J163

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J163</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J163&coll=lithang">see text in Tibetan script</a></table>58.1a<br><font size=+1>

(dza) @#/ ! /mdo sde sna tshogs kyi skor bzhugs so/ /(黃) 經藏第十九部 </font><hr>58.1b<br><font size=+1>

@##/ /rgya gar skad du/ bud d+ha pi Ta ka duH shI la ni gra hI nA ma ma hA yA na sU tra/ bod skad du/ sangs rgyas kyi sde snod tshul khrims 'chal pa tshar gcod pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul bA rA Na sI'i drang srong lhung ba ri dgas kyi nags na/ dge slong gi dge 'dun chen po zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba/ shes rab shin tu rnam par grol ba/ dbang du gyur pa lnga brgya dang thabs gcig tu bzhugs te/ thams cad kyang dgra bcom pa sha dag ste/ gang zag gcig ma gtogs pa ni 'di lta ste/ tshe dang ldan pa kun dga' bo'o/ /de nas tshe dang ldan pa shA ra dwa ti'i bu dang / tshe </font><hr>58.2a<br><font size=+1>

dang ldan pa maud gal gyi bu chen po dang / tshe dang ldan pa 'od srung chen po dang / tshe dang ldan pa rab 'byor dang / tshe dang ldan pa bak+ku la dang / tshe dang ldan pa byams ma'i bu gang po dang / tshe dang ldan pa kun dga' bo rnams phyem red kyi dus su nang du yang dag 'jog las langs te/ bcom ldan 'das gang na ba der dong nas/ bcom ldan 'das kyi zhabs gnyis la mgo bos phyag 'tshal te/ phyogs gcig tu 'khod do/ /de nas bcom ldan 'das la tshe dang ldan pa shA ri'i bus 'di skad ces gsol to/ /de bzhin gshegs pa dgra bcom pa yang dag par rdzogs pa'i sangs rgyas bcom ldan 'das kyis 'di lta ste/ 'dus byas thams cad mngon par 'dus ma bgyis pa dang / 'byung ba ma mchis pa dang / mtshan ma ma mchis pa dang / mtshan nyid ma mchis pa dang / 'dus ma bgyis pa dang / bstan du ma mchis pa'i bar du legs par bshad pa 'di ni bcom ldan 'das ngo mtshar lags so/ /bde bar gshegs pa ngo mtshar lags so/ /bka' stsal pa/ shA ri'i bu khyod kyis don gyi dbang gang zhig mthong na/ de bzhin gshegs pa dgra bcom pa yang dag par rdzogs pa'i sangs rgyas bcom ldan 'das kyis 'di lta ste/ 'dus byas thams cad mngon par 'dus ma bgyis pa dang / 'byung ba ma mchis pa dang / mtshan ma ma mchis pa dang / mtshan nyid ma mchis pa dang / 'dus ma bgyis pa dang / bstan du ma mchis pa'i bar du legs par bshad pa 'di ni bcom ldan 'das ngo mtshar lags so/ /bde bar gshegs pa ngo mtshar lags so zhes de skad smra/ gsol pa/ bcom ldan 'das 'di la bdag gcig pu dben par zhugs te/ nang du yang dag bzhag pa na sems la sems kyi yongs su rtog pa 'di lta bu 'di skyes par gyur te/ ji ltar bcom ldan 'das kyis ming dang mtshan ma med pa'i chos rnams la ming dang mtshan ma 'di bshad/ shin tu brjod du med pa'i chos rnams la </font><hr>58.2b<br><font size=+1>

brjod pa gsungs snyam du bcom ldan 'das don gyi dbang 'di nyid rab tu sems pa na/ bdag la ngo mtshar skyes par gyur te/ bcom ldan 'das bdag gis don gyi dbang 'di mthong nas 'di skad ces de bzhin gshegs pa dgra bcom pa yang dag par rdzogs pa'i sangs rgyas bcom ldan 'das kyis 'di lta ste/ 'dus byas thams cad mngon par 'dus ma bgyis pa dang / 'byung ba ma mchis pa dang / mtshan ma ma mchis pa dang / mtshan nyid ma mchis pa dang / 'dus ma bgyis pa dang / bstan du ma mchis pa'i bar du gsungs pa 'di ni bcom ldan 'das ngo mtshar lags so/ /bde bar gshegs pa ngo mtshar lags so zhes gsol to/ /bka' stsal pa/ shA ri'i bu de de bzhin te/ shA ri'i bu gnas 'di ni ngo mtshar yin no/ /gnas 'di ni mchog tu ngo mtshar yin te/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas rnams kyi bla na med pa yang dag par rdzogs pa'i byang chub yin no/ /shA ri'i bu dper na ri mo mkhan nam/ ri mo mkhan gyi slob ma mkhas pa zhig nam mkha' bar snang la gnas med cing dmigs su med pa la kha dog sna tshogs dang / dbyibs sna tshogs kyi gzugs kyi tshul rnam pa du ma rnam pa sna tshogs ston par byed na/ ji ga skyes bu de ngo mtshar byed pa yin nam/ gsol pa bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang bla na med pa yang dag par rdzogs pa'i byang chub mngon par rdzogs par sangs rgyas nas de bzhin gshegs pas chos bshad pa gang yin pa 'di ni ches ngo mtshar yin no/ /de ci'i phyir zhe na/ shA ri'i bu mtshan nyid med pa dang / yid la byed pa med pa dang / rtsol </font><hr>58.3a<br><font size=+1>

ba med pa dang / kun tu rgyu ba med pa dang / thob pa med pa dang / 'jug pa med pa dang / thob pa spangs pa dang / thob pa ma thob pa dang / ma thob pa rgyun chad pa dang / thob pa rjes su ma thob pa dang / thob pa bor ba dang / thob pa yang dag par ma thob pa dang / sbyangs pa med pa dang / sbyang bar bya ba med pa dang / sbyang bar 'os pa med pa dang / bsam du med pa dang / bsam par bya ba med pa dang / dge bar bsam pa med pa dang / spros pa med pa dang / spro bar bya ba med pa dang / dge bar spro ba med pa dang / rnam par brtags pa med pa dang / rnam par brtag par bya ba med pa dang / dge bar rnam par brtags pa med pa dang / rmongs pa med pa dang / yang dag par 'du bya ba med pa dang / gzhi med pa dang / dmigs pa med pa dang / g.yo ba med pa dang / g.yo bar bya ba med pa dang / dge bar g.yo ba med pa dang / rang bzhin gyis stong pa dang / ngo bo med pa'i rang bzhin dang / bstan du med pa'i rang bzhin dang / bstan par byar med pa'i rang bzhin dang / dge bar bstan du med pa dang / 'jig rten thams cad yid ches par dka' ba dang / ming dang mtshan ma med pa'i chos la ji ltar yang ming dang mtshan mar tha snyad 'dogs pa dang / brjod du med pa'i chos rnams la brjod pa gsungs te/ 'di lta ste/ mngon par 'du byed pa med pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni shA ri'i bu mchog tu ngo mtshar yin no/ /shA ri'i bu dper na 'di na skyes bu 'ga' zhig gis ri'i rgyal po ri rab khar bcug ste/ legs par lan gsum bcas nas mid la/ des mid pa zas bzhin du 'ju bar byed de/ de la sdug bsngal cung zad kyang mi skyed cing de yang zos nas nam mkha' bar snang la 'chag par byed na </font><hr>58.3b<br><font size=+1>

shA ri'i bu 'di ji snyam du sems/ ji ga skyes bu de shin tu ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang 'di lta ste/ mngon par 'du byed pa med pa dang / 'byung ba med pa dang / mtshan ma med pa dang / mtshan nyid med pa dang / bstan du med pa la/ de bzhin gshegs pas chos bstan pa gang yin pa 'di ni ches ngo mtshar yin no/ /shA ri'i bu dper na lci ba'i me chen po 'bar ba/ rab tu 'bar ba/ kun tu rab tu 'bar ba/ me lce gcig tu gyur pa/ 'od dang bcas pa 'phang du dpag tshad tsam la/ rgyar yang dpag tshad tsam yod pa'i me 'ud sgra can gyis sgo bzhi rab tu gang bar gyur cing sgo bzhi nas de'i me lce bar snang la dpag tshad bzhi tsam du gyen du 'bar bar gyur pa der skyes bu 'ga' zhig rtswa khur shin tu chen po thogs te 'jug par byed la de yang zhugs ma thag tu sgo bzhi po de dag nas tshub ma bzhi mngon du langs te/ me lce gang yin pa des skyes bu de'i lus la phog na/ de'i lus kyang mi tshig la rtswa yang mi tshig pa kho nar slar 'byung zhing / rtswa'i nyag ma gcig kyang mi tshig par byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang 'di lta ste/ 'dus byas thams cad mngon par 'du byed pa med pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni ches ngo mtshar yin no/ /shA ri'i bu dper na 'di na skyes bu 'ga' zhig rgya mtsho chen po rgal bar 'dod nas/ des rdo'i gzings sa chen po tsam gyis rgya mtsho chen po'i tshu rol gyi 'gram nas pha rol gyi </font><hr>58.4a<br><font size=+1>

'gram du phyin par byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang 'di lta ste/ 'dus byas thams cad mngon par 'dus ma byas pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni ches ngo mtshar yin no/ /shA ri'i bu dper na 'di na skyes bu 'ga' zhig rgya mtsho dang bcas/ ri dang bcas rtswa shing dang chu dang bcas pa'i gling bzhi pa'i 'jig rten gyi khams 'di bteg nas sbrang ma'i byin pa'i them skas las tshangs pa'i 'jig rten du 'dzeg par byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang 'di lta ste/ 'du byed thams cad mngon par 'dus ma byas pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni ches ngo mtshar yin no/ /shA ri'i bu dper na skyes bu 'ga' zhig gis rlung gis bsgul ba'i srad bus ri rab ri'i rgyal po gyen du bteg ste/ nam mkha' 'am bar snang la 'dzin par byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang 'di lta ste/ 'dus byas thams cad 'dus ma byas pa dang zhes bya ba rgyas par bya ste/ de bzhin </font><hr>58.4b<br><font size=+1>

gshegs pas chos bstan pa gang yin pa 'di ni ches ngo mtshar yin no/ /shA ri'i bu 'di ji snyam du sems/ ji ga gang gA'i 'bab chu chen po shin du che ba dang / rgya che ba dang / gting zab pa dang / tshad med pa yin nam/ gsol pa/ bcom ldan 'das de lags so/ /bka' stsal pa/ shA ri'i bu gal te stong gsum gyi stong chen po'i 'jig rten gyi khams 'dir 'di lta bu'i char gyi rgyun chen po 'di lta ste/ gang gA'i 'bab chu chen po lta bu'i char gyi rgyun chen po bab pa de la skyes bu 'ga' zhig gis re shig char chen po'i rgyun nam mkha' bar snang la bab pa sa la ma lhung bar lag pa gcig gis bzed la/ chu thigs pa 'ga' yang de'i lag pa nas zags te sa la lhung bar ma gyur na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang 'di lta ste/ 'dus byas thams cad 'dus ma byas pa dang zhes bya ba rgyas par bya ste/ de bzhin gshegs pas chos bstan pa gang yin pa 'di ni ches ngo mtshar yin no/ /shA ri'i bu 'di ji snyam du sems/ ji ga ri'i rgyal po ri rab che ba dang shin du che ba yin nam/ gsol pa/ bcom ldan 'das che lags so/ /bde bar gshegs pa mchog tu che ba lags so/ /bka' stsal pa/ shA ri'i bu gal te stong gsum gyi stong chen po'i 'jig rten gyi khams 'dir 'di lta bu'i rdo ba'i char 'di lta ste/ ri'i rgyal po ri rab lta bu'i rdo ba'i char gyi rgyun chen po bab pa de la skyes bu 'ga' zhig gis/ re shig rdo'i char chen po'i rdo ba'i char gyi rgyun chen po nam mkha' bar snang la mngon par bab pa sa la ma lhung bar lag pa gcig gis gzed la rdo'i gzegs ma chung ngu na yungs 'bru tsam 'ga' yang de'i lag pa nas zag te sa la lhung bar ma gyur na/ shA ri'i bu 'di ji snyam du sems/ skyes bu de ngo </font><hr>58.5a<br><font size=+1>

mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /shA ri'i bu de bas kyang zhes bya ba nas/ de bzhin gshegs pas chos bstan pa gang yin pa 'di ni ches ngo mtshar yin no zhes bya ba rgyas par sbyar ro/ /shA ri'i bu dper na bsreg pa'i bskal pa chen po byung ba na/ skyes bu 'ga' zhig gis me'i phung po chen po shin tu mched pa de mchil ma'i thal ba gcig gis zhi bar byed cing / kha'i dbugs phyung ba gcig gis 'jig rten gyi khams thams cad dang / lha'i gzhal med khang rnams kun du dgod par byed na/ shA ri'i bu 'di ji snyam du sems/ skyes bu de ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /shA ri'i bu de bas kyang zhes bya ba nas/ de bzhin gshegs pas chos bstan pa gang yin pa 'di ni ches ngo mtshar yin no zhes bya ba rgyas par sbyar ro/ /shA ri'i bu dper na 'di na skyes bu 'ga' zhig gis lag pa gcig gis mthil du sems can thams cad rab tu bkod la/ lag pa gcig shos kyis ni stong gsum gyi stong chen po'i 'jig rten gyi khams rgya mtsho dang bcas pa/ ri dang bcas pa/ gling dang / nags tshal dang / yul ljongs dang bcas pa/ rtswa dang shing dang chur bcas pa 'di gyen du bteg nas/ nam mkha' bar snang la 'dzin par byed cing sems can de dag kyang sems gcig dang / blo gros gcig tu byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang bla na med pa yang dag par rdzogs pa'i byang chub mngon par rdzogs par sangs rgyas nas 'di lta ste/ 'dus byas thams cad mngon par </font><hr>58.5b<br><font size=+1>

'dus ma byas pa dang / 'byung ba med pa dang / 'gag pa med pa gsum dang / bdag po med pa brgyad dang / rang bzhin med pa drug dang / rang bzhin yod pa ma yin pa bdun dang / rang bzhin stong pa brgyad dang / 'jig rten thams cad yid ches pa dgu la de bzhin gshegs pas chos bstan pa gang yin pa de ni ches ngo mtshar yin no/ /de ci'i phyir zhe na/ shA ri'i bu chos 'di dag ni mtshan nyid med pa dang / mtshan nyid spangs pa dang / yid la byed pa med pa dang / yid la byed pa dang ldan pa ma yin pa dang / rtsol ba med pa dang / 'ong ba med pa dang / 'gro ba med pa dang / bkod pa med pa dang / spros pa med pa dang / spros pa dang bral ba dang / gdung ba med pa dang / gdung ba dang bral ba dang / pha rol med pa dang / tshu rol med pa dang / 'gram med pa dang / 'gram ma yin pa med pa dang / gshong med pa dang / thang med pa dang / chu bo med pa dang / chu bo ma yin pa med pa dang / grol ba med pa dang / rnam par grol ba med pa dang / rmongs pa med pa dang / rnam par rmongs pa ma yin pa med pa dang / rab tu rnam par rmongs pa med pa dang / rmongs pa'i dra ba med pa dang / ji lta ba bzhin du med pa dang / tshad mar gzung bar bya ba med pa dang / brtag par bya ba med pa dang / rtog pa'i spyod yul med pa dang / rgyu ba med pa dang / kun du rgyu ba med pa dang / sgra ma yin pa med pa dang / tshig rtsub po med pa dang / dran pa med pa dang / dran pa tshar gcad pa dang / sems pa med pa dang / sems tshar gcad pa dang / yid med pa dang / yid tshar bcad pa med pa dang / thar pa med pa dang / rnam par thar pa med pa dang / brdzun med pa dang / brdzun gyi chos med pa dang / kun du slu ba med pa dang / kun du slu ba'i chos med pa dang / kun du slu ba'i dra ba med pa dang / ming med pa dang / mtshan ma med pa dang / tha snyad med pa dang / tha snyad ma yin pa med pa dang /</font><hr>58.6a<br><font size=+1>

btags pa med pa dang / btags pa ma yin pa med pa dang / mthar phyin pa med pa dang / mthar phyin pa ma yin pa med pa dang / 'dren par byed pa med pa dang / lam med pa dang / lam gyi 'bras bu dang / bral ba med pa dang / rmongs pa dang bral ba dang / rtog pa med pa dang / mi rtog pa dang / yongs su mi rtog pa dang / kun du mi rtog pa dang / rnam par rtog pa thams cad spangs pa dang / 'dres pa med pa dang / 'dzin pa med pa dang / yongs su 'dzin pa med pa dang / gzung ba med pa dang / yongs su gzung bar bya ba med pa dang / thob pa med pa dang / thob par bya ba med pa dang / bden pa bsal ba dang / 'dod chags bsal ba dang / zhe sdang bsal ba dang / gti mug bsal ba dang / bden pa med pa dang / brdzun pa med pa dang / rtag pa med pa dang / mi rtag pa med pa dang / gsal ba med pa dang / gsal ba ma yin pa med pa dang / snang ba med pa dang / mun pa med pa dang / bdag gi med pa dang / rang gi ngo bo med pa dang / rang gi ngo bor bya ba med pa dang / rang gi ngo bo stong pa dang / grol ba med pa dang / yid la byed pa med pa dang / 'chi ba med pa dang / shin tu mthar thug pa ste/ bdud kyi dpung tshar gcod pa dang / nyon mongs pa tshar gcod pa dang / phung po tshar gcod pa dang / khams tshar gcod pa dang / skye mched tshar gcod pa dang / phung por 'du shes pa rnams tshar gcod pa dang / khams su 'du shes pa rnams tshar gcod pa dang / skye mched du 'du shes pa rnams tshar gcod pa dang / bdag tu 'du shes pa rnams tshar gcod pa dang / sems can du 'du shes pa rnams tshar gcod pa dang / srog tu 'du shes pa rnams tshar gcod pa dang / gang zag tu 'du shes pa rnams tshar gcod pa dang / srid par 'du shes pa rnams tshar gcod pa dang / dngos por 'du shes pa rnams tshar gcod pa dang / log par lta ba rnams dang / log par zhugs pa rnams tshar gcod pa yin no/ /shA ri'i bu 'dzin pa thams cad tshar gcod cing 'joms pa yin te/</font><hr>58.6b<br><font size=+1>

shA ri'i bu tha na skyes bu dam pa ma yin pa rnams kyi chos su 'du shes pa yang tshar gcod cing 'joms pa yin no/ /shA ri'i bu de bzhin nyid dam/ gzhan ma yin pa de bzhin nyid la mos par byed pa'i skyes bu dam pa ma yin pa/ de bzhin gshegs pa'i bka' la log par 'dzin pa gang yin pa de dag gi chos de yang tshar gcod cing 'joms pa yin no/ /de ci'i phyir zhe na/ shA ri'i bu gang su dag bdag tu smra ba 'am/ sems can du smra ba 'am/ srog tu smra ba 'am/ gang zag tu smra ba 'am/ rtag par smra ba 'am/ chad par smra ba 'am/ yod par smra ba 'am/ med par smra ba 'am/ ming du smra ba 'am/ mtshan mar smra ba 'am/ btags par smra ba 'am/ shA ri'i bu gang su dag dngos por dmigs pa de dag thams cad ni de bzhin gshegs pa dang mi mthun par 'dzin pa yin no/ /shA ri'i bu de bzhin gshegs pa dang mi mthun par 'dzin pa gang yin pa de dag ni log par zhugs pa yin no/ /log par zhugs pa gang yin pa de dag ni nga'i nyan thos ma yin no/ /nga'i nyan thos ma yin pa gang yin pa de dag ni mya ngan las 'das pa dang mi mthun par 'dzin pa yin/ sangs rgyas dang mi mthun par 'dzin pa yin/ chos dang mi mthun par 'dzin pa yin/ dge 'dun dang mi mthun par 'dzin pa yin no/ /shA ri'i bu ngas de lta bu'i lta ba dang ldan pa ni rab tu 'byung ba'i phyir ram/ bsnyen par rdzogs pa'i phyir yang skabs ma phye'o/ /shA ri'i bu ngas de lta bu'i lta ba dang ldan pa rnams la ni dad pas byin pa'i chu phor bu gang yang rjes su ma gnang ngo / /de ci'i phyir zhe na/ shA ri'i bu de dag thams cad ni mi dge ba de lta bu'i rang bzhin 'dzin pa yin pa'i phyir ro/ /shA ri'i bu 'di ltar yang gang dag mi dge ba de lta bu'i rang bzhin 'dzin pa spangs nas bstan pa 'di la rab tu byung ste/ mya ngan las 'das par rlom sems su mi byed/ mya ngan las 'das pa la </font><hr>58.7a<br><font size=+1>

rlom sems su mi byed/ mya ngan las 'das pa la mngon par zhen par mi byed/ stong pa nyid la mi skrag /mi dngas/ dngang bar mi 'gyur ba gang yin pa de dag ni chos rnams kyang spong ba'i phyir 'bad par byed na/ mi dge ba de lta bu'i rang bzhin 'dzin pa rnams lta ci smos/ 'di lta ste/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / 'dzin pa de dag thams cad yid la mi byed pas mtshan ma med pa'i ting nge 'dzin la kun tu sten pa yin te/ de yang mtshan mar mi 'dzin cing / mtshan ma de dag thams cad mtshan nyid gcig par so sor rtog par byed de/ 'di lta ste/ mtshan nyid med pa'o/ /shA ri'i bu de ni re shig rjes su 'thun pa'i bzod pa yin no/ /shA ri'i bu bzod pa de lta bu dang ldan pa'i dge slong ni nga'i nyan thos yin pas dad pas byin pa'i 'thob pa dang bcas pa la longs spyod par bya ste/ skyes bu de ni ma rmongs pa thob pa yin no/ /de ci'i phyir zhe na/ shA ri'i bu chos 'di ni 'gro ba med pa dang / 'ong ba med pa dang / gzung ba med pa dang / yongs su gzung ba med pa dang / mngon par zhen pa med pa dang / phyi rol med pa dang / tha snyad kun tu bcad pa dang / tha snyad kun du chad pa dang / dga' ba med pa dang / dga' bar bya ba med pa dang / dga' ba tshar bcad pa dang / 'du ba med pa dang / 'du ba dang bral ba dang / 'gro ba med pa dang / 'gro ba dang 'ong ba med pa dang / 'gro ba thams cad rgyun bcad pa dang / tha snyad thams cad rgyun bcad pa dang / mthong ba med pa dang / bltar med pa dang / bzung du med pa dang / 'dres pa med pa dang / tha snyad med pa dang / bden pa med pa dang / brdzun pa med pa dang / rtag pa med pa dang / mi rtag pa med pa dang / nam mkha' med pa dang / snang ba med pa dang / bar snang med pa dang / bsdus pa med pa dang / dor ba med pa </font><hr>58.7b<br><font size=+1>

dang / 'dzin pa med pa dang / bstan par bya ba med pa dang / nges par bstan par bya ba med pa dang / tshogs pa med pa dang / tshogs pa dang bral ba med pa dang / g.yo ba med pa dang / rlom sems med pa dang / brtags pa med pa dang / rnam par gzhag pa med pa dang / bsnyems pa med pa dang / kun nas nyon mongs pa med pa dang / yongs su sbyang ba'i 'os med pa dang / ming med pa dang / mtshan ma med pa dang / mtshan ma'i las med pa dang / bsam par bya ba med pa dang / bud med med pa dang / skyes pa med pa dang / lha med pa dang / klu med pa dang / gnod sbyin med pa dang / dri za med pa dang / grul bum med pa dang / chad pa med pa dang / rtag pa med pa dang / sems can med pa dang / srog med pa dang / gso ba med pa dang / skyes bu med pa dang / gang zag med pa dang / shed las skyes med pa dang / shed bu med pa dang / rtag pa med pa dang / 'pho ba med pa dang / mi 'pho ba med pa dang / gnod pa med pa dang / tshul khrims med pa dang / 'chal pa'i tshul khrims med pa dang / kun nas nyon mongs pa med pa dang / rnam par byang ba med pa dang / ting nge 'dzin med pa dang / snyoms par 'jug pa med pa dang / ting nge 'dzin gyi dbang po med pa dang / bsam gtan med pa dang / bsam gtan gyi 'bras bu med pa dang / shes pa med pa dang / mthong ba med pa dang / gzung ba med pa dang / gzung ba ma yin pa med pa dang / lam med pa dang / lam gyi 'bras bu med pa dang / shes rab med pa dang / shes rab kyi dbang po med pa dang / rig pa med pa dang / ma rig pa med pa dang / grol ba med pa dang / ma grol ba med pa dang / rnam par grol ba med pa dang / 'bras bu med pa dang / 'bras bu thob pa med pa dang / mthu med pa dang / mthu chung ba med pa dang / bag tsha ba med pa dang / 'jig pa ma yin pa med pa dang / dran pa med pa dang / dran pa'i dbang po med </font><hr>58.8a<br><font size=+1>

pa dang / gnas med pa dang / 'dug pa med pa dang / phrag dog med pa dang / phrag dog gi lam med pa dang / rtog pa med pa dang / mi rtog pa med pa dang / rnam par rtog pa med pa dang / byang chub med pa dang / byang chub kyi yan lag med pa dang / shes pa med pa dang / mi shes pa med pa dang / sa med pa dang / chu med pa dang / me med pa dang / rlung med pa dang / nam mkha' med pa dang / legs par byas pa med pa dang / nyes par byas pa med pa dang / chos med pa dang / chos ma yin pa med pa dang / bde ba med pa dang / sdug bsngal med pa dang / spros pa thams cad bcad pa dang / spros pa thams cad kun du bcom pa/ bral ba/ bsil bar gyur pa/ dud pa med pa/ gzhag pa med pa dang / lta ba thams cad dang / 'dod pa thams cad dang / mdud pa thams cad dang / mngon pa'i nga rgyal thams cad dang / ming dang mtshan ma thams cad dang / mngon pa'i nga rgyal thams cad yang dag par bcom pa dang / tha snyad rnam pa du ma chad pa yongs su rtog pa med pa/ mtshan ma med pa yin no/ /shA ri'i bu 'di ltar de bzhin gshegs pas mngon par rdzogs par sangs rgyas pa'i chos gang yin pa de la rtag pa med/ mi rtag pa med/ bde ba med/ sdug bsngal med/ kun nas nyon mongs pa med/ rnam par byang ba med/ chad pa med/ rtag pa med/ sems can med/ srog med/ gso ba med/ skyes bu med/ gang zag med/ shed las skyes med/ shed bu med/ brtan pa med/ dri za med/ dngos po med/ dngos po ma yin pa med/ 'gog pa med/ mi 'gog pa med/ thob pa med/ ma thob pa med/ 'pho ba med/ gnon pa med/ skye ba med/ 'byung ba med/ 'das pa med/ ma 'ongs pa med/ da ltar byung ba med/ skye ba med/ rga ba med/ na ba med/ 'chi ba med/ mya ngan med/ smre sngags 'don pa med/ sdug bsngal ba dang / yid mi bde ba dang / 'khrug pa rnams med/</font><hr>58.8b<br><font size=+1>

mngon par rdzogs par byang chub pa med/ mngon par rdzogs par byang ma chub pa med/ sngon gyi mtha' med/ phyi ma'i mtha' med/ dbus med/ zhi ba med/ dul ba med/ bri ba med/ 'phel ba med/ 'jug pa med/ btags pa med/ ma btags pa med/ btags pa dang / ma btags pa med/ nam mkha' med/ mngon par skabs yod pa med/ yid byung ba med/ 'dod chags dang bral ba med/ 'gog pa med/ mya ngan las 'das pa med do/ /de ci'i phyir zhe na/ shA ri'i bu 'di ltar de bzhin gshegs pas chos 'ga' yang ma dmigs pa gang yin pa ni mya ngan las 'das pa yin no/ /de bzhin gshegs pas tha snyad 'ga' yang ma dmigs pa gang yin pa ni mya ngan las 'das pa yin no/ /de bzhin gshegs pas dngos po 'ga' yang ma dmigs pa gang yin pa ni mya ngan las 'das pa yin no/ /shA ri'i bu 'di ltar de bzhin gshegs pa ni mya ngan las 'das pa la rlom sems mi mnga'/ mya ngan las 'das pas rlom sems su mi mdzad/ mya ngan las 'das pa rnams kyis rlom sems su mi mdzad/ mya ngan las 'das pa la mngon par zhen pa mi mnga'/ mya ngan las 'das pa la mngon par dga' bar mi mdzad do/ /shA ri'i bu de lta bas na bla na med pa yang dag par rdzogs pa'i byang chub mngon par rdzogs par sangs rgyas nas 'di lta ste/ 'dus byas thams cad mngon par 'du byed pa med pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di ni ches mchog tu ngo mtshar yin no/ /gleng gzhi'i le'u ste dang po'o// //gsol pa/ bcom ldan 'das chos kyi rnam grangs 'di la gdams pa ji lta bu dang / rjes su bstan pa ji lta bus sdig </font><hr>58.9a<br><font size=+1>

pa'i grogs por 'gyur lags/ gdams pa ji lta bu dang / rjes su bstan pa ji lta bus dge ba'i bshes gnyen zhes bgyi lags/ bka' stsal pa/ shA ri'i bu 'di na dge slong gis dge slong la 'di skad rab tu 'doms shing 'di skad rjes su ston te/ dge slong tshur shog /khyod sangs rgyas yid la gyis shig /chos yid la gyis shig /dge 'dun yid la gyis shig /tshul khrims rjes su dran pa yid la gyis shig /gtong ba rjes su dran pa yid la gyis shig /lha rjes su dran pa yid la gyis shig /dge slong tshur shog /khyod lus la lus kyi rjes su lta zhing gnas par gyis shig /gnas pa'i mtshan ma gzung ba'i phyir/ lus la mi gtsang ba'i mtshan ma yid la gyis shig /dge slong tshur shog /khyod 'du byed thams cad mi rtag pa yin par yid la gyis shig /sdug bsngal ba yin par yid la gyis shig /chos thams cad bdag med pa yin par yid la gyis shig /stong pa yin par yid la gyis shig /dge slong tshur shog /khyod dmigs pa'i mtshan ma zung la bzung nas sems la nye bar zhog shig /sems mi g.yeng bar bya ba'i phyir dmigs pa'i mtshan ma zung shig /dge slong tshur shog /khyod dge ba'i chos rnams la ltos pa dang bcas par gyis shig /mi dge ba'i chos rnams kyi mtshan ma ma 'dzin cig /ma 'dzin la de rnams spang ba'i phyir spro ba skyed cig /ma 'ongs pa na mi skye bar bya ba'i phyir mi dge ba'i chos spangs pa rnams kyi mtshan ma'i rjes su 'brang bar gyis shig /dge slong tshur shog /khyod phung po'i rnam pa dang / khams kyi rnam pa dang / skye mched kyi rnam pa la yid 'byung bar rjes su lta zhing gnas par gyis shig /dge slong tshur shog /khyod dge ba dang / mi dge ba'i chos rnams kyi mtshan ma zung la/ bzung nas chos de rnams spang ba'i phyir gnas 'di dag yid la bya ste/ 'di lta ste/ 'dod </font><hr>58.9b<br><font size=+1>

chags spang ba'i phyir mi gtsang ba yid la gyis shig /zhe sdang spang ba'i phyir byams pa yid la gyis shig /gti mug spang ba'i phyir rkyen 'di pa'i rten cing 'brel par 'byung ba yid la gyis shig /dge slong tshur shog /khyod tshul khrims yongs su dag pa yid la gyis shig /ting nge 'dzin gyi mtshan ma yid la gyis shig /shes rab yongs su dag pa yid la gyis shig /bsam gtan bzhi po rnams la brtson par gyis shig /'bras bu thob par bya ba la ltos pa dang bcas par gyis shig /mi dge ba'i chos rnams la mi ltos par yid la gyis shig /dge ba'i chos rnams bsten par yid la gyis shig /lam bsgom pa'i phyir brtson par gyis shig /dge ba'i chos rnams kyi mtshan ma legs par zung la mya ngan las 'das pa la bde ba dang zhi bar yid la gyis shig /khyod kyis mya ngan las 'das pa 'thob par bya ba'i phyir ltos pa dang bcas par gyis shig /des kyang dag par yid la gyis shig ces des de skad 'doms shing / de skad rjes su ston na phyin ci log tu 'dzin du 'jug ste yang dag par lta ba'i 'du shes kyis log par lta ba 'dzin du 'jug pa yin no/ /shA ri'i bu de ltar rjes su 'doms shing de ltar rjes su ston na/ sdig pa'i grogs po yin te/ nga la yang skur pa 'debs pa yin no/ /yod pa ma yin pa dang / yang dag pa ma yin pas mu stegs can gyi tha snyad smra ba yin no/ /mu stegs can gyi smra bas rang gi phyogs la yang ston par byed do/ /shA ri'i bu ngas skyes bu dam pa ma yin pa de lta bu la ni dad pas byin pa'i chu phor bu gang tsam yang rjes su ma gnang ngo / /shA ri'i bu nga 'doms pa po'i ched du 'di skad gsung gi /'di skad 'doms shing 'di skad rjes su ston pa ni ma yin no/ /de ci'i phyir zhe na/ mngon pa'i nga rgyal du lhung ba phal cher ni de skad 'doms shing de skad rjes su ston pa yin no/ /</font><hr>58.10a<br><font size=+1>

shA ri'i bu gal te yang mi shes pa'i dge slong gis gnas 'di lo lngar thams cad kyi thams cad/ rnam pa thams cad kyi thams cad du mi spong na bden pa ma yin pa'i tshig 'di la mngon par brtson par byed pa yin gyi/ dmigs pa med pa'i dge slong 'khod pa rnams la yongs su mi 'dri/ yongs su mi rtog pas/ shA ri'i bu nga ni dge slong lo lngar log pa'i brtson 'grus dang ldan pa/ gzhan mu steg can gyi spyod yul dang kun du 'dres pa/ bdud kyi phyogs dang rjes su 'thun par spyod pa yin no zhes gsung ngo / /shA ri'i bu yang dge slong gang zhig de skad 'doms shing de skad rjes su ston pa'i stong pa nyid dmigs su med pa'i chos thos la gdams ngag de lta bu 'dod cing stong pa yid la byed de/ dmigs su med pa stong pa nyid kyi chos la the tsom med cing som nyi mi za ste/ 'jug par byed/ kun du rtog par byed/ gom par byed/ lhag par mos par byed cing rnam pa thams cad kyi thams cad du gang zag tu lta ba la rten par mi byed na/ shA ri'i bu nga ni dge slong de yongs su dag pa dang tshangs par spyod pa yin no zhes gsung ngo / /de ci'i phyir zhe na/ shA ri'i bu dge slong de lta bu ni ji ltar gyur kyang dmigs su med pa'i bzod pa dang ldan zhing mthong ba'i chos 'di nyid la yongs su mya ngan las 'da' bar 'gyur ro/ /shA ri'i bu de lta mod kyi ngas dmigs su med pa'i bzod pa'i yon tan dang ldan pa'i dge slong de lta bu ni bcom ldan 'das byams pa'i gsung rab la 'dus pa chen po dang por bgrang bar 'gyur zhing / der bcom ldan 'das byams pas kye ma 'dus pa chen po ni shAkya thub pa'i gsung rab la dmigs su med pa'i spyod pa dang ldan pa rnams yin no/ /kye ma 'dus pa chen po ni shAkya thub pa'i gsung rab la dmigs su med pa'i spyod pa dang ldan pa rnams yin no/ /kye ma 'dus pa chen po ni shAkya thub pa'i gsung rab la dmigs pa med </font><hr>58.10b<br><font size=+1>

pa'i spyod pa dang ldan pa rnams yin no zhes lan gsum gyi bar du ched du brjod pa ched du brjod par mdzad par 'gyur ro zhes lung ston par 'gyur ro/ /de lta bas na shA ri'i bu nga ni bzod pa de lta bu dang ldan pa'i khyim pa 'am/ rab tu byung ba ni 'di la yongs su mya ngan las 'da' ba'i bar du lung ston par mdzad do/ /shA ri'i bu yang dge slong gang zhig de skad 'doms shing de skad rjes su ston pa'i dmigs su med pa'i stong pa nyid kyi chos thos nas skrag par gyur/ dngangs par gyur/ kun du dngangs par gyur na/ de mgon med pa dang / skyabs med pa dang / ston pa med pas sems can dmyal bar 'gro bar 'gyur ro/ /de ci'i phyir zhe na/ shA ri'i bu 'di ltar sangs rgyas kyi bstan pa la skrag pa gang yin pa de ni ngan song yongs su rdzogs par byed pa yin pa'i phyir ro/ /shA ri'i bu yang ngas kha cig gi skye ba gsungs pa ni ngan song yin no/ /de ci'i phyir zhe na/ shA ri'i bu 'di ltar sangs rgyas kyi bstan pa la btags pa med pa de ni dmigs pa la btags pa med pa yin no/ /shA ri'i bu mtshams med pa lnga dang ldan pa ni bla'i/ bdag tu lta ba dang ldan pa ni de lta ma yin te/ sems can du lta ba dang ldan pa ma yin/ srog tu lta ba dang ldan pa ma yin/ gang zag tu lta ba dang ldan pa ma yin/ phung por lta ba dang ldan pa ma yin/ khams su lta ba dang ldan pa ma yin/ skye mched du lta ba dang ldan pa ma yin/ 'byung bar lta ba dang ldan pa ma yin/ 'jig par lta ba dang ldan pa ma yin/ tshul khrims su lta ba dang ldan pa ma yin/ tshul khrims snying por lta ba dang ldan pa ma yin/ ting nge 'dzin snying por lta ba dang ldan pa ma yin/ ting nge 'dzin gyi snying po dag par lta ba dang ldan pa ma yin/ sangs rgyas kyi gzugs kyi mtshan ma'i rjes su 'brang bar lta ba dang ldan pa ma yin/ chos thob pa yid la byed par lta ba dang ldan </font><hr>58.11a<br><font size=+1>

pa ma yin/ gang zag tu lta ba dge 'dun gyi tha snyad dang ldan pa ma yin no/ /shA ri'i bu de ci'i phyir zhe na/ 'di ltar de bzhin gshegs pa'i bstan pa la gang zag tu lta ba dang ldan pa ni dge 'dun gyi grangs su gtogs pa ma yin no zhes gsungs pa'i phyir ro/ /de ci'i phyir zhe na/ shA ri'i bu de bzhin gshegs pa'i nyan thos kyi dge 'dun ni gang zag med pa/ rtog pa med pa/ rnam par mi rtog pa yin pa'i phyir ro/ /shA ri'i bu de bzhin gshegs pa'i nyan thos kyi dge 'dun la ni mi dge ba cung zad kyang med de/ tshul khrims nyams pa med pa yin/ spyod pa nyams pa med pa yin/ 'tsho ba nyams pa med pa yin/ lta ba nyams pa med pa yin no/ /shA ri'i bu dge ba gang zhe na/ de bzhin gshegs pa'i nyan thos kyi dge 'dun ni 'di lta ste/ sems dang mtshungs par ldan pa dang / dngos po med par rnam par rtog pa dang / mtshan mar rnam par rtog pa dang / ming du dmigs pa dang / gang zag tu dmigs pa dang / shA ri'i bu tha na gang du 'ga' zhig gis sems dang 'brel ba'i tha snyad dge ba dang mi dge ba'i chos kyang mi dmigs pa de ni 'phags pa'i chos 'dul ba la dge ba zhes gsungs so/ /shA ri'i bu de ci'i phyir zhe na/ gang na bde ba yod pa de na sdug bsngal yang yod par rig par bya ste/ shA ri'i bu 'di ltar de bzhin gshegs pas mngon par rdzogs par sangs rgyas pa'i chos ni nye bar zhi ba yin no/ /shA ri'i bu 'di ltar de bzhin gshegs pas mngon par rdzogs par sangs rgyas pa'i chos gang yin pa de la ni 'dod pa med/ mi 'dod pa med/ bde ba med/ sdug bsngal med/ sems med/ sems pa med/ 'du shes med/ tshor ba med de/ shA ri'i bu tha na de la stong pa nyid kyang med do/ /de ci'i phyir zhe na/ shA ri'i bu 'di ltar stong pa'i 'du shes gang yin pa de la ni bdag gi 'du shes dang / sems can gyi 'du shes dang / srog gi 'du </font><hr>58.11b<br><font size=+1>

shes dang / gang zag gi 'du shes dang / rtag pa'i 'du shes dang / chad pa'i 'du shes dang / 'byung ba'i 'du shes dang / 'jig pa'i 'du shes pa yang 'byung bar 'gyur ba'i phyir ro/ /shA ri'i bu de ci'i phyir zhe na/ ji tsam du 'du shes pa de tsam du mtshan ma'i 'du shes 'dzin pa nyid yin no zhes gsungs pa'i phyir ro/ /de lta bas na log par zhugs pa yin no/ /shA ri'i bu mtshan ma'i 'du shes can gyi stong pa nyid yid la byed pa med pa des na stong pa nyid ces bya'o/ /stong pa nyid yid la byed pas kyang stong pa des na stong pa nyid ces bya'o/ /shA ri'i bu 'di ltar stong pa nyid la dge ba 'am/ mi dge ba med pa des na stong pa nyid ces bya ste/ shA ri'i bu tha na de la stong pa nyid kyi 'du shes kyang med pa des na stong pa nyid ces bya'o/ /shA ri'i bu 'du byed thams cad shes par bya ste/ de yang shes pa med pa dang / rnam par shes pa med pa dang / yongs su shes pa med pa dang / rnam par dpyad pa med pa dang / gnas pa med pa yin te/ des na stong pa nyid ces bya'o/ /shA ri'i bu stong pa nyid ni sus kyang yid la bya bar mi nus te/ mtshan ma med par ma yin/ smon pa med par ma yin/ mtshan ma yid la byed pa med par ma yin te/ des na stong pa nyid ces bya'o/ /shA ri'i bu ci'i phyir stong pa nyid kyis gnas pa zhes gsungs she na/ mtshan ma thams cad dang / tha na stong pa nyid kyi mtshan ma yang yid la mi byed pas des na stong pa nyid kyis gnas pa zhes bya'o/ /mtshan ma spangs pa des na mtshan ma med pa zhes bya'o/ /shA ri'i bu mtshan ma 'di dag gang du yang ci yang yid la mi byed pa dang / yid la byed pa med pa dang / mtshan ma med pa dang / brda' med pa des na mtshan ma med pa zhes bya'o/ /shA ri'i bu gang cung zad mtshan mar 'dzin cing dmigs pa de ni log pa'i lta ba yin no zhes gsung ngo / /de ci'i phyir zhe na/ shA ri'i bu chos 'dul ba 'di la nye bar zhi bar dmigs na yang log </font><hr>58.12a<br><font size=+1>

par zhugs pa yin na tha snyad lta ci smos/ gang gi tha snyad lta ci smos/ gang de'i tha snyad lta ci smos/ shA ri'i bu ci'i phyir sangs rgyas bcom ldan 'das rnams tha snyad log pa yin par rgya cher ston ce na/ shA ri'i bu tha snyad 'di dag bden pa ma yin par khyod kyis mi shes te/ des na log pa min par de bzhin gshegs pas thugs su chud nas cung zad tsam gyi tha snyad kyang dmigs su med pas/ shA ri'i bu tha snyad ni log pa'i lta ba yin no zhes gsungs so/ /shA ri'i bu de bzhin gshegs pa rnams kyi bla na med pa yang dag par rdzogs pa'i byang chub ni dran pa med pa yid la byed pa med pa yin no/ /de ci'i phyir zhe na/ shA ri'i bu de bzhin gshegs pas chos gang gis rang gi de kho na nyid ma dmigs te/ rang gi ngo bo dmigs pa ma yin/ gzhan gyi ngo bo dmigs pa ma yin/ mnyam pa dmigs pa ma yin/ mi mnyam pa dmigs pa ma yin pa'i phyir ro/ /shA ri'i bu ci'i phyir dran pa nye bar gzhag pa zhes bya zhe na/ shA ri'i bu ngas dran pa nye bar gzhag pa dmigs pa dang / rang bzhin dmigs pa dang / rang gi de kho na nyid dmigs pa dang / rang gnas pa dmigs pa gang yin pa de ni gnas ma yin zhing go skabs med do zhes de bzhin gshegs pas gsungs te/ rang gi mtshan nyid kyis stong pa'i chos rnams la nges par rtog pa'i don gyis dran pa nye bar gzhag pa zhes bya'o/ /zhen pa med pa dang / mngon par zhen pa med pa dang / gnas pa med pa dang / so so nye bar gnas pa med pa dang / kun du gnas pa med pa dang / gnas pa dang bral ba ste/ de dag la dran pa nyid kyang med na dran pa nye bar gzhag pa lta ci smos te/ des na dran pa nye bar gzhag pa zhes bya'o/ /shA ri'i bu gal te chos 'ga' zhig gi rang gi de kho na nyid tha na skra'i rtse mo brgyar gshegs pa'i cha shas tsam zhig yod par gyur na yang /</font><hr>58.12b<br><font size=+1>

shA ri'i bu de bzhin gshegs pa 'jig rten du byung nas chos thams cad rang bzhin med do zhes chos ston par mi 'gyur ro/ /shA ri'i bu gang gi phyir chos thams cad rang bzhin med pa dang / rang bzhin gyis stong pa dang mtshan nyid gcig pa dang / mtshan nyid med par mkhyen pa de'i phyir/ de bzhin gshegs pas dran pa nye bar gzhag pa zhes dran pa nye bar gzhag pa bstan pa yin no/ /gang la gnas pa med pa dang / rnam par gnas pa med pa dang / dran pa med pa dang / dran pa'i las med pa dang / rtog pa med pa dang / rnam par rtog pa med pa dang / sems pa med pa dang / sems pa'i las med pa dang / yid med pa dang / yid kyi las med pa dang / chos med pa dang / chos kyi 'du shes med pa dang / rnam pa thams cad gyi thams cad du 'dzin pa'i 'du shes med pa dang / gnyis kyi las med pa dang / gnas med pa dang / kun tu gnas med pa ste/ de nyid kyi phyir 'phags pa rnams kyi rnam par mi rtog pa ni dran pa nye bar gzhag pa zhes bya'o/ /de ltar de bzhin gshegs pas dran pa nye bar gzhag pa gsungs pa dngos po'i rjes su 'gro ba de dag ni dran pa nye bar gzhag pa zhes bya'o/ /shA ri'i bu yang sangs rgyas rjes su dran pa zhes bya ba gang zhe na/ dngos po med par mthong ba ni sangs rgyas rjes su dran pa zhes bya'o/ /sangs rgyas kyang bsam gyi mi khyab pa/ mtshungs pa med pa/ sems pa de bzhin nyid dang bcas pa ni sangs rgyas rjes su dran pa zhes bya'o/ /shA ri'i bu sems pa de bzhin nyid dang bcas pa gang zhe na/ sangs rgyas bcom ldan 'das rnams ni rtog pa med pa/ rnam par mi rtog pa/ rtog pa dang rnam par rtog par med pa yin te/ des na sangs rgyas rjes su dran pa zhes bya'o/ /rang gi ngo bo mthong bas</font><hr>58.13a<br><font size=+1>

sangs rgyas mthong ba yin no/ /rang gi ngo bo mthong ba gang zhe na/ dngos po med la dngos po med pa mthong ba ni sangs rgyas rjes su dran pa yin no/ /sangs rgyas mthong ba la ni sems dang sems las byung ba'i chos rnams kyis rjes su dran pa'i las phra rab tsam yang dmigs su med de/ des na sangs rgyas rjes su dran pa zhes bya'o/ /shA ri'i bu chos de ni tha snyad bcad pa yid la byed pa tshar bcad pa yin te/ rjes su dran pas kyang rjes su dran par bya bar sla ba ma yin pas de'i phyir sangs rgyas rjes su dran pa zhes bya'o/ /shA ri'i bu chos de ni yid la byed pa thams cad nye bar zhi ba yin te/ de la gang dag mngon par brtson pa de dag gi sangs rgyas rjes su dran pa ni gang de bzhin gshegs pa la gzugs kyi mtshan mar yid la mi byed do/ /de ci'i phyir zhe na/ shA ri'i bu rnam par shes pa ni rtag tu gzugs kyi mtshan ma tsam la chums pa yin no/ /gzugs med pa la dmigs pa dngos po med pa ni sangs rgyas rjes su dran pa yin te/ /de lta bas na rtog pa med pa rnam par mi rtog pa/ gzung ba med pa ni sangs rgyas rjes su dran pa zhes bya'o/ /dran pa bstan pa'i le'u ste gnyis pa'o//  //sangs rgyas kyi sde snod tshul khrims 'chal pa tshar gcod pa/ bam po gnyis pa/ /bcom ldan 'das chos 'di dag ji ltar ston na/ sdig pa'i grogs por mi 'gyur ba lags/ bcom ldan 'das ji ltar 'doms shing ji ltar rjes su ston na dge ba'i bshes gnyen zhes bgyi lags/ bka' stsal pa/ shA ri'i bu 'di la dge slong gis dge slong la 'di skad 'doms shing 'di skad rjes su ston te/ dge slong tshur shog /khyod sangs rgyas rjes su dran pa sgoms shig /mos par gyis shig /khyod kyis yang dag par 'du ba'i gnas yid la ma byed</font><hr>58.13b<br><font size=+1>

cig /ci nas kyang dngos po med pa des yang dag par rjes su mthong bar 'gyur ba de yang yang dag par mthong ba med pa'i chos kyi rang bzhin du mos par byas la/ rang bzhin med pa de'i ngo bo'i 'du shes rang gis spang bar bya'o/ /de'i mtshan ma'i 'du shes spong zhing de'i tshe mtshan ma med pa'i dngos po yang dmigs par mi 'gyur na dran pa'i las lta smos kyang ci dgos/ de de ltar rang gi ngo bo med pa dang / mtshan ma med pa dang / mtshan ma'i 'du shes spangs pas sogs pa nyid kyang med la/ sogs pa med pa yang ma yin pa de ni chos thams cad 'gog pa/ sangs rgyas rjes su dran pa sgom pa yin no/ /dge ba dang mi dge ba'i chos rnams la rnam par rtog pa med cing dpyod pa med pas rtog pa dang dpyod pa kun du spangs pa'i phyir 'di ltar sangs rgyas ni rnam par rtog pa med pa ste/ rnam par rtog pa med par sangs rgyas yid la bya'o/ /rtog pa med pa dang / dpyod pa med pa dang / mtshan ma med pa ni sangs rgyas rjes su dran pa yin te/ de la ni sems las byung ba'i chos rnams kyi dran pa'i las cung zad tsam yang yod pa ma yin na lus kyi las lta ci smos/ ngag gi las lta ci smos/ yid kyi las lta ci smos te/ de ni gnas yod pa ma yin no/ /mtshan nyid spangs pa dang / kun du rgyu ba med pa dang / mtshan ma med pa dang / mtshan nyid med pa dang yid la byed pa med pa ni sangs rgyas rjes su dran pa yin no/ /ming med pa dang / mtshan ma med pa dang / rang gi med pa dang / bsam pa med pa dang / thob pa med pa dang / so sor rnyed pa med pa dang / rtog pa dang dpyod pa'i kun nas slong ba med pa ni sangs rgyas rjes su dran pa yin no/ /de ci'i phyir zhe na/ shA ri'i bu ji tsam du yid la byed pa'i rgyun yod na mtshan mar 'dzin pa yin te/ shA ri'i bu de ni log par lta ba yin no/ /shA ri'i bu 'di ltar ji tsam du mtshan ma</font><hr>58.14a<br><font size=+1>

med pa dang / so sor rtog pa med pa dang / dngos po med pa dang / rtog pa med pa dang / dpyod pa med pa dang / mtshan ma med pa dang / 'gog pa med pa dang / 'byung ba med pa dang / kun du rgyu ba med pa dang / skye ba med pa dang / mi skye ba la bzod pa 'di dag ni shA ri'i bu sangs rgyas rjes su dran pa zhes bya'o/ /de la ni chags pa med/ rab tu chags pa med/ mi 'gog pa med/ mi 'gal ba med/ ming med/ mtshan ma med pa ste/ ming med pa dang / mtshan ma med pa gang yin pa de ni shA ri'i bu sangs rgyas rjes su dran pa yin no/ /de ni mtshan nyid med pa/ tha snyad med pa yin te/ de la ni dran pa'i las cung zad tsam yang med na/ lus dang ngag gi las lta smos kyang ci dgos te/ de ni gnas yod pa ma yin no/ /gang na lus kyi las med pa dang / ngag gi las med pa dang / yid kyi las med pa la ni zhen pa med pa dang / 'dzin pa med pa dang / kun du 'dzin pa med pa dang / mi 'gog pa med pa dang / 'gal ba med pa dang / 'byung ba med pa dang / skye ba med pa dang / phye ba med pa dang / bsdus pa med pa dang / brkyang ba med pa dang / dngos po med pa dang / rnam pa thams cad du rtog pa dang dpyod pa rnams rgyun chad pa de lta bu de ni sangs rgyas rjes su dran pa zhes gsungs so/ /de lta bu'i rang bzhin gyi sangs rgyas rjes su dran pa dang ldan pa gang yin pa de ni 'dod na stong gsum gyi stong chen po'i 'jig rten gyi khams 'di yongs su sgyur bar byed/ bdud bye ba stong phrag brgya yang pham par byed na/ ma rig pa gzhi med pa bden pa ma yin pa la dmigs te/ kun nas bslang ba la lta smos kyang ci dgos/ chos de dag ni mtshan ma med pa dang / spros pa med pa dang / ma spros pa dang / 'gog pa med pa dang / 'gal ba med pa dang / mtshan nyid med pa dang / </font><hr>58.14b<br><font size=+1>

tha snyad med pa dang / btags pa med pa dang / snang ba med pa dang / gsal ba med pa dang / bdud dang bdud kyi 'khor dang ma 'dres par so sor rtogs nas tha snyad tsam gyis 'doms shing rjes su ston na de lta bu ni sangs rgyas rjes su dran pa yin pas mtshan mar 'dzin pa cung zad tsam yang yid la ma byed cig /ma rtog shig /rnam par ma rtog shig /ma spro shig /de ci'i phyir zhe na/ dngos po med pa'i chos de ni mtshan ma med pa/ mtshan nyid med pa/ yid la byed pa med pa yin pas 'di ni sangs rgyas rjes su dran pa zhes bya ba ste/ 'di lta ste/ mtshan ma med pa dang / mtshan nyid med pa dang / yid la byed pa med pa yin no/ /de ci'i phyir zhe na/ 'di ltar sangs rgyas rnams ni gzugs kyi mtshan ma las yid la bya ba ma yin te/ rtog pa las ma yin rnam par rtog pa las ma yin zhen pa las ma yin/ ma zhen pa las ma yin/ ting nge 'dzin las ma yin/ shes rab las ma yin/ rig pa las ma yin/ rig pa med pa las ma yin pa'i phyir ro/ /de ci'i phyir zhe na/ 'di ltar de bzhin gshegs pa rnams ni btags pa med pa/ bsam gyis mi khyab pa/ shin du bsam gyis mi khyab pa yin pa'i phyir ro/ /de lta bas na mtshan mar ma 'dzin cig /de spang ba 'am/ thob pa 'am/ bsgom pa'i chos gang yin pa la cung zad kyang zhen par mi byed de/ de de bzhin gshegs pa nyid kyang mi dmigs na/ rjes su dran pa lta smos kyang ci dgos/ shA ri'i bu dge slong gis dge slong la 'di skad ces dge slong tshur shog /khyod chos rnams kyi rang gi mtshan nyid rnam par sgoms shig /chos kyi 'du shes yid la ma byed cig ces 'doms shing de skad rjes su ston to/ /de de ltar yid la byed pa na rab tu ma zhen pa nyid dang / ma chags pa nyid dang / chos med pa nyid dang / dngos po med pa nyid dang / mtshan nyid med gcig pa nyid la dga' bar byed do/ /de chos kyi 'du shes kyang mi 'jug na gang zag gi 'du shes su 'gyur ba lta smos kyang ci dgos te/ de ni gnas yod pa ma yin no/ /shA ri'i bu 'di ji snyam du</font><hr>58.15a<br><font size=+1>

sems/ ji ga chos mi dmigs te chos kyi 'du shes skyed par byed dam/ gsol pa/ bcom ldan 'das de ni ma lags so/ /ji ga chos kyi 'du shes yid la mi byed cing chos mi dmigs na rnam par 'jig par byed pa'i chos 'ga' yang yod dam gsol pa/ bcom ldan 'das de ni ma mchis lags so/ /bka' stsal pa/ shA ri'i bu gal te shing gi rtsa ba med par ji ga yal ga dang / lo ma dang / shun pa 'byung bar 'gyur ram/ gsol pa/ bcom ldan 'das de ni ma mchis lags so/ /bka' stsal pa/ shA ri'i bu de bzhin du ji ga chos mi dmigs na chos kyi 'du shes skye bar 'gyur ram/ gsol pa/ bcom ldan 'das de ni ma lags so/ /ji ga chos kyi 'du shes yid la mi byed cing chos mi dmigs na rnam par 'jig par byed pa'i chos 'ga' yang yod dam/ gsol pa/ bcom ldan 'das de ni ma mchis lags so/ /bka' stsal pa/ de de ltar yang chos sams chos kyi 'du shes mi dmigs shing yid la mi byed na/ 'gag pa med pa dang / 'byung ba med pa la bsgom du med de rtog par mi byed/ rnam par rtog par mi byed/ 'gog par mi byed/ rnam par 'gog par mi byed/ 'jug par mi byed/ ldog par mi byed de/ de de kho na nyid kyi rang bzhin thob nas tha snyad du byed do/ /shA ri'i bu de skad 'doms shing de skad rjes su ston pa ni dge ba'i bshes gnyen zhes bya'o/ /don dam par ni dge ba yang med/ mi dge ba yang med do/ /shA ri'i bu mtshan nyid de dag dang ldan pa gang yin pa de dag ni 'jig rten na dkon pa yin te/ 'di lta ste phyin ci ma log par yang dag pa'i lta ba dang ldan pa des na yang dag pa'i lta ba zhes bya'o/ /de lta mod kyi shA ri'i bu yang dag pa'i lta ba dang / yang dag pa'i bzod pa dang / yang</font><hr>58.15b<br><font size=+1>

dag pa'i mos pa ni 'di lta ste/ phyin ci ma log par yang dag par rjes su lta ba de ni de bzhin gshegs pas yang dag pa'i lta ba zhes gsungs so/ /shA ri'i bu gang su yang rung phyin ci ma log par yang dag par lta ba med pa de ni yang dag pa'i lta ba ma yin no/ /shA ri'i bu bdag tu smra ba dang / sems can du smra ba dang / srog tu smra ba dang / gang zag tu smra ba dang / rtag par smra ba dang / chad par smra ba gang ci yang rung ba de dag thams cad ni log par zhugs pa yin no/ /shA ri'i bu de bzhin gshegs pa rnams sam/ de bzhin gshegs pa'i nyan thos rnams ni bdag tu smra ba ma yin/ sems can du smra ba ma yin/ srog tu smra ba ma yin/ gang zag tu smra ba ma yin/ rtag par smra ba ma yin/ chad par smra ba ma yin te/ de ni de bzhin gshegs pa rnams dang / de bzhin gshegs pa'i nyan thos rnams kyi yang dag pa'i lta ba zhes bya'o/ /yang dag par lta ba dang / phyin ci ma log par lta ba dang / ji lta ba bzhin du lta ba ma gtogs pa ni byis pa so so'i skye bo yin no/ /de ci'i phyir zhe na/ shA ri'i bu 'di ltar byis pa so so'i skye bo ni 'ga' la yang yang dag pa'i lta ba med do/ /gzhan du na rjes su 'thun pa'i bzod pa dang ldan pa gang dag yin pa de dag la ni yang dag pa'i lta ba'i cha shas yod pa yin yang ji lta ba bzhin du mthong bas ni ma yin pa'i phyir ro/ /shA ri'i bu de ltar yang dag pa'i lta ba dang / log pa'i lta ba yin te/ yang dag pa mthong bas ni yang dag pa'i lta ba yin la/ 'jig rten gyi zang zing gi sbyin pas ni longs spyod 'phel ba yin no/ /shA ri'i bu 'di ltar slu bar byed pa 'khor bar rgyu bar byed pa/ smad pa'i chos gang yin pa ni de bzhin gshegs pas tshangs par spyad pa'i tha snyad yin no zhes gsungs</font><hr>58.16a<br><font size=+1>

so/ /shA ri'i bu 'di ltar yang dag pa'i lta ba ni 'di yin no zhe/ log pa'i lta ba ni 'di yin no zhes ma gsungs pa ma yin te/ de ci'i phyir zhe na/ shA ri'i bu lta bar gyur pa thams cad ni yang dag pa ma yin pa la dmigs pa yin pa'i phyir ro/ /shA ri'i bu gang su yang rung 'di snyam du yang dag pa'i lta ba ni 'di yin no/ /log pa'i lta ba ni 'di yin no snyam du sems na/ de nyid log par lta ba yin no/ /de ci'i phyir zhe na/ shA ri'i bu 'phags pa'i chos/ 'dul ba 'di la nam mkha' dang / lag 'thil ji lta ba bzhin du lta bar gyur pa thams cad kun du spangs pa dang / tha snyad thams cad kun du chad pa yin te de lta bu ni dge sbyong gi chos yin no/ /dge ba'i bshes gnyen gyi le'u ste gsum pa'o//  //shA ri'i bu de la 'phags pa'i dge 'dun zhes bya ba gang zhe na/ gang dag skye ba med pa dang / 'gag pa med pa dang / 'byung ba med pa dang / mtshan ma med pa dang / mtshan nyid med pa dang / spros pa med pa de la 'jug pa dang / lhag par mos pa dang / yang dag par ston pa dang / yang dag par gzhol ba de lta bu'i bzod pa dang ldan pa ste/ mtshan nyid med pa la lhag par mos pa ni bdag gang yin pa yang mi dmigs na/ rgyun du zhugs pa dmigs pa lta ci smos/ lan gcig phyir 'ong ba lta ci smos/ phyir mi 'ong ba lta ci smos/ dgra bcom pa dmigs pa lta ci smos/ chos su dmigs pa lta ci smos/ skyes pa dang bud med dang ma ning lta ci smos/ btags par dmigs pa lta ci smos/ gnas su dmigs pa lta ci smos te/ 'di dang 'di lta bu'o zhes bya ba mi dmigs pa 'di ni dge 'dun yin no/ /de lta mod kyi shA ri'i bu mtshan nyid med pa dang / 'gag pa med pa dang / 'byung ba med pa de la mos pa</font><hr>58.16b<br><font size=+1>

ni nyung ngo / /shA ri'i bu mtshan nyid med pa dang / 'gag pa med pa dang / 'byung ba med pa la mos pa gang yin pa de dag ni phyin ci ma log pa'i shes pas gzhan dang gzhan dag shes shing / gzhan dang gzhan dag rab tu shes nas/ kun du gleng bar byed/ yang dag par gzhol bar byed/ gzhan dang gzhan dag ston par byed pa na/ bden pa la dmigs pas bcings shing zhen pa'i 'jig rten pa 'di thams cad ma gtogs par dngos po cung zad tsam yang mi dmigs so/ /de dag ni yang dag pa'i lus la gnas pa yin te/ de ni 'phags pa'i dge 'dun zhes bya'o/ /de dag tha snyad de la yang dmigs la/ ming dang mtshan mas mtshan nyid med pa 'doms par byed/ spros pa med pa nyid kun du ston par byed do/ /shA ri'i bu de dag ni dge 'dun dkon mchog yon gnas kyi 'os yin te/ 'di lta ste phyin ci ma log pa'i don gyis dge 'dun zhes bya'o/ /shA ri'i bu de bzhin du dge slong gis gnas gang yid la byed pa'i gnas de nyid kyang rang gi mtshan nyid stong pa yin par shes bzhin du de skad 'doms shing de skad rjes su ston pa'i dge slong ni dge ba'i bshes gnyen zhes bya'o/ /shA ri'i bu tha snyad kun du chad pa ni 'phags pa'i dge 'dun zhes bya'o/ /de ci'i phyir zhe na/ shA ri'i bu 'phags pa'i chos 'dul ba 'di la ni gang yang dag par btags par gyur pa'i tha snyad/ kyang mi dmigs pa'i phyir ro/ /shA ri'i bu de lta bas na tha snyad kun du chad pa ni 'phags pa'i dge 'dun zhes bya'o/ /shA ri'i bu de la gang dag 'di skad ces ci'i phyir dge 'dun gyi tha snyad ces bya zhe na/ gang la yang dag par btags par gyur pa'i tha snyad 'ga' yang mi dmigs pa gang yin pa'o zhes smra na/ shA ri'i bu de la nga ni 'di skad ces dge 'dun ni ji lta ba bzhin du rtog pa'i don dang / chags pa'i mtshan ma med pa sgrogs pa'i</font><hr>58.17a<br><font size=+1>

don gyi dngos po 'ga' yang mi dmigs pa yin te/ blo gcig tu gyur pa'i phyir dang / bzod pa gcig pa'i phyir dang / ro gcig pa'i phyir ro zhes gsungs te/ tha snyad gcig pa de yang 'jig rten pa'i tha snyad tsam gyis tha snyad du byed kyi/ don dam par ni dge 'dun 'ga' yang med do/ /gang zhig rtag pa 'am/ brtan pa 'am/ ther zug pa 'am/ mi 'gyur ba'i chos can gyi bzhi po de ni 'ga' yang dmigs su med de/ 'di lta ste/ chos shes bya ba'i tha snyad yang dag par btags pa'i tha snyad gang yin pa de yang 'phags pa rnams kyis smad pa yin no/ /'di ni skyes pa'o/ /'di ni bud med do/ /'di ni ma ning ngo / /'di ni lha'o/ /'di ni klu'o/ /'di ni gnod sbyin no/ /'di ni dri za'o/ /'di ni grul bum mo/ /'di ni chos so/ /'di ni chos ma yin pa'o zhes bya ba de lta bu'i chos/ de ring du spangs nas gzhi rnam pa du ma la dmigs te/ tshig 'di skad ces dge slong tshur shog /khyod 'dug shig /'dir mal gyis shig /'di ni che ge mo zhig go zhes smra zhing brdzun gyi tshig tu btags nas ming dang mtshan mar tha snyad du byed do/ /de ci'i phyir zhe na/ shA ri'i bu 'di ltar chos thams cad ni ming dang mtshan ma med pa/ mtshan nyid med pa/ yid la byed pa med pa yin no/ /shA ri'i bu 'di ji snyam du sems/ chos gang yang yid la byed pa med pa de tha snyad kyis thog tu phebs par brjod du yod dam/ gsol pa/ bcom ldan 'das de ni ma lags so/ /bka' stsal pa/ shA ri'i bu gang zhig 'di skad ces 'di ni bud med do/ /'di ni skyes pa'o/ /'di ni ma ning ngo / /'di ni lha'o/ /'di ni klu'o/ /'di ni gnod sbyin no/ /'di ni grul bum mo/ /'di ni chos so/ /'di ni chos ma yin pa'o zhes smra na/ de ni nges par</font><hr>58.17b<br><font size=+1>

brdzun gyi tshig smra zhing / yang dag pa ma yin pa'i mtha' la zhugs pa yin pas des na dge 'dun zhes mi bya ste/ shA ri'i bu phyin ci ma log pa la zhugs pas de'i phyir 'phags pa'i dge 'dun zhes bya'o/ /shA ri'i bu de la re shig mi dge ba ni 'di lta bu la dmigs pa yin par shes par bya ste/ 'di lta ste/ ming dang mtshan ma yin te/ 'di ni mi dge ba thams cad kyi rtsa ba yin no/ /shA ri'i bu 'phags pa'i chos 'dul ba la ni ming dang mtshan ma rnams rgyun chad pa yin te/ ming gis rlom sems su mi byed na dge 'dun de ni 'di yin no/ /'di ni 'phags pa'i dge 'dun no/ /'di ni kun rdzob kyi dge 'dun no/ /'di ni 'bras bu'i dge 'dun no/ /'di ni blo bur du lhag pa'i dge 'dun no/ /'di ni gnyug mar gnas pa'i dge 'dun no/ /'di ni dge slong gi dge 'dun no/ /'di ni dge slong ma'i dge 'dun no/ /'di ni 'thun pa dang / 'di ni mi mthun pa'i dge 'dun no zhes bya bar ji ltar 'gyur te/ thams cad spangs pa dang / thams cad rgyun bcad pas 'phags pa'i dge 'dun zhes bya'o/ /ming dang mtshan ma med pa/ tha snyad med pa/ 'jug pa med pa/ tha snyad rgyun chad pa de dag ni mchog tu 'phags par brjod pa'i phyir dngos po de dag mi dmigs pa yin no/ /shA ri'i bu yongs su brtags nas ming dang mtshan ma rnams kyi tha snyad dmigs par gyur na ni lta bar gyur pa rnam pa du ma la chags pa yin te/ gang zhig srid pa 'byung ba'i rgyur gyur pa phung po'i 'du shes dang phung po lnga la yongs su rten pa ni log par lta ba'i gnas yin pa'i phyir ro/ /yang dag pa ma yin pa'i 'du shes yongs su bzung nas/ 'di lta ste/ phung po'i 'du shes log par 'dzin pa dang / ngan song la 'dzin pa dang / dmigs pa la 'dzin pa dang / lam gol ba la 'dzin pa dang / yang dag</font><hr>58.18a<br><font size=+1>

pa ma yin pa la 'dzin pa de dag ni 'phags pa nyan thos rnams la yod pa ma yin te/ yang dag pa ma yin pa la dmigs pa khams gsum pa mi shes pa thams cad ma gtogs te/ des na 'phags pa'i dge 'dun zhes bya'o/ /shA ri'i bu yang dag pa ma yin pa sgra sna tshogs la zhen pa gang ci yang rung ba de dag ni 'phags pa'i dge 'dun la dmigs su yod pa ma yin te/ 'di lta ste/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / mir 'dzin pa dang / mi ma yin par 'dzin pa dang / bud med du 'dzin pa dang / skyes par 'dzin pa dang / lhar 'dzin pa dang / dmyal bar 'dzin pa dang / dud 'gro'i skye gnas su 'dzin pa dang / gshin rje'i 'jig rten du 'dzin pa dang / phung por 'dzin pa dang / khams su 'dzin pa dang / skye mched du 'dzin pa dang / 'byung bar 'dzin pa dang / 'jig par 'dzin pa dang / dung gi sgrar 'dzin pa dang / rnga bo che'i sgrar 'dzin pa dang / khar rnga'i sgrar 'dzin pa dang / rdza rnga'i sgrar 'dzin pa dang / pi bang gi sgrar 'dzin pa dang / glu'i sgrar 'dzin pa dang / de bzhin du rol mo'i sgra thams cad dang / sa dang chu dang / me dang rlung dang tshul khrims dang / 'chal pa'i tshul khrims kyi sgrar 'dzin pa dang / lam gyi sgrar 'dzin pa dang / log pa'i lam gyi sgrar 'dzin pa dang / dregs pa'i sgrar 'dzin pa dang / kun nas nyon mongs pa'i sgrar 'dzin pa dang / rnam par byang ba'i sgrar 'dzin pa dang / bsam gtan gyi sgrar 'dzin pa dang / ting nge 'dzin gyi sgrar 'dzin pa dang / snyoms par 'jug pa'i sgrar 'dzin pa dang / brgyad pa'i sgrar 'dzin pa dang / rgyun du zhugs pa'i sgrar 'dzin pa dang / lan cig phyir 'ong ba'i sgrar 'dzin pa dang / phyir mi 'ong ba'i sgrar 'dzin pa dang / </font><hr>58.18b<br><font size=+1>

dgra bcom pa'i sgrar 'dzin pa dang / rig pa'i sgrar 'dzin pa dang / rnam par grol ba'i sgrar 'dzin pa dang / 'bras bu thob pa'i sgrar 'dzin pa dang / sangs rgyas kyi sgrar 'dzin pa dang / chos kyi sgrar 'dzin pa dang / dge 'dun gyi sgrar 'dzin pa dang / mya ngan las 'das pa'i sgrar 'dzin pa dang / yongs su mya ngan las 'das pa'i sgrar 'dzin pa ste/ shA ri'i bu yang dag pa ma yin pa'i sgra sna tshogs su 'dzin pa gang yin pa 'di dag ni don dam par 'phags pa'i nyan thos rnams kyis mi dmigs so/ /de lta mod kyi sgra sna tshogs dang / sgra sna tshogs su 'dzin pa'i rnam pa du ma de dag ni shes pa gcig gi mtshan nyid yin te/ 'di lta ste/ mtshan nyid med pa'o/ /mtshan ma med pa dang mi mthun pa ni 'du shes phyin ci log tu zhugs pa yin gyi/ phyin ci ma log pa'i bzod pa dang ldan pa ni 'phags pa'i dge 'dun zhes bya'o/ /gang dag mtshan nyid med pa dang / mtshan ma med pa dang / chags pa med pa dang / kun du chags pa med pa dang / gzung ba med pa dang / skye ba med pa dang / 'gag pa med pas ni phyin ci ma log pa'i bzod pa yin no/ /de la rang gi ngang gis 'jug pa gang yin pa de la ni sgom pa med/ rnam par sgom pa med/ rab tu skyo ba med/ rlom sems med/ rnam par rlom sems med/ rnam par rlom sems ma yin pa med/ 'gal ba med do/ /de la ni tshu rol med/ pha rol med/ rtog pa med/ rnam par rtog pa med pa'i mtshan nyid du so sor rtog pas 'phags pa'i dge 'dun zhes bya'o/ /shA ri'i bu 'dus pa rnams kun du bcad pas de'i phyir 'phags pa'i dge 'dun zhes bya'o/ /shA ri'i bu 'di ltar yang ngas chos mthong ba gang yin pa de ni nga mthong ba yin no zhes gsungs pa/ shA ri'i bu nga ni nam yang chos yin par mi 'gyur ro/ /</font><hr>58.19a<br><font size=+1>

shA ri'i bu 'di ltar nga la gzugs kyi skur skyes bu gti mug lhas byin dang / de bzhin du mu stegs pa gzhan dag gis kyang mthong ste/ shA ri'i bu 'di ltar de bzhin gshegs pa la gzugs su mthong na mthong ba ma yin no/ /sgras kyang ma yin te de bzhin du sbyar bar bya'o/ /shA ri'i bu de bzhin gshegs pa la gzugs kyi skur mthong nas mthong ngo zhes smra ba gang yin pa'i tshig de ni tshig gi ngo bo tsam du zad kyi/ dris na yang dag par shes pa ma yin no/ /de ci'i phyir zhe na/ shA ri'i bu 'di ltar gang dag de bzhin gshegs pa la gzugs su mthong na mthong ba ma yin pa'i phyir ro/ /shA ri'i bu gang zhig mtshan nyid med pa dang / mtshan ma med pa dang / yid la byed pa gsum med pa dang / rtsol ba med pa dang / 'gag pa med pa dang / 'byung ba med pa dang / spros pa med pa'i chos thams cad la rlom sems su mi byed/ mya ngan las 'das pa la yang rlom sems su mi byed/ mya ngan las 'das pas rlom sems su mi byed/ mya ngan las 'das pa la dga' bar mi byed/ rtog par mi byed/ rnam par rtog par mi byed de/ chos thams cad mtshan nyid gcig par mos pa ni 'di lta ste/ mtshan nyid med pa nyid yin no/ /shA ri'i bu de bzhin gshegs pa yang de lta bu yin la/ de bzhin gshegs pa mthong ba yang de lta bu yin no/ /de bzhin gshegs pa mthong ba yang gang zhe na/ rtsol ba med pa dang / spros pa med pa dang / 'byung ba med pa ste/ de ni rtog pa med pa dang / zhen pa med pa dang / nges par 'dzin pa med pa dang / ming med pa dang / mtshan ma med pa dang / mtshan ma ma yin pa med pa dang / mtshan ma'i las med pa dang / tha snyad du gzung ba med pa dang / btags pa'i las med pa yin te/ </font><hr>58.19b<br><font size=+1>

des na dngos po med pa tha snyad kun du chad pa de la rlom sems su mi byed pa gang yin pa de ni de bzhin gshegs pa mthong ba'i mchog yin no/ /shA ri'i bu gang mthong na de bzhin gshegs pa mthong bar 'gyur ba de bzhin gshegs pas chos mthong ba gsungs pa gang zhe na/ mtshan ma med pa dang / smon pa med pa dang / spros pa med pa dang / len pa med pa dang / tha snyad thams cad la rtag tu mi dmigs pa ste/ de yang 'di lta ste/ mya ngan las 'das pa la rlom sems su mi byed pa yin no/ /de ci'i phyir zhe na/ shA ri'i bu nga yang mya ngan las 'das pa la rlom sems su mi mdzad/ mya ngan las 'das pas rlom sems su mi mdzad/ mya ngan las 'das pa la mngon par dgyas par mi mdzad na/ shA ri'i bu nga mya ngan las 'das pa la rlom sems su byos shig ce 'am/ mya ngan las 'das pas rlom sems su byos shig ce 'am/ mya ngan las 'das pa la mngon par dga' bar byos shig ces de ci gsung bar 'gyur ram/ shA ri'i bu gang su yang rung mya ngan las 'das pa dmigs par gyur na/ de dag gi rjes su nga rab tu mi 'byung ba zhig na/ ston pa gang yin pa de dag gi rjes su rab tu byung ste/ ston pa gang yin pa de dag gi ston pa'i chos ni skyob pa yin par shA ri'i bu chos 'dul ba 'di la rig par bya'o/ /de dag ni chos 'dul ba 'di la sun 'byin pa yin par rig par bya'o/ /de dag ni chos 'dul ba 'di la rtsod pa can yin par rig par bya ste/ shA ri'i bu dper na grong rdal dang / tshong rdal dang / grong khyer dag gi chom rkun pa chen po bzhin no/ /de ci'i phyir zhe na/ shA ri'i bu skyes bu blun po de dag ni mya ngan las 'das pa la dmigs pa na dmigs par byed na/ gang zag tu lta smos kyang ci dgos/ shA ri'i bu de dag gi ston pa yang nga ma yin la nga'i nyan thos kyang de dag ma yin zhing 'di ltar nga'i nyan thos kyi</font><hr>58.20a<br><font size=+1>

dge 'dun 'du ba'i nang du yang mi gtogs pas nga ni skyes bu blun po de dag lag brdas skrod par mdzad do/ /shA ri'i bu gang zhig chos thams cad ni rgyu can ma yin pa/ yid la byed pa med pa/ mtshan ma med pa/ bzod pa dang ldan pa ma yin pa/ mngon par rdzogs par byang chub pa ma yin pa ste/ de dag ni mya ngan las 'das pa yang dmigs par mi byed na/ gang gi mya ngan las 'das pa lta smos kyang ci dgos/ shA ri'i bu 'di ni gang mthong na de bzhin gshegs pa mthong ba yin no zhes de bzhin gshegs pas chos mthong ba gsungs pa yin no/ /shA ri'i bu yang de bzhin gshegs pa gang zhe na/ de bzhin nyid dang / ma nor ba de bzhin nyid dang / gzhan ma yin pa de bzhin nyid de/ shA ri'i bu 'di ni de bzhin gshegs pa zhes bya'o/ /yang chos la nem nur med cing the tsom mi za ba gang yin pa de dag ni 'phags pa'i nyan thos shes bya'o/ /rtog pa med pa dang / rtog pa dang bral ba dang / spros pa med pa dang / mtshan ma med pa la gnas pa de dag ni skyes bu dam pa yin te/ de dag ni 'phags pa'i dge 'dun zhes bya'o/ /shA ri'i bu sngon byung ba skyes bu byis pa'i rang bzhin can sngon chad lan 'ga' yang spre'u ma mthong ba zhig dgos pa 'ga' zhig gi phyir nags tshang tshing zhig tu son pa dang / des der spre'u'i tshogs chen po mtha' gcig tu 'dus pa dag mthong ngo / /des spre'u'i tshogs chen po de mthong ba dang / de 'di snyam du sum bcu rtsa gsum pa'i lha zhes bya ba zhig yod do/ /zhes thos pa'i sum bcu rtsa gsum pa'i lha de rnams ni 'di dag yin pa lta zhig snyam nas/ de rings shing brtabs pa'i gzugs kyis myur bar rang gi grong rdal du song ste/ son pa dang / de'i tshe grong rdal de na skye bo'i tshogs chen po 'dus</font><hr>58.20b<br><font size=+1>

par gyur to/ /des skye bo'i tshogs chen po de la 'di skad ces smras so/ /khyod kyis sum bcu rtsa gsum pa'i lha rnams sngon chad mthong ngam/ de dag gis smras pa/ grog po bdag cag gis sngon chad sum bcu rtsa gsum pa'i lha rnams ma mthong ngo / /des smras pa/ shes ldan dag bdag gis ni sum bcu rtsa gsum pa'i lha rnams mthong na khyed cag kyang sum bcu rtsa gsum pa'i lha rnams la blta bar 'dod dam/ de dag gis smras pa/ grogs po bdag cag kyang sum bcu rtsa gsum pa'i lha rnams la blta bar 'tshal lo/ /des grong rdal gyi skye bo'i tshogs de deng nas nags tshang tshing chen po gang na ba der song ste/ shes ldan dag sum bcu rtsa gsum pa'i lha rnams la ltos shig ces spre'u'i tshogs chen po de bstan pa dang de dag gis kye skyes bu 'di dag ni sum bcu rtsa gsum pa'i lha rnams ma yin no/ /kye skyes bu 'di dag ni nags na rgyu ba'i spre'u zhes bya ba yin te/ kye skyes bu khyod ni nor ba/ phyin ci log pa/ 'di ltar spre'u yang mi shes/ sum bcu rtsa gsum pa'i lha yang mi shes so zhes smras so/ /shA ri'i bu skyes bu rmongs pa des skye bo'i tshogs de don med par bslus pa de bzhin du/ shA ri'i bu ma 'ongs pa'i dus na dge slong 'di lta bu dag 'byung bar 'gyur te/ de dag khyim pa dag gi drung du dong nas/ 'di skad ces khyed cag bcom ldan 'das kyi nyan thos kyi dge 'dun la blta ba dang / sangs rgyas kyi gsung nyan par 'dod dam zhes smras pa dang / shA ri'i bu de la khyim pa dag mngon par dga' bar gyur nas/ 'di skad ces bdag cag kyang de bzhin gshegs pa'i nyan thos kyi dge 'dun la blta ba dang / sangs rgyas kyi gsung nyan par 'tshal lo zhes smra'o/ /shA ri'i bu de la dge slong smra ba lhur len pa gang yin pa dag 'byung bar 'gyur te/ de</font><hr>58.21a<br><font size=+1>

dag khyim pa de dag dang dge 'dun gyi kun dga' ra bar zhugs nas ston par byed do/ /rnam par rig byed la mkhas pa/ yi ge lhur byed pa/ yi ge la mkhas pa/ yi ge'i rjes su 'brang ba/ yi ge la rton pa/ yi ge la mos par 'gyur ba'i dge slong dag 'byung bar 'gyur te/ de dag ni bya ba de dang de'i rjes su 'thun pa/ de'i rjes su 'brang ba/ yi ge tsam ched cher byed pa/ yi ge lhur len pa'i dge sbyong tshogs kyi gzugs brnyan phyugs rdzi lta bu grangs ma/ smra ba la dga' ba/ smra ba la sred pa/ smra ba la dga' ba'i sbyor ba'i rjes su brtson pa/ yang dag pa ma yin pa'i mtha' la zhugs pa/ gzhan la smra ba mang ba/ gsang tshig ngan pas 'tsho ba/ 'jig rten rgyang pan pa sna tshogs la mkhas pa/ yongs su ma dag pa'i chos byed pa/ yongs su ma dag pa'i chos ston pa/ gtam la sems pa/ 'jig rten pa'i lam du bying ba/ mdangs ngan pa/ mdog ngan pa/ dpe chad pa/ mi smra ba'i rang bzhin bor ba/ ting nge 'dzin ma yin pa lhur byed pa de dag ni nyin par ram/ mtshan mo 'am/ nyin mtshan du rtsod pa'i gtam la mngon par dga' zhing shin du gzabs pa'i mal sngas nang tshangs can bcug pa/ gding ba dang g.yog pa 'jam po la nyal bar byed kyi/ de dag bsam gtan la gzhol ba'i sems gcig kyang skyed par mi byed na/ 'bras bu thob par byed pa lta smos kyang ci dgos te/ de ni gnas med do/ /de dag 'jig rten rgyang pan pa yid la byed pa'i sbyor bas nyal zhing de lta bu'i sems kyis gnyid log par 'gyur ro/ /de dag nam gyi cha stod dang / gung thun dang / nam gyi cha smad kyi thun la yang rjes su 'thun pa'i bzod pa bskyed par byed pa ma yin no/ /de dag de na dman pa ma dag pa'i gtam la mngon par brtson</font><hr>58.21b<br><font size=+1>

zhing chos gos dang / bsod snyoms dang / gnas mal dang / nad kyi rkyen sman dang / yo byad kyi rnyed pa dang ldan par 'gyur ro/ /de ci'i phyir zhe na/ 'di ltar skyes bu dam pa ma yin pa rnams bsdu ba'i phyir bdud sdig can mngon par brtson par byed de/ de dag bdud sdig can spro bar 'gyur zhing mngon par brtson par byed do/ /de dag phal ba'i gtam de la mngon par brtson/ mngon par dga' ba ste/ don dam pa la brtson par mi byed do/ /de dag rigs pa ma yin pa dang 'thun pas 'di lta bu'i nges pa'i gtam 'dzin par mi 'gyur gyi/ skrag par 'gyur/ dngang bar 'gyur/ kun du dngang bar 'gyur/ gtam gyi snying po 'dor zhing lcags kyi tsha tsha lta bu dag 'dzin par 'gyur ro/ /de dag gi bkur sti de skyes bu dam pa ma yin pa byis pa gzhan dag gis kyang mthong nas dga' bar 'gyur ro/ /de dag 'di snyam du bdag cag kyang re shig 'di lta bu'i gtam btsal zhing mthar phyin par bya'o// snyam nas de dag bla na med pa'i chos 'dul ba 'di spong bar 'gyur ro/ /shA ri'i bu de la de lta bu'i dge slong 'byung bar 'gyur ba gang yin pa de dag ni lam ma rnyed pa/ de dag ni lam gol ba bzung ba/ dge sbyong gi dri ma can/ dge sbyong gdol pa yin no/ /de dag gi khyim pa gang yin pa dag shes nas drung du 'dong bar sems so/ /skyes bu dam pa ma yin pa de dag gi drung du dong nas ji srid 'tsho ba'i lam gyi don du sangs rgyas kyi bsngags pa brjod par 'gyur ro/ /chos kyi bsngags pa brjod par 'gyur ro/ /dge 'dun gyi bsngags pa brjod par 'gyur ro/ /de dag ni 'tsho ba don du gnyer ba/ zang zing gis bkol ba/ zas dang bgo ba lhur len pa yin pas/ gang dag de dag la rtag par sbyin par byed do/ /de dag de bas kyang lhag par de bzhin gshegs pas tshe dang ldan par spyod pa gsungs pa ni 'di yin te/ 'di lta bu'i sbyin pa chen po byin pas ni mtho ris len</font><hr>58.22a<br><font size=+1>

par 'gyur ro zhes bsngags pa rjod par 'gyur ro/ /de dag ni don shes pa ma yin/ chos shes pa ma yin/ sbyin pa lhur len pa/ gang zag tu 'dzin pa yin te/ 'di ltar don dam pa'i gtam gyi snying po 'dzin par mi 'gyur ro/ /shA ri'i bu de la kha cig dad pa rnyed nas khyim nas khyim med par rab tu 'byung bar 'gyur ro/ /de dag de la rab tu byung nas kyang skyes bu dam pa ma yin pa de lta bu dag dang / rigs pa ma yin pa'i sbyor bas lhan cig tu gnas par 'gyur ro/ /de dag ni dmigs pa can bdag tu smra ba/ sems can du smra ba/ srog tu smra ba/ gang zag tu smra ba yin te/ de dag ni dngos po yod pa ma yin pa la yod par brtags nas 'jig par 'dogs par 'gyur/ chad par smra ba dang / ma byas par smra bar 'gyur te/ shA ri'i bu de'i tshe gsung rab rgya chen po 'di la mu stegs can mang du 'byung bar 'gyur ro/ /de dag skye bo'i tshogs chen po 'byed par 'gyur ro/ /shA ri'i bu de ltar de bzhin gshegs pa'i bstan pa don dam pa dmigs su med pa bla na med pa'i chos dkon mchog 'di yang nub par 'gyur ro/ /shA ri'i bu skyes bu dam pa ma yin pa de lta bu de dag gis nga'i bla na med pa yang dag par rdzogs pa'i byang chub spong bar 'gyur ro/ /shA ri'i bu ngas de dag ni rab tu 'byung ba'i phyir ram/ bsnyen par rdzogs pa'i phyir ram/ dad pas byin pa tha na chu phor bu gang tsam la yang yongs su longs spyad pa'i phyir skabs ma phye'o/ /de ci'i phyir zhe na/ shA ri'i bu gang su yang rung 'di ltar dmigs par lta ba dang / bdag tu lta ba dang / sems can du lta ba dang / srog tu lta ba dang / gang zag tu lta ba ste/ lta ba 'di dag so sor ma spangs pa'i phyir ro/ /shA ri'i bu de dag gis ni chos 'dul ba 'di la 'bras bu thob par mi nus so/ /de ci'i phyir zhe na/ shA ri'i bu nga ni lta ba de lta bu dang ldan pa rnams ni gzhan mu stegs can yin no zhes gsung ngo / /shA ri'i bu de</font><hr>58.22b<br><font size=+1>

bzhin gshegs pas don 'di ma 'ongs pa na 'byung bar yang dag par gzigs nas bla na med pa yang dag par rdzogs pa'i byang chub 'di nyid kyang sbed par mdzad kyi chos la ser sna bya ba'i phyir ni ma yin no/ /shA ri'i bu de la gang zhig yang dag pa don dam pa de bzhin gshegs pas dgongs te gsungs pa ma shes pa rnams ni gang zag tu smra bar 'gyur zhing gang zag tu khas len par 'gyur ro/ /gal te yang dmigs su med pa bla na med pa'i chos dkon mchog 'di thos nas dad par gyur na rang gi gnas su khrid nas slar yang rab tu dbyung bar bya'o/ /slar yang bsnyen par rdzogs par bya'o/ /de ci'i phyir zhe na/ shA ri'i bu gang dag 'di lta ste/ dmigs par lta ba dang / bdag tu lta ba dang / sems can du lta ba dang / srog tu lta ba dang / gang zag tu lta ba ste/ 'di ltar lta ba de dag so sor ma spangs pa'i phyir gzhan mu stegs can yin no zhes gsungs pa'i phyir ro/ /de ci'i phyir zhe na/ shA ri'i bu de bzhin gshegs pas 'jig rten gyi tha snyad la brten nas gang zag gsung bar mdzad kyi don dam par ni ma yin no/ /shA ri'i bu de la gal te gang dag 'di skad ces bdag cag kyang 'jig rten gyi tha snyad kyis gang zag ces tha snyad du byed kyi don dam par ni ma yin no/ /zhes smra na/ de dag gi bzod pa 'di ni 'di lta ste/ 'byung ba med pa/ 'gag pa med pa/ skye ba med pa/ mtshan nyid med pa/ so sor rig pa med pa/ smad du med pa yin te/ ngas gsungs pa dang mi mthun pa med pas de dag ni nga'i nyan thos yin no/ /shA ri'i bu gang zhig 'di skad ces de bzhin gshegs pas gang zag med pa la gang zag ces gsungs pa ni ci ni kyang 'jig rten gyi tha snyad kyi don du yin no zhe na/ re shig de bzhin gshegs pa 'jig rten gyi tha snyad kyi don du brdzun mi gsung zhing / de bzhin gshegs pas mdo</font><hr>58.23a<br><font size=+1>

sde mang po de dag las gang zag gi sgra gsungs pa yang / re shig de bzhin gshegs pa'i yang dag pa la yang dag pa ma yin par mi 'gyur ro zhes smra na/ shA ri'i bu de la yang tshig 'di skad ces/ de bzhin gshegs pas chos thams cad ni bdag po med pa dngos po med par gsungs te/ de bzhin gshegs pas 'jig rten gyi tha snyad kyis brjod pa mdzad kyi/ ji ltar 'phags pa rnams kyi tha snyad don dam par ni ma yin no/ /de bzhin gshegs pa dang 'dra ba 'ga' yang med na/ de bas lhag pa'i lha 'am/ klu 'am/ gnod sbyin lta ga la yod/ gang zhig de bzhin gshegs pa bas lhag par mkhas pa 'am/ lhag par byung ba 'am/ lhag par yid gzhungs pa 'am/ lhag par shes rab dang ldan par gyur pa de ni gnas yod pa ma yin no/ /shA ri'i bu sangs rgyas kyi gsung bsam gyis mi khyab pa gang yin pa ni sems can thams cad kyis mi shes na/ shA ri'i bu ci 'dir de bzhin gshegs pa bdag dang 'jig rten lhan cig tu mtshungs par bya ba yin nam/ glang po chen pos ci'i phyir gang zag gsungs she na/ shA ri'i bu 'jig rten ni nga dang lhan cig rtsod par byed kyi/ nga ni 'jig rten dang lhan cig rtsod par mi mdzad de/ shA ri'i bu nga ni gang zag tu lta ba'i sems can skrod par mdzad do/ /shA ri'i bu de bzhin gshegs pas gang du gang zag med pa dang / dngos po med pa de las dgongs te gsungs pa sems can mang pos ma shes nas chos 'dul ba 'di la mi 'jug cing ngan song du 'dong bar 'gyur ro/ /de ci'i phyir zhe na/ shA ri'i bu ngas gzhan mu stegs can gyi tshig gsungs kyang de bzhin gshegs pa ni mu stegs can ma yin no/ /shA ri'i bu nga ni chad par smra ba dam 'cha' yang de bzhin gshegs pa ni lam gol ba la gzhol ba ma yin no/ /shA ri'i bu</font><hr>58.23b<br><font size=+1>

nga ni thams cad rgyu med par dam 'cha' yang de bzhin gshegs pa ni rgyu med par gsung ba ma yin no/ /shA ri'i bu nga ni byed pa med pa'i tshig dam 'cha' yang de bzhin gshegs pa ni byed pa med pa gsung ba ma yin no/ /shA ri'i bu nga ni log par lta ba dam 'cha' yang de bzhin gshegs pa ni log par lta ba ma yin no/ /shA ri'i bu log par lta ba la log par lta ba yin par rab tu shes pa de ni de'i yang dag pa'i lta ba yin no/ /shA ri'i bu log par lta ba ni nam yang yang dag pa'i lta bar mi 'gyur te/ lta bas lta ba ni nam yang shes pa 'am mthong ba ma yin no/ /shA ri'i bu 'jig rten thams cad kyis yid ches par dka' ba'i gnas ni 'di yin te/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub yin no/ /shA ri'i bu nga ni yid mi ches par bya ba ma yin no/ /shA ri'i bu nga ni mthu dang ldan pas lha dang bcas pa'i 'jig rten gyis yid mi ches par bya ba ma yin te/ shA ri'i bu de bzhin gshegs pas pha rol du 'gro ba'i chos bstan pa de la yang chos bstan pa 'ga' yang med do/ /shA ri'i bu de bzhin gshegs pas mi zad pa'i chos bstan pa de la yang 'jug pa 'ga' yang med do/ /shA ri'i bu de bzhin gshegs pas nye bar zhi ba'i chos bstan pa de la yang nye bar zhi ba 'ga' yang med do/ /shA ri'i bu de bzhin gshegs pas yongs su mya ngan las 'da' bar bya ba'i phyir chos bstan pa de la yang yongs su mya ngan las 'da' ba 'ga' yang med do/ /shA ri'i bu de bzhin gshegs pas grol bar bya ba'i phyir chos bstan pa de la yang grol ba med cing rnam par grol ba 'ga' yang med do/ /shA ri'i bu de bzhin gshegs pas nges par 'byung bar bya ba'i phyir chos bstan pa de la yang len pa med cing dul ba 'ga' yang med do/ /shA ri'i bu de bzhin gshegs</font><hr>58.24a<br><font size=+1>

pas mkhas pas shes pa dang rig par bya ba'i phyir chos bstan pa de la yang rig pa 'ga' yang med do/ /shA ri'i bu de bzhin gshegs pas sems rnam par byang bar bya ba'i phyir chos bstan pa de la yang kun nas nyon mongs pa 'ga' yang med do/ /shA ri'i bu de bzhin gshegs pas lha rnams kyi phyir chos bstan pa de la yang lha 'ga' yang med do/ /shA ri'i bu de bzhin gshegs pas mi rnams kyi phyir chos bstan pa de la yang mi 'ga' yang med do/ /shA ri'i bu de bzhin gshegs pas sems can gyi phyir chos bstan pa de la yang sems can 'ga' yang med do/ /shA ri'i bu de bzhin gshegs pas rig pa dang rnam par grol bar bya ba'i phyir chos bstan pa de la yang rig pa dang rnam par grol ba 'ga' yang med do/ /shA ri'i bu de bzhin gshegs pas sangs rgyas rjes su dran pa'i chos bstan pa la yang sangs rgyas bcom ldan 'das rnams kyis kyang rjes su dran par mi spyod do/ /shA ri'i bu de bzhin gshegs pas stong pa nyid kyis gnas pa gsungs pa la yang stong pa nyid kyi phyir yang gnas par mi nus shing stong pa nyid yid la bya bar yang mi nus so/ /shA ri'i bu de bzhin gshegs pas mdo sde de dang de dag bstan pa de la yang ston pa po 'am/ chad pa po 'ga' yang med na/ skyes bu blun po gang yin pa de ni dmigs nas gzhan la chos ston par 'gyur/ nga la yang ston pa yin no zhes smra bar 'gyur/ dge 'dun gyi ming gis kyang bgrang zhing kun du 'brel bar byed par 'gyur te chos gang dag dang ldan na de bzhin gshegs pa'i nyan thos kyi dge 'dun du 'gyur ba'i chos de dag dang ldan par mi 'gyur ro/ /shA ri'i bu dper na spre'u dag dang sum bcu rtsa gsum pa'i lha rnams ni 'dra ba ma yin no/ /de bzhin du skyes bu blun po de dag</font><hr>58.24b<br><font size=+1>

dang nga'i nyan thos kyi dge 'dun yang 'dra ba ma yin no/ /shA ri'i bu byis pa'i rang bzhin gyis lha thos pa tsam gyis spre'u ston par byed pa de bzhin du skyes bu blun po de dag kyang tshig tsam lhur byed pa dge sbyong gi 'du shes can du 'gyur ro/ /shA ri'i bu de la 'dri ba po'i rang bzhin du 'gyur ba gang yin pa de dag ni dge slong rnams la 'di lta bus mgu bar byed par 'gyur te/ gang dag ming dang gzugs kyi brjod pa med pa dang / tha snyad med pa dang / dmigs pa med pa dang / 'byung ba med pa dang / 'jig pa med pa dang / 'gal ba med pa dang / rnam par mi rtog par bya ba'i phyir mtshan nyid med par so sor khong du chud par byed do/ /gang dag gis mtshan nyid med pa dang / 'byung ba med pa de lta bu de dag thos nas mi skrag mi dngang / dngang bar mi 'gyur na/ shA ri'i bu de dag ni ngas sngon gyi rgyal ba la lhag par bya ba byas pa yin no zhes gsung ngo / /de dag ni chos 'dul ba 'di la kun shes pa yin no/ /de dag ni 'phags pa'i dge 'dun zhes bya'o/ /'phags pa'i dge 'dun gyi le'u ste bzhi pa'o//  //sangs rgyas kyi sde snod tshul khrims 'chal pa tshar gcod pa/ bam po gsum pa/ shA ri'i bu yang tshul khrims 'chal ba'i dge slong rnams kyi gdung ba ni bcu po 'di dag yin te/ tshul khrims 'chal pa'i dge slong mya ngan gyi zug rngu bcu dang ldan pa rnams ni sangs rgyas kyi gsung gi ro mi myong / chos zab mo bshad pa rnams la mi 'jug cing mos par mi 'gyur ro/ /dmigs su med pa'i stong pa nyid dang / mtshan ma med pa dang / smon pa med pa'i chos thos na skrag par 'gyur dngang bar 'gyur kun du dngang bar 'gyur ro/ de bzhin gshegs pas dgongs te gsungs pa'i don mi shes so/ /chos smra ba'i dge slong la yang sdang bar byed do/ /chos smra ba'i dge slong la yang lta mi 'dod par 'gyur ro/ /bcu gang zhe na/ shA ri'i bu 'di la tshul</font><hr>58.25a<br><font size=+1>

khrims 'chal pa'i dge slong ni dge 'dun 'thun pa la mi dga' zhing yid mi bde ba skyed par 'gyur ro/ /de ci'i phyir zhe na/ dge slong gi dge 'dun 'thun pa'i gso sbyong gi las kyi mthas bdag nyams par mi 'gyur grang snyam ste/ de rang gi skyon la bltas nas rtag tu yid gnyis kyi sdug bsngal gyis gnas shing tshul khrims dang ldan pa'i dge slong rnams la yang gnod par sems par 'gyur ro/ /shA ri'i bu 'di ni tshul khrims 'chal pa'i dge slong rnams kyi 'chal pa'i tshul khrims kyi skyon dang po yin te/ ngan song yongs su rdzogs par bya ba'i phyir zhugs pa yin no/ /shA ri'i bu gzhan yang tshul khrims 'chal pa'i dge slong ni skye bo mang pos smad pa'i 'os su 'gyur ro/ /glang rwa rnon bzhin du bskrad pa'i 'os yin te/ de rang gi skyon la kun du bltas nas sdug bsngal gyis gnas par 'gyur ro/ /shA ri'i bu 'di ni tshul khrims 'chal pa'i dge slong gi 'chal pa'i tshul khrims kyi skyon gnyis pa yin te/ ngan song yongs su rdzogs par bya ba'i phyir zhugs pa yin no/ /shA ri'i bu gzhan yang tshul khrims 'chal pa'i dge slong gis dge slong gi 'khor mthong na thag mi ring bar 'dug nas g.yas g.yon du blta bar byed/ de de na bdag dang mtshungs par ma mthong nas yi chad pa nyid kyi slar ldog par 'gyur/ dge slong gi 'khor gyi nang du nye bar 'gro bar mi spro zhing nye bar song na yang zhum zhum por byas nas 'dug par 'gyur ro/ /shA ri'i bu 'di ni tshul khrims 'chal pa'i dge slong gi 'chal pa'i tshul khrims kyi skyon gsum pa yin te/ ngan song yongs su rdzogs par bya ba'i phyir zhugs pa yin no/ /shA ri'i bu gzhan yang tshul khrims 'chal pa'i dge slong ni gtum pa/ snying rje med pa/ gso dpyad med pa/ mu stegs kyi tshul khrims la rab tu gnas pa yin no/ /de tshul khrims ral zhing tshul khrims mtshungs pa dang ldan pa'i dge slong rnams las legs par bgo</font><hr>58.25b<br><font size=+1>

bsha' ma byas pa yin te/ de tshul khrims nyams pas ngo tsha med pa yin no/ /shA ri'i bu 'di ni tshul khrims 'chal pa'i dge slong gi 'chal pa'i tshul khrims kyi skyon bzhi pa yin te/ ngan song yongs su rdzogs par bya ba'i phyir zhugs pa yin no/ /shA ri'i bu gzhan yang tshul khrims 'chal pa'i dge slong ni gzhan gyis bsags pa'i longs spyod kyis lus gso bar byed do/ /shA ri'i bu nga ni de lta bu'i dge slong la khur khyer ba yin no/ /zhes gsung ngo / /de ci'i phyir zhe na/ shA ri'i bu ngas rigs pa can dang / grol ba can rnams la ni dad pas byin pa rjes su gnang ngo / /shA ri'i bu yang tshul khrims 'chal pa'i dge slong ni rigs pa med pa nyid kyis grol ba ma yin no/ /shA ri'i bu de lta bas na tshul khrims 'chal pa'i dge slong gis bskal pa bye ba phrag brgya stong du yan lag dang / nying lag gi sha gtubs kyang slar sor chud par 'gyur ba'i gnas de ni yod pa ma yin no/ /dud 'gro'i skye gnas su gtogs pa glang dang / bong bu'i khur len par 'gyur bas de slar sor chud par 'gyur ba'i gnas de ni yod pa ma yin no/ /de ci'i phyir zhe na/ shA ri'i bu 'di ltar tshul khrims 'chal pa'i dge slong rnams kyis dad pas byin pa la bye ba brgya stong du gshegs pa'i cha shas kyang yongs su sbyang bar mi nus na/ chos gos sam/ bsod snyoms lta smos kyang ci dgos te/ de ni gnas yod pa ma yin no/ /shA ri'i bu ngas drang srong gi rgyal mtshan gyis g.yogs pa tshul khrims 'chal pa'i dge slong ni gtsug lag khang gi gzhi la gom pa gcig kyang 'dor bar rjes su ma gnang na chu'i snod lta ci smos/ khri'am khri'u lta ci smos/ de ci'i phyir zhe na/ shA ri'i bu skyes bu dam pa ma yin pa de dag ni lha dang bcas pa'i 'jig rten gyi chom rkun pa yin pa'i phyir ro/ /shA ri'i bu skyes bu dam pa ma yin pa de dag ni lha dang bcas pa'i 'jig</font><hr>58.26a<br><font size=+1>

rten gyis bskrad par bya ba'i 'os yin no/ /shA ri'i bu skyes bu dam pa ma yin pa de dag ni lha dang bcas pa'i 'jig rten gyi dgra bo yin te/ de dag ni sdig pa'i grogs po zhes bya'o/ /shA ri'i bu ngas lha dang bcas pa'i 'jig rten la chos bstan pa'i phyir skabs dbye bar bya'o/ /shA ri'i bu nga ni tshul khrims 'chal pa'i dge slong tshul khrims nyams pa/ spyod pa nyams pa/ 'tsho ba nyams pa/ lta ba nyams pa rnams ni lag brdas skrod par mdzad do/ /de dag ni ngas blta ba'i phyir yang skabs ma phye na/ bstan pa 'di la mtshan gcig gam/ nyin gcig gam/ skad cig tsam nye bar 'gro ba'i phyir lta ci smos/ shA ri'i bu dper na sbrul gyi ro'am/ khyi ro'am/ mi ro mi gtsang ba/ rul ba/ dri mi zhim pa dag ni lha'i 'khor dang 'thun pa ma yin zhing 'dod pa'i rtsed mo rnams dang yang 'thun pa ma yin te/ gal te de dag mthong na rgyang ring po kho na nas yongs su spong bar byed do/ /shA ri'i bu de bzhin du mkhas pa rnams kyis tshul khrims 'chal pa'i dge slong yang sbrul gyi ro dang 'dra bar rig par bya ste/ 'di ltar de ni rgyang ring por yongs su spang bar bya'o/ /de dag dang bkra shis kyi las sam/ gso sbyong ngam/ dgag dbye yang lhan cig tu mi bya'o/ /de ci'i phyir zhe na/ 'di ltar skyes bu blun po de dag ni yun ring por gnod pa dang / phan pa ma yin pa dang / bde ba ma yin pa dang / sdug bsngal ba dang / nyams pa dang / gzhan gyis zil gyis mnan pa dang / log par lhung ba kun tu rdzogs par 'gyur ba yin pa'i phyir ro/ /tshul khrims dang ldan pa'i dge slong gang yin pa dag la gus par mi byed/ dge sbyong ma yin par dge sbyong du khas 'che/ tshangs par spyod pa ma yin par tshangs par spyod par khas 'che zhing bya ba dang las dang / gso sbyong ba dang / dgag</font><hr>58.26b<br><font size=+1>

dbye rnams 'dral bar byed do/ /shA ri'i bu nga'i bstan pa 'di la tshul khrims dang ldan par bkur ba'i dge slong gang yin pa de dag gis tshul khrims 'chal pa'i dge slong rnams mthong na rgyang ring po kho nar yongs su spong bar 'gyur ro/ /de ci'i phyir zhe na/ shA ri'i bu 'di ltar tshul khrims 'chal pa'i dge slong rnams kyi lhung bzed dam chos gos gang yin pa de dag dang / tshul khrims dang ldan pa'i dge slong rnams kyir 'dres na dug dang 'dres pa lta bur rig par bya'o/ /shA ri'i bu nga ni sbrul gyi ros gang ba 'am/ khyi ros gang ba 'am/ mi ros gang ba'i sa la spyod lam bzhi po rnams las spyod lam gang yang rung bas gnas par ni spro yi/ shA ri'i bu nga ni tshul khrims 'chal pa'i dge slong spyod pa nyams pa/ 'tsho ba nyams pa/ lta ba nyams pa rnams dang / mtshan gcig gam/ nyin gcig gam/ skad cig gam/ tha na se gol gtogs pa tsam yang lhan cig tu gnas par mi spro'o/ /de ci'i phyir zhe na/ shA ri'i bu 'di ltar de lta bu'i dge slong rnams ni dge sbyong tha shal zhes bya'o/ /dge sbyong bkren pa zhes bya'o/ /dge sbyong phal pa zhes bya'o/ /dge sbyong spun pa zhes bya'o/ /dge sbyong rul ba zhes bya'o/ /dge sbyong dri can zhes bya'o/ /dge sbyong gi snyigs ma zhes bya'o/ /dge sbyong gi dri ma zhes bya'o/ /dge sbyong gdol pa zhes bya'o/ /dge sbyong nyams pa zhes bya'o/ /dge sbyong sdig can zhes bya'o/ /dge sbyong sre da zhes bya'o/ /'phags pa'i lam las phyi rol pa zhes bya'o/ /dge sbyong chu skyar zhes bya'o/ /dge sbyong sun 'byin pa zhes bya ste/ de dag nga'i bstan pa 'di la rab tu byung nas bsod nams ma yin pa'i phung po mang du 'thob par 'gyur ro/ /shA ri'i bu de dag ni de bzhin gshegs pa'i bstan pa la 'thab khrol ba yin no/ /shA ri'i bu de dag ni de bzhin gshegs pa'i bstan pa la chom rkun chos</font><hr>58.27a<br><font size=+1>

sun 'byin pa yin no/ /shA ri'i bu skyes bu dam pa ma yin pa de dag ni tshul 'chos pa/ 'tsho ba lhur len pa/ 'jig rten gyi zang zing gis bkol ba/ zas dang bgo ba lhur len pa yin no/ /shA ri'i bu dper na ma ning ni bud med kyang ma yin/ skyes pa yang ma yin no zhes brjod par bya'o/ /shA ri'i bu de bzhin du tshul khrims 'chal pa'i dge slong yang khyim pa yang ma yin dge sbyong yang ma yin no zhes brjod par bya ste/ de'i tha snyad kyi bden pa'i tshig gi don gyi bla dgas ni sems can dmyal ba zhes bya ba kho na yin no/ /shA ri'i bu dper na bya ma byi ni 'dab chags kyi brel ba byung na ni phug tu zhugs nas byi ba'i 'du shes 'byin no/ /byi ba'i brel ba byung na ni 'dab chags rnams kyi grangs kyi kha skong bar byed do/ /de la ni bya ba dang bskyod pa'i mthu yod pa ma yin/ skad dang gdangs chen po 'byin pa ma yin/ kha dog bzang po dang ngan pa'i gnas rnams bstan du med de/ 'di ltar mun khung nyid la brten pa dang / de bdag nyid kyi rang bzhin yang dri mi zhim pa yin no/ /shA ri'i bu de bzhin du tshul khrims 'chal pa'i dge slong yang bya ba dang bskyod pa la mthu med par 'gyur te/ rgyal po'i las la ni dge sbyong dang thun mong bzang po'i las la ni khyim pa dang thun mong du byed de/ de lta bas na de ni khyim pa yang ma yin dge sbyong yang ma yin par brjod par bya'o/ /ro'am mgal me'i 'khor lo bzhin du bya ba dang g.yo ba yongs su nyams pas de nyid kyis tshul khrims kyi dri yod pa ma yin/ ting nge 'dzin gyi dri yod pa ma yin/ shes rab kyi dri yod pa ma yin/ rnam par grol ba'i dri yod pa ma yin/ rnam par grol ba'i ye shes mthong ba'i dri yod pa ma yin gyi/ gzhan du na de la tshul khrims 'chal pa'i dri kho na yod do/ /dge sbyong dang 'dra ba'i skad dang gtam 'di lta ste/ tshul khrims kyi gtam 'am/ ting nge 'dzin gyi gtam 'am/ shes rab kyi gtam 'am/ </font><hr>58.27b<br><font size=+1>

rnam par grol ba'i gtam 'am/ rnam par grol ba'i ye shes mthong ba'i gtam 'am/ 'bras bu thob pa'i gtam mngon par mi brjod kyi/ gzhan du na tshul khrims 'chal pa'i dge slong ni 'du 'dzi la dga' zhing mngon par mgu bar byed pa kho na yin no/ /de ni rigs pa ma yin pa la sbyor ba de 'dra ba dag dang lhan cig ma dag pa'i gtam mang po 'di lta ste/ chos gos bgos pa'i gtam dang / bdag gis kha zas rnyed nas zos pa'i gtam dang / sbyin pa byin na byin len bya ba'i gtam dang / pho nya dang spring yig skyel ba'i gtam dang / lo ma dang / me tog dang / 'bras bu sbyin pa'i gtam dang / bzhad gad dang rtsed mo dang kun du 'brel ba'i gdul dka' ba dang / dgang dka' ba dang / gso dka' ba smra ste/ gtam 'di 'dra ba ma dag pa dag gis nyin mtshan lhag par 'da' bar byed do/ /de ltar de dag yongs su ma dag pa'i lus kyi las kyi mtha' dang / yongs su ma dag pa'i ngag gi las kyi mtha' dang / yongs su ma dag pa'i yid kyi las kyi mtha' dang / yongs su ma dag pa'i 'tsho ba'i lus zhig nas shi ba'i 'og tu ngan song ngan 'gro log par ltung ba sems can dmyal ba rnams su ltung bar 'gyur ro/ /shA ri'i bu dper na bya ma byi ni mun khrod na sten pa yin no zhes gsung ngo / /skyes bu blun po de dag kyang de bzhin gshegs pas gsungs pa'i mdo sde yang dag pa ji lta ba bzhin bskul bar byed pa 'di lta bu thos nas sdug bsngal bar 'gyur ro/ /de ci'i phyir zhe na/ shA ri'i bu 'di ltar 'jig rten ni bden pa la khro ba yin pas de dag chos smra ba la sems ma dad par 'gyur ro/ /de dag lhag par yang ngan song gi gnas kun du 'phel ba dang / yongs su rdzogs par byed par 'gyur ro/ /shA ri'i bu 'di ni tshul khrims 'chal pa'i dge slong gi 'chal pa'i tshul khrims kyi skyon lnga pa yin te/ ngan song yongs su rdzogs par bya ba'i phyir zhugs pa yin no/ /shA ri'i bu gzhan yang tshul khrims 'chal</font><hr>58.28a<br><font size=+1>

pa'i dge slong ni spyi rtol can yin/ mu cor smra ba yin/ thugs thub can yin/ phal pa'i dbang po can yin no/ /lus kyi las mi gtsang ba rnams dang ldan pa yin no/ /ngag gi las mi gtsang ba rnams dang / yid kyi las mi gtsang ba rnams dang ldan pa yin no/ /spyod lam mi gtsang ba rnams dang ldan pa yin no/ /chos gos mi gtsang ba'i dgon pa dang ldan pa yin/ /brdzun du smra ba yin/ ngag ma bsdams pa yin/ sems kun nas nyon mongs pa can yin no/ /shA ri'i bu dper na sa las byas pa'i snod gsar pa zhig yod la/ der skyes bu 'ga' zhig gis ngan skyugs blugs nas de pho ste/ tsan dan dmar pos slar bkang nas tsan dan dmar po de yang pho na/ shA ri'i bu 'di ji snyams du sems/ sa las byas pa'i snod gsar pa de la 'di ltar tsan dan gyi dri 'am/ 'on te ngan skyugs kyi dri 'am/ dri'i rang bzhin gang zhig gi mthu yod par 'gyur/ bcom ldan 'das dog sa'i snod de ngan skyugs kyi dri gang lags pa kho nas thog mar bsgos pas dri de'i rang bzhin kho nar 'gyur lags te/ 'di lta ste ngan skyugs kyi dri lags so/ /tsan dan gyi dri ni ma lags te/ de ni tsan dan dmar po'i bgyi ba dang bsgrub pa rngo mi thog lags so/ /shA ri'i bu de bzhin du 'di na sems can kha cig dbang po yongs su rdzogs shing yongs su dag ste/ dge ba'i chos rnams dang ldan zhing / de dad pas khyim nas khyim med par rab tu 'byung ste/ de dag khyim nas khyim med par rab tu byung nas sdig pa'i grogs po'i lag tu 'dong ba dang / dbang du 'dong ba dang / nye bar 'dong bar 'gyur ro/ /shA ri'i bu sdig pa'i grogs po zhes bya ba de dag gang zhe na/ shA ri'i bu sdig pa'i grogs po ni 'di lta ste/ rgod pa dang / pho theg che ba dang / mi brtan pa dang / mu cor smra ba dang / thugs thub can dang / tshig zlos bu can dang / le lo can dang / brtson 'grus zhan pa dang / brjed</font><hr>58.28b<br><font size=+1>

ngas pa dang / sems mnyam par ma bzhag pa dang / sems 'khrug pa dang / mdzes pa ma yin pa dang / shes bzhin ma yin pa dang / shes rab 'chal pa dang / lug ltar lkug pa dang / phal pa'i dbang po can gyi dge slong rnams yin no/ /de dag dge slong de lta bu dag la nye bar sten cing bkur sti dang bsnyen bkur byed pa na/ rgyun du zhugs pa'i 'bras bu las yongs su nyams par 'gyur ro/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid las yongs su nyams par 'gyur ro/ /tha na mtho ris su skye ba las kyang yongs su nyams par 'gyur ro/ /chos kyis phongs par 'gyur ba'i las yongs su mngon par 'du byed par 'gyur ro/ /chos kyis phongs par 'gyur ba dag dang lhan cig gnas pa dang / kun du gzhol bar 'gyur ro/ /yongs su ma dag pa'i lus kyi las dang ldan par 'gyur ro/ /yongs su ma dag pa'i ngag gi las dang / yid kyi las dang ldan par 'gyur ro/ /dge slong 'tsho ba yongs su ma dag pa de lta bu dag la bsten cing bkur sti dang bsnyen bkur byas nas lus zhig nas shi ba'i 'og tu ngan 'gror 'gro bar 'gyur ro/ /shA ri'i bu ngan 'gro zhes bya ba gang zhe na/ shA ri'i bu ngan 'gro zhes bya ba ni 'di lta ste/ sems can dmyal ba dang / dud 'gro'i skye gnas dang / yi dgas kyi yul dang / lha ma yin gyi ris so/ /shA ri'i bu srog chags kyi rigs rnyed dgu za zhes bya ba zhig yod pa dang / shA ri'i bu srog chags kyi rigs mchus rko zhes bya ba zhig yod pa dang / shA ri'i bu srog chags kyi rigs khab kyi kha zhes bya ba zhig yod pa dang / shA ri'i bu srog chags kyi rigs sa brtsog ces bya ba zhig yod de/ der sdig pa'i grogs po skyes bu blun po de dag skye bar 'gyur ro/ /shA ri'i bu sdig pa'i grogs po de dag gi lag tu song ba dang / dbang du song ba</font><hr>58.29a<br><font size=+1>

dang / nye bar song ba gang yin pa de dag kyang lus zhig nas shi ba'i 'og tu ngan 'gror 'gro bar 'gyur ro/ /shA ri'i bu ngan 'gro zhes bya ba gang zhe na/ shA ri'i bu ngan 'gro zhes bya ba ni 'di lta ste/ sems can dmyal ba dang / dud 'gro'i skye gnas dang / yi dgas kyi yul dang / lha ma yin gyi ris so/ /gal te sems can dmyal ba nas shi 'phos te mi rnams su slar skye bar 'gyur te/ de dag mi rnams su slar skyes na ma dang yang 'bral bar 'gyur zhing / pha dang yang 'bral ba dang / spun dang yang 'bral ba dang sring mo dang yang 'bral ba dang / bu dang yang 'bral ba dang / bu mo dang yang 'bral ba dang / bran g.yog dang yang 'bral ba dang / grogs po dang yang 'bral ba dang / nye du dang yang 'bral ba dang / nad kyis kyang nyams thag pa dang / longs spyod dang yang 'bral ba dang / yul dang yang 'bral ba dang / yul phyogs dang yang 'bral bar 'gyur ro/ /mi khom pa brgyad dang yang ldan par 'gyur ro/ /dal ba phun sum tshogs pa dang yang 'bral bar 'gyur ro/ /'dod chags bdo ba dang / zhe sdang bdo ba dang / gti mug bdo bar yang 'gyur ro/ /rgod pa dang / pho theg che ba dang / mi brtan pa dang / mu cor smra ba dang / thugs thub can dang / tshig zlos bu can dang / le lo can dang / brtson 'grus zhan pa dang / ma bsdams pa dang / shes bzhin ma yin pa dang / mnyam par ma bzhag pa dang / brjed ngas pa dang / shes rab 'chal pa dang / lug ltar lkug pa dang / sems 'khrug pa dang / phal pa'i dbang po can rnams su 'gyur ro/ /'dod chags kyis kyang bcom par 'gyur te/ zhe sdang gis bcom pa dang / gti mug gis bcom pa dang / nga rgyal gyis bcom par yang 'gyur ro/ /long ba dang / zhar ba dang / sgur po dang / 'gram pa zhom pa dang / 'on pa dang / rna ba ya cig 'on pa dang / lhag par 'on pa dang / rkyen gyis 'on pa dang / glen pa dang / dig pa dang / lug ltar lkug pa rnams su 'gyur ro/ /</font><hr>58.29b<br><font size=+1>

de la skyes bu blun po de dag ni gang du sangs rgyas bcom ldan 'das rnams mngon sum du mi 'gyur ba dang / yang dag par mngon sum du mi 'gyur ba der skye bar 'gyur ro/ /'di ltar kha phyir bltas par yang 'gyur ro/ /gang na chos mi thos pa dang / sangs rgyas kyi nyan thos dgra bcom pa zag pa zad pa rnams dang kun tu phrad par mi 'gyur ro/ /de dag las ngan pa rnams mngon par 'du byed par 'gyur ro/ /de dag las ngan pa mngon par 'dus byas nas ngan pa kho na rnams dang lhan cig skye bar 'gyur ro/ /ngan pa rnams la dga' bar 'gyur ro/ /de dag yang dag pa'i lta ba la log pa'i lta ba yin par 'du shes shing / log pa'i lta ba la yang dag pa'i lta ba yin par 'du shes par 'gyur ro/ /de dag ngan pa 'dod pa dang / ngan pa la sems pa dang / ngan pa don du gnyer ba dang / ngan pa la smon pa dang / ngan pa mngon par 'du byed pa dang / ngan pa'i lta ba dang / ngan pa'i bzod pa dang / ngan pa'i shes rab dang / ngan pa'i shes pa can du 'gyur ro/ /shA ri'i bu shes pa ngan pa can gyi sems can rnams ni nam yang yid 'byung ba 'am/ 'dod chags dang bral ba'i phyir ram/ 'gog pa'i phyir ram/ nye bar zhi ba'i phyir ram/ mngon par shes pa'i phyir ram/ mngon par byang chub pa'i phyir ram/ dge sbyong gi phyir ram/ mya ngan las 'da' bar bya ba'i phyir sems gzhol bar mi byed de/ shA ri'i bu 'di lta bu dag gis phongs par 'gyur ro/ /sdig pa'i grogs po'i dbang du song ba'i sems can rnams kyi tshul ni 'di dag yin/ rtags ni 'di dag yin/ mtshan ma ni 'di dag yin no/ /shA ri'i bu skyes bu blun po de dag de bzhin gshegs pas gsungs pa'i mdo sde 'di lta bu dag thos nas skrag par 'gyur/ dngang bar 'gyur/ kun du dngang bar 'gyur te/ g.yang sa'i 'du shes su 'gyur zhing / g.yang sa chen por yang ltung bar 'gyur ro/ /de ci'i phyir zhe na/ shA ri'i bu 'di ltar de bzhin</font><hr>58.30a<br><font size=+1>

gshegs pas yang dag phul gyi mdo sde 'di las tshul khrims 'chal pa'i skyon rnams gsungs pa'i phyir ro/ /shA ri'i bu rgyu gang dang / rkyen ci zhig gis gang gi phyir 'chal pa'i tshul khrims rnams shes bya zhe na/ shA ri'i bu tshul khrims kyi spyod pa 'chal pas tshul khrims 'chal pa rnams shes bya ste/ ngan pa'i tshig spyod pa dang / mkhas pa ma yin pa'i tshig spyod pa dang / kun nas nyon mongs pa'i tshig spyod pa dang / mi mthun par spyod pa dang chags par spyod pa dang kun du chags par spyod pa dang 'dod chags la spyod pa dang / kun nas 'dod chags la spyod pa dang / zhe sdang la spyod pa dang / rab tu zhe sdang la spyod pa dang / gti mug la spyod pa dang / kun nas gti mug la spyod pa dang / las kyi mtha' mang ba dang / smra ba la dga' ba dang / gnyid la dga' ba dang / 'du ba la dga' ba dang / 'du 'dzi la dga' ba dang / spros pa la dga' ba dang / rig pa med pa'i gtam dang / ma dag pa'i gtam dang / bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang / mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / smad pa'i tha snyad kyis khyim sun 'byin pa la dga' ba dang / pho nyar 'gro ba dang / khyim pa'i las kyi mtha' byed du 'jug pa dang / khyim pa'i 'du 'dzi byed pa dang / khyim pa'i go re long byed pa dang / lo ma dang me tog dang 'bras bu 'jig pa dang / gcer bu pa'i sdom pa bdag gir byed pa dang / gcer bu pa srel ba dang / 'jig rten las 'das pa'i ye shes spong ba dang / lo nyi shu ma tshang bar bsnyen par rdzogs pa dang / yan lag ma tshang bar bsnyen par rdzogs pa dang / 'bru ma btsos pa byin len byed pa dang / sha ma btsos pa byin len byed pa dang / gser dang dngul byin len byed pa dang / bdag tu smra ba la mi smod pa dang / </font><hr>58.30b<br><font size=+1>

bdag shes pa ma yin pa dang / gang zag gzhan dang gzhan shes par byed pa dang / brdzun du smra ba dang / sdom pa la lhod pa dang / gya gyu byed pa dang / dad pa med pa dang / sran chung ba dang / byas pa mi shes pa dang / ma rig pa dang / le lo dang / gnyid dang / rgod pa dang / 'gyod pa dang / khro ba dang / 'khon du 'dzin pa dang / 'chab pa dang / chags pa dang / sgyu dang / g.yo dang / phrag dog dang / ser sna dang / khrel med pa dang / ngo tsha med pa dang / rgyags pa dang / bag med pa dang / khengs pa dang / kun du rtsom pa dang / dga' ba med pa dang / sgyid lug pa dang / glal ba dang / zas kyis dregs pa dang / sems zhum pa dang / nga rgyal dang / mngon pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / cung zad snyam pa'i nga rgyal dang / log pa'i nga rgyal dang / tshul 'chos pa dang / kha gsag dang / gzhog slongs dang / thob kyis 'jal ba dang / chos dang mi mthun pa dang / rnyed pas rnyed pa sgrub pa dang / tshul khrims kyi phung po nyams pa dang / shes rab kyi phung po nyams pa dang / rnam par grol ba'i phung po nyams pa dang / rnam par grol ba'i ye shes mthong ba'i phung po dang nyams pa dang / sangs rgyas la ma dad pa dang / chos la ma dad pa dang / dge 'dun la ma dad pa dang / las kyi rnam par smin pa la yid mi ches pa dang / tshe 'di gtso bor byed pa dang / tshe phyi ma'i chos la gces par mi byed pa dang / som nyi dang / yid gnyis dang / the tsom dang / pho theg che ba dang / 'jigs su rung ba'i rang bzhin can yin te/ shA ri'i bu gang zag de dag ni chos 'dul ba 'di la ngan skyugs dang 'dra bar rig par bya'o/ /mi gtsang ba'i lus kyi las dang ldan pa dang / mi gtsang ga'i ngag gi las dang ldan pa dang / mi gtsang ba'i yid kyi las dang ldan pa dang / 'tsho ba ma dag pa gang yin pa de dag ni lus zhig nas shi ba'i 'og tu sems</font><hr>58.31a<br><font size=+1>

can dmyal bar ltung bar 'gyur ro/ /de dag ni sangs rgyas rnams dang / sangs rgyas kyi nyan thos rnams dang / de bzhin du gzhan yang dge ba don du gnyer ba rnams dang / yongs su mya ngan las 'da' bar 'dod pa rnams kyis yongs su spang ba'i 'os yin no/ /shA ri'i bu dper na tsan dan dmar po de ngan skyugs blugs pa'i snod der bcug na/ de yang mi gtsang bar 'gyur zhing smad par 'gyur ro/ /shA ri'i bu de bzhin du khyim pa 'am/ rab tu byung ba tshul khrims kyi phung po ma ral ba dang ldan pa gang dag 'byung bar 'gyur ba de dag kyang skyes bu dam pa ma yin pa/ sdig pa'i grogs po de lta bu de dag sten la bsnyen bkur dang / bkur sti byas te/ tshul khrims kyi phung po nyams pa de dag gi rjes su bslabs na/ de dag kyang de kho na'i rang bzhin du 'gyur ro/ /tshul khrims ral ba dang / sdom pa ral ba dang / spyod lam ral ba dang / spyod pa ral ba de dag lus zhig nas shi ba'i 'og tu sems can dmyal bar rab tu ltung bar 'gyur ro/ /de dag sangs rgyas rnams dang / sangs rgyas kyi nyan thos rnams dang / de bzhin du gzhan yang dge ba don du gnyer ba rnams dang / yongs su mya ngan las 'da' bar 'dod pa rnams kyis yongs su spang bar bya ba'i 'os yin no/ /shA ri'i bu dper na tsan dan dmar po de ngan skyugs kyis sbags pa'i snod der bcug na de la yang bya ba dang bsgrub pa la mthu yod pa ma yin no/ /shA ri'i bu ci nas kyang tsan dan dmar po de skyes bu mi shes pa zhig gis lag pas kun du reg gam lus la byugs na 'di ltar ngan skyugs kyi rang bzhin kho na yin par blta bar bya ste/ 'di lta ste dri mi zhim pa yin pa'i phyir ro/ /shA ri'i bu de bzhin du ci nas kyang dge slong sdig can drang srong gi rgyal mtshan gyis g.yogs pa dge 'dun gyi dbus na 'dug na/ 'di ltar dge slong sdig can gyi gnas skabs kyi rnam pa dang / tshul khrims 'chal pa'i dge slong gi rang bzhin de yang de dang 'dra bar blta bar bya'o/ /de tshangs pa mtshungs par spyod pa rnams kyis mi gtsang ba yin par rig nas spong bar byed do de dge slong des pa</font><hr>58.31b<br><font size=+1>

rnams kyis spangs pa na thab khrol chen po byed de/ de ni ngas sems can dmyal ba chen por 'gro bar 'gyur ro zhes gsungs so/ /shA ri'i bu 'di ni tshul khrims 'chal pa'i dge slong gi 'chal pa'i tshul khrims kyi skyon drug pa yin te/ ngan song yongs su rdzogs par bya ba'i phyir zhugs pa yin no/ /shA ri'i bu gzhan yang tshul khrims 'chal pa'i dge slong gis de bzhin gshegs pas gsungs pa'i yang dag pa'i mdo sde 'di lta bu 'di dag shes nas dga' ba 'am mgu ba mi 'thob cing bdag nyid la lhag par yang gnod pa byed de/ rang gi spyod lam ngan pa la kun tu bltas nas rang nyid yid gnyis za bar 'gyur zhing mdo sde 'di lta bu 'di dag ni bdag kho na'i ched du gsungs kyi gzhan la ni ma yin no/ /de ci'i phyir zhe na/ 'di ltar bdag kho na'i skyon kun du snang ngo snyam mo/ /shA ri'i bu 'di ni dge slong tshul khrims ral ba rnams kyi ma 'dres pa'i chos yin te/ des de thos nas thog ma kho nar khro ba skyed par 'gyur ro/ /de khro ba'i zil gyis non nas dge slong chos smra ba la ma dad pa skyed par byed de/ de bzhin gshegs pas gsungs pa'i mdo sde 'di lta bu 'di la 'di ni sangs rgyas kyis gsungs pa ma yin no zhes smod cing skye bo la 'du shes su byed do/ /de ci'i phyir zhe na/ shA ri'i bu 'di ltar tshul khrims 'chal pa'i dge slong ni tshul bzhin ma yin pa dang ldan pa'i phyir ro/ /shA ri'i bu yang tshul bzhin la sbyor ba'i dge slong rnams ni ston pa'i gsung la smod par mi byed do/ /de ci'i phyir zhe na/ shA ri'i bu tshul khrims 'chal pa'i las 'di ni byis pa'i las yin pa'i phyir ro/ /rigs pa med pa'i las 'di ni 'di lta ste/ dam pa'i chos la smod pa yin pa'i phyir ro/ /de bdag nyid rma dang bcas pa dang / zug rngu dang bcas par shes nas zug rngu rnams glengs/ gnad rnams legs par bstan/ lta bar gyur pa rnams bskul</font><hr>58.32a<br><font size=+1>

ba na mngon du khro bar byed/ 'khrug par byed/ gnod sems skyed/ slar gnod par byed/ yongs su yi chad par byed/ zhum zhum por gyur cing khro ba dang / skyon rab tu ston par byed do/ /de sangs rgyas la mi snyan pa brjod/ chos la smod/ dge 'dun la skur pa 'debs par byed do/ /shA ri'i bu zab mo dmigs su med pa don dam pa stong pa sangs rgyas kyi byang chub la ma mos pa'i dge slong ji snyed pa dag gis de bzhin gshegs pas gsungs pa'i mdo sde 'di lta bu 'di thos na/ 'di ni sangs rgyas kyis gsungs pa ma yin no zhes smod par byed cing / de ltar skye bo la 'du shes su byed par 'gyur ro/ /shA ri'i bu 'di ni de bzhin gshegs pas chos la smod pa yin no zhes gsungs te/ smod pa gang yin pa ni dge sbyong ma yin/ shAkya'i sras ma yin no/ /skyes bu gti mug can de ni srid pa bye ba phrag brgya stong rnams su chad pa chen po 'thob cing / gnod par byed par 'gyur bas nyams pa'i 'os yin no/ /shA ri'i bu yang de lta bu'i dge slong rnams la ni gal te sangs rgyas stong ngam/ sangs rgyas bye ba brgya phrag stong gis cho 'phrul rnam pa gsum gyi chos bstan kyang / de dag kho na chos kun shes par mi 'gyur zhing 'bras bu thob par mi nus so/ /de ci'i phyir zhe na/ 'di ltar skyes bu dam pa ma yin pa de dag gis 'phags pa'i lam rnams bgags pa'i phyir te/ dad pa dang bral ba/ zas dang bgo ba lhur len pa/ 'jig rten gyi zang zing la chums pa rnams ni sems can dmyal ba chen por 'dong bar 'gyur ro zhes gsung ngo / /shA ri'i bu yang khyod la go bar bya'o/ /khong du chud par bya'o/ /'di lta bu'i chos dkon mchog la smod pa ni bde 'gro la dga' ba ma yin gyi/ 'di ltar ngan 'gro la rab tu dga' ba dang / dmus long la rab tu dga' ba yin no/ /shA ri'i bu mngon pa'i nga rgyal can dang / tshul khrims 'chal pa dang / ma nges pa'i chos ston pa'i</font><hr>58.32b<br><font size=+1>

dge slong rnams la dge slong phal cher gyis nga'i bstan pa 'di nub par 'gyur te/ de dag ni 'tsho bas 'jigs pas 'jig rten gyi zang zing la chums pa yin no/ /shA ri'i bu 'di lta bu'i chos dkon mchog la de ltar smod pa chen po byed pa ni 'os pa ma yin no/ /gang la sangs rgyas bcom ldan 'das thams cad kyis 'di ltar gus pa dang bcas pa/ 'di ltar zhe sa dang bcas pa/ rang sangs rgyas thams cad dang / dgra bcom pa thams cad kyis 'di ltar gus pa dang bcas pa/ 'di ltar zhe sa dang bcas pa mngon pa'i nga rgyal can gyi dge slong rnams dang / tshul khrims 'chal pa dang / ma nges pa'i chos ston pa'i dge slong rnams kyis shin tu zil gyis gnon pa dang shin du spong bar 'gyur ro/ /de dag ni brkam chags dang sred pas zil gyis non pa dang / 'tsho ba'i lam du bying ba dang / zang zing lhur len pa dang / phrag dog dang ser sna'i kun du sbyor ba dang ldan pas phan tshun du rtsod pa 'byung bar 'gyur ro/ /bye nas mi mthun pas phan tshun du gus pa med pa dang / 'khu ba dang phrag dog gi lam gyis 'khu ba dang / slob dpon la khyad du gsod pa dang / spre'u dang 'dra bar spyod pa dang / gdol pa dang / lus ma bsgoms pa dang / sdig pa'i las kyi mtha' 'chab pa dag dge sbyong gi chos rnams las shin du nyams pa yin no/ /shA ri'i bu de la bdud sdig can gyis skyes bu dam pa ma yin pa sdig pa 'dod pa/ 'dod chen che ba/ zang zing lhur len pa/ 'tsho ba'i lam du bying ba de lta bu de dag gi bsam pa rig nas/ ji ltar nga'i chos 'dul ba 'di rnams pa lngar 'gyur ba de lta bu'i gnas skabs dag byed par 'gyur ro/ /de dag gis rnam pa lngar phye nas rtsod par 'gyur zhing de dag phan tshun du khyim pa dang rab tu byung ba rnams la mi snyan pa sgrogs par 'gyur ro/ /'di lta ste de ltar gcig la gcig kha zer ba dang / gcig la gcig</font><hr>58.33a<br><font size=+1>

gus pa med pa dang / zhe sa med pa dang / ston pa'i bka' bzhin mi byed pa de'i tshe/ de dag gcig la gcig 'doms par mi 'gyur rjes su ston par mi 'gyur zhing / gang dag bya ba ma yin pa'i gnas byed pa dag mthong na de la cung zad kyang sgo bar mi byed de/ de dag skrag nas gnas gtong ba 'am yul gtong bar byed kyi/ chos dang 'thun pas gdams ngag dbog pa'am rjes su bstan par mi nus so/ /de dag phyogs su ltung nas gcig la gcig byis pa'i nga'o snyam pa'i nga rgyal 'byin par 'gyur zhing phan tshun nas rang gi sde ba'i phyogs spong bar 'gyur ro/ /shA ri'i bu de dag ni mthong na yang phan tshun du dga' bar mi 'gyur na gdams ngag dang rjes su bstan pa len pa lta ci smos te de ni gnas yod pa ma yin no/ /shA ri'i bu de bzhin gshegs pa bzhugs na sangs rgyas dkon mchog gcig /chos dkon mchog gcig /dge 'dun dkon mchog gcig yin na/ yongs su mya ngan las 'das nas ni bstan pa yang rnam pa lngar 'gyur ro/ /shA ri'i bu bdud sdig can gyis 'dun pa byin pa'i skyes bu gti mug lhas byin dge 'dun 'byed pa la mngon par brtson par 'gyur te/ de la de bzhin gshegs pa thams cad mkhyen pa/ /thams cad gzigs pa mngon sum du gyur pa na ni bdud sdig can gyis rmongs par bya mi nus so/ /shA ri'i bu gang yang bstan pa 'di la bdud sdig can dge sbyong gi gzugs su mngon par sprul nas log par 'dzin pa rnam pa du ma rab tu ston cing / de la skye bo mang po rab tu 'god par 'gyur ba'i dus de dang de dag 'byung bar 'gyur ro/ /de log par 'dzin pa 'di lta bu 'di dag rab tu ston par 'gyur te/ yid kyi khams kyi gzhi lnga po 'di lta ste/ cha dang 'thun pa'i gzhi dang / zad pa'i cha dang 'thun pa'i gzhi dang / thams cad yod par smra ba'i gzhi dang / gang zag gi gzhi dang / dmigs pa'i gzhi'o/ /shA ri'i bu log par 'dzin pa 'di lta bu 'di dag rab tu</font><hr>58.33b<br><font size=+1>

ston par 'gyur te/ de ni sangs rgyas rnams dang / nyan thos rnams kyis kyang ma bshad do/ /de'i tshe bdud sdig can gyis de dag mngon par zil gyis mnan/ rmongs par byas/ rmugs par byas/ lhag par thibs gyis mnan/ mthu can du byas/ mngon par zhen par byas nas/ rang rang gi lta ba mchog tu 'dzin te/ 'di kho na bden gyi gzhan gyi 'di kho na ni rmongs pa yin no zhes gleng bar byed do/ /shA ri'i bu 'di ltar de bzhin gshegs pas ma 'ongs pa'i chos kyi bar chad la kun du gzigs nas/ bdud sdig can gyi phyogs bcad pa dang / gzhom pa'i phyir 'di lta bu'i mdo sde 'di yang dag par ston to/ /shA ri'i bu de'i tshe mngon pa'i nga rgyal can gyis 'dzam bu'i gling 'di rab tu gang bar 'gyur ro/ /de dag gnas skabs tsam gyis ma thob pa thob bo snyam pa'i 'du shes can du 'gyur te/ de dag 'chi ba'i dus kyi tshe phal cher ngan 'gro rnams su rab tu ltung bar 'gyur ro/ /de ci'i phyir zhe na/ shA ri'i bu 'di ltar skyes bu blun po de dag gis bdag ni yun ring mo zhig nas 'dod chags dang bral ba yin no zhes gzhan la yang de lta bu'i 'du shes su byed cing de dag dgra bcom pa'i bsod snyoms la longs spyod pas lha dang bcas pa'i 'jig rten gyi chom rkun pa yin pa'i phyir ro/ /shA ri'i bu skyes bu dam pa ma yin pa de dag gis de bzhin gshegs pas gsungs pa'i mdo sde don dam pa'i gtam gsungs pa thos nas g.yang sa'i 'du shes su 'gyur zhing skrag pa chen po skye bar 'gyur ro/ /shA ri'i bu bzod pa mchog la mos par mi 'gyur ba gang yin pa de dag phan tshun nas gcig tu 'dus te/ sangs rgyas kyi byang chub la smod par 'gyur zhing / shA ri'i bu de'i tshe mngon pa'i nga rgyal can gyi phyogs mang bar 'gyur ro/ /de'i tshe bdud sdig can gyis khyim pa dang rab tu byung ba rnams kun nas skul bar</font><hr>58.34a<br><font size=+1>

'gyur zhing / gang yang chos ma yin pa'i phyogs yongs su 'dzin par ro/ /de'i tshe chos smra ba'i phyogs ni nyung zhing tshar bcad par 'gyur ro/ /shA ri'i bu de'i tshe dge slong gsar bu rnams las shes rab rnon po phal cher 'byung bar 'gyur ro/ /de ci'i phyir zhe na/ shA ri'i bu 'di ltar gang dag bstan pa 'di la rab tu byung nas kun nas nyon mongs pa'i spyod pa la spyad pa yin mod kyi/ de dag las mang du mi rnams su slar skye ba blangs shing rab tu 'byung ba'i phyir/ de dag myur ba kho nar mngon par byung ba dag yin pa'i phyir ro/ /shA ri'i bu dge slong de dag ni sangs rgyas kyi gsung don dam par gang yin zhes yongs su 'dri ba'i rang bzhin can du 'gyur ro/ /shA ri'i bu de la mngon pa'i nga rgyal can bdud kyi phyogs la zhen pa/ 'tsho ba'i yo byad lhur len pa/ so so'i skye bo byis pa rnams kyis dgra bcom par bkur ba dag 'byung bar 'gyur te/ de dag de rnams kyi drung du dong nas 'di skad ces btsun pa dag chos 'dul ba 'di la rab tu byung nas ci zhig bsgom par bya/ sangs rgyas kyi gsung ni don dam par gang yin zhes 'dri bar byed do/ /shA ri'i bu de nas mngon pa'i nga rgyal can gyi dge slong gnas brtan rgan po rmongs pa 'khogs pa lam gol bar gzhol ba dag la dge slong gsar bu sngon gyi rgyal ba la lhag par bya ba byas pa de dag gis dris pa na/ 'di skad ces lus kyis legs par spyad pa dang / ngag gis legs par spyad pa dang / yid kyis legs par spyad pa dang / tshul khrims kyi sdom pa la gnas pa dang / klog pa dang / 'don pa dang / mang du thos pa la mngon par brtson pa dang / sangs rgyas la yid dang ba ste/ 'di ni rjes su 'thun pa'i bzod pa yin no/ /de lta mod kyi sems la dmigs pa nye bar sbyar te/ nam zhig na sdug bsngal gyi phung po chen po 'di spangs par 'gyur zhing mya ngan las 'das pa la dmigs par 'gyur zhes yid la byed pa bskyed par bya'o/ /phung po</font><hr>58.34b<br><font size=+1>

rnams dang / khams rnams dang / skye mched rnams la yid 'byung bar byed pa 'am/ dben par song ste/ yang phung po rnams dang / khams rnams dang / skye mched rnams la mi rtag pa la sogs par yid la byed pa dang / yang lus la mi gtsang ba rnam pa du ma'i 'du shes nye bar sgrub par byed de/ de de ltar yid la byed pa na rgyun du zhugs pa'i 'bras bu thob par 'gyur ro/ /phung po de nyid sdug bsngal ba nyid dang / phung po stong pa nyid dang / phung po nyam chung ba nyid du yid la byed pa na lan cig phyir 'ong ba'i 'bras bu thob par 'gyur ro/ /de bzhin du phyir mi 'ong ba'i 'bras bu dang / de bzhin du dgra bcom pa nyid thob par 'gyur ro/ /'di ni sangs rgyas kyi gsung don dam pa yin te/ 'di lta ste dgra bcom pa nyid thob pa yin no zhes smra bar byed do/ /shA ri'i bu de la dge slong shes rab rnon po 'byung bar 'gyur ba gang yin pa de dag gis 'di skad ces/ bdag cag kyang sangs rgyas kyi gsung don dam pa ni 'di yin te/ 'di lta ste dgra bcom pa nyid thob pa de ltar ni shes na/ ji ga phung po lnga rnams yid la byed pas 'thob par 'gyur ram/ 'on te yid la byed pa med pas 'gyur zhes dris pa dang / de dag 'di skad ces 'di ltar phung po lnga rnams yid la byed pas 'thob par 'gyur gyi/ yid la byed pa med pas ni ma yin no zhes smras so/ /de dag gis yang 'di skad ces ji ga phung po yang gzhan yin la/ yid la byed pa yang gzhan yin nam zhes dris pa dang / de dag gis 'di skad ces phung po yang gzhan yin la yid la byed pa yang gzhan yin no zhes bslus so/ /de dag gis 'di skad ces gal te phung po yang gzhan yin la/ yid la byed pa yang gzhan yin zhing de lam bsgoms na mya ngan las 'da' bar 'gyur ba'i phung po gang yin pa de dag dang / yid la byed pa gzhan gang yin pa de 'ga' zhig kyang yod</font><hr>58.35a<br><font size=+1>

par 'gyur ram zhes dris pa dang / de dag gis 'di skad ces phung po gang yin pa de dag dang / yid la byed pa gang yin pa de yang de ltar ma gyur na/ yongs su mya ngan las 'da' bar mi 'gyur ba zhig na/ gang gi phyir phung po gang yin pa de dag dang / yid la byed pa gang yin pa de yang yod pas/ des lam bsgom nas yongs su mya ngan las 'da' bar 'gyur ro zhes smra'o/ /shA ri'i bu 'di ltar de'i tshe dge slong de dag phal cher de lta bu'i bzod pa can du 'gyur ro/ /shA ri'i bu des na yang sangs rgyas kyi gsung don dam par nyan par 'dus pa'i lha gang yin pa de dag gis de lta bu'i bshad pa thos nas/ g.yang sa chen por rab tu ltung bar 'gyur ro zhes skrag pa chen po skye bar 'gyur zhing 'di skad ces/ kye ma'o bcom ldan 'das shAkya thub pa'i bstan pa ni myur du zhi ba dang / myur du nub pa'i bar du 'gyur ro zhes smra'o/ /shA ri'i bu de la dge slong sngon gyi rgyal ba la lhag par bya ba byas pa/ dge ba'i rtsa ba nye bar brtan pa/ dge ba'i rtsa ba 'bar bar byas pa gang yin pa de dag ni skyes bu gti mug phung po'i 'du shes dang / gang zag gi 'du shes can gyi gnas brtan rgan po rmongs pas 'khogs pa/ lam gol ba la zhugs pa/ mngon pa'i nga rgyal dang / log pa'i lta ba can de dag gis smras pa de la mngon par bstod par mi byed cing stan las langs nas 'dong bar 'gyur ro/ /shA ri'i bu de la lha'i tshogs mang po dag yid lhag par dga' nas phyogs bzhir da dung bcom ldan 'das shAkya thub pa'i nyan thos rnams gnas pa lta ci zhig ces dbyangs su sgrogs par 'gyur ro/ /de ci'i phyir zhe na/ 'di ltar rigs kyi bu de dag ni dge ba'i rtsa ba ngan ngon dang ldan pa ma yin pa'i phyir ro/ /de dag 'di lta bu'i yongs su ma dag pa'i bzod pa la dga' bar mi byed de/ 'di lta ste gang zag tu lta ba ma yin no/ /'di ltar lha mang po 'dus pa des de dag gi bsam</font><hr>58.35b<br><font size=+1>

pa rig nas dga' ba dang yid bde ba skyes te/ lhag par yid dga' nas ched du brjod pa chen po ched du rjod par 'gyur ro/ /shA ri'i bu dge slong yongs su 'dri ba'i rang bzhin can sangs rgyas kyi sras de dag ni dmigs su med pa'i bzod pa la dga' bar 'gyur te/ de dag de na lhan cig de lta bu ston par 'gyur ro/ /shA ri'i bu de'i tshe 'di ltar sangs rgyas kyi nyan thos rnams tshogs shing spyod pa lhag par chags pa rnams kyis tshar gcad par 'gyur ro/ /de ci'i phyir zhe na/ ci nas kyang shin du zil gyis mnan par bya ba'i phyir ro/ /shA ri'i bu 'di ltar de'i tshe nga'i sras nga'i nyan thos rnams kyi yab kyi gnas/ yab kyi spyod yul/ yab kyi rigs rgyud la dga' ba'i tshig tsam yang smra bar mi 'gyur na/ gtsug lag khang du gnas pa lta ci smos/ bkur sti bya ba lta ci smos te/ de ni gnas yod pa ma yin no/ /shA ri'i bu ltos shig de bzhin gshegs pa yongs su mya ngan las 'das pa'i sras shin tu dul ba shin du byang ba dmigs su med pa'i bzod pa can gang yin pa de dag de'i tshe shin du zil gyis gnon pa dang / shin du spangs par gyur pa de'i tshe de bzhin gshegs pa ji snyed cig thibs kyis mnan par 'gyur/ gang yang des nga'i sras rnams yab kyi spyod yul gang yin pas bde ba la reg par gnas par 'gyur bar bya ba'i phyir de dag gi don du bskal pa grangs med pa nas bzung ste/ g.yul chen po bcom nas chos kyi rgyal srid kyis bskyangs na/ shA ri'i bu 'di ltar gsal zhing rgya che ba'i chos 'dul ba 'di la chom rkun pa chen po'i dge 'dun de dag gis g.yag chen po lta bu'i dge 'dun phye bar 'gyur ro/ /shA ri'i bu 'di ltar ngas chos dang 'thun pa'i bla na med pa yang dag par rdzogs pa'i byang chub mngon par rdzogs par sangs rgyas nas/ dge sbyong ngam/ bram ze 'am/ lha 'am bdud dam/ tshangs pa 'am/ sus kyang 'jig rten du chos</font><hr>58.36a<br><font size=+1>

dang 'thun pas ma bskor ba'i bla na med pa'i chos kyi 'khor lo chos dang 'thun pas bskor gyi/ chos dang mi mthun pas ma yin pa'i gnas 'di la lha dang bcas pa'i 'jig rten mngon sum dang dpang du gyur pa yin no/ /shA ri'i bu de la 'di lta bu'i gtan tshigs 'di mngon sum du yod bzhin du de bzhin gshegs pa yongs su mya ngan las 'das nas/ bla na med pa yang dag par rdzogs pa'i byang chub 'di yid la byed pa na/ chos dang 'thun pas dbang po dris na yang lan ldon par mi nus shing de'i tshe nga'i sras rnams la yang mi 'jigs pa sbyin par mi byed do/ /shA ri'i bu dper na mi 'ga' zhig gis lam po che'i bzhi mdor sbrang rtsi'i bum pa zhig bzhag nas 'di skad ces/ gang gi sbrang rtsi'i bum pa 'di las tha na skra'i rtse mo'i cha shas tsam zhig zos na yang de ni rga ba dang 'chi ba med par 'gyur ro zhes smras la/ sbrang rtsi'i bum pa de la lha dang bcas pa'i 'jig rten phal cher gyis lag par mtshon cha blangs nas gang gis sbrang rtsi'i bum pa 'di las tha na skra'i rtse mo'i cha shas tsam zhig zos na de'i srog kyang med par 'gyur ro zhes srung zhing sbed par byed do/ /shA ri'i bu de la 'ga' zhig 'di snyam du su yang rung sbrang rtsi'i bum pa 'di las tha na skra'i rtse mo'i cha shas tsam zhig zos na yang de kho nas na ba dang 'chi bar mi 'gyur bas ma la bdag gis srog dang yang bsdos te/ sbrang rtsi'i bum pa 'di las zos na/ gal te mtshon cha rnams mngon du 'bab mod kyi/ sbrang rtsi'i bum pa 'di las cung zad cig myang bar nus na bdag la mtshon gyis gsod pa'i 'jigs pa yang mi 'byung zhing rga ba dang 'chi ba med pa yang 'thob par 'gyur gor ma chag go snyam du bsam nas des srog dang bsdos shing srog la mi blta bar byas te/ sbrang rtsi'i bum pa de la reg pa na srog chags brgya stong phrag du ma'i lag pa nas mtshon cha mngon du 'phen no/ /de ltar mtshon cha</font><hr>58.36b<br><font size=+1>

mngon du 'phen pas 'jigs bzhin du sbrang rtsi'i bum pa las skra'i rtse mo'i cha shas tsam zhig zos nas de de nas langs pa dang / rga ba dang / 'chi ba las yongs su thar par gyur to/ /shA ri'i bu de bzhin du chos dkar po rnams kyi bar chad bya ba'i phyir bdud dam bdud kyi ris kyi lha rnams sam/ bdud kyis mngags pa'i dge slong ngam/ dge slong ma 'am/ dge bsnyen nam/ dge bsnyen ma mang po gang yin pa dag rab tu zhugs pa yin no/ /shA ri'i bu gang dag de bzhin gshegs pa yongs su mya ngan las 'das pa na stong pa nyid dmigs su med pa'i chos de la som nyi med cing yid gnyis mi za ste 'jug pa dang / gang yang chos de dag la mos par byed pa'i sangs rgyas kyi sras dmigs su med pa'i spyod pa bzod pa mchog dang ldan pa de dag dang / gang dag yang chos de dag la mngon par brtson par 'gyur ba ste/ de rnams ni de'i tshe ci nas kyang shin du zil gyis gnon par 'gyur ro/ /srog la yang mi ltos par zhes bya ba ni de bzhin du de dag mngon par 'du byed pa med par so sor rtogs par 'gyur zhing sdug bsngal thams cad las yongs su grol bar 'gyur ro/ /shA ri'i bu sbrang rtsi'i bum pa zhes bya ba ni de bzhin gshegs pas chos 'dul ba 'di so sor bstan pa'i tshig bla dgas yin te/ 'di lta ste stong pa nyid dang / mtshan ma med pa dang / smon pa med pa'i chos rnams so/ /shA ri'i bu lha dang bcas pa'i 'jig rten gyis srung zhing sbed pa zhes bya ba ni lha dang bcas pa'i 'jig rten mi dge ba'i phyogs la rab tu zhen pa dang / bdud kyi phyogs su zhugs pa dang / bdud kyi phyogs la chags pa phal mo che gang yin pa ste/ de dag bdag nyid kyang shin tu nyams shing gang dag chos de dag la mngon par brtson par byed pa de dag gi bar chad bya ba'i phyir yang zhugs pa yin no/ /shA ri'i bu mngon pa'i nga rgyal can gyi dge slong gang yin pa de rnams kyang zhes</font><hr>58.37a<br><font size=+1>

bya ba la de dag ni bdud kyi dbang du song ba/ bdud kyi phyogs skyong bar byed pa/ bdud kyi phyogs la chags pa rnams yin te/ de dag kyang stong pa nyid dmigs su med pa'i chos yid la byed pa 'di la smod par 'gyur ro/ /shA ri'i bu ma 'ongs pa'i dus na yongs su ma dag pa'i chos ston pa'i dge slong gang yin pa de dag kyang bdag tu dmigs pa dang / sems can du dmigs pa dang / srog tu dmigs pa dang / gang zag tu dmigs pa dang / phung por dmigs pa dang / khams su dmigs pa dang / skye mched du dmigs pa dang / srid par dmigs pa dang / lam du dmigs pa dang / mya ngan las 'das par dmigs pa dang / 'bras bur dmigs pa dang / thob par dmigs pa dang / ma thob par thob pa'i 'du shes can du 'gyur ro/ /sangs rgyas kyi sde snod tshul khrims 'chal pa tshar gcod pa/ bam po bzhi pa/ de dag kyang sangs rgyas kyi byang chub zab mo dmigs su med pa'i chos stong pa nyid 'di la smod par 'gyur te/ de dag thams cad ni de bzhin gshegs pas bdud kyi 'khor/ bdud kyi byin gyis brlabs pa yin par gsungs so/ /de dag ni sangs rgyas kyi byang chub la nye bar 'tsho bar mi 'gyur ro/ /bdud kyi phyogs kyang rab tu rgyas par 'gyur ro/ /bdud kyi bya ba yang byed par 'gyur ro/ /shA ri'i bu de la gang dag bdag med pa dang / sems can med pa dang / srog med pa dang / gang zag med pa dang / dmigs su med pa'i stong pa nyid dang / mtshan ma med pa dang / smon pa med pa'i chos rnams bshad pa na/ skrag par 'gyur ba dang / dngang bar 'gyur ba dang / kun du dngang bar 'gyur ba'i khyim pa 'am/ rab tu byung ba de dag thams cad ni sangs rgyas kyi nyan thos rnams kyis bdud kyis mngag pa dang / dge sbyong ma yin par dge sbyong</font><hr>58.37b<br><font size=+1>

ltar bcos pa dang / chos kyi chom rkun gnas pa dang / chos kyi chom rkun pa dang / spre'u dang 'dra bar spyod pa dang / bdud kyi 'khor yin pa de ltar shes par bya'o/ /shA ri'i bu gang dag bdag tu lta ba dang ldan pa dang / sems can tu lta ba dang / srog tu lta ba dang / gang zag tu lta ba dang ldan pa de dag thams cad ni chos 'dul ba 'di la bdud kyi phyogs shes bya'o/ /de ci'i phyir zhe na/ shA ri'i bu de bzhin gshegs pas 'dus byas su gtogs pa 'di la ni bdag gam/ bdag gi'am/ sems can nam/ srog gam/ gso ba 'am/ skyes bu'am/ gang zag gam/ shed las skyes sam/ shed bu 'am/ byed pa po 'am/ byed du 'jug pa po 'am/ tshor ba po 'am/ kun du tshor ba po 'am/ lha 'am/ dri za 'am/ rtag pa 'am/ brtan pa 'am/ ther zug gam/ yongs su mi 'gyur ba'i chos rnams kyis stong ngo zhes gsungs pa ni 'di yin te/ mdo sde'i tshig 'di dag de dag gis 'dzin par 'gyur/ gzhan la yang ston par 'gyur zhing gang zag tu lta bar yang bying bar 'gyur ba'i phyir ro/ /shA ri'i bu skyes bu dam pa ma yin pa de lta bu de dag ni skal ba ngan pa can zhes bya'o/ /'byed pa po zhes bya'o/ /dge 'dun 'byed pa po zhes bya'o/ /kha drangs pa zhes bya'o/ /dge sbyong sun 'byin pa zhes bya'o/ /dge sbyong sre da zhes bya'o/ /ro zhes bya'o/ /ngo 'dzum gnag pa zhes bya'o/ /phra ma can zhes bya'o/ /dge sbyong gi rigs can zhes bya'o/ /dge sbyong gi snyigs ma zhes bya'o/ /dge sbyong bkren pa zhes bya'o/ /dge sbyong phal pa zhes bya'o/ /khur blangs pa zhes bya'o/ /de bzhin gshegs pa la gsod pa zhes bya'o/ /mtshams med pa dang ldan pa zhes bya'o/ /sdig pa'i grogs po zhes bya'o/ /tshul khrims 'chal pa zhes bya'o/ /log par lta ba zhes bya'o/ /mu stegs pa zhes bya'o/ /bar chad byed pa zhes bya'o/ /sdig pa dang 'grogs pa zhes bya'o/ /mdangs</font><hr>58.38a<br><font size=+1>

'joms par byed pa zhes bya'o/ /rma dang bcas pa zhes bya'o/ /zug rngu dang bcas pa zhes bya'o/ /snyigs ma dang bcas pa zhes bya'o/ /chog mi shes pa zhes bya'o/ /yongs su gdung ba dang bcas pa zhes bya'o/ /sgyu ma zhes bya'o/ /rab rib dang mun par lhung ba zhes bya'o/ /tshang tshing du rgyu ba zhes bya'o/ /rgyun gyi rjes su spyod pa zhes bya'o/ /rjes su chags pa la spyod pa zhes bya'o/ /gzhan sbed pa zhes bya'o/ /sems can dmyal ba pa zhes bya'o/ /dud 'gro'i skye gnas pa zhes bya'o/ /gshin rje'i 'jig rten pa zhes bya'o/ /lha ma yin gyi ris pa zhes bya'o/ /rigs pa med pa zhes bya'o/ /grol ba med pa zhes bya'o/ /ngan g.yo can zhes bya'o/ /tshul 'chos pa zhes bya'o/ /thob kyis 'jal ba zhes bya'o/ /gzhogs slongs pa zhes bya'o/ /rnyed pa dang bkur sti lhur len pa zhes bya'o/ /lhag par zhen pa zhes bya'o/ /khyim sun 'byin pa zhes bya'o/ /pho nyas nyon mongs pa zhes bya'o/ /pho nya mngag gzhug pa zhes bya'o/ /rgod pa zhes bya'o/ /khengs pa zhes bya'o/ /mi brtan pa zhes bya'o/ /btsam pa med pa zhes bya'o/ /tshig zlos bu can zhes bya'o/ /le lo can zhes bya'o/ /brtson 'grus zhan pa zhes bya'o/ /sems mnyam par ma bzhag pa zhes bya'o/ /sems 'khrugs pa zhes bya'o/ /dran pa nyams pa zhes bya'o/ /phal pa'i dbang po can zhes bya'o/ /shes rab 'chal pa zhes bya'o/ /lug ltar lkugs pa zhes bya'o/ /ngan par bsgrags pa zhes bya'o/ /nyes par rtogs pa zhes bya'o/ /dge sbyong gi dri ma zhes bya'o/ /'dod chags kyis bcom pa zhes bya'o/ /zhe sdang gis bcom pa zhes bya'o/ /gti mug gis bcom pa zhes bya'o/ /nga rgyal gyis bcom pa zhes bya'o/ /chom rkun pa zhes bya'o/ /g.yon can zhes bya'o/ /bu ngan pa zhes bya'o/ /slu ba pa zhes bya'o/ /rtsod pa la dga' ba zhes bya'o/ /rtsod pas sbags pa zhes bya'o/ /rtsod pa len pa zhes bya'o/ /rtsod pa la gnas pa zhes bya'o/ /yongs su ma grol</font><hr>58.38b<br><font size=+1>

ba zhes bya'o/ /yongs su ma dag pa zhes bya'o/ /mya ngan gyis bcom pa zhes bya'o/ /mya ngan gyis dkrugs pa zhes bya'o/ /dge sbyong tsam zhes bya'o/ /dge sbyong gis mdud pa zhes bya'o/ /dge sbyong gtum po zhes bya'o/ /dge sbyong rul pa zhes bya'o/ /dge sbyong sbun pa zhes bya'o/ /dge sbyong klan ka tshol ba zhes bya'o/ /dgang dka' ba zhes bya'o/ /gso dka' ba zhes bya'o/ /blo gros 'chal pa zhes bya'o/ /nyes par gnas pa zhes bya'o/ /'phags pa ma yin pa zhes bya'o/ /'dzem pa med pa zhes bya'o/ /ngo tsha med pa zhes bya'o/ /mgo bcad pa zhes bya'o/ /rnam par brtags pa zhes bya'o/ /bsags pa dang kun nas bsags pa zhes bya'o/ /'bras gdug pa can zhes bya'o/ /khong 'bras can zhes bya bya'o/ /zhen pa dang nyes pa dang rmongs pa zhes bya'o/ /brkam chags dang zhen pa zhes bya'o/ /kun nas bcings pa zhes bya'o/ /ngan pas gos shing rmongs pas gtugs pa zhes bya'o/ /stong pa can dang / zad pa can dang / nyams pa can zhes bya'o/ /stong pa dang / zad pa dang / nyams pa zhes bya'o/ /shA ri'i bu ci'i phyir stong pa dang / zad pa dang / nyams pa zhes bya zhe na/ sangs rgyas kyis bsngags pa dang / skyes bu dam pa'i mtshan nyid dang / dge sbyong gi chos dang / dge sbyong gi yon tan dang / dge sbyong gi cho ga dang / dge sbyong gi tshul rnams las yongs su nyams shing shin du yongs su nyams pa ste/ shA ri'i bu de'i phyir stong pa dang / zad pa dang / nyams pa zhes bya'o/ /'phags pa'i gsung rab 'di las phyi rol tu gyur pa'i phyir/ des na nyams pa zhes bya'o/ /sangs rgyas kyi byang chub 'di las tha dad par byed cing dmigs su med pa'i stong pa nyid dang / mtshan ma med pa dang / smon pa med pa'i mtshan nyid kyi chos las tha dad par byed pas shA ri'i bu des na stong pa dang zad pa dang nyams pa zhes bya'o/ /yang dag pa ma yin pa la zhen pa dang snying po med pa la zhen pa de dag ni bdud sdig can dga' bar byed du 'jug pa</font><hr>58.39a<br><font size=+1>

yin no/ /de dag ni tshul khrims sam/ 'jig rten pa'i spyod tshul thams cad kyis byis pa so so'i skye bo rnams dang mtshungs pa yin no/ /skyes bu dam pa ma yin pa de dag gang zhig dang ldan pa ma yin pa'i bzod pa dang ldan pa zhes bya ste/ spong ba pa rnams dang mtshungs pa ma yin/ mnyam pa ma yin 'dra ba ma yin te/ dmigs pa'i lta ba can rnams ni dge sbyong gi yon tan dang / dge sbyong gi chos dang / dge sbyong gi cho ga dang / dge sbyong gi tshul las phyi rol du gyur pa'i phyir bye ba brgya stong gi cha tsam du yang nye bar mi 'gro ste/ shA ri'i bu des na stong pa dang zad pa dang nyams pa zhes bya'o/ /'jig rten gyi zang zing la lhag par zhen pa dge sbyong du khas 'che ba de dag ni dge sbyong ma yin par dge sbyong ltar bcos pa/ dad pas byin pa la longs spyod par byed pa/ rtag tu chom rkun pa'i rtags thogs pa/ rgyal mtshan snyol bar byed pa yin te/ ji ltar yongs su dag pa'i yon gnas 'jig rten pa'i bsod nams kyi zhing rnams kyis yongs su longs spyad pa ltar kham gcig tsam yang yongs su dag par longs spyod par mi byed pas de dag ni yongs su longs ma spyad pa/ rigs pa med pa/ grol ba med pa yin pas/ shA ri'i bu des na stong pa dang / nyams pa dang / zad pa zhes bya'o/ /shA ri'i bu 'di ji snyam du sems/ khyim pa srog gcod pa dang / ma byin par len pa dang / 'dod pa rnams la log par spyod pa dang / brdzun du smra ba dang / phra ma'i tshig dang / tshig rtsub po dang / tshig kyal pa dang / brnab sems dang / gnod sems dang / log par lta ba gang yin pa zhig yod par gyur la/ srog gcod pa'i khyim pa de 'dug nas ci nas kyang rtag par rgyun du srog gcod cing 'tshe bar byed dam/ 'on te dus thams cad du ni ma yin/ gsol pa/ bcom ldan 'das srog gcod</font><hr>58.39b<br><font size=+1>

pa'i khyim pa mchis kyang rtag par rgyun du srog chags rnams kyi srog la 'tshe bar mi bgyid de/ bcom ldan 'das srog gcod pa'i khyim pa gang zhig gdugs gcig gam/ mtshan gcig srog mi 'gum shing 'tshe bar mi bgyid pa ni ches ngo mtshar lags kyi/ bcom ldan 'das srog gcod pa'i khyim pa gang zhig gdugs gcig gam mtshan gcig srog chags rnams kyi srog la 'tshe bar bgyid pa ni ngo mtshar mi che lags so/ /shA ri'i bu 'di ji snyam du sems/ ma byin par len pa'i khyim pa gang zhig ma byin par mi len pa dang / gang yang ma byin par len pa gang ngo mtshar che/ gsol pa/ bcom ldan 'das ma byin par len pa'i khyim pa gang zhig gdugs gcig gam mtshan gcig ma byin par mi len pa ni ches ngo mtshar lags kyi/ bcom ldan 'das ma byin par len pa'i khyim pa gang zhig gdugs gcig gam/ mtshan gcig gam/ gdugs gnyis sam/ gsum 'am/ dgung zla 'am/ dgung zla phyed kyi bar du ma byin par len cing ma byin par blangs pa ni ngo mtshar mi che lags so/ /bka' stsal pa/ shA ri'i bu 'di ji snyam du sems/ 'dod pa rnams la log par spyod pa'i khyim pa gang zhig 'dod pa rnams la log par spyod pa dang / gang zhig 'dod pa rnams la log par mi spyod pa dang / de bzhin du brdzun du smra ba dang / phra ma'i tshig dang / tshig rtsub po dang / tshig kyal pa dang / brnab sems dang / gnod sems mi spyod pa gang ngo mtshar che/ shA ri'i bu 'di ji snyam du sems/ log par lta ba'i khyim pa gang zhig log pa'i lta ba yid la byed pa dang / gang zhig log pa'i lta ba yid la mi byed pa gang ngo mtshar che/ gsol pa/ bcom ldan 'das 'dod pa rnams la log par spyod pa'i khyim pa gang zhig gdugs gcig gam mtshan gcig 'dod pa rnams la log par mi spyod pa ni ches ngo mtshar lags kyi/ bcom ldan 'das 'dod pa rnams</font><hr>58.40a<br><font size=+1>

la log par spyod pa'i khyim pa gang zhig gdugs gcig gam mtshan gcig 'dod pa rnams la log par spyod pa ni ngo mtshar mi che lags so/ /gang zhig 'dod pa rnams la log par mi spyod pa ches ngo mtshar lags pa de bzhin du bcom ldan 'das brdzun du smra ba dang / phra ma'i tshig dang / tshig rtsub po dang / tshig kyal pa dang / brnab sems dang / gnod sems la yang gnod sems dang ldan pa'i khyim pa gang zhig gdugs gcig gam/ mtshan gcig gnod sems mi bgyid pa ni ches ngo mtshar lags kyi/ bcom ldan 'das gnod sems dang ldan pa'i khyim pa gang zhig gdugs gcig gam mtshan gcig gnod sems bgyid pa ni ngo mtshar mi che lags so/ /bcom ldan 'das log pa'i lta ba can ni lan 'ga' yang yang dag pa'i lta ba can du mi 'gyur la/ lan 'ga' yang yang dag pa'i lta ba yid la mi bgyid pas/ bcom ldan 'das bdag ni mi dge ba'i las kyi lam bcu po 'di rnams las log par lta ba ni thams cad du kha na ma tho ba chen po dang bcas pa lags so zhes mchi lags so/ /bcom ldan 'das de ci'i slad du zhe na/ 'di ltar log pa'i lta ba can ni lta ba nyams pas rtag par rgyun du kun nas nyon mongs pa'i sems dang / yongs su ma dag pa'i sems su 'gyur lags so/ /bcom ldan 'das kyis bka' stsal pa/ shA ri'i bu khyod la go bar bya'o/ /khong du chud par bya'o/ /shA ri'i bu srog gcod pa'i mi gang zhig nyi ma re re zhing srog chags bye ba brgya stong gi srog la 'tshe bar byed pa dang / ma byin par len pa'i mi gang zhig nyi ma re re zhing khyim bye ba brgya stong nas nor dang / 'bru dang / gser dang / dngul dang / rang gi nor thams cad 'phrog par byed pa dang / 'dod pa rnams la log par spyod pa'i mi gang zhig rtag par rgyun du dub pa med par 'dod pa rnams la log par spyod pa dang / brdzun du smra ba'i mi gang zhig nyin mtshan rtag par rgyun du brdzun gyi tshig smra bar byed de/ </font><hr>58.40b<br><font size=+1>

bden pa'i rjes su 'thun pa 'am/ bden pa'i rjes su 'gro ba'i tshig gcig tsam yang mi smra bas rtag par tshig yongs su ma dag par byed pa dang / phra ma'i tshig smra ba'i mi gang zhig rtag par rgyun du 'khrug pa la dga'/ 'khrug pa la mgu bar byed pas 'khrug par byed pa'i tshig smra ste/ 'thun pa rnams 'byed par byed cing / phye ba rnams ni lhag par yang 'byed par byed pas/ lhag par yang sbed pa dang / tshig rtsub po smra bar byed pa'i mi gang zhig rtag par rgyun du rtsod pa'i gtam la sbyor ba'i rjes su brtson par gnas te/ tshig 'jam po gcig tsam yang mi smra ba dang / tshig kyal pa smra ba'i mi gang zhig de gzhan dris pa na/ gzhan du smra ste/ bden par mi smra zhing gzhan gyi tshig 'khrugs par bya ba'i phyir tshig brgyud pa ste/ yud tsam la tshig brgya 'am stong smra bar byed na/ nyin par ram mtshan mo lta la ci smos te/ tshig kyal pa smra ba dang / brnab sems can gyi mi gang zhig rtag par rgyun du mnyam pa dang mi mnyam pas gzhan gyis yongs su bzung ba'i yo byad rnams la mngon par zhen par byed/ lhag par 'brang bar byed pa dang / gnod sems can gyi mi gang zhig rtag par rgyun du 'tshe bas khro ba dang / 'khon du 'dzin pa yongs su rdzogs par bya ba'i phyir lhag par bdo bar byed pa dang / log par lta ba'i mi gang zhig lta ba nyams pas rtag par rgyun du lam gol ba la gzhol zhing / yang dag pa'i lta ba yid la byed pa'i sems gcig tsam yang skyed par mi byed na/ shA ri'i bu 'di ji snyam du sems/ ji ga mi dge ba bcu'i las kyi lam de lta bu dang ldan pa'i mi de dag bsod nams ma yin pa'i phung po mang du mngon par 'du byed par 'gyur ram/ bcom ldan 'das mang du 'gyur lags so/ /bde bar gshegs pa mang du 'gyur lags so/ /shA ri'i bu khyod la go bar bya'o/ /khong du chud par bya'o/ /gang yang mi dge ba bcu'i las kyi lam de lta bu dang ldan pa'i mi de dag rtag par rgyun tu bar chad med par lo brgya'i bar du bsod nams ma yin pa'i phung po bsags pa bas/ </font><hr>58.41a<br><font size=+1>

dge slong tshul khrims ral ba gang zhig bstan pa 'di la drang srong gi rgyal mtshan gyis g.yogs nas dad pas byin pa la zhag gcig longs spyod par byed na/ de bas ni ches mang du mi dge ba'i rtsa ba mngon par 'du byed par 'gyur ro/ /de'i phyir tshul khrims ral ba'i dge slong 'di ni nyin zhag gcig dad pas byin pa la longs spyod na de nyid de dag las mi dge ba'i rtsa ba ches mang du mngon par 'du byed pa yin te/ 'di lta ste tshul khrims ral ba'i dge slong nyin zhag gcig dad pas byin pa la longs spyod par byed pa yin no/ /de ci'i phyir zhe na/ shA ri'i bu 'di ltar srog gcod pa'i mi ni skye bo mang pos ngo shes par bya ba dang / skye bo mang pos rig par bya ba dang / skye bo mang pos smad pa'i 'os yin no/ /de ni thams cad kyi tshul khrims 'chal pa zhes bya ba dang / gtum po zhes bya ba dang / sdig can zhes bya ba dang / bshung ba zhes bya ba dang / mi gtsang ba zhes bya ba dang / mi dge ba zhes bya ba dang / dge legs ma yin pa zhes bya ba dang / yon tan med pa zhes bya ba dang / yon tan dang bral ba zhes bya bar grags shing yongs su spang bar bya ba'i 'os su 'gyur ro/ /de ni skye bo mang pos kyang lhag par yang yon tan med do zhes bya bar shes par 'gyur ro/ /shA ri'i bu de lta mod kyi srog gcod pas srog chags kyi srog la gnod par byas nas res 'ga' bdag la rnam par smin pa mi sdug par 'gyur bas bdag gi 'di ni cha ma yin no zhes smod pa'i 'du shes skye bar 'gyur yang / de ni skye bo rnams kyis tshul khrims 'chal pa de ltar yang dag par shes te/ de la chung ngu yon tan skra'i rtse mo brgyar gshags pa'i cha tsam 'am/ yung 'bru bye ba brgya stong du gshags pa'i cha tsam yang rtog par mi byed na/ de la yon gnas su sems pa lta ci smos/ de la yon dbul ba dang / skal ba bzang po dang ldan pa dang / rnam par smin pa bde ba dang mtho ris su 'byung ba dang / gong ma'i char 'gro ba'i 'os su</font><hr>58.41b<br><font size=+1>

'gyur ba lta ci smos te/ de ni gnas yod pa ma yin no/ /gang yang de'i bu dang bu mo dang / grogs po dang / nye du dang / snag gi gnyen mtshams dang 'brel pa de dag kyang de'i tshul khrims 'chal par yang dag par shes nas de dag gis de mthong na ldang bar mi byed/ mngon du smra bar mi byed na/ bkur sti bya ba gzhan lta ci smos te/ de ni gnas yod pa ma yin no/ /de las des bsgrubs pa'i longs spyod gang yin pa de dag gis bu dang bu mo dag gi 'tsho ba byed par 'gyur ro/ /shA ri'i bu gang gi phyir rngon pa yang 'di lta bu'i yon gnas su 'gyur ba'i dus de dang de yod de/ las gang gi rnam par smin pas 'phags pa rnams dang phrad nas gal te dge slong ngam/ dge slong ma 'am/ dge bsnyen nam/ dge bsnyen ma 'ga' zhig gis srog gcod pa las yid 'byung bar 'gyur ba yang dag par 'dzin du bcug ste/ de rgyun de las log cing gal te srog gcod pa spang ba'i phyir bstan pa 'di la dad pa rnyed nas khyim nas khyim med par rab tu byung ste/ de sgrib pa med par bya ba'i phyir sangs rgyas rnams dang / sangs rgyas kyi nyan thos rnams rab tu byung ba'i rjes su rab tu byung nas dge ba'i bshes gnyen rnams la bsten cing bsnyen te bkur sti byed pa na/ dge sbyong gi sa 'thob par 'gyur zhing / de mthong ba'i chos la myong bar 'gyur ba'i sdug bsngal skyes pa gang yang rung ba dag gis de sgrib pa med par byas nas 'phags pa'i lam skye bar 'gyur zhing ngan song las kyang yongs su thar bar 'gyur ro/ /shA ri'i bu 'di na yang dge slong sdig can dge sbyong ma yin par dge sbyong ltar bcos pa/ tshangs par spyod pa ma yin par tshangs par spyod par khas 'che ba dag dge ba'i chos thams cad 'gog pa yin no/ /dge ba'i rtsa ba thams cad yang dag par bcad pa yin no/ /des dge ba'i rtsa ba thams cad nyams par byas pas dge ba gang la yang bya ba'i mthu med par 'gyur ro/ /smad pa'i lam sems can</font><hr>58.42a<br><font size=+1>

dmyal ba'i 'khor du lhung ba/ lam stor ba/ lam bkag pa/ gzi brjid nyams pa/ mdog nyams pa/ dpe blang du med pa/ dge ba'i yan lag nyams pa/ lhod pa/ 'bab stegs yongs su nyams pa/ log pa'i 'bab stegs su zhugs pa/ nyes pa bsgrags pa/ nyes par rtogs pa/ gdol pa lta bu/ ngang tshul zhig pa/ zhi ba don med par spyod pa/ dur khrod dang mtshungs pa cho ga yongs su nyams pa de ni nga'i bstan pa 'di la lam sun 'byin pa/ chos kyi rkun mar gnas pa/ 'thab krol ba/ nyan rna ba/ bdud kyi mngag gzhug pa/ phra ma'i tshig can/ gcugs pa rnams kyis mnyan par mi 'os pa yin no/ /shA ri'i bu ji ltar seng ge'i dbus na wa 'am 'khor los sgyur ba'i dbus na ma ning ngam/ lha'i 'khor gyi dbus na spre'u 'am/ klu'i rgyal po'i dbus na longs spyod dang bral ba 'am/ lha'i mig can gyi dbus na dmus long 'am/ mdab bzangs bya'i rgyal po'i dbus na srog chags pad pa 'dug pa de bzhin du/ shA ri'i bu nga'i nyan thos kyi dbus na tshul khrims ral pa'i dge slong 'dug pa lha brgya stong phrag du mas mthong na yid mi bde ba chen po so sor myong bar 'gyur na/ bdud kyi pho nya de gso sbyong gi las sam dgag dbye'i las lta ci smos/ de ni bdud kyi mngag gzhug pa yin te/ des sangs rgyas kyi byang chub yang dag phul 'di thos nas khyim pa rnams la sgrogs pa na de la ma dad pa'i lha dang / klu dang / gnod sbyin kha cig gad rgyangs chen pos gad mo 'debs shing / rta cang shes rnams kyi dbus na rta rgod dang 'dra bar dge slong sdig can sbed pa 'chab pa 'di stan 'di la ci'i phyir 'dug ces 'phya bar byed do/ /de ltar skyes bu dam pa ma yin pas bdag la shes pa 'am lta ba ni 'ga' yang med pa ma yin no zhes mi sems pas/ de lha dang mi dang bdag la slu bar byed pa yin no/ /ltos shig /'di ni lha dang bcas pa'i 'jig rten gyi chom rkun pa yin no/ /</font><hr>58.42b<br><font size=+1>

de ni de ltar lhas kyang yon tan ma yin pa dang ldan par shes bzhin du dad pas byin pa la longs spyod par byed do/ /mngon du smra ba dang / phyag dang / ldang ba dang / thal mo sbyar ba dang / 'dud pa'i las bdag gir byed do/ /khyim pa dang / rab tu byung ba las rigs nyams pa dang / bshung ba dang / dur khrod kyi ro dang 'dra bar spyod pa yin no/ /de chos gos ma byin pa la gyon par byed do/ /lhung bzed ma byin pa la longs spyod par byed do/ /zas ma byin pa la longs spyod par byed do/ /gdugs dang mchil lham ma byin pa la longs spyod par byed do/ /bsod snyoms spyod pa ma byin pa la longs spyod par byed do/ /gnas mal ma byin pa la longs spyod par byed do/ /gding ba ma byin pa la longs spyod par byed do/ /g.yog pa ma byin pa la longs spyod par byed do/ /gtsug lag khang ma byin pa la longs spyod par byed do/ /chu snod ma byin pa la longs spyod par byed do/ /'chag pa dang 'dug pa ma yin pa la longs spyod par byed do/ /khab ral ma byin pa la longs spyod par byed do/ /'di ltar shar dang / lho dang / nub dang / byang gi phyogs gang du gom pa 'dor ba de yang ma byin par gom pa 'dor ba yin no/ /spyod lam na yang chom rkun byed do/ /kun du brtags shing yang chom rkun byed do/ /lta ba yang / g.yas g.yon du lta ba dang / bskum pa dang / brkyang ba dang / snam sbyar dang / lhung bzed dang / chos gos gyon pa na yang chom rkun byed do/ /de'i lus dang ngag dang sems kyi g.yo ba dang rtsom pa gang yin pa de dag thams cad du yang chom rkun byed do/ /de'i skra 'dreg tu 'jug pa gang yin pa de dag kyang chom rkun pa'i skra 'dreg tu 'jug pa yin no/ /shA ri'i bu tshul khrims kyi sbyor ba zhig pa'i dge slong rnams kyi g.yo ba dang / sems pa dang / spyod pa dang / yongs su spyod pa de dag thams cad ni chom rkun pa yin no zhes gsung ngo / /shA ri'i bu chung ngu na dge slong sdig can de'i lag pa 'khru ba</font><hr>58.43a<br><font size=+1>

dang / bshang ba dang / gci ba byed na yang chom rkun pa yin no zhes gsung ngo / /de ci'i phyir zhe na/ shA ri'i bu 'dzam bu'i gling 'di ni rgyal po dang / rgyal po'i blon po chen po dang / mi dang mi ma yin pa rnams kyis yongs su gzung ba yin na/ skyes bu gti mug 'di ni lha dang mi'i chom rkun pa yin no/ /shA ri'i bu rnam grangs 'dis kyang rgyal po 'am/ rgyal po'i blon po chen po dag /chom rkun pa 'di ni yon tan gyis bdag cag pas ches gtso bo 'am/ ches khyad par du 'phags pa yin no bar cung zad kyang rtog par mi byed do/ /shA ri'i bu yang rgyal po 'am/ rgyal po'i blon po chen po dag ni tshul khrims ral pa'i dge slong drang srong gi rgyal mtshan gyis g.yogs pa la yon tan yod par 'du shes par mi byed pas/ de'i phyir de dag sa la gom pa gcig 'dor ba yang rjes su ma gnang ngo / /shA ri'i bu de la skyes bu dam pa ma yin pa la rjes su ma gnang ba de lta bu gang ci yang rung mchil ma dor ba tsam de thams cad kyang dad pas byin pa yin no/ /shA ri'i bu rnam grangs 'dis kyang dge slong sdig can ni nyin mtshan rtag par rgyun du chom rkun pa'i spyod pa kho na spyod par byed/ chom rkun pa'i g.yo ba kho na g.yo bar byed de/ shA ri'i bu thams cad kyi chom rkun pa zhe 'am/ chom rkun par grags pa zhe 'am/ thams cad 'phrog pa zhes bya ba de ni dge slong sdig can gyi tshig bla dgas yin no/ /shA ri'i bu rnam grangs 'dis kyang dge slong sdig can ni lha dang bcas pa'i 'jig rten gyi chom rkun pa zhes bya'o/ /shA ri'i bu lha dang bcas pa'i 'jig rten gyi chom rkun pa gang yin pa des ni dad pas byin pa'i chu phor bu gang yang yongs su sbyang bar nus sam/ gsol pa/ bcom ldan 'das rngo mi thog lags so/ /bka' stsal pa/ shA ri'i bu de la mi dge ba las ji skad brjod par bya/ sdig can gyi dge slong las ji skad brjod par bya/ shA ri'i bu tshul khrims ral ba'i dge</font><hr>58.43b<br><font size=+1>

slong 'di ni gang yang lha dang bcas pa'i 'jig rten gyi chom rkun pa nyes pa chen po'i skyon can yin te/ shA ri'i bu de bzhin gshegs pas don 'di la gzigs nas/ 'di skad ces lcags kyi thu lum me lce 'bar ba lta bu za ba ni bla'i tshul khrims 'chal pa ma bsdams pa'i yul 'khor gyi bsod snyoms za ba ni de lta ma yin to zhes gsungs so/ /shA ri'i bu yang tshul khrims 'chal pa'i dge slong ni rigs nyams pa dang / dpe blangs du med pa dang / de'i lus yongs su gdungs pa dang / sems yongs su gdungs pa yin/ rmi lam du sdig pa rmi ba yin/ gcig pu la mngon par mi dga' ba dang / dben par song nas dbugs ring du 'dren pa dang / dge slong tshul khrims dang ldan pa rnams kyi mdun du zhum pa dang / kun du zhum pa dang / bag 'khums pa dang / bag tsha ba yin/ dad pas byin pa len na yang phyogs 'khrugs pa'i sems dang ldan pa yin/ zang zing la zhen pa dang / ro'i sred pa la zhen pa yin te/ lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /shA ri'i bu 'di yang dge slong tshul khrims 'chal pa'i 'chal pa'i tshul khrims kyi skyon bdun pa yin te/ ngan song rab tu rdzogs par bya ba'i phyir zhugs pa yin no/ /shA ri'i bu gzhan yang tshul khrims 'chal pa'i dge slong ni bre mo'i gtam la dga' ba dang / bre mo gtam la mngon par dga' ba dang / phrag dog can yin no/ /tshul khrims 'chal pa'i 'khor can yin no/ /tshul khrims 'chal pa sten pa dang / tshul khrims kyi gtam la mi dga' ba yin no/ /mdo sde zab mo 'di lta bu dag dang mi mthun par byed pa yin no/ /mdo sde 'di lta bu 'di dag smra ba la mi mthun par byed cing rtsod pa dang / stan la mngon par mi dga' ba dang / phyogs dang phyogs 'tshams su lta bar byed pa dang / lag pas gdong 'gebs pa dang / bar snang la lta bar byed pa dang / stan las</font><hr>58.44a<br><font size=+1>

langs te 'gro ba dang / de bzhin gshegs pa'i gsung la smod pa dang / chos smra ba la khro bar byed pa yin no/ /de mi dge ba de dang ldan pa'i lus dang ngag dang yid kyi nyes par spyod pas ngan song du 'gro bar 'gyur ro/ /shA ri'i bu 'di yang dge slong tshul khrims 'chal pa'i 'chal pa'i tshul khrims kyi skyon brgyad pa yin te/ ngan song rab tu rdzogs par bya ba'i phyir zhugs pa yin no/ /shA ri'i bu gzhan yang dge slong tshul khrims 'chal pa ni yon tan sgrogs pas slob dpon gtso bor byed pa yin/ grags pa dang sgra dang tshigs su bcad pa mngon par bstod pas mkhan po gtso bor byed pa yin no/ /tshul khrims dang ldan pa'i ming yongs su bsgrags pas 'tsho ba yongs su sgrub pa dang / grims pa dang / ltogs 'dod che ba yin no/ /dper na bya rog bzhin du dge 'dun gyi ming gis bdag nyid kyi chos gos dang / bsod snyoms dang / gnas mal dang / nad kyi rkyen sman dang / yo byad rnams yongs su sgrub par byed pa yin no/ /mthu dang ldan pa dang lus kyi 'jo sgeg la brtson pa yin no/ /ngo tsha med pa dang 'dzem pa med pa yin no/ /tshig thun tshags su smra ba dang / lag pa dang rkang pa rgod pa yin no/ /rigs nyams pa yin no/ /bud med la sten pa yin no/ /skyes pa la mi sten pa yin no/ /shin du yongs su 'dris par byed pas gus pa med pa yin no/ /de'i bsngags pa lha dang / klu dang / gnod sbyin yang mi smra'o/ /de'i bsngags pa sangs rgyas bcom ldan 'das rnams kyang gsung bar mi 'gyur ro/ /'tshe ba la dpa' ba dang / dge 'dun gyi tha snyad dang ldan pa kun byed pa yin no/ /shA ri'i bu gang zag de lta bu ni dge 'dun gyi dbang phyug 'dod pa yin no/ /gang ci la mngags kyang ma dris par smra ba yin no/ /chos gos tshol ba yin no/ /gzhan tshul khrims dang ldan pa rnams la glags lta ba la brtson pa yin no/ /mtshungs par byed pa yin no/ /dam pa ma yin pa'i chos 'dzin pa</font><hr>58.44b<br><font size=+1>

pa dang dam pa ma yin pa'i chos len pa yin no/ /tshogs la dga' ba yin no/ /rtsod pa 'bar bar byed pa yin no/ /shA ri'i bu 'di yang dge slong tshul khrims 'chal pa'i 'chal pa'i tshul khrims kyi skyon dgu pa yin te/ ngan song rab tu rdzogs par bya ba'i phyir kun du zhugs pa yin no/ /shA ri'i bu gzhan yang dge slong tshul khrims 'chal pa ni rtsod pa len pa yin no/ /thab mos dga' ba 'thob pa dang / chos gos la zhen pa yin no/ /'gro ba ngan par 'gro ba dang nyal ba'i bde ba la gzhol ba yin no/ /bsngags pa rnyed na dga' ba dang / bshes pa'i khyim dang / slong mo pa'i khyim la chums pa yin no/ /khyim la phrag dog byed pa dang / gnas la phrag dog byed pa yin no/ /de ci'i phyir zhe na/ kye ma bdag gis 'di dge slong de dag gis ma shes kyang ci ma rung snyam du sems pa'i phyir ro/ /tshul khrims la sdang ba yin no/ /'chal pa'i tshul khrims la kun du dga' ba dang / sbyin pa'i bsngags pa 'ba' shig lhag par smra ba yin te/ tshul khrims dang / bzod pa dang / brtson 'grus dang / bsam gtan dang / shes rab dang / nye bar zhi ba rnams kyi ma yin/ dgon pa'i gnas dben pa cung zad don gyi sgo nas sam/ cung zad yi ge'i sgo nas kyang ma yin te/ dge slong ngo tsha shes pa rnams la bsngags pa ma yin pa brjod pas mngon par brtson par byed pa yin no/ /de dge slong sbyangs pa'i yon tan dang ldan pa rnams la cung zad don gyi sgo nas sam/ cung zad yi ge'i sgo nas kyang bsngags pa/ ma yin pa smra zhing ci nas kyang skyon 'dogs pa yin no/ /rigs rgyud smra ba la zhugs pa yin no/ /sngon gyi nye du smos pa dang / ci'i rgyus chos ston kyang 'di ltar bkren pa'i phyir yin pa dang / bag tsha bas lce gnyis su smra ba dang / rang gi skye bo mi spong ba dang / skye bo mang pos myur du zil gyis mnan pa 'thob pa dang / yid</font><hr>58.45a<br><font size=+1>

du mi 'thad pa yin no/ /tshul khrims dang ldan pa rnams la kha zer ba dang / gdams ngag smra ba'i skyes pa dang / bud med rnams la mi sten pa dang / de mdo sde 'di lta bu 'di dang / mdo sde 'di lta bu 'chang ba dang / ston pa gang yin pa de dag yid la mi 'thad pa dang / mdo sde 'di lta bu 'di ston pa rnams la dga' ba dang / mgu bar byed pa gang yin pa de dag la yang sdang zhing yid du mi 'ong bas tshul khrims kyi bsngags pa mi rjod pa yin no/ /'di lta bu'i mdo sde ston pa rnams kyi drung du nye bar mi 'gro'o/ /nye bar song na yang slar myur du ldog pa dang / ltos pa med par ston pa yin no/ /byung rgyal du smra ba dang / khyim pa nye du ma yin pa la nye dur smos pa yin no/ /dbang phyug gi phyir 'bye bar byed pa dang / tshul khrims dang ldan pa'i phyogs la smod par byed pa yin no/ /shA ri'i bu 'di yang dge slong tshul khrims 'chal pa'i tshul khrims kyi skyon bcu pa yin te/ ngan song yongs su rdzogs par bya ba'i phyir kun du zhugs pa yin no/ /shA ri'i bu dge slong tshul khrims 'chal pa rnams kyi 'chal pa'i tshul khrims kyi skyon ni bcu po 'di dag yin te/ ngan song yongs su rdzogs par bya ba'i phyir kun du zhugs pa yin no/ /'chal pa'i tshul khrims kyi le'u ste lnga pa'o//  //shA ri'i bu 'tsho ba'i lam du bying ba/ rtsod pa la zhen pa/ bdag dang gzhan la gnod pa byed pa skyes bu dam pa ma yin pa de lta bu dag gis 'dzam bu'i gling 'di rab tu gang bar 'gyur ro/ /shA ri'i bu de lta bas na bcom ldan 'das 'od srung gis de bzhin gshegs pa shAkya thub pa'i gsung rab de ni lhag par rnyed pa dang bkur sti byed pas myur du nub par 'gyur ro zhes lung bstan te/ shA ri'i bu 'di ltar chos 'dul ba 'di ni rnyed pa dang bkur stis myur du nub par 'gyur ro/ /shA ri'i bu dper na mi dbul po zhig gis</font><hr>58.45b<br><font size=+1>

gter chen po zhig rnyed nas gzhi de las bde ba dang / yid bde ba nyams su myong ngo / /shA ri'i bu de bzhin du ma 'ongs pa'i dus na/ dge slong dag 'di ltar khyim pa la sten pa dang / phu dud byed pa dang / bkur sti byed pa dag 'byung bar 'gyur ro/ /shA ri'i bu de la khyim pa gang dag gis dge slong gang dag 'jig rten gyi zang zing gis zang zing la mgron du 'bod par 'gyur zhing / de dag 'jig rten gyi zang zing gis yid bde bar bya ba'i phyir las kyi mtha' de dag rim bzhin du byed par 'gyur ro/ /mi dbul po gter la chags pas bde ba ma mthong ba de bzhin du dge slong gang dag 'jig rten gyi zang zing lhur len par 'gyur te/ 'jig rten gyi zang zing gis 'khol bas chog mi shes pa dang nye du 'dod par 'gyur ro/ /bdag nyid mi shes bzhin du khyim pas shes par bya'i phyir bdag nyid dgra bcom pa yin par sgrogs par byed do/ /de dag de ltar shes par byed pa yongs su tshol ba na sangs rgyas kyi byang chub 'dor bar 'gyur ro/ /de dag gang kho na la spyod pa de kho nas mgu bar 'gyur bas de yongs su sgrub par byed do/ /shA ri'i bu de lta bas na de bzhin gshegs pas skyes bu blun po de dag gi don du 'di lta bu'i mdo sde 'di rab tu ston par mdzad do/ /de ci'i phyir zhe na/ shA ri'i bu tshul khrims ral ba'i dge slong 'byung ba gang yin pa de dag de bzhin gshegs pas gsungs pa'i mdo sde 'di lta bu 'di thos nas nyams par bya ba'i phyir 'jug par 'gyur ba'i phyir ro/ /shA ri'i bu de la dad pas byin pa rnams la longs spyod par byed pa dag ni chom rkun pa chen po yin no/ /shA ri'i bu chos 'dul ba 'di thos nas dga' ba'am rangs par mi 'gyur ba gang yin pa de ni lhag par yang dge slong sdig can yin par shes par bya'o/ /de ci'i phyir zhe na/ shA ri'i bu 'di ltar dge slong tshul khrims dang ldan pa dag la ni yang na tshul khrims kyi gtam 'am/ yang na ting nge 'dzin gyi gtam 'am/ yang na shes rab kyi gtam 'am/ yang na kun du skyo bar 'gyur ba'i chos kyi gtam de lta bu gang yang yid du mi 'ong bar mi 'gyur ba'i phyir ro/ /shA ri'i</font><hr>58.46a<br><font size=+1>

bu 'di lta bu'i mdo sde 'di thos na gsum yid mi bde bar 'gyur te/ gsum po de dag gang zhe na/ tshul khrims ral ba'i dge slong gang yin pa dang / mngon pa'i nga rgyal can gyi dge slong gang yin pa dang / chos ma yin pa'i gtam chos kyi gtam ltar bcos pas yongs su ma dag pa ston pa'i dge slong gang yin pa'o/ /gzhan yang gsum yid mi bde bar 'gyur te/ gsum po de dag gang zhe na/ bdag tu lta ba dang / srog tu lta ba dang / gang zag tu lta ba'o/ /gzhan yang gsum yid mi bde bar 'gyur te/ gsum po de dag gang zhe na/ phung por lta ba dang / khams su lta ba dang / skye mched du lta ba'o/ /shA ri'i bu khyod la go bar bya'o/ /khong du chud par bya'o/ /ji ltar dge ba'i bshes gnyen gyis rjes su snying brtse ba dang / don du 'dod pa dang / phan par 'dod pa dang / bde bar 'dod pa dang / grub pa dang bde bar 'dod pa de ltar smra yis/ shA ri'i bu nga'i tshig nyon la bag yod pas bslab par bya'o/ /khyod kyis dge ba ci yin zhes btsal zhing goms par bya'o/ /shA ri'i bu lnga po 'di dag ni yongs su ma dag pa'i chos ston pa'i dge slong gi yid mi bde bar 'gyur te/ lnga gang zhe na/ sangs rgyas kyi gsung thams cad chub par ma byas pa dang / mdo sde rnams kyi gdams ngag med pa dang / rtsod pa'i gtam la mngon par dga' ba dang / chos rnams la ma dad pa skyes pas mdo sdes mdo sde la skyon 'dogs pa dang / rnyed pa bkur sti sngon du btang ste chos ston pa'o/ /shA ri'i bu lnga po 'di dag ni yongs su ma dag pa'i chos ston pa'i dge slong rnams la yid mi bde bar 'gyur ro/ /shA ri'i bu nga ni de lta bu'i chos smra ba ni ngan song rtsom pa dang / mya ngan las 'das pa mi rtsom pa yin no zhes gsung ngo / /shA ri'i bu gzhan yang 'di na dge slong kha cig chos ma yin pa'i gtam chos kyi gtam ltar bcos nas 'khor gyi nang du song ste/ dad pas byin pa'i gnas mal bshams pa de la 'dug nas 'jig</font><hr>58.46b<br><font size=+1>

rten rgyang phan la mkhas pa dag rab tu ston par byed/ sangs rgyas kyi gsung nye bar gtod par byed/ gang zag tu lta ba nye bar gtod par byed de/ sangs rgyas kyi gsung gi rnam grangs mi shes pas bdag med pa'i mtshan nyid ni spong bar byed do/ /de la dge slong des pa rnams kyis mdo sde dang rjes su mthun par bskul ba na/ yid gnyis su lhung nas bdag la ma smra shig ces mdo sdes mdo sde la skyon 'dogs par byed/ mdo sdes mdo sde la phyir sun 'byin par byed kyi/ rjes su slob par ni mi byed do/ /mdo sde la cung zad ci yang rung bar bkyogs nas 'phags pa'i phyogs kyi chos ston to/ /nye du 'dod pas chos ston to/ /zang zing sngon du btang ste chos ston to/ /zil gyis mnan pa'i phyir chos ston to/ /shA ri'i bu de la dad pas byin pa'i stan la 'dug pa'i dge slong gang yin pa de 'jig rten rgyang phan pa'i mkhas pa dag rab tu ston par byed na des stan de las bslang bar bya'o/ /de ci'i phyir zhe na/ shA ri'i bu 'di ltar de ni dad pas byin pa'i 'phags pa'i stan la 'dug nas gcer bu pa'i tshig smra bar bya ba ma yin pa'i phyir ro/ /gal te ldang du ma btub na de ni rung ba ma yin pa ston pa'i gsung rjes su srung ba ma yin pa yin no/ /shA ri'i bu de ltar ston na ltos pa dang bcas pas chos mnyan par bya'o/ /shA ri'i bu nga ni 'di lta bu'i chos smra ba ni dge sbyong gi snying po ma yin gyi/ gcer bu pa'i snying po yin no zhes gsung ngo / /de lus zhig nas shi ba'i 'og tu skyes bu dam pa ma yin pa rnams dang / gcer bu pa rnams kyi 'gro ba gang yin pa der 'gro bar 'gyur ro/ /shA ri'i bu 'o na gcer bu pa rnams kyi 'gro ba gang zhe na/ log par lta ba rnams kyi gang yin pa'o/ /'o na log par lta ba rnams kyi 'gro ba gang zhe na/ sems can dmyal ba dang / dud 'gro'i skye gnas dang / gshin rje'i 'jig rten no/ /de ci'i phyir zhe na/ shA ri'i bu bdag nyid mi mkhas pa dang / ma</font><hr>58.47a<br><font size=+1>

bslabs pas gzhan la chos ston pa dang / lus kyis mngon sum du ma byas par seng ge'i khri don du gnyer ba dang / sred par lhung nas seng ge'i khri don du gnyer ba gang yin pa de de ltar 'gyur ba'i phyir ro/ /shA ri'i bu 'di ltar kha sna tshogs dang / 'dzin pa sna tshogs dang / lta ba sna tshogs dang / blo gros sna tshogs dang / bsam pa sna tshogs kyis bstan pa 'di nub par 'gyur ba'i don 'di de bzhin gshegs pas mkhyen to/ /shA ri'i bu skyes bu blun po de dag gis de bzhin gshegs pas gsungs pa'i mdo sde zab mo dmigs su med pa/ sangs rgyas kyi byang chub don dam pa stong pa nyid 'di lta bu 'di thos na cher dngangs par 'gyur zhing g.yang sa chen por lhung bar 'gyur ro/ /shA ri'i bu dper na sngon byung ba 'das pa'i dus na mig med pa'i dmus long lnga brgya lam ring por 'dong ba las grong rdal zhig tu nye bar lhags pa dang / bkres pa dang / skom pas de dag gis grong rdal de nyid du btab ste/ dmus long gcig brungs srung bar bzhag nas/ lhag ma rnams slong zhing dong ngo / /shA ri'i bu de nas dmus long de dag dong nas ring mo ma lon par g.yon can zhig brangs srung ba'i dmus long gang na ba der song nas/ brangs srung ba'i dmus long de la 'di skad ces smras so/ /'ba' shig de na ci byed/ des smras pa/ kho bo 'ba' shig ma yin te/ gzhan dag kyang yod do/ /g.yon can gyis smras pa/ grogs po phyogs ga ge mo zhes bya ba na/ zas don du gnyer ba la ni zas/ skom don du gnyer ba rnams la ni skom ste/ sbyin pa mang po gtong ba yod de/ ma song ba la ni mi ster ro/ /gal te 'dod na kho bos khyod der bkri'o/ /des smras pa/ de bzhin du bgyi'o/ /des dmus long de mtha' gcig tu bzhag ste/ dmus long de rnams kyi rdzas gang yin pa de dag thams cad brkus so/ /de nas dmus long slong mo pa de dag lhags pa dang / de nas g.yon can de dmus long de dag gang na ba der song ste/ dmus</font><hr>58.47b<br><font size=+1>

long de dag la 'di skad ces smras so/ /ji ga gtong ba chen po la 'dong ngam/ de dag gis smras pa/ grogs po med pa snyam/ des smras pa/ nyon mongs dag bslang ba ngan pa 'di da bor cig dang / khyed kho bos der dkri'o/ /de dag gis bslang pa rnams bor nas g.yon can de'i phyir bzhin du dong ba dang / g.yon can des bgrod dka' ba'i rdzong g.yang sa chen po zhig yod pa der deng nas des smras pa/ phyogs 'di ni mnyam pa nyams dga' ba yin no/ /phyogs 'di nas ni sbyin pa chen po gtong ba yin no zhes des ha cang mi ring ba zhig tu 'dug nas/ nga ro dag phyung zhing mdun 'o ni nas sbyin pa chen po long shig ces sgra dag rjes su bsgrags so/ /shA ri'i bu de la dmus long de dag thams cad g.yang sa chen po der btsud nas tshul ma yin pas sdug bsngal bar gyur to/ /shA ri'i bu de ltar mig med pa'i dmus long rnams kha zas kyi rgyus srog dang bral bar gyur to/ /ji ltar g.yon can brkam chags can des dmus long de dag thams cad deng nas g.yang sa chen por btsud pa de bzhin du ma 'ongs pa na 'byung bar 'gyur ba'i dge slong de dag la bdud sdig can gyis 'jig rten rgyang pan pa'i gdams ngag rnams kyis bslus par 'gyur zhing / 'jig rten rgyang pan pa'i gdams ngag rnams la mngon par dga' ba skye bar 'gyur ro/ /de dag lhag par yang dge ba'i chos rnams la kun du rmongs par byas par 'gyur ro/ /shA ri'i bu dge slong sgra la dga' ba dang sgra la sems pa gang yin pa de dag 'byung bar 'gyur te/ de dag gi bsam pa yang lhag par shes par 'gyur zhing / dge slong 'jig rten rgyang pan la mngon par brtson pa gang yin pa de dag gis de dag gi phyir blo gros dang spobs pa lhag par yang sbyin par 'gyur ro/ /shA ri'i bu dge slong sangs rgyas kyi gsung la mngon par brtson par 'gyur ba gang yin pa de dag 'byung bar 'gyur te/ de dag kyang kun du rmongs par byed par 'gyur ro/ /</font><hr>58.48a<br><font size=+1>

gang gi phyir dge slong dag sangs rgyas kyis gsungs pa'i mdo sde gnyis sam gsum bzung bar gyur pa dang / de 'di snyam du bdag gis sangs rgyas kyi gsung la ni byas zin gyis/ re shig bdag gis yang 'jig rten rgyang pan pa btsal zhing chub par bya'o snyam du sems so/ /shA ri'i bu 'jig rten rgyang pan pa'i dge slong gang yin pa de dag 'byung bar 'gyur te/ de dag gis de rnams la 'di kho na mchog go/ /'di kho na gtso bo yin no zhes spro ba skyed par 'gyur ro/ /de ltar skyes bu blun po de dag dmus long rnams g.yang sa chen por ltung bar gyur pa de bzhin du bdud sdig can gyis mngon par zil gyis mnan par 'gyur ro/ /sred pa dang chags pa'i zil gyis non pa dang / 'jig rten gyi zang zing gi rgyu la mngon par brtson pa dang / dmus long rnams shes bya ba de lta bu de ni/ shA ri'i bu 'di ltar dge slong rnams kyi tshig bla dgas yin te/ gang yang sangs rgyas kyi byang chub spong zhing gcer bu pa'i tshig tshol ba'i phyir ro/ /shA ri'i bu g.yon can zhes bya ba de ni bdud sdig can gyi tshig bla dgas yin te/ lam log pa thob par byed pa'i phyir ro/ /shA ri'i bu dper na dmus long de dag gis grong rdal gyi bslangs pa bor te/ sbyin bdag chen po la mngon par dga' nas gtong ba chen po tshol ba na g.yang sa chen por btsud pa de bzhin du/ shA ri'i bu gang yang dge slong de dag gis nga'i rjes su bstan pa bor te/ bsod snyoms phal pas chog mi shes shing / 'gron du gnyer ba chen pos tshol bar 'gyur ro/ /de dag zang zing gi rgyus ngan pa'i zhags pas bcings nas/ bdud sdig can gyis g.yang sa chen por gtong bar 'gyur zhing / shes rab 'chal pa shes rab yongs su nyams pa rnams mnar med pa chen por ltung bar 'gyur ro/ /shA ri'i bu de la lhag ma yongs su ma dag par chos ston pa'i dge slong gang yin pa de ni sangs rgyas kyi gsung thams cad chub par ma byas pa dang / bdag nyid mi mkhas pa dang / ma bslabs</font><hr>58.48b<br><font size=+1>

par 'khor gyi nang du song nas gzhan la chos ston par 'gyur te/ de'i tshe 'di la dge slong lha'i mig dang ldan pa 'am/ lha 'am/ gang dag pha rol gyi sems rig pa ma gtogs par mis mi shes pa'i skyon lnga dang ldan par 'gyur te/ de de na bdag la 'ga' zhig rtsod par mi 'gyur grang zhes yid gnyis kyis chos ston par 'gyur bas byis pa so so'i skye bo rnams kyis shes par dka' ba'i zug rngu de'i sems la gnas pa dang / rang gi spob pa pa kun nas nyon mongs pa can gyi tshig dang yi ge 'chal pa dang / de'i sdig pa'i tshig gi rnam par smin pa ste/ rgyu 'thun pa'i rnam par smin pa dang / 'gyod pa yid la byed pa dang / dge 'dun gyi nang na 'dug na byis pa so so'i skye bo rnams kyis shes par dka' ba sems la gnas pas gdung bar 'gyur ba ste/ mdo sde'i tshul mi shes par gzhan la ci dgar mngon sum du chos ston par 'gyur ba'i shes pa de lta bu ni de la yod pa ma yin pas/ de'i yid gnyis gang yin pa ni byis pa so so'i skye bo rnams kyis shes par sla ba ma yin pa'i phyir ro/ /de nges pa med pa'i shes pa dang / nga rgyal gyi dbang dang / phran tshegs kyi ched du sems pa dang / nye du 'dod pas ma brtags par zug rngu dang bcas pa'i chos ston par 'gyur te/ yun ring por 'dod chags kyi zug rngu dang / zhe sdang gi zug rngu dang / gti mug gi zug rngu rnyed par 'gyur ro/ /de ci'i phyir zhe na/ shA ri'i bu ma nges par chos ston pa'i rnam par smin pa las skyes pa'i bzang po'i gnas skabs shig byung na yang / de 'di ltar 'gyur te/ gnas skabs de yang myur ba kho nar 'jig par 'gyur ro/ /shA ri'i bu ngas ni yongs su ma dag pa'i chos ston pa'i dge slong rnams kyi skyon ji ltar dge slong rnams dang lha rnams kyis kyang mi shes pa 'di dag rab tu mkhyen to/ /shA ri'i bu gzhan yang yongs su ma dag pa'i chos ston pa'i dge slong ni de bzhin gshegs</font><hr>58.49a<br><font size=+1>

pas dgongs te gsungs pa mi shes par gzhan la chos ston par byed de/ de de bzhin gshegs pas sems can med pa dang / srog med pa dang / gso ba med pa dang / gang zag med pa'i chos bstan pa gang yin pa de dag la de bdag ce'am/ sems can gzhan zhe 'am/ srog ce 'am/ gang zag ces chos ston cing de nga la yang kha zer/ de chos la yang smod/ dge 'dun la yang skur pa 'debs par 'gyur ro/ /de'i rnam par smin pa gang yin pa de ni de bzhin gshegs pa rnams ma gtogs par lha dang bcas pa'i 'jig rten gyis rig pa 'am yongs su shes par mi nus so/ /shA ri'i bu yang ngas yongs su ma dag pa'i chos ston pa'i dge slong rnams kyi skyon dge slong rnams dang lha rnams kyis kyang mi shes pa gang yin pa 'di dag mkhyen to/ /shA ri'i bu gzhan yang yongs su ma dag pa'i chos ston pa'i dge slong gang yin pas sangs rgyas kyi byang chub 'di mi shes par gzhan la chos ston par byed na/ de mi dge ba'i rtsa ba ji snyed cig dang ldan par 'gyur ba de'i don khong du chud par bya ba'i phyir/ shA ri'i bu 'di ltar khyod la dpes bstan par bya'o/ /shA ri'i bu 'di ji snyam du sems/ 'dzam bu'i gling 'di'i sems can mang ba yin nam/ gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ shA ri'i bu gang gis 'dzam bu'i gling gi sems can rnams srog dang phral na/ de ji ga gzhi de las mi dge ba mang du mngon par 'du byed par 'gyur ram/ gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ shA ri'i bu de bas ni gang zhig sangs rgyas kyi byang chub 'di mi shis par gzhan la yongs su ma dag pa'i chos ston pa de ches mang du mi dge ba'i rtsa ba la mngon</font><hr>58.49b<br><font size=+1>

par 'du byed par 'gyur ro/ /de ci'i phyir zhe na/ shA ri'i bu 'di ltar sangs rgyas kyi byang chub la smod par byed pa ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la kha zer ba'i phyir ro/ /de ci'i phyir zhe na/ shA ri'i bu 'di ltar 'das pa'i dus na byung ba'i de bzhin gshegs pa dgra bcom pa yang dag par rdzogs pa'i sangs rgyas gang yin pa de dag chos ston pa yang chos thams cad stong pa yin te/ sems can med pa/ srog med pa/ gso ba med pa/ gang zag med pa'o/ /shA ri'i bu ma 'ongs pa'i dus na 'byung bar 'gyur ba'i de bzhin gshegs pa dgra bcom pa yang dag par rdzogs pa'i sangs rgyas gang yin pa de dag bla na med pa yang dag par rdzogs pa'i byang chub mngon par sangs rgyas pa de dag gi chos bstan pa yang chos thams cad stong pa yin te/ sems can med pa/ srog med pa/ gso ba med pa/ gang zag med pa'o/ /shA ri'i bu da ltar gyi nga dang / shar dang / lho dang / nub dang / byang dang / phyogs mtshams kyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma dang mnyam pa gang yin pa de dag thams cad chos ston pa yang don dam pa stong pa nyid bdag med pa/ sems can med pa/ srog med pa/ gso ba med pa/ gang zag med pa kho na rab tu ston to/ /shA ri'i bu sangs rgyas bcom ldan 'das rnams kyis yang dag phul gyi chos bstan pa 'di ni don dam pa stong pa nyid yin te/ 'di lta ste/ sangs rgyas kyi chos thams cad ni rang gi ngang gis 'byung ba/ dngos po med pa/ dmigs pa med pa/ stong pa nyid rang bzhin las log pa/ 'gag pa med pa/ ming dang mtshan ma med pa/ rang gi mtshan nyid stong pa rtog pa spangs pa'o/ /shA ri'i bu de bzhin gshegs pa ni rtog pa med pa'i byang chub kyi chos ston to/ /shA ri'i bu rtog pa gang zhe na 'di lta ste/ bdag tu lta ba dang / sems can du</font><hr>58.50a<br><font size=+1>

ba dang / srog tu lta ba dang / gang zag tu lta ba'o/ /shA ri'i bu byis pa so so'i skye bo thams cad ni rtog pa 'di dang ldan pa'i phyir ro/ /gang la rtog pa 'di dag med pa de la ni chos thams cad yid la byed pa med pa'i phyir ro/ /sangs rgyas kyi sde snod tshul khrims 'chal pa tshar gcod pa/ bam po lnga pa/ de lta mod kyi chos thams cad rang gi mtshan nyid stong pa dang / bdag med pa dang / sems can med pa dang / srog med pa dang / gso ba med pa dang / gang zag med par yid la byed do/ /de de ltar yid la byed pa na rab tu dga' ba skye bar 'gyur ro/ /don dam pa stong pa nyid kyis kyang skrag pa dang / dngang ba dang / kun du dngang bar mi 'gyur ro/ /phung po lnga rnams ma skyes pa dang / khams rnams dang skye mched rnams ma byung bar yang dag par shes nas/ de mya ngan las 'das pa la yang rlom sems su mi byed/ mya ngan las 'das pas kyang rlom sems su mi byed de/ mya ngan las 'das pa dmigs su med pa'i phyir ro/ /gang gis zhi ba dang / gang zhi ba dang / gang du zhi ba de yang rlom sems su mi byed de/ dmigs su med pa'i phyir ro/ /shA ri'i bu don dam pa stong pa nyid de ni rjes su 'thun pa'i bzod pa yin no/ /de rjes su 'thun pa'i bzod pa de dang ldan na don dam pa gang yin pa de la rang gi mtshan nyid dmigs su med do/ /shA ri'i bu bzod pa'i rang gi mtshan nyid gang zhe na/ 'di lta ste mtshan nyid med pa'o/ /shA ri'i bu 'di ji snyam du sems/ bzod pa'i mtshan nyid gang yin pa de ji ga bdag yin nam/ sems can yin nam/ srog yin nam/ gso ba yin nam/ gang zag yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ri'i bu shes pa de dang ldan pa gang yin pa de ni dgra bcom pa yin no/ /sangs rgyas kyi sras yin no/ /mi gnas pa'i bsam gtan pa yin no/ /shA ri'i bu 'di ni sangs rgyas kyi gsung gang la yang mi rtog pa/ rnam par rtog pa med pa ste/ 'di ni don dam pa'i rnam par thar pa'i sgo yin no/ /skyes bu blun po gang zhig 'khor gyi nang du song ste/ brtags shing brtags nas 'di ni sangs rgyas kyi gsung yin no/ /'di ni</font><hr>58.50b<br><font size=+1>

'phags pa'i lam yin no zhes ston cing log pa'i lta ba ston par byed na/ de ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la smod pa dang / sdig pa'i grogs po yin te/ skyes bu dam pa ma yin pa de ni dge ba'i bshes gnyen ma yin no/ /de ci'i phyir zhe na/ shA ri'i bu ji ltar yang phas kyi rgol ba 'ga' zhig gis mdza' bshes kyi srog dang 'bral bar byed na de ni tshe gcig gi yin no/ /skyes bu blun po yongs su ma dag pa'i chos ston pa 'di ni srid pa bye ba phrag brgya stong rnams su gnod pa chen po byed pa yin te/ de dag sangs rgyas kyi byang chub la rmongs pa dang / sngon gyi 'dzin pa de nyid 'bar bar byed/ kun du 'jug par byed de/ 'dzin pa gang gis nga rgyal rgyun gcod par mi byed pa yin no/ /shA ri'i bu rnam grangs 'dis kyang yongs su ma dag pa'i chos ston pa'i dge slong ni bsod nams ma yin pa mang du skyed par byed pas sdig pa'i grogs po yin no/ /'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi sangs rgyas kyi byang chub la smod pa yin no/ /shA ri'i bu 'dzam bu'i gling na sems can ji snyed 'khod pa dang / spyi phud kyi 'jig rten gyi khams su ji snyed gtogs pa dang / shA ri'i bu stong gsum gyi stong chen po'i 'jig rten gyi khams 'di'i ji snyed pa de dag thams cad 'ga' zhig gis srog dang phral ba bas ni gang zhig gzhan la yongs su ma dag pa'i chos ston par byed na/ 'di nyid de bas ches bsod nams ma yin pa mang du skyed par 'gyur ro/ /de bzhin du gling bzhi pa rnams dang / spyi phud kyi 'jig rten gyi khams su gtogs pa'i sems can rnams la yang brjod par bya ste/ shA ri'i bu 'dzam bu'i gling gi sems can rnams kyang zhog /spyi phud kyi 'jig rten gyi khams su gtogs pa ji snyed pa yang zhog /shA ri'i bu stong gsum gyi stong chen po'i 'jig rten gyi khams 'di'i sems can ji snyed pa de dag thams cad 'ga' zhig gis srog dang phral ba bas/ gang gis gzhan la yongs su ma dag pa'i chos ston na 'di nyid de bas ches bsod nams ma yin pa mang du skyed par 'gyur ro/ /de ci'i phyir zhe na/ </font><hr>58.51a<br><font size=+1>

shA ri'i bu 'di ltar de sangs rgyas kyi byang chub la smod pa dang / bdud kyi phyogs 'bar bar byed pa dang / sems can rnams la yang srid pa bye ba brgya stong rnams su gnod pa chen po byed pa dang / rmongs par byed pa'i phyir ro/ /skyes bu blun po de ni grol bar mi byed pas de'i phyir de ni sems can thams cad kyi sdig pa'i grogs po bden pa ma yin par smra ba yin no/ /skyes bu dam pa ma yin pa gang yin pa de 'khor gyi nang du song ste/ sangs rgyas la smod par byed de/ de'i phyir de ni sems can dmyal ba chen po zhes bya'o/ /skye bo mang po log pa'i lta ba 'dzin du 'jug pa yin no/ /srid pa brgya phrag stong du sangs rgyas kyi byang chub la dga' bar mi 'gyur te/ shA ri'i bu gang zag tu lta ba ni phal cher log pa nyid du ltung bar 'gyur ro/ /chad par lta ba ni phal cher chos kun myur du shes par 'gyur ro/ /de ci'i phyir zhe na/ lta ba de myur du spong ba'i phyir ro/ /shA ri'i bu mtshon rnon pos lce gtubs pa ni bla'i/ 'khor gyi nang du song nas sam/ dben par song nas sam/ bdag dang gnyis kyis yongs su ma dag pa'i chos ston pa ni de lta ma yin no/ /shA ri'i bu 'di ni yongs su ma dag pa'i chos ston pa'i dge slong rnams kyi skyon yin te/ ngan song rab tu rdzogs par bya ba'i phyir kun du zhugs pa yin no/ /yongs su ma dag pa'i chos bstan pa'i le'u ste drug pa'o//  // shA ri'i bu khyod kyis rnam grangs 'di dag gis kyang de ltar khong du chud par bya ste/ sngon byung ba 'das pa'i bskal pa grangs med pa'i yang ches grangs med pa/ yangs pa/ rgya chen po/ tshad med par gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ </font><hr>58.51b<br><font size=+1>

sangs rgyas bcom ldan 'das bkod pa chen po zhes bya ba byung ngo / /shA ri'i bu bcom ldan 'das de bzhin gshegs pa bkod pa chen po de'i tshe'i tshad ni lo bye ba stong phrag drug bcu rtsa brgyad du gyur to/ /nyan thos kyi dge slong ni brgya stong bye ba phrag drug bcu rtsa brgyad 'dus par gyur to/ /bcom ldan 'das yongs su mya ngan las 'das pa de'i sku gdung rgyas par gyur pa ni dper na ma 'ongs pa na nga'i dam pa'i chos lo lnga brgyar gnas par 'gyur ba dang / dper na ma 'ongs pa na nga'i de las lhag par gnas par mi 'gyur ba bzhin no/ /bcom ldan 'das de bzhin gshegs pa de yongs su mya ngan las 'das nas/ de nas nyan thos kyi dge 'dun mang po las nyi ma gcig gis dge slong brgya yongs su mya ngan las 'das pa nas/ dge slong nyis brgya dang / sum brgya dang / bzhi brgya dang lnga brgya yongs su mya ngan las 'das pa nas/ shA ri'i bu gang yang nyi ma gcig gis dge slong bye ba brgya phrag stong yongs su mya ngan las 'das par gyur pa'i dus de dang / de lta bu byung bar gyur to/ /shA ri'i bu rnam grangs 'dis bcom ldan 'das de'i nyan thos mngon par shes pa'i ye shes dang / mthu chen po dang ldan pa ji snyed pa de dag thams cad lo gsum gyis yongs su mya ngan las 'das par gyur to/ /shA ri'i bu yang bcom ldan 'das de'i gsung rab rgyas pa de la lha dang mi'i 'gro bar gtogs pa mang pos mchod par gyur to/ /de nas dus gzhan zhig na bcom ldan 'das yongs su mya ngan las 'das pa de'i nyan thos de rnams kyang yongs su mya ngan las 'das pa dang / rim gyis skye bo'i tshogs chen po dag rab tu byung nas de dag nad med pa'i dge sbyong dang / de dag mya ngan las 'das pa'i dge sbyong du gyur te/ de dag rnyed pa dang / bkur stis zil gyis non cing len pa la zhen pa'i sems kyis de bzhin gshegs pas gsungs pa'i mdo sde zab mo sangs rgyas kyi byang chub dmigs su med pa/ don dam pa stong pa nyid kyi chos de dag</font><hr>58.52a<br><font size=+1>

la mi 'jug cing ma mos par gyur te/ gzhan du na nges pa med pa'i shes pa dang / nges pa med pa'i don dang / yongs su ma dag pa'i chos spyod cing yongs su ma dag pa'i chos bdag tu smra ba dang / srog tu smra ba dang / gang zag tu smra ba ston gyi/ stong pa nyid smra bar ni ma gyur to/ /shA ri'i bu bcom ldan 'das de yongs su mya ngan 'das nas lo brgya lon pa dang / chos 'dul ba la rnam pa lngar gyur te/ bkur ba'i gzhi pa zhes bya ba dang / 'byung bar dmigs pa zhes bya ba dang / thams cad yod par smra ba zhes bya ba dang / tshogs nas byung ba zhes bya ba dang / nye bar bcings pa zhes bya ba'o/ /shA ri'i bu de la dge slong bkur ba'i gzhi pa zhes bya ba dang / 'byung bar dmigs pa zhes bya ba dang / thams cad yod par smra ba zhes bya ba dang / tshogs nas byung ba zhes bya ba dang / nye bar bcings pa zhes bya ba lnga po de dag ni 'khor gyi gtso bor gyur to/ /shA ri'i bu de la bkur ba'i gzhi pa zhes bya bar gyur pa gang yin pa de dag ni sangs rgyas kyi gsung du gyur pa de dag kun shes shing dmigs su med pa'i stong pa de nyid smra bar gyur to/ /'di ltar dge slong bzhi po de dag ni 'khor dang bcas te/ lam gol ba bzung bas phal cher gang zag tu smra bar gyur to/ /shA ri'i bu de la bkur ba'i gzhi pa zhes bya ba gang yin pa de dag phyogs dgu 'am/ bzhi nas shin du spa bkong bas sran gzugs mi nus shing skye bo mang pos kyang mi sten par gyur to/ /shA ri'i bu de ltar dge slong sdig can bzhi po de dag gis skye bo'i tshogs chen po log pa'i lta ba yang dag par 'dzin du bcug go/ /de ltar bcom ldan 'das de'i gsung rab de yang gcig la gcig bkur sti med pa dang / gcig la gcig smod pas nub par gyur to/ /shA ri'i bu de la chos rnams bstan pa na kun shes pa dang ldan pa dang / rtogs pa dang ldan pa dang / mos pa dang ldan pa gang yin pa de dag ni ngas sangs rgyas stong phrag lnga'i nyan thos su gyur pa bye ba dung phyur</font><hr>58.52b<br><font size=+1>

phrag drug bcu rtsa brgyad yongs su mya ngan las 'das pa gang yin pa de dag yin par mkhyen to/ /de ci'i phyir zhe na/ shA ri'i bu de ltar de dag gis sngon gyis rgyal ba la lhag par bya ba byas pa/ mya ngan las 'das pa dmigs su med pa la spyad pa dag yin pa'i phyir ro/ /shA ri'i bu de la 'byung bar dmigs pa zhes bya ba dang / thams cad yod par smra ba zhes bya ba dang / tshogs nas byung ba zhes bya ba dang / nye bar bcings pa zhes bya ba'i dge slong 'khor dang bcas pa gang yin pa de dag thams cad ni dmigs pa can du gyur/ bdag tu smra ba la kun du rten/ sems can du smra ba dang / srog tu smra ba dang / gang zag tu smra bar 'gyur te/ skye bo mang po'i 'khor dang / gang zag tu smra ba la mngon par zhen par gyur to/ /shA ri'i bu de ltar skyes bu dam pa ma yin pa de dag gis rab tu byung ba dang / khyim pa'i skye bo'i tshogs chen po dag log pa'i lta ba la mngon par zhen par byas nas don dam pa ni spangs/ dmigs su med pa'i stong pa nyid dang / mtshan ma med pa dang / smon pa med pa'i chos sangs rgyas kyi byang chub ni gcer bu pa'i tshig gis bcabs nas log par lta ba yongs su bzung bar gyur to/ /shA ri'i bu de la dge slong bzhi po gang yin pa de dag 'khor gyi gtso bo yin pas skyes bu dam pa ma yin pa bzhi po gang yin pa de dag gi rjes su phyogs pa de rnams kyang de skad du smra bas/ de rnams kyis gsung rab rgya chen po de nub par byas so/ /shA ri'i bu de la gang dag gis chos ma yin pa de la chos su bzung nas de dag gis btsal ba dang / 'bad pa dang / brtson pa byas kyang rjes su 'thun pa'i bzod pa yang skyes par ma gyur na/ 'bras bu thob pa lta ci smos te/ de ni gnas yod pa ma yin no/ /shA ri'i bu 'di ltar khyim pa dang rab tu byung ba de dag phal cher ngan song du dong bar gyur gyi/ bde 'gror dong ba ni ma yin no/ /shA ri'i bu 'di ltar skyes bu dam pa ma yin pa de dag gis sangs rgyas</font><hr>58.53a<br><font size=+1>

kyi byang chub de nub par byas pas/ sems can mang po la gnod pa byed pa yin te/ skyes bu dam pa ma yin pa de dag kyang dus las 'das nas mnar med pa'i sems can dmyal ba chen por lhung nas der lo bye ba brgya stong phrag dgur khas bub tu btsos par gyur to/ /lo stong phrag dgur ni glo g.yas g.yon nas btsos te/ de dag de nas shi 'phos nas rab tu tsha ba dang / tsha ba dang / ngu 'bod chen po dang / ngu 'bod dang / bsdus gzhom dang / thig nag dang / yang sos kyi dmyal ba chen po rnams su lhung nas/ rnam grangs 'di dag gis dmyal ba chen po re rer yang dus de srid du btsos par gyur to/ /de dag de nas yang yang sos kyi dmyal ba chen po nas thig nag tu lhung zhing / thig nag nas bsdus gzhom dang / bsdus gzhom nas ngu 'bod dang / ngu 'bod nas ngu 'bod chen po dang / ngu 'bod chen po nas tsha ba dang / tsha ba nas rab tu tsha bar lhung ba nas mnar med pa dang / mnar med pa'i sems can dmyal ba chen por lhung bar gyur to/ /shA ri'i bu rnam grangs 'dis khyim pa dang rab tu byung ba de dag dang 'brel ba gang yin pa dag dang / slong ba'i khyim dang mdza' bshes kyi rgyud du gyur pa gang yin pa de dag kyang de rnams dang lhan cig de dag nas shi 'phos nas sems can dmyal ba chen por skyes te/ mi zad pa'i tshor ba myong bar gyur to/ /de dag las yang srog chags bye ba brgya stong phrag drug bcu rtsa bzhi snga phyi med par sems can dmyal ba chen po de dag du skyes par gyur to/ /de dag las 'grogs bshes kyi rgyud dang / rim gro byed pa'i rgyud dang / rim gro byed pa'i dge slong dang / slob dpon dang / brgyud pa'i slob dpon dang / nye gnas dang / brgyud pa'i nye gnas shi 'phos par gyur pa gang yin pa de dag las phal mo che zhig dang / shA ri'i bu rjes su phyogs par gyur pa ji ltar de bzhin gshegs pas mkhyen gyi de dag gi</font><hr>58.53b<br><font size=+1>

grangs khyed kyis shes par sla ba ma yin pa gang yin pa ji snyed pa de dag dang / des zin pa'i sems can log par ltung ba'i 'gro bar gyur pa ji snyed pa de dag dang / de dag nas shi 'phos pa'i srog chags bye ba brgya stong phrag drug cu rtsa bzhi po de dag dang lhan cig sems can dmyal ba chen po rnams su skyes par gyur to/ /shA ri'i bu rnam grangs 'dis de dag bskal pa yongs su rdzogs par ngan song thob par gyur to/ /shA ri'i bu gang gis tshe sreg pa'i bskal pa 'byung ba de'i tshe yang skyes bu blun po de dag de nyid du de kho na bzhin du lhung bar gyur to/ /de ci'i phyir zhe na/ shA ri'i bu sangs rgyas bcom ldan 'das rnams kyi bstan pa la smad pa'i las drag po gang yin pa de byas pa'i phyir ro/ /shA ri'i bu yang 'jig pa'i bskal pa byung ba na/ skyes bu dam pa ma yin pa bzhi po de dag dang / srog chags bye ba brgya stong phrag drug cu rtsa bzhi po de dag de nas shi 'phos nas/ 'di nas 'jig rten gyi khams gzhan nam/ 'jig rten gyi bar gyi sems can dmyal ba shin du chen por lhung bar gyur to/ /de ci'i phyir zhe na/ shA ri'i bu 'di ltar drag po'i las byas shing bsags pa'i rnam par smin pa ni chung ngur mi 'gyur te/ de dag de na lo brgya phrag mang po dang / lo stong phrag mang po dang / lo brgya stong phrag mang po dang / lo bye ba brgya stong phrag mang po rnams su sdug bsngal drag po rtsub pa mi zad pa yid du mi 'ong ba'i tshor ba myong bar gyur to/ /shA ri'i bu 'jig rten gnas pa gang yin pa 'di zhig par gyur te/ der yang sreg pa'i bskal pa chen po nye bar gnas pa'i dus de dang de dag byung bar gyur to/ /shA ri'i bu de nas skyes bu dam pa ma yin pa bzhi po de dag dang / srog chags bye ba brgya stong phrag drug bcu rtsa bzhi po de dag dang / gzhan yang sems can dmyal ba las kyi rnam par smin pa mi bzad pa gang yin pa de rnams de nas shi 'phos nas yang 'jig rten gyi khams 'di nyid kyi sems can</font><hr>58.54a<br><font size=+1>

dmyal ba chen po dag tu skyes par gyur to/ /shA ri'i bu yang skyes bu dam pa ma yin pa bzhi po de dag dang / srog chags bye ba brgya stong phrag drug bcu rtsa bzhi po de dag mi rnams su skyes par gyur te/ der yang thams cad dmus long sha stag tu gyur to/ /shA ri'i bu rnam grangs 'dis mi rnams su skye ba lnga brgyar dmus long sha stag tu gyur to/ /skye ba lnga brgyar ni dmyal ba chen por lhung bar gyur te/ der yang thams cad dmus long sha stag tu gyur to/ /de dag skye ba lnga brgya'i tha ma la mi'i rang bzhin slar thob nas sha'i mig dang ldan par gyur to/ /shA ri'i bu de'i tshe de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das kun nas 'od ces bya ba 'jig rten du byung ste/ bcom ldan 'das de'i tshe'i tshad ni lo bye ba phrag brgya stong du gyur to/ /de'i nyan thos 'dus pa chen po ni bye ba phrag dung phyur yongs su tshang bar gyur to/ /de'i tshe mi de dag gi lus ni khru dgu bcu rtsa dgu yod do/ /bcom ldan 'das kyi sku la ni khru phal pa de'i nyis 'gyur yod do/ /sangs rgyas bcom ldan 'das de'i 'od ni 'dom gang yin pa des ni dpag tshad bye ba dung phyur phrag brgya stong snang bas khyab par gyur to/ /bcom ldan 'das de'i bstan pa la skyes bu dam pa ma yin pa de dag rab tu byung nas lo brgya stong du mgo la me 'bar ba bzhin du 'bras bu 'dod pa'i phyir btsal bar byas kyang rjes su 'thun pa'i bzod pa yang ma skyes na/ 'bras bu thob pa lta ci smos te/ de ni gnas yod pa ma yin no/ /de ci'i phyir zhe na/ shA ri'i bu sangs rgyas kyi byang chub la smod pa gang yin pa ni de ltar 'gyur te/ 'di ltar chos kyis phongs par 'gyur ba'i las mngon par 'dus byas pa'i phyir ro/ /</font><hr>58.54b<br><font size=+1>

shA ri'i bu rnam grangs 'dis ji srid du 'dir nga ma byung ba'i bar ma dor de dag de nas shi 'phos nas kyang sngon gyi mi dge ba'i las mngon par 'dus byas pas mnar med pa'i sems can dmyal ba chen por lhung bar gyur to/ /de dag gis nga sangs rgyas bye ba phrag dgu bcu dang thabs gcig tu mnyes par byas na/ 'on kyang de dag gis sangs rgyas de snyed cig las kyang rjes su 'thun pa'i bzod pa yang ma thob po/ /de ci'i phyir zhe na/ shA ri'i bu de bzhin gshegs pas gsungs pa la ma dad cing smod pa dang / 'phags pa'i dge slong rnams la kha zer ba gang yin pa de ni de ltar 'gyur te/ chos kyis phongs par 'gyur ba'i las mngon par 'dus byas pa'i phyir ro/ /shA ri'i bu 'phags pa rnams la bskur pa btab pas ji snyed kyi sdug bsngal mang po nyams su myong bar gyur pa la ltos/ 'on kyang ngan song rnams las ni ma thar to/ /shA ri'i bu bstan pa de la smod pa'i sems can gang dag yin pa dang / de la chos kyis phongs par 'gyur ba'i las mngon par 'du byed pa gang dag yin pa'i sems can ji snyed pa de dag ni re shig dpag tu med cing re shig grangs med pa yin na/ shA ri'i bu de las bskal pa grangs med pa 'di snyed dang / sangs rgyas bye ba phrag dgu bcu rtsa dgu 'das kyi bar du sems can gcig kyang yongs su mya ngan las 'das par mi dgongs so/ /shA ri'i bu de lta bas na byis pa mngon pa'i nga rgyal can dang / dge slong sdig can tshul khrims dang sdom pa zhig pa dang / yongs su ma dag pa'i chos ston pa ma gtogs par su zhig sangs rgyas bcom ldan 'das rnams kyi bstan pa la smod par byed/ de dag la ni chos gsum po 'di dag yod pas/ de dag ni de nyid kyis rig pa med pa/ grol ba med pa yin te/ de dag ni de bzhin gshegs pa'i gsung la ma dad cing smod par byed do/ /shA ri'i bu khyod kyis de'i tshe de'i dus kyi yongs su ma dag pa'i chos ston pa'i</font><hr>58.55a<br><font size=+1>

dge slong nges par 'byung ba zhes bya bar gyur pa de gzhan zhig yin pa snyam du som nyi 'am/ yid gnyis sam/ the tsom za na khyod kyis de ltar mi lta ste/ de ci'i phyir zhe na/ skyes bu gti mug lha sbyin 'di de'i tshe de'i dus na/ yongs su ma dag pa'i chos ston pa'i dge slong nges par 'byung ba zhes bya bar gyur to/ /shA ri'i bu khyod kyis de'i tshe de'i dus kyi yongs su ma dag pa'i chos ston pa'i dge slong thams cad yod par smra ba zhes bya bar gyur pa de gzhan zhig yin pa snyam du som nyi 'am/ yid gnyis sam/ the tsom za na/ shA ri'i bu khyod kyis de ltar mi lta ste/ de ci'i phyir zhe na/ shA ri'i bu dge slong ko ka li ka 'di de'i tshe de'i dus na yongs su ma dag pa'i chos ston pa'i dge slong thams cad yod par smra ba zhes bya bar gyur to/ /shA ri'i bu khyod kyis de'i tshe de'i dus na yongs su ma dag pa'i chos ston pa'i dge slong tshogs nas byung ba zhes bya bar gyur pa de gzhan zhig yin pa snyam du som nyi 'am/ yid gnyis sam/ the tsom za na/ shA ri'i bu khyod kyis de ltar mi blta ste/ de ci'i phyir zhe na/ shA ri'i bu dge slong ser skya 'di de'i tshe de'i dus na yongs su ma dag pa'i chos ston pa'i dge slong tshogs nas byung ba zhes bya bar gyur to/ /shA ri'i bu khyod kyis de'i tshe de'i dus na yongs su ma dag pa'i chos ston pa'i dge slong nye bar bcings pa zhes bya bar gyur pa de gzhan zhig yin pa snyam du som nyi 'am yid gnyis sam the tsom za na/ shA ri'i bu khyod kyis de ltar mi blta ste/ de ci'i phyir zhe na/ shA ri'i bu gcer bu pa'i bu bden ldan 'di de'i tshe de'i dus na yongs su ma dag pa'i chos ston pa'i dge slong nye bar bcings pa zhes bya bar gyur to/ /shA ri'i bu khyod kyis de'i tshe de'i dus na gang gis sangs rgyas kyi byang chub yang dag pa ji lta ba bzhin du rab tu ston pa yongs su dag pa'i chos ston pa dang ldan pa sems can mang po'i don byed pa dang ldan pa de'i chos bstan pa la sangs rgyas stong phrag</font><hr>58.55b<br><font size=+1>

lnga'i nyan thos su gyur pa bye ba dung phyur phrag drug bcu rtsa brgyad yongs su mya ngan las 'das pa gang yin pa dag gis rjes su bslabs pa'i dge slong bkur ba zhes bya bar gyur pa de gzhan zhig yin pa snyam du som nyi 'am/ yid gnyis za na/ shA ri'i bu khyod kyis de ltar mi blta ste/ de ci'i phyir zhe na/ shA ri'i bu byams ma'i bu gang po 'di nyid de'i tshe de'i dus na gang gis sangs rgyas kyi byang chub yang dag pa ji lta ba bzhin du rab tu ston pas yongs su dag pa'i chos ston pa/ sems can mang po'i don byed pa de'i chos bstan pa la yang sangs rgyas stong phrag lnga'i nyan thos su gyur pa bye ba dung phyur phrag drug bcu rtsa brgyad yongs su mya ngan las 'das pa gang yin pa dag gis rjes su bslabs pa'i dge slong bkur ba zhes bya bar gyur to/ /shA ri'i bu gang dag nges pa'i don gyi chos kyi gtam dang / yongs su dag pa'i chos rnams ston pa yin no zhes yang dag par smra bas smra ba de dag gis ni byams ma'i bu gang po kho na yin no zhes yang dag par smra bas smros shig /shA ri'i bu dge slong gang po ni nges pa ma yin pa nges par byed pa ma yin te/ shA ri'i bu de lta bas na gang po ni nges pa'i don gyi chos kyi tshul rab tu ston pa yin no/ /dge slong gang po ni ma nges pa'i don gyi chos ston pa ma yin te/ dge slong gang po ni nges pa'i don gyi chos ston pa yin no/ /dge slong gang po ni mthar phyin pa ma yin pa'i chos ston pa ma yin te/ dge slong gang po ni mthar phyin pa'i chos ston pa yin no/ /shA ri'i bu dge slong gang po ni the tsom dang bcas pas nges par byed pa ma yin te/ dge slong gang po ni the tsom med pa dang / nges pa'i don dang / mthar phyin pa'i chos ston pa yin no/ /shA ri'i bu gang dag rnam pa thams cad yongs su rdzogs pa'i chos kyi gtam dang ldan pa yin no zhes yang dag par smra bas smra ba de dag gis ni gang po kho na yin no zhes yang dag par smra bas smros shig /shA ri'i bu dge slong</font><hr>58.56a<br><font size=+1>

gang po ni sems can rnams la sangs rgyas kyi mdzad pa byed pa dang ldan pa yin te/ shA ri'i bu byams ma'i bu gang po ni sangs rgyas bcom ldan 'das bye ba phrag dgu 'das shing 'khrungs pa'i gnas de dang de dag tu chos smra bar gyur te/ thams cad du yang yongs su dag pa'i chos ston pa yin no/ /sangs rgyas bcom ldan 'das de dag gi spyan sngar tshe ji srid par tshangs par spyad pas yongs su dag pa'i chos ston pa yin no/ /shA ri'i bu dge slong gang po 'di ni yang dag par rdzogs pa'i sangs rgyas bdun po rnams kyi chos smra bar yang gyur to/ /shA ri'i bu dge slong gang po 'di ni da ltar nga'i chos smra ba dgra bcom pa sems shin du rnam par grol ba yang yin no/ /shA ri'i bu gang dag sngon gyi rgyal ba la lhag par bya ba byas pa yin no zhes yang dag par smra bas smra ba de dag gis ni gang po kho na yin no zhes yang dag par smra bas smros shig /shA ri'i bu gang po ni sangs rgyas bye ba phrag dgu'i sangs rgyas kyi byang chub shin du rnam par nges pa gang yin pa de dag la legs par bslabs pas shes rab chen po yin te dge slong gang po ni de'i phyir de bzhin gshegs pas chos smra ba rnams kyi mchog tu bstan to/ /shA ri'i bu ngas dge slong gang po'i bsngags pa nyin par ram/ mtshan mo 'am/ nyin mtshan du gsungs kyang / shA ri'i bu dge slong gang po kho na'i bsngags pa ni ma bsgrags par zad do/ /shA ri'i bu ngas dge slong gang po'i bsngags pa nyi ma gnyis sam/ gsum 'am/ bzhi 'am/ lnga 'am/ bcu 'am/ zla ba phyed dam/ zla ba 'am/ de bas lhag par gsungs kyang dge slong gang po kho na'i bsngags pa ni ma bsgrags par zad do/ /de ci'i phyir zhe na/ 'di ltar nga'i nyan thos rnam pa thams cad du nges pa'i don dang / yongs su dag pa'i chos ston pa dang ldan pa/ sngon gyi rgyal ba la lhag par bya ba byas pa/ dmigs</font><hr>58.56b<br><font size=+1>

su med pa'i stong pa nyid kyis gnas pa yin pa'i phyir ro/ /shA ri'i bu dge slong gang po ni lha'i mig gis dpag tshad brgya stong na/ sems can nyan thos kyis 'dul bar 'gyur ba gang yin pa de dag mthong na dge slong gang po der song nas de dag la chos ston par byed de/ shA ri'i bu dge slong gang po ni yun ring por skye bo mang po la phan pa dang / skye bo mang po la bde ba'i phyir zhugs pa yin no/ /shA ri'i bu dge slong gang po chos ston pa ni nyon mongs pa med pa dang / zang zing la mi lta ba dang / rnyed pa dang / bkur sti la ma zhen par chos ston pa yin no/ /shA ri'i bu dge slong gang po ni so so yang dag par rig pa thob pa'i chos smra ba yin pas ston pa ma gtogs par gang po la lha dang bcas pa'i 'jig rten gyis don tam/ tshig mthar gtug par mi nus te/ de ni gnas yod pa ma yin no/ /shA ri'i bu de lta bas na/ khyod la go bar bya'o/ /khong du chud par bya'o/ /gang zhig bla na med pa yang dag par rdzogs pa'i byang chub dang rjes su 'thun pa'i chos ston pa de ni skye bo mang po'i don byed pa yin pas dge ba'i rtsa ba dpag tu med pa mngon par 'du byed pa yin no/ /shA ri'i bu gang zhig sangs rgyas kyi byang chub la smod par byed pa de ni skye bo mang po la yang gnod pa byed pa yin pas mi dge ba'i rtsa ba mang du mngon par 'du byed pa yin no/ /de ci'i phyir zhe na/ shA ri'i bu 'di ltar sdig pa'i rnam par smin pa ni sdig pa yin la/ zag pa dang bcas pa'i mi dge ba'i rnam par smin pa yang zag pa dang bcas pa yin zhing / zag pa med pa'i rnam par smin pa ni zag pa med pa yin no/ /shA ri'i bu de lta bas na de bzhin gshegs pas gsungs pa'i mdo sde 'di lta bu 'di dag 'khor bzhi la rgyas par bshad cing rab tu bstan pa na/ shA ri'i bu gang dag gis chos kyi rnam grangs 'di thos nas de dag dga' ba dang mgu ba thob par gyur na shA ri'i bu de dag bsod nams kyi phung po dpag tu med pa </font><hr>58.57a<br><font size=+1>

dang ldan par 'gyur ro/ /gang dag yang de bzhin gshegs pas gsungs pa'i chos kyi rnam grangs 'di lta bu 'di thos nas dga' ba dang mgu ba ma thob cing lhag par yang ma dad pa nye bar ston par 'gyur na/ gdon mi za bar de dag ni tshul khrims ral ba 'am/ mngon pa'i nga rgyal can nam/ yongs su ma dag pa'i chos ston pa yin no/ /yang gang zhig smod par byed na de de nyid nas dmus long du 'gyur ro/ /shA ri'i bu khyod la go bar bya'o/ /khong du chud par bya'o/ /shA ri'i bu nga ni ji ltar rdza mkhan gyis so ma btang ba'i snod rnams la khyad du gsod par byed pa de ltar pha rol gnon par mi mdzad kyi/ shA ri'i bu nga ni sangs rgyas kyi byang chub dmigs su med pa don dam pa stong pa nyid kyis zil gyis mnan cing gzhan la chos ston pa na snying por 'gyur ba gang yin pa de na 'dug la sbun par 'gyur ba gang yin pa de ni 'dor bar 'gyur ro/ /de ci'i phyir zhe na/ shA ri'i bu 'di ltar de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas nas chos ston par mdzad pa ni log pa'i lta ba la brten nas ma yin te/ bdag tu smra ba la ma yin/ sems can du smra ba la ma yin/ srog tu smra ba la ma yin/ gang zag tu smra ba la ma yin/ rtag par smra ba la ma yin/ chad par smra ba la ma yin no/ /de ci'i phyir zhe na/ shA ri'i bu 'di ltar de lta bu la zhen pa de dag thams cad ni log pa'i lta ba zhes bya'o/ /shA ri'i bu bdag gi 'du shes dang / sems can gyi 'du shes dang / srog gi 'du shes dang / gang zag gi 'du shes dang / rtag pa'i 'du shes dang / chad pa'i 'du shes gang yin pas ni rjes su 'thun pa'i bzod pa skye bar 'gyur ba yang gnas ma yin zhing go skabs med na 'bras bu thob par 'gyur ba lta ci smos te/ de ni gnas yod pa ma yin no/ /shA ri'i bu de lta bas na de bzhin gshegs pas de lta bu'i lta ba dang ldan pa rnams la ni dad pas byin pa rjes su ma gnang ngo / /de ci'i phyir zhe na/ </font><hr>58.57b<br><font size=+1>

shA ri'i bu 'di ltar rigs pa med pa/ grol ba med pa de dag ni ji srid du lus gso ba'i don du bstan pa 'di la rab tu byung ba yin pa'i phyir ro/ /shA ri'i bu de lta bas na ngas sngon gyi mu stegs can bstan pa 'di la rab tu byung ba gang yin pa de zla ba bzhi'i gnas bca' bar bya'o zhes gzhan mu stegs can rnams kyi gnas bca' bar gsungs so/ /de ci'i phyir zhe na/ shA ri'i bu gzhan mu stegs can rnams ni phal cher bdag tu smra ba dang / sems can du smra ba dang / srog tu smra ba dang / gang zag tu smra ba dang / rtag par smra ba dang / chad par smra ba yin pa'i phyir ro/ /shA ri'i bu nga dang nga'i nyan thos rnams ni bdag med par smra ba/ stong pa nyid du smra ba/ mtshan ma med pa'i bsam gtan pa/ rjes su 'thun pa'i bzod pa dang ldan pa/ rnam par shes pa rnams la mi gnas pa yin pa'i phyir ro/ /shA ri'i bu gang zhig bzod pa de lta bu dang ldan pa de la ni ngas rab tu 'byung ba dang bsnyen par rdzogs pa dang / dad pas byin pa'i chos gos dang / bsod snyoms dang / gnas mal dang / nad kyi rkyen sman dang / mkho ba'i yo byad rnams skabs dbye bar bya'o/ /gang zhig mi ldan pa de ni gnas bca' ba'i don du bdag med pa la mngon par sbyar bar bya'o/ /shA ri'i bu gang zhig don dam pa stong pa nyid rab tu bshad pa na de la bzod pa dang dad pa ma thob cing skrag par gyur/ dngang bar gyur/ kun du dngang bar gyur/ kun du rmongs par gyur te/ don dam pa stong pa nyid la smod cing gang zag tu lta ba la dga' ba 'thob pa lta na/ de ni nges par yun ring po nas bdud kyis mngags pa 'am/ sngon gyi mu stegs can gzhan gang yin pa zhig yin par rtogs par bya ste/ de la mkhas pas yid mi bde ba bskyed par mi bya'i/ snying rje dang byams pa yang dag par bskyed par bya'o/ /de ci'i phyir zhe na/ shA ri'i bu de ni 'di ltar tshig gis rdzogs par mi nus pas bya ba ji snyed</font><hr>58.58a<br><font size=+1>

dang ldan pa de lta bu'i bzod pa can la ni rnam par smin par 'gyur ro/ /gzhan du na de la rjes su gzung ba'i 'du shes bskyed par bya'o/ /stong pa zhes bya ba bdag med pa'i chos rnams dang / gang zag med pa'i 'du shes kho na bskyed par bya'o/ /de 'di ltar stong pa nyid de la ltos pa med cing spong ba dang / sangs rgyas kyi byang chub spong ba dang / sangs rgyas kyi chos dang / dge sbyong gi chos spong na/ de la tshangs pa mtshungs par spyod pa/ stong pa nyid kyis gnas pa/ mtshan ma med pas gnas pa/ smon pa med pas gnas pa rnams kyis yang dag par bstan par bya/ yang dag par 'dzin du gzhug par bya/ yang dag par gzeng bstod par bya/ yang dag par rab tu dga' bar bya ste/ de sangs rgyas kyi gsung la nye bar sbyar bar bya'o/ /don dam pa stong pa nyid dmigs su med pa rab tu bstan par bya'o/ /gal te sangs rgyas kyi byang chub kyis skrag par gyur na/ de'i mkhan po dang slob dpon la dge slong mang pos sam/ dge slong gi dge 'dun gyis tshig 'di skad ces nga la bcom ldan 'das kyis gang dag chos rnams kyi rang gi mtshan nyid rab tu shes shing stong pa nyid kyis gnas pa de lta bu dag gi ston pa ni nga yin gyi/ gang zag gi 'du shes can log par zhugs pa/ lam gol bar gzhol ba rnams kyi ston pa ni nga ma yin no zhes gsungs la bcom ldan 'das kyis yang dag pa'i tshul khrims dang / lta ba phun sum tshogs pa rnams kyi gso sbyong gi las ni gsungs kyi/ 'di ltar tshul khrims nyams pa rnams kyi ni ma yin pas tshe dang ldan pa'i lhan cig gnas pa ni dmigs su med pa'i stong pa nyid kyi chos rnams la ma mos shing gzhan mu stegs can gyi smra bar gyur to/ /bcom ldan 'das kyis gzhan mu stegs can gyi smra ba dang lhan cig tu gso sbyong gi las ma gsungs pas de ni mi bsten to/ /de lta bu'i bzod pa dang ldan pa gang yin pa de dag</font><hr>58.58b<br><font size=+1>

ni dge 'dun gyi bya ba la bsko bar mi bya'o/ /'dun pa blang bar mi bya'o/ /de'i yongs su ma dag pa'i bzod pa de lta bu de dag tshe dang ldan pa dag gis kyang 'di ltar phyir bzlog par nus par gyis shig ces brjod par bya'o/ /shA ri'i bu dge slong gi dge 'dun gyis de ltar byas na nga la yang mchod pa byas pa yin no/ /gzhan mu stegs can yang shin du tshar gcad pa yin no/ /gso sbyong gi las kyang shin du yongs su dag par byas pa yin no/ /shA ri'i bu khyod la go bar bya'o/ /khong du chud par bya'o/ /gang zhig 'di lta ste/ bdag tu lta ba dang / sems can du lta ba dang / srog tu lta ba dang / gang zag tu lta ba ste/ lta ba 'di dag 'dzin par byed na de dag ni nga'i rjes su rab tu byung ba ma yin/ de dag ni nga la mnyes par byed pa ma yin te/ de dag gi ston pa yang nga ma yin no/ /de dag ni ston pa drug po'i rjes su rab tu byung ba yin/ de dag ni ston pa drug po mnyes par byed pa yin pas/ de dag gi ston pa yang ston pa drug po yin no/ /de la gang dag shin du gya nom pa'i chos rnams la bzod pa ma thob par dad pas byin pa la longs spyod par byed na/ de dag ni dad pas byin pa la shin du longs ma spyad pa yin no/ /de dag gis ci nas kyang bstan pa 'di la rab tu byung nas so sor thar pa'i sdom pas bsdams par gyur kyang / don dam pa stong pa nyid la 'jug par mi 'gyur ba dang / mos par mi 'gyur ba dang / stong pa nyid dmigs su med pa'i chos rnams la yid gnyis dang the tsom za bar gyur na/ de dag phal cher tshul khrims gtso bor byed pa dang / ting nge 'dzin gtso bor byed pa dang / thos pa gtso bor byed pa yin yang / shA ri'i bu de dag gis de bzhin gshegs pa la mchod pa byas pa ma yin/ gus par byas pa ma yin/ bla mar byas pa ma yin/ rjed par byas pa ma yin no/ /de ci'i phyir zhe na/ shA ri'i bu 'di ltar sems can gang zhig bsam</font><hr>58.59a<br><font size=+1>

gtan bzhi po dag thob par gyur pa de ni shin du rnyed par mi sla ba ma yin na/ shA ri'i bu de la de bzhin gshegs pa la ci zhig gis bkur sti byas/ gang dag de tsam gyis dge sbyong du khas 'che ba de dag ni sdug bsngal gyi sbyor ba thams cad las yongs su ma grol ba yin pa'i phyir ro/ /shA ri'i bu de lta bas na khyod la go bar bya'o/ /khong du chud par bya'o/ /chos 'dul ba 'di ni mang po'i 'dzin pa sna tshogs kyis lta ba nyams par 'gyur ro/ /shA ri'i bu 'di ltar yongs su ma dag pa'i tshul khrims gtso bor byed pa dang / yongs su ma dag pa'i ting nge 'dzin gtso bor byed pa dang / yongs su ma dag pa'i thos pa gtso bor byed pas yongs su dag pa'i dge sbyong ma yin no/ /shA ri'i bu de la ni dge sbyong zhes mi gsung ngo / /bram ze zhes mi gsung ngo / /shA ri'i bu gang zhig bdag med pa'i chos rnams la bdag med pa'i chos rnams yin no zhes yang dag pa ji lta ba bzhin du rab tu shes pa dang / chos thams cad kyi rang gi mtshan nyid stong pa la chos thams cad kyi rang gi mtshan nyid stong pa yin no zhes yang dag pa ci lta ba bzhin du rab tu shes pa de ni de'i tshe nyid nas tshul khrims gtso bor byed pa ma yin te/ ting nge 'dzin gtso bor byed pa ma yin/ thos pa gtso bor byed pa ma yin no/ /de ci'i phyir zhe na/ shA ri'i bu 'di ltar mngon par 'du byed pa med na chos gang zhig gtso bor bya/ shA ri'i bu de lta bas na mi gnyis pa'i gnas gcig po gang yin pa de la ni tshul khrims su dmigs pa yang med na/ 'chal pa'i tshul khrims lta smos kyang ci dgos te/ chos gang zhig gtso bor bya ba de ni gnas yod pa ma yin no/ /shA ri'i bu de bzhin gshegs pa rnams kyi bla na med pa yang dag par rdzogs pa'i byang chub de ni 'di yin te/ 'di lta ste/ chos thams cad rang gi mtshan nyid stong pa dang / gang zag med pa dang / mtshan nyid med pa yin no/ /gang dag bzod pa de lta bu can de dag ni rigs pa dang grol ba yin te/ khyim med pa'i rab tu byung ba yin no/ /de dag ni</font><hr>58.59b<br><font size=+1>

dad pas byin pa la kha na ma tho ba med cing brtags pa yin no/ /de nyid de dag gis bsnyen par rdzogs pa'i las yongs su dag pa yin no/ /shA ri'i bu sems can rnams dang de bzhin gshegs pa rnams kyi gnas ni gcig po 'di yin te/ 'di lta ste bla na med pa yang dag par rdzogs pa'i byang chub bo/ /ji ltar gcig po 'di yin zhe na/ ji lta ba bzhin du 'dod chags dang bral zhing spangs pa'o/ /gang zhig spangs pa yin zhe na/ 'dod pa rnams dang lta ba rnams so/ /'dod pa rnams gang zhe na/ thog ma'i 'o/ /lta ba gang zhe na/ yid la byed pa'o/ /de ci'i phyir zhe na/ shA ri'i bu chos thams cad ni yid la byed pa las byung ba yin te/ gang yid la byed pa de ni 'du shes yin no/ /gang 'du shes pa de ni lta ba yin no/ /lta ba gang yin pa de ni log par lta ba yin pa'i phyir ro/ /shA ri'i bu de bzhin gshegs pas dge ba'i chos de yang log par lta ba yin no zhes gsungs so/ /de ci'i phyir zhe na/ shA ri'i bu 'di ltar 'dod chags dang bral ba la ni chos sam/ chos ma yin pa 'am/ dge ba 'am/ mi dge ba spangs pa'i phyir ro/ /de ni lta ba thams cad dang / 'dzin pa thams cad dang / yid la byed pa thams cad kyis ma chags pa yin pas de'i phyir 'dod chags dang bral ba yin no zhes gsungs so/ /shA ri'i bu byang chub ni spangs pa yin no/ /gang gi spangs pa yin zhe na/ 'dod par gtogs pa rnams kyi'o/ /'dod par gtogs pa rnams gang zhe na/ 'dod par gtogs pa rnams kyi tshul bzhin ma yin pa mi dge ba/ bdag ce 'am/ bdag gi zhe 'am/ bdag tu byed pa dang / bdag gir byed pa gang yin pa de dag ste/ de dag ni 'dod par gtogs pa rnams yin no/ /'di lta ste bdag tu 'du shes pa spangs pa gang yin pa de dag ni mngon par zhen pa med pa yin no/ /de ni spangs pa yin te/ 'di ni de bzhin gshegs pa rnams kyi bla na med pa yang dag</font><hr>58.60a<br><font size=+1>

par rdzogs pa'i byang chub yin no/ /sngon gyi sbyor ba'i le'u ste bdun pa'o//  //shA ri'i bu nga 'das pa mngon par dran te/ bla na med pa yang dag par rdzogs pa'i byang chub 'di la brten nas nga 'khor los sgyur ba'i rgyal por gyur pa na/ sangs rgyas shAkya thub pa zhes bya ba sha dag bye ba phrag sum bcu nyan thos kyi tshogs dang bcas pa gang yin pa dag chos gos dang bsod snyoms dang / gnas mal dang / nad kyi rkyen sman dang / mkho ba'i yo byad rnams kyis bsti stang du byas/ bla mar byas rjed/ mchod de mnyes par byas nas bla na med pa yang dag par rdzogs pa'i byang chub 'di kho na bsgrubs na/ sangs rgyas bcom ldan 'das de dag gis nga la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung ma bstan to/ /de ci'i phyir zhe na/ 'di ltar nga dmigs pa'i 'du shes can du gyur cing bdag tu smra ba la mngon par zhen par gyur pa'i phyir ro/ /shA ri'i bu ngas gzhan yang 'das pa mngon par dran te/ nga 'khor los sgyur ba'i rgyal por gyur pa na sangs rgyas mar me mdzad ces bya bar gyur pa sha dag brgyad stong byung bar gyur te/ sangs rgyas bcom ldan 'das nyan thos kyi tshogs dang bcas pa de dag la yang ngas chos gos dang / bsod snyoms dang / gnas mal dang / nad kyi rkyen sman dang / mkho ba'i yo byad rnams kyis sti stang du byas/ bla mar byas/ rjed/ mchod de mnyes par byas nas bla na med pa yang dag par rdzogs pa'i byang chub 'di nyid bsgrubs na/ sangs rgyas bcom ldan 'das de dag gis nga la khyod ma 'ongs pa na de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung ma bstan to/ /de ci'i phyir zhe na/ 'di ltar nga dmigs pa'i 'du shes can du gyur cing bdag tu smra ba la mngon par zhen</font><hr>58.60b<br><font size=+1>

pa'i phyir ro/ /shA ri'i bu gzhan yang ngas mngon par dran te/ bla na med pa'i byang chub 'di nyid las brtsams te/ sangs rgyas rab tu 'bar ba zhes bya ba sha stag drug stong po de dag la yang nga 'khor los sgyur ba'i rgyal por gyur pa na zhes bya ba nas bkur sti byas so zhes bya ba'i bar gong ma bzhin du thams cad brjod par bya'o/ /shA ri'i bu gzhan yang ngas mngon par dran te/ sangs rgyas skar rgyal zhes bya ba sha dag bye ba phrag gsum po de dag la yang zhes bya ba nas nga 'khor los sgyur ba'i rgyal por gyur pa na bkur sti byas so zhes bya ba'i bar du brjod par bya'o/ /shA ri'i bu gzhan yang ngas mngon par dran te/ sangs rgyas sa la'i rgyal po zhes bya ba sha stag khri drug stong po de dag bskal pa gcig la byung ste/ shA ri'i bu bskal pa de'i ming yang gong mas 'phags shes bya bar gyur to/ /shA ri'i bu de la yang ngas mngon par dran te/ sangs rgyas khri drug stong po de dag la ngas skra dang kha spu bregs nas gos ngur smrig bgos te/ dad pas khyim nas khyim med par rab tu byung bar gyur pa dang / bla na med pa yang dag par rdzogs pa'i byang chub 'di nyid la brten nas zhes bya ba nas nga la sangs rgyas bcom ldan 'das de dag gis lung ma bstan to zhes bya ba dang / 'di ltar yang nga smra ba de dag la mngon par zhen pa dang / dmigs pa'i lta ba can du gyur pa'i phyir ro zhes bya ba'i bar du brjod par bya'o/ /shA ri'i bu ngas mngon par dran te/ sangs rgyas pad mas 'phags pa zhes bya ba sha stag khri lnga brgya po de dag la yang zhes bya ba nas/ nga 'khor los sgyur ba'i rgyal po nyid du gyur pa na zhes bya ba'i bar du brjod par bya'o/ /shA ri'i bu gzhan yang ngas mngon par dran te/ sangs rgyas rab tu 'bar ba zhes bya ba sha dag khri lnga stong po de dag la yang zhes bya ba nas nga 'khor los sgyur ba'i rgyal po nyid du gyur pa</font><hr>58.61a<br><font size=+1>

na zhes bya ba'i bar du brjod par bya'o/ /shA ri'i bu gzhan yang ngas mngon par dran te/ sangs rgyas kauN+Di n+yas rigs shes bya ba bye ba phrag dgu bcu po dag la yang zhes bya ba nas nga 'khor los sgyur ba'i rgyal po nyid du gyur pa na zhes bya ba'i bar du brjod par bya'o/ /shA ri'i bu gzhan yang ngas mngon par dran te/ sangs rgyas 'od srung zhes bya ba sha dag stong phrag dgu po de dag la yang nyan thos kyi tshogs dang bcas par yang ngas chos gos dang zhes bya ba nas/ bde ba'i yo byad thams cad kyis thams cad du bde ba la reg par gnas par bya ba'i phyir bkur sti byas shes bya ba nas/ mnyes par byas so zhes bya ba'i bar du brjod par bya'o/ /sangs rgyas bcom ldan 'das de dag gis nga la khyod ma 'ongs pa na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung ma bstan te/ gang yang ngas 'di ltar chos rnams kyi rang gi mtshan nyid ma shes shing dmigs pa can gyi lta bar gyur nas bdag tu smra ba la mngon par zhen pa'i phyir ro zhes bya ba'i bar du'o/ /shA ri'i bu gzhan yang ngas mngon par dran te/ bskal pa khrir 'jig rten 'di sangs rgyas bcom ldan 'das rnams kyis stongs par gyur to/ /de la bskal pa lnga brgya po gang dag la rang sangs rgyas sha stag byung bar gyur to/ /shA ri'i bu ngas mngon par dran te/ rang sangs rgyas brgya stong phrag dgu bcu gang dag la ngas ji srid 'tsho'i bar du chos gos dang bsod snyoms dang zhes bya ba nas/ bkur sti byas/ mnyes par byas shes bya ba'i bar du brjod par bya'o/ /shA ri'i bu ngas bskal pa lnga brgyar rang sangs rgyas bye ba stong phrag brgyad bcu rtsa bzhi la bkur sti byas zhes bya ba nas/ /mnyes par byas so zhes bya ba'i bar du brjod par bya'o/ /shA ri'i bu 'di ltar bskal pa lnga brgya po de dag rdzogs shing rang sangs rgyas gang yin pa de dag kyang byung ba dang / de'i tshe</font><hr>58.61b<br><font size=+1>

nga mi rnams las shi 'phos nas tshangs pa'i 'jig rten du skyes te/ der tshangs par gyur pa na yang tshangs pa chen por gyur to/ /shA ri'i bu rnam grangs 'dis bskal pa lnga brgyar rtag par rgyun du tshangs pa chen por gyur to/ /shA ri'i bu 'di ltar yang bskal pa lnga brgya po de dag 'das nas slar 'dzam bu'i gling du rgyal srid byed du bcug ste/ rgyal po chen po rnams dang / lha rnams kyi skal pa chen po dang ldan par skyes so/ /de nas sum bcu rtsa gsum pa'i lha rnams kyi lha'i dbang po gcig pur gyur to/ /shA ri'i bu rnam grangs 'dis bskal pa lnga brgyar 'dzam bu'i gling du skyes te/ de bskal pa lnga brgyar tshangs par gyur na yang tshangs pa chen por gyur te/ shA ri'i bu bskal pa brgya stong phrag dgur skye ba gcig po mi rnams kyi nang du skyes so/ /shA ri'i bu 'di ltar bskal pa brgya stong phrag dgur rang sangs rgyas ni byung bar gyur gyi/ sangs rgyas ni byung bar ma gyur to/ /sems can phal cher ngan 'gror 'gro bar gyur pa na/ shA ri'i bu 'di ltar bskal pa brgya stong phrag dgu po de dag tu skye ba mi rnams kyi nang du skyes te/ 'jig rten 'di 'jig pa na ni 'od gsal gyi lha'i nang du skyes so/ /'jig rten 'di chags pa na ni 'dod pa na spyod pa'i lha rnams su skyes te/ 'dod pa na spyod pa'i lha chen po'i ris kyi bdag por gyur to/ /shA ri'i bu 'di ltar yang bskal pa khri po de dag 'das nas de bzhin gshegs pa dgra bcom pa yang dag par rdzogs pa'i sangs rgyas kun du sbas pa zhes bya ba 'jig rten du byung ba dang / nga yang tshangs pa'i 'jig rten nas tshe 'phos nas 'dzam bu'i gling du skyes te/ 'khor los sgyur ba'i rgyal po legs mthong zhes bya bar gyur to/ /de'i tshe mi de dag gi tshe ni lo stong phrag dgu bcu thub par gyur to/ /sangs rgyas kyi sde snod tshul khrims 'chal pa tshar gcod pa/ bam po drug pa/ de nas ngas</font><hr>58.62a<br><font size=+1>

bcom ldan 'das de dge slong brgya stong bye ba phrag dgu bcu dang thabs gcig tu ji srid 'tsho'i bar du chos gos dang zhes bya ba nas/ bde ba'i yo byad thams cad kyis thams cad du bde bar gnas par bya ba'i phyir bkur sti byas/ mnyes par byas so zhes bya ba nas/ bcom ldan 'das des kyang nga lung ma bstan to zhes bya ba'i bar du brjod par bya ste/ 'di ltar chos rnams kyi rang gi mtshan nyid mi shes shing / bdag tu smra ba la mngon par zhen pa dang / dmigs pa can gyi lta bar gyur pa'i phyir ro/ /shA ri'i bu de'i tshe bskal pa yongs su tshang bar sangs rgyas mtshan tha dad pa stong byung ba de yang nga 'khor los sgyur ba'i rgyal por gyur pa na/ nyan thos kyi dge 'dun dang / bcas par chos gos dang / bsod snyoms dang / gnas mal dang / nad kyi rkyen sman dang / mkho ba'i yo byad rnams kyis thams cad du bde bar gnas par bya ba'i phyir/ bkur stir byas/ bla mar byas/ mchod/ rjed de mnyes par byas nas bla na med pa yang dag par rdzogs pa'i byang chub 'di nyid bsgrubs na/ sangs rgyas de dag gis nga la khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung ma bstan to/ /de ci'i phyir zhe na/ 'di ltar ngas chos rnams kyi rang gi mtshan nyid mi shes shing / bdag tu smra ba la mngon par zhen pa dang / dmigs pa can gyi lta ba la mngon par zhen par gyur pa'i phyir ro/ /shA ri'i bu gzhan yang nges mngon par dran te/ bskal pa grangs med pa bdun brgya'i tshe sangs rgyas 'dzam bu 'dud pa zhes bya ba stong yongs su tshang bar byung ba zhes bya ba nas de dag kyang ngas shes bya ba'i bar du brjod par bya'o/ /bskal pa grangs med pa brgya po de nyid la sangs rgyas don thams cad gzigs pa zhes bya ba sha stag drug khri nyis stong zhes bya ba nas de dag kyang ngas</font><hr>58.62b<br><font size=+1>

bkur sti byas shes bya ba nas/ ji ltar yang dmigs pa can gyi 'du shes su gyur pa'i phyir ro zhes bya ba'i bar du brjod par bya'o/ /grangs med pa'i bskal pa brgya po de nyid la sangs rgyas dbang po'i rgyal mtshan zhes bya ba sha dag brgyad khri bzhi stong zhes bya ba nas/ de dag yang ngas bkur sti byas shes bya ba dang / ji ltar yang dmigs pa can gyi 'du shes su gyur pa'i phyir ro zhes bya ba'i bar du brjod par bya'o/ /shA ri'i bu gzhan yang ngas mngon par dran te/ sangs rgyas nyi ma zhes bya ba sha dag lnga brgya zhes bya ba nas/ de dag kyang ngas shes bya ba dang / ji ltar yang dmigs pa can gyi 'du shes su gyur pa'i phyir ro zhes bya ba'i bar du brjod par bya'o/ /shA ri'i bu gzhan yang ngas mngon par dran te/ sangs rgyas bcom ldan 'das zhi bar mdzad ces bya ba sha stag drug khri nyis stong nyan thos kyi tshogs dang bcas pa de dag yang nga 'khor los sgyur ba'i rgyal por gyur pa na/ chos gos dang / bsod snyoms dang / gnas mal dang / nad kyi rkyen sman dang / mkho ba'i yo byad rnams kyis bkur stir byas/ bla mar byas/ rjed mchod de mnyes par byas nas bla na med pa yang dag par rdzogs pa'i byang chub 'di nyid bsgrubs na/ sangs rgyas bcom ldan 'das de dag gis nga la lung ma bstan to zhes bya ba nas/ ji ltar yang dmigs pa'i 'du shes can du gyur cing bdag tu smra ba la mngon par zhen pa'i phyir ro zhes bya ba'i bar du brjod par bya'o/ /shA ri'i bu de ltar rim gyis bcom ldan 'das mar me mdzad kyis nga lung bstan to/ /de ci'i phyir zhe na/ shA ri'i bu bcom ldan 'das mar me mdzad de ngas mthong ma thag kho nar chos rnams la ma skyes pa'i bzod pa thob nas/ bcom ldan 'das mar me mdzad kyis thog ma rang la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa'i phyir ro/ /shA ri'i bu gzhan yang ngas mngon par dran te/ rgyal po nga las nu zhes bya ba sha stag bye ba phrag bcu gnyis byung ste/ thams cad kyang 'khor los sgyur ba'i rgyal por gyur to zhes bya ba'i bar du brjod par bya'o/ /shA ri'i bu</font><hr>58.63a<br><font size=+1>

gzhan yang ngas mngon par dran te/ rgyal po mang pos bkur ba zhes bya ba sha dag bye ba stong phrag sum bcu rtsa gnyis byung ste/ thams cad kyang 'khor los sgyur ba'i rgyal por gyur to/ /shA ri'i bu gzhan yang nges mngon par dran te/ rgyal po lha chen po zhes bya ba sha dag bye ba phrag bzhi bcu byung ste/ thams cad kyang 'khor los sgyur ba'i rgyal por gyur to/ /shA ri'i gzhan yang ngas mngon par dran te/ rgyal po tshangs byin zhes bya ba sha stag bye ba phrag brgyad bcu rtsa bzhi byung ste/ thams cad kyang 'khor los sgyur ba'i rgyal por gyur to/ /shA ri'i bu gzhan yang ngas mngon par dran te/ rgyal po bu ram shing pa zhes bya ba sha dag bye ba byung ste/ thams cad kyang 'khor los sgyur ba'i rgyal por gyur to/ /shA ri'i bu gzhan yang ngas mngon par dran te/ 'das pa'i dus na rgyal po rab 'bar zhes bya ba sha dag khri byung ste/ thams cad kyang 'khor los sgyur ba'i rgyal por gyur to/ /shA ri'i bu gzhan yang ngas mngon par dran te/ rgyal po gzugs mdzes shes bya ba sha dag bye ba phrag nyi shu byung ste/ thams cad kyang 'khor los sgyur ba'i rgyal por gyur to/ /shA ri'i bu 'di ltar ming sna tshogs pa'i rgyal po bye ba phrag bcu drug dang / shA ri'i bu rgyal po bye ba phrag brgyad po gang yin pa 'di dag ni de bzhin gshegs pas dge slong kun dga' bo la gsungs so/ /shA ri'i bu de'i tshe de'i dus kyi de dang der byung ba'i 'khor los sgyur ba'i rgyal por gyur pa dag khyod gzhan yin pa snyam du sems na/ shA ri'i bu khyod kyis de ltar mi blta ste/ de ci'i phyir zhe na/ nga nyid de'i tshe de'i dus de dang der byung ba'i 'khor los sgyur ba'i rgyal po rnams su gyur to/ /de bzhin gshegs pa la bkur sti byas pa dang / bla mar byas pa dang / rjed pa dang / mchod pa dang / mnyes par byas pa'i le'u ste brgyad pa'o// //shA ri'i bu ngas 'das pa'i dus mngon</font><hr>58.63b<br><font size=+1>

par dran te/ gang gi tshe de bzhin gshegs pa dgra bcom pa yang dag par rdzogs pa'i sangs rgyas shin du 'od ces bya ba zhig byung bar gyur pa'i dus de dang de yod de/ 'di ltar byang chub sems dpa' byams pa 'khor los sgyur ba'i rgyal por gyur pa na de la des thog mar byang chub kyi sems kyi dge ba'i rtsa ba bskyed de/ bcom ldan 'das de'i tshe'i tshad ni lo brgyad khri bzhi stong du gyur to/ /bcom ldan 'das de'i nyan thos rnams kyi 'dus pa chen po ni gsum du gyur te/ 'dus pa chen po dang po la ni dgra bcom pa bye ba phrag dgu bcu rtsa drug byung ngo / /'dus pa gnyis pa la ni dgra bcom pa bye ba phrag dgu bcu rtsa bzhi byung ngo / /'dus pa gsum pa la ni dgra bcom pa bye ba phrag dgu bcu rtsa gnyis byung ngo / /shA ri'i bu de nas rgyal po rnam par snang byed kyis bcom ldan 'das de mthong nas dga' ba chen po skyes par gyur te/ des bcom ldan 'das de nyan thos kyi dge 'dun dang thabs gcig la lo khrir zhes bya ba nas/ bkur sti byas/ mnyes par byas nas zhes bya ba'i bar du brjod par bya ste/ smon lam du yang kye ma re shig byang chub don du gnyer ba na ma 'ongs pa na bdag gi tshe'i tshad kyang 'di nyid dang / re shig nyan thos chen po'i dge 'dun gyi tshad kyang 'di kho na snyed dang ldan par gyur cing gang gi tshe sems can rnams bde ba la bkod par gyur pa de'i tshe/ bdag bla na med pa yang dag par rdzogs pa'i byang chub mngon par rdzogs par sangs rgyas par gyur cig ces smon lam btab bo/ /shA ri'i bu gzhan yang ngas mngon par dran te/ byang chub sems dpa' byams pas bskal pa bye ba phrag bzhi bcu po 'di snyed cig lon nas/ de'i 'og tu ngas byang chub tu sems bskyed par gyur te/ de bzhin gshegs pa dgra bcom pa yang dag par rdzogs pa'i sangs rgyas gzhan gyis mi thub pa'i rgyal mtshan las dge ba'i rtsa ba bskyed do/ /bcom ldan 'das de la lo stong du bde ba'i yo byad thams cad kyis bstabs shing lha'i ras bcos</font><hr>58.64a<br><font size=+1>

bu 'bum phrag lnga ri ba dag gis mngon par bkab bo/ /bcom ldan 'das de yongs su mya ngan las 'das nas kyang mchod rten shin du chen po 'phang du dpag tshad tsam la/ rgyar dpag tshad phyed pa rin po che sna bdun las byed du bcug ste/ 'di lta ste/ gser dang / dngul dang / bai dUr+ya dang / shel dang / mu tig dmar po dang / rdo'i snying po dang / bdun pa ni rin po che spug go/ /shA ri'i bu ngas rtag par rgyun du 'di skad ces gang gi tshe sems can rnams sdug bsngal gyis nyen par gyur cing / skyabs med la/ rton pa med pas phal cher mi dge ba'i chos sgrub pa la zhugs te/ ngan song yongs su rdzogs par byed pa de'i tshe bdag bla na med pa yang dag par rdzogs pa'i byang chub mngon par sangs rgyas par gyur cig ces smon lam du btab po/ /shA ri'i bu de bzhin gshegs pas dka' ba ji snyed cig spyod pa dang / bla na med pa yang dag par rdzogs pa'i byang chub 'di dka' ba ji snyed cig gis bsgrubs pa dang / shA ri'i bu ngas bla na med pa yang dag par rdzogs pa'i byang chub 'di sgrub pa na/ sdug bsngal gang dag nyams su myong bar byas pa la ltos/ gal te ngas bla na med pa yang dag par rdzogs pa'i byang chub 'di sgrub pa na/ de bzhin gshegs pas dog pa/ rtsub pa/ nyam nga ba'i tshor ba nyams su myong bar byas pa de dag thams cad rgya cher brjod na/ shA ri'i bu thams cad rtag tu sbyin zhes bya bas dge ba ci yin zhes tshol ba na/ rtag par rgyun du yid byung bar byed cing tshad med pa'i brtson 'grus brtsams pa dang / de bzhin gshegs pa dgra bcom pa yang dag par rdzogs pa'i sangs rgyas ji snyed cig mnyes par byas pa dang / bla na med pa yang dag par rdzogs pa'i byang chub 'di dka' ba ji snyed cig gis bslus pa la ltos/ skyes bu blun po 'di dag yongs su mya ngan las 'da' bar bya ba'i ched du sems gcig kyang skyed par mi byed pa lta smos kyang ci dgos/ shA ri'i bu byang chub de ni rigs pas bsgrubs na yang de ltar</font><hr>58.64b<br><font size=+1>

dka' na rig pa ma yin pa lta ci smos/ shA ri'i bu de lta bas na khyed la go bar bya'o/ /khong du chud par bya'o/ /nga ni ji ltar yang ngan pas ni gya nom pa thob pa 'am/ rtogs par mi gsung ngo / /shA ri'i bu ngan pa gang zhe na/ shA ri'i bu lus kyi spyod pa dang / ngag gi spyod pa dang / yid kyi spyod pa ngan pa dang / dge ba'i chos rnams la mi sbyor ba ngan pa dang / dmigs pa ngan pa dang / le lo ngan pa dang / 'chal pa'i tshul khrims ngan pa ste/ shA ri'i bu 'di dag ni ngan pa rnams kyi nang na ngan pa tha chad yin no/ /shA ri'i bu gang zhig bstan pa 'di la rab tu byung nas bdag tu smra ba la mngon par zhen par gyur cing / de bzhin du sems can du smra ba dang / srog tu smra ba dang / gang zag tu smra ba la mngon par zhen par 'gyur ba'i phyir ro/ /de ci'i phyir zhe na/ shA ri'i bu 'di ltar de bzhin gshegs pas gang zag tu smra ba la ni rjes su 'thun pa'i bzod pa yang med par mngon sum du gzigs pa'i phyir ro/ /shA ri'i bu gal te dmigs pa'i 'du shes can la ni sangs rgyas bye ba phrag stong gis nyin gcig bzhin du cho 'phrul rnam pa gsum gyis chos bstan kyang de'i lta ba de kho na spong bar mi 'gyur zhing / dad pas byin pa'i bsod snyoms kham gcig tsam yang yongs su sbyang ba'i phyir mi 'thob na/ 'bras bu thob pa lta ci smos te/ de na gnas yod pa ma yin no/ /shA ri'i bu gal te gang zag tu lta ba yongs su mya ngan las 'da' bar 'gyur na/ so so'i skye bo thams cad yongs su mya ngan las 'da' bar 'gyur ro/ /de ci'i phyir zhe na/ shA ri'i bu 'di ltar gang zag tu lta ba ni log par lta ba yin pa'i phyir ro/ /shA ri'i bu byis pa so so'i skye bo thams cad ni phal cher bdag tu smra ba la mngon par zhen pa yin te/ de bzhin du sems can du smra ba dang / srog tu smra ba dang / gang zag tu smra ba la mngon par zhen pa yin no/ /shA ri'i bu de lta bas na log pa'i lta ba dang</font><hr>58.65a<br><font size=+1>

ldan pa thams cad yongs su mya ngan las 'da' bar 'gyur ro/ /shA ri'i bu gang zhig 'di snyam du gang zag tu lta ba ma spangs pa la yongs su mya ngan las 'da' bar 'gyur ba yod do snyam na/ de lta na ni byis pa so so'i skye bo thams cad 'phags pa'i lam dang ldan par 'gyur te/ de dag gi 'phags pa'i lam ma tshang ba med pa'i phyir ro/ /shA ri'i bu gang zhig 'di snyam du log pa'i lta ba yongs su mya ngan las 'da' bar 'gyur ba yod do snyam du sems pa de'i lta na/ de'i de nyid 'phags pa'i lam yin par 'gyur te/ de'i yid la byed pa gzhan ma rnyed pa'i phyir ro/ /de ci'i phyir zhe na/ 'di ltar byis pa so so'i skye bo thams cad ni gang zag tu lta ba dang mi 'gal ba'i phyir ro/ /skyes bu blun po de dag ni yang skyon 'di 'thob par 'gyur te/ byis pa so so'i skye bo thams cad 'phags pa'i lam 'thob pa dang / 'phags pa'i lam thob pa rnams lam goms par bya ba'i phyir kun gyi srog gcod par byed pa dang / 'dod pa la bsten pa dang / mtshams med pa byed par 'gyur ro/ /de ltar skyes bu blun po de dag gi 'phags pa'i lam gang yin pa de ni mtshams med pa yin par 'gyur ro/ /de ci'i phyir zhe na/ 'di ltar byis pa so so'i skye bo thams cad ni gang zag tu smra ba yin pa'i phyir ro/ /yang na de 'di skad ces mtshams med pa dang ldan pa la ni yongs su mya ngan las 'da' ba med kyi/ gang zag tu smra ba la ni yongs su mya ngan las 'da' ba yod do zhes sna na/ de ni brdzun gyi tshig smra bas nga la yang skur pa 'debs pa yin te/ de ni rab tu byung zhing bsnyen par rdzogs na yang don med par gyur pa yin no/ /shA ri'i bu khyod la go bar bya'o/ /khong du chud par bya'o/ /dmigs pa'i 'du shes can la ni yongs su mya ngan las 'da' ba med do/ /shA ri'i bu gal te dmigs pa'i 'du shes can yongs su mya ngan</font><hr>58.65b<br><font size=+1>

las 'das par gyur na/ de bzhin gshegs pa dgra bcom pa yang dag par rdzogs pa'i sangs rgyas rnams 'byung bar mi 'gyur zhing / byis pa so so'i skye bo thams cad yongs su mya ngan las 'da' bar 'gyur ro/ /de ci'i phyir zhe na/ 'di ltar byis pa so so'i skye bo thams cad ni dmigs pa can gang zag tu smra ba log par lta ba can rnams yin pa'i phyir ro/ /shA ri'i bu ji srid du nga ni dmigs pa can gyi lta ba de lta bu dang ldan par gyur te/ bar chad kyi gnod pa dang bcas pa de srid du sangs rgyas bcom ldan 'das de dag gis nga la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung ma bstan gyi/ ji srid du nga dang mi ldan par gyur pa la ltos/ skyes bu gti mug bdag tu smra ba dang gang zag gi 'du shes can gang yin pa dag gi tshul khrims dang thos pa dang ting nge 'dzin tsam gyis lta smos kyang ci dgos te/ nga ni de la bden pa yang ma yin/ grol ba yang ma yin no zhes gsung ngo / /de ci'i phyir zhe na/ shA ri'i bu 'di ltar yun ring po nas yang dag pa ma yin pa'i chags pa de lta bu de dag la zhen pas de la yongs su mya ngan las 'das pa yod pa ma yin pa'i phyir ro/ /skyes bu blun po de dag ni 'di snyam du nga ni ci nas kyang re shig bdag med pa'i mtshan nyid kun du sten cing bsgoms te mang du byas la ci nas kyang sdug bsngal gyi phung po spang ngo snyam du sems par mi 'gyur ro/ /shA ri'i bu dper na dmus long zhig rgyab nas bsad pas bsdigs pa na/ bros na bde bar 'gyur ba'i 'du shes kyis me ma mur dang mgal dum gyis gang bar mchong ngo / /shA ri'i bu de bzhin du ngas kyang skyes bu blun po dmigs pa'i lta ba dang gang zag gi lta ba de la kun du sten pa gang yin pa de dag kyang de ltar 'gyur bar dgongs te/ gang dag de kho nas dag par rlom sems su byed do/ /sems can rnams gang dang gang kho nas</font><hr>58.66a<br><font size=+1>

nyon mongs par gyur pa de kho nas grol bar rlom sems su byed de/ de dag lta ba de rnams dang ldan pas ngan song du 'gro bar 'gyur ro zhes gsung ngo / /shA ri'i bu dper na dmus long de bde ba'i 'du shes kyis me ma mur du mchong ba de bzhin du/ skyes bu blun po de dag kyang bde ba'i 'du shes kyi gang zag tu lta bar 'gyur ro/ /de dag lta ba gang dang gang kho nas yun ring por bslus shing rmongs par byas te/ de nyid la lhag par chags par 'gyur zhing dad pas byin pa la yongs su longs spyod par byed do/ /de dag de kho nas yun ring por gnod pa dang / phan pa ma yin pa dang / bde ba ma yin pa dang / sdug bsngal ba dang / nyams pa dang / gzhan gyis zil gyis mnan pa dang / yun ring por log par ltung bar bya ba'i phyir kun du zhugs pa yin no/ /shA ri'i bu rgyal po rgyal rigs spyi bo nas dbang bkur ba/ 'byor pa/ rang gi yul dang / rang gi pho brang 'khor na bsad pa'i rigs pa ni gsod la/ spyug pa'i rigs pa ni spyug par byed de/ de la gang dag gnod pa byed pa dag dang / gang dag grong khyer gyi chos khrims bzhin rjes su mi sgrub pa dag dang / bar chad kyis skye bo mang po 'byed par byed pa'o/ /de dag rgyal pos chom rkun pa yin par shes shing 'thab khrol ba yin par shes nas skad drag po dang / rnga pa ha ha brdungs nas/ rgyal po'i 'khor dang / grong khyer gyi mi rnams kyi mdun nas byung ste/ 'di skad ces rgyal po'i 'khrug long pa dang / grong khyer gyi chos khrims bzhin rjes su mi sgrub pa gang yin pa de ni rtags can 'di yin no zhes sgrogs su 'jug go/ /shA ri'i bu de bzhin du de bzhin gshegs pas bskal pa grangs med pa nas bzung ste/ bla na med pa yang dag par rdzogs pa'i byang chub 'di bsgrubs pas/ shA ri'i bu de bzhin gshegs pa yang nyid kyi yul 'di la mnga' yod de de bzhin gshegs pa'i 'khor gyi bya ba la srog gi phyir yang</font><hr>58.66b<br><font size=+1>

'gal bar mi byed pa dag kyang yod de/ shA ri'i bu gang zhig de bzhin gshegs pa'i gsung rtogs pa de lha dang bcas pa'i 'jig rten gyis bya ba dang 'brel pa de las bskyod pa dang / de bzhin gshegs pa'i mdzad pa la yang gang gis kyang mi bsrung bar mi nus so/ /'chi ba la thugs na yang mi byed cing byed du mi 'jug go/ /shA ri'i bu nga ni 'khor dang bcas par bya ba 'jug par bya ba la mnga' yod de/ gang gi chos kyi grong khyer 'di la chom rkun pa 'am/ chom rkun pa'i sder gtogs pa 'am/ phu gu pa 'am/ 'khrug long pa su yang rung mi rgyu bar bya ba'i phyir de shin du bsrungs shing shin du sbas pa yin no/ /gang dag de bzhin gshegs pa 'am/ de bzhin gshegs pa'i 'khor gyi gsang ba'i don gyi gsang sngags kyi tshig 'di de bzhin gshegs pa'i gsung las phyi rol du gyur pa'i tshig gi bya ba med pa gang yin pa dag la mi smra ba ste/ shA ri'i bu de ltar de bzhin gshegs pas bya ba la gzhol ba gzhi'i shes rab chen pos chos kyi grong khyer shin du bsrungs pa yin no/ /shA ri'i bu chos kyi grong khyer de'i bar chad byed pa gang yin pa de ni da ltar med do/ /shA ri'i bu da ltar chos kyi grong khyer de'i bar chad byed pa gang dag yod na/ de dag ni 'di la chom rkun pa zhes bya'o/ /'khrug long pa zhes bya'o/ /gang dag de bzhin gshegs pa 'am/ de bzhin gshegs pa'i 'khor gyi gsang ba'i don gyi gsang sngags kyi tshig 'di phyi rol pa la smra na/ de dag nga'i spyan sngar nye bar 'ongs shing lhags kyang ngas de dag chos dang 'thun pa'i gtam gyis sdud par mi mdzad/ de dag la bya ba ston par mi mdzad/ de dag la gsang ba'i don gyi gsang sngags kyi tshig brjod par mi mdzad do/ /de dag la yang bya ba 'di dag kun du tshol ba na/ rab tu 'byung ba dang / bsnyen par rdzogs par bya ba'i phyir klags tshol bar byed do/ /ngas de dag bya ba la mthu yod par mkhyen nas skabs dbye ba mdzad do/ /zla ba bzhi'i gnas</font><hr>58.67a<br><font size=+1>

'char gzhug go zhes gsungs so/ /de ci'i phyir zhe na/ de nyid chos kyi grong khyer srung zhing sba ba'i phyir dang / ma 'ongs pa'i 'khrug long ba rnams bsrungs pa yin no/ /shA ri'i bu de ltar de bzhin gshegs pas chos kyi grong khyer shin du yongs su bzung bas de dag gis klags mi rnyed do/ /de dag gis klags mi rnyed pas de bzhin gshegs pa'i gsung 'dzin cing sdig pa can gyi lta ba spong bar 'gyur ro/ /de dag de ltar sems mgu nas rab tu dbyung ba dang / bsnyen par rdzogs par bya'o/ /de dag de ltar rab tu phyung ba na lha dang bcas pa'i 'jig rten gyis mi bsgul bar 'gyur ro/ /shA ri'i bu de bzhin gshegs pas gnas 'char gzhug go zhes gsungs pa'i 'os gang zhe na/ gzhan mu stegs can rnams dang / gzhan mu stegs can gyi smra ba la dga' ba su yang rung ba dag ste/ de dag de bzhin gshegs pas gnas 'char gzhug pa'i 'os su gsungs pa yin no/ /shA ri'i bu gzhan mu stegs can gyi smra ba gang zhe na/ gang dag srid pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / gang zag gi 'du shes dang / dmigs pa can gyi 'du shes dang / dmigs pa can gyi bya ba la bying ba dang / lam gol ba 'dzin pa dang / rang gi mtshan nyid kyis stong pa'i chos rnams la yid gnyis dang / the tsom za ba dang / 'dzin pa sna tshogs dang / yang dag pa ma yin pa la chags pas gnas kyi/ don dam pa stong pa nyid la ni mi 'jug pa ste/ phyin ci log tu gyur pas des na gzhan mu stegs can zhes bya'o/ /shA ri'i bu de bas na chos gos la gnas 'char gzhug pa ma yin zhing / kha dog gi rigs rnam pa sna tshogs kyi 'os kyang ma yin no/ /shA ri'i bu khyim pa 'am ngur smrig bgos pa su yang rung / 'di lta bu'i dmigs pa can gyi lta ba yod pa de dag thams cad ni de bzhin gshegs pas gzhan mu</font><hr>58.67b<br><font size=+1>

stegs can dag yin no zhes gsungs so/ /de dag ni chos 'dul ba 'di la rab tu 'byung bar 'dod na gnas 'char gzhug pa'i 'os yin no/ /de ci'i phyir zhe na/ shA ri'i bu 'di ltar dmigs pa'i lta ba ni log par lta ba yin pa'i phyir ro/ /de ni chos 'dul ba 'di la bya ba la bying ba yin no/ /de ni de bzhin gshegs pa'i chom rkun pa chen po 'khrug long pa yin no/ /shA ri'i bu nga ni log pa'i lta ba can rab tu 'byung ba dang / bsnyen par rdzogs par bya ba'i phyir skabs dbye bar mi mdzad do/ /shA ri'i bu gang zhig chos thams cad bdag med do zhes rjes su 'thun pa'i bzod pa mi bskyed pa dang / chos thams cad stong pa dang / bdag med pa dang / sems can med pa dang / srog med pa dang / gang zag med pa'o zhes ma mos shing mi 'jug pa de chos 'dul ba 'di la rab tu 'byung zhing rab tu 'byung nas chos thams cad bdag med pa/ sems can med pa/ srog med pa/ gang zag med pa/ don dam pa stong pa nyid thos na ma mos shing mi 'jug na/ de mi dbang bar dad pas byin pa la yongs su longs spyod par byed pas/ des sangs rgyas la bkur stir ma byas pa yin/ bla mar ma byas pa yin/ rjed pa ma byas pa yin/ mchod pa ma byas pa yin/ bsnyen bkur ma byas pa yin te/ chos la ma yin/ dge 'dun la ma yin zhing / de bzhin gshegs pa'i bslab pa rnams phye mar 'thag par byed pas de ni gzhan mu stegs can dge sbyong ltar bcos pa'i chos kyi rkun por gnas pa yin no/ /shA ri'i bu ma 'ongs pa'i dus na dge slong lus ma bsgoms pa/ tshul khrims ma bsgoms pa/ sems ma bsgoms pa/ shes rab ma bsgoms pa dag 'byung bar 'gyur te/ de dag de bzhin gshegs pa'i gsung la 'phya bar 'gyur co 'dri bar 'gyur ro/ /de bzhin gshegs pa'i gnas pa gang la de bzhin gshegs pa gus pa dang bcas pa 'dzem pa dang bcas pa/ don dam pa stong pa nyid</font><hr>58.68a<br><font size=+1>

la rtag par rgyun du don dam pa stong pa nyid kyi gnas pa la khyad du gsod par 'gyur ro/ /de dag de'i tshe yang dag pa'i mtha'i de bzhin gshegs pa'i gnas pa stong pa nyid de la 'phya bar 'gyur/ co 'dri bar 'gyur/ khyad du gsod par 'gyur ro/ /shA ri'i bu de'i tshe stong pa nyid la mi gnas pa'i dge slong mang du 'byung bar 'gyur te/ de dag de'i tshe 'phya bar 'gyur/ co 'dri bar 'gyur/ khyad du gsod par 'gyur ro/ /shA ri'i bu de bzhin gshegs pas stong pa nyid kyis gnas pa gang yin pa de dag la de ltar legs so zhes bya bas spro bar mdzad/ tshig bzhin du mdzad do/ /de'i tshe 'tsho ba don du gnyer ba de dag ni kha zas kho na kun du tshol ba na/ gang zag tu 'dzin pas skye bo dga' bar bya bar sems par 'gyur ro/ /shA ri'i bu de'i tshe dge slong gang dag stong pa'i chos rnams la chos rnams ni stong pa'o zhes rab tu ston par 'gyur ba dang / bdag med pa'i chos rnams la chos rnams ni bdag med pa dang / sems can med pa dang / srog med pa dang / gang zag med pa'i chos rnams la chos rnams ni gang zag med do zhes ston par 'gyur ba de dag kun du 'tsho ba pa de dag gis shin du zil gyis mnan par 'gyur ro/ /de ci'i phyir zhe na/ shA ri'i bu nga ni sems can rnams kyi dge ba'i rtsa ba kun du gcod pa'i sngon du 'gro ba'i mtshan ma dang po ni de yin te/ byis pa'i rang bzhin can dag tsan dan shing gi rin thang du 'tshong ba bzhin du/ 'jig rten na legs par gsungs pa gang yin pa lan par mi byed do/ /shA ri'i bu de lta bas na bcom ldan 'das 'od srung gis ma 'ongs pa'i dus na de bzhin gshegs pa shAkya thub pa zhes bya ba de'i nyan thos rnams 'jig rten gyi zang zing gi phyir khyim pa dang rab tu byung ba dag la don dam pa stong pa nyid rab tu ston par 'gyur ro/ /de la khyim pa dang / rab tu byung ba byis pa shes rab 'chal pa'i rang bzhin can de dag smod par 'gyur yid mi ches par 'gyur te/ de dag dpal</font><hr>58.68b<br><font size=+1>

chen po dbyug pas skrod par 'gyur ro/ /de'i rgyus yang ngan song du 'dong bar 'gyur ro zhes lung bstan te/ shA ri'i bu de'i tshe mi mthun pa'i gtam rnams la shin du gnas par 'gyur zhing de la yang snying po'i 'du shes su byed par 'gyur ro/ /sangs rgyas kyi gsung don dam pa spong zhing thos nas yang skrag par 'gyur ro/ /de ci'i phyir zhe na/ 'di ltar de'i tshe bdag tu smra ba dang / sems can du smra ba dang / gang zag gi 'du shes can du gyur pa dang / 'dun zhan pa dang / le lo dang / snyom las dang / rnyed pa la gdu ba dang / 'dod chags che ba dang / zhe sdang che ba dang / gti mug che ba dang / rnyed pa dang bkur sti 'dod pa dang / mkhas pa'i nga rgyal dang / byis pa dang / gzhung 'byed pa dang / rtsod pa ched cher byed pa dang / phan tshun du byams pa'i sems med pa dang / dge sbyong gi chos kyis stong pa dang / rnyed pa dang bkur sti kho na la mngon par dga' bar gyur pa dang / las kyi mtha' mang ba dang / bud med kyi blo gros byed par gyur pa dang / gzhan gyi skyon tshol bar gyur pa dang / ji ltar yang bdag nyid ma bslabs pas rang gi skyon 'chab pa dang / sdig pa spyod cing dge ba spyoms par gyur pa'i phyir ro/ /da ltar gyi yongs su dag pa sdig pa bsal ba/ dge ba'i chos kyis gnas pa gang yin pa de dag ni de'i tshe bslab pa'i tshig rnams srog gi phyir yang 'das par sbas te ston par mi 'gyur ro/ /shA ri'i bu de ltar ma sbas pa'i tshul khrims can rnams la ni stong pa nyid kyis byar ci yod/ rang gi mtshan nyid kyis stong pa'i chos rnams kyis byar ci yod/ dper na rigs kyi bu dag gis rol mo'i gnas su sgyu mar gtogs pa'i rnam pa du ma dag nye bar bstan pa na de na byis pa zhum pa/ rmongs pa/ shes rab 'chal par gyur pa gang yin pa de dag gis mthong nas de dag gad mo chen po'i gad rgyangs dag rgod par 'gyur ro/ /de ci'i phyir zhe na/ ji ltar yang byis pa'i rang bzhin nyid yin pa'i phyir ro/ /mkhas pa shes rab rnon po'i rang bzhin can gang yin pa</font><hr>58.69a<br><font size=+1>

ni 'di skad ces blun po 'di dag de la ji zhig the tshom za na gad mo chen po'i gad rgyangs dag rgod ces smra ba de bzhin du/ shA ri'i bu de'i tshe stong pa nyid rab tu ston par 'gyur ba'i dge slong gang yin pa de dag la 'tsho ba don du gnyer ba de dag 'phya bar sems par 'gyur ro/ /de ci'i phyir zhe na/ ji ltar yang de la ma bslabs pa nyid yin pa'i phyir dang / de dag sangs rgyas kyi gsung stong pa nyid 'di thos na skrag par 'gyur ba'i phyir ro/ /shA ri'i bu skyes bu blun po de dag yun ji srid du chud zos pa la ltos/ 'di ltar bde legs gang yin pa la ni ci nas kyang bde legs ma yin pa'i 'du shes 'byung zhing 'jigs pa ma yin pa la ni 'jigs pa'i 'du shes 'byung ngo / /shA ri'i bu de'i tshe dge slong dag dge ba'i chos rnams la phan pa ma yin pa'i 'du shes dang / mi dge ba'i chos rnams la phan pa'i 'du shes phyin ci log tu 'dzin pa dag 'byung bar 'gyur ro/ /shA ri'i bu dge slong de dag ni rnyed pa la gdu ba dang / 'dod chags che ba dang / zhe sdang che ba dang / gti mug che ba dang / mi dge ba'i rtsa ba gsum yang dag par blangs te 'jug par 'gyur ro/ /shA ri'i bu de la ngas dge slong tshul khrims dang ldan pa dag rjes su gzung ba la ltos nas/ lhag pa'i tshul khrims kyi bslab pa'i gzhi bcas pa dang so sor thar pa'i mdo bstan pa gang yin pa de/ de'i tshe de dag gis 'jig rten gyi zang zing gi ched du khyim pa la brjod par 'gyur ro/ /glegs bam du byas te khyim pa la sbyin par sems so/ /shA ri'i bu de la skyes bu dam pa ma yin pa de lta bu dag la ni stong pa nyid kyis ci byar yod/ rang gi mtshan nyid kyis stong pa'i chos rnams kyis ci byar yod/ de ci'i phyir zhe na/ shA ri'i bu 'di ltar skyes bu blun po de dag ni chags pa spang ba'i phyir brtson par mi nus na/ ma rig pa spang ba'i phyir brtson par bya ba lta ci smos te/ de ni gnas yod pa ma yin no/ /shA ri'i bu de'i tshe ma bslabs pa'i dge slong 'dul ba 'dzin pa dag 'byung ngo / /</font><hr>58.69b<br><font size=+1>

ma bslabs pa'i chos kyi gtam dang ldan pa 'byung ba na gang / ma bslabs pa'i dge slong mdo sde dang ldan pa dag phal cher 'byung ngo / /shA ri'i bu de'i tshe ma bslabs pa'i dge slong 'dul ba 'dzin pa ni gang / ma bslabs pa'i chos kyi gtam dang ldan pa 'byung ba ni gang / ma bslabs pa'i dge slong mang dang ldan pa 'byung ba ni gang zhe na/ shA ri'i bu 'di la bslab pa ni gsum ste/ gsum gang zhe na/ 'di lta ste/ lhag pa'i tshul khrims kyi bslabs pa dang / lhag pa'i sems kyi bslab pa dang / lhag pa'i shes rab kyi bslab pa ste/ shA ri'i bu de bzhin gshegs pas gsungs pa'i bslab pa gsum ni 'di dag yin no/ /bdag gis bslab pa gsum po 'di dag la ma bslab par thos pa tsam gyis gzhan la khyad du gsod par byed de/ de nyid skyes bu blun po de dag gi bar du gcod par 'gyur ro/ /skyes bu de dag ni chos dang 'thun pas the tshom dris na yang lan thebs par mi 'gyur na/ med pa stong pa nyid kyi chos rnams la brtson 'grus brtsam pa lta ci smos te/ de ni gnas yod pa ma yin no/ /shA ri'i bu de la tshul khrims ral pa'i dge slong gang yin pa de dag 'byung bar 'gyur te/ de dag khyim pa'i las kyi mtha' rnams byed par 'gyur ro/ /pho nya'i las kyis 'tsho bar rtog par 'gyur ro/ /sman pa'i tha snyad kyis 'tsho bar rtog par 'gyur ro/ /shA ri'i bu nga'i bstan pa la rab tu 'byung ba 'tsho bar byed de/ de bzhin gshegs pa la skye ba dang bcas pas kun tu spang bar 'gyur ba la ltos/ shA ri'i bu de'i tshe rgyal po chen po bzhi dang / lha rnams kyi dbang po brgya byin dang / mi mjed kyi bdag po tshangs pa dang / gzhan yang lha stong phrag mang po dag de lta bu'i gsungs la rnam pa du mar gyes pa mthong nas smre sngags chen pos smre sngags 'don par 'gyur ro/ /shA ri'i bu nga la brten nas khyim pa'i go re long byed par 'gyur ba gang yin pa de ni mtsham pa ma yin na/ </font><hr>58.70a<br><font size=+1>

de ci'i phyir zhe na/ shA ri'i bu nga'i nyan thos rnams ni lha 'am/ klu 'am/ gnod sbyin su la yang nye gnas kyis yongs su spyod par byed pa ma yin no/ /shA ri'i bu de lta mod kyi lha dang / klu dang / gnod sbyin dag kho na nga'i nyan thos rnams la nye gnas kyis yongs su spyod par byed pa yin no/ /shA ri'i bu skyes bu blun po khyim pa'i go re long byed pa de dag dmigs su med pa stong pa nyid kyi chos rnams la kun tu sten par 'gyur ba dang / lhag par mos par 'gyur ba de ni gnas yod pa ma yin te/ shA ri'i bu de'i tshe dge slong tshul khrims 'chal pa dag sangs rgyas kyi gsung chang skyogs gang tsam gyi phyir yang khyim pa la brjod par 'gyur ro/ /shA ri'i bu 'di ji snyam du sems/ ci nas kyang bdag la chags pa dang / zhe sdang che ba dang / gti mug che ba dang / 'du 'dzi la dga' ba dang / smra ba la dga' ba dang / 'jig rten rgyang pan pa dang / spyod pa yongs su ma dag pa rnams kyis dmigs su med pa'i stong pa nyid kyi chos rnams kun du shes pa 'am/ rnam par rig pa 'am/ 'jug pa 'am/ mos pa 'am/ dge sbyong gi chos rnams la yang dag min thob par bya ba'i phyir rab tu ston par nus pa de ni gnas yod pa ma yin no/ /shA ri'i bu dge slong gang dag chos gos ngan ngon tsam gyis chog shes pa dang / chos gos ngan ngon tsam gyis chog shes pa'i bsngags pa smra ba dang / bsod snyoms ngan ngon tsam gyis chog shes pa dang / bsod snyoms ngan ngon tsam gyis chog shes pa'i bsngags pa smra ba dang / gnas mal ngan ngon tsam gyis chog shes pa dang / gnas mal ngan ngon tsam gyis chog shes pa'i bsngags pa smra ba dang / nad kyi rkyen sman dang / mkho ba'i yo byad ngan ngon tsam gyis chog shes pa dang / nad kyi rkyen sman dang / mkho ba'i yo byad ngan ngon tsam gyis chog shes pa'i bsngags pa smra ba dang / tshul khrims dang ldan zhing spyod pa yongs su dag pa dang / 'du 'dzi rnams la mi dga' ba</font><hr>58.70b<br><font size=+1>

dang / smra ba la mi dga' ba dang / 'jig rten rgyang pan pa'i gtam la mngon par mi brtson pa dang / nyin dang mtshan du mgo la me 'bar ba bzhin du spong ba la brtson pa dang / 'phags pa'i lam bsgom pa la brtson pa de dag ni dmigs su med pa stong pa nyid kyi chos rnams la tshegs chung ngus mnyes par byed pa ma yin na/ de la mos pa med pa dang / 'dun pa med pa dang / dga' ba med pa gang yin pa dag lta ci smos/ shA ri'i bu de'i tshe gnod pa mang po 'ba' zhig byed pa'i dge slong dag 'byung bar 'gyur ba la ltos/ de dag ni sangs rgyas kyi byang chub 'di dag mi shes pas mi 'jug cing smod par byed pas de dag ni de bzhin gshegs pas chos 'dul ba 'di la 'khrug long pa yongs su spang ba'i 'os yin par gsungs so/ /shA ri'i bu skyes bu blun po de dag 'di snyam du bdag cag da ni de kho na'i ched du rab tu byung bas bdag cag gis bstan pa 'di la spyod yul ma yin pa la spyad par mi bya'o snyam du de bzhin gshegs pa la byas pa gzo bar mi 'gyur ro/ /shA ri'i bu de lta bas na de bzhin gshegs pas ma 'ongs pa'i dogs pa la brten nas mdo sde 'di gsungs te/ de ni de dag 'di lta bu'i chos kyi rnam grangs 'di thos nas dge sbyong gi chos ma yin pa sdom pa yongs su nyams par byed pa dag spang ba'i phyir 'jug par 'gyur ro/ /de ci'i phyir zhe na/ shA ri'i bu 'di ltar dge slong tshul khrims 'chal pas se gol gtogs pa tsam yang drang srong gi rgyal mtshan bcang bar mi bya ba'i phyir ro/ /shA ri'i bu chos kyi rnam grangs 'di thos nas rab tu dga' ba skye bar 'gyur ba gang yin pa de dag ni sangs rgyas kyi byang chub shin du yongs su bzung ba yin no/ /de ci'i phyir zhe na/ shA ri'i bu de dag gi sangs rgyas kyi byang chub ni 'di yin te/ 'di lta ste/ yang dag pa'i mtha'o/ /shA ri'i bu dge sbyong don du gnyer bas ni 'di lta bu'i chos mnyan pa'i phyir dpag tshad bye ba brgya stong du yang 'gro bar mi bya'o/ /de ci'i phyir zhe na/ </font><hr>58.71a<br><font size=+1>

sangs rgyas bcom ldan 'das rnams 'jig rten du 'byung ba yang brgya lam na lan 'ga' zhig yin la/ mdo sde 'di lta bu yang brgya lam na lan 'ga' zhig rab tu ston par 'gyur ba'i phyir ro/ /shA ri'i bu 'di lta bu'i gtam 'di la ni gsum mi 'dod cing dga' ba skye bar mi 'gyur te/ gsum gang zhe na/ 'di lta ste/ tshul khrims 'chal pa dang / mngon pa'i nga rgyal can dang / yongs su ma dag pa'i chos ston pa ste/ ji ltar yang bdag tu smra ba la mngon par zhen par bgyur ba'i phyir ro/ /shA ri'i bu skyes bu blun po de dag ni rjes su 'thun pa'i chos 'di lta bu 'di dag mnyan pa las shin du yongs su nyams par 'gyur zhing dmus long gi phyogs yongs su rdzogs par 'gyur ro/ /shA ri'i bu de lta bas na mdo sde 'di lan gnyis su yang yongs su gtad do/ /de ci'i phyir zhe na/ shA ri'i bu 'di ltar mdo sde 'di ni de bzhin gshegs pa yongs su mya ngan las 'das nas dge slong tshul khrims dang ldan pa rnams dga' ba dang mgu bar byed par 'gyur ba'i phyir ro/ /shA ri'i bu mdo sde 'di ni tshul khrims dang / ldan pa rnams kyis kun du bzung zhing / tshul khrims 'chal pas yongs su spangs par 'gyur ro/ /de ci'i phyir zhe na/ shA ri'i bu 'di ltar yang dag pa ji lta ba bzhin du stan na/ byis pa rnams sdug bsngal bar 'gyur te/ shA ri'i bu gang dag gi yan lag dang / gang dag gi rnam pa dang / gang dag gi rtags dang / gang dag gi mtshan mas tshul khrims 'chal pa dang ldan par 'gyur ba'i rnam pa dang / rtags dang / mtshan ma de dag de bzhin gshegs pas mdo sde las gsungs te/ tshul khrims 'chal pa ni tshul khrims kyi gtam la dga' bar mi 'gyur/ mnyam par ma bzhag pa ni mnyam par bzhag pa'i gtam la dga' bar mi 'gyur/ ser sna can ni gtong ba'i gtam la dga' bar mi 'gyur/ mngon pa'i nga rgyal can ni lhag par nga rgyal med pa sangs rgyas kyi gsung thos nas g.yang sa chen por ltung</font><hr>58.71b<br><font size=+1>

bar 'gyur zhing skrag pa chen po skye bar 'gyur ro/ /zang zing dang kha zas lhur len pa ni yo byad bsnyungs pa'i bsngags pa smra na yid mi bde ba chen po skye bar 'gyur ro/ /gzhan mu stegs can gyi smra ba la rab tu zhugs pa dang / 'jig rten rgyang pan pa lhur byed pa dang tshig lhur byed pa dang / 'du 'dzi la mngon par dga' ba dang / sna tshogs smra ba la mngon par dga' ba la sangs rgyas kyi gsung don dam pa 'di bstan na/ dad par mi 'gyur zhing chos bla mar byed par mi 'gyur ro/ /shA ri'i bu dper na ma ning skyes pa'i dbang po dang mi ldan pa de skyes pa'i dbang po dang ldan pa rnams la ma ning gi 'du shes de nyid kyis 'di dag thams cad kyang 'di lta bu'i rang bzhin dang / 'di lta bu'i mtshan nyid yin no snyam du 'du shes skyed par 'gyur ro/ /shA ri'i bu de bzhin du dge slong 'jig rten rgyang pan pa dang sre bar byed pa gang yin pa de yang phyi rol pa'i tshig dang yi ge rnams la mngon par brtson pas/ de sangs rgyas kyi gsung don dam pa 'di la gus pa med cing gces par mi byed pa yin no/ /sangs rgyas kyi gsung yongs su dag par dmigs su med pa smra ba'i dge slong gang yin pa de dag la yang mi gus pa dang / gces par mi byed pa dang / de dge slong tshul khrims dang ldan pa rnams la yang khyad du gsod par byed do/ /de ci'i phyir zhe na/ de ni 'jig rten rgyang pan pa'i rjes su 'thun pa dang / gcer bu pa smra ba'i chos kyi rjes su 'thun pa dang / de lhag par khengs pa dang / mgo 'phang yang stod par byed pa yin pa'i phyir ro/ /de ci'i phyir zhe na/ ji ltar yang yid 'byung bar bya ba'i phyir mngon par brtson pa ma yin te/ 'dod chags dang bral ba'i phyir ma yin/ 'gog pa'i phyir ma yin/ nye bar zhi ba'i phyir ma yin/ yang dag par rtogs par bya ba'i phyir ma yin/ dge sbyong gi phyir ma yin/ mya ngan las 'da' ba'i phyir ma yin pa'i phyir ro/ /de dbang po nyams pas skyes pa thams cad la ma ning yin pa bzhin du thams cad la dbang po nyams</font><hr>58.72a<br><font size=+1>

pa'i 'du shes skyed par 'gyur ro/ /shA ri'i bu dper na dmus long gis nag po dang / dkar po dang / kha dog bzang po dang / kha dog ngan pa dang / sngon po dang / ser po dang / dmar po la sogs pa'i gzugs dang / ring po dang / thung ngu la sogs pa ma mthong ngo / /de'i mig sngar phra mo 'am/ sbom po 'am/ ring po 'am/ thung ngu 'am/ sngon po 'am/ ser po 'am/ dmar po 'am/ dkar po'i gzugs cung zad kyang snang bar ma gyur pa dang / de 'di snyam du sngon po dang / ser po dang / dmar po dang / dkar po'i gzugs kyang yod pa ma yin no/ /ring po dang / thung ngu dang / phra mo dang / sbom po rnams kyang yod pa ma yin no/ /sngon po dang / ser po dang / dmar po dang / dkar po dang / ring po dang / thung ngu dang / phra mo dang sbom po kyang yod pa ma yin no/ sngon po dang / ser po dang / /nyi ma dang zla ba yang med/ nyi ma dang zla ba yang dag par mthong ba 'am/ ston po yang med do zhes ji ltar bdag gis phyin ci log tu mthong ba de bzhin du gzhan thams cad la yang long ba'i 'du shes kho na bskyed par 'gyur ro/ /shA ri'i bu de bzhin du mngon pa'i nga rgyal can gyi dge slong gang dag yin pa'i yang dge slong gzhan mu stegs can gyi smra ba 'dzin pa gang dag yin pa dang / yang tshul khrims 'chal pa gang dag yin pa'o/ /de dag ni sangs rgyas kyi byang chub zab mo la sems mi 'jug /dad par mi byed/ dmigs su med pa'i stong pa nyid kyi chos rnams la dga' ba 'thob par mi 'gyur te/ rtog par mi byed/ mi 'jug 'jug par mi byed/ ma mos shing de dag 'di skad ces/ shes ldan dag khyod kyang smra ba la mngon par dga' ba/ yang dag pa'i chos rnams kyi mtha' la rab tu zhugs pa yin na/ khyod kyis chos de rnams rab tu bstan par mi nus shing / chos gang dag gis dge sbyong ngo zhes bde bar tha snyad du gdags pa de dag ni khyed kyis mi shes ma mthong ngo zhes</font><hr>58.72b<br><font size=+1>

smra ste/ de lta bas na dmus long la dkar po dang / nag po la sogs pa'i gzugs med pa bzhin no/ /shA ri'i bu yang dag pa ma yin pa'i mtha' la zhugs pa/ dmus long lta bu 'jig rten rgyang pan pa tshol ba/ 'du 'dzi la dga' ba/ smra ba la mngon par dga' ba/ nyon mongs pas non pa/ tshul khrims 'chal pa/ sdig pa'i chos can de dag gis ni dmigs su med pa stong pa nyid kyi chos la shes pa 'am/ 'jug pa 'am/ mos pa 'am/ rtogs pa 'am/ dge sbyong gi chos yang dag par 'thob pa'i mthu med de/ de ni gnas yod pa ma yin no/ /shA ri'i bu 'di ji snyam du sems/ ji ga wa seng ge'i nga ro sgrogs sam/ sgrogs par 'gyur ram/ seng ge'i rnam par rtse bas rtse 'am/ seng ge'i rnam par gnon pas gnon tam/ gsol pa/ bcom ldan 'das de ni ma lags so/ /de ci'i slad du zhe na/ bcom ldan 'das 'di ltar seng ge dang wa ni kha dog gam/ stobs sam/ nga ro 'am/ rnam par gnon pas mi 'dra lags so/ /bcom ldan 'das wa'i ngo bo gang lags pa de ni wa lags te/ wa kho na'i nga ror nga ro 'byin lags so/ /wa kho na'i skad du skad 'byin lags so/ /wa kho na'i sgrar sgra 'byin lags so/ /bka' stsal pa/ shA ri'i bu de bzhin du tshul khrims 'chal pa dang / tshul khrims nyams pa dang / spyod pa ral ba dang / spyod pa nyams pa dang / mngon pa'i nga rgyal can dang / mngon pa'i nga rgyal du ltung ba dang / 'di lta bu ni dam pa yin no snyam du rlom sems pa dang / yongs su ma dag pa'i chos ston pa dang / gcer bu pa'i smra ba la gzhol ba dang / snying po med pa 'dzin pa dang / sor bzhir rtog pa dang / 'jig rten gyi zang zing gtso bor byed pa dang / smra ba la dga' ba dang / 'du 'dzi las skyes pa dang / 'jig rten rgyang pan pa'i gtam dang ldan pa ste/ de dag gis stong pa nyid shes pa 'am/ 'jug pa 'am/ rtogs par mi nus te/ de ni gnas yod pa ma</font><hr>58.73a<br><font size=+1>

yin no/ /shA ri'i bu gang dag dge slong gnas brtan gnas brtan chen po/ glang po glang po chen po/ seng ge seng ge chen po/ bsam gtan pa bsam gtan pa chen po/ tshul khrims dang ldan pa/ lhag mthong dang ldan pa/ dmigs su med pa/ stong pa nyid kyi chos rnams la mos pa/ chos rnams kyi rang gi mtshan nyid stong pa dang / bdag med pa dang / sems can med pa dang / srog med pa dang / gang zag med pa la mos pa/ 'du 'dzi la mi dga' ba/ 'du 'dzi la dga' ba med pa/ 'du 'dzi la dga' bar sbyor ba'i rjes su mi brtson pa/ smra ba la mi dga' ba/ smra ba la dga' ba med pa/ smra ba la dga' bar sbyor ba'i rjes su mi brtson pa/ gnyid la mi dga' ba/ gnyid la dga' ba med pa/ gnyid la dga' bar sbyor ba'i rjes su mi brtson pa/ las la mi dga' ba/ las la dga' ba med pa/ las la dga' bar sbyor ba'i rjes su mi brtson pa/ khyim pa'i las kyi mtha' byed du mi 'jug pa/ pho nya mi byed pa/ spring yig skyel ba mi byed pa/ sman pa ma yin pa/ sman pa'i tha snyad la mngon par mi brtson pa/ 'jig rten rgyang pan pa'i gtam la mngon par mi brtson pa/ 'jig rten rgyang pan pa la mi ltos pa/ 'jig rten las 'das pa'i gtam kho na smra ba de dag ni chos thams cad stong pa yin par mos pas byed pa med cing mi byed pa yang med do/ /de dag ni yang dag pa'i mthas mgu bar byas nas yang dag pa'i seng ge'i sgra sgrogs par byed kyi/ wa'i sgra ni ma yin no/ /shA ri'i bu gang dag dge slong 'jig rten rgyang pan pa'i gtam lhur len pa/ sangs rgyas kyi gsung spangs nas gzhan mu stegs can gyi gsang tshig smra ba de dag ni 'khor gyi nang du dong nas de dag chos kyi sgras 'khor dga' bar byed de/ skyes bu dam pa ma yin pa de lta bu de dag ni dge sbyong</font><hr>58.73b<br><font size=+1>

rul ba zhes bya'o/ /de ci'i phyir zhe na/ shA ri'i bu 'di ltar sangs rgyas kyi gsung la ni 'jig rten rgyang pan pa med pa'i phyir ro/ /shA ri'i bu dge slong 'jig rten rgyang pan pa la mngon par brtson pa gang yin pa des de'i tshe nga la ston pa'o zhes brjod par mi bya'o/ /de ci'i phyir zhe na/ shA ri'i bu 'di ltar shAkya'i sras kyi dge sbyong rnams ni gcer bu pa'i gsang tshig mi 'dzin/ gzhan la yang mi 'chad/ 'khor gyi nang du dong nas kyang rab tu mi ston pa'i phyir ro/ /shA ri'i bu gang dag stong pa nyid kyi gtam la mngon par mi brtson pa de dag ni seng ge'i sgra bsgrags par bya'o/ /zhes wa'i sgra kho na sgrogs par byed de/ de lta bas na skyes bu dam pa ma yin pa de dag ni don dam pa kun du shes par mi nus so/ /shA ri'i bu khyod la go bar bya'o/ /khong du chud par bya'o/ /tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ brkam chags med pa/ chags pa med pa/ zhen pa med pa/ zhe sdang med pa/ gti mug med pa/ g.yo med pa/ sgyu med pa/ drang po'i rang bzhin can/ shes rab kyi rang bzhin can/ don smra ba yang dag par smra ba/ gcig pu la dga' ba/ gnyid la dga' ba med pa/ stong pa nyid kyis gnas pa/ mtshan ma med pas gnas pa/ smon pa med pas gnas pa/ mtshan nyid med pas gnas pa/ sangs rgyas kyi gsung la mos pa/ 'jig rten rgyang pan pa'i gtam la ltos pa med pa/ tshul khrims thams cad rjes su srung ba/ sdig pa'i grogs po thams cad yongs su spong ba/ 'du 'dzi thams cad yongs su spong ba/ brtson 'grus tshad med pa brtsams pa/ dran pa nye bar gnas pa de lta bu de dag gis ni dmigs su med pa stong pa nyid kyi chos rnams kun du shes par nus so/ /de ci'i phyir zhe na/ shA ri'i bu gnas 'di ni skyes bu dam pa'i yin gyi/ gnas 'di ni 'jig rten gyi zang zing gtso bor byed pa dang / dge sbyong 'chal pa dang / dge sbyong ma yin par dge sbyong du khas 'che ba rnams kyi ni ma yin no/ /shA ri'i bu de lta bas na 'di ni sangs rgyas kyis yin te/ 'di ni 'jig rten rgyang pan pa lhur len pas 'thob par mi nus so/ /chos 'di ni yongs su ma dag pa'i chos dang ldan pas 'thob par mi nus so/ /shA ri'i bu 'di ni shes pa dang ldan pa yin</font><hr>58.74a<br><font size=+1>

gyi shes pa dang mi ldan pa'i ni ma yin te/ gcer bu pa'i smra ba dang 'dres pa rnams kyi ma yin/ gang zag tu lta ba rnams kyi ma yin no/ /shA ri'i bu gal te gang zag bden par gyur na/ don dam par gang zag tu smra ba'i gang zag tu btags pa bden par 'gyur zhing / gang zag 'di ni sngon po 'am/ ser po 'am/ dmar po 'am/ dkar po 'am/ lus la kun du rten pa 'am/ de dang tha dad pa'i bden pa'i gnas 'di dmigs par 'gyur ba zhig go/ /sangs rgyas kyi sde snod tshul khrims 'chal pa tshar gcod pa/ bam po bdun pa ste tha ma/ shA ri'i bu til rnams las til mar bzhin du lus kyi nang na yod par kun du bstan par ni mi nus te/ 'di ni bden pa zhes bya ba'i tshig bla dgas yin no/ /shA ri'i bu 'on te gang zag nang na yod par gyur na/ gang zag tu smra ba rnams kyis gang zag de ni 'di yin no zhes/ til rnams las til mar bzhin du nges par bstan par bya'o/ /shA ri'i bu de lta bas na gang zag bden par gyur na/ don dam par dmigs par 'gyur ba zhig na/ 'di ltar de skad du smra ba'i dge sbyong du khas 'che ba rnams kyis dge sbyong gi rang bzhin yang mi dmigs na/ dge sbyong gis 'thob pa lta ci smos te/ de ni gnas yod pa ma yin no/ /shA ri'i bu shes pa 'di dang / ma dag pa'i 'dzin pa 'di dang / bdag tu 'dzin pa 'di dang / sems can du 'dzin pa 'di dang / srog tu 'dzin pa 'di dang / gang zag tu 'dzin pa 'dis thog mar ltung ba yin te/ rnyed pa dang bkur sti la lhag par chags pa yang yin no/ /shA ri'i bu gang 'du shes dag pa la 'dod chags sam/ zhe sdang ngam/ gti mug skye bar 'gyur ba ni gnas ma yin zhing go skabs med do/ /rnyed pa 'am/ bkur stis mthar gtugs par 'gyur ba'i gnas de yang yod pa ma yin no/ /rnyed pa dang bkur sti sems la zhen cing gnas pa yang ma yin zhing 'og tu ltung bar yang mi 'gyur ro/ /shA ri'i bu bdag tu 'du shes pa dang / gang zag tu lta ba la ni 'tsho ba</font><hr>58.74b<br><font size=+1>

med pa'i 'jigs pa yod do/ /de 'tsho ba med pa'i 'jigs pas skrag nas rnyed pa dang / bkur sti la lhag par zhen par 'gyur zhing / de ni de'i bar du gcod par yang 'gyur ro/ /shA ri'i bu ci nas kyang bdag tu lta ba dang ldan pa dang / sems can du lta ba dang ldan pa dang / srog tu lta ba dang ldan pa dang / gang zag tu lta ba dang ldan pa dag /shA ri'i bu bstan pa 'di la rab tu byung nas rab tu byung ba yin no zhes tha snyad 'dogs par 'gyur te/ skyes bu blun po de dag ni 'phags pa rnams rab tu byung ba'i phyir rab tu byung ba ma yin no/ /de ci'i phyir zhe na/ shA ri'i bu 'di ni gcer bu pa'i rab tu byung ba yin te/ 'di lta ste/ gang zag tu lta ba rnams dang / dmigs pa'i lta ba can rnams kyi rab tu byung ba la sngon bstan pa yin pa'i phyir ro/ /shA ri'i bu de dag ni skye ba de dang de dag tu de lta bu'i kha bya'i rab tu byung bar gyur te/ de'i de nyid gcer bu pa'i smra ba rnams kyi rab tu byung ba yin par bstan gyi 'phags pa rnams kyi rab tu byung ba ni ma yin no/ /de ci'i phyir zhe na/ shA ri'i bu 'di ltar dman pa'i sems ni rgya chen po la mi 'jog cing mos pa skye bar mi 'gyur la/ don dam pa bden pa'i tshul la mi gnas pa'i phyir ro/ /de ci'i phyir zhe na/ shA ri'i bu de ni chos kyis 'phongs par 'gyur ba'i las yin te/ sngon sdig pa mi dge ba'i las mngon par 'dus byas pa dang / 'phags pa'i lam dang mi mthun par byas pa dang / dge slong tshul khrims dang ldan pa dag la ma dad par byas pa dang / gzhan dag gi tshul khrims nyams pa 'am/ spyod pa nyams pa 'am/ 'tsho ba nyams pa'i rgyu dag mngon sum du ma mthong bar glengs pa dang / rnam par 'tshe ba'i sems kyis ma dad pa mang du byas pa dang / gzhan gyi bsngags pa ma yin pa brjod pa dang / des sangs rgyas kyis gsungs pa'i mdo sde'i tshig dang / yi ge rnams la ma brtags par smad pa'i phyir ro/ /shA ri'i bu sdig pa mi dge ba </font><hr>58.75a<br><font size=+1>

de lta bu de dag gi chos kyis phongs par 'gyur ba'i las byas shing bsags pas sangs rgyas kyi gsung don dam pa 'di la sems mi 'jug cing ma dad de/ de'i rnam par smin pa gang yin pas 'bad brtsal te brtson 'grus brtsams na yang dmigs pa'i gnas skabs tsam yang bzung bar mi nus na/ 'bras bu thob pa lta ci smos te de ni gnas yod pa ma yin no/ /gang zag tu lta ba la kun du rten par 'gyur ba de dag gi lta ba gang yin pa de ni sangs rgyas kyis kyang dbral bar mi spyod na/ nyan thos rnams kyis lta ci smos te de ni gnas yod pa ma yin no/ /shA ri'i bu gang dag gi bdag tu mngon par zhen cing chags pa dang / sems can dang / srog dang / gang zag tu mngon par zhen cing chags pa de lta bu'i 'dzin pa de dag gis rnam par thar pa'i sgo rnams thos na/ skrag par 'gyur/ dngang bar 'gyur/ kun du dngang bar 'gyur ro/ /de dag sngon gyi dus su sdig pa mi dge ba'i chos kyis phongs par 'gyur ba'i las dang ldan pas de dag 'di lta bu'i bdag tu 'dzin pa dang / sems can dang / srog dang / gang zag tu 'dzin pa der gdon mi za bar 'gro bar 'gyur te/ de dag la sangs rgyas bye ba phrag brgya stong gis cho 'phrul gsum gyis chos bstan kyang de dag gis chos kun shes par mi nus so/ /shA ri'i bu lcags kyi mtshon rnon pos lce kun du bcad cing gtubs pa ni bla'i/ tshul khrims nyams pa 'am/ lta ba nyams pa 'am/ spyod pa nyams pa 'am/ 'tsho ba nyams pa'i rgyus mngon sum du ma mthong bar gleng ba dang / sangs rgyas kyi gsungs pa'i mdo sde'i tshig dang yi ge rnams la ma brtags par smod par byed pa ni de lta ma yin no/ /shA ri'i bu ma 'ongs pa'i dus na dge slong dag so sor thar pa'i sdom pas ma bsdams pa dag 'byung bar 'gyur te/ de dag tshul khrims kyis rgyags pa skyed par byed de/ bdag ni tshul khrims dang ldan gyi/ 'di dag ni</font><hr>58.75b<br><font size=+1>

de bzhin du ma yin te/ spyod pa gzhan yin no zhes de dag phan tshun du zil gyis gnon par 'gyur ro/ /shA ri'i bu dge slong dag phal cher bdag ni tshul khrims dang ldan gyi/ 'di ni de ltar tshul khrims dang ldan pa ma yin no/ /bdag ni mang du thos pa yin te/ 'di ni de ltar mang du thos pa ma yin no zhes tshul khrims la gtso bor byed par 'gyur ro/ /shA ri'i bu dge slong de dag ni phal cher dgon gnas su 'byung bar 'gyur te/ tshul khrims srung bar byed pa/ tshul khrims kyi phung po la gus par byed pa/ mang du chub par byed pa phal cher sangs rgyas kyi gsung kun du chub par byas nas/ khro ba dang / brnab sems che ba dang / chags pa dang / gtum pa dang / rmongs pa dag tu 'gyur ro/ /de dag gis lta ba nyams pa 'am/ tshul khrims nyams pa 'am/ spyod pa nyams pa 'am/ 'tsho ba nyams pa'i rkyen 'ga' kho na zhig la brten nas 'thab khrol chen po bdo bar 'gyur ro/ /shA ri'i bu der 'thab rtsod byung ba de la/ shA ri'i bu yang 'thab rtsod nye bar zhi bar byed pa'i gzu bo'i dge slong gang yin pa de dag 'byung ste/ de dag kyang de'i tshe phan tshun gyi phyogs su lhung bar 'gyur ro/ /shA ri'i bu de la phan tshun nas mnar sems la zhugs pas de dag reg par gnas par mi 'gyur ro/ /rnal 'byor spyod pa rnams kyang reg par gnas par mi 'gyur ro/ /khyim na gnas pa dang / rab tu byung ba rnams kyang reg par gnas par mi 'gyur ro/ /shA ri'i bu de la dge slong lor ma lon pa dang / gsar bu dang / rgan po dang / gnas brtan rnams la gces par mi byed pa dang / ma gus par 'gyur ro/ /de ci'i phyir zhe na/ 'di ltar yang ma bslabs pa rnams kyi rab tu phyung zhing bsnyen par rdzogs par byas pa'i phyir ro/ /dge slong gus pa med pa dang / gces par mi byed pa de dag ni lo grangs kyi mthas rgan por gtogs pa/ lo bcu pa rnams sam/ lo bcwa lnga pa rnams sam/ lo nyi shu pa rnams sam/ lo lnga bcu'i bar dag dang yang nges par 'dra</font><hr>58.76a<br><font size=+1>

bar 'gyur te/ de dag gi 'khor de yang de kho na dang 'dra bar spyod pa med par 'gyur ro/ /shA ri'i bu de'i tshe lhag par yang chags par 'gyur/ lhag par yang zhe sdang bar 'gyur/ lhag par yang gti mug par 'gyur ro/ /shA ri'i bu skyes bu blun po de dag sangs rgyas kyis gsungs pa'i mdo sde'i tshig rnams la ma brtags par mi mos shing mngon par ma dad pa na mi mthun pa la rtsod par 'gyur ro/ /shA ri'i bu de ltar phan tshun gus pa med pa dang / phan tshun smod pas nga'i chos 'dul ba 'di nub par 'gyur ro/ /shA ri'i bu skyes bu blun po de dag las phal cher gyis chos kyis phongs par 'gyur ba'i las mngon par 'du byed par 'gyur ro/ /chos kyis phongs pa'i las mngon par 'dus byas nas ngan 'gro rnams su ltung bar 'gyur ro/ /shA ri'i bu khyod la go bar bya'o/ /khong du chud par bya'o/ /dgra bcom pa dang / nyon mongs pa zad pa dang / nad pa bskyod mi nus pa ma gtogs par don du gnyer ba'i rigs kyi bus de'i tshe mtshan gcig tsam yang tshogs kyi gnas su gnas par mi bya'o/ /shA ri'i bu 'di ltar de'i tshe sdig pa can rnams kyi chags pa dang / zhe sdang dang / gti mug dang / 'tsho ba med pa rnams kyi 'jigs pa 'byung bar 'gyur ro/ /shA ri'i bu don du gnyer ba'i rigs kyi bus ri dgas 'chi ba bzhin du khas blangs te/ dgon par 'gro bar bya'o/ /shA ri'i bu khyod la go bar bya'o/ /khong du chud par bya'o/ /nga'i chos 'dul ba 'di ni ring du mi gnas par 'gyur ro/ /shA ri'i bu 'di ltar sems can rnams kyi dge ba'i rtsa ba yongs su zad nas ni ngan song gi lus mngon du 'byung bas/ shA ri'i bu dge slong rnal 'byor spyod pas 'di lta bu'i sems bskyed par bya ste/ dge sbyong gi 'brog dgon pa rnam par 'gyes pa'i chos rnying pa de 'dra ba ni blta'o/ /kye ma'o bdag gis brtson 'grus ni myur du brtsam mo/ /dgra bcom pa nyid ni myur du thob</font><hr>58.76b<br><font size=+1>

par bya'o zhes bskyed par bya'o/ /shA ri'i bu 'di ltar nga'i bstan pa ni nyes par thob par mi 'gyur la/ nga'i nyan thos rnams ni chos gos dang bsod snyoms kyis dub par mi 'gyur bar/ shA ri'i bu sangs rgyas kyi sa la mngon par brtson par gyis shig /'jig rten gyi zang zing la gces par ma byed cig /shA ri'i bu ltos shig nga ni 'di skad ces rnal 'byor spyod pa'i dge slong rnams la ni lha bye ba stong phrag dag bde ba thams cad kyis stobs pas brtson par gnas te/ shA ri'i bu mis ni de lta bu'i mchod pa dang bsnyen bkur bya bar mi nus so zhes gsung ngo / /lha dang / klu dang / gnod sbyin gang dag gis sbyar ba'i 'tsho ba'i yo byad rnams la ma chags par bya'o/ /de bzhin gshegs pa'i gsung ni bden pa gsung ba yin te/ tshul 'chos pa nyid ma yin/ kha gsag mdzad pa nyid ma yin pas/ don dam pa stong pa nyid rab tu bstan pa'i don dam pa stong pa nyid la mngon par brtson par gyis shig /'brog dgon pa chen po de ni 'di lta ste dmigs pa yin no/ /shA ri'i bu gang zhig de bzhin gshegs pa'i phyir rab tu byung nas chos de la yang brtson 'grus kyis gnas na/ 'dod pa chung ba'i lha rnams dang / 'dod pa chung ba'i mi rnams dang / 'dod pa chung ba'i sems can thams cad las/ dge slong rnal 'byor spyod pa de'i lhung bzed dang chos gos 'byung bar 'gyur ro/ /de ci'i phyir zhe na/ 'di ltar de bzhin gshegs pa'i bsod nams kyi phung po ni dpag tu med pa yin te/ shA ri'i bu de bzhin gshegs pa yongs su mya ngan las 'das pa'i smin 'tshams na mnga' ba'i skyes bu chen po'i mdzod spu'i mtshan gang yin pa de'i bye ba brgya stong gi cha shas tsam la yang mi 'jug na/ sku rdzogs pa dang / nyan thos la bkur sti byas pa lta ga la zhig /shA ri'i bu 'jig rten lha dang bcas pa nga'i bstan pa la rab tu byung bar gyur cing / de yang chos la sgom par gyur na/ shA ri'i bu 'jig rten lha dang bcas pas kyang</font><hr>58.77a<br><font size=+1>

mtshan gcig gi bcu drug gi cha tsam du yang mi chog ste/ shA ri'i bu de ltar de bzhin gshegs pa'i bsod nams ni dpag tu med pa yin no/ /shA ri'i bu dge slong gang zhig chos gos ngan ngon gyis chog shes pa dang / chos gos ngan ngon gyis chog shes pa'i bsngags pa brjod pa dang / bsod snyoms dang / gnas mal dang / nad kyi rkyen sman dang / mkho ba'i yo byad ngan ngon rnams kyis chog shes pa dang / bsod snyoms dang / gnas mal dang / nad kyi rkyen sman dang / mkho ba'i yo byad ngan ngon rnams kyis chog shes pa'i bsngags pa brjod pa des ni 'di ltar 'dod pa'i bya ste/ chos gos kyi ched du mi dge ba'i 'tsho ba gang yin pa la mi spyod pa yin no/ /bsod snyoms dang / gnas mal dang / nad kyi rkyen sman dang / mkho ba'i yo byad rnams kyi ched du mi dge ba'i 'tsho ba la mi spyod pa yin no/ /shA ri'i bu gal te dge slong phyag dar khrod pas phyag dar khrod pa blangs na 'di snyam du/ bdag gi phyag dar khrod pa 'di ni grang ba na grang ba bsal ba'i phyir dang / dro ba na dro ba bsal ba'i phyir dang / sbrang bu dang / sha sbrang dang / sdig sbrul dang / rlung dang / tsha ba'i reg pa rnams spang ba'i phyir dang / phal pa'i gnas pas gnas par bya ba'i phyir dang / ngan ngon gyi yongs su dub pa bsal ba'i phyir dang / 'phags pa rnams kyis bsngags pa yin par bya ba'i phyir dang / ngo tsha ba'i gnas sba bar bya ba'i phyir dang / 'phags pa'i lam bsgom pa'i phyir yin pas bdag gis phyag dar khrod pa'i snam sbyar 'di dag bgos nas/ re shig so so'i skye bo'i phyag dar khrod pa gang yin pa de lta bu ni mtshan gcig kyang lus la mi bcang ba'i brtson 'grus bdag gis brtsam mo snyam du sems bskyed par bya'o/ /des phyag dar khrod pa de legs par bkru zhing legs par bshal bar bya'o/ /gal te phyag dar khrod pa de la kun du 'dod chags skye zhing mngon</font><hr>58.77b<br><font size=+1>

par zhen par gyur na/ des phyag dar khrod pa de yang spang bar bya'o/ /shA ri'i bu ngas de lta bu'i dge slong la ni phyag dar khrod pa de yang rjes su ma gnang na/ yo byad gzhan lta ci smos/ de ci'i phyir zhe na/ dge sbyong gi chos ma yin pa'i phyir ro/ /shA ri'i bu 'di ltar de'i gnas skabs de ni dge sbyong gi chos ma yin te/ 'di ltar dge sbyong gi chos ma yin pa de ni de la 'os pa ma yin na/ yo byad gzhan lta ci smos/ shA ri'i bu de'i tshe lcags glebs pa 'bar bas lus g.yogs pa ni sla'i/ dge slong phyag dar khrod pa rnams kyis phyag dar khrod la longs spyod par byed pa ni de lta ma yin no/ /shA ri'i bu de gang kho na la sred pa skye zhing kun du 'dod chags par gyur na/ des yang 'di snyam du phyag dar khrod pa bgo bar bya ste/ bdag gi chos gos 'di ni/ grang ba bskyab pa'i phyir dang / zhes bya ba nas/ gang yang 'phags pa'i lam goms par bya ba'i phyir dang zhes bya ba'i bar du sbyar te/ bdag gis chos gos 'di bgos nas rgyun du zhugs pa'i 'bras bu thob par bya'o/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par bya'o/ /gang yang chos gos 'di la brten te/ /dge sbyong gi chos yongs su rdzogs par ma byas pa de srid du chos gos gnyis pa shos mi btsal lo zhes bsam par bya ste/ de ltar lhag pa'i bsam pa phun sum tshogs pa dang ldan pa'i dge slong la ni shA ri'i bu ngas phyag dar khrod kyi chos gos rjes su gnang ngo / /shA ri'i bu de la dge slong bsod snyoms pas grong du bsod snyoms kyi phyir 'jug pa na/ </font><hr>58.78a<br><font size=+1>

chos thams cad la dran pa med pa yid la bya ba bskyed par bya zhing / sems mi g.yeng bar ting nge 'dzin gyi go cha bgos nas grong du bsod snyoms kyi phyir 'jug par bya'o/ /des grong du bsod snyoms spyad nas ma chags pa'i sems kyis grong nas byung ste/ skyil mo krung bcas pa'i mdun du bsod snyoms bzhag nas mi gtsang ba'i 'du shes dang / mi 'phrod pa'i 'du shes dang / bshang gci'i 'du shes dang / sbun pa'i 'du shes dang / skyugs pa'i 'du shes dang / gtsang ma ma yin pa'i 'du shes dang / rma klan pa'i 'du shes dang / smad pa'i 'du shes dang / mi mthun pa'i 'du shes dang / bu'i sha lta bu'i 'du shes dang / rlugs pa'i 'du shes dang / rul pa dang / rgyu 'thun pa'i 'du shes dang / dri mi zhim pa'i 'du shes dang / lci ba'i 'du shes dang / 'dun pa med pa'i 'du shes de lta bu dag bskyed par bya zhing de lta bu'i yid la byed pa'i 'du shes dang ldan pas kha zas la bza' bar bya'o/ /ma chags pa dang / ma zhen pa dang / mi sdang ba dang / ma rmongs pa dang / mi srid pa dang / lhag par ma zhen pa dang / nyes dmigs su lta ba dang / 'byung ba'i shes pas ji srid cig kho nar lus gnas par bya ba'i phyir dang / 'tsho bar bya ba'i phyir dang / bru ba las bzlog pa'i phyir dang / tshangs par spyad pa rjes su gzung ba'i phyir dang / tshor ba rnying pa rnams bzlog pa'i phyir dang / tshor ba gsar pa rnams mi bskyed pa'i phyir dang / stobs dang bde ba dang / kha na ma tho ba med pas bde bar gnas pa dang / srog rjes su gzung ba'i phyir bdag 'tsho ba yin gyis bdag brtson 'grus rtsom pa la gnas shing lus kyi stobs dang mthu mi nyams par bya ba'i phyir/ kha zas 'di zos nas rgyun du zhugs pa'i 'bras bu thob par bya'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par bya'o</font><hr>58.78b<br><font size=+1>

snyam na/ shA ri'i bu ngas de lta bu'i dge slong la dad pas byin pa'i bsod snyoms rjes su gnang ngo / /shA ri'i bu gal te yang dge slong bsod snyoms la longs spyod pa na/ chags pa dang / zhen pa dang / ro myang ba dang / chums pa dang / lhag par zhen pa dang / sred pa dang / nyes dmigs su mi lta ba dang / 'byung bar mi shes pas bdag gi bsod snyoms kyi kha zas 'di la zos shing longs spyod nas/ 'phags pa'i lam goms par bya ba'i phyir mngon par brtson par bya'o/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par bya'o snyam na/ shA ri'i bu de lta bu'i dge slong la ni ngas dad pas byin pa'i chu phor bu gang tsam yang rjes su ma gnang na bsod snyoms lta ci smos/ shA ri'i bu bkres pas rang gi brla'i sha 'am dpung pa'i sha zos pa ni sla'i/ nyes dmigs su mi lta ba dang / 'byung bar mi shes pas dad pas byin pa la longs spyod par byed pa ni de lta ma yin no/ /de ci'i phyir zhe na/ shA ri'i bu ngas ldan pa rnams dang / grol ba rnams la dad pas byin pa rjes su gnang ste/ de dag las gzhan pa la ni ma yin no/ /shA ri'i bu ji tsam zhig gis ldan pa yin/ ji tsam zhig gis ldan pa yin/ ji tsam zhig gis grol ba yin zhe na/ 'thong ba'i chos 'di nyid la len pa med par yongs su mya ngan las 'das pa ste/ de lta bu ni ldan pa yin no/ /mi dge ba'i chos spang ba'i phyir dang / dge ba'i chos mngon sum du bya ba'i phyir spong ba dang / 'phags pa'i lam gom par bya ba la mgo la me 'bar ba lta bur byed pa de lta bu ni ldan pa yin no/ /stong pa'i chos rnams la mos pa dang / rnam par thar pa'i sgo stong pa nyid dang / mtshan ma med pa dang / smon pa med pa la mos pa ste/ de lta bu ni grol ba yin no/ /dge ba ci yin zhes tshol zhing 'dri ba'i rang bzhin can go cha</font><hr>58.79a<br><font size=+1>

chen po bgos nas bla na med pa yang dag par rdzogs pa'i byang chub don du gnyer ba na yang dag pa'i byang chub kyi yan lag rnams la mngon par brtson pa yin te/ gang dag lam la zhugs pa de dag 'di snyam du rgyun du zhugs pa'i 'bras bu thob par bya'o zhes bya ba nas dgra bcom pa nyid kyis bar du thob par bya'o snyam du de'i bya ba la gnas pa yin te/ dge ba'i chos rnams la gang dag khong du chud par bya ba'i phyir lhag pa'i bsam pas gnas pa de lta bu ni bden pa yin no/ /ngan song gsum las grol ba ni rgyun du zhugs pa zhes bya'o/ /'dod pa'i khams dang ldan pa ni lan cig phyir 'ong ba dang / phyir mi 'ong ba'o/ /'jigs par thams cad las grol ba ni dgra bcom pa bya ba byas pa yin no/ /shA ri'i bu gang dag yang bslab pa gsum pa dag la bslabs pa de dag ni ldan pa zhes bya ste/ de dag kyang dad pas byin pa 'thob pa yin no/ /'di dag tsam gyis ldan pa yin zhing / 'di dag tsam gyis grol ba yin te/ de lta bu'i bden pa dang / de lta bu'i grol ba gang yin pa de dag la ngas dad pas gyid pa rjes su gnang ngo / /so sor thar pa'i sdom pas yang dag par bsdams shing tshul khrims kyi phung po la rab tu gnas pa de dag gis shin du longs spyad pa yin te/ so sor thar ba'i sdom pas shin du bsdams pa gang yin pa dag ni gya gyu mi byed pa yin no/ /de dag ni mang du thos pa la mngon par brtson pa yin te/ de bzhin gshegs pas gsungs pa'i chos gang dag yin pa 'di lta ste/ mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / rmad du byung ba'i chos kyi sde dang / gtan la phab par bstan pa'i</font><hr>58.79b<br><font size=+1>

sde rnams dang / so sor thar pa'i sdoms pa yang dag par bsdams pa/ tshul khrims kyi phung po ma ral zhing nyams pa med pa/ klog pa dang / 'don pa la mngon par brtson pa dag yin te/ de dag la ngas dad pas byin pa rjes su gnang ngo / /shA ri'i bu lus kyis mngon sum du byas nas nges pa'i gtam smra ba yin te/ ji tsam du so so'i skye bo ni tshul khrims la gtso bor byed pas gzhan mu stegs can gyi smra ba dang 'dres pa'i lus can yin no/ /de ltar nang gi phun sum tshogs pa dang ldan pa ni rnyed pa dang bkur sti la ma zhen cing / gzhan gyi dring la sangs rgyas kyi byang chub mi sgrogs pas rnam par nges pa la mkhas pa/ thos pa snying por byed pa/ gang du srog gi phyir yang brdzun gyi tshig mi smra zhing mi mthun pa'i gtam rnams las phyir log pa yin no/ /bdag dang gzhan gyi don bya ba dang / dad pa'i gtam smra nus pa/ don dam pa stong pa nyid kho na rab tu ston cing gnas pa yang des gnas pa yin no/ /shA ri'i bu dge slong de lta bu ni chos kyi sbyin pa rnam par gtan la dbab par nus pas ngas chos ston par rjes su gnang ngo / /gang cig sangs rgyas kyis gsungs pa'i mdo sde las tshul khrims kyi phung po dang / ting nge 'dzin gyi phung po dang / shes rab kyi phung po ston par byed pa ni bcu'i gtam dang rjes su 'thun par byed pa yin no/ /shA ri'i bu rigs kyi bu rang gi don gnyer ba bdag la phan par 'dod pa/ bdag la dga' ba/ chos 'dod pa/ bdag dang gzhan la phan par sems pa 'am/ bdag nyid la phan par sems pas thams cad mkhyen pa/ thugs rje chen po dang ldan pa/ sems can thams cad la bu bzhin du byams pa'i sangs rgyas la brten te rab tu byung nas tshul khrims kyi phung po nyams par bya ba'i phyir nges pa'i gtam mi smra ba yin no/ /de ci'i phyir zhe na/ shA ri'i bu de bzhin gshegs pa dgra bcom pas gsungs pa ni 'di yin te/ de bdag nyid g.yeng ba ma dul bas gzhan</font><hr>58.80a<br><font size=+1>

dul bar 'gyur ba dang / bdag nyid ma zhi bas gzhan zhi bar 'gyur ba dang / bdag nyid yongs su mya ngan las ma 'das pas gzhan mya ngan las 'da' bar 'gyur ba de ni gnas yod pa ma yin no/ /de de ltar g.yeng ba'i rang bzhin zhi bas gzhan dul bar 'gyur ba de ni gnas yod do/ /bdag nyid zhi bas gzhan zhi bar 'gyur ba dang / bdag nyid yongs su mya ngan las 'das pas gzhan yongs su mya ngan las 'das par 'gyur ba de ni gnas yod do/ /shA ri'i bu de lta bas na khyod la go bar bya'o/ /khong du chud par bya'o/ /de bzhin gshegs pa la skur pa 'debs pa ni lci ba yin pas/ shA ri'i bu bden pa'i tshig gis chos bstan par bya'i/ brdzun pa'i tshig gis ni ma yin no/ /shA ri'i bu dge slong tshul khrims dang ldan pa'i chos kyi sbyin pa ni sna ma'i me tog gi phreng ba'am/ gser gyi phreng ba bzhin no/ /shA ri'i bu yang dag phul gyi gnas ni 'di yin te/ 'di lta ste/ chos kyi gtam rnam par gtan la dbab pa gus par byas te ston pa yin no/ /shA ri'i bu tshul khrims 'chal pa rnams dang / gzhan mu stegs can gyi smra ba dang 'dres pa rnams la ngas gnas 'di rjes su ma gnang ste/ brdzun du smra ba rnams la ma yin/ 'jig rten gyi zang zing gtso bor byed pa rnams la ma yin/ rnyed pa dang bkur sti la chums pa rnams la ma yin/ ma mos pa rnams la ma yin/ rtsod pa la zhugs pa rnams la ma yin gyi/ shA ri'i bu drang po sdom pa la gnas pa rnams la ngas gnas 'di rjes su gnang ngo / /shA ri'i bu khyod la go bar bya'o/ /khong du chud par bya'o/ /shA ri'i bu tshul khrims 'chal pas nyams par bya ba'i phyir zhugs pa ni bla'i/ bstan pa 'di la drang srong gi rgyal mtshan bgos nas dad pas byin pa la longs spyod par byed cing sdig pa 'chab par byed pa ni ma yin no/ /de ci'i phyir zhe na/ </font><hr>58.80b<br><font size=+1>

shA ri'i bu ci nas kyang cung zad tsam gyi ched du bdag nyid dmyal bar mngon par 'du byed pa'i phyir ro/ /de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das de'i tshe dge ba'i chos rnams la dge slong rnams kyi 'dun pa ji lta bu dag 'byung lags/ bka' stsal pa/ kun dga' bo gnas 'di ma zhu cig /zhog cig de ci'i phyir zhe na/ kun dga' bo 'di ltar de bzhin gshegs pa'i ye shes gang yin pa de la de'i tshe dge slong rnams kyis 'di ltar de bzhin gshegs pa'i ye shes ni 'di ltar dpag tu med pa yin no/ zhes rtog par mi 'gyur ro/ /kun dga' bo 'dus byas gang la de bzhin gshegs pa'i ye shes 'jug pa de ni rang sangs rgyas thams cad kyis sam/ dgra bcom pa thams cad kyis kyang bsam pa'am shes par mi nus so/ /kun dga' bo de bzhin gshegs pas mngon par mkhyen pa'i chos gang yin pa de/ gal te de bzhin gshegs pas rab tu bstan na khyed cag kyang mos par 'gyur na/ de bzhin gshegs pas gsungs pa'i yon tan la gang dag gis rtog par mi 'gyur ba lta ci smos/ kun dga' bo de bzhin gshegs pas gsungs pa'i mdo sde de lta bu de la de'i tshe dge slong dag dad par mi 'gyur na/ gang dag de bzhin gshegs pas skyes bu blun po de dag gi 'gro ba de dag ni 'dir 'gyur ro zhes 'gro ba thams cad lung bstan pa lta ci smos/ de ci'i phyir zhe na/ kun dga' bo gang gi phyir bden pa'i yon tan 'di dag gsung ba ni de ltar 'gyur ba'i phyir ro/ /kun dga' bo da ltar gyi dge slong le lo can gang yin pa de dag thams cad ni de'i tshe brtson 'grus rtsom na/ tshul khrims mthu can ma yin/ spyod pa mthu can ma yin/ spyod lam dang brtson 'grus mthu can ma yin/ shes rab mthu can ma yin no/ /</font><hr>58.81a<br><font size=+1>

kun dga' bo gal te de bzhin gshegs pas skyes bu blun po de dag gi spyod pa thams cad lung bstan na/ de dag de bzhin gshegs pa'i gsung la ma dad pas lhag par yang las shin du drag po mngon par 'du byed par 'gyur zhing / kun dga' bo khyed kyang yid mi bde ba chen po skye bar 'gyur ro/ /kun dga' bo gang yang khyed kyis kyang 'di dag gzhal bar mi nus te/ ji tsam du skyes bu dam pa ma yin pa sdig pa 'dod pa de dag de'i tshe 'byung zhing / gang yang de'i tshe sangs rgyas kyi gsung mi tshol bar 'gyur ro/ /kun dga' bo 'di ji snyam du sems/ gding ba dang / g.yogs par bshams pa'i khri gang yin pa de la phag gi phrug gu 'dug tu bcug na/ ji ga de de la 'dug par 'gyur ram/ dga' ba 'thob par 'gyur ram/ mngon par dga' ba skye bar 'gyur ram/ gsol pa/ bcom ldan 'das de ni mi 'gyur lags so/ /bka' stsal pa/ kun dga' bo de bzhin du sangs rgyas kyi byang chub 'di ni mkhas pas rig par bya ba yin no/ /gang dag sangs rgyas kyi byang chub de la 'jug par mi 'os pa de dag de'i tshe rab tu byung nas dge sbyong yin no zhes khas 'che bar 'gyur ro/ /de dag 'di lta bu'i yang dag pa ji lta ba bzhin du bskul ba na mi bzod pa dang / 'di lta bu'i yang dag pa ji lta ba bzhin du rjes su bstan pa na ro myang bar mi byed pas/ chos 'dul ba 'di las phag gi phrug gu khri chen po las lhung ba bzhin du thal mo brdabs pas g.yang sa chen por lhung bar 'gyur ro/ /de ci'i phyir zhe na/ kun dga' bo dman pa rnams sems rgya chen po la mi 'jog go/ /kun dga' bo de bzhin du bla na med pa yang dag par rdzogs pa'i byang chub zab mo 'di yang gdul dka' ba rnams dang / dgang dka' ba rnams dang / gso dka' ba rnams dang / shes rab 'chal pa rnams dang / tshul khrims 'chal pa rnams dang / nyes par blags pa rnams</font><hr>58.81b<br><font size=+1>

dang / nyes par smras pa rnams dang / nyes par khong du chud pa rnams dang / nyes par rjes su rtogs pa rnams dang / 'jig rten gyi zang zing gtso bor byed pa rnams dang / zas dang bgo ba lhur len pa rnams dang / tshul khrims ral ba rnams dang / sdom pa zhig pa rnams dang / bgo ba zhig pa rnams dang / spyi'u tshugs su lhung ba rnams dang / lam gol bas 'tsho ba rnams dang / dman pa rnams dang / le lo can rnams dang / brtson 'grus zhan pa rnams dang / spyi brtol can rnams dang / gcer bu rnams dang / mu cor smra ba rnams dang / nyes par bzung ba rnams dang / legs par gnas pa ma yin pa rnams dang / khyim pa'i las kyi mtha' yongs su ma dag pa rnams dang / dge sbyong gtum po rnams dang / dge sbyong khyim na gnas pa rnams dang / dge sbyong rul pa rnams dang / lam gol ba na gnas pa rnams dang / dge sbyong ma yin par dge sbyong du khas 'che ba rnams dang / tshangs par spyod pa ma yin par tshangs par spyod par khas 'che ba rnams dang / bdud kyis zin pa rnams dang / smra ba la dga' ba rnams dang / 'du 'dzi la dga' ba rnams dang / gzhan mu stegs kyi smra ba dang / 'dres pa rnams dang / de la ched cher byed pa rnams dang / 'du 'dzi la gtsor byed pa rnams dang / tshig lhur len pa rnams dang / 'jig rten rgyang phan pa rnams dang / bdud kyi rtsod pa dang nyon mongs pas non pa thams cad dang / bdag tu 'du shes pas phyin ci log pa rnams kyis chos kyi rnam grangs 'di kun du shes pa 'am/ 'jug pa 'am/ mos pa 'am/ khong du chud par mi nus te/ de ni gnas yod pa ma yin no/ /de ci'i phyir zhe na/ kun dga' bo 'di ltar skyes bu dam pa ma yin pa de dag ni dman pa yin la/ sangs rgyas kyi byang chub 'di ni rgya chen po yin pa'i phyir ro/ /kun</font><hr>58.82a<br><font size=+1>

dga' bo dper na 'jig rten gyi khams bye ba stong pas lhag pa bas kyang skyes bu gti mug de rnams kyi dge sbyong gi tshul khrims de ltar thag ring na/ dge sbyong gis 'thob par 'gyur ba lta ci smos/ rjes su 'thun pa'i bzod pa lta ci smos/ mya ngan las 'das pa lta ci smos/ kun dga' bo ji tsam du dge slong yon tan ma yin pa dang ldan pa rnams dang / ji tsam du yon tan med pa rnams dang / ji tsam du dman pa rnams dang / ji tsam du shin du dman pa rnams dang / ji tsam du le lo can rnams dang / ji tsam du brkam chags pa rnams dang / ji tsam du khro ba rnams dang / ji tsam du ma dad pa rnams dang / ji tsam du gnod sems mang ba rnams dang / ji tsam du 'khu ba rnams dang / ji tsam du nyes pa 'phel ba rnams 'byung bar 'gyur ba de'i tshe/ ji tsam du 'di gsungs kyang khyed kyis shes par sla ba ma yin no/ /shA ri'i bu dper na skyes bu zhig rang gi 'bras kyi zhing la me gtong ba dang / kha zas g.yos zin pa la dug 'debs pa dang / me 'de bar 'dod nas rang gi khyim sreg par byed na/ ji ga de'i de 'os par 'gyur ram/ gsol pa/ bcom ldan 'das de ni 'os pa ma lags so/ /bcom ldan 'das kyis bka' stsal pa/ kun dga' bo de bzhin du skyes bu dam pa ma yin pa 'di yang nga'i sangs rgyas kyi byang chub 'di la brten te rab tu 'byung bas nye bar 'tsho bar 'gyur yang de bzhin gshegs pa'i yon tan rnams la ni rtog par mi 'gyur/ mngon par dad par mi 'gyur/ mos par mi 'gyur zhing / de bzhin gshegs pas gsungs pa'i mdo sde 'di lta bu 'di dag yang dag pa ji lta ba bzhin du bskul ba na/ bdag nyid rma dang bcas par shes nas smod par 'gyur te/ gang kho nas 'tsho bar byed pa</font><hr>58.82b<br><font size=+1>

de kho nas smod par 'gyur ro/ /kun dga' bo de ltar shes rab 'chal pa rnams kyis 'dzam bu'i gling gang bar 'gyur na/ kun dga' bo skyes bu gti mug de dag gi spyod lam yongs su btsal ba des khyod la ci bya/ gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi lags/ bka' stsal pa/ kun dga' bo de lta bas na/ khyod kyis chos kyi rnam grangs 'di sangs rgyas kyi sde snod ces bya bar yang zung shig /gzhi brtsams pa zhes bya bar yang zung shig /'di ni chos rab tu rnam par 'byed pa zhes bya bar yang zung shig /tshul khrims 'chal pa tshar gcod pa zhes bya bar yang zung shig /kun dga' bo yang gang zhig chos kyi rnam grangs 'di 'dzin par gyur na/ de bsod nams kyi phung po dpag tu med pa dang ldan par 'gyur ro/ /de ci'i phyir zhe na/ kun dga' bo tshul khrims 'chal pas ni 'di lta bu'i chos kyi rnam grangs 'di 'chang ba 'am/ gzhan la bsgrags pa 'am/ thos nas kyang dad par bya ba'i mthu med na/ dga' ba 'thob par 'gyur ba lta ci smos te/ de ni gnas med pa'i phyir ro/ /de ci'i phyir zhe na/ kun dga' bo rgyal po 'am/ rgyal po'i blon po 'am/ grong mi 'am/ yul mi la chom rkun pas 'di lta bu'i nor 'phrog pa ni bdag yin no zhes bdag nyid ston par mi byed do/ /kun dga' bo de bzhin du dge slong tshul khrims 'chal pa dge sbyong gi kun nas nyon mongs pa gang yang rung bas nyon mongs pas ni mdo sde 'di lta bu 'di bcang ba 'am/ gzhan la bsgrags pa 'am/ thos nas kyang dad par bya bar mi nus na/ dga' ba 'thob par 'gyur ba lta ci smos te/ de ni gnas yod pa ma yin no/ /kun dga' bo ji srid du dge slong tshul khrims 'chal pa la 'di lta bu'i mdo sde 'dis skul bar 'gyur ba de srid du/ dge slong tshul khrims 'chal pa rnams yang dag par tshar bcad pa dang / ngo tsha shes pa dang / drang po rnams kyis kun du bzung bar 'gyur ro/ /chos kyi rnams grangs 'di bstan pa na/ lha stong phrag dgu bcu chos rnams la chos kyi mig rdul med la dri ma dang bral zhing rnam par dag par gyur to/ /bdud sdig can 'khor</font><hr>58.83a<br><font size=+1>

dang bcas pa dang / lha'i 'khor gyi mdun du sa chen po yang rnam pa bcu drug tu rgya cher g.yos par gyur to/ /smre sngags chen po yang 'don par gyur te/ dge sbyong gau ta mas ni gang yang bdag gis de bzhin gshegs pa yongs su mya ngan las 'das na/ dge sbyong gi phyogs la gtse bar bya ste/ tshul khrims dang ldan pa'i phyogs ni thag bsing ngo / /tshul khrims 'chal pa'i phyogs ni kun du gzung bar bya'o/ /de nas tshul khrims 'chal pa rnams kyis sangs rgyas kyi gsung 'di la 'dzin par mi 'gyur ba dang / kun du bzung ba de rnams kyi rjes su sgrub pa mang po rmongs par bya zhing / de dag gis mdo sde 'di thos nas de bzhin gshegs pa'i gsung 'di la rig pa med pas 'di ni sangs rgyas kyi gsung ma yin no zhes spro ba skye bar mi 'gyur bar bya'o snyam du de lta bu'i sems bskyed pa'i bsam pa shes nas dge sbyong gau ta mAs ma 'ongs pa de nyid nyan thos rnams la yang dag par rtogs par byas te/ ma 'ongs pa'i skyabs byas shing / mkhas pa rnams spro bar byas/ gsal bar byas nas bstan te/ lha dang bcas pa'i 'jig rten 'di la rab tu bshad kyis ma 'ongs pa na tshol bar mi 'gyur ba de ltar 'bad par bya'o snyam nas/ de nas bdud sdig can de nyid du mi snang bar gyur to/ /de nas bcom ldan 'das kyis don 'di nyid rgyas par bya ba'i phyir/ lhag par yang tshigs su bcad pa 'di dag gsungs so/ /de dag phan tshun rtsod pa yis/ /mya ngan 'das pa mthong mi 'gyur/ /ji srid dge slong khyim pa la/ /'di ltar de srid smra ba na/ /de srid du ni 'dren pa'i chos/ /khyad par dag kyang med par 'gyur/ /bdag gi ya mtshan shes kyis shes/ /dge slong khyim par smra ba ni/ /sangs rgyas rnams kyi byang chub</font><hr>58.83b<br><font size=+1>

shes/ /bdag gis dang po'i 'bras thob ces/ /dge slong ji skad smra ba bzhin/ /de nyid bden gyi gzhan ni min/ /mthong ba'i chos la bdag dad de/ /de dang bdag tu mnyam mo zhes/ /dge slong khyim pa de dag ni/ /mthong ba'i chos la rlom sems byed/ /de dang der ni gsung rab la/ /phan tshun yod do med do zhes/ /ji ltar gzhan yang spyod 'gyur ba/ /dam pa'i chos la gnas ma yin/ /sangs rgyas byang chub gzhig pa'i phyir/ /sdig pa'i rang bzhin skyes pa yin/ /bdag ni sten cig de ma sten/ /lam ston pa ni bdag yin te/ /ji ltar bdag bzhin khyod kyang ni/ /myur du thob par 'gyur ro zhes/ /de bzhin phan tshun sgra dag kyang / /rnam pa kun du sgrogs par 'gyur/ /thams cad 'thun par gyur nas ni/ /bstan pa 'di ni 'jig par 'gyur/ /ji ltar chom rkun mi bzad pas/ /'di na grong khyer 'joms pa dang / /yul 'khor dang ni ljongs rnams dang / /grong rdal du ma phung ba ltar/ /de bzhin dge slong de dag kyang / /zhan cing rmongs pa tshul 'chal dang / /blo ngan shin du shes rab 'chal/ /de bzhin gang zag la rten pa/ /nga ni mya ngan 'das 'og tu/ /bstan pa 'di la skyon gsungs gang / /zag bcas lhag pa'i nga rgyal can/ /de dag dgra bcom nyid du smra/ /de yi tshe na 'dus pa yi/ /dge slong mang po tshogs pa na/ /de na shes rab chen po ni/ /gcig kyang shin du rnyed par dka'/ /yang dag ji bzhin gnas pa yi/ /dge slong gang dag der byung na/ /'di ni ci yang mi shes zhes/ /de la mi snyan brjod par byed/ /gang tshe chos rgyal byang chub la/ /smod par 'gyur ba de yi tshe/ /yang dang yang du lha rnams ni/ /yid mi bde bas cho nges 'debs/ /de na lha gzhon gang yin pa/ /deng du</font><hr>58.84a<br><font size=+1>

shAkya seng ge 'di'i/ /chos kyi dam pa nyams gyur ces/ /sa la rab tu ltung bar 'gyur/ /kye ma sangs rgyas kye ma'o chos/ /kye ma'o dge 'dun legs bstan dang / /sangs rgyas sras po dpa' bo zhes/ /de yi tshe na smra bar 'gyur/ /nyi ma'i gnyen gyis gsungs pa yi/ /chos kyang mnyan du med pa dang / /'thoms shing rmongs par 'gyur bas na/ /'di yi 'gro ba 'gag par 'gyur/ /de nas gzhan yang sa yi lha/ /sgron ma 'di ni zhi gyur ces/ /de skad kyi ni gtam smra zhing / /cho nge mi bzad 'debs par 'gyur/ /bdag gis ma thos ma mthong bar/ /byang chub 'di ni nub po zhes/ /phyi nas lha yi tshogs dag ni/ /yid la gcags par mi 'gyur grang / /gang zhig bskal pa grangs med par/ /sdug bsngal mi zad khyad bsad nas/ /bdag nyid don dam gtso bo yi/ /sangs rgyas nyid du gyur cig ces/ /thub pa srog chags mgon po yi/ /shAkya seng ges 'di lta bu'i/ /legs par bstan pa dag gi chos/ /de ni 'di ltar nyams par 'gyur/ /'khrug par byed dang gtum po dang / /sdig pa byed dang bdud kyis zin/ /bdud kyi pho nya gso dka' dang / /gdul dka' ba dag 'byung ba dang / /sgyu dang g.yo dang gya gyu dang / /brtson 'grus zhan cing blo chung dang / /'khrugs dang khro bas non pa dang / /gtum pos bstan pa phung bar byed/ /bdag nyid chen pos dgon gnas dang / /gnas gsum zhal gyis bzhes mod kyi/ /de dag bsam gtan mi sgom na/ /'thob pa 'byung bar ga la 'gyur/ /thob pa med par thob smra zhing / /'chi ba mya ngan 'das smras nas/ /dad pas mchod rten byed bcug pa/ /de dag ngan 'gror 'gro bar 'gyur/ /'di 'dra'i rmongs pas rgas pa dag /phan tshun gus pa med pa yis/ /</font><hr>58.84b<br><font size=+1>

bskal pa bye bar rnyed dka' ba'i/ /byang chub nyams par byed par 'gyur/ /de nas gzhan yang sa yi lha/ /shAkya seng ge skyob pa yi/ /dam chos 'khrug par gyur to zhes/ /'jigs su rung ba'i smre sngags 'don/ /sa lha cho nges 'debs thos nas/ /gong ma'i lha rnams skyo bar 'gyur/ /rgyal po chen po bzhi po yang / /de yi tshe na 'ong bar 'gyur/ /lcang lo can gyi pho brang nas/ /gnod sbyin tshogs dag lhags nas ni/ /kun dga' smre zhing ngu gdong gis/ /'jigs su rung ba smra bar 'gyur/ /rin chen sna tshogs kun mdzes pas/ /grong khyer shin du brgyan pa dag /de tshe phyag dar khrod lta bur/ /thams cad kha dog nyams par 'gyur/ /grong khyer gtso bo de dag na/ /de rnams dga' ba mi rnyed cing / /snying rje'i nga ro smre sngags kyis/ /de dang der ni kun du 'dong / /de tshe de dag brda sprod pa/ /phan tshun nus pa med nas ni/ /nga ni gang du gtam gyur pa/ /der ni lha rnams 'dong bar 'gyur/ /mthong nas kyang ni ltung ba dang / /shin du 'jigs pa 'byung bar 'gyur/ /'dzam bu'i gling du phyin pa dag /'jigs pa chen po 'di mthong 'gyur/ /rnam par nyams pas rgyal sras rnams/ /bdag nyid so sor gdung bar byed/ /zhag bdun du ni grong khyer dang / /grong rdal mya ngan gdungs par 'gyur/ /zhag bdun du ni lha rnams kyang / /kye ma sangs rgyas kye dpa' bo/ /mngon sum du ni mthong ngo zhes/ /yang dang yang du cho nges 'debs/ /mya ngan 'das gzhan gang yin pa/ /de dag rnams kyang mthong mi 'gyur/ /mnyan yod bzhugs par gang dag kyang / /bsnyen bkur ched du lhags pa dag /gang du de bzhin gshegs pa yis/ /bdag cag rnams la mngon sum du/ /bden pa bzhi dag gsungs pa yi/ /de tshe ston pa'i gdan 'di yin/ /de dag</font><hr>58.85a<br><font size=+1>

sa gnas de la ni/ /yang dang yang du cho nges 'debs/ /gzhan dag kyang ni bltas pa na/ /phan tshun gus pa med pa dang / /sdig pa'i las ni 'dir spyad pas/ /mi dge'i 'gro bar 'gro bar 'gyur/ /kye ma lha yi gzhal med khang / /mtho ris dag kyang stong par rgyu/ /'dzam bu'i gling na gang gnas pa/ /thams cad mgon ni med par 'gyur/ /'chag sa yi ni gnas 'di yang / /thams cad 'khrugs shing stongs par 'gyur/ /de yi tshe na 'dzam gling yang / /nyams dgar 'gyur ba ma yin no/ /ljon shing drung ni 'di dag dang / /ri bo dang ni de bzhin phug /'jig rten rgyu dang mi rgyu kun/ /'jigs pa'i sgra ni 'byin par 'gyur/ /de nas sum bcu rtsa gsum lha/ /lag pa bsgrengs nas mya ngan byed/ /so so'i gzhal med khang rnams na/ /ji ltar phan tshun cho nges 'debs/ /nga yi grags pa lha dag gi/ /gnas su lhag par grags pa dag /rgyal ba'i dbang po gang zhig gi/ /chos ston pa dang bdag tu bral/ /lha rnams bdud rtsi mi za zhing / /dbyangs kyi sgra yang mi 'byin la/ /sum bcu rnams su zla drug tu/ /rtsed mo dga' ba med par 'gyur/ /lha rnams skyabs ni med do zhes/ /lha min thos nas 'jigs med pas/ /sum bcu rtsa gsum 'di dag dang / /g.yul ni lhan cig 'gyed par 'gyur/ /'dzam bu'i gling gi rgyal po dag /kun du mchod rten 'jig pa na/ /de tshe lha dang lha ma yin/ /g.yul 'gyed pa dag 'byung bar 'gyur/ /de na dge slong phal cher yang / /de yi rgyur na ngan 'gror 'dong / /dge slong ma yang phal cher ni/ /de yi tshe na ngan 'gror 'dong / /khyim pa ngang tshul ngan pa dang / /bud med sdig can gang yin dang / /legs so sgra 'byin de dag kyang / /</font><hr>58.85b<br><font size=+1>

'dir ni ngan 'gror 'dong bar 'gyur/ /'jig rten g.yo dang mi g.yo dang / /grong rdal gzhan du rgyug pa dang / /de bzhin ri drung rgyug pa dag /de yi tshe na 'byung bar 'gyur/ /rnam par rgyug pa'i sems can rnams/ /tshe yang thung bar 'gyur ba yin/ /de tshe chom rkun shin du mang / /dgon pa dag kyang 'jigs pa che/ /lo thog skrun par byed pa dang / /za ba la sogs gnod pa 'byung / /mu ge'i bskal pa 'byung ba der/ /gang zhig 'chi ba'i dus byas nas/ /sdug bsngal chen po 'byung ba yi/ /phyir yang 'gro ba thob par 'gyur/ /mchod rten phyogs bzhi'i dge 'dun la/ /bsngos par gyur pa gang yin pa/ /de tshe de la dge slong dag /phan tshun nas ni spyod par byed/ /de ltar nga ni 'das 'og tu/ /dge 'dun sna tshogs 'byung bar 'gyur/ /khyed der 'byung bar mi 'gyur bar/ /brtsam pa dag ni myur du gyis/ /byis pa kun la shes pa med/ /byis pa kun la mkhas pa med/ /byis pa de dag las byas nas/ /myur du ngan 'gror 'gro bar 'gyur/ /'don dang 'chad la brtson pa yis/ /shes rab thob par gyur pa dang / /shes rab kyis ni sems can skyob/ /myur du bzang 'gror 'gro bar 'gyur/ /'di ltar 'jig rten shes rab gang / /ji bzhin rtag tu de slobs shig /chags pa thams cad bkag nas ni/ /myur du bzang 'gror 'gro bar gyis/ /nga ni re shig gsung spyod kyis/ /'phags lam dge ba brgyad yan lag /dge ba'i brtson 'grus brtsom par gyis/ /myur du bsam gtan tshul bzhin gyis/ /bskal pa 'di ni 'das pa dang / /bskal pa drug bcu tshang bar yang / /sangs rgyas sgra ni mi 'byung na/ /'thob par 'gyur ba ga la zhig /</font><hr>58.86a<br><font size=+1>

phan tshun dag nas 'dus na yang / /bkres pas yongs su gdungs pa yis/ /ma yi sha dang bu yi sha /phan tshun dag tu za bar 'gyur/ /de na bshes pa'i sbyin pa po/ /nam yang khyim du 'ong mi 'gyur/ /de ltar de yi khyim der ni/ /'jigs pa mi bzad 'byung bar 'gyur/ /de skad thos shing mthong ba na/ /'khor ba gnod pa can 'di dang / /bud med lta bu'i 'dod rtsa dang / /sred pa 'di ni su zhig skyed/ /sdug bsngal rtsa ba mi bzad 'dir/ /dug med rtsa ba yin par dgongs/ /sdug bsngal rtsa ba nyer len te/ /de bas sdug bsngal yongs su spang / /gang zhig skyes par gyur pas na/ /rnam smin 'bras bu lhan cig tu/ /gang dag mtshungs par mi phrad pa/ /ngan 'gror 'gro bar mi 'gyur ro/ /zag med chos ni gang yin dang / stong pa dang ni gsob dang gsog /snying po med par rnam shes par/ /de dag myur du rtogs par gyis/ /sems med sems yod 'du shes dang / /'jigs pa chen po 'byung 'gyur bas/ /de la de dag ci byar yod/ /de dag de na dpyod pa dang / /gcig pu gnas shing sems pa yis/ /gang du ji ltar 'gyur zhig ces/ /mi bzad cho nges 'debs par 'gyur/ /phung po med la phung blo dang / /bdag med bdag gi 'du shes kyis/ /de dag rang gi mtshan thos nas/ /sdug bsngal gyis ni skrag par 'gyur/ /ji ltar sangs rgyas bstan pa yi/ /phung po'i don ni ma shes pas/ /mthar phyin rtogs par 'gyur snyam pa'i/ /'jig dang bcas la bde bar lta/ /'das pa'i phung po gang yin dang / /ma 'ongs pa dang da ltar byung / /de bzhin dus gsum gang yin pa/ /ngas ni</font><hr>58.86b<br><font size=+1>

'dir mtshungs stong par bstan/ /'das pa'i sangs rgyas gang yin pa/ /rgyal ba thams cad byung ba yang / /de dag mtshan nyid stong pa yi/ /chos rnams thams cad ston par mdzad/ /ma 'ongs pa yi ston pa gang / /de bzhin gshegs pa 'byung de dag /rang gi mtshan nyid stong pa yi/ /'dren pa'i chos ni ston par mdzad/ /da ltar khyod ston nga dang ni/ /ston pa gang dag rnams bzhugs kun/ /rang gi mtshan nyid stong pa yi/ /chos ni rnam par 'chad par mdzad/ /ji ltar sangs rgyas kyis bshad pa'i/ /phung po 'di dag ma shes pas/ /'di ltar bdag dang sems can zhes/ /'dzin pa bzang 'gror mi 'gro 'o/ /rims drag 'jigs su rung ba dang / /'di 'dra mi bzad 'byung 'gyur ba/ /der khyod 'byung bar mi 'gyur bar/ /myur du brtson 'grus bskyed par gyis/ /bcom ldan 'das kyis de skad ces bka' stsal nas/ tshe dang ldan pa shA ri'i bu dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /mdo sde rab tu rnam par 'byed pa zhes bya ba dang / rnam par 'thag pa theg pa chen po'i mdo zhes bya ba dang / /sangs rgyas kyi sde snod ces bya ba dang / tshul khrims 'chal pa tshar gcod pa zhes bya ba rdzogs so// // rgya gar gyi mkhan po d+harma shrI pra b+ha dang / lo tsa ba dge slong dpal gyi lhun pos/ pho brang lhan dkar du bsgyur cing zhus te/ gtan la phab pa/ ye d+harmA he tu pra b+ha bA he tun+te ShAn+ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma NaH / dge'o//</font><hr>

</table>