J325

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J325</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J325&coll=lithang">see text in Tibetan script</a></table>82.172a<br><font size=+1>

/'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u nyi shu rtsa drug pa ste lag bzangs kyis zhus pa/ / bam po dang po/ rgya gar skad du/ Ar+ya su bA hu pa ri pr-its+tshA nA ma ma hA yA na sU tra/ bod skad du/ 'phags pa lag bzangs kyis zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya ka lan da ka'i gnas na/ dge slong gi dge 'dun chen po dang thabs gcig tu bzhugs te/ de'i tshe byang chub sems dpa' sems dpa' chen po lag bzangs shes bya ba g.yog dang bcas te/ rgyal po'i lab kyi grong khyer chen po nas byung nas 'od ma'i tshal bya ka lan da ka'i gnas ga la ba dang / bcom ldan 'das</font><hr>82.172b<br><font size=+1>

ga la ba der song ste phyin nas bcom ldan 'das kyi zhabs la mgo bos phyag 'tshal te bcom ldan 'das la lan gsum bskor ba byas nas phyogs gcig tu 'dug go/ /phyogs gcig tu 'dug nas byang chub sems dpa' sems dpa' chen po lag bzangs kyis bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po chos du dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya/ de skad ces gsol pa dang / bcom ldan 'das kyis byang chub sems dpa' sems dpa' chen po lag bzangs la 'di skad ces bka' stsal to/ /lag bzangs byang chub sems dpa' sems dpa' chen pos myur du mngon par rdzogs par byang chub par bya ba'i phyir pha rol du phyin pa drug po 'di dag rtag par rgyun du yongs su rdzogs par bya'o/ /drug gang zhe na/ 'di lta ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ste/ lag bzangs byang chub sems dpa' sems dpa' chen pos/ pha rol du phyin pa drug po 'di dag rtag par rgyun du yongs su rdzogs par bya'o/ /lag bzangs byang chub sems dpa' sems dpa' chen po ji ltar sbyin pa'i pha rol du phyin pa yongs su rdzogs par byed ce na/ lag bzangs 'di la byang chub sems dpa' sems dpa' chen po ni chos kyis longs spyod rnams yongs su tshol gyi chos ma yin pas ni ma yin no/ /mnyam pas yin gyi mi mnyam pas ni ma yin no/ /de srog chags gzhan dag dang /</font><hr>82.173a<br><font size=+1>

sems can gzhan rnams la gnod pa mi byed/ nyam nga ba mi byed par sbyin pa sbyin te/ brjod pa dang / sgra dang tshigs su bcad pa'i phyir ma yin/ 'dzem pa'i phyir ma yin/ 'jigs pa'i phyir ma yin/ lan du phan 'dogs su re ba'i phyir ma yin/ mtho ris kyi phyir ma yin/ tshul 'chos pa ma yin/ kha gsag byed pa ma yin/ brnyas pa ma yin pa'o/ /sbyin gnas sam/ sbyin gnas ma yin pa 'am/ mngon par shes pa 'am/ mngon par shes pa ma yin pa 'am/ tshul khrims dang ldan pa 'am/ tshul khrims 'chal pa 'am/ 'dris pa 'am/ ma 'dris pa 'am/ mdza' ba 'am/ mi mdza' ba la yang rung ste/ bkur sti byed/ bla mar byed/ rim gror byed/ mchod par byed cing 'dun pa drag po dang / dga' ba drag po dang / dad pa drag pos de nyung ngu bdog na yang nyung du sbyin/ mang du bdog na yang mang du sbyin/ bzang du bdog na yang bzang du sbyin/ ngan pa bdog na yang ngan pa sbyin/ gya nom bdog na yang gya nom pa sbyin no/ /lag bzangs ji ltar byang chub sems dpa' brgya stong sbyin pa dang / rlabs po che'i sems dang / rangs pa'i sems kyis sbyin pa de bzhin du kA ka ni tsam yang sbyin zhing rlabs po che'i sems dang / rangs pa'i sems kyis sbyin no/ /des zas 'dod pa rnams la sems can thams cad thams cad mkhyen pa'i ye shes bla na med pa'i stobs kyis brtan pa thob par bya ba'i phyir zas sbyin no/ /skom 'dod pa rnams la ni sems can thams cad nyon mongs pa'i skom pa thams cad bsal ba'i stobs thob par bya ba'i phyir skom sbyin no/ /gos 'dod pa rnams la ni sems can thams cad ngo tsha shes pa dang khrel yod pa'i gos thob par bya ba'i phyir gos sbyin no/ /bzhon pa 'dod pa rnams la ni sems can thams cad byang chub sems dpa'i theg pa dang / rdzogs</font><hr>82.173b<br><font size=+1>

pa'i sangs rgyas kyi theg pa bla na med pa thob par bya ba'i phyir bzhon pa sbyin no/ /spos 'dod pa rnams la ni sems can thams cad sangs rgyas kyi tshul khrims kyi dri bsung thams cad thob par bya ba'i phyir spos sbyin no/ /me tog 'dod pa rnams la ni sems can thams cad de bzhin gshegs pa'i byang chub kyi yan lag bdun gyi me tog bla na med pa thob par bya ba'i phyir me tog rnams sbyin no/ /phye ma 'dod pa rnams la ni sems can thams cad nyes par spyod pa'i dri nga ba'i dri ma gzhom pa'i stobs thob par bya ba'i phyir phye ma sbyin no/ /byug pa 'dod pa rnams la ni sems can thams cad nyes pa med pa'i tshul khrims dang spyod pa'i byug pa thob par bya ba'i phyir byug pa sbyin no/ /gdugs 'dod pa rnams la ni sems can thams cad nyon mongs pa'i gdung ba thams cad nye bar zhi ba'i stobs thob par bya ba'i phyir gdugs sbyin no/ /lham 'dod pa rnams la ni sems can thams cad bla na med pa'i bde ba mngon par shes pa thob par bya ba'i phyir lham sbyin no/ /mal cha 'dod pa rnams la ni sems can thams cad lha dang / tshangs pa dang / 'phags pa'i gnas pa'i mal cha'i bde bar sbyar ba'i stobs thob par bya ba'i phyir mal cha sbyin no/ /stan 'dod pa rnams la ni sems can thams cad byang chub kyi snying por bdud dang nyon mongs pa'i sgrib pa bar du gcod pa thams cad kyis mi phyed pa dpa' ba'i stan thob par bya ba'i phyir stan sbyin no/ /gnas 'dod pa rnams la ni sems can thams cad skyabs dang / gnas dang / mgon dang / dpung gnyen du gyur ba'i lus thob par bya ba'i phyir gnas sbyin no/ /phru tog dang / bum pa dang / 'tshog chas 'dod pa rnams la ni sems can thams cad chos kyi ji lta bu'i lus thob par bya ba'i phyir phru tog dang / bum pa dang / 'tshog chas</font><hr>82.174a<br><font size=+1>

sbyin no/ /sems can thams cad zhi ba dang nye bar zhi ba bla na med pa'i ting nge 'dzin dang snyoms par 'jug pa thams cad thob par bya ba'i phyir sangs rgyas dang / chos dang / dge 'dun la dka' thub kyi nags tshal sbyin pa sbyin no/ /sems can thams cad skyes bu chen po'i mtshan sum bcu rtsa gnyis dang / dpe byad bzang po brgyad bcu thob par bya ba'i phyir mchod rten rnams la rgyan sbyin pa sbyin no/ /sems can thams cad de bzhin gshegs pa'i lha'i spyan mtha' yas pa thob par bya ba'i phyir mun khrod kyi mchod rten nam lam rnams la mar me'i sbyin pa sbyin no/ /sems can thams cad de bzhin gshegs pa'i lha'i snyan mtha' yas pa thob par bya ba'i phyir sangs rgyas la mchod pa rnams sam/ chos la mchod pa rnams sam/ dge 'dun la mchod pa rnams la rol mo'i dbyangs sgra sbyin pa sbyin no/ /sems can thams cad la cha byad dang / tshul khrims dang / spyod pa mdzes pa bla na med pa thob par bya ba'i phyir lhung bzed dang chos gos sbyin pa sbyin no/ /sems can thams cad dbugs dbyung ba sbyin pa'i stobs thob par bya ba'i phyir snod tshags sbyin pa sbyin no/ /sems can thams cad shes rab chen po'i tshogs yongs su bskang ba thob par bya ba'i phyir myu gu dang / snag tsha dang / glegs bu dang / chos kyi khri stan sbyin pa sbyin no/ /sems can thams cad kyi nyon mongs pa'i nad thams cad gzhom pa'i phyir na ba'i gsos sman dang / yo byad sbyin pa sbyin no/ /sems can thams cad byang chub rnam pa gsum gyi sa dang / bdud rtsi'i dbyings kyis thob par bya ba'i phyir sa sbyin pa sbyin no/ /sems can thams cad slob dpon med pa'i dam pa'i chos mthon po thob par bya ba'i phyir mchod rten mthon po dang / sku gzugs mthon po byed do/ /bdog pa lta na sems can thams cad mngon par shes pa</font><hr>82.174b<br><font size=+1>

myur ba thob par bya ba'i phyir myur zhing yongs su nyon mongs par ma gyur bar sbyin pa sbyin no/ /sems can thams cad par du gcod pa med par rdzogs pa'i byang chub thob par bya ba'i phyir rung ba sbyin gyi rung ba ma yin pa ni ma yin no/ /sems can thams cad spobs pa chen po yongs su mi 'chad pa thob par bya ba'i phyir yongs su mi gcod par sbyin pa sbyin no/ /sems can thams cad snying rje chen po mtshungs pa med pa thob par bya ba'i phyir sems can thams cad la mnyam par sbyin pa sbyin no/ /sems can thams cad bdud dang mu stegs byed thams cad kyis tshar mi chod pa dang / gnod par mi nus pa'i chos mngon par rdzogs par byang chub par bya ba'i phyir gzhan la mi gnod par sbyin pa sbyin no/ /lag bzangs gal te byang chub sems dpa' la sbyin pa 'di dag sbyin du nor med cing 'byor pa med par gyur na/ de 'jig rten gyi khams thams cad du sems can thams cad la sbyin pa mtha' yas shing dpag tu med pa 'di dag sbyin par yid kyis 'dod cing smon la smon lam 'debs te/ lag bzangs byang chub sems dpa' de sbyin pa 'di dag sbyin pa'i nus pa dang ldan yang rung / nus pa dang mi ldan yang rung ste/ gang 'jig rten gyi khams thams cad na sems can thams cad bdag gi bde ba sbyar ba nyid dang ldan pa dang / yang dag par ldan par gyur cing 'bad pa med pa dang / 'dod pa med par brnag pa rnams thams cad kyis thams cad du shin du yongs su rdzogs shing bsam pa ma lus par yongs su rdzogs nas bde ba la reg par gnas par 'gyur bar bdag gi de bzang por gyur cig /bdag gi de dge bar gyur cig ces de ltar yid kyis 'dod cing smon la smon lam 'debs so/ /'jig rten gyi khams thams cad la rin po che'i rgya mtsho yang sbyin par 'dod cing</font><hr>82.175a<br><font size=+1>

smon la smon lam 'debs so/ /dbyig gi ri dang / gser gyi ri dang / gos kyi ri dang / yo byad thams cad kyi ri dang / bzang ba rgya mtsho dang / btung ba rgya mtsho dang / gnas legs par byas pa/ legs par gnas pa/ mtha' yas shing dpag tu med pa dag kyang sbyin par 'dod cing smon la smon lam 'debs so/ /'khor ba'i srid pa thams cad kyi 'jig rten gyi khams/ thams cad kyi sems can 'das pa dang / ma 'ongs pa dang / da ltar byung ba thams cad kyi sbyin pa dang / gtong ba dang / rnam par gtong pa gang yin pa zang zing sbyin pa 'am/ mi 'jigs pa sbyin pa 'am/ chos sbyin pa ma lus pa de dag thams cad la tha na dus gsum du yang mngon par dga' zhing rjes su yi rang ngo / /gal te de la bslangs la nor sbyin mi nus na yang rang gi zan skal sbyin pa 'am/ grogs su 'gyur ba 'am/ kun du btsal ba'i thabs kyang de la ston par 'gyur zhing chos kyi gtam gyis de'i 'dod pa sel bar byed do/ /de sbyin par 'dod par gyur ba na yang sbyin pa de sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / sems can thams cad yongs su mya ngan las bzla ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir bla na med pa yang dag par rdzogs pa'i byang chub tu yongs su bsngo'o/ /sbyin pa de byin nas kyang sbyin pa de sems can thams cad bsgral ba dang / sems can thams cad dgrol ba dang / sems can thams cad dbyugs dbyung ba dang / sems can thams cad yongs su mya ngan las bzla ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir bla na med pa yang</font><hr>82.175b<br><font size=+1>

dag par rdzogs pa'i byang chub tu yongs su bsngo'o/ /gal te sbyin pa dang / gtong ba dang / rnam par gtong ba de la slob pa'i nus pa dang mi ldan par gyur na de 'di ltar yang dag par slob ste/ dus dus su 'am/ cung zad cung zad du yang chags pa dang / ser sna dang / sbyin pas 'jigs pa spang ba dang / dor ba dang / bsal bar rtsol lo/ /'bad do/ /dus dus su 'am/ cung zad cung zad du yang sbyin pa dang / gtong ba dang / rnam par gtong ba la slob pa dang / mngon bar 'phel bar bya ba dang / yongs su rdzogs par bya bar rtsol lo/ /'bad do/ /srid pa gzhan du gyur ba na yang zhum par mi 'gyur zhing sgyid lug par mi 'gyur ro/ /lag bzangs byang chub sems dpa' rnams kyi byang chub tu sems bskyed pa dang / byang chub kyi sems rjes su dran pa dang / byang chub kyi sems bsgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi sbyin pa chen po dang / gtong ba chen po dang / rnam par gtong ba chen po grangs med cing dpag tu med pa yin no/ /de ci'i phyir zhe na/ 'di lta ste/ 'jig rten gyi khams thams cad du sems can thams cad la dam pa'i chos kyi char sbyin par 'dod pa dang / bdud rtsi'i dbyings kyi char sbyin par 'dod pa dang / dam pa'i chos kyi char gtong bar 'dod pa dang / bdud rtsi'i dbyings kyi char gtong bar 'dod pa dang / dam pa'i chos kyi char rnam par gtong bar 'dod pa dang / bdud rtsi'i dbyings kyi char rnam par gtong bar 'dod pa de ni sbyin pa dang / gtong ba dang / rnam par gtong ba thams cad kyi nang na mchog yin no/ /de ni dam pa yin no/ /lag bzangs de ltar na byang chub sems dpa' bde ba dang ldan la yid bde ba dang /   /   ldan zhing tshegs chung ngu dang / sdug bsngal chung ngus myur du skyen par</font><hr>82.176a<br><font size=+1>

sbyin pa'i pha rol du phyin pa yongs su rdzogs par byed do/ /lag bzangs byang chub sems dpa' ni slong ba rnams kyis bslangs pa na yan lag dang nying lag gcod dam/ bcad nas slong ba rnams la sbyin par mi byed do/ /de ci'i phyir zhe na/ de dag nyid kyis sems can dmyal ba chen por 'gyur ba dang / mi dge ba'i las chen po rgya cher yongs su mi spong ba'i phyir ro/ /sems can gzhan gyi phyir ram/ sems can gzhan gyi ched la de rang gi yan lag dang / nying lag yongs su mi gtong ba ni ma yin no/ /lag bzangs byang chub sems dpa' sems dpa' chen po ni slong bas bdog pa thams cad bslangs na pha ma la gnod pa byas shing spangs te sdug bsngal bar byas/ bu dang / chung ma dang / bran pho dang / bran mo dang / las byed pa dang / zho shas 'tsho ba la gnod pa byas shing spangs te sdug bsngal bar byas nas bdog pa thams cad slong ba rnams la sbyin par mi byed do/ /de ci'i phyir zhe na/ byang chub sems dpa' ni sems can thams cad la mtshungs par snying brtse ba yin te/ ji ltar pha ma la gnod pa mi byed cing mi spong la sdug bsngal bar yang mi byed pa dang / bu dang / chung ma dang / bran pho dang / bran mo dang / las byed pa dang / zho shas 'tsho ba la gnod pa mi byed cing mi spong ste/ sdug bsngal bar mi byed par sbyin pa yang sbyin pa de bzhin du sems can thams cad la mtshungs par gso bar byed do/ /de ni sems can gzhan gyi phyir ram/ sems can gzhan gyi ched la bdog pa thams cad yongs su mi gtong ba yang ma yin no/ /lag bzangs de bzhin gshegs pa rnams ni sems can la gnod pa'i sbyin pa'i bsngags pa gsung ba ma yin no/ /byang chub sems dpa' rnams kyi yan lag bcad pa lta la de ltar ga la 'gyur/ lag bzangs byang</font><hr>82.176b<br><font size=+1>

chub sems dpa' ji ltar tshul khrims kyi pha rol du phyin pa yongs su rdzogs par byed ce na/ lag bzangs 'di la byang chub sems dpa' ni srog gi phyir yang srog chags gzhan dag dang / sems can gzhan rnams la mi rdeg mi gsod cing gsod pa la rjes su yi rang bar mi byed do/ /srog gi phyir yang ma byin par mi len la/ ma byin par len du mi 'jug cing ma byin par len pa la rjes su yi rang bar mi byed do/ /srog gi phyir yang 'dod pa la log par g.yem par mi byed la/ 'dod pa la log par g.yem pa byed du mi 'jug cing 'dod pa la log par g.yem pa la rjes su yi rang bar mi byed do/ /srog gi phyir yang brdzun mi smra la/ brdzunzer du mi 'jug cing brdzun smra ba la rjes su yi rang bar mi byed do/ /srog gi phyir yang chang mi 'thung la/ chang 'thung du mi 'jug cing / chang 'thung ba la rjes su yi rang bar mi byed do/ /de bslab pa'i gzhi lnga po de dag la ring du gnas shing brtan por gnas la dam por gnas te mi lhod par gnas shing sgrub bo/ /de bzhin du zhing rmed pa dang / zhing rmed du 'jug pa dang / 'ching ba dang / 'ching du 'jug pa dang / go rar 'jug pa dang / go rar 'jug du 'jug pa dang / rdeg pa dang / rdeg tu 'jug pa dang / gcod pa dang / gcod du 'jug pa dag spang ba dang / dor ba dang / bsal bar 'bad par byed do/ /de ltar bslab pa'i gzhi lnga po dag la ring du gnas shing brtan por gnas la dam por gnas te mi lhod par gnas shing sgrub bo/ /de bzhin du phra ma'i tshig dang / ngag rtsub po dang / tshig kyal pa spang ba dang / dor ba dang / bsal bar 'bad par byed do/ /de srog chags thams cad dang / sems can thams cad ni bdag gi pha ma ji lta ba bzhin no/ /bu gcig pa phangs pa ji lta ba bzhin te/ ji ltar pha ma dang / bu gcig pa phangs pa bdag la 'khu yang</font><hr>82.177a<br><font size=+1>

slar 'khu bar mi bya la/ lag pa 'am/ bong ba 'am/ dbyug pa 'am/ ral gri 'am/ mdas brdegs kyang slar brdegs par mi bya/ gsod kyang slar gsad par mi bya zhing ji ltar pha ma dang / bu gcig pa phangs pa 'khu yang slar 'khu bar mi bya ba de bzhin du bdag srog chags thams cad dang / sems can thams cad kyis lag pa 'am/ bong ba 'am/ dbyug pa'am/ ral gri 'am/ mdas brdegs kyang slar brdegs par mi bya/ gsod kyang slar gsad par mi bya'o zhes de ltar slob bo/ /dper na pha 'am/ ma 'am/ bu gcig pa phangs pa yun ring por yul rgyus te 'ongs pa mthong na dga' zhing yid bde bar 'gyur ba de bzhin du lag bzangs byang chub sems dpa' sems dpa' chen po yang srog chags thams cad dang / sems can thams cad mthong na dga' ba dang / yid bde bar 'gyur ro/ /de'i srog gcod pa spangs pa'i tshul khrims ni sems can thams cad mi slob pa'i tshul khrims srog gcod pa spangs pa la dgod pa'i phyir ro/ /de'i ma byin par len pa spangs pa'i tshul khrims ni sems can thams cad mi slob pa'i tshul khrims ma byin par len pa spangs pa la dgod pa'i phyir ro/ /de'i 'dod pa la log par g.yem pa spangs pa'i tshul khrims ni sems can thams cad mi slob pa'i tshul khrims tshangs par spyod pa la dgod pa'i phyir ro/ /de'i brdzun du smra ba spangs pa'i tshul khrims ni sems can thams cad mi slob pa'i tshul khrims brdzun du smra ba spangs pa la dgod pa'i phyir ro/ /de'i chang 'thung ba spangs pa'i tshul khrims ni sems can thams cad mi slob pa'i tshul khrims chang 'thung ba spangs pa la dgod pa'i phyir ro/ /de'i zhing rmed pa dang / zhing rmed du 'jug pa spangs pa'i tshul khrims ni sems can thams cad rdo rje ltar mi phyed pa'i ting nge 'dzin</font><hr>82.177b<br><font size=+1>

thob par bya ba'i phyir ro/ /de'i 'ching ba dang / 'ching du 'jug pa spangs pa'i tshul khrims ni sems can thams cad kyi nyon mongs pa'i bcing ba thams cad gcad pa'i phyir ro/ /de'i go rar 'jug pa dang / go rar 'jug tu 'jug pa spangs pa'i tshul khrims ni sems can thams cad kyi 'gro ba lnga dgag pa dang bsal ba'i phyir ro/ /de'i rdeg pa dang / rdeg tu 'jug pa spangs pa'i tshul khrims ni sems can thams cad bdud dang nyon mongs pa'i bsgrib pa bar du gcod pa thams cad kyis zil gyis mi non pa'i chos nyid thob par bya ba'i phyir ro/ /de'i gcod pa dang / gcod du 'jug pa spangs pa'i tshul khrims ni sems can thams cad lus dang ngag dang yid kyi las kun du bsrungs pa thob par bya ba'i phyir ro/ /de'i phra ma'i tshig spangs pa'i tshul khrims ni g.yog nyan thos kyi dge 'dun chen po mi phyed pa thob par bya ba'i phyir ro/ /de'i tshig rtsub po spangs pa'i tshul khrims ni yan lag lnga pa'i ngag gi lam dang ldan pa'i tshangs pa'i dbyangs thob par bya ba'i phyir ro/ /de'i tshig kyal pa spangs pa'i tshul khrims ni tshigs gzung bar 'os pa thogs pa med pa thob par bya ba'i phyir ro/ /de'i 'chi bas 'jigs skrag pa yongs su skyob pa'i tshul khrims ni sems can thams cad kyi skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i 'jigs pa rab tu zhi bar bya ba'i phyir ro/ /de'i gzhan gyi nor dang yo byad 'jig cing chud za ba yongs su skyob pa'i tshul khrims ni sems can thams cad byang chub kyi phyogs kyi chos kyi nor bla na med pa thob par bya ba'i phyir ro/ /de'i gzhan gyi bud med la 'dzin pa gtong bar byed pa dang / gtong bar byed du 'jug pa'i tshul khrims ni 'khrul pa med pa'i chos</font><hr>82.178a<br><font size=+1>

nyid thob par bya ba'i phyir ro/ /de'i 'gugs pa gtong bar byed pa dang / gtong bar byed du 'jug pa'i tshul khrims ni rang gi sems la dbang thob par bya ba'i phyir ro/ /de'i 'ching ba 'grol ba dang / 'grol du 'jug pa'i tshul khrims ni dpa' bo'i stan byang chub kyi snying por bdud kyi dmag dang nyon mongs pa'i 'ching ba thams cad gzhig pa'i phyir ro/ /de'i khyim nas 'byung ba'i tshul khrims ni sems rnam par grol ba sgrib pa med pa thob par bya ba'i phyir ro/ /de'i rdeg pa 'chugs pa'i tshul khrims ni mi 'jigs pa rnam pa bzhis 'jigs pa yang dag par gzhom pa thob par bya ba'i phyir ro/ /de'i rtsod pa zlog pa'i tshul khrims ni kun du srung ba'i chos bzhi thob par bya ba'i phyir ro/ /de'i mi slu ba'i tshig smra ba'i tshul khrims ni dpa' bo'i stan byang chub kyi snying por bdud dang nyon mongs pa'i sgrib pa bar du gcod pa thams cad kyis mi slu ba'i chos nyid thob par bya ba'i phyir ro/ /de'i bye ba rnams kyi sdums byed cing mdza' ba brtan par byed pa'i tshul khrims ni g.yog 'phags pa'i nyan thos kyi dge 'dun chen po mi phyed pa thob par bya ba'i phyir ro/ /de'i tshig snyan pa dang / 'jam por smra ba'i tshul khrims ni sems can thams cad kyi rnar bde zhing snying du 'ong la bden pa'i ngag thob par bya ba'i phyir ro/ /de'i kun du 'thun pa'i smra ba'i tshul khrims ni tsher mi chod cing gzung bar 'os la 'bras bu yod pa'i chos ston pa thob par bya ba'i phyir ro/ /de'i sangs rgyas kyi yon tan gyi bsngags pa brjod pa'i tshul khrims ni 'phags pa'i yon tan dang ldan pa'i dge 'dun gyi g.yog 'khor chen po thob par bya ba'i phyir ro/ /de'i 'das pa dang / ma 'ongs pa dang / da ltar byung ba'i sangs rgyas dang / chos dang / dge 'dun dang / byang chub sems dpa' 'jig rten gyi khams thams cad du btogs pa grangs</font><hr>82.178b<br><font size=+1>

med dpag tu med pa rnams la dus gsum du yan lag lngas gtugs te phyag 'tshal bar byed pa'i tshul khrims ni sems can thams cad dpa' bo'i stan byang chub kyi snying por mi phyed cing sra la shin du brtan pa'i dad pa dang / brtson 'grus dang / dran pa dang / ting nge 'dzin dang / shes rab mchog gi chos nyid dam pa lnga thob par bya ba'i phyir ro/ /de'i dus gsum du sangs rgyas kyi mchod rten thams cad la rim gro byed pa'i tshul khrims ni sangs rgyas kyi chos thams cad yongs su bkang ba thob par bya ba'i phyir ro/ /de'i dus gsum du chos kyi yon tan brjod pa smra ba'i tshul khrims ni chos kyi 'khor lo gnas med pa bla na med pa bskor ba'i phyir ro/ /de'i dus gsum du dge 'dun gyi yon tan brjod pa smra ba'i tshul khrims ni 'phags pa'i dge 'dun mi phyed pa'i g.yog 'khor chen po thob par bya ba'i phyir ro/ /de'i dus gsum du dkon mchog gsum la skyabs su 'gro ba'i tshul khrims ni sems can thams cad la skyabs bla na med pa sbyin pa'i phyir ro/ /de'i dus gsum du 'jig rten gyi khams thams cad dkon mchog gsum dang / byang chub sems dpa' rnams kyis stongs par mi 'gyur bar gsol ba 'debs pa'i tshul khrims ni bde bar 'gyur bar gcig tu nges par rdzogs pa'i byang chub thob par bya ba'i phyir ro/ /de'i dus gsum du sangs rgyas thams cad la bskal par chos ston par gsol ba 'debs pa'i tshul khrims ni sa bcu pa chos kyi sprin thob par bya ba'i phyir ro/ /de'i dus gsum du sdig pa thams cad so sor 'chags pa dang / sdig pa thams cad so sor 'dor ba dang / sdig pa thams cad la smod pa'i tshul khrims ni bag chags kyi mtshams sbyor ba thams cad yang dag par gzhom pa thob par bya ba'i phyir ro/ /de'i dus</font><hr>82.179a<br><font size=+1>

gsum du dge ba'i rtsa ba thams cad yang dag par 'dzin pa'i tshul khrims ni pha rol du phyin pa thams cad yongs su bkang ba thob par bya ba'i phyir ro/ /de'i dus gsum du sangs rgyas dang / rang sangs rgyas dang / 'phags pa nyan thos kyi dge 'dun dang / byang chub sems dpa' 'jig rten gyi khams thams cad du gtogs pa 'das pa dang / ma 'ongs pa dang / da ltar byung ba thams cad dang / sems can 'gro ba thams cad du song ba 'jig rten gyi khams thams cad du gtogs pa 'das pa dang / ma 'ongs pa dang / da ltar byung ba thams cad kyi dge ba'i rtsa ba thams cad la rjes su yi rang ba'i tshul khrims ni byang chub kyi tshogs mtha' yas shing dpag tu med pa bsags pa yongs su rdzogs par bya ba'i phyir ro/ /de'i dus gsum du rdzogs pa'i byang chub tu smon pa'i tshul khrims ni rdzogs pa'i byang chub thob par nges pa la 'jug par bya ba'i phyir ro/ /de'i dus gsum du dge ba'i rtsa ba thams cad rdzogs pa'i byang chub thob par yongs su sngo ba'i tshul khrims ni gcig tu de bzhin gshegs pa'i stobs dang / mi 'jigs pa thob par bya ba'i phyir ro/ /de'i pha ma dang / bla ma dang / rgan pa dang / slob dpon dang / mkhan po la bsnyen bkur byed pa'i tshul khrims ni zil gyis mi non pa'i chos nyid thob par bya ba'i phyir ro/ /de'i 'jigs pa dang / skrag pa dang / nyam thag pa dang / mgon med pa dbugs 'byin pa'i tshul khrims ni dris pa thams cad la mi skyo bar lan 'debs pa la lung bstan pa la mkhas pa thob par bya ba'i phyir ro/ /de'i rgyal po dang / chom rkun dang / me dang / chu dang / bgo skal la spyod pa'i sdug bsngal gyi nang du chud pa rnams yongs su bskyab cing grogs bya ba'i tshul khrims ni gnas dang / sa dang pha rol du phyin pa chen</font><hr>82.179b<br><font size=+1>

po yongs su bskang ba thob par bya ba'i phyir ro/ /de'i sangs rgyas dang / rang sangs rgyas dang / 'phags pa nyan thos dang / byang chub sems dpa' rnams kyi rdzu 'phrul gyi cho 'phrul rjes su bsngags pa'i tshul khrims ni de bzhin gshegs pa'i rdzu 'phrul gyi stobs bla na med pa thob par bya ba'i phyir ro/ /de'i pha rol gyi rjes su srung ba dang 'thun pa'i lus kyi las kyi tshul khrims dang / pha rol gyi sems mngon par dga' ba dang / yang dag par dga' bar 'gyur ba'i lus kyi las kyi tshul khrims dang / pha rol gyi sems rjes su srung ba dang 'thun pa'i ngag gi las kyi tshul khrims dang / pha rol gyi sems mngon par dga' ba dang / yang dag par dga' bar 'gyur ba'i ngag gi las kyi tshul khrims ni de bzhin gshegs pa'i pha rol gyi sems mkhyen pa'i stobs mtha' yas pa thob par bya ba'i phyir ro/ /de'i tshe 'di'i don dang / tshe rabs gzhan gyi don dang / nyan thos kyi theg pa'i don dang / rang sangs rgyas kyi theg pa'i don dang / rdzogs pa'i byang chub kyi theg pa'i don rnams la bag med pa dang / brjed pa rnams kyi dran pa yang dag par skyed pa'i tshul khrims dang / ngan pa 'byung bar byed pa'i tshul khrims ni brjed pa med pa'i chos nyid thob par bya ba'i phyir ro/ /de'i chos nyan pa'i tshul khrims dang / chos 'dzin pa'i tshul khrims dang / chos goms par byed pa'i tshul khrims dang / chos nye bar ston pa'i tshul khrims ni so so yang dag par rig pa dang / pha rol du phyin pa yongs su bskang ba thob par bya ba'i phyir ro/ /de'i tshul khrims yang dag par len par 'dod pa dang / lhag par sbyang par 'dod na yang lus dang / ngag dang / sems kyi dge ba'i rtsa ba de thams cad sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad</font><hr>82.180a<br><font size=+1>

mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su bsngo bar byed do/ /yang dag par 'dzin pa dang / lhag par spyod pa dang / yang dag par blangs pa dang / lhag par spyad nas kyang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su bsngo bar byed do/ /gal te tshul khrims de ma zhig pa dang / ma ral ba dang / 'dren ma ma yin par slob pa'i nus pa dang mi ldan par gyur na 'di ltar yang dag par slob ste/ dus dus su 'am/ cung zad cung zad yang mi dge ba spang pa dang / dor ba dang / bsal par rtsol lo/ /'bad do/ /dus dus su 'am/ cung zad cung zad du yang dge ba la slob pa dang / mngon par 'phel bar bya ba dang / yongs su rdzogs par bya bar rtsol lo/ /'bad do/ srid pa gzhan du gyur ba na yang zhum par mi 'gyur zhing sgyid lug par mi 'gyur ro/ /lag bzangs byang chub sems dpa' rnams kyi byang chub tu sems bskyed pa dang / byang chub kyi sems rjes su dran pa dang / byang chub kyi sems sgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi dge ba'i tshul khrims yang dag par 'dzin pa dang / dge ba'i tshul khrims la lhag par sbyong ba grang med cing dpag tu med pa yin no/ /de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i tshul khrims bskyed par 'dod pa dang / mi slob pa'i tshul khrims bskyed par 'dod pa dang / zag pa med pa'i tshul khrims yang dag par skyed par 'dod pa dang /</font><hr>82.180b<br><font size=+1>

mi slob pa'i tshul khrims yang dag par bskyed par 'dod pa de ni dge ba'i tshul khrims yang dag par 'dzin pa dang / dge ba'i tshul khrims la lhag par spyod pa'i mchog yin no/ /de ni dam pa yin no/ /lag bzangs de ltar na byang chub sems dpa' bde ba dang ldan la yid bde ba dang ldan zhing tshegs chung ngu dang / sdug bsngal chung ngus myur du skyen par tshul khrims kyi pha rol du phyin pa yongs su rdzogs par byed do/ /lag bzangs byang chub sems dpa'i ji ltar bzod pa'i pha rol tu phyin pa yongs su rdzogs par byed ce na/ lag bzangs 'di la byang chub sems dpa' ni gzhan dag gi rang gi lus kyi srog gcod dam/ bdog pa thams cad 'phrog gam/ chung ma 'phrog gam/ brdzun du smra ba 'am/ phra ma dang / ngag rtsub po dang / tshig kyal ba smra ba 'am/ gshe 'am/ gsod dam/ 'dzin tam/ rdeg gam/ gcod kyang slar gnod par mi byed cing slar mi khro ste shar gnyer zhing 'khon du 'dzin par mi byed do/ /de 'di ltar yang dag par slob ste/ bdag nyid kyis sngon gyi srid pa rnams dang / srid pa 'di la sdig pa mi dge ba'i las 'di dag byas shing bsags pa de dag gi 'bras bu ni 'di yin/ de dag gi rnam par smin pa ni 'di yin te/ rang gi las kyi 'bras bu dang / rang gi las kyi rnam par smin pa bdag gis myong ba la ci'i phyir gzhan la slar gnod par bya zhing slar khro ba dang / shar gnyer zhing 'khon du 'dzin par bya snyam du sems so/ /lag bzangs gzhan yang byang chub sems dpa' 'di ltar yang dag par slob ste/ gal te bdag gi srog gcod pa 'am/ bdog pa thams cad 'phrog pa 'am/ chung ma 'phrog pa 'am/ brdzun du smra ba 'am/ phra ma 'am/ ngag rtsub po 'am/ tshig kyal pa smra ba 'am/ gshe ba 'am/ gsod pa 'am/ 'dzin pa 'am/ rdeg pa 'am/</font><hr>82.181a<br><font size=+1>

gcod pa yang rung ste/ gzhan dag la slar gnod pa byas sam/ slar khro ba 'am/ shar gnyer zhing 'khon du bzung na slar gnod pa byas pa dang / slar khros pa dang / shar gnyer zhing 'khon du bzung ba'i sdig pa mi dge ba de'i sdug bsngal gyi tshor ba mi 'dod pa/ mi sdug pa yid du mi 'ong ba 'di bas bdag la las kyi rnam par smin pa dang / las kyi rgyu 'thun pa brgya gyur tam/ stong gyur tam/ de bas lhag par mi 'dod pa dang / mi sdug pa dang / yid du mi 'ong ba'i sdug bsngal gzhan yang 'byung bar 'gyur ro snyam mo/ /lag bzangs gzhan yang byang chub sems dpa' 'di ltar yang dag par slob ste/ srog yod pas srog gcod par 'gyur/ rdzas yod pas rdzas 'phrog par 'gyur/ /rna ba'i dbang po yod pas rdzun du smra ba thos par 'gyur zhing / phra ma dang / ngag rtsub po dang / tshig kyal pa thos par 'gyur la/ lus yod pas lus 'dren pa dang / 'ching ba dang / 'dzin pa dang / rdeg pa dang / gcod par 'gyur te/ bdag nyid kyis sdug bsngal gyi dngos po/ sdug bsngal gyi gzhi po/ srog gi dbang po dang / rna ba'i dbang po dang / lus blangs par gyur na ji ltar gzhan dag la slar gnod pa dang / slar khro ba dang / shar gnyer zhing 'khon du gzung bar bya snyam mo/ /lag bzangs gzhan yang byang chub sems dpa' 'di ltar yang dag par slob ste/ dper na sa'i khams kyi mtshan nyid ni sra ba ste/ de ni ngo bo nyid/ de ni chos nyid/ de ni rang bzhin no/ /chu'i khams kyi mtshan nyid ni gsher ba/ me'i khams kyi mtshan nyid ni tsha ba/ rlung gi khams kyi mtshan nyid ni yang zhing g.yo ba ste/ de ni ngo bo nyid/ de ni chos nyid/ de ni rang bzhin no/ /de bzhin du srog chags thams cad kyang zad pa'i chos can/ 'god pa'i chos can/ 'gog pa'i chos</font><hr>82.181b<br><font size=+1>

can no/ /dbang po thams cad kyang sdug bsngal gyi chos can/ sdug bsngal 'dus te reg pa'i chos can/ sdug bsngal myong ba'i chos can no/ /lus thams cad kyang sdug bsngal gyi chos / sdug bsngal 'dus te reg pa'i chos/ sdug bsngal myong ba'i chos te/ de ni ngo bo nyid/ de ni chos nyid/ de ni rang bzhin yin no/ /srog gi dbang po zad pa'i chos can/ 'god pa'i chos can/ 'gog pa'i chos can/ zad cing dengs la 'gog pa dang / dbang po drug po sdug bsngal gyi chos can/ sdug bsngal 'dus te reg pa'i chos can/ sdug bsngal myong ba'i chos can rnams la sdug bsngal 'dus te reg pa'i ji ltar gzhan dag la slar gcod pa 'am/ slar khro ba 'am/ shar gnyer zhing 'khon du bzung bar bya/ de ci'i phyir zhe na/ 'di ni ngo bo nyid/ 'di ni chos nyid/ 'di ni rang bzhin yin no snyam mo/ /lag bzangs gzhan yang byang chub sems dpa' di ltar yang dag par slob ste/ bdag gi mig dang / rna ba dang / sna dang / lce dang / lus dang / yid kyang bdag med cing bdag gi med pa yin la/ gzhan dag gi mig dang / rna ba dang / sna dang / lce dang / lus dang / yid kyang bdag med cing bdag gi med pa yin na/ mkhas pa rig pa dag mig dang / rna ba dang / sna dang / lce dang / lus dang / yid bdag med cing bdag gi med pa la/ mig dang / rna ba dang / sna dang / lce dang / lus dang / yid bdag med cing bdag gi med pa dang / ji ltar dga' ba 'am/ rjes su chags pa 'am/ yang dag par dga' bar 'gyur ba 'am/ rdeg pa 'am/ slar gnod par byed pa 'am/ slar khro ba 'am/ shar gnyer zhing 'khon du 'dzin par 'gyur snyam mo/ /lag bzangs gzhan yang byang chub sems dpa' 'di ltar yang dag par slob ste/ 'di lta ste/ mir skyes pa'i sdug bsngal ni nyung zhing chung gi /yi dgas kyi sdug bsngal ni ches mi bzad la</font><hr>82.182a<br><font size=+1>

ches bzod par dka' ba yin/ dud 'gro'i skye gnas kyi sdug bsngal dang / sems can dmyal ba'i sdug bsngal yang ches mi bzad cing bzod par dka' ba yin na/ bdag gis ji ltar sdug bsngal chung zhing nyung ba tsam gyi phyir gzhan dag la slar gnod pa dang / slar khro ba dang / shar gnyer zhing 'khon du gzung bar bya snyam mo/ /lag bzangs gzhan yang byang chub sems dpa' 'di ltar yang dag par slob ste/ gang bdag gcig pu'i don 'dod pa dang / bdag gcig pu la phan par 'dod pas gzhan dag la phyir gnod pa byed cing phyir khro ste shar gnyer zhing 'khon du 'dzin pa de yang mi rigs te cha ma yin na/ bdag 'jig rten gyi thams cad kyi don 'dod pa/ 'jig rten thams cad la phan par 'dod pa/ go cha chen po bgos pa/ yi dam bcas pa chen pos yi dam bcas pa/ theg pa chen po la yang dag par zhugs pa/ sangs rgyas kyi chos rgya chen po yongs su bskang bar 'dod pa lta la smos kyang ci dgos te/ mi bzod pa dang / phyir gnod pa byed pa dang / phyir khro ba dang / shar gnyer zhing 'khon du 'dzin pas ni sangs rgyas kyi chos 'di dag sogs pa dang / 'phel ba dang / yongs su rdzogs par mi 'gyur gyi/ bzod pa dang / phyir gnod pa mi byed pa dang / phyir mi khro ba dang / shar gnyer cing 'khon du 'dzin pa mi byed pas sangs rgyas kyi chos 'di dag sogs shing 'phel te/ yongs su rdzogs par 'gyur ro snyam mo/ /lag bzangs rigs kyi bu 'am/ rigs kyi bu mo sangs rgyas kyi chos yongs su bskang bar 'dod pas mnar med pa'i sdug bsngal gyi reg pas reg kyang gzhan dag la slar gnod par mi bya/ slar khro bar mi bya/ shar gnyer zhing 'khon du gzung bar mi bya na/ mi'i sdug bsngal</font><hr>82.182b<br><font size=+1>

gyis reg pas lta smos kyang ci dgos/ de spyos sam/ brgyad dam/ smad dam/ mi snyan pa byas kyang byams pa'i sems dang / snying rje'i sems dang / de bzhin gshegs pa'i thugs shin du dri ma med cing dag la dka' ba thob par bya ba'i phyir bzod cing dang du len to/ /de'i drud bshal tam/ bcings sam/ bzung yang byams pa'i sems dang / snying rje'i sems dang / skad cig gcig la ma rig pa'i sgrib pa'i sgo nga'i sbubs gzhom pa'i phyir bzod cing dang du len to/ /de brdegs kyang byams pa'i sems dang / snying rje'i sems dang / sems can thams cad kyi rjes su chags pa dang / khong khro ba bzlog pa'i phyir bzod cing dang du len to/ /de rna ba bcad kyang byams pa'i sems dang / snying rje'i sems dang / sems can thams cad la dad par bya ba'i chos kyi rna ba bskyed pa'i phyir bzod cing dang du len to/ /de sna bcad kyang byams pa'i sems dang / snying rje'i sems dang / sems can thams cad tshul khrims kyi yon tan mdzes shing bla na med pa la longs spyod par bya ba'i phyir bzod cing dang du len to/ /de rkang pa bcad kyang byams pa'i sems dang / snying rje'i sems dang / sems can thams cad de bzhin gshegs pa'i rdzu 'phrul gyi rkang pa bzhi thob par bya ba'i phyir bzod cing dang du len to/ /de lag pa bcad kyang byams pa'i sems dang / snying rje'i sems dang / sems can thams cad la zhi ba dang / nye bar zhi ba'i chos kyi lag brkyang pa sbyin pa thob par bya ba'i phyir bzod cing dang du len to/ /de yan lag thams cad bcad kyang byams pa'i sems dang / snying rje'i sems dang / pha rol du phyin pa drug gi yan lag dang / nying lag yongs su rdzogs par bya ba'i phyir bzod cing dang du len to/ /de mig phyung yang byams pa'i sems dang / snying rje'i sems dang / sems can thams cad shes</font><hr>82.183a<br><font size=+1>

bzhin gyi mig g.yung drung thob par bya ba'i phyir bzod cing dang du len to/ /de mgo gcod kyang byams pa'i sems dang / snying rje'i sems dang / sems can thams cad thams cad mkhyen pa nyid kyi chos kyi mgo thob par bya ba'i phyir bzod cing dang du len to/ /de bzod pa 'di dag dang / ji mi snyam pa 'di dag mngon sum du bya bar 'dod pa dang / yid la bya bar 'dod pa na yang sems can thams cad bsgral ba dang / sems can thams cad dgrol ba dang / sems can thams cad dbug dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do/ /mngon sum du byed pa dang / yid la byed pa dang / mngon sum du byas pa dang / yid la byas nas kyang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su bsngo bar byed do/ /gal te bzod pa 'di dag dang / ji mi snyam pa 'di dag ma nyams/ skyon med pa dang / 'dren ma ma yin par slob pa'i nus pa dang mi ldan par gyur na de 'di ltar yang dag par slob ste/ dus dus su 'am/ cung zad cung zad du yang mi bzod pa dang / ji snyam par mi byed pa spang ba dang / dor ba dang / bsal bar rtsol lo/ /'bad do/ /dus dus su 'am/ cung zad cung zad du yang bzod pa dang / ji mi snyam pa la slob pa dang / mngon par 'phel bar bya ba dang / yongs su rdzogs par bya ba rtsol lo/ /'bad do/ /srid pa gzhan du gyur ba na yang zhum par mi 'gyur zhing sgyid lug par mi 'gyur ro/ /lag bzangs byang chub sems dpa' rnams</font><hr>82.183b<br><font size=+1>

kyi byang chub tu sems bskyed pa dang / byang chub kyi sems rjes su dran pa dang / byang chub kyi sems bsgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi bzod pa kun du sbyang ba dge ba dang / bzod pa yang dag par bsgrub pa dge ba grangs med cing dpag tu med pa yin no/ /de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i bzod pa bskyed par 'dod pa dang / mi slob pa'i bzod pa bskyed par 'dod pa dang / zag pa med pa'i bzod pa yang dag par bskyed par 'dod pa dang / mi slob pa'i bzod pa yang dag par bskyed par 'dod pa de ni bzod pa kun du spyod pa dge ba dang / bzod pa yang dag par sgrub pa dge ba thams cad kyi mchog yin no/ /de ni dam pa yin no/ /lag bzangs de ltar na byang chub sems dpa' bde ba dang ldan la yid bde ba dang ldan zhing tshegs chung ngu dang / sdug bsngal chung ngus myur du skyen par bzod pa'i pha rol du phyin pa yongs su rdzogs par byed do/ /lag bzangs byang chub sems dpa' ji ltar brtson 'grus kyi pha rol du phyin pa yongs su rdzogs par byed ce na/ lag bzangs 'di la byang chub sems dpa' 'di ltar yang dag par slob ste/ phyogs bcu'i phyogs re rer yang 'jig rten gyi khams mtha' yas mu med de/ 'jig rten gyi khams re re na yang sems can mtha' yas so/ /de ltar sems can gyi tshogs mtha' yas shing mu med pa la mtha' yod pa ma yin te/ bdag ni sems can gyi tshogs mtha' yas shing mtha' yas pa de la phan pa'i phyir go cha bgos la/ sems can gyi tshogs mtha' yas shing mtha' yas pa la bde ba'i phyir go cha bgos na sems can thams cad la phan par dmigs pa mtha'</font><hr>82.184a<br><font size=+1>

yas shing mtha' yas pa dang / sems can thams cad la bde bar dmigs pa mtha' yas shing mtha' yas pa'i dge ba'i rtsa ba mtha' yas pa dag bag med par gyur tam/ sems gzhan du gyur tam/ gnyid kyis log kyang nyin mtshan du sems kyi skad cig sems kyi skad cig la 'phel ba dang / rgyas pa dang / yongs su rdzogs par 'gyur te/ sems kyi skad cig sems kyi skad cig la dge ba'i rtsa ba mtha' yas shing mtha' yas pa dag skye ba dang / byang chub kyi tshogs kyi phung po mtha' yas shing mtha' yas pa dag skye bas rdzogs pa'i byang chub rnyed dka' bar mi 'gyur na bdag gis 'dir sems kyi skad cig sems kyi skad cig dge ba'i rtsa ba 'phel ba mtha' yas shing mtha' yas pa dang / dge ba'i rtsa ba rgyas par 'gyur ba mtha' yas shing mtha' yas pa yang dag par rjes su mthong la/ gzhi de las rdzogs pa'i byang chub rnyed mi dka' bar yang dag par rjes su mthong bzhin du rdzogs pa'i byang chub thob par 'gyur ba'i brtson 'grus srog gi phyir yang ci'i phyir nyams par bya snyam mo/ /lag bzangs gzhan yang byang chub sems dpa' 'di ltar yang dag par slob ste/ gang zhig sems can gyi tshogs mtha' yas shing mtha' yas pa de'i rga ba'i sdug bsngal gcig pu bsal ba dang gzhom par 'dod pa de yang sems kyi skad cig sems kyi skad cig la dge ba'i rtsa ba mtha' yas shing mtha' yas pa 'phel la/ dge ba'i rtsa ba mtha' yas shing mtha' yas pa rgyas par 'gyur na/ gang zhig sems can gyi tshogs mtha' yas shing mtha' yas pa de'i skye ba'i sdug bsngal dang / 'chi ba'i sdug bsngal bsal bar 'dod pa dang / sdug pa dang bral ba'i sdug bsngal dang / mi sdug pa dang phrad pa'i sdug bsngal dang / 'dod pa</font><hr>82.184b<br><font size=+1>

mi 'byor pa'i sdug bsngal dang / dud 'gro'i skye gnas kyi sdug bsngal dang / gshin rje'i 'jig rten gyi sdug bsngal dang / sems can dmyal ba'i sdug bsngal dang / grang ba'i sems can dmyal ba'i sdug bsngal dang / tsha ba'i sems can dmyal ba'i sdug bsngal bsal bar 'dod pa lta smos kyang ci dgos snyam mo/ /lag bzangs gzhan yang byang chub sems dpa' 'di ltar yang dag par slob ste/ gang zhig sems can gyi tshogs mtha' yas shing mtha' yas pa de'i sdug bsngal sems kyi skad cig gcig pa'i sems skyi skad cig gcig tsam dang 'brel ba bsal bar 'dod pa de yang sems kyi skad cig sems kyi skad cig la dge ba'i rtsa ba mtha' yas shing mtha' yas pa 'phel la/ dge ba'i rtsa ba mtha' yas shing mtha' yas pa rgyas par 'gyur na/ gang zhig ma 'ongs shing ma phyin pa'i bskal pa mtha' yas dpag tu med pa rnams su sems can gyi tshogs mtha' yas shing mtha' yas pa de'i skye ba'i sdug bsngal gyi bar du bsal bar 'dod pa lta smos kyang ci dgos snyam mo/ /lag bzangs gzhan yang byang chub sems dpa' 'di ltar yang dag par slob ste/ gang zhig rang sangs rgyas kyi yon tan nam/ nyan thos kyi yon tan 'dod pa de yang sems kyi skad cig sems kyi skad cig la dge ba'i rtsa ba mtha' yas shing mtha' yas pa 'phel la/ dge ba'i rtsa ba mtha' yas shing mtha' yas pa rgyas par 'gyur na/ rigs kyi bu 'am/ rigs kyi bu mo gang sangs rgyas kyi chos yon tan mtha' yas shing yon tan mu med pa/ stobs mtha' yas shing stobs mu med pa mtha' dag chub pa yongs su rdzogs par 'dod pa dang / mos pa dang / smon pa lta smos kyang ci dgos te/ bag med par gyur tam/ gnyer gyis log kyang rgyu bzhi dang / rkyen bzhi dang / dmigs pa bzhi po</font><hr>82.185a<br><font size=+1>

de dag ni de'i dge ba'i rtsa ba'i phung po mtha' yas shing mu med pa bzhi dang / byang chub kyi tshogs kyi phung po mtha' yas shing mu med pa bzhi sems kyi skad cig sems kyi skad cig la 'phel zhing rgyas par 'gyur ba ste/ sems kyi skad cig sems kyi skad cig la dge ba'i rtsa ba'i phung po mtha' yas shing mtha' yas pa bzhi skye ba dang / rdzogs pa'i byang chub kyi tshogs kyi phung po mtha' yas shing mtha' yas pa bzhi skye ba dag gis rdzogs pa'i byang chub rnyed par mi dka' na/ bdag gis 'dir sems kyi skad cig sems kyi skad cig la dge ba'i rtsa ba'i phung po mtha' yas shing mtha' yas pa bzhi dang / rdzogs pa'i byang chub kyi tshogs kyi phung po mtha' yas shing mtha' yas pa bzhi yang dag par rjes su mthong la/ gzhi de las rdzogs pa'i byang chub rnyed par mi dka' bar yang dag par rjes su mthong bzhin du rdzogs pa'i byang chub 'thob par 'gyur ba'i brtson 'grus srog gi phyir yang ci'i phyir nyams par bya snyam mo/ /rgya mtsho chen po bzhi ni shar phyogs kyi mtha' yang mngon zhing mu yang mngon la/ lho dang / nub dang / byang dang / 'og dang /  steng gi mtha' yang mngon zhing mu yang mngon la/ dge ba'i rtsa ba byang chub kyi tshogs kyi rgya mtsho chen po mtha' yas mu med pa bzhi po de dag la ni mtha' dang mu yod pa ma yin na/ bdag gis sems kyi skad cig sems kyi skad cig la dge ba'i rtsa ba byang chub kyi tshogs kyi rgya mtsho chen po bzhi po 'di dag 'phel zhing rgyas na rdzogs pa'i byang chub 'thob par 'gyur ba la srog gi phyir yang ci'i phyir brtson 'grus nyams par bya snyam mo/ /lag bzangs gzhan yang byang chub sems dpa' 'di ltar yang dag par slob ste/ gang dag seng ge dang / stag dang / khyi dang / lce spyang dang / bya rgod dang / khrung khrung dang / bya rog dang / 'ug pa dang / srin bu dang / sbrang ma dang / sbrang bu</font><hr>82.185b<br><font size=+1>

dang / sha sbrang du gyur ba de dag gis kyang byang chub mngon par rdzogs par sangs rgyas par gyur na/ bdag mir gyur bzhin du srog gi phyir yang ci'i phyir rdzogs pa'i byang chub thob par 'gyur ba'i brtson 'grus nyams par bya snyam mo/ /lag bzangs gzhan yang byang chub sems dpa' 'di ltar yang dag par slob ste/ mi brgya 'am/ mi stong gis kyang sangs rgyas nyid rtogs shing thob na bdag gis kyang 'dir ci'i phyir ma rtogs shing /thob par mi 'gyur/ gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang rtogs shing brnyes/ gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyang rtogs shing brnyes par gyur na/ bdag gis 'dir srog gi phyir yang ci'i phyir rdzogs pa'i byang chub thob par 'gyur ba'i brtson 'grus nyams par bya snyam mo/ /lag bzangs gzhan yang byang chub sems dpa' brtson 'grus brtsams pa yin te/ sangs rgyas ston pa'o zhes ston na sangs rgyas kyi gsungs pa 'am/ nyan thos kyis bshad pa 'am/ byang chub sems dpas bshad pa 'am/ tha na smyon pa rnams kyis bshad pa'i chos gang yin pa dag dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par 'gyur ba dang / sangs rgyas kyi chos thob par 'gyur ba dang / rdzogs pa'i byang chub thob par 'gyur ba dang / thams cad mkhyen pa nyid thob par 'gyur ba'i chos gang yin pa de dag mgo dang gos la me 'bar ba bzhin du rtag par rgyun du nyan to/ /nges par byed do/ /rtog go/ /mkhas pa</font><hr>82.186a<br><font size=+1>

le lo med pa ni ngu shing bzhin du byed cing yid la byed pas mdung thung dag gis bzlog kyang de mgo dang gos la me 'bar ba bzhin du rtag par rgyun du chos de dag 'dzin to/ /yongs su shes par byed do/ /'chad do/ /klog go/ /rjes su sems so/ /gzhan dag la ston to/ /go bar byed do/ /mkhas pa le lo med pa ni ru shing bzhin du byed cing yid la byed pas mdung thung dag gis bzlog kyang rung / de bcol kyang rung / ma bcol yang rung / sems can thams cad kyi don dang / ci bya ba chos can chos dang ldan pa/ 'jig rten 'di la bde ba 'am/ 'jig rten pha rol du bde ba dag la rang gi lus nye bar spyod pa dang / yo byad du gyur bar byed do/ /'di lta ste/ dper na 'byung ba chen po bsgribs pa med pa/ yongs su gzung ba med pa bzhi po 'di dag ni sems can thams cad kyi nye bar spyad pa dang / yo byad du gyur ba rnams yin no/ /lag bzangs de bzhin du byang chub sems dpa' yang rang gi lus sems can thams cad kyi nye bar spyad pa dang / yo byad du gyur bar byed de/ sangs rgyas dang / chos dang / dge 'dun dang / byang chub sems dpa' dang / slob dpon dang / bla ma dang / rgan pa dang / nad pa dang / mgon med pa rnams la yongs su spyad par bya ba dang / sri zhu bya ba dang / bsnyen bkur bya bas bye brag du 'gyur ro/ /de mgo dang gos la me 'bar ba bzhin du gzhan gyi sems dang gzhan gyi snying dga' bar 'gyur ba'i tshig dang / rjes su 'thun pa dang / 'thun par byed pa dang / yang dag par bged pa dang / grogs byed pa dang / grogs su 'gyur ba dang / dge ba 'thun pa dang / don 'thun pas rjes su zhugs nas mngon du dad par byas shing bsdus te nyan thos kyi theg pa la 'os pa rnams ni nyan thos kyi theg pa la 'dzud do/ /'dul lo/ /</font><hr>82.186b<br><font size=+1>

'god do/ /rang sangs rgyas kyi theg pa la 'os pa rnams ni rang sangs rgyas kyi theg pa la'o/ /rdzogs pa'i byang chub kyi theg pa la 'os pa rnams ni rdzogs pa'i byang chub kyi theg pa la 'dzud do/ /'dul lo/ /'god do/ /mkhas pa le lo med pa ni mdung thung dag gis bzlog kyang mgo dang gos la me 'bar ba bzhin du dam pa'i chos kyi rgyu dang / dam pa'i chos kyi ched dang / pha rol du phyin pa drug gi rgyu dang / pha rol du phyin pa drug gi ched dang / dge ba'i rgyu dang / dge ba'i ched la grang ba yang khyad du gsod la/ tsha ba dang / bkres pa dang / skom pa dang / sha sbrang dang / sbrang bu dang / rlung dang / nyi ma dang / sdig sbrul gyis reg pa dang / gzhan gyi ngan du smras pa dang / ngan du brjod pa'i tshig gi lam dang / ngal ba dang / nyon mongs pa dang / gnyid dang / mi dga' ba dang / lus dang srog kyang khyad du gsod do/ /mkhas pa le lo med pa ni mdung thung dag gis bzlog kyang de rdzogs pa'i byang chub kyi rgyu dang / rdzogs pa'i byang chub kyi ched la lha'i sdug bsngal yang khyad du gsod do/ /lha ma yin gyi sdug bsngal yang khyad du gsod do/ /mi yi sdug bsngal yang khyad du gsod do/ /yi dgas kyi sdug bsngal yang khyad du gsod do/ /dud 'gro'i skye gnas kyi sdug bsngal dang / sems can dmyal ba'i sdug bsngal yang khyad du gsod do/ /mkhas pa le lo med pa ni mdung thung dag gis bzlog kyang de mi mnyam pa dang mnyam pa'i sangs rgyas kyi chos yongs su bkang pa thob par bya ba dang / spyod lam dang / pha rol du phyin pa thams cad yongs su rdzogs pa thob par bya ba'i phyir brtson 'grus brtan zhing rtul ba brtan to/ /de'i brtson 'grus 'di dang / rtul pa 'di mngon sum du bya bar 'dod pa dang / brtsam par 'dod pa na yang sems can thams cad bsgral ba dang / sems can</font><hr>82.187a<br><font size=+1>

thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do/ /mngon sum du byed pa dang / rtsom pa dang / mngon sum du byas pa dang / brtsams nas kyang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su sngo bar byed do/ /gal te brtson 'grus 'di ma nyams pa dang / skyon med pa dang / 'dren pa ma yin par slob pa'i nus pa dang mi ldan par gyur na/ de 'di ltar yang dag par slob ste/ dus dus su 'am/ cung zad cung zad du yang snyom las dang / le lo spong ba dang / dor ba dang / bsal bar rtsol lo/ /'bad do/ /dus dus su 'am/ cung zad cung zad du yang brtson 'grus dang / rtul pa la slob pa dang / mngon par 'phel bar bya ba dang / yongs su rdzogs par bya bar rtsol lo/ /'bad do/ /srid pa gzhan du gyur ba na yang zhum par mi 'gyur zhing sgyid lug par mi 'gyur ro/ /lag bzangs byang chub sems dpa' rnams kyi byang chub tu sems bskyed pa dang / byang chub kyi sems rjes su dran pa dang / byang chub kyi sems bsgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi brtson 'grus dge ba dang / rtsol ba dge ba grangs med cing dpag tu med pa yin no/ /de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i brtson 'grus bskyed par 'dod pa dang / zag pa</font><hr>82.187b<br><font size=+1>

med pa'i brtson 'grus yang dag par bskyed par 'dod pa dang / mi slob pa'i brtson 'grus bskyed par 'dod pa dang / mi slob pa'i brtson 'grus yang dag par bskyed par 'dod pa de ni brtson 'grus dge ba dang / rtsol ba dge ba thams cad kyi mchog yin no/ /de ni dam pa yin no/ /lag bzangs de ltar na byang chub sems dpa' bde ba dang ldan la yid bde ba dang ldan zhing tshegs chung ba dang / sdug bsngal chung ngus myur du skyen par brtson 'grus kyi pha rol du phyin pa yongs su rdzogs par byed do// // bam po gnyis pa/ lag bzangs byang chub sems dpa' ji ltar bsam gtan gyi pha rol du phyin pa yongs su rdzogs par byed ce na/ lag bzangs 'di la byang chub sems dpa' mig gis gzugs rnams mthong na/ mtshan mar mi 'dzin cing mngon rtags su mi 'dzin pa yin te/ gang gi phyir mig gi dbang po sdom pas ma bsdams par gnas pas 'jig rten na brnab sems dang / yid mi bde ba dang / sdig pa mi dge ba'i chos rnams la sems rjes su zag pa de dag bsdam pa'i phyir nan tan byed cing srung ste/ mig gi dbang pos mig gi dbang po sdom par byed do/ /de bzhin du rna bas sgra rnams thos pa dang / snas dri rnams tshor ba dang / lces ro rnams myong ba dang / lus kyis reg bya rnams la reg pa dang / yid kyis chos rnams rnam par shes nas mtshan mar mi 'dzin cing mngon rtags su mi 'dzin pa yin te/ gang gi phyir yid kyi dbang po sdom pas ma bsdams par gnas pas 'jig rten na brnab sems dang / yid mi bde ba dang / sdig pa mi dge ba'i chos rnams la sems rjes su zag pa de dag bsdam pa'i phyir nan tan byed cing srung ste/ yid kyi dbang pos yid kyi dbang po sdom par byed do/ /de 'gro 'am/ 'greng ngam/</font><hr>82.188a<br><font size=+1>

'dug gam/ nyal lam/ cang mi smra bar gyur kyang rung ste/ mnyam par bzhag pa'i gnas dang / zhi ba'i gnas kyi gnas mi 'dor ro/ /rnam par mi 'dor ro/ /de lag mi rgod pa dang / mu cor mi smra ba dang / tshig mi mang ba dang / mig mi g.yeng ba dang / dbang po mi g.yeng ba dang / mi rgod pa dang / tom col med pa dang / lus 'khrul pa med pa dang / ngag 'khrul pa med pa dang / sems 'khrul pa med pa dang / dben yang rung / mi dben yang rung / spyod lam mi nyam pa yin no/ /bza' ba dang / btung ba dang / mal cha dang / stan dang / gnas dang / na ba'i gsos sman dang / yo byad ji lta bu yang rung ba dag gis chog shes shing gso sla ba dang / dgang sla ba dang / rim gro bya sla ba dang / cho ga dang spyod yul dge ba dang / 'du 'dzi las dben pa'i spyod yul yin/ thob pa dang ma thob pa la mnyam zhing 'gyur ba med de ma khengs ma dud pa yin/ bde ba dang / sdug bsngal ba dang / bstod pa dang / smad pa dang / grags pa dang / ma grags pa dang / 'tsho ba dang / 'chi ba la mnyam zhing 'gyur ba med de ma khengs ma dud pa yin/ mdza' ba dang / dgra dang / dge ba dang / mi dge ba dang / yid du 'ong ba dang 'thun pa dang / yid du mi 'ong ba dang mi mthun pa dang / 'phags pa dang / 'phags pa ma yin pa'i chos rnams dang / dben pa dang / lang long rnams la yang mnyam zhing 'gyur ba med de ma khengs ma dud pa yin/ gzugs sdug pa dang / mi sdug pa rnams la yang 'thun pa dang mi mthun pa med pa yin/ sgra dang / dri dang / ro dang / reg bya dang / chos sdug pa dang / mi sdug pa rnams la yang 'thun pa dang / mi mthun pa med pa yin no/ /de'i 'dod pa rnams ni rang gi sems kyis kun du bslang nas log par rnam par</font><hr>82.188b<br><font size=+1>

rtog pas ro myong ba yin pas keng rus lta bur yid la byed do/ /'dod pa rnams ni dgra mang ba'i phyir sha snag gu lta bur yid la byed do/ /'dod pa rnams ni blangs na sdug bsngal la yongs su btang na bde ba'i phyir rtswa me lta bur yid la byed do/ /'dod pa rnams ni gnod pa mang ba'i phyir shing gi rtse mo'i shing tog lta bur yid la byed do/ /'dod pa rnams ni dbang byed pa ma yin pa'i phyir slong ba lta bur yid la byed do/ /'dod pa rnams ni skad cig tsam zhig nor bas dga' ba'i phyir rmi lam lta bur yid la byed do/ /'dod pa rnams ni sdug bsngal la bde bar 'du shes pa phyin ci log gis bskyed pa'i phyir mdze lta bur yid la byed do/ /'dod pa rnams ni nyes par spyod pa thams cad kyi dngos po yin pa dang / ngan 'gro log par ltung ba dang / sems can dmyal ba'i mtha' yin pas mchil pa lta bur yid la byed do/ /'dod pa rnams ni ngoms par mi byed pa dang / skom pa 'phel bar byed pa'i phyir tshwa chu lta bur yid la byed do/ /de 'dod pa dag las dben pa dang / sdig pa mi dge ba'i chos rnams las dben pa rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ /de rtog pa dang / dpyod pa dang bral zhing nad yongs su dang ste/ sems kyi rgyud gcig tu gyur bas rtog pa med pa/ dpyod pa med pa/ ting nge 'dzin las skyes pa'i dga' ba dang / bde ba can bsam gtan gnyis pa rdzogs par byas te gnas so/ /de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyi myong la 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ bsam gtan</font><hr>82.189a<br><font size=+1>

gsum pa rdzogs par byas te gnas so/ /de bde ba yang spangs te/ snga nas sdug bsngal yang spangs shing yid bde ba dang / yid mi bde ba yang nub pas bde ba yang ma yin sdug bsngal ba yang ma yin pa/ btang snyoms dang dran pa yongs su dag pa bsam gtan bzhi pa rdzogs par byas te gnas so/ /de sems can thams cad la bde ba'i 'du shes yid la byed pas byams pa tshad med pa rdzogs par byas te gnas so/ /de sems can thams cad la sdug bsngal ba'i 'du shes yid la byed pas snying rje tshad med pa rdzogs par byas te gnas so/ /de sems can rnams la dga' ba'i 'du shes yid la byed pas dga' ba tshad med pa rdzogs par byas te gnas so/ /de sems can rnams la sdug bsngal yang med bde ba yang med pa yid la byed pas btang snyoms tshad med pa rdzogs par byas te gnas so/ /de gzugs la rags pa'i 'du shes yid la byed cing nam mkha' la zhi ba'i 'du shes yid la byed pas nam mkha' mtha' yas skye mched rdzogs par byas te gnas so/ /de rnam par shes pa la zhi ba'i 'du shes yid la byed pas rnam shes mtha' yas skye mched rdzogs par byas te gnas so/ /de ci yang med pa la zhi ba'i 'du shes yid la byed pas ci yang med pa'i skye mched rdzogs par byas te gnas so/ /de 'du shes med 'du shes med min la zhi ba'i 'du shes yid la byed pas 'du shes med 'du shes med min skye mched rdzogs par byas te gnas so/ /de rang gi dbugs rngub pa dang 'byung ba ji ltar gnas shing ji ltar 'dug pa bzhin du rgyun thung ba rnams la yang rgyun thung ba'i 'du shes dang / rgyun ring ba rnams la yang rgyun ring ba'i 'du shes yid la byed pas dbugs rngub pa dang / 'byung ba dran pa rdzogs par</font><hr>82.189b<br><font size=+1>

byas te gnas so/ /de sems can gyi lus rnams la mi sdug pa'i mtshan ma yid la byed pas mi sdug pa'i 'du shes rdzogs par byas te gnas so/ /de 'chi ba'i mtshan ma yid la byed pas 'chi ba'i 'du shes rdzogs par byas te gnas so/ /de na ba dang rga ba'i mtshan ma yid la byed pas nyes dmigs kyi 'du shes rdzogs par byas te gnas so/ /de kha zas yongs su tshol ba dang 'gyur ba la nad kyi rgyu dang / gnod pa'i rgyur yid la byed pas kha zas la mi mthun pa'i 'du shes rdzogs par byas te gnas so/ /de khyim dang / grong dang / grong khyer dang / ljongs kyi 'jig rten thams cad la 'byor pa dang bral ba'i mtshan mar yid la byed pa dang / nags tshal rmad du byung ba dang / kun dga'i ra ba rmad du byung ba dang bral ba'i mtshan mar yid la byed pas 'jig rten thams cad la mngon par mi dga' ba'i 'du shes rdzogs par byas te gnas so/ /de nang gzugs su 'du shes pas phyi rol gyi gzugs chung ngu kha dog bzang po dang kha dog ngan pa rnams la mtshan mar yid la byed pas zil gyis gnon pa'i skye mched dang po rdzogs par byas te gnas so/ /de nang gzugs su 'du shes pas phyi rol gyi gzugs tshad med pa kha dog bzang po dang kha dog ngan pa rnams la mtshan mar yid la byed pas zil gyis gnon pa'i skyed mched gnyis pa rdzogs par byas te gnas so/ /de shi ba'i lus bsregs pa de la rlung ngam chus thal ba yang med par byed pa'i 'du shes dang / zhigs pa la phye ma yang med pa dang / rdul du gyur ba la rdul kyang med pa'i 'du shes su rnam par 'jigs pa bsgoms shing bsgrubs te nang gzugs med par 'du shes pas phyi rol gyi gzugs chung ngu kha dog bzang po dang kha dog ngan pa rnams la</font><hr>82.190a<br><font size=+1>

mtshan mar yid la byed pas zil gyis gnon pa'i skye mched gsum pa rdzogs par byas te gnas so/ /de de bzhin du nang gzugs med par 'du shes pas phyi rol gyi gzugs tshad med pa kha dog bzang po dang / kha dog ngan pa rnams la mtshan mar yid la byed pas zil gyis gnon pa'i skye mched bzhi pa rdzogs par byas te gnas so/ /de de bzhin du nang gzugs med par 'du shes pas phyi rol gyi gzugs sngon po tshad med pa yid du 'ong ba rnams la mtshan mar yid la byed pas zil gyis gnon pa'i skye mched lnga pa rdzogs par byas te gnas so/ /de de bzhin du nang gzugs med par 'du shes pas phyi rol gyi gzugs ser po dang / dmar po dang / dkar po tshad med pa yid du 'ong ba rnams la mtshan mar yid la byed pas zil gyis gnon pa'i skye mched drug pa dang / bdun pa dang / brgyad pa rdzogs par byas te gnas so/ /des 'di mtha' yas so zhes mtshan mar yid la byed pas zad par sar rdzogs par byas te gnas so/ /de chu dang / me dang / rlung dang / sngon po dang / ser po dang / dmar po dang / dkar po dang / nam mkha' dang / rnam par shes pa mtha' yas so zhes mtshan mar yid la byas par zad par chu dang / zad par me dang / zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par nam mkha' dang / zad par rnam par shes par rdzogs par byas te gnas so/ /de snyoms par 'jug pa na dge ba'i rtsa ba thams cad la dmigs pa la sems nye bar 'dogs te/ snying rje chen po la dmigs pa dang / dam pa'i chos yongs su gzungs pa la dmigs pa dang / dkon mchog gsum gyi rigs mi 'chad par bya ba la dmigs pa dang / sangs rgyas kyi sku dang rgyan la dmigs pa dang / sangs rgyas</font><hr>82.190b<br><font size=+1>

kyi gsung tshangs pa'i dbyangs la dmigs pa dang / sngon gyi smon lam la dmigs pa dang / sems can thams cad yongs su smin par bya ba la dmigs pa dang / 'jig rten rnam par sbyang ba la dmigs pa dang / byang chub kyi snying po'i bkod pa la dmigs pa dang / chos kyi 'khor lo bskor ba la dmigs pa dang / sems can thams cad kyi nyon mongs pa gzhom pa la dmigs pa la sems nye bar 'dogs so/ /de bsam gtan byed pa na rnam par shes pa'i gnas bzhi dang bral bar bsam gtan byed do/ /sa'i khams la mi gnas/ chu'i khams la mi gnas/ me'i khams la mi gnas/ rlung gi khams la mi gnas/ nam mkha'i khams la mi gnas/ rnam par shes pa'i khams la mi gnas/ 'jig rten 'di la mi gnas/ 'jig rten pha rol la mi gnas par bsam gtan byed do/ /ting nge 'dzin dang / snyoms par 'jug pa bla na med pa thams cad thob par bya ba'i phyir bsam gtan la gnas shing bsam gtan la dga'o/ /de bsam gtan de dang / ting nge 'dzin de la bsam gtan byed par 'dod pa dang / snyoms par 'jug par 'dod pa na yang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su bsngo bar byed do/ /bsam gtan byed pa dang / bsam gtan byas pa dang / langs nas kyang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su bsngo</font><hr>82.191a<br><font size=+1>

bar byed do/ /gal te bsam gtan de dang / ting nge 'dzin de la slob pa'i nus pa dang mi ldan par gyur na de 'di ltar yang dag par slob ste/ dus dus su 'am/ cung zad cung zad du yang sems rnam par g.yeng ba dang / ting nge 'dzin ma yin pa spang ba dang / dor ba dang / bsal bar rtsol lo/ /'bad do/ /dus dus su 'am/ cung zad cung zad du yang sems rtse gcig tu bya ba dang / sems mnyam par bzhag par slob pa dang / mngon par 'phel bar bya ba dang / yongs su rdzogs par bya bar rtsol lo/ /'bad do/ /srid pa gzhan du gyur ba na zhum par mi 'gyur zhing sgyid lug par mi 'gyur ro/ /lag bzangs byang chub sems dpa' rnams kyi byang chub tu sems bskyed pa dang / byang chub kyi sems rjes su dran pa dang / byang chub kyi sems bsgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi sems mnyam par bzhag pa dge ba dang / sems rtse gcig tu bya ba dge ba grangs med cing dpag tu med pa yin no/ /de ci'i phyir zhe na/ 'di ltar 'jig rten gyi khams thams cad du sems can thams cad la zag pa med pa'i sems mnyam par bzhag pa bskyed par 'dod pa dang / mi slob pa'i sems mnyam par bzhag pa bskyed par 'dod pa dang / zag pa med pa'i sems mnyam par bzhag pa yang dag par bskyed par 'dod pa dang / mi slob pa'i sems mnyam par bzhag pa yang dag par bskyed par 'dod pa de ni/ sems mnyam par bzhag pa dge ba dang / sems rtse gcig tu bya ba dge ba mtha' yas mu med pa yin no/ /lag bzangs de ltar na byang chub sems dpa' bde ba dang ldan la yid bde ba dang ldan zhing tshegs chung ngu dang / sdug bsngal chung ngus bsam gtan gyi pha rol du phyin pa yongs su rdzogs par byed do/ /</font><hr>82.191b<br><font size=+1>

lag bzangs byang chub sems dpa' ji ltar shes rab kyi pha rol tu phyin pa yongs su rdzogs par byed ce na/ lag bzangs 'di la byang chub sems dpa' ni mdung thung dag gis bzlog kyang gang zag gang dag thos pa mang ba/ thos pa 'dzin pa/ thos pa bsags pa/ don shes pa/ bshad pa shes pa/ dpyod pa can/ ji ltar thos pa'i don yongs su rtog pa de dag la snyen cing sten te bsnyen bkur byed do/ /de thos pa'i ched dang / bshad pa'i ched dang / don gyi ched dang / don la yongs su brtag pa'i ched dang / slob dpon dang mkhan po la bsnyen bkur bya ba'i ched la grang ba yang khyad du gsod/ tsha ba dang / bkres pa dang / skom pa dang / sha sbrang dang / sbrang bu dang / rlung dang / nyi ma dang / sdig sbrul gyis reg pa dang / gzhan gyis ngan du smras shing ngan du brjod pa'i tshig gi lam dang / lus kyi tshor ba drag pa/ rtsub pa/ mi bzad pa/ srog 'chang bar 'gyur ba yang khyad du gsod do/ /de chos rnams la ni rin po cher 'du shes nye bar gnas/ chos smra ba rnams la rin po che'i gter du 'du shes/ chos nyan pa la ni dkon pa rnyed par 'du shes/ chos 'dzin pa la ni don yod par srog sogs par 'du shes/ chos kyi yon tan mang du byed pa la ni srog don yod par 'du shes/ chos la yongs su rtog pa la ni tshe rabs brgyar mi rnyed par 'du shes nye bar gnas pa yin te/ der chos de dag nyan cing 'dzin la mang du byed cing yongs su rtog pa na khams rnams kyang rab tu shes/ phung po rnams dang / skye mched rnams dang / 'phags pa'i bden pa rnams dang / rten cing 'brel bar 'byung ba dang / dus dang / theg pa rnams dang / dge ba bsags pa yang rab tu shes so/ /khams rnams ji ltar rab tu shes she na/ khams ni gnyis te/ 'dus byas dang / 'dus ma byas shes bya ba ste/ khams gnyis po de dag go/ /</font><hr>82.192a<br><font size=+1>

'dus byas kyi khams ni gang / 'dus ma byas kyi khams ni gang zhe na/ gang ci yang rung ste/ skye ba dang / gnas pa dang / 'gag pa 'di ni 'dus byas kyi khams shes bya'o/ /gang ci yang rung ste/ skye ba med pa dang / gnas pa med pa dang / 'gag pa med pa de ni 'dus ma byas kyi khams shes bya ste/ de ltar 'dus byas dang / 'dus ma byas kyi khams rab tu shes so/ /gzhan yang khams gsum rab tu shes te/ dge ba'i khams dang / mi dge ba'i khams dang / lung du ma bstan pa'i khams te gsum po de dag go/ /dge ba'i khams ni gang / mi dge ba'i khams ni gang / lung du ma bstan pa'i khams ni gang zhe na/ gang ci yang rung ste/ chags pa med pa dang / chags pa med pa dang ldan pa dang / gang ci yang rung ste/ zhe sdang med pa dang / zhe sdang med pa dang ldan pa dang / gang ci yang rung ste/ gti mug med pa dang / gti mug med pa dang ldan pa de ni dge ba'i khams shes bya'o/ /gang ci yang rung ste/ chags pa dang / chags pa dang ldan pa dang / gang ci yang rung ste/ zhe sdang dang / zhe sdang dang ldan pa dang / gang ci yang rung ste/ gti mug dang / gti mug dang ldan pa de ni mi dge ba'i khams shes bya'o/ /de gnyis la ma gtogs pa ni lung du ma bstan pa nyid de/ de ltar khams gsum rab tu shes so/ /gzhan yang khams gsum rab tu shes te/ gsum gang zhe na/ 'dod pa'i khams dang / gzugs kyi khams dang / gzugs med pa'i khams so/ /'dod pa'i khams gang zhe na/ sems can dmyal ba dang / dud 'gro'i skye gnas dang / yi dgas dang / lha ma yin dang / mi dang / rgyal chen bzhi'i lha rnams dang / sum bcu rtsa gsum dang / 'thab bral dang / dga' ldan dang / 'phrul dga' dang gzhan 'phrul dbang byed kyi lha rnams te/ gang de dag la 'dun pa</font><hr>82.192b<br><font size=+1>

dang / chags pa dang / zhe sdang ba dang / gti mug pa dang / yid kyis smon pa dang / smon lam 'debs pa dang / mngon par 'du byed pa de ni 'dod pa'i khams shes bya'o/ /gzugs kyi khams gang zhe na/ tshangs ris kyi lha rnams dang / tshangs pa mdun na 'don rnams dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi che ba dang / mi gdung ba dang / gya nom snang dang / shin du mthong dang / 'og min gyi lha rnams te/ gang de dag la 'dun pa dang / chags pa dang / zhe sdang dang / gti mug dang / yid kyis smon pa dang / smon lam 'debs pa dang / mngon par 'du byed pa de ni gzugs kyi khams shes bya'o/ /gzugs med pa'i khams gang zhe na/ nam mkha' mtha' yas skye mched du nye bar 'gro ba'i lha rnams dang / rnam shes mtha' yas skye mched du nye bar 'gro ba'i lha rnams dang / ci yang med pa'i skye mched du nye bar 'gro ba'i lha rnams dang / 'du shes med 'du shes med min skye mched du nye bar 'gro ba'i lha rnams te/ gang de dag la 'dun pa dang / chags pa dang / zhe sdang ba dang / gti mug pa dang / yid kyis smon pa dang / smon lam 'debs pa dang / mngon par 'du byed pa gang yin pa de ni gzugs med pa'i khams shes bya ste/ de ltar khams gsum rab tu shes so/ /gzhan yang khams bzhi rab tu shes te/ bzhi gang zhe na/ 'dod pa'i khams dang / gzugs kyi khams dang / gzugs med pa'i khams dang / 'dus ma byas kyi khams shes bya ba khams bzhi po de dag ste/ de ltar khams bzhi rab tu shes so/ /gzhan yang khams drug rab tu shes te/ drug gang</font><hr>82.193a<br><font size=+1>

zhe na/ 'dod pa'i khams dang / gnod sems kyi khams dang / rnam par 'tshe ba'i khams dang / mngon par 'byung ba'i khams dang / gnod sems med pa'i khams dang / rnam par 'tshe ba med pa'i khams te/ khams drug po de dag rab tu shes so/ /gzhan yang khams drug rab tu shes te/ drug gang zhe na/ sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams te/ khams drug po de dag rab tu shes so/ /de la sa'i khams ni mi rtag pa/ mi brtan pa/ 'gyur ba'i chos can te/ mi rtag pa gang yin pa de sdug bsngal ba'o/ /sdug bsngal ba gang yin pa de bdag med pa'o/ /de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyang mi rtag pa/ mi brtan pa/ 'gyur ba'i chos can te/ mi rtag pa gang yin pa de sdug bsngal ba'o/ /sdug bsngal ba gang yin pa de bdag med pa ste/ de ltar khams drug rab tu shes so/ /de chos de dag nyan cing 'dzin pa dang / mang du byed cing yongs su rtog pa na gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ste/ phung po lnga rab tu shes so/ /gzugs la dbu ba rdos pa lta bu dang / ngan pa dang / 'jig pa dang / ring du mi gnas pa dang / tshor ba la ni chu'i chu bur lta bu dang / ngan pa dang / 'jig pa dang / ring du mi gnas pa dang / 'du shes la ni smig rgyu lta bu dang / ngan pa dang / 'jig pa dang / ring du mi gnas pa dang / 'du byed rnams la ni chu shing lta bu dang / ngan pa dang / 'jig pa dang / ring du mi gnas pa dang / rnam par shes pa la ni sgyu ma lta bu dang / ngan pa dang / 'jig pa dang /</font><hr>82.193b<br><font size=+1>

ring du mi gnas par de ltar phung po lnga rab tu shes so/ /de chos de dag nyan cing 'dzin pa dang / mang du byed cing yongs su rtog pa na nang gi skye mched drug rab tu shes te/ mig nang gi skye mched dang / rna ba dang / sna dang / lce dang / yid nang gi skye mched ces bya ba nang gi skye mched drug po de dag go/ /de la mig nang gi skye mched ni na ba'i chos can dang / rga ba'i chos can dang / 'chi ba'i chos can dang / bdag dang bdag gis stong pa dang / 'dod chags kyi me dang / zhe sdang gi me dang / gti mug gi me kun du 'bar ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyis kun du 'bar ba dang / sdug bsngal gyis kun du 'bar bar rab tu shes so/ /de bzhin du rna ba dang / sna dang / lce dang / lus dang / yid nang gi skye mched la yang na ba'i chos can dang / rga ba'i chos can dang / 'chi ba'i chos can dang / bdag dang bdag gis stong pa dang / 'dod chags kyi me dang / zhe sdang gi me dang / gti mug gi me kun du 'bar ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams kyis kun du 'bar ba dang / sdug bsngal gyis kun du 'bar bar rab tu shes te/ de ltar nang gi skye mched drug po dag rab tu shes so/ /gzhan yang phyi'i skye mched drug rab tu shes te/ mig gis rnam par shes par bya ba gzugs rnams phyi'i skye mched dang / rna bas rnam par shes par bya ba sgra rnams dang / snas rnam par shes par bya ba dri rnams dang / lces rnam par shes par bya ba ro rnams dang / lus kyis rnam par shes par bya ba reg bya rnams dang / yid kyis rnam par shes par bya ba</font><hr>82.194a<br><font size=+1>

chos phyi'i skye mched rnams shes bya ba ste/ skye mched drug po de dag go/ /de la mig gi rnam par shes par bya ba gzugs phyi'i skye mched la skyabs med pa dang / mgon med pa dang / stobs med pa dang / nyams chung ba ste/ de la rtag pa 'am/ brtan pa 'am/ ther zug gam/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid ni gang yang med kyi/ sgyu ma de ni yod/ sgyu mar byas pa de ni yod/ sems rmongs par byed pa de ni yod de/ gang ci yang yod pa dang / de bzhin du rna bas rnam par shes par bya ba sgra rnams dang / snas rnam par shes par bya ba dri rnams dang / lces rnam par shes par bya ba ro rnams dang / lus kyis rnam par shes par bya ba reg bya rnams dang / yid kyis rnam par shes par bya ba chos phyi'i skye mched la yang skyabs med pa dang / mgon med pa dang / stobs med pa dang / nyam chung ba ste/ de la rtag pa 'am/ brtan pa 'am/ ther zug pa 'am/ de bzhin nyid dam/ ma nor ba de bzhin nyid dam/ gzhan ma yin pa de bzhin nyid ni gang yang med kyi/ sgyu ma de ni yod/ sgyu mar byas pa de ni yod/ sems rmongs par byed pa de ni yod de/ gang ci yang yod par phyi'i skye mched drug po de ltar rab tu shes so/ /de chos de dag nyan cing 'dzin pa dang / mang du byed cing yongs su rtog pa na 'phags pa'i bden pa bzhi rab tu shes so/ /bzhi gang zhe na/ sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa zhes bya ba 'phags pa'i bden pa bzhi po de dag go/ /phung po lnga rnams dang / khams drug po dang / nang gi skye mched drug po dag dang / phyi'i skye mched drug po dag gang yin pa de ni sdug bsngal zhes bya ste/ sdug bsngal de ni mi rtag pa dang / sdug</font><hr>82.194b<br><font size=+1>

bsngal ba dang / nad dang / 'bras dang / zug rngu dang / sdig pa dang / bdag med pa dang / rab tu 'jig pa'i chos nyid du blta'o/ /'dod chags dang / zhe sdang dang / gti mug dang / nga rgyal dang / nga'o snyam du mngon bar zhen pa dang / bdag gi bdag ni 'di yin no snyam du bdag tu mngon par zhen pa dang / 'byung bar 'gyur ro snyam pa dang / 'byung bar mi 'gyur ro snyam pa dang / gzugs can du 'gyur ro snyam pa dang / gzugs can ma yin par 'gyur ro snyam pa dang / 'du shes can du 'gyur ro snyam pa dang / 'du shes can ma yin par 'gyur ro snyam pa dang / 'du shes can ma yin la/ 'du shes can ma yin pa yang ma yin par 'gyur ro snyam pa dang / phung po rnams bdag go snyam pa dang / phung po rnams las bdag gzhan no snyam pa dang / phung po rnams la bdag snyam pa dang / bdag la phung po rnams so snyam pa dang / khams rnams dang / skye mched rnams bdag go snyam pa dang / skye mched rnams las bdag gzhan no snyam pa dang / skye mched rnams la bdag go snyam pa dang / bdag la skye mched rnams so snyam pa dang / tshor ba bdag go snyam pa dang / tshor bar byed pa bdag go snyam pa dang / gzugs can chung ngu bdag go snyam pa dang / gzugs can ma yin pa chung ngu bdag go snyam pa dang / gzugs can mtha' yas pa bdag go snyam pa dang / gzugs can ma yin pa mtha' yas pa bdag go snyam pa dang / bdag rtag go snyam pa dang / bdag mi rtag go snyam pa dang / rtag kyang rtag la mi rtag kyang mi rtag go snyam pa dang / rtag par yang ma yin mi rtag pa yang ma yin no snyam pa dang / bdag mtha' yod do snyam pa dang / bdag mtha' yod pa ma yin no snyam pa dang / mtha' yod kyang yod la mtha'</font><hr>82.195a<br><font size=+1>

med kyang med do snyam pa dang / mtha' yod pa yang ma yin mtha' med pa yang ma yin no snyam pa dang / de bzhin song ba shi nas 'byung bar 'gyur ro snyam pa dang / 'byung bar mi 'gyur ro snyam pa dang / 'byung yang 'byung la mi 'byung yang mi 'byung ngo snyam pa dang / de bzhin song ba shi nas 'byung ba yang ma yin mi 'byung ba yang ma yin no/ /snyam pa dang / srog de lus de yin snyam pa dang / srog kyang gzhan lus kyang gzhan no snyam pa dang / sems can 'di gang nas 'ongs/ de 'di nas shi 'phos nas gang du 'gro bar 'gyur snyam pa dang / sems can yod pa las chad de 'jig cing med par 'gyur ro snyam pa dang / byed pa de myong ba de yin no snyam pa dang / byed pa yang gzhan/ myong ba yang gzhan no snyam pa dang / bdag yod pas bdag gi yod par 'gyur ro snyam pa dang / bdag gi yod pas bdag yod par 'gyur ro snyam pa dang / 'di na bdag de lta bu 'am/ bdag gzhan du 'gyur ba zhig gam/ de bzhin du 'gyur ba zhig gam/ gzhan du 'gyur ba zhig gam/ 'dir 'byung bar 'gyur ram/ de ltar 'byung bar 'gyur ram/ gzhan du 'byung bar 'gyur ram/ 'dir bdag sngon byung ngam/ bdag da lta byung ngam/ bdag gzhan du byung ngam /   snyam du de dag la bdag tu mngon par zhen te/ 'jig tshogs la lta ba dang / nga'o snyam pa'i nga rgyal dang / sems kyi gnas dang / mngon par zhen pa dang / nga rgyal gyi bag la nyal ba dang /  snyems pa dang /  nga rgyal byed pa dang / bdag tu smra ba'i len pa dang / 'dod chags dang / zhe sdang dang / gti mug dang / nga rgyal gang yin pa thams cad dang / lus sam/ ngag gam/ sems kyi las bsod nams su nye bar 'gro ba 'am/ bsod nams ma yin par nye</font><hr>82.195b<br><font size=+1>

bar 'gro ba 'am/ mi g.yo bar nye bar 'gro ba 'am/ 'dod par gtogs pa 'am/ gzugs su gtogs pa 'am/ gzugs med par gtogs pa gang yin pa de ni sdug bsngal kun 'byung ba 'phags pa'i bden pa zhes bya'o/ /gang 'dod chags zad pa dang / zhe sdang zad pa dang / gti mug zad pa dang / nga rgyal zad pa dang / bdag tu mngon par zhen pa spangs pa dang / bdag tu smra ba'i len pa spangs pa de ni sdug bsngal 'gog pa 'phags pa'i bden pa zhes bya'o/ /gang sdug bsngal la yang sdug bsngal ba dang / kun 'byung ba la yang kun 'byung ba dang / 'gog pa la yang 'gog pa dang / lam la yang lam du yid la byed pa dang / 'du byed rnams la nyes dmigs su lta zhing gnas pa dang / mya ngan las 'das pa la phan yon du lta zhing gnas pa dang / ji ltar mthong ba dang / byas pa la so sor rtog pa yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin de ni sdug bsngal 'gog par 'gro ba'i lam 'phags pa'i bden pa zhes bya ste/ 'di dag ni 'phags pa'i bden pa bzhi zhes bya'o/ /de 'phags pa'i bden pa bzhi po de dag la dpyod cing rtog la khong du chud par byed cing rnam par 'jig pa na 'dus byas kyi khams la ni mi rtag pa dang / sdug bsngal ba dang / stong pa dang / bdag med par mthong ngo / /'dus ma byas kyi khams la ni skyabs dang / gnas dang / mgon dang dpung gnyen du yang mthong la/ 'dus ma byas kyi khams mngon sum du yang mi byed de/ de ltar 'phags pa'i bden pa bzhi po dag rab tu shes so/ /de chos de dag nyan cing 'dzin pa dang / mang du byed cing</font><hr>82.196a<br><font size=+1>

yongs su rtog pa na rten cing 'brel bar 'byung ba rab tu shes te/ 'di lta ste/ ma rig pa'i rkyen gyis 'du byed rnams dang / 'du byed kyi rkyen gyis rnam par shes pa dang / rnam par shes pa'i rkyen gyis ming dang gzugs dang / ming dang gzugs kyi rkyen gyis skye mched drug dang / skye mched drug gi rkyen gyis reg pa dang / reg pa'i rkyen gyis tshor ba dang / tshor ba'i rkyen gyis sred pa dang / sred pa'i rkyen gyis len pa dang / len pa'i rkyen gyis srid pa dang / srid pa'i rkyen gyis skye ba dang / skye ba'i rkyen gyis rga shi ste/ 'di ni rten cing 'brel bar 'byung ba zhes bya'o/ /'phags pa'i bden pa bzhi dang / rten cing 'brel bar 'byung ba mi shes pa dang / mi mthong ba gang yin pa de ni ma rig pa zhes bya'o/ /gang cung zad lus dang / ngag dang / yid kyi las bsod nams su nye bar 'gro ba 'am/ bsod nams ma yin par nye bar 'gro ba 'am/ mi g.yo bar nye bar 'gro ba 'am/ 'dod pa'i khams su nye bar 'gro ba 'am/ gzugs kyi khams su nye bar 'gro ba 'am/ gzugs med pa'i khams su nye bar 'gro ba de dag ni 'du byed rnams shes bya'o/ /gang cung zad de las byung ba sems shes bya ba dang / yid ces bya ba de ni rnam par shes pa zhes bya'o/ /de las byung ba gang ci yang rung tshor ba dang / 'du shes dang / sems pa dang / reg pa dang / yid la byed pa de ni ming zhes bya'o/ /gang ci yang rung lhan cig byung ba mer mer po'i gzugs dang / rdzus te byung ba'i gzugs dang / rnam par rig byed kyi gzugs de ni gzugs zhes bya ste/ de gnyis ni ming dang gzugs shes bya'o/ /de las byung ba mig dang / rna ba dang / sna dang / lce dang / lus dang / yid de ni skye mched drug ces bya'o/ /mig la brten cing gzugs la yang brten te mig</font><hr>82.196b<br><font size=+1>

gi rnam par shes pa 'byung ba dang / gsum 'dus pa ni reg pa'o/ /rna ba dang / sna dang / lce dang / lus dang / yid dang / chos rnams la brten te yid kyi rnam par shes pa 'byung ba dang / gsum 'dus pa ni reg pa ste de ni reg pa zhes bya'o/ /de las byung ba bde ba 'am/ sdug bsngal ba 'am/ sdug bsngal yang ma yin bde ba yang ma yin pa de dag ni tshor ba gsum zhes bya'o/ /de las byung ba 'dod chags dang / chags pa dang / dga' ba de ni sred pa zhes bya'o/ /de las byung ba kun du chags pa dang / lta ba dang / tshul khrims dang brtul zhugs dang / bdag tu smra ba de ni len pa zhes bya'o/ /de las byung ba gzugs dang / tshor ba dang / 'du shes dang / 'du byed rnams dang / rnam par shes pa de ni srid pa'o/ /gang srid pa de 'byung ba dang / skye ba dang / mngon par 'grub pa de ni skye ba zhes bya'o/ /gang srid pa de 'gyur ba dang / 'jig pa dang / nye bar khrid pa de ni rga ba zhes bya'o/ /gang srid pa de 'chi 'pho ba dang bral ba de ni 'chi ba zhes bya'o/ /de de ltar rten cing 'brel bar 'byung ba la dpyod cing yongs su rtog la khong du chud par byed cing rnam par 'jig pa na sa rlom sems su mi byed/ sas rlom sems su mi byed/ sa ni bdag gi'o snyam du rlom sems su mi byed do/ /sa la mngon par dga' bar mi byed do/ /chu dang / me dang / rlung dang / nam mkha' dang / rnam par shes pa la gcig pa dang / tha dad pa dang / mthong ba dang / thos pa dang / bye brag phyed pa dang / rnam par shes pa dang / mya ngan las 'das pa rlom sems su mi byed/ mya ngan las 'das pas rlom sems su mi byed/ mya ngan las 'das pa ni bdag gi'o snyam du rlom sems su mi byed/ mya ngan las 'das pa la mngon par dga' bar mi byed do/ /de rten cing 'brel bar 'byung ba'i chos rnams yang dag par rjes</font><hr>82.197a<br><font size=+1>

su mthong ba na rnam par thar pa'i sgo gsum po chos rnams kyi stong pa nyid dang / mtshan ma med pa dang / smon pa med pa khong du chud par byed cing rnam par 'jog go/ /de rten cing 'brel bar 'byung ba'i chos rnams yang dag par rjes su mthong ba na 'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi 'gag par rten cing 'brel bar 'byung ba'i 'gag pa khong du chud par byed cing rnam par 'jog ste/ de de ltar rten cing 'brel bar 'byung ba'i 'gog pa yang dag par rjes su mthong yang rten cing 'brel bar 'byung ba'i 'gog pa mngon sum du yang mi byed de/ de ltar rten cing 'brel bar 'byung ba'i 'gog pa rab tu shes so/ /de chos de dag nyan cing 'dzin pa dang mang du byed cing yongs su rtog pa na dus gsum rab tu shes te/ gsum gang zhe na/ 'das pa'i dus dang / ma 'ongs pa'i dus dang / da ltar byung ba'i dus te/ de dag ni dus gsum rnams shes bya'o/ /'du byed gang la la 'gag pa de ni 'das pa'i dus shes bya'o/ /'du byed gang la la ma 'ongs shing ma skyes pa de ni ma 'ongs pa'i dus shes bya'o/ /'du byed gang la la da ltar byung ba da ltar du gyur ba de ni da ltar byung ba'i dus shes bya'o/ /de 'das pa'i dus kyi bdag gi mi dge ba'i rtsa ba rnams rjes su dran na smod cing gshung ste nges par spong ngo / /</font><hr>82.197b<br><font size=+1>

ma 'ongs pa'i dus kyi bdag gi mi dge ba'i rtsa ba rdul tsam la yang gcig tu rnam par smin par mthong / mi sdug par rnam par smin par mthong / yid du mi 'ong bar rnam par smin par mthong / 'jigs par mthong zhing gnas so/ /da ltar byung ba'i dus kyi bdag gi mi dge ba'i rtsa ba skye ba'i skabs mi 'byed de/ lus sdom pas bsdams/ ngag sdom pas bsdams/ yid sdom pas bsdams/ dbang po drug sdom pas bsdams so/ /de 'das pa'i dus kyi bdag gi dge ba'i rtsa ba rnams dang / byang chub tu sems bskyed pa dang / byang chub kyi sems la smon pa dang / byang chub kyi sems la smon lam 'debs pa rjes su dran zhing 'dun pa drag po dang / dga' ba drag po dang / dad pa drag pos sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su bsngo bar byed do/ /ma 'ongs pa'i dus kyi bdag gi dge ba'i rtsa ba rnams dang / byang chub tu sems bskyed pa dang / byang chub tu smon pa dang / byang chub tu smon lam 'debs pa yang 'dun pa drag po dang / dga' ba drag po dang / dad pa drag pos sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir 'dong ngo / /mos so/ /yid kyis smon to/ /da ltar byung ba'i bdag gi dge ba'i sems kyi rgyun dang / sems kyi rgyud kyang sems can thams cad bsgral ba dang / sems can thams cad dgrol ba dang / sems can thams cad dbugs</font><hr>82.198a<br><font size=+1>

dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir rtag par rgyun tu mi 'dor ro/ /nyams par mi byed do/ /brjed par mi byed do/ /bag med par mi byed do/ /gang 'das pa'i phung po dang / khams dang / skye mched de ni 'das pa/ 'gags pa/ med pa/ yod pa ma yin pa ste/ de ni da ltar bdag med pa/ bdag gi med pa'o/ /gang ma 'ongs pa'i phung po dang / khams dang / skye mched de ni ma skyes pa/ ma byung ba/ yod pa ma yin pa ste/ de ni da ltar bdag med pa/ bdag gi med pa'o/ /gang da ltar byung ba'i dus kyi phung po dang / khams dang / skye mched de ni mi gnas pa/ mi 'dug pa'o/ /de ci'i phyir zhe na/ 'jig rten ni skad cig las lhag par mi gnas pa'i phyir ro/ /skad cig pa de'i skye ba'i dus kyang gzhan/ gnas pa'i dus kyang gzhan/'gag pa'i dus kyang gzhan gang yin pa'i skad cig gnas pa med pa/ 'dug pa med pa'o/ /skad cig gi dus gang yin pa de ni nang dang phyi'i phung po dang / khams dang skye mched do/ /nang dang phyi'i phung po dang / khams dang / skye mched gang yin pa de ni dus so/ /da ltar byung ba'i phung po dang / khams dang / skye mched gang yin pa de ni skad cig tsam yang mi gnas pa mi 'dug pa ste/ mi gnas pa mi 'dug pa la ni bdag gam bdag gi ba med do/ /de yang gang gi tshe ma 'ongs par gyur ba de'i tshe ma skyes pa dang / ma byung ba yod pa ma yin pa'o/ /bdag tu ma gyur cing bdag gir ma gyur pa'o/ /gang gi tshe 'das te 'gags pa dang / ma byung ste yod pa ma yin par 'gyur ba de'i tshe yang bdag med pa dang / bdag gi med pa nyid du 'gyur ro/ /gang yang dus gsum dag tu bdag med cing bdag gi med pa de ni ma byung zhing yod pa ma yin</font><hr>82.198b<br><font size=+1>

pa'i phyir mkhas shing rig pa rnams kyis 'di ni bdag gi'o/ /'di ni nga'o/ /bdag gi 'di ni yod do zhes bdag tu lta bar 'os pa ma yin no/ /de srid pa thams cad dang / /'du byed thams cad la bdag med pa'i 'du shes dang / 'dod chags dang bral ba'i 'du shes dang / spangs pa'i 'du shes dang / 'gog pa'i 'du shes can du gnas te/ 'gog pa mngon sum du byed pa yang ma yin no/ /gang de ltar dus gsum rab tu shes pa de chos de dag nyan cing 'dzin pa dang / mang du byed cing yongs su rtog pa na theg pa gsum rab tu shes te/ gsum gang zhe na/ lha'i theg pa dang / tshangs pa'i theg pa dang / 'phags pa'i theg pa ste/ de dag ni theg pa gsum zhes bya'o/ /bsam gtan dang po ni lha'i theg pa ste/ bsam gtan gnyis pa dang / gsum pa dang / bzhi pa yang lha'i theg pa'o/ /byams pa ni tshangs pa'i theg pa ste/ snying rje dang / dga' ba dang / btang snyoms kyang tshangs pa'i theg pa'o/ /yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang /yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin ces bya ba 'phags pa'i lam yan lag brgyad pa zhes bya ba de ni 'phags pa'i theg pa zhes bya'o/ /de dus dus su lha'i theg pa sgom ste sems can rnams kyang de la 'god/ dus dus su tshangs pa'i theg pa sgom ste/ sems can rnams kyang de la 'god/ dus dus su 'phags pa'i theg pa bsgom zhing sems can rnams kyang de la 'god la/ rnam par grol ba 'phags pa mngon sum du yang mi byed do/ /gzhan yang theg pa gsum rab tu shes te/ gsum gang zhe na/ nyan thos kyi theg pa dang / rang sangs rgyas</font><hr>82.199a<br><font size=+1>

kyi theg pa dang / theg pa chen po ste/ de dag ni theg pa gsum zhes bya'o/ /mos pa dman pa dang / dbang po dman pa skad cig tsam yang srid pa la mos par mi byed/ sred par mi byed kyi 'dor te/ skad cig de la de ma thag tu mya ngan las 'das pa thob pa'i phan yon mthong bas mgo dang gos la me 'bar ba bzhin du 'phags pa'i bden pa bzhi po dag khong du chud pa dang / rtog par bya ba'i phyir 'dun pa dang / rtsol ba'i shas che ba de ni nyan thos kyi theg pa zhes bya'o/ /mos pa 'bring dang / dbang po 'bring dang / dben par dga' ba dang / rang gi don lhur len pa dang / bsam gtan dang / snyom par 'jug pa la gnas par brtson pa dang / rten cing 'brel bar 'byung ba rab tu rnam par 'byed pa la mkhas pa dang / rang byang chub tu smon pa dang / rang byang chub tu smon lam 'debs pa de ni rang sangs rgyas kyi theg pa zhes bya'o/ /mos pa khyad par du 'phags pa/ dbang po khyad par du 'phags pa/ sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba'i phyir sangs rgyas kyi chos thams cad yongs su bkang bar 'dod pa dang / pha rol du phyin pa drug yongs su bkang bar 'dod pa dang / 'jig rten gyi don du 'khor ba'i sdug bsngal la mi lta ba dang / 'khor ba'i bde ba la yang dmod pa mang ba yin na 'khor ba'i sdug bsngal la dmod pa mang ba lta smos kyang ci dgos te/ tshul khrims dang spyod pa khyad par du 'phags pa la rnam par gnas pa dang / rdzogs pa'i byang chub kyi theg pa can gyi mdo sde rnams klog pa dang / kha ton du byed pa dang /</font><hr>82.199b<br><font size=+1>

lung nod pa dang / yid la byed pa rnams la brtson 'grus brtsams pa dang / byang chub sems dpa' sems dpa' chen po gang yin pa de dag dge ba'i bshes gnyen yin pa dang / de dag gi byin gyi brlabs bzhi po bden pa dang / gtong ba dang / nye bar zhi ba dang / shes rab la slob pa dang / shes bya thams cad nyan pa dang / len pa dang / 'dzin pa dang / dpyod par dga' ba dang / ting nge 'dzin dang / snyoms par 'jug pa thams cad yang dag par bskyed par 'dod pa dang / rang gi don la mi lta ba dang / 'jig rten gyi don lhur len pa dang / stobs ji lta ba bzhin du sems can thams cad theg pa gsum po dag la dgod par 'dod pa dang / dgod par spro ba dang / bdag nyid kyang byang chub kyi theg pa la shin du gnas pa dang / mi phyed pa dang / mi bskyod pa dang / rdo rje lta bu'i sems dang / rtag par rgyun du byang chub tu smon cing byang chub tu smon lam 'debs pa de ni theg pa chen po zhes bya ste/ de ltar theg pa gsum po dag rab tu shes so/ /de chos de dag nyan cing 'dzin pa mang du byed cing yongs su rtog pa na dge ba'i thabs rab tu shes te/ sangs rgyas dang / chos dang / dge 'dun thams cad la phyag 'tshal lo/ /'jig rten gyi khams thams cad du gtogs pa 'das pa dang / ma 'ongs pa dang da ltar byung ba'i sangs rgyas thams cad dang / chos thams cad dang / dge 'dun thams cad la phyag 'tshal lo/ /zhes dmigs par byed do/ /de phyag lan gcig 'tshal ba na mtha' yas shing dpag tu med par phyag 'tshal bar bya'o snyam du sems bskyed do/ /de byang chub tu smon pa na sems can thams cad bsgral ba dang / sems can thams cad dgrol ba dang / sems can thams</font><hr>82.200a<br><font size=+1>

cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su bsngo bar byed do/ /de bzhin du skyabs su 'gro ba na yang sems bskyed do/ /de 'gro ba dang / 'greng ba dang / 'dug pa dang / nyal ba dang / khrus byed pa dang / za ba dang / 'thung ba dang / zhing rmed pa dang / sa bon 'debs pa dang / las thams cad byed pa na yang mtha' yas shing dpag tu med par byang chub tu smon lam gdab par bya'o zhes sems bskyed do/ /mang du byed do/ /snyoms par 'jug pa dang / bsam gtan byed pa na yang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir mtha' yas shing dpag tu med par byang chub tu smon lam gdab bo zhes sems bskyed do/ /mang du byed do/ /thams cad mkhyen pa nyid dang / 'jig rten thams cad kyi mchog dang / sems can thams cad gdul ba dang / mtshungs pa med pa dang / mi mnyam pa dang mnyam pa dang / 'jig rten thams cad dbugs dbyung ba dang / 'jig rten thams cad yongs su mya ngan las bzla ba dang / yang dag par rdzogs pa'i sangs rgyas dang / sangs rgyas kyi chos thams cad yongs su rdzogs par bya ba'i phyir smon lam gdab bo zhes sems bskyed do/ /mang du byed do/ /de dge ba gang ci spyod kyang de sems can thams cad kyi 'jigs pa med par bya ba dang / ngan 'gro'i rgyud gcad pa dang / sdug bsngal thams cad nye bar zhi bar bya ba dang / nyon mongs</font><hr>82.200b<br><font size=+1>

pa thams cad nye bar zhi bar bya ba dang / mya ngan las 'das pa thob par bya ba'i phyir yongs su bsngo bar byed do/ /nyan thos kyi theg pa can da ltar byung ba dang / ma 'ongs pa rnams kyi nyan thos kyi theg pa yongs su rdzogs par bya ba'i phyir yongs su bsngo bar byed do/ /rang sangs rgyas kyi theg pa can da ltar byung ba dang / ma 'ongs pa rnams kyi rang sangs rgyas kyi theg pa yongs su rdzogs par bya ba'i phyir yongs su bsngo bar byed do/ /byang chub sems dpa'i theg pa can da ltar byung ba dang / ma 'ongs pa rnams kyi byang chub sems dpa'i theg pa yongs su rdzogs par bya ba'i phyir yongs su bsngo bar byed do/ /de bzhin gshegs pa 'jig rten gyi khams thams cad du gtogs pa 'das pa dang / ma byon pa dang / da ltar byung ba rnams bskal par bzhugs pa dang / bskal par chos ston pa dang bskal par dge 'dun 'thun par gyur bar yongs su bsngo bar byed do/ /mtho ris kyi lam la dgod pa 'am/ nyan thos kyi lam la dgod pa 'am/ rang sangs rgyas kyi lam la dgod pa 'am/ rdzogs pa'i byang chub kyi lam la dgod pa 'am/ sbyin pas rjes su 'jug pa 'am/ snyan par smra bas rjes su 'jug pa 'am/ don spyod pas rjes su 'jug pa 'am/ don 'thun pas rjes su 'jug pa 'am/ji lta ji ltar gzhan dag dge ba'i phyogs yang dag par skyed cing dge ba'i rtsa ba sogs par 'gyur ba de yang rab tu shes so/ /de chos kyi tshigs 'di dag la nyin cig bzhin du dus gsum du 'jug go/ /yid la byed do/ /de 'di lta ste/ 'jig rten dag gi khams rnams thams cad na/ /yang dag bzhugs pa rdzogs pa'i sangs rgyas dang / /chos dang dge 'dun byang chub sems dpa' la/ /</font><hr>82.201a<br><font size=+1>

gan 'gro mgo bos mtha' yas phyag kyang 'tshal/ /'gro ba'i nang na yon tan mnyam med cing / /mi mnyam mnyam pa'i yon tan 'byung gnas po/ /yon tan dpag med de dag thams cad la/ /bdag ni mgo bos mtha' yas skyabs su mchi/ /sangs rgyas dang ni chos dang tshogs rnams dang / /byang chub sems dpa' rnams kyis 'jig rten khams/ /gang yang brgya lam stongs par mi 'gyur bar/ /de ltar gsol ba mtha' yas rab tu 'debs/ /zhi ba'i chos ni rab tu ston mdzad cing / /bskal pa ma lus rnams su bzhugs par yang / /'jig rten khams rnams kun gyi bde gshegs la/ /mgo bos gsol ba mtha' yas rab tu 'debs/ /sngon dang 'di dang skad cig tsam yang rung / /bdag gis sdig pa gang dang gang bgyis pa/ /sdig pa de dag thams cad smad par bgyi/ /sdig pa thams cad bdag gis spang bar bgyi/ /skad cig tsam yang bdag gis dge ba 'di/ /ma lus par ni yang dag gzung bar bgyi/ /tshe yis ji tsam thub kyi bar du ni/ /dge ba kun la gnas par 'gyur bar 'tshal/ /sangs rgyas dag dang byang chub sems dpa' rnams/ /byang chub chos kyi 'khor lo rab bskor ba/ /'jig rten 'dir ni byung dang byung gyur dang / /'byung 'gyur rnams kyi dge ba thams cad dang / /rgyal ba rnams dang 'phags pa thams cad kyi/ /tshul khrims dang ni ye shes ting 'dzin dang / /rnam grol tshe dang chos rnams gang yin pa/ /de dag 'jig rten rnams la phan gyur cig /'gro ba lnga yi sems can thams cad dag /byung dang byung gyur 'byung bar 'gyur rnams kyi/ /dge ba dag la bdag ni phyi phyir zhing / /mgo bos mtha'</font><hr>82.201b<br><font size=+1>

yas rjes su yi rang ngo / /yon tan yang dag dge ba mtha' yas pa/ /de dag thams cad 'gro ba ma lus pas/ /sems can re re dang ni bdag nyid la'ang / /yod par bdag ni smon lam mtha' yas 'debs/ /bdag gi dge ba dag ni 'das pa dang / /ma 'ongs pa dang da ltar thams cad kyis/ /'jig rten dag gi khams ni thams cad du/ /dkon mchog gsum po rtag tu 'byung bar shog /dkon mchog gsum dang byang chub sems dpa' rnams/ /bskal par bzhugs pas phongs par ma gyur cig /bar du gcod pa med par byang chub dang / /pha rol phyin pa rnams ni rdzogs par shog /sems can dag ni thams cad bde ba dang / /'jigs pa med cing ngan 'gro 'das pa dang / /mi dge thams cad dang ni bral ba dang / /dge ba'i rtsa ba thams cad rdzogs gyur cig /theg pa gsum po dag la ci rigs par/ /de dag la ni smon lam mthar phyin cing / /tshe ring ba dang rnam par grol ba dang / /khyad par can gyi don kun rdzogs par shog /rdzogs pa'i byang chub smon lam 'debs pa na/ /mtha' yas dpag tu med par rab tu 'debs/ /sems can thams cad dag gi sdug bsngal dang / /nyon mongs dag ni nye bar zhi gyur cig /chos dang ldan pa'i bya ba rnams kyi phyir/ /'jig rten dag gi khams rnams thams cad kyi/ /rgyal ba kun dang byang chub sems dpa' la/ /rang gi lus ni nges par dbul bar bgyi/ /rdzogs pa'i byang chub thob par gyur ba du/ /ma 'ongs pa na smon lam mtha' yas gdab/ /skye dang skye bar dkon mchog gsum po la/ /bdag ni yongs su spyad par bgyid par shog /'jig rten</font><hr>82.202a<br><font size=+1>

dag gi khams rnams thams cad kyi/ /dkon mchog gsum dang byang chub sems dpa' la/ /nam mkha' mnyam pa'i lha yi spos mchog dang / /phreng ba me tog chun pos mchod byed shog /lhun po mnyam pa'i gser dang dngul dag dang / /gos dang rin po che yi phung po dang / /gzhal med khang bcas gzhon dang mal cha dang / /bza' ba mtha' yas dag ni sbyin par shog /'gro ba'i bsam pa lam gyis rdzogs byed cing / /skyabs dang lus dang pha 'drar gyur bar shog /bzod la dga' zhing tshul khrims gtsang ba dang / /'gro la chos ni rab tu ston gyur cig /byang chub theg pa mchog ni rnyed pa dang / /dkon mchog gsum phyir go cha sra ba bgo/ /pha rol phyin pa yongs su rdzogs byed cing / /sangs rgyas chos rnams yongs su rdzogs byed shog /sdig pa kun dang bral zhing lus ngag dang / /yid kyi las mtha' dge ba mchog gyur cig /byang chub las ni mi ldog bdag gyur cing / /byang chub dga' dang byang chub sems dpar gyur/ /srid dang srid par byang chub sems dpa' dang / /sangs rgyas rnams kyi dge ba kun la slob/ /bdag gis chos rnams de dag kun la yang / /'jig rten thams cad rab tu dgod par bgyid/ /de de ltar bdag dang gzhan dag gi dge ba'i rtsa ba bsags pa rab tu shes so/ /de shes rab de dang ye shes de mngon sum du bya bar 'dod pa dang / yid la bya bar 'dod pa na yang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang /</font><hr>82.202b<br><font size=+1>

sangs rgyas kyi chos thams cad yongs su rdzogs par bya ba'i phyir yongs su bsngo bar byed do/ /mngon sum du byed pa dang / yid la byed pa dang / mngon sum du byas pa dang / yid la byas nas kyang sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / thams cad mkhyen pa nyid thob par bya ba dang / sangs rgyas kyi chos thams cad yongs su rdzogs par bya ba'i phyir yongs su bsngo bar byed do/ /gal te shes rab de dang / ye shes de la slob pa'i nus pa dang mi ldan par gyur na de 'di ltar yang dag par slob ste/ dus dus su 'am/ cung zad cung zad du yang 'chal ba'i shes rab dang / mi shes pa spang ba dang / dor ba dang / bsal bar rtsol lo 'bad do/ /dus dus su 'am/  cung zad cung zad du yang shes rab dang ye shes la slob pa dang / mngon par 'phel bar bya ba dang / yongs su rdzogs par bya bar rtsol lo/ /'bad do/ /srid pa gzhan du gyur ba na yang zhum par mi 'gyur zhing sgyid lug par mi 'gyur ro/ /lag bzangs byang chub sems dpa' rnams kyi byang chub tu sems bskyed pa dang / byang chub kyi sems rjes su dran pa dang / byang chub kyi sems bsgom pa dang / byang chub tu smon pa dang / byang chub tu smon lam 'debs pa gang yin pa de nyid de dag gi shes rab dge ba dang / ye shes dge ba grangs med cing dpag tu med pa yin no/ /de ci'i phyir zhe na/ 'di lta ste/ 'jig rten gyi khams thams cad du sems can thams cad la zag pa med pa'i shes rab bskyed par 'dod</font><hr>82.203a<br><font size=+1>

pa dang / mi slob pa'i shes rab bskyed par 'dod pa dang / zag pa med pa'i shes rab yang dag par bskyed par 'dod pa dang / mi slob pa'i shes rab yang dag par bskyed par 'dod pa de ni shes rab dge ba dang / ye shes dge ba thams cad kyi mchog yin no/ /de ni dam pa yin no/ /lag bzangs de ltar na byang chub sems dpa' bde ba dang ldan la yid bde ba dang ldan zhing tshegs chung ngu dang / sdug bsngal chung ngus myur du skyen par shes rab kyi pha rol du phyin pa yongs su rdzogs par byed do/ /byang chub sems dpa' pha rol du phyin pa thams cad yongs su rdzogs pa ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /chos kyi rnam grangs 'di bshad pa na lha dang mi'i skye dgu'i sems can grangs med dpag tu med pa dag theg pa gsum dang / mtho ris su skye ba'i don byas par gyur to/ /bcom ldan 'das kyis de skad ces bka' stsal nas/ byang chub sems dpa' sems dpa' chen po lag bzangs dang / byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las lag bzangs kyis zhus pa'i le'u zhes bya ba ste nyi shu rtsa drug pa rdzogs so// //rgya gar gyi mkhan po dA na shI la dang / dzi na mi tra dang /</font><hr>82.203b<br><font size=+1>

zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa/ </font><hr>

</table>