gtsug tor chen po bam po dgu pa las bdud kya le'u nyi tshe phyung ba/ bcom ldan 'das kyis bka' stsal pa/ mtha' yas khyod kyis 'di ltar shes par gyis shig /byang chub kyi dkyil 'khor la gnas pa ni 'du shes thams cad 'byangabar 'gyur ro/ /de nyid 'du shes spangs pa yin no/ /des na snying po thams cad snang bar 'gyur te/ g.yo ba rnam par dag pas gzhan du tha mi dad/ dran pa brjod pas yang dag pa dang gcig go/ /de kho na la gnas de ting nge 'dzin du zhugs na/ dper na mig snang ba'i mi mun pa chen po'i nang na 'dug pa dang mtshungs te/ byang ba nyid shin du gtsang mod kyi/ sems la 'od ma byung bas de ni gzugs kyi phung po'i khang khyim yin no/ /mig dag gsal bas phyogs bcu thogs pa med par mthong ste/ mun pa dang mi snang ba med na/ de ni gzugs kyi phung po zad pas bskal pa'i rnyog pa las rgal to/ /de'i don brtags na mi bden pa'i sems dam du 'dzin pa las byung ngo / /sems de la bsgyom pa stong zhing snang gsal bar gyur na/ skad cig tu lus kyi dbang thob ste/ lus gzugs la mi thogs pa thob po/ /de'i ming ni byang ba'i mthu skyes par zad do/ /sems de stong zhi zhing snang gsal na/ bdag gis lus kyi nang na ci 'dug pa kun snang ste/ bdag gi lus la klo bur du srin grol ma byung yang lus ma god ma nyams par mthong ste/ de yang byang snang ba'i mthu skye bar zad do/ /sems de phyi nang stong zhi ba'i phyir nam mkha' stong pa las chos bshad pa'i sgra dang / phyogs bcu na chos zab mo'i don bshad pa'i sgra thos te/ de ni brla dang / pheg dang / yid dang / 59.342b mi gtod pa dang / dzi shin rnams lhan cig tu 'dug pa las 'du 'bral du gyur pa las byung bar zad / sems de snang gsal zhing nang gi 'od byung ba'i phyir phyogs bcu thams cad 'dzam bu'i gser gyi kha dog tu gyur/ sems can sems kyi sems mi mthun pa'i rnams kyang sangs rgyas kyi gzugs su gyur/ rnam par snang mdzad lha'i 'od kyi khang pa na bzhugs te/[ ]sangs rgyas bcus bskor ba dang / yul dang zhing me tog dang bcas pa 'bum phrag brgya dang / de rnams skad cig tu mthong ste/ sems dang brla tshor ba rno bas sems kyi 'od zhib mos 'jig rten de rnams mthong bar zad do/ /sems de stong zhi zhing gsal snang ba la/ rtog cing dpyod pa la bar chad med pas skad cig glo bur du phyogs bcu'i rin po che sna bdun dang / brgya kha dog tu gyur par mthong ste/ de ni sems mnan cing mi gtong ba la bsgoms drags pa mi gtong ba las byung bar zad/ sems stong zhi zhing snang gsal bar gyur pa'i phyir mtshan mo mun pa'i nang na ci 'dug go cog nyin par bzhin du re shig glo bur du mthong ste/ de ni sems zhi zhing gsal bar gyur pa'i phyir mthong bar zad do/ /sems de stong zhi ba'i phyir bdag gi lus rtswa shing bzhin du mtshon gyis gtubs bcad dam/ /mer bsregs kyang ming mi tshig ste/ de ni chen po bzhi'i mtshan nyid phyir 'byung ba yin no/ /sems de gtsang mar gyur pa'i mthus phyogs bcu'i ri dang / gtsang po'i chu bo thams cad dang / sa gzhi thams cad sangs rgyas kyi zhing du gyur te/ nor bu rin po ches brgyan pa dang / 'od snang ba gar yang khyab pa bye ma snyed kyi sangs rgyas na ma mkha' la bzhugs pa dang / nam mkha' la rin po che'i khang khyim dang / mtshams med pa yan chad lha bran gyi gnas man cha da bsgribs pa med par mthong ste/ de ni skyo ba dang dga' ba'i sems la 59.343a bsgoms pa yun rings po las gyur par zad do/ /sems de la zhib tu bsgoms pa yun rings pas/ reg shig mtshan mo glo bur du rgyang ring po na 'dug pa'i grong du khyab pa la sred pa dang / rdul don du gyur pa dang / de rnams nyid la rtag par 'dzin te/ mu stegs bram ze ka sha ba dang / me la rjed pa dang / chu la rjed pa'i chos la mya ngan las 'das pa'i don tshol te/ mu stegs de rnams kyi sde gyur to/ /byang chub kyi sems ni 'chol/ shes par lta ba ni rlag /mu stegs sngar yul yod par 'dzin pa'i chos spyad de/ mi bden pa'i 'bras bu ni grub/ mya ngan las 'das pa la ni rgyab kyis phyogs/ log par lta ba'i rigs su ni skye'o/ /yang rigs kyi bu 'du byed thams cad stong par rig nas rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin du ma rgyas pas sems stong pa yin par tshor na/ sems de la zhen te phyogs pas/ lha tshe rings po yod min med min gyi skye mched kyi gnas su skyes te/ byang chub kyi sems ni 'chol/ shes pa mthong ba ni rlag / de'i ming ni drug ste/ sems la stong par 'dzin pas stong pa'i 'bras bu thob ste/ mya ngan las 'das pa la ni rgyab kyis phyogs/ 'chad cing 'gog pa'i rigs su ni skye'o/ /yang rigs kyi bu 'du byed thams cad stong par rig nas rnam par shes pa nyid la skye shi yang 'gog ste/ mi skye mi shi zhi ba'i 'gog pa'i don la shin du ma rgyas pas lus la rtag par 'dzin te/ lus de mi 'chi mi 'chad ces zer te/ sems de la zhen bas/ rkam pa dang brkam pa ma yin pa a si ta tshe ring po tshol ba'i 'khor du skyes te/ byang chub kyi sems ni 'chol/ shes par lta ba ni rlag /de ni bdud de/ tshe la chags pa'i mi bden pa'i rgyus lha tshe rings po'i 'bras bu rdzogs te mya ngan las 'das pa la ni rgyab 59.343b kyis phyogs mi bden pa'i tshe ring po'i 'khor du skye'o/ /yang rigs kyi bu 'du byed thams cad stong par rig nas rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin du ma rgyas pas tshe la thogs pa med pa thob ste/ mya ngan zad kyis dogs nas pad mo'i gdan dang / rin po che sna bdun gyi khang khyim mang du rdzusate/ sems ci 'dod pa bzhin du spyad nas de zhen pa'i phyir yang dag pa dang / yang dag pa ma yin pa/ ta ti ka la'i 'khor du gyur te/ byang chub kyi sems ni 'chol/ shes pa mthong ba ni rlag / de brgyad de sems yon pos ni rgyu byas/ shin du rgyas pa'i spyod yul ni thob/ mya ngan las 'das pa la ni rgyab kyis phyogs/ lha'i bdud kyi rigs su skye'o/ /yang rigs kyi bu 'du byed thams cad stong par rig nas rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin du ma rgyas pas tshe snang ba'i nang na spyod yul med par snang ba bsal te/ bden mi bden dang / rgyu dang 'bras bu bsal phod cing yang dag pa'i gtsang gdang ba'i lam la ni rgyab kyis phyogs/ nyon mongs pa ni mthong / 'du ba ni bcad 'gog pa ni rig /lam ni bsgoms/ 'gog pa la gnas te/ 'grus 'bogs kyi sems ni btang / 'gog pa la ni zhen pas yang dag pa'i nyan thos kyi sder 'gyur te/ byang chub kyi sems ni 'chol/ shes pa lta ba ni rlag /de ni dgu ste/ sems zhi ba la gnas pas zhi ba'i 'bras bu ni rdzogs/ mya ngan las 'das pa la ni rgyab kyis phyogs/ stong par 'dzin pa'i rigs su ni skye'o/ yang rigs kyi bu 'du byed thams cad stong par rig na sa rnam par shes pa nyid la skye shi yang 'gog ste/ mi skye mi shi zhi ba 'gog 59.344a pa'i don la shin du ma rgyas pas yang dag pa'i sems la gtsang gdang ba snang gsal bar tshor te/ de shin du brtags pas mya ngan las 'das pa'i don yin par 'dzin te/ 'gog pa'i don la yang shin tu ma rgyas pas rang gar phyogs pa la phyogs yod par 'dzin te rang gi lus dang sems kyang gnas de la byung ngo snyam du the tshom du gyur nas rang gi lus kyang yang dag par rtag pa yin zhes zer te/ sems de la zhen pas rtag ces zer ba dang / mi rtag ces zer ba de la chags te/ lha mthu bo che'i sder gyur to/ /byang chub kyi sems ni 'chol/ shes pa mthong ba ni rlag /de'i ming ni gsum sems la gnas pas mi bden pa'i 'bras bu 'byung ba zhes bya ste/ mya ngan las 'ad sa pa la ni rgyab kyis phyogs/ log par rgyas pa'i rigs su ni gyur/ yang rigs kyi bu 'du byed thams cad ni stong par rig nas rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin du ma rgyas pas shes pa la shes pa rgyas par tshor nas phyogs bcu'i rtsi shing la yang sems yod de/ mi dang mi 'dra ba med pas mi shi na yang rtsi shing du gyur par 'dzin te/ de lta bur sems zhen pa'i phyir mu stegs shes pa dang mi shes par 'dzin pas pa ta sa 'di'i sder gyur to/ /byang chub kyi sems ni 'chol/ shes pa mthong ba ni rlag /de'i ming ni gzhir rgyas par shes pa'i sems kyis mi bden pa'i 'bras bu rdzogs zhes bya ba yin/ mya ngan las 'das pa la ni rgyab kyis phyogs/ log par shes pa'i rigs su ni skye'o/ /yang rigs su 'du byed thams cad stong par rig nas rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin tu ma rgyas pas shin du zhi ba la dbang po nor cing spyad du yod pa la rang dbang thob nas me'i snang ba tshol ba dang / chu gtsang ma la dga' ba dang / rlung kun 'or 59.344b 'ga' ni gzugs nga yin no zhes zer 'or 'ga' ni gzugs yod do zhes zer te/ 'or 'ga' ni gzugs nga la rtogs shes zer/ 'or 'ga' ni mya ngan dang byang chub so so la gcig la gcig mi gtogs so/ /zhes zer nas byang chub kyi sems 'cholate/ mur dug phung po lnga'i na nga na shi ba'i 'og tu mtshan ma yod ces zer ba'i phyin ci log gi mu stegs kyi sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te/ bdud gyis klags mi thod nas skye ba'i phyi mo la brtags te/ sngar gzugs dang / tshor ba dang / 'du shes 'gog zin pa rnams la brtagasan/ de rnams thams cad 'gags zin pas gzugs yod du ni gzugs zad sems yod du ming du nga shes med/ phyi mo yod du ni tshor ba'i phung po zad/ skye ba'i don yod du ni zin kyang nga la da ltar gyi phung po yang med/ rtswa shing dang 'dra na shi ba'i 'og tu rgyu dang 'bras bu yang mad/ mya ngan las 'das pa'i rgyu dang 'bras bu yang med/ thams cad kyang stong ste/ gyi na ming tsam du yod du zad/ ngo bo'i don mod mod do zhes zer nas byang chub kyi sems 'chal te/ mu stegs bdun phung po lnga'i nang na shi ba'i 'og tu mtshan ma med ces zer ba'i phyin ci log gi mu stegs gi sderagyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mi thod nas skye ba'i phyi mo la brtags te/ tshor ba dang / 'du shes kyi phung po gnyis ka 'gog par mthong nas gcig la gcig gis gzhig cing / shi ba'i 'og tu gnyis ka ma yin zhes zer ba'i mu stegs su gyur te/ gzugs dang / tshor ba dang / 'du shes yod pas log pa'i ting nge 'dzin dang mi phrad de/ rdzogs 59.345a pa'i ting nge 'dzin gyi 'od snang bar byung nas rdzogs par snang ba la sred de ting nge gyi thabs bskam nas/ lha'i bdud kyis glags rnyed de khar zhugs nas/ chos 'chad mkhas shing lus kyang sna tshogs par bsgyur/ mun pa'i nang 'od kyang gtong nus te/ yul kha cig tu ni mi 'di zhes bya ba zhig sangs rgyas su mngon par grub po/ /yul 'di ni bskal pa rnam gsum byung / sangs rgyas kyis gsungs pa'i tshul khrims kyang grol gcig ces bsgo zhing 'dod cing sred pa'i chos sha stag bshad nas 'jungs pa'i 'dre de lus la 'phags ma thag tu slob ma dang bcas te rgyal pa'i gyod la yang thogs/ mtshams med pa'i dmyal bar yang ltung ngo / /de la tshor na nyes pa med do/ /tshor ba shin du gsog nas rdzogs pa'i ting nge 'dzin gyi snang ba byung ste/ ting nge 'dzin rgod pa la sred da/ lha'i bdud kyis glags rnyed da khong du zhugs nas chos 'chad mkhas rab tu gyur/ bdag gi mya ngan zad do snyam du sems/ chos 'chad pa'i tshe bdag gi lus gser gyi kha dog tu gyur te/ rin po che'i pad ma'i ste+eng na 'dug /chos nyan pa'i mi gzhan rnams de bzhin du gyur par mthong nas bdag gis byang chub thob/ sems g.yeng zhing khrims kyang bshig /nyan pa'i mi la kha cig ni dus 'di la sangs rgyas su 'grub bo zhes lung ston la la ni yul la gzhan gyi sangs rgyas nga sprul pa yin no zhes zer/ mi'o chog kyang de'i tshig la gus par nyan/ de nas 'dre dang bral ma thag tu slob ma dang bcas te rgyal po'i gyod la yang thogs/ mtshams med pa'i dmyal bar yang 'gro'o/ /de la tshor na nyes pa med do/ /tshor ba shin du gsog ste/ rdzogs pa'i ting nge 'dzin snang ba'i 'od byung ba dang / ting nge 'dzin gyi sems gsal ba la sred pa'i phyir lha'i bdud kyis glags rnyed nas 59.345b chos yid las skyes pa'i lus la brkam pa'i phyir sems phra mo ma zad pas lha'i bdud kyis klags thod de/ khar zhugs nas gzhan la chos 'chad cing / bdag la bdud kyis zug par ma tshor nas bdag mya ngan las 'das so snyam du bsams te/ gzhan la chos 'chad pa dang / khrom dgongs pa brgya 'am/ stong du skad cig gis phyin te/ de na ci yod pa blangs nas gzhan la yang bstan/ bar bar yang lang pa'i nang na rtsig pa'i bar nye ba dag la/ kya cig drag rab tu 'grar bcug kyang lor yang mi phyin te/ de gcig nga la yid ches nas sangs rgyas yin no snyam du the tshom du gyur/ khro ba dag kyang phyogs bcu'i sems canathams cad nga'i bu yin no/ /sangs rgyas thams cad kyang thog ma nga las skyes/ nga ni thog ma'i sangs rgyas te 'jig rten las byung ba yin no/ /de ltar bsgom pa'i phyir thab pa yin no zhes kyang bshad de/ de ni 'jig rten la gnas par nga dbang thob pa'i lha'i bdud yin no/ /bdud de lus la brel ma thag tu rgyal po'i rgyang / yid nogs mtshams med pa'i dmyal bar yang 'gal nga la 'char na nyes pa ming pa mtha' yas shes par gyis shig /bdud de rnams bcu chos tha ma' tshe nga'i chos kyi nang na rab tu byung / bsgom pa'i tshe na bar lus nya ba zhugis/ bar bar lus la bstan te/ thams cad kyang bla na med par grub bo zhes zer te/ g.yem pa la ni bstod/ sangs rgyas kyi tshul khrims ni bshigi/ bdud kyi mkhan po dang / bdud kyi slob ma gcig la gcig g.yem pa'i chos slob cing sems de la tshor te chags na/ nye na ni rabs dgu/ ring na ni rabs brgya chos yang dag par spyod pa'i rnams kyang thams cad tshe 'phos nas thams cad bdud du gyur te/ yang dag pa'i lam rlag nas mtshams med par 'gro'o/ /mtha' yas khyod mya ngan las ma 'das par 59.346a sems can rnams la don ston pa yin no/ /bdud kyi stobs kyis 'dod cha gas kyi don bshad de/ sangs rgyas kyi khrims bshig nas rtswa dang / shing rnams la za ste/ chos spyad pa la mi rtag pas 'or 'ga' ci spyad/ 'or 'ga' ci spyad/ bdud de lus la 'phags ma thag tu slob ma dang bcas su rgyal po'i gyod la yang thogs/ mtshams med pa'i dmyal bar yang 'gro'o/ /de la tshor na ni nyes pa med do/ /yang rigs kyi bu tshor ba'i phung po shin du bsags na/ log pa'i ting nge 'dzin dang mi phrad cing / rdzogs pa'i ting nge 'dzin gyi 'od snang bas ting nge 'dzin bsgom pa'i tshe sems rdzu 'phrul sna tshogs thogs pa med pa la sred de/ lha'i bdud kyis glags thod nas khar zhugs te chos 'chad pa la mkhas shing bdag bdud kyis zug par ma tshor nas mya ngan las 'das so snyam du bsams nas chos 'chad pa'i tshe/ lag pa na ma mar 'dzin cing / nyan pa rnams la 'od bcad nas nyan pa rnams kyi spyi bor 'od bgos nas/ mi de rnams kyi mgo la 'od 'dom du mar mched de/ song yang chag 'am tshig pa med de/ 'or 'ga' chu'i steng na rgyug pa dang 'dra'o/ /'or 'ga' nam mkha' la 'phags te mi g.yo bar 'dug /'or 'ga' chab dong gi nang du zhugs te lus sbed / 'or 'ga' song sgye'u nang du zhugs te lus sbed/ 'or 'ga' skar khung gi pa ni sa'i sting na rgyug nang du byung ste song 'or 'ga' rtsig pa la thogs pa med par song / mtshon rnams 'ba' shig la rang dbang ma thob bo/ /bdag gi kha la sangs rgyas su grub zin no zhes zer te/ gos dkar po gyon nas bik+Shu rnams phyag 'tshal du bcug skur bslad de/ gzhan la chos 'chad na yang 'phyon ma'i chos she dag bshad do/ /gnam sa dang / shing rtsi dang / chu klung dang rig 'dzin shi ba 59.346b rnams 'drer skyes pa las rgal te bdud du gyur pa yin no/ /bdud de nam lus las bral ma thag tu rgyal po'i gyod la yang thog /mtshams med pa'i dmyal bar yang 'gro'o/ /de la tshor na nyes pa med do/ /yang rigs kyi bu tshor ba'i phung po shin du gsogs nas log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang bas ting nge 'dzin bsgom pa'i tshe/ shin du 'gog pa stong pa la sred de/ lha'i bdud kyis glags tha dad khar zhugs nas gzhan la chos 'chad pa'i tshe/ mkhas rab nas bdud kyis bdag la zug par ma tshor te bdag mya ngan las 'das so snyam du bsams nas gzhan chos 'drir 'ongs nas chos 'chad pa'i tshe yang bdag gi lus stong par byas nas gzhan gyis mi mthong bar gyur te/ re shig stong pa'i nang nas glo bur du byung ste/ byung ba dang / sba ba dang / rang dbang thob par gyur nas/ bar bar yang lus 'ching bu bzhin du phyi nang thal bar bstan / bar bar ni rkang lag phyag na tsan dan bsung / bar bar ni gcin dang ngan skyags kyang dper na sha khar stug po dang 'dra/ tshul khrims la skur/ dge slong la smad / las ci byas pa'i lan med ces kyang bshad/ lus der shin ye ngang zad de/ phyi ma'i lus nor du yang med do/ /zhes zer te/ mi tha mal pa dang 'phags pa yang 'dra'o zhes bshad do/ /kho dag ni phyin ci log tu chags pa dang g.yem pa yang spyad/ gzhan la chos bshad pa'i tshe slob ma rnams kyang stong pa'i sems kyang thob ces zer te/ bdud de lus las bral ma thag tu rgyal po'i gyod la yang thogs/ mtshams med pa'i dmyal bar yang 'gro'o/ /de la tshor na nyes pa med do/ /yang rigs kyi bu tshor ba'i phung po shin du gsogs nas log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang bas ting nge 'dzin sgom pa'i tshe/ 59.347a sems tshe ring ba dang / chen po bzhi'i lus bor nas 'grus 'gogs btang nas de la zhen te yang dag par sems mi ldog pa'i rang sangs rgyas kyi snger gyur to/ /byang chub kyi sems ni 'chol shes pa lta ba ni rlag /de bcu ste rgyas par tshor ba snyoms pas mi g.yo ba snang ba'i 'bras bu rdzogs/ mya ngan las 'das pa la ni rgyab kyis phyogs/ tshor ba rgyas par snang ba gzhan la mi 'chos pa'i rigs bsu skye'o/ /mtha' yas ting nge 'dzin de rnam bcu ni myo+os pa'i rgyur 'gyur te/ ma chog pa la chog par rig ste/ de thams cad rnam par shes pa sems mthon dman du gyur pa las byung ste/ sems can ma rabs rang gi tshod ma rig nas bdag ci la srid pa bzhin du sems kyi bag chags de la gnas shing 'khor ba ma shes nas yang dag par bdag gis bla na med pa yang dag par rdzogs pa'i byang chub tu'agrub bo snyam du 'dzin pas ni brdzun chen por gyur te/ mu stegs dang bdud dang log par lta ba'i gnas su ni skye'o/ /de rnams kyi las zad nas mtshams med par 'gro'o/ /nga'i don 'di ma 'ongs pa'i sems can la ston la/ de la shin du bye brag phyed par bgyis te/ bdud rnams kyi las mi byed cing / sems dang lus sangs rgyas shes pa mthong ba'i nang du bcug ste/ thog ma dang tha ma'i bar du log pa'i lam dang mi phrad par gyis shig /snga ma 'das pa'i sangs rgyas bye ma snyed thams cad kyang chos kyi sgo mo 'di bzhin du bsgoms pas bla na med pa'i byang chub tu grub po/ /rnam par shes pa'i phung po zad na sgo drug bsnorazhing spyad du yod do/ /mig gi sgo mo la sgrar thos ro myong bsung yangatshor bar nus so/ /de nas byang chub rdo rje shes rab sgam po'i gnas su gyur te/ snang gsal zhing bzhi la snang ba byung ba la glo bur du snying rje grangs med 59.347b pa skyes te/ tha ma grogs mthong na yang bdag gi bu tsam du sems shing mchi ma mi tshor bar zag go/ /de la tshor na ni nyes pa med de ring zhig na rang zhi'o/ /ma tshor na ni snying rje'i bdud khong du zhugs te/ mi dag dang phrad na yang grangs med pa'i mya ngan skyes te yon por lhung ngo / /de ni sems btsir cing spyad drag pa las byung ngo / /ting nge 'dzin de'i nang nas gzugs kyi phung po ni zhi/ tshor ba'i phung po snang zhing gsal/ dam pa'i ltas ni mdun du byung nas sems la babs pas glo bur du brtson 'grus drag po rab tu skyes te/ sangs rgyas rnams kyis bskal pa grangs med pa gsum gyi bar du spyad pa thang cig tu bsgrub nus par gyur te/ de la tshor na ni nyes pa med do/ /ring zhig na zhi/ ma tshor na na smyos pa'i bdud khong du zhugs te/ phrad do cog la ngom zhing nga rgyal chen po skyes te log par gyur/ de ni spyad drags pa las byung bar zad do/ /ting nge 'dzin de'i nang nas gzugs kyi phung po ni zhi/ tshor ba'i phung po ni snang zhing gsal te/ mdun du gsar du mthong ba ni med/ phyi log na rnying pa'i gnas kyang ma rnyed nas cir yang mthong ba med de bar ma do na 'dug pa las glo bur du brkam pa dang / skom pa cher g.yos nas sems bying ste/ brtson 'grus kyi mtshan ma yin no snyam du sems so/ /de ni shes rab med pa'i phyir don rlag ste/ de la tshor na ni nyes pa med/ ma tshor na ni dra na pa med pa'i bdud khong du zhugs te/ sems thum bu gcig tu byas nas yon por ltung ngo / /ting nge 'dzin de'i nang nas gzugs kyi phung po ni zhi/ tshor ba'i phung po ni snang zhing gsal te brtson 'grus cher g.yos nas dam pa'i sems ni zhig /bdag rang bai ro tsa na yin no snyam du the tshom skyes nas cung zhig gis mgu ste/ de ni sems spyad pa rtsings pa las byung ngo / /de la tshor 59.348a na ni nyes pa med/ ma tshor na ni chog shes pa'i bdud khong du zhugs te yon por ltung ngo / /ting nge 'dzin de'i nang nas gzugs kyi phung po ni zhi/ tshor ba'i phung po ni snang zhing gsal te/ gsar du thob pa med/ snying pa ni stor nas bar ma do 'dug pa las grangs pa'i mya ngan byung ste/ lcags kyi khri tsha ba'i steng na nyal ba dang / dug 'thungs pa tsam du mi dga' nas 'chi 'dod cing gzhan la gsod par 'chol/ rang gi sha la gcod de/ de ste ma shi na yang ri dang tshal la sogs pa mi gcig dang yang mi phrad pa'i gnas su bros 'dod de/ de la tshor na ni nyes pa med/ ma tshor na mya ngan byed pa'i bdud khong du zhugs te/ mtha' mar rang gsod par byed do/ /de ni sems bsgoms pa'i thabs stor ba las byung bar zad do/ /ting nge 'dzin de'i nang nas gzugs kyi phung po ni zhi bar mthong / tshor ba'i phung po ni snang zhing gsal te/ bdag gtsang gdang ba'i ma na 'dug cing bde bar gyur nas/ glo bur du grangs med pa'i dga' ba skyes te/ de'i ming ni sems kyi rang dbang ngo / /de la tshor na ni nyes pa med/ ma tshor na ni shes rab gyis ma thub pa yin te/ da ga' ba'i bdud khong du zhugs nas mi dag dang phrad na rgod cing glu gar la sogs pa byed cing log par ltung ngo / /ting nge 'dzin de'i na nga nas gzugs kyi phung po ni zhi bar mthong / tshor ba'i phung po ni snang zhing gsal te/ glo bur du nga rgyal rnam pa bdun cig char g.yos nas phyogs bcu'i sangs rgyas la yang tshod yod par 'dzin/ nyan thos dang / rang sangs rgyas ni yod par mi rtsi ste/ de ni lta ba'i nga rgyal te ram mda' med pa'i shes rab yin te/ de la tshor na ni nyes pa med/ ma tshor na ni nga rgyal gyi bdud khong du zhugs te/ sangs rgyas kyi tse d+ya dang / gzugs la yang phyag 'tshal du mi btub/ yon bdag la yang 'di dag ni 59.348b khar ba dang / zangs dang / ras dang / shing shun la sogs pa yin te mchod mi dgos/ sha'i gzugs yang dag pa la mchod cig ces bsgos ste/ mtshams med pa'i da myal bar ltung ngo / /ting nge 'dzin de'i nang nas gzugs kyi phung po ni zhi bar mthong / tshor ba'i phung po ni snang zhing gsal te stong zhi zhing snang gsal ba'i nang nas don cher mthong ste/ glo bur du phyogs pa'i sems cher skyes te/ sems la grangs med pa'i rang dbang cher skyes te/ de ni shes rab kyi phyir rang dbang cung zad gcig thob pa yin te/ tshor na ni nyes pa med/ ma tshor na ni rang dbang gi bdud khong du zhugs te/ bdag rang chog gang bar sems shing / phyis 'chol du mi btu ba ste/ phyis sems g.yos pa dang / skur ba btab na log par ltung ngo / /ting nge 'dzin de'i nang nas gzugs kyi phung po ni zhi bar mthong / tshor ba'i phung po ni snang zhing gsal te/ snang ba zhi ba thob nas glo bur du rgyu dang 'bras bu med/ stong pa'i don mdun du snang ngo / /de la tshor na ni nyes pa med/ mtshor na nistong pa'i bdud khong du zhugs te/ khrims thub pa'i dge slong la ni theg pa chung ngu yin zhes zer te/ byang chub sems dpa' stong pa'i don khong du chud nas khrims thub pa dang / bshig pa'i gzugs ga la yod/ yon bdag rnams la sha chang zo/ rgyan po la sogs pa byos shig ces bsgo/ 'dre gdon gyi stobs kyis ngan skyugs kyang zas dang 'dra bar za nus par 'gyur ro/ /ting nge 'dzin de'i nang nas gzugs kyi phung po ni zhi/ tshor ba'i phung po ni snang zhing gsal te/ shi ba'i ro sems dang rus pa'i nang du thal nas glo bur du grangs med pa'i sred pa'i sems g.yos te/ sred pa ches nas smyos te 'dod chags su gyur to/ de'i ming ni ting nge 'dzin gyi yul bde ba la phyogs pa zhes bya ste/ shes rab gyis bdag bsrung ma nus pa'i 59.349a pa'i phyir 'dod chags su gyur te/ de la tshor na ni nyes pa med/ ma tshor na 'dod chags kyi bdud khong du zhugs te/ 'dod chags 'ba' shig byang chub kyi lam yin gyis/ mi tshangs par spyod na yang mnyam par spyod cig ces skye bo rnams la log par 'chad pas/ rgyal po'i gyod la yang thogs shing / mtshams med par yang ltung ngo / /ting nge 'dzin gyi sems de rnams pa bcu ni sems kyi spyod pa mthon dman du gyur pas/ tshor ba'i phung po'i don snang bar zad de dge ba'i ltas ni yin/ 'phags pa'i 'bras bu ni ma yin te/ de la chags na ni bdud kyis glags thod de log par ltung bar 'gyur tshor na ni nyes pa med do/ /rigs kyi bu ting nge 'dzin bsgom pa de tshor ba'i phung po zad pa dang / zag pa ma zad mod kyi sems lus dang bral te/ dper na bya rgyas zin pa las thar ba dang 'dra ste bdag gi don kyang grub po/ /tha mal pa'i las de byang chub sems dpa'i gra badrul bcu kun du rgyu zhing / yid las skyes pa'i lus thob ste/ gar 'gro yang thogs pa med de/ dper na mi gdol pa dang mtshungs/ shes rab gzhan med mod kyi smra ba'i rigs mi 'khrul te/ ma log par mi kun gyis brda phrad do/ /de'i ming ni 'du shes kyi khang khyim zhes bya'o/ /g.yo ba dran pa'i sems zad de/ mi bden pa'i steng rim zhu zhing byang na snang zhing tshor ba'i sems la dper dri ma dang rdal med par song ba dang 'dra ste/ skye shi'i don mgo mjug tu rdzogs par snang ste/ de'i ming ni 'du shes kyi phung po zad pa yin te/ nyon mongs pa'i rnyog pa las 'das so/ /de ni mi bden pa'i sems zhi nas thogs pa med pa byung bar zad do/ /rigs kyi bu des tshor ba'i phung po shin du gsog pa la yod pa ma yin par lta/ 'du byed mi rtag pa med pa la med pa ma yin par lta/ de de 59.349b bzhin du kun la brtags te/ shi ba'i 'og tu phyi ma'i rabs mad do zhes bltas nas byang chub kyi sems 'chol te/ mu stegs brgyad po phung po lnga'i nang nas shi ba'i 'og tu gdan yangam yin zhes zer ba'i phyir phyin ci log gi sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs to/ /bdud kyis glags mi thong nas skye ba'i phyi mo la brtags te/ tha ma skye ba med do zhes bsams nas de la nor ba'i phyir mu stegs rnam pa bdun chad par lta bar gyur to/ /lus 'gog pa'i 'og tu 'dod pa yang 'gog /sdug bsngal yang 'gog /shin tu dga' ba yang 'gog /shin tu btang snyoms kyang 'gog /yan man du zhib tu brtags nas/ shi zin pa'i 'og tu skye ba yang cang med do zhes zer te/ byang chub kyi sems ni 'chol nas/ mu stegs dgur phung po lnga'i nang na shi ba'i 'og tu chad par lta ba'i phyin ci log gi mu stegs gyi sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mi thong nas skye ba'i phyi ma la brtags te/ tha ma skye ba yod par 'dzin pa'i mu stegs rnams mya ngan las 'das pa'i sder gyur to/ /'dod pa'i khams la yang dag par gnas 'pho ba'i sa yin par tshor te srid par gyur to/ /bsam gtan dang po la mya ngan med pa'i phyir/ bsam gtan gnyis pa la sdug bsngal med pa'i phyir/ bsam gtan gsum pa la shin du dga' ba'i phyir/ bsam gtan bzhi pa la bde ba dang / sdug bsngal gnyis ka med de/ skye shi med para'adzin pa'i phyir/ zag pa yod pa'i lha rnams la 'dus ma byas mi rtag ces kyang 'dzin/ bzhir ni mi de 'du shes kyi phung po ni zad par 'dzin/ 'du byed kyi phung po ni yod par mthong bas na/ gzugs kyi phung po dang / tshor ba'i phung po dang / 'du shes kyi phung po ni mi rtag /'du 59.350a byed kyi phung po ni rtag par 'dzin pa'i phyir / byang chub kyi sems ni 'chol te/ mu stegs gsum/ cha gcig rtag /cha gcig mi rtag pa'i sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mi thod nas skye ba'i phyi mo la brtags na/ sems g.yo zhing 'dug tu mi rung ba'i phyir sems mtha' yod pa dang / mtha' med pa'i sems rnam pa bzhi g.yos so/ /gcig tu skye shi mi 'chad pa'i phyir 'dir skyes pa las shi ba de ni mtha' yod pa yin te/ sems la bar chad med pa'i phyir mtha' med pa yin/ gnyis su ni mi des bskal pa brgyad khri tshun chad brtags na sems can yod par mthong ba ni mtha' yod par 'dzin/ bskal pa brgyad khri phan chad brtags na/ ci yang ma mthong ba ni mtha' med par 'dzin/ gsum du ni mi de ngas thams cad shes so zhes 'dzin pa'i phyir nyid mtha' yas par mthong ste/ sems can thams cad nga'i shes pa'i nang nas snang / nga ni mi rnams kyi ming dang rus gnas nas kyang mi shes bzhin ni mi de 'du byed kyi phung po stong par 'dzin pa'i phyir/ sems can thams cad kyi lus la phyed ni skye bar mthong / phyed ni 'gog par mthong / de'i phyir byang chub kyi sems 'chol te/ mu stegs bzhir phyed mtha' yod/ phyed mtha' med pa'i sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te/ bdud kyis glags mi thod nas skye ba'i phyi mo la brtags nas sems g.yo zhing 'dug tu mi btub pa'i phyir/ shes pa mthong ba'i sems la phyin ci log rnam pa bzhi'i sems g.yos so/ /gcig tu na rdzu 'phrul gyi don mthong ba dang / thams cad mi rtag go zhes kyang zer/ mtshan ma rgyun mi 'chad 59.350b par mthong na rtag ces zer/ mthong ba'i gnas mthong na skye'o zhes kyang zer/ mthong ba'i gnas mamathong na 'gog pa zhes kyang zer / mi chos 'drir 'ongs na skye ba yang ma yin/ 'gog pa yang ma yin/ yod pa yang ma yin/ med pa yang ma yin/ 'phel ba yang ma yin/ 'grib pa yang ma yin/ zhes de skad dag zer te tshig tu yang mi rung ngo / /gnyis su na sems la brtags na sems ma rnyed pa'i phyir mi chos 'drir 'ongs na gzhan mi 'chad kyi med ces zer ba'i tshig 'ba' shig bshad do/ /gsum du na rang gi sems la brtags pa dang / sems kyi gnas yod pa'i phyir/ mthong ba'i phyir mi de chos 'drir 'ongs na de yin zhes 'chad kyi gzhan mi bshad do bzhir na mi des yod pa'i yul yang mthong med pa'i yul yang mthong mi de chos 'drir 'ongs na lan btab pa yod pa'i nang na yang med pa'o/ /med pa'i nang na yang yod pa'o de skad she dag zer te/ chos 'dri ba'i kha yang med nas bdag rang byang chub sems ni 'chol/ mu stegs lngar log pa rnam pa bzhi'i sder gyur to/ /yang ting nge 'dzin de'i nang nas rigs kyi bu rnams drang po mi g.yo ba'i ting nge 'dzin du zhugs te/ bdud kyis glags mi thod nas skye ba rnams kyi phyi mo la brtags te/ sems g.yo zhing khong du mi btub nas g.yo ba'i sems mtha' med do zhes 'dzin te/ shi ba'i 'og tu mtshan ma yod do zhes zer ba'i mu stegs su gyur cing / khwa yang yod yang gnag bzhad yang dkar/ bskal pa khri phrag gi bar du ma bya/ rgyur ba las bltas na rgyu rkyen yongs su med par yin no zhes zer te/[ ]byang chub kyi 'bras bu la slu zhing mu stegs dang po'i sder lta bar gyur to/ /mtha' yas ting nge 'dzin gyi nang nas rigs kyi bu sems dang zhing gsal te/ ting nge 'dzin mi g.yo nas bdud kyis glags mi thong de/ skye ba rnams kyi phyi mo la brtags na sems can skye ba dang / shi ba las rgyus rig nas rtag 59.351a ces zer ba'i sems rnam pa bzhi g.yos so/ /gcig tu na sems rtag go zhes zer ba dang / gnyis su na chen po bzhi rtag go zhes zer ba dang / gsum du na sgo drug gi rnam par shes pa dang / yid dang kun gzhi yang rtag go zhes zer ba dang / bzhir 'du shes kyi phung po zad pa'i phyir skye ba'i don med par gyur nas mi skye ba nyid du gyur to/ /sems mi skye bar gyur pa'i phyir sems rtag par 'dzin nas/ de byang chub kyi sems 'chol te/ mu stegs gnyis rtag ces zer ba'i sder gyur to/ /yang ting nge 'dzin de'i nang nas rigs kyi bu rnams sems drang por mi g.yo ba'i ting nge 'dzin du zhugs te/ bdud kyis glags mi thong nas skye ba'i phyi mo la brtags te/ sems mi rtog par mthong nas phyin ci log rnam bzhis sems g.yos te/ gcig tu na phyogs bcu ga lan yang ngas khyab bo zhes zer ba dang / phyogs bcu'i bye ma snyed kyi yul sa brtags te/ bskal pa byung ba'i yul sa la ni mi rtag par bsams/ bskal pa ma byung ba'i yul sa la ni rtag par bsams/ gsum du na rang gi sems la brtags te/ sems rdul tsam du phra ba mthong nas nga'i sems phyogs bcur gar song yang / lus 'gyur mod kyi sems mi 'gyur bas na nga'i sems rtag go zhes 'dzin te/ skye shi thams cad nga'i sems las byung bas na khyod dang gnyen bshes la sogs pa ci yod pa'i rnams mthong / de dag ci zer ba'i sgra yang thos te/ /de ni bsgoms drags pas sems phyi rol du byung bas mthong zhing thos par zad do/ /sems de la zhib du rgyun du bsgoms pas dge ba'i bshes gnyen rnams glo bur du sna tshogs par 'pho zhing 'gyur bar mthong ste/ de ni sems yon por song ba dang / gdon 'dre zhugs pa las gyur/ bar bar glo bur du lha'i bdud khong du zhugs nas chos zab mo thogs pa med par 'chad mkhas par 'gyur te/ de ni ma yin par tshor na 59.351b ni rang zhi ma tshor na ni log par 'gyur ro/ /ting nge 'dzin de rnam pa bcu ni bsgom pa'i sems mthon dman du gyur pas gzugs kyi phung po'i don snang bar zad de/ dge ba'i ltas ni yin/ 'phags pa'i 'bras bu ni ma yin no/ /de la 'phags pa'i 'bras bu yin no snyam du bsams na log par 'gyur ro/ /de rnams re glo bur mthong bar zad de/ de ltar mthong na ni nyes pa med do/ /de la chags na ni dgra lta bur 'dzin te bdud kyis glags thong ngo / /gzugs kyi phung po zad pa dang / sangs rgyas thams cad kyi sems mthong ba ni dper me long snang ba'i nang du gzugs mthong ba dang mtshungs so/ /thob pa yod kyang spyad du med de/ dper bdud kyi midang mtshungs te/ rkang lag tshang bar yod kyang mthong ba dang / thos pas mi bslad de/ 'dres non pa dang mtshungs te/ de ni tshor ba'i khang khyimayin no/ /de ni 'og tu bdag gzugs kyi nang nas byung ste/ phyir ngo la lta ba dang / gzugs la phyir gnas pa dang bral te/ 'gro ba la bgegs med de/ rang dbang thob par gyur te/ de ni tshor ba'i phung po zad pa yin te/ mi de mthong ba'i rlog pa las rgal nus so/ /de ni mi bden pa'i sems zhi ba las byung ba yin no/ /ting nge 'dzin de'i nang nas 'od chen po thob ste/ sems 'chad mkhas rab tu gyur/ chos nyan pa'i mi rnams kyis chos bshad pa'i sngon logs su tshe snga ma yang dran dmyal ba yang mthong / mi yul gyi legs nyes kun kyang bye brag phyed par 'gyur/ de nas bdag kyang byang chub thob bo snyam du sems te/ sems g.yel bar btang / tshul khrims kyang bshig 'di ni sangs rgyas chen po/ 'di ni sangs rgyas chung ngu / 'di ni sngar grub pa'i sangs rgyas/ 'di ni phyis grub pa'i sangs rgyas/ 'di pho'i sangs rgyas 'di ni mo'i sangs rgyas 'di ni pho'i byang chub 59.352a 'di ni mo'i byang chub/ ces de skad 'chad de/ de nas 'dre de lus la 'phags ma thag tu slob ma dang bcas te/ rgyal po'i gyod la yang thogs/ mtshams med pa'i dmyal bar yang ltung ngo / /de la tshor na nyes pa med do/ /tshor ba shin tu gsogs nas log pa'i ting nge 'dzin dang ni bral/ rdzogs pa'i ting nge 'dzin gyi nas 'od snang ba byung ste/ chos so chog gi phyi mo tshor ba la sred nas lha'i bdud kyis glags rnyed de/ khar zhugs nas chos 'chad mkhas rab tu gyur/ bdag gi gzi brjid kyis chos nyan pa'i rnams chos bshad pa'i mdun rol na kun thul nas khyed cig rnams sangs rgyas mya ngan las 'das so snyam du ma sems shig /nga'i lus 'di nyid sangs rgyas yin no/ /nga'i bu tsha rgyun mi 'chad pa ni chos kyi sku rtag pa yin no/ /sangs rgyas kyi yul gtsang ma de las gud na med ces zer zhing bdag ni byang chub thob bo snyam du bsams nas sems g.yel bar bor te/ 'dod cha gas kyi chos bshad/ mig la sogs pa dbang po lnga ni gtsang ma'i yul yin/ pho mtshan mo mtshan ni yang dag par byang chub mya ngan las 'das pa'i gnas yin par 'chad de/ 'dre de lus la 'phags ma thag tu slob ma dang bcas te rgyal po'i gyod la yang thogs/ mtshams med pa'i dmyal bar yang ltung ngo / /de la tshor na ni nyes pa med do/ /tshor ba'i phung po ni shin du gsogs nas log pa'i ting nge 'dzin dang ni bral/ rdzogs pa'i ting nge 'dzin gyi nang nas 'od snang ba byung bas chos zab mo 'chad pa la sred par gyur te/ de'i phyir lha'i bdud kyis glags rnyed de khar zhugs nas chos 'chad pa la mkhas rab tu gyur/ bdud yin par ma tshor nas bdag rang mya ngan las 'das so snyam du sems te/ chos nyan pa rnams kyis skad cig tu bdag gi lus mthong ba dang / gnyen bshes lo brgya 'am/ stong du ma 59.352b phrad pa gsar du phrad pa dang 'dra bar sems dga' zhing gtong mi phod de/ sbyin bzhin du 'byar/ bdag rang yang byang chub tu grub bo snyam du sems te/ sems g.yel bar bor nas/ 'dod chags kyi chos 'chad de nga tshe rabs 'di la yul 'di la yul 'dir skyes te/ mi 'di grol thar bar byas so/ /mi 'di tshe rabs snga ma la nga'i chung ma chun ma'o/ /mi 'di ni nga'i phu nu ba'o/ nga de'i ched du 'dir 'ongs te/ khyod dang 'grogs la lha yul 'di shed du 'dong ngo zhes zer ro/ /log shig na 'od cher snang ba'i gnas yod do/ /sangs rgyas thams cad de shed du gnas so zhes zer te/ de nas bdud lus la 'phags ma thag tu slob ma dang bcas te rgyal po'i gyod la yang thogs/ mtshams med pa'i dmyal bar yang 'gro'o/ /de la tshor na nyes pa med do/ /rigs kyi bu des tshor ba'i phung po shin du gsogs pa'i phyir log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang ba byung bas/ rang 'grus 'bogs kyi sems zhi ba la 'grus te lha'i bdud kyis glags thong nas khar zhugs te/ bdag bdud kyis zug par ma tshor te/ chos 'chad mkhasarab tu gyur/ chos nyan pa rnams kyang bdag bdag gi las ci las gyur pa shes te/ mi kha cig la khyod da ltar mi yin mod kyi khyod ni phyugs yin no/ /yid mi ches na ngas khyod kyi mjug ma la brdzis dang khyod ldang mi mi phod kyi zhes bsgo ste/ de bzhin du brdzis nas mi de ldang ma phod nas mi gzhan yang de la yid ches te/ dge slong la ni skur/ sangs rgyas kyi khrims ni bshig /bdud de mi de'i lus las 'phags ma thag tu slob ma dang ba cas te rgyal po'i gyod la yang thogs/ mtshams med pa'i dmyal bar yang 'gro'o/ /de la tshor na nyes pa med do/ / 59.353a yang rigs kyi bu tshor ba'i phung po shin du gsogs nas log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang bas ting nge 'dzin bsgom pa'i tshe/ sems la shes pa dang / mthong ba dang snga ma dran par sred de/ lha'i bdud kyis glags thod nas khar zhugs te/ bdud kyis zugapar ma tshor nas bdag mya ngan las 'das so snyam du bsams nas gzhan la chos 'chad pa'i tshe glo bur du nor bu rin po che thogs te/ bdud kyi lus phyugs su bsgyur te/ kha nas nor bu rin po che 'dzin cing 'od snang ba dang / glo bur du rin po che dang / ngo mtshar mi srid pa'i nor yang khyer te 'ongs nas thog ma ni nor byin/ tha mar khong par zhugs te/ sa'i 'og na nor bu rin po che yod do zhes gzhan la bstan nas sa 'og nas yar thal du 'od snang bar gyur nas kun gyis ngo mtshar du bzung / 'tshal ma ni bcad/ sman dpyad kyi kha zas dang / ma yin na khre'am/ nas 'brum bu gcig zas kyang bdud kyi stobs nyam bzang nas dge slong rnams skur te/ phyogs bcu'i gter yod pa dang / 'phags pa'i gnas 'di dang 'di yin no zhes zer te/ phyis bar bar yang 'di bzhin du mthong nas de ni ri 'am tshal lam/ mkhar gyi 'dre dgras bsad pa slar yang 'drer skyes pa las gal te bdud du gyur cig dang sangs rgyas la drin gyi lan lon zhes bya ba yin no/ /mtha' yas ting nge 'dzin de rnam bcu ni 'du shes kyi phung po sems spyad pa mtho dman du gyur pas tshor ba'i phung po ni don snang bar zad de dge ba'i ltas ni yin 'phags pa'i 'bras bu ni ma yin no/ /de la 'phags pa'i 'bras bu yin no/ /snyam du bsams na ni log par 'gyur / de rnams re shig glo bur du mthong bar zad de/ de ltar tshor na ni nyes pa med do/ / 59.353b de ltar ma tshor na log pa'i gnas su ltung ngo / /mtha' yas 'du shes kyi phung po zad de/ gnyid log pa dang sad pa 'dra ste/ sems nam mkha' dang 'dra nas spyod yul gyi gzugs brnyan dang / 'jig rten gyi ri 'am/ tshal lam/ chu 'am ci yod pa thams cad me long la bltas pa bzhin du mthong ngo / /'ongs pa'i sa yang med song ba'i rjes kyang med do/ /de'i ming ni 'du shes kyi khang khyim yin no/ /phyi mo nyid kyi sems dper rlabs chad de/ chu dang sa 'dra bar gyur na de'i ming ni 'du shes kyi phung po zad ces bya'o/ /mi des ni sems can gyi rnyog pa las byung ngo / /de'i don brtags na phyi mo mi dben pa'i sems shin du phra zhing mi snang ba las byung ngo / /mtha' yas shes par bya ste/ yang dag pa'i ting nge 'dzin thob pa'i rigs kyi bu rnams la lha'i bdun rnam pa bcu po de yang glags mi thod de/ de nas sems las shin tu bsgoms nas skye ba rnams kyi phyi mo la brtags na mig gi dbang po la yon tan brgyad brgya yod pa'i phyir bskal pa brgyad khri tshun cad kyi sems can ji ltar shi/ ji ltar skye ba'i don kyang shes so/ /sems can bskul pa brgyad khri tshun cad rgyu med par rang skyes pa yin/ mi yang mir skye/ phyugs kyang phyugs su skye/ bya yang byar skyes so zhes bsams te/ gnas de rnam pa lnga la shin du gtsang mar mthong / shin du bde bar mthong / mya ngan las 'ad sa pa'i don yin no zhes zer te/ byang chub kyi sems ni 'chol te/ mu stegs pa bcur nga phung po lnga'i nang nas mya ngan las 'das pa'i rnam pa lngar 'dzin pa'i phyin ci log gi sder gyur to/ /mtha' yas ting nge 'dzin de rnam bcu log par shes pa ni de thams cad 'du byed kyi phung po'i sems spyad pa mtho dman du gyur pa'i phyir de lta bur gyur te/ 59.354a sems can ma rabs bdag gis drod ma zin te/ ma yin pa la yin par bltas nas 'phags pa'i 'bras bu rdzogs so snyam du bsams nas brdzun chen po yin te/ mtshams med par 'gro'o/ /khyod la sogs pa de bzhin gshegs pa'i bsam pa'i don de khyer la/ ma 'ongs pa'i sems can la bstan te sems kyi bdud mi g.yo bar gyis shig /nyung du thos pa la chog par mi sems shing / tshor ba chen po'i rgyal po byed de/ thams cad gtsang gdang ba'i tshon ma gyis shig /mtha' yas rigs kyi bu rnams ting nge 'dzin bsgom pa 'du byed kyi phung po zad pa ni 'jig rten gyi g.yo ba dang 'dra bar gyur te/ dbang po drug shin du gtsang zhing gsog tu gyur nas sems rgod pa 'am/ 'dug tu mi btub pa med par gyur to/ /phyi nang ting nge 'dzin mi g.yo bar snang gsal bar gyur to/ /'jug na 'jug pa'i gnas kyang med/ phyogs bcu'i sems can gyi rigs kyang rig /phyogs bcu'i yang rigs mthun par mthong / de'i ming ni rnam par shes pa phung po'i khang khyim zhes bya'o/ /sgo drug bsnor zhing spyad du rung / phyogs bcu'i khams dang / rang gi lus dang sems mching bu bzhin du gyur te/ phyi nang snang gsal lo/ /de'i ming ni rnam par shes pa'i phung po zad ces bya'o/ /mi de tshe'irnyog pa las 'das so/ /de'i don brtags na yang dag pa'i don 'ol byir 'ong ba la mi bden pa'i sems phyin ci log tu gyur pa las byung ngo / /mtha' yas shes par gyis shig /rigs kyi bu 'du byed thams cad stong par rig na ni rnam par shes pa stong pa nyid la skye shi yang 'gog ste/ mi skye mi shi zhi ba 'gog pa'i don la shin tu ma rgyas/ yang dag pa rgyu 59.354b rtag go zhes zer te/ de'i sems zhen pas mu stegs sa phyi la'i sder gyur te/ byang chub kyi sems ni 'chol/ shes pa mthong ba ni rlag /de ni dang po sems yod par 'dzin pa'i mu stegs su gyur te/ yang dag pa'i don la rgyab kyis phyogs/ mu stegs rigs su ni skye'o/ /mtha' yas rigs kyi bu 'du byed thams cad stong par rig nas rnam par shes pa nyid la skye shi yang 'gog ste/ mi skye mi shi zhi ba 'gog pa'i don la shin du ma rgyas pas yang dag pa nyid la nga rang nyid yin no zhes 'dzin te/ nam mkha' dang khams so chog gi sems can rigs bcu gnyis yod pa yang thams cad nga'i lus las byung ngo zhes bsams te/ de'i sems la zhen pas na mu stegs ma he shor ba'i lugs su gyur to/ /lus grangs med par sprul te/ 'khor du byas nas byang chub kyi sems ni 'chol/ shes pa mthong ba ni rlag de'i ming ni dang 'og byed nus pa'i sems dang don sgrub nus pa'i 'bras bur gyur te/ yang dag par mya ngan las 'das nus pa la ni rgyab kyis phyogs/ nga rgyal chen po'i lhar skye'o/ /yang rigs kyi bu 'du byed thams cad stong par rig nas rnam par shes pa nyid la skye shi yang 'gog ste/ mi skye mi shi zhi ba'i sems ni da per mching bu gtsang ma'i nang na rin po che'i zla ba yod pa dang 'dra'o/ /de bzhin du gyur na byang chub sems dpa'i dad pa bcu gnas pa bcu/ sgom pa bcu/ phyogs bcu thob par 'gyur ro/ /byang chub sems dpa'i rdo rje ting nge 'dzin dang / snyoms pa'i tshor ba'i sa las 'das nas/ de bzhin gshegs pa'i snang ba rgyas pa la zhugs te/ rgyan gyis brgyan pa'i byang chub kyi mtsho ci yang thob pa med pa'i don thob nas sangs rgyas snga ma 'das pa'i zhi gnas dang lhag mthong gi nang nas shin du phra ba'i bdud kyi las dang 59.355a bdud kyi spyod yul mdun du snang ba'i tshe kun shes rig nas sems kyi dri ma bkrus bsal te/ log par lta ba'i nang du mi ltung zhing phung po'i bdud ni zhu byang / lha'i bdud ni rnyil grugs/ lha ma srin dang mthu bo che rnams kyi nang du mi skye ste/ thal byung byang chub tu grub kyi bar du mi chog pa med do/ /mya ngan las 'das pa chen po'i sems ni gsal zhing mi 'chol bar 'gyur ro/ /ma 'ongs pa'i sems can gyi dbang po ni rtul/ ting nge 'dzin la ni sred/ ting nge 'dzin ma rig pa'i phyir na log pa'i gnas su ltung bar 'gyur ro/ /mtha' yas khyod kyis nga'i sngags dang / don 'di bzhin du ma 'ongs pa'i sems can rnams la ston cig /nga'i sngags 'di kha ton du byed ma nus na yi ger bris te lus la thogs sam/ ting nge 'dzin bsgom pa'i khang bu dang / gnas kyi sgor btags na phyogs bcu'i lha'i bdud la sogs pa thams cad kyang zhu byang ste/ gnod pa byed mi nus so/ /mtha' yas de ni/ sems can thams cad kyi phyir khyod ma brjed par gyis la ston cig /gtsug tor chen po'i bam po dgu pa las bdud kyi le'u nyi tshe phyung ba rdzogs s+ho// //ye d+harmA he du pra b+ha bA he tun+te ShAn+ta thA ga to h+ya ba data te ShAny+tsa yo ni ro d+ha e bam bA dI ma hA shra ma NaH dge'o/[ ]/bkra shis/ # |