J27

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J27</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J27&coll=lithang">see text in Tibetan script</a></table>39.175a<br><font size=+1>

@#/ /rgya gar skad du/ dzA ta ka ni dA na~M/  bod skad du/ skyes pa rabs kyi gleng gzhi/ 'phags pa dkon mchog gsum la gus pas phyag 'tshal lo/[ ]/bcom ldan 'das rgyal byed tshal mgon med zas sbyin gyi kun dga' ra ba na bzhugs pa'i tshe/ gnas brtan chen po don mthong bcom ldan 'das kyi thad du song nas/ phyag byas te bskor ba byas nas phyogs gcig tu 'khod de/[ ]bcom ldan 'das kyi thad du 'di skad ces gsol to/ /btsun pa bdag ni sangs rgyas bcom ldan 'das kyi rgyud kyi chos thos par 'tshal lo/ /bka' stsal pa/ don mthong yid la zung shig dang ngas bshad par bya'o zhes 'byung ngo / /de yang 'dir sdud par byed pa po rab tu rtog pa'i shes rab dang zhi ba'i dgra bcom pa rnams kyi skyes pa rabs kyi gleng gzhi'i don gyi bsngags pa brjod do/[ ]/ring ba'i gleng gzhi dang bar pa'i gleng gzhi dang / nye ba'i gleng gzhi ste/[ ]/gleng gzhi gsum po 'di gzigs nas bsngags pa gang zhig nyan pa'o/ /de la dang po re shig de rnams kyi gleng gzhi yongs su bcad pa rnams rig par bya'o/ /mar me mdzad kyi zhabs kyi drung 'dir sems pa chen pos smon lam btab bo/[ ]/ ji srid thams cad sgrol gyi lus spangs pa'i bar dang dga' ldan gyi gnas su 'khrungs pa'i chos kyi gtam gyi bar gyi lam ni ring po'i gleng gzhi zhes bya'o/ /ji srid dga' ldan gyi gnas nas 'phos nas byang chub kyi snying por thams cad mkhyen pa thob nas chos kyi gtam gyi bar ni gleng gzhi bar pa zhes bya ba'o/ /gang dang gang du zhugs nas/ de dang de thob pa rnams ni nye ba'i gleng gzhi zhes bya ba'o/[ ]/de la 'dir ring po'i gleng gzhi zhes bya ba ni 'di nas bskal pa grangs med pa bzhi dang bskal pa 'bum phrag gcig lhag pa nas mgo brtsams nas grong khyer 'jigs med ldan zhes bya ba byung ngo / /der yang bram ze blo gros bzang po zhes bya ba gnas so/ /</font><hr>39.175b<br><font size=+1>

pha dang ma gnyis ka'ang rigs bzang ba'i mngal du zhugs te rigs bdun rgyud kyi bar du gzhan gyis rtsod pa dang dpya ba dang smod pa med cing rnam par dag go/ /gzugs bzang ba blta na sdug pa rab tu mdzes pa mchog gi kha dog dang ldan pa'i skyes bu can no/ /de yang las gzhan mi byed par bram ze'i las 'ba' zhig slob bo/ /de yang khye'u gzhon nu'i dus su pha dang ma gnyis ka dus las 'das so/ /de nas de'i longs spyod spel ba'i blon pos nor gyi yi ge blangs te gser dang dngul dang nor bu dang mu tig la sogs pas gang ba rnams sgor bton te gzhon nu 'di rnams ma'i nor yin no/ /'di rnams pha'i nor yin no/ /'di dag ni mes po dang yang mes kyi nor yin no/ /rigs bdun rgyud kyi bar gyi nor yin no zhes smras so/ /'di rnams so sor bskyang ba'i phyir smras pa yin no/ /mkhas pa blo gros bzang pos bsams pa/[ ]'di'i nor rnams bzung nas bdag gi pha dang mes po la sogs pas 'jig rten pha rol du 'gro ba na gser se ba gcig kyang khyer nas ma song gis bdag nyid kyis khyer nas 'gro bar rig par bya'o zhes rgyal po la smras nas/ grong khyer du rol mo bsgrags te/ skye bo thams cad la sbyin par byin nas/ dka' thub pa'i rab tu byung ba la rab tu byung ngo / /'di'i yang don gsal bar bya ba'i phyir gnas 'dir blo gros bzang pos gtam byas so/ /de yang 'di tsam 'ba' zhig ma yin te/ sangs rgyas kyi rgyur rgyun mi 'chad par gsungs la slar yang tshigs su bcad pas bcings te bshad kyang go dka' bas de dang de'i bar bar du tshigs su bcad pa'i tshig gis gsal ba dang bcas pa bshad par bya'o/ /bskal pa grangs med pa bzhi dang bskal pa 'bum phrag gcig lhag pa nas mgo brtsams nas sgra bcu rgyun chad med par 'jigs med ldan grong khyer der byung ngo / /de'i sangs rgyas kyis rgyud bshad</font><hr>39.176a<br><font size=+1>

do/ /bskal pa grangs med bzhi dang ni/ /'bum phrag gcig ni lhag pa na/ /grong khyer 'jigs med ldan zhes pa/ /mthong ba yis ni dga' bar byed/ /rgyun mi 'chad pa sgra bcu bzhin/ /bza' dang btung ba yang dag ldan/ /de la sgra bcu rgyun mi 'chad pa ni/ glang po che'i sgra dang rta'i sgra dang shing rta'i sgra dang rol mo'i sgra dang rol mo mri da~M ga'i sgra dang pi wang gi sgra dang glu'i sgra dang rol mo sam ma'i sgra dang cha lang gi sgra dang rgod pa dang 'thung ba dang za ba'i sgra ste/ sgra bcu po 'di rnams ni rgyun mi 'chad pa yin no/ /sgra de rnams phyogs gcig tu bya ste/ glang po'i sgra dang rta yi sgra/ /rol mo dung dang shing rta'i sgra/ /za dang 'thung ba de nyid dang / /bza' dang btung ba'i sgra dang ni/ /sangs rgyas rgyud du tshigs su bcad pa 'di gsungs nas/ grong khyer yan lag nying lag ldan/ /'dod pa thams cad nye rab gnas/ /rin chen bdun po yang dag ldan/ /skye bo sna tshogs yang dag gang / /lha yi grong khyer phun tshogs bzhin/ /bsod nams can ni gnas pa'o/ /'jig med ldan pa'i grong khyer du/ /bram ze blo bzangs zhes bya bas/[ ]/longs spyod bya ba du ma bsags/ /nor dang 'bru ni mang po yi/ /nang gi gsang sngags 'dzin pa dang / /rig byed gsum gyi pha rol son/ /mtshan nyid i thi ha sa dang / /dam pa'i chos kyi pha rol son/ /de nas de nyid nyi ma gcig la mkhas pa blo gros bzang po de khang bzang mchog gi steng du gcig pur skyil mo dkrung bcas nas dben par bzhugs te bsams pa/ mkhas pa skye ba gzhan du ma'i mngal bzung na sdug</font><hr>39.176b<br><font size=+1>

bsngal lo/ /de bzhin du skye ba'i gnas su lus 'jig go/ /bdag skye ba'i chos can dang rga ba'i chos can dang na ba'i chos can dang 'chi ba'i chos can no/ /de lta bur gyur pas bdag ni skye ba med pa dang / rgas pa med pa dang na ba med pa dang sdug bsngal med pa'i bde ba dang bsil ba dang bdud rtsi lta bu'i mya ngan las 'das pa chen po tshol bar rigs so/[ ]/nges par srid pa las grol ba'i mya ngan las/ 'das par 'gro ba'i lam gcig po yin pa lta bu'o/ /de'i phyir gsungs pa/ dben par gcig pur gnas nas ni/ /de tshe bdag gis 'di ltar bsams/ /srid par skye ba sdug bsngal zhing /[ ]/lus ni yongs su zhig pa na/ /skye ba'i chos dang rgas pa'i chos/ /na ba'i chos dang de tshe bdag /skye ba med dang 'chi med bde/ /mya ngan 'das pa yongs su btsal/ /gang tshe dri ngan lus 'di ni/ /sna tshogs mi gtsang gis gang zhing / /don med ltos pa med pa yi/ /dor nas 'gro bar bya ba yin/ /de yi lam ni yod dam snyam/ /'bad pa med par lam mi thob/ /de yi lam ni btsal bar bya/ /srid pa rnams las grol gyur snyam/ /de nas lhag par yang bsams pa/ ji ltar 'jig rten pas sdug bsngal gyi mi mthun pa'i phyogs su gyur pa'i bde ba zhes bya ba yod do/ /de ltar mi mthun phyogs srid pa yod na mya ngan las 'da' bar 'gyur ro snyam/ de ltar yang gdung ba yod na de zhi bar byed pa'i bsil ba yod do/ /de bzhin du 'dod chags la sogs pa'i me zhi bar byed pa'i mya ngan las 'das pa yod par 'gyur ro snyam mo/ /ji ltar yang sdig pa dang mi mthun pa'i phyogs su gyur pa kha na ma tho ba med pa'i dge ba'i chos yod par</font><hr>39.177a<br><font size=+1>

'gyur snyam pa nyid do/ /de dang de lta bu nyid kyis sdig pa can la sogs pa'i skye ba yod na/ skye ba thams cad zad par byed pa'i skye ba med par grags pa'i mya ngan las 'das pa'ang yod par 'gyur snyam pa nyid do/ /de'i phyir gsungs pa/ ji ltar sdug bsngal yod pa na/ /bde ba zhes pa'ang yod pa yin/ /de ltar sred pa yod pa na/ /srid pa med pa'ang yod pa yin/ /ji ltar tsha ba yod gyur na/ /grang ba yang ni yod pa yin/ /de ltar me gsum yod gyur na/ /mya ngan 'das pa'ang yod pa yin/ /ji ltar sdig pa yod gyur na/ /dge ba yang ni yod pa yin/ /de ltar skye ba yod gyur na/ /skye ba med pa'ang yod par 'dod/ /gzhan yang bsams pa/ ji ltar bshad pa'i phung por skyes bu 'gyel bar gyur pa zhig thag ring po nas kha dog lnga dang ldan pa'i pad ma dang mtsho chen po mthong na lam gang nas 'gro bar byas nas mtsho der 'jug par rigs so/ /de'i lam du mi 'gro na mtsho chen po'i skyon ma yin no/ /de ltar nyon mongs pa'i dri ma 'khrud pa na 'chi ba med pa'i mya ngan las 'da' ba'i mtsho chen po yod pa na der mi 'jug na/ 'chi ba med pa'i mya ngan las 'da' ba'i mtsho chen po'i skyon ni ma yin no/ /ji ltar yang chom rkun pas yongs su bskor ba'i skyes bu 'bros pa'i lam yod pa la myur du mi 'bros na lam gyi skyon ma yin te skyes bu'i skyon yin no/ /de ltar nyon mongs pas yongs su bskor nas bzung ba'i skyes bu la zhi ba mya ngan las 'da' ba'i lam yod par gyur pa na lam mi tshol ba ni lam gyi skyon ma yin te gang zag gi skyon yin no/ /ji ltar nad kyis gzir ba'i skyes bu la nad gso ba'i sman pa yod par gyur na gal te de'i gnas su nad gso ba'i sman pa mi tshol na sman pa'i skyon ma yin te nad pa'i skyon</font><hr>39.177b<br><font size=+1>

yin no/ /de ltar nyon mongs pa'i nad kyis gzir ba'i skyes bu la nyon mongs pa zhi bar byed pa'i mchog tu mkhas pa yod par gyur na/ slob dpon tshol bar mi byed na de ni skyes bu'i skyon yin te nyon mongs pa 'joms par byed pa'i slob dpon gyi skyon ni ma yin no/ /de'i phyir gsungs pa/ ji ltar mi gtsang gos pa'i mi/ /gang ba'i mtsho ni mthong bzhin du/ /mtsho der 'jug par mi byed na/ /de ni mtsho yi skyon min no/ /de ltar nyon mongs dri 'khrud pa/ /bdud rtsi'i mtsho ni yod pa yi/ /mtsho de la ni mi 'jug na/ /bdud rtsi mtsho yi skyon min no/ /ji ltar chom rkun gyis bskor ba/ /'gro ba'i lam ni yod pa la/ /skyes bu 'bros par mi byed na/ /de ni lam gyi skyon ma yin/ /ji ltar nyon mongs kyis bskor na/ /zhi ba'i lam ni yod pa la/ /de yi lam du mi 'jug na/ /zhi ba'i lam gyi skyon ma yin/ /ji ltar nad kyis gzir ba'i mi/[ ]/gso spyad byed pa yod gyur pa/ /nad ni zhi bar mi byed na/ /de ni sman pa'i skyon ma yin/ /de ltar nyon mongs pa yi nad/ /gzir cing sdug bsngal gyur pa'i tshe/ /slob dpon tshol bar mi byed na/ /slob dpon gyi ni skyon ma yin/ /gzhan yang bsams pa/ ji ltar rgyan gyis brgyan pa'i skyes bu'i mgrin pa la mi gtsang ba bcings na de de nas bde bar 'gro ba bzhin du/ de ltar bdag kyang mi gtsang ba'i lus spangs te ltos pa med par mya ngan las 'das pa'i grong khyer du 'jug par rigs so/ /gzhan yang ji ltar skyes pa dang bud med kyis bshang ba'i gnas su bshang ba dor bar byas nas snod du blugs te khur nas 'gro bar byed pa ma yin gyi/ ltos pa med par skyug bro bas dor nas 'gro'o/ /de ltar bdag kyang mi</font><hr>39.178a<br><font size=+1>

gtsang ba'i lus la sogs pa la ltos pa med par dor nas 'chi ba med pa'i mya ngan las 'das pa'i grong khyer du 'jug par rigs so/ /gzhan yang ji ltar gru mkhan rnams ni gru rdol ba rnams la ltos pa med par dor nas 'gro ba de bzhin du bdag kyang sgo dgu'i rma 'di rnams kyi nang nas 'bab pa'i lus 'di dor nas ltos pa med par mya ngan las 'das pa'i grong khyer du 'jug par rigs so/ /gzhan yang ji ltar skyes bu sna tshogs pa'i rin po che blangs nas chom rkun pa dang 'grogs te/ lam du 'gro na rang gi rin po che brlag par dogs pa'i 'jigs pas de rnams dor nas lam bzang por 'jug pa bzhin no/ /de ltar bdag kyang lus mi gtsang ba du ma can rin po che 'phrog pa'i chom rkun bzhin du gal te sred pa 'di byed na 'phags pa'i lam gyi dge ba'i chos kyi rin po che bdag gis brlag par dogs so/ /de'i phyir bdag gis chom rkun lta bu'i lus 'di dor nas mya ngan las 'das pa'i grong khyer du 'jug par rigs so/ /de'i phyir gsungs pa/ ji ltar mi yis dri nga ba/ /mgul la bcings na skyug bro ste/ /de dag spangs nas 'gro byed na/ /skyug mi bro zhing bde bar 'gro/ /de bzhin du ni dri nga lus/ /sna tshogs pa yis gang gyur pa/ /spangs nas 'gro bar byed pa ni/ /don med ltos pa med pa'o/ /ji ltar bshang ba'i gnas su ni/ /skyes pa bud med kyis bshangs nas/ /dor nas 'gro bar byed pa ni/ /don med ltos pa med pa yin/ /de ltar bdag gi lus 'di yang /[ ]/mi gtsang sna tshogs kyis</font><hr>39.178b<br><font size=+1>

gang ba/ /dor nas bdag kyang 'gro bar bya/ /ji ltar bshang ba'i gnas bzhin no/ /ji ltar gru ni rdol gyur na/ /chu ni nang du 'byung bar 'gyur/ /de ni gru mkhan gyis dor nas/ /don med ltos pa med pa yin/ /de ltar bdag gi lus 'di yang / /bu ga dgu yang mi rtag pas/ /dor nas 'gro bar byed pa na/ /gru mkhan gru ni dor ba bzhin/ /ji ltar chom rkun lhan cig mi/ /nor ni khyer nas 'gro ba na/ /nor khyer 'jigs pa mthong ba na/ /'jigs gnas dor nas 'gro byed bzhin/ /de bzhin du ni lus 'di ni/ /chom rkun chen po dang mtshungs zhing / /'dir ni dor nas 'gro ba na/ /dge ba spyod pa 'jigs med do/ /de bzhin du mkhas pa blo gros bzang pos sna tshogs pa'i dpe 'di yis phan yon gyi don la rnam par bsams shing rang gi khyim du dpag tu med pa'i longs spyod kyi phung po sngar ji ltar brjod pa bzhin du bkren pa la sogs pa rnams la sbyin pa chen po byin te/ nor gyi 'dod pa dang nyon mongs pa'i 'dod pa spangs nas/ grong khyer 'jigs med ldan gyi phyi rol du song ste/ gcig pur gangs can chos kyi ri zhes bya ba la brten nas/ der lo ma'i khang par 'chag par byed cing skyon lnga po ma bzlog la ma spangs bzhin du de ltar sems mnyam par bzhag pa dang po dang byed pa brgyad dang ldan pa'i mngon par shes pas smras pa dang stobs len pa dang de ru gnas te skyon dgu dang ldan pa gyon pa'i gos spangs nas/ yon tan bcu gnyis dang ldan pa'i shing shun gyi dum bu'i gos</font><hr>39.179a<br><font size=+1>

gyon nas/ drang srong gi rab tu byung ba la rab tu byung ste de ltar rab tu byung nas skyon brgyad dang ldan pa'i lo ma'i khang pa de spangs nas yon tan bcu dang ldan pa'i shing gi drung du nye bar gnas so/ /'byor pa thams cad spangs nas shing gi 'bras bu mchog za zhing 'dug pa'o/ /gnas su 'chag par byed pa'i dka' thub byed do/ /zhag bdun gyi nang de nyid du brgyad la snyoms par 'jug cing mngon par shes pa lnga po thob par gyur to/ /de bzhin du des don du gnyer bas mngon par shes pa'i stobs thob par gyur to/ /de'i phyir gsungs pa/ de ltar bdag gis bsams gyur pa/ /sna tshogs bye ba brgya yi nor/ /mgon dang mgon med rnams la sbyin/ /gangs can la ni nye bar song / /gangs can dang ni mi ring bar/ /chos kyi ri zhes bya ba la/ /bdag gis de la mchog tu brten/ /lo ma'i khang pa legs byas so/ /de ru 'chag par byed pa dang / /skyon ni lnga po rnam par spangs/ /yon tan brgyad dang yang dag ldan/ /mngon par shes pa'i stobs ldan no/ /skyon dgu dang ni ldan pa yi/ /der ni de nyid dor gyur nas/ /shing shun dum bu'i gos gyon te/ /yon tan bcu gnyis ldan pa'o/ /skyon ni brgyad dang ldan pa yi/ /lo ma'i khang pa spangs gyur nas/ /shing gi drung du nye bar 'dug /yon tan bcu dang ldan pa yi/ /rmongs dang bskrun pa'i 'bru rnams ni/ /lhag ma med par dor byas nas/ /yon tan ma lus ldan pa yi/ /shing tog mchog ni dang por zos/ /de ru dka'</font><hr>39.179b<br><font size=+1>

thub byas nas ni/ /'dug dang 'chag pa'i gnas rnams su/ /zhag bdun gyi ni nang nyid du/ /mngon par shes pa'i stobs thob bo/ /'dir yang gleng gzhi ni mkhas pa blo gros bzang pos brten pa'i lo ma'i khang pa dang 'chag pa ni rang gi lag gis byas pa ltar brjod do/ /'dir yang don ni sems pa chen po gangs can gyi nang nas 'ongs pa dang di ring chos kyi rir yong ba mthong nas lha'i dbang po brgya byin gyis las sna tshogs pa'i lha'i bu la mkhas pa blo gros bzang po 'di ni rab tu 'byung bar 'dod pas song ste/ 'di'i gnas rnams kyis cig de'i tshig thos nas dga' ba'i gnas phug legs pa'i lo ma'i khang par 'chag pa'i gnas byas so/ /bcom ldan 'das kyis yang de'i tshe bdag gis bsams nas goms par byas pa rdzogs pa las de'i dus su de'i rgyu mtshan gyis shA ri'i bu de chos kyi ri der/ gnas bzang po ni bdag gis byas/ /lo ma'i khang pa bzang por ldan/ /der ni 'chag cing gnas nas ni/ /skyon lnga po ni rnam par spangs zhes gsungs so/ /'chag pa'i skyon lnga po gang zhe na/ sra zhing mi snyoms pa dang /[ ]nang na shing rad rod can dang / nags thibs po dang shin du dog pa dang /[ ]shin du yangs pa'o/ /sra zhing mi snyoms pa'i sa'i char 'chag cing 'chag pa na/[ ]rkang pa la 'brum bu 'byung ba dang / sems rtse gcig tu mi gnas pa dang /[ ]las byed pa'i gnas mi 'grub la/ sa'i steng mnyam zhing 'jam par 'chag pa ni bde zhing las byed pa'i gnas rdzogs pa de'i phyir tsha ba dang mi snyoms</font><hr>39.180a<br><font size=+1>

pa'i sa'i cha ni skyon gcig tu rig par bya'o/ /'chag pa'i bar dang nang dang tha mar shing yod pa na bag med par 'ong zhing 'chag pa na dpral ba dang mgo la gnod pa byed pa ni nang gi shing gi gnod pa gnyis pa'o/ /rtsa dang 'khri shing la sogs pa nags tshal thibs po'i 'chag sar byed pa na mun pa nag po'i dus su sbrul la sogs pa'i srog chags rkang pas brdzis nas 'chi ba 'am/ des mche bas rmugs nas gnod pa skyel ba ni nags thibs po'i skyon gsum pa'o/ /shin du dog sa'i 'chag sa'i mchu ru khru gcig pa 'am khru phyed pa'i 'chag sa byed na nang du gcod pa dang sen mo 'am sor mo 'chad par 'gyur ba ni shin du dog pa'i skyon bzhi pa'o/ /shin du yangs pa'i 'chag sar 'chag pa na sems g.yengs par gyur pa dang / sems rtse gcig tu gnas pa mi thob pa ni shin du yangs pa'i skyon lnga pa'o/ /'chag sa'i mtho tshad kyi stugs su khru phyed dang do ngos gnyis su khru gcig tsam dkyus su khru drug bcu pa sa'i mthil 'jam pa dang mtshungs zhing yangs pa bye ma dang bcas pa'i 'chag sa ni rigs so/ /mchod rten gyi rigs mar me ltar gsal ba gnas brtan chen po dbang chen gyi 'chag sa lta bu bya bar rigs so/ /de'i phyir gsungs pa/ de ru 'chag sa byas la skyon lnga po spang bar bya'o/ /yon tan brgyad dang ldan pa'i dge sbyong gi bde ba brgyad dang ldan pa'o/ /dge sbyong gi bde ba brgyad dang ldan pa zhes bya ba ni gang zhe na/ nor dang 'bru yongs su 'dzin pa'i 'dod pa med pa dang / kha na ma tho ba</font><hr>39.180b<br><font size=+1>

med pa'i bsod snyoms las 'dod pa med pa dang / bza' ba btsal ba'i 'dod pa med pa dang / nor gces pa'i yul mi sdug par byed pa 'am mgo re re'i khral la sogs pa len na rgyal po'i rigs kyis yul 'khor gyi mi sdug bsngal ba mi 'dod pa dang / nye bar mkho ba thams cad la 'dod pa med pa dang /[ ]chom rkun gyis 'phrog pa'i 'jigs pa med pa dang / rgyal po dang rgyal tshab dang blon po'i nye bar 'tshe ba med pa dang / phyogs bzhir 'gro ba na 'tshe ba med pa ste/ de ltar der gnas na bde ba brgyad po nyams su myong bar nus so/ /de ltar yon tan brgyad dang ldan pa 'dir gnas par byas nas mngon par shes pa'i stobs thob par 'gyur zhing / de nas der gnas te/ zad par gyi las rnams byas nas mngon par shes pa dang snyoms par 'jug pa rnams bskyed pa'i phyir te/ mi rtag pa dang sdug bsngal ba dang lhag mthong brtsams nas gnas thob par byed do/ /lhag mthong gi stobs blangs nas ji ltar gnas na de'i stobs blang bar nus so/ /de ltar der gnas nas de'i mngon par shes pa'i phyir lhag mthong gi stobs 'thun par byas pa ni khang pa byas pa'i don yin no/ /der skyon dgu dang ldan pa'i gos dor ba ni 'dir sngar rim pa bzhin du brjod pa de rnams de'i tshe khang mig chung ba dang khang mig che ba dang 'chag sa la sogs pa so sor brgyan nas me tog dang 'bras bu dang shing ljon pa'i tshogs yid dga' ba dang bsam pa chu ltar yid du 'ong ba gdug pa can gyi ri dgas med pa dang gnod par byed pa'i bya'i tshogs med pa shin du dben par gnas par bya'o/ /</font><hr>39.181a<br><font size=+1>

'chag sa brgyan pa'i phyogs gnyis dang dbus su rgyab kyi rten gyi gzhi la brten nas bzhugs pa'i ched du 'chag sa'i nang du sa gzhi mnyam pa kha dog ser po rdo dang bsres pa lo ma'i khang pa'i nang du ral pa'i khor yug dang shing shun gyi dum bu'i chos gos dang dbyu gu gsum dang bum pa la sogs pa dka' thub pa'i yo byad dang ldan pa bsti gnas kyi nang du chu dang bum pa chen por chu dang dung chos kyi chu dang kham phor dang me khang dang snod sol ba can dang shing la sogs pa de ltar gang dang gang du rab tu 'byung ba la rigs so/ /de thams cad byas nas lo ma'i khang pa'i logs la gang zhig rab tu 'byung bar 'dod pa na 'di'i yo byad rnams blangs nas rab tu byung bar gyis shig ces yi ger bris nas/ las sna tshogs pa'i lha'i bu lha'i 'jig rten du song ngo / /mkhas pa blo gros bzang pos gangs can gyi ri'i 'gram na chu klung rjes su 'brang ba dang bdag nyid kyi gnas dang 'thun pa'i gnas su blta zhing chu klung bzlog pa'i las sna tshogs las sprul zhing brgya byin gyis byin pa'i gnas yid la dga' ba mthong ngo / /'chag sa'i dkyus kyi phyogs gcig tu 'gro zhing rkang pa'i rjes mi mthong bar rab tu byung ba rnams kyis thag ring po'i grong nas bsod snyoms btsal bas ngal zhing 'ongs nas lo ma'i khang par zhugs nas gnas so snyam du bsams so/ /de ma thag tu ma sleb par dus ring por ma sleb par so sor shes dgos so/ /shing gi khang pa'i khang mig gi sgor zhugs te nang du phyin no/ /de dang de bltas pas rtsig pa chen po la yi ge bris pa blags nas 'di rnams thams cad</font><hr>39.181b<br><font size=+1>

bdag gi yo byad du brtag par bya'o/ /de rnams blangs na rab tu 'byung ngo zhes bsams so/ /bdag nyid kyi stod gos dang smad gos zung dag dor ro/ /de'i phyir gsungs pa/ der gos dor ro/ /de ltar bzhugs nas shA ri'i bu bdag de'i lo ma'i khang pa dang skyon dgu dang bcas pa'i gos dor ro/ /de yang skyon dgu gsal bar mthong ste/ dka' thub pa'i rab tu byung ba rnams la gos skyon dgu dang ldan pa ni rnyed dka' ba'i skyon dang / gzhan 'dod pa skye ba'i skyon dang / longs spyod pa na myur du dri ma dang ldan pa'i skyon dang / dri ma can du gyur na 'khrud pa dang tshos bya dgos pa dang / longs spyod pa na 'dral ba'i skyon dang / rnyings na 'tshem pa dang lhan pa 'debs dgos pa dang slar yang tshol ba na rnyed dka' ba'i skyon dang / dka' thub pa'i rab tu byung ba la mi rigs pa'i skyon dang / dgra la sogs pas 'phrog par 'gyur ba'i skyon dang /[ ]ji ltar yang gos ni dgra la sogs pas mi len pa de'i phyir de bzhin du sbed dgos pa dang / gyon pa na rgyan du 'gyur ba'i skyon dang / khyer nas 'gro ba na lus kyi khur po chen por 'gro ba'i skyon no/ /shing shun gyi gos shes pa ni de'i tshe shA ri'i bu bdag 'di'i skyon dgu mthong nas gos dor ro/ /shing shun la rtswa mun dza dum bu dum bur byas nas sbyor zhing sgrog pa ni shing shun la smad gos dang stod gos don du gnyer ba'i phyir ro/ /yon tan bcu gnyis dang ldan pa zhes pa ni phan yon bcu gnyis dang ldan pa'i shing shun gyi gos kyi phan yon bcu gnyis dang ldan pa'i rin chung ba dang / blta na mdzes pa dang / rung ba dang 'di rnams ni</font><hr>39.182a<br><font size=+1>

phan yon gcig dang / rang gi lag gis bya bar nus pa ni gnyis pa dang / longs spyod pa ni dri ma can du gyur kyang myur du bkru bar nus pa ni gsum pa dang / longs spyod pa na rnyings par gyur kyang btsem par nus pa ni bzhi pa dang / slar yang tshol ba na bde bar byed nus pa ni lnga pa dang / dka' thub pa'i rab tu byung ba la rigs pa ni drug pa dang / chom rkun pa la mi mkho ba ni bdun pa dang / gyon pa na dka' thub pa'i rgyan du 'gyur ba ni brgyad pa dang / gyon pa na yang bar 'gyur ba ni dgu pa dang /[ ]chos gos so so la 'dod pa chung ba ni bcu pa dang / slong ba na chos pa la kha na ma tho ba med pa ni bcu gcig pa dang / shing shun gyi gos stor na yang ltos pa med pa ni bcu gnyis pa'o/ /skyon brgyad dang ldan pa'i lo ma'i khang pa dor zhes pa ni ji ltar dor/ de'i gos mchog gnyis kyi rigs su gyur pa a Na'o dza'i me tog gi phreng ba lta bu'i gos dmar po blangs nas smad du gyon te steng du gzhan yang kha dog ser po'i shing shun gyi gos gyon nas/ pun nA ga'i me tog gi stan dang 'dra ba'i rkang pa dang bcas pa'i gzig gi lpags pa'i g.yang gzhi gyon te ral pa'i khor yug mgo bo la bcings nas gtsug phud bstan par bya ba'i phyir du 'khregs pa'i spyi khab btsugs so/ /mu tig gi dra ba bzhin du 'then thag byi ru'i kha dog lta bu'i bum pa nang du bcug ste gnas gsum gyi kyog po'i shing de blangs nas khur shing de'i phyogs gcig la bum pa dang phyogs gnyis la lcags kyu dang smyug 'khur dang dbyug gu gsum pa la sogs pa bzung zhing khyer nas phrag pa'i khur du khyer te lag pa g.yas su mkhar ba bzung nas lo ma'i khang pa nas byung ste khru drug bcu pa'i 'chag sa chen por phan tshun du 'chag par byed cing rang gi cha lugs la bltas nas/ bdag gi 'dod pa yongs su rdzogs par thob bo/[ ]/bdag nyid mdzes par rab tu byung</font><hr>39.182b<br><font size=+1>

nas sangs rgyas dang rang sangs rgyas la sogs pa'i skyes bu dpa' bos bsngags pa dang bstod cing / rab tu byung ba zhes bya ba 'di ni khyim gyi 'ching ba spangs nas bdag gis nges par byung zhing rab tu byung ba mchog bdag gis thos pas dge sbyong gi chos bdag gis byas so/ /bde ba'i 'bras bu bdag gis thob nas spro ba skyes so/ /khur dal bus sa la bzhag nas 'chag sa'i dbus su kha dog ser po'i rdo'i steng du gser gyi gzugs brnyan lta bu bzhugs te nyin mo'i cha song nas srod kyi dus su lo ma'i khang pa'i nang du bzhugs nas/ khri shing legs po'i gzhog gi steng du nyal lo/ /lus la ser bus gos par byed cing nam gyi cha smad la langs te bdag yongs pa'i don la rtog cing bdag gis khyim gyi gnas kyi skyon mthong nas bdud rtsi la longs spyod pa dang grags pa mtha' yas pa spangs nas dgon par gnas te nges par 'byung ba btsal ba'i phyir rab tu byung ngo / /de nas bzung nas bag med pa'i spyod pa'i rtogs pa dang rab tu dben pa spangs nas 'gro ba log pa'i sbrang mas za bas da ni bdag gi rab tu dben pa dor bar rigs so/ /bdag gis kyang khyim pa'i gnas zang zing dang bcas par mthong ste phyin nas lo ma'i khang pa yid du 'ong ba 'di yang kha dog ser pos sa gzhi la zhal ba legs par byas nas/ dngul gyi kha dog ltar dkar ba'i rtsig pa rnams dang thog phug ron gyi rkang pa'i kha dog ltar dmar ba'i lo ma'i bla gab can no/ /sna tshogs pa'i kha dog can gyi shing khri'i stan la nyal ba dang 'dug pa na bde bar blta ba de rnams ni ches cher lhag par khyim pa'i phun sum tshogs pa dang 'dra bar mthong ngo / /lo ma'i khang pa'i skyon bltas pas skyon brgyad mthong ste/ lo ma'i khang pa la longs spyod pa na skyon brgyad po ni/ shing mang po la nor mang po dgos pa dang bsdus nas khang pa byed cing tshol ba ni skyon gcig pa dang / rtsa dang sa 'dzad pa dang yang dang yang zad pas na bcos dgos pa rgyun mi</font><hr>39.183a<br><font size=+1>

'chad pa ni skyon gnyis pa dang / nyal ba'i gnas zhes bya ba ni chen po la rigs te/ dus ma yin par slong dgos pas sems gcig tu mi gnas pa dang 'gro dgos pa ni skyon gsum pa dang / grang ba dang dro ba dang 'jam pa dang lus bde bar byed pa ni skyon bzhi pa dang / khang pa'i nang du zhugs nas sdig pa byed par nus pa dang / ngo tsha ba bzlog pa ni skyon lnga pa dang bdag gi yin no zhes bsrung ba ni skyon drug pa dang / khyim pa yong zhes pa gnyis pa'i skyon bdun pa dang / shig dang 'dre shig dang khyi shig la sogs pa'i srog chags du ma gnas par 'gyur ba ni skyon brgyad pa'o/ /'di rnams kyi skyon brgyad po rnams mthong nas sems pa chen pos lo ma'i khang pa spangs so/ /de'i phyir gsungs pa/ skyon brgyad dang ni ldan pa yi/ /lo ma'i khang pa spangs zhes pa/ /shing gi drung du gnas gyur na/ /yon tan bcu dang ldan pa yin/ /yib pa'i gnas rnams spangs pa dang / /yon tan bcu dang ldan pa yi/ /shing gi drung du gnas pa'o zhes brjod pa ni de la yon tan bcu po 'di bstsag mi dgos pa ni yon tan gcig dang / nyal bar gnas pa tsam gyis bsrung mi dgos par rnyed pa ni gnyis pa dang / der byi dor byed pa med par longs spyod pa dang bde bar gnas pa dang slong ba med pa ni gsum pa dang / ngo tsha ba na yib pa med cing der sdig pa byed pa med la sbed pa med pa ni bzhi pa dang / bla gab med pa'i gnas bzhin du lus rtag tu sdod pa med pa ni lnga pa dang / yongs su 'dzin par mi 'dod pa ni drug pa dang / khyim gyi 'dod pa spangs pa ni bdun pa dang /[ ]mang po dgos pa'i 'dzin pa med pa dang yongs su bsrung ba med pa dang 'gro ba na 'dod pa med pa ni brgyad pa dang / sdod pa na dga' ba dang bcas pa med pa ni dgu pa dang / shing drung gi gnas ni song zhing song ba na rnyed sla ba dang ltos pa med pa ni bcu pa'o/ /yon tan bcu po 'di mthong ste shing gi 'gram du gnas zhes brjod pa dang / 'di lta bu de rnams ni byed par bsams pa'o/ /sems pa chen po sang gi nyi ma la bsod snyoms la gshegs pas de ma thag tu</font><hr>39.183b<br><font size=+1>

grong du sleb ste mi rnams spro ba chen po skyes nas bsod snyoms byin no/ /de'i gdugs tshod thon nas gnas su byon te sleb cing bzhugs nas bsams pa/ bdag gis bsod snyoms thob pa'i phyir rab tu byung ba ni ma yin no/ /zas zhim pa zhes bya ba 'dis nga rgyal gyi rgyags pa dang / skyes bu 'dod pa'i rgyags pa 'phel ba dang / bza' ba'i gzhi la brten nas sdug bsngal mtha' med do/ /bdag gis slar yang btab pa dang bskrun pa las skyes pa'i 'bru'i bza' ba spangs nas/ 'bras bu mchog gi bza' ba la brten par bya'o/ /des de nas de blangs te/[ ]de ltar byas nas lus sdug bsngal du 'bad pa byas pa dang zhag bdun gyi nang du snyoms par 'jug pa brgyad po rnams dang mngon par shes pa lnga skyed te de'i phyir gsungs pa/ btab dang bskrun pa'i 'bru rnams ni/ /lhag ma med par spangs pa dang / /yon tan du ma dang ldan pa'i/ /'bras bu stsogs la 'jug pa'o/ /der ni dka' thub kyis gnas dang / /sdod dang 'chag pa'i gnas rnams su/ /zhag bdun gyi ni nang nyid du/ /mngon par shes pa'i stobs thob bo/ /de ltar mngon par shes pa thob nas/ blo gros bzang po dka' thub pas bde ba'i snyoms par 'jug pa la gnas so/ /de'i tshe mar me mdzad ces bya ba'i ston pa 'jig rten du byon par gyur to/ /de mngal du zhugs nas bltam pa dang byang chub pa dang / chos kyi 'khor lo bskor ba na/ 'jig rten gyi khams stong phrag bcu po thams cad g.yos so rab tu g.yos so sgra sgrogs so/ /sgra cher sgrogs so/ /sngon gyi mtshan mar gyur pa sum bcu rtsa gnyis dang / blo gros bzang po dka' thub pas snyoms par 'jug pa'i bde ba la gnas pas de rnams kyi sgra ma thos pa dang de rnams kyi sngon gyi mtshan ma ma mthong ngo / /de'i phyir gsungs pa/ stan gcig la ni bsten nas su/ /bdag gis de ltar grub pa thob/ /rgyal ba mar me mdzad ces pa/ /'jig rten 'dren pa byon par gyur/ /mngal du zhugs nas skyes gyur pa/ /sangs rgyas nas ni chos bstan pa/ /mtshan ma bzhi po mthong ma gyur/ /</font><hr>39.184a<br><font size=+1>

bsam gtan bde bas ma thos so/ /de'i tshe stobs bcu ldan pa'i mar me mdzad zag pa zad pa 'bum phrag bzhi'i 'khor dang bcas pa go rims bzhin du sems can la phan pa'i phyir 'chag cing dga' ba can zhes bya ba'i grong khyer du byon te/ blta na sdug ces bya ba'i gtsug lag khang chen por bzhugs so/ /dga' ba can zhes bya ba'i grong khyer na gnas pa'i mar me mdzad dge sbyong gi dbang phyug de nyid yang dag par rdzogs pa'i byang chub kyi mchog thob nas mchog gi chos kyi 'khor lo bskor ro/ /de ltar rim gyis sems can la phan pa'i don du 'chag cing dga' ba can gyi grong khyer du byon te /[ ]blta na sdug gi gtsug lag khang chen por bzhugs pa de de na gnas pa rnams kyis thos nas mar gsar dang zhun mar la sogs pa dang sman dang gos dang mal cha la sogs pa dang dri'i phreng ba la sogs pa lag tu thogs te/ gang gis sangs rgyas dang gang gis chos dang gang gis dge 'dun gang de rnams la 'dud cing de la dga' ba dang de la shin du gus pa dang bcas pas ston pa'i drung du song ste/ phyag byas nas dri la sogs pa'i mchod pa byas ste phyogs gcig tu 'khod cing chos bstan pa mnyan nas sang mgron du gnyer te rang gi sa nas song ngo / /de rnams byas nas sang sbyin pa chen po sta gon bya ste grong khyer brgyan/ stobs bcu pa byon pa'i lam brgyan te chu yis sa gzhi mi mnyam pa'i gnas rnams su sa blug nas sa gzhi mnyam par byas so/ /dngul gyi mdog lta bu'i bye mas spras so/ /me tog gi phreng ba nyid dang me tog sil ma dgram par byas so/ /kha dog sna tshogs pa'i gos kyi rgyal mtshan dang ba dan la sogs pa bsgreng bar byas so/ /chu shing gi shing dang bum pa gang ba rnams bsgrigs nas gzhag par byas so/ /de'i tshe blo gros bzang po dka' thub pas rang gi gnas nas steng du 'phags te mi de rnams kyis steng gi cha'i mkha' la 'gro ba de la mi rnams dga' zhing tshim pas mthong ste nam mkha' nas sa la phyogs gcig tu 'khod pa la mi rnams kyis dris so/ /bsod nams dang ldan pa rnams lam 'di rnams su zhig gis brgyan par</font><hr>39.184b<br><font size=+1>

byas/ de'i phyir gsungs pa/[ ]yul dang phyogs kyi mthar gnas pa'i/ /de bzhin gshegs pa mgron du gnyer/[ ]/de nyid byin nas lam 'di ni/ /sems ni dga' bas lam phyogs gcig /bdag ni de tshe de yi dus/ /rang gi gnas ni byed pa dang / /shing shun gos ni rlung gis g.yo/ /de tshe bdag ni mkha' la 'gro/ /dga' dang tshim dang bde ba yis/ /skye bo lam 'phyag byed pa mthong / /nam mkha' las ni byon nas su/ /de ma thag par mi la dris/ /dga' dang tshim la bde ba yi/ /mkhas shing rig pa'i skye bo che/ /lam ni snyom par byed pa na/ /su zhig phyir du lam 'di 'chos/ /mi rnams kyis smras pa/ btsun pa dka' thub pa blo gros bzang po nyid kyis mi mkhyen nam/ stobs bcu dang ldan pa'i mar me mdzad kyis yang dag par rdzogs pa'i sangs rgyas thob nas/ chos kyi 'khor lo bskor ro/ /sems can rnams la phan pa'i don du 'chag cing / bdag cag gi grong khyer du byon nas blta na sdug gi gtsug lag khang chen por bzhugs la bdag cag gis bcom ldan 'das de mgron du gnyer to/ /de'i phyir sangs rgyas bcom ldan 'das de byon pa'i lam brgyan par bya'o/ /dka' thub pa blo gros bzang pos bsams pa/[ ]sangs rgyas zhes bya ba'i sgra tsam yang 'jig rten du rnyed par dka' 'o/ /de ltar sangs rgyas byon pa la bdag mi 'di rnams dang bcas pas stobs bcu pa'i lam brgyan par byed par rigs so/ /des mi rnams la gsungs pa/ gal te khyod rnams kyis lam 'di rnams sangs rgyas kyi ched du brgyan par gyis cig /bdag la yang gnas gcig sbyin par gyis cig /bdag gis kyang khyed rnams dang 'grogs nas lam brgyan par bya'o/ /de rnams kyis legs so zhes bsams nas dka' thub pa blo gros bzang po rdzu 'phrul dang ldan par shes nas chu yis gnod par byas pa'i gnas phan tshun du bsams nas de la gnas brgyan par gyis shig ces byin no/ /blo gros bzang po sangs rgyas la dga' nas bsams so/ /bdag gis</font><hr>39.185a<br><font size=+1>

gnas 'dir rdzu 'phrul gyis brgyan par nus so/ /ji ltar brgyan par byas kyang bdag gi yid tshim pa med do/ /bdag gis de ring lus dub par byas so/ /sa rnams blangs nas gnas der blug go/ /de de'i phyogs de brgyan pa ma grub par stobs bcu ldan pa'i mar me mdzad thub pa chen po dang mngon par shes pa drug dang ldan pa zag pa zad pa 'bum phrag bzhi'i 'khor dang bcas pa rnams la lha rnams kyis lha'i dri bzang dang me tog gi phreng ba la sogs pas mchod par byed cing lha'i glu dbyangs dang bcas pa sgrogs so/ /mi rnams kyis mi'i dri bzang dang me tog gi phreng ba la sogs pas mchod par byed cing mtha' yas pa'i sangs rgyas kyi rol pa'i ri ma no shi la'i steng du seng ge sgra sgrogs pa bzhin du/ lha'i lam brgyan par byas nas lam du byon/[ ]blo gros bzang po dka' thub pas mig gis bltas nas lam brgyan pa la stobs bcu byon no/ /skyes bu chen po'i mtshan bzang po sum bcu rtsa gnyis kyis brgyan pa/ dpe byad bzang po brgyad bcus nye bar gsal ba/ 'od 'dom gang gis yongs su bskor ba dang nor bu'i kha dog lta bu nam mkha'i mthil la sna tshogs pa'i rnam pa klog gi 'od lta bu dus dang dus ma yin par 'byung ba nyid zung dang zung du gyur pa dang kha dog drug dang ldan pa'i tshogs sangs rgyas kyi 'od zer 'phro zhing gzugs mchog thob pa'i bdag nyid bltas nas de ring bdag gis stobs bcu pa la srog yongs su gtong bar rigs so/ /bcom ldan 'das 'jim pa'i steng du 'gro bar mi rigs so/ /nor bu'i spang leb kyi zam pa la zhabs gnon cing gshegs pa lta bur zag pa zad pa 'bum phrag bzhi dang lhan cig bdag gi rgyab gnon cing gshegs su gsol/ de ni bdag la yun ring por phan pa dang bde bar 'gyur ro/ /skra bkrol te gzig gi lpags pa dang shing shun gyi gos dang / 'jim pa nag po'i steng nor bu'i spang leb kyi zam pa lta bu'i 'jim pa'i steng du nyal lo/ /de'i phyir gsungs pa/ bdag gi de la dri lung bstan/ / </font><hr>39.185b<br><font size=+1>

'jig rten 'das pa'i sangs rgyas ni/ /rgyal ba mar me mdzad ces pa/ /'jig rten 'dren pa byon pa yi/ /mi mnyam lam ni 'chos pa dang / /de yi lam ni byi dor byed/ /sangs rgyas zhes pa bdag gis thos/ /de ma thag tu dga' ba skyes/ /sangs rgyas sangs rgyas zhes brjod pa/ /yid bde dga' ba skyes par gyur/ /tshim zhing dga' ba skyes pa'i sems/ /de ru 'khor te rnam par bsam/ /'dir ni sa bon bskrun byas nas/ /de ma thag tu bdag la skye/ /gal te sangs rgyas ched byi dor/ /ma bcos gnas gcig bdag la byin/ /bdag kyang byi dor byed pa yin/ /mi mnyam pa ni 'chos pa'o/ /de tshe lam ni byi dor bya/ /bdag la ma bcos gnas gcig byin/ /sangs rgyas sangs rgyas zhes bsam zhing / /de tshe bdag ni lam 'di 'chos/ /bdag gi gnas ni ma grub par/ /thub pa chen po mar me mdzad/ /mngon shes drug po mtshungs ldan par/ /'bum phrag bzhi po rnams la ni/ /dri ma med cing zag pa zad/ /rgyal ba lam du byon par gyur/ /bsu ba byed pa po rnams ni/ /rol mo rnams ni dkrol ba dang / /lha dang mi rnams yi rang byed/ /legs so zhes pa'i tshig byin no/ /lha yis mi rnams mthong ba dang / /mi rnams kyis kyang lha rnams mthong / /de gnyis kyis ni thal mo sbyor/ /de bzhin gshegs dang thabs gcig 'gro/ /lha dang lha yi rol mo dang / /mi dang mi yi rol mo dang / /gnyis ka yang ni rol mo dkrol/ /de bzhin gshegs dang thabs cig 'gro/ /lha mi me tog man dA ra/ /pad ma pa ri tshad tra ka /phyogs dang mtshams su me tog 'thor/ /lha rnams mkha' la gnas nas so/ /tsam pa ka~M shA la laM ni paM/ /nA gA pun+nA gA ke ta kaM //steng gi phyogs dang mtshams su 'thor/ /sa steng 'gro ba mi rnams so/ /der ni bdag gi skra bkrol nas/ /shing shun chos gos gzig lpags ni/ /'jim pa'i steng du bsting nas su/ /</font><hr>39.186a<br><font size=+1>

kha bub du ni bdag gis nyal/ /'jim pa'i steng nas mi gshegs par/ /bdag ni gnon cing sangs rgyas rnams/ /slob ma 'khor bcas gshegs su gsol/ /bdag la phan par 'gyur ba yin/ /de 'jim pa'i steng du nyal nas slar yang mig gis blta zhing stobs bcu dang ldan pa'i mar me mdzad sangs rgyas kyi 'byor pa yang dag par bltas nas de ltar bsams so/ /gal te bdag gi nyon mongs pa thams cad gzhom par 'dod pa dang / dge 'dun rnams kyi gzhon nur 'gyur bar bya ba dang / dga' ba can gyi grong khyer du 'jug par 'dod do/ /gzhan gyi cha lugs kyis kyang nyon mongs pa 'di gzhom par byas nas mya ngan las 'das pa thob pa la don med do/ /stobs bcu dang ldan pa'i mar me mdzad bdag gis ji lta ba bzhin du bya'o/ /mchog gi byang chub thob nas skye bo mang po 'khor ba'i rgya mtsho la grur zhugs nas pha rol du sgral bar byas nas/ phyi mya ngan las 'das pa thob par bya ba 'di ni bdag gis rigs pa'o/ /de nas chos brgyad po gcig tu bsdu ste sangs rgyas 'dod par smon pas sems la blta zhing nyal lo/ /de'i phyir gsungs pa/ sa gzhi la ni nyal nas ni/ /bdag gis de ltar bsams pa nas/ /bdag ni de ring 'dod pa yi/ /bdag gis nyon mongs gzhom pa 'o/ /bdag ni cha lugs gzhan gyis kyang / /'dir ni chos 'di mngon du bya/ /thams cad mkhyen pa thob gyur nas/ /lha dang bcas pa sangs rgyas 'gyur/ /bdag nyid gcig pu grol nas ci/ /skyes bu mthu ldan mthong ba dang / /thams cad mkhyen pa thob gyur nas/ /lha dang mi rnams yang dag bsgral/ /bdag gi 'di yi gzhi yis ni/ /mthu dang ldan pa mthong ba dang / /thams cad mkhyen pa thob nas ni/ /skye bo mang po bdag gis bsgral/ /'khor ba'i mdud pa bcad nas ni/ /srid gsum po ni zad byas la/ /chos kyi gru yi nang zhugs nas/ /lha dang mi rnams yang dag bsgral/ /gang zhig slar yang sangs rgyas don du gnyer ba'i phyir ro/ /mi yi lus ni mtshan mar ldan/ /ston pa'i lta ba'i rgyu dang ni/ /</font><hr>39.186b<br><font size=+1>

rab byung yon tan ldan pa dang / /rigs pa dang ni 'dun pa dang / /chos brgyad po ni bsdus nas su/ /smon lam mngon par 'phel ba'o/ /mi'i lus la gnas shing sangs rgyas nyid don du gnyer ba ni don du gnyer ba phun sum tshogs pa 'grub bo/[ ]/klu'am mkha' lding ngam lha rnams kyis de don du gnyer yang mi 'grub bo/[ ]/mi'i lus su gyur cing skyes bu'i mtshan gnas pas ni de don du gnyer ba 'grub bo/ /bud med dam za ma'am ma ning ngam mtshan gnyis pas ni 'grub pa ma yin no/ /skyes bur gyur nas de'i lus su 'dod pa dang dgra bcom pa thob par bya ba'i phyir du yongs su rdzogs par 'grub bo/ /gzhan gyis ni ma yin no/ /sgyu dang ldan zhing gal te 'tsho ba dang ldan pa'i sangs rgyas kyi drung du gnyer na don du 'grub bo/ /sangs rgyas yongs su mya ngan las 'das nas mchod rten gyi drung du'am byang chub shing gi drung du don du gnyer bas ni mi 'grub bo/ /sangs rgyas kyi drung du don du gnyer kyang rab tu byung ba'i mtshan ma dang ldan pas 'grub kyi/[ ]khyim pa'i mtshan ma dang ldan pas ni ma yin no/ /rab tu byung yang mngon par shes pa lnga dang snyoms par 'jug pa brgyad thob pas 'dod par 'grub kyi/ yon tan 'di rnams dang bral bas ni ma yin no/ /yon tan dang ldan yang gang zhig 'tsho ba dang ldan pa'i lus sangs rgyas la yongs su btang na 'grub kyi/ gzhan du ni ma yin no/ /de'i gzhi 'dis gzhi yongs su rdzogs nas 'grub bo/ /gzhan gyis ni ma yin no/ /gzhi dang ldan yang gang zhig sangs rgyas kyi chos kyi phyir du 'dun pa chen po dang / spro ba chen po dang / rtsol ba chen po dang / yongs su 'bad pa rnams kyis 'grub bo/ /gzhan gyis ni ma yin no/ /de la 'dir 'dun pa chen po'i dpe ni gal te 'di ltar gang zhig 'jig rten thams cad kyi khor yug gi nang chu yis gang bar gyur pa la bdag gi lag pas brkyal te pha rol du 'gro bar nus na des sangs rgyas thob par 'gyur ro/ /yang na gang du gang zhig slar yang thams cad kyi khor yug gi nang du 'od ma mang pos bkang ste rkang pas nyed cing rdul du byed pas pha rol du 'gro bar nus na de yis sangs rgyas thob par nus so/ /yang na gang zhig slar yang thams cad</font><hr>39.187a<br><font size=+1>

kyi khor yug gi nang du mtshon cha rnams kha gyen la bstan pa'i mtshon rtse mo bar med pas yongs su gang ba la rkang pas rdzi zhing pha rol du 'gro bar nus na des sangs rgyas thob par 'gyur ro/ /yang na gang zhig gis slar yang 'jig rten khor yug gi nang du sol ba 'bar bas yongs su gang bar byas nas rkang pas rdzi zhing pha rol du 'gro bar nus na de yis sangs rgyas thob par 'gyur ro/ gang zhig de rnams las gang zhig la sdug bsngal bar mi sems par bdag gis 'di rnams kyang pha rol du bsgral ba 'am 'gro ba'am pha rol du 'gro bar bya'o zhes shes so/ /de de ltar 'dun pa chen po dang / spro ba dang / rtsol ba dang / 'bad pa rnams dang yang dag par ldan na de'i don du gnyer ba 'grub bo/ /gzhan gyis ni ma yin no/ /blo gros bzang po dka' thub pa slar yang chos brgyad po 'di rnams bsdus nas sangs rgyas 'dod pa'i smon lam btab nas nyal lo/ /bcom ldan 'das mar me mdzad kyis kyang byon nas blo gros bzang po dka' thub pa'i mgo'i gam du bzhugs te nor bu seng ge'i khang pa'i gzeb kyi sgor ston pa bzhin du kha dog lnga pa rab tu dngas pa dang ldan pa'i spyan gyis gzigs nas 'jim pa'i steng na nyal ba'i blo gros bzang po dka' thub pa gzigs so/ /dka' thub pa 'di sangs rgyas thob pa'i phyir du smon lam 'debs shing nyal lo/ /'di'i don du gnyer ba 'grub bam mi 'grub snyam du dgongs nas ma 'ongs pa'i ye shes kyis rtog cing dpyod do/ /'di nas bskal pa grangs med pa bzhi dang 'bum phrag gcig lhag nas gau ta ma zhes bya ba'i sangs rgyas su 'gyur zhes rtogs nas 'khor gyi nang du lung ston pas bka' stsal pa/ mchog gi dka' thub kyi dka' thub pa 'di 'jim pa'i steng na nyal ba khyed rnams kyis mthong ngam/ gsol pa/ btsun pa de bzhin du mthong ngo / /bka' stsal pa/ 'dis sangs rgyas thob par bsams nas nyal to/ /gsol pa/ 'di'i don du gnyer ba 'grub par 'gyur lags sam/ /bka' stsal pa/ 'di nas bskal pa grangs</font><hr>39.187b<br><font size=+1>

med pa bzhi dang 'bum phrag gcig lhag 'das nas gau ta ma zhes bya ba'i sangs rgyas su 'gyur ro/ /de la slar yang grong khyer ser skya'i gnas su 'khrung par 'gyur ro/ /lha mo sgyu 'phrul ma chen mo zhes bya ba ni yum mo/ /rgyal po zas gtsang ma zhes bya ba ni yab po/[ ]/nyan thos kyi mchog ni gnas brtan nye rgyal dang nyan thos gnyis pa ni gnas brtan pang nas skyes so/ /sangs rgyas kyi nye gnas ni kun dga' bo zhes bya ba'o/ /nyan thos ma'i mchog ni gnas brtan ma dge ma zhes bya ba dang nyan thos ma gnyis pa ni gnas brtan ma ud pa la'i mdog can zhes bya bar 'gyur ro/ /ye shes yongs su smin par gyur te/ nges par 'byung ba chen po byas nas dka' thub chen po rdzogs par bya ste/ n+ya gro d+ha'i shing drung du 'o thug blangs nas chu klung nai ra dza ra'i 'gram du gsol lo/ /byang chub kyi snying por gshegs te a shAd+tha'i shing drung du mngon par rdzogs par 'tshang rgya bar 'gyur ro/ /de'i phyir gsungs pa/ mar me mdzad pa 'jig rten mkhyen/ /sems can phan phyir 'jig rten byung / /bdag gi mgo bo'i gam 'dug ste/ /'di lta bu yi tshig gsungs so/ /dka' thub pa 'di ltos shig dang / /dka' ba mchog gi ral pa 'dzin/ /'di ni bskal pa mang 'das nas/ /'jig rten du ni sangs rgyas 'gyur/ /ser skya dga' ba'i grong du 'khrungs/ /de bzhin gshegs pa nges par 'byung / /dka' thub gnas su gnas nas ni/ /shin du dka' ba'i dka' thub spyad/ /a tsa pA la'i shing drung du/ /de bzhin gshegs pa bzhugs nas su/ /der ni 'o thug blangs nas ni/ /nai ra dza ra'i 'gram gnas nas/ /nai ra dzA ra'i 'gram du ni/ /'o thug rgyal bas longs spyod do/ /lam gyi mchog gi ched du ni/ /byang chub gzhi ni byon 'gyur ro/ /bla med byang chub snying po la/ /de nas bskor ba byas nas ni/ /a shAd+tha yi drung du ni/ /grags chen zhes pa sangs rgyas 'gyur/ /'di yi skye ba'i yum gyur pa/ /sgyu ma zhes par 'gyur ba yin/ /yab ni zas gtsang</font><hr>39.188a<br><font size=+1>

zhes bya'o/ /'di ni gau tam zhes par 'gyur/ /zag pa zad cing 'dod chags bral/ /zhi ba'i sems dang mtshungs par ldan/ /pang nas skyes dang nye rgyal ni/ /nyan thos rnams kyi mchog yin no/ /nye gnas kun dga' bo zhes pas/ /rgyal ba de la zhabs tog byed/ /dge ma dang ni ud pal mdog /nyan thos ma yi mchog yin no/ /zag pa med cing 'dod chags bral/ /zhi ba'i sems dang mtshungs par ldan/ /de yi bcom ldan byang chub shing / /a shwad+tha zhes brjod pa'o/ /de thos nas blo gros bzang po dka' thub pa bdag gis don du gnyer ba grub par 'gyur bas yid bde ba thob par gyur to/ /skye bo mang pos stobs bcu dang ldan pa'i mar me mdzad kyi gsung thos nas/ blo gros bzang po dka' thub pa sangs rgyas kyi sa bon gyi myu gur gyur pas dga' ba dang bde ba skyes so/ /de lta bur gyur pa'i sems kyis/ ji ltar skyes bu chu klung gi pha rol du 'gro ba na mu 'gram drang po nas pha rol du 'gro bar mi nus na 'og gi cha'i mu gnas nas pha rol du 'gro'o/ /de ltar 'di ltar bdag gis stobs bcu dang ldan pa'i mar me mdzad kyi bstan pa la lam gyi 'bras bu ma thob par gyur na/ gang gi tshe khyod ma 'ongs pa na sangs rgya bar 'gyur ro zhes so/ /de'i tshe khyod kyis mngon sum du lam 'bras bu mngon du byed pa bdag gis nus so/ /don du gnyer bar byas nas stobs bcu dang ldan pa'i mar me mdzad kyis kyang byang chub sems dpa'i bsngags pa brjod cing me tog snyim pa brgyad kyis gtor nas bskor ba byas te gshegs so/ /'bum phrag bzhi po zag pa zad pa de rnams kyis kyang byang chub sems dpa' la dri bzang dang me tog gis mchod nas bskor ba byas te gshegs so/ /lha dang mi rnams kyis kyang de bzhin du mchod nas phyag btsal te song ngo / /byang chub sems dpas thams cad song ba'i dus su nyal ba'i gnas nas langs te pha rol du phyin pa bsam pa'i phyir me tog gi phung po'i steng du dkyil dkrung bcas nas bzhugs so/ /de ltar byang chub sems dpa' bzhugs nas 'jig rten gyi khams stong phrag bcu'i khor</font><hr>39.188b<br><font size=+1>

yug gi lha rnams kyis legs so zhes bya ba byin no/ /'phags pa blo gros bzang po dka' thub pa sngar gyi byang chub sems dpa' rnams kyis kyang skyil dkrung bcas te pha rol du phyin pa sems shing sngon gyi dus na bzhugs bzhin du sdug bsngal gyi mtshan ma mthong nas de rnams kyi mtshan ma rnams kyang de ring skyes par gyur to/ /the tshom med par khyod sangs rgyas su 'gyur ro zhes bdag gis de rnams shes so/ /gang gis 'di rnams kyi mtshan ma mthong bar gyur pas de nges par sangs rgyas su 'gyur ro/ /de la khyod bdag nyid brtson 'grus brtan po mchog bzung nas byang chub sems dpa' rnams la sna tshogs pa'i bstod pa byas so/ /de'i phyir gsungs pa/ 'di yi tshig ni thos nas ni/ /mtshungs med drang srong chen po la/ /lha dang mi ni rjes yid rang / /sangs rgyas sa bon myu gu 'di/ /sgra ni chen po sgrogs byed cing / /gsal bar bzhad par byed pa dang / /thal mo sbyar nas phyag byed pa/ /stong phrag bcu yi lha dang bcas/ /bstan pa 'di la 'bras ma thob/ /gal te 'jig rten mgon po 'di/ /ma 'ongs pa rnams 'das gyur nas/ /'di ni sngon du 'gyur ba'o/ /ji ltar chu klung pha rol mi/ /'gro ba po yi mu gnas la/ /'og gi mu nas bzung nas ni/ /chu klung chen po'i pha rol 'gro/ /de ltar 'di ltar bdag gis ni/ /rgyal ba 'di ni gal te na/ /ma 'ongs pa ni mang song nas/ /'di ni mngon sum gyur pa yin/ /mar me mdzad ni 'jig rten mkhyen/ /'di ltar 'gyur zhes gsungs pa yin/ /bdag gi las rnams bsal byas nas/ /rkang pa g.yas pa bteg byas so/ /gang zhig de la rgyal sras ni/ /bdag la kun gyis bskor ba byas/ /mi dang klu dang dri za rnams/ /phyag byas nas ni gshegs par gyur/ /dge 'dun bcas pa 'jig rten 'dren/ /bdag gis gshegs pa mthong ba na/ /dga' zhing tshim pa'i sems kyis ni/ /de tshe bdag gis stan las langs/ /bdag ni bde zhing bde bar 'gyur/ /dga' zhing dga' bar gyur pa ste/ /dga' dang ldan par skye ba dang / /de yi tshe na skyil dkrung bcas/ /skyil</font><hr>39.189a<br><font size=+1>

dkrung la ni gnas nas su/ /de la bdag gis 'di ltar bsams/ /bdag gi bsam gtan dbang du gyur/ /ye shes kyi ni pha rol phyin/ /stong phrag gi ni 'jig rten na/ /nga dang mtshungs pa'i drang srong med/ /rdzu 'phrul chos ni bdag mi mtshungs/ /'di 'dra ci bde gzhan ma thob/ /bdag gis dkyil dkrung bcas nas bdag /stong phrag bcu lhag gnas nas su/[ ]/sgra chen po ni sgrogs par byed/ /nges par khyod ni sangs rgyas 'gyur/ /gang zhig byang sems sngon ma rnams/ /skyil dkrung du ni bzhugs nas su/ /mtshan ma rnams ni mthong ba ni/ /de rnams de ring mthong ba yin/ /grang ba rnams ni med par gyur/ /dro ba rnams ni nye bar zhi/ /de rnams de ring so sor mthong /[ ]/nges par khyod ni sangs rgyas 'gyur/ /stong phrag bcu yi 'jig rten khams/ /phan tshun du ni 'jigs med gyur/ /de rnams de ring so sor mthong / /nges par khyod ni sangs rgyas 'gyur/ /rlung chen po ni mi ldang zhing / /chu rnams rgyun las log pa dang / /de rnams de ring so sor mthong / /nges par khyod ni sangs rgyas 'gyur/ /thang skyes chu skyes me tog rnams/ /thams cad du ni me tog bye/ /de rnams de ring me tog bye/ /nges par khyod ni sangs rgyas 'gyur/ /'khri shing yang na shing gyur pa/ /de ma thag tu 'bras bur gyur/ /de rnams de kun 'bras gyur pa/ /nges par khyod ni sangs rgyas 'gyur/ /nam mkha' dang ni sa gzhi la/ /rin chen de dag 'od 'gyed do/ /de rnams de ring 'od 'gyed pas/ /nges par khyod ni sangs 'argyas 'gro/ /lha rnams dang ni mi rnams ni/ /de dag rol mo'i sgra sgrogs so/ /de rnams de ring sgra 'byin pas/ /khyod ni nges par sangs rgyas 'gyur/ /me tog sna tshogs pa yi tshogs/ /de ma thag tu char pa 'bebs/ /de rnams de ring char 'bebs pas/ /nges par khyod ni sangs rgyas 'gyur/ /rgya mtsho chen po ma g.yo zhing / /'jig rten stong phrag bcu po g.yo/ /de rnams de ring gyur pas na/ /nges par khyod ni sangs rgyas 'gyur/ /</font><hr>39.189b<br><font size=+1>

stong phrag bcu yi dmyal ba rnams/ /de ma thag tu bsreg dang bral/ /de rnams di ring zhi bas na/ /nges par khyod ni sangs rgyas 'gyur/ /nyi ma dri ma med pa dang / /rgyu skar thams cad mthong ba dang / /de rnams di ring mthong bas na/ /nges par khyod ni sangs rgyas 'gyur/ /char pa 'bab par ma gyur kyang / /sa ni snum bag bcas pa dang / /de rnams di ring sa la gyur/ /nges par khyod ni sangs rgyas 'gyur/ /rgyu skar tshogs ni rnam par gsal/ /nam mkha'i dbyings su rgyu skar rnams/ /zla ba dang ni 'grogs pa bzhin/ /nges par khyod ni sangs rgyas 'gyur/ /sa khung ri khung srog chags rnams/ /sems gcig pas ni pha rol mthong / /di ring de rnams sems dga' bas/ /nges par khyod ni sangs rgyas 'gyur/ /sems can rnams ni mi dga' med/ /de ma thag tu dga' bar 'gyur/ /di ring de rnams dga' bas na/ /nges par khyod ni sangs rgyas 'gyur/ /de tshe nad rnams nye bar zhi/ /'dod pa'i nad ni med pa'o/ /di ring de rnams mthong bas na/ /nges par khyod ni sangs rgyas 'gyur/ /de tshe chags pa bsrabs pa dang / /skyon dang rmongs pa rnam par zhig[ ]/de ring de kun dor bas na/ /nges par khyod ni sangs rgyas 'gyur/ /de yi tshe na 'jigs med pa/ /di ring de rnams mthong bas na/ /bdag gi rtags de kun gyis shes/ /nges par khyod ni sangs rgyas 'gyur/ /steng 'og rdul ni go bzlog 'gro/ /di ring yang ni de rnams mthong / /bdag gi rtags de kun gyis shes/ /nges par khyod ni sangs rgyas 'gyur/ /dri rnams ngan pa song ba dang / /lha yi dri ni 'ong ba dang / /di ring de rnams dri ldang bas/ /nges par khyod ni sangs rgyas 'gyur/ /lha rnams thams cad mthong ba dang / /gzugs med pa rnams spangs pa ni/ /di ring de kun mthong bas na/ /nges par khyod ni sangs rgyas 'gyur/ /dmyal ba rnams ni ji srid pa/ /de yi tshe na thams cad mthong / /de rnams di ring kun mthong bas/ /nges par khyod ni sangs rgyas 'gyur/ /sgo chung dang ni ri yi rnams/ /de yi tshe na mi mthong med/ /di ring nam</font><hr>39.190a<br><font size=+1>

mkha' bzhin du mthong / /nges par khyod ni sangs rgyas 'gyur/ /rum du gnas dang 'thon pa ni/ /skad cig tsam gyis ma yin no/ /di ring de rnams so sor mthong / /nges par khyod ni sangs rgyas 'gyur/ /brtson 'grus brtan par byas nas ni/ /nges par 'byung ba ldog mi bya/ /bdag gis 'di rnams legs shes pas/ /nges par khyod ni sangs rgyas 'gyur/ /byang chub sems dpas stobs bcu dang ldan pa'i mar me mdzad dang stong phrag bcu'i khor yug gi lha rnams kyi gsung thos nas/ yid bde ba cher skyes te bdag nyid spro bar gyur nas bsams pa/ sangs rgyas rnams kyi don yod pa'i gsung zhes bya ba ni sangs rgyas rnams kyi gsung las gzhan du mi 'gyur ba yin no/ /ji ltar yang nam mkha' la rdo 'phangs na lhung bar 'gyur ba dang /[ ]skyes nas 'chi bar 'gyur ba dang / skya reng shar na nyi ma 'char bar 'gyur ba dang / gnas nas seng ge langs nas sgra phyung ste 'gro ba dang / sbrum ma yongs su smin nas skye bar 'gyur bar nges so/ /nges par de bzhin du 'di ltar sangs rgyas rnams kyi gsung ni nges shing don yod par 'dod do/ /nges par bdag ni sangs rgyas su 'gyur ro/ /de'i phyir gsungs pa/ sangs rgyas kyi ni gsung thos nas/ /stong phrag bcu dang gnyis ka yi/ /tshim zhing dgyes la rab tu dga'/ /bdag gis de tshe 'di ltar bsams/ /gnyis ni mi gsung sangs rgyas ni/ /rgyal ba don yod pa yi gsung / /sangs rgyas rnams ni gzhan mi gsung / /bdag ni nges par sangs rgyas 'gyur/ /ji ltar mkha' la rdo 'phangs pa/ /nges par sa la lhung bar 'gyur/ /de bzhin du ni sangs rgyas kyi/[ ]/gsung ni nges par 'gyur ba bzhin/ /ji ltar sems can thams cad ni/ /nges par 'chi bar 'gyur ba'o/ /de bzhin du ni sangs rgyas kyi/ /gsung ni nges par 'gyur ba bzhin/ /ji ltar nam ni zad pa na/ /nges par nyi ma 'char bar 'gyur/ /de bzhin du ni sangs rgyas kyi/ /gsung ni nges par 'gyur ba bzhin/ /ji ltar seng ge'i gnas nas ni/ /seng ge'i sgra ni nges pa'o/ /de bzhin du ni sangs rgyas kyi/ /</font><hr>39.190b<br><font size=+1>

gsung ni nges par 'gyur ba bzhin/ /ji ltar sbrum ma smin gyur na/ /mngal nas nges par skye bar 'gyur/ /de bzhin du ni sangs rgyas kyi/ /gsung ni nges par 'gyur ba bzhin/ /legs so bdag ni sangs rgyas su 'gyur ro/ /de ltar nges par byas nas sangs rgyas su byed pa'i chos tshol bas sangs rgyas su 'gyur ba'i chos gang zhig na yod/ gal te steng na yod dam 'og na'am phyogs sam mtshams rnams na yod dam ci/ go rims bzhin tu chos kyi dbyings thams cad la brtsams nas sngar gyi byang chub sems dpas kyang bsnyen pa dang nges par brten par bya ba'i dang por sbyin pa'i pha rol tu phyin pa gzigs so/ /de ltar bdag gis kyang bdag la gdams pa/[ ]mkhas pa blo gros bzang po khyod kyis kyang 'di nas bzung nas sbyin pa'i pha rol tu phyin pa rdzogs par bya'o/ /ji ltar na chu'i bum par kha phub na bum par chu rnams mi gnas par sa la bo ba nyid slar yang bum pa la mi gnas so/ /de ltar 'di ltar nor ram grags pa'am bu dang chung ma 'am yan lag dang nying lag rnams ltos pa med par slong ba rnams kyi don du thams cad gang dang gang 'dod pa la lhag ma med par byas nas sbyin te byang chub kyi shing drung du bzhugs nas sangs rgyas thob bo/ /dang por sbyin pa'i pha rol tu phyin pa brtan par byas nas gnas par bya'o/ /de'i phyir gsungs pa/ bdag gis sangs rgyas byed pa'i chos/ /gang dang de ru btsal byas pa/ /steng dang 'og dang phyogs bcu dang / /chos kyi dbyings kyi bar du'o/ /de tshe btsal ba na ni mthong / /dang por sbyin pa'i pha rol phyin/ /sngon gyi skyes bu chen po yi/ /lam ni pha rol rjes su 'gro/ /'di ni re zhig khyod kyis kyang / /brtan por byas nas gzung bar gyis/ /gal te byang chub thob 'dod na/ /sbyin pa'i pha rol phyin par gyis/ /ji ltar bum pa gang gyur pa/ /gang gang kha ni bub pa na/ /chu ni lhag ma med par 'bo/ /bum pa'i nang du mi gnas so/ /de bzhin du ni slong ba mthong / /mchog dman 'bring po gang yin pa/ /ma lus</font><hr>39.191a<br><font size=+1>

par ni sbyin par bya/ /kha phub bum pa de bzhin no/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba ni gnyis pa tshul khrims kyi pha rol du phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas tshul khrims kyi pha rol du phyin pa rdzogs par bya'o/ /dper na gzhan yang rgod g.yag zhes bya ba srog la mi lta bar rang gi mjug ma'i rnga ma nyid bsrung ba de bzhin du/ khyod kyis kyang 'di nas bzung nas srog la mi lta bar tshul khrims bsrungs na khyod kyis sangs rgyas thob par 'gyur ro/ /gnyis pa tshul khrims kyi pha rol du phyin pa brtan par byas te gnas par bya'o/ /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob byed chos/ /gzhan la yang ni btsal bar bya/ /gang zhig chos ni thob byed pa/ /de yi tshe na tshol ba mthong / /gnyis pa tshul khrims pha rol phyin/ /sngon gyi skyes bu chen po yis/ /bsnyen dang brten par byas pas so/ /re zhig gnyis pa 'di yis ni/ /brtan por byas nas gzung bar bya/ /gal te byang chub thob 'dod na/ /tshul khrims pha rol phyin par gyis/[ ]/ji ltar rgod g.yag snga ma ni/ /gang dang gang gis bzung ba na/ /ltos pa med par srog 'dor ro/ /rnga ma la dga' khro ba med/ /de bzhin du ni sa gzhi ru/ /tshul khrims yongs su rdzogs pa dang / /rtag tu tshul khrims kun srung byed/ /rgod g.yag rnga ma bsrung ba bzhin/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na gsum pa nges 'byung gi pha rol du phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas nges par 'byung ba'i pha rol du phyin pa yang rdzogs par bya'o/ /ji ltar btson rar yun ring por bcings nas bzhag pa'i mi de la 'dod par mi byed do/ /gzhan yang shin du sdug bsngal</font><hr>39.191b<br><font size=+1>

ba'i sems de la de bzhin du gnas par 'dod pa med do/ /de ltar 'di ltar khyod kyis kyang skye ba thams cad du btson rar bcings pa bzhin byas nas skye ba thams cad du shin du sdug bsngal ba'i sems kyis grol bar 'dod pa'i sems kyis nges par 'byung ba mngon sum du 'gyur ro/ /de ltar byas na sangs rgyas thob par 'gyur ro/ /nges par 'byung ba'i pha rol du phyin pa la brtan par byas te gnas so/ /de'i phyir gsungs pa/[ ]'di tsam 'ba' zhig ma yin gyi/ /gang zhig byang chub thob byed chos/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /gsum pa nges 'byung pha rol phyin/ /sngon gyi skyes bu chen po yis/[ ]/bsnyen dang brten par byas pas so/ /re zhig gsum pa 'di yis ni/ /brtan por byas te gzung bar bya/ /gal te byang chub thob 'dod na/ /nges 'byung pha rol phyin par gyis/ /ji ltar skyes bu btson rar bcings/ /yun ring gnas shing sdug bsngal ba/ /de la dga' bar mi byed par/ /myur du 'grol bar 'dod par sems/ /de bzhin khyod ni skye kun du/ /btson ra bzhin du blta bar gyis/ /nges par 'byung ba sngon du na/ /skye ba las ni grol bar 'gyur/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na bzhi pa shes rab kyi pha rol du phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas shes rab kyi pha rol du phyin pa yang rdzogs par bya'o/ /dman pa dang 'bring po dang chen po rnams su mi sems par de rnams kyi gnas su song ste mkhas pa rnams 'dri bar bya'o/ /ji ltar na bsod snyoms la 'gro ba'i dge slong dman pa la sogs pa'i gnas su song ste/ rigs kyi dbye ba ma spangs par go rims bzhin du bsod snyoms la 'gro ba myur du rang gi bza' ba'i tshad thob par 'gyur ro/ /de bzhin du khyod kyis kyang mkhas pa thams cad kyi drung du song ste dri bar byas na sangs rgyas thob po/[ ]/bzhi pa shes rab kyi pha rol du phyin pa</font><hr>39.192a<br><font size=+1>

la brtan par bya ste gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob byed chos/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /bzhi pa shes rab pha rol phyin/ /sngon gyi skyes bu chen po yi/ /bsnyen dang brten par byas pas so/ /re zhig bzhi pa 'di yis ni/ /brtan por bya ste gzung bar bya/ /gal te byang chub thob 'dod na/ /shes rab pha rol phyin par gyis/ /ji ltar dge slong bsod snyoms pa/ /dman dang 'bring dang chen po yi/ /rigs rnams dpyod par mi byed par/ /de ltar bza' ba'i zas thob bo/[ ]/de bzhin khyod kyis dus kun du/ /skye bo mkhas la yongs su dris/ /shes rab pha rol phyin song bas/ /byang chub thob par 'gyur ba yin/ /gzhan yang sangs rgyas su byed pa'i chos ni 'di 'ba' zhig ma yin par blta bar bya'o/ /lhag par btsal na lnga pa brtson 'grus kyi pha rol du phyin pa thob nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas brtson 'grus kyi pha rol du phyin pa yang rdzogs par bya'o/ /ji ltar ri dgas kyi rgyal po seng ge dus thams cad du brtson 'grus brtan po dang ldan pa de bzhin du khyod kyis kyang skye ba thams cad du brtson 'grus brtan par bya'o/ /zhum pa med pa'i brtson 'grus byas na sangs rgyas thob par 'gyur ro/ /lnga pa brtson 'grus kyi pha rol du phyin pa brtan par byas nas gnas par gyis cig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob byed chos/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /lnga pa brtson 'grus pha rol phyin/ /sngon gyi skyes bu chen po yis/ /bsnyen dang brten par byas pas so/ /re zhig lnga po 'di yis ni/ /gal te byang chub mchog 'dod na/ /brtson 'grus pha rol phyin par gyis/ /brtan por byas te gzung bar bya/ /ji ltar ri dgas rgyal po ni/ /sdod dang 'gro ba'i gnas rnams su/ /zhum pa med</font><hr>39.192b<br><font size=+1>

pa'i brtson 'grus kyis/ /yid ni rtag tu brtan pa yin/ /de bzhin khyod kyis dus kun du/ /brtson 'grus brtan por gyis la zung / /brtson 'grus pha rol phyin gyur nas/ /byang chub thob par 'gyur ba yin/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na drug pa bzod pa'i pha rol du phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas bzod pa'i pha rol du phyin pa yang rdzogs par bya'o/ /bzang po dang ngan par byas pa la bzod par bya'o/ /ji ltar sa'i steng du gtsang ba dang mi gtsang ba gos par byas na sa gzhi khro bar mi byed pa bzhin du bzod cing sran pa dang lhag par gnas pa de bzhin du'o/ /de ltar 'di ltar khyod kyis kyang gnod pa dang phan par byas kyang bzod cing sran par byas na sangs rgyas thob par 'gyur ro/ /drug pa bzod pa'i pha rol du phyin pa brtan par byas nas gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob 'dod pa/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /drug pa bzod pa'i pha rol phyin/ /sngon gyi skyes bu chen po yis/ /bsnyen dang brten par byas pas so/ /re zhig drug pa 'di yis ni/ /de la zhe sdang ma byas na/ /yang dag byang chub thob par 'gyur/ /ji ltar yang ni sa gzhi la/ /gtsang dang mi gtsang byugs pa na/ /thams cad blugs kyang bzod par byed/ /skyug bro ba ni byed pa med/ /de bzhin khyod kyis thams cad la/ /phan dang gnod pa byed pa na/ /bzod pa'i pha rol phyin gyur nas/ /byang chub yang dag thob par 'gyur/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na bdun pa bden pa'i pha rol du phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas bden pa'i</font><hr>39.193a<br><font size=+1>

pha rol du phyin pa yang rdzogs par bya'o/ /thog mgo la lhung bar gyur na yang nor la sogs pa'i phyir du 'dun pa la sogs pa'i dbang gis shes nas brdzun mi smra'o/ /ji ltar na tha skar la sogs pa'i rgyu skar dus thams cad du rang rang 'gro ba'i lam dor nas lam gzhan nas mi 'gro bar rang gi lam nyid nas 'gro ba'o/ /de ltar 'di ltar khyod kyis kyang bden pa gzung nas brdzun mi byed pas ni sangs rgyas thob par 'gyur ro/ /bdun pa bden pa'i pha rol du phyin pa brtan par byas nas gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob 'dod chos/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /bdun pa bden pa'i pha rol phyin/ /sngon gyi skyes bu chen po yis/ /bsnyen dang brten par byas pas so/ /re zhig bdun pa 'di yis ni/ /brtan par byas nas gnas par gyis/ /de la brdzun ni mi smra bas/ /yang dag byang chub thob par gyis/ /ji ltar tha skar zhes bya ba/ /lha dang mi rnams mtshungs par ni/ /dus kyi lo yi dus su ni/ /lam gzhan du ni mi 'gro'o/ /khyod kyis kyang ni de bzhin bden/ /bden pa bzung nas mi 'gro ba/ /bden pa'i pha rol phyin gyur pas/ /byang chub yang dag thob par 'gyur/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na brgyad pa lhag par gnas pa'i pha rol du phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas lhag par gnas pa'i pha rol du phyin pa yang rdzogs par bya'o/ /gang zhig lhag par gnas par gyis la de la lhag par gnas na g.yo ba med par 'gyur ro/ /ji ltar na ri bo ni phyogs thams cad nas rlung gis bskyod kyang g.yo bar mi 'gyur zhing bskyod par mi 'gyur cing / rang gi gnas zhig tu gnas so/ /de ltar 'di ltar khyod kyis kyang bdag nyid lhag par gnas pa rnams mi g.yo bar gyur na sangs</font><hr>39.193b<br><font size=+1>

rgyas thob par 'gyur ro/ /brgyad pa lhag par gnas pa'i pha rol du phyin pa brtan par byas nas gnas par gyis cig /de'i phyir gsungs pa/[ ]'di tsam 'ba' zhig ma yin gyi/ /gang zhig byang chub thob 'dod chos/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /brgyad pa lhag gnas pha rol phyin/ /sngon gyi skyes bu chen po yis/ /bsnyen dang brten par byas pas so/ /re shig brgyad pa 'di yis ni/ /brtan par bya ste gnas par gyis/ /de la khyod ni g.yo med pas/ /yang dag byang chub thob par 'gyur/ /ji ltar ri bo'i brag chen po/ /g.yo ba med cing legs par gnas/ /rlung chen pos ni g.yo ba med/ /rang gi gnas su gnas pa nyid/ /de bzhin khyod kyis lhag gnas par/ /thams cad du ni mi g.yo bar/ /lhag gnas pha rol phyin gyur pas/ /yang dag byang chub thob par 'gyur/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na dgu pa byams pa'i pha rol du phyin pa mthong bas de lta bu'i khams su gyur to/ /mkhas pa blo gros bzang po dka' thub pa khyod kyis 'di nas bzung nas byams pa'i pha rol du phyin pa yang rdzogs par bya'o/[ ]/phan pa dang mi phan par gyur kyang sems gcig tu bya'o/ /ji ltar chu ni sdig pa can gyi skye bo dang dge ba'i skye bos kyang bsil bar gyur cing gcig tu mtshungs par byas nas reg go/ /de ltar na 'di ltar khyod kyis kyang sems can la byams pa'i sems gcig tu gyur nas sangs rgyas thob par 'gyur ro/ /dgu pa byams pa'i pha rol du phyin pa brtan par byas te gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob 'dod chos/ /gzhan pa yang ni btsal bar bya/ /gang zhig chos ni thob byed pa/ /de yi tshe na tshol ba mthong / /dgu pa byams pa'i pha rol phyin/ /sngon gyi skyes bu chen po yi/ /bsnyen dang brten par byas pa'o/ /re shig dgu pa 'di yis ni/ /byams par byas te gnas par gyis/ /</font><hr>39.194a<br><font size=+1>

gal te byang chub thob 'dod na/ /byams pa mtshungs pa med par 'gyur/ /ji ltar chu zhes bya ba la/ /dge 'am sdig pa'i skye bo ni/ /mtshungs par bsil bar gyur la reg /rdul dang dri ma spong bar byed/ /de ltar khyod kyis mi phan dang / /phan la'ang mtshungs par byams par bya/ /byams pa'i pha rol phyin gyur nas/ /yang dag byang chub thob par 'gyur/ /gzhan yang sangs rgyas su byed pa'i chos 'di 'ba' zhig ma yin par blta bar bya'o/ /lhag par tshol ba na bcu pa btang snyoms kyi pha rol du phyin pa mthong nas 'di lta bu'i sems su gyur to/ /mkhas pa blo gros bzang po dka' thub pa khyod kyis 'di nas bzung nas btang snyoms kyi pha rol du phyin pa yang rdzogs par bya'o/ /bde ba 'am sdug bsngal yang bar ma la gnas par bya'o/ /ji ltar sa gzhi la gtsang ba dang mi gtsang bas byugs kyang bar mar gnas par 'gyur ro/ /de ltar 'di ltar khyod kyis kyang bde ba dang sdug bsngal ba la bar mar gnas par gyur na sangs rgyas thob par 'gyur ro/ /bcu pa btang snyoms kyi pha rol du phyin pa brtan par byas la gnas par gyis shig /de'i phyir gsungs pa/ 'di tsam 'ba' zhig ma yin gyi/ /gang zhig byang chub thob 'dod chos/ /gzhan pa yang ni btsal bar gyis/ /gang zhig chos ni thob byed pa/ /de yi tshe na tshol ba mthong / /bcu pa btang snyoms pha rol phyin/ /sngon gyi skyes bu chen po yis/ /bsnyen dang brten par byas pas so/ /re shig bcu pa 'di yis ni/ /brtan par byas nas gnas par gyis/ /srang ni gang bar 'gyur ba bzhin/ /yang dag byang chub thob par 'gyur/ /ji ltar sa gzhi zhes bya la/ /gtsang dang mi gtsang byugs pa na/ /ltos pa med cing btang snyoms pas/ /khro ba med par spong ba yin/ /ji ltar khyod kyis kyang bde sdug /dus rnams kun du srang bzhin du/ /btang snyoms pha rol phyin gyur nas/ /yang dag byang chub thob par 'gyur/ /de nas bsams pa 'jig rten pa 'di rnams byang chub sems dpa' la byang chub rdzogs par byed pa dang sangs rgyas su byed pa'i</font><hr>39.194b<br><font size=+1>

chos de rnams nyid do/ /pha rol du phyin pa bcu dor na gzhan med do/ /pha rol du phyin pa bcu po 'di ni steng gi nam mkha' na yang med do/[ ]/'og gi sa gzhi la yang med do/ /shar la sogs pa'i phyogs rnams na yang med do/ /bdag nyid kho na'i snying gi sha'i nang na gnas so/ /de ltar de'i snying la so sor gnas pa mthong nas thams cad brtan par bya ste gnas par bya'o/ /yang dang yang du dran par bya ste lugs las byung ba dang lugs las bzlog pa brtan par byed do/ /tha ma nas bzung ste thog ma'i bar bsam par bya'o/ /dang po nas bzung nas tha ma'i bar bsam mo/ /dbus nas bzung nas thog ma dang tha ma'i bar bsam par bya'o/ /thog ma dang tha ma nas bzung nas dbus kyi bar blta bar bya'o/ /lus yongs su gtong ba ni pha rol du phyin pa zhes bya ba'o/ /phyi'i longs spyod yongs su gtong ba ni nye ba'i pha rol du phyin pa zhes bya ba'o/ /srog yongs su gtong ba ni don dam pa'i pha rol du phyin pa zhes bya ba'o/ /pha rol du phyin pa bcu po dang / nye ba'i pha rol du phyin pa bcu po dang / don dam pa'i pha rol du phyin pa bcu po'o/ /me'i stengs su 'bru mar bskol ba bzhin du khor yug gi nang du rgya mtsho chen po ri bo mchog rab kyis bsrub pa bzhin du dran par bya ste/ de'i pha rol du phyin pa bcu dran par byas nas chos kyi gzis 'bum phrag gnyis dang stong phrag bzhi bcu lhag pa'i sa chen po 'di'i stugs la glang po ches rkang pas gnon cing smyug ma 'chag pa bzhin du'o/ /bur shing gi 'khrul 'khor bzhin du btsir ba dang sgra chen po sgrogs pa bzhin du yang dag par sgrogs so/ /rab tu g.yos so/ /yang dag par rab tu g.yos te rdza mkhan gyi 'khor lo bzhin no/ /'bru mar gyi 'khrul 'khor bzhin du yongs su bskor ro/ /de'i phyir gsungs pa/ 'di yi 'jig rten de rnams nyid/ /gang zhig byang chub thob byed chos/ /'di ni steng dang gzhan na'ang med/ /brtan par bya ste sems la zhog /rang bzhin gyis ni g.yo med par/ /'di yi chos ni dran par byed/ /chos kyi gzhi yi</font><hr>39.195a<br><font size=+1>

sa gzhi ni/ / 'jig rten stong phrag rab tu g.yos/ /sems med pa'i sa gzhi ni/ /bur shing 'khrul 'khor bzhin du btsir/ /'bru mar 'khrul 'khor bzhin du 'khor/ /de ltar sa ni rab tu g.yos/ /sa chen po 'di g.yos pas dga' ba can gyi grong khyer na gnas pa'i mi rnams ldang bar ma nus te/ bskal pa'i mtha' yi rlung gis bskyod pa'i sa'i shing chen po g.yos pa bzhin rgyal ba dang bag med pas 'gyel bar gyur to/ /bum pa la sogs pa'i snod ni mdzad pa dang phan tshun du phrad pa'i sgra dang phye ma dang dum bur gyur to/ /skye bo thams cad 'jigs par gyur nas ston pa'i drung du nye bar song ngo / /bcom ldan 'das ci lags 'di'i klu 'khrugs pa 'am 'di'i 'byung po 'am gnod sbyin nam lha rnams sam gzhan rnams 'khrugs sam bdag cag gis 'tshal bar ma gyur to/ /gzhan yang 'di'i skye bo chen po thams cad la nye bar 'tshe bar gyur to/ /ci'i rgyu 'di'i 'jig rten gyi sdig pa las gyur ram/ yang na dge ba las gyur/[ ]bdag cag la 'di rnams kyi rgyu mtshan rnams gsung du gsol zhes zhus so/ /ston pas de rnams kyi gtam thos nas/ khyed rnams 'jigs par ma byed cig /khyed rnams cung zad kyang ma sems shig /mtshan ma 'di rnams la khyed rnams la 'jigs pa med do/ /gang tshe bdag gis de ring mkhas pa blo gros bzang po dka' thub pa ma 'ongs pa na gau ta ma zhes bya ba'i sangs rgyas su 'gyur ro zhes lung bstan to/ /de ni 'dir pha rol du phyin pa dran par byed do/[ ]/ des pha rol du phyin pa dran par byed cing dpyod do/ /de'i chos kyi gzi brjid kyis stong phrag bcu'i 'jig rten gyi khams thams cad skad cig tsam gyis g.yo ba dang sgra 'byin no zhes gsung ngo / /de'i phyir gsungs pa/ ji srid 'khor rnams yod pa la/ /sangs rgyas kyi ni sbrel bas na/ /de ni de ru sdug bsngal sems/ /brgyal bar gyur nas sa la nyal/ /bum pa stong phrag du ma dang / /snod chen brgya phrag mang po rnams/ /der ni phye ma zhib mor gyur/ /phan tshun thug cing 'chag</font><hr>39.195b<br><font size=+1>

pas so/ /brgyal dang skrag dang 'jigs pa dang / /gnod cing gzir ba'i sems kyis 'gyel/ /skye bo thams cad gcig tu 'dus/ /mar me mdzad kyi drung du song / /'jig rten pa rnams ci phyir gyur/ /dge ba 'am yang na sdig gam ci/ /'jig rten kun la nyer 'tshe byung / /spyan ldan legs par gsung du gsol/ /de rnams kun la chos bstan cing / /thub pa chen po mar me mdzad/ /'jigs par ma byed dbugs dbyung gis/ /'di yi sa gzhi g.yo bas ni/ /gang zhig de ring bdag lung bstan/ /'jig rten pa rnams sangs rgyas 'gyur/ /de ni chos ni dran par byed/ /sngon gyi rgyal ba bsten byas shing / /de yi chos rnams dran byed pas/ /sangs rgyas sa ni ma lus pa/[ ]/des na 'di yi sa rnams g.yos/ /lha dang bcas pa stong phrag bcu/ /skye bo chen po rnams kyis de bzhin gshegs pa'i gsung thos pas dga' ba dang tshim pa skyes nas me tog dang dri bzang dang byug pa rnams blangs te dga' ba can gyi grong khyer nas 'thon nas byang chub sems dpa'i drung du song ste me tog la sogs pas mchod nas phyag dang bstod pa byas te dga' ba can gyi grong khyer nyid du gnas so/ /byang chub sems dpas kyang pha rol du phyin pa bcu dran par byas nas brtson 'grus brtan par bya ste lhag par gnas nas stan las langs so/ /de'i phyir gsungs pa/ sangs rgyas kyi ni gsung thos nas/ /de ma thag tu 'jigs med sems/ /thams cad bdag gi drung du 'ongs/ /slar yang phyag ni byas nas so/ /sangs rgyas yon tan sems par byed/ /de tshe bdag gis stan las langs/ /mar me mdzad la phyag byas so/ /de nas byang chub sems dpa' stan las langs pa na stong phrag bcu'i lha thams cad 'dus nas lha'i me tog dang dri bzang gis mchod pa byas/ 'phags pa blo gros bzang po dka' thub pa de yis de ring stobs bcu dang ldan pa'i mar me mdzad kyis zhabs drung du don chen po don du gnyer ba'i phyir don du gnyer to/ /de yis de rnams la bar gcod med cing rdzogs par 'gyur ro/ /de la 'jigs pa med pa dang / zhum pa</font><hr>39.196a<br><font size=+1>

med par 'gyur ro/ /sku la nad cung zad kyang mi 'byung zhing myur du pha rol du phyin pa rdzogs par byas nas yang dag par rdzogs pa'i sangs rgyas grub par gyis cig /ji ltar me tog can gyi shing ngam 'bras bu can gyi shing dus su me tog smin pa dang 'bras bu smin pa nyid do/ /de bzhin du khyod kyis kyang de'i dus su lhag par gnas par byed pa la myur du mchog rdzogs par byed pa la sogs pa'i bstod pa dang bkra shis pas bstod do/ /de bzhin du bstod pa byas nas lha rnams rang rang gi gnas su song ngo / /byang chub sems dpas kyang lha la sogs pa'i bstod pa thos par byas nas/ bdag gis pha rol du phyin pa bcu rdzogs par byas te bskal pa grangs med pa bzhi dang 'bum phrag gcig lhag pa'i mthar sangs rgyas thob par 'gyur bas brtson 'grus brtan po lhag par gnas nas nam mkha' la 'phags te gangs can gyi gnas nyid la gshegs so/ /de'i phyir gsungs pa/ lha dang mi yi me tog rnams/ /lha dang mi rnams gnyis ka yis/ /stan las langs par gyur nas ni/ /me tog mtshungs par bsdus nas so/ /lha dang mi rnams gnyis ka yang / /thams cad zhi bar gyur zhes bstod/ /khyod kyis chen po don du gnyer/ /ji ltar 'dod pa de thob po/ /dus min 'chi ba ring du song / /nad rnams thams cad nyams par gyur/ /khyod la bar chad mi 'byung ngo / /mchog gi byang chub myur du thob/[ ]/ji ltar dus su sleb pa na/ /ljon shing me tog bye bar gyur/ /de bzhin khyod kyi dpa' chen pos/ /sangs rgyas ye shes me tog gyur/ /gang zhig ji ltar rdzogs sangs rgyas/ /pha rol phyin bcu rdzogs par byas/ /de bzhin khyod kyi dpa' chen pos/ /pha rol phyin bcu rdzogs par gyis/ /ji ltar gang zhig rdzogs sangs rgyas/ /byang chub snying po rdzogs par gyur/ /de bzhin khyod kyi dpa' chen pos/ /rgyal ba'i byang chub rdzogs par gyis/ /gang zhig ji ltar rdzogs sangs rgyas/ /chos kyi 'khor lo bskor bar gyur/ /de bzhin khyod kyi dpa' chen</font><hr>39.196b<br><font size=+1>

pos/ /chos kyi 'khor lo bskor bar gyis/ /ji ltar zla ba nya ba bzhin/ /yongs su dag pas 'od 'gyed pa/ /de bzhin khyod kyis bsam rdzogs pa'i/ /stong phrag bcu yi 'od phyung cig /nyi ma sgra gcan las grol ba/ /tsha zhing 'od zer rab tu 'gyed/ /de bzhin 'jig rten grol byas nas/ /khyod kyi dpal ldan 'od zer phyung / /gang zhig ji ltar chu klung ni/ /rgya mtsho chen po'i rjes su 'gro/ /de ltar lha mi'i 'jig rten tshogs/ /khyod kyi rjes su 'jug par 'gyur/ /de rnams khyod la bstod cing bsngags/ /chos bcu po la gnas byas nas/ /de yi chos rnams rdzogs byed cing / /de tshe nags tshal chen por phyin/ /mkhas pa blo gros bzang po'i gtam du bya ba rdzogs so// //dga' ba can gyi grong khyer du gnas pa rnams grong khyer du zhugs nas sangs rgyas la sogs pa'i dge slong gi dge 'dun rnams la sbyin pa chen po gtang ngo / /ston pas de rnams la chos bstan cing bstan nas skye bo mang po skyabs su 'gro ba la gnas par byas te/ dga' ba can gyi grong khyer nas 'thon te/ lhag par gnas pa ji srid 'tsho yi bar de srid du gnas nas sangs rgyas kyi 'phrin las thams cad byed cing go rims bzhin du lhag ma med par yongs su mya ngan las 'das pa'i dbyings su yongs su mya ngan las 'das so/ /de la cung zad brjod pas de thams cad la sangs rgyas kyi rgyud la brjod pa'i rigs pa de bzhin rig par bya'o/ /de la gsungs pa/ de tshe khyod rnams mchod ston byed/ /dge 'dun dang bcas 'jig rten 'dren/ /de la skyabs su 'gro ba yin/ /ston pa mar me mdzad pa la/ /de bzhin gshegs pas nges gsungs pa'i/ /gang zhig skyabs su 'gro bar gyur/ /gang zhig tshul khrims lnga dang ldan/ /gzhan yang tshul khrims bcu po yi/ /gang zhig la ni gzhan byin pa/ /mchog gi 'bras bu bzhi po dang / /gang zhig la ni mtshungs med chos/ /so so yang dag rig pa byin/ /phun tshogs</font><hr>39.197a<br><font size=+1>

mchog ni gang zhig la/ /brgyan nas mi yi khyu mchog byin/[ ]/gang zhig la ni rig pa gsum/ /mngon par shes pa drug la zhugs/ /de yis rig pa skye bo'i tshogs/ /thub pa chen po'i gdams pa byin/ /de yis rgya chen por ni gyur/ /'jig rten mgon po'i bstan la'o/ /khyu mchog phrag pa 'gram chen po/ /mar me mdzad kyi mtshan dang ldan/ /skye bo mang po sgrol bar byed/ /ngan 'gro yongs su grol bar byed/ /grol ba'i phyir du skye bo mthong / /stong phrag brgya yi dpag tshad du/ /skad cig tsam gyi nye bar song / /thub pa chen po de mkhyen phyir/ /dang por 'dus pa'i sangs rgyas kyis/ /bye ba brgya po rtogs par byas/ /mgon po 'dus pa gnyis pa ni/ /'bum phrag gcig gis rtogs par byas/ /gang tshe lha yi gnas su ni/ /sangs rgyas kyis ni chos bstan no/ /bye ba stong phrag dgu bcu yi/ /'dus pa gsum pa la ni gyur/ /de rnams 'dus pa gsum du gyur/ /ston pa mar me mdzad kyi'o/ /bye ba stong phrag brgya yis ni/ /dang po yi ni 'dus pa yin/ /slar yang nA ra d+ha yi phur/ /rgyal ba gcig pur bzhugs pa ni/ /zag pa'i dri ma zad pa yi/ /bye ba brgya ni zhi ba dang / /dpa' bo chen po ji srid bzhugs/ /ri yi steng na blta na sdug /stong phrag bye ba dgu bcu yis/ /de tshe thub pa yi ni 'khor/ /bdag gis de yi dus su ni/ /sdom brtson dka' thub pa yi mchog /bdag ni bar snang la ni 'gro/ /mngon shes lnga yi pha rol son/ /stong phrag bcu dang nyi shu ni/ /chos la 'dus par gyur pa'o/ /gcig dang gnyis kyi 'dus pa ni/ /bgrang du med cing grangs med do/ /rgya che ded dpon cang shes pa/ /de tshe rdzu 'phrul ldan zhing rdzogs/ /bcom ldan 'das ni mar me mdzad/ /bstan pa shin du dag cing mdzes/ /'bum phrag bzhi po rnams la ni/ /mngon shes drug dang rdzu 'phrul ldan/ /mar me mdzad ni 'jig rten mkhyen/ /rtag tu 'khor rnams yongs dag ldan/ /gang zhig de yi dus su ni/ /mi rnams dngos po gtong ba dang /[ ]/sems kyi lhag ma ma thob</font><hr>39.197b<br><font size=+1>

pa/ /de rnams skur pa 'debs par gyur/ /me tog bzang po'i tshig rnyed pa/ /dgra bcom rnams ni de dang mtshungs/ /dri ma med cing zag pa zad/ /lha dang mi rnams nye bar mdzes/ /grong khyer dga' ba can zhes pa/ /blo gros bzang po rgyal po'i rigs/ /yum ni blo gros bzang mo yin/ /ston pa mar me mdzad yin no/ bkra shis bzang po nye rgyal ni/ /nyan thos rnams kyi mchog yin no/ /legs 'ongs zhes pa nye gnas yin/ /ston pa mar me mdzad pa'o/ /dga' ba nyid dang shin du dga'/ /nyan thos ma yi mchog yin no/ /bcom ldan de yi byang chub shing /[ ]/bim pa la zhes bya ba yin/ /mtho tshad khru ni brgyad bcu pa/ /thub pa chen po mar me mdzad/ /shing bzhin rab tu 'bar ba yi/ /me tog sA la'i shing rgyas bzhin/ /lo ni stong phrag brgya ru ni/ /drang srong chen po de yi tshe/ /de srid du ni gnas pa ste/ /skye bo mang po sgrol bar byed / /chos kyi snang bar byas nas ni/ /skye bo mang po yang dag sgrol/ /me yi phung po bzhin du gsal/ /de nas nyan thos dang bcas 'das/ /de yang rdzu 'phrul de grags pa/ /rin chen 'khor lo de zhabs la/ /thams cad kun nas bral ba dang / /'dus byas chos rnams gtong ba'o/ /mar me mdzad kyi 'og tu ni/ /'dren pa kau Di n+ya zhes pa/ /gzi brjid dpag med mtha' yas grags/ /ring la sems pa gzhal du med/ /slar yang bcom ldan 'das mar me mdzad kyi 'og gi char bskal pa grangs med pa gcig 'das nas/ ston pa'i 'dren pa kau Di n+ya zhes bya ba byon no/ /de'i yang nyan thos 'dus pa gsum du gyur to/ /'dus pa dang po la bye ba stong phrag brgya'o/ /'dus pa gnyis pa la bye ba stong phrag gcig go/ /'dus pa gsum pa la ni bye ba phrag dgu bcu'o/ /de'i tshe byang chub sems dpa' rnam par rgyal ba zhes bya ba 'khor los sgyur ba'i rgyal por gyur to/ /bye ba stong phrag brgya'i grangs kyis sangs rgyas la sogs pa dge slong gi dge 'dun chen po rnams la sbyin pa chen po gtong ngo / /ston pas byang chub sems dpa' sangs rgyas su 'gyur ro zhes lung bstan par byas nas</font><hr>39.198a<br><font size=+1>

chos bstan no/ /des ston pa'i chos thos nas rgyal srid spangs nas rab tu byung ngo / /des sde snod gsum po bslabs nas snyoms par 'jug pa brgyad dang mngon par shes pa lnga bskyed do/ /bsam gtan ma bor bar tshangs pa'i 'jig rten du skyes so/ /slar yang sangs rgyas kau Di n+ya de'i grong khyer dga' ba can yin no/ /shin du dga' ba'i rgyal po ni yab po/ /rigs bzang lha mo ni yum mo/ /bzang po dang legs bzang gnyis ni nyan thos rnams kyi mchog go/ /mi 'gal ba zhes bya ba ni nye gnas so/ /rgyal ma dang nye rgyal ma ni nyan thos ma'i mchog go/ /byang chub kyi dge ba'i shing ni shA la bya'o/ /sku'i mtho tshad du khru brgyad bcu rtsa brgyad do/ /sku tshe'i tshad ni lo stong phrag brgya'o/ /de'i 'og gi char bskal pa grangs med pa gcig 'das nas bskal pa gcig gi nang de nyid du sangs rgyas bzhi byon par gyur to/ /bkra shis bzang po dang / thugs bzang po dang / nam gru can dang ma nges pa can no/ /bcom ldan 'das bkra shis bzang po'i nyan thos kyi 'dus pa gsum du 'gyur te/ de'i 'dus pa dang po ni bye ba stong phrag brgya'i dge slong ngo / /gnyis pa la bye ba stong phrag gcig go/ /gsum pa la bye ba phrag dgu bcu'o/ /ma'i spun gyi gzhon nu kun dga' bo zhes bya ba bye ba phrag dgu bcu'i 'khor dang bcas pa ni chos nyan pa'i phyir du'o/ /ston pa'i nye bar gnas pa rnams song ngo / /ston pa de'i sngon gyi gtam rnams go rims bzhin du brjod par bya'o/ /de 'khor dang bcas pa so so yang dag par rig pa dang dgra bcom pa thob po/ /ston pa des rigs kyi bu rnams la sngar gyi spyod pa rnams la blta zhing rdzu 'phrul las byung ba'i lhung bzed dang chos gos rnams gzigs te/ phyag g.yas pa brkyang nas dge slong rnams tshur shog cig ces gsungs pa dang / thams cad de ma thag nyid du rdzu 'phrul las byung ba'i lhung bzed dang chos gos bzung nas gnas brtan lo drug bcu lon pa bzhin du gyur te/ cho ga phun sum tshogs par gyur nas ston pa la phyag byas te 'khor du gyur to/ /ji ltar gzhan yang sangs rgyas gzhan rnams la kun nas khru</font><hr>39.198b<br><font size=+1>

brgyad bcu pa'i sku tshad nyid kyi 'od du gyur to/ /bcom ldan 'das de nyid kyi sku'i 'od de lta bu nyid ma yin gyi/ dus rtag tu stong phrag bcu'i 'jig rten gyi khams su 'phro zhing gnas te/ shing dang sa dang ri dang rgya mtsho la sogs pa'i phyogs lhag ma rnams dang tshang bang la stsogs pa gser gyis spras pa bzhin no/ /sku tshe'i tshad ni stong phrag dgu bcu'o/ /de rnams kyi lus la zla ba dang nyi ma la sogs pa la rang gi 'od kyi snang ba'i nus pa med do/ /mtshan mo dang nyin mo'i bye brag mi shes so/ /sems can rnams kyi nyin mo nyi ma shar ba bzhin du sangs rgyas kyi 'od kyis rtag tu 'gro bar byed do/ /mtshan mo me tog zum pa dang snga dro'i dus su bya rnams skad 'byin pa la sogs pa la brten nas 'jig rten pas nyin mtshan shes par byed do/ /yang dag par rdzogs pa'i sangs rgyas gzhan rnams la ci'i phyir 'di lta bu med pa yin nam/ med pa ni ma yin te/ de rnams kyis kyang dgongs par gyur na stong phrag bcu'i 'jig rten gyi khams su gyur pa 'am de bas lhag par yang 'od 'phro bar byed do/ /slar yang bcom ldan 'das bkra shis bzang po sngar gyi don du gnyer ba'i dbang gis te/ gzhan gyi 'od 'dom gang ba bzhin no/ /sku'i 'od kyis rgyun mi 'chad pa nyid du stong phrag bcu'i 'jig rten gyi khams khyab par byas nas gnas so/ /de'i byang chub sems dpa'i spyod pa'i dus na thams cad sgrol bzhin du bdag nyid gnas so/ /de'i bu dang bu mor bcas pa ri bo b+haM ga bzhin du ri la bzhugs so/ /de nas mche ba gcig pa gdug pa can gyi gnod sbyin zhig gis skyes bu chen po sbyin pa gtong zhes thos nas bram ze'i gzugs kyis nye bar song ste sems dpa' chen po'i drung du bu dang bu mo slong ngo / /sems dpa' chen pos bram ze la bu dang bu mo sbyin no zhes bsams nas dga' ba dang tshim pas chu'i mthar thug pa'i sa rnams g.yos so/ /de nas gnod sbyin 'chag pa'i gnas kyi mthar tsog pur rgyab rten la 'dug ste sems dpa' chen po la lta zhing 'dug go/ /de la des bu dang bu mo byin pa dang</font><hr>39.199a<br><font size=+1>

des la phug za ba bzhin du bu dang bu mo zos nas/ gnod sbyin gyis skyes bu chen po de la blta ste/ kha gdangs nas me 'bar ba bzhin du khrag gi rgyun 'bab bo/ /de'i kha mthong nas kyang skra'i rtse mo tsam gyi yid mi bde ba yang ma skyes par ngas byin pa shin du legs pa gcig go zhes sems so/ /slar yang lus la mchog tu dga' ba chen po skyes so/ /de dag 'di la byin pa'i bsod nams kyi phan yon gyis ma 'ongs pa na 'di lta bu'i rim pa'i 'od zer 'phro bar don du gnyer ro/ /de la don du gnyer ba'i rgyu mtshan gyis sangs rgyas su gyur nas sku'i 'od de phyi rol du 'phro zhing de rnams la khyab par gnas so/ /gzhan yang 'di'i sngar gyi mdzad pa yod pas de byang chub sems dpa'i dus su sangs rgyas gcig gi sku gdung gi mchod rten mthong nas sangs rgyas 'di'i sku gdung la bdag gis 'tsho ba yongs su btang na rigs so snyam nas shing ras kyis dkris pa bzhin du lus thams cad gos gzhan gyis dkris shing rin po che'i cod pan gyon nas 'bum phrag cig ri ba'i gser gyi snod du mar gyis bkang ste der ras 'de stong phrag brgya btsugs nas mar me sbar te mgo'i steng du bzhag cing lus thams cad kyang 'bar bar byas nas sku gdung gi mchod rten la bskor ba byed do/ /de ltar mtshan thog thag snga dro'i skya reng shar gyi bar du 'bad pa byed pa nyid kyi ba spu'i khung bu tsam yang dro bar ma gyur te pad ma'i tshal du bzhugs pa bzhin no/ /chos zhes bya ba 'di rang nyid bsrung na chos bsrungs par 'gyur ro/ /de'i phyir gsungs pa/[ ]chos bzhin bsrung na chos spyod de/ /chos kyis bsgral na chos bzhin thob/ /legs par bsgral na chos phan yon/ /chos spyod ngan 'gror mi 'gro'o/ /'di'i las kyi 'bras bu bcom ldan 'das de'i sku'i 'od kyis stong phrag bcu'i 'jig rten gyi khams khyab cing gnas so/ /de'i tshe bdag cag gi byang chub sems dpa' shin du sred pa zhes bya ba'i bram zer gyur to/ /des ston pa mgron du gnyer ba'i phyir drung du song ste chos snyan po'i bshad pa thos nas</font><hr>39.199b<br><font size=+1>

btsun pa sang bdag gi gdugs tshod la byon par zhu zhes zhus so/ /bram zes dge slong du tsam dgos zhes gsungs pa dang / btsun pa 'khor dang bcas pa'i dge 'dun du tsam bdog ces zhus so/ /de'i tshe ston pa'i 'dus pa dang po nyid tsam yod do/ /de'i phyir bye ba stong phrag brgya yod ces gsungs so/ /btsun pa 'khor thams cad dang bcas pa bdag gi khang par gdugs tshod la byon par zhu zhes zhus pa dang / bcom ldan 'das kyis gnang ste bram zes sang don tu gnyer cig /khang par 'gro zhing bsams pa/ bdag gis dge slong 'di rnams la thug pa dang zan dang gos la sogs pa 'bul bar nus so/ /bzhugs pa'i gnas ji lta bu zhes bsams so/ /dpag tshad brgyad khri bzhi stong gi steng na gnas pa'i lha'i rgyal po'i la ba dmar po'i rdo leb la bzhugs pa na dro bar gyur te/ brgya byin gang zhig bdag gi gnas 'di 'dor ba'i sems su zhig la yod snyam pa dang / lha'i dbang pos lha'i mig gis bltas pas skyes bu chen po de mthong nas/ 'di ltar shin du sred pa'i bram zes sangs rgyas la sogs pa dge slong gi dge 'dun mgron du gnyer te/ bzhugs pa'i gnas kyang bsams kyi/ bdag kyang der phyin nas bsod nams kyi cha len par rigs so snyam nas shing mkhan gyi gzugs su sprul te/ ste'u dang dgra sta blangs te skyes bu chen po'i mdun du gnas par gyur nas/ gang su zhig kho bo la gla byin te las ka byed pa yod ces smras so/ /skyes bu chen pos gzigs te/ gang zhig las ka byed nus zhes gsung pa dang / bdag gis mi shes pa'i gzo med do/[ ]/khang pa 'am bsti gnas sam gang zhig cung zad byed pa'i bzo de bdag gis byed kyang yang nus so zhes zer ro/ /byang chub sems dpas smras pa/[ ]de'i phyir nga la las su bya ba yod do/ /kho bos sang 'phags pa las bye ba phrag brgya pa'i dge slong gi dge 'dun mgron du gnyer to/ /de rnams bzhugs pa'i gnas byed par nus sam/ smras pa bdag gis bgyi'o/ /bdag la gla ster bar nus</font><hr>39.200a<br><font size=+1>

sam/ bu bdag gis nus so/ /legs so zhes bya ba legs par byas so/ /phyin nas sa phyogs gcig bltas nas dpag tshad bcu gnyis sam bcu gsum pa'i tshad kyi sa phyogs gcig tu zad par sngon po'i dkyil 'khor bzhin du steng mnyam par byas so/ /des 'di rnams kyi gnas tsam du rin po che sna bdun las byung ba'i bsti gnas sa 'og nas phyung nas bya'o zhes bsam zhing blta'o/ /de ma thag par sa gzhi brtol nas bsti gnas grub bo/ /de ni gser las byung ba'i ka ba rnams la dngul las byung ba'i ka zhu'i steng du gser las byung ba'i sdung ngo / /nor bu'i ka ba la byi ru'i rang bzhin no/ /byi ru'i ka ba la nor bu'i rang bzhin no/ /rin po che sna bdun las byung ba'i ka ba la rin po che sna bdun las byung ba'i ka zhu nyid do/ /de nas bsti gnas kyi bar bar du g.yer kha'i dra ba 'phyang ba la blta zhing de bltas tsam nyid na dra ba 'phyang ba/ gang la rlung gis bskyod pa de la yan lag lnga pa'i rol mo sgra snyan sgrogs te/ lha'i glu dbyangs sgrogs pa bzhin no/ /bar bar du spos kyi phreng ba dang me tog gi phreng ba 'phyang ba la sems shing phreng ba 'phyang ba la'o/ /bye ba stong phrag brgya'i dge slong gi dge 'dun gyi grangs kyis stan dang rgyab rten rnams sa gzhi la brten nas byung bar bsams so/ /de ma thag tu sa'i steng du grub bo/ /mtshams dang mtshams rnams su re rer chu'i snod chen po grub pa bsams so/ /chu'i snod chen po de rnams grub bo/[ ]/de dag thams cad sprul nas bram ze'i drung du song nas 'phags pa 'dir byon la bsti gnas gzigs mdzod/ bdag la gla sbyin par rigs so zhes zhus nas skyes bu chen po gshegs te bsti gnas gzigs nas de ma thag tu brgya byin mi snang bar gyur to/ /gzigs pa tsam na lus thams cad kha dog lnga dang ldan pa la dga' ba rgyun mi 'chad par 'phro bar gyur to/ /de nas bsti gnas gzigs nas 'di ltar yid la bsams so/ /bsti gnas 'di mir gyur pas bsgrubs pa ma yin no/ /slar yang bdag gi lhag pa'i bsam pa dang bdag gi yon</font><hr>39.200b<br><font size=+1>

tan rtogs pas nges par brgya byin gyi stan dro bar gyur nas brgya byin lha'i rgyal pos bsti gnas 'di byas par gyur to/ /de nas slar yang 'di lta bu'i tshul gyi bsti gnas su nyi ma gcig nyid la sbyin pa gtong ba ni bdag gi rigs pa ma yin no/ /nyi ma bdun du bdag gis ster bar bsams so/ /phyi rol gyi sbyin pas ji tsam gyis kyang byang chub sems dpa' rnams dgyes par mi nus so/ /rgyan gyis brgyan pa'i mgo bo bcad pa dang dri ma med pa'i mig bton pa dang snying gi sha bregs pa 'am bcad nas byin pa'i dus su byang chub sems dpa' btang ba'i dgyes par 'gyur ro/ /bdag cag byang chub sems dpa' rnams kyi yang sha si bi'i skyes rabs las nyi ma re rer dong tse khal lnga lnga ri ba'i rin gyis myos nas sgo bzhi dang grong khyer gyi dbus su sbyin pa gtong ngo / /de'i sbyin pa de gtong bas yongs su tshim pa med do/ /slar yang gang gi tshe brgya byin lha'i rgyal po bram ze'i gzugs kyis 'ongs nas mig bslangs so/ /de'i tshe de'i mig bton nas ster ba nyid kyis dgyes par 'gyur ro/ /skra'i rtse mo tsam yang sems la sdug bsngal bar mi 'gyur ro/ /de bzhin du sbyin pa'i rgyus byang chub sems dpa' la tshim pa med do/ /de'i phyir skyes bu chen po de yang zhag bdun du bdag gis bye ba stong phrag brgya'i grangs kyi dge slong gi dge 'dun rnams la sbyin pa gtong bar rigs so zhes bsams so/ /de'i bsti gnas su bzhugs nas zhag bdun du dga' ba pA na zhes bya ba'i sbyin pa byin no/ /dga' ba can zhes pa ni ches che ba'i snod shin du che ba 'o mas bskang nas tshang bang chen po'i steng du bzhag nas mes 'o ma shin du bska bar bskol te 'bras cung zad btab nas btsos te sbrang dang dkar ba'i phye ma dang mar gsar pa rnams btsos pa'i bza' ba'i 'o thug ni dga' ba pA na zhes brjod do/[ ]/mi rnams kyis 'dren par ma nus na lha rnams kyis kyang bar bar du 'dren no/ /dpag tshad bcu gnyis sam bcu gsum pa'i tshad kyi gnas su dge slong rnams ma shong</font><hr>39.201a<br><font size=+1>

na/ slar yang dge slong de rnams rang rang gi mthus bzhugs so/ /zhag bdun gyi mthar dge slong thams cad kyi lhung bzed bgrus nas sman gyi phyir du mar gsar pa dang zhun mar dang sbrang dang bu ram bskol ba'i chu rnams kyis lhung bzed bskang nas chos gos gsum dang bcas pa phul lo/ /dge 'dun gzhon nu rnams kyis dge slong gis thob pa'i chos gos kyi rgyu'i ras 'bum phrag gcig ri bar gyur to/ /ston pas rjes su yi rang ba mdzad do/ /skyes bu 'dis 'di lta bu'i tshul gyis sbyin pa chen po byin no/ /gang gi don du 'gyur zhes rtog par byed do/ /ma 'ongs pa'i bskal pa 'bum phrag gcig lhag pa'i grangs med pa gnyis 'das pa na gau ta ma zhes bya ba'i sangs rgyas su 'gyur zhes gzigs te/ skyes bu chen po bos nas khyod kyi dus 'di rnams 'das nas gau ta ma zhes bya ba'i sangs rgyas su 'gyur ro zhes lung bstan no/ /skyes bu chen pos lung bstan pa thos nas bdag ni sangs rgyas su 'gyur bas/ bdag khyim na gnas pa la don med kyis rab tu 'byung ngo snyam du bsams so/ /de de lta bu'i tshul dang ldan pas mchil ma dor ba bzhin du khyim spangs nas ston pa'i drung du rab tu byung zhing byung nas sangs rgyas kyi gsung rab bslabs nas mngon par shes pa dang / snyoms par 'jug pa bskyed de/ tshe'i mthar tshangs pa'i 'jig rten du skyes so/ /gzhan yang bcom ldan 'das bkra shis bzang po'i grong khyer mchog ces bya bar gyur to/ /yab ni mchog gi rgyal po'o/ /yum ni mchog ma zhes bya ba'o/ /ltang bzang dang chos kyi sde gnyis ni nyan thos kyi mchog go /bskyang ba zhes bya ba ni nye gnas so/ /zhi byed len dang / mya ngan med gnyis ni nyan thos ma'i mchog go/ /byang chub shing ni klu shing ngo / /sku'i mtho tshad du khru brgyad bcu rtsa brgyad pa'o/ /stong phrag dgu bcu'i lo ni sku tshe'i tshad do/ /stong phrag dgu bcu bzhugs nas mya ngan las 'das so/ /sangs rgyas mya ngan las 'das nas slar yang de ma thag par stong phrag bcu'i khor yug gi phyogs kun mun par gyur to/ /khor yug thams cad kyi mi rnams cho nges chen po 'debs so/[ ]/kau Ti n+ya 'og tu ni/ /'jig rten 'dren pa bkra</font><hr>39.201b<br><font size=+1>

shis bzang / /'jig rten nang gi mun bsal nas/ /chos kyi snang ba'i 'od bkye'o/ /de bzhin du stong phrag bcu'i 'jig rten gyi khams mun nag tu byas nas mya ngan las 'das so/ /bcom ldan 'das de'i 'og gi char yid bzangs zhes bya ba'i ston pa byon no/[ ]/de'i yang nyan thos kyi 'dus pa gsum ste/ 'dus pa dang po la bye ba stong phrag brgya'i dge slong ngo / /'dus pa gnyis pa la gser gyi ri la bye ba stong phrag dgu bcu'o/ /gsum pa la bye ba stong phrag brgyad bcu'o/ /de'i tshe sems dpa' chen po klu'i rgyal po mnyam med ces bya bar gyur to/ /rdzu 'phrul gyi mthu dang ldan zhing des sangs rgyas byon pa thos nas gnyen gyi grogs rnams 'khor du byas te/ klu'i gnas nas 'thon te/ bye ba stong phrag brgya'i dge slong gi 'khor dang bcas pa'i bcom ldan 'das la lha'i rol mos nye bar mchod nas sbyin pa chen po phul lo/ /so so la lha'i gos gnyis gnyis phul bas skyabs su 'gro ba'i tshul khrims la gnas so/ /de yang ston pa des ma 'ongs pa na sangs rgyas su 'gyur bar lung bstan no/ /bcom ldan 'das de'i grong khyer dge ba can zhes bya bar gyur te/ legs byin zhes bya ba'i rgyal po ni yab bo/ /dpal ldan ma zhes bya ba ni yum mo/ /nges 'gro dang goms byed ni nyan thos kyi mchog go/ /'char byed ni nye gnas so/ /nyan pa dang nye bar nyan pa gnyis ni nyan thos ma'i mchog go/ /byang chub kyi shing ni klu shing ngo / /sku'i mtho tshad du khru drug bcu'o/ /sku tshe'i tshad ni lo stong phrag dgu bcu'o/ /bkra shis bzang po'i 'og tu ni/ /'dren pa thugs bzang zhes bya ba/ /chos rnams kun la mtshungs med pa/ /sems can kun gyi mchog yin no/ /de'i yang 'og gi char nam gru can gyi ston pa zhes bya ba byon no/ /de'i 'dus pa gsum du 'gyur te/ 'dus pa dang po la bgrang du med pa zhes bya ba'o/ /gnyis pa la bye ba stong phrag brgya'i dge slong ngo / /de bzhin du gsum pa yang ngo / /de'i tshe byang chub sems dpa' lhag pa'i lha zhes bya ba'i bram zer gyur to/ /ston pa'i chos bshad pa thos nas skyabs su 'gro ba'i tshul khrims la gnas so/ /mgo'i steng du</font><hr>39.202a<br><font size=+1>

thal mo sbyar nas ston pa la de'i nyon mongs rnams spong ba'i bsngags pa brjod nas bla gos kyis mchod pas de yang sangs rgyas su 'gyur ro zhes lung bstan to/ /slar yang de'i bcom ldan 'das kyi grong khyer ni nam gru bzang ldan zhes bya bar gyur to/ /yab ni shin du rgyas pa zhes bya ba'i rgyal po'o/ /yum ni shin du rgyas ma zhes bya ba'o/ /chu lha dang lha tshangs pa ni nyan thos kyi mchog go/ /yang dag 'byung zhes bya ba ni nye gnas so/ /bzang mo dang legs bzang mo ni nyan thos ma'i mchog go/ /byang chub kyi shing ni klu shing ngo / /sku mtho tshad du khru brgyad bcu'o/ /sku tshe'i tshad ni lo stong phrag drug bcu'o/ /thugs bzang gi ni 'og tu ni/ /'dren pa nam gru can zhes bya/ /mtshungs pa med cing dpe med par/ /rgyal ba mnyam med mchog tu gyur/ /de'i 'og gi char mdzes byed ces bya ba'i ston pa byon no/ /de'i 'dus pa gsum du gyur te/ 'dus pa dang po la bye ba brgya'i dge slong ngo /[ ]/gnyis pa la bye ba dgu bcu'o/ /gsum pa la bye ba brgyad bcu'o/ /de'i tshe byang chub sems dpa' mi pham pa zhes bya ba'i bram zer gyur to/ /ston pa'i chos bstan pa thos nas skyabs su 'gro ba'i tshul khrims la gnas so/ /sangs rgyas la sogs pa'i dge slong gi dge 'dun la sbyin pa chen po btang ngo / /des yang sangs rgyas su 'gyur bar lung bstan no/ /slar yang bcom ldan 'das de'i grong khyer chos bzang zhes bya bar gyur to/ /yab ni chos bzang rgyal po'o/ /yum ni chos bzang ma zhes bya ba'o/ /mtshungs med dang legs spyan ni nyan thos kyi mchog go/ /yid ldan ni nye gnas so/ /rig ma dang legs skyes ma ni nyan thos ma'i mchog go/ /byang chub kyi shing ni klu shing nyid do/ /sku mtho tshad du khru lnga bcu rtsa brgyad do/ /sku tshe'i tshad ni lo stong phrag dgu bcu'o/ /nam gru can gyi 'og tu ni/ /'dren pa mdzes byed ces bya ba/ /mnyam par bzhag cing thugs ni zhi/ /gang zag zla med mtshungs med do/ /de'i 'og gi char bskal pa grangs med pa gcig 'das nas bskal pa gcig gi nang du sangs rgyas</font><hr>39.202b<br><font size=+1>

gsum byon no/ /thugs ldan mthong ba dang / pad ma dang mi sbyin no/ /bcom ldan 'das thugs ldan mthong gi 'dus pa gsum du gyur te/ dang po la dge slong 'bum phrag gcig go/ /gnyis pa la 'bum phrag bdun no/ /gsum pa la 'bum phrag drug go/ /de nas byang chub sems dpa' gnod sbyin gcig tu gyur to/ /rdzu 'phrul dang mthu chen po dang ldan pa'i bye ba stong phrag brgya du ma'i gnod sbyin rnams kyi bdag por gyur to/ /des bcom ldan 'das byon pa thos nas 'ongs te sangs rgyas la sogs pa'i dge slong gi dge 'dun la sbyin pa chen po btang ngo / /ston pas kyang ma 'ongs pa'i sangs rgyas su 'gyur ro zhes lung bstan no/ /gzhan yang bcom ldan 'das thugs ldan mthong gi grong khyer ni la ba can zhes bya bar 'gyur ro/ /yab ni grags ldan rgyal po'o/ /yum ni grags 'dzin ma'o/ /nges bzang dang yid ldan ni nyan thos kyi mchog go/ /chu lha ni nye gnas so/ /legs mdzes dang yid bzang ma ni nyan thos ma'i mchog go/ /byang chub kyi shing ni srid sgrub kyi shing ngo / /sku'i mtho tshad khru lnga bcu rtsa brgyad do/ /'bum phrag gcig gi lo ni sku tshe'i tshad do/ /mdzes byed kyi ni 'og tu ni/ /rkang gnyis mchog gi rdzogs sangs rgyas/ /thugs bzang mthong dang 'chi med grags/ /gzi brjid ldan zhing ring mthong ngo / /de'i 'og gi char pad ma zhes bya ba'i ston pa byon no/ /de'i yang 'dus pa gsum du 'gyur te/ 'dus pa dang po la bye ba 'bum phrag gcig gi dge slong ngo / /gnyis pa la 'bum phrag gsum mo/ /gsum pa la grong med pa'i dgon par gnas tshal chen po na dge slong 'bum phrag gnyis gnas so/ /de'i tshe de bzhin gshegs pa yang de'i nags tshal chen por bzhugs pa'i tshe byang chub sems dpa' seng ger skyes par gyur to/ /ston pas 'gog pa la snyoms par zhugs so/ /zhugs pa mthong nas sems rab tu dang bas phyag byas nas bskor ba byas te/ dga' ba dang yid bde ba skyes so/ /lan gsum du seng ge'i sgra sgrogs so/ /zhag bdun du sangs rgyas kyi phyir du</font><hr>39.203a<br><font size=+1>

dga' ba ma spangs pas dga' ba dang bde ba nyid kyi spyod yul du ma phyin par srog yongs su btang ngo snyam ste blta zhing 'dug go/ /ston pa zhag bdun nas 'gog pa'i snyoms par 'jug pa las langs nas/ seng ge la blta zhing dge slong gi dge 'dun rnams kyis kyang sems dang bar byas nas dge 'dun la phyag byed do zhes brjod cing dge slong gi dge 'dun shog ces bsams te dge slong rnams de ma thag tu byon no/ /seng ges dge 'dun la sems rab tu dang bar byed do/ /ston pas de'i sems la brtags te ma 'ongs pa na sangs rgyas su 'gyur ro zhes lung bstan no/ /slar yang bcom ldan 'das pad ma'i grong ni tsam pa ka zhes bya bar 'gyur ro/ /yab ni pad ma'i rgyal po'o/ /yum ni mtshungs med ma zhes bya'o/ /sA la dang u pa sA la ni nyan thos kyi mchog go/ /chu lha zhes bya ba ni nye gnas so/ /dga' ma dang shin du dga' ma ni nyan thos ma'i mchog go/ /byang chub kyi shing ni sro na'i shing ngo / /sku'i mtho tshad du khru lnga bcu rtsa brgyad do/ /sku tshe'i tshad ni lo stong phrag gcig go/[ ]/ thugs ldan mthong gi 'og tu ni/ /rkang gnyis mchog gi rdzogs sangs rgyas/ /mtshan ni pad ma zhes bya ba/ /gang zag zla med mtshungs med do/ /de'i 'og tu mi sbyin zhes bya ba'i ston pa byon no/ /de'i yang 'dus pa gsum du 'gyur te/[ ]'dus pa dang po la bye ba stong phrag brgya'i dge slong ngo / /gnyis pa la bye ba 'bum phrag dgu bcu'o/ /gsum pa la bye ba brgyad bcu dang 'bum phrag gcig go/[ ]/de'i tshe byang chub sems dpa' drang srong gis rab tu byung ste mngon par shes pa lnga dang snyoms par 'jug pa brgyad po dbang du gyur te sangs rgyas la sogs pa'i dge slong gi dge 'dun la sbyin pa chen po btang nas/ tsan dan dmar pos mchod nas de yang des ma 'ongs pa na sangs rgyas par 'gyur ro zhes lung bstan to/ /bcom ldan 'das de'i grong khyer ni 'byor ldan zhes bya bar 'gyur ro/ /yab ni blo gros bzang po zhes bya ba'i rgyal po'o/ /yum ni yid ldan ma zhes bya ba'o/ /sA la bzang po dang rgyal byed bshes gnyen ni nyan thos kyi mchog go/ /gnas mchog ni nye gnas so/ /mchog ma dang 'bras bu can ma ni</font><hr>39.203b<br><font size=+1>

nyan thos ma'i mchog go/ /byang chub kyi shing ni sro na chen po'o/ /sku'i mtho tshad du khru brgyad bcu rtsa brgyad pa'o/ /sku tshe'i tshad ni lo stong phrag dgu bcu'o/ /pad ma yi ni 'og tu ni/ /rkang gnyis mchog gi rdzogs sangs rgyas/ /mtshan ni mi sbyin zhes bya ba/ /gang zag zla med mtshungs med do/ /sangs rgyas mi sbyin gyi 'og gi char 'di nas bskal pa 'bum phrag gcig gi mgo nas brtsams te bskal pa gcig nyid kyi nang du sangs rgyas pad ma mchog ces bya ba byon no/ /de'i yang 'dus pa gsum du 'gyur te/ 'dus pa dang po la bye ba stong phrag brgya'i dge slong ngo / /gnyis pa la bai b+hA ra'i ri la bye ba stong phrag dgu bcu'o/[ ]/gsum pa la bye ba stong phrag brgyad bcu'o/ /de'i tshe byang chub sems dpa' ral pa can zhes bya ba'i yul 'khor chen por skyes so/ /sangs rgyas la sogs pa'i dge 'dun rnams la chos gos dang bcas pa'i sbyin pa chen po btang ngo / /de yang des ma 'ongs pa na sangs rgyas par 'gyur ro zhes lung bstan no/ /gzhan yang bcom ldan 'das pad ma mchog gi dus su mu stegs zhes bya ba'i ming yang med do/ /lha dang mi thams cad sangs rgyas la skyabs su 'gro ba'o/ /de'i grong khyer ni dang ba ldan zhes bya bar 'gyur ro/ /yab ni kun dga' bo zhes bya ba'i rgyal po'o/ /yum ni legs ma zhes bya ba'o/ /lha'i spyan dang legs skyes ni nyan thos kyi mchog go/ /yid bzang zhes bya ba ni nye gnas so/ /grogs med ma dang mtshungs med ma ni nyan thos ma'i mchog go/ /byang chub kyi shing ni shA la'i shing nyid do/ /sku'i mtho tshad du khru brgyad bcu rtsa brgyad do/ /sku'i 'od kun nas 'khor ba la dpag tshad bcu gnyis so/ /sku tshe'i tshad ni lo 'bum phrag gcig go/ /mi sbyin gyi ni 'og nyid du/ /rkang gnyis mchog gi rdzogs sangs rgyas/ /rgyal ba pad ma mchog zhes pa/ /mi 'khrugs rgya mtsho lta bu'o/ /de'i 'og gi char bskal pa stong phrag gsum 'das nas/ blo gros bzang po dang legs skyes zhes bya ba ni bskal pa gcig gi nang du sangs rgyas gnyis su gyur to/ /blo gros bzang po'i yang nyan thos kyi 'dus pa gsum du 'gyur te/[ ]'dus pa dang po la grong khyer lta na</font><hr>39.204a<br><font size=+1>

sdug ces bya ba na bye ba brgya'i zag pa zad pa'o/ /'dus pa gnyis pa la yang bye ba dgu bcur 'gyur ro/ /'dus pa gsum pa la ni bye ba brgyad bcu'o/ /de'i tshe byang chub sems dpa' lus mchog ces bya ba bram ze'i khye'ur gyur to/ /sa'i 'og tu gter du bcug pa nyid bye ba brgyad bcu'i nor rnams spel nas sangs rgyas la sogs pa'i dge slong gi dge 'dun la sbyin pa chen po phul te chos mnyan nas skyabs su 'gro ba'i sdom pa la gnas so/ /rab tu byung nas nags tshal du byon no/ /de yang ma 'ongs pa na sangs rgya bar lung bstan no/ /bcom ldan 'das blo gros bzang po'i grong khyer ni blta na sdug ces bya bar gyur to/ /yab ni legs sbyin zhes bya ba'i rgyal po'o/ /yum ni legs sbyin ma zhes bya ba'o/ /nges 'byung dang thams cad 'dod ni nyan thos kyi mchog go/ /rgya mtsho zhes bya ba ni nye gnas so/ /dga' ma dang shin du dga' ma ni nyan thos ma'i mchog go/ /byang chub kyi shing ni shing nI pa chen po'o/ /sku mtho tshad du khru brgyad bcu rtsa brgyad do/ /sku tshe'i tshad ni lo stong phrag dgu bcu'o/ /pad ma mchog gi 'og tu ni/ /'dren pa blo bzang zhes bya ba/ /'od zer drag cing ring la sems/ /thub pa 'jig rten kun gyi mchog /de'i 'og gi char legs skyes zhes bya ba'i ston pa byon no/ /de'i yang nyan thos kyi 'dus pa gsum du gyur te/ 'dus pa dang po la dge slong stong phrag bcu'o/ /gnyis pa la stong phrag lnga bcu'o/ /gsum pa la stong phrag bzhi bcu'o/ /de'i tshe byang chub sems dpa' 'khor los sgyur ba'i rgyal por gyur te/ sangs rgyas byon zhes thos nas nye bar song ste/ chos thos nas sangs rgyas la sogs pa'i dge 'dun la rin po che sna bdun dang bcas pa'i gling chen po bzhi'i rgyal srid sbyin par btang nas/ ston pa'i drung du rab tu byung ngo / /yul thams cad na gnas pa'i yul du skyes pa'i nor blangs nas gtsug lag khang rnams rdzogs par bya ste/ sangs rgyas la sogs pa'i dge slong rnams la sbyin pa chen po phul lo/ /de yang ma 'ongs pa na ston pas sangs</font><hr>39.204b<br><font size=+1>

rgyas par 'gyur ro zhes lung bstan no/ /bcom ldan 'das de'i grong khyer ni bkra shis bzang po zhes bya bar gyur to/ /yab ni drag po zhes bya ba'i rgyal po'o/ /yum ni 'od ldan ma zhes bya ba'o/ /blta na sdug dang lta gnyis ni nyan thos kyi mchog go/ /mi sbyin ni nye gnas so/ /glu ma dang glu ma'i phreng ba dang bcas pa ni nyan thos ma'i mchog go/[ ]/byang chub kyi shing ni 'od ma chen po'o/ /de'i nang bug pa phra mo can no/ /sdong po ni sdug po'o/ /steng na yal ga sma bya'i gdugs ltar mdzes pa'i 'dab ma can no/ /bcom ldan 'das de'i sku'i mtho tshad du khru lnga bcu'o/ /sku tshe'i tshad ni lo stong phrag dgu bcu'o/ /snying po'i bskal pa de nyid la/ /'dren pa legs skyes zhes bya ba/ /khyu mchog dpung pa seng ge yi 'gram/ /ring la sems zhing gzhal du med/ /de'i 'og gi char 'di nas bskal pa brgya dang bcwa brgyad kyi mgo nas brtsams nas bskal pa gcig la dga' mthong dang / don mthong dang / chos mthong ste sangs rgyas gsum byon no/ /dga' mthong gi yang nyan thos 'dus pa gsum du 'gyur te/ 'dus pa dang po la bye ba stong phrag brgya'i dge slong ngo / /gnyis pa la bye ba dgu bcu'o/ /gsum pa la bye ba brgyad bcu'o/ /de'i tshe byang chub sems dpa' 'od bsrung zhes bya ba'i bram ze'i khye'ur gyur to/ /rig byed gsum gyi pha rol du phyin nas ston pa'i chos bstan pa thos te bye ba stong phrag brgya'i nor yongs su btang nas dge 'dun gyi gtsug lag khang byed cing skyabs su song nas tshul khrims la gnas so/ /de nas ston pas bskal pa brgya dang bcwa brgyad 'das nas sangs rgyas su 'gyur ro zhes lung bstan no/ /bcom ldan 'das de'i grong khyer ni yid ldan zhes bya bar gyur to/[ ]/yab ni legs sbyin zhes bya ba'i rgyal po'o/ /yum ni zla ba ma zhes bya ba'o/ /bskyangs pa dang kun mthong gnyis ni nyan thos kyi mchog go/ /mdzes byed ni nye gnas so/ /legs skyes ma dang chos sbyin ma gnyis ni nyan thos ma'i mchog go/ /byang chub kyi shing ni pri yaM gu'i shing ngo / /sku'i</font><hr>39.205a<br><font size=+1>

mtho tshad du khru brgyad bcu'o/ /sku tshe'i tshad ni lo stong phrag dgu bcu'o/ /legs skyes kyi ni 'og tu ni/ /rang byung 'jig rten 'dren pa nyid/ /mtshungs dang mi mtshungs ring du sems/ /dga' mthong grags pa chen po'o/ /de'i 'og gi char bcom ldan 'das don mthong zhes bya ba byon no/ /de'i yang nyan thos kyi 'dus pa gsum du 'gyur te/ 'dus pa dang po la 'bum phrag dgu bcu rtsa brgyad kyi dge slong ngo / /gnyis pa la 'bum phrag brgyad bcu rtsa brgyad do/ /de bzhin du gsum pa la yang ngo / /de'i tshe byang chub sems dpa' 'tshams bzang zhes bya ba rdzu 'phrul dang ldan pa'i dka' thub par gyur to/ /lha'i 'jig rten gyi man dA ra ba'i me tog gi gdugs blangs nas ston pa la mchod do/ /de yang des lung bstan to/ /bcom ldan 'das de'i grong khyer ni mdzes byed ces bya bar gyur to/ /yab ni rgya mtsho zhes bya ba'i rgyal po'o/ /yum ni lta na sdug ma'o/ /zhi ba dang nye bar zhi ba ni nyan thos kyi mchog go/ /'jigs med ni nye gnas so/ /chos ma dang chos bzang ma ni nyan thos ma'i mchog go/ /byang chub kyi shing ni tsam pa ka'i shing ngo /[ ]/sku'i mtho tshad du khru brgyad bcu rtsa brgyad do/ /sku'i 'od kun nas 'khor ba la dus thams cad du dpag tshad gcig gi bar du khyab cing gnas so/ /sku tshe'i tshad ni lo 'bum phrag gcig go/ /snying po'i bskal pa de nyid la/ /don mthong mi'i khyu mchog ni/ /mun pa chen po gsal nas ni/ /yang dag byang chub mchog thob bo/ /de'i 'og gi char chos mthong zhes bya ba'i ston pa byon no/ /de'i yang nyan thos 'dus pa gsum du 'gyur te/ 'dus pa dang po la bye ba brgya'i dge slong ngo / /gnyis pa la bye ba bdun bcu'o/ /gsum pa la bye ba brgyad bcu'o/ /de'i tshe byang chub sems dpa' lha'i rgyal po brgya byin du gyur to/ /lha'i dri bzang dang me tog dang lha'i rol mo rnams kyis mchod de/ de yang ma 'ongs pa na sangs rgya bar lung bstan to/ /bcom ldan 'das de'i grong khyer ni skyabs zhes bya bar gyur to/ /yab ni skyabs kyi rgyal po zhes bya'o/ /yum ni shin du dga' ma zhes bya ba'o/ /pad ma dang</font><hr>39.205b<br><font size=+1>

lhar gyur pa ni nyan thos kyi mchog go/ /legs spyan zhes bya ba ni nye gnas so/[ ]/dge ma dang bden ma zhes bya ba ni nyan thos ma'i mchog go/ /byang chub kyi shing ni pim pa dzA la'i shing ngo / /sku'i mtho tshad du khru brgyad bcu'o/ /sku tshe'i tshad ni lo 'bum phrag gcig go/ /snying po'i bskal pa de nyid la/ /chos mthong grags pa chen po yis/ /mun pa chen po bcom nas ni/ /lha dang bcas pa snang bar mdzad/ /de'i 'og gi char 'di nas bskal pa dgu bcu rtsa bzhi nas mgo brtsams nas bskal pa gcig la don grub zhes bya ba'i sangs rgyas gcig byon no/ /de'i yang nyan thos kyi 'dus pa gsum du 'gyur te/ 'dus pa dang po la bye ba 'bum phrag gcig gi dge slong ngo / /gnyis pa la bye ba dgu bcu'o/ /gsum pa la bye ba brgyad bcu'o/ /de'i tshe byang chub sems dpa' gzi brjid drag po dang / mngon par shes pa'i stobs dang ldan pa'i dka' thub pa bkra shis bzang po zhes bya bar gyur to/ /shing 'dzam bu chen po'i 'bras bu blangs nas de bzhin gshegs pa la phul lo/ /ston pas 'bras bu de gsol nas bskal pa dgu bcu rtsa bzhi'i 'og tu byang chub sems dpa' ma 'ongs pa na sangs rgyas su 'gyur ro zhes lung bstan no/ /bcom ldan 'das de'i grong khyer ni bai b+hA ra zhes bya bar gyur to/ /yab ni rgyal ba'i sde zhes bya ba'i rgyal po'o/ /yum ni legs gyur ma zhes bya ba'o/ /mang du 'byung dang bshes gnyen bzang po ni nyan thos kyi mchog go/ /nam gru can ni nye gnas so/ /zhi byed len ma dang legs brtan ma ni nyan thos ma'i mchog go/ /byang chub kyi shing ni karni ka'i shing ngo / /sku'i mtho tshad ni khru drug bcu'o/ /sku tshe'i tshad ni lo 'bum phrag gcig go/ /chos mthong gi ni 'og nyid du/ /'jig rten 'dren pa don grub kyi/ /mun pa thams cad bcom nas ni/ /nam mkhar nyi ma shar ba bzhin/ /de'i 'og gi char 'di nas bskal pa 'bum phrag dgu bcu rtsa gnyis nas mgo brtsams nas bskal pa gcig la dkar rgyal dang gyur pa zhes bya ba'i sangs rgyas gnyis byon no/ /bcom ldan 'das dkar rgyal de'i yang 'dus pa gsum du 'gyur te/ </font><hr>39.206a<br><font size=+1>

'dus pa dang po la bye ba brgya'i dge slong ngo / /gnyis pa la bye ba dgu bcu'o/ /gsum pa la bye ba brgyad bcu'o/ /de'i tshe byang chub sems dpa' longs spyod chen po dang grags pa chen po dang ldan pa'i legs skyes zhes bya ba'i rgyal rigs su gyur pa dka' thub pa'i rab tu byung ba la rab tu byung nas rdzu 'phrul dang ldan par gyur te sangs rgyas byon pa thos nas lha'i me tog man dA ra ba dang pad ma dang pA ri ts+tsha t+t+ra'i me tog rnams blangs nas 'khor bzhi'i nang du gshegs pa'i de bzhin gshegs pa la mchod nas/ nam mkha' me tog gi bla res bres so/ /sangs rgyas des yang 'di nas bskal pa dgu bcu rtsa gnyis nas 'tshang rgya bar 'gyur ro zhes lung bstan to/ /bcom ldan 'das de'i grong khyer ni dge ma zhes bya ba'o/ /yab ni skye bo dad pa can zhes bya ba'i rgyal po'i rigs so/ /yum ni pad ma zhes bya ba'o/ /tshangs pa'i lha dang 'char byed ni nyan thos kyi mchog go/ /yang dag mchog ni nye gnas so/ /myur ma dang legs sbyin ma ni nyan thos ma'i mchog go/ /byang chub kyi shing ni a sa na'i shing ngo / /sku'i mtho tshad la khru drug bcu'o/ /sku tshe'i tshad ni lo 'bum phrag gcig go/ /don grub kyi ni 'og nyid du/ /gang zag zla med mtshungs med pa/ /tshul khrims dpag med mtha' yas grags/ /'jig rten 'dren pa dkar rgyal mchog /de'i 'og gi char gyur pa zhes bya ba'i ston pa byon no/ /de'i yang 'dus pa gsum du 'gyur te/ 'dus pa dang po la 'bum phrag drug bcu'i dge slong ngo / /gnyis pa la 'bum phrag lnga bcu'o/ /gsum pa la 'bum phrag sum bcu rtsa gnyis so/ /de'i tshe byang chub sems dpa' rnam par rgyal byed zhes bya ba'i rgyal rigs su gyur te/ rgyal po chen po'i rgyal rigs spangs nas ni ston pa'i drung du rab tu byung ste sde snod gsum bslabs nas skye bo mang po la dam pa'i chos ston cing 'chad pa dang tshul khrims kyi pha rol du phyin pa rdzogs par byas nas de yang de bzhin du 'tshang rgya bar 'gyur ro zhes lung bstan to/ /bcom ldan 'das de'i grong khyer ni gsal ldan zhes bya bar gyur</font><hr>39.206b<br><font size=+1>

to/ /yab ni rgyal ba'i sde zhes bya ba'i rgyal po'o/ /yum ni dpal ldan ma zhes bya'o/ /legs bsrung dang chos kyi sde ni nyan thos kyi mchog go/ /'jigs bcas ni nye gnas so/ /phreng ba ma dang nye ba'i phreng ba ma ni nyan thos ma'i mchog go/ /byang chub kyi shing ni skyu ru ra'i shing ngo / /skru'i mtho tshad du khru lnga bcu rtsa brgyad do/ /sku tshe'i tshad ni lo stong phrag dgu bcu'o/ /snying po'i bskal pa de nyid la/[ ]/ston pa bla na med par gyur/ /mtshungs dang mi mtshungs dpe med pa/ /'jig rten mchog gi 'dren par gyur/ /de'i 'og gi char 'di nas bskal pa dgu bcu rtsa gcig la bcom ldan 'das rnam par gzigs zhes bya ba byon no/ /de'i yang 'dus pa gsum du gyur te/ 'dus pa dang po la dge slong 'bum phrag dgu bcu rtsa brgyad do/ /gnyis pa la 'bum phrag gcig go/ /gsum pa la stong phrag brgyad bcu'o/ /de'i tshe byang chub sems dpa' rdzu 'phrul ldan zhing mthu che bas mtshungs pa med pa'i klu'i rgyal por gyur te/ rin po che sna bdun gyis brgyan pa'i gser gyi gdan chen po bcom ldan 'das la phul lo/ /des yang 'di nas bskal pa dgu bcu rtsa gcig nas sangs rgya bar 'gyur ro zhes lung bstan no/ /bcom ldan 'das de'i grong khyer ni blo gros gnyen zhes bya bar gyur to/ /yab ni gnyen gyi rgyal po zhes bya ba'o/ /yum ni blo gros gnyen ma zhes bya ba'o/[ ]/phung po dang dkar rgyal ni nyan thos kyi mchog go/ /mya ngan med ni nye gnas so/ /zla ba ma dang zla ba'i bshes gnyen ma ni nyan thos ma'i mchog go/ /byang chub kyi shing ni pA Ti li'i shing ngo / /sku'i mtho tshad du khru brgyad bcu'o/ /sku'i 'od la rtag tu dpag tshad bdun du 'phro zhing gnas so/ /sku tshe'i tshad ni lo stong phrag brgyad bcu'o/ /gyur pa yi ni 'og tu ni/ /rkang gnyis mchog gi rdzogs sangs rgyas/ /mtshan ni rnam par gzigs shes bya/ /spyan ldan 'jig rten bskyed pa'o/ /de'i 'og gi char 'di nas bskal pa sum bcu rtsa gnyis nas gtsug tor can dang thams cad skyob ces pa'i sangs rgyas</font><hr>39.207a<br><font size=+1>

byon no/ /gtsug tor can gyi yang nyan thos kyi 'dus pa gsum du 'gyur te/ 'dus pa dang po la 'bum phrag gcig gi dge slong ngo / /gnyis pa la 'bum phrag brgyad bcu'o/ /gsum pa la 'bum phrag bcu'o/ /de'i tshe byang chub sems dpa' sgra'i dbang po zhes bya ba'i rgyal por gyur te/ sangs rgyas dang bcas pa'i dge 'dun rnams la chos gos dang bcas pa'i sbyin pa chen po phul lo/ /rin po che sna bdun gyis so sor brgyan pa'i glang po che phul nas/ glang po che'i tshad tsam ri zhing rung ba'i yo byad rnams phul lo/ /des yang 'di nas bskal pa sum bcu rtsa gcig nas sangs rgyas su 'gyur ro zhes lung bstan to/ /gzhan yang bcom ldan 'das de'i grong khyer ni skya reng ldan zhes bya bar gyur to/ /yab ni skya reng ldan zhes bya ba'i rgyal po'o/ /yum ni 'od ldan ma zhes bya ba'o/ /mngon 'byung dang yang dag byung ni nyan thos kyi mchog go/ /dge bar byed pa ni nye gnas so/ /ma gi la dang pad ma ni nyan thos ma'i mchog go/ /byang chub kyi shing ni puN Ta ri ka'i shing ngo / /sku'i mtho tshad du khru sum bcu rtsa bdun du 'gyur ro/ /sku'i 'od dpag tshad gsum du 'phro zhing gnas so/ /sku tshe'i tshad ni lo stong phrag sum bcu rtsa bdun no/ /rnam par gzigs kyi 'og tu ni/ /rkang gnyis mchog gi rdzogs sangs rgyas/ /mtshungs med rgyal ba gtsug tor can/ /gang zag zla med mtshungs med do/ /de'i 'og gi char thams cad skyob ces bya ba'i sangs rgyas byon no/ /de'i yang 'dus pa gsum du 'gyur te/ 'dus pa dang po la 'bum phrag brgyad bcu'i dge slong ngo / /gnyis pa la 'bum phrag sum bcu rtsa bdun no/ /gsum pa la 'bum phrag drug bcu'o/ /de'i tshe byang chub sems dpa' blta na sdug ces bya ba'i rgyal por gyur te/ sangs rgyas la sogs pa'i dge 'dun la chos gos dang bcas pa'i sbyin pa chen po phul nas de'i drung du rab tu byung ste/[ ]spyod pa dang yon tan dang ldan pas sangs rgyas dkon mchog la ri mor byas te dga' bar gyur to/ /de yang bcom ldan 'das kyis 'di nas bskal pa sum bcu rtsa gcig nas sangs rgyas</font><hr>39.207b<br><font size=+1>

su 'gyur zhes lung bstan to/ /gzhan yang bcom ldan 'das de'i grong khyer ni yid ldan zhes bya bar gyur to/ /yab ni legs par gnas zhes bya ba'i rgyal po'o/ /yum ni grags ldan ma zhes bya ba'o/ /nyan pa dang mchog ni nyan thos kyi mchog go/ /nye bar zhi ba ni nye gnas so/ /phreng ba ma dang phreng ba dang bcas pa ma ni nyan thos ma'i mchog go/ /byang chub kyi shing ni sA la'i shing ngo / /sku'i mtho tshad ni khru drug bcur 'gyur ro/ /sku tshe'i tshad ni lo stong phrag drug bcu'o/ /snying po'i bskal pa de nyid la/ /gang zag zla med mtshungs pa med/ /mtshan ni thams cad skyob ces pa/ /rgyal ba de ni 'jig rten bskyed/ /de'i yang 'og gi char bskal pa 'di la sangs rgyas bzhi byon no/ /log par dad sel dang gser thub dang 'od bsrung dang bdag cag gi bcom ldan 'das so/ /gzhan yang bcom ldan 'das log par dad sel gyi nyan thos kyi 'dus pa ni gcig go/ /de la stong phrag bzhi bcu'i dge slong ngo / /de'i tshe byang chub sems dpa' dge ba zhes bya ba'i rgyal por gyur to/[ ]/sangs rgyas la sogs pa dge 'dun la lhung bzed chos gos dang bcas pa'i sbyin pa nyid dang mig sman dang sman la sogs pa phul nas ston pa'i chos bstan pa thos nas rab tu byung ngo / /de yang ston pas lung bstan to/ /gzhan yang bcom ldan 'das log par dad sel de'i grong khyer dge ba zhes bya bar 'gyur ro/ /yab ni mi sbyin bram ze zhes bya ba'o/ /yum ni bram ze mo grogs ma'o/ /bi d+hu ra dang yang dag 'tsho ni nyan thos kyi mchog go/ /bram ze blo gros ni nye gnas so/ /mnyam byed dang tsam pa ka ni nyan thos ma'i mchog go/ /byang chub kyi shing ni shing sha ri Sha chen po'o/ /sku'i mtho tshad la khru bzhi bcur 'gyur ro/[ ]/sku tshe'i tshad ni lo stong phrag bzhi bcu'o/ /thams cad skyob kyi 'og tu ni/ /rkang gnyis mchog gi rdzogs sangs rgyas/ /mtshan ni log par dad sel zhes/ /gzhal med ring la sems pa'o/ /de'i 'og gi char ston pa gser thub ces bya ba byon no/ /de'i yang nyan thos kyi 'dus pa gcig ste/ de la stong phrag sum bcu'i dge slong du 'gyur ro/ /de'i tshe</font><hr>39.208a<br><font size=+1>

byang chub sems dpa' ri zhes bya ba'i rgyal por gyur to/ /blon po'i tshogs mang po 'khor dang bcas pa chos bstan pa thos nas sangs rgyas la sogs pa'i dge slong gi dge 'dun rnams mgron du gnyer nas sbyin pa chen po phul te ston pa'i drung du song ste/ lhung bzed dang /[ ]rgya'i dar dang grong khyer gsal ldan gyi yul gyi ras dang la ba dang /[ ]du ku la'i ras dang / dar gos gser ma rnams phul te/ ston pa'i drung du rab tu byung ngo / /de yang sangs rgyas su 'gyur bar lung bstan no/ /bcom ldan 'das de'i grong khyer ni mdzes ldan zhes bya bar 'gyur ro/ /yab ni gnod sbyin zhes bya ba'i bram ze'o/ /yum ni mchog ma zhes bya ba'i bram ze mo'o/[ ]/'jigs byed dang mchog ni nyan thos kyi mchog go/ /bkra shis zhes bya ba ni nye gnas so/ /rgya mtsho ma dang mchog ma ni nyan thos ma'i mchog go/ /byang chub kyi shing ni u dum ba ra'i shing ngo / /sku'i mtho tshad la khru nyi shu'o/ /sku tshe'i tshad ni lo stong phrag sum bcu'o/ /log par dad sel 'og tu ni/ /rkang gnyis mchog gi rdzogs sangs rgyas/ /mtshan ni rgyal ba gser thub bo/ /mi yi khyu mchog 'jig rten gtso/ /de'i 'og gi char 'od srung zhes bya ba'i ston pa byon no/[ ]/de'i yang 'dus pa gcig ste/ de la dge slong stong phrag nyi shu'o/ /de'i tshe byang chub sems dpa' 'od bskyod zhes bya ba'i bram ze'i khye'ur gyur nas/ rig byed gsum gyi pha rol du son te/ sa dang bar snang thams cad la grags so/ /bum pa byed pa'i rdza mkhan gyi grogs por gyur to/ /byang chub sems dpa' rdza mkhan dang 'drogs te ston pa'i drung du nye bar song ste/ chos kyi gtam thos nas rab tu byung ngo / /brtson 'grus cher bskyed nas sde snod gsum bslabs te spyod pa dang ldan pas sangs rgyas kyi bstan pa mdzes par byed do/ /de yang ston pas lung bstan no/ /bcom ldan 'das de'i bltam pa'i grong khyer ni bA rA Na sI zhes bya ba'o/ /yab ni tshangs byin zhes bya ba'i bram ze'o/ /yum ni 'byor ldan ma zhes bya ba'i bram ze mo'o/ /dkar rgyal dang b+hA ra d+ho dza ni nyan thos</font><hr>39.208b<br><font size=+1>

kyi mchog go/ /thams cad bshes gnyen ni nye gnas so/ /rjes su len ma dang stong rgyas ma ni nyan thos ma'i mchog go/ /byang chub kyi shing ni n+ya gro ta'i shing ngo / /sku'i mtho tshad du khru nyi shu par gyur to/ /sku tshe'i tshad ni lo stong phrag nyi shu'o/ /gser thub kyi ni 'og tu ni/ /rkang gnyis mchog gi rdzogs sangs rgyas/ /mtshan ni rgyal ba 'od srung ngo / /chos kyi rgyal po 'od mdzad do/[ ]/gzhan yang bskal pa gang la stobs bcu dang ldan pa'i mar me mdzad pa de la/[ ]gzhan yang sangs rgyas gsum byon par gyur te/ de rnams kyi drung du byang chub sems dpa' lung ma bstan no/ /de'i phyir 'dir yang ma bstan te/ gzhan yang don gyi gtam 'di'i bskal pa nas bzung nas sangs rgyas thams cad mthong ba'i don du 'dir bshad do/ /sred mdzad dang ni blo gros mdzad/ /de nas skyabs ni mdzad pa yin/ /mar me mdzad ni rdzogs sangs rgyas/ /rkang gnyis mchog ni kau Ti n+ya/ /bkra shis dang ni thugs bzang dang / /thub pa nam gru mdzes byed dang / /thugs ldan mthong dang pad ma dang / /mi sbyin dang ni pad ma'i mchog /blo gros bzang dang legs kyes dang / /grags chen blta na sdug pa dang / /don mthong dang ni chos mthong dang / /'jig rten 'dren pa don grub dang / /rdzogs sangs rgyas ni dkar rgyas gyur/ /rnam gzigs gtsug tor thams cad skyob/ /log dad sel dang gser thub dang / /'dren pa 'od srung zhes bya'o/ /yang dag rdzogs sangs de rnams ni/ /mnyam par bzhag cing 'dod chags bcom/ /'od zer brgya pa bzhin du 'khrungs/[ ]/mun pa chen po rnam par 'joms/ /me yi phung po bzhin du 'bar/ /nyan thos dang bcas mya ngan 'das/ /de la bdag cag gi byang chub sems dpa' mar me mdzad la sogs pa'i sangs rgyas nyi shu rtsa bzhi'i drung du smon lam btab nas bskal pa grangs med pa bzhi dang 'bum phrag lhag pa nas byon no/ /gzhan yang bcom ldan 'das 'od srung de'i 'og gi char gnas te yang dag par rdzogs pa'i</font><hr>39.209a<br><font size=+1>

sangs rgyas 'di las sangs rgyas gzhan med do zhes mar me mdzad la sogs pa'i sangs rgyas nyi shu rtsa bzhi'i drung dru lung bstan pa thob bo/ /gzhan yang byang chub sems dpa' gang des/ mi yi bdag nyid rtags dang ldan/ /sgyu dang ston pa'i lta ba dang / /rab tu byung zhing yon tan ldan/ /gzhi rnams dang ni 'dun pa dang / /chos brgyad po ni tshogs pa dang / /smon lam rnams ni yang dag rdzogs/ /chos brgyad po 'di rnams tshogs par byas nas mar me mdzad kyi zhabs drung du smon lam btab cing sangs rgyas su byed pa'i chos 'di rnams gang dang gang du tshol ba'i spro ba skyes so/ /btsal ba de rnams mthong bas na/ /dang po sbyin pa'i pha rol phyin/ /sbyin pa'i pha rol du phyin pa la sogs pas sangs rgyas thob par byed pa'i chos rdzogs par byed pa nyid thams cad sgrol gyi bdag nyid byon no/ /byon nas gang de rnams byas pa'i smon lam byang chub sems dpa' rnams kyis phan yon bsngags par mdzad do/ /de bzhin yan lag thams cad ldan/ /mi yi byang chub nges pa dang / 'khor ba yun ring gzhi med pa/ /bskal pa bye ba brgya nyid dam/ /mnar med du ni mi skye'o/[ ]/de bzhin du ni 'jig rten par/ /bskres skom sred dang 'bar ba dang / /yan lag thams cad mi 'chad 'gyur/ /srog chags phra mor mi 'gyur zhing / /ngan 'gro rnams su skye mi 'gyur/ /mi ru skyes par gyur pa na/ /de ni dmus long mi 'gyur zhing / /'on par yang ni mi 'gyur la/ /lkug dang gzhog phyed na mi 'gyur/ /bud med du ni skye mi 'gyur/ /za ma ma ning mtshan gnyis dang / /'tha' 'khob tu ni skye mi 'gyur/ /mi yi byang chub nges pa yin/ /'tshams med pa las grol ba dang / /dag pa'i spyod yul thams cad du/ /log pa'i lta ba mi brten no/ /las kyi bya ba mthong ba dang / /mtho ris la ni gnas nas su/ /'du shes med par skye mi 'gyur/ /gtsang ma ris kyi lha rnams su/ /sgyu dang ming ni skye ba med/ /skyes bu dam pa nges 'byung sems/ /dngos dang dngos med ldan pa med/ /gang zhig 'jig rten don du 'gro/ /pha rol phyin kun rdzogs par byed/ /</font><hr>39.209b<br><font size=+1>

phan yon de rnams lhag par thob pa 'am des pha rol du phyin pa rdzogs par byed do/ /grags pa dang ldan pa'i bram ze'i dus su dang / dung gi bram ze'i dus su dang / nor rgyal gyi rgyal po'i dus su dang /[ ]blta na sdug chen po'i rgyal po'i dus su dang / khyab 'jug chen po'i dus su dang /[ ]rgyu mtshan rgyal po'i dus su dang / zla ba gzhon nu'i dus su dang / yul gyi mchog gi dus su dang / shi bi pa'i rgyal po'i dus su dang / thams cad sgrol gyi dus su ni sbyin pa'i pha rol du phyin pa rdzogs pa'i bdag nyid de tshad med pa zhes bya'o/ /mtha' gcig tu yang dang yang byang chub sems dpa' mkhas pa ri bong gi skyes rabs las/ nyer 'ongs slong ba mthong ba na/ /rang gi lus ni yongs su btang / /bdag gi sbyin la mnyam pa med/ /'di rnams sbyin pa'i pha rol phyin/ /de ltar lus yongs su gtong bar byed pas sbyin pa'i pha rol du phyin pa ste don dam pa'i pha rol du phyin pa zhes bya ba skyes so/ /de bzhin du tshul khrims dang ldan pa'i klu'i rgyal po'i dus su dang / tsam po spya'i klu'i rgyal po'i dus su dang /[ ]sa sbyin klu'i rgyal po'i dus su dang / mche ba drug pa'i glang po'i rgyal po'i dus su dang / rgyal ba dang mtshungs pa'i rgyal po'i bu zhum pa med pa'i dgra gzhon nu'i dus su ni tshul khrims kyi pha rol du phyin pa rdzogs par skyes pa la tshad med do/ /mtha' gcig tu gzhan yang / de yi dung skyong skyes rabs las/ gsal shing gis ni phug nas ni/ /mtshon cha blangs nas brdeg pa dang / /grong dpon bu la khro mi byed/ /tshul khrims phar phyin bdag gi 'di/ /de bzhin du lus yongs su gtong bar byed pa ni/ tshul khrims kyi pha rol du phyin pa ste don dam pa'i pha rol du phyin pa zhes bya ba skyes so/ /de bzhin du yid bzangs gzhon nu'i dus su dang / glang chen nor skyong gzhon nu'i dus su dang / lcags khyim mkhas pa'i dus su ni rgyal srid chen po spangs nas nges par 'byung ba'i pha rol du phyin pa bdag nyid la skyes pa ni tshad med do/ /gzhan yang mtha' gcig tu de'i bu zhi ba chung ngu'i skyes rabs las/ rgyal po chen po lag tu</font><hr>39.210a<br><font size=+1>

thob/ /'chil ma'i lbu ba bzhin du spangs/ /rgyal srid spangs kyang zhen pa med/ /bdag gi nges 'byung phar phyin 'di/ /de bzhin du nges par bdag gi rgyal srid spangs nas nges par 'byung ba'i pha rol du phyin pa ste/ don dam pa'i pha rol du phyin pa zhes bya ba skyes so/ /de bzhin du mkhas pa bi d+hu ra'i dus su dang / mkhas pa khyab 'jug chen po'i dus su dang / mkhas pa stog rtse ba'i dus su dang / mkhas pa a ra'i dus su dang / kun du rgyu byang chub kyi dus su dang / mkhas pa sman chen po'i dus su ni shes rab kyi pha rol du phyin pa rdzogs par bdag la skyes pa la tshad med do/ /gzhan yang mtha' gcig tu de'i sde snod kyi skyes rabs las/ mkhas pa sde can gyi dus su/[ ]bdag gis shes rab tshol ba na/ /bram ze'i sdug bsngal grol ba dang / /bdag gi shes rab mtshungs pa med/ /bdag gi shes rab phar phyin 'di/ /pha tshi'i nang gi sbrul bdag gis blta ba ni shes rab kyi pha rol du phyin pa ste don dam pa'i pha rol du phyin pa zhes bya ba skyes so/ /de bzhin du brtson 'grus kyi pha rol du phyin pa rdzogs par bdag la skyes pa tshad med do/ /gzhan yang mtha' gcig tu de'i skye bo chen po can gyi skyes rabs las/ /ngogs ma mthong ba'i rgya mtsho'i dbus/ mi rnams thams cad shi bar gyur/ /sdug bsngal med pa'i sems kyis ni/ /bdag gi brtson 'grus phar phyin 'di/ /rgya mtsho chen po las sgrol bar byed pa'i brtson 'grus kyi pha rol du phyin pa zhes bya ba skyes so/ /bzod par smra ba'i skye rabs las/ sems med pa la gcod pa bzhin/ /bdag la rno ba'i dgra sta yis/ /gsal ldan rgyal po la mi khro/ /bdag gi bzod pa'i phar phyin 'di/ /de ltar sems med pa'i dngos po bzhin du bdag sdug bsngal chen po la lhags par gnas pa ni bzod pa'i pha rol du phyin pa ste/ don dam pa'i pha rol du phyin pa zhes bya ba skyes so/ /bu zhi ba chen po'i skyes rabs las/ bden pa'i tshig ni rjes su</font><hr>39.210b<br><font size=+1>

bsrung / /bdag gi srog ni spangs nas su/ /rgyal rigs brgya phrag grol bar byas/ /bdag gi bden pa'i phar phyin 'di/ /de ltar srog spangs nas bden pa rjes su bsrung ba de ni bden pa'i pha rol du phyin pa ste/[ ]don dam pa'i pha rol du phyin pa zhes bya ba skyes so/ /lkug pa dang gzhogs phyed na ba'i tshul gyi skyes rabs las/ pha ma bdag la mi dgos shing / /nor dang grags pa 'ang dgos pa med/ /bdag ni thams cad mkhyen la dga'/ /de phyir brtul zhugs gnas pa'o/ /de ltar srog gi 'dod pa yongs su btang nas brtul zhugs la lhag par gnas pa ni lhag par gnas pa'i pha rol du phyin pa ste/ don dam pa'i pha rol du phyin pa zhes bya ba skyes so/ /rgyal po gcig gi skyes rabs las/ gang zhig bdag la skrag byed med/ /bdag gis gang la'ang 'jigs ma byas/ /byams pa'i stobs kyi steng gnas zhing / /de tshe slong ba nyid la dga'/ /de ltar srog yongs su gtong ba la mi blta zhing byams par byed pa de'i byams pa ni pha rol du phyin pa ste/ don dam pa'i pha rol du phyin pa zhes bya ba skyes so/ /ngang pa'i spu'i skye rabs las/ dur khrod du ni gnas par sems/ /rus gong la ni brten byas nas/ /bdag gi gnas su nye bar 'ongs/ /gzugs la lta ba nyung ba med/ /de ltar grong gi khye'u la rdo la sogs pa blangs nas rdung ba nyid dang / me tog phreng ba dang spos kyis nye bar spyod pa la sogs pas bde ba dang sdug bsngal bskyed kyang btang snyoms su 'dor ba de ni btang snyoms kyi pha rol du phyin pa ste/ don dam pa'i pha rol du phyin pa zhes bya ba skyes so/ /de rnams 'dir 'dor bsdus pa'o/ /rgya cher yang slar 'di'i don spyod pa'i sde snod las blang bar bya'o/ /de ltar pha rol du phyin pa rdzogs nas thams cad sgrol gyi bdag nyid du gnas so/ /sems med pa yi sa gzhi yis/ /bde dang sdug bsngal mi shes kyang / /bdag gi sbyin pa'i stobs de yis/ /lan bdun du ni rab tu g.yos/ /de ltar sa gzhi chen po g.yo</font><hr>39.211a<br><font size=+1>

ba la sogs pa bsod nams chen po byed cing tshe'i mthar shi 'phos te dga' ldan du skyes so zhes pa mar me mdzad kyi zhabs drung nas bzung ste ji srid dga' ldan du skyes pa de rnams kyi bar ni ring po'i gzhi zhes bya bar rig par bya'o/[  ]/gzhan yang byang chub sems dpa' dga' ldan du bzhugs pa nyid nas sangs rgyas kyi sgra cher sgrogs pa zhes bya ba skyes pa na 'jig rten 'dir sgra cher sgrogs pa gsum byung ste/ bskal pa'i sgra cher sgrogs pa dang / sangs rgyas kyi sgra cher sgrogs pa dang / 'khor los sgyur ba'i sgra cher sgrogs pa'o/ /de la lo 'bum phrag gcig gi mthar bskal pa 'jig par 'gyur ro zhes pa 'jig rten gyi ming du brjod pa ni 'dod pa na spyod pa'i lha mgo g.yogs kyis ma bsgribs pa dang / skra grol ba dang / ngu ba'i kha can lag pas mig gi mchi ma 'chi ba gos dmar po gyon pa lhag par gzugs mi sdug pa'i cha byad 'dzin par gyur pa'i mi rnams lam la 'gro zhing 'di ltar brjod do/ /'jig rten pa 'di nas lo 'bum phrag gcig 'das nas bskal pa 'jig par 'gyur ro/ /'di yi 'jig rten rnams 'jig par 'gyur ro/ /rgya mtsho chen po yang bskams par 'gyur ro/ /sa gzhi chen po 'di dang ri'i rgyal po ri rab kyang thal bar 'gyur cing 'jig go/ /tshangs pa'i 'jig rten gyi bar du 'jig rten 'jig par 'gyur ro zhes brjod do/ /'jig rten pa rnams byams pa sgoms shig /snying rje bsgoms shig /dga' ba bsgoms shig /btang snyoms bsgoms shig /ma la rim gro gyis shig /pha la rim gro gyis shig /rigs kyi gtso bo la rim gro gyis shig ces pa 'di ni bskal pa'i sgra cher sgrogs pa zhes bya ba'o/ /lo stong phrag gcig 'das nas slar yang sangs rgyas thams cad mkhyen pa 'jig rten du byon no zhes brjod pa 'di 'jig rten skyong ba'i lha rnams 'di nas 'jig rten pa rnams lo stong phrag gcig 'das nas gzhan yang sangs rgyas 'jig rten du byon no zhes rjod cing sgra cher sgrogs pas rgyu ba 'di ni sangs rgyas kyi sgra cher sgrogs pa</font><hr>39.211b<br><font size=+1>

zhes bya ba yin no/ /gzhan yang lo brgya 'das nas 'khor los sgyur ba'i rgyal po byon no zhes brjod pa ni lha nyid de/ 'jig rten pa rnams lo brgya 'das nas 'khor los sgyur ba'i rgyal po 'jig rten du byon zhes sgra cher brjod cing rgyu ba 'di ni 'khor los sgyur ba'i sgra cher sgrogs pa zhes bya ba yin no/ /gsum po 'di ni sgra cher sgrogs pa yin no/ /de rnams las sangs rgyas kyi sgra cher sgrogs pa thos nas stong phrag bcu'i khor yug gi thams cad gnas gcig tu 'dus te/[ ]che ge mo zhes bya ba'i byang chub sems dpa' sangs rgyas su 'gyur bar rtogs nas zhu ba'i phyir nye bar song ste/ zhus nas kyang sngar gyi mtshan ma skyes pa la zhus so/[ ]/de'i tshe slar yang thams cad kyi re re'i khor yug gi rgyal po chen po bzhi'i ris dang / brgya byin dang 'thab bral dang dga' ldan dang 'phrul dga' dang gzhan 'phrul dbang byed dang / tshangs pa chen po dang bcas pa'i lha dang /[ ]khor yug gi lha rnams 'dus pa'o/ /dga' ldan gyi gnas su byang chub sems dpa'i drung du song ste/ drang srong chen po khyod kyis pha rol du phyin pa bcu rdzogs pa ni brgya byin gyi phun sum tshogs par bya ba'i phyir ma yin/ bdud kyi phyir ma yin/ tshangs pa'i phyir don du gnyer ba rdzogs par bya ba'i phyir ma yin 'khor los sgyur ba'i phun sum tshogs pa'i phyir don du gnyer ba rdzogs par bya ba'i phyir ma yin no/ /gzhan yang 'jig rten bsgral ba'i phyir dang / thams cad mkhyen pa don du gnyer ba'i phyir rdzogs par byed do/ /de rnams ni da lta'i dus nas drang srong chen po sangs rgyas su 'gyur ba'i dus ni drang srong chen po sangs rgyas su 'gyur zhes zhus so/ /sems dpa' chen po lha la gnang ba ma byin te/[ ]dus dang gling dang yul dang rigs dang yum dang / tshe dang tshe'i bye brag lhag ma las med do/ /chen po lnga po zhes bya ba legs par gzigs shing gzigs so/ /de la dus dang dus ma yin pa zhes bya ba ste/ dang po dus la gzigs so/ /de la lo 'bum phrag gcig gi thog ma nas 'phel ba ni tshe'i dus dang</font><hr>39.212a<br><font size=+1>

dus ma yin pa'o/ /gang gi phyir de'i tshe sems can rnams kyi skye ba dang rga ba dang na ba dang 'chi ba rnams la gzigs so/ /sangs rgyas rnams kyi chos ston pa ni mtshan nyid lnga spangs nas gzhan pa ni med do/ /de rnams ni mi rtag pa dang / sdug bsngal ba dang / bdag med pa ston cing 'di rnams ci'i phyir 'chad pa nyid mi nyan pa dang mi dad pa dang mi sems pa'o/ /de ni dus ma yin no/ /de'i phyir mi sems pa dang ma nges pa'i bstan pa yin no/ /de'i phyir de ni dus ma yin pa'o/ /lo brgya pa dman pas tshe'i dus kyang de'i dus ma yin no/ /gang gi phyir de'i tshe sems can nyon mongs pa shin du che ba yin no/ /nyon mongs pa shin du che bas gdams pa byin no/ /gdams pa la mi gnas na chu la dbyug pa rgyab pa'i ri mo bzhin myur du 'gag go/ /de'i phyir de yang dus ma yin pa'o/[ ]/lo 'bum phrag gcig nas bzung ba'i 'og tu lo brgya pa'i mgor tshe'i dus te dus zhes bya ba yin no/ /de'i tshe yang lo brgya pa yin no/ /de nas sems dpa' chen po skye bar rigs so zhes dus la gzigs so/ /de nas gling la gzigs te gling bzhi 'khor dang bcas pa la gzigs nas gling gsum po rnams su sangs rgyas mi 'byon no/ /'dzam bu'i gling nyid du 'byon no/ /gling la gzigs pa'o/ /de nas 'dzam bu'i gling zhes bya ba dpag tshad stong phrag bcu'i tshad kyis che ba'o/ /yul gyi phyogs gang zhig tu sangs rgyas 'byon par 'gyur zhes yangs shing grol ba'i gnas blta zhing yul dbus la gzigs te yul dbus zhes bya ba ni shar gyi phyogs na ka dza~M ga la zhes bya ba'i grong rdal lo/ /de'i pha rol na shing sA la chen po'o/ /de nas gzhan yang bas mtha'i ljongs nye ba'i nang ngo / /shar lho'i mtshams su sA la can zhes bya ba'i chu klung ngo / /de nas gzhan yang bas mtha'i ljongs dang nye ba'i nang ngo / /lho phyogs su sa \u0f7dta kar Ni ka zhes bya ba'i grong rdal lo/ /de nas gzhan yang bas mtha'i ljongs dang nye ba'i nang ngo / /nub phyogs ka ba zhes bya ba bram ze'i grong rdal lo/ /de nas gzhan</font><hr>39.212b<br><font size=+1>

yang bas mtha'i ljongs dang nye ba'i nang ngo / /byang gi phyogs u shi ri'i ri'o/[ ]/de nas gzhan yang bas mtha'i ljongs dang nye ba'i nang ngo / /'di ltar 'dul bar bshad cing bstan no/ /dkyus su dpag tshad sum brgya'o/ /zheng du dpag tshad phyed dang sum brgya'o/ /mtha' bskor la dpag tshad dgu brgya'o/ /yul phyogs de rnams su ni sangs rgyas dang / rang sangs rgyas dang nyan thos mchog rnams dang / nyan thos chen po brgyad bcu dang / 'khor los sgyur ba'i rgyal po dang / gzhan yang skyes bu chen por grags pa'i rigs dang / bram ze'i rigs dang / shing sA la chen po lta bu'i khyim bdag rnams 'khrungs pa'i gnas so/ /de rnams las grong khyer ser skya zhes bya ba 'di'o/ /der bdag 'khrung bar rigs so zhes thugs kyis nges par byas so/ /de nas rigs la gzigs pa zhes bya ba ni sangs rgyas zhes bya ba rje'u'i rigs sam/ gdol pa'i rigs la mi 'khrung ngo / /slar yang 'jig rten pa mos pa'i rgyal rigs sam bram ze'i rigs gnyis la 'khrung ngo / /da lta ni rgyal rigs la 'jig rten pa sems so/ /de la 'khrung ngo / /bdag gi yab ni zas gtsang ma zhes bya ba'i rgyal po yin te rigs la gzigs so/ /de nas yum la gzigs te 'dod pa dang chang la dga' ba ni sangs rgyas kyi yum zhes bya ba ma yin no/ /gzhan yang bskal pa 'bum phrag gcig la pha rol du phyin pa rdzogs par byas nas 'khrung ngo /[ ]/nyams pa med pa'i tshul khrims lnga po nyid len no/ /lha mo sgyu 'phrul chen mo zhes bya ba 'di de dang 'dra ba bdag gi yum yin no/ /gzhan yang gang de tsam gyi tshe'o/ /zla ba bcu'i mgo nas zhag bdun du gzigs so/ /'di ni chen po lnga la gzigs so/ /gzigs nas drang srong chen po bdag gi dus te sangs rgyas su 'gyur ba'i lha rnams kyis tshig gis gnang ngo / /khyed rnams gshegs par zhu zhes lha de rnams btang nas dga' ldan gyi lha rnams kyis yongs su bskor te/ dga' ldan gyi dga' ba'i tshal du zhugs so/ /'jig rten gyi lha thams</font><hr>39.213a<br><font size=+1>

cad dga' ba'i tshal na yod pa nyid do/ /de la 'di'i lha 'di nas shi 'phos nas bde ba'i 'gro bar skyes te 'di nas shi 'phos nas bde ba'i 'gro bar skyes so/ /sngar byas pa'i dge ba'i las byas pa rjes su dran zhing rgyu'o/ /de de ltar lha rnams kyis dge ba rjes su dran pa rnams 'khor du byas shing der rgyu'o/ /shi 'phos nas lha mo sgyu 'phrul ma chen mo'i mngal du zhugs so/ /de la legs par brjod pa'i phyir 'di go rims bzhin du sngon gyi gtam brjod do/ /de'i tshe grong khyer ser skyar dbyar zla 'bring po'i rgyu skar du brjod par skye bo thams cad rgyu skar la rtse zhing lha mo sgyu 'phrul chen po yang nya'i sdun du zhag bdun nas me tog gi phreng ba dang spos kyi 'byor pa dang ldan pas rgyu skar la rtse zhing longs spyod do/ /zhag bdun gyi mthar snga dro langs nas dri bzang gi chus khrus byas te/[ ]'bum phrag bzhi'i longs spyod spel te sbyin pa chen po btang nas rgyan thams cad kyis brgyan/ kha zas bzang po zos te/ gso sbyong yan lag brgyad pa la gnas so/ /rgyan du byed pa la rigs pa'i dpal gyi khang pa'i nang du zhugs nas dpal gyi mal cha la nyal te gnyid du song nas 'di lta bu'i rmi lam mthong ngo / /rgyal po chen po bzhi pos mal stan dang bcas pa nyid blangs nas gangs can gyi nang du song ngo / /dpag tshad drug bcu pa'i ma na shi la'i steng du dang dpag tshad bdun pa'i shing sA la chen po'i 'og tu bzhag nas phyogs gcig tu 'khod do/ /de nas de'i lha mo 'ongs nas lha mo sgyu 'phrul ma chen mo mtsho ma dros par khrid do/ /mi'i dri ma bsal ba'i phyir khrus byas te/ lha'i gos gyon nas dri bzang pos byug cing lha'i me tog 'dogs so/ /de nas mi ring bar dngul gyi ri de'i nang na gser gyi gzhal yas khang 'dug go/ /der shar du mgo bstan pa'i lha'i mal cha la der nyol zhes zer nas nyal lo/ /de nas byang chub sems dpa' glang po che dkar po cig tu gyur to/ /de nas mi ring bar gser gyi ri gcig la der 'dzeg cing de nas mar babs nas/ dngul gyi ri la 'dzeg go/ /byang gi phyogs nas 'ongs te/ dngul gyi phreng ba dang mtshungs pa'i glang po</font><hr>39.213b<br><font size=+1>

che'i snas pad ma dkar po 'dzin cing / glang po che'i sgra sgrogs pas gser gyi gzhal yas khang du zhugs te/ rang gi mal cha la lan gsum du bskor ba byas nas glo g.yas pa phug nas ltor zhugs pa bzhin du gyur to/ /de ltar bre'i skar ma mchog la lhums su zhugs so/ /nyi ma gnyis pa la de'i snga dro sad de lha mos rgyal po la rmi lam rnams smras so/ /rgyal pos bram ze drug bcu rtsa bzhi bos nas me tog phreng ba la sogs pa dang / bkra shis dang sti stang byed cing sa la mal stan chen po bshams te de la bzhugs pa'i bram ze rnams la mar gsar dang sbrang rtsi dang kar ra rnams dang bsres pa'i 'o thug rnams gser dang dngul las byas pa'i sder ma bkang ste gser dang dngul gyi sder mas so sor bkab nas bram ze rnams la phul lo/ /gzhan yang rgyal po gyon pa dang mtshungs pa'i gos dang gser rgya ma la sogs pa byin nas de rnams tshim par byas so/ /de nas de thams cad 'dod pa thams cad kyis tshim par gyur nas rmi lam bshad de ci 'dra bar 'gyur zhes dris so/ /bram ze rnams kyis smras pa/ rgyal po chen po 'jigs par ma byed cig /khyod kyi lha mo'i lto'i nang du sems can zhugs te/ de yang nang gi de skyes bu'o/ /mngal gyi nang gi de bu mo ni ma yin no/ /de khyed kyi sras por 'gyur ro/ /de gal te khyim na gnas na 'khor los sgyur ba'i rgyal por 'gyur ro/ /gal te khyim spangs nas rab tu byung na sangs rgya bar 'gyur ro/ /'jig rten du bzlog nas slar khyim na gnas nas skye ba med do/ /gzhan yang byang chub sems dpa' yum gyi mngal du zhugs pa de ma thag tu thun cig nyid la stong phrag bcu'i 'jig rten gyi khams thams cad yang dag par g.yos so/ /yang dag par rab tu g.yos so/ /yang dag par sgra sgrogs so/[ ]/mtshan ma sum bcu rtsa gnyis sngon gyi mtshan mar gyur to/ /stong phrag bcu'i khor yug rnams su snang ba tshad med par khyab cing gnas so/ /de 'am de'i dpal blta ba 'di lta bu ste long ba rnams kyis mig thob bo/ /'on pa rnams kyis rna bas sgra thos so/ /lkugs pa rnams kyis smra shes so/ /sgur po rnams drang por gyur to/ /gong</font><hr>39.214a<br><font size=+1>

po rnams kyis 'gro shes par gyur to/ /bcings pa'i sems can thams cad ni rjes su bcings pa las grol bar gyur to/ /dmyal ba thams cad kyi me zhi bar gyur to/ /yi dgas kyi yul pa rnams bkres pa dang skom pa zhi bar gyur to/ /dud 'gro rnams phan tshun 'jigs pa med par gyur to/ /sems can thams cad kyi nad zhi bar gyur to/ /sems can thams cad dga' bzhin du smra bar gyur to/ /rta rnams skad snyan pa'i rnam par gyur to/ /glang po rnams ni sgra sgrogs so/ /rol mo rnams rang byung gi sgra sgrogs so/ /mi rnams kyi rkang pa dang lag pa'i rgyan rang rang ma reg par so sor 'byin to/ /phyogs thams cad rab tu dngas par gyur to/ /sems can rnams bde ba bskyed pa'i phyir rlung 'jam po ldang bar gyur to/ /dus ma yin par sprin la char 'bab bo/[ ]/sa la chu byung nas phyogs thams cad chur gyur to/ /bya rnams nam mkha' la 'gro ba spong ngo / /chu klung rnams 'gro ba med par gnas so/ /rgya mtsho chen po'i chu ni dngar bar gyur to/ /gnas thams cad nyid du kha dog lnga pa'i pad mas sa'i steng thams cad khyab par gyur to/ /thang dang chu las skyes pa'i me tog rnams kha bye bar gyur to/ /ljon shing rnams sdong po la sdong po'i pad ma'i me tog go/ /yal kha rnams la yal kha'i pad ma'i me tog go/ /'khril shing rnams la 'khril shing gi pad ma'i me tog kha bye'o/ /thang dang rdo'i steng du brtol nas steng nas steng du bdun bdun du gyur nas dan dra pad ma zhes bya ba phyung ngo / /nam mkha' nas mthur du pad ma 'phyang ngo / /thams cad du me tog gi char 'bab bo/[ ]/nam mkha' la lha'i rol mo'i sgra sgrogs so/ /stong phrag bcu'i 'jig rten gyi khams thams cad me tog dang bdug spos dang dri chab mchog tu skal ba bzang bar gyur to/ /'di ltar byang chub sems dpa' mngal du zhugs pa nyid nas byang chub sems dpa' dang / byang chub sems dpa'i yum gyi nye bar 'tshe ba bzlog pa'i phyir ral gri lag tu thogs pa'i lha'i bu bzhis srung bar byed do/ /byang chub sems dpa'i yum ni skyes</font><hr>39.214b<br><font size=+1>

pa la 'dod chags mi skye zhing / rnyed pa dang grags pa thob par gyur to/ /skyid pa sku la dub pa med par byang chub sems dpa' de yang rum du zhugs nas/ nor bu rin po che rab tu dngas pa srad bu dmar po la brgyus pa bzhin du mthong ngo / /gang gi phyir yang byang chub sems dpa' zhugs pa'i rum zhes bya ba ni mchod rten gyi nang bzhin du sems can gzhan gyis reg pa dang longs spyod par mi nus so/ /de'i phyir byang chub sems dpa'i yum byang chub sems dpa' 'khrungs nas zhag bdun nas dus las 'das nas dga' ldan du skye bar 'gyur ro/ /ji ltar yang bud med gzhan zla ba bcu las dman pa 'am/ lhag pa 'am/ 'dug pa 'am/[ ]nyal nas skye'o/ /byang chub sems dpa'i yum ni de lta bu ma yin te/ de yang byang chub sems dpa' zla ba bcur rum du bsrungs nas 'greng ba la skye'o/ /'di ni byang chub sems dpa'i yum thams cad kyi chos nyid do/ /lha mo sgyu 'phrul ma chen mo yang snod kyi nang gi 'bru mar bzhin du byang chub sems dpa' zla ba bcur rum du 'tsho zhing rum yongs su rdzogs nas gnyen gyi grong du 'gro'o zhes rgyal po chen po zas gtsang gi drung du smras so/ /lha rigs kyi rgyud kyi grong khyer chen po lha bstan du bdag 'gro bar 'dod do/ /rgyal pos legs so zhes brjod nas gnang ngo / /ser skya'i gzhi dang / grong khyer lha bstan gnyis kyi bar gyi lam mtshungs par byas nas/ chu shing dang / bum pa gang ba dang / rgyal mtshan dang ba dan la sogs pa'i rgyan 'dzugs su bcug nas lha mo gser gyi do li la bzhugs te/ blon po stong phrag gcig gis bteg ste 'khor mang po dang bcas pa btang ngo / /grong khyer gnyis kyi bar du yang gnyis ka'i grong khyer pa gnas pa'i lum+bi nI'i tshal zhes bya ba la bkra shis pa'i shing sA la'i shing yod do/ /de'i dus su rtsa ba nas rtse mo'i yal ga'i bar thams cad du bar ma chad par me tog kha bye bar gyur to/ /yal ga'i bar nyid dang / me tog gi bar kha dog sna lnga pa'i bung ba mang po lding ba dang / rnam pa sna tshogs pa'i bya mang po'i tshogs ni snyan pa'i sgra</font><hr>39.215a<br><font size=+1>

dbyangs sgrogs shing spyod do/ /lum+bi nI'i tshal thams cad ni shing rta sna tshogs pa'i tshal bzhin du mthu dang dbang phyug ni rgyal po'i mdzes par byas pa'i mdun sa lta bu de lha mos gzigs nas shing sA la'i tshal du rtse bar bsams pa skyes so/ /blon po rnams kyis lha mo bteg nas shing sA la'i tshal du bzhugs so/ /de bkra shis pa'i shing sA la'i rtsa bar gshegs te des shing sA la'i yal ga bzung bar sems par gyur te/[ ]des shing sA la'i yal ga shin du legs pa me la sros nas bkug pa bzhin du mdud pa la lha mo'i lag par nye bar 'phyang ngo / /de'i lag pa brkyang nas yal ga'i rtse mo bzung ngo / /de ma thag tu las kyi rlung gis bskyod do/ /de nas de'i phyogs kun du yol ba byas nas skye bo thams cad phyir ring du gyur te shing sA la'i yal ga bzung nas 'dug pa nyid la de ltar de'i mngal nas bltams par gyur to/[ ]/de ma thag rnam par dag pa'i sems dang ldan pa'i tshangs pa bzhi pos gser gyi dra ba blangs nas sleb bo/ /de rnams kyis der gser gyi dra bas byang chub sems dpa' blangs te yum gyi mdun na 'dug go/ /lha mo sems sdug bsngal bar ma byed cig /khyed kyi sras dbang phyug dang grags pa dang bcas pa bltams so zhes smras so/ /de ltar yang sems can gzhan rnams ma'i rum nas 'thon pa na mi gtsang bas gos shing skyug bro ba can 'thon no/ /byang chub sems dpa' ni de lta bu ma yin no/ /gzhan yang chos kyi khri nas chos 'chad pa 'bab pa bzhin dang skas la 'bab pa'i skyes bu bzhin du lag pa gnyis dang rkang pa gnyis brkyang nas 'dug pa nyid bzhin no/ /ma'i rum nas mi gtsang ba cung zad kyis kyang ma gos par dag cing 'jigs pa med pa bzhin no/ /yul ka shi ka'i ras kyi nang du nor bu rin po che bcug pa bzhin du 'od 'gyed cing yum gyi rum nas 'thon no/ /de ltar gyur pa'i byang chub sems dpa' de dang byang chub sems dpa'i yum de dag par bya ba'i phyir nam mkha' nas chu'i rgyun gnyis babs pas byang chub sems dpa' dang yum gyi sku dag par byas so/ /</font><hr>39.215b<br><font size=+1>

de yang gser gyi dra bas blangs nas tshangs pa 'dug pa'i lag nas rgyal po chen po bzhi po rnams kyis bkra shis pa dang / bde ba la reg par gnas par bya ba'i phyir gzig gi lpags pas sngar gyi bzhin du blangs so/ /de rnams kyi lag nas mi rnams kyis du gu la'i ras kyi steng du blangs so/ /mi rnams kyi lag tu btang nas sa la gnas so/ /shar phyogs la gzigs te stong phrag du ma'i khor yug rnams phan tshun du mthong ngo / /de'i lha dang mi rnams kyis me tog gi phreng ba dang spos la sogs pas mchod cing skyes bu chen po khyod lta bu 'di na med khyod kyi gong na gzhan su yang med do zhes smras so/ /de bzhin du phyogs bzhi dang mtshams bzhi dang 'og dang steng ste phyogs bcu po thams cad legs par gzigs nas bdag dang mtshungs pa med par mthong ngo / /de nas byang gi phyogs su gom pa bdun sgrod do/ /tshangs pa chen po'i gdugs dkar po 'dzin cing 'thab bral bas rnga yab g.yog pa/ lha gzhan rnams kyis rgyal po la nye bar mkho ba'i dngos po ma lus pa lag tu thogs nas rjes su 'gro'o/ /de nas gom pa bdun pa la gnas pa na 'jig rten pa rnams las bdag mchog go zhes pa la sogs pa'i shis pa brjod pa'i gtam brjod cing / seng ge'i sgra sgrogs so/ /byang chub sems dpas kyang skye ba gsum du rum nas 'thon tsam na gtam du brjod do/ /sman chen por skyes pa dang thams cad sgrol du skyes pa dang 'dir skyes pa'o/ /sman chen po skyes pa na yum gyi rum nas 'thon ma thag nyid du brgya byin lha'i rgyal po 'ongs te tsan dan gyi snying po lag tu thogs nas song ngo / /de de rnams kyi khru tshur du bcug nas 'thon no/ /de nas yang yum gyis dris pa/ bu ci khyer nas 'ongs/ ma sman yin no/ /'dis sman khyer nas 'ongs pa'i phyir sman gyi khye'u zhes bya bar ming btags so/ /des sman blangs nas chu'i snod kyi nang du bcug go/ /'ongs shing 'ongs pa'i long ba dang 'on pa la sogs pa de rnams de nyid kyis nad thams cad nye bar zhi bas na sman par gyur to/ /de nas sman chen po sman chen</font><hr>39.216a<br><font size=+1>

po zhes brjod cing skyes pa'i tshig gi rgyus sman chen po nyid de'i ming du gyur to/ /gzhan yang thams cad sgrol du skyes pa na ma'i rum nas skyes tsam na lag pa g.yas pa brkyang nas yum bdag cag gi khyim na sbyin pa btang rgyu 'dra bdog ge zhes brjod cing 'thon no/ /de nas de'i mas/ bu 'byor pa dang ldan pa'i rigs su khyod skyes so/ /bu'i lag pa rang gi lag pa'i steng du bzhag ste nor bu rin po che stong phrag gcig gi snod bzhag go/ /gzhan yang 'di skyes pa na 'dis seng ge'i sgra sgrogs so/ /de bzhin du byang chub sems dpa' skye ba gsum du ma'i rum nas skyes tsam nas gtam brjod do/ /ji ltar yang rum du zhugs tsam dang bltams tsam na sum bcu rtsa gnyis sngon gyi mtshan ma bzhin du skyes par gyur to/ /gzhan yang gang gi tshe bdag cag gi byang chub sems dpa' lum bi nI'i tshal du bltams so/ /de ma thag tu lha mo sgra gcan 'dzin gyi ma dang / blon po 'dun pa dang / blon po nag po 'char ka dang / rta'i rgyal po bsngags ldan dang / byang chub kyi shing dang / gter bzhi'i bum pa skyes so/ /de la gcig la rgyang grags bzhi dang /[ ]gcig la rgyang grags brgyad dang / gcig la rgyang grags bcu gnyis dang /[ ]gcig la rgyang grags bcu drug go/ /bdun po 'di lhan cig tu skyes pa yin no/[ ]/grong khyer gnyis na gnas pa'i mi rnams kyis byang chub sems dpa' khrid nas grong khyer ser skya'i gzhi kho nar phyin no/ /nyi ma de nyid la grong khyer ser skya'i gzhi la rgyal po chen po zas gtsang gi sras por bltams so/ /gzhon nu 'di byang chub shing gi drung du bzhugs nas sangs rgyas su 'gyur ro zhes pa la sum bcu rtsa gsum gyi gnas kyi lha rnams kyis dga' ba dang tshim pas lag pa gyen du bskyod nas rtse zhing bstod pa byed do/ /de'i tshe rgyal po chen po zas gtsang gi mchod gnas snyoms par 'jug pa brgyad thob pa'i dka' thub pa nag po lha len zhes bya ba kha zas bzang po la longs spyod do/ /nyin mo nyi ma la mi gnas pa'i phyir sum bcu rtsa gsum gyi gnas</font><hr>39.216b<br><font size=+1>

su 'gro zhing der bde bar 'dug nas lha de rnams blta'o/ /khyed rnams ci'i phyir 'di ltar dga' ba'i sems kyis rtse/ bdag kyang 'di rnams kyi ched du bya ba kho bo la ston cig ces dris so/ /lha rnams kyis smras pa/ drang srong chen po rgyal po chen po zas gtsang gi sras bltams so/ /des byang chub shing gi drung du bzhugs nas sangs rgyas su gyur nas chos kyi 'khor lo bskor ro/ /de nas mtha' yas pa'i sangs rgyas kyi rol mo blta ba dang /[ ]chos thams cad thob bo snyam pa 'di rnams kyi rgyu mtshan gyis dga' bar gyur to/ /dka' thub pas de'i tshig thos nas myur du lha'i yul nas babs te rgyal po'i gnas su 'ongs nas/ gdan bshams pa la 'dug ste/ bu rnams rgyal po chen po'i sras su gyur pa de bdag gis blta'o zhes smras so/ /rgyal pos rgyan dang ldan pa'i gzhon nu blangs nas dka' thub pa la phyag bya ba'i phyir byang chub sems dpa'i zhabs kyis bskor nas dka' thub pa'i ral pa'i steng na 'dug go/ /byang chub sems dpas kyang de rnams kyi lus kyis phyag byed par rig pa gzhan med do/ /gal te mi shes pas byang chub sems dpa'i dbu la dka' thub pa'i rkang pa bzhag na de'i mgo tshal pa bdun du 'gas par 'gyur ro/ /dka' thub pas bdag nyams pa'i phyir du rigs pa ma yin no/ /stan las langs nas byang chub sems dpa' la thal mo sbyar ro/ /rgyal pos ya mtshan che ba gzigs nas rang gi sras la phyag byas so/ /dka' thub pas 'das pa'i bskal pa bzhi bcu dang ma 'ongs pa'i bskal pa bzhi bcu ste/ bskal pa brgyad bcu rjes su dran no/ /byang chub sems dpa'i mtshan nyid phun sum tshogs pa mthong nas sangs rgya bar 'gyur ram mi 'gyur zhes brtags pas the tshom med par sangs rgyas su 'gyur bar rtogs te/ 'di ya mtshan che ba'i skyes bu yin no zhes bsams nas brgad do/ /de nas 'di sangs rgyas nas bdag gis mthong ngam mi mthong zhes brtags pas mi mthong ngo / /bar du dus las 'das nas sangs rgyas</font><hr>39.217a<br><font size=+1>

brgya 'am sangs rgyas stong gshegs nas brtag par mi nus pa'i gzugs med pa'i gnas su skye bar nges par mthong ngo / /'di lta bu'i tshul gyi ya mtshan che ba'i skyes bu mthong bar mi nus so snyam ste bdag gi sems shin du sdug bsngal bar gyur nas ngus so/ /de mi rnams kyis mthong ste/ bdag cag gi 'phags pa res 'ga' ni rgod res 'ga' ni ngu ba'i rgyu mtshan ci lags/ bdag cag gi sras 'phags pa la bar du gcod pa 'ong ngam zhes dris so/ /'di la bar du gcod pa mi 'byung zhing the tshom med par sangs rgyas su 'gyur ro zhes smras so/ /'o na gang gi phyir ngu zhes dris so/ /'di lta bu'i tshul gyis skyes bu sangs rgya bar 'gyur ba bdag gis mthong bar mi 'gyur bas bdag shin du nges par sdug bsngal lo/ /de'i phyir rang gi ched du mya ngan gyis ngu'o zhes smras so/ /des na ci'i phyir rang gi nye du rnams las 'ga' zhig gis 'di sangs rgyas su gyur nas mthong bar 'gyur ram mi 'gyur zhes brtags pas tsha bo nA la ka'i gzhon nus mthong ngo / /de sring mo'i khang par song ste/ nA la ka gzhon nu de gang na yod/ 'phags pa khang pa na yod do/ /de bos la shog /de rang gi gnas su 'ongs nas nA la ka la smras so/ /tsha bo rgyal po chen po zas gtsang gi rigs kyi bu 'khrungs so/ /'di ni sangs rgyas kyi myu gu'o/ /lo sum bcu rtsa lnga 'das nas sangs rgyas su 'gyur zhing khyod kyis 'di mthong bar 'gyur bas da lta nyid du rab tu byung ba gyis cig ces smras so/ /bye ba brgyad bcu rtsa bdun gyi nor gyi rigs la skyes pa'i gzhon nus zhang po 'dis bdag la don med cing dgos pa med do zhes brjod par bsams so/ /de ma thag tu rang gi tshong gnas su ngur smrig gi gos nyid dang sa'i lhung bzed blangs nas skra dang kha spu bregs te/ ngur smrig gi gos gyon nas gang zhig 'jig rten pa'i gang zag gi mchog gi mchog la bsams shing bdag rab tu 'byung bar 'gyur ro zhes bsams te byang chub sems dpa'i phyogs su thal mo sbyar nas yan lag lnga'i phyag byed</font><hr>39.217b<br><font size=+1>

do/ /lhung bzed snod du bcug nas phrag pa la gzer te gangs can du gshegs nas dge sbyong gi chos byed do/ /des mchog tu mngon par rdzogs par sangs rgyas pa'i de bzhin gshegs pa'i drung du nye bar song ste/ nA la ka'i so so'i rtogs pa'i gtam thos nas slar yang gangs can du gshegs te dgra bcom pa thob bo/ /mchog tu rtogs dka' ba rtogs nas zla ba bdun nyid kyi nang du tshe 'das te gser gyi ri gcig la brten nas 'dug de lhag ma med par yongs su mya ngan las 'das pa'i dbyings su yongs su mya ngan las 'das so/ /byang chub sems dpa' yang zhag lnga nas dbu 'khru bar byed cing ming 'dogs par rigs so zhes bsams nas rgyal po'i pho brang la dri bzhi'i rigs kyis byug pa byas te/[ ]rin po che lnga'i me tog gcal du bkram nas chu med pa'i 'o ma btsos pa'i 'o thug 'tshod cing rig byed gsum gyi pha rol du son pa'i bram ze brgya rtsa brgyad mgron du gnyer te rgyal po'i pho brang du bzhugs nas kha zas bzang po la longs spyod cing bkur sti chen po byas nas mtshan nyid ji lta bu zhes dris so/ /de rnams las dga' byed dang /[ ]rgyal mtshan dang mtshan nyid dang rigs kyi sngags pa dang /[ ]/kau Ti n+ya dang lag pa can dang gshin rje bzang dang /[ ]legs sbyin te de rnams de'i tshe bram ze brgyad yin no/ /yan lag drug gi sngags brda sprad nas bram ze brgyad po 'di lta bu nyid kyi mtshan nyid so sor brjod nas dga' ldan gnas nas ma'i mngal du zhugs pa'i mtshan nyid 'di rnams kyis bshad do/[ ]/de rnams las bram ze bdun gyis mdzub mo gnyis bsgrengs te don gnyis lung bstan no/ /mtshan nyid 'di dang ldan pas khyim na gnas na 'khor los sgyur ba'i rgyal por 'gyur ro/ /rab tu byung na sangs rgya bar 'gyur ro/ /'khor los sgyur ba'i phun sum tshogs pa thams cad bshad pa rdzogs nas gzhan de rnams kyi nang nas thams cad kyi gzhon shos kyi rigs ni kau Ti n+ya bram ze'i khye'u 'o zhes bya ba'o/ /byang chub sems dpa' de'i ming tshad</font><hr>39.218a<br><font size=+1>

mchog rnams rdzogs par btags so/ /'di ni khyim na gnas pa'i rgyu med pas mtha' gcig nyid du khyim na mi gnas par sangs rgya'o/ /mdzub mo gcig bsgrengs te 'di ltar lung bstan no/ /'di ni sngar gyi gzhi byas pas phyis mir gyur pa na shes rab dang ldan no/ /bram ze bdun las lhag par gyur nas 'di'i mtshan nyid rig par ldan nas khyim du gnas pa'i ming yang med do/ /the tshom med par sangs rgya bar 'gyur te 'gro ba gcig las gzhan ma mthong ngo / /de'i phyir mdzub mo gcig bsgrengs te 'di ltar lung bstan no/ /de nas bram ze de rnams rang gi khyim du 'gro zhing bu rnams bos te/ bu bdag cag rnams rgan por gyur pas rgyal po chen po zas gtsang gi sras thams cad mkhyen pa thob par gyur pa na bdag cag dang mjal bar 'gyur ram mi 'gyur cha med kyis/ khyod de'i sras kyis thams cad mkhyen pa thob par gyur nas de'i bstan pa la rab tu byung cig ces smras so/ /bram ze bdun po rnams kyis kyang ji srid tshe gnas kyi bar ji ltar byas pa'i las rtogs so/ /bram ze'i khye'u kau Ti n+ya nyid nad med par gyur nas gnas so/ /de'i sems dpa' chen po blo dang ldan pa nges par 'byung ba chen pos mngon par byung nas go rims bzhin du steng rgyas su song ngo / /sa phyogs 'di ni nyams dga' bas rigs kyi bu sa phyogs 'di dka' ba spyod pa'i gnas su rig par sems skyes pas der gnas te skyes bu chen po rab tu byung ngo zhes thos nas bram ze'i bu'i gnas su nye bar song ngo zhes smras so/ /gzhon nu don grub rab tu byung nas the tshom med par de sangs rgya bar 'gyur ro/[ ]/gal te khyed rnams kyi pha nad med par gnas na de ring phyin nas rab tu byung ba byed do/ /gal te khyod kyang 'dod na 'dir 'ongs nas bdag gis skyes bu de'i rjes su rab tu 'byung bar bgyi'o/ /de thams cad 'dun pa gcig par ma nus par skye bo bzhi po las kau Ti n+yas gtso bo byas nas skye bo lnga po rab tu byung ste/[ ]de rnams kyi skye bo lnga po ni gnas brtan lnga sde zhes bya ba'i rigs su gyur to/ /gzhan yang de'i tshe rgyal po 'di skad du</font><hr>39.218b<br><font size=+1>

gang mthong nas bdag gi bu rab tu 'byung zhes 'dri'o/ /sngon gyi mtshan ma bzhi mthong bas de gang dang rgas shing 'khogs pa dang na ba dang 'chi ba dang rab tu byung ba'o/ /rgyal pos 'di rnams bzung nas 'di lta bu'i tshul bdag gi bu dang nye bar 'ong du myi 'jug cing /[ ]bdag gi sras kyis sangs rgyas thob kyang don med do/ /bdag gi sras stong phrag gnyis kyi gling 'khor dang bcas pa'i gling chen po bzhi po rnams kyi dbang phyug gi bdag po'i rgyal po byed cing dpag tshad sum bcu rtsa drug gi khor yug gi 'khor nam mkha'i dbyings su gshegs pa la blta bar 'dod do/ /slar yang 'di ltar brjod cing 'di lta bu'i rnam pa bzhi'i skyes bu gzhon nu'i mig lam du 'ong ba bsrung zhing phyogs bzhir rgyang grags bzhi bzhir bsrung ba bzhag go/ /de'i nyi ma la yang bkra shis pa'i gnas su 'dus pa'i rigs kyi nye du stong phrag brgyad bcu po re re'i bu brgya yongs su ster bar bsams so/ /'di sangs rgyas su 'gyur ram rgyal por 'gyur ram bdag gi bu re re ster ro/ /gal te sangs rgyas par gyur na rgyal rigs kyi dge sbyong nyid kyis mdun rgyab thams cad du bskor nas 'gro ba yin no/ /gal te rgyal por gyur na rgyal rigs kyi gzhon nu nyid kyis mdun rgyab kun nas bskor nas 'gro'o zhes smra zhing 'bul lo/ /rgyal pos kyang byang chub sems dpa' la gzugs mchog dang ldan pa skyon thams cad spangs pa'i nu ma bsnun pa nyid gnas pa byin no/ /byang chub sems dpa' 'khor mtha' yas pa dpal dang skal pa 'phel ba dang ldan no/ /de nas nyi ma gcig la rgyal po'i 'bras 'debs pa la bkra shis byed do/ /de'i nyi ma la grong khyer thams cad du lha gshegs pa bzhin du brgyan no/ /bran dang las byed pa la sogs pas gos legs po gyon nas spos dang me tog gi phreng ba la sogs pas brgyan par byas nas rgyal po'i pho brang gi nang du 'dus so/ /rgyal po'i gzhis rnams la zhing rmo ba stong phrag gcig rigs so/ /slar yang de'i nyi ma la gcig gis dman pa'i zhing rmo ba brgyad brgya dang bcas pa'i glang gi gnya' shing gi thag pa dngul las byas pa dang / rgyal po 'dzin</font><hr>39.219a<br><font size=+1>

pa'i zhing rmo ba'i thong pa slar yang gser las byas par gyur to/ /glang gi rwa gnyis la gser gyis bskus so/ /kha dang ske'i thag pa ni gser la'ang byas so/ /rgyal po'i 'khor chen po dang bcas pa byon nas sras blangs te gshegs so/ /gzhis kha'i gnas na shing 'dzam bu gcig la lo ma mang pos grib ma stug por gyur pa zhig yod pa'i 'og tu gzhon nu'i mal stan chen po byas nas steng du bla res gser gyi skar ma dang mtshungs pa bres te/ lcags ri ltar yol bas phyogs kun nas bskor to/ /rgyal po rgyan thams cad kyis brgyan par byas nas blon po 'khor dang bcas pa zhing rmo ba'i gnas su gshegs te/ der rgyal pos gser gyi thong pa bzung ngo / /gcig gis dman pa'i brgyad brgya'i dngul gyi thong pa blon pos bzung ste so nam byed pa'i skye bo rnams kyis thong pa lhag ma rnams bslangs so/ /de rnams kyis thong pa bzung nas de dang der sgal rmo'o/ /rgyal pos slar yang 'di nas phar 'gro zhing pha rol nas tshur 'ongs so/ /de'i gnas phun sum tshogs par 'gyur ro zhes bsams nas byang chub sems dpa' 'khor dang bcas pa bzhugs pa'i nu ma snun pa rnams rgyal po'i phun sum tshogs par blta'o/ /yol ba'i nang nas phyir 'thon no/ /byang chub sems dpa' de dang der gzigs pas gcig kyang mi snang ngo / /myur bar langs nas skyil krung bcas te/ rlung 'byung ba dang rngub cing bzung bas bsam gtan dang po skyes so/ /nu ma snun pa rnams kha zas za ba'i phyir phan tshun du 'gro zhing de ma thag cung zad thogs par gyur to/ /shing gzhan rnams kyi grib ma mi ldog cing gzhan yang shing de'i grib ma rnams kun nas gnas so/ /nu ma snun pa rnams kyis sras 'phags pa zhes cig tu brjod cing myur du yol ba stengs su brdzes te nang du zhugs nas byang chub sems dpa' mal stan la skyil krung gis bzhugs pa de'i cho 'phrul mthong nas song ste rgyal po la zhus so/ /lha gzhon nu 'di lta bu'i tshul gyis bzhugs so/ /'di ltar shing gzhan rnams grib ma mi</font><hr>39.219b<br><font size=+1>

bzlog go/ /shing 'dzam bu'i grib ma ni kun nas gnas so/ /rgyal po myur du byon nas cho 'phrul blta ste/[ ]sras 'di la phyag gnyis pa ste zhes brjod nas sras la phyag brtsal lo/ /de nas go rims bzhin du byang chub sems dpa' lo bcu drug pa'i na tshod du gyur to/[ ]/rgyal pos byang chub sems dpa' la dus gsum du rjes su rigs par khang bzang gsum byas nas gcig dgu thog gcig la bdun thog gcig la lnga thog go/ /stong phrag bzhi bcu'i gar byed pa'i bud med rnams nye bar gnas par byas so/ /byang chub sems dpa' ni lha bzhin du lha dang 'dra ba'i bud med rnams 'khor du byas nas rgyan gyis brgyan pa'i bud med du ma dang bcas pa skyes pa med pa'i rol mo sgrogs pa 'khor du bya ste phun sum tshogs pa chen po rjes su myong bar byed do/ /dus kyi res dang dus kyi res 'di dang de'i khang bzangs su bzhugs so/ /gzhan yang sgra gcan 'dzin gyi ma de nyid btsun mo rnams kyi gtso mor gyur to/ /de'i de bzhin du phun sum tshogs pa chen po rjes su myong bar byed do/ /nyi ma gcig la nye du'i nang du 'di lta bu'i gtam byung ngo / /don grub rtsed mos brjed nas gshegs shing bzo cung zad kyang mi slob bo/ /g.yul so so nas nye bar gyur na ci byed/ de'i tshe byang chub sems dpa' bos nas bu khyod kyi nye du rnams don grub bzo cung zad kyang mi slob cing rtsed mos gshegs nas 'gro'o zhes zer ro/ /'dir g.yul byung na ji ltar byed ces bsams/ lha ngas bzo bslabs pa la dgos pa med do/ /grong khyer gyi mi rnams bdag gi bzo blta ba'i sems yod na gril sgrogs shig /'di nas zhag bdun pa la nye du rnams la bzo bstan par bgyi'o/ /rgyal pos de bzhin du byas so/[ ]/byang chub sems dpas sgra la 'phen pa dang / spun la 'phen pa dang /[ ]gzhu thogs pa 'dus par byas nas skye bo mang po'i nang du gzhan gzhu thogs pa dang thun mong ma yin pa nye du rnams la bzo bcu gnyis bstan no/ /de rnams mda' 'joms pa'i skyes</font><hr>39.220a<br><font size=+1>

rabs las 'byung ba'i tshul bzhin du rig par bya'o/ /de'i nye du rnams kyi the tshom sel lo/ /gzhan yang byang chub sems dpa' skyed mos tshal du gshegs par bsams nas kha lo sgyur ba bos te/ shing rta chas su chug cig ces smras so/ /des legs so zhes brjod cing tshig thos nas shing rta chen po'i 'khor lo'i mchog la ji ltar rigs pa'i rgyan thams cad kyis brgyan nas ku mu da'i 'dab ma'i mdog dang 'dra ba'i bkra shis pa'i rta bzhis shing rta khrid nas byang chub sems dpa' gshegs so/ /zhes smras so/ /byang chub sems dpa' lha'i gzhal med khang bzhin du shing rta la zhon nas skyed mos tshal gyi phyogs su gshegs so/ /lha rnams kyis gzhon nu don grub kyi mngon par rdzogs par byang chub pa'i dus ni nye bar gyur to/ /sngar gyi mtshan ma rnams blta bar rigs so/ /lha'i bu cig gis rgas pa 'khogs pa so byi ba skra dkar ba sgur ba rgyab grum pa'i lus can lag tu 'khar ba thogs pa skad 'dzer bar byed pa bstan no/ /de byang chub sems dpa' dang kha lo sgyur bas mthong ngo / /de nas byang chub sems dpas kha lo sgyur ba la dris so/ /skyes bu 'di gang zhig yin/ skra yang gzhan dang mi 'dra ba ji lta bu/ gtso bo chen po'i mdo nas byung ba bzhin 'dri bar bya'o/ /de'i tshig thos nas skye ba mi rtag cing skyes par gyur pa thams cad rgas par 'gyur ro zhes sems sdug bsngal zhing de nyid du bzlog nas rang gi khang bzang nyid du gshegs so/ /rgyal pos rgyu mtshan ci'i phyir bdag gi sras po myur du ldog pa ci'i phyir dris so/ /lha rgas shing 'khogs pa'i mi gcig mthong bas rab tu 'byung ngo / /myur du bu la gar byed pa rnams sta gon gyis shig /phun sum tshogs pa nyams su myong bar byas pas rab tu 'byung ba rjes su dran par mi 'gyur ro zhes smras nas bsrung bar byed pa spel te phyogs thams cad du rgyang grags brgyad brgyad du bzhag go/ /gzhan yang nyi ma gcig la byang chub sems dpa' de bzhin du bskyed mos</font><hr>39.220b<br><font size=+1>

tshal du gshegs pa na lhas sprul pa'i nad pa gcig mthong nas sngar bzhin du dris so/ /sems sdug bsngal bar gyur te slar yang bzlog nas rang gi khang bzangs su gshegs so/ /rgyal pos yang dris pa sngar de bzhin du byas nas slar yang spel te thams cad du rgyang grags bcu gnyis kyi sa'i char srung bar byed pa bzhag go/ /yang nyi ma gzhan la byang chub sems dpa' de bzhin du skyed mos tshal du gshegs pa na lhas sprul pa'i dus la 'das pa gcig mthong nas sngar bzhin du dris te sems sdug bsngal bar gyur nas/ slar yang bzlog ste khang bzangs su gshegs nas rgyal pos dris pa sngar bzhin du byas nas/ slar yang bsrung ba spel te kun nas bskor bar dpag tshad gcig gi tshad la bsrung ba bzhag go/ /slar yang nyi ma gzhan la skyed mos tshal du gshegs pa na de bzhin du lhas sprul pa'i gos bzang po legs pa gyon pa'i rab tu byung ba cig gzigs nas/ 'di'i ming ci zhes kha lo ba la dris so/ /gang du yang sangs rgyas byon par ma gyur cing rab tu byung ba'i yon tan mi shes lha'i mthus slar yang lha rab tu byung ba yin zhes brjod do/ /rab tu byung ba'i yon tan la bsngags pa brjod do/ /byang chub sems dpa' rab tu byung ba la 'dun pa skyes nas de'i nyin mo skyed mos tshal du gshegs so/ /slob dpon kha cig 'di skad zer te/ sngun gyi mtshan ma bzhi pa nyi ma gcig nyid la mthong ngo zhes zer ro/ /de ni mi 'thad do/ /de la nyin mo'i char rtse zhing bkra shis pa'i rdzing bur khrus byas nas nyi ma nub pa na bkra shis pa'i rdo leb kyi stan la bzhugs so/ /rang la rgyan gyis brgyan par sems so/ /de nas rjes su 'brang ba'i skyes bu rnams kha dog sna tshogs pa'i gos dang rgyan rnam pa sna tshogs pas brgyan/ me tog gi phreng ba dang spos dang byug pa la sogs pa bslangs nas phyogs kun du bskor nas 'dug go/ /de ma thag par brgya byin sdod pa'i gdan dro bar gyur to/ /gang zhig</font><hr>39.221a<br><font size=+1>

bdag gi gnas 'dor ba'i sems su shig la skyes par gyur zhes brtags so/ /byang chub sems dpa'i rgyan byed pa'i dus mthong ngo / /las thams cad pa bos so/ /las thams cad pa gzhon nu don grub de ring gi mtshan phyed kyi dus su nges par 'byung ba chen pos 'thon no/ /'di de'i phyi ma'i rgyan yin no/ /skyed mos tshal du song la skyes bu chen po lha'i rgyan gyis brgyan par gyis shig /des de thos nas legs so zhes brjod de lha'i mthus de ma thag par nye bar song ste/ de'i rim gro pa dang mtshungs par gyur nas rim gro pa'i lag tu ras bslangs nas byang chub sems dpa'i dbu la bcings so/ /byang chub sems dpas mgo la lag pas reg pa na 'di mi ma yin te lha'i bu yin par shes so/ /bcings pa tsam na bcings pa'i dbu'i cod pan nor bu rin po che'i rnam pa la stong phrag gcig gi du gu la'i ras kyis bcings so/ /slar yang 'ching ba na du gu la'i ras stong phrag gcig gis lan bcu dkris nas stong phrag bcus du gu la'i ras bcings so/ /dbu ni chung zhing du gu la'i ras ni mang bas ji ltar bcing zhes mi bsam mo/ /de rnams thams cad la khri zhing sA ka la'i me tog gi tshad tsam che ba'o/ /yang na ku ba'i me tog gi tshad tsam du gyur to/ /byang chub sems dpa'i dbu ki dza la ka'i me tog ltar mtshungs pa'o/ /yang na gu spya ka'i me tog ltar gyur pa'o/ /de nas rgyan thams cad kyis so sor brgyan nas rol mo thams cad rang rang gi sgra 'byin zhing bram ze rnams rgyal bar gyur cig dga' bar gyur cig ces rnam pa sna tshogs pa'i bkra shis kyis bstod pa'i dbyangs byed do/ /rgyan thams cad kyis brgyan nas mchog gi shing rta la chibs so/ /de'i tshe grags 'dzin ma la bu btsas so/ /rgyal po zas gtsang gis thos nas bdag gi bu dga' bar bya ba'i phyir pho nya ba btang ngo / /byang chub sems dpas de thos nas sgra gcan 'dzin skyes pas 'ching ba skyes so zhes gsungs so/ /rgyal po bdag gi bu la ci'i phyir 'dri/ de'i tshig thos te 'di nas bzung ste bdag gi cha 'o</font><hr>39.221b<br><font size=+1>

gzhon nu sgra gcan 'dzin nyid ming du gyur to zhes smras so/ /byang chub sems dpas kyang grags pa chen pos shin du dga' ba dang dpal dang skal ba bzang po dang ldan pa'i grong khyer du gshegs so/ /de'i tshe gau ta mi skem mo zhes bya ba rgyal rigs kyi bu mo khang bzang gi steng du 'dug pas grong khyer la bskor ba byed pa'i byang chub sems dpa'i dpal dang ldan pa'i gzugs mthong nas/ dga' ba dang yid bde ba skyes te ched du brjod pa 'di ched du brjod do/ /de yi ma ni zhi bar gyur/ /de yi pha ni nges par zhi/ /de yi bud med nges zhir gyur/ /de yi yang ni de bdag mtshungs/ /byang chub sems dpas thos nas bsams pa/[ ]'di 'di lta bur smra ba/ 'di lta bu'i tshul gyi bdag nyid kyi lus mthong bas ma'i sems zhi bar gyur/ pha'i sems zhi bar gyur/ skye dgu dang skye dgu'i bdag mo'i sems zhi bar gyur zhes smra'o/ /ci'i phyir sems zhi ba zhes bya ba'i don gang / de nas nyon mongs pa'i chags pa med pa'i sems la de skad brjod do/ /'dod chags kyi me zhi bar gyur pa ni zhi ba'i ming du gyur to/ /skyon gyi me dang gti mug gi me zhi bar gyur pa ni zhi ba'i ming du gyur to/ /nga rgyal dang lta ba la sogs pa'i nyon mongs pa kun skyes pa thams cad zhi ba ni zhi ba'i ming du brjod do/ /'di bdag la tshig snyan pa brjod cing bdag ni mya ngan las 'das pa tshol du 'gro zhing tshol lo/ /de ring nyid nas bdag khyim na gnas pa spangs nas nges par 'byung bas rab tu byung nas mya ngan las 'das pa tshol bar rigs so/ /'di ni bdag gi slob dpon mar gyur to/ /gau ta mi skem mo la 'bum phrag gcig ri ba'i mu tig gi dra ba mgrin pa nas bkrol te bskur ro/[ ]/des don grub gzhon nu bdag la chags shing zhen par gyur pas sems rten bskur ba yin pas des sems bde ba skyes par gyur to/ /byang chub sems dpa' ni dpal dang ldan skal pa bzang po dang ldan pa'i rang gi khang bzangs su gshegs nas dpal gyi mal stan la gzims so/ /de ma thag tu rgyan thams cad kyis brgyan pa'i glu dang gar rnams legs par bslabs pa'i lha'i bu mo dang 'dra ba'i gzugs mchog dang ldan pa'i bud med rnams kyis rnam pa sna</font><hr>39.222a<br><font size=+1>

tshogs pa'i rol mo bzung nas de la yongs su bskor nas mngon par dga' bar byed cing gar dang glu dang rol mo la sogs pa byed par rtsom mo/ /byang chub sems dpa' nyon mongs pa la mi dga' ba'i sems kyis gar la sogs pa la mngon par dga' ba med pas yud tsam gyis mnal du bzhud do/ /bud med de rnams kyang gang gi don du nged rnams kyis gar la stsogs pa byed pa la de mnal du gshegs so/ /da ni ci'i phyir bdag cag ngal bar byed gang dang gang bslabs pa'i rol mo rnams sa la bzhag nas nyal lo/ /dri bzang dang ldan pa'i 'bru mar gyi mar me dang ldan pa'i byang chub sems dpa' rab tu sad nas mal gyi steng du skyil dkrung gis bzhugs nas gzigs pas bud med rnams rol mo bzhag nas gnyid du song ba gzigs so/ /kha cig mchil ma lug pa dang / kha cig ni lus la mchil mas gos pa'i dri ma can du gyur pa dang / kha cig ni so 'cha' ba dang / kha cig ni ngar ngar 'byin pa dang / kha cig ni rnya ma rmi 'chang pa dang / kha cig ni kha gdangs pa dang / kha cig ni gos zhus pa dang /[ ]'ga' zhig gi ni mtshan ma snang ngo / /byang chub sems dpas de rnams kyi rnam 'gyur gzigs nas thugs gzigs pas 'dod pa la mi dga' bar gyur to/ /de'i rgyan du byas pa ni nye bar ldan pa brgya byin gyi pho brang dang mtshungs pa'i khang bzang chen po yangs shing rnam pa sna tshogs pa'i dri nga bas gang ba'i ro dang ldan pa'i dur khrod dang mtshungs par bsams so/ /srid pa gsum po me 'bar ba'i khyim dang mtshungs par bsams so/ /bdag la gnod par byed pa dang / 'tshe bar byed pa'o zhes ched du brjod pa 'chad cing shin du rab tu 'byung bar 'dod par gyur to/ /de bdag gi de ring nas nges par 'byung ba chen pos 'thon par bsams te mal nas bzhengs nas sgo dang nye bar gshegs te 'di na su yod ces dris so/ /blon po mdun pa them pa la sngas byas nas nyal lo/ /'phags pa bu bdag blon po mdun pa yin no zhes</font><hr>39.222b<br><font size=+1>

smras so/ /da ni nges par 'byung ba chen pos 'thon par 'dod do/ /bdag gi rta gcig la sga gyis shig /des lha legs so zhes brjod nas rta'i sga khyer te rta rar song nas dri bzang po dang ldan pa'i 'bru mar gyi mar me spar ba su ma na'i me tog can gyi dar gyi bla res kyi 'og na shin du dga' ba'i sa phyogs la sdod pa'i rta'i rgyal po bsngags ldan mthong ngo / /da ni bdag gis 'di nyid kyi sga bya bar rig nas bsngags ldan la sga sgron no/ /des sga sgron par shes nas 'di sga sgron pa na glo bsdams so/ /nyi ma gzhan la bskyed mos tshal du rtsed mo la 'gro ba'i dus su sga 'di ltar ma byas so/ /bdag gi sras 'phags pa/ da ni nges par 'byung ba chen pos 'thon par 'dod par gyur to snyam nas sems dga' bas rta skad tsher tsher 'don pa de'i sgra grong khyer thams cad du grag par byed pa slar yang lha rnams kyis de'i sgra bkag nas sus kyang mi thos par byas so/ /byang chub sems dpas kyang blon po mdun pa rta'i gnas su btang nas re zhig bu la blta bar bsams so/ /grags 'dzin ma'i gnas su gshegs te sgo phye nas de ma thag par nyal sa'i nang du dri bzang po dang ldan pa'i 'bru mar gyi mar me spar grags 'dzin ma su ma na'i me tog dang / mal li ka'i me tog la stsogs pa'i me tog mal gyi steng du khal gcig tsam bkram pa'i steng du bu'i mgo'i steng du lag pa bzhag nas gnyid du song ba la byang chub sems dpas sgo'i them pa'i steng du zhabs ya gcig bzhag ste 'khod pas gzigs so/ /gal te bdag gis lha mo'i lag pa nas 'then nas rang gi bu bslang bar bsams te/[ ]lha mo gnyid sad na bdag nyid 'gro ba'i bar gcod du 'gyur zhing sangs rgyas su gyur nas bu blta'o snyam du sems te khang bzangs nas babs so/ /slar yang slob dpon kha cig 'di ltar smra ste/ de'i tshe byang chub sems dpa' gshegs pa'i sngon rol gyi nyi ma bdun gyi gong du skyes so zhes zer ro/ /de 'dra gzhan du ma bshad pas de'i </font><hr>39.223a<br><font size=+1>

phyir 'di kho na gzung bar bya'o/ /'di ltar byang chub sems dpa' khang bzangs nas babs nas rta'i ra ba nyid du gshegs te 'di ltar gsungs so/ /bu bsngags ldan khyod kyis da ni nub gcig bsgral bar gyis shig /bdag khyod kyi drin gyis sangs rgyas su gyur nas lha dang bcas pa'i 'jig rten thams cad bsgral bar bya'o/ /de nas bsngags ldan gyi rgyab du chibs so/ /bsngags ldan gyi ske nas bzung nas mchu ru khru bcwa brgyad pa/ de dang 'thun pa'i mtho tshad dang ldan zhing mthu dang mgyogs pa dang ldan la dung phyis pa'i kha dog ltar thams cad dkar ba dang mtshungs pa'o/ /gal te tsher tsher sgrogs pa'am rmig pa'i sgra sgrogs pa'i sgras grong khyer thams cad grag par 'gyur ba'o/ /de'i phyir lha rang gi mthus de sus kyang mi thos par de 'di ltar sgra sgrogs pa bkag go/ /khrab khrab 'gro ba'i rkang lag gi rmig pa re re lha'i lag pa'i mthil du nye bar bzhag go/ /byang chub sems dpas rta'i rgyab kyi dbus su bzhugs so/[ ]/blon po mdun pa rta'i mjug ma nas zung cig ces mtshan phyed kyi dus su sgo chen po dang nye bar phyin to/ /de'i tshe slar yang 'di ltar rgyal po chen pos 'di ltar byang chub sems dpa' gang gi dus su yang grong khyer chen po'i sgo phye nas phyi rol du 'gro bar mi nus par phyed sgo ma'i sgo gleg re re la mi stong phrag re res dbye dgos par bkos so/ /byang chub sems dpa' stobs dang ldan pas glang po che'i grangs bye ba stong phrag bcu'i glang po che'i stobs 'dzin no/ /mi'i grangs kyis mi bye ba 'bum phrag gcig gi mi'i stobs 'dzin no/ /byang chub sems dpas bsams pa/ gal te sgo ma phyed na da ni bsngags ldan gyi rgyab du bzhugs pa nyid ni blon po mdun pas rnga ma nas bzung ba dang lhan cig nyid du bsngags ldan brla btsir nas khru bcwa brgyad pa'i lcags ri'i mtho tshad la mchongs te 'da' bar bsams so/ /blon po mdun pas bsams pa/ gal te sgo ma phyed na bdag gis 'phags pa sras dpung pa la khyer nas lag pa g.yas</font><hr>39.223b<br><font size=+1>

pas bsngags ldan gyi gsus pa mchan khung du bcug nas lcags ri la mchongs te 'da' bar bsams so/ /bsngags ldan gyis bsams pa/ gal te sgo ma phyed na bdag gis rang gi bdag po ji ltar rgyab tu bzhugs pa de bzhin nyid du blon po mdun pas rnga ma nas bzung nas lhan cig tu gnas pa nyid du khur nas lcags ri la mchongs te 'da' bar bsams so/ /gal te sgo ma phyed par gyur na ji ltar bsams pa de bzhin du gsum po'i nang nas gang yang rung ba gcig nges par 'gyur ro/ /slar yang sgo srung ba'i lha rnams kyis sgo phye'o/ /de ma thag nyid du bdud kyis byang chub sems dpa' bzlog par bsams nas 'ongs te nam mkha' la 'dug nas smras pa/ drang srong chen po nges par 'byung bas ma 'gro cig /'di nas nyi ma bdun pa la khyod kyis rin po che'i 'khor lo thob par 'gyur ro/ /gling phran stong phrag gnyis kyis yongs su bskor ba'i gling chen po bzhi'i rgyal srid byed par 'gyur ro/ /drang srong chen po bzlog cig ces smras so/ /khyod su zhig yin zhes dris so/ /bdag ni 'jig rten gyi dbang po yin zhes smras so/ /bdud rin po che'i 'khor lo bdag la yong bar bdag gis shes te bdag la rgyal po'i dgos pa med do/ /stong phrag bcu'i 'jig rten gyi khams su sgra sgrogs shing sangs rgya bar 'gyur ro zhes brjod do/ /bdud kyis smras pa/ 'di nas bzung nas 'dod pa'i rnam par rtog pa 'am/ gnod sems kyi rnam par rtog pa 'am/ rnam par 'tshe ba'i rnam par rtog pa sems la bsams pa'i dus su bu bdag gis shes so zhes smras so/ /grogs dang ma bral bar grib ma bzhin du rjes su 'brel bar 'gro'o/ /byang chub sems dpa' yang 'khor los sgyur ba'i rgyal srid lag tu thogs kyang mchil ma'i thal ba bzhin du ltos pa med par dor nas bkur sti chen pos grong khyer nas phyir 'thon no/ /dbyar zla 'bring po'i nya la mchog gi skar ma bre'i dus su phyir 'thon nas slar yang grong khyer la bzlog nas blta bar brjod par bsams so/ /</font><hr>39.224a<br><font size=+1>

'di ltar byang chub sems dpa'i thugs la 'khrungs tsam nyid na'o/ /skyes bu chen po khyod kyis log nas blta ba'i las kyi bsod nams khyod kyis byas pa med dam zhes brjod pa bzhin du sa gzhi chen po rdza mkhan gyi 'khor lo bzhin du phug nas bzlog go/ /byang chub sems dpa' grong khyer la sngon du phyogs shing 'khod nas grong khyer la gzigs te de'i sa phyogs zhig du bsngags ldan ldog pa'i mchod rten gyi gnas gcig bstan no/ /bsngags ldan 'gro ba'i lam la mngon du phyogs par byas nas byon no/ /bkur sti chen po dang dpal dang skal ba bzang po dang ldan no/[ ]/de'i tshe lha rnams kyis de'i mdun du stong phrag drug bcu'i mar me chen po spar ro/ /rgyab kyi phyogs su yang mar me chen po stong phrag drug bcu spar ro/ /g.yas kyi phyogs su yang mar me chen po stong phrag drug bcu spar ro/ /g.yon gyi phyogs su yang mar me chen po stong phrag drug bcu spar ro/ /lha gzhan rnams kyis kyang khor yug gi ri'i steng du grangs med pa'i mar me stong phrag mang po spar ro/ /lha gzhan rnams dang klu dang 'dab bzangs la stsogs pas lha'i spos dang me tog gi phreng ba dang phye ma dang bdug pa la sogs pas mchod cing 'gro'o/ /pA rits+tsha tra'i me tog nyid dang man dA ra'i me tog sprin ltar 'thug pa rgyun du 'bab pa bzhin du nam mkha' las rgyun mi 'chad par me tog gi char babs par gyur to/ /lha'i glu dbyangs sgrogs par gyur to/ /kun nas bskor bar stong phrag drug bcu rtsa brgyad kyi rol mo'i sgra sgrogs so/ /rgya mtsho'i dbus su 'brug gi sgra sgrogs pa bzhin no/ /ri bo gnya' shing 'dzin gyi 'gram du rgya mtsho'i sgra sgrogs pa'i dus bzhin du 'jug go/ /'di ni dpal dang skal ba bzang po dang ldan pa'i byang chub sems dpa' gshegs pa'i mtshan gcig la rgyal srid gsum spangs nas dpag tshad sum bcu'i mthar yid ldan zhes bya ba'i chu klung gi 'gram du bzhud do/ /ci'i phyir yang rta 'di'i pha rol du yang 'gro bar mi nus sam/ mi nus pa ni ma yin te/ de ni khor yug gcig gi nang du snga dro</font><hr>39.224b<br><font size=+1>

gcig la song nas bskor te de ma thag tu snga dro nyid du 'ongs zhing rang gi mdun du kha zas byin pa za bar nus so/ /de'i tshe slar yang lha dang klu dang 'dab bzangs la sogs pa nam mkha' la 'khod nas spos dang me tog gi phreng ba la sogs pa babs te/ ji srid rta'i brla'i bar du lus nub pas 'thon par mi nus pa spos dang me tog gi phreng ba la sogs pa ni ral pa ltar gdon par mi nus par shin du thogs par gyur to/ /de'i phyir dpag tshad sum bcu rtsa gnyis su song ngo / /de nas byang chub sems dpa' chu klung gi 'gram du 'khod nas blon po mdun pa la dris pa/ chu klung 'di'i ming ci/ lha yid ldan zhes bgyi ba lags so/ /bdag kyang rab tu 'byung ba la yid dang ldan pa zhes bya bar gyur to/ /zhabs kyis brgyab ste rta bskul ba byas te/ rta yis mchongs nas glang brgyad kyi skad tsam gyi chu klung gi zheng 'gram gyi pha rol du 'khod do/ /byang chub sems dpa' rta'i rgyab nas babs te dngul dang mtshungs pa'i bye ma'i phung po'i steng du 'khod do/ /mdun pa bos nas khyod kyis bdag gi rgyan rnams dang bsngags ldan khrid la song cig /bdag rab tu 'byung bar 'gyur ro/ /lha bdag kyang rab tu 'byung du gsol/ byang chub sems dpas khyod kyis rab tu 'byung ba mi 'thob pas song cig /lan gsum du zhus kyang ma gnang ngo / /rgyan dang bsngags ldan lag pas gtad de bsams pa/ bdag gi skra 'di dge sbyong dang mi mthun no snyam nas byang chub sems dpa' gzhan gyis kyang skra breg par rung ba gzhan med do/ /de nas bdag nyid kyi ral gris breg par bsams so/ /phyag g.yas pas ral gri bzung nas phyag g.yon pas cod pan dang bcas pa'i nor bu bzung ste bcad do/ /dbu skra ni sor gnyis par gyur cing g.yas phyogs nas 'khyil bas dbu la gnas so/ /de rnams ji srid 'tsho'i bar de nyid kyi tshad du gyur to/ /khas spu yang med par gyur to/ /slar dbu skra dang khas spu bzhar mi dgos par gyur ro/ /byang chub sems dpas cod pan dang bcas pa'i nor bu bzung nas gal te bdag sangs rgya bar 'gyur na nam mkha' la 'khod cig[ ]/ma yin na sa la lhung bar gyur cig ces nam mkha' la dor ro/ /de ni gtsug gi nor bu bcings pa dpag</font><hr>39.225a<br><font size=+1>

tshad gcig gi tshad tsam du song nas nam mkha' la 'khod do/ /lha'i rgyal po brgya byin gyi lha'i mig gis bltas pas dpag tshad gcig gi tshad tsam gyi rin po che'i za ma tog gi nang du bcug nas sum bcu rtsa gsum gyi pho brang du gtsug gi nor bu bzhugs pa'i mchod rten bzhengs so/ /mchog gi dri yis bsgos pa'i gtsug phud bcad/ /gang zag mchog gis nam mkha' la ni dor/ /mig stong pa yis dbu skra mgo steng bzung / /gser gyi za ma tog tu lha gnas khyer/ /slar yang byang chub sems dpas bsams pa/ yul ka shi ka'i ras 'di dge sbyong bdag gi tshul dang 'thun pa ma yin no zhes bsams so/ /de nas sangs rgyas 'od bsrung gi dus su sngon gyi grogs po rdza mkhan tshangs pa chen por gyur to/ /sangs rgyas gcig gi bar du grogs po dang ma phrad do zhes bsams te de ni bdag gi grogs po nges par 'byung ba chen pos 'thon no/ /dge sbyong gi yo byad 'di'i bzung nas 'gro'o zhes bsams so/ /chos gos gsum dang lhung bzed dang / /spu gri khab dang ka rags dang / /chu tshags dang bcas brgyad yin no/ /dge sbyong rnams la rigs shing mkho/ /dge sbyong gi mkho ba'i yo byad brgyad po 'di bslangs nas phul lo/ /byang chub sems dpas mchod par 'os pa'i rgyal mtshan gyon nas rab tu 'byung ba mchog gi cha byad bslangs te mdun pa la bdag gi tshig gis ma dang yab la bdag la nad med par gyur ro zhes smros cig zhes pas btang ngo / /mdun pas byang chub sems dpa' la phyag byas bskor ba byas nas song ngo / /slar yang bsngags ldan gyis mdun pa dang byang chub sems dpa' gsung gleng byed cing 'dug pa thos na/ bdag ni jo bo dang phrad par mi 'gyur zhes bsams so/ /mig lam du spangs nas mya ngan la shin du gnas pa bsran par ma nus te snying gas nas dus las 'das te sum bcu rtsa gsum gyi gnas su bsngags ldan zhes bya ba'i lha'i bur skyes so/ /mdun pa la dang po'i mya ngan du gyur pa gcig go/ /slar yang bsngags ldan dus las 'das pa'i rgyu mtshan gyis mya ngan gnyis pas gzir te/ ngu zhing smre sngags 'don</font><hr>39.225b<br><font size=+1>

zhing grong khyer du song ngo / /byang chub sems dpa' de'i phyogs nyid du rjes su dga' ba zhes bya ba'i a smra'i tshal yod do/ /der nyi ma bdun nas rab tu 'byung ba'i bde bas gnas shing nyin mtshan 'da'o/ /nyi ma gcig nyid la dpag tshad sum bcu'i lam du zhabs kyis gshegs nas rgyal po'i khab du byon no/ /byon nas sgo mthar chags su bsod snyoms la gshegs te grong khyer pa thams cad kyis byang chub sems dpa'i sku mthong nas glang po che nor skyong zhugs pa'i rgyal po'i khab bzhin dang lha ma yin gyi dbang po zhugs pa'i lha'i grong khyer bzhin du kun du 'khrugs par gyur te/ rgyal po'i mi 'ongs shing / lha 'di lta bu'i gzugs kyi sems can gcig grong khyer na bsod snyoms byed de/ lha'am mi'am 'dab bzang ste 'di gang yin bdag cag gis ma shes so zhes smras so/ /rgyal po khang bzangs kyi steng du 'khod nas skyes bu chen po mthong ste ya mtshan dang rmad du byung ba skyes so/ /mi gcig bos nas song la rtogs shig /gal te mi ma yin par gyur na grong khyer nas phyi rol du song ste mi snang bar 'gyur ro/ /gal te lha yin par gyur na nam mkha' la 'gro'o/ /gal te klu yin na sa'i 'og du 'gro bar 'gyur ro/ /gal te mi yin na ji ltar thob pa'i kha zas za'o zhes bsgo'o/ /skyes bu chen pos kyang kha zas 'dres pa rnams bsdus nas bdag la 'di tsam gyis chog par rtogs te/ zhugs pa'i sgo nyid nas grong khyer gyi phyi rol du 'thon te/ ri skya bo yi grib ma la shar du sngun du phyogs pas bzhugs nas kha zas la longs spyod par brtsams so/ /de nas gang gi sgyu ma phyin ci log ste kha nas 'thon pa'i rnam par bsams par gyur to/ /de nas de'i bdag nyid kyi lus kyis 'di lta bu'i tshul gyi kha zas mig gis mthong ba yang dkon no/ /de'i phyir rigs so so'i kha zas la mi dga' bar bsams nas 'di ltar rang la rang gis gdams so/ /don grub khyod rnyed sla ba'i bza' ba dang btung ba'i rigs lo gsum pa'i 'bras dri zhim po'i bza' ba sna tshogs pa'i ro dang bcas pa'i bza' ba'i gnas su skyes par gyur nas phyag</font><hr>39.226a<br><font size=+1>

dar khrod pa gcig mthong ste/ nam du'ang bdag ni 'di lta bu'i tshul du gyur nas bsod snyoms la 'gro zhing kha zas longs spyod do/ /de'i dus su bdag la de ltar 'gyur ro zhes bsams nas 'thon no/ /da ni 'di ci byed pa yin zhes 'di ltar rang la rang gis gdams nas rtog pa med par kha zas la longs spyod do/ /rgyal po'i mis 'di'i 'jug par mthong nas song ste rgyal po la smras so/ /rgyal pos pho nya ba'i gtam thos nas myur bar grong khyer gyi phyi rol du 'thon nas byang chub sems dpa' dang nye bar song ste spyod lam la dad par gyur to/ /byang chub sems dpa' la dbang phyug thams cad rdzogs par phul lo/ /byang chub sems dpas rgyal po chen po bdag la dngos po'i 'dod pa 'am nyon mongs pa'i 'dod pa'i don med do/ /bdag ni mchog gi mngon par rdzogs par byang chub pa don du gnyer bas 'ongs so/ /rgyal pos rnam pa sna tshogs pa'i sbyin pa byin yang de'i thugs la mi 'phrod do/ /nges par khyod sangs rgya bar 'gyur ro/ /sangs rgyas su gyur nas slar yang dang por bdag gi grong khyer du byon par zhu zhes dam bca' bzung ngo / /'di ni 'dir mdor bsdus pa ste/ rgyas par ni slar yang 'di rab tu 'byung ba'i mdo dang bcas par don dang gtam 'di ni blta zhing rig par bya'o/ /byang chub sems dpas kyang rgyal po la dam bca' byin nas go rims bzhin du spyod pa la gshegs shing kun nas tshon dang nag po can dang / 'char byed gser dang /[ ]dga' byed bu'i gnas su nye bar gshegs nas snyoms par 'jug pa bskyed de sangs rgyas thob pa'i lam ni 'di ma yin no/ /de la snyoms par 'jug pa skyes kyang dgyes par ma gyur nas lha dang bcas pa'i 'jig rten pa'i rang gi stobs dang brtson 'grus rnams la legs par blta bar 'dod pas dka' ba chen po spyod pa'i bsam pas steng rgyas su byon te sa phyogs 'di ni shin du dga' ba yin no/ /snyam nas de nyid du nye bar gnas par byas te dka' ba chen</font><hr>39.226b<br><font size=+1>

po spyod do/ /de yang kau Ti n+ya la sogs pa rab tu byung ba lnga grong dang grong rdal dang rgyal po'i pho brang rnams su bsod snyoms la rgyu zhing byang chub sems dpa'i gnas der 'ongs so/ /de nas lo drug tu dka' ba chen po spyad do/ /da ni sangs rgyas su 'gyur ro da ni sangs rgyas su 'gyur ro zhes zhus pa'i gnas la byi dor la sogs pa byed cing sku la rim gro byed par gyur te nye bar gnas par gyur to/ /byang chub sems dpa' yang phyi ma'i mthar thug par dka' ba spyad par bsams so/ /til gcig dang 'bras kyi nyag ma gcig la sogs pa'i nyi ma 'da' zhing thams cad du yang kha zas thams cad spangs so/ /lha rnams kyis kyang ba spu'i bu ga re re nas mdangs ston to/ /de nas de'i kha zas med par sku rid par gyur te/[ ]gser gyi kha dog can gyi sku yang nag por gyur to/ /skyes bu chen po'i mtshan sum bcu rtsa gnyis kyang mi snang bar gyur to/ /nyi ma gzhan la yang rlung dal bus bsam gtan byed cing sku la zug gzer chen po skyes nas 'du shes med par gyur te 'chag pa'i gnas su 'gyel lo/ /de nas lha gcig gis dge sbyong gau ta ma dus las 'das so zhes brjod do/ /gcig gis 'gyel ba na dgra bcom pa thob po zhes brjod do/ /der gang zhig gis dus las 'das so zhes brjod nas de song ste rgyal po chen po zas gtsang la smras pa khyed kyi sras dus las 'das so/[ ]/bdag gi sras sangs rgyas ma thob par dus las 'das sam/ thob nas dus las 'das zhes dris so/ /sangs rgyas thob par ma nus so/ /dka' ba spyod pa'i gnas su 'gyel nas dus las 'das so/ /'di thos nas rgyal po yid ma ches par gyur to/ /bdag gi sras sangs rgyas ma thob par dus las 'da' ba med do zhes bkag go/ /gang gi phyir slar yang rgyal po yid ma ches nas dka' thub pa nag po lha len gyis phyag byed pa'i dus dang 'dzam bu'i shing gi drung nyid du cho 'phrul mthong ba'i rgyu mtshan nyid kyis so/ /slar yang byang</font><hr>39.227a<br><font size=+1>

chub sems dpas 'du shes thob nas bzhengs so/ /lha de song nas rgyal po chen po khyod kyi sras po de nad med par gyur to zhes smras so/ /rgyal pos sras po mi na bar bdag gis shes so zhes smras so/ /sems dpa' chen po lo drug tu dka' ba byed cing 'di lta bu'i sems su gyur te/ 'di lta bu'i dka' thub spyod pa zhes bya ba ni byang chub kyi lam ma yin no zhes bsams nas kha zas cung zad la longs spyod par byed cing grong dang grong rdal rnams su bsod snyoms la rgyu bas bsod snyoms spyod do/ /de nas skyes bu chen po'i mtshan sum bcu rtsa gnyis gsal bar gyur to/ /sku gser gyi kha dog lta bur gyur to/ /dge slong lnga sde na re 'dis lo drug tu dka' ba spyad kyang thams cad mkhyen pa'i ye shes thob par ma gyur to/[ ]/da ni grong la sogs par bsod snyoms spyod cing kha zas bslangs nas za ste/[ ]ro la chags par gyur na ci nus 'dis dka' ba spyad par 'khrul lo/ /lus la khrus byed par 'dod pas lus kyi ba spu re re'i sgor chu zhugs nas 'dod pa'i thig ler gyur pa dang mtshungs so/ /bdag cag de'i 'dod pa'i rnam par rtog pa yod pa'i gnas su 'dug pas ci zhig bya/ skyes bu chen po spangs shing rang rang gi chos gos dang lhung bzed thogs nas dpag tshad bco brgyad kyi lam du song ste drang srong lhung ba'i tshal du gnas so/ /de'i tshe de'i dus su steng rgyas na sde can gyi grong rdal ba zhing pa'i khyim du skyes pa'i legs skyes ma zhes bya ba'i bu mo na tshod ldan par gyur te n+ya gro d+ha'i shing gcig don du gnyer to/ /gal te bdag dang mnyam par skyes pa'i rigs kyi khyim du song nas dang por mngal chags te/[ ]bu rnyed na de la lo so sor 'bum phrag gcig ra ba'i gtor ma'i las bya'o/ /de'i don du gnyer ba 'grub bo/ /des sems dpa' chen po lo drug gi mthar dka' ba spyod pa rdzogs par byed do/ /dpyid zla tha chung gi nya la gtor ma'i las byed par sems so/ /de'i sngun nyid du stong phrag gcig gi ba bzhon</font><hr>39.227b<br><font size=+1>

ma shing mngar gyi nags su shing mngar za ba de rnams kyi 'o ma bzhos nas bzhon ma lnga brgya la byin no/ /de rnams kyi 'o ma bzhos nas ba bzhon ma phyed dang sum brgya la byin no/ /de bzhin du ba bzhon ma bcu drug gi 'o ma bzhos nas ba bzhon ma brgyad la byin no/ /de srid kyi 'o ma ska mo dang mngar ba dang mdangs dang mdog dang ldan pa don du gnyer bar 'dod cing 'o ma bskol lo/ /des dpyid zla tha chung gi nya'i nyin mo'i snga dro gtor ma'i las byed par sems shing mtshan mo'i nam langs kha'i dus su ba 'jo mkhan langs nas ba bzhon ma brgyad po 'jo ru song ba/ be'u ba'i nu ma la nye bar ma gyur par yang / ba'i nu ma'i gam du snod sar pa nye bar gnas pa byas pa tsam na rang gi chos nyid kyis 'o ma'i rgyun gyis snod gang bar gyur to/ /legs skyes mas ya mtshan che ba de mthong ste/ 'o ma rang gi lag pas khyer nas snod gsar par blugs pa la rang gi lag gis me btang ste 'tshod par brtsams nas/ der 'o thug bskol bas lbu ba chen po 'thon nas g.yas phyogs su 'khor zhing thur ma gcig tsam yang sa la ma lhung la/ thab na du ba cung zad kyang med do/ /de'i tshe 'jig rten skyong ba bzhi po 'ongs nas thab srun par byed do/ /tshangs pa chen pos ni gdugs 'dzin no/ /brgya byin gyis ni ji ltar rigs pa'i me gtong bar byed do/ /stong phrag gnyis kyis yongs su bskor ba'i gling chen po bzhi'i lha dang mi rnams kyis ji ltar rigs pa'i mdangs rnams lha rang rang gi mthus bsdus nas bcug go/ /mi rnams kyis kyang de bzhin du byas nas dus gzhan la lha rnams zan gyi gong bu re res mdangs 'jug go/ /slar yang byang chub pa'i nyin mo dang yongs su mya ngan las 'da' ba'i nyin mo snod nyid du 'jug par byed do/ /legs skyes mas nyi ma gcig nyid la der rang nyid gsal bar gyur nas ya mtshan che ba du ma mthong ste bran mo rdzogs ma zhes bya ba bos nas/ rdzogs ma de ring bdag cag gi</font><hr>39.228a<br><font size=+1>

lha shin du dgyes par gyur te/ bdag gis de rnams kyi dus su 'di lta bu'i tshul gyi ya mtshan che ba ma mthong bas myur du song la lha'i gnas su byi dor legs par gyis cig /des legs so zhes brjod nas 'phags ma de'i tshig bzung ste myur ba myur bar shing gi drung du phyin no/ /byang chub sems dpas kyang de'i mtshan mo'i cha la rmi lam chen po lnga gzigs pa yongs su rtog cing the tshom med par bdag de ring sangs rgyas thob par 'gyur bar bya'o snyam du thugs brtan por mdzad nas/ de'i nub mo 'das te sku'i byi dor mdzad nas bsod snyoms la gshegs pa'i dus kyi snga dro byon te/ shing n+ya gro d+ha'i drung du bzhugs nas rang gi 'od kyis shing thams cad snang bar mdzad do/[ ]/de nas yang rdzogs ma de 'ongs nas byang chub sems dpa' shing gi drung na shar phyogs kyi 'jig rten gyi khams la gzigs shing gzigs pa mthong la sku la 'od zer 'thon pa'i 'od kyis shing thams cad gser gyi kha dog tu mthong ngo / /des 'di ltar bsams te/ de ring bdag cag gi lha shing la babs nas rang gi lag nyid kyis gtor ma len cing bzhugs so zhes bsams pas sems tshim pa thob nas myur du song ste legs skyes ma la don de rnams smras so/ /legs skyes mas de'i tshig thos nas sems tshim par gyur te/ de ring nas bzung nas bdag gi bu mo chen mo gnas su sdod cig ces bu mo la ji ltar rigs pa'i rgyan thams cad byin no/ /slar yang gang gi phyir sangs rgyas kyi yongs su rdzogs par thob pa'i nyin mo 'bum phrag gcig gi grangs kyang gser gyi sder ma chen po thob par rigs so/ /de'i phyir gser gyi sder ma chen po'i nang du 'o thug ldugs pa'i sems skyes nas 'bum phrag gcig ri ba'i gser gyi sder ma chen po bslangs te/ 'o thug btsos pa'i nang du kha sbub nas blug go/ /'o thug thams cad pad ma'i 'dab ma'i nang gi chu bzhin du chu'i thigs pa gcig tu gyur nas gser gyi sder du byung ngo / /gser gyi sder ma gcig gang ba'i tshad tsam du gyur to/ /des gser</font><hr>39.228b<br><font size=+1>

gyi snod de la gser gyi snod gzhan gyis bkab nas gos kyis dril lo/ /legs skyes ma rgyan gyis lus thams cad brgyan nas gser gyi sder ma de rang gi mgor bzhag ste/ mthu chen pos shing n+ya gro d+ha'i drung du phyin pa dang / byang chub sems dpa' mthong nas shin tu yid bde ba skyes par gyur te/ shing gi lha yin nam zhes bsams nas blta ba'i gnas su dung cing dung cing song ste mgo'i steng gi gser gyi sder ma phab nas kha phyes te/ gser gyi ril ba spyi blugs kyis dri bzang pos bsgos pa'i chu bzung nas byang chub sems dpa' dang nye bar song ste 'khod do/ /grogs po rdza mkhan tshangs pa chen por gyur pas phul ba'i sa'i lhung bzed ni de rnams kyi dus su byang chub sems dpas ma spangs kyang de de ma thag tu mi snang bar gyur/ byang chub sems dpas lhung bzed ma gzigs so/ /phyag g.yas pa brkyang nas chu bslangs te/ legs skyes mas snod dang bcas pa nyid kyi 'o thug skyes bu chen po'i phyag tu phul lo/ /skyes bu chen pos legs skyes ma la brtags pa na/ des rnam 'gyur shes nas 'phags pa bdag gis nyid la yongs su phul gyis bzhes la ji ltar bzhed pa bzhin gshegs par zhu zhes phyag byas nas/ ji ltar bdag gi 'dod pa yongs su rdzogs par gyur to/ /'di ltar nyid kyis kyang bsam pa yongs su rdzogs par gyur cig ces smras so/ /'bum phrag gcig ri ba'i gser gyi sder chen po gcig shing gi lo ma rnyings pa bzhin du ltos pa med par song ngo / /byang chub sems dpa' bzhugs pa las bzhengs nas shing la bskor te/ gser gyi sder ma bslangs nas chu klung nai ra dza na'i 'gram du gshegs te/ byang chub sems dpa' grangs med pa 'bum phrag mang po rnams kyis mngon par byang chub pa'i nyin mo babs khrus byed pa'i gnas su legs par rab tu gnas pa'i mu gnas zhes bya ba yod do/ /de'i 'gram du sder ma bzhag ste babs nas khrus mdzad do/ /'bum phrag du ma'i sangs rgyas rnam kyis nam bza'</font><hr>39.229a<br><font size=+1>

dang mchod par 'os pa gyon nas shar phyogs su sngon du phyogs pas bzhugs nas ta la'i shing rtog gi nang gi rus pa cig gi tshad tsam dang mnyam pa gcig gis dman pa'i lnga bcu'i gong bu byas nas chu myed cing dngar ba'i 'o thug thams cad gsol lo/ /de 'di ltar gang gis sangs rgyas su gyur nas zhag bzhi bcu zhe dgu ru byang chub kyi snying por bzhugs te zhag bzhi bcu zhe dgu'i kha zas su gyur to/ /de rnams kyi dus su kha zas gzhan med pa dang / khrus byed pa med pa dang / zhal shol ba med pa dang / sku lus kyi bya ba byed pa med do/ /bsam gtan gyi bde ba dang / lam gyi bde ba dang / 'bras bu'i bde ba nyid kyis nyin mtshan 'da'o/ /gzhan yang de'i 'o thug gsol nas gser gyi sder ma phyag tu bzhes te/ gal te bdag ni de ring sangs rgyas su 'gyur nus na sder ma 'di chu'i steng du gyen du 'gro bar gyur cig /ma yin na thur la 'gro bar gyur cig ces chu la dor ro/ /des chu'i rgyun gyi rlabs chu klung gi dbus su song nas dbus dbus kyi gnas nyid du rta mgyogs por 'gro ba bzhin du/ khru brgyad bcu'i tshad tsam gyi steng du song zhing / chu la lan cig 'khyil bas bying nas klu'i rgyal po nag po'i gnas su song ngo / /de nas sangs rgyas gsum po rnams kyis bshos gsol ba'i gser gyi sder ma chen po sil sil zhes sgra sgrogs par byed cing phyogs cig tu de rnams thams cad kyi 'og tu gyur nas gnas so/ /klu'i rgyal po nag pos de'i sgra thos nas kha sang sangs rgyas cig thob par gyur cing / slar yang de ring sangs rgyas nyid thob par gyur nas mang pos bstod par byed par gyur to/ /byang chub sems dpa' sa ni chu klung gi 'gram shing sA la'i tshal du nyin mo bzhugs nas srod kyi dus su me tog ku mu da kha 'bye ba'i dus la lha rnams kyis brgyan par byas nas/ zheng la glang gi skad brgyad kyis thos pa'i tshad du lam byed pa la seng ge bzhin du sgra bsgrags nas/ byang chub</font><hr>39.229b<br><font size=+1>

kyi shing la sngon par phyogs pas bzhud do/ /klu dang gnod sbyin dang 'dab bzang la stsogs pa rnams kyis lha'i spos dang me tog la sogs pa dang / lha'i glu dbyangs la sogs pas mchod do/ /stong phrag bcu'i 'jig rten gyi khams rnams dri bzang por gyur cing me tog gi phreng bar gyur nas thams cad legs so zhes brjod par gyur to/ /de'i tshe rtswa 'tshong bkra shis zhes bya bas rtswa blangs nas lam gyi sngon du 'ongs te skyes bu chen po'i rnam 'gyur rtogs nas rtswa spar mo brgyad phul lo/ /byang chub sems dpas rtswa blangs nas byang chub kyi snying po dang nye bar gshegs te lho phyogs kyi char zhal byang du mngon par phyogs pas 'khod do/ /de ma thag par lho phyogs kyi khor yug gis bying nas 'gro ba ni 'og mnar med pa'i bar du gyur pa bzhin no/ /lho phyogs kyi khor yug steng du langs nas 'gro ba ni srid pa'i rtse mor gyur pa bzhin no/ /byang chub sems dpas 'di yang dag par rdzogs pa'i sangs rgyas thob pa'i gnas ma yin no zhes dgongs zhing bskor nas nub kyi phyogs kyi char gshegs te shar phyogs su mngon du phyogs pas 'khod do/ /de nas nub phyogs kyi khor yug 'og tu bying nas 'gro ba ni mnar med pa'i bar du gyur pa bzhin no/ /shar phyogs kyi khor yug steng du langs nas 'gro ba ni srid pa'i rtse mor gyur pa bzhin no/ /byang chub sems dpa' 'khod cing 'khod pa'i gnas ni mu khyud kyi mthar thug par mnan zhing so sor gnas pa'i shing rta'i 'khor lo chen po lta bur sa gzhi chen po la bying zhing bying nas 'gro bar gyur to/ /byang chub sems dpas 'di ni byang chub thob pa'i gnas ma yin no zhes bskor nas byang phyogs kyi char gshegs te/ lho phyogs su mngon du phyogs pas 'khod do/ /de nas byang gi khor yug sa la bying nas mnar med kyi bar du gyur pa bzhin no/ /byang gi khor yug gyen du langs nas srid pa'i rtse mo'i bar du gyur pa bzhin no/ /byang chub sems dpas 'di ni byang chub thob pa'i gnas ma yin no zhes bsams te bskor nas shar phyogs kyi char gshegs nas nub phyogs su sngun du phyogs pas 'khod do/[ ]/slar yang shar phyogs kyi char sangs rgyas thams cad kyis skyil dkrung bcas</font><hr>39.230a<br><font size=+1>

pa'i gnas de g.yo bar mi 'gyur zhing mi ldeg go/ /sems dpa' chen pos 'di ni sangs rgyas thams cad kyis ma spangs shing mi g.yo ba'i gnas/ nyon mongs pa'i dra ba thams cad rnam par 'joms pa'i gnas su rtogs so/ /de'i rtswa rnams rtse mo nas bzung ste bkram nas de ma thag tu khru bcu bzhi pa'i tshad tsam gyi gdan du gyur to/ /de yang de lta bu'i tshul gyis ji ltar bzhag pa de bzhin du mi gnas so/ /ji ltar gzugs la mkhas pa'i ri mo byed pa rnams kyis ri mo bris pa bzhin du byang chub sems dpas byang chub shing gi sdong po la sku rgyab brten par byas nas zhal shar du mngon du phyogs par mdzad do/ /brtan pa'i sems su gyur nas bdag gi lpags pa dang rgyus pa dang rus pa dang khrag dang sha rnams skams par gyur kyang yang dag par rdzogs pa'i sangs rgyas ma thob bar du ni stan 'di las lus bskyod par mi bya'o/ /thog brgya phrag babs kyang mi phyed cing pha rol gyis mi tshungs par bstan la skyil dkrung gis bzhugs so/ /de'i tshe lha'i bu'i bdud kyis gzhon nu don grub bdag gi dbang du byed par 'dod pas da ni bdag las 'da' bar byed du mi ster ro zhes bsams nas bdud kyi dmag dang nye bar song ste/ don 'di smras shing bdud kyi sgra zhes pas sgra bsgrags nas bdud kyi dmag khrid de 'thon nas/ bdud kyi sde bdud kyi mdun du dpag tshad bcu gnyis kyi sar 'gro'o/ /g.yas phyogs g.yon phyogs rnams su dpag tshad bcu gnyis 'gro'o/ /rgyab phyogs su ji srid khor yug gi mthar thug par byas nas gnas so/ /steng du dpag tshad dgu'o/ /'khor thams cad kyi gtam byed pa'i sgra dpag tshad stong phrag gcig gi bar du sa gzhi 'bugs pa tsam gyi sgra thos so/ /de nas lha'i bu'i bdud dpag tshad phyed dang nyis brgya'i ri'i 'og pag zhes bya ba'i glang po che'i rgyab du zhon nas lag pa stong phrag gcig sprul nas mtshon cha sna tshogs pa blangs so/ /gzhan yang bdud kyi 'khor gyi grogs gnyis gcig dang mtshungs par mtshon cha'i</font><hr>39.230b<br><font size=+1>

rigs gnyis mi len no/ /kha dog rnam pa sna tshogs pa dang rnam pa sna tshogs pa'i gdong can sems dpa' chen po gzhom par bya ba'i phyir 'ongs so/ /stong phrag bcu'i khor yug gi lha rnams slar yang sems dpa' chen po la bstod pa byed cing gnas so/ /brgya byin lha'i rgyal pos rnam par rgyal ba bla na med pa'i dung 'bud cing 'khod do/ /slar yang dung de khru brgya nyi shur gyur to/ /gal te legs par bus na zla ba bzhi'i bar du rgyun mi 'chad cing de nas rgyun 'chad do/ /klu'i rgyal po nag po chen pos brgya phrag du ma'i bstod pa byed cing gnas so/ /tshangs pa chen po gdugs dkar po bzung nas gnas so/ /slar yang bdud kyi dmag byang chub kyi snying por 'ongs shing 'ongs so/ /lha de rnams gcig tu 'khod par ma nus pas rang gi gnas su bros nas song ngo / /klu'i rgyal po nag po sa la bying nas dpag tshad lnga brgya'i snye ma can gyi klu'i pho brang du song ste/ lag pa gnyis kha la bkab nas nyal lo/ /brgya byin gyi rnam par rgyal ba bla na med pa'i dung rgyab tu bskal te khor yug gi steng du 'khod do/ /tshangs pa chen pos gdugs dkar po khor yug gi steng du btsugs nas tshangs pa'i 'jig rten du song ngo / /lha gcig gis kyang 'khod par ma nus te/ skyes bu chen po nyid gcig pu bzhugs so/ /bdud kyis rang gi 'khor la smras pa/ bu zas gtsang gi bu don grub dang 'dra ba'i skyes bu gzhan med pas/ bdag gis de'i mdun du g.yul 'gyed par mi nus kyis/ rgyab kyi phyogs su g.yul bgyi'o zhes smras so/ /skyes bu chen pos kyang phyogs gsum la gzigs pas lha thams cad bros pa'i phyir gnas thams cad stong par mthong ngo / /gzhan yang byang phyogs su gzigs pas bdud kyi dmag rnams bdag gzhom pa'i phyir 'ong ba gzigs so/ /'di rnams kyi dmag gi tshogs bdag gcig pu'i phyir rtsol ba chen pos pha rol gnon par byed cing gnas 'dir 'ongs te/ bdag gi ma 'am pha'am spun nam</font><hr>39.231a<br><font size=+1>

su yang rung ba'i gnyen las gzhan med do/ /gzhan yang gang gi phyir pha rol du phyin pa bcu po nyid bdag gis dus yun ring por gnyer la dga' ba bzhin goms pa de'i phyir bdag gis pha rol du phyin pa nyid kyis phub byas nas/ pha rol du phyin pa nyid kyi mtshon thogs te/ 'di'i dmag gi tshogs rnams gzhom par rigs so snyam nas pha rol du phyin pa bcu po thugs la bsams nas bzhugs so/ /de nas lha'i bu'i bdud kyis don grub de ma thag tu 'bros par byed par rigs so zhes smras nas rlung gi dkyil 'khor nye bar gnas nas 'ongs so/ /de ma thag kho nar shar phyogs la sogs pa'i rlung gi dkyil 'khor rnams langs nas 'ongs te dpag tshad phyed dang yang gnyis la sogs pa'i tshad kyi ri'i phung po blangs nas nags thibs po dang shing la sogs pa sa la gton zhing / thams cad du grong dang grong rdal phye ma dang rnam par phye mar byed pa'i nus pa ni skyes bu chen po'i bsod nams kyi gzi brjid kyi mthus gyes te/ byang chub sems dpa'i drung du 'ongs nas bla gos kyi grwa tsam yang bsgul bar mi nus so/ /de nas chu yis gzhom pa'i phyir 'ongs nas gsod par bsams pa na char pa chen po 'bab cing gnas so/ /de'i mthus steng nas steng du brgya phrag du ma brtsegs pa dang /[ ]stong phrag du ma brtsegs pa'i sprin chen po 'dus nas char 'bebs so/ /char pa'i rgyun gyi shugs kyis sa gzhi 'bugs par gyur to/ /nags tshal dang shing la sogs pa'i steng gi char sprin chen po 'ongs nas sems dpa' chen po chus thigs gcig tsam gyis kyang sbang bar ma nus so/ /de nas rdo'i char bkug nas ches che ba'i ri'i phung po du bar byed cing 'bar bar byas nas nam mkha' nas 'ongs te byang chub sems dpa'i drung du 'ongs nas/ lha'i me tog gi chun bu'i gzugs 'bab po/[ ]/de nas mtshon cha'i char thams cad bkug nas mtshon so gcig pa dang so gnyis pa dang ral gri dang mdung thung dang spu gri la sogs</font><hr>39.231b<br><font size=+1>

pa'i mtshon cha rnams du bar byed cig 'bar bar byas nas nam mkha' la 'ongs te/ byang chub sems dpa'i drung du 'ongs nas lha'i me tog tu gyur to/ /de nas sol ba'i char bkug nas rgya skyegs kyi me tog gi kha dog can gyi sol ba nam mkha' nas 'ongs nas byang chub sems dpa'i zhabs drung du lha'i me tog tu gyur nas 'bab bo/[ ]/de nas thal ba'i char pa rnams bkug nas shin du dro ba me'i kha dog can gyi thal ba nam mkha' nas 'ongs nas byang chub sems dpa'i zhabs drung du tsan dan gyi phye ma ltar gyur pa'i char 'bab bo/[ ]/de nas bye ma'i mar bkug nas shin du phra ba'i bye ma rnams du bar byed cing 'bar bar byas nas nam mkha' nas 'ongs te byang chub sems dpa'i zhabs drung du lha'i phye ma ltar gyur nas char 'bab bo/[ ]/de nas 'jim pa'i char pa rnams bkug nas 'jim pa rnams du bar byed cing 'bar bar byas nas nam mkha' nas 'ongs te byang chub sems dpa'i zhabs drung du lha'i byug par gyur nas 'bab bo/[ ]/de nas 'di bzhin du 'jigs par byed pas don grub 'bros par bya ba'i phyir mun pa nye bar gnas par bya'o/ /de ni yan lag bzhi dang ldan pa'i mun nag chen por gyur nas byang chub sems dpa'i drung du sleb nas nyi ma'i 'od kyis mun pa bcom pa bzhin du mi snang bar gyur nas 'di ltar bdud dgu po 'di rlung dang char dang rdo dang mtshon cha dang sol ba dang thal ba dang bye ma dang 'jim pa dang mun pa ste/ de rnams char du babs nas byang chub sems dpa' 'bros par byed par ma nus so/ /cis brjod cing ci'i phyir sdod/ gzhon nu 'di la zung cig rgyob cig thon cig ces 'khor rnams bos nas rang gis kyang ri'i 'og bag glang po che'i rgyab tu zhon nas 'khor lo'i mtshon cha bslangs te/ byang chub sems dpa'i drung du nye bar 'ongs nas don grub stan la longs cig /'di khyod la rigs pa ma yin gyi nged la rigs pa yin no zhes smras so/ /sems dpa' chen pos de'i tshig thos nas 'di ltar smras so/ /bdud khyod kyis pha rol du phyin pa bcu ma rdzogs pa dang /[ ]nye ba'i pha rol du phyin pa ma rdzogs pa dang /[ ]don dam pa'i pha rol du phyin pa</font><hr>39.232a<br><font size=+1>

ma rdzogs pa dang / chen po lnga yongs su gtong ba med pa dang / gnyen gyi don du spyod pa med pa dang / 'jig rten gyi don gyi spyod pa med pa dang / sangs rgyas kyi spyod pa yongs su ma rdzogs pas stan 'di khyod la rigs pa ma yin no/ /stan 'di bdag kho na la rigs pa yin no/ /bdud khros par gyur nas khros pa'i shugs bsran par ma nus te/ skyes bu chen po la mtshon cha'i 'khor lo 'phangs so/ /de'i pha rol du phyin pa bcu sems par byed cing bzhugs pa na steng gi char me tog gi phreng ba'i bla res bres pa bzhin du gyur to/ /de'i 'khor lo'i mtshon cha gzhan la de shin du khros pas 'phangs te rdo ba 'thug po 'am/ rdo ba 'thug po'i ka ba 'bubs shing 'gro ba'o/ /slar yang de ni de'i me tog gi bla res su gyur nas gnas pa na bdud kyi 'khor lhag ma rnams de nas stan la langs te 'gro bar bsams nas ches che ba'i ri'i phung pa 'phangs so/ /de rnams kyang skyes bu chen po'i pha rol du phyin pa bcu la sems zhing bzhugs pa na me tog gi chun por gyur nas sa la lhung ngo / /lha rnams khor yug gi mthar 'khod pa rnams skye bteg nas blta zhing /[ ]mgo bo bteg cing bteg nas don grub gzhon nu mchog gi sku'i bdag nyid nyams sam snyam nas ci byed na zhes bsams shing blta'o/ /de nas skyes bu chen pos pha rol du phyin pa rdzogs pa'i byang chub sems dpa' rnams mngon par rdzogs par byang chub pa'i nyin mo thob pa'i stan bdag la rigs pa yin no zhes bshad nas/ 'khod pa'i bdud la smras so/ /bdud khyod kyis sbyin pa btang ba'i dpang po su yod ces smras so/ /bdud 'di rnams thams cad bdag gi dpang po yin no zhes bdud kyi dmag rnams la lag pa brkyang ngo / /de ma thag par bdud kyi 'khor rnams nga yang dpang po yin nga yang dpang po yin zhes brjod pa'i sgras sa gzhi yang ral ba bzhin du brjod pa'i sgrar gyur to/ /de nas bdud kyis skyes bu chen po</font><hr>39.232b<br><font size=+1>

la smras pa/ don grub khyod kyis sbyin pa btang ba'i dngos po la dpang po su yod ces smras so/ /skyes bu chen po khyod kyis re zhig sbyin pa byin pa'i dngos po la sems dang bcas pa rnams dpang po yin no/ /slar yang bdag la gnas 'di na sems dang bcas pa'i dpang po su yang med pas bdag nyid kyis skye ba'i mthar sbyin pa btang ba de srid gnas pa thams cad sgrol gyi lus kyi bdag nyid la gnas nas sbyin pa chen po bdun brgya pa bdun byin pa'i dngos po la sems med pa'i sa gzhi chen po mthug po 'di dpang po yin no zhes chos gos kyi nang nas phyag g.yas pa bton te/ thams cad sgrol gyi bdag nyid kyi lus su gnas nas bdag gis sbyin pa bdun brgya pa bdun byin pa'i dngos po de la khyod kyis dpang po yin nam ma yin pa smros shig ces sa chen po la mngon du phyogs pas phyag brkyang ba dang / sa chen pos bdag ni de'i tshe dpang po yin no zhes sgra sgrogs par gyur nas/ sgra chen po sgrogs pa brgya dang stong phrag gcig dang / sgra chen po 'bum phrag gcig po rnams kyis bdud kyi dmag gi sgra rnams zil gyis mnan pa bzhin du gyur to/ /de nas skyes bu chen po don grub kyi sbyin pa chen po byin pa ni mchog gi sbyin pa'o zhes thams cad sgrol gyi sbyin pa dran par byed cing dpag tshad phyed dang nyis brgya'i ri'i 'og pag gi glang po che pus mo sa la btsugs nas 'khod do/ /bdud kyi 'khor rnams phyogs dang mtshams rnams su bros nas gnyis lam gcig la 'gro ba med do/ /mgo'i rgyan nyid dang gyon pa'i gos dang por dor nas rang gi phyogs phyogs nyid du 'bros so/ /de nas lha'i tshogs rnams kyis bdud bros nas 'gro ba mthong ste/ bdud rnams pham pas don grub gzhon nu rgyal bar gyur to zhes rgyal ba'i mchod pa byed par sems so/ /klu ni klu rnams la bskul lo/ /'dab bzang ni 'dab bzang rnams la'o/ /lha ni lha rnams la'o/ /</font><hr>39.233a<br><font size=+1>

tshangs pas ni tshangs pa rnams bkul lo/ /spos dang me tog gi phreng ba la sogs pa lag tu thogs nas byang chub shing gi drung du dkyil dkrung gis bzhugs pa'i skyes bu chen po dang nye bar 'ongs so/ /de ltar bdud rnams bros nas song ngo / /dpal ldan sangs rgyas rgyal bar gyur/ /sdig can bdud ni pham par gyur/ /rab dga' byang chub snying por sgrogs/ /de tshe drang srong klu tshogs rgyal/ /dpal ldan sangs rgyas rgyal bar gyur/ /sdig can bdud ni pham par gyur/ /rab dga' byang chub snying por sgrogs/ /'dab bzang tshogs kyi drang srong rgyal/ /dpal ldan sangs rgyas rgyal bar gyur/ /sdig can bdud ni pham par gyur/ /rab dga' byang chub snying por sgrogs/ /lha tshogs de tshe drang srong rgyal/ /dpal ldan sangs rgyas rgyal bar gyur/ /sdig can bdud ni pham par gyur/ /rab dga' byang chub snying por sgrogs/ /tshangs tshogs de tshe rgyal bar sgrogs/ /mthar stong phrag bcu'i khor yug gi lha rnams kyis me tog dang spos dang byug pa rnams kyis mchod par byed do/ /rnam pa sna tshogs pa'i bstod pa byed cing 'khod do/ /'di ltar skyes bu chen po nyi ma nub pa'i tshe bdud rnam par bcom nas chos gos kyi steng du byang chub kyi shing gi 'dab ma myu gu lta bu lhung zhing byi ru dmar pos mchod par byed pa lta bu'o/ /thun dang po la sngon gyi gnas rjes su dran pa ye shes kyis rtogs pa dang / /thun bar pa la lha'i spyan rnam par dag pas ye shes thob pa dang / thun tha ma la rten cing 'brel bar 'byung ba'i ye shes thob po/ /de nas rten 'brel bcu gnyis kyi rkyen gyis rnam par 'jug pa dang mi 'jug pa'i lugs las 'byung ba dang lugs las bzlog pa dran par byed cing dran par byed do/ /stong phrag bcu'i 'jig rten gyi khams chu'i mthar thug par byas nas lan bcu gnyis su yang dag par g.yos so/ /slar yang skyes bu chen pos stong phrag bcu'i 'jig rten gyi khams su sgra chen po sgrogs shing skya reng shar ba'i dus su thams cad mkhyen pa'i ye shes so</font><hr>39.233b<br><font size=+1>

sor myong ngo / /stong phrag bcu'i 'jig rten gyi khams thams cad brgyan bzhin du rigs par gyur to/ /shar phyogs kyi khor yug gi steng du rgyal mtshan dang ba dan btsugs pa'i sham bus nub kyi khor yug gi steng du chags so/ /de bzhin du nub kyi phyogs kyi khor yug gi mtha'i steng du rgyal mtshan dang ba dan btsugs pa'i sham bus shar gyi khor yug gi steng du chags so/ /byang gi phyogs kyi khor yug gi steng du rgyal mtshan dang ba dan btsugs pa'i sham bu lho'i khor yug gi steng du chags so/ /lho'i phyogs kyi khor yug gi steng du rgyal mtshan dang ba dan btsugs pa'i sham bus byang gi khor yug gi steng du chags so/ /sa gzhi las langs pa'i rgyal mtshan dang ba dan tshangs pa'i gnas su chags so/ /tshangs pa'i 'jig rten gyi gnas su bcings pa'i rgyal mtshan dang ba dan sa gzhi'i steng du chags so/ /stong phrag bcu'i khor yug la me tog gi shing la me tog kha bye'o/ /'bras bu'i shing la 'bras bu mang por gyur to/ /sdong po rnams la sdong po'i pad ma'i me tog kha bye'o/ /yal ga rnams la yal ga'i pad ma'i me tog go/ /'khril shing rnams la 'khril shing gi pad ma'i me tog go/ /nam mkha' nas mthur du pad ma'i me tog 'phyang ngo / /thang dang rdo'i steng du brtol nas steng du bdun bdun du gyur te rgyun chags pa'i pad ma'i me tog ces bya ba phyung ngo / /stong phrag bcu'i 'jig rten gyi khams khyad par du 'phags pa'i me tog gi gdan bzhin du gyur to/ /khor yug gi bar dpag tshad stong phrag brgyad kyi 'jig rten gyi bar gyi dmyal ba nyi ma bdun gyi 'od kyis kyang snang bar byed pa med pas na dkon no/ /de dang mtshungs pa'i 'jig rten gyi bar gyi dmyal ba de ma thag tu snang bar gyur to/ /dpag tshad brgyad khri bzhi stong tsam gyis zab pa'i rgya mtsho chen po'i chu dngar por gyur to/ /chu klung rnams ni 'gro bar gnas so/[ ]/dmus long rnams kyi mig gis gzugs mthong ngo / /'on pa rnams kyi rna bas sgra thos so/ /gong po rnams</font><hr>39.234a<br><font size=+1>

kyis 'gro shes par gyur to/ /bcings pa'i sems can rnams ni rjes su bcings pa las grol bar gyur to/ /'di ltar tshad med pa'i dpal du gyur nas mchod pa dang ya mtshan pa'i chos rab tu skyes so/ /thams cad mkhyen pa'i ye shes so sor rig go/ /sangs rgyas thams cad kyi bshad pa ched du brjod pa ched du brjod do/ /skye ba'i 'khor ba ma lus pa/ /dug med rnam par dug med tshol/ /khyim med pa ni tshol ba na/ /skye ba'i sdug bsngal yang yang dang / /khyim med pa ni mthong bar gyur/ /slar yang khyim ni byed pa med/ /de yi sdug bsngal thams cad bcom/ /dug gi ming can khyim gyi phung / /sems ni 'du byed pa las grol/ /sred pa zad nas med par gyur zhes pa 'di ni dga' ldan gyi pho brang du gnas pa nas bzung ste ji srid byang chub snying po 'dir thams cad mkhyen pa thob pa de rnams kyi gnas ni gleng gzhi bar ma zhes bya ba yin no//  //gzhan yang nye ba'i gleng gzhi ni bcom ldan 'das mnyan yod rgyal byed kyi tshal mgon med zas sbyin gyi kun dga' ra ba'i gnas su bzhugs pa dang /[ ]yangs pa can gyi nags tshal chen po khang pa brtsegs pa'i gnas su bzhugs so/[ ]/de ltar de dang de'i gnas rnams su bzhugs shing de dang de'i gnas nyid thob ces brjod do/ /gang ci yang 'di ltar brjod pa de nas yang de dang po nas bzung nas 'di ltar rig par bya'o/ /bcom ldan 'das bzhugs nas ched du brjod cing ched du brjod pa de lta bu'i sems skyes so/ /bdag gis bskal pa grangs med pa bzhi dang 'bum phrag gcig lhag pa nas skyil krung bcas pa 'di'i ched du dus 'di rnams la bdag gi mgo rgyan gyis brgyan pa'i mgrin pa nas bregs te sbyin par btang ba dang / spyan bzang po btang ba dang / snying gi sha bregs nas btang ba dang / gzhon nu dra ba 'dzin dang 'dra ba'i bu sbyin par btang ba dang / kriSh+Na dzi na'i gzhon nu ma dang</font><hr>39.234b<br><font size=+1>

mtshungs pa'i bu mo sbyin par btang ba dang / lha mo ma kri dang mtshungs pa'i chung ma rnams gzhan gyi bran gyi phyir sbyin par btang ngo /[ ]/'di ni bdag gi 'dug stangs yin no/ /rgyal ba'i 'dug stangs yin no/ /mchog gi 'dug stangs yin no/ /'di la bdag bzhugs nas bsam pa thams cad yongs su rdzogs so/ /re zhig stan 'di las bdag mi ldang ngo snyam du bsams nas bye ba 'bum phrag du ma la snyoms par zhugs nas mnyam par gnas te zhag bdun du de nyid du bzhugs so/ /de'i phyir sangs rgyas zhes brjod do/ /de nas bcom ldan 'das kyis zhag bdun du 'dug stangs gcig gis bzhugs so/ /rnam par grol ba dang bde ba so sor rig cing bzhugs so/ /gzhan yang lha gang dang gang zhig da dung yang nges par don grub la bya ba yod dam 'dug stangs 'di la zhen pa ma spang ba dang rnam par rtog pa yongs su bskyed do zhes bsams nas ston pas lha rnams kyi rnam par rtog pa mkhyen nas/ de rnams kyi rnam par rtog pa nye bar zhi bar bya ba'i phyir steng gi nam mkha' la 'dug nas so sor cho 'phrul bstan to/ /byang chub kyi snying por mdzad pa'i cho 'phrul dang / nye du dang 'dus pa'i dus su mdzad pa'i cho 'phrul dang / klog pa'i mdo dang 'dus par mdzad pa'i cho 'phrul thams cad a smra'i shing gi drung du mdzad pa'i so so'i cho 'phrul dang mtshungs par gyur to/ /'di ltar ston pas 'di lta bu'i cho 'phrul mdzad nas lha rnams kyi rnam par rtog pa nye bar zhi bar mdzad do/ /'dug stangs kyis byang shar gyi char 'khod de 'di'i 'dug stangs kyis thams cad mkhyen pa'i ye shes so sor rtogs par byed do/ /bskal pa grangs med pa bzhi dang 'bum phrag gcig gis pha rol du phyin pa yongs su rdzogs pa'i 'bras bu lhag par rtogs pa'i 'dug stangs kyis mig mi 'dzum par lta zhing zhag bdun du 'khod do/ /de'i gnas su mig mi 'dzum pa'i mchod rten zhes bya ba byung ngo / /de nas 'dug stangs la</font><hr>39.235a<br><font size=+1>

'khod pa'i gnas kyi bar du 'chag par byas nas shar dang nub du rin po che la 'chag pas zhag bdun du 'khod do/ /gnas der rin po che la 'chag pa'i mchod rten zhes bya ba byung ngo / /gzhan yang zhag bdun pa bzhi pa la byang chub shing gi byang shar gyi char lha rnams kyis rin po che'i khang pa sprul lo/ /der 'dug stangs kyis bzhugs nas chos mngon pa'i sde snod ma lus par 'di rnams mtha' yas pa'i tshul gyis kun gnas par sems shing zhag bdun bzhugs so/ /chos mngon pa slar yang 'di skad smra'o/ /rin po che'i khang pa zhes bya ba rin po che las byung ba'i khang pa yin no zhes zer ro/ /sdud par byed pa po rnams slar yang 'di skad gsung ste/ rab tu byed pa bdun gyi chos mngon pa rjes su dran par byed pa'i rin po che'i khang pa yin zhes gsung ngo / /gang gi phyir slar yang 'dir tshig gnyis ka yang 'thad do/ /de'i phyir 'di gnyis ka yang gzung bar bya'o/ /de nas slar yang gnas de rin po che'i khang pa'i mchod rten zhes bya ba byung ngo / /'di ltar byang chub shing dang nye ba nyid du zhag bdun pa bzhi pa song nas zhag bdun pa lnga pa la byang chub shing gi drung nas ra lug skyong ba'i shing n+ya gro d+ha dang nye bar gshegs nas der yang chos la rnam par sems pa nyid kyis rnam par grol ba dang bde bas so sor rig par mdzad nas bzhugs so/ /de'i tshe lha'i bu'i bdud dus 'di rnams kyi phyi ma la grib ma bzhin du phyogs gang du'ang ma spangs so/ /byang chub sems dpa' la skyon cung zad kyang ma mthong ngo / /da ni nga'i dbang du bya ba las 'das pas yid mi bde ba thob par gyur cing lam chen por gnas nas rnam pa bcu drug gi rgyu mtshan la sems shing sa la ri mo bcu drug 'dri'o/ /bdag gis 'di bzhin du sbyin pa'i pha rol du phyin pa ma rdzogs pa de'i phyir bdag 'di dang 'dra bar ma gyur to zhes ri mo gcig bris so/ /de bzhin du bdag 'di dang mtshungs par tshul khrims kyi pha rol du phyin pa dang / nges 'byung gi pha rol du phyin pa dang / shes rab kyi pha rol du phyin pa dang / brtson</font><hr>39.235b<br><font size=+1>

'grus kyi pha rol du phyin pa dang / bzod pa'i pha rol du phyin pa dang / bden pa'i pha rol du phyin pa dang / lhag par gnas pa'i pha rol du phyin pa dang / byams pa'i pha rol du phyin pa dang / btang snyoms kyi pha rol du phyin pa rnams ma rdzogs so/ /de'i phyir bdag 'di dang mtshungs par ma gyur to snyam nas ri mo bcu bris so/ /bdag 'di dang mtshungs pa'i thun mong ma yin pa'i dbang po mchog gi gong ma'i ye shes so sor rig pa nye bar gnas par gyur pa'i pha rol du phyin pa bcu ma rdzogs pa de'i phyir bdag 'di dang mtshungs par ma gyur to snyam nas ri mo bcu drug bris so/ /de bzhin du bdag 'di dang mtshungs pa'i thun mong ma yin pa'i bsam pa'i bag la nyal dang ye shes kyi thugs rje chen po dang / snyoms par 'jug pa'i ye shes dang / so sor cho 'phrul gyi ye shes dang sgrib pa med pa'i ye shes dang / thams cad mkhyen pa'i ye shes so sor gnas pa nye bar gnas par gyur pa'i pha rol du phyin pa bcu ma rdzogs pa'i de'i phyir bdag 'di dang mtshungs par ma gyur to snyam nas ri mo bcu drug bris so/ /'di ltar 'di'i rgyu mtshan sems shing lam chen por ri mo bcu drug bris nas gnas so/ /de'i tshe sred ma dang / kun du dga' ma dang / dga' ma sde gsum po ni bdud kyi bu mo bdag cag gi pha ni ma mthong bar gyur pas de ma thag par ga na yod dam zhes blta zhing rgyu ba na de yid mi bde ba thob par gyur te/ sa la ri mo byed pa mthong nas pha dang nye bar song ste pha gang gi phyir sdug bsngal zhing yid mi bde bar byed ces dris so/ /bu mo dge sbyong chen po 'di bdag gi dbang du byed pa las 'das so zhes 'di rnams kyi dus su bltas pas skyon cung zad kyang ma mthong ngo / /de'i phyir bdag sdug bsngal zhing yid mi bde ba skyes so/ /'di ltar gyur na de ltar ma bsam cig /bdag cag gsum gyis de dbang du byas nas khrid la 'ong ngo / /smras pa/ bu mos mi nus te sus kyang dbang du bya bar mi nus pas skyes bu 'di ni mi g.yo</font><hr>39.236a<br><font size=+1>

ba'i dad pa la gnas so/ /smras pa/[ ]pha bdag cag bud med yin pas da lta nyid du de la 'dod chags kyi zhags pas bcings te khrid la 'ong ngo / /khyed ma sems shig /de nas bud med de rnams/[ ]bcom ldan 'das dang nye bar song ste dge sbyong khyed kyi zhabs la bsnyen bkur bdag cag gis bgyi'o zhes smras so/ /bcom ldan 'das nyid kyis de rnams kyi tshig la thugs ma gtad do/ /spyan rnam par grol ba yang ma gzigs so/ /ji ltar de bla na med pa'i nye bar skye ba zad pa rnam par grol ba'i bsam pas dben pa'i bde ba nyid la nyams su myong bar mdzad cing bzhugs so/ /gzhan yang bdud kyi bu mo bsam pa mang zhing skyes bu dang mtshungs pa'i sems so/ /gang dang gang gzhon nu la dga' bar gyur pa dang / gang dang gang zhig na tshod dang por gyur pa la dga' ba dang / gang dang gang zhig na tshod bar mar gyur pa la dga' ba dang / gang dang gang zhig na tshod phyi mar gyur pa la dga' ba'o/ /bdag gis de lta bu'i rnam pa sna tshogs pa'i 'od la chags par bgyi'o zhes smras nas/ bu mo re res gzhon nu ma'i gzugs la sogs pa'i brgya phrag brgya phrag gis bdag nyid kyi lus sprul lo/ /gzhon nu ma'i gzugs dang lang tsho ma'i gzugs dang / dang po bu dang bu mo lan cig skyes pa'i gzugs dang /[ ]bar ma'i bud med kyi gzugs dang / lus rags mor gyur nas lan drug du bcom ldan 'das dang nye bar song nas dge sbyong khyod kyi zhabs la bdag cag gis bsnyen bkur bgyi'o zhes smras so/ /bcom ldan 'das kyis de rnams kyi tshig la yang thugs ma gtad do/ /ji ltar de bla na med pa'i nye bar skye ba rnam par grol lo/ /gzhan yang slob dpon gang zhig 'di skad smra'o/ /de rdzu 'phrul dang ldan pas bud med 'ongs pa la blta zhing bcom ldan 'das 'di lta bu'i gzugs kyis 'di rnams so byi ba dang / skra dkar por gyur par byin gyis brlabs so zhes zer ro/ /</font><hr>39.236b<br><font size=+1>

de'i tshig gzung bar mi bya'o/ /ston pas 'di lta bu'i gzugs su byin gyis brlabs par ma mdzad do/ /gzhan yang bcom ldan 'das kyis ci mthong 'di lta bu'i 'bad pa byed pa da song cig /'di lta bu'i tshul gyis 'dod chags dang ma bral ba la stsogs pa'i mdun du bya bar rigs so/[ ]/de bzhin gshegs pas slar yang 'dod chags spangs shing nyes pa spangs pa dang gti mug spangs pas rang gi 'dod chags spangs pa'i phyir ro/ /gang zhig rgyal ba de la rgyal mi nus/ /gang zhig 'jig rten 'dir ni rgyal mi 'gyur/ /mtha' yas sangs rgyas spyod yul de mi gnas/ /rkang med kyis ni rkang yod la mi nus/ /gang gi srid pa'i dra ba bton gyur nas/ /de la sred pa rnams ni cung zad med/[ ]/mtha' yas sangs rgyas spyod yul de nyid la/ /rkang med de yis rkang yod la mi nus/ /'di ni sangs rgyas kyi chos mchog gi sde las tshigs su bcad pa gnyis gsungs nas chos bstan to/ /bu mo rnams la pha zer ba yang bden pa yin no/ /dgra bcom pa bde bar gshegs pa 'jig rten mi'i mchog yin no zhes smras nas lha dang nye bar song ngo / /bcom ldan 'das kyis kyang 'dir zhag bdun bzhugs nas btang zung gi gnas su gshegs so/ /der zhag bdun du sku la yul ngan dang grang ba zhi bar bya ba'i phyir klu'i rgyal po btang zung zhes bya bas lus kyis lan bdun du dkris nas gdengs ka byas so/ /dri'i gtsang khang shin du yangs par bzhugs pa bzhin rnam par grol ba dang bde ba so sor rig par byed cing zhag bdun du bzhugs nas shing rA dza ya ta na dang nye bar gshegs so/ /der yang rnam par grol ba dang bde ba so sor rig par byed pa nyid kyis bzhugs so/ /de rnams kyis re zhig zhag bdun phrag bdun yongs su rdzogs so/ /de rnams kyi bar du zhal shol ba med pa dang sku la byi dor byed pa med pa dang zhal zas gsol ba med par gyur to/ /bsam gtan gyi bde ba dang / lam gyi bde ba dang / 'bras bu'i bde ba nyid kyis nyin mtshan 'da'o/[ ]/ </font><hr>39.237a<br><font size=+1>

de nas de'i bdun phrag bdun gyi mthar gcig gis dman pa'i lnga bcu'i mtha'i nyi ma la der bzhugs nas zhal shol ba'i thugs skyes so/ /lha'i dbang po brgya byin gyis a ru ra mchog blangs nas phul lo/ /ston pas de gsol bas sku dngas par gyur to/ /de nas brgya byin nyid kyis so rtsi'i so shing nyid kyi so shing dang /[ ]zhal shol ba'i chu phul lo/ /ston pas so shing blangs nas so brud de mtsho chen po ma dros pa'i chus zhal bshal lo/ /de nyid du shing rA dza ya ta na'i drung du bzhugs so/ /de'i tshe ga gon dang bzang po zhes bya ba'i tshong dpon gnyis shing rta lnga brgya dang bcas pa lho phyogs kyi ljongs nas yul dbus su 'gro ba na rang nyid kyi sngar gyi gnyen lhar gyur pas shing rta thams cad bying nas 'gro bar mi nus par byin gyis brlabs pas ston pa la kha zas ster ba'i phyir spro ba skyes so/ /sbrang bsrubs pa'i khur ba'i gong bu blangs nas btsun pa bcom ldan 'das bza' ba 'di thugs rje chen po skyed la so sor bzhes par zhu zhes ston pa'i drung du nye bar 'khod do/ /bcom ldan 'das 'o thug bzhes pa'i nyin mo nyid lhung bzed mi snang ba'i phyir de bzhin gshegs pa rnams kyi yang phyag gis len nam 'on kyang lhung bzed kyis blang zhes bsams so/ /de nas sems kyis shes nas phyogs bzhi'i rgyal po chen po bzhi po rnams kyis nor bu in dra nI la'i lhung bzed blangs pa/ bcom ldan 'das kyis ma gnang ngo / /slar yang sran ma mud ga'i kha dog can gyi rdo las byung ba'i lhung bzed bzhi phul lo/ /bcom ldan 'das kyis lha'i bu bzhi po rnams la rjes su brtse bas lhung bzed bzhi po bzhes te steng nas steng du brtsegs nas bzhag ste gcig tu 'gyur bar byin gyis brlabs so/ /bzhi po yang blta ba'i phyir du kha la ri mo bzhir gyur te lhung bzed 'bring po'i tshad gcig tu gyur to/ /bcom ldan 'das la de'i so sor phul ba rin thang med pa'i rdo las byung ba'i lhung</font><hr>39.237b<br><font size=+1>

bzed du bza' ba'i phyir du bzhes nas yongs su longs spyad nas rjes su yi rang bar mdzad do/ /tshong dpon spun gnyis sangs rgyas dang chos la skyabs su 'gro zhing tshigs gnyis pa'i dge bsnyen du gyur to/ /de nas de rnams kyis btsun pa mchod pa bya bar rigs pa'i dngos po gcig bslang zhes zhus so/ /de nas phyag g.yas pa rang gi mgo la byugs nas skra'i gdung gnang ngo / /de dag gis rang gi grong khyer du khyer song nas mchod rten bzhengs so/ /yang dag par rdzogs pa'i sangs rgyas kyis kyang de nas bzhengs nas slar yang ra lug skyong ba'i shing n+ya gro d+ha nyid du gshegs nas n+ya gro d+ha'i drung du bzhugs so/ /de nas de nyid du bzhugs tsam nyid na rang gis lhag par rtogs pa'i zab mo'i chos so sor bsam zhing sangs rgyas rnams kyis lhag par rtogs pa 'di ni chos so/ /gzhan gyis chos ston par mi nus par bsams nas rab tu 'jug pa'i rnam pa'i rnam par rtog pa skyes so/ /de nas mi mjed kyi bdag po tshangs pa 'jig rten nyams par 'gyur ba'i phyir ro zhes bsams nas stong phrag bcu'i khor yug gi brgya byin dang / 'thab bral bzang po dang / dga' ldan dang / 'phrul dga' dang / gzhan 'phrul dbang phyug dang / tshangs pa chen po rnams khrid nas ston pa'i drung du phyin nas/ btsun pa bcom ldan 'das chos bstan du gsol/ dang po'i tshul gyis chos bstan du gsol zhes zhus so/ /ston pas de rnams la snang ba byin no/ /gang zhig la bdag gis dang por chos bstan par bya'o zhes dgongs shing mkhas pa kun len de'i chos 'di myur du shes par 'gyur ba'i thugs skyes so/ /slar yang gzigs te de dus las 'das nas zhag bdun lon par rtogs so/ /'char byed la brtags pas de yang dus las 'das par mkhyen no/ /dge slong lnga sdes bdag la bsnyen bkur mang po byas pas lnga sde'i ched du bsams nas de rnams gang na gnas pa yin zhes brtags so/ /grong khyer</font><hr>39.238a<br><font size=+1>

bA rA Na sI'i ri dgas rgyu ba'i nags tshal na yod par mkhyen no/ /der gshegs nas chos kyi 'khor lo bskor ro zhes dgongs nas zhag 'ga' zhig tu byang chub kyi snying po kun du nye ba nyid du bsod snyoms mdzad cing bzhugs nas dbyar zla 'bring po'i nya la grong khyer bA rA na sIr gshegs par dgongs nas tshes bcu bzhi'i mtshan gyi mthar nam langs pa na shin du snga ba nyid du lhung bzed dang snam sbyar bsnams nas dpag tshad bcwa brgyad yod pa'i lam la gshegs shing lam gyi bar du nye bar gnas pa zhes bya ba'i 'tsho byed gcig gzigs so/ /de la rang gi sangs rgyas su gyur pa bshad do/ /nyi ma de nyid la srod kyi dus su drang srong lhung ba'i gnas su gshegs so/ /gnas brtan lnga sdes de bzhin gshegs pa byon pa ring po nyid nas mthong ste/ dge sbyong gau ta ma 'di bza' ba mang po'i phyir lus yongs su rdzogs par gyur/ dbang po yongs su rdzogs par gyur/ gser gyi kha dog tu gyur nas 'ongs kyis/ 'di la phyag la sogs pa mi bya'o/ /'di rigs chen por skyes pa yin pas gdan shom pa tsam 'os so/ /de'i phyir gdan tsam rigs so zhes gtam byed do/ /bcom ldan 'das la lha dang bcas pa'i 'jig rten rnams kyi sems dang spyod pa shes par nus pa'i ye shes yod do/ /de yang 'di rnams ji ltar sems pa yin zhes bsams nas sems shes pa yin no/ /de nas lha dang mi thams cad la mthong ba med pa'i dbang gis thams cad du khyab par nus pa'i byams pa'i sems yang dag par bsdus nas/ ma mthong ba'i dbang gis byams pa'i sems kyis khyab par bcom ldan 'das kyis bsgoms nas de bzhin gshegs pa nye bar gshegs shing gshegs pa na/ sngar gyi bca' khrims rnams gnas par mi nus pas phyag phul zhing bsrung ba dang bsnyen bkur thams cad byas so/ /gzhan yang dge slong de rnams yang dag par rdzogs pa'i sangs rgyas grub pa mi shes pa'i phyir ming</font><hr>39.238b<br><font size=+1>

brjod pa na tshe dang ldan pa zhes smra ba tha mal pa'i tshig gis brjod par byed do/ /de nas bcom ldan 'das kyis dge slong dag bcom ldan 'das dang de bzhin gshegs pa'i ming dang tshe dang ldan pa zhes tha mal pa'i tshig brjod par mi rung ngo / /dge slong dag nga ni de bzhin gshegs pa dgra bcom pa yang dag par rdzogs pa'i sangs rgyas so zhes bdag nyid sangs rgyas sgrub par byed pa dang gdan bshams pa mchog la sangs rgyas bzhugs te/ rgyu skar bre mchog gsum 'dzom pa la bye ba phrag bcwa brgyad kyi tshangs pa'i 'khor gyis bskor nas gnas brtan lnga sde bos te chos kyi 'khor lo bskor ba'i mdo'i mthar bshad do/ /de rnams la gnas brtan kun shes kau Ti n+yas bshad pa'i rjes su 'brangs nas ye shes thob pa mdo'i mthar bye ba phrag bcwa brgyad kyi tshangs pa rnams kyis rgyun du zhugs pa'i 'bras bu thob bo/[ ]/ston pas de nyid du dbyar bzhugs so/ /sngar yang nyi ma gnyis pa la gnas brtan par \u0fb3ngas pa la chos sbyin no zhes gtsug lag khang du bzhugs so/ /lhag ma bzhi po bsod snyoms la song ngo / /gnas brtan par \u0fb3ngas pas nyi ma phyed kyi nang du rgyun du zhugs pa'i 'bras bu thob bo/ /'di lta bu'i thabs nyid kyis slar yang nyi ma phyi ma la gnas brtan bzang ldan dang / slar yang nyi ma phyi ma la gnas brtan ming can dang / slar yang nyi ma phyi ma la gnas brtan rta thul rnams de thams cad kyis rgyun du zhugs pa'i 'bras bu thob par byas nas tshes nyi shu la dge slong lnga po 'dus pa la bdag med pa'i mtshan nyid kyi mdo sde rnams bshad do/ /bshad pa'i mthar gnas brtan lnga sdes dgra bcom pa'i 'bras bu thob bo/[ ]/de nas ston pas rigs kyi bu grags pa nye bar mi rten par gzigs nas/ de'i mtshan mo'i char sdug bsngal ba'i sems kyis khyim spangs nas 'thon pa la grags pa 'dir shog ces bos nas mtshan mo de nyid</font><hr>39.239a<br><font size=+1>

kyi cha la rgyun du zhugs pa'i 'bras bu dang slar yang nyi ma gnyis pa la dgra bcom pa'i 'bras bu grub par byed do/ /gzhan yang slar de'i grogs po lnga bcu rtsa bzhis rab tu byung zhing dge slong du gyur nas dgra bcom pa byed do/ /'di ltar 'jig rten du dgra bcom pa drug bcu rtsa gcig tu gyur to/ /ston pas dbyar bzhugs nas dgag dbye byas te dge slong drug bcu po rnams phyogs phyogs su btang nas/[ ]rang nyid steng rgyas su gshegs pa'i bar gyi lam na ras bal can gyi tshal ni dpag tshad bcu pa'o/ /gzhon nu bzang sde brtul lo/ /de rnams las thams cad kyi mtha'i phyi ma rgyun du zhugs par gyur la/ thog ma ni phyir mi 'ong du gyur to/ /de rnams kyang dge slong gi gzugs kyis rab tu byung ba bgyis nas phyogs phyogs su btang ste steng rgyas su gshegs so/ /stong phrag phyed dang gsum gyi cho 'phrul lta zhing steng rgyas 'od srung la sogs pa'i spun gsum po dang ral pa can stong phrag gcig brtul ba dge slong gi gzugs kyis rab tu byung bar byas nas ri bo ga ya'i rtse mo na sdod pa rnams la nyi ma'i rnam grangs kyi mdo sde bstan nas dgra bcom par byas te/ des dgra bcom pa stong phrag rnams 'khor du byas nas rgyal po gzugs can snying po la khas blangs byin pa dgrol bar bya ba'i dgongs pas rgyal po'i khab kyi grong khyer dang nye ba'i shing dngar gyi tshal du byon no/ /skyed mos tshal skyong ba rnams kyis ston pa byon no zhes rgyal po la smras so/[ ]/rgyal pos thos te/ khri phrag bcu gnyis kyi bram ze dang khyim bdag 'khor du byas nas ston pa dang nye bar song ste 'khor lo sna tshogs pa'i steng du gser gyi bla re dang 'dra ba'i 'od zer phyogs phyogs su 'phro zhing bzhugs pa'i de bzhin gshegs pa'i zhabs la mgo bos phyag legs par byas nas 'khor dang bcas pa phyogs gcig tu 'khod do/ /de nas yang bram ze rnams dang khyim bdag la sogs pa 'di lta</font><hr>39.239b<br><font size=+1>

bu'i sems su gyur te/ 'on kyang dge sbyong chen pos steng rgyas 'od srung gi rjes su tshangs par spyod pa spyad dam/ yang na steng rgyas 'od srung gis dge sbyong chen po'i rjes su tshangs par spyod pa spyad ces bsams so/ /bcom ldan 'das kyis de rnams kyi rtog pa thugs kyis mkhyen nas gnas brtan la tshigs su bcad pa gsungs so/ /steng rgyas gnas su gnas nas ci zhig mthong / /sbyin bsreg 'dor ba'i rgyu mtshan ci zhig smra/ /'od srung 'di yi don ni dri bar bya/ /khyod kyi ji ltar sbyin sreg spong ba yin/ /gnas brtan gyis kyang bcom ldan 'das kyi dgongs pa shes nas/[ ]gzugs dang sgra dang de bzhin ro dang dri/ /bud med 'dod pa yang ni mchod sbyin spyod/ /'di rnams dri ma legs par rtogs byas nas/ /de phyir me yi sbyin sreg 'di spangs so/ /tshigs su bcad pa 'di brjod nas rang nyid nyan thos kyi 'dod pa bsal bar bya ba'i phyir de bzhin gshegs pa'i zhabs kyi bol du mgo bos reg nas/ bdag ston pa btsun pa bcom ldan 'das kyi nyan thos yin no zhes smras so/ /shing tA la gcig dang shing tA la gnyis dang shing tA la gsum dang ji srid du shing tA la bdun tsam du nam mkha' la 'phags nas babs te de bzhin gshegs pa la phyag byas nas phyogs gcig tu 'khod do/ /de'i cho 'phrul lta zhing mi mang po rnams kyis e ma ho sangs rgyas kyi mthu chen po 'di lta bu'i lta ba bstan pas/ dgra bcom pa zhes bya ba la sems shing / steng rgyas 'od srung gi lta ba'i dra ba bcad de de bzhin gshegs pas brtul nas ston pa'i yon tan nyid brjod do/ /bcom ldan 'das kyis kho bos 'ang de lta kho na ma yin par steng rgyas 'od srung brtul lo/ /'das pa nyid du 'ang 'di ngas brtul lo zhes brjod nas don 'di 'das pa na mi sbyin chen po 'od srung gi skyes rabs su bshad pa'i bden pa bzhi po gsal bar bstan no/ /de'i mod la yul ma ga d+ha'i rgyal po 'khor khri phrag bcu gcig dang bcas pas rgyun du zhugs pa'i 'bras bu thob bo/ /khri phrag</font><hr>39.240a<br><font size=+1>

gcig dge bsnyen du gyur to/ /rgyal po ston pa dang nye ba nyid du 'dug ste bslab pa'i gzhi lnga so sor rab tu thos nas skyabs su song ste sang gi gdugs tshod la mgron du gnyer nas/ stan las langs te bcom ldan 'das la bskor ba byas nas song ngo / /slar yang sang gi snga dro nyid bcom ldan 'das mthong ba dang ma mthong ba rgyal po'i khab na gnas pa rnams kyis bye ba phrag bco brgyad kyi grangs kyi mi rnams de bzhin gshegs pa blta bar 'dod pas snga dro nyid rgyal po'i khab nas shing dngar gyi tshal du song ste rgyang grags bcu gnyis su mi shong bar shing dngar gyi tshal thams cad rgyun mi 'chad par gyur to/ /mi thams cad kyis stobs bcu pa'i gzugs mchog thob par 'dod pa bdag nyid kyi sku la blta bas tshim par ma nus so/ /'di lta bu'i sa gzhi'i kha dog yin no/ /'di lta bu'i gzugs kyi gnas su de bzhin gshegs pa'i mtshan dang dpe byad bzang po la sogs pa'i rab tu byed pa thams cad kyang gzugs kyi sku dpal gyis bsngags par bya bar 'os so/ /'di ltar gzugs mchog thob pa'i stobs bcu pa'i sku blta ba'i phyir mi mang po rgyun mi 'chad do/ /skyed mos tshal dang lam du dge slong gcig gis kyang phyi ru 'thon pa'i skabs med do/ /nyi ma de'i dus na bcom ldan 'das kyi gdugs tshod yol ba lta bur gyur to/ /de ma thag par brgya byin sdod pa'i stan dro ba'i rnam par mthong ste des rnam par brtags so/ /de'i rgyu mtshan shes nas bram ze'i khye'u'i gzugs su mngon par sprul te/ sangs rgyas dang chos dang dge 'dun so so la ji ltar rigs pa'i bstod pa rjod par byed do/ /stobs bcu pa'i sngun du chas nas lha'i mthu yis lam thob par byas so/ /'dul zhing 'dul ba'i grogs sngon bcas/ /bram ze rnam grol ral pa dang / /seng ge'i gzugs kyis 'thon nas ni/ /bcom ldan rgyal po'i khab nang byon/ /grol zhing grol ba'i grogs sngon bcas/ /bram ze rnam grol ral pa dang / /seng ge'i gzugs kyis 'thon nas ni/ /bcom ldan rgyal po'i khab nang byon/ /bsgral zhing bsgral ba'i grogs sngon bcas/ /</font><hr>39.240b<br><font size=+1>

bram ze rnam grol ral pa dang / /seng ge'i gzugs kyis 'thon nas ni/ /rgyal po'i khab nang bcom ldan byon/ /bcu po gsung ba'i stobs bcu pa/ /chos bcu la mkhas bcu la gnas/ /stong phrag bcu yi 'khor dang ldan/ /bcom ldan rgyal po'i khab nang byon/ /tshigs su bcad pa 'dis ni ston pa la bsngags pas bstod cing sngun du 'gro ba'i mi rnams kyis bram ze'i khye'u'i gzugs kyi dpal mthong nas bram ze'i khye'u 'di shin du gzugs bzang ba'o/ /slar yang sngar mthong ba med do zhes bsams nas bram ze'i khye'u 'di gang na gnas pa yin/ gang zhig gi yin zhes smras so/ /de thos nas bram ze'i khye'us smras pa/ gang zhig bstan pa thams cad 'dul/ /gang zag zla med sangs rgyas te/ /dgra bcom bde gshegs 'jig rten du/ /de ni bdag gi nye bar gnas/ /tshigs su bcad pa brjod de ston pas brgya byin gyis skabs phye ba'i lam du dge slong stong phrag gcig 'khor du byas nas rgyal po'i khab kyi nang du gshegs so/ /rgyal pos sangs rgyas la sogs pa'i dge 'dun la sbyin pa chen po phul lo/ /btsun pa bdag dkon mchog gsum spangs nas sdod par mi nus so/ /dus dang dus ma yin par bcom ldan 'das dang nye bar 'ong bar 'dod do/ /shing dngar can gyi skyed mos tshal shin du thag ring ngo / /slar yang bdag cag gi 'od ma'i tshal zhes bya ba 'di shin du nye bas gshegs pa dang /[ ]'ong ba shin du nye bas sangs rgyas la 'os pa'i gnas lags pas bzhes par zhu/ des gser gyi ril ba spyi blugs la me tog gi dris bsgos te/[ ]nor bu'i kha dog can gyi chu blangs nas 'od ma'i tshal yongs su gtong zhing stobs bcu pa'i phyag tu chu bsgrengs nas der kun dga' ra ba bzhes nas sangs rgyas kyi bstan pa'i gzhi</font><hr>39.241a<br><font size=+1>

zhes brjod cing sa gzhi chen po g.yos so/ /'dzam bu'i gling gi nang nas 'od ma'i tshal spangs pa'i sa gzhi g.yos pa 'di bzhes te sde gzhan ni med do/ /si g+ha gling gi gtsug lag khang chen po spangs nas sa gzhi chen po g.yos pa 'di bzhes te/ sde gzhan ni med do/ /ston pas 'od ma'i tshal gyi kun dga' ra ba bzhes nas rgyal po la rjes su yi rang bar mdzad cing stan las bzhengs te/ dge slong gi dge 'dun 'khor du byas nas 'od ma'i tshal du byon no/ /de'i tshe de'i dus na shA ri'i bu dang / /maud gal gyi bu kun du rgyu gnyis po rgyal po'i khab la brten nas gnas shing bdud rtsi tshol bar sems so/ /de'i nang nas shA ri'i bus gnas brtan rta thul bsod snyoms la zhugs pa mthong bas sems rab tu dngas par gyur te bza' ba byin nas chos rnams gang dag rgyu las byung ba dang zhes pa'i tshigs bcad thos pas rgyun du zhugs pa'i 'bras bu thob par gyur to/ /rang gi grogs po kun du rgyu maud gal la yang tshigs su bcad pa de nyid smras so/ /des kyang rgyun du zhugs pa'i 'bras bu thob po/[ ]/de gnyis kyis kyang rang nyid rgyal ba la bltas nas rang gi 'khor dang bcas pa ston pa'i drung du rab tu byung ngo / /de rnams las maud gal gyi bu chen po zhag bdun nas dgra bcom pa thob po/ /gnas brtan shA ri'i bus zla ba phyed nas dgra bcom pa thob ste de gnyis po yang ston pa'i nyan thos kyi mchog tu gnas par gzung ngo / /gnas brtan shA ri'i bus dgra bcom pa thob pa'i nyin mo nyid bcom ldan 'das kyi nyan thos kyi 'dus pa dang por byas so/ /slar yang de bzhin gshegs pas 'od ma'i tshal de nyid du bzhugs so/ /de'i tshe rgyal po chen po zas gtsang gis bdag gi sras lo drug tu dka' ba spyad nas mchog gi yang dag par rdzogs pa'i byang chub ste/ chos kyi 'khor lo bskor nas rgyal po'i khab kyi 'od ma'i tshal du bzhugs so zhes pa thos nas blon po phan tshun rnams bos te 'dir shog cig skyes bu stong phrag gcig gis</font><hr>39.241b<br><font size=+1>

'khor khrid de rgyal po'i khab tu song la nga'i tshig gis khyed kyi yab rgyal po zas gtsang khyed blta bar 'dod ces brjod pas bdag gi sras khrid la shog ces smras so/ /blon pos kyang lha de bzhin du bgyi'o zhes rgyal po'i gsung spyi bos blangs nas skyes bu stong phrag gcig gi 'khor de khrid de myur ba nyid du dpag tshad drug bcu'i lam du song nas stobs pa 'khor bzhi'i nang du bzhugs nas chos ston pa'i dus su gtsug lag khang du zhugs so/ /de rgyal pos btang ba'i don re zhig bzhag nas 'khor thams cad kyi mthar 'khod de ston pa'i chos bstan pa thos nas ji ltar 'khod pa nyid bzhin du skyes bu stong phrag gcig dang lhan cig tu dgra bcom pa thob nas rab tu 'byung bar zhugs so/ /bcom ldan 'das kyis btsun pa rnams 'dir shog cig ces phyag brkyang ngo / /thams cad de nyid du rdzu 'phrul las byung ba'i lhung bzed dang chos gos gsum bzung nas/ lo brgya lon pa'i gnas brtan lta bur gyur to/ /dgra bcom pa thob pa'i dus nas bzung ste/[ ]slar yang 'phags pa zhes bya ba re zhig bar mar gnas par gyur to/ /rgyal pos btang ba'i spring yig stobs bcu pa la ma brjod do/ /rgyal pos gtang ba'i mi rnams las gcig kyang ma byung zhing spring yig kyang ma thos so/ /'dir shog la khyed song cig dang de lta bu'i nges pas blon po gzhan gcig btang ngo / /des song nas yang sngar bzhin du 'khor dang bcas pa dgra bcom pa thob nas cang mi gsung bar gnas so/ /rgyal pos de lta bur nges pas skyes bu stong phrag re re'i 'khor dang bcas pa'i blon po dgu btang ngo / /thams cad rang gi don rdzogs par byas nas cang mi smra bar gyur te de nyid du gnas so/ /rgyal pos spring yig tsam gyi lo rgyus kyang ma thob po zhes bsams nas mi 'di rnams nga la mi dga' ba'i rgyu mtshan gyis spring yig tsam gyi lo rgyus</font><hr>39.242a<br><font size=+1>

kyang mi brjod do/ /su zhig nga'i tshig bzhin byed par sems/ rgyal pos mi thams cad la brtags pas nag po 'char ka mthong ngo / /de yang rgyal po'i don thams cad sgrub par byed pa'i blon po yin no nang mi yin no/ /shin du thugs ches pa yin no/ /de bzhin gshegs pa dang lhan cig la nyin gcig tu skyes pa yin no/ /de dang lhan cig tu brtse ba'i grogs po yin no/ /de nas blon po rgyal pos bos te/ bu nag po 'char ka bdag gi sras blta bar 'dod pas skyes bu stong phrag dgu btang ste mi gcig kyang ma 'ongs nas spring yig tsam gyi lo rgyus ci yang ma byung / slar yang thams cad nad kyis thebs pa yin nam tshe'i bar chad du gyur pa yin nam/[ ]bdag 'tsho ba nyid kyi bar du sras po blta bar 'dod de bdag gi bu blta bar nus sam zhes smras so/ /lha nus lags so/ /gal te rab tu phyung yang blta bar nus so/ /bu khyod rab tu byung ba'am ma byung yang / nga sras po blta'o zhes smras so/ /des lha legs so zhes rgyal po'i gsung blangs nas rgyal po'i khab tu song ste/[ ]ston pa chos ston pa'i dus su 'khor rnams kyi mthar 'khod de chos thos nas 'khor dang bcas pa dgra bcom pa'i 'bras bu thob par gyur te dge slong gi dngos por so sor gnas so/ /ston pa sangs rgyas su gyur nas dang po'i lo la drang srong lhung ba'i gnas su dbyar bzhugs te/ dgag dbye byas nas steng rgyas su gshegs shing der zla ba gsum bzhugs te/ ral ba can spun rnams brtul nas dge slong stong phrag gcig gi 'khor dang bcas pa dgun zla 'bring po'i nya la rgyal po'i khab du gshegs nas zla ba gnyis bzhugs so/ /de rnams ni grong khyer bA rA Na sI nas 'ongs pa'i bar te/ zla ba lnga song zhing dgun gyi dus thams cad 'das so/ /gnas brtan 'char ka 'ongs nas zhag bdun dang brgyad song ngo / /des dpyid zla ra ba'i nya la bsams pa/ dgun gyi dus</font><hr>39.242b<br><font size=+1>

'das nas dpyid ka'i dus su sleb pa dang / mi rnams kyis 'bru rnams blangs te/ phyogs phyogs nas lam du byung bas rtswa rnams ljang gur gyur to/ /sa gzhi dang nags tshal gyi shing la sogs pa me tog shin du mang ba kha bye ba ni lam du 'gro ba'i dus so/ /stobs bcu pa'i nye du dang phrad par byed pa'i lam du 'gro ba'i dus yin no/ /de nas bcom ldan 'das kyi drung du nye bar song nas/ btsun pa ljon shing de ni ljang gur gyur/ /shing gi lo ma sa la dud pa dang / /de rnams bar nas 'od zer 'gyed pa yin/ /dpa' bo chen po gnyen gnas gshegs pa'i dus/ /ha cang mi dro mi grang zhing / /mu ge dang ni bkres pa med/ /sa steng shing rnams ljang gur gyur/ /thub pa chen po dus 'dir gyur/ /tshigs su bcad pa drug bcu tsam gyis stobs bcu pa la rigs kyi grong khyer du gshegs pa'i phyir bsngags par 'os pa'i bsngags pa brjod pa'o/ /de nas ston pa la 'char kas dbyangs snyan pos gshegs pa'i bsngags par 'os pa'i bsngags pa gsungs so/ /btsun pa khyed kyi yab rgyal po chen po zas gtsang blta bar 'dod pas nye du rnams rjes su 'dzin par zhu/ legs so 'char ka nye du rnams rjes su gzung bar bgyi'o/ /zhes dge slong gi dge 'dun la smros cig /gshegs pa'i gnas thams cad la byi dor gyis shig ces smros shig /btsun pas legs so zhes gnas brtan song nas smras so/ /bcom ldan 'das kyis yul a~M g+ha dang ma ga d+ha na gnas pa'i rigs kyi bu rnams stong phrag bcu dang bcas pa grong khyer ser skya'i gzhi na gnas pa'i stong phrag bcu po thams cad zag pa zad pa'i dge slong 'khor du byas nas rgyal po'i khab nas phyi rol du 'thon te/ nyi ma re re la dpag tshad re re bgrod cing rgyal po'i khab nas dpag tshad drug bcu'i grong khyer ser skya'i gzhir zla ba gnyis kyis sleb par dgongs shing bul ba yang ma yin myur ba yang ma yin par 'bring por gshegs so/ /gnas brtan gyis kyang</font><hr>39.243a<br><font size=+1>

bcom ldan 'das byon no zhes rgyal po'i drung du smra'o zhes bsams nas nam mkha' la song ste rgyal po'i gnas su sleb par gyur to/ /rgyal pos gnas brtan gzigs nas thugs tshim par gyur te/ gdan bshams pa la bzhugs su bcug go/ /rang la byed pa bzhin bcos nas ro sna tshogs pa'i bza' bas lhung bzed bkang nas phul lo/ /gnas brtan langs nas 'gro bar bsams pa dang / bu bzhugs la gsol cig /rgyal po chen po ston pa dang nye bar song ste bza'o/ /slar yang bu ston pa ga na yod/ stong phrag nyi shu'i dge slong 'khor du byas nas rgyal po chen po nyid blta ba'i phyir byon no/ /rgyal po thugs tshim par gyur nas smras pa/ khyed 'di gsol la bdag gi sras grong khyer 'dir ma byon gyi bar la 'di nyid nas lhung bzed du bza' ba khyer la song cig ces smras so/ /gnas brtan gyis rgyal po'i gsung mnyan te rgyal pos gnas brtan gyi bza' ba gsol zin pa dang lhung bzed bkrus nas/ dri bzang po'i phye mas byugs te bza' ba mchog gis gang bar byas nas de bzhin gshegs pa la phul cig zhes smras nas gnas brtan gyi lag par byin no/ /gnas brtan mi thams cad kyis mthong ba dang lhung bzed nam mkha' la 'phangs so/ /rang nyid kyang nam mkha' la gshegs nas bza' ba'i lhung bzed bzung ste/ ston pa'i phyag tu phul nas ston pas kyang der bza' ba la longs spyod do/ /gnas brtan thabs 'di'i nyi ma re re bzhin du bza' ba phul lo/ /ston pas kyang lam gyi bar du rgyal po nyid kyi gdugs tshod la longs spyod do/ /gnas brtan gyis kyang gdugs tshod la longs spyod pa'i mthar nyi ma re re bzhin du de ring 'di tsam nas bcom ldan 'das byon no/ /de ring 'di tsam du bcom ldan 'das byon zhes pa dang / sangs rgyas kyi yon tan yang dag par ldan pa nyid brjod cing rgyal ris thams cad ston pa ma mthong</font><hr>39.243b<br><font size=+1>

ba nyid kyis ston pa'i drung du rang nyid kyi sems dngas par mdzad do/ /de'i rgyu mtshan gyis gnas brtan la bcom ldan 'das kyis dge slong dag bdag gi nyan thos kyi nang nas rigs dad par byed pa rnams kyi mchog yin gang na 'di ni 'char ka zhes pa'o/ /'di mchog tu bzung bas shAkya ba rnams kyis kyang bcom ldan 'das rjes su byon pa'i sngun la bdag cag gi nye du'i gtso bo blta'o zhes 'dus nas bcom ldan 'das bzhugs pa'i gnas rtog cing shAkya n+ya gro d+ha'i kun dga' ra ba yid du 'ong ba sta gon byas so/ /der thams cad nyer bsdogs byas nas spos dang me tog so so lag tu thogs te/ bsu ba byed cing rgyan thams cad kyis so sor brgyan nas gzhon nu dang gzhon nu ma grong khyer gyi khye'u dang bu mo sngar dang por btang ba rnams dang / de nas rgyal po'i gzhon nu dang gzhon nu ma dag de rnams kyi bar rang rang gis spos dang me tog dang phye ma la stsogs pas mchod pa byed cing / bcom ldan 'das kyis bzhes nas n+ya gro d+ha'i kun dga' ra ba nyid du byon no/ /der bcom ldan 'das kyis stong phrag nyi shu'i zag pa zad pa'i dge slong 'khor du byas nas gdan bshams pa mchog la sangs rgyas bzhugs so/[ ]/shAkya'i rigs ni nga rgyal dang ldan pa yin/ sems rtsub pa yin pas 'di ni don grub gzhon nu nged dang lhan cig gzhon nu yin no/ /nged ni phu bo yin no/ /'di ni sring mo'i bu yin no/ /'di ni tsha bo yin no zhes bsams nas khye'u dang rgyal po'i gzhon nu zhes smras te/ khyed kyi phyag gis bdag khyed kyi rgyab tu sdod do zhes bsams so/ /de rnams de bzhin du gnas nas/ bcom ldan 'das kyis de rnams kyi bsam pa gzigs nas gnyen rnams bdag la phyag mi byed par 'dod kyang da lta phyag byed du gzhug dgos te/ mngon par shes pa'i gzhi dang ye shes dang bsam gtan dang snyoms par 'jug pa bskyed dgos so snyam ste/ bzhengs nas nam mkha' la gshegs so/ /de rnams kyi mgo la zhabs kyi rdul lhung ba bzhin du a smra bsrung ba'i a</font><hr>39.244a<br><font size=+1>

smra'i shing gi drung du so so'i cho 'phrul dang mtshungs par cho 'phrul mdzad do/ /rgyal pos de'i ya mtshan che ba mthong ngo zhes smras so/ /bcom ldan 'das khyed 'khrungs pa'i nyin mo dka' thub pa nag po lha len gyis phyag byed cing nye bar gnas pas khyed kyis zhabs bskyod pa bram ze'i spyi bo la nye bar gnas so/ /de mthong nas bdag gis kyang khyed la phyag byas so/ /'di ni bdag gi phyag dang po yin no/ /bkra shis pa'i 'bru 'debs pa'i nyin mo 'dzam bu'i shing gi grib ma'i dpal gyi mal stan la khyed bzhugs pa na shing 'dzam bu'i grib mas ma btang bar mthong ba'i tshe yang zhabs la phyag byas so/ /'di ni bdag gi phyag gnyis pa yin no/ /da lta ni bdag gis sngar ma mthong ba'i cho 'phrul yang mthong bas khyed kyi zhabs la phyag bgyid do/ /'di ni bdag gi phyag gsum pa yin no/ /slar yang rgyal pos bcom ldan 'das la phyag byed cing phyag byed par mi nus pa'i shAkya'i rigs gcig kyang med do/ /thams cad kyis kyang phyag byed pa nyid do/ /de nas bcom ldan 'das la nye du rnams kyis phyag byed cing nam mkha' las babs nas gdan bshams pa'i mchog gi gung la bzhugs so/ /bcom ldan 'das bzhugs nas nye du rnams dang 'dus par gyur pa la thams cad sems gcig tu gnas so/ /de nas sprin chen po las pad ma'i 'dab ma la chu mi 'chags pa lta bu'i char 'bebs so/ /chu zangs kyi mdog can sa la sgra sgrogs shing 'bab po/[ ]'bang bar 'dod pa rnams 'bang ngo / /'bang bar mi 'dod pa rnams mi 'bang ngo / /thigs pa tsam yang mi ltung ngo / /de mthong nas thams cad du ya mtshan pa dang rmad du byung ba skyes so/ /e ma ho ngo mtshar che/ e ma ho rmad du byung ngo zhes rjod par byed do/ /ston pas 'di kho na ma yin gyi bdag gi nye du dang phrad pa na pad ma'i 'dab ma la chu mi 'chags pa lta bu'i char 'bebs shing 'das pa'i dus su'ang ngas phab po/ /'di'i don byung ba ni thams cad sgrol gyi skyes rabs su bshad do/ /</font><hr>39.244b<br><font size=+1>

chos bstan pa thos nas thams cad langs te phyag byas nas song ngo / /gcig gis kyang rgyal po dang rgyal tshab dang blon po rnams sang bdag gi gnas su bsod snyoms khyer 'ong ngo zhes smra ba song ba de rnams las gcig kyang ma byung ngo / /ston pas slar nyi ma gnyis pa la stong phrag nyi shu'i dge slong 'khor du byas nas grong khyer ser skya'i gzhir bsod snyoms la bzhud do/ /gang zhig mgron du gnyer ba dang / lhung bzed khyer ba su yang med do/ /bcom ldan 'das sgo drung dru 'khod de rnam par brtags pas ji ltar sngon gyi sangs rgyas rnams kyi rigs kyi grong khyer du byon nas bsod snyoms mdzad pa bzhin du gang ji ltar rigs par mi chen po'i khyim du 'gro zhing yang na go rims bzhin du bsod snyoms spyod do/ /de nas sangs rgyas gcig gis kyang ji ltar rigs par gshegs pa ma mthong bas bdag gis kyang nga ni 'di'i rigs so/ /'di sngon gyi sangs rgyas kyi rigs bzhin du bdag gis kyang rigs par gzung bar bya'o/ /bdag gi nyan thos kyang bdag nyid bzhin rjes su bslob cing bsod snyoms la rdzogs par byon no/ /'khod pa'i khyim nas bzung nas go rims bzhin du bsod snyoms la spyod do/ /'phags pa gzhon nu don grub bsod snyoms la gshegs so zhes brjod do/ /nyis thog dang sum thog la stsogs pa'i khang bzangs rnams su steng gi sgo chung phye nas mi thams cad blta bar gyur te lha mo sgra gcan 'dzin gyi yum yang 'phags pa'i bu grong khyer 'di nyid du rgyal po chen po'i mthus gser gyi do li la stsogs pa la zhon te de ring nas skra dang kha spu bregs shing ngur smrig gi gos gyon nas snod lag tu khyer te/ bsod snyoms la 'gro ba mdzes sam mi mdzes zhes steng gi sgo chung phye nas blta'o/ /sna tshogs pa'i 'dod chags dang bral ba yang dag par 'bar zhing sku lus kyi 'od kyis grong khyer gyi steng thams cad snang bar mdzad de/ 'dom gang ba'i 'od kun nas bskor zhing rab tu gsal ba dpe byad bzang po</font><hr>39.245a<br><font size=+1>

brgyad bcu dang ldan pa skyes bu chen po'i mtshan sum bcu rtsa gnyis kyis brgyan pa sangs rgyas kyi dpal dpe med par rnam par gsal ba mthong ngo / /gtsug tor nas bzung nas zhabs kyi mthil gyi bar de srid do/ /dbu skra g.yas 'khyil 'jam gnag snum pa dang /[ ]dpral ba dri med nyi ma'i mthil bzhin no/ /sku dang 'tsham pa'i shangs ni mtho ba dang / /mi yi seng ge 'od zer gsal bar mdzad/ /'di lta bu la stsogs pa'i mi'i seng ge la tshigs su bcad pas mngon par bstod do/ /khyed kyi sras po bsod snyoms la spyod do zhes rgyal po la smras so/ /rgyal po'i sems sdug bsngal bas gos nas bzung ste myur zhing myur bar phyir 'thon te bcom ldan 'das kyi drung du 'khod nas smras pa ci btsun pa bdag cag ngo tsha bas ci'i don du bsod snyoms mdzad/ dge slong 'di rnams kyi bza' ba bdag gis ster bar mi shes bsams pa yin nam ci lags/ rgyal po chen po'i rigs kyi spyod pa yin no/ /btsun pa bdag cag shAkya'i rigs zhes bya ba'i rigs so/ /de la rgyal rigs gcig kyang bsod snyoms byed pa'i ming tsam yang med do/ /rgyal po chen po'i rigs zhes bya ba ni khyod kyi rigs 'di yin no/ /bka' stsal pa/ rgyal po chen po mi dgyes pa ma mdzad cig /slar yang bdag cag gi mar me mdzad dang kau Ti n+ya dang 'od srung zhes bya ba 'di sangs rgyas kyi rigs yin no/ /'di rnams dang gzhan sangs rgyas stong phrag du mas kyang bsod snyoms spyod cing 'tsho bar mdzad la/ srang gi dbus su 'khod pa nyid do/ /bag med lhag mar byed pa med/ /chos la spyod cing legs par spyod/ /chos la spyad na bde ba 'byung / /'jig rten 'di dang phyi mar bde/ /chos kyi rkang pa'i tshigs su bcad pa 'di bstan cing bshad do/ /tshigs su bcad pa'i mthar rgyal pos rgyun du zhugs pa'i 'bras bu thob po/ /chos spyod pa ni legs par spyod/ /nyes par spyod pa mi bya zhing / /chos spyad pa yis bde ba 'byung / /'jig rten 'di dang pha rol du'o/ /slar yang chos kyi</font><hr>39.245b<br><font size=+1>

rkang pa'i tshigs su bcad pa 'di thos nas lan cig phyir 'ong gi 'bras bu thob par gyur to/ /chos skyong ba'i skyes rabs thos nas phyir mi 'ong ba'i 'bras bu thob par gyur to/ /'chi ba'i dus su gdugs dkar po'i 'og tu dpal gyi mal stan gyi steng du gzims pa nyid na dgra bcom pa thob par gyur to/ /dgon par gnas nas dka' thub spyod pa rgyal po la dgos pa med do/ /rgyun du zhugs pa'i 'bras bu mngon du byas nas slar yang bcom ldan 'das kyi lhung bzed bzung te/ 'khor dang bcas pa khang bzang chen po'i steng du spyan drangs nas gya nom pa'i bza' ba dang bca' ba rnams drangs so/ /gdugs tshod zin pa'i mthar sgra gcan 'dzin gyi ma ma gtogs pa'i btsun mo 'khor dang bcas pa thams cad 'ongs nas bcom ldan 'das la phyag byas so/ /gzhan yang des 'khor gyi mi rnams la 'phags pa'i bu la phyag gyis shes brjod nas/ gal te kho mo la yon tan yod na 'phags pa'i bu rang nyid kyi gnas su 'byon no/ /byon pa nyid na de la phyag byed do zhes brjod nas ma 'ongs so/ /rgyal pos lhung bzed bzung nas bcom ldan 'das nyan thos mchog gnyis dang bcas pa rgyal po'i bu mo'i khang bzangs su gshegs te/ rgyal po'i bu mo rang nyid ji ltar mos pa'i phyag byed cing gzhan dang 'gal ba cung zad kyang ma byed ces nas gdan bshams pa mchog gi gung la bzhugs so/ /de myur du 'ongs nas byin pa bzung ste/ zhabs kyi steng du mgo bo bzhag nas ji ltar 'dod pa'i phyag byas so/ /rgyal po dang rgyal po'i bu mos bcom ldan 'das la dga' ba mang pos yon tan la stsogs pas yon tan dang ldan par brjod nas/ btsun pa bdag gi bu mos nyid kyis gos ngur smrig gyon pa thos nas/ de nas bzung ste dang gi bar du gos ngur smrig gyon no/[ ]/nyid kyis gdugs tshod lan cig gsol ba thos nas bu mos kyang bza' ba lan cig zos so/ /nyid kyis mal stan chen po spangs pa thos nas/ nyal khri chung ba la nyal lo/ /nyid kyi ma</font><hr>39.246a<br><font size=+1>

me tog gi phreng ba dang spos la stsogs pa la sred pa med pa thos nas/ me tog gi phreng ba dang spos la stsogs pa la chags pa med pa skyes so/ /rang gi nye du rnams bdag gis gso'o zhes 'phrin bskur nas/[ ]gnyen cig la yang blta ba mi 'dug go/ /bcom ldan 'das 'di lta bu'i yon tan dang ldan pa ni bdag gi bu mo yin no zhes gsol to/ /rgyal po chen po ya mtshan mi che'o/ /'di da lta khyed srung bar byed pa'i rgyal po'i bu mo ye shes yongs su ma smin pa rang gis bsrung ngo / /sngar bsrung ba med cing ri la stsogs pa la 'gro ba na/ ye shes yongs su ma rdzogs pa rang gis bsrungs so zhes gsungs nas/ mi'am ci zla ba'i skyes rabs gsungs te stan las bzhengs nas gshegs so/ /nyi ma gnyis pa la rgyal bu gzhon nu dga' bo rgyal por dbang bskur ba dang / khang pa gsar pa'i nang du zhugs te bkra shis pa'i bag ma blangs nas nye bar gnas so/ /de'i khyim du gshegs nas gzhon nu lhung bzed zung cig ces rab tu dbyung bar dgongs nas bkra shis brjod de/ gdan la bzhengs nas gshegs so/ /ljongs kyi dge ba'i bu mos 'gro ba mthong ngo / /'phags pa'i bu myur du shog ces brjod nas blta'o/ /des kyang bcom ldan 'das kyi lhung bzed gzung bar ma nus nas gtsug lag khang nyid du gshegs so/ /bcom ldan 'das de la 'dod pa med pa nyid kyis rab tu 'byung ba byed do/ /'di ltar bcom ldan 'das grong khyer ser skyar gshegs shing nyi ma gsum pa la dga' bo rab tu byung bar byas so/ /nyi ma bdun pa la sgra gcan 'dzin gyi mas gzhon nu rgyan gyis brgyan nas/ bcom ldan 'das kyi drung du btang ngo / /bu stong phrag nyi shu'i dge slong 'khor dang bcas pa 'di rnams ltos/ gser gyi kha dog can gyi tshangs pa'i gzugs kyi mdog can dge sbyong 'di ni khyed kyi yab po/ /'di la gter chen po yod cing de 'thon pa nas bzung nas gter mthong ba med do/ /song la nor slongs shig /bdag khyed kyi bu gzhon nu yin no/ /rgyal por dbang</font><hr>39.246b<br><font size=+1>

bskur ba thob nas 'khor los sgyur ba la dbang byed par 'gyur ro/ /bdag la nor gyi don du nor stsal du gsol/ yab kyi nor bu bdag yin no zhes gsol cig ces smras pa dang / gzhon nu bcom ldan 'das dang nye bar song ste/ yab kyi drung du dga' ba skyes so/ /sems spro bar gyur to/ /dge sbyong des khyed kyi grib ma ni de'o zhes brjod nas/ gzhan yang rang gi rigs pas brjod cing 'khod do/ /bcom ldan 'das gdugs tshod kyi mthar rjes su yi rang ba mdzad nas gdan las bzhengs te gshegs so/ /gzhon nus bdag la dge slong nor stsal du gsol/ bdag la dge slong nor stsal du gsol/ bcom ldan 'das kyi rjes su 'brangs nas/ bcom ldan 'das kyis gzhon nu phyir log la nga'i rjes su ma 'gro zhes pa dang / rjes su 'brang ba rnams kyang bcom ldan 'das dang 'grogs nas byon te ldog par ma nus nas/ gzhon nu bcom ldan 'das dang lhan cig kun dga' ra ba nyid du phyin no/ /de nas bcom ldan 'das kyis bsams pa/ 'di yab kyi nor 'dod cing 'jig rten pa'i nor ni 'tshe ba dang bcas pa yin/ da ni gzhon nu la byang chub snying po des thob pa'i 'phags pa'i nor rnam pa bdun byin na 'jig rten las 'das pa'i nor gyi bdag po byed par 'gyur bar dgongs nas/ tshe dang ldan pa shA ri 'i bu bos te/ de'i phyir na shA ri'i bu khyod kyis gzhon nu sgra gcan 'dzin rab tu phyung zhes brjod nas rab tu byung ba byas so/ /slar yang rgyal po gzhon nu'i sdug bsngal cher skyes te bsran par ma nus nas/ bcom ldan 'das kyi gnas su phyin te/ btsun pa 'phags pa ma dang pha yis rjes su ma gnang ba'i bu rab tu 'byung bar byed pa ma legs so zhes dam pa bslangs so/ /bcom ldan 'das kyis de la dam pa byin no/ /slar yang nyi ma gnyis pa la rgyal po'i gnas su gdugs tshod gsol nas phyogs gcig tu 'khod do/ /rgyal pos btsun pa nyid dka' ba spyod pa'i dus su lha cig bdag gi drung du nye bar 'ongs nas khyed kyi bu dus las 'das so zhes smras so/ /de'i tshig la yid</font><hr>39.247a<br><font size=+1>

ches pa med cing bdag gi sras byang chub ma thob bar du dus las 'da' bar mi byed do/[ ]/de'i tshig bdag gis bkag go zhes brjod do/ /bcom ldan 'das kyis bka' stsal pa/ da lta ji ltar khyod yid ches par byed/ sngar rus pa mthong nas khyed kyi bu shi'o zhes zer ba la yid ches par ma byas so/ /'di'i don 'byung ba ni chos skyong ba chen po'i skyes rabs su bshad do/ /gtam gyi mthar rgyal pos phyir mi 'ong ba'i 'bras bu la gnas so/ /de ltar bcom ldan 'das kyi yab 'bras bu gsum la so sor gnas nas dge slong gi dge 'dun 'khor du byas so/ /slar yang rgyal po'i khab du gshegs nas bsil ba'i tshal du bzhugs so/ /de'i tshe khyim bdag mgon med zas sbyin gyis shing rta lnga brgya'i nor khyer nas rgyal po'i khab du rang nyid dga' ba'i grogs kyi khang par song ste/ des sangs rgyas bcom ldan 'das byon no zhes pa thos nas shin du snga bar lha'i mthus sgo phye ste/[ ]ston pa'i drung du nye bar song nas chos thos te rgyun du zhugs pa'i 'bras bu thob par gyur to/ /nyi ma gnyis pa la sangs rgyas la sogs pa'i dge 'dun la sbyin pa chen po phul lo/ /mnyan yod du gshegs pa'i phyir du ston pa'i drung du dam bca' blangs nas bar gyi lam dpag tshad bzhi bcu rtsa lnga'i gnas su 'bum phrag re re'i nor byin nas dpag tshad re re'i gtsug lag khang byas so/ /rgyal byed tshal bye ba phrag bco brgyad kyi dbyig gis nyos nas las kha gsar pa byed cing dbus su stobs bcu pa'i dri'i gtsang khang byed do/ /de la bskor ba rnams la gnas brtan chen po brgyad bcu'i bzhugs gnas so/ /chig thog dang nyis thog dang khang pa ring po dang / bsti gnas la stsogs pa'i bzhugs gnas dang / rdzing bu dang / 'chag sa dang / mtshan mo'i bzhugs gnas dang /[ ]nyin mo'i bzhugs gnas so/ /bye ba phrag bcwa brgyad kyi nor spel te yid du 'ong ba'i sa phyogs yid la 'thad pa'i gtsug lag khang byed do/ /stobs bcu pa gyon pa'i phyir</font><hr>39.247b<br><font size=+1>

du pho nya ba btang ngo / /ston pas pho nya ba'i 'phrin gsan nas dge slong gi dge 'dun chen po'i 'khor du byas te rgyal po'i khab nas phyir byon te go rims bzhin du grong khyer mnyan yod du byon no/ /gtso bo chen po gtsug lag khang chen po sta gon byas nas de bzhin gshegs pa rgyal byed tshal du byon pa'i nyin mo bu rgyan thams cad kyis brgyan no/ /slar yang brgyan pa nyid kyi gzhon nu lnga brgya dang bcas pa btang ngo / /de 'khor dang bcas pa kha dog lnga'i gos yang dag par 'bar ba'i rgyal mtshan lnga brgya thogs nas stobs bcu pa'i mdun du song bar gyur to/ /de rnams kyi phyi ma la legs bzangs chen mo dang / legs bzangs ma chung ba ste bu mo gnyis gzhon nu ma lnga brgya dang bcas pa gser gyis gang ba'i bum pa lag par thogs nas phyir 'thon no/ /de'i phyi ma la tshong dpon gyi chung ma rgyan thams cad kyis brgyan nas bud med lnga brgya dang bcas pa gser gyis gang ba'i sder ma chen po thogs nas phyir 'thon to/ /thams cad phyin nas tshong dpon rang nyid gos bzang po gyon no/ /de bzhin du gos bzang po gyon pa'i tshong dpon lnga brgya dang bcas pa bcom ldan 'das kyi drung du song ngo / /bcom ldan 'das kyi 'khor dge bsnyen 'di rnams mdun du byas nas/ dge slong gi dge 'dun chen po rnams 'khor du byas te/ rang nyid kyi sku lus kyi 'od kyis gser gyi bcud kyi gong bu lta bu dang mtshungs pa dang / nags tshal gyi bar du snang bar mdzad cing mtha' yas pa'i sangs rgyas kyi rol pa sangs rgyas kyi dpal zla med cing mtshungs pa med pa rgyal byed tshal gyi nang du byon no/ /de nas mgon med zas sbyin gyis zhus pa/[ ]btsun pa gtsug lag khang 'di ji lta bu la dbul bar bgyi/ khyim bdag gtsug lag khang 'di 'ong ba dang 'gro ba'i dge slong gi dge 'dun rnams la phul cig /legs so bcom ldan 'das zhes tshong dpon chen pos gser gyi ril ba spyi blugs blangs nas stobs bcu pa'i phyag tu chu bsgrengs te rgyal byed tshal gyi gtsug lag khang 'di 'gro ba dang 'ong ba'i</font><hr>39.248a<br><font size=+1>

phyogs bzhi'i sangs rgyas la sogs pa'i dge 'dun la sbyin zhes phul lo/ /ston pas gtsug lag khang bzhes nas rjes su yi rang ba mdzad do/ /grang dang dro bas mi nyams shing / /de ltar ri dgas la sogs pa'i/ /sdig sbrul dang ni sbrang bu dang / /ba mo dang ni char pas so/ /de ltar rlung dang shin du dro/ /so sor lus la gos pa dang / /khang nang gnas nas bde ba skyes/ /khang par bsam gtan lhag mthong rnams/ /dge 'dun gtsug lag khang 'bul ba/ /sangs rgyas mchog gis bsngags par mdzad/ /skyes bu mkhas pas de yi phyir/ /bdag nyid kyi ni phyir du ni/ /dga' bas gtsug lag khang byed pa/ /mang du thos pa gnas pa yin/ /de rnams kyi ni bza' dang btung / /gos dang mal cha stan dang ni/ /de rnams sems ni drang pos 'bul/ /rab tu dang ba'i sems kyis so/ /des ni de la chos bstan to/ /sdug bsngal thams cad nyer zhi'i phyir/ /gang de'i chos ni rtogs pa dang / /rten med mya ngan 'das par byed ces bya ba'i gtsug lag khang gi phan yon bshad do/ /mgon med zas sbyin gyis nyi ma gnyis pa nas bzung nas sbyin pa gtong ba'i mgo brtsams so/ /sa khams byas pa'i khang bzangs ni zla ba bzhis grub bo/ /slar yang mgon med zas sbyin gyi gtsug lag khang chen po zla ba dgus grub bo/ /gtsug lag khang chen po la yang bye ba stong phrag bcwa brgyad nyid song ngo / /'di la gtsug lag khang chen po 'di nyid la bye ba phrag lnga bcu rtsa bzhi'i nor yongs su btang ngo / /slar yang 'das pa'i bcom ldan 'das rnam par gzigs kyi dus su tshong dpon kun gyi grogs zhes bya bas gser gyi glang po'i rkang pa'i rmig rjes lta bu'i sa gzhi nyos nas/ gnas 'di nyid du dpag tshad gcig gi dge 'dun gyi kun dga' ra ba byas so/ /bcom ldan 'das gtsug tor can gyi dus su dpal 'phel zhes bya ba'i tshong dpon gyi bus gser gyi sder ma rgyun mi 'chad pas nyos pa'i sa gzhi'i gnas de nyid du rgyang grags bcu gnyis kyi tshad tsam gyi dge 'dun gyi kun dga' ra ba byas so/ /bcom ldan 'das thams cad skyob kyi dus su</font><hr>39.248b<br><font size=+1>

tshong dpon bkra shis zhes bya bas gser gyi sa gzhi gser gyi rkang pa'i rjes lta bu'i sa gzhi nyos nas gnas de nyid du dpag tshad phyed kyi dge 'dun gyi kun dga' ra ba byas so/ /bcom ldan 'das log par dad sel gyi dus su tshong dpon 'pho ba med pa zhes bya bas gser gyi pha gu lta bu rgyun mi 'chad pa'i sa gzhi nyos nas gnas nyid du rgyang grags bzhi'i tshad kyi dge 'dun gyi kun dga' ra ba byas so/ /bcom ldan 'das gser thub kyi dus su tshong dpon drag po zhes bya bas gser gyi rus sbal rgyun mi 'chad pa lta bu'i sa gzhi nyos nas gnas de nyid du rgyang grags gnyis kyi tshad kyi kun dga' ra ba byas so/ /bcom ldan 'das 'od srung gi dus su tshong dpon bkra shis bzang po zhes bya bas gser gyi pha gu rgyun mi 'chad pa lta bus sa gzhi nyos nas gnas de nyid du rgyang grags gcig gi tshad kyi kun dga' ra ba byas so/ /slar yang bdag cag gi bcom ldan 'das kyi dus su tshong dpon mgon med zas sbyin gyis bye ba phrag bcwa brgyad kyi dbyig gis gser gyi 'dra men du byas pa rgyun mi 'chad pa lta bus sa gzhi nyos nas gnas de nyid du rgyang grags phyed kyi kun dga' ra ba byas so/ /gnas 'di sangs rgyas thams cad kyis ma spangs pa'i gnas yin no/ /'di ltar byang chub chen po'i snying po'i drung du thams cad mkhyen pa'i ye shes thob pa ji srid pa nas yongs su mya ngan las 'das pa'i mthar thug pa de srid du gang dang gang gi gnas su bcom ldan 'das bdag bzhugs pa 'di ni nye ba'i gleng gzhi zhes bya ba'o/ /de'i lugs kyis skyes rabs thams cad du bsngags par mdzad do/ /skyes pa rabs kyi gleng gzhi'i bshad pa rdzogs s+ho//[   ]//[   ]</font><hr>

</table>