// rgya gar skad du/ sarba kalpa sa muts+tsha ya nA ma sarba bud+d+ha sa ma yo ga DA ki nI dzA la sam+ba ra ut+ta ra tan+t+ra/ bod skad du/ rtog pa thams cad 'dus pa zhes bya ba sangs rgyas thams cad dang mnyam par sbyor ba mkha' 'gro sgyu ma bde ba'i mchog gi rgyud phyi ma'i phyi ma/ dpal rdo rje sems dpa' la phyag 'tshalo/ /sangs rgyas thams cad phyag 'tshal te/ /ma lus lus pa med par grub/ /rnam rtog med pa'i sems la ni/ /de kho na nyid nges par gnas/ /sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /'dod chags chen po bde chen po/ /bde chen rdo rje chen po bas/ /rdo rje 'dzin dang lhan cig pa'i/ /bde gshegs mgon mchog rnams kyis bzhugs/ /thams cad mchog 'gyur 'dod chen gyis/ /dngos grub dbang phyug rab grub phyir/ /sangs rgyas thams cad mnyam sbyor las/ /rtog pa 'dus pas bka' stsal 'tshal/ /rnam par mi rtog chos bdag las/ /rtog pa'i don 'di gang la gsungs/ /ci yi slad du'ang rgyud phyi ma/ /dang po'i sa mchog ji ltar lags/ /gdod ma tha ma med nyid yang / /rdo rje sems dpa' de bzhin te/ /yig 'bru ji ltar gasrungs pa lags/ /sngags phyung ba yang ci 'dra ste/ /shin tu dga' dang bzang nyid de/ /rdo rje snying po gtso bo gtso/ /sems dang sems dpa'i ting 'dzin yang / /de bzhin rdo rje rdo rje 'dzin/ /rdo rje 'dzin nyid chen po 84.213b yang | |byang chub spyod pa rnams ci ltar/ /bdud dang bdud las rgyal ba yang / /sangs rgyas byang chub ji ltar lags/ /rdo rje gtum po thar byed dang / /phyag na rdo rje yang ji ltar/ /dang po rigs bskyed ji ltar lags/ /'dod pa'i thar pa rnam pa ci/ /mgon po rnam gsum ji ltar 'tshal/ /thams cad yang ji ltar lags/ /ji ltar dang po snying po 'byung / /nye ba'i snying po de ji ltar/ /bde ba chen po rdo rje che/ /don yod dam tshig ji ltar lags/ /dkyil 'khor ji ltar gsungs par gyur/ /de yi rnam smin ci 'dra ste/ /thig gdab de bzhin rtog pa yis/ /dngos grub ji ltar bshad pa lags/ /gsang ba lnga dang de nyid che/ /gang lags ci 'dra de bzhin te/ /dkyil 'khor gtso bo rnams dang ni/ /rigs rnams kyang ni ji ltar lags/ /thams cad dbang bskur de nyid dang / /de nyid tshogs kyi phyag mtshan yang / /thams cad dgug dang mchod chen dang / /rang gi byin brlabs sogs grub pa/ /de rnams de nyid gsang chin dang / /dam pa dang ni don dam pa/ /dam pa'i yi ge grub don du/ /thams cad mi gsung 'os ma lags/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las de kho na nyid thams cad nges tshig gi rtog pa ste bcwa brgyad pa'o// // de nas ston pa rdo rje 'dzin/ /rtog pa kun gyi gtso chen pos/ /the tshom kun gyi tshogs gnas nas/ /don dam 'dzin pa yang bka' stsal/ /de la ji ltar rtog pa'i don rgyud pa yin zhe na/ rnam par mi rtog chos dag las/ /sems can don du yongasu rtog /de phyir rtog par yang dag bshad/ /rtog pa yongs su dag phyir ro/ /de la ji ltar rgyud phyi ma yin zhe na/ /rgyud ni rab tu 'brel bar bshad/ /phyi ma gong du phyung ba yin/ /de nyid gsang ba gsang chen rnams/ /de yang rgyud ni phyi mar 'dod/ /de la ji ltar dang po nyid kyi ye shes yin zhe na/ namakha' kun du rab gnas pa/ /rdo rje kun gyi dngos po mchog /bde chen dgyes pa chen po de/ /dam pa'i yi ge gzhal yas khang / /zhes bcom ldan 'das 84.214a dpal rdo rje sems dpas gsungaso/ /de la ji ltar gdod ma dang tha ma med pa'i rdo rje sems dpa' yin zhe na/ yi ge ka sogs d+ha yig mtha'/ /nga nya spangs nas 'jug par bya/ /yi ge d+ha sogs Sha yi mtha'/ /phring ba gnyis pa yang dag bri/ /dbus gnas par ni a yig phreng / /zla ba'i dkyil 'khor la bkod de/ /thig le bzla tshes dang ldan par/ /tsheg drag zla ba gnyis yin te/ /a yig mi 'gyur bsgom par bya/ /dbus su rdo rje'i nga bar gnas/ /de dbus rtag tu bsgom pa ni/ /'dod chags chen po bde ba che/ /'di de sangs rgyas thams cad kyi/ /sangs rgyas ri mo grags pa yin/ /de las 'gro ba g.yo mi g.yo/ /thams cad yang dag 'byung bas ni/ /namakha' las byung mtshan ma'i phyir/ /gdod ma tha ma med mchog yin/ /rdo rje chen po dngos sems ni/ /rdo rje sems dpa' zhes 'dod do/ /de la bcom ldan 'das de gang zhe na/ dngos grub chen po kun gyi mchog /dbang phyug chen po rig pa lha/ /rgyal po chen po rdo rje 'dzin/ /dam pa yi ge shin tu dga'/ /de la ji ltar yi ge rtog pa yin zhe na/ /yi ge a sogs k+Sha mtha' ni/ /yi ger yang dag bshad pa ste/ /mi zad dag pa'i rdo rje can/ /de nyid kun don mtshan nyid phyir/ /de la ji ltar sngags byung ba yin zhe na/ /rdo rje sems sogs 'khor lo la/ /gang rnams sngags su cher bshad pa/ /de rnams byung ba'i don du ni/ /rdo rje can gyis yang bka' stsal/ /gur gum la sogs byugs pa la/ /bri sku la sogs rnam brgyan nas/ /bla re la sogs bris nas su/ /rtag tu re'u mig bzhi brtsams nas/ /gru bzhi gzhal yas khang byas te/ /re'u mig phyogs bzhir 'bar bar byas/ /re'u mig sum bcu tham pa la/ /bcu dgu dang ni ldan par bya/ /brgya phyed stan la gnas pa la/ /sde pa lnga mtha' thig le yis/ /spyi bo gtsug la rtag pa yi/ /ka dang sha zhes bya ba ni/ / 84.214b dbus kyi re'u mig la bri'o/ /de yi phyi rol gnas brgyad dag /mtshams dang phyogs kyi re'u mig la/ /dbang ldan la sogs rim pa ru/ /ya dang sha yi sde bkod do/ /me mtshams la sogs re'u mig la/ /ma yi yig 'bru bzhi po dang / /a yig sa bon la brten nas/ /sa bon bcu gnyis dgod par bya/ /dbang ldan la sogs re'u mig la/ /ka yig la sogs rim par dgod/ /de ltar bzhi la rim par ni/ /thams cad rnam par gnas byas te/ /ka sogs re'u mig bzung nas su/ /yig 'bru dam pa phyung bar bya/ /shin tu dga' chen rgyal po ni/ /sbyor ba thams cad dbang phyug gtso/ /re'u mig nyi shu rtsa bzhi la/ /gnas pa zla phyed gtsug phud zhal/ /de 'og sum bcu rtsa gnyis ni/ /dga' ba rdo rje can gyis phyung / /re'u mig bcu bzhi zhes pa las/ /gnas pa tsheg drag dang ldan pa/ /re'u mig nyi shu rtsa bzhir gnas/ /sum bcu rtsa bzhi la dang ldan/ /re'u mig sum bcu rtsa gcig la/ /gnas pa nga ro thig le ldan/ /re'u mig nyi shu rtsa bzhi la/ /gnas pa tsheg drag sbyor ba bya/ /sum bcu rtsa brgyad sbyor ba yis/ /de ni bzhi par rnam par bshad/ /bde ba chen po rgyal chen po/ /lha mo dam pa brtag pa'o/ /re'u mig bcu gcig la gnas pa/ /thig le nga ror yang dag ldan/ /re'u mig brgyad pa la gnas pa/ /bcu dgu dag ni ldan pa ste/ /de 'og sum bcu rtsa bzhi dang / /thig le nga ros brgyan pa'o/ /re'u mig nyi shu rtsa bzhi la/ /gnas pa tsheg drag sbyor ba'o/ /re'u mig gnyis pa la bkod pa'i/ /thig le nga ro ldan pa'o/ /gling bu ma la sogs btus pa'i/ /sngags phyung pa ni mchog yin te/ /re'u mig sum bcu rtsa brgyad la/ /gnas pa'i thig le nga ro ldan/ /dbus na nyi shu rtsa gcig la/ /dbus nas bcwa lnga zla ba can/ /re'u mig sum bcu rtsa gcig gnas/ /dbus nas bcwa lnga zla ba can/ /re'u mig nyi shu rtsa gcig 84.215a gnas/ /bcu gcig zla ba dang ldan te/ /lha mo gling bu ma sogs kyi/ /sngags phyung rmad du byung ba'o/ /re'u mig bcu pa la gnas dang / /bcu gcig pa yang de bzhin te/ /re'u mig sum bcu rtsa gsum gnas/ /bcu drug pa yang de bzhin te/ /me tog la sogs bsdus pa yi/ /'di ni sngags phyung mchog yin no/ /rta mgrin 'phangs mtho lcags kyu sogs/ /dang po byung ba'i sa bon nyid/ /rdo rje sems dpa'i dkyil 'khor gyi/ /sgo la nan tan gyis sbyor ro/ /zhes dpal rdo rje sems dpas gsungs te/ dpal rdo rje sems dpa'i dkyil 'khor gyi chos kyi yi ge 'byung ba'i phyag rgya shes pa'o/ /re'u mig gnyis pa can kho na/ /zla tshes gtsug dang ldan pa'i zhal/ /rnam par snang mdzad rgyal chen po/ /kun mchog sa yi dbang phyug yin/ /re'u mig bcwa lnga gnas pa la/ /thig le nga ro ldan pa'o/ /re'u mig bcu dgu la gnas pa/ /thig le nga ros brgyan pa'o/ /re'u mig nyi shu rtsa lngar ldan/ /thig le nga ros brgyan pa'o/ /dbus nas nyi shu pa nyid la/ /thig le nga ros brgyan pa'o/ /chos gos ma tshogs bzhi dag gis/ /sa bon 'byung ba mchog 'di yin/ /re'u mig nyi shu rtsa bzhir gnas/ /thig le nga ros brgyan pa'o/ /re'u mig bdun pa de bzhin yang / /dbus nas bcwa lnga pa dang ldan/ /thig le nga ro ldan pa ni/ /byang du sil snyan cha lang ngo / /dbus nas nyi shu rtsa gcig la/ /gnas pa bcu dgu dang ldan pa/ /thig le nga ro ldan pa ni/ /rdo rje rin chen cher brjod do/ /dbus nas bcwa brgyad pa dag nyid/ /thig le nga ros brgyan pa ste/ /sangs rgyas kun gyi dkyil 'khor la/ /chos kyi dung gi phyag rgya che/ /zhes bcom ldan 'das dpal rdo rje sems dpas gsungs pa rnam par snang mdzad kyi chos kyi yi ge 'byung ba'i phyag rgya shes pa'o/ /nyi shu rtsa bzhi re'u mig la/ /gnas pa nyi shu pa ldan ni/ /khrag 'thung zhes pa'i 84.215b rgyal po che/ /tsheg drag lhag chad gyur pa'o/ /re'u mig nyi shu rtsa bzhi la/ /gnas pa 'og na bcu dgur ldan/ /re'u mig nyi shu gnas pa dang / /sbyor ba tsheg drag ldan pa'o/ /tsheg drag dang ni rtsa bzhi la/ /gnas pa dbus nas bcu gcig ldan/ /re'u mig bcu gnyis pa sbyor ba'i/ /tsheg drag ldan par 'dod pa'o/ /re'u mig bcu bzhi la gnas pa/ /'og gi 'dren pa nyi shu gcig /bcu gnyis pa dang tsheg drag can/ /gsum pa can de bshad pa'o/ /re'u mig bcu bzhi la gnas pa/ /bcu gnyis pa dang ldan pa la/ /tsheg drag dang ni mnyam sbyor ba/ /lha mo snod chen ma yi 'dod/ /re'u mig nyi shu rtsa bzhi la/ /gnas pa dbus nas gnyis pa can/ /de bzhin thig le nga ror ldan/ /thig le 'byung gnas gsum pa ste/ /dbus nas bcu pa gang yin pa/ /rtag tu tsheg drag ldan pa ni/ /dmar chen sogs pa'i lha mo yi/ /bzhi po dag ni phyung ba'o/ /re'u mig nyi shu rtsa lnga pa/ /gnas pa'i thig le bcas pa'o/ /dbus las drug pa gang yin pa/ /thig le nga ro ldan pa'o/ /re'u mig de bzhin bcu bdun pa/ /thig le nga ros brgyan pa'o/ /re'u mig bcu dgu la gnas pa/ /thig le nga ros brgyan pa'o/ /lha mo mda' rnon 'dzin sogs kyi/ /sa bon byung ba de ngo mtshar/ /lha mo me tog ma sogs kyi/ /sa bon byung ba sngon bstan yin/ /gang dag sgo srungs bstan pa yang / /gzugs mi mthun pa kho na'o/ /zhes bcom ldan 'das dpal rdo rje sems dpas de skad ces gsungs so/ /mkha' sgyu ma'i dkyil 'khor gyi chos kyi yi ge 'byung ba'i phyag rgya shes pa'o/ /re'u mig nyi shu rtsa bzhi la/ /gnas pa bcu dgu'i gdan la gnas/ /nyi shu tsheg drag sbyor ba ni/ /pad+ma gar gyi dbang phyug yin/ /re'u mig bcu bzhi la gnas pa'i/ /tshig gnyis lci ba de bzhin no/ /re'u mig nyi shu rtsa bzhi la/ /gnas nas dbus nas dgu pa ldan/ /rtag par thig le dang ldan ni/ /gnyis pa yi ni yongs grags pa/ /re'u mig 84.216a sum bcu rtsa gcig la/ /gnas par nga ro thig les brgyan/ /re'u mig nyi shu rtsa bzhi la/ /gnas pa dbus nas bcu gsum ldan/ /tsheg drag can ni bzhi pa yi/ /khro gnyer ma yi rgyud las grags/ /re'u mig nyi shu rtsa bzhir ldan/ /dbus nas dgu pa'i thig ler bcas/ /re'u mig nyi shu rtsa bzhir gnas/ /dbus nas bcwa lnga dang ldan no/ /re'u mig bcu gcig la gnas pa/ /tsheg drag gis ni sbyor ba'o/ /re'u mig nyi shu rtsa bzhir gnas/ /sum bcu rtsa brgyad pa dang ldan/ /tsheg drag mnyam por sbyor ba ni/ /pad+ma gar dbang mchog yin no/ /lha mo gling bu ma sogs nyid/ /de bzhin lha mo me tog sogs/ /lha mo lcags kyu ma sogs kyang / /rdo rje sems dpa' la sogs pa'i/ /dkyil 'khor la ni bskyed pa yin/ /zhes bcom ldan 'das rdo rje sems dpas gsungs te/ pad+ma gar gyi dbang phyug gi dkyil 'khor gyi chos kyi yig ge 'byung ba'i phyag rgya shes pa'o/ /dbus nas nyi shu rtsa gcig pa/ /bcu gcig pa dang ldan pa ste/ /bcu dgu zla ba gtsug lnga ni/ /rdo rje nyi ma 'byung ba yin/ /dbus nas bcu gsum gang yin pa/ /zla tshes thig le gtsug gi zhal/ /re'u mig nyi shu rtsa bzhi la/ /gnas pa bcu dgu dang ldan pa/ /re'u mig nyi shu gnas dang sbyor/ /tsheg drag ldan pas gnyis pa'o/ /re'u mig nyi shu rtsa bzhir gnas/ /dbus nas bcu gsum pa dang ldan/ /tsheg drag lhan cig can dang ni/ /gsum pa yi ni grags pa yin/ /re'u mig nyi shu rtsa bzhir gnas/ /bcu gcig dang ni thig le ldan/ /re'u mig bcu bzhi la gnas pa/ /tsheg drag ldan pa 'dod pa'o/ /re'u mig bcu bzhi la gnas pa/ /tsheg drag ldan par 'dod pa'o/ re'u mig nyi shu rtsa bzhir gnas/ /dbus gnas dgu dang zla ba'o/ /re'u mig sum bcu rtsa gcig gnas/ /thig le nga ros brgyan pa'o/ /re'u mig 84.216b nyi shu rtsa bzhir gnas/ /dbus nas bcu gsum pa dang ldan/ /tsheg drag mnyam par ldan pa ni/ /rdo rje nyi ma lha dag yin/ /lha mo gling bu ma sogs kun/ /rtsa ba'i dkyil 'khor sbyor skyes yin/ /zhes bcom ldan 'das dpal rdo rje sems dpas gsungs te/ rdo rje nyi ma'i dkyil 'khor gyi chos kyi yi ge 'byung ba'i phyag rgya shes pa'o/ /re'u mig nyi shu rtsa bzhir gnas/ /nyi shu rtsa bdun zhes sbyor ba ste/ /zla tshes thig le gtsug can ni/ /yul 'khor thams cad 'dul ba'o/ /re'u mig bcu bzhi la gnas pa/ /bcu dgu pa dang ldan pa ste/ /nyi shu tsheg drag sbyor ba ste/ /sna tshogs pa yi brjod pa yin/ /re'u mig nyi shu rtsa bzhir gnas/ /gnas pa tsheg drag ldan pa 'dod/ /rta yi rgyal po'i dkyil 'khor la/ /rdo rje rgya gram zhes grags so/ /zhes bcom ldan 'das dpal rdo rje sems dpas gsungs te/ rta mchog gi chos kyi yi ge 'byung ba'i phyag rgya shes pa'o/ /sangs rgyas thams cad dang mnyam par sbyor ma mkha' 'gro ma sgyu ma bde ba'i mchog las chos kyi yi ge 'byung ba'i rtog pa ste bcu dgu pa'o// // ri mo gnyis kyi dkyil 'khor gyi/ /phyi rol pad ma 'dab brgyad bri/ /de yi nang du rnal 'byor pas/ /a yig tshogs kyang bri bar bya/ /shar phyogs 'dab mar ka yi sde/ /lho phyogs 'dab mar tsa yi sde/ /nub phyogs 'dab mar Ta yi sde/ /ta yi sde ni de bzhin byang / /sde pa lnga yi dbus su ni/ /yi ge k+Sha dang lhan cig 'dod/ /dbang ldan 'dab ma nas brtsams te/ /ya ra la wa rnam par gzhag /dbang ldan 'dab ma'i phyi rol du/ /yi ge Sha ni 'jug par bya/ / 84.217a me mtshams 'dabs ma'i phyi rol du/ /yig ge sha ni 'jug par bya/ /bden bral 'dab ma'i phyi rol du/ /yi ge sa ni 'jug par bya/ /rlung mtshams 'dab ma'i phyi rol du/ /yi ge ha ni 'jug par bya/ /zhes bcom ldan 'das dpal bde ba chen po rdo rje sems dpas gsungs so/ /dbus kyi mtha' ru gang yin pa/ /thig le dang ldan yi ge \u0f00/ /rlung mtshams phyi rol gnas pa gang / /sgra yi ge a ni sbyor bar bya/ /bden bral phyi rol gnas pa la/ /'og tu sgra yig u sbyor ro/ /shar gyi 'dab ma gnyis pa ni/ /dbus las dbu ma de bzhin no/ /lho nas de bzhin dbu ma la/ /me mtshams 'dab ma de bzhin no/ /bden bral phyi rol gnas pa gang / /de nas byang gi dang po'o/ /dbus nas dbu ma'i sbyin gnas su/ /de tshe 'od kyi gong bur 'gyur/ /o yig tsheg drag dang ldan pa/ /de yi mtha' ru de tsher 'gyur/ /lho nas dbus ma gang yin pa/ /tshig drag dang ni ldan pa'o/ /rlung mtshams phyi rol gang yin pa/ /u yig thig le sbyor bar bya/ /dbus kyi dbu ma gang yin pa/ /thig les mgo nas mnan pa dang / /rlung mtshams phyi rol gang yin pa/ /o yig tshe drag sbyor bar bya/ /bden bral mtshams kyi phyi rol du/ /sgra yig u ni sbyor ba ste/ /me mtshams 'dabs mar gang yin pa/ /byang gi dang por de bzhin yang / /bden bral phyi rol pa bzung nas/ /byang gis dang po pa yang yin/ /dbus nas dbus ma bzungs nas su/ /'od kyi gong bu mtha' ru 'gyur/ /de nas thig le sbyin byas nas/ /rdo rje sems dpa' 'grub par 'gyur/ /zhes bcom ldan 'das chags pa chen po rdo rje sems dpas gsungs so/ /lho nas dbu ma gang yin pa/ /tsheg drag dang ni ldan par bya/ / 84.217b dbus nas dbu ma de bzhin du/ /lho nas dbu ma yang yin no/ /me mtshams 'dab ma dang ldan pa/ /rtag tu brjod par 'gyur ba yin/ /byang nas dbu ma bzung nas su/ /me mtshams dang ni shin tu sbyor/ /sgra yig a dang sbyar nas su/ /rtag par zhi bar 'gyur ba yin/ /me mtshams phyi rol bzung nas su/ /nub kyi dang po ldan par bya/ /sgra yig i dang sbyar nas su/ /'od kyi gong bu lnga pa yin/ /bden bral phyi rol gnas pa la/ /sgra yig a dang ldan par bya/ /de bzhin dbang ldan 'dab ma dang / /sgra yig i ni sbyor ba'o/ /shar gyi dang po pa dang ni/ /de nas dbu ma'i tha ma dang / /nub kyi dang po pa bzung nas/ /a med rtag tu 'gyur bar bya/ /de dag bzlas pa byas pa yis/ /mda' ru rab tu grub pa yin/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /sgra yig u ni sbyor bar bya/ /thig le nga ro gnon nas su/ /de nas dbus nas dbu ma'o/ /lho nas dbu ma bzung nas su/ /me 'tshams pa dang sbyor bar bya/ /shar nas dang po bzung nas su/ /sgra yig e dang ldan par bya/ /bden bral 'dab mar gnas pa gang / /sgra yig e ni sbyor bar bya'o/ /shar gyi dang po bzung nas su/ /sgra yig e ni sbyor ba'o/ /bden bral 'dab mar gnas pa la/ /sgra yig e ni sbyor ba'o/ /rlung mtshams phyi rol pa bzung nas/ /sgra yig u ni sbyor bar bya/ /thig le nga ros mnyam sbyor na/ /bskal bzang bskal bzang 'gyur ba yin/ /zhes bcom ldan 'das dpal rdo rje sems dpas gsungs so/ /de bzhin gnyis pa dpa' bo ma/ /kun du bzang mo gsum pa ste/ /bzhi pa zad med snon ma'o/ /dpa' mo sangs rgyas 84.218a sku ldan ma/ /de bzhin gzungs ma zhal mdzes ma/ /sprin chen ma ni bdun pa ste/ /brgyad pa nam mkha'i spyan ma'o/ /gling bu la sogs bsdus pa dang / /sgo srungs ma sogs yang bsdus te/ /me tog ma sogs bsdus pa ni/ /dang po'i dkyil 'khor la bskyed 'dod/ /ces bcom ldan 'das 'dod chags chen po dpal rdo rje sems dpas gsungs te/ de bzhin gshegs pas dkyil 'khor la sngags 'byung ba'i tshogs kyi phyag rgya shes pa'o/ /o yig thig le dang ldan pa/ /yi ge e yis ldan pa yi/ /rlung mtshams phyi rol gnas pa dang / /me mtshams 'dab ma gnas pa nyid/ /sgra yig u dang sbyor bar bya/ /shar las dang po de bzhin du/ /dbus las dbu ma yang yin te/ /me mtshams 'dab ma dang ldan pa'i/ /lho las dbu ma 'gyur byas te/ /bden bral phyi rol pa bzung nas/ /dbus las tha ma pa yang bzung / /dbang ldan 'dab mar gnas pa nyid/ /yi ge e dang mnyam ldan pa'i/ /rlung mtshams phyi rol gnas pa la/ /tsheg drag gis ni mnyam par ldan/ /de ni bcu par yongs grags te/ /bden bral phyi rol gnas pa la/ /me mtshams 'dab ma can dang ldan/ /dbus las dbu ma 'gyur nas su/ /byang las dbu ma de bzhin te/ /sgra yig u ni sbyor bar bya/ /me mtshams phyi rol pa de bzhin/ /nub las dang po pa dang ldan/ /bden bral phyi rol pa la yang / /dbu ma'i mtha' yang de yin te/ /dbang ldan 'dab mar gnas pa nyid/ /yi ge u dang mnyam ldan pa'i/ /dbus las tha ma pa 'gyur nas/ /me mtshams 'dab ma dang ldan pa/ /byang las dbu ma 'gyur byas te/ /'dren pa a yig dang lhan cig /dbus las dang po bzung nas su/ /me mtshams stan 84.218b dang ldan par bya/ /dbus las bzhi pa gang yin pa/ /thig le dang ni yang dag ldan/ /lho las dbu ma de bzhin du/ /shar las dang po pa yang yin/ /rlung mtshams phyi rol pa bzung nas/ /thig le u yig ldan par bya/ /dbus las gnyis pa gang yin pa/ /nub kyi dang po a med par/ /zhes bcom ldan 'das dpal rdo rje sems dpas gsungs so/ /rlung mtshams phyi rol bzung nas su/ /thig le u yig dang ldan ste/ /dbus las dbu ma de bzhin du/ /me mtshams stan dang ldan pa yi/ /lho las dbu ma pa 'gyur te/ /shar las gsungs pa gang yin pa/ /sgra yig u dang ldan par bya/ /rlung mtshams phyi rol gnas pa la/ /sgra yig e yis brgyan pa ste/ /dbang ldan 'dab ma'i gdan can ni/ /lnga par yongs su grags pa ste/ /bden bral phyi rol gnas pa la/ /sgra yig i dang sbyor bar bya/ /byang las bzhi pa gang yin pa/ /sgra yig i dang sbyor bar bya/ /dbus las dang po bzung nas su/ /me mtshams 'dab ma can dang 'dra/ /dbus las tha ma yang yin te/ /dbang ldan 'dab mar gnas pa la/ /sgra yig o ni sbyor bar bya/ /shar las gsum pa gang yin pa/ /sgra yig o ni sbyor bar bya/ /dbang ldan phyi rol gnas pa gang / /dbus las dbu ma dang ldan te/ /me mtshams 'dab mar gnas pa la/ /sgra yig i ni sbyor bar bya/ /rlung mtshams phyi rol gnas pa ni/ /me mtshams gdan dang ldan pa ste/ /tsheg drag yi ge i ldan pa/ /dang po yongs su grags pa'o/ /rlung mtshams phyi rol gnas pa la/ /thig le yi ge u sbyor te/ /mkhas pas lan gnyis 84.219a brjod par bya/ /dbus las dbus ma yang bzung ste/ /lho las dbu ma de bzhin la/ /me mtshams 'dab ma can dang ldan/ /lho las dang po bzung nas su/ /thig le dang ni mnyam por ldan/ /nub nas dbu ma bzung nas su/ /yi ge e dang mnyam ldan bya/ /dbang ldan phyi rol gang yin pa/ /dbus las dbu ma dang ldan te/ /me mtshams 'dab mar gnas pa la/ /sgra yig i ni sbyor bar bya/ /shar las gnyis pa gang yin pa/ /nub las dang po bzung nas su/ /dbus nas dbu ma ldan pa ste/ /thig le a yig ldan par bya/ /bcu par yongs su grags pa ste/ /shar las gsum pa gang yin pa/ /sgra yig i dang sbyor bar bya/ /dbus la tha mar gzung nas su/ /rlung mtshams phyi rol pa la yang / /yi ge i dang ldan par bya/ /dbus nas dbu ma gzung nas su/ /lho las gsum pa 'gyur byas te/ /me mtshams gdan ni sbyor byas nas/ /shar nas dang po bzung nas su/ /yi ge a yig ldan pa yi/ /dbus las dang po 'gyur byas te/ /bden bral 'dab mar gnas pa la/ /sgra yig e dang sbyor ba yi/ /dbus las tha ma yang yin te/ /shar nas dang po bzung nas su/ /sgra yig u yis sbyor bar bya/ /me mtshams 'dab mar gnas pa la/ /sgra yig u dang sbyor ba ste/ /bden bral 'dab mar gnas pa la/ /sgra yig u yis brgyan byas te/ /me mtshams 'dab mar gnas pa yang / /sgra yig u dang sbyor bar bya/ /bden bral 'dab mar gnas pa la/ /sgra yig u yis brgyan pa ste/ /bden bral 'dab mar gnas pa ni/ /gnyis brtsegs yi ge u dang 84.219b ldan/ /rlung mtshams phyi rol gnas pa la/ /byang las tha ma ldan byas te/ /tsheg drag mnyam por ldan pa la/ /sgra yig i dang sbyor bar bya/ /zhes bcom ldan 'das dpal rdo rje sems dpas gsungs so/ /rlungs mtshams phyi rol pa bzung nas/ /thig le u yis sbyor bar bya/ /dbus las dbu ma bzung ba dang / /me mtshams stan dang ldan pa yi/ /lho nas dbu mar 'gyur bar bya/ /byang las tha ma bzung nas su/ /sgra yig a ni sbyor bar bya/ /me mtshams 'dab mar gnas pa la/ /sgra yig a yis brgyan par bya/ /dbang ldan 'dab mar gnas pa la/ /sgra yig i dang ldan pa yi/ /nub kyi tha mar 'gyur bar bya/ /lho yi dbu ma de bzhin du/ /lho las bzhi pa gang yin 'byor/ /tsheg drag yi ge i ldan pa/ /'dus pa gsungs pa yin pa'o/ /rlung mtshams phyi rol pa bzung nas/ /thig le u yis sbyor bar bya/ /dbus las dbu ma de bzhin yang / /me mtshams stan dang ldan pa yi/ /lho yi dbu ma 'gyur bar bya/ /dbus las dang po bzung nas su/ /sgra yig gnyis pa ldan pa yi/ /byang gi dang po yang yin te/ /shar las dang po bzung ba la/ /sgra yig e ni sbyor bar bya/ /lho las dbu ma de bzhin du/ /tsheg drag yi ger ldan pa'o/ /zhes rdo rje rnal 'byor ma rnams kyi'o/ /rlung mtshams phyi rol pa bzung nas/ /thig le u yig sbyor byas te/ /dbus las dbu ma bzung ba dang / /me mtshams stan dang ldan pa yi/ /lho las u ma 'gyur bar bya/ /dbu las dang po bzung ba la/ /me mtshams stan dang ldan par bya/ /rlung mtshams phyi rol pa bzung nas/ /de 'og me mtshams pa yin te/ /nub kyi tha ma de bzhin du/ /sgra yig i dang sbyor bar bya/ /dbus las tha ma yang yin te/ /nub 84.220a las dang po bzung nas su/ /a yig med par gyur pa'o/ /rlung mtshams phyi rol pa bzung nas/ /thig le u yis sbyor bar bya/ /dbus las dbu ma de bzhin te/ /me mtshams stan dang ldan pa yi| |lho las dbu mar gyur par bya/ /dbus nas dbu ma bzung nas su/ /thig le yis ni brgyan par bya/ /de bzhin dbus nas dbu ma yang / /lho nas dbu ma de bzhin te/ /me yi mtshams pa mnyam par ldan/ /yi ge a yis gdu bar bya/ /nub nas tha ma bzung nas su/ /sgra yig o ni sbyor bar bya/ /bden bral phyi rol pa bzung nas/ /dbu ma'i tha ma dang ldan par/ /me mtshams lan gnyis brjod nas su/ /nub nas dang por ldan 'gyur bya/ /rtag tu a med brgyad pa ni/ /rdo rje kha T+wAM 'dzin ma yin/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /tsheg drag o ni sbyor bar bya/ /dbus nas dbu ma de bzhin du/ /me mtshams pas ni ldan pa yin/ /lho nas dbu mar 'gyur ba'o/ /shar nas dang po bzung nas su/ /sgra yig a ni sbyor bar bya/ /dbus nas tha mar bzung nas su/ /sgra yig e ni sbyor bar bya/ /dbang ldan phyi rol pa bzung nas/ /dbus las dbu ma gzung bar bya/ /me mtshams 'dab ma la gnas pa/ /sgra yig i ni sbyor bar bya/ /byang nas dang po bzung nas su/ /yi ge a dang ldan par bya/ /me mtshams 'dab ma sbyor nas su/ /thig le nga ros bsdu bar bya/ /sna tshogs pad+ma lha mo che/ /rdo rje sems sogs lha yi yin/ /zhes bcom ldan 'das dpal bde ba chen po rdo rje sems dpas gsungs so/ /rdo rje mtshon cha dang / rdo rje rol ma dang / rdo rje dran ma dang / rdo rje snying po ma dag rdo rje sems dpa' la sogs pa'i lha mo bzhi yin no/ /o yig thig le dang ldan par/ / 84.220b e yig thig le yang dag ldan/ /dbus la tha ma bzung ba dang / /yi ge u dang ldan par bya/ /byang nas de bzhin bzhi pa'o/ /dbus nas dbu ma bzung nas su/ /lho nas dbu ma de bzhin du/ /me mtshams 'dab ma dang sbyar nas/ /sgra yig i dang a bsdu bya'o/ /shar nas bzhi pa gang yin pa/ /thig le u dang ldan bya ste/ /nan tan du ni lan gnyis bzla/ /rtag tu dang po'i 'gyur ba yin/ /o yig thig le dang ldan pa/ /dbu ma las ni dbu ma yang / /me mtshams 'dab ma dang ldan pa'i/ /lho nas dbu mar 'gyur bar bya/ /dbus nas tha ma bzung byas te/ /sgra yig e dang sbyor bar bya/ /shar las bzhi pa gang yin pa/ /sgra yig u dang sbyor ba'o/ /bden bral 'dab ma la gnas pa/ /sgra yig u dang sbyor ba ste/ /nan tan lan gnyis bzlas pa'o/ /dbus las bzhi pa gang yin pa/ /u yig me mtshams pa dang ldan/ /thig le nga ro gnyis pa'o/ /o yig thig le dang ldan pa'o/ /rlung mtshams phyi rol la gnas pa/ /tsheg drag dang ni mnyam por ldan/ /dbang ldan phyi rol la gnas dang / /me mtshams 'dab ma can de bzhin/ /byang nas gsum pa gang yin pa/ /dbus las dbu mar gyur par bya/ /lho nas dbu ma pa la yang / /me mtshams 'dab ma can dang ldan/ /sgra yig i dang ldan sbyor ba/ /e yig thig le dang ldan pa/ /lan gnyis gsum ni brjod byas te/ /lha mo gsum po kho na'o/ /sngags 'byung bar ni grags pa yin/ /o yig thig le dang ldan par/ /shar nas gnyis pa gang yin pa/ /zla tshes thig le gtsug gi zhal/ /dbus nas dbu ma de bzhin du/ /lho nas dbu ma pa la yang / /me mtshams 'dab ma can sbyor dang / /dus rnams thams cad sbyor bar bya/ /dbang ldan phyi rol pa de bzhin/ / 84.221a sgra yig e ni sbyor bar bya/ /de nyid phyi rol pha bzung nas/ /sgra yig i dang ldan byas te/ /me mtshams 'dab ma gnas pa yi/ /sgra yig i yis brgyan par bya/ /rlung mtshams phyi rol pa bzung nas/ /thig le u yig sbyor byas te/ /lan gnyis gsum du brjod pa'o/ /de ni dpag bsam shing sogs lha/ /rdo rje snying po ma dang / rdo rje sred med kyi bu mo dang / rdo rje gar gyi dbang phyug ma dang / 'dod pa'i lha mo rnams shes pa lha mo bzhi yin no/ /o yig thig le dang ldan pa/ /yi ge a yis sbyor bar bya/ /rlung mtshams phyi rol la gnas pa/ /me mtshams 'dab ma can de bzhin/ /yi ge e yis mnyam ldan pa'i/ /byang nas dang por 'gyur byas te/ /dbus las dbu ma de bzhin du/ /me mtshams 'dab ma can sbyor ba'i/ /lho yi dbu ma pa yang de/ /yi ge e yis mnyam ldan bya/ /dbus las dbu ma ldan 'gyur dang / /bden bral 'dab ma la gnas pa/ /sgra yig i ni sbyor byas te/ /bden bral phyi rol la gnas pa/ /sgra yig i ni sbyor byas te/ /byang nas tha ma gang yin pa/ /sgra yig a ni sbyor bar bya/ /byang nas dang po gang yin pa/ /me mtshams pa yi gdan dang ldan/ /nub nas dang po gang yin pa/ /rtag par a med 'gyur bar bya/ /gdod ma tha ma med pa'i mchog /lha mo rdo rje pi wang ma'o/ /rlung mtshams phyi rol pa bzung nas/ /sgra yig e ni sbyor bar bya/ /me mtshams 'dab ma gnas pa nyid/ /sgra yig i dang ldan byas te/ /byang nas dang por 'gyur bar bya/ /dbus nas dbu ma bzung nas su/ /lho nas dbu ma gzung bar bya/ /me mtshams 'dab ma dang sbyor nas/ /bsdu bar bya ba yang yin te/ /shar nas gsum pa gang yin pa/ /sgra yig e ni sbyor bar bya/ /byang nas dang po bzung nas su/ /sgra yig e ni sbyor byas te/ /nga ro bzhi po dang ldan pa/ /rtag par lan 84.221b gsum brjod bya'o/ /rlung mtshams phyi rol pa bzung nas/ /sgra yig e ni sbyor bar bya/ /me mtshams 'dab ma pa la yang / /sgra yig e ni sbyor bar bya/ /byang nas dang po 'gyur bar bya/ /dbus nas dbu ma bzung nas su/ /me mtshams 'dab ma can lhan cig /lho nas dbu ma 'gyur byas te/ /rlung mtshams phyi rol la gnas pa/ /sgra yig a ni sbyor bar bya/ /de bzhin bden bral phyi pa la/ /sgra yig e ni sbyor ba'i phyir/ /rlung mtshams phyi rol pa nyid ni/ /lan gnyis ched du brjod par bya/ /dbus nas dbu ma bzung nas su/ /thig le e yig sbyor bar bya/ /mkha' 'gro sgyu ma bde mchog la/ /rnga chen lha mor grags pa yin/ /rlung mtshams phyi rol pa bzung nas/ /sgra yig i ni sbyor bar bya/ /me mtshams 'dab ma gnas pa yang / /byang nas dang po pa bzung ste/ /sgra yig i ni ldan par bya/ /dbus las dbu ma de bzhin du/ /me mtshams 'dab ma dang sbyor ba'i/ /lho nas dbu ma pa dang yang / /byang nas mtha' ma bzung byas te/ /me mtshams 'dab ma ldan byas nas/ /sgra yig i ni sbyor bar bya/ /byang nas dang po bzung byas te/ /dbang ldan 'dab ma can sbyor nas/ /de tshe de ni yang brjod de/ /de bzhin dbus las dbu ma yang / /sgra yig e ni sbyor bar bya/ /dbus las dang po de bzhin du/ /de ni lan gnyis brjod par bya/ /lho nas bzhi pa bzung nas su/ /nga ro a yig ldan par bya/ /rdo rje sems dpa'i dkyil 'khor la/ /rdza rnga ma zhes grags pa yin/ /zhes bcom ldan 'das dpal rdo rje sems dpas gsungs so/ /gling bu ma dang pi bang kun/ /rnga chen de bzhin rdza rnga kun/ /rdo rje sems dpa'i dkyil 'khor la/ /grwa yi lha mos mchod 'grub pa'o/ /a yig dang po byas nas su/ /dbus nas dbu ma pa la yang / /me mtshams 'dab ma can ldan par/ /lho nas 84.222a dbu ma 'gyur bar bya/ /dbus las dang po de bzhin du/ /sgra yig u ni sbyor bar bya/ /me mtshams phyi rol pa bzung nas/ /dbus las dang po yang yin te/ /e yig dang ni mnyam por ldan/ /dbus nas me rtog ma phyung ngo / /a yig dang por byas nas su/ /dbus las dbu ma pa yang ste/ /me mtshams 'dab ma dang ldan pa'i/ /lho nas dbu ma yang yin te/ /byang las bzhi pa gang yin pa/ /sgra yig u dang sbyor bar bya/ /dbus las dang po bzung nas su/ /rdo rje spos me rnam grags so/ /a yig dang po byas nas su/ /dbus las dbu ma pa yang ste/ /me mtshams 'dab ma can ldan pa'i/ /lho las dbu mar 'gyur par bya/ /yi ge a las mnyam ldan te/ /bden bral 'dab ma gnas pa la/ /sgra yig o ni sbyor bar bya/ /shar gyi dang po de bzhin du/ /e yig ldan par gsungs pa'o/ /a yig dang po byas nas su/ /dbus las dbu ma de bzhin yang / /me mtshams 'dab ma dang ldan par/ /lho las dbu ma 'gyur byas te/ /shar gyi gsum pa de la yang / /thig le dang ni sbyor bar bya/ /byang nas bzhi pa gang yin pa/ /yi ge e yig lhan cig 'gyur/ /zhes bcom ldan 'das dpal rdo rje sems pas rdo rje me tog ma dang / rdo rje bdug spos ma dang rdo rje mar me ma dang / /rdo rje dri chab ma zhes bya ba phyi'i lha mo bzhi gsungs so/ /o yig thig le dang ldan par/ /dbus las dbu ma pa yang ste/ /me mtshams 'dab ma dang lhan cig /lho las dbu ma 'gyur ba ste/ /a yig thig le mnyam gnon par/ /rtag par brjod par bya ba ste/ /shar las dang po bzung nas su/ /sgra yig u ni sbyor bar bya/ /dbang ldan phyi rol pa bzung nas/ /sgra yig i ni sbyor bar bya/ /tsheg drag mnyam por ldan pa ni/ /lho las dbu mar 'gyur ba'o/ /zhes bcom 84.222b ldan 'das dpal rdo rje sems dpas gsungs so/ /o yig thig le dang ldan par/ /dbus las dbu ma 'gyur byas te/ /me mtshams pa dang mnyam ldan pa'i/ /lho las dbu ma pa yang ste/ /dbus las dang po bzung nas su/ /sgra yig a ni sbyor bar bya/ /dbang ldan phyi rol pa bzung nas/ /sgra yig a ni sbyor bar bya/ /rlung mtshams phyi rol pa bzung nas/ /thig le u yig sbyor ba'o/ /zhes bcom ldan 'das dpal don yod shin tu dga' ba'i sems dpas gsungs so/ /o yig thig le dang ldan par/ /dbus las dbu ma 'gyur ba byas/ /me mtshams 'dab ma can ldan zhing / /lho las dbu ma 'gyur bar bya/ /dbang ldan phyi rol pa bzung nas/ /thig le nga ros brgyan byas te/ /shar gyi dbang po bzung nas su/ /sgra yig thig e dang mnyam ldan zhing / /bden bral mdab ma can du 'gyur/ /dpral bar thig les brgyan pa'o/ /zhes bcom ldan 'das dpal rdo rje sems dpa' gsungs so/ /o yig thig le dang ldan par/ /dbus las dbu ma pa yin te/ /me mtshams 'dab ma can lhan cig /lho nas dbu ma 'gyur bar bya/ /shar las bzhi pa gang yin pa/ /thig le nga ros rnam par brgyan/ /nub las dang po bzung nas su/ /sgra yig e ni sbyor bar bya/ /rlung mtshams phyi rol pa bzung nas/ /tsheg drag dang ni mnyam ldan zhing / /o yig lhan cig 'gyur ba'o/ /zhes bcom ldan 'das bde ba chen po dpal rdo rje sems dpas gsungs so/ /rta 'grin 'phang mtho'i lcags kyu ma dang / phag mgo mche zhags ma dang / nyi zla lcags sgrog ma dang / shi ba gso ba'i dril bu ma zhes bya ba sgo srungs ma bzhi gsungs pa ste/ dpal rdo rje dpa'i dkyil 'khor la sngags kyi tshogs kyi phyag rgya shes pa'o/ /o yig thig le dang ldan par/ /dbus las bzhi pa gang yin pa/ /tsheg drag u yig ldan pa ste/ /shar las gnyis pa can pa yang / / 84.223a thig le nga ro gnon pa ni/ /thub chen rnam snang mdzad kyi'o/ /o yig thig le dang ldan par/ /dbus las dbu ma yang yin te/ /me mtshams 'dab ma dang ldan pa'i/ /lho las dbu ma 'gyur byas te/ /bden bral phyi rol pa bzung nas/ /byang nas dang po pa yang ste/ /dbus nas dbu ma pa ldan pa/ /dbang ldan phyi rol la gnas pa/ /thig le dang ni ldan pa'o/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /dbus las dbu ma yang yin te/ /me mtshams 'dab ma dang lhan cig /lho las dbu ma 'gyur byas te/ /me mtshams 'dab ma can de bzhin/ /byang las dang por 'gyur byas te/ /byang las tha ma dang ldan pa/ /mjug tu me mtshams 'dab ma can/ /zla tshes thig le gtsug gi zhal/ /zhes bcom ldan 'das dpal rdo rje sems pas gsungs so/ /o yig thig le dang ldan par/ /dbus las dbu ma par 'gyur te/ /me mtshams 'dab ma can lhan cig /lho las dbu ma yang yin te/ /byang nas bzhi pa gang yin pa/ /dbus las dbu ma pa yang ste/ /me mtshams pa yi mgo gnon bya/ /dbus las tha ma gang yin pa/ /zla tshes thig le gtsug gi zhal/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /dbus las dbu ma 'gyur byas te/ /me mtshams 'dab ma dang ldan pa'i/ /lho las dbu ma 'gyur byas te/ /shar las dang po bzung nas su/ /me mtshams can gyis gnon pa yi/ /dbus las dbu ma pa yang 'dod/ /byang las gnyis pa gang yin pa/ /zla tshes thig le gtsug gi zhal/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung ste/ /thig le nga ro ldan par bya'o/ /bden bral phyi rol pa bzung ste/ /dbus las dbu ma dang ldan pa'i/ /byang las dang po 'gyur bar bya/ /dbus las 84.223b dbu ma de bzhin du/ /i yig me mtshams ldan pa ste/ /lho las dbu ma 'gyur bar bya'o/ /zhes bcom ldan 'das dpal rdo rje sems dpas gsungs so/ /lho las gnyis pa gang yin pa/ /thig le e yig sbyar bar bya/ /dbus las dbu ma de bzhin du/ /me mtshams 'dab ma ldan pa yi/ /lho las dbu ma 'gyur byas shing / /me mtshams 'dab mar gnas pa nyid/ /byang las dang po de bzhin du/ /byang las tha ma dang 'byor pa/ /sgra yig e dang sbyor ba'o/ /zhes bcom ldan 'das dpal don yod shin du dga' ba'i rdo rje sems dpas gsungs so/ /byang nas dang po bzung nas su/ /thig le me mtshams yang dag ldan/ /dbus las dbu ma de bzhin du/ /me mtshams pa dang ldan pa la/ /lho las dbu ma 'gyur bar bya/ /dbus las dang po bzung nas su/ /byang las dbu ma yang yin te/ /dbus las tha ma dang ldan la/ /yi ge lhan cig 'gyur ba'o/ /zhes bcom ldan 'das dpal rdo rje sems dpas gsungs so/ /byang las bzhi pa gang yin pa/ /thig le nga ro ldan par bya/ /dbus las dbu ma de bzhin du/ /sgra yig i ni sbyar byas te/ /dbang ldan phyi rol pa bzung nas/ /dbus las dbu ma dang ldan pa'i/ /de bzhin dbus las dbu ma yang / /i yig me mtshams dang ldan pa'i/ /lho las dbu ma pa 'gyur ro/ /zhes bcom ldan 'das bde ba chen po rdo rje sems dpas gsungs so/ /dang po sangs rgyas dbyangs ma dang / /dbang ldan phyi rol can nyid la/ /sgra yig u dang sbyor bar bya/ /bden bral 'dab mar gnas pa yang / /sgra yig a ni sbyor bar bya/ /shar las gsum pa gang yin pa/ /e yig me mtshams pa dang ldan/ /dbus las bzhi pa gang yin pa/ /thig le i yig ldan par bya/ /byang las dbu ma phul nas su/ /de nas dbus nas tha ma ste/ /nub kyi dang po rtag tu ni/ /i yig med par brjod 84.224a par bya/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /thig le u yig sbyor bar bya/ /dbus las dbu ma de bzhin du/ /me mtshams stan dang ldan pa yi/ /lho las dbu ma 'gyur bar bya/ /shar las dang po gang yin pa/ /sgra yig e yis brgyan pa ste/ /dbang ldan phyi rol gang yin pa/ /sgra yig e ni sbyor bar bya/ /lho las dang po gang yin pa/ /gnyis pa ru ni sbyor byas la/ /thig le e yig ldan par bya/ /de yang drug par 'gyur ba ste/ /byang las dbu ma de bzhin du/ /dbu ma'i tha ma yang yin te/ /nub las dang po rtag tu ni/ /a yig med par 'gyur ba'o/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /thig le u yig ldan par bya/ /dbus las dbu ma bzung ba dang / /me mtshams stan dang ldan pa yi/ /lho las dbu ma 'gyur byas te/ /yi ge a dang ldan par bya/ /dbus las tha ma bzung nas su/ /bden bral 'dab mar gnas pa yang / /dbus las dang po bzung nas su/ /sgra yig a ni sbyor bar bya/ /dbang ldan phyi rol pa nyid la/ /sgra yig e dang sbyor bar bya/ /dbus las tha ma bzung nas su/ /nub las dang po yang bzung ste/ /a yig med par byas pa ni/ /mkha' 'gro ma yi grags pa'o/ /gau rI tsau rI pra mo ha/ /be tA lI zhes bya ba bzhi/ /rdo rje rnal 'byor ma dag yin/ /puk+ka sI dang tsaN Ta lI/ /g+has ma khrag 'thung 'dra ba bzhi/ /rdo rje mkha' 'gro ma dag yin/ /rlung mtshams phyi rol pa bzung nas/ /sgra yig e dang ldan par bya/ /dbus las dbu ma de bzhin te/ /me mtshams 'dab ma stan ldan pa'i/ /lho las dbu ma 'gyur bar bya/ /me mtshams 'dab mar gnas pa nyid/ /sgra yig i dang ldan pa yi/ /byang las dang po 'gyur bar bya/ /dbus las dang po de bzhin du/ /thig le yang dag ldan pa'o/ /zhes 84.224b bcom ldan 'das dpal rdo rje 'dzin pas gsungs so/ /dbus las dbu ma de bzhin du/ /thig le nga ro yang dag ldan/ /dbus las tha ma bzung ba dang / /yi ge a dang ldan pa yi/ /rlung mtshams phyi rol gnas par 'gyur/ /me mtshams 'dab mar gnas pa nyid/ /byang las dang po yang yin te/ /dbus las dbu ma pa yang bzung / /e yig me mtshams dang ldan pa'i/ /lho nas dbu ma 'gyur bar bya/ /rlung mtshams phyi rol pa bzung nas/ /tsheg drag o yig sbyor bas so/ /zhes bcom ldan 'das dpal bde ba chen po rdo rje sems dpas gsungs so/ /o yig thig le dang ldan pa'i/ /dbus las dbu ma yang yin te/ /me mtshams 'dab ma can ldan pa'i/ /dbus las dbu ma 'gyur ba'o/ /o yig dang ni ldan pa yi/ /bden bral 'dab mar gnas de bzhin/ /lho las dang po de bzhin du/ /yi ge i yig ldan pa yi/ /byang las tha ma yang yin te/ /dbang ldan 'dab mar gnas pa la/ /zla tshes thig le gtsug gi zhal/ /zhes bcom ldan 'das dpal thogs pa med pa'i shin du dga' ba'i rdo rje sems dpas gsungs so/ /me mtshams 'dab mar gnas pa la/ /zla tshes thig le gtsug gi zhal/ /dbus las tha ma yang de bzhin/ /sgra yig a dang sbyor ba yi/ /rlung mtshams phyi rol par 'gyur te/ /dbang ldan phyi rol gnas nyid la/ /me mtshams stan dang ldan pa ste/ /sgra yig o dang sbyor bar bya/ /bzhi par yongasu grags pa yin/ /dbus las dbu ma pa nyid dang / /me mtshams stan dang ldan pa yi/ /sgra yig i dang sbyor nas su/ /lho las dbu ma 'gyur bar bya/ /rlung mtshams phyi rol gnas pa yang / /sgra yig i dang sbyor byas te/ /tsheg drag lhan cig 'dod pa'o/ /de dag mda' rnon 'dzin ma la sogs pa grwa'i srin mo la sogs bzhi rnams kyi'o/ /me tog ma sogs 'dus pa dang / /sgo 84.225a srungs ma sogs 'dus pa ste/ /rtsa ba'i dkyil 'khor tshul gyis ni/ /ji bzhin yang dag 'byung ba'o/ /zhes bcom ldan 'das dpal thogs pa med pa'i shin tu dga' ba'i rgyal po rdo rje sems dpas gsungs te/ rdo rje mkha' 'gro ma yi dkyil 'khor la/ sngags 'byung ba'i tshogs kyi phyag rgya shes pa'o/ /o yig thig le dang ldan par/ /dbus las dbu ma bzung byas te/ /bden bral phyi rol pa la sogs/ /dbus las bzhi pa gang yin pa/ /sgra yig a dang sbyor bar bya/ /dbus las dbu ma bzung ba dang / /dbang ldan phyi rol gnas pa la/ /sgra yig u dang sbyor bar bya/ /byang las bzhi pa gang yin pa/ /rtseg mar de bzhin lci bar 'dod/ /dbus las dang po bzung ba dang / /byang nas dbu ma yang yin te/ /dbus las tha ma dang sbyor ba/ /brgyad par yongs su grags pa yin/ /byang nas tha mar de bzhin du/ /o yig me mtshams dang ldan pa/ /byang nas dang po yang yin te/ /dbus las dbu ma dang sbyor te/ /dbang ldan phyi rol gnas pa yang / /me mtshams 'dab ma bzung nas su/ /rlung mtshams phyi rol gnas pa la/ /me mtshams pa stan ldan byas te/ /tsheg drag i yis sbyor bas so/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /bden bral phyi rol gnas pa yang / /me mtshams pa yin non pa yi/ /dbus las dbu ma 'gyur bar bya/ /byang las dang po bzung nas su/ /sgra yig a dang ldan pa yis/ /byang nas gnyis pa gang yin pa/ /shar las gsum pa gang yin dang / /byang nas dang po yang yin te/ /dbus las dang po bzung nas su/ /byang nas dbu ma pa la yang / /dbus las tha ma dang sbyor te/ /yi ge i dang gcig par 'dod/ /lho nas dbu ma bzung nas su/ /tsheg drag lci ba kho na'o/ /zhes bcom ldan 'das dpal rdo rje 'dzin pas gsungs so/ / 84.225b rlung mtshams phyi rol pa bzung nas/ /thig le u yig sbyor bar bya/ /dbus las dbu ma pa bzung ba/ /me mtshams pa stan ldan pa yi/ /lho las dbu ma 'gyur bar bya/ /dbus las dang po bzung nas su/ /byang nas dbu ma pa la yang / /dbus las tha ma dang sbyor la/ /sgra yig i dang ldan par bya'o/ /zhes bcom ldan 'das dpal rdo rje 'dzin pas gsungs so/ /rlung mtshams phyi rol pa bzung nas/ /sgra yig e dang sbyor bar bya/ /dbus las dang po bzung ba dang / /byang nas dbu ma pa yi yang / /dbus las tha ma pa sbyor la/ /sgra yig i dang ldan par bya/ /de ni lan gnyis brjod byas te/ /dbus las dbu ma 'gyur ba la/ /thig le nga ro ldan byas la/ /de ni drug por yongs grags so/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /tsheg drag o yig sbyor bar bya/ /dbus las dang po bzung nas ni/ /byang las dbu ma dang ldan pa'i/ /dbus kyi tha ma bzung ba dang / /nub las tha ma bzung ba la/ /sgra yig e ni sbyor bar bya/ /me yi 'dab mar gnas pa la/ /sgra yig a dang sbyor bar bya/ /lho las dbu ma bzung nas su/ /thig le nga ro ldan par bya/ /zhes bcom ldan 'das shin tu dga' ba'i rdo rje sems dpas rnam par gzigs ma dang / sgrol ma dang sa 'dzin ma dang khro gnyer ma zhes pa'i pad ma'i gtso mo'i lha mo bzhis gsungs pa'o/ /rlung mtshams phyi rol pa bzung nas/ /thig le u yig sbyor bar bya/ /dbus las dang po bzung ba dang / /byang nas dbu ma gang yin pa/ /dbus las tha ma dang sbyor te/ /de ni rtag par lci bar 'gyur/ /lho las dang po bzung nas su/ /thig le dang ni mnyam por ldan/ /nub nas dbu ma pa nyid la/ /i yig dang ni ldan par bya/ /dbang ldan phyi rol pa bzung nas/ /dbus las dbu ma dang sbyor bya/ /me mtshams 'dab mar 84.226a gnas pa nyid/ /sgra yig u yis rnam par brgyan/ /rlung mtshams phyi rol pa la yang / /yi ge u dang mnyam ldan la/ /thig le nga ro yang dag ldan/ /dbus las gnyis pa gang yin pa/ /a med nub kyi dang po'o/ /zhes bcom ldan 'das rdo rje 'dzin pas gsungs so/ /rlung mtshams phyi rol pa bzung nas/ /sgra yig e ni sbyor bar bya/ /dbus las tha ma bzung ba dang / /sgra yig e dang ldan pa yi/ /rlung mtshams phyi rol pa 'gyur te/ /dbus las dbu ma pa nyid la/ /sgra yig i ni sbyor bar bya/ /dbang ldan phyi rol pa la yang / /dbus las dbu ma dang ldan bya/ /dbus las dang po bzung ba dang / /byang nas dbu ma pa la yang / /dbus las tha ma dang sbyar te/ /de ni rtag lci la gyur pa/ /de bzhin dbus las tha ma yang / /sgra yig u dang sbyor bar bya/ /e yig me mtshams can ldan pa'i/ /byang las dang po 'gyur bar bya/ /bden bral phyi rol pa bzung la/ /sgra yig i ni sbyor bar bya/ /byang las bzhi pa gang yin pa/ /dbang ldan 'dab ma can gyi stan/ /rlung mtshams phyi rol pa bzung nas/ /thig le u yig sbyor bar bya/ /dbu ma'i gnyis pa gang yin pa/ /nub kyi dbang po 'gyur bar bya/ /de la a yig med ces pa/ /bdag gis thams cad du ni bshad/ /ces bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /me mtshams pa yi stan dang ldan/ /tsheg drag i yig ldan pa ni/ /dang po par ni yongs su grags/ /dbus las dang po bzung ba dang / /byang nas dbu ma yang yin la/ /dbus las tha ma dang sbyor te/ /sgra yig i dang sbyor ba yi/ /mkhas pas lan gnyis brjod par bya/ /rlung mtshams phyi rol pa la yang / /thig le u yig gis brgyan te/ /tha mar yig ge a la yang / /thig le dang ni ldan par 84.226b bya/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /tsheg drag o yig sbyor bar bya/ /dbus las dang po bzung ba dang / /byang las dbu ma pa la yang / /dbus las tha ma dang sbyar te/ /sgra yig a yis brgyan par bya/ /dbus las dbu ma pa nyid la/ /sgra yig i dang sbyor bar bya/ /dbus las dbu ma nyid la yang / /dbang ldan phyi rol pa bzung nas/ /dbus las dbu ma dang sbyar te/ /sgra yig a dang ldan pa ni/ /rtag par lci bar gyur pa yin/ /shar las dang po bzung nas ni/ /me mtshams pa yi gdan dang ldan/ /dbus las tha ma bzung ba la/ /sgra yig a dang sbyor bar bya/ /shar las dang po bzung nas su/ /me mtshams pa yi gdan dang ldan/ /dbus las tha ma pa yang yin/ /rlung mtshams phyi rol pa bzung la/ /thig le u yig sbyor bar bya/ /lho nas dbu ma de bzhin du/ /tsheg drag lci ba can ldan no/ /zhes bcom ldan 'das dpal rdo rje 'dzin pas pad ma'i na bza' dang / rdo rje pad ma'i dbang phyug ma dang / pad ma gar gyi dbang phyug ma dang / sna tshogs pad ma zhes bya ba pad ma rigs kyi lha mo bzhi yis gsungs so/ /gling bu ma tshogs 'dus pa dang / /sgo srungs ma tshogs 'dus pa ste/ /me tog ma tshogs 'dus pa yang / /pad mas mtshan ma 'dzin par zad/ /dang po'i dkyil 'khor tshul gyis ni/ /ji bzhin yang dag 'byung ba'o/ /zhes bcom ldan 'das dpal rdo rje 'dzin pas gsungs te/ dpal pad ma gar gyi dbang phyug gi dkyil 'khor la sngags byung ba'i tshogs kyi phyag rgya shes pa'o/ /o yig thig le dang ldan par/ /sgra yig i dang ldan pa'o/ /bden bral phyi rol pa la yang / /byang las bzhi pa gang yin pa/ /dbang ldan 'dab ma can dang ldan/ / 84.227a dbus las bzhi pa gang yin pa/ /tsheg drag u yig sbyor bar bya/ /bden bral phyi rol pa bzung nas/ /sgra yig i yis brgyan pa ste/ /byang las bzhi pa gang yin pa/ /dbang ldan 'dab ma can dang ldan/ /dbus las bzhi pa gang yin pa/ /sgra yig u dang sbyor bar bya/ /de bzhin dbus las dbu ma la/ /tsheg drag dang ni mnyam por ldan/ /bden bral phyi rol pa bzung nas/ /sgra yig i dang sbyor bar bya/ /byang las bzhi pa gang yin pa/ /dbang ldan 'dab ma can dang ldan/ /bden bral phyi rol pa bzung nas/ /tsheg drag mnyam por ldan pa yi/ /dbus las tha ma pa dang ldan/ /de bzhin bden bral phyi rol pa/ /sgra yig i dang sbyor bar bya/ /byang las bzhi pa gang yin pa/ /dbang ldan 'dab ma can dang ldan/ /dbus las bzhi pa gang yin pa/ /yi ge a dang mnyam ldan pa'i/ /rlung mtshams phyi rol pa 'gyur bya/ /de bzhin dbus las dbu ma yang / /me mtshams pa yi stan ldan pa'i/ /lho las dbu ma 'gyur bar bya/ /me mtshams 'dab ma de bzhin dang / /byang las dang po sbyor ba yis/ /byang las tha ma 'gyur bar bya/ /dbus las dbu ma de bzhin du/ /lan gnyis par ni brjod par bya/ /de bzhin nub kyi dang po yang / /lan gnyis par ni brjod par bya/ /me mtshams pa yi stan ldan pa/ /byang las dang po 'gyur bar bya/ /thig le a yig ldan pa yi/ /nor chen rdo rje nyi ma yin/ /zhes bcom ldan 'das dpal rdo rje 'dzin pas gsungs so/ /dbus las dbu ma bzung nas su/ /me mtshams 'dab ma'i stan ldan pa'i/ /lho las dbu ma 'gyur bar bya/ /bden bral phyi rol gnas pa dang / /dbus las dbu ma sbyor ba dang / /tsheg drag mnyam por ldan pa yi/ /lho las dbu ma 'gyur bar bya/ /me mtshams 'dab 84.227b ma can de bzhin/ /zhes bcom ldan 'das dpal rdo rje sems dpas gsungs so/ /dbus las dbu ma de bzhin du/ /me mtshams pa yi stan ldan pa'i/ /lho las dbu ma 'gyur bar bya/ /me mtshams 'dab ma can de bzhin/ /byang las dang po sbyor ba yi/ /byang las tha ma 'gyur bar bya/ /rlung mtshams phyi rol pa bzung la/ /thig le u yig sbyor ba'o/ /zhes bcom ldan 'das dpal rdo rje sems dpas gsungs so/ /dbus las dbu ma bzung ba dang / /me mtshams pa yi stan ldan pa'i/ /lho las dbu ma 'gyur bar bya/ /byang las bzhi pa gang yin dang / /me mtshams 'og tu ldan pa yi/ /dbus las tha ma 'byung bar bya/ /dbus las dbu ma de bzhin du/ /thig le dang ni mnyam ldan no/ /zhes bcom ldan 'das dpal rdo rje sems dpas gsungs so/ /dbus las dbu ma de bzhin du/ /me mtshams pa yi gdan sbyor ba'i/ /lho las dbu ma 'gyur bar bya/ /shar las dang po bzung ba dang / /me mtshams pa yi mgor sbyor ba'i/ /dbus las tha ma 'gyur bar bya/ /rlung mtshams phyi rol pa bzung nas/ /tsheg drag e yig sbyor ba'o/ /zhes bcom ldan 'das dpal rdo rje 'dzin pas dbang bskur ma dang / mdzod gter ma dang / rgyal mtshan mchog ma dang / mchod chen mo zhes bya ba lha mo bzhis gsungs so/ /o yig thig le dang ldan pa/ /i yig me mtshams can ldan pa'i/ /dbus las dang po 'gyur bar bya/ /yi ge e dang mnyam ldan pa'i/ /byang las dang po yang yin te/ /dbus las dbu ma de bzhin dang / /e yig me mtshams can ldan pa'i/ /lho las dbu ma 'gyur bar bya/ /nub nas tha ma bzung nas su/ /dbus las dbu ma yang yin te/ /sgra yig i dang sbyor bar bya/ /dbus las tha ma bzung nas su/ /nub kyi dang po de bzhin te/ /rtag par a med 'gyur ba'o/ / 84.228a zhes bcom ldan 'das dpal rdo rje 'dzin pas gsungs so/ /o yig thig le dang ldan par/ /dbus las dbu ma yang yin te/ /me mtshams pa yi stan ldan pa'i/ /lho las dbu ma 'gyur bar bya/ /i yig me mtshams pa ldan pa'i/ /dbus las dang po 'gyur bar bya/ /yi ge e dang mnyam ldan pa'i/ /byang las dang po yang yin te/ /me mtshams pa yi stan ldan pa'i/ /rlung mtshams phyi rol la gnas pa/ /tsheg drag yi ge i dang sbyar/ /de ni 'gyur bar the tshom med/ /ces bcom ldan 'das dpal rdo rje sems dpas gsungs so/ /o yig thig le dang ldan dang / /thig le e yig ldan pa yi/ /lho las dang po 'gyur bar bya/ /yi ge a dang mnyam ldan pa'i/ /de nas byang gi dang po ste/ /dbus las tha ma de bzhin du/ /i yig dang ni sbyor ba yi/ /nub kyi tha ma 'gyur bar bya/ /tsheg drag o yig dang ldan pa'i/ /rlung mtshams phyi rol par gyur pa'o/ /zhes bcom ldan 'das dpal rdo rje sems dpas gsungs so/ /o yig thig le dang ldan pa/ /dbus las dbu ma yang yin te/ /me mtshams pa yi stan ldan pa'i/ /lho las dbu ma 'gyur bar bya/ /dbus las tha ma de bzhin du/ /yi ge e dang mnyam sbyor ba'i/ /me mtshams phyi rol par 'gyur te/ /de bzhin dbus nas tha ma dang / /yi ge a dang mnyam ldan pa'i/ /rlung mtshams phyi rol 'gyur bar bya/ /thig le u yig dang ldan pa'i/ /me mtshams phyi rol par 'gyur ro/ /zhes bcom ldan 'das dpal rdo rje sems dpas mda' gzhu 'dzin ma dang / rdo rje khaT+wA~M ma dang / rdo rje nyi ma mo dang / rdo rje bsreg bya zab mo zhes bya ba'i rdo rje nyi ma'i lha mo bzhis gsungs so/ /gling bu ma sogs 'dus pa dang / /sgo bsrungs ma sogs 'du ba ste/ /me tog ma sogs 'dus nas kyang / / 84.228b rtsa ba'i dkyil 'khor la bskyed 'dod/ /ces bcom ldan 'das dpal bde ba chen po rdo rje sems dpas gsungs so/ /rdo rje nyi ma'i dkyil 'khor las/ sngags 'byung ba'i tshogs kyi phyag rgya shes pa'o/ /o yig thig le dang ldan pa/ /de bzhin bden bral phyi rol pa/ /thig le u yig sbyor bar bya/ /dbus las bzhi pa gang yin dang / /yi ge i dang mnyam ldan pa'i/ /byang gi tha mar 'gyur bar bya/ /yi ge u yig dang ldan pa'i/ /bden bral phyi rol pa yin te/ /dbus las bzhi pa gang yin dang / /thig le u yig dang ldan pa'i/ /rlung mtshams phyi rol pa 'gyur te/ /rta mchog rgyal po chen po yis/ /thams cad dus su bzla bar bya/ /las rnams thams cad 'grub pa ni/ /'joms pa las grub dran las dga'/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /de bzhin dbus las dbu ma pa/ /sgra yig i dang sbyor bar bya/ /dbang ldan phyi rol de bzhin te/ /dbus las dbu ma dang ldan bya/ /dbus las dbu ma de bzhin te/ /me mtshams pa yi stan ldan pa'i/ /lho las dbu ma yang yin te/ /byang las bzhi pa gang yin dang / /me mtshams pa yi mnyam gnon pa'i/ /dbus las tha ma 'gyur ldan bya/ /lho las dbu ma yang yin te/ /tsheg drag i yig ldan pa ni/ /sna tshogs pad mo zhes su grags/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /i yig dang ni mnyam ldan pa'i/ /dbus las dbu ma yang yin te/ /dbang ldan phyi rol pa bzung nas/ /dbus las dbu ma ldan par bya/ /dbus las dbu ma de bzhin te/ /me mtshams pa yi stan ldan pa'i/ /lho las dbu ma 'gyur bar bya/ / 84.229a bden bral phyi rol bzung ba dang / /dbus las dbu ma ldan pa yi/ /byang las dang po 'gyur bar bya/ /tshig drag dang ni mnyam ldan pa'i/ /rlung mtshams phyi rol pa yang yin/ /rta yi rgyal po dkyil 'khor la/ /sna tshogs rdo rje zhes grags so/ /gang dang gang gi dbus la ni/ /rta mchog 'di ni bzhag bya na/ /de nyid de'i dkyil 'khor yin/ /yul 'khor thams cad 'dul ba'o/ /zhes bcom ldan 'das thogs med shin tu dga' ba dpal rdo rje sems dpas gsungs te/ rta mchog gi dkyil 'khor la sngags 'byung ba'i tshogs kyi phyag rgya shes pa'o/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las sngags 'byung ba'i rtog pa ste nyi shu pa'o// // de la ji ltar shin tu dga' ba nyid yin zhe na/ skyon med rtag pa gtan du ni/ /'dod chags thams cad rjes chags phyir/ /de nyid gsang ba bcom ldan 'das/ /'dod chags chen po dga' ba che zhes/ /ji ltar bcom ldan 'das kun tu bzang po yin zhe na/ gtan du dga' ba kun gyi mchog /gdod nas grol ba de bzhin gshegs/ /kun du bzang po kun gyi bdag /byang chub sems mchog cho ga'o/ /de ji ltar bcom ldan 'das dpal rdo rje sems dpa'i gtso bo yin zhe na/ dngos grub chen po kun gyi mchog /dbang phyug che mchog phyag rgya yis/ /rdo rje dbang chen thugs khar bsgyur/ /rdo rje snying po gtso bo'i gtso/ /dam pa'i dang po skyes bu'o/ /de la ji ltar bcom ldan 'das thams cad kyi sems nyid yin zhe na/ bsam med rgya chen zab pa ni/ /dngos grub thams cad zad med bde/ /kun gyi dri ma med pa ni/ /byang chub sems bdag bstan pa yin/ /de nas de'i yongasu las kyi khyad par ni/ /sems brtan nyid kyis sems dpa' ste/ /ting 'dzin sems dpa' bsgom 84.229b pa'o/ /rnam par shes pa sems dpa' te/ /rdo rje nyid yin rdo rje las/ /rdo rje 'dzin pa 'byung ba'o/ /rdo rje rdo rje zhes gsungs ni/ /nyon cig rdo rje gang gsungs pa/ /zla ba 'dra bar yang dag blo/ /rdo rje zhes su rnam par bshad/ /de la ji ltar bcom ldan 'das rdo rje 'dzin pa chen po yin zhe na/ ting 'dzin la sogs rnams bzhi yis/ /gang gi bskyed pa yod bsgoms na/ /bsgoms na thams cad bdag nyid du/ /tshe 'di nyid la 'grub par 'gyur/ /sems dpa'i byin gyis brlabs sbyor yang / /rang byin brlab 'di grub mchog ste/ /de nyid nyin re grub pa ni/ /rdo rje sems dpa' nyid thob bo/ /de la ji ltar bcom ldan 'das kun du bzang po'i spyod pa yin zhe na/ gsungs pa/ snying stobs rdul dang mun pa yang / /ci phyir sems can don du 'gyur/ /de phyir kun du bzang po yi/ /ci bzhin byang sems spyod ces 'gro/ /de la ci ltar bcom ldan 'das bdud dang bdud las rgyal ba yin zhe na/ sems de kho na bdud yin te/ /sems de kho na de bzhin gshegs/ /rang sems 'dul ba'i don du ni/ /bdag ni bdud nyid nye bar 'gro/ /de la ji ltar bcom ldan 'das/ /mngon par byang chub dang sangs rgyas yin zhe na/ rang sems so sor 'bigs pa ni/ /byang chub sems mchog rdo rje nyid/ /de nyid de las de sangs rgyas/ /rang byin brlabs mchog bsgoms phyir ro/ /de la ji ltar bcom ldan 'das rdo rje gtum mo mthar byed dang / phyag na rdo rje yin zhe na/ /dbyer med so sor 'bigs pa ni/ /sdang ba thams cad nges par gnon/ /sangs rgyas kun dngos rdo rje ni/ /byang chub sems rnams brtan pa yin/ /brtan pa thams cad 'grub don du/ /rgyal ba bdag gis kun bzang gi/ /phyag la phyag mtshan de byin te/ /des de phyag na rdo rje yin/ /de la ji ltar dang po'i rigs 'byung ba 84.230a yin zhe na/ ma ni shes rab pha rol phyin/ /pha ni thabs la mkhas pa ste/ /'dul phyir rdo rje sems dpa' ni/ /skye ba bdag ni rigs yin no/ /de la ji ltar bcom ldan 'das 'dod pa'i thar pa yin zhe na/ dngos grub thams cad rjes chags phyir/ /'dod chags chen po bcom ldan 'das/ /kun grub zad med bde ba yin/ /bde ba chen po zhes 'dod do/ /gsang ba khrag 'thung zhes bya ste/ /phyag rgya chen po 'grub pa'i phyir/ /mchog ni pad+ma 'dzin rgyal po/ /dam tshig dam pa shes ldan phyir/ /dgyes pa dam pa nyi ma ste/ /sbyin pa la sogs mchog sgrub phyir/ /thams cad bdag nyid rtag tu bzhugs/ /rdo rje rta mchog las nyid phyir/ /sangs rgyas kun dngos sems dpa' ste/ /rdzogs sangs rgyas phyir rnam snang mdzad/ /rdo rje sems dpa' rgyal chen po/ /ye shes rdo rje 'dzin mchog phyir/ /de la ji ltar bcom ldan 'das rnam pa gsum nyid yin zhe na/ 'jig rten gsum dag mtha' yas phyir/ /'dul phyir srid gsum mchog gsum bdag /thams cad nyid phyir dkon mchog gsum/ /'jig rten gsum bdag khams gsum yin/ /de la ji ltar bcom ldan 'das thams cad nyid yin zhe na/ sems can bsod nams cher 'phags phyir/ /mi g.yo thams cad kho na bdag /sems 'du 'bral phyir g.yo ba ste/ /kun byed thams cad kho na'i phyir/ /mkha' 'gro ma bdag lha mor gsungs/ /thams cad mdzad pas skal pa bzang / /rnam par rtog pa skal ngan par/ /brda yis mtshan mar gsungs pa'o/ /de la ji ltar bcom ldan 'das dang po'i snying po dbyangs 'byung ba'i ye shes kyi rgyu yin zhe na/ /gtan du srid pa yang dag 'grub/ /dbang phyug chen po 'grub don du/ /dpa' bo'i dngos grub kun don du/ /bskal pa'i dang po bcom ldan gsungs/ /'dod chags chen po'i phyir bcom ldan/ /dam pa zad med shin tu 84.230b dga'/ /gsang nyid phyir na snying po'i dbyangs/ /hU~M yig dam pa zad med pa'o/ /de la ji ltar nye ba'i snying po de nyid kyi ye shes yin zhe na/ dkyil 'khor dag ni dman pa dang / /dam tshig dag ni spangs pa dang / /de nyid gsang ba mi shes pas/ /rdo rje sems dpa' 'grub pa min/ /'dod pa bcom ldan sems dpa' ste/ /de kho na ni 'dod chags yang / /rdo rje phyag na rdo rje ni/ /chags bral de dang 'grub pa min/ /ling ga 'greng bar rang 'byung ste/ /brla yi steng du bzhugs byas nas/ /ling ga mchod rten byin brlabs te/ /rdo rje dbyings ni rang bdag 'gyur/ /ling ga 'greng bar rang byung ste/ /brla yi steng du bzhugs nas su/ /ling ga rdo rjer byin brlabs te/ khrag 'thung zhes bdag sngon skye'o/ /ling ga 'greng bar rang byung ste/ /brla yi steng du bzhugs nas su/ /ling ga pad+mar byin brlabs te/ /dag pa'i chos bdag sngon skye'o/ /ling ga 'greng bar rang byung ste/ /brla yi steng du bzhugs nas su/ /ling ga rin chen byin brlabs te/ /rdo rje nyi mar bdag sngon bskyed/ /ling ga 'greng bar rang byung ste/ /brla yi steng du bzhugs nas su/ /ling ga sna tshogs byin brlabs te/ /rta mchog dag ni sngon skye'o/ /b+ha gar ling ga bcug byas te/ /der ni khams yig bsgom par bya/ /rnam par snang mdzad gzugs dag 'ong / /sku gnyis ldan pa spro bar bya/ /b+ha gar ling ga bcug nas su/ /de la hU~M yig bsgom par bya/ /shin du dga' 'dra'i gzugs dag ni/ /sku gnyis ldan pa'i spro bya'o/ /b+ha gar ling ga bcug nas su/ /de la hrI yig bsgom par bya/ /khrag 'thung 'dra ba'i gzugs dag ni/ /sku gnyis ldan par spro bya'o/ /b+ha gar ling ga bcug nas su/ /de la b+ha yig bsgom par bya/ /pad+ma 'dzin 'dra'i gzugs dag ni/ /sku gnyis ldan pa spro bya'o/ /b+ha gar ling ga bcug nas su/ /de la tra~M yig bsgom par bya/ /nyi ma 'dra ba'i gzugs dag yod/ / 84.231a sku gnyis ldan pa spro bya'o/ /b+ha gar ling ga bcug nas su/ /de la hU~M yig bsgom par bya/ /hU~M mdzad 'dra ba'i gzugs dag ni/ /sku gnyis ldan par spro bya'o/ /zhes bcom ldan 'das dpal rdo rje sems dpas gsungaso/ /de nyid gsang ba gsang chen yang / /snying po yongasu grags pa yin/ /snying pos rjesu 'grub pa ni/ /nye ba'i snying por yongs gragaso/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las gsang ba bsgrub pa'i rtog pa ste nyi shu rtsa gcig pa'o// // de la ji ltar bcom ldan 'das bde ba chen po dang / rdo rje don yod pa'i dam tshig gi rgyud yin zhe na/ kun 'grub zad med bde ba ni/ /de ni rdo rje 'grub pa ste/ /don yod dam tshig 'da' dka' yin/ /de la ji ltar bcom ldan 'das dkyil 'khor gyi don yin zhe na/ ji ltar gnas su gang 'khor ro/ /de ltar sde dang 'gro ba bzhin/ /'khor dang yang dag 'jug 'gyur ba/ /de 'dra'i dkyil 'khor skyed mchog yin/ /de la ji ltar bcom ldan 'das rnam smin gyi rgyu yin zhe na/ rdo rje sems dpa' sogs lha yi/ /dkyil 'khor mngon sum mthong ba las/ /ci 'dra brtag pa'i bsod nams su/ /phyi ni de bzhin bri bya'o/ /de la ji ltar thig gdab pa'i cho ga shes pa yin zhe na/ mkhas pas dkyil 'khor bri bya na/ /mtshams kun mnyam por 'dren par bya/ /shar dang nub dang byang sogs phyogs/ /thig skud bzhi pa re'u mig brgyad/ /dkyil 'khor zlum po sangs rgyas kyi/ /rdo rje can gyi zla gam bzhin/ /pad ma pad+ma'i tshul yin te/ /rin chen tshul ni rin chen gyi/ /sna tshogs kyi ni zlum por gsungs/ /ci ltar 'dod pa ci bde bas/ /nang gi dkyil 'khor dang ldan pa/ /re'u mig brgyad par 'dod pa'o/ /phyi yi dkyil 'khor dbus gnas par/ /nang gi dkyil 'khor du ni 84.231b 'dod/ /re'u mig brgyad kyi dbus gnas pas/ /gtso bo'i dkyil 'khor 'dod pa yin/ /zhes dpal rdo rje sems dpas gsungaso/ /de la ji ltar rtog pa'i dngos grub dam pa yin zhe na/ ji ltar bden par dkyil 'khor bdag /gang gis rtogs par nus pa ni/ /gang gis yi dam lhar sbyor bas/ /grub pa'i dkyil 'khor ldog pa yin/ /bris sku bris pa'i sbyor ba yis/ /rang sems bris par sbyor ba yin/ /lhag chad cho gar gyur na yang / /bsgrubs te skyon du mi 'gyuro/ /de la ji ltar gsang ba lnga'i de nyid yin zhe na/ sems dpa' gdod ma tha ma med/ /rdo rje sems dpa' dga' ba che/ /kun du bzang po kun gyi bdag /rdo rje snying po gtso bo'i gtso/ /gdod ma tha ma med phyir yang / /dam pa'i dang po zhes 'dod do/ /'khor lo kun gyi gtso phyir ni/ /dam pa dam pa'i dbang phyug yin/ /de la ji ltar bcom ldan 'das gang lags ci 'dra ba yin zhe na/ 'dod pa chen po kun gyi mchog /yid bde bas ni 'dzum pa che/ /rtag par 'dzum pa'i bde ba des/ /dam pa bcom ldan 'gyur ba yin/ /de nas de yi zla mdog ni/ /dam pa yig 'bru grub nyid phyir/ /chos rnams thams cad dag phyir dang / /gsang ba de nyid rnam dag phyir/ /rdo rje 'dzin de zla ba'i mdog /de nas de'i sna tshogs dmar ba'i 'od 'bar ba ni/ ci phyir bcom ldan 'dod chags che/ /'dod chags kun la rjes chags phyir/ /rdo rje sems dpa' de nyid kyang / /sna tshogs dmar po 'bar ba'i 'od/ /de la ji ltar dbang bskur ba'i shes pa yin zhe na/ thod phreng dbu rgyan las gzhan ni/ /khams gsum la ni dbu rgyan med/ /thod pa'i phreng ba'i dbu rgyan ni/ /rdo rje sems dpa' bdag sngon bskyed/ /khams gsum las ni rin chen gzhan/ /sangs rgyas rin chen 'dra ba med/ /sangs rgyas thams cad rin chen ces/ /dbu rgyan de yis rdo rje 'dzin/ /de nas ji ltar sems dpa'i 84.232a skyil mo dkrung yin zhe na/ yan lag g.yas pas mnyam gnon pas/ /g.yon pa'i yan lag gzir nas su/ /de yi sems dpa'i skyil dkrung can/ /rdo rje snying po gtso bo'i gtso/ /de nas ji ltar rdo rje sems dpa'i lha mo la sogs pa'i de bzhin nyid kyi shes pa yin zhe na/ kun mchog shin tu 'bigs pas na/ /dngos grub thams cad bde ba'i mchog /kun mchog rnam rgyal bkra shis pas/ /thams cad dbang phyug che ru 'phags/ /grub rnams de bzhin phun sum tshogs/ /dga' ba de bzhin gtso mo bdag /rdo rje lha mo tshogs phyag rgya/ /rdo rje sems dpa' mchog gzugs yin/ /de nas ji ltar de bzhin gshegs pa thams cad kyi gsang ba chen po'i de nyid lnga yin zhe na/ me long khrag 'thung zhes bya rnams/ /mnyam pa nyid la gar dbang mchog /so sor rtog la nyi ma ste/ /bya ba la ni rta mchog dang / /chos kyi dbyings la sangs rgyas ni/ /thub chen rnam par snang mdzad do/ /ye shes lnga yi bdag nyid ni/ /'dod chags chen po bde ba che/ /gzugs dang sgra dang de bzhin dri/ /ro dang reg bya de bzhin yang / /rdo rje sems dpa' 'dra bar ni/ /de rnams de bzhin nyid kyis bsnyen/ /chos kyi dbyings la 'byung ba yis/ /rgya cher dngos grub ster bar 'gyur/ /zhes bcom ldan 'das dpal rdo rje sems dpas gsungs so/ /de nas ji ltar phyag rgya dang phyag rgya'i yan lag gi shes pa yin zhe na/ 'phrog byed ma dang 'dzin byed ma/ /gzung thar ma dang tshe sbyin ma/ /nam mkhar 'gro dang lha mo dag /mkha' 'gro ma drug rab tu grags/ /gang gis sgra ni bstan gyur na/ /de la dpral ba bstan par bya/ /mig la ston pa gang yin pa/ /de la lte ba bstan par bya/ /gang gis lte ba bstan pa na/ /de la mchu ni rab tu bstan/ /gang gis ma mchu rab bstan na/ /de la so ni rab tu bstan/ /gang 84.232b gis lce ni bstan 'gyur na/ /de la gsus pa bstan par 'gyur/ /gang gis b+ha ga bstan gyur na/ /de la ling ga bstan par bya/ /gang gis rjes ngar bstan na ni/ /de la brla ni bstan par bya/ /gang gis brla ni bstan gyur na/ /de la rkang mthil bstan par bya/ /gang gis rkang mthil bstan na ni/ /de la sen mo bstan par bya/ /gang gis mchan khung bstan gyur na/ /de la smin ma bstan par bya/ /gang gis sgra sgrogs byed gyur na/ /de la cho nges bya ba'o/ /gang gi kha yang bstan na ni/ /de la zhags pa bstan par bya/ /gang gis gsal shing bstan gyur na/ /de la mdung thung bstan par bya/ /gang gis sen mo bstan na ni/ /de la nu ma rab tu bstan/ /gang gis khu tshur bstan na ni/ /de la mtshams su bstan par bya/ /gang gis lce ni bstan gyur na/ /de la bshang gci bstan par bya/ /gang gis mi sdug gzugs byed na/ /de la mdzes pa'i gzugs bya'o/ /gang gis he skad byed gyur na/ /de la lag pa bstan par bya/ /zhes bcom ldan 'das dpal rdo rje sems dpas gsungs so/ /de nas ji ltar mkha' 'gro ma rnams kyi mtshan ma yin zhe na/ nad pa'i mig gi 'bras 'dra ba/ /dpral bar tri shul te mdung thung / /phyin log mig dang khro gnyer can/ /nu ma dag ni mi sdug pa/ /sna ni rnam pa gnyis yin te/ /gtsug gis bskor ba shes byas te/ /ri mo gsum gyis yongasu bskor/ /de yi khyim gyi mtshan ma ni/ /tri shUl tshung nge me long dang / /ral gri tshul dang rgyal mtshan dang / /rtse gcig khyim gyi mtshan mar bstan/ /'gro bar gyur na mkha' 'gro ma/ /'di 'dra'i mtshan ma bstan par bya/ /glo bur mi dga' bya ba dang / /don med par yang 'jug pa'o/ /rkang pa la yang ral gri 'gyur/ /tri shrUl la dang 'dra ba'i tshul/ /skad dang bya rog 'dra ba yi/ /de ni rtag par 'gyur ba'o/ /mtshan nyid de dag dang ldan pa/ /dam pa'i mkha' 'gro ma zhes bya/ / 84.233a zhes bcom ldan 'das dpal rdo rje sems dpas gsungs so/ /de la ji ltar thams cad 'gugs pa'i rgyu yin zhe na/ rtog pa thams cad gsang chen po/ /rdo rje lcags kyu dril bcas pas/ /bkug nas de nas bya ba nas/ /dril bu rjes su dkrol ba'o/ /de la ji ltar mchod pa chen po thams cad kyi cho ga yin zhe na/ rtog pa thams cad gsang chen gyi/ /gang gis dga' nas mchod pa ni/ /rjes su mchod pa dang gzhan yang / /dbyangs dang sil snyan gar gyi yin/ /de la ji ltar rang gis rig pa'i lha thams cad bsgrub pa chen po'i rgyu yin zhe na/ rtog pa kun las bsgrub bya kun/ /g.yo dang mi g.yo 'gyur ba ste/ /rang gi yi dam lha sbyor nas/ /thams cad de ni 'grub par bya/ /de nas ji ltar thams cad rjes su 'grub pa'i rgyu yin zhe na/ rdo rje dril bu 'dzin 'gyur nas/ /bzlas pa'i dril bu dkrol bar bya/ /rtog pa thams cad rjes grub pas/ /mchog gi dang po 'grub pa'o/ /de la ji ltar rjes su sbyor ba dang ldan pa'i bsgrub pa thams cad kyi rgyu yin zhe na/ o yig thig le dang ldan pa'i/ /nub las dang po yang yin te/ /shar las dang po bzung nas su/ /lci bar i yig ldan par bya/ /rlung mtshams phyi rol pa bzung nas/ /thig le u yig sbyor bar bya/ /lho las dbu ma bzung ba la/ /tsheg drag yang dag ldan par bya/ /the tshom med par de las 'dis/ /rjes su sbyor bar ldan par 'grub/ /lho las dang po bzung nas su/ /gnyis pa la ni ldan par bya/ /nan tan gyis ni i yig sbyor/ /skad cig ma las gcod 'gyur ro/ /de nyid thig le dang ldan pas/ /byang las dbu ma yang yin te/ /de nyid lan gnyis brjod par bya/ /rlung mtshams phyi rol pa la yang / /thig le u yig ldan par ni/ /drug par yongasu grags pa yin/ /dbus las gnyis pa gang yin pa/ / 84.233b pa/ nub las dang po yang yin te/ /de ni a med shes bya ste/ /skad cig mas ni bdud rtsi 'grub/ /o yig thig le dang ldan par/ /yi ge u yig mnyam ldan pa'i/ /dbang ldan phyi rol pa yang bya/ /me mtshams phyi rol pa bzung nas/ /yi ge e dang mnyam ldan pa/ /shar gyi dang po ldan par bya/ /tsheg drag u yig ldan pa yi/ /dbus kyi tha ma ldan par bya/ /thams cad kyi ni sgrub byed pa/ /khrag 'thung zhes pa 'byung ba'o/ /ji ltar 'dod pa bsgrub bya 'grub/ /de nas phyin ci 'dod par 'gyur/ /ci 'dod 'dod pa bya ba yis/ /kun bzang kun byed de bzhin te/ /langs pa 'am ni 'dug pa 'am/ /'gro ba yis sam 'greng ba 'am/ /bzhad pa dang ni smra ba la/ /gang dang de ru ci de bzhin/ /gang gang dbang po'i las nyid pas/ /gang gang de de'i rang bzhin du/ /rang gi mnyam bzhag med sbyor bas/ /rang gis rig pa'i lha 'dren no/ /de nyid sbyor ba de yis ni/ /thams cad kho na 'grub pa'o/ /sangs rgyas kun dngos thams cad ni/ /rtag tu mthong na rab tu 'grub/ /sangs rgyas thams cad mnyam sbyor ba/ /mkhas pa gang zhig dad pas klog /de ni nyes pa rnam grol te/ /dngos grub thams cad dbang phyug 'gyur/ /sangs rgyas thams cad dang mnyam par sbyor ba mkha'agro ma sgyu ma bde ba'i mchog las rjes su sbyor ba dang ldan pa sgrub pa'i rtog pa ste nyi shu rtsa gnyis pa'o// //de ltar sna tshogs rjes su chags pa'o/ /dga' ba pad+ma rnam dag che ba yis/ /gsal bar rjes su gtsang ba dam pa rtag par sbyin pa yis/ /dam pa bde ba'i dngos pos dam tshig bdag la bde ba rjesu bsgrub/ /dam pa'i dga' ba shin tu sbyor ba skal bzangs dam pa shin tu dga'/ /rang bzhin gyis ni rang bzhin dag pa rtag tu rjesu 'grub pa'i rang bzhin dngos/ /dam pa dga' ba la sogs sbyor ba'i skal bzangs dam pa shin tu dga' ba'i rang bzhin 'grub pa'o/ /dag pa rjesu 'grub pa'i rang bzhin kho na so so rjesu grub pa bde ba las dam pa'i gsang chen rgyud 84.234a phyi ma'i phyi ma 'di yongasu rdzogs so// //bdag gi 'di ni dang ba'i snying po mchog /bde ba chen po mchog gi mchog 'gyur mthu chen po/ /kun mchog 'byung ba'i sems can rtag pa ci yi phyir/ /kun mchog sa yi dbang po nyid ni sbyor ba po/ /mtha' yas thob med thogs pa med pa'i phyir/ /tshul chen po yi chen po thams cad kyi/ /mkha' dang 'dra ba'i mchog gi dngos grub 'phel ba sbyin/ /gnod ma phra ma med pa gang dag gis/ /rdzogs byed med pa nus pa ma yin no/ /sems can le lo can dang nyung tsam 'dod pa dang / /mi dad pa dang lkog smra ba dang ma dag pa/ /rtag tu rjes su chags dang chags bral dga' ba dang / /de rnams phan pa'i don tshogs pa'i don 'di yin no/ /gang gi khyim du bzung bar gang gis gyur pa dang / /bdag gis ji ltar ston pa sgrub par byed pa 'am/ /mthu yis thams cad so sor mngon du gyur pa ste/ /dngos grub mchog gis rgyas pa'i las dag mi 'grub pa'o/ /gang gis grub pa rdo rje 'dzin zhes sogs pa dang / /gzugs sogs thams cad 'di la ji ltar mos pa bzhin/ /yi ge hU~M yang ji ltar rab tu 'dod par bris byas na/ /des ni rang 'dod dngos grub cho ga bzhin du 'thob/ /sems can don du las dag byed pa ma yin pas/ /rgyal ba dag gis rnam par dag pa 'di la ni/ /bgegs med de bzhin du ni bdud kyang med pa ste/ /rtog pa yis kyang dngos grub 'phel stobs byin gyis rlobs/ /gang gi rtog pa mchog chen 'di sgrub byed pa la/ /bdud nyid du ni mi 'gro mi brtan nyid kyang min/ /brten pa'i rgyu ni bdag gis ston par mi byed de/ /myur bar mchog gi mchog nyid 'grub phyir bstan par 'gyur byed do/ /gang gis bdag gi snying pos bdag la rtag tu grub byed ni/ /mchog chen dngos grub dang ni rtag par bde chen dang / /chags dang shin tu dga' dang brtan dang rgyas pa dang / /yig chen yang 84.234b ni rtag par bdag gis 'grub par byed/ /de nas mchog skyes rgyal ba thams cad dga' nas su/ /'dzum pa chen po thams cad khyab par rnam par 'byed/ /kun bdag dbyings kyi rdul phran mchog chen gzugs dag gis/ /kun nas de la legs pa'i sgu ni dbul bar byed/ /bdag gis dbyings kun rjes su che mchog gzugs kyis su/ /pha mchog gyur pa sangs rgyas kun gyis legs so legs/ /mchog gi rdo rje las byung khyod ni legs so legs/ /dam pa'i chos nyid chos kyi bdag nyid legs so legs/ /dam pa'i las can mchod pa'i bdag nyid legs so legs/ /rtogs pa'i byin brlabs mdzod cig mnyam par byin brlabs kyis/ /don yod dngos grub rtag tu yig 'bru chen po yi/ /grub pas phyi na mi 'dul ba yi dus su ni/ /de dag gi yang ji ltar dam pa'i bder 'gyur phyir/ /de ltar ngag chen zhus nas su/ /sras bcas sangs rgyas thams cad kyis/ /rdo rje sems dpa' chen po yis/ /gsungs pa la ni mngon par bstod/ /sangs rgyas thams cad dang mnyam par sbyor ba'i mkha' 'gro sgyu ma bde ba'i mchog ces bya ba khri brgyad stong pa las rtogs pa thams cad kyi rgyal po brgya bcu bdun pa rdzogs s+ho// //rgya gar gyi mkhan po smr-i ti dz+nyA na kIr ti nyid kyis bsgyur/ yon bdag bod kyi mkhan po gzhon nu grags pas zhus te bshad nas gtan la phab cing zhus/ / |