J281

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J281</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J281&coll=lithang">see text in Tibetan script</a></table>69.148b<br><font size=+1>

'dzangs blun zhes bya ba'i mdo/ bam po dang po/ dpe sna tshogs bstan pa'i le'u/ 'di skad bdag gis thos pa'i dus gcig na/ bcom ldan 'das yul ma ga ta'i dkyil 'khor rnam par rgyal ba na bzhugs te/ mngon par rdzogs par sangs rgyas nas/ ring por ma lon pa zhig na 'di snyam du dgongs par gyur to/ /sems can 'di dag ni yun ring po nas phyin ci log gis yongs su bslad de/ bstan cing bcos su yang shin tu dka' bas/ ji srid du 'jig rten na bzhugs kyang phan pa'i don med kyis/ des na lhag ma ma lus pa'i mya ngan las 'da' bas yongs su mya ngan las 'da'o snyam du dgongs ma thag tu/ de'i tshe na tshangs ris kyi lha rnams kyis bcom ldan 'das kyi dgongs pa shes shing rtogs nas/ nam mkha' las babs te/ bcom ldan 'das gang na ba der lhags nas/ der phyin pa dang / zhabs la mgo bos phyag 'tshal nas thal mo sbyar te/ bcom ldan 'das la chos kyi 'khor lo bskor bar gsol zhing bskul ba dang / de la bcom ldan 'das kyis 'di skad ces bka' stsal to/ /tshangs ris kyi lha dag sems can 'di dag nyes pa'i dri mas yongs su glags te/ 'jig rten gyi bde ba la chags nas/ shes rab dang ldan pa'i sems med pas/ ci srid du 'jig rten na bzhugs kyang bya ba don med par 'gyur te/ mya ngan las 'das na bde'o snyam du dgongs so/ /de nas tshangs ris kyi lha rnams kyis/ yang bcom ldan 'das la 'di skad ces gsol to/ /bcom ldan 'das chos kyi rgya mtsho yongs su gang ba/ chos kyi rgyal mtshan btsugs pa bstan cing 'dul ba'i dus la yang bab/ sems can 'di dag las grol bar 'gyur ba yang shin tu mang na/ ci'i slad du bcom ldan 'das mya ngan las 'da' bar dgongs te/ shin tu mdongs par gyur pa 'di dag</font><hr>69.149a<br><font size=+1>

gi mgon dang skyabs mi mdzad/ bcom ldan 'das gzhan yang sngon bskal pa grangs ma mchis pa 'das pa'i pha rol na/ 'dzam bu'i gling 'dir rgyal po chen po ka na shi ni pa li zhes bya ba zhig rgyal phran mang po la dbang bgyid de/ grong khyer ni brgyad khri bzhi stong snyed la mnga' mdzad/ btsun mo dang pho brang gi slas ni stong phrag nyi shu mnga' ste/ blon po chen po yang stong phrag bcu snyed yod do/ /rgyal po de shin tu snying rje dang ldan pas/ mi la sogs pa skye bo mang po'i pha ma lta bur gyur to/ /de'i tshe rgyal po des 'di snyam du sems so/ /bdag kyang 'gro ba mang po kun gyi gtso bor gyur la/ skye bo mang po 'di dag kyang bdag la mos shing dga' bas/ bdag gis dam pa'i chos kyi nor bu rin po che thams cad la phan gdags so snyam du bsam nas/ blon po cig gis thams cad du bkar btags te/ su la dam pa'i chos mchis pa bdag la ston par gyur na/ ci dang ci 'dod pa yid bzhin du sbyin no zhes bsgo ba dang / de'i tshe na bram ze le'u du ci zhes bgyi ba zhig pho brang gi sgor mchis te/ bdag la dam pa'i chos yod do zhes smras so/ /rgyal po des de skad ces thos nas/ phyi rol tu bsus te/ phyag byas nas stan bting ba la bzhag go/ /bram ze de stan bting ba la 'dug nas/ rgyal po 'khor dang bcas pas thal mo sbyar nas/ ston pa chen po/ gti mug gis mdongs par gyur pa la dam pa'i chos dbye zhing bstan pa'i dus la bab bo zhes bskul ba dang / bram ze des rgyal po la 'di skad ces smras so/ /bdag gis shes pa 'di nyid gyi 'da' tsam gyis lobs pa ma yin pas/ thos par 'dod na 'di tsam gyis chog pa ma yin no/ /rgyal pos smras pa/ ci dang ci 'dod pa smros shig dang / thams cad yid bzhin du sbyin no zhes smras pa dang / bram ze des rgyal po</font><hr>69.149b<br><font size=+1>

la 'di skad ces smras so/ /rgyal po chen po khyod kyi lus la mar me stong btsugs te/ mchod pa byed nus na chos bstan par bya'o zhes smras pa dang / rgyal po de lhag par dga' mgu rangs nas/ de'i tshe pho nya cig ban glang rgyang grags brgya stong du phyin pa gcig bskyon te/ 'dzam bu'i gling thams cad du 'di skad ces bsgo'o/ /rgyal po ka na shi ni pa li de ste zhag bdun na chos kyi phyir lus kyi sha phug ste/ mar me stong 'dzugs so zhes rgyal phran dang mi thams cad la bsgo'o/ /de dag gis de skad bsgo ba thos pa dang / so so nas mya ngan gyis gdungs te/ rgyal po gang na ba der lhags nas/ /phyag byas te 'di skad ces smras so/ /'jig rten 'di ni ci tsam 'tsho ba'i srog dang bcas pa thams cad rgyal po khyod la brten pa ni/ long ba dmigs bu la brten pa 'am/ bu chung ma la brten pa dang 'dra na/ rgyal po mi bzhugs pa'i slad du na/ gang la skyabs su mchi bar bgyi/ gal te sku la mar me stong gtsugs na/ gdon mi za bar srog dang bral na/ ci'i slad du bram ze cig tsam gyi slad du 'jig rten 'di'i sems can yongs su btang bar dgongs/ de'i tshe na btsun mo dang / sras dang rgyal tshab dang / slas lnga brgya dang / blon po stong phrag bcu snyed kyis thal mo sbyar nas gsol ba btab kyang / rgyal po yi dam la brtan pas ma bzlog ste/ nam nga mngon par sangs rgyas pa na/ khyod rnams gdon mi za bar bsgral lo zhes smras pa dang / de'i tshe na skye bo mang pos rgyal po de yi dam la brtan par de dag gis rtogs nas/ rab tu mi dga' ste/ cho nges btab nas sa la 'gyel to/ /rgyal po de'i bsam pa ma 'gyur te bram ze la 'di skad ces smras so/ /nga'i lus la mar me stong gzug pa'i dus la bab kyis/ phug cig ces bsgo ba dang / des rgyal po'i lus phug nas mar me'i snying po snum gyis bskus</font><hr>69.150a<br><font size=+1>

pa dang / 'khor mang pos de ltar gyur pa de dag mthong nas/ ri 'gyel ba bzhin du lus sa la brdabs so/ /de nas rgyal pos bram ze la ston pa chen po thugs brtse bar dgongs te/ sngar bdag la chos bstan nas/ de'i 'og tu mar me tshugs shig /gal te tshe'i dus byas na/ chos thos par mi 'gyur ro zhes smras pa dang / bram zes tshigs su bcad pa 'di dag smras so/ /rtag pa thams cad zad par 'gyur/ /mtho ba de yang mthar lhung ngo / /'du ba yod na bral bar 'ong / /skye ba yod na 'chi bar 'gyur/ /zhes tshigs su bcad pa 'di smras ma thag tu/ rgyal po de dga' mgu rangs te/ 'gyod pa'i sems med bzhin du 'di skad ces dam bcas so/ /bdag chos tshol ba 'di yang sangs rgyas su bsgrub pa'i phyir te/ phyis mngon par rdzogs par sangs rgyas pa na/ ye shes kyi 'od kyis sems can gti mug gis mdongs pa rnams shin tu snang bar gyur cig ces yi dam bcas ma thag tu gnam sa yang rab tu g.yos so/ /gnas gtsang ma'i rigs kyi lha'i pho brang gi bar du g.yos pas/ lha de dag nam mkha' las babs te/ lus kyi mchod pa'i gnas su lhags so/ /byang chub sems dpa' de'i lus de ltar zhig pa lha de dag gis mthong nas/ steng gi nam mkha' yongs su gang ba de dag 'dus te/ ngus pa'i mchi ma char bzhin du bab nas/ lha rdzas kyi me tog kyang char bzhin du bab ste/ mchod pa byas so/ /de'i tshe brgya byin lha'i dbang po yang rgyal po gang na ba der 'ongs nas/ rnam pa sna tshogs kyis bstod bsngags te/ 'di skad ces smras so/ /rgyal po chen po 'di ltar shin tu sdug bsngal gyis gdungs pa 'di la sems 'gyod par ma gyur tam/ rgyal pos smras pa/ 'gyod pa med do/ /brgya byin gyis smras pa/ rgyal po chen po 'di ltar lus 'dar zhing nyams mi bde</font><hr>69.150b<br><font size=+1>

bzhin du 'gyod pa med ces smras pa 'di cis yid ches par 'gyur/ rgyal pos smras pa/ gal te bdag thog ma nas tha ma'i bar du 'gyod pa'i sems med pa yin na/ lus kyi rma 'di snga ma bzhin du sos par gyur cig ces smras ma thag du lus snga ma kho na bzhin du rma med par gyur to/ /de'i tshe de'i dus na rgyal po de ni sangs rgyas lags te/ bcom ldan 'das sngon yang sems can gyi slad du mi bzad pa'i sdug bsngal dang bsdos te chos brnyes na/ da ci'i slad du 'gro ba thams cad chos kyi snang ba dang / bral bar yongs su btang ste mya ngan las 'da' bar dgongs/ gzhan yang bcom ldan 'das sngon 'das pa'i dus na 'dzam bu'i gling 'dir rgyal po chen po bying ling gar li zhes bgyi bar gyur pa na/ rgyal phran rnams la dbang bgyid de/ grong khyer ni brgyad khri bzhi stong dang ldan/ btsun mo dang phro brang gi slas ni stong phrag nyi shu mnga' ste/ rgyal tshab dang rgyal bu ni lnga brgya ste/ blon po chen po stong phrag bcu mnga'o/ /rgyal po de snying rje dang ldan pas 'bangs thams cad la bu gcig pa dang 'dra bar dgongs so/ /de'i tshe rgyal po chen po de dam pa'i chos la mos shing dga' bas blon po cig la bsgos nas 'di skad ces bkar btags so/ /gang su yang rung ba la/ mdo sde'am dam pa'i chos yod pa bdag la bstan par gyur na/ ci dang ci 'dod pa yid bzhin du sbyin no zhes bsgo'o/ /de nas bram ze'i le'u ngu chu zhes bya ba pho brang gi sgor 'ongs nas 'di skad ces smras so/ /bdag la dam pa'i chos yod do/ gang thos par 'dod pa la bstan par bya'o/ /zhes smras pa dang / rgyal po bdag nyid rab tu dga' mgu rangs te/ phyi rol tu bsus nas rkang pa la mgo bos phyag 'tshal te/ tshig snyan par smras nas/ pho brang gi nang du khrid de/ de stan bting ba la bzhag nas thal mo sbyar te/ 'di skad ces smras so/ /ston pa chen</font><hr>69.151a<br><font size=+1>

po bdag la dam pa'i chos bstan du gsol/ bram zes smras pa/ bdag gis lus kun du sdug bsngal sna tshogs myong nas yun yang ring po zhig lon te/ gdod lobs pas/ rgyal po chen po thos par 'dod na/ 'di tsam gyis chog pa ma yin no/ /rgyal pos thal mo sbyar te/ ci dang ci 'dod pa smros shig dang / ston pa khyod la mi 'phongs par thams cad 'bul lo/ /bram zes smras pa/ gal te khyod kyi lus la lcags gzer stong gis btab na/ khyod la chos sbyin no zhes smras pa dang / rgyal pos smras pa/ de bzhin du bgyi'o/ /de ste zhag bdun na dngos po 'di dag bsgrub bo zhes smras so/ /de'i tshe na rgyal po des pho nya bzhi glang po che rgyang grags brgyad khri bzhi stong snyed du 'gro ba zhig la bskyon te/ 'dzam bu'i gling kun tu 'di skad ces bsgo'o/ /rgyal po chen po byi ling gi ra lis/ de ste zhag bdun na lus la lcags gzer stong gis 'debs so zhes bsgo ba dang / blon po dang 'gro ba mang pos thos nas thams cad rgyal po'i drung du lhags te/ 'di skad ces gsol to/ /bdag cag phyogs bzhi na 'khod pa'i 'gro ba thams cad rgyal po'i yon tan dang / bka' drin gyis so so nas bde ba dang skyid pa la longs spyod de/ rgyal po chen po da bdag gi slad du gsol ba btab ste/ sku la lcags gzer stong gis mi gdab du gsol zhes gsol pa/ de'i tshe na btsun mo dang / pho brang gi slas dang / rgyal tshab dang / rgyal bu dang / blon po thams cad kyis kyang gsol ba btab ste/ rgyal po chen po bdag cag la thugs brtse bar dgongs te/ mi gcig gi slad du sku tshe'i dus mdzad cing 'bangs thams cad spang ba mi rigs so/ /de la rgyal pos 'di skad ces smras so/ /bdag ni yun ring po nas 'khor ba na lus grangs med pa chud gsan te/ bar 'ga' ni 'dod chags dang / zhe sdang dang / gti mug gis</font><hr>69.151b<br><font size=+1>

lus 'di bsad pa'i rus pa dkar po spungs pa ni ri rab bas kyang mtho/ mgo bcad pa'i khrag gzags pa ni chu klung lnga bas kyang che/ ngus pa'i mchi ma ni rgya mtsho bzhi bas kyang lhag ste/ de ltar rnam pa sna tshogs kyi sgo nas kyang lus srog chud gsan nas kyang / lan 'ga' yang chos kyi phyir ma yin te/ da bdag gis gzer bu btab la sangs rgyas su bsgrub po/ /phyis mngon par sangs rgyas nas shes rab kyi ral gris khyed kyi kun nas nyon mongs pa'i nad bcad par byed na/ ci'i phyir nga'i byang chub kyi sems kyi bar du gcod par byed ces smras pa dang / de nas 'khor mang po rnams kyang cang mi smra bar gyur to/ /de nas rgyal pos bram ze la smras pa/ ston pa chen po thugs brtse bar dgongs te/ sngar chos bstan nas de'i 'og tu lcags gzer gyis thob cig /gal te tshe'i dus byas na chos thos par mi 'gyur ro zhes smras pa dang / bram ze des tshigs su bcad de smras pa/ 'du byed thams cad mi rtag ste/ /skye ba thams cad sdug bsngal bcas/ /chos kun stong pas bdag po med/ /bdag gi ba yang yod ma yin/ /tshigs su bcad pa 'di smras nas/ /lus la lcags gzer stong gis btab bo/ /de'i tshe na rgyal phran dang / blon po dang / 'khor mang po rnams kyis de lta bur gyur pa mthong nas/ ri chen po 'gyel ba bzhin du lus sa la brdabs te/ ngus nas ci yang mi dran par sa la 'gre'o/ /de'i tshe na gnam sa rnam pa drug du g.yos nas/ 'dod pa'i khams dang / gzugs kyi khams kyi lha rnams ngo mtshar du gyur te/ thams cad nam mkha' las babs nas/ byang chub sems dpa' de'i drung du lhags te/ de ltar chos kyi phyir sdug bsngal chen po lus kyis myong bar mthong nas/ thams cad ngus te mchi ma char bzhin du bab nas lha rdzas kyi me tog gis mchod par byas so/ /</font><hr>69.152a<br><font size=+1>

de'i tshe brgya byin lha'i dbang po rgyal po gang na ba der 'ongs nas 'di skad ces smras so/ /rgyal po chen po shin tu brtson 'grus brtsams te/ sdug bsngal la ci mi snyam pa 'di chos kyi phyir ram/ 'on te ma yin/ 'khor los bsgyur ba'i rgyal po 'dod dam/ 'on te bdud kyi rgyal po 'am/ tshangs pa'i rgyal po 'am/ dbang phyug chen po 'dod ces smras pa dang / rgyal pos smras pa/ bdag gis byas pa 'di ni khams gsum gyi bde ba myong 'dod pa ma yin gyi/ bsod nams ci snyed yod pa 'di sangs rgyas 'dod pa'i phyir ro/ /brgya byin gyis smras pa/ bdag gis bltas na rgyal po'i lus 'dar zhing mi bzod pa la bltas na/ 'di skad ces zer zhing 'gyod pa med ces smras pa 'di cis yid ches par 'gyur/ rgyal pos smras pa/ gal te bdag gis smras pa bden te/ 'gyod pa'i sems med na/ bdag gi lus snga ma kho na bzhin du rma med par gyur cig ces smras ma thag tu snga ma kho na bzhin du gyur nas/ lha dang mi rnams dga' mgu rangs par gyur to/ /bcom ldan 'das ni chos kyi rgya mtsho yongs su rdzogs shing yon tan tshad ma mchis pa dang ldan na/ ci'i slad du 'gro ba mang po yongs su btang ste/ chos kyang mi bshad par mya ngan las 'da' bar dgongs/ bcom ldan 'das/ gzhan yang sngon 'das pa'i dus bskal pa tshad med grangs med pa'i pha rol na/ 'dzam bu'i gling 'dir rgyal po chen po tshangs pa lha zhes bgyi ba la/ rgyal tshab dam gam zhes bgyi ba zhig mchis te/ rgyal bu de dam pa'i chos la mos shing dga' bas dam pa'i chos phyogs kun tu btsal na yang ma rnyed nas/ mya ngan gyis gdungs te/ yi mug par gyur pa las/ de'i tshe na brgya byin lha'i dbang pos de'i bsam pa shin tu shes shing rtogs nas/ bram ze zhig tu sprul de rgyal po'i pho brang gi sgor 'ongs nas/ dam pa'i chos bdag la yod</font><hr>69.152b<br><font size=+1>

de bstan par bya'o zhes smras pa dang / rgyal bus thos nas phyi rol nas bsus te/ rkang pa la phyag byas nas/ pho brang gi nang du khrid de/ stan bting ba la bzhag go/ /rgyal bus thal mo sbyar te/ ston pa chen po thugs brtse ba'i slad du/ dam pa'i chos bstan tu gsol zhes smras pa dang / bram zes smras pa/ bslab cing lobs pa yang shin tu dka' la/ slob dpon gnyer zhing shes par 'gyur ba yang sla ba ma yin pas/ 'di tsam du chog par 'gyur ba ma yin te/ chos thos par 'dod pa ni rigs pa ma yin no/ /rgyal bus smras pa/ ston pa chen po ci dang ci 'dod pa gsungs shig dang / bdag gis lus dang / chung ma dang / bu pho'i bar du bzhed na yang thams cad mi 'phangs te/ bka' bzhin du bgyi'o/ /bram zes smras pa/ gal te me'i dong zabs su khru bcu pa'i nang me mur gyis bkang la de'i nang du mchongs te mchod pa byas na dam pa'i chos bstan to zhes smras pa dang / de'i tshe na rgyal bu des slob dpon gyi lung bzhin du me dong chen po byas so/ /de nas rgyal po dang / btsun mo dang / blon po dang pho brang gi slas kyis de lta bur gyur pa dag thos nas/ lus dang sems mi bde bar gyur nas/ thams cad rgyal bu'i pho brang du lhags nas/ rgyal bu la yang gsol ba btab/ bram ze la yang kun gyis nan gyis bskor nas/ btsun pa thugs rje bar dgongs te/ bdag cag gi slad du rgyal bu 'di me'i dong du mchong bar mi mdzad du gsol/ 'khor ram/ chung ma 'am/ bu mo 'am/ bdag gi lus bzhed na yang 'bul lo zhes gsol pa dang / bram zes smras pa/ bdag gis nan gyis mi byar mi rung ba ni med kyis rgyal bus cir brtsams par zad de/ gal te de ltar nus na ni/ chos bstan par yang bya/ ci mi nus na ni chos kyang mi bstan to zhes smras so/ /'khor rnams kyis kyang de'i</font><hr>69.153a<br><font size=+1>

dam bcas pa brtan par shes shing rtogs nas cang mi smra'o/ /de'i tshe rgyal pos kyang pho nya cig glang po che rgyang grags brgya stong du 'gro ba cig bskyon te/ 'dzam bu'i gling kun tu btang nas/ rgyal tshab dam gam/ de ste zhag bdun na chos 'dod pa'i phyir me'i dong du mchong gis/ khyed mthong bar 'dod na myur du shog shig ces bsgo'o/ /de'i tshe rgyal phran dang / 'bangs mang po dag ngu zhing nyam chung ba dag kyang gcig gis cig khrid de/ rgyal bu'i thad du lhags nas/ pus mo g.yas pa'i lha nga sa la btsugs te/ thal mo sbyar nas thams cad kyis tshig mthun par 'di skad ces smras so/ /bdag cag ni rgyal bu khyod la brten te/ bdag cag gi pha ma dang 'dra ba khyod me dong du mchong na/ 'bangs 'di dag thams cad la mgon skyabs dang / gnas med par 'gyur gyi /mi 'ga' tsam gyi phyir/ 'bangs thams cad kyi dpung gnyen med par ma mdzad ces gsol pa dang / de nas rgyal bus mi mang po de dag la 'di skad ces bsgo'o/ /nga ni yun ring po nas 'khor bar 'khor ba na/ lus grangs med pa zhig 'phos par gyur te/ mi'i nang du skyes pa na/ 'dod pas chog mi shes pas gcig la gcig 'tshe zhing gnod par gyur to/ /mtho ris kyi lhar skyes pa na yang lha'i tshe zad pa na/ 'dod pa dang bral ba'i sdug bsngal myong ngo / /sems can dmyal bar skyes pa na yang mer tshig pa dang / zangs su bskol ba dang / ral gri dang mtshon chas dmyal zhing gtubs pa dang / gdug pa'i chu la 'bog pa dang / ral gri so la 'dzeg cing nyin cig la yang tshe 'phos pa grangs med pa zhig myong ste/ na ba dang 'chi ba'i sdug bsngal rus pa la thug pa brjod kyis mi langs ba zhig myong ngo / /yi dgas su skyes pa na yang / lus kyis mi bzod pa'i sdug bsngal rnam pa sna tshogs myong ngo / /dud 'gro'i skye gnas su</font><hr>69.153b<br><font size=+1>

ni lus nyid chud gzan du gyur te/ khal lci ba bkal nas rtswa las mi za ba'i sdug bsngal bzod par dka' ba myong bas/ lus dang srog chud gsan kyang / dam pa'i chos dge ba'i sems cung zad tsam yang bskyed pa ma myong bas/ da ni lus btsog pa dman pa 'di chos kyi phyir mchod pa byed kyis/ bdag gi bla na med pa'i byang chub tu sems bskyed pa'i bar du gcod pa'i las ma byed cig[ ]/bdag ni sangs rgyas su bsgrub pa'i phyir/ lus 'di yongs su gtong ste/ nam mngon par sangs rgyas nas/ khyod la chos kyi sku sbyin par bya'o zhes smras pa dang / 'khor mang po yang mi smra bar gyur to/ /de'i tshe na rgyal bu de me dong gi khar 'greng nas/ bram ze de la 'di skad ces gsol to/ /ston pa chen po bdag la sngar dam pa'i chos ston cig /gal te tshe'i dus byas na chos mi thos so zhes gsol pa dang / bram ze des tshigs su bcad pa 'di dag smras so/ /byams pa'i sems ni goms par bya/ /zhes sdang 'khro ba'i 'du shes spangs/ /snying rje chen pos sems can skyabs/ /kun la snying brtse mchi ma gzag / /dga' ba chen po goms par bya/ /gzhan la'ang bdag dang mthun pa'i chos/ /byang chub sems kyis bskyab pa ni/ /byang chub sems dpa'i spyod par ldan/ /zhes tshigs su bcad pa 'di smras ma thag tu me dong du mchongs pa las/ brgya byin dang tshangs pa'i rgyal pos lag pa ya re nas zin te/ 'di skad ces smras so/ /'dzam bu'i gling gi 'gro ba thams cad ni rgyal po khyod kyi bka' drin gyis mi bde ba'i bags med na da me dong du mchong na/ 'bangs thams cad kyi pha ma tshe 'phos pa dang 'dra bas/ ci'i phyir 'gro ba thams cad yongs su btang ste/ me dong du mchong zhes smras pa dang / rgyal bu des lha'i rgyal po dang 'khor mang po la bltas te/ </font><hr>69.154a<br><font size=+1>

khyod kyis bdag bla na med pa'i byang chub tu sems bskyed pa'i bar du gcod pa'i las ma byed cig ces smras pa dang / thams cad cang mi smra ba dang / de ma thag tu me dong du mchongs so/ /de'i tshe gnam sa rab tu g.yos so/ /bar snang gi lha rnams kyang ngus nas mchi ma char bzhin bab bo/ /me dong de yang me tog gi rdzing bur gyur to/ /rgyal bu de yang pad ma'i steng du 'dug par gyur nas/ lha thams cad kyis me tog gi char pus mo nub pa tsam du phab po/ /de'i tshe de'i dus na rgyal po tshangs pa lha ni/ rgyal po yab zas gtsang ma lags so/ /de'i tshe de'i dus na de'i ma ni yum lha mdzes lags so/ /de'i tshe de'i dus na rgyal bu rgyal tshab de ni bcom ldan 'das lags so/ /bcom ldan 'das de'i tshe de'i dus na yang / 'gro ba mang po bskyab pa'i slad du chos btsal na/ da yongs su rdzogs par gyur pa na/ ci'i slad du shin tu gdung bar gyur pa'i sems can mang po la chos kyi char mi 'bebs par mya ngan las 'das par dgongs/ bcom ldan 'das gzhan yang bskal pa grangs med tshad med pa 'das pa'i pha rol na/ de'i tshe de'i dus na yul bA ra na se 'dir drang srong lnga brgya zhig gnas te/ drang srong de dag gis ston pa ud pa la zhes bya ba de dam pa'i chos slob cing bsgom pa la dga' bas kun tu rgyu zhing / su la dam pa'i chos yod pa de bdag la smra na/ ci dang ci 'dod pa yid bzhin du sbyin zhing de'i g.yog bya'o zhes bya bar bsgrags pa dang / bram ze zhig der 'ongs nas de la 'di skad ces smras so/ /bdag la dam pa'i chos yod de/ thos par 'dod na bstan par bya'o zhes smras pa dang / drang srong des thos nas thal mo sbyar te/ 'di skad ces gsol to/ /bdag la thugs brtse ba'i slad du dam pa'i chos bstan du gsol zhes smras pa dang / bram ze des smras pa/ chos lobs pa yang shin tu dka' ste/ </font><hr>69.154b<br><font size=+1>

sdug bsngal mang po myong bas chos lobs pa yin gyis/ 'di tsam gyis chos thos par 'dod par rigs pa ma yin no/ /khyod snying nas thos par 'dod na/ kho bos bsgo ba bzhin du byos shig /drang srong gis smras pa/ ston pa chen po'i bka' bzhin du mi 'gal bar bgyi'o zhes smras pa dang / de la 'di skad ces bsgo'o/ /gal te khyod kyi pags pa bshus te shog shog tu byas la/ rus pa ni smyug gur byas/ khrag ni snag tshar byas te/ ngas bstan pa'i chos yi ger byed na/ khyod la chos bstan to/ /zhes smras so/ /de nas drang srong des de skad ces smras pa thos nas/ rab tu dga' mgu rangs te/ de bzhin gshegs pa'i bstan pa la bskur stir bya ba'i phyir/ pags pa bshus nas shog shog tu byas/ rus pa ni smyug gur byas/ khrag la snag tsar byas nas/ dus la bab kyi myur du gsungs shig ces smras pa dang / bram zes tshigs su bcad pa 'di dag smras so/ /lus kyi spyod pa rab bsdom shing / /srog gcod brku g.yem mi bya'o/ /phra ma brdzun dang tshig rtsub dang / /'khyal ba smra bar mi bya'o/ /'dod pa rnams la mi chags shig /zhe sdang sems kyang med par bya/ /ngan par blta ba kun spang na/ /byang chub sems dpa'i spyod pa'o/ /zhes tshigs su bcad pa 'di dag smras ma thag tu/ yi ger bris nas 'dzam bu'i gling kun tu bsgrags te/ mi mang po thams cad kyis de la slob cing ci ltar bstan pa bzhin du nan tan byed du bcug go/ /bcom ldan 'das de'i tshe de'i dus na yang / sems can mang po'i slad du chos tshol ba la 'gyod pa'i thugs mi mnga' na/ de'i slad du chos kyang ma bstan par thams cad yongs su btang ste/ mya ngan las 'da' bar dgongs/ bcom ldan 'das gzhan yang sngon 'das pa'i bskal pa grangs ma mchis tshad ma mchis</font><hr>69.155a<br><font size=+1>

pa'i pha rol na/ 'dzam bu'i gling 'dir rgyal po shi byi zhes bgyi ba zhig byung ba dang / rgyal po de bzhugs pa'i pho brang ni de ba brta zhes bgyi ste/ 'byor pa/ bde ba/ lo legs pa/ longs spyod dpag du med pa dang ldan no/ /de'i tshe na rgyal po de 'dzam bu'i gling 'di la dbang mdzad de/ rgyal phran ni brgyad khri bzhi stong / ljongs ni stong phrag drug bcu'i nang na/ grong khyer khri phrag brgyad bcu dang / btsun mo dang pho brang gi slas stong phrag nyi shu dang / rgyal bu lnga brgya tsam dang / blon po chen po stong phrag bcu mnga' ba la mnga' mdzad de/ thams cad la byams pa dang / snying rjes ma khyab pa med do/ /de'i tshe na brgya byin lha'i dbang po lus kyi yon tan lnga dang bral te/ tshe'i dus byed du nye bas shin tu mi dga' ste/ mya ngan byed pa byi shwa kar mas mthong nas/ brgya byin la ci'i slad du mya ngan mdzad cing mi dgyes ces gsol ba dang / brgya byin gyis smras pa/ nga ni tshe'i dus byed du nye bas tshe 'phos pa'i ltas mngon du byung na/ 'jig rten 'dir sangs rgyas kyi chos ni nub par gyur te/ byang chub sems dpa' yang 'jig rten na mi bzhugs na/ kho bo gang la skyabasu 'gro ba mi shes pas mya ngan byed do/ /byi shwa kar mas smras pa/ lha'i dbang po 'dzam bu'i gling na rgyal po chen po byang chub sems dpa'i spyad pa spyod pa shi byi zhes bya ba zhig bzhugs te/ shin tu yi dam la brtan zhing brtson 'grus brtsams pas gdon mi za bar mngon par 'tshang rgya ste/ de la skyabs su song na gdon mi za bar dpung gnyen du 'gyur te/ bgegs las rnam par thar bar 'gyur ro/ /brgya byin gyis smras pa/ gal te byang chub sems dpa' yin na/ sngar bgam dgos kyis sad du 'dong ngo / /khyod kyis ni phug ron zhig tu sprul cig /nga ni khra bzhin du sprul te/ mgyogs par khyod kyi phyi bzhin du 'ong gi rgyal po de gang na bzhugs par</font><hr>69.155b<br><font size=+1>

song la/ skyabs brtsal nas bgam ste/ de sgyu yod dam/ bden pa rtogs par 'gyur ro/ /byi shwa kar mas smras pa/ lha'i dbang po skyes bu chen po byang chub sems dpa' la 'tshe ba mi bsha'i mchod pa'i rigs kyis/ shin tu dka' ba'i dngos po 'di lta bus gtse ba'i mi rigs so zhes smras pa dang / brgya byin lha'i dbang pos tshigs su bcad pa 'di dag smras so/ /bdag ni de la ngan sems min/ /gser ltar sad nas mngon par 'gyur/ /bden pa rtogs par 'dod pa na/ /byang chub sems dpa' sad par bya/ /zhes tshigs su bcad pa de skad smras nas/ byi shwa kar ma ni phug ron du sprul/ brgya byin ni khra ru sprul/ phug ron gyi phyi bzhin du 'brangs te/ bzung la thug pa ltar byas pa dang / phug ron skrag dngangs nas/ rgyal po'i mchan khung du zhugs te/ rgyal po la srog gi skyabs gsol lo/ /khra yang mod la phyin te/ pho brang gi drung gang na ba der 'dug nas/ rgyal po la 'di skad ces gsol to/ /phug ron 'di ni bdag gi zas lags te/ 'dir rgyal po la babs kyis myur du bdag la stsol cig /bdag ni bkres pas rab tu nyen to zhes pa dang / rgyal pos smras pa/ kho bos ni gang bdag la skyabs su 'ongs so cog la phyir mi gtong bar dam bcas pas/ 'di yang mi sbyin no zhes smras pa dang / yang khras smras pa/ rgyal pos gsungs pa ltar thams cad kyi skyabs mdzad do zhe na/ gal te bdag gi zas mi stsal na bdag kyang 'tsho ba dang bral na/ ci bdag kyang thams cad kyi nang du ma gtogs sam/ rgyal pos smras pa/ khyod la sha gzhan zhig sbyin na za 'am/ khras smras pa/ bdag ni gsar du bkum pa'i sha rlon pa mchis na 'tshal lo zhes smras pa dang / rgyal po des 'di snyam du bsams so/ /bdag gis gsar du bsad pa'i sha rlon pa zhig</font><hr>69.156a<br><font size=+1>

sbyar na ni/ gcig bsad de gcig gso bar rigs pa ma yin te/ don med do snyam du bsams nas yang 'di snyam du sems so/ /bdag 'ba' shig gis lus ma gtogs par gzhan ci tsam srog dang bcas pas thams cad ni srog 'phangs so snyam bsams nas/ gri rnon po thogs nas rla'i sha bcad nas khra la byin te/ phug ron gyi srog blus so/ /khras smras pa/ rgyal po khyod sbyin bdag du gyur te/ thams cad la snyoms na/ bdag byang chub tu zhig lags kyang snyoms par mdzad 'tshal bas/ gal te phug ron gyi srog blu na srang gis btsal te/ mnyam par mdzad du gsol zhes smras pa dang / rgyal pos srang long shig ces bka' stsal te/ srang gi khu ler ni phug ron bzhag /srang gi gzhir ni sha bcad de spungs na/ rla'i sha zad kyang phug ron bas yang ngo / /phrag pa gnyis dang / rtsibs logs g.yas g.yon dang / lus kyi sha zad par bcad kyang / phug ron dang mnyam par ma gyur nas/ rgyal po nyid bzhengs te/ srang gi nang du 'gro bar gzas pa las nyams kyis ma nus te/ sa la 'gyel lo/ /de nas ring zhig lon pa dang / dran par gyur nas/ bdag gi sems la 'di skad ces smad do/ /thog ma med pa'i dus nas khyod kyis ma nus nas/ khams gsum du 'khor zhing sdug bsngal sna tshogs myong bar gyur kyang / bsod nams kyi tshogs su ma gyur to/ /brtson 'grus brtsams pa'i dus la bab ste/ le lo bya ba'i dus ma yin no zhes rnam pa sna tshogs kyi sgo nas brgyad bkag ste/ de nas 'bad 'bungs nas srang gi gzhi'i nang du phyin pa dang / da ni legs so zhes rab tu dga' ba'i sems skyes so/ /de'i tshe gnam sa rnam pa drug du g.yos nas/ lha rnams kyi pho brang yang 'gul zhing ldeg par gyur te/ gzugs kyi khams</font><hr>69.156b<br><font size=+1>

kyi lha man cad lhags nas steng gi bar snang la 'khod do/ /byang chub sems dpas shin tu dka' ba spyad cing lus dang gtan ma rung bar byas te/ chos kyi phyir lus dang srog la mi lta bar gyur pa'i dngos po de dag mthong nas/ mchi ma char bzhin du zag cing ngus te/ lha rdzas kyi me tog char bzhin du phab nas mchod pa byas so/ /de'i tshe brgya byin gyis sngon gyi lus su bsgyur te/ rgyal po la 'di skad ces smras so/ /rgyal pos 'di lta bu'i shin tu dka' ba mdzad pa des ci zhig bzhed/ 'khor los bsgyur ba'i rgyal po bzhed dam/ brgya byin nam/ bdud kyi rgyal po 'am/ khams gsum gyi dbang po bzhed dam/ ci zhig bzhed ces smras pa dang / byang chub sems dpas smra ba/ bdag 'dod pa'i khams gsum gyi che btsun gyi longs spyod 'dod pa ma yin te/ bsod nams ci byed kyang bla na med pa'i byang chub 'dod do zhes smras pa dang / brgya byin gyis smras pa/ 'di ltar lus zhig cing ma rungs bar byas te/ rus pa la thug pa'i sdug bsngal myong bar gyur pa 'di la mi 'gyod dam zhes pa dang / rgyal pos 'gyod pa med do zhes smras so/ /brgya byin gyis smras pa/ 'gyod pa med ces smras mod kyis/ de ltar lus 'dar zhing rdeg la dbugs chad pa tsam du smra yang mi nus pa la bltas na/ 'gyod pa med par cis yid ches par 'gyur/ rgyal pos smras pa/ bdag thog ma nas tha ma'i bar du ba spu nyag ma tsam gyi 'gyod pa'i sems med na/ bdag ci dang ci 'dod pa gdon mi za bar 'gyur ste/ smras pa'i tshig 'di bden na bden pa'i tshig smras pas/ bdag gi lus 'di snga mkho bzhin du rma med par gyur cig ces smras ma thag tu rgyal po'i lus sngon bas kyang lhag par bzang por gyur te/ lha dang mi'i 'jig rten du bcas pa thams cad dga' mgu rangs nas/ ngo mtshar rmad du gyur to/ /de'i tshe de'i dus na/ rgyal po shi byi ni da ltar</font><hr>69.157a<br><font size=+1>

sangs rgyas lags te/ bcom ldan 'das sngon 'das pa'i dus na yang / sems can mang po'i slad du/ sku tshe la ma gzigs na/ da bcom ldan 'das chos kyi rgya mtsho ni yongs su rdzogs/ chos kyi rgyal mtshan dag bsgrengs/ chos kyi rnga yang rab du brdungs/ chos kyi sgron ma yang rab tu gsal bar mdzad de/ phan pa dang bde ba'i don mdzad pa'i dus la bab na/ ci'i slad du chos kyang ma bstan par sems can thams cad yongs su btang ste/ mya ngan las 'da' bar dgongs/ de'i tshe na tshangs pa'i rgyal pos de bzhin gshegs pa'i spyan sngar thal mo sbyar te/ de bzhin gshegs pas sngon gyi sku tshe la chos ci ltar btsal ba dang / sems can gyi slad du dbu stong tsam yang btang bar gyur to/ /zhes bstod cing bsngags pa byas so/ /de'i tshe bcom ldan 'das kyis tshangs pa'i rgyal pos gsol pa bzhin du gnang bar mdzad nas/ yul bA ra na se na ri dgas la mi 'jigs pa byin pa'i gnas su gshegs nas/ chos kyi 'khor lo bskor ro/ /de ltar chos kyi 'khor lo bskor bas dkon mchog gsum yang 'jig rten na mngon gsum du gyur to/ /de'i tshe de skad ces gsungs nas lha dang mi dang klu dang gnod sbyin dang / lha ma yin sde brgyad la stsogs pa thams cad mngon par dga' nas rjes su spyod do/ /dpe sna tshogs bstan pa'i le'u ste dang po'o// // 'di skad bdag gis thos pa'i dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe bcom ldan 'das bsod snyoms kyi dus la bab nas/ sham thabs dang chos gos bgos nas lhung bzed bsnams te/ kun dga' bo dang bsod snyoms la gshegs so/ /de'i tshe na grong khyer de na rgan mo zhig la bu rtag du brku ba gnyis shig yod de/ nor bdag gis zin nas zhal</font><hr>69.157b<br><font size=+1>

che ba'i mdun du khrid de/ khrims dang sbyar tshe bsad pa la thug nas/ rigs ngan skrag ste gsod pa'i gnas su khrid pa las/ bcom ldan 'das rgyang ma nas gshegs pa rgan mo ma smad gsum gyis mthong nas/ sangs rgyas gshegs pa'i phyogs su phyag 'tshal nas/ lha'i nang na gtso bo thugs brtse bar dgongs te/ bdag gi bu 'gum pa la thug pa 'di'i skyabs mdzad du gsol zhes smras pa dang / bcom ldan 'das kyis gsan nas/ de bzhin gshegs pa'i thugs rje chen pos/ de dag la thugs brtse bar dgongs te/ de dag gi srog bskyabs pa'i slad du bcom ldan 'das kyis kun dga' bo la bka' stsal te/ rgyal po la gsol ba 'debs su btang ba dang / rgyal pos kyang bcom ldan 'das kyi bka' bzhin du de dag btang ngo / /de dag bcom ldan 'das kyi bka' drin dran zhing rab tu dga' ba skyes nas/ bcom ldan 'das gang na ba der song ste phyin pa dang / zhabs la spyi bos phyag 'tshal nas thal mo sbyar te bcom ldan 'das la 'di skad ces gsol to/ /bcom ldan 'das kyi bka' drin chen pos bdag cag gi tshe srog lhag ma tsam zhig lus par gyur na/ lha'i gtso bo thugs brtse bar dgongs te/ bdag cag la chos rab tu 'byung bar ci gnang zhes gsol pa dang / bcom ldan 'das kyis legs par 'ongs so zhes bka' stsal pa na/ skra dang kha spu rang byi ste/ gos kyang ngur smrig tu gyur to/ /de dag shin tu dang ba'i sems brtan par gyur nas/ bcom ldan 'das kyis ci rigs pa'i chos bstan nas rdul dang dri ma zad de/ dgra bcom par gyur to/ /de'i rgan mo de yang chos thos pas lan cig phyir mi ldog par gyur to/ /de'i tshe kun dga' bos de lta bu'i dngos po ngo mtshar che ba dag mthong nas/ de bzhin gshegs pa'i yon tan de snyed cig mnga'o zhes bsngags te/ yang 'di snyam du rgan mo ma smad gsum po 'dis sngon legs pa ci zhig</font><hr>69.158a<br><font size=+1>

bgyi na/ da ltar bcom ldan 'das dang phrad te/ nyes pa chen po las kyang thar la/ mya ngan las 'das pa'i bde ba thob nas lus gcig gis phan pa dang / bde ba'i don thob pa legs so snyams du bsam pa dang / bcom ldan 'das kyis mkhyen nas kun dga' bo la 'di skad ces bka' stsal to/ /ma smad gsum po 'di ni ngas da ltar 'di 'ba' zhig gi dus su bsos par ma zad kyi/ sngon 'das pa'i dus na yang nga'i bka' drin gyis gsos so/ /kun dga' bos gsol pa/ bcom ldan 'das sngon 'das pa'i dus na yang ma smad gsum po 'di dag ci ltar gsos pa bcom ldan 'das kyis bstan tu gsol/ bcom ldan 'das kyis kun dga' bo la bka' stsal pa/ sngon 'das pa'i dus bskal pa grangs med pa'i pha rol na/ 'dzam bu'i gling 'di na rgyal po shing rta chen po zhes bya ba zhig yod de rgyal po de rgyal phran lnga stong snyed la dbang byed do/ /rgyal po de la sras gsum mnga' ste/ rab ni sgra chen po zhes bya'o/ /'bring po ni lha chen po zhes bya'o/ /tha chung ni sems can chen po zhes bya ste/ sras tha chung de chung ngu nas byams pa dang snying rjer ldan te/ thams cad la bu cig pa dang 'dra'o/ /de'i tshe rgyal po de blon po dang bcas/ btsun mo dang sras su bcas te/ phyi rol tu 'chag cing dong ba las/ cung zad cig ngal bso ba'i bar du sras gsum po tshal gyi nang du song ba las/ stag mo zhig bu byung nas zhag du ma lon pa bkres shing skom pas nyen te/ phyir yang bu zos la thug pa zhig mthong nas/ rgyal bu tha chung gis pho bo gnyis la smras pa/ stag mo 'di ni shin tu sdug bsngal gyis gzir te/ nyams chung la rid pas shi la thug pa 'di lta bu/ bu byung ma thag pa yang zos su 'dod do zhes smras pa dang / pho bo gnyis kyis khyod zer ba bden no zhes zer ro/ /nu bos yang pho bo la</font><hr>69.158b<br><font size=+1>

smras pa/ stag mo 'dis zas su ci za zhes dris na/ pho bo gnyis kyis smras pa/ 'di bsad ma thag pa'i sha rlon pa dang / khrag dron mos de'i yid tshim par 'gyur ro zhes smras so/ /yang smras pa gang su yang rung ste de lta bu'i dngos pos 'di'i srog skyabs te/ mi nyams par byed nus pa yod dam/ pho bo gnyis kyis smras pa/ de ni shin tu yang dka' bas med do/ /de nas rgyal bu tha chung des yid la 'di snyams du bsams so/ /bdag yun ring po nas 'khor ba na 'khor zhing / lus srog grangs med pa zhig chud gsan te/ bar 'ga' ni 'dod chags kyi phyir/ bar 'ga' ni zhe sdang gi phyir/ bar 'ga' ni gti mug gi phyir/ lus btang yang chos kyi phyir bsod nams kyi zhing dang / lan 'ga' yang ma phrad pa'i lus 'di ci rung snyam bsam nas/ gsum kar 'grogs te song ba dang / ring por ma phyin par pho bo gnyis la 'di skad ces smras so/ /mched gnyis sngar gshegs shig dang / bdag don zhig gnyer te/ slad bzhin par mchi'o zhes smras so/ /lam de nyid du zhugs te stag mo'i tshang gang na yod par myur du song nas/ stag mo'i drung du nyal ba dang / stag mo kha thams pas za ma nus so/ /de'i tshe rgyal bus shing gi tshal bas lus la khrag phyung nas/ stag mo la bldag du bcug pa dang / kha yang phyes nas lus kyi sha ma lus par zos so/ /pho bo gnyis kyis bltas na/ ring zhig tu ma 'ongs pas/ phyir rjes bzhin du tshol du dong ba las sngar smras pa'i tshul brtags na gdon mi za bar stag mo ltogs pas bsad do bsams nas der phyin te bltas na/ nu bo tha chung stag gis zos te/ sha dang khrag gis kun tu bsgos nas/ rtsog rtsog ltar 'dug par mthong ngo / /lus sa la brdabs te brgyal lo/ /ring zhig lon pa dang / dbugs phyir byung nas/ cho nges 'debs te sa la 'gre zhing khams par gyur to/ /</font><hr>69.159a<br><font size=+1>

de'i tshe na btsun mo yum mnal ba'i rmang lam na/ phug ron gsum zhig kun tu phur zhing rtse ba las/ nang gi chung ngu cig khras khyer ba snyam rmis ma thag tu sad nas/ skrag dngangs te rgyal po la bsnyad do/ /bdag gis gtam du thos na/ phug ron ni bu pho'i bla ste/ phug ron nang gi chung ngu khras khyer ba na/ bdag gi bu nang gi sdug pa la bkra mi shis nges kyis zhes de ma thag tu kun tu tshol ba btang ba las/ ring por ma lon par rgyal bu gnyis ni 'ongs kyi/ bu nang gi sdug pa ma nyes sam gar zhes dris na/ phu bo gnyis skad kyis brnangs te/ ring shig tu dbugs kyang ma phyin smra yang ma nus nas/ de'i 'og du dbugs phyin pa dang / stag gis zos so zhes smras so/ /lha mo des de skad smras pa thos nas khams te/ sa la 'gyel nas ring zhig lon pa dang / dbugs phyin te/ bu gnyis dang btsun mo dang / pho brang gi slas su bcas te myur bar rgyal bu gang du tshe 'phos pa'i gnas su song ngo / /de'i tshe stag mos rgyal bu'i sha ni zad par zos zin gyis/ rus pa dang khrag 'ba' shig gis sa stsog stsog pa ltar 'dug pa mthong ngo / /btsun mos ni mgo nas bzung ngo / /rgyal pos ni lag pa nas bzung ste/ cho nges btab nas ngus pa dang / der yang khams nas ring zhig lon te/ phyir sangs so/ /rgyal bu sems can chen po de der tshe 'phos nas/ dga' ldan lha'i gnas su skyes so/ /de ci'i phyir bdag ci spyad pas 'dir skyes snyam bsams te/ lha'i mig gis rgyud lnga kun tu bltas na/ bdag tshe 'phos pa'i rus bu tshal na 'dug pa la pha mas bskor te/ shin tu yid la gcags pas/ mya ngan gyi zug rngus sdug bsngal zhing cho nges 'debs pa mthong nas/ lhas bsams pa/ bdag gi pha ma 'di ltar mi dga' ba'i rkyen kyis gal te na lus dang srog gi bar chad du 'gyur gyi/ de'i spro ba bskyed cing gtam byar 'gro'o snyam bsams nas/ </font><hr>69.159b<br><font size=+1>

nam mkha' las babs te steng gi nam mkha' las tshig snyan pa rnam pa sna tshogs kyis pha ma gnyis la spro ba bskyed do/ /pha ma gnyis kyis nam mkha' la bltas nas/ lha khyod su zhig lags pa bdag la smros shig ces smras pa dang / bdag ni rgyal bu sems can chen po zhes bya ba yin te/ bdag gis lus kyis stag mo ltogs pa bsnyod pas dga' ldan gyi lha'i gnas su skyes so/ /rgyal po chen po 'di ltar mkhyen par mdzod cig /ci tsam sred pa dang bcas pa'i chos ni mthar 'jig par 'ong ngo / /skye ba yod na nges par 'jig go/ /sdig pa byas na sems can dmyal bar ltung ngo / /dge ba byas na mtho ris su skye te/ skye ba dang 'jig pa kun la srid na/ ci'i slad du dga' ba 'ba' zhig gi phyir mya ngan gyi rgya mtshor ltung ba mi tshor ram/ dge ba'i chos la brtson 'grus mdzod ces pa dang / de'i pha mas smras pa/ khyod ni snying rje chen pos stag mo bsnyod de thams cad la snying brtse ba yin na/ bdag cag btang ste/ tshe'i dus byas pas/ deng ni khyod dran pa'i phyir sha yang dum bu dum bur chad pa tsam du sdug bsngal gyis gdungs te/ snying rje chen po spyod pa khyod 'di ltar bya ba'i rigs saM/ de nas yang lha des tshig snyan pa rnam pa sna tshogs kyi sgo nas bzhams te/ spro ba bskyed pas de'i pha ma yang spro ba cung zad skyes nas/ rin po che sna bdun gyi sgrom byas te/ rus bu de'i nang du bcug ste sbas pa'i steng du mchod rten byas so/ /lha yang phyir gnas su song ngo / /rgyal po dang 'khor mang po rnams kyang phyir pho brang du song ngo / /bcom ldan 'das kyis kun dga' bo la bka' stsal pa/ khyod kyi yid la ci snyam du sems/ de'i tshe de'i dus na rgyal po shing rta chen po de su yin snyams sems/ de ni da ltar nga'i yab rgyal po zas gtsang ma yin no/ /de'i tshe de'i dus na rgyal po de'i btsun mo de ni da ltar nga'i yum sgyu ma lha mdzes yin no/ /de'i dus na sras rab</font><hr>69.160a<br><font size=+1>

sgra chen po de ni byams pa yin no/ /sras 'bring po ni ba mi su tra yin no/ /de'i tshe de'i dus na rgyal bu tha chung sems can chen po ni de gzhan du ma sems shig /da ltar nga yin no/ /de'i tshe de'i dus na/ stag phrug ni mi 'di gnyis yin te/ ngas sngon yang yun ring po nas bgegs las thar bar byas te srog skyabs nas bde bar byas so/ /da mngon par sangs rgyas nas kyang bgegs las thar bar mdzad nas/ 'khor ba'i sdug bsngal chen po las yongs su grol lo/ /de'i tshe na kun dga' bo dang / 'khor mang po thams cad bcom ldan 'das kyis gsungs pa la mngon par bstod do/ /sems can chen pos stag mo la lus byin pa'i le'u ste gnyis pa'o// // 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe nam gyi cha stod la lha gnyis shig sangs rgyas gang na ba der 'ongs so/ /lha de'i lus kyi 'od kyis rgyal bu rgyal byed kyi tshal gser gyi mdog ltar gcig tu snang bar byas so/ /de la bcom ldan 'das kyis ci rigs su dam pa'i chos bstan pas sems rnam par grol te/ gnyis kas byang chub kyi 'bras bu thob nas bcom ldan 'das kyi zhabs la mgo bos phyag 'tshal te/ phyir yang lha'i gnas su dong ngo / /phyi de nyin nam nangs ma thag tu/ kun dga' bos bcom ldan 'das la 'di skad ces gsol to/ /mdang lha gnyis shig mchis te/ bcom ldan 'das la bsnyen bkur bgyis na/ de'i lus kyi 'od kyis kun snang zhing mdzes par bgyi ba 'di sngon las ci zhig bgyis pas de 'dra'i 'bras bu thob par gyur ces gsol pa dang / bcom ldan 'das kyis kun dga' bo la 'di skad ces bka' stsal to/ /sngon sangs rgyas</font><hr>69.160b<br><font size=+1>

'od srung mya ngan las 'das nas dam pa'i chos 'jig par nye ba na/ bram ze gnyis shig gis nyin zhag gcig pa'i tshul khrims brgyad mnos te/ de dag la gcig gis lhar skye bar shog cig ces smon lam btab bo/ /cig gis ni rgyal por gyur cig ces smon lam btab nas/ phyir khyim du 'ong ngo / /de la cig khyim du 'ong nas/ chung mas zan la bos nas khyos 'di skad ces smras so/ /bdag sangs rgyas kyi chos las phyi dro kha zas mi za'i khrims mnos pas mi 'dod do zhes pa dang / chung mas smras pa/ khyod ni kun tu rgyu yin te/ bdag cag gi chos kyi tshul khrims yod na/ ci'i phyir ston pa gzhan gyi tshul khrims mnos/ gal te bdag dang lhan cig zan mi za na khyod ci skad smras pa bzhin du kun tu rgyu gzhan dag la bsnyad de/ khyod dang lhan cig tu 'du shing gtam zer du mi gnang bar skrod du gzhug go/ /de skad ces smras pa dang / khyos ma bzod de dngangs skrag nas chung ma dang lhan cig tu dus ma yin par zan zos so/ /mi de gnyis tshe'i dbang thang ci tsam du thub pa bzhin du so so nas tshe'i dus byas so/ /rgyal por smon pa de ni tshul khrims bsrungs pas rgyal po'i rigs su skyes so/ /lhar skye bar smon pa de ni tshul khrims zhig pas klu zhig tu skyes so/ /de'i tshe na rgyal por skyes pa de'i bza' shing ra ba bsrung ba zhig[ ]/nyin cig bzhin du shing thog rnam pa sna tshogs bskyel ba las/ phyis dus gzhan zhig na/ chu mig cig gi nang nas ku shu kha dog dang dri bsung dang ldan pa zhig rnyed nas/ 'di snyam du sems so/ /bdag shing thog bskyel zhing phan tshun 'gro ba'i tshe/ rtag tu sgo pas bkag ste/ legs par 'gro mi ster gyis/ ku shu 'di sgo ba 'di la sbyin no snyams nas/ rgyal po'i chab sgo ba la sbyin no/ /chab sgo bas kyang shing thog de blang nas/ 'di snyam du bsam mo/ /</font><hr>69.161a<br><font size=+1>

zhu zhing gsol ba la 'gro ba'i tshe/ rtag tu nyug rum gyis bkag nas/ nyams 'phags su 'gror med kyis/ ku shu 'di ni nyug rum de la sbyin snyam du bsams nas/ nyug rum la byin no/ /nyug rum gyis kyang blangs nas/ btsun mo la phul lo/ /btsun mos thogs nas rgyal po la phul lo/ /rgyal pos ku shu de zos nas/ rab tu mngar zhing lhag par dri bsung dang ldan pa zhig nas/ btsun mo la ku shu 'di gang nas rnyed ces dris pa dang / btsun mos kyang ji ltar rnyed pa'i gtam zhib tu byas nas/ cig nas cig tu thug ste/ tha mar ra ba bsrung ba la thug nas/ rgyal pos ra ba bsrung ba bkug nas/ de la 'di skad ces bka' stsal to/ /nga'i bza' shing gi ra ba na shing thog 'di lta bu yod na/ ci'i phyir nga la mi 'bul bar gzhan dag la sbyin zhes bka' stsal pa dang / ra ba bsrung ba des thog ma ji ltar rnyed pa zhib tu gsol to/ /de nas rgyal pos ra ba bsrung ba de la deng phyin cad ku shu 'di lta bu rtag tu phul cig ces bka' stsal pa dang / ra ba bsrung ba des 'di skad ces gsol to/ /ku shu 'di ni 'bras bu las skyes pa ma lags te/ chab mig gi nang nas rnyed pas slan cad ni bdag gis mi rnyed de/ mi 'byor to zhes gsol pa dang / de la yang rgyal pos khyod kyis phyin cad ma rnyed na/ khyod kyi lus dum bur bcad do zhes bka' stsal pa dang / ra ba bsrung ba de phyir gnas su song nas mya ngan byed cing ngus pa dang / ngu ba'i sgra chen po de klu zhig gis thos nas/ klu de mi zhig du sprul nas de la 'di skad du khyod ci'i phyir mi dga' zhes dris so/ /ra ba bsrung ba des ci ltar gyur pa'i gtam klu la zhib du smras pa dang / klu de mi snang bar gyur nas ring po ma lon par gser gyi gzhong ba cig gi nang shing tog bzang pos bkang ste/ mi de la byin nas khyod kyis shing tog 'di khyer la rgyal po la phul la phrin du yang 'di</font><hr>69.161b<br><font size=+1>

skad gyis shig /rgyal po dang bdag tu bshes te/ sngon tshe snga ma la gnyis ka kun tu rgyu ba yin pa las nyin zhag gcig pa'i khrims brgyad mnos te/ so sor smon lam btab pa las/ rgyal po ni tshul khrims bsrung bas rgyal por gyur te/ bdag ni tshul khrims nyams pas klur skyes kyi/ da yang khrims bsrung zhing lus 'di las thar bar dga' bo/ /nyin zhag gcig pa'i khrims brgyad kyi cho ga bdag la stsal du gsol/ ci ste ma gnang na rgyal po'i yul yang rgya mtshor bsgyur ro zhes 'phrin spring ngo / /de nas ra ba bsrung ba des shing tog khyer te/ rgyal po la phul nas/ klus spring pa'i 'phrin yang rgyal po la rdzogs par bsnyad pa dang / rgyal po de mi dga' bar gyur to/ /de ci'i phyir zhe na/ de'i tshe na 'jig rten na sangs rgyas kyang ma bzhugs/ dam pa'i chos kyang nub nas nyin zhag gcig pa'i khrims brgyad kyi dpe yang mi rnyed do/ /don de ma bsgrubs na ni gnod pa mngon du byed kyis dogs pas/ rtog pa la zhugs ste/ mi dga' bar sems shing 'dug pa las/ rgyal po des blon po mchog gcig yod pa la 'di skad ces bka' stsal to/ /klu zhig nga la khrims brgyad kyi dpe slong gis/ mi snyed du mi gnang ngo zhes bka' stsal nas/ blon pos gsol pa/ 'jig rten na chos kyang ma mchis na bdag gis gang nas rnyed ces gsol pa dang / rgyal po des blon po de la khyod kyis ma rnyed na bsad do zhes bka' stsal to/ /blon po de shin tu mi dga' bzhin du song nas khyim du phyin pa dang / blon po de la pha rgas 'khogs pa zhig yod do/ /phas bltas na sngon cad ni bdag gi bu 'dzum mul te mdangs dang bcas pas gtam zer na/ deng ci'i phyir sngon cad dang mi 'dra bar ngo 'dzum nag ste gtam zer ces byas pa dang / des ji ltar gyur pa pha la zhib tu gtam byas so/ /de'i phas smras pa/ bdag gi khyim na ka ba zhig las rtag par</font><hr>69.162a<br><font size=+1>

'od 'byung ste/ de'i nang na ci yod ltos shig ces bsgo ba dang / ka ba phyung ste gshegs na de'i nang nas rten cing 'brel par 'byung ba bcu gnyis kyi mdo dang / nyin zhag gcig pa'i khrims brgyad kyi dpe byung nas/ blon po des rgyal po la phul lo/ /rgyal pos thos nas rab tu dga' mgu rangs te/ khrims brgyad kyi dpe gser gyi sgrom bur bcug nas klu la bskur to/ /klu des thob nas shin tu dga' bas rgyal po de la rin po che yang mang du phul lo/ /nyin zhag gcig pa'i khrims brgyad bsrung nas gzhan dag kyang bsrung bar bskul to/ /de nas de'i tshe 'phos nas lhar skyes so/ /rgyal po de yang de bzhin du khrims bsrungs pas 'chi ba'i dus byas nas gnas lhan cig tu lhar skyes te/ de gnyis mdang nam gyi cha stod la nga'i spyan sngar 'ongs te/ ci rigs par chos bstan pas rgyun tu zhugs pa'i 'bras bu thob nas/ ngan song gsum dang yongs su bral te/ lha dang mi'i longs spyod myong zhing mthar mya ngan las 'das pa'i bar du thob par gyur to/ /bcom ldan 'das kyis de skad ces gsungs pa la 'khor mang po thams cad rjes su yid rangs nas mngon par dga'o/ /kun tu rgyus tshul khrims bsrungs pa'i le'u ste/ gsum pa'o// // 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na khyim bdag gcig la bu khye'u zhig btsas na/ khye'u de dbyibs legs shing blta na sdug pa bzang ba zhig ste/ btsas nas ring po ma lon par smra yang shes so/ /khye'u des pha ma la bcom ldan 'das da ltar bzhugs sam zhes dris pa dang / da ltar bzhugs so zhes smras pa dang / 'o na btsun pa shA ri'i bu dang / kun dga' bo la sogs pa bzhugs</font><hr>69.162b<br><font size=+1>

sam zhes dris pa dang / de yang bzhugs so zhes smras so/ /khye'u de'i pha mas bu btsas ma thag tu smra shes pa 'di ni mi ma yin no snyam nas/ ngo mtshar ba dang ya mtshan du gyur pas bcom ldan 'das la zhus so/ /bcom ldan 'das kyis kyang khyod kyi bu 'di mtshan dang ldan te/ the tsom ma byed cig ces bka' stsal pa dang / khye'u de'i pha ma rab tu dga' mgu rangs te phyir khyim du 'ongs so/ /de nas khye'u des pha ma la sangs rgyas dang dge slong gi dge 'dun rnams spyan drongs shig ces gsol pa dang / de'i pha mas sangs rgyas dang dge 'dun spyan drangs nas/ yo byad sbyor dgos te/ 'phral du 'byor pa yang ma yin no zhes bsgo ba dang bus smras pa/ khang pa'i nang phyag dar dang chag chag byos te/ gdan thing la/ gdan mthon po gsum zhig sgrigs te thing shig dang / zhal zas ro brgya dang ldan par yang rang 'ong ngo / /bdag gi tshe snga ma'i pha ma yang da ltar yul bA ra na ser mchis kyi/ de yang bos shig ces smras so/ /de'i pha mas kyang bus smras pa gzhin du mi zhig glang po che la skyon te/ de'i pha ma yang bos nas 'ongs so/ /gdan mthon po gsum bshams pa de gcig la ni sangs rgyas bzhugs su gsol cig /cig la ni tshe snga ma'i pha ma bzhugs cig /cig la da ltar lus bskyed pa'i pha ma bzhugs shig skad pa dang / de nas sangs rgyas kyang dge slong gi 'khor dang bcas te gshegs nas/ gdan bting ba la rim bzhin du bzhugs te/ zhal zas bzang pos kyang thams cad khyed cing chog par gyur nas/ de la bcom ldan 'das kyis chos bstan nas/ khye'u de'i pha ma gnyis dang khyim gang gi mi chen po dang / chung ngu thams cad kyis kyang chos thos nas rab tu dga' ste/ kun gyis 'bras bu dang po thob par gyur to/ /khye'u de yang phyis cher skyes nas rab tu byung ste/ brtson 'grus brtsams pas dgra bcom pa yang thob par gyur to/ /</font><hr>69.163a<br><font size=+1>

de nas bcom ldan 'das la kun dga' bos gsol pa/ dge slong 'dis sngon legs pa ci zhig bgyis na/ che zhing mtho ba'i rigs su skyes te chung ngu nas smra yang 'tshal la/ rab tu byung nas kyang mngon par shes pa myur du thob par gyur/ bcom ldan 'das kyis kun dga' bo la bka' stsal pa/ mi 'di tshe snga ma la yul bA ra na se'i khyim bdag gi bu las khyim bdag tshe 'phos nas/ so tshis zhig te dbul 'phongs par gyur to/ /sangs rgyas bcom ldan 'das 'jig rten na bzhugs pa dang 'phrad kyang / mchod pa bya ba'i longs spyod med pas/ de mi dga' nas rigs che zhing mtho ba tsam la gla za bar khas blangs nas/ lo cig lon pa dang gser srang stong tsam rnyed do/ /de la rigs che zhing mtho ba zhig gis khyod chung ma mi len nam zhes dris pa dang / nga mi 'dod do zhes smras so/ /des yang dris pa/ 'o na gser 'di ci zhig bya zhes dris pa dang / des sangs rgyas dang 'phags pa'i dge 'dun la bsod snyoms zhig gsol bar dgongs so zhes smras so/ /rigs che zhing mtho ba des smras pa/ khyod sangs rgyas dang 'phags pa'i dge 'dun spyan drang 'dod na/ kho bos gser sbyar te/ zhal zas la sogs pa'i g.yos kyang bsham gyis/ kho bo'i khyim du spyan drongs shig ces pa dang / dbul po des kyang de bzhin du bya'o zhes smras pa dang / zhal zas bshams te/ sangs rgyas dang 'phags pa'i dge 'dun spyan drangs so/ /de'i rgyu de'i rkyen kyis tshe'i dus byas nas kyang khyim bdag de'i khyim du skyes te/ da yang sangs rgyas spyan drangs nas chos thos nas kyang byang chub thob par gyur to/ /bcom ldan 'das kyis kun dga' bo la bka' stsal pa/ sngon mi dbul po de ni khyim bdag gi khye'u dge slong 'di yin no/ /bcom ldan 'das kyis de skad ces gsungs pa la 'khor mang po thams cad rjes su yid rangs nas mngon par dga' bo/ /lus btsongs nas mchod pa byas pa'i le'u ste bzhi pa'o// //</font><hr>69.163b<br><font size=+1>

'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de nyid na tshong pa lnga brgya tsam zhig rgya mtshor rin po che len du 'gro ba de dag gis 'di ltar bgros so/ /bdag cag gis mi'i nang na mkhas shing shes pa zhig ded dpon du bkri'o zhes bgros nas/ dge bsnyen khrims lnga pa zhig khrid de/ rgya mtshor zhugs so/ /rgya mtsho'i dbus su phyin pa dang / rgya mtsho'i lha de srin po zhig tu sprul nas/ lus gzugs shin tu mi sdug cing / sngo la gnag pa/ mche ba gyen du byung ba/ mgo la me 'bar ba zhig drung tu 'ongs nas gru 'di nga la byin cig ces smra ste/ tshong pa la 'di skad ces dri'o/ /'jig rten na gang dag 'jigs su rung ba nga las 'da' ba yod dam zhes dris pa dang / dge bsnyen gyis smras pa/ khyod bas shin tu lhag par 'jigs pa yod do/ /rgya mtsho'i lhas smras pa/ de lta bu su zhig /dge bsnyen gyis smras pa/ 'jig rten na glen pa gti mug can/ mi dge ba'i las rnams bag med par byed pa srog gcod pa dang / ma byin par len pa dang / 'dod pas log par g.yem pa dang / rdzun du smra ba dang / tshig khyal pa smra ba dang / phra ma dang / zhe gcod pa'i tshig smra ba dang / 'dod chags dang / zhe sdang che ba dang / ngan par lta ba dag tshe 'phos nas sems can dmyal bar skye ste/ sdug bsngal rnam pa sna tshogs myong ba rnams sems can dmyal ba'i srung mas khrid de/ la la ni mtshon gyis dmyal zhing gtub/ la la ni shing rtas phan tshun du drangs nas khams tshad du bcad/ la la gtun gyis btungs/ la la ni rang thag gis btags/ la la ni ral gri'i ri la 'dzegs/ la la ni mi'i shing rta dang zangs khol ba dang chab drom dang ngan skyug gi nang du bskol ba la sogs pa/ sdug bsngal shin tu mi bzad pa</font><hr>69.164a<br><font size=+1>

rnam pa sna tshogs de lta bu dag lo brgya stong gi bar du myong ba de ni/ khyod bas shin tu yang lhag par 'jigs su rung ngo zhes smras pa dang / rgya mtsho'i lhas thos nas de ma thag tu mi snang bar gyur to/ /yang rgya mtsho'i nang du song ba las/ rgya mtsho'i lha de mi'i nang nas shin tu rid cing nyams thag pa rtsa dang rus pa tsam 'brel pa zhig tu sprul nas gru 'di nga la byin cig ces smra zhing de la 'di skad ces dri'o/ /'jig rten na rid cing nyams thag pa nga las lhag pa yod dam zhes dris pa dang / dge bsnyen gyis smras pa/ khyod pas shin tu lhag par nyams thag cing rid pa yod do/ /rgya mtsho'i lhas smras pa/ de lta bu de su yin/ dge bsnyen gyis smras pa/ gang glen zhing gti mug can rang bzhin gyis 'jungs zhing ser sna byed la/ 'dod pas phrag dog byed la sbyin pa mi shes pa dag tshe 'phos nas/ yi dgas su skyes te/ lus ni ri bo tsam/ mgrin pa ni mo khab tsam du gyur te/ skra 'dzings pa gnag cing rid pa/ lo brgya stong gi bar du chu'i ming yang mi thos pa de ni khyod bas kyang shin tu lhag par rid do zhes smras ma thag tu mi snang bar gyur to/ /de nas yang song ba las rgya mtsho'i lha de mi'i nang nas gzugs byad shin tu bzang po zhig du sprul nas/ gru 'di nga la byin cig ces smras te/ tshong pa dag la 'jig rten mi'i nang na nga tsam du gzugs byad bzang la mdzes pa yod dam/ dge bsnyen gyis smras pa/ khyod bas brgya 'gyur bas lhag par bzang ba yod do/ /rgya mtsho'i lhas smras pa/ bdag bas lhag par bzang ba su zhig /dge bsnyen gyis smras pa/ 'jig rten na mkhas pa blon dang ldan pa/ dge ba bcu phun sum tshogs par spyod pa/ lus dang ngag dang yid kyi las yongasu dag pas/ dkon mchog gsum la shin tu dad pa/ ci 'byor pa des mchod pa byed pa'i blon can de ni/ tshe 'phos nas mtho ris kyi lhar skyes te/ gzugs byad</font><hr>69.164b<br><font size=+1>

legs par shin tu sdug pa shin tu mdzes pa/ de ni khyod bas brgya 'gyur stong 'gyur bas lhag ste/ khyod dang de gnyis bskrun na/ spre'u zhar ma dang bkra shis ma bskrun pa dang 'dra'o/ /de nas rgya mtsho'i lhas chu snyim pa gang bcus nas dge bsnyen la snyim pa gang gi chu mang ngam/ rgya mtsho'i chu mang / zhes dris pa dang / dge bsnyen gyis snyim pa gang gi chu mang gi rgya mtsho'i chu ni mang ba ma yin no zhes smras so/ /rgya mtsho'i lhas smras pa/ khyed 'di skad du smras pa'i tshig de bden pa yin nam/ dge bsnyen gyis smras pa/ tshig 'di ni bden pa yin gyis rdzun pa ma yin no/ /bden par cir mngon/ smras pa rgya mtsho'i chu mang mod kyi/ gdon mi za bar skam pa'i dus yod do/ /bskal pas 'jig du nye ba na nyi ma gnyis shar te chu mig dang lteng ka kun bskams so/ /nyi ma gsum shar ba na/ chu bran thams cad skams so/ /nyi ma bzhi shar ba na chu bo thams cad skams so/ /nyi ma lnga shar ba na rgya mtsho chen po yang snga ma las 'grib bo/ /nyi ma drug shar ba na sum nyis 'grib bo/ /nyi ma bdun shar ba na rgya mtsho chen po yang skams ste/ ri rab lhun po yang rdo rje'i mtha' la thug pa'i bar du tshig cing 'bar bar 'gyur ro/ /gang zhig shin tu dad pa'i sems kyis chu snyim pa gang tsam sangs rgyas la mchod dam/ dge 'dun la phul lam/ pha ma la phul lam/ dbul 'phongs la byin nam/ gcan zan la byin na/ bsod nams 'di ni bskal pa du mar yang mi zad de/ de bas na rgya mtsho'i chu ni nyung gis/ snyim pa gang gi chu ni mang bar rig par bya'o/ /de nas rgya mtsho'i lha rab tu dga' ste/ des dge bsnyen de la rin po che mang du 'phul nas/ rin po che dam pa dag sangs rgyas dang dge 'dun la yang bskur ro/ /dge bsnyen dang tshong pa rnams rin po ches chog par gyur nas/ phyir yang bde bar yul du bde bar phyin to/ /de'i tshe dge bsnyen de dang / tshong pa lnga brgya tsam</font><hr>69.165a<br><font size=+1>

sangs rgyas gang na ba der 'ongs nas bcom ldan 'das kyi zhabs la spyi bos phyag 'tshal te/ so so nas rin po che thogs pa dang / rgya mtsho'i lhas bskur ba yang sangs rgyas dang dge 'dun la phul te/ de dag pus mo sa la btsugs nas thal mo sbyar te/ bcom ldan 'das la 'di skad ces gsol to/ /bdag kyang ston pa'i bstan pa la rab tu 'byung ngo zhes smras pa dang / bcom ldan 'das kyis dge bsnyen dag legs par 'ongs so zhes bka' stsal pa dang / skra dang kha spu rang byi ste/ chos gos gyon pa'i dge slong du gyur to/ /de la bcom ldan 'das kyis ci rigs pa'i chos bstan cing phyis 'dod pa kun zad de/ dgra bcom par gyur to/ /'khor mang po de dag bcom ldan 'das kyis gsungs pa la yi rangs nas mngon par dga'o/ /rgya mtsho'i lhas dris pa'i le'u ste lnga pa'o// // bam po gnyis pa/ 'di skad bdag gis thos pa'i dus gcig na/ bcom ldan 'das bya ka lan ta ka gnas pa 'od ma'i tshal na bzhugs so/ /de'i tshe na yul de na blon po shin tu phyug pa zhig la bu tsa med do/ /de'i tshe na chu klung gang gA'i 'gram na/ ma ni ba tra zhes bya ba'i lha rten zhig yod de/ thams cad de la phyag 'tshal zhing mchod pa byed de/ blon po chen po de yang lha rten de'i gan du song nas/ 'di skad ces gsol to/ /bdag la bu tsa med de/ lha khyod yon tan tshad med pa dang ldan pa zhes thos kyis/ 'gro ba kun la skyobs pa khyod gzhan gyi smon lam bskang bar nus na/ bdag kyang bskyabs su gsol lo/ /gal te bdag la khyod kyi bu cig stsal na/ gser dang dngul gyis lha khyod kyi sku yang g.yog cing / bzhugs pa'i rten yang spos dang byug pas byug go/ /ci ste mngon par rtags med na/ lha khyod kyi rten gshegs la/ khyod kyi lus la mi gtsang ba dang bshang gcis kyang bsku'o zhes smras pa dang / lha des thos nas</font><hr>69.165b<br><font size=+1>

'di snyam du bsam mo/ /blon po de ni phyug cing btsan la mthu che bas/ smad rims tsam gyis 'di'i bur mi 'gyur te/ bdag mthu chung bas 'di'i smon lam bskang mi nus so/ /gal te smon pa bzhin du ma byas na gdon mi za bar mi sdug par tho 'tshams so bsam nas/ rten bsrung ba'i lha des ma ni pa tra la gsol pa dang / de yang de lta bu'i mthu med pas/ rnam thos kyi bu gang na ba der song nas/ rnam thos kyi bu la gsol to/ /rnam thos kyi bus kyang bdag gi mthu tsam gyis bu yod par mi nus so snyam bsams nas/ rnam thos kyi bu de brgya byin gang na ba der song ste 'di skad ces gsol to/ /bdag gi blon po ma ni pa tra zhes bgyi bas bdag la 'di skad ces mchi'o/ /rgyal po'i khab na blon po zhig bu slang ste/ smon pa bzhin du byas na ni mchod pa dang rim gro yang byed do/ /smon pa bzhin du ma byas na rten yang bshig ste mi sdug par bya'o zhes dam bcas pas/ de ni dam bcas pa bzhin du gdon mi 'tshal bar bgyid na/ brgya byin lha'i dbang po khyod kyis de la bu cig mchis par mdzad du gsol zhes gsol pa dang / brgya byin gyis smras pa/ 'di ni shin tu yang dka' mod kyis/ da ltar rgyu zhig snang ngo / /de'i tshe na lha'i sras po zhig yon tan lnga dang bral nas tshe'i dus byed du nye ba zhig yod de/ de la 'di skad ces smras so/ /khyod ni tshe'i dus byed par nges pas/ dus byas na blon po de'i bur skyes shig ces smras so/ /lha'i sras pos smras pa/ bdag ni rab tu 'byung zhing dam pa'i chos spyod par dad de/ gal te rigs che zhing mtho bar skyes na/ rab tu 'byung bar dka'o/ /rigs tha mal par gyur na sla'o zhes gsol pa dang / brgya byin gyis yang smras pa/ lha khyod der skyes shig dang / rab tu 'byung bar dad na/ ngas kyang grogs bya'o zhes/ smros so/ /lha'i sras po de der tshe 'phos nas/ blon po de'i rigs su de'i btsun mo'i rum du skyes te/ phyis btsas na dbyibs</font><hr>69.166a<br><font size=+1>

legs shing blta na sdug pa bzang ba zhig btsas te/ mtshan mkhan la bstan na/ mtshan mkhan gyis kyang bltas te/ bu 'di thog ma gang nas rnyed ces dris nas/ chu klung gang gA'i lha las slangs so/ /zhes byas pa dang / bu de'i ming yang gang gA dar zhes bya bar btags so/ /phyis tshad du phyin par skyes pa dang / des pha ma la bdag ni rab tu byung bar gsol lo zhes smras so/ /de la pha mas smras pa/ kho bo ni 'di lta bur phyug cing btsan te/ longs spyod chen po dang ldan la/ bu ni khyod cig pur zad de/ nga'i rigs bsam cing pha ma gso dgos gyi mi gnang ngo zhes bsgo ba dang / khye'u des bsam pa bzhin du ma 'grub pas shin tu mi dga' ste/ 'di snyam du lus 'di med par byas la/ rigs tha mal pa cig tu skyes te/ rab tu 'byung bar gsol na/ 'di las sla yang srid snyam du bsams nas/ song te phyi rol tu byung nas/ brag mthon po zhig la mchongs so/ /brag la mchongs te sa la lhung na yang snad pa 'am nyams pa med do/ /de nas chu chen po'i 'gram du song ste/ chur mchongs na yang chus g.yeng te ma nyes par phyir byung ngo / /btsan dug zos na yang dug gis ma thub cing / gnod par ma gyur nas/ yang 'di snyam du bsams so/ /bdag gis rgyal po'i khrims dang 'gal ba zhig byas na/ rgyal pos bsad kyang srid snyams bsams nas/ rgyal po'i btsun mo dang slas rnams pho brang gi phyi rol tu byung ste/ skyes mos tshal gyi rdzing bur khrus byed du dong nas/ de dag gis gos dang rgyan bkrol te shing la bzhag go/ /de ltar gos dang rgyan shing la bzhag pa gang gA dar song bas mthong ba dang / skyed mos tshal du zhugs te/ btsun mo de dag gi gos dang rgyan pang pas btab nas/ sgor byung ba dang / sgo srung gis bzung ste/ rgyal po ma skyes dgra la phul lo/ /rgyal pos de skad ces thos nas rab tu khros te/ </font><hr>69.166b<br><font size=+1>

mda' gzhu blangs nas rgyal po nyid lag dar te khye'u la 'phangs nas mda' 'phangs pa khye'u la ma song gi /phyir yang rgyal po'i drung du lhung ngo / /lan gsum du gyi bar du de ltar gyur nas/ rgyal po dngangs te/ gzhu yang bor nas khye'u la khyod lha 'am klu 'am/ yi dgas sam/ gnod sbyin nam ci zhes smras so/ /khye'us gsol pa/ bdag la gsol ba/ sna cig mchis/ de gnang na legs par smra zhes gsol pa dang / rgyal pos kyang de bzhin du bya'o zhes smras so/ /khye'us gsol pa/ bdag ni lha yang ma lags klu yang ma lags te/ rgyal po'i khab kyi blon po'i bu lags so/ /bdag rab tu byung bar dad na/ bdag gi pha mas ma gnang na/ bdag gi lus 'di gzhan du skye bar bgyi ba'i slad du rang 'chi'o snyams nas/ brag mthon po la mchongs/ chur yang mchongs/ btsan dug kyang 'tshal na 'gum du ma gtum nas/ rgyal po'i khrims las 'gal ba zhig bgyis na 'gum par 'gyur snyam bsams te/ rgyal pos 'gum par bgyi ba pas kyang 'di ltar ma 'gum ste/ da 'di 'dra bar gyur na rgyal pos thugs rje bar dgongs te/ bdag rab du byung bar gnong shig ces gsol pa dang / rgyal pos kyang khyod rab tu byung bar gnang ngo zhes bka' stsal nas/ khye'u de khrid de bcom ldan 'das kyi spyan sngar lhags nas/ ci ltar gyur pa bcom ldan 'das la zhib tu gsol to/ /de nas bcom ldan 'das kyis kyang rab tu 'byung bar gnang nas lus la chos gos gyon cig ces pa dang dge slong du gyur to/ /bcom ldan 'das kyis ci rigs par chos bstan nas/ sems rnam par grol te dgra bcom par gyur nas/ rig pa gsum dang / mngon par shes pa drug dang / rnam par thar pa brgyad dang ldan par gyur to/ /de nas rgyal po ma skyes dgras bcom ldan 'das la 'di skad ces gsol to/ /bcom ldan 'das khye'u</font><hr>69.167a<br><font size=+1>

gzhon nu 'di sngon dge ba'i rtsa ba ci zhig bsgrub na/ brag la mchongs kyang ma gum la chab tu mchongs kyang gnod par ma gyur/ btsan dug 'tshal kyang ma 'gum/ mda' phangs kyang smras par ma gyur to/ /bcom ldan 'das dang mjal nas 'khor ba'i mtha' las grol bar gyur ces gsol pa dang / bcom ldan 'das kyis rgyal po la 'di skad ces bka' stsal to/ /sngon 'das pa'i dus bskal pa grangs med pa 'das pa na/ yul bA ra na se zhes bya ba na/ rgyal po tshangs byin zhes bya ba zhig yod de/ rgyal po de'i btsun mo dang pho brang gi slas su bcas nas/ skyed mos tshal du rol du gshegs so/ /skyed mos tshal de na pho brang gi slas dag gis glu blangs pa dang / ra ba'i phyi rol tu mi zhig gis skad chen pos ram bu bteg pa rgyal pos thos so/ /rgyal pos de thos nas khros te mi de zung la bsod cig ces bka' stsal to/ /de'i tshe blon po zhig phyi rol nas nang du 'ongs pa las/ mi btson du bzung ba mthong ba dang / g.yog 'khor rnams la 'dis ci nyes te bzung zhes dris na/ de dag gis ci'i phyir bzung ba'i gtam zhib du smras pa dang / blon po des de dag la re shig ma bsad par sdod cig kho bos rgyal po la gsol zhes smras nas pho brang gi nang du song ste/ rgyal po la 'di skad ces gsol to/ /'gum du khrid pa'i mi des 'gum la thug pa'i las ma bgyis so/ /glu blangs pa 'am ram bu bteg pa ni gzugs su mi smang bas/ mi rigs pa'i glo ba rings pa dang / btsun mo la ngan du bgyi ba ma lags kyis/ de'i srog la thugs brtse bar dgongs te btang bar rigs so zhes gsol pa dang / rgyal pos kyang ma bsad par thong shig ces bka' stsal pa dang / mi de yang blon po'i g.yog byed pa la zhugs te/ phyis lo mang zhig lon pa dang / 'di snyam du sems so/ /'dod chags kyis smas pa ni ral gri bas rno ste/ bdag 'di ltar</font><hr>69.167b<br><font size=+1>

nyams thag pa yang 'dod chags kyi phyir ro snyam bsams nas/ blon po de la bdag rab tu 'byung zhing thar pa'i lam bsgom du ci gnang zhes gsol nas/ blon po des kyang khyod thar pa'i lam bsgom na bdag kyang bgegs mi byed kyis/ khyod kyis thar bar gyur nas yang phyor bdag dang phrad par shog shig ces bsgo'o/ /de nas mi de yang dben par song nas don dam pa yid la byas te/ brtson 'grus brtsams pas rang sangs rgyas su gyur nas/ phyir yang grong khyer du song ste/ blon po chen po gang na ba der 'ongaso/ /blon po chen po de rab tu dga' nas bsod snyoms dang / 'tsho ba'i yo byad rnam pa bzhi mi 'brel bar phul lo/ /de nas rang sangs rgyas de steng gi nam mkha' la 'phags nas/ sku la chu 'bab pa dang / me byung ba dang / 'od zer cher gtong ba la stsogs te/ cho 'phrul rnam pa bcwa brgyad bstan to/ /blon po chen po des de lta bu dag mthong nas tshad med pa'i spro ba skyes pas 'di skad du dam bcas so/ /mi 'di bdag gi drin gyis 'tsho bar gyur gyis/ bdag gar skyes kyang btsan cing phyug pa dang / tshe ring ba dang / gzhan pas brgya 'gyur stong 'gyur du shin tu 'phags shing / ye shes dang bsod nams kyang 'di dang mnyam par gyur cig ces smon lam btab bo/ /bcom ldan 'das kyis rgyal po la bka' stsal pa/ de'i tshe de'i dus na blon po des mi cig srog skyob ste/ 'bras bu thob par byas pa de ni 'di yin no/ /de'i rgyu de'i rkyen kyis gang nas gang du skyes kyang srog gi bar chad du ma gyur to/ da nga dang phrad nas 'bras bu mchog thob par gyur to/ /bcom ldan 'das kyis gsungs pa la 'khor mang po thams cad yi rangs nas mngon par dga'o lha'i bu gang gA dar zhes bya ba'i le'u ste drug pa'o// // 'di skad bdag gis thos pa'i dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun</font><hr>69.168a<br><font size=+1>

dga' ra ba na bzhugs so/ /de'i tshe na rgyal po gsal rgyal gyi btsun mo chen po 'bar li zhes bya ba la bu mo zhig btsas nas/ bu mo de'i ming ni rdo rje zhes bya ba btags so/ /bzhin rab tu mi sdug pa/ lus kyi sha shin tu rtsub pa stag lpags ltar sra ba/ skra yang rta rngog ltar bshor ba zhig ste/ rgyal pos kyang bu mo de mi sdug pas mi dga' nas pho brang gi nang du sus kyang ma mthong ba'i gnas zhig tu bskyed do/ /bu mo de de ltar bzhin du mi sdug kyang / btsun mo chen po la btsas pas mi sdug bzhin du sus kyang mi mthong bar bskyed de/ phyis cher skyes nas bag mar btang ran pa dang / rgyal po rab tu mi dga' nas/ blon po la 'di skad ces bka' stsal to/ /thog ma cho rigs mtho bas rje'u rigs su gtogs pa las da 'khyams te/ nor dang longs spyod mi bdog pa cig tshol la khrid de shog ces bsgo'o/ /de nas blon po des kyang cho rigs kyis mtho zhing rje'u rigs kyi bu las 'khyams nas dbul 'phongs pa zhig rnyed de/ rgyal po la phul lo/ /rgyal pos kyang de dang mi med par dben pa'i gnas zhig tu gsang ste/ nga la byad bzhin mi sdug pa zhig yod de/ bag mar btang ran na/ gnyen zla ma rnyed kyis cho rigs che zhing mtho ba khyod dbul zhing ci yang med mod kyi/ khyod kyi chung mar sbyin gyi long shig ces bka' stsal pa dang / de nas khye'u des pus mo sa la btsugs nas rgyal po'i bka' bzhin du bgyi'o/ /rgyal po chen pos bdag la khyi mo zhig stsal na yang blang 'tshal na/ rgyal po'i sku gdung la gtogs pa sras mo stsal na lta ci smros te/ dga' bzhin du blang bar 'tshal lo zhes gsol to/ /rgyal pos kyang sras mo de dbul po'i chung mar byin te/ de'i gnas khang la sogs pa byas nas/ sgo rims pa bdun du byas te/ dmag pa la 'di skad ces bsgo'o/ /khyod gang du 'gro ba'i tshe/ khyod nyid kyis sgo chod la ldeg mig kyang khyer cig[ ]/nga'i bu mo rab tu mi sdug pa 'di ni ci</font><hr>69.168b<br><font size=+1>

nas kyang phyir gzhan gyis mi mthong bar sgo rab tu sdom shig ces bsgo nas/ nor dang longs spyod la sogs pa yo byad thams cad ci dgos pa chog par byin te/ blon por bcug go/ /de nor bu rin po che dang longs spyod mang po dang ldan par gyur pas/ dus phyi ma zhig na rigs che zhing mtho ba gzhan dang ston mo bya bar thams te/ ston mo la khyo shug dang / bu tsa yang 'dus te rtse bar byas pa las/ gzhan kun ni chung ma dang 'grogs te 'ongs na blon po de 'ba' zhig gi chung ma ma 'ongs pas grogs po dag the tsom du gyur te/ yang na ni mi 'di'i chung ma mnga' byad shin tu mdzes shing bzang mo zhig go/ /yang na ni shin tu mi sdug cing gzhan gyis mthong du mi rung ba zhig yin pas/ khrid de ma 'ongs so snyam nas the tsom za bas/ de dag de'i chung ma blta bar bgros nas yid mthun par gsangs te/ mi 'di chang gis ra ro bar byas te mi dran pa'i 'og du lde mig brkus te/ mi lnga tsam zhig de'i chung mar bltas bar gtong zhes bgros so/ /de'i tshe na mi de'i chung mas sngon bdag gis sdig pa ci bgyis na khyim thab sdang ste/ 'di 'dra'i mun khung du bcug nas nyi ma dang zla ba tsam yang bltar med de/ mi gzhan yang mi mthong snyam ste/ shin tu mi dga' nas yang 'di snyam du bsamaso/ /sangs rgyas bcom ldan 'das 'jig rten na bzhugs te/ sems can gang sdug bsngal gyis gdungs pa dag gi mgon dang bskyabs mdzad de thar bar mdzad do zhe na/ bcom ldan 'das la bdag rgyang ma nas phyag 'tshal lo/ /thugs brtse bar dgongs te/ bdag gi mdun du mngon sum du gshegs shing / bdag la cung zad cig ston par gyur kyang ci ma rung snyam bsams so/ /bu mo de'i bsam pa shin tu dag cing mos par mkhyen nas bcom ldan 'das de'i khyim du gshegs te/ bu mo de'i mdun du sngon gyi las kyis dbu mthon ting gis mtshan pa mngon par bstan pa bu mo des mthong bar mdzad do/ /</font><hr>69.169a<br><font size=+1>

bu mo des bcom ldan 'das kyi dbu mthon ting mthong nas/ lhag par yang dga' zhing mgu rangs te/ bsam pa shin tu dag par gyur to/ /bsam pa shin tu dag pas bu mo de'i skra yang shin tu 'jam zhing mthon ting gi kha dog du gyur to/ /bcom ldan 'das kyis yang zhal mngon sum du bstan pa bu mo des mthong nas/ mthong ma thag tu dga' mgu rangs pas bu mo de bzhin yang bzang zhing mdzes par gyur te/ mi sdug pa dang rtsub pa yang med par gyur to/ /bcom ldan 'das kyis sku sta zur yan cad mngon par bstan te/ gser gyi mdog lta bu'i 'od lham mer snang bar mdzad pa bu mo des mthong nas/ sangs rgyas la lhag par dga' zhing dga' mgu rangs par gyur to/ /de ltar dga' mgu rangs pas mi sdug pa thams cad med par gyur te/ shin tu mdzes shing sdug pa ni lha'i bu mo ltar 'jig rten na dpe zla med par gyur to/ /bcom ldan 'das kyis bu mo de la thugs brtse ba'i phyir/ sku rdzogs par bstan pas/ bu mo de mig mi 'dzum par blta zhing snga bas kyang lhag par dga' mgu rangs nas/ lus kyi mtshan thams cad 'jig rten na dpe med par shin tu bzang zhing / mi sdug pa'i bag chags kyi lhag ma cung zad tsam yang ma lus so/ /bcom ldan 'das kyis ci rigs su chos bstan nas/ sdig pa kun zad de/ rgyun tu zhugs pa'i 'bras bu thob par gyur nas/ bcom ldan 'das kyang slar gshegs so/ /de nas de ma thag tu mi lnga pos kyang sgo phyes te/ nang du lhags na de'i chung ma rab tu mdzes shing bzang ba zla med par mthong nas/ gcig la gcig 'di skad du mi 'di'i chung ma ni shin tu bzang zhing mdzes pas mi khrid do zhes smras te/ de dag gis de'i chung ma mthong nas phyir sgo bcad de/ de dag gang na 'dug par 'ongs nas/ mi des ma tshor bar ldi mig kyang lus la btags so/ /mi de ra ro ba las sangs</font><hr>69.169b<br><font size=+1>

nas kun gyis te phyir 'ongs pa dang / bdag gi chung ma mnga' byad shin tu bzang zhing mdzes te/ mi'i nang nas shin tu dkon par gyur pa mthong nas rab tu dga' ste/ chung ma la khyod su yin zhes smras pa dang / chung mas kyang bdag ni khyed kyi chung ma'o zhes smras so/ /khyos smras pa/ khyod ni rab tu yang mi sdug pa zhig na/ ci'i phyir 'di ltar bzang zhing mdzes par gyur ces smras pa dang / chung mas smras pa/ bdag gis sangs rgyas mthong nas lus 'di ltar gyur to zhes gtam zhib tu smras so/ /chung mas yang smras pa/ bdag gi yid la da ni bdag yab rgyal po dang 'phrad 'dod kyis/ rgyal po la bdag 'di skad mchi'o zhes gsol cig /khyos kyang rgyal po la de bzhin du gsol pa dang / rgyal pos dmag pa la de skad ma zer bar myur du song la phyir 'byung du mi gnang bar sdoms shig ces bka' stsal to/ /dmag pas yang gsol pa/ rgyal po'i sras mo ni bcom ldan 'das kyi thugs rje'i byin brlabs kyis lha mo dang 'dra bar bzang zhing mdzes par gyur to/ /rgyal pos dmag pa la bka' stsal pa/ khyod bden pa de ltar gyur na/ myur du khrid de shog cig ces bsgo nas/ shing rta rgyan te sras mo pho brang gi nang du bsu'o/ /rgyal pos bu mo de de ltar bzang zhing mdzes par mthong nas rab tu dga' mgu rangs te/ rgyal po dang dmag pa dang / bu mor bcas te/ bcom ldan 'das gang na ba der phyin pa dang / sangs rgyas la phyag 'tshal te phyogs cig tu 'khod do// de nas rgyal po gsal rgyal gyis pus mo g.yas pa'i lha nga sa la btsugs nas/ bcom ldan 'das la 'di skad ces gsol to/ /bu mo 'dis sngon bsod nams ci zhig bgyis na/ rigs che zhing mtho la longs spyod mang po nor dbyig dang ldan pa'i rigs su skyes la/ sdig pa'i las ci bgyis na/ byad gzugs shin tu mi sdug cing pags pa dang skra yang dud 'gro'i lta bur gyur ces gsol pa dang / de la bcom ldan 'das kyis bka' stsal</font><hr>69.170a<br><font size=+1>

pa/ rgyal po chen po'i sras mo mnga' byad bzang zhing mdzes pa dang / mi sdug pa la tshe rabs snga ma la bsod nams dang / sdig pa'i las byas par gyur to/ /sngon 'das pa'i dus yun ring po na/ yul bA ra na se zhes bya ba de'i yul mi khyim bdag rab tu phyug pa nor dbyig tshad med pa dang ldan pa zhig byung ste/ khyim bdag des khyim na ci bdog pa thams cad/ rang sangs rgyas cig la mchod cing 'bul lo/ /rang sangs rgyas de'i sku shin tu rtsub la ngan pa mi sdug pa skams pa zhig ste/ khyim bdag de la bu mo zhig yod pa des/ nyin cig bzhin du rang sangs rgyas de gshegs pa mthong ba dang / bu mo des kha na ma tho ba'i sems skyes te/ brnyas smad de/ 'di skad du byad bzhin mi sdug la lus kyi pags pa rtsub pa 'di re mi sdug ces kha na ma tho ba byas so/ /rang sangs rgyas te rtag tu de'i khyim du gshegs shing mchod pa bzhes nas yun ring mo zhig lon pa dang / mya ngan las 'da' bar bsam ste/ yon bdag de'i phyir steng gi nam mkha' la 'phags nas sku la me 'bar ba dang / chu 'bab pa dang / shar phyogs nas mi snang bar gyur nas nub phyogs su byung ba dang / nub phyogs nas mi snang nas shar phyogs su 'byung ba dang / lho phyogs su mi snang nas byang phyogs su 'byung ba dang / byang phyogs nas mi snang nas lho phyogs su 'byung ba dang / nam mkha' stong pa la nyal ba dang 'dug pa la sogs pa'i cho 'phrul rnam pa sna tshogs bstan te/ khyim de'i mi thams cad kyis cho 'phrul de dag mthong bar byas nas/ nam mkha' las babs te/ de'i khyim du gshegs so/ /khyim bdag de yang lhag par dga' mgu rangs par gyur to/ /bu mo de yang shin tu 'gyod pa skyes nas/ rang sangs rgyas de la 'di skad du/ bdag gis kha na ma tho ba'i nyes pa yang dang yang</font><hr>69.170b<br><font size=+1>

bgyis pa de dag bdag gis dngos sdig du mi 'gyur bar 'gyod 'tshangs gsol nas/ rang sangs rgyas des kyang 'gyod tshangs byed par gnang ngo / /bcom ldan 'das kyis bka' stsal pa/ rgyal po chen po de'i tshe de'i dus na/ bu mo de ni da ltar rgyal po'i bu mo 'di yin te/ de'i tshe mi dge ba'i sems kyis/ 'phags pa rang sangs rgyas la smad pa'i ngag gi nyes pas/ de phyin cad rtag tu mi sdug pa'i lus myong bar gyur to/ /phyis cho 'phrul mthong nas/ 'gyod pas ni phyis mnga' byad shin tu bzang ba dang / blo dang ldan par gyur to/ /rang sangs rgyas la mchod pa byas pas/ gang nas gang du skyes kyang rigs che zhing longaspyod 'byor pa dang / mthar yang rnam par grol bar gyur to/ /de bas na rgyal po chen po ci tsam du sems can gyi rigs su gtogs pa thams cad ni lus dang ngag gi nyes pa shin tu bsrung zhing / gzhan la brnyas pa dang smad par mi bya'o/ /de'i tshe na rgyal po gsal rgyal 'khor dang bcas pa/ 'khor mang po thams cad bcom ldan 'das kyis rnam par smin pa'i 'bras bu bstan pa thos nas/ bsams pa shin tu rnam par dag pa'i dad pa dang ldan par gyur to/ /de ltar bsams pa shin tu rnam par dag pas/ la la ni 'bras bu dang po nas 'bras bu bzhi pa'i bar du thob par gyur to/ /la la ni bla na med pa'i byang chub tu sems bskyed do/ /la la ni phyir mi ldog pa'i sa la gnas par gyur te/ 'khor de dag thams cad bcom ldan 'das kyis gsungs pa la rjes su yi rangs nas mngon par dga'o/ /rgyal po gsal rgyal gyi bu mo rdo rje'i le'u ste bdun pa'o// // 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun brgya phrag phyed dang bcu gsum dang thabs gcig tu bzhugs so/ /de'i tshe grong</font><hr>69.171a<br><font size=+1>

khyer de na khyim bdag gcig gi chung ma la bu zhig btsas te/ ming yang gser dbyig ces gtags nas/ byad gzugs legs pa/ bzang zhing shin tu mdzes pa 'jig rten na zla med pa/ khye'u de sngon gyi las kyis lag pa gnyis khu tshur bcang nas byung ngo / /khye'u de'i pha ma yang shin tu ya mtshan du gyur te/ bkra' shis so snyam nas khye'u de'i khu tshur gnyis phyes te bltas na/ khye'u'i lag mthil nas gser gyi dong tse re re yod de/ pha ma gnyis rab tu dga' ste/ gser gyi dong tse gnyis blangs te/ blangs pa'i shul du da rung yang yod par gyur nas yang nas yang blangs so/ /de bzhin du pha ma gnyis kyis gser gyi dong tse lag mthil nas blangs pas bang mdzod gang yang bu'i lag nas dong tse zad par ma gyur to/ /khye'u phyis cher skyes nas pha ma la bdag rab tu byung ngo zhes gsol pa dang / pha mas kyang yid bzhin du gnang ngo zhes smras so/ /de nas khye'u gser dbyig /bcom ldan 'das gang na ba der song ste/ zhabs la spyi bos phyag 'tshal nas/ sangs rgyas la 'di skad ces gsol to/ /bcom ldan 'das bdag la thugs brtse ba'i slad du/ ston pas bdag la rab tu 'byung bar ci gnang zhes gsol pa dang / khye'u gser dbyig khyod rab tu byung bar gnang ngo zhes bka' stsal to/ /de ltar sangs rgyas kyis gnang nas khye'u gser dbyig skra dang kha spu bregs te/ chos gos gyon nas dge sbyong du gyur to/ /phyis lo grangs tshang ste/ bsnyen par rdzogs ran nas dge 'dun la dad pa gsol te/ bsnyen par rdzogs par gsol to/ /bsnyen par rdzogs pa'i dge 'dun la rim gyis phyag 'tshal te/ mthar gyis phyag 'tshal ba na/ lag pa gnyis sa la gar reg par gser gyi dong tse re re yod de/ de bzhin du mthar gyis phyag 'tshal ba thams cad du gser gyi dong tse yod par gyur to/ /bsnyen par</font><hr>69.171b<br><font size=+1>

rdzogs nas brtson 'grus bsgoms pas dgra bcom par gyur to/ /kun dga' bos bcom ldan 'das la gsol pa/ bcom ldan 'das dge slong gser dbyig 'di sngon bsod nams ci zhig bgyis na/ thog ma btsas nas da tsam gyi bar du gser gyi dong tse thogs pa/ bcom ldan 'das kyis bstan tu gsol/ bcom ldan 'das kyis kun dga' bo la bka' stsal pa/ rtag par nyon la shin tu yid la zung shig dang khyod la bstan par bya'o zhes bka' stsal pa dang / kun dga' bos de bzhin du thos par 'tshal lo zhes gsol to/ /bcom ldan 'das kyis bka' stsal pa/ sngon 'das pa'i dus na bskal pa dgu bcu rtsa gcig gi pha rol du sangs rgyas gser thub ces bya ba 'jig rten du gshegs te/ dam pa'i chos kyis sems can gyi don byed pa ni brjod cing dpag du med do/ /sangs rgyas de dge 'dun dang bcas nas yul rgyu zhing gshegs pa las/ khyim bdag rigs che zhing mtho ba 'byor pa dang / longs spyod dang ldan pa rnams kyis zhal zas rnam pa sna tshogs bshams te/ sangs rgyas dang nye gnas 'phags pa'i dge 'dun la mchod pa byas so/ /de'i tshe mi dbul po longs spyod ci yang mi bdog pa cig rtag tu ri la shing 'thu zhing 'tshong ngo / /phyis shing btsongs pa'i rin du dong tse gnyis shig rnyed nas mi dbul po des sangs rgyas dang / dge 'dun du bcas pa rgyal po'i pho brang du spyan drangs nas gshegs pa mthong nas/ rab tu dga' mgu rangs te/ dong tse gnyis bdog pa de/ sangs rgyas dang / dge 'dun la phul nas/ bcom ldan 'das kyis thugs brtse bar dgongs te/ dong tse gnyis bzhes so/ /bcom ldan 'das kyis kun dga' bo la bka' stsal pa/ de'i tshe na mi dbul po des dong tse gnyis shig /sangs rgyas dang / dge 'dun la phul bas/ bskal pa dgu bcu rtsa</font><hr>69.172a<br><font size=+1>

gcig gi bar tu/ lag na gser gyi dong rtse rtag tu thogs par gyur te/ nor dang rin po che dang / 'tsho ba'i longs spyod zad mi shes par gyur to/ /de'i tshe de'i dus na mi dbul po de ni dge slong gser dbyig 'di yin te/ mi 'di ci ste dgra bcom pa'i 'bras bu ma thob pa na yang ma 'ongs pa'i 'bras bu rnam par smin pa yang tshad dpag du med do/ /de bas na kun dga' bo sems can thams cad kyis sbyin pa'i las la brtson par bya'o/ /de'i tshe na kun dga' bo dang / 'khor mang po rnams sangs rgyas kyis gsungs pa 'di thos nas dad cing mos par gyur nas/ la la ni rgyun tu zhugs pa'i 'bras bu thob/ la la ni lan cig phyir 'ong ba dang / phyir mi 'ong ba dang dgra bcom pa thob bo/ /la la ni bla na med pa yang dag par rdzogs pa'i byang chub tu sems bskyed do/ /la la ni phyir mi ldog pa'i sa la gnas te/ 'khor thams cad sangs rgyas kyis gsungs pa la mngon par dga'o/ /gser dbyig gi le'u ste brgyad pa'o// // 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun brgya phrag phyed dang bcu gsum dang thabs gcig tu bzhugs so/ /de'i tshe yul de na khyim bdag rigs che zhing mtho ba'i chung ma la bu zhig btsas nas/ byad gzugs legs pa/ blta na sdug pa/ bzang ba/ mdzes pa zhig btsas so/ /btsas ma thag tu nam mkha' las lha rdzas kyi me tog char bzhin du bab ste/ khang pa kun gang ba las bu'i ming yang lha'i me tog ces btags so/ /khye'u de phyis cher skyes nas sangs rgyas gang na ba der song ste phyin pa dang / sangs rgyas kyi sku mdog dang / mtshan dang dpe byad bzang po dpe med pa mthong nas/ rab tu dga' ba skyes te 'di snyam du sems so/ /bdag</font><hr>69.172b<br><font size=+1>

'jig rten 'dir skyes kyang 'phags pa'i gtso bo dang phrad kyis sangs rgyas dang 'phags pa'i dge 'dun spyan drang ngo snyam bsam nas/ sangs rgyas la 'di skad ces gsol to/ /bcom ldan 'das 'phags pa'i dge 'dun dang bcas te/ sang gi gdugs la bdag gi mchis brang du bsod snyoms ngan pa zhig sbyor gyis/ bsod snyoms bzhes pa'i slad du gshegs par ci gnang zhes gsol pa dang / de'i bsam pa dag par mkhyen pas gshegs par gnang ngo / /de nas lha'i me tog phyir khyim du 'ongs pa dang / phyi nyin sangs rgyas dang dge 'dun rnams kyang / de'i khyim du gshegs so/ /lha'i me tog gis lha'i khang bzang gi nang du rin po che'i gdan mang po sprul te/ rgyan gyis brgyan pa las/ sangs rgyas dang dge 'dun rnams gdan de las rims gyis bzhugs su gsol nas/ lha'i me tog gis/ zhal zas rnam pa sna tshogs bgos par bsam pa dang / de'i bsod nams kyis bsam pa bzhin du 'byor te/ sangs rgyas dang dge 'dun rnams la bsod snyoms kyi bya ba byas so/ /lhung bzed blangs te/ lha'i me tog la chos mang po rgyas par bstan nas/ lha'i me tog gi khyim gang gi mi kun gyis/ rgyun tu zhugs pa'i 'bras bu thob par gyur to/ /de nas lha'i me tog gis pha ma la rab tu 'byung zhing sangs rgyas kyi nye gnas su mchi bar gsol pa dang / pha mas kyang de bzhin du gnang nas/ khye'u des sangs rgyas gang na ba der song te phyin pa dang / sangs rgyas kyi zhabs la mgo bos phyag 'tshal nas/ sangs rgyas kyi bstan pa la rab tu 'byung bar gsol to/ /bcom ldan 'das kyis kyang dge slong legs par 'ongs so zhes bka' stsal nas/ skra dang kha spu byi ste/ ngur smrig gyon par gyur to/ sangs rgyas kyi bka' bzhin du nan tan du byas nas dgra bcom par gyur to/ /de nas kun</font><hr>69.173a<br><font size=+1>

dga' bos de ltar gyur pa mthong nas/ sangs rgyas gang na ba der song ste/ phyin nas pus mo sa la btsug nas/ bcom ldan 'das la 'di skad ces gsol to/ /dge slong lha'i me tog 'dis sngon bsod nams ci zhig bgyis na/ lha'i me tog rang 'bab cing / rin po che'i gdan dang zhal zas sna tshogs yid bzhin du sprul pa/ bcom ldan 'das kyis bstan tu gsol/ bcom ldan 'das kyis kun dga' bo la bka' stsal pa/ thos par 'dod na legs par nyon cig /sngon 'das pa'i dus na sangs rgyas gser thub ces bya ba 'jig rten du gshegs te/ sems can gyi don rgyas par mdzad do/ /de'i tshe dge 'dun mang po/ /grong rgyu zhing gshegs pa las/ khyim bdag rigs che zhing mtho ba dag gis mchod pa byas so/ /de'i tshe na mi dbul po zhig la longs spyod ci yang mi bdog pas/ dge 'dun de la rab tu dga' ba'i sems skyes so/ /bdag gis ni ci nas kyang mchod du med do snyams nas/ spang dang ne'u sing las me tog rnam pa sna tshogs btus te/ dge 'dun la gtor nas bsam pa dag pas phyag dar byas te song ngo / /bcom ldan 'das kyis kun dga' bo la bka' stsal pa/ de'i tshe de'i dus na mi dbul po me tog gis 'thor ba de ni dge slong lha'i me tog 'di yin no/ /de ltar sngon 'das pa'i dus na bsam pa dag pa'i dad pas me tog bsdus te/ dge 'dun la gtor nas smon lam btab pas/ bskal pa dgu bcu rtsa gcig gi bar du gang dang gang du skyes kyang byad gzugs legs shing bzang ba dang / blta na sdug pa dang / ci ltar bsam pa bzhin du bza' ba dang / btung ba dang / khri stan la sogs pa yid bzhin du 'byor cing ldan te/ bsod nams des 'bras bu'i bar du thob par gyur to/ /de bas na kun dga' bo sems can thams cad kyis kyang sbyin pa chung ngu la bsod nams med snyam nas ma brnyas</font><hr>69.173b<br><font size=+1>

cig /lha'i me tog ltar 'byor cing 'grub par 'gyur ro/ /de nas kun dga' bo dang / 'khor mang po rnams bcom ldan 'das kyis gsungs pa la yi rangs nas mngon par dga' bo/ /lha'i me tog gi le'u ste dgu pa'o// // 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i dus na khyim bdag cig gi chung ma zhig la bu btsas nas/ khye'u de btsas pa'i tshe nam mkha' las rin po che sna bdun char bzhin du bab ste/ de'i khyim yongasu gang ngo / /de nas mtshan mkhan bos te/ bu'i mtshan bltas na/ bu'i mtshan rab tu bzang ngo zhes khyim bdag la smras nas/ khyim bdag de rab tu dga' ste/ mtshan mkhan de la bu'i ming btags par gsol ba dang / khye'u 'di btsas pa'i tshe ltas ci lta bu byung zhes dris pa dang / khyim bdag gis kyang khye'u 'di btsas pa'i tshe na nam mkha' las rin po che sna bdun char bzhin du bab nas/ khyim yongasu gang bar byas so zhes smras pa dang / mtshan mkhan gyis bsod nams las ming btags te/ khye'u de'i ming lha'i rin chen zhes bya bar bdagaso/ /phyis chen por skyes nas mang du thos shing shes pa mang ba dang / sgyu rtsal yang zla med par gyur te rab tu byung bar dad pas pha ma la 'phyi phyag 'tshal nas/ sangs rgyas gang na ba der song ste phyin pa dang / sangs rgyas kyi zhabs la phyag 'tshal te/ bcom ldan 'das la 'di skad ces gsol to/ /bcom ldan 'das bdag rab tu byung ngo zhes gsol ba dang / bcom ldan 'das kyis dge slong legs par 'ongs so zhes bya ba gnang nas/ skra dang kha spu rang byi ste/ lus la chos gos gyon par gyur nas/ bcom ldan 'das kyis chos bstan pas dgra bcom par gyur to/ /kun dga' bos</font><hr>69.174a<br><font size=+1>

bcom ldan 'das la gsol pa/ bcom ldan 'das dge slong lha'i rin chen 'dis/ sngon bsod nams ci zhig bgyis na thog ma btsas pa'i tshe na nam mkha' las rin po che char bzhin bab cing / bgo ba dang bza' ba lhun gyis grub nas/ cis kyang mi brel bar gyur/ sangs rgyas kyis kun dga' bo la bka' stsal pa/ sngon 'das pa'i dus na sangs rgyas gser thub ces bya ba 'jig rten du gshegs te/ 'jig rten na sems can gyi don mdzad pa ni brjod kyis mi lang ngo / /de'i tshe na dge 'dun mang po grong rgyu zhing gshegs pa las/ de'i tshe grong khyer na gnas pa'i khyim bdag mang pos dge 'dun spyan drangs te/ mchod pa rnam pa sna tshogs byas so/ /de'i tshe na mi dbul po zhig dad pas rjes su yid rangs pa'i sems skyes kyang / longs spyod dang mchod pa'i yo byad ci yang med pas rde'u ka ru las byas pa'i nor bu spar gang gis dge 'dun la gtor nas/ smon lam chen po btab bo/ /bcom ldan 'das kyis kun dga' bo la bka' stsal pa/ de'i tshe de'i dus na mi dbul po nor bu spar gang gis dge 'dun la gtor ba de ni/ dge slong lha'i rin chen 'di yin no/ /'das pa'i dus na bsam pa dag pa'i dad pas rde'u ka ru'i nor bu spar gang gis/ dge 'dun la gtor ba tsam gyis bskal pa dgu bcu rtsa gcig gi bar du bsod nams tshad med pas/ nor bu rin po che mang ba dang / bgo ba dang bza' ba lhun gyis grub cing / longs spyod cis kyang mi brel bar gyur to/ /de'i tshe na bsam pa dag pa'i dad pa tsam gyis/ nga 'jig rten na gshegs pa dang / phrad nas 'bras bu'i bar du thob par gyur to/ /de'i tshe 'khor mang po rnams kyang sangs rgyas kyis gsungs pa thos nas bsam pa dag pa'i dad pa skyes ste/ la la ni 'bras bu dang po nas 'bras bu bzhi pa'i bar du thob par gyur/ la la ni phyir mi ldog pa'i sa la gnas pa'i</font><hr>69.174b<br><font size=+1>

sems bskyed par gyur to/ /'khor mang po de dag thams cad/ bcom ldan 'das kyis gsungs pa la yi rangs nas mngon par dga'o/ /lha'i rin chen gyi le'u zhes bya ste bcu pa'o// // 'di skad bdag gis thos pa'i dus gcig na/ bcom ldan 'das rgyal po'i khab 'od ma'i tshal bya ka lan ta ka gnas pa na bzhugs so/ /de'i tshe bcom ldan 'das mngon par rdzogs par sangs rgyas nas ring po ma lon pa zhig na/ thog mar kauN+Di n+ya la sogs te dge slong lnga rab tu byung ngo / /de'i 'og tu chu bo 'od bsrung spun la sogs pa dge slong stong rab tu byung ngo / /de nas de ma yin pa rab tu phyung zhing chos la gnas pa yang mang bar gyur nas/ rgyal po'i khab kyi mi rnams dga' ba tshad med pa skyes te/ de bzhin gshegs pa 'jig rten du gshegs pa ni ngo mtshar rmad de so so'i skye bo mang po'i don mdzad do zhes bstod cing bsngagaso/ /gzhan yang 'di skad du kauN+Di n+ya dang / chu bo 'od srung gi 'khor la sogs pa thog ma rab tu byung ba de dag /sngon de bzhin gshegs pa dang / 'phrin las gang mthun na/ nang gi thog mar chos kyi bdud rtsi myong bar gyur ces smras so/ /dge slong de dag gis de skad ces smras pa thos nas/ de bzhin du bcom ldan 'das la rgyas par gsol pa dang / bcom ldan 'das kyis 'di skad ces bka' stsal to/ /sngon 'das pa'i dus na 'di dag gi phyir/ ngas yid dam chen po bcas te/ nam mngon par rdzogs par sangs rgyas nas/ sngar 'di dag gi don bya bar shog shig ces dam bcas so/ /dge slong rnams kyis de skad thos nas/ bcom ldan 'das kyis thugs dam ci ltar bcas pa thugs brtse bar dgongs te/ rgyas par bstan du gsol/ bcom ldan 'das kyis dge slong rnams la bka' stsal pa/ khyed rtag par nyon la yid la zung shig dang / khyed la bstan par bya'o/ /sngon 'das pa'i dus na bskal pa tshad med pa/ grangs</font><hr>69.175a<br><font size=+1>

med pa/ dpag tu med pa/ bsam gyis mi khyab/ brjod kyis mi lang ba 'das pa'i pha rol na/ yul bA ra na se zhes bya bar rgyal po rtsod byung zhes bya ba zhig byung ste/ de'i tshe yul de na drang srong bzod pa can zhes bya ba 'khor slob ma lnga brgya dang ri'i gnas na gnas shing / bzod pa bsgom mo/ /de'i tshe rgyal po des btsun mo dang / pho brang gi slas dang / blon por bcas te/ ri la rol tu gshegs pa las/ gnas shin tu mnyel ste/ gzim pa dang / pho brang gi slas rnams sngon du dong nas/ gnas dang me tog rnams lta zhing song song ba las/ drang srong bzod pa can lus drang por bzhag ste/ shin tu sems bzhin du 'dug pa mthong nas/ de la dad pa'i sems bskyed de/ me tog sna tshogs kyis gtor to/ /btsun mo de dag de'i mdun du 'khod de chos nyan to/ /rgyal po gzim pa las sad nas/ btsun mo rnams mi snang ba dang / blon po bzhi dang / btsun mo btsal ba las btsun mo rnams/ drang srong gi mdun tu 'khod pa mthong nas/ drang srong de la 'di skad ces smras so/ /khyod skye mched mtha' yas kyi ting nge 'dzin bzhi thob pa 'am/ smras pa ma thob bo/ /smras pa 'o na tshad med pa bzhi thob pa 'am/ ma thob bo/ /smras pa 'o na khyod bsam gtan bzhi thob pa 'am/ de yang ma thob bo zhes smras pa dang / rgyal po de khros te/ yon tan de dag khyod kyis ma thob na/ khyod ni ma rabs tha mal pa yin te/ bud med rnams dang dben pa skyabs yod pa'i gnas na 'dug pa de ji ltar yid ches su rung / rtag tu 'di na gnas pa khyod su zhig lags/ las ci zhig byed ces smras pa dang / drang srong gis rgyal po de la bdag ni 'di na bzod pa bsgom mo zhes smras so/ /de nas rgyal pos ral gri phyung nas khyod bzod pa bsgom zhe na/ bzod dam mi bzod sad do zhes drang srong gi lag pa gnyis bcad de khyod su yin zhes dris na/ bdag ni</font><hr>69.175b<br><font size=+1>

bzod pa can no zhes smras so/ /de nas rkang pa gnyis bcad na/ 'on kyang bzod pa can no zhes smras so/ /de'i tshe na gnas rnam pa drug tu g.yos nas nye gnas lnga brgya tsam yang / nam mkha' la phur te der lhags nas/ slob dpon de la/ de lta bu'i sdug bsngal nyams su myong nas bzod pa'i sems nyams par ma gyur tam zhes smras so/ /drang srong gis smras pa/ bdag gi sems ma gyur/ ma nyams so zhes smras so/ /rgyal po yang dngangs skrag nas drang srong la smras pa/ khyod bzod pa can yin par ci yid ches par 'gyur/ drang srong gis smras pa/ bdag gis smras pa'i tshig brdzun pa ma yin te/ bden na/ bden pa des khrag 'o mar 'gyur zhing yan lag bcad pa yang sos te/ snga ma kho na bzhin du gyur cig ces smras ma thag du/ khrag 'o mar gyur nas yan lag sos te/ snga ma kho na bzhin du gyur to/ /rgyal pos de ltar bzod pa dang ldan pa mthong nas/ lhag par 'jigs skrag ste/ bdag ci'i slad du drang srong chen po la gnod pa bgyis/ bdag la thugs brtse bar dgongs te/ 'gyod tshangs bya bar gnang shig ces gsol to/ /drang srong gis smras pa/ khyod ni bud med kyi phyir mtshon thogs nas/ bdag gi yan lag gcod mod kyi/ bdag bzod pa ni sa dang 'dra bas/ phyis mngon par sangs rgyas pa na/ shes rab kyi ral gris/ khyod kyi dug gsum chod par shog shig ces smras so/ /de'i tshe na ri de'i klu dang / lha rnams kyis drang srong de la/ rgyal po des 'tshe zhing gnod pa byas pa mthong nas so so nas khros te sprin bsdus nas 'brug dang ser ba dang / gnam lcags phab ste/ rgyal po 'khor dang bcas pa bsad par byas pa las/ drang srong gis khyod nga'i phyir/ 'di lta bus 'di la 'tshe ba dang / gnod pa ma byed cig ces bsgo'o/ /rgyal po des der 'gyod tshangs byas te/ drang srong de rtag tu</font><hr>69.176a<br><font size=+1>

pho brang du spyan drangs te/ mchod pa byas so/ /de'i tshe na slob dpon gzhan la zhugs pa kun tu rgyu stong tsam zhig /drang srong bzod pa can la rgyal po de dad cing mos pa mthong nas/ phrag dog skyes te/ bden pa mi snang ba'i gnas nas sa rdul dang brtsog ga cing smre ba'i bag gis drang srong de la gtor to/ /de'i tshe kun tu rgyu nga la sas gtor ba brgya phrag bcu po de ni/ da ltar chu bo 'od srung la sogs pa'i dge slong brgya phrag bcu yin te/ de'i tshe na yid dam bcas pa las/ bdag bzod pa bsgom pa rgyun mi chad pa 'dis/ nam mngon par sangs rgyas pa na/ bdud rtsi'i chus khyod kyi rdul dang dri ma bkrus te/ 'dod pa'i btsog pa yongs su dag par shog shig ces dam bcas so/ /dge slong dag de'i tshe na drang srong bzod pa can de shes par 'dod na/ gzhan du ma sems cig /de ni da ltar nga yin no/ /rgyal po rtsod byung dang blon po bzhi ni kauN+Di n+ya la sogs pa dge slong lnga sde yin no/ /de'i tshe bzod pa bsgoms pa ni/ 'di dag gi don sngar bya'o zhes dam bcas pas/ mngon par sangs rgyas nas/ sngar 'di dag sdug bsngal las yongs su grol bar mdzad do/ /dge slong rnams sangs rgyas kyis gsungs pa la yi rangs nas mngon par dga' bo/ /bzod pa'i le'u ste bcu gcig pa'o// // 'di skad bdag gis thos pa'i dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe kun dga' bos bsod snyoms kyi bya ba byas nas/ tshal zhig gi nang na bsam gtan du 'dug ste/ 'di snyam du rtog pa skyes te/ sangs rgyas bcom ldan 'das 'jig rten du gshegs pa ngo mtshar che ste/ sems can mang po yang rab du bde ba la bkod/ kauN+Di n+ya la sogs pa'i dge slong lnga sde dge ba'i rtsa ba ci bstsags na/ chos kyi sgo rnam par phye ma thag tu 'jug par gyur/ chos kyi rnga brdungs ma thag tu thog mar thos par gyur/ chos kyi bdud rtsis thog</font><hr>69.176b<br><font size=+1>

mar ngoms par gyur snyams du rtog pa skyes nas/ 'dug pa las langs te sangs rgyas gang na ba der song ste phyin pa dang / ci ltar bsam pa bzhin du bcom ldan 'das la gsol to/ /bcom ldan 'das kyis bka' stsal pa/ dge slong kauN+Di n+ya la sogs pa ni sngon 'das pa'i dus na yang ngas sha dang khrag gis bkres skom pa las chog par 'byin te/ bde bar byas pas de bas na nga mngon par rdzogs par sangs rgyas nas kyang / sngar rnam par grol ba la bkod de rgyu dang rkyen med pa ma yin no/ /tshe dang ldan pa kun dga' bos bcom ldan 'das la gsol pa/ sngon 'das pa'i dus na ci lta bur bkres pa dang skom pa las bde bar mdzad pa bstan du gsol/ 'khor mang po 'di dag gis thos nas rtogs par 'gyur/ bcom ldan 'das kyis bka' stsal pa/ sngon 'das pa'i dus na bskal pa grangs med pa'i pha rol na/ 'dzam bu'i gling 'dir rgyal po byams pa'i stobs zhes bya ba 'dzam bu'i gling gi rgyal phran brgyad khri bzhi stong snyed la dbang byed pa zhig byung ngo / /rgyal po de la btsun mo stong phrag nyi shu yod do/ /blon po ni stong phrag bcu yod do/ /rgyal po de byams pa dang snying rjer ldan te/ tshad med pa bzhi spyod cing 'gro ba thams cad la snying brtse bas/ dge ba bcu'i srid zin te/ thams cad kyis bkur ba/ yul na dgra med cing lo legs par 'byor pa bde ba bskyed pa ldan pa ste/ rims gtong ba'i yi dgas dag /mi'i khrag dang mdangs 'phrog cing za ba las/ de'i tshe na yul mi thams cad lus dang ngag dang yid bsrung ste/ dge ba bcu la gnas pas/ yid dgas ma rungs pa dag bza' ba ma rnyed nas/ kun log ste mthu med par gyur to/ /de'i tshe na gnod byin lnga zhig rgyal po'i gan du 'ong zhing 'di skad ces smras so/ /bdag cag ni mi'i mdangs dang khrag la ltos te/ lus dang srog 'tsho ba las rgyal pos bkar btags te/ thams cad dge ba bcu la gnas pas/ bdag cag zas dang skom</font><hr>69.177a<br><font size=+1>

ma rnyed de/ nyams thag nas srog la bab bo/ /rgyal po bdag cag la yang thugs mi brtse 'am/ zhes gsol nas/ rgyal pos kyang de dag la snying brtse ba'i phyir/ lus kyi yan lag lnga las rtsa bcad nas/ gnod sbyin rnams so so nas snod bzed de khrag las ngoms par 'thung du bcug go/ /de dag khrag gis ngoms nas shin tu dga' mgu rangs par gyur to/ /de dag khrag gis ngoms nas/ dge ba bcu la ci nus du spyod cig ces bskul to/ /da ltar nga'i lus las khrag phyung ste/ khyod ngoms shing bde bar byas pa ltar/ phyis mngon par rdzogs par sangs rgyas nas/ chos kyi sku'i tshul khrims dang ting nge 'dzin dang / shes rab kyis khyod kyi dug gsum bstsal te/ 'dod pas gdungs pa las shin tu bde ba'i mya ngan las 'das pa la 'god par shog shig ces smras so/ /kun dga' bo de'i tshe de'i dus na rgyal po byams pa'i stobs de ni da ltar nga yin no/ /gnod sbyin lnga po de ni kauN+Di n+ya la stsogs pa dge slong lnga yin no/ /ngas gang nas gang du skyes par de dag thog mar bsgrol bar smon lam btab bo/ /de bas na ngas thog mar chos bstan ma thag tu rnam par grol bar gyur to/ /tshe dang ldan pa kun dga' bo dang / 'khor mang po rnams sangs rgyas kyis gsungs pa la yi rangs nas mngon par bstod do/ /rgyal po byams pa'i stobs kyi sbyin pa'i le'u ste bcu gnyis pa'o// // bam po gsum pa/ 'di skad bdag gis thos pa'i dus gcig na/ bcom ldan 'das rgyal po'i khab/ bya ka lan ta ka gnas pa 'od ma'i tshal na dge slong gi dge 'dun chen po brgya phrag phyed dang bcu gsum dang thabs gcig tu bzhugs so/ /de'i tshe na rgyal po gzugs can snying po 'bras bu dang po thob nas/ dad pa dang bsnyen bkur bya bar sems sngon bas kyang lhag par gyur pas/ bcom ldan 'das dang dge slong gi dge 'dun la mchod pa'i yo byad rnam pa bzhi rtag tu 'bul te/ skye bo mang po dag</font><hr>69.177b<br><font size=+1>

kyang mthun par dge ba la spro'o/ /yul de na rdzogs byed la sogs pa'i ston pa drug sngar byung bas/ ngan par lta ba log par ston te/ 'gro ba mang po bslus pas de la gang lta bar bya bar mthong bar mthong ba dag ni ngan par lta ba dag la yid ches pas/ sdig can gyi phyogs mang zhing rgyas par gyur to/ /rgyal po de'i gcung zhig kyang / ston pa drug la yid ches pas ngan par lta ba la yid ches te/ thar pa'i lam lam ma yin par bzung nas/ longs spyod ci bdog pa gtor nas de la 'bul te/ sangs rgyas bcom ldan 'das nyi ma shar ba lta bu shes rab kyis kun tu lham mer mdzad kyang / ngan par lta bas glags pas de la mos pa'i sems med do/ /rgyal po gzugs can snying po de de la lhag par sdug par 'dzin pas bags kyis sangs rgyas la bsnyen bkur bya bar bskul na yang / ngan par lta ba la zhen pas bsgo ba bzhin du ma byas so/ /sangs rgyas la mchod pa gyis shig ces yang dang yang bskul na/ bdag la yang ston pa yod de/ gau ta ma la bsnyen bkur mi byed do/ /'on kyang rgyal po'i bka' tshul gyis bcag pa ma yin pas/ mchod ston chen po bshams nas/ ma bos par rang 'ong ba la bsod snyoms sbyin no zhes byas nas mchod pa'i yo byad bshams te/ stan bting nas ston pa drug gi 'bod pa btang nas/ de ma thag du lhags te gral gyi thog ma la 'dug go/ /sangs rgyas dang dge 'dun rnams rang ma byon pas/ rgyal po gang na ba der phyin nas 'di skad ces gsol to/ /dge sbyong gau ta ma spyan drongs shig ces yang dang yang du bka' stsal te/ bdag gis mchod pa bshams nas/ gdugs tshod la bab na/ ci'i slad du mi gshegs/ rgyal pos bka' stsal pa/ khyod nyid spyan 'dren du 'gro mi nus na yang mi zhig gdugs tshod la bab bo zhes spyan 'dren pa thong shig /rgyal po'i gcung gis kyang spyan 'dren du btang ba las/ bcom ldan 'das 'phags pa'i dge 'dun dang bcas te gshegs nas/ gral rim bzhin du bzhugs so/ /bcom ldan 'das kyi byin gyis ston pa drug gral gyi</font><hr>69.178a<br><font size=+1>

ltag na 'dug pa yang gral gyi tha mar song ngo / /ston pa drug ngo tsha zhing skyengs nas/ langs te gral gyi ltag tu 'dug na yang / ma tshor bar gral gyi mjug tu song ste/ de bzhin du lan gsum gyi bar du gral gyi gong du song na da dung gral gyi 'og tu 'dug par gyur na/ mthu med par gyur nas/ skyengs bzhin du gral gyi tha mar 'dug go/ /yon bdag gis gnas brtan la chu brims nas/ bcom ldan 'das kyis sngar khyod kyi ston pa la brims shig ces bka' stsal pa dang / yon bdag gis chu snod thogs te ston pa drug la chu brims nas/ chu snod kyi kha 'gags te chu 'byung du ma gtub pas/ phyir yang sangs rgyas la mthar gyis gsol na/ chu yang byung ste lag pa bkrus so/ /lag pa bkrus nas sbyin bdag gis bsod snyoms thogs te smon lam btab par gsol na/ bcom ldan 'das kyis yon bdag la 'di skad ces bka' stsal pa/ thog ma yang nged kyi phyir ma yin pas/ yang khyod nyid kyi ston pa la smon lam btab par gsol cig ces bka' stsal pas/ sbyin bdag chen po ston pa drug gi mdun du song ste smon lam btab par gsol na/ ston pa drug kha thams nas smra ma nus te/ sangs rgyas la gsol cig ces lag brda' byas so/ /de nas bcom ldan 'das kyis kyang tshangs pa'i dbyangs lta bu'i gsung gis smon lam btab bo/ /smon lam btab nas sbyin bdag gis bsod snyoms gnas brtan la brims pa las/ bcom ldan 'das kyis sngar khyod nyid kyi ston pa nas brims shig ces bka' stsal pa dang / 'drim pa rnams kyis ston pa drug la brims na/ zhal zas gyi rnam pa steng gi nam mkha' la 'phags te/ brim du med par gyur to/ /de nas sangs rgyas logs su brim du chas pa dang / zhal zas kyang so so'i lag tu 'ongs so/ /mthar gyis brims te sangs rgyas dang dge 'dun bsod snyoms kyi bya ba byas nas kha lag bkrus te/ phyir yang gdan la bzhugs nas chos bstan par gsol to/ /de la yang bcom ldan 'das kyis khyod</font><hr>69.178b<br><font size=+1>

nyid kyi ston pa drug la ston par gsol cig ces bka' stsal to/ /ston pa drug kyang kha thams nas/ sangs rgyas la gsol cig ces lag brda byas so/ /de nas bcom ldan 'das kyis shin tu mnyen zhing 'jam pa'i gsung phyung ste/ 'khor mang po la chos kyi mtshan nyid rnam par phye zhing bstan pas/ 'khor mang po yid tshim par gyur te/ sangs rgyas kyis gsungs pa thos nas/ thams cad kyis rtogs shing khong du chud do/ /gzugs can snying po'i gcung ni chos la chos kyi mig rnam par dag par gyur to/ /'khor gzhan dag ni 'bras bu dang po nas 'bras bu gsum pa'i bar du thob nas rab tu byung ste/ zag pa zad do/ /la la ni bla na med pa'i byang chub tu sems bskyed de/ phyir mi ldog pa'i sa la gnas par gyur nas ci ltar smon pa bzhin du yongs su rdzogs pas so so nas yang dag pa gang yin pa shes shing rtogs te/ dkon mchog gsum la dad cing mos kyi ston pa drug la mi dad de/ de la bsnyen bkur mi byed par gyur to/ /de nas ston pa drug po shin tu sems 'khrugs nas khros te/ dben pa'i sa phyogs su song nas rtog pa la zhugs so/ /de nas bdud sdig to can 'di snyam du sems par gyur te/ bdag gis yun ring mo zhig nas dge sbyong gau ta ma la bgegs byas nas/ skabs ma rnyed kyis da ni bdag gis ci nas kyang bgegs bya'o snyam bsams nas/ bdud sdig can gyis rdzogs byed lta bur bdag mngon par sprul nas/ phyugs lhas kyi bu ma ska ri dang / rnam par smra ba'i bu kun nas rgyal ba dang / skra'i lwa ba can mi pham pa dang / ka t+ya ya na nog can dang / gnyen gyi bu gcer bu pa gang na ba der song ste phyin pa dang / de dag gi mdun du me 'bar ba dang / chu 'bab pa dang / glog 'gyu bar cho 'phrul ston pa la zhugs pa dang / de dag gis rdzogs byed khyod kyi yon tan rnam pa mang po 'di lta bu 'thob bam/ smras pa thob po/ /</font><hr>69.179a<br><font size=+1>

de rnams kyis so so nas 'di snyam du bsams so/ /bdag cig pu ma gtogs par 'di dag thams cad ni rdzu 'phrul che bar so sor ston to snyam bsams so/ /de nas dus phyi zhig na rdzogs byed la sogs pa drug 'dun khang du 'dus te lhags nas/ gtam 'di lta bu dag skabs su smra ste/ bdag cag rnams la sngon gyi rgyal po dang / blon po dang / bram ze dang / khyim bdag phyug po dang / tshongs dpon dang / ded dpon dag gis rim gro byas/ bkur stir byas/ mchod par byas shing / bdag cag gi gos dang / zas dang mal stan dang / nad kyi rkyen sman dang / yo byad rnams rnyed par gyur na/ da ni dge sbyong shAg kya'i bu 'di la rim 'gro dang / bkur stir byed do/ /gos dang zas dang / mal stan dang / nad kyi rkyen rtsi dang / yo byad rnams ma rnyed par gyur gyis/ da ni bdag cag rnams kyis dge sbyong gau ta ma'i bla ma'i chos kyi cho 'phrul la 'jug go/ /de ste dge sbyong gau ta mas mi'i bla ma'i chos kyi cho 'phrul gcig ston pa la zhugs na/ bdag cag gis gnyis bstan to/ /dge sbyong gau ta mas gnyis na bdag cag gis bzhi'o/ /dge sbyong gau ta mas bzhi na/ bdag cag gis brgyad do/ /dge sbyong gau ta mas brgyad na bdag cag gis bcu drug go/ /dge sbyong gau ta mas bcu drug na bdag cag gis sum bcu rtsa gnyis so/ /dge sbyong gau ta mas ci snyed du mi'i bla ma'i chos kyi cho 'phrul bstan pa la bdag cag gis nyis 'gyur sum 'gyur lta bur mi'i bla ma'i chos kyi cho 'phrul bstan par bya'o/ /de nas rdzogs byed la sogs pa ston pa drug /rgyal po gzugs can snying po gang na ba der song ste drung du phyin pa dang / rgyal po gzugs can snying po la rgyal ba dang / tshe ring bar shog shig ces brjod nas 'di skad ces</font><hr>69.179b<br><font size=+1>

smras so/ /lha bdag cag rnams ni cho 'phrul dang ldan zhing shes par smra ba lags na/ dge sbyong gau ta ma yang bdag nyid cho 'phrul dang ldan zhing shes par smra'o zhes mchis na/ shes par smra ba ni shes par smra ba dang / lhan cig mi'i bla ma'i chos kyi cho 'phrul 'gran du gzhug pa'i rigs kyis/ bdag cag sprod cig ces smras pa dang / rgyal po gzugs can snying pos bgad de/ 'di skad ces smras so/ /khyod rnams re glen/ sangs rgyas ni yon che ba/ rdzu 'phrul che ba/ cho 'phrul thogs pa med pa yin na/ khyed 'dra ba ni srin bu me khyer nyi ma la 'gran pa 'am/ ba rmig gi chu rgya mtsho la bsgrun pa 'am/ wa sdar ma seng ge la 'gram pa 'am/ byi brun gyis ri rab lhun po la 'phang mthon dman 'gran pa dang 'dra ste/ che chung khyad zhugs par mngon pas/ ngan par lta ba khyed ha cang glen ches so/ /ston pa drug gis yang smras so/ /mngon par rtags phyir 'byung ba rgyal pos ma gzigs te/ bdag cag gis cho 'phrul chen po 'gran na mngon ste/ bsgrun pa'i 'og tu gang rgyal ba mngon no/ /rgyal pos smras pa/ 'gran 'dod na lta 'gran la rag ste/ khyed skyengs kyi dogs so/ /khyed cho 'phrul 'gran par gyur na/ ded kyis kyang khyod kyi cho 'phrul mthong bar gyis shig /ston pa drug gis smras pa/ da ste zhag bdun na cho 'phrul 'gran gyis/ gar 'gran pa'i sa phyogs phyi bdar mdzod cig ces smras so/ /ston pa drug gis de skad smras nas/ phyir 'ong ba'i 'og tu rgyal po gzugs can snying po sangs rgyas gang na ba der song ste phyin pa dang / 'di skad ces gsol to/ /ston pa drug gis ni bcom ldan 'das la cho 'phrul 'gran zhes mchi ste/ bdag gis bgeg na yang ma thub kyis/ bcom ldan 'das</font><hr>69.180a<br><font size=+1>

kyis cho 'phrul gyi mthu bstan te/ ngan par lta ba las bzlog nas/ dge ba la bkod du gsol/ cho 'phrul bstan pa yang bdag cag gis mthong bar mdzad du gsol/ /bcom ldan 'das kyis rgyal po gzugs can snying po la 'di skad ces bka' stsal pa/ /nga bdag dus mkhyen gyis gang du 'gran pa'i gnas yangs pa zhig tu byi dor gyis shig ces bka' stsal nas/ rgyal po gzugs can snying pos blon po mang po la bka' stsal te/ gnas yangs pa bde ba zhig tu phyag dar byas/ seng ge'i khri bshams rgyal mtshan dang / ba dan btsugs te shin tu mdzes par brgyan to/ /de ltar cho 'phrul 'gran par byas pa'i dus su de'i nyin par thams cad mthong du re'o/ /de'i tshe na de bzhin gshegs pa dge 'dun dang bcas pa rgyal po'i khab nas gshegs te/ yangs pa can du bzhud do/ /yangs pa can na li tsa byi dang / mi mang pos de bzhin gshegs pa bsu'o/ /rgyal po'i khab kyi mi rnams kyis bcom ldan 'das yangs pa can du gshegs pa yang gdod shes shing / rtogs pas ston pa drug kyang 'di skad du/ dge sbyong gau ta ma'i cho 'phrul gyis bdag cag la ni mi thub bo zhes byas na khyod yid ma ches te/ cho 'phrul 'gran pa'i dus byas pa las byol nas/ yangs pa can du byol lo zhes bsgrags te/ ston pa drug kyang nga rgyal lhag par skyes nas/ so so nas spro ba skyes te/ de bsnyag du dong ngo / /de'i tshe na rgyal po gzugs can snying po yang theg pa lnga brgya bshams te/ rgyal po dang blon po'i 'khor khri phrag bcu bzhi snyed kyang 'tsho ba'i rgyags khyer nas/ bcom ldan 'das kyi rjes su yul yangs pa can du dong ngo / /ston pa drug kyang yul yangs pa</font><hr>69.180b<br><font size=+1>

can du phyin nas li tsa byi rnams la 'di skad ces smras so/ /bdag cag dge sbyong gau ta ma dang cho 'phrul 'gran par gnang na/ de ste zhag bdun na cho 'phrul 'gran par bgyi'o/ /de nas li tsa byi rnams bcom ldan 'das gang na ba der song ste 'di skad ces gsol to/ /glen pa po ston pa drug ni yon tan dang ldan snyam ste/ de bzhin gshegs pa dang cho 'phrul 'gran no zhes mchis na/ bcom ldan 'das kyis tshar bcad du gsol/ bcom ldan 'das kyis bka' stsal pa/ nga nyid dus mkhyen to/ /de nas li tsa byi rnams yul mi rnams dang / yo byad rgyal po gzugs can snying po bzhin du sbyar te/ sang ltar bur 'gran pa las/ de ring lta bu bcom ldan 'das dge 'dun dang bcas pa yul kau sham+bir gshegs so/ /kau sham+bi'i rgyal po ud tra ya na zhes bya bas kyang blon por bcas te/ de bzhin gshegs pa bsu'o/ /yangs pa can gyi mi rnams sang lta bur de bzhin gshegs pa la phyag 'tshal du 'ongs pa las/ kau sham+bir gshegs so zhes thos pa dang / ston pa drug pos kyang bcom ldan 'das gshegs so zhes thos nas/ sngar bas kyang lhag par nga rgyal skyes te/ yang bcom ldan 'das gang na ba der dong ngo / /yang de'i tshe li tsa byi rnams kyang theg pa lnga brgya bshams nas/ 'khor khri phrag bdun dang gzugs can snying po'i 'khor dang bcas te/ kau sham+bir sangs rgyas dang ston pa drug cho 'phrul 'gran pa la bltar dong ngo / /ston pa drug po kau sham+bir phyin nas/ rgyal po ud tra ya na la gtam snga ma byas te/ dge sbyong gau ta ma 'di sdad du ma btub nas bdag cag la byol gyis/ rgyal pos bdag cag dang cho 'phrul 'gran par dus thob cig ces gsol pa dang / ud tra ya nas sangs rgyas la 'di skad ces gsol to/ /ston pa drug ni bcom ldan 'das dang cho</font><hr>69.181a<br><font size=+1>

'phrul 'gran no zhes mchis na mkhyen tam/ bcom ldan 'das kyis bka' stsal pa/ nga nyid dus mkhyen to/ /de nas u tra ya nas rgyal po gzugs can snying po bzhin du sbyar te/ bshams pa dang / bcom ldan 'das dge slong gi dge 'dun dang bcas te/ yul war gyir gshegs so/ /war gyi'i rgyal po shun ci da las kyang mi mang po dang de bzhin gshegs pa bsu'o/ /kau sham+bi'i mi rnams kyis kyang / de bzhin gshegs pa yul war gyir gshegs pa gzod thos kyis/ ston pa drug kyang phyi bzhin song ngo / /de'i tshe rgyal po ud tra ya na 'khor stong phrag brgyad khri dang rgyal po gzugs can snying po la sogs pa thams cad dang 'grogs te yul war gyir gshegs so/ /de nas ston pa drug pos rgyal po shun tsi da la la bdag cag dge sbyong gau ta ma la cho 'phrul 'gran par gyis shig ces gsol pa dang / rgyal po des kyang de bzhin du gsol nas/ bcom ldan 'das kyis nga nyid dus mkhyen to zhes bka' stsal to/ /rgyal po des kyang yo byad sbyar te bshams pa dang / bcom ldan 'das dge slong gi dge 'dun dang bcas te/ yul ti ki tsa shi rir gshegs so/ /yul ti ki tsa shi ri'i rgyal po in tra ba mi zhes bya bas/ 'khor mang po dang de bzhin gshegs pa bsu'o/ /de'i tshe rgyal po shun tsi da la 'khor khri phrag lnga dang / rgyal po gzugs can snying po la sogs pa thams cad dang 'grogs te/ yul ti gi tsa shi rir dong ngo / /ston pa drug po yang der phyin nas/ rgyal po in tra ba mi la skad chen por dge sbyong gau ta ma dang / bdag cag cho 'phrul 'gran par gyis zhig ces nog ma thub bo/ /de'i tshe in tra ba mis/ bcom ldan 'das gang na ba der song nas de bzhin du gsol pa dang / bcom ldan 'das kyis nga nyid dus mkhyen to zhes bka' stsal to/ /de nas rgyal po</font><hr>69.181b<br><font size=+1>

des kyang yo byad bshams te/ dus la bab pa dang / bcom ldan 'das dge slong gi dge 'dun dang bcas te/ yul bA ra na ser gshegs so/ /yul de'i rgyal po tshangs sbyin zhes bya bas kyang / 'khor mang po de dag dang de bzhin gshegs pa bsu'o/ /ti gi tsa shi ri'i mi dag de bzhin gshegs pa bzhud par gdod shes nas/ ston pa drug kyang de'i rjes su song ngo / /rgyal po in tra ba mis kyang 'khor khri phrag drug dang bcas te/ rgyal po gzugs can snying po la sogs pa rgyal po thams cad dang / 'grogs te gnas der song ngo / /ston pa drug kyang de'i phyir phyin te/ de bzhin du rgyal po de la gsol nas/ rgyal po des de bzhin du gsol pa dang / nga nyid dus mkhyen to zhes bka' stsal to/ /de nas rgyal po des kyang yo byad sbyar te bshams pa las/ bcom ldan 'das dge slong gi dge 'dun dang bcas te yul ser skyar gshegs so/ /yul ser skya'i shAg gi rigs rnams gcig gis gcig sbran nas/ thams cad 'dus te de bzhin gshegs pa bsu'o/ /yul bA ra na se'i mi rnams kyis kyang / de bzhin gshegs pa bzhud par gzod rtogs nas ston pa drug po yang rjesu song ngo / /rgyal po tshangs sbyin 'khor khri phrag brgyad bcu dang / gzugs can snying po la sogs te/ rgyal po drug char yang 'khor dang bcas te/ bcom ldan 'das gang du gshegs pa'i rjes su dong ngo / /ston pa drug kyang der phyin pa dang / shAg gi rigs rnams la/ dge sbyong gau ta ma dang / cho 'phrul 'gran par byas pa las nged kyi mthu che ba las byol lo zhes yengs ma gtam du byas so/ /de nas shAg gi rigs rnams kyis de bzhin du bcom ldan 'das la gsol pa dang / bcom ldan 'das kyis nga nyid dus mkhyen to zhes bka' stsal to/ /de nas shAg gi rigs rnams kyis kyang</font><hr>69.182a<br><font size=+1>

yo byad sbyar cing bshams pa dang / bcom ldan 'das dge slong gi dge 'dun dang bcas pa/ /yul mnyan du yod par gshegs so/ /de'i tshe mnyan du yod pa'i rgyal po gsal rgyal yang 'khor dang bcas pas/ de bzhin gshegs pa bsu'o/ /shAg gi rigs rnams kyang de bzhin gshegs pa bzhud par gzod rtogs te/ ston pa drug pos kyang rjes bzhin du bsnyags so/ /shAg gi rigs rnams kyang 'khor khri phrag dgu dang rgyal po gzugs can snying po la sogs te/ rgyal po rnams dang / 'khor rnams kyis mnyan du yod pa'i ljongs yongs su gang ngo / /ston pa drug po yang der phyin nas/ rgyal po gsal rgyal la 'di skad du dge sbyong gau ta ma dang / bdag cag cho 'phrul 'gran par dus byas pa las dus la bab pa dang byol zhing 'bros te/ da ni 'khor mang po yang rgyal po'i yul du tshogs kyi/ rgyal po chen po bdag cag 'gran du chug cig ces gsol pa dang / rgyal po gsal rgyal gyis bgad de/ 'di skad du bcom ldan 'das kyi yon tan ngo mtshar che ba ni bsam gyis mi khyab na/ ci'i phyir khyod lta bu'i ma rabs ci yang mi shes pa/ chos kyi rgyal po chen po dang cho 'phrul 'gran par byed ces bsgo'o/ /'on kyang ston pa drug po dag drod mi thub ste/ nga rgyal bsnyems pas/ rgyal po gsal rgyal gyis/ bcom ldan 'das gang na ba der song nas 'di skad ces gsol to/ /ston pa drug po dag cho 'phrul 'gran par yang dang yang du bskul gyis/ bcom ldan 'das kyis tshar bcad de/ cho 'phrul gyi bye brag dbye bar gsol/ bcom ldan 'das kyis nga nyid dus mkhyen to zhes bka' stsal pa dang / rgyal po gsal rgyal gyis blon po rnams la bka' stsal nas/ cho 'phrul 'gran pa'i gnas mnyam shing phyag dar byas te/ me tog dang spos mang du</font><hr>69.182b<br><font size=+1>

bshams shing seng ge'i khri btsugs nas ba dan dang / rgyal mtshan la sogs pas brgyan te/ 'khor mang po 'dus so/ /de'i tshe dpyid zla ra ba tshes cig gi nyin par bcom ldan 'das cho 'phrul 'gran pa'i gnas su gshegs pa dang / rgyal po gsal rgyal gyis mchod pa'i yo byad dang zhal zas bshams te/ bcom ldan 'das la phyag dar phul lo/ /bcom ldan 'das kyis tshems shing gsol nas/ tshems shing sa la btsugaso/ /sa la btsugs ma thag tu skyes nas yal ga dang / lo ma rgyas pa mtho khyad dpag tshad lnga brgya bar gyur to/ /yal ga dang lo ma kho ra khor yug kyang dpag tshad lnga brgya khebs so/ /de ma thag tu me tog shing rta'i 'phang lo tsam skyes nas 'bras bu yang dre lnga shong ba'i bum pa tsam du gyur to/ /rtsa ba dang / yal ga dang / 'dab ma la sogs pa thams cad rin po che sna bdun du gyur nas/ kha dog rnam pa sna tshogs su 'tsher zhing 'bar ste/ nyi zla'i 'od kyang zil gyis gnon to/ /gang gis 'bras bu de zos na/ bdud rtsi'i ro bas kyang lhag par gyur te/ dri bsung gis kun tu mdang pa'i dris phog pa thams cad kyang bde zhing tshim par gyur to/ /rlung bstsung can gyis yal ga dang / lo ma la reg pa shin tu yid du 'ong ba'i chos kyi sgra byung ngo / /mi thams cad kyis shing de la shin tu dad pa'i sems bskyed de/ de nas bcom ldan 'das kyis chos bstan pas/ thams cad kyi yid dang mthun te/ 'bras bu thob pa dang / lhar skye ba yang rab tu mang ngo / /de'i phyi nyin rgyal po u tra ya nas spyan drangs nas mchod pa sbyar ro/ /de'i tshe de bzhin gshegs pas sku'i g.yas g.yon du rin po che'i ri gnyis sprul te/ shin tu mtho ba/ mdzes pa/ rin po che rnam pa sna tshogs kyi kha dog ltar 'tsher</font><hr>69.183a<br><font size=+1>

ba/ shing rnam pa sna tshogs ri de la skyes pa/ me tog dang / 'bras bu rab tu rgyas pa/ sgra skad shin tu snyan pa 'byung ba/ ri gcig gi rtse mo la 'bras bu ro brgya dang ldan pa/ 'jam zhing mngar ba rab tu 'byung ba ste/ mi mang po de la yid bzhin du tshim par za'o/ /ri gcig gi rtse mo la rtswa shin tu mngar ba dang / 'jam pa skyes te/ dud 'gro'i skye gnas rnams de la yid bzhin du za zhing tshim par sprul te/ bcom ldan 'das kyis de dag la ci rigs su chos bstan pas sems rnam par grol te/ bla na med pa'i byang chub tu sems bskyed pas/ mtho rigs kyi lhar skyes pa'i grangs kyang rab tu mang ngo / /de'i phyi nyin rgyal po shun tsi da las spyan drang ste mchod pa sbyar ro/ /bcom ldan 'das kyis zhal bsil nas/ zhal bsil ba'i chu slar sa la bor ba rin po che'i rdzing du gyur nas/ 'khor ra 'khor yug tu dpag tshad nyis brgya yod pa/ rin po che sna bdun gyis rnam par spras pa/ kha dog rnam pa sna tshogs su 'tsher ba rdzing bu de'i chu yon tan brgyad dang ldan pa/ rdzing gi zhabs kyang rin po che sna bdun gyi bye mas brdal ba/ pad ma che khyad shing rta'i 'phang lo tsam rnam pa sna tshogs kyis gang ba la 'di lta ste/ pad ma sngon po dang / ser po dang / dkar po dang / dmar po dang / leb rgan dang / rma la stsogs pa'o/ /pad ma de'i dri yang kun tu mngad cing bro la/ pad ma dam pa'i kha dog ci lta ba bzhin du 'od zer gyis gnam sa kun snang bar byas te/ 'khor mang po thams cad kyang rin po che'i rdzing de la blta zhing / kun tu dga' nas bstod do/ /de nas bcom ldan 'das kyis 'khor mang po'i yo byad sbyar nas/ chos rnam pa mang po bstan te/ go zhing rtogs par mdzad nas/ la la ni</font><hr>69.183b<br><font size=+1>

bla na med pa'i byang chub tu sems bskyed do/ /la la ni 'bras bu thob nas mtho ris kyi lhar skyes pa dang / bsod nams kyi las bskyed pa yang dpag tu med do/ /de'i phyi nyin rgyal po in dra ba mis mchod pa'i yo byad bshams te/ sangs rgyas spyan drangs so/ /bcom ldan 'das kyis/ de'i nyin par rin po che'i rdzing bu de'i ngos bzhi na/ yur ba chen po brgyad brgyad yod pa la/ phyir yang 'khor zhing rdzing de nyid du 'bab pa dang / chu 'bab pa'i sgra las dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa gsum dang / mngon par shes pa drug dang / pha rol tu phyin pa drug dang / snying rje chen po dang / byams pa chen po dang / tshad med pa bzhi la sogs te/ chos rnam pa sna tshogs kyi sgra 'byung zhing / chos kyi sgra de las chud cing rtogs nas/ sangs rgyas su 'gyur ba'i 'bras bu dang / mtho rigs su lhar skye ba dang / bsod nams kyi las bskyed pa yang rab tu mang ngo / /de'i phyi nyin rgyal po tshangs byin gyis spyan drangs te/ mchod pa'i yo byad bshams so/ /de'i nyin par bcom ldan 'das kyi zhal gyi sgo nas gser gyi mdog lta bu'i 'od zer bkye nas/ stong chen po'i 'jig rten gyi khams kun tu snang bar byas te/ 'od des reg pa'i sems can thams cad gdug pa gsum dang / sgrib pa lnga dang bral te/ lus dang sems rab tu bde ba ni ji ltar dge slong dag bsam gtan gsum pa dang 'dra'o/ /'khor mang po rnams sangs rgyas kyi yon tan la mos pas/ bcom ldan 'das kyis chos bstan te/ bla na med pa'i byang chub tu sems bskyed pa dang</font><hr>69.184a<br><font size=+1>

mtho ris kyi lhar skyes pa dang / bsod nams kyi las bskyed pa yang grangs med do/ /de'i phyi nyin li tsa byi rnams kyis spyan drangs nas mchod pa'i yo byad sbyar ro/ /de'i nyin par bcom ldan 'das kyis 'khor mang po de dag thams cad gcig gi bsam pa gcig gis shes par byas te/ so so'i dge ba dang / mi dge ba'i las kyang rtogs par byas nas so so nas dga' ste/ sangs rgyas kyi yon tan bsngags so/ /de dag gis bcom ldan 'das la dam pa'i chos nyan pas/ khong du chud cing rtogs nas sangs rgyas su smon lam 'debs pa dang / 'bras bu thob pa dang / mtho rigs kyi lhar skye bar smon pa yang grangs med do/ /de'i phyi nyin shAg gi rigs rnams kyis sangs rgyas spyan drangs nas/ bcom ldan 'das kyis de'i nyin par 'khor de dag thams cad so so nas/ 'khor los bsgyur ba'i rgyal por bsgyur te/ rin po che sna bdun dang bu stong dang ldan par sprul nas/ rgyal phran dang / blon po rnams kyis bsti stang du byas par mthong ste/ so so nas ngo mtshar rmad du byung ba'i spro ba skyes nas/ spro ba de la bcom ldan 'das kyis chos rnam par phye zhing bstan pas/ so so'i yid tshim par gyur te/ bla na med pa'i byang chub tu sems bskyed pa dang / la las 'bras bu thob pa dang / lha dang mir skyes pa grangs med par gyur to/ /de'i phyi nyin brgya byin gyis sangs rgyas spyan drangs te/ seng ge'i khri bshams nas bcom ldan 'das de la bzhugs pa dang / brgya byin gyis g.yon nas mchod pa byed/ tshangs pa'i rgyal pos ni g.yas na mchod pa byed do/ /'khor mang po rnams cang mi smra bar 'khod pa la/ bcom ldan 'das kyis phyag gis seng ge'i khri la mnan pa dang / seng ge'i khri las glang po che'i skad lta bu'i sgra chen po zhig byung ba dang / </font><hr>69.184b<br><font size=+1>

de ma thag tu srin po lnga zhig byung nas/ ston pa drug gi khri drangs nas bshig go/ /phyag na rdo rje ni rdo rje'i rtse mo la me 'bar ba thogs te/ ston pa drug gi mgor gzas so/ /ston pa drug po 'jigs skrag nas byer zhing bros te skyengs nas/ kha cig chur mchongs nas tshe 'phos so/ /ston pa drug gi 'khor las stong phrag dgu bcu ni/ sangs rgyas la skyabs su gsol nas/ rab tu 'byung bar gsol pa dang / bcom ldan 'das kyis legs par 'ongs so zhes bka' stsal pa dang / skra dang kha spu rang byi ste dge slong du gyur to/ /bcom ldan 'das kyis de dag la ci rigs par chos bstan pas zag pa kun zad de/ nyon mongs pa las rnam par grol nas dgra bcom par gyur to/ /de nas bcom ldan 'das kyis sku'i ba spu'i bu ga brgyad khri nas 'od zer bkye nas/ nam mkha' yongs su gang bar mdzad de/ 'od zer de dag re re'i thog ma la pad ma chen po re re sprul nas/ pad ma de dag re re'i steng na sprul pa'i sangs rgyas 'khor dang bcas pa dam pa'i chos ston pa re re sprul te/ 'khor mang po kun gyis sprul pa de lta bur mthong bar byas pas/ lhag par dad pa'i sems skyes te/ de la bcom ldan 'das kyis ci rigs par chos bstan nas/ de la kha cig ni bla na med pa'i byang chub tu sems bskyed pa nas/ kha cig ni 'bras bu thob pa dang / lha dang mir skye ba'i bsod nams kyi tshogs bskyed pa yang grangs med do/ /de'i phyi nyin tshangs pa'i rgyal pos sangs rgyas spyan drangs te/ bcom ldan 'das sku tshangs lha la thug gi bar du shin tu mtho ba/ lham me lhang nger bzhugs pa sprul nas 'od zer chen pos gnam sa kun du snang zhing gsal bar mdzad do/ /de thams cad kyis mthong ba dang gsung yang thos par gyur nas/ de la bcom ldan 'das kyis ci rigs su chos rnam pa sna tshogs phye zhing bstan pas/ </font><hr>69.185a<br><font size=+1>

'khor mang po bla na med pa'i byang chub tu sems bskyed pa nas 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do/ /de'i phyi nyin rgyal chen bzhi'i rgyal pos spyan drangs te/ de'i tshe na bcom ldan 'das kyis 'khor mang po de dag thams cad kyis bcom ldan 'das kyi sku rgyal po bzhi'i rigs nas srid pa'i rtse mo la thug gi bar du skus yongs su gang bar mthong bar mdzad nas/ sku de dag las 'od zer chen po bzhi 'byung zhing / 'khor rnams la ci rigs su dam pa'i chos ston pa 'ang gsal bar thos shing mthong bar mdzad nas/ 'khor de dag lhag par dga' ba skyes te/ ci rigs su chos bstan pas/ bla na med pa'i byang chub tu sems bskyed pa nas/ 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do/ /de'i phyir nyin khyim bdag mgon med zas sbyin gyis/ sangs rgyas spyan drangs te/ bcom ldan 'das de'i nyin par byams pa'i ting nge 'dzin la zhugs nas/ gser gyi mdog ltar seng ge'i khri la bzhugs bzhin du sku mi snang bar mdzad nas/ 'od zer chen po bkye ste/ shin tu 'jam pa'i gsung gis dam pa'i chos rnam par phye zhing bstan te/ 'khor mang pos de dag mthong bar byas nas/ bla na med pa'i byang chub tu sems bskyed de/ phyir mi ldog pa'i sa la gnas/ la la ni 'bras bu thob/ la la ni lha dang mir skye ba'i bsod nams bskyed pa yang grangs med do/ /de'i phyir nyin khyim bdag tsin das sangs rgyas spyan drangs te/ bcom ldan 'das de'i nyin par byams pa'i ting nge 'dzin la zhugs nas/ gser gyi mdog lta bu'i 'od zer bkye ste/ stong chen</font><hr>69.185b<br><font size=+1>

po'i 'jig rten gyi khams de kun 'od zer gyis gang bar byas nas/ 'od kyis reg pa'i sems can de dag thams cad gdug pa gsum gyi sems kun zhi nas/ snying rje'i sems skyes te/ sems can thams cad gcig la gcig pha ma lta bu 'am/ pho bo lta bu 'am/ nu bo lta bu mdza' zhing sdug par gyur te/ de'i 'og tu chos rnam pa sna tshogs bstan pas/ bla na med pa'i byang chub tu sems bskyed de/ phyir mi ldog pa'i sa la gnas pa dang / 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do/ /de'i phyir nyin rgyal po shun tsi da las sangs rgyas spyan drangs te/ bcom ldan 'das de'i nyin par seng ge'i khri la bzhugs nas/ sku'i lte ba nas 'od zer gnyis shig phyung ste/ sku las 'dom bdun tsam 'phags nas/ de'i steng na pad ma re re yod de/ pad ma la sprul pa'i sangs rgyas sprul te/ sprul pa'i sangs rgyas de dag gi lte ba nas 'od zer byung ste/ rnam pa gnyis su gyes nas 'dom bdun tsam du 'phags te/ pad ma yang yod la pad ma'i steng na sprul pa'i sangs rgyas bzhugs te/ de bzhin du mthar gyis stong chen po'i 'jig rten gyi bar du de dang 'dra ba dag sprul te/ 'khor mang po thams cad de lta bu dag mthong nas ngo mtshar du gyur nas/ bcom ldan 'das kyis de la ci rigs su chos bstan pas bla na med pa'i byang chub tu sems bskyed pa dang / phyir mi ldog pa'i sa la gnas pa dang / 'bras bu thob pa dang / lha dang mir skye ba yang grangs med do/ /de'i phyir nyin rgyal po ud tra ya nas sangs rgyas spyan drangs te/ bcom ldan 'das la rgyal po ud tra ya nas me tog gis gtor ba dang / gtor ba'i me tog rnams de ma thag tu rin po che'i shing</font><hr>69.186a<br><font size=+1>

rta stong nyis brgya lnga bcus stong gsum gyi stong chen po'i 'jig rten gyi khams kun tu snang zhing / thams cad kyis mthong bar byas so/ /de la bcom ldan 'das kyis ci rigs par nad pa la sman btang ba bzhin du dam pa'i chos bstan pas/ kha cig ni bla na med pa'i byang chub tu sems bskyed de/ /phyir mi ldog pa'i sa la gnas pa dang / lha dang mir skye ba yang grangs med do/ /de'i phyir nyin rgyal po gzugs can snying pos sangs rgyas spyan drangs te/ bcom ldan 'das kyis rgyal po de la sngar 'di skad ces bka' stsal to/ /rgyal po zhal zas kyi snod sbyor cig /gdugs tshod kyi dus la bab na/ snod kun zhal zas ro rgya dang ldan par rnam pa sna tshogs rang gang ste/ 'khor mang po thams cad la chog par gyur te/ de dag zos nas lus sems rab tu bde bar gyur to/ /de nas bcom ldan 'das kyis phyag sa la brdabs pa dang / sems can dmyal ba bcwa brgyad dag na/ sems can tshad med pa sdug bsngal myong bar mthong ba dang / de dag so so nas 'di skad ces smras so/ /bdag gi sngon sdig pa ci lta bu zhig byas pas/ sdug bsngal 'di lta bu myong bar gyur to zhes smras te/ 'khor mang po thams cad kyis thos shing mthong bar byas nas/ thams cad snying brtse ba'i sems skyes te/ dngangs nas ba spu langs pa tsam du skrag par gyur te/ de la bcom ldan 'das kyis ci rigs su chos bstan te/ de dag gi sems tshim par gyur nas/ la la ni bla na med pa'i byang chub tu sems bskyed do/ /la la ni phyir mi ldog pa'i sa la gnas te/ lha dang mir skye ba'i dge ba'i rtsa ba bskyed pa yang grangs med do/ /sems can dmyal ba de dag gis sangs rgyas mthong zhing chos thos pa'i</font><hr>69.186b<br><font size=+1>

rkyen kyis shin tu dad pa'i sems skyes te/ de dag tshe'i dus byas nas thams cad lha dang mir skyes so/ /de nas rgyal po gzugs can snying pos pus mo gnyis sa la btsugs te/ bcom ldan 'das la 'di skad ces gsol to/ /bcom ldan 'das ngo mtshar che ba'i mtshan sum bcu rtsa gnyis mnga' ba/ sku'i mtshan gzhan bltar snang na de bzhin gshegs pa'i zhabs kyi mthil na 'khor lo'i mtshan mnga' ba 'khor rnams la bstan tu gsol zhes gsol pa dang / bcom ldan 'das kyis zhabs brkyang ste/ 'khor mang po thams cad la zhabs kyi mthil na 'khor lo'i mtshan mnga' ba thams cad la bstan to/ /'khor thams cad kyis zhabs kyi 'og gi 'khor lo'i mtshan ri mor byas pa lta bur shin tu gsal ba mthong nas skyo mi shes par blta 'dod do/ /lhag par dga' ba'i sems skyes te/ yang bcom ldan 'das la 'di skad ces gsol to/ /sngon bcom ldan 'das kyis bsod nams ci zhig mdzad na/ 'di lta bu'i 'khor lo'i mtshan dang ldan par gyur/ bcom ldan 'das kyis bka' stsal pa/ ngas sngon 'das pa'i dus na dge ba bcu'i las dag kyang byas/ gzhan dag byed par yang bskul bas 'di lta bu'i mtshan shin tu gsal bar ldan par gyur to/ /de nas rgyal pos yang bcom ldan 'das la gsol pa/ bcom ldan 'das kyis dge ba bcu'i las ji ltar mdzad pa dang / gzhan dag dge ba bcu byed par ji ltar bskul ba thugs rje bar dgongs te bstan tu gsol/ bcom ldan 'das kyis rgyal po la bka' stsal pa/ shin tu rtag par nyon la yid la zung shig dang bstan par bya'o/ /sngon 'das pa'i bskal pa grangs med tshad med pa'i pha rol na/ 'dzam bu'i gling 'dir rgyal po shing rta ni</font><hr>69.187a<br><font size=+1>

mo zhes bya ba/ rgyal phran ni brgyad khri bzhi stong la dbang byed de/ grong khyer khri phrag bcu yod/ blon po chen po ni stong phrag bcu yod de/ rgyal po de la btsun mo stong phrag nyi shu yod de/ sras cig kyang med pas rgyal po rab tu mi dga' ste/ gdung tshab pa yang med snyam nas/ shin tu mya ngan gyis non te/ lha mtshun kun la mchod nas phyis dus gzhan zhig na/ btsun mo chen mo su li pa la zhes bya ba sems can dang ldan par gyur te/ de tshun cad btsun mo yang yid gzhungs shing mkhas pa dang / mnyen zhing des pas 'gro ba mang po yang dge ba la 'god par mos pa dang / phyis zla ba tshang ba dang / bu khye'u zhig btsas te/ byad gzugs legs pa blta na sdug pa/ phal las 'phags par bzang ba/ ba spu'i bu ga kun nas 'od 'byung ba zhig btsas te/ rgyal po yang bu de la shin tu sdug par sems pas skyo mi shes pa tsam du rtog ste/ mtshan mkhan la bstan nas/ mtshan mkhan gyis kyang mtshan bzang ngan brtags na/ khye'u 'di ni shin tu ngo mtshar che'o/ /zhes dga' ba skyes nas khye'u 'di'i mtshan dang basbyar na gling bzhi la dbang bar 'gyur ro zhes rgyal po la smras pa dang / rgyal po yang rab tu dga' nas mtshan mkhan la khye'u'i ming thogs cig ces smras pa dang / mtshan mkhan gyis rgyal po la khye'u 'di ma'i rum du zhugs nas/ ngo mtshar che ba'i ltas ci byung zhes dris pa dang / khye'u'i mas lhag par yid gzhungs shing des pa dang / dge bar 'god pa la dga' bar gyur to zhes smras nas/ mtshan mkhan gyis khye'u'i ming shes rab 'od ces btags te/ rgyal tshab du dbang bskur nas mkhas pa'i blo dang ldan te gzhan pas 'phags par gyur to/ /de nas dus phyis zhig na rgyal po chen po tshe 'phos nas/ blon po rnams kyis</font><hr>69.187b<br><font size=+1>

rgyal por dbang bskur bar gsol pa dang / rgyal bus blon po rnams la ngas ni rgyal po mi nus so zhes bsgo'o/ /blon po rnams kyis gsol pa/ da rgyal po chen po nongs te rgyal bu ma lags pa rgyal po gzhan 'ga' yang med do/ /da rgyal bus rgyal po mi mdzad na su zhig rgyal por gzhug ces gsol pa dang / rgyal bus smras pa/ 'jig rten 'di dag ni mi rigs pa'i sdig pa'i chos byed do/ /bsad pa dang / 'chad pas bcad pa'i las byas na/ kho bo la kha na ma tho ba'i las mi chung ste/ gal te khyed yul mi thams cad kyis dge ba bcu'i las byed nus na/ kho bo yang rgyal po byed nus so zhes bsgo'o/ /blon po rnams kyis gsol pa/ 'di ni legs te rgyal sar gshegs te dbang mdzod cig dang / dge ba bcu'i las kyi lam thams cad bgyid par bkar btags so zhes gsol pa dang / mod la rgyal sar gshegs nas mi thams cad dge ba bcu'i las kyi lam spyod par yid mthun te bka' bzhin du byas so/ /de'i tshe bdud kyi rgyal pos phrag dog byas te/ rgyal po'i srid mi rung bar bya ba'i phyir skur yig bris nas rgyal phran kun la springs te/ sngar dge ba byos shig par bkar btags pa ni dge ba byas kyang mngon rtags med de/ bdag nyon mongs pa las phan pa'i don med kyi/ da phyin cad yid bzhin du mi dge ba bcu la bag med par spyod cig ces springs pa'i skur yig rgyal phran rnams kyi lag tu 'ongs nas rgyal phran rnams ngo mtshar du gyur te/ rgyal po chen po ci'i phyir sdig pa'i las byed par bskul snyam nas 'di ni rigs pa ma yin te/ yid ma ches par rgyal po la zhus pa dang / rgyal pos de skad ces gsol pa thos nas/ dngangs shing ngo mtshar du gyur te/ </font><hr>69.188a<br><font size=+1>

ngas ni 'di skad du bsgo ba med na/ ci'i phyir 'di 'dra bar gyur ces dngangs nas/ rgyal po nyid yul du gshegs te/ mi mang po sngon las gyur tam/ ma gyur rtog par gshegs pa las/ bdud kyi rgyal pos/ lam khar mi zhig me dong chen po rab tu 'bar ba'i nang du sdug bsngal gyis snying rje rje skad du 'don pa'i sgra rgyal pos thos par sprul nas/ rgyal po yang de'i thad du gshegs nas/ khyod su zhig ci nyes zhes dris nas/ mi des smras pa/ bdag gis sngon mi 'di dag dge ba bcu'i las la bkod pas da shin tu mi bzad pa'i sdug bsngal 'di lta bu dag myong bar gyur to/ /rgyal pos smras pa/ dge ba byed par bskul bas 'di ltar sdug bsngal myong bar gyur pa ni chos med de/ khyod 'di lta bu'i sdug bsngal myong bar gyur na/ dge ba byed par bskul nas dge ba byed pa de dag dge ba'i 'bras bu thob pa 'am/ smras pa de ni dge ba'i 'bras bu thob ste/ dge ba byed par bskul ba 'ba' shig sdug bsngal 'di lta bu myong ngo / /rgyal pos de skad ces thos nas shin tu dga' ste/ 'di skad ces smras so/ /mi pha rol pos dge ba'i 'bras bu thob par gyur na lta/ sdug bsngal myong yang bla'i/ 'gyod pa med do zhes smras pa dang / bdud kyi rgyal pos thos nas de dag de ma thag tu mi snang bar byas so/ /de nas rgyal po yul kun tu gshegs ste/ dge ba bcu'i las kyi lam kun du bsgrags te/ 'bangs thams cad lus dang / ngag dang yid kyi sgo nas dge ba la 'dun te/ thams cad kyis rgyal po'i yon tan bsngags pas/ de'i tshe gser gyi 'khor lo dang rin po che sna bdun dang ldan nas/ gling bzhi kun tu gshegs te/ dge ba la bkod pa lhur byas so/ /de'i tshe de'i dus na rgyal po chen po de ni da ltar nga'i yab</font><hr>69.188b<br><font size=+1>

zas gtsang ma yin no/ /de'i tshe de'i dus na rgyal bu de'i ma yum de ni/ da ltar nga'i yum lha mdzes ma yin no/ /rgyal po shes rab 'od/ mi mang po dge ba bcu la bkod pa de ni nga yin no/ /de'i tshe de'i dus na yang nga nyid dge ba bcu nyams su blangs te/ gzhan dag kyang dge ba bcu la bkod pas de'i phyir zhabs kyi 'og na 'khor lo rtsibs stong dang ldan par gyur to/ /de nas rgyal po gzugs can snying pos/ yang bcom ldan 'das la 'di skad ces gsol to/ /ston pa drug po myos shing bslad pa'i 'khor du bcas pa rang gis tshod mi 'dzin te/ rnyed pa dang grags pa la chags nas/ phrag dog gi sems skyes te bcom ldan 'das dang cho 'phrul 'gran par gsol pa/ bcom ldan 'das kyis gcig mdzad na bdag cag gis gnyis mchi'o zhes mchi ba lags/ bcom ldan 'das kyis cho 'phrul bsam gyis mi khyab pa bstan kyang / ston pa drug gis cho 'phrul gcig tsam yang bstan ma nus te/ ngo tsha zhing skyengs nas chur mchongs te/ gum pa 'di dag ni ha cang yang myos te 'khrul to snyam bgyid do/ /bcom ldan 'das kyis bka' stsal pa/ rgyal po chen po ston pa drug po 'di dag rnyed pa dang grags pa'i phyir/ nga dang 'gran par 'dod nas srog 'dor ba 'di 'ba' shig tu ma zad de/ sngon 'das pa'i dus na yang nga dang 'gran par 'dod pa las/ lus dang srog gi bar du yang bral lo/ /de nas rgyal po gzugs can snying pos pus mo gnyis sa la btsugs nas/ bcom ldan 'das la 'di skad ces gsol to/ /sngon 'das pa'i dus na bcom ldan 'das kyis ston pa drug dang 'gran pa bdag cag la bstan du gsol/ bcom ldan 'das kyis rgyal po la bka' stsal pa/ rgyal po chen po rtag par yid la zung shig dang / sngon 'das</font><hr>69.189a<br><font size=+1>

pa'i dus na bskal pa tshad med grangs med pa 'das pa'i pha rol na/ 'dzam bu'i gling 'dir rgyal po ma ha sha ku li zhes bya ba rgyal phran lnga brgya la dbang byed pa zhig byung ste/ rgyal po de la btsun mo lnga brgya yod kyang / khye'u rigs 'tshob pa gcig kyang med pas rgyal po 'di snyam du sems so/ /nga ni rgan 'khogs te bu gcig tsam yang rigs 'tshob pa med na/ gal te nga 'das pa'i 'og tu rgyal phran rnams gcig la gcig mi nyan cing dmag 'dren te/ sems can rnams kyang ma nyes par 'chi la/ srid kyang 'khrugs par 'gyur ro snyam bsams nas/ mya ngan gyis yid gdungs te sems khongasu chud do/ /de'i tshe brgya byin lha'i dbang pos rgyang ma nas rgyal po de mi dga' zhing sems khongs su chud pa mthong nas/ nam mkha' las babs ste sman pa zhig tu sprul nas rgyal po de'i gan du song ste/ rgyal po khyod ni ci'i phyir 'di ltar yi mug cing mi dga' zhes dris pa dang / rgyal pos kyang snga ma bzhin gtam byas so/ /sprul pa'i sman pas rgyal po la smras pa/ rgyal po khyod mya ngan ma byed cig /bdag ni khyod kyi phyir gangs kyi rir song nas gangs kyi ri'i sman rnam pa mang po btus te/ btsun mo dag zar bcug na zos ma thag tu btsun mo dag kun sems can dang ldan par 'gyur bar bgyi'o/ /rgyal pos de skad ces smras pa thos nas tshig 'di ni bdag gi mya ngan sangs par byed do snyam bsams nas/ sman pa la khyod kyis 'di ltar nus na shin tu legs so zhes smras so/ /de'i tshe na sprul pa'i sman pa de gangs kyi ri la song nas sman rnam pa mang po btus te/ khur du khyer te/ phyir rgyal po'i pho brang du 'ongs so/ /de nas sman rnams 'o ma la bskol te/ btsun mo chen mo la byin pa dang / </font><hr>69.189b<br><font size=+1>

btsun mo chen mos sman de mnam zhing yid kyang ma ches pas 'thung du ma gtub pa dang / sprul pa'i sman pa yang phyir lha'i gnas su song ngo / /sman de la btsun mo chung ngu gzhan dag gis 'thung na/ btsun mos de dag 'thung nas ring por ma lon par so so nas sems can dang ldan par gyur te/ de dag gis de bzhin du btsun mo chen mo la smras pa dang / btsun mo chen mo 'gyod de mi dga' nas sman de'i lhag ma ci yod ces dris na zad do zhes smras so/ /'o na sman gyi tshigs ma tsam yod dam zhes dris na/ sman gyi tshigs ma ni yod do zhes smras so/ /de nas btsun mo chen mos sman gyi tshigs ma 'o ma'i nang du bskol te 'thungs pa dang / ring por ma lon par sems can dang ldan par gyur te/ btsun mo gzhan dag sngar sman 'thungs pa ni zla ba tshang nas so so nas bu khye'u sha dag btsas te/ bzang ba blta na sdug pa'o/ /rgyal po rab tu dga' nas btsun mo chen mo sras nam btsa' ba 'ba' zhig sems so/ /btsun mo chen mo yang zla ba tshang nas khye'u zhig btsas te byad bzhin mi sdug pa shing dum lta bu zhig btsas nas/ rgyal po dang btsun mo mi dga' ste bu'i ming sdong dum zhes bya bar btagaso/ /de nas gsos bskyed de cher skyes nas pho bo rnams ni thams cad chung ma lon te/ rgyal bu sdong dum 'ba' shig chung ma ma blangs so/ /dus gzhan zhig na pha rol po'i rgyal pos dmag drangs nas nye bar 'ongs pa dang / rgyal bu lnga brgyas kyang dmag gi tshogs bshams te/ pha rol po'i dmag la rgol du song song ba las g.yul las pham nas phyir pho brang du bros nas 'ongs so/ /rgyal bu sdong dum gyis pho bo rnams la smras pa/ khyod ci'i phyir 'di lta bur 'jigs</font><hr>69.190a<br><font size=+1>

skrag ste bros zhes dris na/ pho bo rnams kyis smras pa/ nged dmag dang bcas pas pha rol po'i dmag la rgol du song ba las g.yul pham nas pha rol po'i dmag gis btab nas/ bros pa yin no/ /rgyal bu sdong dum gyis smras pa/ dgra de tsam gyis bdag cag la bsngo bar mi nus kyis/ bdag cag gi mes po'i gzhu dang / dung da ltar lha rten gyi gnas na yod pa 'on cig dang / bdag de dag la rgol du 'gro'o zhes smras so/ /rgyal bu de'i myes po ni 'khor los bsgyur ba'i rgyal po yin te/ mi mang po bzlog nas 'khor lo bsgyur ba'i rgyal po'i gzhu g.yer por btegs te/ rgyal bu la phul lo rgyal bus gzhu blangs te brdungs nas gzhu rgyud springs pa'i sgra 'brug skad zer te/ dpag tshad bzhi bcu'i bar du thos par gyur to/ /de nas rgyal bus dung dang gzhu thogs te/ gcig pu dgra la rgol du song nas sngar dung bus te/ dung gi sgra gnam lcags 'bab pa skad grags pas pha rol po'i dmag gis thos pa tsam gyis 'jigs skrag ste thams cad byer ro/ /de nas rgyal bu yang phyir log nas rgyal po dang / btsun mos gdod sdug par sems te/ rgyal bu'i chung ma blangs bar sems so/ /de'i tshe rgyal po li shi pa tsa zhes bya ba la bu mo zhig yod de/ 'jig rten na dkon par bzang ngo zhes thos nas/ rgyal pos pho nya btang nas bu mo mna' mar blangs te/ rgyal bu'i nang nas byad gzugs bzang ba zhig dmag pa yin no zhes bstan te/ rgyal po des bu mo sbyin par byas so/ /de nas rgyal po rab tu dga' nas mna' ma bsu ba'i yo byad bshams te/ rgyal bu sdong dum nyid kyang chung ma bsur btang nas nyin par chung ma dang ma phrad par gyis la/ mtshan mo phrad</font><hr>69.190b<br><font size=+1>

par gyis shig ces bsgo nas btang ngo / /de nas dus gzhan zhig na bu mo de phu nu mo gzhan dag dang phrad nas/ so so nas khyo'i yon tan ci yod pa smras pa dang / rgyal bu sdong dum gyi chung mas kyang khyo la bstod do/ /kho mo'i khyo ni dpa' la stobs kyang gyad dang mnyam ste/ lus kyi sha yang shin tu 'jam mo zhes smras pa dang / phu nu mos smras pa/ khyod ma smra zhig /khyod kyi khyo ni shin tu yang mi sdug ste/ sdong dum dang 'dra bas ci ste khyod nyin par mthong na dngangs par 'gyur ro zhes smras so/ /sdong dum gyi chung mas phu nu mo de dag de skad ces smras pa thos nas/ yid la bzung ste mtshan mo/ mar me sbar nas khyo gnyid kyis log pa'i 'og tu mar me phyung ste/ bltas na shin tu mi sdug par mthong nas dngangs skrag ste/ mod la phyir pha ma'i gnas su bros so/ /rgyal bu sdong dum gyis nams nangs nas gzod tshor te mi dga' nas dung thogs te chung ma'i yul du chung ma snyags su song ngo / /yul der phyin nas blon po zhig la gnas te/ 'dug 'dug pa las dus gzhan zhig na/ rgyal phran drug gi rgyal pos kyang rgyal po li shi pa tsa la bu mo bzang mo zhig yod zhes thos nas/ so so nas dmag dang chas te bu mo slong du 'ongs so/ /de'i tshe rgyal po li shi pa tsa mi dga' nas/ blon po rnams bsdus te bsgros nas/ gal te bu mo 'di rgyal po cig la byin na ni gcig mi dga' zhing mkhon du 'dzin pas/ ci ltar byas na dgra 'di dag med par 'gyur zhes bgros pa dang / blon po cig gis bu mo 'di dum bur byas la/ dum bu re re byin la de dag yid tshim par 'gyur ro zhes smras so/ /blon po kha cig gis 'di skad du la la zhig gis dmag 'di bzlog nus na/ bu mo yang chung mar byin</font><hr>69.191a<br><font size=+1>

la yul phyed kyang bya dgar byin no zhes bkar btags na rung ngo zhes smras so/ /rgyal pos kyang gros de mnyan te bkar btags pa dang / de'i tshe rgyal po sdong dum gzhu dang dung thogs te/ grong khyer kyi phyi rol tu dgra gang na 'dug par song nas dung bus te gzhu rgyud springs pa tsam gyis pha rol po'i dmag thams cad skrag nas g.yul dgul yang ma nus so/ /de nas de dag gi dmag gi nang du song nas rgyal po drug char gyi mgo bcad de cod pan blangs nas dmag de rnams kyang 'khor du bsdus so/ /rgyal po li shi pa tsa rab tu dga' ste/ bu mo yang chung mar byin nas/ rgyal po chen por bcug ste rgyal po drug gi srid cig tu bsdus nas/ dmag gi tshogs dang bcas te chung ma dang 'grogs nas phyir yang bdag gi yul du 'ongs so/ /rgyal pos kyang sras phyir 'ongs so zhes thos nas phyi rol tu bsus te rgyal srid kyang rgyal bu la byin pa las byed du ma btub nas/ phyir yab la bdar te sngon bzhin du chung ma dang / lhan cig tu 'dug nas/ chung ma la khyod ci'i phyir kho bo bor te bros zhes dris na/ khyod ni mi sdug ches nas mi ma yin snyam nas skrag nas bros so/ /de nas rgyal bus me long blangs te me long gi nang du bltas na/ bdag gi mdog shin tu mi sdug pa mthong nas/ lus blta mi 'dod pa tsam du skyo nas/ tshal zhig gi nang du song nas mchi ma byas pa las/ brgya byin lha'i dbang pos rgyang ma nas mthong ste de'i drung du 'ong nas ci'i phyir khyod mchi ma byed zhes dris nas/ rgyal pos de bzhin du smras pa dang / brgya byin gyis spro ba bskyed de/ rin po che'i nor bu cig kyang byin nas 'di skad ces smras so/ /khyod rtag tu nor bu 'di spyi bo la thogs shig dang / nga dang 'dra bar</font><hr>69.191b<br><font size=+1>

bzang zhing mdzes par 'gyur ro zhes bsgo nas rgyal bus nor bu spyi bo la thogs ma thag tu bdag gi lus sngon bas lhag par gyur pa tshor nas phyir pho brang gi nang du 'ongs nas/ gzhu dang dung blangs te rtser 'gro ba las chung mas ngo ma shes te 'di skad ces smras so/ /khyod su zhig 'di la ma reg shig /kho mo'i khyo 'ongs nas gnod par gyur ta re/ chung ma la smras pa/ nga khyod kyi khyo yin no zhes smras na chung ma yid ma ches te/ 'di skad ces smras pa/  kho mo'i khyo ni shin tu mi sdug ste/ khyod ni shin tu yang bzang ba zhig byung na ci ltar kho mo'i khyo yin zhes smras pa dang / rgyal bus spyi bo'i nor bu bkrol ma thag tu phyir mi sdug par mthong nas rab tu dga' ste/ ci'i phyir 'di ltar gyur ces dris na/ rgyal bus ci'i phyir de ltar gyur pa rgyas par gtam byas nas/ de phyin cad khyo shug gnyis mdza' ste/ rgyal bu'i ming sdong dum zhes bya ba yang ming rjes nas rgyal bu su lan shan zhes ming btags so/ /de nas dus gzhan zhig na rgyal bu des 'di snyam du bsams so/ /da ni dmag dang chas te pho brang zhig bya'o snyam bsams nas/ gang na sa gzhi yangs shing mnyam pa zhig tu song ste/ 'dir pho brang gis ces bsgo ba dang / klu'i rgyal po bzhi zhig mir sprul nas 'dir pho brang mdzad na ci las mdzad ces dris na/ rgyal bu su lan shan gyis smras pa/ sa las bya'o zhes bsgo ba dang / klu'i rgyal po bzhis ci'i phyir rin po las mi mdzad zhes smras so/ /rgyal pos smras pa/ pho brang chen po zhig bya dgos na rin po che de snyed cig ga las rnyed ces smras pa dang / klu'i rgyal pos bdag cag gis 'bul zhes smras nas/ de'i ngos bzhir chu mig re re sprul te 'di skad ces smras so/ /shar phyogs logs</font><hr>69.192a<br><font size=+1>

kyi chu mig las bcus te byas na thams cad bai DUr+yar 'gyur ro/ /lho phyogs logs kyi chu mig las bcus te byas na thams cad gser du 'gyur ro/ /nub phyogs logs kyi chu mig las bcus te byas na/ thams cad dngul du 'gyur ro/ /byang phyogs ngos kyi chu mig las bcus te byas na thams cad shel du 'gyur ro zhes smras so/ /rgyal bus kyang de dag gis smras pa bzhin du chu mig las bcus nas de bzhin du gyur to/ /de nas pho brang gi ra ba 'khor yug dpag tshad bzhi brgya pa cig byas nas de'i nang du pho brang dpag tshad bzhi bcu pa zhig byas te/ lam gyi srang na khang bu brtsegs pa dang / skyed shing dang khrus kyi rdzing bu yang rin po che sna bzhi las byas so/ /bzang khyad lha'i pho brang dang 'dra bar byas so/ /zin ma thag du rin po che sna bdun yang yod par gyur te/ gling bzhi la dbang byed cing dge ba rgyas par byas so/ /rgyal po chen po de'i tshe de'i dus na/ rgyal po ma ha sha ku la ni da ltar nga'i yab rgyal po zas gtsang ma yin no de'i tshe de'i dus na/ btsun mo de ni nga'i yum lha mdzes ma yin no/ /rgyal bu mi sdug pa de ni da ltar nga yin no/ /de'i chung ma de ni skye dgu'i bdag mo yin no/ /de'i chung ma de'i pha de ni 'od srung yin no/ /rgyal po drug gis dmag drangs te bu mo 'dod pa de dag ni ston pa drug po 'di dag yin te/ de'i tshe de'i dus na yang nga dang gzugs las rtsod pas ngas de dag kun bsad nas dmag tshogs kyang 'khor du bsdus pas da ltar gyi bar du rnyed pa dang grags pa la phrag dog byed pa'i phyir/ nga dang 'gran par 'dod kyang cho 'phrul med de/ bsams pa ltar ma gyur pas chur shi ba yin no/ /</font><hr>69.192b<br><font size=+1>

de ltar de dag gi 'khor khri phrag dgu bcu yang nga'i 'khor du bsdus nas nga'i nye gnas su gyur to/ /de nas rgyal po gzugs can snying pos bcom ldan 'das la 'di skad ces gsol to/ /rgyal po sdong dum de sngon bsod nams ci zhig bgyis pas 'di ltar mthu stobs che la shin tu mi sdug par gyur/ bcom ldan 'das kyis rgyal po la bka' stsal pa/ rgyu dang rkyen yod de bstan par bya'o/ /sngon 'das pa'i dus bskal pa grangs med dpag tu med pa'i pha rol na/ 'dzam bu'i gling 'dir yul bA ra na se zhes bya ba na/ drang srong ri zhes bya ba rang sangs rgyas gcig gnas so/ /rang sangs rgyas de rlung nad yod pas/ rlung nad kyi sman 'bru mar mthung dgos pa las/ 'bru mar tshag pa'i khyim du song nas 'bru mar bslang ba dang / 'bru mar 'tshag pa des de la khros te mgo dang shing dum bu 'dra ba rkang lag dang shing tshal 'dra ba 'di las byed du mi gtub kyi zho cig nams kyang 'byin du mi gtub/ slong mo 'ba' zhig la 'tsho ba ltos pa 'di zhes spyos shing brgyad nas/ 'on kyang mar gyi tshigs ma phul lo/ /rang sangs rgyas des mar gyi tshigs ma thob nas sgor byung ste/ phyir 'gro ba las sgor khar mar tshags pa'i chung ma dang phrad nas/ rang sangs rgyas de la dad pa'i sems skyes te/ skyes bu khyed gang nas gshegs mar gyi tshigs ma 'dis ci zhig mdzad ces dris pa dang / rang sangs rgyas des kyang de bzhin du drang por gtam byas nas/ chung ma des rang sangs rgyas de phyir bos nas/ khyim du khrid nas lhung bzed blangs te 'bru mar lhung bzed bkang nas phul te khyo la 'di skad ces smras so/ /khyod kyis skyes bu 'di la mar gyi snyigs ma phul ba shin tu nyes kyis/ kha'i nyes pa 'gyod tshangs gyis</font><hr>69.193a<br><font size=+1>

shig ces bsgo nas mi des kyang 'gyod pa'i sems skyed de/ 'gyod tshangs byas nas khyo shug yid mthun par rang sangs rgyas de la 'di skad ces gsol to/ /btsun pa slan cad kyang mar dgos na rtag tu 'on shig ces smras nas/ rang sangs rgyas des kyang rtag tu de'i khyim nas mar blangs te/ de dag gi byas pa gzo ba'i phyir/ de dag gi drung du cho 'phrul bstan te/ steng gi nam mkha' la 'phags nas/ chu 'bab pa dang / me 'bar ba dang / cho 'phrul rnam pa sna tshogs bstan to/ /mar 'bul ba'i khyo shug gnyis kyis de lta bu'i cho 'phrul mthong nas/ lhag par dga' zhing dad pa'i sems skyes te/ mi des chung ma la smras pa/ khyod kyis mar phul ba'i bsod nams ci yod pa kho bo dang thun mong du gyur te/ bdag cag khyo shug tu shog shig ces smras pa dang / chung mas smras pa/ khyod kyis skyes bu chen po 'di la tshig ngan pa smras te/ mar gyi tshigs ma phul nas/ dad pa'i sems med pas gang du skyes kyang shin tu mi sdug par 'ongs na/ khyod dang ci ltar khyo shug byed ces smras so/ /khyos smras pa/ kho bo rtag tu nyon mongs te yongs su mar tshags pa'i las byas na ci'i phyir khyod kyis sbyin pa'i 'bras bu nga dang lhan cig tu mi bsngo/ nga mi nyan gyis khyod dang khyo shug tu bya dgos so/ /chung mas smras pa/ ci ste khyod dang khyo shug tu gyur na/ mi sdug ches bas kho mos khyod bor te mtshan mo bros su 'ong ngo / /khyos smras pa/ ci ste khyod bros na yang ngas phyir snyags la/ khyod thob par byas nas phyir 'ong ngo zhes khyo shug gnyis gcig la gcig smras pa dang / rang sangs rgyas de la lus dang srog phyogs nas 'gyod tshangs byas so/ /de'i tshe na</font><hr>69.193b<br><font size=+1>

rang sangs rgyas des khyo shug de gnyis la 'di skad ces bsgo'o/ /khyod khyo shug gnyis kyis nga la mar byin pas na nga'i nad sos kyis cir smon pa smros shig /de bzhin du grub par 'gyur ro zhes bsgo ba dang / khyo shug gnyis rab tu dga' nas pus mo sa la btsugs nas/ 'di skad ces smon lam btab bo/ /bdag cag khyo shug gnyis lha 'am mi gang du skyes kyang yid bzhin du 'grub par gyur cig ces smon lam btab bo/ /rgyal po chen po de'i tshe de'i dus na mar tshag pa'i mi de rgyal bu sdong dum yin no/ /chung ma ni sdong dum gyi chung ma nyid yin no/ /de'i tshe rang sangs rgyas la sdong dum dang 'dra zhes tshig ngan pa smras te/ khros bzhin du mar gyi tshigs ma byin pas skye ba thams cad du shin tu mi sdug par gyur to/ /phyis 'gyod tshangs byas te mar bzang po phul bas skye ba thams cad du phyis bzang zhing sdug par gyur to/ /mar phul bas na skye ba thams cad du mthu stobs dang ldan te thams cad du thub par gyur to/ /de'i bsod nams kyis ni 'khor los bsgyur ba'i rgyal por gyur te/ gling bzhi la dbang zhing 'dod pa lnga yid bzhin du spyod par gyur to/ /dge ba dang mi dge ba'i las rnam par smin pa ni nam yang med par mi 'gyur te/ de bas na lus dang ngag dang yid kyi las bsrung ba la nan tan bya'o/ /bcom ldan 'das kyis de skad ces bka' stsal nas/ rgyal po gzugs can snying po la sogs te rgyal po dang / blon po dang / 'khor rnam pa bzhi dang / lha dang klu la stsogs pas thos nas/ la la ni rgyun tu zhugs pa'i 'bras bu thob bo/ /la la ni lan cig phyir ldog pa dang / phyir mi ldog pa dang / dgra bcom pa'i 'bras bu thob bo/ /la la ni</font><hr>69.194a<br><font size=+1>

rang sangs rgyas kyi dge ba'i rtsa ba bskyed/ la la ni bla na med pa'i byang chub tu sems bskyed de phyir mi ldog pa'i sa la gnas par gyur nas/ 'khor thams cad bcom ldan 'das kyis gsungs pa la yi rangs nas mngon par dga'o/ /ston pa drug btul ba'i le'u ste/ bcu gsum pa'o// // bam po bzhi pa/ 'di skad bdag gis thos pa'i dus gcig na/ bcom ldan 'das rgyal po'i khab bya rgod spungs pa'i ri la bzhugs so/ /de'i tshe bcom ldan 'das kyi sku la bser ma'i snyun gyis bzung nas/ sman pa 'tsho byed kyis sman rnam pa sum cu rtsa gnyis dang mar du sbyar te/ nyin re bzhin sman srang sum bcu rtsa gnyis gnyis gsol lo/ /lha sbyin ma rungs pa de phrag dog gi sems skyes nas/ sangs rgyas dang mnyam pa'o zhes bsgrags te/ bcom ldan 'das sman gsol zhes thos nas sman 'dod cing / sangs rgyas dang 'dra bar bya ba'i phyir/ sman pa 'tsho byed la bcom ldan 'das la gsol ba'i sman nga la yang sbyar te byin cig ces bsgo'o/ /de nas 'tsho byed kyis sman sbyar te lha sbyin la byin pas/ nyin re re la sman srang bzhi bzhi thong shig ces bsgo ba dang / lha sbyin gyis da ltar bcom ldan 'das nyin re re srang du gsol zhes dris pa dang / 'tsho byed kyis bcom ldan 'das da ltar nyin re re srang sum bcu rtsa gnyis gnyis gsol zhes smras pa dang / lha sbyin gyis kho bo la yang nyin re srang sum bcu rtsa gnyis gnyis byin cig ces bsgo ba dang / 'tsho byed kyis smras pa/ de bzhin gshegs pa'i sku dang khyod mi 'dra ste/ khyod kyis mang du zos na mi zhu bas gdon mi za bar phyis nad du 'gyur zhes smras pa dang / lha sbyin gyis smras pa/ </font><hr>69.194b<br><font size=+1>

ci tsam zos na zhu ba'i drod kho bo la yod de/ kho bo dang sangs rgyas bye brag ci yod zhes smras nas/ sangs rgyas dang 'dra bar nyin cig la sman srang sum bcu rtsa gnyis gtang nas sman ma zhu ste/ rtsa kun tu zug nas nyam thag ste/ sdug bsngal ba'i skad phyung nas 'bod 'grogs so/ /de la bcom ldan 'das kyis thugs brtse bar dgongs te/ rgyang ma nas phyag brkyang nas lha sbyin gyi mgo la byug pas mod la sman kun zhu nas/ na tsa'i sdug bsngal dang bral bar gyur te/ lha sbyin gyis bcom ldan 'das kyi phyag yin par shes nas 'di skad ces smras so/ /rgyal bu don grub kyis shes pa'i rtsal du sman yang bslabs te/ sman pa yang mkhas pa lta ste mi 'dod do zhes smras so/ /de'i tshe kun dga' bos de skad ces smras pa thos nas/ shin tu mi dga' ste/ pus mo sa la btsugs nas/ bcom ldan 'das la 'di skad ces gsol to/ /lha sbyin 'di ni bka' drin mi 'tshal te/ bcom ldan 'das kyis de la thugs brtse bar dgongs nas/ de'i nad yongs su bsal kyang slar mi dge ba'i sems kyis tshig mi dgos par smras te/ rtag tu bcom ldan 'das la bsngo'o/ /bcom ldan 'das kyis kun dga' bo la bka' stsal pa/ lha sbyin gyis da ltar 'di 'ba' zhig tu nga la mi dge ba'i sems bskyed nas nga la gnod par sems par ma zad kyis/ sngon 'das pa'i dus na yang nga la sdig pa'i sems bskyed nas nga bsad par gyur to/ /kun dga' bos bcom ldan 'das la gsol pa/ 'das pa'i dus na lha sbyin gyis ci ltar bgyis pa bstan du gsol/ bcom ldan 'das kyis bka' stsal pa/ sngon bskal pa grangs med dpag tu med pa'i pha rol na/ 'dzam bu'i gling 'dir yul bA ra na se zhes bya ba na/ rgyal po tshangs sbyin</font><hr>69.195a<br><font size=+1>

zhes bya ba khro zhing gtum la snying rje med de/ 'dod chags dang zhe sdang che ba/ sdig pa'i las kyis gtses shing gsod pa'i las la dga' ba zhig byung ngo / /de'i tshe rgyal po'i rmi lam du gcan zan gyi lus spu gser ltar 'dug pa/ spu'i thog ma la gser lta bu'i 'od 'byung zhing g.yas g.yon thams cad gser gyi mdog tu snang bar byed pa'i gcan zan cig rmis nas/ de ma thag tu sad de 'di snyam du 'di ltar bdag gis rmi lam du mthong ba 'di ni gdon mi za bar yod kyis/ rngon pa dag de'i pags pa tshol du gzhug go snyam du bsam nas/ rngon pa rnams bsdus te 'di skad ces bsgo'o/ /kho bo'i rmi lam du gcan zan gser gyi mdog can spu'i thog ma la gser gyi mdog lta bu 'byung ba cig rmis te/ 'di lta bu zhig yul 'di na yod par nges kyis khyod rnams kyis kun tu tshol te/ de'i pags pa bshus te nga la phul cig dang / khyod kyi bu tsha rabs bdun tshun cad du skyid cing bde bar bya'o/ /gal te snying nas ma btsal lam le lo zhig byas te/ ma rnyed na khyed rnams rtsa rgyud tshun cad med par bya'o zhes bsgo'o/ /de nas rngon pa de dag shin tu mi dga' ste/ dben pa'i phyogs shig tu thams cad 'dus nas 'di skad ces bgros so/ /rgyal pos rmis pa'i gcan zan 'di ni gna' nas ma mthong ste/ gal te bdag cag gis ma rnyed na/ rgyal po'i bka' khrims gnyan pas bdag cag gsod par 'gyur ro zhes bgros nas/ lhag par mi dga' ba'i sems skyes te yang 'di skad ces smras so/ /shing khung 'di dag na sbrul gdug pa dang gcan zan ma rung pa mangs bas/ lam ring por 'gro zhing srog mi 'phangs par don bsgrub du ni srog dang bsdos su yang mi nus pas/ bdag cag gi nang na mi gang nus pa gcig cig tshol du btang</font><hr>69.195b<br><font size=+1>

ngo / /gal te mi des mthong bar gyur na/ gdod bdag cag sbran par byas na legs so zhes smras pa dang / mi zhig la 'di skad ces smras so/ /khyod srog dang bsdos te kun tu tshol du song cig /gal te rnyed na de spyi la nor bkal te mang du sbyin no/ /gal te khyod ma 'khor na yang khyod kyi bu dang / chung ma la sbyin no zhes smras te/ mi des kyang 'di snyam du bdag ni mi mang po 'di lta bu'i phyir lus dang srog yal yang bla'o snyam bsam nas/ 'gro ba'i yo byad bshams te/ ri nags tshal nyams nga ba kun du tshol du song song ba las yun ring zhig lon pas shin tu nyams thag nas/ dbyar tsha ba'i dus su bye ma tsha ba pus mo nub tsam zhig tu phyin pa dang ngal chad de/ skom gyis gdungs pas srog chad la thug pas 'di skad ces smras so/ /snying rje dang ldan pa su zhig bdag 'di ltar sdug sdug pa'i lus dang srog gi skyabs su 'gyur ba yod dam zhes smras pa dang / de'i tshe na ri de la gcan zan kun ta zhes bya ba lus kyi spu'i mdog gser gyi kha dog lta bu la spu'i thog ma la gser gyi 'od 'byung ba zhig yod pa des rgyang ma nas mi des smras pa'i tshig thos nas/ shin tu snying brtse ba'i sems skyes te/ gang na chu mig grang mo yod pa'i nang du lus bcug nas mi de'i drung du 'ongs te/ mi de la pangs pas 'khyud nas cung zad nyams brtas pa dang / chu 'gram du khrid de bkrus te shing tog bsdus te zar bcug go/ /de nas mi de sor chud nas 'di snyam du sems so/ /gcan zan 'di ni rgyal pos 'dod pa kho na yin no/ /bdag srog dang bral ba las srog gi skyabs byas te/ drin gzo ba chung zad kyang ma byas par 'di la bsod pa'i sems ci ltar yang bskyed/ /gal te ma rnyed na ni rngon pa de dag gnyen dang bcas su de dag thams cad gyod las thogs par 'gyur</font><hr>69.196a<br><font size=+1>

ro snyam bsams nas/ mi dga' zhing 'dug pa las gcan zan gyis khyod ci'i phyir 'di ltar mi dga' zhes dris na/ mchi ma blags nas rgyas par smras pa dang / kun tas 'di la khyod mi dga' ma byed cig /nga'i pags pa 'di shin tu thob sla ba yin te/ kho bos bsam na tshe snga ma la lus grangs med pa zhig btang yang / lus kyi bsod nams su 'gyur ba'i las ma byas te/ lus kyi pags pa 'dis de dag gi srog skyob bo zhes smras nas/ rab tu dga' ba'i sems skyes te/ khyod kyis kho bo srog ma bcad par pags pa bshus te khyer cig /'gyod pa'i sems med par khyod la sbyin no/ /de'i tshe rngon pa des pags pa dal gyis bshus nas kun tas 'di skad ces smon lam btab bo/ /bdag gis pags pa bshus la byin te/ mi mang po 'phangs pa'i srog bskyabs pa'i bsod nams 'di sems can thams cad la bsngos te/ bdag bla na med pa'i byang chub tu mngon par rdzogs par 'tshang rgya zhing sems can thams cad 'khor ba'i sdug bsngal las bsgral nas/ mya ngan las 'das pa'i bde ba la 'god par shog shig ces smon lam btab bo/ /de'i tshe na stong gsum gyi stong chen po'i 'jig rten gyi khams rnam pa drug tu g.yos te/ lha'i pho brang kun ldeg cing g.yos nas lha rnams dngangs te bltas na/ byang chub sems dpas lus kyi pags pa sbyin par byas pa mthong nas/ nam mkha' las babs te kun ta ga la ba der lhags nas lha rdzas kyi me tog gis mchod pa byas nas mchi ma char bzhin du bab bo/ /pags pa bshus nas song ba'i 'og tu sha rlon pa de la khrag kun nas zag cing / sbrang ma dang grog ma la sogs pa stong phrag brgyad</font><hr>69.196b<br><font size=+1>

cu rnyed de'i lus la 'dus nas thams cad de la za zhing de dag bros su dogs pas/ lus kyang mi 'gul te lus kyi sbyin pa byas nas de nyid du tshe'i dus byas so/ /sbrang ma dang srin bu byang chub sems dpa'i sha la zos pa rnams kyang tshe 'phos nas thams cad mtho ris kyi lhar skyes so/ /de'i tshe rngon pa des pags pa de khyer te/ rgyal po la phul nas/ rgyal pos shin tu 'jam pa'i zla med do zhes rtag tu nyal ba'i stan du bting nas de la nyal lo/ /kun dga' bo de ltar rig par gyis shig /de'i tshe de'i dus na gcan zan kun ta de ni da ltar nga yin no/ /rgyal po tshangs sbyin de ni lha sbyin yin no/ /srin bu stong phrag brgyad cu de ni nga thog mar mngon par sangs rgyas te/ chos kyi 'khor lo bskor ba na 'bras bu thob pa'i lha'i sras po stong phrag brgyad bcu po yin te/ lha sbyin gyis de'i tshe na yang nga bsad de da ltar gyi bar du nga la sdig pa'i sems kyis gsod par sems so/ /bcom ldan 'das kyis de skad ces gsungs nas/ tshe dang ldan pa kun dga' bo dang / 'khor mang po rnams dge ba'i chos la 'dun te/ la la ni rgyun tu zhugs pa'i 'bras bu dang / la la ni phyir mi ldog pa dang / dgra bcom pa'i 'bras bu thob bo/ /la la ni rang sangs rgyas kyi dge ba'i rtsa ba bskyed/ la la ni bla na med pa'i byang chub tu sems bskyed nas phyir mi ldog pa'i sa la gnas par gyur te/ bcom ldan 'das kyis gsungs pa la rjes su yid rangs te mngon par dga'o/ /gcan zan kun tas lus kyi sbyin pa byas pa'i le'u ste bcu bzhi pa'o// //gang zhig rab tu byung na de'i bsod nams ni rab tu mang ste/ bdag gi bu 'am bu mo 'am/ bran khol las gang yang rung / rab tu byung ba gnang ngam/ bdag nyid rab tu byung na de'i bsod nams ni dpag tu med do/ /</font><hr>69.197a<br><font size=+1>

gang zhig sbyin pa byas pa'i bsod nams de ni skye ba bcu'i bar du longs spyod mong bar 'gyur te/ gnam rim pa drug gi lhar yang dang yang du skyes pa bas/ mi cig rab tu byung ngam/ bdag nyid rab tu byung na bsod nams 'di ni snga ma bas mchog tu che'o/ /de ci'i phyir zhe na/ sbyin pa byas pa'i bsod nams ni zad mtha' yod kyi/ rab tu byung ba'i bsod nams dpag tu med/ mtha' med/ gzhan yang tshul khrims bsrungs pa'i bsod nams kyis mngon par shes pa lnga dang ldan pa'i drang srong dang / mtho ris kyi longs spyod tshangs pa'i 'jig rten gyi bar du myong bar 'gyur gyi sangs rgyas kyi bstan pa la rab tu byung ba'i bsod nams ni bsam gyis mi khyab ste/ mya ngan las 'das pa'i bar du bsod nams zad mi shes so/ /gal te kha cig gis rin po che sna bdun las byas pa'i mchod rten mtho khyad sum bcu rtsa gsum la thug par byas pa'i bsod nams kyis rab tu byung ba'i bsod nams tsam la mi phod do/ /de ci'i phyir zhe na/ rin po che sna bdun gyi mchod rten ni glen pa ma rung ba dag gis bshig par 'gyur gyis/ rab tu byung ba'i bsod nams gzhig nus pa med do/ /dge ba'i chos 'dod pa na/ sangs rgyas kyi chos ma gtogs par 'di las lhag pa'i chos gzhan med do/ /dper na long ba brgya'i mig sman pa mkhas pa gcig gis phye ste/ gcig char mthong bar byas pa dang / gzhan yang mi brgya zhig gi mig byung ba la thug pa las/ mthu dang ldan pa zhig gis mig 'byung ba de dag de las thar bar byas pa dang / mi 'di gnyis kyi bsod nams ni dpag tu med mod kyi/ 'on kyang gzhan rab tu byung ngam/ bdag rab tu byung ba'i bsod nams tsam mi phod do/ /de ci'i phyir zhe na/ mi 'di gnyis kyis de dag</font><hr>69.197b<br><font size=+1>

gi mig byin pa ni 'jig rten gyi phan pa dang / bde ba tsam mthong bar zad la/ sha'i mig gi rang bzhin ni 'jig pa'i rang bzhin no/ /gzhan rab tu phyung ngam/ bdag rab tu byung na/ gcig gis gcig bstan cing drangs pas sems can gyi khams bskal pa'i mthar bla na med pa'i shes rab kyi mig tu 'gyur te/ shes rab kyi mig gi rang bzhin ni bskal pa'i bar du 'jig par mi 'gyur ro/ /de'i bsod nams kyis lha dang / mi'i nang na bde ba'i longs spyod zad mi shes pa/ mthar thug pa med pa yid bzhin du myong zhing mthar yang mngon par 'tshang rgya'o/ /de ci'i phyir zhe na/ rab tu byung ba'i chos ni bdud kyi 'khor med par byed cing / sangs rgyas kyi gdung 'tshob par byed do/ /sdig pa mi dge ba'i chos med par byed cing dge ba'i chos bskyed par byed do/ /kha na ma tho ba'i dri ma med par byed cing / bla na med pa'i bsod nams kyi las bskyed par byed do/ /de bas na bcom ldan 'das kyis rab tu 'byung ba'i bsod nams ni ri rab lhun po bas 'phangs mtho'o/ /rgya mtsho bas gting zab bo/ /nam mkha' bas rgya che'o zhes gsungs so/ /gal te su zhig rab tu byung ba'i bgegs dang bar chad byas te/ bsam pa ltar ma gyur na de kha na ma tho ba'i las shin tu lci ba ni/ dper na mi zhig mun khrod du song ba ci yang mi mthong ba dang 'dra bar de'i sdig pa'i rnam par smin pa yang de dang 'dra ste/ shin tu mi snang ba'i mun pa mun nag chen po'i sems can dmyal bar lhung ngo / /dper na rgya mtsho'i nang na chu bo dang chu bran thams cad 'bab pa ltar mi de'i sdig pa'i rnam par smin pa ni de dang 'dra ste/ nyes pa thams cad de'i lus la 'du'o/ /dper na ri rab lhun po ni bskal pa'i me byung na/ lhag ma ma lus par tshig pa dang 'dra bar/ de 'ang</font><hr>69.198a<br><font size=+1>

sems can dmyal ba'i myes tshig nas lhag ma ma lus pa yang de dang 'dra'o/ /gzhan rab tu byung bar gnang ngam gal te bdag rab tu byung na/ de'i bsod nams ni rab tu che'o/ /rab tu byung ba ni mdo sde'i chu yongs su dag pas kun nas nyon mongs pa'i dri ma thams cad bkrus te/ 'khor ba'i sdug bsngal yongs su bstsal nas/ mya ngan las 'das pa'i rgyur 'gyur ro/ /'dul ba'i rkang pas tshul khrims yongs su dag pa'i sa la chag cing / chos mngon pa'i mig gis 'jig rten gyi dge ba dang / sdig pa blta zhing yid bzhin du 'phags pa'i lam yan lag brgyad la 'gro ste/ mya ngan las 'das pa'i grong khyer du phyin par byed do/ /de bas na rgan po 'am gzhon nu rab tu byung ngam/ rab tu byung bar gnang ngam/ bdag rab tu byung na/ de'i bsod nams mchog tu che'o/ /de'i tshe bcom ldan 'das rgyal po'i khab bya ka lan ta ka gnas pa 'od ma'i tshal na bzhugs so/ /de'i tshe rgyal po'i khab na khyim bdag dpal skyes zhes bya ba lo brgya lon pa zhig gis rab tu byung ba'i yon tan 'di ltar tshad med do zhes thos nas/ 'di snyam du bdag ci'i phyir sangs rgyas kyi bstan pa la rab tu byung snyam bsam nas/ chung ma dang / bu dang / bran khol la nga ni rab tu byung ngo zhes byas so/ /mi de rgas 'khogs pas khyim gang gi mi thams cad skyo ste/ dgos pa med do snyam nas rab tu byung ngo zhes zer ba thos pa dang / de dag dga' ste myur du 'gro ba'i rigs kyi dus la bab bo zhes smras so/ /de nas khyim bdag de khyim nas byung ste 'od ma'i tshal du bcom ldan 'das la rab tu byung bar gsol du song nas/ 'od ma'i tshal du phyin pa dang / dge slong rnams la sangs rgyas bcom ldan 'das thugs rje</font><hr>69.198b<br><font size=+1>

chen po lha dang mi la phan pa'i don rgyas par mdzad pa gang na bzhugs shes dris so/ /dge slong rnams kyis sangs rgyas bcom ldan 'das ni 'gro ba mang po la phan pa'i don du rgyu zhing gzhan du gshegs shes smras so/ /khyim bdag des kyang dge slong rnams la sangs rgyas ston pa chen po'i 'khor mkhas pa dang shes rab tu ldan pa'i mchog su yin zhes dris pa dang / dge slong rnams kyis btsun pa shA ri'i bu yin no zhes bstan to/ /btsun ba shA ri'i bu gang na ba der song ste phyin pa dang / mkhar ba bor nas phyag 'tshal te/ 'di skad ces gsol to/ /btsun pa bdag rab tu byung bar gnong shig /btsun pa shA ri'i bus brtags na khyim bdag 'di rgas pas slob pa dang / bsam gtan dang / dge 'dun gyi las bya ba rnam gsum las nyams te mi nus snyam bsam nas/ 'di skad ces smras so/ /khyod phyir song shig /khyod ni rgas 'khogs te dus las yol gyis/ rab tu byung du mi rung ngo zhes bsgo'o/ /de nas mthar gyis 'od bsrung chen po dang / ud pA li dang / ma 'gags pa la stsogs te dgra bcom pa de dag gi drung du song nas gsol ba btab pa las/ de dag kun gyis khyod sngar su la yang gsol ba ma btab bam zhes dris na bdag gis sngar btsun pa shA ri'i bu la gsol ba btab bo/ /'o na ci skad zer/ des ni khyod rgas 'khogs te dus las yol bas rab tu byung du mi rung ngo zhes mchi'o/ /de nas dge slong de dag gis smras pa/ shA ri'i bu lta bu mkhas pa shes rab dang ldan pa'i mchog des kyang / ma gnang na/ bdag cag kyang de dang 'dra ste gnang ba med do/ /dper na sman pa mkhas pa sman dpyad la mkhas pas nad pa brtags te/ </font><hr>69.199a<br><font size=+1>

sman dpyad mi byed par spong na/ sman pa chung ngu gzhan de dag gso bar mi byed de/ de la nges par 'chi ba'i mtshan ma yod par rtogs pa'i phyir ro/ /shA ri'i bu blo dang ldan pas kyang ma gnang na/ dge slong gzhan yang de dang 'dra ste gnang ba med do zhes bsgo'o/ /khyim bdag de dge slong rnams kyis rab tu byung bar ma gnang bas/ 'od ma'i tshal nas phyir byung ste/ sgo'i them pa la 'dug nas skad chen po phyung ste smre sngags 'don cing 'dug go/ /bdag thog ma skyes nas nyes pa chen po ni ma byas na/ ci'i phyir bdag rab tu byung bar mi gnang / ud pA li lta bu 'breg mkhan las byung ba lta bu phyag dar ba ngan skyugs 'dor ba dang / sor 'phreng can lta bu mi grangs med par bsad pa dang / a se ka lta bu mi rgod ma rungs pa de dag la stsogs pa yang rab tu byung na/ bdag la nyes pa ci zhig yod de rab tu byung du ma gnang zhes smras pa dang / bcom ldan 'das de'i drung du gshegs te/ sku mngon par bstan na 'od zer gyis lhang nge lham mer gsal te/ mtshan dang dpe byad kyis brgyan nas brgya byin lha'i dbang po'i rin po che sna bdun gyi rgyal mtshan ltar mngon du gshegs te/ khyim bdag dpal skyes la khyod ci'i phyir ngu zhes bka' stsal to/ /de'i tshe na khyim bdag des sangs rgyas kyi gsungs tshangs pa'i dbyangs lta bu thos nas/ rab tu dga' mgu rangs pa ni/ bus ma mthong ba tsam du dga' ste/ lus smad lnga sa la gtugs nas/ sangs rgyas la phyag 'tshal te 'di skad ces gsol to/ /sems can gyi nang na mi gsod pa dang / mi rgod bgyid pa dang / rdzun du smra ba dang / skur klang 'debs pa'i ma rabs kyang rab tu byung na/ bdag 'ba' zhig dngos sdig</font><hr>69.199b<br><font size=+1>

ci mchis na sangs rgyas kyi bstan pa la rab tu byung bar ma gnang / bdag gi khyim gang gi mi yang rgas 'khobs pas skyo bar 'gyur te dgos pa med do zhes mchi bas gal te/ sangs rgyas kyi bstan la rab tu byung ba ma gnang na/ slar khyim du mchis kyang gdon mi tshal bar bdag khyim du 'jug du mi ster bas gang du yang mchis ba'i gnas ma mchis te/ deng 'di nyid du nges par srog dang bral bar 'gyur ro/ /de nas bcom ldan 'das kyis khyim bdag dpal skyes la bka' stsal pa/ nam mkha' la lag pa bteg pa la 'di ni rab tu 'byung ngo / /'di ni rab tu mi 'byung ngo zhes nges par su zhig smra/ khyim bdag gis gsol pa/ bcom ldan 'das chos kyi 'khor los bsgyur ba'i rgyal po'i 'khor mkhas pa'i mchog /sangs rgyas kyi 'og tu che ba 'jig rten gyi ded dpon shA ri'i bus/ bdag bstan pa la rab tu byung bar ma gnang ngo / /de nas bcom ldan 'das kyis thugs rje chen pos ji ltar bu sri zhu che ba la pha mas tshig snyan pa smra ba bzhin du khyim bdag dpal skyes de la spro ba bskyed nas 'di skad ces bka' stsal to/ /khyod mya ngan ma byed cig ngas khyod rab tu byung ngo / /shA ri' bus ni bskal pa grangs med pa gsum gyi bar du brtson 'grus dka' ba spyod cing / bskal pa brgyar bsod nams byas pa ni ma yin/ shA ri'i bus kyang skye ba thams cad du shin tu spyod dka' ba/ mgo bcad pa dang / mig phyung ba dang / rus pa dang / rkang dang / sha dang / khrag dang / pags pa dang / rkang pa dang / lag pa dang / rna ba dang / sna bcad de sbyin pa byin pa ma yin/ shA ri'i bus ni stag mo la lus byin pa dang / me dong du mchongs pa dang / lcags gzer stong lus la btab pa dang / </font><hr>69.200a<br><font size=+1>

lus la mar me stong btsugs pa ma yin no/ /shA ri'i bus ni yul dang / grong khyer dang / chung ma dang / bu dang / bran pho dang / bran mo dang / glang po che dang / rta dang / rin po che sna bdun gyi sbyin pa'i las byas pa ma yin/ shA ri'i bus ni bskal pa grangs med pa thog ma la/ sangs rgyas brgyad khri brgyad stong la bsnyen bkur byas pa dang / bskal pa bar ma grangs med pa la sangs rgyas dgu khri dgu stong la bsnyen bkur pa 'am/ bskal pa tha ma grangs med pa la sangs rgyas khri phrag bcu la bsnyen bkur byas shing rab tu byung nas tshul khrims kyi pha rol tu phyin pa yongs su rdzogs par byas pa ma yin/ shA ri'i bus ni chos la dbang du gyur pa ma yin na/ ci'i phyir 'di ni rab tu 'byung ba'i mi rigs so zhes smra/ nga 'ba' shig ni chos la dbang mdzad/ pha rol tu phyin pa drug gis btegs cing bzod pa'i go cha bgos te/ byang chub kyi shing drung du rdo rje'i gdan la bzhugs nas/ bdud kyi sde rnams btul te/ mngon par sangs rgyas pas nga dang mnyam pa med do/ /de bas na khyod nga'i phyi bzhin shog shig rab tu byung ngo zhes da ltar bcom ldan 'das kyis thabs rnam pa sna tshogs kyis spro ba bskyed pas/ mya ngan kun zhi nas rab tu dga' ba'i sems skyes te/ sangs rgyas kyi phyi bzhin du gtsug lag khang du song ngo / /de nas bcom ldan 'das kyis maud gal ya na chen po la khyim bdag 'di rab tu byung cig ces bka' stsal to/ /de ci'i phyir zhe na/ sems can ni las gang dang mthun pa des 'dul bar 'gyur te/ sangs rgyas dang mthun pa las ni gzhan gyis 'dul bar mi 'gyur ro/ /gang gzhan dang las mthun pa de la yang sangs rgyas kyis 'dul bar mi 'gyur</font><hr>69.200b<br><font size=+1>

te/ gang zhig shA ri'i bu dang las mthun pa ni/ maud gal dang / 'od srungs dang / ma 'gags pa dang / na bun la stsogs pa nye gnas gzhan thams cad kyis 'dul bar mi 'gyur/ de bzhin du gang dang gang las mthun pas/ de la gzhan gyis 'dul bar mi 'gyur ro/ /de'i tshe maud gal ya nas kyang khyim bdag 'di rgas 'khogs te/ kha ston slob pa dang / bsam gtan dang / dge 'dun gyi las byed mi nus te/ las bya ba gsum las nyams so snyam bsams kyang / chos kyi rgyal po bcom ldan 'das kyis rab tu phyung shig ces bka' stsal pas/ tshul gyis bzlog tu mi rung ngo snyam bsams nas/ rab tu phyung ste bsnyen par rdzogs so/ /mi 'di tshe rabs snga ma la thar bar 'gyur ba'i rgyu yang bskyed/ chos kyi lcags kyus zin pa ni ci ltar nya mchil pa thogs nas gdon mi za bar phyir 'byung ba ltar/ thar pa'i rgyur yang bskyed/ dge ba'i tshogs kyang bstsags pas nyin mtshan du brtson 'grus bskyed de/ klog pa dang 'don pa la goms shing mdo sde dang / 'dul ba dang / chos mngon pa rgyas par khong du chud cing rtogs par gyur na/ rgas 'khogs pas tshul bzhin du rim 'gro dang / sti stang dang / bsu bskyel dang / bla ma la gsong por smra ba dang / phyag 'tshal ba ni mi nus so/ /de la dge slong gzhon nu sngar rab tu byung ba gral mtho ba dag dge slong rgan po 'don pa dang / klog pa dang / slob pa la bsnyems te/ bdag cag la bkur sti yang mi byed snyam nas rtag tu 'tshe bar gyur to/ /de nas dge slong rgan po des 'di snyam du bsams so/ /bdag khyim na 'dug pa'i tshe chung ma dang bus gtses/ da rab tu byung nas 'di lta bu'i bag med par 'gyur snyam nas/ da yang</font><hr>69.201a<br><font size=+1>

dge slong gzhon nu 'di dag gis btses na/ sngon nyes pa ci zhig byas na 'di 'dra ba'i sdug bsngal gyis gdungs pas/ bdag da shi yang rung snyam bsams nas/ tshal de'i 'gram na chu chen po zhig 'bab pa'i 'gram du song nas/ chos gos phud de shing gi yal ga la bkal nas/ pus mo sa la btsugs te/ mchi ma blags nas 'di snyam du yi dam bcas so/ /bdag ni sangs rgyas dang / chos dang / dge 'dun yongs su spong ba ma yin gyi/ lus 'di 'ba' shig btang ngo / /bdag gis sbyin pa bgyis pa dang / tshul khrims bsrungs pa dang / brtson 'grus brtsams pa dang / mdo sde kha ton byas pa'i bsod nams kyis bdag lus 'di dang bral nas/ btsan zhing phyug la longs spyod dang ldan pa/ 'khor 'dum pa'i rigs su skyes te/ bdag dge ba'i chos la 'jug pa'i bgegs mi byed pa dang / rtag tu dkon mchog dang phrad pa dang / rab tu byung zhing chos la nan tan byed pa dang / slob dpon mkhas pa dang phrad de mya ngan las 'da' ba yang ston par shog shig ces dam bcas so/ /gang na chu drag po 'bab cing / zab pa/ klung 'khyil pa dang / dpa' dgod par mchongs par gzis so/ /de'i tshe maud gal gyi bus lha'i mig gis bdag gi nye gnas rgan po de da ltar ci byed snyam bltas na/ bdag gi nye gnas de chur mchongs pa mthong nas/ chur ma phyin par rdzu 'phrul gyi mthus blangs nas/ chu'i 'gram du bzhag ste/ chos kyi sras ci zhig byed ces dris pa dang / rgad po de ngo tsha zhing skyengs nas/ ci skad du lan gdab snyam bsams nas/ gal te bdag gis brdzun byas te slob dpon bslus na/ slob dpon bslus pas skye ba thams cad du lce'i dbang po</font><hr>69.201b<br><font size=+1>

med pa'i kha na ma tho ba dang bcas par 'gyur ro/ /ci ste bdag gis brdzun du smras na yang / slob dpon mngon par shes pa mnga' bas rtogs par 'gyur ro/ /gang 'jig rten na mkhas pa'i shes rab dang yang ldan la rang bzhin gyis drang zhing g.yo sgyu med na lha rnams kyis bkur bar 'gyur ro/ /mkhas pa'i shes rab dang ldan la g.yo sgyu zhig yod na gzhan gyi slob dpon du mi rungs te/ mis bkur bar 'gyur ro/ /gal te shes pa med kyang g.yo sgyu yang med de drang na/ gzhan gyi don byed mi nus kyang bdag gi don byed par 'gyur ro/ /gal te glen pa gti mug can yang yin la g.yo sgyu yod na/ thams cad kyi dgra ma rungs pa yin te/ ci skad smras kyang 'di ni rdzun smra ba yin te/ bslus pa yin no zhes zer ro/ /gal te tshig bden pa zhig smra na yang / kun gyis yid mi ches te/ de bas na bdag gis slob dpon la brdzun du smras te/ bslus na mi rigs mi bsha' bas gang bden pa smra'o snyam bsams nas/ slob dpon la 'di skad ces smras so/ /bdag khyim gyis skyo ste khyim ma yin par rab tu byung nas bden pa zhu ba 'tshal na/ da yang mi bde bar gyur nas bdag 'gum snyam mo/ /maud gal gyi bus de smras pa thos nas/ 'di la ni skye ba dang shi ba'i 'jigs pa zhig gis bdag gis ma bsdigs na/ rab tu byung ba'i don med par 'gyur ro snyams bsams nas/ de la nga'i chos gos kyi mtha' ma 'di la dam du bzung la ma btang shig ces smras nas/ steng gi nam mkha' la 'phags pa ni/ rlung gis spur ma bus pa ltar rdzu 'phrul gyis lag na spu nyag ma gcig tsam khyer ba dang 'dra bar 'di bzhin du phyin to/ /gzhan yang bya khras bye'u phrug khyer ba ltar maud gal gyi bu'i rdzu 'phrul gyis</font><hr>69.202a<br><font size=+1>

nam mkha' la 'phags nas/ skyes bus lag pa brkyang ba las bskum pa dang / bskum pa las brkyang ba tsam gyis rgya mtsho'i 'gram du phyin to/ /rgya mtsho'i 'gram de na bud med tshe 'phos ma thag pa'i ro shin tu mdzes pa bzang ba/ mnga' byed legs pa/ mtshan dang ldan pa la sbrul zhig kha'i nang du zhugs nas sna'i nang du byung / mig gi nang nas zhugs nas rna ba'i nang du byung ba maud gal gyis rab tu brtags so/ /de nas dge slong dpal skyes kyis bud med 'di lta bu mtshan dang ldan pa su zhig zhes zhus na/ nam dus la bab na bstan no zhes smras te yang song ba dang / bud med cig zangs chen po zhig bcugs te/ zangs kyi nang du chu blugs nas 'og tu me bo che bus te chu khol ba dang / gos phud de nang du zhugs te de ma thag tu skra dang spu kun byi nas sha yang tshos te/ rus pa yang byi nas/ chu lud pas rus pa rnams phyir phyung ngo / /rus pa de dag slar rlung gis bus pas de ma thag tu mi zhig tu gyur nas/ zangs kyi nang nas sha phyung ste za ba mthong ngo / /dge slong dpal skyes skrag ste ba spu yang langs nas/ slob dpon rang gi sha za ba 'di su yin zhes zhus na/ maud gal gyis dus la bab na bstan no zhes smras pa dang / yang song song ba las shing chen po zhig lo ma dang yal ga'i bar du khab kyi rtse mo tsam gzug pa'i sa stong ba yang med par srin bu mang pos za ba la skad chen por ngu zhing 'bod pa'i sgra kun tu grags pa sems can dmyal ba'i sgra 'dra ba zhig thos nas/ 'di lta bu'i sgra mi snyan pa su lags zhes zhus na/ maud gal gyis dus la bab na bstan to zhes smras so/ /de nas yang mi'i lus la gcan zan gyi mgo can du 'dug pa'i yi dgas mang pos mi zhig la 'khor bar bskor te/ lag na mda'</font><hr>69.202b<br><font size=+1>

gzhu thogs shing mda' la me 'bar ba bzhin du kun gyis mi de la mda' 'phangs nas gcig tu 'bar bar mthong ste/ 'di lta bu'i sdug bsngal mi bzad pa myong yang 'bros pa'i gnas med pa 'di su lags shes zhus na/ slob dpon gyis re shig sdod cig dus la bab na bstan to zhes bsgo'o/ /de nas yang song song ba las ring zhig lon pa dang / ri chen po zhig gi drung nas ral gri dang mtshon rnon po so gyen du bstan te/ gtsugs pa las mi zhig ri'i rtse mo nas thur du rgyug ste ral gri dang / mtshon gyis zug cing ral nas phyin yang ral gri dang mtshon sa la btsugs te/ de bzhin du mi dal bar rgyug pa mthong nas 'di lta bu su lags shes zhus na/ slob dpon gyis dus la bab na bstan to zhes bsgo'o/ /de nas yang song ba las rus pa'i ri bo che mtho khyad dpag tshad bdun brgya pa nyi ma yang bsgrib cing rgya mtsho yang grib mas mun par gyur pa de la maud gal 'dzegs te/ rtsib rus gcig gi steng nas phan tshun du 'gro ba'i phyi bzhin du bdag kyang song ba mthong nas 'di snyam du bsams so/ /bdag ni slob dpon dang de'u bral gyis sngar mthong ba'i dngos po de dag zhu'o snyam bsams nas/ slob dpon bdag gis sngar mthong ba'i dngos po de dag bstan du gsol zhes zhus pa dang / maud gal gyis kyang da dus la bab kyis bstan par bya'o/ /sngar mthong ba'i bud med de shes par 'dod na de ni rgyal po'i khab na sar phag chen po zhes bya ba'i chung ma yin te/ byid bzhin bzang bas khyim thabs kyang lhag par byams so/ /de'i tshe sar phag de rgya mtsho chen por 'jug pa las chung ma gtong ma phod pas/ chung ma yang khrid de tshong pa lnga brgya tsam dang / rgya mtshor zhugs nas de'i tshe de'i chung ma yang</font><hr>69.203a<br><font size=+1>

rtag tu shing gsum mgo bsdus te mdung khyim ltar byas te de la me long bzhag ste/ me long la bltas na bdag byad bzhin bzang bar mthong nas/ shin tu chags pa skyes so/ /de'i tshe rgya mtsho'i nang nas rus sbal chen po zhig gis gru brdzis te/ gru zhig nas tshong pa lnga brgya tsam thams cad tshe'i dus byas so/ /rgya mtsho'i chos nyid kyis ro zhag lon par mi gnas par chus phul nas rgya mtsho'i 'gram du phyin to/ /sems can de dag tshe'i dus byas pa na ci la chags pa der skye bar 'gyur ro/ /'o na su zhig sems can dmyal bar skye bar dga' na sems can dmyal bar mang du skye bar 'gyur/ smras pa sems can gang dkon mchog gsum gyi nor brkus sam/ pha ma'i longs spyod brkus sam/ mi'i srog bcad pa'i kha na ma tho ba chen po byas na/ shin tu 'bar ba'i sems can dmyal ba chen por ltung bar 'gyur ro/ /de la gang sangs rgyas la phul ba'i mar me 'am rin po che brkus sam/ dge 'dun gyi sgron ma 'am shing brkus sam/ dge 'dun gyi gnas khang bshig gam/ chos 'chad pa'i 'dun khang bshig gam/ rgun grang ba'i dus na pha rol po'i gos phrogs sam/ mthu yod pas lhags pa'i nang du bran pho 'am/ bran mo 'am mi gzhan gyi gos phrogs te chu blugs sam/ gzhan gyi gos bshu zhing phrogs na kha na ma tho ba'i sdig pa 'dis chab brom gyi sems can dmyal bar lhung ste/ mi de tsha ba'i nad kyis gzir bas rtag tu bsil zhing grang ba'i gnas sems te/ grang bar 'dod pas tshe'i dus byas ma thag tu sems can dmyal ba der skyes te/ ud pA la dang / pad ma dang / ku mu ta dang / pun d+ha ri ka'i sems can dmyal ba yang de dang 'dra'o/ /grang ba'i sems can</font><hr>69.203b<br><font size=+1>

dmyal ba na sdug bsngal myong ba na lus kyi sha kham tshad du yol rngo ba ltar/ chad cing gas nas mgo dang rus pa yang dum bu brgya stong du chad cing gas par 'gyur ro/ /sems can gang ser sna byed cing gzhan gyi 'tsho ba bcad de ltogs su bor ba dang / kha zas dus bzhin du mi ster na yi dgas kyi khams su lhung ste/ mi de kha zas mi chud cing skyug bro ba'i nad kyis btab nas/ nad g.yog gam bshes gnyen dag gis kha zas rnam pa mang po sbyar te/ 'di ni mngar ro/ /'di ni skyur ro/ /'di ni bsod pa'o/ /'di ni 'ju sla'o/ /zhes nan tan gyis bstan na/ nad pa de skyug bro ste bdag kha zas 'di mig gis mi mthong ba'i dus yod dam snyam bsam pa de'i tshe'i dus byas ma thag tu yi dgas su lhung ngo / /sems can gang glen pa gti mug can/ dkon mchog gsum la ma dad pa/ 'phags pa la skur pa 'debs pa ni/ dud 'gro'i skye gnas su skye ste/ de yang nad kyis gzir ba na 'gus te/ nyal mi shes te 'phral tu nyal mi shes la dge ba'i phyogs gtam snyan mi 'dod na/ nad g.yog gis kyang gdon mi za bar tshe 'phos par shes pas na/ nad g.yog gis khyod chos nyon cig /tshul khrims kyang nos shig /sku gzugs dang dge 'dun dag kyang mthong bar byas la de la sbyin pa yang byos shig ces bskul nas/ de la ma dad mi dga' ste nan gyis bskul ma btab pa dang / de khros nas bdag dkon mchog gsum dang / dge ba'i ming yang mi thos pa zhig tu song na ci ma rung zhes smras na/ tshe 'phos ma thag tu dud 'gro'i skye gnas su skye'o/ /de la gang lha dang mi'i rgyur gyur pa'i dge ba'i phyogs la brtson pa de ni nad kyis kyang shin tu gdung bar mi 'gyur te/ tshe'i dus byas pa na sems kyang mi 'khrugs</font><hr>69.204a<br><font size=+1>

kyi nad g.yog dang bshes gnyen dag gis 'chi bar rtogs na/ khyod dam pa'i chos thos par 'dod dam/ sku gzugs mthong bar 'dod dam/ dge slong dag las mdo sde 'am/ tshigs su bcad pa dag mnyan par 'dod dam/ khyod tshul khrims nod par dga' 'am/ sangs rgyas dang dge 'dun la longs spyod 'bul bar dad dam zhes bskul na/ de dag kun la dad zhes zer na/ gzhan yang sangs rgyas kyi sku gzugs la yon phul na tshang rgya bar 'gyur ro/ /chos la mchod cing longs spyod phul na gang nas gang du skyes pa'i gnas thams cad du shes pa dang ldan te/ chos kyi mtshan nyid khong du chud cing rtogs par 'gyur ro/ /dge 'dun la longs spyod kyi sbyin pa byas na/ gang nas gang du skyes kyang rin po che dang longs spyod chen po yid bzhin du ldan par 'gyur ro zhes nad pa la gtam byas nas/ nad pa rab tu dga' mgu rangs te/ bdag skye ba thams cad du dkon mchog gsum dang phrad cing chos thos pa dang / thos nas kyang khong du chud cing rtogs par gyur cig ces smon lam btab na/ tshe'i dus byed de mi'i nang du skye'o/ /gang zhig lhar skye ba'i rgyur 'gyur ba'i dge ba'i phyogs rgya che bar bskyed pa sbyin pa dang / tshul khrims rnam par dag pa/ chos nyan par dga' ba/ dge ba bcu la spyod pa'i gang zag de ni tshe'i dus byas pa na bde bar nyal bzhin du sangs rgyas kyi sku gzugs dang / lha'i pho brang dang / lha'i bu mo dag mthong zhing lha'i rol mo dag thos te/ mdangs kyang shin tu bzang ba dang / lag pa gyen du 'degs pa dang / de'i tshe'i dus byas nas lha'i gnas su skye'o/ /khyim bdag sar phag gi chung ma de rang gi lus la chags pas/ de'i tshe'i dus byas ma thag tu phyir yang bud med kyi lus de la sbrul</font><hr>69.204b<br><font size=+1>

du skyes te/ sbrul de las tshe'i dus byas nas sems can dmyal ba chen po'i sdug bsngal dpag tu med pa myong bar 'gyur ro/ /dge slong des slob dpon la yang gsol pa/ bdag gi sha la za ba'i bud med de su lags/ maud gal gyi bus smras pa/ mnyan du yod pa na dge bsnyen ma zhig la bran mo zhig yod do/ /dge bsnyen ma des tshul khrims rnam par dag pa'i dge slong zhig /dbyar zla ba gsum mchod pa 'bul bar spyan drangs te/ phyogs cig tu gnas khang byas te bzhag nas/ nyin gcig bzhin du kha zas ro brgya dang ldan pa dri bsung du ldan pa sna tshogs sbyar te/ dro khar dus su bran mo bskyel su btang ngo / /bran mo des dben par phyin pa dang / zas zhim po rnams zos nas lhag ma dge slong de la phul lo/ /phyis dge bsnyen mas bran mo de mdog bzang shing sha skyes pa mthong nas/ khyod kyis dge slong la phul ba'i kha zas lhag mar ma byas sam zhes dris na/ jo mo bdag la yang dad pa'i sems cung zad kyang mchis te/ ngan par lta ba ni ma lags na ci'i slad du dge slong la 'bul ba'i kha zas lhag par bgyid/ dge slong gis ma 'ogs pa'i lhag ma 'tshal to/ /ci ste bdag gis 'tshal bar gyur na bdag gar skyes kyang bdag gi sha la bdag za bar shog shig ces smras pas/ de'i rgyu de'i rkyen kyis sngar rnam par smin pa 'di myong nas/ sems can dmyal ba chen por dpag tu med pa'i sdug bsngal gdod myong bar 'gyur ro/ /dge slong des gsol pa/ shing chen po la srin bu mang pos za zhing mi snyan pa'i sgra chen po grags pa de su lags/ smras pa/ li ta zhes bya ba'i dge 'dun gyi las byed pa'i dge slong de yin te/ dge 'dun gyi dkor la spyod cing me tog dang / 'bras bu za ba dang / mthong ba dag khyim</font><hr>69.205a<br><font size=+1>

pa'i phyogs su byin pas/ rnam par smin pa mi bzad pa 'di myong nas tshe'i dus byas ma thag tu sems can dmyal ba chen por skyes te/ shing la za ba'i srin bu de dag ni dge slong gis byin pa thob pa'i mi rnams yin no/ /dge slong des yang gsol pa/ mi zhig la mi mang pos bskor te/ mdas gtsugs nas lus cig tu 'bar ba de su lags/ maud gal gyis smras pa/ mi zhig gis rngon pa byed cing ri dgas mang du bsad pas sdug bsngal 'di lta bu nyams su myong bar gyur te/ de nas tshe 'phos nas sems can dmyal ba chen por skyes te/ de las thar ba'i dus ni shin tu dka'o/ /dge slong gis yang gsol pa/ ri chen po la ral gri dang mtshon kar rgyugs te 'chi ba de su lags/ maud gal gyis smras pa/ rgyal po'i blon po shin tu dpa' ba yin te re shig mtshon rnon po dang ral gri dang mdung dang / shag ti'i khar rgyug ste/ de nas tshe 'phos nas sems can dmyal ba chen por sdug bsngal yun ring por myong bar 'gyur ro/ /dge slong des gsol pa/ rus pa'i ri chen po de su lags/ maud gal gyis smras pa/ khyod shes par 'dod na de ni khyod kyi lus snga ma'i rus pa yin no/ /dge slong gis de skad ces thos nas shin tu skrag ste/ ba spu kun langs nas rngul yang byung ste/ slob dpon la smras pa/ bdag gi snying ma gas par sngon gyi las kyi rgyu dang rkyen bstan du gsol/ mau gal gyis smras pa/ skye shi 'khor ba'i mtha' dang mu med de/ dge sdig las kyang zhig cing med par mi 'gyur bas/ las ci dang ci byas pa'i rnam par smin pa yang de dang de dag gdon mi za bar myong bar 'gyur ro/ /sngon 'das pa'i dus</font><hr>69.205b<br><font size=+1>

na 'dzam bu gling 'dir rgyal po chos kyi 'phags pa zhes bya ba zhig yod de/ sbyin pa dang / tshul khrims la dga' ba/ chos nyan par mos pa/ shin tu snying rje ba'i sems dang ldan pa/ rang bzhin gyis mi gtum pa/ sems can gyi srog mi gcod pa dang / rgyal po'i mtshan dang ldan pa dam pa'i chos kyi srid 'tsho ba/ lo nyi shu tsam lon pa dang / de la re zhig gi skabs su mi dang mig mangs kyis rtse ba las/ mi zhig la nyes pa chen po byung nas blon po rnams kyis mi zhig khrims las 'gal ba'i nyes pa chen po bgyis na/ ci ltar bgyi zhes gsol pa dang / rgyal pos khrims bzhin du gyis shig ces bsgo nas/ blon po rnams kyis khrims dang sbyar nas bsad pa thug pas mi de bsad do/ /rgyal po mig mangs kyis rtse ba zin pas blon po la nyes pa byed pa'i mi de ga re zhal lce bcod do zhes byas na/ blon po rnams kyis bdag cag gis khrims dang sbyar te bkum lags so zhes smras so/ /rgyal pos de skad ces smras pa thos nas/ 'khams te sa la 'gyel ba dang / blon po rnams kyis chus btab nas phyir langs te/ mchis ma blags nas 'di skad ces smras so/ /pho brang gi slas dang / glang po che dang / rta dang rin po che sna bdun la stsogs pa thams cad ni 'dir lus kyi/ nga 'ba' zhig sems can dmyal bar sdug bsngal rnams myong bar 'ong ba lta/ bdag rgyal po ma byas pa'i tshe na yang pho brang 'di na rgyal po'i srid 'tsho zhing bzhugs/ bdag ring por mi thogs par shi na yang de bzhin du rgyal po'i srid 'tsho bar 'gyur te/ bdag ni mi bsad pas na rigs ngan gyi rgyal po yin te/ skye ba thams cad du bdag gar 'gro bar 'gyur/ da ni rgyal po yang mi 'dod do zhes smras</font><hr>69.206a<br><font size=+1>

nas/ rgyal po'i thabs btang te ri la bdag srung zhing rgyal po de 'dug pa las/ rgyal po de'i tshe'i dus byas nas/ rgya mtsho chen por chu srin zhig tu skyes te/ lus che ste dpag tshad bdun brgya yod do/ /rgyal po 'am blon po 'ang rung mthu rtsal skyes te/ sems can gyi srog gcod dam/ 'dod pa dang bral ba'i las byas sam/ sems can la 'tshe ba'i las byas na/ shi ma thag tu phal cher chu srin du skyes te de'i lus la srin bu mang po gnas so/ /de'i lus g.ya' bas shal gyi ri la snyog shing drud pa dang / srin bu mang po shi ba'i khrag gis rgya mtsho yang brgyang grags brgya tsam dmar por byas so/ /sdig pa'i las des de dag tshe 'phos nas sems can dmyal bar ltung bar 'gyur ro/ /chu srin de lan gcig gnyid kyi log na lo brgya na lan cig sangs te/ bkres pa dang skom pas nyen nas kha gdangs pa dang / rgya mtsho'i chu khar 'gro ba ni chu chen po rgya mtshor 'bab pa dang 'dra'o/ /de'i tshe na tshong pa lnga brgya tsam zhig rgya mtshor zhugs te/ rin po che len du song ba las chu srin kha gdangs pa dang phrad nas/ gru yang shin tu mgyogs par chu srin gyis za 'dod pa'i khar song ngo / /tshong pa rnams skad chen po phyung ste ngus nas gcig la gcig 'di skad ces smras so/ /bdag ni gdon mi za bar 'chi bar 'gyur gyi/ so so nas ji ltar rten pa dran par gyis shig ces smras pa dang / de dag la las ni sangs rgyas dang chos dang dge 'dun gyi mtshan nas brjod/ kha cig gis ni 'jig rten gyi lha dang / ri gtsang po dang lha ma yin dang / pha ma dang / chung ma dang / bu dang / bu mo dang / phu nu dang / gnyen po'i ming bos nas bdag cag gis ni deng mthong ba tha ma 'di las</font><hr>69.206b<br><font size=+1>

'dzam bu'i gling gtan du mi mthong ngo zhes smras so/ /de'i tshe de dag chu srin gyi khar song la khad pa dang / thams cad kyis dus gcig tu sangs rgyas la phyag 'tshal lo zhes brjod pa dang / chu srin gyis sangs rgyas la phyag 'tshal lo zhes brjod pa'i sgra thos ma thag tu kha btsums te/ chu 'bab pa yang chad par gyur nas/ tshong pa de dag shi ba las sos par gyur to/ /chu srin de ltogs nas de nyid du tshe 'phos ste/ rgyal po'i khab tu srin bu zhig su skyes te/ chu srin gyi ro rgya mtsho'i ngogs su phyir byung nas/ nyi mas gdungs/ char pas brlan nas/ sha zad par gyur pa'i rus pa ni 'di yin no/ /dpal skyes 'di ltar rig par gyis shig /de'i tshe de'i dus na/ rgyal po chos kyi 'phags pa ni khyod yin no/ /mi bsad pa'i rkyen kyis rgya mtsho chen por chu srin du skyes so/ /khyod kyi da yang phyir mi'i lus thob pa 'dis 'khor ba la rgyab kyis ma phyogs na/ 'di nas tshe 'phos ma thag tu sems can dmyal bar 'gro ste thar bar shin tu dka'o/ /dge slong dpal skyes des bdag gi lus rnying pa yang mthong / de skad ces bstan pa yang thos nas 'khor bas shin tu skrag ste/ gang la nan tan byed pa'i chos de la mthar gyis yid la byas nas sems rtse gcig la gnas te/ lus rnying pa mthong bas mi rtag pa'i chos khong du chud de/ 'khor ba la rgyab kyis phyogs par rtogs nas/ kun nas nyon mongs pa'i zag pa thams cad zad de/ dgra bcom par gyur to/ /maud gal yang shin tu dga' nas smras pa/ chos kyi sras khyod kyis ni bya ba thams cad yid la byas kyi/ sngar 'dir 'ongs pa ni nga'i mthus 'ongs so/ /da ni phyir khyod bdag gi mthus 'dong ngo zhes smras nas/ de'i tshe maud gal</font><hr>69.207a<br><font size=+1>

steng gi nam mkha' la 'phags pa dang / dge slong dpal skyes kyang slob dpon gyi phyir bzhin du 'ongs pa/ bya pha'i phyir bzhin du 'phrul gu 'brang ba dang 'dra bar 'od ma'i tshal gang na ba der 'ongs so/ /de'i tshe dge slong gzhon nu dag gis dgra bcom par mi shes pas/ sngon bzhin du dpal skyes la mtho tsam yang spyod lam ma nyams ste cang mi smra'o/ /bcom ldan 'das kyis de lta bur gyur pa mthong nas/ dge slong gzhon nu rnams kyis 'di las mi 'byung ba dang / dge slong rgan po'i yon tan grags par bya ba'i phyir/ 'khor mang po'i nang du dge slong dpal skyes la tshur shog ces bka' stsal nas/ khyod rgya mtsho'i ngogs su phyin tam zhes bka' stsal te/ /dpal skyes kyis gsol pa/ rgya mtsho'i ngogs su mchis so/ /rgya mtsho'i ngogs na ci mthong smros shig ces bka' stsal pa dang / dge slong gis ci dang ci mthong ba rgyas par gsol pa dang / bcom ldan 'das kyis legs so legs so zhes bya ba gnang nas/ dpal skyes khyod kyis de dag mthong ba bden no/ /khyod kyis da ni 'khor ba'i sdug bsngal yongs su spangs te/ mya ngan las 'das pa'i bde ba thob pas lha dang mir bcas pa'i mchod pa'i gnas su gyur to/ /dge slong khyod kyis bya ba thams cad yongs su rdzogs so zhes bka' stsal nas/ dge slong gzhon nu de dag gis bcom ldan 'das kyis de skad ces bka' stsal pa thos nas/ shin tu 'gyod cing mi dga' ba skyes te/ 'di lta bu mkhas pa shes rab can/ 'phags pa la bdag cag shes rab med pas 'tshe ba dang / mtho tsam par bgyis so/ /bdag cag kha na ma tho ba'i rnam par smin pa 'byung bar 'gyur ro zhes smras nas/ </font><hr>69.207b<br><font size=+1>

dge slong gzhon nu dag /dge slong dpal skyes ga na ba der song ste phyin pa dang / lus smad lnga sa la gtugs ste phyag 'tshal nas 'di skad ces smras so/ /skyes bu dam pa dag ni snying rje dang lhan cig skyes te/ btsun pa khyod skyes pa yang snying rje chen po dang lhan cig tu skyes pa lags na/ bdag cag la thugs brtse ba'i slad du bdag cag khyod la 'thol 'tshangs bgyi'o zhes smras pa dang / dge slong des kyang bdag gi lus la yang mi dga' ba'i bsam pa med kyi/ tshangs par gyur cig ces smras so/ /de nas dge slong dpal skyes kyis dge slong gzhon nu de rnams shin tu 'gyod cing gnong bkur ba'i sems dang ldan par rtogs nas/ dge slong de dag la dam pa'i chos bstan to/ /de dag gis 'khor ba la rgyab kyis phyogs pa'i chos thos nas brtson pa dang 'bad pas nan tan byas te/ kun nas nyon mongs pa'i zag pa kun zad nas dgra bcom par gyur to/ /de nas khyim bdag dpal skyes kyang rgyal po'i khab tu shin tu grags par gyur to/ kun gyis ngo mtshar ya mtshan du gyur nas/ khyim bdag rgad po ci yang mi shes pa yang / sangs rgyas kyi bstan pa la rab tu byung nas dgra bcom par gyur te/ de lta bu'i dam pa'i chos kyang ston zhes brjod do/ /de'i tshe na rgyal po'i khab de na gnas pa'i mi dag phal cher bsam pa dag pa'i sems bskyed nas/ kha cig ni bu dang / bu mo dang / bran pho dang / bran mo la stsogs pa rab tu byung bar gnang ngo / /kha cig ni bdag nyid rab tu byung bar gsol nas/ thams cad rab tu dga' ste/ rjes su yid rang bar gyur to/ /de bas na rab tu byung ba'i yon tan ni tshad med grangs med de/ dpal skyes lta bu lo brgya lon nas</font><hr>69.208a<br><font size=+1>

rab tu byung nas/ de lta bu'i yon tan chen po dang ldan par gyur na/ gzhon nu dar la bab par rab tu byung na 'bras bu chen po mchog dam pa rnyed pa lta ci smos/ chos la brtson pa dag ni rab tu byung bar bya'o/ /rab tu byung ba'i yon tan bsngags pa'i le'u ste/ bco lnga pa'o// // bam po lnga pa/ tshul khrims bsrung ba dag ni lus dang srog stor yang bla'i nam du yang tshul khrims nyams par mi byed do/ /de ci'i phyir zhe na/ tshul khrims ni byang chub tu 'jug pa'i rtsa ba zag pa med pa'i mchog /mya ngan las 'das par bde bar 'gro ba'i lam mo/ /tshul khrims dag par bsrungs pa'i bsod nams ni tshad med dpag tu med do/ /dper na rgya mtsho chen po ni tshad med mtha' med do/ /tshul khrims bsrungs pa'i bsod nams kyang tshad med mtha' med do/ /dper na rgya mtsho ni lha ma yin dang / ru sbal dang / chu srin dang / chu'i ris su gtogs pa'i sems can chen po'i gnas su gyur pa ltar/ tshul khrims kyang de dang 'dra ste/ theg pa gsum la gnas pa'i skye bo chen po mang du gnas so/ /dper na rgya mtsho chen po'i nang na gser dang / dngul dang / bai DU r+ya la sogs pa rin po che mang po yod pa bzhin du/ tshul khrims kyi rgya mtsho yang de dang 'dra ste/ mi rtag pa'i gzhi dang byang chub kyi phyogs kyi chos sum bcu rtsa bdun dang / bsam gtan dang / ting nge 'dzin la stsogs pa'i rin po che mang po yod do/ /dper na rgya mtsho chen po'i gting yang rdo rje yin la/ tha ma yang rdo rje'i ra bas bskor te chu bo bzhi 'bab kyang / mi 'grib mi lud</font><hr>69.208b<br><font size=+1>

pa ltar/ tshul khrims kyi rgya mtsho yang de dang 'dra ste/ 'dul ba rdo rje lta bus ni gting byas/ chos mngon pa'i ris ni mtha' bskor/ mdo sde bzhi chu bo lta bur 'bab kyang / 'phel ba yang med/ 'grib pa yang med do/ /rgya mtsho ci'i phyir mi lud ce na/ mtshams med pa'i sems can dmyal ba pa'i mes rgya mtsho skams pas na/ de'i phyir rgya mtsho'i chu mi lud do/ /chu bo rtag tu 'bab pas mi 'grib bo/ /tshul khrims kyi rgya mtsho yang bag yod pas mi skye ste/ yon tan dang ldan pas mi 'grib bo/ /de bas na gang tshul khrims srung ba de'i yon tan ni rab tu mang bar rig par bya'o/ /bcom ldan 'das mya ngan las 'das nas/ yul an ta zhes bya ba na/ dge slong bsod snyoms pa dgon pa la gnas par dga' ba/ spyod lam dang ldan pa zhig yod do/ /dge slong bsod snyoms pa ni sangs rgyas kun gyis bsngags kyis/ phal gyi nang na gnas pa ma yin no/ /de ci'i phyir zhe na/ dge slong bsod snyoms pa ni 'dod pa nyung zhing chog shes pa te/ ci yang mi stsogs shing za cig pa/ bla khab med pa/ chos gos gsum pa la sogs spyod do/ /btsun pa'o/ /gtso bo'o/ /dge 'dun gyi nang na gnas pa'i dge slong ni 'dod pa mang ba/ chog mi shes pa/ ser sna byed pa/ ci la yang chags pas grags pa chen po thob par mi 'gyur ro/ /dge slong snyoms pa de yon tan spyod par ldan te/ dge slong gi 'bras bu thob nas mngon par shes pa drug dang / rig pa gsum dang / rnam par thar pa brgyad la gnas te/ spyod lam kun mdzes pas kun tu grags par gyur to/ /de'i tshe yul</font><hr>69.209a<br><font size=+1>

an ta zhes bya ba na/ dge bsnyen dkon mchog gsum la shin du dad pa/ srog mi gcod pa/ ma byin par mi len pa/ 'dod pas log par mi g.yem pa/ brdzun du mi smra ba/ smyo ba'i khu ba chang mi 'thung ba'i khrims lnga bsrung ba/ yon tan dang ldan pa zhig yul de na 'dug pa las/ dge bsnyen des dge slong bsod snyoms pa de/ tshe cig gi bar du 'tsho ba sbyar ba'i bsod nams ni myong bar 'gyur ro snyam nas/ gal te bdag gis khyim du spyan drangs te/ lam du grang ba dang tsha bas nyon mongs te/ bsgom pa'i bar chad du yang 'gyur la/ phyis rnam par smin pa myong ba na yang bdag gis bsams shing don du gnyer dgos pa thob par 'gyur ro/ /gal te 'tsho ba gnas su skyes na/ phyis rnam par smin pa yang don du gnyer mi dgos par thob par 'gyur ro snyam bsams nas/ dge bsnyen de dad pa'i sems kyis zhal zas ro brgya dang ldan pa'i dri bsung dang kha dog tu ldan pa sna tshogs bshams te/ nyin cig bzhin du skyel te/ /dge slong la bzang ngan rnam pa bzhis brtag dka' ba ni/ ji ltar a mra'i 'bras bu smin nam ma smin brtags dka' ba bzhin no/ /dge slong kha cig spyod lam shin tu mdzes shing gom pa dal gyis 'gro ba gnya' shing gang las mi lta yang nang 'dod chags dang / zhe sdang dang / gti mug tu bcas la chos ma yin pa spyod cing tshul khrims nyams pa yang yod de/ de ni a mra'i 'bras bu phyi rol smin la nang ma smin pa dang 'dra'o/ /dge slong kha cig ni phyi rol gyi spyod lam rtsing la spyod lam dang mi ldan na yang dge sbyong gi spyod pa dang yon tan du ldan te/ bsam gtan dang / ting nge 'dzin dang / </font><hr>69.209b<br><font size=+1>

shes rab tu ldan pa yod de/ de ni a mra'i 'bras bu nang smin la phyi rol ma smin pa dang 'dra'o/ /dge slong kha cig ni spyod lam rtsing la nyes pa byed cing / tshul khrims kyang nyams la/ nang yang 'dod chags dang zhe sdang dang / gti mug dang / ser sna dang phrag dog dang bcas pa yod de/ de ni a mra'i 'bras bu phyi rol yang ma smin la nang yang ma smin pa dang 'dra'o/ /dge slong kha cig ni spyod lam mdzes shing tshul khrims dang yang ldan la/ nang yang dge sbyong gi yon tan tshul khrims dang / ting nge 'dzin dang / shes rab tu ldan pa yang yod de/ de ni a mra'i 'bras bu phyi nang gnyis ka smin pa dang 'dra'o/ /bsod snyoms pa'i dge slong de phyi nang gnyis ka dang ldan pa yang de dang 'dra ste/ yon tan dang spyod pa yongs su rdzogs pas thams cad kyis rim gro dang / bkur sti byed do/ /de'i tshe yul de na khyim bdag cig dkon mchog gsum la shin tu dad pa zhig la bu khye'u zhig yod de/ des 'di snyam du bsams so/ /bdag gi bu 'di rab tu byung gi ston pa mkhas pa zhig btsal lo/ /de ci'i phyir zhe na/ dge ba'i bshes gnyen la bsten pa ni dge ba yang 'phel bar 'gyur ro/ /sdig pa'i grogs po la bsten pa ni sdig pa'i chos skye bar 'gyur te/ dper na rlung gi rang bzhin ni mi ldog mod kyi/ tsan dan gyi tshal lam/ tsam pa ka'i tshal nas 'ongs na/ rlung de las dri bsung zhim pa bro'o/ /gal te mnam zhing brtsogs pa'i rlung ro sum pa'i phyogs nas 'ongs na/ rlung de yang mnam mo/ /dper na gos gsar pa yang spos kyi snod du bcug na gos de la yang spos bro'o/ /gal te mnam pa bsum pa'i nang du bcug na gos de</font><hr>69.210a<br><font size=+1>

yang mnam mo/ /dge ba'i bshes gnyen la bsten na dge ba yang phyir zhing 'phel gyi sdig pa'i grogs po la bsten na sdig pa skye zhing 'phel bar 'gyur gyis/ de bas na bdag gi bu 'di yang dge slong btsun pa 'di la 'bul te rab tu byung ngo snyams bsam nas/ dge slong de gang na ba der song ste 'di skad ces smras so/ /bdag gi bu 'di rab tu byung ba dad na/ btsun pas thugs brtse bar dgongs te rab tu byung bar gsol/ gal te mi gnang na slar yang khyim du khrid de mchi'o/ /de nas dge slong gis 'phrul gyi spyan gyis brtags na/ khye'u 'di rab tu byung na tshul khrims dag par srung zhing sangs rgyas kyi chos 'phel bar rtogs nas rab tu byung ste/ dge tshul du byas so/ /de'i tshe na 'tsho ba sbyor ba'i dge bsnyen de la khyim bdag mdza' bo zhig yod de/ khyim bdag des dus kyis ston mo zhig sbyar nas/ dge bsnyen dang de'i chung ma dang / bu dang bu mo dang / bran pho dang / bran mo dang / khyim gang gi mi kun bos so/ /phyir nyin mgron du 'gro ba las/ dge bsnyen de 'di snyam du bsams so/ /bdag cag kun mgron du 'gro na khyim 'di sus bsrung / gal te nan gyis 'ga' zhig bzhag na/ de'i sgor phab ste skal ba chad par 'gyur gyi de la su zhig 'dug par dga' na/ mgron las slar log ma thag tu drin gzo zhing lan bya'o zhes smras pa dang / dge bsnyen de'i bu mo zhig yod pa des pha ma la 'di skad ces smras so/ /khyim mi 'di dag thams cad mgron du mchi bar bgyi ste/ bdag gis khyim bsrung ngo zhes smras nas/ phas kyang shin tu legs so legs so/ /khyod kyis khyim bsrung na/ khyod kyi ma dang</font><hr>69.210b<br><font size=+1>

mi 'dra ba med de ster ba 'am nyes pa byung gis mi dogs so zhes smras nas/ khyim gang gi mi kun mgron du 'dong ngo / /bu mos kyang sgo rnams dam du bcad/ des gcig pu khyim du 'dug go /de'i nyin par dge bsnyen de brel bas bsod snyoms bskyel ba brjed nas/ de'i tshe dge slong de 'di snyam du nyi ma yang yol la khad pa dang / khyim pa don mang bas brjed pa lta srid dam/ zan mi za ba'i mi rigs kyi len du btang ngo snyam bsams nas/ dge tshul de bsod snyoms len du btang ngo / /dge tshul de la slob dpon gyis bsgo ba/ khyod spyod lam shin tu bsdams te/ bcom ldan 'das kyis gsungs pa ltar grong nas bsod snyoms longs shig ci ltar bung ba rnams me tog gi kha dog dang dri bsung la mi gnod pa bzhin/ chags par ma byed par khyim nas bsod snyoms longs shig gzugs dang / sgra dang dri dang ro dang / reg bya la ma chags par dbang po rnams bsrungs shig /gal te tshul khrims bsrungs na gdon mi za bar 'bras bu thob par 'gyur gyis/ lha sbyin lta bu mdo sde mang po kha don shes kyang / nyes par byas ste tshul khrims nyams te/ mtshams med pa'i sems can dmyal bar skyes so/ /ko ka li ka lta bur skur pa 'debs shing tshul khrims nyams pa de yang sems can dmyal bar skyes so/ /tsu'u ban ta lta bu tshigs su bcad pa gcig las mi shes mod kyis/ tshul khrims bsrungs pas dgra bcom par gyur to/ /tshul khrims ni mya ngan las 'da' ba'i sgor 'jug cing shin tu bde ba'i rgyur 'gyur te/ dper na bram ze'i chos kyi zla ba gsum 'am/ zla ba bzhi'i bar du chos ston byed de/ de yang bram</font><hr>69.211a<br><font size=+1>

ze mkhas pa/ rig pa dang ldan pa/ tshul khrims bsrungs pa/ tshangs par spyod pa dag 'bod kyis thams cad ni ma yin no/ /gang ston mo la 'ongs pa lag pa'i khrig ma la ke'u le'i rgyas 'debs so/ /bram ze cig yon tan dang ldan yang rang bzhin gyis sred pa can zhig yin pas/ sbrang rtsi dang mngar ba la chags pas khrig ma la rgyas btab pa bldags te mi snang bar byas so/ /phyir nyin ston mo 'dus nas sgo bas rgya bltas na/ kun tu rgyu de la rgya med par gyur nas/ sgo bas kyang nang du ma btang bas/ khyod kyi rgya ga re zhes dris na/ mngar bas bldags te med par byas so zhes smras so/ /de ltar kun du rgyu de mngar ba cung zad tsam la chags pas/ zla ba bzhi'i ston mo kha zas kha dog dang dri bsung dang ldan zhing / dri zhim po rnam pa sna tshogs dang / yon tan rin po che mang po yang shor gyis/ khyod kyang de lta bu'i cung zad la chags pa'i phyir tshul khrims kyi phyag rgya nyams par ma byed cig /lha dang mi'i 'dod pa lnga'i ro zhim po dang / zag pa med pa dang / byang chub kyi phyogs kyi chos sum bcu rtsa bdun dang / mya ngan las 'das pa'i bde ba dang / chos rin po che tshad med pa dag stor bar gyur ta re/ dus gsum gyi sangs rgyas kyi tshul khrims nyams shing dkon mchog gsum dang / slob dpon dang / dge 'dun gyi rigs sun par ma byed cig ces bsgo ba dang / slob dpon gyi rkang pa la mgo bos phyag 'tshal te/ de'i khyim du song ngo / /der phyin pa dang / sgo brdungs na bu mos su yin zhes bsgo'o/ /dge tshul gyis bdag slob dpon gyi bsod snyoms len du 'ongs so zhes smras pa</font><hr>69.211b<br><font size=+1>

dang / bu mo de rab tu dga' nas de ni re ba rnyed do snyam nas sgo phyes te/ dge tshul nang du 'ongs pa dang / bu mo yang lo bcu drug las ma lon te/ mnga' byad legs pa dang / blta na sdug pa/ mdzes pa bzang ba zhig ste/ 'dod chags kyis bslu'o snyam ste/ dge tshul de'i mdun du bslu ba rnam pa mang po byas te/ shin tu 'dod pas dge tshul de la btegs so/ /dge tshul des 'di snyam du bu mo 'di rlung nad langs sam/ smyos sam/ 'on te bu mo 'di 'dod chags kyis gdungs te/ 'dod chags kyi mes nga'i tshul khrims tshig par byed dam snyam bsams nas/ shin tu bsdams te mdangs kyang ma gyur par 'dug go/ /bu mo des lus smad lnga sa la gtugs nas phyag byas te/ dge tshul la 'di skad ces smras so/ /bdag rtag tu re ba yang deng gi dus grub bo/ /bdag khyod la smra ba zhig yod de/ rtag tu dran pa la skabs ma rnyed do/ /khyod kyang rtag tu bdag la dgongs pa 'dra na/ bdag gi re ba bskang du gsol/ khyim 'di'i nang na rin po che dang gser dang dngul dang / bang mdzod mang po ni rnam thos kyi bu'i gter dang 'dra bar yod kyang bdag po med kyis/ khyod khyim dang bcas pa'i bdag po mdzad du gsol/ bdag khyod kyi khol mo bgyis te/ bkur sti dang rim gro bgyis/ 'di las mi 'gal zhing bdag gi re ba bskang du gsol/ dge tshul gyis bsam pa/ bdag gi sdig pa'i las ci zhig bskyed na/ 'di lta bu'i rkyen dang phrad par gyur/ bdag lus dang srog yal ba yang bla'i/ dus gsum gyis sangs rgyas kyis bcas pa'i tshul khrims nyams par mi bya'o/ /sngon dge slong dag smad 'tshong ma'i nang du phyin kyang</font><hr>69.212a<br><font size=+1>

me'i nang du mchongs kyang bla'i/ tshul khrims nyams par mi byed do/ /gzhan yang dge slong dag ni mi rgod kyis bcom nas/ rtswa la btags te rlung gis bshud cing nyi mas bsregs pa dang / srin bu mang pos za yang tshul khrims bsrung ba'i phyir rtswa gcod cing mi 'gro'o/ /bya gag gis nor bu med par dge slong gis mthong yang / tshul khrims bsrung ba'i phyir sdug bsngal myong bar byed kyang gtam mi zer ro/ /gru zhig pa las dge slong gis shing leb la 'jus yang / tshul khrims bsrungs ba'i phyir shing leb de dag dge slong grogs po gral mtho ba la phul nas/ rgya mtshor shi ba la stsogs pa de dag 'ba' shig sangs rgyas kyi nye gnas su tshul khrims bsrungs pa yin gyis/ bdag cag bsrungs pa ma yin nam/ de bzhin gshegs pa yang de 'ba' zhig gi ston pa yin gyi bdag cag gi ston pa ma yin nam/ dper na tsam pa ka'i me tog zar ma dang lhan cig tu btsir na dri zhim po zar ma'i mar bro bar 'gyur te/ bdag kyang de lta ma yin nam/ dge ba'i bshes gnyen gyis yongs su zin na/ ci'i phyir deng 'dir sdig pa mi dge ba'i chos byed par 'gyur/ lus dang srog yal yang bla'i/ nam du yang tshul khrims nyams shing sangs rgyas dang / chos dang / dge 'dun dang / pha ma dang / slob dpon dang / bla ma'i rigs sun par mi bya'o/ /yang bsams pa/ gal te bdag bros na ni bu mo de 'dod chags kyis gdungs pas khrel dang ngo tsha yang med de/ pha rol tu bdag zin nas bdag la skur pa 'debs par 'gyur te/ grong mi dag gis mthong na sun 'byin par 'gyur gyis/ bdag ni nges par khang pa 'di</font><hr>69.212b<br><font size=+1>

nyid du tshe 'phos par bya'o snyam bsams nas/ bu mo de la 'di skad ces smras so/ /sgo dag dam du chod cig bdag ni khang pa gcig gi nang du bya ba cung zad yod pa de byas nas khyod dang phrad par bya'o zhes bsgo nas/ bu mo phyir sgo bcod du song ba'i 'og tu dge tshul khang pa cig gi nang du zhugs nas sgo gtan dam du bcug ste/ nang nas spu gri rnyed pas rab tu dga' ste lus la gyon pa'i gos rnams phud nas rdang la bzar te thal mo sbyar nas grong khyer ku sha gang na sangs rgyas mya ngan las 'das pa'i gnas logs su pus mo sa la btsugs nas/ 'di skad ces yi dam bcas so/ /bdag gis ni sangs rgyas dang / chos dang / dge 'dun spong ba ma lags/ mkhan po dang / slob dpon spong ba ma lags/ tshul khrims spong ba ma lags kyis/ tshul khrims bsrungs ba'i slad du lus 'di spong ngo / /bdag gar skyes kyang sangs rgyas kyi bstan pa la rab tu byung ba dang / tshangs par spyod pa rnam par dag pa dang / zag pa zad pa dang / 'bras bu grub par gyur cig ces smon lam btab nas/ rang gi 'gul ba bcad nas tshe 'phos so/ /khrag gis g.yogs nas lus kyang khrag gis dmar por gyur te/ de'i tshe na bu mos bsam pa/ ring bar thogs snyam nas sgo'i drung du song ste bos na cang mi zer ro/ /bu mos sgo phyes te bltas na tshe 'phos zin pa mthong nas/ bsam pa bzhin du ma gyur pas/ 'dod pa'i sems kyang zhi ste/ bu mo shin tu mi dga' bas gdungs pas skra yang bshig gdong yang dred de/ sa la 'gre zhing ngu'o/ /bu mo'i pha ma ston mo las phyir log nas sgo brdungs nas bos na cang mi smra bas/ mi zhig nang du btang ste sgo 'byed du</font><hr>69.213a<br><font size=+1>

bcug na/ bu mo de lta bur gyur pa mthong ba dang / bu mo la smras pa/ khyod ci nyes/ gcig gis kyal ka byas te khyod kyi rigs sun par byas sam zhes dris na/ bu mo cang mi smra bar 'di snyam du bsams so/ /bdag gi drang por smras na ni rab tu ngo tsha ba zhig na/ gal te dge tshul gyis bdag la kyal ka byas shes smras na ni/ 'phags pa la skur pa 'debs pas sems can dmyal bar ltung ste/ sdug bsngal mang po myong bar 'gyur gyis/ mi slu bar drang por smra'o/ /snyam du bsam nas/ bdag cig pu khang pa bsrung zhing mchi ba las/ dge tshul de slob dpon gyi bsod snyoms len du 'ongs na/ bdag gi 'dod chags kyi mes tshig pas dge tshul btegs te tshul khrims bsrungs pa zhig pas/ sems 'gyur du ma btub ste/ dge tshul des thabs byas nas khang ba'i nang du zhugs te tshe 'phos par gyur to/ /bdag gi lus brtsogs pa 'dis snod yongs su dag pa ma rung par byas pa'i steng du kha na ma tho ba'i nyes pa bgyis pas bdag mi dga'o/ /de skad ces smras pa bu mo'i pha mas thos nas ngo mtshar du gyur to/ /de ci'i phyir zhe na/ kun nas nyon mongs pa'i chos nyid kyis de dang 'dra bar rtogs pa'i phyir ro/ /bu mo la smras pa/ chos thams cad ni mi rtag pa yin gyis/ mya ngan ma byed cig ces bsgo nas khang par zhugs ste bltas na/ dge tshul gyi rus bu tsan dan dmar po ltar khrag gis bsgos pa mthong nas/ phyag byas te/ sangs rgyas kyi tshul khrims bsrungs ba'i phyir/ lus dang srog la yang mi blta ba legs so/ /zhes bsngags so/ /de'i tshe rgyal po'i yul khrims gyis dge slong</font><hr>69.213b<br><font size=+1>

dag khyim pa'i khyim du tshe 'phos na gser gyi dong rtse stong blar 'bul lo/ /de'i dge bsnyen de yang gser gyi dong rtse stong khyer nas pho brang du song ste/ rgyal po chen po bdag la nyes pa byung gi dong tse 'di dag bzhes shig ces gsol pa dang / rgyal po des bka' stsal pa/ khyod ni nga'i yul phyogs na dkon mchog gsum la dad cing dam pa'i chos la mos pas rang bzhin gyis drang la/ spyod pa nyams 'og tu chud pa ni khyod cig pur zad na khyod la nyes pa ci zhig byung / dge bsnyen gyis bdag gi bu mo 'di ni smad de/ dge tshul gyis ji ltar tshul khrims bsrungs pa'i yon tan ni bsngags nas/ ji ltar gyur pa rgyas par gsol to/ /rgyal pos bka' stsal pa/ dge tshul tshul khrims bsrangs ba'i phyir lus dang srog la ma bltas par zad kyis/ khyod la nyes pa med kyis dong tse khyer la phyir khyim du song shig /nga yang khyod kyi khyim du dge tshul de la mchod pa zhig byed du 'ong ngo zhes bka' stsal nas/ gser gyi rnga brdungs te 'khor thams cad la zhabs 'bring du chos shig /dge bsnyen de'i khyim du dong ngo zhes bkar btags so/ /de nas rgyal po de'i khyim du gshegs te dge tshul gyi rus bu tsa dan dmar po ltar khrag gis bsgos pa gzigs nas phyag 'tshal te/ yon tan bsngags nas rin po che sna tshogs kyis brgyan pa'i shing rta la rus bu gzhag nas/ gang na thang bde ba kun gyis mthong ba'i gnas su song ste/ spos kyi shing gis bsregs nas mchod pa byas so/ /bu mo de yang 'jig rten na dkon par shin tu bzang mo zhig ste/ bu mo de yang gnas mtho ba kun gyis mthong bar bzhag ste/ 'khor mang</font><hr>69.214a<br><font size=+1>

po thams cad kyis legs par mthong bar byas ste/ mi mang po la 'di skad ces bka' stsal to/ /bu mo 'di ltar gzugs byad legs shing bzang ba mdzes pa 'di la 'dod chags dang ma bral ba su zhig chags par mi 'gyur na/ dge tshul 'di 'bras bu yang ma thob ste/ skye ba dang 'jig par bcas pa'i lus can 'dis kyang / tshul khrims kyi phyir lus dang srog gtong phod pa ni ngo mtshar che'o zhes bsgrags nas/ de'i slob dpon yang spyan drangs te 'khor mang po la dam pa'i chos ston du bcug nas/ 'khor de'i nang du 'dus pa thams cad kyis chos bstan pa thos nas/ kha cig ni rab tu byung zhing tshul khrims bsrung bar gsol/ /kha cig ni bla na med pa'i byang chub tu sems bskyed de/ thams cad rjes su yi rangs nas mngon par dga'o/ /dge tshul gyis tshul khrims bsrungs pa'i le'u ste bcu drug pa'o// // de'i tshe bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong chen po'i dge 'dun dang / thabs gcig tu bzhugs te chos ston to/ /de'i tshe na yul de na khyim bdag chen po phyug pa/ nor mang ba/ gser dang / dngul dang / rin po che sna bdun dang / glang po che dang / rta dang / ba lang dang / lug dang / bran pho dang / bran mo dang / las byed pa'i mi rab tu mang ba/ bang mdzod rab tu mang ba zhig la khye'u ni med kyis/ bu mo lnga yod de/ de yang mnga' byad mdzes pa shes pa'i blo dang ldan pa sha stag go/ /de'i tshe khyim bdag de'i chung ma sbrum pa las khyim bdag de tshe 'phos par gyur to/ /</font><hr>69.214b<br><font size=+1>

de'i tshe rgyal po'i yul chos kyis/ bu pho med na longs spyod ci bdog pa thams cad rgyal pos bzhes te/ rgyal pos kyang blon po cig de'i nor phyug dang / longs spyod ci yod pa thams cad brtsis nas/ blar bzhes par bka' stsal pa dang / bu mo de dag gis bsams pa/ bdag cag gi ma rum mi bde ba pho 'am/ mo 'am/ gtol med de/ bu mo zhig btsas na ni nor phyugs kyang rgyal pos bzhes par zad na/ gal te khye'u zhig byung na nor bdag dngos yin no snyam bsams nas/ rgyal po la 'di skad ces gsol to/ /bdag cag gi pha gum pas bu ma mchis pa'i slad du nor phyugs rgyal pos bzhes pa 'di da ltar bdag gi ma rum mi bde ba/ bye brag ma bye ba'i bar du bzhag cing / gal te bu mo zhig lags na bzhes pa yang sla ste/ khye'u zhig lags na nor bdag dngos yin no/ /rgyal po rab gsal rgyal de yang drang zhing chos kyis srid 'tsho bas bu mo de dag gis gsol pa bzhin byas so/ /de nas ring po ma lon par zla ba dgu tshang nas bu pho zhig byung ste/ de rna ba yang med/ mig kyang med/ sna yang med/ lce yang med/ rkang lag kyang med de/ pho mtshan 'ba' zhig yod pa'i sha gong gong po zhig byung bas de'i ming yang ma 'ji byi la zhes bya bar btags so/ /de nas bu mo de dag gis khye'u zhig byung ngo zhes gsol pa dang / rgyal pos bsams pa/ mig dang / rna ba dang / sna dang / lce dang / rkang lag la stsogs pa yod pas ni nor bdag tu mi 'gyur gyis/ gang pho mtshan dang ldan pa de nor bdag tu 'gyur te/ bu 'di yang pho mtshan yod pas pha'i nor bdag tu 'gyur ro snyam bsams</font><hr>69.215a<br><font size=+1>

nas/ bu mo dag nor phyugs dang / longs spyod ci bdog pa thams cad khyod kyi ming po dbang ste mi bzhes so zhes bka' stsal to/ /de'i tshe bu mo chen po cho rigs mthun pa la bag mar btang ste/ bu mo des khyim thab la bkur sti bskyed nas stan bting ba dang / mal byed pa dang / phyag dar dor ba dang / kha zas sbyar ba dang / bsu ba dang / bskyel ba dang / phyag 'tshal ba dang / gsong por smra ba la stsogs te/ las su bya ba thams cad la ji ltar bran mo dag rje mo'i las byed pa bzhin du bu mo de yang khyim thab de'i bkur sti byed pas/ khyim thab kyis chung ma la 'di skad ces smras so/ /khyo shug ces bya ba bdag cag tu ma zad de/ kun la yang srid la/ khyod 'ba' zhig ci'i phyir 'di ltar byed ces smras so/ /chung mas smras pa/ bdag gi pha la nor phyugs grangs med pa zhig yod do/ /gum pa'i 'og tu bu mo lnga yod kyang nor thams cad rgyal pos bzhes par chad pa las ma'i rum mi bde bar zla ba tshangs nas ming po btsas na/ mig kyang med/ rna ba dang / sna dang / lce dang / rkang pa dang / lag pa yang med de/ skyes pa'i mtshan 'ba' shig yod pas nor bdag tu gyur to/ /de bas na dbang po ci yod kyang skyes pa'i mtshan ma gcig tsam mi phod de/ bdag khyod la bkur sti byed pa yin no/ /khyim bdag des chung mas smras pa thos nas/ ngo mtshar du gyur te/ chung ma dang 'grogs nas bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /bcom ldan 'das ci'i slad tu khyim bdag gi bu de mig dang / rna ba dang / sna dang / lce dang / </font><hr>69.215b<br><font size=+1>

lag pa dang / rkang pa yang ma mchis te/ btsas ma thag tu phyug po'i khyim du nor gyi bdag por gyur/ bcom ldan 'das kyis khyim bdag la bka' stsal pa/ khyod kyis 'di dag zhu ba leg kyi shin tu legs par nyon la yid la zung shig /khyod la bstan to zhes bka' stsal nas/ khyim bdag gis de bzhin du 'tshal lo zhes gsol to/ /bcom ldan 'das kyis bka' stsal pa/ sngon 'das pa'i dus na khyim bdag cig la khye'u spun gnyis shig yod do/ gcig ni sbyin pa zhes bya/ gcig ni tshul khrims zhes bya/ khye'u spun gnyis chung ngu nas chu gang dang khrel ltos che la tshig bden par smra ba/ rtag tu sbyin pa la dga' ba/ dbul 'phongs pa la mgon byed do/ /de ltar dad pa che zhing dge bas yul mis kyang bsngags te/ rgyal pos kyang zhal che bar bcug nas/ nyes pa dang mnyes pa dpyod do/ /de'i tshe na rgyal po'i yul khrims kyis yul mi dag la gcig cig bskyis kyang zhal che ba'i drung du lhags nas/ dpang 'dzugs kyis/ gtan tshigs gzhan mi byed do/ /de'i tshe tshong pa zhig rgya mtshor 'gro ba las de'i nu bo tshul khrims zhes bya ba la nor dbyig mang po zhig bskyis te ci dgos pa spyod do/ /de'i tshe na tshul khrims de la bu gcig pu zhig yod pa yang gzhon la chung bas/ tshul khrims kyis bu de yang khrid cing sbyin par byas pa'i nor rdzas kyang khyer nas pho bo'i gan du song nas/ 'di skad du tshong pa 'dis bdag la nor 'di snyed cig snga skyin du 'tshal te/ rgya mtsho las nam slar 'khor na stsal bar bgyis pas/ gal te bdag gum na yang bu la bstsal bar bgyis kyis gcen mkhyen par</font><hr>69.216a<br><font size=+1>

mdzod cig /pho bos kyang de bzhin du bya'o zhes smras so/ /de nas ring por ma lon par khyim bdag tshul khrims ni tshe'i dus byas so/ /tshong pa de yang rgya mtsho'i nang du gru zhig nas/ tshong pa de 'ba' zhig shing leb cig la 'jus nas/ phyir yul du phyin pa dang / de'i tshe khyim bdag gis tshong pa de gru zhig nas nor ni 'khyams te cig pur 'khor te/ bdag gi nor rdzas 'di snyed cig chags mod kyis/ bdar med do snyam bsams so/ /de nas yang tshong pa des gzhan la bskyi gnya' byas nas/ phyir rgya mtshor zhugs pa dang / nor bu rin po che mang du rnyed de/ bde bar phyir khyim du 'khor nas 'di snyam du sems so/ /khyim bdag gi bu 'dis sngar yang bdag la bu lon mi ded pas na/ mi 'di chung ches bas gal te brjed de mi dran nam/ 'on te bdag la ci yang mi bdog pas bu lon mi ded pa/ bdag bgam mo snyam bsams nas/ rta bzang po zhig zhon nas gos rin po che chen po gyon nas tshong dus su song ngo / /khyim bdag gi bu des kyang tshong pa des gos bzang po gyon zhing rta bzang po zhon pa mthong nas bsam pa/ 'di ni longs spyod dang ldan par gyur pa la/ bu lon bda'o snyam bsams nas/ mi zhig la bu lon chags pa rnams da phyir mi sbyin nam zhes spring na/ des kyang de bzhin du bya'o zhes smras so/ /de nas tshong pa des bsams pa/ khyim bdag 'di la nor dbyig mang du bskyis pas bdag la longs spyod ci bdog pa thams cad gtugs kyang mi 'khor te/ bdag gis thabs shig bya'o snyam bsams nas/ tshong pa des nor bu rin po che cig thogs te/ zhal che ba de'i chung ma'i gan du song nas 'di</font><hr>69.216b<br><font size=+1>

skad ces gsol to/ /btsun mo mkhyen par mdzod cig bdag gis sngon khyim bdag tshul khrims las nor cang zad cig bskyis te/ da khyim bdag gi bu bdag la bu lon ded na/ nor bu rin po che srang khri ri ba 'di bzhes te/ zhal che ba la bdag cag gnyis 'dir 'ongs nas mthong ngo zhes gsol par gyis shig ces gsol to/ /chung mas smras pa/ bdag gi khyim thab 'di ni shin tu drang ste brdzun mi zer bas na mi btub tu nges na/ 'on kyang gsol bar bya'o zhes nor bu blangs te/ khyim thab nub mo slar 'khor ba dang / tshong pas gsol pa bzhin du rgyas par smras so/ /khyim thab kyis smras pa/ bdag gi chu gang dang khrel ltas kyis 'tsho ste/ brdzun mi smra bas rgyal pos kyang zhal che bar bcug go/ /gal te bdag gis brdzun smras na/ da ni rigs gsha' ma ma yin no zhes smras so/ /phyir nyin yang tshong pa 'ongs nas/ chung mas kyang de bzhin du gtam rgyas par smras te/ nor bu phyir byin pa las/ tshong pa des nor bu rin po che srang stong phrag nyi shu ri ba cig yang phul te/ 'di skad du don cung zad kyi phyir tshig gcig smras pas srang stong phrag sum bcu rnyed par 'gyur ro/ /pha rol po nam tsam po yin te rgyal por gyur na yang dong tse gcig tsam yang thob par mi 'gyur ro zhes smras nas/ 'di ni rigs pa ma yin no snyam ste/ nor bu rin po che la chags pas tshong pas bcol ba la bsgrub par khas blangs te/ dgongs su khyim thab phyir 'khor ba dang / khar tsang bdag gis gsol pa de de rung ba 'dra na de bzhin du mdzad du gsol pa/ khyim thab kyis smras pa/ de ni rigs pa ma yin te/ bdag ni brdzun</font><hr>69.217a<br><font size=+1>

mi zer bas zhal che bar bcug go/ /gal te brdzun zhig smras na yang / tshe 'di la 'jig rten pa kun gyis yid ches par mi 'gyur/ tshe phyi ma la yang bskal pa grangs med pa'i bar du sdug bsngal myong bar 'gyur ro zhes bsgo'o/ /de'i tshe de na khyim bdag de la khye'u 'gro mi nus pa gog pa tsam zhig yod de/ khyim bdag gi chung mas khyim bdag la 'di skad ces smras so/ /bdag khyod dang khyo shug tu gyur pas srog la bab pa zhig smras na yang phyir bzlog tu mi ri na/ 'di lta bu'i don chung ngu gcig la yang tshig brtul te ngo bzlog na bdag gson te yang mi rung / bdag gis gsol pa bzhin du ma gyur na/ bu yang bsad la de'i 'og tu bdag kyang 'chi'o/ /khyim thab kyis de skad smras pa thos nas/ dper na mi brnangs pa skyug tu med la mid du med pa ltar/ bdag la bu cig pur zad de/ gal te shi bar gyur na nor gyi bdag po yang med par 'gyur/ gal te bud med kyi smras pa bzhin du byas na yang / 'jig rten pa kun gyis smra bas yid mi ches te/ ma 'ongs pa'i dus su yang sdug bsngal mang po 'byung bar 'gyur ro snyam bsams nas/ ma rangs bzhin du chung mas smras pa bzhin du byas pas/ chung ma yang rab tu dga' nas/ tshong pa la smras pa/ kho mo'i khyim thab kyis kyang gnang gi /de bzhin du gyis ces bsgo'o/ /tshong pa yang rab tu dga' nas/ phyir khyim du song ste/ glang po che chen po gcig rin po che sna tshogs kyis brgyan nas gos rin po che gyon te/ glang po che la zhon te tshong dus su 'ongs so/ /khyim bdag gi bu des de lta bu mthong nas dga' ste/ yid la da ni mi 'di longs spyod mang po</font><hr>69.217b<br><font size=+1>

dang ldan gyis gda'o snyam bsam nas/ drung du song ste sar 'phags pa 'di skad ces smras so/ /khyim bdag la mkhyen tam bdag gi bu lon chags pa rnams stsol cig ces smras na/ khyim bdag de dngangs pa skad byed de/ khyod kyi bu lon chags pa mi dran no/ /bu lon ci zhig chags su mthong zhes smras so/ /khyim bdag gi bus smras pa/ lo dang / zla ba'i ngo che ge mo zhig la bdag gi pha la nor bskyis te bdag gi lag nas nor khyer ba zhal che ba yang shes na/ ci'i phyir snyon zhes smras so/ /tshong pas smras pa/ bdag gis ni khyod kyi nor bskyis pa mi dran no/ /mthong ba zhig yod na mthong ba'i thad du gtug tu 'dong ngo zhes smras nas/ zhal che ba'i thad du phyin te/ mi 'dis sngon bdag gi pha la nor 'di snyed cig bskyis te/ khu bos kyang mthong na mi 'di bdag gi pha la nor ma 'tshal tam zhes dris na/ khu bos bdag la gtol med ces smras so/ /tsha bo dngangs nas de'i tshe bdag gi nor ci bskyis pa/ khu bos lag pas bsngos te mi 'di la byin par mi dran nam/ khu bos smras pa de lta bu med do zhes smras so/ /de nas khye'u de khu bo la khros nas khyod drang ba'i phyir/ zhal che bar rgyal pos bcug ste/ yul mi thams cad kyis drang po zhes byas nas/ bdag bu tsa la yang 'di ltar byed na/ gzhan dag thog tu mi bab cing gtams las bcad pa lta ci smos te/ 'di bden nam brdzun te/ mngon no zhes smras so/ /bcom ldan 'das kyis khyim bdag la bka' stsal pa/ de'i tshe zhal che ba de shes par 'dod na/ gzhan yin no snyam ma sems shig /de ni ma 'ji byi la dbang po rnams ma tshang ba 'di yin no/ /</font><hr>69.218a<br><font size=+1>

de'i tshe brdzun cig byas pas sems can dmyal ba chen por skyes nas/ sdug bsngal sna tshogs myong bar gyur te/ dmyal ba las thar nas skye ba lnga brgya'i bar du dbang po ci yang med pa'i sha'i gong gong por skyes so/ /de'i tshe sbyin pa la dga' ba'i dbang gis rtag tu phyug po'i khyim du skyes nas/ nor gyi dbang du skyes so/ /dge ba'i las dang sdig pa'i las ni yun ring du lon kyang med cing zhig par mi 'gyur ro/ /de bas na khyod rnams brtson 'grus lus dang / ngag dang / yid bsdams ste sdig pa mi bya'o/ /de'i tshe 'khor mang po rnams kyis bcom ldan 'das kyis gsungs pa thos nas la la ni 'bras bu dang po nas 'bras bu bzhi pa'i bar thob par gyur/ la la ni bla na med pa'i byang chub tu sems bskyed de/ rjes su yi rangs nas mngon par dga'o/ /khyim bdag dbang po med pa'i le'u ste bcu bdun pa'o// // de'i tshe na bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun la chos ston cing bzhugs so/ /de'i tshe yul de na khyim bdag gi chung ma zhig la bu mo zhig btsas nas/ bu mo gzhan pas 'phags pa bzhin blta na sdug pa mdzes pa zhig ste/ thog ma btsas nas ras dkar po 'jam pos bkris te byung ngo / /de la pha ma ya mtshan du gyur te/ mtshan mkhan la bstan nas/ mtshan mkhan gyis bltas nas bsod nams chen po dang ldan par rtogs nas ming yang dkar mor btags so/ /bu mo dkar mo ci tsam du skyes pa bzhin du ras kyang lus kyi tshad du skyes so/ /bu mo de phyir cher</font><hr>69.218b<br><font size=+1>

skyes nas/ yul mi las mang du chung mar slang ba dang / pha mas kyang bu mo bag mar btang ba'i rgyan rnams brdung snyam nas mgar ba gnyer te gser dngul btsal lo/ /bu mos gser dngul btsal ba mthong nas 'di ci zhig bya zhes pha ma la dris pa dang / /'di ni khyod bag mar btang ba'i rgyan rnams brdung ngo zhes smras so/ /bu mos smras pa/ bdag ni rab tu byung bar dad kyi/ bag mar mchis par mi dga'o/ /pha mas kyang bu mo'i yid dang sbyar nas de ma thag tu ras phyung ste/ chos gos drub par bsham pa las/ bu mos ras 'dis ci zhig bya zhes dris pa dang / khyod kyi chos gos drub bo zhes smras so/ /bu mos smras pa/ bdag la chos gos gyon pa yod kyi drub mi dgos so/ /bcom ldan 'das gang na bzhugs par khrid de 'dong ngo zhes smras pa dang / pha mas kyang bcom ldan 'das gang na bzhugs par khrid de dong ngo zhes smras nas/ bcom ldan 'das kyi spyan sngar khrid de sangs rgyas gang na ba der phyin pa dang / bcom ldan 'das la mgo bos phyag 'tshal te/ rab tu byung bar gsol lo/ /bcom ldan 'das kyis legs par 'ongs so zhes bka' stsal pas/ skra dang kha spu rang byi ste lus la gyon pa'i ras dkar po yang chos gos smad lngar gyur nas/ dge slong ma skye dgu'i bdag mo la gtad do/ /dge slong ma des brtson 'grus brtsams pas ring por ma lon par dgra bcom par gyur te/ kun dga' bos bcom ldan 'das la gsol pa/ dge slong ma dkar mos sngon bsod nams ci zhig bsags pas khyim bdag gi khyim du skyes te/ lus la ras kyang mchis la rab tu phyung nas ring por ma lon par dgra bcom par gyur lags bcom ldan 'das kyis kun dga' bo la bka' stsal pa/ </font><hr>69.219a<br><font size=+1>

sngon 'das pa'i dus na sangs rgyas bsod skyabs 'jig rten du gshegs te/ nye gnas dang bcas su sems can gyi don la gshegs pa las yul mi thams cad kyis mchod pa rgyas par byas so/ /de'i tshe dge slong cig 'gro ba mang po'i don du yul mi thams cad sangs rgyas la chos nyan pa dang / sbyin pa byed par bskul lo/ /de'i tshe bud med 'di ni ke zhes bya ba rab tu dbul 'phongs pa zhig ste/ khyo shug gnyis la gos su ras yug cig las mi bdog ste/ khyo don gnyer du 'gro na ras khyos gyon te/ chung ma sgren mor rtswa'i nang du 'dug go/ /chung ma don gnyer na ras chung mas gyon te/ khyo rtswa phung gi nang na sgren mor 'dug go/ /phyis kun gyi don byed pa'i dge slong de de'i sgor 'ong nas bud med de dang phrad te/ khyod sangs rgyas la phyag 'tshal du song shig /yon phul cig ces sbyin pa'i yon tan bsngags so/ /ser sna byed pa'i rnam par smin pa bstan nas/ sangs rgyas 'jig rten du 'byung bar dka' ba dang / chos thos par dka' ba dang / mi'i lus thob par dka' ba'i gtam rgyas par byas nas/ chos nyan du song shig ces bskul ba dang / bud med des smras pa btsun pa cung tsam gzhes shig /bdag slar mchi'o zhes smras nas/ khang pa'i nang du song ste khyo la 'di skad ces smras so/ /sgo na dge slong cig khyod sangs rgyas la phyag 'tshal du song shig /chos nyon cig sbyin pa gyis shig ces bsgo'o/ /bdag cag tshe snga ma la sbyin pa ma byas pas 'di ltar dbul 'phongs par gyur to/ da yang ci zhig gi tshe phyi ma'i tshogs su 'gyur bar bya/ khyos smras pa 'di la sbyin par 'os na/ bdag cag dbul 'phongs te ci yang med na ci zhig sbyin par bya/ chung mas smras pa/ </font><hr>69.219b<br><font size=+1>

tshe snga ma yang sbyin pa ma byas pas 'di ltar dbul bar gyur na/ da yang sbyin pa ma byas na tshe phyi ma la gar 'gro ste/ bdag ni sbyin pa zhig byed kyis/ gnong shig /khyos bsams pa/ 'di la ni nor khud pa zhig yod pa lta ste/ sbyin pa gyis shig ces smras pa dang / chung mas bdag gis ras 'di sbyin par dga' zhes smras so/ /khyos smras pa bdag cag khyo shug gnyis la ras 'di las med do/ 'dis don gnyer zhing 'tsho bar zad na da sbyin par byas na gnyis ka bsdod dam ci/ chung mas smras pa/ mi zhig skyes pa la tshe 'phos pa yod pas 'dis ma sbyin yang tshe 'phos la/ byin pa yang tshe 'phos pas mnyes na sbyin pa byas te tshe 'phos na tshe phyi ma la re ba yod pas/ sbyin pa byas nas tshe 'phos kyang bla'o/ /khyod kyang dga' ba bzhin du sbyin pa gyis shig ces bsgos nas/ chung ma phyi rol tu song ste dge slong de la 'di skad ces smras so/ /btsun pa cung zad ma gzigs shig /bdag sbyin pa bgyi'o zhes smras pa dang / dge slong gis khyod sbyin pa byed na/ mngon gsum du lag gis byin cig /sbyin pa'i tshigs bcad bya'o zhes bsgo'o/ /bud med des smras pa/ lus la ras 'dis las med de/ 'gro na gos gzhan med de bud med kyi lus la brtsogs pa mnam po 'di gzigs par mi 'os kyis/ nang nas 'bul lo zhes smras pa dang / nang rol nas ras phud de dge slong de la phul lo/ /dge slong des sbyin pa'i tshigs bshad byas nas/ ras de thogs ste sangs rgyas gang na ba der song ste phyin pa dang / bcom ldan 'das kyis dge slong de la bud med kyis phul ba'i ras 'on cig ces bka' stsal to/ /dge slong des kyang ras de sangs rgyas la phul nas/ bcom ldan 'das kyis phyag gis bzhes so/ /ras rnying</font><hr>69.220a<br><font size=+1>

shing dri mas gos pas rgyal po'i 'khor rnams ras dri ma can phyag tu bzhes pa la 'phya'o/ /bcom ldan 'das kyis 'khor mang po'i bsams pa mkhyen nas 'di skad ces bka' stsal to/ /ngas bltas na 'khor 'di'i nang na sbyin pa rnam par dag pa ni 'di las 'da' ba med do zhes bka' stsal to/ /'khor mang po rnams ngo mtshar du gyur to/ /de nas rgyal po'i btsun mo rab tu dga' ste lus la gyon pa'i gos dang / rgyan rnams phud pas bud med la bskyal lo/ /rgyal pos kyang gos dang rgyan phud nas de'i khyim thab la bskyal te/ khyo shug gnyis 'khor gyi nang du shog shig ces bsgo'o/ /sangs rgyas bsod skyabs kyis 'khor mang po la chos bshad pas phal cher rnam par grol bar gyur to/ /bcom ldan 'das kyis kun dga' bo la bka' stsal pa/ de'i tshe de'i dus na bud med dbul mo de n-i dge slong ma dkar mo 'di yin no/ /de'i tshe bsams pa thag pas ras byin pa'i dbang gis bskal pa dgu bcu rtsa gcig gi bar gang nas gang du skyes kyang rtag tu ras dang bcas su skyes te/ brel 'phong med cing yid bzhin du 'byor par gyur to/ /sangs rgyas de la dam pa'i chos thos nas rnam par grol bar smon lam btab pas/ 'dir nga dang phrad de dgra bcom par gyur to/ /de bas na khyod kyang chos nyan pa dang / sbyin pa byed pa la brtson 'grus gyis shig /ces bka' stsal nas/ 'khor mang po bcom ldan 'das kyis de skad ces gsungs pa la rjes su yid rangs nas mngon par dga'o/ /dbul mos ras phul ba'i le'u ste/ bcwa brgyad pa'o// // de'i tshe btsun pa ka t+ya ya na chen</font><hr>69.220b<br><font size=+1>

po yul a pa de na 'dug pa las/ yul de na khyim bdag longs spyod dang ldan pa ser sna can snying rje med pa zhig la bran mo rgan mo zhig yod de/ bran mo de ngan las thams cad byed kyang gos ni lus mi g.yog /zas ni khar mi myong ste rtag tu brdung brtsogs pas rgan mos ma bzod nas/ srog 'dor du 'gro bo snyam nas bum pa thogs te chu 'chur song ba dang / chu 'gram du skad chen po phyung ste ngus so/ /ka t+ya ya na der 'ongs te/ rgan mo ci'i phyir 'di ltar mi dga' zhes 'dris pa dang / 'phags pa bdag rgas pa'i steng du las ni che/ bgo ba dang bza' ba med/ dbul 'phongs pas ci'i phyir mi 'gum snyam bsam mi dga' ste ngu'o/ /ka t+ya ya nas smras pa/ rgan mo khyod dbul po btsong na ci nyes/ rgan mos smras pa/ dbul ji ltar btsong su zhig dbul nyo zhes smras pa dang / ka t+ya ya nas dbul btsong du rung ngo zhes lan gsum gyi bar du bsgo ba dang / dbul ji ltar btsong du rung zhes dris pa dang / ka t+ya ya nas smras pa/ ci ste dbul btsong yang dag na ngas bstan pa bzhin du gyis shig ces bsgo ba dang / 'phags pa'i de bzhin du bgyi'o zhes gsol to/ /ka t+ya ya nas smras pa/ khyod sngar khrus gyis shig bkrus pa'i 'og tu sbyin pa gyis shig /rgan mos smras pa/ bdag la lhan pa rgyu yang med na ci zhig sbyin par bya bum pa 'di ni jo mo'i yin te/ dbang ma mchis so/ /ka t+ya ya nas smras pa/ khyod lhung bzed kyi nang na chu gtsang mas khong la nga la 'bul shig /ngas sbyin pa'i tshigs su bcad pa bya'o/ /ka t+ya ya nas chu blangs ste sbyin pa'i tshigs bshad kyang byas/ bslab tshigs kyang byas/ sangs rgyas kyi mtshan brjod du</font><hr>69.221a<br><font size=+1>

bcug ste/ yon tan rnam pa sna tshogs bsngags nas rgan mo khyod la 'dug pa'i gnas yod dam/ rgan mos smras pa/ bdag la 'dug pa'i gnas ma mchis te/ 'thag pa dang gtun brdungs pa dang / las byed pa'i gnas nyid la nyal lo/ /bar 'ga' ni lud phung gi steng du yang nyal lo/ /ka t+ya ya nas smras pa/ khyod ngan las byed pa la 'gyod pa dang / mi dga' bar ma byed par brtson 'grus su las byos la/ jo mo bsnyal ba'i 'og tu dal gyi jo mo'i sgo phye ste/ sgo'i phag gam grab gtsang zhig tu rtswa gtsang ma bting ba la 'dug nas gzhan ma sems par sangs rgyas yid la byos la dran pa gyis shig /de nas rgan mos kyang bstan pa bzhin du byas nas ring po ma lon par mtshan mo 'dug bzhin du/ tshe 'phos nas sum bcu rtsa gsum gyi lhar skyes nas/ de'i jo mo nang par sngar langs nas/ khyim gyi nang na bran mo tshe 'phos pa mthong nas/ khros te rgan mo 'di khyim gyi nang du ma btang na ci'i phyir 'dir tshe phos/ shes gshegs nas rkang pa la rtswa dag gis btags te bsha' nas dur khrod du bskyal lo/ /de'i tshe na lha'i sras po zhig la lha'i bu mo lnga brgyas bskor te rtse bar dga' ba las tshe 'das nas rgan mo de lha'i sras mo de'i gnas su skyes so/ /lhar skyes pa dag dbang po rnon pos ni bdag ci'i rkyen kyis skyes pa shes so/ /dbang po rtul po de dag gis mi shes te/ rgan mo des ci'i phyir lhar skyes pa mi shes kyi bde ba 'ba' zhig la chags so/ /de'i tshe shA ri'i bu sum bcu rtsa gsum na 'dug pa des khyod ci'i rkyen kyis lhar skyes pa shes sam dris pa dang / bdag gis mi shes so zhes smras nas/ shA ri'i bus lha'i mig gis bltas te/ ji ltar lhar gyur pa mthong bar byas so/ /de nas lha'i sras mo lnga brgya tsam dang / </font><hr>69.221b<br><font size=+1>

dur khrod du lhags te/ rus bu la lha'i me tog gis gtor/ spos kyi mchod pa byas so/ /lha'i 'od kyis grong khyer de dag snang ba chen pos snang bar gyur nas/ de'i jo mo la stsogs pa ya mtshan du gyur te/ mi mang po yang bltar dong ba las/ lha mang po rgan mo'i rus bu la mchod pa byed par mthong nas lha rnams la khyod ci'i phyir khyod rus bu 'di la mchod pa byed/ 'di ni gson po'i tshe na yang brtsogs pas kun gyis mi 'dod na/ da tshe 'phos pa'i rus bu lta ci smos zhes smras so/ /de'i tshe na lha'i sras mo rnams kyis ji ltar lhar skyes pa'i gtam rgyas par byas nas/ ka t+ya ya na gang na ba der song ngo / /ka t+ya ya nas lha'i sras mo de dag la sbyin pa dang / tshul khrims dang / mtho rigs su skyes pa la stsogs te/ dam pa'i chos kyi gtam rgyas par byas nas/ mi gtsang ba'i chos dang 'byung ba'i chos bstan pas/ lha'i sras mo de dag rdul dang bral/ dri ma dang bral te chos la chos kyi mig rnam par dag par gyur nas phyir lha'i gnas su dong ngo / /'khor mang po rnams kyang chos bstan pa thos nas so so nas 'bras bu dang po nas 'bras bu bzhi pa'i bar du thob par gyur nas/ rjes su yi rangs nas mngon par dga'o/ /bran mo dbul mos ka t+ya ya na la dbul btsongs pa'i le'u ste/ bcu dgu pa'o// // 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /</font><hr>69.222a<br><font size=+1>

de'i tshe yul de na khyim bdag rab tu phyug pa/ longs spyod che ba/ nor bu rin po ches bang mdzod gang ba zhig yod do/ rigs mnyam pa las chung ma blangs nas/ de'i chung ma la bu khye'u gser mdog lta bu zhig btsas te/ mtshan mkhan gyis bltas te/ de'i ming gser lha zhes btags so/ /khye'u de btsas pa na khye'u de'i khyim du khron pa chu zheng gab pa/ chu zheng khru brgyad pa gting zab khyad kyang khru brgyad pa cig rang byung ste/ khron pa de nas chu bcus na mi'i yid bzhin du 'byung ste/ gang gos 'dod pa la gos 'byung / bza' ba dang btung ba 'dod pa la bza' ba dang btung ba 'byung / gser dang dngul dang rin po che 'dod pa la/ gser dang dngul dang rin po che 'byung ste/ ji dang ji 'dod pa de dag thams cad yid bzhin du 'byung ngo / /khye'u gsos bskyed de cher skyes pa dang / rig pa'i gnas kyang lobs nas khyim bdag de rab tu dga' ste/ khye'u de'i chung ma btsal lo snyam bsam nas/ khye'u de'i chung ma yang khye'u de dang 'dra bar gser gyi mdog can bzang ba/ mdzes pa/ phal bas lhag par btsal bar sems te/ yul kun tu mna' ma btsal lo/ /de'i tshe na yul tsam pa na khyim bdag rab tu phyug pa zhig la bu mo gser gyi 'od ces bya ba zhig yod de/ bu mo de yang gser gyi mdog can shin tu mtsher ba/ pags pa shin tu srab pa/ rus pa shing tu phra ba zhig ste/ thog ma btsas pa'i tshe yang khyim nas khron pa chu zheng dang / gting 'dra bar khru brgyad pa cig rang byung ste/ khron pa de las kyang rin po che sna tshogs dang / gos dang / bza' ba dang / gtung ba la sogs pa ji dang ji 'dod pa de dag rang byung ngo / /khyim bdag de yang 'di snyam du bdag gi</font><hr>69.222b<br><font size=+1>

bu mo bzang mo 'di ni/ bu pho 'di dang 'dra bar lus gser gyi mdog can shin tu 'tsher ba/ bzang ba/ mdzes pa gcig la btang ngo snyam mo bsam pa gcig dang phrad de/ bu mo'i gtam yang khye'us thos khye'u'i gtam yang bu mos thos nas khyim bdag gnyis gnyen par bya bar thams so/ /ston mo bya bar thams nas bu mo mnyan yod du khrid de/ mnyan yod du gser lha'i khyim du phyin nas/ gser lhas sangs rgyas dang dge 'dun rnams spyan drangs te/ bcom ldan 'das kyang dge 'dun dang bcas te/ bshos la gshegs nas/ gser lha khyo shug gnyis la dam pa'i chos rgyas par bstan nas/ gser lha khyo shug dang / khyim bdag khyo shug gnyis kyis/ bcom ldan 'das las chos thos nas bskal pa khri phrag nyi shu'i sdig pa mi dge ba shin tu 'bar ba kun zhi nas/ sems rnam par dag pas chos rtogs te/ rgyun tu zhugs pa'i 'bras bu thob par gyur to/ /de nas bcom ldan 'das gtsug lag khang du gshegs pa dang / gser lha dang / gser 'od khyo shug gnyis kyang pha ma la rab tu byung bar gsol nas/ pha mas kyang gnang ste/ gnyis ka sangs rgyas gang na ba der song ste phyin pa dang / sangs rgyas kyi zhabs la spyi bos phyag 'tshal te/ bdag cag gnyis rab tu byung ngo zhes gsol pa dang / bcom ldan 'das kyis legs par 'ongs so zhes bka' stsal nas/ skra dang kha spu rang byi ste/ gos ngur smrig gyon pa'i dge slong du gyur to/ /gser lha ni dge slong gi dge 'dun gyi nang du song ngo / /gser 'od ni skye dgu'i bdag mo la gtad de/ gnyis ka ring por ma lon par dgra bcom par gyur nas/ rig pa gsum dang / mngon par shes pa drug dang / rnam par thar pa brgyad</font><hr>69.223a<br><font size=+1>

la sogs te/ yon tan thams cad dang ldan par gyur to/ /de nas dge slong de dag the tsom du gyur nas tshe dang ldan pa kun dga' bos/ bcom ldan 'das la 'di skad ces gsol to/ /bcom ldan 'das dge slong gser lha dang / gser 'od gnyis sngon ci bgyis na/ thog ma btsas pa na/ 'di ltar nor bu rin po che dang longs spyod chen po dang ldan te/ khron pa las kyang thams cad kyi re ba yongs su gang bar gyur/ bcom ldan 'das kyis bka' stsal pa/ sngon 'das pa'i bskal pa dgu bcu rtsa gcig gi pha rol na/ sangs rgyas rnam par gzigs zhes bya ba 'jig rten du gshegs nas/ de mya ngan las 'das pa'i 'og tu de'i bstan pa la zhugs pa'i dge slong dag grong khyer dang / ljongs rgyu zhing sems can gyis don byed de/ de dag la khyim bdag /rigs che zhing mtho ba kun gyis chos gos dang / bsod snyoms dang / mi brel bar byed do/ /de'i tshe khyim bdag dbul po khyo shug gnyis 'di snyam du bsams so/ /bdag cag gnyis pha ma yod pa'i tshe/ nor bu rin po che dang / longs spyod dang ldan te/ bang mdzod yongs su gang yang 'phags pa'i dge 'dun dang ma phrad/ da 'di ltar 'phongs brel te ci yang mi bdog nas/ rtswa phung gi steng na nyal zhing bre gang / phul gang yang mi bdog pa'i tshe/ 'phags pa'i dge 'dun gshegs nas/ khyim bdag phyug po de kun chos gos dang / bsod snyoms 'bul na/ bdag cag ni ci yang dbul du med do snyam bsams te/ rab tu mi dga' nas ngus ngus so/ /khyim thabs ngus pa'i mchi ma chung ma'i lag par ltung nas/ chung mas khyo la ci'i phyir ngu zhes smras pa dang / khyod mi shes sam grong khyer 'di na 'phags pa'i dge</font><hr>69.223b<br><font size=+1>

'dun gshegs te/ khyim bdag phyug po kun/ de dag la mchod pa byed na/ bdag cag 'ba' zhig ci yang dbul du med do/ /da 'dir ma phul na skye ba phyi ma la gar 'gro snyam ste mi dga'o/ /chung mas smras pa/ khyod song la bdag cag gi mdzod khang rnying du tshol cig dang / ci yang lus pa cung zad yod kyang srid kyis/ gal te sna 'ga' zhig rnyed na 'bul lo zhes smras nas/ mdzod khang rnying du btsal na gser gyi dong tse lus pa cig rnyed do/ /chung ma la yang me long cig yod de khyo shug gnyis kyis bum pa gsar pa gcig kyang nyos nas bum pa'i nang du chu gtsang mas bkang ste/ gser gyi dong tse gcig nang du gcug ste/ me long gis kha bcad nas chu'i bum pa thogs te dge 'dun la phul lo/ /dge 'dun gyis kyang bzhes nas/ chu de la kha cig gis ni 'thung / kha cig gis ni kha lag bkrus/ kha cig gis ni lhung bzed bkrus te/ khyim bdag khyo shug gnyis kyis de ltar dge 'dun gyis spyod pa mthong nas rab tu dga' mgu rangs nas phyir khyim du song ngo / /de nas ring por ma lon par nad kyis btab nas khyo shug gnyi ga tshe 'phos te sum bcu rtsa gsum gyi lhar skyes so/ /kun dga' bo de'i tshe de'i dus na dbul po khyo shug gnyis chu'i bum pa 'bul ba de ni gser lha khyo shug gnyis yin no/ /sngon chu bum pa gang dang / gser gyi dong tse cig dang / me long cig phul bas skye ba thams cad du bzang zhing mdzes pa dang / mdog gser gyi kha dog tu rtag tu mtsher bar gyur to/ /'di ltar bskal pa dgu bcu rtsa gcig gi bar du de dang 'dra bar gyur te/ de'i tshe na shin tu dang ba'i sems kyis phul bas/ da 'dir 'khor ba'i mthar phyin te dgra bcom par gyur to/ /kun dga' bo de bas</font><hr>69.224a<br><font size=+1>

na bsod nams kyi phyogs su gyur pa'i las ni gang yang mi byar mi rung ngo / /dbul po des sbyin pa cung zad byas pa'i/ bsod nams kyi phung po dpag tu med pa 'di lta bu thob par gyur to/ /de'i tshe bcom ldan 'das kyis de skad ces bka' stsal nas/ kun dga' bo dang / 'khor mang po rnams sbyin pa'i bsod nams kyi tshogs bsags pa'i sems skyes te/ rjes su yi rangs nas/ mngon par dga'o/ /gser lha'i le'u ste nyi shu pa'o// // 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na yul de na khyim bdag phyug po zhig rigs mnyam pa las chung ma blangs nas/ bu med pas shin tu mi dga' ste/ lha kun la gsol ba btab pa las/ phyi zhig na chung ma sems can dang ldan par gyur te/ zla ba tshangs nas khye'u zhig btsas nas/ khye'u de yang shin tu mdzes shing sdug pa zhig ste/ pha ma dang gnyen bshes kun dga' nas btsas ston byas pas/ chu bo zhig gi 'gram na 'dus te btsas ston zos so/ /chu 'gram na btsas ston zos pa'i tshe kun gyis khye'u blta ba'i phyir/ cig gis pang par blangs nas/ yang gcig gis pang par byin no/ /de bzhin du gcig nas cig tu brgyud pa'i tshe gcig gis le lo byas nas/ khye'u shor te chur lhung nas chus khyer ro/ /khye'u bsod nams kyi mthus/ las ma zad pas tshe ma 'phos par nya zhig gis mid nas/ nya'i lto ba na gson por 'dug go/ /chu bo de'i mjug na yang grong zhig yod de/ grong der yang khyim bdag phyug po bu med pa zhig yod do/ /khyim bdag de'i bran</font><hr>69.224b<br><font size=+1>

zhig chu de'i 'gram na nya bshor ba las/ nya bu yod pa de zin nas lto bkas pa dang / lto ba nas khye'u zhig byung nas bran des khyer te jo mo la phul lo/ /khyim bdag gi chung mas khye'u blangs te bltas na/ khye'u mtshan dang ldan pa bzang po zhig nas/ rab tu dga' ste bdag cag gis lha kun la gsol ba btab pa'i rtags ni 'di yin no snyam nas ma ma la gtad de gsos so/ /de'i tshe grong ltag ma'i khyim bdag gis/ grong 'og ma'i khyim bdag gis nya'i khong nas bu zhig rnyed do zhes thos nas de gdon mi za bar bdag gi bu chur lhung ba yin no snyam ste/ de'i thad du song nas 'di ni nga'i bu yin gyis phyir byin cig ces smras so/ /des smras pa 'di ni khyod kyi bu ma yin te/ bdag la bu med pas lha kun la gsol ba btab nas/ lhas byin pa'i bu yin te/ nya'i lto ba nas rnyed do zhes smras so/ /khyim bdag de gnyis rtsod nas rgyal po zhal che bar gsol te/ de la khye'u'i phas ni bdag gi bu yin te/ chu 'gram na chur lhung ba 'di yin no zhes smras so/ /khyim bdag cig gis ni khye'u bdag gis nya zin pa'i lto ba nas rnyed de/ khyod kyi bu ma yin no zhes smras nas/ rgyal pos de gnyis kyi tshul dang sbyar nas/ khye'u 'di gnyis kas thun mong du gsol la/ cher skyes nas khyod gnyis kyi bu'i chung ma re re long shig /chung ma gnyis las bu gang las byung ba so sor khyer cig ces bcad do/ /de nas khyim bdag gnyis kyis kyang rgyal pos zhal che bar bcad pa bzhin du khye'u thun mong du gsos nas cis kyang mi brel bar byas so/ /de nas khye'u cher skyes nas pha ma gnyis la 'di skad ces gsol to/ /bdag btsas ma thag tu chur lhung ba dang / nyas mid pa la sogs pa sdug bsngal sna tshogs myong yang / bdag cag ma gum pas bdag ni rab tu byung bar dad kyi</font><hr>69.225a<br><font size=+1>

gnong shig ces smras so/ /khye'u de'i pha ma gnyis kyang bu sdug ches pas ngo ma chod nas/ rab tu byung bar gnang ba dang / khye'u des sangs rgyas gang na ba der song nas der phyin pa dang / bcom ldan 'das kyi zhabs la mgo bos phyag 'tshal te/ bdag sangs rgyas kyi bstan pa la rab tu byung ngo zhes gsol te/ de la bcom ldan 'das kyis legs par 'ongs so zhes bka' stsal nas skra dang kha spu rang byi ste/ dge slong du gyur to/ /ming yang rig gnyis pa zhes bya bar btags te/ dge slong rigs gnyis pa la bcom ldan 'das kyis dam pa'i chos gsungs pas/ sdug bsngal kyi mthar phyin te/ de nyid du dgra bcom par gyur to/ /de la dge slong dag the tsom skyes te tshe dang ldan pa kun dga' bos bcom ldan 'das la 'di skad ces gsol to/ /dge slong rigs gnyis pa 'di sngon dge ba'i rtsa ba ci bsags pa na chur lhung ste nya'i lto bar mchis kyang gum par ma gyur/ bcom ldan 'das kyis kun dga' bo la bka' stsal pa/ khyod rtag par nyon cig /sngon sangs rgyas rnam gzigs zhes bya ba 'jig rten du gshegs te/ skye bo mang po la chos ston to/ /de'i tshe khyim bdag cig kyang 'khor der 'ongs te/ bcom ldan 'das kyis sbyin pa byin pa'i bsod nams dang / tshul khrims bsrung ba'i yon tan la sogs pa rgya cher bstan pa thos nas shin du dga' mgu rangs te/ bsam pa dag pa'i dad pa skyes nas/ sangs rgyas de la srog gcod pa la sogs pa'i bslab pa'i tshigs gsum mnos nas dong tse gcig phul lo/ /de'i dbang gis gang nas gang du skyes kyang longs spyod dang rin po cher ldan te/ phongs pa med par gyur to/ /kun dga' bo de'i tshe de'i dus na khyim bdag de ni dge slong rigs gnyis pa 'di yin te/ sangs rgyas la dong tse phul bas bskal pa dgu</font><hr>69.225b<br><font size=+1>

bcu rtsa gcig gi bar longs spyod chen po dang ldan par gyur/ /da ltar gyi tshe 'di la yang pha ma gnyis kyi khyim na longs spyod bdog pa dang ldan par gyur to/ /srog mi gcod pa'i bslabs tshigs mnos nas chur lhung ste nya'i ltor song ste yang ma shi'o/ /dkon mchog gsum la skyabs su song bas nga dang phrad nas dgra bcom par gyur to/ /de'i tshe kun dga' bo dang / 'khor mang po rnams/ bcom ldan 'das kyis bstan pa la yi rangs te mngon par dga'o/ /rigs gnyis pa'i le'u ste nyi shu gcig pa'o// // bam po drug pa/ 'di skad bdag gis thos pa'i dus cig na/ bcom ldan 'das yangs pa can na/ a mra'i tshal na bzhugs so/ /de'i tshe bcom ldan 'das kyis tshe dang ldan pa kun dga' bo la 'di skad ces bka' stsal to/ /rdzu 'phrul gyi rkang pa bzhi thob nas bskal pa cig gi bar du 'jig rten na gnas par 'gyur ro/ /ngas kyang rdzu 'phrul gyi rkang pa bzhi shin tu bsgom pas/ de bzhin gshegs pa 'jig rten na sku ji srid kyi bar du bzhugs pa'i rigs shes lan gsum gyi bar du smras na/ de'i tshe kun dga' bo bdud kyis bslus pas/ bcom ldan 'das kyi bka' thos bzhin du cang mi smra bar 'dug go/ /yang bcom ldan 'das kyis kun dga' bo la dben par song ste/ shin tu soms shig ces bka' stsal nas/ kun dga' bos 'dug pa las langs te tshal zhig tu song ngo / /kun dga' bo song ba'i 'og tu bdud kyi rgyal po sdig to can 'ongs nas/ bcom ldan 'das la 'di skad ces gsol to/ /bcom ldan 'das yun ring por 'jig rten na bzhugs te/ gdul ba'i rigs pa yang gang gA'i klung gi bye ma snyed btul nas/ 'khor ba las yongs su bzlog pa'i don kyang mdzad pa lags/ da sku nas kyang bsgres</font><hr>69.226a<br><font size=+1>

kyis mya ngan las 'da' bar gshegs pa'i rigs so zhes gsol to/ /de nas bcom ldan 'das kyis sa nyung zad cig blangs te/ phyag gi sen mo'i steng du bzhag nas/ bdud sdig can la sa chen po'i sa mang ngam/ sen mo'i steng gi sa mang zhes bka' stsal nas/ bdud sdig to can gyis gsol pa/ sa chen po'i sa ni rab tu mang gi sen mo'i steng gi sa ni mang ba ma lags so/ /bcom ldan 'das kyis bka' stsal pa/ ngas btul ba'i sems can ni sen mo'i steng gi sa dang 'dra'o/ /gang ma btul ba ni sa chen po dang 'dra'o/ /bcom ldan 'das kyis bdud sdig to can la bka' stsal pa/ da ste zla ba gsum na nga yongs su mya ngan las 'da'o zhes bka' stsal pa/ bdud sdig to can gyis thos nas rab tu dga' mgu rangs te phyir dong ngo / /de'i tshe kun dga' bo tshal gyi nang na gnyid log nas rmi lam du shing chen po nam mkha'i khams kun g.yog pa la yal ga dang / lo ma dang / me tog dang / 'bras bu shin tu rgyas pa/ 'gro ba thams cad la phan pa'i don du 'gyur ba/ shing de la yon tan brjod kyis mi lang ba rnam pa sna tshogs dang ldan pa zhig rmis te/ ring po ma lon par rlung chen po langs te/ yal ka dang lo ma kun grug nas/ rdul bzhin du thor nas kyang stobs chen po'i gnas su med par gyur te/ 'gro ba thams cad shin tu mya ngan byed pa snyam rmis nas/ sad pa dang mi bde zhing skrag par gyur nas 'di snyam du sems so/ /bdag gis lha dang mi thams cad la phan pa'i don du 'gyur ba'i shing chen po yon tan thams cad dang ldan pa zhig rmis nas/ ring por ma lon par rlung chen pos gtor te med par byas pa 'di/ bcom ldan 'das ni shing chen po dang 'dra bar thams cad kyi skyabs su gyur na/ bcom ldan 'das mya ngan las 'da' bar mi</font><hr>69.226b<br><font size=+1>

dgongs sam snyam bsams nas shin tu skrag ste/ bcom ldan 'das gang na ba der 'ongs nas/ zhabs la spyi bos phyag 'tshal te/ bcom ldan 'das la 'di skad ces gsol to/ /bdag tshal na mchis pa las rmi lam 'di lta bu zhig rmi na/ ji bcom ldan 'das mya ngan las 'da' bar mi dgongs lags sam/ bcom ldan 'das kyis kun dga' bo la bka' stsal pa de de bzhin no/ /khyod kyis smras pa bzhin te/ nga da ste zla ba gsum na mya ngan las 'da'o/ /gang rdzu 'phrul kyi rkang pa bzhi thob pa ni bskal pa cig gi bar du gnas te/ nga yang rdzu 'phrul gyi rkang pa bzhi shin tu sgoms nas da de bzhin gshegs pa'i sku tshe ci srid bzhugs pa'i rigs shes khyod la dris na/ lan gsum gyi bar du dris kyang khyod smrar ma btub ste/ khyod song ba'i 'og tu bdud kyi rgyal po sdig to can 'ongs nas/ mya ngan las 'da' bar gsol ba btab pa las kyang de bzhin du gnang ngo / /kun dga' bos de skad ces bka' stsal pa thos nas/ rab tu mi dga' zhing mya ngan gyis gdungs ste/ lus mi bzod par gyur to/ /nye gnas rnams gcig la gcig sbran te/ thams cad mya ngan gyis gdungs nas/ bcom ldan 'das gang na ba der song ngo / /de la bcom ldan 'das kyis kun dga' bo dang / nye gnas rnams la bka' stsal pa/ rtag ces bya ba su yin/ thams cad la rtag pa med de/ khyod kyi phyir bya ba kun mdzad de/ bstan pa yang bstan zin pas/ khyed rnams mya ngan ma byed par brtson 'grus su nan tan gyis shig ces bka' stsal nas/ de'i tshe tshe dang ldan pa shA ri'i bus de skad du bcom ldan 'das mya ngan las 'da'o zhes thos pa dang / mya ngan du gyur te de bzhin gshegs pa mya ngan las 'da' ba ni ha cang yang myur ches so/ /lha dang bcas pa'i 'jig rten thams cad mdongs shing mgon med par gyur to zhes smras te/ bcom ldan 'das la 'di skad ces</font><hr>69.227a<br><font size=+1>

gsol to/ /bdag ni bcom ldan 'das mya ngan las 'das pa mthong bar mi bzod de ci nas kyang bdag mya ngan las 'da'o zhes lan gsum gyi bar du gsol to/ /bcom ldan 'das kyis bka' stsal pa/ de ste khyod dus la bab par shes na/ 'phags pa thams cad ni zhi bas mya ngan las 'da'o zhes bka' stsal to/ /shA ri'i bus kyang bcom ldan 'das kyis gnang ba'i lung thob nas gos tshags bgos te/ bcom ldan 'das la lan brgya tsam bskor te/ tshigs su bcad pa rnam pa mang pos bstod nas/ sangs rgyas kyi zhabs dang phyag nas bzung ste/ lan gsum gyi bar du spyi bo la gtugs nas/ thal mo sbyar te 'di skad du bdag gis nang gi tha mar yang / bcom ldan 'das mthong ngo zhes smras nas bsti stang dang bcas pas mchi phyag 'tshal te/ nye gnas dge tshul kyun te dang / rgyal po'i khab sngon skye ba'i gnas gang na ba der song ngo / /der phyin pa dang / dge tshul kyun te de la bsgo ba khyod song la grong khyer dang / grong rdal dang / rgyal po'i pho brang dang / 'gron pa'i gnas dang / yon bdag bshes pa'i gnas kun tu song la de dag la nga mchi phyag 'tshal lo bsgo shig /de nas dge tshul kyun te slob dpon gyis bsgo ba bzhin du kun tu song nas/ 'di skad du bdag gi mkhan po shA ri'i bu 'dir gshegs te/ mya ngan las 'da' bar gshegs kyis khyod kyis mthong bar 'dod na kun gshegs shig ces bsgo'o/ /de'i tshe rgyal po ma skyes dgra dang / khyim bdag rigs che zhing mtho ba dang / yon bdag rnams dge tshul gyis bsgo ba thos nas thams cad mi dga' zhing mya ngan gyis gdungs par gyur te/ thams cad tshig mthun par 'di skad ces smras so/ /btsun pa shA ri'i bu chos kyi gtso bo chen po/ 'gro ba mang po'i bshes gnyen du gyur pa/ </font><hr>69.227b<br><font size=+1>

da mya ngan las 'da' ba ni ha cang yang snga ches so zhes smras nas de dag myur bar shA ri'i bu gang na bar lhags te/ phyag byas nas 'di skad ces smras so/ /btsun pa shA ri'i bu chos kyi gtso bo chen po/ 'gro ba mang po'i bshes gnyen sku tshe yongs su gtong ste/ mya ngan las 'da'o zhes nas/ bdag cag la sogs pa 'gro ba mang po'i mgon dang dpung gnyen med par 'gyur ro/ /de nas shA ri'i bus 'khor mang po la smras pa/ thams cad ni mi rtag pa ste/ skye ba yang mthar 'chi la/ 'dus pa yang mthar 'bral bas/ khams gsum ni sdug bsngal ba dang bcas pas na/ gang zhig bde bar 'gyur/ khyod ni sngon dge ba'i rtsa bas sangs rgyas 'jig rten du gshegs pa dang yang phrad mod kyis/ mdo sde dang chos thos pa shin tu dka'/ mi'i lus thob pa yang shin du dka' ba yin gyis/ bsod nams kyi tshogs su 'gyur zhing 'khor ba las grol ba'i las la brtson par gyis shig ces/ thabs mkhas pa rnam pa sna tshogs kyis 'khor mang po la ji ltar nad pa la sman gtong ba bzhin du rgya cher bstan te/ 'khor mang po la chos bstan nas kha cig ni 'bras bu dang po nas 'bras bu gsum pa'i bar du thob par gyur/ kha cig ni rab tu byung nas dgra bcom par gyur/ kha cig ni rang sangs rgyas su grub par yid dam bcas te chos bstan pa thos nas/ phyag 'tshal nas so sor dong ngo / /de nas shA ri'i bu de'i nub mo nam gyi cha smad la/ lus dang sems drang por bzhag ste/ sems rtse gcig tu bsam gtan dang po la zhugs so/ /bsam gtan dang po las byung nas/ bsam gtan gnyis pa la zhugs/ bsam gtan gnyis pa las byung nas/ bsam gtan gsum pa la zhugs/ bsam gtan gsum pa las byung nas bsam gtan bzhi pa la zhugs/ bsam gtan bzhi pa las byung nas nam</font><hr>69.228a<br><font size=+1>

mkha' mtha' yas skye mched kyi ting nge 'dzin la zhugs/ nam mkha' mtha' yas skye mched kyi ting nge 'dzin las byung nas rnam shes mtha' yas skye mched kyi ting nge 'dzin la zhugs/ rnam shes mtha' yas skye mched kyi ting nge 'dzin las byung nas/ cung zad med pa'i skye mched kyi ting nge 'dzin la zhugs/ cung zad med pa'i skye mched kyi ting nge 'dzin las byung nas/ 'du shes med 'du shes med min skye mched kyi ting nge 'dzin la zhugs/ 'du shes med 'du shes med min kyi skye mched kyi ting nge 'dzin las byung nas/ 'gog pa'i ting nge 'dzin la zhugs/ 'gog pa'i ting nge 'dzin las byung nas/ mya ngan las 'da' bar zhugs so/ /de'i tshe na brgya byin lha'i dbang pos shA ri'i bu mya ngan las 'da' bar shes nas/ lha'i 'khor brgya stong mang po dang so so nas me tog dang / spos la sogs pa mchod pa'i yo byad thogs te/ phyogs der lhags nas/ steng gi nam mkha' la bar 'tshams med par 'khod de/ mchi ma char bzhin du lhags nas/ me tog gi pus mo nub pa tsam du gtor nas/ 'di skad du btsun pa shA ri'i bu'i shes rab ni zab khyad rgya mtsho tsam ste/ ji ltar rig pa'i blo dang ldan pa gsung gi spobs pa ni chu mig dang 'dra ste/ tshul khrims dang ting nge 'dzin dang / shes rab dang ldan/ chos kyi gtso bo chen po/ de bzhin gshegs pa'i rjes su chos kyi 'khor lo rgyas par bskor ba/ deng mya ngan las 'da' ba ni shin tu snga ches so/ /grong khyer de'i nang dang phyi rol na 'dug pa'i mi thams cad kyis/ shA ri'i bu mya ngan las 'das so zhes thos nas/ thams cad kyi mar dang 'bru mar bsung can spos dang / me tog dang / mchod pa'i yo byad thogs te/ thams cad lhags nas lus kyis mi bzod par mya ngan kyis gdungs</font><hr>69.228b<br><font size=+1>

te/ so so nas thogs pa'i yo byad kyis mchod pa byas so/ /de nas brgya byin lha'i dbang pos/ byi shwa kar ma la bsgo ba khyod kyis rin po che mang pos brgyan pa'i shing rta sbyor cig /shA ri'i bu'i spur bzhag par bya'o zhes bsgo'o/ /de nas lha dang klu dang gnod sbyin dang / rgyal po dang / blon po dang / yul mi thams cad kyis cho nges btab ste gang na thang bde bar bskyal lo/ /brgya byin lha'i dbang pos gnod sbyin rnams la khyod kyis rgya mtsho'i ngogs nas glang mgo tsan dan long shig ces bsgo nas/ gnod sbyin rnams kyis rgya mtsho'-i ngogs nas tsan dan blangs te/ spungs te/ de'i steng du spur bzhag te mar dang 'bru mar gyis gtor nas me gtang ngo / /'khor de dag kun gyis phyag 'tshal te phyir dong ngo / /me shi ba'i 'og tu dge tshul kyun tes slob dpon gyi ring bsrel dang / lhung bzed dang chos gos gsum thogs te/ sangs rgyas gang na ba der song ste/ zhabs la mgo bos phyag 'tshal te/ pus mo'i lha nga sa la btsugs nas/ bdag gi slob dpon ni mya ngan las 'das ste/ ring bsrel dang chos gos dang / lhung bzed ni 'di dag lags so zhes gsol to/ /de'i tshe kun dga' bos dge tshul gyis smras pa thos nas/ mya ngan gyis shin du gdungs te/ bcom ldan 'das la 'di skad ces gsol to/ /shA ri'i bu chos kyi bdag po gtso bo chen po yang mya ngan las 'das na bdag cag gis su la gnas bca' zhing skyabs su mchi bar bgyi/ bcom ldan 'das kyis bka' stsal pa/ shA ri'i bu mya ngan las 'das kyang tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa dang / chos kyi sku mya ngan las ma 'das so/ /shA ri'i bu ni nga da ltar 'ba' shig mya ngan las 'da' bar mthong bar mi bzod de/ sngar mya ngan las 'das pa</font><hr>69.229a<br><font size=+1>

'dir ma zad kyi/ sngon 'das pa'i dus na nga tshe 'pho ba la mi bzod nas sngar tshe 'phos so/ /kun dga' bos thal mo sbyar te/ bcom ldan 'das la gsol pa/ sngon bcom ldan 'das sku tshe'i snga ma la yang sngar gum nas/ phyis gshegs pa'i dngos po rgyas par bstan du gsol/ bcom ldan 'das kyis kun dga' bo la 'di skad ces bka' stsal pa/ sngon 'das pa'i bskal pa tshad med grang med bsam gyis mi khyab pa 'das pa'i sngon rol tu/ 'dzam bu'i gling 'dir yul che ge mo zhig na rgyal po zla 'od ces bya ba 'dzam bu'i gling la dbang ba rgyal phran brgyad khri bzhi stong dang / ljongs stong phrag drug bcu'i nang na grong khyer brgyad khri phrag brgyad bcu la dbang byed pa zhig byung ngo / /rgyal po de la btsun mo stong phrag nyi shu yod de/ btsun mo che ba ni me tog sbyin pa zhes bya/ btsun mo 'bring po ni spyan chen po zhes bya ste/ rgyal po de la rgyal bu lnga brgya tsam rnyed do/ /rgyal po'i bu tho bo rgyal tshab ni tshul khrims bzang po zhes bya/ rgyal po bzhugs pa'i pho brang ni 'tsho ba bzang po zhes bya ste/ pho brang de'i chu zheng gab par dpag tshad bzhi brgya yod de/ gser dang / dngul dang / bai dUr+ya dang / shel las byas so/ /skyed mos tshal gyi nang na gser dang / dngul dang / bai dur+ya dang / shel gyi shing tshar bzhi yod do/ /kha cig gi yal ga ni gser/ lo ma ni dngul/ kha cig gi yal ga ni dngul/ lo ma ni gser/ kha cig gi yal ga bai dur+ya/ lo ma ni shel/ kha cig gi yal ga ni shel/ lo ma ni bai dur+ya ste/ rin po che'i rdzing rnams kyang gser dang / dngul dang / bai dUr+ya dang / shel las byas pa/ rdzing gi zhabs kyang rin po che sna bzhi'i bye mas brdal ba/ rgyal po'i pho brang nyi tse ni 'khor ra 'khor yug du dpag tshad bzhi bcu'i bar du gser dang / dngul dang / </font><hr>69.229b<br><font size=+1>

bai dur+ya dang / shel gyis chal par bkang ngo / /yul de na gnas pa'i mi rnams bde zhing skyid la longs spyod 'byor pa/ rin po che dam pa bdog par gyur to/ /de'i tshe rgyal po'i pho brang na 'dug pa las rtag tu 'di snyam du bsam pa skyes so/ /'jig rten na gnas pa dag btsan zhing che ba la thams cad kyis bkur sti byed par 'gyur ro snyam du bsam ma thag tu 'dod pa lnga'i longs spyod dam pa yid bzhin du grub ste/ 'di ltar 'bras bu mchog thob pa yang sngon bsod nams kyi tshogs bskyed pa las gyur te/ dper na zhing pa dag kyang dpyid sa bon mang du btab na/ ston mang du bsdur yod do snyam re ba yod do/ /bdag kyang de dang 'dra ste/ sngon bsod nams kyi tshogs bskyed pas 'di ltar 'di lta bu grub par gyur to/ /da ltar gyi dus su sa bon ma bskyed na phyis re ba med do snyam bsams nas/ blon po rnams la da ni bdag gi rin po che dang / longs spyod kun sbyin pa'i phyir grong khyer gyi sgo dang tshong dus kyi mdor spungs te/ sems can la yid bzhin du ci bdog pa sbyin par bya'o/ /gzhan yang rgyal phran brgyad khri bzhi stong yod pa las/ bang mdzod ci yod pa thams cad 'gro ba mang po la sbyin par bkar btags so zhes bsgo nas gser gyi rgyal mtshan bsgrengs ste/ gser gyi rnga brdungs nas phyogs su rgyas par kun gyis thos shing shes par shin tu bsgrags so/ /de'i tshe yul de na dge sbyong dang bram ze dang / dbul 'phong ba dang / mgon med pa dang / rgan pa dang / longs spyod kyis brel ba thams cad sprin bzhin du 'dus te/ gang gos 'dod pa la gos dang / zas 'dod pa la zas/ gser dngul dang nor bu rin po che 'dod pa la ni gser dngul dang rin po che/ nad pa rnams la ni nad kyi rkyen sman la sogs pa ci 'dod pa yid bzhin du sbyin no/ /de'i tshe na 'dzam bu'i gling na 'khod pa'i 'gro ba thams cad rgyal po'i</font><hr>69.230a<br><font size=+1>

bka' drin gyis thams cad bde zhing skyid pa'i glu len bro brdung / tshigs su bcad pas bstod do/ /rgyal po'i ming snyan pa thams cad 'og tu bsgrags nas bka' mi nyan pa med do/ /de'i tshe yul gyi mtha' 'khob na rgyal po chung ngu byi ma se na zhes bya ba zhig rgyal po zla 'od la phrag dog skyes te/ bde bar nyal du med do/ /gnyid kyang mi bro bas 'di snyam du bsams so/ /rgyal po zla 'od med par ma byas kyi bar du bdag gi ming grags par mi 'gyur gyis bdag gis yul phyogs na 'khod pa'i kun tu rgyu dag bos la/ kun tu bsgrub tu gzhug pa'i thabs bya'o snyam bsams nas/ bdag gi yul na 'khod pa'i kun tu rgyu bos nas/ kha zas ro brgya dang ldan pa rnam pa sna tshogs sbyar te/ bsti stang dang bcas pas zla ba gsum gyi bar du mchod pa byas nas/ kun tu rgyu rnams la 'di skad ces smras so/ /nga ni mya ngan gyis non to/ nyin mtshan du mi bde na khyod ni chos spyod pa yin te/ mchod pa'i gnas yin na nga'i mya ngan med par bya ba'i thabs soms shig /bram ze rnams kyis smras pa/ rgyal po ci'i slad du thugs ngan mdzad pa bdag cag la gsungs shig /ji nus kyis rgyal po'i thugs ngan ma mchis par bgyi'o/ /rgyal pos smras pa/ rgyal po zla 'od de yon tan du grags pas de thams cad kyis bsnyen bkur byed na/ nga 'ba' zhig yon tan ma grags te/ rgyal po de med par byas pa dga' na/ khyod la thabs ci yod pa smros shig /bram ze rnams kyis de skad ces bsgo ba thos nas/ so so nas gcig la gcig 'di skad ces smras so/ /rgyal po zla 'od 'di ni snying rje dang ldan te/ 'gro ba thams cad la drin gyis khyab cing dbul 'phong pa la yang pha ma lta bur gyur pas/ bdag cag ni tshe 'phos la thug kyang de la su zhig gnod pa byed mi nus so zhes smras so/ /'tsho ba la yang ma bltas te so sor gyes so/ /rgyal po byi ma se na de skad ces smras pa thos nas/ lhag par mi dga' ste</font><hr>69.230b<br><font size=+1>

'di skad ces bkar btags so/ /gang su la yang rung nga'i phyir rgyal po zla 'od kyi mgo bcad de 'ongs na rgyal srid phyed phyed kyang sbyin zhing bu mo yang chung mar sbyin zhes bkar btags pa dang / de'i tshe ri brag gi gong na bram ze le'u te tsa zhes bya bas thos te/ rgyal po de gang na ba der 'ongs nas rab tu dga' ste/ de skad du bdag gis ni rgyal po'i dgongs pa bzhin du bsgrub nus so zhes gsol to/ /rgyal pos smras pa/ de ltar bsgrub na nyi ma gang la 'gro bar bya/ bram zes smras pa/ bdag gi lam rgyags stsol cig dang / da slan cad zhag bdun na mchi'i zhes gsol pa dang / bram ze de zhag bdun kyi bar du bdag gi lus bsrung ba'i sngags byas nas rgyal po la mchi phyag byas te/ lam du zhugs nas song ngo / de'i tshe rgyal po zla 'od kyi yul na ltas ngan rnam pa sna tshogs byung ste/ sa kun gas pa dang / glog 'gyu ba dang skar ma lhung ba dang / nyin mtshan du yul rmugs dang / 'brug grag pa dang / ser ba dang / gnam lcags dang / bya mang pos nam mkha' la snying rje rje'i skad zer zhing nam mkha' la rang lhung ba dang / stag dang / gzig dang / spyang ki dang / gcan zan dang / ri dgas la sogs pa rgyug mchongs zhing skad mi snyan pa zer ba dang / rgyal phran brgyad khri bzhi stong gi rmi lam du rgyal po chen po'i gser gyi rgyal mtshan chags pa dang / gser gyi rnga ral bar rmis so/ /blon po zla ba chen po zhes bya ba'i rmis lam du/ yi dgas zhig gis rgyal po'i gser gyi cod pan phrogs pa rmis te/ thams cad kyang lus kyis mi bzod pa tsam gyi mya ngan gyis non par gyur te/ /de'i tshe na grong khyer gyi sgo bsrungs ba'i lhas/ bram ze des rgyal po'i mgo slong du 'ong bar rtogs nas/ de myos shing slad par byas te/ grong khyer gyi sgo nas ma btang bas bram ze des grong khyer la lan mang du bskor kyang nang du</font><hr>69.231a<br><font size=+1>

ma chud do/ /de nas gnas gtsang ma'i ris kyi lhas kyang rgyal po zla 'od mgo sbyin pa byas na/ sbyin pa'i pha rol tu phyin pa yongs su rdzogs par bya bar shes nas rmi lam du rgyal po la sbran nas/ rgyal po chen po thams cad kyi yid dang mi 'gal bar sbyin pa sbyin no zhes yi dam bcas na/ da ltar slong ba grong khyer gyi sgor 'ongs ste nang du 'ong ba'i dbang med do zhes sbran no/ /sad nas ngo mtshar du gyur te/ blon po zla ba chen po la khyod song la/ grong khyer gyi sgo nas su 'ong yang rung / ma bkag par nang du thong shig ces bsgo'o/ /zla ba chen po grong khyer gyi sgor 'ongs pa dang / grong khyer gyi sgo bsrung ba'i lhas lus mngon par bstan te/ zla ba chen po la 'di skad ces smras so/ /bram ze zhig yul gzhan nas 'ong ste/ sdig pa'i sems kyis rgyal po la mgo slong du 'ongs pas nang du ma btang ba yin no/ /blon pos smras pa/ gal te de ltar bden na gnod pa'i ltas chen po yin te/ 'on kyang rgyal po'i bka' bcag du mi rung zhes bsgo'o/ /de nas grong khyer bsrungs ba'i lhas kyang bram ze nang du btang ba dang / blon po zla ba chen po 'di snyam du bsams so/ /bram ze 'di ni gdon mi za bar rgyal po'i mgo slong bar 'gyur gyi/ rin po che sna bdun las sna cig kyang / mgo lnga brgya lnga brgya zhig byas te/ mgo 'di dag gis rgyal po'i mgo blu'o snyam bsam nas sbyor du bcug go/ /de nas bram ze de rgyal po'i pho brang du 'ongs te skad chen por 'di skad ces smras so/ /bdag ni yul gyi mtha' khob nas mchis te/ rgyang ma nas rgyal po chen po ni thams cad yongs su gtong la/ pha rol po'i yid dang mi 'gal bar mdzad do zhes yon tan chen po thos nas/ lam ring po nas dgos pa 'dod pa'i slad du 'dir mchis so/ /rgyal pos de skad smras pa thos nas rab tu dga'</font><hr>69.231b<br><font size=+1>

mgu rangs te/ phyag 'tshal nas/ ngal bar ma gyur tam zhes dris te/ nor ci 'dod pa dang / yul lam rgyal srid dam/ grong khyer ram/ chung ma 'am/ bu pho 'am/ rin po che 'am/ theg pa 'am/ glang po che 'am/ rta 'am/ rin po che sna bdun nam/ pho brang ngam/ bran mo 'am/ las byed pa'i mi 'am/ ci 'dod pa thams cad sbyin no zhes smras so/ /bram zes smras pa phyi rol gyi longs spyod kyi sbyin pa ni sbyin pa'i bsod nams mang du 'gyur mod kyi sbyin pa chen por mi 'gyur te/ gal te lus kyi sha khrag sbyin pa bsod nams kyi mchog yin pas/ bdag ni rgyal po'i dbu 'tshal ba'i slad du lam ring po 'dir mchis kyi/ yid dang mi 'gal bar mdzad na sbyin par mdzod cig ces gsol pa dang / rgyal pos de skad smras pa thos nas dpe med par dga' bar gyur to/ /bram zes smras pa bdag la dbu stsal na/ nam stsal bar bka' stsal du gsol/ rgyal pos smras pa/ da ste zhag bdun na khyod la mgo sbyin no zhes bsgo'o/ /de nas blon po zla ba chen pos rin po che sna bdun las byas pa'i mgo rnams khyer te 'ongs nas/ bram ze'i mdun du lto ba sa la phab ste 'di skad ces smras so/ /rgyal po'i dbu ni sha dang / khrag dang / rus pa ste/ mi gtsang ba yin te ci zhig bya/ rin po che sna bdun gyi mgo 'di dag gis mgo 'di brje'o/ /rin po che sna bdun gyi mgo 'di dag gis khyod tshe gcig tu phyug par 'gyur ro/ /bram zes smras pa/ bdag la 'di dag mi dgos kyis/ rgyal po'i dbu dgos kyis bdag gi re ba skong shig /zla ba chen pos thabs rnam pa sna tshogs kyis gsol ba btab kyang ma gtub pas/ mya ngan gyis non te khams nas snying bdun du gas te tshe 'phos so/ /de'i tshe na rgyal po des blon po zhig glang po che dpag tshad brgya stong du 'gro ba la bskyon nas rgyal phran thams cad la sbran te/ </font><hr>69.231c<br><font size=+1>

# zhag bdun na rgyal po zla 'od bram ze la dbu sbyin pa mthong ba thams cad myur du shog shig /de'i tshe rgyal phran brgyad khri snyed po de thams cad de ma thag tu lhags te/ rgyal po'i spyan sngar 'ongs nas/ lto ba sa la phab ste 'di skad ces gsol to/ /'dzam bu'i gling gi sems can thams cad rgyal po'i bka' drin gyis thams cad bde skyid de/ gnod pa ma mchis na mi cig gi slad du 'gro ba thams cad yongs su spong ba mi rigs kyi/ bdag cag la thugs brtse ba'i slad du dbu'i sbyin pa mi mdzad par gsol/ blon po phrag bcus kyang lus sa la phab ste bdag cag la thugs brtse ba'i slad du dbu'i sbyin pa mi mdzad par gsol to/ /btsun mo stong phrag nyi shus kyang lus sa la phab nas/ rgyal po la 'di skad ces bdag la thugs brtse bar dgongs ste/ dbu sbyin par mi mdzad par gsol zhes smras so/ /rgyal bu lnga brgya po rnams kyang ngus nas bdag cag la mgon dang skyabs ma mchis na/ thugs brtse bar dgongs te/ dbu'i sbyin pa ma mdzad cig /bdag cag kyang mi'i rjes su bslabs par dgongs zhes smras so/ /de nas rgyal po chen po des blon po chen po dang / btsun mo dang / sras rnams la 'di skad ces bka' stsal to/ /thog ma med pa nas lus 'di 'khor ba na 'khor zhing / yun ring por sems can dmyal ba na 'dug pa'i tshe nyi ma gcig la yang lan du ma zhig tshe 'phos nas lus 'di chud zos te/ thal chu dang / lcags kyi khri dang / chu tshan khol ma dang / ngan skyug dang / me'i shing rta dang / me dong lastsogs pa'i sems can dmyal bar yun ring por sdug bsngal myong ste/ btso ba dang bsregs pa la sogs pa lus 'di grangs med par chud zos kyang / bsod nams 'ga' tsam yang med do/ /gal te dud 'gro'i skye gnas su skyes pa na/ gcig la cig za zhing 'cha' ba dang / gzhan gyis bsad de kun gyis zos pa dang / tshe 'phos nas rul cing myags pa yang grangs med de/ da ltar 'di chud zos kyang bsod nams su gyur pa med do/ /yi dgas kyi khams su skyes pa na/ lus la me 'bar te/ 'khor los mgo bcad ma thag tu phyir yang</font><hr>69.231d<br><font size=+1>

# sos pa grangs med pa zhig myong ste/ de ltar lus chud zos kyang bsod nams su gyur pa med do/ /gal te mir skyes na yang nor dang bud med kyi phyir khros rngams pas mig bgrad de/ gcig la cig 'tshe zhing gsod pa dang / g.yul ngor lhags nas gcig la gcig gsod de/ de ltar lus chud zos pa dang / 'dod chags dang / zhe sdang dang / gti mug gis lus grangs med pa zhig bor yang bsod nams su ma gyur te/ bdag gis lus 'di yongs su btang bar bya'o/ /bdag gi lus 'di mi gtsang ba rnam pa sna tshogs kyi phung po ste/ ring por mi thogs par 'jigs cing dral bar 'gyur bas mi rtag zhing brtsogs pa'i mgo 'dis phan pa'i don mthun par gyur na ci'i phyir sbyin par mi bya/ nga'i mgo 'di bram ze de la byin te/ bsod nams de bla na med pa'i byang chub bsgrub po/ /nam mngon par sangs rgyas na/ yon tan phun sum tshogs par 'gyur te/ thabs la mkhas pas khyed kyang sdug bsngal las bzla'o/ /ngas sbyin pa byas pa 'dis mngon par 'tshang rgya yi/ bla na med pa'i byang chub kyi sems la khyed bar chad dang bgegs ma byed cig /rgyal phran dang / blon po dang / btsun mo dang / sras rnams la de skad ces bka' stsal pa dang / cang mi smra bar 'khod do/ /de nas rgyal po chen po des bram ze la smras pa/ da mgo blangs pa'i dus la bab kyis longs shig ces smras so/ /bram zes gsol pa da ltar rgyal po dang / blon po la stsogs pa 'khor mang pos bskor te/ bdag cig pus rgyal po'i dbu bcad pa'i mthu ma mchis kyi/ thugs mi thub po/ /bdag la brtsal bar 'tshal na/ rgyab kyi skyed mos tshal du gshegs so zhes gsol to/ /de nas rgyal pos rgyal phran dang / rgyal bu rnams la bsgo ba/ khyod nga la bsnyen bkur byed na/ bram ze 'di la gnod pa'i rgyal ka ma byed cig ces bsgo nas/ bram ze dang 'grogs te/ rgyal po skyed mos tshal du song ngo / /de nas rgyal po de la bram zes gsol pa/ rgyal po ni sku gzhon te/ ring yang gyad dang mnyam pas na/ tsha ba mi bzod do/ phyir yang 'gyod kyang srid kyi rgyal po'i dbu shing la btags te/ gdod dgum par</font><hr>69.232a<br><font size=+1>

'tshal lo/ /de nas rgyal pos shing gi yal ga brtan zhing / lo mas kun tu khebs pa zhig la mgo btags nas/ pus mo sa la btsugs te/ bram ze la 'di skad ces smras so/ /khyod kyis nga'i mgo chod la phyir yang nga'i lag tu bzhag nas nga'i lag nas longs shig /ngas khyod la mgo sbyin pa'i bsod nams 'di ni bdud dam/ tshangs pa 'dod pa ma yin te/ brgya byin nam/ 'khor los bsgyur ba'i rgyal po 'am/ khams gsum gyi bde ba'i longs spyod 'dod pa'i phyir ma yin/ bla na med pa yang dag par rdzogs pa'i byang chub 'dod do/ /'gro ba mang po skyob cing mya ngan las 'das pa'i bde ba la bkod pa'i phyir ro/ /de'i tshe bram zes ral gri phyar te gdab ces byas pa dang / shing gi lha de rab tu mi dga' bar gyur nas/ ci'i phyir mi 'di gsod pa'i las byas snyam nas/ bram ze de'i rna drung du thal mo cig bsnun nas/ rkang lag ma tshugs te sa la 'gyel to/ /de nas rgyal po des yar shing gi lha la bltas te smras pa/ sngon 'das pa'i dus na ngas shing 'di la mgo dgu brgya dgu bcu rtsa dgu snyed kyis sbyin pa byas te/ da mgo 'dis sbyin pa stong du tshang ste/ sbyin pa'i pha rol tu phyin pa yang yongs su rdzogs kyis/ nga'i bla na med pa'i byang chub kyi sems kyi bar chod ma byed cig /de'i tshe na shing gi lha des rgyal pos smras pa thos nas/ bram ze de phyir sor chud par byas te/ bram zes langs nas ral gri thogs te/ rgyal po'i mgo bcad do/ /mgo lag tu lhung nas/ sa chen po yang rnam pa drug tu g.yos/ lha'i pho brang yang 'gul zhig sdeg ste/ mi bde bar gyur nas/ ngo mtshar ya mtshan du gyur te/ kun gyis byang chub sems dpas 'gro ba thams cad kyi phyir/ mgo'i sbyin pa byas par mthong nas thams cad 'dus shing 'tshogs te ngo mtshar to/ /zhes mchi ma char bzhin du 'bab ste ngus nas 'di skad ces smras so/ /rgyal po zla 'od kyis mgo sbyin pa byas pas/ sbyin pa'i pha rol du phyin pa yang yongs su rdzogs par gyur to zhes kun tu grags par gyur nas/ rgyal po byi ma se nas thos nas mi dga' ste 'khams nas snying gas te tshe 'phos so/ /</font><hr>69.232b<br><font size=+1>

de'i tshe na bram zes rgyal po'i mgo khyer te song ba'i tshe/ rgyal phran dang / blon po dang / btsun mo dang / rgyal bu rnams kyis lus sa la brdabs te cho nges btab nas/ la la khrag tu skyug nas tshe 'phos so/ /kha cig ni ci yang mi dran par myos so/ /kha cig ni rang gi skra kun du bal lo/ /la la ni rang gi gos kun badral lo/ /kha cig ni rang gi lag pa gnyis kyis gdong kun phrad phrad nas cho nges btab cing sa la 'gre'o/ /de'i tshe na bram ze des rgyal po'i dbu mi sdug cing mnam mo zhes mi 'dod nas sa la bor te song ba dang / de la bram ze kha cig gis khyod shin du gdug pa can yin pa lta thog ma nas dgos pa med na/ bslangs te ci bya zhes spyos so/ /bram ze de lam du zhugs nas phrad pa thams cad kyis spyos nas/ kha zas mi ster bas shin du nyams thag par gyur la/ lam nas byi ma se na yang tshe 'phos par gtam thos pas thog mar re ba'i sems ltar ma gyur nas mya ngan gyi yi mug ste snying tshal pa bdun du gas nas/ khrag skyugs nas tshe 'phos so/ /rgyal po byi ma se na dang / bram ze gnyis tshe 'phos nas mtshams med pa'i sems can dmyal bar skyes so/ /rgyal po zla 'od kyi mya ngan gyis gdungs te tshe 'phos pa rnams ni mtho ris kyi lhar skyes so/ /kun dga' bo de'i tshe de'i dus na rgyal po zla 'od de ni da ltar nga yin no/ /rgyal po byi ma se na de ni bdud sdig can yin no/ /de'i dus na bram ze de ni da ltar lha sbyin yin no/ /de'i tshe na shing gi lha mo de ni da ltar maud gal gyi bu yin no/ /de'i tshe na blon po zla ba chen po de ni shA ri'i bu yin no/ /de'i tshe yang nga tshe 'phos par mthong bar mi bzod pas sngar tshe 'phos so/ /deng gi dus 'dir yang nga mya ngan las 'da' bar mthong bar mi bzod nas/ sngar mya ngan las 'das pa yin no/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / 'khor gzhan dag skad mthun par de bzhin gshegs pa'i yon tan ni ngo mtshar rmad do zhes bsngags nas/ bsgom pa la nan tan byas pas kha cig gis ni dge sbyong gi 'bras bu thob par gyur to/ /kha cig ni bla na</font><hr>69.233a<br><font size=+1>

med pa yang dag par rdzogs pa'i byang chub thob par 'gyur ro/ bcom ldan 'das kyis gsungs pa la rjes su yi rangs nas mngon par dga'o/ /rgyal po zla 'od kyis mgo sbyin pa'i le'u ste/ nyi shu gnyis pa'o// // 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe rgyal po gsal thub la blon po ri dgas zhes bya ba yod de/ rab tu phyug pa longs spyod che ba/ de la bu pho bdun yod do/ /bu pho drug gi ni chung ma lon te/ nang gi tha cung cig chung ma ma lon nas phas 'di snyam du bsams so/ /bdag ni rgas 'khogs te/ bu gcig gi chung ma ma lon pa 'di la bzang po zhig btsal lo snyam bsams nas/ de'i tshe na khyim bdag de la bram ze mdza' zhing bshes pa zhig yod de/ de dang phrad nas gtam du glengs pa/ bdag gi bu nang gi tha chung 'di da dung chung ma ma lon te/ su la bslangs yang mi shes na/ khyod ni yul kun tu phyin na bu mo bzang zhing mdzes pa/ blo dang ldan pa/ tshe dang dbang thang yod pa lta ci mthong / bdag gi bu 'di'i yid du 'ong ba cig khyod kyis btsal dgos so zhes smras pa dang / bram ze des kyang de bzhin du bya'o smras nas/ kun tu rgyu zhing tshol ba las/ yul shi ri ti ta zhes bya ba na bu mo lnga brgya zhig 'grogs te/ rtse ba las me tog bzang po btus te/ sangs rgyas la mchod pa'i phreng ba byed pa mthong ngo / /bram ze des kyang bu mo de dag gar song ba'i phyi bzhin bltas na bu mo de dag chu chung ngu zhig 'bog lab las/ gzhan thams cad ni lham phud kyi bu mo gcig lham ma phud par chu brgal to/ /de nas yang song ba las chu chen po zhig brgal nas/ bu mo gzhan ni gos phud nas chur zhugs/ bu mo de 'ba' zhig gos kyang ma phud par chu brgal to/ /de nas tshal zhig tu</font><hr>69.233b<br><font size=+1>

phyin nas bu mo gzhan ni shing khar 'dzeg cing me tog thogs na/ bu mo de 'ba' zhig gis sa la btus kyang / gzhan pas mang du rnyed do/ /de nas bram ze de bu mo'i drung du song ste/ khyod la the tsom zhig dri na/ khyod kyis lan legs par thob shig ces smras so/ /bu mos kyang the tsom yod na dris shig ces smras pa dang / bram zes dris pa/ bu mo khyod chu rgal ba dang bu mo gzhan gyis lham phud nas chu rgal/ bu mo khyod 'ba' shig lham yang ma phud par chu rgal na khyod la bsams pa gzhan ci yod/ bu mos smras pa/ khyod kyi the tsom ni ngo mtshar che ba yang ma yin no/ /bdag sa skam po la 'gro ba'i tshe/ rkang pa'i 'og tu ci 'gro mig gis ltar yod pas tsher ma 'am/ rdo 'am gyo mo 'am/ mi bde ba'i bag snang na yang 'byol nas 'gro/ chu'i gting na ci yod pa mig gis bltar med de/ gal te tsher ma'am/ sbrul lam srin bu gdug pa can dag la brdzis na rkang pa la gnod par 'gyur gyi dogs pas lham ma phud pa yin no/ /bram zes smras pa/ 'o na ci'i phyir gos dang bcas su chu la 'bog /bu mos smras pa/ bud med kyi lus kyi mtshan ma bzang po dang / ngan pa yod pas gos brdzes te chur zhugs na gzhan gyis mthong ste/ mtshan ma bzang na ci yang mi zer gyis/ mtshan ngan na 'phya' bar 'gyur bas bdag gis ma brdzes pa yin no/ /bram zes smras pa/ 'o na khyod ci'i phyir shing khar ma 'dzeg /bu mos smras pa/ gal te shing khar 'dzegs na shing gi yal ga chag gam ltung na lus la gnod par 'gyur bas/ shing khar ma 'dzegs pa yin no/ /bu mo 'di ni rgyal po rab gsal rgyal gyi gcung stobs kyi grogs po zhes pa'i bu mo yin te/ rgyal po'i gcung de sngon nyes pa zhig byas pas yul de nas bskrad de yul 'dir 'ongs nas/ lha 'tshams ma chung mar blang ba las btsas pa'i bu mo yin no/ /</font><hr>69.234a<br><font size=+1>

bram zes smras pa/ bu mo khyod ni shin tu yang mkhas shing 'dzangs pa zhig na/ khyod la pha ma yod dam/ bu mos smras pa yod do/ /'o na 'grogs te khyod kyi khyim du 'dong ngo zhes smras nas/ de'i sgor phyin pa dang / bu mo nang du song ste/ pha ma la smras pa/ sgo na bram ze zhig yab dang mjal 'tshal lo zhes mchi'o/ /bu mo de'i pha sgor byung nas gcig la cig bde 'am zhes dris nas/ bu mo de khyod kyi bu mo yin nam zhes dris so/ /smras pa bdag gi bu mo yin no/ /'o na bdag po yod dam/ smras pa bdag po med do/ /bram zes smras pa/ mnyan du yod pa na/ blon po ri dgas zhes bya ba khyod kyis shes sam/ smras pa bdag dang bshes so/ /bram ze des smras pa/ blon po de'i bu nang gi chung ngu/ byad gzugs legs shing yid gzhungs pa zhig yod de/ khyod kyi bu mo chung mar slong ngo / /des smras pa de ni rigs che zhing mtho ba yin te/ gal te bu mo 'dod na lta khyod kyi bsam pa ltar bya'o zhes smras nas/ bram ze des kyang grogs po phyir 'gro ba la mnyan du yod par bram ze'i thog tu yi ge spring ngo / /bram ze'i thog du yi ge 'ongs nas bag ma bsu ba'i rta dang shing rta la sogs pa bshams te/ de nas yul shi ri ti ta rar chas so/ /der phyin du nye ba dang / sngar mi gcig sbron du btang nas/ des kyang bu mo bag mar btang ba'i ston mo bshams te/ bu mo bag mar btang ngo / /de dag gis bu mo thob nas/ mnyan yod du 'gro ba na/ bu mo de'i mas mi mang po'i nang du bu mo la 'di skad du/ khyod deng phyin cad rtag tu gos bzang po gyon zhing kha zas zhim po zo shig /nyin cig bzhin du rgyun mi chad par me long la ltos shig ces bsgo nas/ bu mos kyang de bzhin du bya'o zhes smras pa dang / gyos po de yi ma rangs te/ 'di snyam du bsams so/ /mi cig skyes pa la skyid</font><hr>69.234b<br><font size=+1>

sdug kyang mi rtag la/ gos bzang po dang / kha zas zhim po rtag tu ga la rnyed/ rtag tu me long la ltos shig pa yang rigs pa ma yin snyam bsams nas/ so sor 'phyi phyag 'tshal nas gyes so/ /de dag thams cad 'grogs te lam du zhugs nas phyir yul du dong ba las/ bar na khang pa bzang po bsil ba zhig yod de/ de dag las sngar dong ba dag khang pa de na bsti zhing 'khod do/ /bag ma gsar pa yang phyis der 'ongs nas gyos po la 'di'i 'og du bzhugs su mi rung gi /myur du thang la bzhud do zhes gsol nas/ bag mas smras pa bzhin du thang la byung ngo / /g.yog kha cig 'gror ma gtub ste/ khang pa'i 'og tu 'dug 'dug pa las ring por ma lon par ba lang dang rta cig der 'ongs nas/ ka ba la rnyogs pa dang / khang pa rdib nas khang pa'i 'og na 'dug pa dag kha dag go/ /gyos pos sems pa bdag srog dang bral ba las thar bar byas pa ni/ mna' ma 'di yin no snyam nas/ mna' ma la lhag par byams pa'i sems skyes so/ /des nas yang song song ba las chu gshong cig tu rtswa dang chur ldan pa zhig tu 'dug pa las/ mna' ma phyis 'ongs nas/ chu gshong 'dir bzhugs su mi rung gis myur du 'phos shig ces gsol pa dang / logs shig tu 'phos ma thag tu gru char drag po bab nas sngar btab pa'i chu gshong du bsha' chen po byung ngo / /gyos pos bsam pa/ bdag lan gnyis su srog dang bral ba las mna' mas thar bar byas so snyam nas/ chas te song ba las yul du phyin to/ /de nas gnyen rnams lhags te/ dga' ba'i gtam byas nas ston mo chen po byas te/ nyi ma gcig gi bar du dga' ba'i rtsed mo byas so/ /mgron kun gyes pa'i 'og tu mna' ma rnams bkug ste/ 'di skad ces bsgo'o/ /kho bo ni rgas te/ las rnams</font><hr>69.235a<br><font size=+1>

kyis skyo nas mna' ma khyed rnams la khyim gyi nor rdzas btang dgos na khyod gang gis bang mdzod kyi ldig mig bcang zhes dris na/ mna' ma chen mo drug char gyis mi nus so zhes gsol na/ nang gi chung ngus ni bdag gis nus so zhes gsol to/ /de nas khyim bdag gis kyang bang mdzod kyi ldig mig thams cad gtad de mna' mas kyang de bzhin du nyams su blangs nas nangs par ni sngar langs shing khang pa'i nang kun phyag bdar byas nas chag chag btab bo/ /de nas kha zas kyi g.yos byas nas sngar gyos sgyug la sogs te/ che rims gyi zan byin no/ /de'i 'og tu bran khol dang / las byed pa rnams la zan byin te/ /so sor las la btsud nas/ gdod bdag zas bza'o/ /rtag tu de 'dra bar byed pas gyos pos kyang bdag gi mna' ma 'di ni gzhan dang mi 'dra ste/ tha mal pa ni ma yin no/ /de ci'i phyir mo bdag gi mas bsgo ba ltar mi byed snyam bsams nas 'di skad ces smras so/ /khyod khyim nas chas pa'i tshe khyod kyi mas rtag tu gos bzang po gyon la kha zas zhim po zo shig /rtag tu me long la bltos shig ces byung ba 'di ci'i tha tshigs ces dris nas/ mna' mas pus mo gnyis sa la btsugs te 'di skad ces gsol to/ /bdag gi mas gos bzang po gyon cig ces bsgo ba ni/ steng du gyon pa'i bzhag gos lta bu rtag tu bag bya zhing ma rnyings par gyis shig /mgron nam/ phyi mi dag 'ongs na gos ma ngan cig ces mchi'o/ /rtag tu kha zas zhim po zo shig ces pa ni kha zas zhim po dang bsod pa la bgyi ba ma lags kyi/ su bas kyang phyis zos na bkres pas kha zas kun zhim po zhes mchi'o/ /rtag tu me long la ltos shig zer ba ni mkhar ba 'am/ lcags kyi me long la lta ba ma lags kyi/ sngar langs la phyi nang</font><hr>69.235b<br><font size=+1>

gi phyag dar dang / chag chag btab pa dang / khri stan bting ba la sogs pa las su bgyi ba rnams legs par gyis shig ces mchi ste/ bdag gi mas bsgo ba ni 'di lta bu lags so zhes gsol pa dang / mna' ma de la lhag par yang byams te/ khyim gyi las thams cad gtad nas thams cad bde zhing skyid par gyur to/ /de'i tshe bya dag cig rgya mtsho'i gling na 'bras za za ba las 'bras kyi snye ma khyer te 'phur nas/ rgyal po'i pho brang gi thad kar phyin pa dang / 'bras kyi snye ma dag cig shor ro/ /pho brang gi thad kar lhung ngo / /'bras kyi snye ma de cig gis rgyal po la phul lo/ /rgyal pos kyang 'bras bzang po 'di lta bu dag ni sman du rung nges kyis sa bon du bya'o snyam nas/ blon po kun la sha shas su bgos ste/ rmos shig ces bsgo'o/ /de'i tshe khyim bdag des kyang nyung ngu zhig thob nas/ phyir khyim du 'ongs te mna' ma la 'bras 'di rmos shig ces bsgo'o/ /mna' ma des bsgo ba de bzhin du bran khol gzhan btang nas/ zhing gang gshin par rmos nas/ de bzhin du legs par skyes te 'bras zhig byung ngo / /gzhan gyis rmos pa la ni las su legs par ma byas pas cig kyang ma skyes so/ /de'i tshe na rgyal po'i btsun mo nad kyis btab pa las sman pas dpyad byas nas/ na ba 'di las rgya mtsho'i gling gi 'bras byin na mtsho zhes dpyad byas so/ /rgyal pos kyang rgya mtsho'i gling gi 'bras zhig rmed du bcug par dran nas/ rgya mtsho'i gling gi 'bras zhing rmed du bcug pa yod dam med ces dris na/ blon po kha cig gis 'bras rmos pa ma skyes so zhes mchi'o/ /kha cig gis ni 'bras byi bas 'tshal te ma mchis so zhes mchi'o/ /de'i tshe na khyim bdag de yang phyir khyim du song nas mna' ma de la sngon 'bras shig rmor bcug pa skyes sam ma skyes/ rgyal po'i btsun mo nad kyis btab ste sman dgos so/ /</font><hr>69.236a<br><font size=+1>

mna' mas gsol pa/ 'bras rmos pa de rab tu legs te/ mi gcig gi sman du ma bas kyis/ yul cig gi mi yang sos pa tsam mchiso/ /khyim bdag des 'bras de las shes cig rgyal po la phul nas/ rgyal pos kyang 'bras des btsun mo'i sman dpyad byas nas/ btsun mo yang sos te/ rgyal po rab tu dga' nas bya dga' mang du byin no/ /de'i tshe na shi ri ti ga ta'i rgyal po dang / yul mnyan du yod pa'i rgyal po gnyis cig la gcig mi dga' bas rtag tu mi 'dum mo/ /de'i tshe na shi ri ti ga ta'i rgyal pos mnyan yod kyi rgyal po de la blon po 'dzangs pa mkhas zhing blo dang ldan pa yod dam med pa bgam mo snyam nas/ pho nya cig yul mnyan yod du btang nas/ pho nya de la rgod ma ma smad gnyis ma dang bu 'dra bar spu mdog cig pa/ bye brag mi phyed pa/ rgod smad gnyis bsgrigs te/ ma ni gang yin bu ni gang yin bye brag phyes shig ces spring ngo / /rgyal po dang blon po rnams kyis bltas na gcig gis kyang bye brag ma phyed do/ /de nas khyim bdag de khyim du 'ongs nas/ mna' mas gtam ci gsan zhes zhus na/ gtam 'di lta bu dag go zhes mna' ma la rgyas par gtam byas so/ /mna' mas gsol pa/ 'di ni shin du rig par yang sla'o/ /rgod ma ma smad gnyis thogs la lhan cig tu rtswa bzang po zhig byin cig dang / ma gang yin pa de ni rtswa mchus phul te bu la stobs so/ /khyim bdag gis mna' mas smras pa bzhin du rgyal po la gsol nas/ rgyal pos kyang rtswa byin te bltas na de bzhin du gyur te/ ma dang bu yang rtogs nas/ pho nya de la ma ni 'di'o/ /bu ni 'di'o zhes smras nas/ de bzhin du smras pa bzhin te/ ma nor to zhes smras so/ /de nas pho nya de rang yul du song nas/ rgyal po de la de bzhin du rgyas par gsol to/ /de nas yang pho nya cig btang ste/ </font><hr>69.236b<br><font size=+1>

sbrul sbom phra dang / ring thung mnyam la 'dra ba gnyis shig bskur nas/ sbrul 'di gnyis las pho ni gang / mo ni gang yin pa bye brag phyes shig ces bsgo'o/ /rgyal po rab gsal rgyal dang blon po rnams 'dus te dpyad na cig gis kyang ma rtogs so/ /de nas khyim bdag des khyim du mna' ma la dris nas/ mna' mas bstan pa/ ras 'jam mo zhig thing la sbrul de'i steng du zhog cig dang / gang mo yin pa de ni cang mi 'gul bar nyal lo/ /gang pho yin pa de ni 'dug du mi btub pa'i rigs so/ /cis mngon zhe na/ gang mor gyur pa de ni 'jam zhing yang ba la chags so/ /gang phor 'gyur pa de ni rang bzhin gyis 'khros pas 'jam po la mi bzod de/ nyal du mi btub pas/ des rtogs par 'gyur ro/ /khyim bdag des rgyal po la de bzhin du gsol te/ mna' mas smras pa bzhin du byas na/ pho gang yin pa dang mo gang yin pa bye brag legs par byed do/ /pho nya de la 'di ni pho yin no/ /'di ni mo yin no zhes bsgo nas/ de bzhin du ma nor to zhes mchi'o/ /de nas rgyal po de shin tu dga' nas/ des nor bu rin po che mang du bya dgar byin no/ /de nas yang shing 'dom do do ba/ sbom phra mnyam pa/ khyad par med pa/ 'dzer pa dang / sta re dang ste'u'i rjes med pa zhig bskur te/ shing 'di'i mgo mjug gang yin pa bye brag phyes shig ces bsgo'o/ /rgyal po dang blon po rnams 'dus te dpyad na/ cig gis kyang ma shes te/ khyim bdag des yang mna' ma la dris pa 'di ni shin du sla ste/ shing 'di'i mgo mjug rtogs par 'dod na chu'i nang du zhog shig dang / rtsa ba ni thur du nub kyi mgo ni phyir 'byung ba'i rigs so/ /khyim bdag des kyang rgyal po la de bzhin du gsol to/ mna' mas smras pa bzhin du byas nas/ mgo mjug rtogs par gyur te/ 'di ni mgo'o 'di ni rtsa ba'o zhes bsgo'o/ /pho nyas kyang</font><hr>69.237a<br><font size=+1>

de bzhin te zhes smras so/ /de nas rgyal po rab tu dga' nas/ de la bya dga' mang du byin no/ /pho nya de phyir yul du phyin nas rgyal po de la rgyas par gsol pa dang / rgyal po des pho nya la rin po che mang du bskur te/ rgyal po chen po de la blon po 'dzangs pa/ blo dang ldan pa yod kyi/ 'di dag phul la phyin cad 'dum par bya'o zhes smras na/ rgyal po rab gsal rgyal gyis de lta bur gyur pa la rab tu dga' ste/ khyim bdag de la khyod kyis de dag ci ltar rtogs shing shes zhes bka' stsal to/ /khyim bdag gis gsol pa/ 'di ni bdag gis rtogs pa ma lags gyi/ bdag gi mna' ma blo dang ldan pa zhig mchis pa des rtogs so/ /rgyal pos de skad ces gsol pa gsan nas rab tu dga' ste/ khyim bdag gi mna' ma de da phyin cad nga dang ming sring du bya'o zhes bka' stsal to/ /khyim bdag gi mna' ma de phyis sems can dang ldan par gyur to/ zla ba dgu tshangs nas sgong nga sum bcu rtsa gnyis byung ste/ sgong nga re re'i nang nas bu khye'u mnga' byad legs pa/ blta na sdug pa re re byung ngo / /bu de dag cher skyes nas dpa' khyad ni zla med de/ gcig gis kyang mi stong thub par gyur to/ /bu de'i pha ma yang bu de dag la rab tu sdug par sems te/ yul mi thams cad kyang de dag la bag byed do/ /phyis yul de na rigs mthun pa che zhing mtho ba las chung ma yang blangs so/ /de'i tshe na lha 'tshams ma dad pa'i sems dang ldan pas/ sangs rgyas dang dge 'dun spyan drangs te/ bcom ldan 'das kyis chos bstan pas khyim gang gi mi thams cad kyis rgyun tu zhugs pa'i 'bras bu thob par gyur na/ khye'u nang gi tha chung 'ba' zhig gis 'bras bu ma thob bo/ /khye'u de glang po che la zhon nas grong khyer phyi rol tu rtser</font><hr>69.237b<br><font size=+1>

song ba las/ grong khyer de'i phyi rol tu chu chen po zhig 'bab pa la zam pa zhig yod de/ khye'u de zam pa'i steng du phyin pa dang / blon po chen po'i bu zhig kyang shing rta'i nang na 'dug ste/ phyi rol nas nang du 'ongs pa dang / zam pa'i steng du phrad pa las gnyis ka cho rigs kyis bsnyems nas/ gcig gis gcig la ma byol lo/ /lha 'tshams ma'i bu 'khros nas/ glang po che la zhon bzhin du blon po chen po'i bu shing rta dang bcas pa zam pa'i 'og du bor ro/ /blon po'i bu de lus dang rkang lag smas nas ngus te khyim du 'ongs nas/ pha ma la 'di skad du lha 'tshams ma'i bus bdag ma nongs par 'di ltar gnod pa bgyis nas lus kun gnad do zhes gsol to/ /blon po chen po de shin tu mi dga' nas/ bu de dag ni shin tu yang stobs che ba'i steng du rgyal po dang mo nye bas rtsod par dka' na/ 'on kyang de la ni rku lto zhig bya'o/ /snyam nas rin po che sna bdun las byas pa'i khar ba sum bcu rtsa gnyis shig byas te/ khar ba'i nang du ral gri re re bcug nas khye'u sum bcu rtsa gnyis po de la re re byin nas 'di skad ces bsgo'o/ /khyod ni gzhon dar la bab pas rtse ba'i dus la bab ste/ khyod kyi phyir rtse ba'i rkyen du khar ba 'di dag byas kyis/ khyod rnams thogs la rtses shig ces bsgo'o/ /khye'u de dag kyang shin tu dga' nas khar ba de dag blangs te/ /rgyal po'i khrims kyis rgyal po dang phrad na mtshon thogs su mi gnang ngo / /de dag khar ba thogs te rgyal po'i zhabs 'bring la 'khod pa las blon po des rgyal po la 'di skad du phra ma gsol to/ /lha 'tshams ma'i bu sum bcu rtsa gnyis po de ni gzhon zhing dar la bab ste/ stobs kyis ni cig gis kyang mi stong thub pa de dag ni rgyal po la gnod pa zhig bgyid par sems so zhes gsol to/ /'on kyang rgyal po de dag la thugs ma ches</font><hr>69.238a<br><font size=+1>

pa med pa las/ blon pos yang gsol pa/ bdag gis sngar gsol ba 'di bden te/ rdzun ma lags par rtag tu gda'o/ /khye'u 'di dag gi lag na thogs pa'i khar ba 'di dag gi nang na ral gri re re mchis pas gnod par bgyid du mngon no/ /blon pos gsol pa bzhin du khye'u de dag gi khar ba bltas na mtshon yod par gyur nas/ cig nas kyang gcig bos te bzung nas/ /khye'u de dag gi mgo bcad nas khye'u de dag gi mgo sum bcu rtsa gnyis sgrom cig gi nang du bcug nas/ kha legs par bcad ste/ sring mo'i steng du bskur ro/ /de'i tshe na khye'u de'i mas sangs rgyas dang / dge 'dun spyan drangs pa las/ rgyal pos sgrom bu bskur te 'ongs nas/ de'i nang nas mchod pa byed pa'i mthud ma zhig yod yang dag snyam nas sgrom kha phyes pa las/ bcom ldan 'das kyis re shig sgrom kha ma 'byed par zhal zas gsol lags nas phyes shig ces bka' stsal to/ /de nas zhal zas gsol nas/ bcom ldan 'das kyis khye'u'i ma la chos bstan pa/ lus 'di ni mi rtag pa ste/ sdug bsngal ba/ stong pa/ bdag med pa/ snying po med pa/ ring por mi thogs pa/ kun nas nyon mongs pas bcings shing glags pa/ sdug bsngal gyis gzir ba ste/ 'dod pa dang bye bral ba'i mya ngan gyis lus 'di chud zos te phan pa med de/ gang mkhas pa shes rab can gyis ni don 'di rtogs par 'gyur ro zhes bka' stsal to/ /lha 'tshams mas kyang don rtogs nas lan cig phyir mi ldog pa'i 'bras bu thob par gyur to/ rab tu dga' mgu rangs nas thal mo sbyar te bcom ldan 'das la 'di skad ces gsol to/ /bcom ldan 'das bdag la thugs brtse ba'i slad du bdag gis gsol ba 'di bzhi zhig gnang bar mdzad du gsol/ bdag gis gsol ba bzhi la gcig ni dge</font><hr>69.238b<br><font size=+1>

slong nad pa rnams la nad kyi rkyen sman dang / bza' ba dang / btung ba yid bzhin du stsal ba dang / gnyis ni dge slong nad pa'i g.yog bgyid pa'i bza' ba dang btung ba'i yid bzhin du sbyar ba dang / gsum pa ni dge slong 'dron po'i yo byad sbyor ba dang / bzhi ni dge slong 'dron du 'gro ba'i rgyags dang yo byad sbyar 'tshal lo/ /de ci'i slad du zhe na/ dge slong nad pa dag ni nad kyi rkyen sman dang / bza' ba dang / btung ba dang / mi ldan pa nad 'tsho dka' ste/ gal te na yang tshe'i bar chad du yang 'gyur ro/ /dge slong nad g.yog kyang kha zas med pa'i rkyen kyis bsod snyoms bgyid do/ /bsod snyoms la dus ma mchis te/ gal te 'phyis sam 'dod pa ma rnyed na/ nad pa zhe sdang skyes te/ nad 'tsho dka' bas/ de la yang kha zas 'bul bar 'tshal lo/ /shul ring po nas mchis pa'i dge slong yul na 'dris bshes ma mchis pas bsod snyoms bgyid do/ /bsod snyoms bgyid pa na khyi 'am ma rungs pas gtses na zhe sdang skyes te/ bzod pa nyams par 'gyur bas de la yang kha zas 'bul bar 'tshal lo/ /dge slong 'dron du mchi ba grogs dang ldan pa yang rgyags ma mchis pas grogs po dang bral na/ shul du gcan zan mang po 'am mi rgod ma rungs pa mchis te/ cig pu song na de yang lus kyi bar chad du 'gyur bas/ de'i dgos pa yang sbyar 'tshal lo/ /de'i tshe bcom ldan 'das kyis lha 'tshams mas gsol pa bzhi gsan nas/ shin tu legs so zhes bsngags te/ khyod kyis gsol pa/ bzhi po 'di'i bsod nams rgya chen po ni/ sangs rgyas la mchod pa byas pa dang / tha mi dad do zhes bka' stsal nas/ dge 'dun dang bcas te/ slar rgyal bu rgyal byed kyi tshal du gshegs so/ /bcom ldan 'das gshegs</font><hr>69.239a<br><font size=+1>

pa'i 'og tu sgrom bu phyes te bltas na/ bu'i mgo sum bcu rtsa gnyis yod par mthong nas/ 'dod pa dang bral ba'i phyir ma dga' bar ni ma gyur to/ /'di skad du kye ma mi cig skyes pa la tshe zad pa yang yod de de ring por ma thogs so/ /da yang rgyud lnga gang du sdug bsngal myong bar gyur ces smras so/ /khye'u sum bcu rtsa gnyis kyi ma'i rigs su nye ba rnams de lta bur gyur pa thos nas shin tu mi dga' ste zhe sdang skyes nas/ 'di skad du rgyal po chen po ni 'di ltar mnyes pa thams cad kun bsad kyis dmag bsogs la dgra bya bar 'dong ngo zhes smras nas/ dmag gi dpung bsogs te rgyal po'i pho brang bskor te/ /de'i tshe na rgyal po de skrag nas sangs rgyas gang na ba der bros so/ /de dag gis de skad thos nas dmag gi dpung gis rgyal bu rgyal byed kyi 'tshal bskor te/ /de'i tshe kun dga' bos rgyal po rab gsal rgyal gyis lha 'tshams ma'i bu sum bcu rtsa gnyis bsad de/ ma'i rigs su gtogs pa rnams kyis sha gnyer du 'ongs so/ /zhes thos nas pus mo sa la btsugs te/ thal mo sbyar nas bcom ldan 'das la 'di skad ces gsol to/ /bcom ldan 'das ci'i rgyu ci'i rkyen kyis mi sum bcu rtsa gnyis rgyal pos gcig char du bkum par gyur/ bcom ldan 'das kyis kun dga' bo la bka' stsal pa/ lha 'tshams ma'i bu sum bcu rtsa gnyis po de da lta 'ba' shig tu rgyal pos cig car du bsad par ma zad do/ /mi sum bcu rtsa gnyis po ci'i phyir gcig car tshe 'phos pa khyod la rgyas par bstan gyis legs par nyon la yid la zung shig ces bka' stsal nas/ kun dga' bos kyang de bzhin du bgyi'o thos par 'tshal lo zhes gsol to/ /bcom ldan 'das kyis kun dga' bo la bka' stsal pa/ sngon 'das pa'i dus na mi sum bcu rtsa gnyis po 'di gcig la gcig dga' zhing bshes pa dang / </font><hr>69.239b<br><font size=+1>

yid gcug par gyur nas/ de dag gros mthun par pha rol gzhon pa'i ba glang cig brkus so/ /de'i tshe yul de na rgan mo dbul mo bu rtsa yang med pa zhig yod de/ ba glang brkus pa rnams rgan mo de'i khyim du khrid de 'ongs nas bsad par byas pa dang / rgan mo yang dga' rangs nas shing la sogs te/ sha mtshod pa'i yo byad sbyar ro/ /mi de dag gis der ba lang gsod pa na/ ba lang de yang gsod par shes pa nas 'dun par bzung ste khyod kyis da lta nga bsad pa nas/ ma 'ong pa'i dus su yang ci ste 'bras bu thob na yang mi btang ste/ gsod par shog shig ces dam bcas ma thag du ba lang yang mi rnams kyis bsad kyis kha cig gis ni btsos/ kha cig gis ni bsregs te zos nas/ rgan mo yang ba glang gi shas 'drangs nas rab tu dga' ste/ sngon cad kyang de lta ba'i 'gron cig 'ongs nas/ deng las phan thogs pa ni med do zhes smras so/ /de'i tshe de'i dus na ba lang de ni rgyal po rab gsal rgyal yin no/ /de'i tshe de'i dus na ba lang brku ba rnams lha tshangs ma'i bu sum bcu rtsa gnyis po 'di yin no/ /de'i tshe na rgan mo ni de dag gi ma yin no/ rnam par smin pa'i 'bras bu des tshe rabs lnga brgya'i bar du rtag tu gsad par gyur to/ /de'i dus na rgan mo de rjes su yi rangs zhing dga' ba tsam gyis rtag tu de dag gi ma byas nas/ de tsam gyi mya ngan gyis rab tu gdungs par gyur te/ da 'di ni nga dang phrad nas 'bras bu thob par gyur to/ /kun dga' bos yang thal mo sbyar te/ bcom ldan 'das la gsol pa/ de dag gis ni bsod nams ci zhig bgyis nas/ rigs che zhing mtho ba dang / longs spyod dang ldan zhing nyams rtsal dang ldan par gyur/ bcom ldan 'das kyis bka' stsal pa/ sngon 'das pa'i dus na sangs rgyas 'od bsrungs 'jig rten na gshegs pa'i tshe/ </font><hr>69.240a<br><font size=+1>

rgan mo dkon mchog gsum la shin tu dad pa zhig yod de/ spos mang du nyos nas mar dang sbyar te rtag tu mchod rten bskud do/ /lam kha zhig na mchod rten skud pa las/ mi sum bcu rtsa gnyis zhig der lhags nas/ rgan mo mchod rten skud pa'i grogs byas te/ rgan mo des kyang mi sum bcu rtsa gnyis po de la khyod kyis kho mo mchod rten skud pa la bstangs pa'i bsod nams kyi gang dang gang du skyes kyang mnga' byad legs pa dang / mthu rtsal dang ldan par gyur cig ces smras nas/ de dag kyang rab tu dga' bzhin du mchod rten skud pa'i las byas nas 'di skad ces smras so/ /bdag cag ni rgan mo 'di'i dbang gis bsod nams kyi las rnams skyes par gyur to/ /gang dang gang du skyes kyang cho rigs mtho zhing btsan phyug pa dang / longs spyod dang ldan pa dang / rgan mo 'di yang rtag tu bdag cag gi mar gyur te/ bdag cag kyang 'di'i bur 'gyur pa dang / rtag tu sangs rgyas dang / chos thos pa dang mi bral te 'bras bu yang myur du thob par shog shig ces smon lam btab bo/ /rgan mos kyang de bzhin du gyur cig ces smras pas/ tshe rabs lnga brgya'i bar du cho rigs mtho zhing btsan par gyur to/ /de'i tshe de'i dus na rgan mo de ni da ltar khye'u de dag gi ma yin no/ /de'i tshe de'i dus na mi sum bcu rtsa gnyis po de ni khye'u 'di rnams yin no/ /de'i tshe na dmag gi dpung rnams ni sangs rgyas kyis gsungs pa thos nas zhe sdang gi sems kun zhi ste/ 'di skad du rgyal po chen pos kyang ma nyes kyis/ mi 'di dag gi sngon gyi 'bras bu rnam par smin pa ste/ ba lang cig bsad pa tsam gyis 'di lta bur gyur to/ /rgyal po rab gsal rgyal 'di ni bdag cag gi rje bo yin no/ /ci'i phyir 'di la 'khu zhing gnod pa byed par sems shes smras nas mtshon cha bor te rgyal po la babs nas nyes pa bshags</font><hr>69.240b<br><font size=+1>

pas rgyal pos kyang gyod ma rmas par btang ngo / /de'i tshe bcom ldan 'das kyis sngon byung ba'i gleng gzhi 'di 'khor bzhi po dag la dam pa'i chos rgyas par bstan to/ /dge ba'i las ni brtson 'grus bya ba'i rigs pa dang mi dge ba'i las ni bya bar mi rigs par yang bstan/ 'phags pa'i bden pa bzhi yang rgyas par bstan pas 'khor mang po rnams kyis thos nas thams cad kyis 'bras bu thob par gyur te/ bcom ldan 'das kyis gsungs pa la yi rangs nas mngon par dga'o/ /blon po ris dgas kyi bu bdun gyi le'u ste nyi shu gsum pa'o// // bam po bdun pa/ 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na yul de'i rgyal po gsal rgyal zhes bya'o/ /de'i lho phyogs na yul gser gyi sa zhes bya ba zhig yod de/ rgyal po ni ka byi na zhes bya'o/ /rgyal po de'i sras ni ka byi na chen po zhes bya'o/ /rgyal po de'i yab nongs nas sras rgyal tshab rgyal sar gshegs te/ de yang rang bzhin gyis yid gzhungs la blo gsal te/ dpa' zhing mthu rtsal chen po dang ldan no/ /de la dmag gi tshogs stong phrag sum bcu rtsa drug yod de/ dmag de gar bab kyang rlung chen po dang 'dra bar phas rgol mi thub pa med do/ /yul dbus kyi rgyal po dang ni ma 'drul to/ /phyis tshongs pa dag cig yul gser sar phyin nas ras 'jam po bzang po yug bzhi zhig rgyal po de la phul lo/ /rgyal pos kyang bzhes nas tshong pa de la 'di lta bu nor bzang po gang las 'ongs shes dri ba dang / tshong pas kyang 'di ni yul dbus nas mchis so zhes gsol to/ /rgyal po des smras pa/ yul gyi dbus zhes bya ba ni gang / yul gyi dbus kyi ming ni ci zhes bya/ tshongs pas gsol pa/ </font><hr>69.241a<br><font size=+1>

yul gyi dbus gyi ming rgyal po'i khab/ zhes kyang bya/ mnyan yod ces kyang bya ste/ de la sogs pa yul gyi ming gzhan yang mang du mchis so/ /rgyal pos smras pa/ rgyal po de dag ci'i phyir nga la phyag 'tshal zhing dpya' dbul du mi 'ong / tshong pas gsol pa/ rgyal po de dag kyang so so'i rgyal srid 'dzin cing yul gyi tshis bgyid pas 'dir mi mchi'o/ /rgyal po des bsam pa nga'i mthu dang byin gyis gnam mtha' 'og thams cad kyang thul na/ ci'i phyir rgyal po 'di dag nga la phyag 'tshal zhing dpya dbul du mi 'ongs/ da ni nga'i mthu dang byin gyis de dag dbab bo snyam nas/ tshong pa de la smras pa/ yul gyi dbus gyi rgyal po'i nang na rgyal po gang che/ tshongs pas smras pa/ mnyan yod kyi rgyal po nang na che'o/ /de nas rgyal po des mnyan yod du pho nya btang ste/ rgyal po gsal rgyal la 'di skad ces spring ngo / /nga'i mthu dang byin gyis 'dzam bu'i gling na gtogs pa kun la dbang na/ khyod ci'i phyir pho nya yang 'drul bar mi byed/ de yang khyod kyi steng du pho nya btang ba yin gyis/ khyod nyal ba'i tshe nga'i ming thos na 'dug pa'i rigs so/ /'dug pa'i tshe thos na ldang ba'i rigs so/ /zas za ba'i tshe thos na mid mi khoms par phyir dor ba'i rigs so/ /khrus byed pa'i 'phros thos na skra yang phyir mdud pa'i rigs so/ /sdod pa'i tshe thos na rgyugs pa'i rigs so/ da ste zhag bdun na 'dir nga dang phrad du shog shig /de ltar ma byas na dmag drangs nas khyod kyi yul med par bya'o zhes spring ngo / /rgyal po gsal rgyal gyis de skad ces spring ba thos nas/ mi dga' zhing dngang ste/ bcom ldan 'das gang na bar song nas de bzhin du rgyas par gsol lo/ /bcom ldan 'das kyis bka' stsal pa/ rgyal pos kyang pho nya de la rgyal po'i nang na nga mi che ste/ nga bas rgyal po che ba</font><hr>69.241b<br><font size=+1>

yod do zhes gyis shig /rgyal po gsal rgyal gyis kyang bcom ldan 'das kyi bka' bzhin du 'jig rten na 'phrul gyi rgyal po zhig 'di na bzhugs kyis khyod nyid der song la khyod kyi rgyal pos spring ba bzhin du gyis shig ces bsgo nas/ pho nya de rgyal bu rgyal byed kyi tshal nas song ngo / /de'i tshe na bcom ldan 'das 'khor los bsgyur ba'i rgyal por sprul te/ blon po chen por maud gal sprul nas rin po che sna bdun dang ldan par bzhugs so/ /kun dga' ra ba yang rin po cher bsgyur nas/ ra ba'i phyi rol na rin po che'i 'obs rim pa bdun pa dang / 'obs kyi bar na rin po che sna bdun gyi shing bkrigs te/ kha dog rnam pa sna tshogs kyi pad ma grangs med pa lham me lhan ne lhang nger 'tsher ba dang / ra ba'i nang na rin po che sna tshogs las byas pa'i pho brang na/ rgyal po shin tu byin che bar bzhugs par sprul to/ /pho nya de sprul pa'i pho brang du 'ongs nas/ rgyal po chen po mthong ba tsam gyis 'jigs skrag par gyur te/ 'di skad du bdag gi rgyal po'i byin dang bsod nams kyis ni 'di la mi thub na/ 'on kyang spring ba'i yi ge 'bul lo snyam nas yi ge phul lo/ /'phrul gyi rgyal pos yi ge blangs nas rdog pa'i zhab du bcug te/ pho nya la 'di skad ces bka' stsal to/ /nga ni rgyal po chen po ste gling bzhi la dbang ba yin na/ khyod kyi rgyal po glen pa de'i ci'i phyir bka' nyan/ khyod myur du song la ngas 'di skad ces bka' stsal to zhes gyis shig /khyod kyi pho nya phyir 'ongs nas nga'i bka' thos pa/ tsam gyis/ nyal ba las thos na ldang ba'i rigs so/ /'dug pa las thos nas 'greng ba'i rigs so/ /'gro ba las thos na rgyug pa'i rigs kyi/ de ste zhag bdun na 'dir phyag 'tshal du ma 'ongs te bka' bcag par gyur na/ khrim dang sbyor ro zhes gyis shig /pho nya des bka' stsal pa bzhin du phyir song nas/ bdag gi yul du phyin pa dang / </font><hr>69.242a<br><font size=+1>

gser sa la'i rgyal po la ci mthong ba dang / ci spring ba rgyas par gsol lo/ /rgyal pos de skad spring ba thos nas 'gyod par gyur to/ ci dbang ba'i rgyal phran rnams dang bcas te/ rgyal po chen po'i thad du dong ngo snyam ste/ 'on kyang thal byung du 'gro bar mi rigs kyis/ da dung yang lan cig bgam mo snyam nas/ sngar pho nya cig btang nas/ rgyal po chen po la bdag phyag 'tshal du mchi na/ bdag dbang ba'i rgyal phran khri phrag sum bcu rtsa drug mchis na/ de dag ril gyis mchi 'am/ phyed tsam mchi ba bka' stsol cig ces mchi'o/ /rgyal po chen pos/ phyir de la rgyal phran phyed dang shog shig ces bsgo ba dang / gser sa la'i rgyal po rgyal phran khri brgyad stong dang bcas te/ mnyan yod du rgyal po sprul pa'i spyan sngar lhags nas phyag 'tshal te/ 'di snyam du bsams so/ /rgyal po chen po 'di'i byad gzugs ni bdag bas lhag kyang / mthu stobs ni bdag tsam mi phod do snyam du bsams pa dang / 'phrul gyi rgyal pos blon po rin po che la khyod kyi gzhu gser sa'i rgyal po la byin cig ces bka' stsal to/ /rgyal po des blangs zhes byas na ma theg go/ /de nas 'phrul gyi rgyal pos blangs te/ mthe'u chung gis gzhu brdungs te/ gser sa'i rgyal po la gzhu 'di khong shig ces bka' stsal na/ gser sa la'i rgyal pos blangs na gzhu rgyud kyang ma sgul to/ /de nas 'phrul gyi rgyal pos blangs te drangs na/ gzhu rgyud spring pa tsam gyis stong chen po'i 'jig rten gyi khams kyang 'gul zhing g.yos so/ /de nas mda' blangs te mda' cig phang na/ 'phangs ma thag tu mda' lngar gyur te/ mda' cig gi rtse mo las 'od zer grangs med pa byung nas/ pad ma shing rta'i 'phangs lo tsam yang re re yod par gyur te/ pad ma re re la yang 'khor los bsgyur ba'i rgyal po rin po che sna bdun dang ldan pa re re</font><hr>69.242b<br><font size=+1>

yod par gyur to/ /'od zer de dag gis stong gsum gyi stong chen po'i 'jig rten gyi khams kyang snang bar byas nas/ lam rgyud lnga'i sems can thams cad la phan pa'i don du ma gyur pa med do/ /lha rnams kyi gnas su 'od zer de mthong zhing chos ston pa'i gsung yang grags par gyur nas/ de dag gis lus dang sems yongs su dag ste kha cig ni rgyun du zhugs pa nas dgra bcom pa'i bar du thob par gyur to/ /kha cig ni bla na med pa yang dag par rdzogs pa'i byang chub tu sems bskyed do/ /kha cig ni phyir mi ldog pa'i sa la gnas par gyur to/ /mi'i rgyud du gtogs pa'i sems can sangs rgyas kyis 'od zer mthong zhing chos bstan pa thos pa rnams rab tu dga' mgu rangs te/ kha cig ni rgyun tu zhugs pa nas lan cig phyir mi ldog pa dang / rab tu byung zhing dgra bcom pa'i 'bras bu thob par gyur to/ /sems can grangs med pa ni bla na med pa yang dag par rdzogs pa'i byang chub tu sems bskyed de/ phyir mi ldog pa'i sa la gnas par gyur to/ /yi dgas kyi rgyud tu gtogs pa dag ni sangs rgyas kyi 'od zer gyis reg cing chos thos pas thams cad kha zas kyis 'drangs ste/ lus dang sems la gdung ba med cing tshim par gyur nas/ thams cad snying rje ba'i sems dang ldan pa skyes te/ sangs rgyas la bsnyen bkur byas te/ yi dgas las rnam par grol nas lha dang mir skyes so/ /dud 'gro'i skye gnas su gtogs pa'i sems can rnams ni sangs rgyas kyi 'od zer mthong bas 'dod chags dang zhe sdang gi sems kun zhi ste/ gti mug gis mdongs pa yang sad par gyur nas/ thams cad sangs rgyas la dga' zhing dad pas/ dud 'gro las rnam par grol te/ lha dang mir skyes so/ /sems can dmyal ba'i sems can la sangs rgyas</font><hr>69.243a<br><font size=+1>

kyi 'od zer gyis reg pas grang ba ni dro bar gyur/ tsha ba ni bsil bar 'gyur/ /sdug bsngal gyis gdungs pa yang rgyun chad par gyur te/ lus dang sems rab tu dga' bas/ sangs rgyas la dad par gyur te sems can dmyal ba las thar nas lha dang mir skyes so/ /de'i tshe rgyal po ka byi na chen po dang / gser sa'i rgyal phran rnams kyis rdzu 'phrul 'di lta bu dag mthong nas/ shin tu dad pa'i sems 'ba' shig dad pas rdul dang bral/ dri ma dang bral te/ chos la chos kyi mig rnam par dag par gyur te/ rgyal phran khri brgyad stong gi sems tshim par gyur te/ /de ma thag tu sangs rgyas kyi rdzu 'phrul bsdus te/ phyir sangs rgyas kyi skur dge slong gi dge 'dun gyis mdun dang / rgyab du bskor te/ bzhugs par bstan to/ /de nas gser sa'i rgyal po de yang bcom ldan 'das la rab tu byung bar gsol pa dang / bcom ldan 'das kyis legs par 'ongs so zhes bka' stsal pas/ skra dang / kha spu rang byi ste/ ngur smrig gyon pa'i dge slong du gyur nas/ chos yid la byas pas zag pa zad de dgra bcom par gyur to/ /de nas kun dga' bos bcom ldan 'das la gsol pa/ gser sa'i rgyal po 'dis sngon bsod nams ci zhig bgyis na 'di ltar rigs che zhing mtho la/ yon tan 'phags par che zhing / sangs rgyas bcom ldan 'das dang phrad pas/ de ma thag tu zag pa zad par gyur/ bcom ldan 'das kyis kun dga' bo la bka' stsal pa/ sems can 'di dag gi spyod pa bzhin du las kyi 'bras bu rnam par smin par 'gyur ro/ /sngon 'das pa'i dus na sangs rgyas 'od srung 'jig rten na gshegs te/ sangs rgyas mya ngan las 'das nas/ khyim bdag gcig gis mchod rten brtsigs te/ dge 'dun gyi gnas khang byas nas/ yo byad rnam pa bzhi yang sbyar te yun ring zhig lon pa dang / </font><hr>69.243b<br><font size=+1>

mchod rten de yang zhig /'tsho ba'i yo byad khri stan dang / gos dang / zas kyang rgyun chad par gyur to/ /de nas khyim bdag de la bu dge slong zhig yod pa des mi mang po la chos bshad de phyir yang mchod rten gsos nas/ gos dang / mal cha dang / bza' ba dang / btung ba dang / khri stan la sogs pa'i yo byad sbyar te/ mi de dag dang sems yid mthun par 'tsho ba'i yo byad sbyar te/ 'di skad du smon lam btab bo/ /bdag cag ma 'ongs pa'i dus su btsan zhing phyug pa dang / tshe ring ba dang / sangs rgyas 'jig rten du gshegs pa dang phrad de/ chos thos nas 'bras bu yang tha mal par ma gyur cig ces smon lam btab bo/ /kun dga' bo de'i tshe de'i dus na/ khyim bdag gi bu dge slong de ni/ yul gser sa'i rgyal po ka byi na chen po yin no/ /des chos bstan te/ mchod rten gsos pa dang / 'tsho ba'i yo byad bstabs pa ni rgyal phran khri brgyad stong snyed yin no/ /bcom ldan 'das kyis de skad ces bka' stsal nas/ 'khor mang po rnams phyir mi ldog pa'i sems bskyed de/ yid rangs nas mngon par dga'o/ /ka byi na chen po'i le'u ste nyi shu bzhi pa'o// // 'di skad bdag gis thos pa'i dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /rgyal po gsal rgyal ni nongs/ rgyal tshab bai dur+ya rgyal sar gshegs te/ /rgyal po'i nang na chos bzhin du rgyal po byed pa ma yin pas/ glang po che'i rmid pas mi brdzis te/ bsad pa yang grangs med do/ /de'i tshe na rigs che zhing btsun pa'i bu med dag cig gis de lta bu dag mthong nas/ khyim la mi dga' bar gyur te/ thams cad</font><hr>69.244a<br><font size=+1>

rab tu byung nas dge slong mar gyur to/ /rab tu byung ba de dag la la ni shAg gi rigs/ la la ni rgyal rigs yin te/ dpe med par mnga' byad legs par blta na sdug pa/ rigs che ba lnga brgya snyed bdog pa yongs su spangs te/ rab tu byung bas yul mi thams cad kyang / de la dga' ste 'tsho ba sbyor ro/ /dge slong ma de dag gcig la cig 'di skad du bdag cag ni rab tu byung yang chos kyi bdud rtsi'i ro ma myong ste/ 'dod chags dang / zhe sdang dang / gti mug zhi bar ma byas na mi rung gis/ drug sde ma bsnyen dga' mo'i thad du chos nyan du 'dong ngo zhes smras nas/ de dag gang na bar song ste phyin pa dang / phyag 'tshal nas 'di skad du bdag cag ni rab tu byung na yang / chos kyi bdud rtsi'i ro ma myong na/ bdag cag la bstan du gsol zhes smras pa dang / drug sde mos bsams pa bdag gis 'di dag chos dang tshul khrims las phyir zlog ste/ 'di dag gi chos gos dang / lhung bzed thob par gyur na re legs snyam nas 'di skad ces smras so/ /khyed rnams ni rigs che zhing mtho ba ste/ rin po che sna bdun dang / glang po che dang / rta dang / bran pho dang / bran mo dang / las byed pa'i mi dang / zhing dang / mchod pa'i yo byad cis mi brel na ci'i phyir de dag yongs su spangs te/ dge slong mar zhugs nas 'di ltar nyon mongs shing sdug bsngal dang bsdos te/ sangs rgyas kyi bslab pa la 'jug par byed/ gnyis na phyir song ste khyim thabs dang / bu dang bu mor ldan pas lhan cig tu yid bzhin dga' ste/ rtse zhing tshe 'di la yang dga' skyid pa myong bar byas la/ sbyin pa dang yid bzhin du byas na legs so zhes bsgo'o/ /dge slong ma de rnams de skad ces bsgo ba mi dga' ste dus nas phyir dong ngo / /</font><hr>69.244b<br><font size=+1>

de nas dge slong ma de dag dge slong ma ud pa la'i mdog gang na bar song nas der phyin pa dang / ud pa la'i mdog la phyag 'tshal te/ chos bzhin du snyun gsol nas 'di skad ces so/ /bdag cag khyim na mchis pa na khyim gyi las kyis bslus/ da rab tu byung yang 'dod pa'i dbang du gyur nas/ nyon mongs pa las thar bar mi nus na/ bdag cag la thugs brtse ba'i slad du dam pa'i chos bstan du gsol/ ud pa las smras pa/ khyod ci dang ci 'dod pa 'das pa 'am ma 'ongs pa 'am/ da ltar gyi dngos po gang yang rung ba dris shig dang bstan par bya'o/ /dge slong ma rnams kyis gsol pa/ 'das pa dang ma 'ongs pa re shig zhog la da ltar gyi bstan te/ bdag cag gi the tsom dgrol du gsol/ /ud pa las smras pa/ 'dod chags ni me dang 'dra ste/ ri lung tshig par byed do/ /rtswa khri dang 'dra ste mched par 'gyur ro/ /'dod chags kyi dbang gis/ gcig la gcig 'tshe zhing gnod par byed do/ /de la yun ring nas ngan song gsum du lhung ste thar ba'i dus med do/ /khyim na gnas pa ni sdug pa la chags te/ 'dod pa dang bye bral pa dang / skye ba dang / rga ba dang / na ba dang / 'chi ba dang / rgyal po'i khrims kyis gtse ba'i sdug bsngal rgyun mi chad par myong ste/ tshe 'phos nas phyir yang sos pa tsam du lus dang sems gdungs te/ khyim gyis glags shing / bcings pa ni brtson ra bas kyang dam mo/ /bdag kyang kun tu rgyu ba'i rigs su skyes te/ kho mo'i pha ma yang rigs che zhing btsun pas kho mo yang kun tu rgyu ba'i rigs che ba mang du thos pa/ mkhas pa'i rig byed dang ldan pa zhig la bag mar btang nas/ de'i chung ma byed de/ de'i bu yang yod par gyur to/ /phyis gyos sgyug tshe 'phos pa'i 'og tu kho mo la sems can yod</font><hr>69.245a<br><font size=+1>

par gyur nas/ khyim thab la 'di skad ces smras so/ /kho mo la sems can yod de/ zla ba tshang du nye bas gal te 'dir bu btsas na btsog cing mi sdug gis/ kho mo'i pha ma'i khyim du btsar 'gro'o zhes byas na/ kho mo la legs so zhes zer te/ khyo shug gnyis 'grogs nas bu zhig kyang khrid de pha ma 'dod par song ba las/ lam phyed tsam du phyin pa dang mngal mi bde bar gyur nas shing cig gi drung du nams phyed tsam na bu btsas so/ /kho mo'i khyim thab kyang / logs shig tu nyal ba las mtshan mo sbrul gyis zin to/ /mtshan mo bos na cang mi grag nas/ nam nangs nas bltas na khyim thab kyang sbrul gdug pas zin pas tshe 'phos nas/ lus kyang zhig par gyur to/ /de'i tshe na kho mo 'khams te sa la 'gyel ba dang / bu che ba yang pha sbrul gyis bsad pa mthong nas/ skad phyung te ngus pas bu ngus pa'i skad gyis kho mo yang phyir sangs nas/ bu che ba ni khur du thogs/ bu chung ba ni pang par khyer te ngu zhing song ba las lam yang dben pa zhig ste/ mi 'ga' yang ma 'drul bas grogs kyang ma rnyed do/ /bar na chu chen po zhig yod de/ chu de kha tshon yang che la zab pas bu gnyis ga ma theg nas/ bu che ba ni chu'i tshur log tu bzhag /bu chung ngu khyer te pha rol tu bskyal nas/ phyir bu che ba bsur 'ong ba dang / bu yang ma 'ong pa mthong nas/ chu'i nang du zhugs te chus khyer ba las kho mos bsnyags pa las stobs chung bas ma zin te chus khyer ro/ /de nas phyir pha rol na phyin tsam na bu chung ba yang spyang kis zos te/ khrag cung zad tsam sa la snang ngo / /der yang 'khams nas/ ring shig lon te phyir sangs pa dang / lam du zhugs te song song ba las kun tu rgyu kho</font><hr>69.245b<br><font size=+1>

mo'i pha ma dang nye zhing / gshes pa zhig dang phrad do/ /kun tu rgyu des khyod ci nyes na 'di ltar nyon mongs par gyur ces dris na/ kho mos kyang ci ltar gyur pa'i gtam rgyas par byas pa dang / kun tu rgyu de yang ngus nas kho mo'i pha ma'i gtam dris na/ khyod kyi pha ma'i khyim du de bar me shor nas pha ma dang / khyim gang gi mi thams cad mes tshig go zhes zer ro/ /de skad ces smras pa thos nas/ kho mo 'khams te sa la 'gyel to/ /de nas kun tu rgyu des bslang ste/ khyim du khrid de kho mo la bu bzhin du byams shing gdungs pa las/ yang kun tu rgyu cig gis chung mar slangs te/ de dang lhan cig rtse dga' yongs su spyad pa las sems can dang ldan par gyur te/ zla ba tshang nas bu byung du nye ba na khyim thab gzhan gyis khyim du chang la bos na de'i 'og tu bu btsas te/ sgo dam du bcad nas bu btsir ba las/ khyim thab chang gis myos te/ sgo brdungs pa dang / sgo 'byed pa med pas/ khros te sgo bcag nas/ nang du 'ongs pa dang / kho mo yang brdegaso/ /bdag gis bu btsas zhes byas na bu yang bsad de mar gyi nang du brngos nas kho mo la zar bcug go/ /bu'i sha za ma phod nas ma zos pas yang brdegs te/ nan gyis zar bcug go/ /zos pa'i 'og tu khyim thab kyang sad nas bdag gis bsams pa/ bdag bsod nams med cing las ngan no snyam bsams nas/ khyim thab bor te/ yul bA ra na ser bros so/ /yul bA ra na se'i phyi rol na shing cig gi drung na 'dug pa las/ grong de'i khyim bdag gzhon nu zhig gsar du chung ma tshe 'phos nas grong khyer gyi phyi rol tu chung ma'i rus bu sbas nas/ khyim bdag de chung ma de la chags pas rus bu'i drung na ngu zhig 'dug pa las/ bdag gi drung du 'ongs te kho mo la khyod cig pu 'di na ci byed ces dris so/ /</font><hr>69.246a<br><font size=+1>

kho mos kyang de bzhin du gtam byas pa las khyim bdag des skyed mos tshal du khrid de chung ma bya'o zhes smras nas/ kho mos de bzhin du rung ngo zhes smras so/ /khyo shug 'dus nas ring por ma lon par khyim thab nad kyi btab nas tshe 'phos so/ /de'i tshe na yul chos kyis gson pa'i tshe khyo shug mdza' ba rnams/ khyo'i tshe 'phos na chung ma yang gson por khyo dang lhan cig tu dur du 'dzud do/ /kho mo yang der dur du bcug nas nub mo dur brkun 'ongs te dur brus pa dang / dur brkun gyi dpon pos kho mo chung mar byas so/ /ring po ma lon par dur brkun song song ba las rgyal pos bsad nas/ brkun zla rnams kyis rus bu bskur te/ kho mo dang lhan cig tu yang dur du bcug go/ /dur na zhag gsum 'dug pa las spyang kis dur brus nas/ kho mo yang dur nas phyung ste/ 'di snyam du bsams so/ /kho mos sdig pa ci zhig byas nas 'di 'dra bar lan du ma shi ba las phyir sos par gyur/ sngon na thos na shAg gi rigs kyi sras cig mngon par byang chub nas/ 'tshan yang sangs rgyas shes bya ste/ 'das pa dang ma 'ongs pa kun mkhyen to zhes grags na da ni de la skyabasu 'gro'o snyam nas rgyal bu rgyal byed kyi tshal gang na ba de logasu song ba dang / rgyang ma nas de bzhin gshegs pa me tog gi sdong po rgyas pa lta bu 'am/ skar ma'i nang na zla ba lta bur mthong ngo / /de'i tshe bcom ldan 'das kyis thogs pa med pa'i ye shes kyis bdag 'dul ba'i dus la bab par shes nas/ bzhengs te kho mo bsu'o/ /kho mo sgren mor 'dug pas ngo tsha ste/ lag pas nu ma bkab nas sa la 'dug go/ /de nas bcom ldan 'das kyis kun dga' bo la bka' stsal pa/ bud med 'di la gos skon cig bka' stsal pa dang / kho mos gos gyon nas/ bcom ldan 'das kyi zhabs la mgo bos</font><hr>69.246b<br><font size=+1>

phyag 'tshal te/ bdag la thugs brtse bar dgongs nas/ bdag rab tu byung bar gnong shig ces gsol pa dang / bcom ldan 'das kyis kun dga' bo la bka' stsal te/ bud med 'di skye dgu'i bdag mo la gtad de/ rab tu phyung shig ces bka' stsal to/ /de nas skye dgu'i bdag mos kho mo rab tu byung nas/ kho mo la bden pa bzhi'i chos bstan te/ kho mos thos ma thag tu brtson 'grus nan tan byas nas/ dgra bcom pa'i 'bras bu thob ste/ 'das pa dang / ma 'ongs pa dang / da ltar gyi bya ba kun rtogs par 'gyur ro/ /dge slong ma de rnams kyis smras pa/ sngon sdig pa'i las ci bgyis na/ de lta bu'i rnam par smin pa myong ba ston cig ces smras pa dang / dge slong ma ud pa las khyod rtag par nyon cig /khyod la bstan par bya'o/ /sngon 'das pa'i dus yun ring po zhig na/ khyim bdag shin tu phyug pa zhig la bu med pa las/ chung ma zhig blangs te/ chung ma de la shin tu byams pas/ ring po ma lon par chung ma de sems can dang ldan par gyur te/ zla ba tshang nas khye'u zhig btsas te/ khyo shug gnyis de bu la byams shing sdug par 'dzin to/ /de nas chen mas 'di snyam du bsamaso/ /kho mo ni rigs che zhing btsun mod kyi bu med pas rigs 'tshob pa med do/ /gal te khye'u 'di skyes nas rigs 'tshob cing / nor dang longs spyod kyi bdag por 'gyur te/ bdag la mi ster cing / bdag sdug par 'gyur ro snyam du phrag dog skyes te/ bsad par bsam nas khye'u'i tshog mar khab kyis gtsugs te/ rma yang mi snang bar byas so/ /khye'u de yang ring por ma lon par tshe 'das pa dang / chun ma 'khams nas chen ma la/ khyod kyis nga'i bu bsad do zhes brgal to/ /chen mas bsnyon nas 'di skad ces mna' bor ro/ /kho mos khyod kyi bu bsad par gyur na/ </font><hr>69.247a<br><font size=+1>

kho mo skye ba thams cad du/ kho mo'i khyo sbrul gdug pas bsad par shog shig bu zhig yod na yang chus khyer ba dang / spyang kis za bar shog shig /kho mo'i lus yang nas yang du gson por dur du bcug cing / bu'i sha za bar shog shig /pha ma'i khyim du me shor nas thams cad tshig par shog shig /ces smras so/ /de'i tshe na de skad ces mna' bor ba'i chen ma de ni kho mo yin te/ de dag thams cad lus kyis myong bar gyur to/ /dge slong ma de dag gis smras pa/ bsod nams ci zhig byas te/ sangs rgyas mthong zhing sangs rgyas kyis gsungs nas rab tu phyung ste/ 'khor ba'i mthar phyin par gyur/ ud pa las smras pa/ sngon bA ra na se 'dir ri drang srong lhags shes bya ba na/ rang sangs rgyas dang nyan thos dang / mu stegs can mngon par shes pa lnga dang ldan pa mang du gnas so/ /de'i tshe na rang sangs rgyas dag cig bsod snyoms la grong du gshegs pa dang / khyim bdag gi chung ma zhig gis mthong nas rab tu dga' ste/ bsod snyoms phul nas/ mchod pa byas so/ /de nas rang sangs rgyas de nam mkha' la 'phags te lus la me 'bar ba dang / chu 'bab pa dang / 'gro ba dang / nyal ba dang / 'dug pa'i rdzu 'phrul bstan nas/ khyim bdag gi chung ma des kho mo yang ma 'ongs pa'i dus su 'di 'dra ba thob par gyur cig ces smon lam btab bo/ /de'i tshe na smon lam btab pa'i khyim bdag gi chung ma de ni kho mo yin no/ /de'i phyir de bzhin gshegs pa dang phrad nas sems rnam par grol te/ dgra bcom pa'i 'bras bu thob bo/ /'di ltar dgra bcom pa thob mod kyis lcags tsha ba'i thur ma spyi bo nas zugs nas rkang mthil du byung ste/ rtag tu 'di lta bu'i gnod pa byung ngo / /</font><hr>69.247b<br><font size=+1>

de'i tshe rigs che zhing mtho ba'i dge slong ma lnga brgya snyed kyis de skad ces thos nas/ lus dang sems skyi g.ya' ste/ 'dod pa la me mur gyi phung po ltar rtogs nas/ 'dod chags kyi sems yongs su zad de khyim gyi sdug bsngal la btson ra bas kyang lhag par rtogs te/ dri ma kun zad nas dus gcig tu ting nge 'dzin tu zhugs te/ dgra bcom par gyur to/ /dge slong ma de dag gis tshig mthun par dge slong ma ud pa la la bdag cag ni/ 'dod chags kyis kun nas bcom zhing glags pa las/ khyod kyis chos bstan pas 'khor ba'i mthar phyin par gyur to zhes smras so/ /de la bcom ldan 'das kyis dge slong ma ud pa las ni legs par bstan to/ /gang chos ston pa ni gcig gis gcig bstan pa'o 'bras bu thob nas sangs rgyas kyi sras yang dag pa'o zhes bsngags so/ /de skad ces gsung pa la 'khor mang po rjes su yi rangs nas mngon par dga'o/ /dge slong ma ud pa la'i le'u zhes bya ste nyi shu lnga pa'o// // 'di skad bdag gis thos pa'i dus gcig na/ bcom ldan 'das rgyal po'i khab bya ka lan ta ka gnas pa 'od ma'i tshal na bzhugs so/ /de'i tshe tshe dang ldan pa kun dga' bo 'dug pa las langs te/ gos tshags bcos te pus mo sa la btsugs nas/ thal mo sbyar te/ bcom ldan 'das la 'di skad ces gsol to/ /kauN+Di n+ya la sogs pa dge slong lnga po 'di ci'i rgyu/ ci'i rkyen kyis bcom ldan 'das kyis 'jig rten du chos kyi 'khor lo bskor ma thag tu chos kyi bdud rtsi sngar myong ba bstan du gsol/ bcom ldan 'das kyis kun dga' bo la bka' stsal pa/ dge slong lnga po 'di dag sngon yang nga'i sha sngar zos te bde bar gyur pas 'dir yang chos kyi ro thog mar myong ste/ rnam par grol bar gyur to/ /</font><hr>69.248a<br><font size=+1>

kun dga' bos bcom ldan 'das la gsol pa/ dge slong 'di lnga pos sngon ci bgyis pa bstan du gsol/ bcom ldan 'das kyis kun dga' bo la bka' stsal pa/ sngon 'das pa'i bskal pa tshad med/ grangs med/ bsam gyis mi khyab pa 'das pa'i sngon rol tu/ 'dzam bu'i gling 'dir rgyal po shud to lag gar ni zhes bya ba byung ste/ 'dzam bu'i gling gi rgyal phran brgyad khri bzhi stong snyed la dbang byed do/ /de'i tshe yul de na lo bcu gnyis kyi bar du char mi 'bab bo zhes ltas mkhan gyis lung bstan nas/ rgyal pos de skad ces thos pa dang / rab tu mya ngan gyis yi mug par gyur te/ 'di ltar mug ge chen po byung na/ mi mang po dag la lo de snyed kyi kha zas ci ltar snyed snyam nas/ rgyal phran dang blon po kun bsdus te/ bsgros nas bang ba na 'bru ji snyed yod pa dang / da ltar mi ci snyed yod pa rtsis su sbyar nas/ lo bcu gnyis kyi bar du mi re la phul re re'i thad du rtsis na yang lo bcu gnyis su mi thub bo zhes dril bsgrags so/ /de nas yang phyi phyir mug ge che ste tshe 'phos pa yang mang nas/ rgyal po des ji ltar byas na mi mang du 'tsho bar 'gyur snyam bsams te/ btsun mo dang pho brang slas su bcas te/ skyed mos tshad du chags su song ba las/ bsti ba'i gnas shig du phyin nas/ btsun mo dang / mi mang po kun gnyid kyis log pa'i 'og tu nyal ba las langs te/ phyogs bzhir phyag 'tshal te/ 'di lta bu'i yid dam bcas so/ /yul 'dir mug ge byung ste/ thams cad bza' ba med par gyur te/ ltogs kyis bdag gis lus 'di btang ste/ tshe 'phos pa'i 'og du nya chen po zhig du skyes nas/ thams cad bdag gi sha za zhing 'drangs par shog shig ces smon lam btab nas shing zhig la 'dzeg ste/ </font><hr>69.248b<br><font size=+1>

shing kha nas lus g.yang du btang ngo / /der tshe 'phos nas chu chen por brdzus te skyes pa'i nya chen po dpag tshad lnga brgya zhig du gyur to/ /de'i tshe yul de na shing mkhan mi lnga zhig chu 'gram du shing thur dong ba las nya chen po de mthong nas/ nya des mi'i skad du 'di skad ces smras so/ /khyod bkres na nga'i sha la chod la ci 'dod pa zo shig /khyod kyis sngar nga'i sha zos te 'drangs pa dang / 'drangs nas kyang ci theg pa khyim du khyer cig /phyis mngon par sangs rgyas nas kyang / thog mar khyod chos kyi zas myong bar bya'o/ /yul mi dag la gang bkres pa thams cad kyis ci dga' bar nga'i sha la long shig ces bsgo shig /de'i tshe na mi lnga pos sha bcad de zos nas yul mi la sbran te/ de nas gcig gis gcig sbran te/ 'dzam bu'i gling gi mi thams cad 'dus te/ de'i sha bcad nas zos so/ /rtsib logs ngos cig zad tsam na/ rtsib logs ngos cig rang bsgyur te/ steng ma zad tsam na 'og ma yang de bzhin du skye'o/ /de bzhin du ltag 'og bsgyur cing lo bcu gnyis kyi bar du thams cad kyis sha bcad de zos nas/ thams cad de la snying rje ba'i sems skyes pas/ de'i sha zos pa de dag thams cad tshe'i dus byas pa yang mtho ris kyi lhar skyes so/ /kun dga' bo de'i tshe de'i dus na/ rgyal po nyar gyur pa de ni da ltar nga yin no/ /shing mkhan lnga po thog mar nga'i sha bcad de zos pa de ni/ dge slong kau N+Di n+ya la sogs pa lnga po yin no/ /skye bo mang po phyis nga'i sha zos pa de ni/ lha'i sras po brgyad khri dang nga'i nye gnas rnam par grol ba rnams yin no/ /de'i tshe sngar mi lnga po la byin te/ 'tsho ba'i srog skyabs pas 'dir yang sngar chos bstan ste/ chos kyi sku'i yan lag gis/ dug gsum gyi me zhi bar byas so/ /</font><hr>69.249a<br><font size=+1>

kun dga' bo dang / 'khor mang po rnams bcom ldan 'das kyis gsungs pa la rjes su yi rang nas mngon par dga'o/ /shud do lag gar ni'i le'u ste nyi shu drug pa'o// //'di skad bdag gis thos pa'i dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na bcom ldan 'das kun dga' bo dang bsod snyoms la gshegs pa las/ lam kha na byis pa dag cig sa la khang bu dang / bang mdzod dang / rin po cher bsngos nas rtse zhing 'khod do/ /de la khye'u gcig gis/ sangs rgyas rgyang ma nas gshegs pa mthong nas rab tu dga' ste/ sbyin pa bya bar bsams nas/ bang bar bsngos pa'i sa las snyim pa gang blangs te/ sangs rgyas la 'bul bar gzas pa na/ khye'u chung ches pas ma bslebs nas/ grogs khye'u cig la rgur shig / kho bo khyod kyi steng du 'greng ste lhung bzed du blugs so zhes smras nas/ grogs pos kyang de bzhin du bya'o zhes smras te/ khye'u de grogs po'i phrag pa la 'dzegs nas/ sa snyim pa gang sangs rgyas la phul lo/ /sangs rgyas kyis kyang lhung bzed smad nas sa phul ba bzhes so/ /bzhes nas kun dga' bo la gtad do/ sa 'di 'jim pa gyis la gtsug lag khang bskus shig ces bka' stsal to/ /kun dga' bo byis pa chung ngus dga' ba'i sems kyis da ltar nga la phul ba bzhes nas/ lha khang la bskus pas/ de'i bsod nams kyis/ nga mya ngan las 'das te lo brgya lon pa'i 'og tu rgyal po a sho ka zhes bya bar 'gyur ro/ /khye'u cig shos ni de'i blon por gyur te/ 'dzam bu'i gling la dbang byed cing dkon mchog gsum gyi yon tan yang / yul thams cad du bsgrags nas ring bsrel la yang rgyas par mchod pa byed do/ /</font><hr>69.249b<br><font size=+1>

'dzam bu'i gling du mchod rten brgyad khri bzhi stong cig char byed par 'gyur ro/ /kun dga' bo dga' mgu rangs nas bcom ldan 'das la 'di skad ces gsol to/ /de bzhin gshegs pas bsod nams ci zhig mdzad pas ring bsrel la yang mchod rten de snyed cig bgyid par 'gyur/ bcom ldan 'das kyis bka' stsal pa/ rtag par nyon la yid la zung shig dang / khyod la bstan par bya'o/ /sngon bskal pa grangs med pa 'das pa na/ 'dzam bu'i gling 'dir rgyal po gsal thub ces bya ba rgyal phran brgyad khri bzhi stong snyed la dbang byed pa zhig byung ngo / /de'i tshe sangs rgyas pur sha zhes bya ba zhig 'jig rten du byung ste/ rgyal po des blon po dang bcas su yo byad rnam pa bzhi sbyar te/ sangs rgyas dang / dge slong gi dge 'dun la phul lo/ /de'i tshe na rgyal po dang yul mi rnams ni/ rtag tu sangs rgyas dang phrad de phyag 'tshal ba dang / bsnyen bkur byed de/ rgyal phran gzhan dag ni bsod nams kyang mi byed par/ mtha' 'khob kyi rgyal phran dang / yul mi dag bsod nams byed du gzhug pa'i phyir/ sangs rgyas kyi sku gzugs bris la/ rgyal phran rnams la sbyin no snyam bsams nas/ ri mo mkhan mang po 'dus te/ sangs rgyas kyi sku gzugs ri mor bris shig ces bsgo ba dang / ri mo mkhan dag sangs rgyas kyi spyan sngar song ste/ sangs rgyas kyi mtshan bltas nas ri mo bris pa las/ mtshan cig bris na gcig mi 'dra bar gyur to/ ri mo mkhan gyis ri mo bri bar mi nus so/ /sangs rgyas nyid kyis tshon rtsi sbyar te/ sku gzugs bris nas/ de'i ri mo mkhan de la bstan te/ sku gzugs mtshan dang ldan pa brgyad khri bzhi stong bris nas/ rgyal phran re re la sku gzugs re re bskur te/ sku gzugs de la rgyal po dang / yul mi thams cad kyis me tog dang / spos dang yo byad</font><hr>69.250a<br><font size=+1>

thams cad kyis mchod cing phyag tshol cig ces bsgo'o/ /rgyal phran de dag dang yul mi de dag gis/ de bzhin gshegs pa'i sku gzugs mthong nas rab tu dga' mgu yid rangs nas/ bsnyen bkur byas so/ /de'i tshe rgyal po gsal thub de ni da ltar nga yin te/ de ltar de bzhin gshegs pa'i sku gzugs brgyad khri bzhi stong bris te/ rgyal phran dang yul mi kun la spel ba'i bsod nams kyis/ gang dang gang du skyes kyang mtho ris su brgya byin lha'i dbang por skyes te/ byad gzugs bzang ba dang / mtshan sum bcu rtsa gnyis dang dpe byad bzang po brgyad cu thob ste mngon par sangs rgyas so/ /mya ngan las 'das nas kyang ring bsrel mchod rten brgyad khri bzhi stong snyed byed par 'gyur ro/ /bcom ldan 'das kyis de skad gsungs pa la kun dga' bo dang 'khor mang po rnams mngon par dga' nas rjes su yi rang ngo / /rgyal po a sho ka'i le'u ste nyi shu bdun pa'o// // 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong dag dbyar so so'i tshul du zhugs nas/ tshul nas byung ba dang bcom ldan 'das gang na ba der lhags so/ /bcom ldan 'das dge slong de dag dang yun ring du ma phrad pas de dag la thugs brtse bar dgongs te/ 'khor lo rtsibs stong dang ldan pa'i phyag bteg ste/ dge slong de dag la bsti stang dang bcas pas khyed na bar ma gyur tam/ bsod snyoms kyi ma brel tam zhes bka' stsal pa dang / de bzhin gshegs pa yon tan chen po dang ldan pa de dge slong rnams la bsti bstang mdzad par dge slong kun dga' bos mthong nas ngo mtshar du gyur te/ bcom ldan 'das la 'di skad ces gsol to/ /</font><hr>69.250b<br><font size=+1>

bcom ldan 'das ni 'jig rten gyi gtso bo yon tan dpag tu ma mchis pa/ ye shes bsam gyis mi khyab pa lags na/ ci'i slad du thugs smad de dge slong rnams la bsti stang mdzad ces gsol pa dang / bcom ldan 'das kyis kun dga' bo la 'di skad ces bka' stsal to/ /sngon bskal pa grangs med tshad med bsam gyis mi khyab pa 'das pa na/ 'dzam bu'i gling 'dir yul bA ra na se na khyim bdag so tshis la mkhas pa zhig yod de/ nor ci snyed kyang gser du bsgyur nas/ gser gyi bum pa gcig byas nas/ sa'i 'og tu sbas so/ /de bzhin du nor ci snyed kyang longs mi spyod de gser du bsgyur nas phyis ring zhig lon pa dang / gser gyi bum pa snga phyir bsogs pa bdun du gyur nas thams cad sa 'og tu sbas so/ /khyim bdag de phyis nad kyis btab nas tshe'i dus byas pa dang / gser gyi bum pa la chags pas sbrul gdug pa zhig du skyes te gser de la bsrung ngo / /phyis yun ring zhing lon pa dang grong khyer de yang mi gnas so/ grong khyer de stong par gyur te/ /sbrul de yang lo grangs mang du lon nas tshe'i dus byas pas phyir yang de nyid kyi lus su skyes te gser gyi bum pa la 'khri zhing nyal lo/ /de bzhin du lo khri phrag du ma lon pa dang / nang gi skye ba tha ma la lus des skyo ste 'di snyamaso/ /bdag ni gser 'di la chags pas 'di 'dra ba'i lus mi sdug pa myong bar gyis/ da ni bsod nams kyi zhing du phul na snyam nas lam dang nye bar song ste/ rtswa 'khor du lus sbas la mi dag 'ong na 'bod do snyam ste/ de'i tshe sbrul gdug pa des mi cig lam nas 'ong ba mthong nas/ sbrul gyis mi de la bos pa dang mi des bos pa'i sgra thos nas phan tshun du bltas na ci yang mi snang nas lam du zhugs te song song ba las sbrul gyis yang 'bod de kyai kho bo'i drung du yang bsnyen cig ces smras pa dang / /mi des smras pa/ </font><hr>69.251a<br><font size=+1>

khyod kyis kho bo bos te ci zhig bya/ khyod ni shin tu gdug pa can yin pas kho bo bsad du 'ong ngo / /sbrul gyis smras pa/ kho bos gnod pa bya na khyod drung du ma 'ong kyang gnod pa bya nus so/ zhes smras pa dang / mi de skrag nas sbrul gyi drung du bsten to/ /sbrul gyis smras pa/ kho bo la 'di na gser bum pa cig yod kyis/ khyod la bsod nams shig bya bar bcol bar nus sam/ ci ste ma byas na khyod la gnod par bya'o/ /mi des kho bos nus so zhes smras pa dang / sbrul gyis mi de gser gyi bum pa'i drung du khrid de/ gser gyi bum pa cig bskur te 'di skad ces smras so/ /khyod gser 'di khyer la dge 'dun rnams la mchod ston gsol cig /mchod ston gsol ba'i nyin par kho bo yang 'ong gis bsus shig ces bsgo'o/ /de nas mi des gser khur te dge 'dun gyi nang du song nas/ dge slong gtsang sbyor la gser phul te 'di ni sbrul gdug pa zhig gi gser lags kyi gser 'dis dge 'dun la mchod ston gsol cig ces mchi'o/ /gser 'dis mchod ston sbyar te/ de nas mchod ston nam gsol ba zhag dus brtsis nas/ de'i nyin par mi de gzeb thogs ste/ sbrul gdug pa de gang na 'dug pa der song ngo / /sbrul gdug pa des kyang mi de 'ong ba mthong nas rab tu dga' bar gyur to/ /mi des sbrul de gzeb kyi nang du bcug nas khyer te song ba las lam du mi cig dang phrad de/ mi des khyod gang nas 'ongs shes lan gsum gyi bar du dris kyang sbrul thogs pa des cang ma smras pas/ sbrul khros nas gdug pa phyung ba las yang 'di snyam bsams so/ /mi 'di ci zhig nyes na/ pha rol pos lan gsum gyi bar dris na gtam gyi lan yang mi ster snyam ste/ phyir yang khros nas gdug pa byung ba las phyir dgag ste/ </font><hr>69.251b<br><font size=+1>

yang 'di snyam du bsams so/ /mi 'di bdag gi phyir bsod nams byed na/ byas pa gzo ba'i drin yang dran pa byas par gdug pa mi 'byung ngo snyam bsams te/ mi 'dis bdag la phan pa'i don byed kyi nyes pa zhig byas na yang bzod par bya'o/ /zhes sa dben par phyin pa dang / re shig sa la zhog shig ces smras nas sbrul des mi de la sems smad de/ da bdag gi nyes pa 'gyod cing gshags so zhes smras na/ phyir yang khur te/ dge 'dun gyi gnas su phyin pa dang / dge 'dun dag kyang gdugs tshod kyi dus la bab pas/ mi des dge 'dun la me tog brims te/ sbrul de dang ba'i sems kyi me tog 'grem pa la lta'o/ /de nas dge 'dun dag zas kyi bya ba byas nas kha lag bkrul nas de la chos bshad do/ /sbrul de rab tu dga' nas/ gser gyi bum pa drug kyang dge 'dun la phul te/ bsod nams kyi las byas nas de nas tshe 'phos so/ /tshe'i dus byas nas de'i bsod nams kyis sum bcu rtsa gsum gyi lhar skyes so/ /kun dga' bo de'i tshe na sbrul gdug pa khur du khyer ba'i mi de ni nga yin no/ /sbrul gdug pa de ni shA ri'i bu yin no/ /'das pa'i dus na yang khur du khyer ba las sbrul gyis spyos te/ de la yang sems smad pas da yang dge slong rnams la sems smad pa yin no/ /kun dga' bo la sogs pa sangs rgyas kyis gsungs pa la mngon par dga'o/ /gser gyi bum pa'i le'u ste nyi shu brgyad pa'o// // 'di skad bdag gis thos pa'i dus cig na/ bcom ldan 'das rgyal po'i khab bya ka lan ta ka gnas pa 'od ma'i tshal na dge slong grangs med pa dang thabs gcig tu bzhugs so/ /de'i tshe yul de na bram ze shin du dbul zhing 'phongs pa ci yang mi bdog pa zhig yod de/ bram ze 'phongs</font><hr>69.252a<br><font size=+1>

ches nas kun la ci ltar bya na tshe 'di la longs spyod dang ldan par 'gyur zhes dris so/ /de la mi zhig gis smras pa/ ci khyod mi shes sam/ sangs rgyas bcom ldan 'das zhes bya ba da ltar 'jig rten du gshegs te/ sems can thams cad la phan pa'i don mdzad do/ /de'i nye gnas 'od srung chen po dang maud gal ya na dang / shA ri'i bu dang / ma 'gags pa la sogs pa 'phags pa bzhi yang rtag tu dbul 'phongs pa la phan pa'i don byed kyis/ gal te khyod dad pa'i sems kyis 'phags pa de dag la zhal zas kyis mchod na/ 'phags pa de dag gis tshe 'di nyid la ci dang ci 'dod pa de dang de dag dang ldan par mdzad do zhes smras so/ /de'i tshe na de la bram zes mi des smras pa thos nas/ rab tu dga' ste kun tu rgyu zhing slong mo dang / gla zos nas nor cung zad cig snyed de phyir khyim du 'ongs nas zhal zas sbyar te 'phags pa'i dge 'dun rnams spyan drangs nas/ bshos gsol te 'jig rten 'di la phan par re'o/ /de'i tshe na bram ze de'i chung ma bde ba zhes bya ba des dge 'dun la bshos gsol nas nyin zhag gcig pa'i bslab tshigs mnos so/ /de'i tshe na rgyal po gsal rgyal 'chags su song ba las/ phyir 'ong ba'i lam du nyes pa byas pa'i btson zhig lam kha na shing la bcings shing 'dug pa mthong ngo / /btson des rgyal po gshegs pa mthong nas/ ngus te bzas zhig bslangs pa dang / rgyal pos kyang sbyin no zhes byas pa dang / phyir pho brang du gshegs pa dang / brjed pa las de'i nub mo nam phyed tsam na btson la kha zas sbyin pa dran te/ kha zas bskyal bar byas nas/ pho brang nang gi mi ni gcig kyang 'gro 'phod pa med de/ nam ma phyed tsam na kha zas bskur du lam na 'dre gdon dang / srin po'i 'jigs pas srog dang bsdos te 'gro nus pa med do/ /de'i tshe na rgyal pos mi de'i</font><hr>69.252b<br><font size=+1>

sdug bsngal ba dang bkres pas nyen pa dran nas/ de la shin tu snying brtse nas/ nga'i yul 'di nas su zhig btson de la kha zas bskyal du nus na/ gser srang stong sbyin no/ /zhes bsgrags kyang 'gro nus pa ma byung ngo / /de'i tshe na bram ze de'i chung ma bde ba des gtam du thos na/ 'jig rten pa su yang rung ste nyin cig pa'i bslab tshig brgyad mnos nas 'dre gdon la sogs pas mi brdzi ste/ gdon thams cad kyis gnod pa byed mi nus so zhes thos kyis/ bdag ni rgyal pos gar btang bar kho mo 'gro snyam bsams nas mchis so/ /de nas rgyal pos bde ba la khyod kha zas 'di dag khyer la che ge mo zhig na btson 'dug pa de la byin cig dang / gser srang stong byin pa de bcas so de nas bde ba rgyal po'i bka' bzhin du kha zas thogs te/ tshul khrims dran par byas nas/ lam du zhugs te song song ba las/ grong khyer gyi phyir rol tu srin mo lam pa dang phrad do/ /de'i tshe na srin mo de'i bu lnga brgya gsar du btsas pas bkres skom gyis nyen te/ bde ba 'ong ba mthong nas/ bza' bar gzas te/ de'i tshe na dge bsnyen ma tshul khrims ma nyams pas srin mos mthong nas skrag ste/ dge bsnyen ma khyod khyer ba'i kha zas las cung zad cig bslang ngo zhes smras pa dang / dge bsnyen mas kyang nyung ngu zhig byin te byin pa nyung mod kyi dge bsnyen ma'i mthus mang du sprul pas srin mo ma smad shin tu 'drangs par gyur to/ /de nas srin mos dge bsnyen ma la khyod ci ming zhes dris pa dang / kho mo ni bde ba'o zhes smras so/ /'o na kho mo ma smad kyang ltogs pa las khyod kyis gsos kyis/ kho mo 'dug pa 'di na gser bum pa gang yod kyis phyir log pa'i lam du khyer cig /khyod phar 'gro na kho mo'i nu mo a lam pa yang lam kha na 'dug ste/ khyod dang phrad kyis kho mo'i 'phrin du khyod bde 'am/ kho mo yang bu lnga brgya</font><hr>69.253a<br><font size=+1>

bde bar btsas so zhes gyis shig /de nas dge bsnyen ma lam du zhugs te song song ba las ring por ma lon par a lam pa dang phrad do/ /a lam pa la phu mo'i phrin spring ba dang / bu lnga brgya bde bar btsas so zhes gtam byas nas/ a lam pa dga' ste dge bsnyen ma khyod kho mo'i pha ma'i 'phrin dang gtam snyan pa byas pa legs kyis/ kho mo 'dug pa'i gnas 'di na gser bum pa gang yod kyis phyir log pa'i lam du khyer cig /kho mo cag gi ming po cig kyang lam kha na 'dug gi /de dang 'phrad na kho mo cag spun gnyis kyi 'phrin dang / bu lnga brgya btsas pa'i gtam yang gyis shig ces bsgo nas song ngo / /de nas yun ring por ma phyin par sring mo gnyis kyi ming po 'phrad de/ de la bu mo gnyis kyis 'phrin dang / bu lnga brgya bde bar btsas pa'i gtam byas nas de yang rab tu dga' ste/ khyod kho bo'i sring mo gnyis kyi gtam dang phrin byas pa legs kyis/ kho bo 'dug pa'i gnas 'dir/ gser bum pa gang yod kyis phyir log pa'i lam tu khyer shig ces bsgo'o/ /de nas dge bsnyen ma chas te song song ba las btson de'i drung du phyin te/ kha zas bsnyod nas phyir log pa'i lam du gser bum pa gsum rnyed do/ /rgyal pos kyang gser srang stong bya dgar byin pas/ bram ze dbul mo khyo shug gnyis yul de na shin tu phyug cing nor mang bar gyur pas/ lhag par bsod nams byed cing rin po che mang bar gyur to/ /rgyal pos kyang bsod nams las gyur par shes nas blon por bcug ste shin tu phyug par gyur te/ lhag par bsod nams byed pa la dad pa'i sems bskyed de/ sangs rgyas dang dge 'dun spyan drangs te/ mchod pa chen po byas so/ /de la bcom ldan 'das kyis chos bstan</font><hr>69.253b<br><font size=+1>

pas sems rnam par grol te/ rgyun tu zhugs pa'i 'bras bu thob bo/ /'khor mang po de rnams dang kun dga' bo la sogs pa sangs rgyas kyis gsungs pa la rjes su yi rangs nas mngon par dga'o/ /bram ze mo bde ba'i le'u ste nyi shu dgu pa'o// // bam po brgyad pa/ 'di skad bdag gis thos pa'i dus gcig na/ bcom ldan 'das rgyal po'i khab bya rgod phung po'i ri la dge slong chen po'i dge 'dun brgya phrag phyed dang bcu gsum dang thabs gcig tu bzhugs so/ /de'i tshe na bcom ldan 'das kyis tshe dang ldan pa kun shes kauN+Di n+ya la bsnyen bkur byed pa'i g.yog gcig dgos so zhes bka' stsal pa dang / de nas kun shes kauN+Di n+ya stan las langs te/ bla gos phrag pa gcig tu bzar nas/ bcom ldan 'das ga la ba de logasu thal mo sbyar te/ phyag 'tshal te bcom ldan 'das bdag gis bsnyen bkur yid bzhin du bgyi zhing chos gos dang lhung bzed bzung ngo zhes gsol pa dang / bcom ldan 'das kyis kauN+Di n+ya la khyod kyang rgas 'khogs te/ khyod nyid la yang bsnyen bkur byed pa yang dgos kyis/ kauN+Di n+ya khyod stan la 'dug shig ces bka' stsal to/ /de bzhin du 'od srung dang / shA ri'i bu dang / maud gal ya na chen po la sogs te nye gnas lnga brgya snyed kun gyis bcom ldan 'das la bsnyen bkur bgyi'o/ /zhes gsol na yang gcig kyang ma gnang ngo / /de nas tshe dang ldan pa ma 'gags pas bcom ldan 'das kyi bsnyen bkur ba'i dge slong gang la bgyi snyam brtags nas bcom ldan 'das kyi thugs kun dga' bo la dgyes pa ni 'di lta ste/ khang bu brtsegs pa'i shar phyogs kyi skar khung nas nyi ma'i 'od zer byung ba/ nub phyogs kyi rtsig ngos la shar cing lhan pa bzhin du thugs kun dga' bo la dgongs zhing dgyes par nye gnas kun gyis rtogs nas/ tshe dang ldan pa shA ri'i bu dang / maud gal gyi bu chen po gnyis</font><hr>69.254a<br><font size=+1>

kun dga' bo gang na ba der song ste drung du phyin pa dang kun dga' bo dang lhan cig tu yid mgu zhing bde ba'i gtam rnam pa du ma byas nas/ phyogs cig tu 'khod do/ /phyogs gcig tu 'khod nas shA ri'i bu dang / maud gal ya nas tshe dang ldan pa kun dga' bo la 'di skad ces smras so/ /tshe dang ldan pa kun dga' bo bcom ldan 'das la bsnyen bkur bya bar dad dam/ bcom ldan 'das kyang khyod kyis bsnyen bkur bya bar dgyes te/ de bzhin gshegs pa la bsnyen bkur byas na khyod la phan pa'i don cher 'gyur ro/ /btsun pa shA ri'i bu bdag ni bcom ldan 'das la bsnyen bkur bya bar mi dad do/ /de ci'i phyir zhe na/ sangs rgyas bcom ldan 'das ni bsgrub par dka' bzod par dka'o/ /'di lta ste me 'bar ba ni bsgrub par yang dka'/ bzod par yang dka' ba yin te de ltar de bzhin du sangs rgyas bcom ldan 'das bsgrub par dka' bas na/ bdag bcom ldan 'das la bsnyen bkur bgyis par mi dad do/ /de nas tshe dang ldan pa maud gal ya na chen pos kun dga' bo la 'di skad ces smras so/ /kun dga' bo khyod la bcom ldan 'das dgongs shing dgyes pa ni 'di lta ste/ khang bu brtsegs pa'i shar phyogs kyi skar khung nas nyi ma'i 'od zer byung nas nub phyogs kyi rtsig ngos na shar cing lhan pa bzhin du bcom ldan 'das kyis thugs kyang kun dga' bo khyod kyis bsnyen bkur bya bar dgyes kyi/ dad par gyis shig /de bzhin gshegs pa la bsnyen bkur byas na/ khyod la phan pa'i don cher 'gyur ro zhes smras so/ /btsun pa maud gal ya na chen po ci ste/ bdag la bcom ldan 'das kyis 'dod pa 'di gsum gnang na bcom ldan 'das la bsnyen bkur bya bar 'dod do/ /'di lta ste bcom ldan 'das gsol ba'i na bza' bdag la 'tshal du mi stsal ba dang / bcom ldan 'das kyis gsol ba'i</font><hr>69.254b<br><font size=+1>

bshos kyi lhag ma bdag mi 'tshal ba dang / bdag dus ma mchis par bcom ldan 'das kyi spyan sngar mchir gnang bar bgyis na ni/ bcom ldan 'das la bsnyen bkur bgyid par dad do/ /de nas tshe dang ldan pa shA ri'i bu dang maud gal ya na chen pos tshe dang ldan pa kun dga' bo bsnyen bkur byed par 'dod par byas nas/ bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /bdag gis bcom ldan 'das la bsnyen bkur bgyi bar tshe dang ldan pa kun dga' bo dad pa bgyis na/ bcom ldan 'das bdag la 'dod pa 'di gsum gnang na/ gdod bdag cag gis bcom ldan 'das la bsnyen bkur bgyid par dad do zhes mchi'o/ /bcom ldan 'das kyis bka' stsal pa legs so/ /maud gal ya na dge slong kun dga' bo de ni mkhas pa can te/ tshangs pa mtshungs par spyod pa rnams smad pa'i tshig dang rjes su smad pa'i tshig gis chos kyi phyir byung bar mthong bas na/ bdag la tshangs pa mtshungs par spyod pa rnams 'di skad dge slong kun dga' bo ni gos dang zas kyi phyir ston pa la bsnyen bkur byed do zhes smra bar mi 'gyur ba'i phyir/ /maud gal gyi bu de ni dge slong kun dga' bo ngo mtshar rmad du byung ba'i chos so/ /dge slong kun dga' bo de ni mkhas pa can te/ dus shes shing rig pa legs te/ dus shes par 'gyur ba ni bcom ldan 'das la 'khor rnam bzhi lta bar 'gro ba'i dus la bab pa dang / dus la ma bab pa dang / gzhan yang mu stegs can kun tu rgyu rnams bcom ldan 'das kyi spyan sngar 'gro ba'i dus la bab pa dang dus la ma bab pa dang / gzhan yang mu stegs can kun tu rgyu 'di dag ni bcom ldan 'das kyis gsungs pa la lan ldon par spobs so/ /'di dag ni lan ldon par mi spobaso/ /bca' ba dang bza' ba 'di ni bcom ldan 'das la bde zhing bsod par 'gyur/ 'di ni bde zhing bsod par mi 'gyur bar shes</font><hr>69.255a<br><font size=+1>

pa'i phyir maud gal gyi bu dge slong kun dga' bo 'di ni ngo mtshar rmad du byung ba'i chos so/ /de nas shA ri'i bu dang / maud gal gyi bu gnyis kyis tshe dang ldan pa kun dga' bo bcom ldan 'das la bsnyen bkur byed par byas nas dad par byas pa dang / bcom ldan 'das kyis kyang kun dga' bo mkhas pa can te/ dus shes shing dus rig go zhes bsngags pas dge slong rnams the tsom skyes nas/ bcom ldan 'das la 'di skad ces gsol to/ /dge slong kun dga' bo 'di ci'i rgyu ci'i rkyen kyis dus tshod la mkhas par gyur/ bcom ldan 'das kyis shA ri'i bu la bka' stsal pa/ sngon 'das pa'i bskal pa tshad med grangs med pa'i pha rol tu rgyal po chen po 'dzam bu'i gling gi rgyal phran brgyad khri bzhi stong snyed la dbang byed pa zhig byung ngo / /de'i tshe grong khyer ba ru te zhes bya ba na bram ze n+ya gro d+ha ces bya ba zhig yod do/ mkhas pa rig pa dang ldan pa dang sman dang gtsug lag dang / skar ma la mkhas pa zhig pas/ rgyal po de'i ston pa byed de rgyal phran brgyad khri bzhi stong snyed kyang de la rgyal po chen po dang 'dra bar bsnyen bkur byed de bsgo ba'i tshig kyang nyan to/ /bram ze de phyug khyad kyang rnam thos kyi bu dang 'gran te/ de la bud med pas rtag tu mi chud ste/ sems khongs su chud cing 'dug pa las ji ltar byas na bu yod par 'gyur zhes tshangs pa dang / brgya byin dang dbang phyug dang / nyi zla dang skar ma dang ri dang / chu dang / nags kyi lha kun la mchod cing brjod do/ /lo bcu gnyis lon nas chung ma chen mo sems can dang ldan par gyur to/ /bud med mkhas pa dag ni sems can dang ldan ma thag tu bu khye'u 'am bu mo yin par nges par rtogs pas/ de yang khye'u yin par shes pas bram ze la gtam smras so/ /bram zes de skad smras pa thos nas rab tu dga' mgu rangs te chung ma'i rim 'gro lhag par ches bskyed do/ /de nas zla ba dgu tshang nas bu khye'u zhig btsas nas/ gser gyi mdog can skra mthon thing du 'dug pa bzang ba/ mdzes pa/ mtshan dang ldan pa zhig go/ /de nas btsas ston byas nas mtshan mkhan bkug ste mtshan la bltas nas ming sbyin pa chen po zhes bya bar bdagaso/ /khye'u de ni rims kyi cher skyes nas dbyar rgun dang / ston dpyid kyi gnas kyang so</font><hr>69.255b<br><font size=+1>

sor byas te/ longs spyod byed du bcug go/ /khye'u de yang yid gzhungs zhing mkhas pa'i blo dang ldan pa zhig pas rig byed dang gtsug lag rnam pa bco brgyad la sogs te/ rgyu rtsal gang yang mi shes pa med do/ /phyis sbyin pa chen pos pha ma la gsol pa/ bdag phyi rol tu 'chag cing bltad mo ltar 'gro'o zhes pa dang / de'i pha mas kyang bu 'chag du 'gro'o zhes lam srang phyag bdar byed du bcug ste/ rgyal mtshan dang ba dan bsgreng nas me tog gis gtor te/ bdug spos kyi bdug pa la sogs pa yo byad mang po bshams nas/ sbyin pa chen po glang po che rin po che sna bdun gyis brgyan pa la bskyon te/ dril bsgrags/ rnga brdungs/ rol mo sil snyan dkrol te/ brgya brgya stong snyed kyis bskor nas/ grong khyer gyi phyi rol du dong ngo / /yul mi thams cad kyi lam kyi g.yas g.yon du khang bu brtsegs pa'i steng nas mig mi 'dzum par blta zhing 'di'i byin dang gzi brjid ni tshangs pa dang 'dra'o zhes bsgrags go/ /de nas song song ba las mu to ba dag gos hrul po gyon zhing snod chag pa dag thogs te/ cung zad bslang ngo zhes 'bod pa sbyin pa chen pos thos nas/ de dag la khyod ci'i phyir 'di ltar nyon mongs shing sdug pa dris so/ /de la kha cig ni 'di skad du bdag cag la pha ma dang / phu nu dang bud med dang gnyen bshes ma mchis pas sdug go zhes zer ro/ /de la kha cig ni bdag yun ring du nad kyis btab pas mi sos te sdug zhes zer ro/ /de la kha cig ni bdag bag ma byas pas chom pos bcoms te/ ci yang mi bdog pas slong mo byed do zhes zer ro/ /sbyin pa chen pos de skad smras pa thos nas mchi ma bkrug te song ngo / /de nas yang pha zad cig na shan pa dag srog chags bsad nas pags pa bshu ba dang / dmyal gtub pa dag mthong ngo / /sbyin pa chen pos e ma ho 'di dag ci byed dris na/ bdag cag ni pha mes rgyud kyi 'di 'dra ba'i gsod pa'i las byed de/ 'di ma byas na mi</font><hr>69.256a<br><font size=+1>

'tsho'o zhes zer ro/ /de la sbyin pa chen pos ngo mtshar du gyur nas/ lta mi phod par song ngo / /de nas pha zad du phyin pa dang / zhing pa dag cig zhing rmos te/ zhing rmos pa'i shul du srin bu mang du byung ba las bya mang po dag sbu dag thu zhing za ba dang de dag ni ci byed ces dris na bdag cag ni zhing rmos te sa klog pa'i shul du sa bon btab nas phyis mang du skyes te/ des mang du 'tsho zhing rgyal po'i phyir yang 'bul lo zhes zer ro/ /sbyin pa chen pos de la yang ngo mtshar du gyur nas/ pha zad song ba dang / rngon pa dag bya rgya bres pa dang snyi btsugs nas/ bya rnams bshor ba dang sems can dag bya rgya dang snyis zin nas lus brdabs shing then kyang ma shor te snying rje'i skad phyung ste shin tu 'jigs skrag pa dag mthong nas/ khyod ci byed dris na bdag cag kyang rgyud kyi 'di 'dra ba gsod pa'i las byed pas 'tsho'o zhes zer ro/ /sbyin pa chen pos de skad smras pa thos nas/ shin tu yi mug ste/ yang pha zad song ba dang / nya pa dag nya rgya btsug pa dang mang du zin te/ thang la phung po spungs nas da dung yang 'gul ba dag mthong nas/ 'di dag ci byed ces dris na/ bdag cag rgyud kyis las gzhan med do/ /'di ltar nya bshor zhing 'tsho'o zhes zer ro/ /sbyin pa chen pos 'di lta bu dag mthong nas 'di snyam du bsamaso/ /sems can 'di dag ni dbul zhing 'phongs pas bgo ba dang / bza' ba'i phyir 'di lta bu'i kha na ma tho ba'i las gsod pa la stsogs pa byed de/ 'di dag ni tshe 'phos ma thag tu ngan song gsum du lhung ste mun pa nas mun par 'gro zhing thar pa'i dus med do snyam bsams nas phyir 'ongs te nyin mtshan du de sems shing mi dga' nas pha'i drung du song ste/ pha la bdag gsol pa zhig mchis kyis gnong shig ces smras so/ /phas kyang bu khyod ci zer smras pa bzhin du bya'o zhes smras so/ /yab</font><hr>69.256b<br><font size=+1>

bdag sngon gyi phyi rol tu 'chag tu mchi mchi ba las/ mi mang pos gos dang zas kyi phyir thams cad nyon mongs te/ gcig la gcig gsod pa dang / brdzun dang dbang za ba dang mi dge ba'i las rnam pa sna tshogs bgyid pa mthong nas de dag la sbyin pa bgyid par bsam gyi/ yab kyi bang mdzod chen po las phongs pa dag gi phyir yid bzhin du sbyor du gnong shig /phas smras pa bang mdzod dang rin po che mang du bstsags pa thams cad khyod kyi phyir byas par zad na ci'i phyir khyod zer ba ni mi nyan zhes smras so/ /de nas sbyin pa chen pos gnang ba'i lung thob nas/ yul mi thams cad la sbyin pa chen pos sbyin gtong chen po byed kyis/ thams cad 'dus shing shog shig ces bsgrags so/ /de'i tshe dge slong dang bram ze dbul 'phongs pa mgon med pa dang / nad pa la sogs pa grong khyer gyi phyi rol na lam thog dag gang ngo / /de dag kyang dpag tshad brgya dang / nyi brgya dang / sum brgya dang / dpag tshad stong gi khams nas 'ongs kha cig ni dpag tshad nyis stong sum stong bzhi stong lnga stong nas dpag tshad khri'i bar du lhags te/ de nas sprin bzhin du 'dus te thams cad la yid bzhin du sbyin pa ni gos 'dod pa la gos/ zas 'dod pa la zas/ rin po che dang gser dang dngul dang bai dUr+ya dang / mu sa la gar ba dang / bzhon pa dang / theg pa dang / khyogs dang / skyed mos tshal dang / zhing dang / rkang 'gros la sogs te yid bzhin du sbyin pa byas so/ /de ltar sbyin pa sbyin pa la zhugs te yun ring zhig lon pa dang bang mdzod sum cha zhig zad pa dang / bang mdzod bsrung mis bram ze la 'di skad ces smras so/ /sras kyis bang mdzod nas sbyin pa byas pas/ sum cha cig ni zad/ sum cha gnyis las ma lus na/ phan tshun du 'drul ba'i skyes dang tshong ci las bgyid pa dgongs shig ces smras so/ /kho bo ni bu la byams pas ngo mi bzlog gi bang mdzod stong kyang bla'o zhes smras so/ /de nas yang</font><hr>69.257a<br><font size=+1>

ring shig lon pa dang / bang mdzod sum gnyis ni zad sum cha tsam lus pa dang mdzod bsrungs gyis yang bram ze la bang mdzod sum gnyis ni zad sum cha tsam las ma lus na/ phan tshun skyes bskur ba dang / tshong zong ci la bya zhes smras so/ /bram ze des smras pa/ kho bo'i bu sdug ches pas ngo mi zlog ste smra mi phod do/ /khyod bdag gi ci legs su byos la zhing mi khom pa ltar tha snyad thogs shig /bang mdzod srungs kyis bram ze las lung thob nas mdzod sgo bcad de/ don gnyer du song ngo / /de nas slong ba dag sbyin pa chen po'i thad du lhags nas/ bar 'ga' ni mdzod srung mi rnyed de mdzod sgo mi phyed/ gal te mdzod srung 'ong na yang yid bzhin du mi ster bas sbyin pa chen po 'di snyam du bsamaso/ /'di ltar gyur pas 'di ni bang mdzod srung gis thugs mi thub pas pha mas man ngag 'ong gis yong yang bus pha ma'i bang mdzod stongs par bya ba mi rigs kyis/ bdag gi thabs ci zhig byas na/ rin po che yid bzhin du rnyed de skye bo mang po la phan thogs par 'gyur bar bsams nas/ mi dag la 'di skad ces dris so/ /'jig rten na las ci byas na rin po che yid bzhin du rnyed de/ nor dbyig mang du rnyed cing zad mi shes par 'gyur zhes dris pa dang / kha cig ni zhing mang po rmo na nor gyi dbyig mang por 'gyur zhes zer ro/ /kha cig ni rkang 'gros spel nas spogs byas na nor mang du rnyed do zhes zer ro/ /kha cig ni lam ring po nas tshong spogs byas na nor mang du rnyed do zhes zer ro/ /kha cig ni rgya mtshor zhugs te nor bu rin po che blangs na rin po che mang du 'gyur ro zhes zer ro/ /sbyin pa chen pos de dag gis smras pa thos nas zhing rmo ba dang / rkang 'gros spel ba dang / lam ring por tshong spogs la 'gro ba ni nga'i cha ma yin gyis/ rgya mtshor 'jug pa 'ba' zhig nga'i cha yin no zhes smras nas rgya mtshor 'jug snyam bsams te/ pha ma la 'di skad ces smras so/ /bdag ni rgya mtsho nas rin po che mang po</font><hr>69.257b<br><font size=+1>

blangs te/ dbul 'phongs pa la sbyin pa yid bzhin bya'o/ /bdag rgya mtshor rin po che len du mchir gnong shig ces smras so/ /de'i pha mas de skad smras pa thos nas 'khams te/ bu la 'di skad ces smras so/ /'jig rten na dbul 'phongs pa ni blo med de/ lus srog dang bsdos nas 'gro bar byed de khyod ci 'phongs na de ltar sems khyod sbyin pa byin 'dod na khyim na yod pa'i nor thams cad sbyin par byos shig /rgya mtshor 'gror mi rung ste/ rgya mtsho'i nang na chu rlabs dba' klong 'khyil ba dang / chu srin dang / klu gdug pa dang / srin mo dang / ri chu'i mdog can las sogs te/ shin tu ya nga ba'i gshed ma mang du yod pas thar bar dka' na/ khyod cis 'phongs na srog dang bsdo bar byed/ 'di la ni nyan pa med kyis ma sems par 'dug cig ces bsgo'o/ /sbyin pa chen pos de skad ces bsgo ba thos nas bsams pa bzhin du ma grub pas yi dam bcas so/ /bsams pa 'di ma grub kyis bar du pha ma'i mdun du sa la kha sbub du nyal te phyir mi ldang ngo snyam bsams te/ yab yum gyis mkhyen par mdzod cig /bdag ni bsam pa bzhin du ma grub kyi bar du kha sbub du nyal ba 'di las mi ldang ngo zhes smras so/ /de nas pha ma mi dga' ste/ gnyen bshes dang 'grogs nas rgya mtsho'i nang du gshed ma yang mang du yod pa'i gtam yang byas/ bdag kyang rmongs pa las lo bcu gnyis kyi bar du lha kun la mchod do/ /khyod lha zhig nga'i bur skyes na nged ma bor bar zan zo shig /ces zhag cig zhag gnyis nas zhag drug gi bar du tshig rnam pa sna tshogs kyi gros btab kyang ma nyan te/ sngar ci skad smras pa las ma zlog go/ /bdag gi bu 'di thog ma btsas nas de tsam gyi bar du brtsams par bya ba mthar ma grub gyi bar du mi gtong bas rgya mtshor btang na brgyal phyir log kyang srid kyi ma btang na zhag bdun lon nas 'phral du bye brag phye ste/ da ni btang dgos so snyam nas bu'i drung du song ste/ </font><hr>69.258a<br><font size=+1>

lag pa nas bzung ste/ longs la zan zo shig yid bzhin du 'gro bar gnang ngo zhes smras pa dang / sbyin pa chen po yang langs ste bza' ba zos btung ba 'thungs so/ /de nas phyi rol tu byung te mi mang po la kho bo rgya mtshor rin po che len du 'gro'o/ /khyod su 'gro dga' ba rnams kyang 'grogs ste 'dong gi ded dpon kyang kho bos byas/ yo byad kyang kho bos sbyar ro zhes bsgrags so/ /de'i tshe na mi lnga brgya tsam yang 'gro bar khas blangs nas so so nas yo byad sbyar te/ nam 'gro ba'i dus kyang byas nas/ dus bzhin du lam du zhugs ste chas so/ /lam du 'jug pa'i tshe khye'u'i pha ma dang / rgyal po dang rgyal bu dang / blon po la sogs te yul mi thams cad kyis kyang bskyal nas rdzongs btab po/ /pha ma yang ngus te phyi phyag byas nas zhag du ma'i lam 'das pa dang / 'brog sa stong du phyin te nub mo'i dgongs lam du mi rgod kyis bcom ste/ nor rdzas kun phrogs so/ de nas song song ba las grong khyer nga shu par zhes bya bar phyin nas grong khyer de na bram ze ka byi li zhes bya ba dang phrad do/ bram ze de'i khyim du song nas bram ze de la sbyin pa chen pos gser srang stong slang bar byas so/ /de'i tshe na bram ze de la bu mo gser gyi mdog can skra mthon ting khar 'dug pa/ rgyal phran brgyad khri bzhi stong snyed kyi rgyal bu thams cad kyis bslangs na yang ma ster ba cig yod do/ /de'i tshe na sbyin pa chen po bram ze de'i sgor song ste/ bram ze ka byi li 'dug gam zhes dris pa'i tshe/ bu mos khyim gyi nang nas sbyin pa chen po'i skad thos pa tsam gyis/ phyi sgo na skad grag pa 'di kho mo'i khyim thabs yin no zhes smras so/ /de nas bram ze sgor byung nas phrad pa dang / khye'u de la 'di ni nges par gzhan pas 'phags so snyam bsamaso/ /khye'u des gser bslangs pa dang / bram zes kyang sbyin par gnang nas</font><hr>69.258b<br><font size=+1>

lag pa ya cig tu gser thogs lag pa ya cig tu ni bu mo khrid do/ bu mo 'di yang khyed kyi chung mar sbyin gyis long shig ces smras pa dang / sbyin pa chen pos smras pa/ bdag ni rgya mtsho chen por rin po che len du 'gro ste/ rgya mtsho'i nang na bgegs shin tu mang bas kho bo 'khor tam mi 'khor btol med de/ khyed kyi bu mo chung mar len pa'i thugs mi thub po/ /bram zes smras pa/ khyod bde bar 'khor na bu mo 'di chung mar long shig ces smras pa dang / sbyin pa chen pos kyang 'khor na de bzhin bgyi'o zhes so/ /de nas bram zes kyang gser srang gsum stong dang gzhan yang yo byad ci dgos pa kun sbyar te/ de nas rgya mtsho'i ngogs su phyin to/ /de nas gru bcos te gru'i nang du phyin nas de nas thag pa bdun gyis brtod de/ gru'i nang nas 'di skad ces smras so/ /rgya mtsho'i nang na bgegs 'di dag yod de/ 'di lta ste rlung nag po dang srin po dang / chu rba rlabs 'khyil ba dang / klu gdug pa dang / chu'i mdog lta bu'i ri dang / chu srin la sogs pa'i bgegs kyang ya nga ba mang du yod kyis khyed 'gror mi dad pa zhig yod na 'di nas phyir log shig phyis 'gyod par gyur ta re gal te lus dang srog la mi lta ste/ pha ma dang chung ma dang phu nu dang / gnyen bshes la ma chags na 'dong ngo / /gal te bde bar phyin na rin po che sna bdun gyis bu tsha rabs bdun tshun cad phyug par 'gyur te/ longs spyod zad mi shes par 'gyur ro/ /zhes smras nas thag pa gcig bcad do/ /de bzhin du nyi ma bdun gyi bar du nyin re lan re de skad smras nas/ rtod thag re re bcad de rlung dang sbyar te/ g.yor zhing bsgrengs bas mgyog khyad mda' bzhin song ngo / /de nas tshong pa dag rin po che'i gling du phyin nas/ sbyin pa chen pos mang du thos pas rin po che brtags pa la shin tu mkhas pas rin po che bzang</font><hr>69.259a<br><font size=+1>

ngan dang / lci yang dang ci tsam ri ba'i rin thang tshun cad tshong pa rnams la bstan nas/ rin po che kha dog 'di lta bu ni yang mod kyis rin che'o/ /rin po che 'di lta bu ni lci yang rin chung gis ma len shig /ha cang mang ches na yang gru lci bas 'bying ngo / /ha cang nyung ches na yang nyon mongs pa te song song ba'i don med pas 'di tsam ni ran no zhes bya ba la sogs pa'i tshod kyang bstan nas rin po che grur brdzangs te ci la ma rag nas da phyir 'dong ngo zhes chas pa dang / sbyin pa chen po gru'i nang du zhugs tu ma btub nas/ tshong pa rnams la kho bo ni klu'i rgyal po'i pho brang nas yid bzhin gyi nor bu rin po che ma thob kyi bar du phyir mi log go zhes smras so/ /de nas tshong pa rnams ngus nas mya ngan gyis yi mug nas 'di skad ces smras so/ /bdag cag tshong pa rnams ni skyes bu ded dpon khyod kyi g.yog du 'dod te/ da khyod kyis 'dir bor te mi 'gro na bdag cag kyang phyir khyim du mi phyin te/ thams cad khyam par 'gyur ro/ /sbyin pa chen pos smras pa/ tshong pa khyod ma nyes par kho bos yul du phyin pa'i smon lam btab bo zhes pog phor lag tu blangs te/ phyog bzhir mchod nas 'di skad ces smras so/ /bdag ni rin po che blangs te/ sems can 'phongs pa la phan gdags par ma zad kyis/ da ltar sbyin pa byed pa'i bsod nams de sangs rgyas su 'grub pa'i phyir ro/ /bdag gis smras pa 'di bden pa te smon lam bzhin du bgrang na tshong pa 'di dag rin po che dang bcas su nye zho med par 'dzam bu'i gling du bde bar phyin par shog shig /ces smon lam btab nas thag pa bcad de g.yor zhing bsgreng nas phyir 'dzam bu'i gling du bde bar song ngo / /de dag song ba'i 'og tu sbyin pa chen po chur zhugs te song ba las zhag bdun gyi bar du pus mo tsam las ma nub bo/ /de nas yang zhag bdun gyi bar du brla drung tsam las ma nub bo/ /de nas yang zhag bdun song ba las rked</font><hr>69.259b<br><font size=+1>

pa tsam las ma nub bo zhag bdun gyi bar du phrag pa tsam du phyin to/ /de nas zhag bdun gyi bar du ni rkyal lo/ /de nas ri shig gi drung du phyin pa dang / shing la 'jus te ri la 'dzegs nas/ zhag bdun gyis ri'i rtse mor phyin to/ /ri'i rtse mor zhag bdun song song nas yang zhag bdun gyis shod du chu 'gram du phyin to/ /chu 'gram du phyin pa dang / chu'i nang nas pad ma gser gyi mdog can yod pa la sbrul gdug pas pad ma'i rtsa ba la khril shing 'dug par mthong ngo / /de nas byang chub sems dpa' skyil mo dkrung bcas te 'dug nas sems rtse gcig tu byams pa'i ting nge 'dzin la zhugs te/ sbrul gdug pa 'di dag kyang sngon zhe sdang dang phrag dog byas pa'i rkyen gyis 'di lta bu lus mi sdug pa myong ngo snyam lhag par de la snying brtse ba bskyed pas sbrul gdug pa kun zhi nas/ byang chub sems dpa' pad ma'i steng nas gom pa bor te song song ba las zhag bdun gyis sbrul gdug pa de dag brtol to/ /de nas yang song song ba las srin po dang phrad nas srin po de dag mi'i dri tshor bas kun du tshol lo/ /de nas byang chub sems dpa' sems rtse gcig tu byams pa'i sems kyis brtag pas srin po de dag 'jam pa'i tshig gis skyes bu khyod gang nas 'ongs/ gang du 'gro zhes dris so/ de la sbyin pa chen pos kho bo ni yid bzhin gyi nor bu rin po che tshol du 'ongs pa yin no zhes smras so/ /de nas srin po de dag rab tu dga' ste/ 'di ni bsod nams chen po dang ldan pa zhig go snyam bsam nas/ 'di ni da dung klu'i pho brang las shin tu ring ste/ nam yang mi phyin pas nyon mongs par 'gyur gyis mthu zhig gis bstangs te bskyal lo/ /snyam nas nam mkhar khyer te dpag tshad bzhi brgya'i pha rol na phyin pas yang sa la bzhag go/ /sbyin pa chen po de nas song song ba las ring por ma lon par dngul gyi mkhar zhig</font><hr>69.260a<br><font size=+1>

mthong nas klu'i gnas zhig yin snyam ste nye bar song ngo / /mkhar de'i phyi rol 'obs rim pa bdun gyis bskor te/ 'obs kyi nang na sbrul gdug pa 'jigs su rung bas gang ngo / /sbyin pa chen pos de dag mthong nas/ sbrul gdug pa 'di dag ni sngon zhe sdang che ba'i las kyis 'di lta bu'i lus 'jigs su rung ba myong bar gyur to snyam ste/ de la bu cig pa dang 'dra ste/ byams shing snying rje'i sems kyis/ de ltar byams pa'i sems bskyed pas sbrul gdug pa yang zhi bar gyur nas de dag brdzis nas klu'i mkhar du song ngo / /mkhar de la klu gnyis kyis bkris te/ klu'i mgo mkhar sgo la brten te/ klu de gnyis kyis sbyin pa chen po de mthong nas mgo bteg te gdug pa 'byin pa las/ sbyin pa chen pos byams pa'i sems bskyed pas gdug pa yang zhi mgo smad pas sa la nyal lo/ /sbyin pa chen pos klu'i mgo la brdzis nas mkhar gyi nang na song ba dang / mkhar gyi nang na klu zhig rin po che sna bdun gyi bzhal med khang na 'dug pa mthong ngo / /klu'i rgyal po des byang chub sems dpa' mthong nas/ dngangs te 'di snyam du sems so/ /nga'i gnas 'di 'obs rim pa bdun gyis bskor te 'obs kyi nang na sbrul gdug pas gang bas klu dang gnod sbyin ma yin pa gzhan gang yang 'dir 'ong ba'i thugs mi thub na/ 'di lta bu su yin snyam ste 'dug pa las langs nas bsu ste/ bsti bstang dang bcas pas phyag byas nas rin po che'i khri la bzhag ste/ kha zas rnam pa sna tshogs byin no/ /kha zas zos nas khyod 'dir ci la 'ongs ci ltar phyin dris so/ /byang chub sems dpa'as smras pa/ 'dzam bu'i gling gi mi rnams ni dbul 'phongs pas nor dang / zas dang / gos kyi phyir gcig gis gcig rnam pa sna tshogs kyis 'tshe zhing gnod pa byed do/ tshe 'phos ma thag</font><hr>69.260b<br><font size=+1>

tu ngan song gsum du lhung ngo / /bdag ni 'di la snying brtse ste/ de dag gi mgon bya ba'i phyir lam ring po nas nyon mongs pa dang bsdos te/ rgyal po chen po khyod la yid bzhin gyi nor bu rin po che slong du 'ongs so/ /yid bzhin gyi nor bu rin po ches sems can thams cad la phan gdags pa'i bsod nams kyis mngon par rdzogs par 'tshang rgya bar 'tshal gyis/ bdag gi yid dang mi 'gal bar rin po che stsal du gsol/ /klu'i rgyal pos smras pa/ yid bzhin gyi nor bu rin po che ni shin du rnyed par dka' ba yin te/ khyod don 'di'i phyir 'ong na/ 'dir zla ba gcig 'dug ste bdag gi mchod pa yang bzhes la bdag la chos bstan na/ yid bzhin gyi nor bu rin po che yang sbyin no zhes byas pa dang / byang chub sems dpas kyang de bzhin du bya'o zhes smras so/ /de nas klu'i rgyal pos nyin cig bzhin du kha zas ro brgya dang ldan pa rnam pa sna tshogs sbyar te phul nas/ rol mos byang chub sems dpa' mchod do/ /byang chub sems dpa'as kyang de la dran pa nye bar gzhag pa'i chos kyi yan lag zla ba cig gi bar du bstan nas/ phyir 'gro'o zhes byas pa dang / klu'i rgyal po dga' nas spyi bo'i gtsug phud nas yid bzhin gyi nor bu rin po che bkrol te phul lo/ /skyes bu chen po 'gro ba la phan pa'i don du brtan pa khyod gdon mi za bar 'tshang rgya'o/ /nam mngon par sangs rgyas pa na bdag kyang khyod kyi nye gnas mchog tu gyur cig ces smras so/ /de nas klu'i rgyal po la nor bu rin po che 'di la mthu stobs ci yod dris na/ smras pa/ nor bu 'di ni dpag tshad nyis stong 'khor ra 'khor yug tu dgos pa thams cad char bzhin du 'bebaso/ /byang chub sems dpas bsam pa/ nor bu rin po che 'di mthu stobs che mod kyi/ 'on kyang bdag gi bsam pa'i don chen po 'grub nus pa</font><hr>69.261a<br><font size=+1>

ma yin no/ /snyam bsams nas klu'i rgyal po 'khor dang bcas pas bskyal te song ngo / /de nas yang song song ba dang / rgyang ma nas bai dUr+ya sngon po'i mkhar cig mthong ngo / /mkhar de'i drung du phyin pa dang / mkhar de yang 'obs rim pa bdun gyis bskor te 'obs kyi nang na sbrul gdug pas yongs su gang ngo / /byang chub sems dpas sbrul gdug pa de dag la snying brtse zhing byams pa'i sems bskyed pas/ sbrul gdug pa zhi nas sbrul de dag brdzis te song ngo / /mkhar sgor phyin pa dang / klu gnyis shig mkhar sgor nyal ba dang / byang chub sems dpa' snying brtse zhing byams pa'i sems kyis klu'i gdug pa zhi nas mgo la brdzis nas mkhar gyi nang du song ngo / /de'i tshe na mkhar de na klu'i rgyal po gcig rin po che sna bdun gyi gzhal med khang na 'dug pas/ rgyang ma nas byang chub sems dpa' mthong nas/ 'di snyam du bdag gi gnas 'di la 'obs rim pa bdun gyis bskor te/ 'obs kyi nang na sbrul gdug pas gang ba klu dang gnod sbyin min pa gzhan 'ong ba'i thugs mi thub na/ mi 'di lta bu su yin/ gang nas 'ongs snyam nas ya mtshan du gyur te/ bsus nas bsti bstang dang bcas pas phyag byas te rin po che'i gdan la bzhag go/ /de nas kha zas ro brgya dang ldan pa rnam pa sna tshogs sbyar te phul lo/ /byang chub sems dpa' kha zas zos pa'i 'og tu khyod 'dir ci la 'ongs/ don ci yod ces dris so/ /byang chub sems dpa'as smras pa/ bdag ni klu'i rgyal po khyod la yid bzhin gyi nor bu rin po che slong du 'ongs so/ /klus smras pa/ rin po che shin du rnyed par dka' ste/ khyod 'dod yang dag na kho bos gsol pa bzhin du zla ba gnyis 'dug ste/ bdag cag la byang chub sems dpa'i spyod pa bstan nas/ bdag gi mchod pa bzhes</font><hr>69.261b<br><font size=+1>

na rin po che yang sbyin no zhes byas pa dang / sbyin pa chen pos de bzhin du bya'o zhes smras so/ /de nas klu'i rgyal pos zla ba gnyis kyi bar du kha zas ro brgya dang ldan pa rnam pa sna tshogs sbyar te/ phul nas rol mo sna tshogs kyis mchod do/ /byang chub sems dpas kyang de dag la rdzu phrul gyi rkang pa bzhi'i chos kyi rnam grangs zla ba gnyis kyi bar du bstan te/ phyir 'gro bar bsam nas klu'i rgyal pos yid bzhin gyi nor bu rin po che bkrol te phul nas/ skyes bu chen po yi dam la brtan pa khyod gdon mi za bar 'tshang rgya'o/ /nam mngon par sangs rgyas pa na/ bdag kyang khyod kyi nye gnas bgyi'o zhes smras pa dang / de bzhin du gyur cig smras so/ /nor bu rin po che 'di la mthu stobs ci tsam yod ces dris pa na/ nor bu rin po che 'di ni dpag tshad bzhi stong 'khor ra 'khor yug tu ci 'dod pa thams cad char bzhin du 'bebs so/ /byang chub sems dpa' yang 'di snyam du rin po che 'di'i mthu stobs che mod kyi bdag gi bsam pa grub nus pa ma yin no snyam nas/ klu'i rgyal po'i mkhar gyi sgo'i phyi rol tu byang chub sems dpa' bskyal lo/ /de nas yang song song ba las/ rgyang ma nas gser gyi mkhar rab tu 'tsher ba zhig mthong nas/ byang chub sems dpa' de'i drung du song ste phyin pa dang / mkhar de yang 'obs rim pa bdun gyis bskor te/ 'obs kyi nang na sbrul gdug pas yongs su gang ba mthong ngo / /byang chub sems dpa' yang byams pa'i sems bskyed pas/ sbrul gdug pa zhi nas de la brdzis te song ngo / /mkhar de la yang klu gnyis shig 'khyil te mgo sgo'i phyi rol du bstan te nyal ba dang / byang chub sems dpa' mthong nas mgo bteg te gdug pa phyung ba las byang chub sems dpas snying rje zhing byams pa'i sems bskyed pas gdug pa zhi nas de'i mgo brdzis</font><hr>69.262a<br><font size=+1>

te mkhar gyi nang du song ste/ mkhar de'i nang na klu'i rgyal pos rin po che'i gzhal med khang nas byang chub sems dpa' rgyang ma nas mthong nas/ 'di snyam du bdag gi gnas 'di ni 'obs rim pa bdun gyis bskor te 'obs kyi nang na sbrul gdug pas gang bas klu dang gnod sbyin ma gtogs par gzhan gang yang 'ong ba'i thugs mi thub na/ mi 'di su yin gang nas 'ongs snyam nas ngo mtshar du bzung ste/ rgyang ma nas bsus te sti bstang dang bcas pas phyag 'tshal te/ rin po che'i gdan la 'dug du bcug go/ /de nas kha zas ro brgya dang ldan pa rnam pa sna tshogs sbyar te/ phul nas kha zas zos pa'i 'og tu khyod su zhig gang nas 'ongs shes dris so/ /de la byang chub sems dpas bdag ni 'dzam bu'i gling nas mchis te/ 'dzam bu'i gling gi sems can bsod nams chung bas nor dang zas skom gyi phyir gcig la cig rnam pa sna tshogs pas 'tshe zhing gsod do/ /mi dge ba bcu'i las rdzogs par byas pas tshe 'phos ma thag tu ngan song gsum du lhung ste/ sdug bsngal mang po myong bar 'gyur bas/ bdag de dag la snying brtse ste mgon bya ba'i phyir rgyal po chen po khyod la yid bzhin gyi nor bu rin po che slong du 'ongs so/ /klu'i rgyal pos smras pa/ yid bzhin gyi nor bu rin po che ni rnyed sla ba ma yin te/ skyes bu khyod bdag la re ste 'ongs na bdag gi gnas 'dir zla ba bzhi 'dug ste/ bdag gi mchod pa bzhes na rin po che yang 'bul lo/ /zhes byas pa dang / byang chub sems dpa'as yang de bzhin du bgyi'o/ /zhes smras nas/ klu'i rgyal pos zla ba bzhi'i bar du kha zas ro brgya dang ldan pa rnam pa sna tshogs sbyar te phul nas/ rol mos kyang mchod do/ /de la byang chub sems dpa'as chos kyi rnam grangs rgya cher phye zhing bstan pas</font><hr>69.262b<br><font size=+1>

klu'i rgyal pos dga' nas klu gzhan dang gnod sbyin gzhan la mi ltos par yo byad thams cad kyang yid bzhin du sbyar ro/ /de lta bu'i tshul du zla ba bzhi byas nas/ byang chub sems dpa' 'gro bar chas pa dang / klu'i rgyal pos gtsug gi phud bu nas yid bzhin gyi nor bu rin po che bkrol te/ byang chub sems dpa' la phul nas/ skyes bu chen po yi dam la brtan pa khyod gdon mi za bar 'tshang rgya'o/ /nam mngon par sangs rgyas pa na bdag kyang nye gnas mchog tu gyur te/ bsnyen bkur bar shog shig ces smon lam btab bo/ /byang chub sems dpa'as kyang de bzhin du gyur cig ces smras so/ /nor bu rin po che 'di la mthu stobs ci tsam zhig yod ces dris so/ /klu'i rgyal pos smras pa/ nor bu rin po che 'di dpag tshad brgyad stong 'khor ra 'khor yug tu rin po che char bzhin du 'bebs te/ ci 'dod pa thams cad 'bebs so zhes smras pa dang / byang chub sems dpa' gdod dga' nas/ 'di snyam du 'dzam bu'i gling gi khyon ni dpag tshad bdun stong las med de/ nor bu rin po che 'dis ni bdag gi re ba bskong ngo snyam bsam nas/ snga phyir rnyed pa'i nor bu rin po che gsum char gos kyi mthar phyung ste mkhar gyi sgor phyin pa dang / klu'i rgyal po 'khor dang bcas pas bskyal nas so sor dong ngo / /byang chub sems dpa' pha zad zhig du phyin nas/ nor bu rin po che rnams lag par thogs te/ 'di skad ces smon lam btab bo/ /nor bu 'di yid bzhin gyi nor bu rin po che yin yang dag na/ bdag mkha' la phur bar gyur ces smras so/ /de skad ces smras ma thag du nam mkha' la 'phur te/ rgya mtsho'i bgegs las thar nas/ rgya mtsho'i ngogs su phyin par gyur te/ de na cung zad bsti zhing ngal bsos pa'i lam du gnyid log pa dang</font><hr>69.263a<br><font size=+1>

de'i tshe na rgya mtsho'i klu phran rnams 'di skad ces bsgros so/ /rgya mtsho 'di na rin po che 'di gsum las med de gsum char mi 'dis khyer te nor bu 'di ni yon tan dang ldan na bdag cag la yang dgos kyi phyir rku'o zhes bgros nas/ byang chub sems dpa' gnyid kyis log pa'i tshe yid bzhin gyi nor bu rin po che klu rnams kyis phyir brkus so/ /byang chub sems dpa' sad nas bltas na nor bu rin po che med pas 'di snyam du bsams so/ /'di ni gdon mi za bar rgya mtsho'i klus brkus kyis/ bdag gis mthu ci yod pas rgya mtsho'i chu bcus te bskam par bya'o snyam te/ nor bu phyir ma thob kyi bar du lag pa stong par phyir mi 'gro snyam yi dam bcas so/ /rgya mtsho'i ngogs su song ste ru sbal gyi khog pa zhig blang nas lag pa gnyis kyis rgya mtsho bcus so/ /de'i tshe na rgya mtsho'i lhas de'i bsam pa shes nas/ /de la 'di skad ces smras so/ /dpag tshad stong phrag sum brgya sum bcu yod pas gal te 'dzam bu'i gling gi mi thams cad log kyang rgya mtsho bskam par mi nus na/ khyod cig pus nus pa lta ci smos te/ don med do/ /byang chub sems dpas smras pa/ mi gcig gis snying nas las byas na ci yang mi 'grub pa med do/ /bdag gi rin po che de rnyed pas 'gro ba thams cad la phan pa dang bde bar bya snyam ste/ de'i bsod nams kyis mngon par 'tshang rgya bar 'gyur te/ de la sems ma zhum na ci'i phyir rgya mtsho 'di bskam par mi nus zhes smras so/ /de'i tshe na lha khyab 'jug la sogs pas rgyang ma nas byang chub sems dpa' gcig pus lus yid mthun par rgya mtsho'i chu bcus te/ 'gro ba mang po'i don du dka' ba byed par mthong nas/ de dag kyang byang chub sems dpa' btang ngo snyam bsam te/ gcig nas cig tu sbran nas thams cad byang chub sems dpa'i gan du</font><hr>69.263b<br><font size=+1>

lhags te/ byang chub sems dpa' snod kyis chu bcu ba mthong nas/ lha de dag thams cad so so'i lha'i gos phud nas chur smyugs te/ phyir phyung bas rgya mtsho'i chu dpag tshad bzhi bcu 'grib bo/ /yang lan gcig smyugs pas dpag tshad brgyad bcu 'grib bo/ /lan gsum smyugs pas dpag tshad brgya nyi shu 'grib pas/ klu de dag 'jigs skrag ste/ byang chub sems dpa'i drung du lhags te/ 'di skad du thong zhig rgya mtsho'i chu skams par ma byed ces smras pa dang / byang chub sems dpas btang ngo / /de nas klu rnams kyis byang chub sems dpa' la khyod kyi nor bu rin po che 'di ci zhig du dgos/ smras pa/ bdag gis sems can la phan pa'i don du dgos so/ /klus smras pa/ sems can la phan pa'i don du dgos na/ rgya mtsho'i nang na yang sems can mang du yod na ci'i phyir bskur zhes smras so/ /smras pa rgya mtsho'i nang na gnas pa yang / sems can yin mod kyi/ de la 'phongs pa'i sdug bsngal med do/ /'dzam bu'i gling gi sems can dag ni nor gyi phyir cig gis gcig rnam par 'tshe zhing gnod par byed de/ mi dge ba bcu rdzogs par byed pas tshe 'phos nas kun sems can dmyal bar skye ste/ bdag ni de dag la snying brtse ba'i phyir rin po che 'di dgos so zhes smras pa dang / klu rnams kyis nor bu rin po che phyung ste slar phul lo/ /rgya mtsho'i lhas byang chub sems dpa' de ltar brtson 'grus brtan pa mthong nas/ 'di gdon mi za bar 'tshang rgya'o snyam bsams te/ nam mngon par sangs rgyas na bdag kyang nye gnas kyi mchog du gyur cig ces smon lam btab bo/ /de nas byang chub sems dpas rin po che phyir thob nas steng gi nam mkha' la phur te/ gnas su 'ong nas sngar tshong pa grogs po rnams dong ba yod dam/ bde bar phyin tam</font><hr>69.264a<br><font size=+1>

zhes dris so/ /tshong pa grogs po dag kyang bde bar phyin nas/ de dag gcig dga' nas/ grogs po rnams kyis ngo mtshar ya mtshan du bzung ngo / /de nas bram ze ka byi li'i sgor phyin nas/ byang chub sems dpa' rgya mtsho las phyir log go zhes thos nas/ thams cad kyis sgor bsus te dga' nas/ tshong pa grogs po rnams dang bcas su dga' ston chen po bgyis so/ /de'i tshe byang chub sems dpa' rin po che thogs nas khyim du 'ongs pa dang / bram ze de'i bang mdzod thams cad yongs su gang bar gyur to/ /de nas bram ze ka byi lis rin po che sna tshogs kyis bu mo brgyan nas rin po che'i chu snod bskur te/ byang chub sems dpa'i lus dang rkang pa bkrus nas/ bu mo lag nas bzung ste byang chub sems dpa' la gtad do/ /byang chub sems dpas kyang bzhes nas/ bram ze rab tu dga' ste/ bu mo'i g.yog bu mo lnga brgya dang / glang po che lnga brgya yang rin po ches brgyan te/ rol mo byas nas byang chub sems dpa' la brdzangs so/ /de'i tshe na sbyin pa chen po'i pha ma bu dang bral ba'i 'og tu rtag tu ngus pas pha ma gnyis mig mdongs par gyur te/ rgya mtsho nas log nas pha ma dang phrad pas/ bus phyag 'tshal te/ de la lag pa nas 'jus nas bu yin par rtogs so/ /sbyin pa chen po khyod kyis nged bor nas song ba'i 'og tu mig kyang mdongs so/ /khyod rgya mtshor song song na ci rnyed ces dris pa dang / sbyin pa chen pos nor bu rin po che pha'i lag du byin te/ bdag gis 'di rnyed do zhes smras nas/ pha mas lag tu blangs te bsnams nas/ 'di lta bu'i rdo ba ni nga'i mdzod na sngar yang mang du yod na/ 'di ltar nyon mongs pa dang bsdo ci dgos zhes smras so/ /de nas byang chub sems dpas nor bu phyir blangs te/ pha ma'i mig phyis pa tsam gyis 'di ltar rlung drag pos sprin</font><hr>69.264b<br><font size=+1>

bus pa bzhin du pha ma gnyi ga'i mig kyang sngar bas gsal bar mthong bar gyur to/ /de nas pha ma gnyis ka dga' ste/ de ni nor bu rin po che yin yang dag par lta ste/ nyon mongs pa'i don sel bar gyur to zhes smras so/ /de nas sbyin pa chen pos rin po che thogs te/ khyod yid bzhin gyi nor bu rin po che yin yang dag na/ kho bo'i pha ma'i 'og tu rin po che sna bdun gyi gdan 'byung zhing / rin po che'i bla bres steng khebs par shog shig ces smon lam btab ma thag tu de bzhin grub nas/ rgyal po'i bang mdzod thams cad kyang gang bar gyur to/ /de nas rgyal pos pho nya gcig glang po che dpag tshad brgya stong du 'gro ba zhig bskyon te/ 'dzam bu'i gling gi mi thams cad la sbyin pa chen pos rgya mtsho nas yid bzhin gyi nor bu rin po che rnyed de/ nor bu yon tan can des de ste zhag bdun na nor bu rin po che la sogs te gos dang zas dang dgos pa'i yo byad thams cad char bzhin du 'bebs kyis so so nas ci bde bar long shig ces bsgrags so/ /de ltar kun tu bsgrags nas/ sbyin pa chen pos khrus byas te/ gos gsar pa bgos nas/ ga la'i thang du mnyam por rgyal mtshan btsugs te/ yid bzhin gyi nor bu rin po che rgyal mtshan gyi rtse mo la btags nas pog phor lag tu blangs te 'di skad ces smon lam btab bo/ /'dzam bu'i gling gi mi dag ni dbul 'phongs pa sha stag ste/ de dag la phan gdags dgos kyis yid bzhin gyi nor bu yin te/ mi brdzun na so so nas ci dang ci dgos pa tha dad pa de dag thams cad yid bzhin du char ltar phob shig /ces smras ma thag tu phyogs bzhi nas rlung nag po g.yos nas/ de ma thag tu mi gtsang ba'i nyal nyil thams cad phyags te/ char zim bu mi drag pa zhig bab nas/ rdul mi 'thul bar byas pa'i 'og du thog</font><hr>69.265a<br><font size=+1>

mar bza' ba dang / btung ba ro brgya dang ldan pa rnam pa sna tshogs char bzhin du babs so/ /de nas 'bru rnams char bzhin du babs so/ /de nas gos char bzhin du bab bo/ /de nas rin po che char bzhin du bab ste/ /'dzam bu'i gling na nor bu rin po che'i phung pos yongs su gang nas/ rin po che dag gseg ma dang gyo mo lta bur byas so/ /byang chub sems dpas de ltar kun chog par byas nas/ 'dzam bu'i gling gi mi rnams la 'di skad ces bsgo'o/ /'dzam bu'i gling gi sems can dag ni gos dang / zas dang nor gyi phyir gcig gis gcig gsod cing rnam pa sna tshogs kyis gtse bas sdig pa mi dge ba'i las 'ba' zhig byed de/ tshe'i dus byas nas ngan song gsum du lhung ste/ mun pa nas mun par 'gro ste/ bdag ni de dag la snying brtse ba'i phyir rgya mtsho'i bgegs dang / nyon mongs pa mang po khyad du bsad de/ khyod rnams bde bar bya ba'i phyir rgya mtsho nas rin po che dag blangs nas/ da khyod cis kyang mi brel te bde bar gyur gyis/ khyed rnams dge ba bcu'i las kyi lam la lus dang ngag dang yid bsdus te/ brtson par gyis shig ces thabs rnam pa sna tshogs kyi sgo nas bstan cing bskul lo/ /de ltar bstan cing bskul nas/ dge ba bcu'i las kyi lam la nan tan byed du bcug pas/ 'dzam bu'i gling gi mi de dag tshe 'phos nas/ mtho ris kyi lhar skyes so/ /de'i tshe de'i dus na de'i pha bram ze n+ya gro ta ni da ltar nga'i yab zas gtsang ma yin no/ /de'i mar gyur pa de ni nga'i yum lha mdzes yin no/ /sbyin pa chen po ni nga yin no/ /dngul gyi mkhar na 'dug pa'i klu de ni shA ri'i bu yin no/ /bai dur+ya'i mkhar na 'dug pa'i klu de ni maud gal gyi bu yin no/ /gser gyi mkhar na 'dug pa'i klu de ni kun dga' bo yin no/ /rgya mtsho'i lha ni ma 'gags pa yin no/ /</font><hr>69.265b<br><font size=+1>

kun dga' bo 'di rgyal po byed pa na yang nga la bsnyen bkur byas te/ dus la mkhas pa da ltar gyi bar du yang dus la mkhas kyis/ 'dod pa gsum yang yid bzhin du gnang ngo / /zhes bka' stsal pa dang / kun dga' bo dga' mgu rangs nas/ pus mo'i lha nga sa la btsugs te/ bdag gis nam 'tsho'i bar du de bzhin gshegs pa la bsnyen bkur bgyi'o zhes gsol lo/ /bcom ldan 'das kyis de skad ces bka' stsal pa dang / 'khor mang po rnams la la ni rgyun tu zhugs pa'i 'bras bu thob pa nas/ dgra bcom pa'i bar du thob bo/ /la la ni rang sangs rgyas su gyur to/ /la la ni bla na med pa'i byang chub tu sems bskyed do/ /la la ni phyir mi ldog pa'i sa thob nas/ rjes su yi rangs nas mngon par dga'o/ /sbyin pa chen po rgya mtshor zhugs pa'i le'u ste/ sum bcu pa'o// // 'di skad bdag gis thos pa'i dus gcig na/ bcom ldan 'das rgyal po'i khab n+ya gro ta'i tshal na bzhugs so/ /de'i tshe na bcom ldan 'das tshangs pa dang brgya byin la sogs pas bskor cing bzhugs pa las/ bcom ldan 'das kyi mtshan dang dpe byad dang gser gyi mdog lta bu'i sku la 'khor mang po thams cad ngo mtshar du 'dzin te/ bstod cing bsngags so/ /de ltar bcom ldan 'das 'khor kun las 'phags te/ thams cad kyi mchog gtso bor gyur pas/ dge slong dag the tsom du gyur nas/ bcom ldan 'das la zhus pa dang / bcom ldan 'das kyis bka' stsal pa/ da ltar 'ba' zhig tu 'khor kun las 'phags te/ mchog gtsor gyur pa ma yin no/ /sngon 'das pa'i dus na yang 'di dag kun las 'phags te gtso bor gyur to/ /de nas dge slong dag sngon ci ltar gtso bor gyur pa bstan par</font><hr>69.266a<br><font size=+1>

gsol pa dang / de la bcom ldan 'das kyis 'di ces bka' stsal to/ /sngon 'das pa'i dus na bskal pa grangs med dpag tu med bsam gyis mi khyab pa'i pha rol na/ 'dzam bu'i gling 'dir rgyal po chen po rgyal phran brgyad khri bzhi stong la dbang byed pa zhig byung ste/ de la bu ni lnga brgya yod do/ /dus phyi zhig na btsun mo chen mo la bu zhig btsas te/ gser gyi mdog can skra mthon ting lta bu lag mthil na 'khor lo rtsibs stong dang ldan pa'i mtshan yod pa/ rkang pa g.yon gyi mthil na rta'i ri mo yod pa/ rkang pa g.yas kyi mthil na glang po che'i ri mo yod pa/ bsod nams dang ldan pa zhig btsas te/ ming yang me long gdong zhes ming btags so/ /rgyal po chen po nad kyis btab ste tshe'i dus nye ba na/ blon po rnams kyis sras 'di rnams kyi nang na/ rgyal tshab du gang gzhug /rgyal po'i dbang gang la bskur zhes dris pa dang / rgyal po nga'i yon tan dang mtshan rnam pa 'di bcu dang ldan na/ rgyal por chug la dbang skur cig ces bsgo'o/ /bcu gang zhe na 'di lta ste/ lus kyi mdog gser lta bu la skra mthon ting du 'dug pa dang / lag pa gnyis kyi mthil na 'khor lo'i mtshan dang ldan pa dang / rkang pa g.yas pa'i mthil na glang po che'i ri mo yod pa dang / rkang pa g.yon pa'i mthil na rta'i ri mo yod pa dang / rgyal po'i gos gon na lus dang mtsham zhing mi che ba dang mi chung ba dang / rgyal po'i stan las 'dug na gzi brjid dang mthu dang ldan pa dang / rgyal phran rnams kyi rim gro bsnyen bkur cher byed de/ btsun mo dang pho brang slas rnam kyang de la dga' zhing phyag byed pa dang / lha rnams kyi rten du khrid na lha rnams kyis phyag byed pa dang / yon tan dang bsod nams kyi mthus rin po che sna bdun gyi char 'bebs shing / thams cad kyi yid tshim par byed</font><hr>69.266b<br><font size=+1>

pa dang / btsun mo chen mo la btsas pa ste/ yon tan 'di dag dang ldan na rgyal po'i dbang bskur cig ces bsgo nas/ mi rtag pa mngon gsum du gyur te tshe 'phos so/ /de nas rgyal bu dang blon po rnams 'dus te/ rgyal bu nang gi che ba las mthar gyi yon tan bcu gang la yod pa brtags na/ rgyal bu gzhan thams cad ni lus gser lta bu'i mdog can ma yin/ skra mthon ting du 'dug pa ma yin/ lag pa'i mthil na 'khor lo'i mtshan yod pa ma yin/ rkang pa'i mthil na glang po che dang rta'i ri mo yod pa ma yin/ rgyal po'i gos dang mtsham pa ma yin/ rgyal po'i gdan la bzhag na dngangs pa ltar 'greng bar gyur/ rgyal phran dang / blon po rnams bsti bstang dang phyag mi byed de/ btsun mo dang pho brang slas rnams dga' ba dang / phyag bya ba ma yin/ lha rten du khrid na lha rnams kyis phyag bya ba ma yin/ rin po che'i char 'bebs pa nus pa ma yin/ btsun mo chen mo'i sras kyang ma yin te/ rgyal bu lnga brgya las mtshan gcig dang ldan pa 'ga' yang ma byung ste/ srangs nang gi tha chung 'ba' shig lus gser gyi mdog can la/ skra mthon ting gi kha dog lta bu la/ lag pa gnyis 'khor lo'i mtshan dang ni ldan/ rkang pa gnyis kyi mthil na glang po dang / rta'i ri mo yang yod/ gos dang lus su 'tsham/ rgyal po'i gdan la bzhag na gzi brjid dang byin che/ rgyal phran thams cad kyis bsti bstang dang bcas pas phyag byed cing btsun mo dang pho brang slas kyang dga' bas phyag byed do/ /lha'i rten du 'ongs nas lha rnams phyag byed/ rin po che phobs shig ces smras ma thag tu char bzhin du 'babs/ btsun mo yang nang gi /chen mo la btsas te/ mtshan rdzogs par ldan pas rgyal phran dang blon po rnams kyis rgyal por dbang bskur te/ tshes bco lnga'i nyin par nyi ma thog mar shar ba na/ </font><hr>69.267a<br><font size=+1>

gser gyi 'khor lo rtsibs stong dang ldan pa che khyad dpag tshad gcig pa shar phyogs nas 'ongs te/ de la pus mo gtsugs nas gal te bdag yon tan dang ldan te rgyal por 'gyur na/ 'khor lo 'di bdag gi drung du nye bar shog shig ces smras pa dang / nam mkha'i phyogs nas nye bar 'ongs so/ /glang po rin po che ni ri spos kyi ngad can las 'ongs te/ mjug ma la nor bus brgyan pa/ rgyal po de la zhon nas nam mkha' las 'phur te/ nyi ma phyed kyis gling bzhi las 'khor ro/ /gal te rkang pas 'gro na rkang pa'i rjes gang rigs par gser gyi bye mar gyur to/ /rta rin po che ni kha dog 'thon ka la rnga rngog dmar ba rin po che sna bdun 'bab pa/ rgyal po de la zhon na zan cig bza' rin tsam gyis gling bzhi nas 'khor te/ mi ngal mi dub bo/ /nor bu rin po che ni 'od zer nyin mtshan du gsal te/ rgyang grags brgya nyi shu tshun cad 'od kyis snang bar byed la/ rin po sna bdun char bzhin du 'bebs shing thams cad la sbyin par byed do/ /bud med rin po che ni bzang ba/ mdzes pa/ rgyal po'i yid tshim par byed do/ /khyim bdag rin po che ni rgyal po'i rin po che sna bdun ci dgos pa yid bzhin du sbyar te/ zad mi shes par byed do/ /blon po rin po che ni rgyal pos dpung rnam bzhi bgos na/ bltas pa tsam gyis dpung gi tshogs 'dus te rtsal dang mthur ldan no/ /de ltar rin po che sna bdun dang ldan nas de 'di snyam bsams so/ /thabs 'di lta bu thob pa yang sngon gyi bsod nams las skyes kyis rgyal po'i gdung rgyud mi chad par bya'o snyam bsams nas/ spos chus khrus byas te gos gsar pa gtsang ma bgos nas lag na pog phor thogs ste/ shar phyogs logs su pus mo sa la btsugs nas 'di skad ces smras so/ /shar phyogs na skyes bu 'phags pa bzhugs pa rnams bdag gsol ba bzhin du gshegs su gsol zhes smras pa dang / shar phyogs</font><hr>69.267b<br><font size=+1>

nas rang sangs rgyas nyi khri snyed rgyal po'i pho brang du gshegs so/ /lho dang nub dang byang phyogs su yang de bzhin du gsol pa dang / de dag kyang so so nas rang sangs rgyas nyi khri snyed rgyal po'i pho brang du gshegs so/ /de nas rgyal po dang blon po rnams kyis yo byad rnam bzhi sbyar te mchod pa byas so/ /de nas rgyal phran brgyad khri bzhi stong snyed phyir yul du 'gro bar gsol te/ mchi phyag 'tshal ba na rgyal phran rnams kyis 'phags pa rnams la shes kyi/ bdag cag kyang mchod pa 'tshal te bsod nams bgyi'o zhes gsol pa dang / rgyal po dang blon po rnams kyis lo brgyad khri bzhi stong gi bar du rang sangs rgyas bzhi khri la yid bzhin du mchod nas/ tshe'i dus byas pa dang / mtho ris kyi lhar skyes so/ /dge slong dag de'i tshe na rgyal po me long gdong de ni da ltar nga yin no/ /rgyal po de'i pha de ni nga'i yab zas gtsang ma yin no/ /btsun mo de ni nga'i yum lha mdzes yin no/ /rgyal bu lnga brgya de ni shAg rigs lnga brgya yin no/ /de'i dus na yang thams cad kyi gtso bo mchog tu gyur te/ da sangs rgyas nas kyang mtshan dang ldan pa'i mchog gtso bor gyur to/ /'khor mang po rnams sangs rgyas kyis gsungs pa la rjes su yid rangs nas mngon par dga'o/ /rgyal po me long gdong gi le'u ste/ sum bcu gcig pa'o// // bam po dgu pa/ 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /lha sbyin rab tu byung mod kyis rnyed pa la chags pas mtshams med pa'i las kyis ri brnyil nas sangs rgyas mnan pa dang / zhabs la shing gi tshal ba 'dzugs pa dang / glang po che smyon pa btang ba dang / mthun pa'i dge 'dun gyi dbyen byed pa dang / zag pa zad pa'i dge slong ma bsad pa dang / </font><hr>69.268a<br><font size=+1>

mi dge ba'i las 'di dag byas nas/ skye ba phyi ma la rnam par smin pas 'jigs te/ mu stegs pa'i ston pa drug gi thad du song nas dris so/ /ston pa drug gis kyang ngan par blta ba'i chos rtog pa byas kyang sdig par mi 'gyur dge ba byas kyang bsod nams su mi 'gyur ba'i chos bstan nas/ de la yid ches te/ dge ba'i rtsa ba bcad do/ /de'i tshe na kun dga' bos phu nu bo la snying brtse ba'i phyir rab tu mi dga' ste/ ngus nas bcom ldan 'das la 'di skad ces gsol to/ /lha sbyin gti mug can ni mi dge ba'i las kha na ma tho ba bgyis te/ dge ba'i rtsa ba bcad nas shAg gi rigs rnams kyang sun 'byin no/ /bcom ldan 'das kyis kun dga' bo la bka' stsal pa/ lha sbyin 'di ni tshe 'di 'ba' shig la rnyed pa dang grags pa'i phyir dge ba'i rtsa ba bcad par ma zad kyi/ 'das pa'i dus na yang rnyed pa dang grags pa'i phyir lus dang srog kyang stong pa'i las byas so/ /de la dge slong dag the tsom du gyur nas/ kun dga' bos bcom ldan 'das la 'di skad ces gsol to/ /lha sbyin 'das pa'i dus na yang rnyed pa dang grags pa'i slad du lus dang srog stong pa'i las bgyis pa ci lta bu lags shes gsol pa dang / bcom ldan 'das kyis kun dga' bo la bka' stsal pa/ kun dga' bo sngon 'das pa'i dus na/ bskal pa grangs med dpag tu med bsam gyis mi khyab pa'i pha rol na/ 'dzam bu'i gling 'dir yul bA ra na se na bram ze ha yi zhes bya ba zhig yod de/ des rigs mnyam pa las chung ma blangs te ring por ma lon par chung ma sems can dang ldan par gyur te/ zla ba dgu tshang ba na khye'u zhig btsas te/ de nas btsas ston chen po byas nas/ bu'i ming yang legs tshol zhes bya bar btags te/ ma ma la gtad nas gsos so/ /de nas yang sems can dang ldan par gyur te mnyen zhing des las sems can dang ldan pa'i 'og tu gtum zhing 'khro bar gyur to/ /</font><hr>69.268b<br><font size=+1>

de nas zla ba dgu tshang ba dang khye'u zhig btsas te/ de ltar ma yang sngon las gyur pas/ bu'i ming yang nyes tshol zhes bya bar btags te/ ma ma la gtad nas gsos so/ /khye'u spun gnyis phyir cher skyes nas/ spun gnyis rgya mtshor rin po che len par dong ngo / /so so nas 'khor dang grogs lnga brgya lnga brgya rnyed nas lam du zhugs so/ /lam ring bas zhag bdun gyi gnas su ma phyin par rgyags chad de/ srog dang bral du nye nas/ legs tshol dang tshong pa grogs po rnams nyam thag ste/ lha thams cad mchod par byed do/ /de nas 'brog stong pa de nas skyed shing bzang po zhig mthong nas/ thams cad skyed shing gi drung du lhags pa dang / shing gi drung na chu mig bzang po zhig kyang yod do/ tshong pa rnams chu mig de la 'thung nas/ bdag cag gis lha mchod pa'i rtags 'di yin no zhes smras pa dang / lhas mngon sum du smras te/ skyed shing gi yal ga chog shig dang 'dod pa thams cad 'byung ngo zhes bsgo'o/ /de nas yal ga gcig bcad pa dang / btung ba zhim por byung ngo / /de nas yal ga gcig bcad pa dang / kha zas ro brgya dang ldan pa thams cad byung nas/ de dag kun gyis tshim par zos so/ /de nas yang yal ga gcig bcad pa dang / gos rnam pa sna tshogs byung ngo / /de nas yang gcig bcad pa dang nor bu rin po che sna tshogs byung ste/ khal thams cad longs so/ /de nas nyes tshol la sogs pa thams cad kyang der lhags ste/ snga ma'i yal ga bcad pa las rin po che sna tshogs khal longs pa mthong nas/ 'di snyam du bsams so/ /snga ma 'di dag gis yal ga las kyang rin po che chog pa rnyed na/ shing 'di'i rtsa ba phyung ba ni nor bu rin po che sna tshogs mang du rnyed do snyam bsams nas/ shing gi rtsa ba brko bar gzaso/ /de nas legs tshol mi dga' ste smras pa/ bdag cag ni 'phong ste srog dang bral ba</font><hr>69.269a<br><font size=+1>

las shing 'dis bdag cag srog gsos kyis khyod shing 'di ma gcod ces smras na/ nyes tshol ma nyan te shing rtsa ba bcad do/ /de nas legs tshol kyang mthong mi 'dod par khal dang bcas pa song ba'i 'og tu shing gi rtsa ba nas srin po lnga brgya byung ste/ nyes tshol dang tshong pa kun zos so/ /kun dga' bo de'i tshe de'i dus na legs tshol de ni da ltar nga yin no/ /de'i pha de ni da ltar nga'i yab zas gtsang ma yin no/ /de'i ma de ni nga'i yum lha mdzes ma yin no/ /nyes tshol de ni da ltar lha sbyin yin no/ /kun dga' bo lha sbyin gyis da ltar 'ba' shig nga la gnod pa byed par ma zad kyis rnyed pa dang grags pa'i phyir skye ba thams cad du nga la gnod pa byas na/ ngas phan pa'i chos bstan te phan par byas kyang / lha sbyin nga la dgrar 'dzin to/ /bcom ldan 'das kyis de skad ces gsungs nas/ 'khor mang po rnams rjes su yid rang nas mngon par dga'o/ /legs tshol dang nyes tshol gnyis kyi le'u ste sum bcu gnyis pa'o// // 'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri la dge slong gi dge 'dun chen po dang thabs gcig tu bzhugs so/ /de'i tshe na tshe dang ldan pa kun dga' bos lha sbyin gyis thabs rnam pa sna tshogs kyis de bzhin gshegs pa la gnod par bsam kyang / de bzhin gshegs pas ni lhas sbyin dang sgra gcan zin gnyis la mi 'dra bar med par dgongs te/ rtag tu de la thugs brtse bar mthong nas/ bcom ldan 'das la zhus pa dang / bcom ldan 'das kyis kun dga' bo la 'di skad ces bka' stsal pa/ lha sbyin 'dis dus 'di nyid na nga la gnod pa byas par ma zad de/ skye ba gzhan du yang nga la gnod sems bskyed do/ /dge slong dag the tsom du gyur nas kun du dga' bos/ bcom ldan 'das la 'di skad ces gsol to/ /lha sbyin 'dis skye ba gzhan dag na bcom ldan 'das la gnod pa ci ltar bgyis shes</font><hr>69.269b<br><font size=+1>

gsol pa dang / bcom ldan 'das kyis kun dga' bo la 'di skad ces bka' stsal to/ /sngon 'das pa'i bskal pa grangs med dpag tu med bsam gyis mi khyab pa'i pha rol tu/ 'dzam bu'i gling 'dir rgyal po rin po che go cha zhes bya ba rgyal phran lnga brgya la dbang byed pa zhig byung ngo / /de la btsun mo dang pho brang gi slas lnga brgya snyed yod kyang bu med de/ nyi zla'i lha la sogs te lha thams cad la gsol ba byas te/ lo du ma lon kyang bu med pas mi dga' bar gyur te/ 'di snyam du sems so/ /bdag la bu ni cig kyang med de/ de'u re tshe zad pas rgyal phran lnga brgya yang gcig la gcig mi nyan te/ thams cad 'khrugs nas/ yul mi bde bar 'gyur ro snyam nas sems khong du chud de/ lag pa 'gram pa la brten nas 'dug pa las/ de'i tshe na lha zhig rgyal po'i bsam pa shes nas/ rmi lam du rgyal po la 'di skad ces bsgo'o/ /pho brang gi phyi rol tshal gyi nang na/ drang srong gnyis shig yod de gcig gi lus gser gyi mdog du 'dug gi /de'i gan du song la gsol ba thob shig dang / bur skye bar 'gyur ro/ /zhes bsgo ma thag tu gnyid log pa las sad nas/ drang srong gnyis gang na 'dug pa tshol du song ste/ drang srong de dang phrad nas/ bdag la rgyal po'i rigs 'tshob pa med kyis khyod bdag gi rigs su skyes te/ rigs gso shig ces gsol ba btab nas/ drang srong des kyang de bzhin du bya'o zhes smras so/ /drang srong gcig gis kyang bdag khyod kyi rigs su skye bar bya'o zhes smras pa dang / rgyal po rab tu dga' nas/ khyod kyang bdag gi rigs su skye bar shog shig / ces smras so/ /de nas rgyal po phyir log nas dus phyi zhig na drang srong gser gyi mdog can tshe'i dus byas nas/ btsun mo chen mo'i mngal du skyes so/ /bud med mkhas pas bu yod par shes nas bu phor</font><hr>69.270a<br><font size=+1>

shes te bdag la nges par bu pho yod do zhes smras pa dang / rgyal pos kyang btsun mo'i rim gro bskyed do/ /zla ba dgu tshang nas bu khye'u gser gyi mdog can/ skra mthon ting khar 'dug pa/ mtshan dang ldan pa zhig btsas so/ /rgyal po rab tu dga' nas/ btsas ston byas te/ mtshan mkhan gyis mtshan btags nas/ bu'i ming yang dge don du btags so/ /de nas btsun mo cig kyang sems can dang ldan par gyur te/ drang srong gcig shos kyang tshe'i dus byas nas btsun mo'i mngal du skyes so/ /de nas yang btsas ston byas te/ mtshan mkhan gyis mtshan bltas nas/ khye'u'i ming sdig don du btags so/ /rgyal po bu la byams shing sdug pas bu 'dug pa'i gnas dbyar rgun ston dpyid so sor byas so/ /khye'u cher skyes nas rig pa bcwo brgyad la sogs te/ gtsug lag thams cad la mkhas par gyur to/ /phyis dge don gyi rgyal po la gsol to/ /bdag phyi rol du 'chag cing ltar 'gro'o zhes byas pa dang / de'i pha mas kyang bu 'chag du 'gro'o zhes lam sang phyag dar byed du bcug ste/ rgyal mtshan dang ba dan bsgrengs nas me tog gis gtor to/ /bdug pa dang spos kyis bdug pa la sogs pas yo lang bsham nas/ dge don glang po rin po che sna bdun gyis brgyan pa la bskyon te/ dril bsgrags rdza rnga brdungs rol mo dang sil snyan dkrol te/ skya pa brgya stong snyed kyis bskor te/ grong khyer gyi phyi rol du song ngo / /yul mi thams cad lam gyi g.yas g.yon na khang bu brtsegs pa'i steng na mig mi 'dzum par lta zhing / 'di byin dang gzi brjid ni tshangs pa dang 'dra'o zhes bsgrags so/ /de nas song song ba las mu to ba dag cig gis gos hrus po gyon nas snod chag pa thogs te/ cung zad slang ngo zhes 'bod pa dge don gyis thos nas/ de dag la khyod ci'i phyir 'di ltar nyon mongs shing sdug ces dris so/ /de dag las kha cig ni 'di skad du bdag</font><hr>69.270b<br><font size=+1>

la pha ma dang phu nu dang bu smad dang / gnyen bshes ma mchis pas sdug go zhes zer ro/ /de la kha cig ni bdag cag yun ring du nad kyis tag pas mi sos te/ sdug go zhes zer ro/ /de la kha cig ni bdag cag bag ma byas pas chom pos bcom ste ci yang mi bdog pas slongs mo byed do zhes zer ro/ /dge don gyis de skad ces smras pa thos nas/ mchi ma glags te so dong / /pha zad cig tsam nas shan pa dag cig srog chags bsad nas pags pa bshu ba dang / dmyal gtub pa dag mthong nas/ dge don gyis e ma ho 'di dag ci byed ces dris pa na/ bdag cag gi pha mes rgyud kyis 'di 'dra ba'i gsad pa'i las byed de/ 'di ma byas na mi 'tsho'o/ /zhes zer ro/ /de la dge don ngo tsha bar gyur te blta mi phod par song ngo / /de nas yang pha zad phyin pa dang zhing pa dag cig zhing rmos pa'i 'og tu srin bu mang du byung ba las/ bya mang po dag sbrul gdug pa dag thu zhing za ba mthong ba dang / 'di dag ci byed ces dris pa na bdag cag ni zhing rmos te sa glogs pa'i shul du sa bon btab nas/ phyis mang du skyes te des 'tsho zhing rgyal po'i dpya yang dbul zhes zer ro/ /dge don de la yang ngo tsha bar gyur nas pha zad song ba dang / rngon pa bya rgya bres pa dang / snyi btsugs nas bya rnams bshor ba dang / sems can dag bya rgya dang snyi la zin nas lus rdeg cing theg kyang ma shor te/ snying rje'i skad phyung ste/ shin tu 'jigs skrag pa dag mthong nas/ khyod 'di ci byed ces dris na bdag cag kyang rgyud kyis 'di 'dra ba gsod pa'i las byed pas 'tsho zhes zer ro/ /dge don gyis de skad ces smras pa thos nas shin du yi mug ste/ yang pha zad song ba dang / nya pa dag rgya btsugs nas mang du zin te/ thang du phung por spungs nas da dung yang 'gul ba dag mthong nas/ 'di dag ci byed dris na/ bdag cag kyang rgyud kyi las gzhan mi byed kyis 'di ltar nya bshor zhing 'tsho bar byed do/ /</font><hr>69.271a<br><font size=+1>

zhes zer ro/ /dge don gyis de lta bu dag mthong nas 'di snyam du bsams so/ /sems can 'di dag ni dbul 'phongs pas bgo ba dang / bza' ba'i phyir 'di lta bu'i kha na ma tho ba'i las gsod pa sogs byed de/ 'di dag ni tshe 'phos ma thag tu ngan song gsum du lhung ste/ mun pa nas mun par 'gro zhing / thar pa'i dus med do snyam du bsams nas phyir khyim du 'ongs te/ nyin mtshan du sems shing ni mi dga' nas/ pha'i drung du song ste pha la bdag la gsol ba zhig mchis kyis/ gnong shig ces smras so/ /phas kyang bu khyod ci zer khyod ci smras pa bzhin du bya'o zhes smras so/ /yab bdag gis sngon phyi rol tu mchis pa las mi mang pos gos dang / zas kyi phyir thams cad nyon mongs te/ gcig gis gcig la gsod pa dang / brdzun pa dang / mi dge ba'i las rnam pa sna tshogs bgyid pa mthong nas/ de dag la sbyin par gyid par bsam kyis/ yab kyis bang mdzod chen po las brel 'phongs pa dag gi phyir yid bzhin du spyod du gnong shig /phas smras pa/ ngas rin po che dang bang mdzod mang du bstsags pa thams cad khyod kyi phyir byas par zad na/ ci'i phyir khyod zer bzhin du mi nyan ces smras so/ /de nas dge don gyis phas gnang ba'i lung thob nas/ yul mi thams cad la dge don ni sbyin pa chen po byed kyis/ thams cad 'dus shing shog shig ces smras so/ /de'i tshe na dge sbyong dang bram ze dang / dbul 'phongs pa mgon med pa dang / na ba la sogs te/ grong khyer gyi phyi rol na lam thog thag gang ngo / /de dag kyang dpag tshad brgya dang / sum brgya dang / bzhi brgya dang / lnga brgya dang / dpag tshad stong gi lam nas 'ongs/ kha cig ni dpag tshad nyis stong / sum stong / bzhi stong / lnga stong / dpag tshad khri'i lam nas lhags te/ sprin bzhin du 'dus nas</font><hr>69.271b<br><font size=+1>

thams cad las yid bzhin du sbyin pa ni gos 'dod pa la gos/ zas 'dod pa la zas/ rin po che dang / gser dang / dngul dang / bai dur+ya dang / mu sa la gar ba dang / bzhon pa dang / theg pa dang / khyogs dang / skyed mos tshal dang / zhing dang / rkang 'gros la sogs ste/ yid bzhin du/ sbyin pa byas so/ /de ltar sbyin pa la zhugs te/ yun ring zhig lon pa dang / bang mdzod sum cha ni zad nas/ mdzod bsrungs kyis rgyal po la 'di skad ces smras so/ /sras kyis bang mdzod las sbyin pa bgyis nas sum cha ni zad pas/ sum gnyis tsam las ma lus na/ phan tshun 'drul ba'i skyes dang / tshong zong ci las bgyid dgongs shig ces smras so/ /nga ni sras 'di la byams pas ngo mi zlog gi bang mdzod stong yang sla'o zhes bsgo'o/ /de nas yang ring zhig lon pa dang / bang mdzod sum nyis ni zad/ sum cha tsam lus pa dang / mdzod bsrung kyis yang rgyal po la ni bang mdzod sum nyis tsam ni zad/ /sum cha tsam las ma lus na/ phan tshun skyes bskur ba dang / tshong zong ci las bgyi zhes smras so/ /rgyal pos de la bsgo ba/ nga'i sras sdug ches pas ngo mi bzlog la smra ba mi phod kyis/ khyod bdag gis thabs ci legs su byas la brel cing mi khom pa ltar tha snyad thogs shing / mdzod bsrungs kyis rgyal po las lung thob nas mdzod sgo bcad de/ don gnyer du song ngo / /de nas dge slong dag dge don gyi thad du song song nas/ bar 'ga' ni mdzod srung mi snyed de mdzod sgo mi phyed/ gal te mdzod srung 'ongs na yang yid bzhin du mi ster bas/ dge don gyis 'di snyam sems so/ /'di ltar gyur pa 'di ni mdzod bsrungs kyis ni thugs mi thub kyis/ yab kyi man ngag 'ongs kyis yongs yang bus ni pha'i bang mdzod stong par byas pa'i mi rigs kyis/ bdag gis thabs ci zhig byas na</font><hr>69.272a<br><font size=+1>

rin po che yid bzhin du rnyed de/ skye bo mang po la phan 'dogs par 'gyur snyam bsams nas/ mi dag la 'di skad ces dris so/ /'jig rten las ci byas na nor dbyig mang du rnyed cing zad mi shes par 'gyur zhes dris pa dang / kha cig ni zhing cher rmo na nor dbyig mang du 'gyur zhes zer ro/ /kha cig ni rkang 'gros spel te/ spogs byas na nor mang du rnyed zer ro/ /kha cig ni rgya mtshor zhugs de/ nor bu rin po che blangs na rin po che mang du 'gyur ro zhes zer ro/ /dge don gyis de dag smras pa thos nas zhing rmo ba dang / rkang 'gros spel ba dang / lam ring por tshong pa la 'gro ba ni nga'i cha ma yin no/ /rgya mtshor 'jug pa 'ba' shig nga'i cha yin no zhes smras nas rgya mtshor 'jug go/ /zhes bsams te/ pha ma la 'di skad ces smras so/ /bdag ni rgya mtsho nas rin po che mang po blangs te/ dbul 'phongs pa la sbyin pa yid bzhin du bya'o/ /bdag rgya mtshor rin po che len du 'gro bar gnong shig ces smras so/ /de'i pha mas de skad ces smras pa thos nas 'khams te bu la 'di skad ces smras so/ /'jig rten na dbul 'phongs pa dag blo med de/ lus dang srog dang / bsdos nas 'gro bar byed do/ /khyod cis 'phongs na/ de lta bu'i sems/ khyod sbyin par 'dod na/ khyim na yod pa'i nor thams cad sbyin par byas shig /rgya mtshor ni 'gro mi rung ste/ rgya mtsho'i nang na chu rlabs dang / rba'i klong 'khyil ba dang / chu srin dang / klu gdug pa dang / srin mo dang / ri chu'i mdog can la sogs te shin tu ya nga ba'i bgegs mang du yod pas thar dka' na/ khyod cis 'phongs shing srog dang bsdos par byed/ 'di la ni nyan pa med kyi ma sems par 'dug cig ces bsgo'o/ /dge don gyis de skad ces bsgo ba thos nas/ bsams pa bzhin du ma grub pas yi dam bcas te/ bsam pa 'di ma grub kyi bar du pha ma'i mdun du sa la kha sbub tu nyal te/ mi ldang ngo / /</font><hr>69.272b<br><font size=+1>

snyam bsams nas/ yab dang yum gyis mkhyen par mdzod cig /bdag ni bsams pa bzhin du ma grub kyi bar du kha sbub du nyal ba 'di las mi ldang ngo / zhes smras so/ /de nas pha ma mi dga' ste/ gnyen bshes dang 'grogs te/ rgya mtsho'i nang na bgegs kyang mang du yod pa'i gtam byas so/ /bdag kyang rmongs pas lo bcu gnyis kyi bar tu lha kun mchod de/ khyod lta zhig nga'i bur skyes na/ nged ma bor bar zan zo shig ces zhag cig gnyis nas zhag drug gi bar du tshig rnam pa sna tshogs kyis gros btab kyang ma nyan te/ sngar ci smras pa las ma zlog go pha ma yang dngangs nas 'di skad ces bsgros so/ /bdag gi bu thog ma btsas nas da lta tsam gyi bar du bya ba btsams pa tha mar ma grub kyi bar du mi gtong bas/ rgya mtshor btang na gal te phyir log kyang srid kyis/ ma btang na zhag bdun lon nas 'phral bye bral byed ste/ da ni btang dgos so snyam bgros nas/ bu'i gan du song ste/ lag pa nas bzung nas/ bu longs la zan zo shig /yid bzhin du 'gro bar gnang ngo zhes smras pa dang / dge don langs ste/ zan zos btung ba 'thungs so/ /de nas phyi rol du byung ste/ mi mang po la kho bo ni rgya mtshor rin po che len du 'gro'o/ /khyod su 'gro ba dag kyang 'grogs te/ 'dong gis ded dpon yang kho bos byas la yo byad kyang kho bos sbyar ro zhes bsgrags so/ /de'i tshe na yul de na tshong pa lnga brgya snyed kyis bdag cag kyang rgya mtshor rin po che len du mchi'o zhes thams cad 'dus nas chas so/ /de'i tshe na yul de na ded dpon rgan po zhig sngon cad kyang rgya mtshor lan du ma zhig phyin pa yod de/ rgyal bu nyid de'i gan du song nas 'di skad ces smras so/ /kho bo rgya mtshor 'gro ba'i sa mkhan du 'gro dgos kyis/ khyod kyang chos shig ces bsgo ba dang / ded dpon gyis bdag ni rgas 'khogs pa'i steng du mig gis kyang mi mthong bas/ 'gro mi nus so/ /</font><hr>69.273a<br><font size=+1>

zhes smras so/ /de nas rgyal bu pha'i thad du song nas/ /rgyal po la 'di skad ces gsol to/ /ded dpon rgan po zhig mchis pa sngon cad rgya mtshor lan du ma zhig phyin te/ rgya mtsho'i rgyus mchis kyi/ bdag rgya mtshor 'gro ba'i sa mkhan du bka' stsal cig ces gsol pa dang / rgyal po de nyid ded dpon long ba'i gan su song nas/ ded dpon de la 'di skad ces bsgo'o/ /rgyal bu rgya mtshor 'gro 'dod de/ nged kyi 'gror mi rung ba'i gros de lta zhig btab na ma nyan kyis/ rgyal bu rgya mtshor 'gro ba'i sa mkhan du khyod songs shig ces bka' stsal pa dang / ded dpon gyis 'di skad ces gsol to/ /bdag rgas 'khogs pa'i steng du mig gnyis kyang mdongs mod kyis/ nga rgyal pos bka' stsal na/ bka' mi bcag go zhes gsol to/ /rgyal po'i pho brang du 'ongs nas/ nga'i bu dang rgya mtshor 'gro phod pa su yod ces dris pa dang / rgyal bu sdig don yang bdag pho bo'i g.yog tu 'gro'o zhes gsol to/ /rgyal pos bsams pa/ /gzhan song ba bas nu bo song na phan snyam nas/ nu bo yang 'gro bar gnang ngo / /de nas rgyal bus gser srang sum stong shig phyung nas/ srang stong ni gru zong du byas/ srang nyi stong ni 'phral du dgos pa'i yo byad du sbyar te chas nas/ rgyal po dang btsun mo la sogs pa thams cad kyis bskyal lo/ /de nas rgya mtsho'i ngogs su phyin nas grur zhugs nas thag pa bdun gyis brtod nas/ rlung phyogs dang sbyar te 'gro ba'i tshong pa rnams la 'di skad ces smras so/ /rgya mtsho'i nang na bgegs rnam pa sna tshogs yod de/ snga phyir 'dong ba ni rab du mang na/ phyir 'gro ba ni nyung rab bo/ /de las the tsom za ba zhig yod na phyir deng shig /gal te lus dang / srog la mi blta nas/ pha ma dang / bu dang / chung ma dang / gnyen bshes dag la yang ma chags te/ rin po che'i gling du phyin te/ </font><hr>69.273b<br><font size=+1>

phyir yang bde bar 'khor na bu tsha rabs bdun tshun cad nor gyis mi brel bar 'gyur ro zhes bsgo nas thag pa cig bcad do/ /de bzhin du nyi ma bdun gyi bar du nyin re lan re de skad bsgo nas/ thag pa re re bcad de rlung phyogs su bab pa la g.yor zhing bsgrengs te/ mgyogs khyad mda' bzhin song ngo / /de nas rin po che'i gling du phyin nas/ rgyal bu rin po che brtags pa la shin tu mkhas pas/ rin po che bzang ngan dang / mang nyung tshad kyang bstan nas rin po che tshol lo/ /ded dpon gnyis gru chung ngu zhig gi nang du zhugs nas/ tshongs pa phal rnams der bor ro/ /de nas song song ba las ded dpon gyis da ni ri dkar po zhig snang ba'i rigs na ma mthong ngam zhes dris na/ rgyal bus kyang de 'dra ba zhig snang ngo zhes smras pa dang / de ni dngul gyi ri yin no zhes zer ro/ /de nas yang song song ba las da ni ri sngon po zhig snang ba'i rigs na mthong ngam zhes dris na/ de 'dra ba cig snang ngo zhes smras pa dang / de ni bai dur+ya'i ri yin no zhes smras so/ /de nas yang song song ba las da ni ri ser po zhig snang ba'i rigs so zhes dris na/ ri ser po 'dra ba zhig snang ngo zhes smras pa dang / de ni gser gyi ri yin no zhes smras so/ /de nas gser gyi ri'i drung du phyin te/ gser gyi bye ma'i steng du 'dug go/ /ded dpon des 'di skad ces smras so/ /bdag ni rgas zhom ste da ni 'gro mi phod do/ /'di nyid du tshe'i dus byas par 'gyur gyis/ khyod 'di nas song shig dang mdun na rin po che sna bdun gyi mkhar zhig dang phrad pa'i rigs kyis/ gal te mkhar sgo bcad cing 'dug na sgo drung du rdo rje'i gtun zhig yod pa'i rigs rdo rje'i gtun gyis mkhar gyi sgo brdungs shig dang / nang nas lha mo lnga brgya zhig so so nas/ rin po che thogs te 'bul du 'ong ngo / /de nas lha mo gcig kyang rin po che sngon po cig thogs shing 'dun du 'ong gi /de ni</font><hr>69.274a<br><font size=+1>

yid bzhin gyi nor bu rin po che yin no/ /thob ma thag tu ma shor bar dam du zung shig /bu mo gzhan dag gi rin po che yang long shig /dbang po rab tu bsdoms la de dag la ma smra shig /bdag ni nyam thag ste 'dir tshe 'phos na drin dran par gyis la/ 'di nyid du rus bu sbas te/ song shig ces bsgo ma thag tu tshe'i dus byas so/ /de nas ded dpon gyi bus rus bu gser gyi bye ma'i nang du sbas nas/ bsgo ba bzhin song nas rin po che sna bdun gyi mkhar gyi drung du phyin to/ /sgo yang dam du bcad pa las drung du rdo rje'i gtun blangs te/ brdungs pa dang sgo yang rang bye ba dang / lha mo lnga brgya so so nas 'ong 'ong nas rin po che thogs de 'bul bar byed do/ /nang gi lha mo snga ma cig gis lag pa na nor bu rin po che sngon po zhig thogs te/ smras pa bzhin blangs nas gos kyi tha mar phur te/ de ma thag tu phyir log go/ /rgyal bu dang bral ba'i 'og tu rgyal bu sdig don gyis tshong pa rnams la rin po che mang du long shig ces byas pas tshong pa rnams kyis mang du blangs pas gru yang bar 'ga' ni nub/ bar 'ga' ni byung nas/ rgyal bu dge don 'ba' shig ni yid bzhin gyi nor bu rin po che yod pas chur ma nub bo/ /rgyal bu sdig don skrag nas dge don la yang skyobs shig ces smras pa dang / sdig don khrid de rgya mtsho brgal to/ /de nas skam sar phyin pa dang / sdig don gyis pho bo la 'di skad ces smras so/ /bdag cag spun gnyis pha ma dang bral te/ rgya mtshor rin po che len du song ba las ma steg ste/ rin po che dang bral nas lag pa stong par khyim du 'gro ba ni ngo tsha'o/ /rgyal bu dge don rang bzhin gyis drang bas/ nu bo la bdag gis rin po che thob na ci'i phyir ngo tsha zhes smras so/ /rin po che ci lta bu zhig rnyed pa bdag la bstan du gsol zhes smras pa dang / pho bos rin po che bkrol te nu bo la bstan te/ /nu bos rin pho che mthong nas 'di</font><hr>69.274b<br><font size=+1>

snyam du bsams so/ /bdag gi pha ma yang bur 'dra ba las pho bo la byams te/ bdag la mi byams pa'i steng du bdag gnyis 'grogs te/ rin po che len du song ba las/ pho bos rin po che rnyed kyis/ bdag ni ci yang ma rnyed pas da khyim du 'ong na bdag la pha mas de bas kyang mi byams par 'gyur gyis/ bdag gis pho bo gnyid log pa'i tshe bsad la/ nor bu rin po che khyer la 'gro'o/ /gal te pha mas dris na pho bo ni rgya mtsho'i nang du nub po zhes bya snyam bsams nas/ pho bo la 'di skad ces smras so/ /bdag cag spun gnyis rin po che thogs te/ gnyis ka gcig char nyal ba'i mi rigs kyis/ res kyi nyal la mel tse bya'o zhes smras pa dang / pho bos kyang de bzhin bya'o zhes smras te/ spun gnyis res kyis mel tse byed do/ /de nas pho bo sngar mel tse byed pa las myel tse thun 'khor bas kyang ring zhig tu langs su ma btub bo/ /pho bos yun ring du mel tse byas nas nub bo gdod langs te pho bo yun ring du 'dug pas gnyid bro nas/ gnyid log pa'i 'og tu tshal gyi nang nas tsher ma ring po gnyis shig blangs nas/ pho bo gnyid kyis log pa'i 'og tu mig tu tsher ma re re btsugs te/ rin po che khyer nas bros so/ /dge don dngangs nas choms po byung ngo zhes bos na cang mi zer te/ de nas shing gi lha zhig gis khyod kyi choms po ni sdig don yin no zhes smras so/ /de nas dge don mig na ba ma bzod nas 'bod 'grogs te/ gog cing song song ba las yul li shi ba de dang nye bar phyin pa nas ba lang rdzi'u ba lang lnga brgya tsam 'tsho ba dang phrad do/ /ba lang de'i nang nas khyu mchog cig gis rgyal bu mig mdong pa mthong nas rgyal bu'i mig la lces bldags so/ /de nas ba lang kun kyang der 'dus pas/ /gnag rdzi yang der 'ongs nas mi gcig sa la 'gre ba mthong nas/ drung du brtags na mig tu tsher ma zug pa mthong</font><hr>69.275a<br><font size=+1>

nas/ tsher ma gnyis dal gyis phud de gnas su khrid do/ /de nas 'o ma dang snum gyis rma bskus nas kha zas kyis bsnyod de gsos so/ /de nas phyi zhig na rma yang bags kyis sos nas da ni 'gro'o/ /zhes byas pa dang / ba lang rdzis ma btang ngo / /de nas phyi zhig nas rma yang legs par sos nas/ da ni grong khyer 'o nir 'gro zhes byas nas/ mthar grong khyer dang nye bar bskyal te/ bdag la rol mo'i cha byad ki ma zhes bya ba byin cig des byas pa dang / rdzi 'us rol mo'i cha byad ki ma zhig byin no/ /de nas rgyal bus rol mo byed cing glu dang tshig snyan par byas te blangs pas/ thams cad de la nyan te/ kun gyis zas dang skom bskyal lo/ /de nas sprang po lnga brgya yang rgyal bu la bsnyen te gsos so/ /phyis zhig na rgyal po de'i skyed mos tshal srung ba zhig der 'ongs nas/ rol mo snyan pa thos nas de dag dga' ste/ khyod nga'i skyed mos tshal du rol mo byed cing skyed mos tshal yang srung na mi nus sam zhes dris na/ bdag gis mig long nas mi nus so zhes dris so/ /des smras pa/ khyod mig ma mthong yang bla'i/ shing gi kha na thag pa la dril bu btags te/ bya'i skad grags na the gu drangs pas chog gi /nga'i skyed mos tshal du 'dong ngo zhes smras so/ /rgyal bu de'i tshal du 'dug cing rol mo byed do/ /de'i tshe na sdig don phyir 'ongs pa dang / rgyal pos khyod kyi pho bo dang tshong pa gzhan dag ga re zhes dris na/ bdag gi pho bo dge don dang tshong pa gzhan ni nor bu rin po che mang du rnyed nas gru dang bcas te/ chur nub bo/ /bdag ni rkyal 'tshal bas bdag 'ba' shig thar ro zhes smras pa dang / rgyal po dang btsun mo gnyis ka 'kham nas 'gyel lo/ /yul na mi 'khod pa gzhan dag kyang de skad thos nas ngo mtshar du gyur</font><hr>69.275b<br><font size=+1>

nas mya ngan gyis brnangs so/ /rgyal po yab dang btsun mo gnyis mya ngan gyis yid gdungs nas/ sdig don khyod kyang pho bo dang lhan cig 'gro na ci nyes ces bsgo'o/ /rgyal bu dge don 'dug pa'i tshe bya ngang pa gcig gsos pa de la rgyal pos 'di skad ces bsgo'o/ /rgyal bu dge don rgya mtshor rin po che len tu song ba las/ rgya mtshor nub ste dge don dag ces zer ste/ khyod rtog cing tshol du song shig ces bsgo ba dang / yi ge bris te mgul du btags nas song ngo / /de nas bya ngang pa kun tu 'phur zhing tshol tshol ba las/ skyed mos tshal de na rgyal bu'i skad grags nas/ der babs te bltas na rgyal bu der 'dug pa dang phrad do/ /rgyal bus kyang ngang pa'i skad shes pas mgul nas yi ge bkrol te klog du bcug go/ /de nas yi ge lan bris nas sdig don gyis ci ltar mig tu tsher ma btsugs te bros pa yang zhib tu spring ngo / /de'i tshe na rgyal po li shi bar de la bu mo 'jig rten na dkon pa zhig yod de/ bu mo skyed mos tshal du 'chag cing song song ba las rgyal bu dge don 'dug pa dang phrad nas rgyal bu dge don skra ni 'dzings/ gdong ni mchi mas gang / gos ni ngan pa gon cing shing drung na 'dug pa mthong nas/ bu mo de de la chags nas phan tshun gar yang ma song bas/ de'i drung na 'dug cing gtam byas so/ /dro la bab nas rgyal pos bu mo bos na/ bdag gi 'tshal ma 'dir skyol cig /phar mi mchi'o de nas rgyal pos yang zan bskyal ba dang / bu mos rgyal bu la bdag cag gnyis lhan na zan za'o zhes byas pa dang rgyal bus bdag long ba sprang po lags pas/ rgyal po'i sras mo dang lhan cig tu 'tshal ma 'tshal du mi rung ngo / /gal te rgyal pos gsan nas bdag la khyod mchis pas mi rung ngo zhes smras so/ /bu mos smras pa/ khyod bdag dang lhan cig mi za na/ bdag kyang zan mi za'o/ /zhes lan du ma'i bar du smras</font><hr>69.276a<br><font size=+1>

pa dang / de nas lhan cig zos te/ gtam legs par byas nas de la bu mo chags te/ gzhan du 'gror ma btub bo/ /de nas nyi ma nub tu nye bar rgyal pos bu mo phyir shog shig ces sbran pa dang bu mos phyir 'di skad ces gsol to/ /bdag ni skyed mos tshal srung ba 'di'i chung mar dga' bas gzhan su'i yang mi 'tshal lo/ /yab rgyal pos bdag gi bsam pa 'di las mi bsgyur du gsol/ zhes spring ba dang / rgyal pos de skad ces spring ba thos nas/ bu mo'i ngo ma zlog ste/ 'di ni ngo mtshar ya mtshan che'o/ /bu mo 'di rgyal po rin po che go cha'i mna' mar bslangs te/ rgyal bu rgya mtsho nas ma 'khor bar sprang po 'di lta bu zhig gi chung mar dga' ba 'di ni nga'i rigs sun te/ nga'i mgo yang 'deg tu med pa 'di ngo mtshar che zhes yang 'bod du btang ba las bu mo'i tshig snga ma las ma gyur te 'gro ru ma btub bo/ /de nas rgyal pos bu mo la byams pas ngo ma bzlog nas/ gnyis ka bsus te pho brang nang du khrid nas khyo shug du bsdus so/ /de nas zhag du ma zhig lon pa dang / bu mo nyin par rtag tu song zhing nub mo phyir 'ongs pas/ rgyal bu dogs pa skyes te/ chung ma la 'di skad ces smras so/ /khyod bdag gi chung ma bya zhes khyo shug tu 'dus na/ nyin par ni rtag tu 'gro'o/ /mtshan mo 'ba' shig ni phyir 'ong na/ 'dir mi rtag pa la phyir bltas na/ khyod gzhan du nges so/ /sems pa yod pa zhes smras pa dang / bu mos dam bcas pa bdag ni khyod 'ba' shig la sems te/ bsam pa gzhan na ba spu tsam yang med do/ /bdag gis smras pa'i tshig bden na/ bden par smras pa 'dis khyod kyi mig ya cig mthong bar gyur cig ces smras ma thag tu mig ya cig mthong bar gyur to/ /de nas gtam de dag glengs nas/ rgyal bu la khyod kyi pha ma dang yul gang na 'dug ces dris pa dang / rgyal bus chung ma</font><hr>69.276b<br><font size=+1>

la smras pa/ khyod kyi rgyal po rin po che go cha zhes bya ba zhig thos sam/ chung mas smras pa/ bdag gis thos so/ /'o na de ni nga'i pha yin no/ /rgyal bu dge don zhes bya ba thos sam/ chung mas smras pa thos so/ /'o na rgyal bu dge don ces bya ba ni bdag yin no zhes smras pa dang / chung ma dngangs nas/ 'o na ci'i phyir 'di ltar nyon mongs par gyur zhes dris pa las/ rgyal bus ci ltar gyur pa zhib tu gtam byas pa dang / bu mos rgyal bu la 'di skad ces smras so/ /rgyal bu sdig don gyi khyed kyi mig phyung ba 'di ni 'jig rten na gang yang mi srid na/ khyod dang phrad na ji ltar bya snyam/ rgyal bus smras pa/ sdig don gyi nga'i mig phyung ba nyes mod kyi/ bdag de la cung zad tsam mi dga' ba 'am mkhon du 'dzin pa med do/ /chung mas smras pa/ bdag shin tu yid ches par dka' bas gnod pa 'di lta bu byas pas mi dga' ba med ces smras pa ni/ tshig tu mi rung ngo / /rgyal bus smras pa/ bdag ni rgyal bu sdig don la mi dga' ba spu nyag ma tsam yang med do/ /bdag gi tshig 'di bden na bden pa'i tshig gis mig 'di ya cig kyang mthong bar gyur cig ces smras pa dang / mig ya gcig kyang gsal bar mthong bar gyur to/ /de ltar rgyal bus mig gnyis kas kyang mthong nas mtshan dang dbyibs kyang gzhan pas lhag par che bas/ bu mo dga' bas yab rgyal po gang na 'dug par song ste/ 'di skad ces smras so/ /yab rgyal po rin po che go cha'i sras rgyal bu dge don mkhyen tam/ rgyal pos smras pa/ ngas shes so/ /'o na rgyal po gzigs bzhed dam/ rgyal bu de da ltar ga re blta'o zhes pa dang / bus mos smras pa/ da ltar bdag gi khyim thab bgyid pa nyid lags so zhes gsol to/ /rgyal pos bgad te/ bu mo 'di</font><hr>69.277a<br><font size=+1>

snyos sam/ 'on te mi dran nam ci nyes/ rgyal bu de ni rgya mtsho nas phyir ma 'khor na sprang po la rgyal bu dge don yin zhes smra/ bu mos yang gsol pa/ thugs mi ches na brtag tu gsol zhes smras pa dang / rgyal po bltar phyin pa na rgyal bu dngos yin te/ lto ba sa la phab nas bdag gis ngo ma shes pa nongs kyi 'gyod do zhes smras so/ /de nas rgyal po des gsangs te rgyal bu dge don lam srang gcig tu bskyal nas/ dge don rgya mtsho nas gdod 'khor ba skad bsgrags te/ blon po rnams dang rgyal bu dge don bsus nas pho brang du 'ong pa dang / gdod bu mo yang chung mar byin pa skad du bsgrags so/ /de'i tshe na bya ngang pa yang yi ge dang phyir yul du phyin te/ yi ge klags nas rgyal bu dge don yang 'dug par shes nas/ sdig don yang btson du bzung / rgyal po li shig bar gyi steng du yang pho nya btang nas/ nga'i dge don khyod kyi yul na 'ongs te nyon mongs shing 'dug pa thos kyi/ sngar ma sbran pa yang nyes so/ /da yang glang po che dang rta'i tshogs mang pos skyol cig /ma bskyal na nga nyid kyang 'ong ngo zhes spring ngo / /de'i tshe na rgyal bu dge don gyis phyugs rdzi'i drin dran nas/ phyis rgyal po li shi bar la gsol nas/ glang po che dang / rta dang / gos dang / khang khyim dang / zhing dang / 'brog dang / gser dang / dngul dang / rin po che dang / bran pho dang / bran mo dang / las byed pa'i mi la sogs te/ bya dga' mang du byin nas tshe gcig tu bde skyid par byas so/ /de nas rgyal po rin po che go cha'i pho nya yang der phyin nas/ rgyal po li shi bar gyis glang po lnga brgya zhig rin po ches brgyan to/ /g.yog lnga brgya dang / bu mo'i g.yog gzhon nu lnga brgya dang / shing rta lnga brgya snyed kyang brdzangs/ rgyal po nyid kyang blon po dang bcas te/ 'khor brgya stong du mas rol mo</font><hr>69.277b<br><font size=+1>

sna tshogs byas te bu mo bskyal lo/ /pho nya sngar phyin nas rgyal po rin po che go cha yang btsun mo'i 'khor dang bcas te rgyal bu bsu'o/ /rgyal bu dang phrad pa'i tshe bzhon pa las babs nas pha ma la phyag 'tshal nas/ lag pa nas 'jus te/ snyun gsol nas rol mo byas te pho brang du dong ngo / /de nas rgyal bu dge don gyis sdig don ga re zhes smras pa dang / da ltar btson du bzung ngo zhes smras so/ /de nas rgyal bu sdig don thong shig ces smras pa dang / nyes pa chen po byas kyi btang du mi rung ngo zhes bsgo'o/ /da ltar rgyal bu sdig don ma btang na bdag kyang pho brang du mi mchi'o zhes gsol nas/ sdig don yang btang ngo / /de nas rgyal bu sdig don yang pho bo la phyag 'tshal zhing bsur 'ongs nas zhes zer ro/ /spun gnyis gcig la gcig 'jus te nu bo la sngar bas kyang lhag par byams par gyur pas thams cad ngo mtshar du 'dzin to/ /de nas pho brang gi nang du 'ongs nas rin po che ga re zhes bags kyis dris na/ 'ongs pa'i lam du sa rkos pa'i nang du sbas so/ /de nas len du btang na ma snyed pa las/ dge don dang 'grogs te gnas su phyin ma thag tu dge don gyis mthong nas rnyed do/ /de nas rin po che rnams rnyed do/ pho brang du 'ongs nas rgyal phran lnga brgya kun la re re byin te/ gcig pu zhig bzhag pa lag tu thogs te/ 'di skad ces smon lam btab bo/ /rin po che 'di nyid yid bzhin gyi nor bu rin po che yin yang dag na/ bdag gi pha ma 'dug pa'i khri rin po che sna bdun gyi gdugs kyang yod par gyur cig ces smras ma thag tu de bzhin du gyur to/ /de nas yang 'di skad du rgyal po'i bang mdzod dang blon po'i bang mdzod las bdag gi sngon sbyin pa bgyi te/ god pa'i rnam pa thams cad phyir gang bar shog shig ces smras nas/ de phyogs su bstan pa tsam gyis bang mdzod thams cad rin po ches yongs su gang bar gyur to/ /de nas dril</font><hr>69.278a<br><font size=+1>

bsgrags te da phyin cad zhag bdun na rgyal bu dge don rin po che sna bdun gyi char 'bebs kyis/ thams cad 'dus shig ces bsgo nas/ rgyal bu dge don spos chus lus bkrus te gos gsar pa gtsang ma gyon te/ rgyal mtshan gyi rtse mo la yid bzhin gyi nor bu rin po che btags te/ lag na pog phor thogs te/ phyogs bzhir phyag 'tshal nas/ 'di skad ces smras so/ /nor bu 'di yid bzhin gyi nor bu rin po che yin yang dag na thams cad ci 'dod pa thams cad yid bzhin phob shig cas smras ma thag tu/ phyogs bzhi nas sprin langs nas sprin rlung gis mi gtsang ba thams cad phyag dar byas te/ thog mar char zim bu bab nas rdul mi ldang bar byas so/ /de nas kha zas ro brgya dang ldan pa rnam pa sna tshogs bab bo/ /de nas gos rnams bab bo/ /de nas rin po che sna bdun phab nas yul thams cad gang ngo / /de'i tshe na thams cad kyis rin po che dang gser 'dra ba'i sems su gyur nas/ de nas rgyal bus 'di skad ces bsgo'o/ /khyod kyi dgos pa thams cad yid bzhin du thob nas/ /da ni 'phongs shing brel ba med par gyur gyis/ so so nas lus dang ngag yid bsdams te/ dge ba bcu'i las kyi lam la brtson par gyis shig ces bsgo nas/ thams cad kyis bsgo ba bzhin du/ dge ba bcu la nan tan byas te/ sdig pa ma byas pas tshe 'phos nas mtho ris kyi lhar skyes so/ /kun dga' bo de'i tshe de'i dus na rgyal po rin po che go cha ni da ltar nga'i yab zas gtsang ma yin no/ /rgyal po'i btsun mo de ni da ltar nga'i yum lha mdzes yin no/ /rgyal bu dge don ni da ltar nga yin no/ /rgyal po li shi bar ni da ltar 'od srung yin no/ /de'i tshe na rgyal bu'i chung mar gyur pa de ni skye dgu'i bdag po yin no/ /rgyal bu sdig don ni da lta lha sbyin yin no/ /dzam bu'i gling gi mi la nga'i drin gyis khyab pa ni thog mar</font><hr>69.278b<br><font size=+1>

sangs rgyas pa na/ lha'i sras po brgyad khri 'ongs pa dang / nga'i nye gnas lung bstan pa rnams yin no/ /kun dga' bo de'i tshe de'i dus na de ltar nga la gnod pa chen po byas kyang de la snying brtse ba'i sems bskyed na/ da mngon par sangs rgyas nas nyon mongs pa'i sgribs pa ni zad/ thugs rje chen pos rgyas par khyab na/ gnod pa chung zad byas pa la thugs brtse ba lta ci smos/ bcom ldan 'das kyis de skad ces gsungs nas/ 'khor mang po la la ni rgyun tu zhugs pa dang / phyir mi ldog pa dang dgra bcom pa thob bo/ /kha cig ni rang sangs rgyas su gyur/ kha cig ni bla na med pa'i byang chub tu sems bskyed do/ /de skad ces gsungs pa la thams cad rjes su yid rangs te mngon par dga'o/ /rgyal bu dge don gyi le'u ste/ sum bcu gsum pa'o// // 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun brgya phrag phyed dang bcu gsum dang thabs gcig tu bzhugs so/ /de'i tshe na yul de na sprang po lnga brgya zhig rtag tu sangs rgyas dang dge 'dun la brten te 'tsho'o/ /phyis nas sprang po de dag 'di snyam du bsams so/ /da bdag cag sangs rgyas kyi bstan pa la rab tu byung ngo snyam nas/ sangs rgyas gang na ba der lhags ste/ bcom ldan 'das la 'di skad ces gsol to/ /bdag cag ni sangs rgyas dang dge 'dun gyi thugs rjes 'tsho bar gyur te/ bdag cag rab tu byung ngo zhes gsol pa dang / de la bcom ldan 'das kyis 'di skad ces bka' stsal to/ /ngas bstan pa'i chos ni rnam par dag pa ste/ btsan nyan dang phyug dbul med de/ dper na chu dang 'dra bas na/ btsan nyan dang phyug dbul bzang ngan kun 'khru ste/ chus bkrus na mi dag pa med do/ /dper na me dang 'dra ste/ ri dang brag dang gnas pa'i bar dngos</font><hr>69.279a<br><font size=+1>

po chen po dang / chung ngu yang mi 'jig pa med do/ /gzhan yang nga'i chos ni namakha' dang 'dra ste/ skyes pa dang / bud med dang / khye'u dang bu mo dang / phyug po dang / dbul po gang su yang rung mi chud pa med do/ /yid bzhin du spyod du gnang ngo / /zhes sprang po lnga brgyas thos nas/ dga' mgu rangs par gyur te/ lhag par sangs rgyas la rab tu byung ngo zhes gsol pa dang / bcom ldan 'das kyis legs par 'ongs so/ /zhes bka' stsal pa tsam gyis/ skra dang kha spu rang byi ste ngur smrig gyon pa'i dge slong du gyur nas bsnyen par rdzogs so/ /bcom ldan 'das kyis chos bstan pas lus dang sems rnam par grol te/ zag pa zad nas dgra bcom par gyur to/ /de'i tshe na yul de na gnas pa'i khyim bdag dang / tshong dpon rigs che ba rnams mu to ba dag sangs rgyas kyis rab tu phyung ngo zhes thos nas brnyas shing dpyas par gyur te/ 'di skad du gal te bcom ldan 'das dang 'phags pa'i dge 'dun spyan 'dren cing bsod nams byed na/ rigs ngan mu to ba dag /rab tu phyung ba de dag ci lta bur bdag gis stan la bzhag cing snod la 'bag par bya ba zhes smras so/ /de'i tshe na rgyal bu rgyal byed kyis sangs rgyas dang / dge 'dun rnams bshos la spyan drangs nas/ bcom ldan 'das la 'di skad ces gsol to/ /sangs rgyas dang dge 'dun rnams spyan 'dren gyis/ mu to ba gsar zhugs pa rnams ni ma lags so/ /phyir nyin du gdugs tshod la bab nas/ sangs rgyas dang dge 'dun spyan 'dren nas gshegs pa dang / mul to ba'i dge slong ma bos pa rnams la 'di skad ces bka' stsal to/ /khyod ni yon bdag gis ma bos kyis byang sgra mi snyan du deng la sa bon ma btab ma rmos par skyes pa'i 'bras longs la/ yon bdag gi khyim du zar shog shig ces bka' stsal to/ /dge slong de dag bka' stsal pa bzhin du dgra bcom pa'i rdzu phrul gyis byang gi sgra mi snyan du song song nas/ </font><hr>69.279b<br><font size=+1>

'bras kyis lhung bzed bzung nas/ spyod lam mdzes par steng gi nam mkha' la ngang pa'i rgyal po ltar rgyal bu rgyal byed kyi khyim du lhags nas/ rims bzhin du 'khod de 'bras la za'o/ /de'i tshe na rgyal bu rgyal byed kyis dge slong de dag spyod lam mdzes par rdzu 'phrul gyis steng gi namakha' las 'das pa mthong ste/ lhag par dga' rangs te ngo mtshar du gyur nas/ bcom ldan 'das la 'di lta bu'i 'phags pa gzi brjid dang / yon tan dang ldan pa spyod lam mdzes par lhags pa phyogs gang nas mchi zhes gsol pa dang / bcom ldan 'das kyis rgyal bu rgyal byed la 'di skad ces bka' stsal to/ /'di dag shes par 'dod na legs par nyon cig dang / khyod la bstan par bya'o/ /dge slong 'di dag ni rgyal bus ma bos pa'i dge slong rnams yin te/ rgyal bus ma bos pas so so nas byang gi sgra mi snyan du 'bras blangs nas/ za ba yin no/ /de nas rgyal bu rgyal byed kyis de skad ces gsungs pa thos nas/ shin tu ngo tsha zhing 'gyod de/ bdag ni gti mug gis mdongs pas 'phags pa ngo ma 'tshal to zhes smras nas/ bcom ldan 'das la 'di skad ces gsol to/ /bcom ldan 'das kyi yon tan ni bsam gyis mi khyab ste/ sprang po 'di dag ni yul 'di dag na shin tu yang rigs chung zhing ngan pa lags na/ 'dir 'jig rten 'di'i bde ba yang thob la yun ring po'i don yang rnyed par 'gyur te/ bcom ldan 'das 'jig rten du gshegs pa ni don 'di dag 'ba' zhig gi slad du gshegs so/ /gzhan yang bcom ldan 'das sprang po dag sngon dge ba'i rtsa ba ci bsrungs shing / bsod nams kyi las gang la nan tan bgyis pas/ bcom ldan 'das dang phrad de/ rnam par grol bar gyur/ sdig ci bgyis na thog mar btsas nas sprang por skyes nas dbul 'phongs par gyur/ bcom ldan 'das kyis bka' stsal pa/ sngon 'das pa'i bskal pa tshad med</font><hr>69.280a<br><font size=+1>

grangs med bsam gyis mi khyab pa 'das pa'i pha rol na/ 'dzam bu'i gling 'dir grong khyer bA ra na se zhes bya ba na ri drang srong lhags zhes bya ba na sngon yang rang sangs rgyas mang po bzhugs te/ sangs rgyas 'jig rten na ma gshegs na yang / rang sangs rgyas de na gnas te/ ri de la rang sangs rgyas med na yang lnga mngon par shes pa'i drang srong dag gnas te/ /de'i tshe na de la drang srong nyis stong zhig gnas te/ phyi zhig na ltas mkhan dag gis lo bcu gnyis kyi bar du char chu mi 'bebs so zhes lung bstan pa dang / de'i tshe na yul de na khyim bdag phyug po zhig longs spyod dang ldan pa bsdums byed ces bya ba'i drung du song te/ khyim bdag de la bdag cag rab tu byung ba drang srong stong la 'di dag lo bcu gnyis kyis bar du zas dang skom yod dam/ smras pa bdag cag la mchis kyis 'phags pa rnams gud du ma gshegs par bzhugs su gsol lo/ /de nas yang drang srong stong yang lhags nas khyim bdag bsdum byed la bdag cag la lo bcu gnyis kyi bar du zas dang skom dgos zhes smras pa dang / khyim bdag gis bang mdzod srung ba la 'phags pa 'di rnams kyi 'tsho ba lo bcu gnyis kyi bar du 'byor tam zhes dris nas/ mdzod srung gis 'byor to zhes gsol pa dang / khyim bdag des drang srong nyi stong gi 'tsho ba sbyar ba'i las mi lnga brgya bsgos nas/ bsod snyoms sbyor du bcug go/ /de'i tshe na las mi dag bsod snyoms kyi g.yos byed pa la yun ring bar gyur te skyo bas/ 'di skad smras so/ /bdag cag 'di ltar rtag tu nyon mongs par gyur pa ni sprang po 'di dag gi phyir ro zhes smras so/ /de'i tshe na khyim bdag des rtag tu gdugs tshod la rtag tu spyan 'dren pa'i las mi gcig cig bkos so/ /spyan 'dren de la khyi zhig yod de/ khyi de rtag tu spyan 'dren gyi phyir bzhin song ba las/ nyin cig spyan 'dren brjed pa dang / khyi de gdugs</font><hr>69.280b<br><font size=+1>

tshod kyi dus su drang srong de dag gi drung du song nas/ skad chen po phyung te zug pa dang / drang srong de dag kyang khyi zug pa thos nas/ gdugs tshod la bab par shes te/ bsod snyoms la gshegs so/ /phyir zhig na drang srong de dag bsod snyoms kyi bya ba byas nas khyim bdag la 'di skad ces smras so/ /khyim bdag da ni char 'ong gis zhing pa dag zhing gi las byed du chug shig ces bsgo ba dang / khyim bdag gis kyang zhing pa rnams zhing gi las byed du bcug ste/ nas dang / gro dang / 'bru mang po rmos so/ /de nas phyi zhig na 'bru rmos pa'i rnam pa thams cad sku bar skyes nas khyim bdag ya mtshan du gyur te/ drang srong rnams la 'di dag don med par mi 'gyur ram zhes smras pa dang / drang srong gis smras pa/ don med par mi 'gyur gyis dus su char chu 'bab pa la sogs te/ las byos shig ces smras so/ /phyis ring po ma lon par sku ba kun cher skyes nas bkas te bltas nas/ ci dang ci rmos pa bzhin du de dang / de dag ku ba'i nang kun gang bar skyes te/ khyim bdag rab tu dga' mgu rangs nas bang ba kun gang bar gyur to/ /las byed pa'i mi lnga brgya po yang de lta bu dag mthong nas/ 'gyod pa'i sems skyes nas/ bdag cag gis ni tshig ngan pas 'phags pa la smad do zhes 'gyod 'tshang byas te/ so so nas bdag cag kyang ma 'ongs pa'i dus na 'phags pa dang phrad nas/ rnam par grol bar gyur cig ces smon lam btab bo/ /sprang po lnga brgya po 'dis tshig ngan smras pas skye ba lnga brgya'i bar du rtag tu sprang por gyur to/ /'gyod tshangs byas ste smon lam btab pas/ nga dang phrad de 'khor ba'i mthar phyin to/ /rgyal bu 'di ltar rig par bya'o/ /de'i tshe de'i dus na khyim bdag phyug po bsdum byed de ni nga yin no/ /bang mdzod srung ba de ni rgyal bu rgyal byed yin no/ /nyin cig bzhin du spyan 'dren mi de ni rgyal po u dra ya na yin no/ /de'i tshe na khyi de ni khyim bdag</font><hr>69.281a<br><font size=+1>

skad snyan yin te/ /de'i dbang gis skye ba thams cad du skad snyan par gyur to/ /de'i tshe na las byas pa'i mi lnga brgya po ni dgra bcom pa lnga brgya po 'di dag yin no/ /bcom ldan 'das kyis de skad ces gsungs nas/ 'khor mang po rnams kha cig gis ni 'bras bu dang po thob pa nas 'bras bu bzhi pa'i bar du thob par gyur to/ /kha cig gis bla na med pa'i byang chub tu sems bskyed nas/ bcom ldan 'das kyis gsungs pa la rjes su yi rangs nas mngon par dga'o/ /khyim bdag bsdum byed kyi le'u ste sum bcu bzhi pa'o// // bam po bcu pa/ 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /skye bo mang po la dam pa'i chos bstan to/ /de'i tshe na grong gyi mi kun chos nyan du chas pa dang / grong de na bram ze long ba cig lam ka na 'dug pa las mi mang po song ba las khyod myur bar gar 'dong zhes dris so/ /mi rnams kyis smras pa/ khyod ci ma thos sam de bzhin gshegs pa 'jig rten tu byung ste/ da ltar yul 'di na bzhugs shing chos ston to/ /de bzhin gshegs pa 'jig rten tu byung ba dang phrad par shin tu dka' bas/ bdag cag ni sangs rgyas la chos nyan du 'gro'o zhes zer ro/ /bram ze de skad rnam pa brgyad la shin tu mkhas pa zhig ste/ skad du byung ba tsam gyis dbang thang tshe ci thub pa rtogs so/ /brgyad gang zhe na/ bya bang lta bu'i skad dang / khwa lta bu'i skad dang / skad 'dzer po dang / glang po che'i skad dang / rta'i skad dang / 'brug gi skad dang / dril kyi skad dang / tshangs pa'i skad dang brgyad do/ /bya bang lta bu'i skad smra ba ni/ khrel ltas med pa drin du mi gzo'o/ /khwa lta bu'i skad du smra ba ni khro zhing gtum la gsod pa la dga' zhing snying rje med pa'o/ /skad</font><hr>69.281b<br><font size=+1>

'dzer po ni pho dag mo'i skad du smra ba dang / mo dag pho'i skad du smra ba ste/ de ni dbang thang med cing dbul ba dang ma rabs so/ /glang po che'i skad lta bur smra ba ni/ rang bzhin gyis drang zhing bshes gnyen la phan 'dogs par sems so/ /rta skad lta bur smra ba ni smra mkhas la blo myur zhing rig pa 'dzin te rgyal po'i brten pa'o/ /'brug skad lta bur smra ba ni mkhas pa'i blo dang ldan zhing chos mkhas so/ /dril skad du smra ba ni/ phyug cing longs spyod dang ldan yang gser srang brgya stong mang po bdog pa'o/ /tshangs pa'i skad du smra ba ni bsod nams dang dbang thang chen po dang ldan te/ khyim na 'dug cing 'khor los bsgyur ba'i rgyal por 'gyur ro/ /rab tu byung na ni gdon mi za bar 'tshang rgya'o/ /de'i tshe na bram ze des mi rnams la bdag ni skad la shin tu mkhas te/ yang dag par sangs rgyas yin no/ tshangs pa'i skad dang ldan pa'i rigs kyis/ kho bo yang khrid la 'grogs te 'dong ngo / /de dag gis kyang bram ze long ba de khrid de song song ba las/ phyogs der nye bar 'ongs pa dang / sangs rgyas kyis gsungs pa'i dbyangs de thos nas long ba dga' mgu rangs nas dad pa skyes te/ mig gnyis rang bye nas sangs rgyas kyi sku gser gyi mdog can mtshan sum bcu rtsa gnyis kyis brgyan pa/ nyi ma'i 'od ltar shin tu gsal bar mthong nas/ bcom ldan 'das kyi zhabs la mgo bos phyag 'tshal to/ tshad med pa'i dga' ba skyes te/ bcom ldan 'das kyis chos bstan te spro ba bskyed pas sdig pa mi dge ba'i las khri phrag nyi shu zad de/ rgyun tu zhugs pa'i 'bras bu thob nas/ shes rab kyi mig dang ldan par gyur te/ bstan pa la rab tu byung bar gsol lo/ /de nas bcom ldan 'das kyis legs par 'ongs so zhes bka' stsal nas/ dge slong du gyur te ci rigs pa'i chos bstan pas dgra bcom par gyur to/ /'khor mang po the tsom du gyur nas/ tshe dang ldan pa kun dga' bo 'dug pa stan las</font><hr>69.282a<br><font size=+1>

langs te/ thal mo sbyar te bcom ldan 'das la 'di skad ces gsol to/ /bcom ldan 'das 'gro ba mang po'i don mdzad pa mdongs pa thams cad la thugs rje'i nang na/ bram ze dmus long 'di la lhag par thugs rje che'o/ /bram ze mdongs pa gcig sha'i mig kyang thob la shes rab kyi mig kyang thob par gyur to/ /bcom ldan 'das kyis kun dga' bo la bka' stsal pa/ bram ze long ba 'di la dus 'di 'ba' zhig tu mig byin par ma zad do/ /'das pa'i dus na yang mig byin no/ /kun dga' bos gsol pa/ bcom ldan 'das 'das pa'i dus na ci lta bu'i mig bstsal ba legs par bstan du gsol/ bcom ldan 'das kyis bka' stsal pa/ sngon 'das pa'i bskal pa tshad med grangs med bsam gyis mi khyab pa'i pha rol na/ 'dzam bu'i gling 'dir yul pu ga la da zhes bya ba na/ rgyal po mig 'byed ces bya ba zhig yod de/ rgyal po de brag dang / rtsig pa la yang thogs pa med par dpag tshad bzhi bcu tshun tsad mthong bas mig 'byed ces bya bar btags te/ 'dzam bu'i gling gi rgyal phran brgyad khri bzhi stong kun la dbang byed do/ /rgyal po de la btsun mo dang / pho brang gi slas nyi khri yod de/ rgyal bu lnga brgya snyed yod do/ /rgyal tshab ni tshul khrims bzang po zhes bya ste/ rgyal po de tshul bzhin du rgyal po byed pas/ sems can thams cad la bu cig pa dang 'dra bar sems te/ rlung dang char las dus mi yol bas lo tog legs te/ thams cad bde skyid do/ /de nas rgyal po de dben pa zhig na 'di snyam sems par gyur to/ /bdag tshe snga ma'i bsod nams kyis mi'i rgyal por gyur to/ nor bu rin po che dang longs spyod chen po dang ldan te thams cad kyi ngag mnyan na/ ci ltar rtswa 'jam po rlung gis btab na phyogs cig tu nyal ba bzhin no/ /tshe 'di la yang phyi ma'i 'bras bu ma bskyed na/ sdug bsngal bar 'gyur te/ dper na zhing pa thams cad dag dpyid mang du rmos na/ ston mang du bsdur yod pas/ bdag tshe 'dir dpyid sa 'on ma btab na/ </font><hr>69.282b<br><font size=+1>

tshe phyi mar ston pa sdur med par da ni le lo bya bar mi rigs kyi/ bsod nams kyi zhing las sa bon rgyas par btab bo/ /bsnyams bsam nas/ blon po la 'di skad ces bka' stsal to/ /nga'i dkor mdzod thams cad phyung la grong khyer gyi sgo dang / lam srang mi mang po 'du ba'i gnas su/ thams cad spungs la 'gro ba mang po la sbyin par bya'o/ /rgyal phran brgyad khri bzhi stong gis/ bang mdzod thams cad kyang yid bzhin byin cig ces bsgo nas/ gser gyi rgyal mtshan bsgreng ngo / /dril chen po bsgrags te/ 'dzam bu'i gling gi dge sbyong dang / bram ze dang dbul 'phongs pa dang / rgas pa dang na ba'i rnam pa thams cad 'dus shig /ci dang ci 'dod pa de dang de thams cad/ yid bzhin du sbyin no zhes bsgrags so/ /de'i tshe na 'bangs thams cad kyang rgyal po chos bzhin byed pa de la dga' ste/ bstod cing snyan par bsgrags te/ mtha' khob kyi rgyal phran pa la da bar na zhes bya ba zhig rgyal po de'i/ bka' mi nyan pa zhig yod de/ chos ma yin pas rgyal po byed do/ /rgyal phran de la blon po mkhas pa/ blo gros dang ldan pa/ lo da ra zhes bya ba zhig yod do/ blon pos rgyal po la/ 'di skad ces gsol to/ /rgyal po ni yid thung la gtum ste/ snga bsam phyi mno med par phyis 'gyod par 'gyur ro/ /rgyal po mig 'byed ni shin du snying rje dang ldan pas/ 'dzam bu'i gling gi /mi thams cad la/ drin gyis khyab ste/ rgyal po thams cad ni/ bka' nyan to/ rgyal po 'ba' shig gis de la bsngo ba mi rigs kyi/ </font><hr>69.283a<br><font size=+1>

de'i bka' nyan na bu tsha rgyud tu bde'o zhes gsol pa dang / phyir blon po de la khros te ma nyan to/ /rgyal po 'di la ni 'bangs thams cad mi dga' bas/ med par bya'o snyam bsam nas/ gros byas pa las gsang shor nas rgyal pos dmag bzlog nas 'dzin du bcug go/ /blon po des kyang 'phrigs nas/ rta mgyogs pa la zhon nas bros so/ /dmag gi dpung gi phyir bzhin 'bad te slebs pa dang / blon po de 'phongs skyen pa zhig pas/ 'phral du bco lnga mda' 'phang ste bsad do/ /de nas snyag ma yang snyag ma nus pas blon po de yang mig 'byed kyi yul tu phyin to/ /rgyal po mig 'byed la phyag 'tshal nas gtam byas te/ rgyal po dga' bas de yang blon por bcug go/ /de nas rgyal po de bka' mi nyan to zhes gsol nas/ blon po rnams la rgyal po de nga dbang ba la ma gtogs sam/ zhes dris na/ de la rgyal po mi dbang ngo zhes gsol to/ /de nas blon po des dpung gi tshogs bsdus te/ rgyal po de dbab par gsol pa dang / rgyal pos kyang de bzhin gnang ngo / /de nas dpung gi tshogs bsdus te/ pa la da bar na'i yul du 'gro'o zhes bya ba'i zhag dus bsgros so/ /de'i tshe na rgyal po des kyang dpung gi tshogs bdag gi yul du 'ong ngo zhes thos nas rab tu mi dga' ste/ sems khongs su chud nas ci bya'i gtol med de/ gos dri ma can bgos nas mun khung du zhugs so/ /de'i tshe yul de na bram ze ma rung ba zhig yod pa des rgyal po la/ khyod cis mi dga' na 'di ltar mya ngan byed ces dris pa dang / rgyal pos smras pa/ khyod ma thos sam/ kho bo'i blon po lo da ra bros pas/ rgyal po mig 'byed kyi yul du songs nas/ phyir kho bo'i yul du dmag 'dren no zhes zer bas mi dga'o/ /</font><hr>69.283b<br><font size=+1>

gal te dmag 'dren na/ bdag cag kyang med par 'gyur zhes smras pa dang / bram zes smras pa/ blon po rnams bsdus shig dang / gros bgyi'o zhes gsol to/ /de nas blon po dang bram ze 'dus te bgros nas bram zes smras pa/ rgyal po mig 'byed de bdag gi pha ma ma gtogs par gzhan ci la yang mi chags te/ sbyin pa byed do zhes thos kyi/ yul 'di na bram ze long ba zhig yod pa des/ rgyal po de la mig ya cig slong du btang ngo / /gal te mig sbyin na dmag kyang mi 'dren par 'gyur ro zhes bsgros te/ rgyal po la gsol pa dang / rgyal pos kyang de bzhin du bya'o zhes smras nas/ bram ze long ba 'bod du btang ngo / /bram ze long ba 'ong nas/ rgyal pos long ba la 'di skad ces smras so/ /kho bos khyod la bsgrub tu gsol ba zhig yod kyis khyod kyis bya dgos so zhes bsgo ba dang / bram zes smras pa/ mig gnyis ka long na ci zhig bsgrub du yod ces gsol to/ /rgyal pos bsgo ba rgyal po mig 'byed dpung gi tshogs bshams te/ 'dir 'ong pas kho bo ni gzhon pas bros kyang thar na/ khyod mig med pa gar bros pa'i sa yang med pas/ rgyal po des sbyin pa gtong ba la pha rol gyi yid mthun par gtong ngo / zhes grag gi khyod song la de la de'i mig slong shig dang / gal te ster na dmag kyang mi 'ong bar 'gyur gyi/ khyod de la mig slong du song shig ces bsgo ba dang / bram zes bdag mig mi mthong na ci ltar bya zhes gsol to/ /rgyal pos bsgo ba khyod song shig dang / lam rgyags dang / lam 'dren pa dang / yo byad gzhan yang ci dgos pa sbyar ro/ /gal te mig thob na bya dga' yang cher sbyin no zhes bsgo nas song ngo / /de'i tshe na rgyal po mig 'byed kyi yul na ltas ngan pa rnam pa sna tshogs byung ngo / /'di lta ste/ gnam grub pa</font><hr>69.284a<br><font size=+1>

dang gnam lcags 'bab pa dang / skar ma lhung ba dang / nam rmugs pa dang / gnam lcags bab nas sa kun gas pa dang / bya rnams nam mkha' la ngu ba'i skad 'byin cing sa la ltung ba dang / seng ge dang stag dang / 'phar spyang dag snying rje'i skad 'byin cing mi'i nang du 'ongs te/ sa la 'gre ba la stsogs pa'i ltas ngan pa sna tshogs byung ngo / /de nas bram ze long ba yang mthar gyis yul der phyin te/ pho brang gi sgor 'ongs nas skad chen pos 'di skad ces smras so/ /bdag ni yul gzhan nas 'dir mchis kyi/ rgyal po khyod kyi yon tan kun du grags pa ni slong ba 'ongs na ci yang gtong ste/ slong ba'i yid dang mi 'gal bar mdzad ces thos nas/ nyon mongs pa dang bsdos te 'dir slong du 'ongs kyi/ ci 'dod pa byin cig ces smras so/ /rgyal pos de skad smras pa thos nas bsus te/ khyod lam na ngal bar ma gyur tam/ nyon ma mongs sam/ bde bar 'ongs sam/ zhes spro ba'i tshig gis smras nas/ rgyal srid dam/ rin po che 'am/ rta 'am/ theg pa 'am/ gos sam bza' ba 'am/ btung ba 'am/ nad kyi rkyen rtsi 'am/ ci dang ci dgos pa slong shig dang / de dang de dag /chog par sbyin no zhes smras pa dang / bram zes smras pa/ phyi rol gyi zang zing byin pa'i ni bsod nams kyi dam par mi 'gyur kyi/ nang gi sbyin pa byas na 'bras bu che ste/ bdag mig stor nas yun ring du lon pas rtag du mdongs shing 'thoms par 'gyur gyi/ bdag ni rgyal po'i spyan 'tshal lo zhes smras so/ /de skad ces smras pa dang / rgyal po rab tu dga' nas/ bram ze la khyod la mig sbyin no zhes bsgo'o/ /bram zes smras pa/ rgyal pos bdag la stsal na nam stsol ces smras pa</font><hr>69.284b<br><font size=+1>

dang / de ste zhag bdun na sbyin no zhes bsgo nas/ dril bsgrags nas/ rgyal phran brgyad khri bzhi stong la sbran no/ /rgyal po mi 'byed da ste zhag bdun na bram ze la mig 'byin pa byed kyis/ lta 'dod na thams cad shog shig ces bsgo'o/ /de'i tshe na 'dzam bu'i gling gi mi de dag 'di skad ces bsgo ba thos nas/ thams cad myur bar der lhags so/ /rgyal phran brgyad khri bzhi stong snyed kyang so so'i blon po dang chas te/ rgyal po'i thad du lhags nas/ lto ba sa la phab ste/ mchi ma blags nas 'di skad ces gsol to/ /bdag cag 'dzam bu'i gling gi mi thams cad rgyal po la brten nas 'tsho na ci'i slad du mi gcig gi phyir/ bdag cag kun spang zhes gsol to/ /blon po rnams dang / btsun mo dang / pho brang gi slas rnams kyang mgo bo sa la brdeg shing / sa la kha sbub du nyal nas/ bram ze mi cig gi slad du bdag cag kun ma spang cig ces gsol nas/ cho nges 'debs so/ /rgyal bu rnams kyang ngus nas/ bdag cag la mgon ma mchis so/ /skyabs ma mchis so/ /thugs brtse ba'i slad du spyan gyi sbyin pa btang ba mdzad pa'i thugs slar bzlog du gsol/ rgyal tshab tshul khrims bzang pos kyang 'di skad ces gsol to/ /rgyal po yab kyi byin par bdag gi mig stsal du gsol/ bdag gum pa ni tshod mchis kyi yab spyan mi mnga' bar gyur na/ 'dzam bu'i gling gi mi thams cad mgon ma mchis te/ dpung gnyen med par 'gyur ro zhes gsol pa dang / rgyal pos rgyal phran dang / blon po dang / btsun mo dang / rgyal bu rnams la 'di skad ces bsgo'o/ /nga'i skye ba yun ring por lus 'dis skye ba ci yang myong ste/ rus pa spungs pa ni ri rab bas mtho/ /khrag bstsags na rgya mtsho bzhi bas mang / ma'i nu zho thung ba yang chu bo bzhi bas che ste/ </font><hr>69.285a<br><font size=+1>

'dod pa dang bye bral nas ngus pa'i mchi ma yang rgya mtsho dang mnyam mo/ /sems can dmyal bar yang bsreg pa dang / bcom pa dang / mig byung ba'i grangs kyang shin du mang / yi dgas kyi khams su lus rnam pa sna tshogs myong ste/ lus la me 'bar ba nas lus mig bcas su tshig pa grangs med/ dud 'gro'i skye gnas su skyes pa ni gcig la gcig gsod cing 'chi bas lus grangs med pa zhig chud zos/ mi'i nang du skyes pa na/ shi ma ran par shi ba'i grangs ni mang / tshe'i mthar thug pa'i grangs ni nyung ste/ 'dod pa la chags pas gcig la gcig gsod cing gnod par byed do/ /der yang lus dang mig grangs med pa zhig chud gsan na/ gal te lhar skyes na yang ring por mi thub ste/ 'dor na khams gsum gyi rgyud drug du 'dod chags dang / zhe sdang dang / gti mug gi rdul phra snyed kyi lus chud zos na lan 'ga' yang sbyin pa ma byas te/ sangs rgyas kyi byang chub btsal ma myong / shin tu brtsogs cing mnam pa'i mig 'di de'u re rus cing 'jig pas/ da sbyin pa bya ba'i rigs kyi/ mi sbyin pa'i mi rigs te/ sha'i mig 'di byin la sangs rgyas kyi rnam pa thams cad mkhyen pa nyid kyi spyan thob par bya'o/ /nam nga'i smon lam grub na/ khyod la yang rnam par dag pa'i chos kyi mig sbyin par bya'o/ /khyed nga'i bla na med pa'i byang chub kyi sems kyi bar du ma gcod cig ces bsgo ba dang / 'khor thams cad kyang cang mi zer bar 'khod do/ /de nas blon po rnams la khyed las gcig gis nga'i mig phyung shig ces bsgo'o/ de dag gis bdag cag gis lus rdul du bgyis kyang rgyal po'i ba spu gcig tsam yang 'byin mi phod na/ rgyal po'i spyan la lag dar ba lta ci smos zhes gsol to/ /rgyal pos yang bsgo</font><hr>69.285b<br><font size=+1>

ba/ khyod mi sha mdog gnag la mig 'og nas mig tshugs su lta ba cig tshol cig ces bsgo ba dang / sha tshugs de 'dra ba cig snyed nas/ rgyal pos de'i lag tu gri byin te/ nga'i mig phyung shig ces bsgo nas/ des rgyal po'i mig phyung ste/ rgyal po'i lag tu bzhag go/ /rgyal pos mig lag tu bzhag nas 'di skad ces smon lam btab bo/ /bdag gi mig sbyin pa byed pa 'dis mngon par rdzogs par 'tshang rgya bar shog shig /gal te mngon par rdzogs par 'tshang rgya na/ bram ze long bas nga'i mig thob ma thag tu mthong bar gyur cig ces smon lam btab ma thag tu rgyal po'i mig thogs pa bram ze'i mig tu bcug go/ /de nas mod la mthong bar gyur te/ rgyal po la 'di skad ces gsol to/ /rgyal po'i spyan 'dir mthong bar gyur te/ mthong ba 'dis 'tshal gyis/ ya cig ni mi 'tshal lo zhes gsol to/ /rgyal pos bsgo ba/ kho bo'i mig gnyis ka khyod la sbyin par byas pas ya cig bzhag na sngar smras pa dang 'gal lo zhes bsgo nas/ mig ya cig kyang phyung ste/ lag tu blangs nas smon lam sngar bzhin du btab bo/ /bram ze'i mig tu bcug nas bram ze'i mig gnyis ka mthong bar gyur to/ /de'i tshe na gnam sa kun g.yos so/ /lha'i pho brang kun yang 'gul zhing ldeg ste/ lha rnams ngo mtshar du gyur nas/ thams cad kyang byang chub sems dpas mig gi sbyin pa byas pa mthong nas/ steng gi nam mkha' la lhags te/ lha rdzas kyi me tog dang / spos kyi mchod pa byas nas/ legs so legs so zhes bstod do/ /brgya byin yang der 'ongs te/ byang chub sems dpa' la 'di skad ces smras so/ /'di ltar shin tu spyad pa dka' ba 'dis rnam par smin pa'i las ci zhig 'dod/ byang chub sems dpas smras</font><hr>69.286a<br><font size=+1>

pa bdud kyi rgyal po 'am tshangs pa 'am/ brgya byin nam/ rgyal chen bzhi 'am/ 'khor los bsgyur ba'i rgyal po la stsogs te/ khams gsum gyi bde ba 'dod pa ma yin gyis/ bsod nams 'dis mngon par byang chub nas/ sems can thams cad mya ngan las 'das pa'i bde ba la 'god pa'i phyir ro/ /brgya byin gyis smras pa/ 'di ltar mig phyung ba sdug bsngal bar gyur na/ 'gyod pa 'am khro ba'i sems ma byung ngam/ rgyal pos smras pa/ 'gyod pa yang med do/ /'khro ba'i bag kyang med do/ /brgya byin gyis smras pa/ bdag gis bltas na mig gnyis nas khrag gzag cing mdangs kyang 'gyur bzhin du/ 'gyod pa med ces byas pa ni yid ches par dka'o/ /rgyal pos smras pa/ bdag gi mig sbyin pa 'di la 'gyod pa yang med la/ bla na med pa'i byang chub thob par 'gyur zhe na/ bden par smra ba 'dis bdag gi mig gnyis sngon bzhin du mthong bar gyur cig ces smras ma thag tu/ mig gnyis kyang sngon bas gsal bar gyur pas/ de'i tshe na lha dang mi thams cad kyang rab tu dga' zhing mgu rangs par gyur to/ /de nas rgyal pos bram ze la bsgo ba/ ngas mig sbyin pas khyod kyang mthong bar 'gyur gyi/ nam sangs rgyas na yang khyod la chos kyi mig sbyin par bya'o/ /rin po che 'di dag kyang khyer la song ces bsgo'o/ /bram ze mig dang rin po che thob nas phyir yul du phyin pa dang / rgyal po de nyid kyis kyang bsus nas phrad ma thag tu mig thob bam zhes dris so/ /bram zes smras pa/ mig kyang thob nas bdag kyang 'di ltar mthong bar gyur to/ /rgyal pos smras pa/ 'on na tshe 'phos sam ma 'phos/ smras pa/ da ltar lha rnams der lhags nas/ smon lam btab pas mig gnyis sngon bas gsal bar gyur</font><hr>69.286b<br><font size=+1>

to/ /rgyal po pa la da bar nas de skad ces smras pa thos nas 'khams te snying gas nas/ tshe 'phos so/ /kun dga' bo de'i tshe de'i dus na/ rgyal po spyan 'byed zhes bya ba de ni da ltar nga yin no/ /pa la da bar ni lhas sbyin yin no/ /bram ze mig slong ba de ni da ltar gyi bram ze long ba dgra bcom pa thob pa 'di yin no/ /sngar yang mig byin/ da ltar gyi bar du shes rab kyi mig byin te/ khyod kyi phyir skye ba thams cad du dka' ba spyad nas/ mngon par sangs rgyas so/ /khyod kyang 'byung ba'i lam la brtson par gyis shig /bcom ldan 'das kyis de skad ces bka' stsal nas/ 'khor mang po rnams kha cig ni rgyun tu zhugs pa dang / lan cig phyir ldog pa dang / phyir mi ldog pa dang / dgra bcom pa thob par gyur to/ /kha cig ni bla na med pa'i byang chub tu sems bskyed do/ /kun dga' bo dang / 'khor mang po rnams bcom ldan 'das kyis gsungs pa la rjes su yi rangs nas mngon par dga'o/ /rgyal po mig 'byed kyi le'u ste sum bcu lnga pa'o// // 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi 'tshal mgon med zas sbyin gyi kun dga' ra ba na bzhugs so/ /de'i tshe rgyal po gsal rgyal la blon po chen po mkhas pa rig pa dang ldan pa btsan phyug pa zhig yod de/ de'i tshe chung ma sems can dang ldan par gyur nas khye'u mtshan dang ldan pa/ byad gzugs legs pa dpe byad zla med pa zhig btsas te/ mtshan mkhan bos te bu bstan pa dang / mtshan mkhan gyis dga' mdangs kyis 'di skad ces smras so/ /bu 'di ni bsod nams kyi mtshan dang ldan te/ kun las 'phags par yid gzhungs pa/ mkhas pa'i blo dang ldan no/ /khye'u'i phas de skad smras pa thos nas/ khye'u'i ming ci skad</font><hr>69.287a<br><font size=+1>

gdags shes dris pa dang / mtshan mkhan gyis khye'u 'di mngal du chags nas/ ya mtshan du gyur pa ci yod ces dris so/ /blon pos smras pa khye'u 'di'i ma sngon rang bzhin 'jam zhing des pa ma yin pa las/ bu 'di mngal du chags nas lhag par 'jam des so/ /gzhan gyi yon tan dang / legs pa brjod par dga'i/ nyes pa brjod par mi dga'o/ /nyon mongs pas phongs pa la byams shing brtse bar gyur to/ /mtshan mkhan gyis smras pa/ 'di bu'i yon tan yin to/ /bu'i ming mi gdung ba zhes btags so/ /de nas gsos bskyed de cher skyes nas/ stobs kyang gyad stobs po che'i tshad du phyin te/ gcig pus mi stong thub pa nam mkha' la bya 'phur ba yang mchongs pas zin te/ mgyogs khyad kyang rta dang bang mnyam pas/ bu de la lhag par sdug cing byams par gyur to/ /de'i tshe na yul de na bram ze mkhas pa rig pa dang ldan pa mang du thos pa/ gtsug lag la mkhas pa zhig yod de/ bram ze de la slob ma lnga brgya tsam rtag tu rjes su slob po/ /de'i tshe na blon po de dag kyang bu khrid de/ bram ze la gtad nas slob du bcug go/ /khye'u mi gdung ba slob pa la 'grus pas nyi ma gcig bslabs na/ gzhan lor bslab pa las mkhas te/ ring po ma lon par thams cad khong du chud cing rtogs par gyur to/ /slob dpon bram ze des kyang de la lhag par yid rten te/ rtag du 'grogs shing lhan gcig du 'dug pas slob ma gzhan dag kyang de la bsti bstang byed do/ /de'i tshe slob dpon bram ze de'i chung mas khye'u de'i byad gzugs bzang zhing legs pa dang / slob pa la yang gzhan bas lhag par mkhas par mthong nas de la chags te yid la bzung yang slob ma rnams dang / mi bral te nyin mtshan 'grogs pas gtam</font><hr>69.287b<br><font size=+1>

bya ba'i skabs med do/ bsam pa ltar ma gyur pas rtag tu yid la gcags par gyur to/ /dus phyi zhig na sbyin bdag gis slob dpon de dang / slob mar bcas su zla ba gsum gyi bar du 'tsho ba sbyar nas/ mgron du gnyer to/ /de'i tshe na slob dpon bram ze chung ma dang gnyis 'di skad ces bsgros so/ /kho bo ni slob ma dang bcas su sbyin bdag gis zla ba gsum gyi bar du 'tsho ba sbyor ro zhes bos kyis/ da slob ma las gcig cig phyi na las su bskor te/ bzhag pa'i rigs sam zhes chung ma la smras pa dang / chung ma dga' nas bram ze la 'di skad ces smras so/ /khyim bdag gi so tshis dang bya ba mang po la shes pa/ mkhas pa ldan pa zhig gis bya dgos pas/ khye'u mi gdung ba yid brtan te phyir bzhag pa'i rigs so zhes smras nas/ bram zes kyang khye'u mi gdung ba khyod kyis phyir 'dug la khyim gyi so tshis dang zhal ta byos shig /kho bo ni sbyin bdag gis bos par 'gro'o zhes bsgo'o/ /khye'u mi gdung ba yang slob dpon gyis bsgo ba bzhin du phyir 'dug go/ /de'i tshe na slob dpon bram ze slob ma dang bcas te song ba'i 'og tu/ bram ze'i chung ma de rab tu dga' mgu nas shin du byi bdar byas te/ bslu ba'i rnam pas khye'u dang smras kyang mi gdung bas sran btsug ste sems ma gyur to/ /de nas 'dod chags kyi sems skyes nas tshig drang por smras te/ kho mo ni khyod la chags kyang sngan cad skabs med do/ /da ni slob dpon yang song nas ched du phyir bzhag pa yin gyis/ da ni dben zhing skabs la bab ste/ kho mo'i yid dang sbyor cig ces bsgo'o/ /mi gdung bas smras pa/ bdag ni bram ze yin pas bram ze'i chos kyis slob dpon gyi chung ma dang nyal du mi rung</font><hr>69.288a<br><font size=+1>

ste gal te 'di 'dra ba zhig byas na bram ze ma yin pas bdag shi yang bla'i 'di ni mi phod do zhes smras pa dang / slob dpon gyi chung ma re ba ltar ma gyur pas/ ngo tsha zhing skyengs nas/ mkhon du gzung ste dkrugs bya bar bsam nas/ slob dpon phyir 'ongs tu nye ba na/ gos kyang bkral gdong yang spar mos brad nas/ rdul gyi gos shing sma bab pa ltar cang mi smra bar sa la nyal lo/ /de nas slob dpon bram ze slar 'ong nas/ khyim du zhugs pa dang / chung ma de 'dra bar 'dug pa mthong nas/ ci'i phyir khyod 'di ltar gyur ces dris pa dang / chung ma mchi ma blags nas dris pa'i chog go zhes so/ /slob dpon bram zes ci nyes pa smros shig dang ces nan tan gyis dris pa dang / chung ma ngus te 'di skad ces smras so/ /khyod kyis rtag tu bstod pa'i mi gdung ba de ni/ khyod song ba'i 'og tu rtag par kho mo la nyal bar bsgrub ste/ kho mo ma btub pas kho mo'i gos kyang bkral/ gdong la yang rma phyung ba yin te/ khyod la 'di 'dra ba'i slob ma bdog gam/ bram zes de skad ces thos nas/ shin tu khros te/ chung ma la 'di skad ces smras so/ /mi gdung ba 'di stobs ni cig pus kyang mi stong yang thub la/ blon po chen po'i bu yin te/ cho rigs btsun pas nyes pa zhig byas na yang bags kyis bya dgos so zhes smras nas/ mi gdung ba'i drung du song ste/ ci rigs par snyan pa'i tshig gis spro ba bskyed nas kho bo song ba'i 'og tu las chen po dang nyon ma mongs sam zhes gtam dris nas/ 'di skad ces bsgo'o/ /khyod kyis snga phyir kho bo la chu gang gis snying brtse ste/ khyod kyi drin ni rtag tu dran pas/ da ni khyod la gsang ba'i chos gcig pu zhig yod pa</font><hr>69.288b<br><font size=+1>

sngon cad ma bstan pa khyod la bstan gyi/ gal te khyod kyis de bzhin du byas na gdon mi za bar tshangs pa'i lhar skye'o zhes smras so/ /khye'u mi gdung bas pus mo sa la btsug te/ bstan par gsol pa dang / mi gdung ba la 'di skad ces bsgo'o/ /khyod nyin zhag bdun gyis dge ba bsrungs te mi stong gi mgo bcad nas sor mo re re zhing blangs nas sor mo stong gis lus kyi phreng ba byas na/ de'i tshe tshangs pa'i lha mngon gsum du mthong ste/ tshe 'phos ma thag tu tshangs pa'i lhar skye'o zhes lung bstan to/ /khye'u mi gdung bas slob dpon gyis de skad ces bstan pa thos nas the tsom skyes te/ slob dpon la 'di skad ces gsol to/ /srog bcad pas tshangs pa'i lhar skye ba ni rigs pa ma lags so/ /slob dpon gyis smras pa/ khyod ci na kho bo'i slob ma yin na ci kho bos bstan pa'i man ngag mi nyan tam/ ci ste yid mi ches na khrel ltas yod pa ma yin te/ 'dir ma 'dug par gar dga' bar song shig ces bsgo nas/ gsang sngags kyis btab te/ ral gri gcig sa la btsugs te/ sngags kyis btab pas/ khye'u mi gdung ba khros pa'i sems skyes te/ slob dpon gyis khros par rig nas/ ral gri lag du byin nas mi gdung ba ral gri thogs nas sgor rgyugs te/ mi phrad dgu bsad nas sor mo bcad de/ lus kyi 'phreng bar btags pas kun gyis sor 'phreng can du btags so/ /kun tu gsod cing zhag bdun du phyin pa'i nyin par sor mo dgu brgya dgu bcu rtsa dgu ni rnyed kyi sor mo cig gis bsnan na gsod pa'i grangs kyang stong du tshang ba las/ mi thams cad bros shing gab pas gcig kyang mi rgyu ste/ kun tu btsal kyang ma rnyed de/ </font><hr>69.289a<br><font size=+1>

zhag bdun gyi bar du kha zas ma zos pas khye'u'i ma bu la snying brtse nas kha zas skyel du btang na/ thams cad 'jigs pas gcig kyang ma spobs so/ /de nas khye'u'i ma nyid kha zas thogs te/ bu'i drung du song ba las rgyang ma nas ma 'ongs pa mthong ba dang / ma'i thog tu rgyugs te/ bsad par gzas pa las/ de la mas sri zhu med par khyod log pas bsam ste/ mtshams med pa'i las byed cing / ma bsad dam zhes smras pa dang / phyir ma la 'di skad ces smras so/ /bdag ni slob dpon gyis bstan pa bzhin du nyin zhag bdun gyis sor mo stong kha ma skong ste/ sor mo stong du tshangs na tshangs pa'i lhar skye bas sor mo grangs ma tshang ste/ mi byar mi rung bas da bsad pas dgos so zhes byas pa dang / de la khye'u'i mas 'di ltar gyur na/ kho mo mi bsad par sor mo gcod du mi rung ngam zhes bsgo ba'i tshe/ bcom ldan 'das kyis kyang rgyang ma nas 'dul ba'i dus la bab par gzigs shing mkhyen nas/ dge slong zhig tu sprul te/ de phyogs su gshegs so/ /sor 'phreng can gyis dge slong mthong ba dang ma gsod par bya ba btang nas/ dge slong gi thog tu mchongs te/ bsad par gzas so/ /sangs rgyas kyis de ltar 'ongs par gzigs nas/ zhabs kyis dal kyis gshegs kyang / sor 'phreng can mthu stobs gtugs te/ brgyugs kyang ma slebs nas/ rgyang ma nas dge slong khyod cung zad cig sdod cig ces bos so/ /bcom ldan 'das kyis rgyang ma nas/ nga ni rtag tu sdod na khyod mi sdod zhes bka' stsal pa dang / sor 'phreng can gyis ji ltar khyod ni sdod la kho bo ni mi sdod ces smras pa dang / bcom ldan 'das kyis 'di skad ces bka' stsal to/ /</font><hr>69.289b<br><font size=+1>

nga'i dbang po rnams ni rtag tu zhi zhing ting nge 'dzin gyi dbang thob pas sdod do/ /khyod ni slob dpon gyis log par bstan te/ sdig pa la yang yid ches pas/ khyod kyis sems kyang bslus te mi sdod pas/ nyin mtshan du gsod pa'i las byed de/ sdig pa mtha' med pa'i las byed do/ /sor 'phreng can gyis thos pa tsam gyis sems kyis brtogs shing chud do/ /ral gri sa la bor te rgyang ma nas skyabs su gsol lo zhes phyag 'tshal te/ /de nas bcom ldan 'das kyang der gshegs te sangs rgyas kyi skur sprul nas/ 'od zer lhang nge lhan ner mtshan sum bcu rtsa gnyis kyis gsal bar brgyan par bstan to/ /sor 'phreng can gyis sangs rgyas kyi sku 'od zer dang mtshan du ldan pa mthong nas/ lus sa la brdab nas nyes pa 'thol zhing 'gyod de/ bcom ldan 'das kyis chos bstan pas chos la chos kyi mig rnam par dag par gyur to/ /dad pas rab tu byung bar gsol pa dang / bcom ldan 'das kyis legs par 'ongs ngo zhes bka' stsal pas/ skra dang kha spu rang byi ste dge slong du gyur to/ /de la bcom ldan 'das kyis ci rigs pa'i chos bstan pas sems kyi dri ma kun zad nas dgra bcom par gyur to/ bcom ldan 'das kyis rgyal bu rgyal byed kyi tshal du khrid do/ /de'i tshe yul de na gnas pa'i mi la stsogs pa'i srog chags thams cad sor 'phreng can gyi ming thos pa tsam gyis mi skrag pa med do/ mi dang srog chags sbrum ma rnams kyang skrag nas bu btsa' ba'i thabs mi thub bo/ /de'i tshe bal lang mo zhig bu mi phyin pa dang / bcom ldan 'das kyis sor 'phreng can la bka' stsal pa/ khyod bal lang mo'i drung du song la bdag thog ma skyes nas da tsam gyi bar du mi cig kyang ma bsad do zhes bden pa'i tshig spros shig ces bka' stsal pa dang / </font><hr>69.290a<br><font size=+1>

sor 'phreng can gyis bcom ldan 'das la 'di skad ces gsol to/ /bdag gi mi yang mang du bkum na de skad ces ma bkum zhes bgyi/ bcom ldan 'das kyis bka' stsal pa/ khyod ni 'phags pa'i chos la skyes ma thag pa zhes bya'o/ /de nas sor 'phreng can gos tshags bcos te/ bcom ldan 'das kyis bka' stsal pa bzhin du ban lang mo'i drung du song ste de skad ces smras pas/ bde bar btsas nas sor 'phreng can yang phyir gnas su 'ongs ngo / /rgyal po gsal rgyal dpung gi tshogs dang bcas te/ ser 'phreng can 'dzin du chas pa las/ dpung gi tshogs 'gro ba'i lam rgyal bu rgyal byed kyi tshal kyi drung du byung bas/ rgyal bu rgyal byed kyi tshal na dge slong lus thung la mi sdug pa dbyangs rab tu snyan pa zhig yod de/ gtsug lag khang na dbyangs byed par dpung gi tshogs kyis thos nas/ skyo mi shes pa tsam du nyan 'dod de/ glang po che dang rta yang rna ba btud nas 'gror mi btub par nyan to/ /rgyal po ya mtshan can du gyur te ci'i phyir glang po che dang rta la stsogs pa 'gror mi btub zhes smras pa dang / dbyangs snyan pa nyan 'dod pa'i phyir 'gro mi btub po zhes gsol to/ /rgyal pos smras pa/ dud 'gro'i skye gnas su skye ba yang 'di ltar chos nyan par dga' na/ bdag mi'i nang du skye ba lta ci smros ste/ skad cig nyan par bya'o zhes rgyal bu rgyal byed kyi tshal du song nas/ glang po che'i shing rta las babs te ral gri yang bkrol/ gdugs kyang bzhag nas bcom ldan 'das gang na bzhugs pa'i spyan sngar song ste phyin pa dang / spyi bos phyag 'tshal te/ bcom ldan 'das la 'di skad ces gsol to/ /dge slong dbyangs</font><hr>69.290b<br><font size=+1>

snyan pa de su lags/ bltas bar 'tshal te/ kar sha pa ni stong phrag bzhi bcu zhig kyang 'bul lo zhes gsol pa dang / bcom ldan 'das kyis 'di skad ces bka' stsal to/ /sngar sbyin pa byin pa'i 'og du phrad par bya'o/ /gal te sngar phrad na kar sha pa ni gcig kyang sbyin mi 'dod par gyur to/ /de nas rgyal po de dang dge slong de phrad nas/ ha cang mi sdug la thung ches pas/ kar sha pa ni cig tsam yang sbyin pa'i sems ma skyes te/ rgyal pos pus mo sa la btsugs nas/ bcom ldan 'das la 'di skad ces gsol to/ /dge slong 'di'i lus shin du mi sdug cing thung la/ dbyangs shin du snyan pa 'di sngon las ci zhig bgyis na/ 'di lta bu'i rnam par smin pa thob par gyur/ bcom ldan 'das kyis bka' stsal pa/ legs par nyon la yid la zung shig dang bstan par bya'o/ /sngon 'das pa'i dus na sangs rgyas 'od srung zhes bya ba 'jig rten du gshegs te/ sems can kyi don mdzad nas mya ngan las 'das pa'i 'og tu rgyal po kr-i kri pyi zhes bya bas ring bsrel bsdus te/ mchod rten brtsigs par byas pa las/ klu'i rgyal po bzhi zhig mir sprul te/ rgyal po'i drung du lhags nas/ ring bsrel gyi mchod rten brtsigs pa 'di rin po che las bgyi 'am/ sa las bgyi zhes gsol te rgyal pos smras pa/ mchod rten ni rin po ches brtsigs dgos na/ rin po che mang po med pas sa la bya dgos so/ /gru bzhi ngos cig kyang dpag tshad lngar phyin pa dang / 'phang du dpag tshad nyi shu lnga pa kun tu snang bar brtsigs dgos so/ /klu'i rgyal po de bzhis rgyal po la 'di skad ces smras so/ /bdag cag bzhi ni klu'i rgyal po yin te/ rgyal po mchod rten byed pas</font><hr>69.291a<br><font size=+1>

bdag cag kyang rin po che btang snyam mo/ /rgyal pos de skad ces smras pa thos nas rab tu dga' mgu rangs te/ 'di ltar bstabs pa legs so zhes smras pa dang / klu rnams kyis kyang 'di skad ces gsol to/ /grong khyer ngos bzhi'i phyi rol na/ chu mig chen po bzhi zhig yod de/ shar phyogs kyi logs kyi chu mig la bcus te/ phag gu byas na thams cad bai dUr+ya sngon por 'gyur ro/ /lho phyogs kyi chu mig la chu bcus te phag gu byas na thams cad gser du 'gyur ro/ /nub phyogs kyi chu mig la bcus nas phag gu byas na thams cad dngul du 'gyur ro/ /byang phyogs kyi chu mig la bcus te/ phag gu byas na thams cad shel dkar por 'gyur ro zhes smras te/ rgyal pos de skad ces smras pa thos nas/ lhag par dga' mgu rangs te/ ngos bzhi'i lag dpon re re bsgos nas/ ngos re re byed du bcug pa las/ ngos gsum gyi lag dpon gyis mchod rten nyid du zin pa na/ ngos cig gi lag dpon gyis le lo byas pas zin du mi nye ste/ rgyal po nyid mchod rten byed pa la ltar 'ongs te/ le lo byas pa de la khyod kyis legs par ma byas pas ma zin te/ chad pas gcod do zhes bsgo ba dang / mi de rgyal po la khros nas/ 'di lta bu'i mchod rten ha cang yang ches pas 'di nam yang mi zin to zhes gsol to/ /de nas rgyal pos nan thur bskyed pas kun gyis nyin mtshan la brtson 'grus byas nas/ dus gcig du gcig char zin to/ /mchod rten ngo mtshar du mthong la rin po che rnams mtsher zhing dbyibs kyang lhag par legs pas/ ngos dpon khros pa de yang shin du dga' nas/ sngar nyes pa rnams 'gyod cing bshags te/ gser gyi dril bu gcig</font><hr>69.291b<br><font size=+1>

mchod rten gyi rtse mo la btags nas 'di skad ces smon lam btabo/ /bdag gang nas gang du skyes kyang sgra skad shin tu snyan pa dang / 'gro ba thams cad kyis thos na des dga' bar shog shig ma 'ongs pa'i dus na sangs rgyas shAg kya thub pa dang phrad de/ 'khor ba las rnam par grol bar shog shig ces smon lam btab bo/ /rgyal po chen po de'i tshe de'i dus na ngos cig gi lag dpon mchod rten ha cang yang ches so zhes khros pa de ni dge slong 'di yin te/ de'i tshe na khros bzhin mchod rten ha cang ches so zhes smras pa tsam gyis/ rtag tu lus thung la mi sdug par gyur to/ /phyis dga' ba'i sems kyis gser gyi dril bu phul nas mchod rten la btags te sgra skad snyan pa dang / nga dang phrad par shog shig ces smon lam btab pas skye ba lnga brgya'i bar du sgra skad rab tu snyan te/ nged dang phrad nas rnam par grol ba thob par gyur to/ /rgyal pos de skad ces gsungs pa thos nas/ phyir 'gro bar chas pa las/ bcom ldan 'das kyis rgyal po khyod gar 'gro zhes bka' stsal pa dang / rgyal pos bcom ldan 'das la 'di skad ces gsol to/ /yul 'di na dgra ma rung pa sor 'phreng can zhes bya ba mi kun bsad nas ma 'ongs par gnod par bgyid pas/ bdag cag de la nam rgol du mchi'o/ /bcom ldan 'das kyis bka' stsal pa/ sor 'phreng can 'di da ltar ni grog sbur yang mi gsod na/ gzhan gsod pa lta smos kyang ci dgos/ rgyal po da tsam bcom ldan 'das kyis ma btul lam snyam bsam pa dang / bcom ldan 'das kyis rgyal po la 'di skad ces bka' stsal to/ /sor 'phreng can 'di da ltar rab tu byung nas dgra bcom ste/ nyes pa'i skyon thams cad zad nas/ da lta gnas khang na 'dug go/ /rgyal po</font><hr>69.292a<br><font size=+1>

de dang phrad par 'dod na 'di dang phrad do zhes bka' stsal te/ sor 'phreng can gyi gnas khang du btang ngo / /sor 'phreng can gyi gnas khang gi sgor phyin nas/ dge slong sor 'phreng can gnas khang gi nang na lud pa lu ba'i sgra byung ba thos pa tsam gyis/ sngar mi mang po bsad par dran te/ 'jigs skrag nas 'khams te sa la 'gyel to/ /de nas ring zhig lon pa dang phyir langs te/ bcom ldan 'das gang na ba der song nas ci ltar lags pa/ bcom ldan 'das la gsol pa dang / bcom ldan 'das kyis rgyal po chen po la 'di skad ces bka' stsal to/ /rgyal po chen po legs par nyon cig dang / sngon 'das pa'i dus na 'dzam bu'i gling 'dir yul bA ra na se zhes bya ba na/ bya shin tu gdug pa zhig yod de/ zas su srin bu gdug pa 'ba' zhig za'o/ /lus kyang shin tu gdug pas reg par nyer yang mi bzod do/ /gar 'phur gar 'gro ba'i 'og tu sems can yod pa kun kyang dogs sa la lhung shing kun skrag par gyur to/ /de'i tshe bya gdug pa de tshal zhig gi nang na phyin nas shing khar 'dug ste/ skad phyung ste de'i tshe shing de'i drung na/ glang po che'i rgyal po zhig yod de/ bya gdug pa'i skad thos pa tsam gyis 'khams nas sa la 'gyel to/ /rgyal po chen po de'i tshe de'i dus na bya gdug pa de ni da ltar gyi sor 'phreng can yin no/ /glang po che'i rgyal po de ni rgyal po nyid yin no/ /bcom ldan 'das sor 'phreng can 'di ni khro gtum pas sems can de snyed cig bsad de/ bcom ldan 'das kyis dge ba la bzhag /bcom ldan 'das kyis bka' stsal pa/ rgyal po chen po dge slong sor 'phreng can 'di da ltar dus 'ba' shig na mi mang po bsad de/ ngas btul bar ma zad de/ sngon 'das pa'i dus na yang</font><hr>69.292b<br><font size=+1>

sor 'phreng can gyis mi 'di dag kun bsad pa las kun ngas btul te/ dge ba sems par gyur to/ /rgyal pos yang gsol pa/ bcom ldan 'das sngon 'das pa'i dus na yang 'di dag bsad pa dang / bcom ldan 'das kyis gdug pa'i dngos po rnam par phye ste bstan du gsol zhes gsol pa dang / bcom ldan 'das kyis bka' stsal pa/ sngon 'das pa'i dus na bskal pa grangs med pa'i pha rol na/ 'dzam bu'i gling 'dir yul bA ra na se zhes bya ba na/ rgyal po ba la ma dar zhes bya ba zhig byung ngo / /de'i tshe rgyal po'i dpung rnam bzhi dang bcas te/ tshal gyi nang du rtser song song ba las/ ri dgas dang phrad de ri dgas gi phyi bzhin rgyugs rgyugs pa las/ rgyal po cig pu 'khor bral te tshal stug por phyin nas/ de'i tshe rgyal po de ngal nas rta las babs te/ 'dug pa las tshal stug po'i nang na seng ge mo zhig gnas pa dang / 'dod chags kyis nyen nas song song ba las tshal gyi nang na rgyal po gcig pu 'dug pa dang phrad nas/ seng ge mo lhag par 'dod chags skyes te/ rgyal po la bsnyen nas mjug ma gtegs te snyogs so/ /rgyal pos kyang 'dod chags skyes par rig nas 'di snyam du bsamaso/ /'di gcan zan khro bo yin te/ bdag bsad pa'i mthu yang yod pas/ gal te yid bzhin du ma byas na bdag gi srog la 'bab bo snyams nas/ skrag bzhin du seng ge mo la 'dod chags spyad do/ /de nas seng ge mo phyir song ba'i 'og tu g.yog rnams kyis rgyal po bsrungs te pho brang du khrid do/ /de'i tshe seng ge mo de sbrum par gyur te/ zla ba tshang nas bu zhig byung na/ lus gzugs thams cad mi dang 'dra ste/ rkang pa 'ba' shig khra bor 'dug go/ /seng ge mos kyang rgyal po'i bu yin par dran nas rgyab du bkal te/ </font><hr>69.293a<br><font size=+1>

rgyal po'i thad du bskyal lo/ /rgyal pos kyang bdag gi bu yin par shes te/ gsos bskyed de de'i rkang pa bkra ba'i phyir ming yang rkang bkrar btags so/ /gsos bskyed de tshad du skyes pa dang / shin tu dpa' zhing rdul phod par skyes so/ /rgyal po tshe 'phos pa'i 'og tu rgyal po'i dbang thob nas/ btsun mo gnyis blangs so btsun mo gcig ni rgyal rigs so/ /gcig ni bram ze'i rigs so/ /phyis rkang bkra de skyed mos tshal du 'chag du song nas/ btsun mo gnyis la 'di skad ces bsgo'o/ /btsun mo khyod gnyis gang nga'i phyir bzhin mgyogs par 'ong ste/ gang sngar brad par de la nyi ma gcig gi bar du rtse dga' zhing yongs su spyad do/ /gang phyir 'ong ba de ni nga dang phrad du mi btub ces bsgo na/ rgyal po de song ba'i 'og tu btsun mo gnyis kyang rgyan gyis brgyan te/ bzhon pa bshams nas dus cig tu chas so/ /lam gyi bar du na lha'i rten zhig yod pa la btsun mo bram ze'i rigs can bzhon pa babs te/ phyag byas te myur du song ba las phyis par gyur to/ /de nas rgyal pos kyang sngar byas pa bzhin du ma bsten to/ /de nas btsun mo de zhe sdang skyes te lha la khros te/ bdag ni khyod la phyag 'tshal ba'i bar du phyis nas rgyal pos ma dad do/ /gal te lha khyod la mthu zhig yod yang dag na ci'i phyir nga'i mgon dang bskyabs mi byed ces shin tu khros rngam nas/ yid la 'di snyam du gnod pa bya bar bsams so/ /rgyal po de phyir pho brang du 'ong nas/ btsun mos 'di skad ces gsol to/ /bdag nyi ma gcig ci dga' bar bgyid du gnang bar dbang bskur cig byas pa dang / rgyal pos kyang de bzhin du gnang ngo zhes bsgo ba dang / mi mang po bzlog ste lha'i rten bcom nas sa ya bsnyoms so/ /de nas lha rten bsrung ba'i lha de shin tu mi dga' ste/ 'khrugs nas/ rgyal po la</font><hr>69.293b<br><font size=+1>

gnod par bya bar bsams te/ pho brang gi nang na song ba las pho brang srung ba'i lha des nang du ma btang ngo / /de'i tshe na drang srong gcig drang srong lhags pa zhes bya ba la gnas te/ rgyal po rkang bkra des drang srong de la mchod pa byas pas nyin cig bzhin du nam mkha' la 'phur zhing pho brang du 'ongs te/ zas bzang po ni mi 'dod kyis/ zas tha mal pa tsam zos nas phyir 'gro'o/ /nyi ma gcig drang srong de mi 'ong bar lha des shes pas/ drang srong gi lus su sprul te/ pho brang gi nang du 'gro bar bsam pa las/ pho brang bsrung ba'i lhas shes nas nang du ma btang ba dang / sgo nas bos te nang du 'ongs du mi ster ro zhes byas pa dang / rgyal pos drang srong phyi rol nas 'bod pa myur du nang du thong shig ces bka' stsal pa dang / pho brang bsrungs ba'i lhas kyang rgyal po'i bka' bzhin du ma bkag ste nang du btang ngo / /nang du 'ongs pa dang drang srong gi stan las 'dug nas/ rgyal pos kyang rtag tu kha zas ci za ba tsam du sbyar te phul lo/ /de'i tshe na drang srong sprul pa des kha zas zar ma btub nas/ rgyal po la 'di skad ces smras so/ /kha zas 'di ni ngan ches kyi sha dang nya ni za'o zhes smras pa dang / rgyal pos kyang 'di skad ces smras so/ /drang srong chen po snga cad kyang kha zas tha mal pa za bas na sha dang nya ma sbyar ba yin no/ /drang srong sprul pas smras pa/ da phyi cad ni kha zas ngan pa 'di dag mi 'dod kyis sha dang nya sbyor cig ces smras nas song ngo / /de nas rgyal pos kyang drang srong sprul pas smras pa bzhin du sha dang nya sbyar nas/ phyi de nyin drang srong rnying pa 'ong ba la phul lo/ /drang srong de zhe sdang skyes te rgyal po la khros pa dang / rgyal pos kyang drang srong la 'di skad ces smras so/ /drang srong chen po khar tshang 'ong ba na kha zas 'di lta bu sbyor cig ma bsgo 'am drang srong gis smras pa/ </font><hr>69.294a<br><font size=+1>

khar tsang na bas nyi ma cig zan bcad de ma 'ongs pa yin na/ de skad ces sus bsgo/ khyod kyis nga la brnyas pas 'di lta bur byas pa yin gyis/ rgyal po khyod lo bcu gnyis kyi bar du mi sha 'ba' zhig za bar gyur cig ces smras nas song ngo / /de nas nyin cig rgyal po'i g.yos mkhas gyis sha ma 'byor nas 'phral du sha gzhan ma rnyed de/ byis pa'i ro zhig dang phrad nas/ sha yang rung ngo snyam bsams nas mgo dang rkang lag bcad de g.yos su byas te/ spos sna tshogs kyis btab nas rgyal po la byin no/ /rgyal pos kyang sha de zos nas sngon gyi sha bas lhag par zhim po g.yos mkhan la snga cad kyi sha 'di lta bu ro med do/ /sha 'di ni lhag par zhim na ci'i sha zhes dris pa dang / g.yos mkhan skrag nas lto ba sa la phab ste/ rgyal po la 'di skad ces gsol to/ /gal te rgyal pos gyod mi rmo na drang por gsol lo zhes smras pa dang / rgyal pos kyang khyod kyis drang por smros dang / gyod mi rmo'o zhes bsgo'o/ /g.yos mkhan gyis smras pa/ bdag cag 'phral brtad pas sha gzhan ni ma rnyed de/ byis pa chung ngu 'gum pa'i ro zhig rnyed de de g.yos su bgyis te gsol ba las rgyal pos mkhyen par gyur to/ /rgyal pos bsgo ba sha 'di lhag par zhim gyi da phyin cad sha 'di lta bu rtag tu sbyor cig ces bsgo ba dang / g.yos mkhan gyis 'di skad ces gsol to/ /sngar ni byis pa gum pa'i ro zhig rnyed de g.yos su bgyis pa lags kyis/ 'di las ni mi rnyed do zhes gsol to/ /rgyal pos kyang bsgo ba da phyin cad khyod kyis gsang thub cing gzhan gyis ma tshor bar long shig dang / nga la dbang yod zhes bsgo'o/ /g.yos mkhan gyis kyang rgyal pos bsgo ba bzhin du mtshan mo gsang ste brkus nas/ sang de nyid bzhin du g.yos su byas so/ /de'i tshe na grong khyer</font><hr>69.294b<br><font size=+1>

de'i mi dag phal cher cho nges 'debs so/ /bu stor ro zhes gcig nas gcig tu bsgrags te/ ci'i phyir 'di ltar gyur ces blon po rnams 'dus te bgros nas/ mtshan mo lam srang mdor mel tshe byas te/ bltas na rgyal po'i g.yos mkhan gyis bu chung ngu rnams brkus pa zin nas/ bcings te rgyal po'i spyan sngar khrid nas snga phyi bu 'di snyed cig stor ro zhes gsol pa dang / rgyal pos cang mi smra ba gyur to/ /de bzhin du lan gsum gyi bar du gsol kyang cang mi smra ba las/ bdag cag gis nyes pa byed byed pa zin te/ nyes par mngon na zhal che bcad pa'i rigs so/ mi smra ba'i mi rigs zhes gsol pa dang / rgyal pos ngas bsgo ba yin zhes smras so/ /de nas blon po rnams mi dga' te/ mkhon du bzung nas so sor song ngo / /phyi rol tu phyin pa dang / gcig la gcig 'di skad ces smras so/ /rgyal po ni bdag cag la stsogs pa'i bu kun zos pa'i dgra yin te/ mi sha za ba'i rgyal po dang lhan gcig tu srid gcig tu byar mi rung gis gnod par gyur pa'i dgra 'di lta bu ni med par bya ba'i rigs so zhes thams cad gros mthun par rgyal po bsad par gros byas so/ /grong khyer de'i phyi rol tu skyed mos tshal zhig yod de/ der rdzing bu zhig yod pa'i nang na rgyal po nyin cig bzhin du khrus byed du 'gro ba la/ blon po rnams kyis skyed mos tshal gyi nang du dpung gi tshogs sbas nas/ rgyal po rdzing bur khrus byed pa na dpung gi tshogs mang pos bskor de bzung nas/ bsad par byas pa las/ rgyal po de skrag nas dpung gi tshogs de la 'di skad ces smras so/ /ci'i phyir khyod kyis nga bskor te 'dzin du 'ong zhes byas pa dang / blon po rnams kyis rgyal po la 'di skad ces smras so/ /rgyal po zhes bya ba ni 'bangs mang po gso ba yin no/ rgyal pos 'bangs</font><hr>69.295a<br><font size=+1>

kyi bu kun zos pas 'bangs thams cad gnas med par gyur te/ sdug bsngal mi bzod pas da rgyal po khyod bsad do/ /rgyal pos smras pa/ 'di ltar byas pa nga ni nyes mod kyi da phyi cad 'di ltar mi bya bas/ 'di'i tshe btang du rung ngam mi rung zhes bsgo ba dang / blon po rnams kyis de la 'di skad ces smras so/ /gal te gnam la kha ba nag po bab pa 'am/ khyod kyi mgo la sbrul nag po skyes kyang btang ba med kyis da ma smra shig /rgyal po rkang bkras kyang blon pos smras pa'i tshig thos nas/ da ni gdon mi za bar srog 'bul lo snyam ste yang blon po rnams la 'di skad ces smras so/ /da ni khyod kyis bsad par chad na/ skad cig kho na zhig kho bo bde bar sems su chug la/ gdod sod cig ces bsgo'o/ /de nas blon pos yang cung zad de bsdad de semasu bcug pa dang / rgyal po des yid la 'di snyam du yi dam bcas so/ /bdag gi sngan cad dge ba ci byas pa dang / rgyal po'i srid chos bzhin byas pa dang / drang srong la sbyin pa byas pa'i bsod nams ci yod pa thams cad kyi mthus/ bdag nam mkha' la 'phur ba'i srin por gyur cig ces bsngos te/ de skad ces smras nas/ bsngos ma thag tu srin por gyur te/ steng gi nam mkha' la 'phags nas blon po rnams la 'di skad ces smras so/ /khyod kyi mthus bsdos te nga la gsad par byas kyang nga'i bsod nams kyis rang sos par gyur te/ da phyin cad ni khyod bzod par byos shig /khyod kyi chung ma dang bu sdug cing 'phangs pa thams cad bza' bar bya'o zhes smras nas/ 'phur te ri la babs nas phyin cad mi'i nang du mi za bar gyur to/ /mi mang po yang 'jigs skrag nas rtag tu bros shing gab par gyur to/ /de nas srin po mi la za zhing srin po mang du bsdong nas 'khor dang g.yog kyang mang</font><hr>69.295b<br><font size=+1>

bar gyur to/ srin po'i 'khor rnams kyis srin po rkang bkra la 'di skad ces gsol to/ /bdag cag ni khyod kyi 'khor dang g.yog du gyur na/ bdag cag la ston mo chen mo byin cig ces gsol pa dang / srin po rkang bkras kyang de bzhin du gnang nas/ rgyal po lnga brgya bsad de ston mo bya bar bsgros nas song song nas rgyal po blangs te brag phug du bcug go/ /bzhi brgya dgu bcu rtsa dgu ni rnyed de/ rgyal po cig ma tshang ba la rgyal po de dag brag phug na gcig la cig 'di skad ces smras so/ /bdag cag ni 'phang ste skyabasu gyur pa yang med de/ gal te su ta so ma stobs dang ldan pa de 'dir 'ongs na bdag cag thar kyang srid kyis su ta so ma 'dir 'ongs par srin po la gsol bar bya'o zhes bgros nas/ srin po'i rgyal po la 'di skad ces gsol to/ /rgyal po khyod kyi ston mo byed na/ bdag cag mi'i rgyal po 'ba' zhig bsad de ston mo byas pas ston mo bzang por mi 'gyur gyis/ su ta so ma zhes bya ba yon tan chen po dang ldan te/ de rnyed na gdod ston mo chen por 'gyur ro zhes gsol pa dang srin po'i rgyal pos 'di ni ci dga' zhes smras pa dang / nam mkha' la phur te su ta so ma len du song ngo / /de'i tshe na su ta so ma bu mo gzhon nu dang grong khyer gyi phyi rol tu khrus byed du 'gro ba las/ lam du bram ze slong ba zhig dang phrad de/ sbyin par byas nas bram ze la 'di skad ces smras so/ /bdag khrus zhig byed du 'gro/ da phyir log nas sbyin par bya'o zhes smras nas/ khrus byed du song ba las khrus byed pa na srin po'i rgyal po 'ongs te brag phug du khyer ro/ /de'i tshe su ta so ma mi dga' ste/ ngus pa dang rkang bkras 'di skad ces smras so/ /khyod ni gzhan pas lhag par yon tan dang ldan pa'i mchog go zhe na/ skyes bu chen po ni cis kyang mi skrag pa yin na/ ci'i phyir mi dga' ste/ byis pa chung ngu ltar</font><hr>69.296a<br><font size=+1>

ngu zhes smras so/ /su ta so mas srin po la smras pa/ bdag ni lus la chags shing / srin pos 'jigs pas mi dga' ba ma yin gyis/ bdag thog ma nas brdzun du smra ba ma myong na/ da ci khrus la 'gro ba'i lam du bram ze slong ba zhig dang phrad de bdag gis kyang khrus byas nas phyir log ste sbyin pa sbyin no zhes smras nas/ khrus byed du song ba las rgyal po khyod kyis bdag 'dir khyer te 'ongs pas/ bdag gis brdzun du smras so snyam ste mi dga'o/ /lus dang srog la chags pa ni ma yin te/ rgyal po khyod bdag la thugs brtse ba'i phyir zhag bdun zhig bshol te/ bram ze de la sbyin pa byas nas phyir yang 'gum du mchi'o zhes gsol to/ /srin pos smras pa/ khyod da btang na phyir 'ong du btub bam/ smras pa gal te ma 'ong na yang khyod la blangs pa'i mthu yod do zhes smras nas/ phyir btang ngo su ta so ma phyir khyim du phyin tsam na/ bram ze de yang da dung 'dug ste rab tu dga' nas/ bram ze la sbyin pa sbyin no/ /bram ze des kyang su ta so ma ring por mi thogs par srog dang bral bar 'gro bas phyir yul la chags na mi dga' bar shes nas/ de la tshigs su bcad de smras pa/ bskal pa'i mtha' la thug pa na/ /gnam dang klung yang rab 'bar ste/ /ri rab lhun po rgya mtsho yang / /thams cad thal ba rdul du 'gyur/ /lha dang klu dang lha ma yin/ /thams cad 'jig cing nyam nyes te/ /gnam dang sa yang med 'gyur na/ /rgyal po'i srid lta zhig ga la rtag /skyes rga na dang 'chi ba yi/ /'khor ba'i mtha' ni zad mi shes/ /re shig 'dod pa ma grub na/ /mya ngan gyis ni gnod par 'gyur/ /'dod pa skyon du rab che ste/ /nyes pa gzhan nas 'ong ba min/ /khams gsum sdug bsngal bcas pa na/ /yul srid yid brtan rung re rkan/ /yod pa ye nas med pa ste/ /rgyu dang rkyen kyis 'grub par</font><hr>69.296b<br><font size=+1>

'gyur/ /dar ba yod na rgud pa yod/ /bden pa nges par rdzun 'gyur ro/ /so so'i skye bo mtha' thog dag /sgyu ma la ni kun gnas te/ /khams gsum ci ltar stong bzhin du/ /yul gyi srid kyi de bzhin no/ /rnam par shes pa gzugs med do/ /gdug pa'i sbrul bzhi la gnas pa ste/ /ma rig pa las skyes pa la/ /bde ba'i gnas su kun 'dzin to/ /gzugs la rtag pa'i bdag med de/ /sems la rtag pa'i khyim yod med/ /lus dang sems kyang bral gyur na/ /yul srid lta zhig yod re rkan/ /de'i tshe su ta so mas tshigs su bcad de smras pa thos nas/ don yid la bsam pa bzhin du dga' ste/ rgyal tshab rgyal por bcug nas/ blon po rnams la phyi phyag byas te/ 'thams pa bzhin du phyir 'gro bar byas pa las/ blon po rnams kyis 'di skad ces gsol to/ /rgyal po rkang bkras ma bsnyengs shig bdag cag gis bsams na/ rgyal po sku bsrung ba'i slad du lcags kyi khang pa byas pa'i nang du rgyal po bzhugs na/ rkang bkra dpa' mod kye/ ci 'gyir yang ma mchis so/ /rgyal pos blon po rnams dang mi mang po rnams la bsgo ba/ mi ci skyes pa la brdzun mi zer ba'i khrel ltas dgos te/ brdzun du smra na gson kyang dga' ba ma yin pas/ thog ma 'thams pa bzhin du tshe 'phos kyang bla'i/ brdzun smras te gson par mi 'dod do zhes khrel ltas byas pa'i legs pa rnam pa sna tshogs dang / brdzun du smra ba'i skyon mang po smras pa dang / blon po rnams kyang mya ngan gyis brnangs te/ tshig med par gyur to/ /thams cad kyis rgyal po bskyal nas/ thams cad kyis cho nges btab te/ brgyal zhing 'khams par gyur to/ /su ta so ma lam du zhugs te song ba'i tshe/ srin po rkang bkras kyang su ta so ma 'dir 'ongs pa'i dus yin no snyam bsams nas/ ri'i rtse mor byung ste bltas pa dang / su ta so ma lam du rgyang ma</font><hr>69.297a<br><font size=+1>

nas srog 'dor du 'ong ba mthong ngo / /de nas nye bar 'ongs te bltas na sngon pas kyang lhag par dga' ba'i mdangs yod pas srin pos rgyal po la 'di skad ces gsol to/ /srog 'dor ba lta bdag la dga' ba ci zhig yod na/ khyod 'tshe ba gtong ba las srog kyang mi 'phongs sam/ khyod yul du phyin nas phan pa'i don ci zhig rnyed na 'di ltar dga' zhes dris so/ /su ta so mas smras pa/ rgyal po chen po khyod kyis thugs dpag mdzad de/ bdag gi 'tsho ba yun ring du bshol nas bdag gi sngar dam bcas pa las ma 'gal te/ sbyin pa chen po yang byin/ dam pa'i chos kyang thos nas yid la gcags te/ bsam pa grub pas 'dir srog btang yang gson pa bas dga'o zhes smras so/ /rgyal po rkang bkras smras pa/ khyod kyis chos ci zhig thos pa kho bo la yang smros shig ces bsgo ba dang / su ta so mas tshigs su bcad pa ci skad thos pa yang smras/ de ma yin pa yang gzhan yang gsod pa'i las kha na ma tho ba'i sdig pa dang / mi dge ba'i las rnam par smin pa yang thabs mkhas pas rgya cher smras so/ /srog mi gcod pa'i yon tan dang / bsod nams rgya chen po dang / byams pa'i sems kyang rgyas par bstan pa dang / srin po rkang bkra rab tu dga' rangs te/ spyi bos phyag 'tshal nas/ bstan pa bzhin du phyin cad srog bcad pa spangs nas/ rgyal bu brag phug du bcug pa rnams kyang so so'i yul du bskyal lo/ /de nas su ta so mas dpung gi tshogs bshams nas rgyal po rkang bkra bsus nas phyir yang rgyal por bcug go/ /de drang srong gis dmod pa bor ba'i lo bcu gnyis kyang tshang bas/ de phyin cad mi sha yang mi za ste/ sngon bzhin du rgyal po byas so/ /rgyal po chen po de'i tshe de'i dus na/ su ta so ma ni da ltar nga yin no/ /rgyal po rkang bkra de ni da ltar sor 'phreng can</font><hr>69.297b<br><font size=+1>

yin no/ /de'i tshe rkang bkras lo bcu gnyis kyi bar du mi zos pa rnams ni/ sor 'phreng can gyis bsad pa'i mi rnams yin no/ /mi 'di dag kyang gang dang gang du skye bar rtag tu sor 'phreng can gyis bsad par gyur la/ ngas kyang skye ba thams cad du dge ba la bkod par gyur to/ /ngas mngon du dran pa sngon ma rabs byed pa'i tshe ngas bsad pa las bzlog nus na/ da mngon par sangs rgyas te/ yon tan phun gsum tshogs la/ sdig pa yongs su zad na/ 'di dag 'dul ba lta ci smos/ /rgyal pos yang bcom ldan 'das la 'di skad ces gsol to/ /mi 'di dag sngon ci zhig bgyis na skye ba thams cad du sor 'phreng can gyis rtag tu bsad par gyur/ bcom ldan 'das kyis rgyal po la 'di skad ces bka' stsal to/ /rgyal po chen po legs par nyon cig dang bstan par bya'o/ /sngon 'das pa'i bskal pa grangs med pa'i pha rol na 'dzam bu'i gling 'di yul bA ra na ser rgyal po ba la dar zhes bya ba zhig byung ste/ rgyal po de la sras gnyis yod de/ byad gzugs legs pa/ lta na sdug pa/ rtsal dang ldan pa'o/ /de'i sras chung shos 'di snyam du sems so/ /gal te bdag gi pha tshe 'phos na pho bo rgyal por 'gyur ro/ /bdag gzhon pas rgyal po yang mi thob na/ mir skyes la rgyal po yang ma thob na/ mtha' mal par 'dug pa yang ci rung / dben par song nas drang srong gi lam btsal bar bya snyam nas rgyal po'i drung du song te/ yab rgyal po la 'di skad ces gsol to/ /bdag ni dben par drang srong gi lam btsal bar dga'o/ /bdag la sdug par 'dzin na bsam pa 'di las ma bzlog cig ces yang dang yang du gsol pa dang / rgyal pos kyang de bzhin du gnang nas de dben par song ngo / /de nas lo mang zhig lon pa dang / rgyal po yab tshe 'phos nas phu bo rgyal sar gshegs so/ /phu bo yang</font><hr>69.298a<br><font size=+1>

rgyal sar zhugs nas/ ring por ma lon par nad kyis btab nas tshe 'phos te/ rigs 'tshob pa'i mi med do/ /blon po rnams 'dus nas ji ltar bya ba bgros pa dang / de la blon po gcig gis 'di skad ces gsol to/ /rgyal po chen po'i sras chung ngu zhig rgyal po la gsol te/ da ltar ri la drang srong byed cing 'dug go/ /de spyan drangs nas rgyal por gzhug go zhes smras pa dang / blon po rnams kyis de 'dra ba zhig nges par yod na da ltar spyan drangs la/ rgyal por gzhug go zhes gros nas/ ri la rgyal bu tshol du song ngo / /de dag rgyal bu dang phrad nas bdag cag la rgyal po med de khyod kyis rgyal po bya dgos kyis 'dong ngo zhes smras pa dang / drang srong gis tshig 'di ni 'jigs su rung ste/ kho bo dben pa 'di na rab tu bde ste mya ngan cig yang med do/ /'jig rten pa ni ma dul ba yin pas/ rgyal po yang gsod de/ bdag gis mi nus so/ /blon po rnams kyis smras pa/ rgyal po'i gdung chad de gdung 'tshob pa med kyis/ drang srong khyod 'ba' shig rgyal po'i gdung la gtogs pa yin te/ yul mi thams cad mgon med par gyur pas/ 'gro ba mang po la brtse ba'i phyir rgyal por gshegs su gsol lo zhes smras pa dang / drang srong gis kyang ma bzod nas blon po rnams kyis gsol pa bzhin du phyir yang yul du 'ongs te rgyal po byas so/ /drang srong de chung ngu nas 'dod chags la ma 'bags pa las/ srid 'tsho zhing bags kyis bud med dang 'bags pas phyir 'dod chags che bar gyur to/ /nyin mtshan du 'dod chags la bag med pas/ 'di skad bkar gtags so/ /nga'i yul mi las bu mo yod pa rnams bag mar btang na/ sngar nga dang phrad pa'i 'og tu bag mar thong shig ces bkar gtags so/ /yul du bud med sdug gu yid du 'ong ba thams cad la yang mi rigs par spyod do/ /de'i tshe bud med cig cig</font><hr>69.298b<br><font size=+1>

mi mang po tshogs pa'i mdun du sgren mor byung ste/ gcin gci ba dang / thams cad kyis bgad de ngo tsha mi shes pa 'di ci byed ces spyos pa dang / bud med des 'di skad ces smras so/ /bud med kyis bud med kyi mdun du gcin gcir ba la ngo tsha ci zhig yod de/ khyed cag gcig gi mdun du gcig gis gcin gcir kyang ngo mi tsha na kho mo bud med du 'dra ba'i nang du gcin gcir ba la ngo tsha ci zhig yod/ mi mang pos smras pa/ khyod kyis 'di skad smras pa 'di ni ci'i tha tshig ces smras pa dang / bud med des 'di skad ces so/ /yul 'di na rgyal po gcig po skyes pa yin gyis/ gzhan mi thams cad bud med yin du nges so/ /khyed kun skyes pa yin na/ de 'dra ba mi rigs pa rgyal pos byed pa mi rigs so/ /de nas mi mang po ngo tsha zhing skyengs par gyur to/ bud med 'dis smra ba bden te/ rigs pa ma yin pas/ rgyal po 'di med par bya'o zhes bgros nas/ thams cad gros mthun nas rgyal po skyed mos tshal du 'gro ba'i tshe bsad par bya'o/ /de nas skyes mos tshal du dpung gi tshogs sbas nas/ rgyal po rdzing bur 'ongs pa'i tshe thams cad logs nas bzung ste/ bsad par byas so/ /rgyal po skrag nas mi khyed cag ci byed ces smras pa dang / blon po rnams kyis 'di skad ces smras so/ /rgyal po chos bzhin du ma byas nas 'dod chags kyis myos nas yul mi thams cad kyang rigs sun cing sma bab ste/ bdag cag ma bzod ches nas khyed med par byas te/ rgyal po 'dzangs pa gdod btsal lo snyam mo/ /rgyal pos de skad ces smras pa thos nas skrag par gyur to/ blon po rnams la 'di skad ces so/ /sngon cad ni bdag gis nyes pa bden gyis/ phyin cad de ltar mi bya na btang du rung ngam zhes smras pa dang / blon po rnams kyis 'di skad ces smras so/ /gal te gnam la kha ba nag po bab pa 'am/ mgo la sbrul nag po skyes kyang mi gnang gi ma smra shig ces bsgo'o/ /rgyal pos de skad smras pa thos nas da ni gdon mi za bar gsod do snyam ste/ khros nas blon po rnams la</font><hr>69.299a<br><font size=+1>

'di skad ces smras so/ /nga sngon ri la 'dug ste/ 'jig rten la mi dga' ba las nan gyis rgyal por bcug ste/ da ni nga gsod do/ /gar skyes kyang khyod nga dang phrad de khyod kyang ngas gsod par shog ces dam bcas so/ /de ltar dam bcas mod kyi 'on kyang ma gnang ste bsad do/ /rgyal po chen po de'i tshe de'i dus na/ rgyal po drang srong de ni da ltar sor 'phreng can yin no/ /de'i tshe mi mang po gros mthun par rgyal po gsod pa ni sor 'phreng can gyis gsad pa'i mi 'di dag yin te/ rtag tu sor 'phreng can gyis gsod par gyur to/ /rgyal pos pus mo sa la btsugs te/ bcom ldan 'das la 'di skad ces gsol to/ /dge slong sor 'phreng can 'dis mi 'di snyed cig bsad na de ltar 'bras bu thob pa'i 'og tu rnam par smin pa myong bar 'gyur ram/ bcom ldan 'das kyis bka' stsal pa/ rgyal po chen po sdig pa byas na rnam par smin pa nges par myong ste/ dge slong 'di yang da ltar gnas khang na sems can dmyal ba'i me ba spu'i khung bu kun nas 'bar te sdug bsngal mi bzad pa myong zhing 'dug go/ /de nas bcom ldan 'das kyis 'khor mang po la sdig pa'i las byas na nges par sdig pa rnam par smin pa rtogs par bya'i phyir/ dge slong gcig la 'di skad ces bka' stsal to/ /dge slong khyod song la lde mig khyer te/ dge slong sor 'phreng can gyi sgo'i bur gur chug cig ces bka' stsal nas/ dge slong gis bka' bzhin du lde mig thogs te/ sgo'i bu gur bcug ste de ma thag tu zhu'o/ /dge slong de dngangs skrag ste phyin nas/ bcom ldan 'das kyi spyan sngar 'ongs te de bzhin du gsol pa dang / bcom ldan 'das kyis dge slong de la 'di skad ces bka' stsal pa/ /sdig pa byas pa'i rnam par smin pa ni 'di yin no zhes bka' stsal nas/ rgyal po dang 'khor rnams yid ches par gyur to/ /de nas tshe dang ldan pa kun dga' bos bcom ldan 'das la 'di skad ces gsol to/ /</font><hr>69.299b<br><font size=+1>

dge slong sor 'phreng can sngon legs pa ci bgyis na mthu stobs gyad chen po'i stobs dang mnyam zhing rtsal che la bya ltar mgyogs par gyur/ legs pa ci bgyis na bcom ldan 'das dang phrad de 'khor ba las grol bar gyur pa/ 'khor mang po la thugs brtse ba'i slad du bstan tu gsol/ bcom ldan 'das kyis bka' stsal pa/ khyod legs par nyon cig /sngon 'das pa'i dus na/ sangs rgyas 'od srung gi tshe dge slong cig gang zag gi las byas pa las/ 'bru'i khal cig bkal te song song ba las lam du char pas non te/ bros pa'i gnas med pas/ 'bru dang snod du bcas pa thams cad gsher bar gyur to/ /de'i tshe na dge slong dag mgyogs par 'gro 'dod pa las chu 'thungs pas 'gro bu bas mgyogs par ma gyur pas 'di skad ces smon lam btab bo/ /bdag ma 'ongs pa'i dus su mthu mi stong dang mnyam zhing lus yang mgyogs khyad bya 'phur ba dang 'dra bar shog shig /ma 'ongs pa'i dus na sangs rgyas shAg kya thub pa 'jig rten du gshegs pa dang phrad nas 'khor ba las grol bar gyur cig ces smon lam btab bo/ /kun dga' bo de la gzhan du ma sems shig de'i tshe na gang zag gi las byas pa'i dge slong de ni da ltar gyi dge slong sor 'phreng can yin no/ /de'i tshe na rab tu byung zhing tshul khrims bsrungs te/ dge 'dun gyi las byas pas/ smon lam bzhin du gang nas gang du skyes kyang byad gzugs bzang ba dang / mthu stobs dang rtsal che bar gyur to/ /nga dang phrad par smon pas 'khor ba las grol bar gyur to/ /de'i tshe kun dga' bo dang dge slong rnams dang / rgyal po'i 'khor mang po rnams/ bcom ldan 'das kyis rnam par smin pa'i 'bras bu gsungs pa thos nas/ thams cad kyis brtson 'grus bskyed do/ bden pa bzhi yid la byas pas la la rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom par gyur to/ /la la ni rang sangs rgyas</font><hr>69.300a<br><font size=+1>

kyi dge ba'i rtsa ba bskyed do/ /la la ni bla na med pa'i byang chub tu sems bskyed de/ phyir mi ldog pa'i sa la gnas par gyur to/ /thams cad lus dang ngag dang yid dge ba la 'dun te/ bcom ldan 'das kyis gsungs pa la rjes su yi rangs nas mngon par dga'o/ /mi gdung ba sor 'phreng can gyi le'u ste sum bcu drug pa'o// // bam po bcu gcig pa/ 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na bud med bsnyen dga' mo zhes bya ba dbul 'phongs pa 'tsho ba slong mo la ltos pa zhig yod de/ /bud med des rgyal po dang blon po dang mi mang pos so so nas sangs rgyas dang / dge 'dun la mchod par byed pa mthong nas 'di snyam du bsams so/ /bdag gis sngon sdig pa ci zhig byas na/ 'di ltar dbul zhing rigs ngan par skyes ste/ bsod nams kyi zhing dang phrad kyang sa bon mi bdog snyam nas/ shin tu yi chad de 'gyod pa skyes nas nyi ma cig gi bar du thog thag bslang na dong rtse cig las ma rnyed de/ /dong rtse cig pu de thogs nas mar tshong ba'i khyim du song nas mar zhig nyo bar byas so/ /mar tshong ba'i khyim bdag gis smras pa/ dong tse gcig gis mar nyo ba 'di ha cang nyung ches ste/ khyod ci zhig bya zhes byas pa dang / bsnyen dga' mos kyang drang por gtam byas nas/ mar tshong ba'i bdag po snying brtse ste/ mar lhag mar byin to/ /bsnyen dga' mos mar de thob nas/ rab tu dga' ste gtsug lag khang du song nas bcom ldan 'das la 'bul lo zhes sangs rgyas kyi spyan sngar mar me btsugs te/ smon lam 'di skad ces btab bo/ /bdag da ltar dbul 'phong ste/ mar me chung ngu 'dis sangs rgyas la mchod do/ /bsod</font><hr>69.300b<br><font size=+1>

nams 'dis ma 'ongs pa'i dus su bdag shes rab kyi mar me dang ldan te/ sems can thams cad kyi dri ma bsal bar shog shig ces smon lam btab nas phyir gnas su song ngo / /de'i tshe mtshan mo mar me gzhan ni zad kyi/ bsnyen dga' mo'i mar me gcig pu ni nam nangs kyi bar du 'bar ro/ /de'i tshe maud gal ya nas dus 'dzin pa'i res la bab pas/ nam nangs nas mar gyi snod rnams sdud du song ba la/ me mar cig pu zhig lhag par gsal te/ mar dang snying po yang ma nyams par gsar du btsugs pa 'dra bas 'di snyam du sems so/ /nyin par mar me btsugs kyang phan pa med kyi bsad do snyam nas bsad par gzas na ma sod de/ de nas lag dar te bsad par gzas na ma sod de ma nyams so/ /de nas gos kyis bsad par gzas na yang ma sod pas/ bcom ldan 'das kyis gzigs nas/ maud gal la 'di skad ces bka' stsal to/ /khyod kyis mar me 'di bsad par sems kyang / mar me 'di khyod kyis mi sod do/ /khyod nyan thos kyis bskul zhing spyod nus pa yang ma yin no/ /gal te khyod kyis rgya mtsho chen po bzhi'i chu 'bab pa'i rdzing rlung yug pas bus kyang sod par mi 'gyur ro/ /de bas na me mar 'di mi kun gyi don chen por byed par bsams pa chen po bskyed pas phul ba yin no/ /bcom ldan 'das kyis de skad gsungs nas/ bsnyen dga' mo yang bcom ldan 'das kyi spyan sngar 'ongs te zhabs la mgo bos phyag 'tshal ba dang / de'i tshe bcom ldan 'das kyis lung bstan to/ khyod ma 'ongs pa'i dus na bskal pa gnyis 'das nas mngon par sangs rgyas te/ mtshan yang mar me 'od ces bya ste/ dbang bcu dang ldan par 'gyur ro/ /de'i tshe na bsnyen dga' mos/ bcom ldan 'das kyis lung bstan pa thos nas rab tu dga' ste/ pus mo gnyis sa la btsugs nas rab tu byung</font><hr>69.301a<br><font size=+1>

bar gsol to/ /bcom ldan 'das kyis kyang rab tu byung bar gnang ngo / /tshe dang ldan pa kun dga' bo dang / maud gal gyi bus bud med dbul mo lung bstan pa thob ste/ rab tu byung ba mthong nas pus mo gnyis sa la btsug ste thal mo sbyar nas bcom ldan 'das la 'di skad ces gsol to/ /bsnyen dga' mo 'dis sngon las ci zhig bgyis na/ de srid kyi bar du dbul 'phongs te/ 'tsho ba yang mi rnyed par gyur/ ci zhig bgyis na bcom ldan 'das dang phrad de/ 'khor rnam bzhi mchod pa byas par gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od srung 'jig rten du gshegs te/ de'i tshe khyim bdag gi chung ma zhig gis/ sangs rgyas dang dge 'dun dang bcas pa spyan drang pa las/ sngar bud med dbul mo zhig gis spyan drangs te gshegs par gnang ngo / /bud med dbul mo de yang lan cig phyir mi ldog pa zhig ste/ de'i tshe na khyim bdag gi chung ma de btsan zhing phyug pa dang / cho rigs btsun pas dbul mos sngar spyan drangs pa la brnyas smad nas 'di skad ces smras so/ /bcom ldan 'das ci'i slad du bdag gis sngar spyan drangs par mi gshegs par sprang mos spyan drangs par gshegs zhes tshig ngan pa smras te/ 'phags pa la brnyas smad pas/ skye ba lnga brgya'i bar du dbul 'phongs pa/ 'tsho ba slong mo la ltos pa'i rigs su skyes so/ /phyi de nyin sangs rgyas dang dge 'dun la dad pas mchod de dga' bas na/ da sangs rgyas dang phrad de/ rab tu byung nas lung bstan pa yin no/ /de'i tshe 'khor mang po rnams sangs rgyas kyis gsungs pa la rab tu dga' bar gyur to/ /de'i tshe rgyal po dang / blon po dang / mi mang po dag gis bud med dbul mos sangs rgyas la mar me phul bas sangs rgyas su lung bstan to zhes thos nas/ thams cad kyis bkur sti byas te/ 'tsho ba'i yo byad mchog</font><hr>69.301b<br><font size=+1>

dam pa rnam pa bzhi chog par sbyar te phul lo/ /de'i tshe yul de'i khye'u dang / bu mo ya rabs dang ma rabs thams cad kyis mar me dri bsung can sbyar te/ rgyal bu rgyal byed kyi tshal du bcom ldan 'das la phul lo/ /mar me phul ba'i mi mang pos me mar gyis rgyal bu rgyal byed kyi tshal kun yongs su gang ste/ phyogs bzhi nas skar ma nam mkha' la snang ba dang 'dra bar nyin cig bzhin du 'phul te/ de lta bur rgyun ma chad par nyin zhag bdun gyi bar du phul lo/ /de'i tshe kun dga' bo shin tu dga' nas ngo mtshar du gyur te/ bcom ldan 'das kyi yon tan ni 'di snyed cig mnga'o zhes bsngags nas/ bcom ldan 'das la 'di skad ces gsol to/ /bcom ldan 'das kyis sngon phrin las ci zhig bgyis na/ 'di lta bu'i mar me tshad med pa dang ldan par gyur/ bcom ldan 'das kyis kun dga' bo la bka' stsal pa/ sngon 'das pa'i dus na 'dzam bu'i gling 'dir rgyal po pa si li zhes bya ba zhig rgyal phran brgyad khri bzhi stong snyed la dbang byed do/ /rgyal po'i btsun mo la sras bzhi byung ste/ lus kyi mdog gser lta bur 'dug la mtshan sum bcu rtsa gnyis dang / dpe byad bzang po brgyad bcur ldan te/ spyi bo la rin po che kha dog gsal ba/ blta na mig sbrid pa zhig yod do/ /mtshan mkhan bos nas bzang ngan brtags te/ ming btags pa las/ mtshan mkhan gyis bltas na/ mtshan ngo mtshar du bzung bas/ lag pa brtags nas shin tu legs so/ /zhes smras te/ rgyal bu 'di ni 'jig rten na lha dang mi'i nang du bsgran du med do/ /gal te khyim na gnas na 'khor los bsgyur ba'i rgyal por 'gyur ro/ /gal te rab tu byung na mngon par 'tshang rgya'o zhes smras te/ mtshan mkhan gyis rgyal po la 'di skad ces gsol to/ /rgyal bu 'di thog ma btsas pa na ngo mtshar ya mtshan gyi ltas ci byung zhes dri pa na/ rgyal bu 'di btsas pa'i spyi bo nas rin po che shin tu gsal ba zhig yod do/ /</font><hr>69.302a<br><font size=+1>

zhes smras nas/ rgyal bu'i ming rin chen btsug phud ces btags so/ /phyir cher skyes nas rab tu byung ste/ byang chub la nan tan byas nas mngon par sangs rgyas ste/ sems can grangs med pa'i don byas so/ /de'i tshe rgyal po yab kyis sangs rgyas dang / dge slong gi dge 'dun dang bcas pa zla gsum du spyan drangs nas mchod ston gsol to/ /de na dge slong 'phags pa'i bshes gnyen zhes bya ba zhig zla ba gsum du me mar sbyor ba'i yon bdag tu khas blangs nas/ nyin cig bzhin du grong rgyu zhing grong khyer du song nas tshong dpon dang / khyim bdag dang mi mang po las mar dang 'bru mar dang / me mar dang snying po bslangs so/ /de'i tshe na rgyal po de la bu mo thub pa zhes bya ba zhig yod de/ yang thog gi steng na dge slong de nyin cig gcig gzhin du grong rgyu zhing nyon mongs pa mthong nas de la snying brtse ste/ mi zhig mngags nas/ btsun pa ci zhig bsgrubs na/ rtag tu 'di lta bu nyon mongs shes dris na dge slong des 'di skad ces smras so/ /bdag ni zla ba gsum gyi bar du sangs rgyas dang / dge 'dun gyi mar me sbyor ba'i yon bdag tu khas blangs te/ de bas na grong rgyu zhing dge bsnyen rnams las mar dang 'bru mar dang / me mar gyi snying po dang mar me 'dzug pa'i yo byad rnams blang ngo zhes bu mo la spring ba dang / bu mo de rab tu dga' nas/ dge slong 'phags pa'i bshes gnyen la 'di skad ces bsgo'o/ /da phyin cad de lta bur rtag tu 'gro mi dgos kyis/ me mar gyi yo byad kho mos sbyar gyi/ long shig ces bsgo ba dang / dge slong de yang de ltar bya'o zhes smras nas/ de phyin cad rtag tu me mar dang 'bru mar dang / mar me'i yo byad kun sbyar te/ gtsug lag khang du bskyal to/ /dge slong 'phags pa'i bshes gnyen gyis de ltar nyin cig bzhin du mar me phul te/ kun la phan pa'i don rgya chen po'i sems bskyed pas/ bcom ldan 'das kyis lung bstan te/ ma 'ongs pa'i dus na bskal pa grangs med pa 'das nas/ mngon par 'tshang rgya ste/ </font><hr>69.302b<br><font size=+1>

mtshan yang mar me mdzad ces bya bar lung bstan nas mtshan sum bcu dang ldan par gyur te/ rgyal po'i bu mo thub pas dge slong 'phags pa'i bshes gnyen lung bstan to zhes thos nas 'di snyam du bsams so/ /sangs rgyas la 'phul ba'i mar me ni bdag gis sbyar te/ dge slong des bskul ma tsam byas kyang lung bstan na bdag la ni lung ma bstan to snyam bsams nas/ bcom ldan 'das gang na ba der song ste/ de bzhin du drang por gsol pa dang / bcom ldan 'das kyis lung bstan te/ bu mo thub pa khyod ma 'ongs pa'i dus na bskal pa grangs med pa dgu bcu rtsa gcig 'das nas mngon par 'tshang rgya ste/ mtshan yang shAg kya thub pa zhes bya bar mtshan bcu dang ldan par lung bstan to/ /de ltar rgyal po'i bu mos kyang sangs rgyas las lung bstan pa thos nas/ rab tu dga' ba bskyed par gyur te/ sangs rgyas kyi zhabs la spyi bos phyag 'tshal nas rab tu byung bar gsol to/ /bcom ldan 'das kyis kyang rab tu byung bar gnang nas/ bar chad med par brtson 'grus rtsom mo/ /bcom ldan 'das kyis kun dga' bo la bka' stsal pa/ de'i tshe de'i dus na dge slong 'phags pa'i shes gshen ni sngon 'das pa'i sangs rgyas mar me mdzad yin no/ /rgyal po'i bu mo thub pa ni da ltar nga yin te/ sngon mar me phul bas bskal pa grangs med pa'i bar du lha dang mi'i 'jig rten na bsod nams myong ste/ gzugs kyang gzhan pas 'phags par bzang ste/ da mngon par sangs rgyas nas kyang mar me mang po dang ldan par gyur to/ /bcom ldan 'das kyis de skad ces gsungs nas/ 'khor mang po rnams la la ni 'bras bu dang po nas 'bras bu bzhi pa'i bar du thob bo/ /la la ni rang sangs rgyas su dge ba'i rtsa ba bskyed do/ /la la ni bla na med pa'i byang chub tu sems bskyed do/ /tshe dang ldan pa kun dga' bo dang / 'khor mang po rnams bcom ldan 'das kyis gsungs pa la rjes su yi rangs te mngon par dga'o/ /bu mo bsnyen dga' mo'i le'u ste/ sum bcu bdun pa'o// // 'di skad bdag gis thos pa'i dus gcig na/ bcom ldan 'das rgyal po'i khab bya rgod spungs pa'i ri la</font><hr>69.303a<br><font size=+1>

bzhugs so/ /de'i tshe na yul de na khyim bdag shi ri tsi zhes bya ba shin tu phyug cing longs spyod dang ldan pa rin po che sna bdun gyis bang mdzod gang ba zhig yod de/ rigs mnyam pa las chung ma blangs nas/ dus phyi zhig na chung ma sems can dang ldan par gyur te/ zla ba tshang nas bu khye'u sdug pa mdzes par 'jig rten na dpe med pa zhig btsas te/ pha ma shin tu byams pas mtshan mkhan bos te/ mtshan bltas na/ mtshan mkhan gyis kyang khye'u 'di ni bsod nams kyi mtshan dang ldan te/ rigs kyang 'tshob par 'gyur ro zhes smras pa dang / khye'u'i pha ma lhag par dga' nas mtshan mkhan de la bu'i ming thogs shig ces smras pa dang / mtshan mkhan gyis smras pa/ bu 'di yod par gyur nas/ ltas sam ya mtshan ci byung zhes dri na/ smras pa gzhan ni med do/ /khye'u'i ma sngon smra mi mkhas pa las khye'u 'di yod tshun cad smra mkhas par gyur to/ /zhes byas pa dang / bu'i ming yang ba shi tsir zhes btags so/ /gsos bskyed de cher skyes nas yid bzhungs te rtsal dang ldan par gyur to/ /dus gzhan zhig na byis pa grogs po dag dang rtse zhing song song ba las rigs ngan pa zhig gi khyim na bu mo sdug gu ma tshul du shis pa zhig yod pa mthong nas/ de la chags te chung mar blang bar bsam nas/ phyir khyim du 'ongs te pha ma la bu mo de bdag gi chung mar long shig smras so/ /pha mas smras pa/ bdag ni cho rigs btsun pa yin te/ bu mo de ni rigs chung zhing ngan pa yin na/ ji ltar chung mar blangs zhes byas pa dang / khye'u rab tu mi dga' ste/ ma la yang 'di skad ces smras so/ /cho rigs la ma lta bar bu mo de nyid la dga' bas chung ma long shig /gal te chung mar ma blangs na bdag kyang 'gum mo zhes smras pa dang / pha mas kyang bu'i ngo ma zlog pas bu mo slong du btang ngo / /bu mo'i pha mas smras pa/ khyod ni cho rigs btsun pa yin te/ bdag ni rigs chung zhing ngan pa yin pas gnyen zla yang ma yin na/ ci'i phyir bu mo</font><hr>69.303b<br><font size=+1>

slong zhes byas so/ /'on kyang khye'u de bu mo la chags te yang bskyar te bu mo slong du btang ba dang / bu mo'i pha mas 'di skad smras so/ /gal te bdag gi dmag par bya ba rtsal sna tshogs kyang yod la/ glu dang gar dang rtsed mo'i bdag ci yang shes shing rgyal po ci la bgyis pa kun shes na gnyen bya'o zhes smras pa dang / khye'u de rol mo la stsogs pa'i las bslab pa la ngo tsha ba dang bsdos nas/ ring por ma lon par kun byang bar bslabaso/ /dus gzhan zhig na rgyal pos rol mo byas te/ rtsal che ba kun stsogs nas shing 'dzegs pa dang / mchongs pa dang / thag 'dzeg la stsogs pa'i rtsed mo sna tshogs byed pa las/ khyim bdag gi bu yang der 'ong nas thag pa la 'dzegs te/ thag pa la rgyug cing thag 'dzeg byas pa dang / rgyal po yang de ma mthong bas gdod byos shig ces bsgo'o/ /khye'u ngal bas thag 'dzegs byas pa dang / thag pa'i dbus tsam du phyin nas thag pa las lhung ste/ shin tu skrag pas skyabs med do zhes smras so/ /de'i tshe maud gal gyi bu der 'ongs nas sa la ma lhung bar bzung ste 'di skad ces smras so/ /khyod da lus dang srog ma yal bar rab tu 'byung ngam/ 'on te sa la lhung ste bu mo chung mar blang bar bya/ smras pa srog ma yal na chung ma mi 'dod do zhes smras pa dang / maud gal gyis nam mkha' la sa gzhi mnyam par sprul nas bde bar bzhag pa dang / khye'u de 'jigs pa med par gyur te/ bde bar sa la bzhag pas khye'u rab tu dga' nas/ myaud gal gyi phyi bzhin bcom ldan 'das gang na ba der song ngo / /der phyin pa dang / bcom ldan 'das kyi zhabs la mgo bos phyag 'tshal te/ sangs rgyas la mchod pa byas so/ /de la bcom ldan 'das kyis sbyin pa'i gtam dang / tshul khrims kyi gtam dang / mtho ris gyi lhar skyes pa'i gtam dang / 'dod pa mi gtsang ba dang / rab tu byung ba ni bde'o zhes rgyas par bstan pas yid rnam par</font><hr>69.304a<br><font size=+1>

grol te/ 'bras bu dang po thob nas/ bcom ldan 'das la rab tu 'byung ba gsol zhing dam pa'i chos slob par gsol pa dang / bcom ldan 'das kyis gnang nas/ skra dang kha spu rang byi ste/ dge slong du gyur nas/ dge slong gi chos la nan tan byas pas zag pa kun zad nas dgra bcom par gyur to/ /de nas tshe dang ldan pa kun dga' bos bcom ldan 'das la 'di skad ces gsol to/ /dge slong 'di bu mo de dang / sngon gyi las ci ltar mthun na lus srog la bab gyi bar du chags par gyur/ maud gal gyi bu la dge ba'i rtsa ba ci bskyed na srog bskyabs/ ci'i rkyen gyis mthar dgra bcom par gyur pa bstan du gsol/ bcom ldan 'das kyis kun dga' bo la bka' stsal pa/ sngon 'das pa'i bskal pa tshad med pa'i pha rol na/ yul bA ra na se 'dir khyim bdag zhig la bu sdug cing bzang ba dpe med pa zhig btsas so/ /de'i tshe na khyim bdag de'i khyim du rgya mtsho nas mi zhig 'ongs nas/ khyim bdag de la bya sgong gcig phul lo/ /khyim bdag gis lag tu blangs pa dang / ring po ma lon par sgong nga gas nas/ bya phrug tshar ma gcig byung ngo / /khyim bdag gis bya phrug de bu la byin nas/ cher skyes pa dang gcig la cig chags te/ khyim bdag gi bu phan tshun du ltad mo la 'gro na bya de'i rgyab na 'dug nas byas khyer zhing nam mkha' la phur te 'gro'o/ /nam skyon yang phyir khyim du 'ongs te/ de bzhin du nyin gcig bzhin du 'phyan te 'gro'o/ /de nas ring zhig lon pa dang / dus gzhan zhig na rgyal po gzhan zhig gi yul na rol mo byed do zhes thos nas/ khye'u de bya de la zhon nas yul pha rol por ltad mo bltar song nas/ bya shing khar bzhag ste khye'u ni ltad mo bltar zhugs so/ /ltad mo blta ba'i lam du rgyal po'i bu mo dang phrad nas/ rgyal po'i bu mo la chags te bu mo dang nyal nas phyir gsang shor te/ rgyal pos zin nas gsod du bcug pa las/ khyim bdag gi bus 'di skad ces gsol to/ /bdag</font><hr>69.304b<br><font size=+1>

la mtshon gyis 'gum yang ci 'tshal/ bdag nyid shing khar 'dzegs te shing khar g.yang du 'gum par gsol pa dang / rgyal pos kyang de bzhin du gnang nas/ khye'u shing khar 'dzegs te/ bya la zhon nas phur te song ba las byas der srog thar bar byas so/ /kun dga' bo de'i tshe de'i dus na khyim bdag gi bu de ni ba shi tsir yin no/ /rgyal po'i bu mo de ni bu mo 'di yin no/ /bya de ni maud gal gyi bu yin no/ 'das pa'i dus na yang 'dod chags kyi rkyen gyis/ tshe zad pa las thar bar byas so/ /da yang 'dod chags kyi dbang gis tshe 'phos pa las maud gal gyi bus thar bar byas so/ /dge slong 'di yid gzhungs shing zag pa med pa'i 'bras bu thob pa ni/ sngon 'das pa'i dus na bA ra na se 'dir khyim bdag cig la rang sangs rgyas gcig gis bsod snyoms slongs pa las/ khyim bdag des bsod snyoms phul te/ chos ston par gsol pa dang / de'i tshe rang sangs rgyas des chos bstan mi nus so zhes smras nas/ /lhung bzed nam mkha' la bskyur nas 'phur te song ngo / /de nas khyim bdag des 'di snyam du bsam te/ skyes bu des rdzu 'phrul gyi mthu ni che na/ dam pa'i chos bstan mi nus pa lta/ bdag ma 'ongs pa'i dus su 'phags pa dang phrad de/ skyes bu 'di bas lhag pa'i dam pa'i chos bstan pa la zad mi shes par shog shig ces smon lam btab bo/ /de'i rkyen gyis yid gzhungs shing dgra bcom pa'i 'bras bu thob pa yin no/ /bcom ldan 'das kyis de skad ces gsungs pa la/ 'khor mang po rnams mngon par dga' nas/ la la ni rgyun tu zhugs pa'i 'bras bu dang / phyir ldog pa dang / phyir mi ldog pa/ dgra bcom pa'i 'bras bu thob bo/ /kha cig ni rang sangs rgyas kyi dge ba'i rtsa ba bskyed/ kha cig ni byang chub tu sems bskyed de/ bcom ldan 'das kyis gsungs pa la rjes su yid rang ngo / /ba shi tsir gyi le'u ste sum bcu brgyad pa'o// // 'di skad bdag gis thos pa'i dus gcig na/ bcom ldan 'das</font><hr>69.305a<br><font size=+1>

mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na bram ze phyin te lo shu sha zhes bya ba zhig yod do/ bram ze de'i chung ma de rab tu mi sdug cing mig kyang mi mthong ste/ mi mthong ba de la bu pho ni med kyi/ bu mo bdun yod de rab tu dbul 'phongs so/ /bram ze'i bu mo de dag kyang so sor bag mar gtang ste/ phyis dmag pa dag 'dus nas/ bram ze'i chung ma yang khro shing gtum mo zhig ste bu mo dang / dmag pa dag 'ong ba la khros nas/ bu mo dag kyang phyir ma la gshe'o/ /de'i tshe zhing dag kyang brnga ran nas/ khyim tshes la ba lang zhig brnyas te/ zhing thog tu song song ba las/ legs par ma bzung pas stor ro de'i tshe na phyin te/ lo shu shas 'di snyam du bsamaso/ /bdag gis sngon nyes pa cig zhig byas na/ khyim du 'ong na ni chung mas rtag tu spyo zhing bu mo bdun dang dmag pa rnams kyis 'dug tu mi ster/ da khyim tses kyi ba lang brnyas na ni stor bar gyur te/ bdag gis btsal kyang ma rnyed na/ ci ltar bya snyam mya ngan gyis yi mug ste/ 'dug 'dug pa las rgyang ma nas de bzhin gshegs pa shing drung na dbang po kun zhi zhing bde bar bzhugs pa mthong ngo / /bram ze des khar ba la sgom tshugs bcas te rgyang tshad kyi bar du brtags nas yang 'di snyam du bsams te/ dge sbyong go'u ta ma ni rab tu bde ba bskyed do/ /de la ni chung mas spyo ba yang med/ bu mo ngan pa dang dmag pas gtse ba yang med/ zhing brnga ran te/ glang brnyas kyang mi dgos te/ mya ngan med do snyam bsams nas/ bcom ldan 'das kyis de'i bsam pa thugs kyis mkhyen nas/ 'di skad ces bka' stsal to/ /khyod kyis bsam pa bzhin te/ nga la yang dag par nyes pa'i skyon gang yang med/ chung ma ngan pa yang med na/ gshe zhing spyo ba lta ci smos/ bu mo bdun gyis 'tshe ba yang med/ dmag pa yang med/ </font><hr>69.305b<br><font size=+1>

zhing brnga ran pa yang med/ glang stor ba'i mya ngan byed pa yang med do/ /khyod rab tu byung bar dga' 'am zhes bka' stsal pa dang / bram zes bcom ldan 'das la 'di skad ces gsol to/ /bdag da ltar khyim la dur tsam du 'dzin te/ chung ma dang bu mo la dgra tsam du sems so/ /bcom ldan 'das kyis rab tu byung bar gnang na bdag rab tu 'byung ngo zhes gsol pa dang / bcom ldan 'das kyis legs par 'ongs so zhes bka' stsal pa dang / skra dang kha spu rang byi ste dge slong du gyur to/ /de nas bcom ldan 'das kyis ci rigs par chos bstan nas/ de nyid du dri ma kun zad de dgra bcom par gyur to/ /de nas kun dga' bos bcom ldan 'das la gsol pa legs so/ /bcom ldan 'das sems can gyi don mdzad pa bsam gyis mi khyab bo/ /bram ze 'di sngon legs pa ci zhig bgyis na nyes pa'i skyon kun bral te/ ras dkar po gtsang ma la tshon zhen pa ltar dge ba phan pa'i don byed par gyur/ bcom ldan 'das kyis kun dga' bo la bka' stsal pa/ bram ze 'di da ltar 'ba' shig ngas phan btags te/ bde bar byas pa/ ma zad kyi/ sngon 'das pa'i dus na yang / nyes pa kun las thar cing / byas pa bde bar byas so/ /kun dga' bos gsol pa/ 'das pa'i dus na bram ze 'di la ji ltar bde bar mdzad pa bstan du gsol/ /bcom ldan 'das kyis bka' stsal pa/ khyod shin tu legs par nyon la yid la zung shig dang / khyod la bstan par bya'o/ /kun dga' bos gsol pa/ de bzhin du thos par 'tshal lo zhes gsol pa dang / bcom ldan 'das kyis kun dga' bo la 'di skad ces bka' stsal to/ /sngon 'das pa'i bskal pa grangs med tshad med pa'i pha rol na/ rgyal po mdzes pa zhes bya ba zhig byung ste/ chos bzhin du srid 'tsho'o/ /de'i tshe yul de na bram ze dbyug pa</font><hr>69.306a<br><font size=+1>

can zhig 'dug ste/ rab tu dbul 'phongs pa bza' ba dang bgo ba med pa zhig go/ /des khyim bdag zhig las glang zhig brnyas te/ nye bar spyad nas glang de khrid de khyim bdag de'i khyim du song ba dang / de na khyim bdag ni zan za ste/ dbyug pa can gyis glang de khyim gyi nang du btang ba dang / glang sgo gzhan du song nas stor ro/ /khyim bdag de zan de zos nas langs pa dang / de na glang ma mthong nas/ des dbyig pa can la glang ga re zhes byas pa dang / des smras pa/ khyod kyi khyim du btang ngo / /khyod kyi nga'i glang bor gyis slar byin cig ces smras pa dang / des smras pa/ ngas ma bor ro/ /de nas de gnyis 'grogs te/ rgyal po'i thad du 'dong ba dang / de'u cag gi rigs pa dang mi rigs pa rtogs so zhes smras nas de gnyis dong ba dang / mi gzhan zhig gi rta rgod ma zhig bros nas/ des dbyug pa can la smras pa/ rgod ma ma btang zhes smras pa dang / des rdo zhig blangs te 'phangs pa dang rta'i rkang pa la phog nas rkang pa bcag go/ /des smras pa/ khyod kyis nga'i rta bsad kyis nga'i rta byin cig /de ci'i phyir rta byin/ des smras pa tshur shog /rgyal po'i drung du 'dong dang / de'u cag gi zhal che gcod du 'ong ngo zhes smras nas/ de dag der song ba dang / dbyug pa can de bros par brtsams te/ des rtsig pa zhig gi steng du mchongs pa dang / de'i drung na thag pa zhig thags 'thag cing 'dug pa de'i steng du lhung nas tha ga pa de tshe 'phos pa dang tha ga pa'i chung mas dbyug pa can de bzung nas/ khyod kyis nga'i khyo bsad kyis nga'i khyo byin cig ces smras pa dang / ngas khyod kyi khyo ci lta byin ces smras nas/ tshur shog rgyal po'i drung du 'dong ngo / /de'u cag gi zhal che gcod do zhes dga' ba las lam gyi bar de na chu bo gting zab pa zhig yod de/ chu de'i nang nas tshur shing mkhan zhig ste'u kha nas khyer te 'ong ngo / /de la dbyug pa can gyis chu'i gting </font><hr>69.306b<br><font size=+1>

ci tsam zhes dris pa dang / chu'i gting zab bo zhes smras pas ste'u chur lhung ste/ ste'u ma rnyed pa dang / des dbyig pa can bzung nas/ khyod kyis nga'i ste'u chur bskyur ro/ /des smras pa ngas ma bskyur ro/ /tshur shog rgyal po'i drung du 'dong dang / de'u cag gi zhal che gcod do zhes smras nas 'dong ngo / /de lus ngal nas chang tshong gi khyim du song ste/ chang bslangs nas chang tshong ma de la bu pho zhig btsas te/ bu gos kyis g.yogs te bsnyal ba las/ dbyug pa can de'i steng du 'dug pa dang / khye'u de srog dang bral bar gyur to/ /de nas kyang dbyug pa can bzung ste/ khyod kyis nga'i bu bsad kyi bu byin cig / des smras pa ngas ma bsad na khyod kyi bu ngas ji ltar byin/ des tshur shog rgyal po'i drung du 'dong dang / de'u cag gi zhal che bcad do zhes smras nas/ de dag dong ba las gnas gzhan zhig na shing sha ko ta ka la bya rog cig 'dug pa des dbyug pa can mthong nas/ gar 'gro zhes smras pa dang / nga ni mi 'gro na 'di dag gis nga khrid do/ /gang du khrid rgyal po'i drung du'o/ /'o na kho bo'i 'phrin zhig gyang rgyal po la byos shig /gnas 'di zhes bgyis pa nas shing sha ko ta ka de la bya rog cig 'dug na/ bdag shing gzhan gyi kha na 'dug pa'i tshe skad mi snyan la/ shing 'di'i khar 'ong na ngo mtshar du skad snyan na/ de ci'i phyir de skad mchi'o zhes smros shig /de nas gnas gzhan tu sbrul zhig gis mthong nas snga ma bzhin du bdag gi 'phrin 'di zhus shig /bdag nam khung nas 'byung ba'i tshe ni bde/ slar 'jug pa'i tshe ni sdug bsngal na ci'i phyir de ltar gyur ces dris shig /de dag dong ba las/ gnas gzhan zhig na na chung ma gzhon nu zhig gis mthong nas/ snga ma bzhin du kho mo'i 'phrin yang zhus shig /</font><hr>69.307a<br><font size=+1>

nam kho mo pha ma'i khyim na 'dug pa'i tshe/ gyos po'i khyim 'dod/ gyos po'i khyim na 'dug pa'i tshe pha ma'i khyim 'dod na/ de ci'i phyir zhus shig ces smras nas/ de dag dong ba las rgyal po'i drung du phyin pa dang / de dag rgyal po'i rkang pa la mgo bos phyag 'tshal te/ phyogs gcig tu 'dug go/ /de nas rgyal pos de dag la khyod ci las 'ongs zhes dris pa dang / de dag gi dbyug pa can dang / khyim bdag rtsod pa de dag thams cad smras so/ /rgyal pos dbyug pa can la smras pa/ khyod kyis glang brnyas sam/ brnyas so/ /'o na phyir byin nam bdag gis mthong bar byin to/ /khams gtad do/ /rgyal pos smras pa/ dbyug pa can des glang phyir byin te/ ma smras pas na/ lce chod cig khyim bdag kyang glang 'ongs pa mthong la ma btags pas ni/ mig phyung shig ces brjod do/ /khyim bdag gis smras pa/ dbyig pa can gyis gcig tu na bdag gi glang phrogs/ gnyis su na bdag gi mig phyung bas/ dbyig pa can rgyal bar gyur kyang bla'o/ /mi gcig gis lha/ dbyig pa can gyi bdag gi rta rgod ma bkum mo zhes smras pa dang / rgyal pos dbyug pa can la khyod kyis rta ci ltar bsad ces dris na/ bdag lam du zhugs te mchis pa las/ mi 'dis rta ma gtong shig cis mchi ba las/ bdag gis rdo ba gcig blangs te/ 'phangs te rta bkum mo/ /rgyal pos smras pa/ rta bdag gis rta ma gtong shig ces smras pas/ rta bdag ni lce chod shig /dbyug pa can ni rdo 'phangs pas lag pa chod cig /mi des smras pa/ gcig tu bdag gi rta bsad/ gnyis su bdag gi lce bcad pa bas/ dbyug pa can rgyal bar gyur kyang bla'o/ /shin mkhan gyis smras pa/ dbyug pa can de bdag la chu'i gting ci tsam du zab ces dris pas/ kha na ste'u thogs pa chur ltung ngo zhes gsol pa dang / rgyal pos smras pa/ rdzas ci khyer yang 'phrag par bkur ba'i rigs kyi kha na khyer bas/ shin mkhan ni mdun so gnyis chog shig /dbyug pa can ni chu'i gting zab 'am zhes pas lce chod shig /shin</font><hr>69.307b<br><font size=+1>

mkhan gyis smras pa/ gcig tu na bdag gi ste'u stor/ gnyis su na bdag gi so bcag pa pas/ dbyug pa can rgyal bar gyur kyang bla'o/ /chang tshong mas smras pa/ dbyug pa can gyis bdag gi bu bsad do/ /dbyug pa can gyis smras pa/ bdag ngal bas chang slong du mchis pas/ stan la ma bltas par stan la 'dug pas/ 'og na bu mchis pa ma tshor ste bu gum mo/ /rgyal pos smras pa/ chang 'tshongs ma khyod bu gor bsnyal la gos kyi mi mngon par g.yogs pas nyes so/ /dbyug pa can khyod stan la mi rtog par 'dug pa nyes kyis/ dbyug pa can khyod khyo byos la bu yod par gyis shig ces smras so/ /chang tshong mas smras pa/ gcig tu na bdag gi bu bsad/ gnyis su na bdag gi khyo byas pa bas/ dbyug pa can rgyal bar gyur kyang bla'o/ /thag pa'i chung mas smras pa/ dbyug pa can gyis bdag gi khyo bkum mo/ /dbyug pa can gyis smras pa/ bdag la dgra mangs pas 'jigs te/ rtsig pa las brgal nas bros pa las/ phag na mi yod pa ma mthong ste gum mo/ /rgyal pos smras pa/ song la 'di nyid khyo gyis shig /des smras pa/ gcig tu na bdag gi khyo bsad gnyis su 'di khyo byas pa bas/ dbyug pa can rgyal bar gyur kyang bla'o/ /de dag so so nas zhal lce bcad de/ dbyug pa can yul byin nas nyes pa kun las thar ro/ /rgyal po de yang bud med gnyis shig bu gcig la rtsod do/ rgyal po blo mkhas pas brtag nas/ bud med gnyis la 'di skad ces bsgo'o/ /khyod gnyis kyis bu'i lag pa re re nas bzung ste/ drangs la gang gis thob pa'i bur khyer gcig ces bsgo ba dang / bu'i ma ma yin pa des bu la snying rje med pas gnad kyis mi dogs te/ mthu ci yod par drangs so/ /bu'i ma gang yin pa des ni bu la byams pas gnad kyis dogs te/ stobs kyis thub kyang drag tu mi 'dren no/ /rgyal pos kyang brtags nas/ /drag tu drangs pa de la 'di ni khyod kyi bu ma yin te/ bud med gcig shos kyi bu yin pas na/ drang por smros shig ces smras pa dang / dal gyis 'dren pa'i bu yin par gyur te bu khyer ro/ /de nas</font><hr>69.308a<br><font size=+1>

mi gnyis shig ras yug gcig la rtsod do/ /rgyal po'i drung du lhags pa las/ rgyal pos brtags nas zhal che gong ma bzhin du bcad do/ /de nas dbyug pa can gyis rgyal po la 'di skad gsol to/ /'di dag gis bdag bzung ste/ khrid cing mchi ba na/ sbrul shig 'phrin du 'di skad ces mchi'o/ /bdag khung bu nas phyir byung zhing mchi ba'i tshe ni bde/ slar 'jug pa'i tshe ni sdug bsngal na/ ci'i phyir na de ltar gyur pa zhus cig ces mchi'o/ /rgyal pos smras pa/ sbrul de la khyod kyis 'di skad ces gyis shig /khyod mi khro zhing bkres pas khung nas phyir 'byung ba'i tshe bde'o/ /phyir byung nas kha zas mang du zos pa las bya rnams kyis gtses pas/ khyod khros nas sbom par gyur pas/ slar 'jug pa'i tshe khung bur thogs nas/ sdug bsngal lo zhes gyis shig /khyod kyis da ste kha zas kyis tshod shes la mi khro na/ ji ltar phyir 'byung ba dang 'dra bar bde bar 'jug go zhes smros shig /de nas na chung ma gzhon nu'i 'phrin smras pa dang / rgyal po smras pa/ na chung ma gzhon nu de la khyod pha ma'i khyim na mdza' bo zhig 'dug ste/ nam gyos po'i khyim na 'dug pa'i tshe ni mdza' bo la chags pas pha ma'i khyim du 'gro 'dod nam pha ma'i khyim na 'dug pa'i tshe mdza' bo skyo ste/ khyo la chags pas gyos po'i khyim du 'gro 'dod pa yin pas/ gnas gcig spongs la gcig legs par zung shig /de lta bu'i gnod pa med par 'gyur ro zhes smros shig /gnas gzhan zhig na shing sha ko ta'i kha la bya rog cig 'dug pa'i 'phrin smras pa dang / rgyal pos smras pa shing de'i 'og na gser yod pas khyod kyi skad snyan pa yin no/ /shing gzhan gyi drung na gser med pas skad mi snyan no zhes gyis shig /rgyal pos dbyig pa can la smras pa/ khyod la nyes pa mang du byung yang ngas btang ngo / /khyod ni dbul 'phongs kyi shing gi 'og na gser gyi gter yod pa brkos la khyer cig /dbyug pa can gyis rgyal pos bsgo ba bzhin so so'i phrin yang bsgo nas/ shing drung nas gser yang phyung ste khyer ro/ /</font><hr>69.308b<br><font size=+1>

de phyin cad so tshis tshugs nas cis kyang mi brel te/ tshe gcig tu phyug cing bde skyid par gyur to/ /kun dga' bo de'i tshe de'i dus na rgyal po mdzes pa de gzhan du ma sems cig /de ni da ltar nga yin no/ /de'i tshe de'i dus na bram ze dbyug pa can de ni bram ze phyin te lo shu sha yin no/ /ngas sngon yang sdug bsngal ba las thar bar byas te/ rin po che byin nas bde skyid par byas so/ /da mngon par sangs rgyas nas kyang sdug bsngal ba las thar bar byas te/ zad mi shes pa'i chos rin po che'i gter byin no/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / 'khor mang po rnams bcom ldan 'das kyis gsungs pa la rjes su yi rangs nas mngon par dga'o/ /khyim bdag dbyug pa can zhes pa'i le'u ste sum bcu dgu pa'o// // 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na bram ze shin tsir zhes bya ba cho rigs btsun zhing phyug pa zhig bu med pas/ ston pa drug gi thad du song nas dris pa dang / ston pa drug gis khyod la bu'i mtshan ma yong med do zhes smras so/ /de nas bram ze phyir khyim du 'ong nas gos dri ma can gyon te/ mya ngan gyi khang bur zhugs nas mi dga' ste/ 'di snyam du bsams so/ /bdag la bu ni med kyi gal te nang cig tshe'i dus byas nas khyim dang nor bcas su rgyal pos dbang ngo snyam bsams nas/ rab tu mi dga' zhing 'dug go/ /de'i tshe bram ze de'i chung ma dge slong ma dang bshes pas/ dge slong ma bram ze'i khyim du 'ongs nas/ bram ze shin tu mi dga' zhing mya ngan gyis gdungs pa mthong nas/ chung ma la khyod kyi khyo ci'i phyir/ mi dga' zhes dris pa dang / bram ze'i chung mas smras pa/ bdag la bu med de/ ston pa drug la dris na/ khyod la bu'i mtshan ma med do zhes bsgo bas mi dga' zhing mya ngan byed do/ /de nas dge slong ma des smras pa/ ston pa drug ni thams cad shes</font><hr>69.309a<br><font size=+1>

pa ma yin na des las kyi rgyu rkyen ga la zhig rig /de bzhin gshegs pa 'jig rten na bzhugs te/ thams cad rtogs shing mkhyen pas 'das pa dang ma 'ongs pa la thogs pa med pa na/ ci'i phyir bu yod dam med ces mi 'dri zhes bsgo'o/ /dge slong ma de phyir song nas/ bram ze'i chung mas khyo la de skad ces smras pa dang / bram ze de dga' rangs nas rtogs shing khong du chud par gyur to/ de ma thag tu gos gsar pa gyon nas/ bcom ldan 'das ga la ba der song nas phyin pa dang / sangs rgyas kyi zhabs la spyi bos phyag 'tshal te/ bcom ldan 'das bdag la mtshan dang / dbang thang gi bu ma mchis sam zhes gsol pa dang / bcom ldan 'das kyis bram ze khyod la bu yod par 'gyur te/ bsod nams dang yang ldan la/ cher skyes nas rab tu byung ba la dga' bar 'gyur ro zhes bka' stsal to/ /bram zes de skad ces bka' stsal pa thos nas/ rab tu dga' mgu yi rang ste/ bu yod par gyur na lta rab tu byung yang bla ste/ sdug bsngal med do zhes smras nas/ bcom ldan 'das dang / dge slong gi dge 'dun rnams bshos la gshegs par spyan drangs pa dang / bcom ldan 'das kyis cang mi gsung bar gshegs su gnang nas/ phyis de nyin gdugs tshod la bab nas/ sangs rgyas dang dge 'dun rnams dang bcas su bram ze de'i khyim du gshegs nas/ gdan bting ba la bzhugs te/ bram ze khyo shug gis bsti stang dang bcas pas bsod snyoms gsol nas/ sangs rgyas dang / dge 'dun dang bcas su slar gshegs pa dang / de'i bar na ne'u sing zhig yod de/ de na chu mig shin tu gtsang ma zhig yod pa la/ bcom ldan 'das dang / dge slong gi dge 'dun rnams mnyel bshol te/ so so nas chu mig de la chu bcus te/ lhung bzed dang rkang lag bkrus so/ /de nas spre'u zhig der 'ongs nas kun dga' bo las lhung bzed blangs pa dang / bcag gis dogs pas kun dga' bos lhung bzed mi ster ba las/ bcom ldan 'das kyis kun dga' bo la lhung bzed spre'u la phyin cig ces bka'</font><hr>69.309b<br><font size=+1>

stsal to/ /de nas kun dga' bos lhung bzed spre'u la byin pa dang / spre'us shing kha nas sbrang rtsi blangs te/ lhung bzed bcom ldan 'das la phul lo/ /bcom ldan 'das kyis sbrang rtsi'i nang gi mi gtsang ba sol cig ces bka' stsal pa dang / spre'us srin bu'i ro la stsogs pa bsal te phul lo/ /bcom ldan 'das kyis sbrang rtsi'i lhung bzed bzhes nas sbrang rtsi chu dang / sbyor la stsol cig ces bka' stsal nas/ chu dang sbyar te/ bcom ldan 'das la phul lo/ /bcom ldan 'das kyis bzhes nas/ dge 'dun rnams la bgos te/ byin nas thams cad ngoms par gyur te/ /de'i tshe spre'u des de lta bu dag mthong nas rab tu dga' ste/ mchongs pa dang gar byas pa las g.yang du lhung ste tshe'i dus byas nas/ de ma thag tu bram ze'i bur skyes te/ bram ze de'i chung ma sems can dang ldan par gyur te/ zla ba tshangs nas khye'u bzang ba blta na sdug pa cig btsas so/ /thog mar btsas pa'i tshe khyim gyi nang na snod ci yod pa de dag thams cad kyi nang na sbrang rtsis gang bar gyur to/ /bram ze khyo shug rab tu dga' nas mtshan mkhan bos te/ mtshan bltas so/ /mtshan mkhan gyis khye'u 'di btsas pa na/ ltas sam ya mtshan ci zhig byung zhes dris na/ thog mar btsas pa'i tshe sbrang rtsis gang ngo zhes smras nas/ bu'i ming yang sbrang rtsi mchog ces btags so/ /de nas bu gsos bskyed de cher skyes nas pha ma la rab tu byung bar gsol to/ /pha ma bu la chags pas ma btang ngo / /khye'us yang dang yang du gsol te/ pha mas bdag gi bgegs bgyis na bdag 'gum phod kyi/ 'du 'dzi'i nang du 'tsho mi phod do zhes smras so/ /de nas khye'u'i pha mas bgros te/ sngon bcom ldan 'das kyis kyang rab tu byung ngo zhes lung bstan te/ de bar chad byed na srog dang bral bar gyur du 'ong gis/ gtang bar bya'o zhes gros byas nas/ bu khyod yid bzhin du rab tu byung bar gnang ngo zhes bsgo'o/ /de nas khye'u dga' mgu rangs nas/ bcom ldan 'das gang na ba der song gis</font><hr>69.310a<br><font size=+1>

phyin pa dang / zhabs la spyi bos phyag 'tshal te/ rab tu byung bar gsol to/ /bcom ldan 'das kyis kyang legs par 'ongs so/ /zhes bka' stsal nas/ skra dang kha bu spu rang byi ste/ dge slong du gyur to/ /de nas bden pa bzhi'i chos rgyas par bstan pas sems rnam par grol to/ /zag pa kun nas zad nas dgra bcom par gyur te/ /dge slong dag dang phan tshun sems can gyi don la 'gro ba'i tshe/ gal te skoms pa ngal na nam mkhar lhung bzed bor ba sbrang rtsis rang gang ste/ kun dang thun mong du 'thung ngo / /de nas kun dga' bos bcom ldan 'das la 'di skad ces gsol to/ /dge slong sbrang rtsi mchog gis sngon bsod nams ci zhig bgyis na rab tu byung nas ring po ma lon par dgra bcom pa chos las bsam pa yid bzhin du thob par gyur/ bcom ldan 'das kyis kun dga' bo la bka' stsal pa/ kun dga' bo khyod sngon bram ze shin tsi na zhes bya bas bsod snyoms gsol ba dran nam/ kun dga' bo khyod kyis zas kyi bya ba byas nas/ ne'u sing la bsti ba na/ spre'u zhig gis khyod las lhung bzed blangs te/ sbrang rtsis bkang nas nga la phul ba dang / spre'u dga' nas mchongs pa dang / gar byas pa las g.yang du song ste/ tshe brjes pa dran nam/ gsol pa dran no/ /kun dga' bo de'i tshe na sbrang rtsi phul ba'i spre'u de ni dge slong sbrang rtsi mchog 'di yin no/ /sangs rgyas bcom ldan 'das mthong nas dga' ba'i sems kyis sbrang rtsi phul bas bram ze de'i bur skyes te/ byad gzugs bzang ba dang / rab tu byung nas zag pa med par gyur to/ /de nas kun dga' bos pus mo g.yas pa'i lha nga sa la btsugs nas/ bcom ldan 'das la 'di skad ces gsol to/ /dge slong 'dis nyes pa ci zhig byas nas spre'u'i nang du skyes par gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od srung 'jig rten du gshegs pa'i tshe dge slong gsar zhugs gzhon nu zhig gis/ dge slong zhig yur ba la mchongs par mthong nas/ 'di skad du khyod</font><hr>69.310b<br><font size=+1>

ni rab tu myur te spre'u dang 'dra zhes smras pa dang / dge slong des thos nas de la 'di skad ces smras so/ /khyod kyis nga shes sam/ smras pa khyod ni sangs rgyas 'od srung gi dge slong yin te/ de ci'i phyir mi shes/ dge slong des smras pa/ khyod nga la ma 'phya shig /nga ni ming tsam gyi dge slong ma yin te/ dge slong gi 'bras bu bzhi yang thob bo zhes bsgo ba dang / dge slong gzhon nu de dngangs te/ ba spu yang langs te/ lus smad lnga sa la gtugs te/ 'gyod 'tshangs su gsol te/ de ltar 'gyod tshangs byas pa ni/ sems can dmyal bar ma skyes so/ /dgra bcom pa la 'phyas pa ni/ skye ba lnga brgya'i bar du rtag tu spre'ur skyes so/ /sngon yang rab tu byung ste/ tshul khrims bsrung pas nga dang phrad nas bkrus pa bzhin du sdug bsngal kun zad do/ /kun dga' bo de'i dus na/ dge slong gzhon nu de ni da ltar sbrang rtsi mchog yin no/ /de'i tshe kun dga' bo dang / 'khor mang po sangs rgyas kyis gsungs pa thos nas kun gyis 'di skad ces smras so/ /lus dang ngag dang / yid kyi las ni mi bsrung du mi rung ngo / /dge slong 'di yang ngag gi las ma bsrungs pas las kyi rnam par smin pa 'di lta bur gyur/ bcom ldan 'das kyis kun dga' bo la bka' stsal pa/ kun dga' bo khyod kyis smras pa bzhin no zhes bka' stsal nas/ bden pa bzhi rgyas par bstan pas/ lus dang / ngag dang / yid kyi las rnam par dag cing sems kyi dri ma kun dang bral bas/ kha cig ni rgyun tu zhugs pa dang / lan cig phyir ldog pa dang / phyir mi ldog pa dang / dgra bcom pa thob par gyur to/ /kha cig ni bla na med pa yang dag par rdzogs pa'i byang chub tu sems bskyed do/ /la la ni phyir mi ldog pa'i sa la gnas par gyur to/ /bcom ldan 'das kyis gsungs pa la 'khor mang po rnams rjes su yi rangs nas mngon par dga'o/ /bram ze shi tsir gyi le'u ste/ bzhi bcu pa'o// // 'di skad bdag gis thos pa'i dus gcig na/ bcom ldan 'das rgyal po'i khab bya ka lan ta ka</font><hr>69.311a<br><font size=+1>

gnas pa'i 'od ma'i tshal na bzhugs so/ /de'i tshe yul ko sa la na/ khyim bdag dam shi tsir zhes pa phyug pa/ btsan pa/ rigs che ba zhig yod de/ de la bu med nas lha klu la sogs te/ lha thams cad kyi rten la mchod pa byas nas bu bslangs so/ /khyim bdag des lha kun la snying nas mchod de bu bslangs pas/ phyis de'i chung ma sems can dang ldan par gyur nas/ zla ba tshang nas bu khye'u bzang ba blta na sdug pa/ 'jig rten na dkon pa zhig byung ngo / /mtshan mkhan bos nas mtshan bltas so/ /mtshan mkhan gyis kyang mtshan dang sbyar te/ bu'i ming yang dan byi la zhes bya bar btags so/ /gsos bskyed de cher skyes pa dang / rgyal po gsal rgyal gyi pha shi nas khye'u de rgyal pos pha'i gor rgyal por bcug go/ /de ltar pha'i gor rgyal por dbang bskur ba na/ khang khyim kun rin po che sna bdun du gyur te/ bang mdzod mang po thams cad yongs su gang nas/ ci yang yod par gyur to/ /de'i tshe rgyal po'i sras bai dUr+ya zhes bya ba tsha ba'i nad kyis btab ste/ sman pas sman dpyad byas nas sman du go shi sha tsan dan gyis lus bskus na 'tsho'o zhes smras nas/ rgyal pos yul mi la 'di skad ces bkar btags so/ /khyod su la gor shi sha tsan dan yod na rgyal po la phul cig /bya dga' gser srang stong byin no/ /zhes kun tu bsgo na/ gcig tsam la yang ma byung ngo / /de'i tshe na gcig gis rgyal po la 'di skad ces smras so/ /yul ko sa lar khyim bdag dan byi la'i khyim na mang du yod do zhes smras pa dang / rgyal po nyid rta'i theg pa la zhon te/ tsan dan slong du chas so/ /khyim bdag de'i sgor phyin pa dang / khyim bdag de'i sgo na nor srung dag gis rgyal po gsal rgyal 'dir gshegs te/ da lta ni phyi rol na bzhugs so zhes smras pa dang / khyim bdag de rab tu dga' nas sgor byung ste/ rgyal po nang du bsus so/ /rgyal po sgor phyin te bltas na/ sgo nyid kyang dngul las byas ste/ sgo'i nang rol na bu med mdzes shing sdug pa 'jig rten na zla med pa zhig dngul</font><hr>69.311b<br><font size=+1>

gyi khri la 'dug ste/ dngul gyi skud pa 'khel lo/ /drung na na chung bzang mo bcu yang g.yog byed de/ rgyal pos de mthong nas khyim bdag de la 'di khyod kyi chung ma yin nam/ zhes dris na ma yin te sgo bsrung ba'i bran mo yin no zhes smras so/ /'o na na chung bzang mo 'di dag ci la dgos zhes dris na/ 'di ni phyi nang du zlug pa'i mngag bzhug yin no zhes smras so/ /de nas sgo'i rim pa gcig gi nang du phyin te bltas na/ sgo ni bai dUr+ya mthon thing las byas te/ sgo'i nang rol na na chung bzang mo blta na sdug pa snga ma bas kyang lhag pa g.yog na chung ma bzang mo snga ma bas phyed kyis mang ba zhig 'dug go/ /de nas yang sgo rim pa gcig tu phyin to/ bltas na/ sgo yang gser las byas te/ sgo'i nang rol na na chung bzang mo blta na sdug pa snga ma bas kyang shin tu lhag pa zhig gser gyi khri la 'dug ste/ gser gyi thags 'thag go/ /g.yas g.yon na na chung bzang mo g.yog byed pa snga ma bas kyang shin du mang bas/ khyim bdag de la 'di yang khyod kyi chung ma yin nam zhes dris na/ 'di yang ma yin no zhes smras so/ /de nas khyim gyi nang du phyin te bltas na/ sa gzhi kun bai dUr+ya las byas pa/ shin tu gsal ba ni chu'i mdog dang 'dra ste/ steng gi khang pa la gcan zan gyi gzugs dang / chu srin dang / nya la sogs pa'i gzugs spyangs ste/ rlung gis skyod na 'gul bas gzugs brnyan sa gzhi la snang ngo / /rgyal pos yang dag par chu yin snyam bsams te/ 'di skad ces smras so/ /ci gud nas med dam/ ci nyes na khang pa'i nang du rdzing bu bskyil zhes smras so/ /dan byi las smras pa/ 'di ni chu ma lags te/ bai dUr+ya mthon thing ngo zhes smras so/ /lag gi gdu bu phud nas steng du bor ro/ /rgyal pos de lta bu gzigs nas khang pa'i nang du gshegs te/ rin po che sna bdun gyi khang pa'i nang du bai dUr+ya mthon ting gi khri bshams nas rgyal po bzhugs su gsol lo/ /khyim bdag gi chung ma yang de na 'dug pa las mig</font><hr>69.312a<br><font size=+1>

nas mchi ma byung nas/ rgyal pos ci'i phyir mig nas mchi ma byung / nga 'ongs pa mi dga' 'am ci nyes dris na/ khyim bdag gi chung mas gsol pa/ rgyal po 'dir gshegs pa ni legs te dga' na/ rgyal po'i na bza' la dud pa cung zad cig bro bas mig nas mchi ma byung gis/ rgyal po mthong mi 'tshal ba ni ma lags so/ /rgyal pos smras pa khyod kyi khyim na me tsam yang mi 'bud dam/ smras pa me ma mchis so/ /'o na kha zas ci zhig gis g.yo/ /smras pa kha zas ni/ bsam pa tsam gyis kha zas ro brgya dang ldan par 'byung ngo / /rgyal pos smras pa/ mtshan mo cha'i mun pa'i nang na cig zhig mthong bar 'gyur/ smras pa nor bu rin po ches snang bar 'gyur ro/ /sgo bcad kyang skar khung nas nor bu rin po che'i 'od kyis nyin par dang 'dra bar snang ngo / /de nas dan byi las pus mo gnyis sa la btsugs te/ rgyal po ci'i phyir 'o rgyal te 'dir gshegs zhes gsol pa dang / rgyal pos 'di skad ces smras so/ /nga'i bu bai dUr+ya tsha ba'i nad kyis btabs nas/ sman pas dpyad de sman du gor shi sha tsan dan gyis bsku dgos so zhes zer na/ 'dir khyod la slong du 'ongs so/ khyim bdag de rab tu dga' nas rgyal po nyid bang mdzod du gshegs su gsol to/ rin po che sna bdun la sogs pa nor dbyig thams cad bstan nas/ tsan dan gyi phung po tshad med pa snyed kyang bstan nas ci bzhed bzhes shig ces gsol pa dang / rgyal pos smras pa/ nga la srang gnyis las ni mi dgos kyi byin cig ces smras pa dang / khyim bdag gis ci bzhed pa phul lo/ /de nas rgyal po slar gshegs pa dang / khyim bdag de la khyod sangs rgyas dang phrad du song shig ces bsgo'o/ /khyim bdag des smras pa/ sangs rgyas zhes bya ba ci lta bu/ rgyal pos smras pa/ ci khyod ma thos sam/ grong khyer ser skya'i rgyal po zas gtsang ma'i sras rga ba dang na ba dang / shi ba la skyo nas rab tu byung ste/ byang chub la nan tan byas pas mngon par sangs rgyas te/ mtshan</font><hr>69.312b<br><font size=+1>

sum bcu rtsa gnyis dang / dpe byad bzang po brgyad cus sku brgyan pa nas/ rdzu 'phrul gyi rkang pa dang ye shes ni dpe zla med de/ lha dang mi'i gtso bor gyur pas sangs rgyas zhes bya'o/ /khyim bdag gis de skad ces smras pa thos nas shin tu dad pa'i sems bskyed nas/ rgyal po la sangs rgyas da ltar gang na bzhugs shes gsol pa dang / rgyal pos smras pa/ da ltar rgyal po'i khab 'od ma'i tshal na bzhugs so/ /rgyal po gshegs zin ma thag du khyim bdag de yang sangs rgyas gang na bzhugs pa der song nas phyin pa dang / sangs rgyas kyi sku la brtags na rgyal po kun bas kyang shin du lhag par mthong nas/ dga' mgu ste rangs nas/ mgo bos phyag 'tshal nas snyun gsol to/ /de la bcom ldan 'das kyis ci rigs par chos bstan pas/ khyim bdag de yang rgyun tu zhugs pa thob par 'gyur te/ des pus mo gnyis sa la btsugs nas/ bcom ldan 'das la rab tu byung bar gsol ba dang / bcom ldan 'das kyis kyang legs par 'ongs so zhes bka' stsal nas skra dang kha spu rang byi ste/ dge slong du gyur to/ /de nas yang bden pa bzhi'i chos ci rigs par bstan pas sems kyi dri ma yongs su dag ste/ dgra bcom par 'gyur ro/ /de nas kun dga' bo dang 'khor mang po rnams kyis bcom ldan 'das la 'di skad ces gsol to/ /dge slong dan byi las bsod nams ci zhig bgyis na mi'i nang du skyes la/ lha'i longs spyod dang ldan yang khyim la ma chags te/ rab tu byung bar dga' nas de ma thag du 'bras bu thob par gyur/ bcom ldan 'das kyis kun dga' bo la bka' stsal pa/ shin tu legs par nyon cig sngon 'das pa'i pha rol na bskal pa dgu bcu rtsa gcig 'das pa'i pha rol na/ sangs rgyas rnam par gzigs zhes bya ba 'jig rten du gshegs te/ sangs rgyas de mya ngan las 'das nas gzugs brnyan la chos spyod pa'i tshe/ dge slong lnga brgya tsam zhig lhan gcig du 'di skad ces dam bcas so/ /bdag cag gis dben pa'i gnas shig btsal nas byang chub kyi lam bsgom mo zhes byas nas/ /tshal</font><hr>69.313a<br><font size=+1>

zhig gi nang na sing ma dang / chu mig yod pa zhig du dben pa'i gnas su btsal te/ dge slong de dag yid mthun par/ dge slong gcig la 'di skad ces gsol ba btab bo/ /bdag cag gi gnas 'di grong khyer dang ring bas thams cad bsod snyoms la 'gro na/ kun nyon mongs kyis khyod bsod nams bya ba'i phyir/ khyod kyis bsod snyoms slong la byin cig ces smras pa dang / dge slong des kyang de ltar bya'o zhes smras nas/ rtag du grong du song ste/ sbyin bdag mang po la chos bstan nas bsod snyoms bslangs so/ /de'i nang na mi bzhi zhig lus las su rung bas na bsgom nas/ zhag dgu bcu lon pa dang 'bras bu thob par gyur to/ de dag yid mthun par dge slong bsod snyoms slong ba la 'di skad ces bsgo'o/ /bdag cag ni khyod kyis rab tu bde ste/ thob par re ba'i ting nge 'dzin kyang thob kyis/ khyod cir smon pa nga la byos shig dang / khyod kyi re ba bskang ngo / /zhes bsgo'o de'i tshe dge slong de yang rab tu dga' nas 'di skad ces smras so/ /bdag ni ma 'ongs pa'i dus su lha 'am mir skyes kyang phyug cing longs spyod dang ldan te/ ci dgos pa thams cad ched du las ma byas par thams cad rang skyes par gyur cig /slob dpon 'phags pa dang phrad nas khyod bas kyang brgya 'gyur stong 'gyur du chos thos nas/ sems su dge cing 'bras bu thob par gyur cig ces smon lam btab bo/ /bcom ldan 'das kyis kun dga' bo la bka' stsal pa/ de'i tshe de'i dus na dge slong dan byi las dge slong grogs po bzhi'i bsod snyoms sbyar bas bskal pa dgu bcu rtsa gcig gi bar du lha dang mi'i nang na cho rigs btsun par skyes te/ dbul zhing 'phongs pa'i rigs su ma skyes so/ /da yang nga mthong ba tsam gyis dad pa thob par gyur to/ /de'i tshe na kun dga' bo dang dge slong rnams bcom ldan 'das kyis gsungs pa thos nas/ so so nas brtson 'grus brtsam pas 'bras bu dang po nas 'bras bu bzhi pa'i bar du'o/ /kha cig ni rgya chen po'i sems bskyed de/ phyir mi ldog</font><hr>69.313b<br><font size=+1>

pa'i sa la gnas par gyur to/ /bcom ldan 'das kyis de skad ces bka' stsal nas/ so so rjes su yi rang ste mngon par dga'o/ /khyim bdag dan byi la zhes bya ba'i le'u ste/ bzhi bcu cig pa'o// //'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul ma ga d+ha na/ khyim bdag gcig la bu zhig btsas te/ bzang ba lta na sdug pa mtshan dang ldan pa zhig go/ /khye'u thog ma btsas pa na/ bang mdzod kyi nang nas ngo mtshar ba gser gyi glang po che'i phru gu zhig byung ngo / /khye'u'i pha mas de lta bu mthong nas rab tu dga' ste/ mtshan mkhan la bstan nas mtshan mkhan gyis kyang khye'u bsod nams kyi mtshan dang ldan par rtogs so/ /khye'u thog ma btsas na ngo mtshar ba'i ltas ci byung zhes dris so/ /khye'u'i pha mas smras pa/ khye'u 'di btsas pa nas bang mdzod nang nas gser gyi glang po che'i phru gu gcig rang byung ngo zhes smras pa dang / khye'u'i ming yang glang po skyong zhes bya bar btags so/ /khye'u ci tsam du cher skyes pa bzhin du gser gyi glang po che'i phru gu yang skyes te/ khye'u 'gro na glang po che'i phru gu yang 'gro ste/ rtag tu 'grogs ste/ glang po che'i phru gu'i gcin rtug kyang gser du byung ngo / /glang po skyong cher skyes nas khyim bdag gi bu lnga brgya tsam dang / rtag du lhan gcig tu rtse ste/ gcig la gcig yid gcugs pas phyi zhig na byis pa de dag so so nas/ khyim na ngo mtshar che ba ci yod pa'i gtam byas pa dang / de la kha cig ni nga'i khyim khri stan dang / nyal ba'i mal cha la sogs pa thams cad rin po che sna bdun las byas/ /zhes zer ro/ /kha cig ni nga'i khyim dang skyed mos tshal la sogs pa thams cad rin po che zhes zer ro/ /kha cig ni nga'i bang mdzod rtag du rin po che'i dam pas yongs su gang ngo zhes zer te/ kun gyis so so nas ya mtshan ci yod pa rnam</font><hr>69.314a<br><font size=+1>

pa sna tshogs kun smras pa dang / de nas glang po skyong gis kyang bdag thog ma btsas pa na/ gser gyi glang po che'i phru gu gcig kyang rang byung ste/ kho bo ci tsam skyes pa bzhin du glang po che'i 'phru gu yang de bzhin du skyes te/ kho bo yang bsam pa bzhin du 'gro la glang po che la zhon nas ltas mo lta ba la sogs pa gar yang mgyog par 'gro ste/ gcin rtug kyang gser du 'gyur zhes smras pa dang / de'i tshe na rgyal bu ma skye dgra yang de na 'dug ste/ glang po skyong gis smras pa thos nas 'di snyam du bdag nam rgyal por gyur na glang po che 'phrog go snyam bsam mo/ /phyir rgyal por gyur nas glang po skyong bkug ste/ khyod kyi glang po che 'on cig ces bsgo'o/ /de nas glang po skyong gi pha mas bu la 'di skad ces smras so/ /ma skyes dgra lta bu khro zhing gtum la 'dod pa che ba med de/ bdag gi pha yang gsod na gzhan lta ci smos te/ da khyod kyi glang po che 'phrogs par byas kyis glang po che sbyin dgos so/ /bus smras pa bdag gi glang po che 'di sus kyang 'phrogs mi nus so zhes smras nas/ spun gnyis glang po che la zhon te/ rgyal po'i pho brang gi sgor 'das pa dang / sgo bsrung dag gis rgyal po la gsol to/ /rgyal pos kyang glang po skyong spun gnyis la glang po che ma babs par nang du shog shig ces bsgo ba dang / glang po skyong spun gnyis glang po che la zhon te/ pho brang gi nang du 'ongs nas gdod babs so/ /de nas rgyal po la phyag byas te/ bde bar gyur cig ces smras pa dang / rgyal po rab tu dga' ste/ stan bting ba la 'dug du bcug ste/ bza' ba dang / btung ba byin to/ /de skad ces smras pa dang / 'og tu phyir 'gro zhes byas pa dang / glang po skyong la gser gyi glang po zhog la bdag cag phyir deng shig ces bsgo'o/ /de nas glang po skyong yang rgyal po'i bka' bzhin glang po che phyir bzhag nas/ spun gnyis rkang pas song ste/ sgor phyin tsam na ring por ma lon par glang po che de yang de nyid du sa'i 'og tu nub nas sgo'i phyi rol tu glang po skyong gi drung du byung ngo / /glang po skyong spun gnyis de la phyir zhon te/ khyim du song nas 'di snyam du sems so/ /rgyal po</font><hr>69.314b<br><font size=+1>

yang chos bzhin du byed pa ma yin te/ ma nyes pa dag kyang khrims dang sbyar bas/ bdag gis kyang ma ster na/ glang po che 'di'i phyir srog la rgal bar 'ong gis da ltar bcom ldan 'das 'jig rten na 'gro ba mang po la bde ba'i don mdzad pa de'i drung du song la/ khyim nas rab tu byung zhing tshangs par spyod pa la dga' bar bya'o snyam bsams nas pha ma la rab tu byung bar gsol pa dang pha mas kyang rab tu byung bar gnang nas/ 'phyi phyag 'tshal te gser gyi glang po che la zhon nas rgyal bu rgyal byed kyi tshal gang na bar song ngo bcom ldan 'das kyi spyan sngar phyin pa dang zhabs la mgo bos phyag 'tshal nas/ ji ltar gyur pa rgyas par gsol pa dang / bcom ldan 'das kyis legs par 'ongaso zhes bka' stsal pas/ skra dang kha spu rang byi ste/ dge slong du gyur to/ /de la bcom ldan 'das kyis bden pa bzhi'i chos ci rigs par bstan pas dgra bcom par 'gyur ro/ /dge slong glang po che skyong yang dge slong grogs gzhan dang lhan cig gang na 'dug kyang rung ste/ gser gyi glang po che rtag tu drung na 'dug go/ /de'i tshe mnyan du yod pa na 'khod pa rnams kyis gser gyi glang po che blta ba'i phyir mi thams cad 'du bar gyur te/ rnal 'byor spyod pa la 'du 'dzi mang bar gyur to/ /dge slong de dag gis bcom ldan 'das la gsol nas/ bcom ldan 'das kyis de'i phyir dge slong glang po skyong la 'di skad ces bka' stsal to/ /khyod kyi glang po che la blta bas mang po mi dben pa gyur gyis/ myur du spong shig ces bka' stsal pa dang / glang po skyong gis gsol pa/ bdag gis kyang thog ma nas spangs par bsams na/ 'gror ma btub bo/ /bcom ldan 'das kyis bka' stsal pa/ khyod glang po che la lan gsum gyi bar du 'di skad ces smros shig /nga ni skyo ba'i phyogs zad de da phyin cad mi dgos kyi smros shig dang med par 'gyur ro/ /glang po skyong gis kyang bcom ldan 'das kyis bka' stsal pa bzhin du glang po che la mi dgos zhes lan gsum gyi bar du smras pas gser gyi glang po che yang sa'i nang du nub bo/ /dge slong dag ngo mtshar du</font><hr>69.315a<br><font size=+1>

gyur nas/ bcom ldan 'das la 'di skad ces gsol to/ /dge slong glang po skyong 'dis sngon bsod nams kyi zhing ci lta bu la dge ba'i rtsa ba ci lta bu zhig bskyed na 'di lta bu'i 'bras bu rnam par smin par gyur/ bcom ldan 'das kyis kun dga' bo dang dge slong rnams la 'di skad ces bka' stsal to/ /so so'i skye bo gang yang rung ba dkon mchog gsum gyi bsod nams kyi zhing la/ dge ba'i sa bon cung zad cig gtab na 'bras bu tshad med pa thob par 'gyur ro/ /sngon 'das pa'i dus na sangs rgyas 'od srung 'jig rten du gshegs pa'i tshe mi tshe ni lo stong phrag nyi shu'i bar du gnas so/ /sangs rgyas de sems can gyi don byas nas/ mya ngan las 'das pa'i 'og tu ring bsrel la mchod rten mang du byas so/ /de'i tshe mchod rten gcig gi nang na byang chub sems dpa' thog ma dga' ldan gyi gnas nas babs te/ yum gyis lhumasu gshegs pa'i tshe/ bcibs pa glang po che de'i mchod rten zhig kyang yod do/ de'i tshe glang po che'i gzugs cung zad cig zhig nas/ de la mi zhig phyag 'tshal du 'ongs nas/ glang po che cung zad cig zhig pa de mthong nas de 'di snyam du bsams so/ /'di ni byang chub sems dpa' bcibs pa'i theg pa yin te/ 'di ltar zhig par gyur gyi bdag gis slar gso snyam bsams nas/ 'jil pa zhig sbyar te bskus pa'i steng du ldong ros kyis bskus nas 'di skad ces smon lam btab bo/ /bdag ma 'ongs pa'i dus su rtag tu cho rigs btsun zhing longs spyod zad mi shes pa dang ldan par shog shig ces smon lam btab bo/ /mi de tshe 'phos nas mtho ris kyi lhar skyes te/ lha las tshe'i dus byas nas mi'i 'jig rten du skyes te/ rtag tu cho rigs btsun pa dang / longs spyod dang ldan zhing / byad gzugs 'phags par bzang ste/ gser gyi glang po che rtag tu bsrung bar gyur to/ /bcom ldan 'das kyis kun dga' bo la bka' stsal pa/ de'i tshe de'i dus na glang po che gsos pa'i mi de ni da ltar glang po skyong yin no/ /de'i tshe glang po che gsos pa de tshun cad lha dang mi'i</font><hr>69.315b<br><font size=+1>

nang na longs spyod chen po dang ldan par gyur to/ /dkon mchog gsum la gus shing bsting stang byas pas da ltar nga dang phrad nas bstan pa la rab tu byung ste/ sems kyi dri ma kun zad de/ dgra bcom par gyur to/ /tshe dang ldan pa kun dga' bo dang / 'khor mang po rnams bcom ldan 'das kyis gsungs pa 'di thos nas thams cad kyis don rtogs shing khong du chud de/ la la ni rgyun tu zhugs pa dang / lan cig phyir ldog pa dang / phyir mi ldog pa dang / dgra bcom pa yang thob par gyur to/ /kha cig ni bla na med pa'i byang chub tu sems bskyed de/ phyir mi ldog pa'i sa la gnas so/ /bcom ldan 'das kyis gsungs pa la 'khor mang po mngon par dga' nas rjes su yi rang ngo / /glang po skyong gi le'u ste bzhi bcu rtsa gnyis pa'o// // bam po bcu gnyis pa/ 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe bcom ldan 'das kyis kun dga' bo zhabs 'bring du khrid de/ bsod snyoms la gshegs pa na/ bcom ldan 'das gsol ba'i na bza' rdol ba cung zad cig yod de/ de yang sems can 'dul bar rigs pa'i don du dgongs so/ /bsod snyoms bslang nas slar gshegs pa'i tshe/ bram ze gcig 'ongs nas/ bcom ldan 'das la spyi bos phyag 'tshal nas/ bcom ldan 'das kyi mtshan lhang nge lhaner gsal ba brtags nas/ bcom ldan 'das kyi na bza' cung zad cig rdol ba mthong nas sbyin pa bya bar bsams te/ khyim na ras dkar po zhig yod pa las dum bu gcig bcad nas/ bcom ldan 'das la phul te ras kyi dum bu 'dis na bza' zhig lhan pa mdzod cig ces gsol to/ /bcom ldan 'das kyis kyang de la thugs brtse ba'i slad du bzhes pa dang / bram ze rab tu dga' nas mgu rangs par gyur to/ /bcom ldan 'das kyis de la thugs brtse ba'i slad du lung bstan te/ bram ze khyod ma</font><hr>69.316a<br><font size=+1>

'ongs pa'i dus na bskal pa grangs med pa brgya 'das nas mngon par 'tshang rgya ste/ mtshan yang mngon par shes pa bzang po zhes bya ste/ stobs bcu rdzogs par 'gyur ro zhes lung bstan pa dang / rab tu dga' nas song ngo / /de'i tshe yul de na cho rigs btsun pa'i tshong dpon dang / khyim bdag la sogs pas 'di snyam du bsam mo/ /ci'i slad du bcom ldan 'das sbyin pa cung zad tsam gyi lan rab tu che ba byin snyam bsam nas/ so so nas ras kar po bshams nas/ de bzhin gshegs pa'i na bza' rnam pa sna tshogs byas nas/ sangs rgyas la phul lo/ /kun dga' bos bcom ldan 'das la gsol pa/ bcom ldan 'das kyis sngon dge ba'i rtsa ba ci mdzad na/ thams cad kyis na bza' mang po phul zhes gsol pa dang / bcom ldan 'das kyis 'di skad ces bka' stsal to/ /khyod legs par nyon la yid la zung shig dang khyod la bstan par bya'o/ /sngon 'das pa'i dus bskal pa grangs med tshad med pa'i pha rol na/ sangs rgyas rnam par gzigs zhes bya ba 'jig rten du gshegs te/ 'khor stong phrag dgu bcu dang / lhan gcig tu bzhugs so/ /de'i tshe rgyal po ni ban du zhes bya ste/ de'i tshe blon po chen po gcig gis sangs rgyas dang dge 'dun dang bcas ste/ zla ba gsum gyi bar du bzhugs par spyan drang nas/ bcom ldan 'das kyis kyang de bzhin du gnang ba dang / blon po de phyir khyim du 'ong nas/ yo byad rnams sbyor zhing shom mo/ /de'i tshe rgyal pos kyang sangs rgyas dang / dge 'dun spyan drang bar bsams te/ sangs rgyas gang na bar song ste phyin pa dang / bcom ldan 'das la 'di skad ces gsol to/ /btsun pa bcom ldan 'das dang / 'phags pa'i dge 'dun dang bcas ste/ zla ba gsum gyi bar du bdag gi mchod pa bzhes shig ces gsol pa dang / bcom ldan 'das kyis rgyal po la 'di skad ces bka' stsal to/ /nga sngar blon po chen pos spyan drangs pas gshegs par byas te/ skyes bu chen po'i chos kyi sngar gnang ba las 'gal</font><hr>69.316b<br><font size=+1>

ba bya bar mi rung ngo / /de nas rgyal po phyir pho brang du 'ongs ste/ blon po la 'di skad ces bsgo'o/ /yul 'di na nga las che ba med de/ bcom ldan 'das nga'i yul na bzhugs pa/ sangs rgyas sngar mchod pa sngar byas par bsams te/ spyan drang nas sngar khyod kyis spyan drangs kyi khyod re shig sdod cig ngas sngar spyan drangs pa'i 'og tu khyod kyis spyan drongs shig ces bsgo ba dang / blon po des rgyal po la 'di skad ces gsol to/ /lha khyod kyis bdag gi lus dang srog kyang mi mnyam par mnyam spyod la/ de bzhin gshegs pa yang rtag par bzhugs pa dang / rgyal po'i yul yang rtag tu bde skyid cing ye 'grog mi 'byung zhing gnya' spyod na bdag kyang re shig sdod do zhes gsol pa dang / rgyal pos 'di ni mi rung snyams bsams nas bdag cag gnyis nyin res kyi spyan drang ngo zhes bsgo nas nyi ma gcig ni rgyal pos spyan drangs te/ nyi ma gcig ni blon pos spyan drangs ste/ gnyis ka'i re ba bskangs so/ /de'i tshe blon po chen po des de bzhin gshegs pa la chos gos rmad gsum phul nas dge slong gi dge 'dun stong phrag dgu bcu rnams la yang chos gos bdun pa re re sbyin nas phul lo/ /kun dga' bo de'i tshe de'i dus na blon po chen pos chos gos byas te/ sangs rgyas dang dge 'dun rnams la phul ba de gzhan du ma sems shig /de ni da ltar nga yin no/ /nga ni skye ba thams cad du/ bsod nams byed pa la skyo ba med pas de dag thams cad rnam par smin pa yang myong nas chud ma zos so/ /kun dga' bo la sogs pa 'khor mang po rnams bcom ldan 'das kyis gsungs pa thos nas/ bsod nams kyi las byed pa la brtson par 'gyur te/ mngon par dga' nas rjes su yi rang ngo / /bram zes lhan pa phul ba'i le'u ste bzhi bcu gsum pa'o// //'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong dag dbyar tshul las byung nas/ bcom ldan</font><hr>69.317a<br><font size=+1>

'das ga la ba der song ste phyin nas/ bcom ldan 'das la phyag 'tshal nas snyun mi mnga' 'am zhes snyun gsol to/ /bcom ldan 'das kyis kyang byams pa'i thugs kyi spro ba bskyed de/ dge slong khyod sdug bsngal bar ma gyur dam/ zhes shin tu thugs brtse zhing byams pa'i thugs kyis bka' stsal pa dang / kun dga' bos bcom ldan 'das la 'di skad ces gsol to/ /'di ltar bcom ldan 'das kyis dge slong dag la thugs brtse zhing byams pa'i thugs bskyed nas yun ci srid ci lags/ bcom ldan 'das kyis kun dga' bo la bka' stsal pa/ khyod shes par 'dod na khyod la bstan par bya'o/ /sngon 'das pa'i dus bskal pa grangs med pa brjod du med pa'i pha rol na/ sdig pa byas pa'i mi gnyis shig sems can dmyal bar ltung ste/ dmyal ba'i srung mas lcags kyi shing rta 'dren du bcugs nas/ lcags thos brdegs te/ phan tshun du mi dal bar rgyug tu bcug go/ /de la mi cig stobs chung ste/ 'dren ma nus nas 'dug pa dang / lcags kyi tho bas brdegs te/ tshe brjes nas phyir sos so/ /grogs po gcig gis de lta bu'i sdug bsngal mthong nas/ byams shing snying rje ba'i sems bskyed do/ /dmyal ba'i srung ma la 'di skad ces smras so/ /bdag 'ba' zhig gis shing rta 'di drang gi mi 'di thong shig ces smras pa dang / srungs ma 'khros nas lcags kyi tho bas brdegs te/ der tshe 'phos pa dang / sum cu rtsa gsum gyi lhar skyes so/ /kun dga' bo de'i tshe de'i dus na sems can dmyal ba na 'dug pa las/ byams shing snying brtse ba bskyed pa de ni da ltar nga yin no/ /ngas de'i tshe sems can dmyal ba na de la thog mar snying brtse ba'i sems bskyed de/ sems can thams cad la yang de tsam gyi bar du thugs brtse zhing byams pa'i sems bskyed do/ /kun dga' bo dang 'khor mang po rnams bcom ldan 'das kyis gsungs pa la rjes su yi rangs nas mngon par dga'o/ /sangs rgyas thog ma byams pa'i thugs bskyed pa'i le'u ste bzhi</font><hr>69.317b<br><font size=+1>

bcu rtsa bzhi pa'o// // 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong chen po'i dge 'dun brgya phrag phyed dang bcu gsum dang / thabs gcig tu bzhugs so/ /de'i tshe bcom ldan 'das kyis dge slong dag 'jo sgeg cing / rnyed pa dang grags pa la chags nas/ lhag par byas pa mang du 'chang zhing / chog mi shes par bstsogs par gyur pa/ bcom ldan 'das kyis gzigs nas/ dge slong rnams rnyed pa la chags pa'i skyon 'di dag gsungs so/ /gang rnyed pa la chags pa ni lus zhig nas tshe 'phos ma thag tu ngan song gsum du ltung ste/ sdug bsngal tshad med pa myong bar 'gyur ro/ /de bas na sngon du dran pa sngon 'das pa'i dus na/ 'dod pa'i dbang gis ltung bar gyur te/ sdug bsngal mang po myong ngo / /de nas kun dga' bos pus mo sa la btsugs te/ thal mo sbyar nas/ bcom ldan 'das la 'di skad ces gsol to/ /sngon bcom ldan 'das la 'dod chags pa'i dbang gis ltung bar gyur pa ci lta bu lags/ bcom ldan 'das kyis bka' stsal pa/ sngon 'das pa'i dus kyi bskal pa grangs med tshad med mtha' yas bsam gyis mi khyab dpag tu med pa'i pha rol na/ 'dzam bu'i gling 'dir rgyal po gus pa de zhes bya ba/ 'dzam bu'i gling gi rgyal 'phran brgyad khri bzhi stong la dbang byed de/ btsun mo dang pho brang slas ni stong phrag nyi shu yod do/ /blon po chen po ni stong phrag bcu yod do/ /dus gzhan zhig na rgyal po'i spyi bo la sgo nga 'dra ba'i chu bur cig byung ste/ gsal ba yongs su dag pa na tsha med do/ /bags kyis rje cher skyes te/ sku ba tsam du gyur pa dang bkas pa na/ nang nas khye'u blta na sdug pa mtshan dang ldan pa skra thon ting du 'dug pa/ lus gyi mdog gser lta bur 'dug pa zhig byung bar gyur te/ mtshan mkhan gyis bltas nas bu 'di ni ngo mtshar che ba'i yon tan gyi mtshan dang ldan te/ gdon mi za bar 'khor los bsgyur ba'i</font><hr>69.318a<br><font size=+1>

rgyal por 'gyur zhing gling bzhi la dbang byed par 'gyur ro zhes smras nas/ khye'u'i ming yang spyi bo skyes zhes btags so/ /cher skyes nas yon tan dang ldan pas rgyal pos kyang yul gcig gi rgyal phran du bcug go/ /dus gzhan zhig na rgyal po nad kyis btab pa dang / rgyal phran 'dus nas nad g.yog dang dpyad byas kyang ma phan te/ de tshe'i dus byas so/ /de nas rgyal phran rnams 'dus te/ spyi bo skyes ga na 'dug par song nas phyin pa dang / 'di skad ces smras so/ /rgyal po chen po ni tshe'i dus byas kyis/ khyod rgyal por gshegs su gsol zhes smras pa dang / spyi bo skyes kyis 'di skad ces smras so/ /gal te nga rgyal por 'gyur ba'i bsod nams dang dbang thang zhig yod na/ rgyal chen bzhi dang / brgya byin la sogs pas nga la gsol ba btab ste/ dbang bskur bar shog shig ces smras ma thag tu rgyal chen bzhi'i rgyal po yang babs nas/ rin po che'i bum pa spos chus bkang ba thogs te/ spyi bor blugs nas dbang bskur ro/ /brgya byin lha'i dbang po yang babs nas/ rin po che'i cod pan phul ste/ mgo la bzhag nas yon tan bsngags so/ /de nas rgyal phran rnams kyis dbus gyi yul chen por gshegs par gsol pa dang / spyi bo skyes kyis yang 'di skad ces smras so/ /bdag la rgyal por 'gyur ba'i dbang thang zhig yod na/ yul sa nga'i drung du 'ong ba'i rigs kyis/ nga yul sa bsnyags su mi 'gro'o zhes smras pa dang / de ma thag tu yul chen po rgyal po'i pho brang dang / skyed mos tshal dang / khrus kyi rdzing bu la sogs te/ dgos pa thams cad der byung bar gyur nas/ gser gyi 'khor lo dang glang po che dang / rta rin po che dang / bud med rin po che dang / blon po rin po che dang / khyim bdag rin po che la sogs pa thams cad 'dus nas gling bzhi la dbang byed pa'i 'khor los bsgyur ba'i rgyal por gyur te/ chos bzhin du srid 'tsho'o/ /de nas mi mang po dag sa brko zhing / zhing rmos pa mthong nas blon po rnams la 'di dag ci byed ces bka' stsal pa dang / smras pa ji tsam</font><hr>69.318b<br><font size=+1>

du srog dang bcas pa/ thams cad zas kyis 'tsho bas 'di dag kyang zhing rmos nas 'tsho bar byed do/ /de nas rgyal pos 'di skad ces smras so/ /gal te nga la rgyal por gyur pa'i bsod nams kyi dbang thang zhig yod na/ las mi dgos par ro brgya dang ldan pa'i kha zas rang yod par gyur te/ thams cad chog cing 'drangs nas/ bkres pa dang skom pa med par gyur cig ces smras so/ /de skad ces smras ma thag tu bza' ba dang / btung ba yod par gyur to/ /de nas yang 'chag tu song song ba las thag pa dag cig 'khal ba dang 'thag pa mthong nas 'di dag ci byed ces dris pa dang / smras pa kha zas ni rang yod par gyur la/ lus brgyan pa'i gos med de/ 'di dag ni bgo ba'i gos byed do/ /de nas rgyal pos yang 'di skad ces smras so/ /gal te bdag rgyal por gyur pa'i dbang thang zhig yod na bgo ba'i gos rang yod par shog shig ces smras/ dbul 'phongs pa thams cad kyang gos kyis chog par shog shig ces smras so/ /de skad ces smras ma thag tu shing thams cad las bgo ba'i gos kha dog rnam pa sna tshogs dang ldan par rang skyes te/ mi thams cad kyi bgos kyang zad mi shes par byung ngo / /de nas yang rgyal po 'chag cing song song ba las/ mi dag rol mo'i cha byad thogs pa mthong nas/ 'di dag ci yin zhes dris pa dang / smras pa kha zas dang bgo ba'i gos ni chog par yod na/ rol mo mang po byed de 'di dag rang dga' zhing rtse ba'i rol mo yin no/ /rgyal pos smras pa/ gal te bdag la rgyal po'i dbang thang zhig yod na/ rol mo dang dam pa'i cha byad thams cad rang yod par gyur cig ces smras ma thag tu shing thams cad kyi yal ga las rol mo'i cha byad mang po 'phyangs ste/ rol mo 'dod pa zhig yod na/ rang 'khrol zhing snyan pa dang / thos pa tsam gyis dga' rangs par gyur to/ /rgyal po'i bsod nams dang dbang thang chen pos nam mkha' las rin po che sna bdun char bzhin du babs nas/ yul kun gang nas rgyal pos blon po dag la 'di lta bur gyur pa 'di su'i yon tan ces dris pa dang / blon po rnams kyis 'di skad ces smras so/ /'di ni rgyal po'i yon</font><hr>69.319a<br><font size=+1>

tan dang / sems can gyi bsod nams kyis 'di ltar gyur to zhes smras pa dang / rgyal pos yang 'di skad ces smras so/ /gal te sems can gyi bsod nams kyi mthus yin na/ rin po che 'di dag kun tu 'babs par gyur cig /gal te nga 'ba' shig gi dbang thang yin na pho brang gi nang du 'bab par shog shig ces smras pa dang / gzhan kun nas 'bab pa ni chad kyi/ pho brang gi nang 'ba' shig tu nyin zhag bdun gyi bar du bab bo/ /rgyal po spyi bo skyes 'dzam bu'i gling du lo brgyad khri bzhi stong gi bar du 'dod pa lnga la longs spyod pa las/ gzhan zhig na pho brang gi sgor gnod sbyin zhig byung ste/ skad chen por 'di skad ces smras so/ /shar phyogs na shar gyi lus 'phags gling zhes bya ba yod de/ de na yang bde skyid la dpe med par bzang gis rgyal po chen po der yang rol cing gshegs pa'i rigs so zhes smras pa dang / rgyal po yang der 'gro bar dga' nas/ gser gyi 'khor lo nam mkha' la 'phags pa dang / blon po dang / rin po che sna bdun la sogs pa yang rjes su 'phags te/ shar gyi lus 'phags gling du phyin to/ /rgyal phran phyag ma 'tshal ba rnams kyang thams cad phyag 'tshal nas/ lus 'phags kyi gling na 'dod pa lnga lo stong phrag brgya bcu'i bar du longs spyod do/ /de nas yang gnod sbyin gyis 'di skad ces smras so/ /nub phyogs na nub kyi ba lang spyod ces bya ba yod de/ de na yang rab tu bde skyid kyi/ rgyal po chen po yang der gshegs pa'i rigs so zhes smras so/ /rgyal po yang der 'gro bar dga' nas/ nub kyi ba lang spyod du lo stong phrag bcu'i bar du bde ba la longs spyod do/ /de nas yang gnod sbyin gyis 'di skad ces smras so/ /byang phyogs na byang gi sgra mi snyan zhes bya ba yod de/ de na gnas pa'i mi dag 'byor ba legs pa longs spyod dang ldan gyis rgyal po yang yul der gshegs pa'i rigs so/ /zhes smras pa dang / rgyal po 'gro bar dga' nas/ byang gi sgra mi snyan du 'dod pa lnga'i dam pa la lo stong phrag brgyad kyi bar du longs spyod par gyur to/ /de nas dus phyi zhig na gnod sbyin gyis 'di</font><hr>69.319b<br><font size=+1>

skad ces smras so/ /rgyal chen bzhi'i ris kyi lha'i rgyal po'i gnas kyang rab tu bde ba ni tshad byar yang dka'o/ /rgyal po der yang gshegs pa'i rigs so zhes smras pa dang / rgyal po dang blon po dang dpung gi tshogs rnam bzhi dang bcas te/ nam mkha' la 'phags te dong ngo / /rgyal chen bzhi pos rgyang ma nas mthong ba dang / 'jigs skrag nas dpung gi tshogs bshams te/ phyi rol tu byung ba dang / ji byar yang med nas phyir gnas su dong ngo / /spyi bo skyes der yang lo stong phrag bcu'i bar du 'dod pa la longs spyod nas yang 'di snyam du sum bcu rtsa gsum gyi lha'i ris su 'gro bar bsams nas/ 'khor dang bcas te steng gi nam mkha' la 'phags te/ sum bcu rtsa gsum gyi lha'i ris su song ngo / /de'i tshe drang srong lnga brgya tsam zhig ri rab lhun po'i sul na gnas pa las rgyal po glang po che dang / rta'i gcin rtug lhung bas drang srong de dag gi lus la reg par gyur pas/ de dag gcig la gcig 'di ci zhes dris pa dang / drang srong mkhas pa blo dang ldan pa zhig gis drang srong gzhan dag la 'di skad ces smras so/ /rgyal po spyi bo skyes sum bcu rtsa gsum lha'i ris su song ngo zhes zer gyis/ 'di ni gdon mi za bar de dag gi glang po che dang rta'i mi gtsang ba yin no zhes zer nas/ drang srong rnams khros te gsang sngags dang phyag rgyas bcings pas spyi bo skyes dang 'khor mang po 'gror med par byas so/ /rgyal pos kyang de ltar shes shing rig nas 'di skad ces dam bcas so/ /gal te bdag la bsod nams dang dbang thang zhig yod na/ drang srong de dag nga'i thad du lhags ste/ nga la mchod par shog shig ces smras nas/ rgyal po'i yon tan gyi che ba'i byin dang / shugs kyis drang srong lnga brgya po rims kyis der lhags nas/ g.yog byas te/ sum bcu rtsa gsum lha'i ris su dong ngo / /yar phyin par rgyang ma nas lha'i pho brang yid du 'ong ba shin tu bkra bar snang ba lhang nge lham mer mthong bar gyur to/ /lha'i pho brang yid du 'ong ba la sgo chen po brgya phrag phyed dang bcu gnyis yod do/ /lha rnams 'jigs dngangs nas/ sgo rnams bcad de/ lcags kyi</font><hr>69.320a<br><font size=+1>

gtan pa sum rim bcug go/ /spyi bo skyes dpung gi tshogs dang bcas su thogs pa med par der phyin pa dang / rgyal pos kyang dung bus ste gzhu bdungs pas gzhu rgyud sbrings pa dang / lha'i pho brang gi sgo brgya phrag phyed dang bcu gnyis dus gcig tu rang bye ba dang / brgya byin gyis phyi rol tu bsus te/ lha'i pho brang du khrid nas brgya byin gyi stan phyed la 'dug du bcug go/ /lha'i dbang po dang mi'i dbang po gnyis byad gzugs 'dra ste/ dbang po mthong ba dag gis bye brag mi phyed na/ lha'i mgyogs bus gyis rtogs so/ /rgyal po lha'i pho brang du 'dod pa lnga'i dam pa la lha'i dbang po sum bcu rtsa drug brjes kyi bar du longs spyad do/ /lha'i dbang po nang gi mtha' ma de byang chub sems dpa' 'od srung zhes bya ste/ de'i tshe lha ma yin gyi rgyal pos lha rnams la dmag drangs nas/ brgya byin gyis ma thub nas/ dpung gi tshogs dang phyir gnas su bros so/ /de nas spyi bo skyes phyir byung ste/ dung bus gzhu rgyud sbrings pas/ lha ma yin gyi dmag kun de ma thag tu sbyar ro/ /de'i tshe spyi bo skyes 'di snyam du bsams so/ /bdag gi mthu'i stobs ni gang dang yang mi mnyam ste/ brgya byin dang thun mong du 'dug pa lta ci rung / gnyis na bsad la nga 'ba' shig gis byas na legs so snyam mo/ /sdig pa'i sems skyes ma thag tu nam mkha' las lhung nas/ sngon gyi pho brang rnying pa'i sgo drung du lhung ste/ srog dang bral la khad pa tsam du nyam thag par gyur to/ /de nas mi dag lhags te 'di skad ces dris so/ /gal te 'jig rten gyi khyim pa dag rgyal po spyi bo skyes ji ltar dus byas shes dri na/ de la bdag gis ci skad ces bya/ smras pa/ gal te de skad ces 'dri ba yod na/ de la 'di skad ces gyis shig /rgyal po spyi bo skyes ni 'dod pa'i dbang gis tshe 'phos so/ /des gling bzhi la lo bye ba phrag bzhi bcu'i bar du dbang byas te/ nyin zhag bzhi'i bar du rin po che yang char bzhin du bab/ lha'i ris gnyis su byon kyang chog ma shes pas/ nam mkha' las lhung ste/ tshe 'phos zhes byos shig de bas na dge slong dag rnyed pa dang / grags pa ni yang dag par nyes pa'i skyon chen po</font><hr>69.320b<br><font size=+1>

ste/ ci nas kyang ring du spong bar sems la yang dag par byang chub la nan tan gyis shig /de nas kun dga' bos bcom ldan 'das la 'di skad ces gsol to/ /rgyal po spyi bo skyes de sngon bsod nams ci zhig bgyis na/ de lta bu'i 'bras bu chen po thob par gyur/ bcom ldan 'das kyis bka' stsal pa/ sngon 'das pa'i bskal pa grangs med bsam gyis mi khyab pa 'das pa'i pha rol na/ sangs rgyas phur sha zhes bya ba 'jig rten du gshegs te 'khor dang bcas su 'jig rten gyi don mdzad do/ /de'i tshe bram ze'i bu zhig chung ma len to/ /'jig rten pa chos kyi chung ma len na/ sran ma spar gang thogs te gtor ba'i rigs so/ /khye'u de yang sran ma thogs te thor du song ba las/ lam du bcom ldan 'das dang phrad nas sems yid dga' ste/ lag na sran ma thogs pa dag bcom ldan 'das la gtor ba dang / 'brum bu bzhi lhung bzed kyi nang du song ngo / /'brum bu gcig ni dbu'i rtse mor chags so/ /bsod nams kyi rgyu dang rkyen de tsam gyis bsod nams chen po 'thob ste/ sran ma 'brum bu bzhi lhung bzed kyi nang du song bas gling bzhi la dbang byed par gyur/ 'brum bu gcig spyi bor chags pas lha'i rim pa gnyis kyi longs spyod myong bar gyur to/ /de'i tshe nye gnas rnams kyis sangs rgyas kyis gsungs pa thos nas/ la las ni 'bras bu dang po nas gnyis pa dang / gsum pa dang dgra bcom pa'i 'bras bu thob par 'gyur ro/ /'khor mang po rnams bcom ldan 'das kyis gsungs pa la rjes su yi rangs nas mngon par dga'o/ /rgyal po spyi bo skyes kyi le'u ste bzhi bcu rtsa lnga pa'o// // 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin gyi bu mo tha chung su ma na zhes bya ba mnga' byad mdzes shing blta na sdug pa zhig yod do/ bu'i nang na bu mo tha chungs de la nang byams pas/ gar 'gror yang khrid do/ /dus gzhan zhig na/ khyim bdag sangs</font><hr>69.321a<br><font size=+1>

rgyas la phyag 'tshal du song ba dang / bu mo yang phyi bzhin du song nas bu mo des sangs rgyas mthong ba dang / lhag par dga' ba skyes te/ spos kyi sangs rgyas bzhugs pa'i gnas kun tu byug par bsams pa dang / de'i tshe bu mo de'i lag na a smra'i 'bras bu zhig thogs pa las/ bcom ldan 'das kyis 'on cig ces bka' stsal pa dang / bu mos kyang de ma thag tu bcom ldan 'das kyi phyag tu phul lo/ /bcom ldan 'das kyis a smra'i 'bras bu bzhes nas spos dam pa'i ming rnam pa mang po bris te/ bu mo'i lag tu phyir byin no/ /de nas bu mo'i pha ma dang bcas pa khyim du 'ongs nas tshong dus su song ste/ bcom ldan 'das bzhed pa'i spos rnam pa mang po sna tshogs nyos nas phyir yang rgyal bu rgyal byed kyi tshal du song ste/ nyin cig bzhin du spos bdar nas gnas kun tu nyug go/ /dus gzhan zhig na yul tig ci shi ri'i rgyal po'i bu gcig rgyal po'i khab tu mngag nas phyi zhing song song ba las thar gyis rgyal bu rgyal byed kyi tshal du phyin pa dang / bu mo spos bdar zhing 'dug pa mthong nas bu mo la chags te chung mar blangs bsam nas rgyal po gsal rgyal la bu mo de bslang pa dang / rgyal pos de su'i yin zhes smras so/ /de ni khyim bdag mgon med zas sbyin gyi bu mo'i zhes smras so/ /'on nga las gsol yang mi phan gyis/ bu mo nyid kyi pha ma la gsol cig ces bsgo'o/ /rgyal bu des rgyal po la dus kyis gsol pa dang / rgyal pos yang de bzhin gyis shig ces bsgo ba dang rgyal bu des bdag gi g.yog dang 'khor kun phyir yul du btang nas glang po che gcig pu zhig phyir bzhag go/ /dus gzhan zhig na rgyal bu rgyal byed kyi tshal du song nas bu mo su ma na brkus te/ glang po che la bskyon nas bros pa dang / mgon med zas sbyin gyis bsnyags kyang ma slebs te/ phyir yul du phyin nas chung mar byas so/ /de nas chung ma de sems can dang ldan par gyur to/ /phyis zla ba tshang nas sgo nga bcu bzhi btsas so/ /sgo nga bcag pa dang / sgo nga re re'i nang nas khye'u blta na sdug cing mdzes shing / bzang ba gzhan las 'phags pa re re byung ngo / /de dag cher</font><hr>69.321b<br><font size=+1>

skyes nas dpa' zhing rtsal che bas ri dgas bsod pa la dga' bar gyur pa dang / khye'u'i mas 'di ltar ri dgas gsod par ma byed ces bsgo ba dang / bu rnams kyis ma la 'di skad ces smras so/ /ri dgas bshor ba las dga' ba med de/ bdag cag gis mas gsad du mi gnang ba ltas nam bdag cag la sdang ba lta/ mas smras pa kho mo ni khyod la sdang ba ma yin gyis khye'u'i mas 'di ltar khyod la ma byams pa'i phyir ri dgas gsod du ma gcug pa yin gyis 'di lta ste/ srog gcod pa'i sdig gis sems can dmyal bar lo brgya stong du ma'i bar du sdug bsngal myong ste/ rtag tu sha ba'i mgo can dang / lug gi mgo can dang / ri bong gi mgo can la sogs te/ ri dgas thams cad kyi mgo can du gyur nas/ dmyal ba'i srungs mas lo grangs med pa'i bar du gsod par 'gyur ro/ /gal te de las thar bar 'dod na yang sdig pa'i las las mi thar ro/ /bu rnams kyi smras pa ltar khyod kyis bsgo ba bzhin du byas na/ 'di skad bsgo ba 'di gzhan la gsan tam/ khyod nyid kyis bsam te smras/ tshig 'di ni kho mos sangs rgyas la thos so zhes smras pa dang / bu rnams kyis sangs rgyas zhes bya ba ni gang yin smros shig ces smras so/ /ci khyod kyis ma thos sam rgyal po yab zas gtsang ma'i sras sku mdzes shing bzang ba 'khor los bsgyur ba'i rgyal por gyur pa las/ rga ba dang / na ba dang / 'chi ba mi 'dod de rab tu byung nas/ lam bsgom pas smon lam bzhin du grub ste/ bla na med pa'i 'bras bu thob nas sku khru bcu drug pa mtshan dang dpe byad kyis yongs su brgyan pa/ rig pa gsum dang mngon par shes pa drug dang ldan pa/ snga ma shes pa yang mtha' med la phyis byung ba shes pa yang mtha' med de/ dus gsum las lag mthil na 'bras bu gzhag pa dang 'dra'o zhes smras nas/ bu rnams kyis thos pa dang / rab tu dga' ste/ sangs rgyas de da ltar 'di nas nye ring ci tsam na bzhugs/ mthong bar rung ngam zhes smras pa dang / mas smras pa/ da ltar mnyan yod na bzhugs te mthong du rung ngo / /bu rnams kyis smras pa/ 'o na bdag cag sangs</font><hr>69.322a<br><font size=+1>

rgyas bltar 'gro'o zhes gsol pa dang / bu'i mas kyang gnang nas bu rnams gcig char mnyan yod du dong ngo / /der phyin pa dang / myes po mgon med zas sbyin gyis mthong nas/ rab tu dga' mgu rang ste/ tsha bo rnams khrid de rgyal bu rgyal byed kyi tshal du de bzhin gshegs pa bltar dong ngo / /byis pa de dag gis sangs rgyas kyi mtshan sngon thos pa bas stong 'gyur gyis lhag par bzang ba mthong nas shin tu dga' bar gyur te/ /de nas bcom ldan 'das kyis ci rigs par chos bstan pas/ khye'u bcu char dus gcig tu chos la chos kyi mig rnam par dag par gyur nas/ sangs rgyas la rab tu byung bar gsol pa dang / bcom ldan 'das kyis byis pa rnams khyod kyis pha mas gnang ngam zhes bka' stsal pa na/ bdag cag gis da dung ma gsol lo zhes gsol pa dang / pha mas ma gnang gi bar du rab tu phyung du mi gnang ngo zhes bka' stsal to/ /de nas mgon med zas sbyin gyis/ bcom ldan 'das la 'di skad ces gsol to/ /bdag ni 'di dag gi mes po lags te/ bdag gi tsha bo la bdag kyang dbang bas bdag gis rab tu byung bar gnang ngo zhes gsol pa dang / bcom ldan 'das kyis kyang de bzhin du gnang nas skra dang kha spu rang byi ste dge slong du gyur to/ /dge slong gi lam la de dag gis brtson 'grus bskyed pas/ thams cad dgra bcom par gyur to/ /dge slong bcu po gcig la gcig lhag par dga' bar 'gro na yang lhan cig 'dug na yang lhan cig 'dug ste/ yul mi thams cad kyang dga' nas rjes su yi rang ngo / /de nas kun dga' bos bcom ldan 'das la gsol pa/ dge slong bcu po 'di bsod nams ci zhig bgyis na/ cho rigs btsun par skyes la byad gzugs bzang ba dang / bcom ldan 'das dang phrad nas sdug bsngal gyi mthar phyin par gyur/ bcom ldan 'das kyis kun dga' bo la bka' stsal pa/ sngon 'das pa'i bskal pa dgu bcu rtsa gcig gi pha rol na/ sangs rgyas thams cad skyob ces bya ba 'jig rten du gshegs te/ sems can thams cad kyi don mdzad nas mya ngan las</font><hr>69.322b<br><font size=+1>

'das nas ring srel rgyas par spel nas/ mchod rten tshad med pa snyed byas so/ /de'i tshe na mchod rten gcig zhig ral du gyur nas/ rgan mo zhig gis gsol zhing 'dug pas mi 'dron po bcu der lhags pas mthong ba dang rgan mo la khyod las ci byed ces smras so/ /rgan mos smras pa/ 'di ni mchod gnas gyi rten mchod rten yin no/ /'di bcos na bsod nams lhag par che'o/ /de bas na dge ba'i 'bras bu 'dod pa'i phyir 'di 'chos so/ /gzhon nu de dag kyang dga' nas/ bdag cag gis kyang bstad do zhes smras nas/ mchod rten bcos pa'i 'og tu gzhon nu bcu char rgan mo de'i bur skyes par gyur cig ces smon lam btab pas/ de tshun cad bskal pa dgu bcu rtsa gcig gi bar du lha dang mi'i nang du lhan cig tu skyes nas bde ba la longs spyod de/ dngos po 'di gsum gyis mi gzhan las khyad du 'phags so/ /gsum gang zhe na/ gzugs bzang zhing mdzes pa dang / kun gyis bkur ba dang / rtag tu tshe ring zhing de srid kyi bar du sems can dmyal bar mi ltung ngo / /nga dang phrad nas rdul dang dri ma kun dang bral nas dgra bcom par gyur to/ /de'i tshe de'i dus na rgan mo de ni bu mo su ma na yin no/ /mi gzhon nu bcu ni dgra bcom pa 'di bcu yin no/ /bcom ldan 'das kyis de skad ces gsungs nas/ 'khor mang po rnams la la ni rgyun tu zhugs pa dang / lan cig phyir ldog pa dang / phyir mi ldog pa dang / dgra bcom pa thob bo/ /kha cig ni bla na med pa'i byang chub tu sems bskyed nas phyir mi ldog pa'i sa la gnas par gyur to/ sangs rgyas kyis gsungs pa la rjes su yi rangs nas mngon par dga'o/ /bu mo su ma na'i bu bcu'i le'u ste bzhi bcu drug pa'o// // 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na kun tu rgyu u ba ta zhes bya ba yid gzhungs zhing sems gsal ba ni 'das pa dang / ma byon pa dang / da ltar byung ba la mkhas pa zhig ste/ bcom</font><hr>69.323a<br><font size=+1>

ldan 'das gang na ba der song nas/ rab tu 'byung ngo zhes bcom ldan 'das la gsol to/ /gal te bdag rab tu byung nas shes rab dang / spobs pa shA ri'i bu dang mnyam na rab tu byung gi de tsam mi phod na phyir khyim du mchi'o zhes gsol pa dang / bcom ldan 'das kyis de tsam mi phod do zhes bka' stsal nas/ kun tu rgyu de rab tu byung du ma btub nas phyir khyim du song ngo / /dus bzhan zhig na 'khor mang po la 'di skad ces bka' stsal to/ /nga mya ngan las 'das nas lo brgya phrag lon pa dang / bram ze 'di rab tu byung nas mngon par shes pa drug dang shes rab tu ldan te/ sems can rdul snyed cig gi don byed par 'gyur ro/ /bcom ldan 'das mya ngan las 'das 'khar yang kun dga' bo la 'di skad ces bka' stsal to/ /nga mya ngan las 'das nas mdo sde snod thams cad khyod la gtad kyis gzungasu zung la rgyas par byos shig ces bka' stsal nas/ bcom ldan 'das mya ngan las 'das nas/ de'i 'og tu kun dga' bos chos kyi sde snod kun bzung ngo / /kun dga' bos lus yongs su gtong ba na nye gnas yang shes ka la 'di skad ces bsgo'o/ /nga 'das pa'i 'og tu mdo sde kun khyod la gtad kyis gzungs su zung shig ces bsgo nas/ yang 'di skad ces smras so/ /yul bA nan ser khyim bdag ku pa ta zhes bya ba la bu u pa ku ba ta zhes bya ba zhig yod kyis khyod kyis slong la rab tu phyung shig /khyod 'das pa'i 'og tu chos kyang de la gtod cig ces bsgo'o/ /kun dga' bo 'das pa'i 'og tu yang shes kas dam pa'i chos gzung ste/ 'jig rten na sems can gyi don mang du byas so/ /de nas bA ra na ser grong du song ste/ khyim bdag de dag de dang bshes par byas nas/ yang dang yang du de'i khyim du song ste/ yid bcugs par byas so/ /khyim bdag de la bu khye'u zhig btsas so/ /ming u pa ku ba ta zhes btags te/ chung ngu shed ma byed pa nas yang shes kas bslangs te/ rab tu phyung bar byas pa las khyim bdag gis 'di skad ces smras so/ /bdag 'dod pa'i bu 'di 'dra ba zhig yod do/ /rigs 'tsho ba snyam</font><hr>69.323b<br><font size=+1>

ste mi rung ngo / /gal te yang gcig btsas na gdod sbyin no/ /phyis dus gzhan zhig na yang bu gcig btsas nas/ ming yang nan tan ku ba ta zhes btags so/ /de nas yang shi ka yang der song ste/ bu blangs pa dang / khyim bdag gis yang 'di skad ces smras so/ /bu chen po 'di ni phyi rol gyi bya ba bsgrubs dgos so/ /bu chung ni nang gi bya ba bsgrub na gdod bde bar 'gyur ro zhes sbyin du ma btub ste/ phyis yang bu gcig byung na gdod dbul lo zhes smras so/ /yang shes ka ni dgra bcom pa'i nang na rig pa gsum dang ldan te/ sems can gyi dbang po la mkhas pas/ khye'u de gnyis la brtags na rab tu byung ba'i skal ba yod par mi 'dra nas/ ma bskul bar bzhag go/ /de nas khyim bdag de la bu cig btsas nas byad gzugs leg par blta na sdug pa zhig ste/ yang khyim bdag gi thad du song ste/ bu bslangs pa dang 'di skad ces smras so/ /bu da dung chung bas g.yog kyang mi nus la bdag kyang dbul bas slang du med do/ /re shig skad cig nam skyes na sbyin no zhes smras so/ /de nas cher skyes nas shes rab dang ldan par gyur te/ phas kyang nor rdzas lag tu gtad nas tshong byed du bcug go/ /dus gzhan zhig na yang she nyid de'i drung du song ste/ chos bstan nas sems rtse gcig pa yid la byed du bcug ste/ dge ba'i rtog pa byung na rde'u dkaru gcig zhog la/ mi dge ba'i rtog pa byung na rde'u na gu zhig zhog la sdug pa gong ma rtses shig ces bsgo'o/ /u pA ku ba tas kyang bsgo ba bzhin du dge ba dang mi dge ba'i rtog pa byung ba las rde'u bzhag ste brtsis na/ thog ma ni rde'u na gu mang rab la/ dkaru nyung rab bo de nas yang bags kyis mnyam mo/ /de nas yid la bya ba ma btang bas rde'u na gu ni med kyi/ rde'u dkaru 'ba' shig tu gyur te/ dge ba'i rtog pa grub nas 'bras bu dang po thob par gyur te/ de'i tshe grong khyer de nas smad 'tshong ma gcig gis bran mo gcig mngags te/ u pA ku ba ta la me tog nyor btang ngo / /u pA ku ba ta rang bzhin gyis drang bas</font><hr>69.324a<br><font size=+1>

bran mo la me tog rgyal bar byin te/ ma rangs pa med par byas so/ /bran mo de me tog rnams khyer te/ rje mo la phul ba dang / ngo mtshar cher bzung ste/ bran mo la 'di skad ces smras so/ /sngar me tog nyos pa'i rin dang / deng nyos pa'i rin 'dra na/ sngar ni ci'i phyir nyung la da ni ci'i phyir mang / snga ma'i tshe na/ khyod kyis nga la bslus sam/ bran mos smras pa/ de de ni me tog 'tshong ba'i bdag po ngo mtshar du drang la/ de ste g.yo sgyu med pas mang du khugs pa yin no/ /skyes bu de gzugs bzang zhing mdzes pas/ jo mos gzigs na dgyes par 'gyur ro zhes smras pa dang / smad 'tshong mas de 'bod du btang ngo / /u pA ku ba ta der 'ong du ma btub nas/ yang nas yang bos kyang 'gror ma btub po/ /de'i tshe smad 'tshong ma rgyal bu zhig dang 'dus te/ rgyal bu de'i gos rin po che la chags pas bsad de/ rgyal bu bsad nas ro sbas so/ /de nas rgyal pos khyim btsal ba dang / smad 'tshong ma'i khyim du rgyal bu'i ro rnyed de/ smad 'tshong ma de rkang lag kyang btub bo/ /rna ba dang sna yang bcad cing bkar btags te/ dur khrod du bcug go/ /de ltar byas kyang da rung srog ma bcad pas/ u pA ku ba ta de'i drung du song ba dang / smad 'tshong mas 'di skad ces smras so/ /sngon sdug pa'i tshe na 'ong du ma btub na/ da ma rung bar gyur pa'i 'og tu gar 'gro zhes smras pa dang / u pA ku ba tas smras pa/ khyod kyi mnga' byad 'dod pa'i phyir 'dir 'ongs pa ma yin gyi/ khyod la snying brtse ba'i phyir 'ongaso zhes smras nas/ mi rtag pa'i chos rnam pa bzhi po 'di dag bstan to/ /lus 'di ni mi gtsang ba/ sdug bsngal pa/ stong pa/ bdag med pa ste/ re re nas brtags shing yid brtan du mi rung ngo / /gang glen pa gti mug can ni de la chags so/ /smad 'tshong mas chos de dag thos nas chos la chos kyi mig rnam par dag par gyur to/ /u pA ku ba ta ni phyir mi ldog pa'i 'bras bu thob bo/ /de nas yang shes kis khyim bdag</font><hr>69.324b<br><font size=+1>

de las gzhon nu bslangs nas/ rab tu 'byung zhes byas pa dang / khyim bdag gis kyang de bzhin du phul nas/ tsug lag khang du khrid de khrims bcu phog go/ /de nas lo nyi shu lon pa dang / bsnyen pa rdzogs so/ /bsnyen par rdzogs pa'i tshe gsol ba dang bzhi'i las kyis bsnyen par rdzogs nas dgra bcom par gyur to/ /rig pa gsum dang / mngon par shes pa drug dang ldan te/ smra ba dang spobs pa zad mi shes par gyur nas/ mi mang po bsdus nas chos bstan par byas pa dang / de'i tshe bdud sdig to can 'khor mang po'i nang du gser gyi dong tse char bzhin phab pas mi kun dong tse la rtod nas chos mi nyan par gyur to/ /de'i phyi de nyin 'khor mang po bsdus te chos bstan par byas pa la btud sdig to can gyis me tog gi 'phreng ba'i char phab pas kun gyi sems bkrugs so/ /de'i phyir de nyin 'khor mang po bsdus te/ chos bstan par byas pa las bdud kyi rgyal pos glang po che 'thod ka kha nas mche ba drug byung ba'i mche ba re re la yang rdzing bu re re yod pa/ rdzing bu re re'i nang na me tog bdun bdun yod pa/ me tog re re'i nang na shel gyi bu mo bdun bdun yod pa bu mo de dag kyang so so nas rol mo mang po byed cing / glang po che gom pa pad ma la dal gyis 'gro ba'i nang du 'gro bar bstan pa dang / mi thams cad kyang de la blta bas chos la ma 'dun te/ de'i phyi de nyin 'khor rnams bsdus te/ chos bstan pa byas pa las bdud kyi rgyal pos na chung bzang mo shin tu mdzes shing bzang ba zhig 'khor gyi nang du 'ongs par sprul nas/ mi kun de la mig mi 'dzum par blta ste/ chos nyan pa brjed do/ /de ma thag tu yang shas kis sprul pa'i bud med de keng rus dkar por sprul nas/ mi mang pos mthong ba dang / mi kun gdod chos nyan pas 'bras bu thob pa yang rab tu mang ngo / /btsun pa de dag la thog ma nas khyi zhig yod do/ /nyin cig bzhin du chos nyan pa la rna ba btud de nyan pas khyi de tshe brjes nas/ lha'i ri drug par skyes te/ bdud sdig can dang stan gcig la 'dug go/ /bdud sdig to'i rgyal pos lha de la 'di ni yon tan chen po dang ldan te nga dang</font><hr>69.325a<br><font size=+1>

mnyam na 'di gang nas tshe 'phos nas 'dir skyes brtag go snyam ste/ brtag pa dang / khyi las skyes pa mthong ba dang dge slong gis nga skyengs te sma phab bo snyam nas/ rgyang ma nas btsun pa ting nge 'dzin du zhugs pa mthong ba dang / rin po che'i cod pan zhig btsun pa'i mgo la bzhag go/ /ting nge 'dzin las langs pa dang / mgo la cod pan yod par rtogs na sus bzhag snyam brtags nas bdud sdig to can gyis bzhag par rtogs nas/ rdzu 'phrul gyi mthus bdud sdig to can der bkug ste/ khyi ro gcig mgo'i 'phreng bar sprul nas/ bdud sdig to can la 'di skad ces smras so/ /khyod kyi nga la cod pan byin pa'i lan tu khyod la 'phreng ba gcig sbyin gyi bzhes shig ces smras pa dang / bdud sdig can gyis blangs te/ 'phreng ba btags nas phyir song ngo / /gnas su phyin te btags na/ mgo la 'phreng ba bzhag pa/ khyi ro yin par mthong nas mi 'dod de 'dor bar byas pa las/ mthu stobs ci yod pas gtugs kyang 'dor ma nus so/ /de nas brgya byin gyi thad du song ste/ mi gtsang ba 'di dor cig ces smras pa dang / brgya gyis smras pa/ 'di ltar sus byas pa de nyid kyis 'dor nus kyi/ bdag la ni 'dor nus pa'i mthu med do/ /bdud sdig to can gyis lha kun dang tshangs pa'i rgyal po'i bar du bdag gi mi gtsang ba 'di dor cig ces smras nas/ snga mas smras pa dang 'dra ste/ nged la mdor ba'i mthu med do/ /mi byar mi rung nas phyir btsun pa'i drung du 'ongs nas 'di skad ces smras so/ /sangs rgyas bcom ldan 'das ni yon tan chen po dang ldan pa bden to/ /byams pa'i thugs phyogs gcig tu ma gyur to/ /khyod nyan thos rnams ni 'jigs su rung ba'o/ /cis mngon zhe na/ ngas sngon yi dgas kyi dpung khri phrag brgyad cu la sogs te/ byang chub sems dpa' la bskor nas byang chub las nyams par bya bar brgal ba las/ 'on kyang thugs rjes bskyed de/ bdag la dgrar mi dgongs so/ /bdag gis rkyal ka cung zad cig byas pa las/ lan 'di 'dra ba byas so/ /u pA ku ba tas smras pa/ khyod zer ba bden te/ sangs rgyas dang</font><hr>69.325b<br><font size=+1>

ngar bskrun na/ brgya 'gyur stong 'gyur du yang dper byar mi rung ste/ ri rab lhun po yang yungs dkar dang bskrun pa 'am/ rgya mtsho chen po rmig pa'i chu dang bskrun pa 'am/ seng ge'i rgyal po dang wa bskrun pa dang 'dra ste/ che chung gi khyad par bskyed du med do/ /kho bo ni dus ngan pa'i mthar skyes te/ de bzhin gshegs pa yang ma mthong na/ khyod kyi rdzu 'phrul gyis sangs rgyas kyi skur sprul nus so zhes thos kyis/ khyod kyis kho bos mthong bar ston cig blta bar bya'o/ /bdud kyis smras pa/ ngas de dang 'dra bar sprul gyis khyod kyis kho bo la phyag ma byed cig /smras pa/ phyag mi byed do/ /de nas bdud kyi rgyal pos kyang sangs rgyas kyi skur sprul te/ sku chen po khru bcu drug pa gser gyi mdog can/ mtshan sum cu rtsa gnyis dang / dpe byad bzang po brgyad cus brgyan pa/ 'od zer gsal ba lham me lhang nger gsal ba/ nyi zla bas kyang lhag par sprul pa dang / u pA ku ba ta rab tu dga' nas phyag byas par gzas pa dang / bdud kyi rgyal pos phyir yang bdud kyi lus su bsgyur nas/ u pA ku ba ta la btsun pa khyod kyis phyag mi bya bar byas na/ ci'i phyir phyag byed ces smras so/ /u pA ku ba tas smras pa/ kho bo sangs rgyas la phyag byed kyi khyod la phyag mi byed do/ /bdud kyi rgyal pos smras pa/ btsun pa bdag la thugs brtse ba'i slad du khyi ro 'di ma mchis par mdzod cig /u pA ku ba tas smras pa/ khyod snying rje'i sems bskyed de/ sems can kun gyi skyabs byos shig dang / khyi ro las rin po che'i 'phreng bar 'gyur ro/ /gal te mi dge ba'i sdig pa'i sems skyes na khyi ro nyid las mi 'gyur ro zhes smras pa dang / bdud kyi rgyal po skrag nas/ rtag tu dge ba'i sems bskyed do/ /de'i tshe btsun pa u pA ku ba tas 'bras bu thob pa'i 'og tu sems can btul te/ 'bras bu bzhi thob par byas pa'i grangs ni/ 'bras bu thob pa'i mi res res tshul shing sor bzhi pa re re byas pa'i tshul shing de lta bus khang pa mtho khyad chag drug bcu pa chu zheng gab par chag drug bcu pa'i nang yongs su gang ngo / /de nas mi mang po kun gyis bstod cing</font><hr>69.326a<br><font size=+1>

bsngags te/ khyod kyi yon tan ni rgya che bas sems can btul ba'i grangs kyang dpag tu med do zhes smras so/ /u pA ku ba tas smras pa/ kho bo dud 'gro byed pa'i tshe na yang sems can dag btul te/ 'phags pa'i 'bras bu thob par byas na/ da ltar gyi dus na btul ba lta ci smos/ 'khor mang pos smras pa/ sngon ci lta bur sems can dag btul ba bdag cag la bstan du gsol/ /u pA ku ba tas smras pa/ sngon 'das pa'i dus na/ bA ra na se 'dir drang srong lhags pa'i ri la rang sangs rgyas lnga brgya zhig gnas so/ /de'i tshe spre'u zhig nyin cig bzhin du mchod pa 'bul zhig spyod lam lta'o/ /de rang sangs rgyas de dag phyis gzhan zhig tu dong ba las/ kun tu rgyu lnga brgya tsam zhig de na gnas so/ /kun tu rgyu de dag la la ni nyi ma dang zla ba la mchod/ la la ni me lha la mchod/ /nyi ma dang zla ba la mchod pa ni nyin zla'i phyogs su rkang pa ya gcig gis 'greng ngo / /me lha can ni nang par snga dro zhing me 'bud do/ /de'i tshe na spre'u des 'greng ba de dag gi rkang pa nas lag pa ya gcig gis gzungs te thur du drangs so/ /me 'bud pa de dag gi me bsad nas/ lus drang por 'dug ste/ bsam pa yid la byed do/ /de nas kun tu rgyu de dag gcig la gcig 'di skad ces smras so/ /spre'u 'di bdag cag kyang spyod lam 'di lta bu gyis shig ces bya ba'i tha tshig ste/ bdag cag kyang so so nas lus drang por bsrangs te/ don la brtag go zhes byas nas/ de dag de ltar byas ma thag tu sems kyi khong du chud cing rtogs te/ rang sangs rgyas su gyur to/ /de'i tshe de'i dus na spre'u de ni da ltar nga yin no/ /'khor rnams kyis smras pa/ 'o na ci'i phyir spre'u'i lus su gyur/ u pA ku ba tas smras pa/ sngon 'das pa'i bskal pa dgu bcu'i pha rol na/ sangs rgyas rnam par gzigs 'jig rten du gshegs te/ dge slong rnams ni bA ra na se drang srong lhags pa'i ri la gnas so/ /de'i tshe 'bras bu thob pa'i dge slong zhig ri'i rtse mor mgyogs par</font><hr>69.326b<br><font size=+1>

song ba dang / de la dge slong gzhon nu zhig gis dge sbyong ni mgyog khyad du spre'u 'dra'o zhes smras so/ de'i rgyu de'i rkyen gyis skye ba lnga brgya'i bar du spre'ur gyur to/ /de bas na 'khor bzhi po dag ngag gi las yongs su bsdams te mi dgos par smra'o/ /u pA ku ba tas chos 'di bstan pa'i tshe 'khor mang po rnams/ la la ni rgyun tu zhugs pa dang / lan cig phyir ldog pa dang / phyir mi ldog pa dang / dgra bcom pa'i 'bras bu thob bo/ /kha cig ni rang sangs rgyas su dge ba'i rtsa ba bskyed do/ /kha cig ni byang chub tu sems bskyed de/ phyir mi ldog par gyur pa yang dpag tu med do/ /de skad ces smras pa la rjes su yi rangs nas mngon par dga'o/ /u pA ku ba ta'i le'u ste bzhi bcu bdun pa'o// // 'di skad bdag gis thos pa'i dus gcig na/ bcom ldan 'das yul bA ra na se na bzhugs so/ /de'i tshe bcom ldan 'das tshal zhig gi nang ne'u sing dang ldan pa zhig na lha dang mi dang 'khor rnam bzhi la dam pa'i chos ston to/ /de'i tshe steng gi nam mkha' la bya ngang pa lnga brgya tsam zhig 'phur ba las/ bcom ldan 'das kyi gsung snyan pa thos nas dga' zhing mos te nam mkha' la lding zhing / bcom ldan 'das kyi spyan sngar 'babs par 'dod pa las/ de'i tshe rngon pa dag cig gis phyogs der bya rgya bres te ngang pa lnga brgya tsam/ bya rgyas zin nas rngon pas bsad pa dang / thams cad sum bcu rtsa gsum gyi lha'i ris su pha ma'i pus mo'i steng nas khye'u lo brgyad lon pa tsam du skyes te/ byad gzugs bzang ba blta na sdug pa 'od zer gyis kun snang ba/ gser gyi ri ltar gsal zhing dag par gyur nas/ de dag 'di snyam du ci'i</font><hr>69.327a<br><font size=+1>

rkyen gyis lhar skyes snyam bsam pa dang / sngon gyi gnas dran par gyur to/ /chos gsungs ba'i sgra thos nas/ lhar skyes par rig nas/ de dag gi tshe nam mkha' las 'babs te/ lha rdzas kyi me tog dang spos la sogs pa thogs nas/ 'dzam bu gling gi yul bA ra na se na/ bcom ldan 'das gang na bzhugs par lhags so/ /lha'i 'od kyis bcom ldan 'das bzhugs pa'i gnas kun snang bar byas nas dus gcig tu/ bcom ldan 'das kyi zhabs la mgo bos phyag 'tshal nas/ thal mo sbyar te 'di skad ces gsol to/ /bdag cag gis bcom ldan 'das kyis chos ston pa'i gsungs thos pa tsam gyis kyang lha'i gnas dam par skyes kyi/ da yang bdag cag la thugs brtse ba'i slad du dam pa'i chos ston cig ces gsol pa dang / bcom ldan 'das kyis bden pa bzhi'i chos bstan te/ lha de dag gis rtogs nas/ rgyun tu zhugs pa'i 'bras bu thob bo/ /de dag phyin cad ngan song gsum du mi ltung bar gyur te/ phyir lha'i ris su dong nas skye ba bdun gyi bar du zag pa kun zad par gyur to/ /de nas kun dga' bos bcom ldan 'das la gsol pa/ mi dang lha dag gi 'od zer gyis kun nas snang bar bgyis nas/ bcom ldan 'das kyi zhabs la phyag 'tshal du lhags pa'i lha de dag gang nas mchis pa bstan du gsol/ /bcom ldan 'das kyis bka' stsal pa/ khyod legs par nyon la yid la zung shig dang / ngas bstan par bya'o/ /nga khar tsang tshal zhig gi nang na lha dang mi rnams kyi 'khor bzhi la chos bstan pa'i tshe ngang pa lnga brgya tsam zhig chos gsungs pa'i sgra la dad nas/ nga la dga' ba'i</font><hr>69.327b<br><font size=+1>

sems bskyed de/ nga'i thad du 'ongs pa las/ ma phyin par rngon pas zin te thams cad gsad pa chos kyi sgra la dad pa'i sems kyis sum bcu rtsa gsum pa'i lha'i ris su skyes nas/ sngon gyi gnas dran pas nga la phyag 'tshal tu 'ongs so/ /de nas kun dga' bos bcom ldan 'das kyis gsungs pa thos nas/ rab tu dga' mgu rangs te ngo mtshar rmad do zhes bsngags nas/ 'di skad ces gsol to/ /bcom ldan 'das 'jig rten du gshegs pa ni ngo mtshar rmad de chos kyi char gyis ma ngoms pa ma mchis so/ /chung ngu na dud 'gro'i skye gnas lta bu yang chos thos nas bsod nams thob na/ mi lta ci smos te/ dad pa'i sems kyi gzung ba'i bsod nams kyi 'bras bu bas brgya stong gis lhag ste/ dper bgyir ma mchis so/ /bcom ldan 'das kyis kun dga' bo la bka' stsal pa/ legs so legs so/ /khyod kyis smras pa bzhin du bcom ldan 'das 'jig rten tu gshegs pa ni/ kun la phan pa dang / bde ba'i don du gyur te/ kun tu bdud rtsi'i char phab nas 'gro ba mang po ngoms par byed do/ /de bas na khyod kyis sems rtse gcig tu sangs rgyas kyi bstan pa la nan gyis shig /bcom ldan 'das kyis de skad ces gsungs nas/ kun dga' bo dang 'khor mang po rnams rjes su yi rang nas mngon par dga'o/ /ngang pa lnga brgya lhar skyes pa'i le'u ste/ bzhi bcu brgyad pa'o// //'di skad bdag gis thos pa dus gcig na/ bcom ldan 'das bya rgod phung po'i ri la bzhugs so/ /de'i tshe lhas sbyin gyis bcom ldan 'das la rtag tu ngan</font><hr>69.328a<br><font size=+1>

sems bskyed pas de bzhin gshegs pa med par byas la lha sbyin nyid sangs rgyas yin no zhes bsgrags pa'i phyir/ rgyal bu ma skyes dgra pha bsod du bcug nas sangs rgyas sar pa dang / rgyal po gsar pas yul srid bcas na legs so zhes smras pa dang / rgyal bu ma skyes dgra nyan te pha bsad nas bdag nyid rgyal por zhugs so/ /de'i tshe yul mi dag dge slong kun la ngan sems bskyed nas mthong yang mi 'dod par gyur te/ de nas dus gzhan zhig na dge slong dag grong du bsod snyoms slong du song song ba las/ yul mi khros nas gtam yang mi gter te/ lhung bzed stong par phyir log nas/ bya rgod spungs pa'i ris la phyin nas/ bcom ldan 'das la 'di skad ces gsol to/ /lha sbyin gyis sdig pa mi dge ba'i las bgyis pas yon bdag kun ngan sems skyes so zhes gsol pa dang / bcom ldan 'das kyis kun dga' bo la 'di skad ces bka' stsal to/ /sems can gang zhig dge slong ngur smrig gyon pa la ngan sems bskyed na/ mi de ni 'das pa'i sangs rgyas dang / rang sangs rgyas dang / dgra bcom pa la ngan sems bskyed de/ ma 'ongs pa'i sangs rgyas dang / rang sangs rgyas dang / dgra bcom pa la ngan sems bskyed pa yin no/ /da ltar bzhugs pa'i sangs rgyas dang / rang sangs rgyas dang / dgra bcom pa la ngan sems bskyed pa yin par rig par bya'o/ /de ltar dus gsum gyi 'phags pa la ngan sems bskyed pas/ sdig pa'i las kha na ma tho ba'i 'bras bu tshad med pa smin par 'gyur ro/ /de ci'i phyir zhe na/ chos gos ngur smrig ni dus gsum gyi 'phags pa rnams kyi rgyal mtshan te/ sems can gang zhig skra dang kha spu bregs te/ kha dog bsgyur ba'i gos gyon na de ni ring por mi thogs par sdug bsngal kun las rnam par grol te/ zag pa med pa'i ye shes thob cing 'gro ba thams cad kyi mgon skyabs dang dpung gnyen du gyur te/ sems can gang zhig rab tu byung zhing kha dog bsgyur ba'i</font><hr>69.328b<br><font size=+1>

chos gos gyon pa'i sems bskyed na/ bsod nams dpag tu med pa thob par 'gyur ro/ /kun dga' bo nga yang sngon rab tu byung ba'i chos gos kha dog bsgyur ba gyon pa la dad pa'i sems skyes te/ bsti stang byas pas mngon par sangs rgyas so/ /kun dga' bos gsol pa/ bcom ldan 'das kyis sngon kha dog bsgyur ba'i chos gos bgos shing rab tu byung ba la bsti stang bgyis pa bstan du gsol/ thos par 'tshal lo/ /bcom ldan 'das kyis kun dga' bo la bka' stsal pa/ shin tu legs par nyon la yid la zung shig dang / khyod la ngas bstan par bya'o/ /kun dga' bo sngon 'das pa'i bskal pa tshad med pa grangs med pa'i pha rol na/ 'dzam bu'i gling 'dir rgyal po chen po da byi zhes bya ba zhig byung ste/ rgyal phran brgyad khri bzhi stong snyed la dbang byed do/ /de'i tshe na 'jig rten na sangs rgyas kyi chos ni med do/ rang sangs rgyas dag cig ri dang tshal na gnas pa nam mkha' la rgyu zhing sems can gyi don mdzad do/ /de'i tshe na ri dgas de dag la bsnyen bkur byed do/ /seng ge yi dam brtan zhes bya ba lus kyi spu gser gyi mdog lta bur 'dug la shin tu 'tsher ba zhig de na 'dug ste/ zas su 'bras bu dang rtsa ba za'o/ /sems can mi gsod do/ /de'i tshe na rngon pa zhig gis mthong nas rab tu dga' ste/ da bdag gis bde ba thob kyis seng ge 'di bsad la pags pa rgyal po la phul na/ gdon mi za bar dbul po bor ro snyams bsam ste/ dus gzhan zhig na skra bregs chos gos gyon mda' gzhu mchan du bcug ste/ seng ge gang na 'dug par song ngo / /de'i tshe na seng ge de gnyid log ste nyal ba las rngon pas dug mda' 'phangs so/ /de nas seng ge sad nas rngon pa bsnyags pa dang / chos gos gyon pa mthong nas 'di snyam du bsams so/ /mi 'di lta bu ni 'jig rten na yun ring du mi gnas te/ ring por mi thogs par sdug bsngal kun las rnam par grol lo/ /de ci'i phyir zhe na/ kha dog bsgyur ba'i chos gos 'di ni 'das pa dang / ma 'ongs pa dang / da ltar gyi 'phags pa rnams gyi rgyal mtshan yin te/ </font><hr>69.329a<br><font size=+1>

bdag gis gnod pa byas na dus gsum gyi 'phags pa rnams la ngan sems bskyed pa yin no snyam bsams te/ bsod pa'i sems gtang ba dang / dug mdas zhen pas lus dang srog bral la thug nas tshig 'di skad ces smras so/ /ya la la ba sha sa swA hA zhes smras pa'i tshig nam sa kun g.yos nas/ sprin med par char phab ste/ lha rnams kyis lha'i mig gis brtag na/ 'jig rten 'dir rngon pas byang chub sems dpa' seng ge'i tshul du zhugs pa bsad pa mthong nas/ steng gi nam mkha' las lha'i me tog char bzhin bab nas/ seng ge'i ro la mchod pa byas so/ /de nas rngon pas seng ge'i pags pa bshus nas khyim du 'ong ste/ rgyal po da byi la phul nas/ bya dga' gsol pa dang rgyal po 'di snyam du bsams so/ /yi ge dang gtsug lag las/ dud 'gro gang gi spu mdog gser ltar 'dug na/ nges par byang chub sems dpa' yin te/ skyes bu chen po yin no zhes 'byung ba na/ ci'i phyir na rngon pa 'di la bya dga' sbyin/ gal te sbyin na bdag kyang gsod pa dang tha mi dad do snyam bsam nas/ de'i tshe rngon pas yang bskul ba dang / rgyal pos kyang nyung zhig byin nas rngon pa la 'di skad ces smras so/ /seng ge 'di gsod pa'i tshe ngo mtshar che ba 'am/ ltas ci byung zhes dris na/ kha nas yi ge 'bru brgyad po 'di dag smras te/ gnam sa yang g.yos nas/ sprin med par char bab cing lha rnams kyis me tog phab bo/ /de'i tshe rgyal pos de skad ces smras pa thos nas shin du mi dga' ste/ dad pa'i sems bskyed nas blon po dang snga rabs kyi rgan po shes pa blo dang ldan pa kun bsags te/ seng ges smras pa'i tshig dpyad na/ gcig gis kyang ma go ma shes so/ /</font><hr>69.329b<br><font size=+1>

gnas dben pa zhig na drang srong sha ma zhes bya ba mkhas pa rig pa dang ldan pa zhig yod do/ /rgyal pos drang srong de spyan drangs nas dris pa dang / drang srong des 'di skad ces bshad do/ /ya la la zhes bya ba de'i don ni skra bregs la chos gos kha dog bsgyur ba zhig skye shi las myur du thar ro/ /ba sha sa zhes bya ba'i don ni skra bregs te/ chos gos kha dog bsgyur ba gyon pa thams cad 'phags pa'i mtshan ma yin te/ mya ngan las 'das pa dang nye ba zhes zer ro/ /swA hA zhes bya ba'i don ni skra bregs te/ chos gos kha dog bsgyur ba gyon na lha dang mi dang 'jig rten du bcas pa thams cad kyis bkur sti bya'o zhes bya ba'i don to/ /de'i tshe drang srong gis de skad ces smras pa dang / rgyal po rab tu dga' nas rgyal phran brgyad khri bzhi stong po bsdus nas/ rin po che sna bdun gyi shing rta mthon po dang bcas nas seng ge'i pags pa steng du bzhag ste/ thams cad kyis mthong bar byas nas/ spos dang me tog gis mchod cing phyag 'tshal du bcug go/ /de nas gser gyi sgrom byas nas/ seng ge'i pags pa nang du bcug ste/ mchod rten byas so/ /de'i tshe mi mang po dge bar sems pa de dag thams cad tshe 'phos pa'i 'og tu mtho ris kyi lhar skyes so/ /kun dga' bo de'i tshe de'i dus na seng ge des chos gos kha dog bsgyur ba gyon pa'i mi la dge ba'i sems bskyed pas/ bskal pa khri phrag bcu'i bar du 'khor los bsgyur ba'i rgyal po byas nas/ sems can kun la bde ba byin te/ bsod nams kyi las rgyas par byas nas/ mngon par sangs rgyas so/ /de'i tshe de'i dus na seng ge yi dam brtan pa de la gzhan du ma sems shig</font><hr>69.330a<br><font size=+1>

de ni da ltar nga yin no/ /de'i tshe de'i dus na rgyal po da byis seng ge'i pags pa la mchod pa byas pas/ bskal pa khri phrag bcu'i bar du lha dang mi'i mchog tu gyur nas/ dge ba kun byas pa de ni byang chub sems dpa' byams pa yin no/ /de'i tshe de'i dus na drang srong de ni shA ri'i bu yin no/ /rngon pa de ni lhas sbyin yin no/ /de'i tshe 'khor mang po dag bcom ldan 'das kyis de skad ces gsungs pa thos nas/ rab tu dga' te 'di skad ces gsol to/ /bdag gis 'phags par ma shes par ngan sems bskyed kyis/ de bzhin gshegs pas bdag cag la thugs brtse ba'i slad du/ sdig par mi 'gyur bar 'gyod tshangs 'tshal lo zhes gsol pa dang / bcom ldan 'das thugs rje chen pos bden pa'i chos ston to/ sngon rgyu gang dang mthun pa bzhin du 'bras bu thob nas la la ni rgyun tu zhugs pa dang / lan cig phyir ldog pa dang / phyir mi ldog pa dang / dgra bcom pa thob bo/ /la la ni bla na med pa'i byang chub tu sems bskyed do/ /bcom ldan 'das kyis gsungs pa la kun dga' bo dang / 'khor mang po rnam bzhi mngon par dga' nas rjes su yi rang ngo / /seng ge yi dam brtan pa zhes bya ba'i le'u ste/ bzhi bcu rtsa dgu pa'o// //'di skad bdag gis thos pa'i dus gcig na/ bcom ldan 'das rgyal po'i khab bya rgod phung po'i ri la bzhugs so/ /de'i tshe grong khyer dang mi ring ba zhig na/ chu'i lteng ka mi gtsang ba zhig yod do/ mi mang po bshang gci dang / mi gtsang ba thams cad der 'dor ro/ /lteng ka de'i nang nas srin bu chen po sbrul dang 'dra ba rkang pa bzhi yod pa gcig yod do/ /</font><hr>69.330b<br><font size=+1>

chu'i nang na rgyug cing bar 'ga' ni phyir 'byung bar 'ga' ni chu'i steng du 'gro ste/ lo mang por de na gnas shing sdug bsngal tshad med pa myong ngo / /dus gzhan zhig na bcom ldan 'das dge slong mang pos bskor te/ mdun du bdar nas lteng ka de'i drung du gshegs te/ srin bu de gzigs pa dang / srin bu de'i sngon gyi rgyu khyed cag sus shes zhes bka' stsal pa dang / dge slong rnams kyis bsam na yang srin bu des sngon ci byas pa gcig gis kyang ma rtogs nas/ bdag cag las gang yang 'tshal ba ma mchis so zhes gsol pa dang / bcom ldan 'das kyis bka' stsal pa/ khyod legs par nyon la yid la zung shig dang / srin bu 'di'i sngon gyi rgyu bshad par bya ste/ sngon 'das pa'i dus na sangs rgyas rnam par gzigs shes bya ba 'jig rten du gshegs te/ sems can gyi don mdzad nas/ mya ngan las 'das so/ /sangs rgyas de'i bstan pa la dge slong stong phrag bcu zhig tshangs par spyod pa/ yongs su dag par spyod do/ /dgon pa'i ri zhig la gnas pa las/ g.yas g.yon na me tog gi shing dang / 'bras bu'i shing rab tu rgyas shing / shing gi bar bar na chu mig dang khrus kyi rdzing bu dang ldan pa shin tu dga' ba'i gnas shig yod do/ /de'i tshe na dge slong dag spyod lam la brtson zhing nan tan byed pas/ thams cad kyis 'bras bu dang po nas 'bras bu bzhi pa'i bar du thob nas/ so so'i skye bo med do/ /dus gzhan zhig na tshong pa lnga brgya tsam zhig rgya mtshor rin po che len du dong ba las lam du zhugs te/ lam g.yogs su ri de la lhags nas dge slong dag shin tu spyod pa la brtson par mthong nas/ tshong pa rnams bsgros te</font><hr>69.331a<br><font size=+1>

mchod pa zhig bya bar bsam pa las/ yon bdag mang bas skabs ma rnyed do/ /bsam pa bzhin ma grub nas/ dge 'dun la 'phyi phyag 'tshal te/ rgya mtshor dong nas 'di skad ces smras so/ /gal te bdag cag nye zho med par bde bar 'khor na mchod par bgyi'o zhes gsol pa dang / dge 'dun rnams kyang cang mi gsungs te/ tshong pa rnams kyang rgya mtshor zhugs so/ /tshong pa de dag rgya mtsho nas rin po che mang du rnyed de/ bde bar 'khor nas/ dge 'dun de dag la rin po che dam pa rin che ba zhig dge 'dun la bsod snyoms kyi zung du 'phul lo/ /de nas dge 'dun gyis bzhes nas las byed pa'i dge slong zhig la gtad do/ /phyir dge 'dun dag bsod snyoms kyis brel bar gyur nas/ rin po che de bsod snyoms su spyod snyams te las byed pa'i dge slong de la tshong pas phul ba'i rin po che de 'on cig ces sgo na/ dge slong des smras pa/ tshong pas rin po che nga la byin tu zad kyis/ khyod kun la ni ma byin no/ /dge 'dun gyis dge slong de la rin po che de ni tshong pas dge 'dun la phul nas/ khyod slad du bcug gis khyod la ma byin no zhes bsgo ba dang / dge slong de khros nas khyed rkyag pa la za za 'am/ rin po che ni kho bo'i yin gyis ma zer cig ces smras so/ /de nas dge 'dun rnams kyang dge slong de khros te ngan sems bskyed pa thong nas/ so sor gyes so/ /de ltar dge 'dun la ngan sems kyis tshig ngan smras pas/ lus zhig ste tshe 'phos nas mnar med pa'i sems can dmyal ba chen por lhung ste/ ngan skyugs kyi nang na bskal pa dgu bcu rtsa cig gi bar du 'gro 'gro'o/ /de las thar nas da 'dir ngan skyugs kyi khung bur skyes nas/ lo mang du lon pa'i</font><hr>69.331b<br><font size=+1>

bar du mthong ngo / 'di lta ste/ sngon 'das pa'i sangs rgyas gtsug tor can gyis kyang dge slong gi dge 'dun dang / 'dir gshegs nas nye gnas rnams la bstan te/ sngon ci las gyur pa bstan to/ /de nas yang sangs rgyas thams cad skyob kyang dge slong gi dge 'dun dang bcas te 'dir gshegs nas sngon ci las gyur pa bstan to/ /de nas tshe phos nas phyir yang sems can dmyal bar skyes te/ lo khri phrag grangs med pa zhig lon nas phyis yang khung 'dir skyes so/ /de'i 'og tu sangs rgyas log par dad sel yang dge slong gi dge 'dun dang bcas pa 'dir gshegs nas sngon gyi lo rgyus bstan to/ /de'i 'og tu sangs rgyas gser thub kyang 'dir gshegs so/ /de'i 'og tu sangs rgyas 'od srung yang nye gnas rnams dang 'dir gshegs te/ sngon gyi lo rgyus bstan to/ /da sangs rgyas bdun po'i tha ma sangs rgyas shAkya thub pa nga yang khyed la 'dir srin bu bstan te/ de bzhin du bskal pa bzang po'i sangs rgyas stong po nye gnas dang bcas te/ 'dir gshegs nas srin bu 'di sngon ci ltar byas pa'i lo rgyus ston par 'gyur ro/ /dge slong rnams bcom ldan 'das kyis gsungs pa thos nas/ lus kyi ba spu kun langs nas/ so so nas lus dang ngag dang yid kyi las shin tu bsrung bar gyur to/ /bcom ldan 'das kyis gsungs pa las/ 'khor mang po rjes su yi rangs nas mngon par dga'o/ /srin bu'i lo rgyus bstan pa'i le'u ste/ lnga bcu pa'o// // 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ bzhugs so/ /de'i tshe tshe dang ldan pa shA ri'i bu nyin mtshan dus</font><hr>69.332a<br><font size=+1>

gsum du lha'i mig gis sems can gang 'dul ba'i skal ba yod par rtog ste/ 'dul bar rigs pa yod pa der 'gro'o/ /dus gzhan zhig na tshong pa dag cig yul gzhan du tshong du 'dong ba las khyi zhig khrid do/ /lam du khyi des tshong pa zhig gi sha brkus pa dang / tshong pa de khros nas/ khyi'i rkang pa bcag nas/ 'brogs stong par bor te song ngo / /de nas shA ri'i bus lha'i mig gis bltas nas khyi de ltogs par mthong nas/ chos gos gyon lhung bzed thogs te/ bsod snyoms bslangs te/ de ma thag tu nam mkha' la phur te/ khyi'i gan du song nas/ byams shing snying brtse ba'i sems bskyed do/ /kha zas kyis khyi de la bsnyod do/ /khyi de kha zas zos nas/ lhag par dga' ste/ shA ri'i bus khyi de la dam pa'i chos bstan nas/ khyi de yang de'i tshe tshe 'phos te/ mnyan du yod par bram ze zhig gi bur skyes so/ /dus gzhan zhig na/ shA ri'i bu gcig pu bsod snyoms la song ste/ bram ze'i sgor phyin pa dang / bram ze des shA ri'i bu la ci'i phyir gcig pur 'gro bar byed dge tshul yang med dam zhes smras pa dang / shA ri'i bus smras pa/ bdag la dge tshul med par cig pu 'gro ba yin no/ /khyod la bu cig yod zer na/ bdag la sbyin du rung ngam/ mi rung zhes smras so/ /bram zes smras pa/ bdag la kyun te zhes bya ba zhig yod do/ /da dung ni gzhon nu chung bas ci yang mi nus pas/ nam skyes na sbyin no zhes smras so/ /shA ri'i bus de skad ces smras pa thos nas/ yid la bzung ste/ phyir rgyal bu rgyal byed kyi tshal du 'ongs so/ /phyir lo bdun lon pa dang / bram ze'i khyim du song ste/ bram ze de la bu slong ba dang / bram ze des kyang shA ri'i bu la phul lo/ /shA ri'i bus kyang bu de bzhes nas rgyal bu</font><hr>69.332b<br><font size=+1>

rgyal byed kyi tshal du khrid do/ /dge tshul du bcug nas/ dam pa'i chos rnam pa sna tshogs bstan pas/ sems rnam par grol te/ dgra bcom par gyur nas/ mngon par shes pa drug dang yon tan kun dang ldan par gyur te/ dus gzhan zhig na dge tshul kyun te shes rab kyi stobs kyis tshe snga ma la ci byas pas lus 'di thob nas slob dpon dang phrad de 'bras bu thob par gyur pa brtags na/ tshe snga ma la khyi ltogs pa zhig byed pas/ bdag gi slob dpon shA ri'i bu'i drin gyis mi'i lus dang / 'bras bu thob par mthong zhing rtogs nas rab tu dga' ste/ 'di snyam du bsams so/ /bdag ni slob dpon 'di'i drin gyis sdug bsngal las mthar bar gyur to/ /da bdag nam 'tsho ba'i bar du slob dpon gyi bsnyen bkur bya ba'i phyir dge tshul bya'i bsnyen par rdzogs par mi bya'o/ /snyams bsamaso/ /de'i tshe kun dga' bos bcom ldan 'das la gsol pa/ dge tshul 'dis sngon sdig pa'i las ci zhig bgyis nas/ khyi'i lus su gyur/ dge ba ci bgyis na/ rnam par grol bar gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od srung gi tshe/ dge slong dag cig lhan cig 'khod pa las/ dge slong gzhon nu skad snyan pa zhig yod de/ bstod pa dang / dbyangs byed na thams cad kyis thos par dga'o/ /de'i tshe na dge slong rgan po zhig yod pa skad mi snyan ste/ 'on kyang bstod pa dang tshigs su bcad pa dang dbyangs dang bcas te byed do/ /dge slong rgan po de ni dgra bcom pa zhig ste/ dge sbyong gi yon tan thams cad dang ldan no/ /dus gzhan zhig na dge slong gzhon nu dbyangs snyan pa des</font><hr>69.333a<br><font size=+1>

dge slong rgad po dbyangs mi snyan pa de la/ khyod kyi dbyangs ni khyi zug pa dang 'dra'o/ /zhes smad pa'i tshig smras so/ /de nas dge slong rgad po des dge slong gzhon nu de la khyod kyis nga shes sam/ zhes dris na kho bos shes te khyod ni sangs rgyas 'od srung gi dge slong gnas brtan yin no/ /smras pa/ bdag ni dgra bcom pa ste/ dge sbyong gi yon tan dang ldan no zhes smras pa dang / dge slong gzhon nu de 'jigs skrag ste/ 'gyod nas de la mthol tshang byas so/ /dge slong rgad po des tshangs pa byin mod kyis/ tshig ngan pa smras pa'i rkyen gyis skye ba lnga brgya'i bar du rtag tu khyir skyes so/ /rab tu byung ste tshul khrims srung bas/ 'dir nga dang phrad nas rnam par grol bar gyur to/ /de'i tshe bcom ldan 'das kyis de skad ces gsung nas/ kun dga' bo la stsogs pa/ 'khor mang po rnams rjes su yi rangs nas/ mngon par dga'o/ /dge tshul kyun te'i le'u ste/ lnga bcu gcig pa'o// //chos ldan mi dbang chos bzhin skyong ba'i rgyal po yis/ /rgyal bstan snying po rgyal ba'i bka' 'gyur ma lus pa/ /par du bsgrubs shing par tshogs legs par grub pa'i dges/ /'gro kun myur du 'gro mgon sangs rgyas thob gyur cig /chos kyi phyi mo lung gi dam chos bka' 'gyur 'di/ /par du bsgrub phyir 'brel pa thogs pa ji snyed pa/ /brkos byed do dam zhus byed yig mkhan lag gi gla /phar shing bsgrubs dang khur du khyer zhing lag gis blangs/ /shog pu snag tsha snyug gu bcos shing bzung tsam dang / /mig gis bltas dang rna bas thos pa de dag kyang / /myur du rnam mkhyen sangs rgyas thob nas mkha' mnyam gyi/ /</font><hr>69.333b<br><font size=+1>

'gro la dam chos bdud rtsi'i dga' ston 'gyed gyur cig /de yang bka' 'gyur 'di yongs rdzogs par du bsgrub dus las brgya pa'i sngon gyi tshigs su bcad pa bdun pa'i gtam rgyud gnyis pa phyin cad dang / 'dzangs blun 'di gnyis ma phyi la ma zhugs pa'i don gyis re zhig par du ma grub pa las/ phyis par tshogs la zhus dag bgyid skabs su/ rgyal ba thams cad mkhyen pa zhwa dmar cod pan 'dzin pa drug pa'i zhal snga nas dang / sa tham gong ma chen po ste/ mchod yon gnyis kas kyang / mdo gnyis po 'di 'ang legs par par du bsgrub dgos zhes bka'i gnang ba thob pa la brten nas/ rgyal ba 'od mtshan dbang po'i zhabs rdul spyi bor len pa karma rnam grol zhes bya bas/ mdo 'di gnyis kyi phyi mo gsum tsam phan tshun go bstun zhing / lhag par rgyal mchog thams cad mkhyen pa de nyid kyi zhal lung la brten nas/ dag par zhus pa'i khungs su byas shing / dogs pa dang the tshom gyi gnas rnams ni/ mang thos sdom brtson sde snod 'dzin pa karma mngon dga' zhes bya ba dang / dbon rab 'byams smra ba karma dpal grub dang / rab 'byams smra ba karma legs bzang sogs dpyod ldan du ma la gtugs te/ brtags shing dpyad par byas la/ 'on kyang ma phyi ma dag pa'i gshis kyis yul dang / gang zag gi ming sogs 'ga' zhig dpyad dka' ba rnams rang sor bzhag pa la phyis nas mkhas pa dag gis ma phyi dag pa dang bstun nas legs par dpyad du gsol/ 'di la 'gal 'khrul du gyur pa rnams mkhas pa'i tshogs gyi spyan sngar 'chags shing / legs byas kyi dge ba ji snyed pa thams cad/ mar gyur mkha' mnyam gyi sems can ma lus pa rnam pa thams cad mkhyen pa'i go 'phang myur du thob nas 'khor 'das kyi rgya mtsho chen po drungs 'byin pa'i phyir du yongs su bsngo'o/ /</font><hr>69.334a<br><font size=+1>

@##/   /rgya gar skad du/  / Ar+ya b+ha dra tsar+ya pra Ni d+hA na rA dzA/  bod skad du/  'phags pa bzang po spyod pa'i smon lam gyi rgyal po/ 'phags pa 'jam dpal gzhon nur gyur pa la phyag 'tshal lo/ /ji snyed su dag phyogs bcu'i 'jig rten na/ /dus gsum gshegs pa mi yi seng ge kun/ /bdag gis ma lus de dag thams cad la/ /lus dang ngag yid dang bas phyag bgyi'o/ /bzang po spyod pa'i smon lam stobs dag gis/ /rgyal ba thams cad yid kyis mngon sum du/ /zhing gi rdul snyed lus rab btud pa yis/ /rgyal ba kun la rab tu phyag 'tshal lo/ /rdul gcig steng na rdul snyed sangs rgyas rnams/ /sangs rgyas sras kyi dbus na bzhugs pa dag /de ltar chos kyi dbyings rnams ma lus pa/ /thams cad rgyal ba dag gi gang bar mos/ /de dag bsngags pa mi zad rgyal mtsho rnams/ /dbyangs kyi yan lag rgya mtsho'i sgra kun gyis/ /rgyal ba kun gyi yon tan rab brjod cing*/ / bde bar gshegs pa thams cad bdag gis bstod/ /me tog dam pa phreng ba dam pa dang*/ /sil snyan rnams dang byugs pa gdugs mchog dang*/ /mar me mchog dang bdug pa dam pa yis/ /rgyal ba de dag la ni mchod par bgyi/ /na bza' dam pa rnams dang dri mchog dang*/ /phye ma'i phur ma ri rab mnyam pa dang*/ /bkod pa'i khyad par 'phags pa mchog kun gyis/ /rgyal ba de dag la ni mchod par bgyi/ /mchod pa gang rnams bla med rgya che ba/ /de dag rgyal ba thams cad la yang mos/ /bzang po spyod la dad pa'i stobs dag gis/ /rgyal ba kun la phyag 'tshal mchod par bgyi/ /'dod chags zhe sdang gti mug dbang gis ni/ /lus dang ngag dang de bzhin yid kyis kyang*/ /sdig pa bdag gis bgyis pa ci mchis pa/ /</font><hr>69.334b<br><font size=+1>

de dag thams cad bdag gis so sor bshags/ /phyogs bcu'i rgyal ba kun dang sangs rgyas sras/ /rang rgyal rnams dang slob dang mi slob dang*/ /'gro ba kun gyi bsod nams gang la yang*/ /de dag kun gyi rjes su bdag yi rangs/ /gang rnams phyogs bcu'i 'jig rten sgron ma dag /byang chub rim par sangs rgyas ma chags brnyes/ /mgon po de dag bdag gis thams cad la/ /'khor lo bla na med par bskor bar bskul/ /mya ngan 'da' ston gang bzhed de dag la/ /'gro ba kun la phan zhing bde ba'i phyir/ /bskal pa zhing gi rdul snyed bzhugs par yang*/ /bdag gis thal mo rab sbyar gsol bar bgyi/ /phyag 'tshal ba dang mchod cing bshags pa dang*/ /rjes su yi rangs bskul zhing gsol ba yis/ /dge ba cung zad bdag gis ci bsags pa/ /thams cad bdag gis byang chub phyir bsngo'o/ /'das pa'i sangs rgyas rnams dang phyogs bcu yi/ /'jig rten dag na gang bzhugs mchod par gyur/ /gang yang ma byon de dag rab myur bar/ /bsam rdzogs byang chub rim par sangs rgyas spyon/ /phyogs bcu ga la'i zhing rnams ji snyed pa/ /de dag rgya cher yongs su dag par gyur/ /byang chub shing dbang drung gshegs rgyal ba dang*/ /sangs rgyas sras kyis rab tu gang bar shog /phyogs bcu'i sems can gang rnams ji snyed pa/ /de dag rtag tu nad med bde bar gyur/ /'gro ba kun gyi chos kyi don rnams ni/ /'thun par gyur cing re ba'ang 'grub pa shog byang chub spyod pa dag ni bdag spyod cing*/ /'gro ba kun tu skye ba dran par gyur/ /tshe rabs kun du 'chi 'pho skye ba na/ /rtag tu bdag ni rab tu 'byung bar shog /rgyal ba kun gyi rjes su slob gyur te/ /bzang po spyod pa yongs su rdzogs byed cing / /tshul khrims</font><hr>69.335a<br><font size=+1>

spyod pa dri med yongs dag par/ /rtag tu ma nyams skyon med spyod par shog /lha yi skad dang klu dang gnod sbyin skad/ /grul bum dag dang mi yi skad rnams dang*/ /'gro ba kun gyi sgra rnams ji tsam par/ /thams cad skad du bdag gis chos bstan to/ /des shing pha rol phyin la rab brtson te/ /bya chub sems ni nams kyang brjed ma gyur/ /sdig pa gang rnams sgrib par gyur pa dag /de dag ma lus yongs su byang bar shog /las dang nyon mongs bdud kyi las rnams las/ /grol zhing 'jig rten 'gro ba rnams su yang*/ /ji ltar pad ma chus mi chags pa bzhin/ /nyi zla nam mkhar thogs pa med ltar spyod/ /zhing gi khyon dang phyogs rnams ji tsam par/ /ngan song sdug bsngal rab tu zhi bar byed/ /bde ba dag la 'gro ba kun 'god cing*/ /'gro ba thams cad la ni phan par spyad/ /byang chub spyod pa yongs su rdzogs byed cing*/ /sems can rnams kyi spyod dang 'thun par 'jug /bzang po spyod pa dag ni rab ston cing*/ /ma 'ongs bskal pa kun du spyod par gyur/ /bdag gi spyod dang 'thun par gang spyod pa/ /de dag dang ni rtag tu 'grogs par shog /lus dang ngag rnams dang ni sems kyis kyang*/ /spyod pa dag dang smon lam gcig tu spyod/ /bdag la phan par 'dod pa'i grogs po dag /bzang po spyod pa rab tu ston pa rnams/ /de dag dang yang rtag tu phrad par shog /de dag bdag gis nams kyang yid mi dbyung*/ /sangs rgyas sras kyis bskor ba'i mgon po rnams/ /mngon sum rtag tu bdag gis rgyal ba blta/ /ma 'ongs bskal pa kun du mi skyo bar/ /de dag la yang mchod pa rgya cher bgyi/ /rgyal ba rnams kyi dam pa'i chos 'dzin cing*/ /byang chub spyod pa kun du snang bar byed/ /bzang po spyod pa rnam par sbyang ba</font><hr>69.335b<br><font size=+1>

yang*/ /ma 'ongs bskal pa kun du spyad par bgyi/ /srid pa thams cad du ni 'khor ba na/ /bsod nams ye shes dag ni mi zad rnyed/ /thabs dang shes rab ting 'dzin rnam thar dang*/ /yon tan kun gyi mi zad mdzod du gyur/ /rdul gcig steng na rdul snyed zhing rnams te/ /zhig der bsam gyis mi khyab sangs rgyas rnams/ /sangs rgyas sras kyi dbus na bzhugs pa la/ /byang chub spyad pa spyod cing blta bar bgyi/ /de ltar ma lus thams cad phyogs su yang*/ /skra tsam khyon la dus gsum tshad snyed kyi/ /sangs rgyas rgya mtsho zhing rnams rgya mtsho dang*/ /bskal ba rgya mtshoraspyod cing rab tu 'jug /gsung gcig yan lag rgya mtsho'i sgra skad kyis/ /rgyal ba kun dbyangs yan lag rnam dag pa/ /'gro ba kun gyi bsam pa jibazhin dbyangs/ /sangs rgyas gsung la rtag tu 'jug par bgyi/ /dus gsum gshegs pa'i rgyal ba thams cad dang*/ /'khor lo'i tshul rnams rab tu bskor ba yi/ /de dag gi yang gsung dbyangs mi zad la/ /blo yi stobs kyis bdag kyang rab tu 'jug /ma 'ongs bskal pa thams cad 'jug par yang*/ /skad cig gcig gis bdag kyang 'jug par bgyi/ /gang yang bskal pa dus gsum tshad de dag /skad cig cha shas kyis ni zhugs par spyad/ /dus gsum gshegs pa mi yi seng ge gang*/ /de dag skad cig gcig la bdag gis blta/ /rtag tu de dag gi ni spyod yul la/ /sgyu mar gyur pa'i rnam thar stobs kyis 'jug /gang yang dus gsum dag gi zhing bkod pa/ /de dag rdul gcig steng du mngon par bsgrub/ /de ltar ma lus phyogs rnams thams cad du/ /rgyal ba dag gi zhing rnams bkod la 'jug /gang yang ma byon</font><hr>69.336a<br><font size=+1>

'jig rten sgron ma rnams/ /de dag rim par 'tshang rgya 'khor lo bskor/ /mya ngan 'das pa rab tu zhi mtha' ston/ /mgon po kun gyi drung dubadag mchi'o/ /kun du myur ba'i rdzu 'phrul stobs rnams dang*/ /kun nas sgo yi theg pa'i stobs dag dang*/ /kun du yon tan spyod pa'i stobs rnams dang*/ /kun du khyab pa byams pa dag gi stobs/ /kun nas dge ba'i bsod nams stobs rnams dang*/ /chags pa med par gyur pa'i ye shes stobs/ /shes rab thabs dang ting 'dzin stobs dag gis/ /byang chub stobs rnams yang dag sgrub par byed/ /las kyi stobs rnams yongs su dag byed cing*/ /nyon mongs stobs rnams kun tu 'joms par byed/ /bdud kyi stobs rnams stobs med rab byed cing*/ /bzang po spyod pa'i stobs ni rdzogs par bgyi/ /zhing rnams rgya mtsho rnam par dag byed cing*/ /sems can rgya mtsho dag nirnam par 'grol/ /chos rnams rgya mtsho rab tu mthong byed cing*/ /ye shes rgya mtsho rab tu rtogs par byed/ /spyod pa rgya mtsho rnam par dag byed cing*/ /smon lam rgya mtsho yongs su rdzogs par byed/ /sangs rgyas rgya mtsho rab tu mchod byed cing*/ /bskal pa rgya mtshor mi skyo spyad par bgyi/ /gang yang dus gsum gshegs pa rgyal ba yi/ /byang chub spyod pa'i smon lam bye brag rnams/ /bzang po spyod pas byang chub sangs rgyas nas/ /de kun ma lus bdag gis rdzogs par bgyi/ /rgyal ba kun gyi sras kyi thu bo pa/ /gang gi ming ni kun du bzang zhes bya/ /mkhas pa de dang mtshungs par spyad pa'i phyir/ /dge ba 'di dag thams cad rab tu bsngo/ /lus dang ngag dang yid kyang rnam dag cing*/ /spyod pa rnam dag zhing rnams yongs dag dang*/ /bsngo ba 'ang bzang po mkhas pa ci 'dra bar/ /de 'drar bdag kyang de dang mtshungs par shog /kun nas dge ba bzang po spyad pa'i phyir/ /'jam dpal gyi ni smon lam spyad par bgyi/ /ma 'ongs bskal pa kun</font><hr>69.336b<br><font size=+1>

du mi skyo bar/ /de yi bya ba ma lus rdzogs par bgyi/ /spyod pa dag ni tshad yod ma gyur cig /yon tan rnams kyang tshad gzung med par shog /spyod pa tshad med pa la gnas nas kyang*/ /de dag 'phrul pa thams cad 'tshal bar bgyi/ /nam mkha'i mthar thug gyur pa ji tsam par/ /sems can ma lus mtha' yang de bzhin te/ /ji tsam las dang nyon mongs mthar gyur pa/ /bdag gi smon lam mtha' yang de tsam mo/ /gang yang phyogs bcu'i zhing rnams mtha' yas pa/ /rin chen brgyan te rgyal ba rnams la phul/ /lha dang mi yi bde ba mchog rnams kyang*/ /zhing gi rdul snyed bskal par phul ba bas/ /gang gis bsngo ba'i rgyal po 'di thos nas/ /byang chub mchog gi rjes su rab mos shing*/ /lan cig tsam yang dad pa bskyed pa ni/ /bsod nams dam pa'i mchog tu 'di 'gyur ro/ /gang gis bzang spyod smon lam 'di btab pa/ /des ni ngan song thams cad spangs par 'gyur/ /des ni grogs po ngan pa spangs pa yin/ /snang ba mtha' yas de yang des myur mthong*/ /de dag rnyed pa rab rnyed bde bar 'tsho/ /mi tshe 'dir yang de dag legs par 'ongs/ /kun du bzang po de yang ci 'dra bar/ /de dag ring por mi thogs de bzhin 'gyur/ /mtshams med lnga po dag gi sdig pa rnams/ /gang gis mi shes dbang gis byas pa dag /de yis bzang po spyod pa 'di brjod na/ /myur du ma lus yongs su byang bar 'gyur/ /ye shes dang ni gzugs dang mtshan rnams dang*/ /rig dang kha dog rnams dang ldan par 'gyur/ /bdud dang mu stegs mang pos de mi thub/ /'jig rten gsum po kun na'ang mchod par 'gyur/ /byang chub shig dbang drung du de myur 'gro/ /song nas sems can phan phyir der 'dug ste/ /byang chub sangs rgyas 'khor lo rab tu bskor/ /bdud rnams sde dang bcas pa thams cad 'dul/ /gang yang bzang po spyod pa'i smon lam 'di/ /'chang ba dang ni ston tam klog pa yis/ /de yi rnam par smin pa sangs rgyas mkhyen/ /byang chub mchog la som nyi ma byed cig /'jam dpal ji ltar mkhyen cing dpa' ba dang*/ /</font><hr>69.337a<br><font size=+1>

kun du bzang po de yang de bzhin te/ /de dag gi ni rjes su bdag slob cing*/ /dge ba 'di dag thams cad rab tu bsngo/ /dus gsum gshegs pa rgyal ba thams cad kyis/ /bsngo ba gang la mchog tu bsngags pa des/ /bdag gi dge ba'i rtsa ba 'di kun kyang*/ /bzang po spyod phyir rab tu bsngo bar bgyi/ /bdag ni 'chi ba'i dus byed gyur pa na/ /sgrib pa thams cad dag ni phyir bsal te/ /mngon sum snang ba mtha' yas de mthong nas/ /bde ba can gyi zhing der rab tu 'gro/ /der song nas ni smon lam 'di dag kyang*/ /thams cad ma lus mngon du 'gyur bar shog /de dag ma lus bdag gis yongs su bskang*/ /'jig rten ji srid sems can phan par bgyi/ /rgyal ba'i dkyil 'khor bzang zhing dga' ba der/ /pad ma dam pa shin du mdzes las skyes/ /snang ba mtha' yas rgyal las mngon sum du/ /lung bstan pa yang bdag gis der thob shog /der ni bdag gis lung bstan rab thob nas/ /sprul pa mang po bye ba phrag brgya yis/ /blo yi stobs kyis phyogs bcu rnams su yang*/ /sems can rnams la phan pa mang po bgyi/ /bzang po spyod pa'i smon lam btab pa yi/ /dge ba cung zad bdag gis ci bsags pa/ /des ni 'gro ba'i dge ba'i smon lam rnams/ /skad cig gcig gis thams cad 'byor par shog /bzang po spyod pa'i smon lam bsngos pa yi/ /bsod nams dam pa mtha' yas gang thob des/ /'gro ba sdug bsngal chu bor bying ba rnams/ /'od dpag med pa'i gnas rab thob par shog /smon lam rgyal po 'di mchog gtso des ni/ /'gro ba mtha' yas kun la phan byed cing*/ /kun du bzang pos brgyan pa'i gzhung grub cing / /ngan song rgyud gsum ma lus stongs par shog /'phags pa bzang po spyod pa'i smon lam gyi rgyal po/ rdzogs s+ho// //ye d+harmA he tu pra b+ha bA he tun+te ShAn ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma NaH/ /</font><hr>

</table>