J2

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J2</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J2&coll=lithang">see text in Tibetan script</a></table>5.1a<br><font size=+1>

(ca) @#/ ! /'dul ba lung bzhugs so/ /[(黃) 律師戒行經第五部]</font><hr>5.1b<br><font size=+1>

@##/   /rgya gar skad du/  pra ti mok+Sha sU tra/  bod skad du/  so so thar pa'i mdo/ bam po dang po/ thams cad mkhyen pa la phyag 'tshal lo/ / snyan pa'i ba dan 'jig rten gsum du grags/ /dam pa'i chos sgra seng ge'i sgra bsgrags pa/ /thams cad mkhyen pa dkon mchog mdzod brnyes pa/ /zhabs la tshangs dbang gtsug gi nor bus gtugs/ /sdug bsngal rgya mtsho gting mtha' med rgal ba/ /'gro ba'i gtso la spyi bos phyag 'tshal te/ / thams cad mkhyen pa'i bslab gzhi dkon mchog snod/ /'phags pa'i tshogs kyi dbus su dbye bar bya// sangs rgyas 'dul ba gangs chen mtsho/ /gting mtha' med pa thams cad kyi/ /gnas pa'i snying dang snying po ni/ /so sor thar pa 'di yin no/ / 'di ni dam chos rgyal po yi/ /chos kun gyi ni 'dren pa mchog / 'di ni dge slong tshong tshogs kyi/ /bslab zong tshong khang chen po yin/ / tshul khrims 'chal bas zin rnams kyi/ /gdug pa rnam sel sman 'di yin/ / </font><hr>5.2a<br><font size=+1>

'di ni lang tshos rnam 'khrul pa'i/ /rkang gnyis gzhon nu'i lcags kyu yin/ / mtsho bas zab pa'i 'khor ba las/ /sgrol ba'i rgal thabs 'di yin te/ / 'di ni bzang 'gror 'gro ba yi/ /nges pa'i chu lon zam pa yin/ / 'di ni nyon mongs pham byed lam/ /rgyal po yi ni 'dren pa mchog / 'di ni thar pa'i grong 'jug pa'i/ /them skas gzhi dang 'dra bar gnas/ / nga ni mya ngan 'das gyur na/ /'di ni khyed kyi ston pa'o zhes/ /rang byung nyid kyis gus bcas par/ /nan tan dge slong tshogs 'dun bstod/ / sangs rgyas zhes bya'i sgra 'di yang / /'jig rten dag na rab tu dkon/ / mi nyid rnyed pa shin du dka'/ / rab tu byung ba shin du dkon/ / de bzhin rab tu byung rnams kyi/ /tshul khrims phun sum tshogs rab dkon/ / tshul khrims yongs su dag gyur kyang / /grogs bzang shin du rnyed par dka'/ / 'jig rten sangs rgyas 'byung ba dang / /mi dang rab du byung ba dang / /tshul khrims phun sum tshogs pa dang / /grogs bzang rnyed dka' rnyed gyur nas/ /mkhas pa bdag la legs 'dod cing / /de dag 'bras bcas byed 'dod pa'i/ /sdom brtson rnams kyis so sor thar/ /mnyan pa'i phyir ni 'bad par bya/ / dge slong dbang dul kun dbang po/ /sangs rgyas mi 'gyur rab byung ba/ /nges par thar pa 'dod rnams kyis/ /so sor thar pa rtag tu srungs/ / bskal pa bye ba rnams su yang / /so sor thar pa thos pa dang / /gzung dang 'dzin pa rnyed dka' ste/ /sgrub pa 'ang shin du rnyed par dka'/ / sangs rgyas rnams ni 'byung ba bde/ /chos bstan pa yang bde ba yin/ /dge 'dun 'thun pa bde ba ste/ /'thun pa rnams kyi dka' thub bde/ / 'phags pa rnams ni mthong ba bde/ /dam pa dag dang 'grogs pa bde/ / byis pa rnams ni ma mthong na/ /rtag tu bde ba nyid du 'gyur/ / tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba yi/ /</font><hr>5.2b<br><font size=+1>

dgra bcom pa dag mthong ba bde/ / 'jug ngogs bde ba'i chu klung bde/ /chos la goms pa'i skye bo bde/ /shes rab thob par gyur pa bde/ /nga 'o nga rgyal zad pa bde/ / nges par byas shing dbang po thul ba dang / /dgon pa zhi ba rnams su rgas gyur dang / /mang du thos pa nags kyi nang dag tu/ /lang tsho yol ba rnams kyis gnas pa bde/ / tshe dang ldan pa dag so ka rnams kyi 'das pa dang / lhag ma ji tsam pa de tsam mo/ / tshe dang ldan pa dag rga ba dang 'chi ba mngon par 'ong zhing ston pa'i bstan pa yang 'jig par 'gyur bas/ tshe dang ldan pa dag gis bag yod pas rnal 'byor du bya'o/ / de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang / gzhan yang gang dag de lta bu dang 'thun pa dge ba'i chos byang chub kyi phyogs rnams kyang bag yod pas 'thob bo/ / bcom ldan 'das kyi nyan thos kyi dge 'dun ni don nyung ba bya ba nyung ba yin pas dge 'dun gyis thog mar bya ba ci yod/ tshe dang ldan pa dag ma lhags pa rnams la 'dun pa dang yongs su dag pa dris shig /dris nas kyang brjod par bya'o/ / shAkya seng ge de la ni/ /sor mo bcu yi thal sbyar te/ /so sor thar pa gdon par byas/ /gdul ba'i don du nga las nyon/ / thos nas drang srong chen po yis/ /ji skad gsungs bzhin bsgrub bya zhing / /kha na ma tho phra rnams la/ /rtun cing byed pa nyid du gyis/ / rtag tu 'bad pas 'da' ba yi/ /sems rta kha blan dka' ba la/ /'thun pa'i gzer rnon brgya pa yi/ /srab ni so sor thar 'di yin/ / che ba gang dag ngag tsam gyis/ /ldog cing mtshams las mi 'da' ba/ /de dag mi rta bzang po ste/ /nyon mongs g.yul las nges rgyal 'gyur/ / su la srab 'di med pa dang / /nam du 'ang 'dod par mi 'gyur ba/ /de dag nyon mongs g.yul gyis dkrugs/ /'jog bral rnam par 'khyam par 'gyur/ / dge 'dun btsun pa rnams gsan du gsol/ deng dge 'dun gyi gso sbyong bcu bzhi pa 'am bcwa lnga pa ste/ </font><hr>5.3a<br><font size=+1>

gal te dge 'dun gyis dus la bab cing bzod na dge 'dun gyis gnang bar mdzod cig dang / deng dge 'dun gso sbyong mdzad de so sor thar pa'i mdo gdon pa gdon to/ /'di ni gsol ba'o/ / tshe dang ldan pa dag bdag cag gso sbyong bya ste/ so sor thar pa'i mdo gdon pa gdon gyis/ khyed cag su la ltung ba yod pa des mthol cig /ltung ba med na cang ma smra shig /cang mi smra na bdag gis tshe dang ldan pa dag yongs su dag par rig par bya'o/ / ji ltar so sor dris nas dge slong gis lan btab pa de bzhin du dge slong gi 'khor 'di lta bu yang lan gsum gyi bar du bsgrag par bya ba yin no/ /yang dge slong gang dge slong gi 'khor 'di lta bur lan gsum gyi bar du bsgrags pa na ltung ba yod la dran bzhin du mi mthol na de shes bzhin du brdzun du smra ba yin no/ / tshe dang ldan pa dag shes bzhin du brdzun du smra ba ni bcom ldan 'das kyis bar du gcod pa'i chos su gsungs so/ / de bas na dge slong gang ltung ba byung ba rnam par dag par 'dod pas ltung ba yod la dran zhing mthong ba mthol bar bya'o/ /mthol na de bde ba la reg bar gnas par 'gyur ro/ /ma mthol ma bshags na ni mi 'gyur ro/ / tshe dang ldan pa dag bdag gis so sor thar pa'i mdo gdon pa'i gleng gzhi bton zin to/       / de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri 'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to//    // sdom la/ mi tshangs spyod dang rku ba dang / /mi la gsad par mi bya ba/ /brdzun du smra dang bcas pa yi/ /chos bzhi 'dir ni gsungs pa yin/ / tshe dang ldan pa dag pham par 'gyur ba'i chos bzhi po 'di dag ni zla ba phyed phyed cing so sor thar pa'i mdo gdon pa las 'byung ngo / / yang dge slong gang dge slong rnams dang lhan cig bslab pa mtshungs par gyur pas bslab pa ma phul bslab pa nyams par ma byas par mi tshangs par spyod pa 'khrig</font><hr>5.3b<br><font size=+1>

pa'i chos bsten na/ tha na dud 'gro'i skye gnas su skyes pa dang lhan cig kyang rung ste/ dge slong de pham par gyur pa yin gyis gnas par mi bya'o/ / yang dge slong gang gzhan dag gi grong na 'dug pa 'am/ dgon pa na 'dug pa ma byin par rku ba'i grangs su gtogs pa blangs na/ ji tsam ma byin par blangs pa de rgyal po 'am/ blon po chen pos bzung nas de la 'di skad ces/ kye mi khyod ni rkun ma 'o/ /byis pa'o/ /blun pa'o/ /rku ba'o zhes zer zhing gsod dam/ 'ching ngam/ spyugs kyang rung ste/ dge slong de ltar ma byin par len na dge slong de yang pham par gyur pa yin gyis gnas par mi bya'o/ / yang dge slong gang mi 'am mir chags pa la bsams bzhin du rang gi lag dar te srog bcad dam/ de la mtshon byin nam/ de la mtshon thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di skad ces kye mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zer zhing / sems kyi 'dod pa dang / sems kyi kun tu rtog pa dag gis rnams grangs du mas de 'chir bcug gam/ de la 'chi ba'i bsngags pa brjod de/ de yang rtsom pa des dus byas na/ dge slong de yang pham par gyur pa yin gyis gnas par mi bya'o/ / yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la med bzhin du 'di shes so/ /'di mthong ngo zhes khas 'ches pa las/ de ltung ba byung ba rnam par dag par 'dod nas dus gzhan zhig na dris kyang rung / ma dris kyang rung 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so zhes zer na/ mngon pa'i nga rgyal ma gtogs te/ dge slong de yang pham par gyur pa yin gyis gnas par mi bya'o/ / tshe dang ldan</font><hr>5.4a<br><font size=+1>

pa dag bdag gis pham par gyur pa'i chos bzhi po dag bton zin to/ / dge slong gis de dag las ltung ba gang yang rung ba zhig byas na thog ma ji lta bar phyis kyang de bzhin pham par gyur pa yin te/ dge slong rnams dang lhan cig gnas pa dang longs spyod du mi dbang gis gnas par mi bya'o/ / de la bdag gis tshe dang ldan pa dag la ci 'di la khyed yongs su dag gam/ zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to//    // sdom la/ khu ba 'dzin pa 'khrig tshig bsnyen bkur smyan/ /khang pa khang chen dang ni gzhi med pa/ /bag tsam dge 'dun dbyen dang de rjes phyogs/ /khyim sun 'byin dang bka' blo mi bde ba'o/ / tshe dang ldan pa dag dge 'dun lhag ma'i chos bcu gsum po 'di dag ni zla ba phyed phyed cing so sor thar pa'i mdo 'don pa las 'byung ngo / / bsams bzhin du khu ba phyung na rmi lam gyi ma gtogs te dge 'dun lhag ma 'o/ / yang dge slong gang dral cing gyur pa'i sems kyis bud med kyi yul dang lhan cig lus reg par byed dam/ lag pa nas bzung ngam/ dpung pa nas bzung ngam/ lan bu nas bzung ngam/ yan lag dang nying lag gang yang rung ba la nom pa dang nyug pa bdag gir byed na dge 'dun lhag ma'o/ / yang dge slong gang dral cing gyur pa'i sems kyis bud med kyi yul dang lhan cig gnas ngan len gyi tshig sdig pa can tshogs par mi dbyung ba 'khrig pa las byung ba dang ldan pa dag skyes bus na chung la ji lta ba bzhin du smras na dge 'dun lhag ma'o/ / yang dge slong gang dral cing gyur pa'i sems kyis bud med kyi lus kyi 'dun du bdag nyid kyi lus kyi bsnyen bkur bya ba'i phyir 'di lta ste/ nga lta bu'i dge slong tshul khrims dang ldan pa/ dge ba'i chos can/ tshangs par spyod pa la 'di ltar 'khrig pa las byung ba dang ldan pa'i chos 'dis bsnyen bkur byas na/ sru 'di ni bsnyen bkur</font><hr>5.4b<br><font size=+1>

byas pa rnams kyi nang na mchog yin no zhes bsngags pa brjod na dge 'dun lhag ma'o/ / yang dge slong gang bud med la skyes pa'i tshig dang / skyes pa la bud med kyi tshig gis chung ma nyid dang / mdza' na mo nyid du smyan byed na tha na thang 'ga' phrad pa yang rung ste dge 'dun lhag ma'o/ / dge slong gis bdag gis bslangs pa/ bdag po med pa/ bdag gi phyir khang pa rtsig tu 'jug na dge slong des khang pa tshad bzhin du brtsig tu chug cig /de la khang pa'i tshad ni 'di yin te/ nang gi srid du bde bar gshegs pa'i mtho'i mtho bcu gnyis/ zheng du mtho bdun no/ /gzhi blta ba'i phyir dge slong des dge slong dag bkri bar bya'o/ /khrid pa'i dge slong dag gis kyang gzhi rung ba dang / rtsod pa med pa dang / brtsam du rung bar blta bar bya'o/ /gal te dge slong gis gzhi mi rung ba 'am/ rtsod pa dang bcas pa 'am/ brtsam du mi rung bar bdag gis bslangs pa bdag po med pa bdag gi phyir khang pa rtsig tu 'jug gam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi ston tam/ tshad las 'das na dge 'dun lhag ma'o/ / dge slong gis bdag po yod pa dge 'dun gyi phyir gtsug lag khang chen po rtsig tu 'jug na gzhi blta ba'i phyir dge slong des dge slong dag bkri bar bya'o/ /khrid pa'i dge slong dag gis kyang gzhi rung ba dang / rtsod pa med pa dang / brtsam du rung bar blta bar bya'o/ /gal te dge slong gis gzhi mi rung ba 'am/ rtsod pa dang bcas pa 'am/ brtsam du mi rung bar bdag po yod pa dge 'dun gyi phyir gtsug lag khang chen po rtsig tu 'jug gam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston na dge 'dun lhag ma'o/ / yang dge slong gang khros shing zhe sdang bar gyur nas/ ci nas kyang 'di tshangs par spyod pa dang dbral lo snyam nas/ dge slong dag pa ltung ba med pa la/ gzhi med par pham par 'gyur ba'i chos</font><hr>5.5a<br><font size=+1>

kyis skur pa las de dus gzhan zhig na dris kyang rung / ma dris kyang rung / rtsod pa de yang gzhi med pa yin la/ dge slong yang zhe sdang la gnas pas zhe sdang gis smras so zhe na dge 'dun lhag ma'o/ / yang dge slong gang khros shing zhe sdang bar gyur nas ci nas kyang 'di tshangs par spyod pa dang dbral lo snyam nas/ dge slong dag pa ltung ba med pa la gzhan gyi cha ma yin pa dang 'thun pa pham par 'gyur ba'i chos kyis skur pa las/ de dus gzhan zhig na/ dris kyang rung / ma dris kyang rung / rtsod pa de yang gzhan gyi cha ma yin pa dang 'thun pa yin la/ rtsod pa de gzhan gyi cha ma yin pa dang 'thun pas bag tsam las bsams pa tsam gyis chos 'ga' zhig blangs par gyur la/ dge slong yang zhe sdang la gnas pas zhe sdang gis smras so zhe na dge 'dun lhag ma 'o/ / yang dge slong gang dge 'dun 'thun pa dbye ba'i phyir rtul bar byed cing / dbyen byed par gyur pa'i rtsod pa yang dag par blangs nas rab tu bzung ste 'dug na/ dge slong de la dge slong rnams kyis 'di skad ces/ tshe dang ldan pa khyod dge 'dun 'thun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug cig /tshe dang ldan pa dge 'dun dang 'thun par gyis shig /dge 'dun 'thun mi phyed/ kun du dga' mi rtsod/ mchog gcig 'don pa gcig cing chu dang 'o ma 'dres pa lta bur gyur la/ ston pa'i bstan pa yang gsal bar byed na bde ba la reg par 'gyur gyis/ tshe dang ldan pa khyod dge 'dun 'byed par byed pa'i gzhi 'di lta bu 'di thong shig ces bsgo bar bya'o/ /dge slong de la dge slong rnams kyis de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya'o/ /yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ </font><hr>5.5b<br><font size=+1>

gal te mi gtong na dge 'dun lhag ma 'o/ / dge slong de'i grogs byed pa'i dge slong mi mthun par smra ba nyid kyi rjes su phyogs pa gcig gam gnyis sam mang po dag yod cing / gal te de dag dge slong rnams la 'di skad ces/ tshe dang ldan pa dag khyed cag dge yang rung / sdig kyang rung / dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes zer na/ dge slong de dag la dge slong rnams kyis 'di skad ces/ tshe dang ldan pa dag khyed cag de skad ces/ tshe dang ldan pa dag khyed cag dge yang rung / sdig kyang rung / dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed la/ dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan pa dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par smra ba ma yin pa'i phyir te/ dge slong 'di ni gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun 'thun pa nyid du 'dod par gyis shig /</font><hr>5.6a<br><font size=+1>

tshe dang ldan pa dag dge 'dun 'thun par gyis shig /dge 'dun 'thun mi phyed/ kun tu dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo bar bya'o/ /dge slong de dag la dge slong rnams kyis de skad ces bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ / dge slong rab tu mang po dag grong ngam grong rdal zhig na nye bar rten cing gnas par gyur la/ de dag kyang khyim sun 'byin pa sdig pa'i chos kun tu spyod par gyur cing / de dag gis khyim dag sun phyung bar mthong ngam/ thos sam/ rab tu shes de dag sdig pa kun du spyod par mthong ngam/ thos sam/ rab tu shes na dge slong de dag la dge slong rnams kyis 'di skad ces/ tshe dang ldan pa dag khyim sun 'byin pa sdig pa'i chos kun du spyod pa dag yin te/ khyed kyis khyim dag sun phyung bar yang mthong zhing thos la rab tu shes/ khyod sdig pa kun tu spyod par yang mthong zhing thos la rab tu shes kyis/ tshe dang ldan pa dag khyed 'di na gnas pas chog gis gnas 'di nas deng shig ces bsgo bar bya'o/ /gal te de dag dge slong rnams la 'di skad ces/ tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do/ /zhes</font><hr>5.6b<br><font size=+1>

zer na dge slong de dag la dge slong rnams kyis 'di skad ces/ tshe dang ldan pa dag khyed de skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/ dge slong 'di dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba dag ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun tu spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun du spyod par yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o/ /dge slong de dag la dge slong rnams kyis de skad ces bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya 'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ / 'di na dge slong 'ga' zhig bka' blo mi bde ba'i rang bzhin can du gyur la/ de la dge slong rnams kyis gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na/ tshe dang ldan pa dag khyed cag dge yang rung / sdig kyang rung / bdag la ci yang ma smra shig /bdag kyang dge yang rung / sdig kyang rung / </font><hr>5.7a<br><font size=+1>

tshe dang ldan pa dag la ci 'ang mi smra'o/ /tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bya ba ma yin par byed na/ dge slong rnams kyis 'di skad ces/ tshe dang ldan pa khyod dge slong rnams kyis gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang 'thun pa dang / 'dul ba dang 'thun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang 'thun pa dang / 'dul ba dang 'thun par smras pa na/ tshe dang ldan pa yang dge slong rnams la chos dang 'thun pa dang / 'dul ba dang 'thun par smros shig /de ci'i phyir zhe na/ 'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/ tshe dang ldan pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces bsgo bar bya'o/ /dge slong de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ / tshe dang ldan pa dag bdag gis dge 'dun lhag ma'i chos bcu gsum po dag bton zin to/ / de dag las dgu ni ltung ba dang po dag nyid kyis so/ /bzhi ni lan</font><hr>5.7b<br><font size=+1>

gsum gyi bar gyis so/ / dge slong gis de dag las ltung ba gang yang rung ba zhig byas la/ ji srid du shes bzhin du 'chab par byed pa de srid du des mi 'dod bzhin du spo bar bya'o/ /dge slong gis mi 'dod bzhin du spo ba byas nas de'i 'og tu zhag drug gi bar du dge 'dun mgu bar bya ba spyad par bya ba'o/ /dge slong gis mgu bar bya ba spyad nas dbyung bar bya ba la thogs te chos dang 'thun par byas la/ dge slong gis dge 'dun gyi sems mgu bar byas na gang na dge slong nyi shu'i tshogs kyi dge 'dun yod pa der dge slong de dbyung bar bya'o/ /gal te dge slong nyi shur gcig gis ma tshang ba'i tshogs kyi dge 'dun gyis dge slong de 'byin par byed na/ dge slong de yang ma phyin la dge slong de dag kyang smad par bya ba yin te de la de ni cho ga yin no/ / de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to//    // sdom la/ dben pa skyabs yod 'dug pa'o/ / tshe dang ldan pa dag ma nges pa'i chos gnyis po 'di dag ni zla ba phyed phyed cing so sor thar pa'i mdo 'don pa las 'byung ngo / / yang dge slong gang bud med kyi yul dang lhan cig gcig pu gcig dang dben pa skyabs yod pa na 'dod pa byar rung ba stan la 'dug par byed cing / de la gal te dge bsnyen ma yid ches pa'i tshig dang ldan pas chos gsum po pham par 'gyur pa 'am/ dge 'dun lhag ma 'am/ ltung byed las chos gang yang rung bas smras par gyur la/ dge slong gis 'dug par khas blangs na chos gsum po pham par gyur pa 'am/ dge 'dun gyi lhag ma 'am/ ltung byed las chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste/ de ni ma nges pa'i chos so/ / yang dge slong</font><hr>5.8a<br><font size=+1>

gang bud med kyi yul dang lhan cig gcig pu gcig dang dben pa skyabs yod pa na 'dod pa byar mi rung bar stan la 'dug par byed cing / de la gal te dge bsnyen ma yid ches pa'i tshig dang ldan pas chos gnyis po dge 'dun lhag ma 'am/ ltung byed las chos gang yang rung bas smras par gyur la/ dge slong gis 'dug par khas blangs na chos gnyis po dge 'dun lhag ma 'am/ ltung byed las chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste/ de yang ma nges pa'i chos so/ / tshe dang ldan pa dag bdag gis ma nges pa'i chos gnyis po dag bton zin to/ / de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to//    // sdom la/ 'chang ba 'bral ba 'jog pa dang / /'khrur 'jug pa dang len pa dang / /slong dang stod g.yogs smad g.yogs bcas/ /rin thang so sor bskur ba 'o/ / tshe dang ldan pa dag spang ba'i ltung byed kyi chos sum bcu po 'di dag ni zla ba phyed phyed cing so sor thar pa'i mdo 'don pa las 'byung ngo / / dge slong chos gos zin pas sra brkyang phyung na/ zhag bcu'i bar du gos lhag pa rnam par ma brtags pa bcang bar bya'o/ /de las 'das par bcangs na spang ba'i ltung byed do/ / dge slong chos gos zin pas sra brkyang phyung na/ gal te nub gcig kyang chos gos gsum las chos gos gang yang rung ba dang mtshams kyi phyi rol du 'bral bar byed na/ dge 'dun gyis gnang ba ma gtogs te spang ba'i ltung byed do/ / dge slong chos gos zin pas sra brkyang phyung na/ dus ma yin pa'i gos shig rnyed la 'dod na dge slong des gos de</font><hr>5.8b<br><font size=+1>

blang bar bya'o/ /blangs nas gal te langs na myur ba kho nar gos su byas la bcang bar bya'o/ /gal te mi langs la kha ma langs pa kha skong ba'i gos la re ba yod na dge slong des gos de zla ba gcig gi mthar gzhag par bya'o/ /de las 'das par 'jog na spang ba'i ltung byed do/ / yang dge slong gang dge slong ma nye du ma yin pa la gos rnying pa 'khrur 'jug gam/ 'tshed du 'jug gam/ 'chag tu 'jug na spang ba'i ltung byed do/ / yang dge slong gang dge slong ma nye du ma yin pa las gos len na/ brjes pa ma gtogs te spang ba'i ltung byed do/ / yang dge slong gang khyim bdag gam/ khyim bdag gi chung ma nye du ma yin pa'i gan du song ste/ gos slong na dus ma gtogs te/ spang ba'i ltung byed do/ /de la dus ni 'di yin te/ dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus khyer na de la de ni dus yin no/ / dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus khyer na khyim bdag gam/ khyim bdag gi chung ma nye du ma yin pa'i gan du song la/ gos bslang bar bya'o/ /de la gal te bram ze 'am/ khyim bdag dad pa can zhig gis dus kyis gos mang po dag stobs la 'dod na dge slong des de las gos stod g.yogs smad g.yogs dang bcas pa'i mthar thug pa blang bar bya'o/ /de las lhag par len na spang ba'i ltung byed do/ / dge slong gi phyir khyim bdag gam/ khyim bdag gi chung ma nye du ma yin pas gos kyi rin dag spags nas bdag gi gos kyi rin 'di dag gis gos 'di dang 'di lta bu zhig nyos la/ dge slong ming 'di zhes bya ba 'ongs na/ de la gos rung ba dus su bskon no snyam pa las/ de la gal te dge slong de la sngar ma bstabs par rnam par rtogs pa 'ga' zhig byung ste/ bzang po 'dod pa'i phyir khyim bdag gam/ khyim bdag gi chung ma nye du ma yin pa de'i gan du song nas 'di skad ces</font><hr>5.9a<br><font size=+1>

tshe dang ldan pas bdag gi phyir gos kyi rin gang dag spags pa'i gos kyi rin de dag gis tshe dang ldan pa gos 'di dang 'di lta bu zhig nyos la bdag la gos rung ba dus su legs par skon cig ces smras te/ gos grub pa na spang ba'i ltung byed do/ / dge slong gi phyir khyim bdag dang khyim bdag gi chung ma nye du ma yin pas gos kyi rin so so de dag spags nas/ bdag cag gnyis kyis gos kyi rin so so ba 'di dag gis gos 'di dang 'di lta bu so so ba dag nyos la/ dge slong ming 'di zhes bya ba 'ongs pa dang / bdag cag gnyis kyis so so nas de la gos rung ba dus su bskon no/ /snyam pa las de na gal te dge slong de la sngar ma bstabs par rnam par rtog pa 'ga' zhig byung ste/ bzang po 'dod pa'i phyir khyim bdag dang / khyim bdag gi chung ma nye du ma yin pa de dag gi gan du song nas 'di skad ces/ tshe dang ldan pa dag gis bdag gi phyir gos kyi rin so so ba dag spags pa'i gos kyi rin so so ba de dag gis tshe dang ldan pa dag gos 'di dang 'di lta bu so so ba dag nyos la gnyi ga 'dus te/ bdag la gos rung ba cig dus su legs par skon cig ces smras te/ gos grub pa na spang ba'i ltung byed do/ / dge slong gi phyir rgyal po 'am/ blon po chen po 'am/ bram ze 'am/ khyim bdag gam/ grong rdal gyi mi 'am/ yul mi 'am/ nor can nam/ tshong dpon nam/ ded dpon gyis pho nya'i lag tu gos kyi rin dag bskur bar gyur la/ de nas pho nya de gos kyi rin de dag khyer nas dge slong de ga la ba der song ste phyin nas dge slong de la 'di skad ces/ 'phags pa mkhyen par mdzod cig /khyod la rgyal po 'am/ blon po chen po 'am/ bram ze 'am/ khyim bdag gam/ grong rdal gyi mi 'am/ yul mi 'am/ nor can nam/ tshong dpon nam/ ded dpon che ge mos gos kyi rin 'di dag bskur gyis/ 'phags pas thugs brtse ba'i slad du 'di dag bzhes shig ces zer na dge slong des pho nya de la 'di skad ces/ tshe dang ldan pa</font><hr>5.9b<br><font size=+1>

pho nya dge slong dag ni gos kyi rin dag len du mi rung ste/ bdag cag gos rung ba dus su rnyed na ni len to zhes brjod par bya'o/ /gal te pho nya des dge slong de la 'di skad ces/ 'phags pa rnams kyi zhal ta bgyid pa 'phags pa rnams kyi zhal ta nyams su len pa gang lags pa 'ga' mchis sam zhes zer na/ dge slong gos 'dod pas pho nya la 'di skad ces/ tshe dang ldan pa pho nya 'di ni dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o zhes kun dga'i ra ba pa 'am/ dge bsnyen zhal ta byed pa bstan par bya'o/ /de nas pho nya des gos kyi rin de dag khyer nas zhal ta byed pa ga la ba der 'gro bar bya zhing / phyin nas zhal ta byed pa la 'di skad ces/ tshe dang ldan pa zhal ta byed pa shes par gyis shig /khyod kyis gos kyi rin 'di dag gis gos 'di dang 'di lta bu zhig nyos la dge slong ming 'di zhes bya ba 'ongs pa dang / de la gos rung ba dus su skon cig ces brjod par bya'o/ /de nas pho nya des zhal ta byed pa de la shin tu legs par yang dag par bsgo zhing / yang dag par bstan nas/ dge slong de ga la ba der 'gro bar bya zhing phyin nas dge slong de la 'di skad ces/ 'phags pas zhal ta bgyid pa bstan pa gang lags pa de la bdag gis yang dag par bstan lags kyis de'i gan du bzhud cig dang / des khyod la gos rung ba dus su bskon par 'gyur ro zhes brjod par bya'o/ /dge slong gos 'dod pas zhal ta byed pa'i gan du song nas tshe dang ldan pa zhal ta byed pa bdag gos 'dod do/ /tshe dang ldan pa zhal ta byed pa bdag gos 'dod do zhes lan gnyis lan gsum du bskul bar bya/ dran par bya'o/ /lan gnyis lan gsum du bskul zhing dran par byas pa na gal te gos de grub na de lta na legs/ gal te ma grub na lan bzhi lan lnga lan drug gi bar du phyogs su cang mi smra bar bsdad par bya'o/ /lan bzhi lan lnga lan drug gi bar du phyogs su cang mi smra bar bsdad pa na/ </font><hr>5.10a<br><font size=+1>

gal te gos de grub na de lta na legs/ gal te ma grub na de'i 'og tu gos bsgrub pa'i phyir brtsal te gos grub na spang ba'i ltung byed do/ /gal te ma grub na phyogs gang nas gos kyi rin de dag 'ongs pa der bdag 'gro bar bya'o/ /yang na yid brtan pa'i pho nya las tshe dang ldan pa dag gis dge slong che ge mo'i phyir gos kyi rin gang dag bskur ba de dag ni dge slong de'i don cir yang ma grub kyis shes par gyis shig /tshe dang ldan pa dag gis rang gi nor chud ma gsan cig ces spring bar bya ste/ de la de ni cho ga yin no//    // sdom la/ srin bal 'ba' zhig cha gnyis dang / /drug dang mtho gang lam dang ni/ /'khru ba dang ni gser dngul dang / /mngon mtshan can dang nyo tshong ngo / / yang dge slong gang srin bal gyi stan sar pa byed na spang ba'i ltung byed do/ / yang dge slong gang lug bal nag po 'ba' zhig gi stan sar pa byed na spang ba'i ltung byed do/ / dge slong gis stan sar pa byed na cha gnyis ni lug bal nag po 'ba' zhig las gzhug par bya/ gsum pa ni dkar po las/ bzhi pa ni 'khob bal las gzhug par bya'o/ /gal te dge slong gis cha gnyis lug bal nag po 'ba' zhig las ma bcug gam/ gsum pa dkar po las/ bzhi pa ni 'khob bal las ma bcug par stan sar pa byed na spang ba'i ltung byed do/ / dge slong gis stan sar pa byed na mi 'dod bzhin du lo drug tu bcang bar bya'o/ /gal te dge slong lo drug tshun chad du stan rnying pa de spangs kyang rung / ma spangs kyang rung / stan sar pa gzhan byed na dge 'dun gyis gnang ba ma gtogs te spang ba'i ltung byed do/ / dge slong gis gding ba sar pa byed na sar pa kha dog mi sdug par bya ba'i phyir gding ba rnying pa bde bar gshegs pa'i mtho gang 'khor bas klan par bya'o/ /gal te dge slong gis gding ba sar par kha dog mi sdug par bya ba'i phyir/ gding ba rnying pa bde bar gshegs pa'i mtho gang 'khor bas ma klan par gding ba sar pa spyod na spang ba'i ltung byed do/ / </font><hr>5.10b<br><font size=+1>

dge slong lam du zhugs pas lug bal dag rnyed la 'dod na dge slong des blang bar bya'o/ /blangs nas khyer ba med na dpag tshad gsum gyi mtha'i bar du bdag nyid kyis bskur bar bya'o/ /de las 'das par khyer na spang ba'i ltung byed do/ / yang dge slong gang dge slong ma nye du ma yin pa la lug bal 'khrur 'jug gam/ 'tshed du 'jug gam/ rmel du 'jug na spang ba'i ltung byed do/ / yang dge slong gang rang gi lag gis gser dang / dngul len tam/ gzhan len du 'jug na spang ba'i ltung byed do/ / yang dge slong gang mngon mtshan can gyi spyod pa rnams pa sna tshogs byed na spang ba'i ltung byed do/ / yang dge slong gang nyo tshong rnam pa sna tshogs byed na spang ba'i ltung byed do//    // sdom la/ lhung bzed gnyis dang tha ga gnyis/ /byin phrogs ston zla tha chungs dang / /dgon pa pa dang ras chen dang / /bsngos pa dang ni gsog 'jog go/ / yang dge slong gis lhung bzed lhag ma zhag bcur bcang bar bya'o/ /de las 'das par 'chang na spang ba'i ltung byed do/ / yang dge slong gang lhung bzed lhan pa lnga med pa spyad bzod pa yod bzhin du bzang po 'dod pa'i phyir lhung bzed sar pa gzhan tshol zhing lhung bzed grub na spang ba'i ltung byed do/ /dge slong des lhung bzed de dge slong gi 'khor la dbul bar bya'o/ /dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ gtang ba mi bya/ gzhan la sbyin par mi bya bar chag pa'i mthar thug gi bar du khad kyis dal bus dal bus spyad par bya'o zhes sbyin par bya ste/ de la de ni cho ga yin no/ / yang dge slong gang rang gi lag gis bslangs pa'i dog pa tha ga pa nye du ma yin pa la 'thag tu 'jug na gos grub na spang ba'i ltung byed do/ / dge slong gi phyir khyim bdag gam khyim bdag gi chung ma nye du ma yin pas tha ga pa nye du ma yin pa la gos 'thag tu bcug pa las/ de la gal te dge slong de la sngar ma bstabs par rnam par rtog pa 'ga' zhig byung nas tha ga pa nye du ma yin pa'i</font><hr>5.11a<br><font size=+1>

gan du song ste 'di skad ces/ tshe dang ldan pa tha ga pa shes par gyis shig /gos 'di ni kho bo'i phyir 'thag gis/ tshe dang ldan pa tha ga pa gos 'di zheng che ba dang / khrun ring ba dang / thar gyis zhag pa dang / thags ran bzang bar legs par gyis shig /tshe dang ldan pa tha ga pa 'di ltar kho bos gla rngan 'di lta ste/ bza' ba dang / bca' ba tsam 'am/ bza' rgyu cung zad cig sbyin no zhes smras nas/ de la gal te dge slong des gos bsgrub pa'i phyir gla rngan 'di lta ste/ bza' ba 'am/ bca' ba tsam 'am/ bza' rgyu cung zad cig sbyin zhing gos grub na spang ba'i ltung byed do/ / yang dge slong gang dge slong la gos byin nas de'i 'og tu khros 'khrugs rngams par gyur te/ yid ma rangs nas 'phrog gam/ 'phrog tu 'jug cing de la 'di skad ces/ dge slong khyod la gos mi sbyin gyis/ phyir byin cig ces zer na dge slong des lhag ma yod pa phyir sbyin par bya zhing / btang na spang ba'i ltung byed do/ / dge slong gis ston zla tha chungs nyar zhag bcus ma tshang ba tshun chad du brtad pa las byung ba'i gos shig rnyed la 'dod na dge slong des gos de bslang bar bya'o/ /blangs nas gos sbyin pa'i dus kyi bar du bcang bar bya'o/ /de las 'das par bcang na spang ba'i ltung byed do/ / dge slong rab tu mang po dag gnas mal dgon pa dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa dag tu dbyar phyi mar gyur la/ dge slong dgon pa pas 'dod na chos gos gsum la/ chos gos gang yang rung ba khyim gzhan du gzhag par bya'o/ /dge slong dgon pa pa la mtshams kyi phyi rol tu 'gro dgos pa de lta bu'i rkyen zhig byung na dge slong dgon pa pa des zhag drug gi mtha' tshun chad du chos gos de dang mtshams kyi phyi rol tu 'bral bar bya'o/ /de las 'das par 'bral na spang ba'i ltung byed do/ / dge slong rnams kyis so ka rnams kyi zla ba gcig lus na dbyar gyi gos ras chen btsal bar</font><hr>5.11b<br><font size=+1>

bya'o dbyar zad nas 'og tu zla ba phyed kyi bar du bcang bar bya'o gal te dge slong gis so ka rnams kyi zla ba gcig lus pa'i sngon rol tu dbyar gyi gos ras chen tshol bar byed dam/ dbyar zad nas 'og tu zla ba phyed las lhag par 'chang na spang ba'i ltung byed do/ / yang dge slong gang dge 'dun la bsngos pa'i rnyed pa shes bzhin du gang zag bdag la sgyur du 'jug na spang ba'i ltung byed do/ / bcom ldan 'das kyis dge slong na ba rnams la phan pa so sor bsten par bya ba'i sman gang dag bka' stsal pa 'di lta ste/ zhun mar dang / 'bru mar dang / sbrang rtsi dang / bu ram gyi dbu ba de dag las dge slong na bas 'dod na rang gis zhag bdun par byin gyis brlabs te/ sogs 'jog gis yongs su longs spyod pas yongs su longs spyad par bya'o/ /de las 'das par yongs su longs spyod par byed na spang ba'i ltung byed do/ / tshe dang ldan pa dag bdag gis spang ba'i ltung byed kyi chos sum bcu po dag bton zin to/ / de la bdag gis tshe dang ldan pa dag la/ ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to//        // bam po gnyis pa ste tha ma'o/     / spyi sdom la/ shes bzhin dang ni sa bon dang / /ma bskos pa dang yang yang dang / /chu dang khyim dang bsams bzhin dang / /'dron mang rkun ma mchod ston no//    // sdom la/ brdzun skyon dge slong phra ma dang / /skyo sngogs byed dang ston pa dang / /'don dang gnas ngan len dang chos/ /bshes ngor byed dang khyad du gsod/ / tshe dang ldan pa dag ltung byed kyi chos dgu bcu po 'di dag ni zla ba phyed phyed cing so sor thar pa'i mdo 'don pa las 'byung ngo / / shes bzhin du brdzun du smra na ltung byed do/ / mi'i skyon nas smra na ltung byed do/ / dge slong la phra ma byed na ltung byed do/ / yang dge slong gang dge 'dun 'thun pas chos bzhin du rtsod pa sbyangs par shes</font><hr>5.12a<br><font size=+1>

bzhin du yang las kyis skyo sngogs byed na ltung byed do/ / yang dge slong gang bud med kyi yul la tshig lnga 'am drug las lhag par chos ston na rig pa'i skyes pa ma gtogs te ltung byed do/ / yang dge slong gang gang zag bsnyen par ma rdzogs pa dang tshig gis chos 'don na ltung byed do/ / yang dge slong gang gang zag bsnyen par ma rdzogs pa la gnas ngan len gyi ltung ba brjod na dge 'dun gyis gnang ba ma gtogs te ltung byed do/ / yang dge slong gang gang zag bsnyen par ma rdzogs pa la mi'i chos bla ma bden pa smra na ltung byed do/ / yang dge slong gang sngar legs par rung bar byas nas de'i 'og tu 'di skad ces/ tshe dang ldan pa dag gis 'di ltar bshes ngor byas te/ dge 'dun gyi rnyed par bsngos pa bdag gi gang zag la bsngos so zhes zer na ltung byed do/ / yang dge slong gang zla ba phyed phyed cing so sor thar pa'i mdo gdon pa 'don pa na/ 'di skad ces tshe dang ldan pa dag gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci zhig bya zhes zer zhing bslab pa khyad du gsod na ltung byed do//    // sdom la/ sa bon 'phya ba bsgo ba dang / /khri dang gding dang skrod pa dang / /phyis gnon 'byung ba 'debs pa dang / /rim pa gnyis su rtsig pa'o/ / sa bon gyi tshogs dang 'byung po'i gnas 'jig gam 'jig tu 'jug na ltung byed do/ / 'phya 'am gzhogs phyas byed na ltung byed do/ / bsgo ba rna la gzon na ltung byed do/ / yang dge slong gang dge 'dun gyi khri 'am/ khri'u 'am/ stan nang tshangs can nam/ la ba 'am/ sngas sam/ gor bu bla khab med par bting ngam/ gding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na de 'dra ba'i rkyen ma gtogs te ltung byed do/ / yang dge slong gang dge 'dun gyi gtsug lag khang du rtswa'i gding ba 'am/ </font><hr>5.12b<br><font size=+1>

lo ma'i gding ba bting ngam/ 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na de 'dra ba'i rkyen ma gtogs te ltung byed do/ / yang dge slong gang khros 'khrugs rngam par gyur te yid ma rangs nas dge 'dun gyi gtsug lag khang nas dge slong skrod dam/ skrod du 'jug na de 'dra ba'i rkyen ma gtogs te ltung byed do/ / yang dge slong gang dge 'dun gyi gtsug lag khang nas dge slong dag snga na 'khod par shes bzhin du phyis 'ongs na su la gnod pa de 'gro bar 'gyur ba de nyid du byas te/ phyis gnon byas te stan la nyal lam 'dug na ltung byed do/ / yang dge slong gang dge 'dun gyi gtsug lag khang gi steng gi nam mkha' la thog bor bar khri 'am/ khri'u rtsa ba 'byung bar shes bzhin du lcid kyis phab ste nyal lam 'dug na ltung byed do/ / yang dge slong gang shes bzhin du srog chags dang bcas pa'i chus rtswa 'am/ lci ba 'am/ sa la 'debs sam/ 'debs su 'jug na ltung byed do/ / yang dge slong gis gtsug lag khang chen po zhig rtsig tu 'jug na sgo'i sbubs dang / gtan pa dang / snang ba'i gnas ji tsam pa'i 'du shes kyis sa brtags pa nas bzung ste/ phag gu'i rim pa 'jim pa dang bcas pa gnyis sam gsum brtsig par bya'o/ /de las lhag par rtsig na ltung byed do//    // sdom la/ ma bskos nyi ma nub pa dang / /zas dang chos gos gnyis dag dang / /don 'thun gru dang dben pa gnyis/ /dge slong ma yis sbyor bcug pa'o/ / yang dge slong gang dge 'dun gyis ma bskos par dge slong ma la chos ston na/ chos 'di lta bu dang ldan pa ma gtogs te ltung byed do/ / dge slong gang dge 'dun gyis bskos kyang nyi ma nub kyi bar du dge slong ma la chos ston na ltung byed do/ / yang dge slong gang dge slong rnams la 'di skad ces dge slong dag zas cung zad tsam gyi phyir dge slong ma la ston to/ /zhes zer na ltung byed do/ / yang dge slong gang dge slong ma nye du ma yin pa la gos byin na</font><hr>5.13a<br><font size=+1>

ltung byed do/ / yang dge slong gang dge slong ma nye du ma yin pa'i gos byed na ltung byed do/ / yang dge slong gang dge slong ma'i don 'thun dang lhan cig 'thams nas 'dron lam du 'jug na dus ma gtogs te ltung byed do/ /de la dus ni 'di yin te/ lam don 'thun gyis bgrod par bya ba dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa zhig na de la de ni dus yin no/ / yang dge slong gang dge slong ma'i don 'thun dang lhan cig 'thams nas gru gcig tu 'jug cing gyen du 'gro 'am/ thur du 'gro na thad kar pha rol tu 'gro ba ma gtogs te ltung byed do/ / yang dge slong gang bud med kyi yul dang lhan cig gcig pu gcig dang dben pa skyabs yod pa na stan la 'dug na ltung byed do/ / yang dge slong gang dge slong ma dang lhan cig gcig pu gcig dang dben pa skyabs yod pa na 'greng na ltung byed do/ / yang dge slong gang shes bzhin du dge slong mas sbyor du bcug pa'i zas za na sngar khyim du bos pa ma gtogs te ltung byed do//    // sdom la/ yang yang dang ni 'dug gnas gcig /phye dang bca' dang stobs pa dang / /dus dang dus min sogs 'jog dang / /kha nas mid dang bsod pa nyid/ / yang yang za na dus ma gtogs te ltung byed do/ /de la dus ni 'di yin te/ na ba dus so/ /las dus so/ /lam dus so/ /gos sbyin pa'i tshe dus te/ de la de ni dus yin no/ / 'dug gnas gcig tu zhag lon pa'i dge slong mi na bas bsod snyoms gcig bza' bar bya'o/ /de las lhag par za na ltung byed do/ / dge slong rab tu mang po dag khyim rnams su dong ba las/ gal te de dag la bram ze dang / khyim bdag dad pa can dag gis phye dang khur ba dag dus kyis stobs par gyur la/ 'dod na dge slong de dag gis lhung bzed gang ba gnyis sam gsum blang bar bya'o/ /de las lhag par len na ltung byed do/ /</font><hr>5.13b<br><font size=+1>

lhung bzed gang ba gnyis sam gsum blangs nas phyi rol kun dga' ra bar song la/ dge slong 'khod pa rnams la yang bgo bsha' bya/ bdag cag kyang bza' bar bya ste/ de la de ni cho ga yin no/ / yang dge slong gang zas zos zin cing spangs pa las lhag por ma byas par bca' ba 'am bza' ba 'cha' 'am za na ltung byed do/ / yang dge slong gang shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas/ tshe dang ldan pa 'di 'cho shig 'di zo shig ces lhag por ma byas pa'i bca' ba dang bza' ba dus kyis stobs na ltung byed do/ / 'dus shing za na dus ma gtogs te ltung byed do/ /de la dus ni 'di yin te/ na ba dus so/ /las dus so/ /lam dus so/ /grur zhugs pa dang / 'dus pa chen po dang / dge sbyong gi zas dus te de la ni dus yin no/ / yang dge slong gang dus ma yin par bca' ba 'am bza' ba 'cha' ba 'am za na ltung byed do/ / yang dge slong gang bca' ba dang bza' ba sogs 'jog byas pa 'cha' 'am za na ltung byed do/ / yang dge slong gang ma byin par kha nas mid pa'i zas za na chu dang so shing ma gtogs te ltung byed do/ / bcom ldan 'das kyis dge slong rnams kyi zas bsod pa gang dag gsungs pa 'di lta ste/ 'o ma dang / zho dang / mar dang / nya sha dang / sha dang sha skam dag ste/ dge slong mi na bar bdag nyid kyi phyir zas bsod pa de lta bu dag gzhan gyi khyim dag nas bslangs te 'cha' 'am za na ltung byed do//    // sdom la/ srog chags bcas dang nyal sar 'dug /'greng dang gcer bu dmag dang ni/ /zhag gnyis bsham dkrug 'gro ba dang / /rdeg dang gzas dang gnas ngan len/ / yang dge slong gang shes bzhin du srog chag dang bcas pa'i chu la spyod na ltung byed do/ / yang dge slong gang shes bzhin du nyal po byed par shom pa'i khyim du phyis gnon byas te/ stan la</font><hr>5.14a<br><font size=+1>

'dug na ltung byed do/ / yang dge slong gang shes bzhin du nyal po byed par shom pa'i khyim du dben pa skyabs yod par 'greng na ltung byed do/ / yang dge slong gang gcer bu pa 'am/ gcer bu ma kun du rgyu ba 'am/ kun tu rgyu mo la rang gi lag nas bca' ba 'am bza' ba byin na ltung byed do/ / yang dge slong gang dmag chas pa la ltar 'gro na ltung byed do/ / yang dge slong gang dmag chas pa la lta bar 'gro ba de lta bu'i rkyen zhig byung na/ dge slong des dmag de'i nang du zhag gnyis tshun chad gnas par bya'o/ /de las lhag par gnas na ltung byed do/ / dge slong zhag gnyis dmag de'i nang na gnas pa'i tshe na yang gal te bshams pa dkrug tu 'gro 'am/ rgyal mtshan gyi mchog gam/ dpung gi mchog gam/ g.yul bshams pa'i dmag la lta ba nyams su myong bar byed na ltung byed do/ / yang dge slong gang khros 'khrugs rngam par gyur te/ yid ma rangs nas dge slong la brdeg na ltung byed do/ / yang dge slong gang khros 'khrugs rngam par gyur te/ yid ma rangs nas dge slong la brdeg par gzas na tha na thal mos kyang rung ste ltung byed do/ / yang dge slong gang shes bzhin du dge slong gi gnas ngan len gyi ltung ba 'chab na ltung byed do//    // sdom la/ bde dang me dang 'dun pa dang / /bsnyen par ma rdzogs chos dang smra/ /dge tshul kha dog bsgyur ba dang / /rin po che dang tsha ba'i dus/ / yang dge slong gang klan ka tshol zhing ci nas kyang dge slong 'di la klan ka btsal bar 'gyur ro snyam pa de nyid rkyen du byas te/ dge slong la 'di skad ces tshe dang ldan pa tshur shog khyim dag du 'dong dang khyod la bca' ba dang / bza' ba bsod pa ci tsam 'dod pa sbyin du gzhug go/ /zhes smras nas des de la sbyin du ma bcug par de'i 'og tu 'di skad ces tshe dang ldan pa kho bo la khyod dang lhan cig smra ba 'am/ 'dug pa bde ba ma yin gyi/ 'di ltar kho bo gcig pu kho na smra 'am/ 'dug na bdes khyod nyid song shig</font><hr>5.14b<br><font size=+1>

ces zer na ltung byed do/ / yang dge slong gang mi na bar bdag nyid kyi phyir me la reg gam/ reg du 'jug na ltung byed do/ / yang dge slong gang dge 'dun gyi bya ba chos dang ldan pa la dge slong la 'dun pa phul nas/ de'i 'og tu khros 'khrugs rngam par gyur te/ yid ma rangs nas spong ba'i chos su byed cing 'di skad ces dge slong 'dun pa phyir byin cig khyod la mi sbyin no zhes zer na ltung byed do/ / yang dge slong gang gang zag bsnyen par ma rdzogs pa dang lhan gcig tu nub gnyis las lhag par gnas gcig tu nyal na ltung byed do/ / yang dge slong gang 'di skad ces ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so/ /zhes zer na/ dge slong de la dge slong rnams kyis 'di skad ces tshe dang ldan pa khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ces ma zer cig /bcom ldan 'das la skur ba ma 'debs shig /bcom ldan 'das la bskur bas legs par mi 'gyur ro/ /bcom ldan 'das ni de skad mi gsung ngo / /tshe dang ldan pa bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis tshe dang ldan pa khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ mi gtong</font><hr>5.15a<br><font size=+1>

na ltung byed do/ / yang dge slong gang shes bzhin du de skad zer ba'i gang zag chos bzhin du ma byas pa sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun tu gnas par byed/ kun tu longs spyod par byed cing / de dang lhan cig gnas gcig tu nyal na ltung byed do/ / dge tshul zhig kyang 'di skad ces ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/ dge tshul de la dge slong rnams kyis 'di skad ces dge tshul khyod ji ltar bcom ldan 'das kyis 'dod pa dag ni bar du gcod pa 'o zhes gsungs pa gang yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tshe dang ldan pa dge 'tshul 'dod pa bar du gcod pa rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis/ dge tshul khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge tshul de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge tshul de la dge slong rnams kyis deng phyin chad dge tshul khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston</font><hr>5.15b<br><font size=+1>

pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyod la med de/ mi gti mug can khyod bsnyil gyis gzhan du song shig ces bsgo bar bya'o/ /yang dge slong gang shes bzhin du de ltar bsnyil ba'i dge tshul nye bar 'jog par byed dam/ nye bar ston par byed dam/ de dang lhan cig gnas gcig tu nyal na ltung byed do/ / dge slong gis gos sar pa zhig rnyed na kha bsgyur ba gsum po sngon po 'am/ dmar po 'am/ ngur smrig las gang yang rung bas kha dog bsgyur bar bya'o/ /gal te dge slong gis gos sar pa kha bsgyur ba gsum po sngon po 'am/ dmar po 'am/ ngur smrig las gang yang rung bar kha ma bsgyur bar longs spyod na ltung byed do/ / yang dge slong gang rin po che 'am/ rin po cher smos pa rang gi lag gis len tam/ len du 'jug na kun dga' ra bar gtogs pa na 'dug pa 'am/ gnas khang du gtogs pa na 'dug pa ma gtogs te ltung byed do/ /dge slong gis kun dga' ra bar gtogs pa 'am gnas khang du gtogs pa na rin po che 'am/ rin po cher smos pa 'dug pa la 'di su'i yin pa de len par 'gyur grang snyam pa de lta bu'i sems kyis blang bar bya ste/ de la de ni cho ga yin no/ / bcom ldan 'das kyis zla ba phyed phyed cing khrus bya bar gsungs pa de las 'dums par byed na dus ma gtogs te ltung byed do/ /de la dus ni 'di yin te/ so ka rnams kyi zla ba lhag ma phyed dang gnyis dang / dbyar rnams kyi dang po/ zla ba phyed dang gsum po 'di dag ni tsha ba'i dus so/ /lhag ma ni na ba dus so/ /las dus so/ /rlung dus so/ /char dus so/ /rdzi char dus te/ de la de ni dus yin no//    // sdom la/ dud 'gro 'gyod pa sor mo dang / /rtse dang lhan cig sngangs byed dang / /sbed dang gdeng med gzhi med dang / /</font><hr>5.16a<br><font size=+1>

skyes pa med par lam 'gro ba'o/ / yang dge slong gang bsams bzhin du dud 'gro'i skye gnas su gtogs pa'i srog chags gsod na ltung byed do/ / yang dge slong gang bsams bzhin du ci nas kyang dge slong 'di yud tsam zhig kyang bde ba la mi reg par bya'o snyam pa de nyid rkyen du byas te/ dge slong la 'gyod pa skyed na ltung byed do/ / sor mos ga ga tshil byed na ltung byed do/ / chu la rtse na ltung byed do/ / yang dge slong gang bud med kyi yul dang lhan cig gnas su nyal na ltung byed do/ / yang dge slong gang dge slong la sngangs par byed dam/ sngangs par byed du 'jug na tha na bzhad gad bya bar bsams kyang rung ste ltung byed do/ / yang dge slong gang dge slong ngam/ dge slong ma 'am/ dge slob ma 'am/ dge tshul lam/ dge tshul ma'i lhung bzed dam/ chos gos sam/ dra ba 'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba sbed dam sbed du 'jug na de 'dra ba'i rkyen ma gtogs te ltung byed do/ / yang dge slong gang dge slong la gos byin nas de'i 'og tu gdeng med par spyod na ltung byed do/ / yang dge slong gang khros shing zhe sdang bar gyur nas dge slong dag pa ltung ba med pa la gzhi med par dge 'dun lhag ma'i chos kyis skur na ltung byed do/ / yang dge slong gang skyes pa med par bud med dang lhan cig 'dron lam du 'gro na tha na grong bar du yang rung ste ltung byed do//    // sdom la/ rku dang nyi shu ma lon dang / /rko dang mgron dang bslab pa dang / /'thab dang mi smra 'gro ba dang / /mi gus chang 'thung dus min pa'o/ / yang dge slong gang don 'thun pa rkun ma dang lhan cig 'gron lam du 'gro na tha na grong bar du yang rung ste ltung byed do/ / yang dge slong gang gang zag lo nyi shu ma lon pa dge slong gi dngos por bsnyen par rdzogs par byed na ltung byed do/ /gang zag de yang bsnyen par rdzogs par mi 'gyur la/ dge slong de dag kyang smad par 'gyur ba yin te/ de la de ni cho ga yin no/ / yang dge slong gang rang gi lag gis sa rko 'am rkor 'jug na ltung byed do/ / dge slong</font><hr>5.16b<br><font size=+1>

gis zla ba bzhir 'gron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang du mgron du bos pa dang / dus kyi mgron du bos pa dang / rtag tu mgron du bos pa ni ma gtogs te de la de ni dus yin no/ / yang dge slong gang dge slong rnams kyis tshe dang ldan pa khyod kyis bslab pa 'di la bslab par bya'o zhes bsgo ba na de dag la 'di skad ces bdag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri ba'i bar du byis pa rmongs pa mi gsal ba mi mkhas pa khyed kyi tshig gis bslab pa 'di la mi slob bo zhes zer na ltung byed do/ /dge slong kun shes par 'dod pas kyang bslab pa de la bslab par bya'o/ /dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya ste/ de la de ni cho ga yin no/ / yang dge slong gang dge slong rnams 'thab par gyur mtshang 'dru bar gyur/ mi mthun par gyur/ rtsod par gyur cing 'khod pa las/ dge slong 'di dag ji skad zer ba de bdag gis mnyan te/ de de ltar rjes su tha snyad gdags par bya'o snyam pa de nyid rkyen du byas te/ cang mi smra bar nyan rnas 'dug na ltung byed do/ / yang dge slong gang dge 'dun gyi chos dang ldan par gtam rnam par gtan la 'bebs par byung ba na/ cang mi smra bar stan las langs te 'gro zhing dge slong 'dug pa la mi smra na/ de 'dra ba'i rkyen ma gtogs te ltung byed do/ / gus par mi byed na ltung byed do/ / 'bru'i chang dang bcos pa'i chang myos par 'gyur ba 'thung na ltung byed do/ / yang dge slong gang dus ma yin par grong du 'jug cing dge slong 'dug pa la mi smra na de 'dra ba'i rkyen ma gtogs te ltung byed do//    // sdom la/ zas bcas skya reng da gdod dang / /khab ral dang ni khri rkang dang / /bdal dang gding dang g.yan pa dang / /ras chen bde gshegs chos gos so/ / yang dge slong gang zas dang bcas pa'i khyim du mgron du bos nas snga dro dang phyi dro khyim dag tu rgyu zhing khyim pa 'dug pa la mi bsgo na/ de 'dra ba'i rkyen ma gtogs te ltung</font><hr>5.17a<br><font size=+1>

byed do/ / yang dge slong gang nam ma nangs skya reng ma shar bar rin po che dag gam rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan nam/ sgo gtan gyi nye 'khor las 'das na de 'dra ba'i rkyen ma gtogs te ltung byed do/ / yang dge slong gang zla ba phyed phyed cing so sor thar pa'i mdo gdon pa 'don pa'i tshe 'di skad ces/ tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so zhes zer la/ de la gal te dge slong rnams kyis kyang tshe dang ldan pa 'di sngon gso sbyong gi las la lan gnyis sam gsum gyi tshe 'dug par shes shing lan mang du lta ci smos na/ tshe dang ldan pa de mi shes par mi 'gro bas de ltung ba gang byung ba de chos bzhin du byed du gzhug gi steng du khyod zla ba phyed phyed cing so sor thar pa'i mdo gdon pa 'don pa'i tshe gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te chos nyan par mi byed pas tshe dang ldan pa khyod kyis ma rnyed de/ rnyed pa ma yin zhing nyes pa rnyed de legs pa rnyed pa ma yin no zhes 'gyod par bya'o/ /tshe dang ldan pa de la 'gyod par bya ba ni de yin te ltung byed do/ / yang dge slong gang ba so 'am/ rus pa 'am/ rwa'i khab ral byed dam byed du 'jug na gcag nas ltung byed do/ / yang dge slong gis dge 'dun gyi khri 'am khri'u byed du 'jug na rtsa ba bu gar gzhug pa ma gtogs par bde bar gshegs pa'i sor brgyad kyi tshad du byed du gzhug par bya'o/ /de las lhag par byed du 'jug na bcad nas ltung byed do/ / yang dge slong gang dge 'dun gyi khri 'am khri'u la shing bal bdal lam/ bdal du 'jug na bsdus nas ltung byed do/ / dge slong gis gding ba byed du 'jug na tshad bzhin du byed du chug cig /de la gding ba'i tshad ni 'di yin te/ srid du bde bar gshegs pa'i mtho'i mtho do/ zheng du mtho phyed dang do/ srid du mtho gang</font><hr>5.17b<br><font size=+1>

gis srings shig /de las lhag par byed du 'jug na bcad nas ltung byed do/ / yang dge slong gis g.yan pa dgab pa byed du 'jug na tshad bzhin du byed du chug shig /de la g.yan pa dgab pa'i tshad ni 'di yin te/ srid du bde bar gshegs pa'i mtho'i mtho do zheng du mtho phyed dang do srid du mtho gang gis srings cig /de las lhag par byed du 'jug na bcad nas ltung byed do/ / dge slong gis dbyar gyi gos ras chen byed du 'jug na tshad bzhin du byed du chug shig /de la dbyar gyi gos ras chen gyi tshad ni 'di yin te/ srid du bde bar gshegs pa'i mtho'i mtho drug zheng du phyed dang gsum mo/ /de las lhag par byed du 'jug na bcad nas ltung byed do/ / yang dge slong gang bde bar gshegs pa'i chos gos kyi tshad kyi chos gos byed du 'jug gam/ bde bar gshegs pa'i chos gos las lhag par byed du 'jug na ltung byed do/ /de la bde bar gshegs pa'i chos gos kyi tshad ni 'di yin te/ srid du bde bar gshegs pa'i mtho'i mtho bcu chu zheng du mtho drug ste/ de la 'di ni bde bar gshegs pa'i chos gos kyi tshad do/ / tshe dang ldan pa dag bdag gis ltung byed kyi chos dgu bcu po dag bton zin to/ / de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to//    // sdom la/ grong dang khyim gzhan nyid dang ni/ /slab pa rnams dang dgon pa ni/ /sangs rgyas phan pa gsungs pa yis/ /so sor bshags par bya bar gsungs/ / tshe dang ldan pa dag so sor bshags par bya ba'i chos bzhi po 'di dag ni zla ba phyed phyed cing so sor thar pa'i mdo 'don pa las 'byung ngo / / yang dge slong gang dge slong ma nye du ma yin pa lam po che na 'dug pa bsod snyoms kyi phyir grong du 'gro ba las bca' ba dang bza' ba rang gi lag gis bslangs te 'cha' ba 'am/ za na dge slong des phyi rol kun dga' ra bar song ste/ dge slong rnams la tshe dang ldan pa dag bdag</font><hr>5.18a<br><font size=+1>

la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ba ste/ chos 'di ni so sor bshags par bya ba'o/ / dge slong rab tu mang po dag khyim rnams su mgron du bos nas zan za ba'i tshe na/ gal te dge slong ma zhig 'di la ni bca' ba byin cig /'di la 'bras chan byin cig /'di la ni sran tshod byin cig /'di la ni btung ba byin cig ces bsgo zhing 'dug na/ dge slong ma de la dge slong de rnams kyis 'di skad ces sring mo khyod dge slong rnams zan za ba'i bar du re shig sdod cig ces bsgo bar bya'o/ /gal te dge slong gcig gis kyang dge slong ma de la de skad smra ba ma spobs na/ dge slong de dag thams cad kyis phyi rol kun dga' ra bar song ste/ dge slong rnams la tshe dang ldan pa dag bdag cag la smad pa'i gnas mi rigs pa so sor bshags par bya ba byung gis chos de so sor bshags so zhes so sor bshags par bya ste/ chos 'di yang so sor bshags par bya ba'o/ / slob pa dag gis khyim gang dge 'dun gyi bslab pa'i sdom pas bsdams par gyur la/ yang dge slong gang slob pa dag gis khyim gang dge 'dun gyi bslab pa'i sdom pas bsdams pa de lta bu dag tu sngar mgron du ma bos par song ste/ rang gi lag gis bca' ba dang bza' ba blangs nas 'cha' 'am za na/ dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis chos de so sor bshags so zhes so sor bshags par bya ste/ chos 'di yang so sor bshags par bya'o/ / dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags par 'gyur la/ yang dge slong gang dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs</font><hr>5.18b<br><font size=+1>

su rung ba dang bcas par grags pa de lta bu dag tu sngar ma nyul bar kun dga' ra bar phyi rol tu bca' ba dang bza' ba blangs te 'cha' 'am za na/ dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis chos de so sor bshags so zhes so sor bshags par bya ste/ chos 'di yang so sor bshags par bya ba'o/ / tshe dang ldan pa dag bdag gis so sor bshags par bya ba'i chos bzhi po dag bton zin to/ / de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum gyi bar du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to//    // sdom la/ sham thabs la ni rnam bdun dang / /stod g.yogs la yang rnam gsum dang / /shin tu bsdams la sogs pa lnga/ /mgo g.yogs la sogs rnam pa lnga/ /mchong la sogs pa rnam lnga dang / /lus la sogs pa rnam pa lnga/ /'dug par bya ba dgu dag dang / /byin len bya ba brgyad rnams so/ / tshe dang ldan pa dag bslab pa'i chos mang po 'di dag rnams ni zla ba phyed phyed cing so sor thar pa'i mdo 'don pa las 'byung ngo / / sham thabs zlum por bgo bar bslab par bya/ sham thabs ha cang rtsengs pa ma yin pa dang / ha cang 'jol ba ma yin pa dang / glang po che'i sna ltar ma yin pa dang / ta la'i lo ma ltar bltab pa ma yin pa dang / 'bru'i phur ma ltar ma yin pa dang / sbrul mgo'i gdengs ka ltar ma yin par bgo bar bslab par bya'o/ / chos gos zlum por bgo bar bslab par bya'o/ /chos gos ha cang rtsengs pa ma yin pa dang ha cang 'jol ba ma yin par bgo bar bslab par bya'o/ / shin tu bsdams pa dang / legs par bgos pa dang / sgra skyung ba dang / mig g.yeng bar mi bya ba dang / gnya' shing gang tsam du blta zhing khyim gzhan dag tu 'gro bar bslab</font><hr>5.19a<br><font size=+1>

par bya'o/ / mgo mi g.yogs pa dang mi brdze ba dang mi gzar ba dang / gnya' gong du mi bsnol ba dang ltag par mi bsnol bar khyim gzhan du 'gro bar bslab par bya'o/ / mi mchong ba dang mi brkyang ba dang / tsog pus ma yin pa dang / brang bas ma yin pa dang / dkur mi brten par khyim gzhan du 'gro bar bslab par bya'o/ / lus mi bsgyur ba dang / lag pa mi dkyog pa dang / mgo mi bsgyur ba dang / phrag pa mi sprad pa dang / lag mi sbrel bar khyim gzhan du 'gro bar bslab par bya'o/ / ma bsgo bar khyim gzhan du stan la mi 'dug par bslab par bya/ stan la ma brtags pa dang lus thams cad kyi ljid kyis mi dbab pa dang / rkang pa mi bsnol ba dang / brla mi bsnol ba dang / long bu'i steng du long bu mi gzhag pa dang / rkang pa mi dgug pa dang / rkang pa mi gdang ba dang / 'doms mi snang bar khyim gzhan du stan la 'dug par bslab par bya'o/ / legs par zas blang bar bslab par bya/ mu dang kha da chad du ma yin pa dang / tshod ma dang mnyam par ma yin pa dang / thar chags su dang lhung bzed la blta ba dang / bca' ba dang bza' ba ma 'ongs par lhung bzed mi bzed pa dang yang 'dod pa'i phyir 'bras can gyis tshod ma mi dgab tshod mas 'bras chan mi dgab pa dang / bca' ba dang bza' ba'i steng du lhung bzed mi gzung bar bslab par bya'o/           / sdom la/ zas la legs par bya ba drug /tsug tsug la sogs rnam pa lnga/ 'bru nas tha dad byed pa lnga/ /lag pa bldag la sogs pa lnga/ / legs par zas bza' bar bslab par bya/ kham ha cang chung ba ma yin pa dang / kham ha cang che ba ma yin pa dang / kham ran pa dang / kham ma gzas par kha mi gdang ba dang / kha kham gyis bkang ste mi smra bar bslab par bya'o/ / tsug tsug mi bya ba dang / balcag balcag mi bya ba dang / hu hu mi bya ba dang / phu phu mi bya ba dang / lce phyung ste zas mi bza' bar bslab par bya'o/ / 'bru nas tha dad du mi bya ba dang / 'phyas mi gdags pa dang mkhur ba mi spo ba dang / dkan mi gtogs pa dang / kham 'phror mi</font><hr>5.19b<br><font size=+1>

bcad par zas bza' bar bslab par bya'o/ / lag pa mi bldag pa dang lhung bzed mi byog pa dang / lag pa mi sprug pa dang lhung bzed mi bskyom pa dang / mchod rten 'dra bar bcos te zas mi bza' bar bslab par bya'o/         / sdom la/ 'phya la sogs pa rnam pa bzhi/ /lhung bzed la yang rnam pa bcu/ /'greng bar byed la sogs pa lnga/ /mgo g.yogs la sogs rnam pa lnga/ /do ker can la sogs pa lnga/ /glang chen la sogs bzhon pa lnga/ /lag na khar ba la sogs drug /na ba rnam pa bzhi rnams so/ / drung na 'dug pa'i dge slong gi lhung bzed la 'phyas gdags pa'i phyir mi blta bar bslab par bya/ lag pa zas dang 'bags pas chu snod la mi bzung bar bslab par bya/ drung na 'dug pa'i dge slong la zas dang 'bags pa'i chus mi gtor bar bslab par bya/ khyim pa 'dug pa la ma dris par chu zas dang 'bags pa khyim gzhan du mi dbo bar bslab par bya'o/ / lhung bzed kyi nang du zas kyi lhag ma blugs te mi dor bar bslab par bya'o/ / 'og gzhi med pa'i sa phyogs su lhung bzed mi bzhag par bslab par bya/ gad ka ma yin pa dang g.yang sa ma yin pa dang / dkan gzar po ma yin par lhung bzed bzhag par bslab par bya/ 'greng ste lhung bzed mi bkru bar bslab par bya/ gad ka ma yin pa dang g.yang sa ma yin pa dang / dkan gzar po ma yin par bkru bar bslab par bya/ 'bab chu drag po'i rgyun las bzlog ste lhung bzed kyis chu mi bcu bar bslab par bya'o/ / mi na bar 'dug pa la 'greng ste chos mi bshad par bslab par bya/ mi na bar nyal ba la 'dug ste chos mi bshad par bslab par bya/ mi na bar stan mthon po la 'dug pa la stan dma' ba la 'dug ste chos mi bshad par bslab par bya/ mi na bar mdun du 'gro ba la phyi nas 'gro zhing chos mi bshad par bslab par bya/ mi na bar lam nas 'gro ba lam gyi 'gram nas 'gro zhing chos mi bshad par bslab par</font><hr>5.20a<br><font size=+1>

bya'o/ / mi na bar mgo g.yogs pa dang / brdzes pa dang gzar ba dang / gnya' gong du bsnol ba dang / ltag par bsnol ba la chos mi bshad par bslab par bya'o/ / mi na bar skra do ker can dang zhwa gyon pa dang mgo cod pan can dang / mgo phreng ba can dang / mgo dkris pa la chos mi bshad par bslab par bya'o/ / mi na bar glang po che zhon pa dang rta zhon pa dang / khyogs na 'dug pa dang zhon pa'i steng na 'dug pa dang / mchil lham gyon pa la chos mi bshad par bslab par bya'o/ / mi na bar lag na 'khar ba thogs pa dang / lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra sta thogs pa dang / go cha gyon pa la chos mi bshad par bslab par bya'o/ / mi na bar 'greng ste bshang gci mi bya bar bslab par bya/ mi na bar chu'i nang du bshang gci dang mchil ma dang / snabs dang / skyugs pa dang / rlugs pa mi dor bar bslab par bya/ mi na bar rtswa sngon po yod pa'i sa phyogs su bshang gci dang / mchil ma dang snabs dang skyugs pa dang / rlugs pa mi dor bar bslab par bya/ gnod pa byung ba ma gtogs pa shing la mi gang tsam las mthor mi 'dzeg par bslab par bya'o/ / tshe dang ldan pa dag bdag gis bslab pa'i chos mang po rnams bton zin to/ / de la bdag gis tshe dang ldan pa dag ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to//    // sdom la/ mngon sum dran pa ma myos dang / /de bzhin gang mang ngo bo nyid/ /rtswa rnams bkram pa lta bu dang / /khas blang bar yang bya ba'o/ / tshe dang ldan pa dag rtsod pa zhi bar bya ba'i chos bdun po 'di dag ni zla ba phyed phyed cing so sor thar pa'i mdo 'don pa las 'byung ngo / / mngon sum gyis 'dul bar 'os pa la mngon sum gyis 'dul ba sbyin no/ / dran pas 'dul bar 'os pa la dran pas 'dul ba sbyin no/ / ma myos pas 'dul bar 'os pa</font><hr>5.20b<br><font size=+1>

la ma myos pas 'dul ba sbyin no/ / gang tshul shing mang po sbyin par 'os pa la tshul shing mang po sbyin no/ / de'i ngo bo nyid tshol du gzhug par 'os pa la de'i ngo bo nyid btsal ba sbyin no/ / rtswa bkram pa lta bu 'os pa la rtswa bkram pa lta bu sbyin no/ / gang khas blang bar 'os pa la khas blang bar bya'o/ / rtsod pa byung bar gyur pa rnams rtsod pa zhi bar bya ba'i chos bdun po 'di dag gis chos dang / 'dul ba dang ston pa'i bstan pa bzhin du dul bar bya zhi bar bya/ rnam par zhi bar bya'o/ / tshe dang ldan pa dag bdag gis rtsod pa zhi bar bya ba'i chos bdun po dag bton zin to/ / de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to/ / tshe dang ldan pa dag bdag gis so sor thar pa'i mdo gdon pa'i gleng gzhi bton zin to/ /pham par gyur pa'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang rtsod pa zhi bar bya ba'i chos bdun po dag bton zin to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i mdor gtogs shing mdor bsdus pa ni 'di dag go/ /gang gzhan nas 'byung ba chos kyi rjes su 'thun pa'i chos de la yang khyed rnams 'dun pa dang 'thun pa dang dga' ba dang / mi rtsod par sems kun du srung ba dang dran pa dang bag yod pas rnal 'byor du bya'o/ / bzod pa dka' thub dam pa bzod pa ni/ /mya ngan 'das pa mchog ces sangs rgyas gsung / /rab tu byung ba gzhan la gnod pa dang / /gzhan la 'tshe ba dge sbyong ma yin no/ / mig ldan 'gro ba yod pa yis/ /nyam nga ba dag ji bzhin du/ /mkhas pas 'tsho ba'i 'jig rten 'dir/ /sdig pa dag ni yongs su spong / / skur ba mi gdab gnod mi bya/ /so sor thar pa 'ang bsdam par bya/ /zas kyi tshod kyang rig par bya/ /</font><hr>5.21a<br><font size=+1>

bas mtha'i gnas su gnas par bya/ /lhag pa'i sems la yang dag sbyor/ /'di ni sangs rgyas bstan pa yin/ / ji ltar bung ba me tog las/ /kha dog dri la mi gnod par/ /khu ba bzhibs nas 'phur ba ltar/ /de bzhin thub pa grong du rgyu/ / bdag gis rigs dang mi rigs la/ /brtag par bya ste gzhan rnams kyi/ /mi 'thun pa dang gzhan dag gi/ /byas dang ma byas rnams la min/ / lhag pa'i sems la bag bya ste/ /thub pa'i thub gzhi rnams la bslab/ /nyer zhi rtag tu dran ldan pa'i/ /skyob pa mya ngan med pa yin/ /sbyin pas bsod nams rab tu 'phel/ /legs bsdams dgra sogs mi 'gyur ro/ /dge dang ldan pas sdig pa spong / /nyon mongs zad pas mya ngan 'da'/ / sdig pa thams cad mi bya ste/ /dge ba phun sum tshogs par spyad/ /rang gis sems ni yongs su 'dul/ /'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa 'ang legs pa yin/ /yid kyi sdom pa legs pa ste/ /thams cad du ni sdom pa legs/ /kun tu bsdams pa'i dge slong ni/ /sdug bsngal kun las rab tu grol/ /ngag rnams bsrung zhing yid kyis rab bsdams te/ /lus kyi mi dge ba dag mi byed cing / /las lam gsum po 'di dag rab sbyangs na/ /drang srong gsungs pa'i lam ni thob par 'gyur/ / sangs rgyas rnam gzigs gtsug tor thams cad skyob/ /'khor ba 'jig dang gser thub 'od srung dang / /shAkya thub pa gau tam lha yi lha/ /mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dang / /grags ldan rnams kyi so sor thar/ /'di ni rab tu rgyas par bton/ / 'di la sangs rgyas rnams dang gang / /sangs rgyas nyan thos rnams kyang gus/ /'di la gus dang bcas gyur pas/ /'dus ma byas pa thob par gyis/ /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim na glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod gyur pa/ /skye ba'i 'khor ba rab spangs nas/ /</font><hr>5.21b<br><font size=+1>

sdug bsngal tha mar byed par 'gyur/ / phan tshun tshul khrims bsrung ba dang / /bstan pa 'phel bar bya ba'i phyir/ /so sor thar pa 'di bton pas/ /dge 'dun gyis ni gso sbyong byas/ /gang gi phyir ni mdo bton dang / /gang phyir gso sbyong byas gyur pa/ /tshul khrims de ni bsrung bya ste/ /g.yag rnga'i rtse mo ji bzhin no/ / so sor thar pa bton pa yi/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog / so sor thar pa'i mdo rdzogs s+ho//    // dbang phyug dam pa'i mnga' bdag dpal lha btsan po'i bka' lung gis 'phags pa gzhi thams cad yod par smra ba'i 'dul ba 'dzin pa/ slob dpon dzi na mi tra dang / zhu chen gyi lo tsa ba ban de cog ro klu'i rgyal mtshan gyis bsgyur cing zhus te gtan la phab pa'o//</font><hr>

</table>