J350

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J350</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J350&coll=lithang">see text in Tibetan script</a></table>84.15b<br><font size=+1>

@##/ /rgya gar skad du/ se kod+de sha / bod skad du/ dbang mdor bstan pa/ dpal rdo rje sems dpa' la phyag 'tshal lo/ / zla ba bzang pos gsol pa/ ston pa dbang bskur rnam bdun dang / /rnam gsum de bzhin bla na med/ /'jig rten 'das pa'i dngos grub phyir/ /mdor bsdus pa yis bdag la gsungs/ /bcom ldan 'das kyis bka' stsal pa/ /nyon cig zla bzang dbang bskur don/ /rnam pa bdun dang rnam gsum mchog /rtsa yi kun spyod rtsol ba ni/ /mdor bstan pa yis khyod la bshad/ /rgyud du mdor bstan rnam gsum dang / /rgyas par bshad pa rnam gsum 'gyur/ /rab tu mdor bstan mdor bstan che/ /rab tu rgyas par bshad pa gzhan/ /mdor bstan rgyas par bshad pa nyid/ /rgyud yang dag par bsdus par brjod/ /rab tu mdor bstan rgyas bshad pa/ /dka' 'grel tshig ni 'byed pa'o/ /mdor bstan chen po rgyas bshad pa/ /'grel bshad thams cad don ston byed/ /</font><hr>84.16a<br><font size=+1>

de ni mngon shes thob rnams kyis/ /bya yi mkhas rnams kyis min nyid/ /de ltar mtha' drug rnams kyis dag /rdo rje'i rnal 'byor rnam bzhi dang / /rdzogs pa'i byang chub bzhi rnams dang / /phung khams skye mched rigs drug rnams/ /dag pa 'jig rten khams la sogs/ /le'u lnga yi gzhung rnams kyis/ /bden gnyis dang po'i sangs rgyas 'gyur/ /dus kyi 'khor lo mngon brjod byed/ /dang por dbang bskur bdun po gang / /byis pa rnams ni gzhug pa'i phyir/ /rnam gsum 'jig rten kun rdzob kyis/ /dam pa'i don gyis bzhi pa'o/ /bden pa gnyis kyi chos rnams kyi/ /rdo rje can bdag gis bstan pa/ /'jig rten kun rdzob bden pa dang / /dam pa'i don gyi bden pas so/ /chu dang cod pan dar dpyangs dang / /rdo rje dril bu brtul zhugs che/ /ming dang rjes gnang yang dag ldan/ /dbang bskur rnam bdun mi yi bdag /lus ngag sems ni legs dag pa/ /mngon par dbang bskur gnyis gnyis so/ /rjes gnang ye shes yang dag dag /gzhan pa khams sogs dag pa las/ /chu ni khams kyi dag pa ste/ /cod pan phung po rnam sbyong byed/ /dar dpyangs pha rol phyin pa dag /rdo rje dril bu mi 'gyur che/ /sangs rgyas skad rgyun mi 'chad pa/ /nyi zla gcig tu dag par byed/ /yul dang dbang po legs dag pa/ /'pho med rdo rje'i brtul zhugs 'gyur/ /ming ni byams sogs yang dag dag /rjes gnang</font><hr>84.16b<br><font size=+1>

sangs rgyas nyid dag byed/ /dbang bskur bdun po 'di rnams ni/ /dkyil 'khor bzhengs nas sbyin par bya/ /bum pa gsang ba'i dbang bskur dang / /shes rab ye shes mngon brjod pa/ /slar yang shes rab chen po nyid/ /de yi ye shes mngon rjod byed/ /'gyur dang 'gyur dang de nas 'dzag /de nas gzhan yang mi 'dzag pa'o/ /lus ngag sems ni legs dag pas/ /dbang bskur gsum po rim pa yis/ /bzhi pa ye shes yang dag dag /lus ngag sems ni dag par byed/ /byis pa dar ma de nas rgan/ /bzhi pa skye dgu'i bdag po'o/ /shes rab nu mar yan lag ni/ /reg pas byang chub sems 'pho'i bde/ /'o ma 'dzin pas dbang bskur ba/ /gang las bde thob de byis pa'o/ /yun ring gsang bar spros las skyes/ /byang chub sems ni 'pho ba'i bde/ /gsang ba'i dbang bskur gsang ba ni/ /gang las bde thob de dar ma/ /yun ring gsang bar spros las skyes/ /rdo rje rtse mor g.yo ba'i bde/ /shes rab ye shes dbang bskur ba/ /gang las g.yo ba'i bgrod de rgan/ /phyag rgya chen po rjes chags las/ /skyes pa g.yo med bde ba ni/ /shes rab chen po'i dbang bskur ba/ /gang las g.yo med rtogs pa de/ /skye dgu'i bdag por rnam shes bya/ /skyob pa thams cad skyed mdzad pa/ /rdo rje sems dpa' sems dpa' che/ /byang sems gnyis med mi 'gyur ba/ /'di ni dam tshig sems dpar 'gyur/ /rdo rje'i rnal 'byor rnam pa bzhi/ /dus kyi</font><hr>84.17a<br><font size=+1>

'khor lo 'dir bshad pa/ /rnal 'byor pa yi thar ster byed/ /'di nyid kyi ni sgrub byed bya/ /rab gsal bsam gyis mi khyab pa'i/ /du sogs mtshan ma de rnams kyi/ /shes rab gzugs brnyen nam mkha' mnyam/ /yod dang med las rnam par 'das/ /rang gi sems kyi rkyen gyi don/ /rdul phran las skyes tshogs pa rnams/ /kun nas yongs su dor ba yis/ /du ba smig rgyu mkha' snang dang / /sgron ma 'bar ba zla nyi ma/ /mun can cha dang thig le che/ /sna tshogs gzugs brnyan 'od gsal ba/ /bkab dang ma bkab mig dag gis/ /stong par 'di ni rjes brtags min/ /rmi lam bzhin du gzugs mthong 'gyur/ /rtag tu gzugs de bsgom par bya/ /dngos med gzugs la sgom pa de/ /rnal 'byor pa yi bsgom pa min/ /dngos po dngos med sems kyi min/ /stong par ma brtags mthong phyir ro/ /ji ltar pra phab me long la/ /gzhon nu mas mthong dngos med skyes/ /de bzhin 'das dang ma 'ongs chos/ /mkha' la de nyid rnal 'byor pas/ /'di las dngos po dngos med 'gyur/ /dngos po stong pa'i don mthong phyir/ /dngos po dngos med don yod pa/ /sgyu ma rmi lam mig 'phrul bzhin/ /med pa'i chos can dag la chos/ /skye ba 'di ni rab tu mthong / /yid bzhin nor ltar mtha' yas pa'i/ /sems can bsam pa yongs rdzogs byed/ /</font><hr>84.17b<br><font size=+1>

pra phab pa yi gzhon nu mas/ /ma mthong ba yi rkun po mthong / /nyi tshe ba yi mig dag gis/ /song nas sgrub pa po yis mthong / /gal te yod pa'i gzugs mthong na/ /rang gi gdong pa cis mi mthong / /gal te med pa'i gzugs mthong na/ /ri bong rwa ni ji ltar min/ /gzhan gyi mig gis mi mthong zhing / /rang gi mig gis mthong min pa/ /skye ba med pa mthong ba ni/ /gzhon nu ma yi bu ji bzhin/ /gzugs brnyan mthong na de nas ni/ /bar ma chad par srog rtsol bya/ /steng 'og rtsa gsum po rnams la/ /lus ngag sems ni 'gog pa las/ /zla nyi sgra gcan bshang gci dang / /khu ba 'bab pa'i lam rnams su/ /chu me stong pa sa rlung dang / /ye shes khams rnams skyed rnams la/ /gang zhig zla nyi mun can dang / /bshang gci khu ba 'bab ma rnams/ /srog dang thur sel rim pa yis/ /lus ngag sems kyi rtsa rnams so/ /zla ba thabs kyi sku yin te/ /nyin mor byed pa shes rab gsung / /shes rab sku ni bshang ba'i rtsa/ /gci ba 'bab ma gtso bo'i gsung / /steng 'og thugs kyi rtsa gnyis dag /mun can khu ba 'bab ma'o/ /thabs kyi thugs ni mun pa can/ /khu ba 'bab ma shes rab kyi/ /steng 'og rigs drug 'di rnams ni/ /sku gsung thugs kyi rnal 'byor las/ /shes rab thabs dngos yan lag gis/ /lus can kun la yang dag gnas/ /'chi ltas lus ngag rtsa dag la/ /steng 'og lhag pa'i rlung rnams kyis/ /mun can khu ba 'bab ma la/ /skye ba dang ni 'chi ba gnas/ /</font><hr>84.18a<br><font size=+1>

skye dang 'chi dang 'khrig pa yi/ /dus su khu ba 'bab pa'o/ /mun can ma yang steng du 'bab/ /nyi ma'i 'pho ba mnyam pa la/ /dus sbyor 'char ba'i mngon mtshams su/ /dbu ma nas ni mnyam pa 'bab/ /rkang pa dang bcas lnga bcu drug /'byung dang 'jug pa'o mi yi bdag /bdun bcu rtsa lngas lhag pa yi/ /drug brgya nyin dang mtshan la'o/ /drug brgya rnams kyis lhag pa yi/ /stong phrag nyi shu rtsa gcig po/ /'di yis dman pa gang de rnams/ /g.yon dang g.yas pa'i rtsar 'bab bo/ /phyogs gsum dang bcas lo gsum rnams/ /lo brgya rnams las dbu ma'o/ /steng du g.yon g.yas zla nyi ma/ /brkyang ma lug dang ser skya gzhan/ /chu dang me yi rang bzhin can/ /pad+ma rin chen 'dzin par 'dod/ /'og tu bshang gci 'bab pa dag /sa dang rlung gi rang bzhin can/ /dbu ma'i rtsa dang g.yon pa yang / /'khor lo ral gri 'dzin par 'dod/ /steng dang 'og tu dbu ma g.yas/ /sgra gcan khu ba rab 'bab pa/ /stong pa ye shes rang bzhin can/ /rdo rje rdo rje 'dzin par 'dod/ /zla ba'i lam gyis bshang ba'i rtsa/ /nyi mas gci ba 'bab pa ste/ /skye 'chi mnyam pa chags pa la/ /sgra gcan khu ba rab tu 'bab/ /lte ba'i steng du kun 'dar ma/ /gang de yid bzang mun pa 'bab/ /'og tu khu ba 'bab gang de/ /mkha' 'gro gdong dang dung can ma/ /lte ba'i chu skyes snying mgrin dang / /dpral ba gtsug tor 'dam skyes la/ /sa chu me rlung stong pa rnams/ /rab tu 'bab pa</font><hr>84.18b<br><font size=+1>

sdud pa yis/ /'byung 'gyur de ni 'jug pa dag /bskyed pas 'jug ste sa la'o/ /lte ba nas ni lte ba'i dbus/ /a ba d+hU tIr 'gro dang 'ong / /lte gsang nor bu'i chu skyes la/ /lus ngag sems rnams 'bab pa ni/ /'byung dang de ni 'jug pa dag /sdud dang skyed pa'i rang bzhin can/ /dung can skye bo thams cad kyi/ /thur sel rlung ni 'bab pa'o/ /'di rnams bud med bde ba las/ /khu ba khrag 'bab dus dag tu/ /shes rab thabs dngos yan lag gis/ /steng du g.yas dang g.yon dag dang / /'og tu bshang gci 'bab pa dang / /rdul dang khu ba 'bab pa dag /rdul 'bab phyir de gtum mo ste/ /khu ba 'bab phyir mkha' 'gro gdong / /steng du brjod dus bud med kyi/ /g.yung mo skyes bu'i kun 'dar ma'o/ /rnam shes la sogs dkyil 'khor lnga/ /rtag tu g.yon pa'i rtsa la'o/ /sa sogs g.yas pa'i rtsa la ste/ /dbus su drug pa 'bab pa'o/ /lte ba'i pad+ma'i mdab ma la/ /dkyil 'khor drug bcu rnam rim bzhin/ /g.yon dang g.yas pa'i dus sbyor ni/ /lug sogs glang la sogs pa la/ /rtsa ba g.yon dang de nas g.yas/ /steng dang dbus su rim pas rlung / /sa sogs dkyil 'khor re re zhing / /dbyug gus sna bug dag la 'o/ /rim pas chu tshod 'bab pa ni/ /drug bcu dang bcas sum brgya'i dbugs/ /brgya phrag bcwa brgyad dbugs de rnams/ /chu tshod lngar ni 'bab pa'o/ /chu tshod drug bcu nyin mtshan du/ /lus la dkyil 'khor rnams shes pa'o/ /mdab ma'i dbus dang de nas shar/ /g.yas g.yon gzhan du rim pa yis/ /g.yon par rtag tu nam mkha' sogs/ /g.yas par sa sogs gzhan las so/ /g.yon par rnam shes sogs 'byung ba/ /g.yas par sa sogs sdud pa'o/ /nub dang shar du 'dzin ma rlung / /phan tshun shes rab thabs yin te/ /'the bong ming med dag</font><hr>84.19a<br><font size=+1>

gis ni/ /gang phyir kha la dbang bskur ba/ /g.yas dang g.yon du me dang chu/ /phan tshun shes rab thabs yin te/ /gung mo mdzub mo gnyis dag gis/ /gang phyir ral grir 'gyur ba'o/ /zla phyed rnam pa'i phyag rgya ni/ /mche ba gri gug mthe chung ste/ /stong pa mi 'gyur steng 'og tu/ /phan tshun thabs dang shes rab po/ /dkyil 'khor bcu po yang dag sbyor/ /sor mo rnams ni phan tshun du/ /mgo bor lag mthil sbyar ba la/ /gri gug dang bcas rtse gcig go/ /dbu ma'i rtsa la mnyam pa de/ /skyed dang sdud pa'i byed pa po/ /phung po khams dang rdo rje gsum/ /gcig nyid dbu mar son pa na'o/ /zla ba nyi ma'i rtsa 'gags na/ /bshang ba gci ba'i rtsa 'gag go/ /sgra gcan rtsa ni 'gags pa na/ /'og tu khu ba 'bab 'gag 'gyur/ /skyed dang sdud pa'i byed pa can/ /'di rnams grol na grol bar 'gyur/ /srog dang thur sel lam gsum gyi/ /'di ni rtsa yi kun spyod do/ /g.yon pa 'am ni g.yas pa la/ /mtshan mo gcig dang de bzhin lngar/ /lhag pa'i rlung ni rab 'bab pa/ /de las lo gsum na 'chi'o/ /g.yas pa nyi ma'i 'chi ltas la/ /lnga dang phyogs tshes nyi shu dang / /de nyid gcig lhag gzhan rim pas/ /nyin zhag sum bcu gsum rgyu na/ /gsum gnyis gcig lo zla ba ni/ /drug gsum zung zla nyin zhag tshes/ /phyogs lnga yon tan gnyis gcig gis/ /lus can rnams kyi tshe 'gro'o/ /rtsa ba nas gcig lhag pa yis/ /g.yon par zla ba'i rgyu bar 'gyur/ /nyi zla nyin zhag zla ba dag /nyin zhag gsum rnams zla ba gsum/ /nyin la 'chi ltas zla bar dge/ /'phel 'grib de nas 'di dag la/ /dbu ma'i 'chi ba'i rgyu ba ni/ /lo brgya yongs su rdzogs pa yis/ /mnyam dang mi mnyam nyin zhag rnams/ /skye bar skyes pa'i dkyil 'khor gyis/ /de rgyu g.yas dang g.yon la yang / /phyogs gnyis rnam par nyams pa las/ /</font><hr>84.19b<br><font size=+1>

gzhan du 'chi bar mi 'gyur te/ /phyogs gnyis yang dag gnas pa na/ /g.yas dang g.yon pa'i kun spyod dang / /dkyil 'khor lnga rnams 'bab pa'i phyir/ /'chi ltas mtshan nyid shes nas ni/ /srog ni thig ler gzhug par bya/ /a ba d+hU tI'i zhabs brten nas/ /mchog tu mi 'gyur bsgom par bya/ /rtag tu rdo rje bslang bar bya/ /zla nyi'i bgrod pa 'joms pa las/ /gzhan du kun 'dar yan lag la/ /srog gi rlung ni 'jug pa med/ /'og tu'ang dung can ma thur sel/ /de ma zhugs las 'chi ba'o/ /'chi ltas bslu ba rnal 'byor pa'i/ /'di ni dga' ba rnams kyis 'gyur/ /mgo bo'i pad+ma gtsug gtor las/ /khu ba 'ongs pa dga' ba ste/ /mgrin pa snying khar mchog dga' bo/ /dga' bral dga' ba de nas 'gyur/ /sna tshogs dga' ba lte ba dang / /gsang ba'i pad+mar gang 'ongs pa'o/ /gsang gnas rdo rje nor bu'i bar/ /lhan cig skyes dga' mi 'pho ba/ /rab gnas mya ngan 'das pa min/ /chags chen mi 'gyur khyab bdag po/ /'dod chags bral las 'pho med bde/ /de ni mya ngan 'das rab gnas/ /khu ba zla char gtsug tor du/ /rdzogs pa gsang ba'i mtsho skyes la/ /bcu drug cha gang de nor bu'i/ /pad+mar rdo rje'i rtse mor gnas/ /de steng 'pho ba'i dus su 'gyur/ /nag po'i tshes gcig 'ongs pa na/ /'dod chags bral bas gnam stong la/ /nyi ma mdzod spu'i gnas su 'gro/ /de yi cha shes bcu drug ma/ /gtsug tor pad+mar son pa'o/ /zla ba nyams pa zhes brjod de/ /chags pa'i bde la chags bral phyir/ /lus can thams cad 'chi ba na/ /zla ba bdud rtsi'i 'og du 'gro/ /steng du nyi ma rdul sgra gcan/ /rnam shes dngos po'i mtshan nyid la/ /de phyir zla ba bdud rtsi ni/ /steng du bgrod bya mi yi bdag /'og du nyi ma rdul sgra gcan/ /rnam shes 'gyur med bde ba la/ /sangs</font><hr>84.20a<br><font size=+1>

rgyas kun gyi mdzod spu yi/ /pad+mar zla ba bdud rtsi nya/ /nyi rdul gnam stong gsang bar ste/ /gtsug tor nor bur de dag go/ /zhes pa ston pa'i rdo rje'i tshig /lus can kun gyi phyin ci log /rab gnas mya ngan 'das pa min/ /khams rnams phyin ci log tu 'gyur/ /nor bur thugs dang gsang bar gsung / /lte bar sku ste bde chen las/ /chos dang longs spyod rdzogs sprul pa/ /'di rnams dag pa'i sku las spro/ /thabs kyi 'og tu rgyal po'i dbang / /shes rab kyi ni steng du 'gyur/ /'di yi dpral bar sku rdo rje/ /mgrin snying lte ba'i 'dam skyes la/ /gsung thugs ye shes rdo rje rnams/ /sprul pa la sogs 'di rnams spro/ /phung po khams rnams spro ba ni/ /sgrib pa med pa'i bde ba las/ /las kyi phyag rgya'i snyoms 'jug dang / /ye shes phyag rgya'i dmigs pa dang / /phyag rgya chen po gcig sbyor bas/ /mi 'gyur ba de 'phel bar 'gyur/ /'phel ba'i 'phel bar 'gyur ba med/ /nyams pa'i nyams pa nyid kyang med/ /nub pa de yi nub pa med/ /'char ba yi ni 'char ba med/ /rab tu gsal ba'i rab gsal med/ /bkab pa'i bkab pa yang med do/ /skye ba'i skye bar 'gyur nyid med/ /'chi ba'i 'chi ba yang med do/ /grol ba'i grol bar 'gyur ba'ang med/ /mi gnas pa yi mi gnas med/ /dngos po med pa'i dngos med med/ /dngos po'i dngos po nyid kyang med/ /'gyur ba'i 'gyur bar 'gyur ba'ang med/ /mi 'gyur ba'i yang mi 'gyur med/ /rang bzhin med pa'i chos rnams kyi/ /skye 'jig sgyu ma de bzhin no/ /'byung rnams 'jig par 'gyur min te/ /rang bzhin nyid kyis skye mi 'gyur/ /sna tshogs 'di ni rang bzhin med/ /dngos po dngos med mtshan nyid gcig /rang gi shes rab la 'khyud sems/ /rdo rje nor bu'i pad+mar son/ /der son zla ba g.yo ba dang / /mi g.yo</font><hr>84.20b<br><font size=+1>

ba dang mi 'gyur bsgom/ /lus ngag sems kyi rtsa rnams su/ /sku gsung thugs rnams bsgom pa ste/ /rdo rje gsum rnams legs bsdus pa/ /ye shes dung can mar bsgom pa'o/ /shes rab chags pas zhu ba yi/ /thig le rim pas mgo bo las/ /rdzogs pa'i gnas su zhugs rnams kyang / /'ching ba dam pa'i don gyis so/ /ji ltar zla shar rim pa yis/ /cha rnams kyis ni rdzogs par 'gyur/ /grib ma nyams pa rdzogs pa ste/ /zla ba chad dang rdzogs pa min/ /de bzhin ye shes shar rim pas/ /sa rnams kyis ni rdzogs par 'gyur/ /nyon mongs la sogs nyams pa rdzogs/ /ye shes chad dang rdzogs pa min/ /ji ltar ri bong mtshan mas dbus/ /rdzogs par ri bong can mi gnas/ /de bzhin 'gyur med bde bar sems/ /'khor ba'i bag chags mtshan ma yis/ /skyed dang rab tu nyams pa'i phyogs/ /dkar po nag por rab tu gnas/ /de dag dbus su rdzogs pa gang / /de ni rdzogs par mi gnas so/ /skad cig gcig mngon rdzogs sangs rgyas/ /rdzogs pa la ni g.yo mi 'gyur/ /gang tshe rdo rje nor bur sems/ /de ni skad cig thams cad rdzogs/ /dkar po'i phyogs la 'di mi gnas/ /res 'ga' dkar min la mi 'gro/ /phyogs gnyis po yi dbus gnas pa/ /rdzogs pa la gnas gnyis su med/ /gtsug tor las ni shar ba de'i/ /rdo rje nor bur rdzogs par 'gyur/ /de chags bral las cha nyams pa/ /rdo rje nas nyams la rab rdzogs/ /slar yang gtsug tor du shar ba/ /slar yang rdo rje nor bur rdzogs/ /de chags bral las cha nyams pa/ /lus can ye shes nyams pa min/ /'di yi bde ba che rang bzhin/ /rdzogs pa'i sgra yis brjod par bya/ /dngos po bar ma gzhan thams cad/ /'byung dang bsdud pa'i rgyu yin no/ /srid las mya ngan 'das par 'gro/ /</font><hr>84.21a<br><font size=+1>

de las slar yang srid par 'ong / /rang phyogs dag las zla bzhin dang / /bgrod pa dag las snang byed bzhin/ /rdzogs par mi g.yo ba 'di ni/ /sa rnams kyis ni yongs rdzogs nyid/ /nyi khri brgyad gnyis brgya yi dbugs/ /'gyur med skad cig zos rnams kyis/ /phyogs gnyis yang dag gnon pa ni/ /sa rnams kyis ni yongs su rdzogs/ /bden don rnam pa bcu gnyis pa/ /rnam pa bcu drug 'gyur ba med/ /rnam pa bcu gnyis sa rnams kyis/ /rdzogs pa gnyis su med pa mchog /cha shes rnams kyis rdzogs pa'i sems/ /rnam pa bcu drug mi 'gyur ba/ /don gcig gnyis su med pa chos/ /dam pa'i don te 'jig pa med/ /rdzogs pa'i gnas skabs son pa'i sems/ /kun nas rab tu rdzogs pa'o/ /chags bral dang po chags pa che/ /rdo rje lus med mi 'gyur che/ /yongs su rdzogs pa phyogs gnyis kyi/ /bag chags rnams kyis ma 'khyud pa'o/ /ji ltar chu bo'i chu zhugs pa/ /de ni rgya mtshor chur mtshungs pa/ /de bzhin dngos po'i tshogs 'di de/ /'gyur ba med par 'gyur med mtshungs/ /ji ltar khams kyi tshogs pa 'dis/ /zos pa las ni ro nyid 'gyur/ /sa bon rang bzhin sa bon gyis/ /'bras bu'i dus su nga rgyal spangs/ /de ltar dngos po'i tshogs pa yang / /mchog tu mi 'gyur zos pa yis/ /mchog tu mi 'gyur ba nyid 'gyur/ /rnam pa thams cad rang bzhin 'dzin/ /mche ba'i tshor ba sdug bsngal ni/ /dug rdzogs gnas skabs gyur pa na/ /rma la rig min gzhan du min/ /yul dang dbang po'i sgo rnams kyis/ /de bzhin rnal 'byor dam pa'i bde/ /sems rdzogs char gyur na rdo rje/ /nor bur rig min gzhan du min/ /yul rnams dbang po'i sgo rnams kyis/ /ji ltar ro chen lcags rnams kyi/ /</font><hr>84.21b<br><font size=+1>

phyogs gcig yang dag gnas pa ni/ /lcags la drag po'i mes gdungs na/ /kun nas kun du 'bigs par byed/ /de bzhin nyid du 'gyur med bde/ /phyogs gcig yang dag gnas pa yang / /sems la 'dod pa'i mes gdungs na/ /kun nas kun tu 'bigs par byed/ /ji ltar phug pa'i lcags rnams ni/ /'ga' zhig tu yang dri ma med/ /de bzhin du ni phug pa'i sems/ /'ga' zhig tu yang bag chags med/ /lcags ni gser nyid du gyur pa/ /me yis dri ma med par 'gyur/ /de bzhin yang dang yang du sems/ /'dod chags me yis dri ma med/ /ji ltar nor bu che reg las/ /rdo ni rab tu 'bar bar 'gyur/ /de bzhin 'gyur med bde reg las/ /sems ni bde ba nyid du 'gyur/ /'dir ni mang po brjod pas ci/ /'jig rten kun rdzob bden pa yis/ /lcags rnams rab tu 'bigs byed pa/ /ro yi mthu ni brtag bya min/ /ci zhig slar yang don dam pas/ /blo bur dri mas g.yogs pa yi/ /sems ni rab tu 'bigs byed pa/ /ye shes mthu ni brtag bya min/ /sems la blo bur dri ma med/ /sems las yun ring dus can min/ /sems med par ni skye ba med/ /sems la mi zad gnas pa min/ /gal te 'di nyid blo bur ba/ /de tshe sngon du sems dri med/ /gang tshe sems las dus ring can/ /de tshe de ni ci las skye/ /gal te sems med par skye na/ /de tshe nam mkha'i me tog mtshungs/ /gal te sems la rtag tu gnas/ /de tshe kun tu thar pa min/ /ji ltar zangs kyi dri ma ni/ /ro yi sbyor bas nyams par 'gyur/ /de yi yod nyid nyams pa med/ /dri med nyid kyis yang dag gnas/ /de bzhin sems kyi dri ma ni/ /stong nyid sbyor bas rnam nyams 'gyur/ /de yi ye shes nyid nyams med/ /dri med nyid kyis</font><hr>84.22a<br><font size=+1>

yang dag gnas/ /ji ltar bcud kyis phug pa'i lcags/ /lcags nyid du ni rjes 'gro min/ /de bzhin bde bas phug pa'i sems/ /sdug bsngal nyid du rjes 'gro min/ /chags bral las gzhan sdig pa med/ /bde ba las gzhan bsod nams med/ /de phyir 'gyur med bde bar sems/ /mi bdag rtag tu gnas par bya/ /gzhon nu ma yi dga' ba ni/ /med par bde ba smra mi nus/ /lang tsho'i dga' ba thob pa na/ /bde ba chen po rang gis rig /de bzhin ting 'dzin dang bral ba'i/ /bde ba smra bar nus ma yin/ /'gyur med ting 'dzin thob pa na/ /rnal 'byor pa yis rang rig 'gyur/ /'gyur med las skyes bde rig pa/ /thams cad mkhyen la'ang the tsom za/ /de lta na yang yid bde min/ /chags bral nyid du mi bya'o/ /'phos pa las ni chags bral 'gyur/ /chags bral las ni sdug bsngal 'byung / /sdug bsngal skyes bu'i khams zad byed/ /zad pa las ni 'chi bar brjod/ /shi las slar yang de rnams kyi/ /srid pa'o srid las slar 'chi 'pho/ /de ltar sems can gyi srid pa/ /chags bral las 'byung gzhan du min/ /de phyir 'bad pa thams cad kyis/ /'pho ba'i chags pa rnam par spangs/ /gang gis 'gyur med bde bar 'gyur/ /rnal 'byor 'khor bar bcings pa yis/ /'dod ldan yang ni chags bral bar/ /'dod pa'i bstan bcos su mi 'dod/ /bdag gis brjod pa'i rgyud du slar/ /rnal 'byor pa cis sdug bsngal 'dod/ /khu ba mi 'gyur rang bzhin gyis/ /mchog tu mi 'gyur bsgrub par bya/ /rten ni 'pho ba thob pa na/ /brten pa'i 'dod chags bral ba nyid/ /rten dang brten pa legs rdzogs pa/ /ji srid 'gyur med nyid du 'gro/ /sems kyi 'gyur med nyid thob na/ /rten dang brten pa'i mtshan nyid med/ /'gyur med las byung</font><hr>84.22b<br><font size=+1>

sku yi ni/ /mdzod spu'i 'khor lor son pa'i yang / /A li kA li mnyam sbyor ba/ /hU~M yig mi 'dod mi yi bdag /stong pa las byung gzugs brnyan rgyu/ /mi 'gyur las skyes bde ba 'bras/ /rgyu ni 'bras bus rgyas btab pa/ /'bras bu'i rgyu yis rgyas btab pa'o/ /stong nyid gzugs brnyan 'dzin pa rgyu/ /snying rje 'gyur med 'dzin pa 'bras/ /stong nyid snying rje dbyer med pa/ /byang chub sems ni mi 'pho ba'o/ /mya ngan 'das pa bral ba'i gzugs/ /'khor ba las 'das mi 'gyur ba/ /de dag sbyor ba gnyis med mchog /rtag dang chad las nges par grol/ /dngos med las byung mtshan nyid phyir/ /gzugs ni dngos po med pa min/ /dngos po las byung mtshan nyid phyir/ /'gyur ba med pa dngos po min/ /dngos po dngos med yang dag sbyor/ /rdo rje'i rnal 'byor gnyis med mchog /gzugs dang gzugs min rnam par grol/ /pra phab me long la bzhin no/ /gzugs ni srid par mi 'ong ste/ /'gyur med mya ngan 'das mi 'gro/ /phan tshun 'khyud pas zhi ba ste/ /ma ning gi ni go 'phang mchog /shes rab rgyu las ma byung zhing / /shes rab rgyu las byung ba 'bras/ /shes rab rgyu las ma skyes phyir/ /shes rab las skyes rgyu skyes min/ /shes rab ye shes bla na med/ /'bras bu rgyu yis gzhan dang gzhan/ /phan tshun du ni rgyas btab med/ /rgyu dang 'bras bu thams cad gang / /de ni brten cing 'brel bar 'byung / /phan tshun rgya yis btab pa'i gzugs/ /skye min mya ngan 'das pa'ang min/ /shes rab kun nas mya ngan 'das/ /skye ba mchog tu 'gyur ba med/ /rgyu dang 'bras bu rnam nges grol/ /</font><hr>84.23a<br><font size=+1>

phan tshun du ni rgyas btab med/ /ma skyes pa dang ma 'gags pa'i/ /shes bya gang zhig 'dir mthong ba/ /de ni rang sems gzhan ma yin/ /phyi yi shes bya rnam 'byed phyir/ /de phyir bdag gis bdag nyid la/ /'gar yang rgyas gdab nus ma yin/ /ral gri chen po bdag nyid la/ /bdag nyid so yis gcod dam ci/ /mo sham bu mo dang 'grogs pas/ /rmi lam du ni bde 'gyur ltar/ /nam mkha' las byung gzugs brnyan ni/ /bsten pas bdag la de bzhin no/ /shes rab ma yin thabs kyang min/ /'di ni lhan skyes shes rab bcas/ /kun nas bde ba rdzogs pa las/ /sgrib pa thams cad spangs pa ste/ /nam mkha' bzhin du gos pa med/ /yul dang dbang po spangs pa ni/ /kun nas 'byung po kun la gnas/ /gcad du med pa dbye ba spangs/ /rang byung rdo rje sems dpa' ni/ /don chen mchog tu mi 'gyur ba/ /'dod chags chen po sems dpa' che/ /sems can thams cad dga' bar byed/ /byang chub sems dpa' zhe sdang che/ /nyon mongs zad pa dgra chen po/ /dam tshig sems dpa' gti mug che/ /gti mug blo ste gti mug sel/ /rdo rje'i rnal 'byor khro ba che/ /lha min khro bo dgra chen po/ /dus kyi 'khor lo chags pa che/ /'pho ba'i chags pa sel bar byed/ /rdo rje mi phyed ces par brjod/ /'di ni don chen bcom ldan 'das/ /sems dpa' srid gsum gcig pa nyid/ /mchog tu mi 'gyur brjod par bya/ /mchog tu mi 'gyur bde ba rdzogs/ /sa rnams yongs su rdzogs pa yis/ /'dod chags chen po sems dpa' che/ /sems can thams cad</font><hr>84.23b<br><font size=+1>

dga' bar byed/ /byang chub la gnas sems dpa' ni/ /mi g.yo de phyir byang chub sems/ /nyon mongs la sogs zhe sdang tshogs/ /zhe sdang chen po dgra che ba/ /dam tshig zla ba bdud rtsi yi/ /khu ba 'pho med de za ba/ /dam tshig sems dpa'o rigs pa 'dis/ /gti mug blo ste gti mug sel/ /rdo rje thams cad gcig pa nyid/ /shes rab sku dang mi 'gyur bcas/ /khro bo chen po dgra chen po/ /khro bo'i gzugs can bdud rnams kyi'o/ /'gyur med bde ba che thabs las/ /nam yang sems can don mi 'dor/ /sems can grol nas chags chen po/ /'gyur ba'i chags pa sel bar byed/ /'di rnams rnam pa drug du brjod/ /mi 'gyur ye shes tshor ba dang / /rnam shes gzugs dang 'du byed dang / /'du shes de rnams phung po'i rigs/ /ye shes me dang nam mkha' sa/ /rlung chu rnams kyi rim pa bzhin/ /yid mig rna ba lus dang sna/ /lce rnams kyi yang de bzhin nyid/ /sgra ro chos kyi dbyings dang dri/ /reg bya kha dog rnams kyi yang / /khro bo'i rgyal po gdong drug 'jigs/ /rigs drug rnams kyis yongs dag pa/ /lus dang gsang ba dbang po sems/ /rtag tu dkyil 'khor rnam pa gsum/ /shes rab thabs kyi rdo rje gsum/ /rdo rje sems dpa' nyid du 'gyur/ /'di ni dbang gi sgrub thabs te/ /mchog tu mi 'gyur sgrub pa'i thabs/ /rtsa dang rigs dang yang dag ldan/ /zla ba mdor bstan pa yis bshad/ /ces pa 'jig rten khams kyi le'ur le'ur lnga pa'i mchog tu mi 'gyur ba'i dbang gi sgrub thabs mdor bstan</font><hr>84.24a<br><font size=+1>

pa rdzogs so// //'di ni kha che'i paN+Di ta so ma nA tha dang / bod kyi lo tsa ba 'bro dge slong shes rab grags pas/                      bsgyur zhing zhus te gtan la phab pa las/ slar yang sgra tshad pa rin chen rgyal mtshan gyis|    dpal nA ro pa'i 'grel bshad dang mthun par bsgyur zhing zhus te dag par byas pa'o/ /</font><hr>84.24b<br><font size=+1>

[This is a blank page without image]</font><hr>84.25a<br><font size=+1>

[This is a blank page without image]</font><hr>

</table>