J300

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J300</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J300&coll=lithang">see text in Tibetan script</a></table>78.1a<br><font size=+1>

(ka) @#/ /'phags pa dkon mchog brtsegs pa bzhugs so/ /[(黃) 大寶積經第一部]</font><hr>78.1b<br><font size=+1>

@##/ /rgya gar skad du/ Ar+ya ma hA rat+na kU Ta d+harma par+yA ya sha ta sA ha sri ka gran te tri sam+ba ra nir de sha pa ri brta na nA ma ma hA yA na sU tra/ bod skad du/ 'phags pa dkon mchog brtsegs pa chen po'i chos kyi rnam grangs stong phrag brgya pa las sdom pa gsum bstan pa'i le'u zhes bya ba theg pa chen po'i mdo/  bam po dang po/ sangs rgyas dang / byang chub sems dpa' thams cad la / phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la bzhugs te/ ri'i rgyal po bya rgod kyi phung po de ni mtho ba/ zlum ba/ gnam 'phang dang rgyar yangs pa/ lo tog thams cad kyi sa 'dzin pa/ me tog dang / phreng ba dang / spos rnam pa sna tshogs dang ldan pa/ mi 'am ci dang / skyes bu mi 'am ci'i tshogs rnam par rgyu ba/ gnod</font><hr>78.2a<br><font size=+1>

sbyin dang / srin po dang / sha za rnam pa mang po'i gnas so/ ri dgas kyi tshogs kyang rnam par rgyu ba la 'di lta ste/ seng ge dang / stag dang / glang po che dang /  bse dang / dom dang / dred dang / gzig dang / ma he dang / sha bkra dang / bse kha sgo dang / ba lang sngon po dang / ba lang dang / sha ba dang / shan mar dang / spre'u yi tshogs rnam par rgyu ba'o/ de na bya rnam pa mang po brgya stong gnas pa 'di lta ste/ ne tso dang / ri skegs dang / khu byug dang / shang shang te'u dang / ngang pa dang khrung khrung dang / rma bya dang / g+hu g+hu sta dang / ka Da ka dang / thing ril dang / yid 'ong ngang pa dang / gong ma sreg dang / e da nu ma kA ka d+he nu dang / dan d+ha zhes bya ba dang / ka da ru ha dang / mo ra dang / ngur pa dang / bi ra ba ta dang / rdo rje mchog dang / ka ran da ba dang / ngang skya dang / kug ku ha dang / nor skyong dang / sha ma dang / shi kha na shi la dang / bya gag dang / phug ron dang / kag ka ba dang / ku ra ta dang / bya rgod dang / bAn tA shA ka dang / tsad tsa la dang / gser bu dang / 'ol ba dang / khra dang / khra sems shes dang / 'ug pa dang / sreg pa dang / ka pin ta ka dang / baN Ti ka dang / tsa ti ka dang / na ba tsa ti ka dang / tsa sha dang / tsa ko ra dang / bya gag rgod dang / rgyags byed ri skegs dang / ka ta ma ka dang / ka tsa ru tsa ka dang / ka ra ru be ka dang / de dag lasogs pa bya'i tshogs rnams gnas te/ de dag kyang sangs rgyas kyi mthus 'dod chags kyi gnod pa med do/ /zhe sdang dang / gti mug gi gnod pa med do/ /gcig la gcig mi za'o/ /de dag gcig la gcig pha mar 'du shes shing gnas so/ /yang ri'i rgyal po bya rgod kyi phung po de la shing gi tshogs brgya stong du ma yal ga stug cing lo ma rgyas la 'dab na drang srong gnas pa dag yod pa la 'di lta ste/ thang shing dang / p+lag sha dang / a shwad tha dang / pi pi ling gi</font><hr>78.2b<br><font size=+1>

shing dang / rgya skegs shing dang / ha ri ta dang / a ru ra'i shing dang / skyu ru ra'i shing dang / ba ru ra'i shing dang / sA la dang / tA la dang / nag ta ma la dang / dong ka'i shing dang a mra dang / 'dzam bu'i shing dang / kham shing dang ka pid tha dang / rgya shug gi shing dang / seng ldeng dang / ma tu lung ga dang / bal po se'u shing dang / sta rga shing dang / tin tu ka dang / kud dza ka dang / d+ha ba ka dang / sa ra la dang / e la dang / k+Shu pa dang / n+ya gro d+ha dang / dri D+ha ni ma dang / 'bra go dang / kam pi la dang / pa la sha dang / ni ya ma dang / ka ke ri ya dang / nid t+ya pi lo di dang / pog dkar po'i shing dang / sra tsi pog gi shing dang / shing kun shing dang / tsan dan dang / tsan dan dmar po dang / u ba ta dang / sa ka bi tsa dang / gar rdza dang / bi gar rdza dang / gser shing / pa na sa dang / rgun shing dang / shing bal shing dang / pa ri k+Sha tra dang / hi la ste lha dang bcas pa dag go /yang ri'i rgyal po bya rgod kyi phung po de la thang las skyes pa'i me tog rnam pa mang po dag skye ba 'di lta ste/ a ti mug ta ka dang / tsam pa ka dang / skya snar dang / bAr shi ka dang / sna ma'i me tog / dri mchog dang / yu thi ka dang / da nu ska ri dang / ba la la dang / ta ra ni dang / ga ba ta ra ni dang / kang sa gu na dang / lug mig dang / ha ri ni ka dang / mad ta li ka dang / man dzu pu spi ka ka ste/ me tog sna chogs de lta bu dag gis ri'i rgyal po bya rgod kyi phung po gang zhing mdzes so/ /yang ri'i rgyal po bya rgod kyi phung po de la chu las skyes pa'i me tog rnam pa mang po dag skye ba 'di lta ste/ ud pa la dang / pad ma dang / ku mu da dang / pad ma dkar po dang / pang ka ni ri ti ka dang / kang ka ra ka dang / kang ka ra ka chen po ste/ de dag la sogs pa chu las skyes pa'i me tog rnams kyis ri'i rgyal po bya rgod kyi phung po mdzes par byas so/ /</font><hr>78.3a<br><font size=+1>

yang ri'i rgyal po bya rgod kyi phung po de la rtag tu rgyun mi 'chad par nam gyi gung thun la sprin chen po mngon par 'dus te/ thog mar ri'i rgyal po bya rgod kyi phung po de la char gyi sprin lha'i bu mngon par bsgrags nas ba 'jos tsam gyi bar du yan lag brgyad dang ldan pa'i char zim bu zim bu dal bu dal bus 'bab ste/ des ri'i rgyal po bya rgod kyi phung po'i khor khor yug tshim par byas nas tho rangs sprin lha gyes shing namakha' la sprin med par gyur nas der yang bsil zhing 'jam la sim bar byed pa'i rlung ldang ste/ de dag gis ri'i rgyal po bya rgod kyi phung po la gnas pa'i sems can rnams rtas par byed/ sim bar byed/ tshim par byed de/ 'di lta ste/ dper na me tog phreng rgyud dam/ me tog phreng rgyud kyi slob mas phreng ba bsgyus zin nas chus btab pa dang de'i phreng ba de dag snga ma bas ches bzang bar 'gyur ba de bzhin du ri'i rgyal po bya rgod kyi phung po la rtag tu rgyun mi 'chad par nam gyi gung thung la sprin chen po mngon par 'dus te/ thog mar ri'i rgyal po bya rgod kyi phung po de la char sprin lha'i bu mngon par bsgrags nas ba 'jos tsam gyis bar du yan lag brgyad dang ldan pa'i char zim bu zim bu dal bu dal bus 'bab ste/ tho rangs skya reng shar ba'i dus na sprin lha gyes shing nam mkha' la sprin med par gyur to/ /yang ri'i rgyal po bya rgod kyi phung po la rtswa sar pa dag skye ste/ reg bzod pa dang ldan pa/ dri dang ldan pa/ sngo zhing 'jam pa/ g.yas phyogs su 'khyil pa dag skye ba 'di lta ste/ dper na rma bya'i mgrin pa'i spu'i kha dog bzhin no/ /'di lta ste/ dper na bar sha ka'i me tog gi dri bzhin no/ /'di lta ste/ dper na ka tsa lin da'i gos la reg pa bzhin te/ rkang mthil bzhag na ni sor bzhis nems shes byed pa/ rkang</font><hr>78.3b<br><font size=+1>

mthil btegs na ni sor bzhis par zhes byed pa/ me tog dang / 'dab ma dang / 'bras bu dang ldan pa blta bas chog mi shes pa dag go /yang ri'i rgyal po bya rgod kyi phung po de la 'bab chu'i dong dang / mtsho bran dang / mtsho dang / mtshe'u dang / rdzing rnam pa mang po bsil ba'i chus rab tu gang ba dag yod de/ de dag las pad ma sngon po dang / ser po dang / dmar po dang / dkar po dang / leb rgan dang / shel gyi kha dog lta bu dang / me'i kha dog lta bu dang / gser gyi kha dog lta bu che khyad shing rta'i 'phang lo tsam dag skye ste/ de dag bcad na dri ngad phyogs bzhi kun tu dpag tshad tsam du ldang ngo / ri'i rgyal po de'i tsai mo la pad ma'i gdan chen po an d+ha rnyil gzhan gyis mi tshugs pa rdo rje lta bu'i chu ba can/ bai dUr+ya chen pos mtha' bskor ba/ 'dzam bu'i chu bo'i gser dri ma med pa'i 'dab ma rgyas pa/ tsan dan dus kyi rjes su 'brang ba'i snying po rnam par dag pa/ rin po che rdo'i snying po'i ze ba dang ldan pa/ tshad rgya mtsho ltar yangs shing rgya che ba/ lha ma yin gyi dbang pos yas snying po kun du bzung ba/ nor bu rin po che sa ya'i dra ba sna tshogs kyis g.yogs pa/ klu'i dbang po sa yas sprin las spos chu'i char yang phab pa/ nam mkha' lding gi dbang po sa yas kha nas dar spyangs shing ri mo byas pa/ mi 'am ci'i dbang po sa yas phan pa'i sems kyis bltas pa/ lto 'phye chen po'i dbang po sa yas gdong gis phyag 'tshal zhing ri mo byas pa/ dri za'i dbang po sa yas bstod cing bsngags la mchod pa/ lha'i dbang po sa yas me tog dang / phreng ba dang / spos dang / byug pa dang / phye ma dang / gdugs dang / rgyal mtshan dang / lha'i ba dan gyi sprin gyi char phab pa/ tshangs pa'i dbang po sa yas mgo bos phyag 'tshal zhing</font><hr>78.4a<br><font size=+1>

ri mo byas pa/ gnas gtsang ma'i ris kyi lha'i bu sa yas thal mo sbyar nas phyag byas pa/ mi'i dbang po 'khor los sgyur ba sa yas nor bu rin po che sna bdun dang ldan pas bsu ba/ rgya mtsho'i lha sa yas bsu zhing phyag byas pa/ nor bu rin po che skar mdog sa yas 'od zer gyis snang bar byas pa/ bsod nams kyis dag pa'i nor bu rin po che sa yas shin du nges par mdzes par byas pa/ nor bu rin po che rnam par snang byed sa yas snying po dri ma med pa/ nor bu rin po che dpal gyi 'od zer sa yas dpal rab tu thal le ba/ nor bu rin po che mdzod sna tshogs sa yas mtha' yas par snang ba/ nor bu rin po che 'dzam bu'i rgyal mtshan sa yas legs par bzung bas brtan par gyur pa/ nor bu rin po che rdo rje seng ge sa yas gzhan gyis mi thub pa bkod pa/ nor bu rin po che nyi ma'i snying po sa yas rgya cher spras pa/ nor bu rin po che bsam gyis mi khyab pa sa yas kha dog sna tshogs kyi ri mo byas pa/ yid bzhin gyi nor bu rin po che sa yas mi zad pa bkod pas ri mo byas pa byung ste/ pad mo chen po de ni de bzhin gshegs pa'i 'jig rten las 'das pa'i dge ba'i rtsa ba las nges par byung ba/ byang chub sems dpa'i bsam pas mnos pa/ phyogs thams cad du mngon du go bar byed pa/ sgyu mar gyur pa'i chos las nges par byung ba dri nga ba med pa'i las las skyes pa/ nyon mongs pa med pa'i chos nyid kyi tshul bkod pa/ rmi lam lta bu'i chos nyid kyis kun du rgyu ba/ mngon par 'du byed pa med pa'i chos nyid kyi rgyas btab pa/ chags pa med pa dang ldan pa/ phyogs kun tu chos kyi dbyings kyis khyab par byed pa/ sangs rgyas kyi yul rab tu brjod pa dang 'thun pa ste/ de'i rnam pa dang / yon tan dang / dbyibs dang / </font><hr>78.4b<br><font size=+1>

kha dog dang / bkod pa'i mtha' ni bskal pa grangs med par yang rtogs par mi nus pa'i pad ma chen po de la bcom ldan 'das skyil mo dkrung bcas nas bzhugs te/ 'di ltar dge slong brgyad stong gi dge 'dun chen po dang thabs gcig pa la 'di lta ste/ tshe dang ldan pa kun shes ko'u di n+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa 'char ka dang / tshe dang ldan pa grags pa dang / tshe ldan pa gang po dang / tshe dang ldan pa dri ma med dang / tshe dang ldan pa ba lang bdag dang / tshe dang ldan pa lag bzangs dang / tshe dang ldan pa lteng rgyas 'od srung dang / tshe dang ldan pa chu klung 'od srung dang / tshe dang ldan pa ga ya 'od srung dang / tshe dang ldan pa 'od srung chen po dang / tshe dang ldan pa kAt+yA'i bu dang / tshe dang ldan pa shAr dwa ti'i bu dang / tshe dang ldan pa maud gal gyi bu chen po dang / tshe dang ldan pa ma 'gags pa dang / tshe dang ldan pa rab 'byor dang / tshe dang ldan pa nam gru dang / tshe dang ldan pa byams ma'i bu gang po dang / tshe dang ldan pa nye bar 'khor dang / tshe dang ldan pa sgra gcan zin dang / tshe dang ldan pa kun dga' bo la sogs pa dge slong brgyas stong thams cad kyang bden pa'i ngo bo nyid kyi tshul mngon par rdzogs par rtogs pa/ yang dag pa'i mtha' mngon sum du gyur pa/ chos kyi rang bzhin la zhugs pa/ srid pa'i rgya mtsho las rgal ba/ de bzhin nyid nam mkha' lta bu'i spyod yul ba/ kun du sbyor ba dang bag la nyal gyi 'ching ba bcad pa/ gnas dang rten la ma chags pa/ nam mkha' ltar zhi ba la rnam par rgyu ba/ sangs rgyas la nem nur dang / yid gnyis dang / the tshom za ba bcad pa/ sangs rgyas kyi ye shes kyi rgya mtsho la mos pa'i lam du zhugs pa/ 'gro ba thams cad la phan pa'i phyir zhugs pa/ gsol ba ma btab par dge ba'i</font><hr>78.5a<br><font size=+1>

bshes gnyen byed pa/ sems can thams cad bsrung bar zhugs pa/ sems can thams cad yongs su mi gtong ba'i mdza' bshes su gyur pa/  sangs rgyas kyi bstan pa'i spyod yul las nges par byung ba/ de bzhin gshegs pa'i bstan pa bsrung bar zhugs pa/ sangs rgyas kyi bstan pa kun du 'dzin par smon lam btab pa/ de bzhin gshegs pa'i gdung rigs 'byung bar mngon du phyogs pa/ thams cad mkhyen pa'i ye shes mngon du gyur pa sha stag go /kun tu bzang po dang / byang chub sems dpa' 'jam dpal la sogs pa byang chub sems dpa' brgyad stong dang thabs gcig pa la 'di lta ste/ byang chub sems dpa' ye shes bla ma'i ye shes can dang / rin chen bla ma'i ye shes can dang / skad thams cad shes pa can dang / thogs pa med pa'i ye shes can dang / me tog bla ma'i ye shes can dang / nyi ma'i bla ma'i ye shes can dang / zla ba'i bla ma'i ye shes can dang / dri ma med pa'i bla ma'i ye shes can dang / rdo rje'i ye shes can dang / rdul med ye shes can dang / byang chub sems dpa' rnam par snang ba'i ye shes can dang / byang chub sems dpa' snang ba'i rgyal mtshan dang / lhun po rgyal mtshan dang / rin chen rgyal mtshan dang / ma chags rgyal mtshan dang / me tog rgyal mtshan dang / dri med rgyal mtshan dang / nyi ma'i rgyal mtshan dang / mdzes pa'i rgyal mtshan dang / rdul med rgyal mtshan dang / byang chub sems dpa' rnam par snang ba'i rgyal mtshan dang / byang chub sems dpa' sa'i gzi brjid dang / rin po che'i gzi brjid dang / gzi brjid chen po dang / ye shes rdo rje'i gzi brjid dang / dri ma med pa'i gzi brjid dang / nyi ma'i gzi brjid nga / zla ba'i gzi brjid dang / bsod nams ri'i gzi brjid dang / ye shes snang ba'i gzi brjid dang / byang chub sems</font><hr>78.5b<br><font size=+1>

dpa' kun nas dpal gyi gzi brjid dang / byang chub sems dpa' namakha'i snying po dang / pad ma'i snying po dang / rin po che'i snying po dang / nyi ma'i snying po dang / yon tan rnam par dag pa'i snying po dang / chos kyi rgya mtsho'i snying po dang / rnam par snang ba'i snying po dang / lte ba'i snying po dang / byang chub sems dpa' pad ma'i dpal gyi snying po dang / byang chub sems dpa' nyi ma'i mig dang / rnam par dag pa'i mig dang / dri ma med pa'i mig dang / ma chags pa'i mig dang / kun du lta ba'i mig dang / ye shes shin du rno ba'i mig dang / rdo rje'i mig dang / rin po che'i mig dang / nam mkha'i mig dang / byang chub sems dpa' kun nas mig dang byang chub sems dpa' lha'i cod pan dang / chos kyi dbyings snang ba'i nor bu'i cod pan dang / byang chub kyi snying po'i nor bu'i cod pan dang / phyogs rnam par snang ba'i cod pan dang / sangs rgyas thams cad byung ba'i snying po'i cod pan dang / 'jig rten thams cad las 'phags pa'i cod pan dang / kun rnam par snang ba'i cod pan dang / zil gyis mi non pa'i cod pan dang / de bzhin gshegs pa thams cad kyi seng ge'i gdan g.yogs pa'i cod pan dang / byang chub sems dpa' nam mkha' lta bu'i chos kyi dbyings kun nas snang ba'i cod pan dang / byang chub sems dpa' tshangs pa'i dbang po'i gtsug pud dang klu'i dbang po'i gtsug pud dang / sangs rgyas thams cad kyi sprul pa snang ba'i gtsug pud dang / byang chub kyi snying po'i gtsug pud dang / smon lam thams cad kyi rgya mtsho'i dbyings kyi nor bu'i rgyal po'i gtsug pud dang / de bzhin gshegs pa thams cad kyi 'od kyi dkyil 'khor gyis 'grol ba'i nor bu rin po che rab tu bsgrags pa'i gtsug pud dang / nam mkha'i dkyil 'khor thams cad dbyer</font><hr>78.6a<br><font size=+1>

med pa'i rnam par rig pa'i nor bu rin po ches brgyan pa'i gtsug pud dang / de bzhin gshegs pa thams cad kyi rnam par sprul pa snang ba'i rgyal mtshan gyi nor bu rin po che'i dra bas g.yogs pa'i gtsug pud dang / de bzhin gshegs pa thams cad kyi chos kyi 'khor lo'i dbyangs kyi gtsug pud dang / byang chub sems dpa' dus gsum thams cad kyi 'khor lo'i dbyangs kyi gtsug pud ces bya ba dang / byang chub sems dpa' 'od chen dang / dri ma med pa'i 'od dang / rin po che'i 'od dang / rdul med 'od dang / skar ma'i 'od dang / chos kyi 'od dang / zhi ba'i 'od dang / nyi ma'i 'od dang / rnam par sprul ba'i 'od dang / byang chub sems dpa' lha'i 'od dang / byang chub sems dpa' bsod nams kyi tog dang / ye shes kyi tog dang / chos kyi tog dang / mngon par shes pa'i tog dang / 'od kyi tog dang / me tog gi tog dang / nor bu'i tog dang / blo'i tog dang / tshangs pa'i tog dang / byang chub sems dpa' kun nas snang ba'i tog dang / byang chub sems dpa' tshangs pa'i dbyangs dang / rgya mtsho'i dbyangs dang / sa nges par sgrogs pa'i dbyangs dang / 'jig rten dbang po'i dbyangs dang / ri'i dbang po'i dbyangs dang / ri'i dbang po'i rgyal po kun du rdob pa'i dbyangs dang / chos kyi dbyings rgyas par 'gengs pa'i dbyangs dang / chos kyi rgya mtsho thams cad bsgrags pa'i dbyangs dang / bdud kyi dkyil 'khor thams cad rab tu 'joms pa'i dbyangs dang / snying rje chen po'i tshul gyi 'brug nges par bsgrags pa'i dbyangs dang / byang chub sems dpa' 'gro ba thams cad kyi sdug bsngal rab tu zhi ba'i sgra dbyangs dang / byang chub sems dpa' chos 'phags dang / khyad par 'phags dang / ye shes 'phags dang / bsod nams ri rab</font><hr>78.6b<br><font size=+1>

'phags dang / yon tan mchog rab 'phags dang / grags pa 'phags dang / kun nas snang 'phags dang / byams pa chen po 'phags dang / ye shes snang ba 'phags dang / byang chub sems dpa' de bzhin gshegs pa'i gdung rigs 'phags dang / byang chub sems dpa' 'od dpal dang / mchog rab dpal dang / chos 'phags dpal dang / rnam par snang ba'i dpal dang / chos dpal dang / zla ba dpal dang / nam mkha' dpal dang / rin chen dpal dang / tog dpal dang / byang chub sems dpa' ye shes dpal dang / byang chub sems dpa' sa la'i dbang po'i rgyal po dang / chos kyi dbang po'i rgyal po dang / glang po che'i dbang po'i rgyal po dang / tshangs pa'i dbang po'i rgyal po dang / ri'i dbang po'i rgyal po dang / tshogs kyi dbang po'i rgyal po dang / lha'i dbang po rgyal po dang / zhi ba'i dbang po'i rgyal po dang / mi g.yo ba'i dbang po'i rgyal po dang / khyu mchog gi dbang po'i rgyal po dang / byang chub sems dpa' byang chub mchog gi dbang po'i rgyal po dang / byang chub sems dpa' zhi ba'i sgra dang / chags pa med pa'i sgra dang / sa'i dbyangs sgra dang / rgya mtsho'i dbyangs sgra dang / sprin gyi dbyangs sgra dang / chos snang ba'i sgra dang / nam mkha'i dbyangs sgra dang / byang chub sems dpa' dge ba'i rtsa ba thams cad nges par bsgrags pa'i sgra dang / sngon gyi smon lam gyis yang dag par bskul ba'i sgra dang / byang chub sems dpa' bdud kyi dkyil 'khor thams cad kyi dbyangs sgra dang / byang chub sems dpa' ye shes lhun po'i blo dang / nam mkha'i blo dang / dri ma med pa'i blo dang / chags pa med pa'i blo dang / sad pa'i blo dang / dus gsum snang ba'i blo dang / rin po che'i blo dang / yangs pa'i blo dang / kun nas snang ba'i blo dang / byang chub</font><hr>78.7a<br><font size=+1>

sems dpa' chos kyi dbyings kyi tshul snang ba'i blo la sogs pa byang chub sems dpa' brgyad stong po thams cad kyang kun du bzang po'i spyod pa'i smon lam las nges par byung ba/ sangs rgyas kyi zhing thams cad rgyas par 'gengs pas spyod yul thogs pa med pa de bzhin gshegs pa thams cad kyi thad du 'gro bas lus mtha' yas par byin gyis rlobs pa/ sangs rgyas kyi rnam par sprul pa thams cad rnam par rig pas mtha' yas pa la dmigs pa'i mig gi dkyil 'khor rnam par dag pa/ de bzhin gshegs pa thams cad mngon par rdzogs par byang chub pa'i sgor 'gro ba rgyun mi gcod pas 'gro ba tshad med pa/ chos rgya mtsho thams cad kyi tshul shes pa'i snang ba nod pas snang ba mtha' yas pa/ so so yang dag par rig pa rnam par dag pas bskal pa mtha' yas par yon tan mi zad par sten pa/ ye shes kyi spyod yul rnam par dag pas nam mkha'i khams kyis klas pa/ bsam pa ji lta ba bzhin du 'gro ba'i lus gzugs kun du ston pas gnas pa med/ sems can med pa dang ldan pa'i dbyings yongs su shes pas rab rib med pa/ chos kyi kyi dbyings thams cad 'od zer gyi dra bas rgyas par 'gengs pas shes rab nam mkha' lta bu/ sems shin du zhi zhing rab tu zhi ba/ gzungs kyi rigs thams cad shes pa'i yul dang ldan pa/ ting nge 'dzin gyis pha rol gnon pa la 'jigs pa med pa/ chos kyi dbyings gnas pa'i mthar thug pa'i mig can/ chos thams cad mi dmigs par gnas pa thob pa/ shes rab rgya mtsho mtha' yas rnam par rgyu ba/ ye shes dam pa'i pha rol du son pa/ shes rab kyi pha rol du phyin pa thob pa/ rdzu 'phrul gyi pha rol du phyin pas 'gro ba mchog thams cad kyi pha rol du son pa/ ting nge 'dzin mtshog la dbang thob pa sha stag go /dge slong ma lnga brgya dang yang thabs</font><hr>78.7b<br><font size=+1>

gcig pa la 'di lta ste/ gau ta mi skye dgu'i bdag mo chen mo dang / dge slong ma bde ma dang / dge slong ma ud pa la'i mdog dang / dge slong ma gau ta mI skem mo dang / sgra gcan zin gyi ma dge slong ma grags 'dzin la sogs pa dge slong ma lnga brgya dang yang thabs gcig go /dge bsnyen lnga brgya tsam dang thabs gcig pa la 'di lta ste/ dge bsnyen gzi brjid bzang po dang / sa'i gzi brjid dang / shes rab 'od dang / grags pa'i gzi brjid dang / grags mchog gzi brjid dang / blo gros bzang dang / zla ba'i dpal dang / zla ba dga' dang / cher dga' dang / sgra gcan bzang dang / cher bzang la sogs pa dge bsnyen lnga brgya dang yang thabs gcig go /dge bsnyen ma lnga brgya tsam la 'di lta ste/ dge bsnyen ma 'od chen dang / 'od bzangs dang / lus bzangs dang / mngon dga' lus dang / bzang mo dang / bzang dpal dang / zla 'od dang / tog 'od dang / dpal 'od dang / mig bzangs la sogs pa dge bsnyen ma lnga brgya dang thabs gcig go /de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams kyis yongs su bskor cing mdun gyis bltas nas bcom ldan 'das chos ston te/ 'di lta ste/ sdom pa gsum bstan pa zhes bya ba'i chos kyi sgo'i le'u yang dag par rab tu ston to/ /de bzhin gshegs pa thams cad kyi yul/ byang chub sems dpa'i spyod pa rab tu brjod pa/ chos kyi dbyings kyi dkyil 'khor thams cad snang ba/ chos kyi dkyil 'khor thams cad yang dag par 'du bar snang ba / zhing gi dkyil 'khor thams cad rnam par spyod pa'i rgyan/ phas kyis rgol ba thams cad rnam par 'thor ba/ bdud kyi rtsod pa'i pha rol gyi dmag tshogs rab tu 'joms pa/ sems can gyi khams thams cad tshim par byed pa/ sems cad thams cad kyi</font><hr>78.8a<br><font size=+1>

sems kyi thibs po snang bar byed pa/ sems can thams cad kyi bsam pa ji lta ba bzhin du go bar byed pa/ sems can thams cad kyi dbang po bzhin du 'khor lo skor bar snang ba rab tu ston to/ /de nas tshe dang ldan pa 'od srung chen po stan las langs te/ bla gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das sems can gang dag sangs rgyas kyi chos tshol ba dang / sangs rgyas kyi stobs dang / mi 'jigs pa tshol ba de dag gis chos ji lta bu dag gcig yang dag par blangs te gnas bar bgyi/ de dag yongs su smin par 'gyur ba'i chos rnams ni ji lta bu zhig lags/ de dag bla na med pa yang dag par rdzogs pa'i byang chub las slar mi ldog cing thob par 'gyur ba'i chos rnams ni ji lta bu zhig lags/ de skad ces gsol ba dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung khyod skye bo mang po phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang bde ba'i phyir zhugs te/ 'di lta bu'i gnas dag 'dri bar sems pa ni 'od srung khyod legs so legs so/ /'od srung de'i phyir legs par rab tu nyon la yid la zungs shig dang bshad do/ /tshe dang ldan pa 'od srung chen po dang / thams cad dang ldan pa'i 'khor des bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ /'od srung sems can gang dag sangs rgyas kyi ye shes tshol ba dang / sangs rgyas kyi stobs dang / mi 'jigs pa tshol ba'i sems cad de lta bu de dag gis de dag gang la brten nas dge ba'i rtsa ba rnams skye bar 'gyur ba'i chos gang yang mi</font><hr>78.8b<br><font size=+1>

dmigs so/ /'od srung byang chub sems dpa' ji snyed pa 'di dag bla na med pa yang dag par rdzogs pa'i byang chub tshol zhing sangs rgyas kyi chos rnams las 'dus ma byas gzhan bar sems shing 'dus ma byas las sangs rgyas kyi chos gzhan bar sems la/ sangs rgyas kyi chos rnams la sems shing 'du shes la spyod par 'gyur ba 'am/ sangs rgyas kyi chos rnams la sems pa'o snyam du shes na shes pa de sangs rgyas kyi chos rnams las phyir log pa yin te/ de dag ni bla na med pa yang dag par rdzogs pa'i byang chub la yang dag par zhugs ba zhes mi bya'o/ /de ci'i phyir zhe na/ sangs rgyas kyi chos su sems na de bdag tu 'dzin pa nyid yin pa'i phyir ro/ /nyin gcig bzhin du sbyor bas de la brtson bar byed na de ni de'i bdag tu 'dzin pa yin te 'bral ba ma yin no/ /gang ma bral ba de sems pa'o/ /gang sems pa dang / gang gis sems pa dang / gang la sems pa de rnam par nyams pa'o gang rnam par nyams pa de rnam par rgyug go/ /gang rnam par rgyug pa de kun du rgyug go/ /gang kun du rgyug pa de rjes su 'gro'o/ /gang rjes su 'gro ba de rtog go/ /gang rtog pa de rnam par rtog go/ /gang rnam par rtog pa de rab tu rtog go/ /gang rab tu rtog pa de kun du rtog go/ /gang kun du rtog pa de ma zhi ba'o/ /gang ma zhi ba de g.yon phyogs pa'o/ /gang g.yon phyogs ba de 'khyam pa'o/ /gang 'khyam pa de phongs ba'o/ /cis phongs zhe na/ bde bas phongs so/ /bde ba gang zhe na/ gang la kun du rtog pa med pa de bde ba'o/ /gang phongs pa de skyon can no/ /skyon can gang yin pa de nye bar 'gro ba'o/ /gang nye bar 'gro ba de bag la nyal ba'o/ /bag la nyal ba gang yin pa de mtshams sbyor ba'o/ /gang mtshams sbyor ba de rnam par mtshams sbyor ba'o/ gang rnam par mtshams sbyor ba de yongs su mtshams sbyor ba'o/ /gang yongs su mtshams sbyor ba de rnam par smra ba'o/ /</font><hr>78.9a<br><font size=+1>

gang rnam par smra ba de smra ba lkugs pa'o/ /gang smra ba lkugs pa de mya ngan byed pa'o/ /gang mya ngan byed ba de tshig par byed pa'o/ /gang tshig par byed pa de nyams pa ste/ yid du 'ong ba dang / yid du mi 'ong ba'i chos shes gang la gnas pa'i dra ba can no/ /'di la chos gang yang gnas pa med mod kyi/ 'on kyang 'du shes kyi rgyun gyis 'du shes bcings shing / 'du shes bcings bas 'du shes kyi rgyun te/ des na 'du shes kyis bcings pa zhes bya'o/ /ma byung ba'i gnas ni 'dod chags kyi gnas/ khro ba'i gnas/ zhe sdang gi gnas/ gti mug gi gnas te/ yang dag pa ma yin pa'i kun rtog pa la rtog rnam par rtog /dpyod rnam par dpyod pas de'i phyir de bla na med pa yang dag par rdzogs pa'i byang chub myur du mi 'thob bo/ /'od srung de ltar na sred pa'i gnas te/ ci'i phyir sred pa'i gnas zhes bya zhe na/ gang sred pa zhes bya ba'i chos de yang gang yang med la 'di la gang gis sred pa'i chos gang yang med cing / de la gang la sred pa'i chos kyang gang yang med pa'i phyir ro/ /'on kyang sred pa zhes mngon par zhen pas mngon par zhen te nam mkha' la sbag par byed do/ /gang nam mkha' la sbag par byed pa des sbags pa rnyed par 'gyur te/ bdag gis sbags pa dang / sems can gyis sbags pa dang / dge ba dang mi dge bas sbags pa'o/ /'od srung de ltar na med pa'i chos rnams kyis rtog par byed pa de ni dngos po med pa'o/ /gang dngos po med pa la dngos po'i 'du shes can de ni byang chub la dngos por byed do/ /gang byang chub la dngos por byed pa de ni bdag gi 'du shes can no/ /bdag gi 'du shes can gang yin pa de ni byang chub sems dpa' zhes mi bya'o/ /ci'i phyir bdag gi 'du shes can zhes bya zhe na/ 'du shes mi dmigs pa'i phyir te/ gang la 'du shes mi dmigs pa de la 'du shes can med</font><hr>78.9b<br><font size=+1>

de| de'i phyir bdag gi 'du shes can zhes byo/ /'di lta ste/ bdag gi 'du shes zhes bya ba de ni yang dag pa ma yin pa'i gzhi'i tshig bla dgas so/ /'on kyang sems can yongs su rdzogs pa gang yin pa de byang chub yongs su rdzogs pa'o/ /de la byang chub gang zhe na/ gang sgyu mar gyur pa yongs su rdzogs pa'o/ /sgyu mar gyur pa yang gang zhe na/ sems can chen por 'du shes shing smra ba dang / srog chen por 'du shes shing smra ba'o/ /gang 'du shes dang / 'du shes la gnas par byed pa de 'du shes med pa dang / 'du shes med pa la gnas par byed pa'o/ /gang 'du shes med pa dang / 'du shes med pa la gnas pa de rgyags par byed pa'o/ /gang rgyags par byed pa de sdug bsngal dang / sdug bsngal la kun du rgyug go/ /gang sdug bsngal dang / sdug bsngal la kun du rgyug pa de smra ba la rgyug cing gnas pa'o zhes de bzhin gshegs pas gsungs so/ /ci'i phyir smra ba la rgyug cing gnas pa zhes bya zhe na/ shin tu yid la byed pa'i phyir ro/ /gang la yid la byed pa yod pa de la ngar 'dzin pa yod do/ /gang la ngar 'dzin pa yod pa de la byed pa yod do/ /gang la byed pa yod pa de la shin du yod do/ /gang la shin du yod pa de kun du brjod pa dang / nye bar brjod pa dang / gnas par byed ba'o zhes de bzhin gshegs pas gsungs te/ de'i phyir chos thams cad ni yid la byed pa las byung ba'o/ /'od srung 'di lta ste/ dper na steng gi bar snang las sprin gyi phung po byung ba de dag ni shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin/ steng nas ma yin/ 'og nas ma yin/ phyogs nas ma yin/ phyogs mtshams nas kyang ma 'ongs te/ de bzhin gshegs pa yang dag pa gsung bas de phyogs bcu nas ma 'ongs par mkhyen nas don gyi tshul dang / rigs pa'i tshul dang / yang dag pa'i</font><hr>78.10a<br><font size=+1>

tshul gyis sprin gyi phung po med pa'o zhes yang dag par ji lta ba bzhin du gsungs te/ des na phung po med pa ni sprin gyi phung po zhes bya'o/ /ci'i phyir sprin gyi phung po zhes bya zhe na/ yangs pa'i gnas kyis so/ /yangs pa'i gnas ji lta bus zhe na/ mtshan ma sna tshogs kyi sbyor bas lding ba'i mtshan ma'o zhes rgyud 'khrul gyi/ de la ni lding bar rnam par shes par byed pa gang yang med do/ /sprin gyi phung po ni lding ba'i mtshan ma las byung ba la ltos/ de la lding ba'i mtshan ma gang yin pa de ni mtshan ma med pa'o/ gang lding bar shin tu 'du shes pa de ni sprin gyi phung po ma yin no/ /'od srung 'di lta ste/ dper na mi la la zhig gis mi gzhan zhig la 'di skad ces smras te/ grib ma der dong la 'khod par bya'o/ /de nas mkhas pa'i rang bzhin can gyi mi des 'di skad ces smra te/ kho bo ni spro ba med de 'di na 'dug go /des 'di skad ces smras te/ kho bo ni khyod la mi zer gyi grib ma 'di la zer ro/ /des 'di skad ces smras te/ kye ma khyod kyis gang grib ma des smras pa de ni grib ma med pa smras so zhes zer na/ 'od srung mi des tha snyad kyi gnas ji snyed pa de gang gis rjes su rtogs pa la ltos/ 'od srung de bzhin du de bzhin gshegs pas chos rnams kyi tshul mkhyen nas 'khor la yang dag par seng ge'i sgra sgrog go/ /'od srung de bzhin gshegs pa ni bzhed na 'thun pa'i chos rnams la mi mthun pa'i 'du shes can du gnas te/ sems can rnams kyi bdag gi 'du shes gang yin pa de ni de bzhin gshegs pa'i don dam pa'o/ /de ci'i phyir zhe na/ de bzhin gshegs pas mkhyen la de bzhin gshegs pas mkhyen pa'i phyir te/ sems can gyi 'du shes gang yin pa de ni 'du shes med pa'o/ /de la byis ba'i rang bzhin can la la zhig grib ma de'i ldem po ngag dam pa de ma shes pa de ni de bzhin gshegs pa la rgol te/ des na ngas 'di skad du 'jig rten ni nga la rgol gyi/ nga ni 'jig rten dang mi brtsod do</font><hr>78.10b<br><font size=+1>

zhes gsungs so/ /de la 'jig rten gang zhe na/ 'jig rten zhes bya ba ni sems can gyi 'jig rten no/ /ci'i phyir sems can gyi 'jig rten la bya zhe na/ de bzhin gshegs pas ji ltar mkhyen pa 'jig rten yang de bzhin te/ de'i phyir sems can la 'jig rten zhes bya'o/ /byis pa so so'i skye bo rnams kyis ji ltar shes pa de ni 'jig rten pa rab tu 'jig pa'o/ /nyams par 'gyur ba rnam par nyams par 'gyur ba'o/ /'di lta ste/ rnam par 'jig pa de ni de dag gi tha snyad 'di go bar byed pa yin no/ /de ci'i phyir zhe na/ gang dag 'jig rten 'di na gnas pa de dag rnam par 'jig pa chen por 'gyur ba'i phyir te/ gang dag 'jig rten 'di na gnas pa de dag ni brkam pa'o/ /gang dag brkam pa de dag khro ba'o/ /gang dag khro ba de dag rmongs pa'o/ /gang dag rmongs pa de dag ma dag pa'o/ /gang dag ma dag pa de dag 'gal ba'o/ /su dang 'gal zhe na/ de bzhin gshegs pa dang de bzhin gshegs pa'i nyan thos rnams dang 'gal lo/ /gang dag 'gal ba de dag rjes su 'dzin pa'o/ /gang dag rjes su 'dzin pa de dag so sor 'dzin pa'o/ /gang dag so sor 'dzin pa de dag srid pa tshol ba'o/ /gang dag srid pa tshol ba de dag tshol ba'o/ /gang dag tshol ba de dag yongs su tshol ba'o/ /gang dag yongs su tshol ba de dag 'dod pa chung ba ma yin no/ /gang dag 'dod pa chung ba ma yin pa de dag bya ba mang ba'o/ /gang dag bya ba mang ba de dag 'dod pa che ba'o/ /gang dag 'dod pa che ba de dag 'dod pa'i khams bag la nyal bar byed/ gzugs kyi khams dang / gzugs med pa'i khams bag la nyal bar byed do/ /gang dag bag la zhen par byed pa de dag bag la nyal bar byed do/ /gang dag bag la nyal bar byed pa de dag rgyun dang / rgyun phyogs su 'gro ba'o/ /gang dag rgyun dang rgyun</font><hr>78.11a<br><font size=+1>

phyogs su 'gro ba de dag 'chi bar 'gro ba'o/ /gang dag 'chi bar 'gro ba de dag mya ngan las 'das par mi 'gro ba'o/ /gang dag mya ngan las 'das par mi 'gro ba de dag 'gro ba ma yin bar 'gro ba'o/ /gang dag 'gro ba ma yin bar 'gro ba de dag thams cad sems can dmyal bar 'gro ba'o/ /'od srung de ltar na bkra mi shis pa'i sbyor bas sbyor gyis/ khro ba dang 'khrug pas mi sbyor ba ma yin/ rnam par 'jig pas ma yin no/ /gang dag rnam par 'jig pas ma yin pa de dag bdag gi 'du shes la rnam par rtog par mi byed do/ /gang dag bdag gi 'du shes la rnam par rtog par mi byed pa de dag gang zhe 'am nga'i zhes gong bur byed do/ /zag par byed do/ /ci'i phyir nga 'am nga'i zhes bya zhe na/ yang dag pa ma yin pa la 'dzin pas 'du shes rnam pa sna tshogs kyis gnas nas las mngon par 'du byed de/ gang dag 'du shes rnam pa sna tshogs dag gis gnas nas las mngon par 'du byed ba de dag bdag la nga'o snyam du 'dzin pa'i phyir ro/ /ci'i phyir nga'i zhes bya zhe na/ brnab sems dang nga'i dang 'dod pa rnams kyis 'du 'dzi la mngon par gtod pa dang / tshul khrims kyi phung po 'jig par byed pa dang / gzhan la gnod sems kyi sems su byed pa dang / khro bas zil gyis non pa dang / de yang bdag la rnam par nga rgyal byed pa dang / 'bru rjen pa bdag gir byed pa dang / len pa dang / sdud pa dang / nye bar byed pa ste/ de'i phyir nga'i zhes bya'o/ /gang dag nga yir byed pa de dag 'khyam pa'o/ /gang dag 'khyam pa de dag rmongs pa'o/ /gang dag rmongs pa de dag sdang ba'o/ /gang dag sdang ba de dag gshe ba'o/ /gang dag gshe ba de dag za ba'o/ /gang dag za ba de dag tshig pa'o/ /gang dag tshig pa de dag yongs su tshig pa ste/ 'dod pa'i 'dod chags kyis</font><hr>78.11b<br><font size=+1>

bud med kyi 'du shes dang / skyes pa'i 'du shes dang / srog gi 'du shes kyis bdag gir byed de/ de'i phyir nga'i zhes bya'o/ /yang don du na de ni bdag la mi snyan pa brjod pa zhes bya ste/ bdag gi phyir byis pa'o/ /byis pa'i tshul bag la nyal bar byed do/ /des na nga'i zhes bya'o/ /'od srung de ltar gang chos 'di dag ma thos par byang chub tu khas 'che ba 'am/ byang chub sems dpa'i spyod pa'i khas 'che ba de spyod pa khas 'che ba'o/ /'od srung byang chub sems dpa'i spyod pa gang yin ba de la spyod pa gang yang med de/ des na byang chub sems dpa'i spyod pa zhes bya'o/ /'od srung byang chub sems dpa' gang gi spyod pa yongs su rdzogs par 'gyur ba dang / tshang bar 'gyur ba dang / tshogs par 'gyur ba dang / dag par 'gyur ba dang / rnam par dag par 'gyur ba dang / yongs su dag par 'gyur ba dang / rnam par gnon bar 'gyur ba'i skabs yod do/ /de dag chos kyang ston te/ chos de dag nam mkha' ltar byas kyi chos de dag phung por ma byas so/ /de dag rigs pa rnams la chos chen po ston te/ mi rigs pa rnams la ma yin no/ /yon tan dang ldan pa rnams la ste/ nyes par gnas pa rnams la ma yin no/ /tshul dang ldan pa rnams la ste/ /tshul ngan pa rnams la ma yin no/ /khyed kyis chos de dag gzung bar bya ste/ /ji ltar chos la mngon par zhen par mi 'gyur ba de ltar zung shig /de ci'i phyir zhe na/ de bzhin gshegs pa ni mchog gsung ba'i phyir te/ sems can gzung bar 'os pa rnams kyi don gyi phyir dris pa de la ngas chos kyi mchog gis lan gdab par bya'o/ /de la chos kyi mchog gang zhe na/ gang la chos kyi 'du shes med ba'o/ /'od srung 'di la byang chub sems dpa' thog ma nyid tu tshul khrims dang ldan par 'gyur ro/ /gang gi sems la rjes su 'gyod pa yod pa ni mtshams med pa byed par mi 'gyur/ dge slong</font><hr>78.12a<br><font size=+1>

ma sun bar byed par mi 'gyur/ khyim gyi nang du 'dre bar mi 'gyur/ srog gcod par mi 'gyur/ ma byin par len par mi 'gyur/ 'dod pa la log par g.yem par mi 'gyur/ brdzun smra bar mi 'gyur/ phra ma smra bar mi 'gyur/ ngag rtsub po smra bar mi 'gyur/ tshig kyal pa smra bar mi 'gyur/ brnab sems can du mi 'gyur/ gnod sems can du mi 'gyur/ log par lta bar mi 'gyur/ bdag la gnod pa bya bar mi sems/ gzhan la gnod pa bya bar mi sems/ 'du ba 'dod bar mi 'gyur/ longs spyod la 'dod par mi 'gyur/ rgyal bar bya ba'i rtse mo rnams gzhan dag la brjod par mi byed/ bdag kyang mi byed/ ma ning dang sten par mi byed/ smad 'tshong ma spyod yul bar mi 'gyur/ yug sa mo spyod yul bar mi 'gyur/ na chung chen mo spyod yul bar mi 'gyur/ bya ba dang 'dri bar mi 'gyur/ nya ba dang 'dre bar mi 'gyur/ ri dgas kyi rngon pa dang 'dre bar mi 'gyur/ gsod pa dang 'dre bar mi 'gyur/ gdol ba dang 'dre bar mi 'gyur/ gzhan gyi chung ma dang sten par mi 'gyur/ mi ra ro ba'i lag nas 'dzin pa 'am rtsod par mi byed de/ de dag khyi dang gdol pa ltar yongs su spong bas yongs su spong do/ /gang dag yongs su spangs pa de la 'khrul ba'i sems bskyed pa gcig tsam gyi sems kyang mi skyed do/ /de ltar na byams pa'i rnam pa la zhugs pa'i sems kyis gnas nyi shu yongs su spong ngo / /nyi shu gang zhe na/ bud med yongs su spong zhing / su dang yang spros par mi byed la su dang yang 'tham par mi byed cing smra ba la phyir smra bar mi byed pa dang / pha ma la mi gus par mi 'gyur ba dang / sangs rgyas dang / chos dang / dge 'dun la mi gus par mi 'gyur ba dang / nyi shur ma tshang bar bud med kyi 'khor la chos mi 'chad cing gal te skyes pa'i gnas na gnas par gyur na de'i tshe chos</font><hr>78.12b<br><font size=+1>

ston pa dang / dge slong ma'i phun sum tshogs par thams cad kyi thams cad tu 'gro bar mi bya ba dang / dge slong mas dris pa'i lan gdab par mi bya ba dang / bud med kyi yi ge bri bar mi bya ba dang / gsol ba ma btab par sbyin par mi bya ba dang / gnyen mdab kyis 'gron du bos pa rnam pa thams cad tu bdag gir mi bya ba dang / rnam pa thams cad tu 'dod chags dang bcas pas rjes su chags pa'i sems kyis bud med kyi mdun du yud tsam yang gnas par mi bya ba dang / de gcig pu dben par song ste/ rang gi yul bstan pa rnam pa thams cad tu brjod par mi bya ba dang / dge slong mas bskugs pa la rnam pa thams cad tu slar bskugs par mi bya/ dge slong mas byin pa'i chos gos rnam pa thams cad tu bgo bar mi bya ste/ gzhan du na 'khor bzhi po rnams kyi nang na 'dug cing chos 'chad pa'i tshe chos la dgab par byin pa ni ma gtogs te/ de la yang des sa dang mtshungs pa'i sems kyis yid la byed par bsgyur nas spyad par bya ba dang / yang de'i ngor blta bar mi bya ba dang / rnam pa thams cad tu dge slong mas byas pa'i chos gos nyan pa'i gnas su yang bgo bar mi bya ba dang / nam yang dge slong mas 'gron du bos pa la rnam pa thams cad tu khas blang bar mi bya na/ bde ba 'am nad med pa'i rang bzhin can lta ci smos pa dang / yug sa mos 'gron du bos na dge 'dun med par rnam pa thams cad du khas blang bar mi bya ba dang / dge slong ma'i dbyar khang du rnam pa thams cad tu 'jug par mi bya ba dang / rnam pa thams cad tu dge slong ma dbang du mi bya/ gal te dge slong mas bos na yang lag pa bsnol la mgo smad de sa phyogs de nas 'gro bar bya ba dang / chos ston cing 'dug pa'i gan du dge slong ma rkang pa la phyag 'tshal du 'ong na snyim pas gdong bkab ste 'dug par bya zhing des rkang pa bskyod par mi bya ste/ skyes bu dam pas lus dpa' bar mi</font><hr>78.13a<br><font size=+1>

bya'i rtse gcig tu yid la bya bas sems dpa' bar bya ba dang / dngos po thams cad la kun du 'dod chags kyi sems rnam pa thams cad tu bskyed par mi bya ba dang / khong khro ba'i sems rnam pa thams cad tu bskyed par mi bya ba ste/ 'di ltar thams cad mkhyen pa nyid kyi phyir dam bcas pa brten par bya ba dang / chos 'di dag thos nas nan tan gyis bsgrub par mngon par brtson par bya ba dang / 'od srung rigs kyi bu'am rigs kyi bu mo byang chub sems dpa'i theg pa la yang dag par zhugs pa gang zhig chos de dag thos ma thag tu nan tan gyis mi sgrub na des bla na med pa yang dag par rdzogs pa'i byang chub mngon par rdzogs par 'tshang rgya bar mi nus so/ /de ci'i phyir zhe na/ 'od srung nan tan gyis bla na med pa yang dag par rdzogs pa'i byang chub 'thob kyi nan tan med pas ni ma yin pa'i phyir ro/ /'od srung gal te nan tan med par bla na med pa yang dag par rdzogs pa'i byang chub thob tu zin na ni ri bong dang byi la yang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de ci'i phyir zhe na/ 'od srung gang dag la nan tan med pa de dag bla na med pa yang dag par rdzogs pa'i byang chub tu 'gyur du zin na ni 'od srung sgra yang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i phyir te/ sangs rgyas su 'gyur bar bya'o zhes brjod pas sems can dpag tu med pa dag sangs rgyas su 'gyur ba'i rigs so/ /'od srung 'di ltar tha na nyin zhag gcig spyod pa 'di yang dag par sgrub pa'i sems can dag kyang dkon na gang bskal pa 'am/ bskal pa brgya stong du lta ci smos/ de lta bas na sangs rgyas bcom ldan 'das rnams 'byung ba rnyed par dka'o/ /'od srung 'di lta ste/ dper na stong gsum gyi stong chen po'i 'jig rten gyi khams</font><hr>78.13b<br><font size=+1>

kyi sems can de dag thams cad kyi nang nas sems can gcig cig bskal pa 'am/ bskal pa brgya 'am/ bskal pa stong ngam/ bskal pa bye ba phrag brgya stong na sangs rgyas su 'gyur ro/ /sangs rgyas su 'gyur ro/ /zhes byang chub kyi phyir smras la/ sems can de dag gis kyang bskor cing sangs rgyas su 'gyur ro/ /sangs rgyas su 'gyur ro zhes smras na / /rnam grangs 'dis dbugs dbyung ba dang rngub pa rgyun chad par 'gyur gyi/ sems can rnams kyi dag gi las ni rgyun chad par mi 'gyur ro/ /'od srung de lta bu'i dag gi las tsam gyis ni byang chub sems dpas sems dang po bskyed par yang yongs su smin par bya ba sla ba ma yin na/ bla na med pa yang dag par rdzogs pa'i byang chub mngon par 'tshang rgya bar bya ba lta ci smos te/ de ni gnas ma yin no/ /'od srung dus de dang tshe de 'byung bar 'gyur te nga yongs su mya ngan las 'das shing khyod kyang yongs su mya ngan las 'das la/ lha rnams kyang spro ba chung ba'i tshe nga'i bsngags pa thos nas sems can mang po bla na med pa yang dag par rdzogs pa'i byang chub tu sems bskyed par 'gyur te/ de la dge slong gang dag byang chub tu sems skyed par 'gyur ba de dag phal cher chos nyi shu la gnas par 'gyur te/ nyi shu gang zhe na/ dge slong ma dang sten par 'gyur/ kha zas yongs su ma dag pa za bar 'gyur/ kham gyis za ba'i zas la brkam par 'gyur/ dge slong mas yongs su bsgrubs pa'i zas za bar 'gyur ro/ /'od srung dper na da ltar mang du thos pa'i dge slong dgon pa na gnas sam/ grong gnas kyang rung ste/ chos yang dag par sdud cing gnas pa de bzhin du 'od srung de'i tshe dge slong dag dgon pa na gnas sam/ grong na gnas kyang rung ste/ dge slong ma rnams dang lhan cig chos yongs su sdud cing gnas par 'gyur ro/ /de dag 'dod chags kyi sems shin du mang du</font><hr>78.14a<br><font size=+1>

skye'i chos kyi sems ni ma yin no/ /dge slong ma de dag kyang 'dod chags kyi sems shin tu mang du skye chos kyi sems ni shin du nyung ngo / /'od srung ji tsam du byang chub sems dpa'i ming 'di thob nas ngan song gi g.yang sa chen por 'gro ba'i lam rab tu 'dzin par 'gyur pa la ltos/ 'od srung de ltar na de'i tshe chos kyi mtshan nyid kyis 'du 'dzir 'gyur te/ de dag gcig gis gcig mthong nas 'dod chags kyis yongs su tshig par 'gyur ro/ /mchu bsgyur bas dgos pa go bar byed par 'gyur ro/ /de dag 'dus nas nye bar gnas pa dang / gnas rnams yongs su 'dzin par 'gyur/ de dag thog mar slob dpon la phyag 'tshal bar 'gyur ro/ /de'i 'og tu smyan byed pa gtong bar 'gyur ro/ /de'i 'og tu ming nas smos par 'gyur ro/ /de'i 'og tu khyim du 'jog par 'gyur ro/ /yang na lam po che ston par 'gyur/ gnas khang ston par 'gyur/ de dag 'jug pa dang 'byung ba na yang khyod ci 'dra zhes 'dri bar 'gyur/ de dag phan tshun snag gi gnyen mtshams dang sring mo zhes rjod par 'gyur ro/ /de dag rgyun mi 'chad par lta bas gnas su 'du bar 'gyur ro/ /gnas su 'dus nas 'dod chags 'dres par 'gyur ro/ /'dod chags 'dres nas sprod par 'gyur ro/ /sprad nas de nyid kyi ming smos par 'gyur te/ de dag ni tshangs par spyod pa ma yin pa'i chos spyod do/ /gang chos ma yin bsten pa ni byang chub med par 'gyur/ mtho ris med par gyur cing mya ngan las 'das pa dang ring ngo / /de dag gis de bzhin gshegs pa yongs su btang / de dag gis chos bor/ de dag gis dge 'dun don du ma gnyer to/ /de dag phyogs gcig tu 'khod nas 'dod pa'i rnam par rtog pa la rnam par rtog par 'gyur ro/ /gnod sems kyi rnam par rtog pa dang / rnam par 'tshe ba'i rnam par rtog pas rnam par rtog par 'gyur ro/ /byang chub</font><hr>78.14b<br><font size=+1>

sems dpa'i las tshangs pa'i gnas pa bzhi po gang yin pa de dag kyang de dag la med par 'gyur te/ dper na da ltar tshangs pa'i gnas bsgom pa de ltar de'i dus na 'dod pa la rnam par rtog par 'gyur/ gnod sems kyis rnam par rtog pa dang / rnam par 'tshe bas rnam par rtog par 'gyur ro/ /'od srung de ltar de'i dus na skyes bu dam pa ma yin pas gnas par 'gyur/ rku bas gnas pa dang / sgyus gnas par 'gyur ro/ /'od srung de'i dus na ji tsam du mtshams las 'da' bar 'gyur ba la ltos/ yang mdo sde 'di lta bu 'di dag thos nas smod par 'gyur te/ sngon tshul khrims yongs su dag pa la gnas shing sbyin ba byin nas yid ches pas bla na med pa yang dag par rdzogs pa'i byang chub tu sems bskyed kyang de dag phyis mdo sde 'di lta bu 'di dag thos nas spong bar 'gyur ro/ /'od srung de'i dus na mdo sde 'di lta bu 'di dag thos nas spong bar 'gyur ba'i rtags tsam dang / mtshan tsam 'di la ltos/ de la mkhas pa tshul khrims yongs su dag pa chos 'dzin pa rnams kyis ji ltar mdo sde'i tshig las 'byung ba'i dge slong bstan pa 'di lta bu dag shes par bya/ yongs su spang bar bya ste/ de dag la ni chos la dga' ba med do/ /'od srung gzhan yang de'i dus na de dag bdag yongs su bstan pa'i phyir byang chub sems dpa'i spyod pa ston par 'gyur/ bag med par 'gyur ro/ /bag med par gyur pas rang sangs rgyas dang dgra bcom pa dag pas kyang bdag ches mchog ces brjod par 'gyur te/ de dag gsor mi rung ba/ bya ba ma yin bar ltung ba ste/ log par ltung bar 'gro bar 'gyur ro/ /'od srung gzhan yang de'i dus na las ma yin pa la gnas shing las mi byed pa dag 'byung ngo / /de'i dus na byang chub brjod pas cher sems can du 'dzin cing kun du zhen to/ /'od srung de ltar na de'i tshe/ mtshan ma'i gnas su 'gyur ro/ /'od srung gzhan yang</font><hr>78.15a<br><font size=+1>

de'i dus na kha cig la pha rol du phyin pa ltar bcos pa shin du rdzogs par 'gyur/ shin du 'jug par 'gyur te/ 'di yang de'i dus na mtshan ma'i gnas su 'gyur ba'o/ /'od srung gzhan yang de'i dus na yang dag pa ji lta ba bzhin du bshad pa'i mdo sde 'di lta bu 'di dag la shin du sdang bar 'gyur/ shin du 'dor bar 'gyur te/ mdo sde 'di lta bu 'di dag gis log par lta ba'i 'du shes su 'gyur ro/ /mi blun po de dag gis 'chal pa'i tshul khrims brjod pa 'di dag de ltar rtog par mi 'gyur ro/ /'od srung yang de'i dus na chom rkun gyi skyon mtha' dag chags par 'gyur te/ de lta bas na de dag las bdag gir bya ba nyid ma mthong ba'i phyir sangs rgyas kyi byang chub ma dkrugs so zhes gnong mi bskur bas sangs rgyas kyi byang chub spong bar 'gyur ro/ /'od srung gzhan yang de'i dus na dge 'dun gyi rjes su 'gro bar mi 'gyur te/ 'di yang de'i dus na mtshan ma'i gnas su 'gyur ba'o/ /'od srung gzhan yang de'i dus na phal cher byas pa mi gzo bar 'gyur/ bslus par 'gyur ro/ /ji srid cig tu bslus par 'gyur zhe na/ gang de bzhin gshegs pas de dag gi bsnyad pa brjod par 'gyur ba de srid tu bslus par 'gyur ro/ /phyir zhing tshig gis yongs su bslu bas zas mngon par bsgrub par 'gyur ro/ /'od srung gzhan yang de'i dus na phal cher byas pa mi gzo bar 'gyur/ so sor thar pa la bsngags par mi 'gyur/ ngag gi las ma srungs par 'gyur ro/ /de dag ngag gi las ma srung pas spyod lam ma srungs la de dag rung ba ma yin pa'i gnas la gnas shing rung ba ma yin pa la gnas pa rnams la chos ston par 'gyur te/ de ltar chos 'di la mthar gyis cher 'bad par mi 'gyur ro/ /de ltar mthar gyis bud med dang lhan cig gnas pa shin du mang bar</font><hr>78.15b<br><font size=+1>

'gyur te/ de dag skyes pa rnams spangs nas gtsug lag khang du 'dod zhing gtsug lag khang du zhugs nas lhan cig 'khod cing sangs rgyas kyi bka' brjod de mya ngan las 'das pa ltar bcos pa'i gtam rab tu 'chad par 'gyur ro/ /'od srung chos ni lnga brgya kun nas nyon mongs pa yang lnga brgyar zad na de'i tshe mngon par mi brtson ba'i skyes bu gang zag gi chos ma yin pa'i sgo ni mang bar ngas dgongs te/ de'i dus na de dag mi nyung bar rjes su 'jug par 'gyur/ khyim pa dang tshul khrims 'dra bar 'gyur te/ 'od srung de'i dus na de lta bu dag 'byung bar 'gyur ro/ de la don tshol zhing byang chub yongs su tshol bar 'dod pas dge slong ma dang 'dre bar mi bya/ de ltar gnas par mi bya'o/ /'dre ba thams cad rnams pa thams cad du spangs la mi 'dre bar bya'o/ /'jig rten gyi zang zing thams cad rnam pa thams cad du spangs la bsod snyoms spyad par bya'o/ /gos la sred pa thams cad spangs la phyag dar khrod bar bya'o/ /khang pa brtsegs pa dang / gding ba thams cad rnam pa thams cad tu spangs la chu 'gram dang / mya ngam la brten par bya/ rdo leb dang shing drung du brten par bya'o/ /na ba'i gsos sman dang / yo byad thams cad spangs la bskus te bor ba la brten par bya'o/ /sems can thams cad sngon snag gi gnyen mtshams su gyur par rig nas byams pa la gnas par bya/ gshe ba dang / brdeg pa dang / yongs su gdung ba rnam pa thams cad tu spangs la bzod par bya'o/ /mdza' bshes kyis khyim dang / bslang ba ster ba'i khyim thams cad spangs la las bdag gir bya ba la bsten par bya'o/ /khyim pa dang 'dre bar mi bya'o/ /des ji skad tu bstan pa'i so sor thar pa dang 'thun bar bya'o/ 'od srung gang dag so sor thar pa dang mi mthun par bya bar sems pa de dag ni sangs rgyas kyi stobs dang mi</font><hr>78.16a<br><font size=+1>

'jigs pa dang mi mthun par bya bar sems pa'o/ /gang dag sangs rgyas kyi stobs dang mi 'jigs pa dang mi mthun par bya bar sems pa de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub dang mi mthun par bya bar sems pa ste/ de'i rnam par smin pas ni stong gsum gyi stong chen po'i 'jig rten gyi khams kyi sems can ji snyed pas sems can dmyal ba'i sdug bsngal gyi tshor ba myong ba'i tshor ba dag gis de'i tshor ba de'i brgya'i char yang mi phod/ stong dang / brgya stong dang / bye ba brgya stong dang / grangs dang / cha dang / bgrang ba dang / dpe dang / rgyur yang mi phod do/ /sdug bsngal dang / yid mi bde ba 'di lta bu 'di dag yongs su spong bar 'dod pas dge slong de dag gi spyod pa 'di lta bu de dag dpag tshad stong pas kyang ring du yongs su spang bar bya ste/ bzlas pa'i sgra yang yongs su spang pa ra bya na blta ba dang mnyan pa lta ci smos te de dag yongs su spang bar bya'o/ /chos gcig kun du bsten par bya ste/ chos gcig po gang zhe na/ chos thams cad dngos po med par gyur pa ste/ gang gi tshe bdag kyang de dang 'dra ba'i tshe chos thams cad la dngos po med pa'i bzod pa dang ldan par 'gyur te/ de mi de lta bu de dag dang bsten par mi byed/ bsnyen par mi byed/ bsnyen bkur mi byed do/ /des chos gnyis kun du bsten par bya ste/ gnyis gang zhe na chos thams cad la dngos po med pa'i chos nyid yongs su btsal bar bya ba dang / yongs su btsal ba'i sems kyang bskyed par mi bya'o/ /ji ltar bur yongs su btsal bar bya zhe na/ ji ltar yongs su btsal ba de gnyis mi dmigs par 'gyur ba lta bur ro/ /de la mi dmigs pas mi dmigs pa'i sems kyang bskyed par mi bya ste/ de ni log par blta ba yin pas khams gsum pa thams cad dang bral pa'i sems kyis byang</font><hr>78.16b<br><font size=+1>

chub sems dpa'i spyod pa'i rjes su 'gro bar bya'o/ /mtshan ma thams cad med pa'i sems kyis byang chub sems dpa'i spyod pa'i rjes su 'gro bar bya'o/ /de la byang chub sems dpa'i spyod pa ni 'di yin te/ gang 'di de'i dus na bstan pa yin no/ /gang dag chos 'di lta bu 'di dag thos nas yongs su spong bas yongs su spong ba de dag gis de bzhin gshegs pa byams pa mnyes par byas nas mi mnyes par mi byed/ thugs byung bar mi byed pas kye ma 'o bdag cag bdud kyi zhags pa dag las grol lo/ /kye ma bdag cag ngan 'gror 'gro ba'i rgyu rnams las grol te/ kye ma bde'o zhes tshig tu smra'o/ /'od srung gang dag de'i dus na mdo sde 'di lta bu 'di dag thos nas mi skrag mi dngang zhing dngang bar mi 'gyur la/ de la bdag kyang rjes su mthong bar 'gyur zhing gzungs kyi blo yang skye bar 'gyur ba de dag thams cad ni de bzhin gshegs pas mkhyen te/ de dag thams cad nga'i chos srung ba dag go/ /'od srung 'di lta ste/ dper na khyim bdag phyug po nor che ba longs spyod che ba zhig gi bu gang yin pa de dag gis khyim de nas tha na pha'i rdzas las chu rdza tsam mthong na yang mthong ma thag tu pha'i rdzas de la 'di ni bdag gi'o snyam 'du shes skyed de/ dus gzhan zhig na pha yang shi la longs spyod kyang zad pa'i tshe chu rdza de dag gi drung du 'jogs gam/ gnas gang yang rung bar 'jog pa de bzhin du 'od srung de'i dus na dge slong de dag mdo sde 'di lta bu 'di dag thos nas 'di lta bu'i 'du shes yid la byed pa skyed par 'gyur te/ mdo sde 'di dag ni de bzhin gshegs pas gsungs pa mdzes pa yid du 'ong bas gsungs pa'o snyam mo/ /de la dge slong kha cig ni mdo sde 'di lta bu 'di dag thos nas spong bar 'gyur ro/ /de la chos 'dzin pa'i dge slong de dag ni 'di snyam du</font><hr>78.17a<br><font size=+1>

sems par 'gyur te/ mdo sde 'di dag ni de bzhin gshegs pas gsungs pa'o snyam du sems la/ kha cig gis brnyas shing shin du brnyas par gyur ba de dag ni nyung la nyam chung bar gyur ba dag ste/ de dag gis sba ba'i phyir nyin mtshan du 'jog par 'gyur ro/ /'od srung 'di ltar de bzhin gshegs pa byams pa dang / nga'i chos kyi grong khyer srung bar gyur ba tha ma pa de dag ni nyung ste/ de dag ngas nga ltar gzigs so/ /de'i phyir de dag gi gnyen po ni 'di dag ste/ de dag ni sbyin pa chen po yongs su gtong par 'gyur ro/ /kye gang gi tshe rigs kyi bu de dag gis chos 'di lta bu 'di dag thos nas ji ltar bcas pa'i bya ba bzhin du nan tan gyis sgrub pa de dag ni de bzhin gshegs pa byams pa las snying po mchog thob par 'gyur te/ de la tshangs par spyad pa spyod cing yang dag par blta ba'i sems can rnams ni yang chos kyi grong khyer 'di 'dzin par 'gyur ro/ /'od srung gang dag gis nga mnyes par ma byas pa'i sems can de ni gcig kyang ngas kun nas ma mthong ste/ de dag ni phyi ma'i tshe lnga brgya tha ma la mdo sde 'di lta bu de dag thos na spong bar mi 'gyur gyi/ len par 'gyur/ 'dzin par 'gyur/ klog par 'gyur ba de ni gnas med do/ /gang dag gis da ltar nga mthong ba dang / bsnyen bkur byas pa de dag ni phyi ma'i tshe lnga brgya tha ma la mdo sde 'di lta bu 'di dag nong bar 'gyur/ len par 'gyur / 'dzin par 'gyur te/ de dag la ngas legs so zhes bya ba sbyin ci dgos te/ de dag bdag nyid kyis thams cad mkhyen pa'i ye shes dang ldan ba'i phyir ro/ /nga rjes su dran nas dga' bar 'gyur te/ kye ma kye ma shAkya thub pa des phan gdags pa'i dam bas bdag cag la phan btags so zhes tshig de smra bar 'gyur ro/ /'od srung de lta bas na chos 'di la slobs shig / 'di la bslabs na ci dang ci</font><hr>78.17b<br><font size=+1>

'dod pa de dang de rnyed dka' bar mi 'gyur ro/ /de skad ces bka' stsal pa dang / bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das bdag gis ci zhig btsal bar bgyi/ bcom ldan 'das bdag ni re ba ma mchis te/ bcom ldan 'das bdag ni bla na med pa yang dag par rdzogs pa'i byang chub las yongs su nyams pa lags so/ /bcom ldan 'das bdag gang gi tshe thams cad mkhyen pa'i ye shes dang ldan par gyur pa na shin du dga' bar 'gyur pa lags so/ /bcom ldan 'das bdag bla na med pa/ yang dag par rdzogs pa'i byang chub la ngo mtshar du 'dzin pa lags so/ /bcom ldan 'das bdag gis bla na med pa yang dag par rdzogs pa'i byang chub rnyed dka' lags so/ /de skad ces gsol ba dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung nga khyod la ni mi zer gyi khyod la brten nas de dag la smras na bla na med pa yang dag pa yang dag par rdzogs pa'i byang chub myur du mngon par rdzogs par 'tshang rgya bar 'gyur ro/ /zhes bya ba the tshom med pa la khyod the tshom za'o 'od srung gzhan yang sems can gang dag chos la skom pa dang ldan pa dang / chos yongs su tshol ba dang ldan pa de dag thams cad ni mthar gyis bla na med pa yang dag yang dag par rdzogs pa'i byang chub mngon par rdzogs par sangs rgyas nas yongs su tshol ba thams cad yang dag par gzhom ba'i phyir chos ston par 'gyur ro// //sdom ba gsum bstan pa'i le'u zhes bya ba theg pa chen po'i mdo/ bam po gnyis pa/ 'od srung byang chub sems dpas chos bzhi dang ldan par bya ste/ bzhi gang zhe na/ byang chub sems dpas brtson 'grus brtsam bar bya'o/ /brtson 'grus brtson 'grus zhes bya ba</font><hr>78.18a<br><font size=+1>

gang zhe na gang gzugs mi tshol/ tshor ba dang / 'du shes dang / 'du byed dang / rnam par shes pa mi tshol gyi zag pa med pa'i chos rnams tshol ba'o/ /de la zag pa med pa'i chos gang zhe na/ gang na sa'i khams med pa dang / sa'i khams kun du brjod pa med pa dang / chu'i khams med pa dang / me'i khams med pa dang / rlung gi khams med pa dang / rlung gi khams kun du brjod pa med pa dang / gang na gang brjod pa de thams cad ni btags pa ste/ btags pa'i chos de dag thams cad ni yang dag pa ma yin pa'o/ /de la byang chub sems dpas btags pa med pa'i snying po blang bar bya'o/ /gsol ba/ bcom ldan 'das gal te btags pa'i chos yang dag pa ma lags na gang la la 'di skad du gal te btags pa'i chos yang dag pa ma yin na/ gang sangs rgyas zhes bya ba'i sgra brjod pa'i btags pa 'di yang yang dag pa ma yin par mi 'gyur ram zhes mchi bar gyur na bcom ldan 'das bdag gis de la ji skad bgyi/ bdag ni de bzhin gshegs pa dgra bcom pa yang dag par rdzogs pa'i sangs rgyas la skur ba 'debs par mi 'tshal lo/ /de skad ces gsol ba dang / bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung ma 'ongs ba'i dus na dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa dag 'byung ste/ de dag ni don mi shes pa/ khyad du gsod pa/ gnod sems la dpa' ba/ smra ba la dpa' ba dag 'byung ste/ de dag mdo sde 'di lta bu 'di dag len par mi byed/ kun chub par mi byed/ 'dzin par mi byed/ klog par mi byed do/ /de ci'i phyir zhe na/ de dag 'di ltar gzugs skye ba dang / tshor ba dang / 'du shes dang / 'du byed dang / rnam par shes pa skye bar rtog pa'i phyir ro/ /'di ltar mdo sde 'di lta bu 'di dag ni</font><hr>78.18b<br><font size=+1>

btags pa'i chos so/ /de'i dus na 'byung ba de dag ni ji ltar gzugs skye ba dang / ji ltar tshor ba dang / ji ltar 'du shes dang / 'ji ltar 'du byed rnams dang / ji ltar rnam par shes pa skye ba de ltar dge slong de dag de'i tshe gnas par 'gyur ro/ /de'i dus na khyim pa dang dge slong kha cig 'byung bar 'gyur ba de dag la don dam pas ci zhig bya/ 'od srung 'di lta ste/ dper na mi dmus long la gser gyi phreng ba btags na des mi shes so/ /'od srung de bzhin du de'i dus na dge slong de dag mdo sde 'di lta bu 'di dag thos na tshig tu brjod pas kyang 'dzin par mi 'gyur na don dam pa yid la byed pas 'jug par 'gyur ba lta ci smos 'od srung 'di lta ste/ dper na khye'u 'am bu mo la la zhig la mi la la zhig gis bsdigs na/ de yun ji srid du mi de'i ming brjod pa thos pa de srid du skrag la dngang zhing dngang par 'gyur ro/ /'od srung de bzhin du de'i dus na dge slong de dag mdo sde 'di lta bu 'di dag gis yang dag pa ji lta ba bzhin du bskul na bdag gi bsngags pa ma yin pa shes shing bdag chos gos kyis dkris par rig nas skrag la dngang zhing dngang par 'gyur ro/ /'od srung 'di lta ste/ dper na spre'u byi la'i drung du btags na de la mi phyogs te lta bar mi nus so/ /'od srung de bzhin du de'i dus na dge slong dag mdo sde 'di lta bu 'di dag thos na rgyab kyis phyogs shing mdun gyis mi phyogs par 'gyur ro/ /'od srung 'di lta ste/ dper na wa ni khyi las 'bros te dur khrod tu gzhol/ khung du gzhol/ phug tu zhol lo/ /'od srung de bzhin du de'i dus na dge slong de dag mdo sde 'di lta bu 'di dag thos na wa'i rnam par rgyug pas rgyug par 'gyur ro/ /de la wa'i rnam par rgyug pa ni 'di yin te/ gang dag tshul khrims 'chal bar 'gyur ba te/ de dag mdo sde 'di lta bu 'di dag thos na spong bar 'gyur ro/ /'od srung 'di lta ste/ dper na wa ni</font><hr>78.19a<br><font size=+1>

dur khrod du gzhol bar 'gyur ro/ /'od srung de bzhin du de'i dus na dge slong de dag kyang mdo sde 'di lta bu 'di dag thos na khyim la gzhol bar 'gyur/ 'dod pa la gzhol bar 'gyur/ bud med la gzhol bar 'gyur/ 'thab mo dang mtshang 'dru ba la gzhol bar 'gyur/ 'dus pa la gzhol bar 'gyur/ rtsi sman gyi tha snyad la gzhol bar 'gyur/ rgyal po'i bkrabs par 'gyur zhing der gnas pa de dag ches tshul khrims 'chal bar 'gyur te/ de ni de dag gi dur khrod du 'gro ba zhes bshad do/ /'od srung 'di lta ste/ dper na wa ni khung du gzhol lo/ /'od srung de bzhin du de'i dus na dge slong de dag kyang 'chi ba'i dus byas na ngan 'gror gzhol bar 'gyur te/ de ni de dag gis khong du gzhol bar bshad do/ /'od srung 'di lta ste/ dper na wa ni phug tu gzhol lo/ /'od srung de bzhin du de'i dus na dge slong de dag kyang spu gri gtams pa dang / ral gri'i 'dab ma can gyi tshal gyi sems can dmyal ba chen po rnams dang / gsal shing gi tshal gyi sems can dmyal ba chen po rnams su rgyug cing rnam par rgyug par 'gyur te/ 'di ni de dag gi wa'i 'gro ba zhes bshad do/ /'od srung wa'i chos dang ldan pa'i dge slong ni mdo sde 'di lta bu 'di dag gzung ba 'am rtogs par byed ni mi nus kyi/ gang smad cing spangs nas de'i lus zhig ste shi ba'i 'og tu ngan song ngan 'gro log par ltung ba sems can dmyal ba rnams su ltung bar ni byed nus so/ /'od srung dge slong gang 'di skad ces btags pa'i chos yang dag pa ma yin na gang de bzhin gshegs pa zhes brjod par 'gyur pa 'di yang btags pa ste/ yang dag pa ma yin pa'o zhes zer ba de la dge slong mkhas pa rnams kyis 'di skad brjod par bya ste/ tshe dang ldan pa stong pa nyid dam/ 'on te btags pa 'am/ gnas gang gis gnas 'di brjod ces</font><hr>78.19b<br><font size=+1>

brjod par bya'o/ /de gal te 'di skad du btags pa'o zhes zer na de la 'di skad brjod par bya ste/ 'o na ni khyod kyang sangs rgyas su 'gyur ro/ /de ci'i phyir zhe na/ khyod kyi ming btags pa yang yod pa'i phyir ro zhes brjod par bya'o/ /de gal te 'di skad du stong pa nyid do zhe na/ de la 'di skad du 'o na ni brjod par mi bya'o/ /de ci'i phyir zhe na/ stong pa nyid ni brjod du med pa'i phyir te des stong pa btags so/ /stong pa gang yang bdag gam bdag gi 'am/ sems can gyi stong pa ma yin pa de stong ba'o/ /zhes brjod par bya'o/ /yang dge slong de la dge slong khyod ci chos thams cad stong par 'dod dam zhes dri bar bya'o/ /de gal te 'di skad du kho bo ni stong pa nyid mi 'dod do zhes zer na de la 'di skad tu tshe dang ldan pa khyod ni dge sbyong shAkya'i sras las nyams nas yun ring ngo / /de ci'i phyir zhe na/ bcom ldan 'das de ni stong pa nyid gsung ba ste/ bdag tu gsung ba ma yin/ sems can du gsung ba ma yin/ srog tu gsung ba ma yin/ gang zag tu gsung ba ma yin pa'i phyir ro zhes brjod par bya'o/ /de gal te 'di skad du chos thams cad ni stong pa ste/ kho bo stong pa nyid 'dod do zhes zer na de la 'di skad du tshe dang ldan pa chos thams cad kyang stong na de gshegs par dgra bcom pa yang dag par rdzogs pa'i sangs rgyas lta ci smos/ tshe dang ldan pa ci mig de bzhin gshegs pa yin nam/  ci rna ba dang / sna dang / lce dang / lus dang / yid de bzhin gshegs pa yin zhes brjod par bya'o/ /de gal te 'di skad du mig de bzhin gshegs pa yin/ rna ba dang / sna dang / lce dang / lus dang / yid de bzhin gshegs pa yin no zhes zer na de la 'di skad du 'o na ni tshe dang ldan pa yang de bzhin gshegs pa yin no zhes rjod par bya'o/ /de gal te 'di skad du mig de bzhin gshegs pa ma yin te/ yid kyi bar</font><hr>78.20a<br><font size=+1>

du de bzhin gshegs pa ma yin no zhes zer na de la 'di skad du de ltar na mig ni btags pa ste/ de de bzhin gshegs pa ma yin/ yid kyi bar du btags pa ste/ de de bzhin gshegs pa ma yin no/ /tshe dang ldan pa de ltar na khyod 'di skad du de bzhin gshegs pa btags pa ma yin no zhes zer na gnas der bdag cag gis ci zhig ma thob par gyur ces brjod par bya'o/ /de gal te 'di skad du mig de bzhin gshegs pa ma yin/ de bzhin gshegs pa mig las gzhan pa yang ma yin/ yid kyi bar du de bzhin gshegs pa ma yin/ de bzhin gshegs pa yid las gzhan pa yang ma yin no zhes zer na de la 'di skad du de bzhin gshegs pas skye mched bcu gnyis gsungs pa 'di lta ste/ mig gis skye mched dang / gzugs kyi skye mched nas yid kyi skye mched dang / chos kyi skye mched de/ tshe dang ldan pa de dag ni sems can nam sems can du btags par zas na tshe dang ldan pa ci mig de bzhin gshegs pa yin nam/ yid kyi bar du de bzhin gshegs pa yin nam zhes brjod par bya'o/ /de gal te 'di skad du mig de bzhin gshegs pa yin te/ yid kyi bar du de bzhin gshegs pa yin no zhes zer na de la 'di skad du 'o na sems can thams cad kyang sangs rgyas su 'gyur te/ sa thams cad dang / ri thams cad dang / shing thams cad dang / srid par gtogs pa rnams sangs rgyas su 'gyur ro zhes brjod par bya'o/ /de gal te 'di skad du mig de bzhin gshegs pa ma yin te/ yid kyi bar du de bzhin gshegs pa ma yin no zhes zer na de la 'di skad du de bzhin gshegs pas chos dang chos ma yin pa bstan pa ni 'di dag go zhes brjod par bya'o/ /de gal te 'di skad du gzugs de bzhin gshegs pa ma yin te/ chos kyi bar du de bzhin gshegs pa ma yin no/ /zhes zer na</font><hr>78.20b<br><font size=+1>

tshe dang ldan pa ci chos ma yin pa de bzhin gshegs pa yin nam zhes brjod par bya'o/ /de gal te 'di skad du chos ma yin pa de bzhin gshegs pa'o zhes zer na de la 'di skad du 'o na sems can gang dag phar mi 'dzin pa dang / mar mi 'dzin pa dang / dge sbyong du mi 'dzin pa dang / bram zer mi 'dzin pa dang / rigs gyi gtso bo mi skyong ba dang / srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma smra ba dang / ngag rtsub po smra ba dang / tshig kyal pa smra ba dang / brnab sems can dang / gnod sems kyi sems dang ldan pa dang / log par lta ba dag dang / srid par bsdus pa de dag thams cad kyang de bzhin gshegs par 'gyur ro/ /zhes brjod par bya'o/ /de gal te 'di skad du chos ma yin pa de bzhin gshegs pa ma yin no/ /zhes zer na de la 'di skad du de'i phyir de bzhin gshegs pa ni chos kyang ma yin chos ma yin pa yang ma yin no/ /gang chos kyang ma yin chos ma yin pa yang ma yin pa de la btags pa med do/ /tshe dang ldan pa de ltar na 'di skad du de bzhin gshegs pa btags pa ma yin no zhes zer ram zhes brjod par bya'o/ /'od srung de ltar na mi blun po de dag ni dus dus su chos dang 'thun pas tshar gcad par bya'o/ /'od srung gang chos dang 'thun pa nges par byung ba 'di la chos dang 'thun pas phyir smra nus pa de ni lha dang bcas pa dang / bdud dang bcas pa dang / tshangs pa dang bcas pa'i 'jig rten na ngas ma mthong ste/ gzhan du na khro ba dang / zhe sdang dang / gti mug dang mi bzod pa dang / rkyen med pa smras nas chos stong pa la smod cing 'gro bar 'gyur ba ni ma gtogs so/ /'od srung de ltar khyod kyis mdo sde 'di lta bu 'di dag bzung bar bya'o/ /'od srung dge slong gang dag mdo sde</font><hr>78.21a<br><font size=+1>

'di lta bu 'di dag 'dzin par mi 'gyur ba'i dus de yod de/ de dag la ming gsum 'dogs par 'gyur ro/ /gsum gang zhe na/ 'di lta ste/ chad par sma zhing dngos po med pa dang / phung po med pa dang / rim gro med pa'o/ 'od srung de ltar na de'i tshe mdo sde 'di lta bu 'di dag spong bar 'gyur ro/ /'od srung de'i dus na 'di ltar de bzhin gshegs pa la sti stang mi byed pa dang / chos la sti stang mi byed par 'gyur te/ de bzhin gshegs pa dang chos la sti stang med par byas nas dge 'dun gyi ming gi tshogs lhag mar 'gyur ba la ltos/ de dag ni btags pa la rten par 'gyur/ ming la rten par 'gyur te/ de dag sangs rgyas dang chos kyi ming brjod cing gzhan dag la ston kyang sangs rgyas ji ltar blta bar bya ba ni shes par mi 'gyur ro/ /de dag sangs rgyas dang chos zhes tshig tu brjod kyang de bzhin gshegs pas chos bshad pa gang yin pa de ni shes par mi 'gyur ro/ /de dag skyes bu zung bzhi dang / skyes bu gang zag ya brgyad brjod par 'gyur zhing / bcom ldan 'das kyi nyan thos kyi ming tsam shes par 'gyur te/ yon tan gang dag gis de'i ming dang / de'i don ni rig par mi 'gyur/ de'i don ni shes par mi 'gyur ro/ /de dag gos dang zas kyi ched dang / mal stan dang / na ba'i gso sman dang / yo byad kyi phyir chos spong bar 'gyur ro/ /de la byang chub sems dpas mdo sde 'di lta bu 'di dag khong du chud par bya ba'i phyir brtson 'grus brtsam par bya/ bdag 'jug par byas la gzung bar bya'o/ /de ci'i phyir zhe na/ de dag phyi ma'i dus na chos kyi grong khyer skyong bar 'gyur ba'i phyir ro/ /chos bstan pa 'di lta bus bskal pa dgu bcu rtsa gcig stongs par 'gyur to/ /'od srung ngas mngon par shes te 'das pa'i dus na bskal pa stong la de bzhin gshegs</font><hr>78.21b<br><font size=+1>

pa gcig 'jig rten du byung ngo / /'od srung ngas mngon par shes te 'das pa'i dus na de bzhin gshegs pa zhi ba dang ldan pa zhes bya ba byang chub sems dpa' rnams yongs su smin par mdzad pa dang / 'jig rten gyi don gyi phyir bskal pa brgyad khri bzhi stong du bzhugs par gyur to/ /'od srung ngas mngon par shes te 'das pa'i dus na de bzhin gshegs pa dri ma med pa zhes bya ba bskal pa bye ba phrag nyi shur bzhugs te/ bskal pa bye ba phrag nyi shur byang chub sems dpa'i spyod pa spyad nas gdod bla na med pa yang dag par rdzogs pa'i byang chub mngon par rdzogs par sangs rgyas so/ /'od srung de bzhin gshegs pas sems can rnams la phan gdags pa'i phyir ji tsam du dka' ba mdzad pa la ltos/ 'od srung bskal pa'i snyigs ma 'di lta bu zad pa'i dus na ngas smad par mi bya'o/ /'od srung tha na sems can gcig gis nga'i chos shes pa dang thams cad lag na dbyig pa thogs shing lag na mtshon thogs te nga'i gan du rgyug cing 'ong bar mi sems pa de yang ngo mtshar shin tu che'o/ /de ci'i phyir zhe na/ 'od srung skyes bu dam pa'i chos ni 'di dag yin te/ 'di lta ste/ 'dus byas thams cad la mngon par 'du mi byed pa shes par dka' ba'i phyir ro/ /bdag du blta ba 'am/ sems cad du blta pa'am/ srog tu blta ba 'am/ gang zag tu blta ba 'am/ 'byung bar blta ba 'am/ phung po la mngon par rten pa 'am/ tshul khrims su blta ba 'am/ sangs rgyas su blta ba 'am/ chos su blta ba 'am/ dge 'dun du blta ba 'am/ mya ngan las 'das par blta ba 'am/ gang la la mya ngan las 'das par blta ba de dag thams cad ni de bzhin gshegs pas log par lta bar mkhyen to/ /de ci'i phyir zhe na/ 'od srung de bzhin gshegs pa ni mya ngan las 'das pa la mi dgongs shing mya ngan las 'das pa mi dmigs</font><hr>78.22a<br><font size=+1>

pa'i phyir ro/ /'od srung gang dag mya ngan las 'das pa la sems shing dmigs pa de dag thams cad ni de bzhin gshegs pas log par lta bar mkhyen to/ /gang dag log par lta ba de dag ni mi shes pa zhes bya'o/ /gang dag mi shes pa de dag ni smras pa'o/ /gang dag smas pa de dag ni byis pa'o/ /byis pa gang yin pa de dag la sangs rgyas kyi byang chub kyis ci zhig bya ste/ de dag ni tha na mtho ris su skye ba dang yang ring ngo / /'od srung ma 'ongs pa'i dus na dge slong lo nyi shu 'am/ lo bzhi bcu 'am/ lo lnga bcu 'am/ drug bcu 'am/ bdun bcu 'am/ brgyad bcu 'am/ dgu bcu 'am/ lo brgya thub ste/ rga bas zil gyis non pa/ chos gos kyis brgyan pa/ mgo bregs pa/ lus bslus pa/ rgas pa/ gnas brtan du chud pa/ gti mug pa/ 'khogs pa/ gzi brjid nyams pa/ log par zhugs pa dag 'byung ste/ de dag 'chi ba'i dus kyi tshe sdig pa 'dod pas zil gyis non nas bsam bzhin du lhod pa'i chos rnams kyis gnas te/ de dag gnas gsum gyis rtogs pa brjod par 'gyur ro/ /gsum gang zhe na/ 'di lta ste/ yang na spyod lam kun du ston pas sam/ yang na spyod pa 'dzin pas sam/ yang na 'dzub mo bsgreng ba ste/ gnas gsum po 'di dag gis rtogs pa brjod par 'gyur ro/ /de dag lhag pa'i nga rgyal du ltung bas 'chi ba'i dus kyi tshe 'gyod pa'i sems kyis 'chi ba'i dus byed par 'gyur te/ de dag lus zhi gnas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /'od srung de lta bas na khyod mos par bya/ khyod kyis khong du chud par bya ste/ ci nas kyang dge ba'i bshes gnyen dang / don 'dod pa dang / snying brtse ba can du bya zhing 'di lta ste/ dper na kun du rgyu ba rtsa ba can dang / 'ching ba pa bzhin du phyis 'gyod par mi</font><hr>78.22b<br><font size=+1>

bya'o/ /'od srung bdag tu lta ba la rab tu 'byung bar nga skabs mi 'byed de/ sems can du lta ba la ma yin/ srog tu blta ba la ma yin zhing / gang zag tu lta ba rab tu 'byung ba'i skabs mi 'byed do/ /gang dag la skabs ma phye ba de dag bstan pa 'di la rab tu byung zhing rkun ma de dag dad pas byin pa yongs su spyod de/ yang dag pa'i dge slong tshul khrims dang ldan pa ni ma yin no/ /'od srung mis zhag drug gi bar du zan ma zos pa ni sla'i/ bstan pa 'di la rab tu byung nas 'di lta ste/ bdag tu lta ba 'am/ sems can dang srog tu lta ba 'am/ gang zag tu lta ba 'am/ mya ngan las 'das pa'i bar du lta bas dad pas byin pa yongs su spyad pa de ni ma yin no/ /de la byang chub sems dpas bdag tu lta bar mi 'gyur ba dang / sems can du lta bar mi 'gyur ba dang / srog tu lta bar mi 'gyur ba dang / gang zag tu lta bar mi 'gyur ba dang / 'byung bar lta bar mi 'gyur ba dang / mya ngan las 'das par lta bar mi 'gyur par bya zhing lta ba thams cad spang pa'i phyir chos bstan par brtson 'grus brtsam par bya'o/ /'od srung skyes bu dam pa de lta bu de dag la ngas mdo sde 'di lta bu 'di dag rjes su gtad do/ /de ci'i phyir zhe na/ 'di ltar de dag ni nga ci 'dra ba de 'dra bar 'gyur bar 'dod pa'i phyir ro/ /gang dag de 'dra bar 'gyur bar 'dod pa de dag ni nga 'dra ba rnams kyis brdar byas pa'o/ /gang dag nged kyis brdar bya ba de dag gis nged la bskul bar bya'o/ de nas de'i tshe bcom ldan 'das kyis tshigs su bcad pa 'di dag bka' stsal to/ /gang dag spros pa mi mnga' ba/ 'jig rten mgon rnams ma gtogs par/ /sems can gnod pas nyen gyur pa/ /de dag rnams kyi skyabs med do/ /dman zhing gol ba'i lam zhugs pa/ /sems can gnod par gyur rnams la/ /gang gis ngan 'gror 'gro ba yi/ /</font><hr>78.23a<br><font size=+1>

'dod chags phyir zhing rab tu 'phel/ /'dren pa med cing mgon med pa'i/ /dgon pa la ni rab tu gnas/ /gang na bde ba med pa yis/ /lam de la ni rab tu zhugs/ /dper na mda' gzhu ma thog pa'i/ tshong pa lam du zhugs gyur pa/ /de ni chom pos bcom nas su/ /de las nor rnams kun phrogs te/ /sdug bsngal las byung gang gi nor/ /rnam par chud gzan byas 'ongs te/ /dngos po gang dang gang bzung ba/ /de las phyir yang gnod pa 'byung / /de bzhin 'di na kha cig kyang / /chos kyi bya ba 'ongs pa yang / /sngon gyi dge ba dam pa mchog / nor de spyad nas 'ongs pa yin/ /de dag 'di na mgo bregs ston/ /byis pa'i lta ba'i dbang du song / bdag dang srog dang de bzhin du/ /gang zag 'du shes 'dzin par 'gyur/ /dge slong gang dag stong nyid smra/ /gang zag la ni mi sten pa/ /de la sdang ba'i sems bskyed nas/ /myur du ngan 'gror 'gro bar 'gyur/ /gnod pa'i sems ni byed par 'gyur/ /gcig la gcig ni gnod par byed/ /yod pa ma yin skur pa 'debs/ /de la des ni khrel bar 'gyur/ /lus kyis gnod cing ngag gis gnod/ /yid ni shin du g.yo dang ldan/ /gang dag phyin ci log lta ba/ /de dag 'gro ba shin tu sdig / sdig pa'i las rnams byas nas su/ /myur du ngan 'gror 'gro bar 'gyur/ /sdug bsngal rnams kyis gnod gyur la/ /dpung gnyen med cing skyabs kyang med/ /ma 'ongs dus na dge slong dag / gnod sems dpa' ba 'byung 'gyur te/ /gang dag byang chub rjes zhugs pa'i/ /dge slong rnams la gnod byed 'gyur/ /shin tu mi bzad 'gyur pa dag /mdo sde 'di 'dra 'di dag spong / /shAkya seng ge'i bstan pa la/ /phyir zhing dad par mi 'gyur ro/ /gcig la gcig ni gnod pa'i sems/ /shin du chen po byed par 'gyur/ /gcig</font><hr>78.23b<br><font size=+1>

la gcig ni mi snyen pa/ /phyogs phyogs dag tu sgrogs par 'gyur/ /yod pa ma yin skur 'debs shing / /de la de dag khrel bar 'gyur/ /sdig pa'i bshes gnyen dpung skye zhing / /de na nges pa mthu chung 'gyur/ /dam chos mthu chung byas nas su/ /sdig pa can dag dpung skyes nas/ /nga sras thugs las skyes pa yi/ /dge slong de dag 'dong bar 'gyur/ /phyogs gang du ni 'dong snyam zhing / /bar du dge bar 'gyur ba dang / /sdig pa rnams las grol 'gyur zhes/ /de la rnying rje skye bar 'gyur/ /de phyir de dag mdo sde 'di/ /de yi tshe na yid la 'dzin/ /mtha' 'khob tu ni dga' gyis shes/ /'jig rten mgon gyis bka' stsal gyis/ /tshur shog sangs rgyas bsngags pa yi/ /mtha' 'khob der ni 'dong bar bya/ /rnam par 'jig pa'i dus bab pa/ /da ltar des pa shin tu dkon/ /de na kha cig 'di skad 'dzer/ /gang du drang srong chen po des/ /bla med byang chub brnyes gyur pa/ /der ni myur 'dong tshul shog shig /de na kha cig 'di skad 'dzer/ /nges pa 'di ni legs par smras/ /yul rgyu 'bras bu yod do zhes/ /'jig rten mgon gyis bka' stsal to/ /byang chub sa ni yid 'ong ba/ /der 'dong ba ni ches sla yi/ /gnod pa'i sems kyis 'dir gtses nas/ /'chi 'gyur de lta ma yin zhes/ /nga yi phyir ni yul rgyu zhing / /dge slong de dag 'dong bar 'gyur/ /sangs rgyas bzhugs bzhugs rab bzang ba/ /gnas ni der yang 'dong bar 'gyur/ /'chag sa dang ni bzhugs sa dang / /rdo leb shing drung stongs gyur pa/ /der ni de dag 'dus nas su/ /yang dang yang du ngu bar 'gyur/ /'di ni drang srong che de yi/ /'chag sa yongs su spyad pa ste/ /de yi tshe na der byung ba/ /sangs rgyas de ni ma mthong ngo / /'dir ni drang srong chen po nges/ 'dus byas thams cad mi</font><hr>78.24a<br><font size=+1>

rtag ces/ /chos kyi dam pa bstan pa mdzad/ /de yang bdag cag deng ma mthong / mi dang mi ma yin rnams dang / /lha dang klu rnams lhag gyur nas/ /legs par gsungs pas tshim mdzad pa/ /de yang bdag cag stongs par mthong / /byang chub snying po dam pa mchog /sangs rgyas sa dang nyer dong ste/ /de dag der ni tshogs gyur nas/ /tshul bzhin du ni sems par 'gyur/ /'dir ni 'jig rten mgon po des/ /byang chub bla na med pa brnyes/ /'dir ni sdig can dpung bcas pa/ /wa bzhin shin du skrag par mdzad/ /gang na sangs rgyas gdan yod pa/ /'di ni sa yi snying po ste/ /'das dang gang dag 'byung 'gyur ba/ /kun gyi gdan yang 'di yin no/ /'di nyid du ni dpa' chen la/ /lha mang bye bas sta sting byas/ /zhag bdun skyil mo dkrung gcig gis/ /shing 'di la ni gzigs pa mdzad/ /der yang sti stang byas nas su/ /gang du 'khor lo rab bskor cing / /tshangs pa'i 'jig rten go gyur pa/ /chos bstan par ni 'dod par 'gyur/ /dge slong de dag der dong nas/ /yang dang yang du ngu bar 'gyur/ /dpa' bo 'dir ni gshegs nas su/ /de tshe lnga sde btul ba mdzad/ /lnga sdes sangs rgyas mthong nas su/ /yid mi bde ba skyes gyur te/ /gang yang ldang bar mi byed zhes/ /'og khrims de ni bcas par 'gyur/ /ston pa thugs rje ldan pa des/ /srog chags rnams la thugs rje mdzad/ /'chi med 'bras bu thob 'gyur pa/ /dge slong lnga sde rnams la gdams/ /chos kyi 'khor lor phyag 'tshal cing / /yang dang yang du ngus byas nas/ /gang du mya ngan 'das gyur te/ /tha mar sangs rgyas mthong bar 'dod/ /srog chags kun la phan pa'i phyir/ /'dir ni 'jig rten mgon po des/ /sku yi tshigs ni dbye ba mdzad/ /'dir ni sangs rgyas mya ngan 'das/ /shAkya seng ge thub pa che/ /kye ma sangs rgyas zhes kyang</font><hr>78.24b<br><font size=+1>

'dzer/ /khyod kyi sgra ni thos gyur gyi/ /khyod ni de ring ma mthong ngo / 'dir ni drang srong chen po des/ /dge slong rab bzang tha ma pa/ /'di ni tha ma par gyur zhes/ /ye shes kyis ni snga nas mkhyen/ /kha cig rnam par rgyu zhing 'chi/ /kha cig legs par gnas shing 'chi/ /kha cig rgyu ba byas nas 'chi/ /de dag kun kyang bde 'gror 'gro/ /de nas phyi ma'i dus kyi tshe/ /gang dag tshul khrims rab gnas pa/ /de dag gi ni bstan pa 'di/ /shin du rgyal chen 'gag par 'gyur/ /dge slong gang dag khrims 'chal pa/ /de dag thams cad mchod par 'gyur/ /dad pas byin pas de sbyang nas/ /myur du ngan 'gror 'gro bar 'gyur/ /phyi ma'i dus na'ang shes rab can/ /myur du bde 'gror 'gro 'gyur ba/ /ci 'dra de tshe 'byung 'gyur pa/ /dge slong rnams kyi bye brag ltos/ /de na 'jig rten snang byed pa/ /'jig rten la ni snying brtse ba/ /byang chub sems dpa' shes rab che/ /byams pa'i sems kyis phan byed rnams/ /dga' zhing mgu ba'i sems kyis ni/ /de dag zhal ta byed par 'gyur/ /bdag cag sangs rgyas 'gyur bar bya/ /bdag cag byams pa mnyes par bya/ /srog chags kun gyi mdun du ni/ /bdag cag ston la sti stang bya/ /ji ltar bdag cag bsams pa bzhin/ /thams cad mkhyen pa lung ston 'gyur/ /mthu bo che ni de dag gi /don phyir ngas ni bshad par bya/ /de dag gis ni mngon mthong bzhin/ sangs rgyas des ni de dag gzigs/ /ngas ni 'di dag dbugs dbyung ngo / /nga yang 'di 'drar 'gyur bya zhes/ /byang chub yan lag yongs tshol zhing / /sangs rgyas kun la phyag 'tshal lo/ /de na bud med gang dag kyang / /byang chub mchog la zhugs gyur pa/ /de dag kun kyang dbugs dbyung ngo / /de bzhin gshegs pa dpag tu med/ /bud med mtshan rnams spangs gyur nas/ /myur du skyes par red par 'gyur/ /</font><hr>78.25a<br><font size=+1>

sangs rgyas byams pa de mthong nas/ /de dag sti stang byed par 'gyur/ /'dun pa drag po bskyed byas la/ /shes gnyen rnams ni bslab byas na/ /yongs su tshol ba de dag kun/ /dka' ba med par rnyed par 'gyur/ /'dun pa drag cig khrims ldan dang / /mang du thos par gyur nas su/ /de tshe sangs rgyas ston pa po/ /byams pas de dag lung ston 'gyur/ /de bas don 'di thos gyur nas/ /dad pa bzang po skyed par 'gyur/ /sems can kun la phan gdags phyir/ /sems ni brtan por byed par 'gyur/ /'di na mi gang yongs tshol ba/ /gnas de ci phyir rnyed mi 'gyur/ /gang la shes rab brtson 'grus yod/ /de la byang chub dkon pa med/ /g.yo dang ldan par yong mi bya/ /byams pa'i sems ni bsgom par bya/ /bas mtha' dgon par gnas par bya/ /'di ni byang chub spyod pa yin/ /gang dag 'di la gsog chos kyis/ /gnas 'dir rab tu brjod byed pa/ de dag chom rkun drag po che/ /sems can kun gyis phyag byas so/ /gang zag bza' dang btung ba dang / /rnyed dang bkur sti'i don gyi phyir/ /chos rnams 'thun bar bzung byas nas/ /phan tshun du ni 'chad par 'gyur/ /de dag srog ni mchog min te/ /de dag srog ni don med do/ /de ni 'chi zhing phongs par 'gyur/ /des ni ngan song myur du 'gyur/ /chos kyi sgo nas kha cig ni/ /dge slong min la dge slong ming / /so sor thar pa legs gsungs dang / /mdo sde sngags min brjod par 'gyur/ /gang du rang khrims phun sum tshogs/ /'di 'dra ba dag ngas bshad pa/ /dge slong gzugs kyis spong 'gyur te/ /de dag la ni bzang 'gro med/ gang zhig lhar bcas 'jig rten la/ /de snyed bskur pa btab pa bas/ /gang gis kun mkhyen ston pa la/ /skur btab de ni de bas mang / /lus kyis kun du bsdam par bya/ /</font><hr>78.25b<br><font size=+1>

dag gis yang dag bsdam par bya/ /yid kyis sdang bar mi bsam ste/ /de tshe mya ngan 'das par gyis/ /'od srung de bzhin gshegs pa yongs su mya ngan las 'das shing sngon gyi rgyal ba la lhag par bya ba byas pa'i dge slong rnams kyang yongs su mya ngan las 'das la/ /lhag ba'i bsam pa phun sun tshogs pa'i sems can rnams kyang 'chi ba'i dus byas te zad par gyur pa 'byung ba'i dus de yong de/ dam pa'i chos phyi ma lo lnga brgya tha mar gyur pa na dge slong brkam pa/ chags pas zil gyis non pa/ chags pa yang bas zil gyis non pa/ phra ma can/ gtum ba/ brlang ba/ rtsub pa/ khro gnyer mang bra/ chos gsum la gnas pa dag 'byung ste/ gsum gang zhe na/ dman pa'i tha snyad la gnas pa dang / nyo tshong gi spyod pa la gnas pa dang / bud med dang 'dre zhing gnas pa ste/ chos gsum po de dag la gnas par 'gyur ro/ /chos bzhi las yongs su nyams par 'gyur te/ bzhi gang zhe na/ tshul khrims kyi phung po las yongs su nyams par 'gyur ba dang / bzang 'gror 'gro ba las yongs su nyams par 'gyur ba dang / 'bras bu thob pa las yongs su nyams par 'gyur ba dang / sangs rgyas la yang dag pa ji lta ba bzhin du blta ba las yongs su nyams par 'gyur ba'o/ /chos bzhi po de dag dang ldan pa de rnams la skyo bar byed pa'i chos bzhi shin du shas che bar 'gyur te/ bzhi gang zhe na/ de dag la phrag dog shin tu shas che bar 'gyur ba dang / de dag la khro ba shin du shas che bar 'gyur ba dang / de dag la khyim la lhag par chags pa shin du shas che bar 'gyur ba dang / bdag kyang yongs su spangs te brkam pas zas sogs pa'i gnas kyi bum par 'jog par 'gyur te/ de dag chos gos la zhen nas chags pas zil gyis non nas za ma tog lta bu'i chos mang du kun du spyod par gyur/ </font><hr>78.26a<br><font size=+1>

za ma tog lta bu'i chos yang dag par blangs nas gnas par 'gyur/ gsog dang ya ma rlar 'gyur te/ de dag la dge sbyong gi chos gnas par mi 'gyur ro/ /chos 'di lta bu 'di dag thos nas gnas bzhi lhag par yongs su tshol bar 'gyur te/ bzhi gang zhe na/ chos spong ba lhag par yongs su tshol bar 'gyur ba dang / ma gnang ba smra bar 'gyur ba dang / bud med 'ba' shig 'khod pa la chos 'chad par 'gyur ba dang / de dag de lta bu byed cing so sor thar pa spong ba lhag par yongs su tshol bar 'gyur ba ste/ de dag mdo sde 'di lta bu dag thos nas de bas cher chos kyis phongs par 'gyur ba'i las byed par 'gyur ro/ /'od srung 'di lta ste/ dper na khyi khro ba'i snar mkhris pas bskus na 'od srung 'di ji snyam du sems/ khyi de de bas kyang cher shin tu khro bar 'gyur ram/ gsol pa/ bcom ldan 'das de de lta lags so/ /bcom ldan 'das kyis bka' stsal pa/ 'od srung de bzhin du skyes bu dam pa ma yin pa khyi dang 'dra ba 'dre dang 'dra ba de dag 'byung bar 'gyur te/ dge slong mdo sde pa bsam pa'i gzhi la gnas pa/ chos 'di lta bu 'dzin pa/ chos 'di lta bu ston pa dag gis de dag yang dag par 'dod pa chung ba la bkod cing 'dod pa chung ba'i bsngags pa smrar bcug na de dag gis thos nas mi dga' bar 'gyur/ sgyid lug par yang 'gyur/ zhum par 'gyur/ yongs su gdung bar 'gyur/ khro bas zil gyis non par 'gyur te/ bdag cag dus ma yin pa dang / phyogs ma yin par bkod do/ /bdag cag dus ma yin bar bkod par gyur pa las so sor rjes su sbyong ba byas te ci byed pa byed par 'gyur zhes smra bar 'gyur/ mdo sde 'di lta bu 'di dag thos nas spong bar 'gyur/ ral gri'i so</font><hr>78.26b<br><font size=+1>

dang / mdung thung lta bu'i khro ba rig par 'gyur/ de dag 'dod pa chung ba'i bsngags pa mi smra bas 'di sangs rgyas kyis gsungs pa ma yin no zhes tshig tu smra bar 'gyur te/ de dag 'dod pa chung pa ma yin zhing 'dod pa che ba yongs su 'dzin to/ /'od srung ngas ni rnam grangs du mas 'dod pa chung ba'i bsngags pa gsungs te/ 'tsho ba yongs su dag pas chog shes pa dang / gso sla ba dang / dgang sla ba dang / yo byad bsnyungs pa dang / sbyangs pa'i yon tan dang / mdzes pa dang / dgon pa la gnas pa dang / brtson 'grus brtsams pa'i bsngags pa gsungs so/ /khyed za ma tog lta bu'i chos kun du spyod pa mang bar ma byed cig /de ci'i phyir zhe na/ chos 'di dag ni snying stobs skyed pa yin pa'i phyir te khyod g.yo ma byed cig /chos 'di dag ni snying stobs skyed pa yin gyis khyed khro ba la gdu bar ma byed cig /khyed dngos po len par ma byed cig /khyed dngos po med par gyis shig /khyed mtshan ma'i 'du shes ma byed cig / khyed gnas med pa dang 'dris pa med par gyis shig /khyed ba lang dang bung bu sdud par ma byed cig /khyed le lo'i gnas rnams dang ldan par ma byed cig /khyed mi dge ba'i chos spang ba dang / dge ba'i chos bsgrub pa'i phyir brtson 'grus rtsoms shig /'od srung ngas ni rnam grangs du mas dben pa bsngags te/ dgon pa la gnas pa dang / 'du 'dzi med par bsngags so/ /de la yo byad ma bsnyungs pa la gnas pa/ 'dod pa che ba/ sdig pa 'dod pa/ yo byad ma bsnyungs pa'i tshul la gnas pa dag gis yo byad bsnyungs pa la gnas pa 'di lta bu 'di dag spong bar 'gyur ro/ /'od srung 'di lta ste/ dper na dbyar zla 'bring po la mi zhig mar 'thungs la de yang shes rab 'chal pa'i rang bzhin can yin pas skom nas chu tshol te/ des mi zhig la chu bslangs pa dang / des 'di</font><hr>78.27a<br><font size=+1>

skad du kye mi khyod mar 'thungs kyis chu 'dod par ma byed cig /shi bar gyur ta re zhes smras pa dang / de khro bas zil gyis non nas mi de la mi snyan pa brjod cing gshe la de'i tshig ma mnyan te/ des chu 'thungs nas 'chi ba'i dus byed pa de bzhin du 'od srung gang dag dmigs pa can gyi rang bzhin can brkam pa yon tan ma yin pa la gnas pa'i dge slong dag 'byung bar 'gyur te/ de dag la chos 'di lta bu 'dzin pa'i dge slong dag gis 'di ni bya ba'o/ /'di ni bya ba ma yin pa'o zhes bskul na de dag khro bas zil gyis non nas mi snyan pa brjod par 'gyur/ gshe bar 'gyur te/ mdo sde 'di lta bu 'di dag dang / de bzhin gshegs pa'i gdams pa dang / rjes su bstan pa spong bar 'gyur ro/ /'od srung de lta bas na de ltar phal cher de bzhin gshegs pa dang rtsod do/ /'od srung de bzhin gshegs pa dge slong gi dge 'dun la bslab pa'i gzhi 'cha' zhing stan gcig par za bar bsngags pa na dge slong bzang skyong khro bas zil gyis non nas zla ba gsum na nga'i gan du 'ongs pa la ltos/ 'od srung tshangs par spyod pa'i snying po mchog 'di nyid la gnas skabs 'di lta bu 'di byung na de bzhin gshegs pa yongs su mya ngan las 'das nas lta ci smos/ dge slong zang zing la chags pa/ lhung bzed la chags pa/ chos gos la chags pa/ na ba'i gsos sman dang yo byad la chags pa/ rmugs pa dang gnyid kyi dbang du song ba/ gnod sems la dpa' ba'i dge slong rnams mdo sde 'di lta bu 'di dag thos na de bzhin gshegs pa la yang sti stang med par gyur na/ dge slong gang dag bya ba la gnas pa rnams la lta ci smos/ 'od srung gang chos rin po che 'di lta bu 'di nub par 'gyur ba ni ma legs pa'o/ /shin tu ma legs</font><hr>78.27b<br><font size=+1>

pa'o/ /rigs kyi bu 'am/ rigs kyi bu mo don 'dod pa dad pas phyi ma'i dus/ snyigs ma'i dus/ shin du 'chab pa'i dus/ rigs kyi bu mu ge byung ba'i dus na nga'i bstan pa la mdo sde zab mo 'di lta bu 'di dag thos nas rigs pa dang ldan pa rnams la brjod par bya'i rigs pa dang mi ldan pa rnams la ni ma yin no/ /dad pa rnams la brjod par bya'i ma dad pa rnams la ni ma yin no/ /'od srung nga yang nga ltar rigs pa dang ldan pa rnams la smra'i rigs pa dang mi ldan pa rnams la ni ma yin no/ /dad pa rnams la smra'i ma dad pa rnams la ni ma yin no/ /'od srung rta dmu rgod ni rta cang shes kyi go cha mi len to/ /len na yang de la yid mi dga' bar 'gyur na dung dang / 'khar rnga dang / rnga bo che dang / rdza rnga'i sgra bzod pa lta ci smos te de ni gnas med do/ /'od srung de bzhin dge slong tshul khrims 'chal pa yang skyes bu dam pa'i chos la nam yang bzod par mi 'gyur ro/ /'od srung 'di lta ste/ dper na rta dmu rgod de ni 'drog par 'gyur ro/ /'od srung de bzhin du dge slong tshul khrims 'chal ba yang tha na chos thams cad ni bdag med pa'o zhes tshig gcig smras na/ de la bdag gi 'du shes can 'jigs par 'gyur/ skrag par 'gyur/ rtsod par 'gyur na nye bar bstan pa na lta ci smos/ go cha bgos nas bdud kyi sde bye ba phrag brgya pham par bya/ ji ltar shin du rtsod par mi 'gyur ba de ltar pha rol pham par bya'o/ /de dag gi go cha de ni mi shigs pa'i rtsa ba dang / sbyangs pa'i yon tan dang yo byad bsnyungs pa'i rtsa ba dang / ma chags pa'i rtsa ba dang / zhe sdang med pa'i rtsa ba dang / gti mug med pa'i rtsa ba dang / phrag dog med pa'i rtsa ba dang / 'dod pa spong ba'i rtsa ba dang / gcig pur gnas pa'i rtsa ba dang / mi nyal ba'i rtsa ba'o/ /thams cad kyi thams cad</font><hr>78.28a<br><font size=+1>

tu gnod sems kyi sems bskyed par mi bya/ thams cad kyi thams cad du 'dod chags kyi sems bskyed par mi bya/ gang du yang reg par mi bya'o/ /go cha de ni re ba med pa'i rtsa ba zhes bya ste/ go cha de lta bu bgos nas byang chub tu sems bskyed par bya/ gang la yang mngon par zhen pa med par bya'o/ /bdag tu 'du shes bskyed par mi bya ste/ sems can 'du shes mi bskyed/ srog tu 'du shes mi bskyed/ gang zag tu 'du shes mi bskyed/ bud med du 'du shes mi bskyed/ skyes par 'du shes mi bskyed/ sa'i khams su 'du shes mi bskyed/ chu'i khams su 'du shes mi bskyed/ me'i khams su 'du shes mi bskyed/ rlung gi khams su 'du shes mi bskyed/ 'dod pa'i khams su 'du shes mi bskyed/ gzugs kyi khams su 'du shes mi bskyed/ gzugs med pa'i khams su 'du shes mi bskyed/ tshul khrims su 'du shes mi bskyed/ 'chal ba'i tshul khrims su 'du shes mi bskyed cing stong pa nyid du 'du shes bskyed par mi bya/ thams cad la 'du shes bskyed par mi bya ste/ tha na mya ngan las 'das pa'i 'du shes kyang bskyed par mi bya na bdag tu 'du shes bskyed pa lta ci smos/ ci'i phyir 'du shes bskyed par mi bya zhe na/ 'di la 'du shes de gang yang mi dmigs pa'i phyir ro/ /'od srung gal te 'dod chags yang dag pa yin du zin na de'i 'pho ba dang / 'gog pa kun du shes par mi 'gyur ro/ /'od srung 'di ltar 'dod chags ni yul la gnas pa dang / phyogs na gnas par mi dmigs te/ brdzun du smra ba ni ma gtogs so/ /de lta bas na de bzhin gshegs pa ni yang dag par gsung ba ste/ yang dag pa ji lta ba bzhin du gsung ngo / /'dod chags gang yin pa de ni bdag ma yin te/ de lta bu'i chos de dag ni dge sbyong gi chos rnams so/ /de la gang na mi</font><hr>78.28b<br><font size=+1>

dmigs pa de dag ni dge sbyong gi chos yin no/ /gang dag gis 'du shes de bzung na de dag gis ri rab dang mnyam ba'i gang zag tu 'du shes bzung bar 'gyur te/ de dag ni bstan pa 'phags pa 'di las nyams pa ste/ de dag gis dge sbyong gi chos de dag ci yang ma bskyed cing de dag dge sbyong gi chos la gnas pa ma yin te rags pa lhur len pa'o/ /des na skyes bu gti mug pa gti mug gis rgas pa de dag la sus kyang ci yang brjod par mi bya'o/ /de ci'i phyir zhe na/ 'di ltar de dag gis ci yang bzung ste/ des na sems can dmyal ba chen po mi bzad par bskal par gnas par 'gyur ba'i skabs yongs su gzung ba'i phyir ro/ /'od srung dge slong ko ka li ka dang / dge slong lhas byin dang / dge slong khan Da drab bya dang / dge slong ka ta mo raka ti sh+ya dang / dge slong rgya mtshos byin la ltos/ 'od srung dge slong rta thul dang / nab so la ltos/ 'od srung dge slong skar bzangs nga'i g.yog byed de nga'i mdun na smra zhing 'chag pa dang 'dug pa la yang lta/ rdzu 'phrul gyi stobs kyis steng gi bar snang la 'chag ba la yang lta/ chos dang 'thun pas mu steg can stong tshar gcod par yang lta la/ de nga la dad par mi byed cing tshig re re la yang 'thun par mi byed pa la ltos/ gang tshig re re la yang 'thun par mi byed pa de ni ngan par 'gro bar 'gyur ro/ /kye yang sangs rgyas yang dag pa'o zhes tshig tu smra bar 'gyur ba de la ni tsan dan gyi phur ma ri rab tsam gyis gtor bar bya mngon par gto bar bya'o/ /stong gsum gyi stong chen po'i 'jig rten gyi khams kyi tshad tsam gyi gdugs byas ti steng gi bar snang la gzung bar bya'o/ /de ci'i phyir zhe na/ 'od srung 'di ltar sangs rgyas kyi sgra yang dag pa la yang yid ches bar dka' na gang dad par gyur nas dad pas rab tu 'byung ba dang / 'dod pa'i yon tan spangs nas ci la yang mi gnas bar</font><hr>78.29a<br><font size=+1>

bsam gtan byed par 'gyur ba lta ci smos/ 'od srung sems can gang dag 'di la bzod cing ji ltar bcas pa'i bslab pa la slob pa dang / chos bdud rtsi de yang rtogs pa de dag ni mchog tu ngo mtshar che'o/ /'od srung 'di lta ste/ dper na 'dus pa chen por gyur ba'i nang na lpags pa'i rnga sgra byung rgyal du 'byung ba/ legs par byas pa/ brjod pa bzhin du byed pa/ sbyin pa sbyin pa/ rnam par bkrab dag cig yod la mi zhig gis de mgo la mi lhung bas byas te cher sgrub pa'o zhes smra zhing gos dag gis dkris te khyer ba las/ 'od srung bltas na sbyin pa ci yang sbyin par ma gyur nas kye yang yod pa ma yin par mthong ste/ 'dor bar byed pa de bzhin du 'od srung de bzhin gshegs pa'i dpal gyis sbyin pa ci yang sbyin par ma mthong la/ kye yang yod pa ma yin par mthong nas 'dor bar 'gyur ro/ /'od srung bdag tu 'du shes pa las 'dod chags 'byung ngo / /gzhan du 'du shes pa las 'dod chags 'byung ngo / /'od srung su bdag gi 'du shes yongs su shes pa de ni 'od srung mdo sde 'di lta bu 'di dag thos nas mi 'khrug go/ /de ci'i phyir zhe na/ mi mthun pa las gshe bar 'gyur ba'i phyir ro/ /de lta bas na chos 'di lta bu 'di dag thos nas de bas kyang shas cher yid 'byung ba'i sems 'thob bo/ /gang dag gis shin du bzung ba de dag ni log par lta'o/ /gang dag log par lta ba de dag ni yang dag pa 'di lta bu bskul na 'khrug go/ /de ci'i phyir zhe na/ 'od srung bdag tu 'du shes pa ni 'khrug par 'gyur ba'i phyir ro/ /'od srung dge slong ngam/ dge slong ma 'am/ dge bsnyen nam/ dge bsnyen ma zhig chos 'di lta bu 'di dag thos nas 'khrug gam/ gnod sems skyed dam/ spong bar byed na de dag ni dge sbyong zhes bya yang dge sbyong gi tha snyad bor ba ste/ de dag ni</font><hr>78.29b<br><font size=+1>

nga'i nyan thos ma yin la nga yang de dag gi ston pa ma yin no/ /de ci'i phyir zhe na/ 'od srung brdzun du smra ba dag ni nga'i nyan thos ma yin la nga yang brdzun du smra ba dag gi ston pa ma yin pa'i phyir ro/ /de ci'i phyir zhe na/ de bzhin gshegs pa ni yang dag par gsung ba/ de bzhin gshegs pa ni chos thams cad stong pa'o zhes de skad gsung ba'i phyir ro/ /'od srung de bzhin gshegs pa ni bdag gi stobs 'jig par mdzad pa ste/ de dang rtsod do/ /gang de bzhin gshegs pa dang rtsod pa de ni bdud ces bya'o/ /de bzhin gshegs pas ni bdud kyi ris rab tu dbyung ba dang / bsnyen par rdzogs par ma gnang ngo / /'os srung 'di lta ste/ dper na gang zhig 'di skad du bya la ku Ti ka las bal glang glang po che skyes so zhes zer na 'od srung 'di ji snyam du sems/ mi de'i tshig yid ches par bya ba yin nam/ gsol ba/ bcom ldan 'das de ni ma lags so/ /bka' stsal pa/ 'od srung 'di ji snyam du sems/ de 'thun pa yin nam 'on te mi mthun pa yin/ gsol pa/ bcom ldan 'das de ni mi mthun pa lags so/ /bka' stsal pa/ de bas kyang skyes bu dam pa ma yin pa gang dag bdag tu 'du shes dang / sems can du 'du shes dang / srog tu 'du shes dang / gang zag tu 'du shes dang / mya ngan las 'das pa'i 'du shes la gnas te/ nga la ston pa zhes brjod pa de dag ni ches mi mthun no/ /'od srung 'di lta ste/ dper na mi la la zhig 'ongs na 'di skad du bya 'dab bzangs las bya rog skyes so zhes zer na/ 'od srung 'di ji snyam du sems/ mi de'i tshig de yid ches par byi ba yin nam/ gsol ba/ bcom ldan 'das de ni ma lags so/ /bka' stsal pa/ 'od srung 'di ji snyam du sems/ de 'thun pa yin nam/ 'on te mi mthun pa yin</font><hr>78.30a<br><font size=+1>

gsol pa/ bcom ldan 'das mi mthun pa lags so/ /bka' stsal pa/ de bas kyang skyes bu dam pa ma yin pa gang dag bdag tu 'du shes la gnas pa nas mya ngan las 'das pa'i 'du shes kyi bar la gnas nas nga la ston pa'o zhes brjod pa de dag ni chos mi mthun no/ /'od srung 'di lta ste/ dper na mi la la zhig 'di skad du srin bu me khyer gyis ri rab blangs te 'gro'o zer na 'od srung 'di ji snyam du sems/ mi de'i tshig yid ches par bya ba yin nam/ gsol pa/ bcom ldan 'das de ni ma lags so/ /bka' stsal pa/ 'od srung 'di ji snyam du sems/ mi de'i tshig de 'thun pa yin nam 'on te mi mthun pa yin/ gsol pa/ bcom ldan 'das mi mthun pa lags so/ /bka' stsal pa/ de bas kyang skyes bu dam pa ma yin pa gang dag bdag tu 'du shes la gnas pa nas mya ngan las 'das pa'i bar gyi 'du shes la gnas nas nga la ston pa'o/ /zhes brjod pa de dag ni ches mi mthun no/ /'od srung 'di lta ste/ dper na rgyal po'i rim gro pa'i mi la la zhig yod la/ sngon ma mthong ba'i mi la la zhig gis de las bslabs nas de dbang phyug gi gnas zhig tu song ste/ rgyal po'i zhabs 'bring ba de dag gi nang du song nas/ ma glengs par 'di skad ces zer te/ rgyal po 'di skad gsung ngo / /rgyal pos 'di lta bu dag bka' stsal gyis de bzhin du gyis shig /kho bo ni rgyal po 'am/ rgyal po'i blon po chen po de dag ma mthong ba'i mi yin te/ dbang phyug gi gnas kyis 'ongs so zhes de de skad zer/ de de lta bu dag zer zhing de ltar bya'o/ /kho bo ni srog gi ched du rgyal po 'am/ rgyal po'i blon po chen po dag gi gan du 'gro'o zhes zer ba de bzhin du 'od srung de bzhin gshegs pa yang stobs rdzogs pa/ rang gi bya ba rdzogs pa dang ldan pa ste/ dper na rgyal pos sa'i dkyil 'khor chen po mtha' thug pa med par bde bar cham du 'bebs shing de la</font><hr>78.30b<br><font size=+1>

zas sbyar ba dag kyang 'byung de bzhin du de bzhin gshegs pa yang dge 'dun mtha' thug pa med pa dang / sangs rgyas kyi zhing mang po cham du 'bebs te/ de la zhal zas sbyar ba dag kyang 'byung ngo / /de la sngon ma mthong ba'i mi bdag tu smra ba dang sems can du smra ba nas mya ngan las 'das pa'i bar du smra ba dag 'od zhing de dag ma bcol bar 'ong nas 'di skad ces zer te/ de bzhin gshegs pas 'di skad bka' stsal to/ /de bzhin gshegs pas 'di lta bu bka' stsal te/ 'di ni bya ba'o/ /'di ni bya ba ma yin no zhes zer ro/ /de la gang dag gdams ngag dang / rjes su bstan pa'i bka' dang 'thun par byed pa de dag ni de bzhin gshegs pa'i bka' la mngon par dad de 'gal bar mi byed cing de dag gis thos nas bdag dang yang sngo/ bu dang chung ma dang yang sngo zhing sbyin par byed/ shin du mchog dang / shin du gya nom par sbyin par byed/ shin du sti stang byas te sbyin par byed/ dad pas sbyin par byed cing ji srid du khong du ma chud pa de srid du dad pas sbyin par byed de/ de ltar na yon tan de lta bu dang / spyod pa de lta bu dang ldan pa de dag ni sngon ma mthong ba'i mi dang 'dra'o/ /de dag gis yongs su spyad nas 'du 'dzis nyin mtshan 'das par byed do/ /rgyal po'i gtam brjod pa dang / chom rkun gyi gtam brjod pa dang / bza' ba'i gtam dang / btung ba'i gtam dang / smad 'tshong ma'i gtam dang / bud med kyi gtam dang / sman pa'i gtam brjod par 'gyur/ zla ba spyang kis zin pa dang / nyi ma spyang kis zin pa dang / rgyal po 'ong ngo / /rgyal po 'gro'o/ /rgyal po btsun mo'i 'khor gyi nang na 'dug go zhes bya ba dang / khyim gyi gtam brjod par 'gyur/ sdug par 'gro bar bya/ gang na zas ster ba der 'gro bar bya zhes de lta bu'i gtam brjod par 'gyur ro/ /zhag gcig gnas pas nyi ma 'das par byas nas gtsug lag khang du 'gro bar 'gyur/ zhag gnyis gnas pa dang / zhag gsum gnas pa dang / zhag bzhi</font><hr>78.31a<br><font size=+1>

gnas pa dang / zhag lnga gnas pa dang / zhag drug gnas pa de dag der gnas pa lta bu'i gtam brjod par 'gyur zhing de lta bu'i gtam dag brjod par 'gyur/ sman chang sna tshogs kyi gtam gyi rgyud kyis shes bzhin med par gyur ba'i lus dang / kha nas kha chu zag cing myos nas nyal bar 'gyur ro/ /de dag gis der ci byas pa de rmi lam du rmi bar 'gyur/ bdag 'gro ba rmi bar 'gyur/ bdag yon tan ma thob pa sgrub par rmi bar 'gyur ro/ /de dag sang nas phan tshun gtam zer te/ 'di ltar khyod ni mtshan mo song ngo / /'di ltar khyod ni 'dug go/ /'di ltar khyod kyis de la thob bo/ /gang dag gis ma thob ba de dag kyang myur du skyen bar myur du song dang legs so zhes phan tshun smra bar 'gyur te/ shis ba'i rmi lam de dag rmis nas de dag grong dang / grong khyer dang / grong rdal dang / yul 'khor dang / rgyal po'i pho brang 'khor du 'jug par 'gyur/ gcig la gcig ngo ma zung gnag pa dang / sdug bsngal ba dang / nye bar gnas pa ma yin pa'i rgyud dang / mnyam par ma gzhag pa'i sems kyis rgod cing dbang po phal bar 'gyur la/ ma bsgrims shing sems g.yeng ba'i spyod pas de dag khyim du dong nas so sor thar pa bor te bud med nye tshe 'khod pa la chos ston par 'gyur/ de dag bdag cag gang las shin du rnyed par 'gyur snyam nas chos sgrub cing de dag de las rnyed par 'gyur te/ de dag chags shing zhen la mdud pa bor te/ brgyal zhing lhag par chags la/ lhag par chags par gyur nas de dag mi 'gyod pas ngu zhing 'dod bar 'gyur ro/ /gnas gnyis rab tu ston te/ gnyis gang zhe na/ shin du bzang zhing shin du rab tu zhi ba la bsngags par mthong ba dang / kha cig shin du bzang po ma yin pa la mi snyan pa brjod par 'gyur ba ste/ sbyin pa po rnams la lta ci smos/ de dag yang nga ltar 'dus nas gcig la gcig lta zhing ci zhig byin/ sus byin ji snyed cig /ji snyed cig</font><hr>78.31b<br><font size=+1>

spyad ces smra bar 'gyur ro/ /'od srung 'chi ba'i dus ma byas kyi bar du rnal 'byor la mi brtson pa dag gi rnam grangs ni 'di dag go/ /rnal 'byor dang mi ldan pa de dag la gzhan yang shes par bya ste/ 'di lta ste/ chos thams cad spong ba'o/ /'od srung dge slong de lta bu de dag la snying rje bar bya'o/ /de ci'i phyir zhe na/ de dag gi rnam par smin pa sdug bsngal bar 'gyur ba'i phyir ro/ /de nas de'i tshe bcom ldan 'das kyis tshigs su bcad pa 'di dag bka' stsal to/ /'tsho ba dag gis don gyi phyir/ /byis pa rgyal ba'i bkrabs par 'gyur/ /khyim dang khyim du rgyu byed cing / /rgyal po 'di skad gsung zhes smra/ /de dag dong nas phra ma zer/ /khros nas chad pas bcad der/ /byis pa'i mthu ni de lta bus/ /rtag tu 'tsho ba byed par 'gyur/ /gang gis bskal pa brgya mang du/ /lag pa rkang pa yongs btang zhing / /bya bar dka' ba mang mdzad pa/ /sangs rgyas la lta smos ci dgos/ /nga ni chos kyi rgyal po'i mi/ chad pa drag po gcod la dbang / ji ltar bya zhing ci bya zhes/ /su yang 'dri bar yong mi byed/ /dge slong rnams la gnas byin zhing / /zas dang skom gyi dam pa dang / /chos gos mchog tu gang gyur ba/ /thams cad gus dang bcas pas byin/ /'di ltar bdag kyang mi spyod cing / /bu la'ang sbyin par mi byed la/ /sdug bsngal sha thang btsal byas nas/ /gang dag tshul khrims ldan la phyin/ /de la gang dag mi rigs pa/ /spyad nas myur du 'gro byed de/ /phyogs gcig tu ni 'dus nas su/ /bde bar gyur tam zhes kyang 'dzer/ /rgyal po'i gtam dang chom rkun gtam/ /gel ba'i gnas kyi gtam dag dang / /bza' ba dang ni btung ba'i gtam/ /de dag 'dus nas smra bar byed/ /nyi zla spyang kis zin pa dang / /rgyal po 'ong dang 'gro ba dang / /der ni rgyal bar 'gyur ba dang / /der ni pham par 'gyur ba dag /mi rig pa rnams brjod pa 'di/ /</font><hr>78.32a<br><font size=+1>

yang dang yang du brjod par 'gyur/ /mal cha bzang pos mal bcas te/ /mtshan mo thog thag nyal byas nas/ /de dag na ni ngan pa ste/ /sbyin pa de ni mchog ma yin/ /yang dang yang du mi rnyed kyis/ /gang na bzang ba'i khyim der 'deng / /ji srid du ni don brtags te/ /nyal ba byas nas de yi tshe/ /mi rigs rmongs pa blo ngan pa/ /dper na bong bu khal khyer bzhin/ /de ni de dag ci bsams bzhin/ /de tshe rmi lam rmis gyur pa/ /sad nas kun du brjod byed de/ /de dag phan tshun smra bar byed/ /khyod la kyal ka mi byed de/ /khyod la rmi lam bzang rmis kyis/ /yid mi bde ba ma skyed par/ /myur du song la de sgrubs shig /shin du sdom pa ci 'dra bar/ /de dag grong dang yul 'khor 'gro/ /thams cad ngo 'dzum gnags gyur cing / /spre'u dang 'dra bar rnam par 'khyam/ /de dag khyim du zhugs nas su/ /so sor thar pa legs bshad pa/ /sangs rgyas kyis ni mdo bor nas/ /bud med rnams la chos 'chad do / de dag khyim nas 'gro byed cing / /gang gis rab tu ngan byin pa/ /der ni sbyin pa po dang de'i/ /gnyen bshes gyur pa rnams la smod/ /de dag yang 'dus gyur nas su/ /gcig la gcig ni 'dri byed de/ /ci rnyed khyod kyis ci zhig zos/ /ci zhes dris nas de dag smra/ /de ltar snga ma bzhin sbyar te/ /lo gcig bzhin du lo brgyar yang / /de dag 'dra ba'i rtog pa yis/ /de dag 'tsho ba byed par 'gyur/ /der ni rtsod pa byas nas su/ /'di ni sman du 'gyur ba ste/ /nad nyung 'gyur ba yin no zhes/ /me tog gi ni sbrang rtsi sdud/ /der ni bsgom pa bor nas su/ /khyim pa rnams dang 'du byed pa/ /de dag la ni sangs rgyas dang / /sangs rgyas brgyas kyang ci zhig mdzad/ /bdag la phangs par 'dzin pa dang / /bdag tu 'du shes rtag spangs la/ /gang dag ngan 'gror mi 'gro ba'i/ /rnal 'byor</font><hr>78.32b<br><font size=+1>

de dag skyed 'gyur ba/ /de dag la ni de rab dka'/ /'di ltar byis pa blo ngan pa/ /khyim pa dang ni 'du ba rnams/ /dam pa'i chos ni spong bar byed/ /gang dag shAkya seng ge yi/ /nyan thos yang dag spyod yul ba/ /srog gi don gyi ched du yang / /su yang bslab pa 'da' mi nus/ /khur gyi 'du shes skyed byed pa/ /mkhas pa zas la brkam pa med/ /de la mi sdug sgom par byed/ /de la 'dug cing rnam par sbyong / /'dod pa'i zag pa spang ba'i phyir/ /'du shes thams cad rnam par 'jig /de dag bstan pa 'di la ni/ /rab tu 'byung bar skabs 'byed do/ /yang dang yang du yongs btsal na/ /gang la snying po mi dmigs pa/ /stong pa nyid ni gar brjod pa/ /chos la mkhas pa mi smod do/ /gang dag stong nyid tshul mkhas pa/ /de dag dpa' zhing shes rab che/ /bdud dbung bcas par skrag par byed/ /de dang de dag sbyin ba sbyong / /de dag la ni dga' ba med/ /stong pa nyid dang 'ga' mi byed/ dpa' bo de dag sangs rgyas sras/ /rkang gnyis nang na sbyin pa'i gnas/ /blo gros ngan pa mang byung tshe/ /dam pa'i chos nyung gnas par 'gyur/ /bag yod pas ni tshol ba yis/ /dge slong des sa pa nyung bar 'gyur/ /'chi bar myur du 'byung 'gyur la/ /bdag gi yang dag nyid kyi gtam/ /nyin dang mtshan du brjod 'gyur zhes/ /mkhas pas skyo ba bskyed par bya/ /rkang gnyis dam pa ma gtogs par/ /'jig rten na ni skyabs gzhan med/ /bslab pa rnams bdag bslabs la/ /'chi ba'i 'du byed 'gyur bar bya/ /dgongs te bshad pa 'di lta bu/ /gang dag mi shes de dag ni/ /bla na med pa'i sangs rgyas dang / /chos la'ang sti stang mi byed do/ /kye ma dam chos zad 'gyur te/ /'di dag yun ring mi thogs shing / /rgyun thung ring por mi thogs kyis/ /brtson 'grus brtan po brtsam par bya/ /de skad ces bka' stsal nas</font><hr>78.33a<br><font size=+1>

bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das gang dag mdo sde 'di lta bu 'di dag thos nas yang dag par skyo ba 'di lta bu mi skyed pa de dag ni ngo mtshar to/ /de skad ces gsol nas/ bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung chos bzhi dang ldan ba'i sems can rnams skyo ba mi skye ste/ bzhi gang zhe na/ bag med pa mang ba dang / las kyi rnam par smin pa la yid mi ches pa dang / sems can dmyal ba chen po la yid mi ches pa dang / 'di ltar bdag 'chi bar 'gyur bar yid mi ches pa ste/ 'od srung chos bzhi po de dag dang ldan pa'i sems can rnams skyo ba mi skye'o/ /'od srung gzhan yang chos bzhi dang ldan pa'i sems can rnams skyo ba mi skye ste/ bzhi gang zhe na/ 'byung ba chen po gzhon te bar chad med par 'dug par gyur pa dang / mthu stobs dang ldan par gyur pa dang / 'dod pa'i yon tan rnams la rab tu chags par gyur pa dang / gzi brjid la sems pas rnal 'byor ma myong zhing gdung ba'i stobs can du gyur pa ste/ 'od srung chos bzhi po de dag dang ldan pa'i sems can rnams skyo ba mi skye'o/ /'od srung chos bzhi dang ldan pa'i dge slong ni sangs rgyas kyi byang chub spong ste/ bzhi gang zhe na/ des sngon sdig pa'i las byas par gyur pa dang / de chos kyis phongs par 'gyur ba dang / // // // //de'i mi dge ba'i rnam par smin pa ston pa dang / mkhan po dang slon dpon ni skye bo mang pos bsngags pa yin na/ de ni sangs rgyas kyi byang chub spong zhing de dag gi rjes su bslabs nas spong la thos pa nyung bar gyur pa yin te/ skyon gzhan gyis pha rol la phrag dog tu gyur pas sangs rgyas kyi byang chub spong ba ste/ 'od srung chos bzhi po de dag dang ldan ba'i dge</font><hr>78.33b<br><font size=+1>

slong ni sangs rgyas kyi byang chub spong ngo // //sdom pa gsum bstan pa'i le'u zhes bya ba theg pa chen po'i mdo/ / bam po gsum pa ste tha ma/ 'od srung dge sbyong du byed pa dang / bram zer byed pa'i chos gcig ste/ gcig gang zhe na/ chos thams cad la sems mi gnas pa ste/ 'di ni dge sbyong du byed pa dang / bram zer byed pa'i chos gcig go /'od srung 'di lta ste/ dper na mi la la zhig ri ka nas rbab tu lhung nas stong pa'i gnas dang / shing stong pa'i gnas dang / nam mkha' stong pa'i 'du shes kyis sa stong par shes te/ de dbugs phyi nang du rgyu bar mi 'gyur ro/ /'od srung de bzhin du chos thams cad la 'dzin te/ mig gis rtags su 'dzin cing mig gis mtshan mar 'dzin pa ni dge sbyong du byed pa'i chos ma yin pram zer byed pa'i chos ma yin no/ /de bzhin du rna ba dang / sna dang / lce dang / lus dang / yid kyis rtags su 'dzin cing mtshan mar 'dzin pa ni dge sbyong du byed pa'i chos ma yin/ bram zer byed pa'i chos ma yin no/ /gzugs la mtshan mar 'dzin pa dang / tshor ba dang / 'du shes dang / 'du byed dang / rnam par shes pa la mtshan mar 'dzin pa ni dge sbyong du byed pa'o chos ma yin bram zer byed pa'i chos ma yin no/ /tshul khrims kyis byang chub 'dogs shing tshul khrims kyis byang chub rlom sems su byed pa dang / thos pa yongs su tshol bas byang chub rlom sems su byed pa dang / ngo tsha shes pa dang / khrel yod pas byang chub 'dogs pa dang / 'ong ba dang 'gro bas byang chub rlom sems su byed pa'i chos 'di ni dge sbyong du byed pa'i chos ma yin/ bram zer byed pa'i chos ma yin no/ /gang rlom sems su byed pa'i chos de ni gnod par 'gyur ro/ /cis gnod par 'gyur zhe na/ 'dod chags kyi gnod par 'gyur ro/ /zhe sdang gis gnod par 'gyur ro/ /gti mug gis gnod par 'gyur ro/ /de la gang</font><hr>78.34a<br><font size=+1>

mig gis mtshan mar 'dzin pa de ni mtshan mar 'dzin pas yid du 'ong ba dang / yid du mi 'ong ba'i gzugs rnams kyis mig la gnod par 'gyur ro/ /rna ba dang / sna dang / lce dang / lus dang / yid kyang de bzhin te/ yid kyis mtshan mar 'dzin na de mtshan mar 'dzin pas yid du 'ong ba dang / yid du mi 'ong ba'i chos rnams kyis yid la gnod par 'gyur ro/ /gang la gnod par 'gyur ba de ni sems can dmyal ba dang / dud 'gro'i skye gnas dang / yi dgas kyi yul dang / lha dang mi'i nang du phongs bar 'gyur ro/ /gang phongs pa de ni rlom sems kyis phongs bar 'gyur ro/ /de la rlom sems gang zhe na/ nga'o snyam pa ni rlom sems so/ /nga'i 'o snyam pa ni rlom sems so/ /bud med do snyam pa ni rlom sems so/ /skyes ba'o snyam pa ni rlom sems so/ /sa'o snyam pa ni rlom sems so/ /chu'o snyam pa ni rlom sems so/ /me'o snyam pa ni rlom sems so/ /rlung ngo snyam pa ni rlom sems so/ /keng rus su 'du shes pa ni rlom sems so/ /rnam par zos par 'du shes pa ni rlom sems so/ /rnam par sngos bar 'du shes pa ni rlom sems so/ /rnam par dmar bar 'du shes pa ni rlom sems so/ /rnam par 'bu zhugs bar 'du shes pa ni rlom sems so/ /rnam par grol bar 'du shes pa ni rlom sems so/ /rnam par grol ba gang ci yang rung ba zhig yod do snyam du rlom sems su byed cing des rnam par grol bar 'gyur ro snyam pa ni rlom sems so/ /sngon gyi gnas rjes su dran pa rnam pa du ma sngon du bya'o snyam pa ni rlom sems so/ /bdag rjes su dran par bya'o snyam pa ni rlom sems so/ /shin du 'das so/ /shin du da ltar byung ngo / /nga bdag gang yin pa de 'das ba'o/ /da bdag gang yin pa de da ltar byung ba'o snyam pa ni rlom sems so/ /gang dang gang du 'du shes pa ni rlom sems te/ mya ngan las 'das ba'i bar du 'du shes pa ni rlom sems</font><hr>78.34b<br><font size=+1>

so/ mya ngan 'das pa thob par bya'o snyam pa ni rlom sems so/ /'od srung mdor na dmigs pa ni rlom sems so/ /gang dang gang du 'du shes 'jug na tha na stong pa nyid ngo snyam pa de thams cad kyang rlom sems te/ dge sbyong du byed pa'i chos ma yin pa dang / bram zer byed pa'i chos ma yin pa thams cad ni rlom sems thams cad do/ /'di ltar 'di dag ni dge sbyong gi spyod pa ma yin/ bram ze'i spyod pa ma yin no/ /dge sbyong dang bram ze'i chos rnams ni de bzhin gshegs bas gsungs pa ste/ 'od srung 'di lta ste/ dper na nam mkha' 'am sa lta bu'o/ /de ci'i phyir zhe na/ bar snang ni 'di snyam du nga bar snang ngo snyam du mi sems ba'i phyir ro/ /'od srung de bzhin du dge sbyong dang / bram ze yang 'di snyam du nga ni dge sbyong ngo / /nga ni bram ze'o snyam du mi sems so/ /'od srung de lta bas na gang chos 'di dag la rlom sems su mi byed pa de ni dge sbyong du byed pa'i chos so/ /bram zer byed pa'o chos so/ /ci'i phyir dge sbyong du byed pa'i chos dang / bram zer byed pa'i chos zhes bya zhe na/ dge sbyong ni de ltar byed pa yang med/ mi dge ba yang med de/ de'i phyir dge sbyong du byed pa dang / bram zer byed pa'i chos zhes bya'o/ /'od srung 'di lta ste/ dper na mi la la zhig mtshan mo mun pa mun nag gi mun par zhugs nas lag pa g.yob cing kha gdangs te tshig 'di skad ces 'jig rten la gco dri'o/ /'jig rten la gco dri'o/ /zhes smra na/ 'od srung 'di ji snyam du sems/ mi des gang zhig la gco dris bar gyur/ gsol pa/ bcom ldan 'das bdag nyid la gco dris lags so/ /de ci'i slad tu zhe na/ de na gco dri ba gang yang ma mchis ba'i slad du'o/ /bka' stsal pa/ 'od srung de bzhin du dge slong yang dgon pa na 'dug gam/ shing drung na 'dug gam/ khang stong na 'dug gam/ bla gab med pa na 'dug kyang rung</font><hr>78.35a<br><font size=+1>

ste/ mig mi rtag go zhes yid la byed/ rna ba dang / sna dang / lce dang / lus dang / yid mi rtag go zhes yid la byed/ gzugs mi rtag go zhes yid la byed/ sgra dang / dri dang / ro dang / reg dang / chos rnams mi rtag go zhes yid la byed/ mya ngan las 'das pa thob par bya'o/ /zhes yid la byed cing bdag rnam par zhi bar bya'o snyam pa 'di lta bu 'di ni dge sbyong gi spyod pa ma yin no/ /de ci'i phyir zhe na/ gang mig dmigs nas mig dgag pa'i phyir mngon par brtson zhing mngon par 'du byed pa de ni sdig pa 'dzin par tog pa'o/ /gang rna ba dang / sna dang / lce dang / lus dang / yid dmigs nas yid dgag pa'i phyir mngon par brtson zhing mngon par 'du byed pa de ni gnas gsum dmigs te/ bsgrub pa yid la byed pa de dag gis gnas gsum la rtog go/ /gang la mthong bas rtog pa yod pa de la sems rtse gcig pa ga la yod/ 'od srung sangs rgyas kyi byang chub 'di ni zab ste/ rtogs bar dka' ba'o/ tshogs ni nyams su len par dka' ba'o/ /'od srung sems rtse gcig pa zhes bya ba ji tsam gyis na sems rtse gcig pa zhes bya zhe na/ yongs su btsal na chos gcig kyang mi dmigs pa ste/ mig la snying po mi dmigs so/ /rna ba dang / lce dang / lus dang / yid la snying po mi dmigs so/ /chos thams cad la snying po med par yang mi dmigs so/ /de ci'i phyir zhe na/ sems kyi rang bzhin skye ba med pa gang yin pa 'di ni de'i rang bzhin yin pa'i phyir ro/ /chos thams cad ni snying po med pa/ dmigs pa med pa ste/ de dag ni 'das pa yang rung / ma 'ongs pa yang rung / da ltar byung ba yang rung / sems la mi dmigs so/ mi dmigs pa dang mngon par 'du mi byed pas de'i phyir mngon par 'du mi byed pa zhes bya'o/ /ci'i phyir mngon par 'du mi byed pa zhes bya zhe na/ rnying pa dang / gsar pa mngon par 'du mi byed de/ de'i phyir mngon par 'du mi byed pa zhes</font><hr>78.35b<br><font size=+1>

bya'o/ /de la 'das ba'i sems kyang rnam par mi 'grol/ ma 'ongs ba'i sems kyang rnam par mi 'grol/ da ltar byung ba'i sems kyang rnam par mi 'grol lo/ /gang sems mi dmigs pa de'i phyir sems rtse gcig pa zhes bya ste/ 'di ni sems kyi bgrang bar byas ba'o/ /'od srung ma 'ongs ba'i dus na dge slong dang / dge slong ma dang / dge bsnyen dang / dge bsnyen ma lus khas 'che zhing dngos bo de dang de rnam par 'jig par 'dogs pa dag 'byung ste/ de dag phung po lngar 'du shes bar 'gyur te/ de bzhin gshegs bas phung po lnga ni rmi lam lta bur gsungs na/ de dag de'i tshe 'di ltar rmi lam zhes bya ba'i tha snyad yod pas rmi lam 'di ni yod do/ /rmi lam 'di ni yod do zhes rmi lam yang dag pa nyid du ston par 'gyur ro/ /gal te rmi lam med du zin na/ bdag cag de la rmi lam gyi 'du shes mi 'byung ngo / /de lta bas na rnam par rig pa de yod de/ de bas na bdag cag rmi lam de la rmi lam du 'du shes byung ngo / /de bzhin du gang dag nye bar bzung ste rmi lam lta bu'o/ /zhes gsungs ba'i phung po lnga po de dag kyang yod do/ /kye phung po de dag med du zin na phung po lnga nye bar bzung ste rmi lam lta bu'o zhes mdzad par mi 'gyur ro/ /zhes zer ro/ /kye mi blun po de dag ni rmi lam la yang dag pa'i 'du shes bskyed par 'gyur te/ de dag 'di lta bu'i mdo sde 'di dag thos nas spong bar 'gyur ro/ /de la dge slong ma gang dag 'byung ba de dag ni bslang ba'i khyim mang po dag tu dgra bcom ma yin zhes sgrogs shing dge slong ma'i gling gzhi ni shes rab sor gnyis pa yin na thob par rjod cing len par 'gyur ro/ /de la dge bsnyen dang / dge bsnyen ma de dag ni tshigs su bcad pa tsam 'am/ tshigs su bcad pa'i cha tsam thos nas thob par sgrogs</font><hr>78.36a<br><font size=+1>

par 'gyur ro/ /'od srung de ltar na de'i tshe dge slong gang lo nyi shu 'am/ sum bcur dgon ba'i gnas na mngon par 'gyur ba brtson par 'gyur ba de sangs rgyas kyi gsung rab kyi ched du dge bsnyen zhag gcig lon pa dang 'grogs bar 'gyur te/ 'od srung stong pa sgrogs bar 'gyur ro/ /de la phan chun stong pa stong pa zhes tshig tu brjod pas yongs su rtogs so/ /yongs su rtogs so zhes tshig tu smra bar 'gyur ro/ /de la dge slong gang chos 'di lta bu 'di dag thos nas 'di lta bu dag phan tshun brjod par 'gyur ro/ /de dag gis de dag thos nas skrag par 'gyur te/ khyim pa 'am rab tu byung ba yang rung / tshig 'di skad ces khyim pa rnams dang 'grogs bar mi bya ste/ mi 'grogs kyis pha zad cig 'di ni ston pa'i bka' ma yin no zhes smra bar 'gyur ro/ /de ci'i phyir zhe na/ 'di ltar shes pa dang / ji ltar rab tu shes pa des phan tshun 'du bar 'gyur zhing de dag la gang gis shin tu zab mo brjod pa de spong bar 'gyur te/ khyim pa dang rab tu byung ba de dag gis de brnyas par 'gyur ba'i phyir ro/ /de ci'i phyir zhe na/ 'od srung tshangs bar spyod pa'i snying po mchog bstan pa na shes bar 'gyur ba yang nyung na/ de'i tshe nyung ngu de dag kyang yongs su mya ngan las 'das shing shin du nyung la mchog tu shin du nyung ba rnams lung 'bogs pa lta smos kyang ci dgos 'od srung de ltar na de'i tshe gang yang dag pa ji lta ba bzhin du rtogs shing mi 'gal bar shes ba'i dge slong ni dge slong stong gi dge 'dun gyi nang na yang gcig kyang de na dkon par 'gyur ro/ /de na gzhan gang dag 'byung ba de dag ni skye bo de las mi slob ste/ gang yang dag pa ji lta ba bzhin du rtogs shing mi 'gal bar sbyor pa dang ldan par 'gyur ba'i dge slong ni dge slong nyis stong gi dge 'dun gyi nang na yang</font><hr>78.36b<br><font size=+1>

gcig kyang de na dkon par 'gyur ro/ /'od srung de ltar na de'i tshe khyim pa dang / rab tu byung ba dag pastan pa 'di la brnyas bar 'gyur ro/ /'od srung de'i tshe de'i dus na dge slong gang mi dge ba'i chos spang ba dang / dge ba'i chos bskyed pa'i phyir brtson 'grus brtsams pa dang / nam gyi cha stong dang / nam gyi cha smad la mi nyal bar rnal 'byor la brtson pa 'byung bar 'gyur te/ de ni de'i tshe srog la 'bab par 'gyur/ smad par 'gyur/ yongs su spong bar 'gyur ro/ 'od srung de ltar de'i tshe chos 'di lta bu rnam par 'jig par 'gyur/ dge slong rnam par 'jig par 'gyur ro/ /de na mkhas pa zab mo la mos pa gos pa med pa la mos pa dag gis de'i tshe gus pa dang bcas bar bya/ zhe sa dang bcas bar bya zhing gcig tu 'dus nas dgon pa la gnas bar bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /nga yis chos gang legs bshad pa/ /dam pa'i don dang ldan pa ste/ /phung po snying po med bstan pa/ /de dag rmi lam 'dra bar ltos/ /de tshe dge slong de dag ni/ /rtsod par byed de g.yo zhing 'gul/ /phan tshun bye brag yod med de/ /de dag 'du shes rnyed par 'gyur/ /dge slong gang gis ci brjod pa/ /de dag rnams kyang de tsam brjod/ /chos kyi tshul ni de tsam ste/ bye brag yod par mi 'gyur ro/ /khyim pas dge slong smra ba ni/ /sangs rgyas rnams kyi byang chub 'di/ /gal te shes na ngo mtshar te/ /khyod kyis 'bras bu dang po thob/ /khyim pa dge slong sten de dag / chos mthong yin pa snyam du sems/ /de yi mdun du sbyin pa rnams/ /de dag yang yang sbyin par 'gyur/ /dge slong ji ltar bshad pa dag /de ni de bzhin gzhan du min/ /bden pa mthong des bdag cag la/ /bshad pa rnams ni 'thun</font><hr>78.37a<br><font size=+1>

snyam byed/ /sbyin pa yod de dge slong rnams/ /dam pa'i chos la mi gnas te/ /de yi tshe na byung ba rnams/ /sangs rgyas byang chub 'jig par byed/ /de la ma sten nga la bsten/ /nga ni khyod kyi ston pa yin/ /nga ni ji ltar gyur pa bzhin/ /khyod kyis myur du thob par 'gyur/ /'di ni gnas kyi dam pa ste/ /zhi ba yin zhes phan tshun smra/ /thams cad gcig tu 'dus gyur nas/ /nga yi bstan pa 'jig byed 'gyur/ /dper na grong 'jom byed pa yi/ /chom rkun shin du mi bzang rnams/ /grong khyer rnams dang yul 'khor dang / /grong mdab dag ni rnam par 'jig /de bzhin dge slong rnams 'byung ba/ /blo ngan dman zhing shin tu rmongs/ /shes rab chung zhing sdom pa 'chal/ /srog dang gang zag shin du rten/ /nga yis g.yo ba gang bshad pa/ /der brten 'di la nyams pa ste/ /de dang de dag dgra bcom smra/ /de kun lhag pa'i nga rgyal cam/ /dge slong dge 'dun mdun dag tu/ /de dag 'dus bar gyur kyang ni/ /de ni ming du snang bar zad/ /gcig kyang de ni shin du dkon/ /de tshe chos kyi rgyal po yi/ /byang chub rab tu spong bar 'gyur/ /lha rnams sdug bsngal yi mug cing / /yang dang yang du ngu bar 'gyur/ /chos mchog shAkya seng ge yi/ /bstan pa 'di ni rab 'jig ces/ /de na lha gang dad pa rnams/ /sa la rab tu 'gyel bar 'gyur/ /kye ma sangs rgyas zhes smra zhing / /kye ma legs bar bshad pa'i chos/ /kye ma dge 'dun sbyin pa'i gnas/ /sangs rgyas thugs rjes sras zhes smra/ /chos kyi rgyal pos bstan pa yi/ /chos ni phyin cad mi thos so/ /kun du rmongs shing mun par gyur/ /thub pa 'di ni mya ngan 'da'/ /sa bla'i lha rnams de ma thag /sgra chen 'di skad sgrogs bar 'gyur/ /sgron ma 'di ni med 'gyur zhes/ /lha</font><hr>78.37b<br><font size=+1>

rnams go bar byed par 'gyur/ /de las 'jig rten lhag med pa'i/ /sangs rgyas khyed kyis thos zin gyis/ /phyin cad lha dang klu rnams kyang / /yid la gcags bar gyur ta re/ /sangs rgyas ji ltar nga 'gyur zhes/ /bskal pa grangs med gsum du des/ /bdag gi dang ni gzhan dag gi /sdug bsngal thams cad bzod par byas/ /gang gis srog chags thams cad la/ /shin tu legs bar chos bstan pa/ /'jig rten mgon po de yi chos/ /'di ni shin tu nub par 'gyur/ /'khrug pa byed pa byung gyur te/ /shin tu mi bzad sdig byed pa/ /bdud kyi pho nya drag po'i bdud/ /'jig 'dod bka' blo rab mi bde/ /g.yo byad g.yon can blo gros ngan/ /rgyu dang ldan zhing byis pa dman/ /khros shing khros nas bla ma dang / /rgyal ba'i bstan pa 'jig par byed/ /sa bla pa las sgra thos nas/ /bla ma'i lha rnams mi dgar 'gyur/ /rgyal po chen po bzhi po yang / /de tshe yid mi bde bar 'gyur/ /lcang lo can gyi pho brang du/ /gnod sbyin tshogs rnams 'dus gyur nas/ /thams cad gdong la mchi 'dzag cing / /'jigs su rung ba'i sgra yang 'byin/ /lha rnams thams cad 'dus gyur nas/ /nyam thag par ni cho de 'don/ /phan tshun slob par mi byed cing / /yid ni shin du dman par 'gyur/ /grong khyer gang dag rab brgyan cing / /rin chen rang bzhin gnas pa rnams/ /thams cad mi sdug mdog gyur cing / /phyag dar phung po 'dra bar 'gyur/ /grong khyer dam pa de dag tu/ /skad cig de la dga' mi 'gyur/ /grong khyer dam pa de dag tu / sngon cad bzhin du dga' mi 'gyur/ /gang du nga ni btsas gyur pa/ /der ni lha rnams 'dong byed cing / /mthong nas rab tu 'gyel 'gyur te/ /de ltar shin tu mi bzad 'gyur/ /sa la 'bab par byed 'gyur zhing / /der</font><hr>78.38a<br><font size=+1>

'dong der ni 'dug par bya/ /yang dag nyid kyi chos rnams ni/ /myur tu 'jig 'gyur yod ces 'dzer/ /'dzam bu'i gling du babs gyur nas/ /rnam par 'jig pa mthong bar 'gyur/ /sangs rgyas sras rnams brel phongs te/ /shin tu rnam par 'jig par 'gyur/ /grong khyer mchog rnams zhag bdun du/ /kha dog gzi byin med par 'gyur/ /zhag bdun bar du lha rnams kyang / /yang dang yang du ngu bar 'gyur/ /kye ma sangs rgyas dpa' chen po/ /mngon sum mthong bar gang gyur ba/ /mgon po de yang snang ma gyur/ /bdag mgon de yang mya ngan 'das/ /mnyan yod gnas bar gyur pa na/ /gang dag lha gnas bsnyen bkur ba/ /de dag sa der gnas nas su/ /yang dang yang du ngu bar 'gyur/ /'di ni sangs rgyas gdan yin te/ /'phags ba'i bden pa bzhi po dag /mi mchog gis ni der bshad pa/ /bdag cag de tshe mngon sum mo/ /'jig rten dag kyang yang ldongs shing / /phan tshun gus bar byed mi 'gyur/ /sdig pa'i las rnams byas nas su/ /des ni ngan 'gror 'gro bar 'gyur/ /lha yi gzhal med khang mang rnams/ /de yi tshe na stongs bar 'gyur/ /'dzam bu'i gling gi sems can rnams/ /mgon med skyabs kyang med par 'gyur/ /'chag sar gyur ba'i gnas 'di dag / rnam par zhigs shing stongs bar 'gyur/ chos rgyal mya ngan 'das gyur pas/ 'jig rten 'di dag dga' ba med/ sum bcu rtsa gsum gnas kyi bdag /lha dbang brgya byin de yi tshe/ sdug bsngal gyur cing yi mug gnas/ sgra chen rab tu 'byin par 'gyur/ sum bcu rtsa gsum lha kun kyang / lag pa bsgreng zhing rab tu ngu / bskyed mos tshal du thos gyur na/ de ma thag du rgyug par 'gyur/ chos rnams ston pa gang yin pa/ /'jig rten mgon</font><hr>78.38b<br><font size=+1>

dang bral lo zhes/ /lha rnams rtag par rgyun du yang / /nga ni brjod par byed par 'gyur/ lha rnams bdud rtsi mi za zhing / /glu'i sgra yang len mi 'gyur/ sum bcu rtsa gsum lha rnams ni/ /zla ba drug tu yid mi bde/ bstan pa bdag po med gyur ces/ lha ma yin gyis der thos nas/ /sum bcu gsum gyi lha rnams dang / /'thab mo byed du 'dong zhes 'dzer/ /'dzam bu'i gling gi rgyal po rnams/ /sangs rgyas mchod rten byed par 'gyur/ /de yi tshe na lha min dang / /lha rnams 'thab mo byed par 'gyur/ /de tshe dge slong phal cher yang / /ngan 'gro dag tu 'gro bar 'gyur/ /dge slong ma ni phal cher yang / /ngan 'gro dag tu 'gro bar 'gyur/ /de tshe khyim pa khrims 'chal ba/ /dge bsnyen pa 'am khyim gnas ba/ /de dag gis kyang sgra brjod nas/ /des na ngan 'gror 'gro bar 'gyur/ /de tshe bud med sdig pa can/ /de dag 'gro ba'ang sdig can te/ /de tshe 'jig rten thams cad kyang / /g.yo zhing shin du 'gul bar 'gyur/ /la la dag ni grong mdab rgyug /la la dag ni ri la rgyug / rnam par rgyug pa'i sems can rnams/ /srog ni ring por mi thob 'gyur/ /chom rkun dag kyang mang du 'byung / dgon pa yang ni 'byung 'gyur zhing / /'bru rnams btab kyang mi gnas te/ /byi ba dag gis gnod par 'gyur/ /mu ge byung bar gyur pa na/ /mi gang 'chi ba'i dus byed pa/ /shi nas yi dgas nang 'gro ste/ /de ni sdug bsngal myong bar 'gyur/ /de tshe phyogs bzhi'i dge 'dun dang / /mchod rten la ni gang phul la/ /de tshe dge slong de dag gis/ /phan tshun bged pa byed par 'gyur/ /nga 'das gyur pa'i phyi na ni/ /sdug bsngal 'di 'dra 'di 'byung gis/ /myur du rab tu brtson gyis shig /de ni mngon sum gyur ta re/ /byis pa thams cad</font><hr>78.39a<br><font size=+1>

mi shes shing / /byis pa thams cad mkhas ma yin/ /byis pa de dag las byas nas/ /ngan 'gror myur tu 'gro bar 'gyur/ /gang las shes rab 'byung 'gyur ba/ /lung nod pa dang kha ton dga'/ /shes rab bslabs ba'i sems can rnams/ /myur du bde 'gror 'gro bar 'gyur/ /shes rab rnam par brtags na mdzes/ /nga ni ci 'dra de ltar slobs/ /thams cad 'du ba spangs nas su/ /myur du mya ngan 'das bar 'gyur/ /dam pa'i chos ni cung zhig gnas/ /brtson 'grus brtan pa brtsam par gyis/ /de tsam zhig ni smra bar nus/ /tshul bzhin bsam pa myur du gyis/ /bskal pa 'di ni 'das 'og tu/ /bskal pa drug bcu tham par ni/ /sangs rgyas sgra grag mi 'gyur na/ /dga' ba 'di ni ga la 'byung / /bkres bas shin du nyen gyur pas/ /phan tshun dag nas 'dus gyur nas/ /ma yi sha dang bu yi sha /de dag za bar byed par 'gyur/ /de na bu pho skyes pa yang / /bag phebs khyim du 'gro mi byed/ /rang gi khyim na 'dug kyang ni/ /shin du 'jigs bas skag par 'gyur/ /'khor bar shin du gnod gyur pa/ /de dag mthong zhing thos gyur nas/ /'dod la su zhig sred pa skye/ /'dod pa'i rtsa ba bud med yin/ /skye ba'i rtsa ba mi shes ba/ /sdug bsngal rtsa ba phung po ste/ /de bas sdug bsngal yongs su spongs/ /sems can gang dag rmongs gyur pa/ /de dag pud med sten par byed/ /sems can gang dag ma rmongs ba/ /myur du mya ngan 'das reg 'gyur/ /lung 'bogs byed ni rnam smin dang / /phrad par 'gyur ba yod ma yin/ /gang gis ngan 'gror 'gro 'gyur ba/ /zag bcas 'bras bur bcas pa 'di/ /gang dag zag pa med pa'i chos/ /gsob dang gsog dang stong pa dang / /snying po</font><hr>78.39b<br><font size=+1>

med dang dben pa ste/ /de dag myur du rtog par gyis/ /'od srung chos dang po 'di dang ldan pa'i byang chub sems dpa' sems dpa' zag pa med pa'i chos 'dod na chos thams cad la sems mi gnas bar bstan par bya'o/ /'od srung gzhan yang byang chub sems dpa' ni yongs su sbyang bar bya ba brten pa yin te/ de la brtan pa ni gang yongs su sbyang bar bya ba ni gang zhe na/ sems brtan pa yin/ brtson 'grus brtan pa yin no/ /de la sems brtan pa gang zhe na/ 'od srung 'di la byang chub sems dpas 'di snyam du gang gA'i klung gi bye ma ji snyed pa de snyed kyi sangs rgyas la bsnyen bkur byas nas phyis byang chub tu sems gcig bskyed la de nas yang bskal pa gang gA'i klung gi bye ma snyed na sangs rgyas gcig 'byung zhing sems bskyed pa gang gA'i klung gi bye ma snyed kyis mi lus gcig thob la/ mir skye ba thob pa gang gA'i klung gi bye ma snyed kyis chos kyi tshig gcig thos shing des shes rab gsal bar gyur kyang de bla na med pa yang dag par rdzogs ba'i byang chub la phan par gyur pa snyam du sems bskyed par bya'o/ /de la byang chub sems dpas sems brtan pa 'di lta bu bskyed par bya ste/ sangs rgyas kyi ye shes ci 'dra ba de mnod par bya/ bdag gis bya dka' ba 'di lta bus sangs rgyas kyi ye shes de yang dag par bsgrub par bya'o snyam du sems bskyed par bya ste/ 'od srung byang chub sems dpa' rnams ni sems brtan pa 'di lta bu yin no/ /kye 'od srung 'di la mi 'dzangs pa kha cig ni dpes bshad pa'i don rtogs bar 'gyur bas khyod la dpe brjod par bya'o/ /'od srung gal te bya dka' ba'i gnas 'di lta bus byang chub 'thob ste/ gang zhig bskal pa gang gA'i klung gi bye ma snyed du dbugs dbyung bar mi bya/ dbugs rngub par mi bya bar slob cing</font><hr>78.40a<br><font size=+1>

dbugs dbyung bar mi byed/ dbugs rngub par mi byed par bla na med pa yang dag par rdzogs ba'i byang chub mngon par rdzogs bar byang chub par byed cing bskal pa gang gA'i klung gi bye ma snyed du gnas na yang de la byang chub sems dpas mthu bskyed par bya/ spro bar bya'i bdag gis bla na med pa yang dag par rdzogs ba'i byang chub yongs su gtang bar mi bya'o/ /snyam du sems brtan pa 'di lta bu bskyed par bya ste/ kye 'od srung byang chub sems dpa' ni sems brtan pa 'di lta bu dang ldan pa yin no/ /'od srung byang chub sems dpa' gang la la zhig 'di lta bu'i sems bskyed na ci zhig 'dzin ce na/ gnas kyang mi 'dzin gnas ma yin pa yang mi 'dzin to/ /ji ltar gnas kyang mi 'dzin gnas ma yin pa yang mi 'dzin ce na/ gang bla na med pa yang dag par rdzogs ba'i byang chub tu 'gyur ba'i gnas kyang med la/ de myur du yang 'thob pa'o/ /'od srung gang gis stong gsum gyi stong chen po'i 'jig rten gyi khams rin po ches yongs su bkang ste sbyin pa byin pa bas/ gang gis de bzhin gshegs bas gsungs ba'i mdo sde byang chub la yang dag par gzhol ba 'di lta bu 'di dag gi tshul gyis gnas len cing nan tan gyis sgrub na/ des ni de bas ches bsod nams kyi phung po mang du skyed par 'gyur ro/ /'od srung byang chub sems dpa' ni sems brtan pa yin te/ sems brtan pa ni sems kyang mi dmigs te/ des na de zhum par mi 'gyur ro/ /de la yongs su sbyang bar bya ba gang zhe na/ yongs su sbyang bar bya ba ni mang ste/ yongs su sbyang bar bya ba mang ba gang zhe na/ yongs su sbyang bar bya ba mang ba ni gang sems bskyed pa gcig kyang rtogs bar mi nus ba'o/ /de ci'i phyir zhe na/ chos de dag ni gdags bar bya ba ma yin pa'i phyir ro/ /'di la 'di ni</font><hr>78.40b<br><font size=+1>

yongs su sbyang bar bya ba'i dam pa yin te/ 'di lta ste sems brtan pa nyid do/ /de la 'di skad ces bya ste/ 'byung ngam mi 'byung 'gyur zhig gu/ /bdag ni ci 'drar 'gyur zhig ces/ /sems med sems kyi 'du shes ba/ skrag pa chen po 'byung bar 'gyur/ /de dag rtag tu rnam par rtog / ji ltar byang chub 'thob snyam zhing / /las mtha' min la gnas gyur nas/ /rnal 'byor gdams ngag byed par 'gyur/ 'di dag le lo'i mtshan nyid de/ /'di dag pyang chub mtshan nyid min/ /'dir ni the tshom thams cad 'byung / /sangs rgyas sam ni nyan thos kyang / /sangs rgyas chos rnams rab bzang ba/ /spyod par mi byed mi tshol na/ sgra tsam gyis ni bde ba 'di/ /thob par nus pa ma yin no/ /rgyal chen sgrub par byed pa yi/ /'dun dang dad pa 'dir yod kyang / sems tsam gyis ni dal ba 'di/ thob par nus pa ma yin no/ /'dir ni bya ba thams cad kyang / chos gcig gis ni byed do zhes/ bye brag 'di ni rtogs gyur nas / byang chub byed rgyu spyad par bya/ /'od srung de la chos kyi rnam grangs 'di bshad pa na rnam grangs de dang ldan na byang chub sems dpa' sangs rgyas rnams mnyes bar yang mi byed la bdag de bzhin gshegs pa dgra bcom pa yang dag par rdzogs ba'i sangs rgyas su 'gyur ro zhes bdag nyid kyis bdag la lung ston par byed do/ /'od srung 'di la byang chub sems dpa' khyim pa'i yongs su sbyang ba bya ba gang dag pyang chub la phan par 'gyur ba gang zhe na/ 'od srung byang chub sems dpa' khyim pa'i yongs su sbyang ba bya ba gang dag pyang chub la phan par 'gyur ba ni gsum ste/ gsum gang zhe na/ thams cad mkhyen pa nyid la shin du 'dun par bya ba dang / sngon gyi byed par mi lhung bar bya ba dang des bslab pa'i gzhi lnga dang ldan</font><hr>78.41a<br><font size=+1>

bar bya ste/ yan lag gsum po de dag dang ldan na chos drug sgrub par byed do/ /drug gang zhe na/ 'phags ba'i gnas 'thob pa dang / mi blun zhing lug ltar lkug pa ma yin pa dang / 'on pa ma yin zhing dig pa ma yin pa dang / de'i lus rnam par gsal bar mngon par 'grub pa dang / dad pa myur du 'thob cing chos zab mo dag gis skrag par mi 'gyur ba dang / bsgrim mi dgos bar thos bas 'phags shing myur du phyir mi ldog pa 'thob par 'gyur ba'o/ /chos drug po 'di dag gi bar du gcod par 'gyur ba'i chos lnga ste/ de la mkhas bar bya'o/ /lnga gang zhe na/ phra ma mi bya bar dam pacas te mi gnas pa dang / rnam pa thams cad du bslu bar mi bya ba dang / byang chub sems dpas bsam pa phun sum tshogs bar bya ba dang / ser sna ni de'i bar du gcod par 'gyur ba dang / 'dod pa la mngon par chags pa ni de'i bar du gcod par 'gyur ba ste/ chos lnga bo de dag ni de'i bar du gcod par 'gyur ba'o/ /gzhan nyams su blang ba'i chos gsum ste/ gsum gang zhe na/ rgyun mi 'chad par rab tu 'byung ba'i sems bskyed par bya ba dang / tshul khrims dang ldan pa'i dge sbyong dang / bram ze rnams la gus pa dang bcas shing rjes dang bcas bar bya ba dang / gang dag pacos shing chos ston pa de dag yongs su spang bar bya'o/ /de ci'i phyir zhe na/ de la byang chub sems dpas bslab par mi bya ba'i phyir ro/ /byang chub sems dpas rtswa'i khur bskur bar mi bya'o/ /de ci'i phyir zhe na/ gang gsog pa de byang chub kyi lam ma yin pa'i phyir te/ de ni mi shes bas spangs nas chos de dag yang dag par blangs te mi slob bo/ /'od srung byang chub sems dpas chos gsum yang dag par blangs nas bslab par bya ste/ gsum gang zhe na/ des rgyun mi 'chad par</font><hr>78.41b<br><font size=+1>

sangs rgyas la gzhol bar bya ba dang / lung mnos te kha ton bya ba la mngon par brtson par bya ba dang / des sems can rnams la byams ba'i sems bskyed par bya zhing bsgom par bya ba ste/ chos gsum po de dag yang dag par blangs nas bslab par bya'o/ /gzhan yang chos gsum kun du bsten par bya ste/ gsum gang zhe na/ des khu tshur dang thal lcag gis brdegs pa spang bar bya ba dang / des gzhan la dman par gyur bas smra bar mi bya ba dang / sems can 'jigs pa rnams la mi 'jigs pa sbyin par bya ba ste/ chos gsum po de dag ni kun du bsten par bya'o/ /de la 'di skad ces bya ste/ sems can dman pa rnams mi bsten/ /gang dag lta ba mi drang ba/ /mthong nas ring du spang bya ste/ /sbrul gdug gtum pa ji bzhin no/ /gang dag de dag phyag 'tshal ba/ /de dag rjes su bslab mi bya/ /khyi za mthong ba ji lta bar / de dag ring du spang bar bya/ /gang dag dmigs pa can gyur pa/ sems can de dag ngan 'gror 'gro/ gang dag de dag rjes slob pa/ /de dag 'gro ba'ang de 'dra'o/ /rgyal ba'i bstan pa thos gyur nas/ /stong pa'i chos la dogs med cing / /dge slong gang dag ston dka' ba/ /de dag la ni gus bar byed/ /de dag las ni thos pa 'phel/ /de dag shes rab rno bar 'gyur/ /byang chub la ni nye gyur te/ /sems can kun gyis phyag byas so/ /myur du gso sbyong byed par 'gyur/ /lung nod pa la myur du spyod/ de yi shes rab shin tu 'phel/ /chu las ud pal ji bzhin no/ /myur du gso sbyong byed par 'gyur/ /chos kyang myur du nyan par byed/ /de yi shes rab rab tu 'phel/ /des ni zag pa chad par byed/ /shes rab che zhing brtson 'grus che/ /gzi brjid che zhing 'jigs pa med/ /gang dag la ni byed 'dod dang / /bdag gi don kyang rab tu byed/ /</font><hr>78.42a<br><font size=+1>

'di la khyim pa khur tshur dang / /thal lcag rdeg pa spong bar byed/ /byang chub yan lag yongs su tshol/ /de ni chos las nyams mi 'gyur/ /de ni nad kyang nyung bar 'gyur/ /gzugs kyi mchog dang ldan par 'gyur/ /sems can rnams ni dga' bar 'gyur/ /nor la dga' ba med par 'gyur/ /khyim gyi sa la gnas byed cing / /byams ba'i sems ni sgom par byed/ /ngan 'gro thams cad yongs spangs nas/ /sum bcu rtsa gsum gnas su 'gro/ /lha zhes bya ba'i ming thob cing / /'dod pa can gyis 'dod mos nas/ /lha yi nang nas shi 'phos kyang / de ni ngan 'gror 'gro mi 'gyur/ /gang dag rigs btsun grags pa yi/ /mi yi 'jig rten 'dir skye'o/ /de ni gzugs dang ldan par 'gyur/ /de la rnam par gtse mi nus/ /mi 'di chos spyod yin zhes te/ /lha dang klu rnams srung bar byed/ /gnas kyi dam pa mthong 'gyur zhing / srog chags kun kyang dga' bar 'gyur/ /de ni bde bar nyal byed cing / bde bar phyir yang sad par 'gyur/ /lha rnams kyis ni bsrungs pa bzhin/ /de la 'jigs pa mi 'byung ngo / /rgya chen chos dang ldan rnams kyis/ /mtshan nyid 'di 'dra 'di dag ste/ /khyim gyi gnas na gnas rnams kyi/ /gzhan yang rgya cher rab tu mang / khyim pa byang chub zhugs pa gang / /skye bo mang la dge ba dag /skul bar byed cing dran par byed/ /skrag rnams mi 'jigs sbyin byed pa/ /thams cad gzigs pa ma gtogs bar/ /lha gzhan rnams kyis shes ma yin/ /de dag lam ni drang por 'gyur/ /kun kyang shes rab ldan par 'gyur/ /de ni dge ba'i rtsa ba des/ /ngan 'gro thams cad yongs spangs nas/ /rig pa gsum po kun dang ldan/ /bslab pa gsum la bslabs pa yin/ /bsod nams ci 'dra byas pa dang / phyag kyang ci 'dra byas pa</font><hr>78.42b<br><font size=+1>

bzhin/ de ni sems can thams cad kyis/ /gcig pu phyag byas gyur pa yin/ /gang zhig ston la phyag byas ba/ bsod nams ci 'dra byas pa bzhin/ phyag kyang ci 'dra byas pa bzhin/ /sems can rnams kyi mchog tu 'gyur/ /khyim gyi sa la gnas nas su/ gang zhig byang chub sems bskyed pa/ /de yi grags chos 'di rnams te/ /gzhan rnams dag kyang yang nyon cig /'od srung byang chub sems dpa' khyim pas chos gsum dang ldan par bya ste/ gsum gang zhe na/ dge mtshan dang ltas spang bar bya ba dang / khyim pa des bsrel ba mang po spang ba'i phyir gtsang sbrar bya ba dang / des mang du thos pa la mngon brtson par bya ba ste/ chos gsum po de dag dang ldan par bya'o/ /gzhan yang des chos gsum yang dag par blangs nas gnas bar bya ste/ gsum gang zhe na/ chos 'chad pa la rgyur gcad par mi bya ba dang / chos brjod pa la gsol ba gdab par bya ba dang / des 'bru mar gyi mar me rgyun mi gcad par bya ba ste/ des chos gsum po de dag rgyun mi gcod par bya'o/ /'od srung gzhan yang byang chub sems dpa' khyim pas gang dag pud med kyi dngos bor 'gyur ba'i chos gsum thams cad kyi thams cad du mi bya ste/ gsum gang zhe na/ ma chos nyan pa las bzlog par mi bya ba dang / dge slong la lta ba las bzlog par mi bya ba dang / chung ma dge slong la lta ba las bzlog par mi bya/ tha na rang gi chung ma la yang chos nyan pa'i bar chad mi bya/ yan lag ma yin par bzhugs bar mi bya ba ste/ gang skyes ba'i dngos bo spangs nas bud med tu 'gyur ba'i chos gsum po 'di dag thams cad kyi thams cad du mi bya'o/ /de la 'di skad ces ste/ rab tu dad pas yang dang yang / /'bru mar mar me bud par bya/ /de las de ni rdul med spyan/ /sangs</font><hr>78.43a<br><font size=+1>

rgyas spyan ni thob par 'gyur / mig de yis ni mgon po de/ /shes bya thams cad shes bar 'gyur/ /shes bya gang zhig shes min pa/ /shes bya shes nas shes bar 'gyur/ /'das ba'i shes bya'i chos rnams dang / /da ltar byung ba'ang de bzhin te/ /ma 'ongs pa la brtag mi bya/ /mtshan nyid gsum du gyur ta re/ /mtshan nyid gnyis bo de dag yod/ /gsum pa rnam par spang byas nas/ /de dag thams cad don gcig 'gyur/ /mtshan nyid kyis ni mtshan nyid med/ /dpang po sangs rgyas kyis bshad pa/ /chos de dpang po ma yin no/ /gang gis de dag rnam partags pa / de ni byang chub mchog mi 'gyur/ /sangs rgyas spyan ni rnam sbyangs na/ /thams cad mngon sum shes bar 'gyur/ /gang zhig yang dag rab bshad pa'i/ /lam 'di nyid la byang chub yod/ /chos rnams de dag pastan pa med/ /de dag rnam par bshig pa'ang med/ /chos rnams thams cad ma bshad de/ /des na rab tu bshad ces bya/ /de yi phyir na ston pa ni/ /khyim pa rnams la chos ston te/ /'bru mar rnams kyi mar me bus/ /de tshe mig gis shes par 'gyur/ /shAkya seng ge'i bstan pa ni/ /'chang ba'i tshe na rgyun mi gcad/ /myur du ngan 'gror song da re/ /dmus long du yang myur du 'gyur/ /rgyal ba'i bstan pa shod cig ces/ /yang dang yang du gsol ba gdab/ /de ni dge ba'i rtsa ba des/ /'khor lo dam pa bskor bar 'gyur/ bar chad byed par mi bya ste/ /chos kyi bar chad pyas pas na/ bud med mi bzad chen mo dang / /long skur rab sdig gyur ta re/ /de ni gzugs rnams mi mthong zhing / de ni cung zad mi thos te/ /skye ba po zhig mun khung du/ /bcug nas 'dug pa ji bzhin no/ /chung ma'i phyir ni phrag dog can/ /bar chad dag ni byas</font><hr>78.43b<br><font size=+1>

pas na/ /myur du 'chi ba'i dus byas nas/ /shin tu sdig can bud med 'gyur/ /skra ni ser zhing kham pa dang / /gnag cing blta na mi sdug dang / /shin du mi bzad rkang gyol dang / /'on par 'gyur zhing lce med 'gyur/ /phrag dog can gyi skyes pa ni/ /'dod pa'i ched tu 'di 'dra'i gnas/ /shin du mi bzad 'di dag ni/ /yang dang yang du myur du 'gyur/ /'od srung gzhan yang byang chub sems dpa' khyim pas chos gsum mi bya ste/ /gsum gang zhe na/ gzhan gyi sbyin pa la ma bos sam/ thabs med par mar gyi snying khu yang sbyin par mi bya zhing gzhan ci yang rung ste/ sbyin par dka' ba'i yongs su gtang ba sbyin bar mi bya ba dang / des rab tu 'byung ba'i bar chad mi bya zhing rab tu ma byung ba yang rab tu 'byung ba yang dag par 'dzin du gzhug pa dang / de bzhin gshegs ba'i ring bsrel gyi mchod rten gyi zhal ta bya zhing lag dpon du bsko ba'i gnas su bskos na yang de la brten te yo byad tu spyad par mi bya ba ste/ byang chub sems dpa' khyim pas chos gsum po de dag mi bya'o/ /de la 'di skad ces bya ste/ pha rol sbyin pa sbyin pa'i tshe/ /rigs pa min la sbyar mi bya/ /sbyin pa skyon chags thams cad ni/ /skye bo dkon la sbyin mi bya/ /dad pas der ni song nas su/ /thal mo sbyar te 'dug par bya/ /sbyin dad sbyin par yang dang yang / /yid ni rab tu dga' bar bya/ /de nyid dge 'dun gnas pa der/ /spro ba shin tu chung gyur na/ /gang las skye bo spro chung ba/ /gsol ba btab ste len du gzhug /btud 'os gsal ba'i btung ba dang / de na gang dag de 'dra ba/ /de la mi mthun yid kyis su/ /sems ni gnod par mi bsam mo/ /bu 'am 'on te gnyen gyi rnams/ /rab tu 'byung bar byed pa na/ /de</font><hr>78.44a<br><font size=+1>

la byang chub sems dpa' yis/ /bar du gcod par mi bya'o/ /sems can thams can bder gyur cig / thams cad mya ngan 'das reg shog /bdag gi lhag bsam 'di 'dra la/ /chos kyi dam pa bshad du gsol/ /nyes dmigs 'di dag shes nas su/ /bdag ni dri ma med par bya/ /nyon mongs dri can byas bas na/ /yun ring mya ngan byed da re/ /'od srung gzhan yang byang chub sems dpa' khyim pas chos gsum la brtson par mi bya ste/ gsum gang zhe na/ skyes pa btsong bar mi bya ba dang / bud med btsong bar mi bya ba dang / gzhan dag la sman ma yin pa sbyin par mi bya zhing gang dag de lta bu byed pa de dag la yang bsten par mi bya'o/ /de la 'di skad ces bya ste/ skyes pa btsong pa spang bar bya/ /bud med btsong ba'ang rnam par spang / /sman min sbyin par mi bya ste/ /sbyin par byed pa de dag spang / /lha rnams de la 'phya bar byed/ /sems can sdug bsngal myong bar 'gyur/ /phyogs dang phyogs mtshams 'gro byed cing / mya ngan zug rngus gnod par 'gyur/ /mya ngan rnam pa mang po yis/ /de ni yun ring gnod par 'gyur/ /mya ngan gyur nas 'chi dus byed/ /de lta bas na de mi bya/ /de phyir nyes pa 'di dag dang / /gzhan rnams dag kyang ngas shes bas/ /byang chub sems dpa' rnams kyi phyir/ /phyogs tsam zhig ni brjod pa yin/ /'od srung gzhan yang byang chub chub sems dpa' khyim pas chos gsum mi bya ste/ gsum gang zhe na/ bud med smad 'tshong ma'i gan du 'gro bar mi bya ba dang / smra sems tha dad par spyod pa'i skyes ba'am/ bud med bsten par mi bya ba dang / ba lang gsod pa'i gnas su gnas bar mi bya ba ste/ byang chub sems dpa' khyim pas chos gsum po de dag mi bya'o/ /de la 'di skad ces bya ste/ 'dod pa spyod pa smad pa'i 'os/ /smad 'tshong gan</font><hr>78.44b<br><font size=+1>

du 'gro mi bya/ /'dod pa ngan pa bsten byed pa/ /myur du rim gro mi byed 'gyur/ /gzugs bzang gan du 'gro byed pa/ /de dag la ni smod par 'gyur/ myur du nad kyis thebs bar 'gyur/ /des na de yang 'chi dus byed/ smra sems tha dad spyad pa yi/ /skyes pa 'am bud med des mi bsten/ /gzhan gyis bud med 'phrog byed na/ /de las dus kyis rab tu sbyor/ /ba lang gsod par byed pa na/ /rnam pa kun du der mi 'gro/ byang chub sems dpa' rnam dag la/ /skyob pa ngas ni 'di ma sngags/ /nyes pa 'di dag mkhyen pas na/ /sangs rgyas kyis ni de phyir brjod/ /rigs pa min la sbyor ba rnams/ /de dag ched du brjod pa mdzad/ /sangs rgyas nga yi nyan thos rnams/ /shes so zhes ni kha cig smra/ /de dag sangs rgyas spyan snga nas/ /spyod yul gang na yod par 'dod/ /sems can gang dag 'phags gnas shing / myur du mya ngan 'das 'dod pa/ /de dag don du bshad pa ste/ /bka' blo mi bde phyir ma bshad/ / 'od srung gzhan yang byang chub sems dpa' khyim pas chos gsum dang ldan par bya ste/ gsum gang zhe na/ khyim na gnas pa des srog ni pho nya'i gongs gnas dang 'dra bar bdag la rnam par brtag par bya ba dang / byin zhing yongs su btang ba'i nor bsags bar bsgrub par bya zhing / gang ma byin pa dang yongs su ma btang ba de la dpag tshad brgya na yod pa la yang 'du shes bskyed par bya ba dang / des bu dang chung ma'i ched tu gzhag pa'i blo bskyed par mi bya ste/ 'od srung byang chung sems dpa' khyim pas chos gsum po de dag dang ldan par bya'o/ /de la 'di skad ces bya ste/ bdag ni myur du 'chi'o zhes/ /'chi ba'i 'du shes bsgom par bya/ /de bas longs spyod bsags pa la/ /longs spyod las ni snying po blang / bu dang chung ma'i don gyi phyir/ /des ni nor rnams</font><hr>78.45a<br><font size=+1>

bsags mi bya/ /lus dang longs spyod srog rnams las/ /snying po myur du len par byed/ /byang chub don du 'dun drag bskyed/ /rgod cing g.yeng bar mi byed do/ /nor dang chos ni spangs nas su/ /lus kun la ni gnod par 'gyur/ /'di ni byis ba'i rtsed mo ste/ /snang ba mthong zhing mi snang mthong / ro myang ba ni dgos pa med/ /chos kyi shugs ni skyob pa yin/ /rgyun mi 'chad pa bshad par bya/ /chos 'di rtag tu gnas pa yin/ /mtshungs bar ldan rnams phan tshun du/ /'phya bar byed pa sdug bsngal yin/ /'di 'dra ba yi chos 'di dag /'od srung ngas ni rab tu brjod/ /gang dag mkhas bar 'gyur ba dag /mi de kun ni ngas shes te/ /de dag shes bar rig gyur cing / /bdag la yid byung gyur nas ni/ /de yi tshe na yang dang yang / da ni mngon du gyur bar bya/ /'od srung gzhan yang byang chub sems dpa' khyim pa chos gsum dang ldan na bla na med pa yang dag par rdzogs ba'i byang chub las phyir mi ldog pa 'thob ste/ gsum gang zhe na/ pha ma ma dad pa/ dad pa la 'jog par byed/ pha ma tshul khrims 'chal pa tshul khrims la 'jog par byed/ pha ma ser sna can gtong ba la 'jog par byed/ bla na med pa yang dag par rdzogs ba'i byang chub kyi bsngags pa brjod cing gzhan dag la yang chos ston par byed pa 'di ni gang gis byang chub sems dpa' khyim pa bla na med pa yang dag par rdzogs ba'i byang chub las phyir mi ldog pa 'thob pa'i chos dang po'o/ /'od srung gzhan yang byang chub sems dpa' khyim pas bkur ste bya bar 'os pa yang shes/ bkur sti bya ba'i 'os ma yin pa yang shes te/ bkur sti bya ba'i 'os dang / bkur sti bya ba'i 'os ma yin pa shes nas kyang gang dag pakur stir bya ba de dag la ni bkur stir byed/ gang dag pakur sti bya ba'i 'os ma yin pa de</font><hr>78.45b<br><font size=+1>

dag la ni bkur sti mi byed kyi / de dag la byams pa bsgom par byed de/ 'od srung byang chub sems dpa' khyim pa chos gnyis bo 'di dang ldan na bla na med pa yang dag par rdzogs ba'i byang chub las phyir mi ldog pa 'thob po/ /'od srung gzhan yang byang chub sems dpa' khyim pa de'i longs spyod gang dag sdug bsngal zhing sdug bsngal bsgrubs pa de dag chud mi gzon cing chud mi za bar byed de/ dge sbyong dang bram ze tshul khrims dang ldan pa rnams dang thun mong du spyod pa ma gtogs bar su la yang sbyin par mi byed de/ tshangs pa mtshungs bar spyod pa rnams dang sri ba med par spyod do/ /'od srung byang chub sems dpa' khyim pa chos gsum po 'di dang ldan na bla na med pa yang dag par rdzogs ba'i byang chub las phyir mi ldog pa 'thob po/ /de la 'di skad ces bya ste/ byang chub sems dpa' khyim pa ni/ /byang chub dam pa tshol ba na/ /gang gis dam pa rtogs gyur pa'i/ /shes rab rtsa ba gsum gyis skye/ /pha dang ma ni gang yin pa/ blo gros ngan cing ma dad pa/ /dad la 'thun pa skyed byed cing / /chos kyi mchog la sbyor bar byed/ /'jungs pa gtong dang tshul khrims la/ shes rab 'chal ba shes rab sbyor/ /byang chub dam pa gang yin pa/ de la de dag yang dag 'dzud/ /phyogs bzhi dag tu song nas su/ /legs bar bshad pa yongs btsal te/ /gang gis shes rab 'phel 'gyur ba/ /chos kyi sbyin pa sbyin par bya/ /khrims 'chal khrims la gzhag byas shing / ma dad dad pa 'dzin bcug ste/ /shes 'chal shes rab 'dzin bcug nas/ /de ni ldog par mi 'gyur ro/ /shes rab can des dge slong mthong / /tshul khrims ldan dang mang thos la/ /bkur sti byed cing sten par byed/ /song nas yang nas yang du 'dri/ /gang gis don du sten pa yis/ /dge slong de</font><hr>78.46a<br><font size=+1>

la yang yang 'dri/ /khyim pa rnams kyi chos de dag / des ni myur du de mi ldog / mkhas pa de ni de dag gi /thob pa'i gnas kyi khyad par shes/ /mkhas pa rnams kyi khyad shes nas/ /de la bdag gi sha yang sbyin/ /nga yis gang dag parjod byas ba/ /de dag dad pa'i mtshan nyid de/ /ma dad pas ni de dag gis/ /byang chub sems bdud mi nus so/ /khyad par shes shing yid gzhungs ba/ /khyad par myur du thob par 'gyur/ /chos rnams kun gyi khyad par ni/ /de la dkon par mi 'gyur ro/ /bdag dang pha rol gzhan rnams kyi/ /khyad par de ltar shes gyur nas/ /sems dga' mngon du sgrub par byed/ /des na de yi shes rab 'phel/ /de yi longs spyod gang yin pa / gang dag des ni kun bsgrubs ba/ /de dag tshul khrims ldan rnams dang / /gcig tu spyad par snga nas byas/ /de ni gzhan du mi smra ste/ /de ni log par smra ma yin/ /gtong dang ldan zhing mthu brtan pa/ /de de de bzhin gshegs bar 'gyur/ /tshul khrims bzang zhing 'grogs na bde/ /dpa' bo byams pa thob gyur pa/ /sbyin pa byin nas snga logs sam/ /yang na phyi nas dga' bar 'gyur/ /sbyin padag dam pa dpa' bo ste/ /sbyin padag las ni tshol ba med/ /thams cad sbyin padag partan pa po/ /de la ma byin yod med de/ /gser ram yang na dbyig kyang rung / sngon gyi tshe rabs rnams na byin/ /chos mchog rnams dang zab mo mchog /go 'phang yongs su tshol bar byed/ /gang zhig lhar bcas 'jig rten la/ /sti stang byed pa rigs ma yin/ /gang zag gcig po gang yin la/ /chos kyi don phyir bkur sti bya/ /chos las skyes pa dpa' bos ni/ /chos kyi chos kyang yongs su tshol/ /chos gces chos dang yid gzhungs ba/ /'jig rten na ni 'dren par 'gyur/ /</font><hr>78.46b<br><font size=+1>

'od srung gzhan yang byang chub sems dpa' khyim pa chos gsum dang ldan na bla na med pa yang dag par rdzogs ba'i byang chub tu sems bskyed pa las nyan thos kyi theg par yongs su mya ngan las 'da' bar byed de/ gsum gang zhe na/ 'od srung 'di la kha cig byang chub tu sems bskyed nas/ sems can dmyal ba rnams kyis 'jigs shing drud 'gro'i skye gnas dang / gshin rje'i 'jig rten gyis 'jigs te/ byang chub la khur du 'du shes bar 'gyur zhing de gal te dge ba'i rtsa ba yang dag par bsgrubs pa rnams rgyun mi 'chad par yid la mi byed/ len par mi byed la de yid kyis zhe 'gras bar byed/ de sems kyi zhe 'gras bar byed cing sdug bsngal gyi 'du shes su 'gyur na/ 'od srung chos dang po de dang ldan pa'i byang chub sems dpa' byang chub las ldog cing nyan thos kyi theg par yongs su mya ngan las 'da' bar byed do/ /'od srung gzhan yang 'di la kha cig byang chub tu sems bskyed nas gang sbyin pa sbyin zhing yongs su dga' ba ma yin pa'i sbyin pa byin te/ byin zhing byin nas kyang 'gyod par 'gyur zhing sangs rgyas kyi ye shes la mi gtong na/ 'od srung chos gnyis pa de dang ldan pa'i byang chub sems dpa' khyim pa ni byang chub las ldog cing myur du nyan thos kyi theg par yongs su mya ngan las 'da' bar byed do/ /'od srung gzhan yang 'di la kha cig byang chub tu sems bskyed nas mang du thos pa yongs su btsal ba'i phyir brtson 'grus mi rtsom gyi de dge ba'i rtsa ba ngan ngon tsam des myur du yongs su mya ngan las 'da' bar byed na/ 'od srung chos gsum pa de dang ldan pa'i byang chub sems dpa' khyim pa byang chub las ldog cing myur du nyan thos kyi theg par yongs su mya ngan las 'da' bar byed do/ /de la 'di skad ces bya ste/ byang chub ched tu 'dun paskyed la/ /'thun par rjes su</font><hr>78.47a<br><font size=+1>

mi sgrub na/ sangs rgyas theg las ldog 'gyur te/ /nyan thos theg par 'gro bar 'gyur/ /ma dad pa dang le lo can/ /ser sna can dang shes rab 'chal/ /de dag la ni byang chub med/ /de dag par du gcod pa yin/ byas pa gzo zhing khrim dang ldan/ /sbyin la yid ni dga' ba dang / /byin nas sems ni tshim gyur pa/ /de dag pyang chub dkon ma yin/ /sdig pa dag ni sems kyis byed/ /sems kyis sbyin pa sbyin par byed/ /sems can sems mchog ldan de dag /'jig rten mchod rten 'dra bar 'gyur/ /gang dag chos 'di rnam spangs nas/ /byang chub tu ni sems btud pa/ /de dag 'jig rten rnams na ni/ sbyin gnas bla med sangs rgyas 'gyur/ /'od srung byang chub sems dpa' khyim pa chos gsum dang ldan na byang chub las ldog cing rang sangs rgyas kyi yongs su mya ngan las 'das bas yongs su mya ngan las 'da' bar byed de/ gsum gang zhe na/ 'od srung 'di la kha gcig byang chub tu sems bskyed nas chos la ser sna byed de/ 'od srung chos dang po 'di dang ldan pa'i byang chub sems dpa' khyim pa byang chub las ldog cing rang sangs rgyas kyi yongs su mya ngan las 'das bas yongs su mya ngan las 'da' bar byed do/ /'od srung gzhan yang 'di la kha cig byang chub tu sems bskyed nas dge mtshan dang ltas la chags te/ 'od srung chos gnyis pa 'di dang ldan pa'i byang chub sems dpa' khyim pa byang chub las ldog cing rang sangs rgyas kyi yongs su mya ngan las 'da' bas yongs su mya ngan las 'da' bar byed do/ /'od srung gzhan yang 'di la kha cig byang chub tu sems bskyed nas byang chub kyi yan lag rnams yongs su mi tshol zhing le lo can du 'gyur te/ 'od srung chos gsum pa 'di dang ldan pa'i byang chub</font><hr>78.47b<br><font size=+1>

sems dpa' khyim pa byang chub las ldog cing rang sangs rgyas kyi yongs su mya ngan las 'da' bas yongs su mya ngan las 'da' bar byed do/ /de la 'di skad ces bya ste/ chos la ser sna byed gyur cing / /gzhan dag la ni mi ston pa/ /rkyen gyis byang chub 'thob 'gyur te/ /'di ni byang chub ldog par 'gyur/ /de ltar 'di gnyis gnod 'gyur te/ /gnod pa las ni sdug bsngal 'ongs/ /'gro 'am nye bar bsten nam zhes/ /de ni byang chub the tshom za/ /theg pa che la bsam byas nas/ myur du ltas ni lta bar byed/ /gang 'dir ston pa mi sten pa/ /de dag dang ba'i mtshan nyid min/ /gang dag 'dun pa drag ldan zhing / /byang chub brtan pa don gnyer ba/ /de dag gzhan la phyag mi 'tshal/ /'jig rten mchod rten ma gtogs so/ /gang dag dad pa 'di 'dra ba/ /lha gzhan rnyed par mi 'gyur te/ /des de mchog ni phun sum tshogs / lha yi lha zhes bya ba yin/ /byang chub tu ni 'dun paskyed nas/ /gad zhig gzhan la phyag mi 'tshal/ /de ni de dang de dag tu/ /stobs dang gzugs dang ldan par 'gyur/ /'od srung byang chub sems dpa' khyim pa chos gsum dang ldan na lus gnag par 'gyur zhing lus nag por 'gyur te/ gsum gang zhe na/ de bzhin gshegs ba'i mchod rten la mar me bus pa de nas mar me rku ba dang / pha rol dang 'gyed pa na khro ba nye bar ston pa dang / ma dris bar smra zhing mi nag po'i mtshang brus pa yin te/ 'od srung byang chub sems dpa' khyim pa chos gsum po de dag dang ldan na lus nag por 'gyur ro/ /de la 'di skad ces bya ste/ mchod rten mar me bus pa la/ /de yi 'od ni 'phrog byed na/ /de yis lus ni gnag 'gyur te dper na la ba nag po bzhin/ /mi mthong nas ni 'tshang 'dru ste/ /</font><hr>78.48a<br><font size=+1>

nga ni dkar gyi khyod gnag ces/ /des ni gzhan la brnyas byas na/ /nag por 'gyur te mun pa bzhin/ /ngag ni shin du bsdam par gyis/ /chud zar 'gyur ba'i las med de/ /las de ji ltar byas pa bzhin/ de ltar de la spyod par 'gyur/ /'od srung byang chub sems dpa' khyim pa chos gsum dang ldan na mgar ba'i khyim du skye bar 'gyur te/ gsum gang zhe na/ 'od srung 'di la byang chub sems dpa' khyim pa bdag nyid bslob pa'i gzhi lnga dang ldan pa yin la/ nye du lam ring po nas lhags pa de dag la chang ldud pa dang / sems can gzhan dag kyang chang la 'gron du 'bod na 'od srung chos dang po 'di dag dang ldan pa'i byang chub sems dpa' khyim pa ni/ mgar ba'i khyim du skye bar 'gyur ro/ /'od srung gzhan yang byang chub sems dpa' khyim pa bdag nyid tshangs bar spyod pa yin la gzhan dag 'khrig pa'i chos la sbyor na/ de las byas shing bsags pa des mgar pa'i khyim du skye bar 'gyur te/ 'od srung chos gnyis pa 'di dang ldan pa'i byang chub sems dpa' khyim pa mgar ba'i khyim du skye bar 'gyur ro/ /'od srung gzhan yang byang chub sems dpa' khyim pa'i khyim na bya ba ci yang rung ba zhig brtsams pa yod la de mi chos kyis 'brel pa zhig 'dug pa'i gan du song ste/ bos nas tshur shog /re shig kha ton byed pa thong la las rings bar gyis zhes bsgo na de las byas shing bsags pa des mgar ba'i khyim du skye bar 'gyur te/ 'od srung chos gsum pa 'di dang ldan pa'i byang chub sems dpa' khyim pa ni mgar ba'i khyim du skye bar 'gyur ro/ /de la 'di skad ces bya ste/ nye du lhags pa mthong nas su/ /chang la 'gron du 'bod byed cing / /myos pa'i btung ba byin pas na/ /</font><hr>78.48b<br><font size=+1>

mgar ba mu cor smra bar 'gyur/ /de ni khab dang mtshon cha dang / gzo yi gnas ni mi byed kyi/ /sa la 'dug pa byas nas su/ /lag pas sbud pa blangs nas 'bud/ /bud med dang ni 'du spangs la/ /gzhan dag la ni 'dod bsngags na/ /las kyi rnam par smin pa des/ mgar ba mu cor smra bar 'gyur/ /de ni khab dang mtshon cha dang / /sbud pa'i bud kyang mi shes ba/ /lag pas tho ba bzung nas su/ /de ni lcags kyi gar bu rdung / /chos kyi rnam par spangs byas bas/ /de nas mi de shi 'phos nas/ /mi de rab tu myur bar ni/ /mgar ba'i khyim der skye bar 'gyur/ /de ni sbud pa mi mthong zhing / /de ni tho ba mi mthong ste/ /snod rnams thams cad 'joms bar byed/ /rnam par smin de 'di 'dra'o/ /'od srung dag ni bsrung bar bya/ /yid kyang shin du bsdam par bya/ /mi dge ba yi chos rnams kun/ /gzhan la brjod par mi bya'o/ /skye ba'i 'khor ba sdug bsngal te/ sred pas skye ba 'pher bar 'gyur/ /de bas brtan pa chos spyod cig /chos ma yin pa rnam par spongs/ /'od srung byang chub sems dpa' khyim pa chos gsum dang ldan na rgyal rigs shing sA la chen po lta bu rnams dang skal pa mnyam par skye bar 'gyur zhing / gzugs bzang ba dang / mdzes pa dang / blta na sdug pa dang / kha dog bzang po rgyas pa mchog dang ldan pa dang / le lo med pa dang / gsal ba dang / shin du rnam par nges bar 'gyur te/ gsum gang zhe na/ 'od srung 'di la byang chub sems dpa' khyim pas sngon ma mthong ba'i dge sbyong dang / bram ze dag mthong na 'di dag ni sbyin gnas so/ /'di dag ni mchod par 'os ba'o/ /'di dag ni phyag bya bar 'os ba'o/ /'di dag ni bsod nams kyi zhing ngo zhes </font><hr>78.49a<br><font size=+1>

dga' ba bskyed de/ de dag dga' bar gyur ba'i sems kyis gos dang / zas dang / mal cha dang / na ba'i gsos sman dang / yo byad rnams kyis 'gron du gnyer te/ 'od srung chos dang po 'di dang ldan pa'i byang chub sems dpa' khyim pa rgyal rigs shing sA la chen po lta bu dang / skal pa mnyam par skye bar 'gyur ro/ /'od srung gzhan yang byang chub sems dpa' khyim pa yid dam snying po can la gnas pa yin te/ de yi dam snying po can la gnas bas ji skad smras pa bzhin byed cing / brdzun du smra ba ma yin te/ 'od srung chos gnyis pa 'di dang ldan pa'i byang chub sems dpa' khyim pa rgyal rigs shing sA la chen po lta bu rnams dang skal pa mnyam par skye bar 'gyur ro/ /'od srung gzhan yang byang chub sems dpa' khyim pa dge sbyong dang / bram ze tshul khrims dang ldan pa de dag la bsnyen bkur byas nas snying po len te/ 'od srung chos gsum pa 'di dang ldan pa'i byang chub sems dpa' khyim pa rgyal rigs shing sA la chen po lta bu rnams dang skal pa mnyam bar skye bar 'gyur ro/ /de la 'di skad ces bya ste/ des ni shes rab rang bzhin can/ /khrims ldan mang du thos mthong nas/ /yid bde ba ni bskyed byas ste/ /song nas de dag 'gron du gnyer/ /de dag 'gron du gnyer byas nas/ /de ni yang dag ji bzhin byed/ /de ni gtong rgyun mi gcod cing / /de la 'gras bar 'gyur ba med/ /gang gi don du bsnyen bkur ba/ nying po de ni len par byed/ /sna tshogs shes ba'i khyad par gyis/ /rin chen shin tu dkon la yang / /gang dag dad pa 'dir 'dra zhing / byang chub la yang mngon zhugs ba/ /de dag ye shes spyod yul ba/ /byang chub rnyed par dka' ba med/ /'tsho ba mchog gis 'tsho byas nas/ /longs spyod mchog rnams sdud par byed/ /chos kyi dam pa yongs su tshol/ /mya ngan 'das pa</font><hr>78.49b<br><font size=+1>

mchog la reg /rigs mchog rnams su skye bar 'gyur/ /gzugs kyi dam pa mngon par 'grub/ /chos gos dam pa 'chang bar byed/ /de ni mya ngan 'das mchog 'thob/ /mkhas ba'i mi ni 'di 'dra'i chos/ /de dag shes par gyur nas ni/ /kun du spyod de thub pa yis/ /nye bar bstan la gus bar byed/ /mi de sangs rgyas theg pa yis/ /theg pa mchog gis 'gro bar byed/ /mya ngan 'das pa bsil ba'i dngos/ /'di ni de yi 'bras bu mchog /ci 'dra pa yi las byas ba/ /rnam par smin pa de 'drar 'gyur/ /bskal pa bye ba phrag brgyar yang / de ni chud zar 'gyur ba med/ /'od srung byang chub sems dpa' khyim pa chos gsum dang ldan na/ khyim gyi sa la gnas nas bla na med pa yang dag par rdzogs ba'i byang chub mngon par rdzogs bar sangs rgyas kyi bar du ji ltar nam du yang 'dod pa'i yon tan lnga po dag la yongs su spyod par mi 'gyur ba de lta bu'i dge ba'i rtsa ba skyed de/ gsum gang zhe na/ 'od srung 'di la byang chub sems dpa' khyim pa bslab pa'i gzhi lnga dang ldan pa yin te/ de gzhan la yang 'dod pa bsngags bar mi byed cing / bud med dang rgyu ba ma yin gyi rang gi don la mngon par brtson pa yin te/ bdag ni bud med dang bsten pas chog gis bdag p+la na med pa yang dag par rdzogs ba'i byang chub mngon par rdzogs bar sangs rgyas kyi bar du 'dod pa'i yon tan lnga po dag dang phrad par ma gyur cig ces sems kyang skyed de/ 'od srung chos dang po 'di dang ldan pa'i byang chub sems dpa' khyim pa bla na med pa yang dag par rdzogs ba'i byang chub mngon par rdzogs bar sangs rgyas kyi bar du nam yang 'dod pa'i yon tan lnga po dag la yongs su mi spyod do/ /'od srung gzhan yang byang chub sems dpa' khyim pa 'di lta bu'i mdo sde 'di dag thos nas dad pa skyed</font><hr>78.50a<br><font size=+1>

cing dad nas kyang yongs su tshol lo/ /'od srung gzhan yang mdo sde 'di lta bu 'di dag gzung dka' bas yongs su zin par 'gyur te/ 'on kyang lung 'bogs bar byed/ rtsom par byed do/ /'od srung gzhan yang gang zhig chos 'di lta bu 'di dag thos nas 'gyod pa'i gnas mtha' dag sel bar 'gyur te/ de dge ba'i rtsa ba des chags pa med pa'i spobs pa dang / grol ba'i spobs pa dang ldan par 'gyur/ shi 'phos kyang rung / shi 'phos bar ma gyur kyang rung ste/ de bzhin gshegs pa rnams myur du mthong bar 'gyur/ shi 'phos nas kyang mtho ris kyi 'jig rten du 'gro bar 'gyur te/ de bla na med pa yang dag par rdzogs ba'i byang chub dang ring ngo snyam du shes bar mi bya ste/ 'od srung chos gnyis pa 'di dang ldan pa'i byang chub sems dpa' khyim pa bla na med pa yang dag par rdzogs ba'i byang chub mngon par rdzogs par sangs rgyas kyi bar du 'dod pa'i yon tan lnga po dag la mi spyod do/ /'od srung gzhan yang byang chub sems dpa' khyim pa dge ba'i rtsa ba thams cad bla na med pa yang dag par rdzogs ba'i byang chub tu yongs su bsngo ste/ de gzugs la dga' ba ma yin/ sgra la dga' ba ma yin/ dri la dga' ba ma yin/ ro la dga' ba ma yin/ reg la dga' ba ma yin/ longs spyod la dga' ba ma yin/ dbang phyug la dga' ba ma yin/ g.yog 'khor la dga' ba ma yin te/ des 'dus ma byas kyi sems dang / 'dus ma byas kyi rnam par smin par gyur nas myur du bla na med pa yang dag par rdzogs ba'i byang chub mngon par rdzogs bar 'tshang rgya ste/ bla na med pa yang dag par rdzogs ba'i byang chub mngon par rdzogs bar sangs rgyas kyi bar du 'dod pa'i yon tan lnga po dag la yongs su mi spyod de/ 'od</font><hr>78.50b<br><font size=+1>

srung chos gsum pa 'di dang ldan pa'i byang chub sems dpa' khyim pa bla na med pa yang dag par rdzogs ba'i byang chub mngon par rdzogs bar sangs rgyas kyi bar du 'dod pa'i yon tan lnga po dag la mi spyod do/ /de la 'di skad ces bya ste/ khyim pa bslab pa'i gzhi lnga po/ /bsrung ba dag ni legs bsrungs te/ /bud med dang ni 'du ba spangs/ /de la smod cing bshung bar byed/ /'di 'dra ba yi chos 'di dag /yongs su tshol bas ngoms pa med/ /'gyod pa'i gnas ni gang yin pa/ /de dag des ni myur du sel/ /dge ba'i chos rnams thams cad kyang / /byang chub don du sngo bar byed/ /de ni dge ba'i rtsa ba des/ /'dod pa'i yon tan myur du spongs / rtag tu mang du thos bar 'gyur/ /snying rje yang dag paskyed nas su/ /srog chags rnams la chos ston cing / /byang chub lam ni yongs su tshol/ /de bas 'di 'dra rnams thos nas/ /'dun pa bzang po bskyed bya zhing / /'dod pas bsten par mi bya ste/ /'khor lo myur du bskor bar bya/ /de nas bcom ldan 'das la tshe dang ldan pa 'od srung chen pos 'di skad ces gsol to/ /btsun pa bcom ldan 'das chos kyi rnam grangs 'di'i ming ci lags/ /'di ji ltar gzung bar bgyi/ /bcom ldan 'das kyis bka' stsal pa/ 'od srung de'i phyir khyod kyis chos kyi rnam grangs 'di sdom pa gsum bstan pa zhes bya bar zung shig /byang chub sems dpa'i bslab pa yongs su brjod pa zhes bya bar yang zung shig /chos thams cad yang dag par 'du ba zhes bya bar yang zung shig /bcom ldan 'das kyis de skad ces bka' stsal nas/ tshe dang ldan pa 'od srung chen po dang / thams cad dang ldan pa'i 'khor de dang / lha dang / dri za dang / mi dang / lha ma yin du bcas ba'i 'jig</font><hr>78.51a<br><font size=+1>

rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las bsdom pa gsum bstan pa zhes bya ba le'u dang po rdzogs s+ho// // rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsh+tsa ba ban de ye shes sdes bsgyur cing zhus te skad gsar chad kyis kyang bcos nas gtan la phab pa/ </font><hr>

</table>