J165

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J165</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J165&coll=lithang">see text in Tibetan script</a></table>58.94a<br><font size=+1>

@#/   /rgya gar skad du/ Ar+ya ma hA b+he rI ha ra ka pa ri brta nA ma hA yA na sU tra/  bod skad du/ 'phags pa rnga bo che chen po'i le'u zhes bya ba theg pa chen po'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun chen po stong nyis brgya lnga bcu dang thabs gcig tu bzhugs te/ byang chub sems dpa' rgya stong mang po dag dang thabs gcig go/ /lha dang / klu dang / gnod sbyin dang / dri za mang po dang yang thabs gcig go/ /dge bsnyen dang / dge bsnyen ma brgya stong mang po dang yang thabs gcig go/ /mi mjed kyi bdag po tshangs pa dang / lha rnams kyi dbang po brgya byin dang / 'jig rten skyong ba bzhi dag dang yang thabs gcig go/ /'di lta ste/ phyogs bcu'i 'jig rten gyi khams nas 'dus pa'i dge slong dang / dge slong ma dang / dge bsnyen dang / dge bsnyen ma byang chub sems dpa' du ma dang yang thabs gcig go/ /de na de bzhin gshegs pa chos ston pa ni 'di lta ste/ 'khor bzhi po rnams kyi nang du 'di lta bu'i chos kyi gtam/ srid yod bde dang sdug bsngal te/ /zad dang rten yod ma yin no/ /de ltas bde sdug spangs pa'i phyir/ /mya ngan 'das pa mchog tu bde/ /zhes ston par mdzad do/ /'dir smras pa/ ci'i phyir bcom ldan 'das la de bzhin gshegs pa dge slong lnga brgya tsam dang thabs gcig tu bzhugs so zhes bya ba de'i gtan tshigs brjod par bya ste/ ci'i phyir de bzhin gshegs pa dgra bcom pa yang dag par rdzogs pa'i sangs rgyas 'khor mang po dang / 'khor mang po'i gtso bo dang ldan pa/ </font><hr>58.94b<br><font size=+1>

'khor rtag tu mi phyed pa/ rmad du byung ba'i chos dang cho 'phrul mang po mnga' ba'o zhes sgra grags/ gal te de lta na ni 'khor lnga brgyar zad na/ bcom ldan 'das 'khor bye ba can du 'gyur ro/ /yang 'dir smras pa/ 'dul ba thams cad la mnga' sgyur ba'i stobs mnga' bas mnyan yod na de bzhin gshegs pa dge slong lnga brgya dang thabs gcig tu bzhugs so zhes tshig tu gsungs pa/ ci dper na mas bu khur du thogs te rang gi yul nas yul gzhan du 'gro ba na rang gi bu spro bsring ba'i phyir bu grong 'di nye'o zhes bya ba'i tshig smra ba de bzhin du/ sangs rgyas bcom ldan 'das 'gro ba rjes su srung ba rnams dge slong lnga brgya tsam dang thabs gcig go zhes bya ba yin nam zhe na/ de dag la smras pa/ dge slong dag chos kyi gtam 'di ni lan gsum du bzlas pa yin te/ de bas na dge slong lnga brgya tsam zhes bya ba de dag ni skyes bu'i gtso bo rnams yin par rig par bya ste/ don gzhan ni ma yin no/ /dper na khyu mchog re re la yang ba lang gi tshogs yod pa bzhin du skyes bu'i gtso bo la yang slob ma lnga brgya yod de/ re re la yang slob ma lnga brgya lnga brgya yod do/ /de lta bas na nyan thos chen po lnga brgya tsam zhes bya ste/ 'di lta ste/ 'od srung chen po dang / de bzhin du kun dga' bo la sogs pa nyan thos chen po lnga brgya tsam po thams cad kyang dgra bcom pa zag pa zad pa/ nyon mongs pa med pa dbang du gyur pa/ glang po chen po/ cang shes pa/ sems shin du rnam par grol ba/ shes rab shin du rnam par grol ba/ bya ba byas pa/ byed pa byas pa/ khur bor ba bdag gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba/ sems kyi dbang</font><hr>58.95a<br><font size=+1>

thams cad kyi dam pa'i pha rol du phyin pa rjes su thob pa/ mi slob pa rnams dang / slob pa rgyun du zhugs pa dang / lan gcig phyir 'ong ba dang / phyir mi 'ong ba'i 'bras bu la gnas pa la sogs pa dpag tu med pa rnams dang / zag pa'i chos can gyi dge slong gi tshogs du ma dag dang / yon tan brgya stong dang ldan pa'i byang chub sems dpa' sems dpa' chen po grangs med cing dpag tu med pa'i phyogs bcu nas lhags pa gang yin pa de dag gi tshad kyang 'jam dpal ma gtogs pa rtsis mkhan nam/ rtsis mkhan gyi slob mas kyang bgrang bar mi nus shing nyan thos dang / rang sangs rgyas rnams kyis kyang mi nus pa la/ byang chub sems dpa' sems dpa' chen po mthu chen thob pa dang / byang chub sems dpa' sems dpa' chen po spyan ras gzigs dbang phyug dang / 'jam dpal gzhon nur gyur pa dang / byang chub sems dpa' sems dpa' chen po byams pa la sogs pa dang / byang chub sems dpa'i tshogs tshad med grangs med pa dper na shing chen po snad pa'i shing shun rnams 'byung ba de bzhin du sa chen po 'di shun pa bzhin du brtul ba'i byang chub sems dpa' sems dpa' chen po tshad med cing grangs med pa gang yin de dag gi tshad kyang rtsis mkhan nam/ rtsis mkhan gyi sna chen po la gtogs pa rnams kyis kyang brjod par mi nus pa lhags pa rnams dang / sring mo'i tshogs dge slong ma des ma la sogs pa dang / ri dgas 'dzin gyi ma sa ga dang / btsun mo phreng ldan ma la sogs te/ dge bsnyen ma du ma dang / khyim bdag bzang sbyin la sogs pa dge bsnyen du ma dag ste/ bcom ldan 'das de bzhin gshegs pa 'khor mang po de dag thams cad kyi gung la bzhugs nas bcom ldan 'das chos kyi sgo ston to/ /de nas</font><hr>58.95b<br><font size=+1>

de'i tshe yul ko sa la'i rgyal po gsal rgyal rang gi mal nas langs te bsams pa/ bcom ldan 'das kyi spyan sngar 'gro bar bya'o snyam nas de nas de rang gi mal nas langs pa dang rgyal po gshegs so zhes rnga bo che chen po dag ni rdung / dung dag ni 'bud/ gdugs dang / rgyal mtshan dang / ba dan mang po bsgreng ba dag ni nam mkha' la nyi ma'i 'od bzhin du kun du snang ngo / /bcom ldan 'das ni mkhyen bzhin du rmed pa yin pas de nas de na bcom ldan 'das kyis kun dga' bo la bka' stsal pa/ kun dga' bo rnga bo che chen po dag gi sgra dang / dung dag gi sgra grag pa 'di ci zhig /kun dga' bos gsol pa/ bcom ldan 'das sa skyong ba'i rgyal po gsal rgyal dam pa 'dir mchis te/ de'i rnga bo che dag brdungs pa'i sgra chen po 'byin pa lags so/ /bka' stsal pa/ kun dga' bo ci'i phyir rnga bo che'i sgra 'byin/ gsol pa/ dang rgyal po shAkya'i mgon po blta zhing mchi ba des rang gi dpung la bcom ldan 'das kyi spyan sngar 'deng gis chos shig ces go bar bgyid pa lags so/ /bcom ldan 'das kyis bka' stsal pa/ kun dga' bo khyod kyis kyang chos kyi rnga bo che brdungs la chos kyi dung bus shig dang / ngas de nas rnga bo che chen po zhes bya ba'i chos kyi mdo bshad do/ /gsol pa/ bcom ldan 'das bdag gi rnga bo che chen po zhes bgyi ba'i mdo sngon nam yang ma thos lags na rnga bo che chen po zhes bya ba'i chos de ci lags/ bcom ldan 'das kyis bka' stsal pa/ kun dga' bo ci khyod kyis shes par 'gyur snyam 'am/ re shig phyogs bcu nas lhags pa'i byang chub sems dpa' sems dpa' chen po 'di dag thams cad kyis kyang 'di ltar rnga bo che chen po'i mdo yig 'bru bzhi tsam yang mi shes na/ khyod kyis</font><hr>58.96a<br><font size=+1>

lta sngon ma thos pa ji ltar shes/ gsol pa/ bcom ldan 'das chos 'di de ltar rnyed dka' ba ni ngo mtshar che lags so/ /de bzhin gshegs pas bka' stsal pa/ kun dga' bo mdo 'di ni shin du rnyed par dka' ste/ kun dga' bo rnga bo che chen po'i mdo chen po 'di ni 'di lta ste dper na/ 'jig rten na me tog u dum ba ra rnyed pa bzhin no/ /gsol pa/ bcom ldan 'das ci lags/ 'di sangs rgyas bcom ldan 'das thams cad kyi chos nyid ma lags sam/ bcom ldan 'das kyis bka' stsal pa/ 'di ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi yang chos nyid yin no/ /gsol pa/ gal te 'di sangs rgyas bcom ldan 'das thams cad kyi chos nyid lags na ci'i slad du sangs rgyas bcom ldan 'das de dag gis rang rang gi sangs rgyas kyi zhing de dang de dag tu ma bshad cing rab tu ma bstan la/ ci'i slad du byang chub sems dpa' sems dpa' chen po mi mchog 'di dag 'dir mchis lags/ bcom ldan 'das kyis bka' stsal pa/ kun dga' bo dper na 'di na dge slong dgon pa pa 'ga' zhig ri bo 'am/ 'bab chu'i 'gram 'am/ phug cig na 'dug 'dug pa las nam nangs nas grong ngam/ grong khyer zhig tu bsod snyoms kyi phyir song na des sbrul lam/ khyi 'am/ mi shi ba'i ro 'am/ shi ba'i ro gang yang rung ba mthong ngo / /des de mthong nas e ma'o kyi hud e ma'o kyi hud bdag kyang yun ring por 'khor bar 'khor ba na/ 'di lta bu'i gnas skabs dag nyams su myong bar gyur pas da srid pa ni tha chad yin no zhes bya bar gyur to/ /de nas de dus gzhan zhig na snying dga' bar 'gyur ba'i chos 'ga' zhig gis yid bde ba dang / de nas yang mi sems pa las yang des</font><hr>58.96b<br><font size=+1>

ro mthong ste/ de mthong ba na de yid byung bar gyur nas de phyir zhing grong khyer ram/ ri 'or ram/ lung pa'i mdor rgyu zhing / de de ltar rgyu ba na shi nas zhag gcig lon pa 'am/ shi nas zhag gnyis lon pa 'am zhes bya ba nas/ mi ro mthong na zhes bya ba'i bar gong ma bzhin du ste/ de mthong ba kho nas 'bras bu'i mchog dgra bcom pa mngon sum du byed pa de bzhin du 'jig rten gyi khams gzhan dag na sangs rgyas bcom ldan 'das rnams sdug bsngal gyi gtam yang mi gsung / mi rtag pa'i gtam yang mi gsung / bdag med pa dang / mi gtsang ba'i gtam yang mi gsung ngo / /de ci'i phyir zhe na/ 'di ni de dag gi chos nyid yin te/ de na sangs rgyas bcom ldan 'das ji snyed bzhugs pa de dag gis dgos pa'i don du ni rang rang gi sangs rgyas kyi zhing dag na 'khod pa'i byang chub sems dpa' sems dpa' chen po rnams la 'di skad ces rigs kyi bu dag re shig sangs rgyas bcom ldan 'das rnams sems can rnams kyi don du zhing gi snyigs ma snyigs ma lnga can gyi sangs rgyas kyi zhing 'di 'dra bar 'byung ba ni dka' ba mdzad pa yin te/ de lta bas na rigs kyi bu dag khyod kyis kyang de ltar bslab par bya'o zhes rab tu 'jog par mdzad/ 'doms par mdzad do/ /de nas de dag lta 'dod cing phyag byed par 'dod par 'gyur te/ de dag lta 'dod cing phyag byed par 'dod pa na de dag gis de rnams nye bar bstan pas de'i phyir de dag mi mjed kyi 'jig rten gyi khams 'dir 'ong bar 'gyur zhing 'ongs nas kha cig ni sa dang po thob par 'gyur/ kha cig gis ni sa bdun pa dang / brgyad pa dang / dgu pa dang / bcu pa'i bar dag kyang thob par 'gyur ro/ /kun dga' bo de lta bas na rnga bo che chen po zhes bya ba'i mdo 'di ni shin du rnyed par dka' ba yin te/ phyogs bcu nas lhags pa'i 'khor 'di dag thams cad nyan</font><hr>58.97a<br><font size=+1>

par 'dod pa yang de'i phyir ro/ /kun dga' bos gsol pa/ bcom ldan 'das legs so/ /thams cad lhags pa legs so/ /lhags pa legs so/ /'di dag thams cad kyis shin du rnyed par dka' ba'i mdo 'di 'dra ba thob par gyur cig /bcom ldan 'das kyis bka' stsal pa/ kun dga' bo thams cad kyi thun mong ltar mdo 'di thun mong ma yin pas lhags pa legs so zhes tshig tu ma brjod cig /gsol pa/ bcom ldan 'das ci'i slad du thams cad lhags pa legs so/ /lhags pa legs so zhes mi bgyi ba lags/ bcom ldan 'das kyis bka' stsal pa/ kun dga' bo mdo 'di ni zab cing rtogs par dka' ba/ yid ches shing dad par dka' ba/ sangs rgyas kyi gsang ba yin te/ kun dga' bo de'i phyir 'ongs pa dang ma 'ongs pa thams cad la lhags pa legs so lhags pa legs so zhes tshig tu ma brjod cig /gsol pa/ bcom ldan 'das ci lags/ yul ko sa la'i rgyal po gsal rgyal g.yul 'gyed pa'i dus su rnga bo che'i sgra 'byin pa dang / khar dkrol rdebs pa de'i tshe dpung gi tshogs thams cad kyi ma lags sam ci lags/ bcom ldan 'das kyis bka' stsal pa/ kun dga' bo rnga bo che de nyid gang gi tshe yul ko sa la'i rgyal po gsal rgyal pha rol gyi dpung dang lhan cig g.yul 'gyed pa de'i dus su ji tsam na rnga bo che'i sgra byung ba de'i tshe sems can mang po dag ni thos nas dga' bar mi 'gyur ro/ /de ci'i phyir zhe na/ sems can sdar ma'i rigs can gzhan dag ni sgra de thos na de nyid kyis de dag 'chi ba 'am/ 'chi ba la thug pa'i sdug bsngal skye bar 'gyur ro/ /kun dga' bo de'i phyir rnga bo che chen po zhes bya ba'i mdo 'di ni kun dga' bo khyod kyis kyang mi shes so/ /de ci'i phyir zhe na/ kun dga' bo chos kyi sgo'i mdo 'di la ni nyan thos dang / rang sangs rgyas kyi theg pa</font><hr>58.97b<br><font size=+1>

can rnams yid ches par mi 'gyur ro/ /kun dga' bo de lta bas na rgyu des na gang gi tshe yul ko sa la'i rgyal po g.yul 'gyed pa'i dus su rgyal po rnga bo che'i sgra 'byin pa ji lta ba de bzhin du rnga bo che chen po'i mdo 'di yang sangs rgyas kyi gsang ba yin te/ sangs rgyas pa'i dus su gsung bar 'gyur ro/ /de nas de na bcom ldan 'das kyis gnas brtan 'od srung chen po la bos te/ bos nas 'di skad ces bka' stsal to/ /'od srung ci dge slong 'di dag dad pa can tshul dang mthun pa/ mthu dang ldan pa yin nam/ gsol pa/ bcom ldan 'das de'i don ci lags/ bka' stsal pa/ 'od srung sems can sbun pa lta bu ma yin pa de dag rnga bo che chen po zhes bya ba'i mdo 'di nyan par 'gyur ro/ /gsol pa/ bcom ldan 'das de'i slad du gnas brtan maud gal gyi bu chen po yang rang la smod par bgyid cing / bcom ldan 'das ji ltar bdag kyang gal te de 'dra ba'i dge slong dag mchis na de dag gi nang du mchis pa ma lags na de bzhin gshegs pa bzhugs pa lta ci smos te/ dge slong tshul khrims 'chal pa dang / tshul khrims dang mi ldan pa gang lags pa de dag ni ma mchis lags so/ /bcom ldan 'das 'khor 'di thams cad ni tshul khrims bsrung ba/ tshul dang mthun pa lags te/ 'khor gyi dkyil 'khor na de dag ni tsan dan gyi snying po 'dra ba sha stag lags so/ /bka' stsal pa/ 'od srung 'khor 'di thams cad tshul khrims bsrungs pa/ tshul dang ldan pa yin yang ci dgongs pa'i tshig la mkhas pa yin nam/ gsol pa/ bcom ldan 'das dgongs pa'i tshig ces bgyi ba ci lags/ bka' stsal pa/ 'od srung dgongs pa'i tshig ces bya ba ni de bzhin gshegs pa yongs su mya ngan las 'das pa zhes bya ba da ltar 'di las de bzhin gshegs pa rtag pa/ brtan pa/ zhi ba/ ther zug pa/ yongs su mya ngan las 'das kyang nyams par mi 'gyur ba zhes bya ba ste/ </font><hr>58.98a<br><font size=+1>

mdo 'di ni dgongs pa'i tshig ces bya'o/ /'od srung mi mthun pa'i mdo dag pa 'od gsal ba 'di ni sems can dman pa rnams kyis rgyu dang gtan tshigs brgya stong gis rig par bya dgos so/ /'od srung de lta bas na yang khyod kyis re shig 'khor 'di rtogs shig /de nas de'i tshe gnas brtan 'od srung chen pos sems can lhags pa 'di dag ci 'dra ba zhig yin par bltas so/ /de nas skad cig de nyid la rgya chen po ma yin pa'i sems can rnams dang / nyan thos dang / rang sangs rgyas kyi theg pa can rnams dang / byang chub sems dpa' theg pa la gsar du zhugs pa gang yin pa de dag thams cad rang rang la smod par byed de/ dper na gyad kyi tshogs chen por rgyal po'i gyad stong thub pa zhig stan las langs te/ 'di na kho bo dang lhan cig 'gyed par 'os pa'i rgol phod pa gang yin pa de su yod ces dril bsgrags pa dang / de nas de na rgol bar ma 'os pa'i sems can gang yin pa de dag thams cad ni bdag cag gsod par 'gyur gyis 'di dang lhan cig bdag cag 'gyed par mi nus so zhes rang gis rang la smad nas cang mi smra bar 'gyur ro/ /de nas gal te des der gyad kyi zla 'ga' yang ma rnyed na de de na dpa' bo gyad zla med du gyur cing ru mtshon 'dzugs pa de bzhin du de na rgyal po ma yin pa'i sems can nyan thos dang / rang sangs rgyas kyi theg pa can rnams dang / theg pa la gsar du zhugs pa'i byang chub sems dpa' gang yin pa rnams kyang bdag cag ni sangs rgyas bcom ldan 'das rnams yongs su mya ngan las 'das bzhin du yang nga ni rtag pa brtan pa zhi ba ther zug pa yin no zhes ston pa 'di ni rtogs par mi nus so zhes 'dor bar byed do/ /de ci'i phyir zhe na/ de dag ni yun ring por ston pa nyid kyi lta ba nyams par byed pa'i lta ba bsgoms pa'i bdag nyid yin pa'i phyir te/ dman pa'i sems can rnams kyis mdo dag pa</font><hr>58.98b<br><font size=+1>

'di thos nas dong ngo / /phyogs bcu de dang de dag nas lhags pa'i nyan thos dang / rang sangs rgyas kyi theg pa can dang / byang chub sems dpa'i theg pa la gsar du zhugs pa gang dang gang dag yin pa de dang de dag dang lhan cig tu gang dang gang dag lhags pa de dag las kyang bcu'i cha'i cha dang / brgya'i cha'i cha dang / stong gi cha'i cha dang / brgya stong gi cha'i cha dang / bye ba'i cha'i cha dang / grangs med pa'i cha'i cha gang yin pa dag 'dus par gyur to/ /de la tsan dan gyi snying po 'dra ba sbun pa lta bu ma yin pa'i dge bsnyen ci 'dra ba dag 'dug par gyur ce na/ bslab pa'i gzhi lnga dang ldan pa dang / bslab pa'i gzhi brgyad dang ldan pa dang / gsum 'don pa dang / bcu bzhi'i dang / bcwa lnga'i zhes bya ba nas zla ba phyed kyi dang / tshes brgyad kyi dang / cho 'phrul gyi zla ba phyed kyi bar gyi yan lag brgyad legs par blangs pa sbyin pa dang / snyan par smra ba dang / don spyod pa dang / don mthun pa can gal te mu ge lo bcu 'am/ bcu gnyis sam/ gzhan yang lo mang po byung yang bdag gis bza' ba 'am/ bldag pa 'am/ zas sam/ btung ba rang gi skal ba de las bdag gis pha dang ma gnyis la phyed phyed/ dge slong rnams la phyed 'bul zhing bdag gis dge slong rnams la mchod yon gyi sbyin pa dor bar mi bya'o snyam pa ste/ rigs kyi bu de'i dus ngan pa la rtag par skal ba gang yin pa de tsam zhig yod par 'gyur zhe na/ skyes bu dpa' bo de'i zla ba phyed kyis za ma gcig cig 'byung ste/ des za ma gcig po yang dge slong rnams la byin nas bsod nams mi zad pa'i skal ba can du 'gyur ro/ /skyes bus de ltar byin nas 'jig rten du/ /skyes bu dam par 'gyur bas legs 'dod mis/ /'di na bdag nyid bag med ci bya ste/ /de bas bstan la bag byed mchog yin no/ /nor ni dgra dang chom rkun sogs mang dang / /rgyal po chu</font><hr>58.99a<br><font size=+1>

dang me dang mdza' bshes dang / /nye du mi mdza' bgo skal spyod mang gis/ /sdig pa spyad pa yis ni zad par 'gyur/ /rang dang rang gi longs spyod dag la yang / /spyod par byed pa skyes bu rnams kyi nor/ /spyad pa nyid dang gnod pa gzhan gyis kyang / /zad par mi 'gyur shes bya dam chos phyir/ /'di zad byas mchog pha rol zad mi 'gyur/ /'jig rten 'dir 'phel 'jig rten pha rol du/ /zad par mi 'gyur kha dog mthur bcas byed/ /mthong na thams cad dga' zhing rnyed pa dang / /mdog dang grags pa rab tu gsal bar 'gyur/ /de yi phyugs rnams zad par mi 'gyur zhing / /de yi bran pho bran mo las byed dang / /las kyi mtha' rnams nyams par mi 'gyur te/ /de la thab mo rtsod dang 'gyed med cing / /de ni nam yang gnod sems med mchog thob/ /sbyin la dga' ba'i skye bo 'jig rten du/ /de la sogs pa'i yon tan 'thob 'gyur bas/ /de lta bas na rtag tu chos 'dod pa/ /sangs rgyas rnams dang lhan cig phrad par 'gyur/ /lus dang srog la mi blta lhug par gtong / /mi yi mi mchog de ni lag rkyong yin/ /sems can kun la rjes su snying brtse bas/ /bu bzhin mthong na sdug cing rig par ldan/ /bsam gtan bag yod thos pas dpag tu med/ /khyim na gnas pa'i shes rab can gyis ni/ /rtag tu de ltar bya dgos de dag gi /dpe ni de 'dra mang du yod pa yin/ /yang de'i tshe na dge bsnyen ma ci 'dra ba dag cig 'dug ce na/ ji tsam khwa ma langs pa de tsam nas rang gis phyags ma blangs te/ rang gi nyen kor 'phyag cing ba'i lci ba'i byug pas sa gzhi byugs pas/ sa rgyan gyis mdzes par byed pa'i legs par bya ba byed pa yin/ des der bsod snyoms pa rab tu mang po 'ongs par shes na rang gi lag gis bza' ba dang / btung ba gya</font><hr>58.99b<br><font size=+1>

nom pa legs par rgyun du stobs par byed cing de dag dang bdag grong rdal lam/ grong khyer ram/ grong dag tu yang phrad cing 'grogs par gyur cig /bdag nam yang yul mtha' 'khob tu skye ba dang / dge ba'i bshes gnyen dang skol bar dus ston bzhi byed par ma gyur cig /bdag sbyin pa dang / tshul khrims spyad pa dang / nyan pa dang / bdag chos kyi gtam la rtag tu spyod par gyur cig ces de lta bu'i yon tan phun sum tshogs pa'i sring mo dge bsnyen ma yid rnam par dag pa ste/ de lta bu ni dge bsnyen ma'i yon tan dag yin no/ /de la dge slong dang dge slong ma ci 'dra ba dag cig ce na/ dul ba/ zhi ba/ bag tsha ba med pa/ zag pa zad pa/ tha ma'i lus 'dzin pa/ tsan dan gyi snying po 'dra ba'i 'khor dag go/ /de la byang chub sems dpa' sems dpa' chen po ci 'dra ba dag cig ce na/ thams cad kyang de bzhin gshegs pa'i chos 'dod pa/ thams cad kyang de bzhin gshegs pa'i snying po'i mdo sde 'dzin pa dang / thams cad kyang de bzhin gshegs pa'i phan pa ston pa/ thams cad kyang sangs rgyas rtag pa nyid 'dod pa/ thams cad kyang dgongs pa'i tshig la byang ba/ thams cad kyang nges pa'i don gyi mdo sde ston pa/ sran thub pa/ thams cad kyang tshul khrims 'chal pa rnams tshar gcod cing phan 'dogs par zhugs pa des pa rnams la mchog tu gus pa/ theg pa chen po la dad pa chen po thob pa/ nyan thos dang / rang sangs rgyas kyi theg pa la ya mtshan du mi 'dzin pa/ 'di lta bu'i mdo sde rgya chen po mchog bor nas mdo sde gzhan mi sgrogs pa'i shes rab can/ gang du sangs rgyas rtag pa de bzhin gshegs pa'i snying po yod do zhes bstan pa gzhan yang sgrogs shing mi spong ba/ brtan pa/ 'jig tshogs la lta bas stong pa stong pa ma yin gyi/ 'dus byas thams cad rang bzhin gyis stong pa ther zug mchog gi gzhi de 'dod pa de</font><hr>58.100a<br><font size=+1>

lta bu la sogs pa'i yon tan la brten pa dag ste/ yon tan lhag ma ni bsam gyis mi khyab bo/ /'od srung de lta bas na khyod kyis lan gnyis lan gsum du yang 'khor sol cig /de nas gnas brtan 'od srung chen pos lan gnyis lan gsum gyi bar du yang bltas shing brtags te bsal na sbun pa lta bu'i skyes bu lhag ma'i 'khor dag yod par 'gyur ro/ /yang lan gsum gyi bar du bsal bas bsal ba na skyes bu sbun pa lta bu ma yin pa sha stag tu gyur to/ /de nas bcom ldan 'das kyis yang gnas brtan 'od srung chen po la bka' stsal pa/ 'od srung da 'khor 'di dag dag pa snying por gyur pa yin mod/ yang bcom ldan 'das kyis bka' stsal pa/ 'od srung 'khor 'dir legs par sbyangs pa legs so legs so/ /gsol pa/ bcom ldan 'das ji ltar 'khor yongs su sbyangs pa lags/ ston ka'i zla ba nya ba la rnam par dag pa bzhin no/ /'od srung 'di lta ste dper na/ rtsis mkhan nam/ rtsis mkhan gyi slob mas/ sngon gyi sdom pas bsdams pa la 'god pa'i chas phrin lhag ma gang yin pa de 'dug pa ji lta ba de bzhin du 'khor lhags pa gang yin pa 'di dag thams cad ces bya ba nas grangs med pa dpag tu med pa zhes bya bar snga ma bzhin no/ /'od srung de dag las bye ba brgya stong gi cha'i cha gang dag yin pa ni mi mchog bag tsha ba med pa'i 'khor 'dug pa 'di dag yin gyis 'od srung da yang khyod kyis 'khor rnams la grogs po dag ci khyed cag rnga bo che chen po zhes bya ba'i mdo chen po yangs pa theg pa gcig pa 'di lta ste/ theg pa chen po dad par dka' ba/ yid ches par dka' ba 'di mnyan par nus sam zhes dris shig /'od srung de bzhin du khyod kyis lan gnyis lan gsum du yang 'khor rnams la dris shig /</font><hr>58.100b<br><font size=+1>

bcom ldan 'das legs so zhes gsol nas/ de nas gnas brtan 'od srung chen po stan las langs te bla gos phrag pa gcig du gzar nas pus mo g.yas pa'i lha nga sa la btsugs te/ bcom ldan 'das kyi zhabs la spyi bos phyag 'tshal nas langs te lan gsum du bskor ba byas nas 'khor mang po de la smras pa/ shes ldan dag ci rnga bo che chen po zhes bya ba'i mdo nyan pa'i 'os yin nam/ de bzhin gshegs pa'i theg pa gcig pa 'di lta ste/ theg pa chen po nyan thos dang / rang sangs rgyas thams cad kyi yul las 'das pa de khyod la ston par 'gyur ro/ /de bzhin du gnas brtan 'od srung chen pos lan gnyis lan gsum du yang skul ba bskul ba dang / de rnams kyis smras pa/ btsun pa 'od srung bdag cag dam pa'i chos mnyan pa'i ched du mchis lags pas nyan par 'tshal gyis/ btsun pa 'od srung de bzhin gshegs pas bdag cag la thugs brtse bas nye bar bzung ste/ mdo chen po de legs par bsgrags pa mdzad du gsol/ 'od srung chen pos smras pa/ ji ltar yid ches par 'gyur/ de dag gis smras pa/ btsun pa 'od srung dper na skyes bu btsas nas lo nyi shu lon pa zhig la bu lo brgya lon pa dag yod do zhes smras pa la gal te de bzhin gshegs pa de kho na bzhin du gsung na/ bdag cag gis kyang de bzhin du yid ches par bgyi lags na btsun pa 'od srung dam pa'i chos mnyan pa lta smos kyang ci 'tshal/ de ci'i slad du zhe na/ de bzhin gshegs pa ni ci gsung ba de bzhin du mdzad pa/ de bzhin gshegs pa ni kun nas spyan mnga' ba/ de bzhin gshegs pa ni sangs rgyas kyi spyan gyis gzigs pa yin no/ /btsun pa 'od srung gzhan yang bdag cag ni de bzhin gshegs pas mkhyen to/ /smras pa/ shes ldan dag khyed cag ni rnga bo che chen po'i mdo chen po mnyan pa dang / bklag pa</font><hr>58.101a<br><font size=+1>

dang / gzung ba dang / bstan pa'i 'os yin no/ /bcom ldan 'das kyis bka' stsal pa/ 'od srung 'di ni ji ltar skyes bu btsas nas lo nyi shu lon pa'i bu lo brgya lon pa dag ltar rnga bo che chen po'i mdo 'di yang de dang 'dra'o/ /de ci'i phyir zhe na/ de bzhin gshegs pa yongs su mya ngan las 'das bzhin du da dung du gnas so zhes bya ba dang / bdag yod pa ma yin zhing bdag gi yod pa ma yin pa dag la yang bdag ces bya bas so/ /de dag gis gsol pa/ de ni bcom ldan 'das kho nas mkhyen pas bcom ldan 'das kyis ji skad gsungs pa de bzhin du gzung bar bgyi lags so/ /'od srung gis gsol pa/ bcom ldan 'das de bzhin gshegs pas da ni rnga bo che chen po'i mdo chen po bshad du gsol/ bcom ldan 'das kyis chos kyi rnga bo che brdung du gsol/ bcom ldan 'das kyis chos kyi dung bud du gsol/ bka' stsal pa/ 'od srung legs so legs so/ /'od srung da ni khyod rnga bo che chen po'i mdo chen po 'di nyon cig /gsol pa/ bcom ldan 'das bdag cag gis mnyan par bgyi lags so/ /de ci'i slad du zhe na/ bcom ldan 'das gal te bdag gi spyod yul du ma gyur kyang de bzhin gshegs pas bdag rnga bo che chen po'i slad du bdag la gus par mdzad lags pas so/ /yang gsol pa/ ji ltar lags she na bcom ldan 'das kyis bdag la 'di skad ces 'od srung khyod nga dang lhan cig 'dug gis tshur shog ces gsungs te/ bcom ldan 'das bdag ni don de'i slad du bgyi ba gzo bar bgyis pa tshor bar 'tshal lo/ /bcom ldan 'das kyis bka' stsal pa/ 'od srung legs so legs so/ /ngas kyang don 'di'i phyir gsungs so/ /'od srung dper na rgyal po gsal rgyal gyis glang po che dang / rta dang / dmag mi rnams kha zas dang / </font><hr>58.101b<br><font size=+1>

bza' ba dang / btung ba dang / bldag pa la sogs pas gsor 'jug go/ /de ci'i phyir zhe na/ gang gi tshe bdag rnga bo che dang / rdza rnga dang / dung gi sgra shin du chen po 'byin pa dang / gdugs dang / rgyal mtshan dang / ba dan dag bsgreng ba dang / gang gi tshe pha rol gyi dpung gi tshogs chen po nye bar gnas par gyur pa de'i tshe bdag gis gsor bcug pa'i phan yon rjes su dran nas pha rol gyi dmag tshogs dang lhan cig g.yul 'gyed par 'gyur zhing de'i tshe sems can rnams la yang phan pa byed par 'gyur/ bdag gi bka' la yang phan pa byed par 'gyur ro snyam ste/ de dag kyang de bzhin du 'gyur ro/ /'od srung de bzhin du nga yongs su mya ngan las 'das na yang khyod kyis rnga bo che chen po'i mdo 'di 'byin par 'gyur ro zhes ngas khyod la stan gyi phyed bstan pa yin gyis nges pa kho nar de bzhin du gyis shig /gsol pa/ bcom ldan 'das bdag ni khyod kyi thugs las skyes pa'i sras kyi thu bor gzhag pa'i rigs lags so/ /'od srung dper na ko sa la'i rgyal po gsal rgyal rang gi bu rnams la 'di dag ni ma 'ongs pa'i dus na bdag gi rigs 'tsho bar 'gyur ro zhes bstan bcos sna tshogs dang / bzo'i gnas rnams la sbyong bar byed pa de bzhin du 'od srung khyod kyang nga 'das nas mdo 'di 'byin par 'gyur ro/ /'od srung dper na ko sa la'i rgyal po gsal rgyal rgyal po mang pos bsdos nas de rnams dang lhan cig g.yul 'gyed pa de dang de'i dus kyi dmag mi glang po che ba dang / rta pa dang / dpung bu chung gang dag yin pa las go cha bzang po bgos shing rnga bo che chen po dang / dung gi sgra thos na mi dngang mi skrag cing bred par mi 'gyur ba gang yin pa de dag la ni rgyal pos bza' ba dang / bca' ba dang / zas dang / skom dang / gos dang / </font><hr>58.102a<br><font size=+1>

rgyan dang / lhab lhub dang / chas dag sbyin par byed do/ /de las gzhan pa g.yul ngor zhugs nas g.yul 'gyed pa'i dmag mi gang yin pa de dag la ni gser dang / nor bu dang / mu tig la sogs pa dang / grong rdal dang / yul rnams sbyin par byed do/ /de na skyes bu dpa' bo sde dang bcas par phyir mi ldog pa/ glang po che ba dang / rta pa dang / shing rta pa dang ldan pas dgra'i dpung pham par byed pa gang yin pa de dag ni rgyal po rang gis rig par byas nas rgyal tshab tu dbang bskur ba'i cod pan bcing bar byed do/ /'od srung de bzhin du nga'i nyan thos dge slong dang / dge slong ma dang / dge bsnyen dang / dge bsnyen ma la bslab pa legs par ji ltar bcas pa la legs par bslabs pa gang yin pa de dag dang / so sor thar pa'i sdom pas bsdams pa dang / 'dul ba'i cho ga dang / spyod yul la gnas pa de dag la ni de bzhin gshegs pas lha dang mi'i bde ba sbyin par mdzad do/ /de las gzhan pas phung po'i bdud dang / nyon mongs pa'i bdud dang / 'chi bdag gi bdud dang / lha'i bu'i bdud pham par byed pa gang yin pa de dag la ni de bzhin gshegs pas 'phags pa'i bden pa bzhi'i rnam par grol ba'i cod pan 'ching bar mdzad do/ /de las gzhan pa'i rgya chen po la lhag par mos pa de bzhin gshegs pa'i snying po'i che ba'i bdag nyid rtag pa dang / brtan pa dang / zhi ba dang / ther zug pa 'dod pa'i sems can gang yin pa de dag la ni de bzhin gshegs pas rnam pa thams cad kyi mchog dang ldan pa thams cad mkhyen pa'i ye shes theg pa chen po dbang bskur ba'i cod pan 'ching bar mdzad do/ /'od srung de bzhin du khyod kyang de ring theg pa chen po'i dbang bskur ba'i cod pan bcings te/ sangs</font><hr>58.102b<br><font size=+1>

rgyas brgya stong phrag mang po'i spyan snga nas rnga bo che chen po'i mdo 'di 'byin par 'gyur ro/ /de lta bas na 'od srung khyod kyis kyang da ni nga 'das nas mdo 'di 'byung ba'i rigs so/ /gsol pa/ bcom ldan 'das re shig bdag gis rigs par lta rngo mi thog kyang bcom ldan 'das re shig de bzhin gshegs pa yongs su mya ngan las 'das sam bzhugs kyang bdag gis phyung nas bstan par bgyi lags so/ /bka' stsal pa/ 'od srung legs so/ /da ni de bzhin gshegs pas rnga bo che chen po zhes bya ba'i mdo chen po bshad pa brtsam mo/ /de nas nam mkha' las lha'i tshogs dang / 'brug gi tshogs kyis legs so zhes bya ba byin te/ 'od srung legs so legs so/ /sems can thams cad la phan pa dang / bde ba'i phyir da ni lha rnams dang / 'brug gi tshogs rnams kyang me tog gi char 'bebs shing bdud rtsi'i chus gang ba'i phye ma'i char gyi rgyun chen po yang 'bebs so/ /'od srung khyod bcom ldan 'das kyi zhal dang thugs las skyes pa ste/ de bzhin gshegs pa'i sras kyi thu bor 'os so/ /de nas lha'i tshogs dang / 'brug gi tshogs kyis skad mthun par tshigs su bcad pa 'di smras so/ /mnyan yod grong khyer dag tu rnga chen dang / /shin du rnga chen dung rnams sgrogs pa na/ /mgon po chos kyi rje yis rgyal byed kyi/ /tshal du chos kyi rnga chen sgrogs par mdzad/ /'od srung khyod kyis chos rnga brdung bar gyis/ /chos kyi rgyal po dag gis gsungs pa'i mdo/ /zhu ba'i dbyig gus chos rnga che brdungs na/ /lha'i lhas chos mang the tsom gcod par mdzad/ /rnga bo che chen po'i mdo chen po las 'od srung 'ongs pa zhes bya ba'i le'u'o// //de nas bcom ldan 'das kyis gnas brtan 'od srung chen po la 'di skad ces bka' stsal to/ /'od srung ngas sngar/ mdo 'di las gong</font><hr>58.103a<br><font size=+1>

nas gong du dge slong yangs pa la dad pa'i yid can zhes bya ba zhig yod ces bshad pa dge slong de'i ming dge slong ngam/ dge slong ma 'am/ dge bsnyen nam/ dge bsnyen ma 'am/ sems can gang dag gis thos pa'i sems can de dag thams cad kyi 'dod chags dang / zhe sdang dang / gti mug gi zug rngu rnams dbyung bar 'gyur ro/ /de ci'i phyir zhe na/ 'od srung 'di lta ste dper na/ ko sa la'i rgyal po gsal rgyal la 'tsho byed kyi bu sman mchog ces bya ba yod de/ de gang gi tshe rgyal po gsal rgyal pha rol gyi dmag tshogs dang lhan cig g.yul 'gyed par 'gyur la de nas rgyal pos g.yul shom pa na sman pa sman mchog bkug ste/ bkug nas 'di skad ces sman pa sman gang gis sems can gang dang gang dag zug rngus zug par gyur pa'i sems can de dang de dag ji lta ji ltar zug rngu dbyung bar 'gyur ba de lta bu'i sman sbyor la myur du khyer te shog shig /de nas sman pa sman mchog des sman gyi rgyal po dug sman rtol pa zhes bya ba khyer nas rgyal po chen po g.yul ngor 'jug pa'i rnga bo che la sman des byug shing bdugs te brdungs so/ /byugs shing bdugs te brdungs ma thag tu sems can zug rngus zug par gyur pa gang dag yin pa de dag gis sgra dpag tshad dam/ dpag tshad gnyis su thos nas thos pa tsam gyis sems can de dang de dag thams cad kyi zug rngu rnams dbyung bar 'gyur/ zug rngu rnams bsal bar 'gyur ro/ /'od srung de bzhin du dge slong yangs pa la dad pa'i yid can de'i ming thos pa'i sems can gang dag yin pa de dag thams cad kyi 'dod chags dang / zhe sdang dang / gti mug gi zug rngu rnams 'byung bar 'gyur ro/ /de ci'i phyir zhe na/ des nga'i bstan pa la mdo 'di phyung zhing rgyas par</font><hr>58.103b<br><font size=+1>

byas te/ de bas na chos dang ldan pa mngon sum du byas pa de'i mthu'o/ /'od srung ltos/ re shig rgyal po'i rnga bo che sems med pa phal pa de yang sems dang bcas pas sman gyis byugs shing bdugs te brdungs ma thag tu sems can rnams la phan pa skyed par byed na/ byang chub sems dpa' sems dpa' chen po yangs pa la dad pa'i yid can gyi ming thos pas sems can rnams kyi nyon mongs pa rnam pa gsum 'bral bar 'gyur ba lta smos kyang ci dgos/ gal te de ltar re shig byang chub sems dpa'i ming thos pas sems can rnams kyi 'dod chags dang / zhe sdang dang / gti mug gi zug rngu rnams 'bral bar 'gyur na/ bcom ldan 'das shAkya thub pa la phyag 'tshal lo zhes sangs rgyas bcom ldan 'das rnams kyi mtshan brjod pa 'am/ yon tan yongs su bsgrags pa lta smos kyang ci dgos/ gal te de ltar bcom ldan 'das shAkya thub pa'i mtshan tsam gyis sems can rnams kyi 'dod chags dang / zhe sdang dang / gti mug gi zug rngu rnams 'bral bar 'gyur na sems can la phan pa ston pa zhig gis rnga bo che chen po'i mdo 'di las 'gres sam/ tshigs su bcad pa 'am/ tshig 'ga' tsam 'am/ ming tsam bstan pa 'am/ le'u ston na sems can rnams kyi 'dod chags dang / zhe sdang dang / gti mug gi zug rngu rnams 'bral bar 'gyur ba lta smos kyang ci dgos/ de ci'i phyir zhe na/ ngas dge slong dag tshul khrims dang ldan pa'i sems kyi smon lam 'grub bo zhes bshad de/ sngon smon lam legs par sbyang ba byas pa'i phyir ro/ /'di ni sangs rgyas bcom ldan 'das thams cad kyi chos nyid yin te/ 'di lta ste/ rnga bo che chen po'i mdo chen pos ma byas pa/ ma byung ba</font><hr>58.104a<br><font size=+1>

ma 'gags pa'o/ /'od srung khyod kyang de lta bas na ma 'ongs pa'i dus na nga dang 'dra bar 'gyur ro/ /de ci'i phyir zhe na/ khyod kyi yang ming thos pa'i dge slong ngam/ /dge slong ma 'am/ dge bsnyen nam/ dge bsnyen ma gang yin pa de dag dang / sems can de dag thams cad kyi 'dod chags dang / zhe sdang dang / gti mug gi zug rngu rnams 'bral bar 'gyur ro/ /de'i phyir 'od srung khyod kyang mdo 'di zhus nas yun ring por 'jig rten du 'byin par 'gyur ro/ /gsol pa/ bcom ldan 'das gal te de lta lags na rnga bo che chen po'i mdo chen po de las phyogs 'ga' tsam zhig bdag la legs par bshad du gsol/ /'od srung dus la bab kyis khyod nga la phyogs 'ga' zhig zhus shig /'od srung gis legs so zhes gsol nas zhu ba 'di zhus so/ /bcom ldan 'das gang na srid yod srid pa der sdug bsngal/ /gang na srid med sdug bsngal med pa yi/ /mya ngan 'das pa de ni mchog tu bde/ /bde sdug spang phyir mya ngan 'das mchog 'gyur/ /srid pa yod na bde dang sdug bsngal te/ /srid pa med na bde dang sdug bsngal med/ /de'i phyir mya ngan 'das thob 'dod pa yis/ /rigs kyi bu yis srid 'dod yongs su gcad ces bka' stsal pa 'di'i don ci lags/ 'dir tshigs su bcad pas legs par bka' stsal pa/ sred pa thams cad mi rtag mi brtan la/ /thams cad du yang snying po med pas na/ /srid pa gang yin de ni sdug bsngal te/ /gang la srid med de na sdug bsngal med/ /srid pa yod pa min na sdug bsngal med/ /'di na srid yod sdug bsngal 'gyur bas na/ /srid la mngon par dga' bar mi bya zhing / /srid pa rnams la yid brtan 'gro mi bya/ /bcom ldan srid dang srid</font><hr>58.104b<br><font size=+1>

pa med pa dang / /bde dang sdug bsngal 'gyur ba yod par ston/ /de skad gsungs nas/ bcom ldan 'das kyis gnas brtan 'od srung chen po la bka' stsal to/ /'od srung de ltar tshig gi don 'di ni brtan pa'i tshig gi don yin pas re shig 'od srung khyod kyis mi shes so/ /sems can ni phal cher srid pa gcod par mi byed de/ sems can rnams ni 'du byed skud pas brgyus/ /srid med mya ngan 'das pa mchog tu bde/ /'od srung gis gsol pa/ gang gis mya ngan 'das thob pa/ /mya ngan 'das pa de mi gnas/ /de la bde ba ming tsam ste/ /mis ni myong bar 'gyur ma mchis/ /bcom ldan 'das kyis bka' stsal pa/ thar pa brtan pa ming tsam min/ /yod dang med dang ther zug gzhi/ /de lta bas na 'di ni nyan thos dang / rang sangs rgyas thams cad kyi yul ma yin zhing spyod yul ma yin no/ /gsol pa/ bcom ldan 'das ji ltar gzugs kyang lags la ther zug kyang lags/ bcom ldan 'das kyis bka' stsal pa/ 'od srung dper na lho phyogs kyi yul skye bo'i bcom brlag ces bya ba nas sems can gzhan 'ga' zhig 'ongs par gyur la/ mi de la mi 'ga' zhig gis khyod gang nas 'dir 'ongs shes dris pa dang / de nas des smras pa/ kho bo ni lho phyogs kyi bcom brlag nas 'ongs so/ /mis yang smras pa/ de yul gyi phyogs gang na yod/ de nas mi des mdzub mos lho phyogs kyi lam gyi nam mkha' bstan na/ 'od srung mi des mi de la ji ga yid ches par 'gyur ram/ de ci'i phyir zhe na/ song na de mthong bar 'gyur ro/ /'od srung de bzhin du khyod kyis ma mthong bar dad pas yid ches par gyis shig / 'phags pa rnga bo che chen po'i le'u/ bam po gnyis pa/ de nas bcom ldan 'das kyis tshigs su bcad</font><hr>58.105a<br><font size=+1>

pa 'di bka' stsal to/ /ji ltar mkha' la mdzub mos ston pa ltar/ /de bzhin thar pa ming tsam gyis bstan to/ /ji ltar lho phyogs bcom brlag mi bzhin du/ /de bzhin nga nyid brten pa med nas byon/ /'od srung 'di la 'ang don mthong na/ /rgyu ni dgos pa yod med de/ /mngon sum ma gyur don la ni/ /rgyu dang rkyen kyang de bzhin no/ /'od srung de lta bas na sangs rgyas bcom ldan 'das kyis rgyu du mas thar pa'i tshig gi don nye bar ston par mdzad do/ /bka' stsal pa/ 'od srung rgyu zhes bya ba ci yin par 'dod/ gsol pa/ rgyu ni byed rgyu zhes bgyi ba lags so/ /bcom ldan 'das kyis bka' stsal pa/ rkyen ces bya ba gang gi tshig bla dgas yin/ gsol pa/ bcom ldan 'das rkyen ces bgyi ba de ni rten lags so/ /bka' stsal pa/ 'od srung rigs pa'i dpe dang / rgyu dang nye bar sbyar ba dang / byed rgyu rnams kyis de ji lta bu yin pa de kho na de bzhin du gsal bar ston cig /gsol pa/ bcom ldan 'das dper na pha dang ma gnyis 'dus pa las bu 'byung bar 'gyur te/ de la ma ni rgyu lags so/ /pha ni rkyen lags te/ de lta bas na pha dang ma gnyis ni bu'i rgyu dang rkyen lags so/ /de bzhin du rgyu dang rkyen gyis chos skye bar 'gyur te/ 'di ni grub pa zhes bgyi'o/ /grub pa zhes bya ba ci yin/ grub pa zhes bgyi ba ni 'jig rten gyi grags pa lags so/ /'jig rten zhes bya ba ci yin/ 'od srung gis gsol pa/ sems can dang ldan pas btags pa gang lags pa'o/ /sems can zhes bya ba ci yin/ sems can zhes bgyi ba ni chos kyi brdar btags pa lags so/ /chos zhes bya ba ci yin/ gsol pa/ chos ma lags pa'i chos dang / chos kyi chos so/ /chos de dag kyang rnam pa gnyis su bstan to/ /rnam pa gnyis gang lags she na/ 'dus byas dang / 'dus ma byas dang / gzugs can dang / gzugs can ma lags pa ste/ </font><hr>58.105b<br><font size=+1>

de las mu gsum pa ni ma mchis pa lags so/ /de la chos zhes bya ba ji lta bu yin/ gsol pa/ chos zhes bgyi ba ni gzugs ma mchis pa lags so/ /bka' stsal pa/ chos ma yin pa ji lta bu yin/ chos ma lags shes bgyi ba de yang gzugs ma mchis pa lags so/ /bka' stsal pa/ gal te chos dang chos ma yin pa gzugs med cing mtshan ma med pa yin na de la chos ni gang / chos ma yin pa ni gang / gsol pa/ chos zhes bgyi ba ni mya ngan las 'das pa zhes bgyi ba lags so/ /chos ma lags pa zhes bgyi ba ni sred pa zhes bgyi ba lags so/ /bka' stsal pa/ gal te de ltar chos dang chos ma yin pa gzugs med cing mtshan nyid med pa yin na sangs rgyas rnams kyis ji ltar ci zhig mtshan ma gang gis 'di ni chos yin no zhes rnam par mkhyen par 'gyur/ gsol pa sems can rnams 'khor bar skyes nas dge ba'i bsod nams dang / dge ba'i rtsa ba rnam pa sna tshogs la bsten pa na de'i tshul 'di dang / de de ltar chos mngon du yang dag par spyad pas dge ba'i mtshan nyid thams cad kun du skye bar 'gyur ba ste/ de ltar chos mngon du yang dag par spyod pa gang lags pa de lta bu'i sems can de dag ni chos lags so/ /sems can rnams 'khor bar skyes nas bsod nams ma lags pa/ sdig pa'i las rnam pa sna tshogs kun du spyod cing chos ma lags pa kun spyod pa/ de kho na la sdig pa mi dge ba'i mtshan nyid de dag thams cad skye bar 'gyur te/ de ltar chos ma lags pa kun du spyod pa gang lags pa de lta bu'i sems can de ni chos ma lags pa lags so/ /de la sems can zhes bgyi ba ni nang gi sa'i khams dang / chu'i khams dang / me'i khams dang / rlung gi khams dang / </font><hr>58.106a<br><font size=+1>

khams bzhis yang dag par bsdus shing btags pa dang / mig dang / rna ba dang sna dang / lce dang / lus dang / yid kyi skye mched drug dang / dbang po lnga dang / tshor ba dang / 'du shes dang / sems pa dang / sems dang / yid kyi rnam par shes pa ste/ de ltar srid pa'i yan lag bcu gsum gyi bar ni chos thams cad ces bgyi ba lags so/ /bka' stsal pa/ 'od srung de dag kho na la sems can gyi chos zhes bya na/ de la sems can zhes bya ba'i chos gang yin zhe na/ gsol pa/ de la sems can zhes bgyi bar btags pa'i chos 'ga' yang ma mchis lags so/ /de ci'i slad du zhe na/ bcom ldan 'das dper na ko sa la'i rgyal po gsal rgyal gyi rnga bo che zhes bgyi ba gang lags pa de'i rnga bo che zhes bgyi ba de gang lags/ bka' stsal pa/ 'od srung rnga bo che gang yin pa de nyid rnga bo che yin par shes par bya ste/ rnga bo che zhes bya ba ni lpags pa dang / dbyig gu dang / shing leb dang / chos 'di gsum tshogs pa gang yin pa'i chos de dag la rnga bo che zhes bya'o/ /gsol pa/ de la brdung ba'i mi la rnga bo che zhes bgyi ba lags sam/ bka' stsal pa/ mi med par yang rnga bo che rlung gis bskyod pa na sgra 'byung ngo / /gsol pa/ bcom ldan 'das ci lags/ rnga bo che zhes bgyi ba chos sam/ 'on te chos ma lags pa lags/ bka' stsal pa/ rnga bo che zhes bya ba 'di ni chos kyang ma yin/ chos ma yin pa yang ma yin no/ /gsol pa/ de ci zhes bgyi/ bka' stsal pa/ chos gang zhig chos gang dang yang lhan cig ldan pa ma yin zhing / chos ma yin pa dang yang ma yin pa 'di lung du ma bstan pa'i chos zhes bya'o/ /gsol pa/ gal te lung du ma bstan pa'i chos shig mchis na des na 'jig rten na chos gsum mchis par 'gyur ro/ /bka' stsal pa/ lung du ma bstan pa zhes bya ba gang yin pa de ni ji ltar skyes pa yang ma yin/ bud med kyang ma yin pa ltar ma ning zhes bya'o/ /dper na ji lta bu lags/ bka' stsal pa/ 'od srung khyod kyis</font><hr>58.106b<br><font size=+1>

'di ni pha dang ma 'dus pa'i bu yin no zhes smras pa gal te pha dang ma 'bras bu med par gyur na kha cig 'di skad ces ma dang pha ni rgyu dang rkyen ma yin no zhes smra bar 'gyur ro/ /yang bka' stsal pa/ sems can gyi sa bon gyi dngos po med pa gang yin pa de dag ni 'bras bu med pas de dag ni rtag tu ma ning zhes bya bar shes par bya'o/ /de ci'i phyir zhe na/ 'od srung dper na ko sa la'i rgyal po gsal rgyal gang gi tshe pha rol gyi dmag tshogs dang lhan cig lhag par nyam nga bar gyur pa na brgya la ji zhig ltar gyur pa de'i tshe/ de'i drung du dbang thang gis 'tsho ba dag de dang lhan cig rjes su mi 'brang zhing sgrol bar mi byed pa gang yin pa de dag bud med dang 'dra bar blta bar bya'o/ /gsol pa/ ci'i slad du/ bka' stsal pa/ rgyal po rnams ni zho shas 'tsho ba'i mi rnams kyi rang bzhin brtags nas gsor 'jug go/ /rgyu des na sa bon med pa'i sems can de dag pha dang mar mi 'gyur bas sems can de dag rtag par ma ning yin par blta bar bya'o/ /yang bka' stsal pa/ dge ba'i chos dang / mi dge ba'i chos dang / lung du ma bstan pa'i chos te/ dge ba'i chos ni tshor ba bde ba yin no/ /mi dge ba'i chos ni tshor ba sdug bsngal ba yin no/ /lung du ma bstan pa'i chos ni tshor ba bde ba yang ma yin/ sdug bsngal ba yang ma yin pa yin te sems can rnams ni chos 'di gsum gyis rtag tu reg par 'gyur ro/ /de la tshor ba bde ba zhes bya ba ni lha dang mi rnams kyi 'dod pa'i yon tan lnga yin no/ /tshor ba sdug bsngal ba zhes bya ba ni sems can dmyal ba dang / dud 'gro'i skye gnas pa dang / yi dgas kyi 'jig rten gyi yin no/ /tshor ba bde ba yang ma yin/ sdug bsngal ba yang ma yin pa ni ji ltar 'brum bu phra mo dang / shu ba yin te de la 'brum bu phra mo dang / shu bas nyon mongs pa'i sems can rnams ni lung du ma bstan pa yin nam/ 'od srung gis gsol pa/ bcom ldan 'das de ni ma lags so/ /bka' stsal pa/ ci'i phyir/ gsol pa/ bde ba las sdug bsngal 'byung zhing sdug bsngal las kyang sdug bsngal 'byung bas 'di gnyis ka lung du ma bstan pa lags</font><hr>58.107a<br><font size=+1>

so/ /bka' stsal pa/ ci kha zas las nad byung ngam/ gsol pa/ gang gi tshe 'tshal ba de'i tshe bde ba zhes bgyi ba lags so/ /gang gi tshe nad du gyur pa de'i tshe sdug bsngal zhes bgyi ba lags te/ de la shu ba gang lags pa de ni lung du ma bstan pa zhes bgyi lags so/ /bka' stsal pa/ gal te de lta bas na bde ba dang sdug bsngal ba yang lung du ma bstan pa zhes bya la pha dang ma dang bu yang lung du ma bstan par 'gyur ro/ /gsol pa de ni ma lags so/ /bka' stsal pa/ 'o na ji lta bu yin/ gsol pa/ ji ltar 'du shes med 'du shes med min la sogs pa'i lha ther zug gi gzhi zhes mi bgyi ba lta bu'i chos dge ba 'di yang de dang 'dra lags so/ /bka' stsal pa/ 'od srung khyod kyis tshor ba dang / 'du shes la sems can no zhes smras pa/ des na 'du shes med 'du shes med min la sogs pa'i lha dag sems can ma yin par 'gyur ro/ /gsol pa/ bcom ldan 'das de rnams la yang 'du byed kyi ngo bo mchis lags so/ /bka' stsal pa/ 'o na tshor ba dang 'du shes ma gtogs pa'i chos 'di dag la sems can zhe 'am/ 'on te kha cig de lta bu'i sems can dag yod do zhes zer na/ des na 'di ltar sems can ma yin pa'i chos dang ldan pa dag sems can du 'gyur ro/ /ci'i slad du/ sems can gzugs can yin nam 'on te gzugs can ma yin/ gsol pa/ gzugs can yang ma lags/ gzugs can ma lags pa yang ma lags mod kyi chos de dag dang ldan pa ni sems can zhes bgyi lags so/ /bka' stsal pa/ gal te de ltar na sems can ma yin pa'i chos dang ldan pa de dag sems can du skye bar 'gyur ba'i gzugs med pa zhes bya'o/ /ji ste de ltar gyur na 'jig rten du chos rnam pa gnyis po gzugs can ma yin pa de 'byung bar 'gyur te/ chos gzugs can dang / chos ma yin pa gzugs can no/ /thar pa chos dang lhan cig gam/ 'on te chos ma lags pa dang lhan cig lags/ gzugs ma mchis pa'i lha la yang thar</font><hr>58.107b<br><font size=+1>

pa mchis pa lags sam/ bka' stsal pa/ de ni ma yin te/ chos 'dus byas dang / 'dus ma byas pa yod pas/ de'i phyir gzugs med pa'i lha de dag kyang 'dus byas kyi nang du bgrang bar 'gyur gyi thar pa ni 'dus ma byas yin no/ /gsol pa/ des na gzugs ma mchis pa'i lha rnams kyang gzugs dang ldan par 'gyur lags so/ /'od srung ji ltar 'dus byas thams cad gzugs can yin pa dang / 'dus ma byas gzugs can ma yin par gsal bar smros shig /gsol pa/ bcom ldan 'das gzugs ma mchis pa'i lha rnams gzugs dang ldan no zhes bgyi ba'i gzugs sangs rgyas kyi yul du 'gyur ba lags grang / bdag cag gi yul du ni mi 'gyur lags so/ /bka' stsal pa/ 'od srung legs so legs so/ /de bzhin du thar par gshegs pa'i sangs rgyas bcom ldan 'das rnams kyang nga'i yul yin te/ de rnams kyang gzugs can yin la thar pa de yang gzugs can yin no/ /yang bka' stsal pa/ 'od srung ci khyod kyis gzugs med pa'i lha rnams kyi lha'i gnas dang byed pa yang dag par shes sam/ yang bka' stsal pa/ 'od srung ci khyod kyis gzugs can gyi lha rnams gzugs med pa zhes bya ba'i nang du bgrang ngam/ ci na bdag cag gi yul ma lags so zhes zer/ yang bka' stsal pa/ thar pa brnyes pa'i sangs rgyas blo shin du rnam par dag pa rnams kyang de kho na bzhin du gzugs zhes bya bar gsal bar yang dag par ltos shig /'od srung gis gsol pa/ bcom ldan 'das gal te de ltar na thar pa thob pa gnas pa'i phyir yang bde ba dang / sdug bsngal myong bar 'gyur lags so/ /bka' stsal pa/ sems can nad pa zhig sman bcud kyis len 'thungs nas nad dang bral bar gyur na ci yang nad bu can du 'gyur</font><hr>58.108a<br><font size=+1>

ram/ gal te 'ga' zhig mchis na nges par 'gyur lags so/ /bka' stsal pa/ gal te las med kyang 'gyur ram/ gsol pa/ bcom ldan 'das de ni ma lags so/ /bka' stsal pa/ 'od srung bde ba dang sdug bsngal spangs pa de nyid thar pa yin te/ nad ni bde ba dang sdug bsngal lta bu yin la mi lta bur ni mya ngan las 'das pa thob par blta'o/ /gsol pa/ bcom ldan 'das ci lags/ bde ba dang sdug bsngal spangs pa zhes bgyi ba las ma mchis pas nad zad pa thob pa lags sam/ bka' stsal pa/ thar pa thob pa ni 'jig rten gyi bde ba dang sdug bsngal gyi las gang yin pa de dang bral zhing zad pa bzhin no/ /bcom ldan 'das de ci'i slad du yang 'gum par mi 'gyur lags/ bka' stsal pa/ nam mkha' nam mkha' lta bu'o zhes bya ba rgya mtsho chen po nam mkha' lta bu'o zhes pa/ ci nam mkha' dpe med pa rgya mtsho chen po lta bu yin nam/ de bzhin du thar pa ni dpe med pa yin no/ /ji ltar gzugs med pa'i lha rnams kyi gzugs yod kyang dga' ba de dang de lta bus gnas pa mi shes pa de bzhin du nyan thos dang / rang sangs rgyas rnams kyi thar pa yang btags pa med do/ /gsol pa/ bcom ldan 'das nam mkha' yang mi rtag pa lags so/ /bka' stsal pa/ dper na ji lta bu ji ltar rgyal po gsal rgyal gyi khang bzangs ngang pa ltar dkar ba brtsigs pa de'i tshe nam mkha' nyams pa de ni nam mkha' zhig pa zhes bgyi lags so/ /bka' stsal pa/ chos gzugs med pa ji ltar 'jig /gzugs med pa'i lha rnams kyang ji ltar 'jig lags/ bka' stsal pa/ gzugs med pa'i lha gang dag yin pa de dag sems can zhes bgyi bar bgrang ngam ci/ bcom ldan 'das nam mkha' sems ma mchis pa sems dang bcas pa ji ltar 'gyur lags/ bka' stsal pa/ nam mkha' la rten pa'i khang pa 'am/ ri gang dang gang dag</font><hr>58.108b<br><font size=+1>

yin pa zhig kyang nam mkha' mi 'jig pa ltar mya ngan las 'das pa'i dbyings kyi 'gro ba thams cad la khyab pa yang de dang 'dra'o/ /rten nam mkha' mi 'jig pa ltar byed pa po dang / tshor ba po yang de dang 'dra lags sam/ bka' stsal pa/ 'od srung mya ngan las 'das pa'i dus na/ sems can rnams kyi las dang / nyon mongs pa'i chos yod pa gang yin pa 'jig par 'gyur ro/ /bcom ldan 'das sems can thams cad dang / chos thams cad ma mchis pa ji lta bu lags/ rnga bo che'i tshogs pa ji lta ba bzhin no/ /yang gsol pa/ ji ltar gdugs kyi 'od dang / nor bu'i 'od gnyis po de las 'jig rten na zhugs zhes bgyi ba de bzhin du mi rnams las bdag gir bya ba zhes bgyi na bcom ldan 'das chos gcig po 'di gang gi rnam par smin pa lags/ bka' stsal pa/ 'od srung khyod kyis mi shes sam/ gsol pa/ bcom ldan 'das 'tshal lags so/ /bka' stsal pa/ zla ba byung ba smros shig /bcom ldan 'das zla ba ni sems can rnams kyi rnam par smin pa las skyes pa'i chos ma lags so/ /bka' stsal pa/ gal te de lta na dpe brjod dgos te/ ci ste nor bu dang / zla ba dang / nyi ma dang / me sems can gyis ma byas kyi/ tshogs pas byas pa yin na/ steng gi lha rnams kyis phyag bya ba'i nyi ma dang / zla ba de dag ci sems can ma yin nam/ bcom ldan 'das sangs rgyas bcom ldan 'das kyang yongs su mya ngan las 'das kyi bar du sems can zhes bgyi bas de dag kyang sems can gyi grangs su bgrang ba lags so/ /bcom ldan 'das kyis bka' stsal pa/ de ni sems can ma yin no/ /de ci'i slad du lags/ sems can grong ba'i bshes gnyen can phal pa ma yin pa yang sems can rnams dang mnyam par mi rtsi bas/ sangs rgyas ni rnam par smin pa las skyes pa'i chos kyi rgyu 'thun pa ste/ </font><hr>58.109a<br><font size=+1>

sangs rgyas ni yongs su mya ngan las 'das pa yin la/ sems can yang rnam par smin pa las skyes pa'i chos kyi rgyu 'thun pa yin no/ /'od srung gang gi tshe sems can thams cad zad par gyur pa de'i tshe/ gal te me byung nas 'jig pa 'am/ 'byung bar 'gyur ba de smros shig /bcom ldan 'das ma 'tshal lags so/ /ngas sngar khyod kyi mi shes so zhes gsungs so/ /bcom ldan 'das skye ba dang / rga ba dang / na ba dang / 'chi ba gang nas mchis/ gang du mchi lags/ bka' stsal pa/ rnga bo che'i sgra gang nas 'ongs/ gang du 'gro/ bcom ldan 'das tshogs pa las lags so/ /bka' stsal pa/ ji lta bu yin/ ji ltar chos thams cad ma bgyis pa/ byed pa po ma mchis pa/ byed pa po dang bral ba ltar rnga bo che'i sgra yang de dang 'dra lags so/ /bka' stsal pa/ de ni ma yin te/ rnga bo che la ni byed pa po yod dam/ bcom ldan 'das ma mchis lags so/ /bka' stsal pa/ de bzhin du mya ngan las 'das pa ther zug gi gzhi thob pa'i sems can de dag su zhig byed de byed pa po med do/ /sems can rnams rang gi bdag nyid kyis bdag byed de/ ji lta zhe na/ sems can gyis gal te bsod nams byed na ni sangs rgyas yin la/ 'on te mi byed na ni sems can yin no/ /sems can thog ma sus bgyis lags/ bka' stsal pa/ 'du shes med 'du shes med min gyi lha la sogs pa gzugs med pa'i lha rnams kyang sus byas/ gson por yang ji ltar gnas/ bcom ldan 'das las kyis ni gnas lags na de dag gi las dang de bzhin du khyim bdag tshong dpon dang tshul yang 'tshal bar ni rngo mi thog lags so/ /shin tu gnas pa nyid du su zhig byed/ gsol pa/ las kyis bgyid do/ /las las ni chos du ma skye ste/ dge ba las kyang chos du ma skye'o/ /de la dge ba las skye</font><hr>58.109b<br><font size=+1>

ba'i chos ni gang dag lags mi dge bas skye ba ni gang dag lags/ bka' stsal pa/ las las ni srid pa skye'o/ /dge ba'i las las ni thar pa skye'o/ /gsol pa/ bcom ldan 'das ma skyes pa'i gnas dge ba la ji ltar skye bar 'gyur lags/ bka' stsal pa/ gzhan ma yin pa de bzhin nyid las so/ /gal te sangs rgyas dge ba las skye ba lags na/ mi skye ba'i gnas ji ltar 'thob lags/ bka' stsal pa/ legs par skye ba'i las kyis so/ /de sus bslabs lags/ bka' stsal pa/ thog ma med pa'i dus kyi sangs rgyas rnams kyis bslabs so/ /thog ma ma mchis pa'i dus thams cad su zhig gis mngon par sprul cing bslabs lags/ bka' stsal pa/ thog ma med pa'i ni nyan thos dang / rang sangs rgyas thams cad kyis shes pa 'am bsam par mi nus so/ /gal te 'jig rten du shA ri'i bu lta bur mang du thos par gyur pa'i mi 'ga' zhig byung ste/ des 'di ltar sangs rgyas rnams kyi sangs rgyas 'byung ba'i dang po gang yin zhes dus ring po mtha' yas par rtag tu bsams kyang shes pa 'am bsam par mi nus kyi de'i bar skabs su mya ngan las 'da' bar 'gyur ba kho nar zad do/ /yang bcom ldan 'das kyis bka' stsal pa/ maud gal gyi bu chen po lta bu dag phyi ma'i mtha' yas par rtag tu rdzu 'phrul gyi stobs kyis song yang sangs rgyas rnams kyi sangs rgyas 'byung ba dang / zhing blta ba rtogs par mi nus te/ byang chub sems dpa' byams pa la sogs pa sa bcu thob pa rnams kyis kyang de bzhin no/ /nyan thos dang / rang sangs rgyas thams cad kyis kyang de bzhin no/ /yang bka' stsal pa/ sangs rgyas 'byung ba ji lta ba de bzhin du sems can 'byung ba yang de kho na bzhin du shes par gyis shig /bcom ldan 'das de bzhin du byed pa po dang / tshor ba po yang ma mchis pa ma lags sam/ </font><hr>58.110a<br><font size=+1>

bka' stsal pa/ 'od srung byed pa po dang / tshor ba po ni rgyu yin no/ /gsol pa/ bcom ldan 'das 'jig rten 'di la bas pa mchis sam/ 'on te ma mchis/ bka' stsal pa/ 'jig rten la ni nam yang ji ltar yang lan 'ga' yang zad pa med do/ /yang bka' stsal pa/ 'od srung khyod la dpe bstan par bya'o/ /bcom ldan 'das ji lta bu lags/ bka' stsal pa/ 'od srung dper na rgya mtsho zad mi shes pa la mi 'ga' zhig gis skra'i rtse mos bcus na/ ba lang gi rmig rjes tsam du 'gyur ram mi 'gyur/ gsol pa/ bcom ldan 'das de 'gyur lags so/ /bcom ldan 'das kyis bka' stsal pa/ 'od srung 'das pa'i dus bskal pa grangs med pa'i ches grangs med pa/ bskal pa yangs shing ches yangs pa zhig byung ba de'i tshe de'i dus na 'jig rten du yang dag par rdzogs pa'i sangs rgyas sgra can zhes bya ba zhig byung ste/ de nas bcom ldan 'das des grong khyer chen po 'di nyid du chos bshad pa de'i tshe li tsa bi gzhon nu 'jig rten thams cad kyis mthong na dga' ba zhes bya ba 'di chos kyi rgyal po chos dang ldan pa 'khor lo sgyur ba'i rgyal por gyur to/ /de nas rgyal po de bzhin gshegs pa de'i drung du song nas/ des 'byor pa chen po dang / klu'i bskor ba byas nas btsun mo dang lhan cig tu bcom ldan 'das la mchod de tshig 'di dag gsol to/ /bcom ldan 'das bdag nam zhig na byang chub sems dpar 'gyur lags/ de'i tshe bcom ldan 'das kyis bka' stsal pa/ rgyal po chen po 'khor los sgyur ba'i rgyal por gyur pa gang yin pa de ni byang chub sems dpa' las gzhan du mi 'gyur ro/ /de ci'i phyir zhe na/ dbang po dang tshangs pa la ni 'khor los sgyur ba'i rgyal po nyid yod pa ma yin pas de las gzhan du mi 'gyur ro/ /rgyal po chen po dge bsnyen du gyur pa gang dang gang yin pa de dang de dag ni dbang po dang</font><hr>58.110b<br><font size=+1>

tshangs par 'gyur ro/ /dbang po nyid dang tshangs pa nyid kyi rgyal po mang po du ma byas nas de'i 'og tu chos kyi rgyal po chos dang ldan pa 'khor los sgyur bar 'gyur te/ khyod kyis dbang po nyid dang / tshangs pa nyid gang gA'i klung gi bye ma dang mnyam par byas nas/ de'i 'og tu khyod kyis 'khor los sgyur ba 'di nyid thob pa yin no/ /de nas yang rgyal po des yang bcom ldan 'das la zhus pa/ bcom ldan 'das dbang po nyid dang / tshangs pa nyid ji lta bu lags/ de'i tshe bcom ldan 'das des bka' stsal pa/ dbang po dang tshangs pa la sogs pa ji snyed yod pa khyod dang 'dra bar cod pan thogs pa de dag thams cad ni khyod kyi drung na jis kyang mdzes pa ma yin te/ dper na sangs rgyas kyi sku'i mdun na nyan thos dang / rang sangs rgyas dang / byang chub sems dpa' thams cad lam mer ma yin/ thal ler ma yin/ lhag ger ma yin pa bzhin no/ /de bzhin du rgyal po chen po khyod dang sangs rgyas kyi sku'i kha dog dang 'dra bar khong du chud par bya na/ 'od srung khyod 'khor los sgyur ba'i rgyal po'i dpe mi mjed kyi bdag po tshangs pa dang / brgya byin kau shi ka las blang bar sems pa lta smos kyang ci dgos/ 'od srung de nas gling bzhi pa'i dbang phyug 'khor los sgyur ba'i rgyal po des yang bcom ldan 'das de la zhus pa/ bcom ldan 'das ci lags/ bdag 'jig rten du sangs rgyas su 'gyur lags sam/ de'i tshe sangs rgyas bcom ldan 'das des bka' stsal pa/ rigs kyi bu khyod dus ring mo'i yang shin du dus ring mo zhig na sangs rgyas thob par 'gyur ro/ /de ci'i phyir zhe na/ rgyal po chen po gal te khyod rang gi bsod nams spangs shing gcig tu bor nas brtsams te/ phal ba'i 'du shes su byas nas de'i tshe skra'i rtse mos rgya mtsho chen po 'di bcus te/ ba lang gi rmig rjes tsam du byed na de'i tshe 'jig rten du</font><hr>58.111a<br><font size=+1>

yang dag par rdzogs pa'i sangs rgyas mar me mdzad ces bya ba 'byung bar 'gyur te/ der rgyal po sa'i dbang phyug ces bya ba zhig 'byung bar 'gyur ro/ /de'i tshe bcom ldan 'das mar me mdzad des rgyal po chen po khyod ma 'ongs pa'i dus na shAkya'i skyes mchog gau ta mA zhes bya bar 'gyur ro zhes bya bar lung ston par 'gyur ro/ /de'i tshe 'jig rten du sreg pa'i bskal pa 'byung bar 'gyur ro/ /khyod kyis deng nas bzung ste/ rgya mtsho chen po ba lang gi rmig rjes tsam du byed na/ de'i tshe lo brgya phrag mang po dang / bar gyi bskal pa mang po dang / bskal pa stong phrag mang po 'das nas/ sreg pa'i bskal pa mang po dang / sangs rgyas rnams 'byung bar 'gyur te/ sangs rgyas de dag la mnyes par byed/ mchod par byed pas rgya mtsho chen po ba lang gi rmig rjes tsam du byed par 'gyur ro/ /'od srung 'khor los sgyur ba'i rgyal po des rtag tu skra'i rtse mos rgya mtsho chen po de/ ji ltar zad par byed ce na/ de ltar la lar brgya byin dang / tshangs pa dang / 'khor los sgyur ba'i rgyal po nyid kyi shin du bde ba yang dang yang du 'dod na rgya mtsho chen po de rim pa 'dis zad par byed do/ /de nas sreg pa'i bskal pa de dag kyang tshar phyin/ sangs rgyas bcom ldan 'das de dag kyang yongs su mya ngan las 'das pa'i 'og tu de'i tshe brgya lam na res 'ga' zhig sangs rgyas mkhan po mar me mdzad ces bya ba 'byung bar 'gyur te/ de na bcom ldan 'das mar me mdzad des rgyal po sa'i dbang phyug de la rgyal po chen po khyod sangs rgyas su 'gyur ro zhes lung ston to/ /de'i tshe rgyal po chen po khyod rgyal po de'i bu gzhon nu thu bor gyur nas de dang lhan cig sangs rgyas su lung bstan pa thob par 'gyur ro/ /de nas de bzhin gshegs pa des ched du brjod par 'gyur te/ rgyal po chen po khyod kyi bus rgya mtsho chen po de ltar zad par byas nas da ltar khyod kyi bur gyur</font><hr>58.111b<br><font size=+1>

pas/ khyod kyi bu ni rgyal po phal pa'i rang bzhin ma yin/ mi mjed kyi bdag po tshangs pa 'am/ lha'i rgyal po brgya byin nam/ chos kyi rgyal po chos dang ldan pa 'khor los sgyur ba zhig yin no/ /khyod kyi bu ni brtson 'grus chen por 'gyur te/ sa'i dbang phyug de ltar byang chub ni rnyed dka'o zhes dpe ched du brjod pa 'di blangs pa yin no/ /sa'i dbang phyug khyod kyi bu 'di bud med stong phrag drug cu nor bu dang / rna cha gdub 'khor gyi phreng ba can dang / lha'i bu mo sgeg mo lta bu'i bud med dag mchil ma'i thal ba bzhin bor nas/ e ma'o 'dod pa rnams ni mi rtag go zhes grags pas lha'i bu mo sgeg mo lta bu'i bud med de dag ni mchil ma'i thal ba bzhin du rtogs so/ /e ma'o 'dod pa rnams ni ther zug ma yin pa/ mi brtan pa/ mi rtag go zhes grags pas bdag ni khyim nas khyim med par rab tu byung ba sla'o zhes de ltar rab tu 'byung bar 'gyur ro/ /de ltar de bzhin gshegs pa des gzhon nu de la gang gi tshe 'jig rten gyi khams mi mjed 'dir mgon po shAkya thub pa zhes bya ba 'byung ba de'i tshe/ rgyal po chen po khyod li tsa bi gzhon nu 'jig rten thams cad kyis mthong na dga' ba zhes bya bar 'gyur te/ de nas 'jig rten gyi khams der mgon po yongs su mya ngan las 'das pa'i 'og tu bstan pa nub pa'i dus kyi tshe/ lo brgyad bcu lon pa na dge slong blo 'chang shes bya bar gyur nas rang gi srog la yang mi lta bar byas te mdo 'di 'byin par 'gyur ro/ /de nas lo brgya lon pa'i 'og tu shi nas 'jig rten gyi khams bde ba can du skye bar 'gyur ro/ /de'i tshe khyod kyis rdzu 'phrul chen po mang du 'byin par 'gyur zhing sa brgyad pa la gnas te/ lus gcig ni bde ba can na 'dug /lus gcig ni sprul te dga' ldan du bzhag nas/ mgon po mi pham pa la mdo 'di 'dri bar 'gyur ro zhes lung bstan to/ /de nas rgyal po sa'i dbang phyug de rang gi bu lung bstan pa thos nas/ bdag</font><hr>58.112a<br><font size=+1>

gi bu sangs rgyas su lung bstan to zhes dbang po thams cad tshim par gyur to/ /de nas gzhon nu de lhag par yang dam bcas pa la brtan par byed do/ /'od srung gis gsol pa/ bcom ldan 'das de nas rgya mtsho chen po yang thigs pa thigs pa nas phri bas ma mchis lags so/ /bka' stsal pa/ ji lta bu yin/ bcom ldan 'das dper na tshong pa lam gyis 'tsho ba 'ga' zhig gis kAR+Sha pa Na dag bgrangs te/ bum par sbas pa lam de nas de'i bu ngus nas 'gron bu dag stsal to/ /de nas de 'gron bu 'di nyung ngo zhes 'tshal bar 'gyur zhing de nas de dag thams cad bas par gyur pa de bzhin du byang chub sems dpa' sems dpa' chen pos rgya mtsho chen po las chu'i thigs pa gcig phri ba yang yang dag par 'tshal la/ de bzhin du chab kyi lhag ma yang dag par 'tshal lags na bcom ldan 'das sangs rgyas bcom ldan 'das rnams sems can gyi phung po zad par mkhyen par mi 'gyur ba lta smos kyang ci 'tshal/ bcom ldan 'das sems can gyi phung po de ni thigs pa ma mchis te/ de yang nyan thos dang / rang sangs rgyas thams cad kyis ma 'tshal gyi/ 'di ltar sangs rgyas bcom ldan 'das rnams kyis ni mkhyen lags so/ /bcom ldan 'das kyis bka' stsal pa/ 'od srung legs so/ /legs so/ /de de bzhin te/ sems can gyi phung po la zad pa med do/ /gsol pa/ bcom ldan 'das sems can gang dag yongs su mya ngan las 'das pa de dag la bas pa mchis sam/ 'on te ma mchis/ bka' stsal pa/ sems can la zad pa med do/ /bcom ldan 'das sems can bas pa ma mchis pa ji lta bu lags/ bka' stsal pa/ gal te zad pa yod na des na 'grib pa nyid yin la/ 'phel ba nyid yin na/ mdo 'di'i dgos pa chen por 'gyur bas sngar mdo 'dir tshigs su bcad pa sum</font><hr>58.112b<br><font size=+1>

stong gsungs pa bsdus nas yang dag par btags pa las de dag thams cad rgyas par rig par bya'o/ /gal te tshigs su bcad pa sum stong yang dag par btags pa de las med na/ dge slong yangs pa la dad pa'i yid can gyis zhus pa gang yin pa de kho na las legs par shes par gyis shig /sangs rgyas bcom ldan 'das gang dang gang dag yongs su mya ngan las 'das pa de dag thams cad ni rtag pa brtan pa zhi ba ther zug pa yin no/ /rgyu gang gis na sangs rgyas bcom ldan 'das yongs su mya ngan las 'das pa gang dag lags pa de dag bas par mi 'gyur lags/ bcom ldan 'das kyis bka' stsal pa/ ji ltar khyams sam/ khang bzangs dus dus su 'jig cing zhig na nam mkha' 'gyur ba de bzhin du yongs su mya ngan las 'das pa'i mgon po gang dang gang dag yin pa de dang de dag thams cad kyi thams cad du thar pa kho nar 'gyur ro/ /dper na Shi d+hu zhes bya ba'i skad kyi byings kyi don ni ta zhes bya ba'i rkyen gyis de grub pa zhes bya ba'i rang bzhin du 'gyur ro/ /ji ltar na 'jig rten pa'i bstan bcos rnams la nA mA khya da u pa sa ga srid tang d+hi ta zhes bya ba la sogs pas bsdus pa'i grub pa'i tshig de la grub pa zhes bya'o/ /grub pa'i tshig de grub pa gang yin pa de yang mi mngon pa med do/ /de bzhin du sems can gyis steng dang / 'og tu nyon mongs pa zhes bya ba zhi bar byas nas thar pa thob na yang skye ba dang / rga ba dang / 'chi ba'i srid pa 'byung bar mi 'gyur ro/ /brda sprod pa ci dgar klog pa dag sid d+ha zhes bya ba gang yin pa de'i tshig de yang bi d+hu zhes bya bar byed de yang rang gis tshig bsdus nas rang gi tshig gi ngo bor byed do/ /de ci'i phyir zhe na/ rgyud de'i phul du phyin pa'i phyir dang / slob ma rnams phul du phyin par bya ba'i phyir de 'di ltar sngon gyi yi ge dang / cho ga ci dag gam ma dag mi shes par gcad pa dang / dbye ba bslabs nas yang / </font><hr>58.113a<br><font size=+1>

gcad pa dbye ba zhes bya bar byed do/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyang 'di ltar thog ma rdzogs pa'i byang chub kyi sangs rgyas su dbang bskur ba de nas bzung ste/ rgyun mi 'chad par 'khor ba na sems can ji tsam pa de srid du la lar 'byung ba/ la lar yongs su mya ngan las 'das pa ston kyang de nyams par mi 'gyur ro/ /de ci'i phyir zhe na/ dgra bcom pa nyid kyi rgyus yang skye ba dang / rga ba dang / 'chi ba'i srid pa 'byung bar mi 'gyur ro/ /'od srung khyod kyis ji ltar steng dang 'og tu grub pa ma grub pa'i tshig tu mi 'gyur ba de bzhin du sangs rgyas bcom ldan 'das rnams shes par gyis shig /'od srung sangs rgyas bcom ldan 'das rnams ni sku gcig gis sangs rgyas gsum du 'gyur te/ shAkya mgon po'i sku gcig gis de dag thams cad sangs rgyas nyid du byed pa dang / mi pham pa mi pham pa zhes bya ba mgon po byams par 'gyur ba gang yin pa dang / nga nyid ther zug pa yin te/ 'das pa'i sangs rgyas dag kyang nga nyid nga yin no zhes bya ba gang yin pa de dang de dag gsungs te/ gang yang bskal pa 'di'i sangs rgyas stong po ji snyed pa de dag thams cad kyang sangs rgyas shAkya thub pa'o zhes bya ba de ltar shes par gyis shig /sangs rgyas zhes bya ba'i skad kyi dbyings ni mkhas shing rtogs pa'i skad kyi dbyings yin te/ sangs rgyas kyi skad kyi dbyings dang / mya ngan las 'das pa'i skad kyi dbyings ni de lta bu yin par gsungs so/ /ji ltar mkhas shing rtogs pa'i skad kyi dbyings nyams pa med pa de bzhin du sangs rgyas nga yang rtogs pa'i mya ngan las 'das par 'gyur ro/ /'od srung mdo sde 'di lta bu 'di dag ma 'ongs pa'i dus na thos na rang bzor byas pa'o zhes smra bar 'gyur ro/ /de ci'i phyir zhe na/ sangs rgyas kyi gsung la skad kyi</font><hr>58.113b<br><font size=+1>

dbyings mi snang bas grub pa'i skad kyi dbyings kyi mdo ni 'ga' zhig gis byas so/ /sangs rgyas kyi gsung la ni de bzhin gshegs pa rtag pa mi snang na kha cig gis yang rang bzor byas so/ /sangs rgyas kyi gsung la ni bdag mi snang na kha cig gis yang rang bzor byas so/ /yang gsung rab yan lag dgu la gang du yang mtshungs pa med pa zhes bya ba'i mdo mi snang na 'ga' zhig gis rang bzor byas so/ /mtshungs pa med pa'i mdo 'di ni 'ga' zhig rang bzor byas par zad do zhes zer ro/ /dper na 'di ltar rgyal po gtong ba dang ldan par gyur pa de'i tshe rgyal po de'i nor bsags pa'i bum pa mang po sa rum nas 'byung bar 'gyur ro/ /de ci'i phyir zhe na/ ji lta ji ltar rin po che gang dang gang dag shi ba dang / bkren pa dang / phongs pa dang / slong mo pa la sogs pa la bgo bsha' byed pa de lta de ltar de la 'jig rten du rin po che ya mtshan can de dang de dag 'byung bar 'gyur ro/ /de bzhin du byang chub sems dpa' thabs chen po la mkhas pa chos zab mo rin po che gang dang gang dag yin pa sems can rnams la chos bstan pa ston cing des chog shes pa dang / yo byad bsnyungs pa thog mar byas nas/ de ltar chos ston pa la zhugs pa na dam pa ma yin pa'i rdzas spong ba'i mdo sde gang yin pa de dag 'thob par 'gyur ba 'di lta ste/ stong pa nyid dang / mtshan ma med pa dang / smon pa med pa dang ldan pa'i sgo de lta bu dag 'thob par 'gyur ro/ /de bzhin gshegs pa rtag pa nyid dang / de bzhin gshegs pa'i snying po yod pa nyid kyi mdo sde snying po can gyi le'u 'di lta bu 'di dag kyang 'thob par 'gyur ro/ /gsol pa/ bcom ldan 'das byang chub sems dpa' chos la gus par bgyid pa de ji lta bu lags/ bka' stsal pa/ gang gi tshe rung ba ma yin pa la rung ba'i 'du shes kyis spyod na'o/ /gsol pa/ ji lta bu lags bka' stsal pa/ dper na/ </font><hr>58.114a<br><font size=+1>

ko sa la'i rgyal po gsal rgyal 'di'i drung du gang gi tshe rgyal po 'ga' zhig gi pho nya rigs dma' ba las skyes pa gdol ba bkren pa zhig 'ongs par gyur na/ de la rnga bo che dang / rol mo'i sgra mang po dang / glang po che'i steng nas skad chen po sgrogs shing stan chen po bting nas rgyal po las dri dang / phreng ba dang / byug pa dang / me tog dang / phye ma dang / gos dang / rgyan mang du 'thob par 'gyur zhing rgyal po rang yang gos bzang po bgos nas stan mthon po las babs te/ glang po che dang / rta dang / shing rta dag yod bzhin du de'i mdun nas bsu ba'i phyir rkang gis 'gro zhing stan dang gding ba yod bzhin du de'i mdun na sa la 'dug par byed do/ /de ci'i phyir zhe na/ 'di ltar 'jig rten de dag gis gos dang rgyan du bcas pa byas par 'gyur mod kyi 'on kyang de rgyal po'i pho nya yin no zhes bkur sti byed do/ /de bzhin du chos smra ba'i mdun du gtam gyi dus na dge slong ngam/ khyim pas ji ltar nga'i spyan snga na stan dma' ba la 'dug nas lha'i phye ma dang / dri dang / phreng ba dang / byug pa dang / bdug pa dang / me tog dang / rgyan rnams kyis byed pa bzhin du bya'o/ /gang zhig de ltar spyod pa de la ya mtshan de dang de dag de'i drung du 'byung bar 'gyur zhing de la rtag tu ngo mtshar du bya ba gnod sbyin dang / srin po'i rgyal po rnams kyang rim gro byed par 'gyur ro/ /dper na byang gi sgra mi snyan gyi mi rnams kyi zas 'phel bar 'gyur gyi 'grib par mi 'gyur ro/ /de ci'i phyir zhe na/ 'di ltar de dag ji srid 'tsho'i bar du zas dang skom gyi 'du shes med cing mkhren pa dang / phrag dog dang / ser sna mi 'byung ba'i phyir bar ma dor 'grib par mi 'gyur ro/ /de bzhin du 'dzam bu'i gling 'di na dge slong dang / dge slong ma dang / dge bsnyen dang / dge bsnyen ma mdo sde 'di lta bu 'di dag 'dri ba dang / klog pa dang / 'chang ba dang / kun chub par byed pa dang / gzhan</font><hr>58.114b<br><font size=+1>

dag la yang ston par byed cing bar ma dor sgyid lug par mi 'gyur/ som nyi za bar mi 'gyur/ the tshom za bar mi 'gyur/ skur pa 'debs par mi 'gyur ba gang yin pa de dag gis rtag tu sangs rgyas kyi byin gyis brlabs kyis ngo mtshar du bya ba bza' ba dang / btung ba mang po rnyed par 'gyur te/ byang chub la thug pa'i bar du mi zad mi 'bri/ mi 'gong zhing bar ma dor yongs su gtugs par mi 'gyur ro/ /gzhan yang dper na/ dge slong bar ma dor g.yel ba mi byed pa gang yin pa de la lus tha ma 'dzin pa'i lha rnams rang gi lus kho nas ji srid 'tsho'i bar du rim gro byed do/ /de bzhin du gang dag mdo sde 'di lta bu dag la tha na yungs 'bru tsam yang skur pa gdab pa'i 'du shes skye bar mi 'gyur ba de dag ni de bzhin gshegs pa'i snying po'o/ /de bzhin gshegs pa rtag pa nyid thob par 'gyur ro/ /de dag 'chad pa dang / bsten pa dang / bkur sti dang / rim gro byed pa yang de bzhin gshegs pa rnams las mngon du 'gyur ro/ /dper na 'khor los sgyur ba'i rgyal po gang dang gang du 'gro ba de dang der rin po che sna bdun dag 'dong bar 'gyur ro/ /de bzhin du gang du phan pa ston par 'byung ba de dang der mdo sde 'di lta bu 'di dag 'byung bar 'gyur ro/ /dper na gang dang gang du 'khor los sgyur ba'i rgyal po 'dug pa de dang der rin po che sna bdun dag 'dug gi phyogs gzhan du gom pa gcig kyang mi 'dug go/ /der ni rin po che ngan pa gzhan dag 'dug go/ /de bzhin du gang du phan pa ston pa mngon sum du gyur pa 'byung ba de'i tshe lho phyogs kyi lam nas mdo sde 'di lta bu 'di dag 'ong bar 'gyur zhing 'ongs nas kyang de dag gi drung du 'gro bar 'gyur gyi/ phyogs gzhan du ni gnas par mi 'gyur ro/ /'phags pa rnga bo che chen po'i le'u/ </font><hr>58.115a<br><font size=+1>

bam po gsum pa/ der ni stong pa nyid kyi le'u dang ldan pa'i drang ba'i mdo sde gzhan dag 'byung zhing gal te de na ston pa yod na de nyid du gnas par 'gyur ro/ /yang 'khor los sgyur ba'i rgyal po phyogs gzhan du song na de na sems can gang dag rgyal po'i zham ring byed pa de dag 'di snyam du bdag kyang rgyal po gang du bzhud pa der 'dong ngo snyam du sems par 'gyur ro/ /de bzhin du gang du phan pa ston pa 'byung ba der mdo sde 'di lta bu 'di dag 'byung bar 'gyur ro/ /dper na gang gi tshe 'khor los sgyur ba'i rgyal po 'byung bar 'gyur ba de'i tshe rin po che sna bdun dag 'byung bar 'gyur ro/ /de bzhin du phan pa ston pa gang du 'byung bar 'gyur ba de'i tshe de dag gi lag tu mdo sde 'di lta bu 'di dag 'ong bar 'gyur ro/ /gzhan yang gang gi tshe 'khor los sgyur ba'i rgyal pos rin po che sna bdun las sna gcig ma mthong nas des btsal nas rin po che sna bdun po gang na yod pa de nyid du phyin par 'gyur ro/ /de bzhin du mdo sde 'di lta bu 'di mnyan na gang na phan pa ston pa yod pa de dang de kho nar btsal na rnyed par 'gyur ro/ /dper na gang na 'khor los sgyur ba'i rgyal po med pa de na khams kyi rgyal po dang / stobs kyi 'khor los sgyur ba dang / rgyal phran gyi tshogs rnams 'byung ngo / /de bzhin du gang na mdo sde 'di lta bu 'di dag 'chad par mi 'gyur ba der phan pa ston pa dag 'di lta ste/ stong pa nyid kyi le'u dang ldan pa phal pa gzhan ston cing 'chad par 'gyur ro/ /de'i tshe de dag gis mdo sde de lta bu mang po dag mthong thos nas sems can de dag slob cing de dag gis lobs nas gang gi tshe de bzhin gshegs pa'i snying po de bzhin gshegs pa rtag pa'i bdag nyid dang ldan pa'i mdo sde 'di lta bu 'di dag thos na de dag yid gnyis dang / the tsom 'thob cing blo phyin ci log tu 'gyur ro/ /the tsom dang blo phyin ci log tu gyur</font><hr>58.115b<br><font size=+1>

nas ci nas kyang phan pa ston pa la 'phya yang rung mi 'phya yang rung / dga' bar byed kyang rung / mgu bar byed kyang rung / brnyas par byed kyang rung / rnyog par byed kyang rung / 'di skad ces ci 'di rang bzor byas pa zhig gam/ 'on te 'di bstan pa nyams par bdud kyis bsams nas byas pa zhig ces smra zhing bsams nas de dag gi drung nas log ste/ rang rang gi yul du dong nas phan tshun tshul khrims nyams par byed/ lta ba nyams par byed par 'gyur gyi/ de dag gis mdo sde 'di lta bu 'di dag thob par ni mi 'gyur ro/ /de ci'i phyir zhe na/ gang na phan pa ston pa der mdo sde 'di lta bu 'di dag 'byung bar 'gyur ro/ /de'i tshe 'jig rten 'dir sems can mang po mang po dag gis mthong zhing thos nas theg pa chen po la skur pa 'debs par 'gyur gyis zhum par mi bya'o/ /de ci'i phyir zhe na/ dus 'di ni snyigs ma lnga'i dus yin/ dus 'di ni bstan pa nyams par 'gyur ba yin pas sems can mang po dag theg pa chen po la shin du skur pa 'debs par 'gyur ro/ /dper na khyim bdun gyi grong la 'gron bu gcig yod pa de bzhin du gang na mdo sde 'di lta bu 'di dag rab tu spyod pa de na yang skye bo bdun las gcig ni gdon mi za bar dam pa'i chos spong bar 'gyur ro/ /'di lta ste/ tshul khrims mtshungs pa de dag gis tshul khrims dag pa mthong nas yi rangs par gyur cing phan tshun gcig la gcig tshul khrims nyams par byed pas dga' bar 'gyur ro/ /de la tshul khrims mtshungs pa zhes bya ba ji lta bu zhe na/ gang zhig mdo sde 'di lta bu 'di thos shing mdo sde de dag gi chos ston pa la sogs pa mthong na 'di ltar yid la gcags nas ni phyir phyogs par byed cing gtam 'di lta bu dag smra ste/ de la sems can gyi khams ni gang de la de bzhin gshegs pa'i bdag gi ngo bo nyid rtag pa 'am/ rang bzhin rtag pa nyid ni gang yangs pa'i mdo bstan pa 'di'i gtam ni ci yin zhes kha gzhan du</font><hr>58.116a<br><font size=+1>

bltas te/ sems par byed cing de dag 'di dag ni bdag gi phyogs byed par 'gyur ro zhes de dag phan tshun du byams par byed cing de ltar rim gyis rang bzhin la 'jog par byed/ de dag gi rang bzhin dang rang bzhin gcig par byed do/ /dper na bram ze'i khyim 'am khyim bdag gi khyim na khye'u 'ga' zhig spyod pa ma yin pa la zhugs par gyur pa na de pha dang mas bzlog ste/ de de las bzlog pa na spyod pa ma yin pa de las ldog tu ma btub nas ji tsam na de rang gi khyim nas byung ste/ byung nas khye'u gzhan zhig dang lhan cig 'dris par byed do/ /de nas khye'u des khye'u de yang khrid nas mda' 'am/ bus pa'i rtsed mo 'am/ rtsed mo gang yang rung ba dag gis rtse bar byed de de ji ltar dga' ba de bzhin du yang byed do/ /de nas dus gzhan zhig na de yang yid dga' bar gyur nas rang gi khyim nas 'byung zhing byung nas sems shing bdag cag la 'di dang 'di skad ces zer bsam la bdag cag yul gzhan du 'dong ngo zhes zer ba lta bu dag ni tshul khrims mtshungs pa zhes bya ba yin te/ de lta bu de dag ni mdo sde 'di lta bu 'di dag la dga' bar mi 'gyur ro/ /mdo sde 'di lta bu 'di dag klog pa dang / gzhan la yang ston pa dang / gzhan dag sbyong bar byed pa de lta bu gnas pa dang / de ltar sbyong bar byed pa de dag la phyogs par mi 'gyur ro/ /de ci'i phyir zhe na/ de 'dra ba'i dus la ni sems can rnams chos kyis phongs par 'gyur bas bcom pa'i yid kyis lhod par 'gyur ba'i phyir ro/ /de nas de'i tshe gang dang gang du bskal pa 'dra ba'i spyod pa de dang der dong nas skur pa 'debs par 'gyur ro/ /bcom ldan 'das kye ma'o dus ngan pa'i dus 'byung bar 'gyur lags so/ /bka' stsal pa/ 'od srung de 'dra ba'i dus byung ba na phan par ston pa rnams kyis ci 'dra ba dang / ji lta bu'i rang bzhin du bya zhe na/ dper na grong rdal lam/ grong khyer ram/ tshong 'dus kyi lam po che la rten pa'i zhing glang po</font><hr>58.116b<br><font size=+1>

che dang / rta dang / mis bza' bar 'os pa'i mon sran sde'u dang / mon sran gre'u dang / bu ram shing gi zhing lo tog phun sum tshogs pa zhig yod par gyur la/ de yang gzan khar bab pas de'i dbus su lam po che byung la/ de nas der khyim mi zhing bdag gis srungs ma zhig bzhag pa dang / de nas des nyi ma gcig bsrungs nas bag tsha ste g.yel bar gyur to/ /de nas de bzhin du gnyis pa dang / gsum pa dang / bcu pa dang / nyi shu pa dang / brgya pa yang de bzhin no/ /de la mi tha ma shos kyis bsams pa/ gal te bdag gis 'di dag thams cad phyir bzlog na de nyid kyis bdag gis zhing bsrungs par mi 'gyur ba dang / lo tog kyang 'grub par mi 'gyur bas bdag gis thabs legs pa gang gis bdag zhing srungs su 'gyur ba/ zhing gi lo tog chud gzon par zhugs pa rnams la thabs legs pa zhig bsam par bya'o snyam zhing de nas des de ltar bsams nas/ des gang na mon sran tsam 'am/ mon sran sde'u 'am/ mon sran gre'u 'am/ rgya sran yod pa de las de thog mar 'dron pa rnams la gus pas bsu nas phu nu bo bdag gi 'di snoms shig ces smra zhing sbyin pa byed na de ltar byin zhing de ltar smras pas zhing de thams cad 'grub par 'gyur ro/ /'od srung khyod kyis kyang de bzhin du nga 'das pa'i 'og tu thabs de lta bu byos la mdo 'di phyung shig /'od srung gis gsol pa/ bcom ldan 'das bdag gis rnam grangs 'dis skyes bu tha shal rnams yang dag par gzung rngo mi thog lags so/ /de ci'i slad du zhe na/ bcom ldan 'das bskal pa brgya stong du ri'i rgyal po ri rab khur du thogs pa ni mi mdo lags kyi/ skyes bu tha shal tshul khrims 'chal pa dam pa'i chos la skur pa 'debs pa/ dam pa'i chos la smod pa'i sems can dag gi tshig rtsub mo nyan pa ni ma lags so/ /bcom ldan 'das gzhan gyi sug par mchis te/ dbang du bgyis pa ni mi mdo</font><hr>58.117a<br><font size=+1>

lags kyi/ skyes bu tha shal tshul khrims 'chal pa dam pa'i chos las kha phyir phyogs pa/ dam pa'i chos las ring du gyur pa/ dam pa'i chos mnyan pa ma bzung bas nyams pa'i rgyud can gyi sems can de dag gi tshig rtsub po dang / rang bzhin ngan pa'i ngag dang / tshig mnyan pa ni ma lags so/ /bcom ldan 'das sa chen po 'di rgya mtsho dang / ri dang bcas par bskal pa bye ba sa ya phrag brgya stong mang por spyi bor thogs pa ni mi mdo lags kyi/ skyes bu tha shal tshul khrims 'chal pa bstan pa rab tu rnam par 'jig par bgyid pa bdag la stod cing gzhan la smod pa'i sems can de dag gi tshig rtsub po nyan pa ni ma lags so/ /bcom ldan 'das 'on pa nyid dang / lkug pa nyid dang / dmus long nyid ni mi mdo lags kyi/ skyes bu tha shal tshul khrims 'chal pa mu ge'i tshe 'tsho ba'i phyir skra bregs shing ngur smig bgos nas zas dang / skom lhur bgyid pa'i sems can de dag gi tshig rtsub po nyan pa ni ma lags so/ /bcom ldan 'das myur du yongs su mya ngan las 'das pa ni mi mdo lags kyi/ skyes bu tha shal tshul khrims 'chal pa lud bong ltar kun du spyod pa/ lus kyi tshul 'chos pa dang / ngag gi tshul 'chos pa'i sems can dag gi tshig rtsub po dang / ngag dang tshig nyan pa ni ma lags so/ /bcom ldan 'das kyis bka' stsal pa/ 'od srung khyod yongs su mya ngan las 'das na yang skye bar mi 'gyur ram/ yongs su mya ngan las 'das pa'i mthar phyin pa de yin nam/ bcom ldan 'das gang zhig yongs su mya ngan las 'das na yang skye bar mi 'gyur zhing 'gum par mi 'gyur ba'i sems can rnams kyi lam ni theg pa gsum lags te/ bcom ldan 'das nyan thos dang / rang sangs rgyas dang / sangs rgyas bcom ldan 'das rnams kyi lags so/ /'od srung gis yang gsol pa/ bcom ldan 'das yongs</font><hr>58.117b<br><font size=+1>

su mya ngan las 'das na yang yongs su mya ngan las 'das par mi 'gyur ba ji lta bu lags/ bka' stsal pa/ 'od srung nyan thos rnams nyan thos kyi yongs su mya ngan las 'das pas yongs su mya ngan las 'das na/ de ni yongs su mya ngan las 'das pa'i mthar thug pa ma yin no/ /de ci'i phyir zhe na/ yang rang sangs rgyas nyid du 'gyur la/ rang sangs rgyas rnams rang sangs rgyas kyi yongs su mya ngan las 'da' bas yongs su mya ngan las 'das na yang / de ni ji srid rnam pa thams cad kyi mchog dang ldan pa'i thams cad mkhyen pa'i ye shes theg pa chen po'i yongs su mya ngan las 'da' ba mchog gi mthar ma phyin gyi bar du yongs su mya ngan las 'das pa'i mthar phyin pa ma yin no/ /bcom ldan 'das ji lta bu lags/ bcom ldan 'das kyis bka' stsal pa/ 'od srung dper na 'o ma las zho dang / zho las mar sar dang / mar sar las zhun mar dang / zhun mar las mar gyi snying khu ste/ de la zhun mar ji lta ba de ltar ni sa bcu thob pa'i byang chub sems dpa' rnams te/ nyon mongs pa'i lhag ma yod pas so/ /mar sar ltar ni nyan thos rnams so/ /mar sar bsgongs pa ltar ni rang sangs rgyas rnams so/ /mar gyi snying khu ltar de bzhin gshegs pa rnams su blta bar bya'o/ /gsol pa/ bcom ldan 'das de bzhin gshegs pas ci'i slad du theg pa gsum bstan lags/ bcom ldan 'das kyis bka' stsal pa/ dper na dmag mi'i mi mchog sgyu ma la mkhas pa zhig rang gi yul nas yul gzhan du chas pa na/ de'i skye bo'i tshogs kyang ded cing skye bo'i tshogs gzhan yang ded nas rnam pa mang po bsgral bar 'dod par gyur la/ de ni 'dron pa phal po che de'i ston pa yin zhing de nyid ded dpon yang yin pas de 'dron pa de rnams 'brog dgon pa de las sgrol ba na de dag dbugs dbyung ba'i phyir sprul pa'i grong</font><hr>58.118a<br><font size=+1>

khyer ra ba dang / khyams dang / yang thog phun sum tshogs pa zhig mngon par sprul nas 'dzub mos rgyang ring po nas bstan te/ 'di skad ces grogs po dag 'u bu cag gang du 'dong ba'i grong khyer ni pha bi yin no zhes smras pa dang / de nas de dag nye bar gyur to snyam du bsams nas grong rdal lam/ grong khyer ram/ tshong 'dus de ni nye'o/ /de ni rten du 'gyur ro snyam du shes nas dbugs mchog tu phyin par 'gyur ro/ /de nas de dag grong khyer der zhugs pa na bde ba dang ldan pas sems las chung ngur gyur cing yang grong du 'gro bar sems bskyed par mi byed do/ /de nas ston pa de 'di snyam du sems te/ sems can 'di dag ni dman pa brtson 'grus zhan pa bde ba phal pa 'di tsam gyis tshim par rtsi bas ma la grong khyer 'di mi snang bar bya'o snyam mo/ /de nas de dag gis grong khyer de mi snang bar rig nas ston pa de la 'di skad ces smras so/ /de lta bur gyur pa de ci sgyu ma yin nam/ 'on te rmi lam yin nam/ ci brdzun nam/ bden/ de nas ston pa des de dag las thos nas 'di skad ces smras so/ /rigs kyi bu dag grong khyer 'di ni khyed cag ngal sor gzhug pa'i phyir kho bos sprul gyis grong khyer chen po mchog tu bdag cag gnas dgos te/ grong khyer gzhan gang na ba der dong ngo / /de dag gis kyang bdag cag 'tha' 'khob kyi grong khyer phal par gnas pa 'di ci rung de ltar bya'o zhes smras pa'i bar gong ma bzhin du shes par bya'o/ /yang grong khyer chen po zhig sprul te der yang de kho na bzhin no/ /de nas ston pa de dag 'brog dgon pa de nas de ltar sgrol zhing de ltar dbugs 'byin pa na grong khyer der btsud do/ /de nas de dag grong khyer der zhugs pa na 'di snyam du sems te/ ci ga grong khyer 'di'i pha rol na ches khyad par du 'phags pa'i grong khyer gzhan yod dam snyam pa dang de nas ston pa de 'di snyam du sems te/ skye bo</font><hr>58.118b<br><font size=+1>

'di dag grong khyer 'di nyid du gnas par 'dod do snyam nas/ de nas ston pa des de dag la 'di skad ces smras so/ /grogs po dag grong khyer 'di'i pha rol na ches khyad par du 'phags la bzang ba'i grong khyer thams cad kyi mthar phyin pa yin pas/ de 'dra ba'i grong khyer gzhan med do/ /de nas 'dron pa de dag ded dpon de'i tshig la yid ches par byas na de dag gis grong khyer gyi yon tan gyi khyad par gong nas gong du thos shing mthong ba dang ston pa de la 'di skad ces smras so/ /grogs po bdag cag thams cad kyang lhan cig tu grong khyer thams cad kyi mthar phyin pa'i grong khyer chen po gang na ba der dong ngo / /de nas ston pa des de dag la 'di skad ces smras so/ /legs so/ /thams cad dang lhan cig tu dong ngo / /de nas ston pa des 'dron pa de dag 'brog dgon pa de nas sgrol ba na/ skye bo'i tshogs chen po de la 'di skad ces smras so/ /rigs kyi bu dag da ni khyed kyis grong khyer chen po de'i snga ltas dang / grong khyer chen po de dang / bde ba mang po'i grong khyer mthong bar 'gyur ro/ /de nas ston pa des 'dron pa de dag 'brog dgon pa de nas sgrol zhing de dag la dbugs 'byin pa dang / grong khyer de rgyang ring po nas bstan te 'di skad ces kyang smras so/ /grogs po dag grong khyer chen po de'i snga ltas la ltos/ de ni skye bo'i tshogs chen pos yul dang / ljongs dang / grong khyer de na gnas pa'i longs spyod 'byor cing rgyas pa dang / grong khyer chen po de mthong nas yid dga' zhing mgu bar gyur te/ gcig gi gdong du gcig bltas nas ya mtshan du gyur te/ bsams pa ci grong chen po'i grong khyer chen po gsal ba gzhan 'di lta bu gzhan na yod dam snyam mo/ /de nas ston pa des de dag la 'di skad ces smras so/ /grogs po dag grong khyer chen po 'di ni grong khyer thams cad las</font><hr>58.119a<br><font size=+1>

khyad par du 'phags pa gsal ba yin te/ grong khyer chen po'i grong khyer bde ba mang ba/ rtag pa/ brtan pa/ zhi ba/ rga ba med pa/ 'chi ba med pa/ rtag tu bde ba/ rgyun du bde ba/ bar chad med par bde ba yin no zhes de ltar dbugs phyung nas 'di skad ces kyang smras te grong khyer chen po'i grong khyer chen por zhugs shing skye bo'i tshogs da zhugs pa dang / yang 'di skad ces smras so/ /grogs po dag grang khyer chen po mchog 'di ni grong khyer thams cad kyi mthar phyin pa yin zhing grong khyer 'di las pha rol na grong khyer gzhan med do/ /de nas de dag grong khyer chen po der zhugs pa na/ ngo mtshar du gyur cing ya mtshan du gyur te/ rab tu mgu nas ston pa de la skal ldan shes rab chen po snying rje chen po can bdag cag la rjes su brtse ba khyod legs so legs so zhes legs so bya ba byin nas de nas yang ston pa de las dris pa skal ldan ci bdag cag gis rgal ba'i grong khyer gang yin pa de dag thams cad da yod dam/ 'on te med/ ston pa des smras pa/ grong khyer zhes bya ba de dag ni dbugs dbyung bzhi phyir yin te/ gal te gnas de gnas stong pa yin na gnas stong pa de ni dgos pa med pas de nas 'dong ngo zhes bya ba cir dgos she na grong khyer stong pa yin pa'i phyir ro/ /grong khyer gyi dbyibs dang / ra ba dang / yang thog sprul pa dang po lta bu'i nyan thos kyi theg pa shes pa dag pa 'di lta ste/ stong pa nyid kyi mdo dag yin no/ /gcig shos lta bu ni rang sangs rgyas kyi theg pa mi gsal ba yin no/ /sangs rgyas nyid ni thar pa gsal ba yin no/ /de lta bas na sangs rgyas bcom ldan 'das rnams theg pa gsum du gtam rnam pa gsum ston cing mya ngan las 'das pa yang rnam pa gsum du ston la theg pa gcig kyang ston par mdzad do/ /'od srung gang zhig mdo sde 'di lta bu 'di dag</font><hr>58.119b<br><font size=+1>

med do zhes smra na/ de'i ston pa yang nga ma yin la de yang nga'i nyan thos ma yin no/ /gsol pa/ bcom ldan 'das theg pa chen po la yang stong pa nyid kyi don ston pa'i mdo mang du mchis lags so/ /bcom ldan 'das kyis bka' stsal pa/ stong pa nyid ston pa gang ci yang rung ba de thams cad ni dgongs pa can du rig par bya la/ bla na med pa'i mdo 'di lta bu 'di dag ni dgongs pa can ma yin par rig par bya'o/ /'od srung gzhan yang 'di lta ste ko sa la'i rgyal po gsal rgyal gyi dgun zla tha chungs te/ gang gi tshe dgun zla tha chungs la bab pa de'i tshe rgyal pos shi ba dang / bkren pa dang / phongs pa dang / dge sbyong dang / bram ze dang / rigs sna tshogs kyi slong mo ba la sogs pa la bu ram dang / zan dang / mar dang / 'bras chan dang / bca' ba dang / thug pa dang / thams cad bsres pa dang / 'bru thams cad las byas pa dag sbyin par byed de/ byin pa na de na kha cig ni thug pa 'dod pa nas kha cig ni skyur ba dang / kha cig ni thams cad bsres pa'i bar ro/ /de dag thams cad la de thams cad byin te/ de la kha cig ni thams cad bsres pa'i zas za/ kha cig ni mon sran gre'u 'am/ mon sran sde'u 'am/ na le sham dag gi bar re re'i ro bsgrubs nas tshugs su tshugs su zos shing 'thungs so/ /de nas de'i 'og tu sems 'khrugs par gyur nas de 'di skad ces bdag gis zos pa gang yin pa de 'ga' yang ma za zhig zer zhing de na tshugs drod du za ba'i zas zhim po gang yin pa de sdug pa'i bu 'am/ skyes pa 'am/ grong mi 'am/ rang gi skye bo 'am/ gzhan dag la byin pa de bzhin du 'od srung ngas sems can mos pa sna tshogs rnams la dgongs pa sna tshogs kyi mdo rnams bstan pa na de la snyom las can tshul khrims 'chal pa/ lus dang / ngag dang / yid ma</font><hr>58.120a<br><font size=+1>

bsdams pa rnams de bzhin gshegs pa'i snying po sangs rgyas rtag pa nyid kyi mdo 'di lta bu 'di dag bor nas stong pa nyid kyi le'u yi mdo dag la slob par byed cing / de la kha cig ni tshig dang yi ge 'dren par byed/ kha cig ni phan tshun tshig dang yi ge dag spong bar byed do/ /de ci'i phyir zhe na/ sangs rgyas kyi gsung thams cad las ni stong pa nyid dang bdag med pa ston to/ /stong pa nyid dang bdag med pa'i don ma shes pa'i mi blun po rnams ni nyams par 'gyur ro/ /gzhan yang stong pa nyid dang bdag med pa nyid ni sangs rgyas kyi gsung la nyon mongs pa phrag bye bas rtag tu stong pa mya ngan las 'das pa yin la mya ngan las 'das pa nyid kyi tshig gi gzhi rnams ni de dag thams cad kyi gzhi yin te/ sangs rgyas bcom ldan 'das de dag ni zhi ba ther zug pa'i mya ngan las 'das pa thob pa yin no/ /gsol pa/ bcom ldan 'das chad pa dang / rtag pa ji ltar 'tshal bar 'gyur lags/ bka' stsal pa/ ji srid du sems can 'khor ba na 'khyam pa de srid du bdag 'jug pa yin te/ bdag med pa'i lta ba'i don ni ther zug pa dang / rtag pa yin no/ /gal te rtag pa bkag na ther zug nyams par 'gyur ro/ /bcom ldan 'das gzhan yang bdag med pa ni yun ring po nas zhugs pa lags kyi bdag ni yun ring po nas byung ba ma lags so/ /bka' stsal pa/ 'jig rten pa rnams kyi bdag ces bya ba de dag gzhig pa'i phyir bdag med pa ston to/ /gal te de ltar spyod pa'i bstan pa las ma gsungs na ji lta na grongs pa yin par mi 'gyur/ sangs rgyas bcom ldan 'das ni bdag med par gsung bar grag go zhes ya mtshan skyes par gyur pa dang de'i 'og tu rgyu dang / gtan tshigs brgya stong gis bstan pa la 'dzud do/ /de ltar btsud pa las gang gi tshe</font><hr>58.120b<br><font size=+1>

yang gong ma la dad pa skyes shing zhugs pa na stong pa nyid kyi chos rnams la slob par byed/ brtson par byed 'bad par byed do/ /de nas de'i 'og tu de dag la thar pa ni zhi ba rtag pa gzugs dang bcas pa'o zhes ston to/ /gzhan yang 'jig rten pa kha cig thar pa yod do zhes zer te/ ngas de dag gzhig pa'i phyir thar pa ni cung zad med do zhes bya ba 'di gsungs so/ /gal te de ltar ston pas lta ba chud gzon par byed pa dang 'dra bar ma bstan na ji ltar ston pa'i bstan pa la yid ches par 'gyur/ de lta bas na rgyu dang / gtan tshigs brgya stong gis thar pa chud gzon pa nyid kyi bdag med pa gsungs so/ /de nas de'i 'og tu thar pa chud gzon pa'i lta ba mthong na mi blun po rnams nyams par 'gyur bas de'i 'og tu ngas yang rgyu dang / gtan tshigs brgya stong gis thar pa yod pa nyid du gsungs so/ /gsol pa/ gal te 'thar pa thob pa bstan pa dang / dbang phyug lags na sems can yang mchis shing brtan par rig par bgyi lags so/ /de ci'i slad du zhe na/ du bas zhugs bzhin du gal te thar pa ther zug pa bdag lags na thar pa bdag tu smra ba gzugs dang bcas pa bzhin du smra bar 'gyur ba lags sam/ ji ltar 'jig rten pa'i 'jig tshogs kyi lta ba ltar yang ma yin la/ chad pa dang rtag par smra ba ltar yang ma yin no/ /'od srung gis yang gsol pa/ bcom ldan 'das de bzhin gshegs pa rnams la yang yongs su mya ngan las 'da' ba mi mnga' na ci'i slad du de ltar yongs su mya ngan las 'da' ba ston cing 'byung ba ma mchis na ci'i slad du skye ba ston pa lags/ sems can rnams kyis re shig sangs rgyas kyang nongs par 'gyur na/ bdag cag lta ci smos/ re shig sangs rgyas kyis kyang bdag gi dbang ma thob na bdag cag ngar 'dzin pa dang / nga yir 'dzin pas zin pa rnams lta smos kyang ci dgos</font><hr>58.121a<br><font size=+1>

zhes shes par 'gyur bas so/ /dper na nyi 'og gi rgyal pos rgyal po zhig bzung ste/ lcags su bcug nas btson rar bcug pa dang / de nas des bsams pa/ bdag ni rgyal po yin/ bdag ni jo bo yin no snyam pa las yang smras pa/ bdag ni ma yin te/ bag med pa ma gtogs pa 'di ni sdug bsngal las ci zhig yod snyam pa de bzhin du/ ji srid du 'khor ba na 'khyam pa de srid du nga ni bdag go zhes bdag tu lta ste/ bdag med par lta ba'i don yin no/ /dper na chom rkun pa gsod pa po ral gri gdengs pa de'i tshe rjes bzhin chas pa dang / de nas des bsams pa/ ci bdag chom rkun pa 'di'i lag nas 'chor bar 'gyur ram snyam pa las bdag la lus kyi dbang med do snyam du rtogs par byed pa de bzhin du skye ba dang / rga ba dang / na ba dang / 'chi ba'i sdug bsngal rnam pa du ma dang ldan pa'i sems can rnams bdag ni dbang po 'am/ tshangs par gyur cig snyam du rtogs par byed pa de dag gi rtog pa gzhig pa'i phyir de bzhin gshegs pa grongs par ston pa mdzad do/ /re shig de bzhin gshegs pa ni lha'i yang lha yin na gal te de bzhin gshegs pa ni de ltar yongs su mya ngan las 'das te med par gyur na de'i tshe 'jig rten 'grib pa nyid snang bar 'gyur ro/ /gal te mi 'grib na ni brten pa zhi ba yin no/ /gal te de ltar brten pa yin na bdag yod par rig par bya ste/ dper na du ba las me bzhin no/ /gal te yang bdag med pa bdag tu gyur na de'i tshe 'jig rten 'phel ba nyid du rig par bya'o/ /bdag bden yang bdag kyang ma yin la 'jig par yang mi 'gyur ro/ /bdag med pa bden na bdag thar bar mi 'gyur ro/ /'od srung gis gsol pa/ bcom ldan 'das mchis pa zhes bgyi ba ci lags/ bka' stsal pa/ </font><hr>58.121b<br><font size=+1>

yod pa zhes bya ba ni sems can gyi spyod pa srid pa nyi shu rtsa lnga pa yin no/ /med pa zhes bya ba ni sems pa med pa'i dngos po yin no/ /gal te med pa sems can du gyur na des na gzhan nas 'ong bar 'gyur ro/ /gal te sems pa zhig par gyur na des na 'grib pa nyid du 'gyur ro/ /gal te med pa sems can du gyur na des na 'phel ba nyid du 'gyur ro/ /de lta bas na de gnyis mi skye zhing nyams par mi 'gyur te/ de'i phyir 'grib pa med cing 'phel ba med pa nyid yin no/ /gsol pa/ bcom ldan 'das bdag mchis par ji ltar rig par bgyi lags/ bka' stsal pa/ 'od srung legs so/ legs so/ /zhu ba de lta bu zhu bar mi bya'o/ /'od srung dper na gser 'tshed pa zhig gis gser gyi khams mthong nas 'di snyam du bsams te/ nam zhig nas gser 'di dri ma can du gyur bdag gis re shig gser gyi dri ma'i dang po'i mtha' btsal lo snyam na ji lta de'i dang po'i mtha' rnyed par 'gyur ram/ bcom ldan 'das mi 'gyur lags so/ /gal te de'i dang po'i mtshan ma dang rtags ji srid 'tsho'i bar dang / ji srid mtha' med pa de srid du bsams kyang ji ga mtha' rnyed par 'gyur ram/ mtha' yang rnyed par mi 'gyur zhing gser yang blang bar mi nus so/ /gal te dri ma de yang thabs mkhas pa'i brtson 'grus drag pos dri ma sbyang ba byas na de'i 'og tu gser blang bar nus kyi shin du skyo ba dang brtang pas ni mi nus so/ /'od srung de bzhin du bdag gi nyon mongs pa blo bur pa rnams kyang de dang 'dra bar shes par bya'o/ /yang 'ga' zhig bdag lta bar 'dod nas de 'di snyam du sems te/ ma la re shig bdag gis nyon mongs pa rnams dang / bdag gi dang po dang tha ma btsal lo snyam na ci rnyed par 'gyur ram/ gsol pa/ bcom ldan 'das mi 'gyur lags so/ /</font><hr>58.122a<br><font size=+1>

gal te nyon mongs pa sbyang ba byas na de'i 'og tu bdag rnyed par 'gyur ro/ /bdag de yang mdo de lta bu de dag thos pa rnyed par mi 'gyur gyi thabs la mkhas pas skyo ba med cing ma brtags pa brtson 'grus drag po dang / lam rnams gsum gyis 'thob par 'gyur zhing de nas mdo 'di lta bu 'di dag la yid ches par 'gyur ro/ /gzhan yang 'od srung gis gsol pa/ bcom ldan 'das gal te bdag mchis na ci'i slad du nyon mongs pa blo bur ba 'di dag gis 'di ltar gyur lags/ bcom ldan 'das kyis bka' stsal pa/ 'od srung khyod la dpe bstan te/ 'od srung dper na 'ga' zhig gis yi ge 'bru lnga pa bslabs pa las skad kyi dbyings grub pa'i tshig gam/ tshigs su bcad pa'i don shes par byas la phyis bslab po zhes zer na/ ci des shes par 'gyur ram/ gal te je bslabs na de'i 'og tu shes par 'gyur mod/ rtag tu legs par bslabs par gyur pa de'i tshe ni de'i slob dpon gyis 'khor de la skad kyi dbyings kyi grub pa'i don smra ba na de la dpe bstan mi dgos par des mnyan par nus par des rang gi slob dpon gyi skad kyi dbyings grub pa'i tshig ji lta ba bzhin yid ches par byas na phyis don shes shing yid ches par 'gyur ro/ /de bzhin du ngas de ring nyon mongs pa bye ba'i sbubs kyis khebs pa'i sems can de lta bu de la rigs kyi bu de bzhin gshegs pa'i snying po can zhes bshad do/ /de yang lta 'dod par gyur na ci de dag gis mthong bar nus sam/ gsol pa/ bcom ldan 'das rngo mi thog lags so/ /ji ltar slob ma des slob dpon la yid ches shing dad par byas na phyis des skad kyi dbyings kyi grub pa'i tshig gi don gyi gzhi shes par 'gyur ba de bzhin du 'od srung khyod kyis kyang de bzhin gshegs pa ni bden pa gsung ba/ bden</font><hr>58.122b<br><font size=+1>

pa'i tshig gsung bar gyur pa yin pas sems can yod pa nyid do zhes gsung na yang rig par byos shig dang / slob ma grub pa bzhin phyis khyod kyis shes par 'gyur ro/ /'od srung yang khyod la dpe bstan te/ 'od srung bzhi po 'di dag ni sems can gyi khams na sgrib pa'i rgyu dang / gtan tshigs kyi dpe yin te/ bzhi gang zhe na/ mig ling tog ser po dang sngon pos rab rib tu gyur pa lta bu dang / zla ba sprin gyis khebs pa lta bu dang / khron pa rko ba lta bu dang / bum pa'i nang gi sgron ma lta bu'o/ /'od srung bzhi po 'di dag ni snying po yod do zhes bya ba'i rgyu dang gtan tshigs yin te/ rgyu dang gtan tshigs de dag gis sems can thams cad dang / srog chags thams cad la sangs rgyas kyi khams yod de mtshan dang dpe byad bzang po mtha' yas pas brgyan pa na snang bar 'gyur zhing khams des sems can rnams kyis mya ngan las 'das pa 'thob par 'gyur ro/ /de la mig rab rib can zhes bya ba ni ling tog ser po dang / sngon pos yog nas rab rib tu gyur pa bcos su rung ba ji srid du sman pa ma rnyed pa de srid du long bar 'gyur zhing sman pa rnyed na yang myur du mthong bar 'gyur ro/ /sngon pos yog nas rab rib tu gyur pa de bzhin du nyon mongs pa bye ba'i sbubs kyis khebs pa'i khams 'di ji srid du nyan thos dang / rang sangs rgyas rnams la dga' bar byed pa de srid du bdag ni bdag ma yin par 'gyur zhing bdag gi bdag tu 'gyur ro/ /gang gi tshe sangs rgyas bcom ldan 'das rnams la dga' bar gyur pa de'i tshe bdag tu 'gyur zhing de'i 'og tu bsgrub tu rung ba'i mir 'gyur ro/ /mi de'i mig nad ling tog ser po dang sngon po'i rab rib gang yin pa ltar nyon mongs pa rnams blta bar bya'o/ /de bzhin gshegs pa'i snying po ni mig bzhin du nges par yod do/ /de la zla ba sprin gyis khebs pa zhes</font><hr>58.123a<br><font size=+1>

bya ba ni ji ltar sprin stug pos khebs pa'i zla ba'i dkyil 'khor mi snang ba de bzhin du nyon mongs pa'i sbubs kyis khebs pa'i khams mi snang ngo / /gang gi tshe nyon mongs pa'i tshogs sprin bzhin du bral bar gyur na de'i 'og tu zla ba nya ba bzhin du khams snang bar 'gyur ro/ /de la khron pa rko ba zhes bya ba ni dper na/ mi zhig khron pa brko zhing brko ba na ji tsam ji tsam du sa skam po byung ba de tsam de tsam du rtags des na 'di nas chu ring ngo snyam du sems shing gang gi tshe 'jim pa byung ba de'i tshe rtags des na 'di nas chu nye'o zhes shes par 'gyur ro/ /gang gi tshe chu la thug pa de'i tshe rko ba'i mthar phyin pa yin no/ /de bzhin du nyan thos dang / rang sangs rgyas rnams de bzhin gshegs pa rnams mnyes par byed cing legs par spyad pa spyod pa bstan pas nyon mongs pa brko bar byed de/ brkos nas chu bzhin du de bzhin gshegs pa'i snying po rnyed par 'gyur ro/ /bum pa'i nang gi sgron ma zhes bya ba ni ji ltar bum pa'i nang na sgron ma yod pa'i 'od lam mer ma yin/ lhag ger ma yin zhing sems can rnams la ci yang mi byed pa bzhin du de bzhin gshegs pa'i snying po mtshan dang dpe byad mtha' yas pa dang ldan par gsungs pa yang sems can rnams kyi don mi byed do/ /gang gi tshe yang bum pa chag nas de nas sgron ma rang snang bas srog chags rnams kyi don byed par gyur pa de bzhin du nyon mongs pa bye ba'i sbubs can 'khor ba'i bum pa na de bzhin gshegs pa'i snying po garus pa sgron ma bzhin rab tu 'bar nas 'khor ba'i nyon mongs pa zad pa'i tshe bum pa chag pa'i sgron ma bzhin du de bzhin gshegs pa sems can rnams kyi don byed par 'gyur ro/ /gtan tshigs bzhi po 'di dag gis ji ltar nga la sems can gyi khams yod pa de bzhin du sems can thams cad</font><hr>58.123b<br><font size=+1>

la yang yod par rig par bya'o/ /de la bsgrub tu rung ba'i khams zhes bya ba ni gcig pu gnas pa yin par rig par bya ste/ ji ltar gong du gtan tshigs brgya rtsa brgyad bshad pa'i gtan tshigs re re zhing tshigs su bcad pa brgyad brgyad du bsdebs pa las byung ba yin no/ /gsol pa/ bcom ldan 'das de bzhin gshegs pas ci'i slad du theg pa gsum bstan lags/ bka' stsal pa/ 'od srung khyod la dpe bstan te/ dper na khyim bdag nor bye ba yod pa zhig la bu gcig pa zhig yod pa skye bo mang po'i nang du ma ma'i lag nas stor bar gyur la/ de nas khyim bdag de 'chi ba'i dus la bab pa na 'di snyam du bdag gi bu ni stor te/ bdag la bu gzhan nam/ pha'am/ ma 'am/ lhan cig skyes pa'i spun nam/ nang mi med pas bdag gi nor gyi mdzod 'di dag ni rgyal pos bzhes par 'gyur ro snyam du sems te/ de de ltar yang dang yang du sems pa na dus ring zhig 'das pa dang de nas bu stor ba de grong khyer de nyid du 'ongs nas zas kyi phyir rang gi khyim du zhugs pa na khyim 'di ni bdag gi pha'i khyim yin no snyam du mi shes so/ /de nas de'i phas ni mthong ma thag kho nar 'di ni bdag gi 'thun pa'i bu yin na 'di la khyod bdag gi/ bu yin no zhes cung zad kyang smra bar mi bya'o/ /de ci'i phyir zhe na/ slar yang bros dang mi rung ngo zhes des de la nor gyi mdzod rab tu mang po byin no/ /de nas des de la smras pa bdag ni khyod kyi khyim na gnas mi phod do/ /de ci'i phyir zhe na/ bdag khyod kyi khyim na gnas pa ni zhags pa'i bcing bas bcings pa bzhin sdug bsngal lo/ /de nas khyim bdag des 'di skad ces smras so/ /ci zhig bya/ des 'di skad ces smras so/ /bdag gis khyod kyi ba glang btsa'</font><hr>58.124a<br><font size=+1>

'am/ rtswa rnga ba 'am/ phyag dar dor ba 'am/ 'bras kyi zhing rmo ba lags so/ /de nas khyim bdag des bsams pa/ e ma'o bsod nams ma byas pa'i sems can/ kyi hud rim gyis dus shes par bya ba las gzhan ni mi nus so snyam nas legs kyis re shig phyag dar gyi phung po dag kho na phyogs shig /de nas phyis dus gzhan zhig gi tshe phyag dar 'phyag pa na mi des khyim bdag de 'dod pa mang po la rtse zhing dga' bar byed de bde ba'i yul nyams su myong bar byed pa mthong ngo / /mthong nas kyang bsams pa/ jo bos bdag la nor gyi mdzod mang po sbyin par 'gyur ba 'am/ yang na bdag bu nyid du byed par 'dod na ci ma rung snyam ste/ mi de de ltar sems pa na phyag dar gyi phung po dag ha cang 'phyag par mi byed do/ /de'i tshe de'i phas de'i las byed pa de dag mthong nas bsams pa bdag gi bu 'di da ni bzang po'i skal pa yod do snyam nas de nas de'i phas bu de la 'di skad ces smras so/ /kwa'i mi khyod de ring gzhan du sems sam/ ci'i phyir las legs pa mi byed/ des smras pa de bzhin te/ bdag de ring nyid du khyod kyi bu nyid du khas len par 'dod de des na de ring bdag gi sems de ltar dad par gyur to/ /des smras pa legs so nga ni khyod kyi pha yin la/ khyod ni nga'i bu yin na khyod kyis nga 'di ltar phan par 'dod cing rjes su brtse ba yin par ma shes so zhes byas nas/ de nas des de la rang dbang ba'i nor gyi mdzod mang po thams cad byin nas skye bo'i tshogs chen po'i dbus su de mngon sum du byas te/ 'di skad ces 'di ni bdag gi bu gcig pa yin te/ stor nas ring zhig lon pa las 'di slar 'khor te/ rang gi khyim du zhugs nas 'dis 'di ni bdag gi pha'i khyim yin no zhes bya bar ma shes ma rtogs nas de'i tshe 'dis khyod ni bdag gi pha'o/ /bdag ni bu'o zhes</font><hr>58.124b<br><font size=+1>

bya ba'i ming yang mi 'dod pa nyid las da ltar 'di mod la bu yin no zhes tshig tu smras so zhes smras pa de'i tshe de nas skye bo mang pos kye ma'o sems can rnams ni las rnam pa mang po dag gis nyon mongs par gyur to zhes ngo mtshar du gyur to/ /'od srung de bzhin du nga'i nyan thos thams cad kyang phyag dar gyi phung po 'phyag pa'i bu bzhin du gdod shes nas e ma kyi hud bcom ldan 'das da dung bdag cag gis rang gi pha dang 'dra bar ma 'tshal bas na/ nyan thos kyi theg pa ni nga tha chad lags so zer ro/ /de bas na 'od srung khyod kyis 'di ltar bslab par bya ste/ gal te re shig yongs su spang bar nus na gshe yang rung spyos kyang rung khyod kyis de dag gi yongs su smin pa'i dus la bab par shes par bya'o/ /'od srung gzhan yang 'di na theg pa chen po pa rnams dang / nyan thos kyi theg pa can rnams ni rtag par mi mthun pa yin te/ ji ltar 'jig rten pa dang / 'jig rten las 'das pa lta bu dang / mkhas pa dang / ngan pa ltar mi mthun pa yin no/ / 'phags pa rnga bo che chen po'i le'u/ bam po bzhi pa/ 'od srung khyod kyis yang mdo sde spong ba de dag kun du gzung bar bya'o/ /de ci'i phyir zhe na/ gal te spong ba de dag sems de dang bcas te dus byed par gyur na de nyid de dag gi shin du brnag pa nyid kyi mthar phyin pa yin no/ /de lta bas na de dag la snying brtse ba'i phyir 'di lta ste/ theg pa chen po la sbyar ba'i ched du thabs thams cad la mkhas par bya'o/ /de la gang dag ma dad pa de dag ni dad par 'gyur zhing gang dag dad pa de dag ni yid ches par 'gyur te/ de dag thams cad bsdu ba'i dngos po rnams kyis kun du bsdu bar bya zhing gzung bar bya'o/ /'od srung gzhan yang 'di na mi 'ga' zhig rims sam/ rims nad drag pos thebs pa kho</font><hr>58.125a<br><font size=+1>

nar gyur na/ 'di ltar mi de la sman yang mi sbyin zhing dpyad kyang mi bya'o/ /de ci'i phyir zhe na/ bya ba'i dus la ma bab pa dang / bya ba'i dus la bab na mi bya ba dang / bya ba'i gnas 'di gnyis mi shes pa'i sman pa gang yin pa ni 'jig rten na smad pa yin te/ de lta bas na nad smin na dpyad bya la ma smin na dus su bsdad do/ /de bzhin du sems can gang dang gang dag tshul 'di spong bar byed pa de dang de dag ni tshar gcad par bya'o/ /de dag gang gi tshe nad smin par gyur pa dang / de'i 'og tu de dag rjes su dran nas/ e ma'o bdag cag gis mtshar byas so zhes shes par gyur pa de'i tshe de dag nyan thos sam/ rang sangs rgyas kyi theg pa la bsdus nas dpyad bya'o/ /'on te gzhan du ma nus na de dag la gos dkar po dag byin te bskrad pa 'am/ rim pa gzhan dang gzhan gyis gdul bar bya'o/ /de ci'i phyir zhe na/ de dag kho na la snying brtse bas ci yang rung bas theg pa chen po la sbyar ba'i phyir ro/ /rgyu gnyis kyis sems can rnams theg pa chen po la sbyar bar bya ste/ gnyis gang zhe na/ rigs pa dang / bsdigs pas so/ /de lta bas na de dag rigs pas sam/ bsdigs pas sbyar bar bya'o/ /de ltar sbyar na byang chub sems dpa' sems dpa' chen po sa dang po gnon par 'gyur zhing de sa dang po la gnas par 'gyur ro/ /yang de de ltar sbyor zhing de bzhin du smra na sa gnyis pa thob pas 'di lta ste/ byang chub tu mgo gcig tu lung bstan pa yin no/ /'di lta ste dper na/ mi zhig btson ra nas phyung na de ci slar btson rar 'jug par 'gyur ram/ de bzhin du nyan thos kyi theg pa las byung ste/ theg pa chen po'i lam du zhugs pa de ci nyan thos kyi theg pa la reg par 'gyur lags sam/ 'od srung 'di ni mi 'gyur te/ de khros 'khrugs nas sa la rdebs</font><hr>58.125b<br><font size=+1>

par 'gyur ro/ /yang bcom ldan 'das kyis bka' stsal pa/ 'od srung khyod kyis de bzhin gshegs pa'i snying po shes kyis 'od srung khyod de ltar ma ngu shig /'od srung dper na don mthong na gtan tshigs dgos pa med de/ dper na sngon skyu ru ra mthong ba la skyu ru ra ni 'di yin no zhes bya ba dgos pa med mod kyi sngon skyu ru ra ma mthong ba la skyu ru ra gtan tshigs dang bcas pa dgos pa lta bu/ dper na lho phyogs kyi mi rnams la mi 'am ci ri mor bris nas bstan dgos kyi byang phyogs kyi mi rnams la ni bstan mi dgos pa lta bu'o/ /de ci'i phyir zhe na/ de dag gis sngon mthong ba'i phyir ro/ /de bzhin du khyod kyis kyang skyu ru ra bzhin du de bzhin gshegs pa'i snying po mthong ngo / /'od srung gzhan yang nga bzhugs pa'i tshe dang / khyod 'dug pa'i tshe mdo 'di spong ba gang dag yin pa dang / spang bar 'gyur ba gang dag yin pa de dag gal te nus na khyod kyis tshar gcad cing gzung bar bya'o/ /de'i tshe tshar bcad cing bzung nas rigs pa 'am/ bsdigs pas rang gi bu la bya ba 'am/ sdug pa la bya ba 'am/ rang dang 'dra bar sdug par bya bas theg pa chen po la sbyar bar bya'o/ /'od srung de ltar nyan thos kyi theg pa pa de dag thams cad kyang nga'i bu yin no/ /de dag thams cad sngon nga spyad pa spyod pa na yongs su smin par byas pa yin te/ bskal pa mang po grangs med pa dpag tu med pa pha rol pas ches pha rol du de bzhin gshegs pa 'jig rten gyi gnyen zhes bya ba byung ba de'i tshe de'i dus de na mdo chen po 'di las theg pa gcig pa bshad pa dang / de'i tshe 'di dag dang gzhan de dag thams cad spong bar byed de dag thams cad gcig tu bsdoms nas khro ba dang / smod pa dang / mtshang 'dru bas rgyu bar byed do/ /de nas de dag la 'di dag ni bdag gi bu yin bdag gi slob ma yin pas dus las thal na mi rung</font><hr>58.126a<br><font size=+1>

gis ji ltar 'di dag nye bar zhi bar 'gyur ba de lta de ltar gdul bar bya ba'i thabs mkhas pa zhig ngas bsams so/ /de nas ngas de dag gi stobs dang stobs med par shes par byas nas de lta bu'i gtam ston to/ /de la gang dag theg pa chen po la ma dad par gyur pa de dag la ni ngas nyan thos kyi theg pa'i gtam smras te/ rigs kyi bu mthar phyin pa 'di lta ste theg pa chen po 'di yin gyi/ lhag ma ni spang ba'i theg pa yin par bzung ngo / /bud med kyis ni legs par spyod pa spyad kyang thar pa mi 'thob ste grong khyer pas kyang de bzhin no/ /rta cang shes la zhon te brgyugs pas ni grong rdal lam/ grong khyer du myur du phyin par 'gyur gyi/ byis pa'i gom pas kyang rim gyis song na ci des kyang son par mi 'gyur ram/ ji ltar byis pa gzhon nu ni mdzub mos mar dang kha zas za la stobs dang ldan pas snod bkang ste za ba de bzhin du 'od srung ngas kyang gang dag theg pa chen po mi 'dod pa de dag bsdus nas ngas de'i tshe de dag la phyag dar gyi phung po 'phyag pa'i bu bzhin du nyan thos kyi theg pas theg pa chen po nye bar bstan to/ /de dag gi mod la skur pa btab pa'i las gang yin pa de yang nga'i sngon gyi byams pa'i rim pas theg pa chen po la zhugs par gyur na lus gcig po de la kha cig ni glad nad dam/ mya ngan nam/ sems mi bde ba tsam gyis yongs su zad par 'gyur ro/ /de'i tshe gang dag nga'i tshig ma mnyan cing blangs pa de dag ni tshul ma yin pas gnod par gyur to/ /'od srung de ltar na phyag dar gyi phung po 'phyag pa'i bu bzhin du nyan thos de dag thams cad kyang nga'i bu yin te/ da gdod shes par 'gyur ro/ /e ma'o kyi hud bcom ldan 'das bdag cag gis da dung rang gi pha ma 'tshal bas nyan thos kyi theg pa ni da gdod tha chad lags so/ /bcom ldan 'das kyis bka' stsal pa/ </font><hr>58.126b<br><font size=+1>

'od srung de nyid kyi phyir ngas khyod kyis phyis shes par 'gyur gyis khyed gang 'dod pa de byed la rag ma spong shig ces gsungs pa yin gyis gal te khyod kyis mi nus na de zhog shig /'od srung khyod kyis de ltar bslab par bya ste/ de dag khros sam/ smod na yang khyod kyis mnags par bya'o/ /'di lta ste dper na/ 'bab chu 'am/ lteng ka 'am/ mtshe'u 'am/ mtsho bran nam/ rdzing bu 'am/ khron pa zhig yod la/ de la skyes pa 'am/ bud med dam/ khye'u 'am/ bu mo 'am/ sems can gang dang gang dag gis snod ci dang ci 'dra ba dag thogs te lhags nas de tsam de tsam gyis chu blangs nas dong ste/ bum pa ni bum pa gang / rdza ma ni rdza ma gang / khyor ba ni khyor ba gang gi snod chag pa kho na la ci yang med na/ rigs kyi bu de la khyor bas skyed pas bum pas skyed pa la khro ba 'am/ 'on te stong pas khror ci yod/ de bzhin du rigs kyi bu khyod kyis rang gi nus pa'i stobs bskyed pas nyan thos kyi theg pa la zhugs te/ nged la theg pa chen pos ci bya zhes mi 'dod cing spong bar gyur to/ /gzhan yang dper na/ rgyal po ni 'bras sA lu'i kha zas za/ yi dgas dang / bkren pa ni 'bras bu dang rtsa ba za/ khyim bdag ni rang gi 'byor pa za na/ ci des rgyal po la kha bya 'am/ gang dang gang gis ci dang ci byas pa'i bde ba 'am/ sdug bsngal de dag gsal ba thob par 'gyur bas des gnas par bya'o/ /de bzhin du gal te khyed theg pa chen po la 'jug pa'i mthu med na yang ci ste de 'gog /gzhan yang rgyal po ni dbyig dang / gser dang / mu tig dang / nor bu dang / bai dUr+ya dang / man shel dang / byi ru la sogs pa sbyin par gtong la/ bkren pa rnams ni gzar bu gang gi kha zas sbyin par gtong ngo / /gang dag mang du thos pa ni lung 'dzin par byed la/ blo zhan pa ni rang gi spyod yul tsam mo/ /gzhan dag ni</font><hr>58.127a<br><font size=+1>

grong khyer chen po 'am/ dpag tshad mang por rgyug la de la byis pa dag ni 'dom phyed du yang rgyug mi nus na/ ci de la byis pa gzhon nus 'di ltar nga rgyug ma nus so zhas ci de las brdeg par bya ba 'am/ de la sus nyes/ 'od srung gzhan yang grong gi bud med ni grong du dga' la grong khyer mo ni grong khyer la dga'o/ /'od srung de bzhin du de bzhin gshegs pa yang sems can rnams la snod ji lta ba bzhin chos ston to/ /gzhan yang bcom ldan 'das la 'od srung chen pos 'di skad ces gsol to/ /bcom ldan 'das la chos shig zhu lags so/ /bcom ldan 'das kyis bka' stsal pa/ gang zhig gsol pa/ sems can gyi lta ba las brtsams lags na sems can gyi lta ba ci lags na/ ji lta bu lags/ bcom ldan 'das kyis bka' stsal pa/ 'od srung dper na yul tsam pa zhes bya ba'i grong khyer chen po nas mi 'ga' zhig mnyan yod kyi grong khyer du chas te/ de yang mnyan yod kyi grong khyer chen po dang ha cang yang mi ring ba'i grong rdal zhig tu gnas btab bo/ /de nas des 'gron po gzhan zhig la dris pa/ kye mi mnyan yod na yul log ma pa rnams ji ltar gnas/ de na khyim 'am/ bkad sa 'am/ 'gron gnas pa gnas pa'i bud med rnyed par 'gyur ram/ de nas mi de thabs mkhas shing pha rol gyi sems shes pas lha'i mig gis de 'ong ba la brtags na de nas des rig ste/ ngan pa 'di ni rang gi ma dka' bar byed pa bla ma dam pa yongs su spangs te/ brdzun can gyi bu zhig gi tshig mnyan nas bdag mnyan yod du song ste/ smad 'tshong ma dang lhan cig rtse bar bya'o snyam nas 'dir 'ongs so snyam pa sems nas de nas des mi de la 'di skad ces smras so/ /kye mi lam nas slar myur du log na legs te/ yul log ma pa khyod 'dra ba rnams ni rgyal po</font><hr>58.127b<br><font size=+1>

gsal rgyal gyis srin po'i rigs kyi lag tu zas su sbyin par byed kyis/ kye mi myur du slar song shig /de nas mi des mi de'i tshig mnyan nas myur du brgyugs te rang gi khyim gang na ba der song nas rang gi ma'i rkang pa la gtugs te bzod par gsol to/ /de nas dus gzhan zhig na mi de'i ma shi nas rang dbang ba'i nor thams cad thogs te/ yang mnyan yod gang na bar chas pa dang de mi de nyid kyis mthong ngo / /de mthong nas yang de 'ong ba la bsams nas 'di ltar bdag der song nas nor bdog pa thams cad shi ba dang / bkren pa dang / phongs pa dang / slong ba pa la sogs pa la bgo ba dang / de bzhin gshegs pa la mchod pa dang bkur sti dang ri mo byas la nga rgyal bcag ste/ bdag gi med cing nga rgyal med par rim gyis byas la smad 'tshong ma dang lhan cig ji srid 'dod par rtsed mo dang / dga' ba dang / dga' mgur spyad nas de'i 'og tu de bzhin gshegs pa'i bstan pa la rab tu 'byung bar bya'o snyam par shes so/ /mi des mi de la dris pa/ kye mi deng sang mnyan yod kyi grong khyer chen po ci 'dra/ des smras pa/ kye mi nga ni mnyan yod kyi grong khyer ni sdug cing yid du 'ong ba/ dga' ba/ mthong na yid dga' ba/ yul gyi bzang mo'i smad 'tshong gi tshogs yod pa/ 'byor pa/ rgyas pa/ bde ba/ nyams dga' ba yin no/ /'od srung de skad du smra na ci de brdzun smra ba yin nam/ gsol pa/ bcom ldan 'das lags ches so/ /bka' stsal pa/ de ni ma yin no/ /gsol pa/ ci lags/ bka' stsal pa/ de ni thabs yin no/ /yang bka' stsal pa/ de bzhin gshegs pas ni rnam grangs kyis brdzun cung zad bya bar gsungs so/ /gsol pa/ ci'i slad du lags/ 'od srung khyod dang bu mo ser skya bzang mo lhan cig khyim par gyur te 'khor ba na/ bzang mo'i</font><hr>58.128a<br><font size=+1>

pha dang ma gnyis smra zhing pha dang ma gnyis kyis bsams na/ bdag cag gi bu gnyis yul nyams su myong bar byed dam/ 'on te bdag cag gi bu mi byed ces nang mi la dris pa dang / nang mi nye bar song nas nang mis dris pa na 'jig rten na su zhig gzugs dang / sgra dang / dri dang / ro dang / reg bya'i 'dod pa la rtse ba dang / dga' ba'i yul nyams su myong bar mi byed ces khyod kyis smras pa thos pa yin nam/ gsol pa/ bcom ldan 'das de ni bdag gi brdzun du smras pa ma lags so/ /de bzhin du 'di la yang de ni thabs mkhas pa yin par rnam grangs 'dis tha snyad gdags par nus ta/ rgyud gnyis ka rnam grangs 'dis mgu bar bya'o/ /gsol pa/ bcom ldan 'das bdag cag tshe rabs lnga brgyar spa shug tu mchis na yang chung ngu na g.yar lam du yang nyal po ma myong ngo / /bka' stsal pa/ de ni de kho na ltar yin gyi gzhan du ma yin te/ de yang skyes bu'i thabs mkhas pa yin no/ /gsol pa/ bcom ldan 'das thabs mkhas pa zhes bgyi ba ci lags/ bka' stsal pa/ thabs mkhas pa zhes bya ba ni snga ma dang phyi mar 'gal ba dang / phyi ma dang snga mar 'gal ba smra ba'i don te/ don gyis ni ma yin no/ /de ci'i phyir zhe na/ sangs rgyas rnams ni thabs gang dang gang gis don 'grub par 'gyur ba'i thabs de dang des nges pa'i don gyis sam/ drang ba'i don gyis gsung ba yin no/ /gsol pa/ don grub pa zhes bgyi ba gsung ba ci lags/ bka' stsal pa/ don grub pa zhes bya ba ni chos grub pa zhes bya'o/ /gsol pa/ de bzhin gshegs pas dge slong dag tshad mas rung ba ma yin pa de yang blang bar bya'o zhes rnam grangs cung zad cig gsungs pa/ gal te de ltar lags na de yang blang bar 'gyur ram/ bka' stsal pa/ 'od srung</font><hr>58.128b<br><font size=+1>

de ni rgyu ma yin no/ /gsol pa/ ci'i slad du lags/ ci pha'i ched du ma srog dang dbral bar bya'am/ ci gzhan gyi ched du rang srog dang dbral bar bya'am/ ci ma'i ched du pha srog dang dbral bar bya'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'od srung de bzhin du pha dang mas mi byed pa gang yin pa de ni de bzhin gshegs pa'i snying por byed do/ /'od srung ji ltar gong du yul tsam pa na gnas pa'i mi bzhin no zhes gsungs pa ltar bdag bden yang ngas bdag tu 'dzin pa dgag pa mdzad do/ /de ci'i phyir zhe na/ ji 'di ltar mi des rang gi ma bor nas de'i ma yang sdug bsngal bar gyur/ de yang rang gi ma dang bral bar gyur pa las de mi des de skad tshig bsgo nas slar bzlog pa dang ma dang bu de gnyis phrad par gyur to/ /de nas de'i 'og tu ma shi nas rang dbang ba rnams ji skad bshad pa de bzhin du 'dod pa'i bde ba bstan nas de'i 'og tu rab tu byung ba bzhin no/ /dge slong dag de bzhin du ngas kyang gal te thog ma kho nar bdag yod do zhes bstan na su zhig dad par 'gyur/ gal te dad par gyur nas/ 'jig tshogs la lta ba'i bdag tu 'dzin pa ni 'jig rten gyi spyi thun yin pas nga'i yang ngar 'gyur ro/ /ngas kyang yul tsam pa na gnas pa'i mi bzhin du thog mar bdag med pa bstan nas de'i 'og tu bdag yod pa nyid ston par 'gyur te/ de nyid dang bdag gi de kho na nyid kyang bshad do/ /'od srung de lta bas na thabs la mkhas par bya'o/ /'od srung gzhan yang dper na mi zhig lam po che zhig nas 'brog dgon par song ba las bya rab gnon ces bya bas sgra phyung ba dang / de nas mi de lam du zhugs te 'gro bas bya'i skad de thos nas bsams pa/ ci chom rkun pa byung ngam zhes de chom rkun pas 'jigs skrag te/ byol ba las dgon pa gang na stag</font><hr>58.129a<br><font size=+1>

yod pa der chud nas tshul ma yin pas sdug bsngal bar gyur to/ /'od srung de bzhin du ma 'ongs pa'i dus na dge slong dang / dge slong ma dang / dge bsnyen dang / dge bsnyen ma rnams/ bdag dang bdag gi zhes bya ba'i sgra tsam gyis 'jig rten pa'i 'jig tshogs la lta ba'i bdag med pa sems shing stong pa nyid chen po chad pa'i lta ba smra ba'i bdag nyid du 'gyur bas de bzhin gshegs pa rtag pa sangs rgyas rtag pa'i bdag nyid dang ldan pa'i mdo sde 'di lta bu 'di dag la dad par mi 'gyur ro/ /'od srung gzhan yang zhing pa blun po mnyan yod kyi grong khyer chen po sngon ma mthong ba zhig yod pa de der zhugs pa na skyes pa dang / bud med gzugs bzang ba mdzes pa blta na sdug pa dag mthong ngo / /mthong nas kyang mig mi 'dzum par rigs kyi bu dang / rigs kyi bu mo dag la bltas so/ /bltas te phyir byung nas de nas de rang khyim gang na ba der song ste/ zhing pa blun po rnams la smras pa/ rgyal po ni 'di 'dra/ de na bud med kyi gzugs ni lha'i bu mo 'dra/ mi'i dbang po'i gzugs ni lha'i bu pho 'dra'o zhes smras pa na/ mi phal pa gzhan rnams kyang rgyal po mthong nas 'di snyam du bdag cag gis kyang lha'i bu dang bu mo dang bcas pa mthong ngo snyam pa dang / de nas rgyal po'i pho nya bkrabs pa dag gis thos nas cal col sha dag smra'o zhes byas te gsod par 'gyur ro/ /'od srung de bzhin du de bzhin gshegs pa sangs rgyas pa'i dus mya ngan las 'das pa nyid na rtag pa/ brtan pa/ zhi ba/ ther zug pa/ bdag ces bya ba'i tshig gi gzhi bstan pa yang 'jig rten las 'das pa'i dus na bdag ci 'dra ba de 'dra bar 'gyur zhing 'jig rten pa'i 'jig tshogs la lta ba goms par byas pa'i bdag nyid kyang zad par gyur/ zad par 'gyur/ zad par 'gyur te/ lta ba de lta bu gang yin pa de nga'i ma yin pas</font><hr>58.129b<br><font size=+1>

de'i phyir rtag pa dang chad pa spangs pa zhes gsungs pa ni ngas legs par gsungs pa yin no/ /'od srung de bzhin gshegs pa nga bdag nyid skyes so zhes gsung na ci de bzhin gshegs pa skyes sam/ nga tshems shing sten to zhes gsung na/ ci nga tshems shing sten snyam 'am/ 'od srung snga ma dang phyi ma'i tshig gi don 'gal gyi don la ni ma yin no/ /gsol pa/ ji ltar ma lags/ bka' stsal pa/ 'od srung khyod la dpe bstan te/ dper na btso blag mkhan mkhas pas gos phal pa zhig nyos nas dmar por byas te btsongs na rin chen por 'dong ngo / /de nas des phyis rin lhag pas nyos nas gos de nyid sngon pos tshig gur byas te gzhan gyi lag tu btsongs nas de nyis gyur gyi rin du ldom na 'od srung ci de gos de nyid yin nam/ 'on te gzhan yin zhe na/ de ni gzhan ma yin te kha bsgyur bar zad do/ /'od srung de bzhin du gos kyi rnam pa bzhin du bsod nams gsar gyi rgyun chags pas de phyis tshon rtsi'i thabs kyi thabs mkhas pas kha dog sgyur ba lta bur byed do/ /'od srung gzhan yang dper na grong khyer chen po zhig na dge slong tshul khrims dang ldan pa zhig yod pa 'chi ka'i tshe grong rdal lam/ grong khyer du bsod snyoms su rgyu ba na smad 'tshong ma zhig mthong nas de sems chags par gyur te de nas des bsams pa/ gyon pa'i gos 'di byin la 'di lta bu zhig bya'o zhes nges par byas nas des gyon pa'i gos des smad 'tshong ma de brongs pa dang / smad 'tshong ma de yang chags pa'i rang bzhin pas de bzhin du bya'o zhes de la khas blangs so/ /de nas dge bsnyen thabs la mkhas pa zhig gis de mthong nas bsams pa/ e ma'o kyi hud dge slong tshul khrims dang ldan pa 'di ni da ni tshul khrims 'chal par gyur la/ nyes na dge slong 'di lus 'dis shi ba bla'i/ tshul khrims 'chal pa ni ma yin pas de'i</font><hr>58.130a<br><font size=+1>

sdig pa gang yin pa de bdag la bab par gyur cig ces de nas des gtam ci zhig byas nas rmongs par byas te mod la bsad na/ 'od srung ci mi de dmyal bar 'gyur ram/ 'od srung gis gsol pa/ de ni bcom ldan 'das nyid mkhyen lags so/ /bka' stsal pa/ 'od srung mi de'i dge sbyong srog dang phral ba'i sdig pa gang yin pa de zla ba bzhir rims kyis thebs nas lus de nyid la rnam par smin pa dang dengs par 'gyur na/ 'od srung thabs mkhas pa sems can gyi don du tshig tsam du smra bas nyes pa med de/ bdag bden par yod pa la bdag med do zhes 'gog pa'i tshig tsam du smra bas cir yang mi 'gyur ba lta ci smos/ 'od srung gzhan yang khyod kyis kun dga' bo zil gyis mnan nas nga la zhus pa/ srid pa yod na bde dang sdug bsngal te/ med na bde dang sdug bsngal ga la yod ces bya ba de'i don 'od srung khyod da nyon cig /'od srung de bzhin gshegs pa ni dngos po med pa/ sems can med pa/ 'jig par 'gyur ba ma yin pa'o/ /gsol pa/ ji lta bu lags/ bka' stsal pa/ 'od srung dper na ri'i rgyal po gangs can gyi drung na nor bu rin po che 'od mtha' yas snang ba zhes bya ba'i khams yod do/ /de nas nor bu rin po che'i khams de la nor bu rin po che'i khams byi dor byed pas bltas nas des de mthong ste shes nas des de blangs te/ gser gyi kha dog bzhin du thabs kyis dri ma sbyangs te blangs nas de nas des gang gi tshe dri ma dag par gyur pa de phan chad sa 'am/ 'dam rdzab bam/ bye ma 'am/ snod gang dang gang du mi des bcug kyang des der nor bu rin po che de de lta de ltar phyis bdar byas pas ji ltar thog ma'i dri ma'i skyon de kho nas 'dres par mi 'gyur ro/ /de ci'i phyir zhe na/ dper na gang dang gang du mi sgron ma thogs te song ba de dang de nyid du</font><hr>58.130b<br><font size=+1>

mun pa med par 'gyur zhing sgron ma yang gsal ba kho nar 'gyur ro/ /'od srung de bzhin du nor bu rin po che de gser bzhin du dri mas gos pa med par gyur cing nor bu rin po che de yang mtshan mo ni rgyu skar dang / ba zla'i 'od kyi rkyen gyis chu 'dzag par 'gyur la nyin mo ni nyi ma'i 'od kyis me'i kha dog ltar 'bar yang cung zad kyang sreg par mi byed do/ /'od srung de bzhin du de bzhin gshegs pa dgra bcom pa yang dag par rdzogs pa'i sangs rgyas 'jig rten du byung nas byang chub sangs rgyas pa nyid kyis skye ba dang / rga ba dang / na ba dang / 'chi ba'i dri ma bsal cing nyon mongs pa bye ba las rnam par grol te/ bag chags kyi dri ma thams cad dang bral ba na nor bu dag pa bzhin du rab tu gsal zhing pad ma bzhin du thams cad du gos pa med par 'gyur ro/ /'od srung gzhan yang de bzhin gshegs pa gang gi gzugs kyis 'jig rten gang dang gang du 'byung zhing byung nas kyang phal pa bzhin du ston par mdzad de/ phal par byung yang ngan 'gro'i nyes pa de dag gis gos par mi 'gyur zhing lha dang mi'i bde ba dang sdug bsngal yang nyams su myong bar mi 'gyur ro/ /lha dang / mi'i bde ba dang / sdug bsngal zhes bya ba ni 'dod pa'i yon tan lnga yin te/ sdug bsngal ni bkag la thar pa gcig tu mthar phyin pa ni shin du bde ba yin no/ /de nas gnas brtan 'od srung gis 'di skad ces gsol to/ /bcom ldan 'das legs so legs so/ /bdag ni da gdod rab tu byung ba dang bsnyen par rdzogs pa dge slong gi dngos po dang dgra bcom pa nyid du gyur lags te/ da ni bdag gis de bzhin gshegs pa la bgyis pa gzo ba/ bgyis pa tshor bar bgyi lags so/ /gang de bzhin gshegs pas bdag la 'di skad ces 'od srung tshur shog stan gyi phyed sbyin gyis bdag cag gnyis stan cig la lhan cig 'dug go/ /zhes gsungs pa de'i don ni de ring bcom ldan</font><hr>58.131a<br><font size=+1>

'das kyis 'khor bzhi'i dbus su bdag theg pa chen po la dbang bskur ba lags so/ /de nas 'khor de'i nang na skra dang kha spu bregs pa dge slong gi kha dog dang gzugs 'chang ba dag kyang 'dug /dge bsnyen ma yin pa dge bsnyen gyi gzugs 'chang ba dag dang kha dog sna tshogs pa'i gzugs 'chang ba dag dang / kha logs shig tu phyogs pa dang / snyan dngags mkhan dang / mgrin pa sta ri lta bu dang / dud 'gro dang / kha gyen du lta ba dang / kha thur du lta ba dag 'khod de/ de dag thams cad ni bdud kyis byin gyis brlabs pa yin no/ /de nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das 'khor 'di ni shin te ma ma lags pa sbun pa dang bral ba/ phub ma mchis pa/ tsan dan gyi snying po lta bu sra ba brtan par gnas pa lags na 'khor 'di lta bu'i nang du 'di dag ci'i slad du zhugs lags bka' stsal pa/ kun dga' bo khyod gnas brtan 'od srung la dris shig /kun dga' bos legs so bka' bzhin 'tshal zhes mnyan nas gnas brtan la 'di skad ces smras so/ /btsun pa 'od srung 'di dag 'khor gyi nang du ji ltar zhugs/ 'od srung gis smras pa/ kun dga' bo 'di dag ni skyes bu blun po bdud kyi 'khor te bdud dang lhan cig lhags pa yin no/ /kun dga' bo bdag ni rgyu 'dis 'di skad ces bcom ldan 'das bdag ni zhing srung ba thabs mkhas pa bzhin du de bzhin gshegs pa 'das nas dam pa'i chos bsrung ba'i rngo mi thogs lags so zhes gsol nas don de'i phyir bdag gis de'i tshe sa chen po 'di khur du thogs pa ni mi mdo lags so zhes kyang gsol to/ /de'i tshe bcom ldan 'das kyis bdag la bka' stsal pa/ 'od srung khyod kyis nga 'das nas ji srid bstan pa nyams par ma gyur pa de srid du 'jig rten du dam pa'i chos 'byin</font><hr>58.131b<br><font size=+1>

par nus so zhes bdag la bcom ldan 'das kyis spro ba bskyed do/ /de'i tshe bdag gis bcom ldan 'das re shig bdag gis dgung lo bzhi bcu zhig dam pa'i chos dbyung bar bgyi'o zhes gsol pa dang / de nas bcom ldan 'das kyis bdag la bka' stsal pa/ re shig de'i bar du yang khyod snyom las skyed dam ci/ ji srid bstan pa ma nyams pa'i bar du brtson par mi nus sam/ de'i tshe bcom ldan 'das kyis yang bdag la bka' stsal pa/ 'od srung re shig bdud tshol cig /gal te rnyed na de'i tshe dam pa'i chos 'byin nus par 'gyur zhing nga'i don yang shes par 'gyur ro/ /kun dga' bo bdag gis ni de'i tshe lha'i mig gis bdud sdig can bltas na ma mthong ma shes so/ /dper na mnyan yod kyi grong khyer du skye bo mang po'i dbus su zhing pa bu stor ba zhig gis rang gi bu btsal te ma rnyed na dub cing slar ldog par 'gyur ro/ /kun dga' bo de bzhin du bdag gis btsal ba na ma rnyed do/ /ma rnyed nas 'di skad ces bcom ldan 'das bdag ni bdud sdig can tshol bar spro ba ma mchis lags so zhes gsol nas de'i tshe bdag phyogs gcig tu 'dug go/ /de nas de bzhin du 'od srung chen po'i 'og ma'i gnas brtan nas nyan thos chen po brgyad bcu'i bar gyi nyan thos chen po re re zhing 'di lta ste/ zhing pa bzhin du dpe sbyar ba la tshigs su bcad pa'i grangs kyis bgrangs na stong phrag 'byung bar 'gyur ro/ /de nas byang chub sems dpa' bzang skyong dang / phug sbas la sogs pa lnga brgya dang / 'jig rten thams cad kyis mthong na dga' ba ma gtogs pa la sogs pa de dag gis kyang de bzhin du btsal na ma rnyed de/ de dag la yang tshigs su bcad pa de bzhin du bgrang bar bya'o/ /de nas bcom ldan 'das kyis gnas brtan 'od srung chen po la bka' stsal pa/ 'od srung gang ma 'ongs pa'i dus na dam pa'i chos</font><hr>58.132a<br><font size=+1>

kun du 'byin par mi nus pa'i rgyu ni dam pa'i chos nub nas lo brgyad bcu lon pa dang / lo brgyad bcu pa nyid la lho phyogs kyi byang chub sems dpa' bzang skyong dang / phug sbas la sogs te/ byang chub sems dpa' lnga brgya po gang yin pa de dag thams cad kyi tha ma shos des 'byin par 'gyur ba yin pas re shig de tshol cig /gsol pa/ legs so/ /btsal lags te lid tsa bi gzhon nu 'jig rten thams cad kyis mthong na dga' ba 'di nyid lags so/ /bcom ldan 'das kyis bka' stsal pa/ de'i drung du 'od srung song la gsol ba thob shig dang des bdud btsal bar nus so/ /de nas 'od srung chen po la sogs te/ nyan thos chen po brgyad bcu dang / bzang skyong dang / phug sbas la sogs pa'i gzhon nu'i drung du dong nas go bar byas pa/ gzhon nu khyod kyis ni bdud sdig can btsal bar nus so zhes bcom ldan 'das kyis bstan to zhes grag go /de nas gzhon nus 'khor gyi gtso bo 'od srung chen po la 'di skad ces smras so/ /btsun pa 'od srung bdag gis bdud sdig can btsal bar ni bgyi na/ 'on kyang btsun pa 'od srung bzang skyong la sogs te byang chub sems dpa' sems dpa' chen po dag nas 'jam dpal dang / spyan ras gzigs dbang phyug dang / mthu chen thob dang / ngan song sbyong dang / byams pa la sogs pa'i bar dag yod na/ ci bdag la tho btsam 'am/ btsun pa 'od srung bdag bdud kyi rdzi bo ma lags kyis re shig bsod nams dang ldan pa rnams kyis tshol cig /'od srung gis smras pa/ gzhon nu ci bdud sdig can tshar bcad pas bsod nams su mi 'gyur ram/ gzhon nus smras pa/ btsun pa gal te de ltar bdag gis kyang ci ste mi nus na khyod nyid shin du shes pas khyod kyis tshol cig /de nas bcom ldan 'das la 'od srung gis don de gsol pa dang / bcom ldan 'das</font><hr>58.132b<br><font size=+1>

kyis bka' stsal pa/ 'od srung de skad byas na gzhon nu ci zer/ gsol pa/ bcom ldan 'das gzhon nu 'di skad ces re shig bsod nams dang ldan pa rnams kyis legs par tshol cig /de'i 'og tu bdag gis bdud sdig can btsal bar bgyi'o/ /re shig nyan thos chen po brgyad bcus tshol cig /bdag ni khyim na gnas pa rigs lhag par dma' ba lags pas de'i 'og tu btsal bar bgyi'o zhes mchi lags so/ /de nas nyan thos mchog de dag dang / bzang skyong dang / phug sbas la sogs pas yang btsal na/ dper na zhing pa'i chung ma grong khyer du bu stor ba bzhin du de dag bdag ni spro ba med do/ /bdag ni spro ba med do zhes phyogs gcig tu 'khod do/ /de nas bcom ldan 'das kyis gzhon nu bos te bka' stsal pa/ gzhon nu khyod kyis bdud tshol cig /gzhon nus gsol pa/ bcom ldan 'das sa 'dzin gyi rgyal po'i bu mo rgyal po'i gzhon nu ma lnga dkar zhes bgyi ba bsod nams dang ldan pa de 'dir mchis te/ de'i slad du rnga bo che dang / dung dang / rol mo'i sgra sgrogs shing mchi lags so/ /de nas bcom ldan 'das kyis thams cad dang ldan pa'i byang chub sems dpa'i tshogs la bka' stsal pa/ sa 'dzin gyi rgyal po'i bu mo rgyal po'i gzhon nu ma lnga dkar zhes bya bas dri ba gcig gi lan ma thob nas mu stegs can thams cad pham par byas te/ de ring du zhag bdun lon nas 'di skad ces rgyal po zas gtsang gi btsun mo sgyu 'phrul chen mo zhes bya ba zhig yod de/ de'i sras de gau tA ma'i rgyud gzugs bzang po sangs rgyas zhes bya ba zhig yod do zhes grag gis de'i spyan sngar 'gro'o zhes smra zhing 'ong ngo / /de nas de 'ong ba na de'i tshe mnyan yod nas rgyal bu rgyal byed kyi tshal de'i bar 'khor gyis rgyas par gyur cing / rnga bo che dang dung dang rol mo'i sgras mnyan yod nas rgyal bu rgyal byed kyi tshal de'i bar grags par</font><hr>58.133a<br><font size=+1>

gyur to/ /de nas gzhon nus gsol pa/ bcom ldan 'das bdag kyang bdud sdig can tshol la/ bsod nams dang ldan pa rnams kyang de skad mchi na/ de'i dri ba su lan ldon par 'gyur lags/ de nas bcom ldan 'das kyis tshigs su bcad pa 'di bka' stsal to/ /skyes bu brtan pos rtag tu ni/ /gnod sems med par bu bzhin sbyin/ /nyams la nam yang min zhes grags/ /dri ba 'di yi lan thob shig /de nas nyan thos chen po brgyad bcu dang / phug sbas la sogs pa byang chub sems dpa'i tshogs kyis tshig 'thun par tshigs su bcad pa 'di smras so/ /gnod sems med pa'i sems kyis su/ /g.yel lam tshul khrims ldan yang rung / /mdza' bo dgra la bu bzhin du/ /thams cad tu ni sbyin pa bsngags/ /bcom ldan 'jig rten mgon po yis/ /dri ba 'di 'dra gsungs pa gang / /'di 'dra bdag cag ma thos na/ /re shig 'jam dpal gyis rtogs shig /de nas 'jam dpal la sogs pa'i byang chub sems dpa'i tshogs de dag gis kyang de bzhin du tshigs su bcad pa de nyid kyis lan glan to/ /de nas bcom ldan 'das kyis li tsa bi gzhon nu 'jig rten thams cad kyis mthong na dga' ba la bka' stsal pa/ gzhon nu khyod kyis dris pa 'di'i lan thob shig /gzhon nus gsol pa/ bcom ldan 'das re shig glang po che chen po 'di dag thams cad kyis rgan rims bzhin ji lan 'debs su stsal du gsol/ de nas rgyal po'i gzhon nu ma lnga dkar rgyal po'i gzhon nu ma lnga brgya dang lhan cig bcom ldan 'das la phyag 'tshal te/ bcom ldan 'das la mchod pa dpe med pa dag byas nas rnga bo che dag brdungs so/ /brdungs nas 'di skad ces smras so/ /brtan po gang dang gang dag rnga bo che chen po'i mdo nyan par 'dod nas lhags pa de dag bdag gi rnga bo che bsgrags pa gsan nas dri ba de'i lan lon cig /gzhon nus gsol pa/ bcom</font><hr>58.133b<br><font size=+1>

ldan 'das lan ldon du stsal du gsol/ de dag gis gsol pa/ bcom ldan 'das re shig bud med ni rang bzhin gyis mi brtan pa lags pas de'i slad du bdag cag lan ldon rngo mi thog lags so/ /gzhon nus kyang gsol pa/ bcom ldan 'das bud med 'di rang bzhin gyis gzhon nu ma lags na bdag skyes par gyur pas bud med kyis smras pa'i dri ba lan glan lags sam/ lnga dkar gyis smras pa/ gzhon nu khyod mgon po'i bstan pa la zhugs nas khyod kyis chos nyid kyang thos na ci da dung skyes pa'o/ /bud med do snyam pa'i phyin ci log gi 'du shes ma spangs sam/ smras pa/ sring mo ji ltar de yin/ de nas lnga dkar gyis smras pa/ re shig bcom ldan 'das kyang gang gi phyir de skad du gsung na de'i phyir phyin ci log gi mtshan nyid can yin no/ /gzhon nus lnga dkar la smras pa/ re shig je thog par de bcom ldan 'das la gsol cig /de'i 'og tu 'di bdag dang lhan cig smra bar bya'o/ /'od srung gis gsol pa/ bcom ldan 'das gzhon nu de skad ces mchi lags so/ /bcom ldan 'das kyis bka' stsal pa/ re shig gzhon nu kho na lan 'debs par 'gyur ro/ /gzhon nus kyang smras pa/ bu mo khyod su yin smras pa/ bdag ni lnga dkar zhes bya ba yin no/ /smras pa/ sring mo ci khyod kyis dkar po lnga thob bam/ lnga dkar gyis smras pa/ chos rnams ni ming med pa yin te/ ming ni rtog pas kun rdzob tu bstan pa'o/ /gzhon nu'i mchog 'di ltar don dam par ni de stong pa nyid yin gyis de ltar shes par gyis shig /gzhon nus smras pa/ lha mo da dung yang phyin ci log ma spangs sam/ 'di la gal te gzhon nu 'am/ gzhon nu ma zhes bya ba rnyed na de myur du smros shig /lnga dkar gyis smras pa/ gzhon nu legs so legs so/ /'di dri ba'i lan/ de lta bas na khyod rjes su gdags na</font><hr>58.134a<br><font size=+1>

'jig rten du sangs rgyas su 'gyur bar shes so/ /des smras pa/ lha mo ci khyod kyis da dung dri ba bcad pa shes sam/ ji ltar gzhon nu dang gzhon nu ma zad par 'gyur zhing mi skye ba de ltar khyod mi shes te/ khyod ni nyan thos dag ji skad brjod pa de bzhin du rjod par byed kyi/ dri ba 'di ni 'jam dpal gyis ji skad smras pa bzhin yin no/ /lnga dkar gyis smras pa/ dper na ji lta bu yin/ gzhon nus smras pa/ kye ma'o ji ltar skyes pa 'ga' zhig yi ge rnams kyi mthar phyin nas bdag nyid kyi ming bris na klog mi shes pa de bzhin du lha mo lnga dkar gyis kyang lnga dkar mi shes so/ /'phags pa rnga bo che chen po'i le'u/ bam po lnga pa ste tha ma/ de nas thams cad dang ldan pa'i byang chub sems dpa'i tshogs dang / nam mkha'i lha'i tshogs dang / 'brug gi tshogs kyis phyogs bcu nas g.yos/ rab tu g.yos/ ldeg rab tu ldeg /chem chem rab tu chem chem ste/ de dag thams cad kyis de lta bu'i mchod pa'i las chen po byas na legs so zhes bya ba byin te/ gzhon nu gang gis ya mtshan can thams cad dri ba gcig gis tshar bcad cing / srog chags bye ba brgya stong phrag du ma dag de bzhin gshegs pa'i bstan pa la btsud pa'i lha mo de lta bu deng thub pa dang des bzhag pa'i dri ba kun shes pa legs so legs so/ /de nas de'i tshe mu stegs byed pa ya mtshan can thams cad rang rang gi rab tu byung ba spangs nas/ de bzhin gshegs pa'i bstan pa la rab tu byung ste/ de na gang dag rab tu 'byung ba la mi sten pa de dag ni dge bsnyen du gyur to/ /de nas thams cad dang ldan pa'i 'khor des gzhon nu la legs so zhes bya ba byin te/ gzhon nu khyod kyis gang gi phyir dri ba 'di'i lan glan pa legs so legs so/ /gzhon nus smras pa/ 'di ni bcom ldan 'das kho</font><hr>58.134b<br><font size=+1>

na'i mthu yin gyi bdag gi ni ma yin no/ /bcom ldan 'das kyis bka' stsal pa/ 'jig rten thams cad kyis mthong na dga' ba ngas kyang tshigs su bcad pa de kho na bzhin du shes so/ /tshigs su bcad pa de'i don gyi tshul ni 'di yin no/ /byang chub sems dpa' skyes mchog gis/ /rtag tu gnod pa'i sems su bya/ /rtag tu sbyin pa bsngags pa ni/ /tshul khrims bkur ba g.yel la min/ /byams dang dgra la bu bzhin min/ /tshig 'di'i rnam dbye sna tshogs nyon/ /skyes bu mchog gis tshul khrims 'chal pa mthong na rtag tu gnod sems su bya zhing de dag la cung zad kyang sbyin pa sbyin par mi bya ste/ de dag bstan pa la dgra dang mtshungs pa yin pas 'di la sbyin par bya'o/ /'di la sbyin par mi bya'o zhes 'byung po rnams kyi ched du bsam par bya'o/ /sbyin pa rnam pa gnyis su gsungs pa so so'i skye bo'i tshul khrims dang ldan pa dang / sems can sdug bsngal ba la snying rjes sbyin pa'o/ /gal te tshul khrims 'chal pa la snying rjes byin na gos par mi 'gyur ram/ ji ltar mda' dug gis byugs pa des ma byugs pa yang gos par 'gyur ba de bzhin du dge slong tshul khrims 'chal pas kyang tshul khrims dang ldan pa gang yin pa de yang nyams par byed do/ /de lta bas na 'di la tshar gcad pa kho na legs kyi sbyin pas lta ga la gzung / mthong na rtag tu dgra bo dang 'dra bar bya ste/ des na gnod sems su mi bya'o zhes gsungs so/ /tshul khrims 'dren ma mi bsten te/ /rgyu de'i phyir na gnod pa yi/ /sems ni bskyed par bya'o zhes/ /sngon gyi sangs rgyas rnams kyis gsungs/ /mdza' dang dgra la mnyam pa gang yin dang / /g.yel dang tshul khrims ldan la mnyam pa gang / /gnod sems med par spyod pa de kun ni/ /bstan pa 'di la rtswa dang 'dra bar gzung / /bstan pa la ni nges pa'i don/ /de ltar rab tu bsngags pa yi/ /spyod pa spu gri'i</font><hr>58.135a<br><font size=+1>

so lta bur/ /rno ba'i mchog ni spyad par gyis/ /de'i phyir rnga bo che chen po'i mdos bsgrags so/ /rnga bo che chen po'i mdos ci zhig bsgrags zhe na/ tshigs su bcad pa de'i don gang yin pa de 'dir rnga bo che chen po'i mdo las smos pas des na mdo chen po 'di ni rnga bo che chen po zhes bya'o/ /de nas ji ltar lhags pa'i 'khor de thams cad kyis legs so zhes bya ba byin te/ kye ma gzhon nu 'jig rten thams cad kyis mthong na dga' ba mkhas pa ji ltar rgyal po gsal rgyal 'gro ba la phan pa'i don du g.yul ngor rnga bo che sgra 'byin pa de bzhin du rnga bo che chen po'i mdo 'di bsgrags pa na 'gro ba la dkon mchog gsum gyi bsngags pa'i sgra brjod pa'i tshul gyis sangs rgyas kyi gsung ba 'di lta ste/ de bzhin gshegs pa rtag pa/ brtan pa/ zhi ba ther zug pa'o zhes sangs rgyas kyi gsang ba 'di sgrogs so/ /de nas bcom ldan 'das kyis yang 'od srung chen po la bka' stsal pa/ 'od srung khyod kyis gang gi tshe bdud bstan par mi nus pa de'i tshe 'od srung khyod kyis rnga bo che chen po'i mdo 'di nyon la nga 'das nas lo bzhi bcu'i bar du ji ltar da ltar gnas pa bzhin du dam pa'i chos zung shig /chos chen po'i rnga bo che rdungs shig /chos chen po'i rnga bo che dang / dung sgrogs shig /de'i 'og tu lo brgyad bcu na dam pa'i chos rab tu rnam par 'jig par 'gyur ba de'i tshe de'i dus su gzhon nu 'jig rten thams cad gyis mthong na dga' bas de'i tshe thog mar bdud kyis bsgyur ba'i sems can skra dang kha spu bregs pa dag gnas pa dang / de'i tshe gzhon nus sdig can 'khor dang bcas pa/ gzugs dang bcas pa bcing ba lngas bcings nas ri bong bzhin du ston par 'gyur zhing rnga bo che chen po'i mdo las gsungs pa'i chos chen po sgrogs par 'gyur/ chos chen po'i rnga bo che rdung bar 'gyur/ chos chen po'i dung 'bud par 'gyur/ chos kyi mchod sbyin byed par 'gyur/ chos kyi</font><hr>58.135b<br><font size=+1>

rgyal mtshan 'dzugs par 'gyur ro/ /gsol pa/ nam zhig na lags/ bka' stsal pa/ gang gi tshe lo brgyad bcu na bstan pa nyams par 'gyur ba de'i tshe na'o/ /gsol pa/ bcom ldan 'das bdag cag gis blta lags na da ltar mngon sum du mdzad du gsol/ de nas bcom ldan 'das kyis gzhon nu la bka' stsal pa/ myur du bdud ston cig /de nas gzhon nus bcom ldan 'das gang na ba de logs su gdong phyogs nas bcom ldan 'das la 'di skad ces gsol to/ /bdud sdig can mchis pa 'o ni lags te/ 'o ni 'jig rten gyi khams gzhan nas mchis nas byang chub sems dpa' bzhin du dge slong gi gzugs su mchis pa la gzigs zhes mdzub mos bstan to/ /thams cad dang ldan pa'i 'khor gyis kyang bdud de bcing ba lngas bcings par mthong ngo / /de nas bdud kyis smras pa/ gzhon nu bdag mdo sde 'di la lan gnyis su bar chad mi byed do zhes tshig de lan gsum du smras pa dang / gzhon nus smras pa/ ji ltar yid ches par 'gyur bdud kyis smras pa/ 'di ltar yid ches par gyis shig /sbyor ba ji snyed kyis bdud kyi cha byad du byas nas sems can rnams dad pa bsgyur ba'i sbyor ba de thams cad bstan par bya'o/ /gzhon nu bdag gis rgyun du zhugs pa la sogs pa 'bras bu bzhi'i bar gyis yongs su mya ngan las 'das pa dang / sangs rgyas kyi yongs su mya ngan las 'das pa yang ston/ stong pa chen po nyid sgoms shig pa yang smra/ sems can du lta ba yang smra/ sems can du lta ba yang 'dod par byed de/ 'di ltar sems can yod do zhes kyang smra'o/ /bdag ni bdag gi lus nam mkha' la 'bar ba yang ston/ du bar 'thul ba dang / me tog gi char chen po 'bebs pa yang ston cing gang ngas stong pa chen po zhes bshad pa de thams cad ni zhi ba yin la/ gang ngas sems can yod do zhes bshad pa de dag thams cad ni stong pa</font><hr>58.136a<br><font size=+1>

yin gyis stong pa chen po ni de ltar gyis shig /sems can yod do zhes bya ba ni de ltar shes par gyis shig ces kyang smra'o/ /de nas bcom ldan 'das kyis dge slong rnams la bka' stsal pa/ dge slong dag bdud sdig can de lta bu byed nus pa la ltos/ sangs rgyas yongs su mya ngan las 'da' ba'i bar 'di yang sten par byed na/ dge slong dag bdud kyis de ltar byas na sems can rnams ji ltar yid ches par mi 'gyur/ dge slong dag de lta bas na su yang yongs su mya ngan las 'da' ba ni 'di lta bu'i tshig gnyis smra ba na/ de ni bdud yin par blta'o/ /gang dag de skad du snga phyir tshig gnyis smras nas yongs su mya ngan las 'da' na/ de ni nga'i nyan thos ma yin par blta'o/ /dge slong dag de lta bas na chos rnam par 'phrul pas kyang ma yin 'bras bu bzhis kyang ma yin/ bsam gtan gyis kyang ma yin/ mngon par shes pa'i rtse bas kyang ma yin te/ de dag ni de'i phyogs yin par de dag la yid ches par mi bya'o/ /gang dag ji ltar yang rung ba de skad du snga phyir tshig gnyis smras nas de'i 'og tu yongs su mya ngan las 'da' ba de dag ni bdud kyis sprul pa yin par blta'o/ /'od srung nga yongs su mya ngan las 'das nas lo bdun brgya'i bar du nga'i nyan thos rnams yongs su mya ngan las 'da' bar 'gyur te de dag ni 'di lta bu'i tshig gnyis po nyon mongs pa gang yin pa de ni stong pa'o/ /zhi ba gang yin pa de ni mya ngan las 'das pa'o zhes smra zhing mya ngan las 'da' bar 'gyur ro/ /de phyin cad ni nyan thos sam/ byang chub sems dpa' yongs su mya ngan las 'da' bar mi 'gyur te/ de ci'i phyir zhe na/ 'di ltar sangs rgyas kyis byin gyis brlabs pa'i phyir ro/ /yang de ci'i phyir zhe na/ de'i tshe mi rnams stong pa nyid la chad pa dang rtag par lta zhing spyod de/ rung ba ma yin pa dang 'dren mar 'gyur ro/ /de lta bas na de dag stong pa chen po nyid la rung ba ma yin pa chad pa dang / rtag pas 'grib pa</font><hr>58.136b<br><font size=+1>

nyid dang / 'phel ba nyid du smra zhing de bzhin gshegs pa'i snying po'i gtam bstan pa na smod pas sangs rgyas rtag pa nyid kyi gtam spong bar 'gyur te/ de nyid kyis yongs su mya ngan las 'da' bar mi 'gyur ro/ /gang dag 'di ltar bdud kyi mya ngan las 'das pa'i 'bras bus yongs su mya ngan las 'da' bar 'gyur ba de dag thams cad ni bdud kyis sprul pa yin par rig par bya'o/ /mya ngan las 'da' bar 'gyur ba gang dag yin pa de dag kyang phal cher bdud kyis sprul pa yongs su mya ngan las 'da' bar 'gyur ro/ /de nas bcom ldan 'das kyis 'jig rten thams cad kyis mthong na dga' ba la sogs pa byang chub sems dpa'i tshogs la bka' stsal pa/ rigs kyi bu dag nga yongs su mya ngan las 'das nas khyed kyis phyi ma'i tshe phyi ma'i dus na dam pa'i chos 'byin par su 'gyur/ 'od srung chen po legs so/ /nga 'das nas dam pa'i chos 'byin par 'gyur ram zhes lan gsum gyi bar du spro ba bskyed kyang spro bar mi byed do/ /de'i tshe bcom ldan 'das kyis bka' stsal pa/ rigs kyi bu dag de bzhin gshegs pa la khyad du gsod par ma sems shig /nga la gang dag phyi ma'i tshe phyi ma'i dus na dam pa'i chos 'dzin par 'gyur ba'i slob ma mang du yod de gong du mdo 'di las gsungs pa bzang skyong dang / phug sbas la sogs pa lnga brgya po de dag gi phyi ma shos gang yin pa de yin par 'gyur ro/ /'od srung de yang gang zhe na li tsa bi gzhon nu 'jig rten thams cad kyis mthong na dga' ba 'di nyid yin te/ phyi ma'i dus na lho phyogs kyi mkhas par gyur nas chos kyi rnga bo che chen po rdung bar 'gyur/ chos kyi dung 'bud par 'gyur ro/ /de nas gzhon nus bdud bkrol te/ bstan nas chos ji lta ba de bzhin du mna' bsgags te/ de'i 'og tu gtad do/ /de nas thams cad dang ldan pa'i 'khor des gzhon nu la smras pa/ gzhon nu khyod bcom ldan 'das kyis lung bstan pa yin</font><hr>58.137a<br><font size=+1>

yin gyis phan pa ston pa chos kyi rnga bo che rdungs shig /rnga bo che chen po'i mdo smros shig /chos kyi dung bus shig ces tshig tu smras so/ /de nas bcom ldan 'das kyis yang 'od srung chen po la 'di skad ces bka' stsal to/ /'od srung khyod ni zhing srung ba lta bur ma nus te zhing srung bzhin du thabs la mkhas pa'i gzhon nus mdo 'di thams cad mnyan nas lus la thogs te/ 'jig rten du mngon sum du 'byin par 'gyur ro/ /de ni ngas sa bdun pa la bzhag ste mi phal pa zhig tu byin gyis brlabs nas gang gi tshe lo brgyad bcu pa la bstan pa nyams par 'gyur ba de'i tshe lho phyogs su yul mu run du zhes bya ba na chu bo'i 'gram la rten pa'i grong khyer dmag gis mi tshugs pa zhes bya ba dang / nye ba'i grong phreng ba chen po zhes bya bar ka yo ri zhes bya ba'i rigs rgyud der skyes nas nga'i ming 'chang ba'i dge slong zhig tu gyur te/ zhing srung ba'i thabs mkhas pas nga'i dge sbyong g.yel ba rnams kyi nang du rab tu byung nas de dag bsdu ba'i dngos pos bsdus te/ mdo 'di rnyed nas lus la bcangs te/ dge 'dun dag par byas nas dang po rung ba ma yin pa'i gzhi chen po yongs su spangs te chos chen po sgrogs par 'gyur/ rnga bo che chen po'i mdo las gsungs pa'i chos kyi dung dang / chos kyi rgyal mtshan sgrogs par 'gyur ro/ /gnyis pa theg pa chen po'i mdo stong pa nyid kyi gtam smra bar 'gyur ro/ /gsum pa sems can gyi khams rtag pa'i gtam dang / rnga bo che chen po'i mdo'i gtam smra bar 'gyur ro/ /chos chen po'i rnga bo che rdung bar 'gyur/ chos chen po'i dung 'bud par 'gyur/ chos kyi rgyal mtshan 'dzugs par 'gyur/ nga'i mngon sum du go gyon par 'gyur ro/ /phyis mdo 'di thos nas na tshod chen por 'gyur te/ lo brgyar mdo 'di'i gtam smra zhing chos kyi char 'bebs par 'gyur ro/ /lo brgya 'das pa'i 'og tu de lho phyogs der lho phyogs kyi mi rnams kyi nang du</font><hr>58.137b<br><font size=+1>

rnam par 'phrul pa chen pos rnam par 'phrul zhing yongs su mya ngan las 'das pa ston par 'gyur ro/ /rgyu des na zhing srung ba'i thabs mkhas pa bzhin no/ /'od srung da ltar bzang skyong dang / phug sbas la sogs pa'i tshig gi skyes bus phal pa'i bzhin te 'dzin mi nus pa'i snyom las can du gyur to/ /de ni skyes bu phal pa khro ba smod par byed pa de 'dra ba rnams kyi nang du rnam par 'phrul ba chen pos yongs su mya ngan las 'da' bar 'gyur ro/ /gsol pa/ ji ltar lags/ bka' stsal pa/ byang chub sems dpa' rnams ji lta ba de ltar ro/ /gsol pa/ byang chub sems dpa' rnams ji lta bu lags/ bka' stsal pa/ chos kyi rnam par 'phrul pas ma yin/ 'bras bu bzhi thob pas ma yin te/ de dag ni sa 'pho ba dang / sangs rgyas dang bcas pa'i sangs rgyas kyi zhing du 'gro bas so/ /der yang gdul ba'i sems can dag yod na sems can de 'dra ba dag gi nang du bcom ldan 'das shAkya thub pa 'di byon pa la ltos shes smra zhing de bzhin gshegs pa ni rtag pa/ brtan pa/ zhi ba/ ther zug pa yin pa de lta bu de la ltos shig /ngas brtan pa dang bde ba bstan pa bshad pa ni de lta bu yin par shes par gyis shig ces lung bstan par 'gyur ro/ /de nas phyogs bcu nas nam mkha' las sangs rgyas bcom ldan 'das rnams kyis so so'i zhal de la ston cing 'di skad ces de ni de lta yin no zhes gsung bar 'gyur/ 'jig rten thams cad kyang de'i chos bstan pa la legs par bstan to zhes yid ches par 'gyur ro/ /de nas bar skabs der nga'i ming 'chang ba'i dge slong de 'di skad ces kye ma gal te bdag la rdzu 'phrul gyi mthu zhig yod na ya mtshan can thams cad bdag gis gdul ba zhig na zhes smra bar 'gyur zhing bdag nyid shin du phal pa yin no snyam du sems par 'gyur ro/ /de gang gi tshe nga la slob pa de'i tshe bdag</font><hr>58.138a<br><font size=+1>

nyid kyis shes par 'gyur te/ de bzhin gshegs pa'i byin gyis brlabs ni de 'dra'o/ /'od srung dper na re shig dga' ba rang nyid kyis 'bras bu thob par mi shes te/ 'di sa bcu thob pa yin yang bdag gis ni 'bras bu ma thob bo snyam du bdag nyid kyis shes so/ /de ci'i phyir zhe na/ nga'i byin gyis brlabs kyis gyur na sa bdun pa dang / sa brgyad pa la gnas pa ci smos/ rab 'byor gzhan yang dper na de bzhin gshegs pas yungs kar gyi 'bru'i nang du phyogs bcu'i 'jig rten gyi khams kyi sems can rab tu mang po gang dag yin pa de dag bcug na sems can gcig la yang dog pa 'am/ nyam nga ba 'am/ gnod par 'gyur ba med cing phan tshun yang bdag cag gang du khrid pa dang / khyer ba dang / bcug pa yang mi shes la bya ba de yang rab tu spyod do/ /de bzhin du ji ltar ngas mkhyen pa de ltar khyod kyis kyang shes la gzhan gyis kyang shes so/ /kha cig gis ni mi shes te de yang rang kho nas mi shes so/ /yang gal te de ltar sangs rgyas mthu dang ldan pa lags na nyid ji lta ba bzhin du ci'i slad du sems can thams cad byin gyis mi brlab lags/ rab 'byor re shig sbyor ba mkhan gyis chu'i bum pa kha ma bcad pa yang mi 'bo bar byed na/ ci'i phyir sangs rgyas bcom ldan 'das sems can rnams byin gyis rlob par mi mdzad/ 'od srung gzhan yang re shig 'byung po'i sbyor ba mkhan gyis chu'i bum pa yang 'gul bar byed na/ ci'i phyir sangs rgyas bcom ldan 'das byang chub sems dpa' rnams la ji ltar rang gis mi shes pa de ltar byin gyis rlob par mi mdzad/ ci de ltar mdzad dam mi mdzad/ gsol pa/ bcom ldan 'das mdzad lags te sa bcu thob pa rnams la 'ang mdzad lags so/ /gsol pa/ byang chub sems dpa' yon tan da dang ldan na de bzhin gshegs pa rtag pa mi phyed pa'i</font><hr>58.138b<br><font size=+1>

sku mngon sum du mthong bar 'gyur/ rnam par 'phrul pa chen pos rnam par 'phrul zhing dus bgyid par 'gyur/ bka' stsal pa/ byang chub sems dpa' sems dpa' chen po yon tan brgyad dang ldan na de bzhin gshegs pa rtag pa mi phyed pa'i sku mngon du mthong bar 'gyur/ rnam par 'phrul pa chen pos rnam par 'phrul zhing dus byed par 'gyur te/ brgyad gang zhe na/ mdo 'di bshad pa na mi skyo ba dang / theg pa gsum gyis mi skye zhing gtam rnam pa gsum la skrag pa med pa dang / gdul ba'i sems can rnams mi spong ba dang / dge 'dun bye ba 'thun zhing gcig tu gyur par yang dag par spro ba dang / bud med dang / ma ning dang / dge slong dang / dge slong ma dang kun du 'dris par mi byed pa dang / rgyal po dang / dbang phyug dang lhan cig kun tu 'dris pa spong ba dang / bsam gtan dang / spong ba la mngon par dga' ba dang / mi gtsang ba dang / bdag med pa'i 'du shes brgyad po de dag go/ /gzhan yang rgyu bzhis 'gyur te/ bzhi gang zhe na/ bdag gis chos nges par bzung ba ni shin du legs par byas so snyam pa dang / bdag nyid bdag gi skyabs yin no zhes de ltar sems pa dang / de bzhin gshegs pa rtag pa/ brtan pa/ zhi ba/ ther zug pa'o zhes bya bar the tshom med pa ni bdag gis rnyed pa legs par rnyed do snyam pa dang / nyin mtshan rtag tu de bzhin gshegs pa'i yon tan 'di lta bu rjes su dran par byed na de bzhin gshegs pa rtag pa mi phyed pa'i sku mngon sum du mthong bar 'gyur/ rnam par 'phrul pa chen pos rnam par 'phrul zhing dus byed par 'gyur ro/ /'od srung ngas de lta bu'i rigs kyi bu dang / rigs kyi bu mo rnams la chos kyi sku brtag par bya'o/ /de grong rdal lam/ grong khyer ram/ tshong rdal gang na 'dug kyang rung ste/ der ngas de dag la bstan nas 'di skad ces rigs kyi bu dag de bzhin gshegs pa nga ni rtag pa</font><hr>58.139a<br><font size=+1>

yin no zhes gsungs so/ /deng phyin chad su zhig mdo sde 'chang ba dang / klog pa dang / 'don pa dang / gzhan la yang sgrogs par byed cing 'di skad ces de bzhin gshegs pa ni rtag pa/ brtan pa/ zhi ba ther zug pa'o/ /zhes smra zhing shes par byed pa dang / bcom ldan 'das ni rtag tu bzhugs so zhes bdag nyid kyi bsam pa thag pa dang / ngan g.yo med pa dang / bcos ma ma yin pa dang / sgyu med pas de ltar shes par byed pa bsam pa thag pa phun sum tshogs pa de la ni ngas bdag nyid mngon sum du bstan par bya'o/ /'od srung khyod dad par gyis shig /yid ches par gyis shig /'od srung gal te de ltar chos rnams la mi spyod na des nga mthong bar ji ltar 'gyur/ rnam par 'phrul pa chen pos rnam par 'phrul par ji ltar 'gyur ngas yang nyan thos kyi theg pa 'dir dge slong dag chos gcig rab tu spongs shig dang / lan gcig phyir mi 'ong bar 'gyur bar nga gnya' phod do zhes gsungs so/ /dge slong dag de bzhin du 'dir yang spyod pa'i yon tan dang ldan pa na khyed la lha chen po rnams bkur sti byed par 'gyur ro zhes gsungs pas khyed lus la song ba'i dran pas zang zing tshol zhing ma 'dug shig /'od srung nga'i ming 'chang ba'i dge slong de ni rtag tu dge 'dun yongs su dag par byed par 'gyur ro/ /'od srung gis gsol pa/ ji ltar bgyid lags/ bka' stsal pa/ zhing srung ba bzhin du thabs mkhas pas de dag khwa'i tshogs ji ltar ji srid du kun du bsdu ba'i dus yin pa de srid du gso bar 'gyur ro/ /de'i tshe bzang skyong dang phug sbas la sogs pa byang chub sems dpa' lnga brgya yang de'i tshe nga ni sngon gyi zhing srung bzhin du phyi ma'i dus na nga'i dam pa'i chos 'byin par nges par gyur to/ /nga'i ming 'dzin pa'i dge slong des kyang ji srid du kun du bsdu ba'i dus yin pa de srid du g.yel ba'i tshogs nye bar bsdus te/ bkur sti dang / ri mo dang / glegs bam dang / zang zing gi sbyin pa dang / </font><hr>58.139b<br><font size=+1>

ba lang gi tshogs dang / zas kyi sbyin pas yid dga' bar gyur pa dang / de'i 'og tu tshar gcad pa'i dus shes nas tshar gcod par 'gyur ro/ /gal te tshar gcad pa'i phan btags pa'i mi 'dug na spyod pa ma yin pa la gnas pa gang dang gang yin pa de dang de dag ni ji ltar mda' dug gis reg pas ma reg pa yang 'bags pa bzhin du 'gyur bas tshar bcad nas spang bar sems so/ /de nas des 'di snyam du bsams nas dge slong tshul khrims dang ldan pa gzhan dag tshul khrims nyams par gyur na mi rung ngo zhes 'di dag ni chos ma yin pa ston pa dang / spyod pa ma yin pa la zhugs pa yin pas de dag dang lhan cig thal mo sbyor ba'i las kyang mi byed/ de dag dang lhan cig gso sbyong gi las dang / smra ba dang / kun du smra bar yang mi byed de/ ji ltar rgyal po la snying rings pas gzhan dag ma rungs par byed pa ltar de yang de dang 'dra'o/ /des de ltar byas nas lo brgyar chos kyi char phab/ chos chen po'i rnga bo che brdungs/ chos kyi dung bus/ chos kyi mchod sbyin byas/ chos kyi rgyal mtshan btsugs nas rnam par 'phrul pa chen pos dus byed par 'gyur ro/ /de nas phyis sangs rgyas su 'gyur te/ sangs rgyas stong yongs su mya ngan las 'das nas bskal pa drug bcu rtsa gnyis 'das nas rang sangs rgyas 'bum yongs su mya ngan las 'das shing gzhan yang mgon po brgyad yongs su mya ngan las 'das nas de'i 'og tu nga'i ming 'chang ba'i dge slong 'jig rten thams cad kyis mthong na dga' ba 'di sangs rgyas kyi zhing 'jig rten 'di nyid du de bzhin gshegs pa dgra bcom pa yang dag par rdzogs pa'i sangs rgyas ye shes 'byung gnas 'od ces bya bar 'gyur ro/ /de'i tshe gang gis rgyal po'i bu mo lnga dkar gyis dri ba lan btab pa de ni phyis re shig 'jig rten du sangs rgyas su 'gyur la/ rgyal po'i gzhon nu ma lnga dkar ni sngar de bzhin gshegs</font><hr>58.140a<br><font size=+1>

pa dgra bcom pa yang dag par rdzogs pa'i sangs rgyas 'jig rten gsum gyi mgon por 'gyur te/ gzhon nu rgyas par lung bstan pa ni phyis bya'o/ /'od srung ltos/ 'od srung skye bo phal pas sangs rgyas 'di lta bu nyid legs par rnyed par ji ga nus sam/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /re shig de bzhin gshegs pa ni sangs rgyas kyi zhing gcig tu gcig kho na sangs rgyas kyi mdzad pa mdzad de/ gnyis pa gang yin pa dang / gsum pa gang yin pa de dag kyang de bzhin no/ /dper na yungs 'bru'i nang du 'jig rten gyi khams mang po bcug la de dag de nyid na rgyu yang bdag cag gang du khyer ba 'am/ bcug pa yang mi shes la gzhan dag ni ji ltar shes pa de ltar byed pa de bzhin du nga yang sems can gzhan dag gis ni shes la/ gzhan dag gis ni mi shes so/ /'jig rten gyi khams gcig po 'di nyid na shAkya thub pa dang / 'di nyid na mi 'pham pa dang / 'jig rten gyi khams 'di nyid sreg pa'i bskal pa byung na mi tshig pa dang / 'di nyid na bya rgod kyi phung po'i ri 'di la dman pa'i bstan pa ston pa 'di lta bu'i ngo mtshar yod na/ 'jig rten thams cad kyis mthong na dga' ba dge slong phal pa'i ngo bo lta bur byin gyis brlabs pa gang yin pa lta ngo mtshar ci che/ 'od srung khyod kyis rigs gang du de skye ba len pa de dag kyang byang chub sems dpa' yin par de ltar shes par gyis shig /'od srung bdag cag gi rigs su 'di lta bu skyes so zhes rigs la dga' ba dang / yid du 'ong ba'i rang bzhin gyis de la rim gro byed pa gang yin pa de dag thams cad ngas mngags pa yin par khyod kyis de ltar shes par bya ste/ de dag kyang byang chub sems dpa' sems dpa' chen po yin no/ /rnga bo che chen po'i mdo 'di bsgrags pa sgrogs pa na bdag nyid chen po</font><hr>58.140b<br><font size=+1>

de'i phyogs 'dzin pa'i 'khor bzhi po dge slong dang / dge slong ma dang / dge bsnyen dang / dge bsnyen ma gzhan gang dag yin pa de dag thams cad kyang sngar gong du mdo 'di las 'jig rten thams cad kyis mthong na dga' bas zhus pa'i tshogs kyi le'ur lung bstan to/ /mdo 'di la mchod pa byed pa'i skyes pa dang / bud med gang yin pa de dag thams cad kyang gdon mi za bar rang rang gi mchod pa dang ming 'thun pa'i sangs rgyas su 'gyur ro/ /'od srung rnga bo che chen po'i mdo 'di ni nga'i ming 'chang ba'i dge slong 'di dang gnyis kyis chos chen po'i rnga bo che rdung bar 'gyur gyi gsum pa ni med do/ /yang bka' stsal pa/ 'od srung 'das pa'i dus na nga grong khyer chen po yangs pa can du rgyal po dga' sde zhes bya bar gyur pa de'i tshe/ yangs pa can gyi grong khyer chen po ni de na gling bzhi pa'i tshad tsam du gyur to/ /'dzam bu'i gling ni mi mjed kyi 'jig rten gyi khams kyi tshad tsam la de bzhin du gling bzhi dang / de bzhin du stong gsum gyi stong chen po yang de ltar bsgre bar bya'o/ /de na nga'i tshe ni bsam gyis mi khyab ste/ de ltar nga 'khor los sgyur ba nyid byed pa na de'i tshe grangs med pa'i sbyin pa byin/ bsod nams bsags/ tshul khrims bsrungs/ 'phags pa dag bsten to/ /skyes pa 'am/ bud med gang zhig rnga bo che chen po'i mdo bsgrags pa thos nas lan 'ga' mchod pa byed pa 'am/ dpyas gdags pa 'am/ bsting ba 'am/ ji lta bus 'gro yang rung ba'i sems gcig tsam skyed par sems pa des bsags pa'i bsod nams gang yin pa'i bsod nams de la ni ngas byas pa'i bsod nams gong ma de thams cad kyis dpe'i dper yang mi phod do/ /dper na rig pa'i rgyal po bram ze gzi ldan zhes bya ba zhig yod de/ rig pa de lan gcig bklags na zla ba bzhir sdang ba thams cad las bsrung ba byas par</font><hr>58.141a<br><font size=+1>

'gyur ro/ /'od srung ltos/ re shig rig pa phal pa de'i mthu yang 'di yin na/ mdo 'di lan gcig glags te tshe mthar thug gi bar du bgegs med par bsrung ba thams cad byas par ci'i phyir mi 'gyur/ de lta bas na gang su yang rung ba dag gis mdo 'di la mchod pa byas par gyur na/ de ni sems can de dag thams cad kyi bla na med pa yang dag par rdzogs pa'i byang chub kyi rgyur 'gyur zhing 'di nas bzung ste byang chub la thug pa'i bar du mdo 'di rnyed par 'gyur ro/ /de nas 'khor thams cad kyis legs so zhes bya ba gsol te/ dbyangs kyis mgrin 'thun par tshig gsol pa/ kye ma'o bcom ldan 'das gzhon nu 'di khyod kyi mtshan 'chang ba'i dge slong du gyur nas gang gi tshe dus las 'das par gyur pa de'i tshe/ g.yang gzhi can gyi phug na gnas pa'i lha mgon ma mchis par 'gyur ro/ /de ci'i slad du zhe na/ 'di ltar 'di ni khyod 'das nas lho phyogs su mchis te dus bgyid par 'gyur lags so/ /bka' stsal pa/ de mi 'ong na nga nyid der song ste bdag nyid bstan par bya zhing yul der thog ma kho nar mdo 'di bskul bar bya'o/ /de ci'i phyir zhe na/ ji srid du mdo 'di de'i lag tu son par ma gyur pa de srid du de ldog pa'i sems skyed par 'gyur ro/ /yang na de nyid du gdul ba'i dbang la brten te/ nga tshogs chen pos mdun gyis byas nas de'i mdun na 'dug par bya ste/ des nga ma mthong na de nyid du ldog par 'gyur zhing der de'i dus byed par yang ston par 'gyur ro/ /yang na ci 'dod pa bzhin du byed cing de gdul ba gang na yod pa der dus byed par 'gyur ro/ /de bzhin gshegs pa nga'i slob ma sa bcu thob pa kun dga' bo yang rnam par 'phrul pa chen pos der 'gro bar 'gyur ro/ /brgya byin gyi bu mngon mchod ces bya ba lo nyung zad cig gis theg pa chen po la lhag pa'i bsam pa phun sum tshogs te</font><hr>58.141b<br><font size=+1>

gcig pu zla med par lha dang mi dang / lha ma yin rnams kyi nang du theg pa chen po'i mdo 'di 'dzin par 'gyur ro/ /de lta bas na thar pa'i rgyu bstan pa de nyid de'i sangs rgyas nyid du lung bstan pa dang / theg pa chen po rnam par gtan la 'bebs pa'i dge slong du lung bstan pa yin no/ /de ni de nyid kyi slob mar gyur nas de nyid kyi ming 'dzin par 'gyur ro/ /de nas de lta bu dag byung nas lo lnga lon pa dang / de'i 'og tu phan pa ston pa'i dge ba'i mig nyam chung bar 'gyur ro/ /de rnams dus bdun gyi bar du gyur nas bar skabs der byang chub sems dpa' dam pa de dag ma gtogs par skyes pa 'am/ bud med kyang rung sems can phal pa 'ga' yang med do/ /de nas 'khor de thams cad kyis mgrin gcig tu yang tshigs su bcad pa 'di dag smras so/ /kye ma 'jig rten kun mthong dga'/ /brtan po dge slong gzugs gyur nas/ /ring zhig bstan pa 'byin byed cing / /chos kyi rnga chen rdung bar 'gyur/ /de ni mya ngan yongs 'das nas/ /de 'og 'jig rten stongs par 'gyur/ /chos smra de ni 'das gyur nas/ /de 'dra gzhan ni 'ga' mi 'byung / /de 'dra'i dge slong rnyed dka' ste/ /rim gyis snang ba nyams par 'gyur/ /'di ltar de ni lho phyogs su/ /'byung ba'i tha ma gcig yin no/ /dam pa'i chos de nub pa'i dus su chos smra ba de 'byung bar 'gyur ro/ /bcom ldan 'das kyis de skad ces bka' stsal pa dang / 'od srung dang dga' bo dang / bzang skyong la sogs pa 'khor mang po de dag thams cad dang / phyogs bcu'i 'jig rten gyi khams nas 'dus pa'i byang chub sems dpa' de dag thams cad yi rangs te/ de dag byang chub thob par bya ba'i phyir de bzhin gshegs pa rtag pa nyid kyi chos 'dom par gyur to/ /'phags pa theg pa chen po'i mdo rnga bo che chen po zhes bya ba'i le'u rdzogs s+ho// // rgya gar gyi mkhan po bid+ya</font><hr>58.142a<br><font size=+1>

ka ra pra b+ha dang / lo tsa ba ban de dpal gyi lhun pos bsgyur/ zhu chen gyi lo tsa ba ban de dpal brtsegs kyis zhus te gtan la phab pa//     //</font><hr>

</table>