J248

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J248</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J248&coll=lithang">see text in Tibetan script</a></table>67.159b<br><font size=+1>

@#/ /rgya gar skad du/ A yu bad ti ya thA kA ro pr-i ts+tshA sU tra/  bod skad du/ tshe 'pho ba ji ltar 'gyur ba zhus pa'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das grong khyer chen po ser skyar khyim bdag thams cad 'dul ba'i dus la bab par gzigs nas de dag dad pa bskyed par bya ba'i phyir 'khor lnga brgya dang bcas par gshegs pa las/ de'i tshe shAgya dga' skyes shes bya ba dar la bab pa/ gnyen gyi skye bo thams cad la rab tu gces pa/ mi thams cad kyis bkur ba'i gnas su gyur pa zhig tshe 'phos pa'i phung po'i drung na de'i bu dang / chung ma dang / spun dang / g.yog</font><hr>67.160a<br><font size=+1>

'khor rnams kyis rta'i tshogs dang / glang po che'i tshogs dang / gos dang rgyan sna tshogs pa yang bsags/ gser dngul dang / mu tig dang / shel la sogs pa'i rin po che sna tshogs pa yang bsags/ bza' ba dang / btung ba ro zhim po mngar ba sna tshogs pa yang bsags te/ smre sngags 'don cing dga' skyes la gsol lo zhes mchod pa byed pa dang / rgyal po zas gtsang mas bsams pa/ 'di ltar tshe 'phos pa la mchod cing gsol pa dang / brjed pa ni bram ze dag gi smrang las zer na 'di dag la sman pa dang bde ba ci yod pa bcom ldan 'das la dri'o snyam nas bcom ldan 'das kyi drung du song nas phyag 'tshal te 'di skad ces gsol to/ /bcom ldan 'das sems can tshe 'phos pa ji ltar 'gyur ba'i don zhu bar 'tshal na skabs dbye bar ci gnang / de skad ces gsol pa dang / bcom ldan 'das kyis bka' stsal pa/ kye rgyal po chen po ci dang ci bzhed pa zhus shig dang / rgyal po chen po'i sems rangs par bshad par bya'o/ /de skad ces bka' stsal pa dang / bcom ldan 'das la rgyal po chen po zas gtsang mas 'di skad ces gsol to/ /bcom ldan 'das 'jig rten 'di nas tshe pha rol tu 'phos pa'i sems can rnams pha rol du skye ba de lha rnams kyang lhar skye 'am/ de bzhin du mi dang / dud 'gro dang / yi dgas dang / dmyal ba rnams kyang mi dang / dud 'gro dang / yi dgas dang / dmyal ba rnams su tshe 'phos par rigs ma 'dres par so sor skye 'am/ bcom ldan 'das gzhan yang lha rnams nas tshe 'phos pa mi la sogs pa gzhan rnams su skye'am/ de bzhin du mi dang / dud 'gro dang / yi dgas dang / dmyal ba rnams nas tshe 'phos na yang lha la sogs pa gzhan rnams su yang skye bar 'gyur/ bcom ldan 'das gzhan yang sems can thams cad 'di nas tshe 'phos nas ye med par gyur te/ me shi ba'i thal ba bzhin du gyur nas skye bar ye ma mchis sam/ bcom ldan 'das gzhan yang sems</font><hr>67.160b<br><font size=+1>

can thams cad 'di nas tshe 'phos nas pha dang / mes po dang / yang mes la sogs pa thog ma med pa nas bzung ba'i bar du brgyud pa'i ris 'thun pa rnams 'jig rten pha rol du skye ba mi len par 'dir ci spyad pa bzhin 'grogs te gnas so zhes 'jig rten pa dag mchis na de ltar lags sam/ bcom ldan 'das gzhan yang 'di na phyug dregs rgyags pa rnams pha rol tu yang phyug dregs rgyags par 'gyur ram/ 'di na dbul rgud nyams chung ba rnams pha rol du yang dbul rgud nyams chung bar 'gyur ram/ 'on te de gnyis mi 'dra bar phan tshun bsnol mar 'gyur/ bcom ldan 'das gzhan yang 'di na rta dang glang po che la sogs pa zhon pa dang / 'di na gos gyon pa dang / rgyan thogs pa dang / 'di na zas bza' ba dang / btung ba dang ldan pa rnams shi 'phos nas pha rol du yang de bzhin du zhon pa dang / gyon pa dang / za zhing 'thung ngo zhes 'jig rten pa dag mchi na de ltar lags sam/ bcom ldan 'das gzhan yang 'di nas shi 'phos pa la pha ma'am/ spun nam/ bu la sogs pa nye ris rnams kyis bza' ba dang / btung ba nyung ngu nyung ngur gtang ba 'am/ bsngos pa yang bskal pa mang po'i bar du zad par mi 'gyur bar za zhing 'thung ngo zhes 'jig rten pa dag mchi na de ltar lags sam/ bcom ldan 'das gzhan yang sems can 'di nas tshe 'phos pa na pha ma'am/ spun nam/ bu la sogs pa la gtam byas te tshig ci smras pa dang / gzugs byad ci 'dra ba dag tshe 'phos nas phyis pa ma 'am/ spun nam/ bu la sogs pa la sngon tshe ma 'phos pa'i dus na gtam byas pa la sogs pa smra ba dang / gzugs byad dag ston te/ mthong ba dang thos pa yod ces 'jig rten pa dag mchi na de ltar lags sam/ de skad ces gsol pa dang / bcom ldan 'das kyis rgyal po zas gtsang ma la 'di skad ces bka' stsal to/ /kye rgyal po chen po 'di nas shi 'phos nas lha rnams lhar skye ba la sogs pa de ltar ma lags te/ lha rnams tshe</font><hr>67.161a<br><font size=+1>

'phos pa yang lhar skyes nas 'gro ba ris gzhan rnams su mi skye ba lags pa nas de bzhin du mi la sogs pa 'gro ba gzhan rnams kyang tshe 'phos nas 'gro ba gzhan dang gzhan rnams su mi skye bar rang rang gi snga ma'i ris rnams su skye ba lags na ni/ kye rgyal po chen po mi rnams dang po lha las gyur pa lags la/ ngan song gsum po rnams ni mi rnams kyis mi dge ba spyad pa las gyur pa lags pa'i phyir gang lha la sogs pa tshe 'phos pa de 'gro ba ris gzhan dang gzhan rnams su skye ba lags so/ /kye rgyal po chen po gzhan yang rgyal po chen pos gsungs pa ltar lags na mi da ltar gyi 'gro ba ris drug po rnams mang ba dang nyung ba rnams ji ltar yod pa bzhin du dus thams cad du de ltar 'gyur ba'i rigs na/ mi rnams las mi dge ba spyad pa mang ba'i rgyus ngan song gsum po rnams phyir zhing mang ba la gzigs/ kye rgyal po chen po gzhan yang da ltar gyi dgra bcom pa 'di dag ni mi las gyur pa lags na/ 'gro ba ris so sor ma 'dres par yang ris so sor skye ba ni mi rigs so/ /dgra bcom pa'i 'bras bu thob par yang mi rigs so/ /kye rgyal po chen po de'i phyir na las dge ba dang mi dge ba'i dbang gis mtho ris dang ngan song la sogs par ris tha dad par skye bar 'gyur ro/ /kye rgyal po chen po rgyal po chen pos lha rnams tshe 'phos nas mi la sogs pa gzhan rnams su skye'am zhes bya ba la sogs pa dris pa ni de de bzhin lags te/ de de ltar lags so/ /kye rgyal po chen po rgyal po chen pos sems can thams cad tshe 'phos nas ye med par gyur te me shi ba'i thal ba bzhin du skye ba ye ma mchis sam zhes gsungs pa ni de ltar ma lags te/ kye rgyal po chen po dper na sa bon yod na 'bras bu 'byung ste/ tshe 'di sa bon lta bu las tshe phyi ma 'bras bu lta bu yod do/ /kye rgyal po chen po nyi ma shar nas khad kyis nub ste smag tu gyur pa las yang nang par 'char ba bzhin du tshe 'di 'phos</font><hr>67.161b<br><font size=+1>

nas yang skye ba phyi ma len no/ /kye rgyal po chen po tshe 'phos nas phyi mar skye ba ye ma mchis na 'gro ba rnams zad pa'i rigs so/ /kye rgyal po chen po phyi rol gyi rtswa dang shing rnams kyang dus kyi dbang gis skams pa de yang phyir skye'o/ /de bzhin du sems can rnams las dang nyon mongs pa dus 'gyur ba dang 'dra ba'i dbang gis skye ba dang 'chi bar 'gyur ro/ /de'i phyir na rgyal po chen po tshe phyi ma nges par yod par mkhyen par mdzod cig /kye rgyal po chen po rgyal po chen pos sems can thams cad 'di nas tshe 'phos nas pha dang / mes po dang / yang mes la sogs pa thog ma med pa nas bzung ba'i bar du gcig nas gcig tu brgyud pa'i ris 'thun pa rnams 'jig rten pha rol na skye ba mi len par 'di na ci spyod pa bzhin 'grogs te gnas so zhes 'jig rten pa dag mchi na/ de de ltar lags sam/ zhes gsung ba ni kye rgyal po chen po 'di na pha dang bu la sogs pa gcig la gcig snang ba ni gzugs dngos po can gcig la gcig snang gi /sems gcig gis gcig mthong ba ni ma yin te/ gzugs kyi phung po 'dir zhig ste med na/ pha rol na sems gcig la gcig ji ltar snang ste 'grogs/ tshe 'phos pa'i pha dang / mes po dang / yang mes la sogs pa da ltar tshe ma 'phos pa'i bu tsha gzugs yod pas kyang mi mthong na pha rol du tshe 'phos pa'i lus med pas pha dang / mes po dang / yang mes la sogs pa gzugs med pa ji ltar mthong nas 'grogs/ kye rgyal po chen po gzhan yang 'di na pha dang / bu dang / spun mang po 'grogs pa'i dus na yang gzugs so sor snang ba las ma gtogs pa rang gi sems kyang rang gis mi mthong na spad dang spun gyi sems gcig gis gcig lta ga la mthong na/ tshe 'phos nas ji ltar mthong ste/ pha rol na spad dang / spun dang / mes po dang / yang mes la sogs pa ji ltar snang nas 'grogs/ kye rgyal po chen po thog ma med pa'i dus na de bas snga ba</font><hr>67.162a<br><font size=+1>

med pa'i mes po dang / da lta'i bu tsha rnams pha rol na 'grogs na da lta mi'i rus dang / rigs dang / phyogs dang / ris mi gcig pa tha dad pa mang po ji snyed pa rnams so sor dgrar gyur pa rnams dang / gnas gang na 'dug pa dang / rus rigs gcig pa dang / skad dang cha lugs ma thos pa dang ma mthong ba dag kyang thog ma mes po gcig las gyes pa yin na da ltar spad dang / spun dang mes po la sogs pa 'grogs mi 'grogs kyi mtshams spun dang spad gang la gzung / dang po mes po nas bzung ste da ltar spun dang spad kyi bar du brgyud pa rnams kyang da ltar gyi spad dang spun 'dra bar so so na brtse zhing gdung bar 'dra na gang gang ni 'grogs/ gang gang ni mi 'grogs/ da ltar gyi mi rnams so so nas bdag cag gi mes po 'di yin no zhes phyogs dang ris bzung ste/ bdag cag 'di dang pha gcig gi bu'o zhes phyogs dang ris su bcad na de dag gis mes po zhes so sor bzung ba de kun gyi yang pha dang / mes po dang / yang mes dang / zhe mes nas dang po'i mes po la thug gi bar du brgyud pa ni da ltar so sor na bdag cag gi mes po zhes bzung ba yin na 'jig rten pa dag smra ba ltar 'di nas tshe 'phos nas skye ba mi len par pha rol na spad dang spun 'grogs na da ltar rus rigs dang / phyogs mi gcig pa dang / dgrar gyur pa kun kyang phyogs gcig nas 'grogs dgos so/ /kye rgyal po chen po da ltar gyi tshe 'di gzugs can dngos por snang ba yang mun pa dang / phag na 'dug pa dag gcig gis gcig mi mthong na tshe 'phos pa'i sems can gzugs med pas gcig gis gcig ji ltar mthong nas 'grogs par 'gyur/ kye rgyal po chen po da ltar gyi sems can gzugs dang ldan pas kyang mi mthong ba'i gnas yul mi gcig pa dang / gnas tha dad pa dag la rang gi gzugs snang bar ston mi nus na tshe 'phos nas ji ltar gzugs snang bar ston nus/ kye rgyal po chen po 'jig rten pa kha cig gis grags pa dang rnyed pa</font><hr>67.162b<br><font size=+1>

dag btsal ba'i phyir bslus pa'i gtam gyis gzhan slu bar byed pa la gsan par mi rigs so/ /kye rgyal po chen po rgyal po chen pos 'di na phyug dregs rgyags pa rnams pha rol du yang phyug dregs rgyags par 'gyur ram/ 'di na dbul rgud nyams chung ba rnams pha rol du yang dbul rgud nyam chung bar 'gyur ram/ 'on te de gnyis mi 'dra bar phan tshun snol bar 'gyur zhes gsungs pa gang yin pa de ni kye rgyal po chen po sems can rnams tshe ma 'phos pa'i skye ba 'di la yang la la skyes ma thag tu phyug dregs rgyags par gyur pa las lo lnga bcu dang drug bcu nas 'khogs pa'i bar du dbul rgud nyam chung ba yang yod/ la la skyes nas gzhon dar ba'i tshe la dbul rgud pa las lo lnga bcu dang drug bcu nas 'khogs pa'i bar du phyug dregs rgyags pa dag yod na tshe 'phos nas phyug dbul mi rtag pa lta ci smos/ kye rgyal po chen po dper na 'jig rten na rtswa dang shing la sogs pa dro ba dang brlan pa'i rkyen tshogs pa'i tshe ni lo ma dang 'dab ma rgyas par 'gyur la/ grang zhing rlan med pa'i rkyen gyis skams par 'gyur ba bzhin du sbyin pa la sogs pa'i rkyen gyis ni phyug dregs rgyags par 'gyur la/ rku 'phrog dang / ser sna'i dbang gis ni dbul rgud par 'gyur ro/ /kye rgyal po chen po sbyin pa rgyun ma chad pas tshe rabs nas tshe rabs su phyug dregs rgyags pa yang yod/ phyogs cha dang sbyin pa la 'gyod pa byas pas tshe 'ga' dang / tshe stod smad la dbul rgud pa yang yod/ dus thams cad du rku 'phrog dang ser sna dag la gnas pas tshe rabs nas tshe rabs su dbul rgud pa yang yod/ rku 'phrog dang ser sna la 'gyod pa byas pas tshe 'ga' 'am/ tshe stod smad la phyug dregs pa yang yod do/ /kye rgyal po chen po sbyin pa'i rkyen gyis dbul rgud pa yang mi 'byung ngo / /ser sna'i dbang gis phyug dregs pa yang mi 'byung ngo / /phyug dregs pa dang dbul rgud pa 'di gnyis tshe snga phyi la rje ba yang ma lags so/ /kye rgyal po chen</font><hr>67.163a<br><font size=+1>

po rgyal po chen pos 'di na rta dang glang po che la sogs pa zhon pa dang / 'di na gos gyon pa dang / rgyan thogs pa dang / 'di na zas bza' ba dang / btung ba dang ldan pa rnams tshe 'phos nas pha rol du yang de bzhin du zhon pa dang / gyon pa dang / za zhing 'thung ngo zhes 'jig rten pa dag mchi na de de ltar lags sam zhes gsungs pa ni kye rgyal po chen po mi rnams tshe 'phos pa'i tshe las dge sdig gang spyad pa bzhin mtho ris dang ngan song dag tu skye ba len te/ rgyal po chen po 'jig rten pa dag mchi ba ltar ma lags so/ /tshe 'phos pa 'di'i cha lugs ltar snang ba ni bar snang gi khams 'di na dri za'i 'jig rten gyi khams dpag tu med pa bsam gyis mi khyab pa mthar thug pa med pa de/ /dri za 'chi ka ma'i sems la nye bar 'jug pa zhes bya ba'i rigs yod de/ des dri za'i zas btsal ba'i phyir tshe rabs snga ma'i lus dang / gos dang / rgyan dang cha lugs lta bu dag sprul par byed de/ tshe 'phos pa de'i tshe lugs dang gtam dag byed cing sprul pa ston pa yang yod do/ /kye rgyal po chen po 'di la gzhan yang yod de/ dri za las ma gtogs pa gzhan yang gnod sbyin dang / sha za dang / 'byung po la sogs pas tshe 'phos pa'i pha 'am/ bu 'am/ spun la sogs pa bslu ba'i phyir mi ma yin pa de yis 'jig rten pa'i rdzu 'phrul gyis tshe 'phos pa'i gtan tshigs dang / sa mal dang / lo rgyus dag shes par byas nas mi ma yin pa de'i byin gyis pha ma la sogs pas mthong ba dang / rmi lam du 'byung ba yang yod do/ /kye rgyal po chen po 'di la gzhan yang yod de/ spad dang spun la sogs pa yun ring por lhan cig pa'i bag chags rtas pas mthong ba dang rmi lam du snang ba yang yod de/ dper na mi zhig gis da ltar tshe ma 'phos pa'i rang gi pha ma 'am/ spun zla 'am/ bran khol lam/ gzhan su yang rung ba dag dang 'grogs pa dang / longs spyod kyi bde ba 'am/ dgra rkun dang 'thab rtsod la sogs pa bde</font><hr>67.163b<br><font size=+1>

ba dang / sdug bsngal gang yang rung ba dag rmis na mi des rmis pa bzhin du gang rmis pa'i pha ma 'am/ spun zla 'am/ bran khol lam gzhan su yang rung ba rmi lam na snang ba des tshor ba yod na ni rmis pa de bden pa yin na des rmis pa'i pha ma 'am/ spun zla 'am/ bran khol lam/ gzhan su yang rung ba rmi lam na snang ba de bden par ji ltar bzung / kye rgyal po chen po tshe ma 'phos pa yang gcig gis rmis pa gcig gis mi tshor na tshe 'phos pa'i rmis pa tshe 'phos pa de yin par ga la 'gyur te bag chags rtas pa yin no/ /kye rgyal po chen po bag chags lags pa'i dpe ni gzhan yang mchis te/ mi zhig sngon tshe stod la mchis pa'i mkhar dang / khang pa dang / grong gang yin pa zhig bor te/ yul gzhan zhig tu tshe smad la 'dug pa na sngon gyi grong de yang zhig ste/ sngon mi 'dra ba las mi des sngon gyi khang pa'i dbyibs dang rgya ci 'dra ba ma zhig pa/ ma 'drams pa rmis na grong dang khang pa de la sems yod na ni khang pa de'i sems snang du rung na/ khang pa dang grong des rdo bems po yin na mi des rmis pa de ci'i phyir bag chags rtas pa ma yin/ de bzhin du tshe 'phos pa'i dan rtags dang bcas pa yang khang pa ma zhig pa rmis pa dang 'dra ste/ tshe 'phos pa'i sems kyang las gar 'thun par skye ba blangs zin na de snad du btub bam/ kye rgyal po chen po de'i phyir bag chags mthu rtas pa'i dbang gis tshe 'phos pa'i gtan tshigs dang / cha lugs mthong ba dang rmis pa yin no/ /de bzhin du ral gri la sogs pa'i go mtshon thogs pa dang / gos dang rgyan la sogs pa gyon pa dang / rta dang glang po che la sogs pa zhon par snang ba dang rmi lam du 'byung ba yang bag chags snang ba yin te/ khang pa'i dpe bzhin du rig par bya'o/ /kye rgyal po chen po rgyal po chen pos 'di nas shi 'phos pa la pha ma 'am/ spun nam/ bu la sogs pa nye ris rnams kyis bza' ba dang / btung ba nyung ngu nyung ngur gtad pa dang / bsngos pa yang</font><hr>67.164a<br><font size=+1>

bskal pa mang po'i bar du zad par mi 'gyur bar za zhing 'thung ngo zhes 'jig rten pa dag mchis na de ltar lags sam zhes gsungs pa ni kye rgyal po chen po gling bzhi pa nas stong gi 'jig rten gyi khams dang / stong gnyis pa dang / stong gsum gyi stong chen po'i 'jig rten gyi khams dang / 'jig rten gyi khams mtha' yas pa dpag tu med pa bsam gyis mi khyab pa thams cad na bza' ba dang btung ba nyung ngu nyung ngus dus thams cad dang / bskal pa mang por za ba'i sems can gzigs sam/ gsan nam/ kye rgyal po chen po yid bzhin gyi nor bu rin po che la ci bsams pa'i 'dod pa 'byung ba 'khor los sgyur ba'i rgyal po la yod pa yang sngon bskal pa mang por bsod nams kyi tshogs tshad med pas bsags pa las byung ba yin te/ gnam babs dang / glo bur du byung ba ni ma yin na bza' ba dang btung ba nyung ngu de bskal pa mtha'i bar du mi zad pa de rigs sam/ kye rgyal po chen po tshe ma 'phos pa'i pha spad dang / spun gcig la gcig 'brel par 'dzin pa phan par 'dod pa rnams da ltar ma shi ba lus dang ldan pa yang gcig yul gzhan du song na de la pha ma 'am/ bu 'am/ spun gang yang rung bas zas skom mang por sbyin no gsol lo zhes bsngos pa yang yul gzhan du song ba'i rmi lam du yang mi 'byung na dngos por za zhing 'thung ba lta ga la yod/ tshe 'phos nas lus dang bral ba la bsngos zhing gtad pa za zhing 'thung ba lta ga la yod/ kye rgyal po chen po tshe 'phos nas sems lus dang bral ba des bu dang spun la sogs pas gtad pa'i zas dang / skom dngos po can 'di dag sems dngos po med pa gzugs med pas ji ltar bdag po byed par 'gyur/ de ci'i phyir zhe na/ bza' ba dang bca' ba ni lus yod pa'i yan lag gi rtsol ba la rag lus na sems la lus kyi yan lag de'i rtsol ba yod dam/ rgyal po chen pos gsol pa/ bcom ldan 'das de ltar lags na tshe 'phos pa</font><hr>67.164b<br><font size=+1>

la 'di na phan 'dogs pa'i bza' btung dang / bzhon pa dang / gos dang / rgyan gtong ba 'di dag la don ma mchis pa lags sam/ bcom ldan 'das kyis bka' stsal pa/ rgyal po chen po tshe 'phos pa des las gang spyad pa'i rnam par smin pas 'gro ba ris tha dad pa gang du skye ba len pa de la mi dge ba dang ma 'brel pa'i bsod nams kyi tshogs su 'gyur ba'i las dge ba sna tshogs pas bstangs na mtho ris dang thar par yang skye la/ gal te skye ba blangs pa zhig la bsod nams su 'gyur ba'i las dge ba zhig gis bstangs na skye ba blangs pa des nor rnyed pa dang / lo legs pa dang / 'dod pa'i longs spyod 'phel ba dang / 'gro ba gzhan thams cad kyis mchod cing bkur bar 'gyur ba'i phan pa yod kyi/ tshe 'phos pa skye ba mi len par gshin gyi 'jig rten yod nas bza' btung dang / bzhon pa dang / gos dang / rgyan dag bdag por byed pa ma yin no/ /kye rgyal po chen po 'jig rten pa dag gang gis mthong ba dang / pha ma la sogs pas rmi lam du rmis te/ tshe 'phos pa las bsngos pas gshin de bza' btung gis mgu'o/ /bzhon pa zhon no/ /gos gyon no/ /rgyan thogs so zhes smra zhing de ltar snang ba de yang bza' btung gis ma mgu'o/ /bzhon pa med do/ /gos mi gyon no/ /rgyan mi thogs so zhes smra zhing de ltar snang ba dag dri za 'chi ka'i sems la nye bar 'jug pa dang / mi ma yin pa dag gis de ltar snang bar byed pa yod do/ /kye rgyal po chen po rgyal po chen pos sems can dag 'di nas tshe 'pho kha na pha ma 'am/ spun nam/ bu la sogs pa la gtam byas pa dang / tshig ci smras pa dang / gzugs ci 'dra ba dag de tshe 'phos nas phyis pha ma dang / spun nam/ bu la sogs pa la de sngon tshe ma 'phos pa'i dus na gtam byas pa la sogs pa smra ba dang gzugs byad ston te/ de lta bu mthong ba dang ston pa yod ces 'jig rten pa dag mchi na/ de ltar lags sam ma lags zhes gsungs pa ni kye rgyal po chen</font><hr>67.165a<br><font size=+1>

po smra ba ni lus yod pa'i kha lce la brten nas smra ba lags na tshe 'phos pa'i lus ni 'dir bzhag na sems gzugs med pa de ji ltar smra/ de ste shi ba de la lus yod do zhes zer ba ni skye ba blangs pa yin te/ de la pha ma dgos pas gshin gyi 'jig rten yang med do/ /kyi rgyal po chen po de lta bu'i tshe ma 'phos pa'i mtshan ma dang dan rtags 'jig rten pa gang dag smra ba ni dri za khyab byed ces bya ba'i rigs yod pas byed de/ dper na rlung chen pos thang dang klungs yangs pa dag tu dus gcig tu rlung ldang ba bzhin du 'chi 'pho ba thams cad kyi sems la khyab par byed pa'i rigs dri za bi tsa na zhes bya ba dang / gnod sbyin smra 'dod kyi rigs dang / 'byung po bar hi na ta kun du rtogs 'dod ces bya ba dag gis bsgrubs nas mi ma yin pa de dag gis shi ba des sngon ji ltar gtam byas pa dang / cha lugs kyi dan rtags dag 'jig rten pa dag bslu ba'i phyir ston cing smra ba dag yin no/ /de'i tshe lha sbyin de na 'dug pas bcom ldan 'das kyis de skad ces gsungs pa de la yid ma ches nas bcom ldan 'das la 'di skad ces gsol to/ /gau ta ma sems can tshe 'phos nas cir 'gyur ba'i dan rtags pha rol na yod pa dang med pa bka' stsal pa de gau ta mas thog ma su la gsan/ dus nam gyi tshe mkhyen par mdzad/ gsan pa dang mkhyen par mdzad pa'i grogs po ni su lags/ de skad ces gsol pa dang / bcom ldan 'das kyis bka' stsal pa/ lha sbyin ngas ni rang gi lus btang ba la sogs pa dka' ba mang po dag bskal pa grangs med par spyad de sgrib pa thams cad ni sbyangs/ tshogs chen po yang dag par bsags pas thams cad mkhyen pa'i ye shes thob ste/ 'das pa'i dus na sngon byung ba dang / da ltar gyi dus na phyogs bcu mtha' yas pa na shes bya gang dag ci yod pa dang / ma 'ongs pa'i dus na 'byung bar 'gyur ba'i shes bya thams cad la mi mkhyen par gyur pa gang yang med de/ dper na 'dzam</font><hr>67.165b<br><font size=+1>

bu'i gling 'dir nyi ma shar ba de khad dang rim gyis shar ba ma yin te/ dus gcig tu gsal bar shar ba bzhin du shes bya thams cad skad cig ma gcig la mkhyen pa'i phyir nga ni rnam pa thams cad mkhyen pa'i ye shes mnga' ba zhes bya'o/ /de skad ces bka' stsal pa la yang lha sbyin yid ma ches nas thams cad mkhyen pa mnga' ba de nyams sad pa'i phyir 'dzam bu gling 'di na shing gi rigs tsan dan dang / blag sha dang / seng ldeng la sogs pa shing tha dad pa brgya stong bye ba dag bcad de/ so sor bsregs nas thal ba'i phur ma byas nas rang gi mi nor bar bya ba'i phyir thal ba la shing gang dang gang gi ming yi ger btags te/ bcom ldan 'das kyi drung du song nas bcom ldan 'das la 'di skad ces gsol to/ /bcom ldan 'das khyod la thams cad mkhyen pa'i ye shes mnga' na/ 'di shing gang gi thal ba 'di shing gang gi thal ba lags zhes thar chags su thal ba'i phur ma thams cad bstan pa las bcom ldan 'das kyis shing gang gi thal ba yin pa ma nor bar 'di ni tsan dan gyi thal ba'o/ /'di ni blag sha'i thal ba'o/ /'di ni seng ldeng gi thal ba'o zhes thal ba'i phur ma thams cad ma nor bar bshad pa las/ lha sbyin bcom ldan 'das la rnam pa thams cad mkhyen pa'i ye shes mnga' bar yid ches par gyur te/ tshe 'phos pa cir 'gyur ba gsungs pa bden par bsams nas/ bcom ldan 'das la 'di skad ces bstod do/ /bcom ldan 'das ni kun mkhyen lags/ /shing mang thal ba'i bye brag rnams/ /ma gzigs ma gsan nges par mkhyen/ /tshe 'phos ci 'gyur gsungs pa nges/ /zhes bstod nas spobs pa med par gyur to/ /de'i tshe shAkya ming chen de na 'dug pas tshe 'phos pa cir 'gyur bka' stsal pa la yid ma ches nas bcom ldan 'das la 'di skad ces gsol to/ /bcom ldan 'das tshe 'phos pa'i sems can rnams cir 'gyur ba gsungs pa de mngon sum du gzigs sam</font><hr>67.166a<br><font size=+1>

'on te gzhan zhig la gsan pa lags/ de skad ces gsol pa dang / bcom ldan 'das kyis bka' stsal pa/ ming chen nga'i sangs rgyas kyi spyan gyis mi gzigs pa ni 'jig rten na med de/ skyu ru ra rlon pa lag mthil du bzhag na lag pa'i bye brag thams cad gsal ba de bzhin du dus gsum gyi shes bya la ngas ma gzigs pa ci yang mi mnga' ste/ thos pa la brten pa ni ma yin no/ /de skad ces bka' stsal pa dang / shAkya ming chen gyis thams cad gzigs pa de bden brdzun nyams sad pa'i phyir ser skya'i grong khyer chen por song ste/ khyim ji snyed yod pa la 'bras kyi phur ma re re blangs te/ rang gis 'bras kyi phur ma mi gang la blangs pa mi nor bar bya ba'i phyir shAkya gang la blangs pa'i ming rnams bris te/ 'bras phur ma'i nang du bcug nas 'bras kyi phur ma glang po che'i khal longs pa cig dang / bcom ldan 'das kyi spyan sngar song ste phyin pa dang / bcom ldan 'das la 'di skad ces gsol to/ /bcom ldan 'das bcom ldan 'das kyis sangs rgyas kyi spyan gyis thams cad gzigs na 'bras kyi phur ma 'di dag mi dbye bar shAkya gang gang gi 'bras gang gang lags pa mkhyen par mdzod cig ces gsol nas glang po che'i khal gyi 'bras kyi phur ma rnams drung du bzhag pa las/ bcom ldan 'das kyis 'bras kyi phur ma re re blangs shing 'di shAkya dga' byed kyi'o/ /'di shAkya ka ya'i 'o/ /'di shAkya 'dod sred kyi'o zhes bya ba la sogs pa 'bras phur ma re re la shAkya 'di yi'o zhes ming ma nor bar rim par rdzogs par gsungs pa las bcom ldan 'das kyis sangs rgyas kyi spyan gyis thams cad gzigs pa la shAkya ming chen la sogs pa thams cad yid ches te/ bcom ldan 'das kyis tshe 'phos pa cir 'gyur ba bshad pa ni nges so snyam nas bcom ldan 'das la bstod pa/ sangs rgyas spyan gyis thams cad gzigs/ /'jig rten pa ltar brdzun mi mnga'/ /shAkya'i grong</font><hr>67.166b<br><font size=+1>

khyer ji snyed pa'i/ /'bras kyi phur ma ma nor mkhyen/ /sems can tshe 'phos pha rol na/ /ji ltar snang ba 'jig rten brdzun/ /bcom ldan 'das kyis gsungs pa mad/ /kun gzigs khyod la phyag 'tshal bstod/ /ces bstod nas spobs pa med de mi smra bar 'dug go/ /de nas yab rgyal po chen pos 'di skad ces gsol to/ /bcom ldan 'das sems can gang dag gis mtshams med pa la sogs pa'i las mi dge ba dag bgyis pas de'i rnam par smin pa mi bzad pa myong bar 'gyur ba dag gis ji ltar bgyis na bde ba thob par 'gyur ba bshad du gsol/ bcom ldan 'das kyis bka' stsal pa/ kye rgyal po chen po sems can gang dag gis mtshams med pa la sogs pa'i las mi dge ba byas pa dag gis sgyu med pa'i sems dang bas rnam par smin pa la yid ches par byas te/ sems thag pa nas bshags na 'byang bar 'gyur ro/ /'chi ba'i tshe mi dge ba sngar byas pa dag la 'gyod pa bskyed de/ sangs rgyas dang / byang chub sems dpa' thams cad la phyag 'tshal zhing skyabs su gsol na sdig pa 'byang bar 'gyur ro/ /mtho ris su yang skye bar 'gyur ro/ /tshe phyi ma med pa'i 'du shes bskyed par mi bya'o/ skye ba len pa ni dbang phyug dang / 'dod rgyal dang / gyi na la sogs pa dag gis byed par mi blta'o/ /'jig rten pa'i bde ba dang 'khor ba thams cad la chags par mi bya'o/ /kye rgyal po chen po 'jig rten 'di nas pha rol du 'pho ste/ skye ba len pa na rtag pa 'pho ba yang ma yin no/ /chad pa 'gags te med pa yang ma yin no/ /rgyu med pa yang ma yin no/ /rgyu med pa las byung ba yang ma yin no/ /byed pa pos byas pa yang ma yin te/ las dang nyon mongs pa'i rgyu rkyen tshogs pa las skye bar blta'o/ /rgyal po chen pos gsol pa/ bcom ldan 'das sems can rnams tshe 'phos nas skye ba len pa de de ltar rtag pa yang mi 'pho/ chad pa ya ma lags/ rgyu med pa yang ma lags/ byed pa pos</font><hr>67.167a<br><font size=+1>

kyang ma byas/ 'jig rten pha rol du skye ba yang 'grub pa de rtogs par dka' na 'di la 'thun pa'i dpe mchis sam/ bcom ldan 'das kyis bka' stsal pa/ kye rgyal po chen po 'di la 'thun pa'i dpe brgyad yod do/ /bla mas kha ton brjod pa slob mas shes pa'i dpe dang / mar me las mar me 'byung ba'i dpe dang / me long las gzugs brnyan 'byung ba'i dpe dang / rgya las rgya'i 'bur dang ri mo 'byung ba'i dpe dang / me shel las me 'byung ba'i dpe dang / sa bon las myu gu 'byung ba'i dpe dang / skyur zhes brjod pas 'gram chu ldang ba'i dpe dang / brag cha'i sgra rnams kyi dpes rtogs par bya ste/ kye rgyal po chen po dpe brgyad po 'di dag gis snga ma snga mas ni phyi ma phyi ma rnams 'byung ba yang yod pa ni rtag pa 'pho ba ma yin pa'i dpe'o/ /phyi ma phyi ma ni snga ma snga ma rnams las 'byung bas rgyu med pa las 'byung ba ma yin pa'i dpe dang / chad pa 'gag pa ma yin pa'i dpe'o/ /kye rgyal po chen po gzhan yang dpe 'di dag ni rkyen gsum gsum tshogs pa las 'byung ste/ bla ma dang slob ma de gnyis dbang po rnams tshang ba las kha ton 'byung zhing smra shes pa'o/ /mar dang sdong bu dang snod tshogs pa las mar me 'byung ngo / /nam mkha' dang ba dang / gdong dang me long tshogs pa las gzugs brnyan 'byung ngo / /rgya dang 'jim pa'i gong bu dang skyes bu lag pa'i rtsol ba rnams tshogs pa las 'bur dang ri mo 'byung ngo / /shel dang nyi ma'i 'od dang rtswa shing tshogs pa las me 'byung ngo / /sa bon dang sa gzhi dang rlan pa rnams tshogs pa las myu gu 'byung ngo / /tshwa dang tshwa chu 'thung myong ba dang / skyur zhes brjod pa tshogs pa las 'gram chu ldang ngo / /mis brjod pa'i sgra dang sgra drag po gzhan med pa dang / ri brag rnams tshogs pa las brag ca 'byung ste/ de dag ni sems can skye ba ni byed pa pos ma byas te/ las dang nyon mongs pa'i rgyu rkyen gyis bskyed pa'i dpe'o/ /kye rgyal po chen po gzhan yang bla ma ni tshe 'di'i dpe'o/ /slob ma ni tshe pha rol gyi</font><hr>67.167b<br><font size=+1>

dpe'o/ /kha ton ni rnam par shes pa nying mtshams sbyor ba'i dpe'o/ /mar me snga ma ni tshe 'di'i dpe'o/ /phyi ma ni pha rol gyi dpe'o/ /mar me snga ma las phyi ma byung ba yang snga ma yod pa ni rtag pa 'pho ba ma yin pa'i dpe'o/ /phyi ma de snga ma las byung ba rgyu med pa las ma byung ba'i dpe'o/ /me long ni tshe 'di yod pa'i sgo nas phyi ma yang yod la/ dngos po yang mi 'pho zhing pha rol yang yod nges pa'i dpe'o/ /rgya ni 'dir las ci spyad pa 'thun par pha rol du yang skye ba len pa'i dpe'o/ /me shel ni 'gro ba ris mi 'dra ba nas mi 'dra bar skye ba'i dpe'o/ /sa bon ni 'gags nas med par mi 'gyur ba'i dpe'o/ /skyur ni myong ba'i las kyis skye ba len pa'i dpe'o/ /sgra ni rgyu rkyen tshogs nas gnod pa'i rkyen gzhan med na skye ba len te/ gcig pa dang tha dad pa ma yin pa'i dpe'o/ /kye rgyal po chen po dpe brgyad po 'di tshang bar ma smos te/ 'ga' zhig bstan na dbang phyug dang / 'dod rgyal dang / gyi na dang / rgyu med par smra ba dag gis dge sbyong gau ta ma'i dpe 'di dag kha ton gyi dpes ni 'di'i phung po dang rnam par shes pa gnyis ma bral bar pha rol du rnam par shes pa 'pho bar 'gyur zhes smra ba dag dgag pa'i phyir dpe lhag ma rnams bstan to/ /mar me'i dpes ni 'di dang pha rol gnyi gar phung po dus gcig yod do zhes zer ba dag dgag pa'i phyir dpe lhag ma rnams bstan to/ /me long gi dpes ni 'dra ba'i dpe yin pas grum po las grum por skye/ dkar po las dkar por skye'o zhes zer ba dag dgag pa'i phyir dpe lhag ma rnams bstan to/ /rgya'i dpes ni lha 'phos pa lhar skye/ mi 'phos pa mir skye ba la sogs pa nges pa'o zhes zer ba dag dgag pa'i phyir dpe lhag ma rnams bstan to/ /me shel gyi dpes ni mi 'dra ba'i dpe yin pas dge bas ngan song dang mi dge bas mtho ris 'grub bo zhes zer ba dag dgag pa'i phyir dpe lhag ma rnams bstan to/ /sa bon gyi dpes ni shes pa gcig las mang por 'phel lo zhes</font><hr>67.168a<br><font size=+1>

zer ba dag dgag pa'i phyir dpe lhag ma rnams bstan to/ /skyur gyi dpes ni myong ba'i dpe yin pas lha'i lo rgyus yod pa dag dge ba'i bsod nams ma byas kyang lhar skye'o/ /ngan song gi lo rgyus yod pa dag mi dge ba ma byas kyang ngan song du skye'o zhes zer ba dag dgag pa'i phyir dpe lhag ma rnams bstan to/ /sgra'i dpes ni byed pa po'i dpe yin pas rgyu rkyen las ma byung ngo zhes zer ba dag dgag pa'i phyir dpe lhag ma rnams bstan to/ /de'i phyir dpe brgyad bstan to/ /kye rgyal po chen po tshe zhig ste pha rol du skye ba med de/ chad pa dang 'gag pa yang ma yin no/ /tshe 'di dngos po rtag pa ma nyams par pha rol du 'pho ba yang ma yin no/ /tshe 'di la ma bsten par pha rol du skye ba len pa yang ma yin no/ /bdag gis skye ba 'di blang ngo zhes bsams pas kyang skye ba mi len to/ /bdag gis dbang phyug chen po la sogs pa la brten te mtho ris su skye bar bya'o snyam pas kyang ma yin no/ /bdag mtho ris dang ngan song gar 'dod par skye bar bya'o snyam pas kyang ma yin no/ /ci yang ma byas te rgyu rkyen la brten mi dgos par skye'o snyam pas kyang ma yin no/ /phung po 'di zhig ste shi nas ci yang med do zhes smra ba yang ma yin no/ 'dir tshe 'phos nas pha rol na gshin gyi khams su mu chags su mchis pas 'di na ci spyod pa byed de skye ba mi len zhes zer ba yang ma yin no/ /tshe 'di'i rnam par shes pa ma 'gags par rnam par shes pas skye ba len zhes zer ba yang ma yin no/ /'di dang pha rol gnyis gar phung po dus gcig yod ces zer ba yang ma yin no/ /grum po las grum por skye/ dkar po las dkar por skye zhes bya ba la sogs pa yang ma yin no/ /lha tshe 'phos pa yang lhar skye'o/ /mi tshe 'phos pa yang mir skye'o zhes zer ba yang ma yin no/ /dge bas ngan song dang / mi dge bas mtho ris su 'grub ces zer ba yang ma yin no/ /shes pa gcig las mang po 'phel ba yang ma yin no/ /dge ba</font><hr>67.168b<br><font size=+1>

ma byas kyang lhar skye ba dang / mi dge ba ma byas kyang ngan song du skye ba yang ma yin no/ /skye ba ni byed pa pos byas pa yang ma yin no/ /de dag ci'i phyir ma yin zhe na kha ton gyi dpe la gang dag gis rnam par shes pa 'di ma 'gags par pha rol du skye ba len no zhes zer ba'i skyon bsal ba'i phyir sa bon gyi dpe bstan te/ sa bon de ma rul bar myu gu skye na ni bdag tu smra ba dag bden na sa bon de rul nas snga ma las gyur te mi 'dra bar gyur pa las myu gu skye'o/ /mar me'i dpe la gang gis mar me gcig las gcig sbar na gnyi ga yod pas 'di dang pha rol gnyi gar phung po dus gcig yod do zhes zer ba'i skyon bsal ba'i phyir sgra'i dpe bstan te/ brag ca ni mis ma brjod par sgra mi grag ste/ dus gcig tu mi 'byung bas phung po yang dus gcig tu mi 'byung ngo / /me long gi dpe la 'dra ba'i phyir grum po las grum por skye ba dag dgag pa'i phyir me shel gyi dpe bstan te/ me shel las de dang mi 'dra ba'i me 'byung ba'i phyir ro/ /rgya'i dpe ni lha tshe 'phos pa lhar skye/ mi tshe 'phos pa mir skye'o zhes zer ba bsal ba'i phyir kha ton gyi dpe bstan te/ 'di'i dpe ni bla ma yin la/ pha rol gyi dpe ni slob ma yin te/ tha dad pas bla ma yang slob ma ma yin/ slob ma yang bla ma ma yin pa'i phyir ro/ /me shel gyi dpe la mi 'dra ba'i dpe yin te/ dge bas ngan song mi dge bas mtho ris so zhes zer ba bsal ba'i phyir mar me'i dpe bstan te/ mar me las mar me mi 'dra ba mi 'byung gi /mar me las mar me 'byung ba bzhin dge bas mtho ris mi dge bas ngan song ni rigs pa'o/ /sa bon gyi dpe la shes pa 'phel zhes zer ba dgag pa'i phyir rgya'i dpe bstan te/ rgya'i ri mo ci 'dra ba de las 'jim pa'i gong bu la yang ri mo gzhan mi 'byung ba'i phyir ro/ /skyur gyi dpe las gang dag gis lha'i lo rgyus myong ba dag dge ba ma byas kyang skye ba thams cad du lhar skye/ ngan song gi lo rgyus myong ba dag mi dge ba ma byas kyang skye ba thams cad ngan song du skye'o/ </font><hr>67.169a<br><font size=+1>

zhes zer ba dag dgag pa'i phyir me long gi dpe bstan te/ me long la bzhin ci 'dra ba snang ba bzhin du dge ba dang mi dge ba'i 'bras bu 'dra ba bsnol nas mi 'dra bar sbyor ba 'gal ba'i phyir ro/ /sgra'i dpe la ni byed pa pos byas pa ma yin te/ mis skad ma bsgrags par brag ca mi 'byung ba bzhin du byed pa pos ma byas par sems can rnams mi skye'o zhes zer ba de bsal ba'i phyir skyur gyi dpe bstan te/ sngar 'thungs pa dang za myong bas phyis brjod pas 'gram chu ldang ba bzhin du las dang nyon mongs pa sngar spyad pa'i dbang gis phyis skye ba len no/ /kye rgyal po chen po sems can skye ba dang / 'jig pa dang 'di dang pha rol du 'pho ba dang / ji ltar 'gyur ba dag ni de ltar mkhyen par mdzod cig /bcom ldan 'das kyis de skad ces bka' ba la 'khor 'dus pa thams cad yi rangs te mngon par bstod do/ /'chi 'pho ba ji ltar 'gyur ba bstan pa'i mdo rdzogs so// //</font><hr>

</table>