J346

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J346</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J346&coll=lithang">see text in Tibetan script</a></table>83.226a<br><font size=+1>

 'phags pa dkon mchog brtsegs pa chen po'i chos kyi rnam grangs le'u stong phrag</font><hr>83.226b<br><font size=+1>

brgya pa las le'u bzhi bcu rtsa bdun pa ste 'phags pa gtsug na rin po ches zhus pa/ bam po dang po/ @#/ /rgya gar skad du/ Ar+ya rat+na tsUN pa ri pr-its+tshA nA ma ma hA yA na sU tra/ bod skad du/ 'phags pa gtsug na rin po ches zhus pa zhes bya ba theg pa chen po'i mdo/ sangs rgyas dang / byang chub sems dpa' dang / nyan thos dang rang sangs rgyas thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong bzhi khri nyis stong gi dge slong gi dge 'dun chen po dang thabs gcig tu bzhugs te/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid pa kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems can thams cad kyi dbang dam pa'i pha rol tu son pa sha stag go /byang chub sems dpa' phyogs bcu'i 'jig rten gyi khams nas 'dus pa brgyad khri bzhi stong dang yang thabs gcig ste/ thams cad kyang skye ba gcig gis thogs pa/ dbang bskur ba thob pa/ dpa' bar 'gro ba'i ting nge 'dzin las byung ba/ pad ma bla ma'i ting nge 'dzin rab tu thob pa/ rdo rje'i dkyil 'khor gyi ting nge 'dzin la rab tu gnas pa/ rgyal mtshan gyi rtse mo'i dpung rgyan gyi ting nge 'dzin gyis rnam par rol pa/ rdo rje lta bu'i ting nge 'dzin shin du rtogs pa/ yon tan 'byung gnas bkod pa'i ting nge 'dzin shin tu gtan la phebs pa/ sangs rgyas kyi chos thams cad mngon du gyur pa/ byang chub kyi snying por rab tu gzhol ba/ bdud kyi yul thams cad las shin tu 'das pa/ sangs rgyas kyi yul gyi gnas la rab tu</font><hr>83.227a<br><font size=+1>

gnas pa/ mi zad pa bstan pa'i gzungs rab tu thob pa/ sems can thams cad kyi dbang po tshim par byed pa'i spobs pa rab tu thob pa/ mi 'jigs pa seng ge'i stabs kyis 'khor thams cad gnon pa la mkhas pa/ tshig bstan pa la phyang pas don yod par bskal pa'i bar du lung ston pa/ gzugs kyi mtshan bzang pos legs par brgyan pa/ 'dus pa ngan pa'i tshogs pha rol rgol ba yang dag par rab tu 'joms pa/ grags pa dang brjod pa'i sgra mthon po phyogs bcur grags pa/ sangs rgyas thams cad kyis bstod cing bsngags te rab tu bkur ba/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dpag tu med pa las byung ba/ bskal pa bye ba khrag khrig brgya stong grangs med par shin tu sbyang ba byas pa/ sems can thams cad kyi nyon mongs pa'i nad yongs su shes nas so so ci rigs par chos kyi sman gtong ba/ rkyen las byung ba'i chos zab cing gting dpag dka' ba la 'jug cing mtha' dang mtha' ma yin pa dang / rtag pa dang chad par lta ba yongs su spangs pa/ dge ba dag cing dri ma med pa'i bsam pa dang lhag pa'i bsam pa shin tu yongs su dag pa/ sems can thams cad yongs su smin par bya ba dang / bsdu ba dang / kun rig pa dang / rnam par rig pa'i tshul mkhas pa/ rang gi sems la dbang skur ba/ sems dpa' zhing brtan la rdo rje ltar mi phyed pa/ dad pa dang / brtson 'grus dang / dran pa dang / ting nge 'dzin dang / shes rab kyi stobs dang ldan pa/ stobs bcu dang / gzungs dang / smon lam la yang dag par rab tu zhugs pa/ yon tan dang / ye shes dpag tu med pa'i blo nam mkha'i dbyings dang mnyam pa rnams la 'di lta ste/ byang chub sems dpa' sems dpa' chen po spyan ras gzigs rnam</font><hr>83.227b<br><font size=+1>

par lta ba zhes bya ba dang / rtag tu rnam par lta ba dang / spyan ras gzigs dbang phyug dang / mthu chen thob dang / seng ge dang / seng ge'i blo gros dang / seng ge'i stabs su 'gro dang / seng ge'i sgra mngon bsgrags dang / mchog gi blo gros dang / rdo rje'i blo gros dang / rdo rjes rnam par gnon dang / rdo rje'i rgyal mtshan dang / rdo rje'i sde dang / mi g.yo ba'i gom pas rnam par gnon dang / 'jig rten gsum gom pas rnam par gnon dang / mig bzangs dang / pad ma'i mig dang / pad ma bkod pa dang / rin po che bkod pa dang / spobs pa chen po dang / mthu bo che dang / rin chen khar ba dang / rin chen 'byung gnas dang / lag na phyag rgya rin po che dang / yon tan gyi rgyal po snang dang / bkod pa'i rgyal po snang dang / bkod pa'i rgyal po dang / yid gnyis rnam par 'joms dang / glog gi snang bas brgyan dang / nam mkha' mdzod dang / dbyangs snyan dang / sprin dbyangs dang / rnga sgra dang / dbyangs rnam par dag dang / rnam par dag pa'i blo gros dang / bzang skyong la sogs pa skyes bu dam pa bcu drug dang / 'jam dpal la sogs pa sems dpa' dpe med pa drug bcu dang / spos kyi glang po che la sogs pa dag pa'i sems can sum bcu rtsa gnyis dang / byams pa la sogs pa thams cad kyang bskal pa bzang po'i byang chub sems dpa' sems dpa' chen po sha stag go /lha'i bu bdud las rgyal dang / lha'i bu dge ba bkod dang / lha'i bu mtshams rab dang / bzang po'i rgyal po dang / rgyal ba dang / rgyal ba'i blo gros dang / rab tu zhi zhing dul ba'i dbang phyug dang / lha'i bu legs par sems pa dang / de dag la sogs pa thams cad kyang theg pa chen po la yang dag par zhugs pa'i lha'i bu stong phrag nyi shu dang / rgyal po chen po bzhi dang / lha rnams kyi dbang po brgya byin dang / mi mjed kyi bdag po tshangs pa dang / lha'i bu ded dpon dang / lha'i bu dbang phyug chen po dang / de dag dang / gzhan</font><hr>83.228a<br><font size=+1>

yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa du ma dang yang thabs gcig go /de nas bcom ldan 'das bkod pa chen po'i seng ge'i khri la bzhugs te 'khor brgya stong du mas yongs su bskor cing mdun gyis bltas nas chos ston te/ seng ge ltar ni sgrogs/ nyi ma ltar ni lhan ne/ zla ba ltar ni lham me/ sgron ma ltar ni 'bar brgya byin ltar lhang nge / tshangs pa ltar ni lhag ge/ /rgya mtsho chen po'i dbus nas ri rab ltar ni 'phags te 'khor chen po'i dbus su gshegs nas chos ston pa ni tshangs par spyod pa/ thog mar dge ba bar du dge ba/ tha mar dge ba/ don bzang po/ tshig 'bru bzang po ma 'dres pa/ yongs su rdzogs pa/ yongs su dag pa/ yongs su byang ba 'di lta ste/ byang chub sems dpa' sems dpa' chen po rnams kyi byang chub sems dpa'i spyod pa rnam par dag pa zhes bya ba'i chos kyi sgo las brtsams nas/ ji ltar byang chub sems dpa' sems dpa' chen po rnams byang chub sems dpa'i spyod pa yongs su dag pa la spyod par 'gyur ba yang dag par rab tu ston to/ /yang de'i tshe shar phyogs logs kyi sangs rgyas kyi zhing brgya stong phrag dgu bcu rtsa gnyis 'das pa na 'jig rten gyi khams legs par sprul pa zhes bya ba de na de bzhin gshegs pa dgra bcom pa yang dag par rdzogs pa'i sangs rgyas yongs su dag par rab tu gnas pa zhes bya ba da lta na bzhugs te/ 'tsho zhing gzhes la chos kyang ston pa de'i gan nas byang chub sems dpa' sems dpa' chen po gtsug na rin po che zhes bya ba byang chub sems dpa' brgya stong dang lhan cig tu lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye</font><hr>83.228b<br><font size=+1>

chen po dang mi dang / mi ma yin pa brgya stong du mas yongs su bskor cing mdun du bdar te/ 'jig rten gyi khams legs par sprul pa de nas mi snang bar gyur nas 'jig rten gyi khams mi mjed 'dir gnas par gyur to/ /de tshangs pa'i 'jig rten du 'dug nas rin po che'i gdugs gcig gis stong gsum gyi stong chen po'i 'jig rten gyi khams khebs par byas ste/ me tog kha dog du ma/ kha dog sna tshogs dag gis stong gsum gyi stong chen po'i 'jig rten gyi khams khebs par byas nas tshangs pa'i 'jig rten de nyid du 'dug ste de'i tshe tshigs su bcad pa 'di dag smras so/ /gang gis sdug bsngal mtha' yas bzod byas shing / /brtul zhugs brtan pas byang chub rab bsgrubs pa/ /drang srong chen po shAg thub sus mthong ba/ /lha mi rnams kyis rnyed pa rab tu rnyed/ /gang gA'i bye snyed byang chub sems dpa' mang / /brtson 'grus dag gi stobs kyis phyir bor te/ /stong phrag bye ba'i bdud rnams rab rtul nas/ /byang chub rdul bral mya ngan med pa thob/ /'gro ba kun kyi gtso bo bsnyen bkur bar/ /shar phyogs logs kyi mchog gi 'jig rten khams/ /legs par sprul nas spyod pa yongs dag pa'i/ /rgyal ba'i thad nas bdag ni 'dir mchis so/ /su dag chos kyi gtam rnams nyan pa dang / /phyogs bcu'i byang chub sems dpa' blta ba dang / /rkang gnyis gtso bo de yang blta 'dod pa/ /de dag bya rgod phung por myur du shog /'dren pa mthong ba shin tu rnyed par dka'/ /zhi ba'i chos kyang thos par shin tu dka'/ /dal 'byor mir skye shin tu rnyed par dka'/ /tshul khrims dad pa'ang rtag tu rnyed par dka'/ /'jig rten rnam par 'dren pa bzhugs bzhin du/ /bde 'dod gang zhig bsod nams mi byed na/ /mya ngan 'das nas des ni ci bya yis/ /de ni rgyal ba'i drung</font><hr>83.229a<br><font size=+1>

der 'dod par bya/ /gang dag ngan 'gro thams cad spangs nas ni/ /lha mi'i nang du bde ba 'thob pa dang / /mya ngan 'das 'thob bde bar 'gyur 'dod pa/ /mtshungs med de'i gan du de dag dong / /de ni sman pa'i rgyal po bdud rtsi sbyin/ /de ni ded dpon mchog gi lam mtshon pa/ /de ni chos rgyal rin chen dam pa 'chang / /de ni sems can kun kyi rten dang dpung / /de nas byang chub sems dpa' sems dpa' chen po gtsug na rin po ches tshigs su bcad pa mngon par sgrub pa 'di dag smras pas stong gsum gyi stong chen po'i 'jig rten gyi khams kyang dbyangs kyis go bar gyur/  tshe dang ldan pa shA ra dwa ti'i bus kyang tshigs su bcad pa 'di dag thos te/ thos nas bcom ldan 'das la 'di skad ces gsol to/ /bcom ldan 'das 'di lta bu'i don dang ldan pa'i tshigs su bcad pa 'di dag gang nas byung / bcom ldan 'das kyis bka' stsal pa/ shA ri'i bu shar phyogs logs su sangs rgyas kyi zhing 'di nas sangs rgyas kyi zhing brgya stong phrag dgu bcu rtsa dgu gnyis 'das pa na 'jig rten gyi khams legs par sprul pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas yongs su dag par rab tu gnas pa zhes bya ba da ltar bzhugs te 'tsho zhing gzhes la chos kyang ston pa de'i gan nas/ byang chub sems dpa' sems dpa' chen po gtsug na rin po che zhes bya ba byang chub sems dpa' brgyad stong dang bcas te nga la blta ba dang / phyag bya ba dang / bsnyen bkur bya ba dang / phyogs bcu nas 'dus pa'i byang chub sems dpa' sems dpa' chen po 'di dag kyang blta ba'i phyir lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa brgya stong mang</font><hr>83.229b<br><font size=+1>

pos yongs su bskor cing mdun du bdar nas rnga ni rab tu rdung / me tog gi char ni rab tu 'bebs/ 'od zer ni 'byin/ stong gsum gyi stong chen po'i 'jig rten gyi khams ni g.yo bar byed cing byang chub sems dpa'i mthu chen po dang / byang chub sems dpa'i rdzu 'phrul chen pos 'jig rten gyi khams legs par sprul pa de nas mi snang bar gyur nas 'jig rten gyi khams mi mjed 'dir phyin te/ shA ri'i bu byang chub sems dpa' sems dpa' chen po gtsug na rin po che des sems can bag med pa rnams yang dag par bskul ba'i phyir tshangs pa'i 'jig rten du 'dug nas tshigs su bcad pa 'di dag smras so/ /shA ri'i bu tshigs su bcad pa 'di dag gis stong gsum gyi stong chen po'i 'jig rten gyi khams go bar byas nas sems can dpag tu med pa yang dge ba'i rtsa ba bskyed do/ /de nas byang chub sems dpa' sems dpa' chen po gtsug na rin po che byang chub sems dpa' brgya stong po de dag dang lhan cig tu lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa brgya stong du mas yongs su bskor cing mdun du bdar nas rnga ni rab tu rdung / me tog gi char ni rab tu 'bebs/ 'od zer ni 'byin/ stong gsum gyi stong chen po'i 'jig rten gyi khams ni g.yo bar byed cing byang chub sems dpa'i mthu chen po dang / byang chub sems dpa'i rdzu 'phrul chen pos bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te bcom ldan 'das la lan gsum bskor ba byas nas byang chub sems dpa' sems dpa' chen po de dag dang / lha dang / klu dang / gnod sbyin dang dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa</font><hr>83.230a<br><font size=+1>

brgya stong mang po de dag dang / lhan cig tu bcom ldan 'das kyi spyan sngar 'dug go /phyogs gcig tu 'dug nas kyang bcom ldan 'das la byang chub sems dpa' gtsug na rin po ches 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yongs su dag par rab tu gnas pa/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ stobs dang bde bar reg pa la gnas sam zhes snyun gsol lo/ /bcom ldan 'das bdag kyang byang chub sems pa dpa' sems dpa' chen po rnams kyi spyod pa yongs su dag pa nyan pa'i slad du 'dir mchis na/ bcom ldan 'das byang chub sems dpa' rnams spyod pa yongs su dag pa gang la gnas na shin tu mthar phyin pa dang / shin tu grub pa dang / bde bar 'gyur ba dang / shin tu yongs su dag pa 'thob par 'gyur ba dang / de dag la bag chags kyi mtshams sbyor ba'i nyon mongs pa thams cad kun tu 'byung bar mi 'gyur ba dang / rang gi spyod pa yongs su dag pas sems can thams cad kyi sems kyi spyod pa rab tu 'tshal bar 'gyur ba dang / spyod pa'i mtshan nyid rnams yang dag pa ji lta ba bzhin du khong du chud par 'gyur ba dang / ye shes kyi spyod pas 'dod chags dang / zhe sdang dang / gti mug gi spyod pa rnam par sbyong bar 'gyur ba dang / chos kyi spyod pas sems can mi mthun par spyod pa la gnas pa rnams yang dag pa'i chos kyi nan tan la mos par bgyid par 'gyur ba dang / de bzhin gshegs pa thams cad la kha na ma tho ba ma mchis par 'gyur ba dang / sems can thams cad nye bar 'tsho bar 'gyur ba dang / de dag la bdud thams cad kyis glags mi rnyed par 'gyur ba dang / </font><hr>83.230b<br><font size=+1>

de dag phyogs bcu'i 'jig rten na da ltar byung ba'i sangs rgyas thams cad lta ba la sgrib pa ma mchis par 'gyur ba dang / de dag gi spyod pa thams cad de bzhin gshegs pa'i ye shes kyi spyod pas rig par 'gyur ba'i byang chub sems dpa' rnams kyi spyod pa yongs su dag pa de de bzhin gshegs pa dgra bcom pa yang dag par rdzogs pa'i sangs rgyas kyis legs par bstan du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po gtsug na rin po che la 'di skad ces bka' stsal to/ /rigs kyi bu de'i phyir legs par rab tu nyon la yid la zung shig dang / byang chub sems dpa' sems dpa' chen po rnams kyi spyod pa yongs su dag pa'i dpe tsam cung zad cig bshad do/ /bcom ldan 'das legs so zhes gsol nas byang chub sems dpa' gtsug na rin po che bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /rigs kyi bu byang chub sems dpa' sems dpa' chen po rnams kyi spyod pa yongs su dag pa ni 'di bzhi ste/ bzhi gang zhe na/ 'di lta ste/ pha rol tu phyin pa'i spyod pa yongs su dag pa dang / byang chub kyi phyogs kyi chos kyi spyod pa yongs su dag pa dang / mngon par shes pa sgrub pa'i spyod pa yongs su dag pa dang / sems can yongs su smin par bya ba'i spyod pa yongs su dag pa ste/ rigs kyi bu bzhi po de dag ni byang chub sems dpa' rnams kyi spyod pa yongs su dag pa'o/ /de la pha rol tu phyin pa'i spyod pa yongs su dag pa ni kun tu bsngo ba'i ye shes la mkhas par khong du chud par bya'o/ /byang chub kyi phyogs kyi chos kyi spyod pa yongs su dag pa ni lam smra ba'i ye shes la mkhas par khong du chud par bya'o/ /mngon par shes pa sgrub pa'i spyod pa yongs su</font><hr>83.231a<br><font size=+1>

dag pa ni bsam gtan la sems las su rung ba'i ye shes la mkhas par khong du chud par bya'o/ /sems can yongs su smin par bya ba'i spyod pa yongs su dag pa ni snying rje chen pos lhag pa'i bsam pa brtan pa'i ye shes la mkhas par khong du chud par bya'o/ /rigs kyi bu de la byang chub sems dpa' rnams kyi pha rol tu phyin pa'i spyod pa yongs su dag pa gang zhe na/ 'di lta ste/ pha rol tu phyin pa drug gi spyod pa yongs su dag pa'o/ /drug po de dag gang zhe na/ 'di lta ste/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa rnams so/ /rigs kyi bu de la byang chub sems dpa' rnams kyi sbyin pa'i pha rol tu phyin pa'i spyod pa yongs su dag pa gang zhe na/ 'di lta ste/ ser sna'i dri mas kun tu dkris pa'i sems sel ba dang / gtong ba'i rjes su 'jug pa'i sems 'phel bar byed pa dang / de ser sna'i dri ma bsal te gtong ba'i sems la gnas nas bdog pa thams cad yongs su gtong ba'i sems la gnas so/ /de sbyin pa sbyin pa na tha dad pa bzhi mi byed de/ bzhi gang zhe na/ 'di lta ste/ sems can tha dad du mi byed pa dang / chos tha dad pa dang / yongs su bsngo ba tha dad pa dang / bsam pa tha dad du mi byed do/ /de la ji ltar na sems can tha dad du mi byed ce na/ 'di la ni sbyin/ 'di la ni mi sbyin/ 'di la ni mang du sbyin/ 'di la ni nyung ngu sbyin/ 'di la ni bzang po sbyin/ 'di la ni ngan pa sbyin/ 'di la ni rtag tu sbyin/ 'di la ni rtag tu mi sbyin/ 'di la ni sti stang du byas te sbyin/ 'di la ni sti stang du byas te mi sbyin/ 'di la ni thams cad sbyin/ 'di la ni thams cad mi sbyin/ 'di ni tshul khrims dang ldan pa/ 'di ni tshul khrims dang mi ldan pa/ 'di ni sbyin pa'i gnas/ 'di ni sbyin pa'i gnas ma yin/ 'di la sbyin na</font><hr>83.231b<br><font size=+1>

sbyin pa rnam par dag par 'gyur/ 'di la ni rnam par dag par mi 'gyur/ 'di ni yang dag par zhugs pa/ 'di ni log par zhugs pa'o zhes bya ba ste/ rigs kyi bu de ltar gang 'di lta bu'i sems 'phro ba spong zhing mnyam pa nyid dang / tha dad pa ma yin pa dang / mi mtho mi dma' ba dang / sems can thams cad la sems mnyam pa dang yang dag par sbyor ba dang / mtshungs par sbyin pa dang / mtshungs par byams pa dang / mtshungs par snying rje ba dang / bye brag med pa dang / nam mkha' dang mtshungs par gyur pa de ni sems can tha dad pa ma yin pa zhes bya'o/ /de la ji ltar na chos tha dad du mi byed ce na/ gang chos smra bar 'gyur ba de dag la ni sbyin/ gang chos mi smra bar 'gyur ba de dag la ni mi sbyin no snyam du de ltar sems mi bskyed de/ de chos thams cad mnyam pa nyid thob nas sbyin pa sbyin te/ so so'i skye bo rnams ni dman pa'o snyam du sbyin pa mi sbyin/ 'phags pa rnams ni rgya chen po'o zhes sbyin pa mi sbyin gyi/ chos kyi dbyings rang bzhin gyis mnyam ste bye brag med pas sbyin pa sbyin pa 'di ni chos tha dad pa ma yin pa zhes bya'o/ /de la ji ltar na yongs su bsngo ba tha dad du mi byed ce na/ gang sbyin pa sbyin pa'i dge ba'i rtsa ba de brgya byin thob par mi sngo/ tshangs pa thob par ma yin/ rgyal po'i srid dang / tshong dpon dang / khyim bdag dang / gzugs dang / longs spyod dang / dbang phyug dang / g.yog 'dod par ma yin/ srid pa'i 'gro ba thams cad du 'chi 'pho ba dang skye ba'i skye gnas rnams su dge ba'i rtsa ba de yongs su mi sngo/ nyan thos kyi theg par ma yin/ rang sangs rgyas kyi theg par ma yin te/ dge ba'i rtsa ba de dag bla na med pa yang dag par rdzogs pa'i byang chub las gzhan du mi sngo ba 'di ni bsngo ba tha dad pa ma yin pa zhes bya'o/ /de la 'di ltar na sbyin pa sbyin pa na bsam pa tha dad du mi byed ce na/ bsam</font><hr>83.232a<br><font size=+1>

pa mnyam pa/ sbyor ba mnyam pa/ rnam par smin pa la mi re ba/ pha rol la byas pa'i lan re ba med pa/ g.yo med pa dang / sgyur med pas sems thag pa nas shin tu yongs su btang pa'i blo sems 'gyod pa med pa gnas gsum du dad pa thob ste sbyin no snyam pa dang / sbyin par byed pa dang / byin nas dad pa rab tu thob pa 'di ni bsam pa tha dad pa ma yin pa zhes bya'o/ /rigs kyi bu de ltar na byang chub sems dpa' sbyin pa sbyin pa na tha dad pa 'di bzhi mi byed de/ 'di ni byang chub sems dpa' rnams sbyin pa'i pha rol tu phyin pa'i yongs su dag pa'i rkang pa dang po'o/ /de lta ba brgyad yongs su dag par sbyin pa sbyin par byed de/ brgyad po dag gang zhe na/ 'di lta ste/ bdag tu lta ba yongs su dag par sbyin pa sbyin pa dang / de bzhin du sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba dang / 'byung bar lta ba dang / 'jig par lta ba yongs su dag pa ste/ lta ba brgyad po de dag yongs su dag par sbyin pa sbyin par byed do/ /de bag la nyal bzhi yongs su spangs nas sbyin pa sbyin par byed de/ bzhi gang zhe na/ so so'i skye bo'i chos kyi bag la nyal dang / nyan thos kyi chos kyi bag la nyal dang / rang sangs rgyas kyi chos kyi bag la nyal dang / bag chags kyi mtshams sbyor ba'i bag la nyal te/ bag la nyal bzhi po de dag yongs su spangs nas sbyin pa sbyin par byed do/ /de 'du shes bzhi yongs su spangs nas sbyin pa sbyin par byed de/ bzhi gang zhe na/ rtag par 'du shes pa dang / bde bar 'du shes pa dang / gtsang bar 'du shes pa dang / bdag tu 'du shes pa ste/ 'du shes bzhi po de dag yongs su spangs nas sbyin pa sbyin par byed de/ de rnam pa bzhi yongs su dag par sbyin pa sbyin par byed de/ bzhi gang zhe na/ lus yongs su dag pa dang / ngag yongs su dag pa dang / sems yongs su dag pa dang / </font><hr>83.232b<br><font size=+1>

bsam pa yongs su dag pa ste/ rnam pa bzhi po de dag yongs su dag par sbyin pa sbyin par byed do/ /de chags pa gsum las shin du 'das nas sbyin pa sbyin par byed de/ gsum gang zhe na/ rnam par smin pa la chags pa dang / 'gyod pa la chags pa dang / theg pa dman par bsngo ba la chags pa ste/ gsum po de dag las shin du 'das nas sbyin pa sbyin par byed do/ /de 'jigs pa gsum las shin du 'das nas sbyin pa sbyin par byed de/ gsum gang zhe na/ lhag pa'i nga rgyal gyi 'jigs pa dang / rlom sems kyi 'jigs pa dang / bdud kyi las kyi 'jigs pa ste/ gsum po de dag las shin du 'das nas sbyin pa sbyin par byed do/ /de rgya bzhis btab nas sbyin pa sbyin par byed de/ bzhi gang zhe na/ nang stong pa nyid kyi rgyas btab pa dang / phyi stong pa nyid kyi rgyas btab pa dang / sems can stong pa nyid kyi rgyas btab pa dang / byang chub stong pa nyid kyi rgyas btab pa ste/ rgya bzhi po de dag gis btab nas sbyin pa sbyin par byed do/ /de brtson 'grus rtsom pa bzhi dang mi 'bral bar sbyin pa sbyin par byed de/ bzhi gang zhe na/ sems can thams cad tshim par byed pa'i brtson 'grus rtsom pa dang / sangs rgyas kyi chos thams cad yongs su sgrub pa'i brtson 'grus rtsom pa dang / mtshan dang dpe byad bzang po yongs su rdzogs par byed pa'i brtson 'grus rtsom pa dang / sangs rgyas kyi zhing yongs su sbyong ba'i brtson 'grus rtsom pa ste/ brtson 'grus rtsom pa bzhi po de dag dang ma bral bar sbyin pa sbyin par byed do/ /de dran pa bzhi dang mi 'bral bar sbyin pa sbyin par byed de/ bzhi gang zhe na/ byang chub kyi sems dran pa dang / sangs rgyas mthong ba dran pa dang / byams pa chen po dran pa dang / sems can thams cad kyi nyon mongs pa spong pa dran pa ste/ dran pa bzhi po de dag dang ma bral bar sbyin pa sbyin par byed do/ /de 'khor gsum yongs su dag par sbyin pa sbyin par byed de/ </font><hr>83.233a<br><font size=+1>

gsum gang zhe na/ bdag gi 'khor yongs su dag pa dang / sems can gyi 'khor yongs su dag pa dang / byang chub kyi 'khor yongs su dag pa ste/ 'khor gsum po de dag yongs su dag par sbyin pa sbyin par byed do/ /de shes pa yongs su dag pa bzhi yongs su dag par sbyin pa sbyin par byed de/ bzhi gang zhe na/ sbyin pa shes pa yongs su dag pa dang / sems can gyi bsam pa tshim par byed pa shes pa yongs su dag pa dang / sgyu ma'i chos su so sor rtog pa shes pa yongs su dag pa dang / bsngo ba la so sor rtog pa shes pa yongs su dag pa ste/ shes pa yongs su dag pa bzhi po de dag gis yongs su dag par sbyin pa sbyin par byed do/ /rigs kyi bu byang chub sems dpa' de lta bu'i chos la zhugs pa de'i sbyin pa'i pha rol du phyin pa'i spyod pa yongs su dag pa shin du yongs su dag par 'gyur te/ rigs kyi bu 'di ni byang chub sems dpa'i sbyin pa'i pha rol tu phyin pa'i spyod pa yongs su dag pa'o/ /rigs kyi bu des byang chub sems dpa'i tshul khrims kyi pha rol tu phyin pa'i spyod pa yongs su dag pa gang zhe na/ rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa ni rnam pa gcig ste/ rnam pa gcig gang zhe na/ 'di lta ste/ byang chub kyi sems mnyam pa med pa'i sems/ thun mong ma yin pa'i sems/ 'jig rten gsum po thams cad las mchog tu bye brag tu 'phags pa'i sems/ nyan thos dang rang sangs rgyas thams cad zil gyis gnon pa'i sems/ bdud thams cad 'dul ba'i sems/ las dang nyon mongs pa'i sgrib pa yongs su zad par byed pa'i sems/ sems can thams cad sgrol ba'i sems/ yon tan rin po che dpag tu med pa thams cad kyi sems de nyid mi 'dor zhing srung ba dang / sbed pa dang ma brjed</font><hr>83.233b<br><font size=+1>

pa ste/ rigs kyi bu 'di ni byang chub sems dpa'i tshul khrims kyi pha rol tu phyin pa'i spyod pa yongs su dag pa rnam pa gcig go /rigs kyi bu gzhan yang byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa gnyis te/ rnam pa gnyis gang zhe na/ 'di lta ste/ sems can thams cad la 'od zer thogs pa med pa dang / sems can de dag kyang byang chub kyi bsam pa'i tshul khrims la 'jug pa ste/ 'di ni rnam pa gnyis so/ /rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa gsum ste/ rnam pa gsum gang zhe na/ 'di lta ste/ lus kyi gnod pa thams cad bsal bas lus yongs su dag pa dang / kha gsag dang gzhogs slongs dang / ngag gi skyon thams cad bsal bas/ ngag yongs su dag pa dang / 'dod pa dang gnod sems dang / rnam par 'tshe ba'i rnam par rtog pa bsal bas sems yongs su dag pa ste 'di ni rnam pa gsum mo/ /rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa bzhi ste/ rnam pa bzhi gang zhe na/ 'di lta ste/ bslab pa yang dag par 'dzin pa dang / bslab pa yang dag par bzung ba ma nyams pa dang / sems can tshul khrims 'chal ba yongs su smin par byed pa dang / tshul khrims dang ldan pa la ston pa bzhin du gus par byed pa ste/ 'di ni rnam pa bzhi'o/ /rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa lnga ste/ rnam pa lnga gang zhe na/ 'di lta ste/ bdag la mi stod pa dang / gzhan la mi smod pa dang / ma bslabs pa la mi brnyas pa dang / nyan thos kyi sems la mi re ba dang / rang sangs rgyas kyi theg pa mi 'dod pa ste/ </font><hr>83.234a<br><font size=+1>

'di ni rnam pa lnga'o/ /rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa drug ste/ rnam pa drug gang zhe na/ 'di lta ste/ bslab pa las mi 'da' bas sangs rgyas rjes su dran pa dang / tshul khrims la 'gyod pa med pas chos rjes su dran pa dang / sangs rgyas kyi bslab pa la lta bas dge 'dun rjes su dran pa dang / nyon mongs pa thams cad yongs su spong bas gtong ba rjes su dran pa dang / skye ba thams cad la mi gnas pas tshul khrims rjes su dran pa dang / dge ba'i chos thams cad yongs su rdzogs par byed pas lha rjes su dran pa ste/ 'di ni rnam pa drug go /rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa bdun te/  rnam pa bdun gang zhe na/ 'di lta ste/ sangs rgyas kyi chos thams cad la mngon par dad pa dang / bdag nyid dbang du byas te ngo tsha shes pa dang / sangs rgyas thams cad mngon sum du byas te khrel yod pa dang / nga rgyal med pas gus pa dang / bdag dang gzhan la gdung ba med pas nges pa dang / 'jig rten pha rol du kha na ma mtho ba la 'jigs par lta bas rnam par 'tshe ba med pa dang / sems kyi yongs su gdung ba nye bar zhi bas 'khon du mi 'dzin pa ste/ 'di ni rnam bdun no/ /rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa brgyad de/ rnam pa brgyad gang zhe na 'di lta ste/ zang zing med pa'i sems kyis tshul mi 'chos pa dang / yongs su 'dzin pa thams cad 'dor bas kha gsag med pa dang / rang bzhin gyis chog shes pas thob kyis 'jal ba mi byed pa dang / sbyangs pa'i yon tan dang yo byad bsnyungs pas 'phags pa'i rigs yang dag par 'dzin pa yongs su rdzogs pa dang / dgon pa la gnas pa rjes su mi gtong bas lus la mi lta ba dang / dam pa'i</font><hr>83.234b<br><font size=+1>

chos yongs su 'dzin pas srog la mi lta ba dang / 'du 'dzi spong bas gcig pu na dga' ba dang / khams gsum thams cad kyis 'jigs pas chos kyi dga' ba la mos pa ste/ 'di ni rnam pa brgyad do/ /rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa dgu ste/ rnam pa dgu gang zhe na/ 'di lta ste/ kun nas mnar sems kyi dngos po dgu po rnams 'dul ba dang / sems can gyi gnas dgu po rnams las shin du 'da' ba dang / mthar gyis gnas pa'i snyoms par 'jug pa dgu po rnams kyi rtsa ba yongs su sbyong pa dang / yongs su gdung ba med pas sems zhi ba dang / sems las su rung bas zhi gnas kyi tshogs kun du tshol ba dang / cho ga dang tshul khrims dang lta ba nyams pa las shin du 'das pas mi lhod pa dang / theg pa chen po yongs su rdzogs pas sems can thams cad la mi slu ba dang / tshul khrims la skyon med pas shin du mthar thug pa dang / yongs su sngo ba la mkhas pas sems phyad pa ste/ 'di ni rnam pa dgu'o/ /rigs kyi bu byang chub sems dpa'i tshul khrims kyi pha rol du phyin pa'i spyod pa yongs su dag pa rnam pa bcu ste/ rnam pa bcu gang zhe na/ 'di lta ste/ lus kyi las rnam gsum yongs su dag pa dang / ngag gi las rnam bzhi yongs su dag pa dang / yid kyi las rnam gsum yongs su dag pa dang / g.yo sgyu dang bral te drang zhing tshul 'chos pa med pa'i bsam pa dang ldan pa dang / bslab pa thams cad dang mi 'gal ba dang / phan par sbyor ba'i dngos po'i sngon du 'gro bas rjes su ston pa dang / dul zhing cang shes kyi sa'i phyir sems dmu rgod ma yin pa dang / bdag nyid byed pas sems can thams cad kyi slob mar gyur pa dang / nga rgyal med pas sbyin pa'i gnas rnams la 'dud cing phyag 'tshal ba dang / srog gi dbang por chos mdun du byed kyi</font><hr>83.235a<br><font size=+1>

'jig rten gyi zang zing mdun du mi byed pa ste/ 'di ni rnam pa bcu'o/ /rigs kyi bu gzhan yang byang chub sems dpa' rnams kyi tshul khrims kyi pha rol du phyin pa'i spyod pa yongs su dag pa rnam pa gnyis te/ rnam pa gnyis gang zhe na/ 'di lta ste/ mtshan ma dang bcas shing 'bad pa dang bcas pa'i tshul khrims ni srog gi phyir yang mi 'bral ba dang / mtshan ma med pa dang lhun gyis grub pa'i tshul khrims ni chos thams cad la sgro mi 'dogs par slob pa ste/ 'di ni rnam pa gnyis so/ /rigs kyi bu gzhan yang byang chub sems dpa'i tshul khrims kyi pha rol du phyin pa'i spyod pa yongs su dag pa gnyis te/ gnyis gang zhe na/ 'di lta ste/ nang rnam par dag pas skye mched rnam par dag pa dang / phyi rnam par dag pas yul thams cad spangs pa'o/ /rigs kyi bu gzhan yang byang chub sems dpa'i tshul khrims kyi pha rol du phyin pa'i spyod pa yongs su dag pa gnyis te/ gnyis gang zhe na/ 'di lta ste/ byang chub kyi ngo bo nyid kyi mtshan nyid kyis byang chub tu yongs su sngo ba dang / mngon par 'du mi byed pas tshul khrims rnam par dag pa'i mtshan nyid de/ gnyis po de dag go /rigs kyi bu 'di ni byang chub sems dpa'i tshul khrims kyi pha rol du phyin pa'i spyod pa yongs su dag pa'o/ /rigs kyi bu de la byang chub sems dpa'i bzod pa'i pha rol du phyin pa'i spyod pa yongs su dag pa gang zhe na/ rigs kyi bu 'di la byang chub sems dpa' ni ngag yongs su dag pas 'di ltar gshe yang slar mi gshe'o/ /lus yongs su dag pas brdeg kyang slar mi rdeg go /sems yongs su dag pas khros kyang slar mi khro'o/ /lhag pa'i bsam pa yongs su dag pas 'tshig par byas kyang slar mi 'tshig go /rigs kyi bu gzhan yang byang chub sems dpa' ni sems can la lta ba'i phyir gzhan gyis ngan du smras sam/ ngan du brjod pa'i tshig gi lam thos kyang mi gshe'o/ /'jig rten pha</font><hr>83.235b<br><font size=+1>

rol la lta ba'i phyir lag pa dang / bong ba dang dbyug pas brdegs kyang khong khro bar mi 'gyur ro/ /byang chub kun du srung ba'i phyir yan lag dang nying lag bcad kyang khong khro bar mi 'gyur ro/ /rigs kyi bu gzhan yang byang chub sems dpa' ni bsdu ba'i dngos po yongs su 'dzin pa'i phyir slong ba la mi gshe'o/ /byang chub kyi lam gyis nye bar brtan pa'i phyir de dag la byams pa nye bar sgrub bo/ /smon lam yongs su rdzogs par bya ba'i phyir de dag la snying rje skyed do/ /bdud kyi las dang nyon mongs pa thams cad spang pa'i phyir gang slong yang de la phan par sems shing snying rje dang ldan te byang chub kyi yan lag tu nges par sbyin par byed do/ /rigs kyi bu gzhan yang byang chub sems dpa' ni sangs rgyas kyi sku yongs su rdzogs par bya ba'i phyir sangs rgyas rjes su dran zhing bzod do/ /stobs bcu yongs su rdzogs par bya ba'i phyir byang chub rjes su dran zhing bzod do/ /dus gsum la chags pa med pa'i ye shes mthong ba yongs su rdzogs par bya ba'i phyir ye shes rjes su dran zhing bzod do/ /byams pa chen po yongs su rdzogs par bya ba'i phyir phan par 'dod pa rjes su dran zhing bzod do/ /snying rje chen po yongs su rdzogs par bya ba'i phyir 'bras bu yod pa rnam par gnon pa rjes su dran zhing bzod do/ /mi 'jigs pa yongs su rdzogs par bya ba'i phyir seng ge bsgyings pa rjes su dran zhing bzod do/ /sems can thams cad la 'dud pa'i phyir spyi gtsug bltar mi snang ba rjes su dran zhing bzod do/ /'jig rten thams cad kyis zil gyis mi non pa'i phyir mtshan dang dpe byad bzang po rjes su dran zhing bzod do/ /thams cad mkhyen pa'i ye shes myang ba'i phyir sangs rgyas kyi chos thams cad yongs su rdzogs par rjes su dran zhing bzod do/ /rigs kyi bu byang chub sems dpa'i bzod pa ni stobs gnyis kyis yongs su dag par 'gyur te/ gnyis gang zhe na 'di lta ste/ so sor rtog pa'i stobs dang</font><hr>83.236a<br><font size=+1>

sgom pa'i stobs so/ /de la gang lus dang sems la gnas te bzod pa ni so sor tog pa'i stobs so/ /gang chos thams cad la gnas te bzod pa ni sgom pa'i stobs so/ /rigs kyi bu gzhan yang byang chub sems dpa'i bzod pa'i pha rol du phyin pa'i spyod pa yongs su dag pa ni gang sems can thams cad la bdag med par bzod cing chos thams cad la dben par bzod de/ gang chos thams cad la mi bzod pa de ni bzod pa yongs su dag pa'o/ /de ci'i phyir zhe na/ 'di la don dam par gang bzod pa 'am/ mi bzod pa'i chos gang yang med do/ /gang chos thams cad khas mi len pa de'i bzod pa yongs su dag pa ste/ chos khas len pa la ni bzod pa yongs su dag pa gang yang med do/ /gang chos thams cad la zhum pa med pa de'i bzod pa yongs su dag pa ste/ zhum pa la ni bzod pa yongs su dag pa gang yang med do/ /gang chos thams cad mi 'dzin pa de'i bzod pa yongs su dag pa ste/ 'dzin pa la ni bzod pa yongs su dag pa gang yang med do/ /gang la bdag med pa dang sems can med pa dang / chos med pa de'i bzod pa yongs su dag pa ste/ bdag dang sems can dang / chos la gnas pa la ni bzod pa yongs su dag pa gang yang med do/ /rigs kyi bu gzhan yang byang chub sems dpa'i bzod pa'i pha rol du phyin pa'i spyod pa yongs su dag pa gnyis te/ gnyis gang zhe na 'di lta ste/ lus rnam par 'phrul pa'i bzod pa yongs su dag pa dang / chos thams cad ji lta ba bzhin du bzod pa yongs su dag pa ste/ gnyis po de dag go /rigs kyi bu 'di ni byang chub sems dpa'i bzod pa'i pha rol du phyin pa'i spyod pa yongs su dag pa'o/ /rigs kyi bu de la byang chub sems dpa'i brtson 'grus kyi pha rol du phyin pa'i spyod pa yongs su dag pa gang zhe na/ </font><hr>83.236b<br><font size=+1>

gang byang chub kyi sems mi gtong ba/ dgos pa dang dgos pa ma yin pa la zhum pa med pa/ rtsom pas mi ngal ba dge ba'i rtsa ba sogs pa la mi zhan pa/ pha rol du phyin pa 'di dag las phyir mi ldog pa/ chos thams cad yongs su tshol ba la brtson pa/ chos thams cad ston par rtsom pa/ chos thams cad yongs su 'dzin pa la spro ba/ mchod sbyin chen po las sgrol ba/ sems can rnams yongs su smin par byed pa la yongs su mi skyo ba/ sangs rgyas kyi zhing rnam par sbyong ba/ theg pa dman pa las shin du 'da' ba/ sngon dam bcas pa yongs su rdzogs par byed pa/ sbyin pa dang tshul khrims dang thos pa'i tshogs sogs pa/ sngon gyi bsod nams bsags pa chud mi gzon pa/ nga rgyal med pas sems can thams cad la rim gro bya'o cog byed pa ste/ 'di ni brtson 'grus kyi pha rol du phyin pa zhes bya'o/ /de'i yongs su dag pa gang zhe na/ gang lus la mig yor dang gzugs brnyan du shes pa/ tshig la brjod du med par shes pa sems la shin du nye bar zhi bar shes pa/ zad pa shes pa rnam par rig pa/ zad pa shes rab tu shes pa/ mi skye ba shes pa nges par rtogs pa'o/ /de rtsom pa gsum las rnam par grol bar brtson 'grus rtsom ste gsum gang zhe na/ gnas pa'i rtsom pa dang / dmigs pa'i rtsom pa dang / yongs su rtog pa'i rtsom pa ste/ gsum po de dag go /de chags pa gsum la mi chags par brtson 'grus rtsom ste/ gsum gang zhe na/ mig dang gzugs dang mig gi rnam par shes pa la mi chags pa/ rna ba dang / sgra dang rna ba'i rnam par shes pa la mi chags pa/ sna dang dri dang sna'i rnam par shes pa la mi chags pa/ lce dang ro dang lce'i rnam par shes pa la mi chags pa/ lus dang reg bya dang lus kyi rnam par shes pa la mi chags pa/ yid dang chos dang yid kyi rnam par shes pa la mi chags pa'o/ /de 'dzin pa med cing 'dor ba med pa'i brtson 'grus</font><hr>83.237a<br><font size=+1>

dang ldan pas sbyin pa mi len/ ser sna mi 'dor tshul khrims mi len/ 'chal pa'i tshul khrims mi 'dor/ bzod pa mi len/ gnod sems mi 'dor/ brtson 'grus mi len/ le lo mi 'dor bsam gtan mi len/ g.yeng ba mi 'dor shes rab mi len/ 'chal ba'i shes rab mi 'dor/ dge ba mi len mi dge ba mi 'dor sangs rgyas kyi byang chub mi len/ nyan thos dang rang sangs rgyas kyi byang chub mi 'dor ro/ /de len pa med cing 'dor ba med pas gnyis yongs su dag pa'i brtson 'grus dang ldan par 'gyur te/ de la gnyis gang zhe na/ gang nang gi kun du ldang ba las dmigs pa kun du ldang ba dang / phyi rol du rnam par shes pa mtshan ma'i rjes su 'brang bar 'gyur ba de ni gnyis shes bya'o/ /de la gnyis yongs su dag pa gang zhe na/ gang nang nye bar zhi bas phyi rol du mi rgyu ba dang / spros pa med pa ste/ 'di ni gnyis yongs su dag pa zhes bya'o/ /gang rgyu ba med cing ma spros pa/ spros pa med pa'i brtson 'grus 'di lta bu de ni byang chub sems dpa'i brtson 'grus kyi pha rol du phyin pa'i spyod pa yongs su dag pa'o/ /rigs kyi bu de la byang chub sems dpa'i bsam gtan gyi pha rol du phyin pa'i spyod pa yongs su dag pa gang zhe na/ gang bsam gtan gyi yan lag rnams yang dag par sgrub cing yang dag par bsgrubs nas so sor rtog pa dang / so sor brtags nas kyang snyoms par 'jug pa yin te/ de bsam gtan byed kyang gzugs la gnas te bsam gtan mi byed/ de bsam gtan byed kyang tshor ba la ma yin/ 'du shes la ma yin/ 'du byed rnams la ma yin/ rnam par shes pa la gnas te bsam gtan mi byed do/ /de bsam gtan byed kyang mig la gnas te bsam gtan mi byed/ de bsam gtan byed kyang rna ba la gnas te bsam gtan mi byed/ sna la ma yin/ lce</font><hr>83.237b<br><font size=+1>

la ma yin/ lus la ma yin/ yid la gnas te bsam gtan mi byed do/ /de bsam gtan byed kyang gzugs la gnas te bsam gtan mi byed/ sgra la ma yin/ dri la ma yin/ ro la ma yin/ reg bya la ma yin/ chos la gnas te bsam gtan mi byed do/ /de bsam gtan byed kyang lus su rnam par rtog pa la gnas te bsam gtan mi byed/ de bsam gtan byed kyang sems su rnam par rtog pa la gnas te bsam gtan mi byed/ de bsam gtan byed kyang sa la gnas te bsam gtan mi byed/ de bzhin du chu la ma yin me la ma yin/ rlung la ma yin/ nam mkha' la gnas te bsam gtan mi byed do/ /de bsam gtan byed kyang zla ba la ma yin/ nyi ma la ma yin/ brgya byin la ma yin/ tshangs pa la ma yin/ skye dgu'i bdag po la gnas te bsam gtan mi byed do/ /'dod pa'i khams la gnas te bsam gtan mi byed/ gzugs kyi khams la ma yin/ gzugs med pa'i khams la gnas te bsam gtan mi byed do/ /de bsam gtan byed kyang 'jig rten 'di la gnas te bsam gtan mi byed/ 'jig rten pha rol la gnas te bsam gtan mi byed do/ /de bsam gtan byed kyang mi mtho mi dma' bar gnas te mi g.yo bar gyur cing bsam gtan byed do/ /de bsam gtan byed kyang bdag nye bar len pa'i lta ba la gnas te bsam gtan mi byed do/ /de bsam gtan byed kyang sems can la ma yin/ srog la ma yin/ gso ba la ma yin/ gang zag la ma yin/ shed las skyes pa ma yin/ shed bu nye bar len pa'i lta ba la gnas te bsam gtan mi byed do/ /de bsam gtan byed kyang chad par lta ba khas blangs te bsam gtan mi byed do/ /de bsam gtan byed kyang rtag par lta ba ma yin/ 'byung bar lta ba ma yin/ 'jig par lta ba khas blangs te bsam gtan</font><hr>83.238a<br><font size=+1>

mi byed do/ /de bsam gtan byed kyang zag pa shin du zad par bya ba'i phyir bsam gtan mi byed do/ /de bsam gtan byed kyang skyon med pa la 'jug pa dang 'bras bu thob pa mngon sum du bya ba'i phyir bsam gtan mi byed do/ /de bsam gtan byed kyang shin du mngon par 'du mi bya ba'i phyir bsam gtan mi byed do/ /de stong pa nyid kyi ting nge 'dzin 'dris par bya ba'i phyir bsam gtan byed kyang stong pa nyid kyi ting nge 'dzin mngon sum du bya ba'i phyir bsam gtan mi byed do/ /de mtshan ma med pa'i ting nge 'dzin 'dris par bya ba'i phyir bsam gtan byed kyang mtshan ma med pa'i ting nge 'dzin mngon sum du bya ba'i phyir bsam gtan mi byed do/ /de smon pa med pa'i ting nge 'dzin 'dris par bya ba'i phyir bsam gtan byed kyang smon pa med pa'i ting nge 'dzin mngon sum du bya ba'i phyir bsam gtan mi byed do/ /de byams pa chen po'i go bgos snying rje chen po'i byin gyi brlabs la gnas te rnam pa thams cad kyi mchog dang ldan pa'i stong pa nyid kyi rnam pas mngon par bsgrubs pa bsam gtan du byed do/ /de la rnam pa thams cad kyi mchog dang ldan pa'i stong pa nyid gang zhe na/ sbyin pa ma tshang ba med pa/ tshul khrims ma tshang ba med pa/ bzod pa ma tshang ba med pa/ brtson 'grus ma tshang ba med pa/ bsam gtan ma tshang ba med pa/ shes rab ma tshang ba med pa/ thabs ma tshang ba med pa/ byams pa ma tshang ba med pa/ snying rje dang dga' ba dang / btang snyoms ma tshang ba med pa/ bden pa shes pa la 'jug pa ma tshang ba med pa/ byang chub kyi sems sems can la lta ba ma tshang ba med pa/ bsam pa dang lhag pa'i bsam pa'i sbyor ba ma tshang ba med pa/ sbyin pa dang snyan par smra ba dang / don byed pa dang don 'thun pa ma</font><hr>83.238b<br><font size=+1>

tshang ba med pa/ dran pa shes bzhin ma tshang ba med pa/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang dbang po dang stobs dang / byang chub kyi yan lag dang / 'phags pa'i lam yan lag brgyad pa ma tshang ba med pa/ zhi gnas dang lhag mthong ma tshang ba med pa/ sbyin pa dang dul ba dang / yang dag par sdom pa dang / nges pa ma tshang ba med pa/ ngo tsha shes pa dang khrel yod pa/ ma tshang ba med pa/ mi dge ba'i chos dang mi ldan pa/ dge ba'i chos thams cad dang ldan pa/ sangs rgyas kyi tshul rgyun mi 'chad pas byin gyis brlabs pa/ chos kyi tshul 'bar bas yang dag par bsdus pa/ dge 'dun gyi tshul yongs su sdud pa dang ldan pa/ sems can thams cad la lta bas byin gyis brlabs pa/ sangs rgyas kyi sku yongs su bsgrubs pas legs par brgyan pa/ sangs rgyas kyi dbyings yongs su rdzogs par bsngos pa/ sangs rgyas kyi ting nge 'dzin mnyam pa nyid dang ldan pa/ sangs rgyas kyi rdzu 'phrul dang / so so yang dag par rig pa dang ldan pa/ stobs bcu'i stobs kyis yang dag par bzung ba/ mi 'jigs pa bzhi la rab tu gnas pa/ sangs rgyas kyi chos ma 'dres pa bcwa brgyad dang rjes su 'thun pa/ nyan thos dang rang sangs rgyas kyi theg pa dang ma 'dres pa/ bag chags kyi mtshams sbyor ba'i nyon mongs pa bsal ba/ mngon par shes pa'i ye shes dang ma bral ba/ sems can thams cad kyi ston par gyur pa ston pa bzhi thob pa/ 'jig rten dang 'jig rten las 'das pa'i chos mnyam pa nyid thob pa/ sems can thams cad yongs su smin par byed pas ma smad pa/ drang ba mkhas pa/ sems can</font><hr>83.239a<br><font size=+1>

thams cad kyi sdug bsngal sel ba/ nyon mongs pa thams cad sbyong ba/ chu bo las sgrol ba 'dzin pa thams cad gcod pa rang bzhin gyis nye bar zhi ba las dang nyon mongs pa thams cad kyis nye bar zhi ba/ chos nyid kyis btang snyoms pa/ sangs rgyas kyi chos thams cad la lta ba/ rang gi mtshan nyid kyis bems po byin gyis brlabs bya ba'i phyir rnam par grol ba med pa/ rang gi ngang gis lung du ma bstan pa/ sangs rgyas kyi bya ba la rtag tu brtson pa/ nye bar zhi bas bsil bar gyur pa/ sems can yongs su smin par bya ba la rtag tu 'bar ba ste/ 'di ni rnam pa thams cad kyi mchog dang ldan pa'i stong pa nyid ces bya'o/ /rigs kyi bu 'di lta ste/ dper na yongs su brtag pa bzung ste/ stong gsum gyi stong chen po'i 'jig rten gyi khams na sems can ji snyed yod pa de dag thams cad ri mo mkhan bzo tha dad par bslabs pa/ yan lag rnam par phye ba tha dad du bslabs par gyur te/ de la la la ni sa gcod pa la mkhas kyang 'dri ba la mi mkhas/ la la ni gtan la 'bebs pa la mkhas kyang yan lag dang nying lag la mi mkhas/ kha cig ni rkang lag 'dri ba la mkhas kyang mig dang mgo dang rna ba 'dri ba la mi mkhas pa dag cig yin la/ rigs kyi bu de ltar rnam pa tha dad du bslabs pa/ yan lag rnam par dbye ba la tha dad du bslabs pa/ gzugs tha dad du bslabs pa'i ri mo mkhan de dag thams cad la rgyal po rgyal rigs spyi bo nas dbang bskur bas ras shig byin te/ khyed rnams kyis ras 'di la nga'i gzugs bris te 'on cig khyed cag thams cad kyis kyang 'di la ri mo bris shig /de nas ri mo mkhan de dag tshogs nas ras de brgyangs pa las ri mo</font><hr>83.239b<br><font size=+1>

mkhan de dag gi nang nas ri mo mkhan gcig cig yul gzhan zhig tu song bar gyur la/ de nas ri mo mkhan phyi ma de dag gis de la rgyal po de'i gzugs bris na/ rigs kyi bu 'di ji snyam du sems/ ri mo mkhan gcig po de'i lag tu ma blangs na ras de rnam pa thams cad kyi mchog dang ldan par 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rigs kyi bu de ltar na ji tsam du don rnam par rig par bya ba'i phyir 'di dper byas te/ 'di'i don cir blta zhe na/ rigs kyi bu ji ltar ri mo mkhan gcig po de med na ras de rnam pa thams cad kyi mchog dang ldan par mi 'gyur ba de bzhin du rigs kyi bu rnam pa ji snyed dang / spyod pa ji snyed dang / brtson pa ji snyed kyis sangs rgyas kyi chos yongs su grub par 'gyur ba'i rnam pa de dag las gal te rnam pa gcig ma bstan na yang rnam pa thams cad kyi mchog dang ldan pa'i stong pa nyid ma yin no/ /nam sangs rgyas kyi chos thams cad kyi rnam pa yang dag par bsdus shing lta ba dang / nyon mongs pa'i kun nas ldang ba dang / mtshan ma la dmigs pa'i spros pa thams cad dang lhan cig mi gnas pa de ni byang chub sems dpa'i rnam pa thams cad kyi mchog dang ldan pa'i stong pa nyid yin no/ /bstan pa 'di nges par bshad pa na byang chub sems dpa' brgyad stong gis rnam pa thams cad kyi mchog dang ldan pa'i stong pa nyid la bzod pa rab tu thob bo/ /rigs kyi bu 'di ni byang chub sems dpa'i bsam gtan gyi pha rol du phyin pa'i spyod pa yongs su dag pa'o/ /rigs kyi bu de la byang chub sems dpa'i shes rab kyi pha rol du phyin pa'i spyod pa yongs su dag pa gang zhe na/ rigs kyi bu 'di la byang chub sems dpa' ni shes rab yongs</font><hr>83.240a<br><font size=+1>

su dag pa rnam pa bcu gnyis dang ldan pa yin te/ rnam pa bcu gnyis gang zhe na/ 'di lta ste/ sngon gyi mtha' la yang de'i shes rab dang ye shes mthong ba chags pa med cing thogs pa med par 'jug pa dang / phyi ma'i mtha' la yang de'i shes rab dang ye shes mthong ba chags pa med cing thogs pa med par 'jug pa dang / da ltar byung ba la yang de'i shes rab dang ye shes mthong ba chags pa med cing thogs pa med par 'jug pa dang / 'dus byas la yang de'i shes rab dang ye shes mthong ba chags pa med cing thogs pa med par 'jug pa dang / 'dus ma byas la yang de'i shes rab dang ye shes mthong ba chags pa med cing thogs pa med par 'jug pa dang / 'jig rten gyi bzo'i gnas dang las kyi gnas thams cad la yang de'i shes rab dang ye shes mthong ba chags pa med cing thogs pa med par 'jug pa dang / 'jig rten las 'das pa la yang de'i shes rab dang ye shes mthong ba chags pa med cing thogs pa med par 'jug pa dang / rten cing 'brel bar 'byung ba shes pa la yang de'i shes rab dang ye shes mthong ba chags pa med cing thogs pa med par 'jug pa dang / bden pa shes pa la yang de'i shes rab dang ye shes mthong ba chags pa med cing thogs pa med par 'jug pa dang / kun rdzob bstan pa la yang de'i shes rab dang ye shes mthong ba chags pa med cing thogs pa med par 'jug pa dang / don dam pa bstan pa la yang de'i shes rab dang ye shes mthong ba chags pa med cing thogs pa med par 'jug pa dang / sems can gyi dbang po dang brtson 'grus rnam pa tha dad pa'i phyir rab dang / 'bring dang tha ma'i dbang po mchog dang mchog ma yin pa shes pas sems can thams cad la yang de'i shes rab dang ye shes mthong ba chags pa med cing thogs</font><hr>83.240b<br><font size=+1>

pa med par 'jug pa yin te/ de'i shes rab de yang 'phags pa zag pa med pa/ 'jig rten las 'das pa/ nges par 'byed pa'i cha dang 'thun pa sems can gyi bsam pa'i rjes su zhugs pa/ gting dpag dka' ste mthong bar dka' zhing zab la khong du chud par dka' ba bye phrag phyed cing nges par rtogs pa/ lta ba dang bral ba/ bag chags bsal ba/ bdag stong pa nyid du rtogs pa/ thams cad stong pa nyid kyi rjes su zhugs pa/ chos stong pa nyid kyi tshul shes pa/ don la nges par rtogs pa/ shin du lcigs pa shin du sbyangs pa/ ci yang snang ba med pa 'gal ba med pa ma 'gags pa/ dus dang dus ma yin pa la rtog pa/ dus las mi 'da' ba skyon med pa/ legs par bsrungs pa/ skyon med pa la dga' ba/ bden pa khong du chud pa/ 'gog pa'i bden pa rjes su rtogs pa/ shin du rgal ba thams cad du kha na ma tho ba med pa/ gcig tu spyod pa med pa spyod pa/ legs par spyad pa spyod pa/ sems can thams cad kyi sems kyi spyod pa la spyod pa/ 'jig rten thams cad las phyir log kyang gang nas kyang 'ongs pa med pa/ yul thams cad las shin du 'das kyang sangs rgyas kyi yul las phyir ma log pa/ rtsom pa thams cad las shin du 'das kyang sems can yongs su smin par byed pa las phyir ma log pa/ spyod pa thams cad las shin du 'das kyang dge ba'i spyod pa las phyir ma log pa/ sems kyi dmigs pa thams cad las shin du 'das kyang sems can thams cad kyi sems kyi spyod pa las phyir ma log pa/ nye bar len pa la spyod kyang nye bar len pa med par 'bar ba/ 'jig rten gyi chos thams cad</font><hr>83.241a<br><font size=+1>

kyis ma gos kyang 'jig rten dang ma bral ba/ lus med kyang sems can thams cad kyi spyod pa dang bsam pa'i rjes su zhugs pa'o/ /de'i shes rab de yang de'i ngang tshul la spyod pa myur du khong du chud pa/ dbang po smin par 'gyur ba/ yun ring por lta ba rtag tu rgyun mi 'chad par dge ba'i chos la brtson pa/ byang chub kyi snying po la gzhol ba/ dge ba sbyin pa la spyod pa nye bar len pa med par 'bar ba/ sangs rgyas thams cad kyis byin gyis brlabs pa/ bdud thams cad 'dul ba/ sems can thams cad tshim par byed pa/ thams cad mkhyen pa'i ye shes mthong ba/ don thams cad rjes su rtogs pa/ chos thams cad ro mtshungs pa/ thabs thams cad kyis yang dag par bzung pa'o/ /rigs kyi bu shes rab kyi pha rol du phyin pa ni srid pa'i pha rol du song ba dang dpag tu med pa'i phyir shes rab kyi pha rol du phyin pa zhes bya'o/ /mtshan ma thams cad dang dmigs pa thams cad dang / sems can gyi sems kyi spyod pa thams cad kyi pha rol du song bas de'i phyir shes rab kyi pha rol du phyin pa zhes bya'o/ /de'i shes rab yongs su dag pa ni gnyis te/ gnyis gang zhe na/ 'di lta ste/ chags pa med pa'i mtshan nyid yongs su dag pa dang / thogs pa med pa'i ye shes kyi mtshan nyid yongs su dag pa ste/ de dag ni yongs su dag pa gnyis so/ /gzhan yongs su dag pa gnyis te/ gnyis gang zhe na/ dmigs pa yongs su dag pa dang / lta ba yongs su dag pa ste/ de dag ni yongs su dag pa gnyis so/ /de'i shes rab de yang thams cad kyi rjes su song ba/ sems can kyi rjes</font><hr>83.241b<br><font size=+1>

su song ba/ chos kyi rjes su song ba'o/ /de'i shes rab de ni nyon mongs pa thams cad kyis phyir mtshams sbyor ba yang med la skye ba'i gnas thams cad kyi mtshams kyang sbyor ro/ /de'i shes rab de gnas pa yang med la yul thams cad dang thams cad mkhyen pa'i ye shes kyi yul la yang gnas so/ /de'i shes rab de ni mtha' dang yang bral la dbus la yang mi gnas so/ /de'i shes rab de ni phyogs bcur rnam par lta bas sgrib pa med pa'i spyod yul la 'byung ba shin du mthong ba'i phyir sgrib pa med pa yang rnyed pa'o/ /de'i shes rab de ni chos thams cad shes shing mngon par rtogs pa'i sngon du 'gro ba'o/ /de'i shes rab de ni chos kyi don thams cad dang ldan yang ldan pa yang ma yin mi ldan pa yang ma yin/ bral ba yang ma yin te sbyor ba 'am/ mi sbyor ba 'am/ chos gang gis kyang brjod par bya ba ma yin no/ /rigs kyi bu byang chub sems dpa' shes rab kyi 'byung gnas ni ye shes kyi 'byung gnas yin no/ /bsod nams kyi 'byung gnas yin no/ /thos pa'i 'byung gnas yin no/ /yon tan gyi 'byung gnas yin no/ /chos kyi 'byung gnas yin no/ /gzungs dang spobs pa'i 'byung gnas yin no/ /so so yang dag par rig pa'i 'byung gnas yin no/ /yon tan dang ye shes rnam pa thams cad kyi mchog dang ldan pa'i 'byung gnas yin te/ rigs kyi bu 'di ni byang chub sems dpa'i shes rab kyi pha rol du phyin pa'i spyod pa yongs su dag pa'o/ /shes rab kyi pha rol du phyin pa'i spyod pa yongs su dag pa 'di bstan pa na 'khor de'i nang nas lha dang mi srog chags</font><hr>83.242a<br><font size=+1>

nyi khri nyis stong bla na med pa yang dag par rdzogs pa'i byang chub tu sems skyes so/ /byang chub sems dpa' brgyad stong ni mi skye ba'i chos la bzod pa rab tu thob par gyur to/ /dge slong lnga brgya ni len pa med par zag pa rnams las sems rnam par grol lo/ /lha'i bu khri ni chos rnams la chos kyi mig rdul dang bral zhing dri ma med pa rnam par dag nas de dag tshig 'di skad ces 'dzer te/ bcom ldan 'das gang shes rab kyi pha rol du phyin pa'i spyod pa yongs su dag pa'i chos kyi sgo'i le'u 'di thos par 'gyur ba'i sems can de dag ni sangs rgyas kyi chos thams cad yongs su bzung ba lags na/ gang dag thos nas mos pa dang / 'dzin pa dang 'chang ba dang / klog pa dang / ston pa dang / de bzhin nyid du sgrub pa lta smos kyang ci 'tshal zhes smras so// // bam po gnyis pa/ de nas yang bcom ldan 'das kyis byang chub sems dpa' sems dpa' chen po gtsug na rin po che la bka' stsal pa/ rigs kyi bu de la byang chub sems dpa'i byang chub kyi phyogs kyi chos kyi spyod pa yongs su dag pa gang zhe na/ rigs kyi bu 'di la byang chub sems dpa' lus la lus kyi rjes su lta ba'i dran pa nye bar gzhag pa la gnas te/ lus la rnam pa gnyis su so sor rtogs pa dang ldan pa'i dran pa nye bar 'jog go /rnam pa gnyis su so sor rtog pa dang ldan pa gang zhe na/ 'di lta ste/ mi sdug pa'i rnam par so sor rtog pa dang ldan pa dang / sdug pa'i rnam par so sor rtog pa dang ldan pa'o/ /de la mi sdug pa'i rnam par so sor rtog pa dang ldan pa gang zhe na/ </font><hr>83.242b<br><font size=+1>

'di lta ste/ kye ma lus 'di ni mi gtsang ba ste/ btsog pas yongs su gang ba/ yun thung zhing byis pa 'drid pa yin no zhes bya ba de ni mi sdug pa'i rnam par so sor rtog pa dang ldan pa'o/ /de la sdug pa'i rnam par so sor rtog pa dang ldan pa gang zhe na/ 'di lta ste/ gang lus mi gtsang ba grogs med pa 'dis de bzhin gshegs pa'i sku/ chos kyi sku bsod nams kyi sku/ ye shes kyi sku/ rdo rje'i sku/ mi shigs pa'i sku/ zag pa med pa'i sku/ 'jig rten gsum las bye brag tu 'phags pa'i sku/ gzugs mthong na sems can thams cad tshim par 'gyur pa'i sku thob par bya'o snyam pa 'di ni sdug pa'i rnam par so sor rtog pa dang ldan pa zhes bya ste/ rigs kyi bu 'di ni byang chub sems dpa'i rnam pa gnyis su so sor rtog pa dang ldan pa'i dran pa nye bar gzhag pa sgom pa'o/ /rigs kyi bu gzhan yang byang chub sems dpa' lus la lus kyi rjes su lta ba'i dran pa nye bar gzhag pa sgom pa ni chos gnyis yongs su sbyong ste/ gnyis gang zhe na/ 'di lta ste/ mi rtag pa'i rnam pa dang / rtag pa'i rnam pa'o/ //de la mi rtag pa'i rnam pa gang zhe na/ kye ma lus 'di ni mi rtag pa'i rnam pa ste/ ring por mi gnas pa/ tha mar 'chi ba yin par shes nas lus kyi phyir mi mthun pa'i 'tsho ba mi spyod cing snying po nyid len to/ /de snying po gsum len te/ gsum gang zhe na/ lus kyi snying po dang longs spyod kyi snying po dang / 'tsho ba'i snying po dang gsum mo/ /de lus mi rtag go snyam nas sems can thams cad kyi bran dang slob mar khas blangs te ci bya'o cog la 'bad pa yin/ lus mi rtag go snyam</font><hr>83.243a<br><font size=+1>

nas lus kyi nyes pa yon po dang / g.yo dang tshul 'chos pa thams cad mi byed do/ /lus mi rtag go snyam nas srog la bag mi rton par 'gyur te/ srog gi phyir yang sdig pa mi byed do/ /lus mi rtag go snyam nas longs spyod la sred cing chags par mi byed de/ bdog pa thams cad yongs su gtong ba yin no/ /rigs kyi bu de ltar na byang chub sems dpa' mi rtag pa'i rnam pas lus la lus kyi rjes su lta zhing gnas te/ de las yon tan gyi phan yon rab tu 'thob bo/ /de la rtag pa'i rnam pa gang zhe na/ gang lus la lus kyi rjes su lta zhing gnas pa'i byang chub sems dpa' dge ba dang ldan pa'i sems kyi dpyod pa'i ye shes skyes shing byung ba de dag sangs rgyas kyi rigs mi 'chad pa dang / chos kyi rigs mi 'chad pa dang / dge 'dun gyi rigs mi 'chad pa dang / sems can gyi khams mtha' dag yongs su bskyab pa'i phyir thams cad mkhyen pa nyid du yongs su sngo ste/ sems can thams cad la btang ba sems can thams cad dang thun mong du byed pa 'di ni rtag pa'i rnam pa zhes bya'o/ /gang mi zad pa ni rtag pa zhes bya ste/ 'dus ma byas ni mi zad pa zhes bya'o/ /'dus ma byas ni rtag pa'o/ /rigs kyi bu byang chub sems dpa' dge ba'i rtsa ba rtsom pa thams cad mkhyen pa'i 'dus ma byas nyid du yongs su sngo ba 'di ni rtag pa'i rnam pa zhes bya'o/ /stong pa nyid dang mtshan ma med pa dang / smon pa med pa ni rtags zhes bya ste/ de la byang chub sems dpa' stong pa nyid kyi spyod yul dang / mtshan ma med pa nges par brtags pa dang / smon pa med pa'i rgyu 'thun pas brtson 'grus brtsam pa thams cad rtsom pa 'di ni rtag pa'i rnam pa zhes bya'o/ /nam mkha' ni rtag pa</font><hr>83.243b<br><font size=+1>

zhes bya ste/ de la byang chub sems dpa' nam mkha' dang mtshungs pa'i sems rnam par mi rtog pas byang chub sems dpa'i spyad pa spyod pa 'di ni rtag pa'i rnam pa zhes bya'o/ /rigs kyi bu gzhan yang byang chub sems dpa' lus la lus kyi rjes su lta ba'i dran pa nye bar gzhag pa sgom pa de bdag gis lus de la sems can thams cad kyi lus nye bar 'dogs shing bdag gis sems can thams cad kyi lus sangs rgyas kyi sku'i gnas la gnas par bya'o snyam ste/ ji ltar de bzhin gshegs pa'i sku zag pa med pa ltar rang gi lus kyi chos nyid la yang de bzhin du rtog go /de zag pa med pa'i chos la mkhas pas sems can thams cad kyi lus kyang de'i mtshan nyid du rab tu shes so/ /de zag pa med pa'i lus kyis zag pa med pa'i rang bzhin gyi dge ba'i rtsa ba rnams sogs so/ /de zag pa med pa'i sems kyis kyang dge ba'i rtsa ba de dag zag pa med pa'i thams cad mkhyen par yongs su sngo'o/ /de zag pa med pa'i chos thob pas zag pa las 'byung bar mi byed do/ /zag pa rnams gang zhe na/ 'di lta ste/ 'dod pa'i zag pa dang srid pa'i zag pa dang / ma rig pa'i zag pa dang / lta ba'i zag pa'o/ /de 'dod pa'i zag pa yongs su shes pa dang ldan pas sems can yongs su smin par bya ba'i phyir bsams bzhin du 'dod pa'i khams su skye'o/ /srid pa'i zag pa yongs su shes pa dang ldan pas dge ba'i rtsa ba bsags pa'i phyir bsams bzhin du srid pa yongs su 'dzin to/ /ma rig pa'i zag pa dang lta ba'i zag pa de gnyis rtsa ba nas gdon pa'i phyir byang chub sems dpa' rnal 'byor la 'jug go /lus la lus kyi rjes su lta zhing dran pa nye bar gzhag pa</font><hr>83.244a<br><font size=+1>

sgom pa de lus la sngon gyi mtha' nas kyang ma byung bar so sor rtog go /lus la phyi ma'i mthar yang mi 'pho bar so sor rtog go /lus la da lta byung ba na rang bzhin gyis dben par yang so sor rtog go /de de ltar lus la rjes su lta zhing gnas pas lus dang ldan pa'i 'jig tshogs la lta ba mi skyed do/ /'jig tshogs la lta ba dang bral bas bdag gir mi byed do/ /bdag gir byed pa med pas yongs su 'dzin pa la yongs su mi 'dzin to/ /yongs su 'dzin pa med pas rtsod pa med pa rab tu 'thob bo/ /rtsod pa spangs pas gnod sems med do/ /gnod sems med pas bzod pa rab tu 'thob bo/ /bzod pa rab tu thob pas phyir khengs par yang mi 'gyur 'dud par yang mi 'gyur ro/ /khengs par mi 'gyur 'dud par mi 'gyur bas chos nyid la gnas par 'gyur ro/ /chos nyid la gnas pas phyir yang chos ma yin pa spyod par mi 'gyur ro/ /chos spyod pas chos dang ldan pa'i 'gros su song ngo / /chos kyi 'gros su song bas chos dang ldan pa'i grogs po rab tu rnyed do/ /chos dang ldan pa'i grogs pos yongs su bzung bas chos dang ldan pa'i mnyan pa thos par 'gyur ro/ /chos thos pa dang ldan pas phyir yang yul rnams la zag par mi 'gyur ro/ /de yul la bsrungs pas ting nge 'dzin sgrub bo/ /mnyam par bzhag pas yang dag pa ji lta ba bzhin du rab tu shes so/ /yang dag pa ji lta ba bzhin du rab tu shes pas phyir yang rtog par mi byed do/ /rnam par rtog par mi byed do/ /rnam par mi rtog pas mi 'gyur ro/ /mi 'gyur bas phyir yang mi byed do/ /rnam par mi byed do/ /nam mi byed rnam par mi byed pa de ni chos mnyam pa nyid kyis chos ji lta ba</font><hr>83.244b<br><font size=+1>

bzhin thob nas thams cad mkhyen pa'i ye shes rab tu thob pa 'di ni rigs kyi bu byang chub sems dpa'i lus la lus kyi rjes su lta ba'i dran pa nye bar gzhag pa'i spyod pa yongs su dag pa'o/ /rigs kyi bu de la byang chub sems dpa'i tshor ba rnams la tshor ba'i rjes su lta ba'i dran pa nye bar gzhag pa'i spyod pa yongs su dag pa gang zhe na/ rigs kyi bu 'di la byang chub sems dpa'i tshor ba rnams la tshor ba'i rjes su lta ba'i dran pa nye bar gzhag pa sgom pa na tshor ba la bde bar gnas pa'i sems can rnams la snying rje chen po thob par 'gyur ro/ /de 'di ltar gang la tshor ba med pa de ni bde ba yin no zhes slob ste/ de sems can thams cad kyi tshor ba spang pa'i phyir tshor ba rnams la tshor ba'i rjes su lta ba'i dran pa nye bar gzhag pa sgom mo/ /de sems can rnams kyi tshor ba 'gog pa'i phyir go cha bgos kyang bdag gi tshor ba 'gog par yang mi byed do/ /des tshor ba gang ci myong yang tshor ba de dag thams cad snying rje chen pos yongs su bzung zhing myong bar byed de/ de nam bde ba'i tshor ba myong ba de na 'dod chags la spyod pa'i sems can rnams la snying rje chen po rnyed de/ bdag gi 'dod chags kyi bag la nyal ba yang rab tu spong ngo / /nam sdug bsngal gyi tshor myong ba de na zhe sdang la spyod pa'i sems can rnams la snying rje chen po rnyed de/ bdag gi zhe sdang gi bag la nyal yang rab tu spong ngo / /nam bde ba yang ma yin/ sdug bsngal yang ma yin pa'i tshor ba myong ba de na gti mug la spyod pa'i sems can rnams la snying rje chen po rnyed de bdag gi gti mug gi bag la nyal yang rab tu spong ngo / /de bde ba'i tshor ba la rjes su chags par mi 'gyur te/ rjes su chags pa legs par 'joms par yang byed do/ /de sdug bsngal gyi tshor ba la khong khro bar mi 'gyur te/ khong khro ba legs par 'joms par yang byed do/ /sdug bsngal yang ma yin bde ba yang ma yin pa'i tshor ba la ma rig pa dang ldan par mi 'gyur te/ ma rig pa legs par 'joms par yang byed do/ /</font><hr>83.245a<br><font size=+1>

des tshor ba gang ci myong ba de dag thams cad kyang mi rtag par shes shing myong bar byed do/ /sdug bsngal du shes shing myong bar byed do/ /bdag med par shes shing myong bar byed do/ /de bde ba'i tshor ba la ni mi rtag par shes par 'gyur ro/ /sdug bsngal gyi tshor ba la ni zug rngur shes par 'gyur ro/ /sdug bsngal yang ma yin bde ba yang ma yin pa'i tshor ba la ni zhi bar shes par 'gyur ro/ /de ltar na gang bde ba de ni mi rtag pa'o/ /gang sdug bsngal ba de ni sdug bsngal nyid do/ /gang bde ba yang ma yin sdug bsngal ba yang ma yin pa de ni bdag med pa'o/ /rigs kyi bu byang chub sems dpa' de ltar tshor ba rnams la tshor ba'i rjes su lta zhing gnas pa de chos thams cad skyes pa dang / zhig pa dang zhu ba dang / gnas pa med par shes so/ /chos thams cad la skye ba dang 'jig par yang so sor rtog go /so sor rtog pa na chos skye ba de dag gang nas 'ong / 'gag pa rnams gang du sogs par 'gyur snyam du chos rnams kyi skye ba dang / 'jig pa yang dag par rjes su mi mthong ngo / /des chos rnams gang nas kyang mi 'ong gang du yang mi 'gro bar shes nas tshor ba thams cad rgyun chad par sgrub bo/ /bsgrubs nas kyang nan tan du mi byed do/ /de ci'i phyir zhe na/ sems can thams cad kyi tshor ba 'gag par byed kyi/ bdag 'ba' shig gi tshor ba 'gag par byed pa ni ma yin te/ rigs kyi bu 'di ni byang chub sems dpa'i tshor ba rnams la tshor ba'i rjes su lta ba'i dran pa nye bar gzhag pa thabs mkhas pa dang / snying rje chen pos yongs su zin pa'o/ /gang tshor ba 'gag pa yang rab tu shes la tshor ba 'gag pa mngon sum du yang mi byed de/ tshor ba rnams la tshor ba'i rjes su lta ba'i dran pa nyer bar gzhag pa sgom pa la gnas pa de tshor ba rnams la dben pa dang / rnam par dben par yang dag pa ji lta ba bzhin rab tu shes so/ /'di la ni myong ba gang yang med do/ /'di la ni tshor bar byed pa gang yang med do/ /chos de dag thams cad ni stong pa ste/ bdag</font><hr>83.245b<br><font size=+1>

dang bdag gi dang bral ba'o/ /byed pa po dang tshor ba po dang mi ldan pa'o/ /rgyu dang rkyen la rag lus pa'o bdag po med pa'o nga'i ba med pa'o yongs su 'dzin pa med pa'o/ /des yang dag par na rgyu dang rkyen de dag gi dngos po mi dmigs so/ /de ma dmigs nas 'di snyam du sems te/ ji ltar rkyen stong pa yin pa de bzhin du rkyen las byung ba'i chos rnams kyang stong pa'o snyam nas de stong pa nyid kyi don rig pas lus dben pa dang / sems dben pa dang don shes pa dang chos rnams shes pa dang / ye shes rig pas tshor ba rnams la tshor ba'i rjes su lta ba'i dran pa nye bar gzhag pa sgom pa 'di ni byang chub sems dpa' tshor ba rnams la tshor ba'i rjes su lta ba'i dran pa nye bar gzhag pa'i spyod pa yongs su dag pa'o/ /rigs kyi bu de la byang chub sems dpa'i sems la sems kyi rjes su lta ba'i dran pa nye bar gzhag pa'i spyod pa yongs su dag pa gang zhe na/ rigs kyi bu de la byang chub sems dpa' sems la sems kyi rjes su lta ba'i dran pa nye bar gzhag pas gnas pa byang chub kyi sems dran pa nye bar gzhag pa shin du nye bar bzhag ste/ sems dran pa'i ye shes kyis sems kun du tshol lo/ /de sems kun du tshol ba na sems nang na yang yang dag par rjes su mi mthong / sems phyi rol na yang yang dag par rjes su mi mthong / sems phyi dang nang na yang yang dag par rjes su mi mthong phung po rnams la yang sems yang dag par rjes su mi mthong / khams rnams la yang sems yang dag par rjes su mi mthong / skye mched rnams la yang sems yang dag par rjes su mi mthong ngo / /des sems yang dag par rjes su ma mthong bas sems ga las byung zhes sems kyi rgyun kun du tshol zhing de 'di snyam du sems te/ dmigs pa yod pa las 'byung bar 'gyur ro snyam mo/ /de yang 'di snyam du sems te/ ci dmigs pa de yang gzhan la sems de yang gzhan nam</font><hr>83.246a<br><font size=+1>

'on te dmigs pa gang yin pa de nyid sems yin/ gal te dmigs pa yang gzhan la sems kyang gzhan yin na ni sems de gnyis su 'gyur ro/ /'on te dmigs pa gang yin pa de nyid sems yin na ni sems kyis sems de ji ltar mthong bar 'gyur te/ sems kyis sems mthong bar mi rung ngo / /'di lta ste dper na ral gri'i so de nyid kyis ral gri'i so de nyid gcad par mi nus pa dang / sor mo'i rtse mo de nyid kyis sor mo'i rtse mo de nyid la reg par mi nus pa de bzhin du sems de nyid kyis kyang sems de nyid mthong bar mi nus so snyam nas/ de 'di ltar tshul bzhin du rab tu sbyor ba las gang sems mi gnas pa chad pa ma yin pa/ rtag par ma yin pa/ ther zug tu mi gnas pa/ rgyu med pa ma yin pa/ rkyen dang mi 'gal ba/ de las kyang ma yin gzhan las kyang ma yin pa/ de nyid kyang ma yin gzhan yang ma yin pa'i sems kyi rgyud sems kyi 'khri shing sems kyi chos nyid sems mi gnas pa dang / sems rgyu med pa dang / sems snang ba med pa dang / sems kyi rang gi mtshan nyid ji ltar de bzhin nyid 'khrug par mi byed pa de ltar shes so/ /de ltar mthong ngo / /de bzhin nyid ji lta ba de bzhin du sems de dag dben pa nyid du rab tu shes/ de bzhin du mthong ba 'di ni rigs kyi bu byang chub sems dpa'i sems la sems kyi rjes su lta ba'i dran pa nye bar gzhag pa'i spyod pa yongs su dag pa'o/ /rigs kyi bu gzhan yang sems la cung zad tsam yang mi mthong / rnam par mi mthong / mi rtog rnam par mi rtog g.yo med rlom sems med/ spros pa med pa 'di yang byang chub sems dpa'i sems la sems kyi rjes su lta ba'i dran pa nye bar gzhag pa'o/ /rigs kyi bu gzhan yang ji ltar sems gzugs med pa de bzhin du sems kyis mngon par 'dus byas pa'i dge ba'i rtsa ba rnams kyang gzugs med pa'o/ /ji ltar</font><hr>83.246b<br><font size=+1>

sems kyis mngon par 'dus byas pa'i dge ba'i rtsa ba rnams gzugs med pa de bzhin du byang chub kyi sems su bsngos pa yang gzugs med pa'o/ /ji ltar byang chub kyi sems su bsngos pa gzugs med pa de bzhin du byang chub de yang gzugs med de de'i phyir sems ji ltar spyod pa yang de bzhin no/ /spyod pa ji lta bar byang chub kyang de bzhin no/ /byang chub ji lta bar yongs su bsngo ba yang de bzhin zhes bya ste/ sems kyi rang bzhin ni byang chub bo/ /byang chub kyi rang bzhin ni chos thams cad de/ gang 'di ltar sems rab tu rnam par 'byed pa shes pa 'di ni byang chub sems dpa'i sems la sems kyi rjes su lta ba'i dran pa nye bar gzhag pa'o/ /rigs kyi bu gzhan yang gang mgyogs pa/ rab tu mgyogs pa mi gnas par rgyu ba/ spre'u dang rlung 'dra ba/ 'bab chu'i rgyun dang 'bru mar gyi mar me dang 'dra ba rgyang ring por 'gro ba lus med pa/ yul la brkam pa skye mched drug la spyod yul pa/ gzhan dang gzhan gyi shes pa dang ldan pa'i sems gnas pa/ rtse gcig pa mi 'phro ba rnam par mi 'phro ba zhi gnas la rtse gcig pa/ g.yeng ba med pa 'di ni sems gnas pa zhes bya'o/ /de la dran pa nye bar gzhag pa yongs su rdzogs pa gang zhe na/ gang sems la rnam par 'byed par shes pa dang / sems la chos kyi dbyings su gnas par shes pa dang / sems la sems gnas par shes pa dang / sems la rang bzhin gyis 'od gsal bar shes pa dang / sems la ji lta ba bzhin du shes pa dang / sems la mngon sum gyi shes pas rab tu shes pa dang / sems la sgyu ma'i chos su shes pa dang / sems la dus gsum mnyam pa nyid du shes pa dang / sems la de kho nar shes pa dang / sems la g.yo ba med cing gzung ba med par shes pa 'di ni dran pa nye bar gzhag pa yongs su rdzogs pa zhes bya'o/ /de rang gi sems kyi rang bzhin gang yin</font><hr>83.247a<br><font size=+1>

pa sems can thams cad kyi sems kyi rang bzhin yang de yin par rab tu shes so/ /sems kyi rang bzhin de yongs su shes nas de bzhin du chos ston to/ /rang gi sems kyi ngo bo nyid gang yin pa sems can thams cad kyi sems kyi ngo bo nyid kyang de yin par rab tu shes so/ /sems kyi ngo bo nyid du shes nas kyang de bzhin du chos ston to/ /rang gi sems kyi mtshan nyid gang yin pa sems can thams cad kyi sems kyi spyod pa'i mtshan nyid kyang de yin par rab tu shes so/ /sems kyi mtshan nyid de shes nas kyang de bzhin du chos ston to/ /ji ltar rang gi sems stong pa de bzhin du sems can thams cad kyi sems kyang stong par rab tu shes so/ /sems de dag stong pa nyid du shes nas kyang de bzhin du chos ston to/ /de rang gi sems yang dag par 'du ba gang yin pa sems can thams cad kyi sems yang dag par 'du ba yang de yin par rab tu shes so/ /sems yang dag par 'du ba de dag shes nas kyang de bzhin du chos ston to/ /de rang gi sems mnyam pa nyid kyis sems can thams cad kyi sems mnyam pa nyid du rab tu shes so/ /sems can thams cad kyi sems mnyam pa nyid kyis chos thams cad mnyam pa nyid du rab tu shes so/ /chos thams cad mnyam pa nyid kyis byang chub mnyam pa nyid du rab tu shes shing sems kyis 'gyur bar mi byed de rnam par mi 'gyur ro/ /sems gnas pas chos kyi dbyings gnas pa rjes su shes kyang sems gnas pa'i chos nyid de las kyang mi g.yo ste/ rigs kyi bu 'di ni byang chub sems dpa'i sems la sems kyi rjes su lta ba'i dran pa nye bar gzhag pa'i spyod pa yongs su dag pa'o/ /rigs kyi bu de la byang chub sems dpa'i chos rnams la chos kyi rjes su lta ba'i dran pa nye bar gzhag pa'i spyod pa yongs su dag pa gang zhe na/ rigs kyi bu 'di la byang chub sems dpa'i chos rnams la chos kyis rjes su lta ba'i dran</font><hr>83.247b<br><font size=+1>

pa nye bar gzhag pa la gnas pa 'di snyam du sems te/ chos kho na skye ba rnams skye/ chos kho na 'gag pa rnams 'gag ste/ 'di la bdag gam sems can nam/ srog gam skye ba po 'am/ gso ba 'am skyes bu 'am/ gang zag gam/ shed las skyes pa 'am/ shed bu 'am gang skye ba 'am/ rga ba 'am 'chi ba 'am/ 'pho ba 'am skye bar 'gyur ba gang yang med do/ /'di ni chos rnams kyi chos nyid de/ gal te bsgrubs na ni 'grub ma bsgrubs na ni mi 'grub ste/ dge ba yang rung mi dge ba yang rung / mi g.yo ba yang rung ji lta bur bsgrubs pa de lta bur 'grub mod kyi/ chos rnams la sgrub par byed pa yang med la chos rnams rgyu med par yang gang kyang mi skye'o snyam du nye bar brtags na 'di ltar chos dran pa'i ye shes skye ste/ gang bsod nams dang bsod nams ma yin pa dang / mi g.yo ba mngon par 'du byed pa dang gsum mo/ /de la bdag gis ni bsod nams mngon par 'du byed pa la brtson par bya'o/ /de ni bdag gi sangs rgyas kyi chos bla na med pa/ mchog dam pa rab khyad par du 'phags pa bcu'i rgyur 'gyur te/ bcu po de dag gang zhe na 'di lta ste/ lus yongs su dag pas mtshan dang / dpe byad bzang po dang spyi gtsug bltar mi mthong ba dang / pha rol gyi gnod par bya ba thams cad las shin du 'das pa dang / ngag yongs su dag pas de bzhin gshegs pa'i gsung sems can thams cad tshim par byed pa rnam pa drug bcu shin du yongs su rdzogs pa dang / sems yongs su dag pas sems can thams cad la khong khro ba med cing rtag tu rgyun mi 'chad par ting nge 'dzin mi 'khrugs pa dang / so so yang dag par rig pa yongs su dag pas don dang / chos dang nges pa'i tshig dang spobs pa mi zad pa dang / byams pa chen po yongs su dag pas sems can thams cad mya ngan las 'das pa'i</font><hr>83.248a<br><font size=+1>

lam la rab tu 'god pa dang / snying rje chen po yongs su dag pas bskal pa dpag tu med par 'khor bas yongs su mi skyo ba dang / stobs bcu yongs su rdzogs pas sems can thams cad kyi dbang po mchog dang mchog ma yin pa shes pa dang / mi 'jigs pa yongs su rdzogs pas par du gcod pa dang bar du gcod pa'i chos ma yin pa rab tu rtogs pa dang / sangs rgyas kyi chos ma 'dres pa yongs su rdzogs pas 'das pa dang / ma 'ongs pa dang da ltar byung ba dang / dus gsum la mi chags pa'i ye shes mthong ba dang / sangs rgyas kyi chos thams cad yongs su rdzogs pas rang byung gi ye shes rab tu rtogs pa ste/ sangs rgyas kyi chos bla na med pa dam pa bzang po mchog rab/ bye brag tu 'phags pa bcu po de dag gi rgyur 'gyur ro/ /des don gyi dbang 'di mthong bas bsod nams kyi tshogs sogs pa la chog mi shes par 'gyur ro/ /de bsod nams ma yin pa'i 'du byed rnams mngon par 'du mi bya ba'i phyir ji ltar bdag la mi dge ba'i chos rnams thams cad kyi thams cad du bag chags su yang mi 'gyur bar bya'o snyam nas brtson par byed do/ /de mi g.yo ba'i 'du byed rnams rab tu shes nas mi g.yo ba'i snyoms par 'jug pa skyed kyang ting nge 'dzin de la snying por 'du shes par yang mi 'gyur la ting nge 'dzin gyi dbang gis kyang mi skye ste/ bsod nams kyi tshogs bsags pa dang / sems can yongs su smin par bya ba'i phyir smon lam gyi dbang gis 'dod pa'i khams su yang skye'o/ /rigs kyi bu de ltar na byang chub sems dpa' thabs mkhas pa chos rnams la chos kyi rjes su lta ba'i dran pa nye bar gzhag pa la gnas shing byang chub tu sgrub pa'i chos gang yin pa de dag sgom la/ byang chub kyi mi mthun pa'i phyogs kyi chos gang yin pa de dag spong yang</font><hr>83.248b<br><font size=+1>

dge ba'i chos mngon par 'du byed pas rtag par lta bar yang mi ltung mi dge ba'i chos spong yang chad par lta bar yang mi ltung ste/ gang la chad pa med cing rtag pa med pa de ni byang chub sems dpa'i rtag pa dang chad pa yongs su sbyangs pa'i dbu ma'i lam mo/ /de yang gang zhe na 'di lta ste/ gang tshul bzhin ma yin par yid la byed pa dang / ma rig pa de gnyis ga yang mtha' ste/ gang de gnyis kyi dbu ma de ni btags pa med cing gdags par 'gyur ba ma yin te/ 'di ni chos rnams kyi dbu ma'i lam zhes bya'o/ /de bzhin du ma rig pa dang ma rig pa med pa dang / 'du byed rnams dang 'du byed med pa rnams dang / rnam par shes pa dang rnam par shes pa med pa dang / ming dang gzugs dang ming dang gzugs med pa dang / skye mched drug dang skye mched drug med pa dang / reg pa dang reg pa med pa dang / tshor ba dang tshor ba med pa dang sred pa dang sred pa med pa dang / len pa dang len pa med pa dang / srid pa dang srid pa med pa dang / skye ba dang skye ba med pa dang / rga shi dang rga shi med pa dang / mya ngan dang smre sngags 'don pa dang / sdug bsngal ba dang yid mi bde ba dang / 'khrug pa zhes bya ba de gnyis ga yang mtha' ste/ gang de gnyis kyi dbu ma de ni btags pa med cing gdags par 'gyur ba ma yin te/ 'di ni chos rnams kyi dbu ma'i lam zhes bya'o/ /chos rnams kyi dbu ma'i lam de ni 'di 'dra'o/ /de 'dra'o zhes bstan par mi rung ste/ dbu ma'i lam ni btags pa med pa gdags par 'gyur ba ma yin pa mtshan ma med pa/ gnas med pa gzung ba med pa kun gzhi med pa zhi ba rab tu zhi ba nye bar zhi ba'o/ /rigs kyi bu 'di lta ste dper na mda' gang nas 'phangs pa dang / gang du phog pa de gnyis ga yang mtha' ste/ gang phigs pa dang phog pa de'i dbu ma de ni btags pa med cing gdags par 'gyur ba ma yin te/ blta ba 'am reg par mi nus pa de bzhin du rigs kyi bu dmigs pa gang gis</font><hr>83.249a<br><font size=+1>

rnam par shes pa skye ba dang / gang du so sor rnam par rig pa gnas pa de gnyis ga yang mtha' ste/ gang de gnyis kyi dbu ma bstan par mi nus pa 'di ni rigs kyi bu brda tsam du dbu ma'i lam zhes bya'i don dam par ni ma yin no/ /don dam pa gang yin pa de ni brjod du med de/ de la ni nyung ngu yang med mang po yang med do/ /gang la nyung ngu yang med mang po yang med pa de ni dbu ma'i lam mo/ /rigs kyi bu gzhan yang bdag dang bdag med pa zhes bya ba de gnyis ga yang mtha' ste/ bdag dang bdag med pa'i ngo bo nyid rnam par dag pa ni dbu ma'i lam mo/ /srog dang gang zag ces bya ba de gnyis ga yang mtha' ste/ srog dang gang zag gi ngo bo nyid rnam par dag pa ni dbu ma'i lam mo/ /mtshan ma dang mtshan ma med pa zhes bya ba de gnyis ga yang mtha' ste/ mtshan ma med par rtog pa ni dbu ma'i lam mo/ /dmigs pa dang mi dmigs pa zhes bya ba de gnyis ga yang mtha' ste/ rtog pa dang 'jig pa med pa ni dbu ma'i lam mo/ /brdzun pa dang bden pa zhes bya ba de gnyis ga yang mtha' ste/ brjod du med pa ni dbu ma'i lam mo/ /tshu rol dang pha rol zhes bya ba de gnyis ga yang mtha' ste/ 'jig tshogs 'gag pa ni dbu ma'i lam mo/ /'dus byas dang 'dus ma byas shes bya ba de gnyis ga yang mtha' ste/ spyod pa med pa ni dbu ma'i lam mo/ /'khor ba dang mya ngan las 'das pa zhes bya ba de gnyis ga yang mtha' ste/ rnam par rig pa med pa ni dbu ma'i lam mo/ /rigs kyi bu de ltar chos rnams la chos kyi rjes su lta zhing dran pa nye bar gzhag pa la gnas pa'i byang chub sems dpa' de ni chos kyi dbyings dbyer med pa'i phyir dran pa la gnas te/ de chos thams cad chos kyi dbyings su 'du bar rab tu shes so/ /chos kyi dbyings gang yin pa de nyid sems can gyi khams so/ /de chos kyi dbyings dbyer med pas sems can gyi khams dbyer med par</font><hr>83.249b<br><font size=+1>

khong du chud do/ /chos kyi dbyings gang yin pa dang sems can gyi khams gang yin pa de gnyis ga yang nam mkha'i dbyings dang mtshungs par rab tu shes so/ /des chos thams cad dbyings gcig tu shes nas chos rnams la chos kyi rjes su lta zhing gnas kyang chos la mngon par chags shing lta bar yang mi 'gyur ro/ /de nam mthong ba de ni chos rnams la tha dad du mi byed do/ /des chos rnams mthong yang sha'i mig gis mthong ba ma yin/ lha'i mig gis mthong ba ma yin shes rab kyi mig gis mthong ba ma yin no/ /de ci'i phyir zhe na/ de'i mig mtshan mar 'du shes pa ma yin te/ de'i phyir de sha'i mig gis mthong ba ma yin no/ /de'i mig mngon par 'du byed par lhung ba ma yin te/ de'i phyir de lha'i mig gis mthong ba ma yin no/ /de'i mig spros pa la spyod pa ma yin te/ de'i phyir de shes rab kyi mig gis mthong ba ma yin no/ /chos rnams la chos kyi rjes su lta zhing gnas pa de chos thams cad ji lta ba bzhin du mthong nas chos gang la yang mi gnas so/ /des chos thams cad mi gnas par shes nas chos rjes su dran pa des sngon gyi smon lam mi gtong ba 'di ni rigs kyi bu byang chub sems dpa'i chos rnams la chos kyi rjes su dran pa sangs rgyas kyis gnang ba'o/ /gang cung zad chos zab mo la so sor rtog kyang thams cad mkhyen pa nyid kyi byang chub kyi sems rjes su dran pa de yang mi 'dor ba 'di ni rigs kyi bu byang chub sems dpa'i chos rnams chos rnams la chos kyi rjes su lta ba'i dran pa nye bar gzhag pa'i spyod pa yongs su dag pa'o/ /dran pa nye bar gzhag pa bzhi po de dag la gnas pa de phyin ci log bzhi rab tu spong ste/ </font><hr>83.250a<br><font size=+1>

bzhi gang zhe na 'di lta ste/ lus la lus kyi rjes su lta zhing gnas pas mi sdug pa la sdug par 'du shes pa'i phyin ci log pa rab tu spong ngo / /tshor ba rnams la tshor ba'i rjes su lta zhing gnas pas sdug bsngal ba la bde bar 'du shes pa'i phyin ci log rab tu spong ngo / /sems la sems kyi rjes su lta zhing gnas pas mi rtag pa la rtag par 'du shes pa'i phyin ci log rab tu spong ngo / /chos rnams la chos kyi rjes su lta zhing gnas pas bdag med pa la bdag tu 'du shes pa'i phyin ci log rab tu spong ngo / /de phyin ci log med pas yang dag pa nyid sgrub bo/ /yang dag pa nyid la zhugs nas byang chub sems dpa'i spyod pa thams cad rnam par dag par 'gyur ro/ /rigs kyi bu de ltar byang chub sems dpa'i spyod pa yongs su dag pa de yang dag par spong ba'i spyod pa yongs su dag pa rab tu 'thob ste/ yang dag par spong ba'i spyod pa yongs su dag pa gang zhe na/ gang byang chub sems dpa' de 'bad pa med cing lhun gyis grub pas dge ba'i chos la sbyor ba la sems 'jug gi mi dge ba la ni ma yin no/ /de phyir zhing sdig pa mi dge ba'i chos skyes pa rnams spang ba'i phyir brtson 'grus rtsom pa dang / sdig pa mi dge ba'i chos ma skyes pa rnams mi bskyed pa'i phyir brtson 'grus rtsom pa dang dge ba'i chos ma skyes pa rnams bskyed pa'i phyir brtson 'grus rtsom pa dang / dge ba'i chos skyes pa rnams gnas pa dang / nyams par mi 'gyur ba dang / phyir zhing 'byung ba dang / yongs su rdzogs par bya ba'i phyir brtson 'grus rtsom pa'o/ /rigs kyi bu byang chub sems dpa' de sngon gyi las yongs su dag pa'i phyir rang gi ngang nyid kyis dge ba'i chos rnams mngon du 'gyur te/ 'bad pa med cing lhun gyis grub</font><hr>83.250b<br><font size=+1>

pas dge ba'i chos ma skyes pa rnams ni skye'o/ /dge ba'i chos skyes pa rnams ni nyams par mi 'gyur ro/ /rigs kyi bu 'di ltar byang chub sems dpa'i spyod pa yongs su dag pa de yang dag par spong ba bzhi po 'di dag sems kyis dbang sgyur bar 'gyur gyi/ brtson 'grus kyis dbang sgyur bar 'gyur ba ni ma yin no/ /de dag pa dang dri ma med pa dang kha na ma tho ba med pa dang / sangs rgyas thams cad kyis gnang ba'i byams pa chen po dang / snying rje chen po dang ldan pa'i sems dang sems las byung ba 'jug ste/ yang dag pa la zhugs pa yang dag par spong ba la gnas pa zhes bya'o/ /de ci'i phyir zhe na/ de'i spong ba mnyam pa yin gyi mi mnyam pa ma yin no/ /de'i sbyor ba mnyam pa yin gyi mnyam pa ma yin no/ /yang dag par spong ba zhes bya ba ni mnyam pa nyid kyis mnyam par sbyor ba dang / mnyam pa nyid kyis mnyam par sgrub pa ste/ de'i phyir yang dag par spong ba zhes bya'o/ /de ltar yang dag par zhugs pa de'i rdzu 'phrul gyi rkang pa bzhi bsgom pa yongs su rdzogs par 'gyur te/ bzhi gang zhe na 'di lta ste/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang brtson 'grus kyi ting nge 'dzin spong ba 'du byed dang ldan pa'i rdzu 'phrul gyi rkang pa dang / sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /de byang chub kyi sems kyi lhag pa'i bsam pas 'dun pa yang bar 'gyur ro/ /mi dge ba'i chos spong bas brtson 'grus yang bar 'gyur ro/ /snying rje chen po rab tu thob pas sems yang bar 'gyur ro/ /thabs mkhas pa rab tu thob pas dpyod pa yang bar 'gyur ro/ /rigs kyi</font><hr>83.251a<br><font size=+1>

bu byang chub sems dpa' de rdzu 'phrul gyi rkang pa bzhi po de dag gis byang chub kyi rnam pa mngon par bsgrubs pas dbang bzhi rab tu 'thob ste/ bzhi gang zhe na 'di lta ste/ tshe la dbang ba 'thob bo/ /tshe la dbang ba des 'dod na sems can tshe thung ngu rnams kyi nang du tshe ring po yongs su 'dzin cing sems can de dag yongs su smin par byed pa dang sems can tshe ring po chos bstan na yongs su skyo ba rnams la chos bstan pas yongs su tshim par bya ba'i phyir tshe thung ngu yongs su 'dzin pa dang / lha 'am mi gang dang gang du skye ba thams cad du tshe'i tshad la dbang sgyur ba yin te/ rigs kyi bu byang chub sems dpas dbang dang po 'di 'thob bo/ /rigs kyi bu gzhan yang byang chub sems dpas lus la dbang 'thob ste/ lus la dbang ba des yid kyi lus rab tu thob nas lus ci 'dra ba dang / gzugs ci 'dra ba dang / kha dog dang mtshan dang dbyibs dang / spyod lam ci 'dra bas sems can rnams yongs su smin par 'gyur ba dang / 'dul bar 'gyur ba de 'dra bar byang chub sems dpa' de lus dang / gzugs dang kha dog dang mtshan dang dbyibs dang spyod lam kun du ston te/ de 'dod na sems can thams cad kyi lus dang gzugs dang / kha dog dang mtshan dang dbyibs dang / spyod lam mtshungs par 'gyur ba yin te/ rigs kyi bu byang chub sems dpas dbang gnyis pa 'di 'thob bo/ /rigs kyi bu gzhan yang byang chub sems dpas chos la dbang 'thob ste/ chos la dbang ba des 'jig rten las 'das pa'i chos la rton par 'gyur gyi/ 'jig rten gyi chos la rton par mi 'gyur ba dang / de 'jig rten las 'das pa'i chos la rton kyang 'jig rten gyi bya ba thams cad du yang snang la 'jig rten las 'das pa'i ye shes de las kyang mi g.yo ba dang / gang 'di shes rab dang ye shes chags pa med pa dang / rten cing 'brel bar 'byung ba zab mo'i ye shes kyi bdag</font><hr>83.251b<br><font size=+1>

nyid dang / chos rnam par bsgrubs pas lha dang bcas pa'i 'jig rten mos par byed cing / gang gis sems can tshad med pa rnams la bsam pa dang mos pa ji lta ba bzhin du 'dul bar 'gyur ba de 'dra ba'i chos kyi gtam byed pa yin te/ rigs kyi bu byang chub sems dpas dbang gsum pa 'di 'thob bo/ /rigs kyi bu gzhan yang byang chub sems dpa' byin gyi rlabs kyi dbang thob ste/ byin gyi rlabs la dbang ba des gang stong gsum gyi stong chen po'i 'jig rten gyi khams kyi rgya mtsho chen po de dag thams cad rgya mtsho gcig tu byin gyis brlabs kyang 'dres pa yang med la spyod pa de yang kun tu ston pa dang / gang stong gsum gyi stong chen po'i 'jig rten gyi khams kyi ri'i rgyal po ri rab de dag thams cad ri gcig tu byin gyis brlabs kyang rgyal chen bzhi'i ris kyi lha'i bu rnams dang / sum bcu rtsa gsum pa'i lha'i bu rnams phan tshun 'phros par yang mi shes la spyod pa de yang kun du ston pa dang / stong gsum gyi stong chen po'i 'jig rten gyi khams 'di dag ji ltar rin po che'i sa gzhi 'am/ tsan dan gyi sa gzhi 'am/ spos kyi sa gzhi 'am/ me tog gi sa gzhi 'am/ nam mkhar gyur pa 'am/ chus yongs su gang ba 'am/ mes yongs su gang ba 'am/ rin po che thams cad kyis yongs su gang bar gyur cig ces de ltar byin gyis brlabs na yang de 'dra bar gnas pa dang / de bzhin du byin gyi rlabs thams cad kyis gang ji ltar byin gyis brlabs pa de'i de de ltar 'gyur ba dang / de'i sems bskyed ma thag tu byin gyi rlabs thams cad de bzhin du kun du gnas pa yin te/ rigs kyi bu byang chub sems dpas dbang bzhi po 'di 'thob bo/ /rigs kyi bu gzhan yang byang chub sems dpa' rdzu 'phrul gyi rkang pa bzhi la gnas pa ni phyogs bcu'i sangs rgyas bcom ldan 'das rnams dang lhan cig tu gnas shing 'dug cing gtam zer ro/ /de bzhin du tshangs pa thams cad dang / brgya byin thams cad dang 'jig rten skyong ba</font><hr>83.252a<br><font size=+1>

thams cad dang lha dang klu dang gnod sbyin dang / dri za dang lha ma yin dang nam mkha' lding dang / mi 'am ci dang lto 'phye chen po dang / mi dang mi ma yin pa thams cad lhan cig tu gnas shing 'dug ste gtam zer ro/ /de ci'i phyir zhe na/ byang chub sems dpa' de'i rdzu 'phrul gyi rkang pa de dag shin du yongs su sbyang ba byas pa'i phyir ro/ /de la rdzu 'phrul gyi rkang pa rnams kyi yongs su sbyang ba gang zhe na/ 'di lta ste/ lus yang bar bya ba'i phyir bla ma dang sbyin gnas rnams la ldang ba dang / rim gro byed pa dang gus par sma ba dang phyag 'tshal ba dang / thal mo sbyor zhing 'thun par byed pa dang / ngag yang par bya ba'i phyir bka' blo bde zhing 'thun par 'dzin te/ ji skad smras pa de bzhin du byed pa dang sems yang bar bya ba'i phyir nga rgyal med pa dang / zhe 'gras pa med pa dang bla ma la rim gro byed cing gus pa dang 'dud pa dang rab tu 'dud pa dang / sems las su rung ba dang sems la yongs su gdung ba med pa dang spong ba rnams la brtson pa mi 'dor ba dang / bden pa'i brtul zhugs rdzogs par byed pa dang / mi lhod par brtson pa dang dgos pa grub par byed pa dang / snyom las mi byed pa dang sems mi zhum pa dang / 'dod chags rnam par sel ba dang / zhe sdang nye bar zhi bar byed pa dang gti mug gi mun pa sel ba dang / 'dod pa med pa dang phrag dog med pa dang / ser sna dang bral ba dang bsam pa dang lhag pa'i bsam pa la sbyor ba dang / gzhan gyi dgos pa sgrub cing khur khyer ba dang nyam chung ba rnams kyi khur sgrol ba dang / 'dam rdzab la stegs 'dogs pa dang klung la zam pas sgrol ba dang / chu bo la gru sbyor ba dang sems can gyi bsam pa yongs su rdzogs par byed pa dang / dga' ba'i tshig thos par byed pa dang / gzhan gyi nyes pa mi gleng ba dang / nyes pa byung ba rnams gso bar byed pa dang / 'gyod pa rnams sel ba dang kun nas ldang ba rnams rnam par sel ba dang / khams gang gis 'byung ba khong</font><hr>83.252b<br><font size=+1>

du chud pa dang / phangs pa'i dngos po thams cad yongs su gtong ba dang / byin nas kyang 'gyod pa med pa dang sems can thams cad la lta ba'i phyir byang chub tu sngo ba dang / dad pa sngon du 'gro ba dang gzhan dag dge ba'i rtsa ba yang dag par 'dzin du 'jug pa dang / bdag bde ba la mi chags pa dang bde ba gzhan la stobs pa dang / bdag gi rnyed pas chog shes pa dang gzhan gyi rnyed pa la phrag dog med pa dang / rab tu 'byung ba la gzhol ba dang gzhan dag kyang rab tu 'byung ba la mos par byed pa dang / byas pa gzo ba dang byas pa shes pa dang / mdza' ba brtan pa dang mdza' ba dang mi mdza' ba la sems mnyam pa dang / rta dang glang po che dang shing rta dang / dpung bu chung sbyin pa dang / ngal ba rnams yang dag par spro bar byed pa dang sems can thams cad la mi 'jigs pa sbyin pa dang / bslabs pa rnams la ston pa tsam du phangs par 'dzin pa dang / ma bslabs pa rnams la mi brnyas pa dang / dbul po rnams la longs spyod 'ged pa dang / nad pa rnams kyi g.yog byed pa dang sman sbyin pa dang / byas pa rnams la mi smod pa dang / dkon mchog gsum la rim gro byed pa dang / sti stang mi byed pa rnams la btang snyoms pa dang / 'jig rten gyi chos las shin du 'da' ba dang / sdig pa thams cad shin du mi byed pa dang / 'jig rten gyi chos thams cad kyis mi gos pa dang / yon tan thams cad bsgrub pa dang / byang chub kyi sems sngon du 'gro ba dang dran pa mi nyams pa ste/ rigs kyi bu 'di ni byang chub sems dpa'i rdzu 'phrul gyi rkang pa yongs su sbyang ba'o/ /de ltar rdzu 'phrul gyi rkang pa rnams yongs su sbyangs na byang chub kyi snying po'i bar du nyams par mi 'gyur/ yongs su nyams par mi 'gyur te/ rigs kyi bu 'di ni byang chub sems pa'i rdzu 'phrul gyi rkang pa'i spyod pa yongs su dag pa'o/ /rigs kyi bu de la byang chub sems dpa'i dbang po'i spyod pa yongs su dag pa gang zhe na 'di</font><hr>83.253a<br><font size=+1>

lta ste/ mi 'phrogs pa dad pa'i dbang po dang / gzhan gyi dring la mi 'jog pa brtson 'grus kyi dbang po dang / byang chub kyi sems mi brjed pa dran pa'i dbang po dang / snying rje chen po mi gtong ba ting nge 'dzin gyi dbang po dang / chos thams cad yongs su 'dzin par brtson pa shes rab kyi dbang po'o/ /rigs kyi bu gzhan yang sangs rgyas kyi chos thams cad la mos shing dad pa ni byang chub sems dpa'i dad pa'i dbang po'o/ /sangs rgyas kyi chos thams cad yang dag par sgrub pas yongs su mi skyo ba ni brtson 'grus kyi dbang po'o/ /sangs rgyas kyi chos thams cad mi brjed pa ni dran pa'i dbang po'o/ /sangs rgyas kyi ting nge 'dzin thams cad mngon par sgrub pa ni ting nge 'dzin gyi dbang po'o/ /sems can thams cad kyi the tshom gcad par yongs su bsngos pa ni shes rab kyi dbang po'o/ /rigs kyi bu gzhan yang sangs rgyas thams cad kyi byang chub dang bsam pa mi phyed par gyur pa ni byang chub sems dpa'i dad pa'i dbang po'o/ /lhag pa'i bsam pa khyad par du 'gro ba ni brtson 'grus kyi dbang po'o/ /yongs su bsngo ba la mkhas pa ni dran pa'i dbang po'o/ /sems can thams cad la 'od zer mnyam par gtong ba ni ting 'dzin gyi dbang po'o/ /sems can thams cad kyi dbang po yongs su shes pa ni shes rab kyi dbang po'o/ /rigs kyi bu gzhan yang sems can thams cad chags pa las shin du 'da' bar byed pa ni byang chub sems dpa'i dad pa'i dbang po'o/ /sems can thams cad chags pa las shin du thar par byed pa ni brtson 'grus kyi dbang po'o/ /gang la yang mi chags pa ni dran pa'i dbang po'o/ /sems can thams cad kyi chags pa mnyam pa nyid du khong du chud pa ni ting nge 'dzin gyi dbang po'o/ /gang chags pa dang mi chags pa thams cad shes pa 'di ni shes</font><hr>83.253b<br><font size=+1>

rab kyi dbang po'o/ /rigs kyi bu gzhan yang gang rnyog pa med par 'gyur ba 'di ni dad pa'i dbang po'o/ /sems rnyog pa can dang bar byed pa gang yin pa de ni brtson 'grus kyi dbang po'o/ /gang rnyog pa med pa'i chos nyid kyi dran pa mi 'dor ba 'di ni dran pa'i dbang po'o/ /gang sems rnyog pa med par ting nge 'dzin dang snyoms par 'jug pa dang ldang ba shes pa 'di ni ting nge 'dzin gyi dbang po'o/ /gang rnyog pa med pa'i chos thob pas rnyog pa can du gyur pa rnams rnyog pa med pa'i chos nyid la rab tu 'god pa 'di ni shes rab kyi dbang po'o/ /rigs kyi bu gzhan yang mi dge ba'i chos thams cad spong ba ni byang chub sems dpa'i dad pa'i dbang po'o/ /dge ba'i chos thams cad yang dag par sgrub pa ni brtson 'grus kyi dbang po'o/ /dge ba'i chos bsgrubs pa dang ma bsgrubs pa rnams mi brjed pa ni dran pa'i dbang po'o/ /gang ting nge 'dzin gyi dga' ba dang bde ba mi 'dod cing sems can thams cad phan pa dang bde ba'i phyir bsam gtan byed pa 'di ni ting nge 'dzin gyi dbang po'o/ /gang dge ba dang mi dge ba'i chos rnams mnyam pa nyid du so so rang gis shes pa 'di ni shes rab kyi dbang po'o/ /rigs kyi bu gzhan yang byang chub sems dpa' dad pas ni 'dor ro/ /brtson 'grus kyis ni yang dag par sgrub bo/ /dran pas ni chud mi gzon to/ /ting nge 'dzin gyis ni srung ngo / /shes rab kyis ni rnam par 'byed do/ /rigs kyi bu gzhan yang byang chub sems dpa' dad pas ni bdag tu 'dzin pa rab tu spong ngo / /brtson 'grus kyis ni bdag gir 'dzin pa 'dor ro/ /dran pas ni 'jig tshogs la lta ba las shin tu 'da'o/ /ting nge 'dzin gyis ni lta bar gyur pa drug bcu rtsa gnyis 'dor ro/ /shes rab kyis ni bag chags kyi mtshams sbyor bar gyur pa'i nyon mongs pa rnams rab tu spong ste/ rigs kyi bu 'di ni byang chub sems dpa'i dbang po'i spyod pa yongs su dag pa'o/ /rigs kyi bu de la</font><hr>83.254a<br><font size=+1>

byang chub sems dpa'i stobs kyi spyod pa yongs su dag pa gang zhe na/ gang dbang po de dag gis nye bar brtan nas bdud thams cad kyis mi rdzi bar 'gyur ba dang / nyan thos dang rang sangs rgyas kyi theg pa gnyis kyis mi 'phrogs par 'gyur ba dang / theg pa chen po 'di las phyir mi ldog par 'gyur ba dang / nyon mongs pa thams cad kyis mi thul bar 'gyur ba dang / sngon gyi dam bcas pa la brtan par 'gyur ba dang / sems kyis shin du brtan par 'gyur ba dang / lus kyis stobs dang ldan par 'gyur ba dang / dbang po rnams sbed par 'gyur ba dang / dgra rnams kyis mi tshugs par 'gyur ba dang / phas kyi rgol ba thams cad kyis mi bskyod par 'gyur ba'o/ /rigs kyi bu de ltar na byang chub sems dpa'i dad pa'i stobs kyis ni bya ba ma yin pa mi byed do/ /brtson 'grus kyi stobs kyis ni bya ba byed do/ /dran pa'i stobs kyis ni byas pa'i las chud mi gzon to/ /ting nge 'dzin gyi stobs kyis ni gzugs dang / sgra dang dri dang ro dang reg pa rnams kyis rma mi phyin to/ /shes rab kyi stobs kyis ni 'gyod pa dang / kun nas ldang ba thams cad las shin du 'da'o/ /rigs kyi bu gzhan yang byang chub sems dpa'i dad pa'i stobs kyis ni yang gzhan la dad pas mi 'gro'o/ /brtson 'grus kyi stobs kyis ni bar ma dor zhum par mi 'gyur ro/ /dran pa'i stobs kyis ni gzungs dang spobs pa rab tu 'thob bo/ /ting nge 'dzin gyi stobs kyis ni mtshungs par chos ston to/ /shes rab kyi stobs kyis ni sems can thams cad kyi the tshom thams cad gcod do/ /rigs kyi bu gzhan yang byang chub sems dpa'i dad pa'i stobs kyis ni mos pa'i stobs yongs su rdzogs par byed do/ /brtson 'grus kyi stobs kyis ni rnam par grol ba'i stobs yongs su rdzogs par byed do/ /dran pa'i stobs kyis ni rnam par grol ba'i ye shes mthong ba'i stobs yongs su rdzogs par</font><hr>83.254b<br><font size=+1>

byed do/ /ting nge 'dzin gyi stobs kyis ni sems dang bsam pa'i stobs yongs su rdzogs par byed do/ /shes rab kyi stobs kyis ni sems can thams cad kyi spyod pa tshim par byed do/ /rigs kyi bu gzhan yang byang chub sems dpa'i dad pa'i stobs kyis ni ser sna'i dri ma rab tu spong ngo / /brtson 'grus kyi stobs kyis ni bdag gi bdog pa thams cad yongs su gtong ngo / /dran pa'i stobs kyis ni byang chub tu yongs su sngo'o/ /ting nge 'dzin gyi stobs kyis ni mnyam pa'i sems kyis 'dor ro/ /shes rab kyi stobs kyis ni rnam par smin pa la re ba med do/ /rigs kyi bu gzhan yang byang chub sems dpa'i dad pa'i stobs kyis ni 'chal ba'i tshul khrims kyi dri ma rab tu spong ngo / /brtson 'grus kyi stobs kyis ni bslab pa rnams las mi 'da'o/ /dran pa'i stobs kyis ni byang chub tu yongs su sngo'o/ /ting nge 'dzin gyi stobs kyis ni dul ba dang zhi ba dang cang shes kyi sa la 'gro'o/ /shes rab kyi stobs kyis ni mngon par 'du byed pa'i tshul khrims rab tu spong ngo / /rigs kyi bu gzhan yang byang chub sems dpa'i dad pa'i stobs kyis ni gnod sems kyi dri ma rab tu spong ngo / /brtson 'grus kyi stobs kyis ni bzod pa sgom mo/ /dran pa'i stobs kyis ni byang chub tu yongs su sngo'o/ /ting nge 'dzin gyi stobs kyi ni sems can rnams rjes su srung ngo / /shes rab kyi stobs kyis ni bdag dang sems can dang / bzod pa la rnam par mi rtog go /rigs kyi bu gzhan yang byang chub sems dpa'i dad pa'i stobs kyis ni le lo'i dri ma rab tu spong ngo / /brtson 'grus kyi stobs kyis ni rtsom pa thams cad nyams 'og tu chud par byed do/ /dran pa'i stobs kyis ni byang chub tu yongs su sngo'o/ /ting nge 'dzin gyi stobs kyis ni lus dang sems shin tu sbyangs pa sgrub bo/ /shes rab kyi stobs kyis ni mi byed rnam par mi byed do/ /rigs kyi bu gzhan yang byang chub sems dpa'i dad pa'i</font><hr>83.255a<br><font size=+1>

stobs kyis ni rnam par g.yeng ba'i dri ma rab tu spong ngo / /brtson 'grus kyi stobs kyis ni bsam gtan gyi yan lag rnams yang dag par sgrub bo/ /dran pa'i stobs kyis ni rtse gcig tu yongs su sngo'o/ /ting nge 'dzin gyi stobs kyis ni ting nge 'dzin las mi g.yo'o/ /shes rab kyi stobs kyis ni bsam gtan de la chags pa rab tu spong ngo / /rigs kyi bu gzhan yang byang chub sems dpa' dad pa'i stobs kyis ni 'chal pa'i shes rab kyi dri ma rab tu spong ngo / /brtson 'grus kyis stobs kyis ni thos pa yongs su tshol lo/ /dran pa'i stobs kyis ni tshul bzhin la rab tu sbyor ro/ /ting nge 'dzin gyi stobs kyis ni sems nges par sems pa rab tu 'thob bo/ /shes rab kyi stobs kyis ni nan tan gyis yang dag par sgrub bo/ /rigs kyi bu gzhan yang byang chub sems dpa'i dad pa'i stobs kyis ni nor bdun rab tu 'thob bo/ /brtson 'grus kyi stobs kyis ni byang chub kyi yan lag bdun rab tu 'thob bo/ /dran pa'i stobs kyis ni rjes su dran pa drug rab tu 'thob bo/ /ting nge 'dzin gyi stobs kyis ni rnam par shes pa gnas pa bdun las shin du 'da'o/ /shes rab kyi stobs kyis ni log pa nyid du nges pa brgyad las shin du 'da'o/ /rigs kyi bu gzhan yang gang mi phyed cing sems dang bsam pa rnyog pa med pa 'di ni byang chub sems dpa'i dad pa'i stobs kyi spyod pa yongs su dag pa'o/ /gang phyir mi ldog cing blang ba med la dor ba med pa 'di ni pa 'di ni brtson 'grus kyi stobs kyi spyod pa yongs su dag pa'o/ /gang dran pa sngon du 'gro la dran pa med cing yid la byed pa med pa 'di ni dran pa'i stobs kyi spyod pa yongs su dag pa'o/ /gang sems rab tu dul bas rang bzhin gyis ting nge 'dzin dang snyoms par 'jug pa dang ldan pa shes pa 'di ni ting nge 'dzin gyi stobs kyi spyod pa yongs su dag pa'o/ /gang lta ba thams cad sel ba la mkhas pa 'di ni shes rab kyi stobs kyi spyod pa</font><hr>83.255b<br><font size=+1>

yongs su dag pa'o/ /rigs kyi bu gzhan yang dang bar byed pa'i mtshan nyid ni byang chub sems dpa'i dad pa'i stobs kyi spyod pa yongs su dag pa'o/ /phyir mi ldog pa'i mtshan nyid ni brtson 'grus kyi stobs kyi spyod pa yongs su dag pa'o/ /mi brjed pa'i mtshan nyid ni dran pa'i stobs kyi spyod pa yongs su dag pa'o/ /rnam par g.yeng ba med pa'i mtshan nyid ni ting nge 'dzin gyi stobs kyi spyod pa yongs su dag pa'o/ /so sor rtog pa'i mtshan nyid ni shes rab kyi stobs kyi spyod pa yongs su dag pa ste/ rigs kyi bu 'di ni byang chub sems dpa'i stobs kyi spyod pa yongs su dag pa'o/ /rigs kyi bu de la byang chub sems dpa'i byang chub kyi yan lag gi spyod pa yongs su dag pa gang zhe na/ rigs kyi bu byang chub sems dpa'i byang chub kyi yan lag rnams shes bya ba ni bdun te/ bdun gang zhe na 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang brtson 'grus yang dag byang chub kyi yan lag dang dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag go /de la dran pa yang dag byang chub kyi yan lag ni gang byang chub kyi phyogs kyi chos bsags shing bsags pa rnams chud mi gzon pa yin te/ 'di ni dran pa yang dag byang chub kyi yan lag go /chos rnam par 'byed pa yang dag byang chub kyi yan lag ni gang lhag mthong gi tshogs dang zung du 'brel bar 'gyur ba yin te/ 'di ni chos rnam par 'byed pa yang dag byang chub kyi yan lag go /brtson 'grus yang dag byang chub kyi yan lag ni gang spong ba khyad par du 'gro bar 'gyur ba yin te/ 'di ni brtson 'grus yang dag byang chub kyi yan</font><hr>83.256a<br><font size=+1>

lag go /dga' ba yang dag byang chub kyi yan lag ni gang mi dga' ba sel bar 'gyur ba yin te/ 'di ni dga' ba yang dag byang chub kyi yan lag go /shin du sbyangs pa yang dag byang chub kyi yan lag ni gang lus dang sems shin du byang bar 'gyur ba yin te/ 'di ni shin du sbyangs pa yang dag byang chub kyi yan lag go /ting nge 'dzin yang dag byang chub kyi yan lag ni gang rnam par grol ba snying por 'gyur ba yin te/ 'di ni ting nge 'dzin yang dag byang chub kyi yan lag go /btang snyoms yang dag byang chub kyi yan lag ni gang byed pa byas par 'gyur ba yin te/ 'di ni btang snyoms yang dag byang chub kyi yan lag ces bya'o/ /rigs kyi bu gzhan yang gang byang chub kyi bsam pa mi brjed pa 'di ni dran pa yang dag byang chub kyi yan lag go /gang dam pa'i chos yongs su 'dzin pa la brtson pa 'di ni chos rnam par 'byed pa yang dag byang chub kyi yan lag go /gang sems can yongs su smin par byed pas yongs su mi skyo ba 'di ni brtson 'grus yang dag byang chub kyi yan lag go /gang dam pa'i chos kyi kun dga' la dga' bas gnas pa 'di ni dga' ba yang dag byang chub kyi yan lag go /gang shin du sbyangs pa la sems can rnams rab tu 'god pa 'di ni shin du sbyangs pa yang dag byang chub kyi yan lag go /gang ting nge 'dzin la sems can rnams rab tu 'god pa 'di ni ting nge 'dzin yang dag byang chub kyi yan lag go /gang mngon sum du shes pa btang snyoms pa la sems can rnams rab tu 'god pa 'di ni btang snyoms yang dag byang chub kyi yan lag go /rigs kyi bu gzhan yang gang nyan thos dang rang sangs rgyas kyi theg pa gnyis dran pa med cing yid la mi byed pa 'di ni dran pa yang dag byang chub kyi yan lag gi spyod pa yongs su dag pa'o/ /gang chos thams cad kyi tshig rab tu dbye ba'i ye shes la mkhas pa 'di ni chos</font><hr>83.256b<br><font size=+1>

rnam par 'byed pa yang dag byang chub kyi yan lag gi spyod pa yongs su dag pa'o/ /gang lus dang ngag dang / yid kyi las rtul ba 'di ni brtson 'grus yang dag byang chub kyi yan lag gi spyod pa yongs su dag pa'o/ /gang rjes su chags pa dang khong khro ba spong ba 'di ni dga' ba yang dag byang chub kyi yan lag gi spyod pa yongs su dag pa'o/ /gang bya ba byas pa dang byed pa byas pa 'di ni shin du sbyangs pa yang dag byang chub kyi yan lag gi spyod pa yongs su dag pa'o/ /gang 'jig rten gyi bya ba thams cad kyi rjes su 'jug kyang gcig tu snyoms par zhugs par yang 'gyur ba 'di ni ting nge 'dzin yang dag byang chub kyi yan lag gi spyod pa yongs su dag pa'o/ /gang gnyis su med pa'i chos la rab tu gnas te rtog pa dang sel ba med cing btang snyoms par yang kun du snang la sems can la yang lta ba 'di ni btang snyoms yang dag byang chub kyi yan lag gi spyod pa yongs su dag pa'o/ /rigs kyi bu gzhan yang byang chub sems dpa' gang chos thams cad khong du chud par byed pa dang rjes su rtogs par byed pa dang / rab tu shes par byed pa dang 'jal bar byed pa dang / nye bar rtog pa khong du chud cing sems can gyi spyod pa mtho ba dang dma' ba thams cad rtogs te/ de la gnas nas kyang ngan song du 'gyur ba'i lam sgom pa dang dngos po dang dngos po med pa'i bag la nyal ba dang / kun nas dkris pa dang bral ba 'di dag ni rigs kyi bu byang chub sems dpa'i byang chub kyi yan lag rnams shes bya ste/ 'di ni 'phags pa rnams kyi spyod yul yin gyi/ 'phags pa ma yin pa rnams kyi ni ma yin no/ /'phags pa rnams kyi spyod pa gang yin pa de ni bdud sdig can rnams kyi spyod yul ma yin no/ /'phags pa rnams kyi spyod yul gang yin pa de ni nga rgyal can thams cad kyi spyod yul ma yin no/ /'phags pa rnams</font><hr>83.257a<br><font size=+1>

kyi spyod yul gang yin pa de ni phas kyi rgol ba thams cad kyi spyod yul ma yin no/ /'phags pa rnams kyi spyod yul gang yin pa de ni mtshan ma la dmigs pa thams cad kyi spyod yul ma yin no/ /'phags pa rnams kyi spyod yul gang yin pa de ni gzugs dang / sgra dang dri dang ro dang reg pa dang / chos thams cad kyi spyod yul ma yin no/ /'phags pa rnams kyi spyod yul gang yin pa de ni tshor ba yongs su 'dzin pa thams cad kyi spyod yul ma yin no/ /'phags pa rnams kyi spyod yul gang yin pa de ni sems dang / yid dang rnam par shes pa rnams kyi spyod yul ma yin no/ /'phags pa rnams kyi spyod yul gang yin pa de ni mthong ba dang / thos pa dang bye brag phyed pa dang / rnam par rig pa'i chos rnams kyi spyod yul ma yin no/ /'phags pa rnams kyi spyod yul gang yin pa de ni tha na mya ngan las 'da' ba'i 'du shes yid la byed pa rnams kyi spyod yul yang ma yin te/ chos thams cad kyi spyod yul ma yin pa de ni 'phags pa rnams kyi spyod yul lo/ /chos thams cad la rtog pa dang rnam par rtog pa dang / yongs su rtog pa'i spyod yul ma yin pa ni 'phags pa rnams kyi spyod yul lo/ /chos thams cad kun nas mi ldang ba'i spyod yul ni 'phags pa rnams kyi spyod yul lo/ /chos thams cad dang mi mthun pa'i spyod yul ni 'phags pa rnams kyi spyod yul lo/ /chos thams cad rtsod pa med pa'i spyod yul ni 'phags pa rnams kyi spyod yul lo/ /chos thams cad mtshan ma med pa'i spyod yul ni 'phags pa rnams kyi spyod yul lo/ /rigs kyi bu de ltar gang 'phags pa'i spyod yul yongs su dag pa 'di ni byang chub sems dpa'i byang chub kyi yan lag gi spyod pa yongs su dag pa'o/ /rigs kyi bu de la byang chub sems dpa'i lam gyi spyod pa yongs</font><hr>83.257b<br><font size=+1>

su dag pa gang zhe na 'di lta ste/ yang dag pa'i lta ba dang yang dag pa'i rtog pa dang / yang dag pa'i ngag dang yang dag pa'i las kyi mtha' dang / yang dag pa'i 'tsho ba dang yang dag pa'i rtsol ba dang / yang dag pa'i dran pa dang yang dag pa'i ting nge 'dzin to/ /yang dag pa'i lta ba zhes smos pa de la yang dag pa'i lta ba gang zhe na/ gang chos thams cad mnyam pa nyid ni yang dag pa'i lta ba zhes bya ste/ de bdag tu lta ba dang sems can du lta ba dang srog tu lta ba dang / gang zag tu lta ba dang stong pa nyid du lta ba yang ldang bar mi byed do/ /de ci'i phyir zhe na/ bdag tu lta ba dang sems can du lta ba dang srog tu lta ba dang / gang zag tu lta ba dang stong pa nyid du lta ba de ni mtshungs so/ /de chad par lta ba dang rtag par lta ba dang / stong pa nyid du lta ba ldang bar mi byed do/ /de ci'i phyir zhe na/ chad par lta ba dang / rtag par lta ba dang / stong pa nyid du lta ba de ni mtshungs so/ /de 'byung bar lta ba dang 'jig par lta ba dang stong pa nyid du lta ba yang ldang bar mi byed do/ /de ci'i phyir zhe na/ 'byung bar lta ba dang 'jig par lta ba dang / stong pa nyid du lta ba de ni mtshungs so/ /de 'jig tshogs la lta ba dang ngar 'dzin pa lta ba dang / nga yir 'dzin par lta ba dang stong pa nyid du lta ba ldang bar mi byed do/ /de ci'i phyir zhe na/ 'jig tshogs la lta ba dang / ngar 'dzin par lta ba dang nga yir 'dzin par lta ba dang stong pa nyid du lta ba de ni mtshungs so/ /de sangs rgyas su lta ba dang chos su lta ba dang / dge 'dun du lta ba dang stong pa nyid du lta ba yang ldang bar mi byed do/ /de ci'i phyir zhe na/ sangs rgyas su lta ba dang / chos su lta ba dang dge 'dun du lta ba dang / stong pa nyid du lta ba de ni mtshungs so/ /rigs kyi bu de ltar na lta ba'i dmigs pa ni ji tsam du chung ngu na mya ngan las 'das pa la lta ba'i dmigs pa yang rung ste/ de tsam du yang dag pa'i</font><hr>83.258a<br><font size=+1>

lta ba ma yin no/ /gang tha ma dang / rab dang 'bring gi lta bar gyur pa thams cad dang bral ba 'di ni yang dag pa'i lta ba zhes bya'o/ /de ci'i phyir zhe na/ 'di ltar de mnyam par lta'i mi mnyam par ma yin no/ /ji ltar na mnyam par lta'i mi mnyam par ma yin zhe na/ so so'i skye bo'i chos rnams ni dman pa/ slob pa'i chos rnams ni dam pa'o snyam du gal te de ltar lta na mi mnyam par lta ba'o/ /so so'i skye bo'i chos rnams ni zag pa dang bcas pa mi slob pa'i chos rnams ni zag pa med pa'o snyam du gal te ltar lta na mi mnyam par lta ba'o/ /so so'i skye bo'i chos rnams ni zang zing dang bcas pa rang sangs rgyas kyi chos rnams ni zang zing med pa'o snyam du gal te de ltar lta ba na mi mnyam par lta ba'o/ /so so'i skye bo'i chos rnams ni nyon mongs pa dang bcas pa byang chub sems dpa'i chos rnams ni nyon mongs pa med pa'o snyam du gal te de ltar lta na mi mnyam par lta ba'o/ /so so'i skye bo'i chos rnams ni 'dus byas yin/ sangs rgyas kyi chos rnams ni 'dus ma byas yin no snyam du gal te de ltar lta na mi mnyam par lta ba'o/ /nam so so'i skye bo'i chos kyi rang bzhin gyis chos thams cad slob pa'i chos kyi rang bzhin gyi ngo bo nyid du mthong ste/ de ltar lta ba ni yang dag pa'i lta ba zhes bya'o/ /so so'i skye bo'i chos stong pa nyid dang / mi slob pa'i chos stong pa nyid mtshungs par mthong ste/ de ltar lta ba ni yang dag pa'i lta ba zhes bya'o/ /so so'i skye bo'i chos kyi rkyen mnyam pa nyid khong du chud pa dang / rang sangs rgyas kyi chos kyi rkyen mnyam pa nyid khong du chud pa mtshungs par mthong ste/ de ltar lta ba ni yang dag pa'i lta ba zhes bya'o/ /so so'i skye bo'i chos dben pa dang / byang chub sems dpa'i chos dben pa nyid mtshungs par mthong ste/ de ltar lta ba ni yang dag pa'i lta ba zhes bya'o/ /so so'i skye bo'i chos yongs su grub pa med pa mnyam pa nyid dang / sangs rgyas kyi chos yongs su grub pa med pa mnyam</font><hr>83.258b<br><font size=+1>

pa nyid mtshungs par mthong ste/ de ltar lta ba ni yang dag pa'i lta ba zhes bya'o/ /gang mtshungs par mthong ba de phyir yang gnyis la blo mi 'jug ste/ gang gnyis su med par mthong ba de yang dag par mthong ba'o/ /gang mtshungs par mthong ba de yang tha dad du mi byed do/ /tha dad med par mthong ba ni yang dag pa mthong ba'o/ /gang mtshungs par mthong ba de tha ma dang 'bring dang / rab kyi chos la rnam par rtog pa mi skyed de/ chos thams cad rnam par rtog pa med par mthong ba ni yang dag pa mthong ba'o/ /gang mtshungs par mthong ba ni mthong ba ci yang med de mthong ba ci yang med pa ni yang dag pa mthong ba'o/ /gang mtshungs par mthong ba de la ni chos gang yang snang bar mi 'gyur te/ chos thams cad snang ba med par mthong ba de ni yang dag pa mthong ba'o/ /rigs kyi bu gang chos 'di dag de ltar mthong ba 'di ni yang dag pa mthong ba'o/ /ji lta ba bzhin du mthong ba dang / mnyam pa nyid du mthong ba 'di ni legs par gsungs pa'i chos 'dul ba la yang dag pa'i lta ba zhes bya'o/ /yang dag pa'i lta ba bstan pa 'di bshad pa na dge slong lnga brgya ni len pa med par zag pa rnams las sems rnam par grol lo/ /byang chub sems dpa' stong phrag mang po zhig ni mnyam pa nyid kyi chos nyid las bzod pa skyes so/ /rigs kyi bu de la byang chub sems dpa'i yang dag pa'i rtog pa gang zhe na/ rtog pa gang rtog pa spong bar 'gyur ba'o/ /de yang gang zhe na/ 'di lta ste/ zhi gnas kyi yongs su bsdus pa'i lhag mthong la mkhas pa ste/ de chos gang zhig chos gang dang ldan snyam du de chos de chos de dag la rnam par lta'o/ /rnam par rtog go /de chos thams cad phan tshun mi ldan pa dang / rab tu ldan pa ma yin pa dang ma 'dres par rab tu</font><hr>83.259a<br><font size=+1>

shes te/ des de ltar shes nas mnyam par yang mi rtog na gang mi mnyam par rtog par 'gyur ba lta ci smos te de ni gnas ma yin no/ /de chos su rtog pa dang yongs su rtog pa dang / rnam par rtog pa thams cad spangs te phyir yang mi rtog /rnam par mi rtog pa 'di ni yang dag pa'i rtog pa zhes bya'o/ /rigs kyi bu de la byang chub sems dpa'i yang dag pa'i ngag gang zhe na/ tshig gang gis bdag la yang mi gdung la gzhan la yang ma yin pa dang / bdag kyang kun nas nyon mongs par mi byed la gzhan la yang ma yin pa dang / bdag la yang mi gnod la gzhan la yang ma yin pa ste/ 'di ni yang dag pa'i ngag ces bya'o/ /gzhan yang yang dag pa'i ngag ni tshig gang gis chos thams cad mnyam pa nyid du nges par rtog pa'o/ /de'i chos nges par rtog pa de yang chos nges pa'i tshig des 'byung ba 'di ni yang dag pa'i ngag ces bya'o/ /gzhan yang yang dag pa'i ngag ni gang mdza' ba dang / mi mdza' ba rnams la ngag mnyam pa dang / chos thams cad stong pa'o zhes ngag mnyam pa dang / chos thams cad mtshan ma med pa dang / smon pa med pa dang mngon par 'du mi byed pa dang ma skyes pa dang / ma byung ba'o zhes ngag mnyam pa dang / 'du byed thams cad mi rtag pa'o/ /'du byed thams cad sdug bsngal ba'o/ /chos thams cad ni bdag med pa'o/ /mya ngan las 'das pa ni zhi ba'o zhes ngag mnyam pa dang / chos thams cad ni bdag med pa dang / sems can med pa dang srog med pa dang / gang zag med pa dang / bdag dang bral ba'o zhes ngag mnyam pa dang / chos thams cad ni rten cing 'brel bar 'byung ba ste/ ngo bo nyid med pa'o zhes ngag mnyam pa dang / rgyu ci 'dra ba 'bras bu yang de 'dra'o zhes ngag mnyam pa'o/ /gzhan yang yang dag pa'i ngag ces</font><hr>83.259b<br><font size=+1>

ces bya ba ni gang sems can gzhan rnams dang / gang zag gzhan dag yang dag pa'i chos la 'dzud pa dang / byang chub yang dag par 'dzin du 'jug pa yin te 'di ni yang dag pa'i ngag ces bya'o/ /de la yang dag pa'i ngag yongs su dag pa gang zhe na/ ngag thams cad sangs rgyas kyis yongs su zin par 'byung ba ste/ rigs kyi bu 'di ni byang chub sems dpa'i yang dag pa'i ngag yongs su dag pa zhes bya'o/ /rigs kyi bu de la byang chub sems dpa'i yang dag pa'i las kyi mtha' gang zhe na/ las gang las zad par 'gyur gyi/ las mngon par 'du bya ba'i phyir ma yin pa dang / las gang nyon mongs pa nye bar zhi bar 'gyur gyi/ nyon mongs pa 'bar ba'i phyir ma yin pa dang / las gang nyon mongs pa dang bral bar 'gyur gyi/ nyon mongs pa skye ba'i phyir ma yin pa ste/ 'di ni yang dag pa'i las kyi mtha' zhes bya'o/ /rigs kyi bu gzhan yang byang chub sems dpa'i yang dag pa'i las kyi mtha' ni gang chos 'di dag 'di ltar rab tu shes shing dge ba'i mngon par 'du bya ba thams cad mngon par 'du byed kyang de'i mngon par 'du bya ba de dag kyang gso ba nyid du snang ba dang / gsog nyid dang snying po med pa nyid dang / stong pa nyid du snang ba ste/ rigs kyi bu 'di ni byang chub sems dpa'i byang chub kyi rnam pas mngon par bsgrubs pa'i yang dag pa'i las kyi mtha'o/ /rigs kyi bu de la byang chub sems dpa'i yang dag pa'i 'tsho ba gang zhe na/ 'tsho ba gang bdag la yang gnod par mi 'gyur gzhan la yang gnod par mi 'gyur/ gnyis ga la yang gnod par mi 'gyur ba ste/ 'di ni yang dag pa'i 'tsho ba zhes bya'o/ /gzhan yang yang dag pa'i 'tsho ba ni 'tsho ba gang nyon mongs pa thams cad mi sogs pa ste/ 'di ni yang dag pa'i 'tsho ba zhes bya'o/ /byang chub sems dpa'i yang dag pa'i 'tsho ba zhes bya ba ni gang sems can thams cad kyi 'tsho ba yongs su dag par 'gyur ba</font><hr>83.260a<br><font size=+1>

ste 'tsho ba yongs su dag pa de la ha cang yang 'dud par yang mi byed/ mi 'dud par yang mi byed la/ 'tsho ba gang gis bdag gi don dang gzhan gyi don dang / chos kyi don yongs su rdzogs par 'gyur ba 'di ni rigs kyi bu byang chub sems dpa'i yang dag pa'i 'tsho ba'o/ /rigs kyi bu de la byang chub sems dpa'i yang dag pa'i rtsol ba gang zhe na/ gang dge zhing zab pa'i chos de dag yang dag pa bsgrub pa'i phyir sems yang dag par rab tu 'dzin pa dang / 'dun pa dang / brtson pa dang / spro ba dang / rtsom pa dang / mi zhum pa dang / yang dag pa'i nan tan gyis mngon du byed pa ste/ 'di ni yang dag pa'i rtsol ba zhes bya'o/ /gzhan yang yang dag pa'i rtsol ba ni gang mnyam par rtsol gyi/ mi mnyam par ma yin no/ /ji ltar na mnyam par rtsol gyi/ mi mnyam par ma yin zhe na/ gang chos rnams mnyam par yang mi byed mi mnyam par yang mi byed la byed pa med cing rnam par mi byed pa'o/ /chos de dag gi chos nyid dang chos gnas pa nyid ji lta ba de bzhin du rtsol ba'o/ /chos de dag gi yang dag pa'i chos nyid ji lta ba de bzhin du rtsol ba'o/ /chos de dag gi mnyam pa nyid dang bye brag tu bya ba med pa ji lta ba de bzhin du rtsol ba'o/ /yang dag pa'i rtsol ba de yang sems can thams cad kyi log pa'i rtsol ba spang ba'i phyir thams cad mkhyen par yongs su sngo ba yin te/ rigs kyi bu 'di ni byang chub sems dpa'i yang dag pa'i rtsol ba'o/ /rigs kyi bu de la byang chub sems dpa'i yang dag pa'i dran pa gang zhe na/ gang byang chub kyi sems dran pa dang / sbyin pa dran pa dang tshul khrims dran pa dang bzod pa dran pa dang brtson 'grus dran pa dang / bsam gtan dran pa dang shes rab dran pa dang / byams pa dang snying rje dang dga' ba dang / btang snyoms dran pa ste/ 'di ni yang dag pa'i dran pa zhes bya'o/ /rigs kyi bu gzhan yang byang chub sems dpa'i yang dag pa'i dran pa ni yang dag pa'i dran pa gang gis nyon mongs pa thams cad kyi skabs mi 'dod pa dang / dran pa gang gis bdud kyi</font><hr>83.260b<br><font size=+1>

las thams cad kyi skabs mi 'byed pa dang / dran pa gang gis lam gol ba dang / lam ngan par mi ltung ba dang dran pa sgo ba lta bur gyur pa gang gis sems dang sems las byung ba'i chos mi dge ba thams cad kyi skabs mi 'byed pa ste/ 'di ni yang dag pa'i dran pa zhes bya'o/ /gzhan yang byang chub sems dpa'i yang dag pa'i dran pa ni dran pa gang gis dran pa phun sum tshogs pa dang / skyon med pa'i rigs thob kyang 'bras bu mngon sum du mi byed pa ste/ rigs kyi bu 'di ni byang chub sems dpa'i yang dag pa'i dran pa'o/ /rigs kyi bu de la byang chub sems dpa'i yang dag pa'i ting nge 'dzin gang zhe na/ gang 'phags pa'i rnam par thar par gyur ba'i ting nge 'dzin te/ sdug bsngal gyi bden pa yongs su shes pa dang 'thun pa/ kun 'byung ba'i bden pa spang ba dang 'thun pa/ 'gog pa'i bden pa mngon du bya ba dang 'thun pa/ lam gyi bden pa bsgom pa dang 'thun pa ste/ 'di ni yang dag pa'i ting nge 'dzin ces bya'o/ /bdag mnyam pa nyid pas chos thams cad mnyam pa nyid dang / bdag rnam par dag pas chos thams cad rnam par dag pa dang / bdag stong pa nyid pas chos thams cad stong pa nyid du yang dag par snyoms par 'jug la/ gang de ltar snyoms par 'jug cing yang dag pa nyid la 'jug kyang nges par yang mi ltung ba 'di ni byang chub sems dpa'i yang dag pa'i ting nge 'dzin to/ /yang dag pa'i ting nge 'dzin gang gis sems kyi skad cig gcig dang ldan pa'i shes rab kyis thams cad mkhyen pa dang / rnam pa thams cad mkhyen pa'i ye shes mngon par rdzogs par 'tshang rgya ba 'di ni rigs kyi bu byang chub sems dpa'i yang dag pa'i ting nge 'dzin ces bya ste/ 'di ni byang chub sems dpa'i lam gyi spyod pa yongs su dag pa'o/ /byang chub kyi phyogs kyi chos kyi spyod pa yongs su dag pa 'di bstan pa na lha dang mi srog</font><hr>83.261a<br><font size=+1>

chags nyan thos kyi theg pa can nges par gyur pa la ma zhugs pa khri drug stong bla na med pa yang dag par rdzogs pa'i byang chub tu sems skyes so// // bam po gsum pa ste tha ma/ de nas bcom ldan 'das kyis yang byang chub sems dpa' sems dpa' chen po gtsug na rin po che la bka' stsal pa/ rigs kyi bu de la byang chub sems dpa'i mngon par shes pa'i spyod pa yongs su dag pa gang zhe na/ rigs kyi bu 'di la byang chub sems dpa'i lha'i mig gi mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na 'di lta ste/ phyogs bcur rnam par lta bas snang ba thob pa de ni de'i lha'i mig yin no/ /phyogs bcu'i sangs rgyas thams cad la yang dag par lta bas mun pa mun nag dang bral ba de ni de'i lha'i mig yin no/ /sems can thams cad kyi 'chi 'pho dang / skye ba la yang dag par lta bas shin du nges par brtags pa de ni de'i lha'i mig yin no/ /phyogs bcu'i gzugs snang ba dang kha dog dang mtshan dang / dbyibs la yang dag par lta bas shin du brgyan pa de ni de'i lha'i mig yin no/ /rang gi gzi brjid grub pas mngon par 'du mi byed pa'i mtshan nyid du lha dang / klu dang / gnod sbyin dang / dri za thams cad dang nyan thos dang / rang sangs rgyas thams cad kyi spyi bor phyin pa de ni de'i lha'i mig yin te/ rigs kyi bu rnam pa 'di lnga ni byang chub sems dpa'i lha'i mig gi mngon par shes pa'i spyod pa yongs su dag pa'o/ /de lha'i rna ba'i mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na/ gang gis mi'i sgra rnams thos par 'gyur ba dang / mi ma yin pa'i sgra rnams thos par 'gyur ba dang / sems can dmyal ba pa dang / dud 'gro'i skye gnas pa dang / gshin rje'i 'jig rten pa'i sgra rnams thos par 'gyur ba dang / sangs rgyas kyi chos bstan pa'i sgra thams cad thos par 'gyur ba dang / </font><hr>83.261b<br><font size=+1>

phyogs bcu'i skad dang sgra thams cad thos par 'gyur ba ste/ rigs kyi bu 'di ni byang chub sems dpa'i lha'i rna ba'i mngon par shes pa'i spyod pa yongs su dag pa rnam pa lnga'o/ /de pha rol gyi sems shes pa'i mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na/ gang gis lha dang mi dang / sems can dmyal ba pa dang / dud 'gro'i skye gnas pa dang / gshin rje'i 'jig rten pa'i sems can thams cad kyi sngon gyi mthar sems skyes pa gang yin pa de yang rab tu shes pa dang / phyi ma'i mthar sems skye bar 'gyur ba gang yin pa de yang rab tu shes pa dang / da ltar byung ba'i dus na sems skye ba gang yin pa de yang rab tu shes pa dang / rgyu dang rkyen dang / dmigs par ldan pa dang / nges pa dang ma nges pa dang / log pa nyid du nges pa dang / yang dag pa nyid du nges pa'i sems can rnams kyi sems kyi spyod pa rab tu shes pa dang / 'dod chags la spyod pa rnams dang / zhe sdang la spyod pa rnams dang / gti mug la spyod pa rnams dang / cha mnyam pa la spyod pa'i sems can rnams kyi sems kyi spyod pa rnams rab tu shes te/ shes nas kyang de kho na bzhin du de dang 'thun par chos ston pa ste/ rigs kyi bu 'di ni byang chub sems dpa'i pha rol gyi sems shes pa'i mngon par shes pa'i spyod pa yongs su dag pa rnam pa lnga'o de sngon gyi gnas rjes su dran pa'i mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na/ sems gang 'dod chags kyi rgyu las byung ba rnams dang / zhe sdang gi rgyu las byung ba rnams dang / gti mug gi rgyu las byung ba rnams dang / de dag gi lus ci 'dra ba yongs su bzung ba de dag kyang rjes su dran pa dang / sems gang sbyin pa'i rgyu las byung ba rnams dang / tshul khrims kyi rgyu las byung</font><hr>83.262a<br><font size=+1>

ba rnams dang / byams pa'i rgyu las byung ba rnams dang / snying rje'i rgyu las byung ba rnams dang / ting nge 'dzin gyi rgyu las byung ba rnams dang / de dag gis lus ci 'dra ba yongs su bzung ba de dag kyang rjes su dran pa dang / sems gang rgyu dang mi 'dra ba rnams dang / rkyen dang mi 'dra ba rnams dang / dmigs pa dang mi 'dra ba rnams dang / de dag gis lus ci 'dra ba yongs su bzung ba de dag kyang rjes su dran pa dang / sems gang lung du ma bstan pa rnams dang ma rig pa dang / gti mug gis yang dag par bsdus pa rnams dang / de dag gis lus ci 'dra ba yongs su bzung ba de dag kyang rjes su dran pa dang / de dag gi tshe dang kha dog dang gzugs dang gzi brjid dang / g.yog dang stobs dang grags pa dang brjod pa dang / dbang phyug ci 'dra bar gyur pa de yang rjes su dran pa ste/ rigs kyi bu 'di ni byang chub sems dpa'i sngon gyi gnas rjes su dran pa'i mngon par shes pa'i spyod pa yongs su dag pa rnam pa lnga'o/ /de rdzu 'phrul bya ba'i mngon par shes pa'i spyod pa yongs su dag pa rnam pa lnga dang ldan pa yin te/ rnam pa lnga gang zhe na/ 'di lta ste/ lus dang gzugs kun du ston pa'i rdzu 'phrul dang tshig dang skad rnam par rig par byed pa'i rdzu 'phrul dang / sems dang yid mngon par 'du byed pa'i rdzu 'phrul dang / sems can thams cad kyi skad du rnam par rig par byed pa'i rdzu 'phrul dang / mngon du mngon par 'du mi byed pa'i rdzu 'phrul te/ rdzu 'phrul bya ba'i mngon par shes pa'i spyod pa yongs su dag pa rnam pa 'di lnga dang ldan pa yin no/ /rigs kyi bu 'di ni byang chub sems dpa'i rdzu 'phrul bya ba'i mngon par shes pa'i spyod pa yongs su dag pa rnam pa lnga'o/ /rigs kyi bu gzhan yang shes rab kyi mig gis brtags pa ni byang chub</font><hr>83.262b<br><font size=+1>

sems dpa'i lha'i mig gis mngon par shes pa'i spyod pa yongs su dag pa'o/ /rnam par shes pa rab tu gnas pa ni lha'i rna ba'i mngon par shes pa'i spyod pa yongs su dag pa'o/ /rang bzhin gyis yongs su dag pa rab tu gnas pa ni shes pas pha rol gyi sems shes pa'i mngon par shes pa'i spyod pa yongs su dag pa'o/ /sngon gyi mtha' dang phyi ma'i mtha' yongs su gcod par rab tu gnas pa ni sngon gyi gnas rjes su dran pa'i mngon par shes pa'i spyod pa yongs su dag pa'o/ /mngon par 'du mi byed par rab tu gnas pa ni rdzu 'phrul gyi rkang pa'i mngon par shes pa'i spyod pa yongs su dag pa'o/ /rigs kyi bu mngon par shes pa rnams shes bya ba de ni zag pa zad pa'i ye shes kyi tshig bla dgas so/ /rigs kyi bu de ltar byang chub sems dpa' ni mngon par shes pa lnga po de dag gis rnams par rtsen cing zag pa zad pa'i ye shes la yang gnas so/ /rigs kyi bu 'di lta ste dper na/ dpag tshad brgya stong phrag bye ba bgrod dgos pa na grong khyer chen po zhig yod de/ grong khyer chen po de'i lam ni bgrod par dka' zhing ring la nyam nga ste/ 'jigs pa dang bcas pa/ zas dang skom dang bza' ba yang med pa zhig la/ gang grong khyer chen po der phyin pa de'i sdug bsngal thams cad rgyun chad par 'gyur ba zhig yod pa dang / de nas skyes bu la la zhig gis grong khyer chen po de'i yang dag pa'i yon tan dang bsngags pa thos nas skyes bu de la bu mthong na dga' ba/ sdug pa yid du 'ong ba mi mthun pa ma yin pa gcig kyang yod pa las/ des bu gcig pa de bor nas grong khyer chen po de'i lam du zhugs te/ de stobs kyi shugs dang brtson 'grus thams cad kyis</font><hr>83.263a<br><font size=+1>

sdug bsngal thams cad khyad du bsad de/ lam ring po de 'das nas rkang pa ya gcig ni grong khyer chen po de'i sgo'i them pa la bzhag /rkang pa ya gcig ni phyi rol na 'dug pa las des bu gcig pa de yid la dran par gyur nas de 'di snyam du sems te/ ma la kye ma'o bdag gis bu gcig pa de 'dir khrid de ma 'ongs pa lta zhig snyam nas/ bu gcig pa de sdug pas grong khyer chen po der ma zhugs kyi/ phyir phyogs nas de bu gcig pa de ga la 'dug par slar log pa de bzhin du/ rigs kyi bu byang chub sems dpa' sems dpa' chen po yang 'bad pa chen po dang / brtson 'grus rtsom pa chen po dang / lhag pa'i bsam pa brtan pa'i nan tan gyis mngon par shes pa lnga po rnams bskyed de/ sems kyis bsam gtan dang mngon par shes pa yongs su sbyang ba byas pa de la zag pa zad pa'i ye shes mngon sum du 'gyur ro/ /de snying rje chen po'i sems bskyed nas sems can thams cad yongs su bskyab pa'i phyir zag pa zad pa'i ye shes 'dris par byas pa las sems can rnams la lta bas phyir phyogs te slar log nas so so skye bo'i sa na yang kun du snang ngo / /rigs kyi bu grong khyer zhes bya ba de ni zag pa zad pa'i ye shes kyi tshig bla dgas so/ /dpag tshad brgya stong phrag bye ba bgrod dgos pa zhes bya ba de ni 'khor ba dpag tu med pa yongs su 'dzin pa'i tshig bla dgas so/ /bar du gcod pa mang pos bgrod ces bya ba de ni bdud kyi las 'dun pa zlog pa'i bar chad kyi tshig bla dgas so/ /skyes bu zhes bya ba de ni byang chub sems dpa'i tshig bla dgas so/ /rkang pa ya gcig ni grong khyer gyi sgo'i them pa la bzhag /rkang pa ya gcig ni sgo'i phyi rol du bzhag ces bya ba de ni 'di ltar byang chub sems dpa'i 'dus byas dang 'dus ma byas dang 'dres pa'i sems dang sems las byung ba</font><hr>83.263b<br><font size=+1>

rnams 'jug pa'o/ /bu gcig pa dran nas grong khyer chen po der zhugs pa las phyir phyogs te slar log ces bya ba de ni 'di ltar byang chub sems dpa' sems can thams cad la bu gcig pa bzhin du byams pa nye bar gnas par 'gyur ba'o/ /de zag pa zad pa'i spyi bor phyin kyang zag pa yang mi spong la sems can yongs su smin par bya ba'i phyir phyir phyogs shing ldog par yang 'gyur te/ rigs kyi bu byang chub sems dpa' rnams ci 'dra ba'i thabs mkhas pas sems can rnams la cher snying rje ba la ltos/ de nas bcom ldan 'das la byang chub sems dpa' sems dpa' chen po gtsug na rin po ches 'di skad ces gsol to/ /bcom ldan 'das byang chub sems dpa' sems dpa' chen po rnams 'di ltar byang chub lag mthil du thob pa yang mi 'tshal bar 'khor ba nyid kyi rjes su 'jug cing sems can yongs su smin par bgyid pas yongs su mi skyo ba ni ngo mtshar to/ /bcom ldan 'das byang chub sems dpa' sems dpa' chen po chos du zhig dang ldan pa 'khor ba na yongs su mi skyo ba lags/ bcom ldan 'das kyis bka' stsal pa/ rigs kyi bu byang chub sems dpa' sems dpa' chen po rnams chos nyi shu dang ldan na 'khor ba na yongs su mi skyo ba yin te/ chos nyi shu gang zhe na 'di lta ste/ dge ba'i rtsa bas yang dag par zin pa'i byams pa chen po dang byams pa chen pos yang dag par zin pa'i snying rje chen po dang / snying rje chen pos yang dag par zin pa'i sems can yongs su smin par byed pa dang / sems can yongs su smin par byed pas yang dag par zin pa'i brtson 'grus dang / brtson 'grus kyis yang dag par zin pa'i lhag pa'i bsam pa dang / lhag pa'i bsam pas yang dag par zin pa'i thabs dang / thabs kyis yang dag par zin pa'i shes rab dang / shes rab kyis yang dag par zin pa'i</font><hr>83.264a<br><font size=+1>

bsam gtan dang / bsam gtan gyis yang dag par zin pa'i mngon par shes pa dang / mngon par shes pas yang dag par zin pa'i ye shes dang / ye shes kyis yang dag par zin pa'i rtul pa dang / rtul pas yang dag par zin pa'i dran pa dang / dran pas yang dag par zin pa'i byang chub kyi sems kyi lhag pa'i bsam pa dang / byang chub kyi sems kyi lhag pa'i bsam pas yang dag par zin pa'i bsdu ba'i dngos po bzhi dang / bsdu ba'i dngos po bzhis yang dag par zin pa'i tshul khrims kyi sdom pa dang / tshul khrims kyi sdom pas yang dag par zin pa'i thos pa'i nan tan dang / thos pa'i nan tan gyis yang dag par zin pa'i gzungs dang / gzungs kyis yang dag par zin pa'i spobs pa dang spobs pas yang dag par zin pa'i bsod nams kyi tshogs dang / bsod nams kyi tshogs kyis yang dag par zin pa'i shes rab kyi tshogs te/ rigs kyi bu byang chub sems dpa' sems dpa' chen po chos nyi shu po de dag dang ldan na 'khor ba na yongs su mi skyo ba yin no/ /de nas bcom ldan 'das la byang chub sems dpa' sems dpa' chen po gtsug na rin po ches yang 'di skad ces gsol to/ /bcom ldan 'das ji ltar na byang chub sems dpa' sems dpa' chen po 'khor ba na mdzes shing skye bo mang po nye bar 'tsho bar 'gyur/ bcom ldan 'das kyis bka' stsal pa/ rigs kyi bu bsod nams kyis brgyan pa'i thos pas ni byang chub sems dpa' 'khor ba na mdzes so/ /thos pas brgyan pa'i spobs pas ni skye bo mang po nye bar 'tsho bar 'gyur ro/ /rigs kyi bu gzhan yang dran pa mnyam pa thob pa'i gzungs kyis ni byang chub sems dpa' 'khor ba na mdzes so/ /lag na rin po che mi zad pa'i longs spyod kyis ni skye bo mang po nye bar</font><hr>83.264b<br><font size=+1>

'tsho bar 'gyur ro/ /rigs kyi bu gzhan yang byang chub sems dpa' bag yod pas ni 'khor ba na mdzes so/ /chos ston pas yongs su mi skyo bas ni skye bo mang po nye bar 'tsho bar 'gyur ro/ /rigs kyi bu gzhan yang byang chub sems dpa' mtshan gyis legs par brgyan pas ni 'khor ba na mdzes so/ /ye shes kyis brgyan pas ni skye bo mang po nye bar 'tsho bar 'gyur ro/ /rigs kyi bu gzhan yang byang chub sems dpa' ji skad smras pa de bzhin byed pas ni 'khor ba na mdzes so/ /de bzhin du byed pa nyid kyis ni skye bo mang po nye bar 'tsho bar 'gyur ro/ /rigs kyi bu gzhan yang bdog pa thams cad yongs su gtong bas ni byang chub sems dpa' 'khor ba na mdzes so/ /so so ci rigs par chos ston pas ni skye bo mang po nye bar 'tsho bar 'gyur ro/ /rigs kyi bu gzhan yang tshul khrims yongs su dag pas ni byang chub sems dpa' 'khor ba na mdzes so/ /thos pa yongs su dag pas ni skye bo mang po nye bar 'tsho bar 'gyur ro/ /rigs kyi bu ji ltar bag yod pas byang chub sems dpa' 'khor ba na mdzes shing skye bo mang po nye bar 'tsho bar 'gyur ba de khyod kyis rnam grangs 'dis 'di ltar rig par bya'o/ /rigs kyi bu sngon byung ba 'das pa'i dus bskal pa grangs med pa bas kyang ches grangs med pa yangs pa tshad med pa/ bsam gyis mi khyab par gyur pa de'i tshe de'i dus na bskal pa dga' bar gyur pa zhes bya ba la 'jig rten gyi khams lhas rnam par bltas pa zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten thams cad mngon par dga' ba zhes bya ba</font><hr>83.265a<br><font size=+1>

'jig rten du byung ngo / /rigs kyi bu ci'i phyir bskal pa de dga' bar gyur pa zhes bya zhe na/ rigs kyi bu bskal pa de la sangs rgyas stong phrag drug bcu byung bar gyur te/ de na gnas gtsang ma'i ris kyi lha dag gis kye ma'o grogs po dag 'di ni bskal pa bzang po yin te/ bskal pa 'di la sangs rgyas stong phrag drug cu 'byung bar 'gyur ro zhes dga' ba'i sgra bsgrags pa dang / de na lha dang bcas pa'i 'jig rten gyis dga' ba'i sgra de thos so/ /thos nas kyang dga' ba dang dad pa dang mos pa chen po skyes te/ de nas lha dang mi de dag gis kye ma'o bskal pa 'di ni dga' bar gyur pa'o zhes de skad ces smras pas de'i phyir bskal pa de'i ming dga' bar gyur pa zhes btags so/ /rigs kyi bu 'jig rten gyi khams de lha thams cad kyis bltas brtags kyang de ngoms par mi 'gyur ba de tsam du blta na sdug cing de tsam du nyams dga' bar gyur pas de'i phyir 'jig rten gyi khams de lhas rnam par bltas pa zhes bya'o/ /rigs kyi bu 'jig rten gyi khams lhas rnam par bltas pa de'i gzhi ni tsan dan sbrul gyi snying po sha stag ste/ stong gi 'jig rten gyi khams kyis tsan dan sbrul gyi snying po de'i phye ma khal gcig gi rin du yang mi bzod do/ /'jig rten gyi khams de nas spos kyi ngad langs pa'i dris ni phyogs bcu'i 'jig rten gyi khams tshad med grangs med pa dag tu khyab bo/ /tsan dan sbrul gyi snying po las gyur ba'i sa chen po de la 'od zer gyi dra ba snang ba zhes bya ba'i pad ma chen po sha stag byung bar gyur te/ pad ma de dag gi 'od kyis 'jig rten gyi khams de rtag tu snang bar 'gyur ro/ /mi de dag kyang tsan dan gyi phye ma las byas pa'i khang pa brtsegs pa pu shu dang / sgo khang dang khyams dang / rta babs kyis legs par brgyan pa la longs spyod par gyur to/ /'jig rten gyi</font><hr>83.265b<br><font size=+1>

khams de na grong dang / grong khyer dang grong rdal gnas pa med do/ /mi de dag thams cad kyang nam mkha' la 'gro'o/ /de dag mngon par shes pa rab tu thob nas nam mkha'i dkyil na 'dug pa'i khang pa brtsegs pa dag gi nang du 'jug cing nam mkha' la 'gro'o/ /'jig rten gyi khams de na mngal na gnas pa yang med de/ mi de dag thams cad kyang rdzus te skye ba sha stag go /de na bud med kyi ming yang mi grag go /ngan song rnams med do ngan 'gro rnams kyang med do/ /sdug bsngal yang med do/ /'jig rten gyi khams de na kha zas rags pa yang med do/ /mi de dag thams cad kyang mngon par shes pa dang / bsam gtan gyi dga' ba'i zas can no/ /mos pa rlabs po ches theg pa chen po la zhugs pa ste/ de na theg pa gzhan gyi ming yang med do/ /gang 'jig rten gyi khams de'i mi de dag thams cad kyang gser gyi cod pan thogs shing dpung rgyan dang rna chas brgyan pa/ lha'i kha dog dang gzugs dang ldan par gyur pa sha stag go /gang nyon mongs pa dang bral bar gyur pa de nyid de dag gi rab tu byung ba yin te/ bcom ldan 'das de bzhin gshegs pa des byang chub sems dpa' de dag la gos ngur smrig tu bka' stsal pa yang med de/ 'di ltar sems la rnyog pa med pa'i phyir ro/ /de bzhin gshegs pa de yang tshangs pa'i kha dog lta bu spyod lam rab tu zhi bas byang chub sems dpa' de dag la chos ston to/ /rigs kyi bu gang phyogs bcu'i byang chub sems dpa' rdzu 'phrul che ba de dag kyang bcom ldan 'das de bzhin gshegs pa 'jig rten thams cad mngon par dga' ba de la blta ba dang phyag 'tshal ba dang / bsnyen bkur bya ba'i phyir 'jig rten gyi khams lhas rnam par bltas pa der lhags te/ sangs rgyas kyi zhing de'i yon tan dkod pa mthong nas ngo mtshar du gyur te/ ched du brjod pa ched du brjod cing 'dong ngo / /rigs kyi bu de bzhin gshegs pa 'jig rten</font><hr>83.266a<br><font size=+1>

thams cad mngon par dga' ba de nam byang chub sems dpa' de dag la chos ston pa de na ta la brgyad bcu srid du nam mkha' la mngon par 'phags nas tshangs pa bkod pa'i seng ge'i khri la bzhugs te chos ston do/ /rigs kyi bu de bzhin gshegs pa de ni ji ltar da lta nga bzhin du mang du spros te rnam par phye bas chos kyi gtam mi ston te/ de bzhin gshegs pa de tshig dang yi ge nyung ngus chos kyi gtam mdor ston to/ /de ci'i phyir zhe na/ skyes bu dam pa de dag ni zur tsam gyis go ba sha stag ste/ tshig gcig gis tshig brgya stong gi rjes su 'jug pa'o/ /de bzhin gshegs pa de yang 'di lta ste/ pha rol du phyin pa'i spyod pa yongs su dag pa dang / byang chub kyi phyogs kyi chos kyi spyod pa yongs su dag pa dang / mngon par shes pa sgrub pa'i spyod pa yongs su dag pa dang / sems can yongs su smin par byed pa'i spyod pa yongs su dag pa dang / spyod pa yongs su dag pa bzhi po de dag nyid byang chub sems dpa' dkon mchog skar mda' la brtsams te yang dag par rab tu ston to/ /de nas bcom ldan 'das de bzhin gshegs pa 'jig rten thams cad mngon par dga' ba de la byang chub sems dpa' sems dpa' chen po dkon mchog skar mdas 'di skad du bcom ldan 'das ji ltar na byang chub sems dpa' 'khor ba na mdzes shing skye bo mang po nye bar 'tsho bar 'gyur zhes gsol te/ de bzhin gshegs pa des tshig de nyid rgyas par rnam par phye ste bstan nas de la 'di skad ces bka' stsal to/ /rigs kyi bu byang chub sems dpa' ye shes kyi blo thogs pa med pa ni 'khor ba na mdzes so/ /ye shes kyi snang ba rab tu thob pa ni skye bo mang po nye bar 'tsho bar 'gyur ro/ /rigs kyi bu de bzhin gshegs pa 'jig rten thams cad mngon par dga' ba des bstan pa de lta bu bshad pa na byang chub sems dpa' stong phrag drug bcu chos rnams la rjes su 'thun pa'i bzod pa rab tu thob bo/ /rigs kyi bu de nas bcom ldan 'das</font><hr>83.266b<br><font size=+1>

de bzhin gshegs pa 'jig rten thams cad mngon par dga' ba de la byang chub sems dpa' sems dpa' chen po dkon mchog skar mda' des yang 'di skad ces gsol to/ /bcom ldan 'das ji ltar na byang chub sems dpa' byang chub kyi snying po mdzes par bgyid pa lags/ de skad ces gsol pa dang / bcom ldan 'das de bzhin gshegs pa 'jig rten thams cad mngon par dga' ba des byang chub sems dpa' sems dpa' chen po dkon mchog skar mda' la 'di skad ces bka' stsal to/ /rigs kyi bu byang chub sems dpa' bag yod pa ni byang chub kyi snying po mdzes par byed pa'o/ /de la bag yod pa gang zhe na/ ji tsam du chos rnams sgrub pa yang gang zhe na/ 'di lta ste/ ji skad smras pa de bzhin du byed pa ste/ 'di ni bag yod pa zhes bya'o/ /rigs kyi bu gzhan yang byang chub sems dpa'i bag yod pa ni 'di lta ste/ sbyor ba tshad med pa mthar gtugs pas go cha rtsom pa tshad med pa dang / sems can tshad med pa sdud pas sbyin pa mi zad pa tshad med pa dang / mi lhod cing sangs rgyas kyi rigs kyi rjes su 'brang ba'i tshul khrims kyis tshul khrims tshad med pa dang / sdug bsngal thams cad dang du len pas bzod pa tshad med pa dang / skyes bu dam pa'i las kyis brtson 'grus tshad med pa dang / ting nge 'dzin tshad med pa sgrub pas bsam gtan tshad med pa dang / chags pa med pa'i shes rab kyi phyir shes rab tshad med pa dang / sems can tshad med pas byams pa tshad med pa dang / phan pa'i dngos pos snying rje tshad med pa dang / sangs rgyas kyi chos yang dag par sgrub pas 'khor ba yongs su 'dzin pa tshad med pa dang / bdag bde ba la mi chags pas sems can yongs su smin par byed pa tshad med pa dang / brtson 'grus brtan pas</font><hr>83.267a<br><font size=+1>

dam pa'i chos yongs su 'dzin pa tshad med pa dang / yang dag par sbyor bas yon tan yang dag par sgrub cing sogs pa tshad med pa dang / ye shes tshad med pas sangs rgyas la mchod pa dang rim gro byed pa tshad med pa dang / shes rab sbyong bas thos pa yongs su tshol ba tshad med pa dang / sems can gyi bsam pa'i tshul shes pas sems la 'jug pa tshad med pa dang / byams pa nges pas sbyangs pa'i yon tan dang yo byad bsnyungs pa la zhugs pa tshad med pa dang / sems 'dul bas dgon pa la gnas pa'i yon tan gyi tshogs tshad med pa dang / myur du thams cad mkhyen pa'i ye shes yongs su rdzogs par 'gyur bas zhi gnas dang lhag mthong gi tshogs tshad med pa ste/ dkon mchog skar mda' chos 'di dag ni bag yod pa sgrub pa'o/ /rigs kyi bu byang chub sems dpa' bag yod pa ni byang chub kyi snying po mdzes par byed pa'o/ /rigs kyi bu bag yod pa ni byang chub kyi phyogs kyi chos rnams kyi rtsa ba'o/ /bag yod pa ni ye shes sgrub pa'i chos rnams kyi gnas so/ /bag yod pa ni dge ba'i chos bsags shing bsags pa rnams so sor yang dag par 'dzin pa'o/ /bag yod pa ni sngon thos pa'i chos rnams chud mi gzon pa'o/ /bag yod pa ni bsdu bar bya ba'i chos rnams sdud pa'o/ /bag yod pa ni sgrib pa'i chos rnams mi sdud pa'o/ /bag yod pa ni sgrib par mi 'gyur ba'i chos rnams rab tu 'dzin pa'o/ /bag yod pa ni ma rig pa'i sgo nga'i sbubs gcog pa'o/ /bag yod pa ni dam pa'i chos yongs su 'dzin pa 'bar bar byed pa'o/ /bag yod pa ni dbang po rnams sdom par byed pa'o/ /bag yod pa ni lam nyam nga ba las kun du srung ba'o/ /bag yod pa ni dus dang dus ma yin par spyod pa las skul ba'o/ /bag yod pa ni</font><hr>83.267b<br><font size=+1>

stobs te/ stobs bcu yongs su rdzogs par byed par 'gyur ro/ /bag yod pa ni zil gyis gnon pa ste mi 'jigs pa yongs su rdzogs par byed par 'gyur ro/ /bag yod pa ni yon tan dang ye shes dpag tu med pa'i 'byung gnas te/ sangs rgyas kyi chos thams cad yongs su rdzogs par byed par 'gyur ro/ /bag yod pa ni spyi bor phyin pa ste/ thams cad mkhyen pa'i ye shes rtogs par byed par 'gyur ro/ /rigs kyi bu de bzhin gshegs pa 'jig rten thams cad mngon par dga' ba des 'di lta bu bstan pa dang byang chub sems dpa' stong phrag bcu gnyis mi skye ba'i chos la bzod pa rab tu thob par gyur to/ /rigs kyi bu de'i tshe de'i dus na byang chub sems dpa' dkon mchog skar mdar gyur pa de gzhan zhig yin pa snyam du khyod dogs shing the tshom za'am/ yid gnyis su gyur na yang de ltar mi blta'o/ /de ci'i phyir zhe na/ rigs kyi bu khyod nyid de'i tshe de'i dus na byang chub sems dpa' dkon mchog skar mda' zhes bya bar gyur to/ /rigs kyi bu khyod rnam grangs 'dis kyang ji ltar bag yod pa'i byang chub sems dpa' sems dpa' chen po byang chub kyi snying po mdzes par byed pa dang / de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub kyang bag yod pas thob par rig par bya'o/ /rigs kyi bu de la byang chub sems dpa'i sems can yongs su smin par byed pa'i spyod pa yongs su dag pa gang zhe na/ rigs kyi bu sems can gyi spyod pa ni tshad med mtha' yas bsam gyis mi khyab ste/ de bzhin du byang chub sems dpa' sems can yongs su smin par byed pa'i spyod pa yang tshad med mtha' yas bsam gyis mi khyab bo/ /de la byang chub sems dpa' sems can rnams kyi bsam pa shes nas sems can rnams yongs su smin par byed nus so/ /de ci'i phyir zhe na/ rigs</font><hr>83.268a<br><font size=+1>

kyi bu 'di ltar sems can la la ni tshul khrims kyis yongs su smin par 'gyur/ la la ni tshul khrims spangs pas/ sems can la la ni tshig gis shin du gdams pas yongs su smin par 'gyur/ la la ni 'jam pos la la ni tshig rtsub pos/ la la ni de gnyis gas la la ni 'jigs par byas pas/ la la ni 'jigs pa las yongs su thar bar byas pas/ la la ni bslangs pas/ la la ni ma bslangs pas/ la la ni gnod pas/ la la ni mi gnod pas/ la la ni zil gyis mnan pas la la ni zil gyis ma mnan pas/ la la ni sbyang bas/ la la ni mi sbyang bas/ la la ni tshar gcad pas/ la la ni sbyin pa la phyir sbyin pas/ la la ni blangs pas/ sems can la la ni yid du 'ong ba'i gzugs nye bar bsgrubs pas yongs su smin par 'gyur ro/ /sems can la la ni sgra dang dri dang ro dang reg pa dang / chos yid du mi 'ong ba nye bar bsgrubs pas yongs su smin par 'gyur ro/ /sems can la la ni gzugs yid du mi 'ong ba nye bar bsgrubs pas yongs su smin par 'gyur ro/ /sems can la la ni sgra dang / dri dang / ro dang / reg pa dang / chos yid du mi 'ong ba nye bar bsgrubs pas yongs su smin par 'gyur ro/ /sems can la la ni spyo bas yongs su smin par 'gyur ro/ /sems can la la ni rtag tu mthong bas la la ni mi mthong bas/ sems can la la ni sangs rgyas kyi sgras/ sems can la la ni chos kyi sgras/ la la ni dge 'dun gyi sgras/ la la ni mi rtag pa'i sgras/ la la ni sdug bsngal ba'i sgras/ la la ni bdag med pa'i sgras/ la la ni zhi ba'i sgras/ sems can la la ni sbyin pa dang tshul khrims dang bzod pa dang brtson 'grus dang bsam gtan dang / shes rab kyi sgras yongs su smin par 'gyur ro/ /sems can la la ni sems</font><hr>83.268b<br><font size=+1>

can dmyal ba dang / dud 'gro'i skye gnas dang / gshin rje'i 'jig rten gyi sdug bsngal myong bar 'gyur ba'i sgras yongs su smin par 'gyur ro/ /la la ni lha'i bde ba myong bar 'gyur ba'i sgras yongs su smin par 'gyur ro/ /sems can la la ni nyan thos kyi theg pa'i gtam gyis/ la la ni rang sangs rgyas kyi theg pa'i gtam gyis/ la la ni theg pa chen po'i gtam gyis yongs su smin par 'gyur ro/ /sems can la la ni sbyin pas yongs su smin par 'gyur gyi snyan par smra bas ma yin/ don spyod pas ma yin/ don 'thun pas ma yin/ sems can la la ni snyan par smra bas yongs su smin par 'gyur gyi/ sbyin pas ma yin don spyod pas ma yin/ don 'thun pas ma yin/ sems can la la ni don spyod pas yongs su smin par 'gyur gyi/ sbyin pas ma yin snyan par smra bas ma yin/ don 'thun pas ma yin sems can la la ni don 'thun pas yongs su smin par 'gyur gyi/ sbyin pas ma yin/ snyan par smra bas ma yin/ don spyod pas yongs su smin par 'gyur ba ma yin/ sems can la la ni bsdu ba'i dngos po bzhi po dag gis yongs su smin par 'gyur ro/ /sems can la la ni nang gi dngos po yongs su gtong bas/ la la ni phyi rol gyi dngos po yongs su gtong bas/ la la ni phyi nang gi dngos po yongs su gtong bas sems can la la ni chung ma dang / bu pho dang / bu mo kun gtong bas yongs su smin par 'gyur ro/ /sems can la la ni lag pa dang / rkang pa dang mig dang mgo kun gtong bas yongs su smin par 'gyur ro/ /sems can la la ni rtsed mo la dga' ba dang / glu dang sil snyan gyis yongs su smin par 'gyur ro/ /la la ni gcig tu bde bas/ la la ni gcig tu sdug bsngal bas/ la la ni de gnyis gas/ la la ni gnyis ga ma yin pas/ sems</font><hr>83.269a<br><font size=+1>

can la la ni dge sbyong du sprul pas 'dul ba/ sems can la la ni dge slong dang dge slong ma dang dge bsnyen dang dge bsnyen mar sprul pas 'dul ba/ sems can la la ni sangs rgyas kyi gzugs dang kha dog gis 'dul ba yin te/ de dag la sangs rgyas kyi gzugs dang sku bstan pas 'dul bar 'gyur ro/ /rigs kyi bu de la byang chub sems dpas 'di ltar sems can gyi spyod pa sna tshogs byed pa shes nas sems can gyi bsam pa yongs su shes pa la brtson par bya'o/ /rigs kyi bu nam byang chub sems dpa' 'di ltar pha rol du phyin pa'i spyod pa las nges par byung bar gyur cing byang chub kyi phyogs kyi chos kyi spyod pa yang dag par bsdus par gyur te mngon par shes pa'i ye shes kyi spyod pa la mkhas par gyur pa na/ de nas gdod sems can yongs su smin par byed nus pa'i skal pa dang mthu yod par 'gyur ro/ /rigs kyi bu byang chub sems dpa' chos bzhi dang ldan na sems can rnams yongs su smin par byed nus te/ bzhi gang zhe na 'di lta ste/ yongs su mi skyo ba dang / bdag bde ba la mi chags pa dang / dus dang dus ma yin par skul ba dang / bsam pa yongs su shes pa ste/ rigs kyi bu byang chub sems dpa' chos bzhi po de dag dang ldan na sems can yongs su smin par byed nus so/ /rigs kyi bu gzhan yang byang chub sems dpa' chos bzhi dang ldan na sems can rnams yongs su smin par byed nus te/ bzhi gang zhe na/ bka' blo bde ba dang snyan par smra ba dang / ngang tshul gyis 'jam pa dang / bzhin 'dzum zhing khro gnyer med pa ste/ rigs kyi bu byang chub sems dpa' chos bzhi po de dag dang ldan na sems can rnams yongs su smin par byed nus so/ /rigs kyi bu gzhan yang byang chub sems dpa' chos bzhi dang ldan na sems</font><hr>83.269b<br><font size=+1>

can rnams yongs su smin par byed nus te/ bzhi gang zhe na/ khong khro ba med pa'i sems dang / snying rje chen po'i sems dang phan pa'i dngos po'i sems dang / bdag shin du dul ba'i sems te/ rigs kyi bu byang chub sems dpa' chos bzhi po de dag dang ldan na sems can rnams yongs su smin par byed nus so/ /rigs kyi bu gzhan yang byang chub sems dpa' chos bzhi dang ldan na sems can rnams yongs su smin par byed nus te/ bzhi gang zhe na/ bsam pa dag pa dang g.yo med cing sgyu dang bral ba dang / brtson 'grus brtan pa dang legs par byas pa dang / nyes par byas pa bzod pa ste/ rigs kyi bu byang chub sems dpa' chos bzhi po de dag dang ldan na sems can rnams yongs su smin par byed nus so/ /rigs kyi bu khyod kyis rnam grangs 'dis kyang 'di ltar gang byang chub sems dpa' yongs su mi skyo bas sems can rnams yongs su smin par byed nus par rig par bya'o/ /rigs kyi bu sngon byung ba 'das pa'i dus bskal pa grangs med pa bas kyang ches grangs med pa yangs pa tshad med pa/ bsam gyis mi khyab par gyur pa de'i tshe de'i dus na bskal pa dga' byed la 'jig rten gyi khams zhi bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das dri ma med par snang ba zhes bya ba 'jig rten du byung ngo / /rigs kyi bu 'jig rten gyi khams zhi ba de yang 'byor pa/ rgyas pa bde ba/ lo legs pa nyams dga' ba/ lha dang mis rab tu gang bar gyur to/ /</font><hr>83.270a<br><font size=+1>

rigs kyi bu de bzhin gshegs pa dgra bcom pa yang dag par rdzogs pa'i sangs rgyas dri ma med par snang ba de'i nyan thos kyang nyan thos chen po bye ba phrag dgu bcu rtsa drug 'dus par gyur to/ /de'i byang chub sems dpa' sems dpa' chen po yang byang chub sems dpa' sems dpa' chen po brgyad khri bzhi stong 'dus par gyur to/ /bcom ldan 'das de bzhin gshegs pa dri ma med par snang ba dang byang chub sems dpa' de dag gi tshe'i tshad ni lo brgyad khri bzhi stong thub par gyur to/ /rigs kyi bu de'i tshe rgyal bu gzhon nu nor dpal zhes bya ba gzugs bzang ba/ mdzes pa blta na sdug pa/ mdog bzang po rgyas pa mchog dang ldan pa zhig byung ste/ btsas nas lo bcu drug lon pa dang / de gzugs bzang ba dang / longs spyod dang skyid pas dregs shing nga rgyal skyes te rgyags nas bcom ldan 'das de bzhin gshegs pa dri ma med par snang ba de'i gan du mi 'gro/ sten par mi byad snyen par mi byed/ rim gro mi byed do/ /rigs kyi bu de nas bcom ldan 'das de bzhin gshegs pa dri ma med par snang ba de 'di snyam du dgongs te/ ma la rgyal bu gzhon nu nor dpal 'di ni dge ba'i rtsa ba yongs su smin de/ bla na med pa yang dag par rdzogs pa'i byang chub mngon par rdzogs par 'tshang rgya ba'i skal pa yod na de gzugs dang / longs spyod dang skyid pas rgyags dregs te nga rgyal gyis de bzhin gshegs pa'i drung du yang mi 'ong na/ gal te de rgyun mi 'chad par bskul na ni de de bzhin gshegs pa'i drung du 'ong yang srid snyam mo/ /rigs kyi bu de nas de bzhin gshegs pa dri ma med par snang ba des byang chub sems dpa' brgyad khri bzhi stong po de dag bsdus so/ /bsdus nas kyang rigs kyi bu dag khyed kyi nang nas yid yongs su mi skyo bar lo brgyad khri bzhi</font><hr>83.270b<br><font size=+1>

stong gi bar du rgyal bu gzhon nu nor dpal gyi khyim gyi sgor 'gro zhing bde ba thams cad ni spangs/ sdug bsngal thams cad ni dang du blangs te/ de las tha na kun du smra ba 'am/ yang dag par smra ba 'am stan tsam yang mi rnyed kyi steng du gshe rgya zhing tshig ngan pa rtsub po mi snyan par zer yang spro bar 'gyur ba su yod ces tshul shing brims so/ /rigs kyi bu de ltar tshul shing brims kyang byang chub sems dpa' brgyad khri bzhi stong po de dag las byang chub sems dpa' 'ga' tsam yang spro bar ma gyur to/ /bcom ldan 'das des tshul shing thogs te/ lan gnyis lan gsum du brims kyang sus kyang ma blangs pa dang / rigs kyi bu de'i tshe byang chub sems dpa' sems dpa' chen po brtson 'grus 'bar ba zhes bya ba zhig byang chub sems dpa'i 'khor de nyid du 'dus par gyur nas 'dug pa de stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das de bzhin gshegs pa dri ma med par snang ba ga la ba de logs su thal mo sbyar ba btud nas bcom ldan 'das de bzhin gshegs pa dri ma med par snang ba la 'di skad ces gsol to/ /bcom ldan 'das bdag ni lo brgyad khri bzhi stong gi bar du yid yongs su mi skyo bar bde ba thams cad ni spangs/ sdug bsngal thams cad ni ji mi snyam par bgyid de/ rgyal bu gzhon nu nor dpal gyi khyim du mchi'o zhes rigs kyi bu byang chub sems dpa' sems dpa' chen po brtson 'grus 'bar gyis tshig de smras ma thag tu/ de nas de nyid kyi tshe stong gsum gyi stong chen po'i 'jig rten gyi khams rnam pa drug tu rab tu g.yos nas lha'i bu brgya stong gis kyang steng gi bar snang las/ kye ma'o byang chub sems dpa' brtson 'grus 'bar gyis brtson 'grus chen po'i go cha bgos pa</font><hr>83.271a<br><font size=+1>

'di ni legs so legs so zhes bya ba byin no/ /rigs kyi bu de nas byang chub sems dpa' sems dpa' chen po brtson 'grus 'bar ba de rgyal bu gzhon nu nor dpal gyi khyim du song ste/ khyim gyi sgo drung na 'dug pa dang / de skye bo'i tshogs chen po des mthong nas gshe rgya zhing tshig ngan pa rtsub po sna tshogs smras te/ de la sa dang rdul kyang gtor/ de la lag pa dang dbyug pa dang / bong bas kyang brdegs so/ /des mthong zhing thos te/ lus la reg cing tshor bar gyur kyang byang chub sems dpa' brtson 'grus 'bar ba 'khrug pa 'am/ gshe ba 'am khong khro ba 'am/ phyir log par ma gyur gyi steng du brtson 'grus brtan pa'i stobs rab tu bskyed nas stobs dang rab tu ldan pa dang / snying rje chen po yang skyed de de lo stong lon pa dang / rgyal po'i pho brang gi sgo gang gcig tu zhugs te/ smad pa dang bsdigs pa dang / rdeg pa thams cad kyis kyang yongs su mi skyo bar/ de lo khri lon pa dang rgyal po'i pho brang gi sgo khang gnyis kyi nang du zhugs so/ /de lo nyi khri lon pa dang rgyal po'i pho brang gi sgo khang gsum pa'i nang du zhugs pa nas/ lo bdun khri lon pa dang rgyal po'i pho brang gi sgo khang drug pa'i nang du zhugs so/ /de lo brgyad khri bzhi stong lon pa dang rgyal po'i pho brang gi sgo khang bdun pa'i nang du zhugs pa dang / de nas gdod rgyal bu gzhon nu nor dpal des tshig ster te/ dge slong khyod ci 'dod ci zhig tshol/ khyod la ci dgos smros shig dang / ci nus kyis rab tu sbyin par bya'o/ /rgyal bu gzhon nu de dge slong de la ngo mtshar chen po'i 'du shes skyes nas ji tsam du dge slong des yongs su skyo ba mnags nus pa ni ngo mtshar to snyam mo/ /rigs kyi bu de nas byang chub sems dpa' sems dpa' chen po brtson 'grus 'bar ba des rgyal bu gzhon nu nor dpal de</font><hr>83.271b<br><font size=+1>

sems rab tu dang bar shes nas de'i tshe tshigs su bcad pa 'di dag smras so/ /zas dang skom dang gos dang bza' ba rnams/ /gzhon nu bdag la dgos pa ci yang med/ /zang zing med pa'i sems ni nyer gzhag nas/ /bdag ni chos kyi pho nyar 'dir 'ongs so/ /'jig rten don mdzad drang srong cher byung ba/ /mi mchog dri ma med par snang zhes bya/ /de ni sdug bsngal mthar 'byin chos ston te/ /sems can gang gis thos pas mi 'chi 'thob/ /bskal pa stong phrag bye ba grangs med na/ /sangs rgyas rnams ni brgya lam 'byung bar 'gyur/ /da ltar 'jig rten mun nag sgron gyur pa/ /yon tan dam pa mnga' ba de skyes na/ /khyod ni 'di na 'dod pa'i yon tan chags/ /gzugs dang longs spyod rnams la rtag tu myos/ /skyid myos de bzhin rgyal srid myos pas na/ /chos kyi rgyal po lta bar yong mi 'gro/ /longs spyod mi rtag de bzhin rgyal srid srog /rtswa rtse'i zil thigs 'dra zhes rgyal bas gsungs/ /gang phyir sangs rgyas thos kyang myos 'gyur ba/ /de ni rgyal bu khyod kyi cha ma yin/ /khyod ni 'di na byang chub mchog zhugs la/ /sems can dag kyang gnyer te grol bar gyis/ /khyod bdag da ltar 'dod pa'i bran gyur na/ /ji ltar myos pas skye bo 'dul bar 'gyur/ /nga rgyal spongs te nyon mongs rnams sol la/ /da ni rgyal ba'i drung du 'gro bar gyis/ /brtson 'grus bskyed de 'jig rten snying brtse gyis/ /phyi ma'i dus na gdung bar gyur ta re/ /rgyal bus tshigs su bcad pa 'di thos nas/ /nga rgyal spongs te gus pa rab bskyed nas/ /brtson 'grus 'bar ba'i rkang la phyag 'tshal te/ /gang sngon bdag gis gnong bgyis bzod par gsol/ /bdag ni rgyal srid thams cad spang bar bya/ /'dod dang de bzhin longs spyod kun mi tshol/ /nga rgyal tha ba'i skyon dang dregs spangs te/ /myur du bde bar</font><hr>83.272a<br><font size=+1>

gshegs pa'i gan du 'gro/ /de ni srog chags bye ba brgyad bcus bskor/ /me tog na bza' spos dang bdug pa thogs/ /dri ma med par snang ba skyes bu mchog /rgyal ba de yi drung du nye bar song / /bde bar gshegs kyi gan du phyin nas kyang / /zhabs la phyag 'tshal de nas mchod byas te/ /de bzhin gshegs pa de yi spyan sngar 'dug /rgyal bu de yis tshig ni 'di smras so/ /gang phyir skyo med sems kyis bskul bas na/ /brtson 'grus 'bar ba bdag gi ston pa mgon/ /ji ltar de ni mchod pa'i 'os lags na/ /de la lan du phan pa bgyid mi nus/ /bdag ni 'jig rten mgon la bzod par gsol/ /chos kyi rgyal la gus pa gang ma bgyis/ /de dag thams cad de ring so sor bshags/ /bdag gi nongs pa 'jig rten mgon mkhyen mdzod/ /sems can don du snying rje bskyed nas su/ /bdag ni byang chub mchog la rab zhugs te/ /byang chub dam mchog ma thob bar du ni/ /slan chad bag med spyod pa mi bgyi'o/ /rgyal bu de yis rgyal srid rnam spangs te/ /sems can bye ba brgyad bcu rnams kyis bskor/ /byang chub dam pa 'di ni yongs tshol zhing / /mngon byung rgyal ba'i bstan la rab tu byung / /rgyal bas de dag gi ni bsam mkhyen nas/ /byang chub lam mchog rab tu bstan pas na/ /chos thos sems can rtag tu dag pa rnams/ /thams cad kyis kyang rjes 'thun bzod pa thob/ /rigs kyi bu ngas bskal pa 'am bskal pa las lhag par de bzhin gshegs pa dri ma med par snang ba de'i 'jig rten gyi khams kyi bsngags pa brjod cing / gang chos bstan pa bsam gyis mi khyab pa de yongs su brjod kyang yon tan gyi mtha' zad par mi 'gyur ro/ /rigs kyi bu de'i tshe de'i dus na byang chub sems dpa' brtson 'grus 'bar ba zhes bya bar gyur pa de gzhan zhig yin pa snyam du dogs shing the tshom za 'am/ yid gnyis su gyur na de</font><hr>83.272b<br><font size=+1>

ltar mi blta'o/ /de ci'i phyir zhe na/ de'i tshe de'i dus na nga nyid byang chub sems dpa' brtson 'grus 'bar ba zhes bya ba der gyur to/ /rigs kyi bu de'i tshe de'i dus na rgyal bu gzhon nu nor dpal zhes bya bar gyur pa de gzhan zhig yin pa snyam du dogs shing the tshom za 'am/ yid gnyis su gyur na yang de ltar mi blta'o/ /de ci'i phyir zhe na/ byang chub sems dpa' sems dpa' chen po byams pa 'di de'i tshe de'i dus na rgyal bu gzhon nu nor dpal zhes bya bar gyur to/ /rigs kyi bu de ltar sngon byang chub sems dpa' rnams sems can yongs su smin par bya ba la yongs su mi skyo zhing 'di ltar shin du stobs dang ldan te brtson 'grus nye bar ston to/ /rigs kyi bu de bas na byang chub sems dpa' sems can yongs su smin par byed 'dod pas ci nas kyang byang chub sems dpa' brtson 'grus 'bar ba zhes bya ba de ltar bslab par bya'o/ /de ci'i phyir zhe na/ rigs kyi bu sems can yongs su smin par byed pa ni byang chub sems dpa' rnams kyi las yin no/ /rigs kyi bu bzhi po 'di dag ni byang chub sems dpa' rnams kyi byang chub sems dpa'i las yin te/ sangs rgyas kyi chos thams cad sdud par 'gyur ba'o/ /bzhi gang zhe na 'di lta ste/ bdud kyi las las shin du 'da' ba byang chub sems dpa'i las dang sangs rgyas kyi zhing yongs su sbyong ba byang chub sems dpa'i las dang / lus dang ngag dang yid brgyan pa byang chub sems dpa'i las dang / sangs rgyas kyi chos thams cad yang dag par sgrub pa byang chub sems dpa'i las te/ rigs kyi bu bzhi po de dag ni byang chub sems dpa' rnams kyi byang chub sems dpa'i las yin te/ sangs rgyas kyi chos thams cad sdud par 'gyur ba'o/ /rigs kyi bu gzhan yang byang chub sems dpa' rnams kyi byang chub sems dpa'i las sangs rgyas kyi chos thams cad yang dag par sdud par 'gyur ba bzhi ste/ bzhi gang zhe na/ bsam pa la 'jug pa'i ye shes dang / dbang po yongs su shes pa'i ye shes dang / nad thams cad zhi bar byed pa'i sman sbyin pa'i ye shes dang / nyon mongs pa'i nad thams cad rab tu zhi</font><hr>83.273a<br><font size=+1>

bar byed pa mi 'khrugs pa'i ye shes te/ rigs kyi bu bzhi po de dag ni byang chub sems dpa' rnams kyi byang chub sems dpa'i las yin te/ sangs rgyas kyi chos thams cad yang dag par sdud par 'gyur ba'o/ /de nas byang chub sems dpa' sems dpa' chen po gtsug na rin po ches gtsug gi nor bu rin po che gang bskal pa bye ba khrag khrig brgya stong tshad med grangs med pa'i dge ba'i rtsa bas mngon par grub pa/ gang stong gsum gyi stong chen po'i 'jig rten gyi khams bcu nor bu rin po che sna bdun gyis rab tu bkang bas kyang rin du mi bzod pa'i gtsug gi nor bu rin po che de de bzhin gshegs pa la phul nas tshig 'di skad ces smras so/ /bcom ldan 'das bdag gi gtsug na mchis pa'i nor bu rin po che 'di de bzhin gshegs pa la phul ba'i dge ba'i rtsa ba 'dis bcom ldan 'das bdag spyi gtsug bltar mi snang ba thob pa dang / bdag sangs rgyas kyi ye shes spyi bor gyur pa bsam gyis mi khyab pa de dang ldan par gyur cig /de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de/ nam 'dzum pa mdzad pa de nas bcom ldan 'das kyi zhal gyi sgo nas 'od zer kha dog du ma kha dog sna tshogs 'di lta ste/ sngon po dang ser po dang dmar po dang dkar po dang / leb rgan dang shel dang dngul gyi kha dog lta bu byung ste/ de dag gis 'jig rten gyi khams mtha' yas mu med pa de dag 'od kyis khyab par byas nas tshangs pa'i 'jig rten gyi bar du mngon par 'phags te zla ba dang nyi ma rnams kyi gzi brjid kyang gzi brjid kyis yongs su zad par byas nas slar log ste/ bcom ldan 'das la lan brgya stong du mas bskor ba byas nas bcom ldan 'das kyi dbu'i gtsug tu nub par gyur to/ /de nas byang chub sems dpa' spobs pa myur ba zhes bya ba stan las langs te/ bla gos phrag pa gcig tu gzar nas pus</font><hr>83.273b<br><font size=+1>

mo g.yas pa'i lha nga sa la gtsugs nas bcom ldan 'das ga la ba der logs su thal mo sbyar ba btud te/ bcom ldan 'das la tshigs su bcad pa'i dbyangs kyis 'dzum pa mdzad pa'i don zhus so/ /mi mnyam mnyam pa dam pa 'jig rten mig sbyin 'jig rten mchog /shAkya'i rgyal sras dbang po zhi zhing dri gsum dri ma spangs/ /mtshungs med mtshungs 'das byams pas 'phags pa rgyal ba ri rab bzhin/ /ci slad 'dir 'dzum ye shes 'byung gnas bdag la lung bstan gsol/ /gya gyu mi mnga' rab tu mnyen la shin du snyam pa'i gsung / /skyes bu dam pa bde rab sbyin pa dran mchog blo gros thugs/ /bde gshegs mos pa mchog dang bden pa lha dang mis mchod pa/ /ci slad 'dzum pa 'di mdzad phan pa mdzad pas bstan du gsol/ /stobs bcu'i stobs mnga' mdom gang 'od dang bsod nams gzi brjid 'od/ /'khor gyi nang du seng ge lta bur rab sgrogs rgol ba bcom/ /thub pa srid gsum khyod dang mnyam pa 'am lhag pa gang yang med/ /chos kyi dbang phyug ci slad 'dzum pa mdzad pa bstan du gsol/ /rab tu bzhad cing mchog tu dgyes pa shin du dri med zhal/ /zla ba lta bur nam mkhar gshegs nas phyogs bcu lam me bar/ /mun pa bcom zhing rdul bcom 'od dang dpal ni rab rgyas pa/ /bde bar gshegs pa 'dzum mdzad phan pa mdzad pas bka' stsol cig /gser ri 'od 'dra brtul zhugs grub pa bsod nams ye shes 'phro/ /mkhas pa rtag tu rab bsngags 'jig rten ngo mtshar mchod par 'os/ /srid pa'i dam pa 'jig rten 'das pa sbyin gnas mi zad cing / /nam mkha'i ngos rab snang bar shAkya seng ge'i 'dzum pa bstan/ /lha dang mis mchod khyod 'dra sa dang lha yul dag na 'ang med/ /yid mnyam mos pa mnyam pa khrel yod dpal gyis rab tu rgyas/ /yon tan brgya rnams shin du rgyas pa'i mtshan ni rab</font><hr>83.274a<br><font size=+1>

rdzogs pa/ /bde gshegs 'dzum pa mdzad pa thub pa dam pa bka' stsol cig /kun du khyod kyi ye shes dus gsum chags pa med par 'jug /sems dang yid sbyor dbang po gang dang sems can bsam pa gang / /sems can kun gyi bsam pa ci 'dra thams cad skad cig mkhyen/ /mi yi seng ges gang slad 'dzum mdzad rigs don bdag la gsungs/ /nam mkhar gnas pa'i lha mang yid kyang rab tu dga'/ /mi'i tshogs sa la gnas pa thal sbyar phyag 'tshal gyis/ /gang thos lha mi mun pa'i rdul rnams sel 'gyur pa/ /mi mchog gis ni bdud rtsi'i ro mchog dbye bar gsol/ /de skad ces gsol pa dang / bcom ldan 'das kyis byang chub sems dpa' sems dpa' chen po spobs pa myur ba la 'di skad ces bka' stsal to/ /rigs kyi bu khyod kyis byang chub sems dpa' gtsug na rin po che 'dis sangs rgyas kyi ye shes spyi bor gyur pa bsam gyis mi khyab pa'i ched du gang gtsug gi nor bu rin po che 'di de bzhin gshegs pa la phul ba mthong ngam/ /gsol pa/ bcom ldan 'das mthong ngo / /bcom ldan 'das kyis bka' stsal pa/ rigs kyi bu byang chub sems dpa' sems dpa' chen po gtsug na rin po che 'dis sangs rgyas bcom ldan 'das gang gA'i klung gi bye ma snyed mnyes par byas/ sti stang du byas btsun par byas/ ri mor byas shing mchod nas thams cad du yang tshangs par spyod pa spyad de/ sems can dpag tu med pa dag kyang theg pa gsum po dag la yongs su smin par byas so/ /rigs kyi bu byang chub sems dpa' gtsug na rin po che 'di bskal pa grangs med pa brgya stong na bskal pa dri ma med pa la 'jig rten gyi khams 'od dri ma med par de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu</font><hr>83.274b<br><font size=+1>

'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das rin po che 'byung ba zhes bya bar 'jig rten du 'byung ngo / /'jig rten gyi khams 'od dri ma med pa de'i sa gzhi ni rin po che sna bdun du 'gyur ro/ /'jig rten gyi khams de nas 'od gang byung ba des phyogs bcu'i sangs rgyas kyi zhing grangs med pa rnams snang bar 'gyur ro/ /'od de yang gser gyi kha dog lta bur 'gyur ro/ /sems can gang dag 'od des rig par 'gyur ba de dag kyang nyon mongs pa thams cad kyis mi gzir bar 'gyur ro/ /'jig rten gyi khams 'od dri ma med pa de yang 'byor pa/ rgyas pa/ byang chub sems dpa' 'ba' shig gi gnas su 'gyur ro/ /der byang chub sems dpa'i rin po che ma gtogs par rin po che gzhan 'byung bar mi 'gyur te/ de'i phyir de bzhin gshegs pa de'i ming rin po che 'byung ba zhes bya'o/ /byang chub sems dpa' de dag thams cad kyang mngon par shes pa rab tu thob par 'gyur ro/ /de dag gi longs spyod dang kun spyod pa thams cad kyang bsams pa tsam gyis 'byung bar 'gyur ro/ /gang 'jig rten gyi khams der lha dang mi 'byung ba de dag thams cad kyang bla na med pa yang dag par rdzogs pa'i byang chub tu nges par 'gyur ro/ /de na mi khom pa dang ngan song rnams kyi ming yang med par 'gyur ro/ /de na bcom ldan 'das de bzhin gshegs pa rin po che 'byung ba bla na med pa'i chos kyi rgyal po ma gtogs par rgyal po gzhan 'byung bar mi 'gyur ro/ /lha dang mi de dag thams cad kyang rdzus te skye bar 'gyur ro/ /'jig rten gyi khams de na bud med dang 'khrig cing 'du ba'i ming yang med par 'gyur ro/ /'jig rten gyi khams de na sems can long ba 'am/ zhar ba 'am zha bo 'am/ sgur po 'am/ yan lag ma tshang bar 'gyur ba gang yang med de/ de dag thams cad kyang lus mtshan gyis legs par brgyan par 'gyur ro/ /</font><hr>83.275a<br><font size=+1>

de bzhin gshegs pa de'i byang chub sems dpa'i dge 'dun yang dpag tu med par 'gyur ro/ /de'i tshe'i tshad kyang bskal pa bar ma bzhi bcu rtsa gnyis thob par 'gyur ro/ /de bzhin gshegs pa de yang byang chub dang rab tu ldan pa/ pha rol du phyin pa dang rab tu ldan pa/ snying rje chen po dang rab tu ldan pa/ theg pa chen po dang rab tu ldan pa ma gtogs par gtam gzhan ston par mi 'gyur ro/ /byang chub sems dpa' de dag thams cad kyang dbang po rno ste zur tsam gyis go bar 'gyur ro/ /de dag kyang chos kyi sgo'i tshig re res sangs rgyas thams cad kyi byang chub rjes su rtogs par 'gyur ro/ /de bzhin gshegs pa de yang byang chub sems dpa' de dag la rdo rje'i tshig gi gzungs yang dag par rab tu ston par 'gyur ro/ /de la rdo rje'i tshig gi gzungs gang zhe na 'di lta ste/ tshig gcig gis tshig thams cad la 'jug pa'o/ /tshig gcig po de yang gang zhe na/ 'di lta ste/ tshig mi zad pa'o/ /tshig mi zad pa de yang gang zhe na/ tshig mi zad pa zhes bya ba ni gang sangs rgyas thams cad kyis kyang zad par byed mi nus pa'o/ /tshig mi zad pa de yang gang zhe na/ 'di lta ste/ a zhes bya ba ni tshig mi zad pa ste/ a zhes bya ba la zhugs na yi ge'i 'bru thams cad la 'jug par 'gyur ro/ /de ltar na yi ge thams cad ni mi zad pa ste/ yi ge 'bru gnyis snga phyi med par thos par bya mi nus so/ /yi ge'i 'bru re re nas brjod kyi yi ge yang yi ge gnyis dang 'brel ba ma yin no/ /de bas na tshig gcig po de nyid rnam par rig pa'i tshig ste/ gang rnam par rig pa'i tshig de yang rnam par rig pa'i tshig ces rtog par mi byed rnam par rtog par mi byed do/ /de ltar tshig de mi rtog rnam par mi rtog par dgos pa byed de/ rigs kyi bu 'di ni rdo rje'i tshig gi gzungs la 'jug pa'o/ /de ltar</font><hr>83.275b<br><font size=+1>

bcom ldan 'das de bzhin gshegs pa rin po che 'byung ba de byang chub sems dpa' de dag la rdo rje'i tshig gi gzungs yang dag par rab tu ston par 'gyur ro/ /rigs kyi bu ngas bskal pa 'am bskal pa las lhag par 'jig rten gyi khams 'od dri ma med pa de'i bsngags pa brjod cing / de bzhin gshegs pa dgra bcom pa yang dag par rdzogs pa'i sangs rgyas rin po che 'byung ba de'i chos bstan pa bsam gyis mi khyab pa de yongs su brjod kyang yon tan yongs su brjod pa zad par mi 'gyur te/ sangs rgyas kyi zhing der ni yon tan gyi rnam pa bkod pa tshad med pa de snyed 'byung bar 'gyur ro/ /de nas byang chub sems dpa' sems dpa' chen po gtsug na rin po ches bdag nyid lung bstan pa thos nas dga' mgu yi rangs shing rab tu dga' ste/ bde ba dang yid bde ba skyes nas bcom ldan 'das la tshul dang 'thun pa'i tshigs su bcad pa 'di dag gis mngon par bstod do/ /thams cad mkhyen cing thams cad gzigs/ /chos rnams kun gyi pha rol gshegs/ /'khrul pa'i skyon rnams thams cad las/ /de bzhin gshegs pa shin du 'das/ /ye shes chen po khyod re mtshar/ /sangs rgyas bye ba de snyed la/ /bdag gis sngon mchod gang bgyis pa/ /de dag thams cad mngon par mkhyen/ /'das dang ma 'ongs dus rnams dang / /de bzhin da ltar byung ba yi/ /bdag gi spyod dang de bzhin du/ /srog chags kun gyi rab tu mkhyen/ /thub pa ci 'dra de 'dra bar/ /'jig rten sangs rgyas bdag 'gyur zhes/ /rdzogs sangs rgyas kyis bdag lung bstan/ /bdag ni the tshom yod ma mchis/ /sa rnams thams cad 'gags kyang gda'/ /nyi zla mkha' las lhung yang gda'/ /bcom ldan khyod kyi zhal sgo nas/ /phyin ci log gi gsung mi 'byung / /ye shes ldan la shes rab che/ /des ni bdag la bden tshig gis/ /</font><hr>83.276a<br><font size=+1>

byang chub mchog tu lung bstan pas/ /sangs rgyas bla na med par 'gyur/ /thugs kyis yid ni mkhyen pas na/ /bdag gi spyod pa ci 'dra dang / /sangs rgyas zhing yang ci 'dra bar/ /de 'dra nyid du kun bstan to/ /rdzogs sangs rgyas kyi gsung thos nas/ /the tshom ma mchis dbang po tshim/ /sems can rnams la phan pa'i rgyur/ /mchog gi spyod pa spyad par bgyi/ /bdag gi spyod pa ci 'dra ba/ /sngon gyi mthar ni rnam sbyangs pa/ /de bas shin du dpag yas par/ /bdag gi spyod pa sbyang bar bgyi/ /'di ni le los mi 'da' bas/ /brtson 'grus brtan pa'i spyod pa 'di/ /zhum pa ma mchis sems kyis su/ /byang chub spyod pa spyad par bgyi/ /bdag ni byang chub lung bstan pa/ /sangs rgyas kyis ni spro ba stsal/ /ji srid 'dren par ma gyur pa/ /de srid brtson 'grus mi gtong ngo / /rtag tu byang chub mchog gzhol te/ /sems can thams cad gnyer bar bgyi/ /byang chub dam pa don du btsal/ /de dag bdag gis bskyang bar bgyi/ /byang chub sems dpa' gtsug na rin po ches tshigs su bcad pa bstan pa 'di bshad pa na srog chags stong phrag bdun bcu rtsa gnyis bla na med pa yang dag par rdzogs pa'i byang chub tu sems bskyed nas 'jig rten gyi khams 'od dri ma med par skye bar sems kyis smon de tshig 'di skad ces bcom ldan 'das nam de bzhin gshegs pa rin po che 'byung ba des byang chub thob par gyur pa de na bdag cag kyang sangs rgyas kyi zhing der skye bar gyur cig ces smras pa dang / de dag thams cad bcom ldan 'das kyis sangs rgyas kyi zhing der skye bar lung bstan to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnam grangs 'di zung shig /chongs shig lhogs shig kun chub par gyis shig /gzhan dag la yang</font><hr>83.276b<br><font size=+1>

rgya cher yang dag par rab tu ston cig /kun dga' bo rigs kyi bu 'am/ rigs kyi bu mo gang la la chos kyi rnam grangs 'di 'chang ngam/ klog pa de dag ni bla na med pa yang dag rdzogs pa'i byang chub tu nga lung ston to/ /kun dga' bo rigs kyi bu 'am/ rigs kyi bu mo gang gis de bzhin gshegs pa dgra bcom pa yang dag par rdzogs pa'i sangs rgyas rnams la lo stong du ci bzhed ces sbyin pa byin pa bas/ rigs kyi bu 'am rigs kyi bu mo gang gis chos kyi rnams grangs 'di thos nas mos te/ 'chang ngam klog gam/ de kho na bzhin du nan tan byed na/ 'di ni de bas bsod nams ches mang ste/ tshad med grangs med par khong du chud par bya'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das bdag gis chos kyi rnam grangs 'di bzung lags na chos kyi rnam grangs 'di'i ming ci lags/ 'di ji ltar bzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di byang chub sems dpa'i spyod pa yongs su dag pa zhes bya bar zung shig /de bzhin gshegs pa'i man ngag ces bya bar yang zung shig /gtsug na rin po ches zhus pa zhes bya bar yang zung shig /bcom ldan 'das kyis de skad ces bka' stsal nas/ byang chub sems dpa' sems dpa' chen po gtsug na rin chen dang / byang chub sems dpa' de dag thams cad dang / tshe dang ldan pa kun dga' bo dang / lha dang mi dang / lha ma yin dang dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ gtsug na rin po ches zhus pa'i le'u zhes bya ste bzhi bcu rtsa bdun pa rdzogs so// // rgya gar gyi mkhan po ka mal shIl dang / </font><hr>83.277a<br><font size=+1>

zhu chen gyi lo ts+tsha ba ban de d+harmA tA shI las bsgyur cing zhus te skad gsar chad kyis kyang bcos nas gtan la phab pa/ </font><hr>

</table>