J257

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J257</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J257&coll=lithang">see text in Tibetan script</a></table>67.185a<br><font size=+1>

rgya gar skad du/ aR+tha bi ni sh+tsa ya nA ma d+harma par+yA ya/  bod skad du/ don rnam par nges pa zhes bya ba'i chos kyi rnam grangs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na shar phyogs kyi kun dga' ra ba ri dgas 'dzin gyi ma'i khang pa na dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs so/ /de nas bcom ldan 'das kyis sprin ltar zab cing snyan la rgya che ba'i tshangs pa'i dbyangs kyis dge slong rnams la bka' stsal pa/ dge slong dag khyed la chos bshad par bya ste/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su rdzogs pa/ yongs su dag pa/ yongs su byang ba 'di lta ste/ don rnam</font><hr>67.185b<br><font size=+1>

par nges pa zhes bya ba'i chos kyi rnam grangs yang dag par rab tu bshad par byas/ de legs par rab tu nyon la yid la zung shig dang bshad do/ /dge slong dag gis bcom ldan 'das legs so zhes gsol te/ bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ /dge slong dag don rnam par nges pa zhes bya ba'i chos kyi rnam grangs de gang zhe na/ 'di lta ste/ phung po lnga dang / nye bar len pa'i phung po lnga dang / khams bcwa brgyad dang / skye mched bcu gnyis dang / rten cing 'brel par 'byung ba yan lag bcu gnyis dang / 'phags pa'i bden pa bzhi dang / dbang po nyi shu rtsa gnyis dang / bsam gtan bzhi dang / tshangs pa'i gnas bzhi dang / lam bzhi dang / ting nge 'dzin bsgom pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / dbugs rngub pa dang 'byung ba dran pa rnam pa bcu drug dang / rgyun du zhugs pa'i yan lag bzhi dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / skyes bu chen po'i mtshan sum bcu rtsa gnyis dang / dpe byad bzang po brgyad cu ste/ dge slong dag 'di ni don rnam par nges pa'i chos kyi rnam grangs mdor bstan pa'o/ /dge slong dag de la phung po lnga gang zhe na/ 'di lta ste/ gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ste/ dge slong dag 'di dag ni phung po lnga'o/ /dge slong dag de la nye bar len pa'i phung po lnga gang zhe na/ 'di lta ste/ gzugs nye bar len pa'i phung po dang / tshor ba nye bar len pa'i phung po dang / </font><hr>67.186a<br><font size=+1>

'du shes nye bar len pa'i phung po dang / 'du byed nye bar len pa'i phung po dang / rnam par shes pa nye bar len pa'i phung po ste/ dge slong dag 'di dag ni nye bar len pa'i phung po lnga'o/ /dge slong dag de la khams bcwa brgyad gang zhe na/ 'di lta ste/ mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang yid kyi khams dang / chos kyi khams dang / yid kyi rnam par shes pa'i khams te/ dge slong dag 'di dag ni khams bcwa brgyad ces bya'o/ /dge slong dag de la skye mched bcu gnyis gang zhe na/ 'di lta ste/ mig nang gi skye mched dang / gzugs phyi'i skye mched dang / rna ba nang gi skye mched dang / sgra phyi'i skye mched dang / sna nang gi skye mched dang / dri phyi'i skye mched dang / lce nang gi skye mched dang / ro phyi'i skye mched dang / lus nang gi skye mched dang / reg bya phyi'i skye mched dang / yid nang gi skye mched dang / chos phyi'i skye mched de/ dge slong dag 'di dag ni skye mched bcu gnyis shes bya'o/ /dge slong dag de la rten cing 'brel par 'byung ba yan lag bcu gnyis gang zhe na/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis rig pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen kyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don</font><hr>67.186b<br><font size=+1>

pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'di 'ba' shig 'byung bar 'gyur ro/ /ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'di 'ba' shig 'gag par 'gyur ro/ /de la ma rig pa gang zhe na/ 'di lta ste/ sngon gyi mtha' mi shes pa dang / phyi ma'i mtha' mi shes pa dang / sngon dang phyi ma'i mtha' mi shes pa dang / nang mi shes pa dang / phyi mi shes pa dang / nang dang phyi mi shes pa dang / las mi shes pa dang / rnam par smin pa mi shes pa dang / las dang rnam par smin pa mi shes pa dang / legs par byas pa'i las mi shes pa dang / nyes par byas pa'i las mi shes pa dang / legs par byas pa dang nyes par byas pa'i las mi shes pa dang / rgyu mi shes pa dang / 'bras bu mi shes pa dang / rgyu dang 'bras bu mi shes pa dang / rgyu las byung ba'i chos rnams mi shes pa dang / rten cing 'brel par 'byung ba'i chos rnams mi shes pa dang / sangs rgyas mi shes pa dang / chos mi shes pa dang / dge 'dun mi shes pa dang / sdug bsngal mi shes pa dang / kun 'byung ba mi shes pa dang / 'gog pa mi shes pa dang / lam mi shes pa dang / dge ba dang / mi dge ba'i chos rnams mi shes pa dang / kha na ma tho ba dang bcas pa dang / kha na ma tho ba med pa</font><hr>67.187a<br><font size=+1>

dang / bsten par bya ba dang / bsten par bya ba ma yin pa'i chos rnams mi shes pa dang / reg pa'i skye mched drug de dag yang dag pa ji lta ba bzhin mi shes pa dang / mi mthong ba dang / khong du mi chud pa dang / mngon par mi rtog pa dang / mun pa dang / kun du rmongs pa dang / ma rig pa'i mun pa ste/ 'di ni ma rig pa zhes bya'o/ /ma rig pa'i rkyen gyis 'du byed rnams shes bya ba la/ 'du byed rnams gang zhe na/ 'du byed gsum ste/ lus kyi 'du byed dang / ngag gi 'du byed dang / yid kyi 'du byed do/ /lus kyi 'du byed gang zhe na/ dbugs rngub pa dang / 'byung ba ste/ lus 'di ni lus las byung ba/ lus la rten pa/ lus dang 'brel pa/ lus la 'bebs pa/ 'jug pa ste/ de'i phyir dbugs rngub pa dang / 'byung ba dag lus kyi 'du byed rnams shes bya'o/ /ngag gi 'du byed rnams gang zhe na/ rnam par brtags/ rnam par dpyad nas tshig smra'i/ rnam par ma brtags par ma yin/ rnam par ma dpyad par ma yin te/ de'i phyir rnam par rtog pa dang / rnam par dpyod pa ni ngag gi 'du byed ces bya'o/ /yid kyi 'du byed rnams gang zhe na/ chags pa'i sems pa gang yin pa dang / zhe sdang gi sems pa gang yin pa dang / gti mug gi sems pa gang yin pa ste/ chos de ni sems las byung ba/ sems la rten pa/ sems dang 'brel pa/ sems la rten nas 'jug pas de'i phyir sems pa ni yid kyi 'du byed ces bya ste/ dge slong dag 'di dag ni 'du byed rnams shes bya'o/ /'du byed kyi rkyen gyis rnam par shes pa zhes bya ba la/ rnam par shes pa gang zhe na/ rnam par shes pa'i tshogs drug ste/ drug gang zhe na/ mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ste/ 'di dag ni rnam par shes pa'i tshogs drug go/ /rnam par shes pa'i rkyen gyis ming dang gzugs shes bya ba de la/ ming dang gzugs gang zhe na/ </font><hr>67.187b<br><font size=+1>

ming ni gzugs can ma yin pa'i phung po bzhi ste/ tshor ba dang / 'du shes dang / 'du byed dang / rnam par shes pa ste/ 'di ni ming ngo / /gzugs gang zhe na/ gzugs gang ci yang rung ste/ de thams cad 'byung ba chen po bzhi po dag ste/ sa'i khams dang / chu'i khams dang / me'i khams dang / rlung gi khams so/ /sa'i khams gang zhe na/ gang lci ba dang / sra ba dang / rtsub pa'o/ /chu'i khams gang zhe na/ gang gsher ba dang / rlan pa'o/ /me'i khams gang zhe na/ gang tsha ba dang / yongs su smin par byed pa'o/ /rlung gi khams gang zhe na/ gang bskum pa dang / slong ba dang / yang zhing g.yo ba'o/ /gzugs 'di dang / snga ma'i ming gnyis gcig tu bsdus te ming dang gzugs shes bya'o/ /ming dang gzugs kyi rkyen gyis skye mched drug ces bya ba la/ skye mched drug gang zhe na/ mig gi skye mched dang / rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched de/ 'di ni skye mched drug ces bya'o/ /skye mched drug gi rkyen gyis reg pa zhes bya ba la/ reg pa gang zhe na/ reg pa'i tshogs drug ste/ mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa'o/ /reg pa'i rkyen gyis tshor ba zhes bya ba la/ tshor ba gang zhe na/ tshor ba'i tshogs drug ste/ drug gang zhe na/ mig gi 'dus te reg pa las byung ba'i tshor ba bde ba dang / sdug bsngal ba dang / sdug bsngal yang ma yin bde ba yang ma yin pa dang / de bzhin du rna ba dang / sna dang / lce dang / lus dang / yid kyi 'dus te reg pa las byung ba'i tshor ba bde ba dang / sdug bsngal ba dang / sdug bsngal yang ma yin bde ba yang ma yin pa'o/ /tshor ba'i rkyen gyis sred pa zhes bya ba la/ sred pa gang zhe na/ sred pa'i tshogs drug ste/ drug gang zhe na/ gzugs la sred pa dang / sgra la sred pa dang / dri la sred pa dang / ro la sred pa dang / reg bya la sred pa dang / chos la sred pa'o/ /sred pa'i</font><hr>67.188a<br><font size=+1>

rkyen gyis len pa zhes bya ba la/ len pa gang zhe na/ len pa bzhi ste/ bzhi gang zhe na/ 'dod pa'i len pa dang / lta ba'i len pa dang / tshul khrims dang brtul zhugs kyi len pa dang / bdag tu smra ba'i len pa'o/ /len pa'i rkyen gyis srid pa zhes bya ba la/ srid pa gang zhe na/ srid pa gsum mo/ /gsum gang zhe na/ 'di lta ste/ 'dod pa'i srid pa dang / gzugs kyi srid pa dang / gzugs med pa'i srid pa'o/ /de la 'dod pa'i srid pa gang zhe na/ 'og gi sems can dmyal ba chen po mnar med pa nas nye bar bzung ste gzhan 'phrul dbang byed kyi lha rnams kyi bar 'di ni 'dod pa'i srid pa zhes bya'o/ /gzugs kyi srid pa gang zhe na/ tshangs rigs kyi lha rnams nas nye bar bzung ste 'og min gyi lha rnams kyi bar 'di ni gzugs kyi srid pa zhes bya'o/ /gzugs med pa'i srid pa gang zhe na/ nam mkha' mtha' yas skye mched du nye bar 'gro ba'i lha rnams nas nye bar bzung ste 'du shes med 'du shes med min skye mched du nye bar 'gro ba'i lha rnams kyi bar 'di ni gzugs med pa'i srid pa zhes bya'o/ /srid pa'i rkyen gyis skye ba zhes bya ba la/ skye ba gang zhe na/ gang sems can de dang de dag sems can gyi ris de dang de dag tu skye ba dang / 'jug pa dang / rdzogs par skye ba dang / mngon par 'grub pa dang / phung po rnams 'byung ba dang / skye mched rnams rab tu thob pa dang / srog gi dbang po 'byung ba dang / ris 'thun pa dang phrad pa ste/ 'di ni skye ba zhes bya'o/ /skye ba'i rkyen gyis rga shi zhes bya ba la/ rga ba gang zhe na/ spyi cher ba dang / skra skya ba dang / gnyer ma mang ba dang / 'khogs pa dang / zhom pa dang / sgur te/ gdung rten ltar dgu ba dang / sgra ngar ngar por gyur cing dbugs rgyu ba'i lus su gyur pa dang / lus sme ba lta bus gang ba dang / lus mdun du rgu ba dang / mkhar ba la rten pa dang / dbang po rnams yongs su smin pa dang / yongs su zhigs pa dang / 'du byed rnams</font><hr>67.188b<br><font size=+1>

rnyings pa dang / shig shig por gyur pa dang / blong ba dang / zhan pa dang / nyams pa dang / yongs su nyams pa ste/ 'di ni rga ba zhes bya'o/ /'chi ba gang zhe na/ gang sems can de dang de dag sems can gyi ris de dang de dag nas 'chi ba dang / 'pho ba dang / zhig pa dang / mi rtag par 'gyur ba dang / 'chi ba'i dus byed pa dang / tshe nyams pa dang / drod nyams pa dang / srog gi dbang po 'gags pa dang / phung po rnams 'dor ba 'di ni 'chi ba zhes bya ste/ 'chi ba 'di dang snga ma'i rga ba de gnyis gcig tu bsdus nas rga shi zhes bya ste/ dge slong dag de ni rten cing 'brel bar 'byung ba yan lag bcu gnyis zhes bya'o/ /de la 'phags pa'i bden pa bzhi gang zhe na/ sdug bsngal 'phags pa'i bden pa dang / sdug bsngal kun 'byung ba 'phags pa'i bden pa dang / sdug bsngal 'gog pa 'phags pa'i bden pa dang / sdug bsngal 'gog par 'gro ba'i lam 'phags pa'i bden pa'o/ /sdug bsngal 'phags pa'i bden pa gang zhe na/ skye ba'i sdug bsngal dang / rga ba'i sdug bsngal dang / na ba'i sdug bsngal dang / 'chi ba'i sdug bsngal dang / sdug pa dang bral ba'i sdug bsngal dang / mi sdug pa dang phrad pa'i sdug bsngal dang / gang 'dod pa btsal te ma rnyed pa de yang sdug bsngal lo/ /mdor bsdus na nye bar len pa'i phung po lnga po dag ni sdug bsngal yin te/ 'di ni sdug bsngal 'phags pa'i bden pa zhes bya'o/ /sdug bsngal kun 'byung ba 'phags pa'i bden pa gang zhe na/ gang 'di yang 'byung ba pa'i sred pa dang / dga' ba'i 'dod chags dang ldan pa dang / de dang der mngon par dga' ba ste/ 'di ni sdug bsngal kun 'byung ba 'phags pa'i bden pa zhes bya'o/ /sdug bsngal 'gog pa 'phags pa'i bden pa gang zhe na/ gang yang 'byung ba pa'i sred pa dang / dga' ba'i 'dod chags dang ldan pa dang / de de dang der mngon par dga' ba de nyid ma lus par spangs pa dang / nges par spangs pa dang / byang bar gyur pa dang / </font><hr>67.189a<br><font size=+1>

zad pa dang / 'dod chags dang bral ba dang / 'gog pa dang / rnam par zhi ba dang / nub pa ste/ 'di ni sdug bsngal 'gog pa 'phags pa'i bden pa zhes bya'o/ /sdug bsngal 'gog par 'gro ba'i lam 'phags pa'i bden pa gang zhe na/ 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ 'di ni sdug bsngal 'gog par 'gro ba'i lam 'phags pa'i bden pa zhes bya ste/ 'di dag ni 'phags pa'i bden pa bzhi'o/ /dbang po nyi shu rtsa gnyis gang zhe na/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / pho'i dbang po dang / mo'i dbang po dang / srog gi dbang po dang / sdug bsngal gyi dbang po dang / bde ba'i dbang po dang / yid bde ba'i dbang po dang / yid mi bde ba'i dbang po dang / btang snyoms kyi dbang po dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po ste/ dge slong dag 'di dag ni dbang po nyi shu rtsa gnyis so/ /de la bsam gtan bzhi gang zhe na/ dge slong dag 'di la dge slong rnams 'dod pa dag las dben pa sdig pa mi dge ba'i chos rnams las dben pa rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas pa dang / de rtog pa dang / dpyod pa dang bral zhing nang yongs su dag ste sems kyi rgyud gcig tu gyur par rtog pa med pa/ dpyod pa med pa/ ting nge 'dzin</font><hr>67.189b<br><font size=+1>

las skyes pa'i dga' ba dang bde ba can bsam gtan gnyis pa rdzogs par byas te gnas pa dang / de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa bsam gtan gsum pa rdzogs par byas te gnas pa dang / de bde ba yang spangs te/ snga nas sdug bsngal yang spangs shing yid bde ba dang / yid mi bde ba yang nub pas bde ba yang ma yin/ sdug bsngal yang ma yin pa btang snyoms dang / dran pa yongs su dag pa bsam gtan bzhi pa rdzogs par byas nas gnas pa ste/ dge slong dag 'di dag ni bsam gtan bzhi'o/ /de la tshangs pa'i gnas pa bzhi gang zhe na/ dge slong dag 'di la dge slong gis byams pa dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ mi gnyis pa/ tshad med pa shin du bsgoms pas phyogs bcur mos te khyab par byas nas rdzogs par byas te gnas shing de bzhin du gnyis pa dang / gsum pa dang / de bzhin du bzhi pa dang / bla dang / 'og dang / thad kar rnam pa thams cad dang ldan pa'i 'jig rten 'di thams cad du byams pa dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ mi gnyis pa/ tshad med pa shin du bsgoms pas mos te/ khyab par byas nas rdzogs par byas te gnas pa dang / de bzhin du snying rje dang ldan pa dang / dga' ba dang ldan pa dang / btang snyoms dang ldan pa'i sems 'khon med pa/ 'gran zla med pa/ gnod pa med pa/ yangs pa rgya chen por gyur pa/ mi gnyis pa tshad med pa shin du bsgoms pas mos par byas nas khyab par byas te rdzogs par byas nas gnas pa ste/ 'di ni tshangs pa'i gnas pa bzhi'o/ /de la lam bzhi gang zhe na</font><hr>67.190a<br><font size=+1>

mngon par shes pa bul la dka' ba'i lam yang yod/ mngon par shes pa myur la dka' ba'i lam yang yod/ mngon par shes pa bul la sla ba'i lam yang yod/ mngon par shes pa myur la sla ba'i lam yang yod do/ /de la mngon par shes pa bul la dka' ba'i lam gang zhe na/ 'di la kha cig rang bzhin gyis 'dod chags kyi shas che ba yin/ zhe sdang gi shas che ba yin/ gti mug gi shas che ba yin te/ de la 'dod chags kyi shas che bas 'dod chags las byung ba'i sdug bsngal dang / yid mi bde ba rgyun mi 'chad par myong / zhe sdang gi shas che bas zhe sdang las byung ba'i sdug bsngal dang / yid mi bde ba rgyun mi 'chad par myong / de gti mug gi shas che bas gti mug las byung ba'i sdug bsngal dang / yid mi bde ba rgyun mi 'chad par myong ba zag pa rnams zad par bya ba la de'i 'jig rten las 'das pa'i dbang po lnga po 'di dag bul ba dang / zhan pa dang / mi rno ba dang / myur bar 'jug pa ma yin no/ /lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de 'jig rten las 'das pa'i dbang po lnga po 'di dag bul ba dang / zhan pa dang / mi rno ba dang / mi myur ba'i phyir 'di lta ste/ zag pa rnams zad par bya ba la bar chad med pa'i ting nge 'dzin la reg pa bul ba nyid de/ 'di ni mngon par shes pa bul la dka' ba'i lam mo/ /de la mngon par shes pa myur la dka' ba'i lam gang zhe na/ 'di la kha cig rang bzhin gyis 'dod chags kyi shas che ba yin/ zhe sdang gi shas che ba yin/ gti mug gi shas che ba yin te/ de 'dod chags kyi shas che bas 'dod chags las byung ba'i sdug bsngal dang / yid mi bde ba rgyun mi 'chad par myong / zhe sdang gi shas che bas zhe sdang las byung ba'i sdug bsngal dang / yid mi bde ba rgyun mi 'chad par myong / gti mug gi shas che bas gti mug las byung ba'i sdug</font><hr>67.190b<br><font size=+1>

bsngal dang / yid mi bde ba rgyun mi 'chad par myong yang de'i 'jig rten las 'das pa'i dbang po lnga po 'di dag che ba dang / rno ba dang / myur bar 'jug pa yin no/ /lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de'i 'jig rten las 'das pa'i dbang po lnga po 'di dag che ba dang / rno ba dang / myur bar 'jug pa'i phyir 'di lta ste/ zag pa rnams zad par bya ba la bar chad med pa'i ting nge 'dzin la reg pa myur ba nyid de/ 'di ni mngon par shes pa myur la dka' ba'i lam mo/ /de la mngon par shes pa bul la sla ba'i lam gang zhe na/ 'di la kha cig rang bzhin gyis 'dod chags kyi shas chung ba dang / zhe sdang gi shas chung ba dang / gti mug gi shas chung ba yin te/ 'dod chags kyi shas chung bas 'dod chags las byung ba'i sdug bsngal dang / yid mi bde ba rgyun mi 'chad par myong ba ma yin/ zhe sdang gi shas chung bas zhe sdang las byung ba'i sdug bsngal dang / yid mi bde ba rgyun mi 'chad par myong ba ma yin/ gti mug gi shas chung bas gti mug las byung ba'i sdug bsngal dang / yid mi bde ba rgyun mi 'chad par myong ba ma yin yang de'i 'jig rten las 'das pa'i dbang po lnga po 'di dag bul ba dang / zhan pa dang / mi rno ba dang / myur bar 'jug pa ma yin no/ /lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de dbang po lnga po 'di dag bul ba dang / zhan pa dang / mi rno ba dang / 'jug pa mi myur ba'i phyir 'di lta ste/ zag pa rnams zad par bya ba la bar chad med pa'i ting nge 'dzin la reg pa bul ba nyid de/ 'di ni mngon par shes pa bul la sla ba'i lam mo/ /de la mngon par shes pa myur la sla ba'i lam gang zhe na/ 'di la kha cig rang bzhin gyis 'dod chags kyi shas chung ba yin/ </font><hr>67.191a<br><font size=+1>

zhe sdang gi shas chung ba yin/ gti mug gi shas chung ba yin te/ de 'dod chags kyi shas chung bas 'dod chags las byung ba'i sdug bsngal dang / yid mi bde ba rgyun mi 'chad par myong ba ma yin/ zhe sdang gi shas chung bas zhe sdang las byung ba'i sdug bsngal dang yid mi bde ba rgyun mi 'chad par myong ba ma yin/ gti mug gi shas chung bas gti mug las byung ba'i sdug bsngal dang / yid mi bde ba rgyun mi 'chad par yang myong ba ma yin la de'i 'jig rten las 'das pa'i dbang po lnga po 'di dag kyang che ba dang / rno ba dang / myur bar 'jug pa yin no/ /lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de 'jig rten las 'das pa'i dbang po lnga po de dag che ba dang / rno ba dang / myur bar 'jug pa'i phyir 'di lta ste/ zag pa rnams zad par bya ba la bar chad med pa'i ting nge 'dzin la reg pa myur ba nyid de/ 'di ni mngon par shes pa myur la sla ba'i lam ste/ 'di dag ni lam bzhi'o/ /'di la ting nge 'dzin bsgom pa bzhi gang zhe na/ dge slong dag ting nge 'dzin bsgom pa kun du bsten te bsgoms shing mang du byas na 'dod chags spong bar 'gyur ba yang yod/ ting nge 'dzin bsgoms pa kun du bsten te bsgoms shing mang du byas na mthong ba'i chos la bde bar gnas par 'gyur ba yang yod/ ting nge 'dzin bsgom pa kun du bsten te bsgoms shing mang du byas na ye shes mthong ba 'thob par 'gyur ba yang yod/ ting nge 'dzin bsgom pa kun du bsten te bsgoms shing mang du byas na shes rab 'thob par 'gyur ba yang yod do/ /de la ting nge 'dzin bsgom pa kun du bsten te bsgoms shing mang du byas na 'dod chags spong bar 'gyur ba gang zhe na/ dge slong dag 'di la dge slong dgon pa na 'dug kyang rung / shing drung na 'dug kyang rung / khang stong na 'dug kyang rung ste/ lus 'di nyid la 'og gi</font><hr>67.191b<br><font size=+1>

rkang mthil yan cad skra dang / glad pa la thug gi bar du mi gtsang ba rnam pa sna tshogs kyis gang bar yang dag pa ji lta ba bzhin so sor rtog ste/ lus 'di la yod pa ni skra dang / kha spu dang / so dang / sen mo dang rdul dang / dri ma dang / lpags pa dang / sha dang / rus pa dang / rgyus pa dang / rtsa dang / mkhal ma dang / snying dang / glo ba dang / mchin pa dang / pho ba dang / long ka dang / rgyu ma dang / gnye ma dang / lgang pa dang / mcher pa dang / phyi sa dang / mchi ma dang / rdul dang / ngar snabs dang / mchil ma dang / zhag dang / chu ser dang / rkang dang / tshil dang / rnag dang / bad kan dang / mkhris pa dang / khrag dang / glad pa dang / glad rgyas dang / gcin dang / mi gtsang ba rnam pa sna tshogs kyis gang bar yang dag pa ji lta ba bzhin so sor rtog go/ /dge slong dag 'di lta ste/ dper na 'bru rnam pa sna tshogs 'di lta ste/ 'bras sA lu dang / 'bru dang / nas dang / gro dang / mon sran gre'u dang / mon sran sde'u dang / rgya sran dang / 'bras ni sa pa ba dang sran chung dang / mon sran na gu dang / til dang / 'bras drus pa dang / yungs kar gyis gang ba'i sbyang zhig kha gnyis phye ba de la mig dang ldan pa'i mi zhig gis blug ste so sor brtags na 'di dag ni 'bras sA lu'o/ /'di dag ni 'bras so/ /'di dag ni nas so/ /'di dag ni gro'o/ /'di dag ni mon sran gre'u 'o/ /'di dag ni mon sran sde'u 'o/ /'di dag ni rgya sran no/ /'di dag ni 'bras ni sa pa ba'o/ /'di dag ni sran chung ngo / /'di dag ni mon sran na gu'o/ 'di dag ni til lo/ /'di dag ni 'bras drus pa'o/ /'di dag ni yungs kar ro zhes bya bar shes so/ /dge slong dag de bzhin du dge slong dgon pa na 'dug kyang rung / shing drung na 'dug kyang rung / khang stong na 'dug kyang rung ste/ lus 'di nyid la 'og gi rkang mthil yan cad glad pa la thug gyi bar du snga ma bzhin du glad pa dang / glad rgyas dang / gcin dang / mi gtsang ba sna tshogs kyis gang bar yang dag par ji lta bzhin du so sor rtog ste/ 'di ni</font><hr>67.192a<br><font size=+1>

ting nge 'dzin bsgom pa kun du bsten te bsgoms shing mang du byas na 'dod chags spang bar 'gyur ro/ /dge slong dag de la ting nge 'dzin bsgom pa kun du bsten te bsgoms shing mang du byas na mthong ba'i chos la bde bar gnas par 'gyur ba gang zhe na/ dge slong dag 'di la dge slong dgon pa na 'dug kyang rung / shing drung na 'dug kyang rung / khang stong na 'dug kyang rung ste/ dben pa'i ting nge 'dzin las skyes pa'i dga' ba dang / bde bas rang gi lus 'di nyid mnyen par byed/ yongs su mnyen par byed/ yongs su khyab par byed/ yongs su tshim par byed/ kun du rgyas par byed pa ste/ 'di lta ste/ dben pa'i ting nge 'dzin las skyes pa'i dga' ba dang / bde bas de'i rang gi nang gi lus thams cad la ma khyab pa 'am khyab par ma gyur pa med do/ /dge slong dag 'di lta ste/ dper na me tog ud pa la 'am/ pad ma 'am/ ku mu da 'am/ pad ma dkar po yang rung ste/ chu nas skyes pa chur bying ba de dag thams cad ni bsil ba'i chus mnyen par byas pa/ yongs su khyab par byas pa/ yongs su tshim par byas pa/ kun du rgyas par byas pa dag go/ /dge slong dag de bzhin du dge slong dgon pa na 'dug kyang rung / shing drung na 'dug kyang rung khang stong na 'dug kyang rung ste/ ting nge 'dzin las skyes pa'i dga' ba dang / bde bas rang gi nang gi lus 'di mnyen par byed/ yongs su mnyen par byed/ yongs su khyab par byed/ yongs su tshim par byed/ kun du rgyas par byed de/ 'di lta ste/ ting nge 'dzin las skyes pa'i dga' ba dang / bde bas de'i nang gi lus thams cad la ma khyab pa 'am/ khyab par ma gyur pa med de/ 'di ni ting nge 'dzin bsgom pa kun du bsten te bsgoms shing mang du byas na mthong ba'i chos la bde bar gnas par 'gyur ba'o/ /dge slong dag de la ting nge 'dzin bsgoms shing mang du byas na ye shes mthong ba 'thob par 'gyur ba gang zhe na/ dge slong dag 'di la dge</font><hr>67.192b<br><font size=+1>

slong gis snang ba'i 'du shes shin du legs par bzung / legs par yid la byas/ legs par reg par byas/ legs par rtogs par byas/ de nyin mo'i 'du shes la shin du gnas nas de snang ba de sems la sgom ste/ nyin mo ji lta bar mtshan mo yang de bzhin/ mtshan mo ji lta bar nyin mo yang de bzhin/ sngar ji lta bar phyis kyang de bzhin/ phyis ji lta bar sngar yang de bzhin/ 'og tu ji lta bar steng du yang de bzhin steng du ji lta bar 'og tu yang de bzhin te/ de ltar phye zhing kun nas bskor ba med pa'i sems kyis nyin mo'i 'du shes la shin du gnas te/ de snang ba de sems la sgom mo/ /dge slong dag 'di lta ste/ dper na sos ka'i zla ba tha ma la nam mkha' la sprin med cing sprin dang bral ba'i nyin mo nyi ma gung la snang ba yongs su dag cing yongs su dkar la 'od gsel te mun pa ma yin no/ /dge slong dag de bzhin du dge slong gi snang ba'i 'du shes shin du legs par bzung / legs par yid la byas/ legs par reg par byas/ legs par rtogs par byas te/ nyin mo'i 'du shes shin du gnas nas de snang ba de sems la sgom ste/ nyin mo ji lta bar mtshan mo yang de bzhin/ mtshan mo ji lta bar nyin mo 'ang de bzhin/ sngar ji lta bar phyis kyang de bzhin/ phyis ji lta bar sngar yang de bzhin/ 'og ji lta bar steng yang de bzhin/ steng du ji lta bar 'og du yang de bzhin te/ de ltar phye zhing kun nas bskor ba med pa'i sems kyis nyin mo'i 'du shes shin du gnas nas de snang ba de sems la sgom pa ste/ 'di ni ting nge 'dzin bsgom pa kun du bsten te bsgoms shing mang du byas na ye shes mthong ba 'thob par 'gyur ro/ /dge slong dag de la ting nge 'dzin bsgom pa kun du bsten te bsgoms shing mang du byas na shes rab 'thob par 'gyur ba gang zhe na/ dge slong dag 'di la dge slong dgon pa na 'dug kyang rung / shing drung na 'dug kyang rung / khang</font><hr>67.193a<br><font size=+1>

stong na 'dug kyang rung ste/ bde ba yang spangs te/ snga nas sdug bsngal yang spangs shing yid bde ba dang / yid mi bde ba yang nub pas sdug bsngal yang med/ bde ba yang med de/ btang snyoms dang / dran pas yongs su dag pa bsam gtan bzhi pa yongs su rdzogs par byas nas gnas te/ 'di ni ting nge 'dzin bsgom pa kun du bsten te bsgoms shing mang du byas na shes rab 'thob par 'gyur ba ste/ dge slong dag 'di dag ni ting nge 'dzin bsgom pa bzhi pa'o/ /dge slong dag de la dran pa nye bar gzhag pa bzhi gang zhe na/ dge slong dag 'di la dge slong rtun pa shes bzhin can dran pa dang ldan pas 'jig rten gyi brnab sems dang / yid mi bde ba rnam par bsal nas nang gi lus la lus kyi rjes su lta zhing gnas pa dang / rtun pa shes bzhin can dran pa dang ldan pas 'jig rten gyi brnab sems dang / yid mi bde ba rnam par bsal nas nang gi lus dang / phyi'i lus dang nang dang phyi'i lus dang / nang gi tshor ba rnams dang / phyi'i tshor ba rnams dang / nang dang phyi'i tshor ba rnams dang / nang gi sems dang / phyi'i sems dang / nang dang phyi'i sems dang / nang gi chos rnams dang / phyi'i chos rnams dang / nang dang phyi'i chos rnams la chos kyi rjes su lta zhing gnas pa ste/ dge slong dag 'di dag ni dran pa nye bar gzhag pa bzhi'o/ /dge slong dag de la yang dag par spong ba bzhi gang zhe na/ dge slong dag de la dge slong sdig pa mi dge ba'i chos skyes pa rnams spang ba'i phyir 'dun pa skyed cing 'bad de brtson 'grus rtsom pa la sems rab tu 'dzin cing yang dag par rab tu 'jog pa dang / sdig pa mi dge ba'i chos ma skyes pa rnams mi bskyed pa'i phyir dran pa skyed cing 'bad de brtson 'grus rtsom la sems rab tu 'dzin cing yang dag par rab tu 'jog pa dang / dge ba'i chos ma skyes pa rnams bskyed pa'i phyir 'dun pa skyed cing 'bad de brtson 'grus rtsom la sems rab tu</font><hr>67.193b<br><font size=+1>

'dzin cing yang dag par rab tu 'jog pa dang / dge ba'i chos skyes pa rnams gnas pa dang / mi brjed pa dang / nyams par mi 'gyur ba dang / phyir zhing 'byung ba dang / rgyas pa dang / yongs su rdzogs par bya ba'i phyir 'dun pa skyed cing 'bad de brtson 'grus rtsom la sems rab tu 'dzin cing yang dag par rab tu 'jog pa ste/ dge slong dag 'di dag ni yang dag par spong ba bzhi'o/ /dge slong dag de la rdzu 'phrul gyi rkang pa bzhi gang zhe na/ 'di la dge slong bdag gi 'dun pa ha cang bying na yang mi rung / ha cang bzung na yang mi rung ngo zhes 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / bdag gi brtson 'grus ha cang bying na yang mi rung / ha cang bzung na yang mi rung ngo zhes brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / bdag gi sems ha cang bying na yang mi rung / ha cang bzung na yang mi rung ngo zhes sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / bdag gi spyod pa ni ha cang bying na yang mi rung / ha cang bzung na yang mi rung ngo zhes dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba bsgom pa ste/ dge slong dag 'di dag ni rdzu 'phrul gyi rkang pa bzhi'o/ /dge slong dag de la dbang po lnga gang zhe na/ 'di lta ste</font><hr>67.194a<br><font size=+1>

dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de la dad pa'i dbang po gang zhe na/ dad pa gang gis chos bzhi la dad pa ste/ bzhi gang zhe na 'khor ba na spyod pa 'jig rten pa'i yang dag pa'i lta ba la dad pa dang / de la las kyi rnam par smin pa la rton pa dang / las dge ba yang rung / mi dge ba yang rung gang byed pa'i las de dang de'i rnam par smin pa myong bar 'gyur ba dang de srog gi phyir yang sdig pa'i las mngon par 'du mi byed pa ste/ 'di ni dad pa'i dbang po zhes bya'o/ /de la brtson 'grus kyi dbang po gang zhe na/ dad pa'i dbang pos chos gang dag la dad pa'i chos de dag brtson 'grus kyi dbang pos yang dag par sgrub pa ste/ 'di ni brtson 'grus kyi dbang po zhes bya'o/ /de la dran pa'i dbang po gang zhe na/ chos gang dag brtson 'grus kyi dbang pos yang dag par sgrub pa'i chos de dag dran pa'i dbang pos chud mi gzon pa ste/ 'di dag ni dran pa'i dbang po zhes bya'o/ /de la ting nge 'dzin gyi dbang po gang zhe na/ chos gang dag dran pa'i dbang pos chud mi gzon pa'i chos de dag la ting nge 'dzin gyi dbang pos rtse gcig tu byed pa ste/ 'di ni ting nge 'dzin gyi dbang po zhes bya'o/ /de la shes rab kyi dbang po gang zhe na/ chos gang dag la ting nge 'dzin gyi dbang pos rtse gcig tu byed pa'i chos de dag shes rab kyi dbang pos rab tu rtog cing de chos de dag la so sor rtog pa'i rang bzhin can yin te 'di ni shes rab kyi dbang po zhes bya ste/ dge slong dag 'di dag ni dbang po lnga'o/ /dge slong dag de la stobs lnga gang zhe na/ 'di lta ste/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang shes rab kyi stobs te/ dge slong dag 'di dag ni stobs lnga'o/ /dge slong dag de la byang chub kyi yan lag bdun gang zhe na/ dge slong dag 'di la dge slong dran pa yang dag byang chub kyi yan lag dben pa la gnas pa/ 'dod chags dang</font><hr>67.194b<br><font size=+1>

bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / de bzhin du chos rnam par 'byed pa yang dag byang chub kyi yan lag dben pa la gnas pa/ 'dod chags dang bral ba la gnas pa 'gog pa la gnas pa/ rnam par spong bas yongs su bsgyur ba sgom pa dang / brtson 'grus yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / dga' ba yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / shin du sbyangs pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / ting nge 'dzin yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa dang / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom pa ste/ dge slong dag 'di dag ni byang chub kyi yan lag bdun no/ /dge slong dag de la 'phags pa'i lam yan lag brgyad gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ dge slong dag 'di ni 'phags pa'i lam yan lag brgyad pa'o/ /de la yang dag pa'i lta ba gang zhe na/ gang 'jig rten las 'das pa bdag med pa'i lta ba las byung ba yin gyi/ sems can las ma yin/ srog las ma yin/ gso ba las ma yin/ </font><hr>67.195a<br><font size=+1>

skyes bu las ma yin gang zag las ma yin/ shed la skyes las ma yin/ shes bur lta ba las byung ba ma yin/ chad pa dang / rtag par lta ba las byung ba ma yin/ 'byung ba dang / 'jig par lta ba las byung ba ma yin/ dge ba dang / mi dge ba dang / lung du ma bstan par lta ba las byung ba ma yin pa nas 'khor ba dang / mya ngan las 'das pa'i bar gyi lta ba las byung ba ma yin pa ste/ 'di ni yang dag pa'i lta ba zhes bya'o/ /de la yang dag pa'i rtog pa gang zhe na/ rtog pa gang dag gis 'dod chags dang / zhe sdang dang / gti mug gi nyon mongs pa rnams 'byung bar 'gyur ba'i rtog pa de dag la mi rtog gi/ rtog pa gang gis tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po rnams 'byung bar 'gyur ba de dag la rtog pa ste/ 'di ni yang dag pa'i rtog pa zhes bya'o/ /de la yang dag pa'i ngag gang zhe na/ ngag gang gis bdag dang gzhan la gdung bar mi byed pa dang / bdag dang gzhan la nyon mongs par mi byed pa dang / bdag dang gzhan la gnod par mi byed pa dang / ngag gang gis 'phags pa rnams la yang dag par 'jug pa'i ngag des ting nge 'dzin la dga' bar sbyor ba'i tshig dang ldan pa yin te/ 'di ni yang dag pa'i ngag ces bya'o/ /de la yang dag pa'i las kyi mtha' gang zhe na/ las gang gnag la rnam par smin pa yang gnag pa'i las de mngon par 'du mi byed pa dang / las gang dkar la rnam par smin pa yang dkar ba'i las de mngon par 'du byed pa dang / las gang dkar gnag tu gyur la rnam par smin pa'ang dkar gnag tu gyur pa'i las de mngon par 'du mi byed pa dang / las gang dkar po ma yin la rnam par smin pa nag por 'gyur ba'i nag po zad par 'gyur ba'i las de mngon par 'du byed pa dang / las bzang po la rten pa dang / las kyi mtha' bzang ba ste 'di ni yang dag pa'i las kyi mtha' zhes bya'o/ /de la yang dag pa'i 'tsho ba gang zhe na/ gang 'phags pa'i rigs sbyangs pa'i</font><hr>67.195b<br><font size=+1>

yon tan yo byad bsnyungs pa mi 'dor ba/ tshul 'chos pa med pa dang / kha gsag med pa dang / thob kyis 'jal ba med pa dang / des pa dang / cho ga'i ngang tshul can dang / gzhan gyi rnyed pa la phrag dog med pa dang / bdag gi rnyed pas chog par 'dzin pa dang / 'phags pas gnang ba kha na ma tho ba med pa'i 'tsho ba ste/ 'di ni yang dag pa'i 'tsho ba zhes bya'o/ /de la yang dag pa'i rtsol ba gang zhe na/ rtsol ba gang log par 'gyur ba'i phyir 'dod chags dang / zhe sdang dang / gti mug rgyas par 'gyur ba'i rtsol ba de mi 'dod pa dang / rtsol ba gang yang dag pa'i 'phags pa'i lam gyi bden pa la 'jug cing mya ngan las 'das par 'gro ba'i lam la 'jog pa'i rtsol ba de'i rjes su 'gro ba ste/ 'di ni yang dag pa'i rtsol ba zhes bya'o/ /de la yang dag pa'i dran pa gang zhe na/ gang dag de la nye bar gnas na mi g.yo ba dang / dran pa dang / gya gyu med pa dang / 'khor ba'i skyon gyi nyes dmigs yang dag par ston pa dang / mya ngan las 'das pa'i lam du 'dren pa'i dran pa dang / 'phags pa'i lam ma brjed pa ste/ 'di ni yang dag pa'i dran pa zhes bya'o/ /de la yang dag pa'i ting nge 'dzin gang zhe na/ gang yang dag pa nyid du mnyam pa dang / ting nge 'dzin gang la gnas nas sems can thams cad rab tu thar bar bya ba'i phyir yang dag par brtan pa'i nges par gyur pa la 'jug pa ste/ 'di ni yang dag pa'i ting nge 'dzin ces bya'o/ /de la dbugs rngub pa dang / 'byung ba dran pa rnam pa bcu drug gang zhe na/ dran bzhin du dbugs rngub na dran bzhin du dbugs brngubs so/ snyam du yang dag pa ji lta ba bzhin rab tu shes pa dang / dran bzhin du dbugs phyung na dran bzhin du dbugs phyung ngo snyam du yang dag pa ji lta ba bzhin rab tu shes pa dang / dbugs ring du brngubs na dbugs ring du brngubs so snyam du yang dag pa ji lta ba bzhin rab tu shes pa dang / dbugs ring du phyung na yang dbugs ring du phyung ngo snyam du yang dag pa ji lta ba bzhin rab tu shes pa dang / dbugs thung ngu brngubs na</font><hr>67.196a<br><font size=+1>

dbugs thung ngu brngubs so snyam du yang dag pa ji lta ba bzhin rab tu shes pa dang / dbugs thung ngu phyung na dbugs thung ngu phyung ngo snyam du yang dag pa ji lta ba bzhin rab tu shes pa dang / lus kyi 'du byed yang dag par myong zhing dbugs brngubs nas lus kyi 'du byed yang dag par myong zhing dbugs brngubs so snyam du yang dag pa ji lta ba bzhin rab tu shes pa dang / lus kyi 'du byed yang dag par myong zhing dbugs phyung na lus kyi 'du byed yang dag par myong zhing dbugs phyung ngo snyam du yang dag pa ji lta ba bzhin rab tu shes pa dang / lus kyi thams cad yang dag par myong zhing dbugs brngubs na lus kyi thams cad yang dag par myong zhing dbugs brngubs so snyam du yang dag pa ji lta ba bzhin rab tu shes pa dang / lus kyi thams cad yang dag par myong zhing dbugs phyung na lus kyi thams cad yang dag par myong zhing dbugs phyung ngo snyam du yang dag pa ji lta ba bzhin rab tu shes pa dang / lus kyi 'du byed thams cad yang dag par myong zhing dbugs brngubs na lus kyi 'du byed thams cad yang dag par myong zhing dbugs brngubs so snyam du yang dag pa ji lta ba bzhin rab tu shes pa dang / lus kyi 'du byed thams cad yang dag par myong zhing dbugs phyung na lus kyi 'du byed thams cad yang dag par myong zhing dbugs phyung ngo snyam du yang dag pa ji lta ba bzhin rab tu shes pa dang / bdag gi lus kyi 'du byed shin du sbyangs nas dbugs brngubs na bdag gi lus kyi 'du byed shin du sbyangs nas dbugs brngubs so snyam du yang dag pa ji lta ba bzhin rab tu shes pa dang / bdag gi lus kyi 'du byed shin du sbyangs nas dbugs phyung na bdag gi lus kyi 'du byed shin du sbyangs nas dbugs phyung ngo snyam du yang dag pa ji lta ba bzhin rab tu shes pa dang / dga' ba yang dag par myong zhing dbugs brngubs na dga' ba yang dag par myong zhing dbugs brngubs so snyam du yang dag pa ji lta ba bzhin rab tu shes pa dang / dga' ba yang dag par myong zhing</font><hr>67.196b<br><font size=+1>

dbugs phyung na dga' ba yang dag par myong zhing dbugs phyung ngo snyam du yang dag pa ji lta ba bzhin rab tu shes pa dang / bde ba yang dag par myong zhing dbugs brngubs na bde ba yang dag par myong zhing dbugs brngubs so snyam du yang dag pa ji lta ba bzhin rab tu shes pa dang / bde ba yang dag par myong zhing dbugs phyung na bde ba yang dag par myong zhing dbugs phyung ngo snyam du yang dag pa ji lta ba bzhin rab tu shes pa dang / sems yang dag par myong zhing dbugs brngubs na sems yang dag par myong zhing dbugs brngubs so snyam du yang dag pa ji lta ba bzhin rab tu shes pa dang / sems yang dag par myong zhing dbugs phyung na sems yang dag par myong zhing dbugs phyung ngo snyam du yang dag pa ji lta ba bzhin rab tu shes pa dang / sems kyi 'du byed yang dag par myong zhing dbugs brngubs na sems kyi 'du byed yang dag par myong zhing dbugs brngubs so snyam du yang dag pa ji lta ba bzhin rab tu shes pa dang / sems yang dag par myong zhing dbugs phyung na sems yang dag par myong zhing dbugs phyung ngo snyam du yang dag pa ji lta ba bzhin rab tu shes pa dang / sems kyi 'du byed yang dag par myong zhing dbugs brngubs na sems kyi 'du byed yang dag par myong zhing dbugs brngubs so snyam du yang dag pa ji lta ba bzhin rab tu shes pa dang / sems kyi 'du byed yang dag par myong zhing dbugs phyung na sems kyi 'du byed yang dag par myong zhing dbugs phyung ngo snyam du yang dag pa ji lta ba bzhin rab tu shes pa dang / bdag gi sems kyi 'du byed shin du sbyangs nas dbugs brngubs na bdag gi sems kyi 'du byed shin du sbyangs nas dbugs brngubs so snyam du yang dag pa ji lta ba bzhin rab tu shes pa dang / bdag gi sems kyi 'du byed shin du sbyangs nas dbugs phyung na bdag gi sems kyi 'du byed shin du sbyangs nas dbugs phyung ngo snyam du yang dag pa ji lta ba bzhin rab tu shes pa dang / bdag gi sems mngon par mchog tu dga' bar byed cing dbugs brngubs na bdag gi sems mngon</font><hr>67.197a<br><font size=+1>

par mchog tu dga' bar byed cing dbugs brngubs so snyam du yang dag pa ji lta ba bzhin rab tu shes pa dang / bdag gi sems mngon par mchog tu dga' bar byed cing dbugs phyung na bdag gi sems mngon par mchog tu dga' bar byed cing dbugs phyung ngo snyam du yang dag pa ji lta ba bzhin rab tu shes pa dang / bdag gi sems rnam par grol bar byed cing dbugs brngubs na bdag gi sems rnam par grol bar byed cing dbugs brngubs so snyam du yang dag pa ji lta ba bzhin rab tu shes pa dang / bdag gi sems rnam par grol bar byed cing dbugs phyung na bdag gi sems rnam par grol bar byed cing dbugs phyung ngo snyam du yang dag pa ji lta ba bzhin rab tu shes pa dang / bdag gi sems mnyam par bzhag cing dbugs brngubs na bdag gi sems mnyam par bzhag cing dbugs brngubs so snyam du yang dag pa ji lta ba bzhin rab tu shes pa dang / bdag gi sems mnyam par bzhag cing dbugs phyung na bdag gi sems mnyam par bzhag cing dbugs phyung ngo snyam du yang dag pa ji lta ba bzhin rab tu shes pa dang / de bzhin du mi rtag pa'i rjes su lta/ 'dod chags dang bral ba'i rjes su lta/ 'gog pa'i rjes su lta/ so sor spangs pa'i rjes su lta zhing dbugs brngubs na so sor spangs pa'i rjes su lta zhing dbugs brngubs so snyam du yang dag pa ji lta ba bzhin rab tu shes pa dang / so sor spangs pa'i rjes su lta zhing dbugs phyung na so sor spangs pa'i rjes su lta zhing dbugs phyung ngo snyam du yang dag pa ji lta ba bzhin rab tu shes pa ste/ dge slong dag 'di dag ni dbugs rngub pa dang / 'byung ba dran pa rnam pa bcu drug go/ /de la rgyun du zhugs pa'i yan lag bzhi gang zhe na/ 'di la 'phags pa nyan thos ni de ltar yang bcom ldan 'das de bzhin gshegs pa dgra bcom da yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa</font><hr>67.197b<br><font size=+1>

lha dang mi rnams kyi ston pa/ sangs rgyas bcom ldan 'das so zhes sangs rgyas la shes nas dad pa dang ldan pa yin/ bcom ldan 'das kyi chos ni legs par gsungs pa/ yang dag par mthong ba/ nad med pa/ dus chad pa med pa nye bar gtod pa 'di mthong ba la don yod pa mkhas pa rnams kyis rang gis rig par bya ba ste/ 'di lta ste rgyas par nges par byed pa/ sred pa rab tu sel ba/ kun gzhi legs par 'joms pa/ lam gyi rgyun bcad pa/ sred pa zad pa/ 'dod chags dang bral ba/ 'gog pa/ mya ngan las 'das pa'o zhes chos la shes nas dad pa dang ldan pa yin/ bcom ldan 'das kyi nyan thos kyi dge 'dun ni legs par zhugs pa/ rigs pa la zhugs pa/ drang po la zhugs pa/ 'thun par zhugs pa/ chos kyi rjes su 'thun pa'i chos la zhugs pa/ rjes su 'thun pa'i chos spyod pa ste/ dge 'dun gyi nang na rgyun du zhugs pa'i 'bras bu mngon sum du bya ba'i phyir zhugs pa dag kyang yod/ dge 'dun gyi nang na rgyun du zhugs pa dag kyang yod/ dge 'dun gyi nang na lan cig phyir 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun gyi nang na lan cig phyir 'ong ba dag kyang yod/ dge 'dun gyi nang na phyir mi 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun gyi nang na phyir mi 'ong ba dag kyang yod/ dge 'dun gyi nang na dgra bcom pa nyid kyi 'bras bu mngon sum du bya ba'i phyir zhugs pa dag kyang yod/ dge 'dun gyi nang na dgra bcom pa dag kyang yod de/ 'di lta ste/ skyes bu zung bzhi/ skyes bu gang zag ya brgyad do/ /bcom ldan 'das kyi nyan thos kyi dge 'dun ni 'di lta bu ste/ dad pa phun sum tshogs pa/ tshul khrims phun sum tshogs pa/ thos pa phun sum tshogs pa/ ting nge 'dzin phun sum tshogs pa/ shes rab phun sum tshogs pa/ rnam par grol ba phun sum tshogs pa/ rnam par grol ba'i ye shes mthong ba phun sum tshogs pa/ kun du sbyin pa'i 'os su gyur pa/ rab tu sbyin pa'i</font><hr>67.198a<br><font size=+1>

'os su gyur pa/ thal mo sbyar ba'i 'os su gyur pa/ phyag bya ba'i 'os su gyur pa/ bsod nams kyi zhing bla na med pa ste/ 'jig rten gyi sbyin gnas yin no zhes dge 'dun la shes nas dad pa dang ldan pa yin/ 'phags pa bzhed pa'i tshul khrims rnams dang ldan pa yin te/ tshul khrims de dag ni ma nyams pa/ ma zhig pa/ ma ral pa/ 'dren mar ma gyur pa/ sra bsrer ma yin pa/ rang dbang can ma 'bags pa/ shin du rdzogs pa/ mkhas pas bsngags pa mkhas pa dag gis ma smad pa dag ste/ 'di dag ni rgyun du zhugs pa'i yan lag bzhi'o/ /dge slong dag de la de bzhin gshegs pa'i stobs bcu gang zhe na/ dge slong dag de la de bzhin gshegs pa ni gnas la yang gnas su yang dag pa ji lta ba bzhin rab tu mkhyen cing / gnas ma yin pa la yang gnas ma yin par yang dag pa ji lta ba bzhin rab tu mkhyen te/ 'di ni de bzhin gshegs pa'i stobs dang po'o/ /'das pa dang / ma 'ongs pa dang / da ltar byung ba'i las yang dag par 'dzin pa dang / rnam par smin pa yang dag pa ji lta ba bzhin rab tu mkhyen to/ /sems can pha rol mos pa du ma can dag gi mos pa sna tshogs yang dag pa ji lta ba bzhin rab tu mkhyen to/ /khams du ma pa'i 'jig rten gyi khams kyi khams sna tshogs can du yang dag pa ji lta ba bzhin rab tu mkhyen to/ /sems can gzhan dag gi dbang po mchog dang / mchog ma yin pa yang dag pa ji lta ba bzhin rab tu mkhyen to/ /thams cad du 'gro ba'i lam yang dag pa ji lta ba bzhin rab tu mkhyen to/ /sems can gzhan dag gi dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyi kun nas nyon mongs pa dang / rnam par byang ba rnam par gzhag pa yang dag pa ji lta ba bzhin du rab tu mkhyen to/ /rnam pa dang bcas/ yul phyogs dang bcas/ rgyu ci las gyur pa dang bcas par sngon gyi gnas rnam pa du ma rjes su dran te/ skye ba gcig kyang</font><hr>67.198b<br><font size=+1>

rjes su dran no/ /gnyis dang gsum dang bzhi nas skye ba bye ba khrag khrig brgya stong phrag du ma rjes su dran no zhes rgya cher sbyar ro/ /lha'i mig rnam par dag pa mi las 'das pas sems skye ba dang / lus dang ngag dang yid kyis legs par spyad pa dang / nyes par spyad pa dag gis bde 'gro dang / ngan 'gro rnams su skye ba dag gi sems can gzigs so zhes rgya cher sbyar ro/ /yang dag pa'i shes rab kyi zag pa rnams zad nas zag pa las sems rnam par grol ba yang dag pa ji lta ba bzhin rab tu mkhyen te/ dge slong dag 'di dag ni de bzhin gshegs pa'i stobs bcu'o/ /de la de bzhin gshegs pa'i mi 'jigs pa bzhi gang zhe na/ 'di la bcom ldan 'das kyis yang dag par rdzogs pa'i sangs rgyas so zhes bdag nyid zhal gyis 'che ba la 'dir lha dang bcas pa dang bdud dang bcas pa dang tshangs pa dang bcas pa dang / dge sbyong dang bram zer bcas pa dang / lha dang mi dang lha ma yin du bcas pa'i skye dgu las gang gis kyang khyod kyis chos 'di dag mngon par rdzogs par sangs ma rgyas so zhes de la rgol ba'i mtshan ma de yang dag par rjes su mi mthong ngo / /de bzhin gshegs pas mtshan ma yang dag par rjes su mi mthong bas bde ba thob cing mi 'jigs pa thob par gnas shing khyu mchog gi gnas su dam bcas te/ 'khor gyi nang du song nas seng ge'i sgra yang dag par sgrog cing dge sbyong ngam/ bram ze 'am sus kyang chos dang 'thun par 'jig rten du ma bskor ba'i tshangs pa'i 'khor lo rab tu skor ba dang / yang gang dag de bzhin gshegs pas bar du gcod pa'i chos su gsungs pa de dag bsten kyang bar du gcod par mi 'gyur ro zhes 'dir de la zhes bya bar rgyas par sbyar ba dang / gang yang 'dis 'phags pa nges par 'byung ba'i lam bsten pa de dag bstan pa de bsten kyang sdug bsngal yang dag par zad par bya ba'i phyir nges par 'byung ba ma yin no zhes gang yang 'dir de la zhes bya bar rgyas par sbyar ba dang / nga zag pa</font><hr>67.199a<br><font size=+1>

zad do zhes bdag nyid zhal gyis 'che ba la 'dir lha dang bcas pa dang / bdud dang tshangs par bcas pa dang tshangs pa dang bcas pa'i 'jig rten dang / dge sbyong dang bram zer bcas pa dang lha dang mi dang / lha ma yin du bcas pa'i skye dgu las gang gis kyang zag pa 'di dag yongs su ma zad do zhes de la rgol ba'i mtshan ma de yang dag par rjes su mi mthong ngo / /de bzhin gshegs pas mtshan ma yang dag par rjes su mi mthong bas bde ba thob cing mi 'jigs pa thob par gnas shing khyu mchog gi gnas su dam bcas te/ 'khor gyi nang du song nas seng ge'i sgra yang dag par sgrog cing dge sbyong dang bram ze 'am/ sus kyang chos dang 'thun par 'jig rten du ma bskor ba'i tshangs pa'i 'khor lo rab tu bskor ba ste/ 'di dag ni mi 'jigs pa bzhi'o/ /de la de bzhin gshegs pa'i so so yang dag par rig pa bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/ 'di dag ni so so yang dag par rig pa bzhi'o/ /de la sangs rgyas kyi chos ma 'dres pa bcwa brgyad gang zhe na/ de bzhin gshegs pa la 'khrul pa med pa dang ca co med pa dang / bsnyel ba med pa dang / sems mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / rnam par grol ba'i ye shes mthong ba nyams pa med pa dang 'das pa'i dus la ye shes mthong ba chags pa med cing thogs pa med pa dang / ma 'ongs pa'i dus la ye shes mthong ba chags pa med cing thogs pa med pa dang / da ltar byung ba'i dus la ye shes mthong ba chags pa med cing thogs</font><hr>67.199b<br><font size=+1>

pa med pa dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba ste/ 'di dag ni sangs rgyas kyi chos ma 'dres pa bcwa brgyad do/ /de la de bzhin gshegs pa'i skyes bu chen po'i mtshan sum bcu rtsa gnyis gang zhe na/ de bzhin gshegs pa'i skyes bu chen po'i mtshan zhabs shin du gnas pa 'di dang / zhabs kyi 'og gi mthil gnyis 'khor lo'i mtshan dang ldan pa dang / rting pa yangs shing zhabs byin gyis mtho ba dang / sor mo ring ba dang / phyag dang zhabs dra bas 'brel pa dang / phyag dang zhabs 'jam zhing gzhon sha chags pa dang / bdun mtho ba'i sku dang ldan pa dang / byin pa ri dgas e na ya'i lta bu dang / mdoms kyi sba ba sbubs su nub pa dang / ro stod seng ge'i 'dra ba dang / thal gong rgyas pa dang / dpung mgo shin du zlum pa dang / ma btud par phyag pus mor slebs pa dang / sku rnam par dag pa dang / mgur dung lta bu dang / 'gram pa seng ge'i 'dra ba dang / tshems bzhi bcu mnyam pa dang / tshems mnyam zhing thags bzang ba dang / tshems shin du dkar ba dang / ljags shin du ring ba dang / ro bro ba'i mchog dang ldan pa dang / tshangs pa'i dbyangs dang / bya ka la ping ka'i sgra dbyangs dang / spyan mthon mthing dang / spyan gyi rdzi ma ba'i rdzi ma 'dra ba dang / lpags pa srab pa dang / lpags pa'i mdog gser 'dra ba dang / spu'i khung bu re re ba dang spu gyen du g.yas phyogs su 'khyil pa dang / dbu skra rin po che an d+ha rnyil lta bu dang / smin mtshams kyi sgo'i bar gyi dpral ba'i spu shin du dkar ba dang / dbu gtsug tor dang ldan pa dang / de bzhin gshegs pa'i sku shing n+ya gro d+ha ltar chu zheng gab pa dang / kun du mdzes pa 'di ni skyes bu chen po'i mtshan te/ 'di dag ni skyes bu chen po'i mtshan sum bcu rtsa gnyis so/ /de bzhin</font><hr>67.200a<br><font size=+1>

gshegs pa'i skyes bu chen po'i skyes bu chen po'i mtshan zhabs shin du gnas pa 'di ni sngon yi dam la brtan pas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan zhabs kyi 'og gi mthil gnyis 'khor lo'i mtshan dang ldan pa 'di ni sngon sbyin pa sna tshogs bsags pas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan rting pa yangs shing zhabs byin gyis mtho ba 'di ni sngon sems can gzhan la spa bkong ba ma byas pas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan sor mo ring ba 'di ni sngon sems can rnams la chos kyis bsrung ba dang / bskyab pa dang sba ba byas pas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan phyag dang / zhabs dra bas 'brel ba 'di ni sngon g.yog 'khor gyi dbyen ma byas pas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan phyag dang / zhabs 'jam zhing gzhon sha chags pa 'di ni sngon gos dam pa sna tshogs rab tu byin pas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan bdun mtho ba'i sku dang ldan pa 'di ni sngon bza' ba dang / btung ba rgya chen po byin pas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan byin pa ri dgas e na ya'i lta bu 'di ni sngon sangs rgyas kyi chos yongs su bzung bas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan mdoms kyi sba ba sbubs su nub pa 'di ni sngon gsang ba'i tshig bsrungs pa dang 'khrig pa'i chos spangs pas mngon par grub pa'o/ /de bzhin gshegs pa'i skyes bu chen po'i skyes bu chen po'i mtshan ro stod seng ge'i 'dra ba 'di ni sngon dge ba'i las kun du bsrungs pas mngon par grub pa'o/ /de bzhin</font><hr>67.200b<br><font size=+1>

gshegs pa'i skyes bu chen po'i skyes bu chen po'i mtshan thal gong rgyas pa 'di ni sngon dge ba'i chos yang dag par spyad pas mngon par grub pa'o/ /de bzhin gshegs pa'i dpung mgo shin du zlum pa 'di ni sngon gzhan dag la dbugs 'byin pa byin pas mngon par grub pa'o/ /de bzhin gshegs pa'i phyag ma btud par pus mor slebs pa 'di ni sngon gzhan la bya ba ci yod ces bya bas mngon par grub pa'o/ /de bzhin gshegs pa'i sku rnam par dag pa 'di ni sngon dge ba bcu'i las kyi lam ngoms mi myong bar yang dag par spyad pas mngon par grub pa'o/ /de bzhin gshegs pa'i mgur dung lta bu 'di ni sngon nad pa rnams la sman sna tshogs byin pas mngon par grub pa'o/ /de bzhin gshegs pa'i 'gram pa seng ge'i 'dra ba 'di ni sngon dge ba'i rtsa ba yongs su rdzogs par byas pas mngon par grub pa'o/ /de bzhin gshegs pa'i tshems bzhi bcu mnyam pa 'di ni sngon sems can la mtshungs par gnas sbyar bas mngon par grub pa'o/ /de bzhin gshegs pa'i tshems thags bzang ba 'di ni sngon sems can bye ba'i sdums byas pas so/ /de bzhin gshegs pa'i tshems shin du dkar ba 'di ni sngon yid du 'ong ba rab tu byin pas so/ /tshems mnyam pa ni sngon lus dang / ngag dang / yid las kun du bsrungs pas grub pa'o/ /de bzhin gshegs pa'i ljags shin du ring ba 'di ni sngon bden pa'i tshig yang dag par bsrungs pas grub pa'o/ /de bzhin gshegs pa'i ro bro ba'i mchog dang ldan pa 'di ni sngon bsod nams tshad med pas bdag nye bar bstan cing gzhan la rab tu byin pas grub pa'o/ /de bzhin gshegs pa'i tshangs pa'i dbyangs dang / bya ka la ping ka'i sgra dbyangs 'di ni sngon sems can la tshig 'jam po smras pa dang / kun du dga' ba'i tshig thos par byed pas grub pa'o/ /de bzhin gshegs pa'i spyan mthon mthing 'di ni sngon byams pa dang ldan pas sems can yang dag</font><hr>67.201a<br><font size=+1>

par bsrungs pas so/ /spyan gyi rdzi ma ba'i 'dra ba 'di ni sngon bsam pa bcos ma ma yin pas so/ /lpags pa srab pa 'di ni sngon chos yang dag par sdud pa las su rung bas mngon par grub pa'o/ /de bzhin gshegs pa'i lpags pa'i mdog gser 'dra ba 'di ni sngon mal cha dang / gding ba dang / gos yid du 'ong ba byin pas mngon par grub pa'o/ /de bzhin gshegs pa'i spu'i khung bu re re ba 'di ni sngon 'du 'dzi yongs su spangs pas mngon par grub pa'o/ /de bzhin gshegs pa'i spu gyen du g.yas phyogs su 'khyil ba 'di ni sngon mkhan po dang / slob dpon dang / dge ba'i bshes gnyen gyis rjes su bstan pa la 'thun par 'dzin pas grub pa'o/ /de bzhin gshegs pa'i dbu skra rin po che an d+ha rnyil lta bu 'di ni sngon sems can gyi srog la snying brtse ba dang bong ba dang dbyug pa dang mtshon cha bor bas grub pa'o/ /de bzhin gshegs pa'i smin mtshams kyi sgo'i bar gyi dpral ba'i spu shin du dkar ba 'di ni sngon bsngags par 'os pa rnams kyi bsngags pa brjod pas mngon par grub pa'o/ /de bzhin gshegs pa'i dbu gtsug tor dang ldan pa 'di ni sngon bla ma la gus par byas pas mngon par grub pa'o/ /de bzhin gshegs pa'i sku shing n+ya gro d+ha ltar chu zheng gab pa 'di ni sngon bdag dang gzhan ting 'dzin la sbyor bas mngon par grub pa'o/ /de bzhin gshegs pa'i sku sred med kyi bu chen po lta bur kun du mdzes pa 'di ni sngon de bzhin gshegs pa'i sku gzugs byas pa dang / mchod rten zhig pa bcos pa dang / gzhan dag 'jigs pa las dbugs dbyung ba byas pas grub pa ste/ dge ba'i rtsa ba tshad med pas chos 'di dag la dbang sgyur ba'i phyir de bzhin gshegs pa'i skyes bu chen po'i mtshan sum bcu rtsa gnyis po dag sku la mngon par grub pa'o/ /dpe byad bzang po brgyad bcu gang zhe na/ sangs rgyas bcom ldan 'das kyi sen mo</font><hr>67.201b<br><font size=+1>

zangs kyi mdog lta bu dang / sen mo mdog snum pa dang sen mo mtho ba dang / sen mo rnams zlum pa dang / sor mo rnams rgyas pa dang / sor mo rnams byin gyis phra ba dang / rtsa mi mngon pa dang rtsa mdud pa med pa dang long bu mi mngon pa dang zhabs mi mnyam pa med pa dang seng ge'i stabs su gshegs pa dang / glang po che'i stabs su gshegs pa dang / ngang pa'i stabs su gshegs pa dang / khyu mchog gi stabs su gshegs pa dang / g.yas phyogs su ldog cing gshegs pa dang / mdzes par gshegs pa dang mi g.yo bar gshegs pa dang / sku 'khril bag chags pa dang / sku byi dor byas pa lta bu dang / sku rim par mtsham pa dang / sku kho lag yangs shing bzang ba dang mtshan yongs su rdzogs pa dang / gom pa snyoms pa dang / sku gtsang ba dang / sku 'jam pa dang / sku rnam par dag pa dang / sku zhum pa med pa dang / sku rgyas pa dang / sku shin du grims pa dang / yan lag dang nying lag shin du rnam par 'byes pa dang / gzigs pa rab rib med cing rnam par dag pa dang dku zlum pa dang dku skabs phyin pa dang dku ma rnyongs pa dang / phyal phyam me ba dang lte ba zab pa dang / lte ba g.yas phyogs su 'khyil pa dang / kun nas mdzes pa dang / kun du spyod pa gtsang ba dang / sku la sme ba dang gnag bag med pa dang / phyag shing bal ltar shin du 'jam pa dang / phyag gi ri mo mdangs yod pa dang / phyag gi ri mo zab pa dang / phyag gi ri mo ring ba dang / zhal ha cang yang mi ring ba dang / zhal la gzugs kyi gzugs brnyan snang ba dang / ljags srab pa dang / ljags 'jam pa dang / ljags dmar ba dang / glang po che'i nga ro dang / 'brug gi sgra dang ldan pa dang / gsung snyan cing mnyen la 'jam pa dang / mche ba zlum pa dang / mche ba rno ba dang / mche ba dkar ba dang / mnyam pa dang / mche ba byin gyis phra ba dang / shangs mtho ba dang / shangs gtsang ba dang / spyan yangs pa dang / spyan ring ba dang / </font><hr>67.202a<br><font size=+1>

rdzi ma stug pa dang / spyan dkar gnag 'byes shing ud pa la'i 'dab ma yangs pa lta bur 'dug pa dang / brang che zhing rgyas la mkhregs pa dang / smin tshugs ring ba dang / smin ma 'jam pa dang / smin ma'i spu mnyam pa dang smin ma snum pa dang / snyan shal stug cing ring ba dang / snyan mnyam pa dang / snyan gyi dbang po ma nyams dang / dpral ba legs par 'byes pa dang / dpral ba'i dbyes che ba dang / dbu shin du rgyas pa dang / dbu skra bung ba ltar gnag pa dang / dbu skra stug pa dang / dbu skra 'jam pa dang / dbu skra ma 'dzings pa dang / dbu skra mi gshor ba dang / dbu skra dri zhim pa dang / sangs rgyas bcom ldan 'das rnams kyi phyag dang zhabs dpal gyi be'u dang / bkra shis dang g.yung drung 'khyil pa dang 'khor lo dang rdo rje dang pad ma dang nya la sogs pa'i mtshan yod pa yin te/ 'di dag ni dpe byad bzang po brgyad bcu'o/ /dge slong dag khyed la chos bshad par bya ste/ tshangs par spyod pa dang thog mar dge ba/ bar du dge ba/ tha mar dge ba dang don bzang po tshig 'bru bzang po ma 'dres pa/ yongs su rdzogs pa/ yongs su dag pa/ yongs su byang ba 'di lta ste/ don rnam par nges pa zhes bya ba'i chos kyi rnam grangs yang dag par rab tu bshad par bya zhes gang smras pa de ni bshad pa 'di yin no/ /dge slong dag 'di dag ni dgon pa'i gnas sam/ shing drung ngam/ khang stong ngam/ ri sul lam/ ri phug gam/ sog khrod dam/ bla gab med pa 'am dur khrod dam/ nags tshal gyi mthongs sam/ bas mtha'i mal stan dag tu nges par bsam gtan du gyis shig /dge slong dag bag med par gyur nas phyis 'gyod par gyur ta re/ 'di ni nged kyis rjes su bstan pa'o/ /chos kyi rnam grangs 'di bshad pa na dge slong lnga brgya nye bar len pa med par zag pa rnams las sems rnam par grol lo/ /bcom ldan 'das kyis de skad ces bka' stsal nas/ dge slong de dag dang lha dang mi</font><hr>67.202b<br><font size=+1>

dang lha ma yin dang dri zar bcas pa'i 'jig rten dang thams cad dang ldan pa'i 'khor de dag yi rang ste/ bcom ldan 'das kyis gsungs pa la mngon par bstod do/ /don rnam par nges pa zhes bya ba'i chos kyi rnam grangs rdzogs so// //</font><hr>

</table>