J174

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J174</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J174&coll=lithang">see text in Tibetan script</a></table>59.1a<br><font size=+1>

(wa) @#/ ! /mdo sde sna tshogs kyi skor bzhugs so/ /[(黃) 經藏第二十部]</font><hr>59.1b<br><font size=+1>

@##/   /rgya gar skad du/  Ar+ya rad na me g+ha nA ma ma hA yA na sU tra/  bod skad du/   'phags pa dkon mchog sprin ces bya ba theg pa chen po'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ga yA na ga yA'i mgo'i ri la dge slong bdun khri nyis stong gi/ dge 'dun chen po dang thabs gcig tu bzhugs te/ thams cad kyang dgra bcom pa zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ bka' yang dag pas sems shin tu rnam par grol ba/ sems kyi dbang thams cad kyi</font><hr>59.2a<br><font size=+1>

dam pa'i pha rol tu son pa/ chos kyi dbyings la mkhas pa/ chos kyi rgyal po'i sras/ sems rnyed pa dang / bkur bsti thams cad dang bral ba/ legs par rab tu byung ba/ legs par bsnyen par rdzogs pa/ brnag pa yongs su rdzogs pa/ mya ngan las 'das pa'i lam la gnas pa sha stag ste/ gang zag gcig ma gtogs pa ni 'di lta ste/ tshe dang ldan pa kun dga' bo'o/ /byang chub sems dpa' brgyad khri bzhi stong gi byang chub sems dpa'i tshogs chen po dang yang thabs gcig ste/ thams cad kyang skye ba gcig gis thog pa/ thams cad mkhyen pa nyid la mngon du phyogs pa/ thams cad mkhyen pa nyid la gzhol ba/ thams cad mkhyen pa nyid la 'bab pa/ thams cad mkhyen pa nyid la bab pa/ chags pa med pa'i gzungs dang ting nge 'dzin thob pa/ dpa' bar 'gro ba'i ting nge 'dzin la shin tu gnas pa/ mngon par shes pa chen pos rnam par rol pa/ lam gyi rgyun ma bcad pa/ sgrib pa dang / chod pa dang / kun nas ldang ba thams cad dang bral ba/ byams pa chen po dang / snying rje chen pos phyogs bcu'i 'jig rten gyi khams thams cad khyab par byed pa/ sangs rgyas kyi zhing mtha' yas par 'gro ba la mkhas pa/ stong pa nyid spyod yul ba/ mtshan ma med pa la gnas pa/ smon lam la gnas pa thams cad dang bral ba/ sems can thams cad la phan par brtson pa/ sangs rgyas kyi yul thams cad la mkhas pa ye shes mtha' yas pa sems nam mkha' dang mtshungs pa/ sems rgya mtsho ltar zab pa/ sems ri'i rgyal po ri rab ltar mi sgul ba/ sems pad mo ltar ma gos pa/ </font><hr>59.2b<br><font size=+1>

sems rin po che ltar shin tu yongs su dag pa/ sems gser ltar shin tu yongs su byang ba rnams la 'di lta ste/ byang chub sems dpa' sems dpa' chen po rin po che dpal dang / lag na rdo rje rin po che dang / lag na phyag rgya rin po che dang / rin po che'i cod pan dang / gtsug na rin po che dang / rin po che brtsegs pa dang / rin po che 'byung gnas dang / rin po che'i rtse mo dang / rin po che'i rgyal mtshan dang / rdo rje'i snying po dang / gser gyi snying po dang / rin po che'i snying po dang / dpal gyi snying po dang / dge ba'i snying po dang / dge ba dri ma med pa'i snying po dang / de bzhin gshegs pa'i snying po dang / ye shes kyi snying po dang / nyi ma'i snying po dang / ting nge 'dzin gyi snying po dang / pad ma'i snying po dang / rnam par grol ba'i zla ba dang / kun du zla ba dang / spyan ras gzigs dbang po dang / mthu chen thob ba dang / kun du bzang po dang / kun nas mig dang / pad ma'i mig dang / dri ma med pa'i mig dang / yangs pa'i mig dang / kun du spyod lam dang / kun du mdzes dang / kun du spyod pa'i blo gros dang / ye shes kyi blo gros dang / chos kyi blo gros dang / rgyal ba'i blo gros dang / bla ma'i blo gros dang / rdo rje'i blo gros dang / khyad par blo gros dang / seng ge rnam par rol pa dang / sgra chen po dbyangs kyi rgyal po dang / seng ge'i sgra sgrogs dang / sgra dbyangs brjod pa zab mo sgrogs dang gos med dang / dri ma kun bral dang / zla ba'i 'od dang / nyi ma'i 'od dang / ye shes kyi 'od dang / ye shes kyi dpal dang / bzang po'i dpal dang / zla ba'i dpal dang / pad ma'i dpal dang / rin po che'i dpal dang / 'jam dpal gzhon nur gyur pa dang / bzang skyong la sogs pa skyes bu dam pa bcu drug dang / byams pa</font><hr>59.3a<br><font size=+1>

la sogs pa bskal pa bzang po'i byang chub sems dpa' sems dpa' chen po thams cad dang / rgyal po chen po bzhi la sogs pa rgyal chen bzhi'i ris kyi lha'i bu rnams dang / lha'i dbang po brgya byin la sogs pa sum cu rtsa gsum gyi ris kyi lha'i bu rnams dang / lha'i bu shin du gnod bral la la sogs pa gnod bral gyi lha'i bu rnams dang / lha'i bu kun du dga' ldan la sogs pa dga' ldan ris kyi lha'i bu rnams dang lha'i bu shin du 'phrul dga' la sogs pa 'phrul dga'i ris kyi lha'i bu rnams dang / lha'i bu dbang byed la sogs pa gzhan 'phrul dbang byed kyi lha'i bu rnams dang / ded dpon la sogs pa dkar po'i phyogs kyi bdud kyi bu rnams dang / tshangs pa chen po la sogs pa tshangs pa'i ris kyi lha'i bu thams cad dang / lha'i bu dbang phyug chen po la sogs pa gnas gtsang ma'i ris kyi lha'i bu thams cad dang / lha ma yin gyi dbang po thags zangs ris dang / /stobs can dang / nor sbyin dang / de dag la sogs pa lha ma yin brgya stong phrag du ma dang / klu'i rgyal po ma dros pa dang / gzi can dang / rgya mtsho dang / mtha' yas dang / nor rgyas dang / de dag la sogs pa klu'i rgyal po brgya stong du ma dang / dpal gyi gzi brjid la sogs pa klu'i rgyal po'i khye'u brgya stong du ma dang / klu'i bu mo mang po rnams dang / de ma yin pa gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po brgya stong dang yang thabs gcig go/ /yang de'i tshe ga yA na ga yA mgo'i ri'i dpag tshad bzhi khor ra khor yug tu skra'i rtse mo'i cha shas kyi rdul phra rab tsam yang gang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am</font><hr>59.3b<br><font size=+1>

ci dang / lto 'phye chen po dang / mi dang mi ma yin pa dag gis ma gang bar gyur pa'i sa'i phyogs sam/ bar snang gi phyogs de med do/ /'khor de lta bu 'dus shing 'khod pa'i dbus na bcom ldan 'das seng ge'i khri 'phang du dpag tshad gcig /kho ra khor yug tu dpag tshad phyed pa la lha'i gdan brgya stong du ma ni bting / rin po che'i dril bu'i dra bas ni bla re bres/ dar gyi lda ldi brgya stong du ma ni spyangs/ me tog sil mas ni gtor ba zhig bshams te/ seng ge'i khri de'i kho ra khor yug gi sa'i phyogs de dngos rdo rje la yid du 'ong zhing lag mthil ltar mnyam pa dang / chag chag legs par btab pa dang / phyag dar legs par byas pa dang / dri rab tu zhim zhing lha'i me tog brgya stong du mas gtor bar gyur to/ /bcom ldan 'das kyis yongs su longs spyad pa'i phyir phyogs de na gser gyi pad ma shing rta'i 'khor lo tsam/ 'dab ma brgya stong du ma yod pa/ chu ba ni bai dUr+ya snying po ni in dra nI la/ ze ba ni asmi gar b+ha ste/ dri rab tu zhim zhing yid du 'ong la reg na dga' bar 'gyur ba dag skyes par gyur to/ /seng ge'i khri de'i grwa bzhir ha cang yang mi ring / ha cang yang mi nye ba nas rin po che'i shing srid du dpag tshad phyed dang gnyis/ sboms su rgyang grags gnyis kyis 'khor ba bzhi skyes so/ /seng ge'i khri legs par bshams pa de la bcom ldan 'das blo ni rab tu rnam par dag /chos kyi 'khor lo ni rab tu bskor/ bdud dang phyir rgol ba ni bcom/ 'jig rten gyi chos rnams kyis ni ma gos la mi bsnyengs shing mi 'dzem ste/ seng ge ltar bag tsha ba med pa/ mtsho dang 'dra bar dang ste rnyog pa med cing shin du rnam par dang ba/ rgya mtsho ltar zab cing gting dpag dka' la rin po che'i 'byung gnas su</font><hr>59.4a<br><font size=+1>

gyur pa/ ri rab ltar mngon par 'phags pa/ nyi ma ltar rab tu lhan pa/ zla ba ltar rab tu sim pa/ klu chen po ltar chos kyi char mngon par 'bebs pa/ tshangs pa chen po ltar 'jig rten kun las mngon par 'phags pa/ slob ma shin du dul ba'i tshogs mtha' yas pa'i 'khor mnga' ba/ brgya byin dang / tshangs pa dang / 'jig rten skyong ba bye ba khrag khrig brgya stong rnams kyis zhal du bltas shing ma khengs mdud par bzhugs te/ 'khor tshogs pa de na lham me/ lhan ne/ lhang nge'o/ /bcom ldan 'das de ltar lham me/ lhan ne/ lhang nge ba'i dbu'i gtsug gi gtsug tor gyi gseb nas 'od zer kun du snang ba zhes bya ba 'od zer gyi 'khor brgya stong du ma yod pa byung ste/ de byung bas phyogs bcu thams cad du 'jig rten gyi khams rab 'byam thams cad snang bar byas te/ phyir 'ongs nas bcom ldan 'das la lan gsum bskor te/ bcom ldan 'das kyi zhal gyi sgo nas zhugs nas/ bcom ldan 'das kyi zhal gyi sgo phye ba 'am btsums par yang mi mngon no/ /'di lta ste/ dper na nyi ma dang zla ba'i 'od nam mkha'i khams thams cad kyi gseb tu zhugs kyang nam mkha'i khams kyi gseb phye 'am btsum pa mi mngon pa de bzhin du/ de'i tshen 'od zer de dag zhugs kyang bcom ldan 'das kyi zhal gyi sgo phye ba 'am btsums par mi mngon no/ /'di lta ste dper na/ bye ma'i phung po la mar ram 'bru mar ram/ chu zhugs na mi mngon pa de bzhin du/ de'i tshe na 'od zer de dag zhugs kyang phye ba 'am btsums par mi mngon no/ /de nas shar phyogs su sangs rgyas kyi zhing 'di nas 'jig rten gyi khams gang gA'i klung gi bye ma snyed 'das pa na/ pad ma can zhes bya ba'i</font><hr>59.4b<br><font size=+1>

'jig rten gyi khams de na/ pad ma'i spyan zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das de byang chub sems dpa' sems dpa' chen po rnams la 'di lta ste/ theg pa gcig las brtsams nas chos ston te/ sangs rgyas kyi zhing de na nyan thos dang / rang sangs rgyas dag dang / nyan thos kyi theg pa'am/ rang sangs rgyas kyi theg pa'i ming yang med/ sangs rgyas kyi zhing de na rdzus te skye ba ma gtogs par bud med dang / mngal na gnas te 'byung zhing skye ba'i sgra yang mi grag go/ /'jig rten gyi khams de'i sems can de dag thams cad kyang bla na med pa yang dag par rdzogs pa'i byang chub las phyir mi ldog pa'i byang chub sems dpa' sha stag go/ /'jig rten gyi khams de na bza' ba dang / btung ba dang / zas kyi bya ba yang mi shes so/ /byang chub sems dpa' de dag thams cad kyang bsam gtan gyi dga' ba'i zas can dang / ting nge 'dzin gyi dga' ba'i zas can dang / chos kyi dga' ba'i zas can no/ /de bzhin gshegs pa de nyid kyi 'od kyis 'jig rten gyi khams de khyab cing dri ma med par gyur pa ma gtogs par 'jig rten gyi khams de na zla ba dang / nyi ma dang / gza' dang / skar ma rnams kyi 'od kyang mi shes so/ /'jig rten gyi khams de lag mthil bzhin du mnyam par gyur pa las 'jig rten gyi khams de na rtswa dang / shing dang / bong ba dang / brtsig pa dang / ri la sogs pa yang mi snang ngo / /'jig rten gyi khams de 'dra ba de na byang chub sems</font><hr>59.5a<br><font size=+1>

dpa' sems dpa' chen po sgrib pa thams cad rnam par sel ba zhes bya ba de'i ming thos pa tsam gyis sems can gyi sgrib pa thams cad zad par 'gyur ba zhig gnas te/ de 'od des reg ste bskul nas/ rang gi gnas nas byung ste/ bcom ldan 'das de bzhin gshegs pa pad ma'i spyan de ga la ba der song ste phyin nas/ bcom ldan 'das de'i zhabs la mgo bos phyag 'tshal te/ pad ma'i snying po la phyogs gcig tu 'dug go/ /de ma yin pa'i byang chub sems dpa' gzhan dag kyang 'od des reg ste bskul ba dang / rang rang gi gnas nas byung ste/ bcom ldan 'das de bzhin gshegs pa pad ma'i spyan ga la ba der dong ste phyin nas/ bcom ldan 'das de'i zhabs la mgo bos phyag 'tshal te/ pad ma'i snying po la so so ci rigs par 'khod do/ /de nas byang chub sems dpa' sems dpa' chen po sgrib pa thams cad rnam par sel ba stan las langs nas bla gos phrag pa gcig tu gzar te/ pus mo g.yas pa'i lha nga pad ma'i snying po la btsugs nas/ bcom ldan 'das de bzhin gshegs pa pad ma'i spyan ga la ba de logs su thal mo sbyar ba btud nas bcom ldan 'das de la 'di skad ces gsol to/ /bcom ldan 'das 'di lta bu'i 'od bzang po dri ma mchis pa rnam par dag pa/ yid du mchi ba lus dang sems shin du dga' bar bgyid par byung ba 'di su'i mthu lags shes de skad ces gsol pa dang / bcom ldan 'das de bzhin gshegs pa pad ma'i spyan des byang chub sems dpa' sgrib pa thams cad rnam par sel ba la 'di skad ces bka' stsal to/ /rigs kyi bu nub phyogs na sangs rgyas kyi zhing 'di nas 'jig rten gyi khams gang gA'i klung gi bye ma snyed 'das pa na mi mjed ces bya</font><hr>59.5b<br><font size=+1>

ba'i 'jig rten gyi khams yod de/ de na shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das de'i mtshan thos pa tsam gyis sems can rnams bla na med pa yang dag par rdzogs pa'i byang chub las phyir mi ldog par 'gyur ba zhig bzhugs te/ des 'od bzang po dri ma med pa/ rnam par dag pa yid du 'ong ba/ lus dang sems shin du rnam par dga' bar byed pa 'di phyung ngo / /de skad ces bka' stsal pa dang / bcom ldan 'das de bzhin gshegs pa pad ma'i spyan de la byang chub sems dpa' sems dpa' chen po sgrib pa thams cad rnam par sel bas 'di skad ces gsol to/ /bcom ldan 'das de ltar de bzhin gshegs pa de'i mtshan thos pa tsam gyis sems can rnams bla na med pa yang dag par rdzogs pa'i byang chub las phyir mi ldog par 'gyur ba'i rgyu gang lags/ rkyan gang lags/ de skad ces gsol pa dang / bcom ldan 'das de bzhin gshegs pa pad ma'i spyan des byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ /rigs kyi bu de bzhin gshegs pa des sngon byang chub sems dpa'i spyad pa spyod pa na/ 'di ltar sems can su gang dag gis bdag mngon par rdzogs par sangs rgyas pa'i ming thos pa de dag thams cad bla na med pa yang dag par rdzogs pa'i byang chub las phyir mi ldog par shog shig ces smon lam btab bo/ /byang chub sems dpa' sgrib pa</font><hr>59.6a<br><font size=+1>

thams cad rnam par sel bas gsol pa/ bcom ldan 'das ci lags/ 'jig rten gyi khams de'i sems can de dag thams cad phyir mi ldog pa lags sam/ bcom ldan 'das des bka' stsal pa/ rigs kyi bu ma yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das ci lags/ sems can de dag gis de bzhin gshegs pa de'i mtshan ma thos sam/ bcom ldan 'das des bka' stsal pa/ rigs kyi bu thos so/ /gsol pa/ bcom ldan 'das de ci'i slad du phyir mi ldog pa ma lags/ bcom ldan 'das des bka' stsal pa/ rigs kyi bu de dag thams cad ni phyir mi ldog pa yang yin la phyir ldog pa yang yin no/ /gsol pa/ bcom ldan 'das ji ltar gang de lta bur de dag thams cad phyir mi ldog pa yang lags la/ phyir ldog pa yang lags/ bcom ldan 'das des bka' stsal pa/ rigs kyi bu de bzhin gshegs pa'i mtshan thos pas/ sems can de dag phyir mi ldog pa'i sa bon skyes pa mthong nas sems can de dag phyir mi ldog par lung ston to/ /mtshan thos pa de kho nas de ma thag tu phyir mi ldog par 'gyur ba yang ma yin te/ de bas na rigs kyi bu don de nyid rab tu grub par bya ba'i phyir khyod la dpe bshad do/ /rigs kyi bu 'di lta ste/ dper na shing la la'i sa bon gyi rnam pa zhig yod de/ sa bon de la sa bon gyi nyes pa thams cad med la/ myu gu skye ba nas rdzogs pa'i bar du rkyen rnams yod na rigs kyi bu sa bon de la ji skad ces bya/ gsol pa bcom ldan 'das nyes pa thams cad dang bral bas na de ni yongs su rdzogs pa zhes bgyi'o/ /bka' stsal pa/ rigs kyi bu de bzhin du de</font><hr>59.6b<br><font size=+1>

bzhin gshegs pa'i mtshan thos pa dang ldan pa'i sa bon yod pa'i sems can rnams ni bla na med pa yang dag par rdzogs pa'i byang chub las phyir mi ldog pa yin no/ /de skad ces bka' stsal pa dang / bcom ldan 'das de bzhin gshegs pa pad ma'i spyan de la byang chub sems dpa' sems dpa' chen po sgrib pa thams cad rnam par sel bas 'di skad ces gsol to/ /bcom ldan 'das bdag mi mjed kyi 'jig rten gyi khams de blta ba dang / bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas de la 'ang phyag 'tshal ba dang / bsnyen bkur bgyi ba dang / btsun par bgyi ba dang / ri mor bgyi ba dang / bkur stir bgyi ba dang / mchod par bgyi ba'i slad du mchi'o/ /de skad ces gsol pa dang / bcom ldan 'das de bzhin gshegs pa pad ma'i spyan des byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ /rigs kyi bu de'i dus la bab par shes na khyod song shig /bcom ldan 'das de bzhin gshegs pa pad ma'i spyan de la byang chub sems dpa' de dag thams cad kyis kyang 'di skad ces gsol to/ /bcom ldan 'das bdag cag kyang mi mjed kyi 'jig rten gyi khams de blta ba dang / bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas de la yang phyag 'tshal ba dang / bsnyen bkur bgyi ba dang / btsun par bgyi ba dang / ri mor bgyi ba dang / bkur bstir bgyi ba dang / mchod par bgyi ba'i slad du mchi'o/ /de skad ces gsol pa dang / bcom ldan 'das de bzhin gshegs pa pad mo'i spyan des byang chub sems dpa' de dag la 'di skad ces bka' stsal to/ /rigs kyi bu dag de'i dus la bab par</font><hr>59.7a<br><font size=+1>

shes na khyod deng shig /'jig rten gyi khams der bag yod par gnas pas gnas par gyis shig /de'i ci'i phyir zhe na/ 'di ltar 'jig rten gyi khams de'i sems can gang de dag ni rab tu 'dod chags mang ba/ zhe sdang mang ba gti mug mang ba/ dge sbyong du mi 'dzin pa/ bram zer mi 'dzin pa/ phar mi shes pa/ mar mi shes pa chos ma yin pa 'dod pa/ brlang ba/ gtum pa zhe gcod pa mu chor smra ba/ pho theg can/ g.yengs pa/ brkam pa/ le lo can/ ngan pa'i ngang tshul can/ sdig pa'i chos can/ phrag dog dang ser snas yongs su dkris pa/ nyon mongs pa du mas nye bar nyon mongs par gyur pa rnams te/ sems can de 'dra ba de dag gi nang na de bzhin gshegs pa de chos ston to/ /byang chub sems dpa' de dag gis gsol pa/ bcom ldan 'das gang 'di 'dra ba'i sems can rnams kyi nang na chos ston pa ni de bzhin gshegs pa de dka' ba mdzad pa lags so/ /bcom ldan 'das des bka' stsal pa/ de de bzhin no/ /rigs kyi bu dag de de bzhin te/ gang 'di 'dra ba'i sems can rnams kyi nang na chos ston pa ni de bzhin gshegs pa de dka' ba mdzad pa yin no/ /rigs kyi bu dag gang de lta bur kun nas nyon mongs par gyur pa'i 'jig rten gyi khams na dge ba'i sems gcig tsam bskyed pa'i sems can de dag kyang dka' ba byed pa yin no/ /de ci'i phyir zhe na/ gang yongs su dag pa'i 'jig rten gyi khams na sems can yongs su dag pa yod pa lta ci ngo mtshar kyi/ gang dag de ltar kun nas nyon mongs par gyur pa'i 'jig rten gyi khams de na se gol gtogs pa srid du yang dad pa rnyed pa dang / se gol gtogs pa srid du yang sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / </font><hr>59.7b<br><font size=+1>

se gol gtogs pa srid du yang tshul khrims yang dag par bzung ste/ spyod pa 'di ni ches ngo mtshar to/ /de bas kyang gang dag se gol gtogs pa srid du yang 'dod chags dang bral ba la gnas pa'i sems yang dag par bzung ste gnas pa 'di ni ches ngo mtshar to/ /de bas kyang gang dag se gol gtogs pa srid du yang snying rje ba'i sems nye bar gzhag te/ bla na med pa yang dag par rdzogs pa'i byang chub tu sems bskyed pa 'di ni ches ngo mtshar to/ /byang chub sams dpa' de dag gis gsol pa/ bcom ldan 'das ngo mtshar to/ /bde bar gshegs pa ngo mtshar to/ /de nas sgrib pa thams cad rnam par sel ba la sogs pa byang chub sems dpa' de dag thams cad kyis legs so bcom ldan 'das zhes gsol nas bcom ldan 'das de las 'di lta bu 'thun pa'i rjes bstan pa 'di mnyan nas bcom ldan 'das de'i zhabs la mgo bos phyag 'tshal te/ rang rang gi gnas nas dong ngo / /dong nas bcom ldan 'das shAkya thub pa la mchod pa'i phyir la las ni rin po che'i shing me tog dang bcas pa/ 'bras bu dang bcas pa chu dang zheng du ldan pa rnams mngon par sprul/ la las ni bai dUr+ya'i shing rnams/ la las ni shel gyi shing rnams/ la las ni dpag bsam gyi shing rnams/ la las ni gser gyi shing rnams/ la las ni me tog gi shing rnams/ la las ni 'bras bu'i shing rnams/ la las ni gos kyi sprin rnams/ la las ni rgyan gyi sprin rnams/ la las ni spos kyi sprin rnams/ la las ni phreng ba'i sprin rnams/ la las ni phye ma'i sprin rnams/ la las ni gdugs kyi sprin rnams/ la las ni rgyal mtshan gyi sprin rnams/ la las ni sil snyan gyi sprin rnams mngon par sprul to/ mngon par sprul nas gcig tu 'dus te/ byang chub sems dpa' sems dpa' chen</font><hr>59.8a<br><font size=+1>

po sgrib pa thams cad rnam par sel ba dang lhan cig du mi mjed kyi 'jig rten khams ga la ba der dong ngo / /de nas byang chub sems dpa' sgrib pa thams cad rnam par sel pas byang chub sems dpa' de dag la 'di skad ces smras so/ /kye ma grogs po dag mi mjed kyi 'jig rten gyi khams kyi sems can rnams sdug bsngal lo/ /de bas na gang gis sems can de dag thams cad bde ba mchog gis bstabs par 'gyur ba de lta bu'i rdzu 'phrul mngon par bya ba legs par mngon par bya'o/ /byang chub sems dpa' de kun gyis legs so zhes smras nas byang chub sems dpa' sgrib pa thams cad rnam par sel ba'i ltar mnyan to/ /de nas byang chub sems dpa' sgrib pa thams cad rnam par sel bas ji lta bu'i rdzu 'phrul mngon par bya ba mngon par byas pas byang chub sems dpa' sgrib pa thams cad rnam par sel ba'i lus las 'od dang ba dri ma med pa/ rnam par dag pa/ yid du 'ong ba/ lus dang sems shin du dga' bar byed pa byung ste/ 'od des stong gsum gyi stong chen po'i 'jig rten gyi khams 'di khyab cing snang bar gyur pa dang / gang stong gsum gyi stong chen po'i 'jig rten gyi khams 'di'i sems can dmyal ba pa'i lus su gnas pa dang / byol song gi skye gnas pa'i lus su gnas pa dang / gshin rje'i 'jig rten pa'i lus su gnas pa de dag 'od des reg nas sdug bsngal gyi tshor ba dang bral te/ bde zhing khro ba dang gnod sems dang yang bral te phan tshun du pha mar 'du shes par gyur pa dang / gang yang stong gsum gyi stong chen po'i 'jags rten gyi khams 'di na 'jig rten gyi khams kyi bar mun pa mun nag gang du nyi ma dang / zla ba 'di ltar rdzu 'phrul che ba</font><hr>59.8b<br><font size=+1>

'di ltar mthu che ba/ 'di ltar dbang che bar grags pa 'di dag gis kyang lam me/ lhan ne lhang nger ma gyur pa de dag kyang 'od des khyab nas snang bar gyur te/ gang der skyes pa'i sems can dag kyang gcig gis gcig mthong ba dang / stong gsum gyi stong chen po'i 'jig rten gyi khams 'di'i gang khor yug gi ri rnams dang / khor yug gi ri chen po rnams dang / ri btang gzung dang / ri btang gzung chen po rnams dang / de ma yin pa'i ri nag po gzhan de dag kyang 'od des khyab ste snang bar gyur pa dang / blar ni tshangs pa'i 'jig rten man chad/ 'og tu ni mnar med pa'i sems can chen po yan chad de'i bar du gang 'od des snang bar ma byas pa'i sa phyogs de gang yang med pa de lta bu'i rdzu 'phrul mngon par bya ba mngon par byas so/ /de ma yin pa'i byang chub sems dpa' gzhan dag gis kyang ji lta bu rdzu 'phrul mngon par bya ba mngon par byas pas zas 'dod pa'i sems can rnams ni zas thob/ btung ba 'dod pa rnams ni btung ba/ gos 'dod pa rnams ni gos/ bzhon pa 'dod pa rnams ni bzhon pa/ nor 'dod pa rnams ni nor thob/ long ba rnams ni mig thob/ 'on pa rnams ni sgra thos/ sgren mo rnams ni gos can du gyur/ smyos pa rnams ni dran pa thob/ sdug bsngal ba rnams ni bde bar gyur/ sgrum pa rnams ni bde bar btsas pa de lta bu'i rdzu 'phrul mngon par bya ba mngon par byas so/ /de nas sgrib pa thams cad rnam par sel ba la sogs pa byang chub sems dpa' de dag thams cad yul ga ya dang ga ya mgo'i ri ga la ba der nye ba dang / skyes bu dam pa de dag nye bar gyur ma thag tu stong gsum gyi stong chen po'i 'jig rten gyi khams 'di rin po che'i dra bas khebs par kun du snang ngo / /steng gi bar snang las kyang lha'i</font><hr>59.9a<br><font size=+1>

pad ma'i char mngon par rab tu bab po/ /lha'i me tog gi sprin rnams dang / lha'i shing tog gi sprin rnams dang / lha'i phreng ba'i sprin rnams dang / lha'i spos kyi sprin rnams dang / lha'i gos kyi sprin rnams dang / lha'i phye ma'i sprin rnams dang / lha'i chos gos dang / gdugs dang / rgyal mtshan dang / ba dan gyi sprin gyi char mngon par rab tu bab po/ /de dag mngon par rab tu bab pas sems can gang la reg pa de dag thams cad rab tu bde bar gyur/ yul ga ya dang ga ya mgo'i ri la shing tha mal pa dang / sa phyogs tha mal pa gang yod pa de dag thams cad kyang med par gyur par snang ngo / /sa phyogs de dag rin po che'i shing rnams dang / dpag bsam gyi shing rnams dang / me tog gi shing rnams dang / 'bras bu'i shing rnams dang / tsan dan gyi shing rnams dang / a ga ru'i shing rnams kun du snang ste/ de dag kun du bzang por 'dug par gyur to/ /bar snang las lha'i sil snyan dag sgra 'byin cing sil snyan de dag las 'di lta bu'i tshigs su bcad pa 'di dag kyang byung ngo / /lum bi'i tshal rab mchog tu gang skyes pa/ /mnyam med gzhar yang nyon mongs dbang mi 'gyur/ /nam mkha' mtshungs mnyam de la phyag 'tshal du/ /ri bo mchog rab 'di la bdag cag lhags/ /byang chub mchog sus byang chub shing dbang drung / /bdud kyi sde stobs bcom nas sangs rgyas pa/ /dri med gzi ldan de la phyag 'tshal du/ /ri bo mchog rab 'di la bdag cag lhags/ /chos tshul 'di dag sgyu ma smig rgyu dang / /chu zla 'dra bar gang gis rtogs gyur pa/ /bsod nams zhing rab de la phyag 'tshal du/ /ri bo mchog rab 'di la bdag cag lhags/ /chos rnams sna tshogs 'ja' dang 'dra ba dang / /gar mkhan tshon 'drar gang gis rab rtogs pa/ /mi g.yo bsod nams gter la phyag 'tshal du/ /ri bo mchog rab 'di la bdag cag lhags/ /gang gis bskal ba brgya</font><hr>59.9b<br><font size=+1>

phrag mang por ni/ /thugs rje'i thugs kyis tshogs kun rdzogs mdzad pa/ /dri med zla zhal de la phyag 'tshal du/ /ri bo mchog rab 'di la bdag cag lhags/ byang chub sems dpa' bye ba brgya mang dang / /lha yi tshogs kyis de bzhin gang mchod pa/ /gti mug mun bral de la phyag 'tshal du/ /ri bo mchog rab 'di la bdag cag lhags/ /gang gis mchog gi chos kyi gter brnyes shing / /thugs rje nyid kyis 'jig rten dag la btang / /mnyam med phan mdzad de la phyag 'tshal du/ /ri bo mchog rab 'di la bdag cag lhags/ /gang zhig thugs zhi rtag par byams pa'i yid/ /pad ma chus ltar nyon mongs ma gos pa/ /yon tan mchog rab mnga' la phyag 'tshal du/ /ri bo mchog rab 'di la bdag cag lhags/ /mtshan gyi me tog rgyas pa yongs su dag pa'i sku/ /dpe byad bzang po'i 'bru chags 'gro ba'i 'tsho ba gang / /yal ga mtha' yas rin chen shing la phyag 'tshal du/ /bdag cag thams cad lhan cig mchod pa thogs te lhags/ /tshigs su bcad pa 'di dag byung ma thag tu de nas tshe dang ldan pa maud gal gyi bu chen po stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das sngon ma thos sngon ma mthong ba'i snga ltas gda' ba 'di dag su'i lags/ de skad ces gsol pa dang / bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu shar na sangs rgyas kyi zhing 'di nas 'jig rten gyi khams gang gA'i klung gi bye ma snyed 'das pa na 'jig rten gyi khams pad ma can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i</font><hr>59.10a<br><font size=+1>

sangs rgyas pad ma'i spyan zhes bya ba da ltar bzhugs so/ /'tsho'o/ /gzhes so/ /chos ston to/ /de bzhin gshegs pa de'i sangs rgyas kyi zhing nas byang chub sems dpa' sems dpa' chen po sgrib pa thams cad rnam par sel ba zhes bya ba 'jig rten gyi khams mi mjed 'dir 'ongs pa dang / de ma yin pa'i byang chub sems dpa' gzhan bye ba khrag khrig brgya stong gang skyes bu dam pa de nyid dang lhan cig tu mi mjed kyi 'jig rten gyi khams 'dir 'ongs pa de dag gi snga ltas 'di yin no/ /bcom ldan 'das kyis de skad ces bka' stsal ma thag tu/ de nas byang chub sems dpa' sgrib pa thams cad rnam par sel ba byang chub sems dpa' bye ba khrag khrig brgya stong phrag du mas bskor cing mdun du bdar te/ rdzu 'phrul gyi mthu chen po dang / byang chub sems dpa'i mthu chen pos bcom ldan 'das ga la ba der 'ongs te phyin nas/ bcom ldan 'das kyi zhabs la mgo bos phyag 'tshal te/ byang chub sems dpa' de dag dang lhan cig tu bcom ldan 'das kyi spyan sngar 'khod nas/ bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ /grags chen shes rab chen po pa/ /thub chen dpa' bo chen po pa/ /srid pa'i mya ngan rgal ba po/ /nyon mongs rgal la phyag 'tshal lo/ /thams cad du yang tha le ste/ /kun nas rab tu lhan ner bzhugs/ /kun nas rnam par grol ba po/ /phyag 'tshal mi mtshungs mtshungs med la/ /rab tu mi sgul ri bo bzhin/ /gting tshod yangs pa rgya mtsho 'dra/ /mu stegs kun nas mi bskyod pa/ /chos rgyal khyod la phyag 'tshal lo/ /chos kyi 'khor lo bskor ba na/ /gzod nas zhi zhing ma skyes pa/ /rang bzhin mya ngan 'das pa yi/ /chos rnams mgon po khyod kyis bstan/ /la la la ni lam</font><hr>59.10b<br><font size=+1>

yang bstan/ /la la yang dag nyid la bkod/ /la la yang dag mya ngan bzlas/ /la la byang chub lung yang bstan/ /bag la nyal dang bsam pa mkhyen/ /khyed kyis mi mkhyen ci yang med/ /de phyir 'dul ba'i bya ba rnams/ /gzigs pas khyod kyi bka' 'grub bo/ /byang chub snying por bzhugs pa na/ /'dod chags zhe sdang gti mug dang / /dri ma sna tshogs gzhan rnams kyang / /khyod kyi ye shes me yis bsregs/ /rgal nas sems can rnams sgrol zhing / /grol nas skye gu sgrol mdzad de/ /srid pa'i mya ngan 'khyams pa yi/ /'jig rten tshol ba khyod lags so/ /srid pa'i btson rar sems can dag /yun ring mi shes gnyid log rnams/ /sad par mdzad pa mgon po khyod/ /gnyen gyur khyod la phyag 'tshal lo/ /khyod kyi sras mchog 'di dag kyang / /thams cad byang chub slad du zhugs/ /dam pa'i chos ni nyan 'tshal na/ /'dren pas de dag bstan du gsol/ /de nas bcom ldan 'das la byang chub sems dpa' sgrib pa thams cad rnam par sel bas tshul dang 'dra ba'i tshigs su bcad pa 'di dag gis mngon par bstod nas/ bcom ldan 'das kyis gnang ste pad ma'i snying po la phyogs gcig tu 'dug go/ /byang chub sems dpa' de dag thams cad kyang bcom ldan 'das kyis gnang nas pad ma'i snying po la so so ci rigs par 'khod do/ /de nas byang chub sems dpa' sgrib pa thams cad rnam par sel ba stan las langs te/ bla gos phrag pa gcig la gzar nas pus mo g.yas pa'i lha nga pad ma'i snying po la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bdag gi bcom ldan 'das de bzhin</font><hr>59.11a<br><font size=+1>

gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa' sgrib pa thams cad rnam par sel ba la 'di skad ces bka' stsal to/ /skyes bu dam pa khyod la de bzhin gshegs pa thams cad kyis rtag tu skabs phyes/ de bzhin gshegs pa la khyod ci dang ci 'dod pa dris shig dang / dris pa lung bstan pa de dang de nyid kyis ngas khyod kyi sems rangs par bya'o/ /bcom ldan 'das kyis skabs phye ba dang / bcom ldan 'das la byang chub sems dpa' sgribs pa thams cad rnam par sel bas 'di skad ces gsol to/ /bcom ldan 'das ji ltar na byang chub sems dpa' sems dpa' chen po sbyin pa phun sum tshogs pa rnams lags/ ji ltar na tshul khrims phun sum tshogs pa rnams lags/ ji ltar na bzod pa phun sum tshogs pa rnams lags/ ji ltar na brtson 'grus phun sum tshogs pa rnams lags/ ji ltar na bsam gtan phun sum tshogs pa rnams lags/ ji ltar na shes rab phun sum tshogs pa rnams lags/ ji ltar na thabs mkhas pa rnams lags/ ji ltar na smon lam phun sum tshogs pa rnams lags/ ji ltar na stobs phun sum tshogs pa rnams lags/ ji ltar na ye shes phun sum tshogs pa rnams lags/ bcom ldan 'das ji ltar na byang chub sems dpa' sa dang mtshungs pa rnams lags/ ji ltar na chu dang mtshungs pa rnams lags/ ji ltar na me dang mtshungs pa rnams lags/ ji ltar na rlung mar dang mtshungs pa rnams lags/ ji ltar na nam mkha' dang mtshungs pa rnams lags/ ji ltar na zla ba lta bu rnams lags/ ji ltar na nyi ma lta bu rnams lags/ ji ltar na seng ge lta bu rnams lags/ ji ltar na dul ba rnams lags/ ji ltar na cang shes pa rnams</font><hr>59.11b<br><font size=+1>

lags/ ji ltar na pad ma lta bu rnams lags/ bcom ldan 'das ji ltar na byang chub sems dpa' sems brgya che ba rnams lags/ ji ltar na sems rnam par dag pa rnams lags/ ji ltar na sems nem nur ma mchis pa rnams lags/ bcom ldan 'das ji ltar na byang chub sems dpa' blo rgya mtsho lta bu rnams lags/ ji ltar na blo bzhi pa rnams lags/ bcom ldan 'das ji ltar na byang chub sems dpa' rigs pa'i spobs pa can rnams lags/ ji ltar na grol ba'i spobs pa can rnams lags/ ji ltar na rnam par dag pa'i spobs pa can rnams lags/ ji ltar na sems can thams cad mgu bar byed pa'i spobs pa can rnams lags/ bcom ldan 'das ji ltar na byang chub sems dpa' tshig gzung ba rnams lags/ bcom ldan 'das ji ltar na byang chub sems dpa' chos brjod pa rnams lags/ ji ltar na chos kyi rjes su 'brang ba rnams lags/ ji ltar na chos kyi dbyings la mkhas pa rnams lags/ bcom ldan 'das ji ltar na byang chub sems dpa' stong pa nyid spyod yul ba rnams lags/ ji ltar na mtshan ma med pa la gnas pa la lags/ ji ltar na smon lam la gnas pa thams cad dang bral ba rnams lags/ ji ltar na byams pa'i bdag nyid can rnams lags/ ji ltar na snying rje'i bdag nyid can rnams lags/ ji ltar na dga' ba la gnas pa rnams lags/ ji ltar na btang snyoms la gnas pa rnams lags/ bcom ldan 'das ji ltar na byang chub sems dpa' mngon par/ shes pas rnam par rol pa rnams lags/ ji ltar na mi khom pa brgyad rnam par spangs pa rnams lags/ ji ltar na byang chub sems kyi ma stor ba rnams lags/ ji ltar na skye ba dran pa rnams lags/ </font><hr>59.12a<br><font size=+1>

ji ltar na dge ba'i bshes gnyen dang ma bral ba rnams lags/ ji ltar na sdig pa'i grogs po yongs su spangs pa rnams lags/ bcom ldan 'das ji ltar na byang chub sems dpa' de bzhin gshegs pa'i sku'i chos nyid 'thob par 'gyur/ ji ltar na lus rdo rje ltar sra ba rnams lags/ bcom ldan 'das ji ltar na byang chub sems dpa' ded dpon chen po rnams lags/ ji ltar na lam la mkhas pa rnams lags/ ji ltar na lam ma log par ston pa rnams lags/ bcom ldan 'das ji ltar na byang chub sems dpa' rtag tu rgyun mi 'chad par sems mnyam par bzhag pa rnams lags/ bcom ldan 'das ji ltar na byang chub sems dpa' phyag dar khrod pa rnams lags/ ji ltar na chos gos gsum pa rnams lags/ ji ltar na phying pa can rnams lags/ bcom ldan 'das ji ltar na byang chub sems dpa' bsod snyoms pa rnams lags/ ji ltar na stan gcig pa rnams lags/ ji ltar na zas phyis mi len pa rnams lags/ bcom ldan 'das ji ltar na byang chub sems dpa' dgon pa pa rnams lags/ ji ltar na shing drung pa rnams lags/ ji ltar na bla gab med pa pa rnams lags/ ji ltar na dur khrod pa rnams lags/ ji ltar na cog bu ba rnams lags/ ji ltar na gzhi ji bzhin pa rnams lags/ bcom ldan 'das ji ltar na byang chub sems dpa' rnal 'byor spyod pa rnams lags/ ji ltar na mdo sde 'dzin pa rnams lags/ ji ltar na 'dul ba 'dzin pa rnams lags/ ji ltar na cho ga dang / spyod yul dang / spyod pa dang / spyod lam phun sum tshogs pa rnams lags/ ji ltar na ser sna dang phrag dog dang bral ba rnams lags/ ji ltar na sems can thams</font><hr>59.12b<br><font size=+1>

cad la sems snyems pa rnams lags/ ji ltar na de bzhin gshegs pa la mchod pa dang rim 'gro bgyid mkhas pa rnams lags/ ji ltar na nga rgyal bcom pa rnams lags/ ji ltar na dad pa mang ba rnams lags/ ji ltar na kun rdzob la mkhas pa rnams lags/ ji ltar na don dam pa la mkhas pa rnams lags/ ji ltar na rten cing 'brel pa 'byung ba la mkhas pa rnams lags/ ji ltar na bdag shes pa rnams lags/ ji ltar na 'jig rten shes pa rnams lags/ bcom ldan 'das ji ltar na byang chub sems dpa' sangs rgyas kyi zhing yongs su dag par skye/ ji ltar na mngal gyi dri mas ma gos par skye/ ji ltar na khyim gyi gnas nas mngon par byung ba rnams lags/ ji ltar na 'tsho ba yongs su dag pa rnams lags/ ji ltar na yid yongs su mi skyo ba rnams lags/ ji ltar na de bzhin gshegs pa rnams kyi bka' bzhin bgyid pa rnams lags/ ji ltar na 'dzum zhing khro gnyer ma mchis pa rnams lags/ ji ltar na mang du thos pa rnams lags/ ji ltar na dam pa'i chos yongs su 'dzin pa rnams lags/ ji ltar na chos kyi rgyal po'i sras rnams lags/ ji ltar na brgya byin dang / tshangs pa dang 'jig rten skyong bas bstsu ba rnams lags/ ji ltar na bsam pa dang / bag la nyal 'tshal ba rnams lags/ ji ltar na sems can yongs su smin par bgyi ba'i cho ga 'tshal ba rnams lags/ ji ltar na des pa rnams lags/ ji ltar na 'grogs na bde ba rnams lags/ ji ltar na bsdu ba'i dngos po la mkhas pa lags/ ji ltar na tshul du shis pa rnams lags/ ji ltar na gnas bca' ba rnams lags/ ji ltar na rtsi'i rgyal po'i shing chen po lta bu rnams lags/ ji ltar na</font><hr>59.13a<br><font size=+1>

bsod nams bgyi ba la rtson pa rnams lags/ ji ltar na sprul pa la mkhas pa rnams lags/ bcom ldan 'das ji ltar na byang chub sems dpa' dag myur du bla na med pa yang dag par rdzogs pa'i byang chub mngon par rdzogs par 'tshang rgya/ de skad ces gsol pa dang / bcom ldan 'das kyis byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ /rigs kyi bu legs so legs so/ /yang rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang bad ba'i phyir zhugs shing / de ltar de bzhin gshegs pa la khyod 'di lta bu'i don dri bar sems pa legs so/ /rigs kyi bu de'i phyir legs par shin du nyon la yid la zung shig dang ngas khyod la bshad do/ /bcom ldan 'das legs so zhes byang chub sems dpa' sgrib pa thams cad rnam par sel bas bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ /rigs kyi bu chos bcu dang ldan na byang chub sems dpa' sbyin pa phun sum tshogs pa rnams yin no/ /bcu gang zha na/ 'di lta ste/ chos kyi sbyin pa phun sum tshogs pa rnams yin/ mi 'jigs pa'i sbyin pa phun sum tshogs pa rnams yin/ zang zing gi sbyin pa phun sum tshogs pa rnams yin/ lan du phan 'dogs pa la mi re ba'i sbyin pa phun sum tshogs pa rnams yin/ snying rje ba'i sbyin pa phun sum tshogs pa rnams yin/ mi brnyas pa'i sbyin pa phun sum tshogs pa rnams yin/ sti stang gi sbyin pa phun sum tshogs pa rnams yin/ mchod pa dang rim gro'i sbyin pa phun sum</font><hr>59.13b<br><font size=+1>

tshogs pa rnams yin/ mi gnas pa'i sbyin pa phun sum tshogs pa rnams yin/ yongs su dag pa'i sbyin pa phun sum tshogs pa rnams yin no/ /rigs kyi bu de la ji ltar na byang chub sems dpa' chos kyi sbyin pa phun sum tshogs pa yin zhe na/ rigs kyi bu 'di la byang chub sems dpa' zang zing med pa'i sems kyis chos rnams 'dzin cing kun chub par byed de/ rnyed pa dang bkur sti'i phyir ma yin/ shes kyi khe 'dod pa'i phyir ma yin/ grags pa 'dod pa'i phyir ma yin te/ gzhan du ni 'di ltar sems can 'di dag gi sdug bsngal thams cad ji ltar zad par bya snyam ste/ chos de dag kyang zang zing med pa'i sems kyis gnyis su med par gzhan dag la yang dag par ston te/ /ji ltar rgyal po 'am/ blon po chen po la yang dag par ston pa de ltar gdol pa 'am/ gdol bu la yang dag par stan na/ de ma yin pa grong pa dang yul gyi mi gzhan dag lta ci smos/ chos kyi sbyin pa des khengs par yang mi 'gyur te/ rigs kyi bu de ltar na byang chub sems dpa' chos kyi sbyin pa phun sum tshogs pa yin no/ /ji ltar na byang chub sems dpa' mi 'jigs pa'i sbyin pa phun sum tshogs pa yin zhe na/ rigs kyi bu 'di la byang chub sems dpa' bdag gis dbyig pa bor ba dang / mtshon cha bor ba yin te/ gzhan dag kyang bslab pa de nyid la gzhog go/ /se sems can thams cad la phar 'du shes pa yin/ mar 'du shes pa yin/ bur 'du shes pa yin/ gnyen bshes su 'du shes pa yin/ nye du 'am snag gi gnyen mtshams dag kyang rung bar 'du shes pa yin no/ /de ci'i phyir zhe na/ de 'di snyam du sems te/ de bzhin gshegs pas kyang skye ba 'pho ba de dang de dag tu sems can gyi ris su gang khyod kyi pha 'am/ ma 'am bu 'am/ gnyen</font><hr>59.14a<br><font size=+1>

bshes sam/ nye du 'am/ snag gi gnyen mtshams dag gang yang rung ba'i gnas su ma gyur pa'i phyir sems can de lta bu med do zhes gsungs so snyam nas/ de srog chags su gyur pa phra mo'i phyir yang bdag gi sha dag gis kyang phan 'dogs na/ srog chags chen po ba gzhan la lta ci smos te/ de ltar na byang chub sems dpa' mi 'jigs pa sbyin pa phun sum tshogs pa yin no/ /ji ltar na byang chub sems dpa' zang zing gi sbyin pa phun sum tshogs pa yin zhe na/ rigs kyi bu 'di la byang chub sems dpa' sems can gang mi dge ba'i las byed pa rab tu mthong na/ de dag zang zing gis sdud cing / zang zing gis bsdus nas mi dge ba'i gnas de nas bslang ste/ dge ba'i gnas su 'god do/ /de yang 'di snyam du sems te/ bcom ldan 'das kyis kyang sbyin pa ni byang chub sems dpa'i byang chub bo/ /byang chub sems dpa' sbyin pa sbyin pa na mi dge ba'i chos phrag dog dang / ser sna dang / ngan sems gsum spangs pa yin no zhes gsungs te/ de bas na bdag gis de bzhin gshegs pa'i rjes su bslab cing sbyin pa sbyin par bya'o snyam ste/ de sbyin pa yang sbyin zhing sbyin pa des khengs par yang mi 'gyur te/ de ltar na byang chub sems dpa' zang zing gi sbyin pa phun sum tshogs pa yin no/ /ji ltar na byang chub sems dpa' lan du phan 'dogs pa la mi re ba'i sbyin pa phun sum tshogs pa yin zhe na/ byang chub sems dpa' sbyin pa sbyin pa yang 'dod pa'i phyir sbyin pa mi sbyin/ phan 'dogs su re ba'i phyir ma yin/ don gyi phyir ma yin/ g.yog gi phyir ma yin/ 'jig rten gyi tshul gyi phyir ma yin gyi/ gzhan du na 'di snyam du sems te/ gang byang chub sems dpa' sbyin pa'i ngang tshul can du 'gyur ba 'di ni chos nyid yin</font><hr>59.14b<br><font size=+1>

no snyam te/ de de'i rgyu de'i kyen de'i gzhis phan btags pa'i lan du phan 'dogs pa thams cad la mi re bar sbyin pa sbyin par byed de/ de ltar na byang chub sems dpa' lan du phan 'dogs pa la mi re ba'i sbyin pa phun sum tshogs pa yin no/ /ji ltar na byang chub sems dpa' snying rje ba'i sbyin pa phun sum tshogs pa yin zhe na/ 'di la byang chub sems dpa' sems can sdug bsngal ba dang / bkres pa dang / skom pa dang / gcer bu dang / gos ngan pa dang / bgo ba ngan pa dang / mgon med pa dang / dpung gnyen med pa dang / skyabs med pa dang / gnas med pa dang / rten med pa lta bu bsod nams med pa dag mthong na/ de dag la snying rje' ba'i sems rab tu bskyed cing / de 'di snyam du sems can gang dag gi phyir bdag gis bla na med pa yang dag par rdzogs pa'i byang chub tu sems bskyed pa'i sems can de dag ni sdug bsngal ba/ mgon med pa/ dpung gnyen med pa/ skyabs med pa/ gnas med pa/ rten med pa 'di dag yin te/ kun du 'khyam na nam zhig bdag sems can de dag gi mgon dang / dpung gnyen dang / skyabs dang / gnas dang / rten du 'gyur snyam nas/ de snying rje bas rab tu mi bzad de/ bdog pa ci yod pa'i dngos pos sems can de dag la phan 'dogs so/ /phan btags pa'i mod la skyed pa'i dge ba'i rtsa ba des kyang khengs par mi 'gyur te/ de ltar na byang chub sems dpa' snying rje ba'i sbyin pa phun sum tshogs pa yin no/ /ji ltar na byang chub sems dpa' mi brnyas pa'i sbyin pa phun sum tshogs pa yin zhe na/ byang chub sems dpa' sbyin pa sbyin pa na/ bor ba'i sbyin pa mi sbyin/ brnyas shing sbyin pa mi sbyin/ gshe zhing sbyin pa mi sbyin/ nyon mongs shing sbyin pa mi sbyin/ rtag pas rgyags shing dregs te sbyin pa mi sbyin/ grags pa 'dod cing sbyin pa mi sbyin/ mang du thos</font><hr>59.15a<br><font size=+1>

pas rgyags shing dregs pas sbyin pa mi sbyin gyi/ ci sbyin pa de yang sti stang du byas shing sbyin pa sbyin par byed do/ /btsun par byas shing sbyin pa sbyin par byed do/ /ri mor byas shing sbyin pa sbyin par byed do/ /de ltar na byang chub sems dpa' mi brnyas pa'i sbyin pa phun sum tshogs pa yin no/ /ji ltar byang chub sems dpa' sti stang gi sbyin pa phun sum tshogs pa yin zhe na/ byang chub sems dpas slob dpon dang / mkhan po dang / bla ma lta bu dang / tshangs pa mtshungs par spyod pa dag mthong na/ lus kyis gus pa dang bcas pa yin/ sems kyis ri mo dang bcas pa yin te/ des gus pa bskyed/ ri mo bskyed nas gus par smra ba dang / phyag 'tshal ba dang / bstsu ba dang / thal mo sbyar ba dang / 'dud pa'i las dag byed do/ /de dag gi dge ba dang ldan pa'i bya ba de dang de dag la yang grogs su 'gyur te/ de ltar na byang chub sems dpa' sti stang gi sbyin pa phun sum tshogs pa yin no/ /ji ltar na byang chub sems dpa' mchod pa dang rim gro'i sbyin pa phun sum tshogs pa yin zhe na/ byang chub sems dpa' sangs rgyas dang / chos dang dge 'dun la bya ba dag byed de/ ji ltar na sangs rgyas la bya ba dag byed ce na/ 'di lta ste/ de bzhin gshegs pa'i mchod rten dag dang / de bzhin gshegs pa'i sku gzugs la spos dang / me tog gam bdug pa 'am/ byug pa 'am/ brkyang nul lam/ de bzhin gshegs pa'i mchod rten zhig pa bcos pa dag gis te/ de ltar na sangs rgyas la bya ba dag byed do/ /ji ltar na chos la bya ba dag byed ce na/ de chos nyan to/ /klog go 'chang ngo yi ger 'dri'o/ /kha ton byed do/ /kun chub par byed do/ /sems so/ /ma log par sgom pa'i sbyor bas goms par byed de/ de ltar na chos la bya ba dag byed do/ /ji ltar na dge 'dun la bya ba dag byed ce na/ de gos dang / bsod snyoms</font><hr>59.15b<br><font size=+1>

dang / mal cha dang / na ba'i rkyen sman dang / yo byad rnams dang / chung ngu na chu grang mo khyor gang tsam yang dge 'dun la 'bul te/ de ltar na dge 'dun la bya ba dag byed de/ de ltar na byang chub sems dpa' mchod pa dang rim gro'i sbyin pa phun sum tshogs pa yin no/ /ji ltar na byang chub sems dpa' mi gnas pa'i sbyin pa phun sum tshogs pa yin zhe na/ 'di la byang chub sems dpa' sbyin pa sbyin pa na/ sbyin pa 'dis bdag lha 'am lha la la zhig tu shog shig ce 'am/ rgyal po 'am rgyal po la la zhig tu shog shig ces de ltar sems mi skyed de/ de ltar na byang chub sems dpa' mi gnas pa'i sbyin pa phun sum tshogs pa yin no/ /rigs kyi bu ji ltar na byang chub sems dpa' yongs su dag pa'i sbyin pa phun sum tshogs pa yin zhe na/ rigs kyi bu 'di la byang chub sems dpa' sbyin pa 'di dag ji skad du bshad pa la so sor rtog pa'i rang bzhin can yin te sbyin pa ci dang ci sbyin pa de dang de la so sor rtog pa'i rang bzhin can yin no/ /de de ltar so sor rtog pa la gang 'di sbyin pa'i nyes pa dang / sbyin pa'i dri ma dang / sbyin pa'i bar du gcod pa de dag mi 'byung ste/ de ltar na rigs kyi bu byang chub sems dpa' yongs su dag pa'i sbyin pa phun sum tshogs pa yin no/ /rigs kyi bu chos bcu po de dag dang ldan na byang chub sems dpa' sbyin pa phun sum tshogs pa rnams yin no/ /rigs kyi bu chos bcu dang ldan na byang chub sems dpa' tshul khrims phun sum tshogs pa rnams yin no/ /bcu gang zhe na/ 'di lta ste/ so sor thar pa'i sdom pas bsdams pa rnams yin/ byang chub sems dpa'i bslab pa'i sdom pas bsdams pa rnams yin/ nyon mongs pa thams cad kyi yongs su gdung ba dang bral ba rnams yin/ tshul bzhin ma yin pa yid la byed pa dang bral ba rnams yin/ las kyis 'jigs</font><hr>59.16a<br><font size=+1>

pa rnams yin/ kha na ma tho bas 'jigs pa rnams yin/ 'jigs par lta ba rnams yin/ yang dag par blangs pa la brtan pa rnams yin/ mi gnas pa'i tshul khrims pa rnams yin/ 'khor gsum yongs su dag pa'i tshul khrims rnams yin no/ /rigs kyi bu de la ji ltar na byang chub sems dpa' so sor thar pa'i sdoms pas bsdams pa yin zhe na/ rigs kyi bu 'di la byang chub sems dpa' de bzhin gshegs pas mdo sde 'am/ 'dul ba 'am/ gnas gang yang rung ba la la dag tu bslab pa'i gnas 'di dag gang bcas pa de dag ston pas bstan pa'o snyam du sems te/ gnas de dang de dag la shin du legs par slob kyi/ rigs la 'dod chags pas ma yin/ lta ba la 'dod chags pas ma yin/ 'khor la 'dod chags pas ma yin/ gang zag gi skyon kyi phyir bslab pa'i gnas de dang de dag la ri mo byed pa ma yin te/ de ltar na byang chub sems dpa' so sor thar pa'i sdom pas bsdams pa yin no/ /ji ltar na byang chub sems dpa' byang chub sems dpa'i bslab pa'i sdom pas bsdams pa yin zhe na/ 'di la byang chub sems dpa' 'di snyam du so sor thar pa'i sdom pa tsam gyis ni/ bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus kyis/ de bzhin gshegs pas mdo sde de dang de dag las byang chub sems dpa'i yang dag par spyad pa dang / byang chub sems dpa'i bslab pa'i gnas 'di dag gang bcas pa de dag la bdag gis bslab par bya'o zhes rnam par dpyod do/ /byang chub sems dpa'i yang dag par spyad pa de dag ni gang byang chub sems dpa'i bslab pa'i gnas de rnams kyang gang zhe na/ 'di la byang chub sems dpa' gang gi phyir de la sems can rnams ma dad par 'gyur ba'i gnas ma yin par</font><hr>59.16b<br><font size=+1>

mi spyod/ yul ma yin par mi spyod/ dus ma yin par mi smra ba yin/ dus mi shes pa ma yin/ yul mi shes pa ma yin/ tshod mi shes pa ma yin te/ de sems can rjes su bsrung ba dang / bdag gi byang chub kyi tshogs yongs su rdzogs par bya ba'i spyod lam phun sum tshogs shing 'jam par smra ba dang / dal bus smra ba dang / 'du 'dzi mi mang ba dang / rab tu dben pa la mngon par phyogs pa dang / bzhin gyi mdangs rab tu dang ba yin te/ de ltar na byang chub sems dpa' cho ga phun sum tshogs pa yin no/ /ji ltar na byang chub sems dpa' byang chub sems dpa'i bslab pa'i sdom pas bsdams pa yin zhe na/ de bzhin gshegs pas mdo sde de dag la byang chub sems dpa' rnams kyis bslab pa'i gnas 'di dag gang bcas pa'i gnas de dag la gus par byed pa yin/ brtson par byed pa yin te/ de ltar na byang chub sems dpa' byang chub sems dpa'i bslab pa'i sdom pas bsdams pa yin no/ /ji ltar na byang chub sems dpa' nyon mongs pa thams cad kyis yongs su gdung ba dang bral ba yin zhe na/ 'di la byang chub sems dpa' 'dod chags kyi yongs su gdung ba 'am/ zhe sdang gis yongs su gdung ba 'am/ gti mug gis yongs su gdung ba 'am nyon mongs pa'i yongs su gdung ba gang yang rung ba la la 'am/ yo byad kyis phongs pa'i yongs su gdung ba gang yang rung ba la las yongs su gdung bar mi 'gyur te/ de 'dod chags kyi gnyen po la rten cing 'dod chags skye ba'i rkyen rnams yongs su spong ngo / /'dod chags kyi gnyen po de ni gang 'dod chags skye ba'i rkyen de dag ni gang zhe na/ mi sdug pa sgom pa ni 'dod chags kyi gnyen po'o/ /skye bo bzang mo ni 'dod chags skye ba'i rkyen to/ /mi sdug pa bsgom pa de gang zhe na/ 'di lta ste/ lus 'di la skra dang spu dang / </font><hr>59.17a<br><font size=+1>

sen mo dang so dang rngul dang dri ma dang / lpags pa dang sha dang / rus pa dang rgyus pa dang rtsa dang mkhal ma dang snying dang mchin pa dang glo ba dang rgyu ma dang / gnye ma dang pho ba dang sul mangs dang long ka dang lgang pa dang mtsher pa dang phyi sa dang mchil ma dang rdul dang snabs dang ngar snabs dang zhag dang chu ser dang rkang dang tshil dang mkhris pa dang bad kan dang rnag khrag dang glad pa dang glad rgyas dang gcin dag yod de/ dngos po de dag la byang chub sems dpa' yongs su rtog pa'i rang bzhin can yin te/ yongs su rtog pa'i rang bzhin can de 'di snyam du byis pa blun po mi gsal ba mi mkhas pa de yang dngos po 'di dag shes nas/ 'dod chags kyi sems mi skyed na/ shes rab dang ldan pa'i rang bzhin can lta smos kyang ci dgos snyam ste/ de ltar na byang chub sems dpa' mi sdug pa sgom pa mang ba yin no/ /skye bo bzang mo de gang zhe na/ 'di la byang chub sems dpas chags par 'gyur ba'i bud med gzugs bzang ba/ yid du 'ong ba/ mdzes pa/ mig tu sdug pa/ sems 'phrog pa mthong yang des de lta bu dag mthong na 'di ltar yongs su rtog ste/ bcom ldan 'das kyis kyang yul ni rmi lam dang 'dra ba dag ste/ byung nas med par 'gyur ba yin na mkhas pa'i rang bzhin can su zhig rmi lam lta bu'i yul dag la 'dod chags skyed par byed ces gsungs so snyam ste/ de ltar na byang chub sems dpa' 'dod chags kyi gnyen po la sten cing 'dod chags skye ba'i rkyen rnams yongs su spong ngo / /ji ltar na byang chub sems dpa'i zhe sdang gi gnyen po la sten cing zhe sdang skye ba'i rkyen rnams yongs su spong zhe na/ 'di la byang chub sems dpa' sems can rnams la byams pa mang ba yin te/ de gzhi gang dang rgyu gang dang rkyen gang gis khro zhing gnod sems su 'gyur ba dang / khon du 'dzin</font><hr>59.17b<br><font size=+1>

par 'gyur ba'i rgyu de dag dang / rkyen de dag yongs su spang te/ de ltar na byang chub sems dpa' zhe sdang gi gnyen po la rten cing zhe sdang skye ba'i rkyen rnams yongs su spong ba yin no/ /de de ltar yongs su rtog pas gti mug dang bral bar 'gyur ro/ /gti mug dang bral bas 'dod pa ma 'byor tam/ yo byad ma 'byor kyang yongs su yi 'chad pa med de/ de ltar na byang chub sems dpa' nyon mongs pa thams cad kyi yongasu su gdung ba dang bral ba yin no/ /ji ltar na byang chub sems dpa' tshul bzhin ma yin pa'i yid la byed pa dang bral ba yin zhe na/ 'di la byang chub sems dpa' gcig pu lkog tu song ste/ rab tu dben la gnas shing 'di ltar bdag ni ma 'dres par gnas pa ste/ bdag ni rab tu dben pa na 'dug pa'o/ /bdag ni de bzhin gshegs pa'i chos 'dul ba la zhugs pa'o/ /dge sbyong ngam/ bram ze gzhan dag ni kun kyang 'dres par gnas pa/ 'du 'dzi mang ba/ de bzhin gshegs pa'i chos 'dul ba las nyams pa'o snyam du sems mi skyed de/ de ltar na byang chub sems dpa' tshul bzhin ma yin pa yid la byed pa dang bral ba yin no/ /ji ltar na byang chub sems dpa' las kyis 'jigs pa yin zhe na/ 'di la byang chub sems dpa' 'di ltar bcom ldan 'das kyis kyang dge slong rnams bsod nams dag gus par bya'o/ /tshul khrims gus par srung ngo / /shes rab gus par bsgom mo/ /de ci'i phyir zhe na/ bsod nams gus par byas pa rnams kyi rnam par smin pa ni 'dod pa dang / 'thad pa dang / dga' ba dang / yid du 'ong bar nyams su myong bar 'gyur ro zhes gsungs so snyam du dpyod de/ de de ltar mngon par yid ches pas mi dge ba'i chos thams cad dang bral bar 'gyur te/ de ltar na las kyis 'jigs pa yin no/ /</font><hr>59.18a<br><font size=+1>

ji ltar na byang chub sems dpa' kha na ma tho bas 'jigs pa yin zhe na/ 'di la byang chub sems dpa' kha na ma tho ba phra mo tsam dag la yang 'jigs par lta zhing sdig pa chung ngu yang khyad du mi gsod pa yin te/ de 'di snyam du bcom ldan 'das kyis kyang dge slong dag dug chung ngus kyang skyes bu 'chi bar 'gyur ro/ /dge slong dag dug chen pos kyang skyes bu 'chi bar 'gyur ro/ /de bzhin du sdig pa chen pos kyang ngan song rnams su phyin par byed do/ /sdig pa chung ngus kyang ngan song rnams su phyin par byed do zhes gsungs so snyam du sems te/ de de ltar yongs su rtog pas kha na ma tho bas 'jigs pa yin te/ de ltar na byang chub sems dpa' kha na ma tho bas 'jigs pa yin no/ /ji ltar na byang chub sems dpa' 'jigs par lta ba yin zhe na/ 'di la byang chub sems dpa' bram ze dang / rgyal rigs dang / grong pa dang / yul gyi mi rnams kyis yid brtan du rung ba yin te/ bram ze dang / rgyal rigs dang / grong pa dang / yul gyi mi rnams byang chub sems dpa' de gcig pu gnyis su med pa la 'gron bu dang / gser dang nor bu dang mu tig dang bai dUr+ya dang / dung dang / man shel dang byi ru la sogs pa nor dang / yo byad kyi rnam pa dag 'doms kyang / de la byang chub sems dpa' brnab sems kyang mi skyed do/ /gal te byang chub sems dpa' mchod rten gyi 'am/ dge 'dun gyi dngos po'i phyir las su bskos na yang dngos po des kyang nye bar mi 'tsho ste/ de 'di snyam du sems shing bcom ldan 'das kyis kyang byang chub sems dpas ni bdag gi lus las sha zos kyang bla'i gzhan gyi zas sam/ skom 'am/ yo byad kyi rnam pa gang ci yang rung ba dag ma byin la/ ma gnang bar spyad pa ni</font><hr>59.18b<br><font size=+1>

mi rung ngo zhes gsungs so snyam ste/ de ltar na byang chub sems dpa' 'jigs par lta ba yin no/ /ji ltar na byang chub sems dpa' yang dag par blangs pa la brtan pa yin zhe na/ 'di la byang chub sems dpa' bdud kyi ris kyi lha rnams kyis gtses sam/ nor dang / 'khrig pa'i yan lag gis brjod kyang mi g.yo mi 'gyur zhing nyams par mi 'gyur te/ de ltar na byang chub sems dpa' yang dag par blangs pa la brtan pa yin no/ /ji ltar na byang chub sems dpa' mi gnas pa'i tshul khrims pa yin zhe na/ 'di la byang chub sems dpa' tshul khrims srung na/ tshul khrims 'dis bdag lhar shog shig ce 'am/ lha la lar shog shig ce 'am/ rgyal por shog shig ce 'am/ rgyal po la lar shog shig ces sems mi skyed de/ de ltar na byang chub sems dpa' mi gnas pa'i tshul khrims pa yin no/ /rigs kyi bu ji ltar na byang chub sems dpa' 'khor gsum yongs su dag pa'i tshul khrims pa yin zhe na/ 'di la byang chub sems dpa' lus kyis yongs su dag pa yin/ ngag dang yid kyis yongs su dag pa yin te/ ji ltar na lus kyis yongs su dag pa yin zhe na/ de gang lus kyis ngan du spyod pa 'di dag thams cad du thams cad yongs su spong ste/ lus kyi ngan du spyod pa de dag kyang gang zhe na/ 'di lta ste srog gcod pa dang / ma byin par len pa dang / 'dod pa la log par g.yem pa ste/ de ltar na lus kyis yongs su dag pa yin no/ /ji ltar na ngag gis yongs su dag pa yin zhe na/ de gang 'di dag ngag gi ngan du spyod pa de dag thams cad du thams cad yongs su spong ste/ ngag gis ngan du spyod pa de dag kyang gang zhe na/ 'di lta ste/ brdzun du smra ba dang phra ma dang tshig rtsub po dang / tshig kyal pa ste/ de ltar na</font><hr>59.19a<br><font size=+1>

ngag gis yongs su dag pa yin no/ /ji ltar na yid kyis yongs su dag pa yin zhe na/ de gang 'di dag yid kyis ngan du spyod pa de dag thams cad du thams cad yongs su spong ste/ yid kyi ngan du spyod pa de dag kyang gang zhe na/ 'di lta ste/ brnab sems dang / gnod sems dang / log par lta ba'o/ /de ltar na yid kyis yongs su dag pa yin te/ rigs kyi bu de ltar na byang chub sems dpa' 'khor gsum yongs su dag pa'i tshul khrims can yin no/ /rigs kyi bu chos bcu po de dag dang ldan na byang chub sems dpa' tshul khrims phun sum tshogs pa rnams yin no/ /rigs kyi bu chos bcu dang ldan na/ byang chub sems dpa' bzod pa phun sum tshogs pa rnams yin no/ /bcu gang zhe na/ 'di lta ste nang gi bzod pa phun sum tshogs pa rnams yin/ phyi'i bzod pa phun sum tshogs pa yin/ chos kyi bzod pa phun sum tshogs pa rnams yin/ sangs rgyas kyis gnang ba'i bzod pa phun sum tshogs pa rnams yin/ nyi tshe ba ma yin pa'i bzod pa phun sum tshogs pa rnams yin/ tha dad med pa'i bzod pa phun sum tshogs pa rnams yin/ dgos pa la mi lta ba'i bzod pa phun sum tshogs pa rnams yin/ rnam par mi 'khrugs pa'i bzod pa phun sum tshogs pa rnams yin/ snying rje'i bzod pa phun sum tshogs pa rnams yin/ dam bcas pa las sgrol bar byed pa'i bzod pa phun sum tshogs pa rnams yin no/ /rigs kyi bu de la ji ltar na byang chub sems dpa' nang gi bzod pa phun sum tshogs pa yin zhe na/ rigs kyi bu 'di la byang chub sems dpa' gang 'di nang gi mya ngan dang / smre sngags 'don pa dang / sdug bsngal ba dang / yid</font><hr>59.19b<br><font size=+1>

mi bde ba dang / 'khrug pa de dag bzod cing dang du len la yongs su yi mi 'chad de/ de ltar na byang chub sems dpa' nang gi bzod pa phun sum tshogs pa yin no/ /ji ltar na byang chub sems dpa' phyi'i bzod pa phun sum tshogs pa yin zhe na/ 'di la byang chub sems dpa' ma las smos pa 'am/ pha las smos pa 'am/ nye du las smos pa 'am/ mkhan po las smos pa 'am/ slob dpon las smos pa'i tshig gi lam ngan du brjod pa dang / ngan du smras pa pha rol las thos sam/ sangs rgyas sam/ chos sam/ dge 'dun la mi snyan par brjod pa thos na/ mi khro zhing gnod par mi sems la khon du mi 'dzin te/ de bzod cing dang du len la gnod sems mi mang ba yin te/ de ltar na byang chub sems dpa' phyi'i bzod pa phun sum tshogs pa yin no/ /ji ltar na byang chub sems dpa' chos kyi bzod pa phun sum tshogs pa yin zhe na/ 'di la byang chub sems dpa' gang 'di dgra mdo sde zab mo zab mo dag las de bzhin gshegs pas chos bstan pa rgyud chad pa/ mtshams sbyor ba las rnam par grol ba bsdur med pa 'di lta ste/ chos thams cad thog ma nas zhi ba'o/ /chos thams cad rang bzhin gyis mya ngan las 'das pa'o zhes bstan pa de dag thos kyang mi 'jigs mi dngang skrag par mi 'gyur te chos 'di dag ma shes ma thos par ni bla na mad pa yang dag par rdzogs pa'i byang chub mngon par 'tshang rgya bar mi nus so/ /snyam du sems te/ de'i phyir gang chos 'di dag 'dzin pa dang / sems pa dang / sgom pa dang / yongs su klog pa dang / mos pa 'di ni chos kyi bzod pa zhes bya ste/ de ltar na byang chub sems dpa' chos kyi bzod pa phun sum tshogs pa yin no/ /ji ltar na byang chub sems dpa' sangs rgyas kyis gnang ba'i bzod pa phun</font><hr>59.20a<br><font size=+1>

sum tshogs pa yin zhe na/ 'di la byang chub sems dpa' khro ba'i bsam pa skyes sam/ gnod sems kyi bsam pa skyes na/ 'di ltar khro ba 'di gang nas byung / gang du 'gag /gang las 'byung / ji ltar 'byung / ji'i don du 'byung zhes yongs su rtog ste/ des de ltar yongs su brtags na/ khro ba'i skye ba 'ang yang dag par rjes su mi mthong / 'gag pa 'ang yang dag par rjes su mi mthong / gang la skye ba de yang yang dag par rjes su mi mthong ji ltar skye ba de yang yang dag par rjes su mi mthong / rkyen gang gis skye ba yang yang dag par rjes su mi mthong ste/ de de'i phyir bzod cing dang du len la kun nas ldang ba mi mnga' ba yin te/ de ltar na byang chub sems dpa' sangs rgyas kyis gnang ba'i bzod pa phun sum tshogs pa yin no/ /ji ltar na byang chub sems dpa' nyi tshe ba ma yin pa'i bzod pa phun sum tshogs pa yin zhe na/ byang chub sems dpa' ni nyin par bzod la mtshan mo mi bzod pa 'am/ mtshan mo bzod la nyin par mi bzod pa 'am/ bdag gi yul na bzod la gzhan gyi yul na mi bzod pa 'am/ gzhan gyi yul na bzod la bdag gi yul na mi bzod pa 'am/ bshes pa la bzod la mi bshes pa la mi bzod pa 'am/ mi bshes pa la bzod la bshes pa la mi bzod pa ma yin gyi/ byang chub sems dpa' ni dus thams cad du'ang bzod/ yul thams cad du 'ang bzod/ thams cad la 'ang bzod pa yin te/ de ltar na byang chub sems dpa' nyi tshe ba ma yin pa'i bzod pa phun sum tshogs pa yin no/ /ji ltar na byang chub sems dpa' tha dad pa med pa'i bzod pa phun sum tshogs pa yin zhe na/ 'di la byang chub sems dpa' pha dang / ma dang bla ma dang bu dang bu mo dang chung ma dang nye du dang snag gi gnyen mtshams la bzod la/ gzhan la mi bzod pa ma yin</font><hr>59.20b<br><font size=+1>

gyi/ byang chub sems dpa' ni tha na gdol pa gzhon nu yan chad la yang bzod de/ de ltar na byang chub sems dpa' tha dad pa med pa'i bzod pa phun sum tshogs pa yin no/ /ji ltar na byang chub sems dpa' dgos pa la mi lta ba'i bzod pa phun sum tshogs pa yin zhe na/ 'di la byang chub sems dpa' don gyi phyir bzod pa ma yin/ 'jigs pa'i phyir ma yin/ phan thogs su re ba'i phyir ma yin/ 'jig rten gyi tshul gyis ma yin no/ /ngo tsha bas bzod pa ma yin gyi/ byang chub sems dpa' ni rtag par yang bzod pa mang ba yin te/ de ltar na byang chub sems dpa' dgos pa la mi lta ba'i bzod pa phun sum tshogs pa yin no/ /ji ltar na byang chub sems dpa' rnam par mi 'khrugs pa'i bzod pa phun sum tshogs pa yin zhe na/ 'di la byang chub sems dpa' dgos la khro ba skye ba'i rkyen gang gis zil kyis non na/ khu tshur gyis 'tshog par 'gyur ba 'am/ thal mos 'tshog par 'gyur ba 'am/ dbyig pas rdeg par 'gyur ba 'am/ mtshon gyis 'debs par 'gyur ba 'am/ mi gtsigs pa'i tshig gis don du brjod par de lta bu'i rkyen ma byung gi bar du bzod pa ma yin gyi/ byang chub sems dpa' ni gal te la la zhig gis brdegs sam/ bsdigs sam/ spyos sam brgyab na/ de la byang chub sems dpa' 'di snyam du bdag nyid kyis las 'di dag byas te/ bdag nyid la rnam par smin par 'gyur ro/ /mas ma byas/ phas ma byas/ nye du dang / snag gi gnyen mtshams gang yang rung ba dag gis ma byas te/ las 'di dag bdag nyid kyis byas pas/ de'i phyir bdag nyid la rnam par smin par 'gyur gyi/ phyi rol gyi sa'i khams la rnam par smin par mi 'gyur/ </font><hr>59.21a<br><font size=+1>

de bzhin du chu'i khams dang / me'i khams dang / rlung gi khams la rnam par smin par mi 'gyur ro/ /de bzhin du nang gi sa'i khams la rnam par smin par mi 'gyur/ de bzhin du chu'i khams dang / me'i khams dang / rlung gi khams la rnam par smin par mi 'gyur ro snyam du sems gzhag par bya'o/ /de de ltar ma log par rtog pas de'i rgyu de'i rkyen/ de'i gzhis rnam par dkrugs kyang bzod/ rnam par ma dkrugs kyang bzod de/ de ltar na byang chub sems dpa' rnam par ma 'khrug pa'i bzod pa phun sum tshogs pa yin no/ /ji ltar na byang chub sems dpa' snying rje'i bzod pa phun sum tshogs pa yin zhe na/ 'di la byang chub sems dpa' rgyal po 'am/ blon po chen po phyug cing nor mang ba/ longs spyod che ba/ sems can sdug bsngal ba rnams kyi bdag por gyur la/ de la sems can de dag gis mi snyan par brjod kyang rung / kyal kyang rung / gtses kyang rung ste/ mi khro zhing gnod sems su mi byed la/ bdag por gyur pa lta bur mi ston gyi/ gzhan du na de 'di snyam du sems can 'di dag ni bdag nyid kyis bzung ba ste/ sems can 'di dag ni bdag nyid kyis yongs su bskyang par bya ba yin la/ de ltar yongs su bsrung ba na/ brlag par bya ba ni bdag gi mi cha'o zhes/ de de'i phyir snying rje'i sems nye bar gzhag ste/ bzod cing dang du len la gnod sems mi mang ba yin te/ de ltar na byang chub sems dpa' snying rje'i bzod pa phun sum tshogs pa yin no/ /rigs kyi bu ji ltar na byang chub sems dpa' dam bcas pa las sgrol ba'i bzod pa phun sum tshogs pa yin zhe na/ 'di la byang chub sems dpa' 'di snyam du bdag gis de bzhin gshegs pa dgra</font><hr>59.21b<br><font size=+1>

bcom pa yang dag par rdzogs pa'i sangs rgyas de dag gi spyan sngar bdag gis bla na med pa yang dag par rdzogs pa'i byang chub mngon par rdzogs par sangs rgyas te/ 'khor ba'i rgya mtsho'i 'dam du bying ba'i sems can rnams bsgral bar bgyi'o zhes seng ge'i sgra bsgrags kyis/ de ltar na sems can thams cad bsgral ba dang / sems can thams cad dgrol ba dang / sems can thams cad dul ba dang / zhi ba la rab tu bkod par brtson pa la/ bdag nyid khro ba med pa dang / gnod sems med pa dang / mi bzod pa mang ba dang / phog snya byed pa ni bdag gi mi cha'o snyam du sems so/ /rigs kyi bu 'di lta ste/ dper na sman pa thur ma can zhig yod la/ sems can rnams kyang rab rib kyis ldongs par gyur nas/ sman pa des 'di snyam du bdag gis sems can 'di dag gi rab rib kyi skyon bsal bar bya'o/ /zhes bsams la/ de nas sman pa de bdag nyid kyang ldongs par gyur na/ rigs kyi bu de ji snyam du sems/ ji ga sman pa des sems can de dag gi rab rib kyi skyon thams cad bsal bar nus sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rigs kyi bu de bzhin du byang chub sems dpa' yang 'di ltar 'jig rten mi shes pa'i rab rib kyis ldongs pa'i gti mug gi dri ma shes rab kyi mig gis bsal bar 'dod la/ bdag nyid kyang mi shes pa'i rab rib kyas ldongs na bdag gi mi cha'o snyam du sems te/ de de'i phyir bzod cing dang du len la gnod sems mi mang ba yin te/ de ltar na byang chub sems dpa' dam bcas pa las sgrol bar byed pa'i bzod pa phun sum tshogs pa yin no/ /rigs kyi bu chos bcu po de dag dang</font><hr>59.22a<br><font size=+1>

ldan na/ byang chub sems dpa' bzod pa phun sum tshogs pa rnams yin no/ / 'phags pa dkon mchog sprin/   bam po gnyis pa/ rigs kyi bu chos bcu dang ldan na byang chub sems dpa' brtson 'grus phun sum tshogs pa rnams yin no/ /bcu gang zhe na/ 'di lta ste/ rdo rje lta bu'i brtson 'grus can rnams yin/ mi 'phrogs pa'i brtson 'grus can rnams yin/ mtha' gnyis dang bral ba'i brtson 'grus can rnams yin/ rlabs po che'i brtson 'grus can rnams yin/ 'bar ba'i brtson 'grus can rnams yin/ rgyun du chud pa'i brtson 'grus can rnams yin/ rnam par dag pa'i brtson 'grus can rnams yin/ thun mong ma yin pa'i brtson 'grus can rnams yin/ mi brnyas pa'i brtson 'grus can rnams yin/ snyems pa med pa'i brtson 'grus can rnams yin no/ /rigs kyi bu de la ji ltar na rdo rje lta bu'i brtson 'grus can rnams yin zhe na/ rigs kyi bu 'di la byang chub sems dpa' sems can gyi khams yongs su mya ngan las ma 'das pa yongs su mya ngan las bzla ba dang / ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / mngon par rdzogs par sangs ma rgyas pa mngon par rdzogs par 'tshang rgya bar bya ba'i phyir brtson 'grus brtsams pa yin te/ de de ltar brtson 'grus brtsams shing gnas pa'i drung du bdud sdig can 'ongs nas byang chub sems dpa' de la rigs kyi bu 'di lta bu'i brtson 'grus thong shig /de ci'i phyir zhe na/ rigs kyi bu ngas kyang sems can gyi khams yongs su mya ngan las ma 'das pa yongs su mya ngan la bzla ba dang / ma rgal ba bsgral ba</font><hr>59.22b<br><font size=+1>

dang / ma grol ba dgrol ba dang / dbugs ma phyin pa dbugs dbyung ba dang / mngon par rdzogs par sangs ma rgyas pa mngon par rdzogs par sangs rgyas par bya ba'i phyir brtson 'grus 'di lta bu brtsams te/ de ni brdzun dang 'drid pa'i chos can byis pa'i skye bo slu ba'o/ /rigs kyi bu ngas ni sems can brtson 'grus brtsams pa gcig gis kyang bla na med pa yang dag par rdzogs pa'i byang chub tu mngon par rdzogs par sangs rgyas par ma shes so/ /rigs kyi bu ngas ni sems can bye ba du ma nyan thos kyi theg pa dang / rang sangs rgyas kyi theg pas yongs su mya ngan las 'das par ngas shes kyis rigs kyi bu khyod kyis de'i phyir brtson 'grus zlog shig /don med par nyon mongs pa la sten pa por gyur te re zhes dad pa dang bral bar byed cing kyal ka byed kyang / de la byang chub sems dpa' 'di snyam du sems te/ kye ma 'di ni bdud sdig can bdag la kyal ka byed par 'dod do snyam ste/ des de ltar shes nas bdud sdig can de la 'di skad du/ sdig can khyod bya ba nyung ngu gyis shig /'jig rten gyi bsko sham gyis khyod la ci zhig bya/ sdig can bcom ldan 'das kyis kyang las bdag gis bya ba ni 'jig rten yin te/ las kyi bgo skal la spyod pa'o/ /las kyi skye gnas pa'i/ las la rton pa'o zhes gsungs te/ sdig can khyod kyang las bdag gir bya ba yin te/ las kyi bgo skal la spyod pa/ las kyi skye gnas pa/ las la rton pa yin gyis/ sdig can khyod gang nas/ 'ongs pa'i lam nas song shig /nga la kyal ka byas pas khyod yun ring por don med pa dang / gnod pa dang / sdug bsngal bar gyur ta re zhes bsgo'o/ /bdud sdig can de yang bdag gi sems ni sems</font><hr>59.23a<br><font size=+1>

kyis tshor bar rig nas yibs yibs te de nyid du mi snang bar 'gyur ro/ /de ltar byang chub sems dpa' bdud thams cad dam/ bdud kyi ris kyi lha thams cad kyis kyal ka byas te dad pa dang dbral bar byas kyang mi 'gyur/ mi 'jum/ zhum par mi 'gyur te/ de ltar na byang chub sems dpa' rdo rje lta bu'i brtson 'grus can yin no/ /ji ltar na byang chub sems dpa' mi 'phrogs pa'i brtson 'grus can yin zhe na/ 'di la byang chub sems dpa' brtson 'grus brtsams pa'i rnam pa ji lta bus yun ring po nas theg pa la yang dag par zhugs pa'i byang chub sems dpa' gzhan dag kyang byang chub sems dpa' de la grangs su yang nye bar mi 'gro/ cha dang / bgrang ba dang / dpe dang rgyu'i bar du yang nye bar mi 'gro na/ nyan thos dang / rang sangs rgyas thams cad lta ci smos te/ de'i sems 'byung ba re re la brtson 'grus kyi stobs bstod pas/ sangs rgyas kyi chos thams cad yongs su 'dzin cing / sdig pa mi dge ba'i chos thams cad rab tu spong ba de lta bu'i brtson 'grus rtsom ste/ de ltar na byang chub sems dpa' mi 'phrogs pa'i brtson 'grus can yin no/ /ji ltar na byang chub sems dpa' mtha' gnyis dang bral ba'i brtson 'grus can yin zhe na/ 'di la byang chub sems dpa' ha cang brtun ngas pa 'am/ ha cang zhan pa'i brtson 'grus rtsom ste/ de ci'i phyir zhe na/ ha cang brtun ngas pa'i brtson 'grus ni yab yab por 'gyur/ ha cang zhan pa ni le lor 'gyur te/ de ltar na byang chub sems dpa' mtha' gnyis dang bral ba'i brtson 'grus can yin no/ /ji ltar na byang chub sems dpa' rlabs po che'i brtson 'grus can yin zhe na/ 'di la byang chub sems dpa' 'di ltar brtson 'grus rtsom ste/ de bzhin gshegs pa'i sku ci 'dra bar bdag</font><hr>59.23b<br><font size=+1>

gi lus kyang de dang 'dra bar 'gyur/ gang de bzhin gshegs pa'i spyi gtsug bltar mi snang ba dang / 'od 'dom gang ba dang / mtshan dang dpe byad bzang po phun sum tshogs pa dang / ye shes thogs pa med cing mtha' yas pa dang / sangs rgyas kyi che ba nyid dang / sangs rgyas kyi che ba khyu mchog de yang bdag la yang yod par 'gyur ro/ /zhes brtson 'grus rtsom ste/ de ltar na byang chub sems dpa' rlabs po che'i brtson 'grus can yin no/ /ji ltar na byang chub sems dpa' 'bar ba'i brtson 'grus can yin zhe na/ rigs kyi bu 'di lta ste/ dper na gser ram/ nor bu rin po che chen po dri ma dang skyon thams cad dang bral ba ni lam lhan ne lhang nge ste/ de ni a la la 'bar ba'i gser ro/ /a la la 'bar ba'i nor bu rin po che zhes bya'o/ /de bzhin du byang chub sems dpa'i brtson 'grus kyang brtson 'grus kyi dri ma dang skyon thams cad dang bral ba yin no/ /brtson 'grus kyi dri ma dang skyon de dag gang zhe na/ le lo ni brtson 'grus kyi dri ma dang skyon no/ /snyom las ni brtson 'grus kyi dri ma dang skyon no/ /zas la tshod mi shes pa ni brtson 'grus kyi dri ma dang skyon no/ /bdag mi shes pa ni brtson 'grus kyi dri ma dang skyon no/ /tshul bzhin ma yin pa ni brtson 'grus kyi dri ma dang skyon no/ /'du 'dzi ni brtson 'grus kyi dri ma dang skyon te/ de dag ni brtson 'grus kyi dri ma dang / brtson 'grus kyi skyon zhes bya'o/ /de dag ni byang chub sems dpa' la med pa yin te/ de'i phyir de'i brtson 'grus de 'bar zhing dri ma med pa dang / 'od gsal zhing yongs su dag pa dang / yongs su byang ba yin no/ /de ltar na byang chub sems dpa' 'bar ba'i brtson 'grus can yin no/ /ji ltar na byang chub sems dpa' rgyun du ma chad pa'i brtson 'grus can yin zhe na/ 'di la byang chub sems dpa' spyod lam thams cad du</font><hr>59.24a<br><font size=+1>

brtson 'grus rtsom ste/ ci nas kyang lus skyo bar mi 'gyur ba dang / sems skyo bar mi 'gyur ba de ltar rtsom pa de ni byang chub sems dpa'i brtson 'grus rgyun du chud pa zhes bya ste/ de ltar na byang chub sems dpa' rgyun du chud pa'i brtson 'grus can yin no/ /ji ltar na byang chub sems dpa' rnam par dag pa'i brtson 'grus can yin zhe na/ de ltar rgyun du chud pa'i brtson 'grus can de'i gang sdig pa mi dge ba'i chos byang chub kyi lam gyi bar du gcod pa gnod pa dang ldan pa de dag spangs pa yin/ gang yang 'di dag dge ba'i chos mya ngan las 'das pa dang 'thun pa/ byang chub kyi lam gyi tshogs dang 'thun pa/ byang chub kyi phyogs byang chub du 'brang ba de dag 'phel ba dang / rgyas pa dang / yangs par 'gyur te/ de la mi dge ba'i sems skye ba phra zhing chung ba 'ga' yang mi skye na che ba lta ci smos te/ de ni rnam par dag pa'i brtson 'grus shes bya ste/ de ltar na byang chub sems dpa' rnam par dag pa'i brtson 'grus can yin no/ /ji ltar na byang chub sems dpa' thun mong ma yin pa'i brtson 'grus can yin zhe na/ 'di la byang chub sems dpa' 'di snyam du sems te/ gal te phyogs bcu kun du 'jig rten gyi khams gang gA'i klung gi bye ma snyed cig mnar med pa'i me'i phung po chen pos byur bur gang bar gyur la/ 'jig rten gyi khams de dag 'das pa na sems can gcig cig sdug bsngal zhing / skyabs med/ mgon med de/ gnas dang / rten med pa zhig yod na 'ang sems can gcig po de'i don gyi phyir me'i phung po de la rkang gi 'bogs te/ 'jig rten gyi khams de dag 'das nas sems can gcig po de thar bar bya bar bdag spro na sdug bsngal</font><hr>59.24b<br><font size=+1>

phal pa lta ci zhig smos snyam ste/ de ni byang chub sems dpa'i brtson 'grus nyan thos dang / rang sangs rgyas thams cad dang / mu stegs can thams cad dang thun mong ma yin pa zhas bya ste/ de ltar na byang chub sems dpa' thun mong ma yin pa'i brtson 'grus can yin no/ /ji ltar na byang chub sems dpa' mi brnyas pa'i brtson 'grus can yin zhe na/ 'di la byang chub sems dpa' 'di snyam du mir gyur pas ni byang chub thob par dka' ste/ bdag gi brtson 'grus 'di ni chung shing zhan la bdag kyang le lo can te/ byang chub ni mgo'i thod la me 'bar ba bzhin du bskal pa mang po/ bskal pa brgya phrag mang po/ bskal pa stong phrag mang po/ bskal pa brgya stong phrag mang por bsgrub dgos pas bdag ni de lta bu'i khur bskur bar mi spro'o snyam du sems mi skyed de/ byang chub sems dpas ni 'di ltar de bzhin gshegs pa dgra bcom pa yang dag par rdzogs pa'i sangs rgyas gang mngon par rdzogs par sangs rgyas pa de dag dang / gang mngon par rdzogs par 'tshang rgya ba de dag dang / gang mngon par rdzogs par 'tshang rgya bar 'gyur ba de dag kyang tshul 'di 'dra ba dang / lam 'di 'dra ba dang / brtson 'grus 'di 'dra bas mngon par rdzogs par sangs rgyas/ mngon par rdzogs par 'tshang rgya/ mngon par rdzogs par 'tshang rgya bar 'gyur te/ de bzhin gshegs pa de dag kyang de bzhin gshegs par gyur pa sha stag las mngon par rdzogs par sangs rgyas pa ma yin gyi/ bdag kyang ci nas kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar sems can thams cad dang thun mong gi brtson 'grus dang / sems can thams cad la dmigs</font><hr>59.25a<br><font size=+1>

pa'i brtson 'grus kyis bdag gis kyang de lta de ltar btsal lo 'bad do/ /bdag sems can thams cad la phan par brtson pa la ni sems can dmyal ba na gnas kyang sla'i bdag la phan par brtson na mya ngan las 'das pa ni ma yin no snyam du sems bskyed par bya ste/ de ltar na byang chub sems dpa' mi brnyas pa'i brtson 'grus can yin no/ /rigs kyi bu ji ltar na byang chub sems dpa' snyems pa med pa'i brtson 'grus can yin zhe na/ 'di la byang chub sems dpa' brtson 'grus rtsom na brtson 'grus de'i ro myong bar mi byed de/ brtson 'grus des gzhan la mi smod/ bdag la mi stod de/ de 'di snyam du shes rab dang ldan pa'i rang bzhin can su zhig bdag gi las la brtson pas gzhan la smod snyam du sems te/ rigs kyi bu de ltar na byang chub sems dpa' snyems pa med pa'i brtson 'grus can yin no/ /rigs kyi bu chos bcu po de dag dang ldan na byang chub sems dpa' brtson 'grus phun sum tshogs pa rnams yin no/ /rigs kyi bu chos bcu dang ldan na byang chub sems dpa' bsam gtan phun sum tshogs pa rnams yin no/ /bcu gang zhe na/ 'di lta ste/ bsod nams kyis brtan pa rnams yin/ skyo ba mang ba rnams yin/ brtson 'grus brtsams pa rnams yin/ mang du thos pa rnams yin/ ma log par gdams ngag bsgom pa la brtson pa rnams yin/ chos kyi rjes su 'thun pa'i chos la zhugs pa rnams yin/ dbang pa rno ba rnams yin/ sems la mkhas pa rnams yin/ zhi gnas dang lhag mthong la mkhas pa rnams yin/ de la ma zhen pa rnams yin no/ /rigs kyi bu de la ji ltar na byang chub sems</font><hr>59.25b<br><font size=+1>

dpa' bsod nams kyis brtan pa yin zhe na/ 'di la byang chub sems dpa' theg pa chen po la dge ba'i rtsa ba shin du bsags shing tshe rabs tha dad pa de dang de dag tu spyad pa legs par spyad pa dang / dge ba'i bshes gnyen gyis yongs su bzung ba yin te/ de bram ze'i rigs shing sA la chen po lta bu 'am/ rgyal rigs shing sA la chen po lta bu 'am/ khyim bdag gi rigs shing sA la chen po lta bu gang dang gang du skyes kyang khyim de'i mi dad pa yin te/ de skyes nas kyang rgyu de dag dang rkyen de dag de bas kyang 'phel zhing rgyas pa dang yangs par 'gyur te/ dge ba'i bshes gnyen rnams dang mi 'bral ba yin te/ dge ba'i bshes gnyen de dag kyang gang zhe na/ 'di lta ste/ sangs rgyas bcom ldan 'das dag gam/ byang chub sems dpa' dag go/ /de skyes na sngon dge ba'i rtsa ba la goms pas 'di ltar dpyod de/ kye ma skye dgu 'di ni sdug bsngal ba'o/ /kye ma skye dgu 'di ni nyam thag pa'o/ /kye ma skye dgu 'di ni na ba'o/ /kye ma skye dgu 'di ni mi gnas pa'o/ /kyi ma skye dgu 'di ni yun ring po nas nad par gyur pa'o/ /kye ma skye dgu 'di ni gti mug gis ldongs pa'o/ /de'ang 'dod pa'i rgyu dang 'dod pa'i phyir te/ /de bas na 'jig rten gnas pa de lta bu la bdag gis 'dod pa rnams la bsten pa ni bdag gi mi cha'o/ 'dod pa zhes bya ba 'di ni yang dag pa ma yin pa yongs su brtags pa ste/ bcom ldan 'das kyis kyang rnam grangs du mar 'dod pa rnams kyi nyes pa 'di lta ste/ 'dod pa rnams ni gsal shing lta bu'o/ /'dod pa rnams ni mtshon shag ti lta bu'o/ /'dod pa rnams ni ral gri'i so lta bu'o/ /'dod pa rnams ni spu gri'i so</font><hr>59.26a<br><font size=+1>

lta bu'o/ /'dod pa rnams ni sbrul gyi mgo lta bu'o/ /'dod pa rnams ni dbu ba rdos pa lta bu'o/ /'dod pa rnams ni rul pa'o/ /'dod pa rnams ni dri nga ba'o zhes gsungs so snyam ste/ de de ltar skyo nas skra dang kha spu bregs te/ gos ngur smrig dag bgos nas/ dad pas khyim nas khyim med par yang dag par rab tu 'byung ngo / /de rab tu byung nas ma thob pa thob par bya ba dang / khong du ma chud pa khong du chud par bya ba dang / mngon du ma byas pa mngon du bya ba'i phyir brtson 'grus brtsams pa yin no/ /de de'i rgyu de de'i rkyen de'i gzhis kun rdzob kyi bden pa'i tshul du bshad pa dang / don dam pa'i bden pa'i tshul du bshad pa thos pa 'dzin to/ /de gnyis ka la yang mkhas pas gdams ngag yang dag par bsgom mo/ /gdams ngag ma log par bsgom pa la brtson pas chos kyi rjes su 'thun pa'i chos la 'jug ste/ chos kyi rjes su 'thun pa'i chos de 'ang gang zhe na/ 'di lta ste/ yang dag pa'i lta ba dang / yang dag sa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /des lam khong du chud pas dbang po rno ba dang / dbang po gsal ba dang / de shes pa'i dbang po can yin/ de dbang po rno zhing dbang po gsal la de shes pa'i dbang po can yin pas/ dben pa mang ba yin te/ de 'du ba thams cad du thams cad yongs su spong ngo / 'du 'dzi thams cad du thams cad yongs su spong ngo / /smra ba la dga' ba dang / 'dod pa'i rnam par rtog pa dang / </font><hr>59.26b<br><font size=+1>

gnod sems kyi rnam par rtog pa dang / gtse ba'i rnam par rtog pa dang / lha la rnam par rtog pa thams cad du thams cad yongs su spong ngo / /shes kyi khe 'dod pa dang / grags pa 'dod pa dang / rnyed pa 'dod pa thams cad du thams cad yongs su spong ste/ de lus dang sems rab tu dben pas sems la mkhas pa yin te/ de sems la 'di snyam du bdag gis sems 'di ci dge ba la spyod dam/ de ste mi dge ba 'am/ 'on tam lung du ma bstan pa 'am/ chos gang la spyod ces rnam par dpyod de/ gal te dge ba la spyod na de la sems dga' ba dang / rangs pa dang / mos pa skyed do/ /dge ba'i chos de dag kyang gang zhe na/ 'di lta ste/ byang chub kyi phyogs kyi chos sum cu rtsa bdun no/ /'on te mi dge ba la spyod na de la skyo ba mang ba dang / rtog pa mang ba yin te/ mi dge ba'i chos de dag spang ba la brtson pa yin no/ /mi dge ba'i chos de dag kyang gang zhe na/ 'di lta ste/ 'dod chags dang / zhe sdang dang / gti mug go/ /de la 'dod chags rnam pa gsum du rig par bya ste/ chen po dang / 'bring po dang / chung ngu'o/ /de la 'dod chags chen po gang zhe na/ gang lus thams cad du khyab ste/ sems kun nas bzung zhing gnas pa dang / gang gis de la gzhol zhing 'dod chags dang bral ba'i sems mi 'thong ba ste/ de la gzhol ba de la ngo tsha ba dang / 'dzem pa thams cad du thams cad med par gyur te/ ji ltar na ngo tsha ba dang / 'dzem pa thams cad du thams cad med pa yin zhe na/ de gcig pu lkog tu song ste/ de nyid rjes su rnam par sems/ de nyid rjes su rnam par rtog cing / de nyid legs</font><hr>59.27a<br><font size=+1>

par shin du smon pa dang / de nyid la yang yon tan du lta ba yin te/ de ltar na de la ngo tsha ba med pa yin no/ /ji ltar na 'dzem pa med pa yin zhe na/ de de'i rgyu de'i rkyen de'i gzhis pha ma 'am/ bla ma lta bu gzhan dag dang / rtsod cing phyir bzlogs pa dang / rgol bar byed cing des ngo mi tsha la yon tan du lta ba yin te/ de ltar na de la ngo tsha ba med pa yin te/ de de'i rgyu de'i rkyen de'i gzhis ngan song rnams su skye bar 'gyur te/ de ni 'dod chags chen po zhes bya'o/ /de la 'dod chags 'bring po gang zhe na/ gang gis 'dod pa rnams la sten par gyur na bya ba grub kyi bar du sten gyi/ bya ba grub nas 'dod chags dang bral ba'i sems 'thob pa dang / 'gyod pa 'thob pa dang / sems la mi cha ba 'thob pa ste/ de ni 'dod chags 'bring po zhes bya'o/ /de la 'dod chags chung ngu gang zhe na/ gang gis 'dod pa rnams sten par gyur kyang mnams pa dang / byugs pa dang / lus kyis reg pa tsam 'am/ tshig tu smra ba tsam 'am/ mthong ba tsam gyis tshim par 'gyur ba de ni 'dod chags chung ngu zhes bya'o/ /mdor na 'tsho ba'i yo byad thams cad la chags pa'i sems su gyur pa ste de ni 'dod chags shes bya'o/ /de la zhe sdang gang zhe na/ zhe sdang yang rnam pa gsum du rig par bya ste/ chen po dang 'bring po dang chung ngu'o/ /de la zhe sdang chen po gang zhe na/ zhe sdang gi rnam pa gang gis zhe sdang zhing ngam gtum par gyur nas mtshams med pa lnga las gang yang rung ba la la byed pa 'am/ dam pa'i chos spong ba gang byas pa la/ mtshams med pa lnga bsdoms pas kyang grangs su yang nye bar</font><hr>59.27b<br><font size=+1>

mi 'gro/ cha dang / bgrang ba dang / dpe dang rgyur yang nye bar mi 'gro ba de lta bu byed de/ de de'i rgyu de'i rkyen de'i gzhis lus zhig nas sems can dmyal ba chen po dag tu skye zhing / gal te brgya lam na mir skye na yang gnag cing mig dmar la gtum zhing gnod sems mang bar 'gyur te/ de de'i rgyu de'i rkyen de'i gzhis yang sems can dmyal ba dag du skye bar 'gyur ba de ni zhe sdang chen po zhes bya'o/ /de la zhe sdang 'bring po gang zhe na/ gang gis zhe sdang bar gyur te/ sdig pa'i mi dge ba'i las byas na myur ba myur ba/ skyen pa skyen pa/ la gor la gor du 'gyod cing de'i gnyen po la yang sten pa ste/ de ni zhe sdang 'bring po zhes bya'o/ /de la zhe sdang chung ngu gang zhe na/ gang gis zhe sdang bar gyur nas tshig tsam dang / mi snyan pa tsam dang / ngan du brjod pa tsam gyis mi dge ba'i lasogs pa ste/ de yang de la brgyal bar 'ga' 'byung ste/ byung na yang de'i skad cig de'i yud tsam de'i thang cig la gnyen po la sten pa ste/ de ni zhe sdang chung ngu zhes bya'o/ /de la gti mug gang zhe na/ gti mug kyang rnam pa gsum du rig par bya ste/ chen po dang / 'bring po dang / chung ngu'o/ /gang de la gti mug chen po gang zhe na/ gang ji skad du smos pa'i gnas de dag la nyes kyang dga' zhing mya ngan du mi byed/ smre sngags mi 'don/ 'gyod pa med pa yin te/ de ni gti mug chen po zhes bya'o/ /de la gti mug 'bring po gang zhe na/ gang gis mi dge ba'i las la la byas kyang / la gor la gor du 'gyod cing / tshangs pa mtshungs par spyod pa rnams kyi drung du 'chags shing mi 'chab la/ de la yon tan du yang mi lta ba yin te/ 'di ni gti mug 'bring po zhes bya'o/ /</font><hr>59.28a<br><font size=+1>

de la gti mug chung ngu gang zhe na/ gang gis rang bzhin gyis kha na ma tho ba ma yin pa/ bcas pa'i kha na ma tho ba bslab pa kun spyad pa'i lam gnyis gsum las 'da' ba ste/ de ni gti mug chung ngu zhes bya'o/ /de la yang byang chub sems dpa' sems phyir bzlog pa la mkhas pa yin te/ de de ltar sems la mkhas pa la/ gang 'dod pa rnams la mkhas pa dang 'dod pa rnams la mos pa dang / 'dod pa rnams la chags pa med pa de lta bu yin te/ de ci'i phyir zhe na/ de ltar sems la mkhas pa'i phyir ro/ /'on te lung du ma bstan pa la spyod na/ de la dran pa dang ldan zhing nan tan du byed la/ de brtag pa la brtson pa yin te/ de la ji ltar na lung du ma bstan pa la spyod pa yin zhe na/ gang gi tshe sems phyi rol du 'am mi rgyu/ nang du 'ang mi rgyu/ dge ba la 'ang mi spyod/ mi dge ba la 'ang mi spyod/ lhag mthong la yang mi spyod/ zhi gnas kyang mi 'dzin cing zhum la gnyid kyis non par gnas pa ste/ 'di lta ste/ dper na skyes bu nyal nyal ba las sad pa mig gnyid kyis bsgribs pa'i sems mi gsal ba de bzhin du de'i tshe sems dang mi gsal bar rgyu ba ste/ de la byang chub sems dpa' sems gzeng bstod pa dang / rab tu dga' bar bya ba dang / yang dag par gzhag pa la mkhas pa yin te/ de ltar na byang chub sems dpa' sems la mkhas pa yin no/ /de de ltar sems la mkhas pa'i chos 'di dag ni sgyu ma lta bu'o/ /chos 'di dag ni rmi lam lta bu'o/ /chos 'di dag ni dge ba'o/ /chos 'di dag ni mi dge ba'o/ /chos 'di dag ni 'byung ba'o/ /chos 'di</font><hr>59.28b<br><font size=+1>

dag ni mi 'byung ba'o zhes chos rnams la yongs su rtog ste/ de 'di snyam du chos 'di dag thams cad ni sems la gnas pa/ sems las byung ba/ sems sngon du 'gro ba ste/ sems shin du bcil/ shin tu btul/ shin du khong du chud par byas na/ chos de dag thams cad kyang shin du bcil ba dang / shin du btul ba dang / shin du khong du chud par 'gyur te/ des chos rnams da ltar mthong bas/ de'i rgyu de'i rkyen de'i gzhis sems zhi bar bya ba'i phyir nan tan byed de/ /de sems nyid la sems 'dogs so/ /sems nyid kyis sems zhi bar byed do/ /sems nyid la sems rab tu gzhog go/ /de de ltar zhi ba la brtson pas sems rtse gcig tu 'gyur te/ rtse gcig tu red nas mnyam par gzhog go/ /sems mnyam par bzhag pa la dben pa las skyes pa'i dga' ba mngon du 'gyur te/ de yid dga' bar gyur nas 'dod pa las dben/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ /de rtog pa dang dpyod pa mi snang bar bya ba'i phyir nan tan byed cing dga' ba dang / bde ba'i ro de 'ang myang bar mi byed de mi rtog go snyam nas bsam gtan dang po las sems spyod do/ /de rtog pa dang dpyod pa dang bral zhing chags pa med pa'i yid du gyur pas nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so/ /de dga' ba dang sdug bsngal ba</font><hr>59.29a<br><font size=+1>

yin par khong du chud par byed de/ sdug bsngal lo snyam nas btang snyoms la gnas pa yin/ gtang snyoms la gnas pas dran pa dang ldan zhing shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa rdzogs par byas te gnas so/ /de bsam gtan gsum pa gtong ngo snyam nas bsam gtan bzhi pa la sems gtong ste/ des bsam gtan bzhi pa thob pas bdag tu 'dzin pa phyir ldog go/ /bdag tu 'dzin pa phyir ldog pas bde ba yang spong / sdug bsngal ba yang spong ste/ de bde ba yang spangs/ snga nas sdug bsngal yang spangs shing yid bde ba dang yid mi bde ba yang nub pas bde ba yang ma yin/ sdug bsngal ba yang ma yin pa btang snyoms dang dran pa yongs su dag pa bsam gtan bzhi pa rdzogs par byas te gnas so/ /de bdag gi lus dang nam mkha'i lus su gcig tu mos par byed de/ de de ltar mos pas gzugs kyi 'du shes las thams cad du thams cad yang dag par 'das pa yin/ thogs pa'i 'du shes kyang nub pa yin te/ de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mtha' yas so snyam nas/ nam mkha' mtha' yas skye mched rdzogs par byas te gnas so/ /de nam mkha' mtha' yas skye mched las yang dag par 'das nas rnam par shes pa mtha' yas so snyam</font><hr>59.29b<br><font size=+1>

nas rnam shes mtha' yas skye mched rdzogs par byas te gnas so/ /de rnam shes mtha' yas skye mched las yang dag par 'das nas/ ci yang med do snyam nas ci yang med pa'i skye mched rdzogs par byas te gnas so/ /de ci yang med pa'i skye mched las yang dag par 'das nas 'du shes med 'du shes med min skye mched rdzogs par byas te gnas so/ /de'i gong nas gang sems kyi mtshan ma med pa/ rgyu ba thams cad 'gags pa sgrib pa thams cad dang bral ba 'di ni 'gog pa zhes bya ba ste/ de ni shes par bya'o snyam nas byang chub sems dpa' snyoms par 'jug gi/ de la mngon par dga' ba'i rten gyi gnas mi skyed do/ /de byams pa dang ldan pa'i sems khon med pa/ 'gran zla med pa/ gnod pa med pa/ yangs pa chen por gyur pa tshad med pa/ mi gnyis pa shin du bsgoms pas phyogs gcig tu mos te khyab par byas nas rdzogs par byas te gnas so/ /gcig tu ji lta ba de bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang / grwa'i 'jig rten 'di thams cad kyi rnam pa thams cad du byams pa dang ldan pa'i sems khon med pa/ 'gran zla med pa/ gnod pa med pa/ yangs pa chen por gyur pa/ tshad med pa/ mi gnyis pa/ shin du bsgoms pas mos te khyab par byas nas rdzogs par byas te gnas so/ /de bzhin du snying rje dang ldan pa dang / dga' ba dang btang snyoms dang ldan pa'i sems 'khon med pa/ 'gran zla med pa/ gnod pa med pa/ yangs pa chen por gyur pa/ tshad med pa/ mi gnyis pa/ shin du bsgoms pas phyogs gcig tu mos te khyab par byas nas rdzogs par byas</font><hr>59.30a<br><font size=+1>

te gnas so/ /gcig tu ji lta ba de bzhin du gnyis pa dang / de bzhin du gsum pa dang / de bzhin du bzhi pa dang / bla dang 'og dang / grwa'i 'jig rten 'di thams cad kyi rnam pa thams cad du btang snyoms dang ldan pa'i sems 'khon med pa/ 'gran zla med pa/ gnod pa med pa/ yangs pa chen por gyur pa/ tshad med pa/ mi gnyis pa shin du bsgoms pas mos te khyab par byas nas rdzogs par byas te gnas so/ /de mngon par shes pa lnga skyed do/ /de la yang ma zhen pa yin te/ gong du yang byang chub kyi tshogs yongs su rdzogs par byed pa'i chos rnams yongs su tshol lo/ /rigs kyi bu chos bcu po de dag dang ldan na byang chub sems dpa' bsam gtan phun sum tshogs pa rnams yin no/ /rigs kyi bu chos bcu dang ldan na byang chub sems dpa' shes rab phun sum tshogs pa rnams yin no/ /bcu gang zhe na/ 'di lta ste/ bdag med pa la mkhas pa rnams yin/ las kyi rnam par smin pa la mkhas pa rnams yin/ 'dus byas la mkhas pa rnams yin/ 'khor ba'i rgyun la mkhas pa rnams yin/ 'khor ba'i ldog pa la mkhas pa rnams yin/ nyan thos dang / rang sangs rgyas kyi theg pa la mkhas pa rnams yin/ theg pa chen po la mkhas pa rnams yin/ bdud kyi las yongs su spangs pa la mkhas pa rnams yin/ ma log pa'i shes rab can rnams yin/ mnyam pa med pa'i shes rab can rnams yin no/ /rigs kyi bu de la ji ltar na byang chub sems dpa' bdag med pa la mkhas pa yin zhe na/ rigs kyi bu 'di la byang chub sems dpa' yang dag pa'i shes rab kyis gzugs la rtog /tshor ba dang / 'du shes dang / 'du byed rnams dang / rnam par shes pa</font><hr>59.30b<br><font size=+1>

rnams la rtog ste/ de gzugs la rtog pa na gzugs kyi skye ba mi dmigs/ kun 'byung ba mi dmigs/ 'gag pa mi dmigs so/ /de bzhin du tshor ba dang / 'du shes dang / 'du byed rnams dang / rnam par shes pa'i skye ba mi dmigs/ kun 'byung ba mi dmigs/ 'gog pa mi dmigs so/ /de yang don dam par yin gyi tha snyad kyi rang bzhin ni ma yin te/ des don dam pa'i rang bzhin gang yin pa dang / tha snyad kyi rang bzhin gang yin pa'i rang bzhin de gnyis ka yang brjod pa'i rang bzhin mi dmigs te/ de'i phyir brtson 'grus kyang nyam par mi byed de/ mgo'i thod la me 'bar ba bzhin du sems can rnams kyi don du rtsol zhing 'bad la brtson 'grus rtsom ste/ rigs kyi bu de ltar na byang chub sems dpa' bdag med pa la mkhas pa yin no/ /ji ltar na byang chub sems dpa' las kyi rnam par smin pa la mkhas pa yin zhe na/ 'di la byang chub sems dpa' 'di ltar dpyod de/ 'jig rten gnas pa 'di ni gar mkhan gyi tshon dang 'dra ba/ dri za'i grong khyer lta bu rang bzhin gyis stong la/ sems can 'di dag kyang sems can ma yan na 'on kyang bdag tu 'dzin pa la mngon par zhen pas de dag de'i phyir lam khong du chud pa mi 'thob po/ /de dag ni 'di snyam du gal te bdag gam/ sems can nam/ srog gam/ skye ba po 'am/ gso ba'i skye bu 'am/ gang zag gam/ shed las skyes sam/ shed bu med na dge ba dang mi dge ba'i las kyi rnam par smin pa yang med par 'gyur ro snyam du sems mod kyi/ sems can med du zin kyang las kyi rnam par smin pa ni mngon no snyam ste/ de la byang chub sems dpa' de ltar sems can de yang med la/ ji ltar dge ba dang / mi dge ba'i las kyi rnam</font><hr>59.31a<br><font size=+1>

par smin pa yang mngon de yang dag pa'i shes rab kyis yang dag pa ji lta ba bzhin du rab tu shes te/ de ltar na byang chub sems dpa' las kyi rnam par smin pa la mkhas pa yin no/ /ji ltar na byang chub sems dpa' 'dus byas la mkhas pa yin zhe na/ 'di la byang chub sems dpa' 'dus byas kyi chos rnams la yang dag pa'i shas rab kyis rtog par byed cing de 'di snyam du sams te/ 'dus byas kyi chos 'di dag mi gnas pa/ g.yo ba zil pa'i thigs pa lta bu/ ri bo'i 'bab chu lta bu yin/  ri la mkhas pa su zhig 'di lta bu'i chos rnams la zhen pa dang / chags par byed pa 'am/ de dag med par gyur pas mya ngan du byed snyam nas/ de'i rgyu de'i rkyen de'i gzhis skyo ba dang / 'dod chags dang bral ba dang / 'gog pa la sems gtong ste/ de ltar na byang chub sems dpa' 'dus byas la mkhas pa yin no/ /ji ltar na byang chub sems dpa' 'khor ba'i rgyun la mkhas pa yin zhe na/ 'di la byang chub sems dpa' 'di ltar dpyod de/ kye ma'o 'jig rten gnas pa 'di ni ma rig pas ldongs pa/ 'khor ba la phyogs pa/ srid pa'i zhags pas bcings pa ste/ len pa nye bar len to/ /de len pa'i rgyus dge ba dang / mi dge ba'i las mngon par 'du byed de/ de dge ba dang mi dge ba'i las mngon par 'du byed pa dang ldan pas srid pa'i yang mtshams sbyor bar 'gyur te/ de'i rgyu las skye bar 'gyur ro/ /skye ba yod pas rga bar 'gyur ro/ /rga ba'i chos can ni 'chi bar 'gyur ro/ /'chi ba las mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rgyun chags pa nyid du 'gyur te/ de ltar na sdug bsngal gyi phung po chen po 'ba' shig po de zo chun</font><hr>59.31b<br><font size=+1>

rgyud mo'i 'khor lo ltar/ 'khor ba'i 'khor lo'i rgyun du 'gyur ro snyam ste de yang byang chub sems dpa' yang dag pa'i shes rab kyis yang dag pa ji lta ba bzhin du rab tu shes ste/ de ltar na byang chub sems dpa' 'khor ba'i rgyun la mkhas pa yin no/ /ji ltar na byang chub sems dpa' 'khor ba ldog pa la mkhas pa yin zhe na/ 'di la byang chub sems dpa' 'di ltar dpyod de/ ma rig pa med par gyur pas 'du byed la zhen par mi 'gyur/ 'du byed la zhen pa med par gyur pas rnam par shes par mi 'gyur/ rnam par shes pa med par gyur pas ming dang gzugs dang / skye mched drug dang / reg pa dang / tshor ba dang / sred pa med par 'gyur ro/ /sred pa med par gyur pas len pa mi 'byung ste len pa med pas srid pa yang mtsham sbyor ba med par gyur/ srid pa yang mtshams sbyor ba med par gyur pas/ skye bar mi 'gyur/ skye ba med par gyur pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams rgyun chad par 'gyur te/ de yang byang chub sems dpa' yang dag pa'i shes rab kyis yang dag pa ji lta ba bzhin du rab tu shes te/ de ltar na byang chub sems dpa' 'khor ba ldog pa la mkhas pa yin no/ /ji ltar na byang chub sems dpa' nyan thos dang rang sangs rgyas kyi theg pa la mkhas pa yin zhe na/ 'di la byang chub sems dpa' 'di ltar dpyod de/ chos 'dis ni rgyun du zhugs par 'gyur ro/ /'dis ni lan cig phyir 'ong bar 'gyur ro/ /'dis ni lan cig phyir mi 'ong bar 'gyur ro/ 'dis ni dgra bcom pa zag pa zad pa/ srid pa sbyor ba chad pa yang mtshams sbyor ba med pa/ mya ngan las 'das</font><hr>59.32a<br><font size=+1>

pa la yang dag par gzhol bar 'gyur ro/ /chos 'dis ni rang sangs rgyas bse ru lta bu gcig pu spyod par 'gyur ro snyam ste/ de thams cad kyang byang chub sems dpas yang dag pa'i shes rab kyis rab tu rtogs par byed de/ chos 'di dag mngon du mi byed do/ /de ci'i phyir zhe na/ de 'di snyam du sems te/ sems can gyi khams bdag gis bzung bdag gis seng ge'i sgra bsgrags te/ sems can 'khor ba'i 'brog dgon pa na gnas pa thams cad sgrol lo zhes dam bcas la/ gcig pu 'khor ba'i 'brog dgon pa nas 'byung ba ni bdag gis mi cha'o snyam ste/ de ltar na byang chub sems dpa' nyan thos dang / rang sangs rgyas kyi theg pa la mkhas pa yin no/ /ji ltar na byang chub sems dpa' theg pa chen po la mkhas pa yin zhe na/ 'di la byang chub sems dpa' bslab pa thams cad la yang slob la/ slob pa yang mi dmigs/ bslab pa'i lam yang mi dmigs/ gang slob pa de yang mi dmigs so/ /de'i rgyu de'i rkyen de'i gzhis chad par lta bar mi ltung ste/ de ltar na byang chub sems dpa' theg pa chen po la mkhas pa yin no/ /ji ltar na byang chub sems dpa' bdud kyi las spong ba la mkhas pa yin zhe na/ 'di la byang chub sems dpa' mi dge ba'i grogs po thams cad du thams cad yongs su spong ste/ mi cha ba'i yul la gnas pa dang / 'jig rten rgyang pan pa'i gsang tshig la sten cing sgom pa dang rnyed pa dang / bkur sti dang / mchod pa dang / rim gro la ched cher 'dzin pa thams cad du thams cad yongs su spong ngo / /nye ba'i nyon mongs pa gzhan gang byang chub kyi lam gyi bar chad du 'gyur ba de dag kyang thams cad du thams cad</font><hr>59.32b<br><font size=+1>

yongs su spong zhing / de dag gi gnyen po la yang sten to/ /de ltar na byang chub sems dpa' bdud kyi las yongs su spang ba la mkhas pa yin no/ /ji ltar na byang chub sems dpa' ma log pa'i shes rab can yin zhe na/ 'di la byang chub sems dpa' 'jig rten pa'i gtsug lag dang / gsang tshig dang / bzo'i gnas thams cad la shes rab gtong ste/ de yang sems can thams cad yongs su smin par bya ba'i phyir te/ shes kyi khe 'dod pa dang / grags pa 'dod pa dang / rnyed pa dang / bkur sti 'dod pa'i phyir ma yin gyi de bzhin gshegs pa'i bstan pa'i che ba nyid brjod pa'i phyir te/ de la yon tan du lta ba'i phyir ni ma yin no/ /gzhan du na de 'di snyam du sems te/ gsung rab 'di ni dam pa ste/ 'di ltar de bzhin gshegs pa'i chos 'dul ba'o snyam nas/ de de la yon tan du lta bas mu stegs can gzhan gyi lta ba can du mi 'gyur te/ de ltar na byang chub sems dpa' ma log pa'i shes rab can yin no/ /rigs kyi bu ji ltar na byang chub sems dpa' mnyam pa med pa'i shes rab can yin zhe na/ rigs kyi bu 'di la byang chub sems dpa' lha dang bcas pa'i 'jig rten bdud dang bcas pa/ tshangs pa dang bcas pa/ skye dgu'i dge sbyong dang bram zer bcas pa/ lha dang mi dang lha ma yin du bcas pa'i nang na de bzhin gshegs pa dgra bcom pa yang dag par rdzogs pa'i sangs rgyas ma gtogs par gang de dang shes rab mnyam pa de lta bu'i sems can sems can gyi ris na med de/ de ni 'jig rten lha dang bcas pa/ bdud dang bcas pa/ tshangs pa dang bcas pa/ skye dgu'i dge sbyong dang bram zer bcas pa/ lha dang mi dang lha ma yin du bcas pa'i</font><hr>59.33a<br><font size=+1>

nang na/ shes rab kyi bye brag gis zil gyis mnan pa yin te/ de ltar na byang chub sems dpa' mnyam pa med pa'i shes rab can yin no/ /rigs kyi bu chos bcu po de dag dang ldan na byang chub sems dpa' shes rab phun sum tshogs pa rnams yin no/ /rigs kyi bu chos bcu dang ldan na byang chub sems dpa' thabs mkhas pa rnams yin no/ /bcu gang zhe na/ 'di lta ste/ yongs su bsngo ba'i thabs mkhas pa rnams yin/ mu stegs can rnam par zlog pa'i thabs mkhas pa rnams yin/ yul las rnam par zlog pa'i thabs mkhas pa rnams yin/ 'gyod pa yid la gcags pa sel ba'i thabs mkhas pa rnams yin/ sems can la dpung gnyen byed pa'i thabs mkhas pa rnams yin/ sems can 'tsho ba'i thabs mkhas pa nye bar sbyor ba la mkhas pa rnams yin/ len pa'i thabs mkhas pa rnams yin/ gnas nas gnas su slong ba'i thabs mkhas pa rnams yin/ yang dag par 'dzin du 'jug pa dang / gzeng stod pa dang / shin du dga' bar byed pa'i thabs mkhas pa rnams yin/ de bzhin gshegs pa la mchod pa dang rim gro bya ba'i thabs mkhas pa rnams yin no/ /rigs kyi bu de la ji ltar na byang chub sems dpa' yongs su bsngo ba'i thabs mkhas pa yin zhe na/ rigs kyi bu 'di la byang chub sems dpa' gang 'di dag me tog gi rnam pa 'am/ 'bras bu'i rnam pa nga yir bya ba med pa/ yongs su bzung ba med pa de rnams nyin lan gsum mtshan lan gsum sangs rgyas dang / byang chub sems dpa' rnams la 'bul lo/ /dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o/ /</font><hr>59.33b<br><font size=+1>

de gang 'di dag bdug pa'i shing ngam/ spos kyi shing ngam/ rin po che'i shing ngam/ dpag bsam gyi shing ngam/ me tog gi shing ngam/ 'bras bu'i shing nga yir bya ba med pa yongs su bzung ba med pa de dag kyang nyin lan gsum mtshan lan gsum sangs rgyas dang / byang chub sems dpa' rnams la 'bul lo/ /dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o/ /de mdo sde rnams la mchod pa dang / rim gro bya ba gang 'di dag rgya chen po rgya che ba dag nyan cing de dag snying thag pa nas lhag pa'i bsam pa mchog gis sangs rgyas dang byang chub sems dpa' rnams la yongs su bsngo'o/ /gang phyogs bcu na byang chub sems dpa' rnams dang / de ma yin pa'i sems can dag dge ba'i las rnams byed cing byang chub kyi tshogs rnams yongs su rdzogs par byed pa de dag la snying thag pa nas rjes su yi rang ste/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o/ /de de bzhin gshegs pa'i mchod rten nam/ de bzhin gshegs pa'i sku gzugs la me tog gam/ bdug pa 'am/ spos gsol na sems can thams cad kyi ngang tshul ngan pa'i dri nga ba bsal ba dang / de bzhin gshegs pa'i tshul khrims kyi dri thob par yongs su bsngo'o/ /de phyag dar dang zhal zhal byed na sems can thams cad kyi spyod lam mi sdug pa med par 'gyur ba dang / spyod lam mdzes pa phun sum tshogs par yongs su bsngo'o/ /de me tog gi gdugs gsol na/ sems can thams cad kyi nyon mongs pa dang / nye ba'i nyon mongs pa'i gdung bar bya ba med pa'i phyir yongs su bsngo'o/ /de gtsug lag khang gi nang du 'gro na 'di ltar sems can thams cad mya ngan</font><hr>59.34a<br><font size=+1>

las 'das pa'i grong khyer du gzud do snyam du sems skyed do/ /de phyir 'byung na 'di ltar sems can thams cad 'khor ba'i btson ra nas 'don to snyam du sems skyed do/ /de gnas khang gi sgo 'byed na 'di ltar 'jig rten las 'das pa'i ye shes kyis bde 'gro thams cad kyi sgo dbye'o/ /snyam du sems skyed do/ /de sgo gcod na 'di ltar ngan 'gro thams cad kyi sgo rnams gcad do snyam du sems skyed do/ /de 'dug na 'di ltar sems can thams cad byang chub kyi snying po la dgod do snyam du sems skyed do/ /de glo g.yas pas nyal na 'di ltar sems can thams cad sangs rgyas kyi mya ngan las 'das pas yongs su mya ngan las bzla'o snyam du sems skyed do/ /de de nas ldang na 'di ltar sems can thams cad nyon mongs pa'i kun nas ldang ba rnams las bslang ngo snyam du sems skyed do/ /de lus kyi ched la 'gro na/ 'di ltar sems can thams cad skyes bu chen po'i 'gros su 'gro' bar gyur cig snyam du sems skyed do/ /de der 'dug na 'di ltar sems can thams cad kyi 'dod chags dang / zhe sdang dang / gti mug gi zug rngu dbyung ngo snyam du sems skyed do/ /de bkru bshal byed na 'di ltar sems can thams cad kyi nyon mongs pa'i dri ma'i skyon rnams bkru'o snyam du sems skyed do/ /de lag snyal na 'di ltar sems can thams cad kyi nyon mongs pa'i dri nga ba rnams bsal lo snyam du sems skyed do/ /de rkang pa 'khru na 'di ltar sems can thams cad kyi nyon mongs pa'i rdul rnam pa sna tshogs bsal lo snyam du sems skyed do/ /de so shing za na 'di ltar sems can thams cad kyi dri ma rnam pa sna tshogs bsal lo snyam du sems skyed do/ /de lus kyi g.yo ba thams cad sems can thams cad la phan pa dang bde bar yongs su</font><hr>59.34b<br><font size=+1>

bsngo'o/ /de de bzhin gshegs pa'i mchod rten la phyag 'tshal na 'di ltar sems can thams cad lha dang bcas pa'i 'jig rten kyis phyag bya bar sheg shig snyam du sems skyed de/ rigs kyi bu de ltar na byang chub sems dpa' yongs su bsngo ba'i thabs mkhas pa yin no/ /ji ltar na byang chub sems dpa' mu stegs can rnam par zlog pa'i thabs mkhas pa yin zhe na/ 'di la byang chub sems dpa' 'di lta ste/ mu stegs can spyod pa pa dang / kun du rgyu dang / gcer bu pa la sogs pa'i mu stegs can gyi gnas pa de dang de dag tu 'phrul ba dag mngon par sprul te/ de sems can yongs su smin par bya ba'i phyir thabs byed cing de 'di snyam du sems te/ kye ma'o sems can 'di rnams nga rgyal gyi zil gyis non pas bdag gis sngar slob dpon gyi tshul gyis gdul bar mi nus so slob mar khas blang ngo snyam ste/ de dag gi khrod du rab tu 'byung ngo / /de rab tu byung nas ji ltar spyod pa dang / spyod yul dang / mang du thos pa dang / spyod pa dman tshegs kyis kyang mu stegs can gzhan de dag zil gyis gnon pa de lta de lta bur rtsol lo/ /'bad do/ /brtson 'grus rtsom mo/ /de dag gi nang na slob dpon dang bla ma lta bur bkur bar 'gyur/ tshig bzung zhing ngag mi gcog par 'gyur te/ de kye sems can de dag nye bar gyur pa'o snyam du shes nas/ grogs po dag 'di ni skyo ba dang / 'dod chags dang bral ba dang / 'gog par 'gyur ba'i lam ma yin no zhes mu stegs can de dag gi ma legs pa rjod par 'gyur te/ des mu stegs can gzhan de dag gnas de rnams las bslang nas de bzhin gshegs pa'i chos 'dul la 'god do/ /de phyi rol gyi mngon par shes pa lnga dang ldan pa dag gi gan du tshangs par spyad pa spyod do/ /de tshangs par spyad pa spyod cing chos de thob par bya ba'</font><hr>59.35a<br><font size=+1>

phyir spyod cing rtsol lo/ /'bad do/ /rtsol zhing 'bad pas bsam gtan dang / ting nge 'dzin dang / snyoms par 'jug pa rnams sgrub ste/ ci nas kyang mngon par shes pa lnga dang ldan pa gzhan de dag bas ches mchog tu 'gyur ba dang / chos 'bar bar 'gyur ba dang / slob dpon gyi mchog tu 'gyur ba dang / mkhas par bkur bar 'gyur ba de ltar sgrub po/ /des sems can de rnams yongs su smin pa'i dus dang / tshod shes nas grogs po dag lam 'di ni skyo ba dang / 'dod chags dang bral ba dang / 'gog par 'gyur ba'i lam ma yin no zhes/ bsam gtan dang / ting nge 'dzin dang / snyoms par 'jug pa de dag gi ma legs pa brjod pa yin te/ des sems can de dag gnas de las bslang nas de bzhin gshegs pa'i chos 'dul ba la rab tu 'god de/ de ltar na byang chub sems dpa' mu stegs can rnam par zlog pa'i thabs mkhas pa yin no/ /ji ltar na byang chub sems dpa' yul las rnam par zlog pa'i thabs mkhas pa yin zhe na/ 'di la byang chub sems dpa' sems can gang rab tu 'dod chags can rab tu 'dod chags mang ba'i sems can rnams mthong na/ des de dag gdul ba'i thabs gzhan med do snyam nas des de dag gi drung du bud med sprul pa bzang mo blta na sdug pa bud med thams cad kyi mchog dag sprul te/ sems can de rnams de dag la rab tu chags par rig nas sprul pa'i bud med de mal de nyid du 'chi ba'i dus byed du 'jug go/ /de yang skad cig de nyid dang / yud tsam de nyid dang / thang cig de nyid la rul cing dri nga ba dang 'jigs par 'gyur te/ de dag gis kyang de mthong nas dngangs skrag skyo bar reng nge / bdag cag 'di 'dra ba'i dri nga ba'i nang nas gang thar bar byed pa su zhig yod</font><hr>59.35b<br><font size=+1>

ces nyam thag par 'gyur ro/ /de'i tshe na byang chub sems dpa' sems can de dag gi mdun du 'dug ste/ de byang chub gsum las gang yang rung ba'i byang chub tu nges par 'gyur ba de ltar sems can de dag la chos ston te/ de ltar na byang chub sems dpa' yul las rnam par zlog pa'i thabs mkhas pa yin no/ /ji ltar na byang chub sems dpa' 'gyod pa yid la gcags pa sel ba'i thabs mkhas pa yin zhe na/ 'di la byang chub sems dpa' sems can su mtshams med pa'i las byed pa 'am/ mi dge ba'i las byed pa mthong na/ de'i gan du song ste/ kye skyes bu ci'i phyir yid mi bde zhing mi dga' bar gnas shes de skad zer ro/ /des kyang smras pa/ rigs kyi bu bdag gis mtshams med pa'i las byas pas de'i phyir bdag la yun ring por gnod pa dang / phan pa med pa dang / sdug bsngal bar mi 'gyur grang zhes yid mi bde zhing mi dga' bar gnas so/ /de'i phyir de la byang chub sems dpa' sdom pa 'dzin du 'jug go/ /nyes pa yang 'chags su 'jug go/ /de la chos bstan pa zab mo zab mo yang byed do/ /de ste 'gyod pa mi gtong na de'i phyir de la byang chub sems dpa' thog mar 'di lta ste/ rdzu 'phrul 'am/ sems kun sten pas yang dag par yid ches pa skyed do/ /de nas sems can de yang dag par yid ches pa skyes nas byang chub sems dpa' de la dga' ba dang / mos pa dang / rangs pa rnyed par 'gyur ro/ /de dga' ba dang / mos pa dang / rangs pa rnyed pas de chos bstan tu rung bar 'gyur/ byang chub sems dpa' de dang 'thun par 'dzin par 'gyur ro/ /de nas byang chub sems dpa' des de'i mdun du 'di lta ste/ pha mar sprul pa mngon par sprul te 'di skad zer ro/ /kye skyes bu khyod ltos</font><hr>59.36a<br><font size=+1>

la 'gyod pa chod cig /nga yang khyod kyi grogs te/ las 'di lta bus su 'ang shin du sems can dmyal bar 'gro ba 'am/ don thams cad las nyams par 'gyur ba med do/ /las de ye shes kyis bsal du mi nus pa yang ma yin no zhes de skad smras nas/ pha ma srog dang phral lo/ /srog dang phral nas kyang rdzu 'phrul de ston to/ /de nas sems can de 'di snyam du sems te/ rdzu 'phrul dang ldan pas kyang pha ma srog dang phral na/ bdag 'dra ba lta ci zhig smos snyam mo/ /byang chub sems dpa' de yang de'i tshe sems can de la ci nas kyang de'i las de sbrang ma'i 'dab ma 'dra bar 'gyur ba de lta bur chos ston par byed do/ /de ltar na byang chub sems dpa' 'gyod pa yid la gcags pa sel ba'i thabs mkhas pa yin no/ /ji ltar na byang chub sems dpa' sems can la dpung gnyen byed pa'i thabs mkhas pa yin zhe na/ 'di la byang chub sems dpas sems can gang chos bstan par rung zhing nus pa dag mthong la/ de dag kyang shin du mi dge ba byed par gyur na/ de dag gdul ba'i thabs su byang chub sems dpas 'phrul ba dag mngon par sprul te/ de la sems can gang rnams rgyal pos 'dul bar 'gyur ba de dag la rgyal por sprul pa mngon par sprul par byed do/ /sems can gang rnams blon po chen pos 'dul bar 'gyur ba de dag la blon po chen por sprul pa mngon par sprul par byed do/ /sems can gang rnams bram ze dang / rgyal rigs dang / grong pa dang / yul mis 'dul bar 'gyur ba de dag la bram ze dang / rgyal rigs dang / grong pa dang / yul mir sprul pa dang / sems can gang rnams lhas 'dul ba de dag la lhar sprul pa dang / gang lag na rdo rjes 'dul ba de dag la lag na rdo rjer sprul pa mngon par sprul par</font><hr>59.36b<br><font size=+1>

byed do/ /sems can gang rnams 'jigs pas 'dul bar 'gyur ba de dag la 'jigs pa ston/ sems can gang rnams brdegs pa dang / bsdigs pa dang / bcad pa dang / bcing bas gdul ba de dag la de 'dra bar ston/ sems can gang rnams des pas 'dul ba de dag la des pas 'dul/ sems can gang rnams mtshams med pa byed 'dod pa dang / byang chub sems dpa' dag la rgyal par 'dod pa de dag thabs sna tshogs kyis zlog cing zil kyis gnon par byed/ phyogs gzhan du yang bskor bar byed do/ /mtshams med par 'gyur ba'i dngos po sbas te/ de 'dra bar de'i mdun du sprul pa ston to/ /yang na sems can dmyal ba ston to/ /mngon par shes pa ma skyes pa'i byang chub sems dpa' tshe'i mtshan ma shes pa ni byed 'dod pa dang / gsod 'dod pa'i sems can de dag mthong nas snying rje chen po'i sems skyes te/ de yang 'di snyam du/ kya ma sems can 'di rnams ni phung bar 'dod pa'o/ /kye ma sems can 'di rnams ni brlag par 'dod pa'o snyam du sems shing / de dag des lag mthil du skyu ru ra'i 'bru bzhag pa ltar mthong nas mi dga' ba'i sems chen po bskyed de/ de yang 'di snyam du sems so/ /bdag sems can gcig gi phyir yang sems can de phung po'i lhag ma ma lus pa'i mya ngan las 'das pa'i dbyings su rab tu ma bzhag pa'i bar du/ mnar med pa'i sdug bsngal bkur bar bzod na/ sems can 'di rnams kyang mi dge ba'i las byas te/ mnar med pa'i sems can dmyal ba chen por skye bar 'dod pa thabs gzhan gyis ni bzlog par mi nus te/ sems can de rnams tshe yang thung dad pa yang med pa dag cig la yul gzhan du bskor ba 'am/ zil gyis mnan</font><hr>59.37a<br><font size=+1>

par bya ba de lta bu'i dbang ni bdag la med na sems can 'di rnams mi dge ba'i lus zhig nas mnar med pa'i sems can dmyal ba chen por skye bar mi 'gyur grang / de'i phyir snying rje'i sems nye bar gzhag nas las bdag gis bya ba dang 'dra bar byas nas/ sems can de rnams la byams pas khyab par byas te/ thabs gzhan gyis mi nus nas chad pa rab kyis 'chos te/ de ltar byang chub sems dpa' sems can la dpung gnyen byed pa'i thabs mkhas pa yin no/ /ji ltar na byang chub sems dpa' sems can 'tsho ba'i thabs nye bar sbyor ba la mkhas pa yin zhe na/ 'di la byang chub sems dpa' sems can gang rnams 'phags pa'i chos 'dul ba shes par mi lcogs mi nus te/ zas dang gos lhur 'dzin cing de kho nas chog par rtsi ba mthong na/ de rnams la byang chub sems dpa' yi ge dang / gtsug lag dang / rgya dang / grangs dang / shod thabs la sogs pa'i las dge ba dang ldan pa dag ston te/ mi dge ba dang ldan pa mi ston to/ /de ltar na byang chub sems dpa' sems can 'tsho ba'i thabs nye bar sbyor ba la mkhas pa yin no/ /ji ltar na byang chub sems dpa' len pa'i thabs mkhas pa yin zhe na/ 'di la byang chub sems dpa' rin po che'i phung po ri rab tsam thob na yang len te/ dngos po ngan pa zhig thob na 'ang len to/ /de ci'i phyir zhe na/ 'di ltar sems te/ sems can 'di dag ni ser sna can/ brkam pa/ 'dod pa'i 'khol ba/ 'jungs pa yin te/ de'i rgyu de'i rkyen de'i gzhis chu'i phung po chen pos non pa bzhin du 'khor ba'i rgya mtshor 'byung nub byed pa de dag la/ de ni yun ring por don dang / phan pa dang / bde bar 'gyur ro snyam ste/ de blangs nas</font><hr>59.37b<br><font size=+1>

bdag gir mi byed/ chags pa'i sems mi skyed de/ gzhan du na sems can thams cad dang thun mong du sangs rgyas dang chos dang / dge 'dun dag la bya ba byed do/ /sems can sdug bsngal ba'i rnams la yang phan par byed do/ /sbyin pa'i bdag po de yang gzeng stod pa dang / shin tu dga' bar byed de/ de ltar na byang chub sems dpa' len pa'i thabs mkhas pa yin no/ /ji ltar na byang chub sems dpa' gnas nas gnas su slong ba'i thabs mkhas pa yin zhe na 'di la byang chub sems dpa' sems can gang bla na med pa yang dag par rdzogs pa'i byang chub mngon par rdzogs par 'tshang rgya bar lcogs shing nus pa zhig la/ de yang nyan thos dang / rang sangs rgyas kyi theg pa thob par rtsol zhing 'bad de brtson 'grus rtsom pa mthong na/ de gnas de nas bslang ste/ tha na 'khor dbye ba yang byas nas theg pa chen po la 'jog ste/ de ltar na byang chub sems dpa' gnas nas gnas su slong ba'i thabs mkhas pa yin no/ /ji ltar na byang chub sems dpa' yang dag par 'dzin tu 'jug pa dang / gzeng stod pa dang / shin du dga' bar byed pa'i thabs mkhas pa yin zhe na/ 'di la byang chub sems dpa' byang chub kyi sems ma skyed pa'i sems can rnams byang chub kyi sems skyed du 'jug /byang chub kyi sems bskyed pa'i sems can le lo can brtson 'grus chung ba/ tshul khrims tsam gyis chog par 'dzin pa dag ni brtson 'grus la 'jog /sems can gang rnams bslab pa kun spyod pa phra mo las 'gal ba dag de'i rgyu de'i rkyen de'i gzhis sems can kun khebs shing 'khod de/ dga' mgu rangs pa yang mi rnyed pa de dag la/ de ci nas kyang gnas de nas ldang ba de lta de lta bur chos ston par byed de/ </font><hr>59.38a<br><font size=+1>

de ltar na byang chub sems dpa' yang dag par 'dzin du 'jug pa dang / gzeng stod pa dang / shin tu dga' bar byed pa'i thabs mkhas pa yin no/ /rigs kyi bu ji ltar na byang chub sems dpa' de bzhin gshegs pa la mchod pa dang / rim gro bya ba'i thabs mkhas pa yin zhe na/ rigs kyi bu 'di la byang chub sems dpa' rab tu 'byung bar 'gyur te/ rnyed pa chung ngu yang chos kyi rnyed pas chog par 'dzin pa yin/ de gcig pu lkog tu song ste/ rab tu dben par gnas nas/ de 'di ltar sems te/ ma la bdag gis de bzhin gshegs pa la mchod pa dang / rim gro bya ba bsam mo snyam nas/ de de bzhin gshegs pa la mchod pa dang / rim gro bya ba rnam pa sna tshogs sems te/ de ltar sems pa de'i pha rol du phyin pa drug sgom pa yongs su rdzogs par 'gyur ro/ /ji ltar na pha rol du phyin pa drug sgom pa yos su rdzogs par 'gyur zhe na/ de la gang mchod pa dang / rim gro bya ba mngon par byed pa 'di ni de'i sbyin pa'i pha rol du phyin pa'o/ /mchod pa dang / rim gro bya ba de la gang sems can thams cad la dmigs pa'i sems skye ba 'di ni de'i tshul khrims kyi pha rol tu phyin pa'o/ /mchod pa dang / rim gro bya ba de dag la gang sems mngon par mos shing shin du dga' ba 'di ni de'i bzod pa'i pha rol tu phyin pa'o/ /mchod pa dang / rim gro bya ba de la gang sems can thams cad la dmigs pa'i sems skye ba 'di ni de'i brtson 'grus kyi pha rol du phyin pa'o/ /mchod pa dang / rim gro bya ba de nyid la gang nye bar rtog pa 'di ni de'i bsam gtan gyi pha rol du phyin pa'o/ /mchod pa dang / rim gro bya ba de dag nyid la gang sna tshogs pa 'di ni de'i shes rab kyi pha rol du phyin pa ste/ rigs kyi bu de ltar na byang chub sems dpa'</font><hr>59.38b<br><font size=+1>

de bzhin gshegs pa la mchod pa dang / rim gro bya ba'i thabs mkhas pa yin no/ /rigs kyi bu chos bcu po de dag dang ldan na byang chub sems dpa' thabs mkhas pa rnams yin no/ /rigs kyi bu chos bcu dang ldan na/ byang chub sems dpa' smon lam phun sum tshogs pa rnams yin no/ /bcu gang zhe na/ 'di lta ste/ mi dman pa'i smon lam pa rnams yin/ ma zhum pa'i smon lam pa rnams yin/ sems can thams cad kyi don la brtson pa'i smon lam pa rnams yin/ sangs rgyas thams cad kyis yang dag par bsngags pa'i smon lam pa rnams yin/ bdud thams cad shin du tshar gcod pa'i smon lam pa rnams yin/ gzhan gyi dring mi 'jog pa'i smon lam pa rnams yin/ mtha' yas pa'i smon lam pa rnams yin/ mi skrag pa'i smon lam pa rnams yin/ yongs su mi skyo ba'i smon lam pa rnams yin/ legs par yongs su rdzogs pa'i smon lam pa rnams yin no/ /rigs kyi bu de la ji ltar na byang chub sems dpa' mi dman pa'i smon lam pa yin zhe na/ rigs kyi bu byang chub sems dpa' srid pa'i bde ba 'dod cing smon lam mi 'debs te/ de ltar na byang chub sems dpa' mi dman pa'i smon lam pa yin no/ /ji ltar na byang chub sems dpa' ma zhum pa'i smon lam pa yin zhe na/ byang chub sems dpa' ni khams gsum las skyo ba dang / 'dod chags dang bral ba dang / 'gog par smon lam mi 'debs te/ de ltar na byang chub sems dpa' ma zhum pa'i smon lam pa yin no/ /ji ltar na byang chub sems dpa' sems can thams cad kyi don la brtson pa'i smon lam pa yin zhe na/ 'di la byang chub sems dpa' 'di ltar sems can kyi khams ji snyed</font><hr>59.39a<br><font size=+1>

pa ma lus par de thams cad yongs su mya ngan las bzlas nas bdag phyis sangs rgyas kyi yongs su mya ngan las 'da' bas yongs su mya ngan las 'da'o/ /zhes smon lam 'debs te/ de ltar na byang chub sems dpa' sems can thams cad kyi don la brtson pa'i smon lam pa yin no/ /ji ltar na byang chub sems dpa' sangs rgyas thams cad kyis yang dag par bsngags pa'i smon lam pa yin zhe na/ 'di la byang chub sems dpa' 'di ltar byang chub kyi sems ma bskyed pa'i sems can gyi khams ji snyed pa de dag thams cad byang chub tu sems bskyed du bcug ste/ mthar gyis byang chub kyi spyod pa spyod du btsud nas byang chub kyi snying por 'dug pa rnams la mchod pa dang / bkur sti bya'o/ /chos kyi 'khor lo rab tu bskor bar gsol ba gdab po/ /yongs su mya ngan las 'da' ba rnams kyang sems can thams cad la phan pa'i phyir bzhugs su gsol lo zhes smon lam 'debs te/ de ltar na byang chub sems dpa' sangs rgyas thams cad kyis yang dag par bsngags pa'i smon lam pa yin no/ /ji ltar na byang chub sems dpa' bdud thams cad shin du tshar gcod pa'i smon lam pa yin zhe na/ 'di la byang chub sems dpa' ni 'di ltar bdag mngon par rdzogs par sangs rgyas kyi zhing na ci nas kyang bdud kyi sgra 'am/ bdud kyi ris kyi lha rnams 'byung bar mi 'gyur ba de ltar bdag gis bya'o zhes smon lam 'debs te/ de ltar na byang chub sems dpa' bdud thams cad shin du tshar gcod pa'i smon lam pa yin no/ /ji ltar na byang chub sems dpa' gzhan gyi dring mi 'jog pa'i smon lam pa yin zhe na/ byang chub sems dpa' ni gzhan gyi dring la bla na med pa yang dag par rdzogs pa'i byang chub tu smon lam mi 'debs kyi/ byang chub</font><hr>59.39b<br><font size=+1>

sems dpa' ni bdag nyid kyi shes rab kyis dpyod de/ sems can gyi khams sdug bsngal ba la bltas nas bla na med pa yang dag par rdzogs pa'i byang chub tu smon lam 'debs te/ de ltar na byang chub sems dpa' gzhan gyi dring mi 'jig pa'i smon lam pa yin no/ /ji ltar na byang chub sems dpa' mtha' yas pa'i smon lam pa yin zhe na/ byang chub sems dpa' ni 'di lta ste/ byang chub kyi tshogs rnams kyi phyogs 'ga' zhig bzung nas nyi tshe'i smon lam mi 'debs kyi/ byang chub sems dpa' ni bla gos phrag pa gcig la gzar nas pus mo g.yas pa'i lha nga sa la btsugs te/ sems mi skyo bar byas nas phyogs bcu'i 'jig rten gyi khams rnams su bltas te/ byang chub sems dpa' gang dag phyogs bcu na gnas pa dang / gang dag dka' ba spyod pa la gnas pa dang / gang dag byang chub kyi snying po la gnas pa dang / sangs rgyas gang dag mngon par rdzogs par sangs rgyas pa dang / gang dag chos kyi 'khor lo skor ba de dag rnams la snying thag pa nas bsams te/ de dag gis chos bstan pa ji snyed pa de dag la mos par byed do/ /mos par gyur nas rjes su yi rang ngo / /rjes su yi rang nas bla na med pa yang dag par rdzogs pa'i byang chub tu yongs su sngo ste/ de ltar na byang chub sems dpa' mtha' yas pa'i smon lam pa yin no/ /ji ltar na byang chub sems dpa' mi skrag pa'i smon lam pa yin zhe na/ 'di la byang chub sems dpa' las dang po pa yin yang chos zab mo zab mo rnams thos pa dang / sangs rgyas kyi che ba zab mo thos pa dang / byang chub sems dpa'i rnam par rol pa zab mo thos pa dang / thabs mkhas pa'i tshul zab mo thos kyang mi skrag</font><hr>59.40a<br><font size=+1>

rab tu mi skrag shin du mi skrag par mi byed do/ /de 'di snyam du sangs rgyas kyi byang chub kyang mtha' yas/ sangs rgyas kyi yul yang mtha' yas/ sangs rgyas bcom ldan 'das rnams kyis sems can yongs su smin par mdzad pa yang mtha' yas te/ de ni bdag 'dra bas shes par mi nus kyi/ sangs rgyas dag nyid kyis mkhyen kya/ bdag gis mi shes so snyam du sems te/ de ltar na byang chub sems dpa' mi skrag pa'i smon lam pa yin no/ /ji ltar na byang chub sems dpa' yongs su mi skyo ba'i smon lam pa yin zhe na/ 'di la byang chub sems dpa' sems can mu rgod gdul dka' bar rig ste/ de rnams kyis yi chad nas/ 'di lta bu'i rmu rgod 'di lta bur gdul dka' ba'i sems can 'di dag gis chog go zhes te/ de'i phyir yongs su skyo zhing rgyab kyis phyogs par gyur te/ gang na sems can 'di lta bu dag gi ming yang mi thos pa'i 'jig rten gyi khams yongs su dag par smon lam mi 'debs so/ /sems can gyi don la ma phyogs pa'i byang chub sems dpa' ni yongs su dag pa'i 'jig rten gyi khams su skye bar yang mi 'gyur te/ de la byang chub sems dpa' shes rab can ni 'di ltar sems can gyi khams thams cad na sems can gang rnams ngan pa brtson 'grus chung ba/ blun po glen pa/ lug ltar lkug pa'i rang bzhin can yongs su mya ngan las mi 'da' ba'i chos can/ sems can gyi khams ma lus pa de las bsnyigs pa/ sangs rgyas thams cad dang / byang chub sems dpa' thams cad kyis spangs par gyur pa yod pa de dag bdag gis sangs rgyas kyi zhing du 'dus par gyur la/ bdag gis</font><hr>59.40b<br><font size=+1>

de dag byang chub kyi snying po la 'dug tu bcug ste/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du sems skyed de/ byang chub sems dpa' de ltar sems pa'i sems bskyed pa re re la yang bdud kyi gnas thams cad rab tu g.yo'o/ /sangs rgyas thams cad kyang de'i bsngags pa gsung bar 'gyur ro/ /de'i sangs rgyas kyi zhing yang yongs su dag par 'gyur ro/ /bla na med pa yang dag par rdzogs pa'i byang chub kyang myur du mngon par rdzogs par 'tshang rgya ste/ de ltar na byang chub sems dpa' yongs su mi skyo ba'i smon lam pa yin no/ /rigs kyi bu ji ltar na byang chub sems dpa' legs par yongs su rdzogs pa'i smon lam pa yin zhe na/ rigs kyi bu 'di la byang chub sems dpa' gang byang chub kyi snying po la 'dug ste/ bdud kyi dpung gzhom pa dang / bla na med pa yang dag par rdzogs pa'i byang chub mngon par rdzogs par 'tshang rgya ba dang yang de las par smon lam mi 'debs pa 'di ni legs par yongs su rdzogs pa'i smon lam pa zhes bya'o/ /'di lta ste/ dper na/ mar ram/ 'bru mar gyi snod kha tha chad du gang ste/ lhag par rdul phra rab tsam gyi thigs pa yang mi shong na/ de'i phyir e ma'o snod gang ba/ e ma'o snod shin tu gang ba zhes bya'o/ /de bzhin du byang chub sems dpa' byang chub mngon par rdzogs par sangs rgyas pa la smon lam legs par yongs su rdzogs pa'i phyir smon lam ma rdzogs pa rdul phra rab tsam yang med do/ /de bas na legs par yongs su rdzogs pa'i smon lam zhes bya ste/ </font><hr>59.41a<br><font size=+1>

rigs kyi bu chos bcu po de dag dang ldan na byang chub sems dpa' smon lam phun sum tshogs pa rnams yin no/ /rigs kyi bu chos bcu dang ldan na byang chub sems dpa' stobs phun sum tshogs pa rnams yin no/ /bcu gang zhe na/ 'di lta ste/ zil kyis mi non pa'i stobs phun sum tshogs pa rnams yin/ mi tshugs pa'i stobs phun sum tshogs pa rnams yin/ bsod nams kyi stobs phun sum tshogs pa rnams yin/ shes rab kyi stobs phun sum tshogs pa rnams yin/ 'khor gyi stobs phun sum tshogs pa rnams yin/ rdzu 'phrul gyi stobs phun sum tshogs pa rnams yin/ dbang gi stobs phun sum tshogs pa rnams yin/ gzungs kyi stobs phun sum tshogs pa rnams yin/ rnam par mi 'khrugs pa'i byin brlabs kyi stobs phun sum tshogs pa rnams yin/ bka' mi gcog pa'i stobs phun sum tshogs pa rnams yin no/ /rigs kyi bu de la ji ltar na byang chub sems dpa' zil gyis mi non pa'i stobs phun sum tshogs pa yin zhe na/ rigs kyi bu 'di la byang chub sems dpa' pha rol rgol ba kun gyis zil gyis mi non pa yin te/ de ltar na zil gyis mi non pa'i stobs phun sum tshogs pa yin no/ /ji ltar na byang chub sems dpa' mi tshugs pa'i stobs phun sum tshogs pa yin zhe na/ 'di la byang chub sems dpa' de'i stobs la gang stobs kyis thub pa'i sems can de lta bu sems can gyi ris na med de/ de ltar na byang chub sems dpa' mi tshugs pa'i stobs phun sum tshogs pa yin no/ /ji ltar na byang chub sems dpa' bsod nams kyi stobs phun sum tshogs pa yin</font><hr>59.41b<br><font size=+1>

zhe na/ 'di la byang chub sems dpas ma sgrubs pa'i bsod nams kyi tshogs 'jig rten pa 'am/ 'jig rten las 'das pa de gang yang med de/ de ltar na byang chub sems dpa' bsod nams kyi stobs phun sum tshogs pa yin no/ /ji ltar na byang chub sems dpa' shes rab kyi stobs phun sum tshogs pa yin zhe na/ 'di la byang chub sems dpas de bzhin gshegs pa'i ye shes ma gtogs par sangs rgyas kyi chos gang yang yang dag pa'i shes rab kyis ma mthong ba dang / mngon du ma byas pa dang / khong du ma chud pa de dag med de/ de ltar na byang chub sems dpa' shes rab kyi stobs phun sum tshogs pa yin no/ /ji ltar na byang chub sems dpa' 'khor gyi stobs phun sum tshogs pa yin zhe na/ 'di la byang chub sems dpa'i 'khor tshul khrims nyams pa ma yin/ lta ba nyams pa ma yin/ cho ga nyams pa ma yin/ 'tsho ba nyams pa ma yin gyi/ byang chub sems dpa'i 'khor ni byang chub sems dpa' mtshungs par spyod pa rnams nyid yin te/ de ltar na byang chub sems dpa' 'khor gyi stobs phun sum tshogs pa yin no/ /ji ltar na byang chub sems dpa' rdzu 'phrul gyi stobs phun sum tshogs pa yin zhe na/ 'di la byang chub sems dpa' 'jig rten pa'i rdzu 'phrul gyi yul thams cad dang / nyan thos dang / rang sangs rgyas kyi rdzu 'phrul gyi yul thams cad zil gyis gnon te/ de 'ang rdzu 'phrul gyi stobs bskyed pa/ mchog gis zil gyis gnon to/ /de 'dod na 'dzam bu'i gling skra nyag ma gcig gi rtse mo la 'jog go/ /de bzhin du gling bzhi pa dang / stong gi 'jig rten gyi khams dang / stong gnyis dang / </font><hr>59.42a<br><font size=+1>

stong gsum gyi stong chen po'i 'jig rten gyi khams kyang de bzhin no/ /de 'dod na gang gA'i klung gi bye ma snyed kyi 'jig rten gyi khams rdul phra rab gcig la 'jog go/ /de bzhin du gang gA'i klung gnyis kyi bye ma snyed dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu nas brjod du med pa'i yang brjod du med pa'i gang gA'i klung gi bye ma snyed kyi 'jig rten gyi khams rdul phra rab gcig la 'jog kyang rdul phra rab de la gang ba dang / bri bar yang mi mngon te/ 'jig rten gyi khams de rnams kyang phan tshun du 'dos par mi 'gyur/ sems can de rnams la gnod par yang mi 'gyur te/ de ltar na byang chub sems dpa' rdzu 'phrul gyi stobs phun sum tshogs pa yin no/ /ji ltar na byang chub sems dpa' dbang gi stobs phun sum tshogs pa yin zhe na/ 'di la byang chub sems dpa' 'dod na stong gsum gyi stong chen po'i 'jig rten gyi khams rin po che sna bdun gyis gang bar byin gyis rlob bo/ /de 'dod na brjod du med pa'i yang brjod du med pa'i 'jig rten gyi khams kyi bar du rin po che rnam pa sna tshogs kyis yongs su gang bar byin gyis rlob ste/ de ltar na byang chub sems dpa' dbang gi stobs phun sum tshogs pa yin no/ /ji ltar na byang chub sems dpa' gzungs kyi stobs phun sum tshogs pa yin zhe na/ 'di la byang chub sems dpa' brjod du med pa'i yang brjod du med pa'i sangs rgyas kyi zhing dag na/ sangs rgyas bcom ldan 'das ji snyed cig don tha dad pa dang / tshig dang yi ge tha dad pa dang brjod pa tha dad pa dang / tshul tha dad pa'i chos bshad pa de dag byang chub sems dpas skad cig yud tsam thang cig gcig la</font><hr>59.42b<br><font size=+1>

thams cad 'dzin par byed/ khong du chud par byed/ sgom par byed de/ de ltar na byang chub sems dpa' gzungs kyi stobs phun sum tshogs pa yin no/ /ji ltar na byang chub sems dpa' rnam par mi 'khrug pa'i byin gyi rlabs kyi stobs phun sum tshogs pa yin zhe na/ de bzhin gshegs pa dgra bcom pa yang dag par rdzogs pa'i/ sangs rgyas rnams ma gtogs par byang chub sems dpas byin gyi brlabs kyis byin gyis brlabs pa gang rnam par 'khrug par byed pa'i sems can de lta bu sems can gyi ris na med de/ de ltar na byang chub sems dpa' rnam par mi 'khrugs pa'i byin gyi brlabs kyi stobs phun sum tshogs pa yin no/ /rigs kyi bu ji ltar na byang chub sems dpa' bka' mi gcog pa'i stobs phun sum tshogs pa yin zhe na/ thabs mkhas pa ma gtogs par gang byang chub sems dpa'i bka' gcog pa'i sems can de lta bu sems can gyi ris na ma mthong ste/ rigs kyi bu de ltar na byang chub sems dpa' bka' mi gcog pa'i stobs phun sum tshogs pa yin no/ /rigs kyi bu chos bcu po de dag dang ldan na byang chub sems dpa' stobs phun sum tshogs pa rnams yin no/ /rigs kyi bu chos bcu dang ldan na byang chub sems dpa' ye shes phun sum tshogs pa rnams yin no/ /bcu gang zhe na/ 'di lta ste/ gang zag la bdag med pa'i ye shes phun sum tshogs pa rnams yin/ chos la bdag med pa'i ye shes phun sum tshogs pa rnams yin/ nyi tshe ba ma yin pa'i ye shes phun sum tshogs pa rnams yin/ ting nge 'dzin gyi spyod yul gyi ye shes phun sum tshogs pa rnams yin/ byin gyi brlabs</font><hr>59.43a<br><font size=+1>

kyi ye shes phun sum tshogs pa rnams yin/ mi 'phrogs pa'i ye shes phun sum tshogs pa rnams yin/ sems can thams cad kyi spyod pa la rnam par lta ba'i ye shes phun sum tshogs pa rnams yin/ lhun kyis grub pa'i ye shes phun sum tshogs pa rnams yin/ chos thams cad kyi mtshan nyid kyi ye shes phun sum tshogs pa rnams yin/ 'jig rten las 'das pa'i ye shes phun sum tshogs pa rnams yin no/ /rigs kyi bu de la ji ltar na byang chub sems dpa' gang zag la bdag med pa'i ye shes phun sum tshogs pa yin zhe na/ rigs kyi bu 'di la byang chub sems dpas phung po rnams skye ba yang yang dag par mthong / 'jig pa dang / 'gog pa yang yang dag par mthong ngo / /des phung po skye ba rnams snying po med pa dang / byed pa med pa dang / gsog tu yang dag par mthong / phung po 'gag pa rnams 'jig par yang dag par mthong ste/ de 'di snyam du phung po 'di dag ni bdag med pa/ sems can med pa/ srog med pa/ gso ba med pa/ gang zag med pa yin mod kyi 'on kyang byis pa so so'i skye bo bdag tu 'dzin pa la mngon par zhen pa 'di dag ni 'di ltar bdag cag gi phung po rnams bdag go/ /bdag cag gi phung po rnams la bdag yod do/ /bdag cag gi bdag la phung po rnams yod do/ /bdag cag gi bdag ni phung po can yin no snyam ste/ de dag bdag tu 'dzin pa la mngon par zhen pas de kho na nyid khong du mi chud do/ /de kho na nyid khong du mi chud pas mgal me'i 'khor lo ltar 'khor bar 'khyam mo snyam du sems shing / de thams cad kyang byang chub sems dpas yang dag pa ji lta ba bzhin du rab tu shes te/ de ltar na byang chub sems dpa' gang</font><hr>59.43b<br><font size=+1>

zag la bdag med pa'i ye shes phun sum tshogs pa yin no/ /ji ltar na byang chub sems dpa' chos la bdag med pa'i ye shes phun sum tshogs pa yin zhe na/ 'di la byang chub sems dpa' chos la sgro 'dogs pa dang / chos la skur pa yang yang dag pa ji lta ba bzhin du rab du shes te/ de 'di snyam du glo bur du byung ba'i chos la kun brtags pa'i ming gdags te/ chos de yang de'i ngo bo nyid ma yin/ yi ge de dag kyang de'i ngo bo nyid ma yin mod kyi/ 'di ni ming tsam dang / tha snyad tsam du bya'i 'di la mngon par zhen par mi bya'o/ /glo bur du byung ba'i chos de yang thams cad du thams cad med pa yin te/ gzhan gyi rkyen dang / gzhan gyi rkyen la sdod pa dang / gzhan gyi rkyen rnams kyis 'byung zhing rkyen dang bral na 'gag pa'i chos 'di ni yod do zhes de thams cad byang chub sems dpas yang dag pa ji lta ba bzhin du rab tu shes te/ de ltar na byang chub sems dpa' chos la bdag med pa'i ye shes phun sum tshogs pa yin no/ /ji ltar na byang chub sems dpa' nyi tshe ba ma yin pa'i ye shes phun sum tshogs pa yin zhe na/ byang chub sems dpa' nyi tshe ba'i ye shes skad cig gcig la 'jug cing skad cig gnyis pa la mi 'jug pa ma yin gyi/ byang chub sems dpa'i ye shes mthong ba ni skad cig thams cad la thogs pa med par 'jug ste/ de ltar na byang chub sems dpa' nyi tshe ba ma yin pa'i ye shes phun sum tshogs pa yin no/ /ji ltar na byang chub sems dpa' ting nge 'dzin gyi spyod yul gyi ye shes phun sum tshogs pa yin zhe na/ 'di la byang chub sems dpa'i nyan thos kyi ting nge 'dzin rnams kyang rab tu shes/ rang sangs rgyas kyi ting nge 'dzin rnams kyang rab tu</font><hr>59.44a<br><font size=+1>

shes/ byang chub sems dpa'i ting nge 'dzin rnams kyang rab tu shes/ de bzhin gshegs pa'i ting nge 'dzin rnams kyang rab tu shes so/ /des ting nge 'dzin gang dang / ting nge 'dzin gyi spyod yul gang la nyan thos spyod pa de yang rab tu shes/ ting nge 'dzin gang dang / ting nge 'dzin gyi spyod yul gang la rang sangs rgyas spyod pa de yang rab tu shes/ ting nge 'dzin gang dang / ting nge 'dzin gyi spyod yul gang la byang chub sems dpa' spyod pa de yang rab tu shes/ des ting nge 'dzin gang dang / ting nge 'dzin gyi spyod yul gang la de bzhin gshegs pa'i spyod pa de yang rab tu shes te/ de bzhin gshegs pas skabs phye na de bzhin gshegs pa'i ting nge 'dzin ni rab tu shes kyi/ rnam par smin pas grub pa'i rang gi ye shes kyis ni ma yin no/ /ting nge 'dzin gzhan rnams ni rnam par smin pas grub pa'i rang gi ye shes kyis rab tu shes te/ de ltar na byang chub sems dpa' ting nge 'dzin gyi spyod yul gyi ye shes phun sum tshogs pa yin no/ /ji ltar na byang chub sems dpa' byin gyis brlabs kyi ye shes phun sum tshogs pa yin zhe na/ 'di la byang chub sems dpa' nyan thos kyi byin gyi brlabs kyang ji lta ba bzhin du rab tu shes/ rang sangs rgyas kyi byin gyi brlabs kyang ji lta ba bzhin du rab tu shes/ byang chub sems dpa'i byin gyi brlabs kyang ji lta ba bzhin du rab tu shes na/ sems can de ma yin pa gzhan dag lta ci smos te/ de ltar na byang chub sems dpa' byin gyi brlabs kyi ye shes phun sum tshogs pa yin no/ /ji ltar na byang chub sems dpa' mi 'phrogs pa'i ye shes phun sum tshogs pa yin zhe na/ 'di la byang chub sems dpa'i ye shes ni</font><hr>59.44b<br><font size=+1>

mu stegs can thams cad dang / bdud thams cad dang / nyan thos dang / rang sangs rgyas thams cad kyis mi 'phrogs pa yin te/ de ltar na byang chub sems dpa' mi 'phrogs pa'i ye shes phun sum tshogs pa yin no/ /ji ltar na byang chub sems dpa' sems can thams cad kyi spyod pa la rnam par lta ba'i ye shes phun sum tshogs pa yin zhe na/ 'di la byang chub sems dpa' ye shes yongs su dag cing rnyog pa med pas sems can gyi khams la rnam par lta ste/ des de na sems can la la byang chub tu sems bskyed pa dag dang / la la byang chub kyi sems bsgrubs pa dag dang / la la byang chub kyi sems ma bsgrubs pa dag dang / la la sa dang po la gnas pa dag dang / la la sa bcu'i bar la gnas pa dag dang / la la mngon par rdzogs par sangs rgyas pa dag dang / la la mngon par rdzogs par sangs rgyas te chos kyi 'khor lo rab tu skor ba dag dang / la la bya ba kun byas te yongs su mya ngan las 'da' ba dag dang / la la nyan thos kyi theg pas yongs su mya ngan las 'da' ba dag dang / la la rang sangs rgyas kyi theg pas yongs su mya ngan las 'da' ba dag dang / la la bde 'gror skye ba dag mthong ngo / /de ltar sems can thams cad kyi spyod pa la rnam par lta ste/ de ltar na byang chub sems dpa' sems can thams cad kyi spyod pa la rnams par lta ba'i ye shes phun sum tshogs pa yin no/ /ji ltar na byang chub sems dpa' lhun gyis grub pa'i ye shes phun sum tshogs yin zhe na/ 'di la byang chub sems dpa' spyod pa 'am/ 'greng ba 'am/ 'dug pa 'am/ 'gro ba 'am/ 'ong ba na lhun gyis grub cing ye shes 'byang ste/ 'di lta ste/ </font><hr>59.45a<br><font size=+1>

dper na mi gnyid kyis log pa'i dbugs 'byung ba dang / rngub pa dag lhun gyis 'grub cing 'byung ngo / /byang chub sems dpa'i ye shes de yang de bzhin du blta'o/ /ye shes de yang thams cad du mi chags par 'jug ste/ de ltar na byang chub sems dpa' lhun gyis grub pa'i ye shes phun sum tshogs pa yin no/ /ji ltar na byang chub sems dpa' chos thams cad kyi mtshan nyid kyi ye shes phun sum tshogs pa yin zhe na/ 'di la byang chub sems dpas chos thams cad mtshan nyid mtshungs par yang rab tu shes/ mtshan nyid gcig par yang rab tu shes mtshan nyid du mar yang rab tu shes/ sgyu ma'i mtshan nyid du'ang rab tu shes/ yang dag pa ma yin par yongs su brtags pa'i mtshan nyid du 'ang rab tu shes te/ de ltar na byang chub sems dpa' chos thams cad kyi mtshan nyid kyi ye shes phun sum tshogs pa yin no/ /rigs kyi bu ji ltar na byang chub sems dpa' 'jig rten las 'das pa'i ye shes phun sum tshogs pa yin zhe na/ rigs kyi bu 'di la byang chub sems dpa' zag pa med pa'i ye shes 'jig rten thams cad las 'das pa dang ldan pa yin te/ rigs kyi bu de ltar na byang chub sems dpa' 'jig rten las 'das pa'i ye shes phun sum tshogs pa yin no/ /rigs kyi bu chos bcu po de dag dang ldan na/ byang chub sems dpa' ye shes phun sum tshogs pa rnams yin no/ /'phags pa dkon mchog sprin/ bam po gsum pa/ rigs kyi bu chos bcu dang ldan na byang chub sems dpa' sa dang mtshungs pa rnams yin no/ /bcu gang zhe na/ 'di lta ste/ yangs</font><hr>59.45b<br><font size=+1>

shing tshad med pa rnams yin/ sems can thams cad kyi 'tsho bar gyur pa rnams yin/ gnod pa dang lan du phan 'dogs pa dang bral ba rnams yin/ chos kyi sprin chen po kun zed pa rnams yin/ sems can thams cad kyi gnas su gyur pa rnams yin/ dge ba'i chos sa bon gyi gzhir gyur pa rnams yin/ rin po che'i snod du gyur pa rnams yin/ rtsi chen po'i snod du gyur pa rnams yin/ mi sgul ba rnams yin/ mi dngang pa rnams yin no/ /rigs kyi bu de la ji ltar na byang chub sems dpa' yangs shing tshad med pa yin zhe na/ rigs kyi bu 'di lta ste/ dper na sa chen po ni thams cad du yangs shing tshad med do/ /de bzhin du byang chub sems dpa' yang 'di lta ste/ bsod nams dang ye shes kyi tshogs kyis kun tu yangs shing tshad mad pa yin te/ de ltar na byang chub sems dpa' yangs shing tshad med pa yin no/ /ji ltar na byang chub sems dpa' sems can thams cad kyi 'tsho bar gyur pa yin zhe na/ rigs kyi bu 'di lta ste/ dper na sa chen po ni 'di ltar yo byad rnam pa de dang de dag gis sems can thams cad kyi 'tsho bar gyur pa yin no/ /de bzhin du byang chub sems dpa' yang sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la sogs pa byang chub kyi tshogs rnams dang / phan par 'gyur ba'i yo byad rnam pa du ma de dang de dag gis sems can thams cad kyi 'tsho bar gyur pa yin te/ de ltar na byang chub sems dpa' sems can thams cad kyi 'tsho bar gyur pa yin no/ /ji ltar na byang chub sems dpa' gnod pa dang lan du phan 'dogs pa dang bral ba yin</font><hr>59.46a<br><font size=+1>

zhe na/ 'di lta ste/ rigs kyi bu dper na sa chen po ni gnod pas kyang khong khro bar mi 'gyur/ phan pas kyang chags par mi 'gyur te/ de la gnyis su 'du shes pa yang mi 'byung ngo / /de bzhin du byang chub sems dpa' yang gnod pa dag gis khong khro bar mi 'gyur/ phan pa dag gis kyang chags par mi 'gyur te/ de ni sems can de dag la chags pa dang / khong khro ba yang mi skyed de de ltar na byang chub sems dpa' gnod pa dang lan du phan 'dogs pa dang bral ba yin no/ /ji ltar na byang chub sems dpa' chos kyi sprin chen po kun zed pa yin zhe na/ rigs kyi bu 'di lta ste/ dper na sa chen po ni sprin chen po las 'bab pa'i chu klung chen po kun zed de/ bzod cing kun 'dzin to de bzhin du byang chub sems dpa' yang de bzhin gshegs pa chos kyi sprin chen po las chos kyi 'ong ba chen po rab tu phab pa kun zed cing bzod la 'dzin te/ de ltar na byang chub sems dpa' chos kyi sprin chen po kun zed pa yin no/ /ji ltar na byang chub sems dpa' sems can thams cad kyi gnas su gyur pa yin zhe na/ rigs kyi bu 'di lta ste/ dper na sa chen po ni sems can thams cad 'gro ba dang / 'ong ba'i gnas su gyur pa yin no/ /de bzhin du byang chub sems dpa' yang sems can thams cad kyi bde 'gro dang mya ngan las 'das par 'gro ba'i gnas su gyur pa yin te/ de ltar na byang chub sems dpa' sems can thams cad kyi gnas su gyur pa yin no/ /ji ltar na byang chub sems dpa' dge ba'i chos kyi sa bon gyi gzhir gyur pa yin zhe na/ rigs kyi bu 'di lta ste/ dper na sa bon thams cad ni sa chen po'i gzhir gyur pa las skye'o/ /de bzhin du sems can thams cad kyi dge ba'i </font><hr>59.46b<br><font size=+1>

chos kyis sa bon thams cad kyang byang chub sems dpa'i gzhir gyur pa las skye ste/ de ltar na byang chub sems dpa' dge ba'i chos kyi sa bon gyi gzhir gyur pa yin no/ /ji ltar na byang chub sems dpa' rin po che'i snod du gyur pa yin zhe na/ rigs kyi bu 'di lta ste/ dper na sa chen po ni rin po che rnam pa sna tshogs kyi snod yin te/ sa chen po la rin po che sna tshogs kun snang ngo / /de bzhin du byang chub sems dpa' yang yon tan rin po che rnam pa sna tshogs kyi snod du gyur pa yin te/ byang chub sems dpa' la yon tan rin po che sna tshogs kun snang ste/ de ltar na byang chub sems dpa' rin po che'i snod du gyur pa yin no/ /ji ltar na byang chub sems dpa' rtsi chen po'i snod du gyur pa yin zhe na/ rigs kyi bu 'di lta ste/ dper na rtsi chen po gang dag nad rnam pa sna tshogs zhi bar 'gyur ba dag kyang sa chen po la gnas te / 'jig rten na snang ngo / /de bzhin du gang dag gis nyon mongs pa'i nad rnam pa sna tshogs pa rnams zhi bar 'gyur ba'i chos kyi rtsi chen po rnams kyang byang chub sems dpa' la gnas shing 'jig rten du snang bar 'gyur te/ de ltar na byang chub sems dpa' rtsi chen po'i snod du gyur pa yin no/ /ji ltar na byang chub sems dpa' mi sgul ba yin zhe na/ rigs kyi bu 'di lta ste/ dper na sa chen po ni 'di ltar sha sbrang dang / sbrang bu dang / rlung dang / nyi ma dang / sbrul gyis reg pa'i sdug bsngal thams cad kyis mi sgul ba yin no/ /de bzhin du byang chub sems dpa' yang 'di lta ste/ sems can thams cad las byung ba'i phyi nang gi sdug bsngal thams cad kyis mi sgul ba yin te/ de ltar na byang chub sems dpa' mi sgul ba yin no/ /rigs kyi</font><hr>59.47a<br><font size=+1>

bu ji ltar na byang chub sems dpa' mi dngang pa yin zhe na/ rigs kyi bu 'di lta ste/ dper na sa chen po ni glang po'i rgyal po dang / ri dgas kyi rgyal po rnam pa sna tshogs kyi sgra thos kyang mi skrag rab tu mi skrag shin du mi skrag par mi 'gyur ro/ /de bzhin du byang chub sems dpa' yang bdud dang mu stegs can thams cad kyi sgra thos na mi skrag rab tu mi skrag shin du skrag par mi 'gyur te/ rigs kyi bu de ltar na byang chub sems dpa' mi dngang pa yin no/ /rigs kyi bu chos bcu po de dag dang ldan na byang chub sems dpa' sa chen po dang mtshungs pa rnams yin no/ /rigs kyi bu chos bcu dang ldan na/ byang chub sems dpa' chu dang mtshungs pa rnams yin no/ /bcu gang zhe na/ 'di lta ste/ dge ba'i chos la gzhol ba rnams yin/ dkar po'i chos thams cad skyed pa rnams yin/ dga' ba dang dang ba dang rangs pa'i gsher ba can rnams yin/ nyon mongs pa'i rtsa ba'i rgyud thams cad srul ba rnams yin/ dang zhing rnyog pa med de gsal ba rnams yin/ nyon mongs pa'i yongs su gdung ba rab tu zhi bar byed pa rnams yin/ 'dod pa la sred pa zlog pa rnams yin/ zab cing gting dpag dka' ba rnams yin/ mtho dma' 'geng pa rnams yin/ nyon mongs pa'i rdul thams cad rab tu zhi bar byed pa rnams yin no/ /rigs kyi bu de la ji ltar na byang chub sems dpa' dge ba'i chos la gzhol ba yin zhe na/ rigs kyi bu 'di lta ste/ dper na chu ni gzhol bar 'gro ba dang / gzhol bar rgyu ba yin no/ /de bzhin du byang chub sems dpa' yang dge ba'i chos la gzhol zhing dge ba'i chos kyi phyir rgyu ba yin te/ </font><hr>59.47b<br><font size=+1>

de ltar na byang chub sems dpa' dge ba'i chos la gzhol ba yin no/ /ji ltar na byang chub sems dpa' dkar po'i chos thams cad skyed pa yin zhe na/ rigs kyi bu 'di lta ste/ dper na chu ni rtswa dang / shing gel ba dang / rtsi dang / nags tshal thams cad skyed de/ skyes pa rnams kyang phyir zhing rgyas par byed do/ /de bzhin du byang chub sems dpa' yang ting nge 'dzin gyi chus byang chub kyi phyogs kyi chos thams cad rnam par byed do/ /skyes pa rnams kyang thams cad mkhyen pa nyid kyi shing du gyur kyi bar du phyir zhing rgyas par byed do/ /thams cad mkhyen pa nyid kyi shing du gyur pa dag gis sangs rgyas kyi chos kyi 'bras bu rnam pa sna tshogs dag gis sems can rnams 'tsho bar 'gyur te/ de ltar na byang chub sems dpa' dkar po'i chos thams cad skyed pa yin no/ /ji ltar na byang chub sems dpa' dga' ba dang / dang ba dang / rangs pa'i gsher ba can yin zhe na/ rigs kyi bu 'di lta ste/ dper na chu ni ngo bo nyid kyis gsher ba can yin te/ gzhan yang gsher bar byed do/ /de bzhin du byang chub sems dpa' yang ngo bo nyid kyis dga' ba dang / dang ba dang / rangs pa'i gsher ba can yin te/ sems can gzhan yang dga' ba dang / dang ba dang / rangs pa'i gsher ba can du byed do/ /de la dga' ba ni 'jig rten las 'das pa'i chos tshol ba'o/ /dang ba ni sangs rgyas dang / chos dang / dge 'dun la rten pa'o/ /rangs pa ni gang sems dag pa ste/ de ltar na byang chub sems dpa' dga' ba dang / dang ba dang / rangs pa'i gsher ba can yin no/ /ji ltar na byang chub sems dpa' nyon mongs pa'i rtsa ba'i rgyun thams cad srul ba yin zhe na/ rigs</font><hr>59.48a<br><font size=+1>

kyi bu 'di lta ste/ dper na chu ni shing gi rnam pa dang rtswa'i rnam pa dag gi rgyun thams cad srul lo/ /de bzhin du byang chub sems dpa' yang sgom pa la gnas pa'i ting nge 'dzin gyi chus nyon mongs pa'i rtsa ba'i rgyun thams cad srul te/ ji ltar na nyon mongs pa'i rtsa ba'i rgyun 'di dag gi ming yang mi shes pa dang / nyon mongs pa'i dri nga ba'i bag chags kyang med par 'gyur ba de lta bur srul te/ de ltar na byang chub sems dpa' nyon mongs pa'i rtsa ba'i rgyun thams cad srul ba yin no/ /ji ltar na dang zhing rnyog pa med de gsal ba yin zhe na/ rigs kyi bu 'di lta ste/ dper na chu ni rang bzhin gyis dang zhing rnyog pa med de gsal lo/ /de bzhin du byang chub sems dpa' yang rang bzhin gyis dang zhing rnyog pa med de gsal ba yin no/ /de la bag la nyal ba dang / kun nas ldang ba dang bral bas na dang ba'o/ /'dod chags dang / zhe sdang dang / gti mug dang bral bas na rnyog pa med pa'o/ /dbang po rab tu dang bas na gsal ba ste/ de ltar na byang chub sams dpa' dang zhing rnyog pa med de gsal ba yin no/ /ji ltar na byang chub sems dpa' nyon mongs pa'i yongs su gdung ba rab tu zhi bar byed ce na/ rigs kyi bu 'di lta ste/ dper na chu ni sa chen po dpyid kyi tsha bas gdungs pa dang / de las gzhan yang sems can rnams dpyid kyi tsha bas gdungs pa rnams rab du zhi bar byed do/ /de bzhin du byang chub sems dpa' yang nyon mongs pas gdungs pa'i sems can gyi khams thams cad chos kyi chus rab tu zhi bar byed de/ de ltar na byang chub sems dpa' nyon mongs pa'i yongs su gdung ba rab tu zhi bar byed</font><hr>59.48b<br><font size=+1>

pa'i/ ji ltar na byang chub sems dpa' 'dod pa la sred pa zlog pa yin zhe na/ rigs kyi bu 'di lta ste/ dper na chu ni skom pas nyen pa'i sems can rnams kyi skam pa rnam par zlog go/ /de bzhin du byang chub sems dpa' yang yul la sred pas nyan pa'i sems can nyen par gyur pa dag la gang gi sems can de dag gi yul la sred pa zlog par 'gyur ba de lta bu'i chos kyi char mngon par 'bebs te/ de ltar na byang chub sems dpa' 'dod pa la sred par zlag par byed do/ /ji ltar na byang chub sems dpa' zab cing gting dpag dka' ba yin zhe na/ rigs kyi bu 'di lta ste/ dper na chu'i 'jings ni zab cing gting dpag dka' ba yin no/ /de bzhin du byang chub sems dpa' ye shes yang dag par grub pa yang 'di lta ste/ bdud thams cad dang / mu stegs can thams cad kyis gting dpag dka' zhing zab pa yin te/ de ltar na byang chub sems dpa' zab cing gting dpag dka' ba yin no/ /ji ltar na byang chub sems dpa' mthon dman 'gengs pa yin zhe na/ rigs kyi bu 'di lta ste/ dper na chu'i klung ni sa'i phyogs mthon dman 'gengs so/ /de bzhin du byang chub sems dpa' yang chos kyi chu'i klung gis sems can gyi khams mthon dman 'gengs te/ ji ltar na chus 'gengs pa ltar sems can la gnod pa byed pa de lta bu byang chub sems dpa' ma yin gyi/ sems can de rnams la snying brtse ba'i phyir chos kyi chu klung 'bebs shing de dag la gnod par mi byed de/ de ltar na byang chub sems dpa' mthon dman 'gengs pa yin no/ /ji ltar na byang chub sems</font><hr>59.49a<br><font size=+1>

dpa' nyon mongs pa'i rdul thams cad rab tu zhi bar byed pa yin zhe na/ rigs kyi bu 'di lta ste/ dper na chus ni sa'i phyogs skam zhing rdul 'thul ba thams cad snum par byed cing / rdul de dag zhi bar byed do/ /de bzhin du byang chub sems dpa' yang sems can sems rtsub pa rnams 'di lta ste/ shes rab la gnas pa'i ting nge 'dzin kyi chus sems snum par byed cing sems can de dag gi nyon mongs pa'i rdul thams cad rab tu zhi bar byed de/ de ltar na byang chub sems dpa' nyon mongs pa'i rdul thams cad rab tu zhi bar byed pa yin no/ /rigs kyi bu chos bcu po de dag dang ldan na byang chub sems dpa' chu dang mtshungs pa rnams yin no/ /rigs kyi bu chos bcu dang ldan na byang chub sems dpa' me dang mtshungs pa rnams yin no/ /bcu gang zhe na/ 'di lta ste/ nyon mongs pa'i phyag dar khung thams cad kyang sreg par byed/ sangs rgyas kyi chos rnams kyang yongs su smin par byed/ nyon mongs pa'i 'dam thams cad kyang skam par byed/ me'i phung po dang 'dra ba rnams yin/ snang bar gyur pa rnams yin/ skrag par byed pa rnams yin/ dbugs 'byin pa rnams yin/ sems can thams cad kyi thun mong du gyur pa rnams yin/ mchod par bya ba rnams yin/ mi brnyas pa rnams yin no/ /rigs kyi bu de la ji ltar na byang chub sems dpa' nyono mongs pa'i phyag dar khung thams cad sreg ce na/ rigs kyi bu 'di lta ste/ dper na me ni phyag dar khung dang / rtswa dang / shing gel ba dang / rtsi dang / sdong po thams cad sreg go/ /de bzhin du byang chub sems dpa'</font><hr>59.49b<br><font size=+1>

yang shes rab kyis bag la nyal dang / kun nas ldang ba dang / 'dod chags dang / zhe sdang dang / gti mug gi nyon mongs pa'i phyag dar khung thams cad sreg ste/ de ltar na byang chub sems dpa' nyon mongs pa'i phyag dar khung thams cad srag pa yin no/ /ji ltar na byang chub sems dpa' sangs rgyas kyi chos rnams yongs su smin par byed ce na/ rigs kyi bu 'di lta ste/ dper na me ni lo thag dang / rtsa dang / sdong bu'i rnam pa thams cad yongs su smin par byed do/ /de bzhin du byang chub sems dpa' yang shes rab kyis nang gi sangs rgyas kyi chos rnams yongs su smin par byed pa 'ang ji ltar 'jig par mi 'gyur ba de ltar yongs su smin par byed de/ de ltar na sangs rgyas kyi chos rnams yongs su smin par byed pa'o/ /ji ltar na byang chub sems dpa' nyon mongs pa'i 'dami thams cad skam par byed da/ de ltar na byang chub sems dpa' nyon mongs pa'i 'dam thams cad skam par byed do/ /ji ltar na byang chub sems dpa' me'i phung po dang 'dra ba yin zhe na/ rigs kyi bu 'di lta ste/ dper na sems can grang ba'i nad kyis nyen pa rnams kyi grang ba med par bya ba'i phyir me'i phung po byed do/ /de bzhin du byang chub sems dpa' yang nyon mongs pa'i grang ba'i nad kyis btab pa'i sems can rnams kyi nyon mongs pa'i grang ba'i nad med par bya ba'i phyir shes rab kyis rab tu dro bar byed de/ de ltar na byang chub sems dpa' me'i phung po dang 'dra ba yin no/ /ji ltar na byang chub sems dpa' snang bar gyur pa yin zhe na/ rigs kyi bu 'di lta ste/ dpar na gangs kyi rtse mo 'am</font><hr>59.50a<br><font size=+1>

ri bin d+ya'i rtse mo la me'i phung po chen po 'bar na/ des dpag tshad gcig kho ra khor yug du snang bar byed/ dpag tshad gnyis kho ra khor yug dang / dpag tshad gsum kho ra khor yug du yang snang bar byed do/ /de bzhin du byang chub sems dpa' yang ye shes kyi snang bas dpag tshad brgyar yang khyab par byed/ dpag tshad stong du yang khyab par byed/ dpag tshad stong phrag brgyar yang khyab par byed pa nas/ 'jig rten gyi khams dpag tu med/ grangs med pa'i bar du yang khyab par byas nas/ sems can thams cad la ye shes kyis snang bar byed de/ ye shes kyi snang ba des mi shes pa'i mun pa mun nag thams cad rnam par sel te/ de ltar na byang chub sems dpa' snang bar gyur pa yin no/ /ji ltar na byang chub sems dpa' skrag par byed pa yin zhe na/ rigs kyi bu 'di lta ste/ dper na ri dgas khro bo 'am/ ri dgas kyi rgyal po khro bos me'i phung po chen po mthong na skrag rab tu skrag shin du skrag par gyur cing / 'di lta ste/ me'i 'jigs pas skrag pas gnas de ring ba bas kyang shin du ring bar spong ngo / /de bzhin du bdud rnams sam bdud kyi ris kyi lha rnams kyis byang chub sems dpa' mthong na skrag rab tu skrag shin tu skrag par gyur cing / 'di lta ste/ gzi brjid chung ba'i phyir gang du byang chub sems dpa' rnams kyi ming yang mi thos na/ mthong ba lta smos kyang mi smos par ring ba bas kyang shin du ring bar sa'i phyogs de yongs su spong ngo / /de ltar na byang chub sems dpa' skrag par byed pa yin no/ /ji ltar na byang chub sems dpa'</font><hr>59.50b<br><font size=+1>

dbugs 'byin pa yin zhe na/ rigs kyi bu 'di lta ste/ dper na mi la la zhig 'brog dgon par 'khyams pa las me'i phung po chen po mthong ste/ de de logs su song ba dang / des de na grong ngam/ rdzi'u brang mthong na/ de shugs phyin de rab tu dbugs phyin nas 'jigs pa thams cad dang bral bar 'gyur ro/ /de bzhin du byang chub sems dpa' yang 'khor ba'i 'brog dgon par 'khyams pa'i sems can rnams kyis byang chub sems dpa' mthong na/ shugs phyin par 'gyur/ rab tu dbugs phyin par 'gyur/ nyon mongs pa'i 'jigs pa thams cad dang bral bar 'gyur te/ /de ltar na byang chub sems dpa' dbugs 'byin pa yin no/ /ji ltar na byang chub sems dpa' sems can thams cad kyi thun mong du gyur pa yin zhe na/ rigs kyi bu 'di lta ste/ dper na me ni sems can thams cad kyi thun mong du gyur pa ste/ ji ltar na rgyal po la phan par nye bar gnas pa ltar gdol bu la yang de bzhin no/ /de bzhin du byang chub sems dpa' yang sems can thams cad kyi thun mong du gyur pa yin te/ ji ltar rgyal po la phan par nye bar gnas pa ltar gdol bu la yang de bzhin te/ de ltar na byang chub sems dpa' sems can thams cad kyi thun mong du gyur pa yin no/ /ji ltar na byang chub sems dpa' mchod par bya ba yin zhe na/ rigs kyi bu 'di lta ste/ dper na me la ni bram ze dang / rgyal rigs dang / grong ba dang / yul gyi mi rnams kyis mchod do/ /de bzhin du byang chub sems dpa' yang 'di lta ste/ lha dang / mi dang / lha ma yin dang / dri zar bcas</font><hr>59.51a<br><font size=+1>

pa'i 'jig rten gyis ston par 'du shes pas mchod de/ de ltar na byang chub sems dpa' mchod par bya ba yin no/ /ji ltar na mi brnyas pa yin zhe na/ rigs kyi bu 'di lta ste/ dper na me stag chung ngu yang 'tshig pa'i bdag nyid yin pas na mi brnyas pa yin no/ /de bzhin du mos pas spyod pa la gnas pa'i byang chub sems dpa' mthu stobs ma rnyad pa/ theg pa chen po la las dang po pa yang lha dang / mi dang / lha ma yin du bcas 'jig rten gyis mi brnyas pa yin no/ /de ci'i phyir zhe na/ lha dang / klu dang / gnod sbyin dang / dri za dang / lha ma yin rnams kyis byang chub sems dpa' 'di ring po mi thogs par byang chub kyi snying po la 'dug ste/ bla na med pa yang dag par rdzogs pa'i byang chub mngon par rdzogs par 'tshang rgya bar khong du chud de/ de ltar na byang chub sems dpa' mi brnyas pa yin no/ /rigs kyi bu chos bcu po de dag dang ldan na byang chub sems dpa' me dang mtshungs pa rnams yin no/ /rigs kyi bu chos bcu dang ldan na byang chub sems dpa' rlung mar lta bu rnams yin no/ /bcu gang zhe na/ 'di lta ste/ gnas med par spyod pa dang / spyod yul kun du mu med pa dang / sems can nga rgyal gyis snyems pa'i rtse mo 'thor zhing 'jig la rab tu rnyil bar byed pa dang / chos kyi char sprin chen po kun nas skyed pa dang / 'gro ba thams cad kyi nyon mongs pa'i gdung ba rab tu zhi bar byed pa dang / sems can thams cad la chos dkar po las 'thun par 'byung ba'i dbugs 'byung ba dang / rngub pa'i srog nye bar sbyor</font><hr>59.51b<br><font size=+1>

ba dang / chos kyi char sprin dpag tu med pa kun 'dzin pa dang / chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa dang / 'khor gyi dkyil 'khor dpag bsam gyi shing las shin du byung ba'i chos kyi gtam yang dag par gdon mi za ba'i me tog yid du 'ong ba'i char rtag tu mngon par 'babs pa dang / bskal pa grangs med par dkar po'i dkyil 'khor yongs su bsags pa'i ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / nyi ma dang / chos kyi tshul dang / nags tshal dang / khang pa dang / dge ba'i khor yug gi ri la sogs pa'i yongs su bskor ba'i sems can gyi 'khor gyi dkyil 'khor na 'dul ba yongs su smin pa mang po yang dag par gnas pa bla na med cing lus med pa'i gnas 'pho bar 'jig pa'i ye shes kyi rlung gi dkyil 'khor rab tu gtong ba'i phyir ro/ /rigs kyi bu de la ji ltar na byang chub sems dpa' gnas med par spyod pa yin zhe na/ rigs kyi bu 'di lta ste/ dper na rlung mar ni thams cad du thogs pa med cing gnas med rten med de/ gzugs med kyang nags tshal dang / khang pa dang / gzhal med khang dang / ri rab dang / rgya mtsho la sogs pa thams cad la rang gi dgos pa byed par snang ngo / /de bzhin du byang chub sems dpa' rlung mar yang chos thams cad la kun du mi gnas pa yin te/ phung po dang / khams dang / skye mched rnams dang / gzugs dang / tshor ba dang / 'du shes dang / 'du</font><hr>59.52a<br><font size=+1>

byed dang / rnam par shes pa dang / mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams dang / mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi skye mched dang / chos kyi skye mched la mi gnas pa yin/ 'jig rten pa'i chos rnams dang / 'jig rten las 'das pa'i chos rnams dang / lha dang / mi phun sum tshogs pa thams cad dang / 'khor los sgyur ba dang / brgya byin dang / tshangs pa dang / 'jig rten skyong ba dag tu 'gyur ba dang / dbang phyug chen po dag tu 'gyur ba dang / nyan thos dang / rang sangs rgyas dag tu 'gyur ba dang / byang chub sems dpa'i sa rnams dang / thams cad mkhyen pa nyid dag la yang gnas par mi byed de/ de thams cad la mi gnas pas dngos po dang / dngos po med pa dang / gcig pa dang / tha dad pa dang / de bzhin nyid la sogs par rlom sems kyi rnam pa du mas ma gyur cing dmigs pa med la rnam par thar pa</font><hr>59.52b<br><font size=+1>

sgrib pa med pa'i spyod yul dang ldan pas/ brgya byin dang / tshangs pa dang / 'jig rten skyong ba la sogs pa'ang byed la/ phyogs bcu mtha' yas mu med pa'i 'jig rten gyi khams/ kun du sems can thams cad kyi don thams cad thob par bya ba'i phyir phyi ma'i mtha'i mur thug pa'i bskal par thams cad du 'ang rgyu la/ chos kyi lus kyis mi snang ba yang yin zhing mi rtog rnam par mi rtog ste/ de ltar na byang chub sems dpa' gnas med par spyod pa yin no/ /rigs kyi bu ji ltar na byang chub sems dpa' spyod yul kun du mu med pa yin zhe na/ rigs kyi bu 'di lta ste/ dper na rlung mar ni phyogs bcu'i 'jig rten gyi khams dpag du med pa dag tu reg par byed de g.yob cing rgyu'o/ /rigs kyi bu de bzhin du byang chub sems dpa' rlung mar yang chos mu med pa dag kun rdzob dang / don dam par kun nas mthong zhing rgyas par byed/ reg par byed/ rnam par 'god cing ston te/ de bzhin gshegs pa'i 'khor gyi dkyil 'khor dag dang / byang chub sems dpa'i 'khor gyi dkyil 'khor dag dang / 'gro ba thams cad kyi gnas dag tu yid kyi mgyogs pa dang ldan zhing / phyogs thams cad kyi mthar thug pa'i spyod yul bar gyur nas rgyu zhing 'gro ste/ rigs kyi bu de ltar na byang chub sems dpa' spyod yul kun du mu med pa yin no/ /rigs kyi bu ji ltar na byang chub sems dpa' sems can nga rgyal gyis snyems pa'i rtse mo 'thor zhing 'jig la rab tu rnyil par byed pa yin zhe na/ rigs kyi bu 'di lta ste/ dper na rlung mar ni ri dang / </font><hr>59.53a<br><font size=+1>

khyim dang / nags tshal gyi rtse mo dag 'dud par byed/ rab tu rnyil bar byed/ rnam par 'jig par byed/ 'thor bar byed/ ma snang bar byed do/ /de bzhin du byang chub sems dpa' rlung mar yang sems can nga rgyal dang / rlom pa dang / dregs pa dang / 'jig tshogs la lta ba'i rtse mos snyems pa rnams gzugs dang / dar la bab pa dang / longs spyod dang / dbang dang / stobs dang / tshe dang / nad med pa dang / 'tsho ba dang / bzo dang / thos pa dang / yid gzhungs pa dang / g.yog dang / smra mkhas pa dang / dpal che ba'i dregs pas myos pa dag dang / yang dag pa'i nan tan gyis bdag bstod pa rnams la de dang khyad zhugs pa'i phun sum tshogs pa bstan pa dang / chos bstan pas nga rgyal choms par byed cing dge ba dri ma med pa la sbyor bar byed de/ de ltar na byang chub sems dpa' sems can nga rgyal kyis snyems pa'i rtse mo 'thor zhing 'jig la rab tu rnyal bar byed pa yin no/ /rigs kyi bu ji ltar na byang chub sems dpa' chos kyi char sprin chen po kun nas skyed pa yin zhe na/ rigs kyi bu 'di lta ste/ dper na rlung mar ni phyogs bzhi nas sprin gyi dkyil 'khor kha dog sna tshogs can dang / zab cing gsal la mnyen zhing 'jam pa'i 'brug sgra rgya mtsho'i dbyangs can/ glu rol mo sna tshogs kyi sgra 'byin cing yid du 'ong ba'i dbyangs rjes su grag pa/ glog gi phreng ba'i rgyan gyis rnam par brgyan pa gang dag gis 'jig rten gyi khams bye ba khrag khrig stong phrag brgya dag kun nas yongs su khebs par byas te/ 'gro ba thams cad dga' ba dang / lo tog dang / sdong po yongs su</font><hr>59.53b<br><font size=+1>

bskyed pa'i phyir char gyi rgyun chen po rtag tu rgyun mi chad par mngon par 'bebs pa'i sprin chen po kun nas slong ngo / /de bzhin du byang chub sems dpa' rlung mar yang lus sna tshogs kyi sprin sems can thams cad dga' bar byed pa/ phyogs bcu'i 'jig rten gyi khams mtha' yas mu med pa snang bar byed pa/ 'od zer kha dog mtha' yas pa'i glog gi phreng ba'i rgyun 'byung ba/ yang dag pa de kho na nyid kyi chos kyi 'brug sgra yan lag stong phrag drug bcu pa sgrogs pa/ snying rje chen po'i rlung mar gyis yang dag par mtho ba/ chos kyi dbyings kyis klas pa'i 'gro ba thams cad kyi nam mkha' khyab par byed pa dag gi 'jig rten gya khams thams cad kun nas khebs par byas shing ngan song dang mi khom pa la sogs pa nas sems can rnams rnam par bslang ste/ rnam pa thams cad du mtshan dang / dpe byad bzang po dang / 'ad kyi dkyil 'khor snang bar rnam par dag pa yang byin gyis brlabs te/ bkod pa thams cad kyi rgyan gyis brgyan pa'i 'jig rten gyi khams dag kyang byin gyis brlabs nas/ lha dang mi dga' ba dang mgu ba dang rangs pa mchog tu gyur ba/ dga' ba dang bde ba mchog thob pa dang ldan pa rnams kyi 'jig rten pa dang / 'jig rten las 'das pa'i chos dkar po'i lo tog dang / rtsi chen po dang / sdong po thams cad rnam par skyed pa dang / thams cad du skyid par chos kyi dbang bskur ba'i phyir sems can thams cad kyi phun sum tshogs pa dang / dga' bar byed pa dang / rgud pa rab tu zhi bar byed pa'i chos kyi char chen po mngon par 'bebs te/ rigs kyi bu de ltar na</font><hr>59.54a<br><font size=+1>

byang chub sems dpa' chos kyi char sprin chen po kun nas skyed pa yin no/ /rigs kyi bu ji ltar na byang chub sems dpa' 'gro ba thams cad kyi nyon mongs pa'i gdung ba rab tu zhi bar byed pa yin zhe na/ rigs kyi bu 'di lta ste/ dper na rlung mar dri zhim po'i char gyi rgyun kyi snying po can ldang na/ sems can rnams kyi gdung ba yongs su zhi bar byas shing / lus shin du sim pa dang / bsil bar byed do/ /de bzhin du byang chub sems dpa' rlung mar yang sems can rnams kyi 'dod chags dang / zha sdang dang / gti mug dang / ngan 'gro dang / ngan par lta ba dang / nyes byas dang / the tsom dang / phongs pa mi zad pa dang / yul la sred pa dang / sdug pa dang / mi sdug pa dang bral zhing phrad pa dang / nad rnams bcil nas dam pa ma yin pa'i chos la sred pa la sogs pa'i gdung ba dag dam pa'i chos kyi char dang 'dres pa'i bla na med pa'i tshul khrims rnam par dag pa dang / smon lam dang / mthong ba dang / reg pa dang / 'grogs pa dang / bstan pa don yod pa la sogs pas rab tu zhi bar byed de/ rigs kyi bu de ltar na byang chub sems dpa' 'gro ba thams cad kyi nyon mongs pa'i gdung ba rab tu zhi bar byed cing nyon mongs pa med pa'i sa la 'god pa yin no/ /rigs kyi bu ji ltar na byang chub sems dpa' sems can thams cad la chos dkar po las 'thun par byung ba'i dbugs 'byung ba dang / rngub pa'i srog nye bar sbyor ba yin zhe na/ rigs kyi bu 'di lta ste dper na dbugs 'byung ba dang / rngub pa'i rlung gi mthus sems can thams cad 'tsho'o/ /de bzhin du byang chub sems dpas mngon par bsgrub pa dang / byang chub sems</font><hr>59.54b<br><font size=+1>

dpa'i bstabs pa'i chos dkar po'i rlung mar nye bar spyor ba phun sum tshogs pa thams cad skyed pas kyang sems can thams cad dga' bar 'gyur ro/ /rigs kyi bu gzhan yang 'di lta ste/ dper na rlung mar ni 'jig rten gyi khams thams cad du 'di lta ste/ rdo rje'i dkyil 'khor rnams dang / khor yug ri dag dang / khor yug gi ri chen po rnams dang / gling chen po bzhi yongs su 'dzin pa'i gser gyi dkyil 'khor rnams dang / rgya mtsho rin po che'i 'byung gnas dang bcas pa rnams dang / ri rab dang / ri rab chen po dang / de ma yin pa'i rin po che'i ri dang / gangs dang / ri spos kyi ngad ldang ba dang / grong rdal dang / nags tshal dang / gzhal med khang dag dang / 'dzam bu'i gling dag dang / gling chen po bzhi dag dang / stong dag dang / stong gnyis pa dag dang / stong gsum gyi stong chen po dag dang / bkod pa rnam par phye ba sna tshogs mngon par sgrub po/ /de bzhin du byang chub sems dpa' rlung mar yang phyogs bcu kun du sems can thams cad kyi bsod nams kyi phung po phun sum tshogs pa nye bar sgrub po/ /skyed do/ /yongs su gzhog go/ /de la ji ltar gangs kyi ri phun sum tshogs pa de ltar ni 'jig rten pa'i bsod nams phun sum tshogs pa rnams blta'o/ /ji ltar gling chen po bzhi dang ri rab phun sum tshogs pa de ltar ni nyan thos kyi phun sum tshogs pa rnams blta'o/ /ji ltar stong gi 'jig rten gyi khams phun sum tshogs pa de ltar ni rang sangs rgyas kyi phun sum tshogs pa rnams blta'o/ /ji ltar stong gnyis kyi 'jig rten gyi khams phun sum tshogs pa de ltar na byang chub sems dpa'i phun sum tshogs pa rnams blta'o/ /ji ltar stong</font><hr>59.55a<br><font size=+1>

gsum gyi stong chen po'i 'jig rten gyi khams phun sum tshogs pa de ltar ni 'jig rten thams cad las mngon par 'phags pa'i 'jig rten gyi khams thams cad kyi nam mkha'i dbyings kyi mthas gtugs pa/ shin du rnams par dag par grags pa mchod pa la dmigs pa thams cad la yang dag par gnas pa rnams kyis thams cad mngon du byas te/ de bzhin gshegs pa'i sku bsod nams brgya pa'i mtshan dang ldan pa rtag tu mnyam par bzhag pa phun sum tshogs pa rnams blta'o/ /de la rgya mtsho ltar ni ting nge 'dzin gyi rgya mtsho rnams blta'o/ /gling dang / bar gyi gling dang / ri gzhan dang / gling chen po bzhi pa la sogs pa ltar ni sbyor ba dang / gzungs dang / sems can yongs su smin par bya ba dang / slob ma'i dge 'dun la sogs pa blta'o/ /grong rdal dang / nags tshal dang / gzhal med khang ltar ni sangs rgyas kyi zhing yongs su dag pa'i yon tan bkod pa rnams blta'o/ /dpag bsam gyi shing gi nags tshal ltar ni sa dang pha rol du phyin pa dang / ting nge 'dzin dang / gzungs dang / mngon par shes pa dang / rig pa dang / ye shes snang ba dang / dbang dang / byang chub sems dpa' dang yang dag par rdzogs pa'i sangs rgyas kyi stobs dang / mi 'jigs pa dang / ma 'dres pa dang / snying rje chen po la sogs pa dbang sgyur ba dam pa phun sum tshogs pa'i chos rnams blta'o/ /rigs kyi bu de la sangs rgyas bcom ldan 'das rnams kyi bsod nams brgya ba'i mtshan gang zhe na/ rigs kyi bu 'di lta ste/ dper na yongs su brtag pa bzung ste/ phyogs bcu'i phyogs re re'i 'jig rten gyi khams gang ga'i klung</font><hr>59.55b<br><font size=+1>

grangs med pa'i bye ma snyed dag na sems can gang ji snyed yod pa de dag thams cad stong gsum phrag bcu'i 'khor los sgyur ba'i bsod nams kyi phung po dang ldan par gyur la/ de lta bu'i 'khor los sgyur ba'i dngos po nyid dang ldan pa'i sems can de dag gi bsod nams kyi phung po ji tsam pa de bsdoms pa dang / 'khor los sgyur ba chen po gcig cig ldan par gyur pa te/ rnam grangs des shar phyogs su 'jig rten gyi khams thams cad 'das te/ de snyed kyi 'jig rten gyi khams su gtogs pa'i sems can de snyed cig 'khor los sgyur ba'i dngos po de 'dra ba nyid dang so sor ldan par gyur la/ snga ma bzhin du phyogs bcu'i 'jig rten gyi khams thams cad nam mkha'i mthas gtugs pa dag na sems can yod do cog ji snyed pa de dag thams cad 'khor los sgyur ba'i dngos po de lta bu sha stag dang / so sor ldan par gyur te/ de bzhin du bgrang ba de snyed kyis 'jig rten gyi khams de snyed du gtogs pa'i sems can rnams brgya byin gyi bsod nams kyi phung po dang ldan pa'i brgya byin sha stag tu gyur la/ phyogs bcu'i phyogs re re'i 'jig rten gyi khams gang gA'i klung grangs med pa'i bye ma snyed du gtogs pa'i brgya byin rnams kyi bsod nams kyi phung po ji tsam pa de dang brgya byin gcig cig ldan par gyur te/ de bzhin du 'jig rten gyi khams chos kyi dbyings kyis klas pa nam mkha'i mthas gtugs pa thams cad na sems can gang ji snyed 'khod pa de thams cad brgya byin de dang 'dra ba sha stag tu gyur la/ bgrang ba de nyid kyis phyogs bcu'i phyogs re re'i 'jig rten gyi khams gang gA'i klung grangs med pa'i bye ma snyed du gtogs pa'i sems can de dag thams cad tshangs</font><hr>59.56a<br><font size=+1>

pa chen por gyur la/ bsod nams de thams cad gcig tu bsdoms pa dang tshangs pa chen po gcig cig ldan par gyur la/ tshangs pa chen po ji ltar sems can thams cad kyang de bzhin du gyur te/ snga ma bzhin du bgrang ba de nyid kyis nyan thos dag dang / rang sangs rgyas dag dang / byang chub sems dpa' sa chen po thob pa/ 'od zer gyi sprin chen po'i dbang bskur bas dbang bskur ba/ dbang bcu thob pa sha stag du gyur te/ de ltar rigs kyi bu de lta bu'i sems can thams cad phyogs bcu mu med pa'i 'jig rten gyi khams dang / nam mkha'i dbyings su gtogs pa'i dus gsum pa thams cad kyi bsod nams kyi phung po ji tsam pa de dus gsum gyi nam mkha'i dbyings su gtogs pa dang / 'jig rten gyi khams su gtogs pa'i 'jig rten gyi khams thams cad ni rdul phra rab brgyar bsgyur bas/ de bzhin gshegs pa'i ba spu'i khung bu gcig mngon par 'grub bo/ /ba spu'i khung bu thams cad du gtogs pa'i bsod nams kyi phung po brgya stong grangs med pa bcur bsgyur bas/ dpe byad bzang po brgyad cu las dpe byad bzang po re re mngon par 'grub po/ /dpe byad bzang por gtogs pa'i bsod nams kyi phung po de thams cad brjod du med pa bcur bsgyur bas/ de bzhin gshegs pa'i mtshan nyi shu rtsa dgu las mtshan re re mngon par 'grub bo/ /de yang brjod du med pa bcur bsgyur bas de bzhin gshegs pa'i smin mtshams kyi mdzod spu zla ba nya ste dri ma med pa'i dkyil 'khor stong bas kyang lhag par mdzes pa'i 'od dang ldan pa mngon par 'grub po/ /de yang brjod du med pa bye ba stong phrag bcur bsgyur bas de bzhin gshegs pa'i spyi gtsug 'gro ba thams</font><hr>59.56b<br><font size=+1>

cad las mngon par 'phags shing bltar mi snang ba gtsug tor gyis yongs su brgyan pa mngon par 'grub po/ /de yang brjod du med pa'i yang brjod du med pa'i bye ba khrag khrig brgya stong phrag bcur bsgyur bas de bzhin gshegs pa'i sangs rgyas kyi gsung yan lag stong phrag drug bcu pa dmigs pa thams cad las gsung gi sgra mtha' yas par 'byung ba lhun gyis grub pas sems can thams cad bsam pa yongs su sim par gyur la/ 'jig rten gyi khams thams cad du go bar byed pa mngon par 'grub ste/ rigs kyi bu 'di ni sangs rgyas bcom ldan 'das rnams kyi bsod nams brgya pa'i mtshan ces bya'o/ /rigs kyi bu de ltar de bzhin gshegs pa'i bsod nams dang ye shes kyi tshogs mi zad pa dang ldan zhing kun du rgyas par byed pa bkod pa dang ldan pas sems can thams cad nye bar 'tsho ba yin te/ rigs kyi bu yongs su brtag pa bzung na/ gal te phyogs bcu'i 'jig rten gyi khams chos kyi dbyings kyis klas pa nam mkha'i dbyings kyi mthas gtugs pa thams cad du gtogs pa'i sems can rnams sa bcu pa chos kyi sprin la gnas pa/ rnam pa thams cad kyi mchog dang ldan pa'i lus dang / ngag dang / yid kyi rgyan 'chang ba/ dbang bcu la dbang sgyur ba sha stag tu gyur te/ de bzhin gshegs pa'i ba spu'i khung bu gcig tu gtogs pa'i bsod nams kyi phung po la 'dzam bu'i chu bo gser las byas pa'i snod rin po che sna tshogs rnam pa sna tshogs kyis spras pa nam mkha'i tshad tsam gang gA'i klung gi bye ma snyed so so nas thogs te/ phyi ma'i mthar thug pa'i bskal par yongs su bkang zhing skad cig skad cig du blangs shing khyer yang ba spu'i khung</font><hr>59.57a<br><font size=+1>

bu gcig tu gtogs pa'i bsod nams kyi phung po de gang ba 'am 'bri bar mi mngon te/ rigs kyi bu de ltar de bzhin gshegs pa'i bsod nams brgya'i mtshan ni bsam gyis mi khyab po/ /de las bcu gnyis gang zhe na/ 'di lta ste/ byang chub kyi sems ma skyed pa'i sa dang / rab tu dga' ba dang / dri ma med pa dang / 'od byed pa dang / 'od 'phro ba can dang / shin du dka' rgyal dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin dang / sangs rgyas kyi sa kun du 'od de/ bcu gnyis po de ni de dag go/ /de la byang chub kyi sems ma bskyed pa'i sa gang zhe na/ 'di la byang chub sems dpa' byis pa'i spyod pa dang / log pa'i nan tan thams cad las yang dag par 'das pa/ 'jig rten gsum po thams cad kyi brgya byin dang / tshangs pa dang / 'jig rten skyong ba dang / nyan thos dang / rang sangs rgyas thams cad dang khyad zhugs pa'i 'gro ba thams cad las mngon par 'phags pa/ rnam pa thams cad du dpal dang ldan pa'i lus dang / ngag dang / yid kyi rgyan gyis brgyan pa/ phyogs bcu'i 'jig rten gyi khams mu med pa snang bar byed pa'i 'od kyi dkyil 'khor dang ldan pa/ sgrib pa med pa'i stobs kyi shugs 'chang ba/ 'jig rten gyi khams grangs med par skad cig re re la 'gro zhing 'ong na dri zhim po dang / 'od zer gyi dra ba'i tshogs chen po gling chen po bzhi pa'i 'jig rten gyi khams kun du 'byung ba'i pad mas rkang pa yongs su brtan pa/ stong gi 'jig rten gyi khams kyi mtha' dang mnyam pa'i stan gyi rgyan dang ldan pa/ chos thams cad shin du rnam par non pa'i lhag mthong rnam par bsgom pas thogs pa med cing</font><hr>59.57b<br><font size=+1>

yid du 'ong ba'i dmigs pa'i mtshan ma chen po bcu la sogs pa grangs med pa'i ltas bzang po mthong ba/ phyir mi ldog pa/ phyogs kyi nags tshal thibs po mtha' yas pa thams cad du 'od kyi dra ba bsam gyis mi khyab pa rab tu 'gyed pas zhing dpag tu med pa'i rgyan byed pa/ 'jig rten gyi khams brjod du med pa'i 'jig rten gyi mnga' bdag dpag tu med pa snyed kyi bdag gi gzugs brnyan gyis dbang bskur ba/ yang dag par mnod pa'i dbang dang byin gyi brlabs la mkhas pa/ 'jig rten pa dang / 'jig rten las 'das pa'i chos rin po che'i char gyi snang ba'i sgo dpag tu med pa thams cad gtan pa med par kun tu rgyas par 'gengs pa'i mchod sbyin chen po'i sprin gtong ba lhur byed pa/ blta na bzang zhing yid du 'ong la mdzes shing dge la 'gro ba thams cad dang mi mthun pa med cing don yod par bsam pa thams cad yongs su rdzogs par byed pa 'jig rten gyi khams grangs med pa rab tu g.yo bar byed cing 'gro ba ngan 'gro la sogs pa las sems can mtha' yas pa yongs su skyob pa/ mtha' yas pa'i sangs rgyas mchod pa dang chos kyi sgo 'dzin nus pa/ ting nge 'dzin dang / gzungs dang / rnam par thar pa dang / mngon par shes pa dang / rig pa grangs med pas rnam par rol pa/ chos mtha' yas pa la dga' zhing mos pas zang zing med par phyi ma'i mtha'i bskal pa'i mthar thug par rnam par mi rtog cing lhun gyis grub pa'i dga' ba'i shugs kyi snang ba 'thob pa/ bskal pa bye ba khrag khrig brgya stong ther 'bum dpag tu med par theg pa chen po la zhugs pa'i bsgom pa sna tshogs yongs su rdzogs la/ gzhan gyi don gyi nan tan tshar</font><hr>59.58a<br><font size=+1>

phyin pa'i bsod nams dang / ye shes kyi tshogs mngon par bsgrubs par grub pa'i sngon gyi sbyor ba phun sum tshogs pa'i mos pa chen po'i yang chen pos spyad pa'i chos nyid kyis sa dang po de ma thag tu 'thob par gang gnas pa de ni byang chub sems dpa'i byang chub kyi sems ma bskyed pa'i sa'o/ /rigs kyi bu 'di lta ste/ dper na 'khor los sgyur ba'i rgyal po ni mi'i kha dog las 'das la/ lha'i kha dog ni ma thob pa yin te/ de bzhin du byang chub sems dpa' yang 'jig rten pa dang / nyan thos dang / rang sangs rgyas kyi sa thams cad las ni 'das pa yin/ don dam pa'i byang chub sems dpa'i sa ni ma thob pa yin no/ /sangs rgyas kyi sa kun du 'od ni mtha' dang dbung med pa ma lus pa dri ma med pa'i chos thams cad la dbang sgyur ba ste/ kun du shin du lta ba/ sems can thams cad kyi don thams cad thob par byed pa'i mtshan nyid de/ de la ting nge 'dzin rnams gang zhe na/ bcu po 'di dag ni byang chub sems dpa' rnams kyi ting nge 'dzin rnams te/ bcu gang zhe na/ 'di lta ste/ rin chen kun du 'phags pa dang / shin du gnas pa dang / mi sgal ba dang / phyir mi ldog pa dang / rin chen 'byung gnas dang / nyi ma'i 'od kyi gzi brjid dang / don thams cad grub pa dang / ye shes sgron ma dang / da ltar gyi sangs rgyas mngon du bzhugs pa dang / dpa' bar 'gro ba'i ting nge 'dzin te/ de dag la sogs pa byang chub sems dpa' rnams kyi ting nge 'dzin ni mtha' yas so/ /gzungs ni bcu gnyis te/ bcu gnyis gang zhe na/ 'di lta ste/ dbang bskur ldan dang / ye shes</font><hr>59.58b<br><font size=+1>

ldan dang / sgra dbyangs rnam par dag pa dang / mi zad pa'i za ma tog dang / 'khyal pa mtha' yas dang / rgya mtsho mtha' yas dang / rgya mtsho'i phyag rgya dang / pad ma bkod pa dang / chags pa med pa'i sgor 'jug pa dang / so so yang dag par rig pa rnam par gdon mi za ba la 'jug pa dang / sangs rgyas kyi rgyan gyi byin gyis brlabs pa dang / kha dog mtha' yas pa dang / sangs rgyas kyi sku'i kha dog rdzogs pa mngon par sgrub pa'i gzungs te/ de dag la sogs pa snga ma bzhin no/ /mngon par shes pa ni drug ste/ drug gang zhe na/ 'di lta ste/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa'i shes pa dang / rdzu 'phrul mngon par shes pa'i shes pa dang / gang zag pa zad par shes pa'i mngon par shes pa ste drug po de dag go/ /dbang ni bcu ste/ bcu gang zhe na/ 'di lta ste/ tshe'i tshad bskal pa grangs med dpag tu med par byin gyis rlob pas tshe la dbang ba dang / ting nge 'dzin brjod du med pa'i yang brjod du med pa la nges par rtog cing 'jug pa'i tshul gyis sems la dbang ba dang / 'jig rten gyi khams thams cad du bkod pa'i rgyan du mas brgyan par byin gyis rlob pa ston pa'i tshul gyis yo byad la dbang ba dang / dus ji bzhin du las kyi rnam par smin pa byin gyis rlob pa ston pas las la dbang ba dang / 'jig rten gyi khams thams cad du skye ba ston pas skye ba la dbang ba dang / 'jig rten gyi khams thams cad sangs rgyas kyi zhing yongs su gang ba ston pas mos pa la dbang ba dang / dus dang zhing gang du 'dod par mngon par rdzogs par byang</font><hr>59.59a<br><font size=+1>

chub pa ston pas smon lam la dbang ba dang / 'jig rten gyi khams thams cad du rdzu 'phrul gyis rnam par 'phrul pa mtha' yas pa ston pas rdzu 'phrul la dbang ba dang / chos kyi sgo snang ba mtha' dang dbung med pa yongs su ston pas chos la dbang ba dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / ma 'dres pa dang / mtshan dang / dpe byad bzang po dang / mngon par rdzogs pa'i byang chub dam pa dang / dus thams cad du gtogs pa'i sangs rgyas kyi zhing thams cad kyi rdul shin du phra ba'i grangs la sogs pa skad cig gcig la yongs su shes pa rnam pa thams cad kyi mchog dang ldan pa'i thams cad mkhyen pa'i ye shes mngon par rdzogs par byang chub pa ston pas ye shes la dbang ba ste/ bcu po de dag ni byang chub sems dpa' rnams kyi dbang rnams so/ /de la byang chub sems dpa'i stobs bcu gang zhe na/ 'di lta ste/ bsam pa'i stobs dang / lhag pa'i bsam pa'i stobs dang / sbyor ba'i stobs dang / shes rab kyi stobs dang / smon lam gyi stobs dang / spyod pa'i stobs dang / theg pa'i stobs dang / rnam par 'phrul ba'i stobs dang / byang chub kyi stobs dang / chos kyi 'khor lo rab tu skor ba'i stobs te/ bcu po de dag ni byang chub sems dpa'i stobs rnams so/ /de la byang chub sems dpa'i mi 'jigs pa bzhi gang zhe na/ 'di lta ste/ gzungs kyis thos pa 'dzin cing don bstan pa la mi 'jigs pa dang / bdag med pa khong du chud pas gzhan gyis gtse ba'i mtshan ma mi 'byung zhing rang bzhin gyis spyod lam smad du med pa'i las gsum yongs su dag pa'i bsrung ba chen po phun sum tshogs pa'i mi</font><hr>59.59b<br><font size=+1>

'jigs pa dang / chos bzung ba yun du mi brjed pa dang / thabs dang shes rab mthar phyin pas sems can sgrol zhing dad pa ston pa dang / dge ba'i bar chad du mi 'gyur ba'i mi 'jigs pa dang / thams cad mkhyen pa nyid kyi sems ma nyams shing theg pa gzhan gyis mi 'byung bar dbang yongs su rdzogs pa dang / sems can gyi don rnam pa thams cad du yang dag par thob par bya ba la mi 'jigs pa ste/ bzhi po de dag ni byang chub sems dpa'i mi 'jigs pa rnams so/ /de la byang chub sems dpa'i chos ma 'dres pa bcwa brgyad gang zhe na/ 'di lta ste/ byang chub sems dpa' rnams ni ma bstan pa'i sbyin pa can rnams yin/ ma bstan pa'i tshul khrims can rnams dang / ma bstan pa'i bzod pa can rnams dang / ma bstan pa'i brtson 'grus can rnams dang / ma bstan pa'i bsam gtan can rnams dang / ma bstan pa'i shes rab can rnams dang / bsdu ba'i dngos pos sems can thams cad sdud pa rnams dang / yongs su bsngo ba'i cho ga shes pa rnams dang / thabs la mkhas pas sems can thams cad kyi spyod pa'i dbang gi theg pa'i mchog gis 'byung ba ston pa rnams dang / theg pa chen po las ma nyams pa rnams dang / mya ngan las 'das pa'i sgo ston pa rnams dang / zung dang snrel zhi'i rgyud la mkhas pa rnams dang / ye shes sngon du 'gro ba'i mngon par 'du mi byed cing kha na ma tho ba med par tshe rabs thams cad du mngon par 'phags pa rnams dang / lus dang ngag dang yid kyi las kyi mtha' dge ba bcu dang ldan pa rnams dang / sdug bsngal gyi phung po thams cad bzod pa'i lus len pas sems can gyi khams thams cad yongs su mi gtong ba rnams dang / 'gro ba thams cad mngon </font><hr>59.60a<br><font size=+1>

par dga' bar son pa rnams dang / byis pa dang / nyan thos mi bzad pa ji snyed cig gi nang na yang dge ba mang po'i rin po che'i shing dpag bsam ltar bsten pa'i thams cad mkhyen pa nyid kyi sems yongs su ma nyams pa rnams dang / chos thams cad kyi thabs sbyin pas dbang bskur ba thob par bya ba'i phyir sangs rgyas kyi chos btsal ba bstan pa las mi ldog pa rnams te/ bcwa brgyad po de dag ni byang chub sems dpa' rnams kyi chos ma 'dres pa rnams so/ /de la de bzhin gshegs pa'i stobs bcu gang zhe na/ 'di lta ste/ gnas dang / gnas ma yin pa mkhyen pa'i stobs dang / 'das pa dang / ma 'ongs pa dang / da ltar gyi las kyi rgyu'i rnam par smin pa len pa mkhyen pa'i stobs dang / mos pa sna tshogs mkhyen pa'i stobs dang / khams sna tshogs mkhyen pa'i stobs dang / dbang po mchog dang mchog ma yin pa mkhyen pa'i stobs dang / thams cad du 'gro ba'i lam mkhyen pa'i stobs dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / rnam par ldang ba thams cad mkhyen pa'i stobs dang / sngon gyi gnas rjes su dran pa mkhyen pa'i stobs dang / 'chi 'pho dang skye ba mkhyen pa'i stobs dang / zag pa zad par mkhyen pa'i stobs te/ bcu po de dag ni de bzhin gshegs pa'i stobs rnams so/ /de la de bzhin gshegs pa'i mi 'jigs pa bzhi gang zhe na/ chos thams cad mngon par rdzogs par byang chub pa la mi 'jigs pa dang / zag pa thams cad zad par shes pa la mi 'jigs pa dang / bar du gcod pa'i chos rnams gzhan du mi 'gyur bar nges pa'i</font><hr>59.60b<br><font size=+1>

lung bstan pa la mi 'jigs pa dang / phun sum tshogs pa thams cad thob par 'gyur ba'i 'byung ba'i lam de bzhin du 'gyur ba la mi 'jigs pa ste/ bzhi po de dag ni de bzhin gshegs pa'i mi 'jigs pa rnams so/ /de la sangs rgyas kyi chos ma 'dres pa bcwa brgyad gang zhe na/ 'di lta ste/ de bzhin gshegs pa la' srul ba med pa dang / ca co med pa dang / bsnyel ba med pa dang / sems mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / mos pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar gyi dus la ma chags ma thogs pa'i ye shes mthong ba 'jug pa dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba ste/ bcwa brgyad po de dag ni sangs rgyas kyi chos ma 'dres pa rnams so/ /de la de bzhin gshegs pa'i snying rje chen po gang zhe na/ rigs kyi bu de bzhin gshegs pa'i snying rje chen po ni rnam pa sum bcu rtsa gnyis dang ldan par phyogs bcu'i 'jig rten gyi khams mtha' yas mu med pa dag tu bsam gyis mi khyab pa'i rang</font><hr>59.61a<br><font size=+1>

bzhin du 'byung ste/ sum bcu rtsa gnyis gang zhe na/ 'di lta ste/ chos thams cad bdag med pa na sems can rnams ni bdag med par ma mos pas de'i phyir sems can rnams la de bzhin gshegs pa'i snying rje chen po skye'o/ /chos thams cad ni sems can med pa na sems can rnams ni sems can du smra'o zhes sems can rnams la de bzhin gshegs pa'i snying rje chen po skye'o/ /chos thams cad ni srog med pa na sems can rnams ni srog tu smra'o zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni gang zag med pa na sems can rnams ni gang zag la gnas pa'o zhes sems can rnams la de bzhin gshegs pa'i snying rje chen po skye'o/ /chos thams cad ni med pa na sems can rnams ni yod par lta'o zhes sems can rnams la de bzhin gshegs pa'i snying rje chen po skye'o/ /chos thams cad ni gnas med pa na sems can rnams ni gnas la rten to zhes sems can rnams la de bzhin gshegs pa'i snying rje chen po skye'o/ /chos thams cad ni gzhi med pa na sems can rnams ni gzhi la dga'o zhes sems can rnams la de bzhin gshegs pa'i snying rje chen po skye'o/ /chos thams cad ni nga yir bya ba med pa na sems can rnams ni nga yir bya ba la rten te zhes sems can rnams la de bzhin gshegs pa'i snying rje chen po skye'o/ /chos thams cad ni bdag po med pa na sems can rnams ni yongs su bzung ba la brtson no zhes sems can rnams la de bzhin gshegs pa'i snying rje chen po skye'o/ /chos thams cad ni dngos po med pa na sems can rnams ni dngos po la rten to zhes sems can rnams la de bzhin gshegs pa'i snying rje chen po skye'o/ /chos thams</font><hr>59.61b<br><font size=+1>

cad ma skyes pa na sems can rnams ni skye ba la rten to zhes sems can rnams la de bzhin gshegs pa'i snying rje chen po skye'o/ /chos thams cad ni ma 'phos ma byung ba na sems can rnams ni 'chi 'pho dang / skye ba la rten to zhes sems can rnams la de bzhin gshegs pa'i snying rje chen po skye'o/ /chos thams cad ni kun nas nyon ma mongs pa na sems can rnams ni kun nas nyon mongs so/ /zhes sems can rnams la de bzhin gshegs pa'i snying rje chen po skye'o/ /chos thams cad ni 'dod chags dang bral ba na sems can rnams ni 'dod chags par byed do zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni zhe sdang dang bral ba na sems can rnams zhe sdang bar byed do/ /zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni gti mug dang bral ba na sems can rnams ni gti mug par gyur to zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni 'ong ba med pa na sems can rnams ni 'ong ba la gnas pa'o zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni 'gro ba med pa na sems can rnams ni 'gro ba la gnas so zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni mngon par 'du byed pa med pa na sems can rnams ni mngon par 'du byed pa la spyod do zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni spros pa med pa na sems can rnams ni spros pa la dga'o zhes de'i phyir sems can rnams</font><hr>59.62a<br><font size=+1>

la de bzhin gshegs pa'i snying rje chen po skye'o/ /chos thams cad ni stong pa na sems can rnams ni lta ba la zhen to zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni mtshan ma med pa na sems can rnams ni mtshan ma'i spyod yul can no zhes de'i phyir sems can rnams la de bzhin gshegs pa'i snying rje chen po skye'o/ /chos thams cad ni smon pa med pa na sems can rnams ni smon lam la spyod do zhes de'i phyir sems can rnams la de bzhin gshegs pa'i snying rje chen po skye'o/ /kye ma 'jig rten gnas pa 'di ni phan tshun rtsod pas yongs su zin cing gnod sems kyi tha ba'i skyon la zhugs par gzigs nas/ de dag la gnod sems kyi tha ba'i skyon spong ba'i phyir chos bstan par bya'o zhes sems can rnams la de bzhin gshegs pa'i snying rje chen po skye'o/ /kye ma 'jig rten gnas pa 'di ni phyin ci log dang ldan zhing lam nyam nga bar zhugs pa lam gol ba la gnas pa yin gyis/ de dag la yang dag pa'i lam du gzud par bya'o zhes sems can rnams la de bzhin gshegs pa'i snying rje chen po skye'o/ /kye ma 'jig rten gnas pa 'di ni brkam zhing 'dod pa'i zil gyis non pa ste/ chog mi shes shing gzhan gyi nor la 'phrog pa yin gyis de dag 'phags pa'i nor dad pa dang / tshul khrims dang / thos pa dang / gtong ba dang / shes rab dang / ngo tsha shes pa dang khrel yod pa'i nor la dgod do zhes sems can rnams la de bzhin gshegs pa'i snying rje chen po skye'o/ /kye ma sems can 'di dag ni bu smad dang / khyim dang / nor dang / 'bru la sred pas 'kho' ba ste/ snying po med pa la snying por 'du shes pa yin gyis de dag</font><hr>59.62b<br><font size=+1>

la shin du mi rtag par bstan par bya'o zhes de'i phyir sems can rnams la de bzhin gshegs pa'i snying rje chen po skye'o/ /kye ma sems can 'di dag ni mi rigs pas 'tsho ba ste/ gcig la gcig 'drid par gnas pa yin gyis de dag la 'tsho ba yongs su dag par bya ba'i phyir chos bstan to zhes sems can rnams la de bzhin gshegs pa'i snying rje chen po skye'o/ /kye ma sems can 'di dag ni chog mi shes pa ste/ rnyed pa dang / bkur sti dang / tshigs su bcad pa la spyod kyang bdag cag ni chog shes pa'o snyam du 'dzin gyis de dag la gang 'di sdug bsngal shin du zhi zhing bde ba'i mya ngan las 'das pas shin du chog par bya'o zhes sems can rnams la de bzhin gshegs pa'i snying rje chen po skye'o/ /kye ma sems can 'di dag ni khyim gyi gnas sdug bsngal gyi snod shin du nyon mongs pa la rtag tu dga' ba yin gyis de dag las phyung zhing khams gsum pa las yang dag par 'da' bar bya ba'i phyir chos bstan to zhes sems can rnams la de bzhin gshegs pa'i snying rje chen po skye'o/ /chos thams cad ni rgyus nye bar gnas pa'i mtshan nyid yin na/ de la sems can rnams ni 'phags pa'i rnam par grol ba la le lo byed kyis de dag la rnam par grol ba lhur blang ba'i phyir brtson 'grus brtsam par chos bstan to zhes sems can rnams la de bzhin gshegs pa'i snying rje chen po skye'o/ /sems can rnams ni chags pa med pa'i ye shes rnam pa khyad par du 'phags pa'i yongs su mya ngan las 'das pa 'di btang zhing gang 'di nyan thos kyi theg pa dang / rang sangs rgyas kyi theg pa dman pa tshol ba yin gyis de dag la gang 'di sangs rgyas kyi ye shes la dmigs par bya ba'i phyir rgya chen po la</font><hr>59.63a<br><font size=+1>

blo mos par bya'o zhes sems can rnams la de bzhin gshegs pa'i snying rje chen po skye ste/ rigs kyi bu rnam pa sum bcu rtsa gnyis po de dag dang ldan na sems can rnams la de bzhin gshegs pa'i snying rje chen po skye'o/ /de bas na de bzhin gshegs pa thugs rje chen po la gnas pa zhes bya ste/ rigs kyi bu byang chub sems dpa' gang la la zhig sems can dag la rnam pa sum bcu rtsa gnyis po de dag dang ldan pa'i snying rje chen po skye na byang chub sems dpa' sems dpa' chen po de ni bsod nams kyi zhing gzi brjid chen pos rgyas pa phyir mi ldog pa sems can gyi don la brtson par rig par bya'o/ /snying rje chen po'i chos kyi sgo'i le'u 'di bcom ldan 'das kyis bshad pa na srog chags stong phrag sum bcu rtsa gnyis ni bla na med pa yang dag par rdzogs pa'i byang chub tu sems skyes so/ /srog chags brgya stong ni mi skye ba'i chos la bzod pa thob bo/ /lha'i bu stong phrag bdun bcu rtsa gnyis ni chos rnams la chos kyi mig rdul med cing dri ma dang bral ba rnam par dag go/ /rigs kyi bu de ltar de dag la sogs pa de bzhin gshegs pa rnams dang / byang chub sems dpa' rnams kyi dbang sgyur gyi chos kyi rnam par 'god pa ni dpag tu med grangs med de/ de dag phyi ma'i mtha'i mur thug pa'i bskal par de bzhin gshegs pas bstan kyang mtha' med na sems can rnams kyi dga' ba dang / dad pa dang / rangs pa bskyed pa'i phyir phyogs tsam zhig bstan te/ de ltar na byang chub sems dpa' sems can thams cad la chos dkar po las 'thun par 'byung ba'i dbugs 'byung ba dang / rngub pa'i srog nye bar sbyor ba la mkhas pa yin no/ /ji ltar na byang chub sems dpa' chos kyi char sprin dpag tu med pa kun 'dzin</font><hr>59.63b<br><font size=+1>

nus pa yin zhe na/ rigs kyi bu 'di lta ste/ dper na rlung mar ni rlung gi dkyil 'khor mu med cing rgya che la brtan zhing sra bas 'jig rten gyi khams 'jig pa dang 'byung ba char sprin dang bcas pa/ rgya mtsho dang / gling chen po bzhi bar bcas pa/ ri rab dang / ri btang bzung dang / ri btang bzung chen po dang / gangs dang / khor yug ri dang / khor yug ri chen po dang / ri spos kyi ngad ldang ba dang / grong rdal dang / 'bab chu dang / nags tshal dang / gzhal med khang gi rnam par bcas pa dag yongs su 'dzin to/ /de bzhin du byang chub sems dpa' sems dpa' chen po yang gzungs kyi rlung mar gyi dkyil 'khor mu med pas yang dag par rdzogs pa'i sangs rgyas kyi sprin kyis phab pa'i gtan pa med pa'i chos kyi char gyi rgyun chen po thams cad yongs su 'dzin to/ /'jig rten gyi khams thams cad 'byung ba'i tshe ji skad du brjod pa'i ri rab dang / rgya mtsho dang / gling chen po bzhi pa dang / ri btang bzung dang / ri btang bzung chen po dang / gangs dang / khor yug ri dang / khor yug ri chen po dang / ri spos kyi ngad ldang ba dang / grong rdal dang / 'bab chu dang / nags tshal dang / gzhal med khang gi rnam pa lta bu bsod nams brgya pa'i mtshan dang / sa dang pha rol tu phyin pa dang / ting nge 'dzin dang / gzungs dang / mngon par shes pa dang / dbang dang / stobs dang / mi 'jigs pa dang / so so yang dag par rig pa dang / ma 'dres pa dang / snying rje chen po la sogs pa sangs rgyas dang / byang chub sems dpa'i phun sum tshogs pa thams cad yongs su 'dzin to/ /'jig rten pa dang / 'jig rten las 'das pa'i chos kyi phung po brgya stong mu med pa phun sum tshogs pa thams cad kyang rtag tu rgyun mi chad par yongs su 'dzin te/ de ltar na</font><hr>59.64a<br><font size=+1>

byang chub sems dpa' chos kyi char sprin dpag tu med pa kun 'dzin nus pa yin no/ /ji ltar na byang chub sems dpa' chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa yin zhe na/ rigs kyi bu 'di lta ste/ dper na rlung mar ni gzhal med khang dgod pa'i rnam par dbye ba sna tshogs thams cad kun nas gzhog par byed/ rnam par 'byed par byed de/ nags tshal dang / shing dang / yal ga dang / 'dab ma dang / ldum bu dang / myu gu dang / me tog dang / 'bras bu dang / lo ma dang / sdong po la sogs pa dang / sems can thams cad kyi yan lag dang / nying lag rnam par dbye ba sna tshogs rtag tu rgyun mi chad par yongs su gzhog cing rnam par 'byed de gsal bar byed do/ /de bzhin du byang chub sems dpa' rlung mar yang so so yang dag par rig pa dang / spobs pa'i ye shes ma thogs ma chags shing mtha' yas pas 'jig rten pa dang / 'jig rten las 'das pa'i phun sum tshogs pa thams cad sgo sna tshogs nas yongs su gzhog par byed/ /rnam par 'byed par byed/ snang bar byed/ yongs su ston par byed/ thob par byed cing rnam pa 'di dag 'di lta ste/ chos 'di dag ni ngan song sgrub pa'o/ /'di dag ni bde 'gro sgrub pa'o/ /'di dag ni bdag por sgrub pa'o/ /'di dag ni sems can dmyal ba sgrub pa'o/ /'di dag ni byol song gi skye gnas sgrub pa'o/ /'di dag ni gshin rje'i 'jig rten sgrub pa'o/ /'di dag ni mir sgrub pa'o/ /'di dag ni lhar sgrub pa'o/ /'di dag ni 'khor los sgyur bar sgrub pa'o/ /de bzhin du mdor bsdus te/ 'di dag ni brgya byin dang / tshangs pa dang / 'jig rten skyong ba sgrub pa'o/ /'di dag ni gzugs dang / g.yog dang / yid gzhungs pa dang / </font><hr>59.64b<br><font size=+1>

dpal chen po sgrub pa'o/ /'di dag ni rig pa'o/ /'di dag ni sgyu rtsal to/ /'di dag ni bzo'i gnas so/ /'di dag ni gtsug lag sna tshogs la rnam pa thams cad du mkhas pa'o/ /'di dag ni nyan thos kyi theg pa ste/ nyan thos su 'gyur ba'o/ /'di dag ni rang sangs rgyas kyi theg pa ste/ rang sangs rgyas su 'gyur ba'o/ /'di dag ni theg pa chen po ste/ rnam pa thams cad kyi mchog dang ldan pa bdag dang / gzhan gyi don yang dag par 'thob par byed pa kun du bzang po thams cad mkhyen pa nyid du 'gyur ba'o/ /de bzhin du mdor bsdus te/ 'di dag ni sa rnams dang / pha rol du phyin pa rnams dang / ting nge 'dzin rnams dang / rig pa rnams dang / dbang rnams dang / gzungs rnams dang / mngon par shes pa rnams dang / rnam par thar pa rnams dang / stobs rnams dang / mi 'jigs pa rnams dang / so so yang dag par rig pa rnams dang / ma 'dres pa rnams so zhes rigs kyi bu de ltar byang chub sems dpa' ni de dag la sogs pa rnam pa tshad med pas gzungs pad ma bkod pa la sogs pa la mkhas pa'i chos bkod pa rnam par bkod pa dag byed de/ de ltar na byang chub sems dpa' chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su dgod pa yin no/ /ji ltar na byang chub sems dpa' 'khor kyi dkyil 'khor dpag bsam kyi shing las shin du byung ba'i chos kyi gtam yang dag par gdon mi za ba'i me tog yid du 'ong ba'i char rtag tu mngon par 'bebs pa yin zhe na/ rigs kyi bu 'di lta ste/ dper na rlung mar ni dpag bsam kyi shing gi nags tshal dag las gang gis lha dang / mi rnams shin du dga' ba dang / yid bde ba skyes nas mya ngan med</font><hr>59.65a<br><font size=+1>

par rnam par rtse ba dang / nyams bde zhing yongs su spyod de/ rtag tu rgyun mi chad par kha dog dang / stobs dang / mthu dang / yid bde bas yongs su mi nyam pa de lta bu'i spos dang / me tog dang / rgyan dang / gos dang / rnga dang / sil snyan la sogs pa phun sum tshogs pa'i char mngon par 'bebs/ yongs su skyod cing 'byin par byed do/ /de bzhin du byang chub sems dpa' rlung mar yang yongs su dag pa'i 'jig rten gyi khams kyi de bzhin gshegs pa dang / byang chub sems dpa'i 'khor gyi dkyil 'khor nas sems can dag la gang gis sems can de dag rtag tu rgyun mi chad par chos kyi dga' ba la mos shing 'dun pa dang / lus dang / ngag dang / yid kyi las kha na ma tho ba med pa dang / gzi dang ldan pa dang / yongs su skyo bar mi 'gyur ba dang / lha dang mi'i phun sum tshogs pa thams cad nyams su myong bar byed pa dang / mi nyams pa'i chos can du 'gyur ba dang / shes rab kyis snang bar gyur pas rtag tu khyad par gyi rnam par 'dod par 'gyur ba'i mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa dang / 'di lta bu 'das pa dang / skyes pa'i rabs dang / shin du rgyas pa dang / chos rmad du byung ba dang / gtan la phab par bstan pa dag dang ldan pa'i dam pa'i chos rin po che'i me tog la sogs pa'i char mngon par 'bebs so/ /lugs dang 'thun pa dang / lugs dang mi mthun pa dang / snrel gzhi dang / spyi'u tshugs kyi rgyud la sogs pa'i gtam rnam par gdon mi za ba nye bar sgrub po/ /tha snyad kyi dmigs pa thams cad la bdag med pa zhi zhing rnam par dag pa'i chos nyid rjod cing ston la</font><hr>59.65b<br><font size=+1>

rnam par byang bar byed do/ /chos thams cad ston/ kun du yang dag par gzhol ba yongs su ston to/ /sgyu ma'i rnam pa bsam gyis mi khyab pa la 'jug pa nye bar sbyor ro/ /ye shes sgyu ma rnam par rgyas par byed de/ chos thams cad la dga' bar rtse ba'i rnam par 'phrul pa rnams kyis sems can rnams yongs su rgyas par byed do/ /'dri ba thams cad kyi lung bstan pas tshim par byed do/ /mtha' dang dbung med pa'i rdzu 'phrul la mkhas par byed do/ /de ltar na byang chub sems dpa' 'khor kyi dkyil 'khor dpag bsam gyi shing las shin du byung ba'i chos kyi gtam yang dag par gdon mi za ba'i me tog yid du 'ong ba'i char rtag tu mngon par 'bebs pa yin no/ /ji ltar na byang chub sems dpa' bskal pa grangs med par dkar po'i dkyil 'khor yongs su bsags pa ting nge 'dzin dang / rnam par thar pa dang / gzungs gyi sgo rgya mtsho dang / ri rab dang / 'od dang / zla ba dang / nyi ma dang / chos kyi tshul dang / nags tshal dang / khang pa dang / dge ba'i khor yug gi ri la sogs pas yongs su bskor ba'i sems can gyi 'khor gyi dkyil 'khor na gdul ba yongs su smin pa mang po yang dag par gnas pa/ bla na med cing lus med pa'i gnas 'pho bar 'jig pa'i ye shes kyi rlung gi dkyil 'khor yongs su gtong ba yin zhe na/ rigs kyi bu 'di lta ste/ dper na rlung mar ni bskal pa'i mthar thug ste/ 'jig rten gyi khams 'jig par 'gyur ba'i dus na gang gis stong gsum gyi stong chen po'i 'jig rten gyi khams bye ba khrag khrig brgya stong ri rab dang / khor yug ri dang / rgya mtsho la sogs par bcas pa kun nas 'jig cing rnam par 'thor ba dang / rmeg med par byed cing nam mkha'i</font><hr>59.66a<br><font size=+1>

rang bzhin du byed pa de lta bu'i stobs kyi shugs thogs pa med par ldang ngo / /rigs kyi bu de bzhin du byang chub sems dpa' rlung mar yang bskal pa mang por bsags pa'i sems can bsod nams dang / ye shes sna tshogs rnam par bkod pa'i ri mthon po dang ldan pa rnams la byang chub sems dpa'i stobs kyi shugs dang / rdzu 'phrul dang / rnam par 'phrul pa chen po yongs su bstan pa dang / chos kyi 'khor lo thogs pa med par rab tu bskor ba'i sgra skad kyi dbyangs rab tu bsgrags pas chos kyi phung po'i rlung gi dkyil 'khor gang gis 'dul ba chos snang ba'i lhag mthong dang ldan pa/ bzod par mi nus pa'i 'du byed kyi stobs thams cad mnyam par gzhog pa/ tshul bzhin yid la byas nas/ yang dag par sems nang du gnas pa'i ting nge 'dzin phun sum tshogs pa la brten te/ srid pa dang / phung po dang / khams dang / skye mched kyi 'du byed kyi lus thams cad bshig cing rnam par gtor te lus med par byas nas yang dag pa ma yin pa yongs su brtags pa rnam par bshig ste/ 'jig rten thams cad las yongs su 'das pa bsam gyis mi khyab cing gzugs med pa'i bsod nams phun sum tshogs pa dang / gzugs thams cad yongs su bstan pa rnam par gzhig pas gnas gyur pa rnam par dag pa phyi ma'i mtha'i mur thug par gnas pa/ rnam pa thams cad du mtha' dang bral ba rnams thob par byed pa de lta bu kun nas rab tu gtong ste/ rigs kyi bu de ltar na byang chub sems dpa' bskal pa grangs med par dkar po'i dkyil 'khor yongs su bsags pa/ ting nge 'dzin dang / rnam par thar ba dang / gzungs kyi sgo rgya mtsho dang / ri rab dang / 'od dang / zla ba dang / </font><hr>59.66b<br><font size=+1>

nyi ma dang / chos kyi tshul dang / nags tshal dang / khang pa dang / dge ba'i khor yug ri la sogs pas yongs su bskor ba'i sems can gyi 'khor gyi dkyil 'khor na gdul ba yongs su smin pa mang po yang dag par gnas pa/ bla na med cing lus med pa'i gnas 'pho ba dang / 'jig pa'i ye shes kyi rlung gi dkyil 'khor rab tu gtong ba yin te/ rigs kyi bu chos bcu po de dag dang ldan na byang chub sems dpa' rlung mar lta bu rnams yin no/ /de nas bcom ldan 'das la byang chub sems dpa' sgrib pa thams cad rnam par sel bas 'di skad ces gsol to/ /a la la de ltar bcom ldan 'das kyis rnam pa thams cad kyi mchog dang ldan zhing sems can rlabs po che rnams yongs su tshim par 'gyur ba'i chos kyi tshul bcu po 'di bstan pa/ bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das lha dang mi gang la la chos 'di dag la mos shing nan tan bgyid na de dag thams cad ji skad du gsungs pa'i phun sum tshogs pa bde ba dang bcas pa yid bde ba dang bcas par thob par 'gyur te/ brgya byin dang / tshangs pa dang / 'jig rten skyong ba la sogs pa zhig bgyid na 'ang gzhan gyi don la gzhol zhing tshe 'di dang / tshe rabs gzhan gyi phun sum tshogs pa thams cad thob par 'gyur ro/ /bcom ldan 'das kyis bka' stsal pa/ rigs kyi bu de de bzhin no/ /de de bzhin te/ sems can gang de lta bu'i chos rnams la nan tan byed de dag ni 'jig rten thams cad las mngon par 'phags pa dang / kun tu rnam par bltas pa dang / mi dge ba'i chos thams cad rab tu spangs pa dang / dge ba'i chos thams cad dang ldan pa dang / 'jig rten thams cad kyi rten du 'gyur ro/ /gang spong ba'i skyes bu glen pa de</font><hr>59.67a<br><font size=+1>

dag ni mun pa nas mun par gzhol ba ste/ sdug bsngal thams cad la rten pa'o/ /lha dang / mi dang / lha ma yin du bcas pa'i 'jig rten gyis mya ngan du bya ba'o/ /'phags pa dkon mchog sprin/ bam po bzhi pa/ /rigs kyi bu chos bcu dang ldan na byang chub sems dpa' nam mkha' dang mtshungs pa rnams yin no/ /bcu gang zhe na/ 'di lta ste/ dri ma med pa rnams yin/ ma chags pa rnams yin/ zhi ba rnams yin/ shes rab mtha' yas pa rnams yin/ ye shes mtha' yas pa rnams yin/ chos kyi dbyings mnyam pa'i nyid kyi rjes su song ba rnams yin/ chos thams cad ni nam mkha'i dbyings kyi ngo bo nyid du mos pa rnams yin/ so sor mi rten pa rnams yin/ mtshan ma'i spyod yul las 'das pa rnams yin/ rtog ge'i spyod yul las 'das pa rnams yin no/ /rigs kyi bu chos bcu po de dag dang ldan na byang chub sems dpa' nam mkha' dang mtshungs pa rnams yin no/ /rigs kyi bu gzhan yang chos bcu dang ldan na byang chub sems dpa' nam mkha' dang mtshungs pa rnams yin no/ /bcu gang zhe na/ 'di lta ste/ yid du 'ong ba dang / yid du mi 'ong ba'i gzugs rnams la chags par yang mi 'gyur/ khong khro bar yang mi 'gyur ba dang / yid du 'ong ba dang yid du mi 'ong ba'i sgra rnams dang / dri rnams dang / ro rnams dang / reg bya rnams dang / yid du 'ong ba dang yid du mi 'ong ba'i chos rnams la chags par yang mi 'gyur/ khong khro bar yang mi 'gyur ba dang / rnyed pa dang / ma rnyed pa dang / bde ba dang sdug bsngal ba dang / grags pa dang ma grags pa dang / stod pa dang smad pas chags par yang mi 'gyur/ khong khro bar yang mi 'gyur ba ste/ rigs kyi bu chos bcu po de dag dang ldan na byang</font><hr>59.67b<br><font size=+1>

chub sems dpa' nam mkha' dang mtshungs pa rnams yin no/ /rigs kyi bu chos bcu dang ldan na byang chub sems dpa' zla ba dang 'dra ba rnams yin no/ /bcu gang zhe na/ 'di lta ste/ sems can thams cad kyi lus rab tu sim par byed pa dang / mthong na dga' ba rnams yin/ chos dkar po rnams skye bar byed pa dang / chos nag po rnams bri bar byed pa dang / rab tu bsngags pa rnams yin/ lus yongs su dag pa rnams yin/ bzhon pa mchog la zhon pa rnams yin/ rtag tu brgyan pa rnams yin/ chos kyi dga' ba la mos shing 'dun pa rnams yin/ 'phrul che zhing mthu che ba rnams yin no/ /rigs kyi bu de la ji ltar na byang chub sems dpa' sems can thams cad kyi lus rab tu sim par byed pa nas ji ltar na 'phrul che zhing mthu che ba'i bar du yin zhe na/ rigs kyi bu 'di lta ste/ dper na zla ba shar na 'di ltar sems can thams cad kyi lus bsil ba dang / yid du 'ong bas rab tu sim par byed do/ /de bzhin du byang chub sems dpa' zla ba shar na yang 'di lta ste/ nyon mongs pa'i gdung ba thams cad dang bral ba dang / dga' ba dang / dang ba dang / rangs pa dang / yid du 'ong bas sems can thams cad kyi lus rab tu sim par byed do/ /rigs kyi bu 'di lta ste/ dper na zla ba shar na 'di lta ste/ zhi ba dang / dang ba dang / sems shin du dga' bar byed pas sems can thams cad mthong na dga' ba yin no/ /de bzhin du byang chub sems dpa' zla ba shar na yang 'di lta ste/ dbang po rnam par gsal ba dang / sems kyi rgyud dang ba dang / spyod pa dang / spyod lam dang / yon tan phun sum tshogs pas sems can thams cad mthong na dga' zhing yid du 'ong ba yin no/ /rigs kyi bu 'di lta ste/ dper na zla ba yar gyi ngo la zla ba nya ste/ rnam</font><hr>59.68a<br><font size=+1>

pa thams cad du rgyas kyi bar du nyi ma re re zhing 'phel lo/ /yongs su rdzogs par 'gyur ro/ /de bzhin du byang chub sems dpa' zla ba yang thog ma sems bskyed pa nas bzung ste/ byang chub kyi snying po la 'dug gi bar du nyi ma re re zhing chos dkar po rnams 'phel zhing yongs su rdzogs par 'gyur te/ nam byang chub gyi snying po la 'dug pa de na rnam pa thams cad du yongs su rdzogs pa yin no/ /rigs kyi bu 'di lta ste/ dper na zla ba mar gyi ngo la dkyil 'khor kha dog dang / snang ba dang / chu zheng yang yongs su 'bri ste/ bcwa lnga la ji ltar rnam pa thams cad du thams cad mi mngon pa de ltar 'bri'o/ /de bzhin du byang chub sems dpa' zla ba yang nam 'jig rten las 'das pa'i ye shes thob par gyur pa de na/ de'i mi dge ba'i chos rnams thams cad du thams cad rab tu 'bri ste/ ji ltar byang chub kyi snying po la thams cad du thams cad med par 'gyur ba de ltar rab tu 'bri'o/ /rigs kyi bu 'di lta ste/ dper na zla ba shar na bram ze dang / rgyal rigs dang / grong pa dang / yul gyi mi skyes pa dang / bud med dang / khye'u dang / bu mo rnams kyis rab tu bsngags par bya ba yin no/ /de bzhin du byang chub sems dpa' zla ba shar na yang lha dang / mi dang / lha ma yin dang / dri zar bcas pa'i 'jig rten gyis rab tu bsngags par bya ba yin no/ /rigs kyi bu 'di lta ste/ dper na lha'i bu zla ba'i lus 'di ltar rang gi bsod nams kyi las rnam par smin pas grub pa ni yongs su dag ste/ rnyog pa med cing dang ba dang / gsal ba yin no/ /de bzhin du byang chub sems dpa' zla ba'i lus kyang 'di lta ste/ chos nyid kyis mngon par grub pa/ rdzus te skyes pa/ pha ma'i</font><hr>59.68b<br><font size=+1>

btsog pa dang / mer mer po las byung ba ma yin te/ yongs su dag la rnyog pa med cing dang ba dang gsal ba yin no/ /rigs kyi bu 'di lta ste/ dper na lha'i bu zla ba ni bzhon pa mchog la zhon te/ gling bzhir snang bar byed do/ /de bzhin du byang chub sems dpa' zla ba yang byang chub sems dpa'i theg pa mchog la zhon te/ 'jig rten gyi khams mtha' yas mu med par snang bar byed do/ /rigs kyi bu 'di lta ste/ dper na lha'i bu zla ba ni rtag tu brgyan cing rgyan ma rnyings pa yin no/ /de bzhin du byang chub sems dpa' zla ba yang 'di ltar yon tan gyi rgyan rnams kyis rtag tu brgyan pa yin no/ /rigs kyi bu 'di lta ste/ dper na lha'i bu zla ba ni rtag tu rgyun mi chad par lha'i 'dod pa'i dga' ba la mos pa yin no/ /de bzhin du byang chub sems dpa' zla ba yang rtag tu rgyun mi chad par chos kyi dga' ba la mos shing 'dun pa yin gyi 'dod pas dga' ba la dga' ba ma yin no/ /rigs kyi bu 'di lta ste/ dper na lha'i bu zla ba ni 'phrul che zhing mthu che ba yin no/ /de bzhin du byang chub sems dpa' zla ba yang 'di lta ste/ bsod nams chen po dang / ye shes chen pos 'phrul che zhing mthu che ba yin te/ rigs kyi bu de ltar na byang chub sems dpa' sems can thams cad kyi lus rab tu sim par byed pa nas 'phrul che zhing mthu che ba'i bar du yin no/ /rigs kyi bu chos bcu po de dag dang ldan na byang chub sems dpa' zla ba dang 'dra ba rnams yin no/ /rigs kyi bu chos bcu dang ldan na byang chub sems dpa' nyi ma dang 'dra ba rnams yin no/ /bcu gang zhe na/ 'di lta ste/ ma rig pa'i mun pa sel ba rnams yin/ 'dul ba'i sems can rnam par 'byed par byed pa rnams yin/ phyogs bcu thams cad du lhan ner byed pa rnams</font><hr>59.69a<br><font size=+1>

yin de dge ba'i chos mngon par shes pa rnams yin/ de dag gi zag pa nub par 'gyur ba rnams yin/ snang bar byed pa rnams yin/ mu stegs can ngan pa'i lugs rnams zil kyis mnan te 'dug pa rnams yin/ mnyam pa dang mi mnyam pa kun ston pa rnams yin/ chos dkar po'i las kyi mtha' thams cad 'byung bar byed pa rnams yin/ skye bo dge ba dga' ba rnams yin no/ /rigs kyi bu de la ji ltar na byang chub sems dpa' ma rig pa'i mun pa sel ba nas/ ji ltar skye bo dge ba dga' ba'i bar du yin zhe na/ rigs kyi bu 'di lta ste/ dper na nyi ma shar na mun pa mun nag thams cad rnam par sel to/ /de bzhin du byang chub sems dpa' nyi ma shar na yang ma rig pa'i mun pa thams cad rnam par sel to/ /rigs kyi bu 'di lta ste/ dper na nyi ma shar na pad ma rnam par 'bye bar byed do/ /de bzhin du byang chub sems dpa' nyi ma shar na yang gdul ba'i sems can gyi pad ma rnam par 'bye bar byed do/ /rigs kyi bu 'di lta ste/ dper na nyi ma shar na phyogs bcu thams cad du lhan ner byed do/ /de bzhin du byang chub sems dpa' nyi ma shar na yang phyogs bcu thams cad du shes rab kyi gzi brjid dang / ye shes kyi 'od zer gyis rab tu lhan ner byed kyang sems can rnams la gnod par mi 'gyur ro/ /rigs kyi bu 'di lta ste/ dper na 'dzam bu'i gling du nyi ma'i 'od zer dag nam snang ba de'i tshe na shar ces bya'o/ /de bzhin du byang chub sems dpa' nyi ma'i ye shes kyi 'od zer rnams nam snang ba de'i tshe na dge ba'i chos rnams shar ces bya'o/ /rigs kyi bu 'di lta ste/ dper na 'dzam bu'i gling du nyi ma'i snang ba nam med par gyur pa de'i tshe na nub ces bya'o/ /de bzhin du byang chub sems dpa' nye ba'i nyon mongs pa rnams thams cad du</font><hr>59.69b<br><font size=+1>

thams cad nam med par gyur pa de'i tshe na zag pa zad ces bya'o/ /rigs kyi bu 'di lta ste/ dper na nyi ma shar na 'dzam bu'i gling gi sems can rnams la snang bar byed do/ /de bzhin du byang chub sems dpa' nyi ma shar na yang sems can thams cad la ye shes kyi snang ba byed cing / gti mug gi mun pa'i rab rib kyis khebs pa rnam par sel to/ /rigs kyi bu 'di lta ste/ dper na nyi ma shar na 'od thams cad kyi 'od med par byed kyang nyi ma ni ngas 'od thams cad kyi 'od mi snang bar bya'o snyam du mi sems mod kyi/ 'on kyang chos nyid thob pas 'od med par 'gyur ro/ /de bzhin du byang chub sems dpa' nyi ma shar na yang mu stegs can ngan pa'i 'od dang / mu stegs can ngan pa'i lugs thams cad 'od med par 'gyur mod kyi/ byang chub sems dpa'i nyi ma ni ngas 'di dag 'od med par bya'o snyam du mi sems mod kyi/ 'on kyang chos nyid thob pas 'od med par 'gyur ro/ /rigs kyi bu 'di lta ste/ dper na nyi ma shar na 'dzam bu'i gling gi mi rnams la mnyam pa dang mi mnyam pa legs par ston to/ /de bzhin du byang chub sems dpa' nyi ma shar na yang sems can thams cad la ye shes kyi snang bas mnyam pa dang / mi mnyam pa legs par ston to/ /rigs kyi bu mnyam pa zhes bya ba 'di ni 'phags pa'i lam gyi tshig bla dgas so/ /rigs kyi bu mi mnyam pa zhes bya ba 'di ni lam ngan pa'i tshig bla dgas so/ /rigs kyi bu 'di lta ste/ dper na nyi ma shar na rmo brko ba'i las kyi mtha' thams cad 'byung ngo / /de bzhin du byang chub sems dpa' nyi ma shar na yang dge ba'i chos las kyi mtha' thams cad 'byung ngo / /rigs kyi bu 'di lta ste/ dper na nyi ma shar na skye bo dge ba ni dga' bar 'gyur la/ mi srun pa'i rang bzhin can dag</font><hr>59.70a<br><font size=+1>

mi dga' bar 'gyur ro/ /de bzhin du byang chub sems dpa' nyi ma shar na yang / skye bo dge ba rnams dang / mkhas pa rnams dang / shes rab kyi rang bzhin can rnams ni dga' bar 'gyur la/ lam ngan par zhugs pa rnams dang / mi srun pa'i rang bzhin can rnams dang / byis pa'i rang bzhin can rnams dang / shes rab 'chal pa'i rang bzhin can rnams dang / 'khor ba la mngon par dga' ba rnams dang / mya ngan las 'das pa las phyir phyogs pa rnams ni mi dga' bar 'gyur te/ rigs kyi bu de ltar na byang chub sems dpa' rnams ma rig pa'i mun pa sel ba nas skye bo dge ba dga' ba'i bar du yin no/ /rig kyi bu chos bcu po de dag dang ldan na byang chub sems dpa' nyi ma dang 'dra ba rnams yin no/ /rigs kyi bu chos bcu dang ldan na byang chub sems dpa' seng ge dang 'dra ba rnams yin no/ /bcu gang zhe na/ 'di lta ste/ bag mi tsha ba rnams yin/ mi brtabs pa rnams yin/ mi zlogs pa rnams yin/ seng ge'i sgra sgrogs pa rnams yin/ mi 'jigs pa rnams yin/ nags tshal dang / nags tshal gyi 'dra ba na rgyu ba rnams yin/ ri'i phug na gnas pa rnams yin/ len pa med pa rnams yin/ bdag gi brtson 'grus dang / stobs dang / mthu thob pas bdud kyi sde rab tu 'jom pa rnams yin/ dge ba'i chos kyi lo thog srung ba rnams yin no/ /rigs kyi bu de la ji ltar na byang chub sems dpa' bag mi tsha ba nas dge ba'i chos kyi lo thog srung ba'i bar du yin zhe na/ rigs kyi bu 'di lta ste/ dper na seng ge ni gar 'gro yang bdag dang 'dra ba med par mthong bas bag mi tsha zhing mi skrag par 'gro'o/ /de bzhin du byang chub sems dpa' seng ge yang bdag dang 'dra ba med par mthong bas gar 'gro yang bag mi tsha zhing mi skrag</font><hr>59.70b<br><font size=+1>

par 'gro'o/ /rigs kyi bu 'di lta ste/ dper na seng ge ni wa thams cad kyi sgras mi brtabs pa yin no/ /de bzhin du byang chub sems dpa' seng ge yang pha rol gyi rgol ba thams cad kyis brtsad pas brgal kyang mi brtabs shing rgod pa dang zhum par mi 'gyur ro/ /rigs kyi bu 'di lta ste/ dper na seng ge ni bskugs na phyir mi ldog pa yin no/ /de bzhin du byang chub sems dpa' seng ge yang pha rol rgol ba thams cad kyis bskugs na mi zlogs shing mi zhum par 'gyur ro/ /rigs kyi bu 'di lta ste/ dper na seng ge ni sgra gang gis ri dgas phra mo thams cad dang wa thams cad phyogs bcur 'byer bar 'gyur ba de lta bur sgrog go/ /de bzhin du byang chub sems dpa' seng ge yang bdag med pa'i seng ge'i sgra gang gis bdag tu 'dzin pa la mngon par chags pa'i gzhan mu stegs can gyi ri dgas rnams dang / gzhan mu stegs can gyi wa thams cad phyogs bcur 'byer bar 'gyur ba de lta bu sgrog ste/ byang chub sems dpa' seng ge ni bdag tu 'dzin pa las bzlog par bya ba dang / sems can gzhan dag gdul ba'i dbang du bya ba ma gtogs par de dag la gnod pa bya ba'i phyir bdag med pa'i seng ge'i sgra mi sgrog go/ /rigs kyi bu 'di lta ste/ dper na seng ge ni kun du lta yang mi 'jigs pa yin no/ /de bzhin du byang chub sems dpa' seng ge yang spyod pa yongs su dag pa'i nan tan la lta yang mi 'jigs pa yin no/ /rigs kyi bu 'di lta ste/ dper na seng ge ni rang bzhin gyis nags tshal dang / nags tshal gyi 'dab na rgyu ba yin no/ /de bzhin du byang chub sems dpa' seng ge yang rang bzhin gyis dben pa la mngon par phyogs shing nags tshal dang / nags tshal gyi 'dab na spyod pa yin no/ /rigs kyi bu 'di lta ste/ </font><hr>59.71a<br><font size=+1>

dper na seng ge ni ri'i phug na gnas pa yin no/ /de bzhin du byang chub sems dpa' seng ge yang ye shes kyis brag ri'i phug na gnas pa yin no/ /rigs kyi bu 'di lta ste/ dper na seng ge ni mi len par 'gro ba yin no/ /de bzhin du byang chub sems dpa' seng ge yang nyon mongs pa'i khur thams cad bor zhing len pa med par 'gro ba yin no/ /rigs kyi bu 'di lta ste/ dper na seng ge ni gcig pu gnyis su med pa bdag gi brtson 'grus dang / stobs dang / mthu thob pas pha rol kyi sde 'joms so/ /de bzhin du byang chub sems dpa' seng ge yang gcig pu gnyis su med par byang chub kyi snying po la 'dug nas bdag gi brtson 'grus dang / stobs dang / mthu thob pas bdud kyi sde 'jom mo/ /rigs kyi bu 'di lta ste/ dper na grong gi 'dab gang na seng ge rgyu ba der ri dgas phra mo dag gis lo thog rnams chud mi gzon to/ /de bzhin du byang chub sems dpa' seng ge yang yul dang yul gyi phyogs gang na 'dug pa der mu stegs can gyi ri dgas phra mo dag gis dge ba'i chos kyi lo thog chud mi gzon te/ rigs kyi bu de ltar na byang chub sems dpa' bag mi tsha ba nas dge ba'i chos kyi lo thog srung ba'i bar du yin no/ /rigs kyi bu chos bcu po de dag dang ldan na byang chub sems dpa' seng ge dang 'dra ba rnams yin no/ /rigs kyi bu chos bcu dang ldan na byang chub sems dpa' 'dul ba rnams yin no/ /bcu gang zhe na/ 'di lta ste/ byang chub kyi sems brtan pa rnams yin/ byang chub kyi sems byi dor shin du byas pa rnams yin/ dbang po bsdams pa rnams yin/ lam du zhugs pa rnams yin/ khur chen po khyer bor ba rnams yin/ sems can gyi don rnams la yongs su mi skyo ba rnams yin/ </font><hr>59.71b<br><font size=+1>

yang dag pas 'tsho ba rnams yin/ tshul 'chos pa dang / kha gsag gi rnyed pa thams cad dang bral ba rnams yin/ g.yo sgyu dang bral ba rnams yin/ drang ba'i rang bzhin can bas drang ba rnams yin no/ /rigs kyi bu chos bcu po de dag dang ldan na byang chub sems dpa' 'dul ba rnams yin no/ /rigs kyi bu chos bcu dang ldan na byang chub sems dpa' cang shes pa rnams yin no/ /bcu gang zhe na/ 'di lta ste/ stong pa nyid la sgom pa mang bas rnal 'byor spyod pa rnams yin/ sgrib pa med cing kun nas ldang ba thams cad dang bral bas lam gyi rgyun ma bcad pa rnams yin/ de bzhin gshegs pa'i bka' mi gcog pas bka' bzhin byed pa rnams yin/ chos kyi dbyings kyi tshul rtogs pas chos thams cad kyi tshul mnyam pa nyid khong du chud pa rnams yin/ dma' ba dma' ba'i yid kyis gdol bu ltar 'jig rten na spyod pa rnams yin/ rtag tu rgyun mi chad par bsod snyoms blang bar 'du shes nye bar gzhag pas nga rgyal dang / rgyags pa dang / dregs pa dang bral ba rnams yin/ 'di ltar de mngon sum du shes pa'i phyir sangs rgyas kyi chos thams cad la nem nur med pa rnams yin/ chos rang gis rig pa'i phyir the tsom med pa rnams yin/ rang gis lam mthong bas gzhan gyis mi bkri zhing pha rol gyi dring mi 'jog pa rnams yin/ rab tu zhugs pas 'jig rten na sbyin pa'i gnas su gyur pa rnams yin no/ rigs kyi bu chos bcu po de dag dang ldan na byang chub sems dpa' cang shes pa rnams yin no/ /rigs kyi bu chos bcu dang ldan na byang chub sems dpa' pad ma dang 'dra ba rnams yin no/ /bcu gang zhe na/ 'di lta ste/ ma gos pa rnams yin/ sdig pa chung ngu yang lhan cig mi gnas pa rnams yin/ tshul khrims kyi dri zhim pa rnams yin/ gtsang ba</font><hr>59.72a<br><font size=+1>

rnams yin/ bzhin 'dzum pa rnams yin/ mi rtsub pa rnams yin/ mthong na bkra shis pa rnams yin/ blo rnam par bye ba rnams yin/ blo yongs su smin pa rnams yin/ shin du yongs su bzung ba rnams yin no/ /rigs kyi bu de la ji ltar na byang chub sems dpa' ma gos pa yin pa nas ji ltar na shin du yongs su bzung ba'i bar du yin zhe na/ rigs kyi bu 'di lta ste/ dper na pad ma ni chu'i nang nas 'byung yang mi chags par skye'o/ /de ci'i phyir zhe na/ 'di ltar de'i chos nyid thob pa'i phyir ro/ /de bzhin du byang chub sems dpa' 'khor ba'i chu las 'byung yang mi chags par skye'o/ /de ci'i phyir zhe na/ 'di ltar de'i thabs dang / shes rab kyi chos nyid thob pa'i phyir ro/ /byang chub sems dpa' thabs mkhas pa ni 'khor ba na spyod kyang 'khor ba'i nyes pa dag gis mi gos te/ de'i thabs de ni shes rab kyis yang dag par zin pa yin no/ /rigs kyi bu 'di lta ste/ dper na pad ma la ni chu'i thigs pa chung ngu yang mi chags so/ /de bzhin du byang chub sems dpa' la sdig pa chung ngu yang mi chags so/ /rigs kyi bu 'di lta ste/ dper na sa'i phyogs gang du pad ma skyes par gyur pa'i sa'i phyogs de dris khyab par 'dug go/ /de bzhin du yul dang yul gyi phyogs gang na byang chub sems dpa' gnas pa de thams cad tshul khrims kyi dris khyab par 'dug go/ /rigs kyi bu 'di lta ste/ dper na pad ma ni sa'i phyogs gar skyes pa'i sa phyogs de gtsang zhing bram ze dang / rgyal rigs dang / grong pa dang / yul gyi mi thams cad kyang 'du ba yin no/ /de bzhin du byang chub sems dpa' gar skyes kyang rung 'di lta ste/ tshul khrims dang / gtsang sbra kun spyod pas gtsang ba yin te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi</font><hr>59.72b<br><font size=+1>

ma yin pa rnams 'du ba yin/ sangs rgyas bcom ldan 'das rnams kyis dgongs pa yin/ byang chub sems dpa' rnams kyis rab tu bsngags pa yin no/ /rigs kyi bu 'di lta ste/ dper na pad ma ni kha 'bye na/ 'di lta ste/ sems can rnams kyi yid du 'ong bas 'dzum pa lta bur snang ngo / /de bzhin du byang chub sems dpa' yang khro gnyer med cing dbang po shin tu dang bas bzhin rtag tu 'dzum pa yin no/ /rigs kyi bu 'di lta ste/ dper na pad ma ni rang bzhin gyis 'jam zhing mi rtsub pa yin no/ /de bzhin du byang chub sems dpa' yang rang bzhin gyis 'jam zhing dal gyis smra ba yin/ mi brlang zhing mu cor mi smra ba'i rang bzhin can yin no/ /rigs kyi bu 'di lta ste/ dper na pad ma ni rmi lam dang / ltas dang / yud tsam dag la mthong na yang 'di lta ste/ don 'grub pa'i phyir bkra shis shing rab tu bsngags pa yin no/ /de bzhin du byang chub sems dpa' mthong ba yang 'di lta ste/ thams cad mkhyen pa nyid thob par bya ba la dus thams cad du 'ang bkra shis shing rab tu bsngags pa yin no/ /rigs kyi bu 'di lta ste/ dper na pad ma ni nam rgyas pa de na rnam par bye ba zhes bya'o/ /de bzhin du byang chub sems dpa' yang nam shes rab dang / byang chub kyi yan lag me tog rgyas pa de na blo rnam par bye ba zhes bya'o/ /rigs kyi bu 'di lta ste/ dper na pad ma ni nam yongs su smin par gyur pa de na bltas na mig gi dbang po tshim par byed/ mnyan na rna ba'i dbang po tshim par byed/ mnams na sna'i dbang po tshim par byed/ reg na lus kyi dbang po tshim par byed/ sems rab tu dga' bas yid kyi dbang po tshim par byed do/ /de bzhin du byang chub sems dpa' yang nam shes rab kyi snang ba yongs su smin par gyur pa de'i tshe bltas na mig gi dbang po rnam par dag par byed/ mnyan na rna ba'i dbang po rnam par dag</font><hr>59.73a<br><font size=+1>

par byed/ tshul khrims dang yon tan gyi dri mnams na sna'i dbang po rnam par dag par byed/ reg pa dang bsnyen bkur byas na lus kyi dbang po rnam par dag par byed/ yon tan brjod pa rnam par bsams pas yid kyi dbang po rnam par dag par byed do/ /rigs kyi bu 'di lta ste/ dper na pad ma ni skye ba'i tshe 'di lta ste/ mi dang mi ma yin pa dag gis shin du yongs su bzung ba yin te/ de bzhin du byang chub sems dpa' yang skye ba'i tshe sangs rgyas dang / byang chub sems dpa' rnams dang / de ma yin pa gzhan brgya byin dang / tshangs pa dang / 'jig rten skyong ba dag gis shin du yongs su bzung ba yin no/ /rigs kyi bu de ltar na byang chub sems dpa' ma gos pa nas shin du yongs su bzung ba'i bar du yin te/ rigs kyi bu chos bcu po de dag dang ldan na byang chub sems dpa' pad ma dang 'dra ba rnams yin no/ /rigs kyi bu chos bcu dang ldan na byang chub sems dpa' sems rgya che ba rnams yin no/ /bcu gang zhe na/ 'di lta ste/ pha rol du phyin pa thams cad yang dag par sgrub bo zhes sems rgya cher skyed do/ /sangs rgyas kyi chos thams cad yongs su rdzogs par bya'o zhes sems rgya cher skyed do/ /sems can thams cad gdul lo zhes sems rgya cher skyed do/ /byang chub kyi snying por 'dug ste/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes sems rgya cher skyed do/ /mngon par rdzogs par sangs rgyas nas 'jig rten du dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang chos dang ldan par sngon ma bskor ba'i chos kyi 'khor lo bskor ro zhes sems rgya cher skyed do/ /'jig rten gyi khams mtha'</font><hr>59.73b<br><font size=+1>

yas mu med par song ste/ sems can gyi don bya ba'i dngos po de dang de dag gis sems can rnams kyi don bya'o zhes sems rgya cher bskyed do/ /shes rab kyi gru sbyar te sems can rnams 'khor ba'i rgya mtsho las bsgral lo zhes sems rgya cher skyed do/ /mgon med pa dang / skyabs med pa dang / gnas med pa dang / rten med pa dang / dpung gnyen med pa dang / nyon mongs pa'i sems can rnams kyi gnyen bya'o zhes sems rgya cher skyed do/ /lha dang bcas/ bdud dang bcas/ tshangs pa dang bcas pa'i 'jig rten dang / dge sbyong dang / bram ze dang / lha dang / mi dang / lha ma yin du bcas pa'i skye dgu'i nang du sangs rgyas kyi khyu mchog nyid bstan to/ /sangs rgyas kyi seng ge'i sgra bsgrag go/ /sangs rgyas kyi rnam par rol bas rnam par rtse'o/ /glang po chen po'i blta bas blta bar bya'o zhes sems rgya cher skyed do/ /sangs rgyas kyi che bas sems can rnams gdul bar bya'i spyod pa ngan pas ma yin/ dka' bar spyod pas ma yin/ zhan pa'i spyod pas ma yin/ zhum pa'i spyod pas ma yin no zhes sems rgya cher skyed do/ /rigs kyi bu chos bcu po de dag dang ldan na byang chub sems dpa' sems rgya che ba rnams yin no/ /rigs kyi bu chos bcu dang ldan na byang chub sems dpa' sems rnam par dag pa rnams yin no/ /bcu gang zhe na/ 'di lta ste/ bsam pa mi g.yo bas bsam pa phun sum tshogs pa rnams yin/ 'di lta ste/ bsam pa la sgyu med pas bsam pa shin du gnas pa rnams yin/ 'di lta ste/ nyan thos kyi byang chub yid la byed pa mi skyed pa dang / rang sangs rgyas kyi byang chub yid la byed pa mi skyed pa dang / brtson pa chung ba'i yid la byed pa mi skyed pas tshul bzhin ma yin pa'i yid la byed pa dang bral ba rnams yin/ 'di lta ste/ </font><hr>59.74a<br><font size=+1>

nyon mongs pa'i dri ma dang bral bas dri ma thams cad dang bral ba rnams yin/ 'di lta ste/ sgyu ma'i spyod lam dang bral bas lus kyi tshul 'chos pa dang bral ba rnams yin/ 'di lta ste/ yang dag pa'i don kun ston pas ngag gi tshul 'chos pa dang bral ba rnams yin no/ 'di lta ste/ lus kyis 'du 'dzi med pa dang / ngag gis 'dod pa chung ba dang / sems kyi smon pa med pa'i phyir sems kyi tshul 'chos pa dang bral ba rnams yin/ cung zad byas pa yang chud mi gzon na mang po lta ci smos te/ byas pa gzo ba rnams yin/ byas pa tshor ba rnams yin te/ dgos pa byas pa la mi smod mi skyud/ yon tan ma yin par mi lta ste/ gzhan du na cung zad byas pa yang tshor zhing de la bstod par byed/ /gzeng bstod par byed/ yang dag par dga' bar byed/ rab tu bsngags par byed/ /de la yon tan du lta ba yin no/ /ji ltar smra ba de ltar byed pa rnams yin te/ byang chub sems dpa' rnams ngag gis snyan par ston cing sems kyis mi mthun par sems pa ma yin/ byang chub sems dpa' rnams ngag gis ston cing sems kyis ngan du bya ba'i sbyor ba mi byed/ byang chub sems dpa' rnams ngag gis 'jam par smra zhing sems kyis zhe la non te shar gnyer ba rnams ma yin/ byang chub sems dpa' rnams lus kyis des pa ston cing sems kyis 'khon gyi mdud par 'dzin pa ma yin/ byang chub sems dpa' rnams lus kyis ri mor bya ba ston cing sems kyis brnyas par byed pa ma yin/ byang chub sems dpa' rnams tshul mi 'chos/ kha gsag mi byed/ 'jungs pa dang phrag dog gis kun tu glags pa ma yin/ sgyu dang g.yos mi spyod/ byang chub sems dpa' rnams 'thab smyan mi byed/ phan tshun dpar</font><hr>59.74b<br><font size=+1>

ba 'jug pa ma yin gyi/ byang chub sems dpa' rnams ni lus kyis kyang re mo byed pa yin/ ngag gis kyang yang dag pa'i don smra ba las su rung ba yang sgrub bo/ /byang chub sems dpa' rnams de bzhin gshegs pa'i bstan pa la skur pa'i phyir zhugs pa ma yin pas de bzhin gshegs pa'i bstan pa la skur pa dang bral ba rnams yin no/ /ji ltar na de bzhin gshegs pa'i bstan pa la skur pa ma btab pa yin zhe na/ 'di la byang chub sems dpa' bla na med pa yang dag par rdzogs pa'i byang chub tu sems bskyed de/ skra dang kha spu bregs/ gos ngur smrig dag gyon nas yang dag par dad pas de bzhin gshegs pa'i bstan pa la rab tu 'byung ngo / /de rab tu 'byung ba na rgyal pos mnar ba med par rab tu 'byung / rkun pos gtse ba med pa dang / bu lon gyis gtse ba med pa dang / 'jigs pas gtse ba med pa dang / 'tsho ba med pa'i 'jigs pas skrag pa med par rab tu 'byung ngo / /de dang de rab tu byung nas dge ba ci yin zhes 'tshol ba yin te/ de dge ba ci yin zhes tshol ba yin pas dge ba'i bshes gnyen rnams la bsnyen par byed/ sten par byed/ bsnyen bkur byed do/ /de dag las chos kyang nyan to/ /thos nas kyang nan tan byed/ nga rgyal gyi zil gyis mnon pa yin te/ de nga rgyal dang bral bas ma log par 'dzin pa yin/ ma log par 'dzin pas lam shin du rtogs pa thob bo/ /de lam shin du rtogs pas chos nyid thob po/ /chos nyid thob pas bla na med pa yang dag par rdzogs pa'i byang chub tu nges par 'gyur te/ de ltar na de bzhin gshegs pa'i bstan pa la skur pa ma btab pa yin no/ /rigs kyi bu chos bcu po de dag dang ldan na byang chub sems dpa' sems rnam par dag pa rnams yin no/ /rigs kyi bu chos bcu dang ldan na byang</font><hr>59.75a<br><font size=+1>

chub sems dpa' sems nem nur med pa rnams yin no/ /bcu gang zhe na/ 'di lta ste/ de bzhin gshegs pa'i sku'i gsang ba la mngon par dad/ de bzhin gshegs pa'i gsung gi gsang ba dang / de bzhin gshegs pa'i yid kyi gsang ba dang / byang chub sems dpa' yang dag par sgrub pa dang / byang chub dang / de bzhin gshegs pa 'byung ba dang / theg pa gcig gi tshul bstan pa dang / tshul sna tshogs bstan pa dang / de bzhin gshegs pa'i gsung sgra'i dbyangs zab mo dang / sems can gyi bsam pa ji lta ba bzhin du 'dul ba la mngon par dad do/ /rigs kyi bu de la ji ltar na de bzhin gshegs pa'i sku'i gsang ba la mngon par dad pa nas ji ltar na sems can gyi bsam pa ji lta ba bzhin du 'dul ba la mngon par dad pa'i bar du yin zhe na/ rigs kyi bu 'di la byang chub sems dpa' 'di snyam du sems so/ /gang 'di de bzhin gshegs pa'i chos kyi sku dang / zhi ba'i sku dang / mi mnyam pa dang mnyam pa'i sku dang / tshad med pa'i sku dang / phal la med pa'i sku dang / rdo rje'i sku zhes bya ba thos pa 'di ni yang dag pa'o/ /'di ni de kho na'o/ /'di ni mi slu ba'o snyam ste/ gnas 'di la nem nur med cing the tsom med de de ltar na byang chub sems dpa' de bzhin gshegs pa'i sku'i gsang ba la mngon par dad do/ /ji ltar na byang chub sems dpa' de bzhin gshegs pa'i gsung gi gsang ba la mngon par dad ce na/ de 'di ltar sems so/ /gang 'di de bzhin gshegs pa'i gsung gi gsang ba de bzhin gshegs pa ni mngon sum du lung ston pa dang / gsang ste lung ston pa dang / ldem po ngag gis kyang sems can rnams la lung ston mod kyi/ de bzhin gshegs pa la 'khrul pa 'am</font><hr>59.75b<br><font size=+1>

ca co med de/ de'i phyir de la brdzun du smra ba'i nyes pa mi 'byung ngo / /de ci'i phyir zhe na/ de bzhin gshegs pa ni skyon thams cad spangs pa/ dri ma thams cad spangs pa/ rdul thams cad spangs pa/ yongs su gdung ba thams cad dang bral ba/ nyon mongs pa med pa/ dbang du gyur pa/ zhi ba dang ba/ yongs su dag pa/ rnyog pa med pa/ rnam par gsal ba ste/ gang de bzhin gshegs pa rnams la 'khrul pa 'am/ ca co 'byung ba de ni gnas ma yin zhing bskabs med do zhes thos pa 'di ni yang dag pa'o/ /'di ni de kho na'o/ /'di ni mi slu ba'o snyam ste/ gnas 'di la nem nur med/ the tsom med de de ltar na de bzhin gshegs pa'i gsung gi gsang ba la mngon par dad do/ /ji ltar na byang chub sems dpa' de bzhin gshegs pa'i yid kyi gsang ba la mngon par dad ce na/ de 'di ltar sems so/ /gang 'di de bzhin gshegs pa'i yid kyi gsang ba de bzhin gshegs pas ci dgongs pa'i don gang sems dang 'grogs pa/ sems la gnas pa de ni de bzhin gshegs pa'i byin gyi rlabs kyis gyur pa ma gtogs par nyan thos dang / rang sangs rgyas thams cad dang / byang chub sems dpa' thams cad dang / sems can thams cad kyis shes par mi nus so/ /de ci'i phyir zhe na/ rigs kyi bu de bzhin gshegs pa ni zab cing gting dpag dka' ba/ brtag par bya ba ma yin pa/ rtog ge'i spyod yul las shin du 'das pa/ dpag tu med pa/ rgya che ba/ yangs pa/ nam mkha'i dbyings dang mtshungs pa/ rtog ge thams cad kyi yul las 'das par thos pa 'di ni yang dag pa'o/ 'di ni de kho na'o/ /'di ni mi slu ba'o snyam ste/ gnas 'di la nem nur med the tsom med pa yin te/ de ltar na de bzhin gshegs pa'i yid kyi gsang ba la mngon par dad do/ /ji ltar</font><hr>59.76a<br><font size=+1>

na byang chub sems dpa' byang chub sems dpa'i yang dag par sgrub pa la mngon par dang ba das na de 'di ltar sems so/ /gang 'di lta ste/ byang chub kyi rgyu/ byang chub kyi gzhi/ byang chub kyi phyir byang chub sems dpa' de dag sems can gyi don la mngon du phyogs pa dang / sems can gyi bya ba dang / sems can gyi byed pa dang / yongs su mi skyo ba dang / mi skrag pa dang / khur chen po khyer ba dang / mthu brtan pa dang / rtul ba brtan pa dang / pha rol du phyin pa yang dag par sgrub pa dang / sangs rgyas kyi chos rnams mthar kyis yang dag par sgrub pa dang / thogs pa med pa'i blo dang / mtha' yas pa'i blo dang / mi mnyam pa dang mnyam pa'i blo dang / phal la med pa'i blo dang / brtson 'grus brtan pa dang / go cha brtan pa dang / dam bcas pa la brtan pa dang / dam bcas pa las mi g.yo ba dang / dam bcas pa phal la med pa de dag thams cad rim gyis 'phel zhing rgyas pa dang / yangs par yongs su rdzogs par 'gyur ro/ /zhes thos pa 'di ni yang dag pa'o/ /'di ni de kho na'o/ /'di ni mi slu ba'o snyam ste/ gnas 'di la de nem nur med/ the tsom med de de ltar na byang chub sems dpa' yang dag par sgrub pa la mngon par dad do/ /ji ltar na byang chub sems dpa' byang chub dang de bzhin gshegs pa 'byung ba la mngon par dad ce na/ de 'di ltar sems so/ /gang byang chub sems dpa' byang chub kyi snying por 'dug nas lha'i mig chags pa med cing thogs pa med pa sgrib pa med pa 'thob po/ /lha'i rna ba dang / gzhan gyi sems shes pa dang / sngon gyi gnas rjes su dran pa'i shes pa dang / rdzu 'phrul gyi rnam pa shes pa dang / zag pa zad pa shes pa dang / dus gsum pa skad cig gcig dang ldan pas shes pa chags pa</font><hr>59.76b<br><font size=+1>

pa med pa/ thogs pa med pa/ sgrib pa med pa 'thob po/ /de'i phyir sems can gyi khams la yang dag pa ji lta ba bzhin du lta ste/ sems can 'di rnams ni lus kyi ngan du spyod pa dang ldan pa/ ngag gi ngan du spyod pa dang ldan pa yid kyi ngan du spyod pa dang ldan pa/ 'phags pa la skur pa 'debs pa/ log par lta ba rnams te/ log par lta ba'i las dang / chos yang dag par blangs pa'i phyir de'i rgyu de'i rkyen de'i gzhis lus zhig nas shi ba'i 'og tu ngan 'gro log par ltung ba sems can dmyal ba dag du skye'o/ /sems can 'di rnams ni lus kyi legs par spyod pa dang ldan pa/ ngag gi legs par spyod pa dang ldan pa/ yid kyi legs par spyod pa dang ldan pa/ 'phags pa la skur pa mi 'debs pa/ yang dag par lta ba rnams te/ yang dag par lta ba'i las dang / chos yang dag par blangs pa'i phyir de'i rgyu de'i rkyen de'i gzhis lus zhig nas bde 'gro mtho ris kyi 'jig rten du lha'i nang du skye'o snyam nas de ltar yang dag pa ji lta ba bzhin du sems can gyi khams la lta ste/ sems can gyi khams de nyid kyang dge ba dang / mi dge ba'i las rnams la rnam par lta'o/ /de yang 'di snyam du sems te/ sngon bdag byang chub sems dpa'i spyad pa spyod pas gang 'di ltar bdag nyid rnam par sangs rgyas nas gzhan yang rnam par sangs rgyas par bya'o zhes dam bcas pa'i bdag gi smon lam de yongs su rdzogs so/ /bdag gi brnag pa de yongs su rdzogs so snyam mo zhes thos pa 'di ni yang dag pa'o/ /'di ni de kho na'o/ /'di ni mi slu ba'o snyam ste/ gnas 'di la nem nur med/ the tsom med do/ /gang la byang chub sems dpa' de rnam par sangs rgyas pa de ni byang chub ces bya'o/ /bdag nyid rnam par sangs rgyas pa'i na rdzogs par</font><hr>59.77a<br><font size=+1>

sangs rgyas shes bya ste/ de ltar na byang chub sems dpa' byang chub dang / de bzhin gshegs pa 'byung ba la mngon par dad do/ /ji ltar na byang chub sems dpa' theg pa gcig gi tshul bstan pa la mngon par dad ce na/ de 'di ltar sems so/ /gang 'di theg pa ni gcig kho na te/ 'di lta ste/ de bzhin gshegs pa'i theg pa'o zhes thos pa 'di ni yang dag pa'o/ /'di ni de kho na'o/ /'di ni mi slu ba'o/ /'di ni de bzhin pa'o/ /ma nor pa'o/ /gzhan ma yin pa'o/ /de ci'i phyir zhe na/ theg pa gzhan rnams kyang 'di las byung ngo / /rigs kyi bu 'di lta ste/ dper na 'dzam bu'i gling na gang gling yod pa rnams ming gis tha dad par shes mod kyi/ 'on kyang de dag ni 'dzam bu'i gling du 'du'o/ /'dzam bu'i gling la rten to/ /'dzam bu'i gling gi grangs su 'gro'o/ /de'i phyir na gling gcig kho na ste/ de ni 'dzam bu'i gling ngo / /de bzhin du theg pa thams cad ni de bzhin gshegs pa'i theg par 'du'o/ /de bzhin gshegs pa'i theg pa la gnas so/ /de bzhin gshegs pa'i theg pa las byung ba'o/ /de'i phyir theg pa gcig kho na te/ 'di ltar de bzhin gshegs pa'i theg pa'o snyam ste/ gnas 'di la de nem nur med/ the tsom med de de ltar na byang chub sems dpa' theg pa gcig gi tshul bstan pa la mngon par dad do/ /ji ltar na tshul sna tshogs bstan pa la mngon par dad ce na/ de 'di ltar sems so/ /gang 'di mdo sde de dang de dag las de bzhin gshegs pa'i tshul sna tshogs bshad pa thos pa 'di ni yang dag pa'o/ /'di ni de kho na'o/ /'di ni mi slu ba'o/ /de ci'i phyir zhe na/ 'dul ba'i dbang gi phyir de bzhin gshegs pa dad pa ji lta ba bzhin du sems can rnams la chos ston to snyam ste/ gnas 'di la de nem</font><hr>59.77b<br><font size=+1>

nur med/ the tsom med de de ltar na byang chub sems dpa' tshul sna tshogs bstan pa la mngon par dad do/ /ji ltar na byang chub sems dpa' de bzhin gshegs pa'i gsung sgra'i dbyangs zab mo la mngon par dad ce na/ de 'di ltar sems so/ /gang 'di de bzhin gshegs pa'i gsung sgra'i dbyangs zab mo thos pa 'di ni yang dag pa'o/ /'di ni de kho na'o/ /'di ni mi slu ba'o/ /de ci'i phyir zhe na/ dge ba'i rtsa ba chung ngu'i lha'i bu rnams kyi dbyangs kyang zab cing snyan pa yin na/ bskal pa brgya stong du mar dge ba'i rtsa ba bsgrub pa'i de bzhin gshegs pa rnams kyi lta ci smos snyam ste/ gnas 'di la nem nur med/ the tsom med de de ltar na byang chub sems dpa' de bzhin gshegs pa'i gsung sgra'i dbyangs zab mo la mngon par dad do/ /rigs kyi bu ji ltar na byang chub sems dpa' sems can gyi bsam pa ji lta ba bzhin du 'dul ba la mngon par dad ce na/ de 'di ltar sems so/ /gang 'di de bzhin gshegs p+sa bsam pa dang / bag la nyal mkhyen te/ sems can mos pa tha dad pa dang / 'dul ba tha dad pa rnams la gsung sgra'i dbyangs gcig brjod pas the tsom gcod cing yongs su smin pa ji lta ba bzhin du sems can rnams 'dul lo/ /sems can rnams kyang so so nas de bzhin gshegs pa bdag la chos ston te/ /de bzhin gshegs pa bdag la chos ston to snyam byed kyang de bzhin gshegs pa ni mi rtog rnams par mi rtog go snyam thos pa 'di ni yang dag pa'o/ /'di ni de kho na'o/ /'di ni mi slu ba'o snyam ste/ gnas 'di la de nem nur med/ the tsom med de de ltar na byang chub sems dpa' sems can gyi bsam pa ji lta ba bzhin du 'dul ba la mngon par dad do/ /rigs kyi bu chos bcu po de dag dang ldan na byang chub</font><hr>59.78a<br><font size=+1>

sems dpa' sems nem nur med pa rnams yin no/ /rigs kyi bu chos bcu dang ldan na byang chub sems dpa' blo rgya mtsho dang mtshungs pa rnams yin no/ /bcu gang zhe na/ 'di lta ste/ rin po che'i 'byung gnas su gyur pa rnams yin/ zab cing gting dpag dka' ba rnams yin/ rgya che zhing tshad med pa rnams yin/ bags kyis gzhol ba rnams yin/ nyon mongs pa'i ro dang lhan cig mi 'dug pa rnams yin/ ro gcig pa rnams yin/ chu bo kun zed pa rnams yin/ dus las mi yol ba rnams yin/ 'byung po mang po'i gnas su gyur pa rnams yin/ mi zad pa rnams yin no/ /rigs kyi bu de la ji ltar na byang chub sems dpa' rin po che'i 'byung gnas su gyur pa yin pa nas ji ltar na mi zad pa'i bar du yin zhe na/ rigs kyi bu 'di lta ste/ dper na rgya mtsho chen po ni rin po che thams cad kyi 'byung gnas yin te/ 'dzam bu'i gling gi mi thams cad kyis rin po che blang bas mi zad do/ /de bzhin du byang chub sems dpa' yang yon tan rin po che thams cad kyi 'byung gnas yin te/ sems can thams cad kyis yon tan rin po che blang bas mi zad do/ /rigs kyi bu 'di lta ste/ dper na rgya mtsho chen po ni zab cing gting dpag dka' ba yin no/ /de bzhin du byang chub sems dpa' ye shes yang dag par grub pa yang zab cing sems can thams cad kyis gting dpag dka' zhing zab pa yin no/ /rigs kyi bu 'di lta ste/ dper na rgya mtsho chen po ni 'di lta ste/ chu tshad med pas na yangs shing rgya che ba yin no/ /de bzhin du byang chub sems dpa' yang 'di lta ste/ blo tshad med pas na yangs shing rgya che ba yin no/ /rigs kyi bu 'di lta ste/ dper na rgya mtsho chen po ni bags gyis gzhol/ bags kyis 'bab/ bags kyis bab bo/ /</font><hr>59.78b<br><font size=+1>

de bzhin du byang chub sems dpa' yang thams cad mkhyen pa nyid la gzhol/ thams cad mkhyen pa nyid la 'bab/ thams cad mkhyen pa nyid la bab bo/ /rigs kyi bu 'di lta ste/ dper na rgya mtsho chen po ni shi ba'i ro dang lhan cig mi 'dug go/ /de ci'i phyir zhe na/ de ni rgya mtsho chen po'i chos nyid do/ /de bzhin du byang chub sems dpa' yang nyon mongs pa'i ro dang mi dge ba'i grogs po rnams dang lhan cig mi gnas so/ /de ci'i phyir zhe na/ de ni byang chub sems dpa'i chos nyid do/ /rigs kyi bu 'di lta ste/ dper na rgya mtsho chen por chu bo ji snyed bab pa de dag thams cad kyang ro gcig pa yin te/ 'di lta ste/ lan tshwa'i ro'o/ /de bzhin du byang chub sems dpa' yang chos dkar po rnams ji snyed sdud pa de dag thams cad ro gcig pa yin te/ 'di lta ste/ thams cad mkhyen pa'i ro'o/ /rigs kyi bu 'di lta ste/ dper na rgya mtsho chen po ni chu bo tshad med pa kun zed kyang de la bri ba 'am/ gang bar yang mi mngon no/ /de bzhin du byang chub sems dpa' yang chos kyi chu bo tshad med pa kun zed kyang de la bri ba 'am/ gang bar mi mngon no/ /rigs kyi bu 'di lta ste dper na / rgya mtsho chen po ni dus las mi yol lo/ /de bzhin du byang chub sems dpa' yang gdul bar bya ba'i sems can yongs su smin par bya ba'i dus las mi yol lo/ /rigs kyi bu 'di lta ste/ dper na rgya mtsho chen po ni 'byung po mang po'i gnas so/ /de bzhin du byang chub sems dpa' yang sems can thams cad dang / chos dkar po thams cad kyi gnas so/ /rigs kyi bu 'di lta ste/ dper na rgya mtsho chen po ni sems can thams cad kyis chu bcus kyang mi zad pa yin no/ /de bzhin du byang chub sems dpa' yang sems can thams cad la chos ston pa mi zad pa yin te/ rigs kyi bu</font><hr>59.79a<br><font size=+1>

de ltar na byang chub sems dpa' rin po che'i 'byung gnas su gyur pa nas mi zad pa'i bar du yin no/ /rigs kyi bu chos bcu po de dag dang ldan na byang chub sems dpa' blo rgya mtsho dang mtshungs pa rnams yin no/ /rigs kyi bu chos bcu dang ldan na byang chub sems dpa' blo zhib pa rnams yin no/ /bcu gang zhe na/ 'di lta ste/ 'byung ba tshol ba la mkhas pa rnams yin/ chos thams cad brtag pa la mkhas pa rnams yin/ chos thams cad kyi mnyam pa nyid khong du chud pa rnams yin/ chos thams cad sgyu ma'i mtshan nyid du khong du chud pa rnams yin/ chos thams cad yongs su shes pa la mkhas pa rnams yin/ rten cing 'brel bar 'byung ba zab cing gting dpag dka' ba la mkhas pa rnams yin/ las bsam gyis mi khyab pa la mkhas pa rnams yin/ smras pa'i don shes pa rnams yin/ don yang dag pa ji lta ba bzhin du rtogs pa rnams yin/ de kho na la mkhas pa rnams yin no/ /rigs kyi bu de la ji ltar na byang chub sems dpa' 'byung ba tshol ba la mkhas pa yin pa nas ji ltar na de kho na la mkhas pa'i bar du yin zhe na/ 'di la byang chub sems dpa' 'di ltar dpyod de/ kye ma'o 'jig rten gnas pa 'di ni 'di lta ste/ 'dod chags kyi mes kun du 'bar ro/ /rab tu 'bar ro/ /kun du rab tu mched cing 'bar ro/ /kye ma'o 'jig rten gnas pa 'di ni 'di lta ste/ zhe sdang gi du ba 'khrigs pa'i du ba 'tshubs pas rnam par rmongs so/ /kye ma'o 'jig rten gnas pa 'di ni 'di lta ste/ gti mug gi mun pas mun nag tu gyur to snyam mo/ /de 'di ltar sems can 'di dag ji ltar 'byung bar 'gyur snyam sems te/ de de dag gi 'byung ba yongs su tshol zhing chos thams cad la rtog</font><hr>59.79b<br><font size=+1>

go/ /chos thams cad la rtogs pas chos thams cad kyi mnyam pa nyid khong du chud par 'gyur ro/ /chos thams cad kyi mnyam pa nyid khong du chud pas chos thams cad sgyu ma'i mtshan nyid du yang dag pa ji lta ba bzhin du rab tu shes so/ /chos rnams sgyu ma'i mtshan nyid du yang dag pa ji lta ba bzhin du shes pas chos thams cad yang dag pa ji lta ba bzhin du rab tu shes so/ /chos thams cad yang dag pa ji lta ba bzhin du yongs su shes pas rten cing 'brel par 'byung ba zab mo la rnam par sems so/ /de rten cing 'brel par 'byung ba zab mo la rnam par sems pas las bsam gyis mi khyab pa la rnam par rtog ste/ de 'di snyam du dngos po med pa'i chos rnams la las snang ba ni ngo mtshar to snyam du sems so/ /de ltar de blo zhib mo dang ldan pas sangs rgyas rnams sam/ byang chub sems dpa' rnams gyis gsungs pa tsam gyis don shes so/ /des don shes pas don yang dag pa ji lta ba bzhin du rab tu rtogs so/ /don yang dag pa ji lta ba bzhin du rab tu rtogs pas de kho na mthong ngo / /de kho na mthong bas sems can rnams 'khor ba'i btson ra nas thar bar byed de/ rigs kyi bu de ltar na byang chub sems dpa' 'byung ba tshol ba la mkhas pa nas/ de kho na la mkhas pa'i bar du yin no/ /rigs kyi bu chos bcu po de dag dang ldan na byang chub sems dpa' blo zhib pa rnams yin no/ /rigs kyi bu chos bcu dang ldan na byang chub sems dpa' rigs pa'i spobs pa can rnams yin no/ /bcu gang zhe na/ 'di lta ste/ chos thams cad bdag med par 'jog go/ /chos thams cad sems can med pa dang / srog med pa dang / gso ba med pa dang / gang zag med pa dang / byed pa po dang tshor ba po med pa dang / </font><hr>59.80a<br><font size=+1>

shes pa po dang mthong ba po med pa dang / gsog gsob ste dbang phyug med pa dang / stong pa yang dag pa ma yin pa las yongs su brtag pa dang / rkyen las byung bar 'jog ste/ rigs kyi bu de la chos thams cad bdag med ces bya ba'i 'di ni rigs pa'o/ /'di ni chos nyid dang 'thun pa'o/ /chos thams cad sems can med pa srog med pa zhes bya ba 'di ni rigs pa'o/ /'di ni chos nyid dang 'thun pa'o/ /de bzhin du chos thams cad gso ba med pa dang / gang zag med pa dang / byed pa po dang / tshor ba po med pa dang / shes pa po dang mthong ba po med pa dang / gsog gsob ste dbang phyug med pa dang / stong pa yang dag pa ma yin pa las yongs su brtags pa dang / rkyen las byung ba'o zhes bya ba 'di ni rigs pa'o/ /'di ni chos nyid dang 'thun pa'o/ /rigs kyi bu gang chos nyid dang 'thun pa de ni rigs pa'o/ /gang chos nyid dang mi 'gal ba de ni rigs pa'o/ /gang chos nyid las mi 'khrul ba de ni rigs pa'o/ /gang chos nyid la 'bab pa de ni rigs pa'o/ /gang chos nyid ston pa de ni rigs pa'o/ /de yang de dag la spobs pas na de'i phyir rigs par spobs pa rnams shes par bya'o/ /rigs kyi bu chos bcu po de dag de dang ldan na byang chub sems dpa' rigs pa'i spobs pa can rnams yin no/ /rigs kyi bu chos bcu dang ldan na byang chub sems dpa' grol ba'i spobs pa can rnams yin no/ /bcu gang zhe na/ 'di lta ste/ spobs pa thogs pa med pa rnams yin/ spobs pa rgyun chags pa rnams yin/ spobs pa mi zad pa rnams yin/ spobs pa mi brtabs pa rnams yin/ spobs pa ma zhum pa rnams yin/ spobs pa mi skrag pa rnams yin/ spobs pa phal la med pa rnams yin/ spobs pa zil kyis</font><hr>59.80b<br><font size=+1>

ma non pa rnams yin/ spobs pa mtha' yas pa rnams yin/ so so yang dag par rig pa thob pa'i spobs pa can rnams yin te/ rigs kyi bu chos bcu po de dag dang ldan na byang chub sems dpa' grol ba'i spobs pa can rnams yin no/ /rigs kyi bu chos bcu dang ldan na byang chub sems dpa' rnam par dag pa'i spobs pa can rnams yin no/ /bcu gang zhe na/ 'di lta ste/ 'dar 'dar po med pa'i spobs pa can rnams yin/ mi 'khrul pa'i spobs pa can rnams yin/ mi zhan pa'i spobs pa can rnams yin/ yeng yeng po med pa'i spobs pa can rnams yin/ de dag gi spobs pa don dang bral ba ma yin/ tshig 'bru dang bral ba ma yin/ sbyor ba dang bral ba ma yin/ dus dang bral ba ma yin/ rtsub pa ma yin/ mi gsal ba'i spobs pa can ma yin no/ /rigs kyi bu byang chub sems dpa' rnams kyi spobs pa ni 'dar 'dar po ma yin no/ /de ci'i phyir zhe na/ 'khor kyis 'jigs pa'i bag tsha ba dang bral ba'i phyir ro/ /byang chub sems dpa' rnams kyis spobs pa ni 'khrul pa ma yin no/ /de ci'i phyir zhe na/ blo brtan zhing mi 'thun pa med pa'i phyir ro/ /byang chub sems dpa' rnams kyi spobs pa ni zhan pa ma yin no/ /de ci'i phyir zhe na/ 'jigs pa med pa'i phyir te/ rigs kyi bu byang chub sems dpa' ni 'khor kyi nang du phyin na mi 'jigs mi skrag ste/ seng ge ltar 'jigs pa med cing mi sgrag mi dngang pa yin no/ /byang chub sems dpa' rnams kyi spobs pa ni yeng yeng po med pa yin no/ /de ci'i phyir zhe na/ nyon mongs pa dang bral ba'i phyir ro/ /rigs kyi bu nyon mongs pa dang bcas pa'i spobs pa ni yeng yeng por 'gyur ba yin te/ nyon mongs pa med pa'i ni ma yin no/ /</font><hr>59.81a<br><font size=+1>

byang chub sems dpa' rnams kyi spobs pa ni don dang bral ba ma yin no/ /de ci'i phyir zhe na/ chos nyid thob pa'i phyir te/ rigs kyi bu chos nyid ma thob pa rnams kyi ni don dang bral bar 'gyur gyi/ chos nyid thob pa rnams kyi ni ma yin no/ /byang chub sems dpa' rnams kyi spobs pa ni tshig 'bru dang bral ba ma yin no/ /de ci'i phyir zhe na/ gtsug lag thams cad la 'jigs pa med pa'i phyir te/ rigs kyi bu gtsug lag gi phyogs 'ga' shes pa rnams kyi ni tshig 'bru dang bral bar 'gyur gyi/ gtsug lag thams cad la 'jigs pa med pa rnams kyis ni ma yin no/ /byang chub sems dpa' rnams kyi spobs pa ni sbyor ba dang bral ba ma yin no/ /de ci'i phyir zhe na/ sbyor ba thams cad yang dag par sgrub pa'i phyir te/ rigs kyi bu sbyor ba la mi mkhas pa rnams kyi ni sbyor ba dang bral bar 'gyur gyi/ sbyor ba mtha' yas pa dang ldan pa rnams kyi ma yin no/ /byang chub sems dpa' rnams kyi spobs pa ni gang phyis smra bar bya ba de sngar smra ba 'am/ gang sngar smra bar bya ba de phyis smra ba lta bur dus dang bral ba ma yin no/ /de ci'i phyir zhe na/ byang chub sems dpa' rnams ni dus shes pa yin/ tshod shes pa yin/ skabs shes pa yin no/ /byang chub sems dpa' rnams kyi spobs pa ni rtsub pa/ yid du mi 'ong ba/ mi snyan pa ma yin no/ /de ci'i phyir zhe na/ ngag gi gnas ngan len dang bral ba'i phyir te/ rigs kyi bu gnas ngan len dang bcas pa rnams kyi spobs pa ni rtsub pa yin gyi/ gnas ngan len dang bral ba rnams kyi ni ma yin no/ /byang chub sems dpa' rnams kyi spobs pa ni mi gsal ba ma yin te/ de ci'i phyir zhe na/ dbang po rno ba'i phyir ro/ /rigs kyi bu dbang</font><hr>59.81b<br><font size=+1>

po rtul po rnams kyi spobs pa mi gsal ba yin gyi/ dbang po rnon po rnams kyi ni ma yin te/ rigs kyi bu chos bcu po de dag dang ldan na byang chub sems dpa' rnam par dag pa'i spobs pa can rnams yin no/ /rigs kyi bu chos bcu dang ldan na byang chub sems dpa' sems can thams cad mgu bar byed pa'i spobs pa can rnams yin no/ /bcu gang zhe na/ 'di lta ste/ 'jam par smra ba rnams yin/ bzhin 'dzum zhing khro gnyer med pa rnams yin/ don du smra ba rnams yin/ chos su smra ba rnams yin/ mtshungs par smra ba rnams yin/ mi ngoms pa rnams yin/ brnyas pa dang bral ba rnams yin/ nyon mongs par 'gyur ba med pa rnams yin/ 'khrug pa med pa rnams yin/ spobs pa sna tshogs pa rnams yin no/ /rigs kyi bu byang chub sems dpa' 'jam par smra ba ni/ 'jam par smra bas sems can rnams mgu bar byed do/ /byang chub sems dpa' ni bzhin 'dzum zhing khro gnyer med pa yin te/ mdangs bzang pos sems can rnams mgu bar byed do/ /byang chub sems dpa' don du smra ba ni tshig ran pas sems can rnams mgu bar byed do/ /byang chub sems dpa' chos su smra ba ni phan par smra bas sems can rnams mgu bar byed do/ /byang chub sems dpa' mtshungs par smra ba ni sems can thams cad la chos ston pas sems can rnams mgu bar byed do/ /byang chub sems dpa' mi ngoms pa ni nga rgyal dang dregs pa dang rgyags pa dang bral zhing spyod pa mtshungs pas sems can rnams mgu bar byed do/ /byang chub sems dpa' brnyas pa dang bral ba ni ri mor byas shing chos bstan pas sems can rnams mgu bar byed do/ /byang chub sems dpa' nyon mongs par 'gyur ba med pa ni ngang tshul des pas sems</font><hr>59.82a<br><font size=+1>

can rnams mgu bar byed do/ /byang chub sems dpa' 'khrug pa med pa ni bzod pa mang bas sems can rnams mgu bar byed do/ /rigs kyi bu byang chub sems dpa' spobs pa sna tshogs can ni dga' ba'i tshig gis sems can rnams mgu bar byed do/ /rigs kyi bu chos bcu po de dag dang ldan na byang chub sems dpa' sems can thams cad mgu bar byed pa'i spobs pa can rnams yin no/ /rigs kyi bu chos bcu dang ldan na byang chub sems dpa' tshig gzung bar byed pa rnams yin no/ /bcu gang zhe na/ 'di lta ste/ byang chub sems dpa' rnams snod du ma gyur pa'i sems can rnams la chos mi ston te/ zhe 'gras pa rnams la ma yin/ klan ka tshol ba rnams la ma yin/ mu stegs can rnams la ma yin/ ri mo med pa rnams la ma yin/ ma dad pa mang ba rnams la ma yin/ g.yo dang sgyus glags pa rnams la ma yin/ 'tsho ba'i bsam pa can rnams la ma yin/ rnyed pa dang / bkur sti dang / phrag dog dang / ser snas glags pa rnams la ma yin/ sems can glen pa rmongs pa lug ltar lkug pa'i rang bzhin can rnams la chos mi ston te/ rigs kyi bu de ci'i phyir zhe na/ byang chub sems dpa' rnams la chos kyi ser sna yang med/ chos la slob dpon 'chab pa yang med sems can rnams la ri mor mi byed pa yang med/ sems can gyi don la rgyab kyis phyogs pa yang med mod kyi/ sems can 'di dag ni de bzhin gshegs pa'i chos 'dul ba'i snod du ma gyur pa'o zhes btang snyom su gnas pa rnams yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das 'o na sems can ci 'dra ba rnams la sangs rgyas rnams dang / byang chub sems</font><hr>59.82b<br><font size=+1>

dpa' rnams chos ston/ bcom ldan 'das kyis bka' stsal pa/ rigs kyi bu sems can dad pa rnams la sangs rgyas rnams dang byang chub sems dpa' rnams chos ston to/ /sems can dge ba'i rtsa ba smin pa rnams dang / snod du gyur pa rnams dang / sngon gyi rgyal ba la bya ba byas pa rnams dang / g.yo med pa rnams dang / sgyu med pa rnams dang / spyod lam mi 'chos pa rnams dang / rnyed pa dang / bkur sti la chags pa dang bral ba rnams dang / bsam pa phun sum tshogs pa rnams dang / dge ba'i bshes gnyen gyis yongs su zin pa rnams dang / tshul bzang po dang ldan pa rnams dang / legs par ston nus pa rnams dang / dbang po rno ba gang bshad pa'i don rig par 'gyur ba de thob par bya ba'i phyir/ brtson 'grus brtsams par 'gyur ba de bzhin gshegs pas ji skad gsungs pa bzhin byed par 'gyur ba'i sems can de lta bu dag la rigs kyi bu sangs rgyas rnams dang / byang chub sems dpa' rnams chos ston to/ /rigs kyi bu chos bcu po de dag dang ldan na byang chub sems dpa' tshig gzung bar 'gyur ba rnams yin no/ /rigs kyi bu chos bcu dang ldan na byang chub sems dpa' chos rjod pa rnams yin no/ /bcu gang zhe na/ 'di lta ste/ sangs rgyas kyi chos yang dag par bsgrub pa'i phyir chos ston kyang sangs rgyas kyi chos rnams dang / yang dag par bsgrub pa yang mi dmigs so/ /pha rol du phyin pa yang dag par bsgrub pa'i phyir chos ston kyang pha rol tu phyin pa yang dag par bsgrub pa yang mi dmigs so/ /byang chub sems dpa' yang dag par bsgrub pa'i phyir chos ston kyang byang chub yang dag par bsgrub pa yang mi dmigs so/ /nyon mongs pa spang ba'i phyir chos ston kyang nyon mongs pa spang ba yang mi dmigs so/ /</font><hr>59.83a<br><font size=+1>

skyo ba dang 'dod chags dang bral ba dang 'gog pa'i phyir chos ston kyang skyo ba dang / 'dod chags dang bral ba dang / 'gog pa yang mi dmigs so/ /rgyun du zhugs pa dang / lan cig phyir 'ong ba dang / phyir mi 'ong ba'i 'bras bu thob par bya ba'i phyir chos ston kyang rgyun du zhugs pa yang mi dmigs/ lan cig phyir 'ong ba dang / phyir mi 'ong ba yang mi dmigs/ phyir 'ong ba'i 'bras bu yang mi dmigs so/ /dgra bcom pa'i 'bras bu thob par bya ba'i phyir chos ston kyang dgra bcom pa dang / dgra bcom pa'i 'bras bu yang mi dmigs so/ /rang sangs rgyas kyi 'bras bu thob par bya ba'i phyir chos ston kyang rang sangs rgyas dang / rang sangs rgyas kyi 'bras bu yang mi dmigs so/ /bdag tu 'dzin pa la mngon par zhen pa spang ba'i phyir chos ston kyang bdag tu 'dzin pa yang mi dmigs so/ /las kyi rnam par smin pa yang 'jog mod kyi las dang las kyi rnam par smin pa yang mi dmigs so/ /de ci'i phyir zhe na/ de dag 'di snyam du sems te/ chos gang ming gang gis brjod pa de ming des yod pa ma yin no/ /de ci'i phyir zhe na/ chos ni yi ge'i rang bzhin ma yin/ yi ge rnams ni chos kyi rang bzhin ma yin mod kyi/ kun rdzob kyi bden pa la brten/ tha snyad la brten/ brtags pa la brten te/ ming med pa'i chos rnams la ming du 'jog ste/ ming de yang gsog go/ /gsob po/ /gang gsog dang gsob de ka la don dam pa med do/ /gang la don dam pa med pa de brdzun te slu ba'i chos so/ /gang brdzun zhing slu ba'i chos de ni byis pa skye bo slu ba'i/ rigs kyi bu chos bcu po de dag dang ldan na byang chub sems dpa' chos brjod pa rnams yin no/ / 'phags pa dkon mchog sprin/  bam po lnga pa/ </font><hr>59.83b<br><font size=+1>

rigs kyi bu chos bcu dang ldan na byang chub sems dpa' chos kyi rjes su 'brang ba rnams yin no/ /bcu gang zhe na/ 'di lta ste/ rigs kyi bu 'di la byang chub sems dpa' rnams chos kyi rjes su yang 'brang la gzugs las kyang mi 'byung / chos kyi rjes su 'ang 'brang la tshor ba dang / 'du shes dang / 'du byed rnams dang / rnam par shes pa las kyang mi 'byung / chos kyi rjes su 'ang 'brang la 'dod pa'i khams las kyang mi 'byung / chos kyi rjes su 'ang 'brang la gzugs kyi khams las kyang mi 'byung / chos kyi rjes su 'ang 'brang la gzugs med pa'i khams las kyang mi 'byung / chos kyi rjes su 'ang 'brang la chos las kyang mi 'byung / chos kyi rjes su 'ang 'brang la 'da' bar yang mi 'byung / chos kyi rjes su 'ang 'brang la/ sems can gyi phyir yang mi 'brang / chos kyi rjes su 'ang 'brang la chad par lta ba'i phyir yang mi 'brang / chos kyi rjes su 'ang 'brang la lam las kyang mi 'byung ste/ de ni thabs mkhas pa dang / ldan pa'i shes rab kyi phyir ro/ /rigs kyi bu chos bcu po de dag dang ldan na byang chub sems dpa' chos kyi rjes su 'brang ba rnams yin no/ /rigs kyi bu chos bcu dang ldan na byang chub sems dpa' chos kyi dbyings la mkhas pa rnams yin no/ /bcu gang zhe na/ 'di lta ste/ shes rab can rnams yin/ dge ba'i bshes gnyen gyis yongs su bzung ba rnams yin/ brtson 'grus brtsams pa rnams yin/ sgribs pa thams cad dang bral ba rnams yin/ shin du yongs su dag pa rnams yin/ gdams ngag la mi mo dang bcas pa rnams yin/ stong pa nyid la sgom pa mang ba rnams yin/ dmigs par lta ba dang bral ba rnams yin/ lam du</font><hr>59.84a<br><font size=+1>

zhugs pa rnams yin/ de kho na mthong ba rnams yin no/ /rigs kyi bu byang chub sems dpa' shes rab dang ldan pa ni dge ba'i bshes gnyen tshol te/ des dge ba'i bshes gnyen mthong nas dga' zhing rangs te/ de la ston par 'du shes skyed cing de la brten te gnas so/ /de dge ba'i bshes gnyen la brten pas na mi dge ba'i chos thams cad spong ba dang / dge ba'i chos thams cad yongs su rdzogs par bya ba'i phyir brtson 'grus brtsams pa yin no/ /brtson 'grus brtsams pas na sgrib pa thams cad nub par 'gyur ro/ /sgrib pa med cing lam gyi rgyun ma bcad pas shin du yongs su dag cing lus dang ngag dang yid kyi gnas ngan len dang bral bar 'gyur ro/ /de shin du yongs su dag pas gdams ngag la ri mo dang bcas pa yin no/ /de gdams ngag la ri mo dang bcas pas stong pa nyid la sgom pa mang ba yin no/ /stong pa nyid la sgom pa mang bas dmags pa'i lta bas mi 'gyur ro/ /de dmigs pa'i lta ba dang bral bas lam du 'jug go/ /de lam du zhugs pas de kho na mthong ngo / /byang chub sems dpa' sgrib pa thams cad rnam par sel pas gsol pa/ bcom ldan 'das de kho na zhes bgyi ba de ci lags/ bcom ldan 'das kyis bka' stsal pa/ rigs kyi bu 'di lta ste/ de kho na zhes bya ba 'di ni yang dag pa'i don gyi tshig bla dgas so/ /gsol pa bcom ldan 'das yang dag pa zhes bgyi ba 'di ci lags/ bcom ldan 'das kyis bka' stsal pa/ rigs kyi bu gang mi slu ba de ni yang dag pa'o/ /gsol pa/ bcom ldan 'das mi slu ba zhes bgyi ba 'di ci lags/ bcom ldan 'das kyis bka' stsal pa/ de ni de bzhin nyid dang / ma nor ba de bzhin nyid dang / gzhan ma yin pa'i de bzhin</font><hr>59.84b<br><font size=+1>

nyid do/ /gsol pa/ bcom ldan 'das de bzhin nyid ces bgyi ba 'di ci lags/ bcom ldan 'das kyis bka' stsal pa/ rigs kyi bu chas 'di ni so so rang gis rig pa yin te/ 'di ni yig ngag gis gdams par mi nus so/ /de ci'i phyir zhe na/ chos 'di ni yi ge thams cad las yang dag par 'das pa/ smra ba thams cad las yang dag par 'das pa/ tshig gi spyod yul thams cad las yang dag par 'das pa/ ngag gi lam thams cad las yang dag par 'das pa/ spros pa thams cad dang bral ba blang ba dang dor ba thams cad dang bral ba/ phye ba dang / btsums pa thams cad dang bral ba/ rtog ge thams cad dang bral ba/ brtag par bya ba ma yin pa/ rtog ge'i spyod yul ma yin pa/ rtog ge'i spyod yul las yang dag par 'das pa/ mtshan ma med pa mtshan ma dang bral ba/ mtshan ma'i spyod yul las yang dag par 'das pa/ byis pa'i spyod yul las yang dag par 'das pa/ bdud thams cad kyi yul las yang dag par 'das pa/ nyon mongs pa thams cad kyi spyod yul las yang dag par 'das pa/ rnam par shes pa'i spyod yul las yang dag par 'das pa/ gnas ma yin pa/ mi gnas pa/ zhi ba 'phags pa'i ye shes kyi spyod yul te/ de dag nyid kyi so so rang gis rig pa/ dri ma med pa/ ma gos pa dang rnam par dag pa/ gya nom pa/ mchog dam pa/ phul brtan pa/ ther zug mi 'jig pa'i chos can te de bzhin gshegs pa rnams byung yang rung / ma byung yang rung ste/ chos kyi dbyings 'di ni 'dug pa kho na'o/ /rigs kyi bu 'di ltar byang chub sems dpa' dag chos nyid 'di thob nas sems can dag kyang chos nyid 'di kho na la rab tu dgod do snyam ste/ don gang gi phyir 'bad cing</font><hr>59.85a<br><font size=+1>

rtsol ba dang / brtson 'grus rtsom pa dang / dka' ba brgya dag byed pa/ rigs kyi bu de ni de bzhin nyid ces bya'o/ /yang dag pa'i mtha' zhes bya'o/ /thams cad mkhyen pa nyid ces bya'o/ /rnam pa thams cad mkhyen pa nyid ces bya'o/ /bsam gyis mi khyab pa'i dbyings shes bya'o/ /gnyis su med pa'i dbyings shes bya'o/ /byang chub sems dpa' sgrib pa thams cad rnam par sel bas gsol pa/ bcom ldan 'das chos 'di ji ltar mngon du bgyi/ ji ltar khong du chud par bgyi/ bcom ldan 'das kyis bka' stsal pa/ rigs kyi bu 'jig rten las 'das pa'i shes rab kyis mngon du bya'o/ /rang gis rig par khong du chud par bya'o/ /byang chub sems dpa' sgrib pa thams cad rnam par sel bas gsol pa/ bcom ldan 'das gang shes rab kyis mngon du bgyis pa de rang gis rig pa khong du chud pa nyid ma lags sam/ bcom ldan 'das kyis bka' stsal pa/ rigs kyi bu ma yin no/ /de ci'i phyir zhe na/ shes rab kyis ni chos rnams yang dag pa ji lta ba bzhin du mthong ngo / /lus kyis ni mngon du byed do/ /byang chub sems dpa' sgrib pa thams cad rnam par sel pas gsol pa/ bcom ldan 'das rigs kyi bu gang dag gis thos pa las byung ba 'am/ bsam pa las byung ba'i shes pas chos khong du chud par gyur pa de rang gis rig pa ma lags sam/ bcom ldan 'das kyis bka' stsal pa/ rigs kyi bu ma yin te/ thos pa tsam 'am/ bsams pa tsam gyis ni rang gis rig pa'i chos khong du chud par mi nus so/ /rigs kyi bu de lta bas na dpe nyon cig /rigs kyi bu 'di lta ste/ dper na 'brog chen por dpyid kyi zla ba tha ma la/ mi la la zhig shar phyogs nas nub phyogs</font><hr>59.85b<br><font size=+1>

su 'gro la/ de nas mi gzhan zhig nub phyogs nas shar phyogs su 'ong ste/ de yang dpyid kyi tsha bas yongs su gdungs par gyur nas skom gyis nyen pa de shar phyogs nas 'ong ba'i mi de la 'di skad ces smras te/ kye skyes bu kho bo dpyid kyi tsha bas yongs su gdungs te/ skom gyis nyen na/ mtsho 'am/ lteng ka 'am/ rdzing gang chu bsil ba dang rnyog pa med pa/ gsal bas gang ba yod de gang du bdag tsha ba dang / skom pa rab tu zhi bar 'gyur ba'i lam bdag la ston cig ces zer la/ shar phyogs nas 'ongs pa'i mi de yang lam shes pa/ lam mkhas pa lam mthong ba/ lam gyi mtshan ma mthong ba zhig yin te/ des de na chu'i nyes pa dang bral ba'i chu sngon chad mthong la/ sngon myangs shing sngon yang zhugs pa yin te/ des mi de la 'di skad du kye grogs po lam 'di nas lam kha brag mthong gi bar du song la/ kye skyes bu khyod kyis g.yon gyi lam 'or te/ g.yas kyi lam nas nags tshal sngon po dang / nags tshal de'i dbus nas mtsho 'am/ lteng ka 'am/ rdzing bu bsil zhing dang la rnyog pa med pa gsal bas gang ba mthong gi bar du song la/ der skyes bu khyod skom pa dang / tsha ba med par byos shig ces zer na/ rigs kyi bu de ji snyam du sems/ dpyid kyi tsha bas yongs su gdungs te/ skom gyis nyen pa'i mi des chu thos ma thag dang / bsams pa tsam gyis tsha ba med par 'gyur ram/ skom pa dang yang bral bar 'gyur ram/ chu de'i bsil ba yang rang gis rig par 'gyur ram/ gsol pa bcom ldan 'das ma lags so/ /bcom ldan 'das mi de nam der phyin nas/ des chu der zhugs te 'tsho la dar gyur pa de'i tshe/ mi de'i tsha ba de ma mchis par 'gyur ro/ /skom pa</font><hr>59.86a<br><font size=+1>

rang yang bral 'gyur ro/ /des bsil ba yang rang gis rig par 'gyur ro/ /bcom ldan 'das kyis bka' stsal pa/ de bzhin du rigs kyi bu thos pa tsam dang / bsams pa tsam gyis rang gis rig pa'i chos khong du chud par mi nus so/ /de la rigs kyi bu 'brog ces bya ba de ni 'khor ba'i thog gi tshig bla dgas so/ /mi dpyid kyi tsha bas yongs su gdungs shing skom gyis nyen pa zhes bya ba gang yin pa de ni nyon mongs pa'i gdung bas yongs su gdungs shing yul gyi sred pas nyen pa'i sems can rnams kyi tshig bla dgas so/ /lam shes pa'i mi zhes bya ba 'di ni byang chub sems dpa' thams cad mkhyen pa nyid kyi lam la mkhas pa/ chos myong ba chos rang gis rig pa rnams kyi tshig bla dgas so/ /chu bsil zhing dang la rnyog pa med pa gsal ba zhes bya ba 'di ni/ don dam pa'i chos nyid kyi tshig bla dgas so/ /yang rigs kyi bu dpe nyon cig /rigs kyi bu de ji snyam du sems/ gal te de bzhin gshegs pa'i tshe'i tshad bskal par bzhugs te/ 'dzam bu'i gling gi mi rnams kyi mdun du 'di lta ste/ lha'i bdud rtsi dri zhim pa dang / gtsang ba dang / gya nom pa dang / shin tu zhim pa dang / reg na bde ba las brtsams te/ bsngags pa brjod na/ rigs kyi bu de ji snyam du sems/ ci sems can de dag gis lha'i bdud rtsi de'i/ bsngags pa rang gis rig par 'gyur ram/ gsol pa bcom ldan 'das de ma lags so/ /bcom ldan 'das kyis bka' stsal pa/ rigs kyi bu de lta bas na khyod kyis rnams grangs 'dis ji ltar thos pa tsam 'am/ bsams pa tsam gyis rang gis rig pa'i chos khong du chud par mi nus par rig par bya'o/ /rigs kyi bu yang dpe nyon cig /rigs kyi bu 'di lta ste/ dper na mi zhig gis shing thog gi rnam pa sngon</font><hr>59.86b<br><font size=+1>

sems can sus kyang ma myangs pa zhig myangs par gyur la/ des mi gzhan zhig gis mdun du shing thog gi rnams pa de'i bsngags pa 'di lta ste/ kha dog phun sum tshogs pa dang / ro phun sum tshogs pa dang / dri zhim pa las brtsams te na rigs kyi bu de ji snyam du sems/ ci mi des shing thog gi ro des rang gi rig par 'gyur ram/ gsol pa bcom ldan 'das ma lags so/ /bcom ldan 'das kyis bka' stsal pa/ rigs kyi bu de lta bas na khyod kyis rnam grangs 'dis ji ltar thos pa tsam 'am/ bsams pa tsam gyis so so rang gis rig pa'i chos khong du chud par mi nus par rig par bya'o/ /de nas sa byang chub sems dpa' sgrib pa thams cad rnam par sel bas gsol pa/ bcom ldan 'das legs par gsungs so/ /bde bar gshegs pa shin du legs par gsungs so/ /bcom ldan 'das chos kyi tshul 'di su dag gi/ rnar thos par 'gyur ba'i rigs kyi bu de dag gis chos 'di khong du chud pa nyid du rig par bgyi'o/ /de ci'i slad du zhe na/ bcom ldan 'das rigs kyi bu de dag gis chos 'di thob par bgyi ba la 'di nyid ma log pa'i rgyur 'gyur ro/ /bcom ldan 'das kyis bka' stsal pa/ rigs kyi bu de de bzhin no/ /de de bzhin de/ rigs kyi bu de dag gis chos 'di thob par bya ba la 'di nyid ma log pa'i rgyur 'gyur ro/ /rigs kyi bu chos bcu po de dag dang ldan na/ byang chub sems dpa' chos kyi dbyings la mkhas pa rnams yin no/ /rigs kyi bu chos bcu dang ldan na/ byang chub sems dpa' stong pa nyid kyi spyod yul pa rnams yin no/ /bcu gang zhe na/ 'di lta ste/ </font><hr>59.87a<br><font size=+1>

stobs kyi stong pa nyid kyang rab tu shes/ mi 'jigs pa'i stong pa nyid kyang rab tu shes/ sangs rgyas kyi chos ma 'dres pa'i stong pa nyid kyang rab tu shes/ tshul khrims kyi phung po'i stong pa nyid kyang rab tu shes/ ting nge 'dzin gyi phung po'i stong pa nyid kyang rab tu shes/ shes rab kyi phung po'i stong pa nyid kyang rab tu shes/ rnam par grol ba'i phung po'i stong pa nyid kyang rab tu shes/ rnam par grol ba'i ye shes mthong ba'i phung po'i stong pa nyid kyang rab tu shes/ stong pa'i stong pa nyid kyang rab tu shes/ don dam pa'i stong pa nyid kyang rab tu shes te/ de'i rgyu de'i rkyen de'i gzhis stong pa nyid du dmigs pa dang / stong pa nyid du 'dzin pa dang / stong pa nyid du lta ba dang / stong pa nyid la gnas pa 'ang mi dmigs/ de'i rgyu de'i rkyen de'i gzhis med par yang mi ltung ngo / /rigs kyi bu chos bcu po de dag dang ldan na byang chub sems dpa' stong pa nyid spyod yul pa rnams yin no/ /rigs kyi bu chos bcu dang ldan na byang chub sems dpa' mtshan ma med pa la gnas pa rnams yin no/ /bcu gang zhe na/ 'di lta ste/ phyi rol gyi mtshan ma dang bral ba rnams yin/ nang gi mtshan ma dang bral ba rnams yin/ spros pa thams cad dang bral ba rnams yin/ rnam par rtog pa thams cad dang bral ba rnams yin/ dmigs pa thams cad dang bral ba rnams yin/ g.yo ba thams cad dang bral ba rnams yin/ rgyu ba thams cad dang bral ba rnams yin/ dmigs par bya ba thams cad dang bral ba rnams yin/ rnam par shes pa mi dmigs pa rnams yin/ rnam par shes par bya ba'i dngos po mi dmigs pa rnams yin no/ /rigs kyi bu chos bcu po de dag dang ldan na byang chub sems dpa' mtshan</font><hr>59.87b<br><font size=+1>

ma med pa la gnas pa rnams yin no/ /de nas bcom ldan 'das la byang chub sems dpa' sgrib pa thams cad rnam par sel bas 'di skad ces gsol to/ /bcom ldan 'das byang chub sems dpa' rnams kyi mtshan ma ma mchis pa la gnas pa'ang de 'dra na/ de bzhin gshegs pa rnams kyi ci 'dra bar bgyi/ bcom ldan kyis bka' stsal pa/ rigs kyi bu gnas 'di ni bsam gyis mi khyab po/ /de ci'i phyir zhe na/ bsam pa'i yul dang bral ba'i phyir te/ rigs kyis bu de bzhin gshegs pa'i chos nyid rjes su bsams na/ sems can thams cad myos par 'gyur gyi/ de bzhin gshegs pa'i chos nyid kyi pha rol tam/ tshu rol mthong bar mi 'gyur/ mi dmigs kyi tha mar na dub pa'i bskal ba can 'gyur ro/ /de ci'i phyir zhe na/ rigs kyi bu de bzhin gshegs pa ni zab cing gting dpag dka' la bsam gyis mi khyab pa dpag tu med pa/ rgya che ba'i dpag tu med pa/ rgya che ba nam mkha' dang 'dra ba/ rtog ge pa thams cad kyi yul las 'das pa/ dmigs pa can thams cad kyi yul las 'das pa ste/ de ni brtag pa 'am/ bsam pa 'am/ gzhal ba 'am/ tshad gzung bar mi nus so/ /byang chub sems dpa' sgrib pa thams cad rnam par sel bas gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ /bcom ldan 'das kyis bka' stsal pa/ rigs kyi bu khyod la de bzhin gshegs pas rtag tu skabs phyes khyod dris shig /byang chub sems dpa' sgrib pa thams cad rnam par sel bas gsol pa/ bdag bstod pa ni bcom ldan 'das kyis skyes</font><hr>59.88a<br><font size=+1>

bu dam pa ma lags pa'i chos su gsung na/ de ji ltar chos kyi rje bcom ldan 'das nyid bdag la bstod pa mdzad pa/ bcom ldan 'das kyis bka' stsal to/ rigs kyi bu legs so legs so/ /khyod kyis dri ba tshul bzhin du dris so/ /rigs kyi bu de'i phyir legs par shin du dris la yid la zung shig dang / ngas khyod la bshad do/ /bcom ldan 'das legs so zhes byang chub sems dpa' sgrib pa thams cad rnam par sel ba/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal pa/ /rigs kyi bu de bzhin gshegs pa ni sems can 'di dag la ci nas kyang phan pa dang / bde ba dang / chos nyid thob par bya ba'i phyir bdag bstod pa ma gtogs par nga rgyal gyi zil gyis non pa dang / rnyed pa'i zil gyis non pa dang / bkur sti'i zil gyis non pa dang / grags pa 'dod pa dang / shes kyi khe 'dod pa'i phyir tshul 'chos pa 'am/ kha gsag byed cing yang dag pa ma yin par bdag bstod pa ma yin no/ /de ci'i phyir zhe na/ sems can 'di dag ni de bzhin gshegs pa la dga' ba dang / dang ba dang / rangs pa nye bar gzhag pas chos bstan pa'i skal ba yod par 'gyur/ dge ba'i chos rnams kyi snod du 'gyur te/ de yang de dag la yun ring por don dang / phan pa dang / bde bar 'gyur ro/ /byang chub sems dpa' sgrib pa thams cad rnam par sel pas gsol pa/ bcom ldan 'das ci lags/ sems can de dag de bzhin gshegs pa'i mthu ma 'tshal tam/ bcom ldan 'das kyis bka' stsal pa/ rigs kyi bu mi shes so/ /de ci'i phyir zhe na/ rigs kyi bu sangs rgyas kyi zhing 'di'i sems can rnams ni rgya chung ngu la mos pa/ dman tshegs la mos pa/ shes rab chung ba/ dad pa chung ba/ </font><hr>59.88b<br><font size=+1>

dge ba'i rtsa ba chung ngus brtan pa dag ste/ de dag gis de bzhin gshegs pa'i yon tan gyi che ba mi shes pas de dag la de bzhin gshegs pa bdag nyid bdag gi yon tan gyi bsngags pa brjod pa mdzad de/ de 'ang nan tan gyis sgrub po/ /rigs kyi bu 'di lta ste/ dper na sman pa mkhas pa zhig yod la/ sems can rnams kyang nad kyis nyen par gyur/ sa'i phyogs de na 'ang sman pa gcig pur zad de gnyis su med la de'i yon tan gyi che ba sus kyang mi shes pa dang / de nas sman pa de 'di snyam du sems te/ kye ma'o sems can 'di dag ni sdug bsngal ba/ nad kyis nyen pa/ sman la mi mkhas pa/ gnod pa la sten pa yin gyis/ bdag gis de dag gso bar bya'o snyam nas/ sman pa des sems can de dag gi mdun du kye sems can dag bdag ni sman pa ste/ nad la mkhas pa'o nad kyi gzhi la mkhas pa'o/ /sman la mkhas pa'o zhes bdag gi yon tan gyi bsngags pa bdag nyid kyis brjod pa dang / sems can de dag 'di ni sman pa'o zhes bya bar shes shing yid ches par gyur nas sman pa de la rten to/ /de nas sman pa de sems can de dag gso zhing nad zhi bar byed na/ rigs kyi bu de ji snyam du sems/ sman pa de bdag la bstod par 'gyur ram/ gsol pa/ bcom ldan 'das ma lags so/ /bcom ldan 'das kyis bka' stsal pa/ rigs kyi bu de bzhin gshegs pa yang sman pa'i rgyal po chen po bla na med pa ste/ nyon mongs pa'i nad la mkhas pa/ nyon mongs pa'i nad kyi gzhi la mkhas pa/ nyon mongs pa'i nad gso ba la mkhas pa/ chos kyi sman chen po bstabs pa yin yang / nyon mongs pa'i nad kyis nad par gyur pa'i sems can rnams kyis mi shes te/ nyon mongs pa'i nad kyis</font><hr>59.89a<br><font size=+1>

nad par gyur pa'i sems can rnams gzigs nas/ de dag gi mdun du bdag gi yon tan dang / bsngags pa bdag nyid brjod de/ de nas nyon mongs pa'i nad kyis nad par gyur pa'i sems can de dag gis de bzhin gshegs pa'i yon tan gyi bsngags pa'i che ba thob nas/ yid ches par gyur pa dang / de bzhin gshegs pa la brten to/ /de nas de dag la de bzhin gshegs pa la sman gyi rgyal po chen po chos kyi sman de dag gis nyon mongs pa'i nad zhi bar mdzad de/ chos kyi sman chen po de dag kyang gang zhe na/ 'di lta ste/ mi sdug pa dang / byams pa dang / rten cing 'brel par 'byung ba la sogs pa ste/ rigs kyi bu de bzhin gshegs pa ni don gyi dbang 'di gzigs nas/ bdag la bdag nyid bstod pa mdzad do/ /rigs kyi bu chos bcu dang ldan na byang chub sems dpa' rnams smon lam thams cad la gnas pa dang bral ba yin no/ /bcu gang zhe na/ 'di lta ste/ sbyin pa la smon kyang sbyin pa la mi gnas pa rnams yin/ de bzhin du tshul khrims dang / bzod pa dang / brtson 'grus dang / bsam gtan dang / shes rab dang / khams gsum pa dang / byang chub dang / lam dang / mya ngan las 'das pa la smon kyang mya ngan las 'das pa la mi gnas pa rnams yin te/ rigs kyi bu de ci'i phyir zhe na/ byang chub sems dpa' ni gnas pa thams cad dang bral ba ste/ mi gnas par 'jig rten thams cad du rnam par spyod do/ /rigs kyi bu chos bcu po de dag dang ldan na byang chub sems dpa' smon lam thams cad la gnas pa dang bral ba yin no/ /rigs kyi bu chos bcu dang ldan na byang chub sems dpa' byams pa'i bdag nyid can rnams yin no/ /bcu gang zhe na/ 'di</font><hr>59.89b<br><font size=+1>

lta ste/ nyi tshe ba med pa'i byams pa dang ldan pa rnams yin/ tha dad pa med pa'i byams pa dang ldan pa rnams yin/ chos kyi byams pa dang ldan pa rnams yin/ nges par rtogs pa'i byams pa dang ldan pa rnams yin/ gnod pa med pa'i byams pa dang ldan pa rnams yin/ phan pa'i byams pa dang ldan pa rnams yin/ sems can thams cad la snyoms pa'i byams pa dang ldan pa rnams yin/ gnod sems med pa'i byams pa dang ldan pa rnams yin/ phyogs bcu kun du khyab pa'i byams pa dang ldan pa rnams yin/ 'jig rten las 'das pa'i byams pa dang ldan pa rnams yin no/ rigs kyi bu chos bcu po de dag dang ldan na byang chub sems dpa' byams pa'i bdag nyid can rnams yin no/ /rigs kyi bu chos bcu dang ldan na byang chub sems dpa' snying rje'i bdag nyid can rnams yin no/ /bcu gang zhe na/ 'di lta ste/ sems can sdug bsngal ba dang / skyabs med pa dang / mgon med pa dang / rten med pa dang / dpung gnyen med pa dag mthong na/ byang chub tu sems skyed do/ /byang chub tu sems bskyed nas/ chos nyid thob par bya ba'i phyir 'bad cing rtsol/ brtson 'grus rtsom ste/ dka' bar spyod pa brgya dag kyang byed do/ /de dag chos thob nas sems can rnams la phan par byed de/ 'di lta ste/ sems can ser sna can rnams sbyin pa la gzhog par byed/ tshul khrims ngan pa can rnams tshul khrims la/ gnod sems can rnams bzod pa la/ le lo can rnams brtson 'grus la/ sem ma 'khrugs pa rnams bsam gtan la/ sems can shes rab 'chal pa rnams mthong nas shes rab la gzhog par byed cing / sems can gyi sdug bsngal mi bzad pa/ brtsu pa/ </font><hr>59.90a<br><font size=+1>

tsha ba dag gis nyen kyang byang chub la phyir ldog par mi 'gyur ro/ /rigs kyi bu chos bcu po de dag dang ldan na byang chub sems dpa' snying rje'i bdag nyid can rnams yin no/ /rigs kyi bu chos bcu dang ldan na byang chub sems dpa' dga' ba la gnas pa rnams yin no/ /bcu gang zhe na/ 'di lta ste/ bdag ni 'khor ba'i btson ra rab tu 'bar ba nas byung ba'o zhes rab tu dga' ba skyed do/ /bdag gis 'khor ba'i dpyang thag yun ring po nas thogs pa chad do zhes dga' ba skyed do/ /bdag ni rnam par rtog pa sna tshogs mang po'i chu srin gyis dkrugs pa'i 'khor ba'i rgya mtsho las rgal to zhes rab tu dga' ba skyed do/ /bdag gis yun ring po nas bsgreng ba'i nga rgyal gyi rgyal mtshan bsnyal lo zhes rab tu dga' ba skyed do/ /bdag gis nyon mongs pa'i ri rnams ye shes kyi rdo rjes bcom ste/ ji ltar rdul kyang mi snang ba de ltar bcom mo zhes rab tu dga' ba skyed do/ /bdag nyid ni dbugs phyin pa yin gyis/ da ni gzhan yang dbugs dbyung bar bya'o zhes rab tu dga' ba skyed do/ /bdag nyid ni 'jig rten gnas pa/ yun ring po nas gnyid log pa/ sred pa'i snyoms pas yongs su zin pa/ mig gti mug gis bsgribs pa'i nang nas sad pa yin gyis/ da ni gzhan yang sad par bya'o zhes rab tu dga' ba skyed do/ /bdag nyid ni ngan 'gro dang / ngan song dang / log par ltung ba thams cad las rnam par grol ba yin gyis/ da ni gzhan yang ngan song dang / ngan 'gro dang / log par ltung ba thams cad las rnam par grol bar bya'o zhes rab tu dga' ba skyed do/ /bdag 'khor ba'i 'brog dgon par yun ring po nas 'khyams te/ grogs med cing gnyis su med par gar yang 'khyam zhing lam la mi mkhas</font><hr>59.90b<br><font size=+1>

la/ lam mi shes shing yul mi shes pas lam stor ba rnyed do zhes rab tu dga' ba skyedo/ /bdag ni thams cad mkhyen pa nyid kyi grong khyer dang nye bar gyur to zhes rab tu dga' ba skyed do/ /rigs kyi bu chos bcu po de dag dang ldan na byang chub sems dpa' dga' ba la gnas pa rnams yin no/ /rigs kyi bu chos bcu dang ldan na byang chub sems dpa' btang snyoms la gnas pa rnams yin no/ /bcu gang zhe na/ 'di lta ste/ mig gis rnam par shes par bya ba'i gzugs rnams la btang snyoms su gnas pa rnams yin te/ mig gis rnam par shes par bya ba'i gzugs rnams kyis smas par mi 'gyur/ gnod par mi 'gyur/ rma byung bar mi 'gyur ba rnams dang / de bzhin du rna bas rnam par shes par bya ba'i sgra rnams dang / snas rnam par shes par bya ba'i dri rnams dang / lces rnam par shes par bya ba'i ro rnams dang / lus kyis rnam par shes par bya ba'i reg bya rnams dang / yid kyis rnam par shes par bya ba'i chos rnams la btang snyoms su gnas pa rnams yin te/ yid kyis rnam par shes par bya ba'i chos rnams kyis smas par mi 'gyur/ gnod par mi 'gyur/ rma byung bar mi 'gyur ro/ /'du byed kyi sdug bsngal dang / sdug bsngal gyi sdug bsngal dang / 'gyur ba'i sdug bsngal la btang snyoms su gnas pa yin te/ 'du byed kyi sdug bsngal dang / sdug bsngal gyi sdug bsngal dang / 'gyur ba'i sdug bsngal gyis smas par mi 'gyur/ gnod par mi 'gyur/ rma byung bar mi 'gyur ro/ /bya ba byas pa'i sems can rnams la btang snyoms su gnas pa rnams yin te/ de dag la dga' ba dang / dang ba dang / rangs pa skyed cing de dag 'di snyam du sems te/ gang bdag</font><hr>59.91a<br><font size=+1>

gis bsgral bar bya ba de dag nyid rgal bar gyur to zhes btang snyoms su gnas pa rnams yin no/ /rigs kyi bu chos po de dag dang ldan na byang chub sems dpa' btang snyoms la gnas pa rnams yin no/ /rigs kyi bu chos bcu dang ldan na byang chub sems dpa' mngon par shes pas rnam par rol pa rnams yin no/ /bcu gang zhe na/ 'di lta ste/ shi 'pho ba'ang ston/ skye ba 'ang ston/ btsas pa dang / byis pa'i spyod pa dang / slas kyi nang na rtse ba 'ang ston/ mngon par 'byung ba 'ang ston/ dka' ba spyod pa 'ang ston/ byang chub kyi snying por 'gro ba 'ang ston/ bdud 'dul ba 'ang ston/ mngon par rdzogs par 'tshang rgya ba 'ang ston/ chos kyi 'khor lo bskor ba 'ang ston/ yongs su mya ngan las 'das pa chen po'ang ston to/ /de nas bcom ldan 'das la byang chub sems dpa' sgrib pa thams cad rnam par sel bas 'di skad ces gsol to/ /bcom ldan 'das ci'i rgyu ci'i rkyen kyis byang chub sems dpa' dga' ldan gyi pho brang dam pa nas shi 'pho ston pa nas yongs su mya ngan las 'das pa chen po'i bar du ston pa lags/ bcom ldan 'das kyis bka' stsal pa/ rigs kyi bu dga' ldan gyi pho brang dam pa na sems can gang dag rtag par 'du shes pa de dag gis/ byang chub sems dpa' 'jig rten thams cad dang khyad zhugs pa/ 'jig rten thams cad las mngon par 'phags pa/ 'jig rten kun gyi phul du byung ba/ mi mnyam pa/ 'dod pa'i yon tan rnams kyis ma gos ma chags pa shi 'pho bar mthong na/ rtag pa'i 'du shes ldog cing mi rtag pa'i 'du shes 'byung ste/ mi rtag pa'i 'du shes la gnas pas bag yod pa la gnas par 'gyur ro/ /rigs kyi bu dga' ldan</font><hr>59.91b<br><font size=+1>

gyi pho brang dam pa na sems can gang dag bag med par spyod pa yod pa de dag byang chub sems dpa' la dga' ba yod/ dad pa yod rangs pa yod kyang yul la mngon par zhen pas byang chub sems dpa'i drung du mi 'dong / mi rten bsnyen bkur mi byed cing / de dag la 'di snyam du sems te/ byang chub sems dpa' yang bzhugs la/ bdag cag kyang 'khod de/ dus kyang ring du yod kyis labs kyis 'dong bar bya'o snyam du sems pa de dag gi bag med pa bzlog pa'i phyir byang chub sems dpa' shi 'pho ston te/ de dag gis byang chub sems dpa' shi 'pho mthong nas skyo ba la gnas par 'gyur zhing / de dag skyo bar gyur nas bag med pa mi byed de/ bag yod pas bla na med pa yang dag par rdzogs pa'i byang chub tu nges par 'gyur ro/ /rigs kyi bu sems can gang dag skye bas 'dul ba yod pa de dag gis byang chub sems dpa' ma'i mngal na 'dug pa de dag gi mthu mthong na ngo mtshar rmad du byung bar 'gyur te/ de dag ci nas kyang bla na med pa yang dag par rdzogs pa'i byang chub tu nges par 'gyur ba de lta de ltar byang chub sems dpa' ma'i mngal na 'dug bzhin du chos ston to/ /rigs kyi bu sems can gang dag byang chub sems dpa' btsas pa dang / byis pa'i spyod pa dang / slas kyi nang na 'dug pas yongs su smin par bya ba yod pa de dag yongs su smin par bya ba dang / dman pa la mos pa'i sems can rnams bsrung ba'i phyir byang chub sems dpa' btsas pa dang / byis pa'i spyod pa dang / slas kyi nang na 'dug pa ston to/ /rigs kyi bu sems can gang dag byang chub sems dpa' mngon par 'byung ba dang / rab tu 'byung bas yongs su smin par bya ba yod pa de dag yongs su smin</font><hr>59.92a<br><font size=+1>

par bya ba'i phyir byang chub sems dpa' mngon par 'byung ba ston cing rab tu 'byung ngo / /rigs kyi bu sems can gang dag lha dang / klu dang / gnod sbyin dang / dri za dang / lha ma yin la sogs pa spyod pa dman pa la mos pa/ byang chub sems dpa' dka' ba'i spyod pas yongs su smin par bya ba yod pa/ de dag yongs su smin par bya ba dang / mu stegs can gzhan tshar gcad pa'i phyir byang chub sems dpa' dka' ba spyod pa ston to/ /rigs kyi bu sems can gang dag gis yun ring po nas bdag cag gis byang chub sems dpa'i byang chub kyi snying por 'gro ba'i tshe mchod pa'i las la brtson par bya'o zhes smon lam btab pa yod pa de dag la byang chub sems dpa' byang chub kyi snying por 'gro ba ston la/ de dag byang chub sems dpa' 'gro ba la so so'i tshul bzhin du mchod pa byed de/ de dag gis byang chub sems dpa' la mchod pa byas pas bla na med pa yang dag par rdzogs pa'i byang chub tu nges par 'gyur ro/ /rigs kyi bu sems can gang dag nga rgyal dang / rgyags pa dang / dregs pas rlom pa yod de/ de dag de las bzlog pa'i phyir byang chub sems dpa' byang chub kyi snying po la 'dug cing bdud 'dul ba ston to/ /sems can gang zhi ba la gnas pa de dag de las gong du khyad par thob par bya ba'i phyir byang chub sems dpa' mngon par rdzogs par 'tshang rgya ba ston te/ gang gis tshe byang chub sems dpa' mngon par rdzogs par 'tshang rgya ba de'i tshe/ stong gsum gyi stong chen po'i 'jig rten gyi khams na sgra sna tshogs dang / ca co sna tshogs gang yod pa de dag thams cad med cing stong gsum gyi stong chen po'i 'jig rten gyi khams kyang zhi bar 'gyur te/ de dag gis mthu de mthong na/ bdag</font><hr>59.92b<br><font size=+1>

cag kyang de ltar byang chub kyi snying po la 'khod de/ bla na med pa yang dag par rdzogs pa'i byang chub mngon par rdzogs par bya'o zhes smon lam 'debs so/ /rigs kyi bu sems can gang ston par bkur ba dang / ston par dam bca' la de dag gis 'byung ba dang / phyi ma'i chos mngon par rdzogs par sangs ma rgyas pa yod pa de dag tshar gcad pa dang / sems can dge ba'i rtsa ba yongs su smin cing snod du gyur pa rnams la lam bstan pa'i phyir byang chub sems dpa' byang chub mngon par rdzogs par sangs rgyas pa ka shi'i grong rdal du song nas chos kyi 'khor lo lan gsum rnam pa bcu gnyis su bskor ro/ /rigs kyi bu sems can gang dag yongs su mya ngan las 'das pas 'dul ba yod pa de dag 'dul ba'i phyir byang chub sems dpa' yongs su mya ngan las 'das pa ston te/ rigs kyi bu 'di ni rgyu 'di ni rkyen te/ des byang chub sems dpa' dga' ldan gyi pho brang dam pa nas shi 'pho ston cing yongs su mya ngan las 'das pa chen po'i bar du ston to/ /rigs kyi bu chos bcu po de dag dang ldan na byang chub sems dpa' mngon par shes pas rnam par rol pa rnams yin no/ /rigs kyi bu chos bcu dang ldan na byang chub sems dpa' mi khom pa brgyad rnam par spongs pa rnams yin no/ /bcu gang zhe na/ 'di lta ste/ mi dge ba'i chos las phyir log pa rnams yin/ de bzhin gshegs pas bslab pa bcas pa las mi 'da' ba rnams yin/ ser sna dang bral ba rnams yin/ sngon gyi rgyal ba la bya ba byas pa rnams yin/ bsod nams bya ba la mkhas pa rnams yin/ shes rab phun sum tshogs pa rnams yin/ thabs la mkhas pa rnams yin/ smon lam</font><hr>59.93a<br><font size=+1>

phun sum tshogs pa rnams yin/ skyo ba mang ba rnams yin/ brtson 'grus brtsams pa rnams yin no/ /rigs kyi bu byang chub sems dpa' ni mi dge ba'i las mngon par 'du bya ba gang gis sems can dmyal ba dag tu skye zhing de dag tu skyes nas kyang tshor ba mi zad pa/ rtsub pa/ tsha ba yid du mi 'ong ba myong bar 'gyur ba'am/ yun ring por gnas par 'gyur ba'am/ sems can dmyal ba pa'i sems can de dag la gnod pa'i sems skyed par 'gyur ba de lta bur mi 'gyur gyi/ byang chub sems dpa' ni rang bzhin gyis dge ba bcu'i las kyis lam dang ldan pa yin te/ de ltar na de ni sems can dmyal bar skye bar mi 'gyur ro/ /rigs kyi bu byang chub sems dpa' ni de bzhin gshegs pas bslab pa bcas pa las 'da' ba gang gis byol song gi nang du skye bar 'gyur ba'am/ de dag tu skyes nas kyang byol song gi sdug bsngal mi zad pa myong bar 'gyur ba med do/ /rigs kyi bu byang chub sems dpa' ni gang ser snar 'gyur ba'i rgyu de dang / rkyen de dang / gzhi des yi dgas kyi nang du skye zhing de dag tu skyes nas kyang yi dgas kyi sdug bsngal mi zad pa rtsub pa myong bar 'gyur ba med do/ /byang chub sems dpa' ni gang du skyes pas dge ba'i bshes gnyen dang 'grogs pa 'thob pa'i rkyen dang bral bar 'gyur ba'i log par lta ba'i rigs su mi skye'o/ /de ci'i phyir zhe na/ byang chub sems dpa' rnams ni sngon spyad pa ste/ sngon gyi rgyal ba la bya ba byas pa yin pas de dag yang dag par lta ba'i rigs su skye ba yin te/ de dag tu skyes nas kyang rkyen phun sum tshogs par 'gyur zhing rkyen de dag de bas kyang 'phel ba dang / rgyas pa dang / yangs par 'gyur ro/ </font><hr>59.93b<br><font size=+1>

byang chub sems dpa' ni dbang po ma tshang ba'i rnam pa gang gis sangs rgyas kyi chos rnams kyi snod du mi rung bar 'gyur bar dbang po dang mi ldan par 'gyur ba ma yin gyi/ byang chub sems dpa' ni bsod nams bya ba la brtson zhing bsod nams kyis brtan pa yin te/ de bzhin gshegs pa'i mchod rten nam/ chos sam/ dge 'dun la bya ba gang byas shing / bsnyen pa dang / bsten pa dang / bsgoms pa dang / mang du byas pas dbang po phun sum tshogs par 'gyur ba'i bya ba dang de dag byed cing / dbang po phun sum tshogs pas sangs rgyas kyi chos rnams kyi snod du 'gyur ba yin no/ /byang chub sems dpa' rnams ni mtha' 'khob kyi yul gang na sems can blun pa/ rmongs pa/ lug ltar lkugs pa'i ngang tshul can/ skal ba med pa/ legs par bshad pa dang nyes par bshad pa'i don shes par bya ba'i mthu med pa/ sangs rgyas kyi chos rnams kyi snod du ma gyur pa/ mar mi shes pa/ phar mi shes pa/ dge sbyong du mi 'dzin pa/ bram zer mi 'dzin pa dag gi nang du mi skye'o/ /byang chub sems dpa' rnams ni dbus kyi yul gang na sems can dbang po rno ba/ dbang po gsal ba/ mkhas pa/ mkhas par bkur ba/ skal ba yod pa/ legs par bshad pa dang / nyes par bshad pa'i don yongs su shes par bya ba'i mthu yod cing / sangs rgyas kyi chos rnams kyi snod du gyur pa/ phar shes pa/ mar shes pa/ dge sbyong du 'dzin pa/ bram zer 'dzin pa dag gi nang du skye'o/ /de ci'i phyir zhe na/ de ni sngon gyi shes rab dang / ye shes kyi stobs kyi mthu dang ldan pa'i phyir ro/ /byang chub sems dpa' rnams ni gang na gnas pas sangs rgyas skyes pa du ma 'bras bu med par 'gyur ba dang / sems can gyi don 'grib par 'gyur ba/ lha tshe ring</font><hr>59.94a<br><font size=+1>

po'i nang du mi skye'o/ /byang chub sems dpa' rnams ni 'dod pa'i khams nyid du gang na sems can gdul bar bya ba dang / sangs rgyas skyes pa mnyes par byar yod par skye'o/ /de ci'i phyir zhe na/ de ni thabs mkhas pa'i phyir ro/ /byang chub sems dpa' rnams ni gang na sangs rgyas mi bzhugs pa dang / chos mi thos pa dang / dge 'dun la bsnyen bkur byar med pa'i sangs rgyas kyi zhing stong pa dag tu mi skye'i/ byang chub sems dpa' rnams ni dkon mchogasum/ phun sum tshogs pa'i sangs rgyas kyi zhing dag tu skye'o/ de ci'i phyir zhe na/ de ni sngon gyi smon lam phun sum tshogs pa'i phyir ro/ /byang chub sems dpa' rnams ni gnas de lta bu dag thos kyang skyo ba mi mnga' ba dang / dmu rgod kyi ngang tshul can ma yin gyi/ byang chub sems dpa' rnams ni gnas de lta bu dag thos ma thag tu skyo bar 'gyur te/ skyo bar gyur nas mi dge ba'i chos 'di dag spang ba'i phyir dge ba'i chos rnams la brtson 'grus brtsams pa yin no/ /rigs kyi bu chos bcu po de dag dang ldan na byang chub sems dpa' mi khom pa brgyad rnam par spangs pa rnams yin no/ /rigs kyi bu chos bcu dang ldan na byang chub sems dpa' byang chub kyi sems ma stor ba rnams yin no/ /bcu gang zhe na/ 'di lta ste/ g.yo dang sgyu med de / drang zhing sems gya gyu med la sems dang ba rnams yin/ sangs rgyas kyi chos rnams dang de 'dzin pa'i gang zag rnams la yid gnyis dang / nem nur dang / the tsom med pa rnams yin/ chos la slob dpon 'chab pa dang bral ba rnams yin/ chos kyi ser sna dang bral ba rnams yin/ chos kyis phongs par 'gyur ba'i las kyi mtha' dang bral ba rnams yin/ ji skad du smras pa de ltar byed de mi slu ba rnams yin/ theg pa chen po yongs su 'dzin pa rnams yin/ de yongs su 'dzin pa'i gang zag</font><hr>59.94b<br><font size=+1>

rnams la chos mtshungs pa'i 'du shes kyis zhe sa dang bcas ri mo dang bcas pa rnams yin/ theg pa chen po la gzhol/ theg pa chen po la gnas/ theg pa chen po la bab pa rnams yin/ chos smra ba'i gang zag rnams la ston par 'du shes pa dang / dge ba'i bshes gnyen du 'du shes skyed pa rnams yin no/ rigs kyi bu chos bcu po de dag dang ldan na byang chub sems dpa' byang chub kyi sems ma stor ba rnams yin no/ /rigs kyi bu chos bcu dang ldan na byang chub sems dpa' tshe rabs dran pa rnams yin no/ /bcu gang zhe na 'di lta ste/ sangs rgyas mang po la bsnyen bkur byas pa rnams yin/ dam pa'i chos yongs su 'dzin pa rnams yin/ tshul khrims yongs su dag pa rnams yin/ 'gyod pa med pa rnams yin/ sgrib pa med pa rnams yin/ dga' ba mang ba rnams yin/ sgom pa mang ba rnams yin/ sems mnyam par gzhag pa rnams yin/ rdzus te skye ba rnams yin/ rnam par shes pa ma rmongs pa rnams yin te/ rigs kyi bu sangs rgyas mang po la bsnyen bkur byas pa'i byang chub sems dpa' ni dam pa'i chos la rim gro yod cing bkur sti yod pa yin/ dam pa'i chos yongs su 'dzin pa'i gang zag rnams la rim gro yod cing bkur sti yod pa yin te/ de de'i rgyu de'i rkyen de'i gzhis lus dang / srog la mi lta bar dam pa'i chos yongs su 'dzin cing 'chang ngo / /klog go/ /kun chub par byed do/ /gzhan la yang rgya cher ston to/ /de dam pa'i chos yongs su 'dzin pa la brtson pas 'di lta ste/ lus dang / ngag dang / sems kyi tshul khrims rnam pa gsum gyis tshul khrims rnam par dag pa yin/ tshul khrims yongs su dag pas 'gyod pa med pa yin te/ de yang rim gro med pa ma yin gyi/ tshul khrims yongs dag par phyir 'gyod pa med pas sgrib pa med pa yin/ sgrib pa med pas dga' ba mang ba yin/ dga' ba mang bas sgom</font><hr>59.95a<br><font size=+1>

pa mang ba yin/ sgom pa mang bas sems mnyam par gzhag par 'gyur ro/ /sems mnyam par gzhag pas 'gro ba yongs su dag par 'gyur/ 'gro ba yongs su dag pas rdzus te skye bar 'gyur/ rdzus te skyes pas rnam par shes pa ma rmongs pa yin no/ /rnam par shes pa ma rmongs pa'i phyir tshe rabs dran pa yin te tshe rabs gcig kyang rjes su dran no/ /gnyis dang / gsum dang / bzhi dang / lnga dang / cu dang / nyi shu dang / sum bcu dang / bzhi bcu dang / lnga bcu nas tshe rabs brgya stong du ma'i bar du rjes su dran no/ /rigs kyi bu chos bcu po de dag dang ldan na byang chub sems dpa' tshe rabs rjes su dran pa rnams yin no/ /rigs kyi bu chos bcu dang ldan na byang chub sems dpa' dge ba'i bshes gnyen dang ma bral ba rnams yin no/ /bcu gang zhe na/ 'di lta ste/ sangs rgyas mthong ba dang / thos pa dang / dran pa dang ma bral ba rnams yin/ chos mnyan pa dang ma bral ba rnams yin/ dge 'dun mchod cing snyen bkur ba dang ma bral ba rnams yin/ sangs rgyas dang byang chub sems dpa' rnams la gus par smra ba dang / phyag 'tshal ba dang / ldang ba dang / thal mo sbyar ba dang / gdud pa'i las dang ma bral ba rnams yin/ mang du thos pa'i gang zag chos smra ba rnams dang ma bral ba rnams yin/ pha rol du phyin pa mnyan pa dang ma bral ba rnams yin/ byang chub kyi phyogs kyi chos mnyan pa dang ma bral ba rnams yin/ rnam par thar pa'i sgo gsum mnyan pa dang ma bral ba rnams yin/ tshangs pa'i gnas bzhi mnyan pa dang ma bral ba rnams yin/ thams cad mkhyen pa nyid mnyan pa dang ma bral ba rnams yin te/ rigs kyi bu chos bcu po de dag dang ldan na byang chub sems dpa' dge ba'i bshes gnyen dang ma bral ba rnams yin no/ /rigs kyi bu chos bcu dang ldan na byang chub sems dpa' sdig pa'i grogs po yongs su spangs pa rnams yin no/ /bcu gang zhe na/ 'di lta ste/ tshul khrims</font><hr>59.95b<br><font size=+1>

nyams pa'i gang zag rnam par spangs pas sdig pa'i grogs po yongs su spangs par rig par bya'o/ /lta ba nyams pa'i gang zag rnam par spangs pa dang / cho ga nyams pa'i gang zag rnam par spangs pa dang / 'tsho ba nyams pa'i gang zag rnam par spangs pa dang / 'du 'dzi la dga' ba'i gang zag rnam par spangs pa dang / le lo can gyi gang zag rnam par spangs pa dang / 'khor ba la dga' ba'i gang zag rnam par spangs pa dang / byang chub la rgyab kyis phyogs pa'i gang zag rnam par spangs pa dang / khyim pa dang sten pa rnam par spangs pa dang / nyon mongs pa thams cad rnam par spangs pas na sdig pa'i grogs po rnam par spangs par rig par bya ste/ rigs kyi bu byang chub sems dpa' des gnas 'di dag rnam par spong ba'i tshe/ gang zag de dag la zhe sdang ba'i sems bskyed par mi bya'o/ /khong khro ba'i sems dang / brnyas pa'i sems bskyed par mi bya'i/ des 'di ltar bcom ldan 'das kyis kyang sems can rnams ni khams so sor bsten te/ bsten par gyur nas chud za bar 'gyur ro zhes bka' stsal gyis/ de bas na bdag gis bsten pa yongs su spang bar sems nye bar gzhag par bya'o/ /rigs kyi bu chos bcu po de dag dang ldan na byang chub sems dpa' sdig pa'i grogs po yongs su spangs pa rnams yin no/ /rigs kyi bu chos bcu dang ldan na byang chub sems dpa' de bzhin gshegs pa'i sku'i chos nyid thob pa rnams yin no/ /bcu gang zhe na/ 'di lta ste/ lus mnyam pa rnams yin/ lus yongs su dag pa rnams yin/ lus rma med pa rnams yin/ lus legs par grub pa rnams yin/ chos kyi lus rnams yin/ lus brtag par bya ba ma yin zhing gting dpag dka' ba rnams yin/ lus bsam gyis mi khyab pa rnams yin/ lus zhi ba rnams yin/ lus nam mkha' dang mtshungs pa rnams yin/ ye shes</font><hr>59.96a<br><font size=+1>

kyi lus dang ldan pa rnams yin no/ /rigs kyi bu chos bcu po de dag dang ldan na byang chub sems dpa' de bzhin gshegs pa'i sku'i chos nyid 'thob par 'gyur ro/ /byang chub sems dpa' sgrib pa thams cad rnam par sel pas gsol pa/ bcom ldan 'das gang dang gang gi tshe byang chub sems dpa' rnams kyis de bzhin gshegs pa'i sku'i chos nyid 'thob par 'gyur/ /bcom ldan 'das kyis bka' stsal pa/ rigs kyi bu sa dang po la byang chub sems dpa' lus mnyam pa nyid thob po/ /de ci'i phyir zhe na/ lus mi mnyam pa thams cad dang bral ba dang / byang chub sems dpa' thams cad dang mnyam pa nyid du 'gyur ba'i phyir ro/ /sa gnyis pa la byang chub sems dpa' tshul khrims yongs su dag pa'i phyir lus yongs su dag pa 'thob po/ /sa gsum pa la byang chub sems dpa' khong khro ba dang / gnod sems thams cad dang bral ba'i phyir lus rma med pa 'thob po/ /sa bzhi pa la byang chub sems dpa' sangs rgyas kyi chos yongs su grub pa'i phyir lus legs par grub pa thob po/ /sa lnga pa la byang chub sems dpa' chos thams cad rab tu rtogs pa'i phyir chos kyi lus 'thob po/ /sa drug pa la brtag par bya ba ma yin zhing gting dpag dka' ba'i chos yongs su grub pa'i phyir lus brtag par bya ba ma yin zhing gting dpag dka' ba 'thob po/ /sa bdun pa la sangs rgyas kyi chos yongs su grub pa dang / thabs mkhas pa yang dag par grub pa'i phyir lus bsam gyis mi khyab pa 'thob po/ /sa brgyad pa la spros pa thams cad bral ba dang / nyon mongs pa med pa'i phyir lus zhi ba 'thob po/ /sa dgu pa la lus tshad med pas khyab pa'i phyir lus nam mkha' dang mtshungs pa 'thob po/ /sa bcu pa la byang chub sems dpa' ye shes kyi lus 'thob po/ /de ci'i phyir zhe na/ shes par bya ba thams cad yang</font><hr>59.96b<br><font size=+1>

dag par sgrub pa'i phyir ro/ /byang chub sems dpa' sgrib pa thams cad rnam par sel bas gsol pa/ bcom ldan 'das ci lags/ de bzhin gshegs pa'i sku'i chos nyid dang / byang chub sems dpa'i lus kyi chos nyid la tha dad du bgyi ba mchis sam/ bcom ldan 'das kyis bka' stsal pa/ rigs kyi bu lus tha dad du bya ba med de/ yon tan gyi mthus ni tha dad du bya ba yod do/ /byang chub sems dpa' sgrib pa thams cad rnam par sel bas gsol pa/ bcom ldan 'das ji ltar lus tha dad pas tha dad du bgyi ba ma mchis la/ yon tan gyi mthus tha dad du bgyi ba mchis pa gang lags/ bcom ldan 'das kyis bka' stsal pa/ rigs kyi bu lus lus shes bya ba 'di ni tha dad pa med pa ste/ de ci'i phyir zhe na/ lus su brjod pa'i mtshan nyid gcig pa'i phyir ro/ /yon tan dang mthu'i mtshan nyid ni tha dad par blta'o/ /byang chub sems dpa' sgrib pa thams cad rnam par sel bas gsol pa/ bcom ldan 'das ji ltar gang lta bur yon tan gyi mthu'i mtshan nyid tha dad du blta bar bgyi/ bcom ldan 'das kyis bka' stsal pa/ rigs kyi bu de bas na don gyi dbang 'di nyid khong du chud par bya ba'i phyir khyod la dper bya'o/ /rigs kyi bu 'di lta ste/ dper na byi dor ma byas pa'i nor bu rin po che dang / byi dor byas pa'i nor bu rin po che ni 'di lta ste/ nor bu rin po che nor bu rin po che zhes bya bar nor bu rin po che zhes bya ba'i grangs su 'gro mod kyi/ ji ltar byi dor byas pa'i nor bu rin po che'i mthu dang / yid du 'ong bas khyab par byed pa de ltar ni byi dor ma byas pas ma yin no/ /de bzhin du byang chub sems dpa'i lus nor bu rin po che yang de bzhin gshegs pa'i sku'i nor bu rin po che dang bcas su de bzhin gshegs pa'i sku'i chos nyid kyi grangs su 'gro mod kyi/ byang chub sems dpa'i lus nor bu rin po che ni de bzhin gshegs pa'i</font><hr>59.97a<br><font size=+1>

sku'i nor bu rin po che'i drung du yongs su dag pa zhes mi brjod do/ /de ci'i phyir zhe na/ de bzhin gshegs pa'i sku'i nor bu rin po che ni sems can gyi khams tshad med pa dang / nam mkha'i dbyings tshad med pa'i 'od kyis khyab par byas te gnas so/ /de ci'i phyir zhe na/ de ni shin du yongs su dag pa dang / dri ma thams cad dang bral ba'i phyir te/ byang chub sems dpa'i lus nor bu rin po che ni de tsam du khyab par bya ba ma yin no/ /de ci'i phyir zhe na/ de ni de ltar dri ma'i lhag ma las pa'i phyir ro/ /rigs kyi bu 'di lta ste/ dper na tshes gnyis kyi zla ba ni zla ba zhes bya ba'i grangs su 'gro ba nas/ zla ba nya ba'i bar du zla ba yang zla ba bya ba'i grangs su 'gro mod kyi/ tshes gnyis kyi zla ba ci 'dra ba de lta bur zla ba nya ba la ma yin no/ /de ci'i phyir zhe na/ de ni 'di ltar chos nyid thob pa'i phyir te/ rigs kyi bu de bzhin du byang chub sems dpa'i lus dang / de bzhin gshegs pa'i skur bcas te lus kyi grangs su 'gro mod kyi/ byang chub sems dpa'i lus ni de bzhin gshegs pa'i sku'i drung na lam mer mi 'gyur/ lhan ner mi 'gyur/ lhang nger mi 'gyur ro/ /rigs kyi bu 'di lta ste dper na zla ba nya ba'i drung na tshes gnyis kyi zla ba ji lta ba de bzhin du de bzhin gshegs pa'i sku dang / byang chub sems dpa'i lus kyang lus su brjod pa'i mtshan nyid kyis mtshan nyid gcig mod kyi/ yon tan gyi mthu'i mtshan nyid kyis ni ma yin no/ /rigs kyi bu chos bcu dang ldan na byang chub sems dpa' lus rdo rje ltar sra ba rnams yin no/ /bcu gang zhe na/ 'di lta ste 'dod chags dang / zhe sdang dang / gti mug dag gis mi tshugs pa rnams yin/ khro ba dang / gnod sems kyi tha ba dang / dri ma dang / nga rgyal dang / rgyags pa dang / dregs pa dang / lta ba phyin ci log dag gis</font><hr>59.97b<br><font size=+1>

mi tshugs pa rnams yin/ 'jig rten gyi chos brgyad po de dag gis mi tshugs pa rnams yin/ ngan song gi sdug bsngal thams cad kyis mi tshugs pa rnams yin/ sems can gyi sdug bsngal dag gis mi tshugs pa rnams yin/ skye ba dang / rga ba dang / na ba dang / 'chi ba'i sdug bsngal dag gis mi tshugs pa rnams yin/ mu stegs can dang pha rol po thams cad kyi mi tshugs pa rnams yin/ bdud thams cad dang bdud kyi ris su gtogs pa'i lha thams cad kyis mi tshugs pa rnams yin/ nyan thos dang / rang sangs rgyas thams cad kyis mi tshugs pa rnams yin/ 'dod pa la spyod pa thams cad kyis mi tshugs pa rnams yin/ rigs kyi bu chos bcu po de dag dang ldan na byang chub sems dpa' lus rdo rje ltar sra ba rnams yin no/ /rigs kyi bu chos bcu dang ldan na byang chub sems dpa' ded dpon chen po rnams yin te/ bcu gang zhe na/ 'di lta ste/ bkur ba rnams yin/ mchod par 'os pa rnams yin/ phyin par / byed pa rnams yin/ brtan par bya ba rnams yin/ nye bar 'tsho bar bya ba rnams yin/ rgyags par shin du phun sum tshogs pa rnams yin/ tshogs shin du bsags pa rnams yin/ mi ngoms pa rnams yin/ thog mar 'gro ba rnams yin/ thams cad mkhyen pa nyid kyi grong khyer chen por phyin par bya ba la mkhas pa rnams yin no/ /rigs kyi bu de la ji ltar na byang chub sems dpa' bkur ba yin pa nas/ ji ltar na thams cad mkhyen pa'i grong khyer chen por phyin par bya ba la mkhas pa'i bar du yin zhe na/ rigs kyi bu 'di lta ste/ dper na ded dpon chen po ni rgyal po dang / rgyal po chen po'i blon po dag gis bkur ba yin no/ /de bzhin du byang chub sems dpa' ded dpon chen po yang sangs rgyas rnams dang / sangs rgyas kyi nyan thos rnams kyis bkur</font><hr>59.98a<br><font size=+1>

ba yin no/ /rigs kyi bu 'di lta ste dper na/ ded dpon chen po ni bram ze dang / rgyal rigs dang / grong ba dang / yul gyi mi rnams kyis mchod par 'os pa rnams yin no/ /de bzhin du byang chub sems dpa' ded dpon chen po yang slob pa dang / mi slob pa dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag gis / mchod par 'os pa yin no/ /rigs kyi bu 'di lta ste/ dper na ded dpon chen po ni 'brog dgon par lam grogs kyi tshogs 'chan pas gtses pa dag legs par bde zhing yongs su mi skyo bar phyin par byed pa yin te/ de bzhin du byang chub sems dpa' ded dpon chen po yang 'khor ba'i 'brog dgon pa chen po'i nang du sems can lam grogs kyi tshogs nyon mongs pa'i 'chan pas gtses pa dag legs par bde zhing yongs su mi skyo bar phyin par byed pa yin no/ /rigs kyi bu 'di lta ste dper na ded dpon chen po la brten na/ sdug bsngal ba dang / phongs pa dag 'brog dgon pa nas 'byung bar 'gyur ro/ /de bzhin du byang chub sems dpa' ded dpon chen po la brten na mu stegs can gzhan spyod pa can dang / kun du rgyu dang / gcer bu ba rnams 'khor ba'i 'brog dgon pa chen po nas 'byung bar 'gyur ro/ /rigs kyi bu 'di lta ste/ dper na ded dpon chen po ni rgyal po dang / las byed pa'i mi dang / de ma yin pa'i sems can gzhan rnams nye bar 'tsho ba yin te/ de bzhin du byang chub sems dpa'i ded dpon chen po yang 'khor ba la mngon par dga' ba'i sems can rnams nye bar 'tsho ba yin no/ /rigs kyi bu 'di lta ste/ dper na ded dpon chen po ni nam phyogs su chas te lam grogs mang po dang lhan cig tu grong khyer chen por phyin par bya ba'i phyir 'brog dgon par zhugs pa de'i tshe/ grong</font><hr>59.98b<br><font size=+1>

khyer chen por phyin gyi bar du rgyags phun sum tshogs pas 'brog dgon pa de nas legs par bde zhing yongs su skyo ba med par 'byung bar byed do/ /de bzhin du byang chub sems dpa' ded dpon chen po yang nam sangs rgyas kyi bsten pa'i phyogs su 'gro bar 'dod cing sems can lam grogs mang po dang de 'khor ba'i 'brog dgon pa chen por 'jug par 'dod la thams cad mkhyen pa nyid kyi grong khyer chen por phyin par bya bar 'dod pa de'i tshe bsod nams kyi rgyags kyi tshogs shin du phun sum tshogs pas 'gro'o rigs kyi bu 'di lta ste/ dper na ded dpon chen po na 'tsho ba'i yo byad 'di lta ste/ gser dang / nor bu dang / mu tig dang / bai dUr+ya dang / dung dang / man shel dang / byi ru la sogs pa mang po bsags shing phyogs pas 'gro'o/ /de bzhin du byang chub sems dpa' ded dpon chen po yang nam thams cad mkhyen pa nyid kyi grong khyer chen por mngon par zhugs pa de'i tshe sangs rgyas kyi chos kyi tshogs shin du bsag shing 'gro'o/ /rigs kyi bu 'di lta ste dper na ded dpon chen po ni nor bsags pas chog mi shes pa yin no/ /byang chub sems dpa' ded dpon chen po yang chos kyi nor bsags pas chog mi shes pa yin no/ /rigs kyi bu 'di lta ste/ dper na ded dpon chen po ni 'di lta ste/ nor phun sum tshogs pa dang / gtso bo dang / dbang po yod pa dang / ngag mnyan pas lam grogs kyi tshogs thams cad kyi thog mar 'gro ba yin no/ /de bzhin du byang chub sems dpa' ded dpon chen po yang 'di lta ste/ yon tan phun sum tshogs pa dang / yongs kyi gtso bo dang / chos la dbang ba dang / ma log par smra bas sems can lam grogs kyi tshogs thams cad kyi thog mar 'gro ba yin no/ /rigs kyi bu 'di lta ste/ dper na ded dpon chen po ni grong khyer chen por phyin par bya ba la mkhas pa yin no/ /de bzhin du byang chub sems dpa' ded dpon chen po yang thams cad mkhyen pa nyid kyi grong khyer chen por phyin par</font><hr>59.99a<br><font size=+1>

bya ba la mkhas pa yin te/ rigs kyi bu de ltar na byang chub sems dpa' bkur ba yin pas na thams cad mkhyen pa nyid kyi grong khyer chen por phyin par bya ba la mkhas pa'i bar du yin no/ /rigs kyi bu chos bcu po de dag dang ldan na byang chub sems dpa' ded dpon chen po rnams yin no/ /rigs kyi bu chos bcu dang ldan na byang chub sems dpa' lam la mkhas pa rnams yin no/ /bcu gang zhe na/ 'di lta ste/ lam mnyam pa yang rab tu shes/ lam nyam nga ba'ang rab tu shes/ lam bde ba'ang rab tu shes/ 'tsham pa'i lam yang rab tu shes/ lam chu che ba dang / chu med pa yang rab tu shes/ lam gyi dgongs mal dag kyang rab tu shes/ lam gyis tshugs dag kyang rab tu shes/ lam 'khyog pa dag kyang rab tu shes/ lam drang po dag kyang rab tu shes/ lam 'byung ba yang rab tu shes so/ /rigs kyi bu chos bcu po de dag dang ldan na byang chub sems dpa' lam la mkhas pa rnams yin no/ /rigs kyi bu chos bcu dang ldan na byang chub sems dpa' lam ma log par ston pa rnams yin no/ /bcu gang zhe na/ theg pa chen pos 'dul ba'i sems can rnams la/ byang chub sems dpa'i lam ston gyi nyan thos kyi lam mi ston to/ /nyan thos kyis 'dul ba'i sems can rnams la nyan thos kyi lam ston kyi byang chub sems dpa'i lam mi ston to/ /thams cad mkhyen pa nyid kyis 'dul ba'i sems can rnams la thams cad mkhyen pa nyid kyis lam ston gyi/ rang sangs rgyas kyi lam mi ston to/ /rang sangs rgyas kyis 'dul ba'i sems can rnams la rang sangs rgyas kyi lam ston gyi thams cad mkhyen pa nyid kyi lam mi ston to/ /bdag tu 'dzin pa la mngon par zhen pa'i sems can rnams dang / chos su 'dzin pa la mngon par zhen pa rnams la bdag med pa'i lam dang / stong pa nyid kyi lam ston gya/ bdag dang sems can dang / srog dang / gso ba dang / skyes bu dang / </font><hr>59.99b<br><font size=+1>

gang zag gi lam mi ston to/ /mtha' gnyis la gnas pa'i sems can rnams la mtha' gnyis dang bral ba'i lam ston kyi/ mtha' gnyis la gnas pa mi ston to/ /sems g.yengs pa'i sems can rnams la zhi gnas dang / lhag mthong gi lam ston gyi g.yeng ba'i lam mi ston to/ /spros pa la mngon par dga' ba'i sems can rnams la de bzhin nyid kyi lam ston kyi byis pa spros pa la mngon par dga' ba'i lam mi ston to/ /'khor ba'i la mngon par dga' ba'i sems can rnams la mya ngan las 'das pa'i lam ston kyi 'khor ba'i lam mi ston to/ /lam gol bar zhugs pa'i sems can rnams la lam srol ma dod pa ma yin pa dang / tsher ma med pa'i lam ston kyi nyon mongs pa'i tsher mas gang ba'i lam mi ston to/ /rigs kyi bu chos bcu po de dag dang ldan na byang chub sems dpa' lam ma log par ston pa rnams yin no/ /rigs kyi bu chos bcu dang ldan na byang chub sems dpa' rtag tu rgyun mi chad par sams mnyam par gzhag pa rnams yin no/ /bcu gang zhe na/ 'di lta ste/ lus la dran pa shin du nye bar gzhag cing gnas so/ /tshor ba rnams dang / sems rnams dang / chos rnams dang / yul rnams dang / dgon pa rnams dang / grong dang / grong khyer dang / grong rdal dang / gzhongs dang / yul 'khor dang / rgyal po'i pho brang 'khor rnams dang / rnyed pa dang / bkur sti dang / grags pa dang / sgra dang / tshigs su bcad pa rnams dang / de bzhin gshegs pas bslab pa bcas pa rnams dang / nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin du nye bar gzhag cing gnas so/ /rigs kyi bu de la ji ltar na byang chub sems dpa' lus la dran pa shin du nye bar gzhag cing gnas she na/ rigs kyi bu 'di la byang chub sems dpa' gang lus dang ldan pa'i sdig pa mi dge ba'i chos de dag yang dag pa'i shes rab</font><hr>59.100a<br><font size=+1>

kyis rab tu brtags shing yongs su spong ngo / /de 'og gi rkang pa'i mthil nas brtsams te/ yar la glad pa'i bar du lus kyi nyes pa la rtog go/ /lus la bdag med par yang rtog go/ /lus mi brtan pa dang / 'jig pa dang / chu rgyus kyis glags pa dang / dri mi zhim pa dang / dri nga ba dang / kha dog mi sdug par rtog ste/ de de ltar rtog pa'i tshe/ gang lus la lus su 'dod pa dang / lus la 'dod chags pa dang / lus la dga' ba dang / lus la bdag gir 'dzin pa dang / lus la zhen pa de dag mi 'byung ste/ de'i rgyu de'i rkyen de'i gzhis lus dang ldan pa'i chos rnams kyi dbang du 'gro bar mi 'gyur te/ gzhan du na lus dang ldan pa'i chos rnams de nyid kyi dbang du 'gyur te/ de ltar na lus la dran pa shin du nye bar gzhag cing gnas pa'o/ /ji ltar na byang chub sems dpa' tshor ba rnams la dran pa shin du nye bar gzhag cing gnas she na/ 'di la byang chub sems dpa' 'di snyam du sems te/ tshor ba gang ji snyed pa de dag thams cad ni sdug bsngal na/ byis pa phyin ci log gis phyin ci log du gyur pa rnams ni bde bar 'dzin te/ byis pa rmongs pa rnams sdug bsngal la bde ba zhes bya bar 'dzin gyis 'phags pa rnams kyis ni thams cad sdug bsngal bar thugs su chud do snyam nas de spang ba'i phyir nan tan du byed do/ /sems can gzhan dag kyang bslab pa de nyid la 'god kyis bdag gis kyang de dag gi rjes su bslab par bya'o snyam ste/ de de ltar rtog pas tshor ba rnams la dran pa shin du nye bar gzhag cing gnas so/ /de tshor ba dag la chags pa 'ang med/ khong khro ba'ang med cing de dag spang ba'i phyir rab tu zhugs pa yin no/ /gzhan dag kyang bslab pa de nyid la 'god de/ de ltar na tshor ba rnams la dran pa shin du nye bar gzhag cing gnas so/ /ji ltar na byang chub sems dpa' sems la dran pa shin du nye bar gzhag cing gnas she na/ de 'di snyam du sems te/ sems 'di ni mi rtag pa la rtag par mngon par dga' ba'o/ /</font><hr>59.100b<br><font size=+1>

sdug bsngal la bde bar mngon par dga' ba'o/ /bdag med pa la bdag tu mngon par dga' ba'o/ /mi gtsang ba la gtsang bar mngon par dga' ba'o/ /g.yo zhing mi brtan pa la myur du 'gyur ba'o/ /nyon mongs pa rnams kyi rtsa ba'o/ /ngan song rnams kyi sgo'o/ /nye ba'i nyon mongs pa rnams kyi gzhi'o/ /bde 'gro rnams chud son pa'o/ /'dod chags dang / zhe sdang dang / gti mug rnams kyi rkyen du gyur pa'o/ /chos thams cad kyi bdag por gyur pa'o/ /chos thams cad kyi thog mar sems 'gro ste/ sems yongs su shes na chos thams cad kyang yongs su shes par 'gyur ro/ /gzhan yang 'jig rten sems kyis bres pa ste/ sems ni sems kyis mi mthong ngo / /dge ba'am yang na mi dge ba'i / /las ni sems kyis bsags pa'o/ /sems ni mgal me lta bur 'khor/ /sems ni rta ltar 'khyam pa yin/ /sems ni chu chen bzhin du skyed/ /de de ltar rtog pas sems la dran pa shin du nye bar gzhag cing gnas te/ sems kyi dbang du mi 'gro'i sems nyid de'i dbang du 'gro ste/ sams nyid de'i dbang du gyur pas chos thams cad dbang gyur pa yin te de ltar na byang chub sems dpa' sems la dran pa shin du nye bar gzhag cing gnas so/ /ji ltar na byang chub sems dpa' chos rnams la dran pa nye bar gzhag cing gnas she na/ 'di la byang chub sems dpa' 'di lta ste/ 'dod chags dang / zhe sdang dang / gti mug la sogs pa dang / de dag la gnas pa gzhan dag la 'di dag ni mi dge ba'i chos rnams so zhes yang dag pa ji lta ba bzhin du rab tu shes te/ de 'dod chags kyi gnyen po la sten/ zhe sdang dang / gti mug gi gnyen po la sten cing de dag spang ba'i phyir brtson pa yin no/ /chos 'di dag ni dge ba'o zhes bya bar shes nas chos de dag la sems gtong zhing dran pa nye bar gzhog ste/ chos de dag kyang yang dag par blangs shing gnas so/ /gzhan yang bslab pa de nyid la 'god de/ de ltar na byang chub sems dpa' chos rnams</font><hr>59.101a<br><font size=+1>

la dran pa shin du nye bar gzhag cing gnas so/ /ji ltar na byang chub sems dpa' yul rnams la dran pa shin du nye bar gzhag cing gnas she na/ 'di la byang chub sems dpa' yid du 'ong ba dang / yid du mi 'ong ba'i gzugs dang / sgra dang / dri dang / ro dang / reg bya la chags par 'dzin par yang mi 'gyur/ khong khro ba'i sems kyang mi skyed de/ de 'di snyam du sems te/ de ltar bdag dngos po med pa'i chos rnams la chags pa skyed pa ni bdag mi cha ste/ de ni bdag byis pa dang / rmongs pa dang / mi gsal ba dang / mi mkhas par 'gyur ro/ /bcom ldan 'das kyis kyang chags par gyur nas zhen par 'gyur ro/ /zhen nas rmongs par 'gyur ro/ /rmongs nas dge ba 'am/ mi dge ba'i chos rnam par sgom par mi 'gyur te/ de'i rgyus ngan song du 'gro bar gsungs so zhes de 'di snyam du de ltar bdag chos gsog rnams la khong khro ba'i sems skyed pa ni bdag gi mi cha ste/ de ni bdag gi mi bzod pa dang / dang du mi len pa dang / khro ba kun nas ldang bar 'gyur te/ 'phags pa rnams kyis ni smad par 'gyur/ tshangs pa mtshungs par spyod pa rnams kyis ni dpya bar 'gyur ro zhes de de ltar rtog pas yul rnams la dran pa shin du nye bar gzhag cing gnas te/ yul rnams kyis mi rmas shing rma byung bar mi 'gyur la/ gzhan yang bslab pa bcas pa de nyid la 'god de/ de ltar na byang chub sems dpa' yul rnams la dran pa shin du nye bar gzhag cing gnas so/ /ji ltar na byang chub sems dpa' dgon pa rnams la dran pa shin du nye bar gzhag cing gnas she na/ de 'di snyam du dgon pa zhes bya ba 'di ni nyon mongs pa med par rnam par spyod pa rnams kyi gnas so/ /zhi bar rnam par spyod pa rnams kyi gnas so/ /dgon pa la ni lha dang / klu dang / gnod sbyin dang / dri za gzhan gyi sems mngon par shes pa dag kyang yod de/ de dag bdag gi sems dang / sems las byung ba'i chos rnams rab tu shes na/ bdag tshul bzhin ma yin pa'i</font><hr>59.101b<br><font size=+1>

yid la byed cing sems pa de ni bdag gi mi cha'o snyam ste/ de tshul bzhin ma yin pa yid la bya ba thams cad dang bral nas tshul bzhin du chos rnams la sems gtong zhing chos de dag la sgom pa mang ba yin te/ de ltar na byang chub sems dpa' dgon pa rnams la dran pa shin du nye bar gzhag cing gnas so/ /ji ltar na byang chub sems dpa' grong dang / byang grong khyer dang / grong rdal dang / gzhongs dang / yul 'khor dang / rgyal po'i pho brang 'khor rnams la dran pa shin du nye bar gzhag cing gnas she na/ 'di la byang chub sems dpa' grong dang / grong khyer dang / grong rdal dang / gzhongs dang / yul 'khor dang / rgyal po'i pho brang 'khor dag na byang chub sems pa ba'i spyad pa spyod pa na gnas gang tshul dang mi 'dra zhing yongs su spang bar bya ba rab tu byung ba'i tshul dang mi mthun pa de dag yongs su spong ngo / /de dag kyang gang zhe na/ 'di lta ste chang ma'i khyim 'am/ smad 'tshong gi khyim 'am/ rgyal po'i pho brang ngam/ brgyan po'i gnas sam/ ra ro ba'i 'khor gyi tshogs sam/ gar mkhan dang / glu gar gyi gnas dang / de ma yin pa gzhan yang rung ste/ rab tu byung ba'i tshul dang mi 'dra ba de dag yongs su spang zhing / de dag la dran pa shin du nye bar gzhag cing gnas te/ de ltar na byang chub sems dpa' grong dang / grong khyer dang / grong rdal dang / gzhongs dang / yul 'khor dang / rgyal po'i pho brang 'khor dag la dran pa shin du nye bar gzhag cing gnas so/ /ji ltar na byang chub sems dpa' rnyed pa dang / bkur sti dang / grags pa dang / sgra dang / tshigs su bcad pa dag la dran pa shin du nye bar gzhag cing gnas she na/ 'di la byang chub sems dpa' sbyin pa byed pa rnams kyi bsod nams kyi dngos po nye bar bzung zhing / rnyed pa dang / bkur sti la sems gtong ste/ ci nas kyang zhen par mi 'gyur/ sred pa mi skyed/ chags pa mi skyed/ bdag gir mi byed/ nor du mi 'dzin pa dang / bdag gir mi 'dzin pa dang / ci nas kyang sems can thams cad dang thun mong du byas shing</font><hr>59.102a<br><font size=+1>

sdug bsngal ba'i sems can rnams la phan par 'gyur ba de ltar gtong ste/ gal te de'i rgyu de'i rkyen de'i gzhis grags pa dang / sgra dang / tshigs su bcad pa zhig byung yang des khengs par mi 'gyur/ nga rgyal mi skye/ rgyags pa mi skye ste/ de 'di snyam du sems so/ /ring por mi thogs par grags pa dang / sgra dang / tshigs su bcad pa 'di dag gang las byung ba dang / gang gis phyung ba dang / grags pa dang / sgra dang / tshigs su bcad pa gang yin pa de dag thams cad kyang med par 'gyur na/ de la mkhas pa'i rang bzhin can su zhig mi rtag cing mi gnas pa'i chos mi brtan pa/ yid brtan du mi rung ba dag la dga' ba'i sems skyes pa'am/ khengs par 'gyur ba 'am/ nga rgyal dang / rgyags pas dregs par 'gyur snyam ste/ de ltar na byang chub sems dpa' rnyed pa dang / bkur sti dang / grags pa dang / sgra dang / tshigs su bcad pa rnams la dran pa shin du nye bar gzhag cing gnas so/ /ji ltar na byang chub sems dpa' de bzhin gshegs pas bslab pa bcas pa la dran pa shin du nye bar gzhag cing gnas she na/ 'di la byang chub sems dpa' 'di snyam du sems te/ gang 'das pa'i de bzhin gshegs pa de dag kyang bslab pa 'di nyid la bslab te/ mngon par rdzogs par sangs rgyas so/ /yongs su mya ngan las 'das so/ /gang ma byon pa 'byung bar 'gyur ba de dag kyang bslab pa 'di nyid la bslabs shing mngon par rdzogs par 'tshang rgya bar 'gyur ro/ /yongs su mya ngan las 'da' bar 'gyur ro/ /gang da ltar gyi de bzhin gshegs pa de dag kyang bslab pa 'di nyid la bslabs te/ mngon par rdzogs par sangs rgyas so/ /yongs su mya ngan las 'da'o zhes de de ltar yid ches pas bslab pa rnams la nan tan du byed pa yin te/ brtson par byed pa dang / legs par bya ba byed cing shin du rdzogs par byed pa yin te/ de ltar na byang chub sems dpa' de bzhin gshegs pas bslab pa bcas pa la dran pa shin du nye bar gzhag cing gnas so/ </font><hr>59.102b<br><font size=+1>

rigs kyi bu ji ltar na byang chub sems dpa' nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin du nye bar gzhag cing gnas she na/ 'di la byang chub sems dpa' nye ba'i nyon mongs pa rnams la dran pa dang ldan pa yin/ yongs su nyon mongs pa dang / kun nas nyon mongs pa rnams la dran pa dang ldan pa yin te/ de dag gang las byung ba dang / rkyen gang gis byung ba'i gzhi yang rab tu shes te/ des de ltar shes nas 'byung ba de dang / rkyen de dag yongs su spong ste/ rigs kyi bu de ltar na byang chub sems dpa' nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin du nye bar gzhag cing gnas pa yin no/ /rigs kyi bu chos bcu po de dag dang ldan na byang chub sems dpa' rtag tu rgyun mi chad par sems mnyam par gzhag pa rnams yin no/          /[bampo n="172.6" zh="64.3"/>]'phags pa dkon mchog sprin/  bam po drug pa/ rigs kyi bu chos bcu dang ldan na byang chub sems dpa' phyag dar khrod pa rnams yin no/ /bcu gang zhe na/ 'di lta ste/ yang dag par blangs pa la bstan pa rnams yin/ sems dma' ba rnams yin/ yongs su mi skyo ba rnams yin/ de la ma zhen pa rnams yin/ nyes par lta ba dang bral ba rnams yin/ yon tan du lta ba rnams yin/ bdag la mi bstod pa rnams yin/ gzhan la mi smod pa rnams yin/ tshul khrims phun sum tshogs pa rnams yin/ lha 'du ba rnams yin no/ /rigs kyi bu de la ji ltar na byang chub sems dpa' yang dag par blangs pa la brten pa yin pa nas/ ji ltar na lha 'du ba'i bar du yin zhe na/ rigs kyi bu 'di la byang chub sems dpa' dad cing bsam pa phun sum tshogs pa rnams yin/ de bzhin gshegs pa rnams la dad cing yid ches pa yin/ de srog gi phyir yang yang dag par blangs pa mi 'jig cing yang dag par blangs pa las mi 'gyur te/ de yang dag par blangs pa la brtan pas</font><hr>59.103a<br><font size=+1>

bsam pa phun sum tshogs pa dang / de sems dma' zhing nga rgyal med pa yin/ de nga rgyal med cing sems dma' bas phyag dar khrod pa ngan ngon yongs su bor ba skye bo thams cad dang mi 'thun pa dag sdud do/ /de dag bsdus nas 'khru bar byed do/ /de 'khru ba dang / klan pa dang / btsom pa dang / btso ba byed pa na kun nas nyon mongs pa med cing yongs su mi skyo ste/ yongs su mi skyo ba rkyen du byas nas ji tsam gyis don 'grub par 'gyur ba ma gtogs par de la zhen par yang mi 'gyur ro/ /kye ma'o phyag dar khrod pa 'di dag ni zhigs pa'o/ /kye ma'o phyag dar khrod pa 'di dag ni sbom pa'o/ /kye ma'o phyag dar khrod pa 'di dag ni shig mang ba ste/ lus la mi bde zhing rngul 'byin to zhes nyes par lta ba ma yin gyi/ phyag dar khrod pa 'di dag ni drang srong gis bgos pa'o/ /'dod chags dang bral ba dang 'thun pa'o/ /'phags pa'i rigs dang 'thun pa'o/ /de bzhin gshegs pas bstod pa'o/ /de bzhin gshegs pas bsngags pa'o zhes phyag dar khrod pa de dag la yon tan du lta ba yin te/ de'i rgyu de'i rkyen de'i gzhis bdag la mi stod do/ gzhan la mi smod do/ /de bdag la stod cing gzhan la smod pa dang bral bas tshul khrims phun sum tshogs pa yin te/ tshul khrims phun sum tshogs pas lha rnams 'du ba yin/ de bzhin gshegs pa rnams kyis bsngags pa yin/ byang chub sems dpa' rnams kyis yongs su btsal ba yin/ mi dang mi ma yin pa rnams kyis yongs su bsrung ba yin/ bram ze dang / rgyal rigs dang / grong pa dang / yul gyi mi rnams kyis phyag bya ba yin/ tshangs pa mtshungs par spyod pa rnams kyis gzengs bstod par bya ba yin te/ rigs kyi bu chos bcu po de dag dang ldan na byang chub sems dpa' phyag dar khrod pa rnams yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das byang chub sems dpa' sems rgya chen po rnams la spyod pa dman tshegs kyis ci zhig bgyi/ bcom ldan 'das kyis bka' stsal pa/ rigs kyi bu byang chub sems dpa'</font><hr>59.103b<br><font size=+1>

rnams ni 'jig rten gyi yid dang sbyor ba yin te/ stobs kyi mthu thob pa rnams 'jig rten dang 'thun par spyod kyi stobs kyi mthu ma thob pa rnams ma yin te/ rigs kyi bu byang chub sems dpa' stobs kyi mthu ma thob pas ni nyon mongs pa ma langs pa'i gnyen po bsten par bya'o/ /gzhan yang rigs kyi bu de ji snyam du sems/ de bzhin gshegs pa rgya chen po la mos sam/ 'on te dman pa la mos pa yin/ byang chub sems dpa' sgrib pa thams cad rnam par sel bas gsol pa/ bcom ldan 'das kyis bka' stsal pa'i lan gsol du bdag gis tshig mi phyin to/ /de ci'i slad du zhe na/ bcom ldan 'das de bzhin gshegs pa ni mos pa la smos pa lags kyi/ bcom ldan 'das ni chos ni gzigs pa/ bde bar gshegs pa ni chos gzigs pa ste/ de bzhin gshegs pas chos gang la yang mos par bgyi ba ma mchis so/ /bcom ldan 'das kyis bka' stsal pa/ rigs kyi bu de ji snyam du sems/ de bzhin gshegs pa gling bzhi'i mi rnams dang / lha dang / klu dang / gnod sbyin dang / dri za mos pa dman pa gzhan dag la spyod pa dman tshegs ston cing de dag gi mdun du sbyangs pa'i yon tan rnams kyi bsngags pa brjod pa de ci'i phyir/ byang chub sems dpa' sgrib pa thams cad rnam par sel bas gsol pa/ bcom ldan 'das sems can de dag de lta bus 'dul ba'i slad du ste/ gzhan yang byang chub sems dpa' theg pa la gsar du zhugs pa rnams kyi nyon mongs pa skyes pa'i gnyen por de bzhin gshegs pa ston pa mdzad do/ /bcom ldan 'das kyis bka' stsal pa/ rigs kyi bu de bzhin du byang chub sems dpa' stobs kyi mthu thob pa rnams kyang 'dul ba'i dbang gi phyag dar khrod par 'gyur gyi/ dman pa la mos pa'i phyir ma yin te/ rigs kyi bu de'i phyir byang chub sems dpa' phyag dar khrod pa rnams yin no/ /rigs kyi bu chos bcu dang ldan na byang chub sems dpa' chos gos gsum pa rnams yin no/ /bcu gang zhe na/ 'di lta ste chog shes pa rnam</font><hr>59.104a<br><font size=+1>

yin 'dod pa chung ba rnams yin/ kun du btsal ba dang bral ba rnams yin/ sogs pa dang bral ba rnams yin/ bsags pa chud zos pa dang bral ba rnams yin/ bsags pa chud zos pa'i sdug bsngal dang bral ba rnams yin/ yid mi bde ba dang bral ba rnams yin/ 'khrug pa dang bral ba rnams yin/ len pa med pa rnams yin/ zag pa zad par bya ba'i phyir zhugs pa rnams yin te/ rigs kyi bu byang chub sems dpa' chos gos ngan ngon gyis chog shes shing 'dod pa chung ba yin/ de 'dod pa chung bas na kun du tshol ba med pa yin/ kun du tshol ba med pas na sogs pa med pa yin/ sogs pa med pas na bsags pa chud za ba med pa yin/ bsags pa chud za ba med pas yan bsags pa chud zos pa las byung ba'i sdug bsngal med pa yin/ sdug bsngal med pas na yid mi bde ba med pa yin/ yid mi bde ba med pas na 'khrug pa med pa yin/ 'khrug pa med pas na len pa med pa yin/ len pa med pas na zag pa zad par bya ba'i phyir zhugs pa yin te/ rigs kyi bu chos bcu po de dag dang ldan na byang chub sems dpa' chos gos gsum pa rnams yin no/ /rigs kyi bu chos bcu dang ldan na byang chub sems dpa' phying pa can rnams yin no/ /bcu gang zhe na/ 'di lta ste/ 'dod chags kyi bsam pas mi 'gro ste/ de'i phyir phying pa can zhes bya'o/ /de bzhin du zhe sdang gi bsam pas mi 'gro/ gti mug gi bsam pas mi 'gro/ khro ba dang gnod sems kyi bsam pas mi 'gro/ phrag dog dang / ser sna'i bsam pas mi 'gro/ nga rgyal gyi bsam pas mi 'gro/ grags pa 'dod pa'i bsam pas mi 'gro/ shes kyi khe 'dod pa'i bsam pas mi 'gro/ /rnyed pa dang / bkur sti 'dod pa'i bsam pas mi 'gro zhing bdud la mi 'dud/ dga' bar byas nas snyems pa ma yini te/ de'i phyir phying pa can zhes bya'o/ /rigs kyi bu chos bcu po de dag dang ldan na byang chub sems dpa' phying pa can rnams yin no/ /rigs kyi bu chos bcu dang ldan na byang chub sems dpa' bsod snyoms pa</font><hr>59.104b<br><font size=+1>

rnams yin no/ /bcu gang zhe na/ 'di lta ste/ sems can rnams la phan par zhugs pa rnams yin/ mthar kyis bsod snyoms len pa rnams yin/ yongs su yi 'chad pa med pa'i rang bzhin can rnams yin/ chog shes pa rnams yin/ bgo bsha' byed pa'i ngang tshul can rnams yin/ ma chags pa rnams yin/ bsod snyoms bza' ba la tshod shes pa rnams yin/ dge ba'i phyogs la mngon du phyogs pa rnams yin/ dge ba'i rtsa ba shin du yongs su bsdus pa rnams yin/ ril po'i 'du shes med pa rnams yin no/ /rigs kyi bu de la ji ltar na byang chub sems dpa' sems can rnams la phan par zhugs pa yin pa nas/ ji ltar na ril po'i 'du shes med pa'i bar du yin zhe na/ rigs kyi bu 'di la byang chub sems dpa' sems can dge ba'i rtsa ba chung ba dang / dge ba'i rtsa ba chung ngu dang ldan pa sdug bsngal ba dag mthong na/ sems can de dag la phan par bya ba'i phyir bsod snyoms pa'i yi dam 'dzin te/ de nam grong ngam/ grong khyer ram/ grong 'dab du bsod snyoms kyi phyir 'gro ba de'i tshe dran pa shin du nye bar gzhag pa dang / spyod lam mdzes pas dbang po mi g.yo ba dang dbang po mi rgod pa dang / dbang po dul ba dang / gnya' shing gang tsam du blta ba dang / dge ba'i chos rnams la dran pa shin du nye bar gzhag cing bsod snyams kyi phyir 'gro'o/ /de bsod snyoms kyi phyir 'gro na bsod snyoms mthar kyis len pa yin te/ mgo 'phang bstod cing bram ze'i rigs shing sA la ltar che zhing mtho ba'i grong ngam/ rgyal rigs shing sa la ltar che zhing mtho ba'i grong ngam/ khyim bdag shing sa la ltar che zhing mtho ba'i grong 'byor ba dag tu mi 'jug gi mtha' gcig nas bzung ste/ nam de'i don grub par gyur kyi bar du bsod snyoms la spyod de/ gzhan du na gnas gang na khyi za ba 'am/ ba drus ma 'am/ byol song gi skye gnas su gtogs pa rang bzhin gyis ngang tshul ngan pa'i srog chags sam/ bud med dang / skyes pa dang / khye'u dang / bu mo kyal ka bya ba'i bsam pa can dag</font><hr>59.105a<br><font size=+1>

yod pa 'am/ smad pa'i gnas thams cad du thams cad yongs su spong ste/ de mthar gyis bsod snyoms la 'gro na yongs su yi mi 'chad cing kun nas nyon mongs pa med la/ sems can de dag la chags pa yang mi skyed/ khong khro ba yang mi skyed de/ yongs su yi 'chad pa med pas so so ci rigs pa'i bsod snyoms ngan ngon gyis chog shes pa yin te/ des bsod snyoms de blangs nas bdag gi gnas su 'ongs ste lhung bzed dang / chos gos bzhag /rkang lag bkrus te/ de bzhin gshegs pa'i gzugs sam/ de bzhin gshegs pa'i mchod rten rnams la bkur sti dang / rim gro byas te/ gnas su song nas/ bsod snyoms de las cha gcig ni tshangs pa mtshungs par spyod pa rnams kyi phyir gzhag go/ /gnyis pa ni sdug bsngal ba rnams kyi phyir gzhag go/ /gsum pa ni sems can log par ltung ba rnams kyi phyir gzhag go/ /cha bzhi pa ni bdag za ste/ de za ba na 'dod chags med par za ste/ chags par ma yin/ brkam par ma yin/ zhen par ma yin gyi/ gzhan du na ji tsam du lus gnas par 'gyur ba dang / 'tsho bar bya ba'i phyir za ste/ ji ltar ha cang yang nyams dma' ba dang / ha cang yang lus lci bar mi 'gyur ba ltar za ste/ de ci'i phyir zhe na/ ha cang yang nyams dmas na ni dge ba'i phyogs la rgyab kyis phyogs par 'gyur ro/ /lus ha kyang lcis na ni gnyid kyis non par 'gyur ro/ /des bsod snyoms de zos nas dge ba'i phyogs la mngon du phyogs pa dang / brtson 'grus brtsams pa dang / la lo mad pa dang / snyom pa med pa dang / byang chub kyi phyogs kyi chos yongs su rdzogs par 'gyur bar bya'o/ /de byang chub kyi phyogs kyi chos yongs su 'dus pas bdag tu 'dzin pa med pa yin/ bdag tu 'dzin pa med pas bdag gi shes kyang sems can rnams la phan 'dogs pa yin no/ /rigs kyi bu chos bcu po de dag dang ldan na byang chub sems dpa' bsod snyoms pa rnams yin no/ /rigs kyi bu chos bcu dang ldan na</font><hr>59.105b<br><font size=+1>

byang chub sems dpa' stan gcig pa rnams yin no/ /bcu gang zhe na 'di lta ste/ bdud thams cad kyis sdigs kyang byang chub kyi snying po'i stan gcig las mi g.yo ba rnams yin/ 'jig rten las 'das pa'i bsam gtan las mi g.yo ba rnams yin/ 'jig rten las 'das pa'i shes rab las mi g.yo ba rnams yin/ 'jig rten las 'das pa'i ye shes las mi g.yo ba rnams yin/ stong pa nyid las mi g.yo ba rnams yin/ sangs rgyas kyi chos thams cad yang dag pa ji lta ba bzhin du rtogs pa las mi g.yo ba rnams yin/ lam las mi g.yo ba rnams yin/ yang dag pa'i mtha' las mi g.yo ba rnams yin/ de bzhin nyid las mi g.yo ba rnams yin/ thams cad mkhyen pa nyid kyi stan las mi g.yo ba rnams yin no/ /rigs kyi bu stan gcig po ni 'di yin te/ de ni thams cad mkhyen pa nyid kyi stan no/ rigs kyi bu stan gcig po ni 'di yin te/ 'di ni chos kyi stan no/ /stan de las byang chub sems dpa' de dag mi g.yo ste/ de bas na stan gcig pa zhes bya'o/ /rigs kyi bu chos bcu po de dag dang ldan na byang chub sems dpa' stan gcig pa rnams yin no/ /rigs kyi bu chos bcu dang ldan na byang chub sems dpa' zas phyis mi len pa rnams yin no/ /bcu gang zha na/ 'di lta ste/ mi brkam pa'i rang bzhin can rnams yin/ mi chags pa'i rang bzhin can rnams yin/ de dag gis nam tshod bzung bar gyur pa de'i tshe nyi tshod yod dam med kyang rung ste/ de dag gi lus rton pa'i yo byad 'di lta ste/ mar ram/ 'bru mar ram/ sbrang rtsi 'am/ bu ram 'am/ rtsa ba'i khu ba 'am/ sdong po'i khu ba 'am/ 'bras bu'i khu ba de lta bu dag bzar mi rung ngo / /gzhan za ba mthong na yang khong khro ba'i sems dang / 'jungs pa'i sems kyang mi skyed do/ /yang gal te zas phyis mi len pa'i byang chub sems dpa' de ji lta bu'i nad kyis srog gi bar chad du 'gyur ba 'am/ dge ba'i phyogs kyi bar chad du 'gyur te/ nad tshabs che na des 'gyod pa med cing the tsom med</font><hr>59.106a<br><font size=+1>

par byas la/ sman yin par sems nye bar gzhag pas spyad par bya ste/ rigs kyi bu de ltar na byang chub sems dpa' zas phyis mi len pa rnams yin no/ /rigs kyi bu chos bcu po de dag dang ldan na byang chub sems dpa' zas phyis mi len pa rnams yin no/ /rigs kyi bu chos bcu dang ldan na byang chub sems dpa' dgon pa rnams yin no/ /bcu gang zhe na/ 'di lta ste/ yun ring po nas tshangs par spyod pa la gnas pa rnams yin/ 'dul ba la mkhas pa rnams yin/ dbang po ma nyams pa rnams yin/ mang du thos pa rnams yin/ nus pa rnams yin/ bdag tu 'dzin pa'i 'jigs pa dang bral ba rnams yin/ ri dgas dang 'dra ba rnams yin/ lus kyi thag bsrings pa rnams yin/ dben pa la mngon du phyogs pa rnams yin/ mi dga' ba dang ma 'dres pa rnams yin no/ /rigs kyi bu de la ji ltar na byang chub sems dpa' yun ring po nas tshangs par spyod pa la gnas pa yin pa nas/ ji ltar na mi dga' ba dang ma 'dres pa'i bar du yin zhe na/ rigs kyi bu 'di la byang chub sems dpa' legs par bshad pa'i chos 'dul ba la rab tu byung ba yin/ 'khor gsum yongs su dag pa'i tshul khrims dang ldan pa yin/ chos nyid la mkhas shing cho ga dang / spyod yul dang / 'gro ba dang / phyir 'ong ba la mkhas pas gang 'di de bzhin gshegs pas rgan rabs dang / bar ma dang gsar bu rnams kyi bslab pa'i lam bstan pa de la 'di lta ste/ don dang / tshig dang / 'byung ba la mkhas pa dang / gzhan kyi dring mi 'jog cing gzhan gyis mi bkri ba yin no/ /de ltung ba byung na ltung ba las 'byung ba rab du shes shing gnas de dag kyang yongs su spong ngo / /gnas de dag la gus pa byed cing 'chags pa mang ba yin no/ /sdig pa de la smod cing 'gyod de mthol bar byed do/ /gnas gang dag tu ltung bar 'gyur ba de dag kyang rab tu shes/ gang dag tu mi 'gyur ba de dag kyang rab tu shes/ gang dag tu chen</font><hr>59.106b<br><font size=+1>

por 'gyur ba dang / gang dag tu 'bring dang / gang dag tu chung ngur 'gyur ba de dag kyang rab tu shes/ gang las kyi rnam par smin pa'i yun ji srid pa de dag yang rab tu shes/ de yang nan tan gyis sgrub bo/ /de mig gi dbang po ma nyams pa dang / rna ba'i dbang po ma nyams shing yan lag dang nying lag thams cad ma nyams par dgon pa na gnas te/ gnas gang na 'tshe ba med pa'i gnas de dag tu gnas so/ /gnas gang dag na bsod snyoms blangs pa'i spyod yul dang / ha cang yang mi ring ha cang yang mi nye ba dang / gnas gang dag na chu dang zhing rnyog pa med pa/ gtsang zhing dri ma med pa/ tshegs chung ba yod pa dang / gnas gang dag na shing phun sum tshogs pa/ me tog phun sum tshogs pa/ 'bras bu phun sum tshogs pa/ lo ma phun sum tshogs pa/ gcan gzan khro bo med pa/ phug dang ldan pa/ sman gshong dang ldan pa/ thag thug med pa/ 'gro na bde ba/ zhi ba gnyis su med pa'i gnas de 'dra ba dag na gnas so/ /de gnas de dag na gnas shing gang des sngon blags pa dang / sngon thos pa de nyin lan gsum mtshan lan gsum du sgra ha cang yang mi che ha cang yang mi chung ba dang / dbang po mi rgod cing phyi rol du ma song ba'i sems kyis dad pas nye bar 'tsho zhing tshig nye bar bzung ste/ mtshan ma 'dzin cing gnyid kyis ma log par kha thon byed do/ /gal te dge slong dgon pa pa'i drung du rgyal po 'am/ blon po chen po 'am/ de ma yin pa gzhan bram ze 'am/ rgyal rigs sam/ grong pa 'am/ yul gyi mi dag 'ongs na/ des de dag la gus par legs par 'ongs so zhes brjod par bya ste/ des rgyal po chen po ji ltar gdan bting pa la bzhugs shig ces de skad byas nas gal te 'dug na gnyi ga yang 'dug par bya'o/ /de ste mi 'dug na gnyi ga yang mi 'dug par bya'o/ /gal te dbang po rgod par gyur na rgyal po chen po gang khyod kyis phyogs na dge slong dang / </font><hr>59.107a<br><font size=+1>

bram ze rnams tshul khrims dang ldan pa/ yon tan dang ldan pa/ mang du thos pa dag mi rgod dang / spre'u rnams kyis ma gtses par gnas pa de ni rnyed pa legs par rnyed do zhes bstod par bya'o/ /de ste brtan zhing dul la dbang po rab tu zhi ba zhig yin te/ chos bstan par rung na de la chos sna tshogs bstan par bya'o/ /de ste chos sna tshogs bstan pa la mi dga' na de la skyo ba dang 'thun pa'i chos bstan par bya'o/ /de ste skyo ba dang 'thun pa'i chos bstan pa la mi dga' na de la de bzhin gshegs pa'i che ba rgya che ba/ rgya che ba dag bstan par bya'o/ /bram ze dang / rgyal rigs dang / grong pa dang / yul gyi mi dag 'ongs na yang ci rigs par bya ba dag bya'o/ /de de ltar mang du thos pas chos nyan pa rnams kyi sems mgu bar byed nus pa yin te/ sems can de dag kyang de la dga' ba dang / dang pa dang / rangs pa 'thob par 'gyur ro/ nyon mongs pa kun nas langs pa rnams kyi gnyen po yang nus pa yin no/ /mang du thos pa'i stobs bskyed pas bdag tu 'dzin pa dang bral ba yin no/ /de bdag tu 'dzin pa'i 'jigs pa dang bral bas dgon pa de na mi 'jigs/ mi skrag /mi dngang bag tsha ba med cing / rab tu dben pa la mngon tu phyogs par gyur te gnas so/ /de dgon pa de na dben pa la mngon du phyogs shing 'du 'dzi med par gnas pas ri dgas dang 'dra ba yin no/ /rigs kyi bu byang chub sems dpa' dgon pa pa ni ri dgas ltar rtag tu 'jigs pa ma yin te/ de dag la ri dgas kyi nyes pa yang med mod kyi/ ji ltar ri dgas dag bdag 'di'i lan blon gyis srog gi bar chad du gyur du 'ong ngo zhes yul dang yul gyi phyogs ring po bas kyang ring por spong ba de bzhin du byang chub sems dpa' yang bdag 'di'i lan blon gyis yi dam gyi bar chad dam/ sems g.yengs par gyur na mi rung ngo zhes bud med dang / skyes pa dang / khye'u dang / bu mo</font><hr>59.107b<br><font size=+1>

rnams dang 'du 'dzi mi byed cing 'du 'dzi dag ring po bas kyang ring por yongs su spong ngo / /de de ltar thag bsrings te gnas pas dben pa la mngon du phyogs pa yin/ de rab tu dben pa la mngon du phyogs pas dgon pa de la yon tan du lta ba dang / zhi bar lta ba yin/ de yon tan du lta zhing zhi bar lta bas na mi dga' ba dang mi 'dre'o/ /mi dga' ba dang ma 'dres pas na dgon pa'i chos rnams yang dag par blangs nas spyod de/ de ltar na rigs kyi bu byang chub sems dpa' yun ring po nas tshangs par spyad pa la gnas pa nas mi dga' ba dang ma 'dres pa'i bar du yin no/ /rigs kyi bu chos bcu po de dag dang ldan na byang chub sems dpa' dgon pa pa rnams yin no/ /rigs kyi bu chos bcu dang ldan na byang chub sems dpa' shing drung pa rnams yin no/ /bcu gang zhe na/ 'di lta ste/ grong dang ha cang nye ba'i shing drung du mi rten/ grong dang ha cang ring ba'i shing drung du mi rten/ ldam ldum tsher ma can gyis gang ba'i shing drung du mi rten/ shing ma lu ta dang / ka bya ka tsu'i 'khri shing gis gang ba'i shing drung du mi rten/ shing lo ma skams pa'i shing drung du mi rten/ spre'u gnas pa'i shing drung du mi rten/ bya gnas pa'i shing drung du mi rten/ gcan gzan khro bo gnas pa'i shing drung du mi rten/ 'dron po gnas pa'i shing drung du mi rten/ mi g.yon can gnas pa'i shing drung du mi rten gyi/ gang na lus bag yangs shing sems dga' bar 'gyur ba'i shing drung de lta bur rten to/ /rigs kyi bu chos bcu po de dag dang ldan na byang chub sems dpa' shing drung ba rnams yin no/ /rigs kyi bu chos bcu dang ldan na byang chub sems dpa' bla gab med pa rnams yin no/ /bcu gang zhe na/ 'di lta ste/ dgun nam/ dpyid dam/ dbyar ram/ ston yang rung ste/ brtsig drung na mi gnas/ shing drung na ma yin/ sog ma spungs par ma yin/ ri'i sman gshong du ma yin/ chu lkog tu ma yin/ </font><hr>59.108a<br><font size=+1>

grang ba skyob par yang mi byed/ rlung skyob par ma yin/ char pa skyob pa ma yin/ nyi ma skyob pa ma yin/ ba mo'i skyabs kyang mi byed kyi/ gzhan du na gal te byang chub sems dpa' bla gab med pa pa lus nam lus kyis mi nus par gyur na/ des gtsug lag khang du gnas te nyon mongs pa'i gnyen po'i phyir de bzhin gshegs pas sbyangs pa'i yon tan bcas te/ ci nas kyang bdag gtsug lag khang na gnas bzhin du nyon mongs pa rnams spong bar 'bad pa de ltar bya'o zhes de ltar sems bskyed par bya'o/ /gtsug lag khang de la yang chags pa mi skyed de zhen par yang ma yin no/ /de yang 'di ltar sems te/ sbyin pa'i bdag po rnams la phan gdags par bya'i/ bdag cag gis bdag nyid gso bar mi bya'o snyam ste/ de rtag tu rgyun mi chad par bla gab med pa'i 'du shes nye bar 'jog pa yin no/ /rigs kyi bu chos bcu po de dag dang ldan na byang chub sems dpa' bla gab med pa rnams yin no/ /rigs kyi bu chos bcu dang ldan na byang chub sems dpa' dur khrod pa rnams yin no/ /bcu gang zhe na/ 'di lta ste/ gnas gang na gnas kyang rung / skyo ba med pa rnams yin/ de dag shi ba'i 'du shes rtag tu rgyun mi chad par nye bar gzhog pa yin/ de dag rnam par zos par 'du shes pa dang / rnam par dmar bar 'du shes pa dang / rnam par sngos par 'du shes pa dang / rnam par rul par 'du shes pa dang / rnam par bam par 'du shes pa dang / rnam par tshig par 'du shes pa dang / rnam par 'thor bar 'du shes pa dang / keng rus su 'du shes pa rtag tu rgyun mi 'chad par nye bar gzhog pa yin no/ /rigs kyi bu byang chub sems dpa' dur khrod pas ni byams pa'i sems su bya'o/ /phan pa'i sems dang / sems can la snying brtse ba dang / tshul khrims dang / gtsang sbra'i cho ga dang ldan zhing sha dang 'bags pa med par bya'o/ /rigs kyi bu de ci'i phyir zhe na/ dur khrod gam</font><hr>59.108b<br><font size=+1>

yo na ni byang chub sems dpa' sha za ba mthong na ma dad pa skye zhing gtse bar sems pa'i mi ma yin pa dag gnas pa yod do/ /rigs kyi bu byang chub sems dpa' dur khrod pas gtsug lag khang du zhugs te/ de bzhin gshegs pa'i mchod rten la phyag byas dge slong rgan rabs rnams la phyag byas te/ gsar bu rnams kyang dga' bar byas la 'greng ste 'dug par bya'o/ /dge 'dun gyi mal stan la 'dug par mi bya'o/ /rigs kyi bu de ci'i phyir zhe na/ byang chub sems dpa' 'jig rten gyi yid dang sbyar bar bya ste/ byang chub sems dpa' dur khrod pa ni 'phags pa ma yin pa'i 'jig rten dang mi mthun gyi/ 'phags pa dang ni mi mthun pa med do/ /gal te byang chub sems dpa' dur khrod pa gang zag gi mal stan la bdar na des ci nas kyang 'gyod par mi 'gyur la/ gzhan gyis kyang dpya bar mi 'gyur bar shin du rtogs par byas la/ dge slong de'i bsam pa yang shes nas gdod stan de la gdol bu dang 'dra bar dma' ba'i sems kyis stan de la 'dug par bya'o/ /rigs kyi bu chos bcu po de dag dang ldan na byang chub sems dpa' dur khrod pa rnams yin no/ rigs kyi bu chos bcu dang ldan na byang chub sems dpa' cog pu pa rnams yin no/ /bcu gang zhe na/ 'di lta ste/ lus yongs su gdung bar bya ba'i phyir 'dug pa ma yin/ sems yongs su gdung bar bya ba'i phyir 'dug pa ma yin/ gnyid kyis non te 'dug pa ma yin/ lus dub pas 'dug pa ma yin gyi byang chub sems dpa' cog pu pa 'dug pa ni byang chub kyi tshogs yongs su bkang ba'i phyir 'dug go/ /sems rtse gcig tu bya ba'i phyir 'dug go/ /lam mngon du bya ba'i phyir 'dug go/ /byang chub kyi snying por 'gro bar bya ba'i phyir 'dug go /sems can la phan pa'i phyir 'dug go/ /nyon mongs pa thams cad spang ba'i phyir 'dug go/ /rigs kyi bu chos bcu po de dag dang ldan na byang chub sems dpa' cog pu pa rnams yin no/ /rigs kyi bu chos bcu dang ldan na byang chub</font><hr>59.109a<br><font size=+1>

sems dpa' gzhi ji bzhin pa rnams yin no/ /bcu gang zhe na/ 'di lta ste/ mal stan la ma chags pa rnams yin/ bdag nyid kyang mal stan mi 'ding / gzhan yang 'ding du mi 'jug /gding ba'i phyir brda mi byed cing / gzhan du na lo mas gang ba 'am/ rtswas gang ba'i gnas kyang rung ste/ gnas de dag tu nyal bar byed cing sa gang gi phyogs na sbrul gyis gang ba 'am/ sbrang ma dang / sha sbrang gis gang ba 'am/ khung mang ba de dag ring po bas kyang ring por yongs su spong ngo / /de dag nyal ba na glo g.yas pas nyal bar byed de/ rkang pa'i steng du rkang pa bzhag nas/ lus chos gos dag gis shin du g.yogs shing dran pa dang shes bzhin du snang ba'i 'du shes dang ldang ba'i 'du shes su nyal bar byed de/ gnyid kyis bde ba la chags par mi byed/ snyes pa'i bde ba la yang ma yin te/ gzhan du na de dag ci tsam du 'byung ba chen po gnas shing 'tsho ba'i phyir nyal bar byed la/ rtag tu rgyun mi chad par yang dge ba'i phyogs la mngon du phyogs pa rnams yin no/ /rigs kyi bu chos bcu po de dag dang ldan na byang chub sems dpa' gzhi ji bzhin pa rnams yin no/ /rigs kyi bu chos bcu dang ldan na byang chub sems dpa' rnal 'byor spyod pa rnams yin no/ /bcu gang zhe na/ 'di lta ste/ mi sdug pa bsgom pa mang ba rnams yin/ byams pa bsgom pa mang ba rnams yin/ /rten cing 'brel bar 'byung ba bsgom pa mang ba rnams yin/ skyon la mkhas pa mang ba rnams yin/ stong pa nyid bsgom pa mang ba rnams yin/ mtshan ma med pa bsgom pa mang ba rnams yin/ rnal 'byor bsgom pa mang ba rnams yin/ rgyun du bsgom pa mang ba rnams yin/ 'gyod pa med pa rnams yin/ tshul khrims phun sum tshogs pa rnams yin no/ /rigs kyi bu de ltar na byang chub sems dpa' mi sdug pa bsgom pa mang ba yin zhe na/ rigs kyi bu 'di la byang chub sems dpa' gcig pu dben par song ste/ nang du yang dag par bzhag nas rab tu dben pa la mngon</font><hr>59.109b<br><font size=+1>

du phyogs shing shin du skyo ba'i sems kyis lus drang po drang po dang / lus bags kyis glod pas skyil mo dkrung bcas nas dran pa mngon du bzhag ste/ phyi rol du ma byung ba'i sems kyis de 'di snyam du sems so/ /ji snyed du mi'i nang na kha zas dang / zas skom gtsang ma yang rung / bzang po yang rung / ngan pa yang rung / ro phun sum tshogs pa yang rung / ro chung ba yang rung ste/ de thams cad lus kyi mes reg pa dang / btsog par 'gyur te/ rul cing dri nga ba dang / 'jig rten thams cad dang mi 'phrod pa yin na/ de la byis pa 'di dag ni shin du zhen cing rab tu chags so/ /bdag cag ni 'phags pa'i chos 'dul ba la gnas te/ yang dag pa'i shes rab kyis yang dag pa ji lta ba bzhin du brtags te/ 'di 'dra ba'i lus la ma zhen ma chags par bya'o/ /de'i phyir skyo ba'i sems kyang mi bskyed do snyam ste/ de ltar na byang chub sems dpa' mi sdug pa bsgom pa mang ba yin no/ /ji ltar na byang chub sems dpa' byams pa bsgom pa mang ba yin zhe na/ rigs kyi bu 'di la byang chub sems dpa' gcig pu 'byung bar 'gyur te/ nang du yang dag par bzhag nas rab tu dben pa la mngon du phyogs te/ shin tu skyo ba'i sems kyis lus drang po drang po dang / lus bags kyis glad pas skyil mo dkrung bcas nas dran pa mngon du bzhag ste/ phyi rol du ma byung ba'i sems kyis 'di snyam du sems so/ /sems can gang dag khro ba dang / gnod sems mang ba/ mi dge ba'i las byed pa rnams dang / gang rnams bdag la rgol ba dang / dgra bo gcugs med par shar gnyer ba rnams byung ba 'am/ 'byung bar 'gyur ba yang rung ste/ bdag gis de dag thams cad kyi khro ba dang / gnod sems rab tu zhi bar byas te/ byang chub kyi snying po la 'god par bya'o/ /de yang ngag tsam gyis ma yin gyi bsam pa thag pas sems te/ de ltar na byang chub sems dpa' byams pa bsgom pa mang ba yin no/ /ji ltar na byang chub</font><hr>59.110a<br><font size=+1>

sems dpa' rten cing 'brel par 'byung ba bsgom pa mang ba yin zhe na/ 'di la byang chub sems dpa' 'dod chags skyes pa dang / khro ba skyes pa/ gnod sems kyi sems skyes na 'di snyam du sems so/ /chos 'di su la skye ba de yang rten cing 'brel par 'byung ba'o/ /chos gang skye gang yang rten cing 'brel ba du 'byung ba'o/ /rkyen gang dag gis skye ba de dag kyang rten cing 'brel par 'byung ba'o/ /rten cing 'brel par 'byung ba'i chos gsog de dag la mkhas pa'i rang bzhin can su zhig bdag la rma 'byin snyam te/ de ltar na byang chub sems dpa' rten cing 'brel bar 'byung ba bsgom pa mang ba yin no/ /ji ltar na byang chub sems dpa' skyon la mkhas pa yin zhe na/ 'di la byang chub sems dpa' gang bdag gi rgyud la skyon yod pa de dag spang ba'i phyir nan tan byed gzhan gyi rgyud la yod pa mi nus pa'i rang bzhin de dag la yang btang snyoms su gnas so/ /skyon de dag gang zhe na/ 'di lta ste/ sangs rgyas la ri mo mi byed pa dang / chos dang / dge 'dun dang / bslab pa dang / 'phags pa rnams dang / tshangs pa mtshungs par spyod pa rgan rabs dang / bar ma dang / gsar bu rnams la ri mo mi byed pa ni skyon no/ /bdag la ri mo byed pa dang / gzhan la brnyas pa dang / yul la mngon du phyogs pa dang / mya ngan las 'das pa la rgyab kyis phyogs pa dang / bdag tu lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba dang / stong pa nyid du 'dzin pa dang / rtag par 'dzin pa dang / mi rtag par 'dzin pa dang / 'phags pa rnams la mnyes par mi byed pa dang / byis pa'i skye bo dang sten pa dang / tshul khrims dang ldan pa yongs su spong ba dang / sems can ngan pa'i ngang tshul can la bsnyen bkur byed pa dang / sdig pa'i grogs po la sten pa dang / dge ba'i bshes gnyen yongs su spong ba dang / mdo sde zab mo spong ba dang / mdo sde zab mos skrag pa dang / snyom las dang / le lo dang / </font><hr>59.110b<br><font size=+1>

bdag la brnyas pa dang / gzi brjid chung ba dang / spobs pa med pa dang / gnas ma yin pa la 'gyod pa dang / mi 'gyod pa la 'gyod pa dang / 'gyod pa la mi 'gyod pa dang / sgrib pa kun nas ldang bas klags pa dang / g.yo sgyus bcings pa dang / rmugs shing gnyid kyis non pa dang / rnyed pa dang / bkur sti 'dod pa dang / rus la 'dod chags pa dang / rigs la 'dod chags pa dang / lta ba la 'dod chags pa dang / yul la 'dod chags pa dang / 'khor la 'dod chags pa dang / 'jig rten rgyang pan gyi gsang tshig la sten pa dang / dam pa'i chos las 'byol ba dang / yi dam 'dor ba dang / mi dge ba dang ldan pa dag la rtsol ba dang / dge ba dang ldan pa dag la mi rtsol ba dang / rab tu byung ba dang sde ba dang / skyes pa dang sde ba dang / bud med dang sde ba dang / khye'u dang bu mo dang sde ba dang / mu stegs can dang sde ba dang / dgon pa la mngon par mi dga' ba dang / zas kyi tshod mi shes pa dang / bla ma'i drung du mi 'gro ba dang / kha ton gyi dus mi shes pa dang / spyod yul gyi gnas mi shes pa dang / bslab pa phra mo dag la gus par mi byed pa dang / sdig pa chung ngu rnams la 'jigs par mi lta ba dang / dbang po gti mug gis bsgribs pa dang ldan pa dang / g.yeng ba la dbang po grims pa dang / rgod par spyod pa dang / bcos dka' ba dang / bka' blo mi bde ba dang / yid du 'ong ba dang / yid du mi 'ong ba'i gzugs dag la mtshan ma dang / dpe byad du 'dzin pa dang / khro ba rnams la sems mi byams pa dang / sdug bsngal ba rnams la snying mi brtse ba dang / na bas skyo bar mi byed pa dang / shi bas mi skrag pa dang / kun nas 'bar ba las mi 'byung ba dang / lus la so sor mi rtog pa dang / tshul khrims la so sor mi rtog pa dang / ci byas ci byed ci bya zhes so sor mi rtog pa dang / mi bsam pa la sems pa dang / mi rtag pa la rtog pa dang / mi smon pa la smon pa dang / mi 'byung ba la 'byung bar 'du shes pa dang / mi dga' ba la dga' bar 'du shes pa dang / lam ma yin pa la lam du 'du shes</font><hr>59.111a<br><font size=+1>

pa dang / ma thob pa la thob par 'du shes pa dang / 'phral gyi bya ba la chags pa dang / byed pa ngan pas g.yengs pa dang / dge ba'i phyogs rgya chen po rnam par spong ba dang / theg pa chen po la mi bsngags pa brjod pa dang / nyan thos kyi theg pa la bsngags pa brjod pa dang / theg pa chen po la mngon par dad pa'i gang zag rnams la mi bsngags pa brjod pa dang / nyan thos kyi theg pa la mngon par dad pa'i gang zag rnams la bsngags pa brjod pa dang / rtsod pa lhur len pa dang / 'thab pa'i ngang tshul can dang / brlang ba dang / rtsub pa dang / pho theg can dang / spyi rdol che ba dang / gtum pa dang / gdug pa dang / ngag mi snyan pa dang / mu cor smra ba dang / mi gcogs par smra ba dang / ngan du smra bas smra ba dang / brdzun zer bas spros pa la mngon par dga' ba dang / spros pa la gzhol ba'i skyon no/ /de de ltar skyon la mkhas pas spros pa thams cad dang bral bar bya ba'i phyir stong pa nyid sgom pa la rnal 'byor du byed do/ /de stong pa nyid la sgom pa mang bas gnas gang dang gang dag la sems 'jug cing sems mngon par dad pa'i gnas de dang de dag la ngo bo nyid yongs su btsal na stong par rtogs so/ sems de gang yin pa de yang yongs su brtags na stong pa'o/ /gang gis brtags pa de yang stong par rtogs so/ /de de ltar rtog pas mtshan ma med pa la rnal 'byor du byed do/ /de la nang gi mtshan ma gang dang / snang bar gyur pa de dang / de dag mtshan ma med par byed do/ /ci nas kyang lus mi dmigs pa dang / lus la dran pa nye bar mi 'jog pa dang / lus la sems mi gtong ba dang / phyi rol gyi mtshan ma rnams mi dmigs pa dang / phyi rol gyi mtshan ma rnams la dran pa nye bar mi 'jog pa dang / sems mi gtong ba de ltar mtshan ma med par byed do/ /de phyi rol gyi mtshan ma rnams dang bral ba dang / lus kyi mtshan ma rnams dang bral bas nang gi mtshan ma rnams spang ba'i phyir zhugs te/ </font><hr>59.111b<br><font size=+1>

sgom pa la mngon par dga' ba skyed do/ /de sgom pa mang bas rtag tu sgom pa rtag tu sgom pa la brtson pa yin/ rgyun mi chad par zhi gnas dang / lhag mthong la gnas pas gnas pa yin/ de la zhi gnas ni sems rtse gcig pa'o/ /lhag mthong ni yang dag pa ji lta ba bzhin du chos la so sor rtog pa'o/ /de sems mnyam par gzhag pas 'gyod pa med cing rab tu dga' ba yin no/ /de ci'i phyir zhe na/ de ltar tshul khrims yongs su dag pa'i phyir ro/ /tshul khrims yongs su dag pa'i byang chub sems dpa' rnams ni rnal 'byor spyod pa yin te/ tshul khrims phun sum tshogs pa rnams la ni rnal 'byor yang dag par 'grub po/ /tshul khrims phun sum tshogs pa rnams ni rnal 'byor la spyod de/ de bas na rnal 'byor la spyod pa rnams shes bya'o/ /rigs kyi bu chos bcu po de dag dang ldan na byang chub sems dpa' rnal 'byor spyod pa rnams yin no/ /rigs kyi bu chos bcu dang ldan na byang chub sems dpa' mdo sde 'dzin pa rnams yin no/ /bcu gang zhe na/ 'di lta ste/ dam pa'i chos kun bsrung ba'i phyir thos pa 'dzin gyi zang zing gi phyir ma yin no/ /bstan pa kun bsrung ba'i phyir thos pa 'dzin kyi rnyed pa'i phyir ma yin no/ /dkon mchog gsum gyi rigs mi 'chad pa'i phyir thos pa 'dzin gyi bkur sti'i phyir ma yin no/ /theg pa chen po la yang dag par zhugs pa'i sems can rnams rjes su gzung ba'i phyir thos pa 'dzin gyi grags pa dang / sgra dang / tshigs su bcad pa'i phyir ma yin no/ /mgon med pa'i sems can rnams la phan par bya ba'i phyir thos pa 'dzin to/ /sdug bsngal ba'i sems can rnams la bde bar bya ba'i phyir thos pa 'dzin to/ /shes rab kyi mig dang bral ba'i sems can rnams shes rab kyi mig 'thob par bya ba'i phyir thos pa 'dzin to/ /nyan thos kyi theg pa la yang dag par zhugs pa'i sems can rnams la nyan thos kyi theg pa'i lam bstan pa'i phyir thos pa 'dzin to/ /theg pa chen</font><hr>59.112a<br><font size=+1>

po la yang dag par zhugs pa'i sems can rnams la theg pa chen po'i lam bstan pa'i phyir thos pa 'dzin to/ /bdag nyid kyang bla na med pa'i ye shes khong du chud par bya ba'i phyir thos pa 'dzin gyi theg pa chung ngu la ni mi smon to/ /rigs kyi bu chos bcu po de dag dang ldan na byang chub sems dpa' mdo sde 'dzin pa rnams yin no/ /rigs kyi bu chos bcu dang ldan na byang chub sems dpa' 'dul ba 'dzin pa rnams yin no/ /bcu gang zhe na/ 'di lta ste/ 'dul ba yang rab tu shes/ 'dul ba'i tshul yang rab tu shes/ 'dul ba zab pa yang rab tu shes/ 'dul ba zhib pa yang rab tu shes/ rung ba dang mi rung ba yang rab tu shes/ rang bzhin gyis kha na ma tho ba yang rab tu shes/ bcas pa'i kha na ma tho ba yang rab tu shes/ so sor thar pa'i bslab pa'i gleng gzhi dang 'byung ba yang rab tu shes/ nyan thos kyi 'dul ba yang rab tu shes/ byang chub sems dpa'i 'dul ba yang rab tu shes so/ /rigs kyi bu chos bcu po de dag dang ldan na byang chub sems dpa' 'dul ba 'dzin pa rnams yin no/ /rigs kyi bu chos bcu dang ldan na byang chub sems dpa' cho ga dang / spyod yul dang / spyod pa dang / spyod yul phun sum tshogs pa rnams yin no/ /bcu gang zhe na/ 'di lta ste/ nyan thos kyi bslab pa dag la shin du bslabs pa rnams yin/ rang sangs rgyas kyi bslab pa dag la shin du bslabs pa rnams yin/ byang chub sems dpa'i bslab pa dag la shin du bslabs pa rnams yin/ de dag shin du bslabs pas na/ cho ga dang spyod yul phun sum tshogs pa rnams yin/ cho ga dang spyod yul phun sum tshogs pas dge sbyong gi tshul dang 'thun pa ma yin pa'i spyod yul rnams yongs su spong / de dag de'i phyir gnas ma yin par mi spyod/ yul ma yin pa dang / dus ma yin par mi spyod/ de dag dge sbyong gi spyod yul la spyod pa phun sum tshogs pa rnams yin te/ dge sbyong ngam/ bram zes 'di lta ste/ don dang mi ldan pa de dang / des mtshang brur med la</font><hr>59.112b<br><font size=+1>

gzhan dag kyang bslab pa de snyed la 'jog par byed do/ /de dag spyod pa phun sum tshogs pas spyod lam mdzes pa phun sum tshogs pa yin/ spyod lam rab tu zhi bas spyod lam bcos pa med pa dang ldan pa yin no/ /rigs kyi bu chos bcu po de dag dang ldan na byang chub sems dpa' cho ga dang / spyod yul dang / spyod pa dang / spyod lam phun sum tshogs pa rnams yin no/ /rigs kyi bu chos bcu dang ldan na byang chub sems dpa' ser sna dang phrag dog dang bral ba rnams yin no/ /bcu gang zhe na/ 'di lta ste/ bdag nyid kyang sbyin pa'i bdag po yin/ gzhan yang sbyin pa la yang dag par 'dzud/ sbyin pa'i bsngags pa smra ba rnams yin/ gzhan dag gis sbyin pa la rjes su yi rang bar byed/ sbyin pa'i bdag po gzhan dag la yang gzeng stod cing rab tu dga' bar byed/ gzhan dag la byin na yang 'di snyam du bdag cag byin cig gzhan la ni ma yin no/ /bdag cag gir gyur la/ gzhan dag gir ma gyur cig ces sems mi skyed/ 'di snyam du 'di lta ste/ sems can thams cad 'tsho ba'i yod byad de dang de dag thob par gyur cig /'jig rten dang 'jig rten las 'das pa'i bde ba dang ldan te bde bar gyur cig /bdag cag gis kyang de nyid kyi don du 'bad par bya/ /btsal bar bya'i/ bdag cag gis der ser sna dang / phrag dog gi sems bskyed par mi bya'o zhes sems skyed do/ /rigs kyi bu chos bcu po de dag dang ldan na byang chub sems dpa' ser sna dang phrag dog dang bral ba rnams yin no/ /rigs kyi bu chos bcu dang ldan na byang chub sems dpa' sems can thams cad la sems snyoms pa rnams yin no/ /bcu gang zhe na/ 'di lta ste/ sems can thams cad la snyoms par sbyor ba rnams yin/ sems can thams cad la khong khro ba'i sems med pa rnams yin/ sems can thams cad la gnod sems med pa rnams yin/ sems can thams cad kyi don kho nar sbyin pa dag sbyin/ tshul khrims srung / bzod pa sgom/ </font><hr>59.113a<br><font size=+1>

brtson 'grus rtsom/ bsam gtan la bsam gtan du byed/ shes rab sgom/ thams cad mkhyen pa nyid kyang yang dag par sgrub mod kyi/ gnyis la gnas pa'i sems kyis sgrub pa ma yin gyi/ sems can thams cad la thun mong gi sems dang / sems can thams cad la dmigs pas sgrub ste/ ci nas kyang chos nyid myur du 'thob par 'gyur ba de ltar sgrub po/ /de dag 'khor ba rab tu 'bar ba nas bdag nyid byung nas gzhan dag kyang 'byin te/ de yang mnyam pa nyid kyi sems nye bar bzhag cing 'byin gyi sdug pa'i sems kyis ma yin te/ khong khro bas ma yin no/ /rigs kyi bu 'di lta ste/ dper na tshong dpon nam khyim bdag la bu sdug pa phangs pa byams pa yid du 'ong ba drug cig yod la/ bu de dag la tshong dpon nam khyim bdag de mtshungs par byams shing / mtshungs par sbyor bar gyur pa las de'i bu de dag byis pa yin te/ gog pa mi shes pa mi mkhas pa dag cig yod la/ de nas tshong dpon nam khyim bdag de'i khyim me thar te/ de'i bu de dag kyang so so na 'khod par gyur na/ rigs kyi bu de ji snyam du sems/ tshong dpon nam khyim bdag de 'di ni sngar je dbyung ngo / /de nas phyis 'di dbyung ngo snyam du de ltar sems sam/ byang chub sems dpa' sgrib pa thams cad rnam par sel bas gsol pa/ bcom ldan 'das ma lags so/ /de ci'i slad du zhe na/ bcom ldan 'das tshong dpon nam khyim bdag de bu rnams la sems snyoms pas de gang dang gang dag ji ltar mjal ba de dang de dag de bzhin du 'byin to/ /bcom ldan 'das kyis bka' stsal pa/ rigs kyi bu de bzhin du byis pa lta bu'i sems can thams cad ni byang chub sems dpa'i bu dang 'dra ste/ 'phags pa rnams ni ma yin te/ byang chub sems dpa' de byis pa/ mi gsal ba/ mi mkhas pa/ 'gro ba drug so so na gnas pa de dag 'khor ba'i khyim mi thar ba nas gang dang gang ji ltar</font><hr>59.113b<br><font size=+1>

yongs su smin par 'gyur ba de dang de nyid de ltar 'byin to/ /phyung nas kyang mya ngan las 'das pa'i dbyings zhi bar rab tu gzhog go/ /rigs kyi bu chos bcu po de dag dang ldan na byang chub sems dpa' sems can thams cad la sems snyoms pa rnams yin no/ /rigs kyi bu chos bcu dang ldan na byang chub sems dpa' de bzhin gshegs pa mchod pa dang rim gro bya ba la mkhas pa rnams yin no/ /bcu gang zhe na/ 'di lta ste/ chos la mchod pas de bzhin gshegs pa la mchod pa dang / bsnyen bkur byas pa yin gyi zang zing gi mchod pas ni ma yin no/ /nan tan gyis mchod pa dang / sems can rnams la phan zhing bde bar bya ba dang / sems can rnams la phan 'dogs par byed pa dang / sems can rnams kyi don la zhugs pa dang / yi dam mi gtong ba dang / byang chub sems dpa'i las mi gtong ba dang / ji ltar smras pa bzhin du byed pa dang / yid yongs su mi skyo ba dang / byang chub kyi sems mi gtong bas rigs kyi bu de bzhin gshegs pa rnams la mchod pa dang / bsnyen bkur byas pa yin gyi/ zang zing gi mchod pas ni ma yin no/ /rigs kyi bu de ci'i phyir zhe na/ de bzhin gshegs pa rnams ni chos kyi sku ste/ chos la mchod na de bzhin gshegs pa rnams la mchod par 'gyur ro/ /rigs kyi bu de bzhin gshegs pa rnams ni nan tan gyis yang dag par grub pa yin te/ sems can thams cad la phan zhing bde ba dang / sems can thams cad la phan 'dogs pa dang / sems can gyi don bya ba'i phyir skye'o/ /rigs kyi bu sems can gyi don de yang yi dam btang ba dang / byang chub sems dpa'i las la rgyab kyis phyogs pa dang / brdzun du smra ba dang / smras pa las nyams pa dang / dam bcas pa las nyams pa dang / yid yongs su skyo ba dang byang chub kyi sems dang bral bas yang dag par 'thob par mi nus so/ /rigs kyi bu de ci'i phyir zhe na/ </font><hr>59.114a<br><font size=+1>

byang chub sems dpa' rnams kyi bla na med pa yang dag par rdzogs pa'i byang chub ni sems can gyi don la rag las pa ste/ gal te sems can rnams med na byang chub sems dpa' rnams mngon par rdzogs par 'tshang rgya bar ma nus so/ /de bas na rigs kyi bu chos la mchod pas de bzhin gshegs pa rnams la mchod cing rim gro byas pa yin gyi zang zing gi mchod pa'i ma yin pa de ltar blta'o/ /rigs kyi bu chos bcu po de dag dang ldan na byang chub sems dpa' de bzhin gshegs pa la mchod pa dang / rim gro bya ba la mkhas pa rnams yin no/ /rigs kyi bu chos bcu dang ldan na byang chub sems dpa' nga rgyal bcom pa rnams yin no/ /bcu gang zhe na/ rigs kyi bu 'di lta ste/ byang chub sems dpa' khyim gyi gnas nas mngon par byung ste rab tu byung nas bdag ni grogs po dang / blon po dang / gnyen bshes dang / snag gi gnyen mtshams shi ba dang 'dra'o zhes nga rgyal bcom pa yin/ bdag gis gzugs mi sdug par khas blangs shing bdag gis gos kha dog mi sdug pa bgos te/ tshul gzhan du bsgyur to zhes nga rgyal bcom pa yin/ sprang ba'i rgyu sprang ba'i phyir mgo bregs shing lag na lhung bzed thogs te grong nas grong du 'gro'o zhes nga rgyal bcom pa yin/ gdol bu dang 'dra bar dman pa dman pa'i sems kyis bsod snyoms kyi phyir 'gro'o zhes nga rgyal bcom pa yin/ bdag ni bsod snyoms pa ste/ bdag gi 'tsho ba gzhan la rag lus so zhes nga rgyal bcom pa yin/ brnyas pa'i bsod snyoms ngan ngon len to zhes nga rgyal bcom pa yan/ bdag gis slob dpon dang / bla ma dang / sbyin pa'i gnas rnams mnyes par bya dgos so zhes nga rgyal bcom pa yin/ bdag ni tshangs pa mtshungs par spyod pa rnams la 'di lta ste/ cho ga dang / spyod yul dang / kun spyod pa de dang des mgu bar bya'o zhes nga rgyal bcom pa yin/ sangs rgyas kyi chos ma thob pa rnams 'thob par bya'o zhes nga rgyal bcom pa yin/ sems can khros</font><hr>59.114b<br><font size=+1>

pa dang / gnod sems can rnams kyi nang na bzod pa mang bar bya'o zhes nga rgyal bcom pa yin no/ /rigs kyi bu chos bcu po da dag dang ldan na byang chub sems dpa' nga rgyal bcom pa rnams yin no/ /rigs kyi bu chos bcu dang ldan na byang chub sems dpa' dad pa mang ba rnams yin no/ /bcu gang zhe na/ 'di lta ste/ sngon gyi dge ba'i rtsa bas brten pa'i rgyu phun sum tshogs pas bsod nams kyis brten pa rnams yin/ gzhan gyis dring mi 'jog /gzhan gyis mi bkri/ ston pa gzhan med pas yang dag par lta ba rnams yin/ g.yo dang sgyus spyod pa dang bral bas bsam pa phun sum tshogs pa rnams yin/ gya gyu med pa'i rang bzhin can pas drang ba rnams yin/ dbang po rno bas shes rab phun sum tshogs pa rnams yin/ rgyud dang bas sgrib pa dang kun nas ldang ba dang bral ba rnams yin/ sdig pa'i grogs po dang bral bas dge ba'i bshes gnyen la rten pa rnams yin/ legs par bshad pa tshol bas mngon pa'i nga rgyal med pa rnams yin/ chos bstan pa la log par mi 'dzin pa rnams yin/ rgya chen po la mos pas de bzhin gshegs pa'i che ba rab tu shes pa yin no/ /rigs kyi bu chos bcu po de dag dang ldan na byang chub sems dpa' dad pa mang ba rnams yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das bdag ni de bzhin gshegs pa'i che ba'i phyogs 'ga' tsam zhig nyan par gsol lo/ /bcom ldan 'das kyis bka' stsal pa/ rigs kyi bu de'i phyir de bzhin gshegs pa'i che ba'i phyogs 'ga' zhig ngas bstan kyis legs par shin du nyon la yid la zung shig /bcom ldan 'das legs so zhes byang chub sems dpa' sgrib pa thams cad rnam par sel ba/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rigs kyi bu de bzhin gshegs pa ni sems can thams cad la thun mong ba'i byams pa chen po dang ldan te/ des de bzhin gshegs pa ji ltar sems can gcig la khyab pa de</font><hr>59.115a<br><font size=+1>

bzhin du sems can gyi khams ma lus pa thams cad la 'ang khyab ste/ sems can gyi khams thams cad la khyab nas nam mkha'i dbyings la khyab kyang / de bzhin gshegs pa'i byams pa chen po'i mtha' dang mu shes pa yang med do/ /rigs kyi bu de bzhin gshegs pa ni nyan thos dang / rang sangs rgyas dang / byang chub sems dpa' thams cad dang thun mong ma yin pa'i snying rje chen po dang ldan te/ des de bzhin gshegs pa ji ltar sems can gcig la snying rje ba bzhin du sems can gyi khams thams cad la snying rje zhing de la phan par mdzad do/ /rigs kyi bu de bzhin gshegs pa ni chos ston pa mi zad pa dang ldan te/ des de bzhin gshegs pa bskal pa du ma nas bskal pa brgya stong tshad med/ grangs med pa du ma'i bar du rnam grangs gzhan dang gzhan dag dang / tshul gzhan dang gzhan dag gis sems can thams cad la dus gcig tu chos ston kyang / de bzhin gshegs pa'i chos bstan pa zad par mi 'gyur ro/ /rigs kyi bu de bzhin gshegs pa ni dri ba la lung bstan pa shin du ston pa tshad med pa dang ldan te/ rigs kyi bu gal te sems can ji snyed sems can gyi grangs su gtogs pa de dag thams cad kyis de bzhin gshegs pa la dus gcig tu tshig dang yi ge gzhan dang gzhan dag gis dri ba tha dad du dris kyang / de dag la de bzhin gshegs pas skad cig thang cig yud tsam gcig la dris pa lung bstan pa'i ston pa bstan kyang / de bzhin gshegs pa'i dri ba la lung bstan pa'i ston pa zad par mi 'gyur ro/ /rigs gyi bu de bzhin gshegs pa ni chags pa med pa'i bsam gtan gyi spyod yul pa yin te/ rigs kyi bu gal te sems can thams cad byang chub sems dpa' sa bcu la gnas par gyur la/ de dag thams cad dus gcig tu ting nge 'dzin brgya stong du ma la snyom par zhugs te/ de bzhin du snyoms par zhugs nas/ bskal pa brgya stong du mar ting nge 'dzin gzhan dang gzhan dag la snyoms par zhugs kyang / de dag gis de bzhin gshegs pa'i ting</font><hr>59.115b<br><font size=+1>

nge 'dzin tam/ de bzhin gshegs pa'i ting nge 'dzin kyi spyod yul gyi mtha' 'am mu mi rnyed do/ /rigs kyi bu de bzhin gshegs pa ni tshad med pa'i gzugs kyi sku mngon par grub pa dang ldan te/ rigs kyi bu gal te sems can thams cad de bzhin gshegs pa'i gzugs kyis 'dul bar gyur na/ de dag la de bzhin gshegs pa skad cig thang cig yud tsam cig la sems can re re'i mdun du de bzhin gshegs pa'i gzugs nye bar ston to/ /gal te gzugs gzhan dang gzhan la mos par gyur na/ de la yang de bzhin gshegs pa skad cig thang cig yud tsam cig gis sems can re re'i mdun du gzugs gzhan dang gzhan nye bar ston to/ /rigs kyi bu de bzhin gshegs pa'i 'phrul gyi spyan gyi yul tshad med de/ rigs kyi bu 'phrul gyi spyan gyis gzigs kyi mi'i mig gis ma yin pa'i sems can yod pa gal te rigs kyi bu grangs dang bsam pa las 'das pa'i 'jig rten gyi khams kyi sems can ma lus pa kun de 'dra bar gyur kyang / de bzhin gshegs pas phyag gi mthil na skyu ru ra'i 'bras bu ltar yang dag pa ji lta ba bzhin du gzigs so/ /rigs kyi bu de bzhin gshegs pa'i 'phrul gyi snyan gyi yul tshad med de/ rigs kyi bu gal te de lta bu nyid kyi sems can gyis mtha' yas mu med pa'i 'jig rten gyi khams yongs su gang bar gyur la/ de dag thams cad kyis skad cig thang cig yud tsam cig la sgra dbyang brjod pa'i sgra lhan cig tu phyung ste/ brjod kyang de bzhin gshegs pas de dag bdag cag gi sgra rnams kyang so sor gsan to/ /so sor rab tu mkhyen to/ /rigs kya bu de bzhin gshegs pa ni ye shes tshad med pa/ mi zad pa/ mu med pa/ nam mkha' dang 'dra ba dang ldan te/ rigs kyi bu gal te sems can gyi khams ma lus pa so sor rnam par rtog pa rjes su rnam par rtog cing / bsam pa rnam pa sna tshogs rjes su sems la/ so so na las sna tshogs byed pa de dag kyang de bzhin gshegs pas skad cig thang cig yud tsam cig la sems can 'di ni 'di la rnam par rtog go/ /sems can 'di ni 'di la sems so/ /sems can 'di ni las 'di byed do/ /de'i</font><hr>59.116a<br><font size=+1>

'bras bu ni 'dir 'gyur ro zhes rab tu mkhyen te/ de yang de bzhin gshegs pas dus gsum char la yang thogs pa med pa'i ye shes kyis skad cig thang cig yud tsam cig la rab tu mkhyen to/ /rigs kyi bu de bzhin gshegs pa ni rtag tu mnyam par gzhag pa/ rgyun mi chad par mnyam par gzhag pa'o/ /rigs kyi bu de ci'i phyir zhe na/ de bzhin gshegs pa la bsnyel ngas pa med/ dbang po bslad pa med/ sems 'khrug pa med do/ /rigs kyi bu de ci'i phyir zhe na/ de bzhin gshegs pa ni nyon mongs pa'i bag chags dang bcas pa thams cad spangs pa ste zhi ba/ rab tu zhi ba/ nye bar zhi ba'o/ /rigs kyi bu gang la nyon mongs pa yod pa de'i sems ni bslad par 'gyur te/ sems bslad pas mnyam par 'jog par mi 'gyur ro/ /de bzhin gshegs pa ni nyon mongs pa med pa/ rdul med pa/ zag pa med pa/ nyon mongs pa'i bag chags thams cad spangs pa/ chos thams cad la dbang ba/ mnyam pa nyid thob pa/ ting nge 'dzin dang snyoms par 'jug pa'i spyod yul thams cad las byung ba yin te/ rigs kyi bu de bzhin gshegs pa spyod lam re re la yang ting nge 'dzin re res spyod pa nas de bzhin gshegs pa de bzhin du spyod cing mya ngan las 'das pa'i lus kyi tshe'i bar du spyod na gang de bzhin gshegs pa rtag tu mnyam par bzhag pa lta ci smos/ rigs kyi bu de bzhin gshegs pa ni bskal pa grangs med pa du mas yang dag par grub pa yin te/ rigs kyi bu de bzhin gshegs pa ni dpag pa dang / bsam pa dang / brtag par mi nus so/ /byang chub sems dpa' sgrib pa thams cad rnam par sel bas gsol pa/ bcom ldan 'das bskal pa grangs ma mchis pa gsum gyis de bzhin gshegs pa rnams yang dag par 'grub pa ma lags sam/ /bcom ldan 'das kyis bka' stsal pa/ rigs kyi bu ma yin no/ /rigs kyi bu de ci'i phyir zhe na/ byang chub sems dpas de bzhin gshegs pa'i yul bsgrub par bya ba ni bsam gyis mi khyab ste/ de ni bskal pa grangs med pa gsum gyis yang dag par bsgrub par mi nus kyi/ nam byang chub sems dpa' chos mnyam pa nyid du zhugs par</font><hr>59.116b<br><font size=+1>

gyur pa de'i tshe nas brtsams te/ bskal pa bgrang bar bya'i thog ma'i sems nas brtsams te de ma yin no/ /byang chub sems dpa' sgrib pa thams cad rnams par sel bas gsol pa/ bcom ldan 'das sus de bzhin gshegs pa'i che ba 'di thos nas dga' ba dang / dang pa dang / rangs pa rnyed pa'i sems can de dag ni skyid de lags pas bgyi ba'i las bgyid pa/ las kyi sgrib pa spangs pa/ dad pa dang / mos pa mang zhing byang chub tu nye ba lags na/ su dag thos nas 'dzin pa dang / 'chang ba dang / klog pa dang / kun chub par bgyid pa dang / gzhan la yang rgya cher ston pa rnams lta ci smos te/ bcom ldan 'das sems can de dag ring por mi thogs par de bzhin gshegs pa'i che ba 'di 'dra ba dag nyid kyi snod du gyur par mchi'o/ /bcom ldan 'das kyis bka' stsal pa/ rigs kyi bu de de bzhin no/ /de de bzhin te/ rigs kyi bu de bzhin gshegs pa'i che ba 'di thos par 'gyur ba'i sems can de dag sangs rgyas kyis yongs su bzung ba yin no/ /dge ba'i rtsa ba bskyed pa dang / sangs rgyas mang po la bsnyen bkur byas par 'gyur te/ rigs kyi bu dang / rigs kyi bu mo de dag gis the tsom dang / yid gnyis dang / nem nur mi bskyed par bya'o/ /rigs kyi bu 'am/ rigs kyi bu mo gang gis nub bdun du yid la bya ba gzhan med cing sems ma 'khrugs par bsam pa drag po dang / dad pa drag pos zhugs te/ de bzhin gshegs pa'i che ba 'di rjes su sems la zhag bdun 'das pa dang des mchod pa'i cho ga nye bar gzhag nas/ gtsang bas gos gtsang ma bgos te/ dad pa mngon du byas la 'dug par byas te/ des de'i nub mo de bzhin gshegs pa mthong bar 'gyur ro/ /de ste mi byed dam cho ga ma tshang bar byed na/ de sems rtse gcig par 'gyur zhing 'chi ba'i tshe yang de bzhin gshegs pa de'i mdun na bzhugs par 'gyur ro/ /byang chub sems dpa' sgrib pa thams cad rnam par sel bas gsol pa/ bcom ldan 'das de bzhin gshegs pa'i che ba 'di bshad na/ sems can gang la la ma dad par 'gyur ba mchis</font><hr>59.117a<br><font size=+1>

sam/ bcom ldan 'das kyis bka' stsal pa/ rigs kyi bu de bzhin gshegs pa'i che ba 'di bshad na/ sems can gang mi bzad pa rtsub pa'i bsam pas gnod sems bskyed par 'gyur ba dang / chos smra ba de la yang dgrar 'du shes par 'gyur ba dag yod do/ /de dag de'i phyir lus zhig nas sems can dmyal ba dag tu skye bar 'gyur ro/ /yang rigs kyi bu sems can gang rnams de bzhin gshegs pa'i che ba bshad pa 'di la dad pa rnyed par 'gyur ba dang / chos smra ba de la yang dge ba'i bshes gnyen du 'du shes pa dang / ston par 'du shes skyed na/ rigs kyi bu sngon yang de bzhin gshegs pa'i che ba 'di tshe rabs de dang de dag gzhan la yang rigs kyi bu de dag gis thos par nges par bya'o/ /de nas 'khor der 'dus pa'i sems can kha cig 'di snyam du sems te/ e ma'o bcom ldan 'das kyis ji skad du bshad pa'i chos kyi rnam grangs 'di sngon bdag cag gis kyang thos pa lta ci zhig snyam mo/ /de nas bcom ldan 'das kyis de'i tshe ljags kyi dbang po phyung ste/ ljags kyi dbang pos zhal gyi dkyil 'khor mngon par bkab po/ /zhal gyi dkyil 'khor mngon par bkab nas/ dbu mngon par bkab bo/ /dbu mngon par bkab nas/ sku mngon par bkab bo/ /sku mngon par bkab nas/ seng ge'i khri mngon par bkab po/ /seng ge'i khri mngon par bkab nas byang chub sems dpa'i 'khor mngon par bkab po/ /de nas nyan thos kyi 'khor de nas brgya byin dang / tshangs pa dang / 'jig rten skyong ba'i 'khor/ de nas thams cad yod pa'i 'khor mngon par bkab po/ /de nas stong gsum gyi stong chen po'i 'jig rten gyi khams mngon par bkab bo/ /de nas bcom ldan 'das kyis ljags kyi dbang po phyir bsdus te/ thams cad yod pa'i 'khor la bka' stsal pa/ rigs kyi bu 'di 'dra ba'i ljags kyis de bzhin gshegs pa rnams brdzun gsung bar mi 'gyur gyis/ rigs kyi bu khyod rnams dad par gyis shig /rigs kyi bu khyed rnams mngon par dad par gyis shig /de ni khyed kyi yun ring po'i don dang / phan pa dang / bde bar 'gyur ro/ /de nas bcom ldan</font><hr>59.117b<br><font size=+1>

'das kyis bstan pa 'di bstan pa'i tshe/ byang chub sems dpa' stong phrag brgyad bcu rtsa bzhis mi skye ba'i chos rnams la bzod pa thob bo/ /srog chags brgya stong du ma ni chos rnams la chos kyi mig rdul dang bral zhing dri ma med pa rnam par dag go/ /sngon sems ma bskyed pa'i sems can du mas ni byang chub tu sems bskyed do/ / 'phags pa dkon mchog sprin/ bam po bdun pa ste tha ma/ de nas bcom ldan 'das kyis yang byang chub sems dpa' sgrib pa thams cad rnam par sel ba la bka' stsal pa/ rigs kyi bu chos bcu dang ldan na byang chub sems dpa' kun rdzob la mkhas pa rnams yin no/ /bcu gang zhe na/ 'di lta ste/ gzugs su 'ang 'dogs la don dam par na gzugs su'ang mi dmigs shing mngon par mi chags so/ /de bzhin du tshor ba dang / 'du shes dang / 'du byed rnams dang / rnam par shas pa yang 'dogs la/ don dam par na rnam par shes pa yang mi dmigs shing mngon par mi chags so/ /sa'i khams su yang 'dogs la/ don dam par na sa'i khams su yang mi dmigs shing mngon par mi chags so/ /de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams su yang 'dogs la/ don dam par na rnam par shes pa'i khams su yang mi dmigs shing mngon par mi chags so/ /mig gi skye mched du 'ang 'dogs la/ don dam par na mig gi skye mched du 'ang mi dmigs shing mngon par mi chags so/ /de bzhin du rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched du 'ang 'dogs la don dam par na yid kyi skye mched du 'ang mi dmigs shing mngon par mi chags so/ /bdag tu 'ang 'dogs la don dam par na bdag tu 'ang mi dmigs shing mngon par mi chags so/ /sems can du'ang 'dogs la don dam par na sems can du 'ang mi dmigs shing mngon par mi chags so/ /srog dang / gso ba dang / skyes bu dang / gang zag dang / shed las skyes pa dang / shed bur yang 'dogs la/ don dam par na srog dang / gso ba dang / skyes bu dang / gang zag dang / shed las skyes pa dang / shed bur yang mi dmigs shing mngon par mi chags so/ /'jig rten du 'ang 'dogs la don dam par na 'jig rten du 'ang mi dmigs shing mngon par mi chags so/ /'jig rten gyi chos rnams su 'ang 'dogs la/ don dam par na</font><hr>59.118a<br><font size=+1>

'jig rten gyi chos rnams su yang mi dmigs shing mngon par mi chags so/ /sangs rgyas kyi chos rnams su'ang 'dogs la don dam par na sangs rgyas kyi chos rnams su yang mi dmigs shing mngon par mi chags so/ /byang chub tu'ang 'dogs la don dam par na byang chub dang byang chub par byed pa yang mi dmigs shing de la yang mngon par mi chags so/ /rigs kyi bu de lta bas na gang ming dang / 'dogs pa dang / tha snyad de ni kun rdzob ces bya ste/ kun rdzob kyi chos rnams la ni don dam pa med mod kyi kun rdzob kyi chos rnams med par yang don dam pa bstan par yang mi nus so/ /rigs kyi bu byang chub sems dpa' gang gnas de dag la kun rdzob tu mkhas shing don dam pa ma yin pa de ni kun rdzob la mkhas pa zhes bya'o/ /rigs kyi bu chos bcu po de dag dang ldan na byang chub sems dpa' kun rdzob la mkhas pa rnams yin no/ /rigs kyi bu chos bcu dang ldan na byang chub sems dpa' don dam pa la mkhas pa rnams yin no/ /bcu gang zhe na/ 'di lta ste/ mi skye ba'i chos nyid dang ldan pa rnams yin/ mi 'gag pa'i chos nyid dang / mi 'jig pa'i chos nyid dang / mi len mi 'dor ba'i chos nyid dang / tshig gi spyod yul las yang dag par 'das pa'i chos nyid dang / smrar med pa'i chos nyid dang / spros pa med pa'i chos nyid dang / brjod du med pa'i chos nyid dang / zhi ba'i chos nyid dang / 'phags pa'i chos nyid dang ldan pa rnams yin no/ /rigs kyi bu de ci'i phyir zhe na/ don dam pa ni mi skye'o/ /mi 'gag go/ /mi 'jig go/ /mi len to/ /mi 'dor ro/ /yi ge dag gis smra bar bya ba ma yin no/ /yi ge rnams kyis mi brjod do/ /spros pas mi rtogs so/ /rigs kyi bu don dam par ni brjod du med pa ste zhi ba'o/ /'phags pa rnams kyis so so rang gis rig pa'o/ /rigs kyi bu don dam pa ni de bzhin gshegs pa rnams skyes kyang rung ma skyes kyang rung mi 'jig pa ste/ rigs kyi bu de'i phyir byang chub sems dpa' rnams skra dang kha spu bregs te/ gos ngur smrig gyon la yang dag par dad pas khyim nas khyim med par rab tu 'byung ngo / /rab tu byung nas kyang chos 'di kho na thob par bya ba'i phyir mgo'i thod la me 'bar ba bzhin du brtson 'grus brtsams shing gnas so/ /rigs kyi bu gal te don dam pa med du zin na tshangs par spyod pa don med par 'gyur ro/ /de bzhin gshegs pa rnams 'byung ba yang don med par 'gyur ro/ /gang gi phyir don dam pa yod pas</font><hr>59.118b<br><font size=+1>

na de'i phyir byang chub sems dpa' rnams don dam pa la mkhas pa zhes bya'o/ /rigs kyi bu chos bcu po de dag dang ldan na byang chub sems dpa' don dam pa la mkhas pa rnams yin no/ /rigs kyi bu chos bcu dang ldan na byang chub sems dpa' rten cing 'brel par 'byung ba la mkhas pa rnams yin no/ /bcu gang zhe na/ 'di lta ste/ chos rnams gsog nyid du rab tu shes/ gsob nyid dang / snying po med pa nyid dang / mig yor lta bu nyid dang / gzugs brnyan lta bu nyid dang / sgra brnyan lta bu nyid dang / sgyu ma lta bu nyid dang / mi gnas pa nyid dang / g.yo ba nyid dang / rten cing 'brel bar 'byung ba nyid du'ang rab tu shes so/ /de dag 'di snyam du sems te/ chos 'di dag ni 'di ltar gsog /'di ltar gsob/ 'di ltar snying po med pa/ 'di ltar mig yor lta bu/ 'di ltar gzugs brnyan lta bu/ 'di ltar sgra brnyan lta bu/ 'di ltar sgyu ma lta bu/ 'di ltar mi gnas pa/ 'di ltar g.yo ba/ 'di ltar rten cing 'brel bar 'byung ba yin yang 'di dag skye bar snang ngo / /gnas pa dang 'jig par yang snang ngo snyam mo/ /de dag 'di ltar sems te/ yang chos 'di rnams skye ba'i rkyen ni gang rnams yin/ chos 'di rnams 'gag pa'i rkyen ni gang rnams yin snyam mo/ /de dag 'di ltar sems te/ ma rig pa'i rkyen gyis chos 'di dag skyes te/ ma rig pa las byung ba'o/ /ma rig pa sngon du 'gro ba'o/ /ma rig pa la rten pa'o/ /ma rig pa la brten nas 'du byed rnams 'byung ba yin/ 'du byed la brten nas rnam par shes pa snang bar 'gyur ro/ /rnam par shes pa yod na ming dang gzugs su 'dogs par 'gyur ro/ /ming dang gzugs su btags na skye mched drug rnams su 'dogs par 'gyur ro/ /skye mched rnams yod na reg par 'gyur ro/ /reg pa yod na tshor ba snang bar 'gyur te/ tshor ba'i rgyus byis pa rnams sred pas nyen par 'gyur ro/ /sred pas nyen na len pa 'dzin to/ /len pa bzung na srid pa'i mtshams sbyor bar 'gyur ro/ /srid pa yod na skye bar 'gyur ro/ /skye ba yod na rga bar 'gyur ro/ /skyes bu gang zag rga ba'i chos can ni 'chi bar 'gyur ro/ /shi</font><hr>59.119a<br><font size=+1>

ba la gnas pa'i mya ngan dang / smre sngags 'don pa dang / yi mug pa dang / 'khrug pa rnams 'byung ste 'di lta ste/ 'di ltar sdug bsngal gyi phung po chen po 'di 'ba' shig 'byung bar 'gyur ro/ /de lta bas na/ mkhas pa'i rang bzhin can gyis ma rig pa spang bar nan tan bya'o/ /ma rig pa gzhig pa dang / ma rig pa rtsa ba nas dbyung ba dang / ma rig pa dgag pa'i phyir nan tan bya'o/ /ma rig pa 'gags pas ma rig pa'i rkyen las skyes pa/ ma rig pa las byung ba/ ma rig pa sngon du 'gro ba/ ma rig pa la brten pa'i chos 'di dag 'gag par 'gyur ro/ /rigs kyi bu 'di lta ste/ dper na srog gi dbang po 'gags na/ dbang po lhag ma rnams kyang 'gag par 'gyur ro/ /de bzhin du ma rig pa 'gags na mi shes pa la brten pa'i chos 'di dag kyang 'gag par 'gyur ro/ /mi shes pa spangs pas nyon mongs pa rnams kyang mi 'byung ngo / /'gro ba rnams kyang mi 'byung ngo / /'khor ba'i rgyun rnams kyang 'gag par 'gyur ro/ /mya ngan las 'das pa dang yang nye bar 'gyur ro/ /rigs kyi bu chos bcu po de dag dang ldan na byang chub sems dpa' rten cing 'bral bar 'byung ba la mkhas pa rnams yin no/ /rigs kyi bu chos bcu dang ldan na byang chub sems dpa' bdag shes pa rnams yin no/ /bcu gang zhe na/ rigs kyi bu 'di lta ste/ 'di la byang chub sems dpa' 'di ltar ci bdag bram ze'i rigs sam/ 'on te rgyal rigs sam/ 'on te khyim bdag gi rigs sam/ ci mtho zhing phyug po 'am/ 'on te dma' zhing dbul ba'i rigs su skyes sam/ gang tu skyes snyam du yongs su rtog ste/ de gal te rigs mtho zhing phyug par skyes na yang / de la rigs kyis dregs par mi byed do/ /'on te dma' zhing dbul ba'i rigs su skyes par gyur na yang / bdag 'di lta bu'i rigs su skyes pa las bdag gis sngon las 'dren mar byas so zhes de snyam du sems skyed cing / de de'i</font><hr>59.119b<br><font size=+1>

rgyus skyo ba mang ba yin te/ skyo ba mang bar gyur nas rab tu 'byung ngo / /rab tu byung nas kyang bdag ci'i phyir rab tu byung zhes yongs su rtog ste/ bdag ni rang rgal nas gzhan dag kyang bsgral bar bya/ rang grol nas gzhan dag kyang dgrol bar bya'o zhes rab tu byung ngo snyam nas/ de de'i phyir le lo la mi rten cing snyom las mi byed de/ de bdag rab tu byung nas sdig pa mi dge ba'i chos gang dang gang nub cing yongs su zad de kun byang bar gyur ces de snyam du yongs su rtog ste/ de sdig pa mi dge ba'i chos shig spangs par gyur na/ de la dga' ba dang dang ba dang rangs pa skyed do/ /gang ma spangs pa de dag ni spong ba'i phyir rtsol zhing 'bad do/ /de bdag rab tu byung nas dge ba'i chos gang dang gang 'phel ba dang / rgyas pa dang / rgya cher gyur ces de snyam du yongs su rtog ste/ de'i dge ba'i chos gang dag 'phel ba dang / rgyas pa dang / rgya cher gyur pa de la dga' ba dang dang pa dang rangs pa skyed do/ /gang de ltar ma gyur pa de dag 'phel ba dang / rgyas pa dang / rgya cher bya ba'i phyir rtsol zhing 'bad do/ /de bla ma la brten na dge ba'i chos rnams ni 'phel bar 'gyur/ sdig pa rnams ni 'grib par 'gyur ro snyam du yongs su rtog ste/ de de'i rgyu de'i rkyen de'i gzhis mkhan po nyung du thos pa 'am/ mang du thos pa 'am/ shes pa 'am/ mi shes pa 'am/ tshul khrims dang ldan pa 'am/ tshul khrims ngan pa can yang rung ste/ de la ston pa'i 'du shes skyed do/ /de ji ltar ston pa la dga' zhing dad pa nye bar gnas pa de bzhin du mkhan po la yang byed do/ /de slob dpon rnams la rim gro yod cing rje sa yod pa yin te/ de 'di ltar slob dpon rnams la brten na bdag gi byang chub kyi phyogs yongs su ma rdzogs pa rnams ni yongs su rdzogs par 'gyur/ nyon mongs pa ma spangs pa rnams ni spangs par 'gyur ro snyam du yongs su rtog ste/ de de dag la mkhan por 'du</font><hr>59.120a<br><font size=+1>

shes skyed cing dga' ba dang dang pa dang rangs pa 'thab pa dang / dge ba'i chos rnams la de dag dang 'thun par spyod pa yin/ mi dge ba'i chos rnams la mi mthun par spyod pa yin te/ de 'di snyam du bdag gi ston pa gang zhes yongs su rtog cing / de 'di snyam du sems te/ bdag gi ston pa ni thams cad mkhyen pa/ thams cad thugs su chud pa/ 'jig rten thams cad la thugs brtse ba/ thugs rje chen po dang ldan pa/ sbyin pa'i gnas chen po ste/ lha dang mi dang / lha ma yin du bcas pa'i 'jig rten gyi ston pa'o snyam ste/ de de'i rgyu de'i rkyen de'i gzhis dga' ba dang dang pa dang rangs pa skyed do/ /de 'di snyam du sems te/ bdag gi ston pa bcom ldan 'das yin pa ni bdag gis rnyed pa legs par rnyed do/ /bcom ldan 'das des bslab pa'i lam gang bcas pa de las kyang bdag gis srog gi phyir yang 'da' bar mi bya ste/ de ltar na bdag gis bcom ldan 'das de la rim gro dang / rjes su 'brang bar byas par 'gyur ro/ /de 'di snyam du bdag su'i bsod snyoms la yongs su spyod ces sems shing de 'di snyam du sems te/ bdag ni bram ze dang / rgyal rigs dang / grong pa dang / yul gyi mi rnams kyi bsod snyoms la yongs su spyod kyis/ bdag gis ci nas kyang de dag gi bsod snyoms 'bras bu yod pa dang / don che ba dang / mthu che ba dang / bdag gis kyang yul 'khor gyi bsod snyoms 'bras bu yod par yongs su spyod pa de lta bur bya'o snyam mo/ /de 'di snyam du bram ze dang / rgyal rigs dang / grong pa dang / yul gyi mi 'di dag 'du shes ci dang ldan zhing bdag la bsod snyoms ster snyam zhang / de 'di ltar rjes su sems te/ bram ze dang / rgyal rigs dang / grong pa dang / yul gyi mi 'di dag ni bdag la dge sbyong gi 'du shes dang ldan/ dge slong gi 'du shes dang ldan/ sbyin pa'i gnas kyi 'du shes dang ldan zhing bdag la bsod</font><hr>59.120b<br><font size=+1>

snyoms sbyin par byed kyis/ ci nas kyang bdag gis dge sbyong gi yon tan yang dag par blangs te gnas par bya ba dang / dge slong gi yon tan dang / sbyin pa'i gnas kyi yon tan rnams yang dag par blangs te gnas par bya ba de ltar spyod do snyam mo/ /de 'di snyam du bdag gis thog ma dang tha ma med pa'i skye ba 'khor ba las rgal bar gyur tam zhes sems shing / des 'di snyam du bdag gis dge slong gi tshul thob pa 'di ni rgal ba dang po'o/ /bdag dge slong gi yon tan dang ldan pa 'di ni rgal ba gnyis pa'o/ /bdag le lo med cing chos nyid thob pa'i phyir ci nas kyang thog ma dang tha ma med pa'i skye ba'i 'khor ba las rgal bar 'gyur ba de ltar brtson 'grus brtsams te gnas par bya'o snyam du sems te/ rigs kyi bu de ltar yongs su rtog pa'i byang chub sems dpa' ni bdag shes pa yin no/ /rigs kyi bu chos bcu po de dag dang ldan na byang chub sems dpa' bdag shes pa rnams yin no/ /rigs kyi bu chos bcu dang ldan na byang chub sems dpa' 'jig rten shes pa rnams yin no/ /bcu gang zhe na/ 'di lta ste/ khengs pa dag la dma' ba rnams yin/ nga rgyal can dag la nga rgyal med pa rnams yin/ gya gyu can dag la brang po rnams yin/ brdzun du smra ba dag la bden par smra ba rnams yin/ kha mi mkhas par smra ba dag la snyan par smra ba rnams yin/ rtsub pa dag la 'jam par smra ba rnams yin/ khro ba dag la bzod pa mang ba rnams yin/ gtum pa dag la byams pa'i bdag nyid can rnams yin/ sdug bsngal ba dag la snying rje'i bdag nyid can rnams yin/ ser sna can dag la bgo bsha' byed pa'i ngang tshul can rnams yin te/ rigs kyi bu chos bcu po de dag dang ldan na byang chub sems dpa' 'jig rten shes pa rnams yin no/ /rigs kyi bu chos bcu dang ldan na byang chub sems dpa' rnams sangs rgyas kyi zhing yongs su dag pa dag tu skye'o/ /bcu gang zhe na/ 'di lta ste/ skyon med pa dang / ma 'dres pa dang / ma</font><hr>59.121a<br><font size=+1>

'bags pa'i tshul khrims dang ldan pas tshul khrims yongs su dag pa dang ldan pa rnams yin/ sems can thams cad la sbyor ba mnyam pas sems snyoms pa rnams yin/ dge ba'i rtsa ba mi chung bas dge ba'i rtsa ba rgya chen po dang ldan pa rnams yin/ gos pa med pas rnyed pa dang / bkur sti dang / grags pa dang / sgra dang / tshigs su bcad pa'i sems yongs su spangs pa rnams yin/ nem nur med pa'i sems dang ldan pas dad pa rnams yin/ sems le lo med pa dang / ldan pas brtson 'grus brtsams pa rnams yin/ sems mi g.yeng ba dang ldan pas bsam gtan phun sum tshogs pa rnams yin/ shes rab 'chal pa'i rang bzhin can ma yin pas mang du thos pa rnams yin/ shes rab rno bas dbang po mi rtul ba rnams yin/ gnod sems med pa'i sems dang ldan pas byams pa'i bdag nyid can rnams yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das ci chos de dag tshogs pas skye bar 'gyur ram/ 'on te la la ma tshang yang skye bar 'gyur/ bcom ldan 'das kyis bka' stsal pa/ rigs kyi bu gang la chos tshogs pa de dag las chos gcig kyang skyon med pa/ ma 'dres pa/ ma 'bags pa/ yongs su dag pa/ byang ba/ yongs su rdzogs par gyur pa de la rigs kyi bu chos de dag thams cad yongs su rdzogs par 'gyur bas rigs kyi bu de'i phyir chos de dag tshogs pas skye'i ma tshogs pas ni ma yin te/ rigs kyi bu chos bcu po de dag dang ldan na byang chub sems dpa' rnams sangs rgyas kyi zhing yongs su dag pa dag tu skye'o/ /rigs kyi bu chos bcu dang ldan na byang chub sems dpa' mngal gyi dri mas ma gos par skye'o/ /bcu gang zhe na/ 'di lta ste/ </font><hr>59.121b<br><font size=+1>

de bzhin gshegs pa'i gzugs byed pa dang / mchod rten zhig pa 'chos pa dang / de bzhin gshegs pa'i mchod rten dag la spos kyi byug pa 'bul ba dang / de bzhin gshegs pa'i sku gzugs dag la khrus kyi spos chu 'bul ba dang / de bzhin gshegs pa'i mchod rten dag la phyag dar dang / brkyang nul bya ba 'bul ba dang / pha ma dag la lus kyi rim gro byed pa dang / mkhan po dang / slob dpon dag la lus kyi rim gro byed pa dang / tshangs pa mtshungs par spyod pa rnams la lus kyi rim gro byed cing / de yang zang zing med pa'i sems kyis te/ zang zing dang bcas pas ma yin la/ dge ba'i rtsa ba de yang 'di ltar dge ba'i rtsa ba 'dis sems can thams can mngal gyi dri mas ma gos par skye bar gyur cig ces yongs su sngo zhing / de yang bsam pa thag pa nas sems pa ste/ rigs gyi bu chos bcu po de dag dang ldan na byang chub sems dpa' rnams mngal gyi dri mas ma gos par skye'o/ /rigs kyi bu chos bcu dang ldan na byang chub sems dpa' khyim gyi gnas nas mngon par byung ba rnams yin no/ /bcu gang zhe na/ 'di lta ste/ nye bar len pa med pa rnams yin/ 'du 'dzi med par spyod pa rnams yin/ yul la rgyab kyis phyogs pa rnams yin/ yul la sred pa dang bral ba rnams yin/ yul gyi nyes pas mi tshugs pa rnams yin/ de bzhin gshegs pas tshul khrims bcas pa la rim gro byed cing brtson pa dang / shin du bslabs pa rnams yin/ gos dang / bsod snyoms dang / mal cha ngan ngon dang / nad kyi rkyen rtsi dang / yo byad ngan ngon dag gis chog pa rnams yin/ lhung bzed dang / chos gos dang / yo byad sogs pa dang bral ba rnams yin/ rtag par 'jigs pa'i yid dang ldan zhing yul rnams las skyo ba rnams yin/ dben pa la dga' zhing rtag tu</font><hr>59.122a<br><font size=+1>

bsgom pa la brtson pa rnams yin no/ /rigs kyi bu chos bcu po de dag dang ldan na byang chub sems dpa' khyim gyi gnas nas mngon par byung ba rnams yin no/ /rigs kyi bu chos bcu dang ldan na byang chub sems dpa' 'tsho ba yongs su dag pa rnams yin no/ /bcu gang zhe na/ 'di lta ste/ tshul 'chos pa dang / kha gsag gi rnyed pa dang bral ba rnams yin/ brda'i rnyed pa dang bral ba rnams yin/ gzhog slongs kyi rnyed pa dang bral ba rnams yin/ mi rigs par btsal ba'i rnyed pa dang bral ba rnams yin/ chos ma yin pa'i rnyed pa dang bral ba rnams yin/ yongs su ma dag pa'i rnyed pa dang bral ba rnams yin/ rnyed pa la zhen pa med pa rnams yin/ rnyed pa la chags pa med pa rnams yin/ yongs su yi 'chad pa'i rang bzhin med pa rnams yin/ chos kyi rnyed pas chog shes pa rnams yin no/ /rigs kyi bu ji ltar na byang chub sems dpa' tshul 'chos pa dang / kha gsag gi rnyed pa dang bral ba yin zhe na/ rigs kyi bu 'di la byang chub sems dpa' rnyed pa'i rgyu rnyed pa'i phyir lus kyis tshul 'chos pa mi byed/ ngag gis tshul 'chos pa mi byed/ sems kyis tshul 'chos pa mi byed do/ /ji ltar na lus kyi tshul 'chos pa mi byed pa yin zhe na/ byang chub sems dpa' ni sbyin pa byed pa dang / sbyin pa'i bdag po mthong na/ spyod lam mi 'chos so/ /ji ltar na spyod lam mi 'chos she na/ gnya' shing gang tsam du lta ba dang / skyo bar lta ba dang / sgrib pa med par lta bas gom pa bags kyis dal dal nas 'dor zhing 'deg pa ma yin/ de ltar na lus kyi tshul 'chos pa mi byed do/ /ji ltar na ngag gi tshul 'chos pa mi byed ce na/ byang chub sems dpa' ni rnyed pa'i rgyu rnyed pa'i phyir gcom bskyungs</font><hr>59.122b<br><font size=+1>

shing smra ba ma yin/ 'jam por smra ba ma yin/ dga' bar smra ba ma yin/ rjes su 'brang ba'i tshig brjod pa ma yin te/ de ltar na ngag gi tshul 'chos pa mi byed do/ /ji ltar na sems kyi tshul 'chos pa mi byed ce na/ byang chub sems dpa' ni sbyin pa byed pa 'am/ sbyin pa'i bdag pos rnyed pa bstabs na/ tshig gis 'dod pa chung bar ston cing sems kyis 'dod pa skyed pa ma yin no/ /rigs kyi bu 'di lta ste/ tshig gis 'dod pa chung la/ sems kyis rnyed pa 'dod pa 'di ni nang gi gdung ba yin te/ de ltar na sems kyis tshul 'chos pa mi byed de/ de ltar na byang chub sems dpa' tshul 'chos pa dang / kha gsag gi rnyed pa dang bral ba yin no/ /ji ltar na brda'i rnyed pa dang bral ba yin zhe na/ byang chub sems dpa' ni sbyin pa byed pa 'am/ sbyin bdag mthong na bdag gos kyis phongs so/ /bdag lhung bzed kyis phongs so/ /bdag nad kyi rkyen rtsis phongs so zhes brda mi byed cing / sbyin pa byed pa 'am/ sbyin bdag la mi slong zhing tshig tu mi rjod de/ de ltar na byang chub sems dpa' brda'i rnyed pa dang bral ba yin no/ /ji ltar na gzhog slongs kyi rnyed pa dang bral ba yin zhe na/ byang chub sems dpa' ni sbyin pa byed pa dang / sbyin bdag mthong na bdag sbyin pa'i bdag po che ge mo zhig gis dngos po che ge mo zhig byin te/ de la bdag gis kyang phan pa che ge mo zhig byas so/ /des kyang bdag la tshul khrims dang ldan par rig ste/ mang du thos pa'o/ /'dod pa chung ba'o zhes 'di dang 'di byin no/ /bdag gis kyang de la snying rje ba'i sems nye bar gzhag ste blangs so zhes de skad kyi tshig mi brjod de/ de ltar na byang chub sems dpa' gzhog slongs kyi rnyed pa dang bral ba yin no/ /ji ltar na byang chub sems dpa' mi</font><hr>59.123a<br><font size=+1>

rigs par btsal ba'i rnyed pa dang bral ba yin zhe na/ rigs kyi bu byang chub sems dpa' ni lus la rma byung ba dang / sems la rma byung bar rnyed pa tshol ba ma yin te/ de la lus kyi rma ni 'di lta ste/ rnyed pa'i rgyu rnyed pa'i phyir rgyug pa dang / kun du rgyug pa dang / tshul khrims 'chal bar spyod pa'o/ /sems kyi rma ni 'di lta ste/ rnyed pa la smon pa dang / tshangs pa mtshungs par spyod pa gzhan gyis rnyed pa dag la gnod sems mang ba ste/ de ltar na byang chub sems dpa' mi rigs pa btsal ba'i rnyed pa dang bral ba yin no/ /ji ltar na byang chub sems dpa' chos ma yin pa'i rnyed pa dang bral ba yin zhe na/ rigs kyi bu 'di la byang chub sems dpa' srang la sgyu med pa dang / gzhal ba la sgyu med pa dang / yid brtan pa la gnod par byed pa med pa dang / g.yos rnyed pa mi sgrub pa ste/ de ltar na byang chub sems dpa' chos ma yin pa'i rnyed pa dang bral ba yin no/ /ji ltar na byang chub sems dpa' yongs su ma dag pa'i rnyed pa dang bral ba yin zhe na 'di la byang chub sems dpa' gang mchod rten gyi dang 'dres pa 'am/ chos kyi dang 'dres pa 'am/ dge 'dun gyi dang 'dres pa 'am/ ma byin pa 'am/ ma gnang ba de dag mi len cing bdag gir mi byed/ chags pa'i sems mi skyed de/ de ltar na byang chub sems dpa' yongs su ma dag pa'i rnyed pa dang bral ba yin no/ /ji ltar na byang chub sems dpa' rnyed pa la zhen pa med pa yin zhe na/ rigs kyi bu 'di la byang chub sems dpa' rnyed pa rnyed kyang bdag gir mi byed nor du mi rtsi tshogs su mi byed cing / dus dus su dge sbyong dang / bram ze dang / pha ma dang / mdza' ba dang / blon po dang / gnyen bshes dang / snag gi gnyen mtshams dag la gtong zhing / dus dus su bdag kyang yongs su spyod la/ yongs su spyod pa'i tshe chags pa med pa dang / zhen pa med par yongs su spyod do/ /rnyed pa ma rnyed na yang skyo ba'i sems mi skyed cing yongs su yi mi 'chad de/ sbyin pa byed pa dang / sbyin bdag rnams la ma dad par mi 'dzin pa yin pa ste/ de chos dang mthun par</font><hr>59.123b<br><font size=+1>

rnyed pa/ dge 'dun gyir gtogs pa/ de bzhin gshegs pas bsngags pa/ byang chub sems dpas ma smad pa/ lhas bstod pa/ tshangs pa mtshungs par spyod pas mi dpya bas chog shes pa yin no/ /rigs kyi bu chos bcu po de dag dang ldan na byang chub sems dpa' 'tsho ba yongs su dag pa rnams yin no/ /rigs kyi bu chos bcu dang ldan na byang chub sems dpa' yid yongs su mi skyo ba rnams yin no/ /bcu gang zhe na/ 'di lta ste/ sems can gyi rgyu sems can gyi phyir 'khor ba na gnas pas yongs su mi skyo'o/ /sems can gyi rgyu sems can gyi phyir 'khor ba'i sdug bsngal gyis yongs su mi skyo'o/ /sems can gyi don rnams la yongs su mi skyo'o/ /sems can gyi dgos pa rnams la yongs su mi skyo'o/ /sems can gyi bya ba rnams la yongs su mi skyo'o/ /gang zag nyan thos kyi theg pa pa rnams la lam ston pas yongs su mi skyo'o/ /de dag la ma dad par yang mi byed do/ /byang chub kyi phyogs kyi chos yongs su bsdu bas kyang yongs su mi skyo'o/ /byang chub kyi tshogs yongs su rdzogs par bya bas kyang yongs su mi skyo'o/ /bsam pa mya ngan las 'das par gyur kyang mya ngan las 'das pa la mngon par mi lta'i/ byang chub la gzhol/ byang chub la 'bab/ byang chub la bab pa rnams yin no/ /rigs kyi bu chos bcu po de dag dang ldan na byang chub sems dpa' yid yongs su mi skyo ba rnams yin no/ /rigs kyi bu chos bcu dang ldan na byang chub sems dpa' de bzhin gshegs pa rnams kyi bka' bzhin byed pa rnams yin no/ /bcu gang zhe na/ 'di lta ste/ bag med pa thams cad dang bral zhing bag yod par spyod pa rnams yin/ lus kyis shin du bsdams shing lus kyi ngan du spyod pa mi spyod pa rnams yin/ ngag gis shin du bsdams shing ngag</font><hr>59.124a<br><font size=+1>

gi ngan du spyod pa mi spyod pa rnams yin/ yid kyis shin du bsdams shing yid kyi ngan du spyad pa mi spyod pa rnams yin/ 'jig rten pha rol gyis 'jigs shing mi dge ba'i chos thams cad rnam par spangs pa rnams yin/ rags par smra zhing mi rigs pa thams cad dang bral ba rnams yin/ chos smra zhing chos ma yin pa la smod pa rnams yin/ smad pa'i las rnam par spangs shing dge ba'i las kyi rjes su 'brang ba rnams yin/ de bzhin gshegs pa'i bstan pa la sun mi 'byin cing nyon mongs pa'i dri nga ba'i yul thams cad dang bral ba rnams yin/ de bzhin gshegs pa'i chos nyid yongs su skyong zhing sdig pa mi dge ba'i chos rnams la srung ba rnams yin no/ /rigs kyi bu chos bcu po de dag dang ldan na byang chub sems dpa' de bzhin gshegs pa rnams kyis bka' bzhin byed pa rnams yin no/ /rigs kyi bu chos bcu dang ldan na byang chub sems dpa' bzhin 'dzum zhing khro gnyer med pa rnams yin no/ /bcu gang zhe na/ 'di lta ste/ dbang po shin du dang ba rnams yin/ dbang po yongs su dag pa rnams yin/ dbang po gsal ba rnams yin/ dbang po dri ma med pa rnams yin/ dbang po yongs su byang ba rnams yin/ gnod sems dang bral ba rnams yin/ bag la nyal ba dang bral ba rnams yin/ kun nas ldang ba dang bral ba rnams yin/ tha ba dang mdud par 'dzin pa dang bral ba rnams yin/ khro ba dang bral ba rnams yin no/ /rigs kyi bu chos bcu po de dag dang ldan na byang chub sems dpa' bzhin 'dzum zhing khro gnyer med pa rnams yin no/ /byang chub sems dpa' sgrib pa thams cad rnam par sel bas gsol pa/ bcom ldan 'das kyis gsungs pa'i don ji lta bu lags pa bdag gis 'tshal te/ byang chub sems dpa' rnams</font><hr>59.124b<br><font size=+1>

dbang po yongs su dag pas na bzhin 'dzum pa lags/ nyon mongs pa rnams dang bral bas na khro gnyer ma mchis pa lags so/ /bcom ldan 'das kyis bka' stsal pa/ rigs kyi bu de de bzhin no/ /de de bzhin te/ byang chub sems dpa' rnams dbang po yongs su dag pas na bzhin 'dzum pa yin/ nyon mongs pa rnams dang bral bas na khro gnyer med pa yin no/ /rigs kyi bu chos bcu dang ldan na byang chub sems dpa' mang du thos pa rnams yin no/ /bcu gang zhe na/ 'di lta ste/ 'khor ba ni 'dod chags kyi mes rab tu 'bar ba'o zhes yang dag pa ji lta ba bzhin du rab tu shes so/ /zhe sdang gi mes rab tu 'bar ba'o zhes yang dag pa ji lta ba bzhin du rab tu shes so/ /gti mug gi mes rab tu dkrugs pa'o zhes yang dag par ji lta ba bzhin du rab tu shes so/ /'dus byas ni mi rtag pa'o zhes yang dag pa ji lta ba bzhin du rab tu shes so/ /'du byed rnams ni sdug bsngal ba'o zhes yang dag pa ji lta ba bzhin du rab tu shes so/ /'jig rten ni stong pa'o zhes yang dag pa ji lta ba bzhin du rab tu shes so/ /chos thams cad ni bdag med pa'o zhes yang dag pa ji lta ba bzhin du rab tu shes so/ /'jig rten ni spros pa la mngon par dga' ba'o zhes yang dag pa ji lta ba bzhin du rab tu shes so/ /chos thams cad ni rkyen las byung ba'o zhes yang dag pa ji lta ba bzhin du rab tu shes so/ /mya ngan las 'das pa ni zhi ba'o zhes yang dag pa ji lta ba bzhin du rab tu shes so/ /de yang thos pa dang / bsam pa dang / bsgom pas shes kyi sgrar brjod pa tsam gyis ma yin te/ de ltar shes nas kyang snying rje'i sems brtan pa nye bar bzhag ste/ sems can rnams kyi don du rtsol zhing 'bad la brtson 'grus rtsom mo/ /rigs</font><hr>59.125a<br><font size=+1>

kyi bu chos bcu po de dag dang ldan na byang chub sems dpa' mang du thos pa rnams yin no/ /rigs kyi bu chos bcu dang ldan na byang chub sems dpa' dam pa'i chos yongs su 'dzin pa rnams yin no/ /bcu gang zhe na/ 'di lta ste/ phyi ma'i dus phyi ma'i tshe lnga brgya tha ma la dam pa'i chos rnam par 'jig cing bstan pa 'khrugs par gyur pa dang / sems can rnams lam ngan par zhugs pa dang / ye shes kyi sgron ma mya ngan las 'das te/ ston pa med pa'i tshe/ mdo rgya chen po don che zhing mthu che ba/ dam pa'i chos thams cad kyi ma mo dang 'dra ba dag 'dzin cing klog la kha ton byed cing kun chub par byed pa dang / gzhan dag la rjod cing ston la yang dag par ston cing gsal bar byed pa dang / de la zhugs pa'i gang zag rnams la dga' ba dang / dang pa dang / rangs par byed cing de dag la phan 'dogs pa dang / zang zing med pa'i sems kyis dam pa'i chos nyan pa dang / chos smra ba'i gang zag rnams la ston par 'du shes skyed pa dang / dam pa'i chos la bdud rtsir 'du shes skyed pa dang / bcud kyis len du 'du shes skyed pa dang / rtsi'i 'du shes skyed pa dang / lus dang srog la mi lta bar dam pa'i chos yongs su tshol ba dang / btsal nas kyang nan gyis sgrub pa'o/ /rigs kyi bu chos bcu po de dag dang ldan na byang chub sems dpa' dam pa'i chos yongs su 'dzin pa rnams yin no/ /rigs kyi bu chos bcu dang ldan na/ byang chub sems dpa' chos kyi rgyal po'i sras rnams yin no/ /bcu gang zhe na/ 'di lta ste/ lus mtshan gyi rgyan gyis brgyan pa rnams yin/ lus dpe byad bzang po'i me tog rgyas pa rnams yin/ dbang po rnam pa thams cad kyi</font><hr>59.125b<br><font size=+1>

mchog dang ldan zhing shin du yongs su rdzogs pa rnams yin/ de bzhin gshegs pas bstan pa'i gnas la rjes su sten pa rnams yin/ de bzhin gshegs pa rnams bzhud pa'i lam rjes su thob par byed pa rnams yin/ de bzhin gshegs pas thugs su chud pa'i gnas khong du chud par byed pa rnams yin/ 'jig rten sdug bsngal ba yongs su skyob pa rnams yin/ 'phags pa'i tshul la shin du bslabs pa rnams yin/ tshangs pa'i gnas rnams la shin du mthar phyin pa rnams yin/ de bzhin gshegs pa bzhugs pa'i thams cad mkhyen pa nyid kyi pho brang na gnas pa rnams yin te/ rigs kyi bu chos bcu po de dag dang ldan na byang chub sems dpa' chos kyi rgyal po'i sras rnams yin no/ /rigs kyi bu chos bcu dang ldan na byang chub sems dpa' brgya byin dang / tshangs pa dang / 'jig rten skyong bas bstsu ba rnams yin no/ /bcu gang zhe na/ 'di lta ste/ byang chub las phyir mi ldog pa rnams yin/ bdud thams cad kyis mi sgul ba rnams yin/ sangs rgyas kyi chos thams cad las mi g.yo ba rnams yin/ chos thams cad kyi tshul la zhugs pa rnams yin/ chos thams cad kyi mnyam pa nyid khong du chud pa rnams yin/ sangs rgyas kyi chos la gzhan gyi dring mi 'jog pa rnams yin/ shin du rtogs pa'i ye shes dang ldan pa rnams yin/ nyan thos dang / rang sangs rgyas thams cad dang thun mong ma yin pa rnams yin/ 'jig rten thams cad las mngon par 'phags pa rnams yin/ mi skye ba'i chos kyi bzod pa thob pa rnams yin no/ /rigs kyi bu chos bcu po de dag dang ldan na byang chub sems dpa' brgya byin dang / </font><hr>59.126a<br><font size=+1>

tshangs pa dang / 'jig rten skyong bas bstsu ba rnams yin no/ /rigs kyi bu chos bcu dang ldan na byang chub sems dpa' bsam pa dang bag la nyal shes pa rnams yin no/ /bcu gang zhe na 'di lta ste/ sems can 'dod chags kyi bsam pa can yang dag pa ji lta ba bzhin du rab tu shes so/ /zhe sdang gi bsam pa can dang / /gti mug gi bsam pa can dang / dma' ba'i bsam pa can dang / bar ma'i bsam pa can dang / zhen pa'i bsam pa can dang / dge ba'i bsam pa can dang / brtan pa'i bsam pa can dang / yun ring po'i bsam pa can dang / sems can gtum pa'i bsam pa can dag kyang yang dag pa ji lta ba bzhin du rab tu shes shing / de yang sems can gcig la ji ltar shes pa bzhin du sems can gyi khams kun la yang yang dag pa ji lta ba bzhin du rab tu shes so/ /rigs kyi bu chos bcu po de dag dang ldan na byang chub sems dpa' bsam pa dang / bag la nyal shes pa rnams yin no/ /rigs kyi bu chos bcu dang ldan na byang chub sems dpa' sems can yongs su smin par bya ba'i cho ga shes pa rnams yin no/ /bcu gang zhe na/ 'di lta ste/ sangs rgyas kyi gzugs kyis 'dul ba'i sems can rnams la sangs rgyas kyi gzugs nye bar ston to/ /byang chub sems dpa'i gzugs kyis 'dul ba'i sems can rnams la byang chub sems dpa'i gzugs/ rang sangs rgyas kyi gzugs kyis 'dul ba'i sems can rnams la rang sangs rgyas kyi gzugs/ nyan thos kyi gzugs kyis 'dul ba'i sems can rnams la nyan thos kyi gzugs/ brgya byin gyi gzugs kyis 'dul ba'i sems can rnams la brgya byin gyi gzugs/ bdud kyi gzugs kyis 'dul ba'i sems can</font><hr>59.126b<br><font size=+1>

rnams la bdud kyi gzugs/ tshangs pa'i gzugs kyis 'dul ba'i sems can rnams la tshangs pa'i gzugs/ bram ze'i gzugs kyis 'dul ba'i sems can rnams la bram ze'i gzugs/ rgyal rigs kyi gzugs kyis 'dul ba'i sems can rnams la rgyal rigs kyi gzugs/ khyim bdag gi gzugs kyis 'dul ba'i sems can rnams la khyim bdag gi gzugs nye bar ston to/ /rigs kyi bu de ltar rnam pa gang dang gang gis sems can rnams 'dul bar 'gyur ba'i rnam pa de dang de byang chub sems dpa' rnams nye bar ston to/ /rigs kyi bu chos bcu po de dag dang ldan na byang chub sems dpa' sems can yongs su smin par bya ba'i cho ga shes pa rnams yin no/ /rigs kyi bu chos bcu dang ldan na byang chub sems dpa' des pa rnams yin no/ /bcu gang zhe na/ 'di lta ste/ drang ba rnams yin/ 'jam pa rnams yin/ gya gyu med pa'i sems dang ldan pa rnams yin/ gnod sems med pa'i sems dang ldan pa rnams yin/ dri ma med pa'i sems dang ldan pa rnams yin/ rnam par dag pa'i sems dang ldan pa rnams yin/ mi brlang ba'i sems dang ldan pa rnams yin/ rtsub pa spangs pa rnams yin/ bzod pa mang ba rnams yin/ des pa phun sum tshogs pa rnams yin te/ rigs kyi bu chos bcu po de dag dang ldan na byang chub sems dpa' des pa rnams yin no/ /rigs kyi bu chos bcu dang ldan na byang chub sems dpa' 'grogs na bde ba rnams yin no/ /bcu gang zhe na/ 'di lta ste/ lta ba yongs su dag pas lta ba phun sum tshogs pa rnams yin/ tshul khrims phun sum tshogs pa rnams yin/ cho ga yongs su</font><hr>59.127a<br><font size=+1>

dag pa rnams yin/ tshul dang mthun pa'i spyod yul du spyod pa rnams yin/ kun nas nyon mongs pa med par spyod pa rnams yin/ khong yangs pa rnams yin/ tshangs pa mtshungs par spyod pa la mchod pa rnams yin/ skal ba mnyam pa rnams yin/ lam gcig tu zhugs pa rnams yin/ ston pa gzhan med pa rnams yin no/ /rigs kyi bu chos bcu po de dag dang ldan na byang chub sems dpa' 'grogs na bde ba rnams yin no/ /rigs kyi bu chos bcu dang ldan na byang chub sems dpa' bsdu ba'i dngos po la mkhas pa rnams yin no/ /bcu gang zhe na/ 'di lta ste/ phan pa'i sbyin pas sems can rnams sdud do/ /bde ba'i sbyin pa dang / mi zad pa'i sbyin pa dang / phan pa smra ba dang / don du smra ba dang / chos su smra ba dang / rigs par smra ba dang / don bya ba dang / zang zing gis don mthun pa dang / 'tsho ba'i yo byad kyis don mthun pas sems can rnams sdud do/ /rigs kyi bu phan pa'i sbyin pa ni gang chos sbyin pa'o/ /bde ba'i sbyin pa ni gang zang zing sbyin pa'o/ /mi zad pa'i sbyin pa ni gang lam gyi lung sbyin pa'o/ /phan par smra ba ni gang dge ba'i rtsa ba bstan pa'o/ /don du smra ba ni gang yang dag pa'i bstan pa'o/ /chos su smra ba ni gang de bzhin gshegs pa'i bstan pa dang 'thun par chos bstan pa'o/ /rigs par smra ba ni gang don yang dag par chud mi son pa'o/ /don bya ba ni gang mi dge ba'i gnas nas bslangs te dge ba'i gnas su gzhog pa'o/ /zang zing gis don mthun pa ni gang bza' ba dang / bca' ba dang / bldag pa dang / btung ba dang / gzhib pa dang / gos la sogs pa thun mong du yongs su spyod pa'o/ /rigs kyi bu</font><hr>59.127b<br><font size=+1>

'tsho ba'i yo byad kyis don 'thun pa ni gang gser dang / nor bu dang / mu tig dang / bai dUr+ya dang / dung dang / man shel dang / byi ru dang / sa le sbram dang / dngul dang / rta dang / glang po che dang / shing rta dang / bzhon pa thun mong du spyod pa yin no/ /rigs kyi bu chos bcu po de dag dang ldan na byang chub sems dpa' bsdu ba'i dngos po la mkhas pa rnams yin no/ /rigs kyi bu chos bcu dang ldan na byang chub sems dpa' tshul du shis pa rnams yin no/ /bcu gang zhe na/ 'di lta ste/ spyod lam rab tu zhi ba rnams yin/ spyod lam sgyu med pa rnams yin/ spyod lam yongs su dag pa rnams yin/ blta na dga' ba rnams yin/ blta na 'jam pa rnams yin/ lta bas chog mi shes pa rnams yin/ blta na yid du 'ong ba rnams yin/ blta na sems can thams cad khong khro ba med par 'gyur ba rnams yin/ blta na sems can thams cad sems tshim par 'gyur ba rnams yin/ blta na sems can thams cad kyi sems dang bar 'gyur ba rnams yin no/ rigs kyi bu chos bcu po de dag dang ldan na byang chub sems dpa' tshul du shis pa rnams yin no/ /rigs kyi bu chos bcu dang ldan na byang chub sems dpa' gnas bca' ba rnams yin no/ /bcu gang zhe na/ 'di lta ste/ sems can thams cad nyon mongs pa'i 'jigs pa dag las yongs su srung ba rnams yin/ 'khor ba'i 'brog dgon pa nas 'don pa rnams yin/ 'khor ba'i rgya mtsho las sgrol ba rnams yin/ mgon med pa rnams la gnyen du gyur pa rnams yin/ nyon mongs pa'i nad kyis nad par gyur pa rnams la sman par gyur pa rnams yin/ rten med pa</font><hr>59.128a<br><font size=+1>

dag la rten pa rnams yin/ gnas med pa dag la gnas pa rnams yin/ bskyabs med pa dag la skyabs rnams yin/ gling med pa dag la gling rnams yin/ dpung gnyen med pa dag la dpung gnyen rnams yin no/ rigs kyi bu chos bcu po de dag dang ldan na byang chub sems dpa' gnas bca' ba rnams yin no/ /rigs kyi bu chos bcu dang ldan na byang chub sems dpa' rtsi'i rgyal po'i shing chen po lta bu rnams yin no/ /bcu gang zhe na/ 'di ltar rigs kyi bu 'di lta ste/ dper na rtsi'i rgyal po'i shing chen po blta na bzang ba zhes bya ba de ni rtsa bas kyang sems can nad pa rnams nye bar 'tsho'o/ /sdong po dang / yal ga rnams dang / lo ma rnams dang / me tog rnams dang / 'bras bu rnams dang / mthong ba dang / mnams pa dang / myangs pa dang / reg pas kyang nye bar 'tsho ba yin te/ rigs kyi bu de bzhin du byang chub sems dpa' yang sems dang po bskyed pa nas bzung ste/ nyon mongs pa sna tshogs kyi nad kyis nad par gyur pa'i sems can rnams sbyin pas kyang nye bar 'tsho ba yin/ tshul khrims dang / bzod pa dang / brtson 'grus dang / bsam gtan dang / shes rab dang / mthong ba dang / thos pa dang / yon tan gyi ro myangs pa dang / bsnyen bkur byas pas kyang nye bar 'tsho ba yin no/ /rigs kyi bu chos bcu po de dag dang ldan na byang chub sems dpa' rtsi'i rgyal po'i shing chen po lta bu rnams yin no/ /rigs kyi bu chos bcu dang ldan na byang chub sems dpa' bsod nams bya ba la brtson pa rnams yin no/ /bcu gang zhe na/ 'di lta ste/ dkon mchog gsum la ci nus su bya ba byed pa dang / sems can nad pa rnams la rtsi sbyor ba dang / sems can bkres pa dang</font><hr>59.128b<br><font size=+1>

skom pas nyen pa rnams la zas dang skom gyi sbyin pa dang / rlung dang lhags pa dang nyi mas nyen pa'i sems can rnams la dgab pa sbyin pa dang / mkhan po dang / slob dpon rnams la gus par rim gro byed pa dang / tshangs pa mtshungs par spyod pa rnams la gus par smra/ phyag 'tshal/ ldang thal mo sbyar zhing 'dud par byed pa dang / kun dga' ra ba dang / gtsug lag khang dang / skyed mos tshal bya ba dang / dus dus su nor dang / 'bru dang / mdzod dang / bang ba gtong ba dang / bran pho dang / bran mo dang / las mi dang / zho shas 'tsho ba la bgo bshas yongs su skyong ba dang / dus dus su tshul khrims dang ldan pa'i dge sbyong dang bram ze dag la bsnyen bkur byed pa'o/ /rigs kyi bu chos bcu po de dag dang ldan na byang chub sems dpa' bsod nams bya ba la brtson pa rnams yin no/ /rigs kyi bu chos bcu dang ldan na byang chub sems dpa' sprul pa la mkhas pa rnams yin no/ /bcu gang zhe na/ 'di lta ste/ sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la yongs su 'dri'o/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la chos nyan to/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la mchod cing bsnyen bkur byed do/ /sangs rgyas kyi zhing du mar yang byang chub kyi tshogs yongs su rdzogs par byed do/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang byang chub sems dpa' mngon par rdzogs par 'tshang rgya ba rnams la rim gro byed/ </font><hr>59.129a<br><font size=+1>

bkur sti byed/ sti stang byed/ mchod pa byed do/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang byang chub kyi snying por 'gro ba ston to/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang bdag mngon par rdzogs par 'tshang rgya bar yang snang ngo / /sangs rgyas kyi zhing gcig nas kyang mi g.yo la/ sangs rgyas kyi zhing du mar yang chos kyi 'khor lo rab tu skor ro/ /sangs rgyas kyi zhing gcig nas kyang mi g.yo la/ sangs rgyas kyi zhing du mar yang yongs su mya ngan las 'da' bar snang ngo / /sangs rgyas kyi zhing gcig nas kyang mi g.yol/ sangs rgyas kyi zhing du mar yang sems can 'dul ba ji snyed pa la de snyed kyi sprul pa 'gyed kyang de dag sprul pa 'gyed pa'i tshe/ rtog pa med cing rnam par rtog pa med do/ /byang chub sems dpa' sgrib pa thams cad rnam par sel bas gsol pa/ bcom ldan 'das ji ltar gang lta bur byang chub sems dpa' sprul pa 'gyed na mi rtog rnam par mi rtog pa lags/ bcom ldan 'das kyis bka' stsal pa/ rigs kyi bu de'i phyir dpe nyon cig /rigs kyi bu 'di lta ste/ dper na nyi ma dang zla ba ni gling bzhir snang bar byed cing sems can rnams la phan 'dogs pa yin kyang / nyi ma dang zla ba ni bdag cag gis snang bar bya'o/ /bdag cag ni sems can la phan 'dogs pa'o zhes mi rtog rnam par mi rtog mod kyi/ 'on kyang sngon gyi las rnam par smin pa'i mngon par 'du byed pas zla ba dang nyi ma gnyis kyi bya ba de lta bu 'byung ngo / /rigs kyi bu de bzhin du byang chub sems dpa' yang sprul pa 'gyed na mi rtog rnam par mi rtog ste/ bsgrim pa 'am/ mngon par 'du bya ba mi byed do/ /</font><hr>59.129b<br><font size=+1>

de ci'i phyir zhe na/ de ni sngon gyi las rnam par smin pas mngon par 'du bya ba rnams mngon par grub pa'i phyir te/ sngon gyi byang chub sems dpas byang chub sems dpa'i spyad pa spyod pa'i tshe/ ci nas kyang rnam par rtog pa med par yang sprul pa rnams 'byung bar 'gyur ba de lta de ltar smon lam btab/ de lta de ltar mngon par 'dus byas pa'i phyir ro/ /rigs kyi bu chos bcu po de dag dang ldan na byang chub sems dpa' sprul pa la mkhas pa rnams yin no/ /rigs kyi bu chos bcu dang ldan na byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya ba rnams yin no/ /bcu gang zhe na/ 'di lta ste/ sbyin pa shin du grub pas sbyin pa phun sum tshogs pa rnams yin/ tshul khrims shin du grub cing tshul khrims kyi phung po skyon med pa dang / ma 'dres pa dang / ma 'bags pa dang / nyan thos dang / rang sangs rgyas thams cad las 'das pa/ yongs su dag pa/ yongs su byang ba dang ldan pas tshul khrims shin du phun sum tshogs pa rnams yin/ bzod pa shin du phun sum tshogs pa rnams dang / brtson 'grus shin du phun sum tshogs pa rnams dang / bsam gtan shin du phun sum tshogs pa rnams dang / shes rab shin du phun sum tshogs pa rnams dang / thabs shin du phun sum tshogs pa rnams dang / smon lam shin du phun sum tshogs pa rnams dang / stobs shin du phun sum tshogs pa rnams dang / ye shes shin du grub cing thun mong ma yin pa'i ye shes nyan thos dang / rang sangs rgyas thams cad las 'das pa/ sa dang po la gnas pa'i byang chub sems dpa' yan chad/ sa dgu pa la gnas pa'i byang chub sems </font><hr>59.130a<br><font size=+1>

dpa'i bar gyi ye shes las 'das pa dang ldan pas ye shes shin du rdzogs pa rnams yin no/ /rigs kyi bu chos bcu po de dag dang ldan na byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /bcom ldan 'das gyis chos kyi rnam grangs 'di bshad pa'i tshe/ stong gsum gyi stong chen po'i 'jig rten gyi khams 'di rnam pa drug tu rab tu 'gul te/ rab tu g.yos par gyur to/ /stong gsum gyi stong chen po'i 'jig rten gyi khams 'di na ri rab ri'i rgyal po dag gam/ ri btang bzung ngam/ ri btang bzung chen po dag gam/ khor yug gi ri 'am/ khor yug gi ri chen po dag gam/ de ma yin pa'i rin po che'i ri dang / ri nag po de dag thams cad kyang yul ga ya gang na ba dang / ga ya mgo'i ri gang na ba de logs su bcom ldan 'das la chos kyi dgab pa bya ba'i phyir 'dud par gyur to/ /gang stong gsum gyi stong chen po'i 'jig rten gyi khams 'di na me tog gi shing ngam/ 'bras bu'i shing ngam/ spos kyi shing ci yod pa de dag thams cad kyang bcom ldan 'das la chos kyi dgab pa bya ba'i phyir ga ya mgo'i ri gang na ba de logs su 'dud par gyur to/ /byang chub sems dpa' bcom ldan 'das la chos kyi dgab pa 'bul ba bye ba khrag khrig brgya stong phrag du mas kyang na bza' dang / rgyan gyi bye brag rnam pa sna tshogs kyi phung po ri rab tsam byas par gyur to/ /brgya byin dang / tshangs pa dang / 'jig rten skyong ba brgya stong du ma yang mgo bos phyag 'tshal zhing thal mo sbyar ba byas te 'dud cing / bcom ldan 'das la me tog man dA ra ba dang / man dA ra ba chen po dag 'thor bar gyur to/ /lha'i bu brgya stong du ma yang nam</font><hr>59.130b<br><font size=+1>

mkha'i dbyings la gnas te/ gos g.yob cing ca co dang / ga zha brgya stong du ma byed par gyur te/ lha rdzas kyi me tog gis bcom ldan 'das la mngon par 'thor bar gyur cing / kye ma'o deng ni 'jig rten du sangs rgyas gnyis pa skyes par gyur te/ kye ma'o chos kyi 'khor lo gnyis pa bskor to/ /sems can gang gi rna lam du chos kyi rnam grangs 'di grag par gyur pa de dag kyang bsod nams dang ldan zhing dge ba'i las byed pa ste/ sngon gyi de bzhin gshegs pa rnams la dge ba'i rtsa ba rab tu bsags pa yin na/ gang 'di la dad pa rnyed pa de dag lta smos kyang ci dgos shes de skad ces ched du brjod pa ched du rjod do/ /lto 'phye chen po brgya stong du ma yang chos kyi rnam grangs 'di nyid la chos kyi dgab pa bya ba'i phyir 'brug ltar sgra 'u ru ru 'byin/ sgrogs par byed shin du sgrogs par byed cing / spos kyi sprin sna tshogs mngon par sprul te/ stong gsum gyi stong chen po'i 'jig rten gyi khams dang / ga ya mgo'i ri la spos chu'i char mngon par 'bebs kyang sems can rnams la gnod par mi snang ngo / /klu'i bu mo brgya stong du ma yang bcom ldan 'das kyi spyan sngar klu'i nga ro'i sgra 'byin par gyur to/ /dri za dang mi 'am ci brgya stong du ma yang snyan cing zab pa'i dbyangs kyis glu len cing ga ya mgo'i ri dang / stong gsum gyi stong chen po'i 'jig rten gyi khams la skor ba byed par gyur to/ /gnod sbyin bye ba khrag khrig brgya stong du ma yang pad ma'i char mngon par 'bebs par gyur to/ /bram ze dang / rgyal rigs dang / grong pa dang / yul gyi mi brgya stong du ma yang me tog dang / bdug spos dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis bcom ldan 'das la mchod</font><hr>59.131a<br><font size=+1>

pa byed par gyur to/ /sangs rgyas kyi zhing du ma dag nas kyang sangs rgyas bcom ldan 'das rnams kyis chos kyi dgab pa bya ba'i phyir so so'i smin mtshams kyi mdzod spu dag nas 'od zer mang po bkye bar gyur te/ 'od zer de dag kyang kha dog sna tshogs/ gzugs sna tshogs/ snang ba sna tshogs can sha stag ste/ 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog ste/ de dag stong gsum gyi stong chen po'i 'jig rten gyi khams 'di la skor ba byed cing mun pa thams cad rnam par sel bar gyur te/ 'khor nas ga ya mgo'i ri la bskor ba byas/ de bzhin gshegs pa la yang bskor ba byas nas/ bcom ldan 'das kyi dbu'i gtsug tu nub par gyur to/ /rlung yang bde bar langs par gyur to/ /chos kyi rnam grangs 'di bshad pa dang / mchod pa mngon par 'du bya ba 'di ni byung ba'i tshe/ byang chub sems dpa' bye ba khrag khrig bdun bcu rtsa gnyis kyis mi skye ba'i chos la bzod pa thob bo/ /srog chags bye ba khrag khrig brgya stong du ma yang chos rnams la rdul med cing dri ma dang bral ba chos kyi mig rnam par dag go/ /srog chags bye ba khrag khrig brgya stong du mas kyang sngon chad ma bskyed pa las byang chub tu sems bskyed par gyur to/ /de nas ga ya mgo'i ri la gnas pa'i lha mo mi 'chi ba zhes bya ba dpung dang bcas 'khor dang bcas te 'khor/ 'dus pa de nyid du 'dus shing 'dug 'dug pa las de stan las langs nas bdag gi gnas su song ste/ bcom ldan 'das kyi mchod pa blangs nas/ phyir bcom ldan 'das kyi spyan sngar phyin te/ bcom ldan 'das la bkur stir byas/ btsun pa byas/ ri mo byas/ mchod pa byas/ sti stang byas/ rim gror byas so/ /</font><hr>59.131b<br><font size=+1>

bkur sti dang / btsun pa dang / ri mo dang / mchod pa dang / sti stang dang / rim gro byas nas / bcom ldan 'das la 'di skad ces gsol to/ /bcom ldan 'das tshe rabs gzhan de dang de dag la ga ya mgo'i ri 'di nyid du chos kyi rnam grangs 'di sangs rgyas stong phrag bdun bcu rtsa gnyis kyis don 'di nyid dag dang / tshul 'di nyid dag dang / tshig dang yi ge 'di nyid dag gis bstan pa bdag gis mngon par dran no/ /bcom ldan 'das kyis bka' stsal pa/ mi 'chi ba de ltar khyod kyis dkon mchog 'byung ba de lta bu thos par gyur pa ni khyod kyis thob par bya ba legs par thob bo/ /de nas 'khor der tshogs pa'i nang na lha'i bu kha cig 'di snyam du sems par gyur te/ lha mo 'dis de srid cig nas chos kyi rnam grangs 'di thos nas de snyed kyi de bzhin gshegs pa mang po la bsnyen bkur byas kyang / 'di bud med kyi lus las ma bsgyur snyam pa dang / de nas byang chub sems dpa' sems dpa' chen po sgrib pa thams cad rnam par sel bas/ lha'i bu de dag gi sems kyi rtog pa sems kyis yongs su shes nas/ bcom ldan 'das la 'di skad ces gsol to/ /bcom ldan 'das de ltar lha mo mi 'chi ba 'dis chos kyi rnam grangs 'di ltar rdzu 'phrul che ba thob la/ de bzhin gshegs pa de snyed du mang ba zhig bsnyen bkur bgyis na/ ci'i rgyu ci'i rkyen kyis bud med kyi lus ma bsgyur/ bcom ldan 'das kyis bka' stsal pa/ rigs kyi bu 'di la sems can gyi don ni rgyu'o/ /sems can gyi don ni rkyen to/ /de ci'i phyir zhe na/ rigs kyi bu lha mo mi 'chi ba ni rnam par thar pa bsam gyis mi khyab pa la gnas pa/ rdzu 'phrul che ba/ mthu che ba ste/ rigs kyi bu lha mo mi 'chi bas gang yang dag par len du</font><hr>59.132a<br><font size=+1>

btsud pa dang / gzeng bstod pa dang / byang chub tu sems bskyed pa las yongs su mya ngan las 'das pa'i sangs rgyas ni bgrang ba las 'das pa zhig ngas mngon par shes te/ rigs kyi bu de ltar na lha mo mi 'chi ba ni rdzu 'phrul che ba/ mthu che ba ste/ rigs kyi bu lha mo mi 'chi ba 'di ni bskal pa bzang po'i sangs rgyas rnams la bsnyen bkur byas nas/ sangs rgyas kyi zhing 'di nyid du mngon par rdzogs par 'tshang rgya bar 'gyur te/ mngon par rdzogs par sangs rgyas nas kyang mi 'chi ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ /de nas bcom ldan 'das kyis lha mo mi 'chi ba la bka' stsal pa/ mi 'chi ba khyod kyis rang gi sangs rgyas kyi zhing ston cig /de nas lha mo mi 'chi ba gzugs thams cad yongs su ston pa zhes bya ba'i ting nge 'dzin la snyoms par zhugs par gyur te/ lha mo mi 'chi ba gzugs thams cad yongs su ston pa'i ting nge 'dzin de la snyoms par zhugs ma thag tu de'i tshe/ stong gsum gyi stong chen po'i 'jig rten gyi khams 'di lag mthul lta bur mnyam zhing bai dUr+ya'i gzhir snang bar gyur te/ ri nag po med cing shing tha mal pa med la/ gnas gnas dag na yang dpag bsam gyi shing sha stag snang bar gyur to/ /gnas gnas dag na chu mig dang / mtshe'u dang / lting ka dang / rdzing yan lag brgyad dang ldan pa'i chus yongs su gang ba dag snang bar gyur to/ /mi phal pa med par snang bar gyur to/ /de na bud med kyi sgra yang mi grag par gyur to/ /gnas dang gnas dag na pad ma shing rta'i 'khor lo tsam dag snang bar gyur te/ pad ma de dag la yang byang chub sems dpa'i gzugs skyil mo dkrung du 'khod pa sha</font><hr>59.132b<br><font size=+1>

stag snang bar gyur to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'chi ba de yang byang chub sems dpa' de dag la chos ston par snang ste/ brgya byin dang / tshangs pa dang / 'jig rten skyong ba bye ba khrag khrig brgya stong du mas yongs su bskor cing byang chub sems dpa' bye ba khrag khrig brgya stong du mas mdun du bdar te/ 'di ltar chos nyid 'di kho na brtsams nas chos ston par snang bar gyur to/ /de nas lha mo mi 'chi ba yang ting nge 'dzin de las langs te/ bcom ldan 'das la lan gsum du g.yas phyogs su bskor ba byas nas de nyid du mi snang bar gyur to/ /de nas bcom ldan 'das la byang chub sems dpa' sgrib pa thams cad rnam par sel bas 'di skad ces gsol to/ /bcom ldan 'das rigs kyi bu dang / rigs kyi bu mo gang chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par bgyid dam/ kha ton bgyid dam/ gzhan dag la yang rgya cher yang dag par ston par bgyid na/ de bsod nams ji tsam zhig skyed par 'gyur/ bcom ldan 'das kyis bka' stsal pa/ rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams su gtogs pa'i sems can rnams la sbyin pa lhug par byin te/ de ltar sbyin pas bskal pa brgya stong mang por byin pa bas/ rigs kyi bu 'am/ rigs kyi bu mo gang gis chos kyi rnam grangs 'di legs par bris legs par zhus te/ sems dad pas sems dad pa la byin na/ de bas kyang 'di bsod nams ches mang du skyed do/ /rigs kyi bu de ci'i phyir zhe na/ zang zing gi sbyin pa ni phran tshegs te/ chos kyi sbyin pa ni rdzu 'phrul che ba'o/ /de ci'i phyir zhe na/ rigs kyi bu 'khor ba nas 'khor</font><hr>59.133a<br><font size=+1>

ba'i sems can rnams kyis zang zing ni rnam pa du mar myong gi/ 'jig rten las 'das pa'i chos kyi ro ni nam yang ma myong ste/ 'jig rten pa ni ma yin no/ /rigs kyi bu gang la las stong gsum gyi stong chen po'i 'jig rten gyi khams su gtogs pa'i sems can rnams dge ba bcu'i las kyi lam rnams la bkod pa bas/ gang gis chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan dag la yang rgya cher ston na/ de bas 'di bsod nams ches mang du skyed do/ /de ci'i phyir zhe na/ rigs kyi bu dge ba bcu'i las kyi lam rnams ni 'di las byung ngo / /rigs kyi bu gang la la zhig gis stong gsum gyi stong chen po'i 'jig rten gyi khams su gtogs pa'i sems can rnams rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa nyid kyi 'bras bu la bkod pa bas kyang chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan dag la yang rgya cher ston na/ de bas 'di bsod nams ches mang du skyed do/ /de ci'i phyir zhe na/ rigs kyi bu chos 'di nyid la brten na/ nyan thos dang / rang sangs rgyas rnams snang bar 'gyur ro/ /chos 'di nyid la brten na byang chub sems dpa' rnams snang bar 'gyur ro/ /chos 'di nyid la brten na de bzhin gshegs pa rnams 'jig rten du 'byung bar 'gyur te/ rigs kyi bu chos kyi rnam grangs 'di gzung ba dang / klag pa dang / spel ba dang / kha ton byas pas mdo sde thams cad gzung ba dang / klag pa dang / spel ba dang / kha ton byas par 'gyur ro/ /de ci'i phyir zhe na/ rigs kyi bu 'di ni chos thams cad kyi ma mo ste/ rigs kyi bu chos nyid</font><hr>59.133b<br><font size=+1>

'di ma thob par chos nyid rgya chen po 'thob par mi 'gyur te/ rigs kyi bu 'di ni byang chub sems dpa' rnams kyi 'dul ba'o/ /de nas sangs rgyas kyi mthus nyan thos chen po de dag thams cad stan las langs te bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag cag gis kyang chos nyid 'di thos pas skye ba'i 'khor ba chen po bas par bgyis so/ /bcom ldan 'das kyis bka' stsal pa/ dge slong dag de de bzhin no/ /de de bzhin te/ ji skad smras pa de bzhin no/ /de nas yang bcom ldan 'das kyis 'khor mang po dag la bka' stsal pa/ rigs kyi bu dag sa phyogs gang du chos kyi rnam grangs 'di 'chad pa dang / ston pa'i sa'i phyogs de byang chub kyi snying por gzung bar bya'o/ /chos kyi 'khor lo rab tu bskor bar gzung bar bya'o/ /mchod rten chen por gzung bar bya'o/ /bdag cag gi ston pa gnas 'di na bzhugs so bar gzung bar bya'o/ /rigs kyi bu dag de ci'i phyir zhe na/ chos nyid 'di ni byang chub bo/ /chos nyid 'di ni chos kyi 'khor lo rab tu bskor ba'o/ /rigs kyi bu dag de bzhin gshegs pa ni chos kyi sku ste/ rigs kyi bu dag chos mchod pas de bzhin gshegs pa rnams mchod par 'gyur ro/ /sa phyogs gang na chos smra ba de gnas pa de la yang mchod rten du 'du shes bskyed par bya ste/ chos smra ba de la yang bla mar 'du shes bskyed par bya'o/ /dge ba'i bshes gnyen du 'du shes bskyed par bya'o/ /lam ston par 'du shes bskyed par bya'o/ /chos smra ba de mthong na dga' ba dang / dang pa dang / rangs pa bskyed par bya'o/ /rim gror byas te stan la bdar bar bya'o/ /chos smra ba de'i</font><hr>59.134a<br><font size=+1>

bsngags pa brjod par bya'o/ /legs so zhes brjod pa mang bar bya'o/ /rigs kyi bu dag ngas bskal pa 'am/ bskal pa las lhag par chos smra ba de'i bsngags pa brjod kyang cho mos smra ba de la cung zad kyang phan par byas pa med do/ /de ci'i phyir zhe na/ rigs kyi bu dag 'di lta ste/ bkur stir bya ba dang / btsun par bya ba dang / bsngags pa brjod pa ni gyi na cung zad du zad do/ /rigs kyi bu dag gal te chos 'di 'dod pa'i rigs kyi bu 'am/ rigs kyi bu mo dag gis chos smra ba de 'ong ba'i lam bdag gi khrag gis chag chag byas kyang chos smra ba de la phan pa cung zad kyang byas pa med do/ /de ci'i phyir zhe na/ rigs kyi bu dag 'di lta ste/ de bzhin gshegs pa'i chos kyi tshul gzung ba 'di ni dka' ba'o/ /rigs kyi bu dag chos smra ba des kyang chos kyi rnam grangs 'di bshad pa dang / bstan pa dang / yang dag par ston pa'i tshe/ 'jigs pa med par bya'o/ /ma zhum pa dang / spa ma gong ba dang / zhe ma 'gras pa'i sems dang / gos gtsang ma bgos te dad pa bskyed par bya'o/ /bdag gi bsngags pa brjod kyang mi snyems pa dang / nga rgyal du mi gzung bar bya ste/ bdag mi bstod/ gzhan mi smod cing / des zang zing med pa'i sems kyis ri mor byas te chos bstan par bya'o/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das dog sa'i phyogs gang du chos kyi rnam grangs 'di bshad pa 'am/ bstan par 'gyur ba'i sa phyogs der chos kyi rnam grangs 'di mnyan pa dang / chos smra ba de la sman par bgyi ba'i slad du bdag cag dpung dang bcas 'khor dang bcas te mchi'o/ /bcom ldan 'das kyis bka' stsal pa/ kau shi ka legs so legs so/ /khyod kyi de ltar</font><hr>59.134b<br><font size=+1>

gyis shig /kau shi ka khyod kyis de bzhin gshegs pa'i chos nyid yongs su bsrung bar bya'o/ /de nas bcom ldan 'das la byang chub sems dpa' sgrib pa thams cad rnam par sel bas gsol pa/ bcom ldan 'das chos kyi rnam grangs 'di ming ci zhes bgyi/ 'di ji ltar gzung bar bgyi/ bcom ldan 'das kyis bka' stsal pa/ rigs kyi bu de'i phyir khyod kyis chos kyi rnam grangs 'di dkon mchog sprin ces bya bar zung shig /yon tan rin po che'i 'byung gnas kyi le'u zhes bya bar yang zung shig /ye shes sgron ma zhes bya bar yang zung shig /sgrib pa thams cad rnam par sel bas kun dris pa zhes bya bar yang zung shig /bcom ldan 'das kyis de skad ces bka' stsal pa dang / byang chub sems dpa' sgrib pa thams cad rnam par sel ba yid dga' zhing byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma'i lha'i bu la sogs pa/ lha'i bu brgya stong du ma dag dang / de ma yin pa gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po brgya stong dag kyang bcom ldan 'das kyis gsungs pa la mngon par dga'o/ /'phags pa dkon mchog sprin ces bya ba theg pa chen po'i mdo rdzogs so// // lo ts+tsha ba ban+de rin chen mtsho dang / chos nyid tshul khrims kyis bsgyur cing zhus te gtan la phab pa/ /</font><hr>

</table>