J355b

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J355b</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J355b&coll=lithang">see text in Tibetan script</a></table>84.248a<br><font size=+1>

// rdo rje snying pos gsol pa/ bcom ldan rdo rje snying po bdag /sangs rgyas thams cad gcig bsdus pa/ /rab gnas mtshan nyid bzang po nyid/ /</font><hr>84.248b<br><font size=+1>

rim pa ji bzhin bshad du gsol/ /bcom ldan 'das kyis bka' stsal pa/ /ci gsungs sbyin bsreg byas nas ni/ /dkyil 'khor dam pa bzhengs pa dang / /lnga bar sku gzugs sbyang ba dang / /sta gon la sogs byas nas ni/ /nam mkhar bzhugs pa'i sangs rgyas kun/ /sku gzugs snying gar rab tu gzhug /rang 'dod lha mnyam rnal 'byor pa/ /rab mthong sngags kyi pha rol son/ /[ \u0f00] badzra puSh+pe aHhU~M swA hA/[ \u0f00] badzra d+hU pe AHhU~M swA hA/[ \u0f00] badzra dI pe AHhU~M swA hA/[ \u0f00] badzra gan+d+he AHhU~M swA hA/[ \u0f00] badzra nai wed+yA+e AHhU~M swA hA/ sna tshogs hU~M ni rdzogs pa dang / /me tog la sogs dbul ba nyid/ /gong ma'i rgyud kyi chog rim pas/ /mchod yon zhabs bsil gong ma bzhin/ /zhi ba'i thab khung zlum po nyid/ /rgyas pa nyid kyi gru bzhi pa/ /gsad pa la ni gru gsum brjod/ /'di nyid la ni lhag ma bsgrub/ /khru gang dang ni khru phyed nyid/ /zhi ba'i steng dang 'og tu yin/ /khru gdo dang ni khru gang nyid/ /rgyas pa'i steng dang 'og tu brjod/ /sor mo nyi shu'am de yi phyed/ /bsad pa'i steng dang 'og tu yang / /zhi bar kha dog dkar mo 'gyur/ /rgyas par ser po de bzhin no/ /bsad pa la ni kha dog gnag /dbang la dmar por rab tu grags/ /dbang la ji bzhin de ltar dgug /bsad la ji ltar zhe sdang sogs/ /zhi la til dang rgyas la zhon/ /bsad la tsher ma de bzhin no/ /sdang la sogs pa'ang tsher mar brjod/ /dbang dang dgug la ut+pa la/[ \u0f00] ag+ne ye ma hA te dzA sar+b+ba ka ma pra sA d+ha kaH kA ru N+yA kri ta sa twa ar+tha a smin sa nin hi to b+ha baH/ me dgug pa'o/ /ma ma rin chen sna tshogs 'dzin/ /kye yi rdo rje khros mchod pa'i/ /lha mo khyod ni dbang du gyur/ /che ge bdag ni dkyil 'khor 'bri/ /swAr+thany+tsai ba pa rAr+thany+tsa sA d+hi taM gats+tsha ha bya b+hu ka A ga mi Sh+ya si ya thA kA le sar+b+ba sid+d+hi ku ru Sh+wa me/ me dga' ba'i sngagaso/ /\u0f00 dzaHhU~M baM hoH khaM raM mchod yon gyi sngags so/ /\u0f00 nI rI ti hU~M khaMHzhabasil gyi sngagaso/ /o~M d+h+waM d+h+waM lha bshos kyi sngagaso/ /kye'i rdo rje mkha' 'gro ma dra ba'i sdom pa las</font><hr>84.249a<br><font size=+1>

brtag pa gnyis par rab gnas kyi le'u ste dang po'o// // rdo rje snying pos gsol pa/ nam mkha' lta bu'i chos kun la/ /rgya mtshor ku ba ji lta bar/ /rang 'dod lha yi gzugs las ni/ /sems can ji ltar 'grub par 'gyur/ /bcom ldan 'das kyis bka' stsal pa/ /bdag med rnal 'byor ldan pa 'am/ /yang na he ru ka dpal brtson/ /gzhan pa'i sems kyis skad cig kyang / /dngos grub 'dod pas mi gnas so/ /dang po goms par byed dus kyi/ /gnas ni gang du bsngags pa'i sems/ /gcig tu mnyam gzhag 'grub 'gyur ba'i/ /gnas ni bzang po nges par brtag /rang gi khyim du mtshan dus su/ /bdag nyid grub pa'i sems kyis ni/ /rnal 'byor ma bsgom shes rab can/ /yang na he ru ka dpal gzugs/ /rkang pa 'khru dang za ba dang / /'thor 'thung so rtsi za ba dang / tsan dan gyis ni lag nyid dang / /smad g.yogs kyis ni rked 'gebs dang / /'byung dang smra dang 'gro ba dang / /'dug dang khro dang rgod pa dang / /bcom ldan 'das ma bsten pa dang / /shes rab brtul zhugs can nyid kyis/ /rnal 'byor ma ni rnam par bsgom/ /gzhan gyi tshul gyis skad cig kyang / /gdug pa'i sems ni mi rigs pas/ /dngos grub 'dod pas dngos grub phyir/ /mkhas pas 'bad pas mi gnas so/ /bsam gtan nyon mongs 'jig byed pa/ /rdo rje snying po nga yis bshad/ /brtse bas dngos grub don du yang / /zla ba phyed du yongasu dogs/ /bsam pa thams cad yongs spangs nas/ /lha yi gzugs su sems pa yis/ /nyi ma gcig tu ma chad par/ /bsgom pas yongs su brtag par gyis/ /rang gzhan don ni rab bsgrub phyir/ /'khor bar thabs gzhan yod ma yin/ /rig ma lhan cig goms byas pas/ /'phral du mngon du byed pa nyid/ 'jigs smyo de bzhin sdug bsngal dang / /mya ngan gdung ba 'tshe ba dang / /'dod chags zhe sdang gti mug</font><hr>84.249b<br><font size=+1>

ches/ /sgrub pa po ni nyon mi mongs/ /phan dang gnod pa'i 'bras 'byung bar/ /de ltar nges par shes nas ni/ /ji ltar de ni skad cig kyang / /rnal 'byor ma rnams ngu 'bod gnas/ /mtshams med lnga ni byed pa dang / /srog chags gsod la dga' ba dang / /gzhan yang skye ba dman gang dang / /rmongs dang ma rungs las byed dang / /gzugs ngan yan lag ma tshang ba'ang / /bsams pas de rnams 'grub par 'gyur/ /dge ba bcu la goms pa dang / /bla ma la gus dbang po dul/ /nga rgyal khro las rnam par grol/ /des ni re zhig nges 'grub 'gyur/ /rtag tu goms pa'i rnal 'byor gyis/ /mnyam par bzhag pas dngos grub 'thob/ /zla ba gcig tu gsang la spyad/ /ji srid phyag rgya ma rnyed par/ /gnang ba rnyed gyur sngags pa la/ /rnal 'byor ma yis bstan par bya/ /phyag rgya che ge mo khyer la/ /sems can don gyis rdo rje 'dzin/ /rnyed pa de yang mig yangs ma/ /gzugs dang lang tshos rnam par brgyan/ /si h+la ga bur yang dag ldan/ /byang chub sems kyis rnam par sbyang / /dge ba bcu las brtsams nas ni/ /de la chos ni rab tu dbye/ /lha yi gzugs kyi sems dang ni/ /dam tshig sems dang gcig pa nyid/ /zla ba gcig gis skal ldan par/ /'gyur bar 'di la the tshom med/ /mchog thob pa yi bud med gang / /rtog pa thams cad yang dag spangs/ /yang na bdag gi nus pa yis/ /lha dang lha min mi rnams dang / /gnod sbyin mi 'am ci las kyang / /phyag rgya bkug la rab tu brtag /de yang khyer la spyod pa spyad/ /bdag gi dal ba mngon du'i phyir/ /gang bshad 'jigs pa'i gzugs can gyi/ /spyod pa longs spyod phyir ma gsungs/ /yid ni brtan nam g.yo 'am ci/ /rang gi sems ni so sor brtag /rdo rje snying pos gsol pa/ /bdag med rnal 'byor ldan pa yis/ /phyag rgya nyid ces ji ltar brjod/ /phyag rgya phyag rgya nyid dag gis/ /phyag rgya'i</font><hr>84.250a<br><font size=+1>

dngos grub ji ltar 'gyur/ /bcom ldan 'das kyis bka' stsal pa/ /bud med gzugs ni spangs nas ni/ /bcom ldan 'das kyi gzugs su bya/ /nu ma spangs pa po lar 'gyur/ /kak+ko la dbus yang dag gnas/ /'gram gnyis dril bu nyid du 'gyur/ /ze 'bru bo la can du 'gyur/ /lhag ma bdag nyid chen po nyid/ /dga' chen he ru ka'i gzugs/ /he ru ka sbyor skyes bu nyid/ /'bad pa med par skyes bur 'gyur/ /gsal bar nus pa'i rnal 'byor pas/ /de'i phyir phyag rgya'i dngos grub 'gyur/ /chags pa 'jig pa dag gis kyang / /thabs dang shes rab gnod mi 'gyur/ /gang phyir thabs ni 'byung ba nyid/ /'jig pa shes rab srid mthar byed/ /des na rab 'jig yod ma yin/ /de nyid la ni chags pa med/ /la la 'jigs pas 'jig par 'gyur/ /'jig pa'i dngos med zad pa med/ /bskyed pa'i rim pa'i rnal 'byor gyis/ /brtul zhugs can gyis spros pa bsgom/ /spros pa nyid ni spros med byed/ /ji ltar sgyu ma rmi lam dang / /ji ltar bar ma'i srid yin pa/ /rtag tu goms par sbyor ba las/ /dkyil 'khor nyid ni de bzhin 'dod/ /phyag rgya chen po'i dbang bskur ba/ /ji ltar shes pa'i bde chen po/ /'di ni de yi byin brlabs yin/ /gzhan las dkyil 'khor 'byung ba med/ /bde ba gnag cing bde ba ser/ /bde ba dmar po bde ba dkar/ /bde ba ljang khu bde ba sngo/ /bde ba rgyu dang mi rgyu kun/ /bde ba shes rab bde ba thabs/ /de bzhin kun tu ru skyes bde/ /bde ba dngos dang dngos med bde/ /rdo rje sems dpa' bde bar brjod/ /rdo rje snying pos gsol pa/ rdzogs pa'i rim pa'i rnal 'byor 'di/ /de yi bde ba bde chen brjod/ /rdzogs pa bsgom pa med pa ste/ /bskyed pa yis ni ci zhig 'tshal/ /bcom ldan 'das kyis bka' stsal pa/ /e ma'o byang chub sems dpa' che/ /dad pa'i shugs kyis rab tu nyams/ /lus kyi dngos</font><hr>84.250b<br><font size=+1>

med gang las bde/ /bde ba smra bar mi nus so/ /khyab dang tsha khyab byed tshul gyis ni/ /bde bas 'gro ba khyab pa nyid/ /ji ltar me tog la gnas dri/ /me tog dngos med shes mi 'gyur/ /de bzhin gzugs sogs dngos med pas/ /bde ba nyid kyang dngos med 'gyur/ /dngos po rtogs phyir sangs rgyas nga / /gang zhig le los bsnun pa dang / /rmongs pa gang gis nga mi shes/ /rdo rje btsun mo'i b+ha ga ni/ /e yi rnam pa'i cha byad gzugs/ /sangs rgyas rin chen za ma tog /bde ba can du rtag tu bzhugs/ /'chad pa po kyang chos kyang nga / /rang gi tshogs ldan nyan pa nga / /'jig rten ston pa bsgrub bya nga / /'jig rten 'jig rten 'das pa nga / /lhan cig skyes dga'i rang bzhin nga / /mchog mtha' dga' bral dang por ni/ /mun pa la ni mar me ltar/ /de bzhin bus kyang yid ches kyis/ /btsun mo'i b+ha ga bde chen du/ /ston pa sum bcu rtsa gnyis mtshan/ /gtso bo dpe byad brgyad bcur ldan/ /khu ba zhes bya'i rnam par gnas/ /de med pas ni bde med 'gyur/ /bde ba med na de med 'gyur/ /nus pa med phyir ltos dang bcas/ /lha yi rnal 'byor las bde ba/ /de phyir sangs rgyas dngos po min/ /de nyid dngos med tshul yang min/ /zhal phyag rnam pa'i gzugs can nyid/ /mchog tu bde bas gzugs med pa/ /de phyir 'gro kun lhan cig skyes/ /rang bzhin lhan cig skyes par brjod/ /rnam par dag pa'i sems kyis ni/ /rang bzhin mya ngan 'das pa nyid/ /lha yi rnam pa'i gzugs kyis ni/ /bzhin lag kha dog gnas pa ni/ /skyes pa tsam gyis rnam par gnas/ /'on kyang bag chags phal pas so/ /dug gi dum bu gang nyid kyis/ /skye bo thams cad 'chi bar 'gyur/ /dug gi de nyid shes pa des/ /dug gis dug ni 'bigs par byed/ /ji ltar rlung gis zin pa la/ /mon sran sde'u yi bza' ba sbyin/ /bzlog</font><hr>84.251a<br><font size=+1>

pa'i sman ni brtags pa yis/ /rlung gis rlung la snun par byed/ /rnam rtog las ni rnam rtog dag /srid pa nyid kyis srid pa dag /ji ltar rna bar chu zhugs pa/ /chu gzhan dag gis 'gugs par byed/ /de bzhin dngos po'i rnam rtog kyang / /rnam par nges pas sbyang bar bya/ /ji ltar 'tshed pas tshig pa yang / /me yis kyang ni gdung bar bya/ /de bzhin 'dod chags mes tshigs pa/ /'dod chags me yis gdung bar bya/ /skye bo mi bzad pa'i las/ /gang dang gang gis 'ching 'gyur ba/ /thabs dang bcas na de nyid kyis/ /srid pa'i 'ching ba las grol 'gyur/ /chags pas 'jig rten 'ching 'gyur ba/ /'dod chags nyid kyis rnam grol 'gyur/ /bzlog pa'i bsgom pa 'di nyid ni/ /sangs rgyas mu stegs kyis mi shes/ /'byung ba lnga'i rang bzhin la/ kun tu ru las lnga ru 'gyur/ /dga' ba chen po gcig nyid las/ /dbye ba lnga ru 'gro bar 'gyur/ /bo la kak+ko la sbyor bas/ /reg pa sra ba'i bags nyid/ /sra ba gti mug chos kyis phy-ir/ /gti mug rnam par snang mdzad brjod/ /gang phyir byang sems gsher ba nyid/ /gsher ba chu yi khams su brjod/ /chu ni mi bskyod gzugs kyi phyir/ /zhe sdang 'dren pa mi bskyod pa/ /gnyis kyis bskyod pa'i sbyor ba las/ /drod ni rtag tu skye bar 'gyur/ /'dod chags dpag med rdo rje yin/ /'dod chags drod las 'byung bar 'gyur/ /kak+ko las ni gang zhig sems/ /de ni rlung gi rang bzhin can/ /phrag dog don yod grub pa yin/ /don yod rlung las 'byung ba nyid/ /bde ba 'dod chags khrag tu 'gyur/ /dga' ba namakha'i mtshan nyid de/ /namakha' ser sna rdo rjer 'gyur/ /ser sna namakha' las byung nyid/ /sems ni chen po gcig nyid la/ /lnga yi gzugs kyis rnam par mtshon/ /rigs ni lnga po de nyid las/ /stong phrag du ma skyes pa nyid/ /de phyir 'di dag rang bzhin</font><hr>84.251b<br><font size=+1>

gcig /bde chen mchog tu brtag pa nyid/ /'dod chags la sogs sems lnga yi/ /dbye bas lnga ru 'gro bar 'gyur/ /gang gA klung ni bcu yi bye snyed kyis/ /rigs gcig la ni de bzhin gshegs pa'i tshogs/ /rigs kyi tshogs la rigs ni du ma rnams/ /de rnams rigs la rigs ni rnam pa rgyal/ /de rnams la yang 'bum phrag rigs chen rnams/ /bye ba'i rigs la grangs ni med par 'gyur/ /de la rigs la grangs med rigs rnams ni/ /mchog tu dga' ba'i rigs las byung ba rnams/ /kye'i rdo rje mkha'agro ma dra ba'i sdom pa las dngos grub gtan la phab pa zhes bya ba'i le'u ste gnyis pa'o// // de nas rdo rje can gyi rnal 'byor ma rnams la rgyud thams cad kyi gleng gzhi zhes bya ba'i thabs bka' stsal pa/ sdom pa dang ni dbang dang yang / /de bzhin dgongs pa'i skad nyid dang / /dga' dang skad cig dbye ba dang / /gzhan yang bza' ba la sogs pa/ /de la sdom pa bka' stsal pa/ /sangs rgyas kun gyi sdom pa ni/ /e baM rnam par rab tu gnas/ /e baM rnam pa'i bde chen po/ /dbang las yang dag shes par bya/ /de nas rnal 'byor ma rnams kyis bcom ldan 'das rdo rje sems dpa' la 'di skad ces gsol to/ /bcom ldan ston pa 'gro ba'i bla/ /mkha' 'gro ma yi sdom pa nyid/ /e baM rnam pas ci zhes brjod/ /rim pa ji bzhin bshad du gsol/ /bcom ldan 'das kyis bka' stsal pa/ /e yi cha byed bzang po gang / /dbus su bam gyis rnam par brgyan/ /bde ba thams cad kyi ni gnas/ /sangs rgyas rin chen za ma tog /skad cig dbye bas phye ba nyid/ /dga' ba de las skye bar 'gyur/ /skad cig shes nas bde shes pa/ /e bam rnam par rab tu gnas/ /sna tshogs dang ni rnam smin dang / /rnam nyed de bzhin mtshan nyid bral/ /skad cig bzhin ni rab shes pa/ /de ltar rnal 'byor pas shes 'gyur/ /'khyud dang 'o byed la sogs pa/ /sna tshogs rnam pa sna tshogs bshad/ /rnam par smin pa de las bzlog /bde</font><hr>84.252a<br><font size=+1>

ba'i ye shes za ba nyid/ /bdag gis bde ba zos pa yi/ /gros ni rnam par nyed par brjod/ /mtshan nyid bral ba gsum las gzhan/ /chags dang chags bral rnam par spangs/ /sna tshogs dang po'i dga' ba nyid/ /rnam smin la ni mchog dga' nyid/ /rnam nyed dga' bral dga' ba nyid/ /mtshan bral lhan cig skyes dga' nyid/ /slob dpon gsang ba shes rab dang / /bzhi pa de yang de bzhin no/ /dbang ni bzhi yi grangs kyis ni/ /dga' ba la sogs rim shes bya/ /rgod pa dag pa slob dpon nyid/ /lta ba gsang ba de bzhin no/ /lag bcangs las ni shes rab nyid/ /gnyis gnyis 'khyud pa de yang nyid/ /sems can rnams kyi dngos grub phyir/ /dbang ni rnam pa bzhi ru bshad/ /gtor dang blugs pa zhes bya 'dis/ /des na dbang zhes brjod par bya/ /shes rab bcu drug lon pa la/ /lag pa dag gis yang dag 'khyud/ /rdo rje dril bu mnyam sbyor bas/ /slob dpon dbang du rab tu brjod/ /shin tu bzhin bzang mig yangs ma/ /gzugs dang lang tshos rnam par brgyan/ /'the 'ong srin lag dag gis ni/ /slob ma'i kha ru ltung bar bya/ /de nyid du ni mnyam pa'i ro/ /slob ma'i spyod yul dag du bya/ /ston pas shes rab rab tu mchod/ /rjed par byas nas gtad par bya/ /ston pas smras pa sems dpa' che/ /phyag rgya bde ba ldan pa khyer/ /phrag dog khro ba rnam spangs pa'i/ /slob ma cher gyur shes nas ni/ /ston pas de la gnang ba sbyin/ /kun tu ru gyis rdo rje 'dzin/ /ji ltar dbang bskur gsol btab pa'i/ /slob ma'i bya ba bshad par bya/ /bla ma phyag rgya ldan mthong nas/ /bstod dang mchod pa ji bzhin bya/ /bcom ldan zhi ba chen po kye/ /rdo rje rnal 'byor gcig bzhed pa/ /mi phyed phyag rgya sgrub pa po/ /rdo rje rnal 'byor las byung ba/ /ji ltar khyod ni bdag nyid che/ /mnga' bdag bdag la'ang de ltar mdzod/ /'khor ba 'dam gyi tshogs nang du/ /bying ba bskyabs med bdag la skyobs/ /zhim pa'i bza' ba btung ba dang / /ba la che mchog ma da na/ /</font><hr>84.252b<br><font size=+1>

bdug pa lha bshos phreng ba dang / /dril bu rgyal mtshan byug pa yis/ /'di rnams mchod pa rnams kyis ni/ /slob mas rdo rje 'dzin pa mchod/ /mchog tu dga' ba yang dag thob/ /sna tshogs spangs pa'i skad cig la/ /ston pas smras pa sems dpa' che/ /bde ba chen po rnam par gzung / /ji srid byang chub bar du ni/ /sems can don gyis rdo rje 'dzin/ /slob ma snying rje can mthong nas/ /rdo rje can gyis 'di skad smras/ /'di ni ye shes chen po nyid/ /thams cad lus la rnam par gnas/ /gnyis dang gnyis su med pa'i tshul/ /dngos dang dngos med bdag nyid gtso/ /brtan dang g.yo ba khyab nas gnas/ /sgyu ma'i gzugs can nyid du 'dod/ /dkyil 'khor 'khor lo thabs kyis ni/ /rtag tu nges par 'gro bar 'gyur/ /de nas rdo rje snyings pos rnal 'byor ma rnams la bzod par gsol nas bcom ldan 'das la 'di skad ces gsol to/ /daskyil 'khor 'khor lo ci zhes brjod/ /sangs rgyas kun bdag grong khyer la/ /bcom ldan bdag ni 'khrul gyur pas/ /rim pa ji ltar bshad du gsol/ /bcom ldan 'das kyis bka' stsal pa/ /daskyil ni snying po zhes brjod de/ /byang chub sems ni bde chen po/ /len par byed pas dkyil 'khor nyid/ /'dus pa dkyil 'khor nyid du brjod/ /'khor lo zhes bya nam mkha'i khams/ /yul la sogs pa rnam par spyod/ /bo la kak+ko la sbyor bas/ /de yi bde ba shes par 'gyur/ /rdo rje snying pos gsol pa/ sdom pa zhes bya gang gis dang / /dam tshig gang gis gnas par bgyi/ /bcom ldan 'das kyis bka' stsal pa/ /khyod kyis srog chags bsad pa dang / /brdzun gyi tshig kyang smra ba dang / /khyod kyis ma byin par yang long / /pha rol bud med bsten par gyis/ /sems gcig srog chags gsod pa nyid/ /gang phyir srog ni sems su brjod/ /'jig rten bsgral ba zhes bya ba/ /brdzun gyi tshig tu rab tu bsgrags/ /btsun mo'i khu ba ma byin par/ /gzhan gyi bud med rang mtshungs mdzes/ /de nas rnal 'byor ma thams cad</font><hr>84.253a<br><font size=+1>

kyis bcom ldan 'das la 'di skad ces gsol to/ /yul de rnams kyang ci lags/ dbang po rnams ni gang lags/ skye mched ni ci lags/ phung po rnams ni gang lags/ khams rnams kyi rang bzhin ni ci lags/ bcom ldan 'das kyis bka' stsal pa/ yul drug ni/ gzugs sgra de bzhin dri dang ni/ /ro dang de bzhin reg bya dang / /chos kyi khams kyi rang bzhin nyid/ /'di rnams yul ni drug du brjod/ dbang po rnams ni drug ste/ mig dang rna ba sna dang ni/ /lce dang lus dang de bzhin yid/ /'di rnams dbang po drug po ni/ /gti mug rdo rje la sogs ldan/ /yul dang yul can dag gis ni/ /skye mched bcu gnyis dag tu 'gyur/ /phung po lnga ni gzugs la sogs/ /mthar ni rnam shes snying rje che/ /dbang po dang ni yul nyid dang / /dbang po'i rnam par shes pa nyid/ /rnal 'byor ma rnams go bya'i phyir/ /khams ni bcwa brgyad rnams su bshad/ /rang bzhin gdod nas ma skyes pa/ /brdzun min bden min de bzhin du/ /thams cad chu yi zla ba ltar/ /'dod pas rnal 'byor mas shes kyis/ /'di lta ste/ gtsub shing dang gtsub stan dang skyes bu'i lag pa'i rtsol ba las glo bur du me skye bar 'gyur ro/ /me 'di ni btsub shing la yang mi gnas/ gtsub stan la yang mi gnas/ skyes bu'i lag pa dag la yang ma yin te/ rnam pa thams cad du yongs su btsal na gcig na'ang yod pa ma yin pas me de yang bden pa yang ma yin zhing brdzun pa yang ma yin no/ /de ltar chos thams cad rnal 'byor mas yid la bgyis shig /de nas rnal 'byor ma bdag med ma la sogs pa rdo rje mkha' 'gro ma thams cad kyis bdud rtsi lnga thogs shing dam tshig gi rdzas thogs pas bcom ldan 'das rdo rje sems dpa' la mchod par byed/ /kun tu ru'i sbyor bas rjes su chags par byed/ bdud rtsi lnga'i ro yang 'thung bar byed do/ /de nas bcom ldan 'das dgyes nas rang byin gyis brlab pa bstan pa/ kye kye rdo rje</font><hr>84.253b<br><font size=+1>

mkha' 'gro ma/ /sangs rgyas kun gyis phyag mdzad pa'i/ /de nyid bdag gis gsang mdzad pa/ /rdo rje mchod pa'i byin brlabs kyis/ /bshad kyis 'dod pas rab tu nyon/ /lha mo thams cad dga' bar 'gyur/ /rangs par gyur te pus mo g.yas pa'i lha nga sa la btsug nas bcom ldan 'das ga la ba der thal mo sbyar ba btud nas bcom ldan 'das kyi gsung nyan to/ /bcom ldan 'das kyis bka' stsal pa/ /bza' btung ji ltar snyed pa dang / /'grod dang bgrod min mi spang zhing / /khrus dang gtsang sgra ma bya ste/ /grong gi chos ni rab tu spangs/ /blo ldan sngags nyid mi bzla zhing / /bsam gtan nyid ni dmigs mi bya/ /gnyid ni spang bar mi bya ste/ /dbang po rnams ni mi dag go/ /ba la thams cad bza' bar bya/ /kha dog lnga la mnyam par spyad/ /dogs pa med pa'i sems kyis ni/ /btsun mo thams cad dga' bar bya/ /mdza' bo sdug par mi bya zhing / /de bzhin gdug la zhe sdang nyid/ /rdo shing 'jim pa'i bdag nyid kyi/ /lha 'di rnams la phyag mi bya/ /g.yung mo gdol pa ko lpags mkhan/ /phyag dar mkhan sogs rig ring dang / /bram ze rgyal rigs rje'u dmangs rnams/ /bdag gi lus ltar reg pa nyid/ /bdud rtsi lnga dang bu ram chang / /dug dang nim pa bu btsas skyes/ /skyur dang mngar dang bska la sogs/ /kha ba lan tshwa tsha ba dang / /dri nga dri zhim mchil bsnabs rnams/ /byang chub sems bsres rab tu bza'/ /gnyis med ye shes sems kyis ni/ /mi bza' cung zad yod ma yin/ /rang byung me tog rnyed nas ni/ /pad+ma'i snod du bzhag pa dang / /lud pa dang ni snabs dag gis/ /bsres nas brtul zhugs can gyis btung / /smad g.yogs kha dog sna tshogs dang / /ro bsregs thal bas de bzhin brgyan/ /me tog rab song gnas rnyed pas/ /mgo skyes legs par bcing bar bya/ /de nas rdo rje snying pos gsol pa/ thams cad yul gyi rnam dag pa/ /bcom ldan 'das</font><hr>84.254a<br><font size=+1>

kyis sngar gsungs na/ /nges par dbang po drug gi drangs/ /rnam par dag par ma mdzad pa/ /bcom ldan 'das kyis nges par gsungs/ bcom ldan 'das kyis bka' stsal pa/ /mig la gti mug rdo rje ma/ sna la ser sna ma zhes bshad/ /kha la 'dod chags rdo rje ma/ /lus la phrag dog rdo rje ma/ /yid la bdag med rnal 'byor ma/ /dbang po rnams ni dag pa'i phyir/ /'dis ni go cha sems dpa' che/ /rdo rje snying pos gsol pa/ dgongs pa'i skad ni ci zhes bgyi/ /bcom ldan 'das kyis nges par gsungs/ /rnal 'byor ma yi dam tshig che/ /nyan thos la sogs mi shes pa/ /rgod dang lta ba dag gis dang / /'khyud dang de bzhin gnyis gnyis kyi/ /rgyud kyang rnam pa bzhi rnams kyis/ /dgongs pa'i skad ni ma sgrags pa/ /bcom ldan nges par gsungs du gsol/ /dgongs pa yi ni skad chen po/ /dam tshig brda ni rgyas pa ru/ /rdo rje snying po ngas bshad kyis/ /khyod ni rtse gcig sems kyis nyon/ /ma da na chang ba la sha /'du ba ma la ya dzar brjod/ /'gro ba khe Ta ro ni shrA ba/ /rus pa'i rgyan ni ni ra~M shu/ /'ong ba pheM kha Na ru brjod/ /cang te'u ki pi Ta ru brjod/ /skal med du d+hu ra zhes brjod/ /skal ldan kA liny+dza ra~M brjod/ /reg min Di Na Di ma zhes brjod/ /thod pa pad+ma b+ha dza na/ /bza' ba tri b+ti ka zhes bya/ /tshod ma mA la tIn d+ha na~M/ /bshang ba tsa tuHsa mar brjod/ /gci ba kastu ri zhes brjod/ /rang byung si hAr shes par bya/ /khu ba karbu ra zhes brjod/ /sha chen shA li dza~M zhes brjod/ /dbang po gnyis sbyor kun tu ru/ /rdo rje bo la zhes brjod de/ /pad+ma kak+ko la zhes zer/ /kha dog dbye bas phye ba la/ /rigs ni rnam pa lnga ru bshad/ /'di ni gsang ba'i skad yin no/ /phyag rgya lnga ni bsdus pa nyid/ /g.yung mo rdo rje'i rigs su bshad/ /gar ma de bzhin pad+ma'i rigs/ /rang 'tshed ma'i rin chen rigs/ /skye gnyis de bzhin gshegs par brjod/ /tshos ma las kyi rigs nyid de/ /phyag rgya 'di rnams dngos grub sbyin/ /</font><hr>84.254b<br><font size=+1>

'di rnams khu ba rdo rjer 'gyur/ /brtul zhugs can gyis mchod nas btung / /rdo rje snying po sems dpa' che/ /gsang ba'i skad ni mtshar che ba/ /nga yis khyod la gang bshad pa/ /de rnams thams cad gus pas zung / /kye rdo rje 'dir dbang skur gang / /gsang ba'i skad kyis mi smra ba/ /de yi dam tshig nyams par ni/ /'gyur bar 'di la the tshom med/ /'tshe ba dang ni rkun ma dang / /gdon dang rims dang dug gis kyang / /gal te sangs rgyas gsang ba'i skad/ /mi gsung na yang 'grongs par 'gyur/ /rang gi dam tshig rigs rnyed nas/ /gal te tshig 'di mi smra na/ /gnas bzhi las skyes rnal 'byor ma/ /de yi tshe na khro bar byed/ /kye'i rdo rje mkha' 'gro ma dra ba'i sdom pa las rgyud thams cad kyi gleng gzhi dang gsang ba'i skad ces bya ba'i le'u ste gsum pa'o// // de nas rdo rje snying po la sogs pa'i rdo rje mkha' 'gro ma thams cad the tshom du gyur/ yid gnyis su gyur te/ bcom ldan 'das rdo rje sems dpa' la 'di skad ces gsol to/ /bcom ldan the tshom bsal du gsol/ /spyod pa'i le'u las gang bshad pa/ /glu dang gar ni dngos grub sbyin/ /de la bdag ni the tshom mchis/ /glu ni ci lags gar kyang ci/ /lha yi le'u las gang gsungs pa/ /zhe sdang la sogs phyag rgya rnams/ /de la bdag ni the tshom mchis/ /gang gi phyag rgya phyag rgya ci/ /sngags btu ba las gang gsungs pa/ /bdag med la sogs sa bon nyid/ /de la bdag ni 'khrul bar gyur/ /gang gi sa bon sa bon gang / /rigs kyi le'u las gang bshad pa/ /bcu drug gnyis kyi bdag nyid rtsa/ /bcom ldan bdag ni 'khrul gyur pas/ /de rnams rnam dag bshad du gsol/ /bcom ldan 'das kyis bka' stsal pa/ /kol+la i ri T+thi a bo la/ mu m+mu ni re kak+ko lA/ g+ha Na ki pI Ta ho badz+dza i ka ru Ne ki a i Na ro lA/ ta hiM ba la badz+dza i ga De m+ma a NA pidz+dza a i ha le kA lIny+dza ra pa Ni a i/ dud+hu ra badz+dzi a i/ tsa u sa ma kats+tshu si hA kap+pu ra la i a/ i/ mA la i in+d+ha Na sA li dza ta hiM b+ha ru kha i a</font><hr>84.255a<br><font size=+1>

i/ b+h+rI kha Na khe Ta ka ran+te shud+d+hA shud+d+hA na ma Na a i/ ni rang shu a~M ga tsa DA wi ta ha~M dza sa rA ba pa Ni a i/ ma la yadze kun ru bA Ta i/ DiN+Da ma ta hiN+Na badz+dzi a i/ dran pa mi 'phrogs rnal 'byor pas/ /he ru ka yi gzugs kyis gar/ /chags bral mi goms sems kyis ni/ /'dod chags sems kyis bsgoms pa nyid/ /rdo rje chos dang sangs rgyas dang / /rnal 'byor ma dang ma mo yis/ /glu dang gar ni 'di dag gis/ /legs par glu blang gar kyang bya/ /'di nyid kyis ni tshogs bsrung zhing / /de bzhin bdag kyang bsrung ba nyid/ /'dis ni 'jig rten dbang du byed/ /'dis ni sngags kyis bzlas pa nyid/ /gang du gus pas glu len dang / /gang du gus bcas gar byed pa/ /tshogs kyi bdag pos sngar byas nas/ /de la dri ni mtshon par bya/ /sgog pa'i dri ni dang po nyid/ /de nas yang ni bya rgod dri/ /ga bur ma la ya dza~M nyid/ /ngang pa dang ni bung ba'i sgra/ /glu yi mtha' nas mnyan par bya/ /ba lang 'tshe yi sgra yang ni/ /phyi rol tshal du mtshon bya dang / /glu yi byin brlabs mtshan nyid do/ /phyag rgya rtags dang mtshan ma ste/ /'dis ni rigs ni mtshon par bya/ /rigs 'chol bsgom pa'i sbyor ba las/ /dngos grub med cing sgrub po'ang med/ /zhe sdang phyag rgyas bdag med ma/ /gti mug phyag rgyas rdo rje ma/ /ser sna'i phyag rgyas dkar mo nyid/ /chags pas chu ma phyag rgyas gdab/ /phrag dog phyag rgyas mkha' 'gro ma/ /zhe sdang phyag rgyas puk+ka sI/ /gti mug phyag rgyas ri khrod ma/ /ser sna'i phyag rgyas gdol po mo/ /'dod chags phyag rgyas g.yung mo nyid/ /yang ni dkar mo zhe sdang las/ /gti mug phyag rgyas chom rkun ma/ /ser sna'i phyag rgyas ro langs ma/ /'dod chags phyag rgyas g+hasma ri/ /gti mug phyag rgyas sa spyod ma/ /'dod chags phyag rgyas mkha' spyod ma/ /'dod pas phyag rgyar shes par bya/ /A li dang po bdag med ma/ /A li gnyis pa rdo rje ma/ /a li gsum pa dkar mo nyid/ /bzhi pa chu yi</font><hr>84.255b<br><font size=+1>

rnal 'byor ma/ /lnga pa rdo rje mkha' 'gro ma/ /drug pa puk+ka sI zhes brjod/ /bdun pa nyid ni ri khrod ma/ /brgyad pa smre sha can du brjod/ /dgu pa yang ni g.yung mo nyid/ /yang ni lnga gnyis dkar mo nyid/ /bcu gcig chom rkun ma zhes bshad/ /bcu gnyis ro langs ma zhes brjod/ /bcu gsum pa ni g+hasma ri/ /bcu bzhi pa ni sa spyod ma/ /bcwa lnga pa ni mkha' spyod ma/ /rnal 'byor ma yi sa bon nyid/ /rigs kyi le'u las rtsa rnams gang / /bcu drug gnyis kyi bdag nyid gsungs/ /rtsa ni gnyis gnyis rnal 'byor ma/ /re re rnam pa rnams du brjod/ /brkyang ma ro ma kun 'dar ma/ /bdag med rnal 'byor ma zhes brjod/ /gang phyir bcu drug cha med pas/ /'bad pas kun gyi lhag ma spangs/ /ci'i slad du zhe na/ don gyi bya ba mi byed phyir/ /bcwa lnga'i cha yi bdag nyid kyi/ /zla ba byang chub semasu 'gyur/ /bde ba chen po A li'i gzugs/ /rnal 'byor ma rnams de yi cha/ /rdo rje snying pos gsol pa/ rnal 'byor ma kun las byung ba/ /lhan cig skyes dga'i rang bzhin nyid/ /'grib med btung mchog nam mkha' nyid/ /ga bur nges par cis mi spang / /bcom ldan 'das kyis bka' stsal pa/ ji skad smras pa de bzhin no/ /rdo rje snying pos gsol pa/ thabs gang gis byang chub kyi sems bskyed pa lags/ bcom ldan 'das kyis bka' stsal pa/ /dkyil 'khor 'khor lo'i thabs dang ni/ /rang byin rlabs pa'i rims pas kyang / /kun rdzob don dang gzugs can gyi/ /byang chub sems ni rab tu bskyed/ /kun rdzob kun da lta bu nyid/ /don dam bde ba'i gzugs can no/ /bud med kak+ko la bde ba can/ /e ba~M rnam pa'i rang bzhin du/ /bde ba can zhes rab tu bsgrags/ /sangs rgyas byang chub sems dpa' dang / /rdo rje 'dzin pa rnams kyi gnas/ /'di nyid 'khor ba zhes bya ste/ /'di nyid mya ngan 'das pa nyid/ /'khor ba spangs nas gzhan du ni/ /mya ngan 'das pa rtogs mi 'gyur/ /'khor ba gzugs dang sgra la sogs/ /</font><hr>84.256a<br><font size=+1>

'khor ba tshor ba la sogs pa/ /'khor ba dbang po rnam nyid do/ /'khor ba zhe sdang la sogs pa/ /'di rnams chos ni mya ngan 'das/ /rmongs phyir 'khor ba dag pa ni/ /rmongs med 'khor ba dag pa ni/ /'khor ba mya ngan 'das par 'gyur/ /byang chub sems ni mya ngan 'das/ /kun rdzob don dam tshul can no/ /shin tu bzhin bzangs mig yangs ma/ /gzugs dang lang 'tshos rnam par brgyan/ /sngo bsangs dal la rigs bzang ma/ /si hA ga pur 'byung ba'i gnas/ /rang gis dbang bskur kye'i rdo rje/ /skra bzang sgrub pa po la dga'/ /de la chang yang btung bar bya/ /de nas rang yang btung ba nyid/ /rang bzhin don ni rab sgrub phyir/ /phyi nas phyag rgya rjes chags bya/ /po la kak+ko lar bcug nas/ /kun tu ru byed btul zhugs can/ /der ni sbyor ba las byung ba'i/ /ga bur mkhas pas mi spang ste/ /de ni lag tu mi blang zhing / /nya phyis dung chos nyid du min/ /nges par blo dang stobs kyi phyir/ /mi 'chi lce yis blang ba nyid/ /ga pur nyid ni bdag nyid ma/ /bde ba bdag med tshul can nyid/ /de yi bde ba phyag rgya che/ /lte ba'i dkyil 'khor nyid du gnas/ /dang po'i dbyangs yig rang bzhin te/ /blo zhes sangs rgyas rnams kyis brtags/ /rdzogs pa'i rim pa'i rnal 'byor las/ /de nyid bcom ldan shes rab ma/ /de ni ring min thung ba min/ /gru bzhi ma yin zlum po min/ /dri dang ro dang mya las 'das/ /lhan cig skyes dga' byed pa can/ /de las skyes pa'i rnal 'byor pas/ /de yi bde ba za ba nyid/ /de dang lhan cig phyag rgya che/ /bde ba sbyin pa'i dngos grub 'gyur/ /gzugs sgra de bzhin dri dang ni/ /ro dang de bzhin reg bya nyid/ /chos kyi dbyings kyi rang bzhin yang / /shes rab nyid kyis dpyad par bya/ /de nyid lhan cig skyes pa'i gzugs/ /bde chen bzang po'i rnal 'byor ma/ /de nyid dkyil 'khor 'khor lo dang / /ye shes lnga yi rang bzhin can/ /de ni me long ye shes gzugs/ /mnyam nyid</font><hr>84.256b<br><font size=+1>

ye shes dngos po can/ /yang dag gyur pa so sor rtog /de nyid bya ba nan tan te/ /chos dbyings shin tu rnam dag ma/ /de nyid daskyil 'khor bdag por / /de nyid bdag med rnal 'byor ma'o/ /chos kyi dbyings kyi rang bzhin can/ /rdo rje snying pos gsol pa/ 'khor lo sgom pa'i lam dang ni/ /lha rnams ji ltar 'byung ba nyid/ /thams cad bcom ldan 'das gsungs na/ /sdom pa'ang bdag la bshad du gsol/ /bcom ldan 'das kyis bka' stsal pa/ /rnal 'byor ma lus dbus gnas su/ /a yi rnam pa sdom pa'i gnas/ /ji ltar phyi rol de bzhin nang / /sdom pa de nyid rab tu phye/ /bo la'i bde ba phyag rgya che/ /rdo rje skye mched thabs chen nyid/ /'dis ni gsang ba'i snyoms 'jug pas/ /phyi rol gnyis gnyis bstan du med/ /sku gsum lus kyi nang du ni/ /'khor lo'i gzugs ni brjod par bya/ /sku gsum yongs su shes pa ni/ /bde ba chen po'i 'khor lo brjod/ /chos dang longs spyod sprul pa dang / /de bzhin du yang bde chen nyid/ /skye gnas snying mgrin mgo bor yang / /sku gsum po ni rnam par gnas/ /ma lus pa yi sems can gyi/ /skye ba gang la brjod bya ba/ /gang phyir sprul pa gnas brtan phyir/ /de las sprul pa'i sku nyid yin/ /gang gis skyed dang sprul byed pa'i/ /sku ni sprul pa can zhes brjod/ /sems ni chos kyi rang bzhin te/ /chos kyi sku yang snying kar 'gyur/ /ro rnam drug gi gzugs can gyi/ /bza' ba nges par longs spyod brjod/ /mgrin par longs spyod 'khor lo dang / /spyi bor bde ba chen po gnas/ /e ba~M rnam par rgyu 'thun nyid/ /rnam smin chos kyi 'khor lo las/ /longs spyod skyes bu byed pa nyid/ /bde ba'i 'khor lo dri med nyid/ /rgyu 'thun sogs pas rab phye ba'i/ /'bras bu rnam pa bzhi zhes brjod/ /las kyi rlung gis bskul ba yis/ /las la bcom ldan shes rab spyod/ /ji ltar byas pa de bzhin spyod/ /rgyu mthun zhes ni rab tu bsgrags/ /las chung 'bras bu che ba'i phyir/ /rnam par smin pa de</font><hr>84.257a<br><font size=+1>

las zlog /rnal 'byor dag phyir dri med nyid/ /skyed pa skyes bu byed pa nyid/ /gang phyir sprul pa gnas brtan phyir/ /sprul pa'i 'khor lor gnas brtan nyid/ /chos ni smra ba 'byung ba'i phyir/ /chos kyi 'khor lor thams cad yod/ /gang phyir mgrin par kun bkur phyir/ /longs spyod 'khor lor kun bkur nyid/ /gang phyir bde chen mgor gnas pas/ /bde ba'i 'khor lor dge 'dun che/ /sde pa zhes bya sku ru brjod/ /lto ba gnas su brjod par bya/ /skye gnas 'dod chags bral bar 'gyur/ /mngal gyi khru ma chos gos nyid/ /de bzhin ma ni mkhan po nyid/ /mgo bor thal mo sbyar bar phyag /'gro ba'i bya ba khrims kyi gnas/ /sngags kyi bzlas pa a dang ha~M/ /skye gnas 'khor lo'i rnam pa a/ /bde chen gyi yang rnam pa ha~M/ /gcer bu skra dang kha spu bregs/ /sngags 'don skyes pa dge slong nyid/ /'di dag rkyen gyis sems can rnams/ /sangs rgyas nyid du the tshom med/ /zla ba bcu yang sa rnams nyid/ /sems can sa bcu'i dbang phyug go/ /de nas rnal 'byor ma bdag med ma la sogs pa'i lha mo thams cad la 'di lta ste/ spyan ma dang / mA ma kI dang / gos dkar mo dang / sgrol ma dang / khro gnyer can dang / tsun dA dang / par+N+Na ri khrod ma dang / 'og zhal ma dang / de dag la sogs pa ri rab kyi rdul phra rab dang mnyam pa'i rnal 'byor ma rnams kyis tshig 'di dag thos nas mchog tu ngo mtshar bar gyur cing brgyal ba dang / skrag pa dang / sa la 'gyel ba dang / 'dar bar 'gyur ro/ /yang rdo rje can gyis lha mo de rnams thams cad la gzigs nas/ bslang ba'i phyir yang dag par bstod pa/ sa dang chu dang rlung byin za'i/ /lha mo snod can khyed nyid la/ /gang zhig sus kyang mi shes pa/ /de nyid nga yis spro yi nyon/ /bcom ldan 'das kyi gsung rmi lam lta bu nye bar thos nas de rnams thams cad srog rnyed par gyur to/ /bcom ldan 'das kyis bka' stsal pa/ /sems can rnams ni sangs rgyas</font><hr>84.257b<br><font size=+1>

nyid/ /'on kyang glo bur dri mas bsgribs/ /de nyid bsal na sangs rgyas nyid/ /lha mos gsol pa/ bcom ldan 'das de de bzhin te/ bden yang ma mchis shing rdzun yang ma mchis so/ /bcom ldan 'das kyis bka' stsal pa/ /gang gis mi shes 'jig rten pa/ /btsan dug zos pas brgyal bar 'gyur/ /rmongs spangs te nyid yid kyis ni/ /de yis de nyid yongs su gcod/ /de bzhin zhi ba'i thabs shes shing / /kye'i rdo rjer ngal bso na/ /ma rig la sogs mi 'dzin cing / /gti mug la sogs 'ching bas min/ /rang dang rang gis rtogs pa las/ /sangs rgyas ma yin sems can ni/ /gcig kyang yod pa ma yin no/ /dmyal ba yi dgas byol song dang / /lha dang lha min mi rnams dang / /bshang ba'i srin bu la sogs pa/ lha dang lha ma yin gyi yang / /bde ba gang phyir mi shes pas/ /rtag tu rang bzhin bde ba can/ /'jig rten khams ni gang du yang / /sangs rgyas gzhan du rnyed mi 'gyur/ /sems ni rdzogs pa'i sangs rgyas nyid/ /sangs rgyas gzhan du bstan du med/ /gdol pa smyig mkhan la sogs pa/ gsod pa don du sems pa po/ /de rnams kye rdo rje shes na/ /'grub 'gyur 'di la the tsom med/ /byis pa mi shes pas bsgribs pa/ /'di'i 'gro ba mi shes pa/ /'gro ba drug gi srid pa'i mthar/ /gang zhig rmongs pa 'khor bar 'gyur/ /rdo rje snying po snying rje che/ /kye yi rdo rje'i thabs rnyed pas/ /gang zhig yul rnams rnam sbyong ba/ /de ni bla med rnyed par 'gyur/ /rdo rje snying pos gsol pa/ sa ni puk+ka sIr bshad pa/ /gang phyir gti mug sra ba nyid/ /sku ni rnam snang nyid gsungs pa/ /ji ltar mi skyod phyag rgya lags/ /bcom ldan 'das kyis bka' stsal pa/ /sems spangs nas ni lus kyis ni/ /mdzes pa gzhan du mi 'gyur ro/ /de phyir rnam par snang mdzad sems/ /sku la thugs kyi phyag rgyas gdab/ /rdo rje snying pos gsol pa/ chu khams ri khrod mar bshad pa/ /mi bskyod khu ba'i gzugs can</font><hr>84.258a<br><font size=+1>

nyid/ /gtso bo mi skyod phyag rgyas ni/ /ri khrod ma la phyag rgya rigs/ /bcom ldan 'das kyis bka' stsal pa/ /lus spangs nas ni sems kyis ni/ /gnas pa gzhan du mthong mi 'gyur/ /de phyir sems ni gti mug 'gyur/ /thugs la gti mug phyag rgyas gdab/ /rdo rje snying pos gsol pa/ me ni gdol pa mor bshad pa/ /'dod chags phyag rgyas gdol pa mo/ /rigs te phyag rgya gzhan min na/ /ji ltar rin chen phyag rgya lags/ /bcom ldan 'das kyis bka' stsal pa/ /gang phyir 'dod chags khrag bshad pa/ /khrag ni rin chen 'byung ldan nyid/ /drod ni khrag gi rang bzhin phyir/ /'dod chags ser sna'i phyag rgyas gdab/ /rdo rje snying pos gsol pa/ gang phyir g.yung mo rlung nyid de/ /don yod rlung gi gzugs can nyid/ /don yod phyag rgya g.yung mo la/ /gtso bo phyag rgya rigs par 'gyur/ /bcom ldan 'das kyis bka' stsal pa/ /'dod chags ma gtogs phrag dog ni/ /gzhan du 'byung ba ma yin te/ /de phyir 'dod chags phyag rgya yis/ /mkhas pas g.yung mo phyag rgyas gdab/ /gang phyir gzugs ni sra ba nyid/ /dkar mo snang mdzad gsungs pa nyid/ /sngar gsungs nyid kyi rims pa yis/ /sems kyis bdag pos phyag rgyas gdab/ /de nyid rim pas chom rkun ma/ /de bzhin ro langs ma nyid dang / /de yi rigs pas g+hasma rI/ /ma log pa las phyag rgya'o/ /kye'i rdo rje rdo rje 'dzin/ /snyoms 'jug gnas pa'i lha nyid la/ /sems can don phyir gtor ma che/ /de la bdag med mas zhus pa/ /e baM rnam par bzhugs nas ni/ /bgegs dang log par 'dren pa las/ /sems can rnams kyi srog bsrung phyir/ /rdo rje sems dpas gtor ma bstan/ /\u0f00 in+da dza ma dza la dzak+Sha/ b+hu da bah+ni bA u rak+Sha tsan+da sudz+dza mA da bap+pa ta la pA tA laM aSh+Tha sap+pa swA hA/ i dam pa ling b+huny+dzi dzi g+ha phul+la d+hup+pa mAM sa piM g+ha/ am+b+ha sap+pa kadz+dza sA da khat+ti khu Ni phe Da gA da/[ \u0f00] a kA ro mu khaM sar+b+ba d+har+m+mA NAM At+ya nut+pan+na twA ta/[ \u0f00] AHhU~M phaT swA hA/ gal te</font><hr>84.258b<br><font size=+1>

'dis gtor mas 'byung po thams cad mchod par byed na rnal 'byor pa rnams legs par 'gyur te/ de rnams la bde ba dri ma med pa dang / lha mo rnams dang / 'gro ba rab tu 'byor pa rnams dga' bar 'gyur ro/ /gal te 'dis 'byung po'i tshogs kyi phyir rtag tu gtor ma byin na dbang dang / mngon spyod dang / dgra'i sde 'jig pa dang / bskrad pa dang / bsad pa dang / dgug pa dang / zhi ba dang rgyas par 'gyur ro/ /rdo rje snying pos gsol pa/ phyag rgya gang gis mkha' spyod ma/ /gang gis phyag rgyas sa spyod ma/ /gtso bo bdag gis sngar ma 'tshal/ /bcom ldan ji ltar phyag rgya bgyi/ /bcom ldan 'das kyis bka' stsal pa/ /gsang gsum 'khor lo'i dbus su ni/ /sku gsung thugs su phye ba las/ /steng dang 'og dang dbus gnas pa'i/ /'khor lo'i dbus su rnam par gnas/ /sa spyod sku yi phyag rgya can/ /'og zhal sku yi rdo rje ma/ /mkha' spyod 'dod chags phyag rgya can/ /steng zhal gsung gi rdo rje ma/ /thugs kyi rdo rje bdag med ma/ /sems ni bdag med tshul can nyid/ /sems ni dbus kyi gnas su ste/ /des na bdag med ma dbus skye/ /rgyas par rab tu phye ba las/ /rigs ni rnam pa drug tu brjod/ /rnam gsum rnam pa lnga nyid kyang / /bshad kyis rnal 'byor ma nyid nyon/ /mi skyod rnam snang rin chen 'byung / /dpag med don grub rdo rje sems/ /zhe sdang gti mug ser sna dang / /'dod chags phrag dog bde ba dag /'dis ni rim pas bsgom pa nyid/ /rdo rje sems dpa' spangs nas ni/ /phyi nas rigs ni rnam pa lnga/ /'dod chags zhe sdang gti mug gis/ /de rjes rnam pa gsum du 'gyur/ /mi bskyod zhe sdang gzugs can gyi/ /thugs kyi bdag po rigs gcig nyid/ /zhe sdang rdo rje'i byin rlabs 'di/ /rigs ni drug dang lnga ru brjod/ /kye'i rdo rje las rgyud thams cad kyi phyag rgya bsdus pa'i don zhes bya ba'i le'u ste bzhi pa'o// // de nas rgyal po rdo rje 'dzin/ /gtso bo kye rdor kun sbyin</font><hr>84.259a<br><font size=+1>

pas/ /rnam kun rang bzhin bdag nyid kyi/ /dkyil 'khor dag ni yang dag gsungs/ /rnam pa thams cad rang bzhin gyis/ /bde ba can na yang dag bzhugs/ /thugs kyi rdo rje'i sa bon gyis/ /rang gi dkyil 'khor bskyed pa ste/ /phyag ni bcu drug zhal brgyad pa/ /zhabs bzhi pa la 'jigs pa'o/ /dpa' bo thod pa'i phreng ba can/ /bdag med mas ni mgul nas khyud/ /phyag rgya lnga ni 'dzin lha la/ /bdag med ma ni nyid kyis zhus/ /bcwa lngas yongs su bskor ba yi/ /bdag gi 'khor lo khyod bshad na/ /khyod kyi dkyil 'khor ji ltar lags/ /gtso bo bdag gis spar ma 'tshal/ /bdag med ma la 'o mdzad nas/ /rdo rje thor par rtsal nas ni/ /lha yi nu ma mnye mdzad de/ /dkyil 'khor yang dag rab tu dbye/ /'khor lo ji ltar sngar gsungs pa/ /dol shal do shal phyed pas brgyan/ /mtshams bzhi pa la sgo bzhi pa/ /rdo rje srad bus yang dag brgyan/ /'dod chags chen po'i rjes chags pas/ /lhan cig skyes dga'i rang bzhin las/ /khyod dang lhan cig bzhin bzangs ma/ /de la dbus su nga yod de/ /zhal brgyad pa la zhabs bzhi pa/ /phyag ni bcu drug gis brgyan pa/ /bdud bzhi mnyam par mnan pa nyid/ /'jigs pa yang ni 'jigs pa'o/ /mgau'i 'phreng bas do shal mdzad/ /nyi mar bzhugs shing rol mor bcas/ /kha dog nag po 'jigs pa po/ /sna tshogs rdo rje spyi bor 'dzin/ /nyid kyi zhal nas hU~M spro zhing / /thal bas lus la byugs pa nyid/ /bdag med lhan cig mnyam sbyor zhing / /dga' ba gnyis gnyis snyoms 'jug pas/ /dba' rlabs med pa'i bde ba thob/ /rloms sems med pa'i rang bzhin can/ /rtsal ba'i zhal ni nag po che/ /g.yas pa la ni kun dang mtshungs/ /g.yon pa dmar zhing cher 'jigs pa/ /spyi bo'i zhal ni gtsigs pa can/ /spyan ni nyi shu rtsa bzhis phye/ /lhag ma'i zhal ni bung ba bzhin/ /grong khyer nyams dgar khyod dang nga / /dga' bas shin tu rol pa las/ /dkar mo dbang po'i phyogs</font><hr>84.259b<br><font size=+1>

phyung nas/ /shar gyi sgo ru yang dag gnas/ /srub dang bsrub pa'i sbyor ba las/ /chom rkun ma yang phyung nas ni/ /phyung nas lho'i sgo ru ni/ /chom rkun ma ni sgo srungs ma/ /bo la kak+ko la sbyor bas/ /ro langs ma yang phyung nas ni/ /phyung nas nub kyi sgo ru ni/ /bdud 'joms ma ni rnam par gnas/ /dga' ba chen po'i snyoms 'jug las/ /g+hasma rI yang phyung nas ni/ /phyung nas byang gi sgo la ni/ /'jigs pa'i gzugs can ma nyid gnas/ /gnyis kyis bskyod pa'i sbyor ba las/ /puk+ka sI yang phyung nas ni/ /phyung nas dbang ldan mtshamasu ni/ /drag po'i gzugs can ma nyid gnas/ /yang ni srub pa'i sbyor ba yis/ /'tshed pa'i mtshamasu ri khrod ma/ /srin po'i mtshamasu gdol pa mo/ /rlung gi mtshamasu g.yung mo nyid/ /de nas rdo rje chags chen las/ /rig mar bcas pa khu bar gyur/ /sna tshogs klu yi mchod pa las/ /de nas lha mo rnams kyis bskul/ /rje btsun snying rje'i yid bzhengs shig /puk+ka sI ni bdag la skyobs/ /stong pa'i rang bzhin nyid spongs la/ /bdag la bde chen sbyor bzhed mdzod/ /khyod med na ni bdag 'gums pas/ /kye yi rdo rje khyod bzhengs shig /stong pa'i rang bzhin nyid spongs las/ /ri khrod ma 'bras grub par mdzod/ /dga' gtso 'jig rten 'gron gnyer ba/ /stong pa nyid la bzhugs sam ci/ /khyod med phyogs ni mi 'tshal bas/ /gdol pa mo bdag zhu bar bgyid/ /bdag gis khyod kyis thugs 'tshal gyis/ /mig 'phrul mnga' ba khyod bzhings shig /g.yung mo bdag nyid dran mnyam pas/ /snying rje rgyun chad ma mdzad cig /glang po rta bong glang rnga mo/ /mi dang sha ra b+ha byi la/ /g.yas pa'i thod pa brgyad rnams la/ /gnyis 'thung la sogs rim shes bya/ /sa dang chu dang rlung dang ni/ /me dang zla ba nyi ma nyid/ /mthar byed dang ni nor sbyin nyid/ /g.yon pa'i thod pa brgyad na'o/ /sgeg cing dpa' bo mi sdug pa/ /rgod cing drag shul 'jigs rung ba/ /snying rje rngam dang zhi ba yis/ /gar dgu'i ro dang ldan pa nyid/ /\u0f00 dang hU~M gis rdo rje che/ /</font><hr>84.260a<br><font size=+1>

khu ba'i gzugs las bzhengs nas ni/ /zhabs nams sa la brdebs pa dang / /lha dang lha min bsdigs par mdzad/ /gaM tsaM baM g+haM shaM tsaM laM DaM/ 'di yis sa bon phyung ba las/ /bdag po'i sa bon dag gis ni/ /\u0f00 hU~M sngon po 'bar 'jigs pas/ /ma mo'i 'khor lo grong nyams dgar/ /kha dog nag po 'jigs chen po/ /bdag med bde ba sbyin pa po/ /gtso bo 'di ltar bsgom pa nyid/ /dkar mo'i g.yas na gri gug ste/ /de bzhin g.yon na ro hi ta/ /chom rkun ma g.yas cang te'u ste/ /g.yon pa'i phyag na phag pa nyid/ /ro langs ma g.yas rusbal te/ /g.yon pa yis ni pad+ma'i snod/ /g+hasma rI yi g.yas na sprul/ /g.yon pas rnal 'byor lhung bzed nyid/ /puk+ka sI g.yas seng+ge ste/ /g.yon pas dgra sta de bzhin no/ /ri khrod ma g.yas dge slong ste/ /g.yon pas bsil byed de bzhin no/ /gdol pa mo g.yas 'khor lo ste/ /g.yon pas thod pa de bzhin no/ /g.yung mo g.yas na rdo rje nyid/ /g.yon na sdigs 'dzub de bzhin no/ /dkyil dkrung phyed pa'i gar gyis gnas/ /dkar mo la sogs phyag gnyis brjod/ /spyan gsum skra ni gyen du ste/ /phyag rgya lnga yis rnam par brgyan/ /gau rI kha dog nag por 'gyur/ /chom rkun ma ni btsod dang mtshungs/ /ro langs ma ni gser btsos bzhin/ /g+hasma rI ni mar gad mtshungs/ /puk+ka sI ni dbang sngon mtshungs/ /ri khrod ma ni zla nor 'od/ /gtum mo nam mkha'i sngo sangs ma/ /g.yung mo sna tshogs pa zhes brjod/ /tshangs pa dbang po nye dbang drag /gshen rje dang ni nor bdag dang / /bden bral dang ni thags bzangs ris/ /gau rI la sogs pa'i gdan/ /bo l+la bzhib par mdzad nas ni/ /dam du mkhyud cing 'o mdzad pas/ /bcom ldan gus pas mchod nas ni/ /bdag med ma yis sngags zhus so/ /bud med rnams kyi dbang byed sngags/ /de bzhin gdug pa sdig pa dang / /klu rnams bsdig par byed pa nyid/ /lha dang lha min rnam nyed pa/ /de ni nga yis bshad bya yis/ /lha mo bde ba sbyin pa nyon/ /sangs rgyas byang chub sems dpa' la/ /bdag gis gzhan du ma bstan to/ /'di yi sngags kyis gang byung zhing / /rdo rje sems dpas gang mdzad pa/ /</font><hr>84.260b<br><font size=+1>

lha mo shin tu 'jigs pa ste/ /ngo ma mchog pas khyod la bshad/ /'bar ba'i 'phreng ba 'khrug pa yi/ /dkyil 'khor rab tu bzhengs nas ni/ /rdo rje snying po dbang sbyin phyir/ /thig le mchog ni bkug pa nyid/ /bzlas pa khri yis gsal ba dang / /sgra ring ba dang bzang ba yis/ /kye yi rdo rje sbyor ldan pas/ /btsun mo thams cad dgug par bya/ /bzlas pa 'bum gyis rnal 'byor bdag /kye'i rdo rje'i rnal 'byor gyis/ /dogs pa med pa'i sems kyis ni/ /'di yi las rnams thams cad byed/ /rig byed rnams kyis dang po sbyin/ /zla phyed thig les rnam par brgyan/ /de nas aSh+TA na nA ya ping ga ur+d+ha ke sha bar+t+ma ne/ tsa turboM sha ti ne trA ya/ de'i rjesu/ Sho Da sha b+hu dzA ya/ kr-iSh+NA dzI mU ta wa puShe ka pA la ne ka d+hA ra Ne/ A d+ha mA taH krU ra tsit+tA ya ar d+hen du daMSh+Ti Ne/[ \u0f00] mA ra ya mA ra ya/ kA ra ya kA ra ya/ gar+dz+dza ya gar+dz+dza ya/ tar+dz+dza ya tar+dz+dza ya/ sho Sha ya sho Sha ya/ sap+ta sA ga rA na/ b+han+d+ha ban+d+ha na gASh+Ta kA na grih+Na sha trUn/ ha hA hi hI hu hU he hai ho hau haM ha hU~M phaT swA hA/ de nas lha mo de dgyes nas/ /srub dang srub pa'i sbyor ba las/ /dam du 'khyud dang 'o byed pas/ /dkyil 'khor yid du 'ong ba zhus/ /de la ston pa che shes che/ /rdo rje pad+ma mnyam sbyar nas/ /dgyes pa'i thugs kyis mnyam gzhag pas/ /nyid kyi dkyil 'khor bri bar mdzad/ /'phar ma gcig dang sgo bzhi pa/ /sna tshogs 'od kyis yang dag 'khrugs/ /rta babs bzhi dang yang dag ldan/ /rdo rje srad bus rnam par brgyan/ /re khA lnga dang yang dag ldan/ /de nas bum pa brgyad po bri/ /rin chen lnga yi phye ma 'am/ /yang na 'bras la sogs pa yi/ /dur khrod kyi ni so phag gam/ /de bzhin dur khrod sol ba yis/ /de dbus pad+ma 'dab ma ni/ /brgyad pa ze bar bcas pa bri/ /snying por skyas pa'i thod pa nyid/ /mdog dkar cha ni gsum pa bri/ /dbang ldan du ni sha ra b+ha/ /me'i mtshams su dge slong bri/ /bden bral du ni 'khor lo bri/ /rlung du rigs kyi bdag po bri/ /shar sgor de bzhin gri gug nyid/ /lho ru cang te'u</font><hr>84.261a<br><font size=+1>

bri ba nyid/ /nub tu rus sbal bri ba nyid/ /lto 'phye byang du bzhin no/ /lha mo'i kha dog dbye ba yis/ /phyag mtshan brgyad du rab tu grags/ /dbus su thod pa dkar po yang / /sna tshogs rdo rjes mtshan pa bri/ /de nas rgyal rgyal bum pa nyid/ /yal ga'i rtse mo gos bzang can/ /lto ba rin chen lngas gang ba/ /sA lu skyes pas yongs bkang bzhag /mang du rab tu brjod pas ci/ /ji ltar de nyid bsdus pa yi/ /dkyil 'khor cho ga de bzhin bya/ /bcu gnyis brgyad gnyis lon pa yi/ /rig ma bde chen brgyad po nyid/ /do shal rkang gdub kyis brgyan nas/ /dkyil 'khor du ni rab tu gzhug /ma dang sring mo nyid dang yang / /bu mo sring mo tsha mo dang / /de bzhin zhang po'i chung ma dang / /ma yi spun dang sgyug mo dang / /de bzhin pha yi sring mo dang / /rigs ma brgyad du rab tu grags/ /dam du 'khyud dang 'o byed pas/ /'di rnams rnal 'byor pa yis mchod/ /de las ga pur btung ba nyid/ /des ni dkyil 'khor bsang gtor bya/ /de rnams rnal 'byor pas btung bya/ /dngos grub myur du thob par 'gyur/ /de la chang yang btung ba dang / /sha dang sA lus skyes pa bza'/ /de yang gos dang bral byas nas/ /b+ha gar 'o ni yang dag bya/ /des kyang bol+la bzhib par bya/ /gar bya klu yang blang bar bya/ /bol+la kak+ko la sbyar nas/ /de la rtsed mo rtse bar bya/ /de nas thun tshod gnyis pa la/ /gos kyis mig ni bkab nas su/ /der ni slob ma gzhugs pa nyid/ /phyi nas daskyil 'khor rab tu bstan/ /mtshan mo skye bo med khyim du/ /slob dpon la sogs rab phye nas/ /dbang ni ji ltar gsungs pa nyid/ /de la dbang bskur sbyin par bya/ /ji ltar mchod dang bstod bshad pa/ /slob ma bzang pos sngar shes bya/ /de la de nyid bstan par bya/ /dga' bral dang po mchog mtha' can/ /thams cad rgyud du sbas pa ste/ /mtha' yi mtha' ru phye ba nyid/ /rdo rje mchod pa rab sbyar nas/ /de la lha mo des zhus pa/ /lha re skad cig ji ltar lags/ /gtso bo chen pos bshad du gsol/ /</font><hr>84.261b<br><font size=+1>

bcom ldan 'das kyis bka' stsal pa/ /der ni thog ma dbus mtha' med/ /srid med mya ngan 'das pa med/ 'di ni mchog tu bde chen nyid/ /bdag med gzhan yang med pa nyid/ /longs spyod kyi ni rlabs gnyis la/ /rang gi g.yas dang lag gzhan gyi/ /mthe bong dang ni srin lag gis/ /de ni rnal 'byor pa yis btsir/ /de nas ye shes skye bar 'gyur/ /de las ci zhig skye zhe na/ /gzhon nu'i dga' ba ji lta ba'i/ /lkugs pa'i rmi lam ji lta'o/ /mchog gi mtha' dang dga' bral dbus/ /stong dang stong min he ru ka /kye rdo rje las kye'i rdo rje mngon par 'byung ba zhes bya ba'i le'u ste lnga pa'o// // lha mo la ni dam 'khyud cing / /bol+la thod par bcug nas ni/ /dam du nu ma bzung mdzad nas/ /skyes pa'i sna ni gzhibs nas kyang / /tshems kyis ma mchu btsir nas ni/ /mchan khung sen mos rma mdzad de/ /mnyam sbyor bde ba myang mdzad nas/ /phyag rgya lnga ni rab phye ba/ /bla ma slob dpon 'dod lta la/ /phyag 'tshal don du 'khor lo 'dzin/ /bla ma rdo rje 'dzin pa la/ /smod tshig mi nyan pa yi phyir/ /rna ba dag tu rna cha 'dzin/ /sngags kyi bzlas pa 'gul rgyan nyid/ /gdub bu srog chags gsod pa spangs/ /phyag rgya sten pa ska rags nyid/ /sangs rgyas lnga yi phyag rgyas ni/ /rtag tu lus la phyag rgyas gdab/ /de nas rab tu bzhad mdzad nas/ /tshems kyis ma mchu btsir nas ni/ /kyai rdo rje zhes bya ba/ /lhan cig skyes pa'i gzugs can nyid/ /de la lha mo des zhus pa/ /gtso bo cho ga gang gis dang / /de bzhin bya ba gang gis ni/ /kye'i rdo rje'i bris sku ni/ /byed pa bde ba chen pos gsungs/ /bcom ldan 'das kyis bka' stsal pa/ 'dir ni 'dri mkhan dam tshig can/ /sgrub po'ang dam tshig can gyis ni/ /bri sku 'jigs pa bri ba nyid/ /skyes pa'i thod gnas kha dog lnga/ /ro yi sgra yi dri nyid kyi/ /bri sku bla ma bri ba nyid/ /gang gang skud pa 'khal ba dang / /gang gang ras yug</font><hr>84.262a<br><font size=+1>

'thag pa yang / /de yang dam tshig can nges pas/ /dam tshig byin rlabs rnal 'byor pas/ /zla ba zla ba'i mar ngo yi/ /bcu bzhi pa la khyim dben par/ /phyed na ma rungs sems kyis ni/ /chang gi btung ba cung zad las/ /lus la ni raM shu bsams nas/ /de bzhin gcer bur gyur pas kyang / /'bag pa dang ni ma dag pas/ /de nas dam tshig rab tu bza'/ /bzhin bzangs snying rje ldan pa dang / /gzugs dang lang tsho skal bzang ma/ /me tog bcas shing sgrub por dga'/ /rang gi phyag rgya g.yon du gzhag /kye'i rdo rje las bris sku'i cho ga'i le'u ste drug pa'o// // de nas de la lha mos zhus/ /bol+la kak+ko la sbyar nas/ /tshems kyis ma mchu btsir nas ni/ /glegs bam yang ni ji ltar 'gyur/ /rdo rje pad+ma mnyam sbyar nas/ /dgyes pas lha yis rab phye ba/ /glegs bam nga yis bshad bya yis/ /lha mo bskal pa chen mo nyon/ /sbrang chen snag tsha byas nas ni/ /mi yis rus pa'i smyu gus ni/ /glegs bam sor ni bcu gnyis pa/ /gro khar dam tshig can gyis bri/ /glegs bam dang ni bris sku nyid/ /gal te skal med mthong na ni/ /skye ba 'dir ni dngos grub med/ /'jig rten pha rol spyod yul med/ /yang dag rab sbyin ldan pa la/ /res 'ga' tsam zhig bstan pa nyid/ /glegs bam lam gyi spyod yul du/ /skra dang mchan khung nyid du sba/ /b+ha gar ling ga rab bzhag nas/ /yang dang yang du 'o mdzad nas/ /bde chen mnyam par myang mdzad de/ /rdo rje can gyi bza' ba bstan/ /tshogs kyi dkyil 'khor bza' ba ni/ /nyon cig lha mo mig yangs ma/ /gang du zos pas 'dod don kun/ /sgrub pa can gyi dngos grub 'gyur/ /dur khrod ri'i bya skyibs dang / /de bzhin mi med grong khyer dang / /yang na dben pa'am rgya mtsho'i mthar/ /bza' ba 'di ni rab tu bza'/ /de la gdan du rtag pa ni/ /ro yi gzugs can dgu dang ni/ /yang na stag gi lpags pa dang / /dur khrod ras ni de bzhin no/ /dbus su kye'i rdo rje'i gzugs/ /ji ltar sngar bzhin gnas shes nas/ /phyogs dang phyogs bral dag tu yang / /de nas rnal 'byor ma</font><hr>84.262b<br><font size=+1>

rnams dgod/ /dam tshig mA la tin+ta naM/ /stag gi lpags pa'i steng du bza'/ /'bad nas rgyal po'i sA lu yi/ /bza' ba der ni bza' ba nyid/ /der ni zos nas zos nas kyang / /der ni ma mo mchod par bya/ /sring mo bu mo sgyug mo dang / /gal te ma sring yin na yang / /de rnams rtag tu legs mchod na/ /tshogs kyi dkyil 'khor 'grub par 'gyur/ /skyes pa'i thod chen cha cig par/ /chang ni bzang pos yongs bkang ste/ /bla ma la dbul skal chen ma/ /phyag 'tshal nas ni rang yang btung / /pad+ma'i lag pas blangs pa dang / /de nyid kyi ni lag pas dbul/ /yang nas yang du rab 'dud pa/ /de ltar sgrub pa po yis bya/ /kye'i rdo rje las bza' ba'i le'u ste bdun pa'o// // de nas rnal 'byor mas zhus pa/ /phyag rgya chen po ji lta bu/ /kun rdzob rnam pa'i gzugs kyis ni/ /bde ba sbyin pas bshad du gsol/ /bcom ldan 'das kyis bka' stsal pa/ /shin tu ring min thung ba min/ /gnag pa ma yin dkar ba min/ /pad+ma'i 'dab ma'i rnam pa 'dra/ /de yi dbugs ni dri zhim ldan/ /rdul kyang dri zhim ldan 'gyur te/ /ri dgas lte ba'i dri dang mtshungs/ /pad+ma la yang dbang mchog dri/ /skad cig pad+ma lta bu 'byung / /de'i ga bur sih+la dag /mkhas pas dri bzang mtshon par bya/ /ud pa la yi drir 'gyur zhing / /a ka ru ni nag po mtshungs/ /dal zhing mi g.yo ba nyid dang / /snyan par smra zhing yid 'ong ma/ /skra bzang dbus su gnyer ma gsum/ /phal pas pad+ma can du brjod/ /lhan cig skyes pa'i gzugs can ma/ /de rnyed nas ni dngos grub 'gyur/ /de nas rnal 'byor bdag med mas gsol pa/ bcom ldan 'das smon lam ji ltar gdab par bgyi/ bcom ldan 'das kyis bka' stsal pa/ /rigs su skye dang dam tshig can/ /smyo med kye yi rdo rje ston/ /bla ma la gus snying rjer ldan/ /skye zhing skye bar 'gyur bar shog /lag pas rdo rje dril bu 'khrol/ /</font><hr>84.263a<br><font size=+1>

zab mo'i chos ni klog pa dang / /btsun mo'i khu ba mnyam bzas can/ /skye zhing skye bar 'gyur bar shog /de nas lha mo de dgyes nas/ /tshig ni 'di nyid yang zhus pa/ /skal med sems can gdul dka' ba/ /gang gis 'dul bar 'gyur ba lags/ /bcom ldan 'das kyis bka' stsal pa/ /dang por gso sbyong len par bya/ /de rjes bslab pa'i gnas bcu nyid/ /de la bye brag smra bar bstan/ /mdo sde pa yang de bzhin no/ /de nas rnal 'byor spyod pa nyid/ /de yi rjes la dbu ma bstan/ /sngags kyi rim pa kun shes nas/ /de rjes kye'i rdo rje brtsam/ /slob mas gus par blangs nas ni/ /'grub 'gyur 'di la the tshom med/ /kye'i rdo rje las 'dul ba'i le'u ste brgyad pa'o// // de nas kha sbyar 'byed pa yi/ /mtshan nyid yang dag rab tu bshad/ /gang gis rnam par shes tsam gyis/ /sgrub pos dngos grub thob 'gyur ba/ /bsgrub bya'i lte ba'i rtsa ba la/ /brtul zhugs can gyi lag pas gdon/ /he ru ka mnyam rnal 'byor gyis/ /nang gi ma rungs sems kyis ni/ /'di ni sgom pa tsam gyis ni/ /sangs rgyas kyang ni nges par 'jigs/ /bstan la gnod pa byed pa dang / /bla ma sangs rgyas 'jig pa ni/ /bla ma thub pa la zhus nas/ /snying rjes bsad par bya ba nyid/ /ji ltar phyugs kyi gzugs mthong nas/ /khrag ni skyugs pa nyid dang yang / /'dar zhing mgo skyes grol ba dang / kha ni 'og tu rnam par sgom/ /de yi lam du khab ni me'i/ /gzugs can 'jug par bsam pa ste/ /snying gar byin za'i sa bon nyid/ /dmigs nas skad cig gsod par byed/ /rgyud 'di la ni bsreg blugs med/ /phyag rgya cing dang bya ba'ang med/ /rgyud chen klags pas 'grub pa nyid/ /bsam gtan tsam gyis 'grub par 'gyur/ /rtog med dngos grub sbyin pa po/ /srid pa spyod pa nyams dga' bar/ /gsang ba mchog ni bshad bya yis/ /nyon cig lha mo bzhin bzangs ma/ /rin chen gzi brjid</font><hr>84.263b<br><font size=+1>

'bar ba yi/ /phreng ba 'khrug pa lha mo ltos/ /ma phug pas ni sbyor bral 'gyur/ /phug pas dga' ba sbyin pa'o/ /de ltar 'khor bar 'dod pa yi/ /yon tan lnga ldan rin chen nyid/ /ma dag pas ni dug tu 'gro/ /dag par bdud rtsi lta bur 'gyur/ /'khor ba'i rnam pa he ru ka /'gro ba sgrol ba'i gtso bo nyid/ /gang gi gzugs kyis 'gyur ba nyid/ /de ni nga yis smra yi nyon/ /snying rje'i spyan ni dmar po la/ /byams pa'i thugs la yan lag gnas/ /bsdu ba'i dngos po bzhi yis ni/ /zhabs ni rnam pa bzhi zhes brjod/ /zhal brgyad rnam par thar pa brgyad/ /phyag ni stong pa bcu drug nyid/ /gug skyed kyis ni sangs rgyas lnga/ /gdug pa 'dul phyir khro bo nyid/ /sha ni puk+ka sI ru brjod/ /de bzhin khrag ni ri khrod ma/ /gdol pa mo ni khu bar brjod/ /g.yung mo rkang dang tshil bu dag /lpags pa byang chub yan lag bdun/ /rus pa bden pa bzhi po nyid/ /bdag med mas gsol pa/ sngags btu ba ni ji ltar 'gyur/ /gang gi sngags kyis skye bo yi/ /las kyi dngos grub 'gyur ba nyid/ /bde ba chen pos bshad du gsol/ /bcom ldan 'das rdo rje can chen po/ rdo rje snying po gzi brjid chen pos bka' stsal pa/ sngags ni khyod la ngas bshad kyis/ /lha mo skal pa chen mo nyon/ /dang por rnam par snang mdzad sbyin/ /uSh+mA rnams kyis bzhi pa la/ /puk+ka sIs brgyan stong pas mnan/ /mdog dkar mthar ni swA hA sbyar/ /'dis ni bzlas pa 'bum gyis ni/ /'gro bar rtag tu rengs par byed/ /dang por yi ge'i bdag po bzhag /de rjes mkha' spyod ma de nas/ /mthar ni swA hA sbyar byas nas/ /sangs rgyas rnams kyang dbang du byed/ /rig byed rnams kyis dang po sbyin/ /dang po yi ni gnyis pa la/ /stong bcas mtha' ni swA hA sbyar/ /sangs rgyas kyang skrod shes rab can/ /</font><hr>84.264a<br><font size=+1>

dang por rnam par snang mdzad sbyin/ /gnyis pa yi ni gsum pa la/ /rwa dang ldan zhing chu mas brgyan/ /stong bcas swA hA yang dag ldan/ /mi rnams thams cad sdang bar byed/ /dang po yi ge'i dbang phyug gzhag /lnga pa nyid kyi gsum pa la/ /stong pa mkha' 'gro ma dang ldan/ /mthar ni swA hA mngon spyod che/ /yang ni yi ge'i thu bo sbyin/ /hU~M ni khrag dang 'dra ba yi/ /mthar ni swA hA thig le mchog /dga' bzang ma sogs rtag tu 'gugs/ /gti mug rigs ni dang por sbyin/ /g+hu ni yang dag rab tu sbyar/ /mthar ni swA hA yang byas na/ /lha dang mi rnams gsod par byed/ /dang por rnam par snang mdzad bzhag /dang po nyid kyi dang po la/ /rdo rje mkha' 'gro ma dang sbyar/ /mthar gnas pa yi gnyis pa la/ /rdo rje mkha' 'gro ma dang ldan/ /yang na dang po'i rtse mo la/ /rdo rje mkha' 'gro ma dang ldan/ /mthar gnas pa yi gsum pa la/ /yang ni de nyid yang dag ldan/ /steng du chom rkun ma yis brgyan/ /de rjes hrIHyis rnam par sbyar/ /mthar yang swA hA spyod pa nyid/ /ku ru kul+le'i sngags so/ /\u0f00 ni dang po bzhi pa yi/ /gsum pa chom rkun ma yis brgyan/ /mthar gnas pa yi bzhi pa la/ /pi tsu badzra sbyar ba dang / /uSh+mA rnams kyi bzhi pa la/ /puk+ka sI yis rnam par brgyan/ /stong pas mnan cing sum 'gyur nyid/ /lnga pa yi ni gnyis pa dang / /gsum pa'i dang po mthar swA hA/ /kye'i rdo rje'i snying po'o/ /snang mdzad dang por dz+wa la gnyis/ /sbyar nas lnga pa'i bzhi pa la/ /mthar gnas rnams kyi dang po ldan/ /g+hasma rIs ni rnam par brgyan/ /uSh+mA rnams kyi bzhi pa la/ /rdo rje mkha' 'gro ma yis brgyan/ /stong pas mnan cing sum 'gyur nyid/ /lnga pa yi ni gnyis pa dang / /gsum pa'i dang po mthar swA hA/ phyag bzhi pa'i sngags so/ /</font><hr>84.264b<br><font size=+1>

dang por rnam snang dang po yi/ /dang po nang gi dkar mos brgyan/ /gsum pa nyid kyi dang po la/ /nang gi dkar mos rnam par brgyan/ /nyis 'gyur lnga pa'i gsum pa dang / /gnyis pa'i gsum pa me yis brgyan/ /hU~M gi rnam pa gsum sbyar nas/ /lnga pa nyid kyi gnyis pa dang / /gsum pa'i dang po mthar swA hA/ /phyag drug pa'i sngags so/ /dang po rnam snang bzhi pa yi/ /dang po byin za yang dag ldan/ /ro langs ma yis rnam par brgyan/ /mthar gnas pa yi gsum pa la/ /g+hasma ri yis rnam par brgyan/ /dang po yi ni dang po la/ /mthar gnas pa yi dang po dang / /rdo rje ma yis rnam par brgyan/ /k+Sha ni chom rkun ma yis brgyan/ /lnga pa nyid kyi dang po dang / /uSh+mA rnams kyi bzhi pa la/ /rdo rje mkha' 'gro ma yis brgyan/ /stong pas mnan cing sum 'gyur te/ /phaT dang mthar ni swA hA nyid/ /phyag gnyis pa'i sngagaso/ /bdag med dang po'i dang po dang / /gnyis pa nyid kyi dang po dang / /gsum pa nyid kyi dang po dang / /bzhi pa yi ni dang po dang / /lnga pa yi ni dang po dang / /mthar gnas rnams kyi dang po dang / /uSh+mA rnams kyi dang po nyid/ /dang por rnam snang mthar swA hA/ /grong khyer dkrug pa'i sngags kyi bzlas pa ni 'bum mo/ /mthar gnas rnams kyi gnyis pa dang / /k+Sha yi rnam pa nyis 'gyur nyid/ /hU~M gi rnam pa gsum dang ldan/ /dang por rnam snang phaT nyid kyi/ /rnam pa nang bcug mthar swA hA/ sa sbyangs pa'i sngags so/ /dang por rnam snang de rjes su/ /rdo rje ma yi mthar ru hU~M/ /bza' ba dang btung ba byin gyis brlabs pa'o/ /dang por rnam par snang mdzad nyid/ /de rjes a kA ro mu kha~M/ /uSh+mA rnams kyi gsum pa dang / /mthar gnas pa yi bzhi pa ni/ /steng du me yis rnam par brgyan/ /d+harmA NA~M de rjes rdo rje ma/ /byin la d+ya nut+pan+na twAta/ /\u0f00 AHhU~M phaT swA hA/ /'byung po thams cad kyi gtor ma'i sngags so/ /kye'i rdo rje las sngags btu ba'i</font><hr>84.265a<br><font size=+1>

le'u ste dgu pa'o// // de nas chom rkun sdom gcig pa'i/ /rdo rje sems dpa' zhes byas gsungs/ /bdag med ma la 'o mdzad nas/ /bzlas pa'i yul ni rab tu dbye/ /shel gyis rengs pa'i bzlas pa nyid/ /dbang la tsan dan dmar po nyid/ /lung tang gis ni mngon spyod nyid/ /ni raM shus ni sdang ba la/ /rta yi rus pas skrod pa nyid/ /bram ze'i rus pas 'gugs pa nyid/ /glang po'i rus pas char ba la/ /ma he yis kyang bsad pa la/ /rengs pa 'o ma'i btung ba nyid/ /dbang la rang gi 'dun pas spyad/ /bsad pa la ni sih+la nyid/ /dgug pa la ni bzhi mnyam nyid/ /sdang la sA lu skyes pa brjod/ /bskrad pa nyid la gla bar brjod/ /yang na mtha'i shwa dang / dang po'i shwa dang / na dang po dang / ga dang po dang / ha dang po nyid kyang de bzhin no/ /kye'i rdo rje las bzlas pa'i le'u ste bcu pa'o// // kye'i rdo rje la dam mkhyud cing / /tshems kyis ma mchu btsir nas ni/ /lus can rnams kyi rigs kyi gzugs/ /de la bdag med mas zhus pa/ /b+ha gar ling ga gzhag nas ni/ /'khor lo'i 'dren pas 'di skad gsungs/ /lus can rang gi rigs bshad kyis/ /shes rab pha rol phyin ma nyon/ /bud med dam ni skyes pa yi/ /gang gi srin lag rtsa ba la/ /rdo rje rtse dgu par gyur pa/ /mi skyod pa yi rigs mchog nyid/ /rnam snang mdzad kyi 'khor lor 'gyur/ /dpag med mgon gyi 'dam skyes nyid/ /rin chen 'byung ba'i rin chen nyid/ /las kyi rigs kyi ral gri nyid/ /rnal 'byor pa gang nag po che/ /de yi lha ni mi skyod pa/ /rnal 'byor pa gang dkar po che/ /de yi lha ni rnam snang mdzad/ /rnal 'byor pa gang sngo bsangs che/ /de yi lha ni don yod nyid/ /rnal 'byor pa gang ser po che/ /rin chen bdag po rigs kyi lha/ /rnal 'byor pa gang dkar dmar nyid/ /'od dpag med pa rigs kyi lha/ /rnal 'byor pa gang dkar dang ser/ /de ni sems</font><hr>84.265b<br><font size=+1>

dpa'i rigasu 'gyur/ /skye bo rnal 'byor mthar phyin pas/ /nga rgyal mi bcag tho mi btsam/ /kun rdzob gzugs su gnas nas ni/ /de rnams bde gshegs rigasu 'gyur/ /bud med rnams kyi mtshan nyid 'di/ /ji ltar skyes pa de bzhin no/ /kun rdzob tha snyad tshul las ni/ /de yi rigasu'ang de 'gyur ro/ /b+ha gar ling ga'i 'o mdzad nas/ /de la rdo rje che mnyes nas/ /bdag med ma yis go mdzad pa/ /lha mo rab tu mchod pa nyon/ /tshal dang skye bo med gnas dang / /bdag gi khyim gyi nang du yang / /gcer bu phyag rgya che byas nas/ /rnal 'byor rig pas rtag tu mchod/ /'o dang 'khyud pa byas nas ni/ /de bzhin b+ha gar reg pa nyid/ /skyes pa'i sna ni gzhib pa nyid/ /ma mchu'i sbrang rtsi btung ba nyid/ /rtag tu myos pa'i mtshan ma las/ /bo la ldan pas lag pas bya/ /khyogs dang brla zhes bya ba dang / /de bzhin shin tu bkal ba yi/ /yang yang rdo rjes 'dod pa bya/ /steng dang 'og tu lta ba nyid/ /dngos grub rgyas pa thob pa ste/ /sangs rgyas kun dang mnyam par 'gyur/ /de la ga pur btung bar bya/ /de la ga pur rgyu yi phyir/ /sha ni bza' ba nyid du bya/ /khyad par du ni chang nyid do/ /kye'i rdo rje las lhan cig skyes pa'i sbyor ba don gyi le'u zhes bya ba ste bcu gcig pa'o// // de nas rdo rje can gyis dbang / /bzhi pa'i tshigs bcad bka' stsal pa/ /rdo rje rab gnas rdo rje nyid/ /che dang dril bu chen po bzung / /de ring rdo rje slob dpon 'gyur/ /slob ma bsdu ba nyid du gyis/ /ji ltar 'das pa'i sangs rgyas kyis/ /byang chub sras rnams dbang bskur ba/ /bdag gis gsang ba'i dbang gis ni/ /sems kyi rgyun gyis dbang bskur ro/ /lha mo dga' sbyin gnas sbyin ma/ /sna tshogs gzugs can yid 'ong ma/ /khyer cig khyer cig sems dpa' che/ /khyer la mchod pa dag tu gyis/ /ye shes 'di ni chas phra zhing / /rdo rje nam mkha'i dkyil lta bu/ /rdul bral thar sbyin zhi ba nyid/ /khyod rang yang ni de yi pha/ /</font><hr>84.266a<br><font size=+1>

rdo rje dang pad+ma byin gyis brlab pa'i sngags zha/ o~M pad+ma su khA d+hA ra ma hA rA ga su khaM da da tsa tu rA nan+da b+hA ga bi shwa hU~M hU~M hU~M kAr+yaM ku ru Sh+wa me/ o~M badzra ma hA dwe Sha tsa tu rA nan+da dA ya ka /kha ga mu khai ka ra so nA tha hU~M hU~M hU~M kAr+yaM ku ru Sh+wa me/ spyi bor ni o~M gyi rnam pa/ snying gar ni hU~M gi rnam pa/ ze 'bru la ni AH'i rnam pa'o/ /rgyud kyi rgyal po chen po sgyu ma'i brtag pa zhes bya ba brtag pa sum bcu rtsa gnyis las phyung ba brtag pa gnyis kyi bdag nyid kye'i rdo rje mkha' 'gro ma dra ba'i sdom pa'i rgyud kyi rgyal po rdzogs s+ho// //rgya gar gyi mkhan po ga ya d+ha ra'i zhal snga nas dang / bod kyi lots+tsha ba dge slong shAkya ye shes kyis bsgyur cing zhus te gtan la phab pa/ slar yang lots+tsha ba gzhon nu dpal gyis 'gyur chad bsabs shing dag par bgyis pa'o/ / </font><hr>

</table>