J305

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J305</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J305&coll=lithang">see text in Tibetan script</a></table>79.1a<br><font size=+1>

(kha) @#/ ! /'phags pa dkon mchog brtsegs pa bzhugs so/ /[(黃) 大寶積經第二部]</font><hr>79.1b<br><font size=+1>

'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u drug pa ste/ de bzhin gshegs pa mi 'khrugs pa'i bkod pa/ bam po dang po/ rgya gar skad du/ Ar+ya ak+Sho b+h+ya ta thA ga ta s+ya byU ha nA ma ma hA yA na sU tra/ bod skad du/ 'phags pa de bzhin gshegs pa mi 'khrugs pa'i bkod pa zhes bya ba theg pa chen po'i mdo/ /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ thams cad kyang dgra bcom pa/ /zag pa zad pa/ nyon mongs pa med pa/ dbang dang ldan par gyur pa/ sems</font><hr>79.2a<br><font size=+1>

shin du rnam par grol ba/ cang shes pa glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba/ yongs su zad pa/ yang dag pa'i shes pas sems shin du rnam par grol ba/ sems kyi dbang thams cad kyi dam pa'i pha rol du son pa sha stag ste/ gang zag gcig ma gtogs pa ni 'di ltar slob pa rgyun du zhugs pa tshe dang ldan ba kun dga' bo'o/ /byang chub sems dpa' sems dpa' chen po rab du mang po dag dang / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / de dag las gzhan pa gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rnams kyis yongs su bskor cing mdun gyis bltas te chos ston to/ /de nas sangs rgyas kyi mthus tshe dang ldan pa shA ra dwa ti'i bu stan las langs te/ chos gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun pa bcom ldan 'das sngon gyi byang chub sems dpa' sems dpa' chen po bla na med pa yang dag par rdzogs pa'i byang chub la yang dag par zhugs pa rnams kyi 'jug pa dang / spyod pa dang / spro ba dang / sems bskyed pa gang gis sngon gyi byang chub sems dpa' sems dpa' chen po rnams bla na med pa yang dag par rdzogs pa'i byang chub la yang dag par zhugs par gyur pa'i sems bskyed pa dang / go cha dang / yon tan yongs su brjod pa legs par bshad du gsol/ btsun pa bcom ldan 'das</font><hr>79.2b<br><font size=+1>

sngon gyi byang chub sems dpa' sems dpa' chen po de dag gi las dang / sems bskyed pa dang / go cha dang / yon tan yongs su brjod pa dag kyang legs par bshad du gsol/ /btsun pa bcom ldan 'das byang chub sems dpa' sems dpa' chen po gang dag lha dang bcas pa'i 'jig rten gyi don dang / sman pa dang / bde ba'i slad du brtson pa'i byang chub sems dpa' sems dpa' chen po de lta bu de dag gi spyod pa dang / yon tan yongs su dag pa yongs su brjod pa dag kyang bshad du gsol/ de ni skye bo mang po la sman pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / sman pa dang / bde bar 'gyur la/ da ltar dang / ma 'ongs pa'i byang chub sems dpa' sems dpa' chen po rnams la yang 'di ltar chos kyi sgron ma'i snang ba dang / 'di ltar sangs rgyas kyi snang bas snang ba bgyis par 'gyur zhing spro ba stsal bar yang 'gyur ro/ de lta lags pas byang chub sems dpa'i theg pa pa'i gang zag rnams kyis sngon gyi byang chub sems dpa' sems dpa' chen po de dag gi 'jug pa dang / spyod pa dang / spro ba dang / sems bskyed pa dang / go cha dang / yon tan yongs su brjod pa dag thos na de bzhin du slob cing de bzhin du sgrub par 'gyur ro/ /de dag de ltar bslabs shing de ltar bsgrubs pas bla na med pa yang dag par rdzogs pa'i byang chub las phyir mi ldog par 'gyur zhing yon tan de lta bu dag dang ldan par gyur nas kyang slar zhing gong nas gong du yon tan shin du khyad par can dag kyang thob par 'gyur lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /</font><hr>79.3a<br><font size=+1>

shA ra dwa ti'i bu legs so legs so/ /shA ra dwa ti'i bu khyod ma 'ongs pa'i dus byang chub sems dpa' sems dpa' chen po rnams yongs su gzung ba'i phyir zhugs te/ 'das pa'i byang chub sems dpa' sems dpa' chen po rnams kyi 'jug pa dang / spyod pa dang / spro ba dang / sems bskyed pa dang / go cha dang / yon tan yongs su brjod pa dag 'dri bar sems pa ni yang khyod legs so/ /shA ra dwa ti'i bu de'i phyir legs par rab tu nyon la tshul bzhin du yid la zung shig dang / 'di lta ste/ 'das pa'i byang chub sems dpa' sems dpa' chen po rnams las brtsams te bshad par bya'o/ /tshe dang ldan pa shA ra dwa ti'i bus bcom ldan 'das de de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /shA ra dwa ti'i bu 'jig rten gyi khams mngon par dga' ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas spyan chen po zhes bya ba bzhugs shing 'tsho la gzhes te/ de byang chub sems dpa' sems dpa' chen po rnams la 'di ltar pha rol tu phyin pa drug las brtsams te chos ston to/ /de nas tshe dang ldan pa shA ra dwa ti'i bu 'di snyam du sems te/ bdag gis 'jig rten gyi khams mngon par dga' ba zhes bgyi ba de na de bzhin gshegs pa dgra bcom pa yang dag par rdzogs pa'i sangs rgyas spyan chen po zhes bgyi ba byang chub sems dpa' sems dpa' chen po rnams la 'di ltar pha rol tu phyin pa drug las rtsams te chos ston pa de phyogs gang na bzhugs shes don de de bzhin gshegs pa dgra bcom pa yang dag par rdzogs pa'i sangs rgyas la nges par zhu'o snyam mo/ /de nas bcom ldan 'das kyis tshe dang ldan pa shA ra dwa ti'i bu'i sems kyi yongs su rtog pa thugs kyis mkhyen nas tshe dang ldan pa shA ra dwa ti'i bu la 'di skad ces</font><hr>79.3b<br><font size=+1>

bka' stsal to/ /shA ra dwa ti'i bu sangs rgyas kyi zhing 'di nas shar phyogs logs su sangs rgyas kyi zhing stong tham pa na/ 'jig rten gyi khams mngon par dga' ba zhes bya ba yod de/ de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po zhes bya ba bzhugs shing 'tsho la gzhes te/ de byang chub sems dpa' sems dpa' chen po rnams la 'di ltar pha rol du phyin pa drug las brtsams te chos ston to/ /shA ra dwa ti'i bu yang de'i tshe de'i dus na dge slong zhig stan las langs te/ chos gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po de ga la ba de logs su thal mo sbyar ba btud nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po de la 'di skad ces gsol to/ /btsun pa bcom ldan 'das bdag byang chub sems dpa'i bslab pa ji ltar bcas pa 'di la slob par 'tshal lo/ /de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po des dge slong de la 'di skad ces bka' stsal to/ /dge slong byang chub sems dpa'i bslab pa ji ltar bcas pa la deng sang bslab par shin du dka'o/ /de ci'i phyir zhe na/ dge slong 'di ltar byang chub sems dpa' sems can thams cad la mi 'khrugs par bya ba dang / gnod sems can gyi sems mi bskyed par bya ba'i phyir ro/ /de skad ces bka' stsal pa dang / bcom ldan 'das de bzhin gshegs pa spyan chen po de la dge slong des 'di skad ces gsol to/ /btsun pa bcom ldan 'das bdag deng slan chad 'di ltar g.yo ma mchis pa dang / sgyu ma mchis pa'i tshig dang / gzhan du mi 'gyur ba'i tshig gis bla na med pa yang dag par rdzogs pa'i</font><hr>79.4a<br><font size=+1>

byang chub tu sems bskyed par bgyi/ bla na med pa yang dag par rdzogs pa'i byang chub tu sems 'dud par bgyi/ yongs su bsngo bar yang bgyi'o/ /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar na bla na med pa yang dag par rdzogs pa'i byang chub tu bsngos shing yongs su bsngos la 'di nas bzung ste/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te sems can 'ga' tsam la khro ba'am/ gnod sems sam/ 'khrug pa dang ldan pa'i sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das de ltar thams cad mkhyen pa'i sems bskyed pa'i rin po che 'di bskyed de/ de ltar na bla na med pa yang dag par rdzogs pa'i byang chub tu bsngos shing yongs su bsngos la 'di nas bzung ste/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te gom pa 'dor ba re re la thams cad mkhyen pa'i sems dang bral bar gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chab tu bsngos</font><hr>79.4b<br><font size=+1>

shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te nyan thos kyi sems sam rang sangs rgyas kyi sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te 'dod pa'i 'dod chags dang ldan pa'i sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te 'dod chags dang ldan pa'am/ zhe sdang dang ldan pa'am/ gti mug dang ldan pa'am rnam par 'tshe ba dang ldan pa'am/ gnyid dang ldan pa'am/ rmugs pa dang ldan pa'am/ 'gyod pa dang ldan pa'am/ rgod pa dang ldan pa'i sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ </font><hr>79.5a<br><font size=+1>

grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing / yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te the tshom dang ldan pa'i sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing / yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te srog gcod pa dang ldan pa'i sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing / yongs su bsngos</font><hr>79.5b<br><font size=+1>

la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te ma byin par len pa dang ldan pa'am/ mi tshangs par spyod pa dang ldan pa'am/ brdzun du smra ba dang ldan pa'am/ phra ma dang ldan pa'am/ ngag rtsub po dang ldan pa'am/ tshig kyal bar smra ba dang ldan pa'am/ brnab sems dang ldan pa'am/ gnod sems dang ldan pa'am/ log par lta ba dang ldan pa'i sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig ces byas so/ /shA ra dwa ti'i bu de nas dge slong zhig 'di snyam du sems te/ kye ma byang chub sems dpa' sems dpa' chen po gang dag dang po sems bskyed pa'i go cha chen po bgos pa nyid nas sems can thams cad la sems mi 'khrugs pa ni shin du ngo mtshar che'o/ /kye ma dge slong 'di ni mi 'khrugs pa zhes bya bar 'gyur te legs so snyam mo/ /shA ra dwa ti'i bu de ltar dge slong de'i ming mi 'khrugs pa mi 'khrugs pa zhes bya bar gyur nas de bzhin gshegs pa dgra bcom pa yang dag par rdzogs pa'i sangs rgyas spyan chen po des dge slong legs so legs so/ /dge slong khyod byang chub sems dpa'i spyad pa spyod pa'i tshe na yang ming 'di nyid du 'gyur la/ dge slong khyod bla na med pa yang dag par rdzogs pa'i byang chub mngon par rdzogs par sangs rgyas pa na yang mtshan 'di lta ste/ mi 'khrugs pa mi 'khrugs pa zhes bya ba de nyid du 'gyur ro zhes de'i ming de la rjes su yi rang ba mdzad do/ /rgyal po chen po bzhi dang / lha'i dbang po brgya byin dang / mi mjed kyi bdag po tshangs pas kyang dge slong legs so legs so/ /dge slong khyod byang chub sems</font><hr>79.6a<br><font size=+1>

dpa'i spyad pa spyod pa'i tshe na yang ming de nyid du 'gyur la/ dge slong khyod bla na med pa yang dag par rdzogs pa'i byang chub mngon par rdzogs par sangs rgyas pa na yang mtshan 'di lta ste/ mi 'khrugs pa mi 'khrugs pa zhes bya ba de nyid du 'gyur ro zhes de'i ming de la rjes su yi rang bar byas so/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po de la byang chub sems dpa' sems dpa' chen po mi 'khrugs pa mngon du gyur pa des 'di skad ces gsol to/ /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing / yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te ji skad smras pa de bzhin du ma bgyis na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te gom pa 'dor ba re re tsam dag la sangs rgyas yid la bgyid pa dang ldan pa'i thams cad mkhyen pa'i sems ma bskyed na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan</font><hr>79.6b<br><font size=+1>

'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing / yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te tshe rabs tshe rabs su khyim nas khyim ma mchis par yang dag par rab tu ma byung na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing / yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te tshe rabs tshe rabs su mngon par rab tu byung nas kyang dgon pa par ma gyur tam/ bsod snyoms par ma gyur tam/ phyag dar khrod par ma gyur tam/ stan gcig par ma gyur tam/ zas phyis mi len par ma gyur tam/ zas rnyed rnyed len par ma gyur tam/ dur khrod par ma gyur tam/ bla khab med par ma gyur tam/ shing drung par ma gyur tam/ cog pu par ma gyur tam/ gzhi ji bzhin par ma gyur tam/ chos gos gsum par ma gyur tam/ phying pa par ma gyur tam/ 'dod pa chung bar ma gyur tam/ chog shes par ma gyur tam/ chos 'dod par ma gyur tam/ chos la dga' bar ma gyur tam/ </font><hr>79.7a<br><font size=+1>

chos la gus par ma gyur tam/ chos la brtan par ma gyur tam/ chos ston par ma gyur nas bslab pa dang sbyangs pa'i yon tan dang / yo byed bsnyungs pa'i yi dam yang dag par blang ba dag blangs te gnas par ma gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs rgyas par ma gyur gyi bar du gal te tshe rabs tshe rabs su rab tu byung nas kyang chos ston par ma gyur tam/ spobs pa chags pa med pa dang ldan par ma gyur tam/ spobs pa tshad ma mchis pa dang ldan par ma gyur na/ bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du 'di ltar 'greng ba dang / mchis pa dang / 'chag pa'i spyod lam gsum ma gtogs par gal te nyal bar gyur na bdag gis phyogs bcu kun gyi 'jig rten gyi khams dpag tu ma</font><hr>79.7b<br><font size=+1>

mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te sems can 'ga' tsam la rtsa ba'i ltung ba 'byung ba dang ldan pa'am/ rtsa ba'i ltung ba dang ldan pa'i sems bskyed dam/ bud med dang ldan pa'am/ brdzun du smra ba dang ldan pa'am/ de las gzhan pa smra ba brjod pa dang ldan pa'am/ gzhan la gnod cing spa gong ba dang ldan pa'i sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te bud med la 'di ltar mi rtag pa'i rnam pa 'am/ sdug bsngal ba'i rnam pa 'am/ stong pa dang / bdag med pa'i rnam pa 'am/ rnam pa gzhan dang gzhan dag gis chos ston pa na yan lag las skyes pa'i rnam pa gzhan dang / gzhan dag la bzang ba'i mtshan mar bzung nas so'i phreng ba</font><hr>79.8a<br><font size=+1>

ston tam/ god par bgyid dam/ lag pa g.yob par bgyid na bdag gis phyogs bcu kun gyi 'jigs rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du chos ston pa na gal te lag pa bsgyur cing chos ston par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te de bzhin gshegs pa'i rjes su skra dang kha spu bregs pa snod du gyur pa 'am/ snod du ma gyur pa'ang mi mnga' ste/ de bzhin gshegs pa'i rgyal mtshan chos gos ngur smrig 'tshal ba dag mthong na de la de bzhin gshegs pa'i 'du shes sam/ de bzhin gshegs pa'i mchod rten gyi 'du shes ma bskyed na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na</font><hr>79.8b<br><font size=+1>

sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te byang chub sems dpa' gzhan dag mthong na de dag la ston pa'i 'du shes ma bskyed na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du chos 'chad pa na chos ston pa dag gal te mchis te/ chos mnyan par ma gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te de</font><hr>79.9a<br><font size=+1>

bzhin gshegs pa dgra bcom pa yang dag par rdzogs pa'i sangs rgyas rnams ma gtogs par 'di las phyi rol du gyur pa'i dge sbyong dang / bram ze dang / lha gzhan dag la phyag bgyis par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te 'di la ni sbyin pa stsal bar bgyi'o/ /'di la ni sbyin pa stsal bar mi bgyi'o zhes sems can la tha dad du bgyi ba'i 'du shes bskyed par gyur na bdag gis phyogs bcu kun gyi 'jig rten khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing / yongs su bsngos la/ bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te 'di la ni yon dbul bar bgyi'o/ /'di la ni yon dbul bar mi bgyi'o/ /zhes de lta bu'i 'du shes bskyed par gyur na bdag gis phyogs bcu kun gyi 'jig</font><hr>79.9b<br><font size=+1>

rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig / btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te 'di la ni dam pa'i chos kyi sbyin pa stsal bar bgyi'o/ /'di la ni stsal bar mi bgyi'o zhes de lta bu'i sems bskyed par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig / btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te dgum par 'os pa'i sems can la la zhig khrid de mchis pa mthong na de yongs su thar par bgyi ba'i slad du bdag gi lus yongs su gtang ba ma bgyis na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes</font><hr>79.10a<br><font size=+1>

la chos kyang ston pa'i sangs rgyas bcom ldan 'das de dag bslus par gyur cig /shA ra dwa ti'i bu yang byang chub sems dpa'i spyod pa la zhugs pa'i byang chub sems dpa' des gal te dgum par 'os pa'i sems can la la zhig khrid de mchis pa mthong na de yongs su thar bar ma bgyis kyi bar du bla na med pa yang dag par rdzogs pa'i byang chub mngon par rdzogs par 'tshang mi rgya'o zhes smras so/ /shA ra dwa ti'i bu de nas yang dge slong zhig 'di snyam du sems te/ byang chub sems dpa' sems dpa' chen po mi 'khrugs pa 'dis gang gi phyir de bzhin gshegs pa dgra bcom pa yang dag par rdzogs pa'i sangs rgyas dag dbang du gyur pa dang / tshad mar gyur par 'jog pa dang / gang gis de bzhin gshegs pa dgra bcom pa yang dag par rdzogs pa'i sangs rgyas dbang du gyur pa dang / tshad mar gyur par 'jog pa de ni lha dang / mi dang lha ma yin du bcas pa'i 'jig rten gyi dbang du gyur pa dang / tshad mar gyur par 'gyur ro snyam mo/ /shA ra dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas spyan chen po des dge slong de'i sems kyi yongs su rtog pa thugs kyis mkhyen nas dge slong de la 'di skad ces bka' stsal to/ /dge slong de de bzhin no/ /ji ltar khyod rnam par rtog pa de bzhin te/ dge slong gang gis de bzhin gshegs pa dgra bcom pa yang dag par rdzogs pa'i sangs rgyas dag dbang du gyur pa dang / tshad mar gyur par 'jog pa de yang ring po mi thogs par lha dang / mi dang / lha ma yin du bcas pa'i 'jig rten gyi dbang du gyur pa dang / tshad mar gyur par 'gyur ro/ /dge slong gzhan yang byang chub sems dpa' sems dpa' chen po gang dag go cha chen po de lta bus bla na med pa yang dag par rdzogs pa'i byang chub la yang dag par zhugs pa de dag ni bla na med pa yang dag par rdzogs pa'i byang chub mngon par rdzogs</font><hr>79.10b<br><font size=+1>

par 'tshang rgya bar 'gyur ro/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po de la byang chub sems dpa' sems dpa' chen po mi 'khrugs pa des 'di skad ces gsol to/ /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te dge slong dang / dge slong ma dang / dge bsnyen dang / dge bsnyen ma ltung ba'i nongs pa byung ba dag mthong na khyod la ltung ba'i nyes pa 'di byung ngo zhes ltung ba glengs par gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das ci nas kyang bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na thams cad kyi thams cad rnam pa thams cad kyi thams cad du nyan thos rnams kyi ltung ba'i sgra tsam yang mi grag cing mi 'byung ba de ltar bdag gis btsal zhing bsgrub par bgyi'o/ /ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de yongs su dag par 'gyur ba dang / yon tan yongs su rdzogs pa ji snyed pa dag yongs su 'dzin par 'gyur ba de ltar btsal bar bgyi'o/ /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang</font><hr>79.11a<br><font size=+1>

dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te tha na g.yar lam tsam du khu ba phyung bar gyur na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der byang chub sems dpa'i theg pa pa dang / nyan thos kyi theg pa pa'i rigs kyi bu 'am/ rigs kyi bu mo gang dag khyim gyi gnas nas nges par byung zhing rab tu byung bar gyur pa dag tha na g.yar lam na yang khu ba mi 'byin pa de ltar bdag gis btsal zhing bsgrub par bgyi'o/ /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te bdag bla na med pa yang dag par rdzogs pa'i byang chub mngon par rdzogs par 'tshang rgya ba'i sangs rgyas kyi zhing du da ltar gyi bud med dang / bud med kyi skyon gang lags pa'i bud med dang / bud med kyi skyon de lta bu dag 'byung bar 'gyur na bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur zhing bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom</font><hr>79.11b<br><font size=+1>

ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /btsun pa bcom ldan 'das bdag de ltar thams cad mkhyen pa'i sems bskyed pa rin po che 'di bskyed de/ de ltar bla na med pa yang dag par rdzogs pa'i byang chub tu bsngos shing yongs su bsngos la bla na med pa yang dag par rdzogs pa'i byang chub mngon par rdzogs par sangs ma rgyas kyi bar du gal te ji skad smras pa de bzhin du ma bgyis na bdag gis phyogs bcu kun gyi 'jig rten gyi khams dpag tu ma mchis/ grangs ma mchis/ bsam gyis mi khyab/ gzhal du ma mchis pa thams cad na sangs rgyas bcom ldan 'das gang dag da ltar bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag bslus par gyur cig /sa bon gyi chos 'di dang ldan pa'i byang chub sems dpa' dag ni ji lta ji ltar sems mngon par sgrub par 'gyur ba de lta de ltar sangs rgyas kyi chos rnams mngon par 'grub cing de lta de ltar chos ston par yang 'gyur ro zhes gsol to/ /shA ra dwa ti'i bu de nas dge slong zhig gis byang chub sems dpa' sems dpa' chen po mi 'khrugs pa de la 'di skad ces smras so/ /skyes bu dam pa khyod kyis dam bcas pa 'di gal te yang dag pa'i smon lam yin zhing bla na med pa yang dag par rdzogs pa'i byang chub las phyir mi ldog par 'gyur ba'i yang dag pa yin na bden pa dang / bden pa'i tshig 'dis rkang pa g.yas pa'i mthe bos stong gsum gyi stong chen po'i 'jig rten gyi khams kyi sa chen po 'di g.yo ba dang / rab tu g.yo ba dang / kun du rab tu g.yo ba dang / 'gul ba dang / rab tu 'gul ba dang / kun du rab tu 'gul ba dang / ldeg pa dang / rab tu ldeg pa dang / kun du rab tu ldeg par byos shig /shA ra dwa ti'i bu de nas byang chub sems dpa' sems dpa' chen po mi 'khrugs</font><hr>79.12a<br><font size=+1>

pa des de'i tshe sangs rgyas kyi mthu dang / rang gis bden pa'i dam bcas pa'i dge ba'i rtsa ba'i stobs bskyed pa des rkang pa g.yas pa'i mthe bos stong gsum gyi stong chen po'i 'jig rten gyi khams kyi sa chen po 'di rnam pa drug tu g.yos par byas te/ g.yos rab tu g.yos/ kun du rab tu g.yos/ 'gul rab tu 'gul/ kun du rab tu 'gul/ ldeg rab tu ldeg /kun du rab tu ldeg par byas so/ /shA ra dwa ti'i bu de ltar na byang chub sems dpa' sems dpa' chen po mi 'khrugs pa de ni ji skad smras pa de bzhin tu byed par gyur pa yin no/ /shA ra dwa ti'i bu de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas byang chub sems dpa' sems dpa' chen po mi 'khrugs pa de'i spyod pa'i rjes su bslab par bya'o/ /shA ra dwa ti'i bu byang chub sems dpa' sems dpa' chen po mi 'khrugs pa'i rjes su slob pa'i byang chub sems dpa' sems dpa' chen po ni de 'dra ba kho na'i sangs rgyas kyi zhing yongs su 'dzin cing myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po mi 'khrugs pa de dang po sems bskyed pa la yang dag par zhugs pa na lha'i ris ji snyed cig 'dus par gyur/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu byang chub sems dpa' sems dpa' chen po mi 'khrugs pa de dang po sems bskyed pa la yang dag par zhugs pa na stong gsum gyi stong chen po'i 'jig rten gyi khams kyi rgyal po chen po bzhi dang / </font><hr>79.12b<br><font size=+1>

lha'i dbang po brgya byin dang / bdud sdig can dang / mi mjed kyi bdag po tshangs pa dang / 'dod pa na spyod pa dang / gzugs na spyod pa'i lha'i bu ji snyed pa de dag thams cad 'dus nas thal mo sbyar te/ phyag 'tshal zhing tshig 'di skad ces kye ma sngon ma thos pa'i seng ge'i sgra chen po 'di'ang byang chub sems dpa' sems chen po mi 'khrugs pa 'dis bsgrags pa las thos so zhes smras so/ /shA ra dwa ti'i bu de nas lha'i bu de dag dga' ba dang / yid bde ba skyes nas kha 'thun par 'di skad ces kyang gsol to/ /btsun pa bcom ldan 'das sems can gang dag byang chub sems dpa' sems dpa' chen po mi 'khrugs pa 'di bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der skye bar 'gyur ba de dag ni dge ba'i rtsa ba ngan ngon dang ldan pa ma lags so/ /sems can gang dag gis seng ge'i sgra chen po dang / khyu mchog gi mi 'jigs pa chen po dang / smon lam chen po'i chos kyi rnam grangs 'di thos pa de dag kyang dge ba'i rtsa ba ngan ngon dang ldan pa ma lags so zhes gsol to/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po mi 'khrugs pa de'i go cha chen po ci 'dra ba gang de bzhin gshegs pas yongs su brjod pa'i go cha de lta bu ni byang chub sems dpa' sems dpa' chen po gzhan dag la mchis par bdag gis sngon chad ma thos lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin no/ /de de bzhin te/ ji skad smras pa bzhin no/ /shA ra dwa ti'i bu byang chub sems dpa' sems dpa' chen po mi</font><hr>79.13a<br><font size=+1>

'khrugs pa des go cha chen po gang bgos nas bla na med pa yang dag par rdzogs pa'i byang chub la yang dag par zhugs pa'i smon lam chen po de dang / go cha chen po de bgos nas bla na med pa yang dag par rdzogs pa'i byang chub la yang dag par zhugs pa'i byang chub sems dpa' de lta bu ni byang chub sems dpa' brgya phrag mang po dang / byang chub sems dpa' stong phrag mang po dang / byang chub sems dpa' bye ba khrag khrig brgya stong phrag mang po dag gi nang na yang nyung ste/ shA ra dwa ti'i bu byang chub sems dpa' sems dpa' chen po mi 'khrugs pa de yon tan gang dag dang ldan pa'i yon tan de dag ni bskal pa bzang po'i byang chub sems dpa' thams cad la yang med do/ /shA ra dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de la rigs kyi bu khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das mi 'khrugs pa zhes bya bar 'gyur ro zhes lung bsten te/ shA ra dwa ti'i bu dper na de bzhin gshegs pa mar me mdzad kyis nga da ltar bla na med pa yang dag par rdzogs pa'i byang chub tu 'gyur ro zhes lung bstan pa bzhin no/ /shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams 'di thams cad snang ba chen pos khyab par gyur cing / </font><hr>79.13b<br><font size=+1>

sa chen po de yang rnam pa drug tu g.yos par gyur te/ 'di ltar g.yos/ rab tu g.yos/ kun du rab tu g.yos/ 'gul rab tu 'gul/ kun du rab tu 'gul/ ldeg rab tu ldeg /kun du rab tu ldeg par gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'di thams cad snang ba chen pos khyab par gyur cing sa chen po 'di yang rnam pa drug tu g.yos par gyur te/ 'di ltar g.yos/ rab tu g.yos/ kun du rab tu g.yos/ 'gul/ rab tu 'gul/ kun du rab tu 'gul/ ldeg /rab tu ldeg /kun du rab tu ldeg par gyur pa bzhin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams de na shing ljon pa dang / rtswa dang / shing gel pa dang / sman dang / nags tshal gang dag yod pa de dag thams cad kyis byang chub sems dpa' sems dpa' chen po mi 'khrugs pa lung bstan pa ga la ba de logs su btud/ rab tu btud/ mngon par rab tu btud par gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'di na shing ljon pa dang / rtswa dang / shing gel pa dang / sman dang / nags tshal gang dag yod pa de dag thams cad kyis nga ga la ba de logs su btud rab tu btud/ mngon par rab tu btud par gyur pa bzhin no/ /shA ra dwa ti'i bu gzhan yang de bzhin gshegs pa dgra bcom</font><hr>79.14a<br><font size=+1>

pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams de na lha dang / klu dang / gnod sbyin dang dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i 'jig rten gang dag 'khod pa de dag thams cad kyis byang chub sems dpa' sems dpa' chen po mi 'khrugs pa lung bstan pa ga la ba de logs su thal mo sbyar ba btud nas phyag 'tshal zhing 'dug par gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'di na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i 'jig rten na gang dag 'khod pa de dag thams cad kyis nga ga la ba de logs su thal mo sbyar ba btud nas phyag 'tshal zhing 'dug par gyur pa bzhin no/ /shA ra dwa ti'i gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams de na bud med sbrum mar gyur pa de dag thams cad kyang de'i tshe bde zhing bkra shis par btsas par gyur to/ /sems can gang dag long bar gyur pa de dag kyang mig gis gzugs mthong bar gyur to/ /sems can 'on pa rnams kyang rna bas sgra thos par gyur to/ /sems can smyon pa rnams kyang dran pa rnyed par gyur to/ /sems can dbang po ma tshang ba</font><hr>79.14b<br><font size=+1>

rnams kyang dbang po thams cad dang ldan par gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'di na bud med sbrum mar gyur pa de dag thams cad kyang de'i tshe bde zhing bkra shis par btsas par gyur/ sems can long ba rnams kyang mig gis gzugs mthong bar gyur/ sems can 'on pa rnams kyang rna bas sgra thos par gyur/ sems can smyon pa rnams kyang dran pa rnyed par gyur/ sems can dbang po ma tshang ba rnams kyang dbang po thams cad dang ldan par gyur pa bzhin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams de na de'i tshe sems can 'ga' tsam yang gshis ngan du 'chi ba'i dus byed par gyur pa med de/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'di na de'i tshe sems can 'ga' tsam yang gshis ngan du 'chi ba'i dus byed par gyur pa med pa bzhin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams der lha'i dri bsung yid du 'ong ba dag byung bar gyur to/ /shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs</font><hr>79.15a<br><font size=+1>

par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'dir lha'i dri bsung yid du 'ong ba dag byung bar gyur pa bzhin no/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das kye ma byang chub sems dpa' sems dpa' chen po mi 'khrugs pa de ni de ltar lung bstan pa nyid na yon tan de lta bu dag dang ldan par gyur pa las ni byang chub sems dpa' sems dpa' chen po mi 'khrugs pa de ni yon tan gyi chos chen po dang ldan pa lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de lung bstan pa na yon tan brjod pa de dag nyi tsher yang ma zad de/ shA ra dwa ti'i bu byang chub sems dpa' sems dpa' chen po mi 'khrugs pa de ni yon tan mtha' yas pa gzhan dag gi pha rol du phyin par gyur pa yang yin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa de'i tshe stong gsum gyi stong chen po'i 'jig rten gyi khams na lha dang / mi dang / lha ma yin du bcas pa gang dag 'khod pa de dag thams cad sems dga' ba dang / sems kyi nyams bde bar gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye</font><hr>79.15b<br><font size=+1>

shes brnyes pa na stong gsum gyi stong chen po'i 'jig rten gyi khams 'di na lha dang / mi dang / lha ma yin du bcas pa gang dag 'khod pa de dag thams cad sems dga' ba dang / sems kyi nyams bde bar gyur pa bzhin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa de'i tshe stong gsum gyi stong chen po'i 'jig rten gyi khams na gnod sbyin gyi bdag po lag na rdo rje gang dag 'khod pa de dag thams cad de'i phyi bzhin du 'brang bar gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'di na gnod sbyin gyi bdag po lag na rdo rje gang dag 'khod pa de dag thams cad nga'i phyi bzhin du 'brang bar gyur pa bzhin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa de'i tshe stong gsum gyi stong chen po'i 'jig rten gyi khams na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag 'khod pa de dag thams cad kyis byang chub sems dpa' sems dpa' chen po mi 'khrugs pa de la mchod pa bya ba'i phyir lha'i me tog dang / spos dang / bdug pa dag gis byang chub sems dpa' sems dpa' chen po mi 'khrugs pa ga la ba de logs su gtor/ rab tu gtor/ mngon par rab tu gtor</font><hr>79.16a<br><font size=+1>

bar gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'di na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag 'khod pa de dag thams cad kyis de la mchod pa bya ba'i phyir lha'i me tog dang / spos dang / bdug pa dag gis nga ga la ba de logs su gtor/ /rab tu gtor/ mngon par rab tu gtor bar gyur pa bzhin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams de na mi bye ba phrag nyi shu dang / lha bye ba phrag sum bcu bla na med pa yang dag par rdzogs pa'i byang chub tu sems bskyed nas de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas spyan chen po des bla na med pa yang dag par rdzogs pa'i byang chub tu lung bstan to/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams de thams cad me tog ud pa la dang / pad ma dang / ku mu da dang / pad ma dkar po dag gis kun du khebs par gyur te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ </font><hr>79.16b<br><font size=+1>

thams cad mkhyen pa'i ye shes brnyes pa na me tog ud pa la dang / pad ma dang / ku mu da dang / pad ma dkar po dag gis byang chub kyi snying po kun du khebs par gyur pa bzhin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na lha bye ba khrag khrig brgya phrag du ma dag steng gi bar snang la 'khod nas byang chub sems dpa' sems dpa' chen po mi 'khrugs pa de la mchod pa bya ba'i phyir lha'i gos bye ba khrag khrig brgya stong phrag du ma dag byang chub sems dpa' sems dpa' chen po mi 'khrugs pa lung bstan pa ga la ba de logs su bor nas tshig 'di skad ces kye ma byang chub sems dpa' sems dpa' chen po mi 'khrugs pa 'di myur du bla na med pa yang dag par rdzogs pa'i byang chub mngon par rdzogs par sangs rgyas par gyur cig ces smras te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na lha bye ba khrag khrig brgya stong phrag du ma dag steng gi bar snang la 'khod nas nga la mchod pa bya ba'i phyir lha'i gos bye ba khrag khrig brgya stong phrag du ma dag nga ga la ba de logs su bor ba bzhin no/ /shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i 'jig rten gyi khams de'i lha dang / mi dang / lha ma yin du bcas pa'i 'jig rten dga' bar gyur pa tsam du pha ma dag bu la dga' ba ma</font><hr>79.17a<br><font size=+1>

yin te/ shA ra dwa ti'i bu dper na ngas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa'i ye shes brnyes pa na stong gsum gyi stong chen po'i 'jig rten gyi khams 'di'i lha dang / mi dang / lha ma yin du bcas pa'i 'jig rten dga' bar gyur ba tsam du pha ma dag bu la dga' ba ma yin pa bzhin no// // bam po gnyis pa/ shA ra dwa ti'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na 'di ltar sangs rgyas kyi mthus stong gsum gyi stong chen po'i 'jig rten gyi khams de na lha dang / mi gang dag 'khod pa de dag thams cad kyis byang chub sems dpa' sems dpa' chen po mi 'khrugs pa de lung bstan pa thos par gyur to/ /de la lung bstan pa thos nas kyang 'dod pa'i khams kyi sems can gang yin pa de dag sbyin pa dag sbyin zhing bsod nams dag kyang byed de/ 'di lta ste/ bza' ba dang / bca' ba dang / myang ba rnam pa sna tshogs dag sbyin pa byin par gyur to/ /shA ra dwa ti'i bu 'di lta ste/ dper na zla ba bzhi po ston zla tha chungs kyi zla ba nya ba la ku mu da'i dus ston gyi tshe na 'dod pa'i khams kyi sems can rnams sbyin pa dag sbyin zhing bsod nams dag byed de/ bza' ba dang / bca' ba dang / myang ba rnam pa sna tshogs dag gi sbyin pa gtong bar byed do/ /shA ra dwa ti'i bu de bzhin du de bzhin gshegs pa dgra bcom pa yang dag par rdzogs pa'i sangs rgyas spyan chen po des byang chub sems dpa' sems dpa' chen po mi 'khrugs pa de bla na med pa yang dag par rdzogs pa'i byang chub tu lung bstan pa na stong gsum gyi stong chen po'i</font><hr>79.17b<br><font size=+1>

'jig rten gyi khams de'i 'dod pa'i khams kyi sems can rnams kyang sbyin pa dag sbyin zhing bsod nams dag byed de/ bza' ba dang / bca' ba dang / myang ba rnam pa sna tshogs dag gi sbyin pa byed par gyur to/ /lha bye ba khrag khrig brgya stong rnams kyis kyang lha'i sil snyan bye ba khrag khrig brgya stong dag mngon par rab tu dkrol nas a la la zhes ca co dang / ga zha'i sgra dag kyang phyung bar gyur to/ /shA ra dwa ti'i bu de ltar byang chub sems dpa' sems dpa' chen po mi 'khrugs pa de lung bstan pa na de lta bu'i yon tan dag dang ldan par gyur to/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i mkhyen pa zhib mos 'di ltar legs par gsungs pa de dag ni ngo mtshar te/ btsun pa bcom ldan 'das sangs rgyas bcom ldan 'das rnams kyi sangs rgyas kyi yul ni bsam gyis mi khyab lags so/ /bsam gtan pa rnams kyi bsam gtan gyi yul yang bsam gyis mi khyab/ klu rnams kyi klu'i yul yang bsam gyis mi khyab/ las rnams kyi las kyi rnam par smin pa yang bsam gyis mi khyab lags so/ /btsun pa bcom ldan 'das de ltar byang chub sems dpa' sems dpa' chen po mi 'khrugs pa des dang po sems bskyed pa nyid nas yon tan gyi khyad par de lta bu dag yongs su zin cing / btsun pa bcom ldan 'das byang chub sems dpa' sems dpa' chen po mi 'khrugs pa yon tan de lta bu dang ldan pa de'i lung bstan pa de yang bsam gyis mi khyab lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la</font><hr>79.18a<br><font size=+1>

'di skad ces bka' stsal to/ /shA ra dwa ti'i bu de de bzhin te/ de de bzhin no/ /ji skad smras pa de bzhin te/ shA ra dwa ti'i bu byang chub sems dpa' sems dpa' chen po mi 'khrugs pa de'i lung bstan pa ni bsam gyis mi khyab bo/ /de nas tshe dang ldan pa kun dga' bos tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan yongs su brjod pa de dag ni de bzhin gshegs pas phyogs tsam zhig mdor bsdus te gsungs par zad kyi rgya cher bstan pa ni ma yin no/ /de skad ces smras pa dang / tshe dang ldan pa shA ra dwa ti'i bus tshe dang ldan pa kun dga' bo la 'di skad ces smras so/ /tshe dang ldan pa kun dga' bo de de bzhin te/ tshe dang ldan pa kun dga' bo byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan yongs su brjod pa de dag ni de bzhin gshegs pas phyogs tsam zhig bstan pa yin no/ de ci'i phyir zhe na/ tshe dang ldan pa kun dga' bo 'di ltar byang chub sems dpa' sems dpa' chen po mi 'khrugs pa de ni dang po sems bskyed pa'i go cha'i yon tan bsam gyis mi khyab pa dang ldan pa'i phyir te/ tshe dang ldan pa kun dga' bo de'i phyir rna lhogs te nyon cig dang / bcom ldan 'das kyis rgya cher ston par 'gyur ro/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ btsun pa bcom ldan 'das bcom ldan 'das kyis byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan dang / phan yon mdor bsdus te bka' stsal lags na/ btsun pa bcom ldan 'das da ltar dang ma 'ongs pa'i byang chub sems dpa' rnams</font><hr>79.18b<br><font size=+1>

rjes su gzung ba'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan yongs su brjod pa dag shin du legs par bstan cing rgya cher bshad du gsol/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i byang chub sems dpa' sems dpa' chen po mi 'khrugs pa de'i dang po sems bskyed pa'i go cha'i yon tan yongs su brjod pa ni bsam gyis mi khyab mod kyi/ shA ra dwa ti'i bu 'on kyang phyogs tsam zhig bstan par byas de legs par rab tu nyon la tshul bzhin du yid la zung shig dang bshad par bya'o/ /tshe dang ldan pa shA ra dwa ti'i bus btsun pa bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /shA ra dwa ti'i bu byang chub sems dpa' sems dpa' chen po mi 'khrugs pa des 'di snyam du nam mkha'i khams ni gzhan du 'gyur yang srid kyi/ bdag gis dam bcas pa ni gzhan du mi 'gyur bar bya'o zhes sems bskyed de/ shA ra dwa ti'i bu byang chub sems dpa' sems dpa' chen po mi 'khrugs pa de ni go cha chen po de lta bu'i go cha bgos par gyur to/ /shA ra dwa ti'i bu ji ltar byang chub sems dpa' sems dpa' chen po mi 'khrugs pas go cha chen po bgos par gyur pa de lta bu'i go cha chen po bgos pa'i byang chub sems dpa' ni ngas bskal pa bzang po'i byang chub sems dpa' rnams kyi nang na gcig kyang yang dag par rjes su ma mthong ngo / /shA ra dwa ti'i bu byang chub sems dpa' sems dpa' chen po rin po che'i tog gi spyod pa gang yin pa de ni byang chub sems dpa' sems dpa' chen po mi 'khrugs pa'i spyod pa'i char</font><hr>79.19a<br><font size=+1>

yang nye bar mi 'gro ste/ shA ra dwa ti'i bu byang chub sems dpa' sems dpa' chen po mi 'khrugs pa des go cha chen po gang bgos par gyur pa'i go cha chen po de ni byang chub sems dpa' brgya phrag mang po dang / byang chub sems dpa' stong phrag mang po dang / byang chub sems dpa' brgya stong phrag mang po dang / byang chub sems dpa' bye ba khrag khrig brgya stong phrag mang po dag la yang med do/ /shA ra dwa ti'i bu byang chub sems dpa' sems dpa' chen po mi 'khrugs pa des de ltar brtan pa'i brtson 'grus chen po yang dag par blangs pas bla na med pa yang dag par rdzogs pa'i byang chub mngon par rdzogs par sangs rgyas nas de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa zhes bya ba 'jig rten gyi khams mngon par dga' ba zhes bya ba na da ltar bzhugs te 'tsho zhing gzhes la chos kyang ston to/ /shA ra dwa ti'i bu ngas mngon par shes te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na gang gis lag pa'am/ rkang pa'am/ mgo 'am/ mig gam/ yan lag dang / nying lag gang yang rung ba dag bslangs pa na ma byin pa gang yang med do/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des dang po sems bskyed pa nas bzung ste bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang glad ba na bar ma gyur/ rlung las gyur pa'am/ mkhris pa las gyur pa'am/ bad kan las gyur pa 'am/ 'dus pa las gyur pa'i nad kyis thebs par ma gyur te/ shA ra dwa ti'i bu bcom ldan 'das de bzhin gshegs pa dgra bcom pa yang</font><hr>79.19b<br><font size=+1>

dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na ngo mtshar dang / rmad du byung pa'i chos 'di yang byung ngo / /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na des tshe rabs thams cad du de bzhin gshegs pa rnams mnyes par byas shing thugs byung bar ma byas so/ /thams cad du yang tshangs par spyod pa spyad cing thams cad du yang 'di lta ste/ mi 'khrugs pa zhes bya ba'i ming de nyid du gyur nas de sangs rgyas kyi zhing nas sangs rgyas kyi zhing du 'gro zhing gang na sangs rgyas bcom ldan 'das dag mngon sum du bzhugs pa de dang der skyes par gyur to/ /shA ra dwa ti'i bu 'di lta ste/ dper na 'khor los sgyur ba'i rgyal po rgyal rigs spyi bo nas dbang bskur ba khang bzangs kyi steng nas khang bzangs kyi steng du 'gro yang rkang mthil gyis sa chen po la 'gro bar mi byed do/ de khang bzangs mchog de dag gi steng du 'dug nas 'dod pa'i yon tan lnga po dag gis rtse zhing dga' la dga' mgur spyod cing tshe zad par 'gyur ro/ /shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na yang des tshe rabs thams cad du de bzhin gshegs pa rnams mnyes par byas shing thugs byung bar ma byas so/ /thams cad du yang tshangs par spyod pa spyad cing thams cad du yang 'di lta ste/ mi 'khrugs pa zhes bya ba'i ming de nyid du gyur nas de sangs rgyas kyi zhing nas sangs rgyas kyi zhing du 'gro zhing gang na sangs rgyas bcom ldan 'das dag mngon sum du bzhugs pa de dang der skyes par gyur kyang rkang mthil gyis sangs rgyas kyi zhing du 'gro bar mi byed do/ /de chos gang dang gang</font><hr>79.20a<br><font size=+1>

ston pa de dang de thams cad kyang pha rol tu phyin pa nyid las brtsams te chos ston gyi/ nyan thos kyi sa las brtsams te ston pa ni nyung ngo / /gal te nyan thos kyi sa las brtsams te chos ston pa yang de thams cad pha rol tu phyin pa nyid las brtsams te chos ston to/ /gal te rang sangs rgyas kyi sa las brtsams te chos ston na yang de thams cad pha rol tu phyin pa nyid las brtsams te chos ston to/ /des pha rol du phyin pa nyid las brtsams te chos bstan pas sems can rnams byang chub la btul zhing btsud te/ rab tu bkod cing bla na med pa yang dag par rdzogs pa'i byang chub las brtsams nas de dag la yang dag par ston/ yang dag par 'dzin du 'jug / yang dag par gzeng bstod/ yang dag par rab tu dga' bar byed de/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na brtson 'grus brtan pa'i go cha chen po de lta bu dang ldan par gyur to/ /de chos kyi sbyin pa de'i dge ba'i rtsa ba yang bla na med pa yang dag par rdzogs pa'i byang chub tu yongs su bsngo ste/ kye ma dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas te chos ston pa'i sangs rgyas kyi zhing der byang chub sems dpa'i theg pa pa'i rigs kyi bu dang / rigs kyi bu mo gang dag 'byung bar 'gyur zhing de dag thams cad sangs rgyas kyi mthus chos ston pa 'di nyan par gyur cig / thos nas kyang 'dzin pa dang / 'chang ba dang / klog pa dang / kun chub par byed par 'gyur zhing gzhan dag la yang rgya cher yang dag par rab tu ston par gyur cig / tshe rabs rjes nas kyang chos de dag mi brjed par gyur cig / ji ltar bdag da ltar sangs rgyas kyi zhing nas sangs rgyas kyi</font><hr>79.20b<br><font size=+1>

zhing du 'gro ba bzhin du der skyes pa'i byang chub sems dpa' sems dpa' chen po de dag kyang sangs rgyas kyi zhing gang dang gang du smon par gyur pa'i sangs rgyas kyi zhing de dang de dag tu skye bar 'gyur zhing bla na med pa yang dag par rdzogs pa'i byang chub mngon par rdzogs par sangs ma rgyas kyi bar du sangs rgyas bcom ldan 'das rnams dang mi 'bral bar gyur cig / gang dag dga' ldan gyi gnas su skyes pa'i byang chub sems dpa' sems dpa' chen po skye ba gcig gis thogs pa rnams ni ma gtogs so/ /de ci'i phyir zhe na/ shA ra dwa ti'i bu 'di ni chos nyid de/ byang chub sems dpa' sems dpa' chen po srid pa tha ma pa rnams ni dga' ldan gyi lha'i ris nas shi 'phos nas lus tha mas ma'i glo g.yas pa nas mngal du skye bar 'gyur te/ shA ra dwa ti'i bu gang gi tshe byang chub sems dpa' sems dpa' chen po srid pa tha ma pa dag skye ba na sa chen po yang g.yo bar 'gyur ba'i phyir ro/ /shA ra dwa ti'i bu byang chub sems dpa' sems dpa' chen po srid pa tha ma ba'i rnam pa ni 'di dag yin/ rtags ni 'di dag yin/ mtshan ma ni 'di dag yin te/ shA ra dwa ti'i bu byang chub sems dpa' sems dpa' chen po srid pa tha ma pa ni ma'i mngal du zhugs pa na mi gtsang ba dri nga bas gos par mi 'gyur/ der yid du mi 'thad pa'i dri dag kyang tshor bar mi 'gyur ro/ /byang chub sems dpa' mngal na 'dug pa na yang nam mkha' la gnas so/ /shA ra dwa ti'i bu 'di lta ste/ dper na rnal 'byor spyod pa'i dge slong rdzu 'phrul dang ldan pa ni khang pa brtsegs pa 'am/ khang pa brtsegs pa rgyud mar zhugs nas bar snang gi nam mkha' la mngon par 'phags shing spyod lam gyis gnas par byed kyang khang pa brtsegs pa de la reg pa med do/ /shA ra dwa ti'i bu de bzhin du byang chub sems dpa' sems</font><hr>79.21a<br><font size=+1>

dpa' chen po srid pa tha ma pa ma'i mngal na gnas pa na nam mkha' la mngon par 'phags nas gnas te/ mngal gyi dri ma dang / mi gtsang ba dri nga bas mi gos par gnas shing der yid du mi mthong pa'i dri dag kyang tshor bar mi 'gyur ro/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na 'di snyam du sems te/ ji ltar bdag da ltar byang chub sems dpa'i spyad pa spyod pa na bdud thams cad kyis glags mi rnyed par gyur pa de bzhin du bdag bla na med pa yang dag par rdzogs pa'i byang chub mngon par rdzogs par sangs rgyas pa na sangs rgyas kyi zhing der byang chub sems dpa'i theg pa/ pa'am nyan thos kyi theg pa pa'i rigs kyi bu dang / rigs kyi bu mo gang dag 'byung ba de dag kyang byang chub sems dpa'i spyad pa spyod pa nas nam bla na med pa yang dag par rdzogs pa'i byang chub mngon par rdzogs par sangs ma rgyas kyi bar du bdud dang / bdud kyi ris kyi lha rnams kyis thams cad kyi thams cad rnam pa thams cad kyi thams cad du glags mi rnyed par gyur cig / ji srid du byang chub sems dpa' de dag gis yon tan phun sum tshogs pa de dag yongs su zin par ma gyur pa de srid du bdag kyang byang chub kyi phyir spyod par gyur cig snyam mo/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na chos ston pa'am chos nyan pa'i tshe/ lan dga' yang de'i lus ngal ba 'am sems ngal bar gyur pa med de/ de ci'i phyir zhe na/ shA ra dwa ti'i bu 'di ltar de bzhin gshegs pa des dang po sems bskyed pa nas bzung ste/ byang</font><hr>79.21b<br><font size=+1>

chub sems dpa'i spyad pa spyod pa na chos kyi sku rab tu bsgoms par gyur pa'i phyir ro/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod cing chos nyan pa na 'di snyams du sems te ji ltar bdag da ltar chos 'dod pa de bzhin du bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na sems can rnams kyang chos mi 'dod par mi 'gyur zhing chos 'dod par gyur cig snyam mo/ /mi 'khrugs pa lung bstan pa theg pa chen po'i mdo las/ le'u dang po'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i yon tan yongs su brjod pa dag ni legs par bka' stsal lags na/ btsun pa bcom ldan 'das kyis nga yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i da ltar gyi sangs rgyas kyi zhing na sangs rgyas kyi zhing gi yon tan bkod pa ma chis pa rgya cher yang dag par rab tu bstan du gsol/ /de ci'i slad du zhe na/ 'di ltar byang chub sems dpa'i theg pa pa'i rigs kyi bu dang / rigs kyi bu mo dag gis sangs rgyas kyi zhing de'i yon tan bkod pa thos nas sangs rgyas kyi zhing der skye bar bgyi ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs</font><hr>79.22a<br><font size=+1>

pa de la yang blta ba dang / phyag bgyi ba dang / mchod pa bgyi ba dang / bsnyen bkur bgyi ba dang / mnyes par bgyi ba'i slad du 'dun pa skye bar 'gyur pa dang / nyan thos kyi theg pa pa'i rigs kyi bu dang / rigs kyi bu mo skyon ma mchis par ma zhugs pa dag gis kyang sangs rgyas kyi zhing de'i yon tan bkod pa thos na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la blta ba dang / phyag bgyi ba dang / mchod pa bgyi ba dang / bsnyen bkur bgyi ba dang / mnyes par bgyi ba'i slad du 'dun pa skye bar 'gyur ba'i slad du'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu legs so legs so/ /shA ra dwa ti'i bu khyod de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na sangs rgyas kyi zhing gi yon tan bkod pa phun sum tshogs pa yod pa 'dri bar sems pa ni khyod yang legs so/ /shA ra dwa ti'i bu de'i phyir legs par rab tu nyon la yid la zung shig dang / 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na sangs rgyas kyi zhing gi yon tan bkod pa phun sum tshogs pa yod pa bshad par bya'o/ /shA ra dwa ti'i bus bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /shA ra dwa ti'i bu de na stong gsum gyi stong chen po'i 'jig rten gyi khams kyi sems can thams cad kyis de nas zhag bdun na bcom ldan 'das de bzhin gshegs pa dgra bcom</font><hr>79.22b<br><font size=+1>

pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par 'tshang rgya bar shes nas sems can de dag thams cad la zas kyi 'du shes kun byung bar ma gyur to/ /bkres pa'i 'du shes ma byung / skom pa'i 'du shes ma byung / mal du nyal ba'i 'du shes ma byung / lus dang sems ngal ba'i 'du shes ma byung gi/ gzhan du na sems can de dag thams cad bde ba'i 'du shes dang ldan par gyur te/ dga' ba dang mchog tu dga' ba'i 'du shes dang / sems rangs pa dang / sems kyi nyams bde ba dang ldan par gyur to/ /de ci'i phyir zhe na/ shA ra dwa ti'i bu 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis de dag thams cad kyis kyang de lta bu'i yon tan dag yongs su zin par gyur ba'i phyir ro/ /shA ra dwa ti'i bu gzhan yang de'i tshe 'jig rten gyi khams de na mi gang dag dang / 'dod pa na spyod pa'i lha gang dag 'khod pa de dag gi de nas zhag bdun na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par 'tshang rgya bar shes nas de dag 'khrig pa spyod pa'i 'du shes kun du ma byung bar gyur to/ /de ci'i phyir zhe na/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur ba'i phyir ro/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na</font><hr>79.23a<br><font size=+1>

med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na stong gsum gyi stong chen po'i 'jig rten gyi khams de thams cad snang ba chen pos khyab par gyur cing sa chen po yang rnam pa drug tu g.yos par gyur te/ 'di ltar g.yos/ rab tu g.yos/ kun du rab tu g.yos/ 'gul rab tu 'gul/ kun du rab tu 'gul/ ldeg rab tu ldeg / kun du rab tu ldeg / 'khrugs rab tu 'khrugs/ kun du rab tu 'khrugs/ 'ur 'ur/ rab tu 'ur 'ur/ kun du rab tu 'ur 'ur/ chem chem/ rab tu chem chem/ kun du rab tu chem chem par gyur te/ shA ra dwa ti'i bu de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa'i sangs rgyas kyi zhing na sangs rgyas kyi zhing gi yon tan bkod pa yongs su zin par gyur pa yin no/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na stong gsum gyi stong chen po'i 'jig rten gyi khams de na lha dang / mi gang dag 'khod pa de dag thams cad byang chub kyi snying po ga la ba de logs su thal mo sbyar te phyag 'tshal zhing 'khod par gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid</font><hr>79.23b<br><font size=+1>

kyi ye shes brnyes pa'i sangs rgyas kyi zhing na sangs rgyas kyi zhing gi yon tan bkod pa yongs su zin par gyur pa yin no/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa'i sangs rgyas kyi zhing na sangs rgyas kyi zhing gi yon tan bkod pa yongs su zin par gyur pa gang yin pa dag dang / shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na da ltar sangs rgyas kyi zhing gi yon tan bkod pa yongs su zin pa gang yin pa de dag ni sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba khrag khrig brgya stong phrag mang po dag la yang med de/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /shA ra dwa ti'i bu sangs rgyas kyi zhing gi yon tan bkod pa dag ni smon lam gyi khyad par gyis 'grub ste/ shA ra dwa ti'i bu ji ltar ngas sngon byang chub sems dpa'i spyad pa spyod pa na smon lam ji ltar btab pa de ltar gyur pa bzhin no/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na skad cig de dang / thang cig de dang / yud tsam de la stong gsum gyi stong chen po'i 'jig rten gyi khams de na sems can gang</font><hr>79.24a<br><font size=+1>

dag lha'i mig dang ldan pa dang / lha'i mig dang mi ldan pa dag 'khor ba'i sems can de dag gi mig lam du snang bar gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de byang chub kyi snying por gshegs nas bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na bdud sdig can rnams 'di snyam du ci'i phyir bdag cag de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa 'di bla na med pa yang dag par rdzogs pa'i byang chub mngon par rdzogs par 'tshang rgya ba'i bar chad bya ba'i phyir pha rol gnon par mi bya snyam pa'i sems ma bskyed de/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te rnam pa thams cad mkhyen pa nyid kyi ye shes brnyes pa na stong gsum gyi stong chen po'i 'jig rten gyi khams de'i lha bye ba khrag khrig brgya stong phrag du ma steng gi bar snang la 'khod nas de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la mchod pa bya ba'i phyir lha'i me tog dang / lha'i spos dang / lha'i bdug pa</font><hr>79.24b<br><font size=+1>

dang / lha'i me tog phreng dang / lha'i tsan dan dang / lha'i phye ma dang / lha'i sil snyan dang / lha'i na bza' dang / lha'i gdugs dang / lha'i rgyal mtshan dang / lha'i ba dan dang / lha'i rin po che'i rgyan dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba la de logs su gtor/ rab tu gtor/ /mngon par rab tu gtor te mchod pa'i las la brtson par gyur to/ /gtor ma thag tu sangs rgyas kyi mthus lha'i me tog de dag dang / lha'i spos de dag dang / lha'i bdug pa de dag dang / lha'i me tog phreng de dag dang / lha'i tsan dan de dag dang / lha'i phye ma de dag dang / lha'i sil snyan de dag dang / lha'i na bza' de dag dang / lha'i gdugs de dag dang / lha'i rgyal mtshan de dag dang / lha'i ba dan de dag dang / lha'i rin po che'i rgyan de dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i dbu'i gtsug gi drang thad kyi steng gi nam mkha' la rnam pa thams cad kyi mchog dang ldan pa'i gdugs dpag tshad brgya'i tshad tsam zhig tu gyur cing 'dug par gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas te/ rnam pa thams cad mkhyen pa nyid kyi ye shes brnyes pa na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sku'i 'od dag gis nyi ma dang / zla ba dag gi 'od zil gyis mnan nas mog mog</font><hr>79.25a<br><font size=+1>

por byas te mi mngon gyi/ gzhan du na de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis stong gsum gyi stong chen po'i 'jig rten gyi khams thams cad snang ba chen pos khyab par gyur to/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis stong gsum gyi stong chen po'i 'jig rten gyi khams de'i nyi ma dang / zla ba dag gi 'od dang / lha thams cad kyi 'od dag kyang zil gyis mnan cing mog mog por byas nas mig lam du yang mi snang bar gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das kye ma bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na ji tsam du go cha chen po bgos shing de'i smon lam gyi khyad par rgya chen po de lta bu dag tu gyur pa dang / sngon byang chub sems dpa'i spyad pa spyod pa na des srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dpag tu ma mchis/ grangs ma mchis/ brjod du ma mchis brjod du ma mchis pa'i yang brjod du ma mchis pa dag bla na med pa yang dag par rdzogs pa'i byang chub la rab tu bkod cing dge ba'i rtsa ba gang dag sems bskyed pa'i dge ba'i rtsa ba de dag kyang sangs rgyas kyi zhing yongs su dag</font><hr>79.25b<br><font size=+1>

par bgyi ba'i slad du bla na med pa yang dag par rdzogs pa'i byang chub tu yongs su bsngos nas ji lta ji ltar yongs su bsngos pa de lta de ltar smon lam yongs su rdzogs par gyur pa ni ngo mtshar lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin te/ de de bzhin no/ /ji skad smras pa de bzhin te/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ni sngon byang chub sems dpa'i spyad pa spyod pa na go cha chen po bgos par gyur pa yin no/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de byang chub kyi shing gang gi drung du bzhugs nas bla na med pa yang dag par rdzogs pa'i byang chub mngon par rdzogs par sangs rgyas shing rnam pa thams cad mkhyen pa nyid kyi ye shes brnyes par gyur pa'i byang chub kyi shing rin po che sna bdun las grub pa/ 'phang du dpag tshad 'bum yod/ de'i sdong po'i 'phang du ni dpag tshad brgya yod/ sboms su ni rgyang grangs phyed kyis 'khor la de'i yal ga rnams ni dpag tshad bdun stong bdun stong yod de/ de'i 'khor yug tu ni dpag tshad bzhi khri yod de/ byang chub kyi shing de'i yal ga dang / lo ma dang / yal ga phre'u dag rlung gis kun du bskyod pa na de dag las snyan pa dang / yid du 'ong ba dang / chags par 'gyur ba'i sgra skad dag byung ste/ shA ra dwa ti'i bu ji ltar byang chub kyi shing de'i yal ga dang / lo ma dang / yal ga phre'u dag rlung gis kun du bskyod pa na de dag las snyan pa dang / yid du 'ong ba dang chags par 'gyur ba'i sgra skad dag</font><hr>79.26a<br><font size=+1>

byung ba de lta bu'i snyan pa dang / yid du 'ong ba dang / chags par 'gyur ba'i sgra skad dag ni lha'i sil snyan yan lag 'bum dang ldan pa dag rol mo'i slob dpon mkhas pas gsil ba dag las kyang 'byung bar mi 'gyur ro/ /byang chub kyi shing de las pha rol du phyin pa thams cad dang / mngon par shes pa dang / dbang po dang / stobs dang / byang chub kyi yan lag dang / lam gyi yan lag thams cad kyi sgra skad lha'i dbyangs las shin du 'das pa/ mnyen shing yid du 'ong ba dag byung ste/ sems can gang dag gis sgra skad de dag thos par gyur pa de dag thams cad kyang 'dod chags dang bral ba'i sems rjes su dran pa zhes bya ba'i ting nge 'dzin thob po/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing gi yon tan bkod pa yongs su brjod pa dag legs par rab tu nyon la tshul bzhin du yid la zung shig dang / ngas khyod la bshad par bya'o/ /tshe dang ldan pa shA ra dwa ti'i bus bcom ldan 'das legs so zhes gsol nas bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na ngan song gsum po dag med de/ gsum gang zhe na/ 'di lta ste/ sems can dmyal ba dang / dud 'gro'i skye gnas dang / gshin rje'i 'jig rten no/ /der sems can gang dag skyes par gyur pa de dag thams cad ni dge ba bcu'i las kyi lam dang ldan pa sha stag go/ /shA ra dwa ti'i bu yang sangs rgyas kyi zhing de na sems can rnams la 'di ltar jo bo 'am/ bran gyi bye brag tu dbye ba yang med de/ shA ra dwa ti'i bu sangs rgyas kyi zhing de'i mi rnams la bkol ba'i chos lhur len pa'i bsam pa</font><hr>79.26b<br><font size=+1>

yang med do/ /de ci'i phyir zhe na/ shA ra dwa ti'i bu sangs rgyas kyi zhing de na sems can rnams la bdag dang bdag gir yongs su 'dzin pa med pa'i phyir ro/ /shA ra dwa ti'i bu yang sangs rgyas kyi zhing de'i sa gzhi chen po thams cad lag mthil ltar mnyam pa/ ka tsa lin di ka ltar reg na bde zhing gser gyi kha dog ltar 'dug la lha'i nor bu rin po ches spras shing pad ma gser gyi mdog can mdab ma bye ba phrag stong dang ldan pa dag gis legs par brgyan la/ me tog man dA ra ba dang / man dA ra ba chen po dag mngon par bkram pa/ sdong dum dang / tsher ma dang / gyo mo dang / gseg ma med pa/ ngam grog dang / gad pa dang / mi gtsang ba dor ba'i sa med pa/ rdo ba dang / ri med pa ste/ shA ra dwa ti'i bu sa gzhi chen po de la rkang pa bzhag na ni nems shes byed/ rkang pa gteg na ni spar ces byed de/ shA ra dwa ti'i bu 'di lta ste/ dper na shing bal gyi sngas nang tshangs can gyi steng du mgo bzhag na ni nems shes byed/ mgo bteg na ni spar ces byed pa de bzhin du shA ra dwa ti'i bu sa gzhi chen po de la yang rkang pa bzhag na ni nems shes byed/ rkang pa bteg na ni spar ces byed do/ /shA ra dwa ti'i bu yang sangs rgyas kyi zhing de'i mi rnams la rlung las gyur pa dang / mkhris pa las gyur ba dang / bad kan las gyur ba dang / 'dus pa las gyur ba'i nad rnams thams cad kyi thams cad du med do/ /shA ra dwa ti'i bu gzhan yang sangs rgyas kyi zhing de'i mi rnams la kha dog ngan pa dang / dri mi zhim pa dag thams cad kyi thams cad du med do/ /de ci'i phyir zhe na/ shA ra dwa ti'i bu sangs rgyas kyi zhing de'i sems can de dag ni 'dod chags chung ba dang / zhe sdang chung ba dang / gti mug chung ba'i phyir ro/ /shA ra dwa ti'i bu gzhan yang sangs rgyas kyi zhing de na sems can de dag la bsad pa dang / bcing ba dang / go rar gzhug pa dag thams cad kyi thams cad rnam pa thams cad kyi thams cad du med do/ /</font><hr>79.27a<br><font size=+1>

shA ra dwa ti'i bu yang sangs rgyas kyi zhing de na mu stegs can gyi gnas dag thams cad kyi thams cad rnam pa thams cad kyi thams cad du med do/ /shA ra dwa ti'i bu yang sangs rgyas kyi zhing de na shing ljon pa rnams rtag tu me tog chags shing rtag tu 'bras bu chags pa sha stag go/ /shA ra dwa ti'i bu yang sangs rgyas kyi zhing de na mi rnams kyi gos ni dpag bsam gyi shing las byung ba'i gos kha dog rnam pa lngas gos kyi bya ba byed de/ gos de dag kyang mdog gsal zhing dri zhim po dang ldan la/ kha dog mi nyams pa sha stag ste/ shA ra dwa ti'i bu 'di lta ste/ dper na lha'i me tog rnams kyi dri bsung sna tshogs ci 'dra ba de bzhin du shA ra dwa ti'i bu de dag gi gos kyi dri yang de 'dra la/ dpag bsam gyi shing de la 'dug pa na de dag gi dri ci 'dra ba de bzhin du de dag gis yongs su bcad pa na yang dri de dang 'dra ba nyid du 'gyur pas gos de dag gi dri dang / kha dog la nyams par 'gyur ba yang med la/ shA ra dwa ti'i bu mi de dag gi gos rnams shin du mang zhing phal che ba'i phyir de dag yang dang yang du gos brje zhing brje zhing gyon par byed do/ /shA ra dwa ti'i bu yang sangs rgyas kyi zhing de na mi de dag kha zas ji lta bu dag 'dod pa de lta bu'i kha zas dag mdun du rin po che'i snod dag nas 'byung ste/ shA ra dwa ti'i bu 'di lta ste/ dper na sum bcu rtsa gsum pa'i lha rnams yid la ci bsam pa'i kha zas dag 'byung ba de bzhin du shA ra dwa ti'i bu 'jig rten gyi khams de na mi de dag kyang kha zas ji lta bu dag 'dod pa de lta bu'i kha zas dag mdun du rin po che'i snod dag nas 'byung ngo / /shA ra dwa ti'i bu yang sangs rgyas kyi zhing de na mi de dag gi kha zas gang yin pa'i kha zas de dag ni kha dog gam/ dri'am/ ros lha'i kha zas dag la mi 'thu'o/ /shA ra dwa ti'i bu yang sangs rgyas kyi zhing de na mi de dag la bshang ba dang / gci ba dang / mchil ma dang / snabs dag med de/ shA ra dwa ti'i bu 'di lta ste/ dper na 'dod pa na spyod pa'i lha rnams la bshang</font><hr>79.27b<br><font size=+1>

ba dang / gci ba dang / mchil ma dang / snabs dag med pa de bzhin du shA ra dwa ti'i bu yang sangs rgyas kyi zhing de na mi de dag la yang bshang ba dang / gci ba dang / mchil ma dang / snabs dag med do/ /shA ra dwa ti'i bu yang sangs rgyas kyi zhing de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sngon gyi smon lam gyi khyad par dang / mi de dag gi bsod nams kyi rnam par smin pas mngon par grub pa sangs rgyas kyi zhing gi yon tan bkod pa phun sum tshogs pa 'di lta bu dag mngon par grub pa yod de/ gang du mi de dag 'dug par bya ba'i gnas rin po che sna bdun las grub pa'i khang pa brtsegs pa dag dang khang pa brtsegs pa de dag gi nang na rin po che sna bdun las byas pa'i khri dag gi steng du shing bal can gyi stan legs par bting ba bkram pa dag byung bar gyur cing khang pa brtsegs pa de dag tu khang pa brtsegs pa'i yongs su spyad pa gang las mi rnams chu'i bya ba byed pa'i rdzing rnam pa sna tshogs yan lag brgyad dang ldan pa'i chus gang ba 'byung ste/ rdzing bu de dag kyang gser gyi bye ma bdal pa/ lha'i shing mya ngan 'tshang gis bskor ba sha stag go/ /de dag na mi rnams dam pa'i chos kyi dga' bas dga' bar byed cing gnas so/ /shA ra dwa ti'i bu de na mi de dag gang du yan lag brgyad dang ldan pa'i chus gang ba'i rdzing dag 'byung bar 'dod pa de nyid du mi de dag gi drung du yan lag brgyad dang ldan pa'i chus gang ba'i rdzing dag 'byung zhing / gal te rjes su 'brang bar 'dod na yang rjes su 'brang bar 'gyur la/ gal te mi snang bar 'dod na yang mi snang bar 'gyur ro/ /shA ra dwa ti'i bu sangs rgyas kyi zhing de na ha cang yang mi dro ha cang yang mi grang ba'i rlung dag ldang ngo / /'jam pa dang / bde ba dang / dal ba'i rlung dag kyang ldang ngo / dri zhim pa dang / yid du 'ong ba'i rlung dag kyang ldang ste/ rlung de dag nyid kyis mi de dag dang / lha de dag gi</font><hr>79.28a<br><font size=+1>

spos kyi bya ba byed do/ /gal te la la zhig bdag la rlung ldang bar gyur cig ces rlung ldang bar 'dod na yang de la rlung ldang bar 'gyur ro/ /gal te gzhan dag mi 'dod na de dag gis lus la rlung gis phog par mi 'gyur zhing gang dang gang gi tshe 'dod pa de dang de'i tshe de dag la rlung ldang bar 'gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na sangs rgyas kyi zhing gi yon tan bkod pa phun sum tshogs pa yin no/ /shA ra dwa ti'i bu yang sangs rgyas kyi zhing de na da ltar nga'i sangs rgyas kyi zhing na gang bud med dag gi bud med kyi skyon du bya ba'i bud med dag gi bud med kyi skyon de dag med de/ shA ra dwa ti'i bu de dag kyang gang zhe na/ sangs rgyas kyi zhing 'di na bud med ni mdog mi sdug pa/ gzugs ma legs pa/ dri nga ba/ mi gtsang bas gang ba/ 'dod pa'i longs spyod dag gis ngoms mi shes pa/ byas pa mi gzo ba/ khro ba dang / lce gnyis smra ba dang / phrag dog dang / ser sna'i chos kyis glags pa yin te/ shA ra dwa ti'i bu sangs rgyas kyi zhing 'di na bud med dag gi bud med kyi skyon ni de dag yin no/ /shA ra dwa ti'i bu sangs rgyas kyi zhing de na bud med la ni bud med dag gi bud med kyi skyon du bya ba de lta bu dag med de/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /shA ra dwa ti'i bu sangs rgyas kyi zhing de na bud med ni yon tan thams cad dang ldan pa yin te/ shA ra dwa ti'i bu 'di lta ste/ dper na bud med rin po che ni mi'i bud med kyi yon tan dag las shin du 'das shing lha mo'i yon tan dang ldan pa de bzhin du shA ra dwa ti'i bu sangs rgyas kyi zhing 'di na bud med rin po che'i yon tan gang yin pa dang / sangs rgyas kyi zhing de na bud</font><hr>79.28b<br><font size=+1>

med kyi yon tan gang yin pa de dag ni de dag gi yon tan gyi gan na bud med rin po che'i yon tan dag ni brgya'i char yang nye bar mi 'gro'o/ /stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod do/ /shA ra dwa ti'i bu yang sangs rgyas kyi zhing de na skyes pa dag bud med dang lhan cig tu 'khrig pa spyod pa'i phyir lus sbyor ba med de/ shA ra dwa ti'i bu sangs rgyas kyi zhing de na gang gi tshe skyes pa dag kun tu chags pa'i sems bskyed pa na de song ste kun du chags pa'i sems kyis bud med la yud tsam zhig bltas pa tsam gyis skyes pa de'i 'dod chags rab tu zhi bar gyur te/ shin tu yid byung zhing spangs nas mi sdug pa la 'dod chags dang bral ba'i ting nge 'dzin thob bo/ /ting nge 'dzin des bdud kyi zhags pa las grol nas yang 'dod chags kyi sems skye bar mi 'gyur ro/ /skyes pa des gang la bltas pa'i bud med de bltas pa tsam gyis sbrum mar gyur te/ gnyis ka'i 'dod chags zhi bar gyur nas mngal na gnas pa'i khye'u 'am/ bu mo de'i lus dang sems kyis kyang 'di 'dra ba'i bde ba myong bar 'gyur te 'di lta ste/ dper na sum bcu rtsa gsum pa'i lha rnams rin po che'i gzhal med khang na dga' zhing mchog tu dga' bar byed pa na lus dang / sems kyis bde ba myong ba bzhin du shA ra dwa ti'i bu sangs rgyas kyi zhing de na mngal na gnas pa'i khyi'u dang / bu mo dag kyang de bzhin no/ /de na mngal na gnas pa de dag nyin zhag bdun gyi bar du bde ba myong nas btsa' bar 'gyur zhing bud med sbrum ma de'i lus dang / sems kyis kyang 'di 'dra ba'i bde ba dag myong bar 'gyur te/ 'di lta ste/ dper na bsam gtan gnyis pa la snyoms par zhugs pa'i dge slong thams cad kyis thams</font><hr>79.29a<br><font size=+1>

cad du bde bar gyur pa bzhin no/ /bud med de bu btsa' ba na yang mi gtsang ba dang / dri mi zhim pa dag med do/ /shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na kye ma nam bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de yon tan de lta bu dag dang ldan par gyur cig ces smon lam btab pa'i khyad par gyis gyur pa yin no/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na gang gi tshe skyes pa dang / bud med dang / khye'u dang / bu mo dag rgyan dag thogs par 'dod pa de'i tshe dpag bsam gyi shing dag 'dud cing 'dogs par 'gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /de nas dge slong zhig gis sangs rgyas kyi zhing de'i bsngags pa brjod pa dang / bud med de dag gi yon tan thos nas de la kun du chags pa'i sems skyes te/ bcom ldan 'das la 'di skad ces gsol to/ /btsun pa bcom ldan 'das bdag kyang sangs rgyas kyi zhing der skye ba yongs su 'dzin par gyur cig / de skad ces gsol pa dang / bcom ldan 'das kyis dge slong de la 'di skad ces bka' stsal to/ /mi gti mug pa khyod lta bu sangs rgyas kyi zhing der skye bar mi 'gyur ro/ /de ci'i phyir zhe na/ 'dod chags kun nas langs pa'i sems kyis sangs rgyas kyi zhing der skye bar mi nus kyi/ dge slong gzhan du na dge ba'i spyod pa dang / chos kyi spyod pa dang / tshangs par spyod pa dang / yang dag pa'i spyod pas sems can rnams sangs rgyas kyi zhing der skye ba yongs su 'dzin par 'gyur</font><hr>79.29b<br><font size=+1>

ba'i phyir ro/ /shA ra dwa ti'i bu gzhan yang sangs rgyas kyi zhing de na 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid chos kyi rgyal po bla na med pa'o zhes bya bar shes pa ma gtogs pa rgyal po gzhan ni 'ga' yang med do/ /shA ra dwa ti'i bu 'di lta ste/ dper na byang gi sgra mi snyan gyi mi rnams la rgyal po zhes bya ba gzhan med pa de bzhin du shA ra dwa ti'i bu sangs rgyas kyi zhing de na yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid chos kyi rgyal po bla na med pa'o zhes bya bar shes pa ma gtogs pa rgyal po gzhan ni 'ga' yang med do/ /shA ra dwa ti'i bu 'di lta ste/ dper na sum bcu rtsa gsum pa'i lha rnams ni lha'i dbang po brgya byin la rim gro bya ba'i phyir 'du'o/ /shA ra dwa ti'i bu de bzhin du sangs rgyas kyi zhing de'i lha dang / mi rnams kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la blta ba dang / phyag bya ba dang / mchod pa bya ba dang / bsnyen bkur bya ba dang / chos mnyan pa'i phyir 'du ste/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par las gyur pa yin no/ /shA ra dwa ti'i bu gzhan yang sangs rgyas kyi zhing de na mi rnams ni bag yod pa'i gnas pas gnas pa sha stag ste/ de ci'i phyir zhe na/ /shA ra dwa ti'i bu de na 'di ltar kha lo sgyur ba de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid kyis rgyu sngon du btang ba'i phyir te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /shA ra dwa ti'i</font><hr>79.30a<br><font size=+1>

bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na de bzhin gshegs pa'i mchod rten nam/ de bzhin gshegs pa'i sku gzugs dag la me tog dang / bdug pa dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag phul nas 'di skad du dge ba'i rtsa ba 'dis bdag gi sangs rgyas kyi zhing rnam pa thams cad kyi mchog dang ldan par gyur cig ces smon lam btab pas na de'i tshe de lta bur gyur pa yin te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na mi de dag la nyo tshong dang / tshong pa dang / zhing las dang / so nam bya ba med de/ gzhan du na mi de dag shin tu bde ba dang ldan par gnas so/ /shA ra dwa ti'i bu gzhan yang sangs rgyas kyi zhing de'i mi rnams 'dod pa'i dga' bas rtse ba'i phyir 'dod pa dang ldan pa'i dbyangs kyis glu mi len te/ gzhan du na mi de dag chos kyi dga' ba nyams su myong bar byed do/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na gser gyi shing ta la'i phreng ba dag rlung gis kun du bskyod pa na 'di ltar snyan pa dang / 'jebs pa dang / yid du 'ong ba dang / chags par 'gyur ba'i sgra 'byung ste/ shA ra dwa ti'i bu ji ltar gser gyi shing ta la'i phreng ba dag rlung gis kun du bskyod pa las snyan pa dang / 'jebs pa dang / yid du 'ong ba dang chags par 'gyur ba'i</font><hr>79.30b<br><font size=+1>

sgra 'byung ba de lta bu'i snyan pa dang / 'jebs pa dang / yid du 'ong ba dang / chags par 'gyur ba'i sgra ni lha'i sil snyan yan lag lnga dang ldan pa dag rol mo'i slob dpon mkhas pa gsil ba dag las kyang 'byung bar mi 'gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /shA ra dwa ti'i bu de lta bas na byang chub sems dpa' sems dpa' chen po sangs rgyas kyi zhing gi yon tan bkod pa yongs su bsgrub par 'dod pas ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na sangs rgyas kyi zhing gi yon tan bkod pa phun sum tshogs pa dag yongs su gzung ba dang / sangs rgyas kyi zhing yongs su sbyangs pas de ltar sangs rgyas kyi zhing gi yon tan bkod pa phun sum tshogs pa dag yongs su gzung bar bya/ de ltar sangs rgyas kyi zhing yongs su sbyang bar bya'o/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyi ma dang zla ba snang ba'i bya ba cher mi byed de/ 'on kyang de na mun pa yang med la mun nag kyang med do/ /de ci'i phyir zhe na/ shA ra dwa ti'i bu de ni 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis stong gsum gyi stong chen po'i 'jig rten gyi khams de thams cad rtag par kun du snang bar gyur pa'i phyir ro/ /shA ra dwa ti'i bu 'di lta ste/ dper na nor bu rin po che zhig khang pa brtsegs pa'i ra ba sgo bcad pa/ skar khung bcad pa/ bla 'og g.yogs pa/ sa bzang po'i zhal zhal gyis bskus pa'i nang du bcug la der nor bu rin po che de'i rang gi lus kyi 'od kyis snang ba'i bya ba byed pa na de na sems can</font><hr>79.31a<br><font size=+1>

gang dag 'khod pa de dag gis nyin par yang snang bar shes mtshan mo yang snang bar shes so/ /shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis kyang stong gsum gyi stong chen po'i 'jig rten gyi khams de dag thams cad rtag par kun tu snang bar gyur to/ /shA ra dwa ti'i bu de la khang pa brtsegs pa'i ra ba zhes bya ba de ni 'jig rten gyi khams mngon par dga' ba zhes bya ba de'i tshig bla dgas so/ /shA ra dwa ti'i bu nor bu rin po che zhes bya ba de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i tshig bla dgas so/ /shA ra dwa ti'i bu nor bu rin po che'i 'od ces bya ba de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyi tshig bla dgas so/ /shA ra dwa ti'i bu sems can zhes bya ba de ni mi gang dag sangs rgyas kyi zhing de na gnas pa'i mi de rnams kyi tshig bla dgas yin no/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ga las gar gshegs pa na sa chen po de la zhabs gang dang gang dag tu bzhag pa de dang de dag tu pad ma gser gyi mdog can 'dab ma stong yod pa dag 'byung bar 'gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das ci bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de khang pa'i nang du</font><hr>79.31b<br><font size=+1>

gshegs pa na yang de'i zhabs kyi 'og nas pad ma gser gyi mdog can 'dab ma stong dang ldan pa dag 'byung lags sam/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ni grong dang / grong khyer dag tu gshegs pa nyung mod kyi/ 'on kyang gang gi tshe gshegs shing bzhugs par gyur pa na khyim der pad ma gser gyi mdog can 'dab ma stong dang ldan pa dag 'byung ste/ shA ra dwa ti'i bu gal te der rigs kyi bu'am rigs kyi bu mo la la zhig gis 'di snyam du/ gang de bzhin gshegs pa khyim 'dir gshegs pa'i zhabs 'og nas byung ba'i pad ma 'di dag thams cad gnas gcig tu 'dus par gyur cig snyam du bsams na yang 'di ltar sangs rgyas kyi mthus de dag gnas gcig tu 'du'o/ /gal te yang 'di snyam du de dag nam mkha' la gnas par gyur cig /snyam du bsams na yang 'di ltar sangs rgyas kyi mthus de dag nam mkha' la gnas te/ shA ra dwa ti'i bu pad ma de dag kyang stong gsum gyi stong chen po'i 'jig rten gyi khams de'i mi rnams kyi mchod rten du 'gyur ro/ /shA ra dwa ti'i bu gzhan yang stong gsum gyi stong chen po'i 'jig rten gyi khams de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de gang du chos ston pa'i phyir gshegs pa der pad ma de lta bu dag 'byung ngo / /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des phyogs gzhan dag dang / 'jig rten gyi khams gzhan gang dang gang dag tu sprul pa dag bkye ba de dang de dag tu yang 'di ltar sangs rgyas kyi mthus pad ma de lta bu dag 'byung ste/ shA ra dwa ti'i bu de ltar na stong gsum gyi stong chen po'i</font><hr>79.32a<br><font size=+1>

'jig rten gyi khams de thams cad pad ma gser gyi mdog can 'dab ma stong dang ldan pa de lta bu sha stag gis rtag tu brgyan par gyur to/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na 'di ltar gser dang / dngul dang / bai dUr+ya dang / rin po che sna bdun las byas pa'i them skas 'dzam bu'i gling nas btsugs na sum bcu rtsa gsum pa'i lha'i ris kyi bar du phyin pa dag yod de/ shA ra dwa ti'i bu gang gi tshe sum bcu rtsa gsum pa'i lha rnams bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la blta ba dang / phyag bya ba dang / bsnyen bkur bya bar 'dod pa'i tshe sum bcu rtsa gsum pa'i lha'i ris nas rin po che'i them skas de dag las babs pa na sum bcu rtsa gsum pa'i lha de dag 'dzam bu'i gling pa'i mi de dag la 'di ltar smon pa'i sems skye ste/ bdag cag lha rnams kyi lha'i phun sum tshogs pa gang yin pa dang / 'dzam bu'i gling pa'i mi rnams kyi mi'i phun sum tshogs pa gang yin pa de dag ni bdag cag lha rnams kyi phun sum tshogs pa dag las 'dzam bu'i gling pa'i mi rnams kyi phun sum tshogs pa 'di dag kyang khyad par cung zad tsam gyis kyang mi dman pa'i steng du 'dzam bu gling 'di na bcom ldan 'das de bzhin gshegs pa dgra bcom pa pa yang dag par rdzogs pa'i sangs rgyas mi 'khrugs pa 'di chos 'chad cing bzhugs pas lhag par khyad par du 'phags so zhes de ltar sum bcu rtsa gsum pa'i lha rnams 'dzam bu'i gling pa'i mi de dag la smon par byed do/ /shA ra dwa ti'i bu gang gi tshe 'dzam bu'i gling pa'i mi de dag sum bcu rtsa gsum pa'i lha rnams kyi gnas su 'dzeg par gyur pa'i tshe na/ de dag sum bcu rtsa gsum pa'i lha rnams la smon pa med do/ /de ci'i phyir zhe na/ de</font><hr>79.32b<br><font size=+1>

dag 'di snyam du lha 'di dag gi lha'i phun sum tshogs pa dag las bdag cag gi phun sum tshogs pa dag kyang mi dman pa'i steng du bdag cag gi 'dzam bu'i gling na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa chos ston cing bzhugs pas na 'di ltar bdag cag gi sangs rgyas kyi phun sum tshogs pa des sum bcu rtsa gsum pa'i lha 'di dag ni zil gyis non to snyam du sems pa'i phyir ro/ /shA ra dwa ti'i bu gzhan yang sangs rgyas kyi zhing de na lha rnams kyis kyang mi rnams mthong la mi rnams kyis kyang lha rnams mthong ngo / /'di ltar yang 'dzam bu'i gling pa'i mi de dag 'dzam bu'i gling nyid na gnas bzhin du 'dod pa na spyod pa'i lha rnams kyi gzhal med khang dag kyang mthong ste/ shA ra dwa ti'i bu 'di lta ste/ dper na da ltar 'dzam bu'i gling 'di'i mi rnams kyis skar ma'i gzugs rnams dang / nyi ma dang / zla ba dag mthong ba de bzhin du shA ra dwa ti'i bu sangs rgyas kyi mthus sangs rgyas kyi zhing der 'dzam bu'i gling pa'i mi rnams kyis kyang 'dod pa na spyod pa'i lha rnams kyi gzhal med khang dag mthong ste/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de stong gsum gyi stong chen po'i 'jig rten gyi khams de thams cad du chos ston pa na stong gsum gyi stong chen po'i 'jig rten gyi khams der 'khor bzhi po dag gis mi stongs par 'gyur te/ shA ra dwa ti'i bu</font><hr>79.33a<br><font size=+1>

de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par gyis gyur pa yin no/ /mi 'khrugs pa lung bstan pa theg pa chen po'i mdo las le'u gnyis pa'o// // bam po gsum pa/ shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de chos ston pa na chos bstan pa re res kyang 'di ltar sems can dpag tu med cing grangs med pa dag dgra bcom pa'i 'bras bu mngon sum du bya ba'i phyir btul te/ shA ra dwa ti'i bu rnam grangs 'dis sems can dpag tu med cing grangs med pa dag dgra bcom pa'i 'bras bu mngon sum du bya ba'i phyir btul cing phal cher rnam par thar pa brgyad la bsam gtan pa sha stag go/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun ni dpag tu med/ grangs med de shA ra dwa ti'i bu de dag ni rtsis mkhan nam/ rtsis mkhan chen po gang gis kyang grangs dang / rtsis kyis khyad phyin ni 'di snyed cig go zhe 'am/ gtams ni 'di snyed cig go zhe 'am/ dkrigs ni 'di snyed cig go zhe 'am/ mchog yas ni 'di snyed cig go zhe 'am/ ka ran da ni 'di snyed cig go zhe 'am/ zil gnon ni 'di snyed cig go zhe 'am/ ther 'bum ni 'di snyed cig go zhe 'am/ gzhal du med pa ni 'di snyed cig go zhes bya bar grangs dang / rtsis 'di dag gis bgrang ba'am brtsi bar nus shing khong du chud par ngas yang dag par rjes su ma mthong ste/ shA ra dwa ti'i bu gzhan du na nyan thos de dag ni dpag tu med pa nyid dam/ grangs med pa nyid kyi grangs su 'gro'o/ /gzhan du na thams cad mkhyen pa nyid kyi ye shes kyis bgrang ba'i</font><hr>79.33b<br><font size=+1>

grangs su 'gro'o/ /shA ra dwa ti'i bu yang sangs rgyas kyi zhing de na rigs kyi bu gang dag rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu la gnas pa dag ni nyung ste/ shA ra dwa ti'i bu 'di lta ste/ dper na ngas da ltar chos bstan pa na de ltar thogs na srid pa lan bdun pa'i rgyun du zhugs pa le lo can gang gong ma'i khyad par mi thob pa de ngas res ltar thogs na srid pa lan bdun par bstan pa de bzhin du de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos bstan pa na rigs kyi bu gang dag stan gcig la 'dug nas dgra bcom pa'i 'bras bu mi thob par chos bstan pa dang pos rgyun du zhugs pa'i 'bras bu 'thob pa dang / chos bstan pa gnyis pas lan cig phyir 'ong ba'i 'bras bu 'thob pa dang chos bstan pa gsum pas phyir mi 'ong ba'i 'bras bu 'thob pa dang / chos bstan pa bzhi pas dgra bcom pa'i 'bras bu 'thob pa de ni de na le lo can zhes bya'o/ /shA ra dwa ti'i bu ji ltar da ltar gyi bzhin du de na gang rgyun du zhugs pa de ni res ltar thogs na srid pa lan bdun pa ma yin gyi/ de ni lus de nyid kyis dgra bcom pa nyid mngon sum du byed de 'di lta ste/ rgyun du zhugs pa zhes 'bras bu rnam par gzhag pa de ni ming tsam du zad do/ /ji ltar da ltar gyi bzhin du de na gang lan cig phyir 'ong ba de 'jig rten 'dir lan cig phyir 'ongs nas sdug bsngal mthar byed pa ma yin gyi de ni lus de nyid kyis dgra bcom pa nyid mngon sum du byed de/ 'di lta ste/ lan cig phyir 'ong ba zhes 'bras bu rnam par gzhag pa de ni ming tsam du zad do/ /ji ltar da ltar gyi bzhin du de na gang phyir mi 'ong ba de ni der lan cig 'ongs nas yongs su mya ngan las 'da' ba ma yin gyi/ de ni lus de nyid kyis dgra bcom pa</font><hr>79.34a<br><font size=+1>

nyid mngon sum du byed de/ 'di ltar phyir mi 'ong ba zhes 'bras bu rnam par gzhag pa de ni ming tsam du zad do/ /shA ra dwa ti'i bu de na dgra bcom pa gang yin pa de ni de na yang mi gnas/ 'di na yang mi gnas/ gnyis ka med pa'i bar na yang mi gnas te/ phung po'i lhag ma med pa'i mya ngan las 'da' ba'i dbyings su yongs su mya ngan las 'da' ste/ shA ra dwa ti'i bu de ltar sangs rgyas kyi zhing de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des 'di ltar 'bras bu rnam par gzhag pa nye bar bzung ste/ dge sbyong gi 'bras bu ston to/ /shA ra dwa ti'i bu yang de na rigs kyi bu 'am rigs kyi bu mo gang chos shes pa de ni slob pa'i sa la gnas shing nyams par mi 'gyur te/ shA ra dwa ti'i bu de la slob pa'i sa zhes bya ba de ni snyigs ma'i sa zhes bya ba'i tshig bla dgas so/ /shA ra dwa ti'i bu de ni mi slob pa'i sa la brten nas yongs su mya ngan las 'da' zhing mi slob pa'i sa la gnas nas yongs su mya ngan las 'da' ste/ shA ra dwa ti'i bu de la mi slob pa'i sa zhes bya ba ni dgra bcom pa nyid ces bya ba'i tshig bla dgas te/ shA ra dwa ti'i bu de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun rnam par dag pa'i snying po la gnas pa phun sum tshogs pa zhes bya'o/ /shA ra dwa ti'i bu de la rnam par dag pa'i snying po la gnas pa phun sum tshogs pa zhes bya ba ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin du rnam par grol ba/ shes rab shin tu rnam par grol ba/ cang shes pa/ glang po</font><hr>79.34b<br><font size=+1>

chen po/ /bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba/ yongs su zad pa/ yang dag pa'i shes pas sems shin du rnam par grol ba/ sems kyi dbang thams cad kyi dam pa'i pha rol du son pa/ phal cher rnam par thar pa brgyad la bsam gtan pa'i dge 'dun gyi tshig bla dgas yin te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos rnams kyi nyan thos kyi dge 'dun gyi bkod pa phun sum tshogs pa yin no/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos rnams 'di snyam du de ring bdag cag gang du zan bza' bar bya/ de ring bdag cag la sus zan sbyin par 'gyur snyam du sems pa med do/ /nyan thos de dag bsod snyoms kyi phyir khyim dag tu 'jug pa yang med do/ /de dag gang gi tshe zas kyi dus la bab par gyur pa'i dus de nyid kyi tshe na lhung bzed du kha zas 'byung ngo / /gang gi tshe nyan thos de dag gis 'di snyam du bdag cag la gzhan dag gis zas byin yang sla'o snyam du bsam pa de'i tshe na de dag la gzhan zas sbyin par yang 'gyur te/ de dag zas kham gnyis sam gsum tsam gyis kha zas kyi bya ba byed cing chog par yang 'gyur ro/ /nyan thos de dag lhung bzed dang / chos gos tshol bar yang mi byed la/ de dag chos gos dag mi 'dra/ mi 'dru ba/ mi 'khru/ mi 'tshed cing bdag kyang mi byed la gzhan la yang mi 'chol mod kyi/ gzhan du na spyod pa tsam du sangs rgyas kyi mthus 'byung bar yang 'gyur ro/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de</font><hr>79.35a<br><font size=+1>

ji ltar da ltar nyan thos rnams la ltung ba bzhi po dag gi chos ston pa de ltar nyan thos rnams la ltung ba'i chos rnams mi ston to/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ni nyan thos rnams la de lta bu'i chos mi ston te/ de ci'i phyir zhe na/ shA ra dwa ti'i bu sangs rgyas kyi zhing de na tshe'i snyigs ma med/ sems can gyi snyigs ma med/ dus kyi snyigs ma med/ lta ba'i snyigs ma med/ nyon mongs pa'i snyigs ma med cing snying stobs nyams pa med pas shA ra dwa ti'i bu sangs rgyas kyi zhing de snyigs ma dang bral ba yin pa'i phyir ro/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de gang gi tshe nyan thos rnams la chos ston pa na dang po nyid nas yang dag phul gyi chos rnams ston par mdzad de/ de ci'i phyir zhe na/ shA ra dwa ti'i bu sangs rgyas kyi zhing de na sems can rnams ni mgo smos pas go ba sha stag ste/ rnam par spros pas go ba dang / zhib tu bshad pas go bar bya dgos pa de dag de na med pa'i phyir ro/ /shA ra dwa ti'i bu de na nyan thos kyi dge 'dun la lhag pa'i nga rgyal can ni 'ga' tsam yang med de/ shA ra dwa ti'i bu de na lhag pa'i nga rgyal can zhes bya ba'i ming tsam yang mi srid do/ /shA ra dwa ti'i bu de na nyan thos kyi dge 'dun la gang dag dge sbyong gi dri mar bya ba'i rnam pa dang / dge sbyong gi skyon du bya ba dang / dge sbyong gi gya gyur bya ba dang / dge sbyong gi g.yor bya ba dang / dge sbyong gi sgyur bya ba de dag ni thams cad kyi thams cad rnam pa thams cad kyi thams cad du med de 'di ltar dge sbyong gi dri ma zhes bya ba'i ming tsam yang kun du 'byung ba med do/ /de ci'i phyir zhe na/ shA ra dwa ti'i bu sems can de dag ni dge ba'i rtsa ba yongs su smyin cing dag pa yin</font><hr>79.35b<br><font size=+1>

pas na de dag la chos ji ltar bstan pa de bzhin du kun du shes par 'gyur ba'i phyir ro/ /shA ra dwa ti'i bu sangs rgyas kyi zhing de na mtshams med lnga po dag ston pa ni thams cad kyi thams cad du med de/ de na mtshams med pa'i sgra yang mi 'byung ngo / /shA ra dwa ti'i bu nyan thos de dag ni rnyed pa dang / bkur sti lhur len pa ma yin zhing / lhung bzed dang / chos gos lhur len pa yang ma yin te/ de dag ni thams cad kyi thams cad rnam pa thams cad kyi thams cad du chos gos dang / yo byad lhur len pa ma yin no/ /shA ra dwa ti'i bu de dag la rnyed pa dang / bkur sti'i bsam pa las bzla ba'i phyir chos bstan par bya mi dgos te/ de ci'i phyir zhe na/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos de dag ni 'dod pa chung ba dang / chog shes pa'i phyir ro/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ji ltar nga da ltar nyan thos rnams la bslab pa 'cha' ba de ltar nyan thos rnams la bslab pa 'cha' bar mi mdzad do/ /de ci'i phyir zhe na/ shA ra dwa ti'i bu nyan thos de dag la skyon med pa'i phyir te/ de na bslab pa ni 'di kho na ste/ 'di ltar stong pa nyid dang / mtshan ma med pa dang / smon pa med pa rjes su dran par byed pa'o/ /shA ra dwa ti'i bu ji ltar da ltar mi blun po kha cig nga'i bstan pa la rab tu byung nas nga'i bslab pa'i gzhi 'dral bar byed pa de ltar nyan thos de dag la bslab pa'i gzhi 'dral bar byed pa med do/ /de ci'i phyir zhe na/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos 'dus pa ni cang shes pa sha stag yin la/ shA ra dwa ti'i bu bcom ldan 'das de</font><hr>79.36a<br><font size=+1>

bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na snyigs ma med pa'i phyir ro/ /de na nyan thos gcig dang / nyan thos gnyis lhan cig tu mi gnas par de dag rang rang gi rnal 'byor gyi don la rjes su brtson par gnas so/ /'du 'dzi med pa la 'ga' zhing 'du 'dzi med pa'i rnal 'byor la brtson te/ dge ba'i phyogs la rtag tu sbyor zhing rnyed pa dang bkur sti don du mi gnyer te/ de na gang zag rnams ni brtson 'grus nyams pa med pas rab tu phye bas de na le lo can dag ni bltar yang med de/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos de dag ni yon tan yongs su grub pa de lta bu dag dang ldan pa yin no/ /shA ra dwa ti'i bu gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de ni nyan thos de dag la chos ston pa de'i tshe na nyan thos de dag kyang rna ba blags la mig mi g.yengs shing sems mi g.yengs par chos nyan par byed do/ /gang dag 'greng ste chos nyan par byed kyang de dag gi lus dang sems la ngal ba med do/ /gang dag 'dug ste chos nyan par byed kyang de dag gi lus dang sems la ngal ba med do/ /shA ra dwa ti'i bu gzhan yang gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de rdzu 'phrul gyis nam mkha' la mngon par 'phags shing nyan thos rnams la chos ston pa de'i tshe sangs rgyas kyi mthus de na dge slong gang dag rdzu 'phrul dang ldan pa rnams dang / dge slong gang dag rdzu 'phrul dang mi ldan pa de dag kyang rdzu 'phrul gyis nam mkha' la mngon par 'phags te/ chos nyan par byed cing bcom ldan</font><hr>79.36b<br><font size=+1>

'das kyi nyan thos de dag nam mkha' de nyid la mngon par 'phags bzhin du spyod lam rnam pa gsum gyis gnas par yang byed de/ gsum gang zhe na/ 'di lta ste/ 'greng pa dang / 'dug pa dang / 'chag pa'o/ /de dag yongs su mya ngan las 'da' ba na yang nam mkha' la kyil mo dkrung bcas te 'dug nas yongs su mya ngan las 'da' bar byed do/ /nyan thos de dag thams cad yongs su mya ngan las 'da' ba na sa chen po yang kun du g.yo'o/ /de dag yongs su mya ngan las 'das nas kyang lha dang mi rnams bkur bsti bya bas bkur sti byed do/ /de na dgra bcom pa kha cig ni rang gi lus kyi me'i khams kyis lus bsregs te yogs su mya ngan las 'da' bar byed do/ /de na dgra bcom pa kha cig ni yongs su mya ngan las 'da' ba na ji ltar rlung bzhin du rang gi lus mi snang bar byas te yongs su mya ngan las 'da' bar byed do/ /shA ra dwa ti'i bu 'di lta ste/ dper na kha dog rnam pa lnga'i sprin dag mngon par chags nas zhig par gyur pa na char pa dag med cing mi snang ba de bzhin du shA ra dwa ti'i bu de na dgra bcom pa kha cig kyang yongs su mya ngan las 'da' ba na rang gi lus zhig nas cha shas tsam yang mi snang bar byed do/ /shA ra dwa ti'i bu de na nyan thos kha cig 'di ltar yongs su mya ngan las 'da' bas yongs su mya ngan las 'da' bar byed pa yang yod de/ de na nyan thos kha cig rdzu 'phrul gyis nam mkha' la mngon par 'phags nas lus las chu'i rgyun dag 'byin cing chu'i rgyun de dag kyang sa la ma lhung ba nyid du nam mkhar bag la zha bar byas nas de bzhin du rang gi lus kyang nam mkha' las ma lhung bar thal byung du bag la zha bar byed de/ shA ra dwa ti'i bu de na nyan thos dag yongs su mya ngan las 'da' ba'i tshul de lta bu dag gis yongs su mya ngan las 'da' bar byed de/ shA ra dwa ti'i bu de yang bcom ldan 'das de bzhin gshegs pa dgra bcom</font><hr>79.37a<br><font size=+1>

pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na 'di skad du kye ma nam bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na nyan thos rnams 'di ltar cho 'phrul gsum gyis yongs su mya ngan las 'da' bar gyur cig ces smon lam btab pa'i khyad par gyis gyur pa yin no/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos dpag tu med pa de dag las gang dag so so yang dag par rig pa bzhi ma thob pa'i nyan thos de dag ni nyung gi gang dag so so yang dag par rig pa bzhi thob par gyur pa de dag ni ches mang ngo / /nyan thos gang dag rdzu 'phrul gyi rkang pa bzhi thob pa de dag kyang ches mang ste/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos rnams ni yon tan phun sum tshogs pa dang ldan pa yin no/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na 'di lta ste/ 'di ltar nyan thos kyi dge 'dun gyi bkod pa phun sum tshogs pa chen po 'di ni ngo mtshar lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin te/ de de bzhin no/ /ji ltar smras pa de bzhin te/ shA ra dwa ti'i bu bcom ldan 'das de bzhin gshegs pa dgra</font><hr>79.37b<br><font size=+1>

bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na 'di ltar nyan thos kyi dge 'dun gyi bkod pa phun sum tshogs pa'i bkod pa chen po de lta bu dag dang ldan pa yin no/ /mi 'khrugs pa lung bstan pa zhes bya ba theg pa chen po'i mdo las le'u gsum pa'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das bcom ldan 'das kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na nyan thos rnams kyi nyan thos kyi dge 'dun gyi bkod pa phun sum tshogs pa dag ni legs par bka' stsal lags na/ bcom ldan 'das kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing gi byang chub sems dpa' rnams kyi byang chub sems dpa'i yon tan bkod pa phun sum tshogs pa dag ni bka' ma stsal lags pas/ bcom ldan 'das da ni byang chub sems dpa' rnams kyi byang chub sems dpa'i yon tan bkod pa phun sum tshogs pa dag legs par bstan du gsol/ /de ci'i phyir zhe na/ btsun pa bcom ldan 'das de las 'di ltar byang chub sems dpa'i phun sum tshogs pa gang lags pa'i phun sum tshogs pa de dag thams cad 'byung bar 'gyur pa'i slad du'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing 'jig rten gyi khams mngon par dga' ba zhes bya ba de na da ltar gang dag byang chub sems dpa' brgya phrag mang po dang / byang chub sems dpa' stong phrag mang po dang / byang chub sems</font><hr>79.38a<br><font size=+1>

dpa' brgya stong phrag mang po dang / byang chub sems dpa' bye ba khrag khrig brgya stong phrag dpag tu med pa dang / grangs med pa dag gi byang chub sems dpa'i 'dus pa chen po yod de/ shA ra dwa ti'i bu de na byang chub sems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de las rab tu byung ba de dag thams cad ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i chos bstan pa sangs rgyas kyis mthus 'dzin par byed/ 'chang bar byed/ klog par byed cing gzhan dag la yang rgya cher yang dag par rab tu ston par byed do/ /shA ra dwa ti'i bu ngas da ltar chos bstan pa gang yin pa 'di ni ngas chos cung zad tsam zhig bstan par zad kyi/ shA ra dwa ti'i bu gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos bstan pa gang yin pa de ni dpag tu med grangs med de/ chos bstan pa de'i gan na ngas chos bstan pa 'di ni brgya'i char yang nye bar mi 'gro'o/ /stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod do/ /byang chub sems dpa' sems dpa' chen po dag bla na med pa yang dag par rdzogs pa'i byang chub tu mngon par rdzogs par sangs rgyas nas chos ston par 'gyur ba gang yin pa dang / bskal pa bzang po'i sangs rgyas bcom ldan 'das thams cad kyis chos ston par 'gyur ba gang yin pas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos gang bstan pa gang yin pa'i chos bstan pa de ni dpag tu med cing / grangs med de/ chos bstan pa de'i gan na bskal pa bzang po'i sangs rgyas</font><hr>79.38b<br><font size=+1>

bcom ldan 'das thams cad kyis chos ston par 'gyur pa dag ni brgya'i char yang nye bar mi 'gro'o/ /stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod do/ /shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na 'di skad du kye ma nam bdag bla na med pa yang dag par rdzogs pa'i byang chub mngon par rdzogs par sangs rgyas pa na sangs rgyas kyi zhing der byang chub sems dpa' sems dpa' chen po gang dag 'byung bar 'gyur zhing chos ston pa de dag thams cad kyang sangs rgyas kyi mthus de dag gis 'dzin par 'gyur ba dang / 'chang bar 'gyur ba dang / klog par 'gyur ba dang / kun chub par byed par 'gyur ba dang / gzhan dag la yang rgya cher yang dag par rab tu ston par gyur cig ces smon lam btab pa'i khyad par gyis gyur pa yin no/ /shA ra dwa ti'i bu de ltar byang chub sems dpa' sems dpa' chen po de dag la chos ston pa de thams cad sangs rgyas kyi mthu dang / rang rang gi dge ba'i rtsa ba'i rnam par smin pas 'dzin par byed/ 'chang bar byed/ klog par byed/ kun chub par byed cing gzhan dag la yang rgya cher yang dag par rab tu ston par byed do/ /shA ra dwa ti'i bu gzhan yang byang chub sems dpa' sems dpa' chen po de dag gal te de bzhin gshegs pa rnams la blta ba dang / phyag bya ba dang / bsnyen bkur bya ba dang / chos mnyan pa'i phyir sangs rgyas kyi zhing gzhan dag dang / 'jig rten gyi khams gzhan dag tu 'gro bar 'dod na de dag gis sems bskyed ma thag tu sangs rgyas kyi mthu dang / rang rang gi dge ba'i stobs bskyed pas sangs rgyas kyi zhing gzhan dag dang / 'jig rten gyi khams gzhan dag tu 'gro bar 'gyur te/ de dag sangs</font><hr>79.39a<br><font size=+1>

rgyas kyi zhing de dag dang / 'jig rten gyi khams de dag tu phyin nas kyang sangs rgyas bcom ldan 'das dag la phyag 'tshal bar byed/ 'dud par byed/ bkur stir byed/ bla mar byed/ ri mor byed/ mchod par byed/ yongs su zhu bar byed/ yongs su 'dri bar byed cing chos thos nas bzung ste/ sems can rnams la chos ston par byed do/ /de dag gis sangs rgyas bcom ldan 'das de dag la phyag byas/ 'dud pa byas/ bkur bstir byas/ bla mar byas/ ri mor byas/ mchod par byas/ yongs su zhu bar byas/ yongs su 'dri bar byas shing chos de thos nas bzung ste/ sems can rnams la chos kyang bstan nas yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du ldog par byed do/ /shA ra dwa ti'i bu byang chub sems dpa' sems dpa' chen po gang dag bskal pa bzang po 'di la sangs rgyas dgu brgya dgu bcu rtsa drug 'byung bar 'gyur ba de dag la lta bar 'dod pa dag gis kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skye bar bya'o/ /shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam/ 'jig rten gyi khams gzhan dag nas shi 'phos kyang rung ste sangs rgyas kyi zhing der skyes sam/ skye 'am/ skye bar 'gyur ba de dag ni nyan thos kyi sa 'am rang sangs rgyas kyi sar ltung ba'i skal pa can ma yin no/ /de ci'i phyir zhe na/ shA ra dwa ti'i bu byang chub sems dpa' de dag ni de bzhin gshegs pa'i rtogs pa dang 'dra bar rig par bya ba dang / byang chub sems dpa' de dag ni sangs rgyas kyi bzhud pa ltar bur rig par bya ba dang / byang chub sems dpa' de dag ni bdud sdig can thams cad kyis mi rdzi bar rig</font><hr>79.39b<br><font size=+1>

par bya ba dang / byang chub sems dpa' de dag ni nyan thos kyi sa dang / rang sangs rgyas kyi sar mtshams sbyor ba chad par rig par bya ba dang / byang chub sems dpa' de dag ni bla na med pa yang dag par rdzogs pa'i byang chub tu mtshams sbyor bar rig par bya ba sha stag yin pa'i phyir ro/ /shA ra dwa ti'i bu 'di lta ste/ byang chub sems dpa' ni 'dus pa na de bzhin gshegs pa 'dus pa dang / rdo rje ltar sra zhing mi phyed pa'i 'dus pa sha stag yin par rig par bya'o/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing gi byang chub sems dpa' gang yin pa de dag ni rnam par dag pa dang / snying po la gnas pa dang / phyir mi ldog pa'i chos can dang / mi 'phrogs pa'i chos can dang / phyir mi zlogs pa'i chos can sha stag ste/ de dag ni byang chub sems dpa' dang / byang chub las mi bskyod mi g.yo zhing / byang chub sems dpa' de dag ni bla na med pa yang dag par rdzogs pa'i byang chub las phyir mi ldog pa'i gnas la gnas pa sha stag tu rig par bya'o/ /shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad ni de bzhin gshegs pa'i mdzod du zhugs par rig par bya'o/ /mi 'jigs pa'i grong khyer du ju zhugs par rig par bya'o/ /shA ra dwa ti'i bu yang sangs rgyas kyi zhing de na byang chub sems dpa' de dag ni de bzhin gshegs pa'i mdzod du zhugs par rig par bya'o/ /gcig la gcig ston pa'i 'du shes nye bar 'jog par byed do/ /shA ra dwa ti'i bu yang sangs rgyas kyi zhing de'i byang chub sems dpa' sems dpa' chen po de dag la gang</font><hr>79.40a<br><font size=+1>

dag khyim na gnas pa dag ni shin du nyung gi/ sangs rgyas kyi zhing de'i byang chub sems dpa' de dag ni phal cher khyim gyi gnas nas mngon par 'byung zhing rab tu byung ba sha stag go /shA ra dwa ti'i bu yang gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de chos ston pa de'i tshe byang chub sems dpa' sems dpa' chen po de dag gis sangs rgyas kyi mthu dang / rang rang gi dge ba'i rtsa ba'i stobs bskyed pas chos bstan pa de dag thams cad 'dzin par byed/ 'chang bar byed/ klog par byed/ kun chub par byed do/ /shA ra dwa ti'i bu byang chub sems dpa' sems dpa' sems dpa' chen po gang dag khyim gyi gnas nas mngon par byung zhing chos bstan pa der ma 'dus shing lus kyis mngon sum du ma gyur pa de dag kyang sangs rgyas kyi mthus gang na 'greng ba'am/ 'dug pa'i gnas de nyid nas chos ston pa de dag thams cad thos shing thos nas kyang 'dzin par byed/ 'chang bar byed/ klog par byed/ kun chub par byed do/ /shA ra dwa ti'i bu byang chub sems dpa' sems dpa' chen po khyim pa gang dag khyim gyi gnas nas mngon par ma byung zhing thos nas kyang 'dzin par byed/ 'chang bar byed/ klog par byed/ kun chub par byed do/ /byang chub sems dpa' sems dpa' chen po de dag tshe brjes na yang chos de dag brjed par mi 'gyur ro/ /sangs rgyas kyi zhing gang dang gang du skye bar 'dod pa'i sangs rgyas kyi zhing de dang der yang skye bar 'gyur te/ shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing nas sangs rgyas kyi zhing gi yon tan bkod pa phun sum tshogs pa yin te/ de ci'i phyir zhe na/ de ni 'di ltar sngon gyi smon lam gyi khyad par gyis gyur pa'i phyir ro/ /</font><hr>79.40b<br><font size=+1>

shA ra dwa ti'i bu byang chub sems dpa' sems dpa' chen po tshe gcig la sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba khrag khrig brgya stong phrag mang po dag mthong bar 'dod pas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skye bar bya'o/ /shA ra dwa ti'i bu byang chub sems dpa' sems dpa' chen po de der skyes ma thag tu sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba khrag khrig brgya stong phrag mang po dag mthong bar 'gyur zhing sangs rgyas bcom ldan 'das de dag las dge ba'i rtsa ba mang po dag skyed par yang 'gyur ro/ /srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag la chos ston par yang 'gyur zhing de dag gi dge ba'i rtsa ba rnams kyang bla na med pa yang dag par rdzogs pa'i byang chub tu skyed du 'jug par 'gyur ro/ /shA ra dwa ti'i bu yang byang chub sems dpa' sems dpa' chen po gang zhig da ltar gyi bskal pa bzang po 'di la sangs rgyas dgu brgya dgu bcu rtsa drug gang dag 'byung bar 'gyur ba de dag thams cad la na bza' dang / bsod snyoms dang / gzims cha dang / snyun gsos dang / sman dang / yo byad thams cad kyis bkur stir byed/ bla mar byed/ ri mor byed/ mchod par byed cing / de dag thams cad la bkur stir byas/ bla mar byas/ ri mor byas/ mchod pa byas nas kyang sangs rgyas bcom ldan 'das de dag gi spyan sngar mngon par byung zhing rab tu byung nas tshangs par spyad pa dang / byang chub sems dpa' sems dpa' chen po gang zhig bcom ldan 'das de bzhin</font><hr>79.41a<br><font size=+1>

gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du tshe gcig cig pha rol tu phyin pa dang ldan pa'i bsod nams mngon par 'du bya ba skyed na shA ra dwa ti'i bu bsod nams mngon par 'du bya ba snga ma de ni bsod nams mngon par 'du bya ba 'di'i brgya'i char yang nye bar mi 'gro'o/ /stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang cha dang / bgrang ba dang / dpe dang / rgyur yang mi bzod do/ /shA ra dwa ti'i bu de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing nas sangs rgyas kyi zhing gi yon tan bkod pa phun sum tshogs pa yin no/ /shA ra dwa ti'i bu byang chub sems dpa' sems dpa' chen po gang la la dag 'jig rten gyis khams 'di nas shi 'phos sam 'jig rten gyi khams gzhan dag nas shi 'phos kyang rung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skyes sam/ skye'am skye bar 'gyur ba de dag thams cad ni bla na med pa yang dag par rdzogs pa'i byang chub las phyir mi ldog par lung bstan pa 'thob par 'gyur ro/ /de ci'i phyir zhe na/ shA ra dwa ti'i bu sangs rgyas kyi zhing de na bar chad byed pa'i bdud dang / bdud kyi ris kyi lha rnams nye bar gnas pa med la bdud kyi las rnams nye bar gnas pa med cing mtho 'tsham par zhugs pa med pa'i phyir ro/ /shA ra dwa ti'i bu 'di lta ste/ dper na mi zhig gis sngags kyi mthu'am/ sman gyi mthus sbrul gdug pa'i dug med par byas te btang na de btang ma thag tu 'dzin pa 'am/ mtho 'tsham pa 'am/ rnam par 'tshe mi nus pas gang dag de las gzhan</font><hr>79.41b<br><font size=+1>

pa'i srog chags kyi rigs de dag kyang des 'jigs pa med la/ sems can 'ga' tsam la yang mtho 'tsham pa med cing bar chad mi byed mod kyi/ shA ra dwa ti'i bu 'on kyang de'i sngon gyi las mngon par 'du byed par grub pa'i lus des 'jigs pa zhes bya ba'i ming du 'gyur ro/ /shA ra dwa ti'i bu de bzhin du de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na des ci nas bdag mngon par rdzogs par sangs rgyas nas bdud sdig can rnams btul ba gdug pa med par byas nas phyis kyang bar chad byed pa med par gyur cig ces dge ba'i rtsa ba rnams de lta de ltar yongs su bsngos pas na/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de bla na med pa yang dag par rdzogs pa'i byang chub mngon par rdzogs par sangs rgyas pa na stong gsum gyi stong chen po'i 'jig rten gyi khams de na byang chub sems dpa' de dag dang / nyan thos de dag dang / so so'i skye bo de dag la thams cad kyi thams cad du bar chad byed pa 'ga' yang med mod kyi/ shA ra dwa ti'i bu 'on kyang sangs rgyas kyi zhing de na gang dag sngon gyi mngon par 'du byed pa las kyang gzhan 'phrul dbang byed kyi ris kyi lhar skyes pa de dag bdud ces bya ba'i ming 'thob ste/ ming de dang / skyes pa des smod cing chos bstan pa nyan par byed do/ /thos nas kyang dad pa thob cing nyan thos de dag la yang dga' bar byed de/ bdag cag kyang nam zhig na 'di ltar 'dod pa chung ba dang / 'di ltar chog shes pa dang / 'di ltar rab tu dben pa la gnas par 'gyur zhig gu snyam mo/ /de ltar bdud de dag mngon par 'byung ba'i rnam par rtog par kun du 'byung zhing bar chad byed pa med pa kun du spyod de/ shA ra dwa ti'i bu de yang bcom ldan 'das de bzhin gshegs</font><hr>79.42a<br><font size=+1>

pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na sangs rgyas kyi zhing gi yon tan bkod pa phun sum tshogs pa yin te/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sngon gyi smon lam dang sngon gyi brtson pa dang / sngon gyi skyes bu'i byed pas sangs rgyas kyi zhing de na byang chub sems dpa' sems dpa' chen po rnams dang / nyan thos rnams dang / so so'i skye bo de dag thams cad shin du bde bar gnas so/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gal te rigs kyi bu 'am rigs kyi bu mo sangs rgyas kyi zhing de la dga' zhing nyan thos dang / rang sangs rgyas kyi sa las ldog par 'tshal ba dang / nges pa'i gnas su mchi bar 'tshal ba la las stong gsum gyi stong chen po'i 'jig rten gyi khams 'di rin po che sna bdun gyis yongs su bkang ste sbyin pa stsal na de sbyin pa stsal pas sangs rgyas kyi zhing der skye bar 'gyur pas sbyin pa de ni legs par btang ba lags so/ /de ci'i phyir zhe na/ de nyan thos nyid dam/ rang sangs rgyas nyid du ldog pa'i skal pa can ma lags pa'i slad du'o/ /de ci'i slad du zhe na/ de ni phyir mi ldog pa'i sa la gnas par 'gyur zhing yang dag par rdzogs pa'i byang chub mngon par rdzogs par sangs rgyas par ma gyur gyi bar du sangs rgyas kyi zhing nas sangs rgyas kyi zhing du mchi bar 'gyur ba dang / thams cad du yang de bzhin gshegs pa dgra bcom pa yang dag par rdzogs pa'i sangs rgyas mngon du gyur pa dag mnyes par bgyid pa dang / thams cad du yang sangs rgyas kyi byang chub tshol bar 'gyur ba dang / sangs rgyas brgya</font><hr>79.42b<br><font size=+1>

phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas bye ba khrag khrig brgya stong phrag mang po dag kyang mthong bar 'gyur zhing sangs rgyas bcom ldan 'das de dag la dge ba'i rtsa ba dag kyang bskrun par 'gyur ba'i slad du ste/ btsun pa bcom ldan 'das rnam grangs 'dis na rigs kyi bu'am rigs kyi bu mo gang la las sangs rgyas bcom ldan 'das la mchod pa bgyi ba'i slad du stong gsum gyi stong chen po 'jig rten gyi khams 'di rin po che sna bdun gyis yongs su bkang ste/ sbyin pa stsal la sbyin pa stsal bas gal te sangs rgyas kyi zhing der skye ba lta na/ btsun pa bcom ldan 'das legs par stsal cing legs par btang la legs par skyes pa lags te/ byang chub sems dpa' sems dpa' chen po de sangs rgyas kyi zhing der legs par mchis pa lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti 'i bu la 'di skad ces bka' stsal to/ /shA ra dwa ti'i bu de de bzhin te/ ji skad smras pa de bzhin no/ /shA ra dwa ti'i bu de ni legs par song zhing legs par skyes pas gang bas na sangs rgyas kyi zhing de byang chub sems dpa' sems dpa' chen po dag gis yongs su gang ba yin no/ /shA ra dwa ti'i bu 'di lta ste/ dper na gser gyi rigs gseg ma dang / gyo mo med cing rdo ba dang sa rdul med la/ dag pa'i snying po la gnas par gyur pa de la gser blangs te/ spung pa gnyis kyis bzhu zhing btul la/ bzhu zhing btul nas rgyan sna tshogs gzhan dag tu byas te/ lus la thogs pa de bzhin du shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing gi byang chub sems dpa' sems dpa' chen po rnams kyang dag pa snying po la gnas pa sha stag ste/ shA ra dwa ti'i</font><hr>79.43a<br><font size=+1>

bu de bzhin gshegs pa mi 'khrugs pa de'i sangs rgyas kyi zhing du byang chub sems dpa' sems dpa' chen po 'dus pa de dag ni dag pa yin par rig par bya'o/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du gang dag skyes sam/ skye'am/ skye bar 'gyur pa de dag thams cad ni 'di lta ste/ sems can dag ba zhes bya ba de lta bu'i grangs su 'gro'o/ /de dag thams cad ni 'di lta ste/ phyir mi ldog pa zhes bya ba de lta bu'i grangs su 'gro'o/ /de dag thams cad ni 'di lta ste/ rten gcig ste/ de bzhin gshegs pa la rten pa zhes bya ba de lta bu'i grangs su 'gro ste/ shA ra dwa ti'i bu ji ltar na byang chub sems dpa' sems dpa' chen po rten gcig pa yin zhe na/ shA ra dwa ti'i bu byang chub sems dpa' sems dpa' chen po gang de bzhin gshegs pa la rten par gyur pa de ni rten gcig pa zhes bya'o/ /gzhan yang rten gcig pa zhes bya ba de ni gang nyan thos dang / rang sangs rgyas kyi sa thams cad las shin du 'das pa zhes bya ba'i tshig bla dgas so/ /shA ra dwa ti'i bu de lta bas na byang chub sems dpa' sems dpa' chen po rten gcig pa de bzhin gshegs pa la rten pa rjes su thob par 'dod pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skye bar bya'o/ /shA ra dwa ti'i bu byang chub sems dpa' sems dpa' chen po gang dag ngas phyir mi ldog par lung bstan pa de dag gis kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i drung du skye bar bya ste/ shA ra dwa ti'i bu ngas byang chub sems dpa' sems dpa' chen po gang dag bcom ldan</font><hr>79.43b<br><font size=+1>

'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i drung du btang ba de dag ni ngas yongs su spangs pa ma yin no/ /shA ra dwa ti'i bu 'di lta ste/ dper na rgyal po rgyal rigs spyi bo nas dbang bskur ba mthu dang / stobs dang / brtson 'grus thob pa zhig rgyal srid 'dod pa dang / nor 'dod pa dang / yul 'dod pa'i phyir 'thab zla'i rgyal po'i gan du 'gyed cing 'thab tu song ba dang / de nas 'thab zla'i rgyal po des rgyal po de rgyal srid 'dod pa dang / nor 'dod pa dang / yul 'dod pa'i phyir 'gyed cing 'thab tu 'ong ngo zhes thos so/ /de skad thos nas rgyal po des 'di snyam du gang dag rin po che rnams dang / btsun mo'i 'khor rnams dang / bu dang / bu mo rnams dang / gang dag 'thab par mi nus pa'i gzhon nu de dag thams cad gang na rgyal po'i dpung yod pa dang / thul bar dka' ba der bkye na bde bar gnas par 'gyur gyi/ 'di na ni sdug bsngal bar 'gyur ro snyam nas grong khyer gzhan zhig tu bskungs so/ /shA ra dwa ti'i bu de bzhin du ngas byang chub sems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i drung du btang ba de dag kyang ngas yongs su spangs pa ma yin te/ shA ra dwa ti'i bu ji ltar rgyal po rgyal rigs spyi bo nas dbang bskur ba de'i rin po che rnams dang / btsun mo'i 'khor rnams dang / bu dang / bu mo rnams dang / gang dag 'thab par mi nus pa'i gzhon nu bskungs pa de ltar ni byang chub sems dpa'i theg pa pa'i rigs kyi bu dang / rigs kyi bu mo rnams blta'o/ /shA ra dwa ti'i bu ji ltar gang du rgyal po'i rin po che rnams dang / btsun mo'i 'khor rnams dang / bu dang / bu mo rnams dang gang dag 'thab par mi nus pa'i gzhon nu rnams bskungs</font><hr>79.44a<br><font size=+1>

pa'i grong khyer de ltar ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du blta'o/ /shA ra dwa ti'i bu ji ltar 'thab du 'ong ba'i rgyal po de ltar ni sangs rgyas kyi zhing 'di na byang chub sems dpa'i theg pa pa'i rigs kyi bu dang / rigs kyi bu mo rnams la bar chad byed pa'i las la gnas pa mtho 'tsham pa la zhugs pa'i bdud rnams blta'o/ /shA ra dwa ti'i bu ji ltar rgyal po mthu dang ldan zhing thul bar dka' ba de ltar ni bdud dang / bdud kyi ris kyi lha thams cad kyis mi thul ba'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa blta'o/ /shA ra dwa ti'i bu 'di lta ste/ dper na bu lon pas 'jigs shing skrag pa'i mi ni gang du song na bu lon pa 'am bu lon pa'i mi dag gis mi tshugs par 'gyur ba'i mtha' 'khob gyi grong khyer du 'bros par byed do/ /de ci'i phyir zhe na/ der bu lon pa'am/ bu lon pa'i mi rnams 'ong ba'i lam chad pa'i phyir ro/ /shA ra dwa ti'i bu de bzhin du byang chub sems dpa' sems dpa' chen po gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skyes pa de dag la yang bdud sdig can dang / bdud kyi ris kyi lha rnams kyi lam chad pa yin no/ shA ra dwa ti'i bu stong gsum gyi stong chen po'i 'jig rten gyi khams 'di na bdud sdig can dang / bdud kyi ris kyi lha gang dag 'khod pa de dag stong gsum gyi stong chen po'i 'jig rten gyi khams 'di na byang chub sems dpa'i theg pa pa'i gang zag dang / nyan thos kyi theg pa pa'i gang zag gang dag 'khod pa de dag la bar chad bya ba'i phyir nye bar gnas pa dang / mtho brtsam pa'i</font><hr>79.44b<br><font size=+1>

phyir zhugs pa ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing na bdud dang bdud kyi ris kyi lha rnams bdud kyi las kyi phyir nye bar gnas pa med do/ /shA ra dwa ti'i bu yang byang chub sems dpa' sems dpa' chen po gang dag sangs rgyas kyi zhing der skyes sam/ skye 'am/ skye bar 'gyur ba'i byang chub sems dpa' de dag ni brgya lam na yang mi 'jigs par 'gyur ro/ /de ci'i phyir zhe na/ de ni 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na ji ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der bdud dang / bdud kyi ris kyi lha rnams bar chad bya ba'i phyir nye bar gnas pa med pa de lta de ltar dge ba'i rtsa ba rnams yongs su bsngos ba'i phyir ro/ /shA ra dwa ti'i bu 'di lta ste/ dper na zag pa zad pa'i dgra bcom pa ni bde ba thob cing mi 'jigs pa thob par gnas so/ /shA ra dwa ti'i bu de bzhin du byang chub sems dpa' sems dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skyes sam/ skye 'am skye bar 'gyur ba de dag thams cad kyang bde ba thob cing mi 'jigs pa thob par gnas te/ de dag ni kun du bsrungs pa dang / bskyabs pa dang sbas pa yin par shes par bya'o/ /de ci'i phyir zhe na/ de ni 'di ltar kha lo sgyur ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid sngon byang chub sems dpa'i spyad pa spyod pa na de bla na med pa yang dag par rdzogs pa'i byang chub mngon par rdzogs par sangs rgyas pa'i</font><hr>79.45a<br><font size=+1>

sangs rgyas kyi zhing der bdud dam bdud kyi ris kyi lha rnams bdud kyi las la nye bar mi gnas shing mtho 'tsham pa'i phyir 'jug pa med pa de lta de ltar dge ba'i rtsa ba rnams bskyed pa'i phyir ro/ /shA ra dwa ti'i bu 'di lta ste/ dper na mi zhig gis dug sman zos te dug 'thungs na des dug de kha zas kyi bya ba byas kyang gdug pa med cing legs par 'ju'o/ /shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpar gyur cing byang chub sems dpa'i spyad pa spyod pa na ji ltar sangs rgyas kyi zhing der bdud dam/ bdud kyi ris kyi lha rnams bdud kyi las la nye bar mi gnas shing mtho 'tsham pa'i phyir 'jug pa med pa de lta de ltar dge ba'i rtsa ba yongs su bsngos pas na shA ra dwa ti'i bu sangs rgyas kyi zhing de de lta bu'i yon tan thams cad dang ldan pa yin no/ /de nas tshe dang ldan pa shA ra dwa ti'i bu 'di snyam du sems te/ sangs rgyas kyi mthus bdag cag gis kyang sangs rgyas kyi zhing de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang / nyan thos kyi dge 'dun de dag dang / byang chub sems dpa'i tshogs dpag tu med cing grangs med pa de dag blta bar bya'o snyam mo/ /de nas bcom ldan 'das kyis tshe dang ldan pa shA ra dwa ti'i bu'i sems kyi yongs su rtog pa thugs kyis mkhyen nas/ de'i tshe 'di lta bu'i rdzu 'phrul mngon par 'du bya ba mngon par mdzad de/ ji lta bu'i rdzu 'phrul mngon par 'du bya ba mngon par 'du mdzad pas sangs rgyas kyi mthus tshe dang ldan pa shA ra dwa ti'i bus stan de nyid la 'dug bzhin du sangs rgyas kyi zhing de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa</font><hr>79.45b<br><font size=+1>

nyan thos kyi dge 'dun dang bcas pa byang chub sems dpa'i tshogs kyi 'khor dang bcas pa de mthong bar gyur to/ /de nas bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu khyod kyis sangs rgyas kyi zhing de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang / nyan thos kyi dge 'dun de dang / byang chub sems dpa'i tshogs dpag tu med cing grangs med pa de dag mthong ngam/ gsol pa btsun pa bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ shA ra dwa ti'i bu khyod kyis 'di ltar lha de dag dang mi de dag nye bar spyod pa dang / yongs su spyod pa dang / rtse ba dang / dga' bas bye brag gam/ tha dad du bya ba ci yang mthong ngam/ de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das bdag gis 'di ltar lha de dag dang / mi de dag nye bar spyod pa dang / yongs su spyod pa dang / rtse ba dang / dga' bas bye brag gam/ tha dad du bgyi ba ci yang ma mthong lags so/ /de ci'i slad du zhe na/ btsun pa bcom ldan 'das sangs rgyas kyi zhing de na nye bar spyod pa dang / yongs su spyod pa thams cad lha rdzas nyid lags pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yang phyogs bcu kun du snang bar mdzad cing gser gyi mchod sdong ltar gzi brjid gsal zhing shis pa dang / dpal 'bar la skyes bu chen po'i mtshan sum bcu rtsa gnyis kyis sku legs par brgyan cing dpe byad bzang po brgyad bcus gzugs rnam par</font><hr>79.46a<br><font size=+1>

spras la nyan thos kyi dge 'dun gyi dbus na chos ston cing bzhugs par gda' ba'i slad du'o/ /btsun pa bcom ldan 'das 'di lta ste/ dper na mi la la zhig rgya mtsho chen po'i nang du mchis pa na shar phyogs su zhugs shing ngam ri yang mi mthong zhing lho phyogs su ma lags/ nub phyogs su ma lags te/ byang phyogs su zhugs shing ngam ri yang mi mthong ba de bzhin du btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun gyi nang du mchis na nyan thos kyi mtha' ma shar phyogs na mi gda'/ nyan thos kyi mtha' ma lho phyogs na yang mi gda'/ nub phyogs na yang mi gda'/ byang phyogs na yang mi gda' lags so/ /btsun pa bcom ldan 'das yang de dag ji ltar snyoms par zhugs pa de ltar lus mi g.yo mi 'gul bar chos nyan to/ /btsun pa bcom ldan 'das 'di na dgra bcom pa bsam gtan pa snyoms par zhugs pa'i lus ni g.yo bar yang 'gyur lags kyi nyan thos de dag ni chos nyan pa na lus g.yo ba ma mchis te/ btsun pa bcom ldan 'das de dag ni ji ltar snyogs par zhugs pa de ltar lus mi g.yo/ /mi 'gul bar chos nyan par bgyid pa lags so// // bam po bzhi pa/ btsun pa bcom ldan 'das rigs kyi bu'am rigs kyi bu mo gang la la zhig gis sangs rgyas kyi zhing der skye bar bgyi ba'i slad du stong gsum gyi stong chen po'i 'jig rten gyi khams 'di rin po che sna bdun gyis yongs su bkang ste/ sbyin pa stsal cing yongs su btang la yongs su btang bas gal te sangs rgyas kyi zhing der skye ba lta na btsun pa bcom ldan 'das legs par stsal cing legs par btang la legs par skyes pa lags te/ byang chub sems dpa' sems dpa' chen po de ni sangs rgyas kyi zhing der legs par</font><hr>79.46b<br><font size=+1>

mchis pa lags so/ /de ci'i slad du zhe na/ 'di ltar de ni phyir mi ldog pa'i chos nyid rjes su thob par 'gyur ba'i slad du'o/ /bcom ldan 'das kyis bka' stsal pa/ shA ra dwa ti'i bu de de bzhin te/ ji skad smras pa de bzhin no/ /shA ra dwa ti'i bu 'di lta ste/ dper na rgyal po bka' khrims btsan po'i 'phar ma pa'i mi zhig rgyal po'i rgyas btab pa'i spring yig thogs te/ grong ngam/ grong khyer ram/ grong rdal lam/ yul phyogs gang yang rung ba zhig tu song ste/ 'gro ba na de la la gcan pa rnams sam/ sho gam pa rnams sam/ gru ga rnams sam/ grong pa rnams sam/ grong khyer ba rnams sam/ lam pa rnams sam/ rgyal po'i mi'am/ lam du zhugs pa'am/ 'gron po'am/ de las gzhan pa yang rung ste/ sems can 'ga' yang de 'gro ba'i bar chad mi byed cing mtho mi 'tsham ste/ de 'gro ba dang / 'ong ba'i lam la bgegs med pa nyid du 'gyur ro/ /de ci'i phyir zhe na/ 'di ltar de rgyal po'i rgyas btab pa'i phyir de 'gro ba la bgegs med par 'gro bar blta'o/ /shA ra dwa ti'i bu de bzhin du byang chub sems dpa' sems dpa' chen po gang dag 'jig rten gyi khams 'di nas shi 'phos sam 'jig rten gyi khams gzhan dag nas shi 'phos kyang rung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing der skyes sam/ skye 'am/ skye bar 'gyur ba de dag thams cad kyang bla na med pa yang dag par rdzogs pa'i byang chub las phyir mi ldog cing bla na med pa yang dag par rdzogs pa'i byang chub mngon par rdzogs par sangs rgyas par ma gyur gyi bar du sangs rgyas kyi zhing nas sangs rgyas kyi zhing du 'gro bar 'gyur ba dang / thams cad du yang de bzhin gshegs pa dgra bcom pa yang dag par rdzogs pa'i sangs rgyas mnyes par</font><hr>79.47a<br><font size=+1>

byed par 'gyur ba dang / thams cad du yang sangs rgyas kyi byang chub tshol bar 'gyur ba dang / thams cad du yang sangs rgyas bcom ldan 'das rnams dang / byang chub sems dpa' rnams dang / sangs rgyas kyi nyan thos rnams dang / mi 'bral bar 'gyur ba dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar rig par bya'o/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gang 'di na rgyun du zhugs pa'i 'bras bu la gnas pa'i rgyun du zhugs pa dang / sangs rgyas kyi zhing der skyes pa'i byang chub sems dpa' sems dpa' chen po de dag ni mtshungs pa lags so/ /de ci'i slad du zhe na/ gang 'di na rgyun du zhugs pa'i 'bras bu la gnas pa'i rgyun du zhugs pa des log par ltung ba rgyun bcad pa de bzhin du btsun pa bcom ldan 'das byang chub sems dpa' sems dpa' chen po gang dag sangs rgyas kyi zhing der skyes sam/ skye 'am/ skye bar 'gyur ba de dag thams cad kyang log par ltung ba rgyun chad pa lags par blta ba dang / nyan thos dang / rang sangs rgyas kyi sa thams cad rgyun chad pa lags par blta ba dang / bla na med pa yang dag par rdzogs pa'i byang chub mngon par rdzogs par sangs rgyas par ma gyur gyi bar du thams cad du yang sangs rgyas kyi zhing nas sangs rgyas kyi zhing du mchi bar 'gyur ba dang / thams cad du yang sangs rgyas bcom ldan 'das rnams dang / byang chub sems dpa' rnams dang / sangs rgyas kyi nyan thos rnams dang mi 'bral bar 'gyur ba'i slad du'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /</font><hr>79.47b<br><font size=+1>

shA ra dwa ti'i bu de de bzhin te/ ji skad smras pa de bzhin no/ /shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad ni log par ltung ba rgyun chad pa yin par blta ba dang / nyan thos dang / rang sangs rgyas kyi sa thams cad rgyun chad pa yin par blta ba dang / bla na med pa yang dag par rdzogs pa'i byang chub mngon par rdzogs par sangs rgyas par ma gyur gyi bar du sangs rgyas kyi zhing nas sangs rgyas kyi zhing du 'gro bar 'gyur ba dang / thams cad du yang sangs rgyas kyi byang chub tshol bar 'gyur ba dang / thams cad du yang de bzhin gshegs pa dgra bcom pa yang dag par rdzogs pa'i sangs rgyas mngon du gyur ba dag mnyes par 'gyur pa dang / thams cad du yang sangs rgyas bcom ldan 'das rnams dang / byang chub sems dpa' rnams dang / sangs rgyas kyi nyan thos rnams dang mi 'bral bar 'gyur ro/ /shA ra dwa ti'i bu 'di lta ste/ dper na rgyun du zhugs pa ni log par ltung ba'i chos su mi 'gyur zhing rdzogs pa'i byang chub la nges par gzhol lo/ /shA ra dwa ti'i bu de bzhin du byang chub sems dpa' sems dpa' chen po gang dag 'jig rten gyi khams 'di nas shi 'phos sam 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad kyang bla na med pa yang dag par rdzogs pa'i byang chub tu nges pa dang / bla na med pa yang dag par rdzogs pa'i byang chub mngon par rdzogs par sangs rgyas par ma gyur gyi bar du sangs rgyas kyi zhing nas sangs rgyas kyi zhing du 'gro bar 'gyur ba dang / thams cad</font><hr>79.48a<br><font size=+1>

du yang de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur ba dang / thams cad du yang sangs rgyas kyi byang chub tshol bar 'gyur ba dang / thams cad du yang sangs rgyas bcom ldan 'das rnams dang / byang chub sems dpa' rnams dang / sangs rgyas kyi nyan thos rnams dang mi 'bral bar 'gyur bar rig par bya'o/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gang 'di na lan cig phyir 'ong ba'i 'bras bu la gnas pa'i lan cig phyir 'ong ba dang / sangs rgyas kyi zhing der skyes pa'i byang chub sems dpa' sems dpa' chen po de ni mtshungs pa lags so/ /btsun pa bcom ldan 'das gang 'di na phyir mi 'ong ba'i 'bras bu la gnas pa'i phyir mi 'ong ba dang / sangs rgyas kyi zhing der skyes pa'i byang chub sems dpa' sems dpa' chen po de yang mtshungs pa lags so/ /btsun pa bcom ldan 'das gang 'di na dgra bcom pa nyid kyi 'bras bu la gnas pa'i dgra bcom pa dang / sangs rgyas kyi zhing der skyes pa'i byang chub sems dpa' sems dpa' chen po de yang mtshungs pa lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu khyod de skad ma zer cig / shA ra dwa ti'i bu khyod yang de skad ma zer cig / de ci'i phyir zhe na/ shA ra dwa ti'i bu gang 'di na bla na med pa yang dag par rdzogs pa'i byang chub tu lung bstan pa'i byang chub sems dpa' sems dpa' chen po dang / sangs rgyas kyi zhing der skyes pa'i byang chub sems dpa' sems dpa' chen po de mtshungs la/ gang 'di na mi skye ba'i chos la bzod pa thob pa'i byang chub sems</font><hr>79.48b<br><font size=+1>

dpa' sems dpa' chen po dang / sangs rgyas kyi zhing der skyes pa'i byang chub sems dpa' sems dpa' chen po de mtshungs pa'i phyir ro/ /shA ra dwa ti'i bu gzhan gang 'di na byang chub sems dpa' sems dpa' chen po byang chub kyi snying po la 'dug pa dang / sangs rgyas kyi zhing der skyes pa'i byang chub sems dpa' sems dpa' chen po de yang mtshungs so/ /de ci'i phyir zhe na/ shA ra dwa ti'i bu gang dag sangs rgyas kyi zhing der skyes pa'i byang chub sems dpa' sems dpa' chen po de dag ni de bzhin gshegs pa la rten pa yin par rig par bya ba dang / de dag ni bdud dang / bdud kyi ris kyi lha rnams kyis mi rdzi bar rig par bya ba dang / byang chub sems dpa' de dag ni nyan thos kyi sa dang / rang sangs rgyas kyi sar mtshams sbyor ba chad par rig par bya ba dang / bla na med pa yang dag par rdzogs pa'i byang chub mngon par rdzogs par sangs rgyas par ma gyur gyi bar du sangs rgyas kyi zhing nas sangs rgyas kyi zhing du 'gro bar 'gyur ba dang / thams cad du yang de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur ba'i phyir ro/ /de nas tshe dang ldan pa kun dga' bo 'di snyam du sems te/ 'di la gnas brtan rab 'byor gyi spobs pa ci 'dra ba bdag gis gnas brtan rab 'byor la sad par bya'o snyam mo/ /de nas tshe dang ldan pa kun dga' bos tshe dang ldan pa rab 'byor la 'di skad ces smras so/ /gnas brtan rab 'byor bdag cag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun dang bcas pa byang chub sems dpa'i tshogs dang bcas pa de dang / bcom ldan 'das de bzhin gshegs pa mi 'khrugs pa'i sangs rgyas kyi zhing de blta bar bya'o/ /de skad ces</font><hr>79.49a<br><font size=+1>

smras pa dang / tshe dang ldan pa rab 'byor gyis tshe dang ldan pa kun dga' bo la 'di skad ces smras so/ /tshe dang ldan pa kun dga' bo khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun dang bcas pa byang chub sems dpa'i tshogs dang bcas pa de dang / sangs rgyas kyi zhing de lta'am/ smras pa/ gnas brtan rab 'byor bdag cag gis blta'o/ /de skad ces smras pa dang / tshe dang ldan pa rab 'byor gyis tshe dang ldan pa kun dga' bo la 'di skad ces smras so/ /tshe dang ldan pa kun dga' bo gnam du ltos shig /de nas tshe dang ldan pa kun dga' bos gnam du bltas so/ /bltas nas tshe dang ldan pa rab 'byor la 'di skad ces smras so/ /gnas brtan rab 'byor bdag gis gnam du bltas na/ steng gi nam mkha' thams cad dben par mthong ngo / /de skad ces smras pa dang / tshe dang ldan pa rab 'byor kyis tshe dang ldan pa kun dga' bo la 'di skad ces smras so/ /tshe dang ldan pa kun dga' bo ji ltar khyod kyis steng gi nam mkha' thams cad dben par mthong ba bzhin du tshe dang ldan pa kun dga' bo bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun dang bcas pa byang chub sems dpa'i tshogs dang bcas pa de dang / sangs rgyas kyi zhing de yang de ltar blta bar bya'o/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das bcom ldan 'das kyis 'di skad du gang 'di na lung bstan pa'i byang chub sems dpa' sems dpa' chen po dang / der skyes pa'i byang chub sems dpa' sems dpa' chen po de mtshungs so/ /zhes bka' stsal lags na btsun pa bcom ldan 'das de</font><hr>79.49b<br><font size=+1>

mnyam pa nyid gang zhig gis mtshungs pa lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de ni chos kyi dbyings mnyam pa nyid kyis mtshungs pa yin no/ /de bzhin gshegs pa mi 'khrugs pa'i bkod pa las le'u bzhi pa'o// // de nas tshe dang ldan pa shA ra dwa ti'i bu 'di snyam du sems te/ btsun pa bcom ldan 'das kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i yon tan yongs su brjod pa yang bshad/ de'i sangs rgyas kyi zhing gi yon tan bkod pa phun sum chogs pa yang bshad/ nyan thos kyi dge 'dun gyi bkod pa phun sum tshogs pa yang bshad/ byang chub sems dpa'i yon tan bkod pa phun sum tshogs pa yang bshad na btsun pa bcom ldan 'das kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yongs su mya ngan las 'da' ba chen po ni da dung ma bshad pas btsun pa bcom ldan 'das kyis da ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yongs su mya ngan las 'das pa chen po de tshul ci 'dra ba dang / mtshan ma ji lta bur 'gyur ba de dag legs par bshad pa'i rigs so snyam mo/ /de nas bcom ldan 'das kyis tshe dang ldan shA ra dwa ti'i bu'i sems kyi yongs su rtog pa thugs kyis mkhyen nas tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu gang gi nyin mo bcom ldan 'das de bzhin gshegs pa dgra bcom pa yang dag par rdzogs</font><hr>79.50a<br><font size=+1>

pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'da' bar 'gyur ba de'i nyin mo stong gsum gyi stong chen po'i 'jig rten gyi khams de'i sems can de dag la chos bstan pa'i phyir de bzhin gshegs pas sku sprul pa dag sprul par 'gyur ro/ de nas de bzhin gshegs pa'i sprul pa'i sku de dag sems can de rnams la 'di lta bu'i chos ston par 'gyur te/ chos bstan pa des sngon chos bstan pas sems can ji snyed btul bar gyur ba de bas ches dpag tu med cing ches grangs med pa'i sems can dag 'dul bar 'gyur te/ de dag las sems can la la dag ni nyan thos kyi theg pa la 'dul bar 'gyur ro/ /la la dag ni rang sangs rgyas kyi theg pa la'o/ /la la dag ni stobs bcu'i theg pa bla na med pa la 'dul bar 'gyur ro/ /shA ra dwa ti'i bu de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba'i dus kyi tshe byang chub sems dpa' sems dpa' chen po spos kyi glang po che zhes bya ba la skyes bu dam pa khyod nga'i dam pa'i chos nub nas zhag bdun lon pa'i 'og tu 'jig rten gyi khams mngon par dga' ba 'dir bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das gser gyi pad ma zhes bya bar 'gyur ro zhes bla na med pa yang dag par rdzogs pa'i byang chub</font><hr>79.50b<br><font size=+1>

tu lung ston par 'gyur ro/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser gyi pad ma de'i sangs rgyas kyi zhing gi yon tan bkod pa phun sum tshogs pa yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing gi yon tan bkod pa phun sum tshogs pa ci 'dra ba de 'dra bar 'gyur zhing shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser gyi pad ma de'i nyan thos kyi dge 'dun gyi bkod pa phun sum tshogs pa dang / byang chub sems dpa'i tshogs kyi bkod pa phun sum tshogs pa yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i nyan thos kyi dge 'dun gyi bkod pa phun sum tshogs pa dang / byang chub sems dpa'i tshogs kyi bkod pa phun sum tshogs pa ci 'dra ba de 'dra bar lhag chad med par 'gyur ro/ /shA ra dwa ti'i bu yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen po'i dus kyi tshe na sa chen po de rnam pa drug tu rab tu g.yo bar 'gyur te/ g.yo bar 'gyur/ rab tu g.yo bar 'gyur/ kun du rab tu g.yo bar 'gyur/ 'gul bar 'gyur/ rab tu 'gul bar 'gyur/ kun du rab tu 'gul bar 'gyur/ ldeg par 'gyur / rab tu ldeg par 'gyur/ kun du rab tu ldeg par 'gyur zhing 'jig rten du snang ba chen po yang 'byung bar 'gyur ro/ /stong gsum gyi stong chen po'i 'jig rten gyi khams der sgra skad chen po yang 'byung bar 'gyur zhing sgra de yang 'dod pa na spyod pa'i lha'i ris drug</font><hr>79.51a<br><font size=+1>

po dag dang / 'og min gyi lha'i ris rnams kyi bar du grags par 'gyur ro/ /de na 'dod pa na spyod pa'i lha'i ris rnams dang / gzugs na spyod pa'i lha'i ris de dag gis sgra de thos nas kyang 'di snyam du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' bar 'gyur ro snyam du rig par 'gyur zhing 'di ltar rang rang gi lha'i gzhal med khang rnams la mngon par mi dga' bar 'gyur ba de lta bu'i mngon par mi dga' ba'i 'du shes dag kyang skye bar 'gyur la/ tshig 'di skad du kye ma bcom 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa spyan du gyur ba/ ye shes su gyur pa/ dbang du gyur ba/ tshad mar gyur ba/ snang bar gyur ba shin du myur bar 'jig rten du nub bo zhes brjod par yang 'gyur ro/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen po'i dus kyi tshe sangs rgyas kyi zhing de na rin po che'i shing ljon pa dang / dpag bsam gyi shing ljon pa rtswa dang / gel ba dang / sman dang / nags tshal gang ji snyed pa de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen po ga la ba de logs su rab tu 'dud par 'gyur ro/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sngon gyi smon lam gyis byang chub sems dpa' sems dpa' chen po phyis 'byung ba rnams kyi ched du grogs po dag 'di chos kyi sgo'i gzhi</font><hr>79.51b<br><font size=+1>

brgya rtsa brgyad de/ nga 'das pa'i 'og tu byang chub sems dpa' sems dpa' chen po gang dag sangs rgyas kyi zhing 'dir skye bar 'gyur ba de dag gis chos kyi sgo'i gzhi brgya rtsa brgyad po 'di kun chub par byas na chos thams cad kun chub pa dang / /kun bzung bar 'gyur ro zhes chos kyi sgo'i gzhi brgya rtsa brgyad 'jog par 'gyur ro/ /shA ra dwa ti'i bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na ji ltar de bzhugs sam/ yongs su mya ngan las 'das na yang byang chub sems dpa' sems dpa' chen po de dag gis chos thams cad kun chub par byed cing bla na med pa yang dag par rdzogs pa'i byang chub mngon par rdzogs par sangs rgyas par ma gyur gyi bar du sangs rgyas kyi zhing nas sangs rgyas kyi zhing du 'gro ba dang / de bzhin gshegs pa la blta ba dang / phyir mi ldog pas na shin du yongs su bzung ba yin no/ /shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad ni ji ltar bcom ldan 'das de bzhugs pa de bzhin du de yongs su mya ngan las 'das pa na yang chos thams cad kun chub par byed pa 'thob par 'gyur ro/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen po'i dus kyi tshe 'di ltar sangs rgyas kyi mthus sems can gang dag 'jig rten gyi khams gzhan dang gzhan dag na gnas pa'i sems can de dag gi mig lam du bcom</font><hr>79.52a<br><font size=+1>

ldan 'das de bzhin gshegs pa dgra bcom pa yang dag par rdzogs pa'i sangs mi 'khrugs pa de snang bar 'gyur ro/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa na lha dang mi rnams kyis me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dang / rin po che'i rgyan dag gis sku la mchod pa bya ba'i phyir 'thor bar 'gyur te/ lha dang mi rnams kyi me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan dang / rin po che'i rgyan de dag mngon par gtor ba'i phung po ni kho ra khor yug dang / 'phang du dpag tshad kyi tshad tsam du 'gyur ro/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa na stong gsum gyi stong chen po'i 'jig rten gyi khams de na lha dang / mi dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang ji snyed yod pa de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yongs su mya ngan las 'das pa chen po ga la ba de logs su 'dud cing thal mo sbyar te phyag 'tshal bar 'gyur ro/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas</font><hr>79.52b<br><font size=+1>

mi 'khrugs pa de yongs su mya ngan las 'da' ba chen pos yongs su mya ngan las 'das pa na lha dang / mi de rnams nyin mtshan bdun du mya ngan gyi zug rngu dang ldan par gyur nas kye ma bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa 'di shin du myur bar yongs su mya ngan las 'das so zhes brang rdung bar 'gyur zhing lha dang mi de dag dga' ba dang / rtsed mo nyams su myong bar mi 'gyur/ 'dod pa'i longs spyod la 'jug par mi 'gyur te lha dang mi de dag de ltar sems khongs su chud par gyur nas gcig la gcig 'di skad du kye ma spyan du gyur pa/ ye shes su gyur pa/ dpang du gyur pa/ tshad mar gyur pa/ snang bar gyur ba'i bcom ldan de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa 'di shin du myur bar 'jig rten du nub bo zhes tshig tu brjod par 'gyur ro/ /shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad ni bla na med pa yang dag par rdzogs pa'i byang chub tu lung bstan pa yin par rig par bya ste/ shA ra dwa ti'i bu byang chub sems dpa' de dag ni brgyar bgrang bas bgrang bar mi 'gyur gyi/ shA ra dwa ti'i bu gzhan du na de dag ni brgya zhe 'am/ stong zhe 'am/ brgya stong zhes bya ba'i grangs su 'gro'o/ /shA ra dwa ti'i bu ji ltar byang chub sems dpa' sems dpa' chen po de dag brgya'i grangs dang / stong gi grangs dang / brgya stong gi grangs su 'gro ba de bzhin du shA ra dwa ti'i bu de bzhin gshegs pa'i grangs su blta bar bya'o/ /sangs rgyas</font><hr>79.53a<br><font size=+1>

kyi grangs su blta bar bya'o/ /thams cad mkhyen pa nyid kyi grangs su blta bar bya'o/ /shA ra dwa ti'i bu byang chub sems dpa' sems dpa' chen po gang la la dag 'jig rten gyi khams 'di nas shi 'phos sam 'jig rten gyi khams gzhan dag nas shi 'phos kyang rung ste/ sangs rgyas kyi zhing der skyes sam/ skye 'am/ skye bar 'gyur ba de dag thams cad kyang de lta bu'i grangs nyid du 'gro bar 'gyur te/ 'di lta ste/ de bzhin gshegs pa'i grangs dang / sangs rgyas kyi grangs dang / thams cad mkhyen pa nyid kyi grangs su grangs de nyid du 'gro bar 'gyur ro/ /shA ra dwa ti'i bu byang chub sems dpa' sems dpa' chen po phyir mi ldog pa rnams ma gtogs pa de las gzhan pa'i byang chub sems dpa' gang dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yon tan yongs su brjod pa'i chos kyi rnams grangs 'di thos par mi 'gyur ba de dag thams cad ni bdud kyis byin gyis brlabs par rig par bya'o/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa na sku ni rang gi me'i khams kyis sreg par 'gyur ro/ de'i sku gdung rnams ni gser gyi mdog 'dra bar 'gyur te/ sku gdung de dag bcad pa'i 'phro nas bkra shis dang / g.yung drung 'khyil pa dag snang bar 'gyur zhing rab tu gsal bar 'gyur ro/ /shA ra dwa ti'i bu 'di lta ste/ dper na shing ljon pa chen po ti mi sa zhes bya ba'i rigs de bcad pa'i 'phro nas bkra shis dang / g.yung drung 'khyil pa dag snang zhing 'byung ngo / /shA ra dwa ti'i bu de bzhin du bcom ldan 'das de bzhin gshegs pa dgra</font><hr>79.53b<br><font size=+1>

bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa'i sku gdung de dag bcad pa'i 'phro nas kyang bkra shis dang g.yung drung 'khyil pa dag 'byung bar 'gyur zhing cho 'phrul sna tshogs dag dang / mthu sna tshogs dag kyang ston par 'gyur ro/ /shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa'i sku gdung de dag bcad pa'i 'phro dag nas bkra shis dang / g.yung drung 'khyil pa dag 'byung bar 'gyur ro/ /shA ra dwa ti'i bu 'di lta ste/ dper na rdo mu la so zhes bya ba de bcag pa'i 'phro nas bkra shis dang / g.yung drung 'khyil pa dag 'byung ngo / /shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das pa'i sku gdung gtubs pa de dag gi bcad 'phro dag las kyang bkra shis dang / g.yung drung 'khyil pa dag 'byung bar 'gyur ro/ /sku gdung de dag la sku gdung la mchod par bya ba'i phyir stong gsum gyi stong chen po'i 'jig rten gyi khams de thams cad du sems can rnams rin po che sna bdun gyis mchod rten dag byed par 'gyur ro/ /stong gsum gyi stong chen po'i 'jig rten gyi khams de thams cad 'di ltar brgyan par 'gyur te/ 'di lta ste/ dper na skar ma rnams kyis nam mkha' yongs su khyab pa de bzhin du rin po che sna bdun gyi mchod rten dag dang / pad ma gser gyi mdog can 'dab ma bye ba phrag stong dang ldan pa de dag gis kyang sangs rgyas kyi zhing de rtag tu brgyan par 'gyur ro//</font><hr>79.54a<br><font size=+1>

shA ra dwa ti'i bu gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na byang chub sems dpa' sems dpa' chen po gang dag 'chi ba'i gnas skabs la nye bar gnas shing 'chi 'pho ba de dag de nas 'chi 'pho ba na snga ltas 'di lta bu dag 'byung bar 'gyur te/ byang chub sems dpa' sems dpa' chen po de dag sangs rgyas kyi zhing gang du skye bar 'gyur ba'i sangs rgyas kyi zhing de'i de bzhin gshegs pa dgra bcom pa yang dag par rdzogs pa'i sangs rgyas de dag mthong bar 'gyur zhing mthong nas kyang mi brjed par 'chi ba'i dus byed do/ /'chi ba'i dus byas pa de dag gi sku gdung rnams la yang lha dang mi rnams sku gdung la mchod pa bya ba'i phyir brtson par 'gyur te/ lha dang mi'i phun sum tshogs pas sku gdung rnams la sku gdung gi mchod pa byed par 'gyur ro/ /shA ra dwa ti'i bu gzhan yang byang chub sems dpa' sems dpa' chen po de dag gi sku gdung rnams ni mthar gyis nam mkha' la 'thor cing phra mor gyur nas de dag gi cha shas kyang med cing mi snang bar 'gyur ro/ /shA ra dwa ti'i bu 'di lta ste/ dper na rtswa gsher ba dag /me'i nang du bcug na du ba'i rgyun dag 'byung zhing du ba de dag kyang mthar gyis nam mkha' la mngon par 'phags te/ nam mkha' la 'thor zhing phra mor gyur nas de dag gi cha shas kyang med cing mi snang bar 'gyur ro/ /shA ra dwa ti'i bu de bzhin du byang chub sems dpa' sems dpa' chen po gang dag sangs rgyas kyi zhing de nas shi 'phos pa de dag gi sku gdung rnams kyang mthar gyis nam mkha' la 'thor zhing phra mor gyur nas de dag gi cha shas kyang med cing mi snang bar 'gyur ro/ /shA ra dwa ti'i bu gzhan yang byang chub sems dpa'</font><hr>79.54b<br><font size=+1>

sems dpa' chen po de dag 'chi ba'i gnas skabs la nye bar gnas shing sangs rgyas kyi zhing de nas 'chi 'pho ba na ltas 'di lta bu dag 'byung bar 'gyur te/ phyogs bcu kun gyi 'jig rten gyi khams thams cad du 'jig rten gyi khams kha cig tu ni byang chub sems dpa' sems dpa' chen po dag dga' ldan gyi lha'i ris rnams su skye ba dag mthong ngo / /'jig rten gyi khams kha cig tu ni byang chub sems dpa' sems dpa' chen po dag dga' ldan gyi lha'i ris rnams na gnas pa dag mthong ngo / /'jig rten gyi khams kha cig tu ni byang chub sems dpa' sems dpa' chen po dag dga' ldan gyi lha'i ris rnams nas 'chi 'pho ba dag mthong ngo / /'jig rten gyi khams kha cig tu ni byang chub sems dpa' sems dpa' chen po dag ma'i mngal du 'jug pa dag mthong ngo / /'jig rten gyi khams kha cig tu ni byang chub sems dpa' sems dpa' chen po dag ma'i mngal nas btsa' ba dag mthong ngo / /'jig rten gyi khams kha cig tu ni byang chub sems dpa' sems dpa' chen po dag gom pa bdun 'dor ba dag mthong ngo / /'jig rten gyi khams kha cig tu ni byang chub sems dpa' sems dpa' chen po dag rta gad tu dgod pa dag mthong ngo / /'jig rten gyi khams kha cig tu ni byang chub sems dpa' sems dpa' chen po dag gzhon nu rtse ba rjes su ston pa dag mthong ngo / /'jig rten gyi khams kha cig tu ni byang chub sems dpa' sems dpa' chen po dag btsun mo'i 'khor gyi nang du 'dug pa dag mthong ngo / /'jig rten gyi khams kha cig tu ni byang chub sems dpa' sems dpa' chen po dag khyim nas khyim med par rab tu 'byung ba dag mthong ngo / /'jig rten gyi khams kha cig tu ni byang chub sems dpa' sems dpa' chen po dag dka' ba spyod pa ston pa</font><hr>79.55a<br><font size=+1>

dag mthong ngo / /'jig rten gyi khams kha cig tu ni byang chub sems dpa' sems dpa' chen po dag byang chub kyi snying por 'gro ba dag mthong ngo / /'jig rten gyi khams kha cig tu ni byang chub sems dpa' sems dpa' chen po dag byang chub kyi snying po la nges par rtog pa dag mthong ngo / /'jig rten gyi khams kha cig tu ni byang chub sems dpa' sems dpa' chen po byang chub kyi snying po la gus pa dang rjes su skor ba byed pa mthong ngo / /'jig rten gyi khams kha cig tu ni byang chub sems dpa' sems dpa' chen po dag byang chub kyi snying po la 'dug par rtsom pa dag mthong ngo / /'jig rten gyi khams kha cig tu ni byang chub sems dpa' sems dpa' chen po dag byang chub kyi snying po la 'dug par gyur ba dag mthong ngo / /'jig rten gyi khams kha cig tu ni byang chub sems dpa' sems dpa' chen po dag bdud sdig can rab tu 'dul ba dag mthong ngo / /'jig rten gyi khams kha cig tu ni byang chub sems dpa' sems dpa' chen po dag bla na med pa yang dag par rdzogs pa'i byang chub mngon par rdzogs par 'tshang rgya zhing thams cad mkhyen pa'i ye shes thob pa dag mthong ngo / /'jig rten gyi khams kha cig tu ni sangs rgyas bcom ldan 'das dag chos kyi 'khor lo bskor ba dag mthong ngo / /'jig rten gyi khams kha cig tu ni sangs rgyas bcom ldan 'das dag byang chub sems dpa' sems dpa' chen po rnams lung ston par mdzad pa dag mthong ngo / /'jig rten gyi khams kha cig tu ni sangs rgyas bcom ldan 'das dag phung po lhag ma med pa'i mya ngan las 'das pa'i dbyings su yongs su mya ngan las 'da' ba dag mthong ste/ shA ra dwa ti'i bu byang chub sems dpa' sems dpa' chen po de dag 'chi ba'i gnas skabs la nye bar gnas shing sangs rgyas kyi zhing de nas 'chi 'pho ba na de lta bu'i ltas de dag 'byung bar 'gyur ro//</font><hr>79.55b<br><font size=+1>

shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sku tshe'i tshad ni bskal pa chen po 'bum phrag bcur gnas te/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yongs su mya ngan las 'da' ba chen pos yongs su mya ngan las 'das nas kyang bde bar gshegs pas gsungs pa'i dam pa'i chos ni bskal pa chen po 'bum phrag bcu'i bar du gnas par 'gyur ro/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das bde bar gshegs pas gsungs pa'i dam pa'i chos gnas par 'gyur ba'i bskal pa chen po 'bum phrag bcu po dag ji ltar rtsi ba lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu bar gyi bskal pa nyi shu la bskal pa gcig go/ /bskal pa bcu la bskal pa chen po gcig ste/ shA ra dwa ti'i bu 'di ltar rtsis pa'i bskal pa chen po 'bum phrag bcu'i bar du bde bar gshegs pas gsungs pa'i dam pa'i chos gnas par 'gyur ro/ /shA ra dwa ti'i bu de'i dam pa'i chos nub par 'gyur ba na stong gsum gyi stong chen po'i 'jig rten gyi khams de thams cad du snang ba chen po 'byung bar 'gyur/ sa chen po yang g.yo bar 'gyur/ sgra skad chen po yang grag par 'gyur ro/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i dam pa'i chos ni bdud dang / bdud kyi ris kyi lha rnams kyis nub par byed par mi 'gyur/ de'i dam pa'i chos ni bcom ldan 'das kyi nyan thos rnams</font><hr>79.56a<br><font size=+1>

kyis kyang nub par byed par mi 'gyur gyi/ shA ra dwa ti'i bu gzhan du na de'i mi rnams dam pa'i chos nyan pa'i 'dun pa chung bar 'gyur te/ de dag 'dun pa chung bas na chos smra ba'i dge slong rnams kyi drung du 'gro bar mi 'gyur ro/ /de dag der mi 'gro bas na dam pa'i chos thos par mi 'gyur ro/ /dam pa'i chos ma thos pas na sgrub par mi 'gyur ro/ /mi sgrub pas na gong ma'i khyad par 'thob par mi 'gyur zhing chos smra ba'i dge slong rnams kyis kyang mi de dag 'dun pa chung bar rig nas chos ston par mi 'gyur te/ shA ra dwa ti'i bu de lta bu'i rim gyis de'i dam pa'i chos nub par 'gyur ro// // //de bzhin gshegs pa mi 'khrugs pa'i bkod pa las le'u lnga pa'o// //[ e="lewu" zh="40.120"/>]de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po dge ba'i rtsa ba ji lta bu dang / rgyu gang dang rkyen gang gis sangs rgyas kyi zhing der skye bar 'gyur/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu byang chub sems dpa' sems dpa' chen pos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i spyod par gyur ba gang yin pa'i spyod pa de dag la spyad par bya zhing spyod pa de dag bsgrub par bya'o zhes de ltar sems bskyed cing smon lam btab na/ sangs rgyas kyi zhing 'jig rten gyi khams mngon par dga' ba zhes bya ba der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i drung du skye bar 'gyur te/ /shA ra dwa ti'i</font><hr>79.56b<br><font size=+1>

bu byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu ni de yin rkyen ni de yin no/ /shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces/ sbyin pa'i pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces tshul khrims kyi pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ /shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces bzod pa'i pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ //shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar</font><hr>79.57a<br><font size=+1>

'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces brtson 'grus kyi pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ /shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces/  bsam gtan kyi pha rol tu phyin pa bla na med pa yang dag par rdzogs pa'i byang chub tu yongs su bsngo bar bya ste/ /shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang byang chub sems dpa' sems dpa' chen pos bdag dge ba'i rtsa ba 'di dang ldan pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de dang lhan cig 'grogs par gyur cig ces shes rab kyi pha rol tu phyin pa bla na med pa yang dag par rdzogs pa'i byang chub tu yongs su bsngo bar</font><hr>79.57b<br><font size=+1>

bya ste/ /shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /gzhan yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos gang bshad pa de rnam pa las rjes su dran par bya/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun tshad med grangs med brjod du med cing brjod du med pa'i yang brjod du med pa gang yin pa de dag kyang rnam pa las rjes su dran par bya/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i byang chub sems dpa' bgrang ba las shin du 'das pa de dag kyang rnam pa las rjes su dran par bya ste/ ji ltar bdag kyang bla na med pa yang dag par rdzogs pa'i byang chub mngon par rdzogs par sangs rgyas nas chos ston par 'gyur ba dang / bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der nyan thos kyi dge 'dun dang byang chub sems dpa'i tshogs tshad med grangs med brjod du med cing brjod du med pa'i yang brjod du med par 'gyur bar de dag rnam pa las rjes su dran par bya'o/ /shA ra dwa ti'i bu gsum gyi rnam pa dang ldan pa'i rigs kyi bus 'di ltar yang dag par bslab par bya ste/ bdag gis gsum gyi rnam pa dang ldan pa'i dge ba'i rtsa ba 'di sems can thams cad dang lhan cig thun mong du bya zhing sems can thams cad dang lhan cig thun mong du byas nas kyang bla na med pa yang dag par rdzogs pa'i byang chub tu yongs su bsngo bar bya'o zhes gsum gyi rnam pa dang ldan pa'i dge ba'i rtsa ba sems can thams cad kyi phyir yongs su bsngo bar bya'o/ /shA ra dwa ti'i bu byang chub sems dpa' sems dpa' chen pos gsum gyi rnam pa las yongs su bsngos pa la bar ma dor yongs su nyams pa med pas na shA ra dwa ti'i bu gsum gyi rnam pa dang</font><hr>79.58a<br><font size=+1>

ldan pa'i dge ba'i rtsa bas kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya zhing sangs rgyas kyi zhing der yang skye bar 'gyur na pha rol tu phyin pa thams cad dang ldan pa'i dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i drung du skye bar 'gyur ba lta smos kyang ci dgos te/ shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang byang chub sems dpa' sems dpa' chen po sangs rgyas kyi zhing der skye bar 'dod pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i 'od kyis thams cad dang ldan pa'i stong gsum gyi stong chen po'i 'jig rten gyi khams snang bar byed pa mthong zhing / de dag mthong nas kyang bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der yang rang gi 'od kyis snang bar bya'o zhes rnam pa las rjes su dran par bya ba de lta bu'i sems bskyed par bya ste/ shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang byang chub sems dpa' sems dpa' chen po sangs rgyas kyi zhing der skye bar 'dod pas 'di ltar bdag byang chub sems dpa'i spyad pa spyod pa na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i nyan thos kyi dge 'dun tshad med/ grangs med/ brjod du med cing brjod du med pa'i yang brjod du med pa de dag mthong zhing de dag mthong nas kyang ji ltar bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der yang nyan thos kyi dge 'dun tshad med/ grangs med/ brjod du med cing brjod du med pa'i yang brjod du med pa dag 'byung bar 'gyur ba de ltar bya zhing de</font><hr>79.58b<br><font size=+1>

ltar brtson par bya'o zhes de ltar sems bskyed par bya ste/ shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang byang chub sems dpa' sems dpa' chen po sangs rgyas kyi zhing der skye bar 'dod pas 'di ltar bdag byang chub sems dpa'i spyad pa spyod pa na bcom ldan 'das de bzhin gshegs pa dgra bcom yang dag par rdzogs pa'i sangs rgyas mi 'khrugs pa de'i sangs rgyas kyi zhing der rnam pa thams cad kyi mchog dang ldan pa de mthong zhing mthong nas kyang / ji ltar bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing yang de ltar rnam pa thams cad kyi mchog dang ldan par 'gyur ba de 'dra bar bya zhing de ltar brtson par bya'o zhes de ltar sems bskyed par bya ste/ shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu gzhan yang rigs kyi bu 'am rigs kyi bu mos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing na gang dag de bzhin gshegs pa'i grangs su 'gro ba dang / sangs rgyas kyi grangs su 'gro ba dang / thams cad mkhyen pa nyid kyi grangs su 'gro ba'i byang chub sems dpa' sems dpa' chen po spos kyi glang po che dang / bal glang spos kyi glang po che la sogs pa byang chub sems dpa' sems dpa' chen po tshad med/ grangs med pa de lta bu de dag gi ming thos na yang sangs rgyas kyi zhing der smon lam 'debs shing skye bar 'gyur na pha rol tu phyin pa thams cad dang ldan pa'i dge ba'i rtsa ba rnams bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba der yongs su bsngos pas/ sangs rgyas kyi zhing der skye bar 'gyur ba la slu bar mi 'gyur ba lta smos kyang ci dgos te/ shA ra dwa ti'i bu de yang byang chub sems dpa' sems</font><hr>79.59a<br><font size=+1>

dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu bla na med pa yang dag par rdzogs pa'i byang chub kyi dge ba'i rtsa ba'i tshad ni gzung bar mi nus te/ shA ra dwa ti'i bu gal te sems can thams cad kyis nam mkha'i tshad tsam gyi snod dag yongs su bkang ste khyer ba gyur kyang snod chen pos bcus pa des dge ba'i rtsa ba de zad par mi nus so/ /shA ra dwa ti'i bu bla na med pa yang dag par rdzogs pa'i byang chub kyi dge ba'i rtsa ba gang yin pa de snod dag gis gzhal bar mi nus te/ shA ra dwa ti'i bu de'i snod ni thams cad mkhyen pa nyid yin no/ /shA ra dwa ti'i bu gsum gyi rnam pa dang ldan pa'i dge ba'i rtsa ba las dkon mchog gsum gyi gdung 'thob par 'gyur ro/ /shA ra dwa ti'i bu byang chub sems dpa' sems dpa' chen po gang la la dag gsum gyi rnam pa yongs su bsngos pa'i dge ba'i rtsa ba 'di dang ldan pa de dag thams cad ni log par ltung ba med pa'i chos can du blta'o/ /shA ra dwa ti'i bu gsum rnam yongs su bsngos pa'i dge ba'i rtsa ba dang ldan pa'i byang chub sems dpa' sems dpa' chen po ni bdud sdig can dang bdud kyi ris kyi lha rnams 'dul bar byed cing sangs rgyas kyi zhing gang dang gang du skye bar 'dod pa'i sangs rgyas kyi zhing de dang der yang skye bar 'gyur ro/ /shA ra dwa ti'i bu gzhan yang byang chub sems dpa' sems dpa' chen po sangs rgyas kyi zhing der skye bar 'dod pas shar phyogs kyi 'jig rten gyi khams tshad med grangs med pa dag na/ sangs rgyas bcom ldan 'das gang dag bzhugs pa de dag rnam pa las rjes su dran par bya/ sangs rgyas bcom ldan 'das de dag gis chos gang bshad pa de yang rnam pa las rjes su dran par bya/ sangs rgyas bcom ldan 'das de dag gi nyan thos kyi dge 'dun dang / byang chub sems dpa'i tshogs gang yin pa de dag thams cad kyang rnam pa las rjes su dran par bya'o/ /gsum gyi rnam pa dang ldan pa'i dge rtsa ba de yang bcom ldan 'das de bzhin gshegs pa dgra bcom pa yang dag</font><hr>79.59b<br><font size=+1>

par rdzogs pa'i sangs rgyas mi 'khrugs pa ga la ba der yongs su bsngo bar bya ste/ shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /de bzhin du lho phyogs dang / nub phyogs dang / byang phyogs dang / de bzhin du 'og dang / steng gi phyogs dang / de bzhin du phyogs bcu kun gyi sangs rgyas kyi zhing thams cad na sangs rgyas bcom ldan 'das gang dag bzhugs pa de dag thams cad kyang rnam pa las rjes su dran par bya/ sangs rgyas bcom ldan 'das de dag gis chos gang bshad pa de dag thams cad kyang rnam pa las rjes su dran par bya/ sangs rgyas bcom ldan 'das de dag gi nyan thos kyi dge 'dun dang byang chub sems dpa'i tshogs gang yin de dag thams cad kyang rnam pa las rjes su dran par bya'o/ /shA ra dwa ti'i bu de lta bas na byang chub sems dpa' sems dpa' chen pos gsum gyi rnam pa dang ldan pa'i dge ba'i rtsa ba de dag la rjes su yi rang bar bya zhing rjes su yi rang nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba der yongs su bsngo bar bya ste/ der yongs su bsngos na sangs rgyas kyi zhing der skye ba la slu bar mi 'gyur ro/ /shA ra dwa ti'i bu gzhan yang sangs rgyas kyi zhing mang po dang / sangs rgyas kyi zhing brgya phrag mang po dang / sangs rgyas kyi zhing stong phrag mang po dag dang / sangs rgyas kyi zhing brgya stong phrag mang po dag dang / sangs rgyas kyi zhing bye ba khrag khrig brgya stong phrag mang po dag na yang gang da ltar gyi sangs rgyas kyi zhing gi yon tan bkod pa mdzes pa 'di lta bu dag med de/ shA ra dwa ti'i bu de lta bas na byang chub sems dpa' sems dpa' chen pos 'di ltar bdag gi dge ba'i rtsa ba 'dis gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i da ltar gyi sangs rgyas</font><hr>79.60a<br><font size=+1>

kyi zhing gi yon tan bkod pa mdzes pa de lta bu'i sangs rgyas kyi zhing gi yon tan bkod pa dag mthong zhing / sangs rgyas kyi zhing gi yon tan bkod pa de lta bu dag mthong nas kyang sangs rgyas kyi zhing gi yon tan bkod pa de lta bu dag yongs su gzung bar bya'o/ /yongs su bzung nas kyang kha lo sgyur ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa la sogs pa'i lung gis byang chub sems dpa' brgya phrag mang po dag dang /   byang chub sems dpa' stong phrag mang po dag dang / byang chub sems dpa' brgya stong phrag mang po dag dang / byang chub sems dpa' bye ba khrag khrig brgya stong phrag mang po dag bla na med pa yang dag par rdzogs pa'i byang chub la yang dag par bstan par bya/ yang dag par 'dzin du gzhug par bya/ yang dag par gzeng bstod par bya/ yang dag par rab tu dga' bar bya'o zhes sems bskyed par bya ste/ shA ra dwa ti'i bu de yang byang chub sems dpa' sems dpa' chen po sangs rgyas kyi zhing der skye bar 'gyur ba'i rgyu yin no/ /de yang rkyen yin no/ /shA ra dwa ti'i bu de lta bas na/ byang chub sems dpa' sems dpa' chen po gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing der skye ba rab tu 'dzin par 'dod pas de ltar lhag pa'i bsam pas sems bskyed par bya'o/ /gal te de ltar ma byas na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid bslus par 'gyur ro/ /shA ra dwa ti'i bu gal te byang chub sems dpa' sems dpa' chen po gang de ltar lhag pa'i bsam pas sems bskyed par 'gyur ba de dag ni bcom ldan 'das de bzhin gshegs pa dgra bcom pa yang dag par rdzogs</font><hr>79.60b<br><font size=+1>

pa'i sangs rgyas mi 'khrugs pa de'i sangs rgyas kyi zhing du skye bar 'gyur te/ shA ra dwa ti'i bu rigs kyi bu 'am/ rigs kyi bu mo gang la la de ltar lhag pa'i bsam pas sems bskyed par 'gyur ba de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skye bar ngas lung bstan to// // bam po lnga pa/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na 'di skad du kye ma sems can gang dag bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs kyi zhing du skye bar 'dod pa de dag 'chi ba'i dus kyi tshe/ bdag kyang nyan thos kyi dge 'dun gyis yongs su bskor cing byang chub sems dpa'i tshogs kyis mdun du bdar nas de dag gi drung du gnas par 'gyur la/ de dag gis kyang bdag mthong nas sems rab tu dga' bar 'gyur zhing dran pa nyams pa med pa dang / sems g.yeng ba med par 'chi ba'i dus byas nas bdag gi sangs rgyas kyi zhing du skye bar gyur cig ces smon lam chen po btab pas na shA ra dwa ti'i bu rigs kyi bu 'am rigs kyi bu mo gang la las bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i mtshan thos par 'gyur ba dang / thos nas kyang yid la byed par 'gyur ba dang / de bzhin gshegs pa mi 'khrugs pa'i sku glang po che'i khri pad ma'i gdan la bzhugs pa'i bkod pa stong byed du 'jug na gang gi tshe rigs kyi bu dang / rigs kyi bu mo de 'chi ba'i dus byed par 'gyur ba'i tshe/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun gyis</font><hr>79.61a<br><font size=+1>

yongs su bskor cing byang chub sems dpa'i tshogs kyis mdun du bdar te gshegs par 'gyur zhing des kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de mdun na bzhugs pa mthong bar 'gyur ro/ //mthong nas kyang sems dga' bar 'gyur zhing mi brjed pa dang / sems mi g.yeng bar 'chi ba'i dus byed par 'gyur te/ 'chi ba'i dus byas nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing 'jig rten gyi khams mngon par dga' ba de nyid du skye bar 'gyur ro/ //gang gi tshe rigs kyi bu 'am/ rigs kyi bu mo de sbyin pa'i chos byed pa de na 'chi ba'i dus kyi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de mthong zhing / mthong nas kyang sdig pa thams cad rnam par bsal nas sangs rgyas kyi zhing der skye bar 'gyur ro/ //shA ra dwa ti'i bu bcom ldan 'das de gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ kye ma bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der sems can gang dag skye bar 'dod pa de dag 'chi ba'i dus kyi tshe/ bdag nyan thos kyi dge 'dun gyis yongs su bskor ba dang bcas/ byang chub sems dpa'i tshogs kyis mdun gyis bltas pa dang bcas par de dag gi mdun na 'dug par 'gyur la/ de dag bdag mthong nas sems dad par gyur te/ mi brjed cing sems mi g.yeng bas 'chi ba'i dus byas nas bdag gi sangs rgyas kyi zhing du skye bar gyur cig ces smon lam de lta bu btab par gyur to/ //shA ra dwa ti'i bu 'di lta ste/ dper na grong khyer kun dga'i ra ba dang bskyed</font><hr>79.61b<br><font size=+1>

mos tshal med cing 'bab chu dang / mtsho bran dang / klung dang / rdzing bu'i longs spyod dang / rta dang / glang po dag kyang med la/ bye ma dang / gseg ma dang / rdo ba dang / gyo mo dag yod cing tsher ma stug pos gang ste/ bgrod par dka' ba zhig yod la/ shA ra dwa ti'i bu grong khyer de na rgyal po mthu che zhing dpung dang ldan pa zhig gnas par gyur kyang shA ra dwa ti'i bu grong khyer de na grong khyer gyi yon tan de dag dang bral bas mi mdzes te/ shA ra dwa ti'i bu 'di ltar rgyal po de mthu che zhing dpung dang ldan yang rung ste/ grong khyer de grong khyer gyi yon tan dag dang bral bas na mi mdzes so/ //shA ra dwa ti'i bu de la ji ltar rgyal po mthu che zhing dpung dang ldan par gyur pa de ltar ni shA ra dwa ti'i bu stong gsum gyi stong chen po'i 'jig rten gyi khams 'di na de bzhin gshegs pa chos kyi rgyal po dpung dang ldan pa yin no/ //shA ra dwa ti'i bu 'on kyang nga'i sangs rgyas kyi zhing 'di na mi 'khrugs pa'i sangs rgyas kyi zhing gi yon tan bkod pa gang yin pa de lta bu dag med pas mi mdzes so/ //shA ra dA ti'i bu gal te nga'i sangs rgyas kyi zhing 'dir yang sangs rgyas kyi zhing gi yon tan bkod pa de lta bu dag byung bar gyur na ni ji ltar da ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing mdzes pa bzhin du nga'i sangs rgyas kyi zhing 'di yang mdzes par 'gyur ro/ //shA ra dwa ti'i bu de lta bas na byang chub sems dpa' sems dpa' chen po sangs rgyas kyi zhing gi yon tan bkod pa yongs su sbyong bar 'dod pa dang / yongs su 'dzin par 'dod pas ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na/ sangs rgyas kyi zhing gi yon tan bkod pa yongs su sbyangs shing yongs su bzung ba de ltar yongs su sbyang zhing de ltar yongs su bzung bar bya'o/ /shA ra dwa ti'i bu gzhan yang ngas da ltar bla na med pa yang dag par rdzogs pa'i byang chub</font><hr>79.62a<br><font size=+1>

mngon par rdzogs par sangs rgyas nas sems can gang dag rgyun du zhugs pa'i 'bras bu la bkod pa dang / lan cig phyir 'ong ba'i 'bras bu la bkod pa dang / phyir mi ldog pa'i 'bras bu la bkod pa dang / dgra bcom pa nyid la bkod pa dang / rang byang chub la bkod pa dang / shA ra dwa ti'i bu nga'i nyan thos gang yin pa de dag gis kyang sems can gzhan gang dag btul ba'i nyan thos de dag thams cad mngon par bsdus kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i nyan thos kyi dge 'dun gyi gsan na nyan thos kyi dge 'dun de dag ni brgya'i char yang nye bar mi 'gro'o/ /stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod do/ //de ci'i phyir zhe na/ tshad med pa dang / grangs med pa'i phyir te/ rnam par grol bas ni ma yin no/ //shA ra dwa ti'i bu nga'i nyan thos rnams lta zhog gi/ shA ra dwa ti'i bu gang yang ma 'ongs pa'i dus na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byams pa'i nyan thos gang dag 'byung bar 'gyur ba de dag dang / gang yang nyan thos de dag gis sems can gzhan dag 'dul bar 'gyur ba'i nyan thos de dag thams cad mngon par bsdus kyang de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i nyan thos kyi dge 'dun gyi brgya'i char yang nye bar mi 'gro'o/ /stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod do/ //de ci'i phyir zhe na/ shA ra dwa ti'i bu bcom ldan 'das de bzhin gshegs pa dgra bcom</font><hr>79.62b<br><font size=+1>

pa yang dag par rdzogs pa'i sangs rgyas mi 'khrugs pa des chos bshad pa lan re res sems can gang dag btul bar gyur pa de dag gi tshad kyang sus kyang bzung bar mi nus pa'i phyir ro/ //shA ra dwa ti'i bu nga'i nyan thos rnams kyang lta zhog /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byams pa'i nyan thos rnams lta'ang zhog gi/ shA ra dwa ti'i bu gang yang ma 'ongs pa'i dus kyi bskal pa bzang po'i sangs rgyas bcom ldan 'das de dag thams cad kyi nyan thos gang dag 'byung bar 'gyur ba dang / gang yang nyan thos de dag gis nyan thos gzhan dag 'dul bar 'gyur ba gang yin pa de dag thams cad mngon par bsdus kyang de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i nyan thos rnams kyi brgya'i char yang nye bar mi 'gro'o/ /stong gi cha dang / brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang / rgyur yang mi bzod do/ //de ci'i phyir zhe na/ shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des chos bshad pa lan re res sems can gang dag btul bar gyur pa de dag gi tshad kyang gzung bar mi nus pa'i phyir te/ rnam par grol bas ni ma yin no/ //de skad ces bka' stsal pa dang bcom ldan 'das la tshe dang ldan pa shA ra dwa ti'i bus 'di skad ces gsol to/ //btsun pa bcom ldan 'das ji ltar bcom ldan 'das kyis gsungs pa'i don bdag gis 'tshal ba ltar na bcom ldan 'das sangs rgyas kyi zhing de ni so so'i skye bo'i zhing ma lags kyi dgra bcom pa'i zhing lags par blta lags so/ //de ci'i slad du zhe na/ btsun pa bcom ldan 'das de na zag pa zad pa'i dgra bcom pa dag mang </font><hr>79.63a<br><font size=+1>

ba'i slad du'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ //shA ra dwa ti'i bu de de bzhin no/ //shA ra dwa ti'i bu ji skad smras pa de bzhin te/ de na zag pa zad pa'i dgra bcom pa dag mang ngo / //shA ra dwa ti'i bu stong gsum gyi stong chen po'i 'jig rten gyi khams 'di'i skar ma'i gzugs rnams kyi tshad ni bzung bar nus kyi/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing na sems can gang dag de bzhin gshegs pa de'i chos bshad pa lan re res dgra bcom pa thob par gyur pa de dag gi tshad ni bzung bar mi nus te/ shA ra dwa ti'i bu de ltar na 'dus pa chen po lan re re la yang sems can tshad med grangs med pa dag gis dgra bcom pa thob par 'gyur bar rig par bya'o/ /shA ra dwa ti'i bu stong gsum gyi stong chen po'i 'jig rten gyi khams 'di'i skar ma'i gzugs rnams kyi tshad ni bzung bar nus kyi/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing na/ 'dus pa chen po 'dus pa de dag gi 'dus pa chen po'i tshad ni bzung bar mi nus so/ //shA ra dwa ti'i bu gzhan yang lha dang mi de rnams dge ba'i rtsa ba bskyed pa na brel ba med par 'gyur zhing shA ra dwa ti'i bu rigs kyi bu 'am rigs kyi bu mo gang dag stong gsum gyi stong chen po'i 'jig rten gyi khams der skyes pa de dag kyang nyin mtshan du brel ba med par 'gyur ro/ //shA ra dwa ti'i bu gang dag yon tan yongs su brjod pa'i chos kyi rnam grangs 'di nyan pa dang / thos nas kyang mos pa dang / 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de dag thams cad kyis bcom ldan 'das de bzhin gshegs pa</font><hr>79.63b<br><font size=+1>

dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa mthong ba dang thos par 'gyur ba'i phyir ro/ //de ci'i phyir zhe na/ 'di ltar de dag yon tan yongs su brjod pa'i chos kyi rnam grangs 'di nyan par 'gyur zhing thos nas kyang thos ma thag tu dad pa chen po 'thob par 'gyur ba'i phyir ro/ //shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni phyogs bcu kun gyi sangs rgyas kyi zhing thams cad du yang sangs rgyas bcom ldan 'das rnams kyis gsungs so/ //gsung ngo / //gsung bar 'gyur ro/ //shA ra dwa ti'i bu de la sangs rgyas kyi zhing de dag na rigs kyi bu 'am rigs kyi bu mo gang dag 'khod pa de dag kyang yon tan yongs su brjod pa'i chos kyi rnam grangs 'di 'dzin par 'gyur 'chang bar 'gyur/ klog par 'gyur/ kun chub par byed par 'gyur zhing gzhan dag la yang rgya cher yang dag par rab tu ston par 'gyur te/ shA ra dwa ti'i bu 'jig rten gyi khams de dag na phyir mi ldog pa'i byang chub sems dpa' sems dpa' chen po gang dag sangs rgyas kyi zhing de dag nyid du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba rnams ma gtogs pa gang dag de las gzhan pa'i byang chub sems dpa'i theg pa pa 'am/ nyan thos kyi theg pa pa'i rigs kyi bu 'am/ rigs kyi bu mo de dag ni phal cher smon lam gyi dbang gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing du skyes pa 'am/ skye 'am/ skye bar 'gyur ba yin no/ //shA ra dwa ti'i bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs</font><hr>79.64a<br><font size=+1>

pa de ni 'jig rten gyi khams mngon par dga' ba na bzhugs shing / phyogs bcu kun gyi sangs rgyas kyi zhing thams cad du byang chub sems dpa'i theg pa pa'i gang zag rnams dang / nyan thos kyi theg pa pa'i gang zag rnams la phan 'dogs par gyur pa yin no/ //shA ra dwa ti'i bu 'di lta ste/ dper na 'khor los sgyur ba'i rgyal po ni rin po che sna bdun po dag byung bar gyur pa na/ rin po che sna bdun po de dag gis gling chen po bzhi kun du gnon par byed do/ //shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yang yon tan yongs su brjod pa'i chos kyi rnam grangs 'dis phyogs bcu kun gyi sangs rgyas kyi zhing thams cad du byang chub sems dpa'i theg pa pa'i rigs kyi bu dang / rigs kyi bu mo dag kun du gnon cing rang gi sangs rgyas kyi zhing yang kun du gnon par mdzad do/ //shA ra dwa ti'i bu rigs kyi bu 'am rigs kyi bu mo gang la la dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston pa dang / sangs rgyas kyi zhing der skye bar smon lam yang 'debs pa de dag 'chi ba'i mthar thug pa'i bar du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des rtag tu dgongs par 'gyur ro/ //de ci'i phyir zhe na/ shA ra dwa ti'i bu de dag la bdud sdig can gyis glags rnyed par mi 'gyur ba dang / bdud kyis byin gyis brlabs pa'i sems can rnams kyis de dag gi smon lam zlogs par mi 'gyur ba'i phyir te/ shA ra dwa ti'i bu de bzhin gshegs pas dgongs pa'i rigs kyi bu 'am rigs kyi bu mo de dag ni bla na med pa yang dag </font><hr>79.64b<br><font size=+1>

par rdzogs pa'i byang chub dang / sangs rgyas kyi zhing der skye ba las phyir ldog pa'i 'jigs pa med par shes par bya'o/ /gzhan yang rigs kyi bu dang / rigs kyi bu mo de dag gi lus la gang dag de las gzhan pa srog gi bar chad byed pa la brtson pa dang / gang dag srog gi bar chad du 'gyur ba 'di lta ste/ me dang / chu dang / dug dang / mtshon la sogs pa dag gis kyang phog par mi 'gyur ro/ //de dag gis lus la gang dag de las gzhan pa lag pa'i reg pa dang / bong ba dang / dbyig pa la sogs pa dag gis kyang phog par mi 'gyur ro/ //de dag la mi dang mi ma yin pa'i 'jigs pa yang med par shes par bya ste/ de ltar na de dag ni kun nas bsrungs pa dang / bskyabs pa dang / sbas pa yin par shes par bya'o/ /gang gi tshe de dag 'chi ba'i dus byed par 'gyur ba de'i tshe na yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i sangs rgyas kyi zhing 'jig rten gyi khams mngon par dga' ba zhes bya ba der skye bar 'gyur ro/ //shA ra dwa ti'i bu 'di lta ste/ dper na nyi ma'i dkyil 'khor ni thag ring po na 'dug kyang 'dzam bu'i gling gi mi rnams la snang bar byed do/ //shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yang thag ring po na bzhugs kyang 'jig rten gyi khams gzhan dag na gnas pa'i byang chub sems dpa'i theg pa pa'i rigs kyi bu dang rigs kyi bu mo dag la ye shes kyi snang ba mdzad do/ //shA ra dwa ti'i bu 'di lta ste/ dper dge slong lha'i mig dang ldan pa ni thag ring po na gnas kyang gzugs kyi kha dog bzang po dang / kha dog ngan pa dag mthong ngo / //shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yang thag ring po na bzhugs kyang 'jig rten gyi khams gzhan dag na gnas pa'i byang chub sems dpa' sems dpa' chen po rnams kyi kha dog</font><hr>79.65a<br><font size=+1>

dang / dbyibs dang / gzugs dag gzigs so/ //shA ra dwa ti'i bu 'di lta ste/ dper na dge slong rdzu 'phrul dang ldan pa sems kyi dbang dam pa'i pha rol tu son pa ni thag ring po na gnas kyang mi ma yin pa rnams kyi sems yang dag par shes so/ //shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yang thag ring po na bzhugs kyang 'jig rten gyi khams gzhan dag na gnas pa'i byang chub sems dpa' sems dpa' chen po rnams kyi sems yang dag par mkhyen to/ //shA ra dwa ti'i bu 'di lta ste/ dper na dge slong rdzu 'phrul dang ldan pa ni thag ring po na gnas kyang rna bas sgra dag thos so/ //shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de yang thag ring po na bzhugs kyang 'jig rten gyi khams gzhan dag na gnas pa'i byang chub sems dpa' sems dpa' chen po rnams bdag cag kyang sangs rgyas kyi zhing 'jig rten gyi khams mngon par dga' ba der skye bar bya'o zhes smra ba dag gsan cing shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des rigs kyi bu dang / rigs kyi bu mo de dag gi ming dang / rus ci yin pa yang mkhyen to/ //shA ra dwa ti'i bu gang dag yon tan yongs su brjod pa'i chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de dag ni bcom ldan 'das de bzhin gshegs pa dgra bcom pa yang dag par rdzogs pa'i sangs mi 'khrugs pa des gzigs so/ //de dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des mkhyen no/ //de dag ni nam 'chi ba'i dus kyi tshe'i bar du yang bcom ldan</font><hr>79.65b<br><font size=+1>

'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa des dgongs par 'gyur ro/ //de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ //btsun pa bcom ldan 'das ji tsam du sangs rgyas bcom ldan 'das rnams kyis byang chub sems dpa' sems dpa' chen po rnams shin tu yongs su bzung ba ni bcom ldan 'das ngo mtshar lags so/ //bde bar gshegs pa shin du ngo mtshar lags so/ //de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ //shA ra dwa ti'i bu de de bzhin te/ de de bzhin no/ //ji skad smras pa de bzhin te/ sangs rgyas bcom ldan 'das rnams kyis byang chub sems dpa' sems dpa' chen po rnams shin du yongs bzung ngo / //de ci'i phyir zhe na/ shA ra dwa ti'i bu byang chub sems dpa' sems dpa' chen po rnams shin tu yongs su gzung bas sems can thams cad kyang shin du yongs su bzung bar 'gyur ro/ //shA ra dwa ti'i bu 'di lta ste/ dper na rgyal po rgyal rigs spyi bo nas dbang bskur ba zhig la 'di lta ste/ 'bras sA lu 'am/ 'bru 'am/ nas sam/ gro 'am/ til lam/ mon sran sde'u 'am/ mon sran gre'u 'am/ sran chung ngam/ 'bru'i rnam pa gzhan gang yang rung bas gang ba'i bdab gcig gam/ gnyis sam/ gsum 'am/ bzhi 'am/ lnga 'am/ bcu 'am/ nyi shu 'am/ sum bcu 'am/ bzhi bcu 'am/ lnga bcu 'am/ brgya 'am/ stong ngam/ 'bum 'am/ shin du mang po dag cig bdog par gyur na de 'di snyam du 'di dag ni mu ge byung ba 'am phongs par gyur pa na/ 'di dag gis lo legs par 'gyur ro snyam nas</font><hr>79.66a<br><font size=+1>

shin du yongs su 'dzin par 'gyur ro/ //de ci'i phyir zhe na/ mu ge byung bar gyur pa na sems can rnams kyi gsos su 'gyur ba'i phyir ro/ //shA ra dwa ti'i bu de bzhin du de bzhin gshegs pa dgra bcom pa yang dag par rdzogs pa'i sangs rgyas rnams 'das pa na byang chub sems dpa' sems dpa' chen po dag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bla na med pa yang dag par rdzogs pa'i byang chub mngon par rdzogs par sangs rgyas nas kyang dam pa'i chos kyis mu ger gyur ba'i sems can thams cad la dam pa'i chos bshad pas dam pa'i chos kyi lo legs pa dang / dge 'dun gyi lo legs par 'gyur te/ shA ra dwa ti'i bu rnam grangs des na sangs rgyas bcom ldan 'das rnams kyis byang chub sems dpa' sems dpa' chen po rnams shin du yongs su bzung ba yin no/ //shA ra dwa ti'i bu byang chub sems dpa' sems dpa' chen po gang la la dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing gzhan dag la yang rgya cher yang dag par rab tu ston par byed la/ srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du 'jug cing 'dzud de/ rab tu 'god la sangs rgyas kyi zhing der skye bar bya ba'i phyir smon lam yang 'debs par byed pa de dag thams cad ni sangs rgyas kyi zhing der skye bar 'gyur ro/ //shA ra dwa ti'i bu gzhan yang byang chub sems</font><hr>79.66b<br><font size=+1>

dpa' sems dpa' chen po gang la la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing gzhan dag la yang rgya cher yang dag par rab tu ston par byed la/ srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du 'jug cing 'dzud de rab tu 'god na sangs rgyas kyi zhing der skye bar bya ba'i phyir smon lam ma btab kyang byang chub sems dpa' sems dpa' chen po de dag ni phyir mi ldog par rig par bya zhing / bla na med pa yang dag par rdzogs pa'i byang chub tu lung bstan par rig par bya ste/ de dag ni rang rang gi sangs rgyas kyi zhing dag tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ //shA ra dwa ti'i bu gzhan yang byang chub sems dpa' sems dpa' chen po gang la la dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing gzhan dag la yang rgya cher yang dag par rab tu ston la bzung zhing bcangs la klogs shing kun chub par byas te/ gzhan dag la rgya cher yang dag par rab tu bstan nas srog chags brgya phrags mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam</font><hr>79.67a<br><font size=+1>

grangs 'di yang dag par 'dzin du 'jug cing 'dzud de/ rab tu 'god la srog chags brgya stong phrag mang po dag gi dge ba'i rtsa ba bskyed na de dag ji lta ji ltar sems can rnams kyi dge ba'i rtsa ba bskyed pa de lta de ltar bla na med pa yang dag par rdzogs pa'i byang chub dang nye bar 'gyur ro/ //shA ra dwa ti'i bu de lta bas na byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas yon tan yongs su brjod pa'i chos kyi rnam grangs 'di gzung bar bya/ bcang bar bya/ klog par bya/ kun chub par bya ste/ bzung zhing bcangs la klogs shing kun chub par byas nas srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag la yang bshad par bya/ yang dag par rab tu bstan par bya'o/ /de ci'i phyir zhe na/ shA ra dwa ti'i bu 'di ltar byang chub sems dpa' sems dpa' chen pos ji lta ji ltar chos kyi rnam grangs 'di ston pa de lta de ltar shes rab chen por 'gyur ba'i las nye bar sogs par 'gyur te/ de dag shes rab chen por 'gyur ba'i las byas shing bsags pa des lus de nyid kyis zag pa zad pa rjes su 'thob par 'gyur ro/ //shA ra dwa ti'i bu nyan thos kyi theg pa ba'i rigs kyi bu'am/ rigs kyi bu mo gang la la dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing gzhan dag la yang rgya cher yang dag par rab tu bston par byed la/ srog chags brgya</font><hr>79.67b<br><font size=+1>

phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du 'jug cing 'dzud te/ rab tu 'god pa de dag thams cad kyang lus de nyid kyis dgra bcom pa nyid mngon sum du byed par 'gyur ro/ //shA ra dwa ti'i bu gal te de dag lus de nyid kyis dgra bcom pa nyid mngon sum du byed par mi 'gyur na yang de dag yang dag par rdzogs pa'i sangs rgyas gnyis pa las 'da' bar ni mi 'gyur ro/ //shA ra dwa ti'i bu de lta bas na nyan thos kyi theg pa pa'i rigs kyi bu 'am/ rigs kyi bu mo lus de nyid kyis dgra bcom pa nyid mngon sum du byed par 'dod pa dag gis bcom ldan 'das de bzhin gshegs par dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di mnyan par bya zhing thos nas kyang bzung bar bya/ bcang bar bya/ klag par bya/ kun chub par bya/ gzhan dag la yang rgya cher yang dag par rab tu bstan par bya zhing / srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du gzhug par bya/ gzung bar bya/ rab tu dgod par bya'o/ /de ci'i phyir zhe na/ shA ra dwa ti'i bu 'di ltar dam pa'i chos yongs su bzung ba'i rigs kyi bu 'am rigs kyi bu mo rnams ni lus de nyid kyis dgra bcom pa nyid mngon sum du byed par 'gyur ba'i phyir ro/ /shA ra dwa ti'i bu rigs kyi bu 'am rigs kyi bu mo gang la la dag yon tan yongs su brjod pa'i chos kyi rnam grangs 'di gzhan</font><hr>79.68a<br><font size=+1>

dag la dus su yang dag par rab tu ston pa de dag ni lus de nyid kyis dgra bcom pa nyid mngon sum du byed par 'gyur te/ sangs rgyas 'byung ba gnyis pa las 'da' bar ni mi 'gyur ro/ /shA ra dwa ti'i bu nyan thos kyi theg pa pa'i rigs kyi bu 'am rigs kyi bu mo dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ji lta ji ltar 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de lta de ltar shes rab chen por 'gyur ba'i las byed par 'gyur zhing sogs par 'gyur ro/ //de dag shes rab chen por 'gyur ba'i las byas shing bsags pa des lus de nyid kyis dgra bcom pa nyid mngon sum du byed par yang 'gyur ro/ /shA ra dwa ti'i bu gal te de dag lus de nyid kyis dgra bcom pa nyid mngon sum du byed par yang mi 'gyur na/ yang dag par rdzogs pa'i sangs rgyas gnyis pa las 'da' bar ni mi 'gyur ro/ /shA ra dwa ti'i bu nyan thos kyi theg pa pa'i rigs kyi bu dang / rigs kyi bu mo rnams kyis kyang don gyi dbang 'di mthong na chos kyi rnam grangs 'di la gus par bya zhing rnal 'byor du bya'o/ /shA ra dwa ti'i bu de lta bas na nyan thos kyi theg pa pa'i rigs kyi bu 'am rigs kyi bu mo dam pa'i chos yongs su 'dzin par 'dod pa rnams kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ bcang bar bya/ klag par bya/ kun chub par bya zhing gzhan dag la yang rgya cher yang dag par rab tu bstan par bya'o/ /shA ra dwa ti'i bu yang nyan thos kyi theg pa pa'i rigs kyi bu 'am rigs kyi bu mo gang dag bcom ldan 'das de</font><hr>79.68b<br><font size=+1>

bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing gzhan dag la yang rgya cher yang dag par rab tu ston par byed la/ srog chags brgya phrag mang po dang / srog chags stong phrag mang po dang / srog chags brgya stong phrag mang po dang / srog chags bye ba khrag khrig brgya stong phrag mang po dag kyang chos kyi rnam grangs 'di la yang dag par 'dzin du 'jug cing 'dzud de/ rab tu 'god la de bzhin nyid du rnal 'byor du sgrub cing rtsol la 'bad de slob cing mos na/ shA ra dwa ti'i bu nyan thos kyi theg pa pa'i rigs kyi bu'am rigs kyi bu mo de dag ni srid pa tha ma la gnas pa 'am/ skye ba gcig gis thogs pa 'am/ skye ba gnyis kyis thogs pa ste/ yang dag par rdzogs pa'i sangs rgyas gnyis pa las 'da' bar mi 'gyur bar rig par bya'o/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni sems can bsod nams chung ngu rnams kyis thos par mi nus te/ shA ra dwa ti'i bu sangs rgyas kyi mthus rigs kyi bu 'am rigs kyi bu mo gang su yang rung ba zhig gi rna lam du grags par gyur na rigs kyi bu 'am rigs kyi bu mo des kyang myur ba myur bar gzung bar bya/ la la zhig gis sems can 'ga' zhig gi don gyi phyir kye ma sems can 'dis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di thos par gyur cig ces 'dzam bu'i gling 'di dbyig dang gser gyis yongs su bkang ste/ </font><hr>79.69a<br><font size=+1>

sbyin pa byin zhing yongs su btang bar gyur kyang shA ra dwa ti'i bu sems can bsod nams chung ngu rnams kyis ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di thos par mi nus so/ /de ci'i phyir zhe na/ shA ra dwa ti'i bu chos kyi rnam grangs 'di ni chos thams cad rab tu rnam par 'byed par byed cing rigs kyi bu dang rigs kyi bu mo dad pa rnams sangs rgyas kyi zhing yongs su dag par 'gro bar byed pa'i phyir ro/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni 'chal ba'i shes rab can rnams kyi lag na gnas par mi 'gyur te/ shA ra dwa ti'i bu gzhan du na chos kyi rnam grangs 'di ni mkhas pa shes rab zab mo dang ldan pa rnams kyi lag tu gnas par 'gyur ro/ /shA ra dwa ti'i bu rigs kyi bu 'am rigs kyi bu mo gang dag gi lag tu chos kyi rnam grangs 'di gnas pa dang / lus la gnas pa de dag ni de bzhin gshegs pa mthong ba yin no/ /shA ra dwa ti'i bu 'di lta ste/ dper na rin po che rin thang med pa rin che ba gang yang rung ba zhig rgya mtsho chen po'i nang nas khyer te 'ongs par gyur na shA ra dwa ti'i bu 'di ji snyam du sems/ nor bu rin po che de dang po kho nar su'i lag tu 'ong bar 'gyur/ gsol pa/ btsun pa bcom ldan 'das rin po che de ni dang po kho nar rgyal po 'am rgyal po'i bu rnams sam/ rgyal po'i blon po chen po rnams kyi sug par mchi bar 'gyur lags so/ /bka' stsal pa/ shA ra dwa ti'i bu de bzhin du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos rnam grangs 'di yang byang chub sems dpa'i lag tu gnas par 'gyur te/ shA ra dwa ti'i bu byang chub sems dpa' sems</font><hr>79.69b<br><font size=+1>

dpa' chen po gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nyan cing thos nas kyang 'dzin par byed/ 'chang bar byed/ klog par byed/ kun chub par byed cing gzhan dag la yang rgya cher yang dag par rab tu ston la/ bla na med pa yang dag par rdzogs pa'i byang chub la yang dag pa nyid kyi rnal 'byor du sgrub par byed pa de dag ni phyir mi ldog pa nyid du 'gyur ro/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das de lta lags pas na rigs kyi bu 'am rigs kyi bu mo phyir mi ldog pa'i sa la gnas par 'tshal ba rnams kyi bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bgyi/ bcang bar bgyi/ bklag par bgyi/ kun chub par bgyi zhing gzhan dag la yang rgya cher yang dag par rab tu bstan par bgyi lags so/ /de ci'i slad du zhe na/ btsun pa bcom ldan 'das 'di ltar byang chub sems dpa' sems dpa' chen po chos kyi rnam grangs 'di la zhugs pa na phyir mi ldog pa'i chos nyid rjes su 'thob par 'gyur ba'i slad du'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin te/ de de bzhin no/ /ji skad smras pa de bzhin te/ rigs gyi bu 'am rigs kyi bu mo phyir mi ldog pa'i sa la gnas par 'dod pa rnams kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su</font><hr>79.70a<br><font size=+1>

brjod pa'i chos kyi rnam grangs 'di gzung bar bya/ bcang bar bya/ bklag par bya/ kun chub par bya zhing gzhan dag la yang rgya cher yang dag par rab tu bstan par bya'o/ /shA ra dA ti'i bu 'di lta ste/ dper na 'khor los sgyur ba'i rgyal po'i rin po che sna bdun po dag ni las kyi rnam par smin pa las byung ba yin no/ /shA ra dwa ti'i bu de bzhin du ngas 'khor bzhi po rnams la yon tan yongs su brjod pa'i chos kyi rnam grangs 'di bshad cing rgya cher yang dag par rab tu bstan pa yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa bla na med pa yang dag par rdzogs pa'i byang chub mngon par rdzogs par sangs rgyas pa de'i sngon gyi smon lam gyis bshad cing / rgya cher yang dag par rab tu bstan te/ byang chub sems dpa' sems dpa' chen po gang dag gis yon tan yongs su brjod pa'i chos kyi rnam grangs 'di thos pa dang / nyan par 'gyur ba de dag thams cad kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa'i smon lam gyi khyad par dang / rang rang gi dge ba'i rtsa ba'i rnam par smin pas thos shing nyan par 'gyur ba yin no/ /shA ra dwa ti'i bu gang dag bskal pa bzang po 'di la sangs rgyas dgu brgya dgu bcu rtsa drug gang na 'byung bar 'gyur ba'i sangs rgyas bcom ldan 'das de dag thams cad kyang dper na ngas da ltar 'khor bzhi po dag la bshad cing rgya cher yang dag par rab tu bstan pa bzhin du lhag chad med par 'khor bzhi po dag la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i</font><hr>79.70b<br><font size=+1>

chos kyi rnam grangs 'di 'chad cing rgya cher yang dag par rab tu ston par 'gyur ro/ //shA ra dwa ti'i bu de lta bas na byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ bcang bar bya/ bklag par bya/ kun chub par bya zhing gzhan dag la yang rgya cher yang dag par rab tu bstan par bya'o/ /shA ra dwa ti'i bu gal te byang chub sems dpa'i theg pa pa'i gang zag khyim gyi gnas nas mngon par byung ba la la zhig gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di mnyan pa dang / gzung ba dang / bcang ba dang / bklag pa dang / kun chub par bya ba dang / gzhan dag la yang rgya cher yang dag par rab tu bstan par bya bar mi rnyed par gyur la/ shA ra dwa ti'i bu byang chub sems dpa'i theg pa pa'i gang zag khyim gyi gnas nas mngon par byung ba de la gal te la la zhig gis 'di skad du gal te rigs kyi bu khyod khyim gyi gnas na gnas shing btsun mo'i 'khor gyi nang du zhugs te spyod par byed na de lta na ngas khyod la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di sbyin par bya'o zhes zer na shA ra dwa ti'i bu byang chub sems dpa'i theg pa pa'i gang zag khyim gyi gnas nas mngon par byung ba de chos kyi rnam grangs 'di la gus par bya ba'i phyir gal te chos kyi rnam grangs 'di mnyan pa 'am/ gzung ba 'am/ bcang ba 'am/ bklag pa</font><hr>79.71a<br><font size=+1>

'am/ kun chub par bya ba 'am/ gzhan dag la yang rgya cher yang dag par rab tu bstan par byar rnyed na khyim gyi gnas su song ste/ btsun mo'i 'khor gyi nang du zhugs nas chos kyi rnam grangs 'di bzung zhing / kun chub par byas te/ yang phyir mngon par byung yang byang chub sems dpa'i theg pa pa'i gang zag khyim gyi gnas nas mngon par byung ba btsun mo'i 'khor gyi nang du song ba de la ltung ba med par ngas rjes su gnang ngo / /de ci'i phyir zhe na/ shA ra dwa ti'i bu byang chub sems dpa'i theg pa pa'i gang zag de 'das na yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di nub par mi 'gyur ba'i phyir ro/ /shA ra dwa ti'i bu gal te grong ngam/ grong khyer ram/ thag ring por gyur pa gang zhig na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs rab tu spyod par gyur na byang chub sems dpa' sems dpa' chen po des de yang bgrod par bya zhing der phyin nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ bcang bar bya/ bklag par bya/ kun chub par bya zhing / gzhan dag la yang rgya cher yang dag par rab tu bstan par bya'o/ /shA ra dwa ti'i bu gal te rigs kyi bu 'am rigs kyi bu mo gang la la zhig gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di gzung bar bya/ bcang bar bya/ bklag par bya/ kun chub par bya zhing gzhan dag la yang rgya cher</font><hr>79.71b<br><font size=+1>

yang dag par rab tu bstan par bya'o/ /zhes sems bskyed la/ shA ra dwa ti'i bu gal te rigs kyi bu 'am rigs kyi bu mo gzhan zhig bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di brjod par mi nus kyi/ glegs bam du byas pa zhig lag na srel bar gyur na des glegs bam de brnyas te/ phyir log nas bdag gis glegs bam bri bar bya'o/ /gal te glegs bam yang de nyid du bri bar bya'o/ /shA ra dwa ti'i bu gal te rigs kyi bu 'am rigs kyi bu mo de 'di skad du gal te rigs kyi bu khyod zan bcad de 'bri phod na de lta na ngas khyod la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di sbyin par bya'o/ /zhes zer na yang des zan bcad de 'dug 'bri bar bya'o/ /gal te yang 'di skad du 'chag cing bris shig ces zer na yang des chag cing bri bar bya'o/ /gal te yang 'di skad du 'greng ste bres shig ces zer na yang de des 'greng ste bri bar bya'o/ /gal te yang 'di skad du 'dug ste bris shig ces zer na yang nges 'dug ste bri bar bya'o/ /shA ra dwa ti'i bu gal te byang chub sems dpa' sems dpa' chen po la la zhig bcom ldan 'das de bzhin gshegs pa dgra bcom pa yang dag rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di'i don gyi phyir grong dang grong khyer du song nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ma rnyed par gyur na de nas rgyal khams gzhan nam/ yul gzhan dag du yang bgrod cing gang du thos par 'gyur</font><hr>79.72a<br><font size=+1>

ba der 'gro bar bya'o/ /der phyin nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di mnyan par bya/ gzung bar bya/ bcang bar bya/ bklag par bya/ kun chub par bya zhing gzhan dag la yang rgya cher yang dag par rab tu bstan par bya'o/ /shA ra dwa ti'i bu de ltar gang du thos par 'gyur ba der phyin nas gal te ma rnyed na yang des 'di snyam du gang gi phyir bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs de'i ming thos par gyur pas na bdag ni bla na med pa yang dag par rdzogs pa'i byang chub las phyir ldog pa'i 'jigs pa yang med la/ gang gis da ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs de'i ming bstan pa de yang bdag la phan par 'dod pa bde bar 'dod pa/ don du 'dod pa/ grub pa dang / bde bar 'dod pa yin no snyam du sems bskyed par bya'o/ /shA ra dwa ti'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid kyi sngon gyi smon lam gyi dbang gis ngas bshad de/ rigs kyi bu 'am rigs kyi bu mo gang dag gis thos pa dang / gang dag thos par 'gyur ba de yang sangs rgyas kyi mthu dang / rang rang gi dge ba'i rtsa ba'i rnam par smin pa yin no/ /de skad ces bka' stsal pa dang / bcom ldan 'das la tshe dang ldan pa shA ra</font><hr>79.72b<br><font size=+1>

dA ti'i bus 'di skad ces gsol to/ /btsun pa bcom ldan 'das de bzhin gshegs pa 'das pa'i 'og tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di su'i mthus thos par 'gyur/ bcom ldan 'das kyis bka' stsal ba/ shA ra dwa ti'i bu nga 'das pa'i 'og tu/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de nyid kyi mthus thos par 'gyur zhing / ji ltar dam pa'i chos smra ba dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di smra bar 'gyur ba de ltar rgyal po bzhi po dag dang / lha'i dbang po brgya byin yang spro ba skye bar 'gyur la/ byang chub sems dpa' sems dpa' chen po gang dag nyan par 'gyur ba de dag gi las kyi rnam par smin pas kyang rgyal po chen po bzhi po dag dang / lha'i dbang po brgya byin spro ba skye bar 'gyur ro/ /de skad ces bka' stsal ba dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni yon tan gyi chos chen po dang ldan pa lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal</font><hr>79.73a<br><font size=+1>

to/ /shA ra dwa ti'i bu de de bzhin te/ de de bzhin no/ /ji skad smras pa de bzhin te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di ni yon tan gyi chos chen po dang ldan pa yin te/ shA ra dwa ti'i bu rigs kyi bu 'am rigs kyi bu mo gang la la dag 'jigs pa 'am skrag par gyur pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i mtshan nas brjod na rigs kyi bu 'am rigs kyi bu mo de dag gi 'jigs pa dang / skrag pa dag med par 'gyur ro/ /shA ra dwa ti'i bu gal te phyogs la la zhig tu 'khor lo drag po lta bu'i ser ba bab par gyur na de 'bab pa na rigs kyi bu 'am rigs kyi bu mo dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de'i mtshan nas brjod cing bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na bden pa dang / bden pa'i tshig gang gis klu brgya phrag mang po dang / klu stong phrag mang po dang / klu brgya stong phrag mang po dang / klu bye ba khrag khrig brgya stong phrag mang po sdug bsngal bar gyur pa dag thar par mdzad cing thar par mdzad nas kyang dge ba'i rtsa ba de dag 'di ltar yongs su bsngos te/ dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par sangs rgyas nas gang gi tshe 'jig rten khams gzhan dang / gzhan dag tu klu khro bo dag gis 'khor lo drag po lta bu'i ser ba 'bebs par byed pas na sems can dag 'jigs shing skrag par 'gyur ba de dag gi mtshan nas brjod</font><hr>79.73b<br><font size=+1>

par 'gyur zhing der bdag gi mthus 'khor lo drag po lta bu'i ser ba de dag nye bar zhi bar gyur cig ces yongs su bsngos pa'i bden pa dang / bden pa'i tshig des bdag cag la 'khor lo drag po lta bu'i ser ba 'bab pa 'di dag nye bar zhi bar gyur cig ces brjod pa tsam gyis na klu rnams kyi 'khor lo drag po lta bu'i ser ba de dag nye bar zhi bar 'gyur te/ shA ra dwa ti'i bu sems can de dag gi sngon gyi las kyi rnam par smin pa ni ma gtogs so/ /shA ra dA ti'i bu gzhan yang rigs kyi bu 'am rigs kyi bu mo dag 'jigs pa 'am/ skrag pa 'am/ yams kyi nad dam/ gnod pa byung bar gyur pa na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de rjes su dran par bya zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de sngon byang chub sems dpa'i spyad pa spyod pa na bden pa dang / bden pa'i tshig gang gis dam bcas pa dang / tshig brjod pa gang yin pa'i dam bcas pa dang / tshig brjod pa de dag thams cad yongs su rdzogs par gyur cing dam bcas pa dang / tshig brjod pa de dag thams cad kyi pha rol tu son pa'i bden pa dang bden pa'i tshig des 'jigs pa dang / skrag pa dang / yams kyi nad dang / gnod pa 'di dag nub par gyur cig ces brjod pa tsam gyis 'jigs pa de dag dang / skrag pa de dag dang / yams kyi nad de dag dang / gnod pa de dag nub par 'gyur te/ shA ra dwa ti'i bu sems can de dag gi sngon gyi las kyi rnam par smin pa ni ma gtogs so/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po gcig bla na med pa yang dag par rdzogs pa'i</font><hr>79.74a<br><font size=+1>

byang chub mngon par rdzogs par 'tshang rgya bar 'gyur gyi/ gnyis ni ma lags pas btsun pa bcom ldan 'das de lta lags pas byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pas bla na med pa yang dag par rdzogs pa'i byang chub mngon pas rdzogs par sangs rgyas pa de ltar bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin te/ de de bzhin no/ /ji skad smras pa de bzhin te/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas ji ltar bcom ldan 'das de bzhin gshegs pa dgra bcom po yang dag par rdzogs pa'i sangs rgyas mi 'khrugs pa bla na med pa yang dag par rdzogs pa'i byang chub mngon par rdzogs par sangs rgyas pa de ltar bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /shA ra dwa ti'i bu ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pas sangs rgyas kyi zhing yongs su sbyangs pa dang / sangs rgyas kyi zhing yongs su bzung ba de ltar gang gis sangs rgyas kyi zhing yongs su sbyong ba dang / de ltar sangs rgyas kyi zhing yongs su 'dzin pa'i byang chub sems dpa' sems dpa' chen po ni nyung te/ shA ra dwa ti'i bu byang chub sems dpa' sems dpa' chen po de dag thams cad bla na med</font><hr>79.74b<br><font size=+1>

pa yang dag par rdzogs pa'i byang chub mngon par rdzogs par sangs rgyas pa na sangs rgyas bcom ldan 'das de dag gi sangs rgyas pa nyid kyang mtshungs/ thams cad mkhyen pa nyid kyang mtshungs kha dog kyang mtshungs/ rtags kyang mtshungs/ rigs kyang mtshungs/ sangs rgyas kyi zhing yongs su 'dzin par mtshungs/ nyan thos kyi dge 'dun gyi 'dus pa yang mtshungs/ de dag gi rnam par grol ba yang mtshungs mod kyi/ gzhan du na sangs rgyas bcom ldan 'das rnams kyi sangs rgyas kyi zhing gi yon tan bkod pa tha dad par 'gyur ba dang / sing ge'i khri tha dad pa dang / pad ma'i dkyil 'khor tha dad par 'gyur ba 'ba' shig tu zad do/ /de nas 'dod pa na spyod pa'i lha rnams dang / tshangs ris kyi lha rnams shar phyogs su bcom ldan 'das de bzhin gshegs pa yang dag par rdzogs pa'i sangs rgyas mi 'khrugs pa ga la ba de logs su thal mo sbyar ba btud de/ phyag 'tshal nas 'di skad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas gang 'jig rten gyi khams gzhan nas bzhugs pa'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i yon tan yongs su brjod pa'i chos kyi rnam grangs 'di 'dir bshad pa'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la phyag 'tshal lo/ /phyag 'tshal lo zhes lan gsum du ched du brjod pa ched du brjod do/ /de nas 'dod pa na spyod pa'i lha rnams dang / tshangs ris kyi lha de dag gis lha'i me tog man dA ra ba dang / man dA ra ba chen po dang / lha'i</font><hr>79.75a<br><font size=+1>

spos dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la gtor mngon par gtor mngon par rab tu gtor to/ /mngon par gtor ma thag tu sangs rgyas kyi mthus me tog de dag dang / spos de dag bcom ldan 'das kyi steng gi nam mkha' la me tog gi gdugs chen po gnas par gyur to/ /gzhan yang 'dod pa na spyod pa'i lha rnams dang / tshangs ris kyi lha de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la mchod pa bya ba'i phyir bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba de logs su me tog dag gis gtor bar gyur to/ /de nas lha'i dbang po brgya byin 'di snyam du sems te/ bdag gis sangs rgyas kyi mthus 'khor bzhi po de dag dang / 'dod pa na spyod pa'i lha 'di dag dang / tshangs ris kyi lha 'di dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de mthong bar 'gyur bar de bzhin gshegs pa dgra bcom pa yang dag par rdzogs pa'i sangs rgyas la gsol ba gdab par bya'o/ /snyam mo/ /de nas bcom ldan 'das kyis lha'i dbang po brgya byin gyi sems kyi yongs su rtog pa thugs kyis mkhyen nas rdzu 'phrul gyis nam mkha' la mngon par 'phags te/ bar snang la skyil mo dkrung bcas nas bzhugs par gyur to/ /sangs rgyas kyi mthus 'khor bzhi po de dag kyang steng gi nam mkha' la mngon par 'phags nas par snang la 'khod par gyur to/ /sangs rgyas kyi mthus 'dod pa na spyod pa'i lha de dag dang / tshangs ris kyi lha de dag kyang steng gi nam mkha' la mngon par</font><hr>79.75b<br><font size=+1>

'phags nas par snang la 'khod par gyur to/ /de nas bcom ldan 'das kyis de'i tshe 'di lta bu'i rdzu 'phrul mngon par 'du bya ba mngon par mdzad de/ de lta bu'i rdzu 'phrul mngon par 'du bya ba mngon par mdzad pas 'khor bzhi de dag dang / 'dod pa na spyod pa'i lha de dag dang / lha'i dbang po brgya byin dang / tshangs rigs kyi lha de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa nyan thos kyi dge 'dun dang bcas pa dang / byang chub sems dpa'i tshogs kyis yongs su bskor ba dang bcas pa de dang sangs rgyas kyi zhing de yang mthong bar gyur to/ /mthong nas kyang de dag thams cad pus mo g.yas pa'i lha nga steng gi bar snang la btsugs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa ga la ba de logs su thal mo sbyar ba btud nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa de la phyag 'tshal bar gyur to/ /de nas 'khor bzhi po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing gi mi rnams mthong ba dang / 'di snyam du sems te/ 'di ltar lha'i kha dog dang / mtshan ma dang / dbyibs dang ldan pa 'di dag ci sum bcu rtsa gsum gyi lha'i ris nas sum bcu rtsa gsum pa'i lha rnams bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa la blta ba dang / phyag bya ba dang / bsnyen bkur bya ba dang / chos mnyan pa'i phyir lhag pa'i lha rnams yin nam 'on te/ 'di dag ma yin</font><hr>79.76a<br><font size=+1>

snyam mo/ /de nas lha'i dbang po brgya byin 'di snyam du sems te/ 'di dag ni lha yin te/ dam pa'i chos nyan pa'i phyir mi'i cha lugs dang rtags 'dzin cing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i spyan snga na 'dug go/ /de ci'i phyir zhe na/ bdag gis sngon chad mi rnams la 'di lta bu'i mdzes pa dang / dpal dang / skal pa bzang po phun tshogs pa dag lan 'ga' yang ma mthong ma thos pa'i phyir ro snyam mo/ /de nas bcom ldan 'das kyis rdzu 'phrul gyi cho 'phrul de dag slar bsdus so/ /de nas bcom ldan 'das kyis 'khor bzhi po de dag dang / 'dod pa na spyod pa'i lha'i bu de dag the tshom dang bcas yid gnyis dang bcas par thugs su chud nas lha'i dbang po brgya byin la bka' stsal pa/ kau shi ka gang dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skyes pa'i mi de dag ni lha'i nye bar spyod pa dang / yongs su spyod pa dag dang ldan pa yin no/ /de nas lha'i dbang po brgya byin 'di snyam du sems te/ mi gang dag gis sangs rgyas kyang mthong la lha'i longs spyod dang / nye bar spyod pa dang ldan pa'i mi de dag gi lha'i phun sum tshogs pa dang ldan pa ste/ 'dod par bya ba yin na gang dag 'jig rten gyi khams gzhan dag dang / sangs rgyas kyi zhing gzhan dag nas shi 'phos nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing du skye bar 'gyur ba'i mi de dag kyang 'dod par bya ba yin no snyam mo/ /de nas tshe dang ldan pa shA ra dwa ti'i bus lha'i dbang po brgya byin</font><hr>79.76b<br><font size=+1>

la 'di skad ces smras so/ /kau shi ka gang khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa mthong zhing bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa yang mthong bas na/ kau shi ka gal te de tsam gyis kyang khyod kyi lus kyis rnyed pa legs par rnyed pa yin na kau shi ka gang khyod sangs rgyas kyi zhing der skye bar 'gyur ba'i rnyed pa de lta smos kyang ci dgos/ de nas lha'i dbang po brgya byin 'di snyam du sems te/ gang dag gi rna lam du yon tan yongs su brjod pa'i chos kyi rnam grangs 'di grag pa de dag kyang rnyed pa legs par rnyed pa yin na gang dag sangs rgyas kyi zhing der skye bar 'gyur ba lta smos kyang ci dgos snyam mo/ /de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka byang chub sems dpa'i theg pa pa'i gang zag dag sangs rgyas kyi zhing der skye bar 'gyur de dag ni rnyed pa legs par rnyed pa yin no/ /de ci'i phyir zhe na/ kau shi ka de ni 'di ltar phyir mi ldog pa nyid la gnas par 'gyur ba'i phyir ro/ /kau shi ka srog chags gang dag gis ji ltar sangs rgyas kyi zhing der skye bar sems bskyed na de dag ni de ltar sems bskyed ma thag tu byang chub sems dpa' sems dpa' chen po phyir mi ldog pa ji lta ba de ltar bzung bar bya'o/ /bcom ldan 'das kyis chos kyi rnam grangs 'di bshad pa na dge slong lnga stong tsam ni len pa med par zag pa rnams las sems rnam par grol lo/ /byang chub sems dpa'i theg pa pa'i dge slong brgyad stong gis ni sangs rgyas kyi zhing der skye bar smon lam btab bo/ /byang chub sems dpa'i theg pa pa'i dge slong ma lnga stong gis kyang sangs rgyas kyi zhing der skye bar smon lam btab bo/ /</font><hr>79.77a<br><font size=+1>

byang chub sems dpa'i theg pa pa'i dge bsnyen brgya stong gis kyang sangs rgyas kyi zhing der skye bar smon lam btab bo/ /byang chub sems dpa'i theg pa pa'i dge bsnyen mkhris kyang sangs rgyas kyi zhing der skye bar smon lam btab bo/ /'dod pa na spyod pa'i lha'i bu stong phrag rab tu mang po dag gis kyang sangs rgyas kyi zhing der skye bar smon lam btab ste/ de dag thams cad kyang de bzhin gshegs pa dgra bcom pa yang dag par rdzogs pa'i sangs rgyas kyis sangs rgyas kyi zhing der skye zhing bla na med pa yang dag par rdzogs pa'i byang chub mngon par rdzogs par 'tshang rgya bar lung bstan to/ /gang dag de las gzhan pa'i sems can sangs rgyas kyi zhing der skye bar smon lam 'debs par 'gyur ba de dag kyang de nyid du bla na med pa yang dag par rdzogs pa'i byang chub mngon par rdzogs par 'tshang rgya bar lung bstan par 'gyur te/ lung bstan nas kyang de dag sangs rgyas kyi zhing de nyid du skye bar 'gyur ro/ /gzhan yang bcom ldan 'das kyis chos kyi rnam grangs 'di bshad pa na chos kyi rnam grangs 'di'i mthu dang / byin gyis brlabs kyis stong gsum gyi stong chen po 'jig rten gyi khams 'di thams cad rnam pa drug tu g.yos te/ g.yos rab tu g.yos/ kun tu rab tu g.yos/ 'gul rab tu 'gul/ kun tu rab tu 'gul/ ldeg rab tu ldeg /kun tu rab tu ldeg /'khrugs rab tu 'khrugs/ kun du rab tu 'khrugs/ 'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem zhing 'jig rten du snang ba chen pos kyang khyab par gyur to/ /bcom ldan 'das kyis de skad ces bka' stsal nas tshe dang ldan pa shA ra dwa ti'i bu dang / tshe dang ldan pa dga' bo dang / rgyal po chen po bzhi dang / </font><hr>79.77b<br><font size=+1>

lha'i dbang po brgya byin dang / mi mjed kyi bdag po tshangs pa dang / dge slong de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs ba la mngon par bstod do/ /'phags pa dkon mchog brtsegs pa chen po chos kyi rnam grangs le'u stong phrag brgya pa las mi 'khrugs pa'i bkod pa'i le'u zhes bya ste drug pa rdzogs so// //rgya gar gyi mkhan po dzi na mi tra dang / su ren dra bod+hi dang / zhu chen gyi lots+tsha ba ban de ye shes sdes bsgyur cing zhus te gtan la phab pa/ </font><hr>

</table>