J316

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J316</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J316&coll=lithang">see text in Tibetan script</a></table>81.188a<br><font size=+1>

@#/ /rgya gar skad du/ Ar+ya pUr+N+Na pa ri pr-its+tsha nA ma ma hA yA na sU tra/ bod skad du/ 'phags pa gang pos zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab 'od ma'i tshal na dge slong gi dge 'dun chen po mang po dang / byang chub sems dpa' sems dpa' chen po grangs med tshad med pa rnams dang thabs gcig tu bzhugs te/ de nas tshe dang ldan pa byams ma'i bu gang po stan las langs nas bla gos phrag pa gcig tu gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar te bcom ldan 'das la 'di skad ces gsol to/ /bcom ldan 'das bdag la zhu ba cung zad cig mchis na de bzhin gshegs pas</font><hr>81.188b<br><font size=+1>

thugs brtse bar dgongs te rjes su gnang bar mdzad du gsol/ bcom ldan 'das kyi bka' stsal pa/ byams ma'i bu gang po khyod ci 'dod pa dris shig /ngas yang dag par bstan nas khyod kyi sems rangs par bya'o/ /tshe dang ldan pa gang pos gsol pa/ bcom ldan 'das deng bdag ni yon tan mchog mngon par bsgrubs pa/ grags pa shin du mtho zhing rgyang ring ba/ rtag par sems can gyi bde ba yongs su gnyer bar bgyid pa'i byang chub sems dpa' sems dpa' chen po rnams kyi slad du zhu ba mchis lags so/ /de nas tshe dang ldan pa byams ma'i bu gang pos tshigs su bcad de gsol pa/ yon tan mchog ni rab bsgrubs nas/ /grags pa mtho zhing rgyang ring dang / /tshul khrims gtsang zhing chos mos pa'i/ /spyod pa gang lags bdag zhu lags/ /ji ltar sems ni spyod par bgyid/ /ji ltar sbyin pa rgya cher btang / /ji ltar sems can rab sgol cing / /dga' sems rtag tu lam sgom lags/ /yang bcom ldan 'das la byams ma'i bu gang pos gsol pa/ bcom ldan 'das deng bdag ni skyes bu dam pa de dag gi slad du dngos po de lta bu dag zhu ba lags na byang chub sems dpas/ ji ltar mang du thos pa rgya mtsho chen po lta bur bsags pas yongs su gtugs par mi 'gyur lags/ ji ltar mang du thos pa'i gter rin po che bsags nas chos rnams la nges pa'i don thob pas tshig gi don rnams legs par khong du chud par 'gyur lags de nas tshigs su bcad de gsol pa/ ji ltar byang chub sems dpa' rnams/ mang thos rgya mtsho lta bu tshol/ /chos la nges pa'i don thob nas/ /byang chub lam ni legs rtogs 'gyur/ /ji lta bur na tshig gcig gis/ /tshad med don ni rab rtogs te/ /'di ltar shes rab stobs dag gis/ /chos rnams thams cad rtogs 'gyur lags/ /mang thos mthar thug ma mchis pas/ /rgol ba mchis kyang sems mi g.yo/ /snying brtse slad du chos bstan</font><hr>81.189a<br><font size=+1>

nas/ /sems can the tshom gcod bgyid lags/ /bcom ldan 'das la tshe dang ldan pa byams ma'i bu gang pos yang gsol pa/ bcom ldan 'das deng bdag ni sa'i rjes su 'brang ba'i ye shes kyi stobs kyis de bzhin gshegs pa la zhu ba gsol ba lags na/ byang chub sems dpa' sems dpa' chen po rnams ji ltar bla na med pa yang dag par rdzogs pa'i byang chub las yongs su ldog par mi 'gyur lags/ de nas yang tshigs su bcad de gsol pa/ ji ltar mi khom yongs spangs nas/ /sangs rgyas mang po phrad gyur lags/ /sangs rgyas mang po mthong nas kyang / /shin du dang ba myur 'thob lags/ /bla med dang ba thob gyur nas/ /shin du btang dka' gtong bar 'gyur/ /thams cad yongs su btang nas kyang / /stobs kyis thogs med lam spyod lags/ /ji ltar rab 'byung mos gyur nas/ /dben gnas stong pa'i ye shes sgom/ /ji ltar chos dang 'gal mi bgyid/ /dngos po 'di ni bkas bshad gsol/ bcom ldan 'das la tshe dang ldan pa byams ma'i bu gang pos yang gsol pa/ bcom ldan 'das bdag ni de bzhin gshegs pa rnams mkhyen pa thams cad phun sum tshogs pa dang / rdzu 'phrul thams cad kyi pha rol du byon pa dang / khams gsum na mchog tu gyur pas dpe zla ma mchis pa'i ye shes chen po gya nom pa brnyes nas chos rnams la spyod pa thogs pa mi mnga' bar khong du chud pas na de'i slad du deng bdag dngos po 'di dag zhu ba lags so/ /de nas yang tshigs su bcad de gsol pa/ bcom ldan yon tan mchog bzhugs pas/ /rdzu 'phrul pha rol rab tu byon/ /thogs pa mi mnga'i mkhyen brnyes pas/ /dpa' bo khyod la bdag zhu lags/ /chos rnams thams cad legs bslabs pas/ /yon tan mtho zhing mngon par 'phags/ /mun bcom shes rab snang bskyed pas/ /'khor mang</font><hr>81.189b<br><font size=+1>

thams cad dga' bar mdzad/ /dgra zin byams sdang mi mnga' zhing / /mya ngan mi mnga' slu mi mnga'/ /'chi bdag las ni rab rgyal zhing / /bdud dpung bdag ni pham par mdzad/ /mtshon cha thogs pa mi mnga' bar/ /dgra rnams thams cad pham par mdzad/ /rtag par byams pa'i thugs ldan zhing / /tshul khrims rnam dag brtan par gnas/ /bcom ldan g.yo sgyu mi mnga' zhing / /nga rgyal mi mnga' dregs mi mnga'/ /rnam grol rig pa brnyes pas na/ /yon tan kun gyi mchog tu gyur/ /ji ltar sngon ni lam sbyang nas/ /mkhyen pa mchog ni brnyes pa dang / /ji ltar spyad nas sangs rgyas pa/ /bdag la deng ni bkas bshad gsol/ /de nas bcom ldan 'das kyis tshe dang ldan pa byams ma'i bu gang po la bka' stsal pa/ /khyod kyis de bzhin gshegs pa la dngos po de lta bu dag zhus pa de legs so legs so/ /shin du legs par nyon la yid la zung shig dang / ngas khyod la byang chub sems dpa' rnams kyi sems bskyed na ji ltar sangs rgyas kyi chos tshad med pa thams cad mngon par sgrub pa yang dag par bstan par bya'o/ /de nas de'i tshe bcom ldan 'das kyis tshigs su bcad de bka' stsal pa/ ngas deng byang chub sems dpa' rnams/ /dang po byang chub sems bskyed nas/ /rab tu brtson pa'i stobs dag gis/ /byang chub lam spyad bshad par bya/ /byang chub sems dpa' spyad pa yi/ /lhag pa'i bsam pa sna tshogs kyis/ sangs rgyas lung ni bstan gyur pa/ /dngos po de dag mdor bstan to/ /lhag pa'i bsam pas chos mos sems/ /tshad med mtha' yas yod ma yin/ /spyod pa sna tshogs ston byed pa/ /dngos po gcig gis 'grub mi 'gyur/ /dga' sems nang ni rab rgyas pas/ /sbyin pa dag ni gtang bar byed/ /sbyin pa gtong yang 'gyod med pas/ /</font><hr>81.190a<br><font size=+1>

de'i sems ni dga' bar 'gyur/ /byang chub sems dpa' 'di snyam du/ /sems can rtag tu rgud pas na/ /mang du thos pa'i nor mi ldan/ /bdag gis btsal bya snyam du sems/ /sems can rtag tu rgud pa yang / /le lo'i dbang las gyur pas na/ /bdag gis brtson 'grus rab bskyed de/ /byang chub thob bya snyam du sems/ /bdag gis sems can ched du ni/ /yid bzhin bzod pa rab bskyed de/ /tshig ngan sma 'bebs brdegs gyur kyang / /lan yang mi smra snyam du sems/ /bdag la sma 'bebs su zhig yin/ /sma 'bebs dmigs par mi 'gyur bas/ /sma 'bebs khong khro byed pa yi/ /dngos po thams cad stong snyam sems/ /de ltar yid la sems pas na/ /sems la khong khro khon 'dzin med/ /rtag tu bzod pa bsgoms pas na/ /des na mngon par 'tshang yang rgya/ /sems can dge sems med pa la/ /'jig rten sgron ma byas nas ni/ /mgon dang skyabs ni byed pas na/ /nor med nor dang ldan par byed/ /sems can lam log spyod pa ni/ /de dag snying brtse'i gnas yin pas/ /bdag gis yongs su bzlas nas ni/ /mya ngan 'das la gzhag snyam sems/ /sems can thams cad rgud pas na/ /shes rab nor dang yong mi ldan/ /bdag gis thams cad mkhyen thob nas/ /de dag tshim par bya snyam sems/ /de ltar byang chub sems dpa' rnams/ /sems can yongs su bzla ba'i phyir/ /sems bskyed byang chub tshol ba na/ /de 'dra'i smon lam 'debs par byed/ /bcom ldan 'das kyis tshe dang ldan pa byams ma'i bu gang po la bka' stsal pa/ byang chub sems dpa' sems dpa' chen po rnams ni rgyu rkyen rnam pa sna tshogs kyis sems can la chos ston par byed kyang chos 'ga' tsam la yang gnas par mi byed do/ /de ci'i phyir zhe na/ /byang chub sems dpa' rnams ni chos thams cad la yang dag par bslabs nas de'i 'og tu mngon par rdzogs par 'tshang rgya bar 'gyur bas so/ /byang chub sems dpa' ni ngo mtshar rmad du byung</font><hr>81.190b<br><font size=+1>

ba'i dngos po rnam pa bzhi dang ldan pas chos gzhan gang yang dngos po 'di las lhag par yang dag par rjes su mi mthong ngo / /bzhi gang zhe na/ byang chub sems dpa' ni sems can le lo can rnams la brtson 'grus rtsom par byed pa gang yin pa 'di ni mtshar rmad du byung ba'i dngos po dang po zhes bya'o/ /khong khro'i sems can nan po che dag gi nang na bzod pa sgom par byed pa gang yin pa 'di ni ngo mtshar rmad du byung ba'i dngos po gnyis pa zhes bya'o/ /sems can lam log pa la spyod pa dag mthong nas bdag nyid yang dag pa'i lam la brtson par byed pa gang yin pa de ni ngo mtshar rmad du byung ba'i dngos po gsum pa zhes bya'o/ /sems can 'khor ba las yongs su bzla ba'i phyir lhag pa'i bsam pas bla na med pa yang dag par rdzogs pa'i byang chub tu sems bskyed par byed pa gang yin pa 'di ni ngo mtshar rmad du byung ba'i dngos po bzhi pa zhes bya'o/ /gang po ngo mtshar rmad du byung ba'i dngos po bzhi po de dag ni byang chub sems dpa'i ngo mtshar rmad du byung ba'i dngos po mchog ces bya'o/ /de nas de'i tshe bcom ldan 'das kyis tshigs su bcad de bka' stsal pa/ sems can le lo can mthong na/ /brtson 'grus sems ni skyed byed pas/ /bdag gis de la chos min pa'i/ /dngos po bstan snyam yong mi sems/ /khong khro ston par mi byed de/ /khong khro sangs rgyas lam min zhes/ /rtag tu byams sems sgom pas na/ /byang chub de las skye bar 'gyur/ /sems can lam log mos pas na/ /log pa'i lam la gnas par byed/ /byang chub sems dpa' yang dag lam/ /btsal nas sems can 'god par byed/ /'khor ba'i nyes dmigs mthong bas na/ /rtse gcig sangs rgyas ye shes tshol/ /bla med gter ni thob par 'gyur/ /sems can bzla bya snyam du sems/ /rmad byung dngos po 'di dag las/ /lhag pa'i gzhan ni su yang med/ /de lta bas na thogs med chos/ /'thob par 'gyur bar rig par bya'o/ /</font><hr>81.191a<br><font size=+1>

lus kyi gos ni tshig pa dang / /mgo thod me ni 'bar ba bzhin/ /le lo'i sems ni skyes gyur na/ /myur ba nyid du sel bar byed/ /bcom ldan 'das kyis bka' stsal pa/ /gang po byang chub sems dpa' chos bzhi dang ldan na dga' ba'i sems skye bar 'gyur ro/ /bzhi gang zhe na/ /sems can rnams ni 'khor ba na gnas shing brtson 'grus mi rtsom par mthong la bdag nyid ni sangs rgyas kyi lam la gnas nas brtson 'grus rtsom par mthong bas dga' ba'i sems skye bar 'gyur ba dang / sems can rnams ni rtag par le lo can du gyur par mthong ba bdag nyid ni sangs rgyas kyi bstan pa la gnas nas brtson 'grus rtsom par mthong bas dga' ba'i sems skye bar 'gyur ba dang / sems can rnams ni khong khro ba dang / 'khon du 'dzin pa dang / phrag dog can du gyur par mthong la bdag nyid ni khong khro ba dang / 'khon du 'dzin pa dang / phrag dog med cing rtag par byams pa'i sems dang ldan par mthong bas dga' ba'i sems skye bar 'gyur ba dang / sangs rgyas kyi chos mngon par sgrub par brtson par gzhan su yang bdag dang mtshungs pa med par mthong bas dga' ba'i sems skye bar 'gyur ba gang yin pa'o/ /de nas de'i tshe bcom ldan 'das kyis tshigs su bcad de bka' stsal pa/ sems can le lo can mthong na/ /bdag nyid brtson 'grus rtsom byed pas/ /de phyir byang chub sems dpa' de/ /bdag nyid dga' sems 'thob par 'gyur/ /'khor ba'i nyes dmigs mthong bas na/ /skyo ba'i sems ni rab tu skye/ /khams gsum brtson rar 'jigs pas na/ /brtson pa'i sems kyis spong bar byed/ /sems can khong khro 'khon 'dzin dga'/ /bdag nyid byams sems gnas pas na/ /de phyir byang chub sems dpa' de/ /dga' bde sems ni skye bar 'gyur/ /</font><hr>81.191b<br><font size=+1>

sems can rnams kyis gang byas pa/ /de dag thams cad mi bya bar/ /de phyir bdag gis bla med pa'i/ /sangs rgyas lam ni btsal snyam sems/ /sangs rgyas rnams kyis bsngags pa yi/ /yang dag ye shes gang yin pa/ /bdag gis ye shes de bslabs nas/ /sems can kun gyi skyabs bya sems/ /de phyir byang chub sems dpa' de/ /rtag tu dga' sems skye bas na/ /'dus byas mi bden dag las ni/ /yang dag chos ni skye bar 'gyur/ /bcom ldan 'das kyis bka' stsal pa/ /gang po byang chub sems dpa' chos bzhi dang ldan na mi khom pa rnams dang bral te/ dal ba phun sum tshogs pa thob nas sangs rgyas kyi chos mngon par sgrubs pa chud za bar mi 'gyur ro/ /bzhi gang zhe na/ byang chub sems dpa' ni sems dman zhing shin du mnyen pas na sems can dag mthong bar gyur pa'i tshe rtag par bde bar 'ongs sam zhes mdangs dang ldan pas gsong por smra zhing phan tshun tshig sbyin par byed pas rtag par 'dzum pa dang ldan pa yin/ sems rtse gcig tu chos gnyer zhing rtag par 'di rtog la rab tu mos pas na dge ba'i don tshol zhing brtson pa la chog shes pa med pa yin/ dben pa'i gnas la mos shing gcig pu 'dug pa la dga' ba yin/ bdag nyid byang chub kyi lam la gnas shing sems can gzhan yang byang chub kyi lam na gnas par 'dzud pa yin te/ byang chub sems dpa' chos bzhi po 'di dag dang ldan par gyur na mi khom pa rnams dang bral te/ dal ba phun sum tshogs pa thob nas sangs rgyas kyi mngon par bsgrubs pa chud za bar mi 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ mnyen pa'i sems dang rab</font><hr>81.192a<br><font size=+1>

ldan zhing / /rtag par byams sems sgom pas na/ /sems can dag dang smra ba'i tshe/ /sems dman gsong por smra bar byed/ /rtag tu sangs rgyas bsngags pa yi/ /zab mo gya nom chos kyang tshol/ /rtag par tshul khrims gtsang srung zhing / /sbyangs pa'i spyod la mos pa yin/ /sbyangs pa'i chos la rab gnas kyang / /shes rab zab mos spyod pas na/ /de phyir byang chub sems dpa' de/ /mi khom rab spangs dal dang ldan/ /rtag tu sangs rgyas rnams la ni/ /chos zab rnams ni zhu byed pas/ /de phyir shes rab 'phel gyur nas/ /mi khom gnas su skye mi 'gyur/ /rtag par dgon par gnas mos shing / /rnam dag sbyangs pa spyod pas na/ /de phyir byang chub sems dpa' de/ /mi khom rab spangs khom dang ldan/ /blo ldan mkhas pa gang dag gis/ /chos 'di gzhi la sten byed na/ /mi khom thams cad rab spangs nas/ /sangs rgyas mang po mthong bar 'gyur sangs rgyas mang po mthong nas kyang / mi 'jigs dad dang ldan pas na/ /brtson 'grus mchog ni rab bskyed nas/ /sangs rgyas ye shes tshol bar 'gyur/ /de phyir ye shes gnyer ba dag /yang dag chos ni bslab par bya/ /yang dag chos ni bslabs gyur nas/ /byang chub lam ni 'thob mi dka'/ /byang chub sems dpa'i spyod pa'i le'u ste dang po'o// // bcom ldan 'das kyis bka' stsal pa/ gang po byang chub sems dpa' chos bzhi dang ldan na mang du thos pa rgya mtsho chen po lta bur bsags pa yin pas yongs su gtugs par mi 'gyur zhing rtag par mang du thos pa'i gter rin po che bsags nas chos rnams la nges pa'i don thob pas tshig gi don rnams legs par khong</font><hr>81.192b<br><font size=+1>

du chud par 'gyur ro/ /bzhi gang zhe na/ byang chub sems dpa' ni chos yongs su tshol bar byed pas gsung rab yan lag bcu gnyis po 'di lta ste/ mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / de lta bu byung ba'i sde dang / skyes pa'i rabs kyi sde dang / shin du rgyas pa'i sde dang / rmad du byung ba'i chos kyi sde dang / rtogs pa brjod pa'i sde dang / gtan la phab par bstan pa'i sde rnams yongs su tshol bar byed de/ /yongs su btsal nas kyang klog cing kha ton du 'don par byedade/ /klog cing kha ton du bton nas kyang yang dag par rjes su dran par byed/ yang dag par rjes su dran par byas nas kyang ji skad bstan pa bzhin du yang dag par sgrub par byed de/ gang po byang chub sems dpa' gang chos dang po 'di dang ldan par gyur na mang du thos pa rgya mtsho chen po lta bur bsags pa yin pas yongs su gtugs par mi 'gyur zhing rtag par mang du thos pa'i gter rin po che bsags nas chos rnams la nges pa'i don thob pas tshig gi don rnams legs par khong du chud par 'gyur ro/ /gzhan yang gang po byang chub sems dpa' ni chos thams cad la gnas pa med pas bsam gtan dang / ting nge 'dzin la mnyam par gzhag kyang gnas par bya ba med do/ /gnas pa med pa'i phyir chos rnams las gnas pa med pa'i ye shes 'thob par 'gyur ro/ /gnas pa med pa'i ye shes thob pas chos rnams la thogs pa med pa'i ye shes mthong ba 'thob par 'gyur ro/ /de ci'i phyir zhe na/ gang po 'dod chags shing thogs par bya ba'i chos</font><hr>81.193a<br><font size=+1>

gang yang med pa'i phyir te/ byang chub sems dpa' gang chos gnyis pa 'di dang ldan par gyur na mang du thos pa rgya mtsho chen po lta bur bsags pa yin pas yongs su gtugs par mi 'gyur zhing rtag par mang du thos pa'i gter rin po che bsags nas chos rnams la nges pa'i don thob pas tshig gi don rnams legs par khong du chud par 'gyur ro/ /gzhan yang gang po byang chub sems dpa' ni chos yongs su gnyer ba'i rgyu dang rkyen gyis sangs rgyas rjes su dran zhing sangs rgyas kyi chos rjes su dran par byed do/ /des chos kyi rgyu dang rkyen gyis sangs rgyas rjes su dran zhing sangs rgyas kyi chos rjes su dran par gyur pa na 'dod chags par bya ba'i chos 'ga' yang yang dag par rjes su mi mthong ngo / /des 'dod chags pa med pa'i phyir chos thams cad la sems kyis mngon par zhen pa med do/ /des chos thams cad la mngon par zhen pa med pa'i phyir dris pa rnams kyi rjes su lan 'debs pa la thogs pa med par 'gyur te/ byang chub sems dpa' gang chos gsum pa 'di dang ldan par gyur na mang du thos pa rgya mtsho chen po lta bu bsags pa yin pas yongs su gtugs par mi 'gyur zhing rtag par mang du thos pa'i gter rin po che bsags nas chos rnams las nges pa'i don thob pas tshig gi don rnams legs par khong du chud par 'gyur ro/ /gzhan yang gang po byang chub sems dpa' ni dmigs pa med pa'i byams pa phun sum tshogs par gyur pas spyod pa dag la thogs pa med de/ dmigs pa med pa'i byams pa ni dngos po rnams mi len pa gang yin pa'o/ /de ci'i phyir zhe na gang po gang mtshan</font><hr>81.193b<br><font size=+1>

ma 'di la gnas par gyur na yang 'dod chags dang / zhe sdang dang / gti mug skyed par byed la/ gang mtshan ma de la gnas par gyur na yang 'dod chags dang / zhe sdang dang / gti mug skyed par byed pas so/ /dngos po'i mtshan ma 'am/ rdzas kyi mtshan ma 'am/ phung po'i mtshan ma 'am/ skye mched kyi mtshan ma 'am/ khams kyi mtshan ma 'am/ chos kyi mtshan ma 'am/ chos ma yin pa'i mtshan ma la gnas par gyur na yang 'dod chags dang / zhe sdang dang / gti mug skyed par byed pas de'i phyir gang po ji tsam du len pa'i mtshan ma dang bcas pa de dag thams cad ni log pa'i lta ba zhes bya ste/ byang chub sems dpa'i mtshan ma de dag thams cad nye bar zhi bar bya ba'i ched du byams pa'i sems sgom par byed pas sems can 'jig pa'i phyir dang / mtshan ma 'jig pa'i phyir dngos po yang 'jig pa nyid do/ /dngos pa'i 'jig pa'i phyir lta ba yang 'jig pa nyid do zhes byang chub sems dpa' de'i tshe chos thams cad rnam par bshig nas byams pa sgom par byed de/ de lta bu'i byams pa gang yin pa 'di ni dmigs pa med pa'i byams pa zhes bya'o/ /de lta bu'i dmigs pa med pa'i byams pa gang yin pa de ni chos kyi byams pa zhes bya'o/ /de lta bu'i chos kyi byams pa gang yin pa de ni sangs rgyas kyi byams pa zhes bya'o/ /gang po sangs rgyas kyi byams pa gang zhe na/ mngon par 'du byed pa med cing 'jig pa med pa gang yin pa de ni sangs rgyas kyi byams pa zhes bya'o/ /gzhan yang gang po yang dag pa ji lta ba bzhin du chos thams cad rab tu rtogs pa gang yin pa de ni sangs rgyas kyi byams pa zhes bya'o/ /</font><hr>81.194a<br><font size=+1>

gang pos gsol pa/ bcom ldan 'das ji ltar bgyis na yang dag pa ji lta ba bzhin chos thams cad rab tu rtogs pa zhes bgyi lags/ /bcom ldan 'das kyis bka' stsal pa/ gang po rab tu rtogs pa zhes bya ba 'di ni chos so zhe 'am/ 'di ni chos ma yin no zhes sems par mi byed do/ /de ci'i phyir zhe na/ gang po gal te chos yod do zhes zer na de ni chos ma yin pa yin pas gal te chos med par gyur na chos ma yin pa yang med par 'gyur bas de la spros pa ci yang med pas so/ /spros pa med pa gang yin pa de ni mya ngan las 'das pa zhes bya ste/ khyod kyis de ltar rab tu brtags nas de shin du thag ring ba zhig yin nam/ 'on te shin tu thag nye ba zhig yin/ gang pos gsol pa/ de ni thag ring ba yang ma lags la/ thag nye ba yang ma lags so/ /de ci'i slad du zhe na/ bcom ldan 'das de lta bu'i don de la ni phyogs kyang ma mchis/ gnas kyang ma mchis/ /nang zhes bgyi ba yang ma mchis/ phyi zhes bgyi ba yang ma mchis pas so/ /bcom ldan 'das kyis bka' stsal pa/ de bzhin du gang po khyod kyi chos rnams grangs su bgrang bar bya'o/ /bcom ldan 'das chos ji lta bu zhig la grangs su bgrang bar bgyi lags/ gang po ji tsam du byis pa so so'i skye bo rnams kyis mngon par zhen par bya ba'i chos de dag ni de bzhin gshegs pas dmigs par mi mdzad/ sgrub par mi mdzad/ mngon du mi mdzad do zhes de lta bu'i chos mi rtogs pa gang yin pa de ni grangs su bgrang ba zhes bya'o/ /</font><hr>81.194b<br><font size=+1>

gang po chos rnams kyi grangs de dag ni chos rab tu rnam par 'byed pa ma yin pa'i phyir/ gang po deng khyod la 'di ltar rab tu dben pa'i chos mchog dam pa sangs rgyas kyi lam yongs su sdud par gyur ba bshad par bya'o/ /gang po ma 'ongs pa'i dus na 'jig rten pa'i rnyed pa la bdag gal te mdo sde 'di thos par gyur na mnyan pa dang / len par mos par mi 'gyur ro/ /gang po ngas byang chub ces brjod pa'i tshig 'di khyod kyis sgra dang tshig tsam du phyogs cung zad cig rtogs par gyur pa zad kyi de'i don gyi tshul ni khyed kyis shes par mi nus so/ /don 'di ni shin du zab pas tshig gis brjod par bya ba ma yin gyi/ mkhas pa dag gis rang gis rig par bya ba yin no/ /de nas de'i tshe bcom ldan 'das kyis tshigs su bcad de bka' stsal pa/ gang gis don ni mi rtogs pa/ /sangs rgyas chos la mya ngan skye/ /gal te don ni rig gyur na/ /sangs rgyas de la ston par mdzad/ /sangs rgyas ston par gang sems pa/ de ni mya ngan 'das gnyer bas/ 'thab rtsod sems ni med par yang / yang dag chos ni sems par byed/ 'di la chos skye yod pa min/ /'gag pa'i chos kyang yod min te/ /skye dang 'gag pa med gyur pa/ /de ni chos rnams yang dag mtshan/ /chos gang skye ba med pa la/ /byed dang 'byung ba 'ang yod mi 'gyur/ /yin dang ma yin tha dad gcig /chos 'di la ni de dag med/ /de ni mya ngan 'das yin te/ /de ni 'gag par bye ba med/ /thag ni nye ring gang zer ba/ /de dag gnyis ga stong pa yin/ /gang zhig stong par rtogs gyur pa/ /de ni mya ngan 'das shes yin/ /mya ngan 'das pa gang shes pa/ /nga yi slob ma zhes bya'o/ /gang po byang chub sems dpa' gang chos bzhi po 'di dang ldan par gyur na</font><hr>81.195a<br><font size=+1>

mang du thos pa rgya mtsho chen po lta bur bsags pa yin pas yongs su gtugs par mi 'gyur zhing rtag par mang du thos pa'i gter rin po che bsags nas chos rnams la nges pa'i don thob pas tshig gi don rnams legs par khong du chud par 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ /rtag tu mang thos gnyer 'dod pa/ /sangs rgyas rnams ni bsngags 'gyur zhing / /yang dag nges don thob 'gyur bas/ /de phyir rgya mtsho lta bur 'gyur/ /yi ge 'bru ni gcig pu dang / /tshig gi don ni gcig tsam yang / /bskal pa bye ba brgya stong du/ /brjod kyang zad par mi 'gyur ro/ /de phyir yang dag chos gnyer bya/ /gnyer nas tshul bzhin bsam bya yi/ /chos kyis mtshan nyid mi blang zhing / /sangs rgyas bsngags la zhen mi bya/ /de bzhin gshegs pa rjes dran zhing / /yang dag chos ni dran par bya/ /'dod chags rtsod med sems kyis ni/ /'dren pa yongs su gnyer bar bya/ /rtag par sems can rnams la ni/ /byams pa'i sems ni bsgom par bya/ /sems can la ni zhen med par/ /chos rnams thams cad zhi bar bya/ /byang chub sems dpa' grags chen gyis/ /'di 'dra'i chos ni sgrub byed na/ /myur du gzungs ni 'thob 'gyur bas/ /mang du thos pa de las skye/ /ji ltar nam mkha'i ngo bo nyid/ /'phel zhing 'grib pa med pa ltar/ /chos nyid kyang ni de bzhin te/ /'phel ba med cing 'grib pa med/ /ngas ni shes rab stobs dag gis/ /bskal ba tshad med grangs med du/ /chos rnams yongs su bshad gyur kyang / /'on kyang bshad pa zhes mi brjod/ /sems can nyid ni ji snyed pa/ /thams cad mi lus thob gyur te/ /kun kyang rab tu byung nas ni/ /mang thos kun dga' bzhin gyur kyang / /gzungs thob byang chub sems dpa' yis/ /sems can de dag thams cad la/ /bskal pa bye bar chos bshad kyang / /de yi shes rab gtugs mi 'gyur/ /sangs rgyas mkhyen pa mtshungs</font><hr>81.195b<br><font size=+1>

med pas/ /nam mkha' 'dra bar tshad kyang med/ /nam mkha' skye 'byung med pa ltar/ /mkhyen pa yang ni de bzhin no/ /klu yis chu ni ma blangs par/ /char chen dag ni 'bebs byed pa/ /chu de la ni gnas med kyang / /char 'bebs pa la mthar thug med/ /byang chub sems dpa' de bzhin du/ /gzungs 'di thob par gyur pa na/ /chos rnams la ni gnas med kyang / /rkyen de bshad na zad mi 'gyur/ /de phyir mang thos btsal bar bya/ /btsal nas tshul bzhin bsam bya ste/ /chos dmigs sangs rgyas rjes dran na/ /mang du thos pa de las skye/ /byams pas sems can kun khyab ste/ /sems can mtshan ma zhi byed cing / /chos kyi mtshan ma 'ang zhi byed na/ /mang du thos pa de las skye/ /mang du thos pa'i le'u ste gnyis pa'o// // bcom ldan 'das kyis bka' stsal pa/ /gang po byang chub sems dpa' chos bzhi dang ldan par gyur na bla na med pa yang dag par rdzogs pa'i byang chub las phyir ldog par mi 'gyur ro/ /bzhi gang zhe na/ byang chub sems dpa' ni sngon ma thos pa'i chos thos par gyur na don gyi tshul rab tu sems par byed kyi 'di ma yin no zhes smra bar mi byed de/ byang chub sems dpa' gang chos dang po 'di dang ldan par gyur na bla na med pa yang dag par rdzogs pa'i byang chub las phyir ldog par mi 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ bdag gi yid dang mi 'ga' ba'i/ /ma thos chos ni thos gyur na/ /don gyi tshul ni sems byed kyi/ /chos min zhes ni smra mi byed/ /gal te stong pa'i chos thos na/ /rtag tu don tshul tshol byed pas/ /de phyir shes rab 'phel 'gyur zhing / /byang chub lam ni de nas skye/ /ma thos chos ni thos gyur na/ /don gyi tshul ni tshol byed pas/ /byang chub las ni mi ldog cing / /shes rab dag ni 'phel bar 'gyur/ /ma thos chos ni thos gyur na/ /nga rgyal ngan pa'i sems mi 'brang / /g.yo sgyu dag kyang skyed mi byed/ /g.yo skyed pa ni byang chub min/ /ma thos chos ni thos gyur na/ /de yi don ni tshol byed pas/ /sngon</font><hr>81.196a<br><font size=+1>

chad thos par ma gyur kyang / /rtse gcig tu ni sems par byed/ /gang zag ngas ni chos thos tshe/ /yang dag chos ni thos 'gyur zhing / /rtag par sangs rgyas mang mthong bas/ /byang chub las ni ldog mi 'gyur/ /sangs rgyas mang po mthong nas kyang / / tshul bzhin zhu ba zhu byed pas/ /nyan thos dag gis thos na yang / /thams cad rab tu dga' bar 'gyur/ /'di ni ngo mtshar rmad ldan pas/ /'di 'dra'i zhu ba zhu bar byed/ /bdag cag bsam pa'ang yod min na/ /dngos po 'di thos ci smos zer/ /nyan thos ngo mtshar brjod pas na/ /lha klu thams cad dga' 'gyur zhing / /sangs rgyas bsngags pa brjod 'gyur ba/ /'di ni mang thos 'bras bu yin/ /zhu ba gang yod zhus pa'i tshe/ /sangs rgyas de bzhin lan 'debs pas/ /'khor 'dus mang po tshad med pa/ /thams cad phan pa che thob 'gyur/ /byang chub sems dpa' lan 'debs pa/ /mang thos 'di ni thos gyur na/ /'khor mang tshad med thams cad kyis/ /bla med chos mig thob par 'gyur/ /bcom ldan 'das kyis bka' stsal pa/ /gang po rgyu rkyen des na byang chub sems dpas sngon ma thos pa'i chos thos par gyur pa na mngon par yid ches pas dang du len cing 'gal ba med pa'i sems kyis tshul bzhin du bsams nas 'di ni ma yin no zhes smra bar mi byed na/ des sems can tshad med pa rnams kyi don byed par 'gyur bar rig par bya'o/ /gang po sngon 'das pa'i skal pa grangs med/ tshad med/ dpag tu med/ bsam gyis mi khyab pa'i yang ches bsam gyis mi khyab pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das yon tan thams cad kyi 'od zer gyi rgyal po zhes bya ba byung ste/ gang po bcom ldan 'das yon tan thams cad kyi 'od zer gyi rgyal po de'i sku tshe'i tshad ni bye ba phrag brgyad bcu thub par</font><hr>81.196b<br><font size=+1>

gyur to/ /bcom ldan 'das de'i 'khor dus pa re re la yang nyan thos kyi dge 'dun gang gA'i klung brjod kyis mi lang ba'i bye ma snyed chos rnams la len pa med cing zag pa zad nas sems rnam par grol ba'i dgra bcom pa gnyis ga'i cha las rnam par grol ba sha stag byung ste/ byang chub sems dpa'i tshogs kyi grangs kyang de bzhin no/ /gang po bcom ldan 'das de mya ngan las 'das pa'i 'og tu dam pa'i chos ni lo drug khrir gnas par gyur to/ /de yongs su mya ngan las 'das su nye ba'i tshe byang chub sems dpa' bye ba brgya phrag mang po thams cad rdzu 'phrul gyi stobs kyis dam pa'i chos bsrung ba'i phyir 'dzam bu'i gling bye ba brgya phrag mang po kun du khyab par gyur pas 'dzam bu'i gling re re na yang byang chub sems dpa' re re gnas par gyur to/ /gang po bcom ldan 'das yon tan thams cad kyi 'od zer gyi rgyal po de yongs su mya ngan las 'das pa'i 'og tu de'i nyan thos rnams khad kyis le lo dang / snyom las can du gyur nas 'di lta bu'i mdo sde zab mo dag kha ton du 'don cing yongs su 'dzin pa med par gyur bas chos rnams stong pa nyid dang ldan pa'i mdo sde dang / tshul khrims rnam par dag cing sbyangs pa'i yon tan dang ldan pa'i mdo sde thams cad kyang mthar gyis nub par gyur te/ de dag gis bklag pa dang / kha ton du 'don pa dang / rnam par bshad pa ma byas pa'i phyir de'i bstan pa las chos kyi sde snod shin tu yangs shing rgya che ba brgyad khri bzhi stong yod la/ chos kyi sde snod re re la yang mdo sde bye ba khrag khrig brgya stong phrag drug bcu rtsa brgyad yod de mdo'i sde re re la yang ched du brjod pa'i sde sum khri drug brgya yod de/ ched du brjod pa'i sde re re la yang tshigs su bcad pa bye ba phrag drug khri bdun brgya yod de/ gang po de'i tshe de'i dus tha ma la dam pa'i chos nub tu nye ba na sangs rgyas kyi chos kyi sde snod mang po de dag las mdo'i sde dang / ched du brjod pa'i sde 'ba' zhig lus par gyur to/ /de'i tshe chos smra ba'i dge slong mthu bo che zhe bya ba zhig yod de/ 'dzam bu'i</font><hr>81.197a<br><font size=+1>

gling 'dir de bzhin gshegs pa'i rdzu 'phrul gyi mthus dam pa'i chos bsrung ba'i phyir chos smra ba mthu chen thob pa mang du thos shing rgya che ba/ chos legs par ston pa/ tshig rgyan dang ldan pa/ don gyi tshul gsal bar rtogs pa des rtag par sngon ma thos pa'i chos bsgrags pa la mos par gyur to/ /des chos bsgrags par gyur pa na skye bo mang po phal cher skur ba 'debs shing 'gal bar byas par gyur pas chos smra ba'i dge slong mthu chen thob pa de 'di snyam du 'di ltar skye bo mang po 'di dag sngon ma thos pa'i chos thos par gyur kyang mngon par yid mi ches pas mnyan pa dang / len par mos pa yang med la/ gal te thos par gyur na yang khong du mi chud pas rjes su 'brang bar mi byed cing 'gal bar byas nas skyon 'byin par byed pas 'di skad du 'di ni sangs rgyas kyi bka' yang ma yin la/ ston pa chen po'i bstan pa yang ma yin no/ /de ci'i phyir zhe na/ bdag cag gis sngon chad nam yang slob dpon dang / mkhan po las 'di lta bu'i mdo sde ma thos la/ gzhan yang dge slong gnas brtan rgan rabs gang yang slob dpon dang / mkhan po las 'di lta bu rgyud de thos par mi smra bas so zhes dge slong mang po de skad kyang zer la/ mdo'i sde dang / ched du brjod pa'i sde tsam las ma lus pas deng bdag ci'i phyir gcig pu gnas dben par mi 'gro snyam mo/ /gang po chos smra ba'i dge slong mthu chen thob pa de/ de snyam du bsams nas gcig pu ri phug dben par gnas par gyur to/ /de'i tshe 'dzam bu'i gling na bskal pa chags tshun chad grong khyer chen po chur dpag tshad bcu gnyis yod pa/ zheng du dpag tshad bdun yod cing rab tu mdzes par byas pa/ lam srang rnams thad kar 'bab pa/ skye bo mang pos gang ba/ lo legs shing bde bar gyur pa drug khri brgya stong yod par gyur to/ /de'i 'og tu phyis yang grong khyer chung ngu kha cig ni dpag tshad bdun yod pa/ kha cig ni dpag tshad drug dang / lnga dang / bzhi dang / gsum dang / </font><hr>81.197b<br><font size=+1>

gnyis yod pa nang gi chung ba'i tshad kyang dpag tshad gcig yod bye ba phrag brgyad bcu rtsa bzhi byas par gyur te/ gang po de'i tshe 'dzam bu'i gling na grong khyer chen po rab tu dben pa zhes bya ba na khyim bdag sha ni zhes bya ba zhig byung ba de'i bu ni ma hA shu ma ta zhes bya ste/ khyim bdag de'i bu de dben pa na gnas pa las lha zhig 'ongs nas tshigs su bcad de smras pa/ khyod kyis nan tan chos dag la/ /btsal nas tshul bzhin soms shig dang / /de bzhin gshegs pa yon tan rgyal/ /khyod 'tshang rgya bar lung ston to/ /gang po lha des tshigs su bcad pa 'di smras nas mi snang bar gyur to/ /de nas khyim bdag gi bu de pha'i drung du song nas rkang pa la mgo bos phyag byas te/ 'di skad du bdag ni rab tu byung nas bcom ldan 'das yon tan thams cad kyi 'od zer gyi rgyal po'i bstan pa la tshangs pa'i spyod par 'dod do zhes smras pa dang / de nas khyim bdag sha nas tshigs su bcad de smras pa/ nga'i khyim na rin chen mang / /gser dngul dag ni tshad kyang med/ /'dzam bu'i gling na med pa kun/ /nga yi khyim na ldan par yod/ /ngas ni rin chen btsal ba yang / /bu 'dod spyod phyir btsal btsal na/ /ci phyir rab tu 'byung byed cing / /'jig rten smod la dga' bar byed/ /de nas khyim bdag gi bu des tshig su bcad de pha la smras pa/ bdag ni rtag tu chos tshol mos/ /btsal nas yang dag tshul bzhin sems/ /longs spyod myong bar mi dga' bas/ /'jig rten 'dren pa byed par dga'/ /khyim gyi rin chen mi dgos pas/ /bdag ni 'dod pa nyung la mos/ /chos kyi gter ni dbyung ba'i phyir/ /rab tu 'byung bar mos pa yin/ /sangs rgyas 'byung ba rab tu dkon/ /chos bstan pa yang rab tu dkon/ /deng bdag sangs rgyas bstan phrad na/ /ci yi phyir na gtang bar bya/ /gang po de nas khyim bdag gi bu des pha'i rkang pa la phyag byas te bskor ba byas nas phyir byung ste 'gro ba'i tshe tshigs su bcad pa 'di dag smras so/ /pha ni bye ba 'bum yod cing / /</font><hr>81.198a<br><font size=+1>

ma ni bye ba brgya yod kyang / /deng bdag rab tu 'byung ba'i sems/ /gang gis kyang ni bzlog mi nus/ /deng bdag lus srog pha ma dang / gnyen 'dab kun ni rab spangs nas/ /sangs rgyas chos ni mi spong bar/ /rab byung spyod pa gnyer bar byed/ /gang po de'i tshe khyim bdag gi bu des tshigs su bcad pa 'di dag smras nas rab tu byung bar gyur te/ chos smra ba'i dge slong mthu chen thob pa ga la ba der song nas chos mnyan pa gnyer bar gyur ba dang / de nas de'i tshe chos smra ba mthu chen po thob pas kyang de la sngon ma thos pa'i mdo sde rgya cher yang dag par rab tu bstan to/ /de nas dge slong ma hA shu ma tas sngon ma thos pa'i mdo sde thos par gyur nas chos smra ba mthu chen thob pa la 'di skad ces smras so/ /bdag gis 'di lta bu'i mdo sde sngon chad ma thos na mdo sde 'di lta bu 'di sus ni klog par byed/ sus ni 'dun par byed/ sus ni yang dag par blangs nas 'dzin par byed/ gnas gang du ni thos par 'gyur/ mthu chen thob pas smras pa/ bdag gis sngon gyi tshe rabs rjes su dran pa'i dge ba'i rtsa ba'i rgyu dang rkyen gyis de bzhin gshegs pa yon tan thams cad kyi 'od zer gyi rgyal po'i byin gyis brlabs kyi mthu'i dbang gis 'di lta bu'i mdo sde zab mo rang gi ngang gis sems la gnas par gyur to/ /gang po de'i tshe dge slong ma hA shu ma tas de skad ces smras pa thos nas lhag pa'i bsam pa bskyed de rjes su bsam pas shes rab kyi mthu skyes pas shes rab dang / thabs mkhas pa chen po'i stobs kyis chos smra ba mthu chen thob pa la dri ba dris pa dang / mthu chen thob pas kyang don gyi rjes su lan yang dag par btab nas 'di skad du sngon de bzhin gshegs pa yon tan thams cad kyi 'od zer gyi rgyal po la dge slong zhig gis dngos po 'di deng khyod kyis ji skad dris pa de bzhin du de bzhin gshegs pa de la zhus pa dang / de bzhin gshegs pa</font><hr>81.198b<br><font size=+1>

pa des kyang de bzhin du yang dag par lan btab pa dge slong des thos par gyur nas shin tu dga' bar gyur to zhes smras so/ /gang po de'i tshe dge slong ma hA shu ma tas chos smra ba mthu chen thob pa la yang de skad du dris pa dang / mthu chen thob pas kyang 'di skad du sngon de bzhin gshegs pa yon tan thams cad kyi 'od zer gyi rgyal po la dge slong zhig gis dngos po 'di deng khyed kyis ji skad dris pa de bzhin du zhus pa dang / de bzhin gshegs pa des kyang de bzhin du lan btab pa dge slong des thos nas shin tu dga' bar gyur to zhes smras so/ /dge slong ma hA shu ma tas chos smra ba mthu chen thob pa la yang 'di skad du dris pa dang / mthu chen po thob pas kyang 'di skad du sngon de bzhin gshegs pa yon tan thams cad kyi 'od zer gyi rgyal po la dge slong zhig gis dngos po 'di deng khyod kyis ji skad dris pa de bzhin du zhus pa dang / de bzhin gshegs pa des kyang de bzhin du lan yang dag par btab pa dge slong des thos nas shin du dga' bar gyur to zhes smras so/ /gang po de'i tshe dge slong ma hA shu ma tas chos smra ba mthu chen thob pa la 'di skad ces smras so/ /kye skyes bu dam pa sngon de bzhin gshegs pa las zhus pa dang / lan 'debs pa'i dngos po'i de lta bu lan du zhig thos par gyur/ mthu chen thob pas smras pa/ dngos po 'di ni shin du yid ches par dka' bas dngos po 'di ma dri bar zhog shig /gzhan yang gang lus kyi chos kyi khyad par 'phags pa mngon sum du ma byas pa dag gis kyang shin du yid ches par dka'o/ /de bzhin du lan gnyis lan gsum gyi bar du ma hA shu ma tas kye skyes bu dam pa sngon de bzhin gshegs pa las zhus pa dang / lan 'debs pa'i dngos po 'di lta bu lan du zhig thos par gyur/ mthu chen thob pas smras pa/ dngos po 'di ma dri bar zhog shig gal te khong du ma chud par gyur na deng khyod la dpes nye bar mtshon par bya ste/ blo dang ldan pa dag ni dpes nye bar mtshon na</font><hr>81.199a<br><font size=+1>

rab tu rtogs par 'gyur ro/ /dge slong bdag gis de bzhin gshegs pa yon tan thams cad kyi 'od zer gyi rgyal po las sems can gyi rang bzhin thos pa ni sa chen po'i rnam pa bas ches mang ngo / /dge slong gal te stong gsum gyi stong chen po'i 'jig rten gyi khams thams cad na yod pa'i sems can gyi rnam pa gzugs can nam/ gzugs can ma yi pa 'am/ 'du shes can nam/ 'du shes med pa 'am/ 'du shes med 'du shes med min ji snyed pa de dag thams cad kyis mi'i lus thob nas shes rab kyi stobs dang ldan par gyur la/ sems can de dag re res kyang yun se gol gtogs pa gcig la gang gA'i klung gi bye ma snyed kyi dri ba so so nas mi mthun pa dag dris par gyur/ dge slong de bzhin du phyogs bcu'i 'jig rten gyi khams ma lus pa thams cad na sems can ji snyed pa de dag thams cad kyis kyang bskal ba gcig gam/ bskal pa gcig las lhag pa'i bar du dri ba mang po de lta bu dris par gyur/ gzhan yang gang zag gcig gis se gol gtogs pa gcig la gang zag de snyed kyi dri ba tha dad cing 'thun pa thams cad dris par gyur/ de bzhin du gzhan yang gang zag gcig gis sems can ma lus pa mthar thug pa snyed kyi dri ba sna tshogs bskal pa gcig gam/ bskal pa gcig las lhag pa'i bar du dris par gyur na/ 'di ji snyam du sems/ dri ba de dag ci mang ba yin snyam 'am/ smras pa/ de shin du mang bas dper sla ba yang ma yin no/ /mthu chen thob pas dge slong ma hA shu ma ta la smras pa/ bdag gis deng khyod la yang dag par smras pa yin gyis the tshom ma za shig /ji ltar sems can ma lus pa de dag thams cad kyi bskal pa gcig gam/ bskal pa gcig las lhag pa'i bar du the tshom dris pa bas bdag gis de bzhin gshegs pa las chos kyi rnam grangs gcig thos pa'i sgo nas lan</font><hr>81.199b<br><font size=+1>

btab pa de bas kyang ches mang ngo / /de bzhin chos kyi rnam grangs kyi sgo gnyis dang / gsum dang / bzhi dang / lnga dang / bcu dang / nyi shu dang / sum bcu dang / bzhi bcu dang / lnga bcu nas/ brgya dang / stong dang / khri dang / 'bum la sog pa'i bar du yang de bzhin te/ dge slong bdag gis mdo tsam du bstan na bgrang pa'i ming dang / yi ge ji snyed pa thams cad ni tshad med pa/ mthar thug pa med pa/ bsam gyis mi khyab pas grangs de dag las yang dag par 'das par gyur kyang bdag gis ma lus par kha ton du bton nas yongs su bzung ngo / /dge slong dris pa de dag thams cad kyang chos kyi rnam grangs gcig tu 'dus par bdag gis rab tu shes te/ 'di lta ste/ de bzhin gshegs pa yon tan thams cad kyi 'od zer gyi rgyal pos yang dag par gsungs pa'i lam gyi tshig dang / sgo'i tshig dang / phyag rgya'i tshig dang / dngos gzhi'i tshig dang / rdo rje lta bu'i tshig dang / rab tu lci ba'i tshig dang / mi g.yo ba'i tshig dang / gting dpag dka' ba'i tshig gang yin pa'o/ /dge slong sgo gcig tu chos thams cad sdud pa ni 'di lta ste/ mngon par 'du byed pa med pa'i sgo dag yin pas chos thams cad dang / tshig thams cad kyang sgo des gzhi byed pas thams cad sgo der 'jug par 'gyur ro/ /mdo'i sde dang / ched du brjod pa'i sde thams cad kyang sgo der zhugs nas yi ge gcig rnam par phye ste yi ge mang po la 'jug par 'gyur ro/ /dge slong de bzhin du gzungs kyi sgo bdun khri brgyad stong po thams cad la yang 'jug par 'gyur te/ de la yang dbang po rnams kyi bye brag dgu khri nyis stong yod do/ /sems can gyi spyod pa'i sgo nas gzungs kyi kha dog brgyad khri yod do/ /lam gyi bye brag gis tha dad pa'i gzungs ji snyed pa de dag thams cad kyi ming gang yin pa yang bdag gis rab tu shes so/ /gzungs de dag re re la yang ming brgya yod pa dang / de bzhin du ming nyis brgya dang / ming sum brgya yod pa nas ming brgya stong du ma yod pa'i bar dag kyang</font><hr>81.200a<br><font size=+1>

bdag gis rab tu shes so/ /'dzam bu'i gling na yod pa nas phyogs bcu'i sangs rgyas kyi zhing khams las 'das pa'i bar dag na yod pa'i dmigs pa tha dad pa dang / ming tha dad pa ji snyed yod pa de dag thams cad kyang bdag gis rab tu shes so/ /mdor na de bzhin gshegs pa'i mthus chos rnams so so tha dad pa'i bye brag dang / dris pa dang / lan gyi bye brag ji snyed yod pa rnams kyang de bzhin gshegs pa yon tan thams cad kyi 'od zer gyi rgyal po'i byin gyi brlabs kyi mthus bdag gis rab tu shes so/ /gang po de'i tshe dge slong ma hA shu ma tas chos smra ba mthu chen thob pa la 'di skad ces smras so/ /skyes bu dam pa slar grong dang / grong khyer dang / grol rdal du gshegs te/ de bzhin gshegs pa yon tan thams cad kyi 'od zer gyi rgyal pos yang dag par gsungs pa'i chos kyi 'khor lo yang dag par rjes su bskor cing bdag gis gsol ba btab pa bzhin du gnang bar mdzad du gsol/ bdag gis yang dag par bsrung zhing chos mnyan par 'tshal lo/ /mthu chen thob pas smras pa/ da ltar gyi dus kyi dge slong rnams ni thams cad kyang le lo'i dang snyom las can du gyur te/ dge ba'i chos la sogs pa'i lhag pa'i bsam pa med pas khyod de skad ma zer cig /ma hA shu ma tas smras pa/ bdag ni deng phyin cad dge ba'i chos la lhag pa'i bsam pa bskyed nas chos de gnyer bar bgyid pas le lo mi bgyid do/ /gang po dge slong ma hA shu ma tas mthu chen thob pa grong dang / grong khyer dang / grong rdal du 'jug cing yang dag pa'i chos bshad par gsol ba btab nas rjes su bsrung ba byas te sngon ma thos pa'i chos yang dag par mnyan to/ /gang po de'i tshe dge slong ma hA shu ma ta skye bo rnams kyis rim gro dang / bsnyen bkur byas te mang po kun gyis tshul khrims srung ba dang / shes rab dang ldan pa dang / mang du thos pa'i yon tan mchog tshad med pa dang ldan pa'o zhes brjod par</font><hr>81.200b<br><font size=+1>

gyur to/ /de'i tshe dge slong ma hA shu ma tas grong dang / grong khyer dang / grong rdal dag tu song nas sems can mang po yang dag pa'i chos la gzung ba dang / gzhan yang sangs rgyas kyi bstan pa kun du spel ba'i ched du chos smra ba mthu chen thob pa'i bsngags pa yang rab tu brjod par gyur to/ /gang po de'i tshe dge slong ma hA shu ma tas skye bo mang po rnams yang dag par bskul nas chos la mchod par bya ba dang / dam pa'i chos mnyan pa'i phyir chos smra ba mthu chen thob pa la bsnyen bkur dang / rim gro dang / yang dag par bsrung ba byed du bcug go/ /gang po chos smra ba mthu chen thob pa yang dge slong ma hA shu ma tas yang dag par bsrung ba byas pas phyis grong dang / grong khyer dang / grol rdal dag tu song nas de bzhin gshegs pa yon tan thams cad kyi 'od zer gyi rgyal pos bskal pa grangs med pa rnams su byang chub mngon par bsgrubs pa gang yin pa de dag rnam pa sna tshogs kyi sgo nas rgya cher yang dag par bshad de/ kun tu rgya cher rab tu spel to/ /gang po 'di ltar dge slong ma hA shu ma tas kyang lo brgya'i bar du rtag par chos smra ba mthu chen thob pa'i rjes su 'brangs nas chos rnams yang dag par dris kyang rtag par gsar du tha dad pa'i chos yang dag par bstan gyi/  nam yang zlos bu smras par ma gyur to/ /gang po chos smra ba mthu chen thob pa yang dge slong ma hA shu ma tas yang dag par rab tu bsrungs pa'i phyir sems can tshad med pa snyed 'phags pa'i bstan pa la yang dag par btsud nas sems can tshad med pa snyed sangs rgyas kyi byang chub la yang dag par bkod do/ /gang po khyod kyis de'i tshe de'i dus na chos smra ba mthu chen thob pas dam pa'i chos yang dag par bsrungs shing chos legs par bshad pa de gzhan yin snyam du sems na de ltar mi blta ste/ de ni byang chub sems dpa' byams pa 'di nyid yin no/ /gang po dge slong ma hA shu ma ta yang chos smra ba yang</font><hr>81.201a<br><font size=+1>

yang dag par bsrungs shing gsol ba btab pa dang / grogs byas pa'i bsod nams kyi mthus shi ba'i 'og tu 'og gi phyogs su 'jig rten gyi khams bcu pa de bzhin gshegs pa 'khor mchog tu gyur pa zhes bya ba'i zhing du skyes nas de bzhin gshegs pa de la sems can thams cad kyi the tshom yongs su gcod pa zhes bya ba'i mdo sde 'di yang dag par zhus pa dang / de'i tshe de bzhin gshegs pa des kyang legs so zhes bya ba'i bsngags pa lan brgya stong du ma brjod nas de la chos thams cad sdud cing 'byung bar byed pa'i sgo zhes bya ba'i mdo sde yang dag par bstan to/ /mdo sde 'di yang dag par bstan pa na sems can tshad med pa snyed bla na med pa yang dag par rdzogs pa'i byang chub tu sems bskyed nas yang dag pa nyid du sems pa la rab tu zhugs par gyur to/ /gang po dge slong ma hA shu ma ta 'chi ba'i dus byas pa'i 'og tu gzhan yang de bzhin gshegs pa ri rab ces bya ba dang phrad nas de bzhin gshegs pa de la chos thams cad sdud cing 'byung bar byed pa zhes bya ba'i mdo sde yang dag par zhus pa dang / de'i tshe de bzhin gshegs pa des kyang legs so zhes bya ba'i bsngags pa lan brgya stong du ma brjod nas de la chos thams cad sdud cing 'byung bar byed pa'i sgo zhes bya ba'i mdo sde yang dag par bstan to/ /mdo sde 'di yang dag par bstan pa na sems can tshad med pa snyed bla na med pa yang dag par rdzogs pa'i byang chub tu nges par gyur to/ /de nas yang 'chi ba'i dus byas te de bzhin gshegs pa ri'i rgyal po zhes bya ba dang phrad nas de bzhin gshegs pa de la chos thams cad kyi sgo zhes bya ba'i mdo sde yang dag par zhus pa dang de'i tshe de bzhin gshegs pa des kyang legs so zhes bya ba'i bsngags pa lan brgya stong du ma brjod nas de la chos thams cad kyi sgo zhes bya ba'i mdo sde rgya cher yang dag par rab tu bstan to/ /mdo sde 'di dag yang dag par bstan pa na sems can tshad med pa</font><hr>81.201b<br><font size=+1>

snyed bla na med pa yang dag par rdzogs pa'i byang chub tu nges par gyur to/ /de nas yang 'chi ba'i dus byas te de bzhin gshegs pa tshangs pa'i dbyangs shes bya ba dang phrad nas de bzhin gshegs pa de la chos thams cad yang dag par sdud pa zhes bya ba'i mdo sde yang dag par zhus pa dang / de'i tshe de bzhin gshegs pa des kyang legs so zhes bya ba'i bsngags pa brjod nas de la chos thams cad yang dag par sdud pa zhes bya ba'i mdo sde rgya cher yang dag par bstan to/ /mdo sde 'di yang dag par bstan pa na sems can tshad med pa snyed bla na med pa yang dag par rdzogs pa'i byang chub tu nges par gyur to/ /gang po dge slong ma hA shu ma tas de bzhin gshegs pa gcig nas gcig tu sangs rgyas mang po dang phrad nas mdo sde mang po zhus pa dang / sems can yongs su bzlas nas bla na med pa yang dag par rdzogs pa'i byang chub la bkod pa gang yin pa de dag ngas gal te bskal pa 'am/ bskal pa las lhag par brjod par gyur na yang sangs rgyas mang po de dag gi mtshan dang / sems can ji snyed cig bla na med pa yang dag par rdzogs pa'i byang chub la yang dag par bkod pa de dag mthar thug par mi 'gyur ro/ /gang po dge slong ma hA shu ma tas ji tsam du de bzhin gshegs pa 'jig rten na mngon du bzhugs pa 'am/ yongs su mya ngan las 'das pa gang gA'i klung gi bye ma snyed kyi sangs rgyas rnams kyi bstan pa rnams yang dag par bsrungs pa'i grangs ni brjod kyis kyang mi lang ngo / /gang po de lta bas na byang chub sems dpa' sems dpa' chen po rnams kyis sngon ma thos pa'i chos thos nas don gyi tshul yid la byed/ sems par byed na yon tan rgya chen po de lta bu dag thob par 'gyur bar rig par bya'o/ /gang po khyod kyis de'i tshe de'i dus na dge slong ma hA shu ma tas chos smra ba mthu chen thob pa las sngon ma thos pa'i chos thos nas don gyi tshul gyi rjes su 'brangs par gyur ba de gzhan yin</font><hr>81.202a<br><font size=+1>

snyam du sems na de ltar mi blta ste/ de ni byang chub sems dpa' ke'u wer du zhes bya ba 'di nyid yin te/ de'i tshe dge slong ma hA shu ma tas yang dag pa'i chos bsrungs pa dang / sngon ma thos pa'i chos mnyan nas don gyi rjes su 'brang zhing tshig la mngon par zhen pa med pa'i rgyu dang rkyen gyis sangs rgyas mang po dang phrad nas mdo sde zab mo shin du gya nom pa mang po thos pa dang / sngon gyi dge ba'i rtsa ba'i rgyu dang rkyen gyi deng 'dir nga la yang chos thams cad yang dag par sdud pa rgya mtsho lta bu'i chos kyi rnam grangs zhes bya ba'i mdo sde zhus pa las kyang ngas kyang yang dag par bstan pas sems can tshad med pa snyed phan pa chen po thob par gyur ba yin no/ /de nas de'i tshe bcom ldan 'das kyis de ni 'di nyid yang bstan pa'i phyir tshigs su bcad de bka' stsal pa/ /byang chub sems dpas ma thos chos/ /thos nas don tshul bsam bya yi/ /bdag gi sngon chad ma thos zhes/ /de skad du ni smra mi bya/ /ma thos chos ni thos gyur na/ /yang dag dran pas don sems na/ /rgya mtshor 'bab chu shong ba bzhin/ /de phyir shes rab 'phel bar 'gyur/ /mang du thos pa 'phel 'gyur zhing / /shes rab dag kyang 'phel bar 'gyur/ /sangs rgyas mdzad pa thob 'gyur zhing / /rgya cher sems can phan yang 'dogs/ /mang thos rgya mtsho sogs 'gyur zhing / /shes rab dag kyang gtugs mi 'gyur/ /tshig gi don ni rab shes pas/ /khyad par nang na mchog tu 'gyur/ /de phyir sngon chad ma thos chos/ /yang dag par ni mnyan par bya/ /ma thos chos ni nyan byed na/ /de 'dra'i rnam smin thob par 'gyur// // bam po gnyis pa/ gzhan yang gang po byang chub sems dpa' sems dpa' chen pos mang du thos pa yongs su gnyer ba la shin du 'dun pa'i bsam pa bskyed cing gnas dben par gnas pa la mos pa'i</font><hr>81.202b<br><font size=+1>

bsam pa rab tu bskyed nas sems rtse gcig tu nan tan brtson 'grus kyis bla na med pa yang dag par rdzogs pa'i byang chub yongs su gnyer bar bya'o/ /yongs su gnyer nas kyang zhe sdang yongs su spang ba'i phyir byams pa bsgom par bya'o/ /'dod chags yongs su spang ba'i phyir mi sdug pa bsgom par bya'o/ /gti mug yongs su spang ba'i phyir rten cing 'brel bar 'byung ba bsgom par bya'o/ /gang po byang chub sems dpa'i brtson 'grus ni gang yin/ byang chub sems dpa' ji ltar na brtson 'grus rtsom par byed ce na/ gang po byang chub sems dpa' gang la la zhig bskal pa gcig gam/ bskal pa gcig las nyung ba zhig tu 'gro 'am 'dug pa dag tu rtag par brtson 'grus bskyed par bya'o snyam du sems na/ gang po di lta bu gang yin pa de ni yang dag pa'i brtson 'grus shes mi bya'o/ /byang chub sems dpa' gang la la zhig bskal pa gcig gam/ bskal pa gcig las nyung ba zhig tu tshul khrims rnam par dag pa bsrungs pa dang / dka' thub spyad pa dang / sbyangs pa'i yon tan dang ldan par gyur kyang dmigs pa'i dngos po'i rjes su 'dod pa'i sems bskyed na chos rnams kyi yang dag pa'i mtshan nyid dang bral bar gyur na 'di lta bu yang dag pa'i brtson 'grus shes mi bya'o/ /de nas bcom ldan 'das la tshe dang ldan pa gang pos 'di skad ces gsol to/ /bcom ldan 'das byang chub sems dpa'i yang dag pa'i brtson 'grus de bzhin gshegs pa rnams kyis rab tu bsngags par 'gyur zhing 'jig rten pa'i mkhas pa rnams kyis smad par mi 'gyur ba de gang lags/ bcom ldan 'das kyis bka' stsal pa/ gang po byang chub sems dpas sngon ma thos pa'i chos zab mo stong pa nyid dang ldan pa/ mtshan ma cung zad tsam yang med cing don dam pa'i rjes su 'thun pa de lta bu'i mdo sde zab mo thos</font><hr>81.203a<br><font size=+1>

par gyur na mi mthun zhing 'gal ba med par de'i don gsal bar rtogs par bya ba'i phyir nan tan brtson 'grus bskyed nas sems la nur ba med par nyan pa dang / len pa dang / klog pa dang / kha ton du 'don pa dang / gzhan la yang dag par rab tu ston par byed pa gang yin pa 'di ni byang chub sems dpa'i yang dag pa'i brtson 'grus shes bya'o/ /byang chub sems dpa' gang chos dang po 'di dang ldan par gyur na bla na med pa yang dag par rdzogs pa'i byang chub las phyir ldog par mi 'gyur ro/ /mdo sde zab mo thos nas de'i don rab tu rtogs te mi mthun pa med cing 'gal ba med pa'i brtson 'grus de lta bu de la ni sangs rgyas rnams kyis bsngags par 'gyur zhing 'jig rten pa'i mkhas pa rnams kyis kyang smad par mi 'gyur bas de'i phyir gang po byang chub sems dpa' ji ltar 'jig rten pa'i sems can rnams kyis gting mi rnyed pa gang yin pa de bdag gis 'di gting gi mthar thug par bya'o/ /'jig rten pa'i sems can rnams bying bar gyur pa'i gnas gang yin pa de bdag gis bying bar mi bya'o/ /'jig rten pa'i sems can rnams kyi 'jig gnas gang yin pa de dag la bdag gis 'jigs par mi bya'o snyam pa'i go cha bgo bar bya'o/ /de ci'i phyir zhe na/ bdag gis go cha bgos pa ni 'jig rten pa dang rjes su 'thun pa ma yin pas 'jig rten pa'i chos spang ba'i phyir go cha bgos pa yin/ 'jig rten pa'i chos spyod pa'i phyir go cha bgos pa ma yin gyi/  'jig rten pa'i spyod pa mi spyad par bya ba'i phyir go cha bgos pa yin/ 'jig rten pa'i chos kyi rjes su 'brang bar bya ba'i phyir go cha bgos pa ma yin gyi/ 'jig rten pa'i chos bzlog pa'i phyir go cha bgos pa yin no snyam du sems bskyed pa gang yin pa 'di ni gang po byang chub sems dpa' sems dpa' chen po</font><hr>81.203b<br><font size=+1>

rnams kyi yang dag pa'i brtson 'grus shes bya ste/ byang chub sems dpa' gang chos gnyis pa 'di dang ldan par gyur na bla na med pa yang dag par rdzogs pa'i byang chub las phyir ldog par mi 'gyur ro/ /de nas de'i tshe bcom ldan 'das kyis don 'di nyid yang dag par bstan pa'i phyir tshigs su bcad de bka' stsal pa/ /byang chub sems dpa' chos gnyer ba/ /rtag par brtson 'grus rab bskyed de/ /don gyi tshul ni sems byed pa/ /sgra yi rjes su yong mi 'brang / /byang chub sems dpa' tshig mi 'brang / /chos rnams stong par shes pa'i phyir/ /dge ba'i tshig ni tshol bar byed/ /bskal pa dag ni grangs med pa/ /bye ba stong phrag mang por ni/ /nyin mtshan rtag par 'dug gyur te/ /sems bskyed dka' ba rab spyod kyang / /sngon chad ma thos mdo sde dag /yid mi ches na brtson 'grus min/ /don zab gting ni gang rnyed pa/ /le lo can zhes mi bya'o/ /de 'dra'i brtson 'grus gang yin pa/ /sangs rgyas rnams kyis rab tu bsngags/ /'jig rten gting ni mi rnyed pa/ /de gting byang chub sems dpas rnyed/ /'jig rten 'jigs shing bying gyur kyang / /byang chub sems dpa' 'jig bying med/ /brtson pa'i sems kyis rtag tu ni/ /stong dben byang chub tshol bar byed/ /stong pa'i chos la 'jigs med pas/ /ldog cing bying bar gyur pa 'ang med/ /bdag chos mtshan nyid gnas pa las/ /de phyir 'jigs bying rab tu skye/ /chos rnams thams cad 'jig 'thor pa/ /de ni byang chub lam zhes bya/ /nan tan brtson 'grus gang skyed pa/ /mang thos rgya mtsho myur du 'grub/ /gzhan yang gang po byang chub sems dpas phung po lnga la mkhas par bya/ </font><hr>81.204a<br><font size=+1>

skye mched bcu gnyis la mkhas par bya/ /khams bcwa brgyad la mkhas par bya/ /rten cing 'brel bar 'byung ba'i yan lag bcu gnyis la mkhas par bya'o/ /phung po lnga dang / skye mched bcu gnyis dang / khams bcwa brgyad dang / rten cing 'brel bar 'byung ba'i yan lag bcu gnyis po la rab tu mkhas par gyur na gnas pa med pa'i ye shes yongs su 'grub par 'gyur ro/ /gnas pa med pa'i ye shes thob pa'i phyir chos thams cad la mi sems shing rnam par rtog par yang mi byed do/ /mi sems shing rnam par mi rtog pas sems can la chos bstan nas lta ba thams cad 'jig cing 'jig tshogs la lta ba rab tu 'dul bar 'gyur te/ byang chub sems dpa' gang chos gsum pa 'di dang ldan par gyur na bla na med pa yang dag par rdzogs pa'i byang chub las phyir ldog par mi 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ /byang chub sems dpas phung po lnga/ /skye mched bcu gnyis stong par shes/ /khams ni bco brgyad rab 'byed cing / /rten 'brel bcu gnyis rab tu rtogs/ /lnga phung rjes su mi 'brang zhing / /lus ni mi bden nyid du rig /phyi nang skye mched thams cad kun/ /rang bzhin dag ni stong par shes/ /de ltar chos rnams shes nas kyang / /gzhan dag la ni ston byed pas/ /de phyir byang chub sems dpa' de/ /shes rab rgya cher 'phel bar 'gyur/ /gzhan yang gang po byang chub sems dpa' sems dpa' chen po rnams ni ji ltar tshul khrims bcas pa dang / ji ltar 'dul ba la yang dag par bstan pa bzhin du legs par rjes su slob par byed pas yongs su nyams par mi byed de/ /byang chub sems dpa' ji ltar tshul khrims la slob par</font><hr>81.204b<br><font size=+1>

byed ce na/ chos thams cad slob par byed pa gang yin pa de ni byang chub sems dpa'i tshul khrims la slob pa zhes bya'o/ /de ci'i phyir zhe na/ gang po byang chub sems dpa' chos thams cad la slob par byed pa gang yin pa des ni thams cad mkhyen pa thob par 'gyur la/ chos shes pa des ni rnam par mi rtog pa'i shes rab thob par 'gyur te/ rnam par mi rtog pa'i shes rab des dngos po thams cad shes par 'gyur pas so/ /ji ltar dngos po thams cad shes par 'gyur zhe na/ byang chub sems dpa' ni nang gi dngos po thams cad dang / phyi rol gyi dngos po thams cad rab tu shes pa gang yin pa'o/ /gang po ci'i phyir nang zhes bya zhe na/ nang zhes bya ba ni ji tsam du myong ba dang bcas pa 'dod chags par bya ba'i gnas 'di lta ste/ nang gi lus rten cing 'brel bar 'byung ba yan lag bcu gnyis las skyes shing de la kun rdzob tu btags pa'i ming tsam du yod pa 'di ni mig go/ /'di ni rna ba'o/ /'di ni sna'o/ /'di ni lce'o/ /'di ni lus so/ /'di ni yid do zhes brjod pa gang yin pa 'di dag ni nang zhes bya'o/ /chos de dag la so so'i skye bo rnams mngon par zhen par byed pa'i phyir nang zhes bya ste/ 'di skad du bdag gis mig 'di lta bu thob par bya'o zhes brjod kyang de lta bu'i mig mngon par 'du byed pa med la/ de bzhin du rna ba dang / sna dang / lce dang / lus dang / yid thob par bya'o zhes brjod kyang 'di ltar rna ba dang / sna dang / lce dang / lus dang / yid mngon par 'du byed pa med par yang de na las kyi rkyen slong zhing rnam par smin pa rab tu skyes pas de'i phyir nang zhes bya'o/ /de'i bye brag la so so'i skye bo mngon par zhen nas 'di ni mig go/ /'di ni rna ba dang / sna dang / lce dang / lus dang / </font><hr>81.205a<br><font size=+1>

yid do zhes zer ba thams cad ni nang zhes bya'o/ /gzhan yang gang po nang nang zhes bya bas dngos po 'di gnyis mngon par 'du byed pa yang mi dben zhing slu bar byed pa yin no/ /byis pa so so'i skye bo mngon par zhen pas yang dag par blangs nas rtsod pa skyed par byed kyi/  gang po de bzhin gshegs pas ni 'di dag gzod ma nyid nas yang dag pa ji lta ba bzhin du thugs su chud pas mngon par zhen par mi mdzad do/ /de bzhin gshegs pas ji lta ba bzhin du thugs su chud nas mngon par zhen par mi mdzad ce na/ de bzhin gshegs pa ni chos 'di dag la phyogs par mi mdzad do/ /gang zhig la phyogs par mi mdzad ce na/ 'di lta ste/ mig 'di ni srid pa 'ching ba yin no zhes phyogs par mi mdzad la/ mig dang bral ba yang phyogs par mi mdzad do/ /rna ba dang / sna dang / lce dang / lus dang / yid la yang phyogs par mi mdzad la/ yid dang bral ba yang phyogs par mi mdzad do/ /de ci'i phyir zhe na/ gang po de bzhin gshegs pa ni chos 'di dag la nang zhes bya ba yang mi dmigs la/ phyi rol zhes bya ba yang mi dmigs pas de'i phyir de bzhin gshegs pas chos 'di dag la phyogs par mi mdzad do/ /de bzhin gshegs pa ni yang dag par gsung ba yin pas 'di skad du dge slong dag mig ni bdag kyang ma yin la gzhan yang ma yin no/ /de ci'i phyir zhe na/ rang gi ngo bo nyid dmigs su med pa'i phyir</font><hr>81.205b<br><font size=+1>

ro/ /chos gang ni mig yin/ mig ni su'i yin/ chos gang ni rna ba dang / sna dang / lce dang / lus dang / yid yin/ yid ni su'i yin te/ de ci'i phyir zhe na/ rang gi ngo bo nyid dang dmigs su med pa'i phyir ro/ /zhes gsungs pas so/ /gang po mig kyang deng so sor rab tu brtags/ rna ba dang / sna dang / lce dang / lus dang / yid kyang deng so sor brtags na chos gang la yang mngon par zhen cing len pa med do/ /de ci'i phyir zhe na/ gang gis ji tsam du chos la len pa dang bcas pa des ni sdug bsngal skyed par byed la/ sdug bsngal skyes pa'i phyir ni bde ba med par 'gyur bas de'i phyir gang po ji tsam du chos la len pa dang bcas pa/ thams cad ni sdug bsngal myong bar 'gyur la/ gang sdug bsngal myong bar 'gyur ba de ni sdug bsngal spong bar mi byed pas gang po 'di ni mig so sor brtags pa dang / rna ba dang / sna dang / lce dang / lus dang / yid 'jug pa'i gnas med par so sor brtag pa zhes bya'o/ /de ci'i phyir zhe na/ gang po gal te 'jug pa'i gnas yod par gyur na 'byung ba'i gnas kyang yod par 'gyur bas de'i phyir de bzhin gshegs pa rnams kyis kyang mig ni stong zhing bdag dang bdag gi ba med de/ rang bzhin gyis de 'dra zhing rna ba dang / sna dang / lce dang / lus dang / yid kyang stong zhing bdag dang bdag gis pa med de/ rang bzhin gyis de 'dra bas ngo bo nyid med de/ 'di ltar ngo bo nyid med pa gang yin pa de la ni mngon par 'du bya ba yang med la 'jig pa yang med do zhes gsungs so/ /gang po chos nyid 'di lta bu gang yin pa 'di ni de bzhin gshegs pa byung yang rung / de bzhin gshegs pa ma byung yang rung ste/ ngo bo nyid 'di ni rtag tu gnas pa nyid do/ /de bzhin gshegs pa ni chos rnams skye yang mi skye ba nyid du thugs su chud pas</font><hr>81.206a<br><font size=+1>

de'i phyir de bzhin gshegs pa ni yang dag par gsung ba yin pas 'di skad du de bzhin gshegs pa byung yang rung / de bzhin gshegs pa ma byung yang rung ste/ ngo bo nyid 'di ni rtag tu gnas pa nyid do zhes gsung ngo / /gang po ci'i phyir mi skye ba zhes bya/ ci'i phyir ni mi skye ba'i ye shes zhes bya zhe na/ gang po chos rnams mnyam pa nyid du gyur pa gang yin pa de ni mi skye ba zhes bya'o/ /lam gang yin pa de ni mi skye ba'i ye shes zhes bya'o/ /sdug bsngal zad pa gang yin pa de ni mi skye ba zhes bya'o/ /lam gang yin pa de ni mi skye ba'i ye shes zhes bya ste/ 'di ni de bzhin gshegs pas bden pa gnyis po 'di lta ste/ kun rdzob kyi bden pa dang / don dam pa'i bden pa yod par gsungs pa zhes bya'o/ /gang po de bzhin gshegs pas sdug bsngal gyi mtshan nyid ces gang gsung pa de nyid ni mtshan nyid med pa zhes gsungs so/ /sdug bsngal gyi mtshan nyid ces bya ba gang zhe na/ 'di lta ste/ 'dus ma byas kyi mtshan nyid gang yin pa'o/ /'dus ma byas kyi mtshan nyid gang yin pa de ni mtshan nyid med pa yin pas mkhas pa rnams kyis 'dus ma byas de nyid mtshan nyid med pa yin par rab tu shes so/ /gang po mkhas pa rnams kyis ji ltar 'dus ma byas de nyid mtshan ma med pa yin par rab tu shes par 'gyur zhe na/ 'di ltar 'dus ma byas kyi chos ni stong par yang shes/ rab tu dben pa yin par yang shes/ skyabs su 'gro ba'i gnas yin par yang shes/ phan pa mchog yin par yang shes/ yongs su gdung ba med par yang shes te/ mkhas pa rnams kyis de ltar 'dus ma byas rab tu shes kyang ye shes de la skye ba'i mtshan ma med do/ /gang po mkhas pa rnams ni mtshan ma rnams yongs su</font><hr>81.206b<br><font size=+1>

spangs pas don mchog dam pa mngon par 'du byed pa med pa/ 'jig pa med pa thob par 'gyur ro/ /gang po gang mngon par 'du byed pa dang bcas pa de la ni 'jig pa yod kyi/ gang mngon par 'du byed pa med pa de la 'jigs pa yang med do/ /'jigs pa med pa'i mtshan nyid gang yin pa de ni mtshan ma med pa yin no/ /'jig pa med pa'i mtshan nyid gang yin pa de ni smon pa med pa yin no/ /gang gis kyang mngon par 'dus ma byas la/ gang gis kyang 'jig pa med par dbyer med pa gang yin pa de ni gang po de bzhin gshegs pa rnams kyi bla na med pa yang dag par rdzogs pa'i byang chub mi 'jig pa'i mtshan nyid ces bya'o/ /de bzhin gshegs pa rnams kyi bla na med pa yang dag par rdzogs pa'i byang chub kyang gang zhe na/ 'di lta ste/ de bzhin gshegs pa rnams kyi dmigs su med pa gang yin pa'o/ /bcom ldan 'das la tshe dang ldan pa gang pos gsol pa/ bcom ldan 'das de bzhin gshegs pa rnams kyi dmigs su ma mchis pa de nyid gang lags/ /bcom ldan 'das kyis bka' stsal pa/ /gang po chos thams cad ni de bzhin gshegs pa rnams kyi dmigs su med pa yin no/ /bcom ldan 'das gal te de lta na ni chos thams cad kyang sangs rgyas rnams kyi byang chub lags par 'gyur ro/ /bcom ldan 'das kyis bka' stsal pa/ /gang po de de bzhin te/ chos thams cad sangs rgyas kyi byang chub yin yang byang chub de ni chos thams cad ces mi bya'o/ /chos thams cad ni sangs rgyas rnams kyis byang chub yin no/ /zhes bya ba yang kun rdzob tu btags</font><hr>81.207a<br><font size=+1>

pa tsam du brjod par zad de/ de ni le lo can rnams kyis rtogs par dka' zhing rig par dka' ba yin no/ /de ci'i phyir zhe na/ le lo can gang yin pa de dag ni chos rnams mnyam pa nyid du mngon par sgrub par mi byed la/ /mnyam par ma gyur pa gang yin pa de dag ni sangs rgyas dang rtsod par byed pas so/ /gang po gang dag mnyam pa nyid mngon par sgrub par mi byed ce na/ gang po 'jig rten pa thams cad ni mnyam pa nyid mngon par sgrub par mi byed do/ /sangs rgyas rnams kyi byang chub la ni mnyam pa yang med mi mnyam pa yang me de/ /gang po ngas lam 'dis bla na med pa yang dag par rdzogs pa'i byang chub mngon par rdzogs par sangs rgyas pas na rgyu dang rkyen de'i phyir mdo sde 'di dag las chos thams cad ni yang dag pa'i gnas skabs su thams cad kyang nges pa nyid du zhugs pa yin pas de ni nges par byang chub kyi sgor zhugs pa zhes bstan pa yin te/ de'i phyir gang po chos thams cad byang chub ces bya'o/ /de nas bcom ldan 'das la tshe dang ldan pa gang pos 'di skad ces gsol to/ /bcom ldan 'das de bzhin gshegs pa rnams kyi bla na med pa yang dag par rdzogs pa'i byang chub lags pa de ni nges pa yang lags/ /ma nges pa yang lags/ /tshig 'bru dang yi ger zhugs pa yang lags/ /tshig 'bru dang yi ger ma zhugs pa yang lags/ tshig la zhugs pa yang lags/ /tshig la ma zhugs pa yang lags pa de ni shin tu ngo mtshar che lags so/ /de ci'i slad du zhe na/ bcom ldan 'das deng bdag gis bcom ldan 'das las mdo sde 'di lta bu thos pas chos thams cad la rnam par</font><hr>81.207b<br><font size=+1>

nges pa'i snang ba thob lags so/ /bcom ldan 'das deng bdag gis chos rnams la rnam par nges pa'i snang ba thos pas dngos po gcig las kyang dngos po thams cad rtogs par gyur la/ dngos po thams cad las kyang dngos po gcig rtogs par gyur pas so/ /de nas bcom ldan 'das kyis tshe dang ldan pa gang po la bka' stsal pa/ /gang po khyod kyis 'di ltar myur ba kho nar sangs rgyas rnams kyi chos kyi don la rab tu zhugs par gyur ba legs so legs so/ /'di yang khyod kyi sngon 'das pa'i dus su sangs rgyas mang po rnams la mchod cing rim gro byas pa dang / /dge ba'i rtsa ba rnams bskyed nas nye bar bsten te zhu ba dag zhus pa las gyur ba yin par rig par bya'o/ /gang po ngas mngon par dran te 'das pa'i dus kyi tshe zhing 'di nyid kyi nam mkha'i phyogs gcig na khyod kyis sangs rgyas drug khri brgyad stong las mdo sde 'di thos pa'i dge ba'i rtsa ba'i yon tan gyi rgyu dang rkyen gyi dbang gis khyod kyis chos rnam par nges pa'i snang ba thob pa yin no/ /bcom ldan 'das gal te bdag gis sangs rgyas mang po las mdo sde 'di sngon thos par gyur ba zhig lags na/ ci'i slad du bla na med pa yang dag par rdzogs pa'i byang chub rjes su dran pa'i bsam pa gcig tsam yang ma mchis pa lags/ bcom ldan 'das kyis bka' stsal pa/ gang po ngas mngon par dran te 'das pa'i dus kyi tshe khyod kyis bskal pa gcig gi bar du bla na med pa yang dag par rdzogs pa'i byang chub tu sems bskyed pa las slar log cing nyams par gyur kyang de'i bsod nams kyi rgyu dang rkyen gyis ngas deng 'dir khyod chos smra ba rnams kyi nang na mchog tu gyur pa zhes brjod pa yin no/ /bcom</font><hr>81.208a<br><font size=+1>

ldan 'das la tshe dang ldan pa gang pos gsol pa/ bcom ldan 'das bdag gis sngon mi dge ba'i las ci zhig bgyis na bskal pa gcig gi bar du bla na med pa yang dag par rdzogs pa'i byang chub tu sems bskyed pa las slar log cing nyams par gyur lags/ bcom ldan 'das kyis bka' stsal pa/ gang po khyod kyis mi dge ba'i grogs po la bsten pa'i phyir dang / gzhan yang khyod kyis dam pa'i chos rgya cher ma spel ba'i phyir khyod bla na med pa yang dag par rdzogs pa'i byang chub las slar log cing nyams par gyur pa yin no/ /gang po chos bzhi dang ldan na bla na med pa yang dag par rdzogs pa'i byang chub las ldog cing nyams nas nyan thos kyi theg par 'gyur ro/ /bzhi gang zhe na/ byang chub sems dpa' sdig pa mi dge ba'i grogs la bsten pa'i phyir dge ba'i rtsa ba yongs su spangs nas 'di skad du 'di ltar bla na med pa'i byang chub tu sems bskyed ci dgos/ 'khor ba'i mtha' ni shin tu thag ring ste 'gro ba lnga po rnams su kha brgyud cing sdug bsngal tshad med myong bas khom pa dang phrad pa yang shin tu dkon/ sangs rgyas 'byung ba dang phrad pa yang shin tu dkon/ shin tu dang ba'i dad pa thob pa yang shin du dkon/ sangs rgyas 'byung ba dang phrad par gyur na yang khyim nas khyim med par rab tu 'byung ba ches shin tu dka' bas deng khyed khom pa dang ldan pa chud ma gzan cig /khyod de bzhin gshegs pa rnams las bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar lung bstan pa thob pa yang ma yin pa/ dge ba'i rtsa ba nges par gyur pa yang ma yin pas yongs su mya ngan las 'da' ba yang </font><hr>81.208b<br><font size=+1>

mi thob cing 'gro ba lnga po rnams su 'khor bar 'gyur ro zhe smras pas gang zag des de skad smras pa thos pa'i dbang gis sems bying nas byang chub kyi lam las ldog cing le los mos par mi 'gyur te gang po byang chub sems dpa' gang chos dang po 'di dang ldan par gyur bla na med pa'i byang chub las slar log nas nyan thos kyi theg par 'gyur ro/ /gzhan yang gang po byang chub sems dpa' gang byang chub sems dpa'i rjes su 'thun pa'i mdo sde 'di lta ste/ byang chub sems dpa'i sde snod kyi mdo dang / byang chub tu sems bskyed pa'i mdo dang / byang chub sems dpa'i bya ba yang dag par sdud pa'i mdo dang / pha rol du phyin pa drug dang rjes su 'thun pa'i mdo thos par ma gyur na/ 'di ltar thos par ma gyur pa'i phyir ji skad bstan pa bzhin du spyod par mi 'gyur/ ji skad bstan pa bzhin du yang dag par slob par mi 'gyur bas des byang chub sems dpas chos gang ni yongs su spang bar bya/ chos gang ni yang dag par blang bar bya ba'i rigs/ chos gang ni yang dag par blang bar bya ba'i mi rigs/ chos gang ni byang chub sems dpa'i chos yin/ chos gang ni nyan thos kyi chos yin pa bdag rab tu mi shes so/ /'di ltar mi shes shing rab tu 'byed par mi nus pa'i phyir bsten par bya ba'i rigs pa'i chos ni bsten par mi byed la/ bsten par bya ba'i mi rigs pa'i chos la ni rab tu bsten par 'gyur ro/ /des bsten par bya ba'i rigs pa'i chos ni sten par mi byed la/ bsten par bya ba'i mi rigs pa'i chos la ni rab tu bsten par byed pa'i phyir sangs rgyas rnams kyi byang chub kyi</font><hr>81.209a<br><font size=+1>

sems las rab tu nyams shing log par gyur pas sems kyang zhum ste/ le lo can du gyur nas sngon gyi smon lam rnams kyang yongs su gtong bar 'gyur te/ gang po byang chub sems dpa' gang chos gnyis pa 'di dang ldan par gyur na bla na med pa'i byang chub las slar log nas nyan thos kyi theg par 'gyur ro/ /gzhan yang gang po byang chub sems dpa' gang chos rnams yod pa nyid du 'dzin cing bdag tu mngon par zhen pa dang / log par lta ba rnams spyod cing mthar 'dzin pa'i lta bar ltung ba dang / log pa'i sdig pa rnams su bying ste drang dka' bar gyur nas mdo sde zab mo don dam pa'i rjes su 'thun pa dag thos par gyur na yang mngon par yid ches pa'i rtags cung zad tsam yang med cing 'gal bar byed pa dang / mngon par rtogs nas yang dag pa'i chos 'jig pa'i kha na ma tho ba dag slong bar byed na rgyu dang rkyen des mi khom pa'i gnas su skyes nas sangs rgyas rnams dang yang phrad par mi 'gyur/ dam pa'i chos kyang thos par mi 'gyur/ sangs rgyas rnams kyis rjes su bstan pa dag dang yang phrad par mi 'gyur/ dge ba'i bshes gnyen yang rnyed par mi 'gyur ro/ /des sangs rgyas rnams mi mthong ba'i phyir yang dag pa'i chos kyang thos par mi 'gyur ro/ /yang dag pa'i chos ma thos pa'i phyir sangs rgyas rnams kyis rjes su bstan pa dag dang phrad par mi 'gyur ro/ /sangs rgyas rnams kyis rjes su bstan pa'i chos dang phrad par ma gyur ba'i phyir dge ba'i bshes gnyen rnyed par mi 'gyur ro/ /dge ba'i bshes gnyen ma rnyed pa'i phyir khom pa'i gnas dang bral nas mi khom pa'i gnas su skye bar 'gyur ro/ /mi khom pa'i gnas su skyes pa'i phyir dge ba'i bshes gnyen dang bral nas mi dge ba'i 'grogs po dang phrad par 'gyur ro/ /mi dge ba'i grogs po'i rjes su 'brangs pa'i phyir sngon gyi yi dam</font><hr>81.209b<br><font size=+1>

brjed cing stor bar 'gyur ro/ /des sngon gyi yi dam brjed cing stor bar 'gyur ba'i phyir byang chub kyi sems kyang spong bar byed/ byang chub sems dpa'i theg pa yang spong bar byed pas slar ldog par 'gyur zhing byang chub kyi bsam pa yang gtan du stor nas 'khor ba'i chos 'ba' shig spyod cing theg pa chen po'i spyod pa'i chos mngon par sgrub par mi 'gyur te/ gang po byang chub sems dpa' gang chos gsum pa 'di dang ldan par gyur na bla na med pa'i byang chub las slar log nas nyan thos kyi theg par 'gyur ro/ /gzhan yang gang po byang chub sems dpa' gang 'di lta bu'i mdo sde thos par gyur yang lhag pa'i bsam pas gzhan dag la yang dag par ston par mi byed cing / sems zhum par gyur nas gcig tu 'gro ba la dga' zhing chos kyi ser sna byas nas gzhan dag la bstan pa'i 'dun pa med pa dang / chos kyis gzhan dag rgya cher yongs su sdud par mi byed na dge ba'i rtsa ba de'i rgyu dang rkyen gyis shes rab dang ldan pa rab tu nyams par 'gyur ro/ /shes rab dang dran pa nyams pa gyur ba'i dbang gis gzhan dag dang lhan cig mdo sde'i chos klog cing mngon par mi byed la/ chos kyis gzhan dag dang 'thun par mi byed pas gang zag de lus rjes ma thag tu byang chub sems kyang stor bar 'gyur la byang chub sems dpa'i bsam pa yang brjed par gyur te/ gang po byang chub sems dpa' gang chos bzhi po de dag dang ldan par gyur na bla na med pa'i byang chub kyi sems las slar log nas nyan thos kyi theg par 'gyur ro/ /de nas de'i tshe bcom ldan 'das kyis don 'di nyid yang dag par rab tu gsal bar bstan pa'i phyir tshigs su bcad de bka' stsal pa/ mi dge'i grogs po bsten byed cing / /byang chub la ni mi brtson na/ /rgyu dang skyen ni de yi phyir/ /bla med byang chub sems stor 'gyur/ /sdig pa'i bdag lta rab bskyed nas/ /mtha' dang log ltar gang lhung ba/ /chos 'jig sdig ni bslang pas na/ /mi khom gnas su skye</font><hr>81.210a<br><font size=+1>

bar 'gyur/ /mi khom gnas su skyes nas kyang / /byang chub sems ni gcod byed cing / /sngon gyi yi dam stong 'gyur pas/ /de phyir byang chub sems kyang nyams/ /de yis byang chub sems skye ba'i/ /chos ni thos par yong mi 'gyur/ /de yi sems ni 'phel gyur na/ /byang chub sems ni sgrub par 'gyur/ /dam chos rgya chen thos gyur kyang / /ser snas gzhan la ston mi mos/ /rgyu dang rkyen ni de yi phyir/ /byang chub lam ni ldog par 'gyur/ /byang chub sems dpa' theg chen gnyer/ /chos 'di bzhi ni shes par bya/ /chos 'di bzhi ni shes gyur na/ /byang chub sems ni skye bar 'gyur/ /de phyir sdig pa'i chos 'di bzhi/ /nan tan gyis ni rab spangs nas/ /stong nyid chos ni sgom byed na/ /dge ba'i bshes gnyen sten par 'gyur/ /'di lta'i mdo sde thos gyur na/ /ser sna dag ni mi bskyed par/ /nan tan gzhan la bsten par bya/ /de las byang chub rab tu skye/ /bcom ldan 'das kyis bka' stsal pa/ /gang po byang chub sems dpa' chos bzhi dang ldan na ji ltar yongs su bsngos pa bzhin du byang chub kyi sems las ldog par mi 'gyur zhing / ji ltar yongs su bsngos pa bzhin du dge ba'i rtsa ba rnams yongs su nyams par mi 'gyur ro/ /bzhi gang zhe na/ byang chub sems dpa' rnams tshul khrims rnam par dag pa yongs su bsrungs nas bsam pa rnams mngon par grub par byed pa dang / dran pa dang ldan zhing shes rab la yang dag par gnas pa dang / rab tu brtson pa'i sems kyis brtson zhing le lo med pa dang / mang du thos pa phun sum tshogs shing shes rab 'phel bar gyur ba dag yin te/ gang po byang chub sems dpa' gang chos bzhi po 'di dag dang ldan par gyur na ji ltar yongs su bsngos pa bzhin du byang chub kyi sems las yongs su ldog par mi 'gyur zhing / ji ltar yongs su bsngos pa bzhin du dge ba'i rtsa ba rnams yongs su nyams par mi 'gyur ro/ /de nas de'i tshe bcom ldan 'das kyis</font><hr>81.210b<br><font size=+1>

don de nyid gsal bar rab tu bstan pa'i phyir tshigs su bcad de bka' stsal pa/ byang chub sems dpa' tshul khrims ldan/ /dran pa zab cing thag kyang ring / /brtson pa'i sems kyis rab brtson zhing / /mang thos shes rab rgyan dang ldan/ /byang chub sems dpa' rtag tu ni/ /chos 'di bzhi la sten byed na/ /yid la bsams pa'i dngos po kun/ /thams cad rab tu grub par 'gyur/ /de phyir rtag tu khrims bsrung zhing / /nan tan brtson 'grus ldan par bya/ /chos dran rgyun ni mi gcod cing / /rtag par mang thos gnyer bar bya/ /khrims bsrungs gnas gtsang rab tu skye/ /dran pas shes rab sbyong bar 'gyur/ /brtson 'grus sangs rgyas chos kyang sbyong / /mang thos shes rab chen po skye/ /de bas byang chub sems dpa' rnams/ /de 'dra'i chos ni bslab par bya/ /de 'dra'i chos ni rab bslabs na/ /bla med 'khor lo skor bar 'gyur/ /gzhan yang gang po byang chub sems dpa' chos bzhi dang ldan par gyur na byang chub la phan 'dogs par 'gyur ro/ /bzhi gang zhe na/ tshul khrims srung ba ni byang chub la phan 'dogs pa'i chos so/ /bzod pa sgom pa ni byang chub la phan 'dogs pa'i chos so/ /brtson 'grus rtsom pa ni byang chub la phan 'dogs pa'i chos so/ /mang du thos pa ni byang chub la phan 'dogs pa'i chos te/ gang po chos bzhi po 'di dag ni byang chub la phan 'dogs pa zhes bya'o/ /de nas de'i tshe bcom ldan 'das kyis don 'di nyid gsal bar rab tu bstan pa'i phyir tshigs su bcad de bka' stsal pa/ byang chub sems dpa'i khrims srung ba/ /byang chub la ni phan 'dogs te/ /brtson 'grus dang ni bzod pa dang / /mang du thos pa de bzhin no/ /tshul khrims dag pa gang srung ba/ /smon lam thams cad 'grub par 'gyur/ /khrims gtsang phan 'dogs mang bas na/ /byang chub 'thob par yong mi dka'/ /byang chub sems dpa' bzod sgom pa/ /lus kyi mtshan dang shes rab 'grub/ /de phyir bzod pa rab bsgoms na/ /sangs rgyas mtshan dang</font><hr>81.211a<br><font size=+1>

shes rab gter/ /brtson 'grus kyang ni de bzhin du/ /byang chub mang du phan 'dogs pas/ /rtag tu brtson 'grus gang rtsom pa/ /byang chub 'thob par yongs mi dka'/ /mang thos kyis kyang phan 'dogs pas/ /thos nas chos la rab bsten cing / /chos min dag ni spong byed pas/ /byang chub 'thob par yong mi dka'/ /chos bzhi sa bon yin pas na/ /de las byang chub rab tu skye/ /de phyir byang chub sems dpa' rnams/ /chos kyi phan la bsten par bya/ /gzhan yang gang po byang chub sems dpa' sems dpa' chen po rnams chos bzhi dang ldan par gyur na lus kyi kha dog phun sum tshogs pa dang / longs spyod phun sum tshogs pa dang / 'khor phun sum tshogs pa thob par 'gyur/ nam yang rtag par sdig pa mi dge ba'i gnas mi khom pa rnams su skye bar mi 'gyur/ rtag par sangs rgyas rnams dang phrad par 'gyur/ sangs rgyas rnams kyis rab tu bsngags par 'gyur ro/ /bzhi gang zhe na/ byang chub sems dpa' ni byams pa bsgoms pas sems can thams cad la khong khro ba med cing gnod pa mi byed pa yin te/ gang po byang chub sems dpa' byams pa bsgoms pas sems can thams cad la khong khro ba med cing gnod pa mi byed pa ji lta bu zhe na/ byang chub sems dpa' byams pa sgom pa na sems can rnams la bdag gis yongs su bskyab par bya'o snyam pa'i byams pa bskyed pas sems can lus dang sems sdug bsngal ba dag mthong bar gyur pa na 'di skad du bdag gis nan tan brtson 'grus kyis sems can de dag 'khor ba'i sdug bsngal las yongs su bzlas nas sems can de dag la bdag gis bde ba sbyin par bya'o/ /bdag gis drangs nas 'khor ba'i sdug bsngal dang bral bar bya'o zhes sems can rnams la de lta bu'i sems bskyed par byed do/ /de lta bu'i sems bskyed nas kyang nan tan brtson 'grus kyis pha rol du phyin pa drug po sbyin pa dang / tshul khrims dang / </font><hr>81.211b<br><font size=+1>

bzod pa dang / brtson 'grus dang / bsam gtan dang / shes rab kyi pha rol tu pha rol du phyin pa dag yongs su goms par byed do/ /gang po byang chub sems dpa' ni shes rab kyi pha rol tu phyin pa'i rgyus pha rol tu phyin pa drug po dag phun sum tshogs par byed do/ /byang chub sems dpa'i shes rab kyi pha rol tu phyin pa ni gang yin/ ji ltar shes rab kyi pha rol tu phyin pa'i rgyus nan tan brtson 'grus skyed par byed ce na/ gang po byang chub sems dpa' ni 'di snyam du chos gang ni bdag ces bya ba yin/ chos gang ni bdag gi zhes bya ba yin snyam du sems shing 'jal bar byed de/ de ltar sems shing 'jal ba na bdag ces bya ba'i chos kyang yang dag par rjes su mi mthong la/ bdag gi zhes bya ba'i chos kyang yang dag par rjes su mi mthong ngo snyam du sems pas chos 'di la ni bdag ces bya ba'i chos kyang med la/ bdag gi zhes bya ba'i chos kyang med do snyam du sems so/ /byang chub sems dpa' bdag dang bdag gir 'dzin pa dang bral ba'i phyir lus stong pa nyid du rab tu shes so/ /lus stong pa'i phyir sems can yang stong ngo snyam mo/ /de ci'i phyir zhe na/ chos rnams la bdag dang bdag gir 'dzin pa yang stong pa yin na sems can lta smos kyang ci dgos snyam du sems pas so/ /byang chub sems dpas bdag dang bdag gir 'dzin pa dang bral ba'i phyir sems can stong pa nyid du rig par 'gyur ro/ /sems can stong pa'i phyir gzugs kyi phung po yang stong pa nyid du rig par 'gyur ro/ /gzugs kyi phung po stong pa'i phyir tshor ba dang / 'du shes dang / 'du byed dang / rnam par shes pa'i phung po yang stong pa nyid du rig par 'gyur ro/ /byang chub sems dpa' de ltar bdag dang bdag gir 'dzin pa dang 'bral ba'i phyir lus kyang stong pa nyid du rig par 'gyur ro/ /lus stong pa'i phyir sems can yang stong pa nyid du rig par 'gyur ro/ /sems stong pa'i phyir phung po rnams kyang stong pa nyid du rig par 'gyur ro/ /phung po rnams stong pa'i phyir 'di lta ste/ sad chu dang / me dang / </font><hr>81.212a<br><font size=+1>

rlung dang nam mkha' dang / rnam par shes pa'i khams kyang stong pa nyid du rig par 'gyur te/ sa'i khams kyang sa'i khams kyi mtshan nyid kyis stong / chu dang / me dang / rlung dang / nam mkha' dang / rnam par shes pa'i khams kyang rnam par shes pa'i khams kyi mtshan nyid kyis stong pas khams 'di dag la ni byed pa yang med la bya ba yang med do/ /gang byed pa med pa'i chos de ni stong pa yin no snyam mo/ /gang po byang chub sems dpa' 'di dag la bdag dang bdag gis 'dzin pa spangs pa'i phyir lus stong pa nyid du rig par 'gyur ro/ /lus stong pa'i phyir sems can yang stong pa nyid du rig par 'gyur ro/ /sems can stong pa'i phyir phung po rnams kyang stong pa nyid du rig par 'gyur ro/ /phung po rnams stong pa'i phyir khams kyang stong pa nyid du rig par 'gyur ro/ /khams rnams stong pa'i phyir skye mched rnams kyang stong pa nyid du rig par 'gyur ro/ /skye mched rnams stong pa'i phyir skye mched rnams kyi mtshan nyid kyang stong zhing skye mched rnams la byed pa med pa dang / bya ba med pa nyid du rig par 'gyur te/ chos gang byed pa dang bya ba med pa gang yin pa de ni stong pa yin no snyam mo/ /gang po byang chub sems dpa' ni de ltar chos thams cad stong pa nyid du lta bar byed do/ /chos thams cad stong par lta ba'i tshe chos rnams la ngo bo nyid kyis zhe sdang skye ba'i gnas yang dag par rjes su mi mthong ste/ gang po 'di ni byang chub sems dpa' sems dpa' chen po rnams kyi byams pa chen po lus stong pa nyid du rig pa'i byams pa dang / sems can stong pa nyid du rig pa'i byams pa dang / phung po dang / skye mched dang / khams rnams stong pa nyid du rig pa'i byams pa zhes bya'o/ /byang chub sems dpa' gang 'di lta bu'i byams pa sgom pa gang yin pa de ni chos thams cad stong pa nyid kyi byams pa sgom pa zhes bya'o/ /gang po 'di ni byang chub sems dpa' 'byams pa chen po sgom pa zhes bya'o/ /'di ltar byang chub sems dpa' ni bdag dang bdag gir 'dzin pa dang bral ba'i sems kyis bla na med pa</font><hr>81.212b<br><font size=+1>

yang dag par rdzogs pa'i byang chub la shin du 'dun pa bskyed nas/ sems can rnams la snying rje chen po skyed par byed pas sems can gang 'di ltar chos rnams kyi yang dag pa'i mtshan nyid khong du ma chud pa dang khong du chud par bya ba'i phyir go cha chen po bgos pa gang yin pa 'di ni byang chub sems dpa'i snying rje chen po spyod pa zhes bya ste/ bdag gis bskyab par bya'o snyam du sems pa'i phyir byams pa zhes bya'o/ /bdag gis drung bar bya'o snyam du sems pa'i phyir snying rje zhes bya ste/ byang chub sems dpa' gang 'di lta bu'i byams pa chen po dang ldan pa gang yin pa des ni sems can rnams kyi mgon dang / skyabs dang / gnas dang / gling dang / mthar phyin pa'i gnas phyed par 'gyur bas de'i phyir byang chub sems dpas de lta bu'i byams pa chen po bsgom par bya'o/ /sems can rnams la rjes su chags pa yang med la/ khong khro ba yang mi skyed pa gang yin pa 'di ni byang chub sems dpa'i sems can stong pa'i byams pa zhe sdang med pa zhes bya'o/ /gang po byang chub sems dpa' gang byams pa'i rgyu dang / bral ba'i rgyu dang / stong pa'i rgyus chos rnams skye ba med pa dang 'gag pa med pa la 'jug par 'gyur ba gang yin pa 'di ni byang chub sems dpa' byams pa chen po sgom pa zhes bya'o/ /byang chub sems dpa' gang gis de ltar chos rnams rab tu rtogs par gyur pa de la bdud dang bdud kyi 'khor rnams kyis tshugs par mi 'gyur te/ byang chub sems dpa' gang chos dang po 'di dang ldan par gyur pa de ni yon tan thams cad la sgrib pa'i 'ching ba rnams yongs su gcod par byed do/ /yon tan gyi 'ching ba yongs su bcad pa'i phyir mnyam pa nyid kyi pha rol du phyin pa rnams 'thob par 'gyur ro/ /de nas de'i tshe bcom ldan 'das kyis don 'di nyid rab tu gsal bar bstan pa'i phyir tshigs su bcad de bka' stsal pa/ byang chub sems dpas phung po dang / /khams dang skye mched de dag la/ /bdag med par ni rtag shes pa/ /byams sgom stong par lta bar byed/ /bdag dang bdag gi chos gnyis dag /</font><hr>81.213a<br><font size=+1>

nges par yang dag dmigs su med/ /chos rnams dmigs su med pas na/ /byams pa'i sems ni sgom par byed/ /chos rnams la ni mi gnas te/ /mi gnas pa yang ma yin pa/ /'di ni sangs rgyas rnams kyi lam/ /chos rnams mi gnas pa zhes bya/ /bla med bzod pa gang 'thob pa/ /chos rnams yang dag mtshan nyid bzod/ /chos rnams skye 'gag med do zhes/ /don gyi tshul ni rab tu rtogs/ /blo gros chen po ldan pa dag /chos 'di la ni sten byed na/ /rtag tu gya nom gzungs thob cing / /spobs pa dag kyang thob par 'gyur/ /rtag par sangs rgyas phrad par 'gyur/ /chos rnams kun gyi don rig 'gyur/ /de phyir byang chub sems dpa' de/ /bla med byang chub 'thob par 'gyur/ /gzhan yang gang po byang chub sems dpa' sems dpa' chen po rnams ni nan tan brtson 'grus kyis de bzhin gshegs pa rnams kyi mchod brten dag la mchod pa byed pas gus pa'i sems kyis me tog dang / spos dang / phreng ba dang / byug pa dang / spos kyi phye ma dang / gdugs dang / ba dan dang / rol mo sil snyan dang / mchod pa'i yo byad gya nom pa rnam pa sna tshogs kyis mchod par byed de/ byang chub sems dpa' gang chos gnyis pa 'di dang ldan par gyur na yon tan phun sum tshogs pa thams cad thob par 'gyur ro/ /de nas de'i tshe bcom ldan 'das kyis don de nyid rab tu gsal bar bstan pa'i phyir tshigs su bcad de bka' stsal pa/ byang chub sems dpa' me tog spos/ /ba dan dang ni gdugs mchog gis/ /blo mchog mchod rten rab mchod nas/ /shes rab mchog ni tshol bar byed/ /bsod nams 'di yi rkyen gyis na/ /byang bzhin dag ni mdzes par 'gyur/ /nor phyug rin chen rab tu mang / /'khor ni phun sum tshogs par 'gyur/ /byang chub nyid du nges gyur cing / /rtag tu chos la rab tu gnas/ /skye ba dag ni thams cad du/ /yon tan 'phel zhing mthon por 'gyur/ /rgyal po rnams kyis bkur byed cing / /lha klus rtag tu dran par 'gyur/ /sems can thams cad kun gyis kyang / /bkur sti</font><hr>81.213b<br><font size=+1>

dag ni byed par 'gyur/ /'das dang da lta bzhugs pa yi/ /sangs rgyas dag la mchod byed na/ /skye ba kun du mchod pa 'thob/ /rtag par mi khom med par skye/ /gzhan yang gang byang chub sems dpa' sems dpa' chen po rnams ni rtag par brtson pa'i sems kyis chos la mchod par byed do/ /chos shes bya ba ni gang / ji ltar na chos la mchod par byed ce na/ de la chos shes bya ba ni dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub yan lag bdun dang / 'phags pa'i lam yan lag brgyad pa dang / bsam gtan bzhi dang / zhi gnas dang / lhag mthong dang / rig pa dang / rnam par grol ba dang / rnam par thar pa'i sgo gsum dang / zad pa'i ye shes dang / mi skye ba'i ye shes gang yin pa 'di ni chos shes bya'o/ /ji ltar mchod par byed ce na/ chos de dag ji skad bstan pa bzhin du mngon par sgrub cing rjes su 'brangs nas 'gal ba med par 'dun pa dang / brtson 'grus bskyed de phun sum tshogs par mngon par sgrub pa gang yin pa 'di ni chos la mchod pa zhes bya'o/ /gzhan yang gang po chos la mchod pa zhes bya ba la/ chos ni mdo sde 'di lta bu dag yin la de la mngon par yid ches shing yid la sems pa dang / rnam par 'byed pa dang / rjes su 'brang zhing sems kyis 'gal bar mi byed pa gang yin pa 'di ni chos la mchod pa zhes bya ste/ byang chub sems dpa' gang chos gsum pa 'di dang ldan par gyur na yon tan phun sum tshogs pa thams cad 'thob par 'gyur ro/ /de nas de'i tshe bcom ldan 'das kyis don 'di nyid rab tu gsal bar bstan pa'i phyir tshigs su bcad de bka' stsal pa/ rtag tu chos mchod brtson byed pas/ /ji skad bstan pa bzhin du gnas/ /zab mo stong pa'i chos thos na/ /sems kyis 'gal bar yong mi byed/ /de phyir lus ni rtag mdzes shing / /spobs pa dag kyang 'thob par 'gyur/ /ngas ni ji skad</font><hr>81.214a<br><font size=+1>

bsngags pa'i chos/ /de ni rab tu 'phel bar byed/ /gzhan yang gang po byang chub sems dpa' sems dpa' chen po rnams ni rab tu brtson pa'i sems kyis de bzhin gshegs pa'i 'phags pa'i tshogs rnams la mchod pa byed pas me tog dang / spos dang / phreng ba dang / spos kyi phye ma dang / byug pa dang / gdugs dang / rgyal mtshan dang / ba dan dang / gos dang / bza' ba dang / btung ba dang / mal cha dang / na pa'i gsos sman dang / 'tsho ba'i yo byad dag dang / gtsug lag khang dang / kun dga'i ra ba dang / 'chag sa dang / khrus kyi rdzing dang / khron pa dang / las byed pa'i mi dang / 'di lta bu la sogs pa gzhan yang mchod pa'i yo byad rnam pa sna tshogs kyis 'di ltar 'phags pa'i tshogs rnams la mchod par byed de/ byang chub sems dpa' gang chos bzhi po 'di dang ldan par gyur na yon tan phun sum tshogs pa thams cad 'thob par 'gyur ro/ /de nas de'i tshe bcom ldan 'das kyis don de nyid rab tu gsal bar bsten pa'i phyir tshigs su bcad de bka' stsal pa/ mchod pa'i yo byad mchog dam pas/ /'phags pa'i tshogs ni mchod byed pas/ /bsod nams 'di yi rkyen gyis ni/ /skye ba kun tu longs spyod ldan/ /lus kyi kha dog rab mdzes shing / /spobs pa dag kyang 'thob par 'gyur/ /yon tan rnams ni phun tshogs shing / /shes rab dag ni 'phel bar 'gyur/ /drang po'i sems kyis mchod byas shing / /bdag dang bdag gi med pas na/ /shes pa 'di yi rgyu rkyen gyis/ /skye ba kun tu mchod pa 'thob/ /sangs rgyas rnams kyis bsngags pa yi/ /chos bzhi dag la rtag bsten na/ /skye ba kun tu cho rigs btsun/ /yon tan dag ni mngon thob 'phags/ /phyir mi ldog pa'i le'u ste gsum pa'o// // bam po gsum pa/ /de nas bcom ldan 'das kyis tshe dang ldan pa gang po la bka' stsal pa/ /gang po byang chub sems dpa' sems dpa' chen po gang theg pa chen po la yang dag par zhugs pas rtag par chos bzhi po 'di dag la bsten cing goms par byas na</font><hr>81.214b<br><font size=+1>

dge ba'i chos thams cad kyang phun sum tshogs par yongs su sdud par 'gyur la/ dge ba'i rtsa ba thams cad dang yang rab tu ldan par 'gyur ro/ /bzhi gang zhe na/ gang po rigs kyi bu 'am/ rigs kyi bu mo gang dag theg pa chen por sems bskyed pas bzod pa sgrub pa'i chos la bsten cing bsgom par bya'o/ /de ltar bzod pa'i chos sgom pa na gal te sems mnyam par gyur na shin du mnyam pa'i pha rol du phyin pa rnams kyang thos par 'gyur la/ sems can thams cad mnyam pa nyid kyi pha rol du phyin pa yang thob par 'gyur te/ byang chub sems dpa' des sems mnyam pa nyid kyi pha ro du phyin pa dang / ye shes mnyam pa nyid kyi pha rol du phyin pa dang ldan par gyur pa na/ gal te 'gro 'am/ 'greng ngam/ 'dug gam/ nyal lam/ gnyid log gam/ sad pa'i tshe yang rung ste/ gcin gyi bum pa 'am/ dug gi bum pa 'am/ khu tshan gyi bum pa 'am/ phyag dar rnams sam/ me dang thal ba'am bshang gci 'am/ thal ba tsha ba thogs pa zhig 'ongs nas mgo'i steng du blugs sam/ lus kyi yan lag kun du brdungs par gyur na/ byang chub sems dpas de la zhe sdang dang 'khon gyi bsam pa bskyed nas sems rnam par g.yeng zhing khong khro ba bskyed par yang mi bya'o/ /'di skad du bdag la nyes pa ci yod ces kyang smra bar mi bya'o/ /gzhan yang ngan sems kyis de la blta bar mi bya'o/ /sems rtse gcig tu rang gi chos don du gnyer zhing gang bsgrub par bya ba'i dngos po mi spang ba de ltar sems yongs su gdul bar bya'o/ /gang zag des rgyu dang rkyen gang gi phyir gcin gyi bum pa dang / dug gi bum pa dang / thal ba dang / me dag thogs te 'ongs nas bdag gi lus la gnod par byed pa na bdag gi lus ni dngos po 'di dag gi rgyu dang rkyen gyis na pa dang gnod par mi 'gyur ro zhes byang chub sems dpa' de'i tshe 'di ltar rgyu dang rkyen mang po'i chos la so sor brtags nas su zhig ni dngos po 'di sbyin par byed/ dngos po 'di ni su la sbyin par byed/ dngos</font><hr>81.215a<br><font size=+1>

po gang ni sbyin par byed ces des de ltar yang dag pa ji lta ba bzhin du yid la byed pa na sbyin par byed pa ni su yin/ len par byed pa ni su yin/ chos ni gang yin zhes chos 'ga' yang yang dag par rjes su mi mthong ngo / /de ltar yang dag pa'i dran pas yid la byed cing so sor rtog pa'i tshe 'di dang de zhes bya ba mi dmigs pa'i phyir chos thams cad dmigs par yang mi 'gyur la mthong bar yang mi 'gyur ro/ /byang chub sems dpa' des chos thams cad mi dmigs shing mi mthong ba'i phyir zhe sdang dang 'khon du 'dzin pa yang skyed par mi byed do/ /gang po byang chub sems dpas gal te de ltar bsams kyang zhe sdang dang 'khon du 'dzin pa'i bsam pa skyes par gyur na/ gzhan yang 'di ltar yang dag pa'i dran pas 'di snyam du reg bya gang gi rgyu dang rkyen gyis bdag gi lus lan par byed/ reg bya de dag gis gang du rig par 'gyur/ lus la gnod par gyur tam/ 'on te sems la gnod par gyur/ gal te lus la gnod par gyur pa yin na ni lus ni rtswa dang / shing dang / gyo mo dang / rdo dang / gzugs brnyen lta bu yin pas rtog pa med pa/ shes pa med pa yin te/ bdag kyang ma yin/ gzhan yang ma yin no/ /gal te sems la gnod par gyur pa yin na ni sems ni kha dog dang gzugs med pa/ skad cig mar skye zhing 'gag pa/ thang cig tsam yang mi gnas pas bdag kyang ma yin/ gzhan yang ma yin na yang dag pa ma yin pa'i rnam par rtog pas rnam par brtags nas 'di ni sdug bsngal lo/ /'di ni bde ba'o/ /'di ni sdug bsngal yang ma yin/ bde ba yang ma yin pa'o zhes zer bar zad pas deng bdag gis yang dag pa ma yin pa'i rnam par rtog pas rnam par brtags pa 'di bskyed par mi bya'o/ /deng bdag gis mnyam pa nyid kyi yang dag pa'i mtshan nyid du bltas nas 'phags pa'i bya ba rnams bsgrub par bya'i/ byis pa so so'i skye bo'i bya ba'i rjes su 'brang bar mi bya'o/ /'phags pa'i bya ba gang</font><hr>81.215b<br><font size=+1>

zhe na/ 'di lta ste/ chos rnams las thag ring du gyur cing rnam par grol ba gang yin pa'o/ /bdag ni thag bsring ba'i phyir slob pa yin/ mi phrad par bya ba'i phyir slob pa yin na yang dag pa ma yin pa'i rnam par rtog pa 'di dag ni thams cad kyang phrad par byed pa yin te/ su dang phrad par byed pa yin zhe na/ 'dod chags dang phrad par byed pa yin/ zhe sdang dang / gti mug dang phrad par byed pa yin no/ /ji ltar na 'dod chags dang / zhe sdang dang / gti mug dang phrad par byed pa yin zhe na/ lus la rmongs pa'i phyir dang / 'jig tshogs la lta ba la rmongs pa'i phyir dang / 'jig tshogs la lta ba la mngon par zhen pa'i phyir lus kyi sdug bsngal myong ba'i tshe gzhan dag la mnar sems skyed pa gang yin pa de ni zhe sdang dang phrad pa zhes bya'o/ /'jig tshogs la lta ba la rmongs pa dang bcas pa'i phyir dang / 'jig tshogs la lta ba la mngon par zhen pa'i phyir dang / yid dang mi mthun pa'i phyir gzhan dag la mnar sems bskyed pa gang yin pa de ni gti mug dang phrad pa zhes bya'o/ /gang dag 'di lta bu'i dug gsum gyis bcings nas 'di lta bu'i kha na ma tho ba'i las kyi rgyu dang rkyen slong bar byed na de bzhin gshegs pa rnams kyis kyang yongs su skyob par mi spyod na gzhan gyis lta smos kyang ci dgos te/ deng bdag gis rgyu dang rkyen gyi chos rnams shin du legs par so sor brtags nas chos stong pa nyid du blta bar bya'o snyam du bsam par bya'o/ /byang chub sems dpa' de ltar rjes su 'thun par yang dag par lta bas rgyu dang rkyen gyi chos rnams so sor rtog par byed pa na chos 'ga' tsam yang sus byin pa 'am/ sus len pa 'am/ dngos po gang yin pa yang dag par rjes su mi mthong ngo / /de'i tshe byang chub sems dpa' gzhan yang 'di snyam du chos thams cad ni rgyu dang rkyen mang po las skyes pa yin pas rang bzhin gyis gzod ma nyid nas stong pa yin te/ nges par dmigs su med par stong pa yin na/ bdag ci'i phyir</font><hr>81.216a<br><font size=+1>

yang dam pa ma yin pa'i chos dmigs su med pa dag la las mngon par 'dus byas nas zhe sdang bskyed de 'du byed kyi rgyu rkyen slong bar byed/ deng bdag gis zhe sdang dang 'khon du 'dzin pa med pa'i bsam pa bskyed nas mngon par 'du bya ba med pa dang / 'byung ba med pa dang / skye ba med pa'i chos mngon par bsgrubs nas stong pa nyid kyi chos nyid du blta bar bya'i/ bdag nyid kyi sems kyi rjes su 'brang bar mi bya'o/ /deng bdag gis mngon par 'du bya ba med pa dang / 'byung ba med pa dang / skye ba med pa'i chos la blta bar bya'i/ mngon par 'du bya ba dang / 'byung ba'i chos la gnas par mi bya'o/ /bdag gis yang dag pa ji lta ba bzhin du chos rnams bsam par bya'i/ deng bdag gis yang dam pa ma yin pa yod pa ma yin pa 'di nan gyis chos su 'du shes bskyed par mi bya ste/ yang dag pa ma yin pa la nan gyis mngon par 'du byed pa ni zhe sdang dang 'khon tu 'dzin pa dag yin no/ /de ci'i phyir zhe na/ chos kyi ngo bo la gnas pa la ni zhe sdang dang 'khon du 'dzin pa yod kyi/ chos rnams kyi yang dag pa'i mtshan nyid mthar stong pa nyid la ni gnas par bya ba'i chos kyi ngo bo gzod ma nyid nas med pas so snyam du bsam par bya'o/ /byang chub sems dpas de ltar chos rnams yid la byas par gyur na/ de'i sems rab tu dben par gyur bas zhe sdang dang 'khon du 'dzin pa skye bar mi 'gyur ro/ /gzhan yang gang po byang chub sems dpa' de 'gro 'am/ 'greng ngam/ 'dug gam/ nyal lam/ gnyid log gam/ sad pa'i tshe yang rung ste/ 'ga' zhig 'ongs nas spos dri zhim pa 'am/ spos kyi phye ma 'am/ byug spos sam/ me tog mchog dam pa lus la gtor ram/ yang na spos dang / me tog mchog dam pa dang / se mo do dang / me tog tsam pa ka'i phreng ba dang / me tog pa ri Sha ka'i phreng ba dang / me tog mang po'i phreng ba dag gis lus la g.yogs par gyur tam/ yang na gos mchog dam pa shin du phra zhing 'jam pa 'di lta ste/ ka shi ka</font><hr>81.216b<br><font size=+1>

'am/ ku sha ka 'am/ ku sha pa 'am/ ku sha ya sha 'am/ chu ma 'am/ ka pa 'am/ de dag la sogs pa gos phra zhing 'jam pa dag gis lus la g.yogs par gyur tam/ yang na dar gyi lda ldi mchog dam pa dang / gdugs dang / rgyal mtshan dang / ba dan dag bdag nyid kyi steng du bres par gyur tam/ yang na lha'i me tog dang / spos dang / gos mchog dam pa dang / rin po che'i phreng ba dag gis lus g.yogs par gyur tam/ yang na lha'i kha zas mchogs dam pa bdud rtsi'i ro dang ldan pa dag khyer te 'ongs nas byin par gyur na/ byang chub sems pas mchod pa rnam pa sna tshogs 'di dag la sred pa'i phyir sems bskyed nas mngon par zhen par mi bya'o/ /rkyen des gang zag de dag la bsten nas yid dang 'thun par byas te phan tshun 'drul zhing gtam smra bar yang mi bya'o/ /phyogs gcig pa'i sems kyi rjes su chags par yang mi bya'o/ /byang chub sems dpas de dag la sems snyoms par bya zhing chos thams cad kyi mnyam pa nyid rab tu rtogs par byas nas 'di snyam du bdag gis sems can rnams la khong khro bar yang mi bya/ rjes su chags par yang mi bya'o/ /de ci'i phyir zhe na/ byams sdang gi dngos po gnyis ka yang nyon mongs pa yin pas so/ /deng bdag gis de dag la sred pa mi bskyed par chos rnams kyi yang dag pa nyid legs par rtogs par bya'o/ /de ci'i phyir zhe na/ nyon mongs pa rnams kyi nang na sred pa'i rkyen gyis phrad par gyur pa 'di mchog tu lci bas so/ /'di ltar nyon mongs pa de ni rus pa dang rkang lag dag kyang thal te 'gro bas kun du sbyor ba skyed pa'i chos kyi nang na sred pa'i sems kyis ni shin du mngon par zhen par byed do/ /de ci'i phyir zhe na/ 'dod chags par bya ba'i dngos po gal te yid bzhin du thob par ma gyur na zhe sdang skye bar 'gyur bas so/ /skye bo rnams ni rang gi lus la 'dod chags kyi sred pa bskyed par byed pas de dag gal te 'ga' zhig gis gnod par byas par gyur na zhe sdang</font><hr>81.217a<br><font size=+1>

skye bar 'gyur bas/ de'i phyir zhe sdang ni sred pa'i 'bras bu rnam par smin pa yin la/ mngon par zhen pa ni gti mug gi 'bras bu rnam par smin pa yin par rig par bya'o/ /deng bdag ni sred pas gos pa'i sems spangs nas chos rnams la mngon par zhen pa med par bya'o/ /bdag ni 'dod chags kyi phyir slob pa ma yin/ zhe sdang gi phyir slob pa ma yin/ gti mug gi phyir slob pa ma yin gyi/ bdag ni chos rnams kyi de kho na nyid la rgya cher slob pa yin pas chos rnams kyi mtshan nyid yang dag pa ji lta ba bzhin du bltas nas ji skad bstan pa bzhin du yang dag pa nyid du spyad nas las dang rnam par smin pa'i rgyu rkyen la brten te mchod pa dang / sdug bsngal gyi dngos po rnams kyang sngon gyi las kyi spyod pa'i rkyen las gyur pa yin par rig par byas nas de'i phyir rjes su 'thun par gyur pa'i chos rnams la yang dga' zhing sred pa mi bskyed/ dge ba'i chos dang 'gal ba la yang zhe sdang mi bskyed par sems yongs su sbyangs te mnar sems med par byas nas 'dod chags kyi rjes su 'brang bar yang mi bya/ zhe sdang gi rjes su 'brang bar yang mi bya/ gti mug gi rjes su 'brang bar yang mi bya/ sdig pa'i chos kyi rjes su 'brang bar yang mi bya'o snyam du sems bskyed par bya'o/ /gang po byang chub sems dpa' gang chos dang po 'di dang ldan par gyur na yon tan phun sum tshogs pa thams cad thob par 'gyur ro/ /de nas de'i tshe bcom ldan 'das kyis don 'di rab tu gsal bar bstan pa'i phyir tshigs su bcad de bka' stsal pa/ ngas ni rtag tu shes rab bsngags/ /tshul khrims bsrung ba 'ang bsngags pa yin/ /bzod pa bsgom la bsngags byas shing / /mang du thos pa 'ang bsngags pa yin/ /ngas ni dge ba'i chos spyod dang / /byams sems tshig snyan sgra la bsngags/ /sems can la ni phan gdags phyir/ /yon tan mang po ci rigs bsngags/ /nga ni rtag tu 'dod lnga dang / khong khro 'khon 'dzin gti mug can/ /phrag dog nga rgyal g.yo sgyu dang / /</font><hr>81.217b<br><font size=+1>

'khrug long sems can gnod byed dmod/ /le lo dang ni snyom las dang / bka' blo mi bde smra dga' dang / byas pa mi gzo lam log can/ /nyes pa chung la cher khro dang / rnyed pa la ni gdu ba dang / bdag ni rnyed par rab dga' zhing / /gzhan gyi rnyed la mi dga' ba/ /'di dag la ni nga mi bsngags/ /blo chung rnyed pa bdag 'dod cing / /gzhan gyi rnyed la phrag dog che/ /gzhan gyi khyim la ser sna byed/ /'di dag la ni nga mi bsngags/ /rnyed pa dag ni tshol ba'i phyir/ /spyod lam dag ni 'chos byed pa/ /'di ni 'tsho ba dag min pas/ /nga yi chos las shin du ring / /lam gyi bsgom pa dag la ni/ /nyes pa 'di dag thams cad yod/ /'di ni ngan 'gro'i rkyen yin pas/ /dngos po 'ga' yang bsngags su med/ /sdig pa dag ni ma spangs na/ /'dod sred sems ni rab tu mang / /'dod sred sems ni mang ba'i phyir/ /rnyed pa dag la gdu bar 'gyur/ /byang chub sems dpa' 'di snyam du/ /bzod bsgoms sems can phan gdags shing / /khengs pa'i sems ni rab btul nas/ /myur du sangs rgyas bya bar sems/ /bdag gis byams sems rab bsgoms te/ /bzod pas sems can brtse bar bya/ /chos rnams stong zhing rkyen las byung / /'brel ba med par shes par bya/ /rkyen gang gis ni chos rnams yod/ /chos de sems las byung ba yin/ /mi bden 'du shes khong khro skyed/ /mkhas pa thams cad song ba yin/ /mi bden 'du shes khams gsum bskyed/ /lus kyi rgyun ni 'chad mi 'gyur/ /mi bden 'du she mi rtog na/ /nyes dmigs 'di dag yod mi 'gyur/ /rtag tu chos rnams sems pa na/ /rkyen las byung bar rab tu shes/ /rtag tu chos rnams stong lta bas/ /thams cad yongs su bzlog par nus/ /khrims spangs sems can sdug bsngal ba/ /nga rgyal dag gis smras pa la/ /sdug bsngal nyer zhi chos ston pas/ /phan pa mang po rab tu byed/ /gang zhig shar nub lho byang dang / /phyogs mtsham bzhi</font><hr>81.218a<br><font size=+1>

po dag nas ni/ /mi gtsang dug gi bum thogs nas/ /mgo yi steng du blugs gyur na/ /sus byin sus ni len byed ces/ /bdag ni khong khro yong mi skyed/ /chos gang zhig ni bdag yin zhes/ /brtags nas brtson 'grus rtsom par byed/ /nyes pa ci yod gnod byas shes/ /ngan sems gzhan la lta mi byed/ /shin du brtan pa'i bzod bskyed nas/ /byams sems de la phan 'dogs byed/ /sngon gyi las las gyur shes pas/ /rnam smin 'di mod snyam du sems/ /dang du blangs te bzod byed pas/ /byang chub lam la gnas par byed/ /dmod dang sdug bsngal dngos po 'di/ /gzhan gyis byas pa ma yin gyi/ /'di ni nges par las kyi rkyen/ /yun ring lon kyang chud mi za/ /sems can 'jig rten gnas pa dag /rtag tu dge sdig las slong bas/ /deng bdag sdug bsngal 'di myong yang / /las rkyen yin par rab tu shes/ /gal te ngan pa'i las byas na/ /phyis kyang sdug bsngal myong 'gyur na/ /ci'i phyir dngos po ngan pa yis/ /de dag la ni gnod bya snyam/ /bla na med pa'i chos gnyer nas/ /gzhan dag la ni ston byed pas/ /sems can sdug bsngal ji snyed pa/ /thams cad las ni thar par byed/ /gal te 'ga' zhig me tog spos/ /phreng ba bdag gis bdag mchod kyang / /rjes su chags pa mi skyed par/ /mnyam par bsgom pa bsgrub bya snyam/ /byams sdang dag ni lam min pas/ /rtag tu btang snyoms spyod par byed/ /sus byin sus ni len byed ces/ /chos rnams yang dag rtog par byed/ /stong pas byin zhing stong len na/ /phyi nang gnyi ga stong pas na/ /stong la byin dang len med pas/ /thams cad kun la bdag med do/ /stong la 'dod chags bral ba med/ /stong la kun nas nyon mongs med/ /rnam par byang ba'ang med pas na/ /dri bral rnam dag stong pa yin/ /stong la rnam par rtog pa med/ /stong la ngo bo nyid rnams med/ /stong ni rtag stong mtshan ma med/ /de ni rnam</font><hr>81.218b<br><font size=+1>

dag la ma yin no/ /gal te 'ga' zhig 'ongs gyur nas/ /lus ni dum bur bcad gyur kyang / /las kyi rkyen las byung rig pas/ /de la zhe sdang yong mi skyed/ /sems can dge sdig slong bas na/ /las bzhin rang nyid 'bras bu len/ /bdag kyang nges par snga ma'i sdig /sdug bsngal rnam smin 'di myong snyam/ /sdig pa'i rnam smin 'di myong yang / /lus brtags gzugs brnyan chu bur dang / /sgyu ma sprul pa smig rgyu 'dra/ /stong zhing med pas mthar yang stong / /kha cig lus kyi yan lag gcod/ /kha cig drin ni dran gyur nas/ /mchod pa dag ni byas gyur kyang / /dga' dang mi dga' yong mi byed/ /rnyed pa thob kyang dga' ba med/ /kha ngan byas kyang khong mi khro/ /'di gnyis sgrib pa yin pas na/ /sangs rgyas yang dag lam min sems/ /'dod chags zhe sdang gti mug sems/ /de dag thams cad spong bar byed/ /rtag tu stong dben bsgoms pas na/ /sgrib pa rnams ni spong par byed/ /bzod pa stobs bcu'i gzhi yin te/ /sangs rgyas rnams ni rdzu 'phrul gnas/ /thogs med ye shes snying rje yi/ /rtsa ba dag ni bzod pa yin/ /bden bzhi dran dang yang dag spong / /dbang stobs byang chub lam yan lag /thams cad bzod pas gzhi byed pas/ /mkhas pa gang zhig bzod mi sgom/ /ngas kyang bA ra NA sir ni/ /bla med 'khor lo bskor ba yang / /bzod pa dag gis gzhi byas pas/ /sangs rgyas rtag tu bzod pa bsngags/ /khyed kyang stong bzod bla med gzhi/ /yongs su sgom par byed na ni/ /chos kyi chos nyid de yin pas/ /sangs rgyas yon tan thob par 'gyur/ /gzhan yang gang po byang chub sems dpa' sems dpa' chen po rnams ni 'dod pa lnga po dag spangs nas rtag par rab tu 'byung bar mos pas sems kyis rab tu 'byung ba'i rjes su 'brang bar byed/ rab tu 'byung ba la gzhol bar byed pas 'dod pa lnga po dag la mngon par zhen par mi byed do/ /rab tu byung nas kyang</font><hr>81.219a<br><font size=+1>

'du 'dzin rnams spangs nas shin tu thag ring ba'i ri dang nags tshal dben pa dag tu gnas shing dge ba'i chos chud mi za bar byed do/ /byang chub sems dpa' gang chos gnyis pa 'di dang ldan par gyur na yon tan phun sum tshogs pa thams cad rab tu 'thob par 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ rab tu byung la rtag mos pas/ /rtag tu rab tu 'byung bar 'gyur/ /ri dang nags tshal gnas mos pas/ /yon tan 'byung gnas 'phel bar byed/ /dben par gnas la rten byed pas/ /'dod lnga'i chags pa yongs su spong / /de na 'du 'dzi med pas na/ /dge chos rkyen ni nyams mi 'gyur/ /phan tshun 'drul zhing gtam 'dri dang / /tshig gis smra bar mi byed pas/ /stong dben nyer zhi dben pa la/ /sangs rgyas rnams kyis rab tu bsngags/ /de phyir byang chub sems dpa' rnams/ /rtag par dgon pa bsten bya zhing / /grong khyer la ni chags mi bya/ /bsten na rnyed sems skye bar 'gyur/ /rnyed pa thob na rab tu dga'/ /stor par gyur na mya ngan skye/ /de yis sangs rgyas mchod byas kyang / /mchod pa byas zhes mi brjod do/ /de 'dra'i nyes dmigs spong 'dod na/ /rnyed pa rnams ni spang bar bya/ /spangs nas gnas dben rab gnas nas/ /stong pa'i chos ni bsgom par bya/ /gzhan yang gang po byang chub sems dpa' ni rtag par chos gnyer ba yongs su slob par byed pas yongs su gnyer nas kyang klog cing kha ton du bton nas 'di ltar tshul khrims yongs su dag pa dang / sbyangs pa'i yon tan shing du phra ba'i chos yongs su tshol bar byed kyi/ 'dod pa med pa dang / chog mi shes pa'i chos yongs su tshol bar mi byed do/ /'dod chags nye bar zhi ba yongs su tshol bar byed kyi/ 'dod chags rgyas par mi byed do/ /zhe sdang gzhom pa yongs su tshol bar byed kyi/ zhe sdang 'phel bar mi byed do/ /gti mug gcod</font><hr>81.219b<br><font size=+1>

pa yongs su tshol bar byed kyi/ gti mug skyed par mi byed do/ /khengs pa gzhil ba yongs su tshol bar byed kyi/ khengs pa slong ba yongs su tshol bar mi byed do/ /nga rgyal gzhom pa yongs su tshol bar byed kyi/ nga rgyal 'phel ba yongs su tshol bar mi byed do/ /bdag dang bdag gir 'dzin pa'i chos spong ba yongs su tshol bar byed kyi/ bdag dang bdag gir 'dzin pa'i chos 'phel bar byed pa yongs su tshol bar mi byed do/ /bdag med pa'i chos yongs su tshol bar byed kyi/ /bdag dang / gang zag dang / sems can dang / srog la gnas pa'i chos yongs su tshol bar mi byed do/ /rtag par shes rab chen po thob par 'gyur ba'i chos yongs su tshol bar byed kyi/ shes rab chen po nyams par 'gyur ba'i chos yongs su tshol bar mi byed do/ /rtag par mtshungs pa med pa'i shes rab thob par 'gyur ba'i chos yongs su tshol bar byed kyi/ shes rab rgya chung ngu thob par 'gyur ba'i chos yongs su tshol bar mi byed do/ /phun sum tshogs pa thams cad thob par 'gyur ba'i chos rnams yongs su tshol bar byed kyi/ yon tan rnams phun sum tshogs par mi 'gyur ba'i chos yongs su tshol bar mi byed do/ /de ltar chos yongs su btsal nas kyang klog par byed/ kha ton du 'don par byed/ tshul bzhin du yang dag par yid la byed/ ji skad bstan pa bzhin du yang dag par yid la byed/ sgrub par byed/ gzhan dag la yang dag par rab tu ston par byed kyang 'jig rten pa'i khe yang yongs su tshol bar mi byed la/ tha na legs so zhes bya ba'i bsngags pa brjod pa tsam yang yongs su tshol bar mi byed pas sems can mang po chos de la 'god par byed de/ gang po byang chub sems dpa' gang chos gsum pa 'di dang ldan par gyur na yon tan phun sum tshogs pa thams cad rab tu 'thob par 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ </font><hr>81.220a<br><font size=+1>

byang chub sems dpa' rab byung ni/ /tshul khrims sbyangs pa dag la mos/ /des na shes rab yongs 'phel nas/ /ye shes char ni 'bebs par byed/ /rnam dag chos zab de thos nas/ /yang dag dran pas don sems byed/ /ji skad bstan pa bzhin du ni/ /de bzhin yang dag sgrub par byed/ /rtag tu rnam dag sems kyis ni/ /gzhan la rgya cher rab bstan nas/ /sems can mang la phan 'dogs kyang / /sems la re ba cung zad med/ /yon tan rnams kyi ro rnyed nas/ /bdag nyid chos der rab gnas shing / /gzhan yang de la 'god byed pas/ /de phyir sangs rgyas chos 'phel 'gyur/ /bskal pa tshad med rnams su ni/ /yon tan mang po ci bsags pa/ /thams cad mngon du gyur nas ni/ /byang chub lam du sdud 'jug 'gyur/ /de phyir sangs rgyas bsngags pa yi/ /chos zab dag ni yongs btsal nas/ /rtag par sems can bstan par bya/ /yon tan rnams ni de las skye/ /gang po byang chub sems dpa' sems dpa' chen po gang tshul khrims yongs su srung zhing sbyangs pa'i chos la rab tu gnas par gyur na dge ba'i rtsa ba thams cad phun sum tshogs pa'i bsod nams dang ldan par 'gyur ro/ /gang po sngon byung ba 'das pa'i dus na bskal pa grangs med pa/ tshad med cing mtha' yas pa/ bsam gyis mi khyab pa'i yang ches bsam gyis mi khyab pa byung ba de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ bla na med pa'i skyes bu 'dul ba kha lo sgyur ba/ lha dang mi rnams kyi ston pa/ sangs rgyas bcom ldan 'das me ro gan d+ha zhes bya ba 'jig rten du byung ste/ bcom ldan 'das de'i sku tshe'i tshad ni lo drug cu thob par 'gyur to/ /'dus pa re re la chos bstan pa'i tshe nyan thos bye ba phrag brgyad bcu dgra bcom pa'i 'bras bu thob par gyur to/ /gang po de bzhin gshegs pa me ro gan d+ha yongs su mya ngan</font><hr>81.220b<br><font size=+1>

las 'das pa'i 'og tu dam pa'i chos ni lo lnga brgya'i bar du gnas par gyur te/ de bzhin gshegs pa de yongs su mya ngan las 'das pa'i 'og tu zhag bdun tshun chad nyan thos chen po ji snyed pa phal cher de bzhin gshegs pa'i rjes su yongs su mya ngan las 'das par gyur to/ /gang po de bzhin gshegs pa de yang nga ji lta ba bzhin du snyigs ma lnga'i dus kyi tshe 'jig rten du byung bar gyur te/ nyan thos chen po rnams yongs su mya ngan las 'das pa'i 'og du de'i tshe skye bo rnams phal cher 'di snyam du dge sbyong gi chos ni rab tu bde zhing skyid pa yin na bdag cag ci'i phyir so so nas rab tu mi 'byung snyam du bsams nas/ so so nas skra dang kha spu bregs te chos gos ngur smrig bgos nas khyim nas khyim med par rab tu byung ngo / /rab tu byung nas kyang dngos po gsum po rtag par khyim pa'i khyim du 'gro zhing 'du bar byed pa dang / rnyed pa la mngon par zhen nas bdag nyid 'tsho bar byed pa dang / bdag nyid nyam 'tshag 'tsho ba 'ba' zhig tu sbyor zhing bsod nams dang ye shes dang mi ldan pa 'ba' zhig spyod par gyur pas dngos po gsum po 'di 'ba' zhig spyod par byed kyi las gzhan ni mngon par mi sgrub par gyur to/ /lo brgya 'das pa'i 'og tu nyan thos chen po thams cad yongs su mya ngan las 'das te ma lus par gyur pas dge slong mang po de dag khyim pa rnams dang 'thun par byed cing sangs rgyas kyi mdo sde zab mo rnams dang / tshul khrims srung ba dang / sbyangs pa'i yon tan spyod lam zhib mo gya nom pa'i chos rnams ni phal cher spangs nas su yang klog cing 'don pa med par gyur to/ /gang po de'i tshe dge slong rnams 'dod pa mang po dag la spyod par mos shing bza' ba dang btung ba'i ro la chags par gyur pas de'i tshe rgyal po'i bu da ma shi ri zhes bya ba rgyal po shin tu byams shing gces par byed pa zhig yod de/ des gnas dben pa zhig tu gnas nas 'di snyam du de bzhin gshegs pa me ro gan d+has chos ji lta bu zhig brnyed nas/ deng de'i nyan thos rnams bag med par spyod cing khyim pa rnams dang bye brag med par gyur ces de snyam du sems shing</font><hr>81.221a<br><font size=+1>

the tshom du gyur pa dang / de'i tshe lha zhig de'i thad du 'ongs nas lus mi snang bar byas te/ /'di skad du kye rgyal bu de bzhin gshegs pa me ro gan d+has brnyes pa'i chos ni shin du zab cing yongs su dag la rnam par nges pa yin no zhes smras so/ /de nas rgyal bu des lhas de skad smras pa thos pa dang / 'di skad du kye de bzhin gshegs pa me ro gan d+has brnyes pa'i chos shin du zab cing yongs su dag la rnam par nges par gyur ba'i chos kyi dngos po de ji lta bu zhig yin/ lhas smras pa/ rgyal bu chos de ni gzugs kyang med/ tshor ba dang / 'du shes dang / 'du byed dang / rnam par shes pa yang med/ phung po dang / khams dang / skye mched kyang med/ 'dod pa lnga yang med/ 'dod pa'i sems kyang med de/ de bzhin gshegs pa me ro gan d+has de lta bu'i chos shin du zab cing yongs su dag la rnam par nges pa brnyes pa sems can rnams la yang dag par rab tu bstan to/ /de nas rgyal bu des lha de la smras pa/ bdag gis de lta bu'i chos thos shing khong du chud par 'gyur nas ji skad bstan pa bzhin du bsgrub tu rung ngam/ lhas smras pa/ kye rgyal bu khyod sems rtse gcig tu nan tan brtson 'grus byos shig dang thos par dka' ba med do/ /gang po de'i tshe rgyal bu de 'di snyam du nges par lhas kyang bskul te bdag khong du chud par byas pas bdag rab tu byung nas chos zab mo de yongs su gnyer bar bya'o snyam du bsams nas/ pha ma ga la ba der song ste mgos gtugs te phyag byas nas 'di skad ces smras so/ /yab yum deng bdag ni de bzhin gshegs pa me ro gan d+ha'i bstan pa la rab tu byung nas lam yongs su gnyer bar 'tshal lo/ /pha mas smras pa/ khyod deng nged spangs nas rab tu byung ba de ci dgos/ da ltar sangs rgyas kyi bstan pa la rab tu byung ba rnams ni khyim pa rnams dang bye brag tu gyur pa ci yang med do/ /de nas de'i tshe tshigs su bcad de smras pa/ da ltar dge slong</font><hr>81.221b<br><font size=+1>

mang po rnams/ /bag med 'dod pa lnga yang sbyong / /zhing rmod nyo tshong byed pas na/ /khyim pa rnams dang bye brag med/ /dbul po sdug bsngal rab mang zhing / /bdag nyid gso bar mi nus pa/ /de 'dra'i skye bo mang po rnams/ /lus gso'i phyir ni rab tu 'byung / /khyod ni rgyal rigs khyim du skyes/ /phyug cing 'dod lnga'i bde ba myong / /nor dang rin chen rab mang na/ /rab tu byung bas ci zhig bya/ /de nas rgyal bu da ma shi ris pha ma la tshigs su bcad de smras pa/ bdag ni dbang phyug mi tshol te/ /gal te thob kyang spong bar bgyid/ /deng bdag sangs rgyas chos zab dang / /rnam dag tshul khrims 'ba' zhig tshol/ /lha zhig bdag ni go bgyis te/ /rab tu 'byung bar bskul bas na/ /sangs rgyas gsungs pa'i zab mo chos/ /bdag ni rab tu rtogs par 'tshal/ /lhas smras bdag gis thos pas na/ /sems ni rab tu dga' bar 'gyur/ /sangs rgyas bstan pa nub tu nye/ /bdag ni grogs bgyi bsrung bar sems/ /de nas pha mas tshigs su bcad de da ma shi ri la smras pa/ /mdo sde zab mo zad nub pas/ /kha don 'don pa yong med na/ /de ring khyod kyis su las ni/ /sangs rgyas chos zab thos par 'gyur/ /gal te 'khor ni bzhi po la/ /don zab 'don pa yod gyur na/ /de las khyod kyis sngar mnyan nas/ /de 'og rab tu 'byung ba'i rigs/ /da ma shi ris tshigs su bcad de pha ma la slar smras pa/ deng bdag nan tan brtson 'grus kyis/ /tshul khrims bsrung zhing sbyangs pa spyod/ /thag ring ri dang nags tshal nas/ /sangs rgyas chos zab rnam dag tshol/ /gang po da ma shi ris tshigs su bcad pa 'di smras nas mgo bos phyag byas te/ rab tu 'byung bar gsol ba btab pa dang / pha ma gnyis kyang cang mi smra bar gnang ngo / /de nas de dge slong rnams kyi thad du song nas skra dang kha spu bregs te chos gos ngur smig bgos nas rab tu byung ste/ bslab pa'i dngos po rnams yang dag par blangs nas gus pa'i</font><hr>81.222a<br><font size=+1>

sems kyis dge slong rnams la de bzhin gshegs pa me ro gan d+has rjes su bstan pa ji lta bu zhig gis slob ma rnams la rjes su bstan par mdzad/ bdag gis thos par gyur na ji skad bstan pa bzhin du bsgrub par 'tshal lo zhes smras pa dang / gang po dge slong mang po rnams kyis dge slong da ma shi ri la 'di skad ces smras so/ /bdag cag gis de bzhin gshegs pa las chos thos pa ni med kyi/ mkhan po dang slob dpon rnams kyi rjes su spyod par zad pas deng khyod kyang 'di lta bu'i chos la spyod cig /de nas dge slong da ma shi ris dge slong rnams la smras pa/ khyed ni gdon mi za bar dbul po dmang rigs las rab tu byung ba yin pas de'i phyir deng khyed gos zas 'ba' zhig lhur len pas spyod pa rnams khyim pa dag dang bye brag tu gyur pa ci yang med pas deng khyed bdag dang lhan cig tu sangs rgyas kyi chos zab mo yongs su dag pa btsal bar bya'o/ /de nas de'i tshe dge slong mang po rnams kyis tshigs su bcad de dge slong da ma shi ri la smras pa/ bdag cag gis ni gang bsgrubs pa/ /dngos po de ni thob gyur pas/ /gos zas dag ni 'byor cing ldan/ /rgyal pos bkol ba las kyang thar/ /shin tu bde zhing rab tu skyid/ /brnyas shing nga rgyal byed pa med/ /khyim pa'i sdug bsngal gang yin pa/ /de dag da ltar gang yang med/ /'di nyid mya ngan 'das yin pas/ /mchog tu bde bar gyur pa yin/ /dngos po 'di las lhag pa ni/ /bdag cag la ni dgos pa med/ /khyim pas rtag tu sbyor 'bul bas/ /bdag cag chos gos lhung bzed mang / /sman dang nor zas shin tu mang / /sbyin bdag khyim yang rab tu mang / /gang po de'i tshe dge slong da ma shi ris dge slong mang po rnams kyis tshigs su bcad de de skad smras pa thos pa dang / sems la rab tu gdung ba skyes nas mchi ma blags te ngus nas</font><hr>81.222b<br><font size=+1>

gtsug lag khang gzhan dag tu song ste/ yang dngos po des dge slong mang po rnams la de bzhin gshegs pa me ro gan d+has rjes su bstan pa ji lta ba zhig gis slob ma rnams la rjes su bstan par mdzad/ bdag gis thos par gyur na ji skad bstan pa bzhin du bsgrub par 'tshal lo zhes smras pa dang / dge slong mang po rnams kyis kyang snga ma bzhin du lan btab par gyur to/ /de nas dge slong da ma shi ris dge slong mang po de dag spangs nas gcig pu ri dang nags tshal dben par song nas sems rtse gcig tu chos zab mo gnyer ba la 'dun par gyur pa dang / de'i tshe sngon de bzhin gshegs pa me ro gan d+ha'i nyan thos rnams kyi nang na nyan thos chen po shin du brtan pa zhes bya ba rab tu dben pa'i spyod pa mngon par bsgrubs pa/ gcig pu ri phug dben par gnas pa/ 'dod pa nyung zhing chog shes pa/ yongs su spong ba la sems mngon par spro ba/ bya ba byas pa/ mngon par shes pa drug dang / rig pa gsum dang ldan pa'i dgra bcom pa chen po zhig byung bar 'gyur te/ ji ltar da ltar nga'i bstan pa las 'od srung chen po ji lta ba bzhin no/ /de'i tshe dge slong shin du brtan pa des bdag nyid gnas pa'i ri phug gi brag ngos la tshigs su bcad pa 'di dag yi ger bris par gyur te/ 'di lta ste/ 'dod pa'i ro ni myangs pa'i phyir/ /'khor ba dag ni rgyun mi gcod/ /dgra ni gsos nas dur khrod 'jug /don med sdug bsngal mang po myong / /lus 'di mi gtsang ro dang 'dra/ /bu ga dgu nas mi gtsang 'dzag /srin bu mi gtsang mos pa bzhin/ /blun po lus sred de dang 'dra/ /yang dag ma yin kun rtog pa/ /de ni 'dod lnga'i rtsa ba yin/ /mkhas pa dag ni mi rtog pas/ /'dod lnga dag ni 'gag par 'gyur/ /</font><hr>81.223a<br><font size=+1>

log rtog las ni 'dod chen skye/ /'dod chen las ni nyon mongs skye/ /yang dag dran na zhan med pas/ /nyon mongs lhag ma'ang zad par 'gyur// // bam pa bzhi pa/ gang po dge slong shin du brtan pas ri phug gi brag ngos la tshigs su bcad pa bzhi po 'di dag yi ger bris pa dge slong da ma shi ri ri phug dben par song bas yun ring zhig lon nas ri phug gi brag ngos la tshigs su bcad pa bzhi po 'di dag yi ger bris pa mthong nas/ kha ton du bslabs te de'i don gang yin pa yid la byas pa dang / ring po ma lon par mngon par shes pa lnga thob par gyur to/ /de nas de bzhin gshegs pa me ro gan d+ha sngon zhugs la bzhen pa'i gnas su phyin nas phyag byas te/ lan gsum bskor ba byas nas/ skyil mo dkrung bcas te 'dug nas 'di skad ces bdag gis gnas 'dir de bzhin gshegs pa yang ma mthong / /chos gzhan yang ma thos kyi bar du 'di las mi ldang ngo zhes yid dam bcas so/ /gang po de bzhin gshegs pa me ro gan d+has gsungs pa'i mdo sde sgo stong phrag brgyad brgya pa zhes bya ba brgya byin lha'i dbang pos kha ton du shes pas brgya byin lha'i dbang pos dge slong da ma shi ri'i lhag pa'i bsam pa sems kyis rtogs nas sum bcu rtsa gsum lha'i gnas nas babs te/ de'i drung du phyin nas de la mdo sde sgo stong phrag brgyad brgya pa de yang dag par bshad do/ /gzhan yang mang du thos pa'i dngos gzhi'i tshig bzhi dang / rnam pa sna tshogs kyi tshig bdun dang / sgo'i tshig bcu bzhi pa zhes bya ba'i gzungs kyang byin no/ /dge slong da ma shi ris thos nas kyang kha ton du bton te yongs su bzung bas chos rnams la shes rab kyi snang ba thob par gyur nas de bzhin gshegs pa me ro gan d+has gsungs pa'i mdo sde yongs su dag cing stong pa nyid kyi rjes su 'thun pa/ bral ba'i rjes su 'thun pa/ zab mo shin du gya nom pa'i mdo sde rnams kyang rang gi ngang gis sems</font><hr>81.223b<br><font size=+1>

la snang bar gyur to/ /gzhan yang de bzhin gshegs pa me ro gan d+ha dge slong gi dge 'dun gyi 'khor dang bcas pa dang / bzhugs pa'i gnas dri gtsang khang dang / gdan khri dang / 'khor bzhi po rnams dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang bcas pa'i 'khor thams cad kyang mthong bar gyur to/ /dge slong da ma shi ri yang chos rnams la shes rab kyi snang ba thob par gyur pas 'dug pa'i stan las langs nas mthar gyis rang gi yul du song ste pha ma'i drung du phyin nas pha ma la yongs su dag cing stong pa nyid kyi rjes su 'thun pa/ bral ba'i rjes su 'thun pa/ zab mo shin du gya nom pa'i mdo sde rnams yang dag par bshad nas/ sangs rgyas dang / chos dang / dge 'dun gyi yon tan gyi bsngags pa rab tu brjod pas/ gang po de'i tshe dge slong da ma shi ri'i pha ma dang / nang gi btsun mo dang / blon po chen po dang / 'khor rnams kyis chos de thos nas shin du mngon par yid ches par gyur pas gus pa'i sems kyis dge slong da ma shi ri la 'di skad ces smras so/ /btsun pa bdag cag yongs su bskyab cing de bzhin gshegs pa me ro gan d+ha'i bstan pa la rab tu dbyung du gsol/ gang po de'i tshe srog chags brgyad khri bzhi stong rgyal po dang / bcun mo rab tu byung ba'i rjes su dus gcig tu rab tu byung bar gyur to/ /rab tu byung nas thams cad kyi ming da ma shi ri'i tshogs kyi dge slong gi dge 'dun zhes bya bar gyur to/ /gang po dge slong da ma shi ris de ltar de bzhin gshegs pa me ro gan d+ha'i bstan pa slar rgyas par byas nas sems can mang po bde ba la yang dag par bkod do/ /sngon gyi tshe rabs kyi byams pa dang / snying rje chen po'i sems kyis dam pa'i chos bsrung bar smon lam btab pa'i phyir de'i tshe dge slong da ma shi ri ljongs gcig nas gcig tu/ grong khyer gcig nas gcig tu/ yul gcig nas gcig tu rgyu</font><hr>81.224a<br><font size=+1>

zhing song nas de bzhin gshegs pa me ro gan d+ha dang de'i nyan thos kyi bsngags pa yang brjod/ gzhan yang yongs su dag cing stong pa nyid kyi rjes su 'thun pa/ bral ba'i rjes su 'thun pa/ zab mo shin du gya nom pa'i mdo sde rnams kyang sems can rnams la rgya cher yang dag par rab tu bstan pas de'i tshe dge slong da ma shi ri yang skye bo mang po kun gyis mchod cing rim gro dang / bkur sti dang / bla mar byas shing bsngags pa brjod pas snyan pa'i grags pa yang kun du grags par gyur to/ /gang po dge slong da ma shi ris de ltar sems can mang po'i don rgya cher byas nas de'i 'og tu 'chi ba'i dus byas pa dang / de'i slob ma dge slong dang / dge slong ma dang / dge bsnyen dang / dge bsnyen ma rnams lhan cig 'dus te/ spos kyi shing thams cad spungs nas mchod pa byas te bsregs nas ring bsrel gyi mchod brten chu zheng du rgyang grags gnyis yod pa brtsigs te/ me tog dang / spos dang / byug pa dang / spos kyi phye ma dang / gdugs dang / rgyal mtshan dang / ba dan sna tshogs kyis gus par mchod cing rim gro dang bla mar byas nas bsngags pa brjod par gyur to/ /gang po dge slong da ma shi ri 'chi ka'i dus kyi tshe slar 'dzam bu'i gling 'di nyid du skye bar gyur cig ces smon lam btab pas smon lam btab pa bzhin du rgyal rigs su skyes nas dran pa thob pa zhes bya bar gyur te/ de bzhin gshegs pa me ro gan d+ha yongs su mya ngan las 'das pa'i 'og tu lo sum brgya lon pa'i bstan pa la rab tu byung ste/ sngon gyi smon lam dang tshe rabs dran pa'i shes pa'i dbang gis sgo rnams kyi tshig ces bya ba'i gzungs kyi tshig kyang rang gi ngang gis slar thob par gyur to/ /gzungs thob pa'i stobs kyis dbang gis sngon ma thos pa'i mdo sde rnams sems can la rgya cher yang dag par bstan gyi tshe rabs snga ma la sngar bshad par gyur pa dag ni ma bstan to/ /gang po nga'i</font><hr>81.224b<br><font size=+1>

tshe da ma shi ri'i dge slong mang po rnams las gang shes rab zab cing gsal la rno ba dang / dge ba'i rtsa ba lhun stug pa gang yin pa de dag ni dran pa thob pas bstan pa'i mdo sde rnams thos par gyur nas sems kyis rjes su yi rang nas mngon par yid ches shing dang du len par byed/ gus pas mchod pa byas nas dge slong dran pa thob pa la yang yongs su srung bar byed do/ /dge slong de dag las gang gzi byin dang yon tan med pa dang / dbang po rtul zhing mi gsal ba dang / dge ba'i rtsa ba chung ba de dag ni dge slong dran pa thob pas gsar du bshad pa'i chos thos par gyur nas mngon par yid ches pa yang med/ dang du len pa yang med la/ 'gal ba dag byas nas skyon 'byin cing / 'di skad du 'di lta bu'i mdo sde 'di dag ni bdag cag gis mkhan po dang / slob dpon las kyang ma thos/ sngon slob dpon chen po da ma shi ri las kyang ma thos so zhes zer ro/ /gang po de dag las gang shes rab zab cing yang dag pa'i don la ston pa de dag ni tshig gi rjes su mi 'brang bar don la rton pa'i phyir sems kyis kyang 'gal bar mi byed do/ /'gal bar mi byed pa'i phyir de bzhin gshegs pa me ro gan d+ha'i bstan pa yang yang dag par srung bar yang byed la/ gus pas dge slong dran pa thob pa la yang srung bar byed do/ /gang po de'i tshe dge slong dang / dge slong ma dang / dge bsnyen dang / dge bsnyen ma'i 'khor khrag khrig phrag brgyad bcu dge slong dran pa thob pas bstan pa'i mdo sde'i chos kyi rjes su zhugs par gyur to/ /gang po de'i tshe da ma shi ri'i slob ma 'khor rnams logs shig tu sde gnyis su gyes par gyur te/ gcig gi ming ni da ma shi ri'i dge slong gi dge 'dun zhes bya bar gyur to/ /gcig gi ming ni dran pa thob pa'i dge slong gi dge 'dun zhes bya bar gyur kyang de'i tshe dge slong dran pa thob pas bdag ni da ma shi ri yin no zhes ni ma smras so/ /de ci'i phyir zhe na/ de'i tshe</font><hr>81.225a<br><font size=+1>

dge slong da ma shi ri ni mang po kun gyis dgra bcom pa'i 'bras bu thob par gyur gyi /byang chub sems dpa' ni ma yin no zhes zer bas gal te bdag nyid kyis smras par gyur na/ mang po kun the tshom za bar gyur pa dang / dge slong dran pa thob pa ni de'i tshe mang po kun gyi sa 'di ni byang chub sems dpa' yin gyi/  dgra bcom pa ni ma yin no zhes zer bas so/ /gang po dge slong dran pa thob pas de ltar rgya cher sems can rnams la phan btags nas de'i 'og tu 'chi ba'i dus byas par gyur pa dang / de'i slob ma mang po rnams kyis spos kyi shing thams cad spungs nas mchod pa byas te bsregs so/ /'khor bzhi po rnams 'dus nas ston pa chen po byang chub sems dpa' de la mchod pa bya ba'i phyir ring bsrel gyi mchod rten chu zheng du rgyang grags gcig yod pa brtsigs nas spos dang / me tog dang / spos kyi phye ma dang / byug pa dang / phreng ba dang / gdugs dang / rgyal mtshan dang / ba dan sna tshogs kyis mchod cing bkur stir byas/ bla mar byas shing bsngags pa brjod par gyur to/ /gang po dge slong dran pa thob pa 'chi ka'i dus kyi tshe bdag slar 'dzam bu'i gling 'di nyid du skye bar gyur cig ces smon lam btab pas smon lam btab pa bzhin du khyim bdag gi rigs shing sA la chen po lta bur skyes par gyur te/ de'i ming ni ya sha zhes bya bar gyur to/ /sngon gyi smon lam gyi dbang gis sngon gyi gnas rjes su dran pa thob par gyur pas de bzhin gshegs pa me ro gan d+ha yongs su mya ngan las 'das pa'i 'og tu lo bzhi brgya pa'i bstan pa la lo bdun lon te rab tu byung nas gzungs rnams thob par gyur to/ /gzungs thob pa'i mthus skye bo mang po la sngon ma thos pa'i mdo sde rnams yang dag par bstan to/ /de'i tshe dge slong dran pa thob pa'i dge slong rnams dang / da ma shi ri'i dge slong rnams las gang dge ba'i rtsa ba lhun stug</font><hr>81.225b<br><font size=+1>

pa de dag ni ya shas bstan pa'i chos rnams thos nas sems rab tu dga' zhing thams cad kyis chos kyi bde ba thob par gyur to/ /gang po dge slong mang po de dag yang dag pa'i don la rton cing tshig gi rjes su 'brang bar cang mi byed pas de'i phyir dge slong de dag sngon ma thos pa'i mdo sde stong pa nyid kyi rjes su 'thun zhing shin du zab pa/ don dam pa'i rjes su 'thun pa dag yang dag par bstan pa thos par gyur nas mngon par yid ches shing dang du len par byed/ 'gal ba med par yang dag par len cing kha ton du 'don par byed de/ ji skad bstan pa bzhin du rjes su bsgrubs par gyur to/ /gang po dge slong de dag las gang dbang po rtul zhing mi gsal ba dang / dge ba'i rtsa ba lhun mi stug pa de dag ni dge slong ya sha las sngon ma thos pa'i mdo sde don dam pa'i rjes su 'thun pa/ stong pa nyid kyi rjes su 'thun zhing shin du zab pa dag thos par gyur nas mngon par yid ches shing dang du len par yang mi byed/ 'gal ba byas nas 'jig cing dmod par byed de/ 'di skad du 'di lta bu'i chos 'di ni bdag cag gis mkhan po dang / slob dpon las kyang ma thos/ sngon ston pa chen po byang chub sems dpa' dran pa thob pa las kyang ma thos so zhes zer ro/ /gang po de'i tshe dge slong ya sha las chos thos nas rab tu dga' ba dang / sems kyis mngon par yid ches shing dang du blangs pa de dag thams cad ni da ma shi ri'i dge slong rnams dang / dran pa thob pa'i dge slong rnams kyis sdang zhing phrag dog gis dmad nas lhan cig gnas su yang mi ster/ lhan cig klog pa dang / kha ton 'don pa dang / chos bshad du yang mi ster te/ skur ba btab pa nas 'di skad du 'di ni sangs rgyas kyi chos kyang ma yin/ ston pa chen po'i bstan pa yang ma yin no zhes zer ro/ /gang po de'i tshe dge slong ya shas de bzhin gshegs pa me ro gan d+ha'i bstan pa rgya cher yang dag par spel nas grong khyer gcig nas grong</font><hr>81.226a<br><font size=+1>

khyer gcig tu rgyu zhing song nas sems can rnams la chos bstan cing phan pa mang po byas pas srog chags khrag khrig phrag brgyad cus bla na med pa yang dag par rdzogs pa'i byang chub tu sems bskyed par gyur to/ /dge slong ya shas de ltar phan pa mang po byas nas de'i 'og tu 'chi ba'i dus byas pa dang / dge slong ya sha'i rjes su phyogs pa'i skye bo bdun khri yod pa de dag gis dge slong ya sha'i phyir ring bsrel gyi mchod rten bdun khri brtsigs nas spos dang / me tog dang / spos kyi phye ma dang / byug pa dang / phreng ba dang / gdugs dang / rgyal mtshan dang / ba dan mang po sna tshogs kyis mchod cing bkur stir byas/ bla mar byas shing bsngags pa brjod par gyur to/ /gang po dge slong ya shas 'chi ka'i dus kyi tshe slar 'dzam bu'i gling 'di nyid du skye bar gyur cig ces smon lam btab pas 'chi ba'i dus byas pa'i 'og tu smon lam btab pa bzhin du yang rgyal rigs su skyes par gyur te/ de'i che lha mang po rnams kyis sgra chen po phyung ste/ 'di skad du kye deng rgyal po'i bu bcas pa 'di ni sems can la phan pa mang po byed pa yin no zhes bsgrags pas/ sgra de'i rjes su ming yang rab tu 'dren pa zhes btags so/ /de lo bcu bzhi lon pa dang / de bzhin gshegs pa me ro gan d+ha yongs su mya ngan las 'das pa'i 'og tu lo lnga brgya pa'i bstan pa la rab tu byung bar gyur to/ /dge slong rab tu 'dren pa de yang mdo sde dang / bstan bcos mang po rgya cher kha ton du 'don pa dang / mang du thos shing zab mo la 'jug pa dang / tshig 'bru dang / spobs pa yongs su dag pa dang / chos bstan pa'i thabs la rab tu mkhas par gyur to/ /gang po dge slong rab tu 'dren pa de grong rdal gcig tu/ grong khyer gcig tu/ yul gcig nas gcig tu rgyu zhing song nas/ de bzhin gshegs pa me ro gan d+ha'i bstan pa rgya cher spel nas phan pa mang po byas so/ /de'i tshe da ma shi ri dang / dran pa thob pa dang / ya sha'i dge</font><hr>81.226b<br><font size=+1>

slong gi tshogs rnams gcig tu 'dus nas rab tu 'dren pa'i thad du 'ongs te/ de'i bstan pa dag gzhig cing skur pa gdab par bshams so/ /de nas de'i tshe dge slong rab tu 'dren pas dge slong mang po 'ongs par rig nas 'di skad du kye dge slong mang po khyed dngos po ci zhig gis ni rgol bar sems/ dngos po gang zhig ni 'dri bar sems shes pa dang / dge slong mang po rnams de skad smras pa thos nas mya ngan gyis non cing mi bde bar gyur pas cang mi zer bar gyur te/ dge slong rab tu 'dren pa la bgegs bya bar yang ma nus so/ /gang po byang chub sems dpa' de ji srid du 'jig rten na gnas pa de srid du sangs rgyas kyi bstan pa yang rgyas shing rab tu 'phel bar gyur to/ /de yongs su mya ngan las 'das pa'i rjes su sangs rgyas kyi bstan pa yang nub par gyur to/ /dge slong rab tu 'dren pa de ma 'ongs pa'i dus tha ma la dam pa'i chos nub tu nye ba'i tshe grong rdal gcig nas gcig tu/ grong khyer gcig nas gcig tu/ yul gcig nas gcig tu rgyu zhing song nas sems can mang po'i ched du yongs su dag cing stong pa nyid kyi rjes su 'thun pa'i mdo sde zab mo yang dag par bstan pas srog chags bye ba phrag brgyad cus bla na med pa yang dag rdzogs pa'i byang chub tu sems bskyed par gyur te/ de dag 'chi ba'i dus byas pa'i 'og tu thams cad kyang mtho ris lha'i 'jig rten du skyes par gyur to/ /gang po dge slong rab tu 'dren pas de ltar phan pa byas nas de gang gi nub mo 'chi ba'i dus byas pa de'i phyir de nyin par sangs rgyas kyi bstan pa nub par gyur to/ /gang po de bzhin gshegs pa me ro gan d+ha'i bstan pa nub par gyur pa'i phyir mdo sde zab mo yongs su dag cing stong pa nyid kyi rjes su 'thun</font><hr>81.227a<br><font size=+1>

ba'i chos rnams kyang nub par gyur to/ /gang po de ltar na byang chub sems dpa' sems dpa' chen po rnams ni mdo sde zab mo de lta bus sangs rgyas kyi bstan pa srung zhing bdag nyid kyi dge ba'i rtsa ba dang / bsod nams kyang phun sum tshogs par byed pa yin no/ /gang po byang chub sems dpa' rab tu 'dren pa de 'chi ba'i dus byas pa'i 'og tu zhing de nyid kyi steng gi phyogs kyi 'jig rten gyi khams bcu par skyes par gyur te/ de'i tshe zhing de'i sangs rgyas kyi mtshan ni de bzhin gshegs pa dgra bcom pa yang dag par rdzogs pa'i sangs rgyas legs pa'i spyan zhes bya ste/ de'i bstan pa la rab tu byung nas tshe rabs snga ma'i dge ba'i rtsa ba dang / bsod nams kyi rgyu dang rkyen gyis shes rab zab cing gsal la rno ba dang spobs pa gtugs pa med cing myur la thogs pa med par gyur to/ /dge slong rab tu 'dren pa de de bzhin gshegs pa legs pa'i spyan gyi bstan pa la lo brgyad khri bzhi stong gi bar du dge ba'i chos rnams mngon par bsgrubs nas 'chi ba'i dus byas pa dang / slar yang de nyid du de bzhin gshegs pa rab tu 'phel ba'i dpung pa zhes bya ba dang phrad par gyur nas sangs rgyas de'i bstan pa la rab tu byung ste/ dge ba'i rtsa ba rnams mngon par bsgrubs nas bla na med pa yang dag par rdzogs pa'i byang chub yongs su gnyer bar gyur to/ /de nas 'chi ba'i dus byas pa'i 'og tu slar yang de nyid du skyes nas de bzhin gshegs pa dgra bcom pa yang dag par rdzogs pa'i sangs rgyas gdon mi za ba'i spyod pa dang phrad par gyur te/ sangs rgyas de'i bstan pa la rab tu byung nas lo bdun khri'i bar du nan tan brtson 'grus kyis dge ba'i rtsa ba mngon par</font><hr>81.227b<br><font size=+1>

bsgrubs nas bla na med pa yang dag par rdzogs pa'i byang chub yongs su gnyer bar gyur to/ /de'i tshe de'i ming ni shu la zhes bya ste/ de bzhin gshegs pa gdon mi za ba'i spyod pa des 'di skad du nga yongs su mya ngan las 'das pa'i 'og tu dge slong shu la 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas thogs pa mi mnga' ba'i spyan zhes bya bar 'gyur ro zhes lung bstan to/ /gang po byang chub sems dpa' gang chos gsum pa 'di dang ldan par gyur na yon tan phun sum tshogs pa thams cad rab tu 'thob par 'gyur ro/ /de nas de'i tshe bcom ldan 'das kyis don 'di nyid rab tu gsal bar bstan pa'i phyir tshigs su bcad de bka' stsal pa/ byang chub sems dpa' zab mo yi/ /rnam dag nges pa'i chos thos nas/ /bdag nyid de la gnas byed cing / /gzhan dag la yang ston par byed/ /'jig rten gting ni mi dpogs kyang / /byang chub sems dpa' bying mi 'gyur/ /tshul khrims rnam dag rab gnas nas/ /rgya cher sems can phan yang 'dogs/ /gleng gzhi dang ni rtogs par brjod/ /sangs rgyas lam zhes 'khor la ston/ /sangs rgyas rnams kyis gsungs pas na/ /'di ni nges pa'i chos yin no/ /byang chub sems dpa' phan spyod pa/ /sems can la ni phan yang 'dogs/ /sangs rgyas chos rnams srung byed cing / /'khor la byang chub 'dems par byed/ /sems can dag gi chos bzhin don/ /byang chub sems dpas thams cad byed/ /'khor la sangs rgyas lam ston pas/ /byang chub sems ni nye bar 'gyur/ /sangs rgyas lam ni srung byed cing / /sems can rgya cher phan 'dogs pas/ /lha dang klu dang 'dre srin dang / gang zag chen pos bkur bar</font><hr>81.228a<br><font size=+1>

'gyur/ /de phyir rnam par dag pa yi/ /stong zab gya nom chos thos nas/ /rtse gcig sems shing gnyer byed na/ /shes rab dag ni 'phel bar 'gyur/ /gzhan yang gang po byang chub sems dpa' sems dpa' chen po rnams ni spyod pa rnams phun sum tshogs par byed de/ spyod pa rnams phun sum tshogs par gyur ba'i phyir dge ba'i rtsa ba dang / /bsod nams phun sum tshogs par byed par 'gyur ro/ /de la spyod pa gang zhe na/ gang po byang chub sems dpa' ni dge ba'i bshes gnyen la brten nas sbyin pa yongs su gtong bar byed/ tshul khrims srung bar byed/  bzod pa sgom par byed/ brtson 'grus rtsom par byed/ bsam gtan la mnyam par 'jog par byed/ shes rab dang thabs mkhas pa sgom par byed do/ /byang chub sems dpa'i dge ba'i bshes gnyen gang zhe na/ byang chub sems dpa' gang las mdo sde de lta bu dag rjes su bstan pa'i thabs mkhas pa 'thob par 'gyur ba/ sangs rgyas dang / nyan thos dang / lhag pa'i bsam pas byang chub don du gnyer bar byed pa'i byang chub sems dpa' thams cad ni byang chub sems dpa'i dge ba'i bshes gnyen zhes bya ste/ byang chub sems dpa' gang chos bzhi pa 'di dang ldan par gyur na yon tan phun sum tshogs pa thams cad rab tu 'thob par 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ ngas ni byang chub sems dpa' rnams/ /spyad par bya ba'i chos dag ni/ /sbyin pa btang nas rab dga' zhing / 'gyod pa med pa yin zhes bshad/ /de la dga' ba gang zhe na/ /dga' bas lus kun khyab pa yin/ /rtag tu dga' sems 'di yis ni/ /byang chub lam ni spyad par bya/ /byang chub sems dpa' sbyin btang nas/ /byang chub du ni sngo byed cing / /sems can rnams la phan 'dogs na/ /rang don dpag</font><hr>81.228b<br><font size=+1>

med thob par 'gyur/ /slob pa dag ni mthong gyur na/ /sangs rgyas 'du shes rab bskyed de/ /de ring 'dir ni 'di 'ongs pas/ /bdag la byang chub lam yang byin/ /bdag ni 'di yi dbang gis na/ /rnam dag zhing ni thob par 'gyur/ /'di yis bdag la sangs rgyas bstan/ /bdag la sangs rgyas lam ston byed/ /deng bdag 'di dang phrad pas na/ /rnyed pa chen po rab rnyed ces/ /dga' bas lus kun khyab nas ni/ /dngos po gzhan la mos mi byed/ /dga' zhing drung du 'ongs gyur na/ /rgyang nas gsong por smra bar byed/ /khyod ni dngos po ci zhig 'dod/ /bdag gis zad par sbyin zhes zer/ /gal te dgos pa med zer na/ /byang chub sems dpa' rab dga' zhing / /'dis bdag gdul bar 'dod pa'i phyir/ /dgos pa med ces zer bar zad/ /'phags pa 'dis ni gang mos pa'i/ /'dod nyung chog shes chos kyis ni/ /'dir 'ongs bdag la go byas nas/ /byang chub rkyen ni thob par byed/ /deng bdag gang zag 'di yi rgyus/ /rjes su bstan pa'i chos kyang thob/ /khyed kyis dgos med gang smras pa/ /tshig 'di legs pa yin zhes zer/ /dngos po 'di ni 'dod zer zhing / /bdag la byin cig zer na yang / /byang chub sems dpas ci bdog pa/ /thams cad dga' bas khyer zhes zer/ /gal te sbyin pa btang nas ni/ /phyis kyang 'gyod pa med 'gyur na/ /sangs rgyas lam ni dran par phyir/ /sems ni rtag tu dga' ba 'thob/ /sems can kun la skal yod pas/ /thams cad phongs pa med 'gyur zhing / /ma lus thams cad tshim byed zhes/ /sbyin pa gtong tshe sngo bar byed/ /byang chub lam ni spyod pa'i tshe/ /sems can bdag gi ming thos pa/ /rang gi ngang gis chog shes shing / /ser sna chags sems med par shog /bdag gi yul gyi sems can kun/ /</font><hr>81.229a<br><font size=+1>

lam spyod thams cad chog shes shing / /'dod lnga chags pa kun spangs nas/ /thams cad rab 'byung mos par shog /de 'dra'i spyod pa tshad med dang / /sbyin pa yongs su bsngos pa yis/ /rtag par sbyin pa rab gtong zhing / /sems can bdag rjes slob par shog /byang chub sems dpas sbyin gtong tshe/ /byams sems sems can khyab pas na/ /'jig rten dag ni thams cad na/ /de 'dra'i bde ba yong med do/ /dper na khyim bdag phyug po zhig /nor dang rin chen shin tu mang / /bu ni gcig cig yod pa las/ /lo ni mang por lam ring song / /khyim bdag bu 'ongs thos gyur nas/ /dga' bas lus kun khyab 'gyur zhing / /yun ring lon nas deng 'ongs shes/ /da gdod btsas bzhin rab tu dga'/ /byang chub sems dpa' slong mthong na/ /de yi sems ni rab tu dga'/ /khyim bdag de'i dga' bas ni/ /bcu drug char yang mi phod do/ /sbyin pa gtong bar thos gyur na/ /de yi sems ni rab dga' bas/ /byams sems las byung dga' ba yi/ /dpe zla dag ni yong med do/ /ji ltar rgyal pos nyes byung ba/ /yan lag gtubs shes bsgo bas na/ /gsod pas gsad sar khrid nas ni/ /mtshon gyis gdab par gzas pa dang / /rgyal pos longs spyod thabs byin na/ /mi de'i rab tu dga' bas kyang / /byang chub sems dpas phongs pa la/ /sbyin btang dga' ba tsam mi phod/ /byang chub sems dpa' lam sgom tshe/ /bsod nams zhing ni mi tshal gyi/ /slong ba yod na gtong byed pas/ /de phyir dga' ba chen po thob/ /byang chub sems dpa' sangs rgyas dang / /dgra bcom rang rgyal mthong gyur na/ /gus sems phrad dka' rig pas na/ /de phyir drung 'gro mchod par byed/ /byang chub sems dpa'</font><hr>81.229b<br><font size=+1>

gzi byin ldan/ /gsal rno sems ni dul bas na/ /yon tan mos shing lam gnyer phyir/ /sangs rgyas dge 'dun mchod par byed/ /sangs rgyas bcom ldan 'das rnams dang / /de yi nyan thos ma gtogs par/ /ltag pa'i bsam dang gus sems kyis/ /lha klu gzhan ni mchod mi byed/ /gal te rang rgyal 'ga' zhig gis/ /rang byung mya ngan 'das thob pa/ /de 'dra'i yon tan ldan mthong na/ /de la yang ni mchod pa byed/ /byang chub sems dpa' bsod nams zhing / /dge dang mi dge rig pas na/ /'jig rten mkhas pa gang yin pa'i/ /mu stegs sdig can mchod mi byed/ /tshul khrims phyogs la rab gnas shing / /byams sems sems can kun la khyab/ /brtson 'grus dag kyang dpe zla med/ /bzod shes mang thos rgya yang che/ /de 'dra'i yon tan ldan pas na/ /'jig rten kun gyi gtsor gyur nas/ /sangs rgyas byang chub mngon byas te/ /bla med 'khor lo skor bar byed/ /byang chub sems dpa' de 'dra yi/ /chos bzhi dag ni sgrub byed na/ /dge ba'i rtsa ba ji snyed pa/ /thams cad kun ni mngon du 'gyur/ /bskal pa bye ba grangs med du/ /yon tan rnams ni gang bsgrubs pa/ /de kun byang chub sems dpa'i lam/ /'dir ni bsdu bar bya ba yin/ /de phyir byang chub sems dpa' rnams/ /rtag tu byams sems bsgom par bya/ /rab byung ri dang tshal gnas shing / /dgon pa'i gnas la mos pa bya/ /rtag par shin tu rnam dag cing / /zab mo nges pa'i chos btsal te/ /byang chub spyod dang ldan byas nas/ /de yi bdag nyid 'phel bar bya/ /dge ba'i rtsa ba dang ldan pa'i le'u ste bzhi pa'o// // de nas de'i tshe bcom ldan 'das kyis rdzu 'phrul gyi mthus sku'i spu'i bu ga kun nas 'od zer bye ba phrag brgya stong du ma bkye'o/ /gzhan yang spu'i bu ga re re</font><hr>81.230a<br><font size=+1>

kun nas me rab tu 'bar ba'i phung po ri rab lhun po dang mnyam pa dag byung bar gyur to/ /gzhan yang spu'i bu ga re re kun nas de bzhin gshegs pa chos ston par mdzad pa gang gA'i klung gi bye ma snyed byung bar gyur te/ 'khor 'dus pa thams cad kyis kyang de lta bu'i rdzu 'phrul gyi mthu bstan pa mthong bar gyur to/ /de nas bcom ldan 'das kyis rdzu 'phrul de lta bu mngon du mdzad nas tshe dang ldan pa gang po la bka' stsal pa/ gang po khyod kyis de bzhin gshegs pa'i spu'i bu ga nas byung ba'i rdzu 'phrul gyi mthu mthong ngam/ gsol pa/ bcom ldan 'das mthong lags so/ /gang po de bzhin gshegs pa ni rtag par 'di lta bu'i rdzu 'phrul gyi mthu dang ldan pa rgyun chad pa med pa yin na deng nyan thos rnams ni de bzhin gshegs pa 'di 'ba' zhig tu bzhugs nas chos 'chad par mthong ste/ da ni yang dag par na phyogs bcu'i 'jig rten gyi khams gang gA'i klung gi bye ma snyed kun du rgyun chad pa med par sangs rgyas kyi mdzad pa mdzad cing phyogs bcu'i 'jig rten gyi khams kun du de bzhin du chos ston par mdzad de/ gang po gal te 'ga' zhig yang dag pa'i tshig gis 'di skad du mtshungs pa med cing dpe zla med pa rkang gnyis kyi mchog /bsod nams kyi zhing shin tu zab cing dpag par dka' ba/ spyod pa dpag tu med pa dang ldan pa/ gom pa gcig bor na yang sems can thams cad kyis sems gang dang / spyod pa gang gis rkang pa bteg cing bzhag pa shes par yang mi 'gyur la gzhal bar mi nus pa de gang yin zhes zer na/ de ni nga yin no zhes smra bar bya ste/ gang po sems can thams cad kyis de bzhin gshegs pas dgongs pa gang dang / bsam pa gang dang / spyod pa gang gis zhabs bteg pa dang zhabs bzhag pa gzhal bar mi nus pas so/ /de nas de'i tshe bcom ldan 'das kyis don 'di</font><hr>81.230b<br><font size=+1>

nyid rab tu gsal bar bstan pa'i phyir tshigs su bcad de bka' stsal pa/ bcom ldan dgongs pa gang dag dang / /spyod pa gang gis zhabs bteg bzhag /g.yo dang mi g.yo sems can gyis/ dngos po 'di ni rtag mi rig /rdzu 'phrul mthu yang tshad med de/ /spyod pa dag kyang tshad med do/ /yon tan dag ni tshad med phyir/ /mchog tu mtho zhing gtso bor gyur/ /blo gros chen po tshad med pas/ /sus kyang mthar thug shes mi 'gyur/ /gal te sems can thams cad kun/ /shes rab dang ni rdzu 'phrul stobs/ /thams cad shA ri'i bu dang ni/ /mo+od gal lta bur gyur kyang ni/ /nga yis rkang pa bteg bzhag pa'i/ /dngos po dag ni rig mi 'gyur/ /gal te sems can thams cad kun/ /rang rgyal byang chub grub gyur kyang / /nga yi gom gcig mi rig na/ /chos zab gzhan lta smos ci dgos/ /nyi zla tshad med ji snyed pa/ /nyi ma'i dkyil 'khor gcig gyur kyang / /de bzhin gshegs pa'i spu khung gcig /'di zer tsam yang mi phod do/ /gal te 'jig rten khams bye ba/ /khrag khrig phrag ni bdun khri yi/ /nyi ma'i dkyil 'khor kun du yang / /zhing ni tshad med snang byed pa/ /de 'dra'i nyi ma chen po dag /phyogs bcu gang gA'i bye ma snyed/ /thams cad nyi ma gcig tu gyur/ /'od zer gcig kyang ri rab tsam/ /de 'dra'i nyi ma chen po dag /rtag par phyogs bcu gsal byed pa/ /sangs rgyas 'od dang bsgrub gyur na/ /sdong po tshig bzhin snang mi 'gyur/ /nyi ma chen po de yi 'od/ /ljon shing lo ma mi thal zhing / /ri dang klung dang brag rnams la/ /thams cad du ni thogs par 'gyur/ /de bzhin gshegs pa'i 'od zer ni/ /ri rab dang ni lcags ri dang / /rdo rje ri ni thams cad la/ /thal bar 'gro zhing thogs pa med/ /'od zer rdzu 'phrul mthu stobs dang / /gzi byin dag ni tshad med pas/ /yid ches med pa ma gtogs par/ /</font><hr>81.231a<br><font size=+1>

mthong ba su zhig sems mi skyed/ /sems can de 'dra'i 'od zer dang / /rdzu 'phrul mthu chen mthong 'gyur na/ /bdag cag kyang ni thob 'gyur zhes/ /phal cher bla med sems kyang skyed/ /de tshe bcom ldan 'dzum mdzad nas/ /kun dga' bos ni 'di skad gsol/ /gang slad bcom ldan 'dzum pa mthong / /thogs med mkhyen pas bkas bshad gsol/ /bcom ldan kun dga' bka' stsal pa/ /sems can rnams kyis deng nga yis/ /rdzu 'phrul mthu bstan mthong bas na/ /sems bskyed sangs rgyas grub par smon/ /'khor 'dir srog chags sum khri yis/ /chos 'di bsrung bar dam yang bcas/ /bdag cag sangs rgyas 'das 'og tu/ /mdo sde 'di ni gdon bya sems/ /de dag nga ni 'das pa'i 'og /mdo sde 'di ni thos gyur nas/ /bar dang tha ma'i dus kyi tshe/ /ji skad bstan bzhin sgrub par 'gyur/ /byang chub sems bskyed shin du dka'/ /sangs rgyas chos mos pa yang dka'/ /tha ma'i dus tshe mdo sde 'di/ /'dzin cing 'don pa de bas dka'/ /bskal pa bye ba brgya stong du/ /sangs rgyas 'byung ba shin du dkon/ /ma 'ongs tha ma'i dus kyi tshe/ /mdo sde 'di bshad de bas dkon/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ngas mdo sde 'di khyod la yongs su gtad do/ /de ci'i phyir zhe na 'dzam bu'i gling na ji srid du byang chub sems dpa'i sde snod kyi mdo sde 'di gnas pa de srid du sangs rgyas kyi chos kun gnas par 'gyur bas so/ /kun dga' bo 'di lta bu'i mdo sde zab mo 'di nub par gyur ba'i phyir ji skad bstan pa bzhin du mngon par bsgrub par bya ba'i chos kun nub par 'gyur ro/ /ji skad bstan pa bzhin du bsgrub par bya ba'i chos nub par gyur ba'i phyir sangs rgyas</font><hr>81.231b<br><font size=+1>

kyi bstan pa yang nub par 'gyur ro/ /kun dga' bo deng khyed kyis mchod pa'i yo byad mchog dam pas nga la mchod par bya'o/ /ji ltar na nyan thos rnams kyis mchod pa'i yo byad mchog dam pas nga la mchod par 'gyur zhe na/ khyod kyis 'di snyam du me tog dang / spos dang / spos kyi phye ma dang / byug spos dang / gdugs dang / rgyal mtshan dang / ba dan dang / na bza' dang / rol mo sil snyan mchog dam pa dang / de bzhin gshegs pa la bsngags pa brjod pa ni mchod pa mchog dam pa yin no snyam du bsam par mi bya ste/ kun dga' bo de lta bu de dag ni mchod pa mchog dam pa zhes mi bya'i/ gang gis mdo sde zab mo 'di lta bu thos nas len pa dang / 'dzin pa dang / klog pa dang / kha ton du 'don pa dang / ji skad bstan pa bzhin du mngon par sgrub pa gang yin pa de ni mchod pa'i yo byad mchog dam pas de bzhin gshegs pa la mchod cing rim gro byas pa dang / bkur sti byas pa dang / bla mar byas pa dang / bsngags pa brjod par byas pa zhes bya'o/ /de ci'i phyir zhe na/ de bzhin gshegs pa thams cad kyang chos la mchod cing rim gro dang bsnyen bkur mdzad kyi/ 'jig rten pa'i mchod pa'i yo byad rnams la ni btsun par mi mdzad pas so/ /de lta bas na kun dga' bo deng mdo sde 'di nan tan brtson 'grus kyis khyod la yongs su gtad pa yin no/ /de ci'i phyir zhe na/ kun dga' bo ngas kyang mdo sde 'di yang dag par bslabs pas deng bla na med pa yang dag par rdzogs pa'i byang chub mngon par rdzogs par sangs rgyas nas bla na med pa'i chos kyi 'khor lo yongs su bskor ba yin no/ /'das pa'i sangs rgyas rnams kyang sngon byang chub sems dpa'i spyad pa spyod pa'i tshe mdo sde 'di yang dag par bslabs pas bla na med pa yang dag</font><hr>81.232a<br><font size=+1>

par rdzogs pa'i byang chub mngon par rdzogs par sangs rgyas nas bla na med pa'i chos kyi 'khor lo yongs su bskor to/ /ma byon pa'i sangs rgyas rnams kyang mdo sde 'di yang dag par bslabs nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing bla na med pa'i chos kyi 'khor lo rab tu yongs su skor bar 'gyur ro/ /da ltar phyogs bcu'i 'jig rten gyi khams na bzhugs pa'i sangs rgyas bcom ldan 'das ji snyed pa thams cad kyang mdo sde 'di yang dag par bslabs pas bla na med pa yang dag par rdzogs pa'i byang chub mngon par rdzogs par sangs rgyas nas deng chos kyi 'khor lo yongs su bskor bar mdzed pa yin bas/ de'i phyir kun dga' bo byang chub sems dpa'i sde snod kyi mdo sde 'di ni chos kyi 'khor lo yongs su bskor ba'i 'khor lo'i rgyu tshal nyan la mdo sde zhes bya bar yongs su gzung bar bya'o/ /ngas yul bA rA Na sI'i ri dgas rgyu ba'i tshal du yang nyan thos rnams la 'dis chos kyi 'khor lo yongs su bskor to/ /kun dga' bo ngas deng 'od ma'i tshal 'dir yang byang chub sems dpa'i sde snod kyi mdo sde sde phyir mi ldog pa'i 'khor lo 'di yongs su bskor nas sems can thams cad kyi the tshom yongs su bcad do/ /kun dga' bo 'das pa'i de bzhin gshegs pa rnams kyis kyang nam mkha'i sa 'tshams 'dir byang chub sems dpa'i sde snod kyi mdo sde 'di yang dag par gsungs so/ /ma byon pa'i de bzhin gshegs pa rnams kyang nam mkha'i sa mtshams 'dir byang chub sems dpa'i sde snod kyi mdo sde 'di yang dag par gsung bar 'gyur ro/ /ngas deng bla na med pa yang dag par rdzogs pa'i byang chub mngon par rdzogs par</font><hr>81.232b<br><font size=+1>

sangs rgyas nas kyang nam mkha'i sa mtshams 'dir byang chub sems dpa'i sde snod kyi mdo sde 'di yang dag par bshad pas de'i phyir sa gzhi 'di ni de bzhin gshegs pa rnams kyi mchod rten chen po lha dang mir bcas pa'i 'jig rten thams cad kyis mchod pa bya ba'i gnas su gyur par rig par bya'o/ /kun dga' bo sa gzhi 'di 'ba' zhig thun mong ma yin pa'i yon tan 'di lta ste/ 'das pa'i de bzhin gshegs pa rnams kyis 'dir mdo sde zab mo 'di yang dag par gsungs pa dang ldan pas/ kun dga' bo 'di ltar 'dod chags dang / zhe sdang dang / gti mug dang bcas pa'i sems can ji snyed pa de dag 'od ma'i tshal 'dir zhugs par gyur na 'dod chags dang / zhe sdang dang / gti mug slong bar mi 'gyur ro/ /kun dga' bo de bzhin gshegs pa gtsug lag khang gzhan na yang bzhugs par gyur mod kyi/ de dag gang la yang 'di lta bu'i yon tan med do/ /de ci'i phyir zhe na/ kun dga' bo ka lan da ka dang 'od ma'i tshal 'dir dud 'gro'i skye gnas su gtogs pa dag zhugs par gyur na ni 'dod chags skye bar mi 'gyur la/ bya mang po zhugs par gyur na ni dus ma yin par sgra mi 'byin pas so/ /ji lta zhe na/ yul ma ga d+ha'i rgyal po gzugs can snying po spyi bo nas dbang bskur nas dang po rgyal sar zhugs pa'i tshe btsun mo'i 'khor dang bcas te bskyed mos tshal 'dir zhugs nas lhan cig tu rtse bar byas pa las zhugs ma thag tu bdag nyid 'dod chags kyi rtsed mo bya ba'i bsam pa med par gyur par tshor bar gyur to/ /btsun mo'i 'khor rnams kyang so so nas 'dod chags kyi sems kyis rtsed mo bya ba'i bsam pa med par gyur pa tshor bar gyur pa dang / de'i tshe rgyal po rab tu dga' bar gyur nas 'di snyam du 'jig rten na sangs rgyas 'byung zhing bdag gi yul du byung</font><hr>81.233a<br><font size=+1>

bar gyur na bdag gis mthong bar gyur cig /mthong nas kyang sems kyis mngon par yid ches par gyur cig /mngon par yid ches par gyur nas kyang mchod pa byed par gyur la/ bskyed mos tshal 'di de bzhin gshegs pa la phul te/ de bzhin gshegs pa yang 'dir bzhugs par gyur nas bdag gis chos thos par gyur cig /de ci'i phyir zhe na/ /bskyed mos tshal 'di ni mchod gnas su gyur pa dag gi gnas yin gyi/  'dod pa lnga dang ma bral ba dag gi gnas ni ma yin no snyam du sems pas so/ /kun dga' bo rgyal po gzugs can snying po bskyed mos tshal 'dir zhugs pa na de lta bu'i dge ba'i sems skyes pa yang 'das pa'i dus su de bzhin gshegs pa rnams bskyed mos tshal 'dir bzhugs nas byang chub sems dpa'i sde snod kyi mdo sde 'di gsungs pas na de'i phyir bskyed mos tshal 'di'i yon tan ji snyed yod pa de dag ni gzhan dag dang thun mong du ma gyur pas lha dang / mi dang lha ma yin du bcas pa'i 'jig rten thams cad kyis gus pas phyag byed pa yin no/ /kun dga' bo bskyed mos tshal 'di ni sbrul gdug pa dang / rtsangs pa dang / sbrang bu dang / sbrang bu mchu rings la sogs pa med do/ /gal te gnas par gyur na yang gdug pa'i sems med do/ /'di yang 'od ma'i tshal gyi thun mong ma yin pa'i yon tan yin te/ gal te lo brgya'i bar du tshal 'di'i yon tan brjod na yang mthar thug par mi 'gyur ro/ /de ci'i phyir zhe na/ kun dga' bo 'od ma'i tshal gyi dri gtsang khang 'di ni yon tan tshad med pa snyed dang ldan gyi gzhan ni de lta ma yin pas so/ /bcom ldan 'das la tshe dang ldan pa kun dga' bos gsol pa/ bcom ldan 'das bdag gis sngon 'od ma'i tshal 'di 'di lta bu'i yon tan dang ldan</font><hr>81.233b<br><font size=+1>

bar ma 'tshal lags so/ /bcom ldan 'das bdag gis sngar bcom ldan 'das kyi zhabs 'bring bgyi bar ma mos pa'i sdig pa gang lags pa deng bdag bshags par 'tshal lo/ /bcom ldan 'das kyis bka' stsal pa/ /kun dga' bo khyod kyis dang po chos rnams la chos kyi mig rnam par dag pa thob par gyur pa de nyid kyi tshe sdig pa de dag byang bar gyur to/ /rdzu 'phrul gyi stobs kyi le'u ste lnga pa'o// //  bam po lnga pa/ de nas tshe dang ldan pa maud gal gyi bu chen po 'di snyam du bcom ldan 'das ni 'di ltar thugs rje chen po dang ldan pas byang chub sems dpa'i spyod pa rnams legs par ston par mdzad pas bcom ldan 'das ni shin du ngo mtshar che ba yin no/ /de ci'i phyir zhe na/ byang chub sems dpa' ni sangs rgyas kyi chos phun sum tshogs par sgrub cing skye 'gag med pa'i don sems can gyis khong du chud par byed pas so snyam mo/ /de nas bcom ldan 'das kyis tshe dang ldan pa maud gal gyi bu chen po'i sems kyi bsam pa thugs kyis mkhyen nas tshe dang ldan pa maud gal gyi bu chen po la bka' stsal pa/ maud gal de de bzhin no/ de de bzhin te/ de bzhin gshegs pa rnams ni thugs rje chen po dang ldan pa yin no/ /gal te nga'i nyan thos gang thugs rje chen po dang ldan pa'i don thos par gyur na sems myo myo por 'gyur zhing mos par yang mi 'gyur ro/ /maud gal de bzhin gshegs pa'i thugs rje chen po lta re shig zhog gi /ngas gal te sngon byang chub sems dpa'i spyad pa spyod pa'i tshe snying rje chen po ji snyed cig dang ldan pa yongs su rdzogs par brjod par gyur na yang khyod kyi sems myo myo por 'gyur zhing mos par yang mi 'gyur ro/ /de nas bcom ldan 'das la tshe dang ldan pa maud gal gyi</font><hr>81.234a<br><font size=+1>

bu chen pos 'di skad ces gsol to/ /legs so/ /bcom ldan 'das sngon byang chub sems dpa'i spyad pa spyod pa'i tshe thugs rje chen po ji lta bu mnga' ba las phyogs cung zad cig bshad du gsol bcom ldan 'das kyis bka' stsal pa/ maud gal shin du legs par nyon la yid la zungs shig dang / khyod la nga sngon byang chub sems dpa'i spyad pa spyod pa'i tshe snying rje chen po las phyogs cung zad cig dpes bstan par bya'o/ /sngon byang chub sems dpa'i spyad pa spyod pa na snying rje chen po ji snyed cig spyad pa brjod kyis mi lang mod kyi/ snying rje chen po de ni dngos po rnam pa bzhi la gnas par 'gyur ro/ /bzhi gang zhe na byang chub sems dpa'i snying rje chen po ni byang chub sems dpa' ji tsam du snying rje chen po la gnas pa de tsam du sangs rgyas kyi chos mngon par bsgrubs par gyur pa gang yin pa de ni snying rje chen po zhes bya'o/ /maud gal nga ni sngon sems can rnams la 'di lta bu'i snying rje chen po dang ldan/ 'di lta bu'i smon lam chen po dang ldan pas sems can ji snyed cig sems can dmyal ba chen po mnar med pa na sdug bsngal rnams myong bar 'gyur pa dang / sems can dmyal ba chen po thig nag dang / bsdus 'joms dang / yang sos dang / ngu 'bod dang / ngu 'bod chen po dang / tsha ba dang / rab tu tsha ba dag na sdug bsngal myong bar gyur pa dag la yang ngas rtag tu sems can de dag gi ched du sems can dmyal ba chen po na sdug bsngal ji snyed yod pa dag sdig pa'i las ma byang ba de srid du myong bar gyur kyang sems la 'gyod pa med par gyur to/ /maud gal gal te sems can gyi don du 'gyur ba'i rgyu dang rkyen cig yod par gyur na ngas de dag thams cad dang du blangs nas sems can de dag sems can dmyal ba chen po las thar par byas nas nga</font><hr>81.234b<br><font size=+1>

nyid sdug bsngal dang du len par byed pas sems can gcig gi dmyal ba'i sdug bsngal yang sems can rnams kyi sdig pa'i las mthar thug pa'i bar du dang du blangs kyang de'i tshe nga'i sems la 'gyod pa ci yang med do/ /maud gal ngas ni 'di lta bu'i smon lam dang brtson 'grus chen po bskyed nas blo dang ldan pa 'di lta ste/ sangs rgyas dang / de'i nyan thos dag la 'di ltar rigs pa'i tshul dri ba'i rgyu dang rkyen yod par gyur na sdug bsngal dang du blangs nas sems can rnams sems can dmyal ba las thar par byed pas maud gal mkhas pa dag gis thos par gyur na nga'i mang du thos pa'i bsngags pa brjod de byang chub tu sems bskyed de sbyin pa gtong bar byed/ tshul khrims srung par byed/ bzod pa sgom par byed/ brtson 'grus rtsom par byed/ dge ba'i bshes gnyen la bsten pa'i bsngags pa brjod par byed do/ /maud gal ngas de lta bu thos nas brtson 'grus chen po bskyed de chos yongs su gnyer ba'i phyir lhag pa'i bsam pa bskyed nas sangs rgyas rnams kyi chos phun sum tshogs pa chen po thob par bya ba'i ched du brtson 'grus brtsams so/ /pha rol du phyin pa rnams phun sum tshogs par bya ba'i ched du bzod pa yongs su bsgoms so/ /maud gal ngas sngon ji ltar bzod pa yongs su bsgoms she na/ sngon byang chub sems dpar gyur pa na 'di ltar sems bskyed de/ phyogs bcu'i 'jig rten gyi khams dag na yod pa'i sems can ji snyed pa gzugs can nam/ gzugs med pa 'am/ 'du shes can nam/ 'du shes med pa 'am/ 'du shes med 'du shes med min yang rung ste/ sems can de dag thams cad ma lus par mi'i lus thob par gyur nas thams cad bdag gi drung du 'ongs te/ 'di skad du kye khyod ni bla na med pa yang dag</font><hr>81.235a<br><font size=+1>

par rdzogs pa'i byang chub tu sems bskyed pa yin la/ bdag cag ni 'dod pa lnga'i bde ba dang / 'tsho ba'i yo byad kyis mang du phangs pa yin te/ khyod gal te bdag cag la sbyin par mi nus na bla na med pa yang dag par rdzogs pa'i byang chub thob par mi 'gyur ro zhes sems can de dag gis de'i tshe tshig brlang pos brgyad bkag gam/ mi bden pas skyon smos sam/ yid dang mi mthun pa'i phyir ral gri dang / dbyug pa dang / gyo mo dag gis bdag gi lus la gnod pa byas kyang bdag de'i tshe zhe sdang dang 'gyod pa mi bskyed par bdag gis 'di ltar sems rab tu gdul bar bya'o/ /sems can 'di dag ni glen zhing gti mug pa dang / shes pa med pas gti mug gi las byed pa yin na/ gal te bdag gis kyang sems can glen zhing gti mug pa 'di dag la zhe sdang dang / 'khon du 'dzin pa bskyed par gyur na/ 'o na ni bdag 'di dag dang tha dad pa yang ci yod/ 'di dag ni lam du ma zhugs pa yin la/ bdag ni dge ba'i lam du zhugs pa yin pas deng bdag gis sems can 'di dag las sdug bsngal dang du blangs te zhe sdang gi bsam pa mi bskyed par sa chen po bzhin du bzang po dang ngan pa shor bar bya'o snyam nas/ maud gal ngas sngon bzod pa 'di lta bu yongs su bsgoms so/ /gzhan yang maud gal ngas ni yun ring po nas rtag tu sems can thams cad la bu gcig pa bzhin du bltas so/ /'di lta ste dper na khyim bdag shin du phyug cing nor mang la rin po che rab tu mang ba/ bran pho dang / bran mo dang / las byed pa dang ldan pa zhig yod la/ de brtul zhugs rnam pa brgya spyad de bu zhig rnyed par gyur nas sems la sdug cing blta bas mi ngoms par gyur na/ maud gal khyim bdag de ni rtag par bu de'i</font><hr>81.235b<br><font size=+1>

legs pa'i dngos po tshol bar byed/ rtag par legs pa'i dngos po sbyin par byed/ rtag par phan pa sbyin par byed kyi/ gnod pa dang phan pa ma yin pa sbyin par mi byed do/ /de bzhin maud gal nga yang yun ring po nas rtag par sems can rnams la bu gcig pa bzhin du lta bar byed pas ngas yun ring po nas rtag par sems can rnams la legs pa'i dngos po yongs su btsal nas phan 'dogs par byed kyi/ gnod pa dang phan pa ma yin pa sbyin par mi byed do/ /maud gal ngas ni yun ring po nas lam nor ba'i sems can rnams dang / lam log par zhugs pa'i sems can rnams la yang dag pa'i lam bstan nas yang dag pa'i lam la yang dag par rab tu bkod do/ /maud gal rgyu dang rkyen des na de bzhin gshegs pa ni yun ring po nas sems can rnams la shin du dang ba'i bsam pas bu gcig pa brtse zhing phangs pa la lta ba bzhin du gzigs pa yin par rig par bya'o/ /maud gal sngon 'das pa'i dus na tshong pa phal po che zhig mtshan mo lam du zhugs te dong ba las lam stor nas lam gol bar zhugs pa dang / mtshan mo mun nag tu gyur pa'i phyir gar 'gro ba mi shes nas thams cad kyis 'di skad du bdag cag ni lam stor te/ mgon byed pa yang med/ skyabs byed pa yang med/ gnas byed pa yang med na/ sems can rnams las su zhig lha 'am/ klu 'am/ gnod sbyin nam/ mi 'am/ mi ma yin pa gang zhig gis bdag cag la lam bstan nas lam ma nor ba thob par 'gyur/ su zhig bdag cag la snying brtse bas phan 'dogs shing mtshan mo mun nag lam gal zhing nyam nga bar zhugs pa 'dir snang ba sbyin par byed ces smras so/ /maud gal de'i tshe dgon pa'i gnas nags</font><hr>81.236a<br><font size=+1>

tshal zhig na mu stegs can gyi drang srong zhig rtswa'i spyil bu'i nang na 'dug pa las/ mtshan mo mun pa'i nang na tshong pa mang po rnams snying rje rje skad du ngu 'bod pa'i sgra thos nas de 'di snyam du deng tshong pa mang po rnams mtshan mo mun nag tu gyur pas dgon pa'i gnas nags tshal 'dir lam stor bar gyur te/ gal te bdag gis skyabs ma byas na tshul yang ma yin la/ tshong pa mang po rnams kyang stag gam/ seng ge 'am/ spyang ki 'am/ glang po che 'am/ wa 'am/ gcan zan ma rungs pa rnams kyis gtses shing srog 'phrog par 'gyur ro snyam nas/ maud gal de'i tshe drang srong des sgra chen po phyung ste tshong pa rnams la smras pa/ kye tshong pa rnams khyed ma 'jigs shing / deng bdag gis khyed kyi skyabs bya zhing snang bas khyer la lam yang dag par bstan par bya'o zhes de'i tshe drang srong des tshong pa rnams tshig gis spro ba bskyed de/ ras kyis lag pa gnyis dkris nas 'bru mar gyis kun du khyab par blugs te me spar nas sgron ma byas te tshong pa rnams la lam bstan to/ /maud gal de'i tshe tshong pa rnams so so nas 'di snyam du drang srong 'di ni shin du ngo mtshar che ba yin te/ bdag cag gi phyir lus dang srog la yang phangs pa med par gyur to snyam mo/ /maud gal de'i tshe drang srong des lag pa bsregs pa'i snang bas tshong pa rnams la lam bstan nas kyang sems can la snying rje cher skyes par gyur nas 'di snyam du nam bdag bla na med pa yang dag par rdzogs pa'i byang chub mngon par rdzogs par sangs rgyas pa'i tshe lam log par zhugs pa'i sems can rnams la chos kyi snang ba byas nas yang dag pa'i lam ston par gyur cig snyam mo/ /maud gal de'i tshe di'i dus na lag pa gnyis bsregs par gyur</font><hr>81.236b<br><font size=+1>

kyang lus dang sems la 'gyur ba cung zad kyang med do/ /de ci'i phyir zhe na/ lhag pa'i bsam pa la gnas pa'i byang chub sems dpa' ni gzhan gyi don yongs su gnyer ba na lus dang srog la yang mngon par zhen pa med pas so/ /bsam pa rnam par dag pas sbyin pa yongs su btang ba'i rgyu dang rkyen gyis de'i lag pa yang snga mkho bzhin du gyur cing rma yang med par gyur to/ /tshong rnams kyang lam rnyed par gyur te nam nangs nas drang srong gi lag pa gnyis la rma yang med par mthong ba dang / ngo mtshar gyi bsam pa bskyed nas 'di snyam du drang srong 'di ni rdzu 'phrul gyi mthu chen po dang ldan pas mtshan thog thag lag pa gnyis spar nas bdag cag gi snang ba byas te lam yang dag par bstan kyang 'di'i lag pa la tshig pa cung zad kyang med pas gdon mi za bar 'di ni spyod pa chen po grub cing yon tan chen po dang ldan pa yin no snyam nas maud gal de'i tshe tshong pa rnams kyis drang srong de la 'di skad ces smras so/ /drang srong khyod kyis mchog tu dka' ba'i dka' ba spyad par gyur ba ni shin du legs so/ /deng spyod pa 'dis dngos po gang zhig thob par smon lags/ /drang srong gis smras pa/ kye tshong pa rnams bdag ni dngos po 'dis bla na med pa yang dag par rdzogs pa'i byang chub nas khyed la sogs pa 'khor ba'i sdug bsngal las bzlas te/ lam log par zhugs pa'i sems can rnams la yang dag pa'i lam bstan par smon to/ /de'i tshe tshong pa rnams sems rab tu dga' bar gyur nas thams cad kyis 'di skad du bdag cag gis dngos po ji lta bu zhig gis drang srong 'di la lan glan par bya zhes smras pa dang / drang srong gis smras pa/ khyed rnams rtse gcig tu dge ba'i chos spyod la bag med par ma byed cig /tshong pa</font><hr>81.237a<br><font size=+1>

rnams kyis ji skad bstan pa bzhin du 'tshal lo zhes smras nas tshong pa rnams rab tu dga' zhing gus pas phyag byas te de nas gyes par gyur to/ /maud gal khyod kyis de'i tshe de'i dus na mu stegs can gyi drang srong tshong pa rnams kyi ched du lag pa spar nas lam snang bar byas pa de gzhan zhig yin pa snyam du sems na de ltar mi blta ste de ni de nyid yin no/ /de'i tshe de'i dus kyi tshong pa rnams ni da lta gyi dge slong stong nyid brgya lnga bcu po 'di dag nyid yin no/ /maud gal de bzhi gshegs pa ni yun ring po nas 'jigs shing skrag par gyur pa'i sems can rnams la mi 'jigs pa byin pa dang / lam log par zhugs pa'i sems can rnams la yang dag pa'i lam bstan pa dang / mig med pa'i sems can dag yongs su dag pa'i mig thob par byas pa dang nad tshabs che ba'i sems can rnams gsos nas sos par byas pa'i rgyu dang rkyen des de bzhin gshegs pa ni yun ring po nas sems can rnams la thugs rje chen po rab tu mang ba yin par rig par bya'o/ /gzhan yang maud gal sngon byung ba 'das pa'i dus kyi tshe 'dzam bu'i gling 'dir nad kyi bskal pa chen po byung bas sems can rnams nad kyis nyon mongs par gyur to/ /de'i tshe 'dzam bu'i gling gi rgyal po dbang phyug gi sde zhes bya ba grong khyer chen po brgyad khri bzhi stong la dbang byed cing mthu chen po dang ldan pa zhig byung bar gyur to/ /de'i tshe rgyal po de'i btsun mo dam pa sems can dang ldan par gyur te/ de'i lus kyi yan lag gam/ lag pas sems can rnams la reg pa tsam gyis nad thams cad sos par gyur to/ /zla ba tshang nas bu khye'u zhig btsas pa dang / btsas ma thag tu 'di skad du bdag ni nad pa rnams</font><hr>81.237b<br><font size=+1>

gso bar nus so zhes smras so/ /gzhan yang btsas pa'i tshe 'dzam bu'i gling gi lha klu rnams kyis 'thun par 'di skad du deng rgyal po'i bu btsas pa 'di ni mi'i sman yin no zhes smras pas/ de skad smras pa'i sgra de kun du grags pa'i phyir ming yang mi'i sman zhes btags so/ /de'i tshe mi rnams kyang gang nad kyis btab pa rnams khrid nas rgyal bu de la bstan pa dang / nad pa gang rgyal bu'i drung du phyin pa de dag rgyal bu'i lag pas reg par gyur tam/ lus kyis reg par gyur kyang rung ste/ thams cad nad sos nas bde ba thob par gyur to/ /de bzhin du 'dzam bu'i gling na gnas pa kun gyis nad pa khrid nas rgyal bu de la bstan pa dang / rgyal bu'i lag pas reg pa tsam gyis nad thams cad sos nas mchog tu bde ba thob par gyur to/ /maud gal rgyal bu mi'i sman gyis lo stong gi bar du de ltar nad gsos nas de'i 'og tu 'chi ba'i dus byas so/ /'chi ba'i dus byas pa'i 'og tu nad pa rnams der 'ongs nas 'chi ba'i dus byas pa thos pa dang / mya ngan dang / smre sngags bton te ngus nas su zhig bdag cag na pa'i sdug bsngal las thar par byed ces smras so/ /nad kyis btab pa rnams rgyal bu mi'i sman gang du bsregs pa smras nas gang du bsregs pa shes par gyur pa dang / bsregs pa'i gnas der rus pa blangs te/ phye mar btags nas lus la bskus pa dang / thams cad nad sos par gyur nas 'di skad du rgyal bu mi'i sman da dung yang na pa rnams gso bar nus so zhes smras so/ /maud gal te ltar nad pa rnams gsos pa'i rgyu dang rkyen gyis rus pa rnams kyang mthar gyis zad par gyur to/ /rus pa rnams zad pa'i 'og tu bsregs pa'i gnas der song nas sa dang / thal ba dang / sol ba rnams blangs te so so nas lus la bskus pa dang / nad thams cad sos par gyur te/ maud gal de ltar rgyal bu mi'i sman gyis nad kyi bskal pa</font><hr>81.238a<br><font size=+1>

chen po byung ba na thabs mkhas pas nad kyi btab pa rnams gsos pa yin no/ /maud gal khyod kyis de'i tshe di'i dus na rgyal bu mi'i sman zhes bya ba byung ba de gzhan zhig yin bsnyam du sems na de ltar mi blta ste/ de ni nga nyid yin te/ ngas nad kyi sdug bsngal mang ba'i sems can mgon med pa/ skyabs med pa dag gi nad gsos so/ /ngas deng bla na med pa yang dag par rdzogs pa'i byang chub mngon par rdzogs par sangs rgyas nas kyang shes rab chen po'i sman gyi sems can rnams gsos nas sdug bsngal mthar zad pa byas so/ /maud gal nga ni sems can gyi ched du lus gang blangs pas phan 'dogs par gyur pa de bzhin du len cing phan 'dogs par byed pas maud gal rgyu dang rkyen des na ched du sems can gyi phyir lus blangs nas phan 'dogs pa yin par rig par bya'o/ /gzhan yang maud gal sngon byung ba 'das pa'i dus kyi tshe nga gcig pu grogs med par song ba las gcan zan ma rungs pa zhig 'ongs te nga'i srog bcad nas nga'i sha bza' bar 'dod pa las nga 'chi ka'i dus kyi tshe sems bskyed nas 'di skad du bdag 'chi ba'i dus byas pa'i 'og tu dgon pa'i nags tshal 'dir dud 'gro lus po che zhig tu skyes nas gcan gzan ma rungs pa gang gis bdag gi srog bcad pa de dag 'drangs shing tshim par byed par gyur cig ces smon lam btab po/ /de ci'i phyir zhe na/ gcan zan ma rungs pa de dag ni rtag par srog chags phra mo gsod cing sha za bar byas pas srog bcad pa'i kha na ma tho ba mang du bskyed kyang 'drangs shing tshim par mi 'gyur bas ngas 'di skad du bdag 'dir dud 'gro lus po cher skyes nas sha za zhing khrag 'thung ba'i sems can rnams 'drangs shing tshim par byed par gyur cig ces smon lab btab pas na</font><hr>81.238b<br><font size=+1>

'chi ba'i dus byas ma thag tu der dud 'gro lus po cher rdzus te skyes nas gcan zan ma rungs pa sha za zhing khrag 'thung ba rnams 'drangs shing tshim par byas pa yin no/ /de bzhin du tshe rabs bye ba khrag khrig brgya stong snyed du ched du lus blangs nas sems can rnams la phan pa byas te/ maud gal ngas gal te bskal pa gcig gam/ bskal pa las lhag par sngon byang chub sems dpa'i spyad pa spyod pa'i tshe sems can bkres shing skom pa rnams la rang gi sha dang khrag gis tshim par byas pa dag brjod na yang mthar thug par mi 'gyur ro/ /maud gal de ltar na ngas sngon sems can sdug bsngal ba rnams la snying rje'i sems rab tu bskyed pa yin no/ /gzhan yang maud gal ngas mngon par dran te/ sngon byung ba 'das pa'i dus kyi tshe ngas sems can sdug bsngal gyis nyon mongs pa mthong ba dang / 'di snyam du bdag gis spangs te yongs su mi bskyab pa'i mi rigs so snyam du bsams nas de dag gi thad du song nas 'di skad du kye khyed la sdug bsngal ji lta bu zhig yod/ ci zhig 'dod ces dris pa dang / de dag gis smras pa/ deng bdag cag ni shin du bkres shing skom mo/ /ngas de skad smras pa thos nas 'di skad ces smras so/ /khyed bza' ba dang btung ba ji lta bu zhig 'dod/ de dag gis nga la bdag cag ni khrag 'thung zhing sha za ba yin pas gal te lus kyi sha dang khrag bdag cag la byin na ni bdag cag gdod bde zhing nad med par 'gyur ro zhes smras pa dang / ngas de dag la de bzhin du gnang nas rang nyid kyi sha bcad khrag phyung nas sems can de dag la byin yang / maud gal de'i tshe nga'i sems la 'gyod cing phangs pa yang med/ mya ngan yang med/ byed pa yang med kyi/ 'di snyam du deng bdag gis lus kyi sha ji tsam bcad pa de tsam du 'khor ba'i sdug bsngal gyi phyogs</font><hr>81.239a<br><font size=+1>

kyang de tsam zhig 'gag par 'gyur ro snyam du bsams nas ngas yun ring por rtag par de ltar sbyin pa yongs su gtong ba la mos par gyur to/ /de ltar sbyin pa btang yang rab tu dga' zhing bde ba thob par gyur pa yin te/ rgyu dang rkyen des na de bzhin gshegs pa ni sems can rnams la thugs rje chen po rab tu mang ba yin par rig par bya'o/ /gzhan yang maud gal ngas mngon par dran te/ sngon byung ba 'das pa'i dus na rgyal po stobs po che zhes bya ba yon tan gyi mthu chen po dang ldan pa dge ba'i rtsa ba rab tu bsags pa zhig byung ngo / /de'i tshe rgyal po stobs po che 'di snyam du deng bdag gis ci'i phyir mchod sbyin chen po bshams nas sems can rnams tshim par mi byed snyam mo/ /de snyam du bsams nas mchod sbyin chen po bshams nas bza' ba'i 'dod pa la bza' ba/ btung ba 'dod pa la btung ba/ gos dang / mal cha dang / gser dang / dngul dang / rin pa che'i dngos po dang / shing rta dang / bzhon pa dang / nor dang / spug dang / rdo'i snying po dang / shel dang / bai dUr+ya dang / byi ru dang / man shel la sogs pa'i rin po che dang / me tog dang / spos dang / phreng ba dang / byug pa dang / spos kyi phye ma dang / dar gyi lda ldi dang / gdugs dang / rgyal mtshan dang / bu dang / bu mo dang / bran pho dang / bran mo dang / las byed pa dang / rta dang / glang po che dang / ba lang dang / lug dang / zhing gi dngos po 'dod pa dag la yang ji ltar 'dod pa bzhin du dga' mgur sbyar nas thams cad yongs su btang ngo / /maud gal rgyal po stobs po ches de ltar sbyin pa rgya cher btang ba dang / de'i tshe brgya byin lha'i dbang po 'di snyam du bdag gis ci'i phyir rgyal po 'di la bar chad byas te 'bras bu mi thob par bya snyam du bsams nas de nas bram ze zhig tu sprul te/ rgyal</font><hr>81.239b<br><font size=+1>

po de ga la ba der song nas rgyal po la 'di skad ces dris so/ /kye mchod sbyin chen po'i 'dus pa 'dir dngos po ji lta bu zhig yongs su gtong / rgyal pos smras pa/ bram ze bdag la nor ci bdog pa thams cad yongs su btang bas phangs pa ci yang med do/ /bram zes smras pa/ khyod kyi yi dam de lta bu yin na deng bdag gis slong ba gang yin pa de sbyin par nus sam/ rgyal po stobs po ches smras pa/ bdag gis ci bdog pa thams cad zad par gtang ngo zhes ma smras sam/ bram zes smras pa/ rgyal po chen po gal te de lta na deng bdag ni rgyal po'i lus kyi yan lag 'dod do/ /rgyal pos bsams pa/ bram ze 'di ni nor zas 'dod pa ma yin gyi/ deng 'dir 'ongs nas bdag gi mchod sbyin chen po gzhig par 'dod pa yin te/ bdag gis gal te lus kyi yan lag ma byin na ni bdag nyid kyis rang gi mchod sbyin chen po bshig par 'gyur ro snyam du bsams nas bram ze la 'di skad ces smras so/ /khyod la lus kyi yan lag sbyin gyis chod la khyer cig /bram zes smras pa/ kye rgyal po chen po deng de skad smras pa 'di la 'gyod par gyur pa lta mang ngam/ rgyal po stobs po ches smras pa/ bdag gi sems la 'gyod pa med de/ deng slong ba mang po phyogs bzhi nas 'dus te 'ongs na yang bdag gis thams cad tshim par bya'o snyam mo/ /bram zes smras pa/ deng bdag gcig pu tshim par bya ba yang dka' na gzhan mang po lta smos kyang ci dgos/ de nas rgyal po stobs po ches mtshon rnon pos rang gi lag pa bcad nas bram ze la khyod kyis lag pa 'di gcig khyer cig ces smras so/ /maud gal rgyal po stobs po ches rang gi lag pa bcad pa'i tshe sems la gyur zhing 'gyod pa med par gyur te/ de ltar sems rtse gcig tu sbyin pa yongs su btang ba'i phyir dang / thams</font><hr>81.240a<br><font size=+1>

cad yongs su btang ba'i phyir lag pa yang snga mkho bzhin du gyur to/ /de'i tshe rgyal po stobs po ches mtshon gyis lus kyi yan lag bcad nas bram ze la sbyin yang slar skyes par gyur to/ /maud gal de'i tshe brgya byin lha'i dbang po yang rgyu dang rkyen des na lha'i bsod nams zad nas sems yongs su gdung zhing sdug bsngal bas 'o dod chen po bos te lus de nyid kyis mngon du sems can dmyal ba chen po mnar med par lhung bar gyur to/ /maud gal khyod kyis de'i tshe de'i dus na rgyal po stobs po ches lus yongs su btang ba de gzhan zhig yin bsnyam du sems na de ltar mi blta ste/ de ni nga nyid yin no/ /de'i tshe de'i dus na brgya byin lha'i dbang po mchod sbyin chen po'i bar chad bya bar 'dod pa de gzhan yin snyam du sems na de ltar mi blta ste/ de ni lhas byin 'di nyid yin no/ /maud gal de'i tshe yang lhas byin blun pos phrag dog dang zhe sdang gi bsam pas nga'i sbyin pa'i bar chad bya bar 'dod pa las gzhig par ma nus te/ sems can dmyal ba chen por ltung bar gyur to/ /ngas deng bla na med pa yang dag rdzogs pa'i byang chub mngon par rdzogs par sangs rgyas nas chos kyi mchod sbyin bshams pa na yang lhas byin blun po da dung zhe sdang dang phrag dog gi bsam pas rnyed pa la mngon par zhen pa'i phyir 'khor mang po kha bsdus nas ngal gsod par 'dod pa yin no/ /nga sngon bya rgod phung po'i ri'i shong du 'chag pa las lhas byin bdag nyid ri'i steng du 'dzegs nas 'khrul 'khor gyis rdo 'phangs te/ bdag nyid kyi dge ba'i rtsa ba bshig nas nga la ngan sems bskyed pas bdag nyid kyi rnyed pa dang 'byor ba'i mthu nyams par byas nas sems can dmyal ba chen po mnar med par lhung ba yin no/ /maud gal ngas ni lhas byin blun po la lus dang / ngag dang / </font><hr>81.240b<br><font size=+1>

yid kyis nyes pa byas pa med kyang yun ring po nas nga la dgrar 'du shes so/ /tshe rabs thams cad du ngas dge ba'i chos mngon par sgrub pa'i bar chad bya bar brtsams kyang nga'i dge ba spyod pa'i bar chad bya bar ma nus so/ /ngas ni yun ring po nas rtag par byams pa dang / snying rjes phan btags kyis nga la nyes pa'i 'du shes skyed pa med do/ /maud gal lhas byin ni tshe rabs thams cad du ngas byas pa'i drin mi gzo bas ngas deng lhas byin dang 'dra ba dag kyang lha dang mi dang / lha ma yin du bcas pa'i 'jig rten na drin mi shes par bsten te/ de lta bu'i skye bo de dag ni log pa nyid du nges pa'i gnas su zhugs pa yin no/ /maud gal lhas byin phyis 'chi ba'i dus byas nas sems can dmyal ba chen por mnar med par 'jug pa'i tshe gdod nga la lhag pa'i bsam pa bzang po skye bar 'gyur te/ 'di yang de bzhin gshegs pa'i byin gyi brlabs kyi mthu yin no/ /lhas byin byas pa'i drin mi shes pa'i mchog tu gyur pas sems can dmyal ba chen po mnar med par 'jug pa'i tshe sgra chen po 'di skad du lhas byin blun po khyod kyis bcom ldan 'das la zhe sdang gi sems bskyed pa dang / gsad par bya ba ma yin pa la nan gyis gsod sems bskyed pa'i kha na ma tho ba'i rgyu dang rkyen gyis deng sems can dmyal ba chen po mnar med par lhung ba yin no zhes bsgo ba thob pas shin du skrag nas gdod dul bar gyur te/ 'di skad du deng bdag sha dang rus pas gtugs te sems rtse gcig tu bcom ldan 'das la skyabs su mchi'o zhes smras pas sems bde ba thob par gyur to/ /de bzhin gshegs pa la mngon par yid ches pa bskyed nas sgra chen po phyung ste/ sems can dmyal ba chen po mnar med par zhugs pa'i rgyu dang rkyen des na phyis sems can</font><hr>81.241a<br><font size=+1>

dmyal ba las thar nas mir skyes te khyim nas khyim med par rab tu byung nas lam yang dag par bsgoms pas rang sangs rgyas kyi 'bras bu 'thob par 'gyur te ming yang rus pa can zhes bya bar 'gyur ro/ /maud gal ngas deng lhas byin la rang sangs rgyas su 'gyur bar lung bstan pa nyid kyis 'khor ba'i sdug bsngal las yongs su bzlas pa yin no/ /maud gal ngas lhas byin yongs su bzlas pa ni nga'i sngon gyi smon lam ji lta ba bzhin du gyur pa yin no/ /de ci'i phyir zhe na/ ngas tshe rabs snga ma la lhas byin yongs su bzla bar dam bcas pas ngas khyod yongs su bzla bar bya'i gzhan gyis bzla bar bya ba med do zhes smras pas so/ /maud gal lhas byin ni nga 'ba' shig las mya ngan las 'das pa'i rgyu dang rkyen bskyed pa yin gyi/ gzhan las bskyed pa ma yin pas lhas byin ni deng phyin chad kyang gzhan las dge ba'i rtsa ba skyed par mi byed kyi/ nga 'ba' shig la yongs su dang ba'i sems skyed par byed do/ /sangs rgyas la skyabs su mchi'o zhes smras pa'i dge ba'i rtsa ba'i rgyu dang rkyen gyis na phyis kyang rang sangs rgyas kyi lam 'thob par 'gyur ba yin no/ /maud gal yun ring po nas rtag par sems can rnams la pha ma lta bu'i 'du shes kyis gang mgon med cing skyabs med pa/ rgud cing nor dang mi ldan la/ 'khor bar yang dang yang kha brgyud cing lam ngan par zhugs pa/ glen zhing gti mug pas shes pa med pa/ rtag par dmus long du gyur cing mig dang mi ldan pa dag su zhig bdag cag gi 'dren par 'gyur/ su zhig mgon dang skyabs byed par 'gyur snyam du sems pa dag la nga gcig pus snying brtse bas mgon dang skyabs bya bar dam bcas pas na/ maud gal ngas de rjes su dran pa'i phyir sems can gang la</font><hr>81.241b<br><font size=+1>

la zhig ngag rtsub pos nga la mi snyan pa rjod kyang ngas slar lan mi byed do/ /tshig na pas nga la spyos kyang ngas slar lan mi byed do/ /khros sam brdegs kyang rung ste/ nam yang ngas lan mi byed do/ /de ci'i phyir zhe na/ nga ni rtag par sems can/ thams cad la nges pa'i bde ba sbyin zhing sdug bsngal gyi mi bde ba thams cad yongs su bsal par bya ba'i rigs kyi/ ngas 'di dag la gnod pa rnams sbyin pa mi rigs pas so/ /sems can rnams las su zhig bzod par nus pa yin zhe na/ de ni nga gcig pu kho nas bzod par nus pa yin pas ngas deng sems can bzod pa'i chos dang / shin tu nye bar zhi ba'i chos dang / rab tu dul ba'i chos bslabs nas glang po che cang shes lta bur dul bar bya'i/ glang po che ma dul ba lta bur mi bya'o snyam du sems te/ maud gal 'di lta ste dper na glang po che shin du dul ba ni g.yul ngor 'jug pa'i tshe sems la nur ba med cing rnga bo che'i sgra dang / dung gi sgra dang / rab tu 'bod pa'i sgra dag bzod pas 'di lta bu'i 'jigs su rung ba'i sgra dag thos par gyur na yang skrag cing 'jigs pa med la/ grang ba dang / tsha ba dang / sbrang bu mchu rings dang / sha sbrang gdug pa za ba dang / rlung dang char pa dang / bskres pa dang / skom pa dag kyang bzod par nus/ ral gri shin du rnon po sna tshogs btab pa dang / mda' dang / mdung dang / mdung thung dang / lcags kyi 'khor lo 'phangs pa dang / lcag gis gzhus pa dag kyang bzod cing skrag pa dang 'jigs pa med par thad kar g.yul ngor mchong zhing nur ba dang / 'gong pa med pas/ maud gal glang po che shin du dul ba ni 'di snyam du bdag dgra'i g.yul du 'jug par mi bya'o snyam du mi sems kyi/ bdag dgra'i g.yul 'di las rgyal bar bya'o snyam du sems pa kho nar zad do/ /maud gal de bzhin du nga yang</font><hr>81.242a<br><font size=+1>

sngon byang chub sems dpa'i spyad pa spyod pa'i tshe sems kyis smon lam chen po btab nas sems can rnams la sems dul bar byed pas/ gal te sems can rnams kyis ngag rtsub pos nga la mi snyan pa brjod na yang ngas lan du gnod pa mi byed do/ /nga dang rtsod par byed na yang ngas lan mi bye do/ /gal te mtshon cha dang / dbyug pa dang / gyo mo dang / rdo dag gis nga la gnod pa byas nas nga'i srog 'phrog par byed na yang de'i tshe bla na med pa yang dag par rdzogs pa'i byang chub las nur bar 'gyur ba yang med la/ 'di ni dang du blang ba'i rigs so/ /'di ni dang du blang ba'i mi rigs so/ /'di ni bsten par bya ba'i rigs so/ /'di ni bsten par bya ba'i mi rigs so zhes rnam par rtog par yang mi byed pas dngos po de la mya ngan dang / 'gyod pa yang med/ khong khro ba dang 'khon du 'dzin pa yang med/ byang chub sems dpa'i lam la yongs su skyo ba yang med pas 'di snyam du deng bdag dgra'i g.yul 'dir 'jug par mi bya'o snyam du mi sems kyi/ bdag gis sdig pa'i dgra'i g.yul yang dag par bcom ste bla na med pa yang dag par rdzogs pa'i byang chub 'thob par byas nas khams gsum gyi sems can tshad med pa rnams yongs su bzla bar bya'o snyam du sems pa kho nar zad do/ /maud gal nga sngon byang chub sems dpa'i spyad pa spyod pa'i tshe bzod pa ji snyed pa spyad pa dang / sems can rnams la byams pa dang / snying rje ji snyed bskyed pa gal te tshig gis brjod par gyur na nams kyang mthar thug par mi 'gyur ro/ /gzhan yang maud gal gyi bu sngon byung ba 'das pa'i dus na mu stegs can gyi drang srong bzod pa'i stobs zhes bya ba zhig byung ste/ des bdag gis sems can la zhe sdang mi bskyed do snyam pa'i chos yang dag par blangs so/ /</font><hr>81.242b<br><font size=+1>

de'i tshe sdig pa'i yid ces bya ba'i bdud zhig yod de/ de 'di snyam du bdag deng ci'i phyir drang srong de'i drung du song nas bzod pa'i chos bshig ste/ khong khro ba bskyed nas bzod pa dang du len pa'i bsam pa las ldog par bya snyam du bsams nas/ de nas spyo ba la mkhas pa'i mi stong bkye nas de yongs su bskor te ngag rtsub pos spyos nas mi bden par skyon nas smos/ dbyung bar mi 'os pa'i tshig ngan pa na pa sna tshogs kyis spyos te/ 'gro ba'i tshe yang tshig gis spyos/ grong khyer du phyin pa'i tshe yang spyos/ grong khyer du 'jug pa'i tshe yang spyos/ zan za ba'i tshe yang spyos/ zan zos zin pa'i 'og tu yang spyos/ stan las langs pa'i tshe yang spyos/ grong khyer nas 'byung ba'i tshe yang spyos/ rang gi gnas nag tshal dag tu phyin pa'i tshe yang spyos/ 'greng pa'i tshe yang spyos/ 'dug pa'i tshe yang spyos/ nyal ba'i tshe yang spyos/ 'chag pa'i tshe yang spyos/ tha na dbugs rngub pa dang dbugs 'byung ba'i tshe yang spyos te/ rtag par rjes su 'brangs nas tshig ngan pa sna tshogs kyis rgyun chad pa med par spyos so/ /de'i tshe mi stong po de dag bdud kyis mngags pas lo brgyad khri bzhi stong gi bar du ngag rtsub pos drang srong bzod pa'i stobs la spyos so/ /de nas bdud sdig pa'i yid kyis drang srong bzod pa'i stobs grong khyer du 'jug pa'i tshe bdag nyid kyi gcin gyis de'i mgo'i steng du blugs/ lhung bzed kyi nang du blugs/ chos gos dang lhung bzed la yang bskus/ lus la yang bskus/ phyag dar gyis mgo la yang gtor to/ /de'i tshe drang srong bzod pa'i stobs lo brgyad khri bzhi stong gi bar du spyod pa la dpa' ba'i mi stong gis ngag rtsub pos spyos shing smad par gyur kyang de'i sems la zhe sdang dang 'khon du 'dzin pa yang med</font><hr>81.243a<br><font size=+1>

la tha na sems la nur zhing zhum par gyur ba yang med do/ /bdag nyid kyang 'di skad du bdag gis nyes pa ci byas zhes kyang mi zer la 'khon du 'dzin pa yang med do/ /lo brgyad khri bzhi stong gi bar du sdang mig gis bdud sdig pa'i yid la bltas pa yang med la bdag la nyes pa ci yod ces smras pa yang med do/ /maud gal spyo ba la dpa' ba'i mi stong po de dag gis drang srong bzod pa'i stobs la lo brgyad khri bzhi stong las 'das pa'i bar du spyos kyang gzhig mi nus par rig nas shin du dang ba'i bsam pa bskyed de kha na ma tho ba rnams kyang bshags nas/ 'di skad du khyod kyis dngos po 'dis chos ji lta bu zhig yongs su tshol/ bdag cag kyang chos de thob par 'tshal lo zhes smras so/ /maud gal spyo ba la dpa' ba'i mi stong po de dag drang srong la shin du dang ba thob pas gus pa'i sems kyis mchod cing rim gro byas/ bla mar byas shing bsngags pa brjod par gyur to/ /drang srong yang de dag gis rim gro dang bsnyen bkur byas pa nyams su blangs kyang sems la mngon par zhen cing chags pa ci yang med par gyur to/ /maud gal khyod kyis de'i tshe de'i dus na drang srong bzod pa'i stobs zhes bya ba de gzhan zhig yin bsnyam du sems na khyod kyis de ltar mi blta ste/ de ni nga nyid yin no/ /ngas de'i tshe bzod pa'i chos de lta bu yang dag par blangs pas bdud sdig pa'i yid kyis mi stong bkye ste rgyun 'chad pa med par ngag rtsub pos spyos shing ga par nga la sngags smad par gyur kyang nga'i sems la g.yo zhing gyur ba ci yang med do/ /maud gal spyo ba la dpa' ba'i skyes bu stong de dag drang srong bzod pa'i stobs la shin du dang ba skyes te sdig pa bshags nas drang srong bzod pa'i stobs kyi rjes su bla na med pa yang dag par rdzogs pa'i byang chub tu sems bskyed pas de'i</font><hr>81.243b<br><font size=+1>

tshe ngas yongs su btul nas sangs rgyas kyi bstan pa la yang dag par bkod de/ skyes bu stong po de dag pha rol tu phyin pa drug phun sum tshogs par spyad pas mthar gyis mngon par rdzogs par sangs rgyas nas thams cad lhag ma med pa'i mya ngan las 'das pa'i dbyings su yongs su mya ngan las 'das par gyur to/ /maud gal khyod kyis de'i tshe de'i dus na bdud sdig pa'i yid kyis skyes bu stong bkye nas nga la spyor bcug pa de gzhan zhig yin bsnyam du sems na de lta mi blta ste/ de ni lhas byin 'di nyid yin no// //  bam po drug pa ste tha ma/ /gzhan yang maud gal ngas mngon par dran te/ sngon byung ba 'das pa'i dus na ngas rang gi lus sems can rnams la yongs su btang nas 'jig rten gyi skye bo rnams kyi bran dang g.yog byas pas de'i tshe skye bo mang po de dag gis nga las rnam pa sna tshogs byed du bcug ste/ kha cig gis ni nga bshang gci 'dor du bcug go/ /kha cig gis ni nga lud 'dor du bcug go/ /kha cig ni nga sa 'dor du bcug go/ /kha cig gis ni nga rtswa len du btang ngo / /kha cig gis ni nga 'bru dang / 'o ma dang / zho dang / mar dang / 'bru mar dang / sbrang rtsi len tu btang ngo / /kha cig gis ni nga shing dang / sol ba dang / me dang / chu len du bcug ste/ 'di lta bu la sogs pa'i las rnam pa sna tshogs byed du bcug kyang / maud gal ngas de'i tshe gang gis nga bshang gci 'dor du bcug pa de'i rjes su mi bya'o snyam pa'i sems bskyed pa mi dran no/ /gang gis nga me tog dang / spos dang / phreng ba dang / byug spos dang / spos kyi phye ma dang / bza' ba dang / btung ba dang / 'bras bu len du btang ba las de'i rjes su ma song ba mi dran no/ /maud gal gang gis legs par byed du bcug pa'i rjes su ni 'gro bar bya/ legs pa ma yin pa byed du bcug</font><hr>81.244a<br><font size=+1>

pa'i rjes su ni 'gro bar mi bya'o snyam du sems bskyed pa ngas yang dag par rjes su mi dran no/ /maud gal ngas de'i tshe rgyal rigs kyi rjes su ni 'brang bar bya/ bram ze'i rjes su ni 'brang bar mi bya/ bram ze'i rjes su ni 'gro bar bya/ rgyal rigs kyi rjes su ni 'brang bar mi bya/ dmangs rigs kyi rjes su ni 'brang bar bya/ gdol ba'i rjes su ni 'brang bar mi bya/ gdol ba'i rjes su ni 'brang bar bya/ dmangs rigs kyi rjes su ni 'brang bar mi bya/ rgyal rigs dang / bram ze'i rigs kyi rjes su ni 'brang bar bya/ dmangs rigs dang / gdol ba'i rjes su 'brang bar mi bya'o snyam du sems bskyed pa yang mi dran la/ gang zag 'di ni che'o/ /gang zag 'di ni chung ngo zhes de dag gi khyad par dang / gang zag 'di'i rjes su ni 'brang bar bya/ gang zag 'di'i rjes su ni 'brang bar mi bya'o snyam du sems pa yang med kyi/ maud gal gang gis nga sngar bos pa'i rjes su dga' ba'i sems kyis 'gro ba kho nar zad do/ /maud gal ngas mngon par dran te/ nga sngon byang chub sems dpa'i spyad pa spyod pa'i tshe gang gis chos bzhin gyi bya ba dag nga byed du bcug pa las nus bzhin du ma byas pa yod par nam yang mi dran no/ /maud gal ngas mngon par dran te/ nga sngon byang chub sems dpa'i spyad pa spyod pa'i tshe bya ba'i dngos po dag nges par mthar ma phyin pa 'am/ dge ba'i las mngon par 'du bya ba gang yang mthar ma phyin pa yod pa rjes su mi dran no/ /mdor na ngas sngon byang chub sems dpa'i spyad pa spyod pa'i tshe nam yang lus la mngon par zhen par gyur pa yang med na nor gyi dngos po la lta smos kyang ci dgos/ nga sngon byang chub sems dpa'i spyad pa spyod pa'i tshe longs spyod kyi dngos po dag la 'di ni</font><hr>81.244b<br><font size=+1>

bdag gi longs spyod yin no snyam 'du shes bskyed pa med kyang sngon gyi las kyi rnam par smin pa'i dbang gis longs spyod dang ldan par gyur par zad pas longs spyod kyi dngos po dag la 'di snyam du sems te dngos po 'di dag ni sems can rnams dang thun mong du longs spyod par bya ste/ dngos po 'di la bdag gi skal ba yod pa bzhin du sems can rnams la yang skal pa yod do snyam du sems so/ /maud gal byang chub sems dpa'i spyad pa spyod pa'i dbang gis sangs rgyas kyi chos dang nye bar gyur kyang / bdag gi longs spyod la bdag kyang skal ba yod/ sems can yang bskal pa yod do snyam du mi sems kyi/ longs spyod 'di dag ni sems can rnams kyi yin pas bdag la bskal pa ci yang med do snyam du sems pa kho nar zad do/ /maud gal ngas sangs rgyas kyi chos dang nye bar gyur pa rjes su thob par gyur kyang de la mngon par zhen pa yang med/ yongs su sdud cing len par yang mi byas pas chos rnams yongs su spong ba la mos par byed kyi/ chos rnams dang du len pa la mos par mi byed do/ /stong pa'i chos thams cad la mos par byed kyi/ yod pa'i chos thams cad la mos par mi byed do/ /nye bar zhi ba'i chos thams cad la mos par byed kyi/ chos rnams kyi dngos po'i mtshan nyid la mos par mi byed do/ /gzod ma nas med pa nyid la mos par byed kyi/ bzod ma nas yod pa nyid la mos par mi byed do/ /maud gal ngas mngon par dran te/ ngas sngon byang chub sems dpa'i spyad pa spyod pa'i tshe tshe rabs brgya stong tshad med pa snyed du mtshan mo mun pa'i nang na rang gi lus la mes spar nas lam stor ba'i sems can rnams snang bar byas te lam bstan to/ /maud gal ngas mngon par dran te/ ngas</font><hr>81.245a<br><font size=+1>

sngon byang chub sems dpa'i spyad pa spyod pa'i tshe tshe rabs brgya stong tshad med pa snyed du sha za ba'i sems can rnams la rang gi sha bcad nas sbyin pa yongs su btang ngo / /maud gal ngas mngon par dran te/ ngas sngon byang chub sems dpa'i spyad pa spyod pa'i tshe tshe rabs brgya stong tshad med pa snyed du khrag 'thung ba'i sems can rnams la lus las khrag phyung ste sbyin pa yongs su btang nas rab tu tshim par byas so/ /maud gal mdor na 'jig rten pa'i nor rdzas sam longs spyad par bya ba cing yang rung te/ sems can rnams la nam yang phangs shing ser sna byas ma myong ste thams cad kyang sems can rnams la 'tshe ba med pa/ gnod pa med pa/ mkhas pa rnams kyi gnang ba/ 'phags pa rnams kyis rab tu bsngags par gyur pa de ltar ngas yun ring por brtags te sems can rnams la snying rje ba'i bsam par rab tu skyed nas btang ngo / /gzhan yang mod gal ngas mngon par dran te/ /'das pa'i dus kyi tshe tshong dpon legs par rnyed pa zhes bya ba zhig byung bar gyur te/ de rgya mtsho chen por zhugs nas rin po che len du song ba las bde bar slar log ste rang gi yul du phyin nas grong khyer du zhugs te khyim gyi sgor phyin pa dang / de'i tshe grong khyer na gnas pa'i slongs mo ba mang po rnams kyis de yongs su bskor nas de'i mdun du 'di skad ces smras so/ /legs par rnyed pa bde bar byon tam/ sbyin bdag chen po bdag cag slong ba mchis te/ gal te gnang bar gyur na bdag cag bslang bar 'tshal lo/ /maud gal de'i tshe legs par rnyed pas slongs mo pa de dag la 'di skad du khyed slangs shig dang / bdag la ci bdog pa phangs pa</font><hr>81.245b<br><font size=+1>

med par sbyin par bya'o zhes smras so/ /de nas slongs mo pa rnams kyis legs par rnyed pa la smras pa/ khyod kyis rgya mtsho chen po nas rnyed pa'i nor bu rin po che rnams bdag cag la byin cig dang / des na bdag cag rab tu bde bar 'gyur ro/ /maud gal de'i tshe legs par rnyed pas nor bu rin po che gcig cig kyang gser srang brgyad stong du ma ri ba bye ba phrag brgyad bcu snyed kyi rin po che rnams ma lus par slongs mo pa rnams la byin te/ maud gal legs par rnyed pa des de ltar nor mang po rnams yongs su btang bar gyur kyang sems la gyur ba'am/ 'gyod par gyur pa ci yang med do/ /de'i tshe legs par rnyed pas rin po che mang po slongs mo pa rnams la yongs su btang nas khyim du yang ma zhugs par slar logs ste rgya mtshor zhugs nas rin po che len du song ba la snga ma pas phyed 'gyur kyis bzang ba'i rin po che mang po thob par gyur te/ lo brgyad bcu 'das nas slar rang gi yul du phyin nas grong khyer du 'jug pa las de'i tshe nyes pa byas pa'i mi dag cig gshed ma pas gzung ste bcings nas mi snyan pa'i sgra bsgrags pa'i rnga yang brdungs/ lam gyi bzhi mdo rnams su bsgrags pa yang byas nas gsad pa'i gnas su khrid nas gsad par byas pa las/ de'i tshe gsad pa la thug pa de dag gis rgyang nas legs par rnyed pa mthong ba dang 'di skad ces smras so/ /tshong dpon bdag cag la mi 'jigs pa byin cig /bdag cag gsad pa'i nyes pa las skyobs la bdag cag la srog byin cig /khyod ni sbyin bdag chen po skyes bu dam pa lags so/ /legs par rnyed pas de skad ces smras pa thos pa dang gsad pa la thug pa de dag la kyai khyed la 'jigs pa sbyin zhing khyed gsad pa'i nyes pa las bskyab</font><hr>81.246a<br><font size=+1>

bar bya'o zhes smras nas gshed ma pa de dag gi drung du song nas re re la yang nor bu rin po che gser srang bye ba ri ba re re byin nas khyed cag deng bdag rgyal po'i drung du slar ma 'ongs kyi bar du skad cig sdod cig ces smras so/ /de nas legs par rnyed pa myur zhing rings par rgyal po'i drung du song nas 'di skad ces smras so/ /rgyal po chen po bdag ni rin po che bzang po dag gis mi 'di dag gi srog mjal bar 'tshal lo/ /rgyal pos smras pa/ legs par rnyed pa mi 'di dag gi nyes pa ni gtang du mi rung bas btson du mi rung ngo / /gal te snying thag pa nas nyo bar 'dod na khyod la nor ci bdog pa zad par nga la byin la bdag nyid kyang shi bar khas len na gdod gtang ngo / /maud gal de'i tshe legs par rnyed pas de skad smras pa thos pa dang rab tu dga' bar gyur nas bdag ni rnyed pa chen po thob pas smon pa rnams yongs su rdzogs par gyur te mi 'di dag gi skyabs byas par gyur pa ni bdag gi yid tshim par gyur to zhes de nas legs par rnyed pas mi de dag bskyabs te gsad pa'i nyes pa las thar bar bya ba'i phyir khyim na nor cig bdog pa dang / rgyal mtsho chen po nas thob pa'i nor bu rin pa che gser dang dngul la sogs pa bye ba stong phrag chad med pa rnams rgyal po la phul nas 'di skad ces smras so/ /rgyal po chen po mi de dag gtang du gsol/ bdag la nor ci mchis pa ni bas par 'dir mchis lags so/ /rgyal pos nor rnams blangs nas gshed ma pa dag la bsgo ba/ legs par rnyed pa 'di khrid la song cig /lha de bzhin du 'tshal lo zhes rgyal po'i bka' mnyan nas legs par rnyed pa bcings te gsad pa'i gnas su khrid nas lag pa g.yas pa bteg ste legs par rnyed pa la mtshon</font><hr>81.246b<br><font size=+1>

gdab par gzas pa las lag pa rengs nas gdab tu ma btub pa dang / skrag cing ngo mtshar du gyur nas legs par rnyed pa khrid de rgyal po la dngos po 'di zhib tu gsol to/ /maud gal rgyal pos de skad smras pa thos nas bdag nyid mtshon thogs te legs par rnyed pa gsad par 'dod pa'i phyir mtshon bteg ste gdab par gzas pa las/ de'i tshe rgyal po de'i lag pa gnyis la lhung ste sdug bsngal gyi gnod pa chen po thob nas skad ngan phyung ste 'chi ba'i dus byas so/ maud gal khyod kyis de'i tshe de'i dus na tshong dpon legs par rnyed pa zhes bya ba byung ba de gzhan zhig yin pa snyam du sems na de ltar mi blta ste/ de ni nga nyid yin no/ /de'i tshe de'i dus na rgyal por gyur pa de ni lhas byin blun po 'di nyid yin no/ maud gal de'i tshe de'i dus na yang lhas byin gyis nga'i srog 'phrog par byas pa las dbrog par ma nus so/ /deng nga bla na med pa yang dag par rdzogs pa'i byang chub mngon par rdzogs par sangs rgyas pa'i tshe yang nga'i srog 'phrog par byas pa las dbrog par ma nus so/ /de ci'i phyir zhe na de bzhin gshegs pa la ni lha dang / mi dang / lha ma yin du bcas pa'i 'jig rten thams cad kyis gnod pa bya bar mi nus na lhas byin blun pos lta smos kyang ci dgos pas so/ /lhas byin ni da ltar yang grogs po ma rungs pa bsdus nas nga la gsod par yang 'dod la/ bdag nyid kyang thabs kyis nga gsod par 'dod pas rnyed pa dang grags pa dang mthu stobs nyams nas gson por lus 'di dang bcas par sems can dmyal ba mnar med par lhung bar gyur to/ /maud gal nga sngon byang chub sems dpa'i spyad pa spyod pa'i tshe sems can gang la yang lhas byin lta bur</font><hr>81.247a<br><font size=+1>

phan btags pa yang dag par rjes su ma mthong na lhas byin ni byas pa drin du mi gzo'o/ /nga sngon byang chub sems dpa'i spyad pa spyod pa'i tshe sems can rnams la pha ma lta bur gyur pa'i rgyu dang rkyen des na de bzhin gshegs pa ni sems can rnams la thugs rje chen po rab dang ldan pa yin par rig par bya'o/ /gzhan yang maud gal sngon byung ba 'das pa'i dus na gangs ri'i rgyal po'i drung na glang po che lnga brgya zhig gnas te/ de'i nang na glang po che'i rgyal po bdag por gyur pa/ byad bzhin sdug cing yid du 'ong ba/ stobs po che shes pa dang ldan pa zhig yod de/ de'i tshe glang po che mang po rnams ri srang nyam nga zhing dog pa lam gcig las med pa zhig tu mtshan mo gnas par gyur pa rngon pas mthong nas mtshan thog thag la mnyam nga ba der rlubs chen po brkos nas/ 'di snyam du glang po che mang po 'di dag ni 'dir ltung bar 'gyur bas thams cad bdag dbang ste bdag gis dga' mgur blang bar bya'o snyam mo/ /mtshan thog rlubs brkos zin nas glang po che mang po rnams bslan te/ lam nyam nga zhing rlubs yod pa'i steng du btang ngo / glang po che mang po rnams 'byung bar byas pa las rlubs chen po yod par mthong nas rgal bar ma nus so/ /maud gal de'i tshe glang po che'i bdag po des bdag nyid kyi lus rlubs kyi steng du 'phred du nyal te zam pa byas nas glang po che lnga brgya rgyab kyi steng du brdzis nas de las rgal te dong ngo / /glang po che mang po bzlas nas bdag nyid kyi mthus mchongs pa byas te song ba dang / de'i tshe ri'i lha zhig gis tshigs su bcad de smras pa/ /sdig can rlubs zab brkos gyur kyang / /de na glang bdag blo ldan gyis/ /</font><hr>81.247b<br><font size=+1>

bdag dang gzhan gnyis bzlas pa na/ /don med rlubs zab brkos par gyur/ maud gal khyod kyis de'i tshe de'i dus na glang po che'i rgyal po dbang po rno zhing mthu chen po dang ldan par gyur ba byung ba de gzhan yin snyam du sems na de ltar mi blta ste/ de ni nga nyid yin no/ /de'i tshe de'i dus na glang po che lnga brgya byung ba de dag ni da ltar gyi dge slong lnga brgya po lhas byin gyis gzhig par byas par brtsams pa dag yin no/ /de'i tshe de'i dus na rngon par gyur pa de dag ni lhas byin la stsogs pa dge slong lnga po 'di lta ste/ kha Na Da dra ba bya dang / ka ta mor ka ti sha dang / rgya mtshos byin dang / ko ka li ka la sogs pa yin no/ maud gal ngas ni yun ring po nas rtags par sems can 'jigs shing skrag pa rnams mthong bar gyur na de dag la mi 'jigs pa byin no/ /sems can sdug bsngal ba dag mthong na bde ba byin no/ /sems can dbul phongs pa dag la ni zang zing yongs su btang ngo / /sems can gang lam log par zhugs pa dag la ni yang dag pa'i lam bstan to/ /sems can gang nad kyis gzir ba dag la ni nad kyi sdug bsngal yongs su bsal to/ /sems can gang bkres shing skom pa rnams la ni bza' ba dang btung ba yongs su btang ngo / /sems can gang sha za zhing khrag 'thung ba dag la ni lus kyi sha dang khrag gis tshim par byas so/ /maud gal ngas ni smon lam ji lta ba bzhin du thams cad yang dag par byas pas ngas sems can rnams la khas blangs pa gang yin pa de dag le lo dang snyom las med par byas te/ maud gal ngas sems bskyed pa nas bla na med pa yang dag par rdzogs pa'i byang chub mngon par rdzogs par sangs rgyas pa'i bar gyi bden tshig ji snyed pa de dag thams cad la tha dad par gyur pa ci yang med de/ brtson 'grus brtsams pa gang yin pa de dag le lo dang snyom las kyi bar chad byas par gyur na bla na med pa yang dag par</font><hr>81.248a<br><font size=+1>

rdzogs pa'i byang chub mngon par rdzogs par sangs rgyas mi 'gyur ba zhig na/ maud gal nga ni ji skad smras pa bzhin du spyod la/ ji ltar spyod pa bzhin du smras pa yin no/ /thugs rje chen po'i le'u ste drug pa'o// // de nas de'i tshe 'khor 'dus pa de nyid du dge slong glang po che'i lag ces bya ba zhig 'dus te 'dug par gyur de stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar nas bcom ldan 'das la 'di skad ces gsol to/ /bcom ldan 'das bdag gis de bzhin gshegs pa las dka' ba spyod pa'i dngos po 'di dag thos pas lus kyi spu yang ldang zhing mchi ma byung bar gyur to/ /deng bdag gis dngos po zhig zhu bar 'tshal te/ bcom ldan 'das nyid kyis 'di skad du ngas sngon byang chub sems dpa' mdzad pa'i tshe ji skad smras pa bzhin du spyod la/ ji ltar spyod pa bzhin du smras pa yin no zhe gsungs pas bcom ldan 'das ni dang po thugs bskyed pa nas sems can thams cad yongs su bzla bar thugs dam bzhes pa lags te/ gal te de lta bu'i thugs dam pa zhes pa lags par gyur na da ltar yongs su bzla bar mdzad pa'i sems can da dung ma pas par yongs su mya ngan las 'da' bar 'gyur bas de bzhin gshegs pa mya ngan las 'das pa'i 'og tu gal te 'ga' zhig mchis nas/ dge slong rnams la 'di skad du khyed kyi ston pa chen po sngon sems can thams cad yongs su bzla bar thugs dam pa zhes so zhe na/ sems can da dung ma zad par bdag nyid yongs su mya ngan las 'das par gyur pa de ci'i phyir zhes rgol ba zhig mchis par gyur na/ de la ji skad du lan gdab par</font><hr>81.248b<br><font size=+1>

bgyi lags/ bcom ldan 'das kyis dge slong glang po che'i lag la bka' stsal pa/ gal te 'ga' zhig de skad du rgol bar gyur na de nyid la 'di skad du dris shig /khyod kyis chos ji lta bu zhig la sems can yin par 'dod/ de gal te 'di skad du phung po dang / skye mched dang / khams gang yin pa de dag la sems can yin par 'dod do zhes zer na de nyid la slar 'di skad dris shig /ci phung po dang / skye mched dang / khams 'dus shing tshogs pa la sems can yin par 'dod dam/ 'on te bral zhing gyes par gyur pa la sems can yin par 'dod/ de gal te 'di skad du phung po dang / skye mched dang / khams 'dus pa la sems can yin par 'dod do zhes zer na de la 'di skad ces smros shig /khyod bdag nyid kyis lan btab zin to/ /de ci'i phyir zhe na/ 'dus pa ni sems can yin la phung po dang / skye mched dang / khams ni sems can ma yin pas bcom ldan 'das kyis chos gsungs pa yang bral zhing gyes par bya ba'i ched du gsungs pa yin gyi tshogs shing 'du bar bya ba'i phyir ni ma yin no/ /bcom ldan 'das ni bral zhing gyis pa'i spyod pa la dgyes pa yin gyi 'dus shing tshogs pa la dgyes pa ma yin te/ tshogs shing 'dus pa la sems can du 'dod pas so/ /de gal te 'di skad du phung po dang / skye mched dang / khams nyid sems can yin no zhes zer na de la slar 'di skad smros shig /gal te de ltar na rtswa dang / shing dang / gyo mo dang / rdo ba thams cad kyang sems can yin par 'gyur ro/ /de ci'i phyir zhe na/ khyod phung po dang / skye mched dang / khams nyid sems can yin no zhes zer na de dag la phung po dang / skye mched dang / khams yod pas so/ /de gal te 'di skad du de dag la</font><hr>81.249a<br><font size=+1>

sems kyang med/ sems las byung ba'i chos kyang med pa'i phyir sems can ma yin no zhes zer na de la 'di skad ces smros shig /gal te de ltar na sems can thams cad ni sems can gcig yin pa nyid du 'gyur ro/ /de ci'i phyir zhe na/ de bzhin gshegs pas phung po dang / skye mched dang / khams dag la tha dad pa yod par ma gsungs pas so/ /de gal te 'di skad du de bzhin gshegs pa'i gsung rab las sems can yod par gsungs pas de'i phyir sems can yod do zhes zer na de la 'di skad du smros shig /khyod nyid kyis lan btab zin to/ /de ci'i phyir zhe na/ de bzhin gshegs pa'i bstan pa las yod pa dang med pa las dben pa zhes gsungs pas so/ /de gal te 'di skad du gal te de lta na 'o na ni lam gyi 'bras bu yang med par 'gyur ro zhes zer na de la 'di skad du khyod gang zhig la 'bras bu yin par 'dod ces dris shig /de gal te 'di skad du bdag ni rnam par nges par gyur pa gang yin pa de la 'bras bu yin par 'dod do zhes zer na de la 'di skad du rnam par nges pa'i don dam pa la ni sgra dang tshig med pa/ sgra dang tshig med pa la ni nges par yod ce 'am/ med ces brjod du med pas khyed ni rnam par nges pa'i don dam pa la 'bras bu yin par 'dod la/ rnam par nges pa'i don dam pa la ni sems can yang med/ sems can gyi ming yang med pas de'i phyir khyod kyis sems can yod do zhes gang smras pa'i tshig de rang nyid kyis bshig pa yin no zhes smros shig /gzhan yang glang po che'i lag de bzhin gshegs pa'i bstan pa las chos rnams 'gag pa med par gsungs pa yang sdug bsngal nye bar zhi bar mdzad pa yin te/ ngas de ltar chos rnams kyi de kho na nyid kyi mtshan nyid</font><hr>81.249b<br><font size=+1>

rab tu rtogs pas ji ltar thugs su chud pa'i chos rnams sems can la mngon par zhen pa med pa dang / rab tu dben pa dang / spros pa med pa dang / mngon par 'du bya ba med cing 'byung ba med pa nyid bstan pa yin no/ /glang po che'i lag gang gis de ltar ngas bstan pa'i chos kyi don shes pa des yod pa dang med pa'i ched du las kyi spyod pa slong bar mi byed do/ /gang gis yod pa dang / med pa'i ched du las kyi spyod pa mi slong ba des ji ltar sems can yod pa dang sems can med par mthong bar 'gyur te/ glang po che'i lag 'di ni rtag par chos rnams kyi de kho na nyid kyi mtshan nyid la gnas pa zhes bya ste/ 'di la ni rjes su dran pa'i 'du shes kyi rnam par rtog pa yang med/ dri ma yang med/ yongs su dag pa yang med/ 'ong ba yang med/ 'gro ba yang med/ lam yang med/ lam gyi 'bras bu yang med/ ring po yang med/ thung ngu yang med/ gru bzhi yang med/ zlum po yang med/ dbyibs kyang med/ kha dog kyang med pas de'i phyir chos rnams ni sgo gcig kho na ste/ 'di ltar ting nge 'dzin gyi sgo zhes bstan pa yin no/ /glang po che'i lag 'di ni chos kyi sgo mthong ba zhes bya ste/ gang gis chos mthong ba'i sgor zhugs pa 'di ni sangs rgyas mthong ba zhes bya'o/ /glang po che'i lag 'di ji snyam du sems/ chos gang gis sangs rgyas mthong bar 'gyur ba'i chos de ci 'gags pa dang / 'gag pa dang / 'gag par 'gyur ba'i 'gag pa'i mtshan nyid cig yin snyam 'am/ bcom ldan 'das de ni ma lags so/ /'di ji snyam du sems/ chos gang gis sangs rgyas mthong bar gyur ba'i chos de'i skyes pa dang / skye ba dang / skye bar 'gyur ba'i skye ba'i mtshan nyid cig yin snyam 'am/ bcom ldan 'das de ni ma lags so/ /glang po che'i</font><hr>81.250a<br><font size=+1>

lag gal te de lta na de bzhin gshegs pa ni 'gag pa zhes mi bya'o/ /bcom ldan 'das de de ltar lags so/ /glang po che'i lag de gal te 'di skad du sku'i mtshan dang ldan pas bdag de'i phyir de bzhin gshegs pa yongs su mya ngan las 'das par zhugs nas slar ldog par mi 'gyur ro zhes smras pa yang sku 'i mtshan nyid phyir mi ldog par mthong ba'i phyir de bzhin gshegs pa 'gags pa zhes bya'o zhes zer na de la 'di skad du dris shig /ci khyod sku'i mtshan yongs su grub pa la de bzhin gshegs pa zhes bya bar 'dod dam/ des gal te 'di skad du bdag ni sku'i mtshan yongs su grub pa la de bzhin gshegs pa zhes bya ba 'dod do zhes zer na de la 'di skad du smros shig /de bzhin gshegs pas gsungs pa'i gsung rab las ni sku'i mtshan la de bzhin gshegs pa zhes bya'o zhes ma gsungs te/ gal te sku'i mtshan yang de bzhin gshegs pa yin no zhes brjod na ni gyo mo dang / rdo dang / ri dang / klung dang / rtswa shing thams cad kyang de bzhin gshegs pa yin par 'gyur ro/ /de gal te 'di skad du gyo mo dang / rdo dang / ri dang / klung dang / rtswa shing thams cad la ni skyes bu chen po'i mtshan sum bcu rtsa gnyis med pas de bzhin gshegs pa zhes myi bya'o zhes zer na de la 'di skad du smos shig /khyod kyis smras pa ltar mtshan sum bcu rtsa gnyis dang ldan pa la de bzhin gshegs pa zhes bya na ni 'khor lo sgyur ba'i rgyal po yang de bzhin gshegs pa yin pa'i rigs so/ /de ci'i phyir zhe na/ 'khor los sgyur ba'i rgyal po yang mtshan sum bcu rtsa gnyis dang ldan pas so/ /de gal te 'di skad du mtshan ni mtshan gyi chos la 'jug par 'gyur bas mtshan shes pa'i</font><hr>81.250b<br><font size=+1>

bram zes kyang sangs rgyas su 'gyur ro zhes lung bstan pa'i dngos po de bden pas so zhes zer na de la 'di skad du smros shig /gal te mtshan sum bcu rtsa gnyis dang ldan pa de bzhin gshegs pa yin na ni khyod bdag nyid kyis mtshan mkhan gyis sum bcu rtsa gnyis dang ldan par mthong bas mngon par rdzogs par sangs rgyas par 'gyur ro zhes lung bstan pa yin no zhes smras pa deng khyod kyis kyang de bzhin gshegs pa'i mtshan shod cig /de gal te 'di skad du bdag ni de bzhin gshegs pa'i stobs bcu dang / mi 'jigs pa bzhi dang / ma 'dres pa'i chos bcwa brgyad dang / zag pa med pa'i dbang po dang / stobs dang / byang chub kyi yan lag dang / lam dang / bsam gtan dang / rnam par thar pa dang / ting nge 'dzin la sogs pa de bzhin gshegs pa'i mtshan nyid du bstan to zhes zer na de la 'di skad ces smros shig /khyod kyis stobs bcu la sogs pa ni de bzhin gshegs pa'i mtshan nyid yin no zhes smras pas deng khyod kyis de bzhin gshegs pa'i rang bzhin ji lta bu yin shog cig /de gal te 'di skad du ci sangs rgyas dang mtshan tha dad pa zhig yin nam zhes zer na/ de la 'di skad du khyod nyid mtshan sangs rgyas yin no zhes zer bar zad kyi/ /mtshan ni sangs rgyas ma yin no zhes smos shig /de gal te yang 'di skad du dbyibs med cing kha dog med pa'i chos gzhan zhig sangs rgyas kyis stobs bcu la sogs pa'i mtshan nyid byed par 'gyur ram zhes zer na de la 'di skad du smos shig /dbyibs med cing kha dog med pa'i chos ji ltar dbyibs dang bcas shing kha dog dang bcas pa'i</font><hr>81.251a<br><font size=+1>

mtshan nyid byed par 'gyur/ gzhan yang khyod kyis gal te dbyibs med cing kha dog med pa'i chos la sangs rgyas shes bya'o zhes zer na/ 'o na ni gzhan dbyibs med cing kha dog med pa'i chos thams cad kyang sangs rgyas yin par 'gyur ba'i rigs so/ /gal te chos de dag sangs rgyas yin par gyur na ni stobs bcu dang / mi 'jigs pa bzhi dang / ma 'dres pa'i chos bcwa brgyad dang / dbang po dang / stobs dang / byang chub kyi yan lag dang / lam dang / bsam gtan dang / rnam par thar pa dang / ting nge 'dzin la sogs pa yang de'i mtshan nyid byed par gyur pa'i rigs so zhes brjod par bya'o/ /glang po che'i lag nga'i nyan thos rnams ni de ltar skyes bu blun po rnams rab tu 'dul bar byed do/ /gzhan yang glang po che'i lag ngas sngon bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad yongs su bzla bar bya'o zhes smon lam btab mod kyi/ nga byang chub kyi snying po la 'dug nas bla na med pa yang dag par rdzogs pa'i byang chub mngon par rdzogs par sangs rgyas pa na sems can yang ma dmigs/ sems can gyi ming yang ma dmigs pas nga byang chub kyi snying po la 'dug pa'i tshe rten cing 'brel bar 'byung ba'i yan lag bcu gnyis pa'i chos dngos po 'di yod pa'i phyir dngos po 'di yod/ dngos po 'di med pa'i phyir dngos po 'di med par rtogs pa kho nar zad do/ /dngos po gang yod pa'i phyir dngos po gang yod/ dngos po gang med pa'i phyir dngos po gang med par gyur ce na</font><hr>81.251b<br><font size=+1>

'di lta ste/ ma rig pa'i rkyen gyis 'du byed rnams yod par gyur/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen kyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi /rga shi'i rkyen gyis mya ngan dang / smre sngags 'don pa dang / sdug bsngal ba dang yid mi bde ba dang / 'khrug pa rnams yod par 'gyur te/ de ltar sdug bsngal gyi phung po chen po 'ba' shig po 'di dag 'byung bar 'gyur ro/ /ma rig pa'i 'gag pa'i phyir 'du byed rnams 'gag /'du byed rnams 'gags pa'i phyir rnam par shes pa 'gag /rnam par shes pa 'gags pa'i phyir ming dang gzugs 'gag /ming dang gzugs 'gags pa'i phyir skye mched drug 'gag /skye mched drug 'gags pa'i phyir reg pa 'gag /reg pa 'gags pa'i phyir tshor ba 'gag /tshor ba 'gags pa'i phyir sred pa 'gag /sred pa 'gags pa'i phyir len pa 'gag /len pa 'gags pa'i phyir srid pa 'gag /srid pa 'gags pa'i phyir skye ba 'gag /skye ba 'gags pa'i phyir rga shi 'gag /rga shi 'gags pa'i phyir mya ngan dang / smre sngags 'don pa dang / sdug bsngal ba dang / </font><hr>81.252a<br><font size=+1>

yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' shig po 'di dag 'gag par 'gyur ro/ /nga de las mig dang / ye shes dang / rig pa dang / blo skyes pas 'di ltar dbus dang mtha' med pa dang / 'jigs pa med pa'i rnam par grol ba rab tu rtogs par gyur to/ /de bzhin gshegs pa rnam par grol ba de rab tu rtogs pa'i phyir chos gzhan gang yang thob par gyur ba med kyi/ rgyu dang rkyen las byung ba'i chos dmigs pa kho nar zad do/ /glang po che'i lag de bzhin gshegs pa ni ji ltar chos rnams rab tu rtogs pa de bzhin du sems can rnams la yang dag par rab tu ston to/ /glang po che'i lag de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid ni 'gyur ba med par rtag tu gnas pas 'di lta ste/ ming gzugs kyang stor bar mi 'gyur la/ pha tshun 'gal ba yang med/ skyes pa yang med/ 'byung ba yang med do/ /glang po che'i lag nga ni rtag par de ltar chos ston pas khyed kyis kyang nga'i dgongs pa bzhin du rig par bya'o/ /ngas khyed la de lta bu'i chos bstan khyed kyis kyang de bzhin du nan tan gyis bsgrub par bya'o/ /glang po che'i lag ston pa chen pos slob pa rnams la gang bya ba'i rigs pa de dag ngas ma lus par byas zin pas khyed kyis ji skad du bstan pa bzhin du mngon par bsgrubs nas chos</font><hr>81.252b<br><font size=+1>

rnams las ye shes kyi snang ba thob par bya'o/ /de nas bcom ldan 'das la tshe dang ldan pa glang po che'i lag gis 'di skad ces gsol to/ /bcom ldan 'das gal te 'ga' zhig 'di skad du de bzhin gshegs pas gsungs pa'i yang dag pa'i chos nub par gyur ba zhig yin na su zhig lam ston par 'gyur/ lam ston pa med pa'i phyir dam pa'i chos nub pa zhes bya'o/ /dam pa'i chos nub par gyur ba'i phyir de bzhin gshegs pa yang nub pa zhes bya bas 'di yang sems can thams cad yongs su ma bzlas pa zhes bya'o zhes mchi na de la ji skad du lan gdab par bgyi lags/ bcom ldan 'das kyis bka' stsal pa/ glang po che'i lag gal te de skad du 'dri ba yod na de 'di skad du lan gdab par bya'o/ /de bzhin gshegs pa ni thams cad mkhyen pa yin par skye bo mang po kun kyis kyang shes shing mthong la/ rtags par sems can bzla ba'i dus las gzhes pas yongs su mya ngan las 'das par gyur kyang da dung phan par mdzad pa yin no/ /gzhan yang de bzhin gshegs pas ma 'ongs pa'i sangs rgyas rnams la byang chub mngon par rdzogs par 'tshang rgya bar 'gyur bar lung ston par mdzad pas de nyid sangs rgyas kyi gdung bsab cing rgyun mi gcod par mdzad pa yin te/ sangs rgyas thams cad kyi chos ni sangs rgyas gcig gi chos yin pas de'i phyir de bzhin gshegs pa'i chos shes bya'o zhes bstan to/ /de bzhin gshegs pa'i chos gang yin pa</font><hr>81.253a<br><font size=+1>

de ni sangs rgyas kyi chos yin pas de lta bas na de bzhin gshegs pa ni sngon byang chub sems dpa'i spyad pa spyod pa'i tshe ji skad bstan pa bzhin du spyod cing ji ltar spyod pa bzhin du gsung ba yin par rig par bya'o zhes brjod par bya'o bcom ldan 'das la tshe dang ldan pa glang po che'i lag gis 'di skad ces gsol to/ /bcom ldan 'das de bzhin gshegs pa ni chos thams cad yongs su tshol ba legs par thugs su chud pa lags te/ chos thams cad legs par thugs su chud pa'i slad du sku dang / gsung dang / thugs kyi phrin las mkhyen pa sngon du gtong zhing mkhyen pa'i rjes su 'brang bas na bcom ldan 'das sngon byang chub sems dpa'i spyad pa spyod pa'i tshe ji skad bstan pa bzhin du mdzad cing ji ltar mdzad pa bzhin du gsung bar gyur ba ni shin du ngo mtshar che lags so/ /bcom ldan 'das kyis bka' stsal pa/ glang po che'i lag de de bzhin no/ /de de bzhin te/ glang po che'i lag khyod kyis ji skad smras pa bzhin du nga ni sngon byang chub sems dpa'i spyad pa spyod pa'i tshe ji skad bstan pa bzhin du spyod cing ji ltar spyod pa bzhin du smras par gyur ba yin no/ /glang po che'i lag yang dag par smra ba gang la la zhig 'di skad du su zhig nor ba med par 'jig rten du byung nas sems can la phan 'dogs pas lha dang bcas pa'i 'jig rten bde ba la 'god pa dang / thams cad kun gyi ston pa chen por gyur nas yang dag pa'i lam ston pa dang / yang dag pa'i ye shes kyis rnam par grol bas spros pa mi mnga' bar pha rol tu</font><hr>81.253b<br><font size=+1>

byon nas da dung ma rgal ba dag yongs su zlos shes zer ba la/ de ni sangs rgyas bcom ldan 'das nga yin no zhes smra ba gang yin pa de ni yang dag par smra bas smra ba yin no/ /glang po che'i lag yang dag par smra ba gang la la zhig 'di skad du su zhig slu ba med cing byas pa'i drin gzo ba yin zhes zer ba la de ni nga yin no zhes smra ba gang yin pa de ni yang dag par smra bas smra ba yin te/ sems can gang la la zhig nga la bya ba cung zad cig byas pa'i dngos po de yang chud za bar mi 'gyur ro/ /glang po che'i lag nga ni dang po bla na med pa yang dag par rdzogs pa'i byang chub tu sems bskyed pa tshun chad par nam yang sems la ldog cing gyur ba yang med la/ nyan thos dang / rang sangs rgyas kyi theg pa la mngon par zhen cing mos par gyur pa yang dag par rjes su mi dran yang ngas chos de bstan pas nga'i 'khor rnams las sems rtse gcig tu nyan thos dang / rang sangs rgyas kyi 'bras bu yongs su gnyer ba dag gzung ba'i phyir 'dun par gyur pa kho nar zad do/ /glang po che'i lag sngon byung ba 'das pa'i dus na nga mu stegs can gyi drang srong du gyur pa'i tshe shes rab gsal zhing rno la mang du thos shing spobs pa dang ldan par gyur pas chos zab mo'i bzod pa thob par gyur to/ /de'i tshe bram ze gzhon nu lnga brgya zhig khyim na gnas pa dang 'dod pa lnga'i nyes dmigs mthong zhing rab tu byung ba'i phan yon mthong nas khyim med par rab tu byung ste/ lam bsgoms par gyur te/ de dag thams cad nga'i thad</font><hr>81.254a<br><font size=+1>

du 'ongs pa dang ngas chos bstan pas rang sangs rgyas kyi lam thob par gyur nas mngon par shes pa drug dang ldan zhing sems la rang dbang thob pa dang / rdzu 'phrul gyi rkang pa dang ldan par gyur pas rtag par rdzu 'phrul gyi stobs kyis nam mkha' la mngon par 'phags nas grong dang / grong khyer dang / grong rdal dag tu zhugs te bsod snyoms bslangs nas nga la rim gro byas so/ /nga de'i tshe 'di snyam du 'di ltar 'di dag ni yongs su dag pa'i ye shes chen po dang ldan pa yin pas bdag gis 'di dag gi mchod pa blang ba'i mi rigs so snyam du sems par gyur to/ /drang srong de dag ngas rjes su bstan pa'i phyir de lta bu'i chos thob par gyur kyang ngas thob par ma gyur bas chos de thob par byas shing mngon sum du ma byas pa mngon sum du bya ba'i phyir nan tan brtson 'grus bskyed par gyur to/ /glang po che'i lag ngas nan tan brtson 'grus bskyed nas chos de mngon du byas pa'i tshe gnas gtsang ma'i ris kyi lha zhig 'ongs te mngon du lus bstan nas nga la 'di skad du kye ye shes 'di la mngon par zhen par ma byed cig /khyod kyi bla na med pa yang dag par rdzogs pa'i byang chub mngon par rdzogs par sangs rgyas nas sems can tshad med dpag tu med pa rnams yongs su zlo bar 'gyur ro zhes bsgo'o/ /glang po che'i lag ngas de'i tshe de skad bsgo ba thos lam bsgom pa btang bas sems mchog tu dga' ba thob par gyur nas zla ba phyed kyi bar du dben par 'dug pa'i tshe dga' bas lus kun du khyab par gyur to/ /glang po che'i lag byang chub sems dpa' chos bzhi dang ldan par gyur na lha rnams kyis go bar byed cing rab tu</font><hr>81.254b<br><font size=+1>

dga' ba'i sems kyang 'thob par 'gyur la/ bdag nyid kyang bla na med pa yang dag par rdzogs pa'i byang chub thob par rig par bya'o/ /bzhi gang zhe na/ byang chub sems dpa' ni bdag nyid bla na med pa'i byang chub tu sems rab tu bskyed nas gzhan dag kyang sems bskyed par skul ba yin/ theg pa chen por sems bskyed pa dag mthong nas phrag dog kyang mi byed la bla na med pa yang dag par rdzogs pa'i byang chub ni bdag gcig pus thob par bya ba yin gyi/  gzhan gyis thob par bya ba ma yin no snyam du sems pa yin/ sems can nyes par spyod pa dag la dus dus su rjes su 'doms shing sems bzang pos gtam dag smras nas de dag gi dge ba yongs su srung bar byed pa yin/ bdag nyid rtag par rab tu brtson pa'i sems kyis chos rnams rgya cher gnyer zhing gzhan dag la bstan nas ser sna med par gyur pa yin te/ glang po che'i lag byang chub sems dpa' sems dpa' chen po gang chos bzhi po 'di dag dang ldan par gyur na lha rnams kyis kyang go bar byed la/ bdag nyid kyang mngon par rdzogs par 'tshang rgya bar 'gyur bar rig par bya'o/ /de nas de'i tshe bcom ldan 'das kyis don 'di nyid rab tu gsal bar bstan pa'i phyir tshigs su bcad de bka' stsal pa/ byang chub sems dpa' brtan sems kyis/ /bla med theg la rab gnas shing / /sems can dag kyang bskul byas nas/ /theg pa de la 'god par byed/ /byang chub sems dpa' spyad spyod tshe/ /rtag par phrag dog khong khro med/ /nan tan brtson 'grus rtsom byed pas/ /dga' ba'i sems ni 'phel bar 'gyur/ /sems can sdig spyod mthong gyur na/ /dus su rjes su 'doms par byed/ /rtag par byams dang snying rjer ldan/ /khong khro dag ni</font><hr>81.255a<br><font size=+1>

med pa yin/ /rtag par nan tan chos gnyer nas/ /sems can rnams la spel bar byed/ /ji ltar char ni rlan byed ltar/ chos kyi thams cad tshim par byed/ /chos bzhi 'di dag gang spyod pa/ /khyod ni sangs rgyas 'grub 'gyur bas/ /the tshom sems ni ma skyed ces/ /lha rnams kyis ni go bar byed/ /byang chub sems dpas de thos nas/ /nan tan brtson 'grus skyed par byed/ /dngos po 'di ni nges bden pas/ /bdag ni sangs rgyas nges 'grub sems/ /byang chub sems dpa' de dag ni/ /brtson 'grus dang ni smon lam dang / /dran pa dang ni shes rab dag /bdag nyid rgya cher 'phel bar 'gyur/ /gal te de bzhin gshegs pa rnams/ /'jig rten du ni byung gyur na/ /byang chub sems dpa' de dag ni/ /'di 'dra'i yon tan ldan par 'gyur/ /gang zag chen pos bkur 'gyur zhing / /rgyal po blon po dmangs rnams kyang / /thams cad sems ni rab dga' zhing / /lam ldan yin par rig par 'gyur/ /bstan bcos gtsug lag tshig dang don/ /tshig 'bru tshigs bcad rtsis dang grangs/ /de dag thams cad legs pa yis/ /sems can kun gyi mchog tu 'gyur/ /dbang po rno zhing shes rab ldan/ /bya ba stobs la mi ltos par/ /thabs dang ldan pa 'ba' shig gis/ /thams cad yongs su grub par nus/ /dgra rnams rab tu gdul ba yang / /lus kyi zho sha mi ltos par/ /shes rab stobs ni 'ba' shig gis/ /rang gi sems ni 'dul bar byed/ /sems can rab tu brtse ba'i phyir/ /'jig rten du ni skyes pas na/ /rgyal po blon po dmangs rnams kyang / /ngo mtshar che zhes bsngags par 'gyur/ /lha rnams kun kyang smra bas na/ /de yi ya mtshan kun gyis rig /ci phyir de ltar rig ce na/ /bdag sems shes zhes sems phyir ro/ /byang chub sems dpa'</font><hr>81.255b<br><font size=+1>

de rtag tu/ /sangs rgyas rnams ni mthong bas na/ /der song chos ni rab zhus nas/ /sems can rgya cher phan yang 'dogs/ /sangs rgyas zhus lan gsungs pas na/ /the tshom dag ni chad par 'gyur/ /sems can rnams ni phan 'dogs pas/ /thams cad dga' ba thob par 'gyur/ /sangs rgyas rdzu 'phrul mthu bstan nas/ /sangs rgyas 'gyur bar lung ston pas/ /de phyir byang chub sems dpa' de/ /sems ni dga' ba thob par 'gyur/ /shin du 'phangs pa'i nor rnams dang / /phyi nang kun la chags med pas/ /de phyir dga' ba chen po yis/ /bdag nyid sangs rgyas 'grub par shes/ /sangs rgyas rnams kyis bsngags pa yi/ /bzod pa gya nom thob pas na/ /de phyir dga' ba chen po yis/ /bdag nyid sangs rgyas 'grub par shes/ /chos rnams kun la mi gnas shing / /chos brtan mi rung rig pas na/ /de 'dra'i shes rab thob gyur nas/ /lus ni mkha' la 'phags par 'gyur/ /de yi sems ni nang mi gnas/ /phyi rol na yang mi gnas te/ /'du shes thams cad 'das pas na/ /de phyir bzod pa bla med thob/ /yun rings byams dang snying rjes yis/ /sems can kun la sems pas na/ /de phyir bsod nams de yi dbang / /sangs rgyas tshad med mthong bar 'gyur/ /de yi lus ni thams cad kun/ /sangs rgyas sku dang khyad par med/ /de 'dra'i bzod pa thob pas ni/ /chos kyi bdag nyid 'phel bar byed/ /byang chub tu ni sems bskyed la/ /su zhig rjes su slob mi byed/ /rab brtan dam chos gang gnas pa/ /'di 'dra'i yon tan thob par 'gyur/ /de phyir lam ni gnyer ba dag /rtag par nan tan chos gnyer bya/ /chos kyis bdag gi khe btsal nas/ /byang chub la ni phan gdags bya/ /brgal ba'i lan gdab pa'i le'u ste bdun pa'o// //</font><hr>81.256a<br><font size=+1>

de nas bcom ldan 'das la tshe dang ldan pa byams ma'i bu gang pos 'di skad ces gsol to/ /bcom ldan 'das bcom ldan 'das kyis 'das pa'i dus na byang chub sems dpa'i spyad pa spyod pa'i tshe dge ba'i chos rnam pa sna tshogs la shin du brtan par gnas par gyur ba ni ngo mtshar che lags so/ /bcom ldan 'das kyis bka' stsal pa/ gang po de de bzhin no/ /de de bzhin te/ de ni yun ring po nas byang chub sems dpa'i spyad pa spyod pa'i tshe dge ba'i chos la shin tu brtan par gnas par gyur to/ /de nas de'i tshe bcom ldan 'das kyis don 'di nyid rab tu gsal bar bstan pa'i phyir tshigs su bcad de bka' stsal pa/ chos gnyer chos ni gang thob pa/ /de ni sangs rgyas lam gzhi yin/ /rtag tu chos la gang brtson pa/ /chos ma yin pa spong bar 'gyur/ /rtag tu yang dag lam spyod pa/ /log pa'i lam ni spong bar byed/ /sangs rgyas chos la rtag bsten pa/ /de ni lam la bstan par 'gyur/ /des na mi khom rnams spangs nas/ /khom ldan dag ni thob par 'gyur/ /khom ldan gnas ni thob gyur na/ /brtson 'grus brtsams pa chud mi za/ /gnas gnyis su ni mchog tu bcun/ /kha dog gzugs ni mchog tu 'gyur/ /g.yog 'khor dag ni phun tshogs shing / /thams cad kun gyi mchog tu 'gyur/ /brten pa'i sems kyis rtag tu ni/ /tshul khrims bzod pa'i phyogs la gnas/ /brtson 'grus phyogs la rab gnas shing / /bsam gtan shes rab 'phel bar byed/ /rtag tu sems can thams cad kyis/ /gtso mchog dag ni byed par 'gyur/ /yon tan kun gyis mchog gyur pas/ /don rig 'jigs pa ci yang med/ /de nas bcom ldan 'das la tshe dang ldan pa gang pos 'di skad ces gsol to/ /bcom ldan 'das 'di lta bu'i chos gya nom pa dag la su zhig slob par bgyid de/ bdag cag ni sngon dang po</font><hr>81.256b<br><font size=+1>

nas le lo can du gyur pas sangs rgyas kyi mkhyen pa la re ba ma mchis shing bdag cag sangs rgyas kyi mkhyen pa 'di lta bu thob par 'gyur bar mngon par yid ches pa ma mchis pa na/ 'di ltar nyan thos kyi theg pas bdag nyid nges par byung bar 'gyur ba lags so snyam sems so/ /bcom ldan 'das bdag ni deng slan chad byang chub sems dpa' rnams la gzeng stod cing spro ba bskyed nas sangs rgyas kyi chos la dgod par bgyid lags so/ /de'i slad du zhe na/ sangs rgyas bcom ldan 'das rnams ni shin tu dka' ba mdzad pa lags pas bcom ldan 'das sngon byang chub sems dpa'i spyad pa spyod pa'i tshe sems can gyi ched du rtag par de lta bu'i shin tu dka' ba'i dngos po sha stag mdzad de/ de lta bu'i dngos po de ni dgra bcom pa dang / rang sangs rgyas thams cad la yang ma mchis na sems can gzhan la lta smos kyang ci 'tshal bas so/ /bcom ldan 'das de lta bu'i shin du dka' ba'i dngos po chen po de dag ni byang chub sems dpa' sems dpa' chen por gyur ba 'ba' zhig sems can thams cad la snying brtse ba'i slad du byang chub sems dpa'i spyad pa spyod pa'i tshe shin du dka' ba'i dngos po chen po de lta bu tshad ma mchis/ dpag tu ma mchis/ grangs ma mchis pa dag spyad pas bcom ldan 'das byang chub sems dpa' de dag de lta bu'i shin du dka' ba'i dngos po chen po spyad de bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo yongs su bskor te/ sems can sdug bsngal gyi gzir ba rnams yongs su bzla bar bgyid lags so/ /bcom ldan 'das kyis bka' stsal pa/ gang po de de bzhin no/ /de de bzhin te/ khyod kyis ji skad smras pa de bzhin du byang chub sems dpa' sems dpa' chen po rnams ni bla na med pa</font><hr>81.257a<br><font size=+1>

yang dag par rdzogs pa'i byang chub tu sems bskyed nas sems can thams cad kyi phan pa dang bde ba yongs su gnyer ba'i phyir sems can thams cad la byams pa dang snying rje chen po dang ldan pa yin pas sems can thams cad kyi ched du byang chub sems dpa'i spyad pa spyod pa'i tshe de lta bu'i smon lam chen po dang / dka' ba'i dngos po chen po shin du zab pa/ shin du dka' ba/ tshad med/ dpag tu med/ grangs med pa dang ldan par gyur ba yin no/ /bcom ldan 'das kyis de skad ces bka' stsal pa nas tshe dang ldan pa gang po dang / 'khor bzhi po rnams dang / lha dang / mi dang / glu dang / gnod sbyin dang / dri za dang / lha ma yin du bcas pa thams cad bcom ldan 'das kyis gsungs pa la rab tu dga' zhing yid ches pas mngon par bstod do/ /tshe dang ldan pa gang po'i le'u ste brgyad pa'o// //'phags pa dkon mchog brtsegs pa chen po'i chos kyi rnam grangs le'u stong phrag brgya pa las gang pos zhus pa'i le'u ste bcu bdun pa rdzogs so// ! / // </font><hr>

</table>