J254

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J254</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J254&coll=lithang">see text in Tibetan script</a></table>67.178a<br><font size=+1>

mun gyi nags tshal gyi sgo zhes bya ba'i mdo/  sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas de'i tshe ngam grog gsum po zhes bya ba'i ljongs kyi skye bo dag gi nang nas ri khrod kyi grong zhig na/ bram ze la ba can zhes bya ba spun bu 'dod pa'i phyir bram ze rdo leb la dka' thub byed de lha stong phrag brgya la bu slong zhing gsol ba 'debs pa dang la ba can la bu btsas pa ni ming rab mthong zhes btags so/ /nu bo la btsas pa ni dga' bo zhes btags so/ /gang gi nyin mo rab mthong btsas pa de'i nyin mo bram ze lnga brgya la bu lnga brgya btsas te/ /de dag rim bzhin du bu cher skyes pa dang / rab mthong la sogs pa lnga brgya lhan cig tu rig pa dag slob pa na/ rab mthong la sogs pa rig pa'i gnas thams cad kyi pha rol du son cing thams cad rdzogs par yang dag par byang bar gyur la/ bsod nams kyi tshogs yang dag pa las byung ba'i spyod pa mtshungs pa med pa stong phrag brgya snyed thob ste/ dbang byed pa gang gi dus su bram ze ma Na ba gcig yul dbus nas 'ongs te phyin nas phrad pa dang / de la gsong por smras te gtam dag kyang byas nas nges par gang nas 'ongs pa yin zhes dris pa dang / des smras pa yul dbus nas 'ongs pa yin te de yang grong khyer chen po drug go/ /de'i nang dag na tshad ma drug la mkhas shing ltas kyi bya ba drug la thogs pa med par brjod nus pa'i ston pa bcwa brgyad yod de de na chu klung yang</font><hr>67.178b<br><font size=+1>

'bab bo/ /de ma yin pa bsod nams chen po dang ldan pa/ dge zhing shis pa/ 'jig rten thams cad mkhyen pa/ sangs rgyas bcom ldan 'das kyang de na'o zhes byas pa dang / rab mthong gis sgra de thos pa dang / bu spu langs yid g.yos rab tu dga' ste der 'gro'o snyam nas/ pha'i gan du song ste phyin nas yab bdag ni yul dbus su mchi'o/ /de nas mu stegs pa dag las rgyal bar bgyi'o/ /mkhas par bgrangs pa dag dang nges par lhan cig smra bar bgyi'o zhes gsol pa dang / phas de ltar gnang ngo / /de nas bsod nams chen po sbyin pas dbang phyug chen po dang ldan pa/ sems can thams cad la gtong ba chen po can de lha dag gis bsrungs pa zhig pas lha dag nye bar 'ong zhing sngon du 'gro ste/ rab mthong chen po la mchod pa byos shig dang / phan yon mang po dag gi 'bras bu chen po 'byung bar 'gyur ro zhes sgra sgrogs shing song ba dang / rim gyis lha dang mis mchod pa byas shing mnyan yod du phyin no/ /de nas lam gyis dub pa rta bstis te bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ /de nas bcom ldan 'das kyis de dag la chos bstan pa mdzad de/ de'i 'khor lnga brgya po dag lta ba mchog tu 'dzin pa bshig bcom ste/ bden pa mthong ste de nyid du rab tu byung dge slong gi dngos po bzung ste/ nyon mongs pa thams cad bcom nas dgra bcom pa mngon du byas te dga' bo ni ma gtogs so/ /skye bo mang po kun gyis kyang chos khong du chud do/ /ston pa chen po rab mthong lta ba'i phyir lha la sogs pa dag kyang 'ongs te der phyin pa dang / bcom ldan 'das kyis dge slong rnams la bka' stsal pa/ dge slong dag dge slong rab mthong 'di ni nga'i dge slong dang dge slong dag gi nyan thos dag la ji ltar lha dang mi mchod pa byed de/ de dag gi nang na lha dang mis mchod</font><hr>67.179a<br><font size=+1>

par bya ba'i mchog ni dge slong rab mthong yin no/ zhes bcom ldan 'das kyis bka' stsal to/ /de nas dus de nyid du mi mjed kyi bdag po tshangs pa dang / lha rnams kyi dbang po brgya byin dang / 'jig rten skyong ba bzhi dang / gnod sbyin gyi sde dpon chen po nyi shu rtsa brgyad dang / dri za'i rgyal po dang / grul bum gyi sde dpon chen po la sogs pa rang rang gi gnas nas song ste/ tshe dang ldan pa rab mthong chen po ga la ba der song ste phyin nas phyogs gcig tu 'khod de mngon du phyogs thal mo sbyar te 'di skad ces smras so/ /kye btsun pa rab mthong chen po sngon gyi bcom ldan 'das yang dag par rdzogs pa'i sangs rgyas gshegs shing bzhugs pa'i gnas/ rang sangs rgyas kyi bzhugs gnas/ 'dod chags dang bral ba dag gis gnas par bya ba drang srong gi gnas su gyur/ de kho na nyid nges par mkhyen nas 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs zhes bya ba 'jig rten du byung ste de dge slong gsal ba zhes bya ba lha dang mis mchod pa'i mchog tu gyur pa de'i gnas kyang 'di lags te/ yul dbus las byang phyogs kyi sa mtshams kyi ri dung gi lte ba zhes bya ba ni ri de la rtswa'i rigs dung gi lte ba 'dra ba skye bas dung gi lte ba'i ri zhes bya bar btags par gyur/ ri de dang nye ba na nags shig na klu mo e ni zhes bya ba gnas pas ai ni'i nags zhes bya bar btags par gyur/ de na phug cig yod pa dang nye bar shing pa ti li'i zhes bya ba skye bas pa ti li'i phug ces btags par gyur pa de nyid du bcom ldan 'das yang dag par rdzogs pa'i sangs rgyas rnam par gzigs zhes bya ba/ 'khor dgra bcom pa brgyad khri dang gshegs shing thabs gcig tu bzhugs par gyur/ dge slong gsal ba yang de nyid na'o/ /de nas bcom ldan 'das 'khor dang bcas pa dag kyang rim pa bzhin du mya ngan las 'das/ bstan pa nub nas rang sangs rgyas</font><hr>67.179b<br><font size=+1>

bdun khri dag mngon par shes pa drug dang ldan pa dag mnyam du byung ste gshegs shing bzhugs par gyur/ rang sangs rgyas de dag kyang mya ngan las 'das nas drang srong drug khri mngon par shes pa lnga dang ldan pa dag kyang de nyid du gnas par gyur to/ /btsun pa rab mthong chen po de nas yang bskal pa drug bcu rtsa gcig na bcom ldan 'das yang dag par rdzogs pa'i sangs rgyas gtsug tor can zhes bya ba 'jig rten du byung ste/ de'i dge slong rab gsal zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri de nyid la rtswa'i rigs ro hi tI zhes bya ba skye bas ro hi tI ri zhes bya bar btags par gyur/ klu mo gos med ces bya ba gnas pas gos med kyi nags zhes bya bar btags par gyur/ shing shir sha skye bas shing shir sha'i phug ces btags par gyur/ yang dag par rdzogs pa'i sangs rgyas gtsug tor can 'khor dgra bcom pa bdun khri dang yang der gshegs shing thabs gcig tu bzhugs par gyur/ de dag kyang mya ngan las 'das bstan pa nub nas/ rang sangs rgyas drug khri yang der gshegs shing bzhugs par gyur/ rang sangs rgyas de dag kyang mya ngan las 'das nas drang srong lnga khri yang mngon par shes pa lnga dang ldan pa de 'di nyid na gnas par gyur to/ /btsun pa rab mthong chen po de nas yang bskal pa sum bcu rtsa gcig na yang dag par rdzogs pa'i sangs rgyas thams cad skyob cas bya ba 'jig rten du byung ste/ de'i dge slong chos gsal zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri de la rtswa'i rigs b+ha sa b+ha zhes bya ba skye bas b+ha sa b+ha'i ri zhes btags par gyur/ klu mo brag ces bya ba gnas pas brag gi nags zhes btags par gyur/ shing a shwad tha skye bas a shwad tha'i phug ces btags par gyur/ yang dag par rdzogs pa'i sangs rgyas thams cad skyob 'khor dgra bcom pa drug</font><hr>67.180a<br><font size=+1>

khri dang de nyid du gshegs shing thabs gcig tu gzhugs par gyur/ de dag mya ngan las 'das bstan pa nub nas rang sangs rgyas lnga khri yang gshegs shing bzhugs par gyur/ rang sangs rgyas de dag kyang mya ngan las 'das nas drang srong mngon par shes pa lnga dang ldan pa bzhi khri yang gnas par gyur to/ /'dir ni btsun pa rab mthong chen po sngon byung ba bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas log par dad sel zhes bya ba 'jig rten du byung ste/ de'i dge slong chos ldan zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri'i rtswa'i rigs kau shi ka zhes bya ba skye bas kau shi ka ri zhes btags par gyur/ sprin ces bya ba'i klu mo gcig gnas pas sprin gyi nags zhes btags par gyur/ shing u dum ba ra skye bas u dum ba ra'i phug ces btags par gyur/ yang dag par rdzogs pa'i sangs rgyas log par dad sel 'khor dgra bcom pa lnga khri dang thabs gcig tu gshegs shing bzhugs par gyur/ de dag kyang mya ngan las 'das nas mngon par shes pa lnga dang ldan pa drang srong sum khri yang de na gnas par gyur to/ /'dir ni btsun pa rab mthong chen po sngon byung ba bskal pa bzang po 'di nyid la skye dgu'i tshe lo sum khri thub pa na yang dag par rdzogs pa'i sangs rgyas gser thub ces bya ba 'jig rten du byung ste/ de'i dge slong chos 'phags zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri de la rtswa'i rigs kha dog ljang lo can zhes bya ba skye bas kha dog ljang lo ri zhes btags par gyur/ thig le zhes bya ba'i klu mo gnas pas thig le'i nags zhes btags par gyur/ shing ka pi ta skye bas ka pi ta'i phug ces btags par gyur/ yang dag par rdzogs pa'i sangs rgyas gser thub 'khor gyi dgra bcom pa bzhi khri dang</font><hr>67.180b<br><font size=+1>

gshegs shing thabs gcig tu bzhugs par gyur/ de dag kyang mya ngan las 'das bstan pa nub nas/ rang sangs rgyas sum khri yang gshegs shing bzhugs par gyur/ rang sangs rgyas de dag kyang mya ngan las 'das nas mngon par shes pa lnga dang ldan pa drang srong nyi khri yang de nyid na gnas par gyur to/ /'dir ni btsun pa rab mthong chen po sngon byung ba bskal pa bzang po 'di nyid la skye dgu'i tshe lo nyi khri thub pa na yang dag par rdzogs pa'i sangs rgyas 'od srung zhes bya ba 'jig rten du byung ste/ de'i dge slong she Do ka zhes bya ba lha dang mis mchod pa'i mchog tu gyur pa yang de nyid na'o/ /mtshams kyi ri la rtswa'i rigs zla ba zhes bya ba skye bas zla ba'i ri zhes btags par gyur/ klu mo rgyal ba zhes bya ba gnas pas rgyal ba'i nags zhes bya bar btags par gyur/ shing 'dzam bu zhes bya ba skye bas 'dzam bu'i phug ces btags par gyur/ yang dag par rdzogs pa'i sangs rgyas 'od srung 'khor gyi dgra bcom pa nyi khri dang gshegs shing thabs gcig tu bzhugs par gyur/ de dag kyang mya ngan las 'das bstan pa nub nas/ rang sangs rgyas khri lnga stong gshegs shing bzhugs par gyur/ rang sangs rgyas de dag kyang mya ngan las 'das nas mngon par shes pa lnga dang ldan pa drang srong khri gnas par gyur to/ /'di ni btsun pa rab mthong chen po bskal pa bzang po 'di nyid la skye dgu'i tshe lo brgya thub pa na yang dag par rdzogs pa'i sangs rgyas shAkya thub pa 'jig rten du byung ste/ 'phags pa rab mthong chen po khyod lha dang mis mchod pa'i mchog tu gyur pa yang 'di nyid na'o/ /mtshams kyi ri la rtswa'i rigs u shi sha skyi bas u shi'i ri zhes btags par gyur/ klu mo ta ma zhes bya ba gnas pas ta ma'i nags tshal zhes btags par gyur/ shing a mra skye bas a mri'i phug ces da ltar btags pa yin te/ btsun pa rab mthong chen po u shi sha'i ri brag 'di nyid du thugs brtse bar dgongs te bzhugs pa ni</font><hr>67.181a<br><font size=+1>

legs so/ /de nas yang tshangs pa dang / lha'i dbang po brgya byin dang / 'jig rten skyong ba dag gis gnas brtan chen po'i rkang pa la phyag 'tshal te thal mo sbyar ba byas nas rab tu gus pas 'di skad ces smras so/ /thugs brtse ba can nags 'di ni gshegs shing bzhugs pa'i gnas yin te bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba btab po/ /gzhan yang gnod sbyin gyi sde dpon brgyad po 'di dag ste/ sing ga la zhes bya ba dang / chos skyong zhes bya ba dang / don grub ces bya ba dang / gzhan las rgyal zhes bya ba dang / glang rna zhes bya ba dang / dbyig rna ba zhes bya ba dang / chos ldan zhes bya ba dang / chos 'phags zhes bya bas kyang gnas brtan chen po'i rkang pa la phyag 'tshal te thal mo sbyar nas rab tu gus pas 'di skad ces smras so/ /thugs brtse ba can nags de ni gshegs shing bzhugs pa'i gnas yin te bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba btab po/ /gzhan yang gnod sbyin ma chen mo brgyad 'di dag ste/ a shi Di zhes bya ba dang / mu mangs she zhes bya ba dang / 'phyang ma zhes bya ba dang / rab tu 'phyang ma dang / drag mo zhes bya ba dang / gtum mo zhes bya ba dang / mdung thung 'dzin ces bya ba dang / bar snang ma zhes bya bas kyang gnas brtan chen po'i rkang pa la phyag 'tshal te thal mo sbyar ba byas nas rab tu gus pas 'di skad ces smras so/ /thugs brtse ba can nags de ni gshegs shing bzhugs pa'i gnas yin te bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba</font><hr>67.181b<br><font size=+1>

btab po/ /de bzhin du gzhan yang klu chen po brgyad po 'di dag ste/ ser skya zhes bya ba dang / dri ma zhes bya ba dang / chu ldan zhes bya ba dang / drag shul zhes bya ba dang / lha'i bang rim zhes bya ba dang / bum pa'i bang rim zhes bya ba dang / nye ba'i klu zhes bya ba dang / o Da su ta zhes bya bas kyang gnas brtan chen po'i rkang pa la phyag 'tshal te/ thal mo sbyar ba byas nas rab tu gus pas 'di skad ces smras so/ /thugs brtse ba can nags de ni gshegs shing bzhugs pa'i gnas yin te/ bdag cag kyang nye gnas bgyid la gzhan dag kyang gzung du gsol/ de ni snyan par grags shing legs te/ chu ni gzigs par dbyung bar 'tshal lo zhes gsol ba btab po/ /gzhan yang klu mo brgyad po 'di dag ste/ mun zhes bya ba dang / 'gro 'dod ces bya ba dang / mthong mo zhes bya ba dang / grang mo zhes bya ba dang / khur drang mo zhes bya ba dang / lab 'thor ma zhes bya ba dang / sna tshogs sde zhes bya ba dang / dri za mo zhes bya ba dag gis kyang gnas brtan chen po'i rkang pa la phyag 'tshal te/ thal mo sbyar ba byas nas rab tu gus pas 'di skad ces smras so/ /thugs brtse ba can nags de ni gshegs shing bzhugs pa'i gnas yin te/ bdag cag nye gnas bgyid la gzhan dag kyang gzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba btab pa dang / tshe dang ldan pa rab mthong chen pos cang mi smra bar dang du blangs so/ /lha dang / lha ma yin dang / nam mkha' lding dang / mi 'am ci dang / dri za dang / lto 'phye chen po la sogs pa de dag gis tshe dang ldan pa rab mthong chen pos cang mi smra bas dang du blangs par rig nas dga' mgu yi rangs par gyur to/ /de nas tshe dang ldan pa rab mthong chen pos ston pa'i zhal du lta ba mthong nas ta ma sa'i nags su song ste/ </font><hr>67.182a<br><font size=+1>

phyin nas bla gab med par 'greng ste gaN DI brdungs te gaN DI'i sgra des 'dzam bu'i gling khyab par sgra grags par gyur pa na dge slong dag gis sgra thos te sems pa la zhugs pa dang / sgra 'di ni mun gyi nags nas byung ngo snyam mo/ /de yang sngon gyi yang dag par rdzogs pa'i sangs rgyas dag gi bzhugs gnas/ rang sangs rgyas rnams kyis gnas bcas pa/ 'dod chags dang bral ba dag dang drang srong dag gi gnas su gyur pa yin la da ltar yang de kho na btsun pa rab mthong chen po yin par go zhing shes nas mthong ste/ dgra bcom pa khri brgyad stong snyed kyis mun gyi nags su phyin te dbyar gyi gnas pa yang bcas/ tshangs pa lha'i dbang po dang / 'jig rten skyong ba de dag gis de bzhin gshegs pa'i dbu skra dang sen mo khyer te 'ongs nas dbu skra dang sen mo'i mchod rten zhig bzhengs su gsol/ gtsug lag khang zhig kyang brtsigs/ rdo rje'i gtsug lag khang du mtshan gsol/ mi mjed kyi bdag po tshangs pa dang / 'jig rten skyong ba bzhis kyang so so nas gtsug lag khang re re bzhengs su gsol/ lo dang po la lha rnams kyis gnas bcas/ lha'i dbang po brgya byin gyis rang gi lag nas lo gcig gi chos gos la sogs pa yo byad kyi rin sbyar/ lha'i bu mo bde sogs kyis dge slong re re zhing ras yug re re chos gos kyi rgyu yang phul/ de nas tshe dang ldan pa rab mthong chen po gnas khang du lha'i 'khor gyis bskor te gnas bcas pa na 'di skad ces smras so/ /gnas bcas pa 'di yun ring gnas bcas par 'gyur ba'i phyir lha dang mi'i grong khyer gnas bca' ba'i phyir rgyal rigs rtsub po zhes bya ba la sogs pa'i mi rnams la chos bstan pas yid rab tu dga' zhing dad par gyur te/ rgyal po chen po rtsub pos dkon mchog gsum la skyabs su 'gro ba byas gzhan dag kyang dad par gyur te/ </font><hr>67.182b<br><font size=+1>

phug lnga brgya'i las kyang byas/ drang srong mngon par shes pa lnga dang ldan pa lnga brgya yang rab tu byung ste/ dgra bcom pa mngon du byas/ gnas de na bram ze smra ba la mkhas pa cig yod pa de rgyal bar gyur btul nas rab tu byung ste/ des kyang dgra bcom pa mngon du byas te/ ta ma sa'i nags na tshe dang ldan pa rab mthong chen po la sogs pa dgra bcom pa khri brgyad snyed gnas bcas so zhes/ rgyal po'i pho brang 'khor dang grong khyer dang grong khyer kun du grags par gyur/ rgyal po rtsub po la sogs pa mi rnams ni 'phags pa'i dge 'dun gyi slad du nyin re bzhin du dar ba 'bul mi ma yin pa dag ni de bzhin du zhun mar 'bul bar byed/ gzhan yang dga' ba dang / dang bas mgu zhing rangs pas legs par las dang bya ba yang byed do/ /de bzhin du klu dag gis dga' ba dang mgu bas tha dad pa'i bye brag bcwa brgyad kyi bza' ba dang / bca' ba sbyar ba phul lo/ /gzhan yang 'di ltar skye dgu'i lus can sems bskyed pa 'di lta ste/ blon po dang rgyal rigs spyir 'dus te/ kun dga' ra ba zhig kyang byas te/ de dag tu me tog gi shing dang / 'bras bu'i shing mdzes pa 'di dag ste/ a mra'i shing dang / pa ti'i shing dang / seng ldeng gi shing dang / n+ya gro d+ha'i shing dang / a shwad tha'i shing dang / 'bras bu gsum gyi shing dang / me tog tsam pa ka'i shing dang / u du ka'i shing dang / ma du ka'i shing dang / bil ba'i shing dang / 'bra ho'i shing dang / 'dzam bu'i shing dang / du na'i shing dang / chu shing la sogs pa dang / me tog ma li ka dang / kun d+ha dang / dza hi ka la sogs pa mdzes pa sna tshogs dge slong bde bar gnas pa dge ba'i phyogs byed pa dang 'thun pa zhig kyang byas te dge 'dun la phul lo/ /de nas dge slong dag the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa rab mthong gis las ci bgyis na</font><hr>67.183a<br><font size=+1>

las gang yang rnam par smin pa phyug cing nor mang la longs spyod dang ldan pa'i rigs su skyes/ gzugs mdzes shing lha dang mis mchod pa'i mchog tu gyur/ bsod nams chen po dang ldan pa shes par 'tshal lags so zhes zhus pa dang / bcom ldan 'das kyis bka' stsal pa/ dge slong dag 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ rgyal po gnyen ldan gyi khab na bzhugs te/ dus de'i tshe zhal zhal mkhan gyi rigs las phyug pa ga ge mo zhes bya ba zhig gis rnam par gzigs kyi slad du gtsug lag khang brtsigs te/ me tog dang 'bras bu'i shing legs par btsugs te/ kun du dri bsung gi ngad dang ldan pa 'byung bar gyur te phul/ ston pa de nyid kyi bstan pa la yang rab tu byung / yang dag par rdzogs pa'i sangs rgyas rnam par gzigs mya ngan las 'das nas sku gdung gi mchod rten gyi rmang gi 'og tu rin po che'i rdo ring cig bsgreng ngo / /zhal zhal mkhan gyi rigs las rab tu byung ba de'i 'khor mang po yang rjes su yi rang zhing mos par gyur te/ khyed ston pa la mos par gyur pa de bzhin du bdag cag kyang dad cing mos par bgyid de/ ston pa'i bka' bzhin du bgyid cing mnyes par bgyid la mi mnyes par ma gyur cig ces smon lam btab bo/ /dge slong dag ji snyam du sems de'i tshe de'i dus na zhal zhal mkhan gang yin pa de ni tshe dang ldan pa rab mthong chen po nyid yin la/ skye dgu'i lus can de dag ni da ltar gyi lha dang mi 'di dag yin te da ltar yang 'dul bar byed pa yin no/ /gzhan yang bcom ldan 'das 'od srung gi bstan pa la</font><hr>67.183b<br><font size=+1>

rab tu byung ste/ de'i mkhan po ni lha dang mis mchod pa'i mchog tu gyur pa yin te ji ltar bdag gi mkhan po lha dang mis mchod pa'i mchog tu gyur pa de bzhin du bdag kyang yang dag par rdzogs pa'i sangs rgyas shAkya thub pa'i bstan pa la lha dang mis mchod pa'i mchog tu gyur cig ces smon lam btab bo/ /des na da ltar lha dang mis mchod pa'i mchog tu gyur pa yin no/ /de lta bas na dge slong dag gcig tu gnag pa'i las ni rnam par smin pa yang gcig tu gnag go /rab tu dkar ba las ni dkar ba'o/ /'dres pa la ni 'dres pa'o/ /de bas na dge slong dag rab tu gnag pa dang 'dres ma dag ni spongs shig /rab tu dkar ba dag la spyad par bya ste/ dge slong dag de bzhin du bslab par gyis shig /bcom ldan 'das kyis de skad ces bka' stsal pa dang / dge slong de dag bcom ldan 'das kyis bshad pa dang / dge slong de dag bcom ldan 'das kyis bshad pa yid la byed de mngon par dga'o/ /mun gyi nags tshal gyi sgo zhes bya ba'i mdo rdzogs so// //byang phyogs rgyud kyi phreng ba'i mdo khri pa'i nang nas yul za len dra'i byang phyogs kyi mtshams kyi ri/ u shi ri'i bsngags pa'o/ /</font><hr>

</table>