J318

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J318</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J318&coll=lithang">see text in Tibetan script</a></table>81.291b<br><font size=+1>

@##/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u bcu dgu pa ste khyim bdag drag shul can gyi zhus pa/ bam po dang po/ rgya gar skad du/ Ar+ya gr-i ha pa ti u gra pa ri pr-its+tsha nA ma ma hA yA na sU tra/ bod skad du/ 'phags pa khyim bdag drag shul can gyis zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin kyi kun dga' ra ba na dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po byams pa dang / 'jam dpal dang / ngan song spong dang / spyan ras gzigs dbang phyug dang / mthu chen thob la sogs pa byang chub sems dpa' lnga stong dang thabs gcig tu bzhugs te/ de'i tshe bcom ldan 'das 'khor brgya stong du mas yongs su bskor cing mdun gyis bltas nas chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ /ma 'dres pa/ yongs su rdzogs pa/ yongs su dag pa/ yongs su byang ba yang dag par rab tu ston to/ /</font><hr>81.292a<br><font size=+1>

de nas khyim bdag drag shul can g.yog lnga brgya dang mnyan yod kyi grong khyer chen po nas byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba dang / bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do/ /de bzhin du khyim bdag gzhan rnams kyang 'di lta ste/ khyim bdag dga' 'dod dang / khyim bdag grags 'dod dang / khyim bdag legs byin dang / khyim bdag dga' byed dang / khyim bdag grags byin dang / khyim bdag nor bzangs dang / khyim bdag tshul dga' dang / khyim bdag mgon med zas sbyin dang / khyim bdag klu dpal dang / khyim bdag bden dga' dang / de dag gzhan yang khyim bdag rab tu mang po rnams g.yog lnga brgya lnga brgya dang / mnyan yod kyi grong khyer chen po byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba dang / bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do/ /khyim bdag de dag thams cad phal cher ni g.yog dang bcas te theg pa chen po la yang dag par zhugs pa dang / dge ba'i rtsa ba bskyed pa dang / bla na med pa yang dag par rdzogs pa'i byang chub tu nges par byas pa sha stag go/ /de nas khyim bdag drag shul can gyis khyim bdag gi 'khor chen po de 'dus par shes nas bcom ldan 'das kyi mthus stan las langs te bla gos phrag pa gcig tu gzar nas pus mo g.yas pa'i lha nga sa la</font><hr>81.292b<br><font size=+1>

btsugs te/ bcom ldan 'das ga la ba de logs su thal mo sbyar ba btud nas bcom ldan 'das la de skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis khyim bdag drag shul can la 'di skad ces bka' stsal to/ /khyim bdag khyod la de bzhin gshegs pas rtag tu skabs phyes/ khyim bdag khyod ci dang ci 'dod pa de bzhin gshegs pa la dris shig dang / de ltar dris pa de dang de'i lung bstan pas ngas khyod kyi sems rangs par bya'o/ /de skad ces bka' stsal pa dang / bcom ldan 'das la khyim bdag drag shul can gyis 'di skad ces gsol to/ /bcom ldan 'das rigs kyi bu 'am/ rigs kyi bu mo gang dag bla na med pa yang dag par rdzogs pa'i byang chub tu sems bskyed pa dang / theg pa chen po la mos pa dang / theg pa chen po la rab tu gnas pa dang / theg pa chen po la yang dag par sgrub par 'tshal ba dang / theg pa chen po la 'jug par 'tshal ba dang / theg pa chen po la dam bca' ba dang / sems can thams cad gnyer ba dang / sems can thams cad dbugs 'byin pa dang / sems can thams cad bskyab pa'i slad du go cha 'tshal ba dang / ma rgal ba rnams sgrol ba dang / ma grol ba rnams dgrol ba dang / dbugs ma phyin pa rnams dbugs dbyung ba dang / yongs su mya ngan las ma 'das pa rnams yongs su mya ngan las bzla'o zhes sems can thams cad kyi don du khur chen po len pa dang / 'jug pa rlabs po che chen po la rab tu gnas pa dang / sangs rgyas kyi ye shes dpag tu ma mchis pa thos nas ye shes de yang dag par bsgrub pa'i slad du go cha 'tshal ba dang / 'khor ba'i sdug</font><hr>81.293a<br><font size=+1>

bsngal gyi skyon mang po du ma 'tshal kyang yid yongs su mi skyo zhing bskal pa grangs ma mchis par 'khor yang sems zhum par mi 'gyur ba de dag dang / bcom ldan 'das de la rigs kyi bu 'am / rigs kyi bu mo byang chub sems dpa'i theg pa pa gang dag khyim gyi gnas nas mngon par byung ste/ byang chub kyi phyogs kyi chos rnams yang dag par bsgrub cing khyim na mi gnas pa dag dang / gang yang khyim na gnas shing byang chub kyi phyogs kyi chos rnams yang dag par sgrub ste/ khyim gyi gnas nas mngon par mi 'byung ba dag kyang mchis na/ bcom ldan 'das lha dang / mi dang / lha ma yin du bcas pa'i 'jig rten la thugs brtse ba dang / theg pa chen po la 'di rjes su gzung ba dang / dkon mchog gsum gyi rigs mi 'chad par bgyi ba dang / thams cad mkhyen pa'i ye shes yun ring du gnas par bgyi ba'i slad du bcom ldan 'das kyis byang chub sems dpa' khyim pa rnams kyi bslab pa'i yon tan rnam par gzhag pa de legs par bshad du gsol/ byang chub sems dpa' khyim pa khyim gyi sa la gnas nas ji ltar de bzhin gshegs pa rnams kyi bka' bzhin bgyid cing byang chub kyi phyogs kyi chos rnams las mi nyams/ yongs su mi nyams te/ tshe 'di la yang las kha na ma tho ba ma mchis shing tshe gzhan du yang bye brag tu mchi bar 'gyur ba dang / bcom ldan 'das gang yang byang chub sems dpa' khyim gyi gnas nas mngon par byung ste/ sdug pa dang / mi sdug pa spangs nas skra dang kha spu bregs te/ gos ngur smig bgos te/ yang dag par dad pas khyim nas khyim ma lags par rab tu byung ba de dag ji tsam du gdams pa dang / rjes su bstan pa gnyis kyis chos spyod pa dang / dge ba spyod pa yang dag par rab tu bshad du gsol/ byang chub sems dpa' khyim pa dang / rab tu byung bas ji ltar gnas par bgyi/ ji ltar bsgrub par bgyi/ de skad ces gsol pa</font><hr>81.293b<br><font size=+1>

dang / bcom ldan 'das kyis khyim bdag drag shul can la 'di skad ces bka' stsal to/ /khyim bdag legs so legs so/ /khyod la don 'di 'dri bar sems pa ni khyod kyi tshul dang 'thun pa'o/ /de'i phyir legs par rab tu nyon la yid la zung shig dang / byang chub sems dpa' khyim pa dang / rab tu byung bas ji ltar bslab pa'i yon tan yang dag par gzung zhing spyod pa mchog la gnas par bya ba dang / ji ltar bsgrub par bya ba ngas khyod la bshad do/ /bcom ldan 'das de bzhin no zhes gsol nas khyim bdag drag shul can bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /khyim bdag 'di la byang chub sems dpa' khyim pa khyim na gnas pas sangs rgyas la skyabs su 'gro bar bya'o/ /chos la skyabs su 'gro bar bya'o/ /dge 'dun la skyabs su 'gro bar bya'o/ /de gsum la skyabs su song ba'i dge ba'i rtsa ba de bla na med pa yang dag par rdzogs pa'i byang chub tu bsngo bar bya'o/ /khyim bdag ji ltar na byang chub sems dpa' khyim pa sangs rgyas la skyabs su song ba yin zhe na/ khyim bdag 'di la byang chub sems dpa' khyim pa sangs rgyas kyi sku skyes bu chen po'i mtshan sum bcu rtsa gnyis kyis legs par brgyan pa yongs su bsgrub par bya'o snyam du sems mngon par 'du byed de/ dge ba'i rtsa ba gang dag gis skyes bu chen po'i mtshan sum bcu rtsa gnyis yang dag par 'grub par 'gyur ba'i dge ba'i rtsa ba de dag yang dag par bsgrub pa'i phyir brtson 'grus rtsom pa de lta bu ni khyim bdag byang chub sems dpa' sangs rgyas la skyabs su song ba yin no/ /khyim bdag ji ltar na byang chub sems dpa' khyim pa chos la skyabs su song ba yin zhe na/ khyim bdag 'di la byang chub sems dpa' khyim pa chos la gus pa dang bcas shing ri mo byed pa dang bcas pa/ chos don du gnyer ba/ chos 'dod/ </font><hr>81.294a<br><font size=+1>

chos kyi kun dga' la dga' zhing mos pa/ chos la gzhol ba/ chos la 'bab pa/ chos la bab pa/ chos srung ba/ chos sbed cing gnas pa / chos kyi grags pa dang / chos kyi spyod pa la gnas pa/ chos kyi dbang du gyur pa/ chos yongs su tshol ba/ chos kyi stobs dang ldan pa/ chos kyi sbyin pa'i mtshon cha dang ldan pa/ chos kyi bya ba byed pa de 'di lta bu'i chos dang ldan pas bdag bla na med pa yang dag par rdzogs pa'i byang chub mngon par rdzogs par sangs rgyas nas lha dang / mi dang / lha ma yin du bcas pa'i 'jig rten la chos kyi bgo bsha' bya'o snyam du dran pa rab tu 'thob ste/ khyim bdag de ltar na byang chub sems dpa' khyim pa chos la skyabs su song ba yin no/ /khyim bdag ji ltar na byang chub sems dpa' khyim pa dge 'dun la skyabs su song ba yin zhe na/ khyim bdag 'di la byang chub sems dpa' khyim pa dge 'dun la skyabs su song ba ni gal te dge slong rgyun du zhugs pa 'am/ lan cig phyir 'ong ba 'am/ phyir mi 'ong ba 'am/ dgra bcom pa 'am/ so so'i skye bo 'am/ nyan thos kyi theg pa pa 'am/ rang sangs rgyas kyi theg pa pa 'am/ theg pa chen po pa dag mthong na de de la gus pa dang bcas/ zhe sa dang bcas shing ldang bar brtson pa/ bka' blo bde zhing 'thun par 'dzin pa yin te/ de yang dag par song ba dang / yang dag par zhugs pa de dag la bsnyen bkur byas pas 'di ltar bdag bla na med pa yang dag par rdzogs pa'i byang chub mngon par rdzogs par sangs rgyas nas kyang nyan thos kyi yon tan yongs su bsgrub pa dang / rang sangs rgyas kyi yon tan yongs su bsgrub pa'i phyir chos bstan to snyam du dran pa rab tu 'thob ste/ de de dag la gus pa dang bcas shing zhe sa dang bcas pa yin gyi de dag la dga' bar ni mi byed de/ de ltar na khyim bdag byang chub sems dpa' khyim pa dge 'dun la skyabs su song ba yin</font><hr>81.294b<br><font size=+1>

no/ /khyim bdag gzhan yang byang chub sems dpa' khyim pa chos bzhi dang ldan na sangs rgyas la skyabs su song ba yin te/ bzhi gang zhe na/ byang chub kyi sems mi 'dor ba dang / dam bcas pa mi 'jig pa dang / snying rje chen po yongs su mi gtong ba dang / theg pa gzhan la mi dmigs pa ste/ khyim bdag byang chub sems dpa' khyim pa chos bzhi po de dag dang ldan na sangs rgyas la skyabs su song ba yin no/ /khyim bdag gzhan yang byang chub sems dpa' khyim pa chos bzhi dang ldan na chos la skyabs su song ba yin te/ bzhi gang zhe na/ chos smra ba'i gang zag rnams la brten cing bsnyen te bsnyen bkur byed cing sti stang du byas nas chos nyan pa dang / chos thos pa dang / tshul bzhin du so sor rtog pa dang / ji ltar thos pa'i chos rnams dang ji ltar khong du chud pa rnams gzhan dag la yang ston cing yang dag par rab tu 'chad pa dang / chos kyi sbyin pa las byung ba'i dge ba'i rtsa ba de bla na med pa yang dag par rdzogs pa'i byang chub tu yongs su bsngo ba ste/ khyim bdag byang chub sems dpa' khyim pa chos bzhi dang ldan na chos la skyabs su song ba yin no/ /khyim bdag gzhan yang byang chub sems dpa' khyim pa chos bzhi dang ldan na dge 'dun la skyabs su song ba yin te/ bzhi gang zhe na/ nyan thos kyi theg pa pa yang dag par skyon med pa la zhugs pa rnams thams cad mkhyen pa nyid kyi sems la 'dzud pa dang / gang zang zing gis sdud par byed pa de dag chos kyis bsdu ba la sbyor ba dang / byang chub sems dpa' phyir mi ldog pa'i dge 'dun la rton kyi nyan thos kyi dge 'dun la rton pa ma yin pa dang / nyan thos kyi yon tan yang yongs su tshol la/ de'i rnam par grol ba la mos pa yang ma yin pa ste/ khyim bdag byang chub sems dpa' khyim pa chos bzhi po de dag dang ldan na dge 'dun la skyabs su song ba yin no/ /khyim bdag gzhan yang byang chub sems dpa' khyim</font><hr>81.295a<br><font size=+1>

pa de bzhin gshegs pa'i sku gzugs mthong nas sangs rgyas rjes su dran pa rab tu thob pa ni sangs rgyas la skyabs su song ba yin no/ /chos thos nas chos rjes su dran pa rab tu thob pa ni chos la skyabs su song ba yin no/ /de bzhin gshegs pa'i nyan thos kyi dge 'dun mthong nas byang chub kyi sems kyi rjes su dran pa ni dge 'dun la skyabs su song ba yin no/ /khyim bdag gzhan yang byang chub sems dpa' khyim pa khyim na gnas pa sangs rgyas dang 'grogs par smon cing sbyin pa sbyin pa ni sangs rgyas la skyabs su song ba yin no/ /dam pa'i chos yang dag par bsrung ba'i phyir sbyin pa sbyin pa ni chos la skyabs su song ba yin no/ /sbyin pa de bla na med pa yang dag par rdzogs pa'i byang chub tu yongs su bsngo ba ni dge 'dun la skyabs su song ba yin no/ /khyim bdag gzhan yang byang chub sems dpa' khyim pa khyim na gnas pa ni skyes bu dam pa'i las rnams byed cing skyes bu ngan pa'i las rnams mi byed do/ /khyim bdag skyes bu dam pa'i las yin gyi skyes bu ngan pa'i las ma yin pa rnams gang zhe na/ khyim bdag 'di la byang chub sems dpa' khyim pa chos kyis longs spyod tshol gyi chos ma yin pas mi tshol lo/ /'thun pas tshol gyi mi mthun pas ma yin no/ /yang dag pas 'tsho ba yin gyi log pas 'tsho ba ma yin te/ de chos kyi longs spyod thob pa de dag gis gzhan la 'tshe bar mi byed de/ mi rtag pa'i 'du shes sgom pa mang zhing snying po len to/ /'di lta ste/ pha ma la bsnyen bkur byed pa dang / bu dang / chung ma dang / bran pho dang / bran mo dang / las byed pa dang / zho shas 'tsho ba rnams yang dag par longs spyod dang / mdza' bshes dang / blon po dang / nye du dang / snag gi gnyen mtshams rnams la bkur sti dang / gong du yang chos la 'dzud pas gtong ba 'phel bar byed do/ /khyim bdag gzhan yang byang chub sems dpa' khyim pa ni 'di</font><hr>81.295b<br><font size=+1>

lta ste/ sems can thams cad kyi phung po lnga'i khur khyer bas khur blangs pa bkur ba'i phyir brtson 'grus rtsom mo/ /'di lta ste/ nyan thos dang / rang sangs rgyas kyi theg pa mi 'dor bas khur blangs pa bkur ba'i phyir brtson 'grus rtsom mo/ /sems can yongs su smin par bya bas yongs su mi skyo ba/ bdag bde ba la mi chags pa/ sems can thams cad bde ba thob par byed pa/ rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal gyis mi bskyod pas de 'jig rten gyi chos las yang dag par 'da' ba dang / rnyed pa dang / longs spyod phun sum tshogs pas mi snyims pa dang / rnyed pa dang / grags pa dang / brjod pa'i sgra'i snyan pa med pa la yi mi chad pa dang / shin du brtags te las byed pa dang / yang dag par sgrub pa kun du srung ba dang / log par sgrub pa la yid mi mos pa dang / mi gnas pa'i blos 'byung ba mthong ba dang / shing bal gyi 'da' ba lta bu'i sems med de/ ji ltar dam bcas pa yongs su rdzogs par byed pa dang / gzhan gyi bya ba byed pa dang / rang gi bya ba yongs su 'dor ba dang / gzhan la byas pa la lan du phan 'dogs par mi re ba dang / gnod pa byas pa la sha mi ldon pa dang / byas pa gzo ba dang / byas pa tshor ba dang / legs par bya ba'i las byed pa dang / dbul po rnams la longs spyod yang dag par 'ged pa dang / stobs dang ldan pa rnams la nga rgyal bcag pa dang / 'jigs pa rnams mi 'jigs par dbugs 'byin pa dang / mya ngan gyis nyam thag pa rnams la mya ngan gyi zug rngu sel ba dang / mthu chung ba rnams la bzod cing dang du len pa dang / nga rgyal las kyang nga rgyal rnam par spong ba dang / bla ma rnams la gus pa dang / mang du thos pa rnams la sten pa dang / mkhas pa rnams la kun 'dri ba dang / lta ba drang ba dang / g.yo med par spyod pa dang / sgyu</font><hr>81.296a<br><font size=+1>

med pa dang / bcos ma med par sems can thams cad la byams pa dang / dge ba gang yin zhes tshol bas mi ngoms pa dang / mang du thos pa la chog mi shes par byed pa dang / brtsams pa rnams la yid dam brtan pa dang / 'phags pa'i skye bo dang 'grogs pa dang / 'phags pa ma yin pa'i skye bo rnams la cher snying rje ba dang / mdza' ba brtan pa dang / mdza' ba dang / mi mdza' ba la sems snyoms pa dang / sangs rgyas kyi chos thams cad la slob dpon gyi dpe mkhyud med pa dang / ji ltar thos pa'i chos rnams rab tu ston pa dang / thos pa'i don rjes su sgom pa dang / 'dod pa la dga' zhing rtse ba thams cad la mi rtag par 'du shes pa dang / lus la mi gtsang ba 'du shes pa dang / srog la zil ba'i thigs pa ltar 'du shes pa dang / longs spyod la sgyu ma dang / smig rgyu lta bur 'du shes pa dang / bu dang chung ma la sems can dmyal ba mnar med par 'du shes pa dang / zhing dang khyim gyi las kyi mtha' dang gos rnam pa sna tshogs yongs su 'dzin pa la phongs pa'i sdug par 'du shes pa dang / yongs su tshol ba la dge ba'i rtsa ba rnam par 'jig par 'du shes pa dang / khyim gyi gnas la gshed ma lta bur 'du shes pa dang / mdza' shes dang / blon po dang / nye du dang / snag gi gnyen mtshams rnams la sems can dmyal ba'i srungs mar 'du shes pa dang / nyin dang mtshan du bye brag tu gyur pa ci yod ces yongs su 'jal bar 'du shes pa dang / snying po med pa'i lus las snying po blang bar 'du shes pa dang / snying po med pa'i srog las snying po blang bar 'du shes pa dang / snying po med pa'i longs spyod rnams las snying po blang bar 'du shes pa yin no/ /de la snying po med pa'i lus las snying po blang bar 'du shes pa gang zhe na/ gang gzhan gyi bya'o cog bya bar spro ba dang / bla ma rnams la gus par smra ba dang / phyag</font><hr>81.296b<br><font size=+1>

'tshal ba dang / ldang ba dang / thal mo sbyor ba dang / 'dud pa'i las byed pa ste/ 'di ni snying po med pa'i lus las snying po blang bar 'du shes pa zhes bya'o/ /de la snying po med pa'i srog las snying po blang bar 'du shes pa gang zhe na/ gang sngon byas pa'i dge ba'i rtsa ba rnams yongs su mi nyams pa gong du yang rnam par 'phel bar byed pa ste/ 'di ni snying po med pa'i srog las snying po blang bar 'du shes pa zhes bya'o/ /de la snying po med pa'i longs spyod rnams las snying po blang bar 'du shes pa gang zhe na/ gang ser sna'i sems tshar gcod cing gtong ba chen po'i sems 'phel bar byed cing sbyin pa yang dag par 'god pa ste/ 'di ni snying po med pa'i longs spyod rnams las snying po blang bar 'du shes pa zhes bya'o/ /khyim bdag de ltar na byang chub sems dpa' khyim pa gang 'di lta bu'i skyes bu dam pa'i las 'di dag byed kyi/ skyes bu ngan pa'i las ni ma yin no/ /de ltar byed na de bzhin gshegs pa rnams kyis nyes par brjod pa ma yin te/ rigs par smra ba yin/ chos smra ba yin no/ /'di lta ste/ sngon bla na med pa yang dag par rdzogs pa'i byang chub tu dam bcas pa yang mi nyams yongs su mi nyams pa yin no/ khyim bdag gzhan yang byang chub sems dpa' khyim pa ni bslab pa'i gzhi thams cad yongs su bzung ba yin te/ 'di lta ste/ bslab pa'i gzhi yongs su bzung nas des srog gcod pa spang bar bya ste/ dbyug pa dor ba dang / mtshon cha dor ba dang / ngo tsha shes pa dang / snying rje dang ldan pa dang / srog chags 'byung po thams cad la mi 'tshe ba'i rang bzhin can dang / sems can thams cad la sems snyoms pa rang / rtag tu byams pa la gnas par bya'o/ /des ma byin par len pa spang bar bya ste/ bdag gi longs spyod kyis chog shes pa dang / gzhan gyi longs spyod la mngon par dga' ba med pa dang / chags sems dang brnab sems med</font><hr>81.297a<br><font size=+1>

pa dang / gzhan gyi nor la 'dod pa med pa dang / tha na rtswa dang lo ma yang ma byin par mi blang bar bya'o/ /des 'dod pa la log par g.yem pa spang bar bya ste/ rang gi chung mas chog par 'dzin pa dang / gzhan gyi chung ma la 'dod pa med pa dang / ma chags pa'i mig gis blta ba dang / yid byung ba'i yid dang / 'dod pa dag ni shin tu sdug bsngal ba'o snyam du ma chags pa yid la byed pa la brtson par bya'o/ /de gang gi tshe rang gi chung ma la 'dod pa'i rnam par rtog pa byung ba de'i tshe yang nyon mongs pa'i dbang du gyur pas na des rang gi chung ma la mi sdug par rjes su blta ba dang / skrag pa yid kyis 'dod pa bsten par bya'i/ zhen pas zin bzhin du ni ma yin pa dang / mi rtag pa dang / sdug bsngal ba dang / bdag med pa dang / mi gtsang bar 'du shes pas des ci nas bdag gis yid kyis dgu la yang 'dod pa la spyad par mi bya na/ mtshan gnyis sbrad pa'am/ yan lag ma yin par 'jug pa lta ci smos te/ bdag gis de ltar mi bya'o snyam mo/ /des brdzun du smra ba spang bar bya ste/ bden par smra ba dang / yang dag par smra ba dang / ji skad smras pa de bzhin du byed pa dang / mi slu ba dang / bsam pa phun sum tshogs pa dang / dran pa dang shes bzhin dang ldan par bya ste/ ji ltar mthong ba dang / thos pa smra ba dang / chos rjes su srung bar gyur pa nges lus dang srog gi phyir yang shes bzhin du brdzun du smra bar mi bya'o/ /des 'bru'i chang dang sbyar ba'i chang myos par 'gyur ba'i btung ba spang bar bya ste/ de ra ro ba med pa dang / myos pa med pa dang / 'khrul pa med pa dang / tshig ma 'chal ba dang / mi 'phyar ba dang / ma rgod pa dang / mi g.yeng ba dang / dran pa nye bar gnas pa dang / shes bzhin dang ldan par bya ste/ de nam bdog pa thams cad yongs su gtong ba'i blo 'jug cing zas 'dod pa rnams la zas/ skom 'dod pa rnams la skom sbyin pa sbyin par bya'o snyam na des gzhan dag la chang yang sbyin te/ 'di</font><hr>81.297b<br><font size=+1>

snyam du 'di ni sbyin pa'i pha rol du phyin pa'i dus yin te/ gang ci 'dod pa de la de sbyin pa'i dus la bab kyis bdag gis 'di ltar bya ste/ gang dang gang la 'di ltar chang yang byin nas gang 'di 'khrul pa med pa'i spyod pa la de dang de dag dran pa dang shes bzhin yang dag par 'dzin du gzhug go snyam pa'i 'du shes bskyed par bya'o/ /de ci'i phyir zhe na/ bsam pa thams cad yongs su rdzogs par byed pa ni byang chub sems dpa'i sbyin pa'i pha rol du phyin pa yongs su sbyong ba yin no/ /khyim bdag de ltar na byang chub sems dpa' khyim pa gzhan dag la chang byin yang de bzhin gshegs pa rnams kyis nyes par brjod pa ma yin no/ /khyim bdag byang chub sems dpa' khyim pa des bslab pa'i gzhi lnga bzung ba'i dge ba'i rtsa ba yang bla na med pa yang dag par rdzogs pa'i byang chub tu yongs su bsngo bar bya'o/ /des bslab pa'i gzhi lnga po de dag kyang shin du bsrung bar bya'o/ /gong du yang des phra ma mi bya zhing bye ba rnams kyi bsdums bya'o/ /des ngag rtsub po yang mi smra bar bya zhing des ngag 'jam por smra ba dang / tshig mnyen pa dang / gsong por smra bar bya'o/ /tshig kyal ba yang smra bar mi bya zhing / dus su smra ba dang / yang dag par smra ba dang / don smra ba dang / chos smra ba dang / rigs pa smra ba dang / 'dul ba smra ba dang / lan legs par 'debs pa dang / ji skad smras pa de bzhin byed par bya'o/ /des brnab sems su mi bya zhing sems can thams cad la phan pa dang bde ba bsam par bya'o/ /gnod sems su mi bya zhing rtag tu bzod pa'i stobs kyi go cha bgo bar bya'o/ /des yang dag par blta bar bya zhing log pa phyin ci log tu lta ba thams cad dang bral bar bya'o/ /lhar sangs rgyas la bsam pa rjes su song zhing lha gzhan mi 'dzin par bya'o/ /khyim bdag gzhan yang byang chub sems dpa' khyim pa grong ngam/ grong khyer ram/ grol rdal lam/ ljongs sam/ ljongs kyi phyogs gang na gnas pa der des sems can</font><hr>81.298a<br><font size=+1>

rnams la chos kyi gtam brjod par bya ste/ gang dag ma dad pa de dag ni dad pa la gzung bar bya/ sems can gang dag mi gus shing phar mi 'dzin pa/ mar mi 'dzin pa/ dge sbyong du mi 'dzin pa/ bram zer mi 'dzin pa/ rigs kyi gtso bo la rim gro mi byed pa/ tshul dang mi ldan zhing mtshams las 'das pa de dag bla ma la gus pa dang / chos spyod pa la gzung bar bya'o/ /sems can gang dag thos pa nyung ba de dag mang du thos pa la spyar bar bya'o/ /ser sna can rnams ni gtong ba la/ tshul khrims 'chal pa rnams ni tshul khrims la/ gnod sems can rnams ni bzod pa dang des pa la/ le lo can rnams ni brtson 'grus rtsom pa la/ brjed nges pa rnams ni dran pa dang shes bzhin la 'chal ba'i shes rab can rnams ni shes rab la gzung bar bya'o/ /sems can dbul po rnams la longs spyod yang dag par bgo bar bya'o/ /sems can nad pa rnams la sman sbyin par bya'o/ /sems can mgon med pa rnams kyi mgon bya'o/ /skyabs med pa rnams kyi skyabs dang / dpung gnyen med pa rnams kyi dpung gnyen bya'o/ /des ljongs dang ljongs kyi phyogs de dag thams cad dang ji ltar 'thun par sems can 'ga' yang log par ltung bar mi 'gro ba de ltar chos kyis bsrung bar bya'o/ /khyim bdag gal te byang chub sems dpa' khyim pas lan gcig lan gnyis lan gsum nas lan bdun gyi bar du rjes su bstan pas sems can rnams yon tan dag la bkod pa las yon tan gang yang rung ba la gnas par ma gyur na khyim bdag de'i tshe byang chub sems dpa' khyim pa des sems can de dag la snying rje chen po bskyed de/ </font><hr>81.298b<br><font size=+1>

des thams cad mkhyen pa nyid kyi go cha sra ba yang bgo zhing tshig 'di skad ces ji srid du sems can gdul dka' ba dmu rgod de dag yongs su smin par ma gyur pa de srid du bdag bla na med pa yang dag par rdzogs pa'i byang chub tu mngon par rdzogs par 'tshang mi rgya'o zhes brjod par bya'o/ /de ci'i phyir zhe na/ bdag gis ni de dag gi phyir go cha bgos te/ sems can drang po rnams kyi phyir ma yin/ g.yo med pa rnams kyi phyir ma yin/ sgyu med pa rnams kyi phyir ma yin tshul khrims dang ldan pa rnams kyi phyir ma yin te/ yon tan dang ldan pa rnams kyi phyir bdag gis go cha ma bgos kyis/ ci nas bdag gi rtsol ba don yod par 'gyur ba dang / sems can gyis bdag mthong ma thag tu dga' ba dang / dad pa thob par 'gyur ba de ltar bya'o/ /de ltar bsgrub bo/ /de ltar brtson 'grus brtsam par bya'o snyam mo/ /khyim bdag gal te grong ngam/ grong khyer ram/ grong rdal lam/ ljongs sam/ ljongs kyi phyogs gang na gnas pa'i byang chub sems dpa' des phyogs der ma bskul tam/ dran par ma byas te sems can rnams ngan 'gro gang yang rung ba zhig tu skyes par gyur na byang chub sems dpa' de ni de bzhin gshegs pa rnams kyis smad pa yin no/ /khyim bdag 'di lta ste dper na grong ngam/ grong khyer ram/ grong rdal lam/ ljongs sam/ ljongs kyi phyogs gang na sman pa mkhas pa zhig gnas pa des tha na sems can 'ga' zhig gi dug zhi bar ma nus te 'chi ba'i dus byed par gyur na sman pa de skye bo mang pos smad par 'gyur ro/ /khyim bdag de bzhin du grong ngam/ grong khyer ram/ grong rdal lam/ ljongs sam/ ljongs kyi phyogs gang na byang chub sems dpa' gnas pa des de'i phyogs su tha na sems can 'ga' tsam la yang ma bskul tam dran par ma byas te ngan 'gro gang yang rung ba zhig tu skyes par gyur na byang chub sems dpa' de de bzhin gshegs</font><hr>81.299a<br><font size=+1>

pa rnams kyis smad pa yin no/ /khyim bdag de bas na 'di la byang chub sems dpa' khyim pa ci nas grong ngam/ grong khyer ram/ grong rdal lam/ ljongs sam/ ljongs kyi phyogs gang na gnas pa des bdag gis sems can 'ga' yang log par ltung bar 'gro bar mi 'gyur ba de ltar bya'o/ /de ltar bsgrub bo/ /de ltar brtson 'grus brtsam mo snyam pa'i go cha de lta bu bgo bar bya'o/ /khyim bdag gzhan yang byang chub sems dpa' khyim pa khyim na gnas pas khyim na gnas pa'i nyes pa la mkhas par bya'o/ /des 'di ltar so sor bslab par bya ste/ khyim zhes bya ba 'di ni dge ba'i rtsa ba rnams 'jom par byed pa/ 'byung ba sun 'byin pa/ dge ba'i sdong po 'gyel bar byed pa ste/ de'i phyir khyim zhes bya'o/ /khyim na gnas pa zhes bya ba 'di ni nyon mongs pa thams cad kyi gnas/ mi dge ba'i rtsa ba la rnam par rtog pa rnams kyi gnas/ /byis pa so so'i skye bo ma dul ba ma sbas pa rnams kyi gnas/ mi dge ba spyod pa rnams kyi gnas/ skye bo ngan pa 'dus pa yin te/ de'i phyir khyim na gnas pa zhes bya'o/ /khyim na gnas pa zhes bya ba 'di ni sdug bsngal gyi chos thams cad kyi gnas shes brjod pa'o/ /'di ni sngon goms par byas pa'i dge ba'i rtsa ba rnams nyams par byed pa ste/ de'i phyir khyim na gnas pa zhes bya'o/ /khyim zhes bya ba 'di ni der gnas nas bya ba'i mi rigs pa byed pa'o/ /der gnas nas pha ma dang / dge sbyong dang / bram ze la gus par mi 'gyur ba yin te/ de'i phyir khyim zhes bya'o/ /khyim zhes bya ba 'di ni srid pa'i 'khri shing la mngon par dga' ba'i phyir mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de'i phyir khyim zhes bya'o/ /khyim zhes bya ba 'di ni gsad pa dang / bcing ba dang / brdeg pa dang / bsdigs pa dang / 'tshe ba dang mi snyan pa dang / gshe ba dang / </font><hr>81.299b<br><font size=+1>

ngan du brjod pa dang / ngan du bya ba'i tshig gi lam rnams 'du ba ste/ de'i phyir khyim zhes bya'o/ /khyim zhes bya ba 'di ni dge ba'i rtsa ba ma byas pa mi 'dzugs pa'o/ /dge ba'i rtsa ba byas pa rnams rnam par 'jig pa'o/ /mkhas pa rnams dang / sangs rgyas dang / sangs rgyas kyi nyan thos thams cad kyis smad pa'o/ /'di la gnas pa ni ngan 'gror 'gro bar 'gyur ro/ /'di la gnas pa ni 'dod chags kyis 'gro ba ma yin par 'gro ba'o/ /zhe sdang dang / 'jigs pa dang / gti mug gis 'gro ba ma yin par 'gro ba ste/ de'i phyir khyim zhes bya'o/ /'di ni tshul khrims kyi phung po kun mi srung ba'o/ /ting nge 'dzin gyi phung po 'dor ba'o/ /shes rab kyi phung po la mi 'jug pa'o/ /rnam par grol ba'i phung po mi 'thob pa'o/ /rnam par grol ba'i ye shes mthong ba'i phung po mi skyed pa ste/ de'i phyir khyim zhes bya'o/ /khyim na gnas pa ni pha dang ma dang / bu dang / chung ma dang / bran pho dang / bran mo dang / las byed pa dang / zho shas 'tsho ba dang / mdza' bshes dang / blon po dang / nye du dang / snag gi gnyen mtshams dang / g.yog yongs su 'dzin pa la sred pa yin no/ /khyim na gnas pa 'di ni rgya mtsho la chu bran ltar dgang dka' ba'o/ /khyim na gnas pa ni me la shing ltar chog mi shes pa'o/ /khyim na gnas pa ni thug pa med pa'i tshul gyis rlung mar ltar thug pa med par rnam par rtog pa'o/ /khyim na gnas pa ni 'jig pas bye ma'i grong khyer ltar 'jig pa'o/ /khyim na gnas pa ni kha zas bzang po dug dang 'dres pa ltar 'dres pa'o/ /khyim na gnas pa ni mi mdza' ba bzhin du 'thun pa ma yin pas rtag tu sdug bsngal ba'o/ /khyim na gnas pa ni 'phags pa'i chos sgrub pa la bar chad byed pa'o/ /khyim na gnas pa ni phan tshun rkyen gyis 'thab pa'o/ /khyim na gnas pa ni gcig la gcig gnod par</font><hr>81.300a<br><font size=+1>

sems pas rtag tu mi 'thun pa'o/ /khyim na gnas pa ni legs par byas pa dang / nyes par byas pa'i las kyi mtha' la sbyor bas gnod pa mang ba'o/ /khyim na gnas pa ni las kyi mtha' thug pa med pas rtag tu brtson pa'o/ /khyim na gnas pa ni yun ring po nas bsags pa rnam par 'jig pa'i chos can gyi phyir mi rtag pa'o/ /khyim na gnas pa ni dngos po kun du tshol zhing yongs su srung bas sdug bsngal ba'o/ /khyim na gnas pa ni dgra ltar mi 'dza' bas rtag tu bag tsha ba'o/ /khyim na gnas pa ni phyin ci log gis zin pas bag med pa'o/ /khyim na gnas pa ni rang gi dpyod pas rnam par bsgrubs te/ ngo bo nyid kyis stong pas gar mkhan gyi tshon dang 'dra'o/ /khyim na gnas pa ni myur du phan tshun 'gyes pas mthar rgud cing 'gyur ba'o/ /khyim na gnas pa ni skye bo glo bur du 'dus pas rtag tu ngo bo nyid med pa'i phyir sgyu ma la lta bu dang mtshungs so/ /khyim na gnas pa ni phun sum tshogs pa thams cad kyang mthar rgud par 'gyur bas rmi lam dang mtshungs so/ /khyim na gnas pa ni myur du 'bral bas zil pa'i thigs pa dang mtshungs so/ /khyim na gnas pa ni ro bro ba dang chung ngu yongs su 'jal bas sbrang rtsi'i thigs pa dang mtshungs so/ /khyim na gnas pa ni gzugs dang / sgra dang / dri dang / ro dang / reg dang / chos kyis gzir bas tshor ba'i dra ba dang mtshungs so/ /khyim na gnas pa ni mi dge ba la rnam par rtog pas yongs su mi skyo ba'i phyir kha khab tsam gyi srog chags dang mtshungs so/ /khyim na gnas pa ni gcig la gcig 'drid pas srog rnam par 'jig pa'o/ /khyim na gnas pa ni sems rnyog pa can du byed pas rtag tu 'khrug pa'o/ /khyim na gnas pa ni rgyal po dang / chom rkun dang / me dang / chu dang / bgo skal la spyod pas rnam par 'joms pa'i phyir thun mong</font><hr>81.300b<br><font size=+1>

ba'o/ /khyim na gnas pa ni nyes dmigs mang bas ro bro ba chung ba'o/ /khyim bdag de ltar byang chub sems dpa' khyim pa khyim na gnas pas khyim na gnas pa'i nyes pa la mkhas par bya'o/ /khyim bdag gzhan yang byang chub sems dpa' khyim pa khyim na gnas pas sbyin pa dang / dul ba dang / yang dag par sdom pa dang / nges pa mang du bya'o/ /des yang 'di ltar brtag par bya ste/ gang byin pa de ni bdag gi yin no/ /khyim na bzhag pa de ni bdag gi ma yin no/ /gang byin pa de ni snying po can no/ /gang khyim na bzhag pa ni de snying po med pa'o/ /gang byin pa de ni gzhan du bde ba'o/ /gang khyim na bzhag pa de ni da ltar byung ba na bde ba'o/ /gang byin pa de ni yang bsrung bar bya ba ma yin pa'o/ /gang khyim na bzhag pa de ni bsrung bar bya'o/ /gang byin pa de ni sred pa zad par 'gyur ba'o/ /khyim na bzhag pa de ni sred pa rnam par 'phel ba'o/ /gang byin pa de ni bdag gi ba med pa'o/ /gang khyim na bzhag pa de ni bdag gi ba dang bcas pa'o/ /gang byin pa de ni yongs su mi 'dzin pa'o/ /gang khyim na bzhag pa de ni 'dzin pa dang bcas pa'o/ /gang byin pa de ni 'jigs pa med pa'o/ /gang khyim na bzhag pa de ni 'jigs pa dang bcas pa'o/ /gang byin pa de ni byang chub kyi lam nye bar ston pa'o/ /gang khyim na bzhag pa de ni bdud kyi phyogs nye bar ston pa'o/ /gang byin pa de ni zad mi shes pa'o/ /gang khyim na bzhag pa de ni zad par 'gyur ba'o/ /gang byin pa de ni bde ba'o/ /gang khyim na bzhag pa de ni kun du bsrung dgos pas sdug bsngal ba'o/ /gang byin pa de ni nyon mongs pa spong bar 'gyur ba'o/ /gang khyim na yod pa ni nyon mongs pa 'phel bar byed pa'o/ /gang byin pa de ni longs spyod chen por 'gyur ba'o/ /gang khyim na bzhag pa de ni longs spyod chen por mi 'gyur ba'o/ /gang byin pa de ni</font><hr>81.301a<br><font size=+1>

skyes bu dam pa'i las so/ /gang khyim na bzhag pa de ni skyes bu ngan pa'i las so/ /gang byin pa de ni sangs rgyas thams cad kyi bsngags pa'o/ /gang khyim na bzhag pa de ni byis pa'i skye bos bsngags pa'o snyam du brtag par bya'o/ /khyim bdag de ltar byang chub sems dpa' khyim pas snying po blang bar bya'o/ /khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya'o/ /gsum gang zhe na/ dge ba'i bshes gnyen du 'du shes pa dang / tshe rjes nas longs spyod chen por 'gyur bar 'du shes pa dang / byang chub kyi lam nye bar ston par 'du shes pa ste/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ /khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ ser sna tshar gcad pa'i 'du shes dang / bdog pa thams cad yongs su gtong ba'i 'du shes dang / thams cad mkhyen pa'i ye shes la lta ba'i 'du shes te/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ /khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ de bzhin gshegs pa'i bka' bzhin du bya ba'i 'du shes dang / bdud tshar gcad pa'i 'du shes dang / rnam par smin pa la re ba med pa'i 'du shes te/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ /khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ slong ba la g.yog tu 'du shes pa dang / bsdu ba'i dngos pos mi</font><hr>81.301b<br><font size=+1>

gtang bar 'du shes pa dang / dam pa ma yin pa yongs su 'dzin pa las 'byung bar 'du shes pa ste/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ /khyim bdag gzhan yang byang chub sems dpa' khyim pas slong ba mthong na 'du shes gsum bskyed par bya ste/ gsum gang zhe na/ 'dod chags dang bral ba'i 'du shes dang / byams pa bsgom pa'i 'du shes dang / gti mug la mi 'jug pa'i 'du shes te/ khyim bdag byang chub sems dpa' khyim pas slong ba mthong na 'du shes gsum po de dag bskyed par bya'o/ /de ci'i phyir zhe na/ khyim bdag 'di ltar byang chub sems dpa' khyim pas slong ba mthong na 'dod chags dang / zhe sdang dang / gti mug srab mor 'gyur ro/ /khyim bdag ji ltar byang chub sems dpa' khyim pas slong ba mthong na 'dod chags dang / zhe sdang dang / gti mug srab mor 'gyur zhe na/ gang de'i dngos po gtang snyoms shing yongs su gtong ba 'di ni de'i 'dod chags srab pa'o/ /gang slong ba de dag la byams pa nye bar sgrub pa 'di ni de'i zhe sdang srab pa'o/ /gang dngos po byin nas bla na med pa yang dag par rdzogs pa'i byang chub tu yongs su bsngo ba 'di ni de'i gti mug srab pa'o/ /khyim bdag de ltar na byang chub sems dpa' khyim pas slong ba mthong na 'dod chags dang / zhe sdang dang / gti mug srab mor 'gyur ro/ /khyim bdag gzhan yang byang chub sems dpa' khyim pas slong ba mthong na pha rol tu phyin pa drug bsgom pa yongs su rdzogs par 'gyur te/ khyim bdag 'di la byang chub sems dpa' khyim pas dngos po gang yang rung ba zhig bslangs ma thag tu dngos po de la sems kyis 'dzin par mi byed de/ de ltar na de'i sbyin pa'i pha rol tu phyin pa bsgom pa yongs su rdzogs par 'gyur ro/ /gang byang chub kyi sems la brten nas yongs su gtong ste/ de ltar na de'i</font><hr>81.302a<br><font size=+1>

tshul khrims kyi pha rol tu phyin pa bsgom pa yongs su rdzogs par 'gyur ro/ /gang slong ba de dag la byams pa nye bar sgrub ste mi khro zhing gnod sems mi byed de/ de ltar na de'i bzod pa'i pha rol tu phyin pa bsgom pa yongs su rdzogs par 'gyur ro/ /gal te byin na ci spyad snyam du 'di ltar sems g.yo bas zhum pa med de de ltar na de'i brtson 'grus kyi pha rol tu phyin pa bsgom pa yongs su rdzogs par 'gyur ro/ /gang slong ba la byin te byin nas kyang gdung ba med cing 'gyod pa med pa yin/ gang du yang dga' zhing rab tu mgu ste bde ba yang yid bde ba skyed cing gang byang chub kyi sems la gnas nas gtong ste/ de ltar na de'i bsam gtan kyi pha rol du phyin pa bsgom pa yongs su rdzogs par 'gyur ro/ /byin nas kyang gang chos thams cad mi dmigs shing rnam par smin pa la mi re ste/ ji ltar mkhas pa de dag chos gang la yang mngon par ma zhen pa de ltar mngon par zhen pa med pas bla na med pa yang dag par rdzogs pa'i byang chub tu yongs su sngo ste/ de ltar na de'i shes rab kyi pha rol tu phyin pa bsgom pa yongs su rdzogs par 'gyur ro/ /khyim bdag de ltar na byang chub sems dpa' khyim pas slong ba mthong na pha rol du phyin pa drug yongs su rdzogs par 'gyur ro// // bam po gnyis pa/ khyim bdag gzhan yang byang chub sems dpa' khyim pa khyim na gnas pas rjes su chags pa dang khong khro ba med pas 'jig rten gyi chos brgyad la mnyam pa nyid thob par bya'o/ /des longs spyod rnyed dam/ chung ma rnyed dam/ bu rnyed dam/ nor rnyed dam/ 'bru rnyed kyang khengs par yang mi bya/ dga' bar yang mi bya/ thams cad ma 'byor kyang des zhum par mi bya/ yi mug par yang mi bya'i/ des 'di ltar brtag par bya ste/ 'dus byas thams cad ni sgyu ma byas pa/ rnam par bsgrubs pas so sor nye bar gnas pa'i mtshan nyid do/ /'di lta ste/ </font><hr>81.302b<br><font size=+1>

pha ma dang / bu dang / chung ma dang / bran pho dang / bran mo dang / las byed pa dang / zho shas 'tsho ba dang / mdza' bshes dang / blon po dang / nye du dang / snag gi gnyen mtshams de dag ni las kyi rnam par smin pas grub pa yin te/ de dag kyang bdag gi ma yin/ bdag kyang de dag gi ma yin no/ /de ci'i phyir zhe na/ pha ma la sogs pa de dag ni bdag gi mgon nam/ skyabs sam/ dpung gnyen nam/ gnas sam/ gling ngam/ bdag gam/ bdag gi ba ma yin no/ /gang bdag gi zin pa'i phung po dang / khams dang / skye mched de dag kyang bdag ma yin/ bdag gi ma yin na/ gang bdag gi pha ma la sogs pa de dag bdag dang bdag gir 'gyur ba dang / bdag kyang de dag gi yin pa lta smos kyang ci dgos/ de ci'i phyir zhe na/ bdag kyang las bdag gir bya ba/ las kyi bgo skal la spyod pa yin te/ las dge ba 'am/ sdig pa 'am/ gang dang gang byas pa de dang de nyid kyis bgo skal la spyod par 'gyur ro/ /de dang de nyid kyi 'bras bu so sor myong ngo / /de dang de nyid kyi rnam par smin pa la spyod do/ /'di dag kyang las bdag gir bya ba/ las kyi bgo skal la spyod pa yin te/ las dge ba 'am/ sdig pa 'am/ gang dang gang byas pa de dang de nyid kyi bgo skal la spyod par 'gyur/ de dang de nyid kyi 'bras bu so sor myong bar 'gyur ro/ /de dag gi phyir bdag mi dge ba'i las mngon par 'du bya ba ni bdag gi cha ma yin te/ 'di dag ni tshe 'di la bde ba'i bdag gir bya ba yin gyi/ tshe gzhan la bde ba'i bdag gir bya ba ma yin no/ /bdag gi gang yin pa de la bdag 'jug par bya ste/ 'di lta ste/ sbyin pa dang / dul ba dang / yang dag par sdom pa dang / bzod pa dang / des pa dang / brtson 'grus dang / bag yod pa dang / byang chub kyi yan lag sdud cing mngon par sgrub pa'i dge ba de ni bdag gi yin te/ gang du bdag 'gro bar</font><hr>81.303a<br><font size=+1>

'gyur ba'i lam der 'di dag kyang 'gro bar 'gyur ro snyam ste/ de srog gi phyir ram/ bu dang chung ma'i phyir yang sdig pa'i las mngon par 'du mi byed do/ /khyim bdag byang chub sems dpa' khyim pa khyim na gnas pa des rang gi chung ma la 'du shes gsum bskyed par bya ste/ gsum gang zhe na/ mi rtag pa'i 'du shes dang / mi brtan pa'i 'du shes dang / 'gyur ba'i 'du shes te/ khyim bdag byang chub sems dpa' khyim pas rang gi chung ma la 'du shes gsum po de dag bskyed par bya'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'di ni dga' zhing rtse ba'i grogs yin gyi/ 'di 'jig rten pha rol gyi grogs ni ma yin no/ /'di ni bza' ba dang btung ba'i 'grogs yin gyi/ 'di las kyi rnam par smin pa myong ba'i grogs ni ma yin no/ /'di ni bde ba'i grogs yin gyi/ 'di sdug bsngal gyi grogs ni ma yin no snyam pa ste/ khyim bdag byang chub sems dpa' khyim pas rang gi chung ma la 'du shes gsum po de dag bskyed par bya'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ mi gtsang bar 'du shes pa dang / dri nga bar 'du shes pa dang / mi mthun par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ dgrar 'du shes pa dang / gshed mar 'du shes pa dang / phyir rgol bar 'du shes pa'o/ //khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ sha za mor 'du shes pa dang / srin mor 'du shes pa dang / gzugs mi sdug par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes</font><hr>81.303b<br><font size=+1>

gsum bskyed par bya ste/ gsum gang zhe na/ dgang dka' bar 'du shes pa dang / gting du 'du shes pa dang / byas pa mi gzo bar 'du shes pa pa'o/ //khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ sems can dmyal bar 'gro bar 'du shes pa dang / dud 'gro'i skye gnas su 'gro bar 'du shes pa dang / gshin rje'i 'jig rten du 'gro bar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ khur du 'du shes pa dang / srid par 'du shes pa dang / srid pa yongs su 'dzin par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ bdag gi ba ma yin par 'du shes pa dang / yongs su 'dzin pa med pa 'du shes pa dang / brnyan mar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ lus kyis nyes par spyod pa'i gnas su 'du shes pa dang / ngag gis nyes par spyod pa'i gnas su 'du shes pa dang / yid kyis nyes par spyod pa'i gnas su 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'dod pa'i rnam par rtog pa'i gnas su 'du shes pa dang / gnod sems kyi rnam par rtog pa'i gnas su 'du shes pa dang / rnam par 'tshe ba'i rnam par rtog pa'i gnas su 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ khri mon du 'du shes pa dang / gsod par 'du shes pa dang / 'ching bar 'du shes pa'o/ /khyim bdag</font><hr>81.304a<br><font size=+1>

gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ tshul khrims kyi bar du gcod par 'du shes pa dang / ting nge 'dzin gyi bar du gcod par 'du shes pa dang / shes rab kyi bar du gcod par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ khog rtser 'du shes pa dang / snyir 'du shes pa dang / rgyar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ yams kyi nang du 'du shes pa dang / gnod par 'du shes pa dang / nang 'gro bar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'thab par 'du shes pa dang / byur du 'du shes pa dang / ser bar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ nad du 'du shes pa dang / rga bar 'du shes pa dang / 'chi bar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ bdud du 'du shes pa dang / bdud la brten par 'du shes pa dang / 'jigs par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ mya ngan du 'du shes pa dang / smre sngags 'don par 'du shes pa dang / sdug bsngal ba dang / yid mi bde ba dang / 'khrug par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ spyang mo chen mor 'du shes pa dang / chu srin chen mor 'du shes</font><hr>81.304b<br><font size=+1>

pa dang / byi la chen mor 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ sbrul nag mor 'du shes pa dang / chu srin byis pa gsod du 'du shes pa dang / mdangs 'phrog mar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ mgon med par 'du shes pa dang / skyabs med par 'du shes pa dang / gnas med par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ gang bar 'du shes pa dang / bri bar 'du shes pa dang / na par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ chom rkun du 'du shes pa dang / brtson srungs su 'du shes pa dang / sems can dmyal ba'i srungs mar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ chu bor 'du shes pa dang / sbyor bar 'du shes pa dang / mdud par 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'dam du 'du shes pa dang / chags par 'du shes pa dang / klong du 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ thag par 'du shes pa dang / khong sgril du 'du shes pa dang / rnyong du 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ me ma</font><hr>81.305a<br><font size=+1>

mur du 'du shes pa dang / rtswa me'i sgron ma lta bur 'du shes pa dang / chu gri lta bur 'du shes pa'o/ /dang / khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ don med par 'du shes pa dang / tsher mar 'du shes pa dang / dug tu 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ lhag par sgro 'dogs par 'du shes pa dang / lhag par kun du gos par byed par 'du shes pa dang / lhag par chags par 'du shes pa'odang / khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ shar gnyer bar 'du shes pa dang / chad pas gcod par 'du shes pa dang / mtshon cha 'dzin par 'du shes pa'o/ /dang / khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ 'gyed par 'du shes pa dang / rtsod par 'du shes pa dang / tshang 'bru bar 'du shes pa'o/ /khyim bdag gzhan yang byang chub sems dpa' khyim pas rang gi chung ma la 'du shes gsum bskyed par bya ste/ gsum gang zhe na/ mi sdug pa dang phrad par 'du shes pa dang / sdug pa dang bral bar 'du shes pa dang / nyam nga bar 'du shes pa'o/ /mdor na thab mo'i dri mar 'du shes pa dang / thab mo rnyog pa thams cad du 'du shes pa dang / gnod pa thams cad kyi rgyur gyur par 'du shes pa dang / mi dge ba thams cad kyi rtsa bar 'du shes bskyed par bya'o/ /khyim bdag byang chub sems dpa' khyim pa khyim na gnas pas 'di lta bu'i 'du shes yid la byed pas rang gi chung ma la brtag par bya'o/ /khyim bdag gzhan yang byang chub sems dpa'</font><hr>81.305b<br><font size=+1>

khyim pas bu la lhag par sdug pa'i sems bskyed par mi bya'o/ /khyim bdag gal te des bu la lhag par sdug pa'i sems bskyed la de bzhin du sems can gzhan la ma yin na des spyo ba gsum gyis rang gi sems la spyo bar bya ste/ byang chub ni sems snyoms pa'i byang chub sems dpa'i yin gyi/ sems mi snyoms pa'i ma yin no/ /byang chub ni yang dag par sbyor ba'i byang chub sems dpa'i yin gyi/ log pa'i sbyor ba'i ni ma yin no/ /byang chub ni tha dad pa med par spyod pa'i byang chub sems dpa'i yin gyi /tha dad du spyod pa'i ni ma yin pa ste/ spyo ba gsum po de dag gis rang gi sems la spyos nas bu de la mi sdug pa'i 'du shes bskyed par bya'o/ /'di ni mi sdug pa ste/ bdag gi snying du sdug pa ma yin/ gang bdag gis de'i don du bu de la ni lhag par sdug pa skyong la/ sems can gzhan la ni de lta ma yin na/ sangs rgyas kyis bka' stsal ba'i bslab pa dang 'gal bar 'gyur ro/ /bdag gis de'i phyir dge ba'i rtsa ba la yang gnod par byas/ srog la yang bag med de gnod par gyur bas 'di ni bdag la gnod pa byed pa'o/ /bdag de'i phyir byang chub kyi lam dang mi mthun pa'i lam la spyod pas 'di ni bdag la phyir rgol ba'o snyam du 'du shes gsum po de dag bskyed par bya'o/ /des bu de rgyur byas te/ ji lta ji lta bur bu de la sdug par sems pa dang ldan pa bzhin du sems can thams cad la byams pa bskyed pa dang / bdag phangs par sems pa dang ldan pa bzhin du byams pa bskyed pa de lta de lta bur des sems bskyed par bya'o/ /des yang 'di ltar 'di yang gud nas 'ongs la bdag kyang gud nas 'ongs mod kyi/ sems can thams cad kyang sngon bdag gi bur gyur la bdag kyang sems can thams kyi bur gyur te/ 'di la ni bdag gi 'am/ gzhan gyi 'am/ su'i sems can gang yang med do snyam</font><hr>81.306a<br><font size=+1>

du tshul bzhin brtag par bya'o/ /de ci'i phyir zhe na/ mi mthun pa'i phyir te/ 'gro ba lnga rnams su mdza' ba las kyang mi mdza' bar 'gyur bas bdag ni ji ltar su dang yang mdza' ba 'am mi 'dza' bar mi 'gyur ba de ltar bya'o/ /de ci'i phyir zhe na/ mi mdza' ba bzung na ni thams cad kyi thams cad du byed mi 'dod par 'gyur/ mdza' ba bzung na ni ha cang byed 'dod par 'gyur te/ rjes su chags pa dang / khong khro ba'i sems gnyis kyis ni chos mnyam pa nyid khong du chud par byed mi nus so/ /de ci'i phyir zhe na/ mi mnyam par spyod pa ni mi mnyam par 'gro bar 'gyur/ mnyam par spyod pa ni mnyam par 'gyur ba'o/ /de la bdag gis ni mi mnyam par spyod pa mi bya'i sems can thams cad la mnyam par spyod na thams cad mkhyen pa nyid khong du chud par 'gyur ro/ /khyim bdag de ltar byang chub sems dpa' khyim pas dngos po gang la yang bdag gis snyam du yongs su gzung bar mi bya/ chags par mi bya'o/ /g.yo dang sred pa'i bag la nyal mi bya'o/ /khyim bdag gal te byang chub sems dpa' khyim pa'i drung du slongs mo pa 'ongs la dngos po zhig bslangs pa las gal te des dngos po ma btang na des 'di ltar dngos po 'di btang yang rung / ma btang yang rung ste/ bdag ni dngos po 'di dang gdon mi za bar 'bral bar yang 'gyur/ mi 'dod bzhin du 'chi bar yang 'gyur zhing dngos po 'dis kyang bdag 'dor/ bdag gis kyang dngos po 'di 'dor gyi/ dngos po 'di btang la yid dga' ba dang / snying po blangs te 'chi ba'i dus bya'o/ /'di yongs su btang na bdag 'chi ba'i dus kyi tshe sems kun nas zin te gnas par mi 'gyur/ 'dis ni bdag 'chi ba'i dus kyi tshe dga' ba dang / mchog tu dga' ba dang / rangs pa dang / 'gyod pa med pa skye bar 'gyur snyam du sems nges par bsam par bya'o/ /gal te de ltar bsams</font><hr>81.306b<br><font size=+1>

kyang dngos po de gtong ma nus na/ des slong ba la kun go bar bya ba gsum gyis go bar bya ste/ bdag ni da dung du mthu chung zhing dge ba'i rtsa ba yongs su ma smin te/ theg pa chen po la las dang po pa dang / bdag ni mi gtong ba la sems kyi dbang du gyur pa dang / bdag ni nye bar len pa'i lta ba dang bcas pa dang / bdag tu 'dzin pa dang / bdag gir 'dzin pa la gnas pa lags kyis/ skyes bu dam pa bzod par mdzad cing yongs su gdung bar mi mdzad du gsol/ ji ltar khyod dang sems can thams cad kyi bsam pa yongs su rdzogs par 'gyur ba de ltar bdag gis bgyi'o/ /de ltar bsgrub po/ /de ltar brtson 'grus brtsam mo zhes khyim bdag de ltar byang chub sems dpa' khyim pas slong ba la kun go bar bya ba gsum gyis go bar bya'o/ /khyim bdag gzhan yang byang chub sems dpa' khyim pa khyim na gnas pas rtag tu rgyun mi 'chad par yongs su bsngo ba la mkhas par bya ste/ gal te de ston pa 'das pa'i gsung rab yod la sangs rgyas 'byung ba yang med/ chos ston pa yang med/ 'phags pa'i dge 'dun dang phrad pa yang med par gyur na/ des phyogs bcu'i sangs rgyas thams cad la phyag byas te/ gang de dag gi sngon gyi spyod pa dang mtshungs par spyod pa dang / dge ba spyod pa dang / bsam pa dang / lhag pa'i bsam pa phun sum tshogs pa dang / byang chub thob pa rnams kyi sangs rgyas kyi chos thams cad yongs su grub pa de des rjes su dran par bya/ rjes su yi rang bar bya'o/ /des yang 'di ltar nyin lan gsum mtshan lan gsum du lus kyi las yongs su dag pa dang / ngag gi las yongs su dag pa dang / yid kyi las yongs su dag pa dang / gtsang ba dang / bsam pa dag pa dang / byams pa bsgom pa la mkhas pa dang / gos gtsang ma dang / ngo tsha shes shing khrel yod pas legs par brgyan pa dang / bsod nams</font><hr>81.307a<br><font size=+1>

kyi tshogs dge ba'i rtsa ba bsags pa dang / mdzes pa dang / byang chub kyi sems la rab tu dga' ba dang / nges pa dang / 'grogs na bde ba dang / legs par bya ba'i las byed pa dang / gus pa dang bcas pa dang / bka' blo bde ba dang / nga rgyal dang / rgyags pa dang / dregs pa yang dag par chad pas mi dge ba'i las kyi nyes pa thams cad bshags pa dang / phyin cad kyang bsdam pa dang / bsod nams thams cad kyi rjes su yi rang ba dang / mtshan bsags pa rab tu rdzogs par bya ba dang / sangs rgyas thams cad la chos kyi 'khor lo bskor bar gsol ba gdab pa dang / chos thams cad gzung ba dang / sangs rgyas kyi zhing dpag tu med pa rnams su tshe yongs su bsrung ba'i phyir phung po gsum pa'i chos kyi rnam grangs kha don du bya'o/ /khyim bdag gzhan yang byang chub sems dpa' khyim pa khyim na gnas pas yan lag brgyad dang ldan pa'i bsnyen par gnas pa blang bar bya'o/ /des dge sbyong dang bram ze tshul khrims dang ldan pa/ yon tan dang ldan pa/ dge ba'i chos dang ldan pa rnams la bsnyen par bya/ bsten par bya/ bsnyen bkur bya'o/ /de dag la bsnyen cig bsten te/ bsnyen bkur byed cing / spyod pa 'khrul pa med par rang gi nyes pa mthong bar bya'o/ /des dge sbyong gi spyod pa las nyams pa'i dge slong mthong na yang mi gus pa'i bag cung zad kyang mi bya ste/ 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnyog pa med pa/ nyon mongs pa'i rnyog pa thams dang bral ba de'i ngur smrig ni tshul khrims kyis yongs su bsgos pa/ ting nge 'dzin dang / shes rab dang / rnam par grol ba dang / rnam par grol ba'i ye shes mthong bas yongs su bsgos pa 'di dag yin te/ 'di ni 'phags pa rnams kyi drang srong gi rgyal mtshan yin no snyam du</font><hr>81.307b<br><font size=+1>

sems bskyed par bya'o/ /des de dag la rab tu gus pa bskyed nas dge slong de la snying rje chen po bskyed par bya'o/ /sdig pa'i spyod pa 'di ni ma legs so/ /kun nas nyon mongs pa'i spyod pa 'di ni ma legs so/ /'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dul ba/ zhi ba sbas pa/ cang shes pa de'i drang srong gi rgyal mtshan bgos kyang 'di ni ma byang / ma zhi/ ma sbas/ ma dul ba ste/ cang shes pa ma yin pa'i spyod pa spyod do/ /bcom ldan 'das des ma bslabs pa la ma brnyas shig ces gsungs pas na 'dis nyes pa ma yin/ nyon mongs pa gang gis mi dge ba 'di dag ston pa'i nyon mongs pas nyes pa'o/ /sangs rgyas bcom ldan 'das rnams kyi bstan pa ni 'byung ba dang bcas pa yin pas gang nyon mongs pa 'di dag khong du chud nas tshul bzhin so sor rtog na dang po'i 'bras bu thob par 'gyur te/ de bla na med pa yang dag rdzogs pa'i byang chub tu nges par 'gyur ba'i gnas yod do/ /de ci'i phyir zhe na/ 'di ltar nyon mongs pa rnams ni ye shes kyis gsal bar bya ba yin pas na bcom ldan 'das kyis kyang gang zag gis gang zag la tshad gzung bar mi bya ste/ gang zag gis gang zag la tshod bzung na nyams par 'gyur ro zhes gsungs pas de bzhin gshegs pa ni rab tu mkhyen pa/ bdag ni rab tu shes pa ma yin no snyam nas des dge slong de la gnod sems med pa dang / zhe sdang med pa dang / khong khro ba med pa dang / khro ba med pa yang bskyed par bya'o/ /khyim bdag gzhan yang byang chub sems dpa' khyim pa de gtsug lag khang du 'jug par 'dod na cang shes kyi sems dang / las su rung ba'i sems dang / gus pa dang bcas pa dang / zhe sa dang bcas pa dang / dad pa dang bcas pa dang / ri mo dang bcas pas gtsug lag khang gi sgor 'dug</font><hr>81.308a<br><font size=+1>

ste/ gtsug lag khang la yan lag lngas phyag byas la/ de nas gdong bdag gtsug lag khang gi nang du 'gro bar bya'o/ /des yang 'di ltar brtag par bya ste/ 'di ni stong pa nyid la gnas pa'i gnas so/ /mtshan ma med pa la gnas pa dang / smon pa med pa la gnas pa dang / byams pa dang / snying rje dang / dga' ba dang / btang snyoms la gnas pa'i gnas so/ /'di ni bsam gtan pa rnams kyi gnas te/ gnas thams cad yang dag par chad pa rnams kyi gnas so/ /'di ni yang dag par song ba rnams dang / yang dag par zhugs pa rnams kyi gnas so/ /bdag kyang rdul gyi gnas/ khyim gyi gnas nas mngon par byung ste/ nam zhig na 'di lta bu spyod par 'gyur/ bdag kyang nam zhig na gang dge 'dun kyi las dang / gso sbyong gi las dang / dgag dbye'i las dang / 'dud pa'i las de la gnas par 'gyur snyam nas des 'di ltar rab tu 'byung ba'i sems la dga' bar bya'o/ /byang chub sems dpa' khyim na gnas te bla na med pa yang dag par rdzogs pa'i byang chub mngon par rdzogs par sangs rgyas pa ni gang yang med de/ de dag thams cad kyang khyim gyi gnas nas mngon par byung nas dgon pa la sems/ dgon pa la gzhol/ dgon par song nas bla na med pa yang dag par rdzogs pa'i byang chub mngon par rdzogs par sangs rgyas so/ /tshogs de yang yang dag par bsgrubs so/ /khyim na gnas pa ni kun du gnod pa ste rdul 'bab pa'o/ /rab tu byung ba ni sangs rgyas dang / de'i nyan thos rnams kyis bsngags pa'o/ /khyim na gnas pa ni nyes pa'i skyon chags pa mang ba'o/ /rab tu byung ba ni yon tan phun sum tshogs pa mang ba'o/ /khyim na gnas pa ni nyam nga ba'o/ /rab tu byung ba ni bag yangs pa'o/ /khyim na gnas pa ni yongs su</font><hr>81.308b<br><font size=+1>

'dzin pa'i dri ma can no/ /rab tu byung ba ni yongs su 'dzin pa las grol ba'o/ /khyim na gnas pa ni nyes par spyod pa'i gzhi'o/ /rab tu byung ba ni legs par spyod pa'i gzhi'o/ /khyim na gnas pa ni rdul gyi nang na gnas pa'o/ /rab tu byung ba ni rdul gyi nang na mi gnas pa'o/ /khyim na gnas pa ni 'dod pa'i 'dam du bying ba'o/ /rab tu byung ba ni 'dod pa'i 'dam nas 'byin pa'o/ /khyim na gnas pa ni byis pa'i skye bo'i zhugs pa'o/ /rab tu byung ba ni skye bo mkhas pa'i zhugs pa'o/ /khyim na gnas pa ni 'tsho ba sbyang bar dka' ba'o/ /rab tu byung ba ni 'tsho ba sbyang bar sla ba'o/ /khyim na gnas pa ni 'gran zla mang ba'o/ /rab tu byung ba ni 'gran zla med pa'i/ /khyim na gnas pa ni phongs pa mang ba'o/ /rab tu byung ba ni phongs pa med pa'o/ /khyim na gnas pa ni mya ngan gyi gnas so/ /rab tu byung ba ni dga' ba'o/ /khyim na gnas pa ni ngan song gi them skas so/ /rab tu byung ba ni mngon par mtho ba'i them skas so/ /khyim na gnas pa ni bcings pa'o/ /rab tu byung ba ni thar pa'o/ /khyim na gnas pa ni 'jigs pa dang bcas pa'o/ /rab tu byung ba ni 'jigs pa med pa'o/ /khyim na gnas pa ni chad pa dang bcas par spyod pa'o/ /rab tu byung ba ni chad pa med par spyod pa'o/ /khyim na gnas pa ni mtshon cha spyod pa dang bcas pa'o/ /rab tu byung ba ni mtshon cha mi spyod pa'o/ /khyim na gnas pa ni yongs su gdung ba dang bcas pa'o/ /rab tu byung ba ni yongs su gdung ba med pa'o/ /khyim na gnas pa ni kun du tshol bas sdug bsngal ba'o/ /rab tu byung ba ni kun du tshol ba med pas bde ba'o/ /khyim na gnas pa ni rgod pa'o/ /rab tu byung ba ni nye bar zhi ba'o/ /khyim na gnas pa ni 'jungs pa'o/ /rab tu byung ba ni ma 'jungs pa'o/ /khyim na gnas pa ni zhan pa'o/ /rab tu byung ba ni mi zhan pa'o/ /khyim na gnas pa ni ma rabs so/ /rab tu byung ba ni ya rabs so/ /</font><hr>81.309a<br><font size=+1>

khyim na gnas pa ni kun du 'bar ba'o/ /rab tu byung ba ni 'bar ba zhi ba'o/ /khyim na gnas pa ni gzhan gyi don to/ /rab tu byung ba ni gnyis ga'i don to/ /khyim na gnas pa ni don chung ba'o/ /rab tu byung ba ni don che ba'o/ /khyim na gnas pa ni gzi chung ba'o/ /rab tu byung ba ni gzi che ba'o/ /khyim na gnas pa ni kun nas nyon mongs pas sdug bsngal ba'o/ /rab tu byung ba ni mngon par byung bas bde ba'o/ /khyim na gnas pa ni ches bskyed pa'o/ /rab tu byung ba ni tsher ma bsal ba'o/ /khyim na gnas pa ni chos chung ngu dang ldan pa'o/ /rab tu byung ba ni chos chen po dang ldan pa'o/ /khyim na gnas pa ni 'dul ba ma yin pa byed pa'o/ /rab tu byung ba ni 'dul ba byed pa'o/ /khyim na gnas pa ni 'gyod pa'o/ /rab tu byung ba ni mi 'gyod pa'o/ /khyim na gnas pa ni mchi ma dang nu zho dang khrag gi rgya mtsho 'phel ba'o/ /rab tu byung ba ni mchi ma dang nu zho dang khrag gi rgya mtsho skems pa'o/ /khyim na gnas pa ni sangs rgyas dang / /khyim na gnas pa ni chog mi shes pa'o/ /rab tu byung ba ni chog shes pa'o/ /khyim na gnas pa ni bdud dga' ba'o/ /rab tu byung ba ni bdud mya ngan byed pa'o/ /khyim na gnas pa ni rnyog pa chen po'i mthar thug par 'gyur ro/ /rab tu byung ba ni rnyog pa thams cad nye bar zhi ba'i mthar thug pa'o/ /khyim na gnas pa ni kun du mi thul ba'o/ /rab tu byung ba ni kun du thal ba'o/ /khyim na gnas pa ni bran gyi las byed pa'o/ /rab tu byung ba ni rje bo byed pa'o/ /khyim na gnas pa ni 'khor ba'i mthar 'gyur ba'o/ /rab tu byung ba ni mya ngan las 'das pa'i mthar 'gyur ba'o/ /khyim na gnas pa ni g.yang sa pa'o/ /rab tu byung ba ni g.yang</font><hr>81.309b<br><font size=+1>

sa las 'das pa'o/ /khyim na gnas pa ni mun nag go/ /rab tu byung ba ni snang ba'o/ /khyim na gnas pa ni dbang po la dbang mi byed pa'o/ /rab tu byung ba ni dbang po la dbang byed pa'o/ /khyim na gnas pa ni dregs pa skyed pa'o/ /rab tu byung ba ni dregs pa 'dul ba'o/ /khyim na gnas pa ni dam pa ma yin bskyed pa'o/ /rab tu byung ba ni dam pa bskyed pa'o/ /khyim na gnas pa ni ngan song skyed pa'o/ /rab tu byung ba ni bde 'gro skyed pa'o/ /khyim na gnas pa ni blta bar mi 'os pa'o/ /rab tu byung ba ni blta bar 'os pa'o/ /khyim na gnas pa ni rtsom pa chen po'o/ /rab tu byung ba ni rtsom pa chung ba'o/ /khyim na gnas pa ni 'bras bu chung ba'o/ /rab tu byung ba ni 'bras bu che ba'o/ /khyim na gnas pa ni gya gyu can no/ /rab tu byung ba ni drang ba'o/ /khyim na gnas pa ni yid mi bde ba mang ba'o/ /rab tu byung ba ni yid bde ba dang ldan pa'o/ /khyim na gnas pa ni zug rngu dang bcas pa'o/ /rab tu byung ba ni zug rngu phyung ba'o/ /khyim na gnas pa ni na ba'o/ /rab tu byung ba ni nad med par byed pa'o/ /khyim na gnas pa ni chos rgas par byed pa'o/ /rab tu byung ba ni chos dar bar byed pa'o/ /khyim na gnas pa ni bag med par byed pa'o/ /rab tu byung ba ni bag yod par byed pa'o/ /khyim na gnas pa ni 'chal ba'i shes rab kyi 'byung gnas so/ /rab tu byung ba ni shes rab 'phel ba'o/ /khyim na gnas pa ni shes rab kyi bar chad byed pa'o/ /rab tu byung ba ni shes rab kyi srog byed pa'o/ /khyim na gnas pa ni slu bar so sor nye bar gnas pa'o/ /rab tu byung ba ni mi slu bar so sor nye bar gnas pa'o/ /khyim na gnas pa ni byed pa mang ba'o/ /rab tu byung ba ni byed pa nyung ba'o/ /khyim na gnas pa ni dug dang bcas pa'i btung ba lta bu'o/ /rab tu byung ba ni bdud rtsi dang bcas pa'i btung ba lta bu'o/ /khyim na gnas pa ni gnod pa can no/ /</font><hr>81.310a<br><font size=+1>

rab tu byung ba ni gnod pa med pa'o/ /khyim na gnas pa ni 'dres pa'o/ /rab tu byung ba ni ma 'dres pa'o/ /khyim na gnas pa ni/ kim pa ka'i 'bras bu lta bu'o/ /rab tu byung ba ni bdud rtsi'i 'bras bu lta bu'o/ /khyim na gnas pa ni mi sdug pa dang phrad par byed pa'o/ /rab tu byung ba ni mi sdug pa dang bral bar byed pa'o/ /khyim na gnas pa ni sdug pa dang 'bral bar byed pa'o/ /rab tu byung ba ni sdug pa dang phrad par byed pa'o/ /khyim na gnas pa ni gti mug gis lci ba'o/ /rab tu byung ba ni ye shes kyis yang ba'o/ /khyim na gnas pa ni sbyor ba rnam par 'jig pa'o/ /rab tu byung ba ni sbyor ba rnam par sbyong ba'o/ /khyim na gnas pa ni bsam pa rnam par 'jigs pa'o/ /rab tu byung ba ni bsam pa rnam par spyod pa'o/ /khyim na gnas pa ni lhag pa'i bsam pa rnam par 'jig pa'o/ /rab tu byung ba ni lhag pa'i bsam pa rnam par spyod pa'o/ /khyim na gnas pa ni dpung gnyen med par byed pa'o/ /rab tu byung ba ni dpung gnyen byed pa'o/ /khyim na gnas pa ni mgon med par byed pa'o/ /rab tu byung ba ni mgon byed pa'o/ /khyim na gnas pa ni gnas med par byed pa'o/ /rab tu byung ba ni gnas byed pa'o/ /khyim na gnas pa ni skyabs med par byed pa'o/ /rab tu byung ba ni skyabs byed pa'o/ /khyim na gnas pa ni gnod sems mang ba'o/ /rab tu byung ba ni byams pa mang ba'o/ /khyim na gnas pa ni khur khyer ba'o/ /rab tu byung ba ni khur bor ba'o/ /khyim na gnas pa ni thug pa med par spyod pa'o/ /rab tu byung ba ni spyod pa thams cad mthar 'byin pa'o/ /khyim na gnas pa ni kha na ma tho ba dang bcas pa'o/ /rab tu byung ba ni kha na ma tho ba med pa'o/ /khyim na gnas pa ni gdung bar 'gyur ba'o/ /rab tu byung ba ni gdung bar mi 'gyur ba'o/ /khyim na gnas pa ni nyon mongs pa dang bcas pa'o/ /rab tu byung ba ni nyon mongs pa med</font><hr>81.310b<br><font size=+1>

pa'o/ /khyim na gnas pa ni zang zing dang bcas pa'o/ /rab tu byung ba ni zang zing med pa'o/ /khyim na gnas pa ni mngon pa'i nga rgyal dang bcas pa'o/ /rab tu byung ba ni mngon pa'i nga rgyal med pa'o/ /khyim na gnas pa ni nor snying por byed pa'o/ /rab tu byung ba ni yon tan snying por byed pa'o/ /khyim na gnas pa ni yams kyi nad do/ /rab tu byung ba ni yams kyi nad zhi bar byed pa'o/ /khyim na gnas pa ni gnas pa ni rnyed par sla ba'o/ /rab tu byung ba ni bskal pa brgya stong du yang rnyed par dka' ba'o/ /khyim na gnas pa ni bya sla ba'o/ /rab tu byung ba ni bya dka' ba'o/ /khyim na gnas pa ni rgyun phyogs su 'gro ba'o/ /rab tu byung ba ni rgyun las bzlog ste 'gro ba'o/ /khyim na gnas pa ni chu bo'o/ /rab tu byung ba ni gzings so/ /khyim na gnas pa ni nyon mongs pa'i chu bo'o/ /rab tu byung ba ni zam pa'o/ /khyim na gnas pa ni tshu rol gyi ngogs so/ /rab tu byung ba ni pha rol gyi ngogs so/ /khyim na gnas pa ni glags pa'o/ /rab tu byung ba ni ma glags pa'o/ /khyim na gnas pa ni shar gnyer ba'o/ /rab tu byung ba ni shar gnyer ba zhi ba'o/ /khyim na gnas pa ni rgyal po'i nan tur bzhin byed pa'o/ /rab tu byung ba ni sangs rgyas kyi bstan pa bzhin byed pa'o/ /khyim na gnas pa ni nyam thag pa'o/ /rab tu byung ba ni nyam thag pa med pa'o/ /khyim na gnas pa ni sdug bsngal 'byung ba'o/ /rab tu byung ba ni bde ba 'byung ba'o/ /khyim na gnas pa ni sgang bu'o/ /rab tu byung ba ni zab mo 'o/ /khyim na gnas pa ni grogs mong pa'o/ /rab tu byung ba ni grogs dkon pa'o/ /khyim na gnas pa ni chung ma dang 'grogs pa'o/ /rab tu byung ba ni mos pa dang 'grogs pa'o/ /khyim na gnas pa ni rgya dang 'dra ba'o/ /rab tu byung ba ni rgya dral ba'o/ /khyim na gnas pa ni gzhan la gnod pa gces su rtsi ba'o/ /rab tu byung ba ni gzhan la phan 'dogs pa gces su</font><hr>81.311a<br><font size=+1>

rtsi ba'o/ /khyim na gnas pa ni zang zing gi sbyin pa ched cher 'dzin pa'o/ /rab tu byung ba ni chos kyi sbyin pa ched cher 'dzin pa'o/ /khyim na gnas pa ni bdud kyi rgyal mtshan 'dzin pa'o/ /rab tu byung ba ni sangs rgyas kyi rgyal mtshan 'dzin pa'o/ /khyim na gnas pa ni sdug bsngal gyi gzhi'o/ /rab tu byung ba ni sdug bsngal gyi gzhi yang dag par 'joms pa'o/ /khyim na gnas pa ni phung po rnam par 'phel pa'o/ /rab tu byung ba ni phung po thams cad nges par 'dor pa'o/ /khyim na gnas pa ni thibs po'o/ /rab tu byung ba ni thibs po las thar pa yin te/ /khyim bdag de ltar byang chub sems dpa' khyim pas rab tu byung ba la gzhol bar bya'o/ /des yang 'di ltar gal te bdag gis nyi ma du mar gang gA'i klung gi bye ma snyer kyi mchod sbyin byas te bdog pa thams cad yongs su btang ba byas pa de dag thams cad ni legs par bshad pa'i chos 'dul ba la rab tu 'byung ba'i sems kyis zil gyi non to snyam du sems bskyed par bya'o/ /de ci'i phyir zhe na/ khyim bdag ma dad pa dang / byas pa mi gzo ba dang / chom rkun dang / gdol ba dang rgyal po'i bkrabs pa dang / blon po yang sbyin pa sbyin par byed de/ zang zing gi sbyin pa ni dman pa yin no/ khyim bdag byang chub sems dpa' khyim pas 'di ltar bdag gis sbyin pa'i snying pos chog par mi bya'i bdag ni tshul khrims dang / thos pa dang / tshangs par spyod pa yang snying por bya'o snyam du sems bskyed par bya'o/ /de gtsug lag khang du 'ongs na de bzhin gshegs pa'i mtshan ma la phyag bya'o/ /de dag la phyag byas nas 'du shes gsum bskyed par bya ste/ gsum gang zhe na/ bdag kyang 'di 'dra bar mchod pa'i 'os su 'gyur bar bya ba dang / sems can la snying brtse ba'i phyir bdag gi lus kyang byin gyis brlab pa dang / bdag kyang ji ltar myur du bla na med pa yang dag par rdzogs</font><hr>81.311b<br><font size=+1>

pa'i byang chub mngon par rdzogs par sangs rgyas nas sangs rgyas kyi bya ba byas te de bzhin gshegs pa yongs su mya ngan las 'das pas yongs su mya ngan las 'da' bar bya ba de ltar bslab cing de ltar nan tan bya'o snyam pa'o/ /de gtsug lag khang du zhugs na des dge slong mang du thos pa ni gang / dge slong chos brjod pa ni gang / dge slong 'dul ba 'dzin pa ni gang / dge slong ma mo 'dzin pa ni gang / dge slong byang chub sems dpa'i sde snod 'dzin pa ni gang / dge slong dgon pa pa ni gang / bsod snyoms pa ni gang / phyag dar khrod pa dang / 'dod pa chung ba dang / chog shes pa dang / rab tu dben pa ni gang / dge slong rnal 'byor spyod pa ni gang / dge slong bsam gtan pa ni gang / dge slong byang chub sems dpa'i theg pa pa ni gang / dge slong lag gi bla ni gang / dge slong zhal ta byed pa ni gang / dge slong dpon sna byed pa ni gang yin zhes dge slong gi dge 'dun gyi spyod pa thams cad la rnam par brtag par bya'o/ /des de dag gi spyod pa la rnam par brtags nas thams cad dang 'thun par 'jug pa'i phyir ci rigs par 'thun par gnas par bya'o/ /des gzhan gyi mdun du spyod la gzhan bstan par mi bya'o/ /de ci'i phyir zhe na/ gtsug lag khang du ni grong gi gsang ngo / /grong du ni gtsug lag khang gis gsang ngo / /ngag gi las shin du bsdams pa des grong du gtsug lag khang gi gsang dang / gtsug lag khang du grong gi gsang bsnyad par mi bya'o/ /dge slong gang chos gos ma tshang ba 'am/ lhung bzed ma tshang ba 'am/ na ba'i gsos sman dang yo byad ma tshang ba de la des ji ltar gzhan dag gshe ba 'am khro ba skyed par mi 'gyur ba de ltar sbyin par bya'o/ /de ci'i phyir zhe na/ lha dang mi rnams kyi kun du sbyor ba ni phrag dog dang ser sna yin te/ de bas na so so'i skye bo rnams la ni rab tu bsrung bar bya'i dgra bcom pa la ni ma yin no/ /de ci'i phyir zhe na/ so so'i skye bo rnams las ni nyes pa</font><hr>81.312a<br><font size=+1>

skye'i dgra bcom pa rnams las ni ma yin no/ /de bas na mang du thos pa la bsten te thos pa yongs su btsal ba la brtson par bya'o/ /chos brjod pa la bsten te rnam par nges pa'i gtam la brtson par bya'o/ /'dul ba 'dzin pa la bsten te nyes pa 'dul ba dang / nyon mongs pa 'dul ba la brtson par bya'o/ /ma mo 'dzin pa la bsten te lus dang ngag dang yid sdom pa la brtson par bya'o/ /byang chub sems dpa'i sde snod 'dzin pa la bsten de pha rol du phyin pa drug dang / thabs la mkhas pa la brtson par bya'o/ /dgon pa pa la bsten te rab tu dben pa la brtson par bya'o/ /bsod snyoms pa la bsten de rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal gyis mi sgul ba la brtson par bya'o/ /phyag dar khrod pa la bsten de chos gos kyis cha ba dang / rgyan la mngon par mi dga' ba la brtson par bya'o/ /'dod pa chung ba la bsten te 'dod pa chung ba la brtson par bya'o/ /chog shes pa la bsten te chog shes pa la brtson par bya'o/ /rab tu dben pa la bsten te rab tu dben pa la brtson par bya'o/ /rnal 'byor spyod pa la bsten te nang gi sems kyi zhi gnas dang lhag mthong tshul bzhin yid la byed pa nang du yang dag 'jog pa la brtson par bya'o/ /bsam gtan pa la bsten de nyon mongs pa bsal ba la brtson par bya'o/ /byang chub sems dpa'i theg pa pa la bsten te sbyin pa dang / snyan par smra ba dang / don spyod pa dang / don 'thun pa ste bsdu ba'i dngos po bzhi po rnams la brtson par bya'o/ /lag gi bla la bsten de ji ltar dngos po yongs su gtong bar spro ba la brtson par bya'o/ /zhal ta byed pa la bsten te bya'o cog byed pa la brtson par bya'o/ /dpon sna byed pa la bsten te yid yongs su mi skyo bar bya'o/ /khyim bdag de ltar byang chub sems dpa'</font><hr>81.312b<br><font size=+1>

khyim pa khyim na gnas pas spyod pa ji lta ba bzhin du rjes su 'jug pa la brtson par bya'o/ /dge slong gang yang dag par skyon med pa la ma zhugs pa chos gos kyis sdud pa 'am/ lhung bzed kyis sdud pa byed pa na/ dge slong de bla na med pa yang dag par rdzogs pa'i byang chub yang dag par 'dzin du gzhug go/ /de ci'i phyir zhe na/ gang zag gis sdud pas chos kyi bsdu ba skyed pa'i gnas yod pa'i phyir ro/ /khyim bdag de ltar byang chub sems dpa' khyim pas dge sbyong gi spyod pa la mkhas par bya'o/ /des yang dge slong mi 'dum pa rnams kyi bsdums kyang bya'o/ /dam pa'i chos rab tu rnam par 'jig pa na des srog kyang yongs su gtang zhing dam pa'i chos kun du gzung bar bya'o/ /khyim bdag gang byang chub sems dpa' khyim pas dge slong na pa zhig mthong na des rang gi rang sha dang khrag gis kyang dge slong de nad de las gso bar bya'o/ /khyim bdag gzhan yang byang chub sems dpa' khyim pa gtong zhing sbyin pas gzhan dag 'gron du gnyer bar bya ste/ byin nas kyang 'gyod pa'i sems mi bskyed do/ /de dge ba'i rtsa ba thams cad kyi sngon du yang byang chub sems 'gro bar bya'o/ /khyim bdag de ltar na byang chub sems dpa' khyim pa khyim gyi sa la gnas pa de bzhin gshegs pa rnams kyi bka' bzhin byed pa yin te/ byang chub kyi phyogs kyi chos rnams las mi nyams/ yongs su mi nyams so/ /'di la yang kha na ma tho ba'i las med cing gzhan du yang bye brag tu 'gro bar 'gyur ro/ /de nas khyim bdag drag shul can dang / khyim bdag gzhan de dag gis mgrin gcig tu bcom ldan 'das kyis gsungs pa la mngon par bstod nas bcom ldan 'das la 'di skad ces gsol to/ /ji tsam du bcom ldan 'das kyis khyim na gnas pa'i nyes pa dang / sdom pa dang / spyod pa dang rab tu byung ba'i yon tan gyi phan yon 'di dag legs par gsungs pa ni ngo mtshar to/ /bcom ldan 'das bdag cag kyang 'dir khyim na gnas</font><hr>81.313a<br><font size=+1>

pa la nyes pa'i skyon chags pa ji snyed pa dang / rab tu byung ba'i yon tan dang phan yon mtha' yas pa mngon sum du gyur na/ bcom ldan 'das bdag cag rnams rab tu phyung ste/ bde bar gshegs pas legs par bshad pa'i chos 'dul ba la bsnyen par rdzogs par mdzad du gsol/ de skad ces gsol pa dang / bcom ldan 'das kyis khyim bdag de dag la 'di skad ces bka' stsal to/ /khyim bdag rnams rab tu byung ba ni 'byung bar dka' ste/ spyod pa ni shin du rnam par dag par bsgrub par dka'o/ /de skad ces bka' stsal pa dang / bcom ldan 'das la khyim bdag de dag gis 'di skad ces gsol to/ /bcom ldan 'das rab tu byung ba yang 'byung bar dka' ba lags mod kyi/ 'on kyang bcom ldan 'das kyis bdag cag rab tu 'byung ba'i slad du skabs dbye bar gsol/ bdag cag bcom ldan 'das kyi bstan pa la nan tan gyis bsgrub par 'tshal lo/ /bcom ldan 'das kyis khyim bdag de dag la rab tu 'byung ba'i skabs phye ste/ de nas bcom ldan 'das kyis byang chub sems dpa' byams pa dang / byang chub sems dpa' spyod pa thams cad rnam par dag pa la 'di skad ces bka' stsal to/ /skyes bu dam pa khyed gnyis kyis khyim bdag 'di rnams rab tu phyung la bsnyen par rdzogs par gyis shig ces bcom ldan 'das kyis gnang nas byang chub sems dpa' byams pas khyim bdag dgu stong rab tu phyung ngo / /byang chub sems dpa' spyod pa thams cad rnam par dag pas ni khyim bdag bdun stong rab tu phyung ngo / /byang chub sems dpa' khyim pa rnams kyi bslab pa'i rgyun bstan pa'i chos kyi rnam grangs 'di bshad pa na srog chags stong du tshang ba dag bla na med pa yang dag par rdzogs pa'i byang chub tu sems skyes so// // bam po gsum pa/ </font><hr>81.313b<br><font size=+1>

de nas bcom ldan 'das la khyim bdag drag shul can gyis 'di skad ces gsol to/ /bcom ldan 'das kyis byang chub sems dpa' khyim pa rnams kyi khyim gyi sa dang / khyim na gnas pa'i nongs pa dag ni bshad lags na/ bcom ldan 'das kyis byang chub sems dpa' rab tu byung bar gtogs pa rnams kyi rab tu byung ba'i sgrub pa dang / tshul khrims dang / thos pa dang / sbyangs pa'i yon tan dang / yo byad bsnyungs pa dang / spyod pa dang / cho ga phun sum tshogs pa de legs par bshad du gsol/ bcom ldan 'das ji ltar na legs par bshad pa'i chos 'dul ba la byang chub sems dpa' rab tu byung nas gus par smra ba dang / phyag 'tshal ba dang / ldang ba dang / thal mo sbyor ba dang / 'dud pa'i las don ma mchis par mi bgyid pa lags/ de skad ces gsol pa dang / bcom ldan 'das kyis khyim bdag drag shul can la 'di skad ces bka' stsal to/ /khyim bdag khyod gang de bzhin gshegs pa la rab tu byung ba'i sgrub pa dang / tshul khrims dang / thos pa dang / sbyangs pa'i yon tan dang / yo byad bsnyungs pa dang / spyod pa dang / cho ga phun sum tshogs pa 'di kun 'dri ba ni legs so legs so/ /khyim bdag de'i phyir legs par rab tu nyon la yid la zung shig dang / byang chub sems dpa' rab tu byung bar gtogs pas ji ltar gnas par bya ba dang / ji ltar bsgrub par bya ba ngas khyod la bshad do/ /bcom ldan 'das legs so zhes gsol nas khyim bdag drag shul can bcom ldan 'das kyis ltar nyan pa dang / bcom ldan 'das kyis de la 'di skad ces bka' stsal to/ /khyim bdag 'di la byang chub sems dpa' rab tu byung bas 'di ltar bdag su'i ched la khyim nas khyim ma yin par rab tu byung snyam du gzhal bar bya ste/ des mgo dang gos la me 'bar ba bzhin du ye shes</font><hr>81.314a<br><font size=+1>

yongs su btsal ba la brtson 'grus brtsam par bya'o/ /de de ltar yongs su 'jal bas thog ma nyid du 'phags pa'i rigs bzhi po dag la rab tu gnas shing sbyangs pa'i yon tan dang / yo byad bsnyungs pa la mngon par dga' bar bya'o/ /khyim bdag ji ltar na byang chub sems dpa' rab tu byung ba 'phags pa'i rigs bzhi po dag la rab tu gnas pa yin zhe na/ khyim bdag 'di la byang chub sems dpa' rab tu byung ba ni chos gos ngan ngon gyis chog par 'dzin pa yin/ chos gos ngan ngon gyis chog par 'dzin pa'i bsngags pa yang brjod pa yin te/ de chos gos kyi phyir tshul dang mi 'dra bas tshol bar mi byed do/ /chos gos ma rnyed na yang yi mi 'chad cing yongs su gdung ba med do/ /chos gos rnyed na yang chags pa med/ rmongs pa med/ dga' ba med/ zhen pa med cing zhen par mi 'gyur te/ nyes dmigs mthong la 'byung ba rab tu shes nas chags pa med par spyod de/ chos gos ngan ngon gyis chog par 'dzin pa de bdag la mi stod cing gzhan la mi smod ngo / /khyim bdag gzhan yang byang chub sems dpa' rab tu byung ba ni bsod snyoms ngan ngon gyis chog par 'dzin pa yin/ bsod snyoms ngan ngon gyis chog par 'dzin pa'i bsngags pa yang rjod pa yin te/ de bsod snyoms kyi phyir tshul dang mi 'dra bas tshol bar mi byed do/ /bsod snyoms ma rnyed na yang yi mi 'chad cing yongs su gdung ba med do/ /bsod snyoms rnyed na yang chags pa med/ rmongs pa med/ dga' ba med/ zhen pa med cing zhen par mi 'gyur te/ nyes dmigs mthong la 'byung ba rab tu shes nas chags pa med par spyod de/ bsod snyoms ngan ngon gyis chog par 'dzin pa de bdag la mi stod cing gzhan la mi smod do/ /khyim bdag gzhan yang byang chub sems dpa' rab tu byung ba ni mal cha ngan ngon gyis chog</font><hr>81.314b<br><font size=+1>

par 'dzin pa yin/ mal cha ngan ngon gyis chog par 'dzin pa'i bsngags pa yang brjod pa yin te/ de mal cha'i phyir tshul dang mi 'dra bas tshol bar mi byed de/ mal cha ma rnyed na yang mi 'chad cing yongs su gdung ba med do/ /mal cha rnyed na yang chags pa med/ rmongs pa med/ dga' ba med/ zhen pa med cing zhen par ma 'gyur te/ nyes dmigs mthong la 'byung ba rab tu shes nas chags pa med par spyod de/ mal cha ngan ngon gyis chog par 'dzin pa de bdag la mi stod cing gzhan la mi smod do/ /khyim bdag gzhan yang byang chub sems dpa' rab tu byung ba ni na pa'i gsos sman dang / yo byad ngan ngon gyis chog par 'dzin pa yin na pa'i gsos sman dang / yo byad ngan ngon gyis chog par 'dzin pa'i bsngags pa yang rjod pa yin te/ de na pa'i gsos sman dang / yo byad kyi phyir tshul dang mi 'dra bas tshol bar mi byed do/ /na pa'i gsos sman dang / yo byad ma rnyed na yang yi mi 'chad cing yongs su gdung ba med do/ /na pa'i gsos sman dang / yo byad rnyed na yang chags pa med/ rmongs pa med/ dga' ba med/ zhen pa med cing zhen par mi 'gyur te/ nyes dmigs mthong la 'byung ba rab tu shes nas chags pa med par spyod de/ na pa'i gsos sman dang / yo byad ngan ngon gyis chog par 'dzin pa de bdag la mi stod cing gzhan la mi smod do/ /spong ba la dga' ba yang yin te/ spong ba la mos shing spong ba la dga' ba'i sbyor ba la brtson no/ /de sdig pa mi dge ba'i chos rnams spangs pas dga' bar 'gyur te/ ma spangs pas ni ma yin no/ /de bsgom pa la dga' ba yin te/ bsgom pa la dga' ba'i sbyor ba la brtson no/ /dge ba'i chos bsgoms pas dga' bar 'gyur te/ ma bsgoms pas ni ma yin te/ spong ba la dga' ba spong ba la mos pa/ spong ba la dga' ba'i sbyor ba</font><hr>81.315a<br><font size=+1>

la brtson pa/ bsgom pa la dga' ba/ bsgom pa la mos pa/ bsgom pa la dga' ba'i sbyor ba la brtson pa de bdag la mi stod cing gzhan la mi smod do/ /khyim bdag de ltar na byang chub sems dpa' rab tu byung ba 'phags pa'i rigs bzhi po dag la gnas pa yin no/ /ci'i phyir 'phags pa'i rigs shes bya zhe na/ byang chub kyi phyogs kyi chos thams cad 'di la gnas pas de'i phyir 'phags pa'i rigs shes bya'o/ /khyim bdag gzhan yang byang chub sems dpa' rab tu byung bas phan yon la/ dga' ba bcus chos gos lus la bcang par bya ste/ bcu gang zhe na/ 'di lta ste/ ngo tsha zhing 'dzem par dkri ba dang / sha sbrang dang / sbrang bu dang / rlung dang / nyi ma dang / sdig sbrul gyis reg par 'gyur ba g.yog pa dang / dge sbyong gi kha dog dang / rtags bstan pa dang / ngur smrig de dag ni lha dang / mi dang / lha ma yin du bcas pa'i 'jig rten gyi mchod rten yin no snyam nas mchod rten gyi phyir yang dag par gzung bar bya ba dang / de dag ni yid 'byung ba dang / 'dod chags dang bral bas kha dog bsgyur ba yin te/ 'di dag ni 'dod chags kyis kha dog bsgyur ba ma yin pa dang / 'di dag ni nye bar zhi ba dang 'thun pa yin gyi/ 'di dag ni nyon mongs pa 'bar ba dang 'thun pa ma yin pa dang / ngur smrig 'di dag gis dkris shing g.yogs nas sdig pa las ldog par bya ba dang / legs par bya ba'i las bya ba dang / chos gos kyis cha bar sbyor ba la brtson pa ma yin pa dang / ngur smrig 'di dag 'phags pa'i lam gyi tshogs dang 'thun pa yin par shes nas ci nas skad cig gcig la yang rnyog pa dang / 'grogs par mi bya bar ngur smig rnams bcang bar bya ste/ khyim bdag byang chub sems dpa' rab tu byung bas phan yon la dga' ba bcu po de dag gis chos gos lus la bcang</font><hr>81.315b<br><font size=+1>

bar bya'o/ /khyim bdag gzhan yang byang chub sems dpa' rab tu byung bas phan yon bcu mthong na ji srid 'tsho'i bar du bsod snyoms spyod pa gtang par mi bya ste/ bcu gang zhe na/ rang dbang du gyur pa'i tshul gyis 'tsho bar bya'i gzhan la rag lus pas ma yin pa dang / sems can gang dag bdag bsod snyoms 'dod pa la bsod snyoms byin pa de dag kyang dkon mchog gsum la bkod de phyis bsod snyoms blang bar bya ba dang / sems can gang dag bdag bsod snyoms 'dod pa la bsod snyoms mi ster ba de dag la snying rje chen po bskyed nas/ sems can de dag gtong ba la gzung ba'i phyir brtson 'grus brtsam par bya ba dang / bya ba byas te bsod snyoms bza' ba dang / bdag gis de bzhin gshegs pa'i bka' dang 'thun par byas par 'gyur ba dang / dgang sla zhing gso sla bar bya ba'i phyir bdag gis rgyu bskyed par 'gyur pa dang / bdag gis nga rgyal bcag pa bsten par 'gyur pa dang / bdag gis spyi gtsug ltar mi mthong ba'i dge ba'i rtsa ba bsags par 'gyur ba dang / bdag mthong nas de bzhin du slob par 'gyur zhing bdag skyes pa dang / bud myed dang / khye'u dang / bu mo la bsten par mi 'gyur ba dang / bsod snyoms yang dag par blang ba'i spyod pa yang bdag sems can thams cad la sems snyoms pas thams cad mkhyen pa'i ye shes kyi tshogs su 'gyur ba ste/ khyim bdag byang chub sems dpa' rab tu byung bas phan yon bcu po de dag mthong nas ji srid 'tsho ba'i mtha'i bar du bsod snyoms spyod pa mi gtang bar bya'o/ /gal te de la la zhig gis 'gron du bos na des lhag pa'i bsam pa dang / dad pa dang / dang ba bskyed pa'i phyir 'gro bar bya ste/ 'drid pa dang / 'chos pas ni ma yin no/ /gang la la bsod snyoms blangs te bdag dang gzhan gyi don rdzogs par byed nus na/ ngas byang chub</font><hr>81.316a<br><font size=+1>

sems dpa' de 'gron du 'gro bar gnang ngo / /khyim bdag gzhan yang byang chub sems dpa' rab tu byung bas phan yon bcu mthong nas ji srid 'tsho ba'i bar du sman bskus pas chog shes par bya ste/ bcu gang zhe na/ de bzhin gshegs pa'i bstan pa la zhugs par 'gyur ba dang / gzhan gyi ngor lta bar mi 'gyur ba dang / bdag gis ni mi sdug pa'i 'du shes bsten par 'gyur ba dang / bdag mi mthun pa'i 'du shes so sor nye bar gnas par 'gyur ba dang / ro bro ba la chags pa yang bdag gis tshegs chung ngus spangs par 'gyur ba dang / byis pa so so'i skye bo thams cad bdag la yid rton par 'gyur ba dang / bdag kha zas bsnyungs pa mngon du gyur bar 'gyur ba dang / bdag la sman yongs su tshol ba'i phongs pa med par 'gyur ba dang / bdag gis sems la nyon mongs pa'i nad kyi gnod pa med par byas par 'gyur ba dang / de ltar zhugs na myur du nyon mongs pa'i nad dang bral ba thob par 'gyur pa ste/ khyim bdag byang chub sems dpa' rab tu byung bas phan yon bcu po de dag mthong nas ji srid 'tsho'i bar du sman bskus pas chog shes par bya'o/ /khyim bdag gzhan yang byang chub sems dpa' rab tu byung bas phan yon bcu mthong nas ji srid 'tsho ba'i mtha'i bar du dgon pa la gnas pa yongs su mi gtang bar bya ste/ bcu gang zhe na/ bdag gi nyam rangs dang / bdag gi dbang du 'gro ba dang / nga'i ba med cing yongs su 'dzin pa med pa dang / mal cha lhug par gtong ba dang / dgon pa'i gnas la dga' ba dang ma bral ba dang / gnas rnams su don nyung zhing byed pa nyung ba dang / g.yog gi tshogs 'dor zhing lus dang srog la mi lta ba dang / dben par dga' zhig 'du 'dzi yongs su spong ba dang / las byas pa'i yon tan gyi phan yon yongs su gtong ba dang / </font><hr>81.316b<br><font size=+1>

ting nge 'dzin dang 'thun pa'i sems rtse gcig pa dang / yid la byed pa bla gab med pa yid la byed pa'i sgrib pa med pa ste/ khyim bdag gzhan yang byang chub sems dpa' rab tu byung bas phan yon bcu po de dag mthong nas ji srid 'tsho ba'i mtha'i bar du dgon pa la gnas pa yongs su mi gtang bar bya'o/ /khyim bdag gal te byang chub sems dpa' dgon pa la gnas pa chos nyan par 'dod dam/ slob dpon dang / mkhan po blta bar 'dod dam/ na pa dri ba'i phyir grong gi gnas su 'ongs na/ des dgongs su slar ldog par bya ba'i phyir 'gro ba'i sems bskyed par bya'o/ /de gal te lung mnod pa dang / kha ton bya ba gzhan la rag las te/ gtsug lag khang na gnas na yang des dgon pa la gzhol ba'i sems kyis gang dngos po thams cad la dgon par 'du shes dang / chos tshol bas mi ngoms pa de nyid dgon pa la gnas pa yin no snyam du bsam mo/ /khyim bdag gzhan yang byang chub sems dpa' rab tu byung ba dgon pa la gnas pas 'di ltar bdag ci'i phyir dgon pa la gnas/ dgon pa la gnas pa 'ba' shig ni dge sbyong ma yin te/ 'di na ni ma byang ba/ ma sbas pa/ ma zhi ba/ ma dul ba/ mi 'grub pa/ rab tu mi brtson pa 'di lta ste/ ri dgas dang / spre'u dang / bya mang po dang / tshom rkun dang / gdol pa dag kyang mang du gnas te/ de dag kyang dge sbyong gi yon tan dang ldan pa ma yin pas gang gi phyir bdag dgon pa la gnas pa 'di lta ste/ dge sbyong gi don de yongs su rdzogs par bya'o snyam du brtag par bya'o/ /khyim bdag byang chub sems dpa' rab tu byung ba'i dge sbyong gi don gang zhe na/ 'di lta ste dran pa dang / shes bzhin dang / mi g.yeng ba dang / gzungs rab tu thob pa dang / byams pa bsten pa dang / snying rje bsten pa dang / mngon par shes pa rnams la dbang bsgyur ba dang / pha rol du phyin pa drug bsgom pa yongs su rdzogs</font><hr>81.317a<br><font size=+1>

par bya dang / thams cad mkhyen pa nyid kyi sems yongs su mi gtong ba dang / thabs mkhas pa'i ye shes bsgom pa dang / sems can bsdu ba dang / sems can yongs su smin par bya ba dang / bsdu ba'i dngos po bzhi yongs su mi gtong ba dang / rjes su dran pa drug rjes su dran pa dang / thos pa dang / brtson 'grus mi 'dor ba dang / tshul bzhin du chos rab tu rnam par 'byed pa dang / yang dag par rnam par grol ba'i phyir brtson pa dang / 'bras bu thob pa rnams shes pa dang / skyon med pa la 'jug par gnas pa dang / dam pa'i chos bsrung ba dang / las kyi rnam par smin pa la yid ches pas yang dag par lta ba dang / rtog pa dang / rnam par rtog pa thams cad rab tu chad pas yang dag pa'i rtog pa dang / mos pa ji lta ba bzhin du chos ston pas yang dag pa'i ngag dang / las zad pa yongs su rdzogs pas yang dag pa'i las kyi mtha' dang / bag chags kyi mtshams sbyor ba yang dag par bcom pas yang dag pa'i 'tsho ba dang / rdzogs pa'i byang chub khong du chud pas yang dag pa'i rtsol ba dang / brjed pa med pa'i chos nyid kyis yang dag pa'i dran pa dang / thams cad mkhyen pa'i ye shes yongs su thob pas yang dag pa'i ting nge 'dzin dang / stong pa nyid kyis mi skrag pa dang / mtshan ma med pa la mi zhum pa dang / smon pa med pa la mi 'god pa dang / bsams bzhin du ye shes kyis srid pa yongs su 'dzin pa dang / don la rton gyi yi ge la mi rton pa dang / ye shes la rton gyi rnam par shes pa la mi rton pa dang / chos la rton gyi gang zag la mi rton pa dang / nges pa'i don gyi mdo sde la rton gyi drang ba'i mdo sde la mi rton pa dang / thog ma nas ma byung zhing mi 'jig pa'i tshul gyis chos kyi ngo bo nyid la mi rtog pa de ni khyim bdag byang chub sems dpa' rab tu byung ba'i dge sbyong gi don ces bya'o/ /</font><hr>81.317b<br><font size=+1>

khyim bdag yang byang chub sems dpa' rab tu byung bas 'grogs pa med pa mang du bya'o/ /des 'di ltar yang bdag ni sems can dang 'dre bar mi bya ste/ bdag gis sems can gcig gi dge ba'i rtsa ba bskyed par mi bya'i/ bdag gis sems can thams cad kyi dge ba'i rtsa ba bskyed par bya'o snyam du brtag par bya'o/ /de lta mod kyi khyim bdag byang chub sems dpa' rab tu byung ba'i 'grogs pa bzhi po 'di dag ni de bzhin gshegs pas gnang ste/ bzhi gang zhe na/ chos mnyan pa'i phyir 'grogs pa dang / sems can yongs su smin par bya ba'i phyir 'grogs pa dang / de bzhin gshegs pa la mchod pa dang / rim gro bya ba'i phyir 'grogs pa dang / thams cad mkhyen pa nyid kyi sems 'dres pa med pa dang 'grogs pa ste/ khyim bdag byang chub sems dpa' rab tu byung ba'i 'grogs pa bzhi po de dag ni de bzhin gshegs pas gnang ba'o/ /khyim bdag de bas na byang chub sems dpa' rab tu byung bas 'grogs pa las rnam par grol bar bya'o/ /khyim bdag gzhan yang byang chub sems dpa' rab tu byung ba dgon pa na gnas pas bdag ci'i phyir dgon par 'ongs snyam du brtag par bya ste/ des yang 'di ltar bdag ni 'jigs shing skrag pa'i phyir dgon par 'ongs so/ /ci zhig gis 'jigs shing skrag ce na/ 'du 'dzis 'jigs shing skrag go/ /'grogs pas 'jigs shing skrag go/ /'dod chags dang / zhe sdang dang / gti mug gis 'jigs shing skrag go/ /nga rgyal dang / rgyags pa dang / 'chab pas 'jigs shing skrag go/ /chags pa dang / phrag dog dang / ser snas 'jigs shing skrag go/ /gzugs dang / sgra dang / dri dang / ro dang / reg byas 'jigs shing skrag go/ /phung po'i bdud kyis 'jigs shing skrag go/ /nyon mongs pa'i bdud kyis 'jigs shing skrag go/ /'chi bdag gi bdud kyis 'jigs</font><hr>81.318a<br><font size=+1>

shing skrag go/ /lha'i bu'i bdud kyis 'jigs shing skrag go/ /mi rtag pa la rtag par phyin ci log pas 'jigs shing skrag go/ /sdug bsngal la bde bar phyin ci log pas 'jigs shing skrag go/ /bdag med pa la bdag tu phyin ci log pas 'jigs shing skrag go/ /mi gtsang ba la gtsang bar phyin ci log pas 'jigs shing skrag go/ /sems dang yid dang rnam par shes pas 'jigs shing skrag go/ /sred pas 'jigs shing skrag go/ /'khor bas 'jigs shing skrag go/ /sgrib pa dang chod pa dang kun nas ldang bas 'jigs shing skrag go/ /'jig tshogs la blta bas 'jigs shing skrag go/ /bdag tu 'dzin pa dang / bdag gir 'dzin pas 'jigs shing skrag go/ /rgod pas 'jigs shing skrag go/ /'gyod pa dang the tshom gyis 'jigs shing skrag go/ /sdig pa'i 'grogs pos 'jigs shing skrag go/ /rnyed pa dang bkur stis 'jigs shing skrag go/ /mi dge ba'i bshes gnyen gyis 'jigs shing skrag go/ /ma mthong bar mthong ngo snyam du 'dzin pas 'jigs shing skrag go/ /ma thos par thos so snyam du 'dzin pas 'jigs shing skrag go/ /ma dran par dran no snyam du 'dzin pas 'jig shing skrag go/ /bye brag ma phyed par bye brag phyed do snyam du 'dzin pas 'jigs shing skrag go/ /mi shes par shes so snyam du 'dzin pas 'jigs shing skrag go/ /dge sbyong gi dri mas 'jigs shing skrag go/ /gcig la gcig gnod par sems pas 'jig shing skrag go/ /'dod pa'i khams dang / gzugs kyi khams dang / gzugs med pa'i khams kyis 'jigs shing skrag go/ /srid pa'i 'gro ba thams cad du 'chi 'pho ba dang skye bas 'jigs shing skrag go/ /sems can dmyal ba dang / dud 'gro'i skye gnas dang / yi dgas kyi yul du 'gro bas 'jigs</font><hr>81.318b<br><font size=+1>

shing skrag go/ /mi khom pas 'jigs shing skrag go/ /mdor na mi dge ba'i chos thams cad yid la byed pas 'jigs shing skrag go/ /bdag de lta bus 'jigs shing skrag pa de dag gis 'jigs nas dgon par 'ongs te/ khyim na gnas pa dang / 'du 'dzi la gnas pa dang / mi 'grus shing rnal 'byor la mi brtson pa dang / tshul bzhin ma yin pa'i yid la byed pas gnas pa ni 'di lta bu'i 'jigs skrag pa de dag las yongs su thar bar mi nus te/ gang dag 'das pa'i dus na byung ba'i byang chub sems dpa' sems dpa' chen po de dag thams cad kyang dgon pa la gnas nas 'jigs pa thams cad las rnam par grol te/ 'di lta ste/ bla na med pa yang dag par rdzogs pa'i byang chub 'jigs pa med pa thob bo/ /gang dag ma 'ongs pa'i dus na 'byung ba'i byang chub sems dpa' sems dpa' chen po de dag thams cad kyang dgon pa la gnas nas 'jigs pa thams cad las rnam par grol te/ 'di lta ste/ bla na med pa yang dag par rdzogs pa'i byang chub 'jigs pa med pa thob par 'gyur to/ /gang dag da ltar byung ba'i dus kyi byang chub sems dpa' sems dpa' chen po bla na med pa yang dag par rdzogs pa'i byang chub thob pa/ de dag thams cad kyang dgon pa las gnas nas 'jigs pa thams cad las rnam par grol te/ 'di lta ste/ bla na med pa yang dag par rdzogs pa'i byang chub 'jigs pa med pa thob bo/ /de bas na bdag kyang 'di la 'jigs shing skrag ste/ 'jigs pa thams cad las ni shin du 'da' bar 'dod/ mi 'jigs pa ni rjes su thob par 'dod pas dgon pa la gnas par bya'o snyam du yongs su dpyad par bya'o/ /khyim bdag gzhan yang byang chub sems dpa' rab tu byung ba'i 'jigs shing skrag nas dgon pa'i gnas la gnas pas 'di la cung zad</font><hr>81.319a<br><font size=+1>

'jigs pa skyes pa de dag thams cad ni bdag tu 'dzin pa las skyes so/ /bdag tu mngon par chags pa dang / bdag tu yongs su 'dzin pa dang / bdag gi gzhi dang / bdag sred pa dang / bdag 'du shes pa dang / bdag tu smra ba nye bar len pa dang / bdag tu lta ba dang / bdag gi gnas dang / bdag tu yongs su rtog pa dang / bdag bsrung ba las skyes te/ gal te bdag dgon pa la gnas la bdag tu 'dzin pa yongs su ma spangs/ bdag tu mngon par chags pa dang / bdag tu yongs su 'dzin pa dang / bdag gi gzhi dang / bdag la sred pa dang / bdag tu 'du shes pa dang / bdag tu smra ba nye bar len pa dang / bdag tu lta ba dang / bdag gi gnas dang / bdag tu yongs su rtog pa dang / bdag srung ba yongs su ma spangs na ni bdag dgon pa la gnas pa don med par 'gyur ro snyam du bslab par bya ste/ bdag tu 'du shes pa la ni dgon pa la gnas pa med do/ /gzhan du 'du shes pa la yang med do/ /ngar 'dzin pa dang / nga yir 'dzin pa la mngon par zhen pa la ni dgon pa la gnas pa med do/ /dmigs par lta ba la ni dgon pa la gnas pa med do/ /phyin ci log tu lta ba la ni dgon pa la gnas pa med do/ /khyim bdag mya ngan las 'das par 'du shes pa la yang dgon pa la gnas pa med na nyon mongs pa thams cad kyi 'du shes can la lta ci smos/ /khyim bdag dgon pa la gnas pa zhes bya ba ni chos thams cad la mi rten par gnas pa'o/ /chos thams cad la mi 'dzin par gnas pa'o/ /mtshan ma thams cad la mi chags par gnas pa'o/ /gzugs thams cad la mi rten par gnas pa'o/ /sgra dang / dri dang / ro dang / reg bya thams cad la mi rten par gnas pa'o/ /chos thams cad mnyam pa nyid dang mi 'gal bar gnas pa'o/ /sems shin du zhi bas shin du sbyangs par gnas pa'o/ /</font><hr>81.319b<br><font size=+1>

'jigs pa thams cad spangs pas mi 'jigs par gnas pa'o/ /nyon mongs pa thams cad las rnam par grol bas chu bo las rgal bar gnas pa'o/ /brtan par gnas pa'o/ /ngan ngon gyis chog shes par 'dzin cing 'dod pa chung bas 'phags pa'i rigs rnams la rab tu dga' bar gnas pa'o/ /dgang sla zhing gso sla bas chog par 'dzin par gnas pa'o/ /shes rab kyi phyir tshul bzhin la sbyor bas thos pa la gnas pa'o/ /rnam par thar pa'i sgo stong pa nyid dang / mtshan ma med pa dang / smon pa med pa la so sor rtog pas thar par gnas pa'o/ /bcings pa bcad pas rnam par grol bar gnas pa'o/ /rten cing 'brel bar 'byung ba dang 'thun pas ma dul ba rnams nye bar zhi bar gnas pa'o/ /shin du rnam par dag pas bya ba byas par gnas pa'o/ /khyim bdag 'di lta ste dper na dgon pa la rtswa dang / shing gel ba dang / nags tshal gnas kyang 'jigs pa med cing skrag par mi 'gyur ro/ /khyim bdag de bzhin du byang chub sems dpa' rab tu byung ba dgon pa la gnas kyang lus la rtswa dang / shing gel ba dang / sman dang / rtsig pa dang / shing dang / mig g.yor lta bu dang / sgyu ma dang mtshungs pa'i 'du shes bskyed par bya ste/ 'di la su zhig 'jigs par 'gyur/ 'di la su zhig skrag par 'gyur snyam pa'i sems bskyed par bya'o/ /de 'jigs shing skrag pa lta na/ 'di ltar lus 'di la ni bdag gam/ sems can nam/ srog gam/ skye ba po 'am/ gso ba 'am/ skyes bu 'am/ gang zag gam/ shed las skyes sam/ shed bu med de/ 'di ltar 'jigs pa zhes bya ba 'di ni yang dag pa ma yin pa kun brtags pa yin gyis bdag gis ni yang dag pa ma yin pa kun brtags pa de la brtag par mi bya'o snyam du lus la tshul bzhin brtag par bya'o/ /des ji ltar dgon pa la rtsa dang / shing gal ba dang / sman dang / nags tshal gnas pa rnams nga'i ba med pa/ yongs su</font><hr>81.320a<br><font size=+1>

'dzin pa med pa de bzhin du byang chub sems dpa' yang nga'i ba med pa/ yongs su 'dzin pa med pas chos thams cad dgon pa nyid do snyam du shes nas nye bar bsgrubs te gnas par bya'o/ /de ci'i phyir zhe na/ dgon pa la gnas pa ni nyon mongs pa gcod pa ste/ nga'i ba med pa/ yongs su 'dzin pa med pa'o/ /khyim bdag gzhan yang byang chub sems dpa' rab tu byung ba dgon pa la gnas pas 'di la dgon pa la gnas pa ni tshul khrims kyi phung po dang 'thun pa'o/ /dgon pa la gnas pa ni ting nge 'dzin gyi phung po la gzhol ba'o/ /dgon pa la gnas pa ni shes rab kyi phung po tshogs pa'o/ /dgon pa la gnas pa ni rnam par grol ba'i phung po 'grub pa'o/ /dgon pa la gnas pa ni rnam par grol ba'i ye shes mthong ba'i phung po skye ba'o/ /dgon pa la gnas pa ni byang chub kyi phyogs kyi chos rnams rab tu sten pa'o/ /dgon pa la gnas pa ni sbyangs pa'i yon tan bcu gnyis po dag sdud nga'o/ /dgon pa la gnas pa ni bden pa rnams rtogs pa'o/ /dgon pa la gnas pa ni phong po rnams yongs su shes pa'o/ /dgon pa la gnas pa ni khams rnams chos kyi dbyings dang mnyam par 'jal ba'o/ /dgon pa la gnas pa ni skye mched rnams sel ba'o/ /dgon pa la gnas pa ni byang chub kyi sems mi brjed pa'o/ /dgon pa la gnas pa ni stong pa nyid la so sor rtog pas skrag pa med pa'o/ /dgon pa la gnas pa ni chos kun du 'dzin pa'o/ /dgon pa la gnas pa ni dge ba'i rtsa ba thams cad chud mi gzon pa'o/ /dgon pa la gnas pa ni sangs rgyas rnams kyis bsngags pa'o/ /dgon pa la gnas pa ni byang chub sems dpa' rnams kyis bstod pa'o/ /dgon pa la gnas pa ni 'phags pa rnams kyis bkur ba'o/ /dgon pa la gnas pa ni thar pa 'dod pa rnams kyis bsten pa'o/ /</font><hr>81.320b<br><font size=+1>

dgon pa la gnas pa ni thams cad mkhyen pa'i ye shes khong du chud par bya ba'i phyir bsnyen pa'o snyam du bslab par bya'o/ /khyim bdag gzhan yang byang chub sems dpa' rab tu byung ba dgon pa gnas pa ni tshegs chung ngus pha rol tu phyin pa drug bsgom pa yongs su rdzogs par 'gyur ro/ /de ci'i phyir zhe na/ gang dgon pa la gnas pa'i byang chub sems dpa' ni lus dang srog la yang mi lta ba yin te/ de ltar dgon pa la gnas pa de'i sbyin pa'i pha rol du phyin pa bsgoms pa yongs su rdzogs par 'gyur ro/ /khyim bdag ji ltar na byang chub sems dpa' rab tu byung ba dgon pa la gnas pa'i tshul khrims kyi pha rol du phyin pa bsgom pa yongs su rdzogs par 'gyur zhe na/ khyim bdag gang byang chub sems dpa' rab tu byang ba dgon pa la gnas pa ni sbyangs pa'i yon tan dang / yo byad bsnyungs pa la rab tu gnas nas sdom pa gsum gyis yang dag pa sgrub ste/ de ltar dgon pa la gnas pa de'i tshul khrims kyi pha rol du phyin pa bsgom pa yongs su rdzogs par 'gyur ro/ /khyim bdag ji ltar na byang chub sems dpa' rab tu byung ba dgon pa la gnas pa'i bzod pa'i pha rol du phyin pa bsgom pa yongs su rdzogs par 'gyur zhe na/ khyim bdag gang byang chub sems dpa' rab tu byung ba dgon pa la gnas pa ni sems la gnod sems med cing sems can thams cad la byams par byed/ de thams cad mkhyen pa nyid la yang bzod pa yin te/ de ltar dgon pa la gnas pa de'i bzod pa'i pha rol tu phyin pa bsgom pa yongs su rdzogs par 'gyur ro/ /khyim bdag ji ltar na byang chub sems dpa' rab tu byung ba dgon pa la gnas pa'i brtson 'grus kyi pha rol tu phyin pa bsgom pa yongs su rdzogs par 'gyur zhe na/ khyim bdag 'di la byang chub sems</font><hr>81.321a<br><font size=+1>

dpa' rab tu byung ba ni mi skye ba la bzod pa rab tu thob par bya ba'i phyir bdag dgon pa 'di las ldog par mi bya'o snyam du slob ste/ de ltar dgon pa la gnas pa de'i brtson 'grus kyi pha rol du phyin pa bsgom pa yongs su rdzogs par 'gyur ro/ /khyim bdag ji ltar na byang chub sems dpa' rab tu byung ba dgon pa la gnas pa'i bsam gtan gyi pha rol du phyin pa yongs su rdzogs par 'gyur zhe na/ khyim bdag gang byang chub sems dpa' rab tu byung ba dgon pa la gnas pa ni bsam gtan gyi pha rol du phyin pa rab tu 'thob ste/ sems can yongs su smin par byed pa yang yal bar mi 'dor la/ 'di ltar dge ba'i rtsa ba yang sogs par 'dod pa yin te/ de ltar dgon pa la gnas pa de'i bsam gtan gyi pha rol du phyin pa bsgom pa yongs su rdzogs par 'gyur ro/ /khyim bdag ji ltar byang chub sems dpa' rab tu byung ba dgon pa la gnas pa'i shes rab kyi pha rol du phyin pa bsgom pa yongs su rdzogs par 'gyur zhe na/ khyim bdag gang byang chub sems dpa' rab tu byung ba ni 'di la lus ji lta ba byang chub kyang de bzhin no snyam du slob cing de bzhin nyid kyis mi rtog rnam par mi rtog ste/ de ltar dgon pa la gnas pa de'i shes rab kyi pha rol du phyin pa bsgom pa yongs su rdzogs par 'gyur ro/ /khyim bdag de ltar na byang chub sems dpa' rab tu byang ba dgon pa la gnas pa tshegs chung ngus pha rol du phyin pa drug bsgom pa yongs su rdzogs par 'gyur ro/ /khyim bdag byang chub sems dpa' rab tu byung ba chos bzhi dang ldan na dgon pa la gnas par gnang ba yin no/ /bzhi gang zhe na/ khyim bdag 'di la byang chub sems dpa' rab tu byung ba mang du thos pa yin te/ thos pa 'dzin pa/ chos rnam par nges pa la mkhas pa/ tshul bzhin yid la byed</font><hr>81.321b<br><font size=+1>

pa la brtson zhing / chos dang chos kyi rjes su 'thun pa sgrub pa des dgon pa la gnas par bya'o/ /khyim bdag gzhan yang byang chub sems dpa' rab tu byung ba nyon mongs pa'i shas che na des nyon mongs pa rnams zhi bar bya ba'i phyir 'grogs pa med par dgon pa la gnas par bya ste/ des nyon mongs pa tshar bcad par bya'o/ /khyim bdag gzhan yang byang chub sems dpa' rab tu byung ba ni mngon par shes pa lnga po dag thob pa yin te/ des lha dang / klu dang / gnod sbyin dang / dri za rnams yongs su smin par bya ba'i phyir dgon pa la gnas par bya'o/ /khyim bdag gzhan yang byang chub sems dpa' rab tu byung bas sangs rgyas kyis dgon pa la gnas par gnang bar bka' stsal par shes nas dgon pa gnas par bya ste/ der dge ba'i chos thams cad yongs su rdzogs par 'gyur ro/ /dge ba'i rtsa bas nye bar brtan nas phyir grong dang / grong khyer dang / grong rdal dang / ljongs dang / yul 'khor dang / pho brang 'khor dag tu zhugs te chos bstan par bya'o/ /khyim bdag byang chub sems dpa' rab tu byung ba chos bzhi po de dag dang ldan na dgon pa la gnas par gnang ngo / /khyim bdag gal te byang chub sems dpa' rab tu byung ba lung dang kha ton mnod pa'i phyir tshigs kyi nang du 'jug na yang des der gus pa dang bcas par bya ste/ slob dpon dang / mkhan po rnams dang / gnas brtan dang / bar ma dang / dge slong gsar bu rnams la zhe sa dang bcas par bya/ tshul mkhas par bya'o/ /snyom las med par rang gis bya ba dang / gzhan la gdung ba med par bya'o/ /des bsnyen bkur la gdu bar mi bya'o/ /des 'di ltar de bzhin gshegs pa dgra bcom pa yang dag par rdzogs pa'i sangs rgyas lha dang bcas pa'i 'jig rten dang / mdud dang bcas pa dang / tshangs pa dang bcas pa dang / dge sbyong dang / bram ze'i skye dgu dang bcas pa</font><hr>81.322a<br><font size=+1>

dang / lha dang / mi dang / lha ma yin du bcas pas mchod pa sbyin gnas su gyur pa de yang sems can thams cad la gang las kyang rim gror bya ba bdag gir mi mdzad na/ bdag cag ma bslabs pa slob 'dod pa rnams lta ci smos te/ bdag gis ni sems can thams cad la bsnyen bkur bya'i/ gang las kyang bsnyen bkur bya ba bdag gir mi bya'o snyam du brtag par bya'o/ /de ci'i phyir zhe na/ khyim bdag dge slong bsnyen bkur la 'du ba ni yon tan gyi chos rjes su bzung ba chud gzon pa yin te/ des gang dag sdud pa de dag kyang 'di snyam du sems te/ bdag cag ni bsnyen bkur gyi phyir sdud kyi/ chos kyi phyir ni ma yin no snyam ste/ de bdag nyid kyi dad pa chud gson to/ /gang dag de la bsnyen bkur byed pa 'jig rten gyi zang zing dang ldan pa de dag gi yang don chen por mi 'gyur ro/ /'bras bu chen por mi 'gyur ro/ /de slob dpon dang / mkhan po'i gan du 'gro na yang slob dpon dang / mkhan pos ma dad pa'i bag gang yang rung ba zhig las brtags nas bdag la lung 'bog pa dang / kha ton bya ba dang / rjes su bstan pas phan 'dogs par mi 'gyur du 'ong zhes lus dang sems las su rung ba dang / sems cang shes pas 'gro bar bya'o/ /de lung mnod pa dang / kha ton gyi phyir lus dang srog la yang mi blta bar bya'o/ /chos 'dod pas slob dpon dang / mkhan po rnams kyi bsam pa yongs su rdzogs par bya'o/ /yon tan don du gnyer bas rnyed pa dang / bkur sti dang / tshigs su bcad pa thams cad don du mi gnyer bar bya'o/ /khyim bdag gal te byang chub sems dpa' lung mnod pa dang / kha ton bya ba don du gnyer bas gzhan dag las tshig bzhi pa'i tshigs su bcad pa tsam 'am/ sbyin pa dang / tshul khrims dang / bzod pa dang / brtson 'grus</font><hr>81.322b<br><font size=+1>

dang / bsam gtan dang / shes rab dang ldan pa 'am/ byang chub sems dpa'i lam gyi tshogs sogs pa dang ldan pa'i tshig bzhi pa'i tshigs su bcad pa su las mnyan tam/ lung mnos sam/ bzung na des slob dpon de la chos kyi phyir gus par bya'o/ /ming dang / tshig dang / yi ge ji snyed kyis tshigs su bcad pa bstan pa de snyed kyi bskal par gal te slob dpon de la g.yo med pas bsnyen bkur dang / g.yog byas shing rnyed pa dang / bkur sti thams cad kyis mchod pa byas su zin kyang / khyim bdag da dung du des slob dpon la ri mo bya ba rdzogs par mi 'gyur na chos ma yin pa'i gus pas lta ci smos/ khyim bdag dad pas mnyan cing bsgom pa dang / kha ton la 'jug pa de'i sems dang / sems las byung ba dge ba dang ldan pa 'am/ sangs rgyas dang ldan pa 'am/ chos dang ldan pa 'am/ dge 'dun dang ldan pa 'am/ skyo zhing 'dod chags dang bral ba dang ldan pa 'am/ byang ba dang / dul ba dang / zhi ba dang ldan pa'i 'jug pa ji snyed pa gal te de snyed kyi bskal par slob dpon la bsnyen bkur byas su zin kyang / khyim bdag da dung du slob dpon la slob dpon du ri mo bya ba rdzogs pa ma yin no/ khyim bdag rnam grangs 'dis kyang ji ltar rnam par smin pa'i chos tshad med cing ye shes khong du chud pa tshad med pa de ltar rig par bya'o/ /khyim bdag de lta bas na rnam par smin pa'i chos tshad med pa dang / ye shes khong du chud pa tshad med pa dris pas bdag gi slob dpon yang tshad med do snyam nas byang chub sems dpa' chos la ri mo tshad med par byed do/ /khyim bdag gzhan yang byang chub sems dpa' rab tu byung bas/ rab tu byung ba'i sgrub pa la gnas par bya'o/ /khyim bdag ji ltar na byang chub sems dpa' rab tu byung ba rab tu byung ba'i sgrub pa la gnas pa</font><hr>81.323a<br><font size=+1>

yin zhe na/ khyim bdag 'di la byang chub sems dpa' rab tu byung ba tshul khrims yongs su dag pa thos na de la slob ste/ bzhi po 'di dag ni tshul khrims yongs su dag pa'o/ /bzhi gang zhe na/ 'phags pa'i rigs rnams la gnas pa dang / sbyangs pa'i yon tan dang yo byad bsnyungs pa la mngon par dga' ba dang / khyim na gnas pa dang / rab tu byung ba rnams dang mi 'dre ba dang / tshul 'chos pa med par dgon pa la gnas pa ste/ bzhi po de dag ni tshul khrims yongs su dag pa'o/ /khyim bdag gzhan yang tshul khrims yongs su dag pa bzhi ste/ bzhi gang zhe na/ lus bsdams pas lus mi dmigs pa dang / ngag bsdams pas ngag mi dmigs pa dang / yid bsdams pas yid mi dmigs pa dang / lta ba dang bral bas thams cad mkhyen par sems bskyed pa ste/ bzhi po de dag ni tshul khrims yongs su dag pa'o/ /khyim bdag gzhan yang tshul khrims yongs su dag pa bzhi ste/ bzhi gang zhe na/ ngar 'dzin pa spangs pa dang / nga yir 'dzin pa bor ba dang / chad pa dang / rtag pa dang bral ba dang / rten pa'i chos la 'jug pa ste/ bzhi po de dag ni tshul khrims yongs su dag pa'o/ /khyim bdag gzhan yang tshul khrims yongs su dag pa bzhi ste/ bzhi gang zhe na/ phung po rnams la 'byung ba dang 'jig par rtog pa dang / khams rnams la chos kyi dbyings su yongs su 'jal ba dang / skye mched rnams la grong stong par 'du shes pa dang / tha snyad btags pa rnams la mngon par ma zhen pa ste/ bzhi po de dag ni tshul khrims yongs su dag pa'o/ /khyim bdag gzhan yang tshul khrims yongs su dag pa bzhi ste/ bzhi gang zhe na/ bdag la bdag med par 'du shes pas bdag la mi stod pa dang / gzhan mi dmigs pas gzhan la mi smod pa dang / </font><hr>81.323b<br><font size=+1>

sems shin du sbyangs pas rlom sems med pa dang / chos thams cad mnyam pa nyid pas g.yo ba med pa ste/ bzhi po de dag ni tshul khrims yongs su dag pa'o/ /khyim bdag gzhan yang tshul khrims yongs su dag pa bzhi ste/ bzhi gang zhe na/ stong pa nyid la mos pa dang / mtshan ma med pas mi skrag pa dang / sems can thams cad la cher snying rje ba dang / bdag med pa bzod pa ste/ bzhi po de dag ni tshul khrims yongs su dag pa'o/ /khyim bdag gzhan yang byang chub sems dpa' rab tu byung ba ting nge 'dzin yongs su dag pa thos na de la slob ste/ ting nge 'dzin yongs su dag pa gang zhe na/ gang chos thams cad la rtsol ba med pa dang / chos thams cad mnyam pa nyid pas gnyis su dbyer med pa dang / sems las su rung ba dang / sems rtse gcig pa dang / sems nges par byung ba dang / sems mi 'phro ba dang / sems kun du mi rgyug pa dang / sems mi gnas pa dang / sems nges par sems par byin gyis rlob pa dang / sems la dbang sgyur ba dang / sems 'dod pa'i yon tan rnams la mi chags pa dang / sems chos la sgyu mar so sor rtog pa dang / ji ltar chos kyi dbyings mngon par 'du mi byed pa dang / ji ltar mi skye mi 'byung zhing mnyam pa nyid pa de ltar khyim bdag byang chub sems dpa' rab tu byung ba ting nge 'dzin yongs su dag pa la so sor rtog go/ /khyim bdag gzhan yang byang chub sems dpa' rab tu byung ba shes rab kyi pha rol du phyin pa yongs su dag pa thos na de la slob ste/ shes rab yongs su dag pa de gang zhe na/ de 'di ltar so sor rtog ste/ chos thams cad mngon sum du shes pa dang / tshig rab tu dbye ba shes pa dang / so so yang dag par rig pa/ 'jug pa shes pa dang / sems can gzhan dag la chos go bar byed pa</font><hr>81.324a<br><font size=+1>

shes pa ste/ khyim bdag de ltar byang chub sems dpa' rab tu byung ba shes rab yongs su dag pa la so sor rtog go/ /khyim bdag gzhan yang byang chub sems dpa' rab tu byung ba 'di la shes rab 'di ni lus med pas thogs pa med pa'i mtshan nyid do/ /rgyu ba med pas gzung ba med pa'i mtshan nyid do/ /skye ba med pas gnas pa med pa'i mtshan nyid do/ /nam mkha' ltar ngo bo nyid med pas mngon par 'du mi byed pa'i mtshan nyid do snyam du rab tu slob bo/ /khyim bdag de ltar na gang 'di ltar chos la sor sor rtog pa 'di ni byang chub sems dpa' rab tu byung ba'i sgrub pa'o/ /bcom ldan 'das kyis chos kyi rnam grangs 'di bshad pa na srog chags brgya stong gis ni bla na med pa yang dag par rdzogs pa'i byang chub tu sems bskyed do/ /khyim bdag de dag thams cad las phal cher ni mi skye ba'i chos la bzod pa rab tu thob bo/ /srog chags sum khri nyis stong ni chos rnams la chos kyi mig rdul dang bral zhing dri ma med pa rnam par dag go/ /de nas khyim bdag drag shul can dga' la yi rangs te/ rab tu dga' nas mgu ba dang yid bde ba skyes te/ brgya stong ri ba'i ras bcos bu'i zung bcom ldan 'das kyi sku la gsol nas 'di skad ces gsol to/ /bcom ldan 'das bdag gi dge ba'i rtsa ba 'di sems can rnams la stsal to/ /bdag gi dge ba'i rtsa ba 'dis byang chub sems dpa' khyim pa rnams kyi bslab pa ji ltar bcas pa de ltar byang chub sems dpa' khyim pa gang lags pa de dag gi chos yongs rdzogs par gyur cig /bcom ldan 'das kyis ji ltar byang chub sems dpa' rab tu byung ba rnams kyi bslab pa bcas pa yang de ltar byang chub sems dpa' rab tu byung ba gang dag lags</font><hr>81.324b<br><font size=+1>

pa de dag gi chos yongs su rdzogs par gyur cig /bcom ldan 'das la yang zhu bar 'tshal te/ bcom ldan 'das byang chub sems dpa' khyim pa khyim na gnas pa chos du zhig dang ldan na rab tu byung ba'i bslab pa la slob pa lags/ de skad ces gsol dang / bcom ldan 'das kyis khyim bdag drag shul can la 'di skad ces bka' stsal to/ /khyim bdag 'di la byang chub sems dpa' khyim pa khyim na gnas pa chos lnga dang ldan na rab tu byung ba'i bslab pa la slob pa yin te/ lnga gang zhe na/ khyim bdag 'di la byang chub sems dpa' khyim pa khyim na gnas pa mi lta bar dngos po thams cad yongs su gtong ba yin te/ thams cad mkhyen pa nyid kyi ye shes dang ldan pas rnam par smin pa la re ba med pa dang / khyim bdag gzhan yang byang chub sems dpa' khyim pa khyim na gnas pa tshangs par spyod cing gtsang ma yin te/ yid kyi dgu la yang 'dod pa mi skyed na mtshan gnyis sprod pa 'am/ yan lag ma yin par 'jug pa lta ci smos pa dang / khyim bdag gzhan yang byang chub sems dpa' khyim pa khyim na gnas pa yang dag pa skyon med pa la mi reg cing khyim stong par zhugs nas thabs kyis mngon par bsgrubs pa bsam gtan bzhi po dag la snyoms par 'jug pa dang / /khyim bdag gzhan yang byang chub sems dpa' khyim pa khyim na gnas pa sems can thams cad bde bar byed pa la brtson pa shes rab kyi pha rol du phyin pas nges par 'byung bar brtson 'grus rtsom pa dang / khyim bdag gzhan yang byang chub sems dpa' khyim pa khyim na gnas pa dag kyang dam pa'i chos yongs su 'dzin cing gzhan yang yang dag pa'i chos la sbyor bar byed</font><hr>81.325a<br><font size=+1>

pa ste/ khyim bdag byang chub sems dpa' khyim pa khyim na gnas pa chos lnga po de dag dang / ldan na rab tu byung ba'i bslab pa la slob pa yin no/ /de nas bcom ldan 'das la khyim bdag drag shul can gyis 'di skad ces gsol to/ /bcom ldan 'das bdag de bzhin gshegs pa rnams kyi bka' bzhin du bgyi par 'tshal lo/ /rab tu byung ba'i bslab pa la bslab bo/ /chos mnyam pa nyid 'di lta bu la yang 'jug par bgyi'o/ /de nas de'i tshe bcom ldan 'das 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid do/ /de'i tshe bcom ldan 'das kyi zhal gyi sgo nas 'od 'phro ba la kha dog du ma kha dog sna tshogs byung ba 'di ste/ sngon po dang / ser po dang / dmar po dang / dkar po dang / leb rgan dang / shel dang / dngul gyi kha dog lta bu ste/ de dag gi 'jig rten gyi khams mtha' yas mu med pa rnams su 'od kyis snang bas khyab par byas nas tshangs pa'i 'jig rten gyi bar du mngon par 'phags te slar log nas bcom ldan 'das la lan gsum bskor ba byas te bcom ldan 'das kyi dbu'i gtsug tu nub par gyur to/ /de nas tshe dang ldan pa kun dga' bo sangs rgyas kyi mthus stan las langs nas bla gos phrag pa gcig tu gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das rgyu ma mchis rkyen ma mchis par ni de bzhin gshegs pa 'dzum pa mi mdzad na 'dzum pa mdzad pa'i rgyu gang lags/ rkyen gang lags/ de skad ces gsol pa dang / bcom ldan 'das</font><hr>81.325b<br><font size=+1>

kyis tshe dang ldan pa kun dga' bo la 'di skad ces bka' stsal to/ /kun dga' bo khyod kyis drag shul can 'dis de bzhin gshegs pa la mchod pa byas te chos bsgrubs pa'i phyir seng ge'i sgra bsgrags pa mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ kun dga' bo khyim bdag drag shul can 'di ni gang dag bskal pa bzang po 'di la byang de bzhin gshegs pa de dag thams cad la rim gro byed par 'gyur ro/ /sti stangs dang / mchod pa thams cad kyis mchod par 'gyur ro/ /dam pa'i chos kyang 'dzin par 'gyur ro/ /rtag tu yang khyim bdag tu gyur nas rab tu byung ba'i bslab pa la gnas so/ /de bzhin gshegs pa'i byang chub de yang rgyas par byed par 'gyur ro/ /de nas tshe dang ldan pa kun dga' bos khyim bdag drag shul can la 'di skad ces smras so/ /khyim bdag rgyu gang dang rkyen gang gis gang khyim na gnas shing rdul la gnas pa la dga' bar byed/ drag shul can gyis smras pa/ /btsun pa kun dga' bo rdul la ni rdul cung zad kyang med do/ /snying rje chen po dang ldan pas bdag bde ba la mi re ba yin no/ /btsun pa kun dga' bo byang chub sems dpa' ni sdug bsngal thams cad kyis gzir kyang bzod de/ sems can rnams yongs su mi gtong ngo / /de skad ces smras pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyim bdag drag shul can 'di khyim gyis sa la gnas nas bskal pa bzang po 'di la sems can</font><hr>81.326a<br><font size=+1>

rab tu mang po yongs su smin par byed par 'gyur te/ rab tu byung ba'i byang chub sems dpas ni bskal pa stong ngam/ bskal pa brgya stong du mar yang de ltar mi nus so/ /de ci'i phyir zhe na/ kun dga' bo 'di ltar khyim bdag 'di la yod pa'i yon tan rnams ni rab tu byung ba'i byang chub sems dpa' stong la yang med do/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di drag shul can gyis zhus pa zhes bya bar zung shig /khyim pa dang rab tu byung ba'i bslab pa bsgrub pa zhes bya bar yang zung shig /lhag pa'i bsam pas bla ma la bsnyen bkur bya ba'i le'u zhes bya bar yang zung shig /kun dga' bo chos kyi rnam grangs 'di thos ma thag tu byang chub sems dpa'i yon tan dang / brtson 'grus dang / chos mang po rab tu thob ste/ brtson 'grus zhan pas bskal pa brgyar tshangs par spyad pa la gnas pas ni de lta ma yin no/ /kun dga' bo chos de bas na bdag kyang 'di la brtson 'grus bskyed par 'dod pa dang / gzhan yang brtson 'grus la gzung bar 'dod pa dang / bdag kyang yon tan gyi chos mnyam pa nyid thams cad la gnas par 'dod pa dang / gzhan yang yon tan gyi chos mnyam pa nyid thams cad la dgod par 'dod pas chos kyi rnam grangs 'di mnyan par bya/ kun chub par bya/ bklag par bya/ gzhan dag la yang rgya cher yang dag par rab tu bstan par bya'o/ /kun dga' bo chos kyi rnam grangs 'di yang dang yang rgya cher yang</font><hr>81.326b<br><font size=+1>

dag par rab tu bstan par bya ba'i phyir khyod la yongs su gtad do/ /de ci'i phyir zhe na/ chos kyi rnam grangs 'di'i nang du yon tan thams cad 'dus par de bzhin gshegs pas bshad pa'i phyir ro/ /kun dga' bo byang chub sems dpa' gang chos kyi rnam grangs 'di dang mi 'bral bar gnas pa de sangs rgyas dang mi 'bral bar bstan to/ /kun dga' bo byang chub sems dpa' gang chos kyi rnam grangs 'di nyan tam/ 'dzin tam/ klog pa dang mi 'bral ba de sangs rgyas 'byung ba dang / sangs rgyas thams cad mthong ba dang mi 'bral lo/ /de ci'i phyir zhe na/ kun dga' bo chos kyi rnam grangs 'di'i nang du yon tan thams cad 'dus shing chos kyi rnam grangs 'di'i nang du bslab pa sgrub pa'i lam gyi yon tan thams cad 'dus par de bzhin gshegs pas yang dag par rab tu bshad pa'i phyir ro/ /kun dga' bo rigs kyi bu 'am rigs kyi bu mo yang dag par rdzogs pa'i byang chub don du gnyer ba dag gis stong gsum gyi stong chen po'i 'jig rten gyi khams mes rab tu gang ba yang 'bogs te chos kyi rnam grangs 'di mnyan par bya/ kun chub par bya'o/ /kun dga' bo stong gsum gyi stong chen po'i 'jig rten gyi khams rin po che sna bdun gyis rab tu gang ba tsam yang ri mor byas te slob dpon la phul nas chos kyi rnam grangs 'di mnyan par bya'o/ /kun chub par bya'o/ /kun dga' bo byang chub sems dpa' gang gis 'das pa'i sangs rgyas bcom ldan 'das rnams kyi mchod rten rin po che las so sor byas te mchod pa thams cad kyis mchod la/ de bzhin du da ltar byung ba'i sangs rgyas bcom ldan 'das nyan thos kyi dge 'dun dang bcas pa rnams la ji srid 'tsho'i bar du bde ba'i yo byad thams cad kyis</font><hr>81.327a<br><font size=+1>

bsnyen bkur byed cing / gang ma 'ongs pa'i sangs rgyas bcom ldan 'das rnams dang / byang chub sems dpa' rnams kyi bran dang / slob mar khas blangs te bsnyen bkur byas su zin kyang chos kyi rnam grangs 'di mi 'dzin/ mi 'chad/ mi klog /kun chub par mi byed/ 'jug par mi byed cing sgrub pa 'di la mi gnas na/ kun dga' bo byang chub sems dpa' des 'das pa dang / ma 'ongs pa dang / da ltar byung ba'i de bzhin gshegs pa rnams la mchod pa byas par mi 'gyur ro/ /kun dga' bo byang chub sems dpa' gang chos kyi rnam grangs 'di nyan cing kun chub par byed pa dam pa'i chos yun ring du gnas par bya ba dang / sangs rgyas kyi rigs rgyun mi 'chad par bya ba'i phyir gzhan dag la yang rgya cher yang dag par rab tu ston cing sgrub pa 'di la yang gnas na kun dga' bo byang chub sems dpa' des 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la mchod pa byas par 'gyur ro/ /gus pa dang bcas pas bsnyen bkur byas par yang 'gyur ro/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / khyim bdag drag shul can dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las 'phags pa drag shul can gyis zhus pa zhes bya ba ste le'u bcu dgu pa rdzogs s+ho// //rgya gar gyi mkhan po su ren dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa// //</font><hr>

</table>