J306

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J306</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J306&coll=lithang">see text in Tibetan script</a></table>79.77b<br><font size=+1>

/ 'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u bdun pa ste go cha'i bkod pa bstan pa/ bam po dang po/ rgya gar skad du/ Ar+ya warma byU ha nir de sha nA ma ma hA yA na sU tra/ bod skad du/ 'phags pa go cha'i bkod pa bstan pa zhes bya ba theg pa chen po'i mdo/ /sangs rgyas dang byang chub sems dpa' thams cad la phyag 'tshal lo/ /'di skad bdag gi thos pa dus gcig na/ bcom ldan 'das rgyal po'i khab na bya ka lan da ka'i gnas 'od ma'i tshal na dge slong gi dge 'dun chen po dang / byang chub sems dpa' sems dpa' chen po sangs rgyas kyi zhing sna tshogs nas 'dus pa sha stag dang thabs gcig tu bzhugs te/ de nas bcom ldan 'das la 'khor mang po brgya stong tshad med pas yongs su bskor cing gus pas rim gro dang / bkur sti byas par gyur to/ /de'i tshe 'dus pa der byang chub sems dpa' sems dpa' chen po blo gros mtha' yas shes bya ba 'dus par gyur ba de 'dug pa stan las</font><hr>79.78a<br><font size=+1>

langs nas bla gos phrag pa gcig tu gzar te/ pus mo g.yas pa'i lha nga sa la btsugs nas spyi bo btud de phyag byas nas bcom ldan 'das ga la ba de logs su thal mo sbyar te/ bcom ldan 'das bdag la the tshom cung zad cig mchis te/ de bzhin gshegs pa la zhu bar 'tshal na thugs rjes gnang bar mdzad cing bdag la bshad du gsol/ de skad ces gsol pa dang / de nas byang chub sems dpa' sems dpa' chen po blo gros mtha' yas kyis tshigs su bcad de gsol pa/ /dpa' chen skyes bu chen po ste/ /'jig rten dag na mtshungs ma mchis/ /bdag ni sems can dag gi slad/ /the tshom cung zad zhu ba lags/ /seng ge'i gdan las ma bzhengs par/ /sku ni phyogs bcu kun du khyab/ /tha dad smra ba thams cad kyis/ /gang yang bsgul bar mi 'gyur bar/ /mkhyen pa'i gter ni mtha' mi mnga'/ /stobs rnams kyang ni tshad ma mchis/ /bcom ldan stobs ni re res kyang / /'jig rten ma lus sgrol bar mdzad/ /thams cad mkhyen la rab gnas shing / /stobs bcu la ni gang gnas pa/ /mi 'jigs seng ge chen po ste/ /rgyal ba bla na med pa'i gtso/ /ma 'dres chos ni bcwa brgyad dag / /de bzhin gshegs la mnga' bas na/ /'jig rten rnams ni gsal mdzad cing / /mu stegs rnams ni pham par mdzad/ /chos rnams thams cad rab mkhyen pas/ /de slad mtha' med mchog ces bgyi/ /nyams pa mi mnga'i 'dren pa la/ /bdag ni the tshom zhu ba lags/ /dri med mkhyen pa mtha' med pa/ /mkhyen pa mi g.yo rgya mtsho bzhin/ /mkhyen pa yul la thogs mi mnga'/ /bdag ni the tshom zhu ba lags/ /bcom</font><hr>79.78b<br><font size=+1>

ldan legs par bsgom pa na/ /lam la the tshom yod mi mnga'/ /bder gnas 'dren pa chen po la/ /bdag ni the tshom zhu ba lags/ /chu bo dag ni rab rgal cing / /mtshams sbyor 'ching ba yongs cad pa/ /gdug pa'i zug rngu 'byin pa la/ /bdag ni the tshom zhu ba lags/ /ma rig sgo nga'i sbubs bcom zhing / /nyon mongs gdung ba nyer zhi ba/ /shin du bsil la rab gnas la/ /bdag ni the tshom zhu ba lags/ /'jigs med ye shes bla med dang / /ye shes chags dang thog med pa/ /chos kyi rgya mtsho'i mkhyen pa rnams/ /de bzhin gshegs pas mngon sum brnyes/ /sangs rgyas yon tan tshad med pas/ /mngon sum mkhyen pa yongs su rdzogs/ /zag pa thams cad zad gyur cing / /nyon mongs lta ba rab bcom pa/ /bcom ldan yon tan tshad med pa/ /mang po dag ni rab tu bsags/ /bsam gyis mi khyab chos rje la/ bdag ni the tshom zhu ba lags/ /bcom ldan mchog gis mkhyen pa yis/ /'jig rten kun ni gsal bar mdzad/ /chos kyi snang ba ston mdzad pas/ /yon tan rgya mtsho mtha' mi mnga'/ /'dren pa'i chos kyi 'od zer gyis/ /'jig rten kun du gsal bar mdzad/ /de slad 'jig rten sangs rgyas kyi/ /chos kyi 'od zer snang ba lags/ /chos kyi rgya mtsho thams cad mkhyen/ /spobs pa dag ni bla na med/ /brtson 'grus bsam gyis mi khyab cing / /rnam pa lta ba rab spangs pa/ /sangs rgyas spyan ni mtha' med pas/ /mkhyen pa'i yul la mtha' mi mnga'/ /'jig rten mtshungs med gtso bo la/ /bdag ni the tshom zhu ba lags/ /chos rgyal thub pa chen po yis/ /sems can the tshom gcod par mdzad/ /'dren pa la ni bdag zhu na/ /mos pa ji bzhin bkas bshad gsol/ /lha dang mi yi 'jig rten kun/ /thams</font><hr>79.79a<br><font size=+1>

cad bdag gis rab brtags na/ /de bzhin gshegs dang mtshungs med pas/ thams cad ma lus gsal bar mdzad/ /yon tan rnams la rab gnas shing / /rgyan dang ldan pa'i skyes chen lags/ /bsam gyis mi khyab chos kyi rgyal/ /drang srong nang na gsal ba po/ /dper na gangs ri chen po ni/ /rin chen kun gyis bkod pa'i gnas/ /bcom ldan chos gdan bzhugs pa yi/ /bkod pa dag kyang de bzhin no/ //rab yangs brtson 'grus chen po yis/ /yid 'ong sgra ni ston mdzad pas/ /sems can gang dag thos gyur na/ /dge ba'i rtsa ba rnam dag 'gyur/ /bcom ldan mi g.yo mchog lags pas/ /chos kyi snang ba ston bar mdzad/ /des ni sems can thams cad kyi/ /yid bzhin blo ni bde bar 'gyur/ /dus dang 'khor ni rab mkhyen cing / /gang zag mkhyen pa 'dren pa yis/ /chos kyi snang ba ston mdzad pas/ /dus mkhyen pa yi blo ldan lags/ /tshangs skad brtson 'grus chen po yis/ /rnam dag gsung ni bkas bshad gsol/ /char chen sa la babs pa ltar/ /chos kyi rlan gyis khyab par mdzod/ /bcom ldan 'khor 'dus nang bzhugs te/ /kun tu chos kyi char phab nas/ /chos 'di la ni gang re ba/ /sems can rnams ni tshim par mdzod/ /mchog tu bde la rab gnas pas/ /rgyal po ri rab ji lta bzhin/ sems can rnams la sbyin mdzad cing / /mang po rnams ni dga' bar mdzod/ /dpa' chen rkang gnyis gtso dag ni/ /spyod yul bsam gyis mi khyab pas/ /sems can dag ni thams cad kyis/ /gang yang 'chal bar mi 'gyur ro/ /skyes bu chen po tshad ma mchis/ /'khor 'dus 'thun par gyur ba dag / /thub pa che la brten nas ni/ /sangs rgyas spyod yul chol ba lags/ /bdag ni sangs rgyas spyod yul la/ /</font><hr>79.79b<br><font size=+1>

gzhol ba'i slad du 'dir mchis na/ /'dren pa mkhyen pa thogs mi mnga'/ /ji ltar myur du dbye mi mdzad/ /bdag ni de yi mos pa bzhin/ /zhal du bltas nas zhu lags na/ /bcom ldan thugs rjes rab phye nas/ /the tshom rnams ni bcad du gsol/ /bla med chos ni thos gyur na/ /sems ni rab tu dga' bar 'gyur/ /lus ni dga' bas khyab gyur nas/ /the tshom dra ba chad par 'gyur/ /chos kyi rgyal po bla med gtso/ /thams cad mkhyen pa 'jigs mi mnga'/ /thams cad mkhyen cing gzigs pa la/ /bdag ni the tshom zhu ba lags/ /sangs rgyas chos ni thams cad la/ /the tshom cung zad yod mi mnga'/ /rab brtson 'dren pa chen po la/ /bdag ni the tshom zhu ba lags/ /bla med the tshom chad pa po/ /chos la the tshom mi mnga' ba/ /yon tan rgya mtsho dpag med la/ /bdag ni the tshom zhu ba lags/ /snang ba chen po dpag med dang / /yon tan chen po dpag med dang / /rnam dag mkhyen pa dpag med la/ /bdag ni the tshom zhu ba lags/ /brtson 'grus mkhyen pa dpag med dang / /spyod yul mkhyen pa dpag med dang / /phan dogs mkhyen pa dpag med la/ /bdag ni the tshom zhu ba lags/ /bcom ldan mkhyen pa mtha' med kyang / mtha' dang mtha' med rab tu spangs/ /the tshom thams cad gcod pa la/ /bdag ni the tshom zhu ba lags/ /bsam gyis mi khyab chos kyi rgyal/ /thugs rjes zhu ba gsan du gsol/ /gnang bar mdzad na bdag zhu na/ /thub pa chen pos bshad du gsol/ /thams cad mkhyen pa shAkya'i gtso/ /grags chen la ni zhu ba lags/ /gal te thugs rjes gnang gyur na/ /the tshom dra ba bcad du gsol/ /de nas bcom ldan 'das kyis byang chub sems</font><hr>79.80a<br><font size=+1>

dpa' sems dpa' chen po blo gros mtha' yas la bka' stsal pa/ blo gros mtha' yas deng khyod kyis nga'i zhal du bltas nas sems rtse gcig tu gsol ba 'debs pa 'dis de bzhin gshegs pa la zhu ba du zhig zhu bar sems/ gal te zhu ba yod na ngas bshad par bya'o/ /de skad ces bka' stsal pa dang / de nas de'i tshe bcom ldan 'das kyis tshigs su bcad de bka' stsal pa// /blo gros mtha' yas khyod kyis ni/ /nga la ci zhig 'dri bar sems/ /de bzhin du ni zhus shig dang / /ngas ni rab tu bshad par bya/ /khyod kyis ji skad dris pa bzhin/ /re re nas ni gsal phye nas/ /ji ltar mos dang 'thun bzhin du/ /myur du phye ste rab bshad do/ /ngas ni khyod la rab bshad kyis/ /thams cad the tshom med par byos/ /khyod kyis zhus dang 'tsham par bshad/ /deng khyod dus bzhin zhu bar gyis/ /dus dang don ni ji lta bzhin/ /dus bzhin du ni zhus pa'i phyir/ /ngas ni nges par rab bshad do/ /ji ltar khyod kyi mos pa bzhin/ zhu ba dag ni zhus shig dang / /ngas ni thams cad rjes 'thun par/ /khyod la rab tu bshad par bya/ /deng khyod dus su zhus shig dang / /ngas kyang dus bzhin bshad par bya/ /the tshom dra ba bshad pas na/ /the tshom med pa 'thob par 'gyur/ /nga ni chos kyi rjer gyur pas/ /don ni mthar phyin thugs su chud/ /chos rnams thams cad dag la yang / /the tshom med pa brnyes pa yin/ /nga ni chos rnams thams cad las/ /mngon sangs rgyas pas bsam dka' yin/ /sems can mos pa ji bzhin du/ /zhus pa dag ni ston par mdzad/ /nga ni chos rnams thams cad la/ /thogs pa dag ni mi mnga' bas/ /dus bzhin du ni zhus pa la/ /myur du bshad pa mdzad pa yin/ /ngas ni dus bzhin rab bshad cing / /the</font><hr>79.80b<br><font size=+1>

tshom dag ni mi mnga' bas/ /de yi mos pa ji lta bar/ /de yi the tshom gcod par mdzad/ /nga ni rtag tu dus rnams dang / /'khor 'dus pa yi bsam pa dang / /sems can dag ni thams cad kyi/ /bsam pa tha dad mkhyen pa yin/ /rtag tu sems can thams cad kyi/ /'dod pa dang ni 'dod med pa/ /so sor rab tu brtags nas ni/ /de dag gsal bar gzigs pa yin/ /gal te blo dang ldan pa rnams/ /legs pa nyid du sgrub byed na/ /nga yis dus dang sbyar nas ni/ /yang dag chos ston go bar mdzad/ /blo dang mi ldan de dag ni/ /gti mug dag gis rmongs dkrugs shing / /de dag shes rab snang med pas/ /yang dag chos la gus mi 'gyur/ /gal te gus pa med gyur na/ /yang dag chos ni tshol mi byed/ /chos 'di thos par gyur kyang ni/ /snang ba chen po'i shes mi skye/ /gang zhig chos la mkhas gyur pa/ /chos la mos shing tshol bar byed/ /gal te chos 'di thos gyur na/ /rab snang ye shes thob par 'gyur/ /theg chen dag la mos pa ni/ /mi yi gtso bo tshol byed pas/ /rab snang ye shes thob par 'gyur/ /bsam gyis mi khyab gnyer ba dag / /bsam gyis mi khyab ye shes la/ /gzhol ba gang yin de dag ni/ /thos pas yongs su rdzogs par 'gyur/ /dpag med ye shes la mos dang / /bsam gyis mi khyab gnyer ba dag / /des ni chos 'di thos gyur na/ /bla med ye shes thob par 'gyur/ /sems can dag ni la la zhig / /byang chub snying po tshol ba dang / /bla med 'khor lo bskor 'dod pas/ /mos shing rab tu brtson pa dang / /chos la gtso bor gang 'dzin pa/ /dri med chos ni thos gyur na/ /mos shing rab tu dga' bar 'gyur/ /gal te sems can</font><hr>79.81a<br><font size=+1>

la la dag / /legs par bsgrub par mos gyur pa/ /chos kyi 'od zer snang ba yi/ /bla med chos 'di bstan par bya/ /khur lci rnams ni khyer ba dang / /nan tan bsgrub pa la mos pa/ /des ni chos 'di thos gyur na/ /dga' bas kun du khyab par 'gyur/ /gang zhig rab tu mos pa yis/ /dge ba'i chos ni sems byed na/ /de la snying brtse bsam bzhag nas/ /rab tu phye nas bstan par bya/ /khyod la sogs la thugs brtse phyir/ /khyod kyis ji skad zhus pa bzhin/ /ngas kyang yang dag nges par ni/ /khyod kyi the tshom bcad par bya/ /ngas ni lo mang stong phrag tu/ /thabs mkhas dag ni rab bsgoms shing / /the tshom dag ni bsal bas na/ /khyod kyis mos pa rab tu mkhyen/ /gal te the tshom yod gyur na/ /ji ltar 'dod bzhin zhu bar gyis/ /khyod la rab tu bstan pas na/ /the tshom rnams ni bcad par bya/ /gal te the tshom yod gyur na/ /ji ltar 'dod bzhin zhu bar gyis/ /ji ltar mos pa bzhin du ni/ /ngas ni rab tu bshad par bya/ /gal te the tshom yod gyur na/ /ji ltar 'dod bzhin zhu bar gyis/ /nga ni chos la rab gnas pas/ /g.yo ba med pa brnyes pa yin/ /de nas bcom ldan 'das la byang chub sems dpa' sems dpa' chen po blo gros mtha' yas kyis 'di skad ces gsol to/ //bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag byang chub sems dpa'i theg pa la the tshom cung zad cig mchis pa deng zhu ba lags na/ ji ltar na skyes bu dam pa 'jigs pa spangs nas yang dag par sems rtse gcig tu sems can rnams kyi slad du go cha chen po bgos nas go cha chen pos rab tu brgyan</font><hr>79.81b<br><font size=+1>

pa dang / mos pa chen po bskyed nas gus par bgyid pa dang / bag yod pa dang bcas pas theg pa chen po 'di la 'tshal nas shin tu rnam par dag pa chen po mnyam pa nyid kyi shul mtho dman dang / gyo mo dang / gseg ma dang / tsher ma dang / mi gtsang ba rnam pa sna tshogs kyi lta ba'i thibs po rnams ma mchis pa/ zug rngu zug pa'i sdug bsngal dang / nyon mongs pa'i g.yang sa ma mchis pa/ 'chi ba dang / 'jigs shing skrag pa dang / bar chad ma mchis pa/ drang zhing gya gyu ma mchis pa dang / de kho na nyid kyi mnyam pa nyid kyi shul dang / thogs pa ma mchis pa'i shul du zhugs nas lta ba'i thibs po rnams bcad pa dang / dra ba thams cad dral ba dang / mun nag rnams bsal ba dang / srid pa'i mngon par zhen pa rnams spang ba dang / 'du 'phro ba rnams spang ba'i slad du bla na ma mchis pa yang dag par rdzogs pa'i byang chub la gzhol ba lags/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag don 'di'i slad du zhu ba lags so/ /skyes bu dam pa ji lta bus go cha chen po ji lta bu bgos na go cha bgos pa des theg pa chen po la 'tshal nas lam chen po 'dis gzhol zhing yang dag par 'jug par 'gyur ba lags/ bcom ldan 'das kyis byang chub sems dpa' sems dpa' chen po rnams kyi go cha'i bkod pa gang lags pa dang / lam gang la gnas pa dang / chos rnams kyi tshul la mkhas pa la gnas pa gang lags pa bkas bshad du gsol/ chos kyi tshul la mkhas pa la rab tu gnas pas ni chos rnams kyi tshul la mkhas pa'i snang ba skyed par 'gyur la/ chos kyi snang ba'i dbang gis ni go cha mi spong par theg pa chen po la 'tshal nas nur ba ma mchis</font><hr>79.82a<br><font size=+1>

pa'i brtson 'grus kyi stobs dang / brjed ngas pa ma mchis pa'i dbang po dang / rgyun chags pa ma mchis pa'i shes rab kyi stobs kyis myur du chos kyi dbyings kyi tshul la gsal bar mkhas pa mngon par bsgrubs nas/ byang chub kyi snying por bgrod pa dang / chos kyi 'khor lo bskor nas sems can rnams la yang dag par chos ston pa'i slad du sems can thams cad ji ltar mos pa dang / ji ltar gzhol ba bzhin du ma grol ba las rnam par grol bar 'gyur lags so/ /bcom ldan 'das theg pa chen po 'dis sems can rnams la sman pa dang / bde bar bgyi ba'i slad du de bzhin gshegs pa dgra bcom pa yang dag par rdzogs pa'i sangs rgyas la bdag don 'di zhu lags so/ /bcom ldan 'das de bzhin gshegs pa ni thams cad mkhyen pa thams cad gzigs pa lags na chos gang gis byang chub sems dpa' sems dpa' chen po rnams kyi chos thams cad kyi rgya mtsho'i phyag rgya'i ting nge 'dzin mngon par bsgrubs pa dang / ting nge 'dzin thob pa'i dbang gis byang chub sems dpa' sems dpa' chen po rnams bla na ma mchis pa yang dag par rdzogs pa'i byang chub tu mngon par rdzogs par sangs ma rgyas kyi bar du phyir ldog par mi 'gyur ba gang lags pa bkas bshad du gsol/ bcom ldan 'das de bzhin gshegs pa'i mkhyen pa dang / gzigs pa ni ngo mtshar rmad du byung ba'i chos yongs su rdzogs shing sems can rnams kyi shes rab kyi sman rab tu mkhyen pa lags pas de'i slad du bdag zhu ba gsol lags so/ /de nas byang chub sems dpa' sems dpa' chen po blo gros mtha' yas kyis tshigs su bcad de gsol pa/ /byang chub sems dpa' rnams kyi slad/ /sangs rgyas chos don zab mo dag / /thams cad</font><hr>79.82b<br><font size=+1>

mkhyen cing gzigs pa po/ /rkang gnyis gtso la bdag zhu lags/ /theg pa chen po'i rnal 'byor pa/ /ting 'dzin gang gis gzhol gyur pa/ /sems can rnams la sman slad du/ /de dag zhu ba gsol ba lags/ /ji ltar skyes bu dam pa yis/ /go cha dpag med bgo bar 'gyur/ /de ltar go cha bgos nas kyang / /ji ltar rab tu gzhol bar 'gyur/ /ji ltar 'dun pa slong bar 'gyur/ /ji ltar de la sred par 'gyur/ ji ltar brtson 'grus chen por 'gyur/ /ji ltar bag yod ldan par 'gyur/ /ji ltar byang chub sems dpa' rnams/ /theg chen 'di la gzhol bar bgyi/ /de la 'tshal nas ci bgyid pa/ /dngos po 'di yang bkas bshad gsol/ /ji ltar theg chen bteg nas ni/ /byang chub sems la gzhol gyur pa/ /'jig rten 'dren pa'i thugs rjes yis/ /myur du bdag la bkas bshad gsol/ /ji ltar yang dag mnyam lam gyis/ /mnyam pa nyid du gzhol bar 'gyur/ /lta ba rnams kyi thibs po dag / /gcod par bgyid la skyon med 'gyur/ /spyod yul dag ni thams cad las/ /ji ltar bgyis na 'da' bar 'gyur/ /ji ltar mnyam pa nyid dag gis/ /'dod chags dra ba dral bar 'gyur/ /ji ltar mun nag rab bsal nas/ /ye shes snang chen thob par 'gyur/ /byang chub sems dpa' de dag gis/ /ji ltar bgyis na gzhol bar 'gyur/ /ji ltar so sor rab brtags pas/ /'ching ba mang po spong bar 'gyur/ /ji ltar byang chub sems dpa' rnams/ /'ching ba spangs nas bde bar gnas/ /ji ltar byang chub sems dpa' rnams/ /'jigs pa che las 'da' bar 'gyur/ /chos kyi don la mkhas gyur nas/ /bla med la ni gzhol bar 'gyur/ /byang chub sems dpa' ji lta bu'i/ /dpag med go cha bgo bar bgyid/ /go cha de dag bgos nas</font><hr>79.83a<br><font size=+1>

kyang / /theg chen la ni 'tshal bar bgyid/ /ji ltar byang chub sems dpa' rnams/ /mnyam nyid lam la gzhol bar bgyid/ /bdag gis deng 'dir zhus pa 'di/ /bcom ldan 'das kyis bkas bshad gsol/ /byang chub sems dpa' ji lta bur/ /go cha bkod pa thob 'gyur dang / /bla med theg pa rab brgyan pa/ /bcom ldan 'das kyis bkas bshad gsol/ /lam 'di la ni gnas pa dang / /lam de'i bkod pa gang lags dang / /chos rnams la ni mkhas gyur pa/ /bcom ldan 'das kyis bkas bshad gsol/ /chos kyi dbyings kyi tshul rnams dang / /chos la mkhas pa'i snang ba dag / /ji lta bur ni rtog gyur pa/ /bcom ldan 'das kyis bkas bshad gsol/ /ji ltar byang chub sems dpa' rnams/ /chos kyi snang ba de thos nas/ /chos rnams thams cad mthar phyin pa/ /bcom ldan 'das kyis bkas bshad gsol/ /ji ltar byang chub sems dpa' rnams/ /chos kyi snang ba thob gyur nas/ /go cha chen po mi spong zhing / /de yi dbang gis gzhol 'gyur lags/ /ji ltar byang chub sems dpa' rnams/ /theg chen 'di la 'tshal nas ni/ /brtson 'grus ldog par mi 'gyur zhing / /de yi dbang gis gzhol 'gyur lags/ /ji ltar byang chub sems dpa' rnams/ /bsam pa dag ni rab brtan zhing / /'di ltar shes rab stobs dag gis/ /shin du 'dul ba thob 'gyur lags/ /ji ltar chos kyi dbyings rnams kyi/ /tshul la mkhas pas thob par 'gyur/ /chos kyi rgyal po bsam mi khyab/ /bcom ldan 'das kyis bkas bshad gsol/ /ji ltar myur ba kho nar ni/ /byang chub snying por bgrod gyur nas/ /su yang skor bar mi 'gyur ba/ /tshangs pa'i 'khor lo skor 'gyur lags/ </font><hr>79.83b<br><font size=+1>

ji ltar g.yo ba ma mchis par/ /sngon gyi smon lam ji lta bzhin/ /sems can thams cad kun la ni/ /chos rnams yang dag ston 'gyur lags/ /chos rnams yang dag bstan pas na/ /'khor ba las ni grol 'gyur lags/ /ji ltar bgyis na sems can rnams/ /gtan du bde ba 'thob 'gyur lags/ /sems can rnams la sman slad du/ /'jig rten 'dren la bdag zhu na/ /thams cad mkhyen cing gzigs pa po'i/ /thugs rjes bdag la bkas bshad gsol/ /chos ni gang dang gang dag gis/ /byang chub sems dpa' smin bgyid pa/ /chos kyi rgya mtsho thams cad kyis/ /ting 'dzin phyag rgya mdzad du gsol/ /sangs rgyas chos la rab mos shing / /byang chub che la gang lta ba/ /chos kyi sgra 'di thos gyur na/ /lus kun khyab par dga' bar 'gyur/ /de nas bcom ldan 'das kyis byang chub sems dpa' sems dpa' chen po blo gros mtha' yas la bka' stsal pa/ blo gros mtha' yas khyod kyis sngon sangs rgyas tshad med pa rnams la mchod cing rim gro byas pa dang / dge ba'i rtsa ba rnams bskyed cing yon tan gzhal du med pa bsags pas na chos zab mo 'di la rab tu gdung ba mos par gyur pa dang / bsam pa rgya chen pos sems can yongs su smin par bya ba'i phyir snying rje chen po bskyed nas de bzhin gshegs pa la zhu ba zhus pa legs so legs so/ /khyod legs par nyon la shin du yid la zung shig dang / ngas khyod la byang chub sems dpa' sems dpa' chen po rnams kyi yon tan mngon par bsgrub pa dang / ji ltar bla na med pa yang dag par rdzogs pa'i byang chub la gzhol bar gyur pa yang dag par bshad par bya'o/ /bcom ldan 'das de bzhin du thos par 'tshal lo zhes gsol pa dang / de nas bcom ldan 'das kyis byang chub sems dpa' sems dpa' chen</font><hr>79.84a<br><font size=+1>

po blo gros mtha' yas la 'di skad ces bka' stsal to/ /blo gros mtha' yas byang chub sems dpa' sems dpa' chen po gang bla na med pa yang dag par rdzogs pa'i byang chub kyi phyir go cha chen po bgos pa des sems can rnams yongs su bsdud pa'i phyir go cha chen po bgo bar bya'o/ /sems can rnams sbyin pa rnam par dag pa la dgod pa'i phyir go cha chen po bgo bar bya'o/ /sems can rnams tshul khrims rnam par dag pa la dgod pa'i phyir go cha chen po bgo bar bya'o/ /sems can rnams bzod pa rnam par dag pa la dgod pa'i phyir go cha chen po bgo bar bya'o/ /sems can rnams brtson 'grus rnam par dag pa la dgod pa'i phyir go cha chen po bgo bar bya'o/ /sems can rnams bsam gtan rnam par dag pa la dgod pa'i phyir go cha chen po bgo bar bya'o/ /sems can rnams shes rab rnam par dag pa la dgod pa'i phyir go cha chen po bgo bar bya'o/ /sems can rnams bde ba thob par bya ba'i phyir go cha chen po bgo bar bya'o/ /sems can rnams la phan gdags pa'i dngos po dang mtshungs par ldan pa'i sems bskyed pa'i phyir go cha chen po bgo bar bya'o/ /sems can rnams kyi 'dod chags dang / zhe sdang dang / gti mug gi nad kyi gnyen por bya ba'i phyir go cha chen po bgo bar bya'o/ /yon tan chen po mngon par bsgrub pa la mkhas par bya ba'i phyir go cha chen po bgo bar bya'o/ /bla na med pa'i ye shes legs par yongs su rdzogs par bya ba'i phyir go cha chen po bgo bar bya'o/ /sems can rnams 'khor ba'i 'jigs pa las yongs su bskyab pa'i phyir go cha chen po bgo bar bya'o/ /mtshungs pa med pa'i ye shes legs par yongs su rdzogs par rab tu bstan par 'dod pa'i phyir go cha chen po bgo bar bya'o/ /</font><hr>79.84b<br><font size=+1>

stong gsum gyi stong chen po'i 'jig rten gyi khams na bdud dang / bdud kyi 'khor dang / bdud kyi pho nya dang / bdud kyi las la gnas pa dang / lta ba rnams kyi thibs po dang / lam ya nga bar zhugs pa'i mu stegs can gyi bstan pa las rab tu byung ba thams cad dang / 'jig rten rgyang pan dang / mu stegs can dang 'thun pa ji snyed pa dag dang 'thab pa'i phyir go cha chen po bgo bar bya'o/ byang chub sems dpa' sems dpa' chen po rnams de ltar go cha chen po bgo zhing / go cha mi spong par brtson 'grus chen po bskyed nas sems can gyi khams thams cad du zhugs te/ bzod pa la gnas nas 'jigs pa rnams spangs te/ mi skrag mi dngang / mi g.yo mi 'khrug par byas nas go cha dpag tu med pa dag bgo bar bya'o/ de 'di lta ste/ sems can thams cad yongs su skyob pa'i go cha dang / lta ba'i thibs po thams cad gcod pa'i go cha dang / bdud kyi dpung rnam par 'jig par byed pa'i go cha dang / shes rab yang dag par len pa'i go cha dang / tshogs dpag tu med pa sogs pa'i go cha dang / khur lci ba rnams sgrol ba'i go cha dang / mngon par yid ches pa 'phel bar byed pa'i go cha dang / tshul khrims la gnas pa'i go cha dang / las kyi kun gzhi yongs su sbyong ba'i go cha dang / thams cad rnam par dag par byed pa'i stobs kyi gter gyi go cha dang / thabs mkhas pa'i gter gyi go cha dang / mngon par zhen pa thams cad yongs su spong ba'i go cha dang / ldog pa dang / 'gyed pa med pa'i shes rab kyi go cha gang yin pa'o/ /byang chub sems dpa' sems dpa' chen po rnams go cha chen po de lta bu bgos nas 'khor ba'i mtha' ji srid pa de'i bar du shin du bstan pa'i brtson 'grus kyi stobs g.yo ba mi spong bar bla na med pa yang dag par</font><hr>79.85a<br><font size=+1>

rdzogs pa'i byang chub la gzhol bar bya'o/ de nas bcom ldan 'das kyis tshigs su bcad de bka' stsal pa/ /byang chub sems dpa' sems can rnams/ /bsdu phyir go cha bgo bar bya/ /sems can rnams ni tshad med phyir/ /go cha bgos ba tshad med do/ /sbyin pa rnam par dag pa'i phyir/ /thams cad rab tu dga' bar byed/ /sems can la ni phan gdags phyir/ /go cha 'di ni bgo bar bya/ /tshul khrims rnam par dag pa'i phyir/ /go cha 'di ni bgo bar bya/ /'jig rten la ni phan 'dogs byed/ /sems can rnams la phan gdags phyir/ /go cha 'di ni bgo bar bya/ /bzod pa rnam par dag pa'i phyir/ /dar shing bde bar gnas par byed/ /sems can rnams la phan gdags phyir/ /go cha 'di ni bgo bar bya/ /brtson 'grus rnam par dag pa'i phyir/ /phyir mi ldog par 'grub par byed/ /sems can rnams la phan gdags phyir/ /go cha 'di ni bgo bar bya/ /bsam gtan rnam par dag pa'i phyir/ /spyod yul dag kyang de bzhin no/ //sems can rnams la phan gdags phyir/ /go cha 'di ni bgo bar bya/ /shes rab rnam par dag pa'i phyir/ /zag med bla na med pa'i yin/ /sems can rnams la phan gdags phyir/ /go cha 'di ni bgo bar bya/ /sems can dag ni thams cad la/ /bde ba'i yo byad sbyin dgos pas/ /don de legs par shes pa'i phyir/ /go cha 'di ni bgo bar bya/ /byang chub sems dpa' sems can rnams/ /phan pa'i dngos po bya dgos pas/ /bsdu ba rnam dag bzhi po yis/ /srid pa kun du 'jug par byed/ /'dod chags zhe sdang gti mug nad/ /gnyen po dag ni bstan pa'i phyir/ /sems can la ni sman gtong bas/ /nad rnams</font><hr>79.85b<br><font size=+1>

rab tu sel bar byed/ /des na byang chub sems dpa' rnams/ /go cha legs par bgos nas ni/ /yon tan rnams kyi tshogs dag na/ /mkhas pa dpag med thob pa yin/ /sems can 'khor ba'i sdug bsngal gyi/ /nyams thag shin tu mi bde bas/ /bdag gis yongs su bskyab snyam nas/ /go cha dpag med bgo bar bya/ /'khor ba'i sdug bsngal tshad med rnams/ /bdag gis rnam par dgrol snyam nas/ /srid lta'i dra bas glags pa dag / /thams cad yongs su bcad par bya/ /gang gis nyon mongs dra ba 'di/ thams cad gcod par gang nus pa/ /brtan pa'i brtson 'grus stobs dag gis/ /dpa' bo'i go cha bgo ba yin/ /sems can dag ni thams cad kun/ /bde ba'i lam la rab bkod cing / /mya ngan 'das la gzhol ba dang / /bla med bde la dgod par bya/ /gang zhig brtson 'grus chen po'i stobs/ /go cha 'di ni bgo byed pa/ /bdud rnams thams cad dag dang ni/ /rtag tu 'thab kyang ngal mi 'gyur/ /gang zhig lta la rab gnas nas/ /thibs po dag du gang zhugs dang / /'jig rten rgyang pan pa dag pa dag la/ /go cha bgos nas phan gdags bya/ /gzhan yang 'khor ni tshad med pa/ /lam gol dag tu zhugs pa rnams/ /de dag la ni phan gdags phyir/ /go cha dpag med bgo bar bya/ /de ltar go cha bgos nas ni/ /go cha chen po mi spong bar/ /brtson 'grus chen po'i stobs bskyed na/ /go bgos rab rtags khyad par 'phags/ /sems can khams la rab zhugs te/ /bzod pa la ni gnas gyur nas/ /brtan pa'i bzod pa bsgrub byed pa/ /go bgos gong na med pa yin/ /'jigs pa dag ni rab spongs shing / /skrag pa dag ni med par yang / /go cha dpag med bgos nas ni/ /thams cad rab</font><hr>79.86a<br><font size=+1>

brtson 'grub par bya/ /gang zhig go cha rab gnas pa/ /rtag tu yang dag rtogs gyur cing / /rab dben g.yo ba med pas na/ /mi 'khrugs ldog par mi 'gyur ro/ /de lta'i go cha rab bgos nas/ /blo dang ldan pas gzhan yang ni/ /sems can skyob pa'i go bgos te/ /bdud kyi go cha gzhom par bya/ /yon tan dpag med go cha dag / /thams cad rab tu bgo bar bya/ /dbang po shes mchog gang zag gis/ /bgos nas bde ba thob par 'gyur/ /khur lci rab tu spang ba'i phyir/ /bla med go cha bgos nas su/ /sems can thams cad yongs bzlas nas/ /sdug bsngal khur las thar bar bya/ /rnam dag dad pa 'phel byed cing / /dbang po drug ni rab bsdom pa/ /tshul khrims gang dag ldan pa ni/ /go bgos gong na med pa yin/ /dpa' bo ye shes bsgrub pa la/ /byang chub sems dpa' rab gnas pas/ /spyod lam tshul khrims ldan pas na/ /go bgos g.yo ba med pa yin/ /sngon gyi rgyal ba mang po las/ /rnam dag las ni bsgrubs pas na/ /de phyir go cha rab bgos nas/ /rtag tu 'jigs pa med pa yin/ /sems can la ni srid pa'i blos/ /'jig rten las ni phan 'dogs pas/ /thabs ni rab tu rtogs pas na/ /go bgos legs par gnas pa yin/ /thabs mkhas ye shes gang yin pa/ byang chub sems dpas rab rtogs pas/ /de ltar go cha bgos nas ni/ /'ching ba mtha' dag gcod par byed/ /mngon zhen thams cad rab spong zhing / /yid ches rgyab kyis mi phyogs pa/ /go bgos blo dang ldan pa ni/ /bla med byang chub bgrod par 'gyur/ /byang chub sems dpa' nges par ni/ /bdag dang gzhan la phan 'dogs gang / /brtson 'grus stobs la rab gnas pa/ /brtan zhing phyir ldog mi 'gyur</font><hr>79.86b<br><font size=+1>

ro// // bam po gnyis pa// //gzhan yang blo gros mtha' yas byang chub sems dpa' sems dpa' chen po rnams bskal pa tshad med pa nas khur chen po khyer zhing go cha chen po bgos pa'i go cha de lta bu de ni bdud dam/ bdud kyi 'khor ram/ bdud kyi pho nya 'am/ log par lta ba'i thibs po dgon dung ma rungs par zhugs pa'i sems can rnams kyis mthong bar mi 'gyur ro/ /de ci'i phyir zhe na/ gzugs med cing bstan du med pa dang / ltos pa med cing mtshan ma med pa dang / mtshan ma spangs pas mtshan ma dang bral ba dang / ming dang yi ge med pa'i phyir ro/ /blo gros mtha' yas gal te la la zhig mda'i tshad ri rab tsam sha stag 'phangs na yang phog par mi 'gyur la/ stong gsum gyi stong chen po'i 'jig rten gyi khams kyi sems can ji snyed pa thams cad bdud kyi rgyal por gyur la/ re re la yang bdud kyi dmag rnam pa sna tshogs 'khor dang bcas par gyur pa de dag dus gcig tu mda' rnon po tshad ri rab tsam sha stag 'phangs na yang nam yang byang chub sems dpa' sems dpa' chen po de lta bu'i go cha bgos pa la rnam par gzhigs pa 'am/ tha na spu nyag ma gcig tsam nyams par byed par mi nus te/ byang chub sems dpa' sems dpa' chen po rnams la sems kyis kyang tha dad pa'i 'du shes skyed par mi nus na lus kyis gnod pa bya ba lta smos kyang ci dgos/ byang chub sems dpa' sems dpa' chen po gang sems rtse gcig tu de dag 'dul bar byed pa gang yin pa de dag ni bdud mang po pham par byed cing nye bar zhi bar yang byed la/ go cha de lta bu la gnas shing g.yo ba med par sems can thams cad kyis kyang rnam par 'jig par byed mi nus so/ /de ci'i phyir zhe na/ 'di ltar</font><hr>79.87a<br><font size=+1>

mtshan ma med pa'i phyir dang / sems can rnams kyis blta bar bya ba'i spyod yul ma yin pa'i phyir sems can thams cad kyis mthong zhing shes par mi nus so/ /byang chub sems dpa' sems dpa' chen po rnams ni chos thams cad rtogs pa'i phyir yang dag pa ji lta ba bzhin du go cha chen po bgos pa de dag shes shing mthong ngo / /sems can rnams yongs su bskyab pa'i phyir chos thams cad la yang mngon par zhen pa mi byed do/ /sems can rnams la phan gdags pa'i phyir chos thams cad la yang dmigs par mi byed de/ de lta bas na sems can rnams kyis mthong zhing shes par mi nus so/ /go cha de lta bu bgos pa de dag la ni kha dog gi mtshan ma med cing bstan du med pa dang / tshig gi brjod pa med pa'i phyir gzugs dang yang mtshungs par ldan par mi 'gyur la/ tshor ba dang / 'du shes dang / 'du byed dang / rnam par shes pa dang / yang mtshungs par ldan par mi 'gyur ro/ /nang dang mtshungs par ldan par mi 'gyur/ phyi rol dang mtshungs par ldan par mi 'gyur/ nang dang phyi rol gnyis ka dang mtshungs par ldan par mi 'gyur/ nang yang ma yin phyi rol yang ma yin pa dang mtshungs par ldan par mi 'gyur/ khams dang yang mtshungs par ldan par mi 'gyur/ skye mched dang yang mtshungs par ldan par mi 'gyur/ sa'i khams dang yang mtshungs par ldan par mi 'gyur/ chu dang / me dang / rlung dang / nam mkha' dang / rnam par shes pa'i khams dang yang mtshungs par ldan par mi 'gyur/ 'dod pa'i khams dang yang mtshungs par ldan par mi 'gyur/ gzugs dang gzugs med ba'i khams dang yang mtshungs par ldan par mi 'gyur/ mngon par 'du byed pa dang</font><hr>79.87b<br><font size=+1>

bcas pa dang / yang mtshungs par ldan par mi 'gyur/ mngon par 'du byed pa med pa dang yang mtshungs par ldan par mi 'gyur/ mngon par 'du byed pa dang bcas pa dang / mngon par 'du byed pa med pa dang yang mtshungs par ldan par mi 'gyur/ mngon par 'du byed pa dang bcas pa yang ma yin/ mngon par 'du byed pa med pa yang ma yin pa dang / yang mtshungs par ldan par mi 'gyur/ nyan thos kyi sa dang yang mtshungs par ldan par mi 'gyur/ rang sangs rgyas kyi sa dang yang mtshungs par ldan par mi 'gyur/ sangs rgyas kyi sa dang yang mtshungs par ldan par mi 'gyur/ tshig gi lam dang yang mtshungs par ldan par mi 'gyur/ gzugs kyi rgyu dang yang mtshungs par ldan par mi 'gyur/ gzugs kyi mtshan nyid dang yang mtshungs par ldan par mi 'gyur/ tshor ba dang / 'du shes dang / 'du byed dang / rnam par shes pa'i rgyu dang mtshungs par ldan par mi 'gyur/ tshor ba dang / 'du shes dang / 'du byed dang / rnam par shes pa'i mtshan nyid dang yang mtshungs par ldan par mi 'gyur/ mtshan nyid dang / mtshan nyid ma yin pa dang yang mtshungs par ldan par mi 'gyur/ chos thams cad dang mtshungs par ldan par yang mi 'gyur/ mtshungs par ldan par mi 'gyur ba yang ma yin te/ 'ching ba med pa/ grol ba med pa bgrang ba dang / dpe dag gis shes par bya ba ma yin pa ste/ 'di ltar chos thams cad ni bgrang ba las yang dag par 'das pa'i phyir ro/ /de lta bu'i go cha dang ldan pa de dag ni chos thams cad du lta ba yang dag par mi dmigs te/ gzugs su lta ba yang dag par mi dmigs so/ /tshor ba dang / 'du shes dang / 'du byed dang / rnam par shes par lta bar yang dag par mi dmigs so/ /tha na</font><hr>79.88a<br><font size=+1>

chos cung zad tsam du lta ba yang dag par mi dmigs so/ /de bzhin du go cha de lta bu bgos pa de dag ni chos thams cad dang mtshungs par ldan pa yang ma yin/ mtshungs pa mi ldan pa yang ma yin no/ /gzugs dang mtshungs par ldan pa yang ma yin/ mtshungs par mi ldan pa yang ma yin no/ /tshor ba dang / 'du shes dang / 'du byed dang / rnam par shes par dang mtshungs par ldan pa yang ma yin/ mtshungs par mi ldan pa yang ma yin te/ chos thams cad kyi mtshungs par ldan pa dang / mtshungs par mi ldan pa de dag thag bsrings pa yin no/ /de bzhin du go cha de lta bu bgos pa de dag la ni mngon par 'du bya ba med de/ byed pa med pa'i phyir ro/ /mtshan ma yang med de/ mtshan ma nyid yod pa ma yin pa'i phyir ro/ /gnas kyi mtshan ma med pa/ 'dus pa'i mtshan ma med pa/ rnam par rtog pa med pa/ g.yo ba med pa/ dmigs pa med pa/ ngo bo nyid du blta ba med pa ste/ go cha bgos pa nyid kyang dmigs su med pa'o/ /de bzhin du go cha bgos pa nyid kyang yang dag par rjes su mi mthong ngo / /de ci'i phyir zhe na/ byang chub sems dpa' sems dpa' chen po rnams go cha yang dag par bgos pa na gang gis go cha bgos pa dang / gang du go cha bgos pa dang / gang las go cha bgos pa yang dag par rjes su mi mthong ba dang / bdag gis go cha bgos pa dang / bdag gis go cha bgos par yang yang dag par rjes su mi mthong ba dang / 'dir go cha bgos pa dang / gzhan du go cha bgos pa yang yang dag par rjes su mi mthong ba dang / go cha de lta bu bgos pa'i sems can yang yang dag par rjes su mi mthong ste/ chos thams cad mngon par 'dus bya ba med pa'i phyir dang / yod pa ma</font><hr>79.88b<br><font size=+1>

yin pa'i phyir ro/ /byang chub sems dpa' sems dpa' chen po go cha de lta bu bgos pa de dag ni de bzhin gshegs pa'i go cha bgos pa yin pas lus kyang mi dmigs/ ngag kyang mi dmigs/ yid kyang mi dmigs te dmigs su med pa'i phyir rnam par rtog pa rab tu spangs pa yin no/ /byang chub sems dpa' sems dpa' chen po gang gal te chos cung zad tsam la gnas par gyur tam/ gal te chos cung zad tsam la dmigs nas go cha bgos sam/ go cha bgo 'am/ go cha bgo bar 'gyur ba de dag ni go cha chen po bgos pa zhes mi bya ste/ gal te sems de dag las yang dag par 'das par gyur pa na gdod bsam gyis mi khyab pa'i go cha chen po bgos pa zhes brjod par bya'o/ /byang chub sems dpa' sems dpa' chen po rnams ni sems can 'ga' tsam gyi phyir go cha chen po bgos pa ma yin/ bskal pa gcig gi sems can tsam gyi phyir go cha chen po bgos pa ma yin bskal pa brgya stong dang bskal pa bye ba brgya stong dang / bskal pa bye ba khrag khrig brgya stong gi sems can tsam gyi phyir go cha chen po bgos pa ma yin gyi/ bskal pa tshad med pa grangs med pa'i sems can gyi phyir go cha chen po bgos pa yin pas de'i phyir go cha chen po tshad med pa bgos pa zhes bya'o/ /byang chub sems dpa' sems dpa' chen po rnams ni go cha yang dag par bgos pa na sems can gyi 'du shes la mi gnas pa'i go cha gyon par byed do/ /sems can gyi 'du shes mi skyed pa'i go cha dang / sems can gyi 'du shes spang ba'i go cha dang / bdag gi 'du shes bzlog pa'i go cha dang / sems can gyi ngo bo nyid shes pa'i go cha dang / bdag gi ngo bo nyid shes pa'i go cha dang / 'du shes dang / tshor ba las yang dag par 'das pa'i</font><hr>79.89a<br><font size=+1>

go cha dang / chos thams cad la byed pa'i 'du shes pa'i go cha dang / mtshan ma'i go cha dang / mtshan ma med pa'i mtshan nyid kyi go cha dang / smon pa med pa'i mtshan nyid kyi go cha dang / chos thams cad skye ba med pa'i mtshan nyid kyi go cha dang / 'gag pa med pa'i mtshan nyid shes pa'i go cha dang / chos thams cad kyi bye brag gi ngo bo nyid kyi mtshan nyid shes pa'i go cha dang / ngo bo nyid med pa'i mtshan nyid shes pa'i go cha dang / chos thams cad kyi dngos po'i mtshan nyid shes pa'i go cha dang / dngos po med pa'i mtshan nyid kyi go cha gyon par byed do/ /blo gros mtha' yas gal te dngos po med pa la gnas nas go cha gyon par byed la go cha chen po bgos pa zhes mi bya ste/ 'di ltar byang chub sems dpa' sems dpa' chen po rnams ni dngos po la mi gnas par ye shes chen po yongs su tshol ba yin pas de'i phyir go cha chen po bgos pa zhes brjod pa yin no/ /de nas de'i tshe bcom ldan 'das kyis tshigs su bcad de bka' stsal pa/ /bskal pa stong phrag tshad med du/ /go cha dpag med bgos nas ni/ /sems can dag ni thams cad kun/ /sdug bsngal rnams las grol bar byed/ de lta'i go cha che bgos pa/ /bdud dam bdud kyi mngag pa dang / /bdud kyi las rnams byed pa dag / /mig gis mthong bar mi 'gyur ro/ /de las gzhan pa'i sems can gang / /lta ba thibs por zhugs pa dag / /bsam gyis mi khyab go cha 'di/ /des kyang thob par 'gyur ma yin/ /gzugs med cing ni kha dog med/ /bstan du med cing ltos med pa/ /go cha bsam gyis mi khyab pa/ /de phyir mig gis blta bya min/ ming med mtshan ma med pa dang / mtshan</font><hr>79.89b<br><font size=+1>

ma thams cad spangs pas na/ /go cha bgos pa dpag tu med/ /gal te mda' ni ri rab tshad/ /shin tu rnon po 'phangs na yang / bsam gyis mi khyab go bgos pas/ /mda' ni rang nyid chag par 'gyur/ /'jig rten bdud ni ji snyed pas/ /ri rab tshad ni mda' rnams kyis/ /go cha chen po bgos pa la/ /dus gcig 'ongs te 'phangs na yang / /go cha chen po bgos pa yi/ /spu nyag gcig ni nyams mi 'gyur/ /bsam gyis mi khyab go bgos pas/ /gang yang phan byed gzhig mi nus/ /de nas byang chub sems dpa' rnams/ /lus dang sems ni 'gyur ba med/ /bsam gyis mi khyab go bgos la/ /su zhig bsgul zhing g.yo bar nus/ /sems bskyed thang cig tsam gyis kyang / /bdud ni mang po pham byed pas/ /byang chub sems dpa' bsam mi khyab/ /bdud dpung dag ni 'jil bar byed/ /de lta'i go cha che bgos pa/ /nams kyang g.yo bar mi 'gyur bas/ /sems can dag ni thams cad kyis/ /mthong bar nus pa gang yang med/ /sems can dag ni thams cad kyis/ /go cha mtshan nyid mi shes pas/ /de phyir sems can thams cad kyis/ /mig gis mthong bar mi nus so/ /byang chub sems dpa' skyabs med cing / /chos rnams thams cad shes pas ni/ /rdo rje mchog dang 'dra bas na/ /de ni legs par go bgos yin/ /chos rnams thams cad mi len cing / /sems can rnams ni skyob byed pas/ /sangs rgyas chos kyi rjes 'brang phyir/ /de ni legs par go bgos yin/ /go char 'dzin pa med pa ni/ /chos rnams kun gyi rjes 'brang ba/ /bsam gyis mi khyab go bgos pas/ /de ni legs par go bgos yin/ /go cha bstan par med par yang / /chos ni thams cad gang sbyong ba/ /chos</font><hr>79.90a<br><font size=+1>

rnams tshig dang bral bas na/ /ston par nus pa gang yang med/ /gzugs dang mtshungs par mi ldan zhing / /tshor ba dang yang mtshungs mi ldan/ /'du shes 'du byed rnam shes dang / /mtshungs ldan 'dus ba yang ma yin/ /nang du mtshungs par mi ldan zhing / /phyi rol tu yang mtshungs ldan min/ /nang dang phyi rol gnyis gar yang / /mtshungs ldan 'dus pa yang ma yin/ /khams dang mtshungs par mi ldan zhing / skye mched dang yang mtshungs ldan min/ /khams dang skye mched dag dang yang / /'dus par gyur par yod ma yin/ /sa dang mtshungs par mi ldan zhing / /chu dang mtshungs par ldan pa min/ /me rlung nam mkha' rnam shes dang / /mtshungs ldan 'dus pa yang ma yin/ /'dod dang mtshungs par mi ldan zhing / /gzugs dang mtshungs par ldan pa'ang min/ /gzugs med pa'i khams rnams dang / /mtshungs ldan 'dus pa yang ma yin/ /thams cad dmigs su med pas na/ /mngon par 'dus byed rnams dang ni/ mngon par 'dus byas med pa dang / /mtshungs ldan 'dus pa yang ma yin/ /bsam gyis mi khyab go bgos pas/ /gnas pa med cing 'dus pa med/ /'ching ba med cing grol ba med/ /mtshungs par mi ldan yod ma yin/ /go cha mtha' ni dpag med pas/ /nyan thos dag gi sa dag dang / /rang sangs rgyas kyi sa dang yang / /mtshungs ldan 'dus pa yang ma yin/ /sangs rgyas kyi ni sa rnams dang / /chos rnams thams cad kun dang ni/ /thams cad mtshungs par mi ldan zhing / /thams cad 'dus par gyur ma yin/ /tshig gi lam ni sna tshogs kyis/ /gang yang rigs par mi 'gyur bas/ /dpag tu med pa'i go cha 'di/ /ngo bo med cing bsam dka' yin/ /</font><hr>79.90b<br><font size=+1>

chos rnams thams cad bdag dang ni/ /mtshungs ldan mtshungs min ldan min pas/ /bsam gyis mi khyab go cha ni/ /bgrang ba kun las 'das pa yin/ /go cha bla na med pas na/ /'ching ba med cing grol ba med/ /gzugs dang tshor ba 'du shes dang / /'du byed rnam shes mtshan nyid med/ /de dag gi ni mtshan nyid dang / /mtshungs ldan 'dus ba yang ma yin/ /chos rnams kun gyi mtshan nyid dang / /mtshungs ldan mtshungs min ldan pa'ang min/ /mtshan ma med pa dag dang yang / /mtshungs ldan 'dus pa yang ma yin/ /go cha bla na med pas ni/ /'ching ba med cing grol ba med/ /chos rnams dag ni thams cad las/ /chos gcig grangs su'ang bgrang ba med/ /chos rnams thams cad dag las ni/ /go cha dmigs par mi 'gyur pas/ /de phyir bla na med 'gyur zhing / /bsam gyis mi khyab pa zhes brjod/ /go cha la ni gzugs med cing / /tshor ba 'du shes yod ma yin/ /'du shes med cing rnam shes med/ /phung po rnams kyis bsdus pa'ang min/ /de lta'i dpa' bo gang dag gis/ /go cha chen po 'di bgos pas/ /lus dang sems ni mi dmigs pas/ /chos ni cung zad mthong mi 'gyur/ /bsam pa rnams las 'das pa'i phyir/ rnams dag sems la rab gnas shing / /rtag tu zhum pa med pas na/ bsam gyis mi khyab pa zhes brjod/ /shin du brtan pas go bgos pa/ /de yi sems ni mi sgul zhing / /bskal pa'i tshad ni mi 'dzin pas/ /bsam gyis mi khyab pa zhes brjod/ /go cha la ni tshad med cing / /chos dang chos min mi len pas/ /dus kyi tshad ni med pa'i phyir/ /gzhal du med pa zhes bya'o/ /sems can 'du shes mi skyed cing / /bdag gi 'du shes yod ma yin/ /</font><hr>79.91a<br><font size=+1>

'du shes 'di ni shes pa'i phyir/ /'du shes thams cad skye mi 'gyur/ /chos rnams thams cad shes kyang ni/ /chos de'i 'du shes skye mi 'gyur/ /de ltar go cha gang bgos pas/ /bsam gyis mi khyab pa zhes brjod/ /gzhan yang blo gros mtha' yas go cha chen po 'di ni chos gya nom pa'i bkod pa'i yo byad ces kyang bya/ /mchog tu gyur pa zhes kyang bya ste/ rnam par gzhig par mi nus pa'i phyir ro/ /chos thams cad dbyer med pa zhes bya ste/ chos cung zad tsam la yang bye brag tu 'byed pa med pa'i phyir ro/ /byang chub sems dpa' sems dpa' chen po gang go cha 'di lta bu bgos pa de ni shes rab chen po'i stobs 'dzin cing theg pa chen po dang theg pa mchog dang mtshungs pa med pa'i theg pa dang / yongs su bsdud pa chen po'i theg pa dang dpag tu med pa sdud pa'i theg pa la zhon nas sems can thams cad theg pa 'dis 'degs par byed kyang theg pa 'di la mi shong ba gang yang med la/ theg pa de yang 'phel ba med cing 'grib pa med par sems can rnams bde ba la dgod par byed cing sems can rnams bde bar nges par byung bar byed do/ /sems can gang nges par bde bar byed pa'i theg pa 'di la zhon pa gang yin pa de dag la ni lus dang sems ngal zhing nyon mongs par gyur par yod par mi 'gyur ro/ /blo gros mtha' yas theg pa 'di ni lha dang / mi dang / lha ma yin du bcas pa'i 'jig rten dang / nyan thos dang / rang sangs rgyas dang theg pa gzhan gyis nges par 'byung bar byed pa thams cad zil gyis gnod par byed do/ /theg pa 'di ni 'gro ba med pa 'ong ba med pa gnas pa med pa bltar med pa shes pa med pa sngon gyi mtha' mi dmigs pa phyi ma'i mtha' mi dmigs pa/ </font><hr>79.91b<br><font size=+1>

dbus kyi mtha' mi dmigs pa/ dus gsum mnyam pa nyid du gyur cing / nam mkha' dang mtshungs pa/ kun nas nyon mongs pa'i rdul mi spong pa/ bltas pa med pa/ thogs pa med pa mngon par zhen pa med pa yin pas/ theg pa 'dis nges par 'byung bar bya'o/ /theg pa 'di ni tshad med pa yin te gzhal du med pa'i phyir ro/ /rang bzhin gyis thogs pa'i mtshan ma med pa yang yin te/ mtshan ma la mi gnas pa'i phyir ro/ /theg pa mchog 'di la zhon pa gang yin pa de dag ni sems la zhum pa med par bla na med par yang dag par rdzogs pa'i byang chub la yang dag par gzhol zhing 'jug par 'gyur ro/ /blo gros mtha' yas 'di lta ste/ dper na mar me dang nyi ma dang zla ba'i dkyil 'khor ni sems can rnams kyi snang ba chen por byed do/ /de bzhin du theg pa chen po 'di yang 'od zer gyis stong gsum gyi stong chen po'i 'jig rten gyi khams gsal bar byed cing gang gis kyang zil gyis non pa 'am bar chad byed mi nus pas yon tan chen po'i rgya mtsho dpag tu med pas bla na med pa yang dag par rdzogs pa'i byang chub la gzhol bar 'gyur ro/ /blo gros mtha' yas theg pa 'di ni mun gnag spong bar byed cing 'jig rten gyi nad thams cad rab tu sel ba dang / 'jig rten pa'i chos thams cad las yang dag par 'das shing sems can chen po yongs su sdud pa yin pas dman pa rnams kyi bzhon par bya ba ma yin te/ go cha chen po bgos pa ni ma gtogs so/ /ngas ji skad du 'di ni bskal pa tshad med pa nas sems can rnams yongs su bskyabs pa/ sangs rgyas mang po la mchod cing rim gro byas pa/ dge ba'i rtsa ba rnams bskyed pa/ tshogs yongs su dag pa rnams kyis bzhon pa bya ba yin gyi/ nyan thos dang / </font><hr>79.92a<br><font size=+1>

rang sangs rgyas dang de las gzhan pa 'jig rten gyis bcings pa 'jig rten dang mtshungs par ldan pa dang / mngon pa'i nga rgyal can dang / mu stegs can la mngon par yid ches par byed pa dman pa thams cad theg pa 'di'i ming thos par yang mi 'dod na theg pa 'di la bzhon par bya ba lta smos kyang ci dgos zhes gasrungs pa lta bu'o/ /gal te sems can gang la la zhig bsam gyis mi khyab pa'i spyod yul la rnam par rtsen cing theg pa 'di la zhon par byed na smon lam khyad par du 'phags pa ji lta ba bzhin du bla na med pa yang dag par rdzogs pa'i byang chub la gzhol bar 'gyur ro/ /blo gros mtha' yas theg pa 'di ni mtha' med de/ sngon dang / dbus dang / tha ma'i mtha' rtogs par mi nus so/ /theg pa 'di ni mtha' yongs su chad pa yin te/ mtha' mi dmigs pas mtha' dpag tu med do/ /theg pa 'di'i mtha' ni tshad med pa'i mtha' yin no/ /blo gros mtha' yas theg pa la ni mtha' dpag tu med pas dbus kyi mtha' yang med la spang par bya ba'i mtha' cung zad tsam yang yod pa ma yin no/ //de la mtha' spangs pa zhes bya ba ni mtha' zhes bya ba cung zad kyang med pas spangs pa zhes bshad do/ /rnam par mi rtog pa'i mtha' la mtha' spangs pa zhes bshad de/ de ni theg pa 'di'i mtha' spangs pa zhes bya'o/ /mtha' yod pa ma yin pas dbus kyi mtha' zhes bya'o/ /mtha' yod pa ma yin pas mtha'i mtha' zhes bya'o/ /mtha' yod pa ma yin pas mtha' zhes bshad do/ /mtha' de la ni mtha' dmigs su med do/ /dmigs su med pa'i phyir mtha'i mtha' dang / dbus kyi mtha' dang / mtha' med pas rgyun mi chad par mtha'i sgor 'jug par 'gyur ro/ /mtha'i</font><hr>79.92b<br><font size=+1>

sgor zhugs pa'i phyir theg pa 'di de las yang dag par 'das pa yin yang yang dag par 'das pa nyid dmigs su med do/ /blo gros mtha' yas mtha' nyid gang zhe na/ 'di lta ste/ chad pa dang / rtag pa'i mtha' gang yin pa'o/ /tshig gi rjes su zhugs pa'i phyir mtha' nyid mtha' ma yin no/ /des rtag pa'i mtha' spangs na mtha'i mtha' yang yod par mi 'gyur te/ mtha' de'i mtshan nyid mtha' med pa'i phyir ro/ /de la mtha' zhes bya ba ni rnam par rtog pa med cing rnam par rtog pa chad pa'i phyir mtha' las yang dag par 'das shing chad pa dang / rtag par rab tu spangs pa yin no/ /blo gros mtha' yas gang 'jig tshogs la lta ba dang bcas pa de ni mtha'i sgo gnas par byed kyi/ gang 'jig tshogs la blta ba med pa de dag ni mtha'i sgo la mngon par zhen par mi byed do/ /mngon par zhen pa med pa'i phyir chad pa dang / rtag pa'i mtha' las yang dag par 'das pa yin no/ /blo gros mtha' yas chad pa dang / rtag pa'i mtha' de dag ni yang dag par yod pa ma yin gyi slu ba'i tshig srid pa gsum po dag na mtha' rnam pa gnyis su rnam par rtog par byed pa yin pas mtha' gnyis po de dag gis yongs su bsdus shing mtshungs par ldan par ma gyur na yang dag par 'das shing 'jig tshogs la lta ba spong pa'i phyir mtha' gnyis kyi sgo la mngon par zhen par mi byed do/ /blo gros mtha' yas byang chub sems dpa' sems dpa' chen po gang 'jig tshogs la lta ba da dung ma spangs pa gang yin de dag ni go cha chen po bgos nas theg pa chen po la zhon pa zhes mi bya ste/ mtha'i sgo de dag la mngon par zhen par gyur pas gal te mtha' spong bar 'dod par gyur</font><hr>79.93a<br><font size=+1>

na yang mtha' spong pa'i 'du shes skyed par byed pas sngon dang phyi ma'i mtha' la rnam par rtog par byed do/ /byang chub sems dpa' sems dpa' chen po gang 'jig tshogs la lta ba spangs pa gang yin pa de dag ni go cha chen po bgos nas theg pa chen po la bzhon pa zhes bya ste/ mtha'i sgo de dag la mngon par zhen pa med pas mtha' gnyis po dag las yang dag par 'das nas rab tu bde ba'i theg pas bla na med pa yang dag par rdzogs pa'i byang chub la rab tu gzhol bar 'gyur ro/ /blo gros mtha' yas byang chub sems dpa' sems dpa' chen po gang blo gros chen po'i stobs kyis mtha'i chos la gnas pa thams cad mi spong mi gzhig pa'i thabs la mkhas pas zhi gnas dang / lhag mthong yongs su bsdus nas mtshan ma med pa mngon par bsgrubs te/ mtshan ma med pa mngon sum du gyur na sangs rgyas rnams kyis chos kyi snang ba sbyin par 'gyur la/ chos kyi snang ba thob pa'i dbang gis mtha' thams cad yongs su spong zhing mtha'i spong ba de dag la yang mngon par zhen pa med pas mtha' cung zad tsam la yang mtha'i sgo de dag dang mtshungs par ldan pa 'am/ mtshungs par mi ldan pa 'am/ yid la byed pa 'am/ yid la mi byed pa yang med par chos thams cad la thabs mkhas pas zhi gnas dang / lhag mthong de la rab tu gnas shing chos kyi snang ba chen po dpag tu med pa 'thob par 'gyur ro/ /chos kyi snang ba thob pa'i phyir ni mun nag dang / spu zing zhes byed pa'i 'jigs pa dag yongs su spangs nas chos kyi rgyal mtshan chen po bsgreng ba dang / tshangs pa'i sgra chen po 'byin pa dang / seng</font><hr>79.93b<br><font size=+1>

ge'i sgra chen po bsgrags nas sems can rnams la 'di skad du kye khyed rnams myur du 'dir shog la theg pa chen po rab tu bde ba'i theg pa dang / kha lo bsgyur ba chen po'i theg pa dang / rab tu gzhol ba chen po'i theg pa 'dis bla na med pa yang dag par rdzogs pa'i byang chub la yang dag par zhugs nas sems can rnams la chos kyi snang ba rab tu ston la/ chos kyi snang ba'i dbang gis sems can rnams go cha chen po bgos nas theg pa chen po gzhon pa la dgod par bya'o/ /zhes sgrogs par byed do/ /blo gros mtha' yas byang chub sems dpa' sems dpa' chen po rnams kyis theg pa chen po 'di dang / go cha chen po 'di la ser sna mi skyed par sems can rnams la byang chub tu sems bskyed de/ go cha 'di bgos nas theg pa chen po 'di la zhon par gyur cig ces smon lam gdab par bya'o/ /theg pa chen po 'di dang go cha chen po 'di la ser sna mi bya bar sems can rnams la brgyud cing spel bar bya'o/ /gzhan yang sems can rnams go cha 'di bgos nas theg pa chen po 'di la zhon te nges par 'byung bar gyur cig ces smon lam gdab par bya'o/ /byang chub sems dpa' sems dpa' chen po rnams spyod pa 'di lta bu la gnas pa'i tshe sangs rgyas kyi zhing yongs su dag pa yang yongs su sdud par byed la nyan thos dang / byang chub sems dpa' rnams kyi yon tan yongs su rdzogs pa'i yang sdud par 'gyur bas yon tan gyi rgya mtsho chen po dpag tu med pa 'dis bla na med pa yang dag par rdzogs pa'i byang chub la rab tu gzhol bar bya'o/ /blo gros mtha' yas theg pa chen po 'di ni chos kyi dbyings dang mnyam pas tshu rol gyi 'gram dang / pha rol gyi 'gram dmigs su med mod kyi 'on kyang rang gi ngang gis</font><hr>79.94a<br><font size=+1>

sems can thams cad bteg ste/ 'di nas chos kyi dbyings su phyin par byed pas gnas med pa'i rjes su 'thun pa dang / chos kyi dbyings kyi rjes su 'thun pa dang / go cha'i rjes su 'thun par 'gyur ro/ /gang gis theg pa chen po'i chos kyi dbyings dang mnyam pa 'di la nan tan gyis sgrub par byed pa de dag ni bla na med pa yang dag par rdzogs pa'i byang chub la yang dag par rab tu zhugs pa yin no/ /blo gros mtha' yas 'di lta ste/ dper na chos kyi dbyings ni rdul gyis gos pa med pas gang gis rnam par gzhig pa'am gos par byar med do/ /theg pa chen po 'di yang de bzhin du rnam par 'jig pa med cing gos pa med de/ rnam par 'jig pa dang / gos pa med pa'i phyir thams cad mkhyen pa'i ye shes la rab tu gzhol bar 'gyur te/ de'i phyir theg pa 'di ni theg pa chen po zhes bya'o/ /theg pa 'di ni thog pa med pas lha dang / mi dang lha ma yin du bcas pa'i 'jig rten thams cad gang gis kyang bskor mi nus shing mngon par zhen pa med pa'i phyir thams cad mkhyen pa'i ye shes la rab tu gzhol ba yin pas de'i phyir theg pa 'di ni theg pa chen po zhes bya'o/ /de la theg chen pa po zhes bya ba ni bkod pa chen po gang yin pa ste/ bkod pa thams cad gang yang theg pa chen po 'dir mi 'jug pa med pas so/ /de nas bcom ldan 'das la byang chub sems dpa' sems dpa' chen po blo gros mtha' yas kyis 'di skad ces gsol to/ /bcom ldan 'das theg pa 'di la yang 'dus byas kyi bkod pa zhes bgyi ba lta ci mchis lags sam/ de nas bcom ldan 'das kyis byang chub sems dpa' sems dpa' chen po blo gros mtha' yas la 'di skad ces bka' stsal to/ /blo gros mtha'</font><hr>79.94b<br><font size=+1>

yas de de bzhin no/ /de de bzhin te/ da ni 'jig rten pa'i rjes su theg pa 'dir yang 'dus byas kyi bkod pa thams cad rab tu ston par mdzad do/ /blo gros mtha' yas 'khor los sgyur ba'i rgyal po 'am/ lha'i dbang po brgya byin nam/ tshangs pa'i rgyal po yang rung ste/ de dag thams cad ni theg pa chen po 'di las byung ngo / /'byung ngo / /'byung bar 'gyur te/ 'khor los sgyur ba dang / brgya byin dang / tshangs pa'i 'byor pa'i sa la gnas par byed kyang 'khor ba'i nyon mongs pa'i skyon rnams kyis gos par mi 'gyur bas 'dod pa rnams kyi nyes dmigs re re nas 'jal bar byed cing gzhal nas kyang yongs su skyo bar gyur pas nges par 'byung ba'i lam rab tu rtog par 'gyur ro/ /blo gros mtha' yas byang chub sems dpa' sems dpa' chen po gang theg pa 'di la zhon par byed pa gang yin pa de dag ni 'khor ba len par byed kyang gnas thams cad du skyon gyis gos par mi 'gyur zhing nyes dmigs kyang mthong la nges par 'byung ba yang rab tu shes pas ngas 'dir ma bstan pa'i chos rnams dang / bkod pa gang yin pa de dag kyang theg pa 'di'i mtshan nyid kyi dbang gis chos de dag dang / bkod pa de dag kyang rab tu rtog nas bla na med pa yang dag par rdzogs pa'i byang chub la rab tu gzhol bar 'gyur ro/ /de nas de'i tshe bcom ldan 'das kyis tshigs su bcad de bka' stsal pa// //theg chen bla na med pa'i theg / /theg pa 'di ni bsam mi khyab/ /gang zhig theg pa 'di zhon pa/ /de dag nges par 'byung bar 'gyur/ /brten pa'i gnas chen yin pas na/ /theg pa 'di ni bsam mi khyab/ /mtha' ni dpag med tshad med pas/ /de phyir theg chen zhes bya'o/ /sems can dag ni thams cad kyis/ /theg pa 'di</font><hr>79.95a<br><font size=+1>

la gzhol byed kyang / /theg pa 'di la 'grib pa med/ /'phel bar yang ni mi 'gyur ro/ /sems can dag ni thams cad las/ /gang zhig theg pa 'di zhon pa/ /bde bar gzhol ba 'gyur bas na/ /de na sdug bsngal ci yang med/ /gal te byang chub sems dpa' rnams/ /theg pa 'di la gzhol byed na/ /drang por 'gro zhing gzhan spyod med/ /lus dang sems ni ngal mi 'gyur/ /'jig rten rnams ni gsal byed pas/ /lha mi lha ma yin rnams kyi/ /theg chen bla med 'di la ni/ /sems bskyed rab tu gzhol bar bya/ /rang sangs rgyas dang nyan thos kyi/ /theg pa zil gnon gang 'dod pa/ /theg chen bla med 'di la ni/ /sems bskyed rab tu gzhol bar bya/ /'gro ba med cing 'ong ba med/ /gnas pa med cing sngon mtha' med/ /phyi dang dbus kyi mtha' yang med/ /thob med mthong ba med pas na/ /dus gsum dag ni mnyam pa nyid/ /ji ltar nam mkha' dag pa ltar/ /theg pa 'di yang de bzhin te/ /nyon mongs dag ni rab tu spangs/ /theg pa 'di ni ltos pa med/ /sgrib med thogs pa med pas na/ /thams cad yongs su skyob par nus/ /gzhol bar byed kyang mngon zhen med/ /theg pa 'di ni tshad med pas/ /mtshan ma thams cad yod ma yin/ /rang bzhin dag ni mi dmigs par/ /'jigs med bsam gyis mi khyab yin/ /gang zhig theg pa 'di zhon nas/ /'jigs pa med pa thob pas ni/ /de yis sangs rgyas chos dag la/ /sgrib med thogs pa med par 'gyur/ /theg pa 'di la gang zhon pa/ /'jig rten kun ni snang byed par/ /nyi ma'i 'od zer brgya stong ltar/ /thams cad du ni gsal bar byed/ /theg pa 'di ni mi 'jigs cing / /zil gyis gnon</font><hr>79.95b<br><font size=+1>

pa med pas na/ /yon tan tshogs ni dpag med ldan/ /bla med 'di la gzhol bar bya/ /theg pa 'di ni 'jig rten 'das/ /khams dang las ni nges par 'byung / /mun nag dag ni rab tu spangs/ /zag pa med la gzhol bar byed/ /theg 'di byang chub sems dpa' rnams/ /'ba' shig yongs su 'dzin pas na/ /de las gzhan pa'i sems can rnams/ /der ni shong bar mi 'gyur ro/ /blo dang ldan pa gang zhig gis/ /bskal pa stong phrag tshad med du/ /thabs mkhas nan tan sgrub byed pa/ /nges 'dod theg pa 'di bzhon 'gyur/ /nyan thos kyi ni tshogs rnams dang / /rang rgyal dag gi tshogs dag dang / /mu stegs dag ni thams cad kyis/ /theg pa 'di la gzhol mi nus/ /gal te sems can gang zhig gis/ /bsam gyis mi khyab chos 'di la/ /thabs mkhas rnam par gang rtsen pa/ /theg pa 'di la gnas par 'gyur/ /mos pa dag ni ji lta bzhin/ /khyab pa'i smon lam rnam gzhag nas/ /yang dag lam la rab gnas shing / /bla med 'di la gzhol bar bya/ /theg pa 'di ni mtha' med pas/ /dbus kyi mtha' yang yod ma yin/ /mtha' yi mtha' dang dbus kyi mtha'/ /thams cad dmigs par mi 'gyur ro/ /mtha' ni dmigs su med pas na/ /theg pa che la mtha' yod min/ /mtha' ni thams cad spangs pa'i phyir/ /bde bar yang dag gzhol bar bya/ /theg mtha' dag ni dpag med pas/ /dpag med gang yin theg mtha' yin/ /theg 'di mtha' ni tshad med pas/ /tshad med gang yin theg mtha' yin/ /theg 'di mtha' spongs med pas na/ /mtha' med gang yin spong mtha' yin/ /mtha' ni gang zhig mi rtog na/ /</font><hr>79.96a<br><font size=+1>

spong ba yang ni dmigs mi 'gyur/ /theg pa'i mtha' ni dpag med pas/ /dbus kyi mtha' yang yod ma yin/ /mtha' med mtha' ni med pas na/ /mtha' yi ngo bo ci yang med/ /mtha' dang mtha' med mtshan nyid ni/ /mtha' min mtha' yi mtshan nyid min/ /mtha' rnams de dag la yang ni/ /mtha' yi mtshan nyid ci yang med/ /mtha' min la ni mtha' sgor bshad/ /theg pa 'di ni yang dag 'das/ /de yi tshad las 'das pas na/ /mtshungs par ldan par dmigs su med/ /ngas ni rtag dang chad pa'i mtha'/ /mtha' rnams de dag thams cad ni/ mtha' min par yang rab tu bstan/ /mtha' ni thams cad mtha' med pas/ /mtha' yi mtshan nyid yod ma yin/ /rang bzhin ngo bo thams cad ni/ /de na rtog pa ci yang med/ /mtha' rnams de dag thams cad la/ /rnam par rtog pa gang spangs pa/ /mtha' yod dang ni mtha' med rnams/ /thams cad rab tu spong bar 'gyur/ /gang zhig 'jig rten lta ldan pa/ /des ni mtha' sgor rab ston cing / /mtha' rnams la ni rab zhen pas/ /skyabs med par ni gyur pa yin/ /gang zhig 'jig tshogs lta min ldan/ /mtha' sgo rnams la ma chags pa/ /mtha' rnams thams cad mi 'dzin pas/ /snang ba dag ni byed par 'gyur/ /thams cad mtha' ni mtha' min pas/ /mtha' rnams yang dag yod ma yin/ /mtha' yi mtshan nyid thams cad ni/ /de dag yod par mi 'gyur ro/ /mtha' rnams thams cad mi len cing / /mtha' dag las ni gang 'das pa/ /mtha' sgo dag la chags med pas/ /'jig tshogs lta bcas spong bar byed/ /gang zhig 'jig tshogs lta ba dag / /</font><hr>79.96b<br><font size=+1>

mi gcod spong bar mi byed pa/ /go cha chen po ma bgos pas/ /theg chen la ni mos mi 'gyur/ /mtha' rnams dag ni len byed cing / /mtha' yi mtshan nyid sngon gyi mtha'/ /phyi ma'i mtha' ni gang rtogs pa/ /de dag thams cad rnam rtog yin/ /gang zhig 'jig tshogs lta ba dag / /thams cad rab tu gang spangs pa/ /go cha dpag med bgos nas ni/ /bla med theg pa zhon pa yin/ /mtha' sgo rnams la ma chags pas/ /'jig rten blor ni gyur bas na/ /mtha' rnams sna tshogs dag la ni/ /thams cad yang dag 'das par 'gyur/ /des na sangs rgyas chos rnams la/ /bde bar yang dag zhugs pa yin/ /byang chub sems dpa' rab rtags na/ /shes rab chen po stobs dag gis/ /chos 'ga' yang ni mi dmigs pas/ /spang zhing bsal du ci yang med/ /rtag tu thabs la mkhas pa yis/ /zhi gnas lhag mthong legs bstus pa/ /mtshan nyid gcig tu rtogs pa'i phyir/ /mtshan nyid rnams ni rab tu rtogs/ /yang dag chos la rab gnas shing / /chos kyi snang chen thob pas na/ /chos kyi snang ba de yis ni/ /mtha' rnams de dag khong du chud/ /mtha' ni cung zad tsam dag dang / /mtha' dang mtha' min de dag ni/ /mtshungs par ldan par mi mthong bas/ /thams cad la ni chags pa med/ /sems can sdug bsngal mthong 'gyur na/ /spro bskyed tshig ni 'di skad du/ /khyed 'dir shog la theg 'di la/ /nges par 'byung bar gyis shes smros/ /skye ba len pa thams cad du/ /chos kyi snang ba byed par 'gyur/ /go bgos theg chen zhon nas ni/ /'di nyid rab tu bstan par bya/ /theg pa 'di dang go cha 'di/ /de dag la ni phangs mi bya/ /sems can rnams ni thams cad kyis/ /go bgos</font><hr>79.97a<br><font size=+1>

theg pa chen po dang / /rab bde theg pa 'di zhon nas/ /bla med bgrod la dgod par bya/ /byang chub sems dpa' de dag ni/ /rnal 'byor 'di la gnas gyur nas/ /sangs rgyas kyi ni chos dag la/ /myur ba kho nar gzhol bar 'gyur/ /sangs rgyas zhing ni rnam dag dang / /nyan thos byang chub sems dpa' yi/ /yon tan bkod pa gang yin pa/ /dngos po de dag 'dzin par 'gyur/ bam po gsum pa//   //gzhan yang blo gros mtha' yas ngas mngon par dran te/ sngon byang chub sems dpa'i spyad pa spyod pa na go cha 'di lta bu bgos shing theg pa chen po 'di lta bu la zhon pas na mtha' rnams las yang dag par 'das shing mun pa rnams rab tu bsal ba dang / /'jigs pa rnams bskyab shing brtson 'grus chen pos sangs rgyas bye ba khrag khrig brgya stong tshad med pa dag las byang chub sems dpa' sems dpa' chen po'i go cha'i bkod pa dang / theg pa chen po'i bkod pa 'di thos pas rab tu dga' bar gyur te/ chos 'di sgom pa na sangs rgyas bcom ldan 'das de dag la gus pas rim gro dang / bkur sti byed kyang 'di snyam tu bdag ni go cha 'di lta bu bgos pa'o/ /bdag ni go cha 'di lta bu dang ldan pa'o/ /bdag ni chos 'di lta bu thos pa yin no/ /bdag ni chos 'di lta bu dang ldan pa yin no/ /bdag ni chos kyi rnam pa 'di lta bu dang ldan pa yin no snyam pa'i bsam pa ma byung ngo / /de la de'i tshe bdag tu 'du shes pa med pas 'jigs tshogs la lta ba spangs shing bdag tu nga rgyal ba yang spangs so/ /sems la mtho dman med cing rnam par rtog pa yang med par gyur to/ /sems can thams cad bsdus pa dang / de bzhin gshegs pa rnams kyi chos kyi sde snod rab</font><hr>79.97b<br><font size=+1>

tu bsrung ba dang / sems can bye ba khrag khrig brgya stong tshad med pa rnams yongs su smin par bya ba'i phyir skad cig tsam du yang sems yongs su skyo zhing ngal bar ma gyur to/ /nga de'i tshe go cha ma spangs shing theg pa dpag tu med pa la zhon par gyur pas tshe rabs thams cad du bdud kyi dpung dang / bdud kyi 'khor dang / bdud kyi dmag rnams bcom zhing pham par byas so/ /lam tha dad par gyur ba tsa ra ka dang / 'jig rten brgyang pan dang / pa ri par tsa ka rnam par g.yeng bar gyur bar thams cad dang / gzhan yang mu steg can 'di dang 'dra ba rnams ngas rab tu btul te bde ba la bkod do/ /tha dad par smra ba thams cad tshar bcad do/ /mu stegs can thams cad rab tu btul to/ /log par song ba'i sems can rnams theg pa 'di'i dbang gis dge ba'i sdom pa sna tshogs la gnas par byas so/ /sems can rnams la go cha dang go cha'i bkod pa rnam par phye ste bstan to/ /sems can rnams la rab tu bde ba theg pa chen po'i chos kyi rnam pa de lta bu dag bstan pas/ gang theg pa 'di la gnas par gyur pa de dag bde ba'i yo byad thams cad thob par byas te/ 'di lta ste/ 'dus byas kyi bde ba'i yo byad 'khor los sgyur ba'i rgyal po'i bde ba'i yo byad dang / brgya byin dang / tshangs pa'i rgyal po'i bde ba'i yo byad dang / 'dus ma byas kyi bde ba'i yo byad thob par byas pa gang yin pa'o/ /sems can rnams la chos 'di bstan par gyur ba na de dag chos 'di la yang dag par zhugs pas/ 'phags pa'i rigs su skyes pas/ chos kyi rgyal mtshan chen po bsgreng zhing seng ge'i sgra bsgrags nas bla na med pa yang dag par rdzogs pa'i byang chub la yang dag par gzhol</font><hr>79.98a<br><font size=+1>

bar gyur to/ /blo gros mtha' yas byang chub sems dpa' sems dpa' chen po go cha chen po de lta bu bgos nas tshul bzhin du so sor brtags shing rab tu rnam par 'byed par byed pa de dag ni chos gang gis rab tu gzhol bar 'gyur ba'i chos de dag thams cad ma lus par shes shing mthong bar gyur kyang rnam par rtog par mi byed do/ /de ci'i phyir zhe na/ byang chub sems dpa' sems dpa' chen po rnams ni lam yang dag pa la gnas pas tshul bzhin du shes par gyur pa'i phyir dang / yang dag pa'i lam la rab tu zhugs pas tshul bzhin du mthong pa'i phyir ro/ /tshul bzhin du rnam par dag par gyur pa gang yin pa de ni rnam par rtog par yang ma yin rnam par mi rtog pa yang ma yin pas rnam par rtog pa dang / rnam par mi rtog pa dag mnyam pa nyid du shes shing mthong bar 'gyur ro/ /gang gis chos rnams btsal zhing gnyer du yod par mthong ba de dag ni mnyam pa nyid ma yin pas tshul bzhin du rnam par dag pa'i shes pa dang / mthong ba la gnas par mi 'gyur ro/ /rnam par rtog pa dang / rnam par mi rtog pa med pa gang yin pa de dag ni rnam par rtog pa dang / rnam par mi rtog pa de dag la mngon par zhen cing 'dzin par mi byed la/ mngon par zhen cing 'dzin pa med pas rnam par rtog dang / rnam par mi rtog pa yang yongs su spong bar byed do/ /lam 'di la ni snying brtse ba yang med/ mngon par 'du byed pa yang med/ sgro 'dogs pa yang med/ blang zhing dor ba yang med do/ /mnyam pa nyid kyi lam yang dag pa la gnas pa ni 'das pa dang / da ltar byung ba dang / ma 'ongs pa la rnam par mi byed pas mi byed pa rnam par rtog pa thams cad dang / bag la nyal ji snyed pa dag ma lus par</font><hr>79.98b<br><font size=+1>

khong du chud cing chos thams cad kyi mnyam pa nyid kyi phyin ci ma log pa'i don la rab tu gnas par byed pas lam yang dag pa la gnas pa zhes bya'o/ /blo gros mtha' yas lam dang / rnam par dag pa'i lam gang zhe na/ 'phags pa'i lam yan lag brgyad pa gang yin pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /yang dag pa'i lta bas ni 'jig tshogs la lta ba spong zhing lta bar gyur pa'i spyod yul thams cad las yang dag par 'da' bar byed pas lta ba thams cad gnas dang / dus thams cad du shin du rnam par dag pa yang 'thob par 'gyur la/ rnam par rtog pa dang / khyad par du rnam par rtog pa dang / kun du rnam par rtog pa thams cad rab tu rtogs pas rnam par rtog pa dang / khyad par du rnam par rtog pa dang / kun du rnam par rtog pa yang med par 'gyur ro/ /log par rtog pa la mi gnas shing log par rtog pa rab tu spangs pas yang dag pa'i 'tsho ba dang / yang dag pa'i 'tsho ba'i 'du shes kyang 'thob par 'gyur ro/ /'tsho ba rnam par dag pa mthong zhing 'tsho ba rnam par dag pa la gnas pa'i lus kyi las rnam par dag pa dang / ngag gi las rnam par dag pa dang / yid kyi las rnam par dag pa mthong zhing yang dag pa'i las kyi mtha' la gnas par 'gyur ro/ /yang dag pa'i lta ba'i ngag gi las kyis ni tshig dang / smra ba mang po dag rab tu shes shing mthong bas yang dag pa'i ngag la gnas nas mi mthun pa'i</font><hr>79.99a<br><font size=+1>

phyogs yongs su dag par byed do/ /yang dag pa'i rtsol ba'i lta bas ni brtson 'grus rab tu sbud cing / yang dag pa'i brtson 'grus la gnas par byed do/ /yang dag pa'i lta ba'i dran ba yang med/ yid la byed pa yang med/ 'dzin pa yang med par rnam par dag pa'i dran pas yang dag pa'i dran pa la gnas par byed do/ /yang dag pa'i ting nge 'dzin gyis ni ting nge 'dzin la gnas pa med par ting nge 'dzin tu lta ba rab tu sbyangs nas yang dag pa'i ting nge 'dzin la rab tu gnas par byed do/ /blo gros mtha' yas byang chub sems dpa' sems dpa' chen po rnams de ltar mthong ba'i tshe thams cad du rnam par dag pa'i yang dag pa'i lta ba thob pas shin tu rnam par dag pa'i lam la gnas par 'gyur te/ shin tu rnam par dag pa'i lam 'di ni skyes bu dam pa rnams kyis bsgom bar bya ba/ blo dang ldan pa rnams kyis bkur bar bya ba/ 'phags pa rnams dga' bar byed pa/ de bzhin gshegs pa rnams kyis rab tu bsngags pa yin pas bdud dang / bdud kyi 'khor dang / bdud kyi mngag pa dang / bdud kyi ris kyi lha thams cad kyi bgrod par bya ba'i gnas ma yin no/ /phyi rol pa'i lam la srid cing mngon par zhen pa thams cad dang / rtsod pa'i smra ba la gnas pa dang / lta ba'i thibs por zhugs pa dang / lam ma yin par song ba dang / 'jig rten rgyang pan pa la sogs pas bgrod par bya ba'i spyod yul yang ma yin no/ /mya ngan las 'das pa la srid pa thams cad kyis bgrod par bya ba'i spyod yul yang ma yin no/ /de ci'i phyir zhe na/ 'dus ma byas la gnas pa gang yin pa de dag ni mya ngan las 'das par rnam par rtog pa dang bcas pas na mya ngan las</font><hr>79.99b<br><font size=+1>

'das par rtog pa gang yin pa de nyid 'du byed rnams su rnam par rtog pa yin pas so/ /de ci'i phyir zhe na/ mya ngan las 'das pa'i dbyings su rnam par rtog pa'i g.yo ba thams cad las yang dag par 'das pa yin pas 'dus ma byas kyang yod pa ma yin na 'dus byas yod par mi 'gyur ba lta smos kyang ci dgos te/ lam 'di ni rnam par rtog pa thams cad yongs su sbyong bar byed pas tha na 'dus ma byas su rtog pa cung zad tsam yang med na 'dus byas su rtog pa thams cad lta yod par ga la 'gyur/ gang gis ji tsam du 'phags pa'i lam la rnam par rtog pa dang bcas pa de dag ni 'phags pa'i lam la gnas pa zhes mi bya'o gang gis rnam par rtog pa'i g.yo ba thams cad spangs pa gang yin pa de ni 'phags pa'i lam la gnas pa dang / 'jigs pa med pa'i lam la gnas pa dang / rab tu zhi ba'i lam la gnas pa dang / rab tu bde ba'i lam la gnas pa zhes bya'o/ /lam 'dis ni rga ba dang / na pa dang / 'chi ba dang / mya ngan dang / sdug bsngal med pa'i gnas su phyin par byed do/ /lam 'dis ni ngo bo nyid med par phyin par byed cing ngo bo nyid kyi gnas las yang dag par 'da' bar byed do/ /lam 'dis ni ngo bo nyid dang / ngo bo nyid ma yin pa thams cad spangs ba'i gnas su phyin par byed do/ /lam 'dis ni mtshan nyid bstan du med pa dang / gzugs can gyi mtshan nyid ma yin pa'i gnas su phyin par byed do/ /lam 'dis ni nam mkha' bzhin du thams cad du khyab pas bla na med pa'i gzhal med khang chen por phyin par byed de/ de ltar song ba gang yin pa de dag ni phyir ldog par mi 'gyur bas bde ba rnam pa sna tshogs rab tu 'thob par 'gyur ro gzhal med khang de yang bstan du med</font><hr>79.100a<br><font size=+1>

cing dngos po'i mtshan ma ci yang med pas 'dus ma byas cung zad tsam yang med de/ 'dus byas bkag cing 'dus ma byas spangs pa yin pas sems can rnams la 'dus byas kyi bde ba 'am 'dus ma byas kyi bde ba yang sbyin par mi byed do/ /blo gros mtha' yas ji tsam du 'dus byas kyi mya ngan las 'das pa la mos pa de dag kyang 'dus byas kyi bde ba yongs su tshol bar mi byed na gzhal med khang chen por zhugs pa lta smos kyang ci dgos/ gzhal med khang chen po de ni mngon par 'du bya ba med pa dang / rab tu bsil zhing dben par gyur ba'i phyir mya ngan las 'das pa zhes bya'o/ /'dod chags dang / zhe sdang dang / gti mug 'gog pa dang / bag la nyal rnams spongs pa dang / srid pa'i lta ba dral ba dang / ma rig pa'i chu bo bskams pa dang / zug rngu gdug pa rtsa ba nas bton pa dang mi dge ba'i chos rnams zad pa'i phyir mya ngan las 'das pa zhes bya'o/ /nga rgyal gyi nad dang / sdug bsngal mang pos nyon mongs pa thams cad thag bsrings pa'i phyir mya ngan las 'das pa zhes bya'o/ /sems dang / yid dang / rnam par shes pa'i spyod yul ma yin pa'i phyir mya ngan las 'das pa zhes bya'o/ /rtsod pa'i smra ba rnams dang / mtshams sbyor ba thams cad nas chos kyi 'du shes kyi bar du nye bar gyur ba'i phyir mya ngan las 'das pa zhes bya'o/ /yid kyi mos pa rnams dang / yid kyi mos pas yongs su tshol ba gcod cing / rnam par brtag pa dang / rnam par brtag par bya ba'i mtshan ma med pa'i phyir mya ngan las 'das pa zhes bya'o/ /blo gros mtha' yas 'di ni yongs su mya ngan las 'das pa chen po'i ngo bo nyid yin te/ mya ngan las 'das pa la mtha' med pas</font><hr>79.100b<br><font size=+1>

brjod kyis mi lang ngo / gal te bgrod par bya ba dang bcas par gyur na de ni lam ma yin te/ lam la yang tshig med pas brjod par mi nus so/ /byang chub sems dpa' sems dpa' chen po rnams lam 'dis mya ngan las 'das pa'i gzhal med khang chen por bgrod par gyur pa na sems can brgya stong tshad med pa rnams kyang lam 'di la 'god par byed do/ /blo gros mtha' yas byang chub sems dpa' sems dpa' chen po rnams lam 'di la gzhol bar gyur pa'i tshe yongs su ngal ba dang / gdung ba med par ji lta ji ltar yongs su tshol ba dang / ji lta ji ltar rab tu bkod pa dang / 'dun pa de lta de ltar rab tu bkod nas bkod pa re res kyang sems can yongs su bsdus nas chos ston par byed pas sems can rnams rab tu dga' bar byed do/ /de ci'i phyir zhe na/ lam 'di ni mtshungs pa med pas mi mthun pa'i phyogs yongs su dag par byed pa dang / bya ba rnams mthar phyin par byed pas sangs rgyas bcom ldan 'das rnams dang / nyan thos dang / rang sangs rgyas dag kyang lam 'di la gzhol zhing 'gal bar mi mdzad pa dang / sa de dag tu ma byon cing smon pa rnams yongs su rdzogs par ma gyur gyi bar du nams kyang spong bar mi mdzad pas so/ /de la sa gang zhe na/ 'di lta ste/ mya ngan las 'das pa'i sa dang / gzhal med khang chen po'i sa gang yin pa'o/ /'di lta ste/ dper na nam mkha' ni dper byar med kyang nam mkha' ma gtogs par dpe gzhan gyis nam mkha' mtshon par mi nus pas shin tu yangs shing rgya che ba'i nam mkha' dben pa la nam mkha' zhes brjod do/ /mya ngan las 'das pa'i gzhal med khang yang de bzhin du stong pa nyid kyi dben pa chen po bdag po med pa/ bdag gi ba med pa yin pas sems can</font><hr>79.101a<br><font size=+1>

thams cad der zhugs par gyur kyang spu nyag ma gcig tsam gyi tshad kyang yongs su gzung du med de/ shin du yangs shing rgya che ba'i stong pa nyid rab tu dben ba/ rgya che zhing tshad med pas mya ngan las 'das pa chen po zhes kyang bya'o/ /gzhal med khang chen po zhes kyang bya'o/ /blo gros mtha' yas byang chub sems dpa' sems dpa' chen po gang lam khyad par du 'phags pa 'di ni nyan thos dang / rang sangs rgyas rnams las yod pa ma yin no snyam nas lam 'di la gnas pa gang yin pa de dag ni yon tan gyi tshogs thams cad mngon par sgrub cing phyir mi ldog pa thob par gyur pas sems can rnams la phan 'dogs pa chen po byed par 'gyur ro/ /spyod pa khyad par du 'phags pas bkod pa byas nas lam 'dis sems bskyed de gzhol bar gyur pas na de'i bkod pa de lta bu de ni nyan thos dang / rang sangs rgyas rnams la yod pa ma yin no/ /byang chub sems dpa' sems dpa' chen po rnams ni lam 'di la gnas pa'i tshe gal te 'khor los sgyur pa'i rgyal po byas par gyur pa na yang chags shing lta ba med par mthu chen po dang ldan zhing rdzu 'phrul ston par byed pa dang / 'jig rten dang 'jig rten las 'das pa yang rab tu rtogs par 'gyur ro/ /gal te brgya byin dang / tshangs pa'i rgyal po byas par gyur na yang chags shing zhen pa med pas nga rgyal spangs nas sangs rgyas rnams la blta bar mos pa dang / yang dag pa'i chos nyan par dga' ba dang / lha brgya stong tshad med pa rnams yongs su smin par byed cing bla na med pa yang dag par rdzogs pa'i byang chub la rab tu gzhol bar byed do/ /de nas de'i tshe bcom ldan 'das kyis tshigs su bcad de bka' stsal pa/ /byang chub</font><hr>79.101b<br><font size=+1>

sems dpa'i khyad par lam/ /'jig rten dag na mchog gyur pas/ /'phags pa theg pa pa gnyis dag / /thams cad lam 'dir 'jug par 'gyur/ /byang chub sems dpa' thams cad gang / byang chub chen por bgrod pa dang / /lam gyi bkod pa thob 'dod pa/ /lam 'dir rab tu dbye bar bya/ /gang zhig lam 'di dag la ni/ /bgrod dang bgrod par 'gyur ba dag / /de dag yang dag lta ba yis/ /lam 'di la ni gnas par bya/ /byang chub sems dpa' thams cad gang / /mnyam pa'i lta la gang gnas pa/ /lam 'dir rab tu zhugs nas ni/ /bde bas nges par 'byung bar bya/ /lam 'di mchog tu khyad par 'phags/ /lam 'di bla na med pas na/ /yang dag ji bzhin 'dren byed kyang / /gzung bar bya ba ci yang med/ /gang zhig lam 'dir gnas pa dang / /lam 'dir yang dag zhugs pa yi/ /blo ldan gang zag thams cad kyi/ /sems ni g.yo bar mi 'gyur ro/ /lam 'di la ni cung zad kyang / /g.yo ba yod par mi ston pas/ /des ni g.yo ba yod mi 'gyur/ /g.yo ba dag ni rtag tu spong / /nga yis lam 'di dag la ni/ /g.yo ba med cing byed pa med/ /sgro 'dogs med par rab brtan pas/ /lam 'di de phyir bla na med/ /byang chub dag ni thams cad kun/ /lam 'di la ni rab gnas kyang / /lam 'di la ni sred med cing / /khong khro ba yang yod pa min/ /lam 'di 'das pa ma yin te/ /lam 'di ma 'ongs pa yang min/ /de yis rnam rtog rab bsal nas/ /de bzhin du ni bsgom par bya/ /lam 'di la ni nyon mongs med/ /lam 'di la ni rnam rtog med/ /don dag dang ni mi 'gal bar/ /de bzhin du ni gnas par bya/ /lam mchog la ni gang gnas pa/ /gnas pa med par gnas par bya/ /lam 'di la ni gang gnas pa/ /rnam dag</font><hr>79.102a<br><font size=+1>

rang bzhin 'thob par 'gyur/ /nga yis yan lag brgyad pa'i lam/ /'phags pa'i bgrod pa yin par bshad/ /lam 'di la ni gang gnas pa/ /byang chub thob par dka' mi 'gyur/ /byang chub sems dpa' mgon med pas/ /de bzhin lam 'dir gnas par bya/ /rnam dag lam 'di thob gyur nas/ /re re nas ni bgrod par bya/ /lam rab mchog tu gyur pa 'di/ /skyes bu dam pa sgrub byed cing / /de bzhin gshegs pas bsngags pas na/ /ye shes 'di ni bla na med/ /bdud dang bdud kyi dmag rnams dang / /bdud kyis yongs su bzung ba dang / /mu stegs can ni gzhan rnams kyis/ /bgrod par bya ba'i yul ma yin/ /mya ngan 'das la gang rtog pa/ /lam mchog 'di la gnas mi 'gyur/ /byis pa rnam rtog gtses pas na/ /mya ngan 'das la phyogs mi 'gyur/ /rnam rtog las ni gang 'das pa/ /'du shes rnam rtog med pas na/ /lam ni chen po 'di dag la/ /des na rab tu zhugs par 'gyur/ /'phags pa rnams kyi lam mchog 'di/ /byis pa skye bo spong bar byed/ /chos 'di la ni gang zhugs pa/ /lam 'di bla na med pa yin/ /khyad par 'phags pa'i lam mchog 'di/ /bla med gnas su phyin par byed/ /de ni gnod dang mya ngan med/ /'jigs pa med cing bgegs kyang med/ /bla na med pa'i lam 'di ni/ /gzugs med kha dog mtshan nyid med/ /gzugs kyi mtshan nyid dag gis kyang / /bstan par yang ni mi nus so/ /shin du bde ba'i lam 'di ni/ /yang dag yin pas 'jigs pa med/ /lam 'di la ni gang zhugs pa/ /mthar ni mya ngan 'da' bar 'gyur/ /mchog tu rnam dag lam 'di ni/ /nam mkha' stong pa 'dra bas na/ /thams cad du ni thogs pa med/ /rtag tu mya ngan 'das la gzhol/ /gal</font><hr>79.102b<br><font size=+1>

te mya ngan 'das phyin na/ /phyir ni ldog par mi 'gyur pas/ /mya ngan 'das pa chen po 'di/ /bla med mchog tu bde ba yin/ /mya ngan 'das chen gzhal med khang / /stong dben tshad ni gzhal du med/ /de phyir mya ngan 'das chen yin/ /gzhal med khang chen zhes kyang bya/ /mya ngan 'das pa chen po 'dir/ /dug gsum nyon mongs rab tu zhi/ /gal te der ni phyin gyur na/ /ldog pa med cing skye len med/ /mya ngan 'das chen stong dben 'di/ /dper na nam mkha' ji lta bzhin/ /stong dben rgya ni che ba'i phyir/ /de na thogs pa ci yang med/ /mya ngan 'das chen gzhal med khang / /sdug bsngal mya ngan gnas spangs shing / /spyod yul gnas ni dpag med pas/ /mya ngan 'das pa zhes brjod do/ /mya ngan 'das la grangs med pas/ /grangs kyi tshad ni dmigs su med/ /rab zhi bsil ba'i rang bzhin la/ /mya ngan 'das pa zhes brjod do/ /mya ngan 'das la bya med pas/ /lam zhugs pa yang bla na med/ /tshad med rnam rtog med pas na/ /rnam par rtog pa dmigs su med/ /ngas ni byang chub sems dpa'i phyir/ /lam 'di rab tu bstan pa'i phyir/ /lam 'di la ni gang gnas pa/ /de ni mya ngan 'das dang nye/ /lam 'di la ni gang gnas pa/ /'jig rten pa yi bde ba'i mchog / /thams cad rab tu 'thob 'gyur bas/ /'jigs pa med pa zhes bya'o/ /lam 'di la ni rab gnas na/ /sems ni nyon mongs med par 'gyur/ /des na lam ni rnam dag pas/ /'jigs pa med pa zhes bya'o/ /mnyam nyid yang dag lam mthong pas/ /thams cad rjes su rtogs par 'gyur/ /'tsho ba'i yo byad thams cad la/ /thams cad du ni chags mi 'gyur/ /byang chub sems dpa'i gnas med pa/ /yang dag khyad par 'phags pa'i lam/ /sems can rnams la phan 'dogs pa/ /rab tu rtsol bas</font><hr>79.103a<br><font size=+1>

gzhol bar bya/ /bla med lam ni thob gyur na/ /lam mchog bkod pa 'di dag gis/ /'jig rten rnams ni mgu byed pas/ /lam 'di la ni gzhol bar bya/ /lam 'di mchog tu khyad par 'phags/ /yid ni yongs su dag par byed/ /ji ltar mos bzhin tshol ba dag / /thams cad rab tu gzhol bar bya/ /gal te 'khor los sgyur ba'i rgyal/ /dpung chen thob par gyur na yang / /rgyal thabs dag ni rab spongs nas/ /rab byung lam ni slob par byed/ /gal te brgya byin tshangs pa yi/ /rgyal thabs thob par gyur na yang / /de dag la ni chags med pas/ /de ni legs par rjes 'brang yin/ /'jig rten bslab pa'i gnas rnams kyang / /thams cad gsal bar khong du chud/ /lam 'di la ni gang gnas pa/ /bden tshig smra ba zhes bya'o/ /gzhan yang blo gros mtha' yas byang chub sems dpa' sems dpa' chen po rnams lam 'di la yang dag par gzhol bar gyur pa na yang dag pa'i lam yan lag brgyad pa yongs su bsdu bar 'dod pa'i phyir chos gcig mngon par sgrub par byed de/ 'di lta ste/ mi dge ba'i chos rnams mi byed pa gang yin pa'o/ /gzhan yang yang dag pa'i lam yan lag brgyad pa yongs su bsdu ba'i phyir chos rnam pa gnyis mngon par sgrub par byed de/ nang du dge ba'i chos gang yin zhes tshul bzhin du sems pa dang / phyi rol du dge ba'i chos gang yin zhes tshul bzhin du 'dri bar byed pa gang yin pa'o/ /gzhan yang yang dag pa'i lam yan lag brgyad pa yongs su bsdu ba'i phyir chos rnam pa gnyis mngon par sgrub par byed de/ dngos po ji lta ba bzhin du chos rnams rtogs par khong du chud pa dang / dngos po med pa dang / rnam par rtogs pa med par khong du chud pa gang yin pa'o/ /gzhan yang yang dag</font><hr>79.103b<br><font size=+1>

pa'i lam yan lag brgyad pa yongs su bsdu pa'i phyir chos rnam pa gnyis mngon par sgrub par byed de/ nang du rtogs pa'i rjes su 'brang bar byed pa dang / phyi rol la mngon par zhen pa med pa gang yin pa'o/ /gzhan yang yang dag pa'i lam yan lag brgyad pa yongs su bsdu ba'i phyir chos rnam pa gnyis mngon par sgrub par byed de/ rnam par rtog par bya ba med par bdag nyid mngon par yid ches pa dang / sems can gang da dung mngon par yid ches par ma gyur pa de dag bdag gis lam 'di la dgod par bya'o snyam du sems pa gang yin pa'o/ /gzhan yang yang dag pa'i lam yan lag brgyad pa yongs su bsdu ba'i phyir chos rnam pa gnyis mngon par sgrub par byed de/ las su bya ba rnams yang dag pa ji lta ba bzhin du shes shing mthong ba dang / las su bya ba rnams la mngon par zhen pa med pa gang yin pa'o/ /gzhan yang yang dag pa'i lam yan lag brgyad pa yongs su bsdu ba'i phyir chos rnam pa gsum mngon par sgrub par byed de/ nye bar len pa'i phung po sdug bsngal dang bcas pa rnams re re nas rtogs par khong du chud par byed pa dang / nye bar len pa'i phung po sdug bsngal med pa rnams nan tan gyis yongs su tshol zhing mos par byed pa dang / 'dus pa'i chos rnams yongs su spong bar brtson pa gang yin pa'o/ /gzhan yang yang dag pa'i lam yan lag brgyad pa yongs su bsdu ba'i phyir chos rnam pa gsum mngon par sgrub par byed de/ chos mchog tu gyur pa yang dag par ston pa na tshig 'gal ba med par chos kyi don rjes su 'thun par ston cing sems la rtsod pa med pa dang / tshig 'bru dang / yi ge thams cad la mngon par zhen pa med pa dang / chos thams cad yongs su sdud par byed pa gang yin pa'o/ /gzhan yang yang dag pa'i lam yan lag brgyad pa</font><hr>79.104a<br><font size=+1>

yongs su bsdu ba'i phyir chos rnam pa bzhi mngon par sgrub par byed de/ don la yang dag par sbyor ba'i dngos po mngon par sgrub par byed pa dang / don ji lta ba bzhin du rjes su 'thun par yang dag pa'i sbyor ba'i dngos po mngon par sgrub par byed pa dang / chos kyi rjes su 'thun pa'i so sor rtog pa la yang dag par sbyor ba'i dngos po mngon par sgrub par byed pa dang / thams cad la mngon par zhen pa mi skyed par yang dag pa'i sbyor ba'i dngos po mngon par sgrub par byed pa gang yin pa'o/ /gzhan yang yang dag pa'i lam yan lag brgyad pa yongs su bsdu ba'i phyir chos rnam pa bzhi mngon par bsgrub par byed de/ shin du brtan pa'i yi dam gyis bdag nyid srung zhing ji skad bstan pa kho na bzhin du sgrub par byed pa dang / dbang po drug la mkhas shing lam la gzhol bar byed pa dang / bsam pa rnam par dag par byed pa dang / bag yod pa la gnas par byed pa gang yin pa'o/ /blo gros mtha' yas byang chub sems dpa' sems dpa' chen po rnams ni chos kyi spyod pa 'dis lam yongs su sdud par byed pa'i phyir lam gyi rjes su 'brang ba zhes bya ste/ chos thams cad kyi ngo bo nyid stong pa nyid du blta ba'i phyir dang / ming med pa'i phyir dang / mtshan ma med pa'i phyir dang / smon pa med pa'i phyir dang / skye ba med pa'i phyir dang / mngon par 'du bya ba med pa'i phyir dang / yongs su skyo bar gyur pa'i phyir dang / spangs par gyur pa'i phyir dang / 'gags pa'i phyir dang / nges par 'byung ba'i phyir chos kyi snang ba thob pa yin no/ /skye ba rnams zad par so sor rtog pa na yang skye ba med pa la yang skye ba'i 'du shes skyed par mi byed pas de'i tshe skye ba las yang dag par 'das nas chos ma yin pa las nges par 'byung ba dang / rnam par dag pa'i lam thob nas mi skye ba'i chos</font><hr>79.104b<br><font size=+1>

la bzod pa thob par 'gyur ro/ /lam rnam par dag par gyur pa'i phyir 'du shes thams cad las yang dag par 'das nas 'du shes med pa la mi gnas pa dang / lam gyi 'du shes bkag nas chos kyi 'du shes spong ba dang / ma rig pa'i dra ba las nges par 'byung zhing rig pas bsgom pas 'thob par bya ba'i chos rnams kyang rab tu 'thob par 'gyur ro/ /rig pas bsgom pas chos gang zhig 'thob par 'gyur zhe na/ 'di lta ste/ rig pas bsgoms pas 'du shes dang / tshor ba 'gog pa 'thob pa dang / chos thams cad la nges par mkhas pa 'thob pa dang / dgongs te gsungs pa rtogs pas chos nyid kyi rjes su 'brang bar 'gyur ro/ /byang chub sems dpa' sems dpa' chen po rnams lam 'dir zhugs par gyur pa'i tshe yul la mi gnas shing mtshan mas bsgribs par mi 'gyur te/ chos thams cad nam mkha' dang mtshungs pa dang / skye ba nam mkha' dang mtshungs pa dang / skye ba'i ngo bo nyid nam mkha'i ngo bo nyid dang mtshungs par shes pas mtshan ma cung zad tsam gyis kyang bar chad byed par mi 'gyur ro/ /lam 'di shin du rnam par dag pas gnod pas 'jigs pa yang med do/ /go cha chen po bgos pas 'dzin pas 'ching bar yang mi 'gyur la/ theg pa chen po la zhon pas rmongs par mi 'gyur ro/ /bsgribs pa rnams spangs pas nam mkha' lta bur gyur nas 'dir zhugs te/ sems can rnams kyi snang ba chen po byed par 'gyur ro/ /blo gros mtha' yas 'di ni byang chub sems dpa' sems dpa' chen po rnams kyi lam khyad par du 'phags pa yin te/ nyan thos dang / rang sangs rgyas kyi spyod yul ma yin no/ /de nas de'i tshe bcom ldan 'das kyis tshigs su bcad de bka' stsal pa/ /yang dag lam brgyad bsdu ba'i phyir/ </font><hr>79.105a<br><font size=+1>

chos spyod rnams ni ston pa yi/ /lam 'di la ni gang gnas pa/ /de ni brtson 'grus chen po yin/ /dge ba'i chos kyis lam bsgrubs shing / /dus ni thams cad dag tu yang / /mi dge'i chos ni mi byed pa/ /spyod pa 'dis ni lam sdud 'gyur/ /byang chub sems dpa' rnal 'byor pas/ /nang du tshul bzhin yid byed cing / /phyi rol du ni 'dri byed pa/ /spyod pa 'dis ni lam sdud 'gyur/ /byang chub sems dpa' gang rtog pa/ /dngos po ji bzhin rab shes shing / /tshul bzhin chos bzhin gang gnas pa/ /spyod pa 'dis ni lam sdud 'gyur/ /byang chub sems dpa' skyabs byed pas/ /nang du rjes su rtog byed cing / /phyi rol du ni zhen byed pa/ /spyod pa 'dis ni lam sdud 'gyur/ /byang chub sems dpa' 'jigs med pas/ /bdag nyid rtog med yid ches shing / /gzhan dag yid ches gnas byed pa/ /spyod pa 'dis ni lam sdud 'gyur/ /byang chub sems dpa' yid byed pas/ /bya ba'i las rnams dag byed cing / /las rnams la ni 'dzin byed pa/ /spyod pa 'dis ni lam sdud 'gyur/ /byang chub sems dpa' 'ching med pas/ /rtag tu sdug bsngal nyer len shes/ /nyer len sdug bsngal med tshol ba/ /spyod pa 'di ni lam sdud 'gyur/ /byang chub sems dpa' rab shes pas/ /'dus pa spyod pa spyod sgrub cing / /'dus 'phrod dag ni gang spong ba/ /spyod pa 'dis ni lam sdud 'gyur/ /byang chub sems dpa' don sems pas/ /don kyi rjes su rab rtogs shing / /rtsod pa med par gang ston pa/ /spyod pa 'dis ni lam sdud 'gyur/ /byang chub sems dpa' blo ldan pas/ /tshig 'bru yi ge zhen med par/ /chos rnams thams cad sdud byed pa/ /spyod pa 'dis ni lam sdud 'gyur/ /byang chub sems dpa' chos spyod pas/ /chos kyi rjes su 'thun</font><hr>79.105b<br><font size=+1>

byed cing / /don gyi rjes su 'thun gyur pa/ spyod pa 'dis ni lam sdud 'gyur/ /byang chub sems dpa' lam 'brang bas/ /brtan pa'i yid dam yang dag gnas/ /ji skad bstan bzhin gang sgrubs pa/ /spyod pa 'dis ni lam sdud 'gyur/ /byang chub sems dpa' lam dag pas/ /yid la mos pa rab sbyangs nas/ /chos la gnas shing bag yod pa/ /spyod pa 'dis ni lam sdud 'gyur/ /byang chub sems dpa' thams cad du/ /spyod pa 'di rnams rab bsgrubs nas/ /lus dang sems ni bde thob na/ spyod pa 'dis ni lam sdud 'gyur/ /byang chub sems dpa' yang dag dran/ /rnam dag lam la gang gnas pa/ /chos rnams stong zhing mtshan med par/ /thams cad rab tu rtogs par 'gyur/ /byang chub sems dpa' rab brtags na/ /smon lam rnam par dag byed cing / /smon lam med la mi gnas pas/ /mtshan ma rnams ni spong bar 'gyur/ /byang chub sems dpa' tshul bzhin du/ /don tshul mnyam par rab brtags na/ /chos rnams skye bar mi 'gyur bas/ /the tshom cung zad yod mi 'gyur/ /byang chub sems dpa' blo ldan dag / /thams cad chos ni rab brtags na/ /skye zhing zhi bar 'gyur ba'i phyir/ gsal bar mthong nas gzhol bar 'gyur/ /byang chub sems dpa' chos rtogs pas/ /tshul bzhin chos skye mthong bas na/ /skye ba las ni skye mi mthong / /zad pa las ni zad mi mthong / /byang chub sems dpa' brtson 'grus ldan/ /de ltar so sor rtog byed na/ /chos min pa las nges 'byung zhing / /yang dag gnas la gnas par 'gyur/ /byang chub sems dpa' blo dam pas/ /lam 'di rnam par dag pas na/ /myur du bde gnas phyin sems pa/ /bla med bzod pa 'grub par 'gyur/ /byang chub sems dpa' blo dam pas/ /tshul bzhin chos rnams rtog byed cing / /'du shes rnams las</font><hr>79.106a<br><font size=+1>

gang 'das pa/ /'du shes med la rtag gnas 'gyur/ /byang chub sems dpa' blo dam pas/ /lam 'di rab sbyor 'gyur ro zhes/ /lam gyi 'du shes gang spong ba/ /chos kyi 'du shes la mi gnas/ /byang chub sems dpa' blo dam pas/ /lam 'di rab tu sbyong ba'i phyir/ /ma rig dra ba dral sems pa/ /chos kyi snang chen thob par 'gyur/ /byang chub sems dpa' blo dam pas/ /rig pas sgom par byed pas ni/ /sems can rnams la ston byed pas/ /des na rab tu gzhol bar 'gyur/ /byang chub sems dpa' rig sgom pa/ /chos rnams thams cad rab rtogs phyir/ /don zab la ni nges 'gyur zhing / /thabs mkhas chen po thob par 'gyur/ /byang chub sems dpa' rig sgom pa/ /thabs kyis 'du shes kun spangs bas/ /gsang ba'i chos kyi rjes 'brang zhing / /nges pa'i don ni rtogs par 'gyur/ /byang chub sems dpa' blo dam pas/ /chos kyi snang ba chen po yis/ /'du shes tshor ba 'gog byed na/ /des na yang dag gzhol bar 'gyur/ /byang chub sems dpa' blo dam pas/ /lam 'di la ni mi gnas phyir/ /lam la yang dag gzhol bar 'gyur/ /byang chub sems dpa' 'jigs med pas/ /chos rnams dag ni thams cad kyang / /nam mkha' dag pa ltar shes pas/ /mtshan ma rnams kyis sgrib mi 'gyur/ /byang chub sems dpa' chos rnams kyi/ /rang bzhin nam mkha' 'drar shes te/ /chos rnams nam mkha' 'dra ba'i phyir/ /rnam dag dri ma med par shes/ /byang chub sems dpa' de lta bur/ /gnas pas mtshan ma sgribs par 'gyur/ /myur du sems can rnams la ni/ /gdams ngag rjes su ston par 'gyur/ /byang chub sems dpa' blo dam pa'i/ /las rnams</font><hr>79.106b<br><font size=+1>

thams cad rnam dag pas/ /lam la bar chad ci yang med/ thogs pa med par gzhol bar 'gyur/ /rnam par dag pa'i lam 'di ni/ /byang chub chen por myur du 'gro/ /'dus ma byas ni mngon du byed mnyam pa nyid du gzhol bar 'gyur/ /byang chub sems dpa' go chen po/ /theg chen lam ni chen po dag /nam mkha' 'dra bar thogs med cing / /rnam par dag par gzhol bar bya/ /theg dang lam 'di gang skyes pa/ /nam mkha' bskyed pa lta bur ni/ /mtshan ma mang po rab spangs nas/ /mtshan ma med par bgrod par bya/ /theg pa chen po mnyam pa'i theg /rgya chen nam mkha' 'dra bas na shin du rnam dag lam 'di la/ /theg pa 'dis ni bgrod par bya/ /byang chub sems dpa' thams cad kyang / /chos 'di las ni gus byed pas/ /sems can rnams ni kun gyi phyir/ /dpa' bos rab tu bgrod par bya/ /byang chub chen por bgrod byed cing / /khyad par lam 'dir gang gnas pa/ /theg pa pa gnyis la sogs pas/ /bgrod par bya ba'i yul ma yin/ /byang chub sems dpa' yang dag dran/ /lam 'di dag par gang byed pa/ /rnam par dag pa'i lam 'di yis/ /bla med mchog tu bgrod par 'gyur/ /gzhan yang blo gros mtha' yas byang chub sems dpa' sems dpa' chen po rnams ni de ltar yang dag par zhugs shing gzhol bar gyur pa'i tshe dran pa nye bar gzhag pa dang / yang dag par spong ba dang / dbang po dang / stobs dang / byang chub kyi yan lag dang / rnam par thar pa dang / ting nge 'dzin dang / snyoms par 'jug pa dang / rdzu 'phrul gyi rkang pa dang / zhi gnas dang / lhag mthong tshad med pa rnams yang dag par khong du chud pas yon tan khyad par du 'phags pa tshad med pas</font><hr>79.107a<br><font size=+1>

brgyan nas 'jig rten pa rnams rab tu gdul ba'i phyir dang / go cha chen po bgos nas khams gsum las nges par 'byung bar bya ba'i phyir dang / theg pa chen po la zhon nas lha dang / mi dang / lha ma yin rnams yongs su gzung bar bya ba'i phyir lam 'di la gnas nas bla na med pa yang dag par rdzogs pa'i byang chub la yang dag par gzhol bar byed do/ /blo gros mtha' yas byang chub sems dpa' sems dpa' chen po rnams ni go cha chen po bgos te/ theg pa chen po la zhon nas lam 'di la gnas pa'i tshe gal te byams pa dang / snying rje dang / dga' ba dang / btang snyoms kyis sems can kun la khyab par mi byed dam/ sems can rnams la bdag dang 'dra bar phangs par mi byed na ni de lta bu'i go cha dang / theg pa chen po 'di dag ni sa chen pos kyang theg par mi 'gyur la/ sems can thams cad kyis kyang sten par mi 'gyur ba zhig na 'di ltar sems can rnams la snying brtse zhing phan gdags pa'i phyir go cha chen po bgos te/ theg pa chen po la zhon nas lam 'di la gnas pa yin pas go cha dang / theg pa chen po'i lam chen po 'di dag tu lha dang / mi dang / lha ma yin du bcas pa'i 'jig rten thams cad kyis kyang bgrod par mi nus la/ byis pa so so'i skye bo 'jig rten la mngon par zhen pa dang / 'jig rten na gnas par mos pa thams cad kyis kyang mthong bar mi nus pa yin no/ /gzhan yang byang chub sems dpa' sems dpa' chen po rnams ni sems can thams cad la snying brtse ba'i phyir go cha chen po bgos pa yin pas 'di ltar go cha'i mthus sa dang / chu dang / me dang / rlung gi khams byin gyis brlabs pas sa'i khams 'di g.yo zhing 'khrug</font><hr>79.107b<br><font size=+1>

pa med pa dang / sems can thams cad 'jigs pa mi skye ba dang / chu'i khams dang / me'i khams dang / rlung gi khams rnams kyang de dag gi rjes su ci rigs par bya ba rnams byed pa yin no/ /gzhan yang byang chub sems dpa' sems dpa' chen po rnams dang po sems bskyed de go cha bgos nas deng go cha chen po 'di bgos te/ theg pa chen po 'di la zhon nas rnam par dag pa'i lam gyis skye ba gcig gis thogs pa la gzhol zhing byang chub kyi shing drung du bgrod pa dang / byang chub kyi snying po la zhugs par gyur pa'i bar du stong gsum gyi stong chen po'i 'jig rten gyi khams rdo rje las mngon par grub pa'i sa'i dkyil 'khor shin du brtan pa 'di gal te byin gyis ma brlabs na 'khrug cing g.yo bar 'gyur te/ shin du brtan pa'i rdo rje las mngon par grub pa yin yang go cha chen po dang / theg pa chen po'i lam chen po 'di 'degs pa'i 'os su mi 'gyur ro/ /gzhan yang byang chub sems dpa' sems dpa' chen po rnams sngon gyi smon lam gyis sems can la byams pa dang / snying rje chen po bskyed pa dang / phyogs bcu'i sangs rgyas dang / byang chub sems dpa' rnams thabs gcig tu bsngags pa brjod nas gal te rdo rje chen po'i dkyil 'khor chen po dang / ri rab dang / rin po che'i ri thams cad dang / de las gzhan pa'i ri'i rgyal po rnams byin gyis brlabs par ma gyur na go cha chen po dang / theg pa chen po'i lam chen po 'di dag 'degs pa'i 'os su mi 'gyur ro/ /gzhan yang byang chub sems dpa' sems dpa' chen po rnams ni sngon gyi smon lam gyi mthu'i phyir/ de bzhin gshegs pa rnams kyi sngon gyi smon lam gyi mthus byin gyis brlabs pa'i phyir</font><hr>79.108a<br><font size=+1>

dang / sems can rnams la rnam par mi 'tshe ba'i phyir dang / gnod pa mi byed pa'i phyir dang / mnyam par mi byed pa'i phyir dang / skrag par mi byed pa'i phyir dang / 'khon du mi 'dzin pa'i phyir dang / mnar bar mi byed pa'i phyir dang / nyon mongs par mi byed pa'i phyir dang / sems can rnams bde ba thob par bya ba'i phyir go cha chen po bgos nas theg pa chen po la zhon te/ lam 'di la gnas nas bla na med pa yang dag par rdzogs pa'i byang chub la rab tu gzhol bar byed do/ /blo gros mtha' yas byang chub sems dpa' sems dpa' chen po rnams ni go cha bgos pa na shes rab kyi go cha bgos nas shes rab kyi mtshon cha thogs te/ shes rab chen pos yongs su bsngo bar byed do/ /yongs su bsngo ba'i theg pa la zhon nas/ shes rab kyi snang ba skyed par byed do/ /snang ba'i lam la gnas nas shes rab kyi snang ba'i mig gis chos rnams so sor brtags te/ thams cad mkhyen pa'i ye shes la rab tu gzhol bar byed do/ /thams cad mkhyen pa'i ye shes dang / sems can rnams yongs su bsdu ba'i phyir sbyin pa'i pha rol tu phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol tu phyin pa rnams sgom par byed de/ thams cad kyang shes rab sngon du 'gro zhing shes rab kyis mngon par bsgrub pa dang / shes rab kyis yongs su bsdus nas bla na med pa yang dag par rdzogs pa'i byang chub tu yongs su sngo bar byed do/ /de nas bcom ldan 'das la byang chub sems dpa' sems dpa' chen po blo gros mtha' yas kyis 'di skad ces gsol to/ /bcom ldan 'das byang chub sems dpa'</font><hr>79.108b<br><font size=+1>

sems dpa' chen po rnams kyis shes rab rnam pa sna tshogs thams cad du khyab cing sangs rgyas kyi chos tshad ma mchis pa rnams yongs su sdud cing mngon par bsgrub par bgyid pa ni shin du ngo mtshar che lags so/ /de nas bcom ldan 'das kyis byang chub sems dpa' sems dpa' chen po blo gros mtha' yas la bka' stsal pa/ blo gros mtha' yas de de bzhin no/ /de de bzhin te/ khyod kyis ji skad smras pa de bzhin du byang chub sems dpa' sems dpa' chen po rnams ni shes rab rnam pa sna tshogs kyis kun du khyab cing chos thams cad yongs su bsdus te/ go cha chen po bgos nas theg pa chen po la zhon te/ lam chen po 'di la gnas nas thams cad kyang shes rab sngon du 'gro bas rab tu gzhol bar byed do/ /blo gros mtha' yas gal te shes rab dang ldan yang shes rab sngon du 'gro ba med na lam 'di la rab tu gzhol bar mi 'gyur gyi/ gal te shes rab dang ldan zhing shes rab sngon du 'gro bas thams cad du khyab par gyur na rjes su 'jug pa dang / rjes su spyod pa dang / shes rab kyis yongs su bsdus shing / shes rab kyis rab tu bsdams par gyur nas gdod go cha chen po bgos nas theg pa chen po la zhon pa dang / lam chen po 'di la gnas pa zhes bya ste/ rab tu bde ba'i chos kyis 'jig rten la phan 'dogs shing shes rab kyi mig 'byed par byed do/ /shes rab kyi mig gis so sor brtags nas shes rab kyis lus gsal bar gyur pas 'od zer chen po bkye nas bla na med pa yang dag par rdzogs pa'i byang chub la rab tu gzhol bar byed de/ blo gros mtha' yas 'di ni byang chub sems dpa' sems dpa' chen po rnams kyis bgo bar bya ba'i go cha dang / go cha'i bkod pa dang / bzhon par bya ba'i</font><hr>79.109a<br><font size=+1>

theg pa chen po dang / theg pa chen po'i bkod pa dang / bgrod par bya ba'i lam chen po dang / lam chen po'i bkod pa dang / bla na med pa yang dag par rdzogs pa'i byang chub la rab tu gzhol bar 'gyur ba yin no/ /blo gros mtha' yas skyes bu dam pa gang go cha'i bkod pa dang / theg pa chen po'i bkod pa dang / lam chen po'i bkod pa dang / yon tan rnam pa sna tshogs thams cad kyis rab tu brgyan pa gang yin pa de dag ngas yongs su rdzogs par brjod par gyur na bskal pa tshad med pa rnams su brjod kyang mthar thug par mi 'gyur mod kyi/ 'on kyang khyed la sogs pas rab tu rtogs par bya ba'i phyir dang / ma 'ongs pa'i skyes bu dam pa rnams go cha'i bkod pa dang / theg pa chen po'i bkod pa dang / lam chen po'i bkod pa dang / yon tan dpag tu med pa'i tshogs kyi bkod pa thob par bya ba'i phyir ngas deng 'dir phyogs cung zad tsam zhig mdor bstan par bya ste/ skyes bu dam pa de dag gal te ngas bstan pa'i chos thos par gyur na go cha chen po bgos nas theg pa chen po la zhon te/ lam chen po 'di la gnas par 'gyur zhing yon tan gyis rab tu brgyan nas rab tu gzhol bar 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ /ngas ni yang dag spong ba dang / /dran pa nyer gzhag rnam bzhi dang / /thabs mkhas thams cad bshad pas na/ /de phyir bag yod bcas par 'gyur/ /yang dag dran pa phun tshogs shing / /chos mkhas mtshungs par ldan pa dang / /rab brtson nges par 'byung byed pas/ /de phyir bag yod bcas par 'gyur/ /dbang po stobs dang byang chub phyogs/ /go bgos theg chen bzhon</font><hr>79.109b<br><font size=+1>

byas te/ /'di yis bsrung ba rab byas nas/ /byang chub sems dpa' gzhol bar bya/ /bsam gtan zil gnon rnam mthar dang / /ting 'dzin snyoms par rab zhugs te/ /'di yis bsrung ba rab byas nas/ /byang chub sems dpas gzhol bar bya/ /snying rje byams dang dga' btang snyoms/ /go bgos theg chen bzhon byas te/ /'di yis bsrung ba rab byas nas/ /byang chub sems dpa' gzhol bar bya/ /zhi gnas lhag mthong rdzu 'phrul rkang / /cho 'phrul dag ni rdzogs byas te/ 'di yis bsrung ba rab byas nas/ /byang chub sems dpas gzhol bar bya/ /tshad med yon tan rnams dang ni/ /go bgos theg chen bzhon byas te/ /lam la ngal ba med byas nas/ /byang chub sems dpas gzhol bar bya/ /brtson 'grus dag ni bag yod dang / /go bgos theg chen bzhon byas te/ /dran nas de dag shes byas nas/ /byang chub sems dpas gzhol bar bya/ /snang ba go cha chen po yis/ /'jig rten dag ni rab btul te/ /go cha 'di ni bgo byas pa/ /'di ni blo ldan zhes bya'o/ /thams cad mkhyen la yang dag phyogs/ /khams gsum las ni nges 'byung phyir/ /theg chen 'di la gang zhon pa/ /'di ni blo ldan zhes bya'o/ /lam chen rnam par dag pa'i lam/ /lha dang mi dang lha ma yin/ /'jig rten zil gyis mnan pa ni/ /kun du grags pa zhes bya'o/ /'di 'dra'i byang chub sems dpa' ni/ /sems can rnams ni kun gyi phyir/ /dus rnams thams cad dag du yang / /go cha brtson 'grus bgo bar byed/ /gal te byang chub sems dpa' rnams/ /byams dang snying rje dga' ba dang / /gtang snyoms chen po mi sgom na/ /sa chen dag ni shong mi 'gyur/ /gal te byang chub sems dpa' rnams/ </font><hr>79.110a<br><font size=+1>

sems can rnams ni de dag la/ /dus rig phan 'dogs mi byed na/ /sa chen dag ni shong mi 'gyur/ /gal te byang chub sems dpa' rnams/ /snying rje theg chen mi zhon na/ /ri dang rgya mtsho chen po rnams/ /sa chen dag ni shong mi 'gyur/ /gal te byang chub sems dpa' rnams/ /byams pas sems can dran byed cing / /theg chen 'di la mi zhon na/ /sems can gang yang brten mi 'gyur/ /gal te go cha 'di bgos nas/ /byams 'od gsal bar ma byas na/ /go cha chen po de dag la/ /sems can gang yang bsten mi 'gyur/ /go cha 'di ni rab bgos nas/ /yon tan rgya mtsho dpag med kyis/ /'byung chen khams bzhi byin brlabs pas/ /de 'deg 'os su gyur pa yin/ /sems can yongs su bsdu ba'i phyir/ /snying rje'i 'od kyis kun khyab cing / /'byung chen khams bzhi byin brlabs pas/ /de 'deg 'os su gyur pa yin/ /sems can yongs su bsdu ba'i phyir/ /byang chub chen po mngon bsgrubs nas/ /'byung chen khams bzhi byin brlabs pas/ /de 'deg 'os su gyur pa yin/ /sems can mi smon gnod mi byed/ /go cha chen po 'di bgos nas/ /theg chen gyis ni nges 'byung ba/ /'di ni blo ldan zhes bya'o/ /thabs la mkhas pa chen po yis/ thams cad byin gyis rab brlabs nas/ /bla na med par nges 'byung ba/ /'di ni blo ldan zhes bya'o/ /des na sa ni chen po 'di/ /mi 'bying rab tu mi g.yo zhing / /chu dang me dang rlung gi khams/ /bya ba dag ni byed pa yin/ /byang chub sems dpa' chen po rnams/ /go cha dpag med bgos nas ni/ /theg chen 'di la bzhon byas nas/ /lam gyis rab tu gzhol bar byed/ /tshe gcig thogs pa mngon bsgrubs te/ /tha ma'i lus ni</font><hr>79.110b<br><font size=+1>

thob gyur nas/ /byang chub shing rgyal drung song ste/ /rab brtan sa la 'dug nas ni/ /byang chub snying po de dag tu/ /rdo rje bzhin du rab gnas nas/ /lus dang sems ni ngal med par/ /thams cad mkhyen pa mngon du byed/ /byang chub sems dpa' 'jigs med pas/ /gal te byin gyis ma brlabs na/ /sa chen po dag g.yo 'gyur zhing / /zhi gnas phyir yang chags mi 'gyur/ /sa chen khams ni thams cad kun/ /gal te byin gyis ma brlabs na/ /rdo rje las ni grub gyur kyang / /mi g.yo mi 'khrug gang yang med/ /byang chub sems dpa' 'das pa'i dus/ /smon lam chen pos rab brgyan pas/ /sems can rnams ni de dag la/ /byams pa chen pos dran par byed/ /mngon sum phyogs bcu'i zhing khams na/ /sangs rgyas dag ni thams cad mkhyen/ /rkang gnyis gtso bo gang bzhugs pa/ /thams cad srung zhing dgongs par 'gyur/ /gal te de las gzhan pa'i ri/ /ri rab rin po che yi ri/ /rdo rje'i dkyil 'khor khor yug ri/ /shin du brtan par gang gnas pa/ /byang chub sems dpa' blo ldan dag /gal te byin gyis ma brlabs na/ /go cha chen po 'di bgos pa/ /'deg pa'i 'os su mi 'gyur ro/ /sangs rgyas byang chub sems dpa' rnams/ /rdzu 'phrul stobs kyi byin brlabs pa/ /sems can dang ni sa chen po/ /bsten 'deg 'os su gyur pa yin/ /go cha chen po gang bgos pa/ /sems can 'tshe ba mi byed pas/ /go cha dag ni gong na med/ /theg pa dag gis gzhol bar bya/ /go cha chen po gang bgos pa/ /sems can gnod pa mi byed pas/ /go cha dag ni bsam mi khyab/ /theg pa dag gis gzhol bar bya/ /go cha chen po gang bgos pa/ /sems can dag la</font><hr>79.111a<br><font size=+1>

'khon mi 'dzin/ /sems can nad ni bsal ba'i phyir/ /theg pa dag gis gzhol bar bya/ /lam mchog dag ni phun tshogs pa/ /bla med mchog tu sbyong bas na/ /mi 'tshe 'khon 'dzin med pa dang / /gnod mi byed pa yang dag gnas/ /shes rab chen po'i go bgos te/ /shes rab bsngo ba'i theg bzhon pa/ /go cha 'dzin par mi 'gyur bas/ /bsngo ba'i nang na mchog tu 'gyur/ /byang chub sems dpa' skyabs byed pas/ /shes rab snang ba la gnas te/ /shes rab chos rnams rab brtags nas/ /bla na med par gzhol bar 'gyur/ /byang chub sems dpa' lam mchog dang / /go cha dang ni theg chen dag /shes rab 'od las byung bas na/ /de phyir sems ni rnam par dag /pha rol phyin la rab zhon nas/ /byang chub chen por bgrod byed cing / /shes rab yongs sdud shes rab gtsang / /shes rab dag ni sngon du 'gro/ /pha rol phyin pa thams cad kyi/ /shes rab 'di ni sngon du 'gro/ /shes rab yongs sdud shes rab gtsang / /bla med ye shes len par byed/ /byang chub sems dpa' bsam mi khyab/ /shes rab snang ba skyed byed cing / /shes rab sgron chen spar byed pas/ /bde bar rab tu gzhol bar 'gyur/ /shes rab snang ba bskyed pa'i phyir/ /des na shes rab mig kyang 'byed/ /sangs rgyas bla med ye shes dag /gsal mthong rab tu gzhol bar 'gyur/ /byang chub sems dpa' dpa' bo dag /go cha dpag tu med pa yis/ /tshad med par ni brgyan pa'i phyir/ /go cha bgos pa zhes bya'o/ /byang chub sems dpa' blo chen dag /theg chen rab tu brgyan pas na/ /sangs rgyas thams cad mkhyen pa la/ /gos pa med par gzhol bar byed/ /byang chub sems dpa' blo chen dag /</font><hr>79.111b<br><font size=+1>

lam chen rab tu brgyan pas na/ /bsam gyis mi khyab mchog dag la/ /rnam par dag pas gzhol bar byed/ / bam po bzhi pa// gzhan yang blo gros mtha' yas byang chub sems dpa' sems dpa' chen po rnams kyis go cha'i spyod yul dpag tu med pa dang / theg pa chen po'i spyod yul dpag tu med pa dang / lam chen po'i spyod yul dpag tu med pa dag la rab tu gzhol bar bya'o/ /de ci'i phyir zhe na/ thams cad du rjes su 'jug par 'gyur ba'i phyir ro/ /byang chub sems dpa' sems dpa' chen po rnams ni chos thams cad kyi rjes su 'jug par 'dod pa'i phyir go cha chen po bgo bar byed do/ /chos thams cad kyi rjes su 'jug par 'dod pa'i phyir theg pa chen po la gzhol bar byed do/ /chos thams cad kyi rjes su 'jug par 'dod pa'i phyir lam chen po la rab tu gnas par byed do/ /chos thams cad la mnyam pa nyid rab tu thob par bya ba'i phyir rab tu gzhol bar byed do/ /'on kyang go cha des chos cung zad tsam yang nang ngam/ phyi rol lam/ rags pa 'am/ phra ba 'am/ thag ring ba 'am/ thag nye ba 'am/ 'das pa 'am/ da ltar byung ba 'am/ ma 'ongs pa 'am/ 'dus byas sam/ 'dus ma byas sam/ gnas pa 'am/ mi gnas pa zhes bya ba yang dag par rjes su mi dmigs so/ /gal te go cha 'dis chos thams cad rab tu rnam par 'byed mi nus sam/ gtan la 'bebs par mi nus sam/ yongs su mi shes sam/ rjes su 'jug par mi nus sam/ mngon sum du byed mi nus sam/ yang dag par 'da' bar mi nus na/ go cha chen po bgos pa zhes mi bya'o/ /chos thams cad rab tu rnam par 'byed par byed dam/ gtan la 'bebs sam/ yongs su shes par gyur tam/ </font><hr>79.112a<br><font size=+1>

rjes su 'jug par byed dam/ mngon sum du byed dam/ yang dag par 'da' bar byed na go cha chen po bgos pa zhes bya'o/ /theg pa chen po des kyang chos 'ga' tsam yang nang ngam phyi rol zhes bya ba nas thams cad mkhyen pa'i ye shes su bsngo ba zhes bya ba'i bar tu yang dag par mi dmigs shing yongs su shes pa dang / rjes su 'jug pa dang / mngon sum du byed pa dang / yang dag par 'da' bar byed pas de'i phyir theg pa 'di ni theg pa chen po dang / chos la rab tu mkhas pa'i theg pa dang / mya ngan las 'das par phyin par byed pa'i theg pa dang / gong na med pa'i theg pa dang / mtshungs pa med pa'i theg pa zhes bya'o/ /lam chen po des kyang cung zad tsam nang ngam phyi rol zhes bya ba nas chos thams cad mnyam pa nyid kyi lam chen por gyur nas gzhol bar byed pa zhes bya ba'i bar yang dag par mi dmigs shing mnyam pa nyid kyi lam 'dis chos 'ga' tsam yang yongs su mi shes pa med pas de'i phyir lam 'di ni bla na med pa'i lam dang / grangs dang / tshad med pa'i lam dang / mtshungs pa med pa'i lam zhes bya'o/ /blo gros mtha' yas byang chub sems dpa' sems dpa' chen po go cha chen po bgos pa ni sems can thams cad kyi sems dang sems las byung ba'i spyod pa kun gyi rjes su yang dag par 'jug par byed do/ /sems can thams cad kyi nyon mongs pa'i kun nas nyon mongs pa spong zhing yongs su dag par byed do/ /theg pa chen po la zhon nas sems can rnams kyi dge ba'i rtsa ba thams cad yang dag par 'phel bar byed do/ /lam chen po 'di la gnas nas sems can rnams dge ba'i rtsa ba thams cad sgrub par yang dag par skul bar byed do/ /blo gros mtha' yas byang chub sems</font><hr>79.112b<br><font size=+1>

dpa' sems dpa' chen po rnams ni sems can re re'i phyir sems kyi spyod pa re re'i phyir yang 'khor ba'i mtha' ji srid pa de srid du yun ring por 'khor ba na 'khor zhing / shes rab kyi sman yongs su tshol ba dang / go cha mi spong bar shin tu brtan par byas nas go cha chen po dang / tshad med pa'i go cha dang / bsam par dka' ba'i go cha dang / rnam par dag pa'i go cha dang / dpag tu med pa'i go cha dang / blang ba med pa'i go cha dang / sems can gyi 'du shes rig pa'i go cha dang / sems can med par shes pa'i go cha dang / bdag med par shes pa'i go cha dang / sems can gyi rang bzhin shes pa'i go cha dang / sems can gyi rang bzhin rjes su rtogs pa'i go cha dang / bdag gi rang bzhin shes pa'i go cha dang / nang gi rang bzhin shes pa'i go cha dang / nang gi rang bzhin rjes su rtogs pa'i go cha dang / phyi rol gyi rang bzhin shes pa'i go cha dang / phyi rol gyi rang bzhin rjes su rtogs pa'i go cha dang / nang dang phyi rol gnyis ga'i rang bzhin shes pa'i go cha dang / nang dang phyi rol gnyis ga'i rang bzhin rjes su rtogs pa'i go cha dang / chos thams cad kyi rang bzhin shes pa'i go cha dang / chos thams cad kyi rang bzhin rjes su rtogs pa'i go cha dang / chos thams cad dmigs su med par shes pa'i go cha dang / chos thams cad kyi rang bzhin dmigs su med par shes pa'i go cha dang / chos thams cad rtogs par khong du chud pa'i go cha dang mtha' med pa'i go cha dang / dbus med pa'i go cha dang / dbus dang mtha' med pa'i go cha dang / 'das pa ma yin pa'i go cha dang / ma 'ongs pa ma yin pa'i go cha dang / da ltar byung ba yin pa'i go cha dang / bya ba med pa'i go cha dang / byed pa med pa'i go cha yang dag par bgo bar byed do/ /blo gros mtha'</font><hr>79.113a<br><font size=+1>

yas byang chub sems dpa' sems dpa' chen po rnams ni go cha 'di la bgos par mi byed/ rjes su rtogs par yang myi byed/ gtan la 'bebs par yang mi byed/ nges par 'byung bar mi byed/ mngon sum du yang mi byed de/ go cha nyid yod pa ma yin pa'i phyir ro/ /go cha bgos pa gang yin pa de dag ni rjes su rtogs par mi byed pa'i phyir rjes su rtogs par byed do/ /gtan la 'bebs par mi byed pa'i phyir gtan la 'bebs par byed do/ /nges par 'byung bar mi byed pa'i phyir nges par 'byung bar byed do/ /mngon sum du mi byed pa'i phyir mngon sum du byed do/ /gdeg par bya ba med pa'i phyir theg pa chen po la zhon par byed do/ /theg pa chen po la gdags par mi byed de/ gdags pa med pa'i gdags pas gdags par byed kyang theg pa chen po la ni gdags par bya ba ci yang med do/ /gal te gdags pa dang bcas par gyur na de nyid gdags pa ma yin te/ gdags pa de dag dmigs su med pa'i phyir dang / bltar med pa'i phyir ro/ /theg pa yang yod pa ma yin pa ste/ theg pa la gnas pa dag ni dmigs su med pas theg pa chen po la gnas par byas pas gzhol bar byas pa spong zhing mthar phyin par yang mi byed la/ mya ngan las 'das par phyin par yang mi byed de/ dmigs su med pa'i phyir ro/ /lam ma yin pas lam med de/ lam la gzhol bar byed pa nyid yang dag par mnyam pa'i phyir ro/ /yang dag pa'i lam 'di ni gdags su med pas su zhig gang du gang las gdags par byed de/ bya ba yang med/ byed pa yang med/ 'dus pa yang ma yin/ 'dus pa med pa yang ma yin/ thams cad la skyo zhing thams cad yongs su mi 'tshal ba yin no/ /de ci'i phyir zhe na/ yang dag par mnyam</font><hr>79.113b<br><font size=+1>

pa'i lam 'di ni chos thams cad dang gcig pa yang ma yin/ tha dad pa yang ma yin zhing mtshungs par mi ldan pa'i phyir ro/ /chos kyi 'du shes mi skyed cing chos thams cad spong bar byed pas gtsang ba yang med mi gtsang ba yang med do/ /chos nyid kyang de bzhin te/ gtsang ba med/ mi gtsang ba med pas de'i phyir lam 'di ni kun nas nyon mongs pa med pa'i lam zhes bya ste/ bgrod pa med pas bgrod par byed do/ /yongs su bzung ba med pas yongs su bzung bar byed do/ /lam 'di ni shin tu zab pas skye ba med pa/ 'byung ba med pa/ byed pa med pa/ thob pa med pa/ mngon par 'du byed pa med pa/ gnas med pa sgrib pa med pa/ dngos po med pa dngos po thams cad rab tu ston pa/ dngos po thams cad dbyer med pa/ dngos po'i rjes su mi 'jug pa yin te/ dngos po med pa'i phyir bla na med pa'i gnas su phyin par byed pa yin no/ /blo gros mtha' yas byang chub sems dpa' sems dpa' chen po rnams kyis go cha 'di dang / theg pa 'di dang / lam 'di de ltar rig par bya'o/ /'on kyang go cha 'di dang / theg pa 'di dang / lam 'di ni bltar med cing shes par byar med pa dang / dmigs su med pa'i phyir su zhig go cha bgo bar byed/ su zhig theg pa 'di la zhon par byed/ su zhig lam 'di la spyod par byed de/ bltar med cing shes par byar med pa/ dmigs su med pas so/ /blo gros mtha' yas byang chub sems dpa' sems dpa' chen po gang gis chos 'di thos nas mi skrag mi dngang bar klog pa dang / kha ton du 'don pa dang / yang dag par rab tu ston pa dang / chos kyi tshul dang 'gal ba med cing rjes su 'thun par bsgrubs pa dang / rab tu dga' bar mos par byed pa dang / chos 'di'i phyir rab tu brtson par byed pa dang / chos</font><hr>79.114a<br><font size=+1>

kyi tshul nges pa 'di la thabs mkhas pa'i nus pa dang ldan par gyur pa gang yin pa de dag ni go cha 'di bgos te/ theg pa 'di la zhon nas lam 'dir zhugs te/ chos zab mo dmigs su med pa 'di la gzhol bar byed pas 'khor ba'i mtha' gtugs nas yang dag par rdzogs pa'i byang chub mngon par rdzogs par 'tshang rgya bar 'gyur zhing yon tan dpag tu med pas rab tu brgyan nas 'jig rten du 'byung bar 'gyur ro/ /blo gros mtha' yas byang chub sems dpa' sems dpa' chen po rnams kyis chos 'di la rab tu dga' bas brtson 'grus bskyed nas bag yod par bsgrub par bya'o/ /sems can gang la la zhig chos zab mo 'di thob ma thag tu dga' ba bskyed pa gang yin pa de dag kyang ngas phan pa chen po thob par rab tu bstan nas gang zhig nan tan brtson 'grus kyi bag yod pa dang bcas pa dang / tshul khrims kyi spyod pa rnam par dag pas gzhol bar byed pa lta smos kyang ci dgos/ blo gros mtha' yas khyod kyis chos 'di shin tu yangs shing rgya che ba rnam pa du ma dang / khyad par du 'phags pa rnam pa du ma dang / rnam par dag pa du ma dang ldan pa la ltos/ ngas chos 'di la nan tan gyis bsngags pa rab tu brjod pa ni sems can rnams rab tu dga' ba bskyed pas yun ring po'i phan pa dang / bde ba thob nas yongs su skyo bar bya ba'i phyir dang / rab tu zhi bar bya ba'i phyir dang / yongs su shes par bya ba'i phyir ro/ /blo gros mtha' yas yang khyod kyis chos 'di 'jig rten dang 'jig rten las 'das pa'i phun sum tshogs pa'i bde ba sbyin pa byed pa yin yang srid pa rnams su dbul phongs pa sna tshogs snang bar gyur pa ni sems can rnams chos zab mo 'di las rab tu</font><hr>79.114b<br><font size=+1>

nyams par gyur pa'i phyir 'jig rten pa dang 'jig rten las 'das pa'i phun sum tshogs pa dang / 'byor pa dang / bde ba rnams spangs pa yin par blta bar bya'o/ /blo gros mtha' yas yang khyod kyis de bzhin gshegs pa mngon sum du bzhugs pas/ chos rin po che zab mo 'di 'byor pa du ma rnyed sla bar gyur to snyam du blta bar bya zhing / khyod kyis chos zab mo 'di la nan tan gyis rab tu bsgrub par bya'o/ /byis pa so so'i skye bo rnams ni ngas chos rin po che 'di yang dag par bstan pa na thos par yang mi 'dod na/ len pa dang 'dzin pa lta smos kyang ci dgos/ de bzhin gshegs pa mngon sum du bzhugs shing chos rin po che 'byor ba'i dus su yang mnyan par mos pa dang / 'dri bar yang 'dun par mi 'gyur na ma 'ongs pa'i dus lnga brgya tha ma la yang dag pa'i chos rab tu rnam par 'jig pa'i tshe sangs rgyas dang / chos dkon mchog dang / chos 'dzin par byed pa rnam pa gsum mngon du mi 'gyur ba'i dus su mnyan pa dang / 'dri bar mos par lta ga la 'gyur/ blo gros mtha' yas 'on kyang ma 'ongs pa'i dus na gal te de bzhin gshegs pas legs par byin gyis brlabs par gyur na chos rin po che zab mo 'di rnyed par 'gyur ro/ /blo gros mtha' yas shin du 'jigs pa'i dus de'i tshe chos rin po che zab mo 'di yang dag par nyams shing 'grib pa 'am zad par gyur ba med mod kyi/ 'on kyang chos la nyan pa dang 'dzin par byed pa med de/ nga'i spyan sngar sems rtse gcig tu mnyan par mos pa dang / go cha bgos pa ni ma gtogs te/ de dag de'i tshe chos 'di la rab tu dga' bas nyan pa dang / len par 'gyur bas so/ /de'i tshe sems can gang dag chos 'di thos nas rab tu dang ba tsam skyed par byed na yang / ngas de</font><hr>79.115a<br><font size=+1>

dag chos rgya chen po 'di mngon par bsgrub par 'gyur bar bstan na da ltar chos 'di la yongs su dad pa bskyed nas nan tan gyis sgrub par byed pa lta smos kyang ci dgos/ blo gros mtha' yas byang chub sems dpa' sems dpa' chen po rnams ni bla na med pa'i go cha dang / go cha chen po tshad med pa rnams yang dag par bgos pa na/ 'di snyam du sems te/ bdag ni sems can dbul phongs par gyur pa 'di lta ste/ tshul khrims kyis rgud pa dang / thos pas rgud pa dang / shes rab kyis rgud pa dang / rnam par grol bas rgud pa dang / rnam par grol ba'i ye shes mthong bas rgud pa de dag thams cad las chos chen po 'dis phongs pa med par bya'o/ /chos chen po 'dis phongs pa med par bya ba'i phyir rgud pa thams cad spangs nas/ tshul khrims kyi nor dang / thos pa'i nor dang / shes rab kyi nor dang / rnam par grol ba'i nor dang / rnam par grol ba'i ye shes mthong ba'i nor gyis phyug par bya'o/ /'dod chags dang / zhe sdang dang / gti mug gi me rnams rab tu zhi bar bya'o/ /nad thams cad las sos par bya'o/ /bla na med pa'i sman gya nom pa gtang bar bya'o/ /sman 'di'i dbang gis nad rnam pa sna tshogs bsal nas bde ba chen po thob par bya'o/ /lhag ma dang bcas pa gtan du spangs te/ shin du bsil ba'i ngo bo nyid bla na med pa'i mya ngan las 'das pa mngon du byas nas yid la sems pa dang / so sor rtog pa'i lhag ma ci yang lus pa med pa dang / 'dus byas dang / 'dus ma byas thams cad yongs su tshol ba med pa la dgod par bya'o snyam mo/ /de ci'i phyir zhe na/  mya ngan las 'das pa 'di ni mchog tu bde zhing tshol ba thams cad lus pa med pa'i phyir dang / yongs su</font><hr>79.115b<br><font size=+1>

tshol ba gtan du zhi zhing yongs su zad pa'i phyir ro/ /blo gros mtha' yas byang chub sems dpa' sems dpa' chen po rnams ni go cha chen po de lta bu bgos nas gzhan yang sems can thams cad la snying brtse bas yongs su bsdu ba'i phyir/ theg pa chen po la zhon nas 'di snyam du theg pa chen po 'di la ni 'das pa'i sangs rgyas rnams kyis kyang bcibs nas nges par byung bar gyur to/ /ma byon pa'i sangs rgyas rnams kyang 'di la bcibs nas nges par 'byung bar 'gyur ro/ /da ltar bzhugs pa'i sangs rgyas rnams kyis kyang 'di la bcibs nas nges par byung bar gyur kyang gshegs par gyur pa yang med la/ bcibs pa dang / nges par 'byung ba yang med do snyam mo/ /de ci'i phyir zhe na/ stong pa nyid dang / mtshan ma med pa dang / smon pa med pa dang / skye ba med pa dang / byed pa med pa'i phyir nges par byung bar gyur ba yang ma yin/ nges par 'byung ba yang ma yin/ nges par 'byung bar 'gyur ba yang ma yin no/ /theg pa 'di la zhon nas de ltar nges par 'byung ba gang yin pa de dag ni legs par byung ba yin te/ mngon par zhen pa med pas chos thams cad 'dus pa yang ma yin/ 'dus pa med pa yang ma yin pas 'ong pa med pa 'gro ba med pa yin no/ /theg pa 'di lam gang gis nges par 'byung ba'i tshe yang 'dus pa ma yin pas 'ong pa med pa 'gro ba med pa yin no/ /theg pa 'di dang / lam 'dis go cha chen po byas nas nges par 'byung ba'i tshe/ //yang 'dus pa yang ma yin/ 'dus pa med pa yang ma yin pas 'ong ba med pa 'gro ba med pa yin te/ dmigs su med pa'i phyir ro/ /blo gros mtha' yas byang chub sems dpa' sems dpa' chen po rnams ni go cha 'di dang / theg pa 'di dang lam 'dis de ltar gzhol bar byed do/ /gzhan</font><hr>79.116a<br><font size=+1>

yang go cha 'di dang / theg pa 'di dang lam 'dis gzhol bar byed pa'i tshe 'di snyam du so so'i skye bo'i chos gang yin pa dang / nyan thos kyi chos gang yin pa dang / rang sangs rgyas kyi chos gang yin pa dang / sangs rgyas kyi chos gang yin pa'i chos de dag bdag dang nye ba zhig gam/ 'on te thag ring ba zhig ces yongs su rtogs par mi byed do/ /stong pa dang / mtshan ma med pa dang / smon pa med pa dang / skye ba med pa dang / mngon par 'du bya ba med pa'i chos gang yin pa de dag bdag dang nye ba zhig gam/ 'on te thag ring ba zhig ces yongs su rtog par mi byed do/ /yongs su skyo ba dang bral ba dang 'gag par 'gyur ba nas/ mya ngan las 'das pa chen po'i bar gyi go cha de dag la yang bdag dang nye ba zhig gam 'on te thag ring ba zhig ces yongs su rtog par mi byed do/ /blo gros mtha' yas go cha chen po 'di dang / theg pa 'di dang / lam 'di dag la ni byang chub sems dpa' thams cad dang / nyan thos thams cad dang / rang sangs rgyas thams cad dang / sems can thams cad gang gis kyang bsgul bar mi nus pas bla na med pa yang dag par rdzogs pa'i byang chub la rab tu gzhol bar byed do/ /blo gros mtha' yas sangs rgyas bcom ldan 'das rnams ni go cha 'di dang / theg pa 'di dang / lam 'di la g.yo ba mi mnga' ba brnyes pas yongs su mya ngan las 'das pa yin no/ /de ci'i phyir zhe na/ chos thams cad g.yo ba med pa'i phyir dang / chos thams cad kyi ngo bo nyid dang / chos nyid kyi mtshan nyid mi mthun pa dang bral ba'i phyir dang / mtshan ma rnam par dag pa'i phyir dang / yongs su rnam par dag pa'i phyir dang / mtshan ma dag gis so sor brtag pa dang / mchog tu so sor brtag pa dang / kun du so sor brtag par</font><hr>79.116b<br><font size=+1>

bya ba ma yin no/ /chos thams cad kyi chos kyi mtshan nyid kyi ngo bo nyid kyang ngo bo nyid kyis so sor brtag pa dang / mchog tu so sor brtag pa dang / kun du so sor brtag par bya ba ma yin no/ /chos thams cad kyi ngo bo nyid med pa dang / mtshan ma med pa dang / bstan du med pa dang / brjod du med pa gang yin pa 'di ni chos rnams kyi de kho na nyid kyi mtshan nyid ces bya'o/ /blo gros mtha' yas go cha 'di dang / theg pa 'di dang / lam 'di lta bu 'di dag gis de kho na nyid kyi mtshan nyid kyang de bzhin du bstan du med cing brjod du med pa yin yang sems can rnams khong du chud par bya ba'i phyir dang / chos thams cad kyi snang ba 'phel bar bya ba'i phyir go cha 'di dang / theg pa 'di dang / lam 'di dag btags pa tsam du mdor bstan pa yin no/ /deng khyod kyis gal te go cha 'di dang / theg pa 'di dang / lam 'di'i don gyi rjes su 'jug cing spyod par 'dod na gdags pa med pa dang / bstan pa med pa dang / brjod pa med par don gyi rjes su 'brang bar bya'o/ /don gyi rjes su 'brang ba gang yin pa de dag la ni 'di ni spyad par bya'o/ /zhes bya ba yang cung zad kyang med la/ 'di ni rjes su 'brang bar bya'o zhes bya ba yang cung zad kyang med pas don ma yin pa de dag gi rjes su ni 'brang bar mi byed la don gang yin pa de dag gi rjes su 'brang bar byed do/ /don gyi rjes su 'brang ba'i tshe sgra'i rjes su 'brang bar mi byed do/ /yi ge'i rjes su 'brang bar mi byed do/ /ngag gi rjes su 'brang bar mi byed de/ rjes su mi 'brang ba de'i rjes su mi 'jug pa gang yin pa'o/ /de la don gang yin zhe na/ 'di lta ste/ gsang ste/ bstan pa gang yin pa dag yin pas gsang ste/ bstan pa rnams rjes su rtogs par byas nas mngon par yid ches pas spyad par bya'o/ /mngon par yid ches pas spyod pa gang yin pa de dag ni don de</font><hr>79.117a<br><font size=+1>

dag la rnam par rtog par mi byed pas rnam par mi rtog pa'i rjes su 'brang bar byed de/ rjes su 'brang bar byed pa gang yin pa de ni spyod pa med pa dang / rjes su 'brang ba med pa zhes bya'o/ /de ci'i phyir zhe na/ don de dag la spyod pa zhes bya ba yang cung zad kyang med la/ rjes su 'brang ba dang / kun du 'gro ba zhes bya ba yang cung zad kyang med de/ spyod pa yongs su sbyangs pa'i phyir rjes su 'brang bar mi byed do/ /byang chub kyi rjes su 'thun par yang mi spyod la 'khor ba'i rjes su 'thun par yang mi spyod de/ rjes su 'thun pa dang / rjes su mi mthun pa de dag ni yid la byed pa yang ma yin/ yang dag pa'i dran pa yang ma yin te/ bsam pa yongs su dag par gyur pa'i phyir te/ rjes su 'brang bar mi byed do/ /blo gros mtha' yas khyod kyis don 'di'i rjes su 'brang bar bya'i tha dad pa'i spyod pa dang ldan par mi bya'o/ /gal te tha dad pa'i rjes su 'brang bar byed na de ni brjed ngas pa yin pas sgra'i rjes su 'brang ba dang / tshig 'bru dang / yi ge'i rjes su 'brang ba dang / ngag gi rjes su 'brang bar 'gyur te/ tshig gi brjod pa de dag kyang yongs su spong bar mi 'gyur ro/ /sgra yongs su shes pa dang / tshig 'bru dang / yi ge las yang dag par 'das pa dang / tshig gi brjod pa rjes su rtogs pa gang yin pa de dag ni de ltar rjes su 'brang bar mi byed pas/ 'khor bar 'jug par mi 'gyur ro/ /don 'di la de ltar rjes su 'brang ba dang / de ltar rjes su 'jug pa gang yin pa de dag la ni spyod pa cung zad kyang med de/ spyod pa nye bar zhi bar gyur pa'i phyir ro/ /blo gros mtha' yas don gyi rjes su 'jug pa'i tshe mngon par 'dus byas pa dang bcas pas don gyi</font><hr>79.117b<br><font size=+1>

rjes su 'brang bar mi bya'o/ /gal te mngon par 'du byed pa med par don gyi rjes su 'brang bar byed na de ni 'ong ba med pa dang / phyir mi ldog par mi 'gyur ba zhes bya ste/ 'ong ba med pa dang / phyir ldog par mi 'gyur ba gang yin pa de dag ni go cha 'di dang / theg pa 'di dang / lam 'di dang / rjes su 'thun par bla na med pa yang dag par rdzogs pa'i byang chub la gzhol bar byed pa yin pas sems can rnams la phan pa chen po byed par 'gyur ro/ /blo gros mtha' yas gang gis chos 'di de ltar ston pa dang / don gyi rjes su 'brang bar byed pa dang / rjes su 'jug par byed pa gang yin pa de dag ni sems phyin ci log med pa dang / the tshom med pa'i mos pa yongs su bsgrub pa yin pas go cha 'di dang / theg pa 'di dang / lam 'di yongs su ma bsdus pa gang yin pa de dag ni yongs su bsdus nas myur du gzhol bar byed pas go cha 'di ma bgos par yang myur du bgo bar byed do theg pa 'di la da dung zhon par ma gyur pa yang myur du zhon par byed do/ /lam 'di la gnas par ma gyur pa yang myur du gnas par byed do/ /blo gros mtha' yas sems can de dag ni bsod nams kyi tshogs rgya chen po yongs su sdud pa dang / sangs rgyas bcom ldan 'das rnams kyis rjes su bsrung zhing dgongs par 'gyur bas chos dang 'gal ba med pa dang / dge 'dun dang 'thun par spyod par 'gyur ro/ /blo gros mtha' yas khyod ni dge ba'i rtsa ba tshad med pa rnams yongs su bsdus pa yin pas ma 'ongs pa'i dus su chos 'dis sems can rnams yongs su bsdus nas sems can rnams kyi ched du khur lci ba bskur bar bya'o/ /de nas bsod nams kyi tshad shin du brjod par dka' ba dag</font><hr>79.118a<br><font size=+1>

rab tu 'thob par 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ /byang chub sems dpa' 'jigs med pas/ /de ltar go cha bgos pa'i tshe/ /sems can rnams la phan gdags phyir/ /go cha dpag med bgo bar byed/ /sems can gal te phongs gyur tam/ /sdug bsngal chos ni med pa'i tshe/ /tshul khrims dang ni mang du thos/ /shes rab rnams grol tshad med pa/ /go cha dpag med rab bgos nas/ /chos kyis rab tu phyug por byed/ /chos kyis phyug por gyur pa'i phyir/ /thams cad bde ba thob par byed/ /dbul ba'i sdug bsngal spongs pa'i phyir/ /bla med chos ni ston byed pas/ /thos pa dag ni rdul spangs nas/ /bde lam 'di la bkod par byed/ /tshul khrims phung po rab rgyas shing / /mang du thos pa rgya mtsho 'dra/ /shes rab mchog ni thob pas nas/ /des na 'ching ba gcod par byed/ /rnam grol kun du gsal byed dang / /rnam grol yang dag shes mthong ba/ /gang gis mngon sum byed pa ni/ /thams cad bde ba 'thob par 'gyur/ /'dod chags zhe sdang gti mug mes/ /rtag tu sreg cing kun gdungs pas/ /des na sems can sdug bsngal 'gyur/ /me de bdag gis bsad par bya/ /sems can rnams la sman btang nas/ /nad rnams thams cad gsal bar bya/ /gal te nad ni zhi gyur na/ /mya ngan 'das dbyings phyin par 'gyur/ /lhag ma thams cad gtan spangs nas/ /bde gnas la ni gzhol bar byed/ /bde ba'i gnas su bzhag pas na/ /ldog par gyur pa gang yang med/ /'dus byas bde ba thams cad la/ /yongs su tshol bar mi byed cing / /bla na med pa'i bde chen dag /thams</font><hr>79.118b<br><font size=+1>

cad mngon sum byed par 'gyur/ /spros pa med pa'i chos dag gis/ /sems can yongs su smin byed pas/ /mthar phyin pa yi bde ba dag /thams cad rab tu 'thob par byed/ /de lta bur ni gang gzhol ba/ /lan cig song nas phyir mi ldog /gzhol ba las ni yang dag 'das/ /mchog tu bde ba rtag tu thob/ /bde ba chen po dag gis ni/ /mos pa dang ni mi mos pa/ /gzhol ba dang ni gzhol med pa/ /thams cad rab tu spong bar byed/ /de ltar go cha bgos nas kyang / /theg pa 'di la zhon nas ni/ /sems can rnams la snying brtse'i phyir/ /thams cad yongs su gzung bar bya/ /'das pa'i thams cad mkhyen pa rnams/ /theg pa 'di yis nges byung gyur/ /ma byon thams cad mkhyen rnams kyang / /theg pa 'di dbang nges 'byung 'gyur/ /da ltar sangs rgyas bcom ldan 'das/ /theg pa 'di dbang nges 'byung brnyes/ /de phyir theg pa 'di la ni/ /ma bcibs pa ni gang yang med/ /'jig rten dag la mgon mdzad pas/ /rgyal ba dag ni thams cad kun/ /theg pa 'di yis nges byung yang / /theg pa'i 'du shes skyed mi mdzad/ /theg pa med pas theg pa mdzad/ /lam med pa la lam du mdzad/ /nges 'byung med par nges par 'byung / /de phyir nges 'byung bla na med/ /theg pa 'di ni nges 'byung tshe/ /nges 'byung cung zad yod ma yin/ /stong pa mtshan ma med pa dang / /smon med byed pa med phyir ro/ /theg min nges 'byung ma yin pa/ /des ni theg chen zhes bya'o/ /thams cad rab tu mnyam pas na/ /des na yang dag gzhol bar byed/ /theg pa 'di la 'dus pa med/ /ma 'dus pa yang yod ma yin/ /bla med lam la gzhol byed pas/ /bde ba chen po mngon du byed/ /theg pa 'di la mtshungs ldan med/ /mtshungs mi ldan</font><hr>79.119a<br><font size=+1>

pa yod ma yin/ /gnas pa med cing rten pa med/ /des na rab tu gzhol bar byed/ /lam 'di la ni 'ong ba med/ /lam 'di la ni bgrod pa med/ /yang dag lam 'di gang spyod pa/ /rab dben yang dag gzhol bar 'gyur/ /ngas ni lam 'di theg 'di dang / /go cha chen po 'di dag ni/ /chos la rten par mi byed pas/ /rab dben bla med mchog tu bstan/ /so so'i skye bo'i chos rnams dang / /nyan thos chos ni thams cad dang / /rang rgyal chos rnams thams cad kyang / /thams cad dmigs su med pa yin/ /sangs rgyas chos ni thams cad dang / /dri med bla na med pa'i chos/ /ring ba ma yin nye min pas/ /thams cad dmigs su med pa yin/ /stong dang mtshan ma med pa'i chos/ /smon dang byed pa med chos kyang / /ring ba ma yin nye min pas/ /thams cad dmigs su med pa yin/ /skyon bral dang ni 'gags pa'i chos/ /rab dben mya ngan 'das pa'i chos/ /ring ba ma yin nye min pas/ /thams cad dmigs su med pa yin/ /theg pa 'di dang go cha 'di/ /lam 'di la ni 'dzin med cing / /bla med g.yo ba med pas na/ /mthar ni gang yang dmigs su med/ /chos kyi rang bzhin thams cad dang / /de kho na yi mtshan nyid ni/ /gdags su rung ba ma yin te/ /chos nyid rnams ni stong phyir ro/ /theg pa 'di dang go cha 'di/ /lam 'di bstan du med pa yin/ /chos rnams rang bzhin ji lta ba/ /de yi rang bzhin de bzhin no/ /chos rnams dag ni thams cad la/ /mtshan nyid rang bzhin med pa'i chos/ /nga yis mdor ni bstan pa yin/ /chos rnams thams cad dag la ni/ /rang bzhin mtshan nyid thams cad kun/ /ji ltar ngas ni bshad pa bzhin/ /mthar ni yod par mi 'gyur ro/ /theg pa 'di dang lam 'di dang / /</font><hr>79.119b<br><font size=+1>

go cha'i rang bzhin mtshan nyid la/ /tshig gis brjod pa rab bsal nas/ /mthar ni dmigs par 'gyur ma yin/ /tshig ni yod pa ma yin phyir/ /ngo mtshar rab tu gyur pa yin/ /tshig gi brjod pa de dag la/ /dag gi mtshan nyid yod ma yin/ /chos rnams dag ni gzhal du med/ /mchog dang kun du gzhal du med/ /thams cad dpag tu med pas na/ de phyir chos ni bla na med/ /theg pa 'di dang go cha 'di/ /lam 'di yang ni de bzhin du/ /mtshan ma med pa de dag la/ /de ltar rjes su 'jug par bya/ /sems can rnams ni kun gyis kyang / /yongs shes nan tan bsgrub pa dang / /myur du chos snang thob bya'i phyir/ /de phyir ngas ni de skad bstan/ /chos rnams la ni tshig med pas/ /thams cad brjod du med pa yin/ /chos rnams de dag kun la ni/ /thams cad rjes su 'jug par bya/ /chos la tshig ni med pa'i phyir/ /de yi rjes su 'brang bar bya/ /spyod kyang spyad pa cung zad med/ /tshol ba med cing mos tshol med/ /'gro ba med pas rjes su 'brang / /de ltar rjes su gang 'brang ba/ don la so sor rtog mi byed/ /khyod kyis yang dag bden pa'i don/ /thams cad rjes su 'brang bar bya/ /sgra rnams dang ni tshig gi ni/ /rjes su 'jug par mi bya'o/ /sgra rnams dang ni tshig dag gi/ /rjes su gal te mi 'jug na/ don gyi rjes su 'brang byed pas/ /'di ni don tshol zhes kyang bya/ /don ces bya ba gang zhe na/ /gsang ste gsungs par rig par bya/ /rnam rtog med la yid ches pas/ /don de'i rjes su 'brang bar bya/ /don de gsal bar rab rtogs na/ /gsang ste gsungs pa de dag la/ /'dzin med zhen pa med pa dang / /'brang dang rjes su 'jug mi 'gyur/ /gal te rjes su 'brang byed na/ /mngon shes rjes su 'brang bar byed/ /gal te</font><hr>79.120a<br><font size=+1>

rjes su mi 'brang na/ /thams cad rjes su 'jug mi 'gyur/ /yang dag dran pa de dbang gis/ /rjes su 'jug pa spong bar byed/ /byang chub dang ni 'khor ba dang / /gnyis ga yang ni mtshungs mi ldan/ /de la bsam par mi byed pas/ /bsam med yang dag dran pa yin/ /bsam pa yongs su dag pa'i phyir/ /rnam par dag pa zhes bya'o/ /'di dang tha dad sgrub byed na/ /bla med chos ni spong bar 'gyur/ /khyod kyis don de dag la ni/ /ji skad bstan bzhin bsgrub par bya/ /gal te tshig gi rjes 'brang na/ /de ni sgra yi rjes 'brang bas/ /de las yang dag mi 'da' zhing / /'jig rten chos dang mtshungs par 'gyur/ /sgra dang tshig 'bru yi ge rnams/ /de dag rjes su 'jug mi bya/ /yang dag don ni rtogs byas te/ /bgrod pa med pas rjes 'brang bya/ /yang dag don la sgra yang med/ /tshig 'bru yi ge yod ma yin/ /tshig las yang dag 'das pa'i phyir/ /yang dag don ces bya ba yin/ /don de'i rjes su 'brang byed kyang / /rjes su 'brang ba ci yang med/ /'brang bar bya ba zhi ba'i phyir/ /yang dag don ces bya ba yin/ /yang dag don ni de dag la/ /'brang ba med pa 'brang med pas/ /de ni phyir ldog mi 'gyur zhing / /go cha spong bar mi byed do/ /go cha chen po theg chen dang / /lam chen rjes su gang 'brang ba/ /bde ba'i gnas su bgrod byas nas/ /sems can rnams la phan byed 'gyur/ /rab tu bde ba'i chos 'di dag /ngas ni khyod la rab tu bshad/ /khyod don rjes su 'brang byed na/ /khyod kyi the tshom chad par 'gyur/ /theg pa 'di la gang zhon pa/ /zhon nas rab tu bgrod byed na/ /byang chub chen por myur phyin nas/ /bla med sangs rgyas mngon sum byed/ /theg pa mchog tu gyur pa 'di/ /bzhon byed gang yin myur zhon byed/ /lam</font><hr>79.120b<br><font size=+1>

dang go cha chen po yi/ /don dag kyang ni de bzhin no/ /bla na med pa'i chos 'di la/ /nan tan gyis ni gang sgrub pa/ /sems can de dag thams cad la/ /sangs rgyas rnams kyis dgongs par 'gyur/ ma 'ongs 'jig pa'i dus kyi tshe/ /khyod kyis chos 'di rab phye nas/ /sems can rnams la rgya cher ni/ /phan pa dag ni rab tu byos/ /ma 'ongs 'jig pa'i dus kyi tshe/ /gal te chos 'di rab phye nas/ /bla med bsod nams skye 'gyur bas/ /de yi grangs ni gzhal mi nus/ /blo gros mtha' yas byang chub sems dpa' sems dpa' chen po rnams kyis bgos pa'i go cha gang yin pa de ni rgyal po chen po zhes bya'o/ /dpag tu med pa'i rgyal po zhes kyang bya'o/ /bkod pa chen po dang ldan pas bzhon pa'i theg pa zhes kyang bya'o/ /ded dpon chen po zhes kyang bya'o/ /dpag tu med pa'i 'od ces kyang bya'o/ /bkod pa dam pa dang ldan pa bgrod par bya ba'i lam zhes kyang bya'o/ /bkod pa tshad med pa'i tshogs shes kyang bya'o/ /thabs tshad med pa'i tshogs shes kyang bya ste/ lam 'di'i dbang gis skyes bu dam pa rnams bla na med pa yang dag par rdzogs pa'i byang chub la rab tu gzhol bar bya'o/ /gzhan yang blo gros mtha' yas sngon 'das pa'i dus kyi bskal pa tshad med cing grangs med pa'i yang ches grangs med pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba kha lo sgyur ba/ lha dang mi rnams kyi ston pa/ sangs rgyas bcom ldan 'das tsan dan spos kyi 'od zer zhes bya ba 'jig rten du byung ste/ bskal pa'i ming ni glog gi 'od ces bya'o/ /'jig rten gyi khams ni rab tu snang ba zhes bya ste/ de'i tshe</font><hr>79.121a<br><font size=+1>

zhing de sa gzhi lag mthil ltar mnyam zhing mi gtsang ba rnam pa sna tshogs dang / gyo mo dang / gseg ma dang / tsher ma dang / sdong dum la sogs pa med de gser dang / dngul gyi bye ma gcal du bkram pas 'jig rten gyi khams de gang gis mthong ba rab tu dga' bar gyur to/ /de'i tshe gling bzhi po rnams yangs shing rgya che bas thams cad kyang dpag tshad 'bum phrag gnyis gnyis kyis 'khor bar gyur te/ gling re re na yang grong khyer chen po bzhi khri brgyad stong yod de/ grong khyer re re'i tshad kyang zheng du dpag tshad bcu dang / srid du dpag tshad bcu gnyis yod de/ tha ma'i ra ba yang shin du mtho zhing bkod pa dang ldan par gyur to/ /grong khyer re re na yang mi bye ba phrag brgyad brgyad gnas te/ de yang grong rdal khri dang / bskyed mos tshal stong gis bskor nas rab tu brgyan par gyur to/ /gzhan yang zhing khams de na me tog gi ljon shing dang / 'bras bu'i ljon shing dang / spos kyi ljon shing dang / gos kyi ljon shing dang / ro mchog tu gyur pa'i ljon shing dang / rdo rje'i ljon shing rnam pa sna tshogs kyis bkod pa dang / rdzing dang rdzing bu dang / chu mig dang / 'bab chu rnams kyang g.yas g.yon gyi 'gram drang zhing mdzes pa dang / yon tan brgyad dang ldan pa'i chus rab tu gang ba dang / de na me tog ud pal dang / pad ma dang / ku mu da dang / pad ma dkar po kha dog sna tshogs kyi 'od dang ldan pas kun du khyab par gyur to/ /de bzhin gshegs pa tsan dan spos kyi 'od zer de'i sku'i tshe'i tshad ni lo bye ba khrag khrig phrag drug bcu rtsa brgyad thub par gyur to/ /nyan thos kyi 'khor ni bye ba khrag khrig phrag drug bcu mnga' bar gyur to/ /de'i tshe mi rnams byad bzhin spug cing mdzes pa dang / rab tu bde ba dang ldan pa dang / 'dod chags dang / zhe sdang</font><hr>79.121b<br><font size=+1>

dang / gti mug srab pas gdul sla ba dang / cung zad tsam zhig bshad cing bstan pas kyang chos rnams kyi rang bzhin gyi mtshan nyid yongs su shes par gyur to/ /blo gros mtha' yas gzhan yang de'i tshe 'khor los sgyur ba'i rgyal po don thams cad grub pa zhes bya ba rin po che sna bdun dang ldan pa/ gling bzhi pa rnams skyabs su dong ba zhig byung ste/ 'dzam bu'i gling de na grong khyer chen po chu zhing du dpag tshad bzhi bcus 'khor ba zhig yod de/ mis rab tu gang ba/ bde zhing 'byor pa dang ldan pa/ grong khyer gyi nang du dpag tshad lnga tshun chad rin po che sna bdun gyis gcal du bkram pa/ shing ta la mchog rnams kyang dril bu g.yer ka spyangs shing gser yang dag pa'i dra bas g.yogs pa dag gis kun du gang bar gyur to rgyal po de'i pho brang ni bai dUr+ya 'ba' shig las byas shing zheng du dpag tshad gcig yod de/ ngos bzhi na ka ba stong stong yod do/ /pho brang gzhal med khang de'i steng na yang khang pa brtseg ma shin du mtho zhing rin po che sna tshogs kyis rab tu brgyan pa stong yod do/ /pho brang gzhal med khang de'i mdun na spos kyi rdzing chen po shin du dang ba zhig yod do/ /de'i nye 'khor na gzhan yang spos kyi 'od dang ldan pa'i rdzing bu phra mo rin po che sna bdun las mngon par grub pa bcu drug yod de/ de dag gis mtha' ma 'khor bar bskor to/ /rdzing bu re re las kyang 'bab chu dag rab tu 'bab pas de las dper na rol mo mang po byas pa lta bu'i sgra snyan pa dag byung bar gyur to/ /rdzing bu phra mo re re la yang lam stegs brgyad brgyad yod do/ /spos kyi 'od kyi rdzing chen po ni lam stegs sum bcu rtsa gnyis yod de/ lam stegs thams cad kyang gser 'ba' shig las mngon par grub pa/ rin po che'i shing ljon pa phreng du dkrigs pa/ rin po che'i dra bas g.yogs</font><hr>79.122a<br><font size=+1>

pa/ spos mchog dam pa'i dris grong khyer kun du gang bar byed pa'i phyir rdzing de dag spos kyi 'od ldan zhes bya'o/ /blo gros mtha' yas 'khor los sgyur ba'i rgyal po de la btsun mo bzhi yod de/ dpag med spos dang / legs pa'i dbyangs dang / dam pa sna tshogs kyi dbyangs dang / ngang pa'i rgyal po lta bu'i dbyangs shes bya ba dag yin no/ /btsun mo re re la yang bu gnyis gnyis yod de/ gdon mi za ba'i mchog dang / bzang po'i mchog dang / klu'i mchog dang / mchog gi dbyangs dang / dam pa'i dbyangs dang / tshangs pa'i dbyangs dang / mchog gi sprin dang / sprin gyi dbyangs shes bya ba dag yin no/ /de la slas ni 'bum phrag drug yod de/ bu ni stong phrag bcu yod do/ /de'i tshe rgyal po'i pho brang gi nang du 'khor rnams lhan cig tu dga' ba myong zhing rtse ba las nam mkha' las de bzhin gshegs pa'i sku shin tu mdzes pa zhig mthong ngo / de nas de bzhin gshegs pa des rgyal po de la 'di skad ces bka' stsal to/ /kye rgyal po chen po bla na med pa'i go cha bgos te/ bla na med pa'i theg pa la zhon nas/ bla na med pa yang dag par rdzogs pa'i byang chub la gzhol zhing sems can rnams la shes rab kyi sman gtang bar bya'i/ lha dang mi'i 'dod pa'i yon tan lnga po dag la mngon par zhen par mi bya'o/ /go cha chen po 'dis ni bla na med pa'i bde ba yongs su sdud par byed do/ /bla na med pa'i theg pa 'dis kyang skye dgu rnams bla na med pa'i bskyed mos tshal du rab tu 'dren par byed de/ gang gis der zhugs pas de dag ni phyir ldog par mi 'gyur ro/ /lha dang mi thams cad kyi 'dod pa rnams pa sna tshogs mi rtag pa/ rnam par 'jig cing yongs su 'gyur ba'i chos can/ mthu yun ring du mi</font><hr>79.122b<br><font size=+1>

gnas pa/ de ma thag tu 'gag pa'i chos can yin no zhes gsungs so/ /blo gros mtha' yas de'i tshe rgyal po chen po don thams cad grub pas de skad ces bka' stsal pa thos pa dang / de bzhin gshegs pa de la 'di skad ces gsol to/ /su zhig go cha chen po de lta bu rab tu ston par bgyid/ go cha de ji lta ba bzhin du rab tu bgo bar bgyi'o/ /su zhig theg pa chen po de lta bu rab tu ston par bgyid/ theg pa chen po de ji lta ba bzhin du de la 'tshal par bgyi'o/ /su zhig lam chen po de lta bu rab tu ston par bgyid/ lam chen po de ji lta ba bzhin du rab tu gzhol bar bgyi'o/ /de skad ces gsol pa dang / de'i tshe de bzhin gshegs pa des rgyal po chen po de la 'di skad ces bka' stsal to/ /kye rgyal po 'di ltar shes par gyis shig /de bzhin gshegs pa tsan dan spos kyi 'od zer zhes bya ba yod kyis rgyal po de'i thad du song shig dang / rgyal po chen po la ji ltar go cha chen po bgos pa dang / theg pa chen po la zhon pa dang / lam chen po la gzhol bar bya ba'i chos de yang dag par ston par 'gyur ro/ /de nas de bzhin gshegs pa des de skad ces bka' stsal nas mi snang bar gyur to/ /blo gros mtha' yas de'i tshe rgyal po chen po don thams cad grub pa dngos po de lta bu mthong ba dang // ba spu zing zhes byed nas ngo mtshar gyi bsam pa dang / 'jigs pa'i sems skyes pas lha dang / mi'i 'dod pa'i bde ba sna tshogs la mos shing 'dus byas thams cad la yongs su skyo bar gyur nas go cha chen po dang / theg pa chen po dang / lam chen po yongs su gnyer ba'i phyir rgyal bu brgyad dang / btsun mo bzhi dang / bu gzhan rnams dang / slas dang / g.yog 'khor rnams dang lhan cig tu</font><hr>79.123a<br><font size=+1>

de bzhin gshegs pa tsan dan spos kyi 'od zer ga la ba de logs su dong ngo / der phyin pa dang / 'khor dang bcas te gus pas bcom ldan 'das de'i zhabs la mgo bos gtugs te phyag byas nas rin po che sna bdun gyi me tog rnam pa sna tshogs brgya stong du mas de bzhin gshegs pa dgra bcom pa yang dag par rdzogs pa'i sangs rgyas la mngon par gtor to/ /gzhan yang na bza' tshad med pa snyed de de bzhin gshegs pa dang / nyan thos kyi dge bdun rnams la phul lo/ /gzhan yang bde ba'i yo byad thams cad kyis lo stong phrag bcu'i bar du bsnyen bkur ba dang / rim gro dang / mchod pa byas so/ /de'i 'og tu rgyal thabs spangs nas 'khor dang bcas de/ de bzhin gshegs pa tsan dan spos kyi 'od zer gyi gsung rab las rab tu byung ngo / blo gros mtha' yas de bzhin gshegs pa tsan dan spos kyi 'od zer des dge slong don thams cad grub pa dang / 'khor rnams kyi mos pa'i bsam pa thugs su chud nas go cha'i bkod pa dang / theg pa chen po'i bkod pa gang yin pa rnam par phye ste/ de dag la yang dag par bstan to/ /de dag gis thos par gyur pa dang / shin tu brtan pa'i sems bskyed nas chos zab mo'i phyir ji srid 'tsho'i bar du lus drang por bsrang ste/ nan tan gyis nur ba med par bsgoms pa dang / rtag tu de bzhin gshegs pa la brten pas 'jig rten pa'i 'dod pa thams cad kyis mi g.yos pa'i yid la byed pa thob par gyur to/ /blo gros mtha' yas de'i tshe de bzhin gshegs pa des dge slong don thams cad grub pa la bka' stsal pa/ rigs kyi bu deng khyod go cha chen po bgos nas theg pa chen po la zhon te/ lam la yang dag par</font><hr>79.123b<br><font size=+1>

gzhol bar byed na lam 'di'i dbang gis thams cad mkhyen pa'i ye shes dang mtshungs pa med pa'i ye shes mngon par 'grub par 'gyur gyis khyod kyis tshul bzhin du nan tan brtson 'grus kyis bsgom par bya'o/ /de skad ces bka' stsal pa dang / dge slong don thams cad grub pa des de bzhin gshegs pa tsan dan spos kyi 'od zer la 'di skad ces gsol to/ /bcom ldan 'das bdag gis ni da ltar go cha zhes bgyi ba'i chos yang dag par rjes su ma mthong / go cha bgos par bgyid pa yang yang dag par rjes su ma mthong / go cha bgos nas bgrod par bgyid pa'i phyogs kyang yang dag par rjes su ma mthong ngo / /go cha bgos pa'i gnas kyang yang dag par rjes su ma mthong lags so/ /bcom ldan 'das bdag gis ni theg pa zhes bgyi ba'i chos kyang yang dag par rjes su ma mthong / theg pa chen po la bzhon par bgyid pa yang yang dag par rjes su ma mthong / theg pas bgrod par bgyid pa'i phyogs kyang yang dag par rjes su ma mthong / theg pa chen po la 'tshal ba'i gnas kyang yang dag par rjes su ma mthong lags so/ /bcom ldan 'das bdag gis ni lam zhes bgyi ba'i chos kyang yang dag par rjes su ma mthong / lam 'di'i dbang gis gzhol bar gyur pa dang / gzhol bar 'gyur ba dang / gzhol bar bgyid pa yang yang dag par rjes su ma mthong / lam gyis bgrod par bgyi ba'i phyogs kyang yang dag par rjes su ma mthong / lam gyis gnas kyang yang dag par rjes su ma mthong lags so/ /bcom ldan 'das bdag gis ni bla na ma mchis pa yang dag par rdzogs pa'i byang chub la thag ring ba zhes bgyi ba 'am/ thag nye bar bgyi ba 'am/ 'das pa dang / ma 'ongs pa dang / da ltar</font><hr>79.124a<br><font size=+1>

byung ba zhes bgyi ba yang dag par mi dmigs shing yang dag par rjes su ma mthong lags so/ /bdag de ltar rnam par lta ba na chos cung zad tsam yang rnyed par bgyi ba 'am mngon du bgyi ba yang dag par ma mthong lags so/ /bdag la ni mngon du bgyi ba ci yang ma mchis na/ bcom ldan 'das ci'i slad du bdag la go cha chen po bgos nas theg pa chen po la zhon te lam la yang dag par gzhol bar byed dam zhes bka' stsal lags/ bcom ldan 'das ni thams cad mkhyen pa/ thams cad gzigs pa lags pas ji ltar bdag cag la sogs pas chos las mngon par bsgrub par bgyid pa ni de bzhin gshegs pa nyag gcig gis thugs su chud kyi/ nyan thos dang / rang sangs rgyas rnams kyi spyod pa la ni ma lags so zhes gsol to/ /blo gros mtha' yas dge slong don thams cad grub pas de bzhin gshegs pa de'i spyan sngar de skad smras pa'i tshe dang 'khor dang bcas pa thams cad kyis byang chub sems dpa' mi skye ba'i chos la bzod pa thob par gyur to/ /chos kyi bzod pa thob pa'i phyir thams cad phyir mi ldog pa thob par gyur to/ /de nas de bzhin gshegs pa tsan dan spos kyi 'od zer gyis kyang khyod bskal pa grangs med pa lnga brgya 'das nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan to/ /de dag gis lung bstan pa thos pas rab tu dga' bar gyur nas nam mkha' la ta la bdun tsam du 'phags te/ de bzhin gshegs pa la tshigs su bcad de mngon par bstod pa/ /grags pa chen po chad med pas/ /ri rgyal bzhin du mngon par 'phags/ /bcom ldan thams cad mkhyen pa yis/ /</font><hr>79.124b<br><font size=+1>

yon tan rnams ni ston par mdzad/ /sangs rgyas spyan ni gsal gzigs bas/ /nyi ma bzhin du snang bar mdzad/ /gtso bo 'khor 'dus bzhugs pa yi/ /zhabs la bdag ni phyag 'tshal lo/ /yon tan tshogs ni tshad med cing / /sangs rgyas mkhyen pa yongs rdzogs pas/ /bdag la sogs pas sangs rgyas kyi/ /bla med ye shes thob par 'gyur/ /bla med snang ba chen po yis/ /lha mi ma lus gsal mdzad pas/ /chos kyi gter ni rab phye nas/ /yon tan rgya mtsho dpag med ston/ /mkhyen pa rtag tu mi nyams shing / /yang dag sangs rgyas nyon mongs spangs/ /shes rab 'od ldan brtson 'grus che/ /yon tan zab la bdag phyag 'tshal/ /klu chen bkod pa chen po ste/ /mtshan mang dag gis sku rab brgyan/ /bzhugs pa dag ni ri rab 'dra/ /'khor bzhugs dpe zla yong ma mchis/ /'jig rten 'dren pa rab mdzad pas/ /lha min 'khor ni zil gyis gnon/ /chos ston pa la bsnyengs mi mnga'/ /skyes mchog la ni bdag phyag 'tshal/ /bcom ldan thub pa chen po ni/ /yon tan dpag med mtsho lags pas/ /bdag cag chos mig rnam par phye/ /bdag cag go cha rab tu bkon/ /bdag cag dus ni thams cad du/ /theg pa che la rab 'tshal nas/ /rtag tu lam mchog 'di dag la/ /gzhol bgyid gzhan du mi mchi'o/ /thub pa chen po dpa' bo'i gtso/ /chos rnams thams cad thugs su chud/ /'jig rten dag na lhag ma mchis/ /bdag cag srog phyogs skyabs su mchi'o/ /blo gros mtha' yas de bzhin gshegs pa dgra bcom pa yang dag par rdzogs pa'i sangs rgyas tsan dan spos kyi 'od zer des chos 'di bstan pas/ sems can tshad med grangs med pa rnams yongs su smin</font><hr>79.125a<br><font size=+1>

par mdzad do/ /dge slong don thams cad grub pa de phyin cad 'khor dang bcas te/ sangs rgyas bcom ldan 'das tshad med grangs med pa snyed la rim gro dang / mchod pa byas pas bskal pa grangs med pa lnga brgya 'das nas bla na med pa yang dag par rdzogs pa'i byang chub mngon par rdzogs par sangs rgyas par gyur te/ mtshan yang de bzhin gshegs pa spyod yul dpag tu med pa las yang dag par 'das pa'i rgyal po zhes bya bar gyur to/ /sangs rgyas de'i zhing gi yon tan dang / chu zhing gi mtshan nyid kyang de bzhin gshegs pa dgra bcom pa yang dag par rdzogs pa'i sangs rgyas tsan dan spos kyi 'od zer gyi zhing khams rab tu snang ba dang tha dad pa med par gyur to/ /nyan thos rnams kyi grangs kyang tshad med par gyur to/ /rgyal po'i btsun mo dang / rgyal bu dang 'khor rnams kyang bskal pa grangs med pa lnga brgya 'das nas bla na med pa yang dag par rdzogs pa'i byang chub mngon par rdzogs par sangs rgyas par gyur to/ /blo gros mtha' yas byang chub sems dpa' sems dpa' chen po rnams ni go cha chen po bgos pas theg pa chen po la zhon te/ lam 'di chos kyi sgron ma chen po bzung nas chos kyi snang ba chen po byed pa dang / chos kyi 'od zer chen po 'gyed pa dang / chos kyi rgyal mtshan chen po bsgreng ba dang / chos kyi rnga chen po rdung ba dang / chos kyi gru chen por zhugs nas chos chen po yongs su bsdus te/ rab tu gzhol bar byed pa dang / skyes bu dam pa'i rnam par rtsen pas rnam par rtse ba dang / chos kyi char gyis sems can rnams tshim par byas nas rab tu dga' bar byed pa dang / nan tan brtson 'grus kyis bla na med pa yang dag par</font><hr>79.125b<br><font size=+1>

rdzogs pa'i byang chub la rab tu gzhol bar byed do/ /blo gros mtha' yas byang chub sems dpa' sems dpa' chen po rnams lam 'di la gnas pa'i tshe chos kyi snang ba chen po 'thob par 'gyur te/ snang ba 'thob par 'gyur ba'i phyir rten cing 'brel bar 'byung ba'i chos thams cad rang bzhin gyis gzod ma nyid nas stong pa dang / rang bzhin gyis mtshan ma med pa dang / rang bzhin gyis 'byung ba med par mthong bas gzugs la gzugs nyid du mi mthong ste/ tshor ba dang 'du shes dang 'du byed dang rnam par shes pa la yang de bzhin no/ /rnam par shes pa la yang rnam par shes pa nyid du mi mthong bas rnam par shes pa tha dad pa'i rkyen las 'byung ba dang / rnam par shes pa'i mtshan nyid rang bzhin gyis gzod ma nyid nas stong pa dang / rang bzhin gyis mtshan ma med pa dang / rang bzhin gyis 'byung ba med de rgyu rkyen mang por gtogs pa tsam yin pa rab tu rtogs so/ /rgyu rkyen 'dus par mthong ba na rgyu rkyen nyid kyang stong pa dang / mtshan ma med pa dang / 'byung ba med par rab tu shes so/ /de ltar mthong ba'i tshe mig la mig nyid du mi lta ste/ rna ba dang / sna dang / lce dang / lus dang / yid la yang de bzhin no/ /yid la yang yid nyid du mi mthong bas yid tha dad pa'i rkyen las byung ba dag yid kyi mtshan nyid rang bzhin gyis gzod ma nyid nas stong pa dang / rang bzhin gyis mtshan ma med pa dang / rang bzhin gyis 'byung ba med par rab tu rtogs so/ /sa'i khams dang / chu'i khams dang / me'i khams dang / rlung gi khams dang / nam mkha'i khams dang / 'dod pa'i khams dang / gzugs kyi khams dang / gzugs med pa'i khams kyi bar la yang byed pa med pa dang / myong</font><hr>79.126a<br><font size=+1>

ba med par rab tu shes so/ /chos cung zad tsam la yang chos cung zad tsam du mi mthong ste/ tha dad pa'i rkyen las byung zhing rgyu dang rkyen mang por gtogs pas rang bzhin gyis mtshan ma med pa dang / rang bzhin gyis 'byung ba med pa zhes bya'o/ /rten cing 'brel bar 'byung ba nyid kyang stong pa dang / mtshan ma med pa dang / 'byung ba med par rab tu shes so/ /blo gros mtha' yas 'di ni byang chub sems dpa' sems dpa' chen po rnams lam de la gnas pa'i tshe rten cing 'brel bar 'byung ba la so sor rtog par byed pa yin te/ de ltar brtags pas shes rab kyis rten cing 'brel bar 'byung ba'i de kho na nyid kyi mtha' mngon sum du rtogs par 'gyur te/ chos kyi snang ba de dag thams cad kyi dbang gis de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad dang / byams pa chen po dang / snying rje chen po dang / dga' ba chen po dang / btang snyoms chen po nas sangs rgyas kyi chos ji snyed pa thams cad kyi bar rnams kyang myur du yongs su rdzogs par byed do/ /de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' 'jigs med pas/ /de ltar gnas pa med pas na/ /chos kyi snang chen rab byas nas/ /shes pa dam pas gzhol bar byed/ /chos chen rgyal mtshan 'dzugs byed pas/ /rgyal mtshan 'di ni bla na med/ /sangs rgyas chos ni thams cad la/ /yang dag dran pas gzhol bar byed/ /shes rab legs par rnam par rtsen/ /chos kyis sems can sbyin pa gtong / /chos chen char ni rab 'bebs shing / /'jigs pa med pas gzhol bar byed/ /de ltar</font><hr>79.126b<br><font size=+1>

byang chub sems dpa' rnams/ /chos kyi snang chen thob pas na/ /yang dag pa yi chos dag la/ /dpa' bos legs par gnas par byed/ /chos kyi snang ba de dbang gis/ /chos rnams thams cad rtogs par byed/ /rkyen ni mang las byung ba'i phyir/ /thams cad brtan bden gang yang med/ /chos rnams rang bzhin nyid kyis stong / /rang bzhin nyid kyis mtshan ma med/ /rang bzhin nyid kyis skye ba med/ /rang bzhin nyid kyis ngo bo med/ /chos rnams rkyen ni mang po dag /lhan cig 'dus las byung ba yin/ /rkyen ni mang po 'dus pa'i phyir/ /rang bzhin gyis ni med pa yin/ /byang chub sems dpa'i rkyen rnams la/ /so sor rtog pas stong par rig /rkyen rnams rang bzhin gyis stong pas/ /rang bzhin gyis ni mtshan ma med/ /skye ba dag ni yod ma yin/ /bya ba dag kyang yod pa min/ /de ltar so sor gang rtogs pa/ /chos la nan tan sgrub par byed/ /rten 'brel ngo bo nyid med phyir/ /rkyen rnams kyang ni rkyen ma yin/ /de ltar tshul bzhin gang rtog pa/ /chos rnams thams cad shes par 'gyur/ /gzugs dang tshor ba 'du shes dang / 'du byed rnam shes de bzhin rtog /rgyu dang rkyen ni mang po las/ /phung po rnams ni byung ba yin/ /phung po yang dag med pas na/ /rang bzhin ngo bo nyid kyis stong / /ngo bo stong phyir mtshan ma med/ /thams cad skye ba gang yang med/ phung po rnams ni mtshan ma spangs/ /mtshan ma spangs pas skye ba med/ /skye ba med pas 'gag pa med/ /phung po mtshan nyid de 'dra'o/ /mtshan med mi bden mtshan mar mthong / /mtshan ma de ni gang las yod/ /chos rnams ngo bo nyid med phyir/ /phung po 'di yang rang bzhin med/ de bzhin khams dang skye mched</font><hr>79.127a<br><font size=+1>

kyang / /thams cad rkyen las byung bas na/ /rang bzhin ngo bo nyid kyis stong / /mtshan ma med cing ngo bo med/ /chos rnams dag ni thams cad la/ /chos kyi ngo bo mi dmigs par/ /chos rnams thams cad gang shes pa/ /de ni don sems pa zhes bya/ /'dod dang gzugs dang gzugs med khams/ /thams cad rkyen las byung bas na/ /rang bzhin ngo bo nyid kyis stong / /mtshan ma med cing ngo bo med/ /'di la rtog pa'i ye shes de/ /ji ltar yul de shes par 'gyur/ /ye shes 'di dang yul de dag /rang bzhin rtag tu spangs pas na/ /skye ba dang ni rkyen mang po/ /'di gnyis la yang byed pa med/ khyed med de ltar gang shes pa/ /de ni yang dag mtshan nyid yin/ /mtshan nyid med kyang mtshan nyid bshad/ /byang chub sems dpa' des zhugs kyang / /mtshan nyid mtshan nyid med par yang / /rnam par rtog par mi byed do/ /de ltar rab tu gang shes pa/ /yang dag mtshan nyid mthong bas na/ /chos rnams kyi ni dbyings dag la/ /chos kyi 'du shes cung zad med/ /chos rnams dang ni chos kyi dbyings/ /'di gnyis la yang mtshan ma med/ /chos rnams mtshan ma spangs pas ni/ /chos kyi dbyings shes bshad pa yin/ /chos kyi dbyings shes gang bshad pa/ /dbyings med dbyings med pa yang min/ /chos kyi dbyings shes rab bstan kyang / /yang dag par ni dmigs su med/ /don 'di rab tu sems pa'i tshe/ /dmigs su med par mi sems shing / rnam rtog rnams ni spangs pa'i phyir/ /chos kyi snang chen thob par 'gyur/ /chos rnams rang bzhin med pa'i phyir/ /snang ba la yang rang bzhin med/ /de ltar so sor rtog pa'i phyir/ /chos kyi snang ba thob pa yin/ /rtog med ye shes mi mthong zhing / /lta ba</font><hr>79.127b<br><font size=+1>

'di yang mi mthong ba/ /chos rnams mi bden mthong ba'i phyir/ /'di la rtog par byed ces bstan/ /chos kyi snang ba bsam mi khyab/ /mtha' med cing ni tshad kyang med/ /chos rnams stong par mthong bas na/ /rnam par mi rtog pa zhes bshad/ /chos rnams dang ni mtshan nyid rnams/ rtag tu thob dang 'jug med pa'i/ /rnam dag chos sgra 'di thos nas/ /dga' ba chen po rab tu bskyed/ /gal te chos ni skye med dang / /rtag tu rnam rtog med pa yi/ /rnam dag chos sgra 'di thos nas/ /rab dben bde ba thob par 'gyur/ /gal te ma 'ongs dus kyi tshe/ /bla med chos ni thos gyur na/ /sems can de dag yun ring nas/ /yon bsags pa yang bshad par bya/ /gal te ma 'ongs dus kyi tshe/ /bla med chos 'di thos gyur na/ /de nas yang dag chos 'di la/ /myur bar kho nar gzhol bar 'gyur/ /bam po lnga pa/ /gzhan yang blo gros mtha' yas byang chub sems dpa' sems dpa' chen po rnams ni de ltar chos thams cad la so sor rtag tu rtog par byed pa'i tshe chos rnams la chos kyi snang ba thob pas stong pa nyid la stong pa nyid du mi blta'o/ /stong pa nyid las logs shig na yang stong pa nyid du mi blta'o/ /chos 'ga' tsam yang stong pa nyid dang mtshungs par ldan pa 'am/ mtshungs par mi ldan par yang dag par rjes su mi blta'o/ /stong pa nyid kyis stong pa nyid stong pa 'am mi stong par yang yang dag par rjes su mi blta'o/ /lta ba nyid kyis chos thams cad la lta bar yang mi byed do/ /de ltar lta ba'i tshe mtshan ma med pa la mtshan ma med par yang dag par rjes su mi blta'o/ /mtshan ma med pa las logs shig na yang mtshan ma med par yang dag par rjes su mi blta'o/ /</font><hr>79.128a<br><font size=+1>

chos 'ga' tsam yang mtshan ma med pa dang mtshungs par ldan pa 'am mtshungs par mi ldan par yang dag par rjes su mi blta'o/ /mtshan ma med pas mtshan ma med par yang dag par rjes su mi blta'o/ /mtshan ma dang bcas pas mtshan ma dang bcas pa'i lta ba dang / mtshan ma med pa'i lta ba dang / mtshan ma med pa ma yin pa yang ma yin pa'i lta bar yang dag par rjes su lta bar mi byed de/ skye ba med pa dang / byed pa med pa la yang de bzhin no/ /zad pa la yang zad par yang dag par rjes su mi blta'o/ /zad pa las logs shig na yang zad par yang dag par rjes su mi blta'o/ /chos 'ga' tsam yang zad pa dang mtshungs par ldan pa 'am mtshungs par mi ldan par yang yang dag par rjes su mi blta'o/ /zad pas zad par yang dag par rjes su mi blta'o/ /zad pa la zad pa med par yang yang dag par rjes su mi blta'o/ /zad pa yang ma yin/ zad pa med pa yang ma yin par yang dag par rjes su mi blta'o/ /byang chub sems dpa' sems dpa' chen po rnams de ltar lta ba'i tshe chos cung zad tsam yang bltar yod pa 'am/ bltar med pa 'am/ bstan du yod pa 'am/ bstan du med pa 'am/ 'jug tu rung ba 'am/ 'jug tu mi rung ba 'am/ rtogs par byar rung ba 'am/ rtogs par byar mi rung ba zhes bya ba gang yang mi dmigs te/ blo gros mtha' yas 'di ni byang chub sems dpa' sems dpa' chen po rnams kyi lam 'di la gnas pa'i chos kyi snang ba chen po zhes bya'o/ /chos kyi snang ba thob pa'i phyir chos thams cad la mtha' ci yang med par mthong zhing mtha' dang dbus la yang mngon par zhen par mi byed do/ /mngon par zhen pa med pa'i phyir</font><hr>79.128b<br><font size=+1>

sangs rgyas kyi chos la yang rab tu gzhol bar 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ /stong pa nyid la stong mi lta/ /stong las gud na stong mi lta/ /de lta bur ni gang lta ba/ /stong pa mthong ba zhes bya'o/ /chos 'ga' la yang mi gnas shing / /chos 'ga' tsam yang stong de dang / /mtshungs par ldan dang mtshungs mi ldan/ /gang yang dmigs par mi byed do/ /stong pa nyid ni rang bzhin stong / /stong pa nyid la 'dzin mi byed/ /yongs su 'dzin pa med pa'i phyir/ /chos rnams thams cad shes par 'gyur/ /lta ba dag la len med cing / /so sor rtog la 'dzin mi byed/ /lta dang rtog pa rab shes pas/ /de gnyis len par mi byed do/ /lta ba dag ni rnam dag cing / /rtog pa dag ni mi dmigs par/ /de ltar chos rnams gang rtog pa/ /mthar ni gang yang 'dzin mi byed/ /mtshan ma med par mi lta zheng / mtshan ma med par rtog mi byed/ /mtshan ma med pa dag la yang / /mtshan ma med par sgom mi byed/ /mtshan ma med cing bstan du med/ /smon pa med cing mi dmigs pas/ /chos kyi ngo bo 'ga' tsam yang / /bsgom par bya ba ci yang med/ /mtshan ma med pa mi sems shing / /smon pa med pa'ang sems mi byed/ /de ltar rnam par mi rtog pas/ /mtshan dang mtshan med rab rtogs 'gyur/ /mtshan ma med la mi gzhol zhing / /mtshan ma med la 'jug mi byed/ /gzhol dang 'jug pa med pas na/ /rab rtogs mnyam nyid gnas par 'gyur/ /blo ldan mtshan ma mi mthong zhing / /mtshan ma med pa'ang mthong mi 'gyur/ /gang zhig mi mthong mi sems pa/ /thams cad med par rab tu rtogs/ /gang zhig rtag tu 'di snyam du/ </font><hr>79.129a<br><font size=+1>

bsam med brtan med gang sems pa/ /bsam dang brtan pa dag la ni/ /mnyam dang mnyam par rab tu gnas/ /mtshan ma med pa ji lta ba/ /byas pa med pa'ang de bzhin te/ /rab tu bstan kyang bstan du med/ /bsams nas rab tu rtogs phyir ro/ /skye ba med pa'ang de bzhin du/ /chos 'ga' tsam yang skye ba med/ /rang bzhin ci yang med pas na/ /ngo bo med par rab tu rtogs/ /skye ba dang ni skye ba med/ /byed bcas byed pa med pa yang / /gzung bar bya ba cung zad med/ /blo ldan rnam par rtog mi byed/ /dran dang shes rab g.yo ba med/ /rnam 'byed med par rab rtogs pas/ /ngo bo yod dang ngo bo med/ /mnyam pa ngo bo rnams dang bral/ /zad pa la yang zad mi lta/ /zad pa med par yang mi lta/ /lta ba med par rab rtogs pas/ /zad pa'i ye shes gong na med/ /zad pa dang ni ma zad pa/ /gnyis ga la yang rtog mi byed/ /rnam par rtog pa med pa'i phyir/ /bsam med mnyam par rab tu gnas/ /zad pa la yang zad lta med/ /zad med lta ba'ang yod ma yin/ /de ltar lta ba zad pa'i phyir/ /zad dang ma zad 'dzin mi byed/ /bsam med mnyam par rab tu gnas/ /zad pa la yang zad lta med/ /zad med lta ba'ang yod ma yin/ /de ltar lta ba zad pa'i phyir/ /zad dang ma zad 'dzin mi byed/ /gal te zad dang ma zad la/ /thams cad 'dzin par mi byed na/ /yongs su 'dzin pa med pa'i phyir/ /zad pa'i ye shes gsal rtogs 'gyur/ /zad pa'i ye shes spyod yul ni/ /'jigs pa med pas 'thob par 'gyur/ /chos 'di rab tu rtogs pa'i phyir/ /byang chub sems dpa' bde bar gnas/ /de nas 'khor 'dus pa der byang chub sems dpa' sems</font><hr>79.129b<br><font size=+1>

dpa' chen po blo gros 'phags pa zhes bya ba 'dus par gyur pa stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar te phyag byas nas bcom ldan 'das la 'di skad ces gsol to/ /byang chub sems dpa' sems dpa' chen po rnams kyi chos rnams kyi ye shes yongs su bsdu bar 'tshal ba'i slad du bsgrub pa bskyed pas chos kyi snang ba chen po de thob par 'gyur ba lags kyis kyang chos kyi snang ba de la lta cung zad pa ma mchis te/ chos kyi snang ba'i dbang gis 'dus byas dang 'dus ma byas dang / 'jig rten pa dang / 'jig rten las 'das pa dang / rjes su 'thun pa dang / rjes su mi mthun pa dang / spros pa dang bcas pa dang / spros pa ma mchis pa'i chos thams cad rtogs par gyur pa lags na bcom ldan 'das chos kyi snang ba de byang chub sems dpa' sems dpa' chen po rnams bsgrub pa ma mchis par mthong bar 'gyur ba lta mchis lags sam/ de nas bcom ldan 'das kyis byang chub sems dpa' sems dpa' chen po blo gros 'phags pa la 'di skad ces bka' stsal to/ /blo gros 'phags pa byang chub sems dpa' sems dpa' chen po rnams ni bsgrub pa cung zad kyang med/ khyad par du bsgrub pa yang med/ bsgrub pa'i rjes su 'brang ba yang med/ kun tu khyab par bsgrub pa yang med par chos kyi snang ba chen po dpag tu med pa thob par 'gyur te/ byang chub sems dpa' sems dpa' chen po nyid kyang dmigs su med cing mthong bar mi 'gyur na byang chub sems dpa'i spyod pa mi dmigs shing mthong bar mi 'gyur ba lta smos kyang ci dgos te/ de'i phyir bskal pa</font><hr>79.130a<br><font size=+1>

du mar mngon par bsgrub pas chos kyi snang ba chen po dpag tu med pa 'thob par 'gyur bar lta bar byed do/ /byang chub sems dpa' sems dpa' chen po rnams ni spyod pa thams cad nye bar zhi zhing spyod pa rnam par dag par gyur pas na chos kyi snang ba 'thob pa yin no/ /chos kyi snang ba'i spyod pa ni grangs kyi tshad dang ldan pa'i spyod pa yang ma yin/ mtshan ma'i rjes su 'brang ba'i spyod pa yang ma yin na gang las spyod pa thams cad ces nye bar 'dogs/ mngon par bsgrub pa zhes bya ba ni nye bar 'dod pa'i spyod pa yang ma yin la/ de dang bral ba yang ma yin no/ /blo gros 'phags pa byang chub sems dpa' sems dpa' chen po rnams ni spyod pa 'di la gnas pa'i tshe spyod pa thams cad spong bar byed pas yongs su 'dzin par mi byed do/ /spyod pa 'di dang ldan pa ni grangs kyi tshad dang ldan pa'i spyod pa yang ma yin/ mtshan ma'i rjes su 'brang ba'i spyod pa yang ma yin pas mtshan ma med pa spyod pa med pas chos kyi snang ba chen po 'di thob par 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' spyod med la/ /spyod pa dag ni ci yang med/ /spyod pa med pa gang thob pa/ /'jigs pa med pas gzhol bar byed/ /khyad par sgrub pa yod ma yin/ /kun tu sgrub pa ci yang med/ /spyod med khyad par sgrub med pas/ mnyam pa nyid du gzhol bar byed/ /spyod pa 'di ni bstan du med/ /mtshan ma rnams kyang yod ma yin/ /spyod dang mtshan ma med gyur pa/ /'di ni spyod pa'i mtshan nyid yin/ /byang chub sems dpa' mtshan med spyod/ /dngos po rnams la yongs mi gnas/ /spyod med gnas pa med pas na/ /blo ldan mngon</font><hr>79.130b<br><font size=+1>

par sgrub par byed/ /spyod pa med pas g.yo ba med/ /spyod pa 'di ni bla na med/ /g.yo med spyod la gang spyod pa/ /'bad pas rab tu gzhol bar byed/ /byang chub sems dpa' dmigs su med/ /spyod pa dag ni bltar mi mthong / gzugs kyi lus kyang mi mthong ba/ /'di ni legs par rjes 'brang yin/ /gzugs med kha dog mtshan ma med/ /de phyir spyod pa thams cad med/ /lta ba dag la 'dzin pa med/ 'di ni spyod pa dpe med yin/ /byang chub sems dpa' bla med spyod/ /gdags pa dag tu mi ltung zhing / /rnam par 'gyur ba'ang med pas na/ /de na 'dzin pa ci yang med/ /spyod la gdags pa med pa'i phyir/ /bla med spyod pa zhes bya'o/ /gal te spyod pa 'di thob na/ /chos kyi snang chen 'thob par 'gyur/ /byang chub sems dpa' spyod grub pa/ /tshig med bskal pa'i tshad kyang med/ /bskal pa tshad med snyed du yang / /spyod pa rnams ni ston par byed/ /byang chub sems dpa'i spyod gtsang bas/ /rnam par dag la rab tu gnas/ /spyod pa thams cad spangs pas na/ gzung bar bya ba ci yang med/ /byang chub sems dpa' btang snyoms gnas/ /spyod pa rnams ni srung bar byed/ /spyod pa thams cad spangs pas na/ /btang snyoms la ni rab tu gnas/ /byang chub sems dpa'i spyod dpag med/ /mtha' dang mtha' med rab tu spangs/ /spyod pa de la g.yo med pas/ /spyod pa bla na med ces bya/ /byang chub sems dpa'i mtshan med spyod/ /spyod pa 'di ni bla na med/ /spyod pa 'di ni spyod pa na/ /bdud gyi spyod yul yang dag 'das/ /byang chub sems dpa'i mtshan med spyod/ /mtshan ma med pa gsal rtogs pas/ /mtshan ma dang ni mtshan ma med/ /thams cad la ni rten mi byed/ /byang chub sems dpa' shes 'di gnas/ /spyod pa 'di ni legs par</font><hr>79.131a<br><font size=+1>

grub/ /spyod pa cung zad med pas na/ /spyod pa med pa zhes brjod do/ /byang chub sems dpa' rnam dag pa/ /spyod pa dag la 'jigs pa med/ /yang dag dran pas gzhol byed pas/ /'di ni legs par gnas pa yin/ /de nas bcom ldan 'das la byang chub sems dpa' sems dpa' chen po blo gros 'phags pas 'di skad ces gsol to/ /bcom ldan 'das skyes bu dam pa rnams spyod pa rnam pa du ma mngon par bsgrub par bgyid pa gang lags pa 'di shin du zab pas byis pa so so'i skye bo mtshan ma dang bcas shing mngon par 'du bgyi ba dang bcas pa'i mngon par bsgrub pa dag gis cung zad tsam yang spyod par mi 'gyur ba ni ngo mtshar che lags so/ /bcom ldan 'das chos 'ga' tsam yang spyod pa 'di'i nang du 'jug par 'gyur ba gang yang ma mchis pas de'i slad du spyod pa 'di ni skyes bu dam pa rnams kyi mnyam pa nyid kyi spyod par gyur pa lags so/ /bcom ldan 'das skyes bu dam pa rnams kyi spyod pa gang lags pa de ni tshad ma rnams kyis mtha' dpag par bgyi ba ma lags so/ /de nas de'i tshe byang chub sems dpa' sems dpa' chen po blo gros 'phags pas tshigs su bcad pa 'di dag gis de bzhin gshegs pa la mngon par bstod pa/ /dpa' chen yang dag sangs rgyas te/ /bla med rkang gnyis kun gyi gtso/ /spyod pa zab mo rab bstan nas/ /byang chub sems dpa' phan 'dogs mdzad/ /bcom ldan spobs pa gya nom ba/ /de yi tshad ni dpag par dka'/ /spobs pa dag ni mtha' med pas/ /skyes bu chen po mchog lags so/ /chos rje gtam gyi tshul mkhyen pas/ /des na yang dag ma lus mkhyen/ /byang chub sems dpa' rnams las ni/ /bla med spyod pa 'di rab bshad/ /bcom ldan</font><hr>79.131b<br><font size=+1>

mgon por 'gyur ba yi/ /spyod pa'i thabs ni ston mdzad cing / /spyod pa dag las 'das pas na/ /blo ldan gang zag gzhol bar bgyid/ /klu chen bsam gyis mi khyab pa/ /mkhyen pa'i spyod yul mtha' ma mchis/ /thams cad mkhyen pa rkang gnyis gtso/ /spyod pa dam pa 'di rab phye/ /bcom ldan thub pa mi g.yo ba'i/ /spyod pa dag ni gang phye ba/ /spyod pa 'di ni mi sgul bas/ /de slad dpe med spyod ces bgyi/ /dpa' chen thub pa chen po ste/ /sngon chad bskal pa mang por ni/ /spyod pa dag ni gang bsgrubs pas/ /su yang der ni phyin mi 'gyur/ /byang chub sems dpa' chos ston pas/ /'jig rten dag na gnas bgyid kyang / /rnam pa thams cad mkhyen pa dag /ring por mi thogs 'thob par 'gyur/ /bdag cag sems can snying brtse'i slad/ /ma 'ongs tha ma dus kyi tshe/ /bla na ma mchis chos 'di ni/ /srung zhing rab tu 'dzin par bgyid/ /bdag cag chos 'di thos gyur nas/ /ma 'ongs tha ma dus kyi tshe/ /sems can rnams ni kun gyi slad/ /spyod cing rab tu ston par bgyid/ /bdag cag chos kyi snang ba yis/ /ma 'ongs tha ma dus kyi tshe/ /chos rnams yongs su tshol ba la/ /phan 'dogs chen po rab tu bgyid/ /bdag cag yi dam rab bskyed nas/ /ma 'ongs tha ma dus kyi tshe/ /sems can rnams ni kun gyi slad/ /bsrung ba 'dzin dang 'jog par bgyid/ /bdag cag rtag tu 'di snyam du/ /ma 'ongs tha ma dus kyi tshe/ /sangs rgyas chos mtsho mchod bgyis nas/ /bla med chos ni 'dzin par ston/ /bdag cag chos kyi sde snod kyi/ /skyes bu mchog ni bgyis 'gyur bas/ /chos kyi sgo 'di rab bzung ste/ /bsrungs nas yun rings gnas par smon/ /bdag cag chos kyi chu dag</font><hr>79.132a<br><font size=+1>

la/ /yi dam blangs te rab 'thungs nas/ /chos kyi sgo mo 'di dag la/ /bsrung ba dag ni bgyid 'gyur zhing / /bdag cag chos 'di thos gyur nas/ /ma 'ongs tha ma dus kyi tshe/ /skyes bu chen po rab bgyis nas/ /yang dag chos ni 'dzin par shog /bdag cag srog ni nyams gyur kyang / /bla med chos ni mi spong zhing / /yang dag chos ni 'di dag gi/ /chos 'dzin pa ni bgyid par shog /bdag cag chos 'dzin pa la yang / /chos sems dag ni mi skyed par/ /rab gdung zab mos 'di thos nas/ /nges par 'dod dang 'thun par shog /bdag cag ma 'ongs dus kyi tshe/ /chos rnams yongs su tshol ba la/ /yang dag chos 'di rab bstan nas/ /de dag kun kyang dga' bar bgyid/ /chos kyi mnga' bdag bsam mi khyab/ /skyabs chen dag ni mdzad pas na/ /thugs rjes bdag la byin brlabs te/ /bdag chos 'dzin la dgongs par smon/ /de nas bcom ldan 'das kyis byang chub sems dpa' sems dpa' chen po blo gros 'phags pa la 'di skad ces bka' stsal to/ /blo gros 'phags pa khyod kyis ma 'ongs pa'i dus tha ma la yang dag pa'i chos yongs su gzung ba'i phyir go cha chen po bgos pa ni ji ltar sngon gyi byang chub sems dpa' sems dpa' chen po rnams rgyal ba rnams la mchod pa dang / rim gro byas nas dge ba'i rtsa ba rnams bskyed de/ yun ring por tshangs par spyod pa yang dag par spyad nas go cha chen po bgos te/ sangs rgyas bcom ldan 'das rnams kyi chos bsrung zhing yongs su</font><hr>79.132b<br><font size=+1>

gzung bar 'gyur ba dag dang bye brag tu gyur pa ci yang med pas legs so legs so/ /de nas de'i tshe bcom ldan 'das kyis tshigs su bcad de bka' stsal pa/ /ma 'ongs 'jig pa'i dus kyi tshe/ /khyed kyis chos 'di rab bzung ste/ /sems can rnams la phan gdags phyir/ /chos 'di rnam par dbye bar bya/ /ma 'ongs tha ma dus kyi tshe/ /khyod kyi rgyal ba'i chos zung shig /gal te chos 'di thos gyur na/ /rab tu dga' ba skyed par 'gyur/ /ma 'ongs tha ma dus kyi tshe/ /khyod ni chos 'dzin par 'gyur bas/ /des ni chos zab bshad par bya/ /khyod kyis de bzhin gzung bar gyis/ /gsang ste gsungs pa'i mdo sde dag /khyod thos gyur na yid la zung / /don gyi tshul ni 'di dag la/ /the tshom dag ni med par gyis/ /rnam par nges pa'i don zab dag /khyod thos gyur na yid la zung / /sems can rnams la phan gdags phyir/ /chos kyi gter ni rab zung shig /chos kyi sbyin pa yongs btang nas/ /sems can rnams ni tshim par gyis/ /thos par gyur na lus dang sems/ /kun du khyab par dga' bar 'gyur/ /byang chub sems dpa'i lam rnams dang / /spyod pa rnams kyi tshul dag dang / /de dag gi ni mdo sde rnams/ /mthar phyin yongs su 'dzin pa'i phyir/ /khyod kyis sems can tshad med rnams/ /rgya cher rab tu sgrol bar 'gyur/ /'jig rten dag ni thams cad du/ /yongs su mi bzlogs gang yang med/ /khyod kyis chos 'di gzung ba'i phyir/ /'jig rten rnams la phan 'dogs pas//</font><hr>79.133a<br><font size=+1>

bsod nams phung po mchog thob 'gyur/ /de phyir rab tu gzhol bar bya/ /ngas 'dir chos ni gang bstan pa/ /khyod kyis thams cad rab bzung ste/ /ma 'ongs tha ma dus kyi tshe/ /blo ldan rnams la bshad par bya/ /da ltar ma 'ongs dus kyi tshe/ /chos 'di gang zhig 'dzin byed pa/ /des ni sangs rgyas stong rnams kyi/ /yang dag chos ni 'dzin par 'gyur/ /sems can rnams la phan gdags phyir/ chos kyi sgo 'di bsrung bar bya/ /ma 'ongs tha ma dus kyi tshe/ /phan pa chen po byed par 'gyur/ /gal te ma 'ongs dus kyi tshe/ /gang zhig chos 'di 'dzin byed pa/ /de ni sangs rgyas gcig 'ga' las/ /bsnyen cing rim gro byas pa min/ /gal te ma 'ongs dus kyi tshe/ /gang zhig chos 'di srung byed pas/ /des ni chos 'di legs ston pas/ /mang po rim gro byas pa yin/ /gang zhig chos ni 'di dag la/ /the tshom cung zad mi skyed cing / /ma 'ongs chos ni srung byed pa/ /de ni blo dang ldan pa yin/ /go cha dpag med bgos nas ni/ /rgol ba'i dgra las gang rgyal ba/ /ma 'ongs tha ma dus kyi tshe/ /yang dag chos 'di 'dzin par 'gyur/ /sangs rgyas yang dag chos 'di la/ /the tshom dri ma rab bsal te/ /chos thos gang zhig 'jigs med pa/ /yang dag chos 'di 'dzin par 'gyur/ /de lta bas na blo gros 'phags pa rigs kyi bu 'am rigs kyi bu mo gang dag nan tan gyis yon tan khyad par du 'phags pa chen po yongs su tshol ba rnams kyis ma 'ongs pa'i dus tha ma'i tshe chos</font><hr>79.133b<br><font size=+1>

zab mo'i phyir go cha bgos nas yongs su gzung bar bya/ bklag par bya/ kha ton du gdon par bya/ gzhan dag la yang de'i don yang dag par rab tu bstan par bya'o/ /gzhan yang blo gros 'phags pa ngas mngon par dran te/ sngon 'das pa'i bskal pa grangs med pa'i yang ches grangs med pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das kun du snang mdzad ces bya ba zhig 'jig rten du byung ste/ bskal pa'i ming ni yang dag par rgyal ba zhes bya'o/ /'jig rten gyi khams ni dri ma med pa zhes bya ste/ sa gzhi yangs la shin du mdzes pa rin po che sna bdun las mngon par grub pa'o/ /de'i tshe gling chen po de chu zheng 'dra ste/ dpag tshad bdun khri bdun khri yod do/ /de nas yang grong khyer chen po drug khri drug khri yod de/ grong khyer re re'i tshad kyang chu zheng 'dra ste/ dpag tshad bcu drug bcu drug yod do/ /de dag kyang mtha' ma ra bas 'khor bar bskor cing / ba gam gyis brgyan pa/ sgo rab tu mdzes shing mthong na dga' ba dang / shing ta la mchog rnams phreng du dkrigs pas bskor ba/ bskyed mos tshal brgya stong du mas rab tu brgyan pa/ bskyed mos tshal kun du khri dang stan legs par bshams pa rdzing dang / rdzing bu dang / 'bab chu rnams rab tu gang zhing 'gram gyi stegs dang / lam rnams rin po che sna tshogs gcal du bkram pa/ mtha' ma'i sa gzhi mnyam pa 'byung zhing 'jug pa'i tshe nyam nga ba med pa/ 'gram gyi 'obs</font><hr>79.134a<br><font size=+1>

rnams su tsan dan dang / ta ma la la sogs pa spos sna tshogs kyi ljon shing rnams phreng du dkrigs par gyur to/ /grong khyer re re na yang mi bye ba stong phrag bcu bcu gnas te/ sems can de dag thams cad kyang dge ba bcu'i las kyi lam rnams yongs su rdzogs par gyur ba'i phyir/ de lta bu'i bde ba rab tu myong bar gyur to/ /de'i tshe de bzhin gshegs pa de bskal pa dang po nas bskal pa nyis brgya 'das nas der byung bas de'i phyir bskal pa de'i ming yang yang dag par rgyal ba zhes bya'o/ /bskal pa de la de bzhin gshegs pa lnga brgya rim bzhin du byung ste/ de re re'i zhing yang rin po che sna mdun las mngon par grub pa sha stag go/ /de bzhin gshegs pa de dag yongs su mya ngan las 'das pa'i 'og tu kun kyang 'dra ste/ yang dag pa'i chos ni lo khri'i bar du gnas par gyur to/ /de ltar de bzhin gshegs pa lnga brgya po dag 'jig rten du byung ba de dag la yang nyan thos dang / byang chub sems dpa'i 'khor 'dus pa rab tu mang ste/ 'dus pa re re'i tshe yang byang chub sems dpa' bye ba khrag khrig tshad med pa snyed theg pa gcig gi lam du zhugs pas mi skye ba'i chos la bzod pa thob par gyur to/ /de'i tshe bskal pa de la 'khor los bsgyur ba'i rgyal po dpa' bo'i sde zhes bya ba rin po che bdun dang ldan pa/ gling bzhi la dbang byed pa zhig byung ngo / /de'i tshe 'dzam bu'i gling na grong khyer chen po dpag tshad bcu drug gis 'khor ba zhig yod de/ mi bye ba phrag brgyad khri gnas pa/ rab tu bde zhing dga' ba/ 'byor pa rgyas pa/ 'obs rim pa bdun dang / ljon shing bkrigs pa rim pa bdun dang / lam srang rim pa bdun dang / bskyed mos tshal stong gis grong khyer de</font><hr>79.134b<br><font size=+1>

yongs su bskor cing rab tu brgyan par gyur to/ /bskyed mos tshal re re'i tshad kyang chu zhing 'dra ste/ dpag tshad nyi shu nyi shu yod do/ /de re re yang ra ba rim bdun dang / dra ba rim bdun dang / bkod pa rnam pa sna tshogs dang / rin po che sna tshogs shin du gya nom pa dag gis rab tu mdzes par byas pas dper na lha rnams kyi bskyed mos tshal ji lta ba bzhin no/ /de dag re re la yang rdzing dang rdzing bu rin po che baidUr+yas 'og gzhi dang 'gram byed pa/ rdo'i snying po dang rin po che sna tshogs kyis lam stegs byas shing bcal du bkram pa/ rin po che'i ljon shing me tog sna tshogs rab tu rgyas pa phreng du dkrigs pa brgya brgya yod do/ /grong khyer chen po de'i nang na rgyal po de'i pho brang dpag tshad bdun gyis 'khor ba yod de gser dang rin po che sna tshogs las mngon par grub pa/ mtha' ma rin po ches rab tu brgyan pa/ baidUr+ya dang / yid bzhin kyi nor bu rin po che'i dra bas g.yogs pa/ shing ta la rnams kyis rab tu mdzes par brgyan pa/ rdzing bu bcu gnyis kyis rab tu bskor ba/ 'og gzhi gser yang dag pas gcal du bkram pa/ baidUr+ya dang rin po sna tshogs kyi zam pa btags pa/ gser shin tu gya nom pa 'ba' shig gis lam stegs dang lam byas par gyur te/ rdzing bu de dag gi nang na me tog ud pa la dang / ku mu da dang / pad ma dkar po rab tu rgyas pa dag gis gang bar gyur to/ /'khor los sgyur ba'i rgyal po de la btsun mo ni nyis stong yod do/ /bu ni drug khri yod de/ 'khor rnams dang bskyed mos tshal de dag tu 'dod pa lnga'i bde ba myong zhing rab tu rtse ba las rgyal po de 'di snyam du 'dod pa rnams ni</font><hr>79.135a<br><font size=+1>

mi rtag cing ring por mi thogs par rnam par 'gyur ba yin pas bdag gis gdon mi za bar sems rtse gcig tu sangs rgyas kyi chos yongs su btsal bar bya'o/ /gal te chos thos nas bstan pa ji lta ba bzhin du bsgrubs par gyur na bdag la yun ring po'i phan pa dang / bde ba byed par 'gyur ro/ /snyam du bsams ma thag tu nam mkha' las lha zhig gis rgyal po de la smras pa/ kye skyes bu chen po legs so legs so/ /da ltar de bzhin gshegs pa kun du snang mdzad ces bya ba 'jig rten du byung ste/ thog mar dge ba/ bar du dge ba/ tha mar dge ba'i chos yang dag par rab tu ston par mdzad kyis/ rgyal po myur du de bzhin gshegs pa de'i spyan sngar song la yang dag pa'i chos zhus shig dang rgyal pos yun ring po'i phan pa dang / bde ba yang 'thob par 'gyur la/ sangs rgyas kyi chos mngon par sgrub cing sangs rgyas kyi chos yongs su rdzogs par byed par yang 'gyur ro/ /rgyal po de lhas de skad smras pa thos pa dang / rab tu dga' bar gyur nas g.yog 'khor rnams kyis bskor te/ de bzhin gshegs pa kun du snang mdzad ga la ba de logs su dong nas zhabs la mgo bos gtugs te phyag byas nas bcom ldan 'das de la 'di skad ces gsol to/ /bcom ldan 'das chos ji lta bu zhig gis chos rnams kyi thabs mkhas pa yongs su sdud pa dang / tshangs par spyod pa myur du yongs su rdzogs par bgyis par 'gyur/ bdag de bzhin du bsgrub par 'tshal lo/ /de skad ces gsol pa dang / de'i tshe de bzhin gshegs pa des kyang rgya cher rnam par phye ste rab tu bstan to/ /rgyal po des chos</font><hr>79.135b<br><font size=+1>

thos pas 'khor dang bcas te/ bde ba'i yo byad thams cad kyis de bzhin gshegs pa kun du snang mdzad dang / nyan thos kyi dge 'dun rnams la lo nyi khri'i bar du gus pas rim gro dang / mchod pa byas so/ /de bzhin gshegs pa kun du snang mdzad kyi gsung rab las rab tu byung nas yang dag pa'i chos thos te/ mngon par bsgrubs pa'i phyir de'i tshe chos yang dag par blangs pa'i dge ba'i rtsa ba dang / chos yang dag par bzung ba'i dge ba'i rtsa ba dang / chos yang dag par bstan pa'i dge ba'i rtsa ba thob par 'gyur bas chos ji snyed thos pa rnams rab tu sems shing mi brjed pa dang / yon tan tshad med pa rnams nan tan brtson 'grus kyis mngon par bsgrubs par gyur te/ de bzhin gshegs pas dus gsum du gsungs pa'i yang dag pa'i chos rnams sems can rnams la rnam pa sna tshogs su rab tu phye ste/ ston par gyur cig ces kyang smon lam btab bo/ /de ltar smon lam btab nas kyang bskal pa yang dag par rgyal ba la byung ba'i de bzhin gshegs pa ji snyed pa de dag re re la yang rim gro dang / mchod pa byas nas de bzhin gshegs pa de dag gis dus dang por gsungs pa'i chos yang dag par mngon sum du gsungs pa dang / dus par mar gsungs pa'i chos yang dag pa dang / dus tha mar gsungs pa'i chos yang dag pa rnams kyang ma lus par yang dag par gzung nas sems can bye ba khrag khrig phrag bzhi khri brgya stong snyed yongs su smin par byas nas bla na med pa yang dag par rdzogs pa'i byang chub la rab tu gzhol bar byas so/ /sems can tshad med pa snyed thabs mkhas pas btul te/ nyan thos dang rang sangs rgyas kyi theg pa la rab tu bkod do/ /</font><hr>79.136a<br><font size=+1>

bskal pa de las nang gis tha mar de bzhin gshegs pa glog gi 'od ces bya ba byung ste/ dge slong dpa' bo'i sdes de bzhin gshegs pa glog gi 'od las chos yang dag par gsungs pa thos pas mi skye ba'i chos la bzod pa thob par gyur te/ de bzhin gshegs pa glog gi 'od kyis kyang dpa' bo'i sde khyod ma 'ongs pa'i dus na sangs rgyas bcom ldan 'das brgya stong tshad med pa snyed la rim gro dang / mchod pa byas nas de bzhin gshegs pas dus gsum du gsungs pa'i chos yang dag pa rnams yongs su bzung ste/ sems can tshad med grangs med pa snyed la phan gdags pa dang / sems can bye ba khrag khrig brgya stong snyed bla na med pa yang dag par rdzogs pa'i byang chub la rab tu bkod pa dang / sems can tshad med pa rnams nyan thos kyi theg pa la rab tu bkod de/ de'i 'og tu bskal pa grangs med pa 'das nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa brtson 'grus dpag tu med pa'i 'od zer rnam par rgyal ba'i rgyal po zhes bya bar 'gyur ro/ /zhes lung bstan te/ sangs rgyas de'i zhing ni rnam par dag pa'i yon tan tshad med pa bsags pa las mngon par grub pas mi rnams kyis rab tu gang zhing bde ba dang 'byor ba rab tu ldan pa nyan thos dang byang chub sems dpa'i tshogs rab tu mang por gyur to/ /de bzhin gshegs pa de'i sku tshe'i tshad ni bskal pa chung ngu lnga thub par gyur to/ /yongs su mya ngan las 'das pa'i 'og tu yang dag pa'i chos ni bskal pa chung ngu'i bar du gnas par gyur te/ bskal par gnas pa'i chos kyang lha dang / mi rnams kyis yongs su bzung bar gyur to/ /ring bsrel gyi mchod rten yang zhing khams kun du gang bar gyur to/ /de lta bas na blo gros</font><hr>79.136b<br><font size=+1>

'phags pa byang chub sems dpa' sems dpa' chen po rnams kyis shin tu rnam par dag pa'i chos zab mo 'di la gus pas yang dag par bzung zhing bsgoms nas chos kyi rgyan gyi yo byad kyis lus rab tu brgyan par bya'o chos kyi rab tu brgyan par gyur na de bzhin gshegs pa'i sku rdo rje las mngon par grub pa mthu bo che shin du brtan pa 'thob par 'gyur te/ gal te stong gsum gyi stong chen po'i 'jig rten gyi khams na sems can ji snyed yod pa thams cad lus kyi mthu stobs gtugs te/ shin du brtan pa'i sku de rnam par gzhig par 'dod na yang gang gis kyang rnam par gzhig par mi nus so/ /lha dang mi dang lha ma yin du bcas pa'i 'jig rten gyi 'khor gyi nang du chos kyi snang ba rab tu bstan na yang gang gis kyang brgal du med par 'gyur ro/ /sems can gang gis chos zab mo 'di len tam/ klog gam kha ton du 'don tam/ nan tan brtson 'grus kyis sgrub par byed na ji ltar mos pa bzhin du rigs shin du mtho ba'i rigs su skye bar 'gyur ba nas byang chub kyi shing drung du mngon par rdzogs par sangs rgyas pa'i bar du yang thob nas grags pa phun sum tshogs pa dang / 'jig rten gyi khams khyad par du 'phags shing lam tha dad pa dang / 'dres pa med pa dang / bram ze dang mu stegs can gyi ming yang med na lta ba ngan pas log par/ yongs su tshol ba lta smos kyang ci dgos pa dang / mi dge ba'i chos rnams kyi ming yang mi thos na mi dge ba'i rtsa ba mngon par bsgrub pa lta yod par ga la 'gyur ba dang / lag pa dang / rkang pa'i sor mo las 'od zer bkye nas 'jig rten gyi khams tshad med pa rnams snang bar byed de/ sems can gang gi lus la reg pa de dag thams cad bde ba thob par byed pa dang / </font><hr>79.137a<br><font size=+1>

bla na med pa yang dag par rdzogs pa'i byang chub kyang mngon sum du byed par 'gyur ro/ /blo gros 'phags pa de lta bas na byang chub sems dpa' sems dpa' chen po gang nga'i bstan pa la nan tan gyis sgrub par byed pa de dag ni yon tan khyad par du 'phags pa de dag 'thob par 'gyur te/ gal te ngas yongs su rdzogs par brjod par gyur na nams kyang mthar thug par mi 'gyur ro/ /de nas bcom ldan 'das kyis byang chub sems dpa' sems dpa' chen po blo gros 'phags pa la 'di skad ces bka' stsal to/ /blo gros 'phags pa gang dag byang chub sems dpa'i lam 'di la gnas pa de dag gis ni rnam par dag pa'i chos zab mo 'di nan tan gyis mngon par bsgrubs nas stong pa nyid dang rjes su 'thun pa dang / rab tu dben pa dang rjes su 'thun par gyur na chos kyi snang ba rab tu 'thob par 'gyur ro/ /chos kyi snang ba'i dbang gis ni chos thams cad kyi ngo bo nyid tha dad pa med pa mthong bar 'gyur ro/ /ngo bo nyid tha dad pa med pa mthong ba'i phyir ni lta ba rnam par dag par 'gyur ro/ /lta ba rnam par dag pa'i phyir ni chos su lta ba yang med la/ chos gang yang rang bzhin dang bral bar lta ba yang med do/ /chos su lta ba rnam par dag pas rnam par dag pa yang med do/ /rnam par dag pa yang med pa gang yin pa de la ni rnam par dag pa'i lus kyang med pas rnam par dag pa'i ye shes kyi spyod yul thob nas chos kyi dbyings kyang ma yin/ dbyings ma yin pa yang ma yin par yang yang dag par 'thob par 'gyur ro/ /dbyings su lta ba rnam par dag par gyur pas dbyings rnam pa sna tshogs kyi ngo bo nyid du 'du shes pa yongs su spong bar 'gyur ro/ /ngo bo nyid du shes pa spangs pa'i phyir dbyings kyi tshul gyi</font><hr>79.137b<br><font size=+1>

gsang tshig gang yin pa rtogs par gyur nas chos rnams dbyings ma yin par yongs su shes par gyur te/ 'di ltar chos kyi dbyings la tha dad pa med par mthong ba'i phyir dang / rnam par 'jig pa med par mthong ba'i phyir dang / 'gyur ba med par mthong ba'i phyir chos kyi dbyings kyi tshul thams cad la thabs mkhas pa rab tu 'thob par 'gyur ro/ /thabs mkhas pa'i dbang gis ni/ chos kyi dbyings kyi tshul yongs su shes shing ting nge 'dzin gyi stobs kyis chos kyi dbyings rnams kyi bye brag gi tshul gang yin pa de dag la yang rjes su 'jug par 'gyur ro/ /spyod pa 'di la gnas pa'i tshe chos thams cad la thabs mkhas pas chos thams cad la gnas pa med pa dang / mngon par zhen pa med par 'gyur ro/ /mngon par zhen pa med pa'i phyir chos kyi dbyings kyi tshul thams cad ci rigs par rnam pa sna tshogs su rab tu phye nas ston par 'gyur ro/ /ting nge 'dzin gyi mthu'i dbang gis gzhan yang bsam gtan dang / rnam par thar pa dang / ting nge 'dzin dang snyoms par 'jug pa la rnam par rtsen pa'i rdzu 'phrul gyis gcig las mang por sgyur ba dang / mang po las gcig tu sgyur ba dang / ri dang brag dang / brtsig pa dag la thogs pa med par 'gro ba dang / 'phur ba la dbang 'thob par 'gyur ro/ /khams bzhi po dag 'dus pa la rab tu mkhas par 'gyur ro/ /khams la mi gnas par khams thams cad rab tu shes par 'gyur ro/ /nam mkha'i khams dang gcig tu gyur kyang nam mkha'i khams la mngon par zhen pa dang / thogs pa ci yang med do/ /khams 'dus pa la rab tu mkhas par gyur pa'i phyir khams thams cad thabs mkhas pas mngon par sgrub par byed do/ /mngon par bsgrubs pa'i phyir</font><hr>79.138a<br><font size=+1>

chu'i khams rab tu rtogs par gyur nas chu'i khams las dud pa 'thul ba dang / me rab tu 'bar ba dang / dud pa 'thul ba dang / me rab tu 'bar ba gnyis ka ston par byed pas rnam pa sna tshogs su ston pa'i bar du byas nas sems can rnams la phan gdags pa chen po byed do/ /chos kyi dbyings kyi tshul gyi thabs mkhas pa la rab tu gnas nas g.yo ba med par ji ltar mos pa bzhin du sangs rgyas kyi zhing gang du mos pa de bzhin du skye bar 'gyur bas srid pa rnams su mngal du skye ba'i lus bzlog ste/ sprul pas skye ba'i lus blangs nas rtag tu phyogs bcu'i 'jig rten gyi khams na bzhugs pa'i de bzhin gshegs pa rnams mthong zhing de bzhin gshegs pa de dag kyang mtshan ni 'di lta bu'o/ /rigs ni 'di lta bu'o/ /'khor 'dus pa ni 'di lta bu'o/ /chos ston pa ni 'di lta bu'o/ /zhes ma 'dres par rab tu shes so/ /de nas 'khor de nyid du gzhan yang byang chub sems dpa' sems dpa' chen po dpag tu med pa'i rgyal ba zhes bya ba 'dus par gyur pa des bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po rnams chos ji lta bu zhig la gnas par gyur na bcom ldan 'das kyis ji skad gsungs pa'i yon tan mchog de dag 'thob par 'gyur lags/ de nas bcom ldan 'das kyis byang chub sems dpa' sems dpa' chen po dpag tu med pa'i rgyal ba la 'di skad ces bka' stsal to/ /byang chub sems dpa' sems dpa' chen po gang chos thams cad la gnas pa med pa gang yin pa des ngas ji skad bstan pa'i yon tan mchog tu gyur pa de dag 'thob par 'gyur ro/ /dpag tu med pa'i rgyal ba byang chub sems dpa' sems dpa'</font><hr>79.138b<br><font size=+1>

chen po rnams gal te gzugs dang / tshor ba dang / 'du shes dang / 'du byed dang / rnam par shes pa la gnas par gyur tam/ gal te sa'i khams dang / chu'i khams dang / me'i khams dang / rlung gi khams dang / nam mkha'i khams la gnas par gyur tam/ gal te 'dod pa'i khams dang / gzugs kyi khams dang / gzugs med pa'i khams la gnas par gyur na ngas mdo sde 'di las bstan pa'i yon tan de dag dang ldan par mi ston to/ /gal te byang chub sems dpa' sems dpa' chen po rnams chos thams cad la gnas pa med cing 'byung ba dang / 'jug pa med par gyur na ngas de dag gi yon tan gyis rgya mtsho chen po dpag tu med pa thob par 'gyur bar rab tu bstan to/ /de ci'i phyir zhe na/ byang chub sems dpa' sems dpa' chen po rnams la ni chos cung zad tsam yang dmigs par bya ba dang / gnas par bya ba yang med la chos cung zad tsam yang 'jug par bya ba'am/ 'byung bar bya ba yang med par chos rnams kyi tshul la legs par gnas shing g.yo ba med pas so/ /de ci'i phyir zhe na/ byang chub sems dpa' sems dpa' chen po rnams la ni gnas pa dang / g.yo ba med de g.yo ba med pa'i phyir mtho ba yang med/ dma' ba yang med do/ /mtho ba dang dma' ba med pa'i phyir mtho ba dang / dma' ba la gnas pa yongs su spong bar byed do/ /mtho dma' la mi gnas pa'i phyir dge ba'i gnas su gnas pa zhes bya'o/ /dge ba'i gnas su gnas pa gang yin pa de ni gnas pa med pa la gnas pa yin no/ /gnas pa med pa la gnas pa gang yin pa de ni ci la yang gnas pa med do/ /byang chub sems dpa' sems dpa' chen po rnams ni chos 'ga' tsam yang rnam par gzhag pa 'am/ </font><hr>79.139a<br><font size=+1>

rdzogs par byed pa med pas gnas med pa/ gnas pa med pa/ 'byung ba med pa/ byed pa med par gyur ba yin no/ /de ci'i phyir zhe na/ gnas mi dmigs pas so/ /gnas med pa'i phyir rnam par rtog par yang med do/ /rnam par rtog pa med pa'i phyir mi g.yo ba'i gnas su gnas par byed do/ /chos kyi dbyings ji lta ba bzhin du gnas par byed do/ /gnas med pa la gnas par byed pas gnas pa ci yang med de/ gnas dang / gnas med pa la mngon par zhen pa med pas legs par gnas pa zhes bya'o/ /dpag tu med pa'i rgyal ba byang chub sems dpa' sems dpa' chen po chos kyi tshul la rab tu gnas pa ni de ltar gnas pa med pa rnam par gzhag nas gnas med pa la gnas par byed pas chos thams cad la rnam par rtog pa med par mthong zhing rnam par mi rtog pa'i spyod pa de lta bu la gnas par byed de/ spyod pa des chos thams cad g.yo ba med par mthong bas tshul bzhin du gnas pa'i rjes su 'thun pa dang / tshul bzhin du mi g.yo ba'i rjes su 'thun pa dang / tshul bzhin du mi len pa'i rjes su 'thun par gyur pa yin no/ /de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' yang dag dran/ /don la legs par sems byed cing / /chos rnams la ni mi gnas pas/ /blo dang ldan pa zhes bya'o/ /chos ni cung zad 'ga' tsam yang / /rnam par gzhag par bya ba med/ /rnam par gzhag pa med pa'i phyir/ /'jigs pa med par gzhol bar byed/ /gzugs ni rnam par mi gzhag cing / /tshor ba rnams kyang gzhag pa med/ /'du shes dang ni 'du byed dang / /rnam par shes pa 'ang de bzhin no/ /phung po rnams la mi gnas shing / /khams rnams dang ni skye mched dang / /</font><hr>79.139b<br><font size=+1>

gnas dang gnas ma yin la yang / /rtag tu gnas pa med pa yin/ /sa yi khams la mi gnas shing / /chu yi khams la 'ang gnas pa min/ /me dang rlung gi khams la yang / /rtag tu gnas pa med pa yin/ /'dod pa'i khams dang gzugs kyi khams/ /gzugs med khams la mi gnas te/ /rnam gzhag med pa thob pa'i phyir/ khams gsum dag la gnas mi byed/ /nam mkha'i khams ni de dag la/ /gnas par yang ni mi byed de/ gnas par byed pa med pas na/ /mnyam pa nyid du gzhol bar byed/ /de phyir chos ni cung zad tsam/ /gnas par bya ba ci yang med/ /gnas pa med pa gang thob pa/ /de ni ye shes dam pa yin/ /ye shes dam pa gnas pa med/ /gnas pa med pas legs gnas yin/ /de lta'i gnas pa gang thob pa/ /chos kyi dbyings la gnas pa yin/ gnas pa med dang mtshungs ldan phyis/ de ni rtag tu legs gnas 'gyur/ /gnas pa med cing rten pa med/ /chos la gnas pa 'thob par 'gyur/ /gal te rten med thob gyur na/ /rtag tu g.yo ba med par 'gyur/ /'jug pa med cing 'byung ba med/ /mnyam pa nyid du rab tu gnas/ /chos la de ltar gang gnas pa/ /de ni dpa' bo zhes bya'o/ /chos rnams kun la mtho ba med/ /chos rnams kun la dma' ba med/ /de ltar g.yo ba med gyur pas/ /chos kyi dbyings la rab tu gnas/ /g.yo ba med la gnas pa'i phyir/ /bla med gnas pa 'thob par 'gyur/ /mi gnas gnas dang rjes 'thun pa/ /de ni dpa' bo zhes bya'o/ /gnas pa la ni mi gnas shing / /gnas la g.yo ba med gyur pa/ /gnas pa med pas grub pas na/ /legs par gnas pa 'thob par 'gyur/ /gnas dang gnas ma yin la yang / /thams cad du ni g.yo ba med/ /g.yo ba med la gnas</font><hr>79.140a<br><font size=+1>

pas na/ /g.yo ba med pa zhes bya'o/ /gal te mi g.yo gnas 'gyur na/ /thams cad la yang gnas mi 'gyur/ /gnas dang gnas min mi sems pas/ /rnam rtog med la rtag tu gnas/ /gnas la gnas par mi byed phyir/ /g.yo bar gyur pa ci yang med/ /gnas kyis g.yo ba med pas na/ /thams cad la yang gnas mi 'gyur/ /gal te mi gnas thob 'gyur na/ /gnas dang gnas min gyis mi g.yos/ /gnas kyis mi g.yos gang yin pa/ /gnas la rab gnas zhes bya'o/ /gnas la rab tu gang gnas pa/ /gnas pa med la gnas pas na/ /chos rnams thams cad mthong 'gyur zhing / /chos kyi rjes su 'thun la gnas/ /de ltar chos rnams mthong bas na/ /sna tshogs dag la mi gnas shing / /gnas med rab tu gnas pa med/ /chos gnas pa la mkhas par 'gyur/ /rtag tu chos la rab gnas pas/ /rnam par rtog pa ci yang med/ /rnam pa rtog pa spangs pa'i phyir/ /'di ni mi g.yos pa zhes bya/ /gal te mi g.yos gnas gyur na/ /spyod pa dag la rnam mi rtog /gnas dang gnas min yongs su spong / /'di ni so sor rtog byed yin/ /gal te mi g.yo rab rtog na/ /thams cad g.yo ba med par 'gyur/ /chos rnams rtag tu mnyam pa la/ /de bzhin rab tu gzhol bar 'gyur/ /tshul bzhin rjes mthun gnas pa dang / /tshul bzhin rnam par mi g.yo dang / /mi g.yo gnas ni gang thob pa/ /gnas med la ni rtag tu gnas/ /de nas bcom ldan 'das la byang chub sems dpa' sems dpa' chen po blo gros mtha' yas kyis yang 'di skad ces gsol to/ /bcom ldan 'das byang chub sems dpa' sems dpa' chen po rnams kyi chos kyi tshul 'ching ba ma mchis pa dang / grol ba ma mchis pa la</font><hr>79.140b<br><font size=+1>

rab tu 'god par mdzad pa shin tu ngo mtshar che lags so/ /bcom ldan 'das byang chub sems dpa' sems dpa' chen po gang chos kyi tshul rnam par gzhag pa la rab tu mkhas pa ni chos cung zad tsam yang mtshungs par ldan pa'am/ mtshungs par mi ldan pa 'am/ 'thun par gyur pa 'am/ yongs su bsdus pa 'am/ yongs su ma bsdus pa 'am/ skyabs su 'gro ba dang mi ldan pa 'am/ 'dod chags dang bcas pa'am/ 'dod chags dang bral ba 'am/ zhe sdang dang bcas pa 'am/ zhe sdang dang bral ba zhes bgyi ba yang dag par rjes su mi dmigs lags so/ /bcom ldan 'das byang chub sems dpa' sems dpa' chen po gang chos kyi tshul thams cad rnam par gzhag pa la rab tu mkhas pa ni gal te sems can rnams kyis gus pas mchod pa bgyis pa na yang 'dod chags kyi sred pa skye bar mi 'gyur la/ smod cing gnod par bgyid na yang zhe sdang skye bar mi 'gyur te/ 'du shes sna tshogs ma mchis shing chos su lta ba thams cad yongs su spangs pas chos 'ga' tsam yang chos 'ga' tsam dang mtshungs par ldan pa 'am mtshungs par mi ldan par yang dag par rjes su mi dmigs lags so/ /mtshungs par ldan pa dang / mtshungs par mi ldan pa las kyang yang dag par 'das pa'i slad du mtshungs par ldan pa dang / mtshungs par mi ldan pa'i 'du shes spong zhing mtshungs par ldan pa dang / mtshungs par mi ldan pa'i 'du shes kyang yang dag par khong du chud par 'gyur ro/ /khong du chud pa las yang dag par 'das nas kyang chos 'ga' tsam la yang rtsol ba 'am/ ldog pa 'am/ bgrod par bgyi ba dang bcas pa 'am/ bgrod par bgyi ba ma mchis pa zhes mtshungs par ldan par bgyid lags so/ /chos thams cad kyi tshul yang yang dag pa ma lags</font><hr>79.141a<br><font size=+1>

pa'i bsam pa ma mchis shing yongs su 'dzin pa ma mchis pas thabs mkhas pas chos kyi ngo bo nyid rnam par 'jig par mi bgyid lags so/ /bcom ldan 'das byang chub sems dpa' sems dpa' chen po rnams ni chos thams cad la de ltar gnas pa'i tshe thabs mkhas pas chos thams cad kyi dbyings kyi tshul yang dag par ston par bgyid lags pas sangs rgyas kyi chos thams cad myur du yongs su rdzogs par bgyid lags so/ /de nas bcom ldan 'das kyis byang chub sems dpa' sems dpa' chen po blo gros mtha' yas la bka' stsal pa/ blo gros mtha' yas byang chub sems dpa' sems dpa' chen po rnams sangs rgyas kyi chos la rnam par gzhag par bya ba med cing gnas par bya ba med par mthong bar gyur na/ sangs rgyas kyi chos la rnam par gzhag par bya ba med pa dang / gnas par bya ba med pa dang / khyad par du gnas pa med par yang dag par mthong bar gyur te/ sangs rgyas kyi chos gnas pa mi g.yo bar mthong ba'i phyir dang / 'khor bar mi 'jugs pa'i phyir dang / yongs su mi 'gyur ba'i phyir chos thams cad kyi dbyings dang rjes su 'thun par gnas par gyur pas chos thams cad kyi dbyings kyi tshul rnam par gzhag pa la mkhas pa zhes bya'o/ /blo gros mtha' yas byang chub sems dpa' sems dpa' chen po gang sangs rgyas kyi chos la gnas pa med pa dang / mi gnas pa med pa dang / khyad par du gnas pa med pa dang / khyad par gnas pa med pa dang / gnas pa'i gnas pa med pa dang / gnas pa ma yin par gnas pa med pa dang / g.yo ba med pa dang / rnam par rtog pa med pa dang / khyad par du rnam par rtog pa med pa dang / kun tu rtog pa med par gyur na/ gdod chos</font><hr>79.141b<br><font size=+1>

thams cad kyi dbyings kyi tshul rnam par gzhag pa la rab tu mkhas pa zhes bya'o/ /blo gros mtha' yas byang chub sems dpa' sems dpa' chen po gang chos 'ga' tsam yang rnam par gzhag pa mi mthong la/ chos thams cad kyi gnas mchog tu rnam par gzhag tu yod par yang mi mthong zhing rnam par rtog pa med pa dang / mchog tu rnam par rtog pa med pa dang / kun tu rnam par rtog pa med par gyur na/ gdod chos thams cad kyi dbyings kyi tshul rnam par gzhag pa la mkhas pa zhes bya'o/ /blo gros mtha' yas byang chub sems dpa' sems dpa' chen po rnams ni chos 'ga' tsam yang 'dug pa 'am/ 'gro ba zhes bya ba yang dag par mi mthong la rnam par rtog pa yang med/ khyad par du rnam par rtog pa yang med/ kun tu rnam par rtog pa yang med de/ chos thams cad nam mkha' yongs su dag pa ltar mthong zhing 'od kyis rab tu gsal bar gyur bas nyon mongs pa yongs su spong ba dang / chos thams cad 'od kyis rab tu gsal bar byed pa'i phyir gdod chos thams cad kyi dbyings kyi tshul la thabs mkhas pa thob pa zhes bya ste/ rnam par gzhag pas chos kyi dbyings la so sor rtog par mi byed do/ /de ci'i phyir zhe na/ chos kyi dbyings la rnam par gzhag pa cung zad tsam kyang med pa'i phyir ro/ /'di lta ste/ dper na nam mkha' dang / rlung gi khams la ni gnas kyang med/ bltar yang mi mthong rnam par gzhag pa'i gnas kyang med/ rten pa'i gnas kyang med/ bstan du yang med do/ /de bzhin du chos kyi dbyings kyang 'jug par bya ba'i gnas kyang med/ /                                           //lta bar bya ba'i gnas kyang med/ rnam par gzhag pa'i gnas kyang med/ bsten pa'i gnas kyang med/ </font><hr>79.142a<br><font size=+1>

khong du chud par bya ba yang med/ bstan du yang med de/ byang chub sems dpa' sems dpa' chen po rnams la ni bstan par bya ba med pa'i phyir/ de bzhin nyid kyi dbyings dang mtshungs par ldan par gnas so/ /blo gros mtha' yas chos thams cad kyi dbyings ni skye ba med pa/ srog med pa/ rga ba med pa/ 'chi ba med pa/ rgod pa med pa/ bying ba med pa/ bstan du med pa'i dbyings yin pas chos kyi dbyings shes bya'o/ /rnam par 'gyur ba med pa'i dbyings yin pas chos kyi dbyings shes bya ste/ chos kyi dbyings ni gnas thams cad du khyab pa yin no/ /blo gros mtha' yas chos kyi dbyings ni 'gro ba med cing 'gro ba'i gnas med de/ 'gro ba dang / gnas pa med pa'i phyir chos kyi dbyings dang mtshungs par ldan par gnas pa zhes bya'o/ /de bzhin nyid kyi chos kyi dbyings la ni gnas kyang med/ gnas ma yin pa yang med do/ /de ci'i phyir zhe na/ de bzhin nyid kyi chos kyi dbyings dang / de bzhin nyid kyi rang bzhin ni yod pa ma yin pa'i phyir ro/ /blo gros mtha' yas byang chub sems dpa' sems dpa' chen po rnams kyis ngas bstan pa 'di thos par gyur na chos thams cad kyi dbyings kyi tshul gyi chos kyi snang ba chen po 'thob par 'gyur la/ chos kyi snang ba thob ba'i dbang gis ni mi skye ba'i chos la bzod pa thob nas myur du de bzhin gshegs pa'i stobs bcu dang / ma 'dres pa bcwa brgyad dang / sangs rgyas kyi chos thams cad yongs su rdzogs par byed do/ /sems can thams cad kyi dge ba'i rtsa ba rgya chen po dang / tshogs khyad par du 'phags pa yongs su smin par bya ba'i phyir dang / de bzhin gshegs pa'i gdung rgyun mi 'chad par bya ba'i phyir myur du byang chub kyi snying por song nas chos kyi 'khor</font><hr>79.142b<br><font size=+1>

lo bskor ba dang / bdud kyis gnas rnams zil gyis gnon pa dang / /tha dad par smra ba rnams tshar gcod pa dang / skye bu dam pa'i seng ge'i sgra chen po sgrogs shing sems can rnams kyi mos pa ji lta ba dang / smon lam ji lta ba dang / sems bskyed pa ji lta ba bzhin du yang dag par rnam par grol bar bya ba'i phyir dam pa'i chos bstan nas thams cad bla na med pa yang dag par rdzogs pa'i byang chub la rab tu 'god par byed do/ /de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' thams cad ni/ /chos rnams kun la mi gnas pas/ /sangs rgyas kyi ni chos dag la/ /rnam par gzhag pa ci yang med/ /byang chub sems dpa' thams cad ni/ /rnam par gzhag pa med pa'i phyir/ /sangs rgyas kyi ni chos dag la/ /'jigs pa med par gzhol bar byed/ /byang chub sems dpa' thams cad ni/ /sangs rgyas chos la gnas pa dang / /gnas kyang med par mthong bas na/ /shin tu legs par gnas par byed/ /byang chub sems dpa' thams cad ni/ /gnas dag la ni mi gnas par/ /chos rnams rab tu mthong bas na/ /gnas pa med cing ldog pa med/ /byang chub sems dpa' thams cad ni/ /chos la gnas pa med mthong bas/ /sangs rgyas chos la mi g.yos shing / /sangs rgyas chos kyang tshol mi byed/ /byang chub sems dpa' thams cad ni/ /chos ni tha dad mi mthong bas/ /sangs rgyas chos las ma g.yos shing / /yongs su 'tshol bar mi byed do/ /byang chub sems dpa' thams cad ni/ /chos rnams de ltar mthong bas na/ /chos rnams mkhas par bya ba la/ /thabs mkhas pas ni gnas par byed/ /byang chub sems dpa' thams cad ni/ /rtag tu mnyam par</font><hr>79.143a<br><font size=+1>

mthong bas na/ /sangs rgyas chos la mi gnas shing / /mi gnas pa yang ma yin no/ /rtag tu gnas med pa la gnas/ /gnas med pa yang ma yin no/ /rtag tu rnam par rtog mi byed/ /rnam par mi rtog pa yang min/ /rnam par rtog pa sna tshogs dag /rtag tu med par gyur pa yin/ /byang chub sems dpa' thams cad ni/ /gnas pa med dang mtshungs ldan pas/ /dus dang gnas rnams kun tu yang / /g.yo ba med par gyur pa yin/ /byang chub sems dpa' thams cad kyis/ /nam zhig chos kyi tshul dag la/ /mnyam pa nyid du gnas pa'i tshe/ /legs par gnas pa zhes bya'o/ /byang chub sems dpa' thams cad kyis/ /nam zhig chos kyi tshul dag la/ /chos 'ga' tsam yang mi mthong na/ /mnyam pa nyid la gnas pa yin/ /byang chub sems dpa' thams cad ni/ /chos rnams kun la gnas med par/ /rab tu mthong bar gyur kyang ni/ /gnas ni yongs su spong mi byed/ /g.yo ba med pa thob pas na/ /bsten par bya ba ci yang med/ /byang chub sems dpa' thams cad ni/ /chos rnams kun gyi tshul dag la/ /rab tu mkhas par gyur pas na/ /thabs mkhas pas ni gnas par byed/ /gnas pa med la gnas pas na/ /byang chub sems dpa' zhes bya'o/ /byang chub sems dpa' thams cad ni/ /chos ni cung zad tsam la yang / /'gro 'am 'ong zhes bya ba yi/ /rnam rtog dag la mi gnas pas/ /de tshe chos rnams thams cad kyi/ /tshul la rab tu gnas pa yin/ /byang chub sems dpa' thams cad ni/ /chos kyi tshul ni kun la yang / /rnam pa sna tshogs gnas byed pas/ /chos kyi snang ba chen po ni/ /dpag tu med pa skyed par byed/ /chos kyi snang ba'i dbang gis ni/ /mnyam pa'i lta ba rab</font><hr>79.143b<br><font size=+1>

gnas pas/ /chos rnams thams cad kun la ni/ /chos rnams kun gyi tshul rnams kyang / /nam mkha' dag pa lta bu dang / /grib ma dang ni gzugs brnyan dang / /mnyam zhing dri ma med par mthong / /byang chub sems dpa' thams cad ni/ /lta ba dag ni rtogs gyur kyang / /rtogs pa dag ni med pas na/ /rang bzhin yongs su spong bar byed/ /byang chub sems dpa' thams cad ni/ /ji ltar mthong zhing rtogs byed pas/ /chos kyi tshul ni thams cad la/ /rab tu gnas par gyur pa yin/ /chos rnams kun gyi dbyings dag la/ /brtan pas nan tan bsgrubs pas na/ /chos kyi dbyings kyi tshul dag la/ /thabs mkhas pa zhes brjod pa yin/ /byang chub sems dpa' thams cad ni/ /chos kyi dbyings la mi gnas pas/ /chos kyi dbyings rnams thams cad kun/ /gtan du yod min lta bar byed/ /byang chub sems dpa' thams cad ni/ /chos kyi dbyings rnams rtogs pas na/ /chos rnams nam mkha' rlung rnams la/ /rnam gzhag med cing thams cad du/ /khyab par gyur pa bzhin du mthong / /chos kyi dbyings kyang de bzhin te/ /thams cad du ni khyab pa yin/ /chos kyi dbyings ni bsam dka' bas/ /bstan par bya bar rung ma yin/ /blo ldan dag ni thams cad kun/ /rten par yang ni mi byed do/ /bstan med dbyings ni gang yin pa/ /de ni chos kyi dbyings shes bya/ /gnas pa'i gnas ni med pas na/ /de ni gnas pa zhes bya'o/ /chos kyi dbyings la skye ba med/ /srog kyang med la rga ba'ang med/ /'chi ba med cing bying ba med/ /nges par 'byung ba'ang yod ma yin/ /chos kyi dbyings ni bsam dka' bas/ /'ong ba med cing 'gro ba med/ /chos kyi dbyings ni phung po min/ /khams dang skye</font><hr>79.144a<br><font size=+1>

mched kyang ma yin/ /gnas kyang spong bar mi byed pas/ /g.yo ba med par gyur pa yin/ /chos kyi dbyings kyi de bzhin nyid/ /rang bzhin dag ni yod ma yin/ /byang chub sems dpa' thams cad kyis/ /chos kyi dbyings ni bsam dka' bas/ /de ltar khong du chud gyur na/ /chos kyi snang ba 'thob par 'gyur/ /de yi dbang gis byang chub kyi/ /snying por yang ni bgrod par 'gyur/ /sangs rgyas rnams kyi chos la yang / /the tshom dag ni med par 'gyur/ /g.yo ba dag ni med par yang / /chos kyi snang ba dag gis kyang / /sems can dag ni thams cad kun/ /bde ba chen po 'thob par byed/ /blo gros mtha' yas byang chub sems dpa' sems dpa' chen po gang chos zab mo 'di lta bu dag la nan tan gyis mngon par sgrub par byed na/ chos kyi snang ba de lta bu 'thob par 'gyur te/ shes rab des bla na med pa yang dag par rdzogs pa'i byang chub la rab tu gzhol bar byed do// // bam po drug pa ste tha ma/ /gzhan yang blo gros mtha' yas ngas mngon par dran te/ sngon bskal pa grangs med pa gnyis 'das pa na de'i tshe de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa bde bar gshegs pa/ 'jig rten mkhyen pa bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das zla ba'i sgron ma'i rgyal po zhes bya ba 'jig rten du byung ste/ bskal pa'i ming ni bdud rtsi zhes bya'o/ /'jig rten gyi khams ni yongs su dag par byed pa zhes bya'o/ /sangs rgyas de'i zhing chu shel las mngon par grub pas rtag tu 'od zer gyis zhing de kun du gsal bar byed de/ sems can gang 'od zer</font><hr>79.144b<br><font size=+1>

des reg par gyur pa de dag shin du mdzes shing byad bzhin bzang por gyur pas de'i phyir 'jig rten gyi khams de yongs su dag par byed pa zhes bya'o/ /de na logs shig na grong khyer dang / grong rdal zhes bya ba'i ming yang med de/ lam rnams gya nom zhing gser gyi thig pa bkye ba lam rnams kyi bar re re'i tshad rgyang grags phyed phyed yod do/ /lam re re'i bar tu yang rin po che'i ka ba dang / ta la sna tshogs kyi ljon shing 'od dang ldan pa brgyad bcu rtsa bzhi phreng du dkrigs so/ /gzhan yang rdzing bu bzhi lam stegs kyis bskor ba yod do/ /mi rnams ni rin po che sna bdun gyi gzhal med khang dra bas g.yogs shing dar gyis lda ldi spyangs pa/ me tog gis rab tu mdzes par byas pa dag na gnas pas dper na lha rnams ji lta ba bzhin no/ /'jig rten gyi khams de'i sems can rnams ni rab tu bde zhing bde ba dang ldan pas dge ba bcu'i las kyi lam rnams yongs su rdzogs shing byad bzhin shin du sdug pa/ tshe shin du ring ba/ 'dod chags dang / zhe sdang dang / gti mug srab ba/ gdul sla ba/ sbyor ba chung ngus chos rnams rgya cher rtogs pa sha stag go/ /de bzhin gshegs pa de'i sku tshe'i tshad ni lo bye ba phrag stong thub par gyur to/ /yongs su mya ngan las 'das pa'i 'og tu yang dag pa'i chos ni 'jig rten na lo bye ba snyed gnas par gyur to/ /'dus pa lan bcu'i chos bshad de/ 'dus pa re re la yang nyan thos kyi 'khor slob pa'i sa la gnas pa ni bye ba khrag khrig phrag nyi shu yod par gyur to/ /byang chub sems dpa'i 'khor theg pa cig gi lam la bgrod par gyur pa/ de'i grangs ni tshad kyang med do/ /blo gros mtha' yas de bzhin gshegs pa zla ba'i sgron ma'i rgyal po de'i byang chub kyi shing rin po che'i tshad kyang rgyar ni dpag tshad</font><hr>79.145a<br><font size=+1>

lnga bcu yod do/ /srid du ni dpag tshad brgya yod de/ rtsa ba ni byi ru las byas pa/ sdong po ni baidUr+ya las byas pa/ yal ga ni gser las byas pa/ lo ma ni rdo'i snying po las byas pa'o/ /byang chub kyi gdan gyi tshad kyang chu zhing 'dra ste/ dpag tshad brgya brgya yod do/ /gdan de'i mtha' ma ni lan kan gyis 'khor bar bskor to/ /ta la'i ljon shing mchog rnams kyis ni phreng du dkrigs te/ /gser gyi dril bu dang / rin po che'i dra bas g.yogs shing rab tu brgyan par gyur to/ /byang chub chen po'i gdan de 'phang du ni dpag tshad gsum yod de/ gdan shin tu phra zhing 'jam pa dag de'i steng du bting ngo / /gos mchog dam pa brgya stong snyed kyis brgyan cing spyangs par gyur te/ gdugs dang / rgyal mtshan dang / ba dan nyi shu ni g.yas g.yon du dkrigs so/ /de bzhin gshegs pa zla ba'i sgron ma'i rgyal po gdan de la bzhugs nas bla na med pa yang dag par rdzogs pa'i byang chub mngon par rdzogs par sangs rgyas te/ de'i tshe 'jig rten gyi khams de na ngan song gsum yang med/ ngan song gsum gyi ming yang med/ mi khom pa rnams kyang med/ mi khom pa rnams kyi ming yang med de/ de bzhin gshegs pa zla ba'i sgron ma'i rgyal po de ni rtag par 'jig rten gyi khams thams cad du sprul pa'i sku bstan nas chos kyi 'khor lo bskor bar mdzad do/ /blo gros mtha' yas de bzhin gshegs pa zla ba'i sgron ma'i rgyal po de la byang chub sems dpa' gnyis yod de/ gcig gis ming ni sprin gyi dbyangs shes bya'o/ /gcig gi ming ni dpag med dbyangs shes bya'o/ /byang chub sems dpa' de gnyis kyis de bzhin gshegs pa de la 'di skad ces</font><hr>79.145b<br><font size=+1>

gsol to/ /bcom ldan 'das ji ltar na byang chub sems dpa' sems dpa' chen po rnams chos thams cad kyi tshul rnam par gzhag pa'i thabs la mkhas pa 'thob par 'gyur lags/ de skad ces gsol pa dang / de'i tshe de bzhin gshegs pa des byang chub sems dpa' sems dpa' chen po rnams chos thams cad kyi tshul rnam par gzhag pa'i thabs mkhas pa 'thob par bya ba'i phyir byang chub sems dpa' de gnyis la chos de rgya cher yang dag par rab tu bstan te/ de'i tshe byang chub sems dpa' sems dpa' chen po rnams chos de thos pas chos thams cad kyi rnam par gzhag pa'i thabs la mkhas pa thob par gyur to/ /byang chub sems dpa' de gnyis kyang de'i 'og tu lo nyi khri'i bar du gnyid kyang med/ 'dod pa dang / khong khro ba dang / rnam par 'tshe ba'i bsam pa yang med/ zas kyi 'du shes kyang med/ nyal ba'i 'du shes kyang med/ na pa'i rkyen yang med/ sman la sogs pa yongs su tshol ba'i 'du shes kyang med/ 'jig rten pa'i ltad mo dang / gtam dang / rtsed mo la yang dga' ba med par de bzhin gshegs pa des chos bstan pa rtse gcig tu mnyan pas stan las ma langs par mi skye ba'i chos la bzod pa thob par gyur to/ /de nas de bzhin gshegs pa des bka' stsal pa/ rigs kyi bu chos thams cad kyi tshul rnam par gzhag pa la 'di ltar thabs mkhas par gyur de deng khyed yongs su tshol bar byed dam/ byang chub sems dpa' de gnyis kyis gsol pa bcom ldan 'das bdag cag ni chos thams cad kyi tshul rnam par gzhag pa'i thabs la mkhas pa'i ming yang yang dag par rjes su mi mthong chos thams cad kyi tshul rnam par gzhag pa'i thabs la mkhas pa'i chos mchis par yang yang dag par rjes su mi mthong na</font><hr>79.146a<br><font size=+1>

chos thams cad kyi tshul rnam par gzhag pa'i thabs la mkhas pa lta smos kyang ci 'tshal lags/ bcom ldan 'das bdag cag ni chos thams cad kyang yang dag par mi dmigs/ chos rnams kyi rnam par gzhag pa yang yang dag par mi dmigs pas chos thams cad la gnas pa yang ma lags/ mi gnas pa yang ma lags so/ /bcom ldan 'das bdag cag de ltar mthong ba la chos thams cad kyi tshul rnam par gzhag pa 'di ltar thabs mkhas pa de yongs su tshol bar bgyid pa 'am/ yongs su tshol bar mi bgyid pa lta mchis par ga la 'gyur/ bcom ldan 'das bdag cag ni chos thams cad kyi tshul rnam par gzhag pa la de ltar thabs mkhas pa yongs su tshol bar bgyid pa yang yang dag par rjes su mi mthong / nang ngam/ phyi rol lam/ de gnyis kyi bar ram/ chos thams cad ces bgyi ba 'am/ chos kyi tshul la de ltar thabs mkhas pa rnam par gzhag pa zhes bgyi ba yang dag par rjes su mi mthong / chos 'ga' yang nang ngam/ slad rol lam/ de gnyis kyi bar ram/ chos thams cad ces bgyid ba'am/ chos kyi tshul la thabs mkhas pa rnam par gzhag pa zhes bgyi ba yang yang dag par rjes su mi mthong lags so/ /bcom ldan 'das bdag cag ni tha na chos cung zad tsam yang nang ngam/ slad rol lam/ de gnyis kyi bar ram/ chos kyi tshul la thabs mkhas pa rnam par gzhag pa zhes bgyi ba bgrod par bgyir rung ba 'am sten par bgyir rung ba yang yang dag par rjes su ma mthong lags so/ /bcom ldan 'das de ltar chos 'ga' tsam yang gzhol bar bgyid pa 'am bsten par bgyid rung ba ma mchis na bdag cag gis ji ltar de rnam</font><hr>79.146b<br><font size=+1>

par gzhag par bgyi lags/ bcom ldan 'das bdag cag gis ni 'das pa 'am/ da ltar byung ba 'am/ ma 'ongs pa gang yang rnam par gzhag pa'i gnas su gyur par yang yang dag par rjes su ma mthong lags so/ /gal te rnam par gzhag pa'i gnas yang dag par mchis pa ma lags na bdag cag gis gang du ci zhig rnam par gzhag par bgyi lags/ bcom ldan 'das rnam par gzhag pa ma mchis pa'i slad du rjes su 'thun pa la gnas pa yang ma lags/ rjes su mi mthun pa la mi gnas pa yang ma lags pas bsam pa ma mchis pa dang mtshungs par ldan pa dang / skye ba ma mchis pa dang mtshungs par ldan par gyur pa lags so/ /bcom ldan 'das bdag cag ni gang las gang gis gang du gang gi tshe bdag cag gi sems dang / yid dang / rnam par shes pa skye ba 'am/ 'gag pa zhes bgyi ba yang dag par rjes su ma mthong na sems dang yid dang / rnam par shes pas chos thams cad kyi tshul la thabs mkhas pa rnam par gzhag pa zhes ji skad du brjod par bgyi lags/ blo gros mtha' yas byang chub sems dpa' de gnyis kyis de bzhin gshegs pa de'i spyan sngar de skad smras pa'i tshe byang chub sems dpa' stong ni mi skye ba'i chos la bzod pa thob par gyur to/ /byang chub sems dpa' bye ba phrag stong gis ni bla na med pa yang dag par rdzogs pa'i byang chub tu sems bskyed do/ /de nas de bzhin gshegs pa zla ba'i sgron ma'i rgyal pos yang 'di skad ces bka' stsal to/ /rigs kyi bu ji ltar khyed gnas pa med pas gnas med pa la gnas nas chos thams cad kyi tshul rnam par gzhag pa'i thabs mkhas pa la gnas pa de bzhin du rigs kyi bu chos thams cad kyang de bzhin te/ de bzhin gshegs</font><hr>79.147a<br><font size=+1>

pa 'jig rten pa'i rjes su 'thun par mdzad pa'i phyir bla na med pa yang dag par rdzogs pa'i byang chub mngon par rdzogs par sangs rgyas pa brnyes par ston par mdzad do/ /gal te de bzhin gshegs pa 'jig rten pa'i rjes su 'thun par mi mdzad na de bzhin du bla na med pa yang dag par rdzogs pa'i byang chub mngon par rdzogs par sangs rgyas pa mngon du mdzad pa yang mi ston to/ /rigs kyi bu chos rnams la ni gnas med do/ /gnas med pa yang ma yin no/ /gnas dang gnas med pa zhes bya ba gang yin pa de dag thams cad ni 'jig rten pa'i rjes su 'brang ba'o/ /'jig rten pa'i rjes su 'brang ba gang yin pa de la ni chos 'ga' tsam yang skye bar bya ba 'am/ khong du chud par bya ba med pas de'i phyir rigs kyi bu nan tan brtson 'grus bskyed nas myur du chos rnams las rnam par grol ba 'thob par bya'o/ /byang chub sems dpa' de gnyis de bzhin gshegs pa de las chos de lta bu thos pa dang / nam mkha' la 'phags nas tshigs su bcad de de bzhin gshegs pa la mngon par bstod pa/ chos kyi rgyal po bsam mi khyab/ /ngo mtshar chos ni rab tu brnyes/ /thams cad mkhyen pa rkang gnyis gtso/ /sangs rgyas chos ni bla na med/ /chos nyid bla na ma mchis slad/ /de bzhin gshegs dang mtshungs ma mchis/ /chos rnams skye ba ma mchis pas/ /deng bdag bzod pa 'di thob lags/ /bdag ni rtag tu skye ba dang / /skye ba ma mchis rtog mi bgyid/ /de bzhin rnam mi rtog la yang / /thams cad bsam par mi bgyid do/ /chos rgyal thub pa chen po te/ /yon tan tshig dang rtog spangs pa/ /rnam par dag pa'i chos bstan nas/ /'khor rnams dga' bar mdzad du gsol/ /sangs rgyas</font><hr>79.147b<br><font size=+1>

yon tan mchog dag gi/ /mtha' ni gang zhig rtogs 'tshal bas/ /bskal pa tshad med rab brtags kyang / /dmigs par yang ni mi 'gyur ro/ /yon tan dpag tu ma mchis slad/ khyad par 'phags shing bla na med/ /chos rnams skye ba ma mchis la/ /bdag ni rtog par mi bgyid do/ /bdag ni sangs rgyas chos dag la/ /rnam par 'dzin par mi bgyid pas/ /dge ba'i rtsa ba mang po dag /ji ltar 'thob snyam sems mi bgyid/ /chos rnams bstan du ma mchis shing / /skye dang mtshan ma ma mchis pas/ /'di ltar mtshan ma ma mchis bzod/ /'di ni thams cad mngon du gyur/ /deng bdag thob pa'i bzod pa 'di/ /nams kyang ldog par mi 'gyur bas/ /de slad thams cad mkhyen pa la/ /des na dga' ba skyes pa lags/ /de bzhin gshegs pa'i chos la bdag /nges par som nyi ma mchis pas/ /chos rnams thams cad dag la yang / /the tshom mang po rab tu spangs/ /bla med sangs rgyas chos dag las/ /deng bdag bzod pa 'di thob kyang / /bdag ni rtog par yod mi bgyid/ /rtog pa ma mchis pa yang min/ /blo gros mtha' yas byang chub sems dpa' de gnyis kyis tshigs su bcad pa 'di dag smras nas de bzhin gshegs pa zla ba'i sgron ma'i rgyal po la lan gsum bskor ba byas te/ lha'i me tog dang / tsan dan gyi phye mas de bzhin gshegs pa la mngon par gtor to/ /de nas de bzhin gshegs pa des kyang 'di skad du khyed bskal pa nyi khri 'das nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur to/ /zhes lung bstan to/ /byang chub sems dpa' de gnyis kyang de bzhin gshegs pas lung bstan pa thob pas rab tu dga' bar gyur te/ de bzhin gshegs pa la sems rtse</font><hr>79.148a<br><font size=+1>

gcig tu brtags nas bsam gtan rnams la zhugs pas rdzu 'phrul gyis rnam par rtsen pa dang / /dud pa 'thul ba dang / 'od 'byin pa dag la rang dbang thob par gyur to/ /gzhan yang sems can rnams la chos yang dag par rnam par phye ste bstan pas lha dang / mi bye ba phrag nyi shu rtsa bzhi bla na med pa yang dag par rdzogs pa'i byang chub la rab tu gzhol bar gyur to/ /byang chub sems dpa' de gnyis ji srid 'tsho'i bar du nan tan gyis tshangs par spyod pa yang dag par spyad nas de bzhin gshegs pa des dus par mar gsungs pa'i yang dag pa'i chos dang / dus tha mar gsungs pa'i yang dag pa'i chos rnams rab tu bsrungs shing yongs su bzung ngo / /gzhan yang de'i tshe de dag gis sems cad bye ba phrag bzhi'i bar du btul nas bla na med pa yang dag par rdzogs pa'i byang chub la rab tu gzhol bar byas so/ /byang chub sems dpa' de gnyis rim gyis sangs rgyas brgya stong mang po la rim gro dang / mchod pa byas nas de bzhin gshegs pa rnams kyi ting nge 'dzin dang / yang dag pa'i chos rnams ma lus par yongs su bzung bas bskal pa nyi khri 'das nas de bzhin gshegs pa rin po che'i tog ces bya ba chos kyi 'khor lo rjes su bskor ba dang phrad par gyur pas sems can tshad med pa snyed btul te/ /yongs su smin par byas pas bla na med pa yang dag par rdzogs pa'i byang chub la rab tu gzhol bar gyur to/ /de bzhin gshegs pa rin po che'i tog de'i zhing ni shin tu rnam par dag cing nyan thos kyi ming yang med pas tshe gcig gis thogs pa'i byang chub sems dpa' 'ba' shig gis gang bar gyur to/ /de bzhin gshegs pa rin po che'i tog yongs su mya ngan las 'das pa'i tshe 'di skad du nga</font><hr>79.148b<br><font size=+1>

yongs su mya ngan las 'das pa'i 'og tu byang chub sems dpa' sprin gyi dbyangs shes bya ba 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ mtshan yang de bzhin gshegs pa nyi ma'i sgron ma'i rgyal po zhes bya bar 'gyur ro/ /sangs rgyas de'i zhing ni bkod pa phun sum tshogs pa/ yon tan dpag tu med pa las mngon par grub pa/ byang chub sems dpa' dang / nyan thos kyi 'khor phun sum tshogs par ma gyur pa med do/ /de bzhin gshegs pa nyi ma'i sgron ma'i rgyal po yongs su mya ngan las 'das pa'i 'og tu byang chub sems dpa' dpag tu med pa'i dbyangs shes bya ba 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur to/ /zhes lung bstan to/ /blo gros mtha' yas chos kyi rnam grangs 'di ni dmigs su med pa'i phyir dang / tshig med pa'i phyir bstan du med pa/ skye ba med pa/ 'gag pa med pa yin te/ byang chub sems dpa' sems dpa' chen po rnams kyis nan tan brtson 'grus kyis tshul bzhin du bsgrub par bya'o/ /byang chub sems dpa' gang chos thams cad kyi tshul rnam par gzhag pa'i thabs mkhas pa la gnas shing dmigs su med pas mi skye ba'i chos la bzod pa thob par gyur na sangs rgyas kyi chos yongs su rdzogs pa dang / yon tan tshad med pas rab tu brgyan nas bla na med pa yang dag par rdzogs pa'i byang chub la rab tu gzhol bar 'gyur ro/ /blo gros mtha' yas nga ni byang chub sems dpa' sems dpa' chen po rnams la chos 'di ma gtogs par gud na chos cung zad tsam yang thams cad mkhyen pa'i ye shes mngon par bsgrub par 'gyur ba yod par yang dag par mi smra 'o/ /gang la la zhig skye ba med pa/ 'gag pa med pa/ </font><hr>79.149a<br><font size=+1>

shin tu zab pa/ stong pa nyid kyi chos 'di nan tan brtson 'grus kyis yang dag par bsgrub par byed pa na myur du byang chub sems dpa' chos kyi tshul la thabs mkhas pa dang / gzugs dang / spobs pa phun sum tshogs pa dang / bla na med pa'i yongs su sdud pa 'thob par 'gyur zhing sangs rgyas bcom ldan 'das rnams kyis kyang bsngags pa brjod pa dang / chos kyi bkod pa'i yo byad kyis rab tu brgyan pa dang / sbyin pa yongs su rdzogs pa dang / tshul khrims rnam par dag pa la gnas pa dang / bzod pa rnam par dag pa dang / bla na med pa'i brtson 'grus dang / dmigs pa med pa'i bsam gtan dang / shes rab chen po thob nas bla na med pa yang dag par rdzogs pa'i byang chub la rab tu gzhol bar 'gyur bas mchog tu gyur pa'i nang na rab mchog tu gyur pa dang / myur du thams cad mkhyen pa zhes bya ba'i ming thob nas byang chub kyi snying po la 'dug par 'gyur bas rgyal po chen po bzhi gdugs thogs nas chos kyi 'khor lo bskor bar gsol ba 'debs pas lha dang mi rnams la snang ba chen po byas nas bla na med pa yang dag par rdzogs pa'i byang chub la rab tu 'god par 'gyur ro/ /gzhan yang blo gros mtha' yas byang chub sems dpa' sems dpa' chen po gang chos thams cad kyi rgya mtsho'i phyag rgya'i ting nge 'dzin brtson 'grus kyis sgrub par byed na chos thams cad chos kyi dbyings dang mtshungs pa nyid du mthong bar 'gyur te/ de ltar mthong ba'i tshe chos kyi dbyings la yang chos thams cad du mi mthong la/ chos rnams la yang chos kyi dbyings su mi mthong bas brtson 'grus kyis mngon par sgrub par byed do/ /chos thams cad kyi khams 'dus pa la thabs mkhas pas chos thams cad kyi khams la yang mngon par zhen pa yang med g.yo' ba yang med do//</font><hr>79.149b<br><font size=+1>

chos thams cad kyi khams 'dus pa la thabs mkhas shing mngon par zhen pa yang med/ rnam par rtog pa yang med pas chos gcig tu 'dus pa'i nang du chos thams cad 'dus par mthong la/ chos thams cad 'dus pa'i nang du chos gcig 'dus par mthong yang chos thams cad 'dus pas chos gcig 'dus pa la bsten par yang mi byed la/ chos gcig gi 'dus pas kyang chos thams cad kyi 'dus pa la sten par mi byed do/ /chos 'di gcig rab tu rtogs pa'i phyir yang chos thams cad rab tu rtogs par 'gyur la/ chos thams cad rab tu rtogs pa'i phyir yang chos 'di gcig shes par bya ba'i gnas rnams rab tu rtogs par 'gyur yang chos rnams kyis chos thams cad la sten par mi byed do/ /nye bar len pa'i phung po rnams 'dus pa rtogs par khong du chud pas nye bar len pa'i phung po sna tshogs kyi ngo bo nyid kyi mtshan nyid la yang 'dus pa yod pa 'am/ 'dus pa med par mngon par zhen pa skyed par mi byed do/ /byang chub sems dpa' sems dpa' chen po rnams de ltar spyod pa'i tshe chos gang rgyu dang / rkyen mang po 'dus pa las skye ba dang / chos gang rgyu dang / rkyen mang po 'dus pa las mngon par sgrub par 'gyur ba'i chos de dag kyang rtogs par khong du chud do/ /chos gang rgyu dang / rkyen 'dus pa las rnam pa sna tshogs kyi ngo bo nyid mtshungs par ldan par 'byung bar 'gyur ba'i chos gang yin pa de dag rtogs par khong du chud kyang mngon par zhen pa yang med la/ chos thams cad ces gdags pa'i mtshan nyid kyang rjes su rtogs par byed do/ //mtshan ma dang bcas pa dang / mtshan ma med pa yang rab tu rtogs par byed do/ /khams rnams kyi bye brag dang / khams sna tshogs kyi ngo bo nyid kyis mtshan</font><hr>79.150a<br><font size=+1>

nyid kyi bye brag kyang rab tu rtogs par 'gyur ro/ /gang gis rgyu byas nas nyon mongs pas rten cing 'brel bar 'byung ba'i chos rnams la sten pa dang / gzhol bar mi 'gyur ba yang khong du chud par 'gyur ro/ /'jig rten dang / 'jig rten las 'das pa'i chos rnams phan tshun mi 'gal bar yang rjes su rtogs par 'gyur ro/ /'jig rten dang / 'jig rten las 'das pa'i chos thams cad dang / 'jig rten pa'i mtshan nyid kyi phyag rgya yang yongs su rtogs par 'gyur ro/ /chos kyi rnam grangs gcig gis kyang chos thams cad kyi rnam grangs khong du chud par byed la/ chos kyi rnam grangs mang pos kyang chos gcig gis rnam grangs khong du chud par byed do/ /chos thams cad kyi rnam grangs kyis kyang chos gcig gi rnam grangs la sten par mi byed la/ chos gcig gi rnam grangs kyis kyang chos rnams kyi rnam grangs la sten par mi byed do/ /chos kyi rnam grangs de lta bu dag ma lus par yongs su sbyong bar byed do/ /blo gros mtha' yas byang chub sems dpa' sems dpa' chen po gang chos 'di nan tan gyis sgrub par byed pa de dag ni tshul gcig pa'i tshig gi bstan pa'i rnam grangs gcig gis chos thams cad kyi ngo bo nyid ro gcig pa khong du chud par 'gyur bas chos thams cad la rtsod pa med pa tshul bzhin gyis rab tu dben pa'i mchog 'thob par 'gyur te/ phan tshun 'gal ba med par 'khor mang po'i nang du chos 'di'i bsngags pa brjod nas yang dag par bstan pa dang / nan tan gyis bsgrubs pas chos thams cad kyi rgya mtsho'i phyag rgya'i ting nge 'dzin yang rab tu 'thob par 'gyur ro/ /de ltar mngon par bsgrubs pas rtsod pa dang bcas pa 'am/ rtsod pa med par yang rung ste/ </font><hr>79.150b<br><font size=+1>

de dag thams cad nye bar zhi bar gyur bas tshul bzhin du gnas par 'gyur ro/ /nga rgyal dang / bag med pa dag kyang rjes su 'thun pas yongs su spong bar byed do/ /nges par bshad pa dag kyang legs par yongs su 'dzin par byed do/ /ming dang / tshig tha dad pa dag kyang yongs su rtogs par 'gyur ro/ /chos kyi dbyings kyi tshul dag la yang thabs mkhas pas nan tan gyis sgrub par byed do/ /chos kyi sgo rnams kyang legs par yid la byed do/ /chos gang dang mtshungs par ldan pa 'am/ mtshungs par mi ldan pa yang rung ste/ thabs mkhas pas nges pa'i don la bsam pa rnam par dag pas rab tu gnas par byed do/ /blo gros mtha' yas byang chub sems dpa' sems dpa' chen po gang chos kyi sgo 'di la de ltar gnas pa de dag ni spyod pa chung ngus chos thams cad kyi rgya mtsho'i phyag rgya'i ting nge 'dzin thob nas chos kyi rgya mtsho'i phyag rgya'i ting nge 'dzin tshad med pa 'dis bla na med pa yang dag par rdzogs pa'i byang chub la rab tu gzhol bar byed do/ /de nas de'i tshe bcom ldan 'das kyis tshigs su bcad de bka' stsal pa/ khyed kyis chos rnams thams cad ni/ /chos kyi dbyings su 'jug par ltos/ /chos rnams chos dbyings mtshungs pas na/ tshul ni kun kyang mnyam pa yin/ /gzhan yang chos kyi dbyings rnams ni/ /chos rnams kun du 'jug par bltos/ /chos dbyings chos dang mtshungs pas na/ /tshul ni kun du mnyam pa yin/ /chos kyi dbyings rnams la yang ni/ /thams cad chos su lta mi byed/ /chos kyi dbyings las ma gtogs par/ /chos rnams su yang lta mi byed/ /chos rnams thams cad kun la yang / /chos kyi dbyings su lta mi byed/ /chos rnams ma gtogs gud na yang / /chos kyi dbyings su lta mi byed/ /khams ni rnam pa sna tshogs dang / /chos kyi dbyings ni sna tshogs nyid/ /chos 'dus rnams ni rtogs pas na/ /thabs mkhas gnas pa ci yang med/ /dus dang gnas ni thams cad du/ /sna tshogs ngo bo 'dus pa yang / /gnas</font><hr>79.151a<br><font size=+1>

pa med cing rten pa med/ /blang bar bya ba ci yang med/ /'dus pa tha dad ngo bo nyid/ /rnam par rtog dang mi rtog pa/ /de la gnyis ga yod ma yin/ /blo dang ldan pas mnyam par mthong / /'dus pa gcig ni shes pa'i phyir/ /'dus pa mang po shes par 'gyur/ /'dus pa mang po shes pa'i phyir/ /'dus pa gcig kyang shes par 'gyur/ /'dus pa dang ni ma 'dus dang / /rang bzhin gcig dang tha dad la/ /sten par mi byed rtog mi byed/ /'dzin pa med cing zhen pa med/ /chos rnams thams cad de dag la/ /'dus pa med par rtogs pas na/ /'dus pa nyid du mi sems shing / /'dzin pa med cing zhen pa med/ /chos kyi rnam pa thams cad kyi/ /gdags pa'i mtshan nyid de shes pas/ /sems dpa' med cing sten pa med/ /'jigs pa med cing zhen pa med/ /las dang las kyi rnam smin dag /thams cad ma lus rtogs shes shing / /de dang 'gal bar mi byed pas/ /'di ni brtson 'grus ldan pa yin/ /las dang las ni gang byas pa/ /'di gnyis 'dus pa'i mtshan nyid yin/ /mtshan de mtshan med gang shes pa/ /'di ni brtson 'grus ldan pa yin/ /khams rnams 'dus pa dag dang ni/ /khams kyi bye brag ngo bo la/ /de dag rtag tu mnyam shes pa/ /'di ni brtson 'grus ldan pa yin/ /rgyu 'bras phan tshun 'brel ba ni/ /thams cad khong du chud pas na/ /rgyu rkyen chos ni de dag la/ /go dgos tshul bzhin gnas par byed/ /'jig rten 'das pa'i chos rnams dang / /'jig rten pa'i chos rnams ni/ /'gal ba cung zad med rtogs pas/ /de bzhin mnyam par gnas par byed/ /'jig rten ji tsam gnas pa yin/ /mtshan nyid phyag rgya thams cad kyang / /rjes 'thun so sor rtog byed pas/ </font><hr>79.151b<br><font size=+1>

yongs shes mnyam par gnas par byed/ /chos kyi rnam grangs gcig gis ni/ /chos rnams rnam grangs rab shes kyang / /chos kyi rnam grangs mang po yis/ /rnam grangs gcig ni sten mi byed/ /chos kyi rnam grangs gcig gis ni/ /rnam grangs mang po sten mi byed/ /chos kyi rnam grangs mang pos kyang / /rnam grangs gcig la sten mi byed/ /chos kyi rnam grangs thams cad la/ /mnyam dang yongs su dag pa dang / /tha dad 'du shes med gyur pa/ /'di ni so sor rtog pa yin/ /tshig gis bstan pa'i chos rnams la/ /mnyam pa nyid du ston byed cing / /mnyam pa nyid la gang gnas pa/ /'di ni so sor rtog pa yin/ /tshig gis bstan pa'i chos rnams la/ /tshul bzhin du ni shes mthong ba/ /rjes 'thun rab tu thob pas na/ /'di ni thabs dang ldan zhes bya/ /rtsod pa'i smra ba mi skyed cing / /rtsod pa'i rgyu rkyen mi byed pa/ /thams cad 'gal bar mi byed pas/ /'di ni rjes mthun zhes bya'o/ /rtag tu rtsod pa med skyed cing / /rtsod pa med dang mtshungs ldan pa/ /mnyam zhing 'gal bar mi byed pas/ /'di ni blo ldan zhes bya'o/ /chos rnams kun gyi tshul dag la/ /rtsod pas smra ba nyer zhi zhing / /go dgos tshul bzhin gang sgrub pa/ /'di ni dpa' bo zhes bya'o/ /de ltar so sor rab brtags na/ /gcig tu rtsod pa med gyur pa/ /'khor 'dus mang po rnams su ni/ /bla med chos ni bsngags par 'gyur/ /'di ni byang chub sems dpa' rnams/ /chos kyi rgya mtsho thams cad kyi/ /phyag rgya'i ting 'dzin mngon sgrub pa/ /'di ni yang dag dran ldan yin/ /'di ltar gcig tu rtsod pa med/ /nan tan gyis ni sgrub byed cing / /rtsod smra nyer bzhi mtshungs ldan pa/ /ting 'dzin 'di ni rdzogs par byed/ /tshul bzhin du ni rab gnas shing / /gsungs te gsungs</font><hr>79.152a<br><font size=+1>

pa gang shes pa/ /bdag dang nga rgyal shes pas na/ /nga rgyal sems mtho spong bar byed/ /nges par gsungs pa'i gsung rab las/ /thabs mkhas yongs su rdzogs byed cing / /bye brag ming ni gang shes pa/ /'di ni blo ldan zhes bya'o/ /chos rnams kun gyi tshul la ni/ /tshul bzhin nan tan gang sgrub pa/ /chos rnams kun gyi sgo mthong bas/ /'di ni chos mthong zhes bya'o/ /de ltar nan tan gang sgrub pa/ /chos gang mtshungs par ldan pa dang / /chos gang mtshungs par mi ldan pa/ /chos de thams cad shes par 'gyur/ /chos rnams thams cad kun las ni/ /las ni dag par gang dran pa/ /nges par gsungs pa'i don dag la/ /thabs mkhas pa ni 'thob par 'gyur/ /chos rnams thams cad kun la ni/ /brtson 'grus bskyed nas gang sems pa/ /chos rnams thams cad rtogs pas na/ /ting 'dzin 'di ni 'thob par 'gyur/ /gzhan yang blo gros mtha' yas byang chub sems dpa' sems dpa' chen po rnams chos 'di la nan tan gyis sgrub par byed na gzhan yang ti nge 'dzin gyi chos yongs su sdud par 'gyur gyis legs par nyon la yid la zung shig dang / ngas yang dag par bshad par bya'o/ /bcom ldan 'das de bzhin du thos par 'tshal lo zhes gsol pa dang / de nas bcom ldan 'das kyis byang chub sems dpa' sems dpa' chen po blo gros mtha' yas la 'di skad ces bka' stsal to/ /blo gros mtha' yas byang chub sems dpa' sems dpa' chen po rnams la chos kyi snang ba'i sgo yod de/ chos kyi tshul la thabs mkhas pa 'byung bar byed do/ /chos thams cad kyi phyag rgya rab tu 'byung bar byed do/ /chos kyi phyag rgya'i sgo thams cad du 'jug par 'gyur ro/ /</font><hr>79.152b<br><font size=+1>

chos thams cad kyi bya ba rnams khong du chud cing rab tu 'jig par 'gyur ro/ /chos kyi snang ba 'thob par nus shing yang dag par rab tu ston par byed do/ /chos kyi snang ba'i dbang gis chos kyi tshig gi sgo rnams la rjes su gzhol bar byed do/ /thabs mkhas pa'i snang ba yang dag par 'byung bar byed pa'i chos kyi snang ba'i sgo de yang gang zhe na/ 'di lta ste/ ming tha dad pa bstan pa'i sgo dang / gsang ba bsdams pa'i sgo dang / ming tha dad pa'i dngos po'i sgo dang / dngos po yongs su bsdu ba'i sgo dang / bye brag rnams kyi sgo rab tu rtogs pa gang yin pa'o/ /ji ltar de dag khong du chud nas ting nge 'dzin gyi sgo yang dag par skye bar 'gyur ro/ /zhe na chos kyi dbyings kyi tshul gyi sgo/ thams cad ni don gcig tu 'jug par 'gyur bas chos kyi snang ba rnams rjes su rtogs par 'gyur ro/ /blo gros mtha' yas byang chub sems dpa' sems dpa' chen po gang chos zab mo'i tshul la thabs mkhas pa 'di sgrub par byed pa dang / sgrub par 'gyur ba dang / yongs su tshol ba dang / yongs su tshol bar 'gyur ba de dag chos kyi rnam grangs 'di thob par gyur na sbyor ba chung ngus snang ba chen po thob nas chos kyi sgor rab tu 'jug par 'gyur ro/ /chos kyi sgo 'di las kyang yang snang ba byung nas snang ba des kyang chos kyi sgo ji lta bu dang / spyod pa ji lta ba bzhin du rjes su 'jug cing rjes su spyod par 'gyur bas tshul ji lta ba bzhin du ting nge 'dzin gyi stobs kyis chos kyi sgo rnams la so sor rab tu rtogs par byed do/ /ting nge 'dzin gyi sgo nas shes rab skyes pas kyang de kho na nyid kyi tshul gang yin pa dag rab tu rtogs par 'gyur te/ ting nge 'dzin gyi mthu'i phyir dang / chos kyi sgo la so sor rab tu rtogs par byed pa'i phyir dang / shes rab skyed par</font><hr>79.153a<br><font size=+1>

byed pa'i phyir ting nge 'dzin gyi sgo nas chos kyi dbyings rtogs shing thabs mkhas pa la gnas par 'gyur bas chos kyi sgo'i snang ba thams cad rab tu skyed pa dang / chos kyi rgya mtsho'i phyag rgya'i ting nge 'dzin thams cad kyang rab tu 'thob par 'gyur ro/ /blo gros mtha' yas chos kyi sgo zhes bya ba gang zhe na/ 'di lta ste yi ge a zhes bya ba'i phyag rgyas btab nas ma rig pas mngon par 'dus byas pas 'du byed yongs su rdzogs par 'gyur ba gang yin pa yi ge a zhes bya ba'i sngon du 'gro bas ma rig pa nye bar zhi bar byed do/ /gnas par bya ba ci yang med pa'i phyir byang chub sems dpa' sems dpa' chen po rnams mtshan ma med pa'i phyag rgya'i sgor 'jug par bya'o/ /yi ge i zhes bya ba'i phyag rgyas chos thams cad phyag rgyas btab nas las kyi rnam par smin pa'i 'bras bu dang / las kyi bya ba dang / las dang / 'bras bu dang / tshogs pa rnams 'grub par byed pa dang / las dang 'bras bu dang / tshogs pa dang / rkyen rab tu rtogs par byed pa'i phyir byang chub sems dpa' sems dpa' chen po rnams las med pa dang / 'bras bu med pa dang / tshogs pa med pa dang / rkyen med pa'i phyag rgya'i sgor 'jug par bya'o/ /'di ltar 'du byed rnams kyi phyag rgyas chos thams cad phyag rgyas btab nas lam rnam pa sna tshogs dang / /las kyi bya ba dag las chos kyi ye shes kyi snang ba thams cad rab tu skyed par byed pa'i phyir byang chub sems dpa' sems dpa' rnams 'du byed thams cad la thabs mkhas pa'i phyag rgya'i sgor 'jug par bya'o/ /'di ltar yi ge d+ha zhes bya ba'i phyag rgyas chos thams cad phyag rgyas btab nas yi ge mA zhes bya bas ming dang tshig tu gdags pa'i grogs byas pas chos sna tshogs dang mtshungs</font><hr>79.153b<br><font size=+1>

par ldan par 'gyur ba dang / yi ge d+ha dang mas grogs byas par rab tu rtogs par byed pa'i phyir byang chub sems dpa' sems dpa' chen po rnams 'dus pa med pa dang / grogs med pa dang / ming med pa'i phyag rgya'i sgor 'jug par bya'o/ /'di ltar phyag rgya dpag tu med pas chos thams cad phyag rgyas btab pas rnam par rtog pa thams cad mi dmigs shing rnam par rtog pa yongs su spong bar byed pa'i phyir byang chub sems dpa' sems dpa' chen po rnams rnam par mi rtog pa'i phyag rgya'i sgor 'jug par bya'o/ /'di ltar mtha' med pa'i phyag rgyas chos thams cad phyag rgyas btab nas mtha' 'dus pa med cing mtha' yongs su zad par byed pa'i phyir byang chub sems dpa' sems dpa' chen po rnams rtog pa med pa dang / dpyod pa med pa dang / tshig med pa'i phyag rgya'i sgor 'jug par bya'o/ /'di ltar rang bzhin sna tshogs med pa'i phyag rgyas chos thams cad phyag rgyas btab pas rang bzhin gcig gis mngon par 'dus byas pa'i mtshan ma dang / rang bzhin sna tshogs kyi 'du shes rab tu sel bar byed pa'i phyir byang chub sems dpa' sems dpa' chen po rnams rang bzhin sna tshogs kyi phyag rgya'i sgor 'jug par bya'o/ /'di ltar 'dun pa dang / mtshungs par ldan pa'i phyag rgyas chos thams cad phyag rgyas btab pas 'dus byas kyi spyod pa mngon du byung ba rnams yongs su rdzogs par byed pa dang / 'dod pa spangs nas rab tu dben par gyur pa dang / tshogs pa nyid yod pa ma yin pa'i phyir byang chub sems dpa' sems dpa' chen po rnams 'dod pa zad par byed pa'i shes pa dang / mthong ba dang / tshogs pa med pa'i phyag rgya'i sgor 'jug par bya ste/ blo gros mtha' yas 'di dag ni byang chub sems dpa' sems dpa' chen po rnams kyi phyag rgya'i sgos</font><hr>79.154a<br><font size=+1>

chos thams cad phyag rgyas btab pa yin te/ phyag rgya'i sgo 'dis chos thams cad la rab tu 'jug par byed do/ /blo gros mtha' yas gzhan yang thogs pa med pa'i sgo dang / rjes su 'thun pa med pa'i sgo zhes bya ba yod de/ byang chub sems dpa' sems dpa' chen po rnams kyi khong du chud par byas nas rjes su 'jug par bya'o/ /de la thogs pa med pa'i sgo dang / tshogs pa med pa'i sgo zhes bya ba gang yin zhe na/ 'di lta ste nam mkha'i phyag rgyas chos thams cad phyag rgyas btab pas byang chub sems dpa' sems dpa' chen po rnams gnyis su med pa'i phyag rgya'i sgor 'jug par bya'o/ /'di ltar rab tu dben pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams gnyis su med pa'i phyag rgya'i sgor 'jug par bya'o/ /'di ltar rab tu zhi ba'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams rab tu zhi ba'i phyag rgya'i sgor 'jug par bya'o/ /'di ltar rnam par phye ba med pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams g.yo ba med pa'i phyag rgya'i sgor 'jug par bya'o/ 'di ltar gnas med pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams kun nas nyon mongs pa med pa'i phyag rgya'i sgor 'jug par bya'o/ /ngo bo nyid kyi stong pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams thob pa med pa'i phyag rgya'i sgor 'jug par bya'o/ /mtshan ma med pa'i phyag rgyas chos thams cad phyag rgyas</font><hr>79.154b<br><font size=+1>

btab pa yin pas byang chub sems dpa' sems dpa' chen po rnams thabs mkhas pas sgom pa'i phyag rgya'i sgor 'jug par bya'o/ /smon pa med pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams rab tu zhi ba'i smon lam gyi snang ba'i phyag rgya'i sgor 'jugs par bya'o/ /'dod chags med pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams rnam par rtog pa yang dag pa ji lta ba bzhin du yongs su shes pa'i phyag rgya'i sgor 'jug par bya'o/ /skye ba med pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams yang dag pa'i shes pa dang / mthong ba skye ba dang / skye ba med pa'i phyag rgya'i sgor 'jug par bya'o/ /nye bar zhi bar 'gyur ba'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams phung po yongs su spong ba'i phyag rgya'i sgor 'jug par bya'o/ /mtshan ma zad par byed pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams skye ba zad par byed pa'i phyag rgya'i sgor 'jug par bya'o/ /chos kyi dbyings kyi phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams kyi dbyings rab tu rtogs pa la mkhas pa'i phyag rgya'i sgor 'jug par bya'o/ /rjes su dran pa med pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams yang dag par rtog pa med cing mnyam pa nyid du gyur pa'i phyag rgya'i sgor 'jug par bya'o/ /ngo bo nyid med pa'i phyag rgyas chos</font><hr>79.155a<br><font size=+1>

thams cad phyag rgyas btab pa yin pas byang chub sems dpa' sems dpa' chen po rnams rang bzhin thams cad yongs su shes pa'i phyag rgya'i sgor 'jug par bya'o/ /yongs su mya ngan las 'das pa'i phyag rgyas chos thams cad phyag rgyas btab pa yin pas byang chub sems dpa' sems dpa' chen po rnams yang dag pa ji lta ba bzhin du rab tu zhi ba dang / 'gog pa'i rjes su 'brang ba'i phyag rgya'i sgor 'jug par bya ste/ blo gros mtha' yas 'di dag ni byang chub sems dpa' sems dpa' chen po rnams kyi chos thams cad la thogs pa med pa'i sgo dang / rjes su 'thun pa'i sgo dang / rtag pa dang / chad par lta ba thams cad las yang dag par 'das pa'i sgo dang / mtha' med pa'i sgo dang / sngon dang phyi ma'i mtha' med pa'i sgo yin te/ 'di ltar yongs su skyo bar gyur pa'i phyir dang / 'gog par byed pa'i phyir dang / zhi bar byed pa'i phyir dang bsil bar byed pa'i phyir byang chub sems dpa' sems dpa' chen po rnams chos thams cad kyi phyag rgya'i sgo 'di'i rjes su bslab par bya ste/ rjes su 'jug par bya/ legs par bsgom par bya'o/ /chos kyi sgo 'di rnams kyis ni chos rgya mtsho'i phyag rgya'i ting nge 'dzin thams cad rab tu thob par byed do/ /ting nge 'dzin 'di yang dag pa ji lta ba bzhin du rjes su thob par gyur na/ chos rnams la thabs mkhas pa'i shes pa yongs su spyod par byed do/ /de lta bas na byang chub sems dpa' sems dpa' chen po rnams kyis phyag rgya'i sgo 'di legs par bsgoms nas chos kyi rgya mtsho'i ting nge 'dzin thams cad la gnas te/ chos thams cad la so sor rab tu rtog par byed na/ chos kyi snang ba chen po tshad med dpag tu med pa skye zhing rab tu 'byung bar 'gyur ro/ /blo gros</font><hr>79.155b<br><font size=+1>

mtha' yas 'di lta ste/ dper na rgya mtsho chen po'i chu ni tshad med pas de'i tshad gang gis kyang dpag par mi nus so/ /de bzhin du chos thams cad kyang gang gis kyang de'i tshad dpag par mi nus so/ /gzhan yang 'di lta ste/ dper na chu klung thams cad ni rgya mtsho chen por 'bab cing 'jug par 'gyur ro/ /de bzhin du chos thams cad kyang chos kyi phyag rgyar 'jug par 'gyur bas de'i phyir rgya mtsho'i phyag rgya zhes bya ste/ chos thams cad phyag rgyas btab nas chos rnams kyi rgya mtsho'i phyag rgyar zhugs par gyur na phyag rgya 'dis chos thams cad chos kyi phyag rgya dang mtshungs par mthong bas so/ /gzhan yang 'di lta ste/ dper na klu chen po dang / klu'i 'khor lus chen po dang ldan pa rnams ni rgya mtsho dang ldan zhing rgya mtshor 'jug par nus sam/ rgya mtsho chen po de dag la gnas su byed do/ /byang chub sems dpa' sems dpa' chen po rnams kyang de bzhin du bskal pa brgya stong tshad med pa snyed du theg pa rnams legs par bsgoms pas ting nge 'dzin gyi phyag rgya'i sgo 'dir 'jug par nus shing phyag rgya'i sgo 'di nyid la gnas par byed de/ sangs rgyas kyi chos rnams mngon du bya ba'i phyir dang / thams cad mkhyen pa legs par yongs su rdzogs par bya ba'i phyir chos rnams kyis phyag rgya'i sgo de lta bu dag mngon par sgrub par byed do/ /byang chub sems dpa' sems dpa' chen po rnams kyi chos kyi sgo 'di nan tan gyis sgrub par byed na chos thams cad kyi sgo la yang dag par slob par 'gyur ro/ /chos kyi sgo rnams chos kyi sgo 'dir 'du bar mthong ba'i phyir chos kyi snang ba rnams bskyed nas chos kyi rgya mtsho thams cad du 'jug par 'gyur bas de'i phyir chos kyi rnam grangs 'di chos thams cad kyi rgya mtsho'i phyag rgya'i ting nge 'dzin ces</font><hr>79.156a<br><font size=+1>

bya'o/ /gzhan yang 'di lta ste/ dper na rgya mtsho chen po ni rin po che chen po rnams 'du ba'i gnas su gyur pa yin no/ /ting nge 'dzin 'di yang de bzhin du chos thams cad dang / chos la thabs mkhas pa rnams 'du ba'i gnas su gyur pa yin no/ /blo gros mtha' yas sems can gang la la zhig sangs rgyas kyi mkhyen pa dang / gzigs pa bla na med pa 'thob par bya ba'i phyir ting nge 'dzin 'di yongs su tshol bar gyur pa dang / yongs su tshol bar 'gyur ba dang / yongs su tshol bar byed pa de dag ni chos kyi rgya mtsho yongs su rdzogs pa'i shes rab thams cad yongs su tshol bar byed pa yin pas don de'i phyir ngas chos kyi phyag rgya 'di khyod la gtad pa yin gyis khyod kyis kyang ma 'ongs pa'i dus lnga brgya tha ma la yang dag pa'i chos 'jig par 'gyur ba'i tshe chos kyi phyag rgya 'dis sems can rnams la yongs su gdab par bya'o/ /chos kyi phyag rgya 'dis gang la btab par gyur na de dag thams cad bla na med pa yang dag par rdzogs pa'i byang chub las phyir ldog par mi 'gyur zhing sangs rgyas kyi chos yongs su rdzogs par byed pas myur du byang chub kyi snying por 'gro ba dang / bla na med pa'i chos kyi 'khor lo bskor ba dang / sangs rgyas kyi gdung bsab pa dang / thams cad mkhyen pa'i sa la rjes su mthun par gnas pa dang / bla na med pa'i yongs su mya ngan 'das pa chen pos yongs su mya ngan las 'das pa dang / lha dang mi rnams kyang yang dag pa'i chos yongs su 'dzin pa la gzung bar byed do/ /blo gros mtha' yas byang chub sems dpa' sems dpa' chen po gang yon tan khyad par du 'phags pa de lta bu yongs su sdud par 'dod pa des chos zab mo 'di la nan tan gyis bslab par bya zhing bag yod pa dang ldan par bya'o//</font><hr>79.156b<br><font size=+1>

gzhan yang blo gros mtha' yas ngas mngon par dran te/ sngon 'das pa'i dus bskal pa grangs med pa'i yang ches grangs med pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das ri rab kyi 'od las yang dag par 'das pa'i rgyal po zhes bya ba 'jig rten du byung ste/ bskal pa'i ming ni dge ba la gnas pa zhes bya'o/ /'jig rten gyi khams ni yid dga' bar byed pa zhes bya'o/ /bskal pa de'i sems can rnams tshe ring zhing tshe'i tshad med pa dang / rab tu bde zhing 'byor ba dang ldan pa dang / dge ba'i chos la rab tu gnas pas de'i phyir bskal pa de'i ming dge ba la gnas pa zhes bya'o/ /sangs rgyas kyi zhing de yangs shing rgya che ba dang / shin du mdzes pas mthong ba rnams yid bde zhing dga' bar byed pa dang / spos kyi ngad dang ldan par kun du khyab par byed pas de'i phyir 'jig rten gyi khams de yid dga' bar byed pa zhes bya'o/ /de'i tshe gling bzhi las gling gsum gyi tshad mnyam ste/ dpag tshad brgyad khri brgyad khri yod do/ /gling re re na yang grong khyer nyi khri nyi khri yod de/ grong khyer re re 'i tshad kyang dpag tshad bcu bcu yod do/ /'dzam bu'i gling gi tshad ni dpag tshad bye ba yod do/ /de na grong khyer brgyad khri yod do/ /grong khyer re re'i tshad kyang dpag tshad nyi shu nyi shu yod do/ /de dag kyang gzhal med khang brtseg ma dang / ra bas 'khor bar bskor ba/ gos sna tshogs 'byung ba'i shing ljon pa dang / ro sna tshogs 'byung ba'i shing ljon pa dang / me tog sna tshogs kyi shing ljon pa dang / rin po che'i shing ta la dag gis rab tu brgyan pa/ </font><hr>79.157a<br><font size=+1>

yul bde zhing mis rab tu gang bar gyur to/ /de na grong khyer mchog tu che ba dpag tshad brgyas 'khor ba yod de/ de yang bskyed mos tshal nyi khris 'khor bar bskor ba/ bskyed mos tshal de kun du yang 'bab chu dag rab tu 'bab cing me tog dang / 'bras bu dag rab tu rgyas pa/ spos mchog dam pa'i ngad ldang bas yid dga' bar byed pa/ bya dang ri dgas rnams sgra snyan pa 'byin pas rab tu gang bar gyur to/ /de'i tshe de bzhin gshegs pa de bskyed mos tshal de gcig tu bzhugs nas 'khor rnams la chos bstan par gyur to/ /blo gros mtha' yas de bzhin gshegs pa ri rab kyi 'od las yang dag par 'das pa'i rgyal po'i sku tshe'i tshad ni bskal pa chung ngu bcu thub par gyur to/ /yongs su mya ngan las 'das pa'i 'og tu yang dag pa'i chos ni bskal pa chung ngu gcig gi bar du 'jig rten du gnas par gyur to/ /de bzhin gshegs pa des 'khor 'dus pa la lan bzhir chos bstan te/ 'khor 'dus pa re re la yang nyan thos slob pa'i sa la gnas pa bye ba khrag khrig phrag lnga yod do/ /dgra bcom pa dang / byang chub sems dpa'i 'khor ni bye ba khrag khrig phrag lnga bcu lnga bcu yod do/ /de'i tshe de bzhin gshegs pa de la byang chub sems dpa' gnyis yod do/ /gcig gi ming ni dpa' bo'i sde zhes bya'o/ /gcig gi ming ni dpa' bo'i stobs shes bya ste/ byang chub sems dpa' de gnyis kyang rdzu 'phrul dang ldan zhing mi skye ba'i chos la bzod pa thob pa yin pas bcom ldan 'das de la 'di skad ces gsol to/ /bcom ldan 'das chos ji lta bu zhig gis byang chub sems dpa' sems dpa' chen po rnams kyi chos kyi rgya mtsho'i phyag rgya'i ting nge 'dzin thams cad yongs su rdzogs par bgyid par 'gyur lags/ de nas</font><hr>79.157b<br><font size=+1>

de bzhin gshegs pa des tshig gi rnam grangs 'di rgya cher yang dag par rab tu bstan to/ /'di yang dag par rab tu bstan pa na byang chub sems dpa' stong phrag bcu mi skye ba'i chos la bzod pa thob par gyur to/ /byang chub sems dpa' de gnyis kyis ni chos kyi rgya mtsho'i phyag rgya'i ting nge 'dzin thams cad dang / byang chub sems dpa'i ting nge 'dzin thams cad thob par gyur to/ /chos kyi rgya mtsho'i phyag rgya'i ting nge 'dzin rnams dang / byang chub sems dpa'i ting nge 'dzin rnams mngon du gyur pa'i phyir sangs rgyas kyi zhing thams cad du rdzu 'phrul chen po bstan pa dang / 'od zer chen po bkye ba dang / tshangs pa'i sgra shin du gya nom pa bsgrags nas sems can rnams la yang dag pa'i chos bstan cing yongs su smin par byas pas srog chags bye ba phrag brgyad bla na med pa yang dag par rdzogs pa'i byang chub la rab tu gzhol bar gyur to/ /de nas de bzhin gshegs pa des 'di skad du khyed bskal pa brgya 'das pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa de re re la yang de bzhin gshegs pa lnga brgya lnga brgya la mchod pa dang / rim gro byed pa dang / de bzhin gshegs pa de dag gis dus par mar gsungs pa'i chos yang dag pa gang yin pa dang / dus tha mar gsungs pa'i chos yang dag pa gang yin pa de dag kyang ma lus par yongs su bzung nas sems can rnams la phan pa chen po byed par 'gyur ro/ /bskal pa re re la yang sems rtse gcig tu gyur cing rnam par g.yeng ba med pas skye ba thams cad du yang rdzus te skye bar 'gyur ro/ /skye ba thams cad du yang ting nge 'dzin las ldog par mi 'gyur zhing rdzu 'phrul gyis chos ston pas sems can mang po rnams yongs su zlos par</font><hr>79.158a<br><font size=+1>

'gyur ro/ /bskal pa brgya 'das nas gzhan yang de bzhin gshegs pa yon tan dpag tu med pa zhes bya ba la mchod pa dang / rim gro byas pas ting nge 'dzin dang / rdzu 'phrul dang / rnam par thar pa tshad med pa/ rnams la rnam par rtsen par 'gyur ro/ /zhes lung bstan to/ /byang chub sems dpa' de gnyis de bzhin gshegs pa de dang phrad par gyur pa'i tshe gcig gi ming ni mya ngan med pa zhes bya'o/ /gcig gi ming ni rab tu gnas pa zhes bya ste/ de bzhin gshegs pa'i rjes su chos kyi 'khor lo bskor nas sems can tshad med grangs med pa rnams btul te/ theg pa gsum po dag la rab tu bkod pas de'i tshe de bzhin gshegs pa des kyang 'di skad du nga yongs su mya ngan las 'das pa'i 'og tu mya ngan med pa 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa spobs pa dpag tu med pa zhes bya bar 'gyur ro/ /de bzhin gshegs pa de yongs su mya ngan las 'das pa'i 'og tu rab tu gnas pa 'di bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa 'od zer khyad par du 'phags pa zhes bya bar 'gyur ro/ /de bzhin gshegs pa de dag gi sku tshe'i tshad kyang bskal pa re re thub par 'gyur te/ sangs rgyas kyi zhing de dag kyang yon tan tshad med pa bsags pa las mngon par grub pa yin no/ /zhes lung bstan to/ /byang chub sems dpa' de gnyis kyang de bzhin gshegs pa'i spyan sngar lung bstan pa thob pas rim gyis bla na med pa yang dag par rdzogs pa'i byang chub mngon par rdzogs par sangs rgyas par gyur to/ /blo gros mtha' yas byang chub sems dpa' sems dpa' chen po gang chos kyi rgya mtsho'i phyag rgya'i ting nge 'dzin</font><hr>79.158b<br><font size=+1>

thams cad 'thob par 'dod pas rab tu dga' ba dang / brtson 'grus chen po bskyed nas lus dang srog la 'phangs pa med pa dang / bag yod pas mngon par bsgrub par bya'o/ /de nas de'i tshe 'khor 'dus pa de nyid du yang byang chub sems dpa' sems dpa' chen po don gyi blo gros shes bya ba 'dus par gyur pa de 'dug pa stan las langs nas bcom ldan 'das la 'di skad ces gsol to/ /bcom ldan 'das kyis byang chub sems dpa' sems dpa' chen po rnams chos thams cad kyi ye shes la thabs mkhas pa 'thob par bgyi ba dang / de bzhin gshegs pa'i thams cad mkhyen pa thob par bgyi ba'i slad du chos kyi rgya mtsho'i phyag rgya'i ting nge 'dzin thams cad yang dag par gsungs pa ni ngo mtshar che lags so/ /bcom ldan 'das gal te chos kyi rgya mtsho'i phyag rgya'i ting nge 'dzin rnams thob par gyur na gdon mi mtshal bar chos rnams kyi tshul la thabs mkhas pa thob nas myur du byang chub kyi snying por mchi bar 'gyur bas yon tan gyi rgya mtsho dpag tu ma mchis pa 'dis bla na med pa yang dag par rdzogs pa'i byang chub la rab tu gzhol bar bgyid pa dang / rtag tu sangs rgyas rnams mthong zhing nan tan gyis chos yang dag par mngon par bsgrub pa dang / dge 'dun dang spyod pa mtshungs pas de bzhin gshegs pa'i mchod pa chen po yongs su sbyong bar 'gyur ba dang / nyan thos dang / rang sangs rgyas kyi sa las yang dag par 'da' bar 'gyur lags so/ /de nas bcom ldan 'das kyis byang chub sems dpa' sems dpa' chen po don gyi blo gros la 'di skad ces bka' stsal to/ /de de bzhin no/ /de de bzhin te/ khyod kyi ji skad smras pa de bzhin du don</font><hr>79.159a<br><font size=+1>

gyi blo gros byang chub sems dpa' sems dpa' chen po rnams kyi rgya mtsho'i phyag rgya'i ting nge 'dzin thams cad thob par gyur na yon tan khyad par du 'phags pa tshad med pa rnams rab tu 'thob par 'gyur ro/ /gal te chos kyi rgya mtsho'i phyag rgya'i ting nge 'dzin rnams la gnas par gyur na chos kyi rgya mtsho'i phyag rgya'i ting nge 'dzin rnams la thabs mkhas pas gdon mi za bar bla na med pa yang dag par rdzogs pa'i byang chub la rab tu gzhol bar 'gyur ro/ /don gyi blo gros 'di lta ste/ dper na ri'i rgyal po ri rab ni rin po che sna tshogs las mngon par grub pa rgya mtsho chen po las dpag tshad brgyad khri bzhi stong gis gyen du 'phags shing mchog tu gsal bar gnas so/ /byang chub sems dpa' sems dpa' chen po rnams kyang de bzhin du ting nge 'dzin 'dis legs par gzhol bar byed pa'i phyir chos kyi gter gyi rgya mtsho chen po thams cad las mngon par 'phags nas lha dang mir bcas pa'i 'jig rten thams cad zil gyis gnon cing bla na med pa'i gnas pas mchog tu gsal bar gnas so/ /gzhan yang 'di lta ste/ dper na zla ba'i dkyil 'khor ni skar ma'i tshogs mang pos yongs su bskor ba yin no/ /byang chub sems dpa' sems dpa' chen po rnams kyang de bzhin du/ lha dang mir bcas pa'i 'jig rten gyi 'khor 'dus pa chen po thams cad du rab tu gsal bar gnas so/ /don gyi blo gros khyod kyis chos 'di thos par gyur na 'di las su yang mi dga' zhing mos pa mi skye ba 'am/ brtson 'grus mi skyed pa 'am/ bag yod pa dang bcas par mi 'gyur ba gang yang med par blta bar bya ste/ sems can bsod nams chung zhing dman pa la/ </font><hr>79.159b<br><font size=+1>

mos pa ni ma gtogs so/ /sems can gang shes rab chen po dang ldan pa dag gis ni chos rgya chen po 'di mngon par sgrub par byed la/ chos rgya chen po mngon par sgrub pa gang yin pa de dag ni yon tan phun sum tshogs pa'i skyes bu dam pa rnams kyis yongs su gzung bar 'gyur te/ ngas ji skad du gang gis chos kyi nor rgya chen po 'di yongs su 'dzin par byed pa de dag ni lha dang mi rnams kyis yongs su bsrung zhing rim gro byed pa dang / phyogs bcu'i sangs rgyas dang / byang chub sems dpa' sems dpa' chen po rnams kyis rjes su dgongs par 'gyur ro zhes bstan pa lta bu'o/ /de nas bcom ldan 'das kyis byang chub sems dpa' sems dpa' chen po blo gros mtha' yas la 'di skad ces bka' stsal to/ /blo gros mtha' yas byang chub sems dpa' sems dpa' chen po gang chos kyi rnam grangs 'di la nan tan gyis sgrub cing slob par byed pa de dag ni sems can rnams la phan pa chen po byed cing the tshom thams cad rab tu sel ba dang / mdud pa thams cad rab tu dgrol ba dang / bag chags rnams spong ba dang / bag la nyal ba rnams gcod pa dang / srid pa'i dga' ba rnams las yang dag par 'das pa dang / srid pa'i rgya mtsho las yang dag par rgal ba dang / mun nag rnams gtan tu bsal ba dang / skrag cing 'jigs pa rnams rab tu spong ba dang / thabs mkhas pas sems can thams cad kyi sems rab tu shes par 'gyur ro/ /de nas bcom ldan 'das kyis de skad ces bka' stsal nas 'od zer chen po bkye bas 'od zer des 'jig rten gyi khams grangs med pa gsal bar mdzad cing nyi ma dang zla ba'i 'od zer thams cad</font><hr>79.160a<br><font size=+1>

kyang zil gyis mnan to/ /'od zer bkye nas yang byang chub sems dpa' sems dpa' chen po blo gros mtha' yas la 'di skad ces bka' stsal to/ /blo gros mtha' yas byang chub sems dpa' sems dpa' chen po gang rgya mtsho'i phyag rgya'i ting nge 'dzin 'di la nan tan gyis sgrub par byed pa de dag kyang de bzhin du rdzu 'phrul chen po rab tu ston cing 'od zer chen po 'gyed pa dang / seng ge'i sgra chen po bsgrags nas chos 'di yang dag par ston par byed pas khams gsum las yang dag par 'das shing snang ba chen po byed par 'gyur te/ de dang ji lta ba bzhin pas bye brag tu gyur pa ci yang med do/ /de nas bcom ldan 'das la byang chub sems dpa' sems dpa' chen po blo gros mtha' yas kyis 'di skad ces gsol to/ /bcom ldan 'das de bzhin gshegs pas chos kyis rnam grangs 'di byin gyis brlabs nas slad ma'i dus kyi tshe sems can gang dag chos kyi rnam grangs 'di'i ming thos pa tsam gyis kyang yon tan dpag tu ma mchis pa thob par 'gyur bar mdzad du gsol/ de nas bcom ldan 'das kyis chos kyi rnam grangs 'di byin gyis brlab pa'i phyir yang 'od zer chen po rab tu bkye 'o/ /gzhan yang phyag sor gcig gis stong gsum gyi stong chen po'i 'jig rten khams rnams rab tu g.yo bar mdzad pas sems can rnams bde ba chen po thob par gyur to/ /de'i tshe 'khor der 'dus pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto phye chen po la sogs pa'i 'khor rnams kyis lha'i me tog dam pa dang / lha'i gos dam pa dag gis mngon par gtor nas dus gcig tu lha'i rol mo rnams byas so/ /lha tshad med pa rnams kyis kyang</font><hr>79.160b<br><font size=+1>

lha'i gos rgyang nas mngon par gtor bas nam mkha' kun du gang bar gyur te/ skad 'thun par 'di skad du kye ma sangs rgyas rnams kyi spyod yul ni bsam gyis mi khyab bo/ /gang gis chos zab mo 'di yongs su 'dzin par byed pa de dag ni sems can thams cad kyis gus par mchod cing phyag bya ba'i 'os su gyur par rig par bya'o/ /zhes smras so/ /de nas bcom ldan 'das kyis yang byang chub sems dpa' sems dpa' chen po blo gros mtha' yas la 'di skad ces bka' stsal to/ /blo gros mtha' yas ma 'ongs pa'i dus na gang bsod nams chung ba'i sems can de dag gis ni go cha'i bkod pa dang / ting nge 'dzin gyi bkod pa 'di thos par mi 'gyur gyi/ sems can gang thabs mkhas pa dang ldan pa dang / tshogs chen po yongs su sdud pa gang yin pa de dag gis ma 'ongs pa'i dus na chos 'di thos par 'gyur ro/ /chos 'di la gang gis nan tan du sgrub par byed pa de dag ni dus gsum gyi sangs rgyas bcom ldan 'das kyis yongs su bzung bar 'gyur ro/ /blo gros mtha' yas ma 'ongs pa'i dus na 'jigs pa chen po 'byung ba'i tshe nga'i chos kyi rnam grangs 'di khyod la sogs pa la yongs su gtad do/ /ngas bskal pa bye ba khrag khrig grangs med pa nas bla na med pa'i chos kyi gter rab tu bsags pas yon tan phun sum tshogs pa dang / dpag tu med pa'i bde ba thob pa gang yin pa de dag khyod kyis kyang 'thob par 'gyur gyis sdug bsngal gyi phung po thams cad khyod kyis rab tu spangs te yon tan gyi rgya mtsho dpag tu med pas myur du bla na med pa yang dag par rdzogs pa'i byang chub la rab tu gzhol bar bya'o/ /de nas byang chub sems dpa' sems dpa' chen po/ blo gros mtha' yas byang chub sems dpa'</font><hr>79.161a<br><font size=+1>

sems dpa' chen po lnga brgya dang bcas pa dang / khyim bdag ma smad pa dang / tshong dpon bzang skyong la sogs pa gtso bor gyur pa rnams kyis bcom ldan 'das kyi zhabs la phyag byas nas 'di skad ces gsol to/ /bcom ldan 'das bdag cag rnams mthu ci mchis pas de bzhin gshegs pa'i byang chub chen po'i chos yongs su bzung nas slad ma'i dus kyi tshe sems can rnams la phan gdags par bgyi'o zhes gsol to/ /de nas byang chub sems dpa' sems dpa' chen po rnams 'dug pa stan las langs te/ me tog rnam pa sna tshogs kyis de bzhin gshegs pa la mngon par gtor nas lus kyi gos mchog dam pa phud de/ mchod pa byas nas 'di skad ces gsol to/ /bcom ldan 'das bdag cag ni dge ba'i rtsa ba 'dis sems can thams cad la yongs su bsngo ste/ sems can rnams byang chub kyi phyogs kyi chos phun sum tshogs pa 'thob par 'gyur ba dang / de bzhin gshegs pa'i thams cad mkhyen pa'i ye shes mngon par sgrub par 'gyur ba dang / slad ma'i dus kyi tshe sems can thams cad kyi dge ba'i rtsa ba ji snyed pa de dag yongs su rdzogs par 'gyur bar smon lam 'debs lags so/ /de skad ces gsol ba dang / de nas de'i tshe bcom ldan 'das kyis byang chub sems dpa' sems dpa' chen po rnams rab tu dga' ba bskyed pa'i phyir tshigs su bcad de bka' stsal pa/ sems can thams cad kun la ni/ /phan pa chen po bya ba'i phyir/ /nga yi byang chub chos bzung nas/ /chos rgyal seng ge'i sgra sgrogs shing / /ma 'ongs tha ma'i dus kyi tshe/ /gang zhig chos ni yongs tshol ba/ /rgya chen chos 'di thos gyur na/ /</font><hr>79.161b<br><font size=+1>

thams cad bde ba thob par 'gyur/ /ngas ni ji skad bstan pa bzhin/ /gang gis theg pa 'di mthong zhing / /mdo sde'i chos 'di thos gyur na/ /ji ltar mos pa'i bde ba 'thob/ /blo dang ldan pa gang zhig gis/ /thabs mkhas dag ni rab bsgoms te/ /chos mchog 'di ni thos gyur na/ /lus dang sems ni rab bder 'gyur/ /gang zhig 'khor 'dir 'dus gyur pa/ /nga yis mngon sum bshad mthong dang / /chos 'di thos par gyur nas ni/ /rab tu dga' ba gang skyed pa/ /ma 'ongs tha ma'i dus kyi tshe/ /khyod kyis bsod rnams tshad med pa'i/ /phung po dag ni rab bskyed cing / /'khor ba mtha' med sgrol bar 'gyur/ /ma 'ongs tha ma'i dus kyi tshe/ /chos rjes rab tu gsungs pa yi/ /chos 'di gang zhig 'dzin byed pa/ /sangs rgyas rnams kyis gzung bar 'gyur/ /ma 'ongs tha ma'i dus kyi tshe/ /nga yi byang chub chos 'dzin pa/ /de ni sangs rgyas tshad med pa'i/ /tha ma'i dus kyi chos 'dzin 'gyur/ /bcom ldan 'das kyis chos 'di bstan pa na/ byang chub sems dpa' tshad med pa snying mi skye ba'i chos kyi bzod pa thob par gyur to/ /sems can tshad med pa snyed ni dge ba'i rtsa ba yongs su smin par gyur to/ /bcom ldan 'das kyis de skad ces bka' stsal nas/ byang chub sems dpa' sems dpa' chen po blo gros mtha' yas dang / byang chub sems dpa' sems dpa' chen po de dag dang / lha dang mi dang lha ma yin du bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ go cha'i bkod pa bstan pa zhes bya ba'i le'u ste mdun pa rdzogs so// </font><hr>

</table>