J198

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J198</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J198&coll=lithang">see text in Tibetan script</a></table>61.77a<br><font size=+1>

chos kyi rgya mo/ sangs rgyas rnam par snang mdzad kyis byang chub sems dpa'i sems kyi gnas bshad pa le'u bcu ste/ bam po dang po/ /sangs rgyas kyi bu thams cad thal mo sbyor la sangs rgyas thams cad kyi tshul khrims chen po bshad pa sems thag pa nas nyon cig /mang po tshogs pa yid bsdus te nyon cig /bdag la kun tu ltung ba yod par shes na mthol tshangs byos shig /mthol tshangs byas na bde bar 'gyur ro/ /mthol tshangs ma byas na sdig phyir zhing zab tu skye'o/ /kun du ltung ba med na ma smra bar 'khod cig dang / kun kyang gtsang mar mngon no/ /legs pa chen po yod pa'i rnams dang / dge bsnyen dang / dge bsnyen ma la sogs pa brtag par nyon cig /sangs rgyas mya ngan las 'das pa'i phyir na mchod rten las chos byed pa'i tshe so sor thar pa la btsud cing lci ba dang / gus shing rin cher byos shig /so sor thar pa zhes bya ba'i tshul khrims ni 'di yin no/ /tshul khrims 'di bzung na mun pa las snang bar phrad pa dang mtshungs so/ /mi dbul po las nor chen po thob pa dang mtshungs so/ /nad pa sman rnyed pa dang mtshungs so/ /btson khri mun nas phyung ba dang mtshungs so/ /lam ring por song ba las slar 'khor ba dang mtshungs te/ 'di ni kun gyi mkhan po chen po yin par mngon pas sangs rgyas 'jig rten na bzhugs pa dang mi mtshungs pa med do/ /'jigs pa'i sems ni skye dka'/ dge ba'i sems ni g.yo dka' bas na kha na ma tho ba las brnyes te med snyam du</font><hr>61.77b<br><font size=+1>

byas na chu'i thigs pa chung mod kyi rgyun gyis na snod chen po 'gang ngo / /yud tsam gyi bar du sdig byas pas na bstir med pa'i sems can dmyal bar ltung ngo / /re shig mi lus stor na bskal pa khri'i bar du yang slar mi lus mi thob bo/ /dar ba'i tshe mi sdod do/ /dper na ni rta rgyugs pa dang 'dra/ mi'i tshe yang rtag pa med de/ dba' rgal gyi chu 'bab pa bas kyang myur te/ de ring gson mod kyi/ sang gi gnya' yang dka'o/ /da dus kho na la bab kyis mang po'i rnams so so nas sems gcig tu 'grus shing 'bogs pa btsal ba'i rigs so/ /bag byas la le lo bla khyad dang / nyal ba dang / gnyid kyis log cing rang nyams kyi yid mi bya'o/ /mtshan zhing ni sems bsdus la rtag par dkon mchog gsum gzungs su bzung la phyal ba don med pa la nyon mongs ngal chad cing tshe phyi ma la yang rab tu 'gyod pa mthar ji 'ang thob pa med par mi bya'o/ /mang po'i rnams gcig nas gcig tu tshul khrims 'di bzhin legs par byos shig /de'i tshe na sangs rgyas rnam par snang mdzad kyis mang po'i phyir chu bo gang gA'i brgya stong gi bye ma snyed kyis brjod du med pa'i chos kyi sgo mo'i mdo phye ste/ de'i nang nas sems kyis gnas spu nyag ma'i mgo rnyed do/ /snga ma 'das pa'i sangs rgyas thams cad la yang bshad do/ /da ltar gyi sangs rgyas la yang de bzhin 'chad do/ /ma 'ongs pa'i sangs rgyas thams cad la yang de bzhin du 'chad par 'gyur ro/ /dus gsum gyi byang chub sems dpa' lobs pa dang / slob pa dang / slob par 'gyur ro/ /ngas bskal pa brgya'i bar du sems kyi gnas 'di byas pas na nga'i mkhan po rdzogs longs spyod pa'i sku zhes bya'o/ /khyed sangs rgyas thams cad kyis ngas bshad do cog gcig nas gcig tu sems can thams cad la sems kyi gnas lam phye shig /de nas pad mo'i snying po'i snod kyi khams na gnam gyi 'od lham me lhang nge ba'i seng ge'i gdan gyi steng nas sangs rgyas</font><hr>61.78a<br><font size=+1>

rnam par snang mdzad kyis 'od btang ste/ 'og gi me tog stong gi thog gi sangs rgyas la sbran te/ nga'i sems kyi gnas kyi chos kyi sgo mo'i le'u gzungs su zung la deng shig /yang gcig nas gcig tu 'bum phrag brgya'i yang phrag stong gi shAkya thub pas sems can thams cad la mthar gyis nga'i yan chad kyi sems kyi gnas kyi chos kyi sgo mo'i le'u shod de khyod la sogs pa sems gcig tu gzungs su zung la byos shig /de nas me tog stong gi thog gi sangs rgyas 'bum phrag brgya'i yang phrag stong gi shAkya thub pa pad mo'i snod kyi khams na lham me lhang nge ba'i seng ge'i khri las langs te/ so so nas mchi phyag 'tshal te phyir nur nas lus kun gyis bsam gyis mi khyab pa'i 'od btang ste/ kun 'od kyi nang nas grangs med pa'i sangs rgyas phyung ste/ cig car grangs med pa'i me tog sngon po/ ser po/ dmar po/ dkar pos rdzogs longs spyod pa'i sku sangs rgyas la yon du gsol nas yan chad sems kyi phyi mo'i le'u bshad pa yang khong du chud nas so sor pad mo'i snod kyi khams kyi nang du nub ste/ rang bzhin gyis bskal pa stong pa nyid kyi nang du nub nas me tog 'od kyi ting nge 'dzin thog mar byung ba'i gnas su slar song ste/ 'dzam bu'i gling byang chub kyi shing drung du phyin nas rang bzhin gyi bskal pa me tog 'od kyi ting nge 'dzin las byung ste/ gdod rdo rje'i rgyal po'i gdan dang / 'od shin du bzang po'i khang par 'dug nas phyogs bcu'i chos rgya mtsho dang mtshungs par bshad do/ /de nas yang seng ge'i khri las langs te sum bcu rtsa gsum gnam gyi pho brang du phyin nas gral bcu'i chos bshad do/ /de nas zung ma'i gnam du phyin te las su bya ba bcu bshad do/ /de nas yang khri las langs te rgyal chen ris bzhi'i gnam du phyin nas phyogs shing lta ba bcu bshad do/ /de nas yang 'dug pa'i sa nas langs te/ 'phrul dga'i gnam du phyin nas bsam gtan mi 'gyur ba bcu bshad/ de nas yang 'dug pa'i sa nas langs te gnam bden gnam du phyin nas sa bcu'i chos bshad/ </font><hr>61.78b<br><font size=+1>

de nas yang bsam gtan gcig gi nang du phyin nas rdo rje bcu bshad/ de nas yang bsam gtan gnyis kyi nang du phyin nas bzod pa bcu'i chos bshad/ de nas yang bsam gtan gsum gyi nang du phyin nas smon lam bcu bshad/ de nas yang bsam gtan bzhi pa'i nang chen po che ba dbang mchog 'du mched gnam gyi rgyal po'i pho brang du phyin te/ nga'i thog ma'i phyi mo'i pad mo me tog sna tshogs kyi khams rdzogs longs spyod pa'i sku'i sangs rgyas kyis sems kyi gnas kyi chos kyi phyi mo'i le'u bshad pa bshad do/ /gzhan 'bum phrag brgya'i yang phrag stong gi shAkya thub pa yang de bzhin te gnyis su med do/ /tha dad pa yang med do/ /bsam gtan bskal pa'i le'u'i nang nas kyang zhib tu bshad do/ /de'i tshe shAkya thub pa pad mo'i me tog snod kyi khams kyi shar phyogs nas byung nas lding ba'i khang bu'i nang du zhugs nas bdud kyis chos mnos pa bzhin du bshad zin nas/ yas babs te 'dzam bu'i gling gi ka pi lar skyes nas yum gyi mtshan ni lha mdzes chen mo/ yab kyi mtshan ni zas gtsang ma/ nga bdag gi ming ni sid+d+hAr+tha zhes bya ste/ lo bdun na rab tu byung / lo sum bcu nas sangs rgyas su phyin nas nga'i mtshan ni shAkya thub pa zhes bya ste/ mi 'gyur ba'i gtsang ma'i sar rdo rje'i me tog gi khri la 'dug nas dbang po chen po'i gnam gyi rgyal po'i pho brang du phyin te/ de'i nang gi 'dug pa bcu'i gnas mthar gyis bshad/ de'i tshe sangs rgyas kyis rus gtsang ma chen po'i gnam gyi rgyal po dra ba'i rgyal mtshan mthong ba'i phyir grangs med pa'i khams dper na dra ba'i bu gu dang mtshungs par bshad na khams gcig nas gcig so so mi mthun te tha dad pa'i grangs med do/ /sangs rgyas kyi chos kyi sgo mo bshad pa 'ang de dang 'dra'o/ /ngas khams 'dir lan brgyad stong phyin te/ khams 'dzam bu'i gling 'di'i phyir rdo rje'i khri steng du 'dug ste/ dbang po chen po'i gnam gyi rgyal po'i pho brang du phyin nas de'i nang gi mang po thams cad sems kyi gnas kyi mdo che'o/ /</font><hr>61.79a<br><font size=+1>

de nas gnam gyi pho brang nas mar babs te 'dzam bu'i gling byang chub kyi shing drung du phyin nas de'i sa'i steng gi sems can blun po ma rabs rnams kyi phyir thog ma phyi mo rdzogs longs spyod pa'i sku sangs rgyas kyis sems kyi gnas kyi nang bshad do/ /sems thog ma g.yos pa ni rtag par 'od snang ba'i tshul khrims gcig kha ton du klog go /rdo rje rin po che'i tshul khrims ni sangs rgyas thams cad kyi thog ma'i phyi mo yin no/ /byang chub sems dpa' thams cad kyi ni thog ma'i phyi mo sangs rgyas thams cad kyi ngo bo nyid kyi sa bon no/ /sems can thams cad la yang sangs rgyas kyi ngo bo nyid kyi skal ba yod do/ /thams cad kyi shes pa dang / kha dog dang / sems dang yid dang / sems so cog thams cad kun kyang sangs rgyas kyi ngo bo nyid kyi nang du 'dus so/ /tshul khrims kyi nang na rtag pa yun du rtag par bsod nams yod do/ /rtag pa yun du rtag par chos kyi lus yod do/ /so sor thar pa 'di rnams bcu ni sangs rgyas kyi dbyings nas byung nas chos kyi tshul khrims byas te/ dus gsum gyi sems can thams cad kyis gzungs su 'dzin to/ /ngas da mang po 'di'i phyir zad pa'i mtha' med pa'i tshul khrims kyi le'u bcu bslabs te bshad do/ /rdzogs longs spyod pa nga bdag ste/ /pad mo'i dbus su gdod bzhugs nas/ /mtha' bzhi'i me tog stong gi steng / /shAkya thub pa stong du bzhugs/ /me tog gcig khams 'bum phrag brgya/ /khams de gcig kyang sprul pa gcig /kun kyang byang chub shing drung bzhugs/ /mnyam par sangs rgyas gnas su son/ /de yang 'bum phrag brgya pa stong / /rdzogs longs spyod pa rang bzhin lus/ /sprul pa 'bum phrag brgya stong po/ /kun kyang rdul phran mang por 'dren/ /cig car nga yi gnas su 'ongs/ /sangs rgyas nga yi tshul khrims nyon/ /zil dngar sgo mo de nas bye/ /'ung nas 'bum phrag brgya stong po/ /slad du gtsang ma'i gnas su phyin/ /kun kyang byang chub shing drung bzhugs/ /nga yi mkhan po tshul</font><hr>61.79b<br><font size=+1>

khrims kha ton lhogs/ /tshul khrims chen po rtogs par lnga bcu brgyad/ /tshul khrims snang khyad nyi zla bzhin/ /gcig du nor bu yang nyo 'dra/ /byang chub sems dpa' rdul phran bzhin/ /'di yi yon gyis yang dag 'grub/ /gdod ma rdzogs longs spyod pa nyid kyis blags/ /ngas kyang de bzhin kha ton blags/ /byang chub sems dpa' gsar slob pa/ /klad la khyer zhing khrims bzung bzhin/ /thub bzhin gcig tu sems can ston/ /nga yi bde blag rtag par nyon/ /sangs rgyas chos rnams tshul khrims snod/ /so sor thar pa shes rab bzhin/ /mang po yid kun brtags par ches/ /khyed rnams sangs rgyas phyin par 'ong / /nga yi sangs rgyas phyin zin kyang / /rtag par 'di bzhin yid ches byed/ /tshul khrims le'u kun chog gtsang zin/ /yid sems yod pa thams cad ni/ /kun kyang sangs rgyas khrims kyis bsdu/ /sems can sangs rgyas khrims mnod pa/ /de nas sangs rgyas sa ru phyin/ /tshor chen sa dang mtshungs zin te/ /sangs rgyas kun gyi bu yang dag /mang po kun gyis gus par byas/ /sems gcig brtul te nga klog nyon/ /de'i tshe na shAkya thub pa'i sangs rgyas thog ma byang chub shing drung bzhugs bla na med pa'i g.yung drung rdzogs pa'i byang chub bo/ /byang chub sems dpa'i thog ma so sor thar pa'i 'dud pa ni pha ma dang / dge 'dun dang / dkon mchog gsum la sri zhu dang / yid dang mi 'gal bar bya'o/ /sri zhu byas te bla ma'i yid dang mi 'gal ba ni chos zab mor thob pa'i gzhung ste/ sri zhu'i ming ni tshul khrims so/ /ming gcig tu ni sdom pa dang gtong ba'o/ /de nas 'od snang ba grangs med pa 'byung ngo / /de'i tshe 'bum phrag brgya stong mang po tshogs pa byang chub sems dpa' rnams dang / gzugs yod pa'i khams kyi gnam bcwa brgyad dang / 'dod pa'i khams kyi gnam rim pa drug gi lha dang / rgyal po chen po rnams thal mo sbyar te/ sems gcig tu mnyan nas sangs rgyas kyi tshul khrims chen po blags te/ byang chub sems dpa' rnams la bka' stsal pa/ </font><hr>61.80a<br><font size=+1>

nga da ltar zla ba phyed phyed cing bdag gis sangs rgyas thams cad kyi tshul khrims kha ton du klog go /khyed la sogs pa thog ma sems bskyed pa'i byang chub sems dpa' thams cad kyis kyang kha ton du lhogs shig /sems g.yos te phyogs pa bcu dang / g.yo zhing bskyed pa bcu dang / rdo rje bcu pa dang / sa bcu'i byang chub sems dpa' rnams kyis kyang kha ton du lhogs shig /'ung na tshul khrims kyi 'od kha nas byung ste rgyu yod/ rkyen med pa'i 'od ma yin te/ 'od sngon po dang / dmar po dang ser po/ dkar po/ nag po yang ma yin/ kha dog kyang ma yin/ sems kyang ma yin/ yod pa yang ma yin/ med pa yang ma yin/ rgyu rkyen gyi chos kyang ma yin te/ sangs rgyas thams cad kyi ni gdod ma phyi mo byang chub sems dpa' thams cad kyi ni lam gyi rtsa ba bas na mang po thams cad dang / sangs rgyas kyi bu rnams kyi rtsa ba'i phyi mo zhes bya'o/ /'di lta ste/ sangs rgyas kyi bu rnams kyis kyang gzungs su gzung ba'i rigs so/ /legs par bslabs pa'i rigs so/ /sangs rgyas kyi bu rnams brtags par nyon cig /sangs rgyas kyi tshul khrims nod na ni rgyal po dang rgyal bu dang / blon po che phra dang / dge slong pho smos dang / gzugs kyi khams kyi gnam bcwa brgyad dang / 'dod pa'i khams gnam drug dang / gdol pa dang / nying grum dang / pho g.yem dang / mo g.yem dang / bran pho smos dang / lha ma srin sde brgyad dang / phyag brnyen dang / byol song dang / 'phrul zhing 'gyur ba'i mi la sogs te chos kyi mkhan po'i tshig brda phrad pa'i rnams thams cad tshul khrims mnod du rung ste/ kun kyang ming rab tu gtsang ma zhes bya'o/ /sangs rgyas kyis sangs rgyas kyi bu rnams la bka' stsal pa/ so sor thar pa la phas pham pa bcu yod do/ /sangs rgyas kyi tshul khrims mnos pa ni tshul khrims 'di kha ton du ma blags na byang chub sems dpa' yang ma yin/ sangs rgyas kyi sa bon yang ma yin/ nga yang 'di bzhin du kha ton du klog go/ /</font><hr>61.80b<br><font size=+1>

lobs zin pa'i byang chub sems dpa' thams cad dang / phyis slob pa'i byang chub sems dpa' thams cad dang / da ltar slob pa'i byang chub sems dpa' thams cad la ngas so sor thar pa'i gzungs kyi mdo tsam zhig bshad kyis bslab cing gzungs su gzung ba'i rigs so/ /sangs rgyas kyis sangs rgyas kyi bu rnams la bka' stsal pa/ bdag gis bsad pa dang / mi gzhan gsod du bcug pa dang / thams cad kyis gsod pa gsod pa la sdod pa gsod pa mthong na dga' bar sems pa/ sngags dang / rngad mo byas te bsad pa/ gsad pa'i rgyu/ gsad pa'i rkyen/ gsad pa'i chos byed pa/ gsod pa'i las byed pa la sogs te sems yod do cog la ched kar gsad du mi rung / 'di lta ste/ byang chub sems dpa' de ni rtag par snying rje ba dang / sri zhu che zhing mi 'gal ba'i sems rtag par g.yos te bags kyis sems can thams cad kyi ra mda' dang / 'or ba bya ba'i rigs so/ /bdag gis rang nyams byas te snying tshim par sems can bsad na/ de ni byang chub sems dpa'i phas pham pa'o/ /sangs rgyas kyi bu bdag gis ma byin par blangs sam/ pha log po ma byin par len du bcug gam/ thabs kyis ma byin par blangs sam/ ma byin par len pa'i rgyu/ ma byin par len pa'i rkyen/ ma byin par len pa'i las byed pa/ sngags sgyu ma byas te nor khyer ba la sogs te/ lha ma srin dang / bdag po yod pa dang / yang blo'i nor rdzas dang / nor rdzas so cog la khab dang / rtswa nyag ma gcig la ngas ched kar ma byin par blangs su mi rung ngo / /byang chub sems dpa' ni sangs rgyas kyi rang bzhin skyed la/ sri zhu'i yid dang mi 'gal zhing / byams zhing snying rje bar byas te rtag par sems can no cog gi yon tan dang bsod nams bskyed pa'i rigs so/ /de la slar log par mi'i nor rdzas ma byin par blangs na byang chub sems dpa'i phas pham pa'o/ /sangs rgyas kyi bu bdag mi tshangs par spyod dam/ gzhan mi tshangs par spyod par bstan nam/ bud med do</font><hr>61.81a<br><font size=+1>

cog la mi tshangs par spyod par byed pa dang / gzhan la mi tshangs par spyod pa dang / mi tshangs par spyod pa'i rgyu dang / mi tshangs par spyod pa'i rkyen dang / mi tshangs par spyod pa'i chos byed pa dang / mi tshangs par spyod pa'i las byed pa dang / byol song dang / lha dang / lha ma srin gyi bu mo la mi tshangs par spyod pa dang / chos dang 'gal ba'i mi tshangs par spyod na byang chub sems dpa' ni sri zhu dang mi 'gal ba'i sems kyis sems can thams cad thar pa'i ra mda' bya zhing chos gtsang ma gzhan la sbyin pa'i rigs so/ /de la slar mi'o cog la mi tshangs par spyod pa bskyed de byol song dang / ma dang bu mo dang / sring mo la sogs te gnyen pa drug la mi tshangs par spyod pa byas te/ byams shing snying rje ba med na de ni byang chub sems dpa'i phas pham pa'o/ /sangs rgyas kyi bu bdag gis brdzun byas sam/ pha rol po brdzun zer bar bstan tam/ thabs kyis brdzun byas pa dang / brdzun gyi rgyu byas pa dang / brdzun gyi rkyen byas pa dang / brdzun gyi chos byed pa dang / brdzun gyi las byed pa dang / mthong ba la ma mthong zhes zer ba dang / ma mthong ba la mthong zhes zer ba dang / lus dang sems kyis brdzun byas pa dang / byang chub sems dpa' ni rtag par tshig drang po skye zhing gcig tu na sems can gyi tshig drang po bskyed pa yin na/ de la slar log par sems can thams cad kyi tshig mi drang ba dang / yon po la lta ba dang / yon po'i las byed par bskyod na de ni byang chub sems dpa'i phas pham pa'o/ /sangs rgyas kyi bu smyo ba'i khu ba bdag 'tshong ngam/ pha log po smyo ba'i khu ba 'tshong bar bstan tam/ thabs kyis smyo ba'i khu ba 'tshong ngam/ smyo ba'i khu ba 'tshong ba'i rgyu byed dam/ smyo ba'i khu ba 'tshong ba'i rkyen byed dam/ smyo ba'i khu ba 'tshong ba'i chos byed dam/ smyo ba'i khu ba 'tshong ba'i las byed pa la sogs te/ smyo ba'i khu ba'o cog 'tshong du mi rung / smyo ba'i khu ba'i rkyen gyis kha na ma tho ba skye'o/ /byang chub sems dpa' ni sems can thams cad la</font><hr>61.81b<br><font size=+1>

snang zhing drang ba'i shes rab bskyed pa'i rigs na/ slar log par sems can thams cad kyi phyin ci log gi sems bskyed na byang chub sems dpa'i phas pham pa'o/ /sangs rgyas kyi bu rab tu byung ba dang / ma byung ba dang / byang chub sems dpa' dang / dge slong dang / dge slong ma'i nyes pa bdag gis 'phyas su byas sam/ gzhan 'phyas byed par bstan tam/ 'phya ba'i rgyu byas sam/ 'phya ba'i rkyen byas sam/ 'phya ba'i chos dang / 'phya ba'i las byed na byang chub sems dpa' ni mur 'dug dang / theg pa chung ngu rnam gnyis byed pa'i mi sangs rgyas kyi chos kyi nang na chos ma yin/ tshul khrims ma yin zhes zer na/ rtag par snying rje bskyed de ngan pa'i rnams theg pa chen po la yid dga'/ yid ches par bstan cing bslab pa'i rigs na/ de la byang chub sems dpa' slar log par sangs rgyas kyi chos la nges shes bshad na de ni byang chub sems dpa'i phas pham pa'o/ /sangs rgyas kyi bu la la zhig bdag gis bdag bstod cing phar smod pa dang / gzhan la bdag stod/ phar smod par ston pa/ smod pa'i rgyu/ smod pa'i rkyen byed pa/ smod pa'i chos dang / smod pa'i las byed na/ byang chub sems dpa' ni sems can thams cad kyi skyin par sma dbab cing ngan sems pa ni bdag gis blangs te/ dge zhing legs pa ni gzhan la sbyin pa'i rigs na la la zhig gis bdag gi legs pa ni bsnyad gzhan gyi legs pa ni bcabs te/ gzhan la rma dbab par byas na de ni byang chub sems dpa'i phas pham pa'o/ /sangs rgyas kyi bu bdag ser sna che 'am/ gzhan ser sna che bar ston tam/ ser sna che ba'i rgyu byed dam/ ser sna'i chos byed dam/ ser sna'i las byed na byang chub sems dpa' ni dbul po 'ongs so cog dang / gzhan ji 'dod pa bzhin dgos so/ /byang chub sems dpa'i sems la ngan du sems shing sems la gshe ba dang / dong tshe gcig gam/ khab gcig gam/ rtswa nyag ma gcig mi ster ram/ chos 'dod pa</font><hr>61.82a<br><font size=+1>

zhig 'ongs na tshig gcig le'u gcig /rdul tsam gyi chos kyang ma bshad la/ slar ngag ngan pas spyos te rma phab na de ni byang chub sems dpa'i phas pham pa'o/ /sangs rgyas kyi bu bdag khro 'am/ mi pha log po khro bar ston tam/ khro ba'i rgyu byed dam/ khro ba'i rkyen byed dam/ khro ba'i chos byed dam/ khro ba'i las byed na/ byang chub sems dpa' ni thams cad kyi nang na dge ba'i rtsa ba bskyed cing 'thab cing rtsod pa med par byas la rtag par snying rje bskyed cing bya ba'i rigs kyi/ phyir log par sems can thams cad kyi nang na sems can ma yin pa la kha ngan pas gshe zhing lag pas 'tshog pa dang / ral gri dang / dbyig pas gdab cing brdegs kyang snying brtse ma bri ste/ pha log po 'gyod cing tshig 'jam pos 'chags shing gnong bskur kyang khro ba'i mdud pa ma bkrol na de ni byang chub sems dpa'i phas pham pa'o/ /sangs rgyas kyi bu la la zhig gis dkon mchog gsum la ma yin zhes zer ram/ gzhan dkon mchog gsum la ma yin zhes zer bar bstan tam/ ma yin zhes zer ba'i rgyu dang / rkyen byed dam/ ma yin pa'i chos byed dam/ ma yin pa'i las byed na/ byang chub sems dpa' ni mur 'dug dang / ma rabs kyi ngan tshig gcig sangs rgyas kyi sgra skad ma yin zhes zer ba zhig mthong ngam thos na mdung rtse kha gsum pa sum brgyas snying la zug pa dang mtshungs na/ bdag gi kha nas ma yin zhes zer ba lta smos kyang ci dgos te/ yid ches pa'i sems sri zhu dang mi 'gal ba'i sems bskyed pa'i rigs na/ slar log par ma rabs log pa la lta zhing ma yin zhes zer ba'i grogs byed na de ni byang chub sems dpa'i phas pham pa'o/ /dge zhugs spyod pa'i rnams ni byang chub sems dpa'i so sor thar pa 'di bslabs pa'i rigs so/ /'di'i nang nas rdul phra mo tsam yang gzhig tu mi rung na tshul khrims bcu tshang bar bshig pa lta smos kyang ci dgos/ la la zhig gis tshul khrims bshig pa zhig na</font><hr>61.82b<br><font size=+1>

da ltar gyi lus la byang chub sems dpa'i sems bskyed pa'i las ma nus te/ rgyal po'i gral yang stor/ 'khor lo bskor ba'i rgyal po'i gral yang stor/ dge slong dang / dge slong ma'i gral yang stor/ g.yos shing phyogs pa bcu dang / bskyed cing gsol ba bcu dang / chos rdo rje dang mtshungs pa bcu dang / sa bcu'i sangs rgyas kyi ngo bo nyid rtag pa'o/ /yon tan zab mo la sogs pa zad par stor nas ngan song gsum du ltung ste/ bskal pa gnyis gsum gyi bar du pha ma dang / dkon mchog gsum gyi ming mkhan kyang mi thos te/ de bas na gcig kyang gzhig tu mi rung ngo / /khyed la sogs pa byang chub sems dpa' lobs pa dang / slob pa dang / slob par 'gyur ba'i rnams tshul khrims 'di bcu bslabs la gus par byos te rtag par gzungs su gzung ba'i rigs so/ /gsal bar ni le'u brgyad khri pa'i nang nas rgya cher bshad do/ /sangs rgyas kyis byang chub sems dpa' rnams la bka' stsal pa/ phas pham pa bcu ni bshad zin to/ /ltung ba bzhi bcu rtsa brgyad ni sangs rgyas kyi bu rgyal po'i gral thob pa'i tshe dang / 'khor los bskor ba'i rgyal po'i gral thob pa'i tshe dang / blon po'i gral thob pa'i tshe dang / sngar byang chub sems dpa'i tshul khrims mnod pa'i rigs so/ /'ung tang lha ma srin thams cad kyang rgyal po'i lus dang / blon po'i lus kyi rim gro dang / skyabs byed do/ /sangs rgyas thams cad kyang dgyes so/ /tshul khrims thob zin na sri zhu dang mi 'gal ba'i sems dang / sems la gus par byas pa'i sems dpa' bskyed de/ gral mthon po na 'dug pa'i mkhan po dang / slob dpon dang / theg pa chen po la tshangs par spyod du mtshungs pa dang / mtshungs par mthong ba dang / las 'thun par byed pa mthong na langs te bsu la phyag 'tshal te nad dri ba'i rigs so/ /byang chub sems dpa' slar dregs pa'i sems dang / le lo'i sems dang / glen pa'i sems bskyed</font><hr>61.83a<br><font size=+1>

de ma langs/ ma bsu/ phyag ma byas te/ ji la 'ang chos bzhin du zhe sa dang / ri mo dang / bdag gi lus dang / yul mkhar dang / pho smos dang / nor rin po che bdun la sogs te nor ro cog btsongs la dgos so cog ma sbyar te/ de ltar ma nus na ltung ba'o/ /sangs rgyas kyi bu la la ched kar chang 'thung na chang gi nyes pa skyes te/ dge ba'i bsod nams grangs med pa stor to/ /la la zhig gis bdag gis lus dang lag gis chang snod blangs te mi pha rol po la byin te blud na tshe rabs lnga brgya'i bar du lag pa med par 'ong na/ bdag 'thung ba lta smos kyang ci dgos/ 'di lta ste/ mi'o cog thams cad dang / sems can thams cad la chang 'thung bar bstan tu mi rung ngo / /bdag rang 'thung ba lta smos kyang ci dgos te/ bdag ched kar 'thungs pa dang / pha rol po la bdar ba ni ltung ba'o/ /sangs rgyas kyi bu sha ched kar zos pa dang / sha'o cog bzar mi rung ste/ zos na snying rje zhing byams pa'i rang bzhin gyi sa bon chad pas sems can thams cad kyis mthong nas 'jigs nas spong ngo / /de lta bas na byang chub sems dpa' sems dpa' sems can gyi sha bzar mi rung ngo / /sha zos pa ni sdig grangs med de sha zos na ltung ba'o/ /sangs rgyas kyi bu dku ba rnam lnga bzar mi rung ngo / /sgog pa dang / btsong dang / rgya sgog dang / ri sgog rnams dang / shing kun dang / 'di rnam lnga kha zas so cog gi nang du bzar mi rung ngo / /la la zhig ched kar zos na ltung ba'o/ /sangs rgyas kyi bu sems can thams cad kyis tshul khrims brgyad dang / tshul khrims lnga dang / tshul khrims bcu dang / rtsa ba rnam pa bzhi bshig pa dang / log pa bdun dang / gnod pa brgyad kyi tshul khrims bshig pa'i sdig byed pa mthong na mthol tshangs byed du gzhug pa'i rigs so/ /de las byang chub sems dpa' ma bstan te mthol tshangs byed du ma bcug na/ lhan cig 'dug 'dug cing tshangs par spyod du mtshungs pa'i dge 'dun gyi rnams gcig tu tshogs te tshul khrims</font><hr>61.83b<br><font size=+1>

bshad pa'i tshe sdig dngos su byung gis nyes pa mthol tshangs byed du chug shig /ma bcug na ltung ba'o/ /sangs rgyas kyi bu mkhan po theg pa chen po la lhan cig tu lta ba lhan cig tu las byed pa/ dge 'dun gyi khang khyim dang / mkhar du 'ongs pa mthong na rgyang grags stong gi lam na tshur 'ongs na ni bsu/ 'gro ba ni bskyal cing phyag 'tshal te/ bkur sti dang / ri mo dang / nyin gcig cing dus gsum du ri mo bya nyi ma gcig gi zan du gser srang gsum gyi kha zas dang / khri stan dang / chos kyi mkhan po ci 'dod do cog dgos kyang kun sbyor te byin la rtag par chos kyi mkhan po gnyer te/ dus gsum du chos bshad de nyin gcig cing dus gsum du phyag gus par 'tshal la khro ba'i sems dang / mya ngan gyi sems mi skye bar bgyis so/ /chos kyi phyir lus dang bsngos te chos gsol lo/ /de ltar ma byas na ltung ba'o/ /sangs rgyas kyi bu gang la yang rung ste/ tshul khrims dang / mdo sde 'chang ba'i khang khyim chen po'i nang na chos 'chad pa yod na byang chub sems dpa' gsar du slob pa tshul khrims kyi glegs bam khyer te/ chos kyi mkhan po'i gnas su song la/ gsol te dri zhing mnod pa'i rigs so/ /la la zhig ri dang / tshal dang / shing gi drung dang / dge 'dun gyi sa dang / khyim gyi nang dang / chos 'chad do cog gi sar byin par byas te/ mnyan cing 'dod do/ /de'i gnas su song ste ma mnyan/ ma mnos na ltung ba'o/ /sangs rgyas kyi bu sems ni theg pa chen po dang 'gal zhing rtag par sangs rgyas kyi yi ge dang / tshul khrims la 'dug kyang khar smra na sangs rgyas kyis bshad pa ma yin zhes zer na/ rtag par theg pa chung ngu rnam gnyis dang / mur 'dug gi chos la lta zhing log par lta ba'o cog gi tshul khrims dang / chos kyi yi ge gzungs su bzung na ltung ba'o/ /sangs rgyas kyi bu mi nad kyis btab bo cog rtag par rim gro byas te/ gsol la sangs rgyas dang</font><hr>61.84a<br><font size=+1>

mtshungs par byas na dge ba'i bsod nams rnam pa brgyad kyi nang na nad pa la lta zhing gsos pa'i dge ba'i bsod nams ni bsod nams kyi dam pa'o/ /pha ma dang / mkhan po dang / dge 'dun dang / slob ma 'am/ dbang po ma tshang ba nad do cog gis btab cing nyon mongs na kun kyang gsos te sos par bya'o/ /de la byang chub sems dpa' sems can la lta gshe zhing ngan sems kyis dge 'dun gyi khyim dang / yul mkhar du ma phyin pa/ dbye dang / ri lung dang / mkhar dang / tshal na nad pa 'dug pa mthong ste ra mda' dang / rim gro ma byas na ltung ba'o/ /sangs rgyas kyi bu ral gri dang / mda' gzhu dang / mdung dang / sta re la sogs te thab mo'i spyad mtshon cha dang / sems can gsod pa'i spyad dang 'dra ba rgya rgya mo la sogs pa 'chang du mi rung ngo / /byang chub sems dpa' ni pha ma gzhan gyis bsad kyang sha mi glan na/ sems can thams cad gsad pa lta smos kyang ci dgos/ mtshon cha ched kar 'chang ba na ltung ba'o/ /'di lta bu'i tshul khrims rnam bcu ni bslabs te/ rtag par gzungs su gzung ba'i rigs so/ /'og ma le'u drug gi nang na rgya cher bshad do/ /sangs rgyas kyis sangs rgyas kyi bu rnams la bka' stsal pa/ sangs rgyas kyi bu khe 'dod pa'i phyir sems ngan pa bsams te/ nyi 'og gi yul du pho nyar 'drul ba dmag gi g.yul bshams te/ dmag bskyod nas 'thabs te sems can mang po bsad na byang chub sems dpa' dmag gi nang du song zhing phan tshun du 'drul yang mi rung na ched kar yul gyi dgra byed pa lta smos kyang ci dgos/ de la ched kar byed pa ni ltung ba'o/ /sangs rgyas kyi bu bla 'bangs dang / bran phos smos dang / phyugs bdag sna drug dang / gshin sgrom ro gzhug pa'i snod la sogs pa/ khe dang tshong spogs bdag gis kyang bgyi ba'i mi rigs na gzhan la byed par bstan pa lta smos kyang ci dgos te/ de la ched kar byed pa ni ltung ba'o/ /sangs rgyas kyi bus ngan sems bskyed de pha log po dgepa nges pa/ chos kyi mkhan po/ </font><hr>61.84b<br><font size=+1>

dge 'dun rgyal po/ ya rabs btsun pa la ma nyes par log pa bdun dang / pham pa bcu dang / pha ma dang / phu bo nu bo dang / gnyen pa rnam drug gi tshul khrims bshig go zhes skur na sri zhu dang mi 'gal zhing byams shing snying rje ba'i sems bskyed pa'i rigs kyi/ de la slar log pa'i gnod pa bskyed na mi bde ba'i gnas su lhung na ltung ba'o/ /sangs rgyas kyi bu ngan sems bskyed de/ ched kar me chen po btang la ri dang / tshal dbye dang / ri lung dbyar zla ra ba man chad/ ston zla tha chungs yan chad/ bsregs sam/ la la zhig gis me btang ste/ gzhan gyi khang khyim dang / mkhar dang / grong dang / dge 'dun gyi khyim dang / zhing dang / bskyed shing dang / lha ma srin dang / bla'i dkor la sogs te bdag po yod do cog gi nor rdzas bsreg tu mi rung ngo / /la la zhig gis ched kar bsregs na ltung ba'o/ /sangs rgyas kyi bu sangs rgyas kyi slob ma bdag dang / mur 'dug dang / gnyen rnam drug la sogs te/ dge ba'i bshes gnyen no cog kun kyang ci yang theg pa chen po'i yi ge dang / tshul khrims nod cing gzungs su 'dzin par bstan pa'i rigs so/ /gzhung dang lugs shes shing byang chub sems dpa'i sems bskyed pa dang / bskyed cing gsol ba'i sems bcu dang / rdo rje'i chos kyi sems g.yo bar bstan te/ gcig nas gcig tu go rims dang / chos kyis cho ga shes par bya'o/ /byang chub sems dpa' la byang chub sems dpas ngan sems dang / zhe sdang bskyed de/ gzhan nyan thos kyi theg pa chung ngu rnam gnyis kyi tshul khrims dang / yi ge dang / mur 'dug dang / log par lta ba'i bshad pa bstan pa na ltung ba'o/ /sangs rgyas kyi bu legs pa'i sems kyis sngar theg pa chen po'i go cha dang / tshul khrims dang / yi ge bslabs nas rgya cher phye nas gzhung gi ro ci bro ba shes nas byang chub sems dpa'</font><hr>61.85a<br><font size=+1>

gsar du slob pa rgyang grags brgya stong gi lam nas theg pa chen po'i yi ge dang / tshul khrims 'dod cing 'ong ba mthong na chos kyi phyir dka' thub spyod pa chos bzhin bshad pa'i rigs so/ /dka' thub ces bya ba ni lus bsregs pa/ lag ngar bsregs pa sor mo bsregs pa'o/ /de la lus dang / lag ngar dang / sor mo bsregs te/ sangs rgyas thams cad la yon du ma gsol na/ de'i rab tu byung ba'i byang chub sems dpa' ma yin no/ /stag dang / spyang ki dang / seng ge ltogs pa la sogs pa dang / 'dre ltogs pa la sogs pa thams cad la lus kyi sha dang / rkang lag gtong phod par byas te/ byin la de nas gcig nas gcig tu mthar gyis yang dag pa'i chos bshad de/ sems ni phye/ yid ni gol bar bya'o/ /de la byang chub sems dpa' bdag gso ba'i khe 'dod pa'i phyir lan glan pa'i rigs pa ni ma blan gyi/ yi ge dang / tshul khrims ri mo dang / 'bru phyin ci log tu bshad nas snga phyi med par dkon mchog gsum la 'phya zhing 'chad pa ni ltung ba'o/ /sangs rgyas kyi bu bdag kha zas dang / nor rdzas dang / gso ba'i khe dang / ming snyan pa'i phyir rgyal po dang / rgyal bu dang / blon po chen po la sogs pa gnyen zhes zer te/ snyems shing nan gyis nor slong la/ btsan ngag gis bsdigs te nan gyis nor dang / khe tshol lo cog gi ming ni ngan pa mang po tshol zhes bya'o/ /gzhan la yang snying rje med cing sri zhu dang mi 'gal ba'i sems yong med par bstan pa ni ltung ba'o/ /sangs rgyas kyi bu tshul khrims kha ton du klog pa slob pa na nyin gcig cing dus drug tu byang chub sems dpa'i tshul khrims bzung la/ de'i gzhung dang / don sangs rgyas kyi ngo bo nyid shes par bya'o/ /byang chub sems dpa' tshul khrims kyi yon tan tshig gcig le'u gcig kyang mi shes par</font><hr>61.85b<br><font size=+1>

sgyu ma'i tshig tu nus shes zer ba ni bdag la brnyas shing bslus/ gzhan la yang brnyas te chos so cog rnam pa gcig kyang mi shes par gzhan la mkhan po byed cing tshul khrims ston pa ni ltung ba'o/ /sangs rgyas kyi bu ngan sems bskyed de/ tshul khrims 'dzin pa'i dge ba'i lag na pog snod khyer te/ byang chub sems dpa'i las byed pa la mthong nas phan tshun gnyis kyis bar du bar bcug ste/ 'phags pa'i mi la brnyas ma shin byed cing ngan mi byed pa med do zhes skur te/ de lta bu ched kar byas na ltung ba'o/ /sangs rgyas kyi bu snying rje spyad de ci 'ang mi gsad par btang ba'i las byed cing pho'o cog ni bdag gi pha yin/ mo'o cog ni bdag gi ma yin/ bdag sngan chad kyi tshe rabs la gar skyes so cog na yang de dag las ma skyes pa med pas na 'gro ba drug gi sems can bdag gi pha ma yin te/ de bsad cing zos na bdag gi pha ma bsad do/ /gcig tu na bdag gi lus rnying pa bsad do/ /sa dang chu thams cad ni bdag gi lus snga ma yin no/ /me dang rlung ngo cog ni bdag gi gzugs kyi phyi mo yin pas rtag par gson por btang ba'i las byed/ gar skyes gar skyes kyang sems can gsod pa mthong na thabs spyad de bdag gis 'or ba dang ra mda' byas te/ nyon mongs shing phongs pa thar bar bya'o/ /rtag par byang chub sems dpa'i tshul khrims bshad de bstan bslabs nas sems can thar pa'i ra mda' bya'o/ /pha ma dang / bu pho dang nu bo zhig shi na de nyin par chos kyi mkhan po gnyer te/ byang chub sems dpa'i tshul khrims bshad na de'i bsod nams kyis shi ba de sangs rgyas thams cad dang phrad de mtho ris su skye'o/ /de ltar ma byas na ltung ba'o/ /chos kyi rgya mo/ bam po gnyis pa ste tha ma/ 'di lta ste/ tshul khrims 'di bcu bslabs na sems</font><hr>61.86a<br><font size=+1>

gus par gzungs su gzung ba'i rigs so/ /sdig bkru ba'i le'u'i nang nas kyang tshul khrims gcig pu gcig nas rgya che zhing gsal bar bshad do/ /sangs rgyas kyis sangs rgyas kyi bu la bka' stsal pa/ khros pa'i lan khros pas mi glan/ brdeg pa'i lan brdeg pas mi blan/ pha ma dang / phu nu bo gnyen rnam drug bsad kyang sha glan du mi rung ngo / /gzhan zhig gis bdag gi rgyal po gsad kyang sha glan du mi rung ngo / /srog gcod cing sha glan na sri zhu'i chos dang 'gal lo/ /bran pho smos la ngag ngan pas spyos shing brdegs la nyin gcig cing las ngan pa rnam gsum spyod pa la yang sdig grangs med na ched kar log pa sna bdun gyi sdig byas pa lta smos kyang ci dgos te/ rab tu byung ba'i byang chub sems dpa' la snying rje med/ gnyen rnam drug la sogs pa'i sha blan pa ched kar byed na ltung ba'o/ /sangs rgyas kyi bu gdod ma dang po rab tu byung ste/ ji 'ang mi shes par bdag dbang po rno la 'dzangs par rlom zhing la la ni lo grangs rgan zhing phyug btsan snyems te/ la la rus che zhing thabs mtho ba dang / mang du shes pa dang / dbang che ba dang / nor rin po che sna bdun mang du bdog pas rgyags dregs sngan chad chos shes pa'i mkhan po la yi ge dang / tshul khrims mi gsol/ mi nod/ chos kyi mkhan po la la ni rung chung / la la ni nas gzhon/ la la ni thabs chung / la la ni dbul/ la la ni dbang po ma tshang yang legs pa'i chos dben pa yod de/ chos kyi yi ge dang / tshul khrims so cog zad par shes na byang chub sems dpa' gsar du slob bo/ /chos kyi slob dpon ma rig pa dang / thabs la 'phral gang du bltas shing chos kyi mkhan po la yang dag pa'i bden pa gzhung ngo cog gsol zhing nod du ma 'ongs na ltung ba'o/ /sangs rgyas kyi bu sangs rgyas 'das pa'i phyi na sems dge bas sangs rgyas kyi tshul khrims 'dod cing nod na sangs rgyas dang / </font><hr>61.86b<br><font size=+1>

byang chub sems dpa'i gzugs kyi spyan sngar bdag gi sems la yi dam bcas te/ zhag bdun gyi bar du sangs rgyas kyi spyan sngar mthol tshangs byas la/ ltas bzang po mthong ba ni tshul khrims thob bo/ /ltas bzang po ma mthong ba ni zhag bdun gnyis/ bdun gsum/ lo gcig gi bar du ltas bzang po mthong ba'i drod kyis gzung ngo / /ltas bzang po mthong nas sangs rgyas dang / byang chub sems dpa'i gzugs kyi spyan sngar tshul khrims mnod do/ /ltas bzang po ma mthong na sangs rgyas dang / byang chub sems dpa'i gzugs kyi spyan sngar tshul khrims mnod kyang ming tshul khrims thob pa zhes mi bya'o/ /la la zhig gis sngon chad byang chub sems dpa'i tshul khrims mnos pa'i mdun du nod na ltas bzang po mi dgos so/ /de ci'i phyir zhe na/ chos kyi mkhan po gcig nas gcig tu bstan pas na ltas bzang po mi dgos te/ chos kyi mkhan po de'i mdun du tshul khrims mnos na tshul khrims kyang thob ste gus pa'i sems skye'o/ /rgyang grags stong lam tshun chad tshul khrims sbyin nus pa'i mkhan po med la sangs rgyas dang / byang chub sems dpa'i gzugs kyi spyan sngar tshul khrims nod na ltas bzang po mthong bar dgos so/ /chos kyi mkhan po la la zhig bdag theg pa chen po'i yi ge dang / tshul khrims shes pa dang / rgyal po dang / rgyal bu dang / blon po rnams byams shing mdza' ba snyems te/ byang chub sems dpa' gsar du slob pa chos kyi yi ge'i lugs dang / tshul khrims kyi gzhung 'drir 'ongs pa la brnyas pa'i sems dang / ngan sems dang / le lo'i sems kyis gcig pu gcig pu nas 'dri ba'i lan ma blan na ltung ba'o/ /sangs rgyas kyi bu sangs rgyas kyi chos dang / tshul khrims kyi yi ge dang / theg pa chen po'i drang po'i chos/ drang por mthong ba/ drang po'i ngo bo nyid/ drang po'i chos kyi</font><hr>61.87a<br><font size=+1>

lus kyis 'grus par slob cing spyod sgom mi nus pa rnams ni dkon mchog bdun bdun btang ste/ slar log par bltas te theg pa chung ngu rnam gnyis dang / mur 'dug gi chos dang / ma rabs kyi gzhung la bsten pa dang / a b+hi d+harma bshad pa slob pa dang / theg pa chung ngu'i yi ge dang / 'dug par slob na de ni sangs rgyas kyi ngo bo nyid kyi sa bon chad pas lam 'gog pas bsgribs pa'i rgyu rkyen gyis byang chub sems dpa'i lam ma yin no/ /de lta na ched kar byas pa ni ltung ba'o/ /sangs rgyas kyi bu sangs rgyas 'das pa'i phyi na chos 'chad pa bdag po byed pa dang / dge 'dun gyi khyim bdag po dang / ston cing 'phrul pa'i bdag po dang / bsam gtan du 'jug pa'i bdag po dang / 'gro zhing 'ongs pa'i bdag po dang / de lta bu byed na byams pa'i sems bskyed la mi mdza' ste/ 'thab cing rtsod pa yang dge bar bsdum pa'i rigs so/ /dkon mchog gsum gyi nor yang dge bar bsrungs te ma 'os par mi spyad/ bdag gis bdag gi sgor bab pa dang mtshungs par bya'o/ /de la las log par mang po 'grub cing 'bad pa dang / rang nyams kyi sems kyis dkon mchog gsum gyi nor spyad na ltung ba'o/ /sangs rgyas kyi bu sngan chad dge 'dun gyi khyim gyi nang na 'dug la byang chub sems dpa' dang / dge slong 'dron pa zhig phyis dge 'dun gyi khang khyim dang / mkhar dang / grong dang / rgyal po'i khyim dang / dbyar tshul du zhugs pa'i tshe dang / 'khor gyi nang du 'ongs pa mthong na snga na 'dug pa'i dge 'dun gyis 'ong na ni bsu 'gro na ni bskyal te zas kyi bsti stang dang / khang khyim dang nyal ba'i mal cha dang / khri dang / sna sna nas sbyar te sbyin no/ /la la zhig bdag la nor med na bdag gi lus dang / bu pho dang / bu mo dag btsongs te/ ci 'dod pa kun sbyar te sbyin dgos so/ /sbyin bdag la la zhig 'ongs te/ dge 'dun phal dang / dge 'dun gyi 'dron pa zhig gnyer te/ yon gyi nor skal ba yod</font><hr>61.87b<br><font size=+1>

pa'i sar dge 'dun khyim bdag pos dge 'dun 'dron pa'i rnams rim gyis gnyer ba btang ste/ de las dge 'dun snga nas 'dug pas bdag 'ba' zhig gnyer bar song ste/ dge 'dun 'dron pa ma btang na dge 'dun gyi khyim gyi bdag po sdig grangs med par thob ste byol song dang mtshungs so/ /dge sbyong ma yin shAkya'i rigs kyi sa bon yang ma yin te/ de ltar byas pa ni ltung ba'o/ /sangs rgyas kyi bu ci yang go rims su ma bab par logs shig tu yon blangs shing bdag gir bkur du mi rung ngo / /de lta bu'i yon gyi nor rdzas ni phyogs bcu'i dge 'dun dbang ste/ de la logs shig tu mnos shing khyer na phyogs bcu'i dge 'dun gyi nor bdag gi sgor khyer na bsod nams rnam pa brgyad dang / sangs rgyas dang / 'phags pa rnams dang / mkhan po dang / dge 'dun dang / pha ma dang / nad pa'i rdzas bdag gis spyad kyis ltung ba'o/ /sangs rgyas kyi bu byang chub sems dpa' rab tu byung ba dang / rab tu ma byung ba'i sbyin bdag gis dge 'dun gnyer te/ bsod nams bskyed cing smon lam gsol na dge 'dun gyi nang du song na dge skos la dris te/ de ring go rims gang la bab pa gnyer na phyogs bcu'i 'phrul gyi dge 'dun 'thob bo/ /gud nas dgra bcom pa dang / byang chub sems dpa' dang / dge 'dun lnga bcu gnyer ba bas go rims su bab pa'i dge 'dun tha mal pa gcig gnyer ba bsod nams che'o/ /de las dge 'dun gzhan gnyer ba ni mur 'dug ngan pa'i chos so/ /sangs rgyas bdun la ni gud nas gnyer ba'i chos med do/ /sri zhu'i lam dang 'gal bas gud nas dge 'dun gnyer ba ni ltung ba'o/ /sangs rgyas kyi bu ngan sems spyad de gso ba'i khe'i phyir pho smos kyi g.yem pa 'tshong ba'i bdag dar cing zan byed pa dang / bdag rdung ba/ bdag 'du ba pho smos kyi mtshan lta rmi lam bzang ngan 'gro la pho zhes zer/ mo zhes zer/ log pa'i chos kyi sngags sgyu ma rang bzor zer/ dgra bslab pa'i chos byed/ dug go cog sbyor zhing byed la</font><hr>61.88a<br><font size=+1>

dug rtsi rnam pa brgya stong byed de sbrul dug /gser dngul ma btul ba'i dug dang / byad stems la sogs pa snying rje yong med pa lta bu ched kar byas na ltung ba'o/ /sangs rgyas kyi bu ngan sems bskyed de/ bdag gi lus kyis dkon mchog gsum la skur ba byas te gzhan la gnyen sgyu ma smos te/ kha ni stong pa 'chad/ las ni yod pa'i las byed la/ tha mal pa'i bud med dang / skyes pa'i smyan byed cing mi tshangs par spyod par sbyor te/ ci la 'ang mi 'jigs shing chags pa med/ dus drug tu mchod ston byed pa'i nyi ma dang / lo gcig la zla ba gsum gsum mchod ston rtag tu byed pa'i tshe sems can gsod/ rkun po dang / chom po byed cing mchod ston gyi tshul khrims bshig pa ni ltung ba'o/ /tshul khrims 'di bcu bslabs la rtag par gzungs su gzung ba'i rigs so/ /khrims gzung ba'i le'u'i nang nas kyang rgya cher mngon par bshad do/ /sangs rgyas kyis bka' stsal pa/ sangs rgyas kyi bu sangs rgyas 'das pa'i phyi na ngan pa'i dus la mur 'dug dang / mi ngan pa'o cog dang / rkun po chen pos sangs rgyas dang / byang chub sems dpa' pha ma dang mtshungs pa'i gzugs 'tshong ba mthong ngam/ chos dang tshul khrims kyi yi ge 'tshong ba mthong ngam/ dge slong dang / dge slong ma 'tshong ngam/ gcig tu sems bskyed pa'i byang chub sems dpa' 'tshong ba dang / la la zhig snying rje'i las la mngags pa'i 'brang nas bran pho bran mor byas pa zhig byang chub sems dpas de lta bu mthong na byams pa'i sems bskyed de/ thabs kyis ra mda' dang / skyabs byas te gnas gnas na 'khod do cog kyang slar slob cing ston cig /sangs rgyas dang / byang chub sems dpa'i gzugs dang / dge slong dang / dge slong ma dang / chos dang / tshul khrims kyi yi ge thams cad nor yod na nor gyis slus shig de ltar ma slus na ltung ba'o/ /sangs rgyas kyi bu 'chang du mi gnang ba la mtshon cha dang / mda' gzhu 'chang ba dang / </font><hr>61.88b<br><font size=+1>

tshong spogs byed pa dang / srang dang bre che chung 'chang ba dang / rtsa lag snyems shing mi gzhan la nor len pa dang / sems can la phrag dog byed de/ pha log po bcings drags byas pa dang / ngo so don du yod pa zhig btang byi la dang / sel byi dang / khyi dang / phag dang / bya 'chang zhing gsor mi rung ngo / /de lta bu ched kar gsos na ltung ba'o/ /sangs rgyas kyi bu ngan sems bskyed de pho smos la sogs pa 'thab bo cog la lta ba dmag gi g.yul dang dgra chen po byed pa la sogs pa la bltar mi rung ngo / /yang gcig tu dung 'bud pa dang / rnga gling dang / gyim shing dang / dzeng dang / gling bu dang / kong hi'u dang / glu len pa dang / rol mo'i sgra la mnyan du mi rung ngo / /cho lo dang / mig mangs dang / par sig gi rtsed mo dang / ra 'bri lug gi dmag gi rtsed mo dang / pho long rdob pa dang / rdo 'phen gyis rtse ba dang / bum bu la rde'u 'phen pa dang / khras byed pa dang / me long brud pa byar mi rung ngo / /rtsa tsi tsha'u dang / rgya lcang dang / phor kha rub dang / mi'i thod pa dang / de rnams la mo gdab tu mi rung ngo / /rkun po'i than gyi pho nya la sogs pa gcig kyang byar mi rung ngo / /de ltar ched kar byas na ltung ba'o/ /sangs rgyas kyi bu tshul khrims thub par bzung ba'i rim gro byas na 'gro nyal 'dug langs/ nyin mtshan dus drug tu tshul khrims kha ton klags na rdo rje dang mtshungs so/ /rkyal pa thogs pa mtsho chen po rgal ba dang mtshungs so/ /gcig tu na dge slong rtswas bcings pa dang mtshungs te/ theg pa chen po la dge zhing yid ches pa'i sems rtag par bskyed la bdag gis shes par bsam pa nga ni da rung sangs rgyas su ma phyin pa'i sangs rgyas so/ /sangs rgyas kyi rnams ni sangs rgyas su phyin pa'i sangs rgyas so snyam du byang chub tu sems bskyed de bar mi chad par sems la bsams la de skad cig gcig theg pa chung ngu gnyis dang / mur 'dug la sems kyis bsams na ltung ba'o/ /sangs rgyas kyi bu rtag par smon lam thams cad gsol la/ pha ma dang / mkhan po dang / dge 'dun</font><hr>61.89a<br><font size=+1>

dang / dkon mchog gsum la sri zhu che zhing yid dang mi 'gal bar smon/ rtag par mkhan po mkhas pa dang / tshangs par spyod du mtshungs pa'i dge ba'i bshes gnyen dang phrad de rtag par bdag theg pa chen po'i yi ge dang / khrims dang / g.yo zhing phyogs pa bcu dang / bskyed cing gso gso ba bcu dang / chos rdo rje dang mtshungs pa bcu dang / sa bcu la sogs pa bdag byed cing shes la chos bzhin du las byed par smon to/ /sangs rgyas kyi bu tshul khrims bzung la sran thub par bya ba ni lus dang srog kyang bor te sems la sems pa'i bar mi gcad par sems bsam mo/ /de la byang chub sems dpa' thams cad 'di lta bu'i smon lam ma bskyed na ltung ba'o/ /sangs rgyas kyi bu smon lam chen po bcu smon pa'i 'og tu sangs rgyas kyi tshul khrims gzungs su bzung ste smon lam 'di bzhin du gdab bo/ /bdag gi lus 'di me chen po'i nang du tshig kyang rung khung zab mo dang / ral gri'i ri la song yang rung ste dus gsum gyi sangs rgyas kyi dam pa'i chos kyi yi ge dang / tshul khrims mthar mi zhig pa dang / nam du yang mi zhig pa bud med thams cad sogs pa mi byed par smon to/ /gcig tu smon lam 'di ltar smon to/ /lcags bsreg pa'i dra ba dang / de lta bu rgya mo rim pa stong gis bskor te lus dkris kyang mthar yun du tshul khrims dral ba'i lus kyis dad pa'i sbyin bdag gi gos thams cad mi bgo bar smon to/ /yang gcig tu smon lam 'di ltar smon to/ /kha 'di'i nang du lcags kyi thu lum bsregs pa dang / me chu bzhin du bab ste 'ong ba la bskal pa brgya stong gi bar du lon kyang tshul khrims bshig pa'i khas dad pa'i sbyin bdag gi zas thams cad mi za bar smon to/ /yang gcig tu smon lam 'di ltar smon to/ /lus 'di me chen pos bsregs pa'i lcags kyi dra ba dang / lcags bsregs pa'i tsha ba'i steng du bsnyal kyang tshul khrims dral ba'i lus kyis dad pa'i sbyin bdag</font><hr>61.89b<br><font size=+1>

gi khri'o cog gi steng du mi 'dug par smon to/ /yang gcig tu smon lam 'di ltar smon to/ /lus 'di bskal pa gcig gnyis kyi bar du mdung rtse kha gsum pa sum brgyas gtsags kyang rung ste/ mthar tshul khrims bshig pa'i lus kyis dad pa'i sbyin bdag gi rtsi sman thams cad mi za bar smon to/ /yang gcig tu smon lam 'di ltar smon to/ /lus 'dis bskal pa stong gi bar du lcags kyi zangs po che tsha ba'i nang du bcug kyang rung ste/ mthar tshul khrims dral ba'i lus kyis dad pa'i sbyin bdag gi khang khyim mo cog dang / ldum ra dang / bskyed shing dang / zhing gi steng du mi 'dug par smon to/ /yang gcig tu smon lam 'di ltar smon to/ /lus 'di mgo nas rkang pa'i bar du lcags kyi gtun bus brdungs te rdul phra mo bzhin du song yang khrims dral ba'i lus sems yid ches pa'i sbyin bdag gis 'grus shing gus par phyag mi 'tshal bar smon to/ /yang gcig tu smon lam 'di ltar smon to/ /stong phrag brgya'i lcags bsregs pa'i ral gri dang / mdung rtses mig gnyis brus shing btsags kyang tshul khrims bshig pa'i sems kyis pha logs kyi kha dog bzang po la mi lta bar smon to/ /yang gcig tu smon lam 'di ltar smon to/ /lcags kyi smyung bu stong phrag brgyas bskal pa gcig gnyis kyi bar du lus kyi chu ba dang / rna ba'i rtsa bar btsugs kyang tha mar khrims dral ba'i sems kyis rol mo snyan pa la mi mnyan par smon to/ /yang gcig tu smon lam 'di ltar smon to/ /bskal pa stong phrag brgya'i bar du ral gris sna bcad cing gzhogs kyang khrims dral ba'i sems kyis spos so cog la mi snom par smon to/ /yang gcig tu smon lam 'di ltar smon to/ /bskal pa brgya stong gi bar du lce ral gris bcad gtubs kyang khrims dral ba'i sems kyis mi'o cog gi kha zas gtsang ma'o cog la mi bza' bar smon to/ /yang gcig tu smon lam 'di</font><hr>61.90a<br><font size=+1>

ltar smon to/ /sta re rnon pos lus bcad gtubs kyang mthar khrims dral ba'i sems kyis reg pa'i bzang po la mi brkam mi chags par smon to/ /yang gcig tu smon lam 'di ltar smon to/ /sems can no cog sangs rgyas su yod par smon to/ /byang chub sems dpa' 'di lta bu'i smon lam ma bskyed na ltung ba'o/ /sangs rgyas kyi bu rtag par dus gnyis su sbyangs pa'i yon tan pa dgun dang / dbyar bsam gtan du 'jug pa dang / tshul khrims su 'jug pa so shing dang / sran phye dang / chos gos gsum dang / ril ba dang / lhung bzed dang / gding ba dang / gsil byed dang / pog phor dang / chu tshags dang / lag phyis dang / gri dang / gtsub shing dang / gtsub stan dang / smang tsher dang / tha gu'i khri dang / dar ma dang / khrims dang / sangs rgyas kyi bu sbyangs pa'i yon tan spyad pa'i cha grong rgyu ba'i tshe 'gro zhing 'ongs na rgyang grags brgya stong du 'gro na yo byad bcwa brgyad rtag par lus dang mi 'bral te/ sbyangs pa'i yon tan pa ni dpyid zla ra ba tshes bcwa lnga nas dpyid zla tha chungs tshes bcwa lnga'i bar du'o/ /ston zla 'bring po'i tshes bcwa lnga nas dgun zla ra ba nya'i bar du dus gnyis su yo byad bcwa brgyad lus dang mi 'bral/ dper na bya'i 'dab ma dang 'dra'o/ /de ste gso sbyin gyi nyi ma la gsar du slob pa'i byang chub sems dpa' rnams zla ba phyed phyed cing kha ton du phas pham pa bcu dang / ltung ba bzhi bcu rtsa brgyad kyi khrims kha ton du lhogs shig /de ste khrims klog pa'i tshe sangs rgyas thams cad dang / byang chub sems dpa' thams cad kyi gzugs kyi spyan sngar gzugs dang / gzugs brnyan gyi spyan sngar mi gcig gis kha ton klags la gcig gis 'thol tshangs bya ste/ gcig gam gnyis sam gang yang rung ste/ stong brgya de yang mi gcig gis kha ton klog go/ /kha ton klog pa ni sa mthon po la 'dug la nyan pa ni dma' ba la 'dug go/ /so so nas chos gos tshal bu dgu pa</font><hr>61.90b<br><font size=+1>

dang / lnga pa dang / bdun pa bgos te tshul du 'jug pa ni gcig nas gcig tu chos bzhin du'o/ /sbyangs pa'i yon tan spyod pa'i tshe bgegs yod cing mi bde ba'i nang du ma 'gro cig /yul gyi bgegs dang / rgyal po mi srun pa dang / sa mtho dma' dang / rtsi shing zab mo dang / dbyar seng ge dang / stag dang / spyang ki dang / chu ste rlung gi bgegs dang / rkun po chom po dang / sbrul gdug pa'i lam la sogs te/ bgegs yod do cog thams cad du sbyangs pa'i yon tan pa 'gror mi rung ngo / /de la ched kar song na ni ltung ba'o/ /sangs rgyas kyi bu chos 'di bzhin du rim pas 'khod cig /tshul khrims sngar nos pa ni sngar 'dug shig /tshul khrims phyis nod pa ni phyi nas 'dug shig /rgan gzhon mi lta/ dge slong pho dang / dge slong mo dang / ya rabs dang / btsun pa dang / rgyal po rgyal bu dang / nyung rum dang / bran pho smos la sogs pa tshul khrims sngar nos pa ni sngar 'dug shig /phyis nos pa ni phyis go rims bzhin du 'dug shig /mur 'dug ngan pa dang / mi glen po bzhin du rgan yang rung / gzhon yang rung / snga med phyi med pa'i go rims med pa ni g.yung po bran gyi chos so/ /nga sangs rgyas kyi chos kyi nang na ni snga ma ni steng du 'dug /phyi ma ni 'og tu 'dug go/ /byang chub sems dpa' ni chos bzhin du go rims su ma 'khod na ltung ba'o/ /sangs rgyas kyi bu rtag par sems can no cog bstan cing bcos te/ dge 'dun gyi khang khyim byed cing ri dang / tshal dang / ra ba dang / zhing la sangs rgyas kyi rten gyi khang pa byas la dbyar dgun du tshul dang / bsam gtan du 'jug pa'i gnas dang / gtsang ma'i 'chags 'dzugs su gzhug pa'i rigs so/ /de la byang chub sems dpa' sems can no cog gi phyir theg pa chen po'i chos dang / tshul khrims kyi yi ge bkrol bshad na nam na tsha byung ba dang / yul gyi bgegs dang / dgra'i bgegs dang / pha ma dang / phu nu bo dang / mkhan po la sogs pa thog</font><hr>61.91a<br><font size=+1>

ma shi ba'i dus dang / bdun gsum gyi nyi ma dang / bdun bzhi'i nyi ma dang / bdun lnga'i nyi ma dang / bdun bdun gyi nyi ma la de'i phyir theg pa chen po'i yi ge dang / tshul khrims bkrol bshad de/ mchod ston byas te/ dge ba'i bsod nams thob par gsol cig /'gro 'ongs kyang gson po'i mtsho bsod nams byed pa la me chen pos bsregs/ chu chen pos khyer/ rlung nag po chen pos gru bus pa dang / gtsang po dang mtsho chen po'i dgra'i bgegs la sogs te/ sdig go cog bgegs dang lan gyis na mtshams med pa bdun/ bgegs brgyad/ lag sgril/ rkang sgril ltung dang / lcags dang lus bcings drags te/ g.yem zhing khro ba mang po dang / blun zhing glen pa mang po dang / na tsha'i mang po'i dgra zus na kun gyis kyang theg pa chen po'i chos kyi yi ge dang / tshul khrims kha ton klags te dgrol bshad do/ /byang chub sems dpa' gsar du slob pa 'di bzhin ma byas na ltung ba'o/ /tshul khrims 'di dgu bslabs la gus par rtag par gzungs su zung shig /snyoms pa'i chos kyi le'u las kyang rgya che zhing mngon par bshad do/ /sangs rgyas kyis sangs rgyas kyi bu la bka' stsal pa/ sangs rgyas kyi bu mi la tshul khrims shig sbyin na bye brag dbye zhing gdam du mi rung / rgyal po dang / rgyal bu dang / blon po chen po dang / blon po phal dang dge slong dang / dge slong ma dang / dge bsnyen dang dge bsnyen ma dang / pho g.yem mo g.yem dang / gzugs kyi gnam bcwa brgyad dang / 'dod pa'i khams kyi gnam drug dang / dbang po med pa dang / dbang po rnam gnyis yod pa dang / nyung rum dang bran pho smos dang lha ma srin la sogs te/ thams cad kun khrims mnod du rung ngo / /lus la chos kyi gos bgo ba rnams ni kha dog bsgyur bar ston la chos dang 'thun par gyis shig /kha dog ser po sngon po nag po dmar po/ mal gos yan chad kha dog bsgyur ro/ /lus la gos bgo'o cog tshos te kha dog</font><hr>61.91b<br><font size=+1>

sgyur cig /yul lo cog gi nang na mi'i gos su bgo ba la/ dge slong ngo cog gi gos ni tha mal pa'i gos dang mi mthun no/ /thog ma tshul khrims sbyin pa'i tshe mkhan pos dri ba khyed tshe 'di la log pa bdun gyi sdig byas sam zhes dris shig /chos kyi mkhan po byang chub sems dpa' ni log pa bdun byas pa la tshul khrims sbyin du mi rung ngo / /log pa bdun zhes bya ba ni sangs rgyas kyi lus la khrag phyung ba dang / pha ma dang mkhan po dang slob dpon bsad pa dang / lus kyi tshul khrims gtsang ma bshig pa dang / chos kyi 'khor lo bskor ba pa'i 'phags pa gsod pa yin te/ 'di rnam bdun tshang bar byas te bsgribs pa'i tshul la tshul khrims sbyin du mi rung ngo / /gzhan ni thams cad kyang tshul khrims sbyin du rung ngo / /rab tu byung ba'i chos ni rgyal po la yang phyag mi 'tshal/ pha ma la yang phyag mi 'tshal/ gnyen pa rnam pa drug la yang zhe sa mi bya/ lha ma srin la yang phyag mi 'tshal lo/ /chos kyi mkhan po skad shes pa zhig rgyang grags stong gi lam nas 'ongs te/ khrims gsol ba zhig yod na byang chub sems dpa' chos kyi mkhan pos ngan sems dang khro ba'i sems bskyed de/ sems can no cog la tshul khrims ma byin na ltung ba'o/ /sangs rgyas kyi bu la bstan bcos te/ yid ches pa'i sems g.yo bar bya na byang chub sems dpas gzhan tshul khrims bstan pa'i chos kyi mkhan po byas te/ tshul khrims mnod du 'ong ba'i mi zhig mthong na sngar mkhan po slob dpon gnyer du thong shig /mkhan po gnyis kyis kyang khyed la bdun gyis bsgribs pa'i sdig yod dam dris shig /de la yang tshe 'di la bdun gyis bsgribs pa'i sdig yod na mkhan pos tshul khrims sbyin pa mi rigs so/ /bdun gyis bsgribs pa'i sdig med na tshul khrims sbyin du rung ngo / /la la zhig gis tshul khrims bcu bshig pa zhig yod na mthol tshangs byed du chug shig /sangs rgyas dang byang chub sems dpa'i zhal sngar nyin mtshan drug tu pham pa bcu dang / ltung ba bzhi bcu rtsa brgyad kyi tshul khrims kha ton du klags la dus gsum gyi sangs rgyas la sems</font><hr>61.92a<br><font size=+1>

thag pa nas phyag 'tshal ba'i tshe ltas bzang por bya dgos so/ /de la nyi ma bdun dang / bdun gnyis dang / bdun gsum dang / lo gcig tshun chad ltas bzang po mthong dgos so/ /ltas bzang po zhes bya ba ni sangs rgyas gshegs te/ spyi bo la byugs te/ 'od mthong ba dang / me tog mthong ba dang / ltas ci yang rung ba bzang po mthong na mod la sdig 'byin to/ /de la ltas bzang po med na mthol tshangs su zin kyang mi phan te/ de'i tshe lus kyis ni tshul khrims mi thob bo/ /lo dang nyi mas bstan te spogs te byas la/ ltas 'od byung ba dag mthong na tshul khrims mnod du rung ngo / /la la zhig gis ltung ba bzhi bcu rtsa brgyad bshig pa ni mthol tshangs byas pa'i mod la 'byung ste/ bdun gyis bsgribs pa dang mi mtshungs so/ /de bas na tshul khrims ston pa'i mkhan pos chos 'di'i nang nas kyang gcig nas gcig nas khrel na mkhan po bya'o/ /theg pa chen po'i yi ge dang / tshul khrims yang ba dang / lci ba dang / yin pa dang ma yin pa'i gzugs dam pa mi shes na gzhung gi mchog bden pa dang / snga ma'i rang bzhin gyi sa bon dang / da ltar bskyed cing gso ba'i rang bzhin dang / gtan mi rlag pa'i rang bzhin dang / chos kyi sa bon gyi rang bzhin dang / drang po'i rang bzhin dang / de'i nang nas rtogs pa dang / dpyod pa'i rang bzhin dang / phyi nang gi bsam gtan bcu'i yal ga la sogs te chos kyis las bya'o/ /cho ga dang tshul khrims dang / chos kyi yi ge 'di gcig nas gcig khong du ma chud de/ byang chub sems dpa' g.yo ba'i khe dang / ming snyan pa 'dod pa'i phyir slob ma la khe brkam pas/ ngan pa btsal te mi shes pa la sgyu mar chos dang / tshul khrims kyi yi ge kun shes so/ /zhes zer zhing yon len pa'i bdag la yang bslus shing brnyas/ gcig tu na gzhan la yang bslus shing brnyas te/ de lta bus mi</font><hr>61.92b<br><font size=+1>

la tshul khrims byin na ltung ba'o/ /sangs rgyas kyi bu gso ba'i khe 'dod pa'i phyir byang chub sems dpa'i tshul khrims ma mnos pa'i mdun du mur 'dug dang / ma rabs kyi mdun du sangs rgyas stong gi tshul khrims chen po 'di bshad du mi rung ngo / /log par lta ba'i mdun du mi rung ngo / /rgyal po ma gtogs pa gzhan su'i mdun du yang bshad du mi rung ngo / /mi ngan pa rnams kyis sangs rgyas kyi tshul khrims ma mnos pa ni ming byol song zhes bya'o/ /gar skyes gar skyes kyang dkon mchog gsum mi mthong zhing rdo shing dang mtshungs sems med de ming chos log pa zhes bya'o/ /log pa la lta ba'i rnams ni shing dum dang mtshungs so/ /byang chub sems dpa' de lta bu ngan pa'i mdun du sangs rgyas rabs bdun gyi tshul khrims bshad de bstan na ltung ba'o/ /sangs rgyas kyi bu sems yid ches te rab tu byung na/ sangs rgyas kyi tshul khrims dam po mnos la ched kar sems bskyed de/ 'phags pa'i tshul khrims bshig na sbyin bdag go cog gi yon blang du mi rung ngo / /gcig tu ni rgyal po'i khab kyis ris la yang 'gror mi rung / rgyal po'i chu la yang 'thung du mi rung ste/ 'dre chen po lnga stong gis rtag par de'i mdun bcad nas 'dre na re dgra chen po khyim dang / mkhar dang / yul gyi nang du 'ongs so zhes zer te/ de rnams kyis khor mor mi de'i rjes phyags so/ /'jig rten na re yang sangs rgyas kyi chos kyi nang du 'gro'o zhes zer te mig gis mthong du 'ong mi dga'o/ /tshul khrims bshig pa ni byol song dang mtshungs/ shing dum dang mtshungs te/ drang po'i tshul khrims bshig na ltung ba'o/ /sangs rgyas kyi bu sems gcig tu brtul te rtag par gzungs su bzung ste kha ton du yang klog go/ /lpags pa</font><hr>61.93a<br><font size=+1>

bshus te ni shog shog byas/ khrag phyung bas ni snag tshar byas/ rus pa bcag ste smyig gur byas la sangs rgyas kyi tshul khrims kyi yi ge bri'o/ /shing gi shun pa dang / thod kar la bris te rtag par rin po che sna bdun dang / rin med pa'i spos dang / me tog la sogs pa rin po che sna tshogs kyi gzeb dang snod byas te/ nang du chos kyi yi ge tshul khrims kyi glegs bam gzhug go/ /de la chos kyi bzhin du ri mo ma byas na ltung ba'o/ /sangs rgyas kyi bu rtag par sems rgya cher bskyed de/ yul mkhar dang khang khyim mo cog tu phyin te/ sems can no cog ni mthong na khyed la sogs pa sems can no cog thams cad dkon mchog gsum la phyogs shing tshul khrims bcu nos shig ces bsgo ba'i rigs so/ /byol song gi khams shig na 'ang sems la bsam khar smras te/ khyod ni byol song na byang chub sems dpa'i sems skyed cig ces bsam zhing bya'o/ /byang chub sems dpa' ni ri lung dbye thang ga la gnas kyang rung ste/ sems can no cog kun byang chub sems dpa'i sems skye bar byos shig /byang chub sems dpa' sems can ma bstan ma bcos na ltung ba'o/ /sangs rgyas kyi bu rtag par bstan cing bcos pa'i snying rje chen po bskyed nas chos byed pa dang / ya rabs la sogs pa sbyin bdag dang / 'du ba mang po'i nang du 'greng la gos skya bo gyon te chos bshad du mi rung ngo / /gos skya bo gyon pa 'du ba mang po'i nang du chos bshad na chos kyi mkhan po ni sa mthon por 'dug la spos dang me tog gis yon gsol te/ mtha' bzhir nyan pa'i rnams dma' ba na 'khod la gus par mnyan to/ /pha ma la sri zhu mi 'gal bar bya ba dang / slob mas mkhan po la bya ba bzhin chos la yang de bzhin gus par bya'o/ /bram ze me lha can chos byed pa bzhin gus par bya'o/ /de bzhin ma byas te chos 'chad pa pa chos bzhin du ma bshad na ltung ba'o/ /</font><hr>61.93b<br><font size=+1>

sangs rgyas kyi bu kun kyang the tsom med pa'i yid kyis khrims nos shig /rgyal po dang rgyal bu dang slob ma sde bzhi dang / bdag mtho zhing btsan snyems te/ sangs rgyas kyi chos dang tshul khrims bshig la nan tur gyis chos byas te/ nga'i slob ma rnam bzhi rab tu byung zhing chos byed par mi ster te/ bgegs gcig tu na sangs rgyas kyi gzugs dang / mchod rten 'dzugs shing chos dang tshul khrims yi ger 'brir mi ster te/ dkon mchog 'jig cing de lta bur ched kar chos 'jig pa ni ltung ba'o/ /sangs rgyas kyi bu dge ba'i sems spyod pa la rab tu phyung shig /legs pa'i ming snyan pa 'dod pa dang / gso ba'i khe'i phyir rgyal po dang / blon po'i mdun du sangs rgyas bdun gyi tshul khrims bshad de/ dge slong dang dge slong ma la byang chub sems dpa'i khrims mi rigs par byin te/ slob ma rnams bcings btags na seng ge'i lus la srin bu 'dug pas seng ge bdag gis sha zos pa dang mtshungs te/ phyi'i srin bus sha zos pa ma yin no/ /de lta bas na sangs rgyas kyi bu mur 'dug dang / bdud kyis chos bshig pa ma yin no/ /bdag gis chos bshig pa yin no/ /sangs rgyas kyi tshul khrims mnos na sangs rgyas kyi tshul khrims kyi rim gro bya ba ni pha mas pha ma bu gcig pu la bsam pa dang mtshungs so/ /pha ma la sri zhu bya ba dang 'dra'o/ /mur 'dug dang / mi ngan pa la ngag ngan pa tshig ngan pas sangs rgyas kyi tshul khrims la skur ba zer na mdung rtse kha gsum pa'i mdung rtse sum brgyas snying la btsugs pa dang / ral gri stong dbyig pa stong khris lus brdegs pa dang mtshungs par bya ste/ bdag gi lus bskal pa brgya'i bar du sems can dmyal bar song yang sla'i/ sangs rgyas kyi tshul khrims la tshig gcig ngan du zer ba'i skad ni mi thos par smon to/ /bdag nyid kyis tshul khrims bshig pa gzhan la lan lon pa dang / zhar gyis zhar gyis tshul khrims bshig par bstan pa lta smos kyang ci dgos te/ sri zhu dang mi 'gal ba'i sems med do/ /de lta bu byas na ltung ba'o/ /tshul khrims 'di dgu bslabs la sems gus par</font><hr>61.94a<br><font size=+1>

gzungs su zung shig /sangs rgyas kyi bu rnams tshul khrims yang ba bzhi bcu rtsa brgyad khyed la sogs pas rtag par gzungs su zung shig /sngar 'das pa'i sangs rgyas dang byang chub sems dpa' rnams ni kha ton zin to/ /da ltar gyi sangs rgyas dang byang chub sems dpa' rnams kyis ni da ltar kha ton byas so/ /sangs rgyas dang byang chub sems dpa' phyis 'ong ba'i rnams ni da de'i khar kha ton byed do/ /sangs rgyas kyi bu nyon cig /phas pham pa bcu dang / ltung ba bzhi bcu rtsa brgyad cig 'das pa'i sangs rgyas kyis kha ton zin/ da ltar gyi kha ton byas phyis kyang kha ton byed de/ nga'ang de bzhin da ltar kha ton byed do/ /de lta bas na khyed la sogs pas sems can phal mang po rgyal po dang rgyal bu dang / blon po dang dge slong dang dge slong ma dang dge bsnyen dang dge bsnyen mas byang chub sems dpa'i tshul khrims nos na 'grus par kha ton klogs la bkrol bshad de/ yi ger bris la sangs rgyas kyi rang bzhin gyis skal ba rtag par 'dug ste/ khrims kyi glegs bam dus gsum gyi bar du tshul bzhin 'bab cing thogs pa med par byas te/ sems can thams cad bstan cing bslab pa'i rgyun mi gcod cing sangs rgyas mthong la sangs rgyas gcig gis gcig la gtad de/ tshe tshe rabasu yang ngan song dang bgegs brgyad kyi nang du yang mi ltung zhing rtag par mi'i lam dang gnam gyi steng du skye'o/ /ngas da ltar shing 'di'i drung du 'dug ste/ sangs rgyas rabs bdun gyi chos kyi khrims mdo tsam zhig phye ba khyed la sogs pa snying gcig tu brtul te so sor thar pa la bslabs la dga' zhing gus par gyis shig /gzugs med pa'i gnam gyi rgyal po'i le'u slob pa'i blon 'debs pa'i nang nas gcig pu gcig pu nas rgya che zhing mngon par bshad do/ /de'i tshe slob ma mkhas pa sum stong 'dug cing nyan pas sangs rgyas kyis kha ton klags pa thos nas sems thag pa nas spyi bo la khyer te/ dga' gzha' nas rtag par gzungs su bzung ngo / /de ltar shAkya thub pa sangs rgyas kyi sa yan chad pad mo'i</font><hr>61.94b<br><font size=+1>

me tog gi snod kyi khams kyi rdzogs longs spyod pa'i sku'i sems kyi gnas chos kyi sgo mo le'u yi nang na zag pa med pa'i tshul khrims bcu bshad zin to/ /stong phrag brgya 'bum gyi thub pa yang de bzhin no/ /dbang po chen po'i gnam gyi rgyal po'i pho brang nas 'di'i gtsang ma'i shing drung na 'dug pa bcu'i gnas na chos dang tshul khrims kyi le'u yang bshad do/ /byang chub sems dpa' thams cad la bsgo ba bshad kyis mi lang ngo / /mang po phal rtag par gzungs su zung la kha ton du lhogs shig /de'i gzhung bkrol bshad pa de yin no/ /stong phrag brgya yang 'bum gyi khams pad mo'i me tog snod kyi khams rdul phra mo snyed kyi khams kyi thams cad kyi sems kyi snod tshul khrims kyi snod grangs med pa'i smon lam gyi snod yon tan dang / sangs rgyas kyi rang bzhin 'dug pa'i snod de sangs rgyas thams cad grangs med/ chos kyi sgo mo yang bshad zin to/ /stong phrag brgya'i khams kyi nang na sems can thams cad kyis gzungs su bzung ste dga' zhing gus par byed do/ /sems kyi gnas rgya cher phye ba'i gzungs ni sangs rgyas kyi me tog 'od kyi rgyal ba'i le'u yi nang nas bshad do/ /sangs rgyas bdun gyis tshig gi le'u bshad pa gcig ste/ sangs rgyas rnam par gzigs kyis bstan pa'i tshul khrims bshad pa/ bzod pa'i dam pas dka' thub zhugs/ /bzod pa'i dam pas mya ngan 'da'/ /gzhan la gnod pa de ni byang chub ma yin no/ /gnyis te spyi tor sangs rgyas kyis bstan pa/ mig can mi bde yod las byol te 'gro/ /mkhas pas 'tsho ba'i 'jig rten na/ /sdig pa kun kyang rnam par spongs/ /gsum ste thams cad skyob sangs rgyas kyis bstan pa/ gnod la mi smra mi sems te/ /so sor thar pa bzhin du sdom/ /zas kyi tshod kyang rig par bya/ /gnas kyang dben par 'jug par bya/ /rab tu sems dang ldan pa ni/ /de ni sangs rgyas bstan pa'o/ </font><hr>61.95a<br><font size=+1>

bzhi ste log par dad sel sangs rgyas kyis bstan pa/ ji ltar bung ba me tog gi/ /kha dog bsung la mi gnod par/ /khu ba blangs te 'phur ba bzhin/ /de bzhin byang chub grong du spyod/ /gzhan gyi rnams la mi blta bar/ /gzhan gyis legs pa byas la'o/ /bdag rang nyid la ltos/ legs nyes ci byas pa/ lnga ste gser thub sangs rgyas kyis bstan pa/ bsam gtan las ni ma byol bar/ /thub pa rnams kyis tshul thub slobs/ /mi bde bar yang mi 'gyur mgon/ /mngon par zhi bas rtag tu dran pa'i yid/ /drug ste bsod skyabs sangs rgyas kyis bstan pa/ thams cad sdig pa mi bya'o/ /dge'o cog ni rdzogs par bya/ /bdag gi sems kyang shin du gdul/ /de ni sangs rgyas bstan pa'o/ /bdun te shAkya thub pa sangs rgyas kyis bstan pa/ lus kyis su ni sdom pa dge /ngag gi sdom pa yang ni dge /yid kyi sdom pa yang ni dge /dge'o thams cad sdom pa ni/ /byang chub kun la mgon skyabs byed/ /nyon mongs thams cad kun las skyob/ /byang chub dag bsrung yid kyang sdom/ /lus kyis mi dge mi bya zhing / /'di gsum las las rnam par skyongs/ /'thob po drang srong gsungs pa'i lam/ /mi yis brdegs spyos sha mi glan/ /sdig gi mi la sems mi 'khon/ /gshe ba'i mi la'ang rtag tu gtsang / /mi yis ngan byas bdag mi byed/ /sangs rgyas kun gyis rabs btsun byas/ /'jig rten ra mda' pha skyabs nus/ /sangs rgyas 'dis tshul khrims bshad pa/ /ngas rgya cher bshad du kun rdzogs/ /sangs rgyas kun dang slob ma rnams/ /chos kyi tshul khrims gus par 'dzin/ /gcig la gcig kyang gus par byos/ /chos la drin gzo chog tshang na/ /bya ba med pa'i chos thob nus/ /tshul khrims yi ge bshad zin nas/ /sems gcig brtul te byang chub thob/ /chos kyi rgya mo rdzogs s+ho// //</font><hr>61.95b<br><font size=+1>

[This is a blank page without image]</font><hr>

</table>