogs/ /rkang 'bab tshil nad rlig skrangs dang / /rgyu ma 'phel dang gsung ba dang / /tshad pa rims dang rab gas ni/ ka raN Da sogs rab tu grags/ /rlung mkhris de bzhin ma zhu ba/ /sgrib g.yogs rab rib gcan sri ba/ /gzhog phyed na dang skog 'bras dang / /rlung rgyas gza' lag la sogs pa'o/ /mi yi 'gro ba dam pa ni/ /rab mchog de lta bu 'gro ba/ /thams cad nad kyis khyab mthong nas/ /sangs rgyas lngar ni cher grags pa/ /bdag gi lus la gzhug par bya/ /sems can rnams la gdungs ma gyur/ /nad rnams zhi phyir sangs rgyas ni/ /glang po la sogs nad 'dzin to/ /de ltar bsgom par gyur pa la/ /nad med ru dza trang grum med/ /'chi med nges par byi ta med/ /nga rgyal med cing gti mug med/ /bkres pa med cing skom pa med/ /sdug bsngal ngan 'gro de bzhin med/ /lha dang lha min mi rnams sam/ /gang gis kyang ni nad byed min/ /nad thams cad rab tu zhi ba dbugs dbyung ba rdo rje zhes bya ba'i le'u ste lnga pa'o// // de nas rdo rje 'dzin pa'i rgyal po lus thams cad 'dzin pa po mkha' 'gro ma'i yid 'phrog pas tshig 'di bka' stsal pa/ sems kyi rjes dran dmigs nas ni/ /sangs rgyas rjes su dran pa bsgom/ /sems kyi rin chen bsams nas ni/ /chos ni rjes su dran pa bsgom/ /las rjes dran pa'i rnal 'byor pas/ /'khor lo chen po rab bsgom bya/ /rnal 'byor 'di ni mchog rab ste/ /ma byung 'byung bar mi 'gyur ro/ /rdo rje sems dpa' rnam bsgoms nas/ /phyag rgya bzhi yis phyag rgyas gdab/ /rdo rje rnam snang bsams nas ni/ /phyag rgya bsgoms pas phyag rgyas gdab/ /rdo rje'i phyag rgya'i sbyor ba yis/ /rin chen phung po rab bsgom bya/ /chos kyi phyag rgya rab sbyor bas/ /las kyi rdo rje phyag rgyas gdab/ /zhe sdang rgyal po rgyal po che/ /skyon</font><hr>84.280a<br><font size=+1>

rnams thams cad zad par mdzad/ /spro zhing bsdu bar bsgom par bya/ /bsdu ba yang ni yang dag bshad/ /sangs rgyas mgon po rab bsgoms na/ /sangs rgyas sprin gyis kun tu khyab/ /spro dang bsdu ba'i rnal 'byor gyis/ /sangs rgyas byang chub rab bsgom bya/ /sems ni rin chen rin po ches/ /bdud kyi skyon rnams zad par mdzad/ /sems kyi char sprin sbyor ba yis/ /yang ni bsdu ba bstan par bya/ /chos kyi rgyal po gti mug che/ /spro dang bsdu ba'i gzugs can de/ /thun tshod bzhir ni byin brlabs pa/ /bsgoms na myur du 'grub par 'gyur/ /sems ni 'gro mgyogs ltar bsams nas/ /gzhal med 'bras bu stsol ba'o/ /rta mchog char sprin chen po yis/ /bsdu ba yang ni bsgom par bya/ /bcom ldan 'das kyis spro ba dang bsdu ba'i dam tshig chen po de skad ces bka' stsal to/ /nyi ma'i dkyil 'khor dbus gnas par/ /sems kyis rnam par bsgom par bya/ /rnyog med dkyil 'khor dbus gnas par/ /sku yi yi ge rnam par bsgom/ /khrag gi dkyil 'khor dbus gnas par/ /sems kyi rin chen yi ge dgod/ /chos kyi 'khor lo dbus gnas par/ /gsung gi yi ge rnam par sgom/ /las kyi dkyil 'khor dbus gnas par/ /don yod yi ge'i gzugs can te/ /sku gsum mi phyed bsgom pa yis/ /ye shes rdo rje bsgom par bya/ /rdo rje sems dpa' mi phyed pa'i/ /chos kyi 'khor lo rnam snang la/ /rin chen sems kyi rin po che/ /pad ma bzang po 'dab ma dmar/ /shes rab ral gri don yod kyi/ /shes rab rnon po'i rang bzhin gyi/ /rnam rtog ri bo bcad nas ni/ /phyag rgya chen po ldan par 'gyur/ /dpag tshad bye ba rgyas par ni/ /rdo rje'i dkyil 'khor bsgom par bya/ /phan pa'i dkyil 'khor nyid dang yang / /rin chen phung po 'od chen dang / /chos kyi phung po mgon chen dang / /de bzhin gshegs pa rdo rje las/ /sna tshogs 'od zer cher 'bar ba/ /sangs rgyas sprin gyis rnam par brgyan/ /nam mkha'i khams kyi dbus gnas par/ /</font><hr>84.280b<br><font size=+1>

ye shes dkyil 'khor bsgom par bya/ /'dod pa'i yon tan lnga yis gang / /thams cad du ni sna tshogs gzugs/ /mchod pa kun gyis mchod par bya/ /mtshams kyi lha mo'i sbyor ba yis/ /ye shes rgya mtsho rab bsgrub bya/ /dam tshig 'khor lo bcug pa yi/ /ye shes rdo rje chen po 'bar/ /sangs rgyas kun mnyam rnal 'byor pas/ /skad cig la ni gnyis med 'gyur/ /ru drA k+sha dang dung bse ru/ /bu yi 'tsho ba pad 'bras dang / /mu tig la sogs byi ru sogs/ /bsam gtan ldan pas sngags bzlas bya/ /sangs rgyas byang chub sems dpa' dang / /mkha' 'gro ma dang rang btsun mo/ /mngon sum du ni bya ba'i phyir/ /sngags ni snyan gsan 'bebs par brjod/ /dper na skyes chen la la zhig /skad kyi nga ros bos pa na/ /thos pa tsam gyis 'ongs 'gyur ba/ /de ltar skad cig sangs rgyas gshegs/ /'jig rten khams ni stong phrag dang / /nam mkha'i khams kyi mkha' grong du/ /phyag rgya chen po'i bde gnas kyi/ /mkha' dang mnyam pa'i sangs rgyas bzhugs/ /de rnams sngags rig drung na gshegs/ /rdo rje can gyis rnam par gzigs/ /gang gis sngags kyi rim thob pa/ /e ma de yis byang chub 'thob/ /sangs rgyas byang chub sems dpa' yang / /sngags kyi spyod pa dang por 'dzin/ /rdo rje sngags ni rab sbyor bas/ /mtshungs pa med pa'i ye shes 'thob/ /de ltar shes pa'i sangs rgyas te/ /sngags kyi spyod pa'i rim gnas pa/ /'bras bu nyid la mi gzigs te/ /de ni sangs rgyas mnyam par brjod/ /sangs rgyas nga rgyal dmigs nas ni/ /chos kyi dbyings ni 'od gsal ba/ /gang zhig bsgom pa de bas na/ /sems can sangs rgyas mnyam par gyur/ /'jig rten ji ltar sangs rgyas te/ /ji ltar chos ni rnyog med pa/ /sems can khams ni de ltar bshad/ /nam mkha' lta bur dri ma med/ /ngan par brtags pa'i rnam rtog gis/ /rin chen sems ni dri can byas/ /sems dag pas ni dag par 'gyur/ /ji ltar nam</font><hr>84.281a<br><font size=+1>

mkha' mi 'jig pa/ /nam mkha' ji bzhin de bzhin sems/ /sems kyi rin chen bskul ba las/ /sems nyid bsgom pa sangs rgyas te/ /skye bar sangs rgyas dam pa nyid/ /rin chen sems las phyir gyur pa'i/ /sangs rgyas med cing gang zag med/ /rnam par shes pa'i gnas don nas/ /phyi rol gyur pa cung zad med/ /yid kyis sangs rgyas thams cad nyid/ /khams gsum dbang phyug chen po ste/ /'jig rten gsum gyi rgyal po che/ /sems gcig gis ni thob par 'gyur/ /gzugs dang sgra dang de bzhin dri/ /ro dang reg bya'i rang bzhin te/ /chos kyi dbyings ni mchog tu zhi/ /'di ni rin chen sems su brjod/ /gzugs dang tshor ba 'du shes dang / /'du byed dang ni rnam shes nyid/ /'di dag thams cad sems las skyes/ /thub pa 'di ni gzhan mi 'gyur/ /yid bzhin nor bu rin po che/ /'dod yon 'bras bu rab ster ba/ /sems kyi de nyid rang bzhin dag /sangs rgyas byang chub 'bras bu ster/ /de nyid phyir na sngags rgyal gyis/ /sems kyi rdo rje bskul ba yi/ /zab mo'i rnam pa nges ldan pa'i/ /phyed par dga' ba'i dngos grub ster/ /rdo rje sems dpa'i snying po snang ba'i le'u ste drug pa'o// // de nas rdo rje chen po rdo rje can mkha' 'gro ma'i gur bskyed pa'i rnal 'byor gyi ting nge 'dzin la zhugs te/ bdag nyid kyi rnal 'byor gsungs pa/ sangs rgyas gnas ni rab rdzogs dang / /rnam pa lnga po bsgom pa dang / /kun tu bzang po'i rang bzhin dang / /rang gi lhag pa'i lhar bsgrub dang / /dkyil 'khor rnams kyi dgod pa dang / /mchod bstod bdud rtsi la sogs pa/ /rim pas rjes su bsgoms par bya/ /rnal 'byor yan lag drug tu 'dod/ /o~M sar+b+ba ta thA ga ta a b+hi She ka ta badzra swa b+hA ba At+ma ko\u0f85haM/ bcom ldan 'das de bzhin gshegs pa mi bskyod pas de skad ces bka' stsal to/ /o~M sarba ta thA ga ta a mr-i ta swA da badzra swa b+hA ba At+ma ko\u0f85haM/ bcom ldan 'das de bzhin gshegs pa tshe dpag tu med pas de skad ces bka' stsal to/ /</font><hr>84.281b<br><font size=+1>

o~M sar+b+ba ta thA ga ta stu te badzra swa b+hA ba At+ma ko\u0f85haM/ bcom ldan 'das de bzhin gshegs pa rin chen tog gis de skad ces bka' s+cal to/ /o~M sar+b+ba ta thA ga ta pu dzA badzra swa b+hA ba At+ma ko\u0f85haM/ bcom ldan 'das de bzhin gshegs pa ba rdo rje rta mchog gis de skad ces bka' stsal to/ /o~M sar+b+ba ta thA ga ta a nu rA ga Na badzra swa b+hA ba At+ma ko\u0f85haM/  bcom ldan 'das rdo rje sems dpa' de bzhin gshegs pas de skad ces bka' stsal to/ /spros pa dang ni bsdus pa'i sku/ /rgyal chen rnam par snang mdzad che/ /chos dbyings yi ge las bskyed pa/ /de ni sangs rgyas gnas bkod bya/ /o~M sar+b+ba ta thA ga ta a ni la ya badzra swa b+hA wa At+ma ko\u0f85ha~M/ rnam par snang mdzad rdo rje zhes bya ba'i ting nge 'dzin to/ /nam mkha'i khams kyi dbus gnas par/ /'byung bzhi'i bdag nyid dkyil 'khor nyid/ /de yi steng du sangs rgyas bsam/ /spros nas gzhal yas gnas dgod bya/ /rdo rje lta bu mi phyed phyir/ /des na mi bskyod bsgom par bya/ /ma skyes rjes su dran pa las/ /rnam par snang mdzad phan pa nyid/ /rin chen rnams kyi mchog gi mchog /'di ni rin chen sems su bshad/ /rdo rje chos ni rgyal po che/ /'dod chags mtshan nyid 'dzin pa las/ /rdo rje sems dpa'i gnas 'dug pa'i/ /sems ni 'dod chags zhes byar bshad/ /gang phyir 'bras bral mi 'grub ste/ /de phyir don yod rab tu grags/ /rig ma mdzes ma rdo rje zhes bya ba'i ting nge 'dzin to/ /bum pa'i dbang ni dang po ste/ /gnyis pa la ni gsang ba'i dbang / /gsum pa shes rab ye shes te/ /ji ltar lus ni de bzhin gshegs/ /dkyil 'khor dam pa bris nas ni/ /dam tshig khu ba'i cho ga yis/ /ha~M dang bsam gtan bskyed byas nas/ /de tshe dbugs dbyung sbyin par bya/ /mkha' 'gro lnga dang ldan pa dang / /dam tshig lnga yis bkang ba dang / /mkha' 'gro ma yi tshogs ldan pas/ /slob ma rdo rje can la skur/ /rdo rje sa bon rab sbyor bas/ /rang gi lhag pa'i lhar byas nas/ /slob ma rtag par nges bsams te/ /rgyun</font><hr>84.282a<br><font size=+1>

gyi rigs kyi ming gis ni/ /slob ma rdo rje can dbang bskur/ /sbyin dang bdag ma sgrol ma dang / /dkar mo la sogs bdag gzugs kyi/ /rdo rje btsun mo rab sbyor bas/ /rdo rje bla med bshad par bya/ /bla na med pa'i de nyid 'di/ /gnyis su med cing yi ge med/ /chos kyi dbyings ni 'od gsal byed/ /bde ba bzang po'i ro myang gis/ /sgrib pa med pa'i rdo rje zhes bya ba'i ting nge 'dzin to/ /ga dang ha zhes bya ba dang / /dang po mthar yang shwa ldan pa'i/ /rab tu gsal ba dam pa nyid/ /dngos grub thams cad rab ster ba/ /cho gas rdo rje bdud rtsi myang / /'di dag zos pa tsam gyis ni/ /sangs rgyas kun mnyam rnal 'byor pa/ /rdo rje dang ni mnyam par 'gyur/ /nad rnams thams cad rab tu zhi/ /de ni gzi brjid lus chen po/ /'jig rten kun gyi yid 'phrog pa/ /phas kyi rgol ba kun las rgyal/ /'jig rten kun gyi bdag pos brgyan/ /lha rnams kyis ni 'dren par brjod/ /mkha' 'gro lnga yi bdag nyid 'gyur/ /chos kyi zas ni za ba po/ /dam tshig chen po'i bsam gtun zos pa'i rdo rje zhes bya ba'i ting nge 'dzin to/ /mi bskyod brten pa'i rnal 'byor pa/ /nad rnams thams cad rnam par spangs/ /rtag pas mdangs ni chen por ldan/ /rdo rje nyi mas rgas pa med/ /rdo rje chos ni bsten pa yis/ /bud med kun la longs spyod do/ /don yod rgyal po chen po ni/ /rdo rje srog gi yan lag 'byung / /don kun sgrub cing dpal dang ldan/ /des ni rnal 'byor par ni brjod/ /mi bskyod btung ba'i sbyor ba las/ /stong phrag lbas ni 'tsho bar 'gyur/ /phan pa yis ni khri ru brjod/ /rdo rje nyi mas rdo rje'i 'bum/ /tshe dpag med kyis dpag med dang / /bdun gyis nam mkha' ji srid bshad/ /rdo rje nyi ma dpag med dag /'khor ba'i sgrub thabs rtsa ba nyid/ /'di dag bsten pas rnal 'byor pa/ /kun du bzang po 'dra bar 'gyur/ /shes rab pha rol phyin ye shes/ /'di ni rdo rje nyi mar brjod/ /chos rnams thams cad kyi ni gnas/ /de bzhin gshegs pa tshe dpag med/ /sangs rgyas rdo rje can nyid ste/ /thabs dang shes rab 'phel mdzad pa/ /khams gsum dag ni thams cad du/ /</font><hr>84.282b<br><font size=+1>

sa dang sa 'og bar snang la/ /khrag dang khu bas khyab pa'i lus/ /rigs kyi dbang phyug gis 'di gsungs/ /sen mo ba spu de bzhin gshegs/ /khams dang khu ba snang mtha' yas/ /lpags dang khrag la gzi brjid che/ /tshil dang rkang la rdo rje 'dzin/ /thams cad mgon po rnam snang mdzad/ /rtsa dang sha la bdun rgyal po/ /'di rnams la ni sangs rgyas lngar/ /rdo rje mkha' 'gros rnam par bshad/ /sa yi khams ni rnam dag pa/ /spyin ni 'khor lo mdzes ma nyid/ /rdo rje btsun mo dang ba ste/ /pad ma'i bu mo tsha ba nyid/ /sgrol ma rlung ni rnam dag pa/ /rdo rje btsun mo bzhi rnams ni/ /rdo rje mkha' 'gro zhes bya'o/ /gur gyis de rnams bka' stsal to/ /sngags thams cad rnam par dag par bdud rtsi lnga mchog tu byung ba rdo rje zhes bya ba'i ting nge 'dzin te le'u bdun pa'o// // khyod ni zhe sdang rdo rje yongs skyong ba/ /thugs dang chos ni shin tu rnam dag pas/ /lha yi lus ni yang dag brgyan mdzad pa/ /puk+ka sI ni bdag la myur du gzigs/ /rnam par 'dren pa 'jig rten don gyi phyir/ /stong pa nyid spangs skye ba bzhes par mdzod/ /khyod ni gti mug rdo rje yongs skyong ba/ /sku yi bdag po chos kyi gzugs brnyan gyis/ /lha yi lus ni yang dag brgyan mdzad pa/ /mgon po ri khrod ma la myur du gzigs/ /rnam par 'dren pa 'jig rten sman slad du/ /stong pa nyid spangs skye ba bzhes par mdzod/ /khyod ni 'dod chags rdo rje yongs skyong ba/ /gsung dag legs par so sor rtogs pa yis/ /lha yi lus ni yang dag brgyan mdzad pa/ /gtum par ldan pa bdag la gzigs par mdzod/ /rnam par 'dren pa 'jig rten sman slad du/ /stong pa nyid spangs skye ba bzhes par mdzod/ /khyod ni sangs rgyas thams cad yongs skyong ba/ /gzugs kun nan tan thams cad mnyam nyid kyis/ /lha yi lus ni yang dag brgyan mdzad pa/ /Dom bi bdag la mgon po myur du gzigs/ /rnam par 'dren pa 'jig rten sman slad du/ /stong pa nyid spangs skye ba bzhes par mdzod/ /thams cad bzhengs par mdzad pa rdo rje zhes bya ba'i ting nge 'dzin to/ /'khor lo can rnams thams cad kyi/ /'dis ni bskyed par 'gyur bar na/ /ye shes rdo rje can gyis bya/ /dkyil 'khor bdag po 'di</font><hr>84.283a<br><font size=+1>

skad gsungs/ /o~M sar+b+ba ta thA ga ta khe tsa rA badzra swa b+hA wa At+ma ko\u0f85ha~M/ o~M sarba ta thA ga ta b+hu tsa ra swa b+hA wa At+ma ko\u0f85ha~M/ o~M sarba ta thA ga ta pA tA la wA si nI badzra swa b+hA wa At+ma ko\u0f85ha~M/ sku gsung thugs kyi chos rnams kyi/ /byin brlabs gnas su brtag par ni/ /ye shes rdo rje can gyis bya/ /'di ni byang chub rim bstan pa'o/ /bcom ldan 'das sku dang gsung dang thugs kyi bdag pos de skad ces bka' stsal to/ /phyag rgya chen por rab sbyor bas/ /sku yi rin chen sbyang bar bya/ /bsam gtan rdo rje bsams nas ni/ /sems kyi rin chen rab sgrub byed/ /rdo rje bzlas pa'i khyad par gyis/ /ngag gi rdo rje dri ma med/ /gti mug rdo rje rab sbyor bas/ /mig gi rnam par shes pa sbyang / /zhe sdang rdo rje bsam pa yis/ /sgra yi sgor ni bsam pa'o/ /sna ni ser sna rdo rje yis/ /ro drug 'dod chags rdo rje yis/ /lus ni phrag dog rdo rje yis/ /yid ni kun du bzang po yis/ /de nyid mkha' 'gro bdag med ma/ /'di rnams kyis ni rnam par sbyang / /gal te 'gal ba yod pa ma yin yang / /de tshe rgyal ba'i dngos po sbyang ba yod/ /kun rdzob bden par yang dag gnas nas ni/ /'khor lo gzugs kyi chos tsam rnam par bsgom/ /chos kyi dngos po ma byung spyad pa las/ /gang zag thams cad rnam spangs 'jig rten pa/ /'jig rten 'gro bar bsam par mi nus te/ /chos kyi tshul gyis thams cad rnam par dag /tshig pa rnams kyi gdung dang dug khyab pa'i/ /lus kyi sman ni bzhin gyi dug nyid de/ /ji ltar chu ni rna bar zhugs pa la/ /yang ni chu ni thabs su 'gyur ba nyid/ /ji ltar rlung gis dkrugs pa'i sems rnams kyi/ /de bzhin mkhas pas mon sran gre'u bzhin/ /'dod chags kyis kyang rmongs pa yi/ /skye bo 'dod chags me yis gdung / /'dod chags kyis bskyed 'jig rten pa/ /'dod chags med pas zad par 'gyur/ /'dod chags rdo rje yongs shes pas/ /yid ni rdo rje sems dpar 'gyur/ /'dod chags zhags pas 'ching ba yis/ /'jig rten chags pas khyab par brjod/ /'dod chags bral ba'i mngon byang chub/ /</font><hr>84.283b<br><font size=+1>

'dod chags mthar phyin rnams mi 'dod/ /de nas rdo rje sgrol ma yi/ /sgrub thabs sbyin sregs las kyi ni/ /cho gas 'dod don thams cad ni/ /sgrub thabs yang dag rab bshad bya/ /de la 'di rnams ni sngags kyi rkang pa yin te/ na mo rat+na tra yA ya/ o~M na ma Ar+yA ba lo ki te shwa rA ya/ bo d+hi sa twA ya/ ma hA satwA ya/ ma hA kA ru Ni kA ya/ tad+ya thA/ o~M tA re sarba duSh+Tan+ma ma kr-i te dzaM b+ha ya stam+b+ha ya/ mo ha ya/ ban+d+ha ya/ hU~M hU~M hU~M phaT phaT phaT/ sarba duSh+Ta stam+b+ha ni tA rA ya swA hA/ ma mo dkyil 'khor dbus gnas par/ /lha mo sgrol ma bsgom par bya/ /phyag brgyad zhal ni bzhi pa ste/ /rgyan rnams kun gyis rnam par brgyan/ /gser gyi kha dog 'dra bar bsgom/ /gzhon nu ma yi mtshan nyid 'bar/ /rdo rje nyi mas dbang bskur ma/ /sangs rgyas bzhi yi dbu rgyan can/ /lang tsho la ni bab pa'i lus/ /g.yo ba gser gyi rna cha ma/ /sna tshogs pad+ma'i gdan la bzhugs/ /'od zer dmar pos rnam par brgyan/ /rdo rje zhags pa de bzhin dung / /g.yas pas mda' ni 'gengs pa'o/ /rdo rje lcags kyu uta pa la/ /sdigs 'dzub g.yon pas 'dzin pa mo/ /rdo rje dkyil dkrung sbyor ba yis/ /gnas gsum pa ni bsgrub par bya/ /shar du me tog sgrol ma ste/ /kha dog dkar zhing yid 'ong ma/ /yi ge o~M las skyes pa'o/ /me tog phreng bas lag pa khyab/ /phyag gnyis zhal ni gcig ma nyid/ /rgyan rnams kun gyis rnam par brgyan/ /g.yas su bdug spos sgrol ma ste/ /mdog gnag mdzes pa'i gzugs can ma/ /spos dang dung gis lag pa brel/ /rgyan rnams kun gyis rnam par brgyan/ /nub tu mar me sgrol ma ste/ /dmar mo sdong bus lag pa khyab/ /mdog ser rnam par rgyan chen po/ /g.yo ba gser gyi rna cha ma/ /byang du dri yi sgrol ma ste/ /dri yi dung gis lag khyab pa/ /khrag gi mdog ltar lha mo ni/ /dkyil 'khor snying po bsgom par bya/ /lcags kyu la sogs rab dbye bas/ /der ni sgo yi srungs ma bsam/ /steng du gtsug tor rnam rgyal ma/ /</font><hr>84.284a<br><font size=+1>

'og tu gnod mdzes ma rab bsgom/ /'khor lo klu zhags bsnams nas ni/ /spro zhing sngags ni bzla bar bya/ /o~M tA re tut+tA re tu re swA hA/ yi ge bcu yis lha mo bcu/ /pha rol phyin bcu la gnas ma/ /'bras bu thams cad rab bsgrub phyir/ /rab tu 'bad pas bsgom par bya/ /sngags ni mchog dang phul du phyin/ /sangs rgyas kun gyis phyag mdzad ma/ /klags pas 'gyur byed drag po ste/ /rdo rje gur gyis bshad pa'o/ /sngags 'dis gos kyi thu bar bdun/ /mngon par bsngags pa bya ba ste/ /mdud pas bcings te nags tshal du/ /'gro na'ang sus kyang mi 'khyer te/ /stag dang chom rkun dang chu srin snang 'thungs dang seng ge dang sbrul dang mche ba can dang ma he dang / dom dang snyug glang la sogs dran pa tsam gyis nyams shing yib bo/ /sngags 'dis ud pa la la sbyin sreg ji srid du/ lan brgya rtsa brgyad ji tsam gyis bsku bar bya ste/ o~M tA re tut+tA re tu re a mu ka~M me wa sha ma ma na ya swA hA/ yang sngags de nyid kyis khwa'i sgro la lan sum bcu rtsa gnyis yongs su bzlas te/ dgra'i khyim du sbas na/ nyi ma bdun gyis skrod par byed/ o~M tA re tut+tA re tu re tsa la pra tsa la shI g+h+raM gA mi ni de wa dat+taM uts+tsha TA ya hU~M phaT/ de nas gzhan yang sbyor bar 'gyur ba/ o~M tA re tut+tA re tu re a mu kA b+hi d+hA nAM ka mA ri ma h+ya mud+bA he ne ta s+yAH pi tA pra yats+tsha tu me swA hA/ spra tshil dang gtum pa'i sa bon dang / myos byed dang a sho ka'i lo ma dang / me tog bsreg blugs bya zhing / mar dang sbrang rtsi bu ram du bcas pa stong phrag lnga'i sbyin sreg ni bu mo'i dngos grub la rab tu bsngags te/ nyi ma bdun gyis de'i tshe rnal 'byor pas rang 'dod pa'i bu mo thob bo/ /de nas gzhan yang rab tu sbyor bar 'gyur ba/ o~M tA re tut+tA re tu re a mu kA b+hi d+ha ni swas+thA na ta A kar Sha ya man+ti ke dzaH sngags 'dis pa da ra'i tsher ma stong phrag lnga rang byung gi me tog dang sbrags te bsreg blugs bya bar brjod pa 'di byas pas skyes bu skyong ba rnams kyi bu mo yang 'gugs par byed do/ /de nas</font><hr>84.284b<br><font size=+1>

gzhan yang sbyor bar 'gyur ba zla mtshan 'dzag pa'i ras la bcom ldan 'das ma phyag gnyis ma/ zhal gcig lag pa lcags kyu dang / ut+pa la dang zhags par bcas pa rnam par bris te/ de'i mdun du mchod pa byas te/ me tog 'di rnams bzang zhing dge    /zhes bya ba la sogs pas mchod nas phyi nas bsgom pa dang ldan par sngags bzlas so/ /o~M tA re tut+tA re tu re a mu kI ma me pa si ta~M swa paM na ka tha ya hU~M phaT/ stong phrag lngas 'ong bar 'gyur ro/ /zhags pas mgrin par bcings te/ lcags kyur drangs nas bsgrub bya rkang pa'i 'og tu bsams te/ khol mo'i tshul gyis spyad par bya'o/ /de nas gzhan yang sbyor bar 'gyur ba sgrol ma'i gzungs bdun mngon par bsngags par bya ste/ bdag gi mig gnyis mig sman gyis bsku bar bya zhing rgyal po'i rigs kyi drung du 'jug par bya'o/ /de nas rgyal po slob ma dang 'dra bar gus par byed cing 'gal bar mi byed pa dang / bka' drin stsol zhing snyan par brjod par byed pa dang / bran du yang dag par 'gro zhing khros pa yang dbang du 'gyur ba ste/ 'di ni mngon sum du mthong ba dang ngo mtshar dang bcas pa'o/ /de nas gzhan yang sbyor bar 'gyur ba sgrol ma'i gzungs lan brgya rtsa brgyad bzlas te/ kha gnyis pa'i so dug thal bar byas la/ ba kha dog dmar mo'i mar dang / arka'i shing bal las sdong bu rab tu sbar mig sman bsdu bar bya'o/ /mig sman rdo rje nyi ma dang / rdo rje chos dag mnyes la rdo rje rta mchog gis bdug par bya'o/ /thal ba dang lhan cig mig la bsku bar bya ste/ rdo rje mig gis gang bltas pa de/ gal te pad ma gar gyi dbang phyug mi 'bab na de'i tshe bdag sgrol ma lags te/ bdag gis sangs rgyas bcom ldan 'das rnams dkrongs pa lagaso/ /de nas gzhan yang rab tu sbyor bar 'gyur ba byis pa so med pa'i lce blangs la/ sgrol ma'i gzungs bdun mngon par bsngags pa byas nas bung ba'i rgyal po'i rtsa ba dang / </font><hr>84.285a<br><font size=+1>

ba lang gi gi wang lhan cig byas pas dpral bar thig le yongs su bzung ste/ gang bltas pa de dbang du byed do/ /de nas gzhan yang sbyor bar 'gyur ba lto ba'i srin bu la gzungs bdun mngon par bsngags pa bya ste/ rdo rje dang lhan cig so rtsis byas la byin te/ sbyor ba mchog zos pa na mi spong ba dang / gzhan du mi dga' ba dang / gzhan du mi 'gro ba dang / rang gi bdag po yang spong ngo / /de nas gzhan yang sbyor bar 'gyur/   /ba mar khu ba chen pos nye bar byugs la/ sgrol ma'i gzungs bzlas la de bsgom par bya'o/ /bzlas pa'i mthar sA lu btags pas 'dag gu'i dri ma la khu ba byas te/ gang la byin pa de lnga bor yang mi spong ngo / /de nas gzhan yang sbyor bar 'gyur ba zla ba la nye bar chags pa'i dus su sgrol ma'i gzungs zlos shing bsnyen pa byas la de las byung ba'i 'jig rten dbang phyug blangs te/ dung gi thal ba dang mnye bar bya zhing rab tu grags ma nyid la sbyar te/ ji srid du lnga bor yang rjes su 'brang ngo / /de nas gzhan yang sbyor bar 'gyur ba sgrol ma'i gzungs kyis ma da na pha la lan brgya rtsa brgyad yongasu bzlas te/ 'dod pa'i 'bras bu des rta mgrin dang /   lhan cig pas bskus na dbang du 'gyur ro/ /o~M tA re tut+tA re tu re a mu ka s+ya ban+d+ha na k+ta ma ku nu muHswA hA/ zhes bya ba'i sngags 'di arka'i lo ma la bsgrub bya'i ming nang du bcug par bris la ne'u le'i khung bur sbas na bcings pa las grol bar 'gyur ro/ /de nas shes rab kyi pha rol tu phyin pa'i 'byung gnas yang dag par rab tu bshad par bya'o/ /gang gis bsgom pa tsam gyis phas kyi rgol ba thams cad tshar gcod par 'gyur ro/ /lha mo phyag gnyis ma/ zhal gcig ma/ sku mdog dkar ba yid 'phrog ma/ skra phyed du li ba/ chu skyes shin du dkar ba la yang dag par gnas ma/ lag pa g.yas par pad ma mdog dkar ba yang dag par bsgoms shing / g.yon na shes rab kyi pha rol tu phyin pa/ rdo rje skyil dkrungs su gnas pa/ </font><hr>84.285b<br><font size=+1>

rgyan thams cad kyis rnam par brgyan pa/ lte ba'i dkyil 'khor du bsgom par bya'o/ /o~M las skyes ma/ mchog tu dga' bar byed ma/ dam tshig sems dpa' bskyed nas ye shes sems dpa' bsgom par bya zhing rnal 'byor zla ba drug du goms pas shes rab kyi pha rol tu phyin par 'gyur ro/ /mtshan mo bdun du sbyor bas bstan bcos thams cad shes par byed do/ /'bum bzlas pa'i sbyor bas nyi ma re re la tshigs bcad brgya brgya byed par 'gyur ro/ /rab tu 'bad pa med par gzhung brgya yang 'dzin par byed do/ /de la sngags kyi rkang par gyur pa/ o~M pi tsu pi tsu pradz+nyA bar+d+ha ni/ dz+wa la dz+wa la me d+hA bar+d+ha ni/ d+hi ri d+hi ri bud+d+ha bar+d+ha ni swA hA/ khwa mi zer ba na/ sngags 'dis bdun du mngon par bsngags par byas te/ ma bslangs pa'i sings po skyur po ji srid zla ba drug du gang 'thung ba de shes rab chen por 'gyur ro/ /de nas rdo rje slob dpon gyi/ /mtshan nyid yang dag rab bshad bya/ /de yis nye bar bsten pa'i sngags/ /sgrub pa po yis nges par 'grub/ /dal zhing zab mo'i chos dang ldan/ /rig pa kun la mkhas dang bcas/ /sbyin bsreg dkyil 'khor sngags shes shing / /rab gnas gtor ma'i pha rol son/ /de nyid bcu ni rnam par rig /nyan thos spyod pa bsrung ba po/ /sngags spyod rim pa gus pa dang / /gzugs ldan mthong na dga' ba dang / /dkyil 'khor 'dri zhing bzlas par ldan/ /rtsa ba'i ltung ba 'joms pa po/ /sngags dang lus skyob sbyor ba yis/ /'jig rten rnams ni bde bar byed/ /de ldan bla mas bcas nas ni/ /gang gis kyang ni smad mi bya/ /skye bo bla ma smod pa dang / /dmyal ba chen por 'tshed par 'gyur/ /ji ltar rdo rje 'dzin rgyal ni/ /sangs rgyas kun gyis dang por mchod/ /rdo rje gur gyis 'gro ba yis/ /de ltar bla ma'i nan tan bya/ /bla ma'i grib ma bud med dang / /lham dang stan dang mal stan rnams/ /rmongs chen gang zhig 'gong byed na/ /skyes pa de ni spu grir ltung / /</font><hr>84.286a<br><font size=+1>

legs par dbang bskur slob ma gang / /bla ma'i bka' las 'da' byed pa/ /'jig rten 'dir ni 'on par 'gyur/ /'jig rten pha rol dmyal bar gnas/ /g.yo dang sgyu yi sbyor ba yis/ /brdzun gyis mi nus smra ba las/ /khong skam mdze nad chen po can/ /dmyal ba la sogs skye bar 'gyur/ /de ltar shes pa'i slob ma yis/ /bla ma'i bsnyen bkur pha rol phyin/ /bla ma'i bka' ni rab bsrungs na/ /dngos grub rgyas pa 'grub par 'gyur/ /tshogs kyi zas ni rtag tu bya/ /zhi ba la sogs rab tu bskul/ /snga bar dge 'dun chos ston bya/ /bla ma sangs rgyas yang mnyes bya/ /bla ma la ni yon dbul zhing / /de yi rjes su tshogs kun la'o/ /bdag gi las ni brtsams nas ni/ /cho ga 'dis ni bsgrub par bya/ /yan lag rgyan rnams kun gyis brgyan/ /rdo rje rgyan gyis rnam par brgyan/ /rdo rje dril bu blangs nas ni/ /lam gyi bzhi mdor gtor ma dang / /me tog bdug spos mar me dang / /de bzhin dri yi dung sogs g.yas/ /g.yon du sngags kyi mchod yon snod/ /mdun du bzed snod bzhag par bya/ /zhabs bsil gong ma'i cho ga yis/ /me tog spos sogs rim pa bzhin/ /lA s+yai la sogs mchod pa yis/ /mchod par byas na bzang por sbyin/ /me tog sgyur ba'i tshul gyis dang / /dri ni 'thor ba'i tshul las dang / /sdong pas mar me'i mchod pa dang / /byug pa'i lus kyis rjes su dris/ /lA s+yai'i lag pa lA s+yai ste/ /phreng bas phreng ba'i mkha' 'gro ma/ /glu yis hU~M gi dam tshig glu/ /brla bskums pas ni gar nyid de/ /mchod pa 'di rnams bla na med/ /sangs rgyas thams cad mnyes par byed/ /sangs rgyas rnams ni mchod pas mchod/ /'dod pa'i dngos grub byed par 'gyur/ /bzlas dang bsgom pa mngon dga' zhing / /rtag tu 'khor ba'i pha rol 'gro/ /rdo rje mkha' 'gro'i bka' ji bzhin/ /'di rnams bla med mchod pa'o/ /me tog spos sogs mngon sum du/ /'jig rten spyod par gnas pa yis/ /</font><hr>84.286b<br><font size=+1>

sna tshogs mchod pa mchog nyid min/ /de nyid byang chub yan lag min/ /dkar po zhi bar byed par brjod/ /ser po rgyas pa'i sgrub thabs la/ /dbang dang dgug par dmar po ste/ /tha ma'i las la nag po'o/ /zhi ba la ni me tog dkar/ /ser po rgyas pa'i rdo rje la/ /me tog nag po tha ma la/ /dbang dang dgug la dmar po bzang / /rnal 'byor pa gang dbang bskur med/ /dkyil 'khor du ni ma zhugs dang / /gang zhig rab gnas ma mthong dang / /gang zhig sbyin sreg ma byas pa/ /'jig rten 'di dang pha rol du/ /de'i dngos grub mchog nyid med/ /gang gis slob dpon gsol ma btab/ /'dir ni rigasu skye ba med/ /sangs rgyas thams cad bsgom par bya/ /gang gis byang chub ma thob na'ang / /'khor los bsgyur ba'i gnas su de'i/ /skye zhing skye bar skye bar 'gyur/ /yang na sa yi bdag po nyid/ /dag pa'i gnas su mngon par 'gro/ /bde ba can dang mkha' 'gro dang / /dga' ldan du ni blo ldan skye/ /'jig rten 'dir ni gar 'grub pa/ /sangs rgyas de ni ci zhig smos/ /khams gsum bdag po chen po nyid/ /'chi med rgas pas khyab pa med/ /tshangs pa brgya byin de bzhin drag /sgra can me dang rlung dang ni/ /'dod pa'i lha dang thong ldan nyid/ /'di rnams de yi 'khor du 'gyur/ /lha klu de bzhin gnod sbyin dang / /dri za lha ma yin dang mi/ /mi 'am ci dang mkha' spyod gang / /de rnams 'khor 'gyur the tsom med/ /'di ni rang byung bcom ldan 'das/ /chos kyi 'khor lo bskor ba dang / /'khrungs dang byang chub byed pa dang / /de bzhin du ni lhar gshegs dang / /khyim nas 'byung bar byed pa dang / /rab tu byung ba 'dzin pa dang / /skye ba yongs su len pa dang / /yongasu mya ngan 'das pa ston/ /'dul ba'i 'jig rten mthong nas ni/ /'di ni gzugs ni du ma byed/ /sangs rgyas sems can skyabs bzhed pas/ /sangs rgyas gar ni rol pa mdzad/ /ri bong stag dang seng ge dang / /glang po rnams kyi rigs</font><hr>84.287a<br><font size=+1>

su yang / /snying rjes phan pa'i sems kyi ni/ /phyag rgyas grub pa skye bar 'gyur/ /bud med sgyu ma'i spros pa yis/ /'dod chags can la chos gsung ngo / /bud med sgyu ma sangs rgyas nyid/ /sgyu ma thams cad sel bar byed/ /shes rab pha rol phyin gzugs su/ /bud med rtag tu yang dag gnas/ /sgyu ma chen mo gnas 'dug nas/ /sangs rgyas byang chub rab tu ster/ /g.yo zhing dad chen ngo tsha med/ /rtag tu 'dod chags pha rol 'gro/ /dngos grub kyang ni rab tu ster/ /gzugs dang yon tan nor la yang / /'dod pa gang yang btsun mo med/ /rdo rje 'dod chags yid 'dod pas/ /rang gi bde ba myang bar ldan/ /skyes bu tshul khrims ldan pa dang / /bde gshegs bka' mi 'da' zhing / /bla ma bsnyen bkur snying rje can/ /kye yi rdo rje rab phye ba'o/ /de nas rnal 'byor ma bdag med ma gtso mo dang / mkha' 'gro ma rnams kyis bstod pa'i rgyal po 'dis gsol ba btab pa/ zhe sdang rdo rje phyag 'tshal bstod/ /gti mug rdo rje phyag 'tshal bstod/ /ser sna rdo rjes bdag la skyobs/ /'dod chags rdo rjes bdag la stsol/ /yid dang phrag dog chen po dang / /rdo rje kun gyis dam tshig mgon/ /las rnams thams cad sgrub pa po/ /rdo rje can kun dgyes par mdzod/ /de nas bcom ldan 'das mkha' 'gro ma thams cad kyi dam tshig la gnas te/ dbyangs 'di gsungs pa/ thig skud sar pa mdzes par ldan/ /shin du tshad ma gtsang ma yis/ /he zhes bya ba'i dkyil 'khor gyi/ /shes rab can gyis thig gdab bya/ /de la 'di ni slob ma chen po'i gsol ba gdab pa'i dam tshig go/ /de bzhin gshegs pa thams cad zhi/ /de bzhin gshegs pa kun gyi gnas/ /rdo rje sems dpa' las byung ba'i/ /dkyil 'khor 'dren pas bshad du gsol/ /dkyil 'khor gyi rdo rje la gsol ba gdab pa rnam par rgyal ba zhes bya ba'i ting nge 'dzin to/ /nga ni snying rje stobs dpal ldan/ /bsrung ba'i 'khor lo sbyar ba po/ /rdo rje yis ni</font><hr>84.287b<br><font size=+1>

gsal ba'i lus/ /sku gsum las ni skyes pa spro/ /gal te la la 'da' byed na/ /'jig par 'di la the tsom med/ /lus spral po dang kha cig gang / /bde chen ye shes 'byung ba dang / /rdo rje sems dpa'i rang bzhin skyes/ /zur gcig bgegs ni chen po rnams/ /'khor lo yi ni brgyad nyid kyi/ /cha yis sgo ni rab tu grags/ /sgo khang lha yi snam bu ni/ /sgo yi tshad kyi tshad du bya/ /sgo yi phyed kyi cha ru ni/ /ya phubs dang ni 'gram nyid do/ /rig byed nyid kyang de bzhin bya/ /dra ba'i snam bu rig byed phyed/ /dang por tshangs pa'i thig dang ni/ /gnyis par mtshams kyi thig dang yang / /gsum par ngos bzhi yi ni bzhi/ /thig ni rab tu gdab par bya/ /tshangs thig cha gnyis bor nas ni/ /cha drug du ni gdab par bya/ /de nas sgo yi tshad bor nas/ /dgu yi char ni rab tu gdab/ /de la 'di ni sa sbyang ba'i dam tshig go/ /a~M kha~M hU~M bu~M/ de la 'di ni ye shes spyan drang ba ste/ o~M me di ni badzri b+ha ba badzra ban+d+ha hU~M/   /de la 'di ni thig gdab pa'i dam tshig ste/ o~M sa ma ya su tra mA ti kra ma hU~M/ de la 'di ni rdul tshon bri ba'i dam tshig ste/ 'di ni chos dbyings dag pa ste/ /sems can khams ni thar bar byed/ /kye yis rdo rje rgyal po ches/ /dkyil 'khor dam pa bzhengs par bya/ /dbang ldan du ni sha ra~M b+ha/ /mi yi mtshams su dge slong bris/ /chos kyi 'khor lo bden bral du/ /rlung du rdo rje bri bar bya/ /lcags kyu shar du bri bar bya/ /lho yi sgor ni zhags pa nyid/ /nub sgor de bzhin lcags sgrog ste/ /byang du rdo rje dril bu'o/ /dbus su thod pa dkar po ni/ /sna tshogs rdo rjes mtshan pa bris/ /de nas rdo rje 'dzin pa'i rgyal pos sbyin bsreg gi grong khyer rab tu phye ba/ rdo rje thab khung sbyor ba yis/ /rdo rje'i bsreg rdzas sbyor ba las/ /zlum po zhi bar byed par brjod/ /rgyas par ba'i rdzing bu'i gzugs/ /dbang ni zla ba phyed pa 'dra/ /dgug pa la ni lcags kyu'i dbyibs/ /gsad dang zhe sdang las la ni/ /namakha'i khams dang mtshungs pa'o/ /de bzhin skrod byed skal ngan dang / /yan lag nyams</font><hr>84.288a<br><font size=+1>

pa'i sbyor ba yis/ /tsan dan a ka ru shing dang / /gzhan yang dri yi rkang 'thung gis/ /sbyin bsreg yan lag me sbyar nas/ /phyis ni yang ni dgug par bya/ / o~M e h+ye hi ma hA b+hU ta de ba r-i Shi dwi dza sat+ta ma gr-i hI twA a hu ti ma hA smi nas n+ni hi to b+ha wa/ lcags skyu nyid kyis dgug par bya/ /zhags pa nyid kyis gzhug bya zhing / /lcags sgrog gis ni zhabs dag bcing / /dril bu 'khrol bas dbang du bya/ /lA s+yai la sogs mchod pa brgyad/ /mchod yon cho ga byas nas ni/ /mar la sogs pa'i sbyor ba las/ /yang ni me ni mnyes par bya/ /de la 'di ni rdo rje mchod yon gyi dam tshig ste/ o~M pra wa ra sat+kA ra pra tIts+tsha swA hA/ de la 'di ni zhabs bsil gyi dam tshig ste/ o~M sarbA pA pa da ha na badzra ya badzra satwa s+ya sarba pA pa~M da ha swA hA/ de la 'di ni bsreg rdzas thams cad 'chu ba'i dam tshig gi sngags te/ o~M badzrA na la ma hA b+hU ta dz+wa la ya/ sar+b+ba b+ha ku ru sarba duSh+TA na hU~M phaT/ dra~M sh+ya dzaHhU~M ba~M hoH sa ma ya s+t+wa ma ha~M/ phyi nas rang 'dod pa'i lha spyan drang ba ste/ o~M e h+ye hi b+ha ga wAn+na hi b+hak+t+ya nus ma ye na tsa a g+han+tu sa~M pra tIts+tshe da~M pU dzA~M tsA d+ya pra sI d+ha me/ de la 'di ni dgyes pa'i dam tshig ste/   o~M kr-i to paH   sar+b+ba sa twAR+thaH   sid+d+hiR+dita tA ya thA nu gA gats+tsha d+hA~M bud+ha ba shi ya~M pu na rA ga ma nA ya muH bzhengs pa dang las sna tshogs kyi sbyor ba dang sbyin bsreg gi le'u ste brgyad pa'o// // de nas rdo rje 'dzin rgyal gyis/ /rdo rje sems dpa'i rab gnas ni/ /'jig rten tha snyad la gnas te/ /mdor bsdus nas ni bstan par bya/ /dang por re zhig rig ma 'dzin/ /dril bu 'khrol bar 'dod pa dang / /rkang g.yas brkyang ba'i sbyor ba las/ /g.yas par rdo rje gsor ba dang / /srod thun skad ni chag pa na/ /gos kyis mgrin pa bcings pa dang / /rin chen sman gyis yongs gang ba'i/ /bum pa sta gon gnas par bya/ /o~M de wa pi tsu badzra a d+hi tiSh+Tha/ o~M mo ha ra ti a d+hi tiSh+Tha/ o~M dwe Sha ra ti a d+hi tiSh+Tha/ o~M badzra ra a d+hi tiSh+Tha/ o~M badzra gau rI A kaR+Sha ya dzaH o~M badzra tsau rI pra be</font><hr>84.288b<br><font size=+1>

sha ya hU~M/ o~M badzra bet+t+wa lI ban+d+ha ya ba~M/ o~M badzra g+hasma rI wa shi ku ru hoH/  'di ni ye shes dgug pa'i cho ga'o/   /shun pa lnga dang ba byung lnga/ /khyad par du yang dri lnga dang / /lus bshal ched du blugs par bya/ /mchod yon la sogs sngar bzhin bya/ /yang na de nyid sbyor bar bya/ /snga bar blugs shing byin gyis brlab/ /mig la sogs par gti mug sogs/ /rdo rje gsum ni gnas gsum dgod/ /dbang ni rang gi rigs nyid kyis/ /mchod pa la sogs rim pas brtsam/ /rang gi snying nas ye shes bsam/ /sangs rgyas bzhugs par bsang gtor bya/ /ye shes bdud rtsi'i sbyor ba yis/ /rim pas mchod pa'i lha mo spro/ /byang chub sems mchog bsams nas ni/ /sangs rgyas bstod pa yang dag brtsam/ /dngos po kun gyi rang bzhin gyis/ /stong pa snying rje tha dad med/ /khyod ni rnal 'byor ma tshogs yongs su bskor/ /khyod ni nyid kyi thugs kyis mchog brnyes pa/ /khyod kyis rgyu dang mi rgyu'i 'gro ba kun bsgrubs shing / /snying rje'i thugs kyis sems can sad mdzad pa/ /sgyu ma'i spros pas rdo rje 'phen mdzad pa/ /he ru ka dpal rdo rje yid kyis dgyes/ /rdo rje se gol sbyor ba yis/ /rdo rje bsgom pas bsgom par bya/ /rdo rje yi ge blangs nas ni/ /rdo rje dkyil 'khor bsgom par bya/ /rdo rje dkyil 'khor dbus gnas par/ /rdo rje phung po rnam par bsgom/ /de nas rdo rje 'tshed pa bsam/ /rdo rje lce yi sbyor ba las/ /sangs rgyas rdo rje'i rjes bcug nyid/ /rdo rje'i sngags kyis bsang gtor bya/ /bcom ldan 'das kyis rdo rje'i bdud rtsi'i ro myang ba'i rdo rje de skad ces bka' stsal to/ /nam mkha'i khams kyi dbus son par/ /rtse mo lnga pa bris pa yis/ /sangs rgyas dngos grub 'dod pa yis/ /stobs kyis sangs rgyas phur bus gdab/ /chos 'byung grong khyer yid 'ong bar/ /rdo rje 'dzub mo'i sbyor ba las/ /gal te dngos grub mi ster na/ /rdo rje sems dpa' gsad par bya/ /</font><hr>84.289a<br><font size=+1>

o~M du ru du ru/ ts+tshin+da ts+tshin+da/ hU~M hU~M/ bcom ldan 'das kyis phur bus gdab pa chen po rdo rje de skad ces bka' stsal to/ /ma mo'i dkyil 'khor dbus gnas par/ /rta mgrin rnam par bsgom par bya/ /dbu rgyan la ni rdo rje chos/ /phyag rgya chen por sbyor ba las/ /pad ma dmar po spyi bor 'dzin/ /sku mdog dmar po stobs po che/ /gos dkar gnyis med sbyor ba las/ /bcu drug phyag gis rnam par brgyan/ /g.yas pa'i zhal ni nag po ste/ /g.yon pa zla mdzes dri ma med/ /dang po dmar po shes par bya/ /lhag ma'i zhal ni bung ba mtshungs/ /zhal brgyad pa la zhabs bzhi pa/ /rdo rje chos ni gzi brjid che/ /'dod chags chen po'i rjes chags pas/ /bdud bzhi mnyam par mnan pa'o/ /ma mo'i dkyil 'khor dbus gnas par/ /rdo rje rnam snang dran par bya/ /dbu rgyan rdo rje 'dzin pa bsam/ /sku mdog dkar po gzi brjid che/ /phyag ni bcu drug zhal brgyad pa/ /zhabs bzhi pa ste 'jigs pa po/ /chos kyi 'khor lo spyi bor 'dzin/ /'dod chags chen po'i rjes chags pa/ /spyan dang gnyis med sbyor ba yis/ /'jigs pa yang ni 'jigs par mdzad/ /dang po'i zhal ni dkar po ste/ /nag po dmar pos rnam par brgyan/ /lhag ma'i zhal ni bung ba mtshungs/ /ma mo'i dkyil 'khor dbus gnas par/ /rdo rje nyi ma rnam par bsgom/ /cod pan rin chen 'dzin par bsam/ /rdo rje gzi brjid 'od po che/ /phyag ni bcu drug zhal brgyad pa/ /zhabs bzhi pa ste 'jigs pa po/ /sems kyi rin chen spyi bor 'dzin/ /btso ma gser ltar gzi brjid che/ /dang po'i zhal ni ser po ste/ /g.yas pa sngon po 'dra ba'o/ /g.yon pa zla 'od bzang po ste/ /lhag ma'i zhal ni bung ba mtshungs/ /ma mo'i dkyil 'khor dbus gnas par/ /rta mchog rnam par bsgom par bya/ /dbu rgyan ral gri 'dzin par bsam/ /mar kad ut+pal mtshungs pa'o/ /</font><hr>84.289b<br><font size=+1>

zhal brgyad pa la zhabs bzhi pa/ /bcu drug phyag gis rnam par brgyan/ /dang po'i zhal ni sngo bsangs te/ /rta yi gzugs te 'jigs pa po/ /g.yas pa kha dog nag po ste/ /g.yon pa zla mdzes dri ma med/ /ral gri dngos grub spyi bor 'dzin/ /lhag ma'i zhal ni bung ba mtshungs/ /rdo rje nyi ma rta nyid kyi/ /phyag rgya 'di ni sgrol ma'i gzugs/ /lha mo rnams kyi phyag gnyis brjod/ /gri gug dang ni thod pa 'dzin/ /kye rdo rje la dkyil 'khor mchog /phan par me long de bzhin no/ /rta mgrin la ni gos bzang ste/ /rdo rje nyi ma la ni gser/ /rta mchog la ni 'gro mgyogs te/ /mchog tu phan pa nyid kyi yon/ /sangs rgyas 'bras bu 'dod pa yis/ /bla ma la rtag rgyun du 'bul/ /skal bzang rdo rje sems dpa' bdag /skal bzang thub pa rnam snang mdzad/ /skal bzang dpal ldan 'jig rten dbang / /skal bzang nyi ma bdun rgyal po/ /de nas rdo rje 'dzin pa'i rgyal po sku gsum mchog gi rdo rje 'dzin pa pos mnga' bdag rdo rje 'dzin pa'i dam tshig mchog gsungs pa/ / o~M d+ha ra d+ha ra/ d+hA ra ya d+hA ra ya/ marda marda/  badzra d+h+rIka phaT swA hA/ de nas sngags chen bshad pa na/ /rdo rje skye ba snying rje che/ /'jigs shing skrag par gyur nas ni/ /rdo rje'i dngos grub rab tu stsol/ /de nas bcom ldan 'das rdo rje chos kyi rnam pa'i ting nge 'dzin la snyoms par zhugs te/ rta mgrin gyi sngags 'di gsungs pa/ o~M badzra d+har+m+ma sa ma ya s+t+wa~M/ hu lu hu lu/ o~M A ro lig phaT / /   de nas 'di ni bshad tsam na/ /rdo rje chos ni grags chen po/ /'jigs shing skrag par gyur nas ni/ /chos kyi dngos grub rab tu stsol/ /de nas bcom ldan 'das rnam par snang mdzad rdo rje zhes bya ba'i ting nge 'dzin la snyoms par zhugs te/ phan pa'i sngags 'di gsungs pa/ o~M shA shA ta~M pa ra ma shA shwa tra e h+yi hi dzi na dzika phaT swA hA/ de nas 'di ni bshad tsam gyis/ /sangs rgyas kun dang de bzhin gshegs/ /brgyal zhing 'jigs par gyur nas ni/ /de rnams sangs rgyas dngos grub stsol/ /</font><hr>84.290a<br><font size=+1>

de nas bcom ldan 'das rin chen nyi ma zhes bya ba'i ting nge 'dzin la snyoms par zhugs te/ rdo rje gzi brjid kyi sngags 'di gsungs pa/ o~M badzra sUr+ya ta mo bi d+ha ma na sa ma yang s+t+wa ma ha~M rat+na d+h-ika phaT swA hA/ de nas 'di ni bshad tsam gyis/ /rdo rje gzi brjid 'od po che/ /'jigs shing brgyal bar gyur nas ni/ /nyi ma'i dngos grub rab tu stsol/ /de nas bcom ldan 'das don yod rdo rje zhes bya ba'i ting nge 'dzin la zhugs te/ rta mchog rdo rje'i sngags 'di gsungs so/ /phuHphuHphuHhi hi hi pradz+nyA d+h+r-ika phaT swA hA/ de nas 'di ni bshad tsam gyis/ /rdo rje don yod rigs byung ba/ /'jigs shing brgyal bar gyur nas ni/ /de rnams don yod dngos grub stsol/ /sangs rgyas dkyil 'khor zlum po ste/ /rdo rje can gyi zla phyed mtshungs/ /rdo rje chos kyi pad+ma 'dra/ /nyi ma'i yid bzhin nor bu bzhin/ /rta mchog ces bya de yi ni/ /thams cad du ni gru gsum mo/ /rdo rje sems dpa'i phyag rgya che/ /phan pa'i phyag rgya nyid dang ni/ /rdo rje chos kyi phyag rgya che/ /rin chen tog gi 'od byed ma/ /don yod grub pa'i phyag rgya che/ /rus pa'i rgyan gyis brgyan par ldan/ /stag gi lpags pa mnabs pa dang / /dbu skra thod pa phyed pa ste/ /mchod par brtson pa'i sems dpa' yis/ /chags pas mig dmar 'thang nas ni/ /phyag rgya chen po'i sbyor ba las/ /chags pa'i sbyor bas bsgom par bya/ /las sna tshogs bsgrub pa'i le'u ste dgu pa'o// // de nas rdo rje 'dzin rgyal gyis/ /spyod pa'i mtshan nyid bshad par bya/ /rdo rje spyod pa'i sbyor ba yis/ /rdo rje phyag rgya yang dag brtsam/ /me tog 'bras sogs kyis brgyan pa/ /nags chen po yi mtha' nyid du/ /sems dpa' chen po 'gro bar bya/ /nags tshal du ni slongs mos rgyu/ /zas ni bzang pos brgyan pa nyid/ /de rnams 'jigs shing skrags nas ster/ /nags tshal bdag po'i rigs kun ni/ /rdo rje can te 'khor du 'gyur/ /skyes pa dang ni skye ba kun/ /skye bo gang zhig</font><hr>84.290b<br><font size=+1>

skye 'gyur ba/ /gti mug rdo rje'i sbyor ba las/ /rdo rje'i mig gis mthong bar 'gyur/ /khams gsum la ni nyams dga' bar/ /sgra ni gang zhig rab grags pa/ /rna ba'i drung du gnas pa bzhin/ /zhe sdang rdo rje'i sbyor ba las/ /drang srong mngon par shes pas thos/ /sems can kun gyi sems chen po/ /mtshon dka' lta bu'i mtshan nyid ni/ /lag mthil skyu ru ra bzhag bzhin/ /rdo rje'i sems kyis shes par 'gyur/ /skye ba bye ba stong phrag tu/ /rang gi rigs ni stong phrag gcig /rdo rje sbyor bas dran 'gyur te/ /nyi gsum lon bzhin dran par 'gyur/ /sgyu 'phrul dra ba du ma yis/ /'dis ni snang bar byed par 'gyur/ /mngon shes lnga yi sbyor ba yis/ /sangs rgyas mngon shes thob par 'gyur/ /rdo rje skye mched rnam par dag pa'i le'u ste bcu pa'o// // phan pa nyid kyis zhi ba ste/ /rdo rje nyi mas rgyas pa'o/ /rdo rje chos kyis dbang zhes bya/ /rdo rje sems dpas gsad par bya/ /zhi ba'i sems kyis zhi ba ste/ /dbang ni yang dag brtsam par bya/ /rgyas pa'i sems kyis rgyas pa ste/ /rin chen char sprin rab bsgom bya/ /rjes su chags pa'i sems kyis ni/ /bu mo bkug nas spyad par bya/ /me yi char sprin 'bab pa dang / /gdug pa'i sems kyis gsad par bya/ /'phrog pa las ni dkar mo ste/ /skye gnyis pa las tshangs ma nyid/ /dpal mo sred med bu las kyang / /ma bcag pa las ram+b+ha nyid/ /dga' ma chu srin rgyal mtshan las/ /phyag rgya chen po'i sbyor ba yis/ /de rnams thams cad nya bar spyad/ /shin du dga' ba'i sems kyis rtse/ /'dod pas gos par mi 'gyur ro/ /mthar ni swA hAs zhi ba ste/ /rgyas pa'i dus su bau Sha Ta/ /mthar ni hU~M phaT bsad pa la/ /dbang dang dgug la dzaHdang hrIH        las thams cad pa'i le'u ste bcu gcig pa'o// // de nas rdo rje 'dzin rgyal ni/ /mkha' 'gro ma yi rdo rje gur/ /rdo rje mkha' 'gro rab bsgrub phyir/ /thub pas tshig 'di bka' stsal to/ /me tog 'bras bus brgyan byas pa'i/ /</font><hr>84.291a<br><font size=+1>

ri khrod dang ni sman ljongs su/ /rdo rje dkyil dkrungs bcas nas ni/ /bla ma sangs rgyas mchod par bya/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis bzung / /sangs rgyas chos dang tshogs mchog la/ /byang chub bar du skyabs su mchi/ /rang gzhan don ni rab bsgrub phyir/ /byang chub sems ni bskyed par bgyi/ /byang chub mchog gi sems ni bgyis nas/ /sems can thams cad bdag gi mgon du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /tshangs pa'i gnas ni bzhi po yis/ /sems kyi ngal ni bso bar bya/ /phyin nas byang chub sems gnas te/ /rdo rje bsrung ba'i dam tshig go/ /bden dang brdzun par spyad pa yi/ /rtag pas nye bar mi gos te/ /ma skyes pa yi sbyor ba yis/ /skye ba 'dir ni rab tu brjod/ /o~M shU n+ya tA dz+nyA na badzra swa b+hA ba At+ma ko ha~M/ nam mkha'i khams kyi dbus gnas par/ /sna tshogs rdo rje bsgom par bya/ /hU~M ni bcu yi sbyor ba yis/ /khro bo bcu ni rim pas dgod/ /gshen rje mthar byed shes rab mthar/ /pad+ma mthar byed bgegs mthar byed/ /Tak+ki khro bo dbyug pa sngon/ /mi g.yo ba dang stobs chen dang / /gtsug tor gdugs ni dkar po dang / /rdo rje zhabs 'og gnas pa ni/ /bdud rtsi sbyor bas thams cad du/ /khro bo'i bsgom pas bsgom par bya/ /dpag tshad brgyar ni khyab pa ru/ /bsams nas bgegs ni bskrad par bya/ /nam mkha'i khams kyi dbus gnas par/ /rdo rje dkyil 'khor bsgom par bya/ /rdo rje dkyil 'khor dbus gnas par/ /'od kyi dkyil 'khor bsgom par bya/ /me yi dkyil 'khor dbus gnas par/ /yang ni chu ni bsgom par bya/ /chu yi dkyil 'khor dbus gnas par/ /brtul zhugs can gyis dbang chen bsgom/ /dbang chen dkyil 'khor steng du ni/ /</font><hr>84.291b<br><font size=+1>

bdag nyid kyang ni bsgom par bya/ /b+h+ru~M las gnas ni bsams nas su/ /rdo rje dkyil 'khor de brtag bya/ /rnam pa lnga ni rab brtag bya/ /ye shes lnga las byung ba yi/ /sems dpa'i gzug brnyan bsgom par bya/ /rdo rje sems dpa' las byung ba'i/ /rig ma'i skyes bu bsgom par bya/ /o~M d+har+m+ma d+hA tu badzra swa b+hA ba At+ma ko\u0f85ha~M/ rdo rje bzhengs pa zhes bya ba'i ting nge 'dzin to/ /mig la sogs par gti mug sogs/ /rdo rje gsum ni gnas gsum dgod/ /thugs kyi rdo rje mkha' spyod ma/ /gsung gi rdo rje sa spyod ma/ /sku la zhabs 'og gnas ma ste/ /hU~M AHo~M las byung ba'o/ /bcom ldan 'das kyi snying por bya/ /rdo rje dkar mo chu bdag ma/ /rdo rje mkha' 'gro bdag med ma/ /zhe sdang rdo rje'i gnas mnan cing / /dkyil 'khor snying por bsgom par bya/ /dkar mo chom rkun ro langs ma/ /g+hasma rI ni sgo bsrungs ma/ /puk+ka sI dang ri khrod ma/ /gdol pa g.yung mo mtshams su dgod/ /steng du mkha' spyod ma zhes bshad/ /'og tu de bzhin sa spyod ma/ /dbus su bdag med mkha' 'gro ma/ /mkha' 'gro dkyil 'khor nyid du bsgom/ /byang chub rdo rjes sangs rgyas la/ /ji ltar mchod pa che stsal ba/ /bdag kyang rab tu bskyab pa'i phyir/ /namakha'i rdo rje bdag la stsol/ /dbang bskur rdo rje chen po ni/ /khams gsum gyis ni phyag byas pa/ /sangs rgyas kun gyi gsang gsum gyi/ /gnas las byung ba stsol bar mdzad/ /ye shes kyi dbang la gsol ba gdab pa rdo rje zhes bya ba'i ting nge 'dzin to/ /rig pa'i skyes bu dbang chen la/ /cod pan rang gi lhag pa'i lha/ /des ni dkyil 'khor dbang dang ni/ /bstod dang mchod pa la sogs bya/ /ye shes gzhug pa de bzhin yang / /lce yis rdo rje bdud rtsi myang / /nang du brjod pa'i sbyor ba las/ /brtul zhugs can gyis sngags bzlas bya/ /rnal 'byor ma 'byung ba zhes bya ba'i le'u ste bcu gnyis pa'o// // de nas byams pa la sogs pa'i byang chub sems dpa' rnams</font><hr>84.292a<br><font size=+1>

kyis rang rang gi rnam par rtog pa skyes par gyur te/ bcom ldan 'das ji ltar rnal 'byor ma'i rgyud ces spyad par bgyi/ rdo rje 'dzin pas bka' stsal pa/ /shes rab pha rol phyin pa'i thabs/ /rnal 'byor ma zhes mngon par brjod/ /phyag rgya chen po'i sbyor ba las/ /gang phyir de nyid bsten pa yi/ /rnal 'byor ma yi rdo rje gur/ /rnal 'byor ma yi rgyud ces bshad/ /pha rol phyin pa kun gyi thabs/ /bsam gtan tsam gyis 'grub par 'gyur/ /dga' mdzes mkha' 'gro bde ba'i mtsho/ /mkha' dang gser gyi char pa dang / /dga' chen ma dang g+hasma rI/ /shin du dgyes rol gsang yid 'phrog /rdo rje mkha' 'gro phan rgyud brgyad/ /kye'i rdo rje dkyil 'khor sangs rgyas kun/ /gsang mdzod rdo rje bdud rtsi 'byung ba dang / /'khor lo sdom pa gur dang 'byung gnas ni/ /rnal 'byor ma rgyud drug tu rab tu grags/ /skyes bu rnams ni gdul ba'i phyir/ /rnal 'byor rgyud ni yang dag bshad/ /btsun mo rnams ni bsdu ba'i phyir/ /rnal 'byor ma'i rgyud bshad do/ /dman pa rnams la bya ba'i rgyud/ /bya min rnal 'byor de ltag la/ /sems can mchog la rnal 'byor mchog /rnal 'byor gong med de lhag la/ /de nas byang chub sems dpa' rnams kyis bcom ldan 'das la gsol pa/ re zhig bdag cag gis spyod yul rnams ni 'tshal na'ang / sems can gzhan rnams kyis ji ltar sangs rgyas kyis gsungs pa 'tshal ba lags/ bcom ldan 'das kyis bka' stsal pa/ stong pa snying rje tha dad med/ /gang du sems ni rab bsgoms pa/ /'di ni sangs rgyas chos dang ni/ /dge 'dun gyi yang bstan pa'o/ /mu stegs can dbyung ba dang / rgol ba tshar gcod pa dang / rang gi sde'i gzhung brjod pa zhes bya ba'i ting nge 'dzin to/ /bdag gi byang chub thob phyir dang / /gang phyir gzhan bsgral ba'i phyir/ /des na sangs rgyas chos dang ni/ /dge 'dun gyi yang bstan pa'o/ /bdag 'dzin zhen</font><hr>84.292b<br><font size=+1>

pa bzlog pa'i phyir/ /chos dbyings bdag nyid sgrub thabs ni/ /thabs dang shes rab 'dus pa yis/ /des ni sangs rgyas bstan pa'o/ /de nas bcom ldan 'das rnams dang / rgyal ba'i sras po rnams bcom ldan 'das kyi gsung 'di thos nas dga' bar gyur te/ tshig 'di skad smras pa/ e ma kun du bzang po yi/ /bstan pa nam mkha' las byung ba/ /nam mkha'i dbus su sbyor ba yis/ /ye shes rgya mtsho nyan par 'gyur/ /de nas rdo rje 'dzin rgyal ni/ /bde ba chen po rnam 'phel bas/ /dam tshig thams cad bshad par bya/ /sangs rgyas 'bras bu 'dod pa yis/ /bde dang rangs shing gar dang ni/ /glu dang rol mo'i sgra byed pas/ /dri dang phreng ba byug pa yis/ /rig pa'i rgyal po rab tu 'grub/ /ji ltar bde bar bde bzung nas/ /ji ltar 'dod par spyad par bya/ /ji ltar gnas su gnas nas kyang / /yi ge dam pa 'grub par 'gyur/ /bza' dang btung ba'i sbyor ba dang / /bzang po'i rgyan gyis brgyan pa yis/ /nyi ma gcig tu bskul ba yis/ /dam pa'i de nyid 'grub par 'gyur/ /rtag tu rang gi dam tshig myang / /rtag tu de bzhin gshegs pa mchod/ /rtag tu bla ma la yang dbul/ /bla ma sangs rgyas kun dang mnyam/ /ji ltar mgon po rnam snang mdzad/ /rdo rje 'dzin bzhin bla ma nyid/ /ji ltar nam mkha' mdzod chen po/ /ji ltar thub pa rdo rje chos/ /ji ltar mgon po bdun rgyal po/ /de ltar rdo rje slob dpon brjod/ /de bas 'bad pa thams cad kyis/ /rdo rje slob dpon bla ma che/ /dge ba mchog tu gsal ba po/ /nam yang smad par mi bya'o/ /rdo rje sdom pa zhes bya ba'i le'u ste bcu gsum pa'o// // de nas bcom ldan 'das rdo rje chen po rdo rje gsor bar bzhed pa la/ /mkha' 'gro ma bdag med mas 'khyud pas bzang po spyod pa dbye bar bya'o/ /rdo rje'i gzugs</font><hr>84.293a<br><font size=+1>

su bzhag nas ni/ /ji ltar 'dod par 'dod pa yis/ /rig 'dzin 'khor los bsgyur ba nyid/ /dogs pa med par 'grub par 'gyur/ /dri lnga yang dag blangs nas su/ /rdzas lnga dang ni bsre bar bya/ /lcags gsum gyis ni dkris nas ni/ /mgon po'i rig pa 'dzin par 'gyur/ /gur gum a ka ru ldan pa/ /nyi ma 'char ka'i mdog 'dra ba'i/ /ri lu kha ru bcug byas nas/ /nyi ma'i rig pa 'dzin par 'gyur/ /sha lnga dang ni ldan par ru/ /lcags gsum gyis ni dkris nas ni/ /rdo rje nyi ma rab sbyor bas/ /nyi ma gcig gis 'grub par 'gyur/ /tsan+dan dmar po kha che dang / /dga' ba sbas par sbyar ba ni/ /lcags gsum gyis ni dkri byas pa/ /rta yi rig pa 'dzin par 'gyur/ /'jig rten mgon po rnams bsgoms nas/ /tsa na'i rus pa'i tshad tsam las/ /gu gul lcags kyis dkris pa ni/ /mgon po'i rig pa 'dzin par 'gyur/ /ri lu sgrub thabs rdo rje zhes bya ba'i ting nge 'dzin to/ /klu yi rgyal po'i mgo bsregs nas/ /rang byung khrag gis bsgo bar bya/ /rdo rje phan pa'i rnal 'byor gyis/ /mig sman rig pa 'dzin par 'gyur/ /bla ma'i sa bon ldan pa dang / /stag gi lpags pa'i tshil bus mnye/ /sku yi rdo rje'i rnal 'byor gyis/ /rkang pa'i byug pa 'grub par 'gyur/ /yan lag med pa'i dkyil 'khor dbus/ /dbang po'i brag phug 'gram du ni/ /rdo rje rkang 'og rnal 'byor gyis/ /lha yi bu mor rab bsgrub bya/ /o D+yan yul du nye ba na/ /a mra 'bras chen po yi ni/ /rdo rje gnod mdzes sbyor ba yis/ /rkang 'og rig pa 'dzin par 'gyur/ /rdo rje sems dpa' rgyal po che/ /yang nas yang du bskul bar bya/ /de nyid dngos grub thams cad kyi/ /yid bzhin nor bu lta bur mtshungs/ /rdo rje gnod mdzes sku chen po/ /phyag gnyis zhal ni gcig pa can/ /sdigs 'dzub klu yi zhags pa dang / /kha dog nag por bsgom par bya/ /rdo rje hU~M</font><hr>84.293b<br><font size=+1>

mdzad blangs nas ni/ /rnam pa thams cad bsgom par bya/ /mi bskyod pa yi yang dag mnan/ /phuHzhes bya ba'i sngags brjod do/ /rab tu byug pa dang mig sman rdo rje sa zhes bya ba'i ting nge 'dzin to/ /de nas de bzhin gshegs pa thams cad bcom ldan 'das kyi gsung thos nas/ dga' zhing mgu ba skyes par gyur te tshig 'di skad smras so/ /e ma'o rdo rje e rdo rje/ /e ma rdo rje'i bsten pa ni/ /chos rnams thams cad stong pa la/ /gang phyir dngos grub rab gnas pa/ /snying po med pa'i chu shing la/ /ji ltar snying po'i 'bras zhim pa/ /de ltar snying po med lus la/ /dngos grub 'bras zhim de bzhin no/ /nam mkha' 'byung po thams cad dang / /chos rnams kun gyi gnas yin te/ /sems ni nam mkha' lta bur dag /dag pa'i sems ni mchog tu bde/ /don dam dbang po'i rang bzhin gyis/ /sems las phyi rol gyur pa med/ /gzugs sogs so sor 'dod pa yis/ /sems nyid du ni 'dod par bya/ /de nas byang chub sems dpa' phyag na rdo rjes bcom ldan 'das la gsol pa/ bcom ldan 'das de bzhin gshegs pa thams cad ji ltar sems stong la/ sems las phyi rol gyi don sems mi stong pa rab tu 'byung zhes bgyi/ de bzhin gshegs pas bka' stsal pa/ /thog med srid pa'i bag chags kyis/ /phyi rol don ni rnam par brtags/ /sems kyis thams cad rnam par brtags/ /sems ni kun tu 'gro bar brjod/ /byang chub sems rab tu 'byung ba bstan pa rdo rje zhes bya ba'i ting nge 'dzin to/ /shin tu bzhin mdzes mig yangs ma/ /si h+la ga bur 'byung ba'i gnas/ /pang du bzhag par byas nas ni/ /skra nas bzung bar yang dag brtsam/ /rdo rje 'o yis 'o byas shing / /rdo rje nyed pas mnye bar bya/ /rdo rje 'khyud pas yang dag blang / /rdo rje ma mchu rab btsir bya/ /rdo rje 'dzub mo'i sbyor ba yis/ /</font><hr>84.294a<br><font size=+1>

rdo rje gnas ni rab bskul bya/ /rdo rje sems ni phyung ba yis/ /rdo rje lce'i yang dag bza'/ /phyin nas de'i bde can du/ /rdo rje sems dpa' gzhug par bya/ /rdo rje 'chi ba'i sbyor ba yis/ /rdo rje mchod pa yang dag brtsam/ /rdo rje sems dpa' 'byung ba la/ /sems ni brtul zhugs can gyi dbrog /pad+ma me tog ldan pa yi/ /pad+ma dmar pos mchod par bya/ /pad+mas mnyes pa'i rdo rje can/ /pad+ma dmar pos khyad par du'o/ /dri lnga'i rab tu sbyor ba yis/ /rgyal mtshan ga bur mchod pa ni/ /'di ni brtson 'grus bde chen dang / /stobs dang rgyas par 'gyur ba dang / /mthong ba nyid kyis bskul ba yis/ /'jig rten 'di ni dbang du byed/ /gang gis dkon mchog gsum bsad dang / /gang gis sems can bsad byas dang / /gang gis slob dpon smod pa dang / /sangs rgyas lam la 'phya ba rnams/ /lcags kyu yis ni yang dag dgug /lcags sgrog gis ni rkang pa bcing / /zhags pas mgrin pa dam par bcing / /rdo rje bdag gis dgug par bya/ /mkha' 'gro sangs rgyas bsams nas ni/ /de rnams dbang por gsol bar bya/ /'dis ni sangs rgyas dpa' bo dang / /rdo rje sems dpa' bkrongs pa ste/ /'di de sdig pa chen po can/ /mnar med 'gro ba'i bdag nyid de/ /'di ni dmyal ba chen por ltung / /de ltar bsams nas gsad par bya/ /rdo rje'i gzugs ni bsams nas su/ /nam mkha'i dbyings ni bsgom par bya/ /rdo rje dbyug pas brdungs byas nas/ /rdo rje can gyi gnas su skye/ /lcags kyu la sogs mi nus na/ /zan gyis kyang ni 'du bya zhing / /de nyid kyis ni gzugs bsams nas/ /rdo rje dkyil 'khor nyid du gzhag /Tak+ki'i rgyal po lcags kyu ste/ /dbyug sngon can la rang gi ming / /stobs kyi rgyal po rtse gsum pa/ rnam par rtog pa chen po gsod pa zhes bya ba'i ting nge 'dzin to/ /de nas rdo rje</font><hr>84.294b<br><font size=+1>

'dzin rgyal na/ /thams cad dbugs dbyung rab gsol bas/ /dam tshig rdo rje srung don du/ /sbas pa'i spyod yul 'di gsungs pa/ /rdo rje khro bo'i skyes bu che/ /thams cad zhal gcig phyag gnyis pa/ /snying gar g.yon pa'i khu tshur 'dzug /g.yas na rang gi mtshon cha 'phyar/ /gshen rje gsod pa'i dbyug to can/ /gzhan gyis mi thub rdo rje dbyug /rta mgrin la ni dbang mchog dmar/ /mi phyed bdud rtsi'i thabs sbyor las/ /Tak+ki'i rgyal po lcags kyu ste/ /dbyug sngon can la rang gi ming / /stobs kyi rgyal po rtse gsum pa/ /mi g.yo yi ge'i dkyil 'khor rtse/ /tsha skyabs dkar po rgyal po la/ /chos kyi 'khor lo rnam par bsgom/ /gtun shing rdo rje rkang 'og la/ /zhabs g.yon brkyang bas gnas pa'o/ /dbang po sngon po'i rnam pa ltar/ /mthar byed rnam par bsgom par bya/ /gzhan gyis mi thub rdo rje ni/ /'jigs byed zla ba'i nor bu 'dra/ /pad+ma'i khro bo dmar po che/ /rdo rje bdud rtsi'i bdag nyid nag /mtshams kyi khro bo cher nag cing / /spyi bor rdo rje 'dzin pa mtshan/ /gshen rje rnam snang nyid kyis te/ /rdo rje sems dpa' dbyug pa can/ /pad+ma'i khro bo rnam gzigs rjes/ /rdo rje sems dpa' thabs sbyor la/ /rdo rje'i dkyil 'khor dbus gnas par/ /rdo rje nyi ma bsgom par bya/ /'og tu pad+ma'i gdan bsams nas/ /khro bo bcu rnams rab bsgom bya/ /ye shes rdo rje rang dngos su/ /bcu phyed dkyil 'khor bdag nyid de/ /bdud rnams zhabs kyi 'og bsams nas/ /dkyil 'khor lnga po bsgom par bya/ /bsrung ba'i 'khor lo gzi brjid che/ /bskal pa'i me ltar 'bar ba ste/ /'khor zhing rab tu mi g.yo bar/ /dpag tshad lnga brgya'i tshad tsam mo/ /bsrung ba'i dam tshig stobs kyis rnam par rgyal ba'i rdo rje zhes bya ba'i ting nge 'dzin to/ /de nas bcom ldan 'das chen po/ /rang gis byin brlabs rim gnas te/ /rang gis</font><hr>84.295a<br><font size=+1>

byin brlabs rnal 'byor gyis/ /de nyid las ni bshad par bya/ /snying gi dbus su zla bar 'gyur/ /gzugs brnyan zla bar ma bcos pa/ /sna tshogs 'od kyis yang dag khyab/ /de las rdo rje bsgom par bya/ /rdo rje bdag med mkha' 'gro ma/ /cho gas bskul bas bsgom par bya/ /mkha' 'gro sna yi mthar gnas pa/ /yungs kar tsam du rnam par bsgom/ /yungs kar la ni 'gro ba kun/ /khams gsum rgyu dang mi rgyu ba/ /de ltar sgom par byed pa yi/ /rang gi byin brlabs rab tu 'grub/ /gzugs sgra de bzhin dri dang ni/ /ro dang reg bya mngon 'dod pa/ /der ni rnal 'byor nyid kyis ni/ /mi 'dzin de phyir bdag gzhan med/ /ji ltar rdor pad las byung ba/ /zhi ba'i bde ba'i rnam par 'dod/ /dba' rlabs med cing snang ba med/ /rnam rtog med cing yi ger med/ /myos byed cung zad rab 'thungs pa'i/ /bdag gis bdag nyid mi rig go/ /dga' bral dga' ba dag gi mthar/ /rtog pa'i dra ba rnam par spangs/ /'gyur med 'khrul pa la 'das shing / /kye yi rdo rje rnam par gsal/ /bems min rnam pa he ru ka / rnam pa rnams kyis yongs su bskor/ /rang nyid mgon po he ru ka / de yis bdag nyid mi rig cing / /de yi dus na thams cad rig /'byung po 'gro dang 'ong ba ni/ /rang gis kun mkhyen lta bur gzigs/ /sangs rgyas sangs rgyas sras po dang / /yan lag kun dang bu ga kun/ /mgo bo dra ba'i skud par bcas/ /lus ni yod min ltar gzigs shing / /skad cig kye'i rdo rje'i gzugs 'dzin/ /ji ltar nam mkha' mi dmigs shing / /mtshan ma med cing ma byung dang / /gos pa med cing 'khrul pa med/ /sgrib pa lnga ni rnam par spangs/ /ji ltar me long gzugs brnyan ni/ /rtogs nas bde ba rnam spangs pa/ /de bzhin bdag nyid he ru ka'i/ /rnam pa lta bur gsal bar mthong / /de nyid don dang dbang po dang / /phung po namakha' lta bur yod/ /lus ni</font><hr>84.295b<br><font size=+1>

bde ba nyid brjod cing / /'du byed rnams kyis zil mi gnon/ /gzugs ni mig gis mi 'dzin te/ /sgra ni thos pa po yis min/ /lce yis ro ni mi tshor te/ /dri ni sna yis kyang ma yin/ /reg bya lus kyi gong bus min/ /'on kyang bde chen tshul las ni/ /bud med bzang mo mthong bas bde/ /rna bas glu yi bde bas bzang / /snom pas dri'i bde ba che/ /skye gnas reg pa'i bde chen dang / /ro yi btung ba'i sbyor ba las/ /gang gis bde ba 'gog par byed/ /bde ba chen pos 'gro ba khyab/ /bde ba ma gtogs mi shes so/ /sangs rgyas byang chub sems dpa' la/ /mkha' 'gro ma dang btsun mo bzang / /sangs rgyas lnga dang du ma ni/ /bde bar phyin cing rnam par sad/ /de nas byang chub sems dpa' chen po phyag na rdo rjes bcom ldan 'das kyi bde ba chen po'i tshig thos nas tshig 'di skad smras pa/ phal pa'i rnam par gzhom pa'i phyir/ /bsgom pa yang dag rab tu grags/ /phal pa'i gnas skabs gzhom pa'i phyir/ /bsgom pa yang ni sgom pa min/ /byang chub sems dpa' rnams kyis rtogs pa de bzhin te/ 'on kyang mi gtsang ba'i tshad mnyam par sbyang ba'i de bzhin gshegs pa'i sku gzugs bsgom par bya'o/ /phyag na rdo rjes gsol pa/ bcom ldan 'das lus can bsgom pa'i thabs kyi dgos pa nyid de ci lags/ bcom ldan 'das kyis bka' stsal pa/ gsang ba'i bdag po dgos pa yod do/ /bcom ldan 'das ming ci lags/ rdo rje 'dzin pas bka' stsal pa/ sangs rgyas nyid do/ /sangs rgyas nyid ci lags/ rnam pa thams cad mkhyen pa nyid do/ /de ci lags/ lus can 'di ni bden pa'o/ /de ci'i slad du zhe na/ rdo rje 'dzin pas bka' stsal pa/ 'di ltar nga ni mtshan sum bcu rtsa gnyis dang ldan zhing dpe byad bzang po brgyad bcus brgyan pa'o/ /de ci'i slad du zhe na/ mi 'dra ba'i phyir bsgrub pa yin no/ /phyag na rdo rjes gsol pa/ ci bcom ldan 'das</font><hr>84.296a<br><font size=+1>

bems po lags sam/ rdo rje 'dzin pas bka' stsal pa/ nga nyid me long lta bu'i ye shes so/ /me long lta bu'i ye shes de ci lags/ rdo rje 'dzin pas bka' stsal pa/ bden pa ma yin pa dang / brdzun pa ma yin pa dang / rgyu ma yin pa dang / skye ba ma yin pa ste/ de ltar nga nyid mnyam pa nyid kyi ye shes dang / nga nyid so sor rtog pa'i ye shes dang / nga nyid bya ba nan tan gyi ye shes dang / de ltar chos kyi dbyings shin tu rnam par dag pa'o/ /de'i phyir byang chub sems dpa' chen po rnam pa dang bral ba'i byang chub de skad ma smra shig /nga nyid dngos dang dngos med dang / /dang po'i de bzhin gshegs par brjod/ /gzugs dang gzugs med ldan pa'i mchog /zab mo zhi ba'i chos dang ldan/ /sems dpa' chen po he ru ka /bdag med lhan cig mnyam sbyor nga / /bde chen las ni bems min nga / /'jig rten kun rdzob bems po nga / /skyes pa bud med ma ning dang / /'gro ba nga yis yang dag khyab/ /de phyir 'dus pa zhes bya nyid/ /rgyal ba rgya mtsho bdag gis bshad/ /rdo rje can dang byang sems rnams/ /ma ning gnas su yang dag 'grub/ /gang zhig lha mo bdag med de/ /rang bzhin gyi ni btsun mo min/ /sangs rgyas he ru ka nga yin/ /de nyid phyir na ma ning ste/ /'gro ba'i dngos po gnyis mthong nas/ /thabs dang shes rab bdag nyid dang / /shin du mnyam sbyor rnal 'byor gyis/ /mi skyod med cing bdag mnga' med/ /dam pa'i rang bzhin bde ba chen po'i gnas rdo rje zhes bya ba'i ting nge 'dzin to/ /de nas bcom ldan 'das dpa' bo chen po rdo rje 'dod pa bde ba chen po rdo rje yan lag med pa shin du dga' ba chen pos tshig 'di dag bka' stsal pa/ phyag drug pa dang sgeg par bcas/ /zhal gcig ral pa 'dzin pa dang / /brgyad gnyis lo lon sor mo ni/ /rdo rje yan lag med pa 'grub/ /dpa' bo'i g.yas par mda' nyid de/ /lag pa gnyis par ral gri nyid/ /gsum par me long rig par bya/ /lag pa g.yon</font><hr>84.296b<br><font size=+1>

par gzhu nyid de/ /gnyis pa la ni dbang mchog nyid/ /ka~M ke l+la yi yal ga ste/ /phyag drug nyid du bsgom par bya/ /zhabs g.yon brkyang pas gnas par ni/ /bu mo'i snying gar bsams nas ni/ /rdo rje btsub mo 'grub par 'gyur/ /mda'i yis 'o ma 'dzin pa 'bigs/ /a sho ka yis snying gar brab/ /ral gris skyes ma bsdig par bya/ /de nas me long bstan par bya/ /gzhu yis rkang pa bcings nas ni/ /ut+pal zhags pas dgug par bya/ /skra grol 'ong bar 'dod pa dang / /snyan pa'i skad ni rab tu smra/ /ha dang si ni byed pa mo/ /dngas shing yan lag tshes mas brgyan/ /kha ni so rtsis gang ba dang / /'dod pa stobs dang bral ba bsam/ /rdo rje mchod pa'i sbyor ba yis/ /mi 'gyur sems kyis rjes chags bya/ /'dod pa'i sngags ni ma bcos pas/ /de yi snying ni bskul bar bya/ /o~M a mu kA mA kar Sha ya many+dzu g+ho Sha hrIHdzaH de ltar bsgom par byas pa yis/ /'jam pa'i mgon po'i btsun mo ni/ /bsgrub pa po la 'dod pa dang / /dbang du byed cing 'ong bar 'gyur/ /zla ba phyed kyi sbyor ba yis/ /bzlas pa khri'i sbyor ba las/ /g.yo ba gser gyi rna cha ma/ /shin tu dga' ba'i sems kyis bsgrub/ /ha~M gi sa bon las skyes pa/ /thams cad rgyan gyis rnam par brgyan/ /chang gi btung ba'i rab sbyor bas/ /rdo rje yan lag med pa bsgrub/ /ma bcos mchog gi sa bon ni/ /bde dang sdug bsngal rang bzhin can/ /bde ba chen po mchog tu zhi/ /sems can thams cad dga' bar byed/ /'di ni srog ni chen po ste/ /mchog tu dga' ba mdzes ma nyid/ /bde dang sdug bsngal rtag tu de'i/ /dran pa de ltar rab tu grags/ /mya ngan 'dod chags de bzhin gdungs/ /dga' dang dga' bral de bzhin no/ /rdo rje sems dpa' rgyal po che/ /de nyid dbyangs yig drug par brjod/ /zla ba phyed pas yang dag ldan/ /thig les mego bo nyid du mchod/ /sems can gyi ni kun gzhi ste/ /rgyud rnams kyi ni khyad par du'o/ /de nas bcom ldan 'das de bzhin gshegs pa thams cad</font><hr>84.297a<br><font size=+1>

kyis bcom ldan 'das kyis byang chub kyi sems chen po'i rdo rje sa bon gyi yi ge thos nas sems bsgrub pa gsal ba nye bar gyur nas tshig 'di dag gsungs pa/ sems dpa' med cing sgom pa med/ /sngags med lha yang med pa ste/ /sems kyi rdo rje las byung ba/ /'di ni byang chub rim bstan pa'o/ /bcom ldan 'das rdo rje dam tsh-ig gis de skad ces bka' stsal to/ /bsod nams med cing sdig pa'ang med/ /byang chub med cing sangs rgyas med/ /ye shes lnga ni sbyor ba yis/ /byang chub sems ni brtan pa'o/ /bcom ldan 'das 'khor lo'i dam tshig gis de skad ces bka' stsal to/ /sngags med bzlas pa'ang yod ma yin/ /'gro ba gsum po thams cad med/ /chos kyi dbyings kyi rang bzhin gyis/ /bsgom pa dang ni bsgom pa med/ /bcom ldan 'das rin po che'i dam tshig gis de skad ces bka' stsal to/ /kun rdzob 'jig rten pa yang yod/ /dpyad na gang du 'jig rten pa/ /rtag tu 'jig rten pa nyid 'khor/ /'di ni byang chub rim brtan pa'o/ /bcom ldan 'das pad+ma'i dam tshig gis de skad ces bka' stsal to/ /ma skyes pa dang mi dmigs pa/ /mi phyed nam mkha' lta bu ste/ /zab cing zhi ba'i rang bzhin ni/ /'di ni byang chub rim bstan pa'o/ /bcom ldan 'das ral gri'i dam tshig gis de skad ces bka' stsal to/ /sgyu ma ji ltar me long ltar/ /nam mkha' ji ltar bde ji ltar/ /ji ltar dngos po yongs shes pa/ /'di ni byang chub rim bstan pa'o/ /bcom ldan 'das mkha' 'gro ma bdag med mas de skad ces bka' stsal to/ /stong nyid dri med dam pa'i gnas/ /rmi lam sgyu ma'i rang bzhin nyid/ /ji srid ma zhig bar du ni/ /sems kyi rang bzhin bsgom par gyis/ /mA ma kI'o/ /srid med mya ngan 'das pa med/ /'di de bde chen rdo rje ste/ /gang zhig yid kyi bsgom pas bsgom/ /de ni mchog gi bsgom pas bsgom/ /spyan gyi'o/ /sngags dang yi ge rnam par spangs/ /'di ni</font><hr>84.297b<br><font size=+1>

sems med thig le med/ /'di de dam pa'i bde chen te/ /bri ba med cing gang ba med/ /gos dkar mo'i'o/ /gzugs brnyan rang bzhin ji lta bar/ /de ltar dngos po bsgom par bya/ /stong nyid dri med mchog gi gnas/ /de ni bsod nams sdigs pa med/ /sgrol ma'i'o/ /ji ltar chu nang zla ba de/ /bden min brdzun pa min pa ltar/ /de ltar dkyil 'khor 'khor lo yi/ /lus kyi rang bzhin rnyog pa med/ /'khor thams cad kyis de skad ces bka' stsal to/ /de nas bcom ldan 'das sna tshogs byed pa rnam par rgyal ba zhes bya ba'i ting nge 'dzin la snyoms par zhugs te/ mda' gzhu char 'di nyid kyis sku dang gsung dang thugs rdo rje las phyung ngo / /muHts+tsha Di dang ser rna yis/ /chang gzungs khu tshur bzung ba yis/ /g.yon ni 'dod pa'i khu tshur gyis/ /bsdams pas dgra rnams bsdigs par bya/ /yan lag kos kor bzung nas ni/ /mtshon pa'i khu tshur bzung nas ni/ /hU~M gis mda' ni gtang bya zhing / /bdud kyi dkyil 'khor bsdigs par bya/ /brla ni bskum par byas na ni/ /lus ni dbugs kyis dgang bar bya/ /lus la khu tshur bzung nas ni/ /brang ni rgyas pa nyid du bya/ /sems dang dmigs ni 'ben la bya/ /hU~M gis kha ni dgang ba dang / /g.yas brkyang la sogs sbyor ba yis/ /gshen rje srin po gsad par bya/ /'dir mang brjod pas ci zhig bya/ /kun rdzob tu ni bsdus pa tsam/ /gzhu yi rig byed rtsa ba gang / /de ni rdo rje 'dzin spyod do/ /de nas bcom ldan 'das rdo rje rol mo'i sgra zhes bya ba'i ting nge 'dzin la snyoms par zhugs te/ rol mo'i sgra'i sgeg pa 'di nyid kyi sku dang gsung dang thugs rdo rje las byung ngo / /tha hiM thaM hiM/ tha ka tha ka / thu ka thu ka / tho ho tho ho/ ba hi ba hi/ di D+haM di D+haM/ kra ka kra ka / tha ka tha ka / Di hi Di hi/ ta Da wa ta Da wa/ cha lang dang ni rnga dang yang / /rdza rnga kha cig pi wang rgyas/ /mngar ba can dang gling bu dang / /rgyud gsum ka ra ta ka ni/ /rnam gsum brdung bas brdung bar bya/ /chung ngur brdungs pas rgyal ba</font><hr>84.298a<br><font size=+1>

ste/ /dkyil 'khor gsol gdab la sogs pa/ /mchod pa 'di ni bla na med/ /rang gi tshigs bcad mang po ni/ /bstan pa 'dis ni ci zhig bya/ /ji snyed rol mo'i bstan bcos su/ /de ni rdo rje rol mo'i sgra/ /de nas bcom ldan 'das dri bzang po'i rdo rje zhes bya ba'i ting nge 'dzin la snyoms par zhugs te/ bdug spos kyi mchod pa 'di nyid kyi sku dang gsung dang thugs rdo rje las phyung ngo / /tsan dan nyid dang gur gum dang / /brag zhun de bzhin 'dod ma ni/ /'di rnams rdzas ni bdug spos che/ /he ru ka la rab tu dbul/ /ka tso ra dang rkun ma nyid/ /de bzhin du yang skra sgra nyid/ /gdug byed snying po 'di rnams ni/ /phan pa la ni sbyar bar bya/ /kun tu ru dang bo la ka /ri dgas lte ba sen mo ni/ /rin chen rgyal po'i bdug pa 'di/ /kun la mi 'jigs gur gum dang / /shi trA yi ni sha thI dang / /sha li dzi dang shi la ka / 'jig rten mgon gyi bdug pa 'di/ /rtag tu rdo rje 'dzin pas gsungs/ /sna tshogs dri ni khyad par du/ /sna tshogs rdo rje mchod pa las/ /bdun gyi rgyal po mchod pa 'di/ /kun tu stobs kyis bsgrubs pa ste/ /ji snyed dri yi bstan bcos su/ /gong bu'i dum bu'i bdug pa mchog /de kun phyag na rdo rje yi/ /rdo rje'i mchod par rab tu grags/ /de nas bcom ldan 'das rdo rje gom pa rnam par dgod pa zhes bya ba'i ting nge 'dzin la snyoms par zhugs te/ rdo rje gar 'di nyid kyi sku dang gsung dang thugs rdo rje las phyung ngo / /gus bcas dang por sgeg par ldan/ /dang po brtse bcas rjes rgyu bas/ /rkang stabs brgyad du cho ga yis/ /rdo rje gom pas rol pa bya/ /me tog snyim pa'i sbyor ba dang / /spos kyi yal ga'i sbyor ba dang / /mar me sdong bu'i lag tshul dang / /yang ni byug pa'i lus dang ni/ /mig lag de bzhin brla nang dang / /rkang pa'i ngos su bskor ba ni/ /brdung ba'i sbyor bas rol pa bya/ /de bzhin du yang g.yon pas so/ /de nas rgyun gyi gar byas nas/ /g.yon pas yang ni gar</font><hr>84.298b<br><font size=+1>

bya zhing / /myur du brdungs pas de bzhin gang / /byas nas 'khor lo lta bur bskor/ /phyi nas gru bzhi gang bar bya/ /phyi nas 'dod pa'i lag pas bskor/ /sa la pus ni gnyis btsugs nas/ /lag pas mchod rten legs par bya/ /ji snyed gar gyi bstan bcos su/ /byed pa'i cha lugs brjod pa ni/ /de snyed rdo rje sems dpa' yi/ /sgeg pas byang chub sgrub pa'i thabs/ /de nas bcom ldan 'das dam tshig rdo rje mnyes par byed pa zhes bya ba'i ting nge 'dzin la snyoms par zhugs te/ tshogs kyi 'khor lo 'di nyid kyi sku dang gsungs dang thugs rdo rje las phyung ngo / /rang gi lhag pa'i lhar dmigs nas/ /bzang po'i rgyan gyis rnam par brgyan/ /thams cad 'byor pa'am dmigs nas ni/ /bems po'i gnas su bsregs par bya/ /shar lho byang dang nub phyogs su/ /phyogs gnas rnams ni dga' bar bya/ /phyogs bral rnams su lha mo rnams/ /dam pa'i tshe yis mchod par bya/ /yid kyis mar khu bsams pa dang / /'bras so chags med 'bras dang ni/ /'bru dang zho yi zan dang ni/ /til dang de bzhin mnyam pa'i shing / /dUr ba rab tu gzhon pa nyid/ /bsam gtan rdo rje sbyin bsreg bya/ /de la 'di ni sngags kyi rkang pa yin te/ o~M ag na ye swA hA/ mar gyi'o/ /o~M sar+b+ba pA pa pa da ha na badzrA ya badzra sa twa s+ya sar+b+ba pA paM da ha nA ya swA hA/ til nag po'i'o/ /o~M badzra puSh+Ta ye swA hA/ 'bras ma chags pa'i'o/ /o~M sar+b+ba saM pa de swA hA/ zho dang zan dam pa'i'o/ /o~M badzra bi dzA ya swA hA/ 'bras so ba'i'o/ /o~M ma hA be gA ya swA hA/ nas kyi'o/ /o~M ma hA ba lA ya swA hA/ mo sran gre'u'i'o/ /o~M badzra g+hasma rI swA hA/ gro'i'o/ /o~M badzra A yu She swA hA/ dur ba gzhon nu'i'o/ /o~M badzrA pra ti ha ta badzrA ya swA hA/ ku sha'i 'o/ /o~M badzra ya dz+nyA ya swA hA/ u dum bA ra'i'o/ /o~M bo d+hi br-i k+ShA ya swA hA/ byang chub kyi shing gi'o/ /o~M badzra la tA ya swA hA/ </font><hr>84.299a<br><font size=+1>

pA ma k+sha'i'o/ /o~M badzra ku be rA swA hA/ n+ya gro d+ha'i'o/ /o~M ha sa kA ra ya swA hA/ a mra'i'o/ /tsam pa a sho ka ya klu/ /ka dam pa dang srid sgrub nyid/ /ji ltar rnyed pa bzlas byas nas/ /me tog 'dis ni sbyin bsreg bya/ /rgun 'brum a mra sbrul 'jig dang / /kha 'dzag skyes ma brtse ma ni/ /'khor lo lnga yi mchog rim pas/ /'bras bu rnams kyi sbyin bsreg bya/ /sha lnga dang ni bdud rtsi nyid/ /dkyil 'khor lnga yi bsgoms pa yis/ /'dis ni rdo rje mnyes par 'gyur/ /ye shes me ni rab dgyes bya/ /rgyal ba phan pa mnyes pa dang / /gser gyi mnga' bdag mnyes pa dang / /pad ma gar dbang mnyes pa dang / /lcags sgrog bdag po mnyes pa dang / /tshangs pa brgya byin dbang chen dang / /khyab 'jug rlung dang me chen dang / /thong ldan nyid dang 'dod lha dang / /zla ba nyi ma gdon gzhan dang / /sa ni zhags pa 'dzin pa dang / /lus ngan de bzhin mtshams skyong dang / /chos rgyal dang ni klu dang ni/ /dri za lha min mi 'am ci/ /sum bcu rtsa gsum gnas pa'i lha/ /'og min du ni gnas pa dang / /gang zhig rgyal chen gnas pa dang / /gzhan 'phrul dbang bsgyur nyid dang ni/ /'phrul dga' yi ni lha rnams dang / /gang zhig dag pa'i gnas son dang / /'od zer 'jig rten khams gnas dang / /mi mjed khams su gnas pa dang / /gling bzhir gnas pa'i sems can dang / /gang zhig khams gsum gnas pa dang / /snod sngan sems can 'jig rten dang / /lcug ma'i tshogs dang rtswa sogs dang / /gang zhig rab dga'i sar gnas dang / /pha rol dri med gang phyin dang / /'od 'phro can du gnas pa dang / /mi g.yo'i gnas su byas pa dang / /gang zhig chos sprin rjes song dang / /gang zhig sbyang dka' son pa dang / /gang zhig ring song thob ba dang / /'od byed du ni gnas pa ste/ /sa bcu'i dbang phyug mgon po dang / /'phags pa'i gang zag brgyad po dang / /rdzogs sangs rgyas</font><hr>84.299b<br><font size=+1>

dang nyan thos nyan/ /rwa ni ral gri'i gzugs can dang / /rang gi lhag pa'i lhar sbyor bdag /shAkya seng ge mnyes byas nas/ /dmyal ba yi dgas byol song dang / /lha dang lha min mi rnams ni/ /sbyin bsreg chogs ni dgyis pa nyid/ /de nyid tshogs kyi dkyil 'khor ro/ /bsod nams dang / ye shes kyi tshogs chen po rgya mtshor rdo rje zhes bya ba'i ting nge 'dzin to/ /de nas bcom ldan 'das de bzhin gshegs pa thams cad kyi rjes su chags pa rdo rje zhes bya ba'i ting nge 'dzin la snyoms par zhugs te/ dam tshig la gsol ba gdab pa gsungs so/ /rdo rje sems dpa' bskyed pa ni/ /rdo rje pad+ma'i bsgom pa ste/ /de yi mgo bo'i sna rtse la/ /phyag 'tshal yid bzhin nor bu ste/ /sbu gu'i nang du phaT kyis ni/ /ye shes ma lhung yang dag gnas/ /rdzogs sangs rgyas kyis dgyes par mdzod/ /'di ni phyag rgya'i cho ga las/ /rang gi lhag pa'i lhar sbyor bas/ /rdo rje sems dpa' snyems byas nas/ /gnas ni thams cad bsgrub par bya/ /phyag rgya chen po'i gnas 'dug nas/ /rang gi lhag pa'i lhar sbyor bdag /shAkya seng ge snyems byas nas/ /rgyal po thams cad thob par 'gyur/ /las kyi phyag rgya'i gnas 'dug nas/ /rang gi lhag pa'i lhar sbyor bdag /kun gyi rgyal po thob par 'gyur/ /rdo rje gzi brjid ldan ting 'dzin ldan/ /dam tshig phyag rgya sbyor ba yis/ /gnas gsum po yang bsgrub par bya/ /rang gi lhag pa'i lhar sbyor bas/ /pad ma gar gyi dbang phyug bdag /chos kyi phyag rgya'i ting 'dzin gnas/ /rdo rje chos ni bsgom par bya/ /rang gi lhag pa'i lhar sbyor bas/ /rta mchog rim pas gnas nas ni/ /dam tshig phyag rgyar sbyor ba yis/ /sgrol ma'i dngos grub rab bsgrub bya/ /de nas bcom ldan 'das rdo rje gar 'dod pa byed pa zhes bya ba'i ting nge 'dzin la snyoms par zhugs te/ rdo rje</font><hr>84.300a<br><font size=+1>

gar mdzad pa nyid kyi sku dang gsung dang thugs rdo rje las phyung ngo / /g.yon pa brkyang ba dang /    g.yas pa brkyang ba dang / mnyam pa'i rkang stabs dang / rdo rje'i rkang stabs dang / dkyil 'khor dang / sna tshogs thams cad dang / rus sbal gyi rkang stabs dang / bung ba'i dra ba dang / rgya mtsho'i bskyod pa dang / ri bo'i mchog dang mdzes pa'i gom pa dang khro bo'i gom pa ste/ rkang stabs kyi dgod pa'o/ /ral gri'i lugs dang / 'khor lo'i tshul dang / rin po che'i tshul dang / pad ma'i lag pa dang / ral gri'i tshul dang / mdung gi tshul dang gzhu'i tshul dang / dbyug pa'i tshul dang / dbyug to'i tshul dang / gtun shing gi tshul dang / rdo rje rtse gcig pa'i sems dang kha bcu pa'i tshul dang ral gri bu mo'-i tshul dang / sna tshogs dbyug pa'i tshul dang / mdung thung gi tshul dang gong bu skyong ba'i tshul dang 'phan gnyis pa dang / 'phan lce gsum pa dang / me tog gi tshul dang bdug spos kyi tshul dang / mar me'i tshul dang / dri'i tshul dang / lA s+yai'i lags pa dang phreng ba'i lag pa dang glu'i lag pa dang / gar gyi lag pa dang gling bu'i lag pa dang pi wang gi lag pa dang / rdza rnga'i lag pa dang / ku mu Na Da'i lag pa ste/ lag pa'i dgod pa'o/ /rdo rje skyil ngakrung dang / pad+ma'i skyil dkrung dang pad+ma'i 'dug stangs dang bzang po'i 'dug stangs dang / skyil dkrung phyed pa dang / bkra shis kyi 'dug stangs kyi dgod pa'o/ /sgeg pa'i nga ro dang dpa' bo'i nga ro dang / mi sdug pa'i nga ro dang / dgod pa'i nga ro dang drag po'i nga ro dang 'jigs su rung ba'i nga ro dang / zhi ba'i nga ro dang rngam pa'i nga ro dang snying rje'i nga ro dang / drug gi rjes su skyes pa'i glu dang drang srong gi rjes kyi glu dang / dri za'i rjes kyi glu dang bar ma'i rjes kyi glu dang / lnga pa'i rjes kyi glu dang / blo gsal gyi rjes kyi glu dang / 'khor nyan pa'i glu'o/ /nyung ngu'i dbye ba dang sgrol ma'i dbye ba dang / 'jigs pa'i dbye ba dang gang ba dang / phyed</font><hr>84.300b<br><font size=+1>

phyi ba dang / rnam par 'dre ba dang / 'dod chags gnyis mtshungs par byed pa dang / 'dod chags gsum mtshungs par byed pa dang / lkog ma nyed pa dang / rkan nyed pa dang lce nyed pa dang so nyed pa ste glu dgod pa'o/ /sa gzhi yongasu bzung dus su ni/ /dam tshig 'di ni rab bskul ba/ /ye shes rdo rje can gyis bya/ /'di ni dam tshig rim pa'i mchog /me tog 'di rnams bzang zhing dge/ /dag pa'i skye gnas las dag pa/ /bdag gis dad pas 'bul lags kyis/ /bzhes nas bdag la dgyes par mdzod/ /tshal dag ro yi phan pa dang / /gang zhig dri dang bdug spos mchog /bdag gis dad pas 'bul lags kyis/ /bzhes nas bdag la dgyes par mdzod/ /srin po 'joms shing dag byed pa/ /dge zhing mun pa rnam sel ba/ /bdag gis dad pas 'bul lags kyis/ /bzhes nas bdag la dgyes par mdzod/ /'di ni dri bzang dge ba ste/ /dag pa'i skye gnas las dag pa/ /bdag gis dad pas 'bul lags kyis/ /bzhes nas bdag la dgyes par mdzod/ /o~M badzra g+haN+De aH dril bu blang ba'i sngags so/ /o~M ma hA badzre hU~M/ rdo rje bzung ba'i sngags so/ /dngos po sna tshogs rnam par phye ba'i le'u ste bcu bzhi pa'o// // de nas rdo rje 'dzin rgyal po/ /rnal 'byor ma yi rdo rje gur/ /sangs rgyas kun dang sangs rgyas la/ /tshig ni 'di dag bka' stsal pa/ /phyag gnyis pa la zhal gcig pa/ /rdo rje las skyes rang bzhin can/ /lag par thod pa khaT+wA~M gaH /bsam nas spro zhing bzlas pa'o/ /phyag bzhi pa ni nyid dang yang / /zhal gsum rdo rje las byung ba/ /dkar po dmar po de bzhin sngo/ /phag mo lhan cig mnyam sbyor ba'o/ /phyag drug pa la kha dog gnag /lcags sgrogs ma dang lhan cig sbyor/ /sangs rgyas lnga yi thod pa can/ /zhal gsum nyid</font><hr>84.301a<br><font size=+1>

du sbyor bar bya/ /mdog dmar phyag ni bzhi pa dang / /zhal gcig ma dang dbang byed ma/ /rdo rje chos kyi gnas mnan ma/ /'di ni ku ru kul+ler brjod/ /'di ni sngags brjod pa'o/ /btsun mo chos la gnas pa ni/ /khyod kyi spyan sngar bdag gis ni/ /dus gcig pa'i dus su ni/ /bdag nyid kyis ni 'di thos nas/ /rgyas pa nyid du rab tu dbye/ /'di skad bdag gis thos pa ste/ /dus gcig dus ni gcig na'o/ /bdag gis bcom ldan spyan sngar te/ /btsun mo'i chos su rnam rgyas pas/ /lta stangs dgug dang brda chen dang / /don byed dus dang char sogs dang / /lam gyi de nyid las skyes pa/ /thub pa chen po 'jig rten mgon/ /phyag gnyis pa la zhal gcig pa/ /mchog sbyin dang ni pad mas brgyan/ /pad ma'i gdan la yang dag gnas/ /dbu rgyan rdo rje chos dang ldan/ /ma~M gyi de nyid las skyes pa/ /'jam pa'i dbyangs ni ser po ste/ /yan lag mchog sbyin ud pal brgyan/ /mi bskyod rdo rje spyi bor 'dzin/ /hU~M gi ye shes las byung ba/ /lag pa ral gri sdigs 'dzub nyid/ /ma he chen po'i rgyab tu ni/ /dpa' bo g.yon brkyang ba yis gnas/ /khro bo'i gzugs can 'jigs byed pa/ /kha sbyar mdun du mi bskyod 'dzin/ /hU~M gi ye shes las byung ba/ /rdo rje hU~M mdzad rdo rje can/ /rdo rje dril bu'i sbyor ba yis/ /lag pa gnyis kyis phyag rgya bcing / /rkang pa g.yon nyid brkyang ba yis/ /'jigs byed mnan pa yi ni lus/ /spyi bor rdo rje'i rigs bsams nas/ /'jig rten gsum rgyal dran par bya/ /tA~M gi yi ge las byung ba/ /mchog sbyin dbang mchog mtshon cha ste/ /lha mo ljang gu lta bu nyid/ /rtag tu bzang po'i 'dug stangs gnas/ /sna tshogs pad+mar yang dag bzhugs/ /spyi bor don yod 'dzin pa po/ /sgeg mo chen mo skal bzang ma/ /sgrol ma'i gzugs can bsgom par bya/ /</font><hr>84.301b<br><font size=+1>

ma~M gyi yi ge las byung ba/ /mchog sbyin a she ka 'dzin ma/ /nyi ma shar ba lta bu ste/ /rnam snang dpal ni spyi bor skyes/ /g.yon brkyang ba yi sbyor ba yis/ /'gro mgyogs bdun gyi shing rta mnan/ /yan lag sgeg pa'i ro y-is brgyan/ /'od zer can ni bsgom par bya/ /tsu~M gi yi ge las byung ba'i/ /ston ka'i zla ba lta bu'i 'od/ /snying gar rin chen snyim par gnas/ /mdzes pa'i tshul gyis yang dag bzhugs/ /lha mo sna tshogs pad gdan can/ /phan pas mgo bo mnan pa ste/ /byang chub sems ni 'dzag 'bab pa'i/ /lha mo stobs dang bral ba bsgom/ /ba~M gyi yi ge las byung ba/ /nor 'dzin shin du kha dog ser/ /lag pa mchog sbyin 'bras snye ma/ /rdo rje skyil dkrung sbyor ba las/ /yan lag rin chen 'byung gnas brgyan/ /spyan ni shin tu sgag par ni/ /gnod sbyin rgyal mo bsgom par bya/ /nor gyi bdag po mtshungs par 'gyur/ /dza~M gi yi ge las byung ba/ /namakha' mdzod ces bya ba bsgom/ /kha dog ser zhing g.yas pa na/ /mchog sbyin rin chen ne'u le ste/ /rin chen 'byung gnas rdo rje yis/ /spyi bor dkyil 'khor rnam par brgyan/ /rin chen char ni bsam par bya/ /skyor gang rdo rje chur gzhug bya/ /pra~M gyi yi ge las skyes pa/ /lus ni dkar zhing yid 'ong ma/ /lha mo ral gri'i 'khor lo 'dzin/ /spyi bor phan pas mnan pa'o/ /rang gi ming po'i dus lta bur/ /dkyil 'khor gnas su yang dag 'dug /namakha'i gnas nas 'jam pa'i dbyangs/ /'byung bar rnam par bsam par bya/ /de nas bcom ldan 'das rdo rje 'dzin pa chen po sngags sna tshogs nang du chud pa rdo rje zhes bya ba'i ting nge 'dzin la snyoms par zhugs te/ sngags kyi tshig 'di dag gsal bar mdzad pa| o~M ma Ni pad+me hU~M phaTaHswA hA/ o~M many+dzu badzrA ya muHswA hA/ o~M hU~MHSh+TIHwi kri tA na na hU~M hU~M phaT phaT swA hA/ o~M hU~M phaT swA hA/ o~M tA re tut+tA re tu re swA hA/ o~M mA ri ts+yai ma~M swA hA/ o~M tsa le tsu le tsun de swA hA/ o~M bA su d+hA re ma hA</font><hr>84.302a<br><font size=+1>

bA su brISh+Ti lA ha ni bA su swA hA/ o~M dza~M b+ha la dza len drA ya swA hA/ o~M ma Ni d+ha ri badzri ni ma hA pra ti sa re hU~M hU~M phaT phaT swA hA/ 'jig rten mgon gyis nad rnams zhi/ /'jam pa'i dbyangs kyis blo gros bzang / /gshen rje gshed kyis yi dgas bsrung / /lha dang lha min hU~M mdzad kyis/ /sgrol mas 'jig rten dbang du byed/ /'od zer can gyis chom rkun 'jig /tsun de sems can thams cad ni/ /dgug pa yi ni cho gar brjod/ /dzam+b+ha la dang nor sbyin bdag /nor gyi sgrub pa'i thabs su 'dod/ /bud med gang zhig bu shi bas/ /so sor 'brang ma rtag dran bya/ /rdo rje mkha' 'gros gsungs pa'o/ /sngags kyi rkang pas thams cad 'grub/ /bzlas pa 'bum gyi sbyor ba yis/ /las rnams thams cad rab tu 'grub/ /snying gi bde ba bskul ba zhes bya ba'i ting nge 'dzin to/ /de nas bcom ldan 'das kyis rdo rje nag po chen po'i thabs 'di nyid kyi sku dang gsung dang thugs rdo rje las phyung ngo / /hU~M gi yi ge las skyes pa/ /phyag gnyis pa dang zhal gcig ldan/ /kha dog nag cing cher 'bar ba/ /gri gug thod pa 'dzin pa'o/ /mgo bo'i phreng bas do shal byas/ /mche ba chen pos 'jigs par byed/ /gzugs thung gzi brjid chen po nyid/ /kha nas khrag ni 'jig pa ste/ /slob dpon la rtag gang sdang dang / /gang zhig dkon mchog gsum khro dang / /sems can du ma gsod byed pa/ /nag po chen pos za bar byed/ /rang gi lag g.yas sha gcod byed/ /khrag gi rgyun ni mthung bar byed/ /de nas spyi bor 'di 'dug nas/ /de ni til tsam gcod par byed/ /mon sran gre dang dza~M bu Ti/ /me tog bdug pa byug pa chang / /sha lnga nyid dang bdud rtsi yis/ /nag po che la gtor ma sbyin/ /sngags ni/ o~M ma hA kA la ya shA sa no pa kA ri Ni a pa sh+tsi ma kA lo ya mi da~M tad rat+na tra yA pa ka ri Na ya di pra ti dz+nyA~M sma ra si ta dA i da~M du Sh+Ta kha kha khA hi khA hi mA ra mA ra gr-ih+Na gr-ih+Na/ ban+d+ha ban+d+ha/ ha na ha na da ha da ha pa tsa pa tsa di na me me ke na hU~M phaT/ tsha ba</font><hr>84.302b<br><font size=+1>

gsum gyis gzugs brnyan ni/ /byas nas lus la tsher mas dgang / /dug dang ske tshe yis bris nas/ /de ni gang gi ming gis ni/ /de nas me la gdung bar bya/ /de yi dus na mi snang 'gyur/ /de nas gzhan yang rab bshad pa/ /phyag rgya'i dngos grub bsgom pa nyid/ /phyag rgya'i dngos grub dngos grub che/ /dngos grub kun gyi spyod yul min/ /de dus de yi lus 'thob cing / /skad cig na ni de 'khor ldan/ /bsgom pa dang ni sngags nyid dang / /skad cig sangs rgyas rnam snang mdzad/ /spyan gyis 'phrag nas 'khyud pa'o/ /skad cig la ni gnyis med ldan/ /dga' ba chen po mchog tu dga'/ /rdo rje 'dzin rgyal skad cig gis/ /mA ma kI dang bde ba sdom/ /rdo rje pad+ma'i rtse mchod pas/ /skad cig gis ni gnyis med ldan/ /rdo rje pad+ma rab sbyar bas/ /rdo rje gus pa'i pha rol son/ /rdo rje pad+ma mchod bya zhing / /pad+ma'i 'dod pa spang bar bya/ /bdag nyid rang bdag bsams nas ni/ /rdo rje pad+ma rab sbyor bas/ /rdo rje bu mo cher grags pa/ /rdo rje nag po lta bu mchod/ /rang rig skyes bu bsams nas ni/ /rdo rje pad+ma'i rtse mchod pas/ /bu mo de bzhin gshegs ma mchog /phyag rgya'i dngos grub don du mchod/ /rang gi rig ma skyes bu bsam/ /rdo rje pad+ma'i rtse mchod pas/ /gdol pa chen po las byung ba/ /phyag rgya'i dngos grub don du mchod/ /phyag rgya chen po rab bsgrub pa/ /rnam par rgyal ba'i stobs rdo rje zhes bya ba'i ting nge 'dzin to/ /nyi ma gcig gis 'grub par 'gyur/ /nyi ma gnyis kyi cho ga dang / /nyi ma gsum gyi sbyor ba dang / /de bzhin du ni nyi ma bzhi/ /nyi ma lnga pa'i sbyor ba yis/ /'grub 'gyur 'di la the tshom med/ /me tog la sogs mchod byas nas/ /bsam gtan gnas su 'dug pa dang / /phyag rgya lhan cig zhugs nas ni/ /rdo rje sbyor ba yang dag brtsam/ /rdo rje nyi ma nub pa na/ /sbyor ba 'di ni yang dag brtsam/ /nyi ma shar ba'i dus su ni/ /'grub 'gyur 'di la the tshom med/ /'dod chags chen pos rjes</font><hr>84.303a<br><font size=+1>

chags pas/ /'dod chags chen po'i rang bzhin las/ /chags chen ting 'dzin gnas nas ni/ /phyag rgya chen po rab bsgrub bya/ /shin tu dga' ba rdo rje zhes bya ba'i ting nge 'dzin to/ /pad+mar rdo rje can bcug nas rang gi rig ma bdag mar byas/ /de dang lhan cig 'grub par 'gyur/ /'di ni phyag rgya chen por brjod/ /mi yi phyag rgya blangs nas ni/ /de la 'khor rab tu dbye/ /dri dang me tog 'thun byas nas/ /'khor lo goms par yang dag brtsam/ /spyan dang bdag ma sgrol ma dang / /dkar mo shin du yid 'phrog ma/ /me tog dri yis 'thun byas nas/ /rdo rje mchod pa yang dag brtsam/ /sngags pas phan pa 'grub 'gyur zhing / /phyag na rdo rje 'grub pa dang / /rdo rje nyi ma 'grub pa dang / /dam pa'i yi ge 'grub pa dang / /bdun pa'i rgyal po 'grub pa dang / /thams cad 'dren pa 'grub par 'gyur/ /chu yi dbang ni dang po ste/ /cod pan dbang la gnyis pa'o/ /rdo rje dbang gis gsum pa ste/ /rang gi bdag po bzhi pa nyid/ /ming gi dbang bskur lnga pa ste/ /drug pa rdzogs pa'i sangs rgyas nyid/ /bdun pa bum pa dbang gis te/ /gsang ba'i dbang gis brgyad pa'o/ /shes rab dbang las dgu pa ste/ /de nyid rdo rje'i sbyor ba yis/ /kun gyi de nyid brtul zhugs brjod/ /ston pa rang gis lung bstan te/ /de 'dir dbang gi cho ga'o/ /slob dpon smad par mi bya ste/ /bde gshegs bka' las 'da' mi bya/ /spun la smad pa nyid mi bya/ /sems can rnams la gdug byams dang / /byang chub sems ni spang mi bya/ /bdag gzhan chos la smad mi bya/ /skal med de nyid gtam mi bya/ /skal ldan sems can smad mi bya/ /bdag gi lus la'ang smad mi bya/ /chos la yid gnyis mi bya zhing / /gdug la byams pa nyid mi bya/ /chos nyid tshad ni bzung mi bya/ /dam tshig rtag tu skyang ba dang / /gzhan gyi chos la smad mi bya/ /bud med nyid la'ang smad mi bya/ /rtsa ba'i ltung ba rab tu spang</font><hr>84.303b<br><font size=+1>

ba mdor bstan pa zhes bya ba'i ting nge 'dzin to/ /ji srid byang chub snying po'i bar/ /dkon mchog gsum ni spang mi bya/ /rtag tu dam tshig bsrung bar bya/ /rdo rje dril bu'ang gzung bar bya/ /gtsug tor rtag tu gzung bar bya/ /rtag tu sbyin bsreg dgang bar bya/ /rtag tu dkyil 'khor bzhengs par bya/ /rtag tu bde gshegs rab gnas bya/ /'byung po che la gtor ma sbyin/ /phyag rgya bcing ba rnam spang zhing / /mchod rten las ni mi bya ste/ /rdo rje gsum mchog phyag mi bya/ /dkyil 'khor la sogs lus kyi las/ /rmi lam du yang mi bya zhing / /slob dpon gzhan la phyag mi bya/ /bla ma'i rgan rabs phyag 'tshal lo/ /rtag par rgyun du sngags bzla zhing / /bsam gtan nyid kyang 'bral mi bya/ /rtag tu slob ma bsdu bya zhing / /rtag pa ru ni bshad par gyis/ /rtag tu sems can bskyang bar bya/ /rtag tu sangs rgyas cher mnyes bya/ /dzam b+ha la la chu sbyin zhing / /las rnams thams cad yang dag spyad/ /bye ma'i mchod rten las la yang / /mkhas pas cho ga bzhin du bya/ /de nas bcom ldan 'das byang chub sems dpa' thams cad dang pho nya po thams cad dang de bzhin gshegs pa thams cad rdo rje nges par brjod pa 'di thos nas tshig 'di dag gsungs pa/ sems can kun gyi thams cad khyod/ /sdig pa thams cad rnam sbyong ba/ /chos rnams thams cad yongasu rtogs/ /rdo rje mkha' 'gro phyag 'tshal bstod/ /sdang bas mnan pa'i 'gro gzigs nas/ /gti mug thams cad zad bya'i phyir/ /rgyal ba mgon po rnam snang mdzad/ /gti mug rdo rje phyag 'tshal bstod/ /'gro ba bud med 'dul gzigs nas/ /bdag med rnal 'byor mar gyur gang / /phyag 'tshal pha rol phyin thub pa/ /sgyu ma'i phyag rgya phyag 'tshal bstod/ /gti mug mnan pa'i 'gro gzigs nas/ /gti mug thams cad zad mdzad pa/ /rdo rje sems dpa' rgyal po</font><hr>84.304a<br><font size=+1>

che/ /zhe sdang rdo rje phyag 'tshal bstod/ /nga rgyal mnan pa'i 'gro gzigs nas/ /nga rgyal thams cad zad mdzad pa'i/ /rdo rje nyi ma rgyal po che/ /'dod chags rdo rje phyag 'tshal bstod/ /chags pas mnan pa'i 'gro gzigs nas/ /'dod chags thams cad zad mdzad pa/ /rta mgrin rgyal po chen po ste/ /ser sna rdo rje phyag 'tshal bstod/ /'gro ba phrag dog mnan gzigs nas/ /phrag dog thams cad zad mdzad pa/ /bdun gyi rgyal po rgyal po che/ /thams cad gzugs la phyag 'tshal bstod/ /de nas bcom ldan 'das byang chub sems dpa' thams cad kyis de bzhin gshegs pa thams cad la gsol pa/ bcom ldan 'das de bzhin gshegs pa thams cad dpal kye'i rdo rje'i dbang bskur ba'i slob dpon ji ltar blta bar bgyi/ de bzhin gshegs pas bka' stsal pa/ /slob dpon ston par 'gyur ba ni/ /sangs rgyas kun gyis phyag mdzad pa/ /bdag cag rnams kyi pha dang ma/ /'di nyid yid la bsam par bya/ /de ci'i slad du zhe na/ de bzhin gshegs pas bka' stsal pa/ /rdo rje sems dpa' sangs rgyas dang / /rdo rje chos dang gzi brjid dang / /bdun gyi rgyal po'i dngos grub rnams/ /gang phyir de yis dka' ba med/ /mig sman dang ni rkang byug dang / /ral gri rkang 'og bsgrub pa dang / /ril bu dang ni mkha' spyod pa dang / /mi snang ba dang bcud kyis len/ /gang phyir ye shes rdo rje ni/ /mnyes pas myur du thob par 'gyur/ /de phyir slob dpon drung gshegs te/ /de bzhin gshegs rnams phyag mdzad do/ /rdo rje sems dpa' ji lta ba/ /de ltar slob dpon gzugs 'dzin to/ /sems can rjes su gzung dmigs nas/ /phal pa'i gzugs su gnas pa'o/ /slob dpon gyis ni mthar dus su/ /shi ba 'jig rten mi gnas pa/ /skyes pa glen zhing rmongs pa gang / /de 'di shi zhes smra bar byed/ /'chi ba zhes bya ba'i rnam rtog gis/ /dag pa'i gnas su khyer bar byed/ /</font><hr>84.304b<br><font size=+1>

yang na bde ba can du nges/ /'dod pa'i rigasu skye bar 'gyur/ /me tog sna tshogs lag thogs shing / /sna tshogs rgyal mtshan byug pa dang / /glu yi mchod pa sna tshogs kyis/ /sangs rgyas sra dang rdo rjer bcas/ /sna tshogs sgra dang sil snyan che/ /bkra shis tshigs bcad sna tshogs dang / /dbang gi gnas rnams nyid kyis ni/ /lus las lus gzhan 'gro bar 'gyur/ /rdo rje dril bu lag byin te/ /mgo bo'i gtsug tor mnan nas ni/ /rdo rje'i sdom pa byin nas su/ /bum pa'i dbang ni bskur nas ni/ /mig la sogs par gti mug sogs/ /rdo rje gsum ni gnas gsum dgod/ /rdo rje thab khung rab sbyor bas/ /sbyang bar yang dag bstan pa'o/ /nyi ma dag ni gsum la ni/ /rus pa'i phreng ba bsdu bar bya/ /'o ma dri bzang bsang gtor nas/ /de yi mchod rten yang dag brtsam/ /bcom ldan 'das kyis de skad ces bka' stsal nas thams cad dang ldan pa'i 'khor de dag dang lha dang mi dang lha ma yin dang / dri zar bcas pa'i 'jig rten bcom ldan 'das kyis gsungs pa la mngon par dga'o/ /'phags pa mkha' 'gro ma dra ba'i rdo rje gur rgyud kyi rgyal po'i brtag pa'o/ /rdzogs s+ho// //rgya gar gyi mkhan po ga ya d+ha ra dang / lots+tsha ba dge slong shAkya ye shes kyi bsgyur ba'o/ / </font><hr>

</table>