J159

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J159</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J159&coll=lithang">see text in Tibetan script</a></table>57.234b<br><font size=+1>

@#/ / rgya gar skad du/ Ar+ya a dzA ta sha tru kau krit+t+ya bi no da na nA ma ma hA yA na sU tra/  bod skad du/ 'phags pa ma skyes dgra'i 'gyod pa bsal ba zhes bya ba theg pa chen po'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab kyi ri bya rgod kyi phung po la/ dge slong brgya phrag phyed dang bcu gsum gyi dge slong gi dge 'dun chen po dang / byang chub sems dpa' sangs rgyas kyi zhing sna tshogs nas lhags pa brgyad khri bzhi stong dang / byang chub sems dpa' sems dpa' chen po mngon par shes pas mngon par shes pa/ gzungs thob pa/ spobs pa thogs pa med pa/ mi skye ba'i chos la bzod pa thob pa/ ting nge 'dzin dang gzungs sgrub pa shes shing mkhas pa/ sems can thams cad kyi sems kyi bsam pa ji ltar mos pa bzhin du chos ston pa rnams dang / rgyal po chen po bzhi dang / brgya byin lha'i dbang po dang / tshangs pa mi mjed kyi bdag po dang / de ma yin pa gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po brgya stong mang po dang thabs gcig tu bzhugs so/ /yang de'i tshe de'i dus na 'jam dpal gzhon nur gyur pa ri zhig gi bang rim gyi ngos la skyes bu dam pa nyi shu rtsa lnga dang lhan cig tu gnas pa 'di lta ste/ byang chub sems dpa' klu dpal dang / klus byin dang / dpal 'byung dang / dpal gyi snying po dang / pad ma bla ma'i dpal dang / pad ma dpal 'byung dang / skye bo 'dzin dang / sa 'dzin dang / lag na rin chen dang / lag na rin chen</font><hr>57.235a<br><font size=+1>

phyag rgya dang / seng ge blo gros dang / seng ge'i 'gros bsgrags dbyangs dang / nam mkha'i mdzod dang / sems bskyed ma thag tu chos kyi 'khor lo sgyur ba dang / tshig gi rab tu tha dad pa thams cad la spobs pa dang / spobs pa'i phung po dang / blo gros rgya mtsho dang / lhun po chen po dang / mthong na dga' ba dang / rab tu dga' ba'i rgyal po dang / mtha' yas mthong ba dang / mtha' yas dmigs par gnas pa dang / bdud kyi lta ba yang dag par 'joms pa dang / mya ngan med sbyin dang / don thams cad grub pa'i byang chub sems dpa' sems dpa' chen po dang / skyes bu dam pa nyi shu rtsa lnga po de dag dang lhan cig tu gnas so/ /dga' ldan gyi ris kyi lha'i bu bzhi yang chos mnyan pa'i phyir 'jam dpal gzhon nur gyur pa'i phyi bzhin du 'brang bar gyur te/ lha'i bu kun nas me tog ces bya ba dang / lha'i bu me tog 'od zer can zhes bya ba dang / lha'i bu me tog man dA ra ba'i dri zhes bya ba dang / lha'i bu chos la gnas par rtag tu brtson pa zhes bya ba de dag dang / lha'i bu mang po gzhan dag kyang 'di lta ste/ chos mnyan pa'i phyir 'jam dpal gzhon nur gyur pa'i phyi bzhin du 'brang bar gyur to/ /'di lta ste/ skyes bu dam pa de dag dang / lha'i bu de dag tshogs shing 'khod pa las bar skabs su kye grogs po dag sangs rgyas kyi ye shes ni rgya che ba/ dpag tu med pa/ tshad med pa/ bsam gyis mi khyab pa/ mnyam pa med pa/ gzhal du med pa/ mi rtogs pa/ mi mnyam pa dang mnyam pa dang / bla na med pa yin te/ de ni go cha dam pa ma yin pas rtogs par mi nus na go ca ji tsam zhig bgos na thams cad mkhyen pa'i ye shes ye shes chen po de rtogs par nus shes de lta bu'i gtam rjod par gyur pa dang / byang chub sems dpa' klu dpal gyis smras pa/ dge ba'i rtsa ba'i tshogs bsags pa bsngo ba la chog mi shes pa'i dge ba'i rtsa ba la gzhog par gnas shing mi brjed pa'i go cha bgos pas ye shes chen po de rtogs par nus so/ /byang chub</font><hr>57.235b<br><font size=+1>

sems dpa' klus byin gyis smras pa/ sems snyoms pa dang / sems dul ba dang / sems 'jam pa dang / sems drang ba dang / sems mnyen pa dang / sems cang shes pa'i phyir thams cad mkhyen pa'i ye shes kyi yi dam brtan po snying po la gnas pa'i go ca bgos pas thams cad mkhyen pa'i ye shes/ ye shes chen po de rtogs par nus so/ /byang chub sems dpa' dpal 'byung gis smras pa/ kye grogs po dag bskal pa'i grangs kyis ye shes chen po de rtogs par mi nus kyi/ bskal pa dpag tu med par go cha bgos pas thams cad mkhyen pa'i ye shes de rtogs par nus so/ /byang chub sems dpa' dpal gyi snying pos smras pa/ rigs kyi bu byang chub sems dpa' bdag gi bde ba la chags shing gnas pas ye shes chen po de rtogs par mi nus kyi/ bdag gi bde ba la ma chags pas thams cad mkhyen pa'i ye shes de rtogs par nus te/ gang zang zing med pa lan du bya ba ma yin pa'i bde ba de sems can thams cad la bstabs so zhes sems can thams cad bde zhing bde ba dang ldan pa la gzhog par byed pa des thams cad mkhyen pa'i ye shes de rtogs par nus so/ /byang chub sems dpa' pad ma bla ma'i dpal gyis smras pa/ bdag nyid ma dul/ ma bsrungs/ ma byang ba des pha rol ma dul ma bsrungs/ ma byang ba dul bar bya ba dang / zhi bar bya ba'i gnas de ni med kyi/ bdag nyid shin du dul/ shin du bsrungs/ shin du byang ba des pha rol ma dul/ ma bsrungs/ ma byang ba/ dul bar bya ba dang / zhi bar bya ba'i gnas de ni yod do zhes bcom ldan 'das kyis kyang de skad gsungs te/ de bas na dul ba dang zhi gnas kyi rnal 'byor la zhugs shing pha rol dul ba dang / zhi gnas dang 'thun par bya ba la mkhas pas ye shes chen po de rtogs par nus so/ /byang chub sems dpa' pad ma dpal 'byung gis smras pa/ kye grogs po dag 'jig rten gyi chos dang 'brel pas 'jig rten las 'da'</font><hr>57.236a<br><font size=+1>

bar mi nus kyi/ gang 'jig rten gyi chos dang ma 'brel ba de ni 'jig rten las 'da' bar 'gyur ro/ /de bas na byang chub sems dpa' gang rnyed pa dang / mi rnyed pa dang / grags pa dang / ma grags pa dang / bstod pa dang / smad pa dang / bde ba dang sdug bsngal bas mi 'phrogs shing byang chub sems dpa' sems dpa' chen po ma khengs pa/ ma dud pa des ni ye shes chen po de rtogs par sla'o/ /byang chub sems dpa' skye bo 'dzin gyis smras pa/ kye grogs po dag gzhan la klan ga tshol bas ni thams cad mkhyen pa'i ye shes chen po de rtogs par mi nus kyi/ gcig pu gnyis su med la bdag gis sems can thams cad kyi phyir go ca chen po bgos pas sems can thams cad kyi gang ci yang rung / yongs su thob par bya ba de thams cad bdag gis yongs su thob par bya'o zhes/ dge ba'i rtsa ba bskyed pa dang / sems can thams cad yongs su smin par bya ba'i phyir de sems can thams cad dang thun mong du sems bskyed de/ yud tsam du yang brtson 'grus mi gtong zhing de ltar brtson 'grus la gnas pa'i byang chub sems dpas ye shes chen po de rtogs par nus so/ /byang chub sems dpa' sa 'dzin gyis smras pa/ kye grogs po dag 'di lta ste/ dper na sa ni rtswa dang / shing gel pa dang / sman dang / nags tshal thams cad kyi gnas yin te/ de la gnas shing rtsa dang / shing gel pa dang / sman dang / nags tshal gyi sa bon thams cad skye bar 'gyur mod kyi sa chen po de ni lan re ba yang med do/ /sems can thams cad kyang sa chen po las 'tsho mod kyi/ sa chen po ni skyo bar yang mi byed do/ /rigs kyi bu de bzhin du byang chub sems dpa' chags pa dang / zhe sdang ba'i sems dang bral ba dang / sems can thams cad kyi nye bar 'tsho ba dang lan re ba med pa'i phyir sa dang 'dra bar sems bskyed na ye shes chen po de rtogs par nus so/ /byang chub sems dpa' lag na rin chen gyis smras pa/ kye grogs po dag shes par gyis</font><hr>57.236b<br><font size=+1>

shig 'di ni go cha chen po yin te/ dman pa la mos pas ni ye shes chen po de rtogs par mi nus kyi/ gang gnyid log pa'i rmi lam na yang theg pa gnyis la sems mi 'jug cing rin po che'i sems thams cad mkhyen pa'i sems de pha rol dag kyang 'dod par byed du 'jug la rin po che'i sems de la ser sna mi byed kyi/ sems can thams cad kyang theg pa chen po'i go cha de skon par byed cing sems mnyam pa med pa de 'ang gang ba 'am bri bar kyang mi mthong zhing / de ltar ser sna med pa'i sems kyis ye shes chen po de rtogs par nus so/ /byang chub sems dpa' lag na rin chen phyag rgyas smras pa/ kye ma'o sems can 'di dag ni 'gro ba drug tu lhung gis/ de dang de dag tu snying rje chen po bskyed de/ sems can thams cad la chos kyi phyag rgya rin po che'i phyag rgya gsum gyis btab pa sbyin par bya ste/ sems can thos pa nyung ba rnams la ni thos pa'i lag pa sbyin par bya'o/ /sems can ser sna can rnams la ni gtong ba'i lag pa sbyin par bya'o/ /sems can ngang tshul ngan pa can rnams la ni tshul khrims kyi lag pa sbyin par bya'o/ /sems can gnod sems can rnams la ni bzod pa'i lag pa sbyin par bya'o/ /sems can le lo can rnams la ni brtson 'grus kyi lag pa sbyin par bya'o/ /sems can dran pa nyams pa rnams la ni bsam gtan thob pa'i lag pa sbyin par bya'o/ /sems can shes rab 'chal pa rnams la ni shes rab kyi lag pa sbyin par bya ste/ sems can dag chos dkar po gang dang gang dag las bral bar gyur pa'i chos de dang de dag nyid yongs su rdzogs par bya ba'i phyir lag pa sbyin par bya ste/ byang chub sems dpa' de'i dge ba'i rtsa ba'i lag pa yang rin po che'i phyag rgya gsum gyis gdab par bya'o/ /gsum gang zhe na/ 'di lta ste/ sems can thams cad sangs rgyas kyi ye shes yongs su rdzogs par bsngo ba rin po che'i phyag rgyas gdab par bya ba dang / bdag gi dge ba'i rtsa ba yongs su 'grub pa rin po che'i</font><hr>57.237a<br><font size=+1>

phyag rgyas gdab par bya ba dang / sems can thams cad nam mkha'i rang bzhin gyi phyag rgyas gdab par bya ba ste/ rigs kyi bu de 'dra ba'i gnas la gnas pas ni thams cad mkhyen pa'i ye shes chen po de rtogs par nus so/ /byang chub sems dpa' seng ge'i blo gros kyis smras pa/ kye ma'o grogs po dag 'di ni mi 'jigs pa'i go cha'o/ /'di ni mi skrag pa'i go cha'o/ /'di ni ma zhum pa'i go cha'o/ /'di ni le lo med pa'i go cha'o/ /kye grogs po dag de bas na mi 'jigs pa dang / sems mi skrag pa dang / ma zhum pa dang / le lo med pa dang / 'jigs shing skrag pa skyi bung zhes byed pa dang bral ba dang / 'khor ba'i nyes pa mi skyed pa dang / mya ngan las 'da' ba'i yon tan yang dag par mthong ba dang / bde ba dang sdug bsngal ba'i chos la snyoms par gnas pa dang / mi gnyis pa la gnas pa dang ldan pas thams cad mkhyen pa rtogs par sla'o/ /byang chub sems dpa' seng ge'i 'gros bsgrags dbyangs kyis smras pa/ kye grogs po dag 'gros de ni skyes bu ngan pa'i ma yin gyi/ de ni skyes bu dam pa'i 'gros yin no/ /de ci'i phyir zhe na/ skyes bu dam pa dag ni sdig pa'i lta ba dang bral bas yang dag pa la zhugs pa yin no/ /skyes bu dam pa dag ni rtag par drang ba'i rang bzhin dang ldan pas g.yo med pa yin no/ /skyes bu dam pa dag ni bla ma la rim gro skyed pas nga bcom pa yin no/ /skyes bu dam pa dag ni bstan na 'thun par len pas tshig bzang ba yin no/ /skyes bu dam pa dag ni yang dag pa'i 'tsho ba la gnas pas las kyi mtha' grags pa yin no/ /skyes bu dam pa dag ni skyo ba dang bral bas 'dod chags dang bral ba yin no/ /skyes bu dam pa dag ni khong khro ba dang bral bas zhe sdang dang bral ba yin no/ /skyes bu dam pa dag ni zhi ba rab tu zhi ba nye bar zhi bas mun pa mun nag dang bral ba yin no/ /skyes bu dam pa dag ni sdug bsngal ba dang dbul po la snying rje bar gyur pas 'jam pa rnams yin no/ /skyes bu dam pa dag ni lus dang / ngag dang / yid kyi las kyi mtha' yongs su dag pas</font><hr>57.237b<br><font size=+1>

'dzem pa dang bcas pa yin no/ /skyes bu dam pa dag ni de dag bya ba la yang dag par zhugs pas ji skad smras pa bzhin du byed pa yin no/ /skyes bu dam pa dag ni rtag tu brtul ba brtan pas lhag pa'i bsam pa dang ldan pa yin no/ /skyes bu dam pa dag ni log pa'i chos dang bral bas bden pa la gnas pa yin no/ /skyes bu dam pa dag ni chos kyi dga' bas dga' zhing mgu bas chos 'dod pa yin no/ /skyes bu dam pa dag ni lus dang srog gtong bas dam pa'i chos yongs su 'dzin pa yin no/ /skyes bu dam pa dag ni sems can thams cad dang 'brel bas mi gtong ba yin no/ /skyes bu dam pa dag ni don dam pa'i rjes su 'jug pas nyes pa mthong ba yin no/ /skyes bu dam pa dag ni sdig pa'i chos rnam par spangs pas dge ba'i chos la zhugs pa yin no/ /skyes bu dam pa dag ni dbul po rnams kyi gter yin no/ /skyes bu dam pa dag ni nad pa rnams kyi sman pa yin no/ /skyes bu dam pa dag ni 'jigs pa rnams kyi mgon yin no/ /skyes bu dam pa dag ni dpung gnyen med pa rnams kyi skyabs yin no/ /skyes bu dam pa dag ni 'khor ba'i rgya mtshor zhugs pa rnams kyi gnas yin no/ /skyes bu dam pa dag ni rten med pa rnams kyi rten yin no/ /skyes bu dam pa dag ni mun pa mun nag tu zhugs pa rnams kyi snang bar byed pa yin no/ /skyes bu dam pa dag ni lam ngan par zhugs pa rnams kyi 'dren pa yin no/ /skyes bu dam pa dag ni chos smra ba rnams kyi yongs su 'dren pa yin no/ /skyes bu dam pa dag ni bzod pa dang dul ba'i rnal 'byor dang ldan pas tha ba'i nyes pa dang / gnod sems dang / gnong ba 'chab pa dang / khro ba'i yongs su gdung ba thams cad dang bral ba yin te/ de lta bas na skyes bu dam pa dag de 'dra ba'i chos la gnas pas ni ye shes chen po de rtogs par nus so/ /byang chub sems dpa' nam mkha' mdzod kyis smras pa/ nam mkha' dpag tu med pa bzhin du byams pa sgom pa'i rnal 'byor dang ldan pa/ snying rje</font><hr>57.238a<br><font size=+1>

chen po la gnas pa rgyun mi 'chad pa/ dbang po rtag tu dga' zhing dgod pa/ 'dod pa'i dga' ba thams cad la btang snyoms su gtong ba/ sbyin pa nam mkha' dang mtshungs pa/ tshul khrims nam mkha' dang mtshungs pa/ bzod pa nam mkha' dang mtshungs pa/ brtson 'grus nam mkha' dang mtshungs pa/ bsam gtan nam mkha' dang mtshungs pa/ shes rab nam mkha' dang mtshungs pas thams cad mkhyen pa rtogs par nus so/ /byang chub sems dpa' sems bskyed ma thag tu chos kyi 'khor lo sgyur bas smras pa/ sems bskyed pa gang las bdud sdig can gyis klags rnyed par 'gyur ba dang / de bzhin gshegs pa mnyes par mi 'gyur ba dang / lha dang mi dga' bar 'gyur ba dang / bdag gi dge ba'i phyogs yongs su 'bri bar 'gyur ba'i sems bskyed pa de dag ni byang chub sems dpas mi bskyed par bya'i/ sems bskyed pa gang las bdud sdig can gyis klags rnyed par mi 'gyur ba dang / de bzhin gshegs pa mnyes par 'gyur ba dang / lha dag dga' bar 'gyur ba dang / bdag gi dge ba'i phyogs yongs su 'bri bar mi 'gyur ba'i sems bskyed pa de dag ni bskyed par bya ste/ de de ltar zhugs na sems bskyed ma thag tu chos kyi 'khor lo skor bar 'gyur ro/ /de ci'i phyir zhe na/ de ltar byang chub sems dpa' des sems bskyed ma thag tu rgyu dang dmigs pa'i rkyen la skyes pa'i phyir chos thams cad ma skyes pa dang / de bzhin gshegs pa'i byang chub kyang ma skyes pa las rtogs par 'gyur la/ byang chub ji lta bar chos kyi 'khor los sgyur ba yang de bzhin du shes te/ sems kyi bsam pa'i go cha de dag gis thams cad mkhyen pa rtogs par nus so/ /byang chub sems dpa' tshig gi rab tu tha dad pa thams cad la spobs pas smras pa/ skyes bu dam pa dag byang chub ni thams cad kyi rjes su song ba ste/ kun nas nyon mongs pa'i rjes su song ba/ rnam par byang ba'i rjes su song ba/ 'dus</font><hr>57.238b<br><font size=+1>

byas kyi rjes su song ba/ 'dus ma byas kyi rjes su song ba/ zag pa dang bcas pa'i rjes su song ba/ zag pa med pa'i rjes su song ba/ kha na ma tho ba dang bcas pa'i rjes su song ba/ kha na ma tho ba med pa'i rjes su song ba/ dge ba'i rtsa ba'i rjes su song ba/ mi dge ba'i rtsa ba'i rjes su song ba/ 'jig rten gyi chos kyi rjes su song ba/ 'jig rten las 'das pa'i chos kyi rjes su song ba/ 'khor ba'i rjes su song ba/ mya ngan las 'das pa'i rjes su song ba/ chad pa dang rtag pa'i rjes su song ba/ phung po dang / khams dang / skye mched kyi rjes su song ba ste/ skyes bu dam pa dag byang chub ni sa dang chu dang / me dang / rlung dang / nam mkha'i rjes su song ba'o/ /de ci'i phyir zhe na/ chos thams cad ni 'di lta bu'i rang bzhin te/ rang bzhin stong pa nyid do/ /de dag ni brjod pa gang dang gang gis brjod par bya ba'i rnam pa de thams cad stong pa nyid smos par byed pa'o/ /'di lta ste dper na/ nam mkha'i dbyings ni thams cad kyi rjes su song ngo / /de bzhin du byang chub kyang thams cad kyi rjes su song ste/ skyes bu dam pa dag byang chub sems dpa' de lta bu'i ye shes la mos pa ni dmigs pa thams cad la spobs pa 'byung zhing de ni tshig gi rab tu tha dad pa shes pa thams cad kyang thob par 'gyur te/ tshul gcig la 'thob par 'gyur te/ tshul gcig la 'jug pa des thams cad mkhyen pa rtogs so/ /byang chub sems dpa' spobs pa'i phung pos smras pa/ kye grogs po dag brjod pa thams cad ni brjod du med pa ste/ sgra thams cad bsnyad du med pa'o/ /byang chub sems dpa' ye shes de la mos pa ni sems mi g.yo bar 'dug pa yin te/ snyan par smras pa dang / mi snyan par smras pa la dga' ba dang zhum pa med do/ /'di lta ste/ dper na ri lhun po'i phung po la rlung bab pa las slar log na ri lhun po ni g.yo ba 'ang med/ rab tu g.yo ba'ang med do/ /rigs kyi bu de bzhin du</font><hr>57.239a<br><font size=+1>

byang chub sems dpa' de 'dra ba'i ye shes rtogs pas thams cad kyi sgra dang brjod pa kun bzod de/ g.yo bar mi byed/ rab tu g.yo bar mi byed cing pha rol mu stegs can gyi smra ba gang la yang chags par mi 'gyur/ de bzhin gshegs pa'i bka' dang / mu stegs can gyi tshig kyang chos mnyam pa nyid du mthong / mnyam pa nyid la'ang 'gal bar mi byed/ mu stegs can thams cad kyi spobs pa thams cad kyang zad pa'i chos su mthong / zad pa'i chos kyis chos la chos chen por yang mi byed de/ skyes bu dam pa dag byang chub sems dpa' de 'dra ba'i ye shes la mos pa ni myur du thams cad mkhyen pa thob par 'gyur ro/ /byang chub sems dpa' blo gros rgya mtshos smras pa/ skyes bu dam pa dag byang chub sems dpas thos pa thams cad gzung ba'i phyir blo gros rgya mtsho la sems 'jug pa rtogs par bya'o/ /chos nyid la sna tshogs med pa'i phyir des chos ro gcig pa la mos par bya'o/ /rten cing 'brel par 'byung ba dang mi 'gal ba'i phyir des chos nyid la brtag par bya'o/ /thog ma nas ma skyes pa'i phyir chos gang yang ma bri ba dang ma 'phel bar bya'o/ /bsod nams mi zad pa'i phyir sems can thams cad nye bar 'tsho ba'i dge ba'i rtsa ba bskyed par bya'o/ /chad pa dang rtag pa las dben pa'i phyir des mtha' gnyis rtogs par bya'o/ /sems kyi sgom pa tshad med pa'i phyir des chos thams cad la brtag par bya'o/ /chos yang dag par mi brjed pa'i phyir bdag gi dran pa'i stobs bskyed pa yang yongs su gzhag par bya'o/ /sems can thams cad la snyoms par chos 'chad pa'i phyir des snyems pa thams cad yang dag par bcom pa yongs su rdzogs par bya'o/ /sangs rgyas kyi chos ma 'dres pa lhur byed pa'i phyir mi dge ba'i chos thams cad dang mi 'grogs par bya'o/ /skyes bu dam pa dag dran pa'i ye shes kyi go cha des ni thams cad mkhyen pa rtogs par nus</font><hr>57.239b<br><font size=+1>

so/ /byang chub sems dpa' lhun po chen pos smras pa 'di lta ste/ sangs rgyas kyi ye shes de ni 'jig rten thams cad las mngon par 'phags pa'i ye shes te/ de ni tshad yod pa'i spyod pas rtogs par mi nus so/ /de bas na bsam pa 'jig rten thams cad las mngon par 'phags pa dang / thos pa 'jig rten thams cad las mngon par 'phags pa dang / dad pa 'jig rten thams cad las mngon par 'phags pa dang / sbyin pa 'jig rten thams cad las mngon par 'phags pa dang / de bzhin du tshul khrims dang / bzod pa dang / brtson 'grus dang / bsam gtan dang / shes rab 'jig rten thams cad las mngon par 'phags pa dang / bsod nams ri rab lhun po bzhin du mngon par 'phags pas thams cad mkhyen pa rtogs par nus so/ /byang chub sems dpa' mthong na dga' bas smras pa/ skyes bu dam pa dag gang gi tshe na byang chub sems dpa' bdag gi gzugs kyi sems yongs su dag pas gzugs su snang ba yid du mi 'ong ba gang yang mig gis mthong zhing snang bar mi 'gyur/ bdag gi rna ba'i sems yongs su dag pas sgra yid du mi 'ong ba gang yang rna bas thos shing grag par mi 'gyur/ de bzhin du dri yang ma yin/ ro yang ma yin/ reg kyang ma yin/ rang gi yul gyi sems yongs su dag pas chos yid du mi 'ong ba gang yang yid la snang bar mi 'gyur/ rang gi sems yongs su dag pas yid dga' ba dang / mi dga' ba dang / ma 'brel cing sems can gang yang sangs rgyas kyi chos kyi snod ma yin par ma mthong ste/ gang log par nges pa de dag kyang sangs rgyas kyi chos kyi snod du gyur par mthong zhing / gang bdag shin du dga' bar gyur pa'i dngos po de dga' zhing yongs su gtong la byin nas kyang mi 'gyod pa yin te/ de ltar spyod pa'i byang chub sems dpa' ni thams cad mkhyen pa rtogs par 'gyur ro/ /byang chub sems dpa' rab du dga' ba'i rgyal pos smras pa/ gang gi tshe na spyos pa dang / </font><hr>57.240a<br><font size=+1>

brgyad pa dang / smad pa dang / brnyas pa dang / brdegs pa dang / tshar bcad na byang chub sems dpa' rab tu dga' ba skyed cing gang zag de la yang dge ba'i bshes gnyen du 'du shes skyed la/ bzod par byed/ bzod pa'i mthu ston cing rab tu dga' ba skyes nas spyo bar byed pa 'di su/ gang la spyo bar bya zhes de chos nyid kyi rjes su 'jug par byed/ nang gi stong pa nyid la mos shing phyi'i stong pa nyid la the tsom med pas bdag tu lta ba'ang mi skyed cing bzod la/ rkang pa dang lag pa yongs su gtong ba dang / mig dang mgo yongs su gtong ba dang / chung ma dang / bu pho dang bu mo yongs su gtong ba dang / rgyal srid yongs su gtong bas rab tu dga' ba yin/ lus dang srog yongs su gtong bas dga' ba yin te/ 'khor los sgyur ba'i rgyal srid thob pas dga' ba ma yin gyi/ legs par bshad pa tshigs su bcad pa gcig thos pas shin du dga' ba yin/ brgya byin thob pas dga' ba ma yin gyi/ gzhan chos 'chad pa la shin du dga' ba yin/ tshangs pa thob pas dga' ba ma yin gyi/ sems can gcig kyang bla na med pa yang dag par rdzogs pa'i byang chub la bzhag na rab tu dga' ba yin/ stong gsum rin po ches bkang bas dga' ba ma yin gyi/ de bzhin gshegs pa mthong bas rab tu dga' ba yin te/ de ni gzhar yang dbang po nyams par mi 'gyur zhing dga' bar gyur nas byang chub kyi phyogs kyi chos rnams dga' zhing mgu ba'i spyod pa 'dis sgrub par byed pa ni thams cad mkhyen pa rtogs par nus so/ /byang chub sems dpa' mtha' yas mthong bas smras pa/ skyes bu dam pa dag gang gi tshe na byang chub sems dpa' chos thams cad mthong mod kyi/ bdag tu lta bar yang mi ltung / sangs rgyas kyi chos thams cad shes mod kyi/ rnam par rtog pa spyod pa yang ma yin/ sangs rgyas thams cad mthong mod kyi/ gzugs la dmigs pa'i 'du shes kyang mi skyed/ sems can thams cad mthong mod kyi sems can du 'du shes kyang mi skyed/ las kyi rnam par smin pa</font><hr>57.240b<br><font size=+1>

yongs su dag pa'i phyir sha'i mig gsal bar gyur pa yin/ mngon par shes pa thob pas lha'i mig dang ldan pa yin/ nyon mongs pa thams cad dang bral bas shes rab kyi mig rtogs par khong du chud pa yin/ sangs rgyas kyi chos ma 'dres pa sgrub pas sangs rgyas kyi spyan la mos pa yin/ stobs bcu yongs su rdzogs pas chos kyi spyan snang ba thob pa yin te/ rigs kyi bu nga 'dra ba'i ye shes mthong ba yongs su rdzogs pas thams cad mkhyen pa rtogs par nus so/ /byang chub sems dpa' mtha' yas dmigs par gnas pas smras pa/ byang chub ni thams cad dmigs pa ste/ thams cad mkhyen pa'i ye shes sgrub par 'gyur ro/ /de ci'i phyir zhe na/ dmigs pa thams cad ni nang na yang mi gnas/ phyi rol na yang mi gnas/ dbus na yang mi gnas par brtag par bya'o/ /byang chub sems dpa' dmigs pa la mi gnas pa ni nyon mongs pa la dmigs pa dang / las la dmigs pa dang / bdud la dmigs pas nyams par mi 'gyur te/ las dang / nyon mongs pa dang / bdud la dmigs pa las 'das pa'i byang chub sems dpa' thams cad mkhyen pa rtogs so/ /byang chub sems dpa' bdud kyi lta ba yang dag par 'jom pas smras pa/ rigs kyi bu bdag tu lta ba ni bdag tu lta ba las ldang zhing byung ba yin/ bdud kyi las ni lta ba las ldang zhing byung ba ste/ bdag tu lta ba yongs su shes na lta ba 'byung bar mi byed do/ /lta ba yongs su shes na phung po 'byung bar mi byed do/ /phung po yongs su shes na bdud mi mthong ngo / /bdud kyi yul las 'da' bar bya ba'i phyir sgrib pa med pa'i rnam par thar pa la reg par 'gyur ro/ /byang chub sems dpa' sgrib pa med pa'i rnam par thar pa thob na thams cad mkhyen pa rtogs so/ /byang chub sems dpa' mya ngan med sbyin gyis smras pa/ las nyes pa byed pa ni phyis 'gyod par 'gyur/ las legs par byed pa ni phyis mya ngan byed par mi 'gyur ro/ /de bas na byang chub sems dpas las legs pa byed pa/ </font><hr>57.241a<br><font size=+1>

las mi smad pa byed pa/ las mi 'gyod pa byed pa/ las kha na ma tho ba med pa byed par bya'o/ /sems can mya ngan gyi zug rngus zug pa rnams kyang mya ngan zhi bar bya ba dang / zug rngu dang bral bar bya ba'i phyir chos bshad par bya ste/ de ltar spyod pa'i byang chub sems dpa' ni thams cad mkhyen pa rtogs so/ /byang chub sems dpa' don thams cad grub pas smras pa/ rigs kyi bu dag skyes bu gang zag tshul khrims dang ldan pa'i sems kyi smon pa 'grub/ smon lam 'grub par 'gyur la/ tshul khrims kyi rtsa ba la yang bag byed pa rten/ bag byed pa'i rtsa ba la yang byang chub kyi phyogs kyi chos rnams rten/ byang chub kyi phyogs kyi chos kyi rtsa ba la yang thams cad mkhyen pa rten to/ /de bas na byang chub sems dpa' bag byed pa dang / byang chub kyi phyogs kyi chos la brten pa ni thams cad mkhyen pa rtogs so/ /lha'i bu kun nas me tog gis smras pa/ rigs kyi bu dag 'di lta ste/ dper na shing me tog gis brgyan pa ni 'gro ba mang po'i nye bar 'tsho ba yin no/ /rigs kyi bu de bzhin du byang chub sems dpa' sems dpa' chen po rnam par thar pa'i chos kyi me tog rgyas pa ni 'gro ba mang po'i nye bar 'tsho ba yin no/ /rigs kyi bu dag 'di lta ste/ dper na lha rnams kyi shing pa ri ya tra ka ko ba di ra me tog rgyas na sum cu rtsa gsum gyi lha'i bu rnams mngon par 'du bar 'gyur ro/ /rigs kyi bu de bzhin du byang chub sems dpa' sems dpa' chen po rnam par thar pa'i chos kyi me tog rgyas na lha dang bcas pa'i 'jig rten mngon par 'du bar 'gyur ro/ /rigs kyi bu dag 'di lta ste/ dper na lha'i nor bu rin po che skyon thams cad dang bral la yon tan thams cad dang ldan pa de bzhin du/ rigs kyi bu byang chub sems dpa' bsam pa yongs su dag pa skyon thams cad dang bral la yon tan thams cad dang ldan pas thams cad mkhyen pa rtogs so/ /lha'i bu me tog 'od zer can gyis smras pa/ rigs kyi bu 'di lta ste/ dper na nyi ma'i 'od zer btang na mun</font><hr>57.241b<br><font size=+1>

pa bsal cing gzugs kyi rnam pa thams cad snang bar 'gyur ro/ /rigs kyi bu dag de bzhin du byang chub sems dpa' shes rab kyi snang ba'i 'od zer dang ldan pa yang gang gi tshe na chos kyi snang ba gtong ba de'i tshe/ ma rig pa dang glen pa'i mun pas bsgribs pa'i sems can rnams la snang ba chen po byed cing chos kyi rang bzhin yang ston te/ mun pas ni snang ba zil gyis non par mi 'gyur gyi/ snang bas ni lam rtogs par nus pas byang chub sems dpa' lam la gnas na sems can lam ngan par zhugs pa'i rnams la yang dag pa'i lam ston te/ byang chub sems dpa' lam la gnas na thams cad mkhyen pa rtogs so/ /lha'i bu me tog man dA ra ba'i dris smras pa/ /rigs kyi bu dag 'di lta ste dper na/ me tog man dA ra ba'i kho ra khor yug dpag tshad gcig tu dris khyab par byed de/ dri de yang rnam par rtog pa med do/ /rigs kyi bu dag de bzhin du byang chub sems dpa' gtong ba dang / tshul khrims dang / thos pa dang / ting nge 'dzin dang / shes rab la gnas pa yang stong gsum gyi stong chen po'i 'jig rten gyi khams chos kyi dris khyab par byed de/ dri de yang nyon mongs pa'i nad thams cad sel bar byed do/ /de bas na byang chub sems dpa' chos kyi dri dang ldan na thams cad mkhyen pa rtogs so/ /lha'i bu chos la gnas pa rtag tu brtson pas smras pa/ kye grogs po dag byang chub sems dpa' brtson pas byang chub par 'gyur gyi/ mi brtson pas ni ma yin no/ /de bas na byang chub sems dpa' rtag par brtson zhing dge ba'i rtsa ba la chog mi shes par bya'o/ /des chos brgyad la brtson par bya'o/ /brgyad po gang zhe na/ 'di lta ste/ pha rol du phyin pa drug gi sbyor ba la brtson par bya ba dang tshangs pa'i gnas bzhi sgrub pa la mngon par shes pa lnga shes shing rtogs par khong du chud pa'i ye shes dang / bsdu ba'i dngos po bzhis sems can yongs su smin par byed pa ste/ bzhi gang zhe na/ sbyin pa dang / tshig 'jam po dang / don spyad pa dang / don mtshungs par bya ba dag dang / </font><hr>57.242a<br><font size=+1>

rnam par thar pa'i sgo gsum la bzod pa thob pa dang / gzhan sangs rgyas kyi chos la gzhog pa dang / bdag byang chub kyi sems mi gtong ba dang / thabs mkhas pas sngo bar byed pa dang / gus par byas shing dam pa'i chos yongs su 'dzin pa ste/ chos brgyad po de dag la brtson pa'i byang chub sems dpas thams cad mkhyen pa rtogs so/ /de nas 'jam dpal gzhon nur gyur pas skyes bu dam pa de dag dang / lha'i bu de dag la 'di skad ces smras so/ /kye grogs po dag byang chub sems dpa' gang ma 'brel pa dang / mi brtson pa des thams cad mkhyen pa rtogs so/ /de ci'i phyir zhe na/ ma 'brel ces bya ba ni khams gsum dang ngo / /mi brtson zhes bya ba ni rtog pa dang / rnam par rtog pa dang / yongs su rtog pa thams cad la'o/ /ma 'brel ces bya ba ni nang dang ngo / /mi brtson zhes bya ba ni phyi la'o/ /ma 'brel ces bya ba ni nyan thos kyi sa dang ngo / /mi brtson zhes bya ba ni rang sangs rgyas kyi sa la'o/ /ma 'brel ces bya ba ni 'khor ba na spyod pa'i nyon mongs pa dang nye ba'i nyon mongs pa rnams dang ngo / /mi brtson zhes bya ba ni byis pa lta bu so so'i skye bo'i chos thams cad la'o/ /ma 'brel ces bya ba ni ming dang ngo / /mi brtson zhes bya ba ni gzugs la'o/ /ma 'brel ces bya ba ni rgyu dang ngo / /mi brtson zhes bya ba ni 'bras bu la'o/ /ma 'brel ces bya ba ni lta ba'i rnam pa dang ngo / /mi brtson zhes bya ba ni lta ba dang bral ba la'o/ /ma 'brel ces bya ba ni chags pa dang ngo / /mi brtson zhes bya ba ni khong khro ba la'o/ /ma 'brel ces bya ba ni ngar 'dzin pa dang ngo / /mi brtson zhes bya ba ni bdag gir 'dzin pa la'o/ /ma 'brel ces bya ba ni ser sna dang ngo / /mi brtson zhes bya ba ni sbyin pa'i snyems pa la'o/ /ma 'brel ces bya ba ni ngang tshul ngan pa dang ngo / /mi brtson zhes bya ba ni tshul khrims snyems pa la'o/ /ma 'brel ces bya ba ni gnod sems dang ngo / /mi brtson zhes bya ba ni bzod pa'i snyems pa la'o/ /ma 'brel ces bya ba ni le lo dang ngo / /mi brtson zhes</font><hr>57.242b<br><font size=+1>

bya ba ni brtson 'grus snyems pa la'o/ /ma 'brel ces bya ba ni dran pa nyams pa dang ngo / /mi brtson zhes bya ba ni bsam gtan snyems pa la'o/ /ma 'brel ces bya ba ni shes rab 'chal pa dang ngo / /mi brtson zhes bya ba ni shes rab snyems pa la'o/ /ma 'brel ces bya ba ni dge ba dang ngo / /mi brtson zhes bya ba ni dge ba'i rtsa ba sgro 'dogs pa la'o/ /ma 'brel ces bya ba ni 'jig rten gyi chos dang ngo / /mi brtson zhes bya ba ni 'jig rten las 'das pa'i chos mngon par bya bar chags pa la'o/ /ma 'brel ces bya ba ni 'dus byas dang ngo / /mi brtson zhes bya ba ni 'dus ma byas pa'i chos la yongs su rtog pa la'o/ /ma 'brel ces bya ba ni kha na ma tho ba dang bcas pa dang ngo / /mi brtson zhes bya ba ni kha na ma tho ba med pa'i chos sgro 'dogs pa la'o/ /ma 'brel ces bya ba ni zag pa dang bcas pa dang ngo / /mi brtson zhes bya ba ni zag pa med pa'i zad pa'i chos su snyems pa la'o/ /kye grogs po dag de lta bas na byang chub sems dpa' sems dpa' chen po gang 'brel pa dang / ma 'brel par lta ba dang bral bas thams cad mkhyen pa rtogs mod kyi/ yang kye grogs po dag thams cad mkhyen pa ni mi rtogs so/ /de ci'i phyir zhe na/ byed pas thams cad mkhyen pa rtogs par mi 'gyur ro/ /de ci'i phyir zhe na/ byed pa dang bral ba ni thams cad mkhyen pa yin te/ thams cad mkhyen pa la rtogs par byed pa su yang med do/ /thams cad mkhyen pa ni gzugs kyis kyang mi rtogs/ tshor bas ma yin 'du shes kyis kyang ma yin/ 'du byed kyis kyang ma yin/ rnam par shes pas mi rtogs so/ /thams cad mkhyen pa ni chos kyis kyang mi rtogs/ chos ma yin pas kyang mi rtogs so/ /thams cad mkhyen pa ni sbyin pas kyang mi rtogs so/ /de ci'i phyir zhe na/ sbyin pa nyid thams cad mkhyen pa'o/ /thams cad mkhyen pa ni tshul khrims dang / bzod pa dang / brtson 'grus dang / bsam</font><hr>57.243a<br><font size=+1>

gtan dang / shes rab kyis kyang mi rtogs so/ /de ci'i phyir zhe na/ shes rab nyid thams cad mkhyen pa'o/ /yang kye grogs po dag thams cad mkhyen pa ni 'das pa ma yin/ ma 'ongs pa ma yin/ da ltar byung ba ma yin no/ /de ci'i phyir zhe na/ kye grogs po dag thams cad mkhyen pa ni dus gsum las 'das pa'i phyir ro/ /yang kye grogs po dag thams cad mkhyen pa ni mig gi rnam par shes pas rnam par shes par bya ba ma yin no/ /kye grogs po dag thams cad mkhyen pa ni rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin no/ /de ci'i phyir zhe na/ kye grogs po dag thams cad mkhyen pa ni yul thams cad las 'das pa'o/ /kye grogs po dag thams cad mkhyen pa rtogs par 'dod pas thams cad mkhyen pa ji ltar gnas pa de bzhin du gnas par bya'o/ /smras pa/ thams cad mkhyen pa ji ltar gnas pa lags/ smras pa/ gang chos thams cad la mi gnas pa de ni thams cad mkhyen pa'o/ /chos thams cad la mnyam pa nyid de ni thams cad mkhyen pa ste/ so so'i skye bo'i sa mnyam pa nyid dang / sangs rgyas kyi chos su mnyam zhing de ltar chos thams cad mnyam pa de ni thams cad mkhyen pa'o/ /byang chub sems dpas 'byung ba chen po bzhi las byung ba'i lus de nyid ma gtogs par gzhan du thams cad mkhyen pa btsal bar mi bya'o/ /de ci'i phyir zhe na/ lus de ni dngos po med pa'o/ /lus shes bya ba de ni dge ba dang mi dge ba'i chos la lhun gyis grub pa'o/ /lus shes bya ba de ni bdag ma yin pa dang bdag med pa'o/ /lus shes bya ba de ni ma byung ba yang dag par ma byung ba ste/ de la gdags pa med do/ /gang de la gdags pa de yang ma byung ba'o/ /gang de mthong ba de'ang ma byung ba'o/ /gang ma byung ba de ni yang dag par ma byung ba'o/ /gang yang dag par ma byung ba de ni mi shes pa dang mi rtogs pa'o/ /gang mi shes pa dang mi rtogs pa de ni thams cad mkhyen pa'o/ /</font><hr>57.243b<br><font size=+1>

bstan pa 'di bstan pa'i tshe lha'i bu nyis stong gis mi skye ba'i chos la bzod pa thob par gyur to/ /lha'i bu khri nyis stong ni bla na med pa yang dag par rdzogs pa'i byang chub tu sems skyes so/ /de nas byang chub sems dpa' sems dpa' chen po spobs pa'i phung pos 'jam dpal gzhon nur gyur pa la 'di skad ces smras so/ /'jam dpal tshur spyon/ de bzhin gshegs pa'i spyan sngar dong la/ byang chub sems dpas ji lta bur bya ba de bzhin gshegs pa la mngon sum du zhu'o/ /de nas 'jam dpal gzhon nur gyur pas sa'i phyogs de nyid du/ bcom ldan 'das shAkya thub pa'i kha dog dang / dbyibs dang / chu zheng 'dra ba'i de bzhin gshegs pa zhig mngon par sprul to/ /de nas 'jam dpal gzhon nur gyur pas byang chub sems dpa' sems dpa' chen po spobs pa'i phung po la 'di skad ces smras so/ /rigs kyi bu byang chub sems dpas ji lta bur bya ba de bzhin gshegs pa mngon du bzhugs pa 'di la zhus shig /de nas sprul pa'i de bzhin gshegs pa de la byang chub sems dpa' sems dpa' chen po spobs pa'i phung pos bcom ldan 'das byang chub sems dpas ji lta bur bgyi zhes de skad gsol pa dang / des bka' stsal pa/ nga ci 'dra ba ltar byang chub sems dpas kyang de bzhin du bya'o/ /gsol pa/ 'o na bcom ldan 'das ji 'dra/ bcom ldan 'das des bka' stsal pa/ sbyin pa ma spyad/ tshul khrims ma spyad/ bzod pa ma spyad/ brtson 'grus ma spyad/ bsam gtan ma spyad/ shes rab ma spyad/ 'dod pa'i khams su ma spyad/ gzugs kyi khams su ma spyad/ gzugs med pa'i khams su ma spyad/ lus kyis ma spyad/ ngag gis ma spyad/ yid kyis ma spyad pa ste/ thams cad du ma spyad cing ma zhugs pa'o/ /rigs kyi bu de ji snyam du sems/ ji sprul pas spyad dam/ gsol pa/ bcom ldan 'das sprul pas ma spyad do/ /bka' stsal pa/ rigs kyi bu byang chub sems dpas de ltar bya'o/ /</font><hr>57.244a<br><font size=+1>

de nas byang chub sems dpa' sems dpa' chen po spobs pa'i phung pos 'jam dpal gzhon nur gyur pa la 'di skad ces smras so/ /'jam dpal de bzhin gshegs pa 'di sprul pa ma yin grang / ngas smras pa/ rigs kyi bu chos thams cad ni sprul pa'i rang bzhin du nges te/ sgyu ma'i mtshan nyid las mi ldog go/ /smras pa/ 'jam dpal de bzhin no/ /chos thams cad ni sprul pa'i rang bzhin can te/ sgyu ma'i mtshan nyid las mi ldog go/ /smras pa/ chos thams cad sprul pa'i rang bzhin can yin na/ khyod ci'i phyir de bzhin gshegs pa 'di sprul pa ma yin grang snyam du byed par gyur/ smras pa/ sus sprul/ smras pa/ bdag gis las kyi rnam par smin pa yongs su dag pas sprul gyis/ 'di la rang bzhin gyis bdag gam/ sems can nam/ srog gam/ gang zag dag sangs rgyas su gnas pa 'am/ so so'i skye bor gnas pa ni ma yin no/ /de nas de bzhin gshegs pa'i sku de la byang chub sems dpa' sems dpa' chen po spobs pa'i phung pos 'di skad ces gsol to/ /bcom ldan 'das kyis gang la bslabs nas byang chub thob par gyur/ bka' stsal pa/ rigs kyi bu mi slob pa ni byang chub sems dpa'i slob pa'o/ /mi sdom pa ni byang chub sems dpa'i slob pa'o/ /mi 'jigs pa ni byang chub sems dpa'i slob pa'o/ /mi rtog pa ni byang chub sems dpa'i slob pa'o/ /mi slob pa ni byang chub sems dpa'i slob pa'o/ /rigs kyi bu gnas med pa dang / mi snyems pa dang / ma spros pa dang / mi len pa dang / mi gtong ba dang / mi rgyu ba dang / yi ge med pa dang / mi skye ba dang / mi 'gag pa dang / ma 'ongs pa dang / ma song ba dang / mi gnas pa dang / mtshan ma med pa dang / dngos po med pa dang / mi dmigs pa dang / 'du shes thams cad dang bral ba ni byang chub sems dpa' sems dpa' chen po rnams kyi slob pa ste/ gang de ltar slob pa de dag ni yang dag par slob pa'o/ /gang de ltar slob pa de dag ni gang la 'ang zhe sdang ba med do/ /gang de ltar slob pa de dag ni gang du 'ang chags pa med do/ /gang de ltar slob pa de dag ni gang du</font><hr>57.244b<br><font size=+1>

yang zhen pa med do/ /gang las kyang grol ba med do/ /gang de ltar slob pa de dag ni gang du yang 'dod chags pa med do/ /gang nas kyang 'dod chags dang bral ba med do/ /zhe sdang med do/ /gti mug med do/ /gang de ltar slob pa de dag ni slob 'dod pa zhes bya'o/ /gang slob 'dod pa de dag ni 'gro ba gang du yang mi 'gro'o/ /mi 'ong ngo / /de bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas nga ji lta ba bzhin du 'khor ba yang med/ mya ngan las 'da' ba yang med/ gtong ba yang med/ len pa yang med/ tshul khrims kyang med/ ngang tshul ngan pa yang med/ bzod pa yang med/ gnod sems kyang med/ brtson 'grus kyang med/ le lo yang med/ bsam gtan yang med/ g.yeng ba yang med/ shes rab kyang med/ shes rab 'chal pa yang med/ slob pa yang med/ mi slob pa yang med/ spyod pa yang med/ mi spyod pa yang med cing / nga ji lta ba bzhin du thob pa yang med/ ma thob pa yang med/ mngon par bya ba yang med/ byang chub kyang med/ sangs rgyas kyi chos rnams kyang med/ bdag tu 'du shes pa yang med/ sems can du 'du shes pa yang med/ srog tu 'du shes pa yang med/ gang zag tu 'du shes pa yang med/ chos su 'du shes pa yang med/ 'du shes pa nyid kyang med/ 'du shes med pa'ang ma yin par nga'i rjes su bslab par bya'o/ /de ci'i phyir zhe na/ rigs kyi bu chos thams cad ni sgyu ma'i mtshan nyid kyi rang bzhin yin pa dang / tha dad par gyur pa med pas mi 'gyur ba'o/ /rigs kyi bu chos thams cad ni so so tha dad pa med pas gnyis su med pa'o/ /rigs kyi bu chos thams cad ni mig gi lam las 'das pas bltar mi snang ba'o/ /rigs kyi bu chos thams cad ni khyad par med pa'i phyir mnyam pa'o/ /rigs kyi bu chos thams cad ni g.yo</font><hr>57.245a<br><font size=+1>

ba med cing byed pa med pa'i phyir glen pa ste/ de dag la gdags pa med do/ /gdags pa med pa'i chos rnams ni shin du ma skyes pa'o/ /gang de ltar mos pa de dag ni grol bas mi snyems/ spyod pas mi snyems/ byang chub kyis mi snyems so/ /rigs kyi bu de bas na byang chub sems dpa' sems dpa' chen po ni 'di 'dra ba'i slob pa dang / spyod pa bshad pa'i tshe mi 'jigs/ mi dngang / skrag par mi 'gyur te/ de ni byang chub sems dpa' zhes bya'o/ /rigs kyi bu 'di lta ste/ dper na nam mkha'i dbyings ni mes mi 'jigs/ rlung gis mi 'jigs/ char pas mi 'jigs/ than pas mi 'jigs/ rdul gyis mi 'jigs/ du bas mi 'jigs/ sprin gyi phung pos mi 'jigs/ glog gis mi 'jigs so/ /de ci'i phyir zhe na/ nam mkha'i dbyings ni gzung du med pa'i phyir ro/ /rigs kyi bu de bzhin du byang chub sems dpas kyang chos thams cad kyis mi 'jigs par bya'o/ /bde ba dang sdug bsngal ba thams cad la mi bsam par bya ste/ byang chub sems dpa' sems nam mkha' dang mtshungs pas bdud kyi sde las rgyal bar nus so/ /bla na med pa yang dag par rdzogs pa'i byang chub mngon par rdzogs par 'tshang rgya bar nus so/ /sems can rnams kyi don byed nus so/ /de nas de bzhin gshegs pa sprul pa des de skad gsungs nas/ de nyid du mi snang bar gyur to/ /de nas byang chub sems dpa' spobs pa'i phung pos 'jam dpal gzhon nur gyur pa la 'di skad ces smras so/ /'jam dpal de bzhin gshegs pa de gar gshegs/ smras pa/ gang nas gshegs par ro/ /smras pa/ 'o na gang nas gshegs/ smras pa/ gang du gshegs pa nas so/ /smras pa/ 'jam dpal sprul pa ni song ba yang med/ 'ong ba yang med do/ /smras pa/ rigs kyi bu sprul pa song ba yang med/ 'ong ba yang med pa de bzhin du chos thams cad kyang de'i 'gros can nyid do/ /sems can thams cad kyang de'i 'gros can nyid do/ /</font><hr>57.245b<br><font size=+1>

smras pa/ 'jam dpal chos thams cad ji lta bu'i 'gros can lags/ smras pa/ rang bzhin gnas pa'i 'gros can no/ /smras pa/ yang sems can thams cad ji lta bu'i 'gros can lags/ smras pa/ las kyi rnam par smin pa ji lta bu'i 'gros can pa de bzhin no/ /smras pa/ 'jam dpal 'o na chos thams cad las kyi rnam par smin pa ma mchis pa ma lags sam/ smras pa/ rigs kyi bu chos nyid la ni las kyi rnam par smin pa med do/ /de ci'i phyir zhe na/ chos thams cad ni chos nyid kyi rjes su 'jug pa'i phyir ro/ /smras pa/ 'o na ji ltar na las kyi rnam par smin pa ji lta bu'i 'gros can pa de bzhin pa lags/ smras pa/ las de ji lta ba rnam par smin pa yang de bzhin/ de'i 'gro ba yang de bzhin no/ /smras pa/ 'jam dpal las ji lta bu lags/ rnam par smin pa ji lta bu lags/ 'gro ba ji lta bu lags/ smras pa/ de bzhin nyid ji lta bar las kyang de bzhin/ rnam par smin pa yang de bzhin/ 'gro ba yang de bzhin no/ /smras pa/ 'jam dpal de bzhin nyid la ni las kyang ma mchis/ rnam par smin pa yang ma mchis/ 'gro ba yang ma mchis so/ /smras pa/ rigs kyi bu ji ltar de bzhin nyid la las kyang med/ rnam par smin pa yang med/ 'gro ba yang med pa ltar las kyi rnam par smin pa'i 'gro ba yang de bzhin du shes par bya'o/ /las kyi rnam par smin pa'i 'gro ba ni 'ong ba med pa can 'gro ba med pa can yin te/ de bzhin nyid kyi 'gros las 'da' bar mi 'gyur ro/ /ston pa 'di bstan pa'i tshe sangs rgyas kyi mthus tshe dang ldan pa shA ri'i bu dang / tshe dang ldan pa dga' bo dang / nyan thos chen po gzhan dag kyang / bcom ldan 'das shAkya thub pa'i spyan snga na bstan pa 'di la nyan to/ / bam po gnyis pa/ de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das chos nyid ni gcig pa kho na lags na/ skyes bu dam pa skyes bu chen po de dag brjod pa sna tshogs kyis ston kyang chos nyid dang yang mi 'gal bar bgyid pa ngo mtshar to/ /</font><hr>57.246a<br><font size=+1>

bcom ldan 'das su zhig bla na med pa yang dag par rdzogs pa'i byang chub tu sems mi skye bar 'gyur/ bcom ldan 'das kyis bka' stsal pa/ shA ri'i bu byang chub sems dpa' dag ni de ltar ma chags pa'i slob pa la slob cing mi chags bzhin du ston te/ shA ri'i bu sa bon ji lta ba bzhin skyed kyang de bzhin no/ /nga shA ri'i bu de dang 'dra bar byang chub sems dpa' rnams kyi bslab pa ji lta bzhin du de dag gi ye shes so/ /de bzhin du de dag gi ston pa'o/ /shA ri'i bu khyod kyis bslab pa/ ji lta bu la bslabs pa khyod kyi ye shes kyang de bzhin no/ /spobs pa yang de dang 'dra bar khyod kyis thob bo/ /byang chub sems dpa' 'od bkod pas gsol pa/ bcom ldan 'das nyan thos kyi bslab pa ji lta bu lags/ byang chub sems dpa'i bslab pa ji lta bu lags/ bcom ldan 'das kyis bka' stsal pa/ rigs kyi bu nyan thos kyi bslab pa ni tshad yod pa/ byang chub sems dpa'i bslab pa ni tshad med pa ste/ rigs kyi bu ji ltar nyan thos kyi bslab pa tshad yod la chags pa dang bcas pa de bzhin du de'i ye shes kyang tshad yod la chags pa dang bcas pa'o/ /rigs kyi bu ji ltar byang chub sems dpa'i bslab pa tshad med la chags pa med pa de bzhin du de'i ye shes kyang tshad med la chags pa med pa'o/ /de nas bcom ldan 'das la byang chub sems dpa' sems dpa' chen po 'od bkod pas 'di skad ces gsol to/ /bcom ldan 'das 'khor 'di nas su yang chos nyan pa mi spyod bar bgyi na/ skyes bu dam pa de dag 'dir mchi bar mtshan ma zhig mdzad du gsol/ de ci'i slad du zhe na/ 'jam dpal gzhon nur gyur pa ni zab mo la mos pas de'i chos bshad pa yang zab mo lags so/ /de nas bcom ldan 'das kyis 'jam dpal gzhon nur gyur pa 'ong bar bya ba'i phyir mtshan ma mdzad do/ /de nas 'jam dpal gzhon nur gyur pa skyes bu dam pa nyi shu rtsa lnga po de dag dang 'grogs/ lha'i 'khor de dag dang 'grogs te/ bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal nas phyogs gcig tu</font><hr>57.246b<br><font size=+1>

'khod do/ /de nas byang chub sems dpa' sems dpa' chen po 'od bkod pas 'jam dpal gzhon nur gyur pa la 'di skad ces smras so/ /'jam dpal khyod ci'i phyir de bzhin gshegs pa'i 'khor nas byung la phyogs gcig tu song ste chos ston/ smras pa/ rigs kyi bu sangs rgyas bcom ldan 'das dag ni mnyes par dka' ste/ gtam thams cad kyis mnyes par mi nus so/ /smras pa/ 'jam dpal gtam ji lta bus de bzhin gshegs pa mnyes par 'gyur/ smras pa/ bcom ldan 'das nyid mkhyen te thugs su chud mod kyi/ bdag ji ltar spobs pa de bzhin du ston to/ /rigs kyi bu gtam gang chos kyi dbyings dang yang mi 'gal/ de bzhin nyid dang yang mi 'gal/ yang dag pa'i mtha' dang yang mi 'gal ba de 'dra ba'i gtam gyis de bzhin gshegs pa mnyes par 'gyur ro/ /gtam gang 'thab pa med pa/ rtsod pa med pa/ rtsom pa med pa/ glan ka med pa/ sgro 'dogs pa med pa/ de 'dra ba'i gtam gyis de bzhin gshegs pa mnyes par 'gyur ro/ /gtam gang bdag la sgro mi 'dogs/ gzhan la sgro mi 'dogs/ /chos ma yin pa la sgro mi 'dogs/ 'khor ba la sgro mi 'dogs/ mya ngan las 'da' ba la sgro mi 'dogs pa de 'dra ba'i gtam gyis de bzhin gshegs pa mnyes par 'gyur ro/ /de nas bcom ldan 'das kyis 'jam dpal gzhon nur gyur pa la legs so zhes bya ba byin nas legs so legs so/ /'jam dpal khyod kyi tshig 'di legs par bshad pa yin te/ 'di 'dra ba'i gtam gyis de bzhin gshegs pa mnyes par 'gyur mod kyi/ 'jam dpal gtam gang spros pa thams cad las 'das pa/ ha cang yang mi zhib pa/ ha cang yang mi rtsing ba/ mtshan ma med pa'i gtam de brjod na ting nge 'dzin kyang mi gtong / rtag tu shin du sems mnyam par yang gzhog cing ston par byed la chos gang yang 'phel ba 'am/ 'bri bar yang mi mthong ba de 'dra ba'i gtam gyis de bzhin gshegs pa mnyes</font><hr>57.247a<br><font size=+1>

par 'gyur ro/ /ston pa 'di bstan pa'i tshe byang chub sems dpa' brgyad stong mi skye ba'i chos la bzod pa rab tu thob par gyur to/ /'khor de nas lha'i bu sngon spyod pa dang ldan pas byang chub kyi sems rab tu stor ba nyis brgya 'di snyam du gyur te/ sangs rgyas kyi chos kyang de ltar tshad med pa byang chub sems dpa'i bslab pa yang de ltar shin du bslab dka' ba/ bla na med pa yang dag par rdzogs pa'i byang chub kyang de tsam du bsgrub dka' ba yin na bdag cag gis slob pa 'di bslab mi nus kyis/ gang bdag cag ni nyan thos kyi theg pa 'am/ rang sangs rgyas kyi theg pas yongs su mya ngan las 'da' bar bya'o snyam mo/ /de nas bcom ldan 'das kyis lha'i bu de dag gi sems kyi rtog pa sems kyis mkhyen nas/ kye ma'o lha'i bu 'di nas ni bla na med pa yang dag par rdzogs pa'i byang chub tu 'tshang rgya ba'i skal ba yod do zhes lha'i bu de dag gdul ba'i dbang gi phyir 'khor gyi phyi rol du khyim bdag gcig mngon par sprul nas khyim bdag des lhung bzed kha zas ro brgyas gang ba zhig lag pa g.yas pa na thogs par gyur to/ /de nas khyim bdag de bcom ldan 'das ga la ba der song nas bcom ldan 'das kyi zhabs la mgo bos phyag 'tshal te/ lhung bzed kha zas kyis bkang ba de bcom ldan 'das la phul nas/ bcom ldan 'das bdag la thugs brtse ba'i slad du zhal zas 'di bzhes par gsol zhes de skad gsol pa dang / bcom ldan 'das kyis lhung bzed zas kyis bkang ba de bzhes so/ /de nas 'jam dpal gzhon nur gyur pa stan las langs te/ bla gos phrag pa gcig la gzar nas thal mo sbyar te/ bcom ldan 'das la 'di skad ces gsol to/ /bcom ldan 'das zhal zas 'di las bdag la ma stsal bar gsol na ni bcom ldan 'das byas pa gzo ba mi mdzad par 'gyur ro/ /de nas tshe dang ldan pa shA ri'i bu 'di snyam du gyur te/ kye ma'o 'jam dpal gzhon</font><hr>57.247b<br><font size=+1>

nur gyur pas sngon bcom ldan 'das la ji lta ba bzhin phan btags na de'i phyir byas pa gzo ba med pas rgol snyam mo/ /de nas bcom ldan 'das kyis tshe dang ldan pa shA ri'i bu'i sems kyi rtog pa mkhyen nas tshe dang ldan pa shA ri'i bu la 'di skad ces bka' stsal to/ /shA ri'i bu de bzhin gshegs pa dus mkhyen te/ khyod la bka' stsol gyis sdod cig /de nas bcom ldan 'das kyis lhung bzed de sa chen po'i nang du btang ba dang / btang ma thag tu 'og gi phyogs kyi sangs rgyas kyi zhing gang dang gang dag na sangs rgyas bcom ldan 'das rnams bzhugs shing 'tsho gzhes pa'i yang dag par rdzogs pa'i sangs rgyas de dag gi spyan sngar lhung bzed de song ngo / /de nas lhung bzed de 'og gi phyogs kyi cha sangs rgyas kyi zhing gang gA'i klung gi bye ma snyed 'das nas 'jig rten gyi khams snang ba dang ldan pa zhes bya ba na de bzhin gshegs pa dgra bcom pa yang dag par rdzogs pa'i sangs rgyas 'od zer gyi rgyal po zhes bya ba bzhugs pa'i sangs rgyas kyi zhing de na lhung bzed de ma bzung bar bar snang la 'dug par gyur to/ /sangs rgyas bcom ldan 'das de dag la yang bdag bdag gi bsnyen bkur byed pa dag gis bcom ldan 'das lhung bzed 'di ga las mchis shes zhus nas sangs rgyas bcom ldan 'das de dag gis kyang steng gi phyogs kyi cha 'jig rten gyi khams mi mjed ces bya ba nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i drung nas 'ongs te/ byang chub sems dpa' gzhan dag gdul ba'i phyir btang ba yin no zhes bstan to/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu lhung bzed de phyung shig /gang na 'dug pa ga la na 'dug pa de'ang tshol cig /de nas tshe dang ldan pa shA ri'i bu ting nge 'dzin stong phrag bcu la zhugs nas/ bdag gi shes rab kyi stobs dang / sangs rgyas kyi zhing stong phrag </font><hr>57.248a<br><font size=+1>

bcur song yang lhung bzed de'i gnas sam gzhi yang ma mthong nas de slar bcom ldan 'das kyi spyan sngar 'dug go/ /'dug nas bcom ldan 'das la 'di skad ces gsol to/ /bcom ldan 'das bdag gis lhung bzed de'i gnas sam gzhi yang ma mthong ngo / /de nas bcom ldan 'das kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu khyod kyis lhung bzed de tshol cig /de nas tshe dang ldan pa maud gal gyi bu chen pos ting nge 'dzin stong phrag bcu la zhugs nas sangs rgyas kyi mthu dang / bdag gi rdzu 'phrul gyi stobs kyis 'og gi phyogs kyi cha sangs rgyas kyi zhing stong phrag bcur song yang lhung bzed de'i gnas sam gzhi 'ang ma mthong nas de slar yang bcom ldan 'das kyi spyan sngar 'dug go/ /'dug nas bcom ldan 'das la 'di skad ces gsol to/ /bcom ldan 'das bdag gis lhung bzed de'i gnas sam gzhi 'ang ma mthong ngo / /de nas bcom ldan 'das kyis tshe dang ldan pa rab 'byor la bka' stsal pa/ rab 'byor khyod kyis lhung bzed de tshol cig /de nas tshe dang ldan pa rab 'byor gyis ting nge 'dzin stong phrag bcu gnyis la zhugs nas sangs rgyas kyi mthu dang / bdag gi rdzu 'phrul gyi stobs kyis 'og gi phyogs kyi cha sangs rgyas kyi zhing stong phrag bcu gnyis su song yang lhung bzed de ma mthong nas de slar bcom ldan 'das kyi spyan sngar 'dug go/ /'dug nas bcom ldan 'das la 'di skad ces gsol to/ /bcom ldan 'das bdag gis lhung bzed de'i gnas sam gzhi 'ang ma mthong ngo / /de bzhin nyid du nyan thos chen po lnga brgya tsam bdag gi rdzu 'phrul gyi stobs dang / lha'i mig gis lhung bzed de btsal kyang ma rnyed do/ /de nas tshe dang ldan pa rab 'byor gyis byang chub sems dpa' byams pa la 'di skad ces smras so/ /byams pa khyod ni bcom ldan 'das kyis bla na med pa yang dag par rjogs pa'i byang chub tu skye ba gcig gis thogs par lung bstan na/ lhung bzed de gang na 'dug ga la na 'dug tshol cig</font><hr>57.248b<br><font size=+1>

ces de skad smras pa dang / byang chub sems dpa' sems dpa' chen po byams pas tshe dang ldan pa rab 'byor la 'di skad ces smras so/ /btsun pa rab 'byor bdag ni de bzhin gshegs pas bla na med pa yang dag par rdzogs pa'i byang chub tu skye ba gcig gis thogs par lung bstan mod kyi/ bdag gis ni ting nge 'dzin de dag gi ming yang ma 'tshal te/ 'jam dpal gzhon nur gyur pa ni ting nge 'dzin de dag la mnyam par yang gzhog /ldang bar yang bgyid do/ /yang btsun pa rab 'byor bdag gis byang chub thob pa na 'jam dpal gzhon nur gyur pa dang 'dra ba'i byang chub sems dpa' sems dpa' chen po dag de bzhin gshegs pa ji ltar gom pa 'dor/ ji ltar 'jog par mdzad ces gom pa gcig 'dor zhing 'jog pa yang mi shes pa'i dus dang tshe yang mchis par 'gyur ro/ /de bas na btsun pa rab 'byor 'jam dpal nyid la gsol gcig dang / des ni lhung bzed de tshol ba dang 'byin par nus so/ /de nas bcom ldan 'das la gnas brtan rab 'byor gyis 'di skad ces gsol to/ /bcom ldan 'das 'jam dpal gzhon nur gyur pa ci nas kyang lhung bzed de phyung ste/ bcom ldan 'das kyi spyan sngar dbul bar bskor gsol/ de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal lhung bzed de phyung shig /lhung bzed de gang na 'dug pa dang / ga la na 'dug pa yang shes par gyis shig /de nas 'jam dpal gzhon nur gyur pa 'di snyam du gyur te/ gang bdag ni stan las kyang mi ldang zhing 'khor 'di nas mi snang bar yang ma gyur par lhung bzed de dbyung ngo snyam mo/ /de nas 'jam dpal gzhon nur gyur pa kun gyi rjes su song ba zhes bya ba'i ting nge 'dzin la mnyam par bzhag ste/ 'og gi sa chen po la lag pa g.yas pa brkyang ngo / /de nas 'jam dpal gzhon nur gyur pa'i lag pa de sangs rgyas kyi zhing gang dang gang dag na sangs rgyas bcom ldan 'das mngon du gyur pa de dang de dag tu lag pa de sangs rgyas</font><hr>57.249a<br><font size=+1>

bcom ldan 'das de dag la phyag 'tshal zhing song nas/ lag pa de las bcom ldan 'das la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa snyung ba ma mchis sam/ 'o ma brgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zhes zer ba'i sgra phyung ngo / /de nas lag pa'i spu'i khung bu thams cad nas 'od zer bye ba brgya stong byung ste/ 'od zer thams cad las me tog pad ma brgya stong byung zhing pad ma de thams cad kyi snying po dag la de bzhin gshegs pa'i sku dag bzhugs par snang ngo / /de bzhin gshegs pa'i sku de dag thams cad kyang bcom ldan 'das de bzhin gshegs pa shAkya thub pa'i bsngags pa brjod do/ /lag pa de sangs rgyas kyi zhing gang dang gang du 'gro ba'i sangs rgyas kyi zhing de dag thams cad kyang rnam pa drug tu rab tu g.yos so/ /sangs rgyas kyi zhing de dag thams cad snang ba chen pos kyang khyab par gyur to/ /sangs rgyas kyi zhing de dag thams cad gdugs dang / rgyal mtshan dang / ba dan gyis kyang brgyan par gyur to/ /de nas 'jam dpal gzhon nur gyur pa'i lag pa g.yas pa sangs rgyas kyi zhing gang gA'i klung gi bye ma snyed bdun cu rtsa gnyis thams cad las 'das nas/ sangs rgyas bcom ldan 'das de dag thams cad kyi zhabs la phyag 'tshal zhing snyung ba chung ngam zhes bya ba'i sgra 'byin bzhin du bcom ldan 'das de bzhin gshegs pa 'od zer gyi rgyal po de'i sangs rgyas kyi zhing snang ba dang ldan pa'i 'jig rten gyi sangs rgyas bcom ldan 'das de dag thams cad kyi zhabs la phyag 'tshal zhing snyung ba chung ngam zhes bya ba'i sgra 'byin bzhin du bcom ldan 'das de bzhin gshegs pa 'od zer gyi rgyal po de'i sangs rgyas kyi zhing snang ba dang ldan pa'i 'jig rten gyi khams su phyin par gyur nas</font><hr>57.249b<br><font size=+1>

bcom ldan 'das de bzhin gshegs pa 'od zer gyi rgyal po de'i zhabs la phyag 'tshal nas/ bcom ldan 'das la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa snyung ba ma mchis sam/ 'o ma brgyal tam/ bzhengs par yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zhes sgra phyung ngo / /lag pa de las kyang 'od zer brgya stong byung ngo / /me tog pad ma brgya stong yang byung bar gyur te/ 'od zer de dag de bzhin gshegs pa'i 'od zer de dag dang yang ma 'dres par gyur to/ /de nas de bzhin gshegs pa 'od zer gyi rgyal po de la bsnyen bkur byed pa byang chub sems dpa' sems dpa' chen po 'od kyi dpal zhes bya ba des de bzhin gshegs pa de la 'di skad ces gsol to/ /bcom ldan 'das lag pa de las 'od zer bye ba brgya stong 'di dag kyang byung zhing me tog pad ma brgya stong byung bar gyur la/ pad ma thams cad la de bzhin gshegs pa'i sku dag bzhugs shing bcom ldan 'das shAkya thub pa'i bsngags pa rjod par gyur pa'i lag pa 'di ltar blta na sdug pa/ 'di ltar dga' bar bgyid pa de su'i lags/ de skad ces gsol pa dang / bcom ldan 'das kyis byang chub sems dpa' 'od kyi dpal la 'di skad ces bka' stsal to/ /'od kyi dpal steng gi phyogs kyi cha sangs rgyas kyi zhing 'di nas sangs rgyas kyi zhing gang gA'i klung gi bye ma snyed bdun cu rtsa gnyis 'das pa na 'jig rten gyi khams mi mjed ces bya ba de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs so 'tsho gzhes so/ /de na byang chub sems dpa' sems dpa' chen po 'jam dpal gzhon nur gyur pa zhes bya ba bsam gyis mi khyab pa'i go cha bgos pa/ mngon par shes pa dang / stobs dang / pha rol du phyin pa thams cad thob pa zhig</font><hr>57.250a<br><font size=+1>

yod de/ 'jam dpal gzhon nur gyur pa des lhung bzed 'di blang ba'i phyir stan las ma langs bzhin du lag pa 'di btang ngo / /de nas de bzhin gshegs pa 'od zer gyi rgyal po'i sangs rgyas kyi zhing de nas byang chub sems dpa' de dag yongs su skom par gyur nas/ bcom ldan 'das bdag cag ni 'jig rten gyi khams mi mjed pa de dang / de bzhin gshegs pa shAkya thub pa de dang / 'jam dpal gzhon nur gyur pa de blta bar 'tshal lo zhes de skad gsol to/ /de nas de bzhin gshegs pa 'od zer gyi rgyal pos smin mtshams kyi mdzod spu nas 'od phyung nas/ 'od des sangs rgyas kyi zhing gang gA'i klung gi bye ma snyed bdun cu rtsa gnyis po de dag thams cad brtol te/ thams cad yod pa'i 'jig rten gyi khams snang ba chen pos khyab par gyur to/ /sems can gang dag gi lus la 'od des phog par gyur pa de dag thams cad ni 'khor los sgyur ba'i bde ba dang ldan par gyur to/ /rnal 'byor spyod pa gang dag gi lus la 'od des phog par gyur pa de dag thams cad ni 'bras bu thob par gyur to/ /slob pa gang dag gi lus la 'od des phog par gyur pa de dag thams cad ni rnam par thar pa brgyad la bsam gtan byed pa'i dgra bcom par gyur to/ /byang chub sems dpa' gang dag gi lus la 'od des phog par gyur pa de dag thams cad ni ting nge 'dzin nyi ma lta bu'i sgron ma zhes bya ba thob par gyur to/ /'di lta ste/ de bzhin gshegs pa 'od zer gyi rgyal po de'i sangs rgyas kyi zhing de nas byang chub sems dpa' de dag gis 'jig rten gyi khams mi mjed pa 'di dang / bcom ldan 'das shAkya thub pa dang / 'jam dpal gzhon nur gyur pa dang / nyan thos kyi dge 'dun thams cad mthong bar gyur to/ /de nas byang chub sems dpa' sems dpa' chen po 'od kyi dpal gyis 'jig rten gyi khams mi mjed pa 'di mthong nas ngu zhing mchi ma phyung ste 'di skad ces</font><hr>57.250b<br><font size=+1>

gsol to/ /bcom ldan 'das 'di lta ste/ dper na rin thang ma mchis pa'i nor bu rin po che bai dUr+ya 'dam du stsal bar gyur pa de bzhin du/ bcom ldan 'das byang chub sems dpa' sems dpa' chen po 'jig rten gyi khams mi mjed par skyes pa de dag la blta bar bgyi'o/ /de bzhin gshegs pa 'od zer gyi rgyal pos bka' stsal pa/ rigs kyi bu khyod de skad ma zer cig /de ci'i phyir zhe na/ gang 'jig rten gyi khams 'dir bskal pa bcur bsam gtan la gnas shing spyod pa bas gang 'jig rten gyi khams mi mjed par snga dro gcig sems can la byams pa'i sems bskyed na de bas 'di'i bsod nams mang du 'phel lo/ /de ci'i phyir zhe na/ rigs kyi bu byang chub sems dpa' sems dpa' chen po gang mi mjed kyi 'jig rten gyi khams na dam pa'i chos srung ba de dag ni las kyi sgrib pa dang / nyon mongs pa thams cad byang bar 'gyur ro/ /de nas 'jig rten gyi khams mi mjed pa 'di na byang chub sems dpa' gang dag 'od des reg par gyur pa de dag gis bcom ldan 'das la 'di skad ces gsol to/ /bcom ldan 'das 'di ltar dga' zhing rab tu mgu bar bgyid pa nyon mongs pa thams cad rab tu spong bar bgyid pa'i 'od zer 'di su'i lags/ de skad ces gsol pa dang / bcom ldan 'das kyis byang chub sems dpa' de dag la 'di skad ces bka' stsal to/ /rigs kyi bu 'og gi phyogs kyi cha 'di nas sangs rgyas kyi zhing gang gA'i klung gi bye ma snyed bdun cu rtsa gnyis 'das pa dang / 'jig rten gyi khams snang ba dang ldan pa zhes bya ba de na de bzhin gshegs pa dgra bcom pa yang dag par rdzogs pa'i sangs rgyas 'od zer gyi rgyal po zhes bya ba da ltar bzhugs shing 'tsho gzhes pa zhig yod de/ de bzhin gshegs pa des smin mtshams kyi mdzod spu nas 'od btang ba dang / 'od des 'jig rten gyi khams mi mjed pa 'di snang bar byas so/ /de nas bcom ldan 'das la byang chub</font><hr>57.251a<br><font size=+1>

sems dpa' de dag gis 'di skad ces gsol to/ /bcom ldan 'das 'jig rten gyi khams snang ba dang ldan pa de dang / de bzhin gshegs pa 'od zer gyi rgyal po de blta bar 'tshal lo/ /de nas bcom ldan 'das de bzhin gshegs pa shAkya thub pas zhabs kyi mthil 'khor lo'i rtsibs stong yod pa gnyis las 'od zer gang gis sangs rgyas kyi zhing gang gA'i klung gi bye ma snyed bdun cu rtsa gnyis po de dag thams cad las 'das shing brtol nas 'jig rten gyi khams snang ba dang ldan pa de thams cad 'od zer de dag gis khyab par 'gyur ba de 'dra ba'i 'od zer 'og tu btang nas byang chub sems dpa' gang dag gi lus la 'od zer des phog par gyur pa de thams cad ting nge 'dzin ri rab lhun po lta bu'i sgron ma zhes bya ba thob par gyur to/ /sangs rgyas kyi zhing de yang sangs rgyas kyi zhing 'di nas snang bar gyur to/ /'di lta ste/ dper na 'dzam bu'i gling 'di nas nyi ma dang zla ba snang ba de bzhin du byang chub sems dpa' de dag gis kyang de bzhin gshegs pa shAkya thub pa mthong bar gyur to/ /byang chub sems dpa' 'di dag gis kyang bcom ldan 'das de bzhin gshegs pa 'od zer gyi rgyal po de mthong bar gyur to/ /'di lta ste/ dper na lha'i bu dag ri rab lhun po'i spyi bo la gnas shing 'dzam bu'i gling du lta ba de bzhin du byang chub sems dpa' dag 'jig rten gyi khams 'di nas bcom ldan 'das de bzhin gshegs pa 'od zer gyi rgyal po dang / byang chub sems dpa' sems dpa' chen po go cha chen po bgos pa de dag mthong bar gyur to/ /de nas 'jam dpal gzhon nur gyur pa'i lag pa g.yas pa des de bzhin gshegs pa 'od zer gyi rgyal po'i sangs rgyas kyi zhing 'jig rten gyi khams snang ba dang ldan pa de nas nam mkha'i steng gi lam las lhung bzed de bzung nas byang chub sems dpa' bye ba phrag khrag khrig brgya stong du mas bskor cing mdun du bdar te steng du phyung bar gyur to/ /gang dang gang dag nas lag</font><hr>57.251b<br><font size=+1>

pa de phyung bar gyur pa'i sangs rgyas kyi zhing de dang de dag tu 'od zer de dag nub par gyur to/ /me tog pad ma de dag kyang mi snang bar gyur to/ /'di lta ste/ 'jam dpal gzhon nur gyur pa'i lag pa g.yas pa des lhung bzed de blangs nas 'jig rten gyi khams mi mjed pa 'dir phyin par gyur te/ bcom ldan 'das shAkya thub pa'i spyan sngar lhung bzed de nam mkha' la 'phangs nas bcom ldan 'das kyi zhabs la 'jam dpal gzhon nur gyur pas mgo bos phyag 'tshal te/ bcom ldan 'das la 'di skad ces gsol to/ /bcom ldan 'das lhung bzed blangs pa 'di lags kyis de bzhin gshegs pas bzhes su gsol/ bcom ldan 'das kyis kyang lhung bzed de bzhes so/ /de nas byang chub sems dpa' gang 'jam dpal gzhon nur gyur pa'i lag pa dang lhan cig tu 'jig rten gyi khams mi mjed pa 'dir 'ongs pa de dag gis bcom ldan 'das kyi zhabs la mgo bos phyag 'tshal nas/ bdag bdag gi de bzhin gshegs pa'i mtshan nas brjod de/ bcom ldan 'das de bzhin gshegs pa che ge mo zhig bcom ldan 'das la snyung ba ma mchis sam/ 'o ma rgyal tam/ bzhengs pa yang ngam/ so bzhin nam/ mthu mnga' 'am/ bde ba la reg par gnas sam zhes gsung ngo zhes de skad gsol te/ sangs rgyas kyis gnang nas bdag bdag gi stan la 'khod do/ /de nas bcom ldan 'das kyis tshe dang ldan pa shA ri'i bu la bka' stsal pa/ de bas na shA ri'i bu nga la sngon 'jam dpal gzhon nur gyur pas gang phan btags pa de'i phyir da byas pa mi gzo bas rgol bar gyur pa bshad kyis nyon cig /shA ri'i bu sngon 'das pa'i dus bskal pa bye ba khrag khrig brgya stong grangs med pa de'i pha rol gyi 'ang pha rol du gyur pa de'i tshe/ de'i dus na de bzhin gshegs pa dgra bcom pa yang dag par rdzogs pa'i sangs rgyas mi thub pa'i rgyal mtshan zhes bya ba 'jig rten gyi khams</font><hr>57.252a<br><font size=+1>

mi smod pa dang ldan pa zhes bya ba'i 'jig rten du skyes par gyur te/ shA ri'i bu de bzhin gshegs pa de'i nyan thos kyi tshogs ni brgyad khri bzhi stong byang chub sems dpa' ni khri nyis stong du gyur te/ de bzhin gshegs pa de theg pa gsum po nyid las brtsams te chos 'chad cing / theg pa gsum bshad pa dang / pha rol du phyin pa drug dang / thabs mkhas pa bshad pa'i phyir de bzhin gshegs pa de skyes par gyur to/ /shA ri'i bu yang de'i tshe de'i dus na dge slong chos smra ba ye shes rgyal po zhes bya ba zhig byung ste/ de nang par sham thabs bgos/ chos gos dang / lhung bzed khyer te bsod snyoms kyi phyir rgyal po'i pho brang rgya chen po dang ldan pa zhes bya bar song ba las/ de de nas zas ro brgya dang bza' ba mang po khyer te byung bar gyur to/ /yang de'i tshe na tshong dpon gyi bu dri ma med pa'i dpung pa zhes bya ba ma ma'i pang pa na 'dug par gyur pa las khye'u des dge slong de rgyang ma nas 'ong ba mthong ngo mthong nas ma ma'i pang pa nas babs te/ dge slong de ga la ba der brgyugs nas bza' ba bslangs pa las/ dge slong des de la mo da ka gcig byin pa dang / de bza' ba des snyogs nas dge slong de'i phyi bzhin du 'brang bar gyur pa las/ de rim gyis de bzhin gshegs pa mi thub pa'i rgyal mtshan ga la ba der song ste phyin nas de bzhin gshegs pa de'i zhabs la mgo bos phyag 'tshal te spyan sngar 'dug go/ /de nas dge slong ye shes rgyal pos bsod snyoms ci rnyed pa khye'u de la byin nas/ kye khye'u bsod snyoms 'di de bzhin gshegs pa la gsol cig ces byas so/ /de nas khye'u des bsod snyoms de blangs te/ bcom ldan 'das de'i lhung bzed bkang yang bsod snyoms de yongs su zad par ma gyur to/ /shA ri'i bu 'di lta ste bsod snyoms gcig po de las khye'u des nyan thos brgyad khri bzhi stong po de dag dang / byang chub sems dpa' khri nyis stong po de dag dang / bcom ldan 'das de bzhin</font><hr>57.252b<br><font size=+1>

gshegs pa mi thub pa'i rgyal mtshan de zhos par byas shing bstabs kyang bsod snyoms de yongs su zad par ma gyur to/ /de nas khye'u de dga' mgu rangs rab tu dga' zhing dga' ba dang yid bde ba skyes nas bcom ldan 'das kyi spyan sngar 'dug ste/ tshigs su bcad pa 'di dag smras so/ /dge slong dge 'dun zhos byas kyang / /lhung bzed nam yang ma zad pas/ /sbyin gnas bsod nams zhing gyur pa/ /bdag gis nges par mchod par gyur/ /'jig rten mgon po zhos byas kyang / /'bras can zad par ma gyur pas/ /sangs rgyas la ni phul gyur na/ /sbyin pa mi zad the tsom med/ /ji ltar 'bras can mi zad cing / /phyi phyir 'phel bar 'gyur ba ltar/ /sangs rgyas dag la gang gus pa'i/ /dge ba dag ni de bzhin 'phel/ /shA ri'i bu de lta ste/ khye'u des bsod snyoms gcig po de las de bzhin gshegs pa dge slong gi dge 'dun dang bcas pa nyi ma bdun du zhos par gsol nas sangs rgyas kyi mthu dang / khye'u de'i sems kyi bsam pa dad pas zas de yongs su zad par ma gyur to/ /de nas dge slong ye shes rgyal pos khye'u de sangs rgyas la skyabs su btang / chos la skyabs su btang / dge 'dun la skyabs su btango / /khrims kyang phog go/ /nyes pa yang mthol du gzhug go/ /rjes su yi rang bar bya ba dag kyang rjes su yi rang bar byed du bcug go/ /gsol ba gdab par bya ba dag kyang gsol ba 'debs su bcug nas phyis bla na med pa yang dag par rdzogs pa'i byang chub tu sems skyed du bcug go/ /shA ri'i bu de lta ste/ khye'u de'i pha dang ma khye'u de tshol zhing de bzhin gzhegs pa mi thub pa'i rgyal mtshan ga la ba der song ste phyin nas/ bcom ldan 'das kyi zhabs la mgo bos phyag 'tshal te spyan sngar 'dug go/ /de nas khye'u des pha ma de dag gi rkang pa la phyag 'tshal nas tshigs su bcad pa 'di dag smras so/ /lus can kun la bde ba'i phyir/ /bdag ni byang chub</font><hr>57.253a<br><font size=+1>

rab zhugs kyis/ /khyed kyang legs par gnas par gyis/ /dal 'byor shin du dkon pa'o/ /sangs rgyas sku ni 'bar ba dang / /mtshan dag gis kyang brgyan la ltos/ /ye shes kyis ni pha rol phyin/ /byang chub de la su mi smon/ /de bzhin gshegs pa shin du dkon/ /bdag ni khyim nas khyim med par/ /'di nyid du ni rab tu 'byung / /khyed cag gnyis kyis gnang bar mdzod/ /pha dang mas smras pa/ bdag cag gnyis ni khyod 'dod kyis/ /byang chub rab la smon par bgyid/ /rab tu 'byung bar bgyi ba'i phyir/ /bu khyod kyi ni rjes su slob/ /shA ri'i bu de lta ste/ khye'u de dang / khye'u de'i pha ma dang / gang byang chub tu sems bskyed pa'i srog chags lnga brgya tsam po de dag thams cad rab tu byung ngo / /shA ri'i bu de'i tshe de'i dus na dge slong chos smra ba ye shes rgyal po zhes bya ba de gzhan yin snyam du shA ri'i bu khyod de ltar ma lta shig /de ci'i phyir zhe na/ 'jam dpal gzhon nur gyur pa 'di de'i tshe de'i dus na dge slong chos smra ba ye shes rgyal po zhes bya bar gyur to/ /shA ri'i bu de'i tshe de'i dus na tshong dpon gyi bu dri ma med pa'i dpung pa zhes bya ba de gzhan yin pa snyam du the tsom 'am/ yid gnyis sam/ som nyi za na/ shA ri'i bu khyod de ltar ma lta shig /de ci'i phyir zhe na/ nga ni de'i tshe de'i dus na tshong dpon gyi bu dri ma med pa'i dpung pa zhes bya ba der gyur te/ shA ri'i bu 'jam dpal gzhon nur gyur pas nga la bsod snyoms byin nas byang chub tu sems skyed du bcug ste/ de ni ngas byang chub kyi phyir thog ma sems bskyed pa yin te/ shA ri'i bu rnam grangs des kyang 'di ltar shes par bya'o/ /de bzhin gshegs pa sangs rgyas kyi che ba nyid dang / stobs bcu dang / mi 'jigs pa dang / ye shes chags pa med pa dang / ci'ang rung ste/ de thams cad 'jam dpal gzhon nur gyur pas byed du bcug pa las gyur par blta'o/ /de ci'i phyir zhe na/ sems bskyed pa de las thams cad mkhyen pa thob pa'i phyir ro/ /shA ri'i bu ngas ni phyogs bcu na nga bdag gi lta ba de dang 'dra ba'i de bzhin gshegs pa gang 'jam</font><hr>57.253b<br><font size=+1>

dpal gzhon nur gyur pas byang chub la bzhag pa shAkya thub pa zhes bya ba dpag tu med grangs med pa dang / de bzhin du ti sha zhes bya ba dang / rgyal ba zhes bya ba dang / gtsug ldan zhes bya ba dang / mar me mdzad ces bya ba dag mthong ste/ gang 'jam dpal gzhon nur gyur pas byang chub la bzhag nas da ltar chos kyi 'khor lo bskor ba'i de bzhin gshegs pa de dag gi mtshan kyang bskal pa 'am/ bskal pa'i lhag ma ma lus pas brjod par gyur na gang byang chub sems dpa'i spyad pa spyod pa dag lta ji smos/ gang dga' ldan gyi gnas na gnas pa dag lta ji smos/ gang skye ba dag lta ji smos/ gang khyim nas 'byung ba dag lta ji smos/ gang dka' ba spyod pa dag lta ji smos/ gang byang chub kyi snying po la 'dug pa dag lta ji smos te/ shA ri'i bu rnam grangs des kyang 'di ltar rig par bya ste/ gang dag byang chub sems dpa' rnams kyi ma'o/ /skyed pa'o/ /thugs rje ba'o/ /byed du 'jug pa'o zhes yang dag par smra zhing ston pa ni 'jam dpal gzhon nur gyur pa nyid la de dag smra zhing ston te/ shA ri'i bu rgyu de dang rkyen de yin te/ sngon phan btags pa'i phyir 'jam dpal gzhon nur gyur pa nga la byas pa mi gzo bas rgol lo/ /de nas lha'i bu nyis brgya po dag 'di snyam du gyur te/ chos thams cad ni rgyu'i rjes su 'gro ba'o/ /rkyen la rag las pa'o/ /sred pa'i rtsa ba can no/ /smon lam gyis thog drangs pa can yin te/ bcom ldan 'das 'di yang gzhan gyis byed du bcug pa yin na de bzhin gshegs pa mngon par bzhugs bzhin du bdag cag dman pa la sems pa de ni mi rigs so snyam mo/ /de nas lha'i bu nyis brgya po de dag lhag pa'i bsam pas bla na med pa yang dag par rdzogs pa'i byang chub tu sems bskyed do/ /'dir lag pa brkyang zhing rdzu 'phrul bstan pa'i cho 'phrul 'jam dpal gzhon nur gyur pas bstan cing lhung bzed blangs pa dang / 'di la sngon byung ba'i chos bstan pa bstan pa'i tshe 'og gi sangs rgyas kyi zhing dang / 'di nas</font><hr>57.254a<br><font size=+1>

sems can grangs las 'das pas byang chub tu sems bskyed do/ /phyogs bcu'i sangs rgyas kyi zhing dpag tu med pa nas kyang 'jam dpal gzhon nur gyur pa la mchod pa'i las bya ba dang / chos kyi g.yog bya ba'i phyir sangs rgyas bcom ldan 'das rnams kyis rin po che'i gdugs bskur bar gyur te/ rin po che'i gdugs de dag gis kyang 'jig rten gyi khams 'di khebs par gyur to/ /rin po che'i gdugs de las kyang de bzhin no/ /ji ltar de bzhin gshegs pa shAkya thub pas gsungs pa bzhin te/ bdag cag thams cad kyang 'jam dpal gzhon nur gyur pas byang chub la bkod do zhes de skad zer ba'i sgra byung ngo / /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu myur du mya ngan las 'da' 'dod pas bla na med pa yang dag par rdzogs pa'i byang chub tu sems bskyed par bya'o/ /de ci'i phyir zhe na/ shA ri'i bu sems can gang 'khor bas skrag nas bla na med pa yang dag par rdzogs pa'i byang chub tu sems mi skyed cing / nyan thos kyi theg pa la gnas la nyan thos su 'gyur bar bya'o snyam du sems pa de dag ni da dung du'ang 'khor ba na 'khor bar gyur la/ byang chub sems dpa' gzhan brtson 'grus dang ldan pa yang dag par rdzogs pa'i byang chub la gnas pa dag gis ni thams cad mkhyen pa thob par ngas mthong ngo / /de ci'i phyir zhe na/ shA ri'i bu sngon 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas thams cad zil gyis gnon pa zhes bya ba rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung bar gyur te/ shA ri'i bu de bzhin gshegs pa de'i nyan thos ni bye ba phrag brgya yod par gyur to/ /tshe'i tshad ni lo 'bum thub par gyur to/ /shA ri'i bu de bzhin gshegs pa de nyan thos kyi</font><hr>57.254b<br><font size=+1>

mchog shes rab dang ldan pa ni dge slong mngon par 'phags pa zhes bya ba zhig byung ngo / /nyan thos kyi mchog gnyis pa rdzu 'phrul dang ldan pa'i mchog ni shugs chen po zhes bya ba zhig byung ngo / /de lta ste/ shA ri'i bu de bzhin gshegs pa de snga dro'i dus kyi tshe sham thabs mnabs chos gos dang / lhung bzed bsnams te/ dge slong gi dge 'dun gyis mdun du bdar nas rgyal po'i pho brang grags ldan zhes bya bar bsod snyoms kyi phyir gshegs so/ /de'i tshe na de bzhin gshegs pa'i g.yas phyogs nas ni nyan thos shes rab dang ldan pa'i mchog 'gro'o/ /g.yon phyogs nas ni nyan thos rdzu 'phrul dang ldan pa'i mchog 'gro'o/ /rgyab nas ni mang du thos pa 'gro'o/ /mdun nas ni byang chub sems dpa' brgyad stong 'gro ste/ la la ni tshangs pa'i gzugs/ la la ni brgya byin gyi gzugs/ la la ni rgyal po chen po bzhi'i gzugs/ la la ni lha'i gzugs kyis lam gyi byi dor byed cing 'gro ste/ shA ri'i bu de'i tshe na de bzhin gshegs pa de rgyal po'i pho brang der gshegs pa dang / byis pa rgyan bzang pos brgyan pa gsum zhig lam gyi bar na rtse zhing 'dug pa las byis pa de dag gis de bzhin gshegs pa bzang ba/ sems dad par 'gyur ba/ dbang po zhi ba/ yid zhi ba/ dul ba dang zhi gnas mchog dam pa'i pha rol du son pa/ skyon med pa/ dbang po thul pa/ rdzing bzhin du dang la gsal zhing rnyog pa med pa/ mchod sbyin gyi shing gser las byas pa ltar mngon par 'phags pa 'bar ba mdzes pa/ lham me lhan ner bzhugs pa/ skyes bu chen po'i mtshan sum cu rtsa gnyis kyis kun nas brgyan pa de rgyang ma nas gshegs pa mthong ngo / /mthong nas khye'u gcig gis khye'u gnyis la 'di skad ces smras so/ /khye'u khyed cag gis de bzhin gshegs pa sems can thams cad kyi mchog bsod nams kyi zhing bla na med pa lha dang mi'i 'jig rten du bcas pa'i sbyin pa'i gnas de gshegs pa mthong ngam/ tshur shog de la mchod pa bya'o/ /'di la phul na 'bras bu chen por 'gyur</font><hr>57.255a<br><font size=+1>

ro/ /de nas de'i tshe khye'u des tshigs su bcad pa 'di smras so/ /'di ni sems can kun gyi mchog /sbyin gnas bla na med pa ste/ /de bas 'di la mchod par bya/ /'di mchod 'bras bu chen por 'gyur/ /khye'u gnyis pos smras pa/ bdag cag la ni me tog dang / /dri dang phye ma byug ma mchis/ /'jig rten gang zag zla med pa/ /'di la cis ni mchod par bgyi/ /de nas khye'u des mu tig gi se mo do rin brgya stong ri ba lag pa g.yas pas mgul nas bkrol te tshigs su bcad pa 'di smras so/ /bsod nams zhing ni bla na med/ /de la 'dis ni mchod par bgyi/ /'di mthong nas ni mkhas pa dag /dngos po dag la su zhig chags/ /de nas shA ri'i bu khye'u gnyis po de dag khye'u de'i rjes su slob par gyur nas bdag bdag gi mgul nas mu tig gi se mo do bkrol te/ tshigs su bcad pa 'di smras so/ /yang dag rdzogs pa 'od pa rgal/ /mya ngan spangs pa sems grol ba/ /sdig med yang dag chos gnas la/ /bdag cag gnyis ni mchod pa bgyid/ /de nas khye'u des khye'u gnyis po de dag la 'di skad ces smras so/ /khye'u khyed gnyis sbyin pa'i chos 'dis cir smon/ de nas khye'u gcig gis smras pa/ bdag ni bcom ldan 'das 'di'i g.yas phyogs na shes rab dang ldan pa'i mchog de ji lta ba bzhin du gyur cig /khye'u gnyis pas smras pa/ bdag ni bcom ldan 'das 'di'i g.yon phyogs na rdzu 'phrul dang ldan pa'i mchog de ji lta ba bzhin du gyur cig /de nas khye'u des smras pa/ bdag ni de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa/ thams cad gzigs pa/ phyogs thams cad du snang bar mdzad pa/ seng ge'i 'gros su gshegs pa/ 'di ji lta ba de bzhin du gyur cig ces shA ri'i bu khye'u des tshig de skad smras ma thag tu bar snang las lha'i bu brgyad stong gis legs so zhes bya ba byin te/ legs so legs so/ /skyes bu dam pa khyod kyis tshig de legs par smras so/ /</font><hr>57.255b<br><font size=+1>

lha dang 'jig rten du bcas pa'i rten du sems bskyed do/ /de nas shA ri'i bu de bzhin gshegs pa thams cad zil gyis gnon pas bsnyen bkur byed pa blo gros rgya mtsho zhes bya ba la bka' stsal pa/ dge slong khyod kyis khye'u mu tig gi se mo do thogs te 'ong ba 'di gsum mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ dge slong khye'u bar ma tshur 'ong ba 'di ni 'di 'dra ba'i bsam pas 'ong ste/ gom pa 'dor ba dang / 'jog pa thams cad la 'khor los sgyur ba'i rgyal srid brgya stong gi dge ba'i rtsa ba yongs su len to/ /de bzhin du brgya byin 'thob pa dang / tshangs pa 'thob pa brgya stong yongs su len to/ /gom pa thams cad la sangs rgyas brgya stong mngon par mthong ba'i dge ba'i rtsa ba yongs su len to/ /shA ri'i bu de nas khye'u gsum po bcom ldan 'das de bzhin gshegs pa thams cad zil gyis gnon pa ga la ba der dong ste phyin pa dang / bcom ldan 'das kyi zhabs la mgo bos phyag 'tshal nas mu tig gi se mo do de bcom ldan 'das kyi sku la gtor to/ /shA ri'i bu de'i tshe gang nyan thos kyi sems kyis mu tig gi se mo do gtor bar gyur pa de dag ni de bzhin gshegs pa de'i phrag pa gnyis la 'dug par gyur to/ /gang khye'u des thams cad mkhyen pa'i sems kyis mu tig gi se mo do gtor bar gyur pa de ni de bzhin gshegs pa de'i dbu'i gtsug gi steng na mu tig gi se mo do'i khang pa brtseg ma rnam pa sna tshogs blta na sdug pa/ gru bzhi pa/ ka ba bzhi zug pa/ kun nas rnam par phye bar gyur cing / khang pa brtsegs ma de na de bzhin gshegs pa'i sku skyil mo krung bcas shing bzhugs par yang snang ngo / /de nas de bzhin gshegs pa de 'dzum pa mdzad de/ chos nyid kyis sangs rgyas bcom ldan 'das rnams nam 'dzum pa mdzad pa de'i tshe 'od zer kha dog rnam pa sna tshogs pa du ma de bzhin gshegs pa'i zhal nas 'byung ste/ 'di lta ste/ sngon po dang / </font><hr>57.256a<br><font size=+1>

ser po dang / dmar po dang / dkar po dang / ja gong dang / shel dang / dngul gyi kha dog dag go/ /de dag gi snang bas 'jig rten gyi khams mtha' yas mu med par khyab par byas nas tshangs pa'i 'jig rten gyi bar du song ste/ nyi ma dang zla ba'i 'od zil gyis mnan nas slar log ste/ bcom ldan 'das la len gsum bskor nas bcom ldan 'das kyi spyi bor mi snang bar song so/ /de nas bcom ldan 'das de la bcom ldan 'das kyi bsnyen bkur byed pa dge slong blo gros rgya mtshos zhus pa/ de bzhin gshegs pa rgyu ma mchis rkyen ma mchis par ni 'dzum pa mi mdzad na/ bcom ldan 'das ci'i rgyu ci'i rkyen gyis 'dzum pa mdzad ces de skad gsol pa dang / bcom ldan 'das kyis bsnyen bkur byed pa de la 'di skad ces bka' stsal to/ /dge slong khye'u 'di gnyis kyis nyan thos kyi sems kyis de bzhin gshegs pa la mu tig gi se mo do gnyis gtor ba khyod kyis mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ dge slong khye'u 'di gnyis ni 'khor bas 'jigs skrag nas byang chub tu smon lam mi 'debs par bdag cag ni myur du mya ngan las 'das par bya'o snyam du de ltar sems so/ /dge slong khyod la bsgo'o/ /khong du chud par bya'o/ /gang gi tshe na khye'u gsum pa 'di bla na med pa yang dag par rdzogs pa'i byang chub mngon par rdzogs par sangs rgyas par 'gyur ba de'i tshe/ khye'u 'di gnyis ni de'i nyan thos kyi mchog tu 'gyur te/ gcig ni shes rab dang ldan pa'i mchog /gnyis pa ni rdzu 'phrul dang ldan pa'i mchog tu 'gyur ro/ /shA ri'i bu de'i tshe de'i dus na khye'u bar mar gyur cing thams cad mkhyen pa'i sems bskyed pa de ni gzhan no snyam du the tsom 'am/ yid gnyis su gyur par shA ri'i bu de ltar ma lta shig /de ci'i phyir zhe na/ nga de'i tshe de'i dus na khye'u bar ma der gyur to/ /shA ri'i bu de'i tshe de'i dus na g.yas phyogs kyi khye'ur gyur pa de gzhan yin pa snyam du de ltar ma lta shig /</font><hr>57.256b<br><font size=+1>

de ci'i phyir zhe na/ shA ri'i bu khyod nyid de'i tshe de'i dus na khye'u der gyur to/ /dge slong maud gal gyi bu ni khye'u g.yon phyogs par gyur to/ /shA ri'i bu ltos dge ba'i rtsa ba mnyam pa las khyed gnyis 'khor bas 'jigs skrag nas byang chub tu sems ma bskyed de/ sems zhum pas ci nas kyang bdag cag gis myur du mya ngan las 'da' bar bya'o snyam byed mod kyi khyed gnyis kyis nga las thal bar ma nus so/ /shA ri'i bu ltos ngas thams cad mkhyen pa rtogs nas khyed gnyis ni ngas chos bstan pas rnam par grol lo/ /shA ri'i bu rnam grangs des kyang 'di ltar shes par bya ste/ ci nas kyang myur du mya ngan las 'da' bar 'dod na thams cad mkhyen par sems bskyed par bya'o/ /de ci'i phyir zhe na/ shA ri'i bu myur ba'i theg pa zhes bya ba ni thams cad mkhyen pa'i tshig bla dgas so/ /mi slu ba'i theg pa zhes bya ba sems can thams cad la phan pa dang bde ba'i theg pa zhes bya ba/ 'bar ba'i theg pa zhes bya ba/ theg pa'i mchog ces bya ba/ theg pa'i gtso bo zhes bya ba/ theg pa rab mchog ces bya ba/ bla na med pa'i theg pa zhes bya ba/ ma chags pa'i theg pa zhes bya ba/ nyan thos dang rang sangs rgyas thams cad zil gyis gnon pa'i theg pa zhes bya ba ni shA ri'i bu thams cad mkhyen pa'i tshig bla dgas so/ /sngon byung ba'i gtam 'di dang / thams cad mkhyen pa ston pa 'di bstan pa'i tshe srog chags khris bla na med pa yang dag par rdzogs pa'i byang chub tu sems bskyed do/ /shA ri'i bu dang maud gal gyi bu chen po dang / 'od srung chen po dang / re ba ti dang / ma 'gags pa dang / u pa li dang / byams ma'i bu gang po la sogs pa nyan thos chen po de dag thams cad kyis bcom ldan 'das kyi zhabs la phyag 'tshal nas mgrin gcig tu tshig smras pa/ bcom ldan 'das rigs kyi bu dang / rigs kyi bu mos gus par bgyis te/ dge ba'i rtsa ba bskyed par bgyi'o/ /rgya chen po la yang mos par bgyi'o/ / </font><hr>57.257a<br><font size=+1>

smon lam rgya chen po yang gdab par bgyi'o/ /de ci'i slad du zhe na/ bcom ldan 'das bdag cag la sangs rgyas brgya stong gis thams cad mkhyen pa dang ldan pa'i gtam brjod cing bdag cag la chos bstan kyang bcom ldan 'das bdag cag ni ma chags pa'i ye shes rtogs par 'gyur ba'i skal ba ma mchis so/ /bcom ldan 'das bdag cag ni mtshams ma mchis pa lnga dang ldan na legs kyi/ bla na med pa yang dag par rdzogs pa'i byang chub las ldog par 'gyur ba ni de lta ma lags so/ /de ci'i slad du zhe na/ bcom ldan 'das bdag cag mtshams ma mchis pa lnga dang ldan na ni sems can dmyal bar sdug bsngal sbyangs te thams cad mkhyen pa'i ye shes ma chags pa 'di dang mi 'bral bar 'gyur na bcom ldan 'das bdag cag ni bsam pa'i rgyud tshig pa/ dbang po nyams pa/ thams cad mkhyen pa'i ye shes kyi snod ma lags par gyur na da ji ltar bgyi/ bcom ldan 'das 'di lta ste/ dper na skyes bu gum ste dus 'das par gyur na gnyen rnams kyi nye bar 'tsho bar mi 'gyur ba de bzhin du/ bcom ldan 'das nyan thos kyi theg pa la mos na lha dang 'jig rten du bcas pa la sman mi thogs so/ /bcom ldan 'das 'di lta ste/ dper na sa chen po 'di rkang gnyis pa dang / rkang bzhi pa rnams la sman 'dogs par gyur pa de bzhin du/ bcom ldan 'das gang dag gis bla na med pa yang dag par rdzogs pa'i byang chub tu sems bskyed par gyur pa de dag ni lha dang bcas pa'i 'jig rten la sman 'dogs par gyur pa'o/ / bam po gsum pa/ gtam 'di brjod pa'i rjes la rgyal po ma skyes dgra dpung gi tshogs yan lag bzhi pa dang bcas te bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ lan gsum bskor nas phyogs gcig tu 'dug go/ /</font><hr>57.257b<br><font size=+1>

phyogs gcig tu 'dug nas rgyal po ma skyes dgras bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das sems can rnams ci la gnas/ ci'i mthus na sdig pa'i las mngon par rtsom zhing bgyid par 'gyur/ de skad ces gsol pa dang / bcom ldan 'das kyis rgyal po ma skyes dgra la 'di skad ces bka' stsal to/ /rgyal po chen po sems can rnams ni bdag dang sems can dang / srog dang / gang zag la gnas so/ /rgyal po chen po sems can rnams ni 'jig tshogs su lta ba la rten cing phyin ci log tu mngon du gyur pa la gnas nas sdig pa'i las mngon par rtsom zhing byed par 'gyur ro/ /gsol pa/ bcom ldan 'das 'jig tshogs su lta ba'i rtsa ba gang lags/ bka' stsal pa/ rgyal po chen po 'jig tshogs su lta ba ni ma rig pa'i rtsa ba las byung ngo / /gsol pa/ bcom ldan 'das ma rig pa'i rtsa ba gang lags/ bka' stsal pa/ rgyal po chen po ma rig pa ni tshul bzhin yid la mi byed pa las byung ngo / /gsol pa/ bcom ldan 'das tshul bzhin yid la mi bgyid pa'i rtsa ba gang lags/ bka' stsal pa/ rgyal po chen po tshul bzhin yid la mi byed pa ni med pa la sgro 'dogs pa'i rtsa ba las byung ngo / /gsol pa/ bcom ldan 'das ma mchis pa la sgro 'dogs pa zhes bgyi ba ci lags/ bka' stsal pa/ rgyal po chen po med pa la sgro 'dogs pa zhes bya ba ni ma byung ba la yongs su rtog pa'i tshig bla dgas so/ /gsol pa/ bcom ldan 'das ma byung ba la yongs su rtog pa zhes bgyi ba'i rtsa ba gang lags/ bka' stsal pa/ rgyal po chen po ma byung ba la yongs su rtog pa zhes bya ba ni 'dus te ma byung ba'i tshig bla dgas so/ /gsol pa/ </font><hr>57.258a<br><font size=+1>

bcom ldan 'das 'dus te ma byung ba zhes bgyi ba ci lags/ bka' stsal pa/ rgyal po chen po 'dus te ma byung ba zhes bya ba ni gang gi phyir ma skyes ma byung bas de'i phyir 'dus te ma byung ba zhes bya'o/ /gsol pa/ bcom ldan 'das gang mi 'byung ba de ci zhig bgrang 'tshal/ bka' stsal pa/ gang mi 'byung ba de la bgrang ba chung zad kyang med do/ /gsol pa/ bcom ldan 'das 'gyod pa ci la dmigs pa lags/ bka' stsal pa/ rgyal po chen po 'gyod pa ni the tsom la dmigs pa'o/ /gsol pa/ bcom ldan 'das the tsom zhes bgyi ba ci lags/ bka' stsal pa/ rgyal po chen po the tsom zhes bya ba ni gang 'phags pa yang dag par smra ba dag gis bshad pa la the tsom za ba ste de ni the tsom zhes bya'o/ /gsol pa/ bcom ldan 'das 'phags pa gang lags/ yang dag par smra ba gang lags/ bcom ldan 'das kyis bka' stsal pa/ rgyal po chen po rdul dang lta ba thams cad dang bral ba'i phyir 'phags pa zhes bya'o/ /rgyal po chen po gang dag gis chos thams cad 'dus te byung ba ma yin par rtogs pa ni yang dag par smra ba zhes bya'o/ /de skad ces bka' stsal nas/ bcom ldan 'das la rgyal po ma skyes dgras 'di skad ces gsol to/ /bcom ldan 'das 'jig rten gnas pa ni bdag gi bsam pa'i rgyud kyi nyon mongs pas bsgribs pa ste/ de ni 'phags pa yang dag par smra ba dag gis bshad pa la yid ma ches nas sdig pa'i las rnam pa du ma dag rtsol zhing bgyid pa de ni bcom ldan 'das ngo mtshar to/ /de ni bde bar gshegs pa rmad du gyur pa'o/ /bcom ldan 'das bdag gis kyang sdig pa'i grogs po'i dbang du mchis pa dang / rgyal srid dang / longs spyod dang / dbang dang / nor gyis rgyags shing dregs pas phas ma nongs par srog bkum nas/ bcom ldan 'das bdag ni the tsom de med par bsal mi nus te/ zas 'tshal ba dang / skom 'tshal ba dang / rtse ba dang dga'</font><hr>57.258b<br><font size=+1>

bar bgyid pa dang / yongs su spyod pa dang / don sgrub cing mchis pa dang / slas kyi nang du mchis pa dang / gcig pu mchis pa dang / 'gro ba mang po'i nang du mchis pa dang / nub mo dang gdugs la yang the tsom de bsal ma nus nas/ bcom ldan 'das bdag ni g.yar zas kyi ro yang mi bro/ bcom ldan 'das bdag ni phyag la skom par yang mi 'gyur/ bcom ldan 'das bdag ni gnyid kyang mi mchi/ bcom ldan 'das bdag ni mdangs gsal ba yang ma mchis/ bcom ldan 'das bdag ni rtag tu rgyun mi chad par skrag pa 'byung zhing mjug tu bdag sems can dmyal ba par 'gyur ba yang sems te/ bcom ldan 'das khyod ni 'jig rten long bar gyur pa'i ni mig /chab kyis ded pa rnams kyi ni 'dren pa/ rgal 'tshal ba rnams kyi ni zam pa/ sdug bsngal ba rnams la ni bde ba stsol ba/ dbul po rnams kyi ni gter/ lam ngan par zhugs pa rnams la ni lam ston pa/ thugs rje che ba/ thugs mi skyo ba/ sems can thams cad la snyoms par dgongs pa/ shin du byams pa/ brtan pa/ bde ba dang sdug bsngal bas mi bskyod pa lags te/ bcom ldan 'das kyis ni sems can gang yang ma btang na/ bcom ldan 'das bdag 'jigs pa la mi 'jigs pa stsol cig /mgon ma mchis pa'i mgon du gyur cig /skyabs ma mchis pa'i skyabs su gyur cig /long ba'i ni mig tu gyur cig /bdag chab kyis 'tshal ba la ni phyag gis drang bar mdzod cig /bcom ldan 'das bdag mnar ma mchis pa'i 'jigs pa dang / skrag pa chen por ltung ba la/ ci nas kyang the tsom de bsal nas kun du dkris pa ma mchis par 'gum pa'i dus bgyid pa dang / bdag gi sug las de yang myong ba chung ngu 'gyur ba de lta de ltar chos bshad du gsol/ de nas bcom ldan 'das 'di snyam du dgongs te/ kye ma'o rgyal po ma skyes dgra 'di ni sred pa la spyod pa/ chos zab mo la dad pa yin gyis/ 'jam dpal gzhon nur gyur pa</font><hr>57.259a<br><font size=+1>

ma gtogs par gzhan sus kyang 'di'i the tsom lhag ma ma lus par sel mi nus snyam mo/ /de nas sangs rgyas kyi mthus tshe dang ldan pa shA ri'i bus rgyal po ma skyes dgra la 'di skad ces smras so/ /rgyal po chen po 'jam dpal gzhon nur gyur pa sang bshos la spyan drongs shig dang / des khyod kyi the tsom ngan pa de'ang bsal bar 'gyur/ khyim yang spyad par 'gyur/ khyod kyi nang gi 'gro ba de thams cad kyis kyang dge ba'i rtsa ba bskyed par 'gyur/ rgyal po'i khab kyi grong khyer chen por yang sems can tshad med pa dag gi don byas par 'gyur ro/ /de nas 'jam dpal gzhon nur gyur pa la rgyal po ma skyes dgras 'di skad ces gsol to/ /'jam dpal gzhon nur gyur pa bdag la thugs brtse ba'i slad du sang bshos la gshegs par dgongs shig /de skad ces gsol pa dang / 'jam dpal gzhon nur gyur pas rgyal po ma skyes dgra la 'di skad ces smras so/ /rgyal po chen po byas pa dang / mchod pas chog gis/ 'di lta ste/ legs par gsungs pa'i chos 'dul ba la gos len pa 'am/ lhung bzed len pa 'am/ zas len pa de ni thugs brtse ba ma yin gyi/ rgyal po chen po khyod gang gi tshe zab mo'i don dam pa bdag med pa la the tsom med pa 'am/ nem nur med par gyur na/ de lta bu ni khyod la thugs brtse bar byas pa yin no/ /rgyal po chen po gang gi tshe khyod chos gang la yang rtog par yang ma gyur/ rnam par rtog par ma gyur na de lta bu ni khyod la thugs brtse bar byas pa yin no/ /rgyal po chen po gang gi tshe na khyod sems 'das pa dang / ma 'ongs pa dang / da ltar du rtog pa 'ang med/ rnam par rtog pa yang med na de lta bu ni khyod la thugs brtse bar byas pa yin no/ /rgyal po chen po gang gi tshe na/ khyod lta ba chung ngu yang skyed par yang mi byed/ 'gog par yang mi byed na de lta bu ni khyod la thugs brtse bar byas pa yin no/ /de skad ces smras pa dang / 'jam dpal gzhon nur gyur pa la rgyal po ma skyes dgras 'di skad ces</font><hr>57.259b<br><font size=+1>

gsol to/ /'jam dpal chos kyi chos nyid ni de lta lags mod kyi/ 'on kyang bdag la thugs brtse ba'i slad du sang 'khor dang bcas te/ bdag gi mchis brang du bshos la gshegs shig /de skad ces gsol pa dang / 'jam dpal gzhon nur gyur pas rgyal po ma skyes dgra la 'di skad ces smras so/ /rgyal po chen po 'di lta ste/ legs par gsungs pa'i chos 'dul ba la ni gos len pa 'am/ lhung bzed len pa 'am/ zas len pa de thugs brtse ba ma yin gyi/ rgyal po chen po gang gi tshe na khyod bdag tu mi 'dzin/ sems can du mi 'dzin/ srog tu mi 'dzin/ gang zag tu mi 'dzin pa de'i tshe/ khyod la thugs brtse bar byas pa yin no/ /rgyal po chen po gang gi tshe na khyod bdag tu bzung ba dang / gzhan du bzung ba mi 'dzin par gyur na de lta bu ni khyod la thugs brtse bar byas pa yin no/ /rgyal po chen po gang gi tshe na khyod sems su mi 'dzin/ dmigs par mi 'dzin/ phung por mi 'dzin/ khams su mi 'dzin/ skye mched du mi 'dzin/ nang du mi 'dzin/ phyir mi 'dzin pa khams gsum du mi 'dzin/ khams gsum las 'das par mi 'dzin/ dge bar mi 'dzin/ mi dge bar mi 'dzin/ kha na ma tho ba dang bcas par mi 'dzin/ kha na ma tho ba med par mi 'dzin/ 'jig rten par mi 'dzin/ 'jig rten las 'das par mi 'dzin/ zag pa dang bcas par mi 'dzin/ zag pa med par mi 'dzin/ 'dus byas su mi 'dzin/ 'dus ma byas su mi 'dzin/ nyon mongs par mi 'dzin/ byang bar mi 'dzin/ 'khor bar mi 'dzin/ mya ngan las 'das par mi 'dzin na de lta bu ni khyod la thugs brtse bar byas pa yin no/ /de nas 'jam dpal gzhon nur gyur pa la rgyal po ma skyes dgras 'di skad ces gsol to/ /'jam dpal bdag la thugs brtse ba'i slad du dgongs su gsol/ 'jam dpal gyis smras pa/ rgyal po chen po 'di lta ste/ chos gang la yang</font><hr>57.260a<br><font size=+1>

mngon par chags pa 'am/ yongs su len pa de ni phan pa 'am bde ba ma yin no/ /rgyal po chen po gang du yang g.yo ba 'am/ sems pa ni phan pa 'am bde ba ma yin gyi/ gang g.yo ba dang sems pa yongs su 'dzin cing mngon par chags pa spong ba de ni phan pa dang bde ba'o/ /rgyal po chen po gang mi 'khrug pa de ni phan pa dang bde ba'o/ /rgyal po chen po gang slar 'khrug pa de ni phan pa dang bde ba ma yin no/ /rgyal po chen po gang mthar gtugs pa de ni phan pa dang bde ba'o/ /gang slar yang bya bar 'gyur ba de ni phan pa dang bde ba ma yin no/ /de skad ces smras pa dang / 'jam dpal gzhon nur gyur pa la rgyal po ma skyes dgras 'di skad ces gsol to/ /'jam dpal gang 'gyur ba ma mchis pa'i chos de gang lags/ smras pa/ rgyal po chen po stong pa nyid ni bya ba yang med/ 'gyur ba yang med do/ /de bzhin du mtshan ma med pa dang / smon pa med pa dang / mngon par 'du mi byed pa ni bya ba yang med/ 'gyur ba yang med do/ /rgyal po chen po ji srid du lus dang / ngag dang / yid kyis mngon par 'du bya ba med pa de srid du bya ba yang med/ 'gyur ba yang med do/ /rgyal po chen po gang gi tshe lus dang / ngag dang / yid kyis mi bya/ mngon par mi bya ba de la ni bya ba yang med/ 'gyur ba yang med do/ /rgyal po chen po de bas na chos thams cad ni mngon par 'du mi byed pa'i mtshan nyid de/ gang mngon par 'du byed pa de yang de'i mtshan nyid ma yin no/ /gsol pa/ 'jam dpal ji ltar na mngon par 'dus byas pa la mngon par 'dus ma byas par mos pa lags/ smras pa/ rgyal po chen po gang gi tshe na 'das pa la zad par mi sems/ ma 'ongs pa la ma phyin par mi 'dod/ da ltar la mi rtog pa'i phyir thog ma nas ma skyes par mos shing lhag par yang mi byed/ bri bar yang mi byed pa de tsam gyis na rgyal po chen po mngon par 'du byed pa la mngon par 'du mi byed par mos pa yin no/ /</font><hr>57.260b<br><font size=+1>

gsol pa/ 'jam dpal ji ltar na nyon mongs pa dang lam 'grogs par 'gyur/ smras pa/ rgyal po chen po de ji snyam du sems/ nyi ma'i 'od zer mun pa dang lhan cig tu gnas sam/ gsol pa/ 'jam dpal de ni ma lags so/ /de ci'i slad du zhe na/ mun pa ni gdugs kyi 'od zer gyis gsal bar 'gyur ro/ /smras pa/ rgyal po chen po 'o na ci mun pa de phung po 'am/ phyogs su 'gro bar 'gyur ram/ gsol pa/ 'jam dpal de ma lags so/ /smras pa/ rgyal po chen po de bzhin du lam gyi ye shes skyes na nyon mongs pa rnams mi 'byung bar 'gyur gyi/ nyon mongs pa rnams phung por yang mi 'gyur/ yul na yang mi gnas/ phyogs na yang mi gnas te/ rgyal po chen po nyon mongs pa mnyam pa nyid kyi phyir lam mnyam pa nyid do/ /lam mnyam pa nyid kyi phyir nyon mongs pa mnyam pa nyid do/ /nyon mongs pa mnyam pa nyid kyi phyir chos thams cad mnyam pa nyid de/ rgyal po chen po gang dag gis de ltar rtogs pa ni nyon mongs pa nyid de dag gi lam yin no/ /de ci'i phyir zhe na/ de ltar nyon mongs pa tshol ba'i phyir nyon mongs pa mi 'byung bar 'gyur ro/ /yang gang nyon mongs pa tshol ba de ni lam yin no/ /rgyal pos gsol pa/ 'jam dpal ji ltar na nyon mongs pa btsal na nyon mongs pa nyid lam lags/ 'jam dpal gyis smras pa/ rgyal po chen po gang gi tshe na nyon mongs pa tshol bas gnyis su sems mi 'gro ba de lta bu ni nyon mongs pa dag btsal na nyon mongs pa nyid lam yin te/ rgyal po chen po de ltar na nyon mongs pa nyid lam yin no/ /gsol pa/ 'jam dpal ji ltar na lam sgom pa lags/ smras pa/ rgyal po chen po chos thams cad sgom pa ni lam sgom pa yin no/ /gsol pa/ 'jam dpal de ltar lam bsgoms na gar mchi bar 'gyur/ smras pa/ rgyal po chen po de ltar lam bsgoms na gar yang mi</font><hr>57.261a<br><font size=+1>

'gro bar 'gyur ro/ /rgyal pos gsol pa/ 'jam dpal lam ni mya ngan las 'da' bar mchi ba ma lags sam/ 'jam dpal gyis smras pa/ rgyal po chen po ci mya ngan las 'da' ba la chos gang gi yang lam yod dam/ gsol pa/ 'jam dpal de ma lags so/ /'jam dpal gyis smras pa/ rgyal po chen po de lta bas na 'phags pa rnams kyi lam bsgom pa ni 'gro bas 'gro bar bya ba ma yin no/ /gsol pa/ 'jam dpal gang la gnas na 'phags pa dag lam sgom pa lags/ smras pa/ rgyal po chen po gnas med pa la gnas na 'phags pa dag lam sgom pa yin no/ /gsol pa/ 'jam dpal tshul khrims dang / shes rab dang / ting nge 'dzin la gnas na 'phags pa dag lam sgom pa ma lags sam/ smras pa/ rgyal po chen po 'phags pa rnams kyi tshul khrims ni mngon par 'du mi byed pa'i mtshan nyid do/ /rgyal po chen po 'phags pa rnams kyi ting nge 'dzin ni rnam par mi rtog pa'i mtshan nyid do/ /rgyal po chen po 'phags pa rnams kyi shes rab ni ma spros pa'i mtshan nyid do/ /rgyal po chen po de ji snyam du sems/ mngon par 'du mi byed pa 'am/ ma spros pa la gnas nus sam/ gsol pa/ 'jam dpal de ma lags so/ /'jam dpal gyis smras pa/ rgyal po chen po rnam grangs des kyang 'di ltar rig par bya ste/ 'phags pa dag ni gnas med pa la gnas te lam sgom mo/ /gsol pa/ 'jam dpal ji ltar na rigs kyi bu 'am rigs kyi bu mo lam la zhugs pa lags/ smras pa/ rgyal po chen po nam tshol ba na chos gang yang ma dmigs te/ rtag pa 'am/ mi rtag pa 'am/ chos gang yang sdug pa 'am/ mi sdug pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ yang gang 'khor ba 'am/ mya ngan las 'da' ba'i chos gang yang ma dmigs te/ de ltar zhugs na rgyal po chen po lam la zhugs pa</font><hr>57.261b<br><font size=+1>

zhes bya'o/ /de nas 'jam dpal gzhon nur gyur pa la rgyal po ma skyes dgras 'di skad ces gsol to/ /'jam dpal bdag gi 'gyod pa ngan pa sbyang ba'i slad du sang 'khor dang bcas te bshos la gshegs na legs so/ /'jam dpal gyis smras pa/ /rgyal po chen po gang med pa de ni gzhar yang med do/ /med pas na yongs su grol ba yang med do/ /gang yongs su grol ba de dag kyang med pas yongs su grol lo/ /med pa de yang gang las kyang yongs su grol bar mi 'gyur ro/ /de ci'i phyir zhe na/ rgyal po chen po chos thams cad ni rang bzhin gyis yongs su grol ba'i phyir ro/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod rgyal po ma skyes dgra'i der zan la song shig /de na 'di la sogs te 'gro ba mang po'i don du 'gyur ro/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das bka' bzhin 'tshal/ bdag ni de bzhin gshegs pa'i bka' mi gcog go/ /de nas 'jam dpal gzhon nur gyur pas gnang bar rgyal po ma skyes dgras shes nas/ dga' mgu rangs rab tu dga' zhing dga' ba dang yid bde ba skyes nas bcom ldan 'das kyi zhabs la mgo bos phyag 'tshal nas/ 'jam dpal gzhon nur gyur pa dang / dge slong gi dge 'dun thams cad kyi zhabs la mgo bos phyag 'tshal te song ngo / /de nas tshe dang ldan pa shA ri'i bu la rgyal po ma skyes dgras 'di skad ces smras so/ /btsun pa shA ri'i bu 'jam dpal gzhon nur gyur pa'i g.yog ji snyed cig mchis/ shA ri'i bus smras pa/ rgyal po chen po byang chub sems dpa' lnga brgya tsam dag dang thabs gcig tu bshos gsol lo/ /de nas rgyal po ma skyes dgras rgyal po'i khab kyi grong khyer ga la ba dang / bdag gi khang pa gang na bar song ste/ de nyid kyi nub mo bza' ba dang / bca' ba dang myang ba</font><hr>57.262a<br><font size=+1>

dang / bldag pa bzang zhing mang ba sbyor du bcug go/ /zas ro brgya pa yang sbyor du bcug go/ /bdag gnas pa'i khang par yang dar gyi lda ldi bres shing gdugs dang / rgyal mtshan dang / ba dan gyis kun du brgyan to/ /dar gyi bla res yang bres/ spos shin du snying por gyur pas bdug du bcug go/ /gnas khang der khri gos du mas g.yogs pa/ rin po che rnam pa sna tshogs du mas spras pa lnga brgya yang btsugs so/ /de'i phyogs thams cad byi dor legs par byas/ zhal zhal legs par byugs shing / bdug pas bdugs nas me tog gi sil mas kyang gang bar gtor du bcug go/ /rgyal po'i khab kyi grong khyer chen po'i 'phongs dang / lam gyi sum mdo dang / 'phrang dang / tshong 'dus thams cad du yang chag chag legs par btab/ zhal zhal legs par byas/ bdug pas bdugs shing me tog sil mas gang bar gtor du bcug go/ /rgyal po'i khab kyi grong khyer chen po'i 'gro ba thams cad kyang 'jam dpal gzhon nur gyur pa la mchod pa'i las byed par bskos so/ /de nas 'jam dpal gzhon nur gyur pa bdag gi gtsug lag khang na gnas pa las nub mo thu mang po la 'di snyam du gyur te/ gang bdag ni 'khor nyung ngu dang rgyal po ma skyes dgra'i khab du zas bza' ba'i mi rigs kyi/ gang bdag gis sangs rgyas kyi zhing gzhan nas byang chub sems dpa' dag gnyer la/ de dag the tsom gcod pa'i chos kyang nyan/ rgyal po ma skyes dgra'i zas kyang bza' bar bya'o snyam mo/ /de nas 'jam dpal gzhon nur gyur pas 'di lta ste/ skyes bu stobs po che'i lag pa bskum pa las brkyang ba 'am/ brkyang pa las bskum pa tsam du de'i skad cig thang cig yud tsam la bdag gi gtsug lag khang du mi snang bar gyur nas shar phyogs su sangs rgyas kyi zhing brgya stong phrag brgyad bcu 'das nas 'jig rten gyi khams rtag tu sgra sgrogs shes bya bar phyin par gyur te/ de na de bzhin gshegs pa</font><hr>57.262b<br><font size=+1>

dgra bcom pa yang dag par rdzogs pa'i sangs rgyas bsgrags pa'i dpal zhes bya ba bzhugs so/ /'tsho'o gzhes so/ /byang chub sems dpa' 'ba' shig la chos kyang ston to/ /de na phyir mi ldog pa'i chos kyi 'khor lo gcig kyang bskor to/ /yang 'jig rten gyi khams de na rgyu rin po che sna bdun las byas pa'i shing me tog dang 'bras bu sna tshogs dang ldan pa dag yod de/ rin po che'i shing de dag rlung gis btab pa las sangs rgyas kyi sgra skad 'byung / chos kyi sgra skad 'byung / byang chub sems dpa'i phyir mi ldog pa'i dge 'dun gyi sgra skad 'byung ngo / /'di lta ste 'jig rten gyi khams rtag tu sgra sgrogs shes bya ba na 'jig rten gyi khams der dkon mchog gsum gyi sgra dang mi 'bral bas na rtag tu sgra sgrogs shes bya'o/ /de nas bcom ldan 'das de bzhin gshegs pa bsgrags pa'i dpal de'i zhabs la 'jam dpal gzhon nur gyur pas mgo bos phyag 'tshal nas bcom ldan 'das de bzhin gshegs pa bsgrags pa'i dpal la 'di skad ces gsol to/ /bcom ldan 'das de bzhin gshegs pas sangs rgyas kyi zhing 'di nas byang chub sems dpa' sems dpa' chen po dag mi mjed kyi 'jig rten gyi khams su rgyal po ma skyes dgra'i khab tu bdag dang lhan cig tu mchod ston 'tshal bar bka' stsal du gsol/ de nas de bzhin gshegs pa bsgrags pa'i dpal gyis byang chub sems dpa' sems dpa' chen po de dag la bka' stsal pa/ rigs kyi bu dag khyed las gang 'dod pa rnams 'jam dpal gzhon nur gyur pa dang 'grogs te/ mi mjed kyi 'jig rten gyi khams su deng shig /de nas byang chub sems dpa'i 'khor de dag nas byang chub sems dpa' sems dpa' chen po brgyad khri nyis stong gis mgrin gcig tu tshig smras pa/ bcom ldan 'das bdag cag ni mi mjed kyi 'jig rten gyi khams de na rgyal po</font><hr>57.263a<br><font size=+1>

ma skyes dgra'i khab tu 'jam dpal gzhon nur gyur pa dang mchod ston 'tshal du mchi'o/ /de nas 'jam dpal gzhon nur gyur pas de nyid kyi thang cig skad cig yud tsam la byang chub sems dpa' brgyad khri nyis stong po de dag dang 'grogs te/ 'jig rten gyi khams rtag tu sgra sgrogs nas mi snang bar gyur te bdag gi gtsug lag khang du 'dug go/ /de nas 'jam dpal gzhon nur gyur pas de ltar tshogs pa'i byang chub sems dpa' de dag la gzugs shes bya ba'i chos kyi rnam grangs rgya cher bshad do/ /de la gzungs gang zhe na/ gzungs shes bya ba ni 'di lta ste/ dran pa ma nyams pa/ rtogs pa ma g.yengs pa/ blo gros ma rmongs pa/ shes rab mngon du byed pa/ chos thams cad la de bzhin nyid bstan pas lam bstan pa shes pa/ 'bras bu thob nas srung bar byed pa/ lam skyon med pa la 'jug shes pa/ chos thams cad kyi tshig rab tu tha dad pa shes pa/ gzungs kyis 'phags pa'i rigs mi gcod pa/ sangs rgyas kyi rigs 'dzin pa/ chos kyi rigs sdud pa/ dge 'dun gyi rigs chos kyi rjes su shes pa/ dri ba lung bstan pa la ma rmongs pa/ 'khor thams cad du ma zhum pa/ 'khor thams cad du mi 'jigs pa/ lha'i skad du ston pa shes pa/ klu'i skad du ston pa shes pa/ gnod sbyin gyi skad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / brgya byin dang / tshangs pa'i skad du ston pa shes pa/ skad yang dag pa dang dbang po shes pa/ log par lta ba yongs su shes pa/ sems can thams cad kyi dbang po la rtog pa/ sems sa dang mtshungs par gzhog pa/ 'jig rten gyi chos brgyad kyis mi bskyod pa/ chos dkar po thams cad yongs su smin par byed pa/ las kyi rnam par smin pa'i 'bras bu ji lta ba bzhin du ston pa/ sems can thams cad kyi nye ba'i 'tsho bar rtsol ba/ tshul</font><hr>57.263b<br><font size=+1>

khrims kyi gzhi sems can thams cad la gnas pa/ ye shes thams cad kyi rjes su song ba/ sems can thams cad kyi sdug bsngal gyi khur khyer yang sems skyo zhing mus byung ba med pa/ chos kyi rang bzhin shes pa/ rang bzhin ston cing rjod pa/ chos kyi sbyin pas spro bar byed kyi sems skyo bar mi byed pa/ dge ba'i rtsa ba'i tshogs bsags pa thams cad la rnam par smin par mi 'dod pa/ thams cad mkhyen pa'i sems kyi rtsa ba dang tha mi dad pa/ de'i rtsa ba la 'jog pa'i brtson 'grus can/ sbyin pas chog mi shes la de yang thams cad mkhyen pa'i sems kyis bsngo ba/ tshul khrims kyis chog mi shes la de yang sems can thams cad la bsngo ba/ bzod pas chog mi shes la de yang sangs rgyas kyi gzugs tshol ba/ brtson 'grus kyis chog mi shes la de yang dge ba'i rtsa ba sdud par byed pa/ bsam gtan gyis chog mi shes la de yang mi dmigs pa'i tshul du byed pa/ shes rab kyis chog mi shes la de yang thams cad du dpyod par byed pa/ chos kyi longs spyod kyis 'tsho la de yang thams cad du kha na ma tho ba med pa ste/ rigs kyi bu gzungs gzungs zhes bya ba ni chos de dag la chos kyi rjes su song ba'i nan tan yin te/ de bas na gzungs shes bya'o/ /rigs kyi bu gzhan yang gzungs ni chos thams cad 'dzin par byed do/ /ji ltar na gzungs chos thams cad 'dzin par byed ce na/ stong pa nyid kyis chos thams cad 'dzin par byed/ mtshan ma med pa dang / smon pa med pas chos thams cad 'dzin par byed pa/ 'dod chags dang bral ba/ dben pa/ dngos po med pa/ tha mi dad pa/ gnas med pa/ ma skyes pa/ mi skye ba/ mi 'ong ba/ mi 'gro ba/ mi gnas pa/ yang dag par ma byung ba/ ma 'phos pa/ mi 'jigs pa/ mi blang ba/ mi dor ba/ rang bzhin med pa/ dngos po med pa/ rtog pa med pa/ rnam par rtog pa med pa/ sgrub pa</font><hr>57.264a<br><font size=+1>

med pa/ bdag med pa/ sems can med pa/ srog med pa/ gang zag med pa/ spros pa med pa/ gzung ba med pa/ sbyor ba med pa/ ma byung ba/ ma mthong ba/ ma thos pa/ ma mnams pa/ ma myangs pa/ ma reg pa/ mi dmigs pas chos thams cad 'dzin pas na de'i phyir gzungs shes bya'o/ /rigs kyi bu dag gzhan yang gzungs ni sgyu ma'i rang bzhin gyis chos thams cad 'dzin to/ /rmi lam gyi rang bzhin dang / dbu ba'i rang bzhin gyis chos thams cad 'dzin to/ /smig rgyu'i rang bzhin dang / gzugs brnyan gyi rang bzhin dang / sgra brnyan gyi rang bzhin dang / nam mkha'i rang bzhin gyis chos thams cad 'dzin te de bas na gzungs zhes bya'o/ /rigs kyi bu dag gzhan yang gzungs ni mi rtag pas chos thams cad 'dzin to/ /de bzhin du sdug bsngal ba dang / stong pa dang / bdag med pa dang / rang bzhin gyis mi rgyu ba dang / kun nas nyon mongs pa med pa dang / byang ba med pa dang / thob pa med pa dang / mngon par byas pa med pas chos thams cad 'dzin te/ de bas na gzungs shes bya'o/ /rigs kyi bu dag 'di lta ste/ dper na sa 'di ni skye bo thams cad 'dzin mod kyi 'gas par yang mi 'gyur/ skyo bar yang mi 'gyur ro/ /rigs kyi bu dag de bzhin du byang chub sems dpa' sems dpa' chen po gzungs thob pa yang sems can thams cad kyi phyir bskal pa grangs med par thams cad mkhyen par sems bskyed pa'i dge ba'i rtsa ba bsdus pa 'dzin kyang 'gas pa 'ang med/ skyo ba'ang med do/ /rigs kyi bu dag 'di lta ste/ dper na sa 'di ni sems can thams cad kyi nye bar 'tsho ba yin no/ /rigs kyi bu dag de bzhin du byang chub sems dpa' gzungs thob pa yang sems can thams cad kyi nye bar 'tsho ba yin no/ /rigs kyi bu dag 'di lta ste/ dper na sa la gnas na rtswa dang / shing gel pa dang / sman dang / nags tshal thams cad skye bar</font><hr>57.264b<br><font size=+1>

'gyur ro/ /rigs kyi bu dag de bzhin du byang chub sems dpa' gzungs la gnas pa'i dge ba'i chos thams cad skye bar 'gyur ro/ /rigs kyi bu dag 'di lta ste/ dper na sa ni chags par yang mi byed/ zhe sdang bar yang mi byed/ khengs par yang mi byed/ dud par yang mi byed do/ /rigs kyi bu dag de bzhin du byang chub sems dpa' gzungs la gnas pa yang chags par yang mi byed/ zhe sdang bar yang mi byed/ dud par yang mi byed do/ /rigs kyi bu dag 'di lta ste/ dper na sa ni char pa'i rgyun thams cad len to/ chog mi shes par byed do/ /rigs kyi bu dag de bzhin du byang chub sems dpa' gzungs la gnas pa yang sangs rgyas rnams dang / byang chub sems dpa' dag dang / yang dag par song ba dag dang / yang dag par zhugs pa dag la chos thams cad nyan na yang chog mi shes/ 'chad na yang chog mi shes so/ /rigs kyi bu dag 'di lta ste/ dper na sa ni sa bon thams cad 'dzin mod kyi/ dus la ma bab drod la ma bab par ljang bu mi skyed do/ /rigs kyi bu dag de bzhin du byang chub sems dpa' sems dpa' chen po gzungs thob pa yang dge ba'i rtsa ba'i sa bon thams cad 'dzin mod kyi/ dus ma yin/ tshod ma yin zhing sangs rgyas kyi chos yongs su ma rdzogs par byang chub kyi snying po la mi 'dug go/ /rigs kyi bu dag 'di lta ste/ dper na dpa' bo ni sa la gnas na pha rol gyi sde thams cad las rgyal bar byed do/ /rigs kyi bu dag de bzhin du byang chub sems dpa' sems dpa' chen po gzungs thob pa yang byang chub kyi snying po la 'dug na bdud kyi sde thams cad las rgyal bar byed do/ /rigs kyi bu dag 'di lta ste/ dper na sa ni nam mkha' la rtag pa'am/ mi rtag pa'am/ bde ba'am/ sdug bsngal ba'am/ sdug pa'am/ mi sdug pa'am/ bdag gam/ bdag med pa'am/ sems can nam/ sems can med pa</font><hr>57.265a<br><font size=+1>

'am/ srog gam/ srog med pa 'am/ gang zag gam/ gang zag med par mi 'dzin to/ /rigs kyi bu dag de bzhin du gzungs kyang chos thams cad mi 'dzin to/ /de ci'i phyir zhe na/ rigs kyi bu gzungs ni gnyis dang bral ba'i phyir ro/ /rigs kyi bu dag 'di lta ste/ dper na sa ni nam mkha' mi 'dzin to/ /rigs kyi bu dag de bzhin du gzungs kyang chos thams cad mi 'dzin to/ /rigs kyi bu dag 'di lta ste/ dper na stong pa nyid ni lta ba'i rnam pa thams cad mi 'dzin to/ /rigs kyi bu dag de bzhin du gzungs kyang chos thams cad mi 'dzin to/ /rigs kyi bu dag 'di lta ste/ dper na rang bzhin ni nye ba'i nyon mongs pa thams cad mi 'dzin to/ /rigs kyi bu dag de bzhin du gzungs kyang chos thams cad mi 'dzin to/ /rigs kyi bu dag 'di lta ste/ dper na lam skyon med par gyur pa ni chos thams cad la byed pa med 'dzin pa med do/ /rigs kyi bu dag de bzhin du gzungs kyang chos thams cad mi 'dzin to/ /de lta bas na rigs kyi bu dag gang gzungs de ni mi zad pa'o/ /gang mi zad pa'i de ni tshad med pa'o/ /gang tshad med pa de ni kun gyi rjes su song ba'o/ /gang kun gyi rjes su song ba de ni nam mkha'i dbyings so/ /de lta ste/ rigs kyi bu nam mkha'i dbyings dang gzungs de gnyis ni rnam pa gnyis su med do/ /'jam dpal gzhon nur gyur pas gzungs 'di ston pa bstan pa'i tshe 'khor de na byang chub sems dpa' lnga brgyas gzungs thob par gyur to/ /gzhan yang thun dbu ma la 'jam dpal gzhon nur gyur pas byang chub sems dpa' lnga brgya po de dag la byang chub sems dpa'i sde snod ces bya ba'i chos kyi rnam grangs rgya cher bshad de/ de la byang chub sems dpa'i sde snod la 'jug pa gang zhe na/ chos gang 'jig rten pa dang / gang 'jig rten las 'das pa dang / chos</font><hr>57.265b<br><font size=+1>

gang 'dus byas pa dang / gang 'dus ma byas pa dang / chos gang dge ba dang / gang mi dge ba dang / gang kha na ma tho ba dang bcas pa dang / gang kha na ma tho ba med pa dang / gang zag pa dang bcas pa dang / gang zag pa med pa'i chos gang yang byang chub sems dpa'i sde snod kyi rjes su ma zhugs pa med de/ de dag thams cad ni byang chub sems dpa'i sde snod kyi rjes su zhugs so/ /de ci'i phyir zhe na/ rigs kyi bu dag byang chub sems dpa'i sde snod ni chos thams cad rtogs pa yin no/ /rigs kyi bu dag 'di lta ste/ dper na stong gsum gyi stong chen po'i 'jig rten gyi khams 'di na gling bzhi pa'i 'jig rten gyi khams bye ba phrag brgya dang / nyi ma dang zla ba bye ba phrag brgya dang / ri rab ri'i rgyal po bye ba phrag brgya dang / rgya mtsho 'ching rnam bye ba phrag brgya yod pa de dag thams cad ni stong gsum gyi stong chen po'i 'jig rten gyi khams 'dir 'dus shing 'ub bo/ /rigs kyi bu dag de bzhin du gang so so'i skye bo'i chos rnams dang / gang slob pa'i chos rnams dang / gang slob pa med pa'i chos rnams dang / gang nyan thos kyi chos rnams dang / gang rang sangs rgyas kyi chos rnams dang / gang byang chub sems dpa'i chos rnams dang / gang sangs rgyas kyi chos rnams dang / de dag thams cad byang chub sems dpa'i sde snod kyi rnam grangs kyi nang du 'dus so 'ub bo/ /de ci'i phyir zhe na/ rigs kyi bu dag nyan thos kyi theg par bsdu ba dang / rang sangs rgyas kyi theg par bsdu ba dang / theg pa chen por bsdu ba dang / theg pa thams cad du 'dus pa ni byang chub sems dpa'i sde snod kyi chos kyi rnam grangs so/ /rigs kyi bu dag 'di lta ste/ dper na shing gi rtsa ba bzung ba na lo ma dang / me tog dang / 'bras bu thams cad 'dus par 'gyur ro/ /rigs kyi bu dag de bzhin du byang chub sems dpa' sems dpa' chen</font><hr>57.266a<br><font size=+1>

po yang byang chub sems dpa'i sde snod bzung na theg pa thams cad 'dus par 'gyur ro/ /rigs kyi bu dag de la byang chub sems dpa'i sde snod gang zhe na/ rigs kyi bu dag byang chub sems dpa'i sde snod ces bya ba ni snod tshad med pa yin no/ /rigs kyi bu dag 'di lta ste/ dper na rgya mtsho mching rnam chen po tshad med pa'i chu ni klu dang / lha ma yin dang / gnod sbyin dang / byol song gi skye gnas su gtogs pa'i sems can tshad med pa dag gi snod yin no/ /rigs kyi bu dag de bzhin du byang chub sems dpa'i sde snod kyi chos kyi rnam grangs kyang thos pa dang / tshul khrims dang / ting nge 'dzin dang / shes rab dang / ye shes mthong ba tshad med pa'i snod yin no/ /rigs kyi bu dag 'di lta ste/ dper na sems can gang dag rgya mtsho 'ching rnam chen po'i nang du skyes pa ni rgya mtsho 'ching rnam chen po ma gtogs par chu gzhan rnams mi 'thung ngo / /rigs kyi bu dag de bzhin du gang byang chub sems dpa'i sde snod kyi chos kyi rnam grangs la spyod pa de dag ni thams cad mkhyen pa'i ro ma gtogs par chos gzhan gyi ro mi 'thung ste/ de bas na byang chub sems dpa'i sde snod ces bya'o/ /yang rigs kyi bu dag 'di gsum ni sde snod yin no/ /gsum gang zhe na/ 'di lta ste/ nyan thos kyi sde snod dang / rang sangs rgyas kyi sde snod dang / byang chub sems dpa'i sde snod do/ /rigs kyi bu dag de la nyan thos kyi sde snod ni pha rol gyi sgra'i rjes su 'brang bas thob pa'o/ /rang sangs rgyas kyi sde snod ni rten cing 'brel par 'byung ba rtogs pa'i phyir rgyu zad par rtogs pa'o/ /rigs kyi bu dag byang chub sems dpa'i sde snod ni chos tshad med pa rtogs shing rang byung ba'i ye shes dang 'thun pa'o/ /yang rigs kyi bu dag nyan thos sam/ rang sangs rgyas dag ni gang yang sde snod gsum pa ma yin gyi/ rigs kyi bu dag gang gi chos bshad pa las sems can dag nyan thos kyi</font><hr>57.266b<br><font size=+1>

theg pa dang / rang sangs rgyas kyi theg pa dang / bla na med pa yang dag par rdzogs pa'i byang chub kyi phyir theg pa gsum gyis 'byung ba de la ni sde snod gsum pa'o zhes bdag smra'o/ /rigs kyi bu dag byang chub sems dpa' ni chos 'chad na sems can dag theg pa gsum gyis 'byung bas na de'i phyir byang chub sems dpa' la sde snod gsum pa zhes bya'o/ /rigs kyi bu dag gzhan yang bslab pa ni gsum mo/ /gsum gang zhe na/ nyan thos kyi bslab pa dang / rang sangs rgyas kyi bslab pa dang / byang chub sems dpa'i bslab pa'o/ /rigs kyi bu dag de la nyan thos kyi bslab pa ni phyogs gcig pa bdag gi bsam pa'i rgyud snang ba'i mtshan nyid do/ /rang sangs rgyas kyi bslab pa ni nan tan bar ma dang ldan zhing snying rje chen po dang bral ba'o/ /rigs kyi bu dag byang chub sems dpa'i bslab pa ni tshad med pa'i rjes su song ba/ snying rje chen pos zin pa'o/ /nyan thos kyi theg pa la gnas pa ni rang sangs rgyas kyi bslab pa la mi slob cing mi shes so/ /rang sangs rgyas kyi theg pa la gnas pa ni byang chub sems dpa'i bslab pa la mi slob cing mi shes so/ /rigs kyi bu dag byang chub sems dpa' ni nyan thos kyi bslab pa la yang slob cing shes mod kyi nyan thos kyi theg pa 'dod par yang mi byed/ theg pa des 'byung bar yang mi byed/ rang sangs rgyas kyi bslab pa la yang slob cing shes mod kyi/ rang sangs rgyas kyi theg pa 'dod par yang mi byed/ theg pa des 'byung bar yang mi byed de/ byang chub sems dpa'i bslab pa la slob cing shes la theg pa chen po des 'byung bar byed de/ byung nas kyang nyan thos kyi rnam par grol ba yang ston/ rang sangs rgyas kyi rnam par grol ba yang ston/ byang chub sems dpa'i rnam par grol ba yang ston to/ /rigs kyi bu dag 'di lta ste/ gang byang chub sems dpa'i bslab pa la spyod pa de lta bu yongs su rdzogs pa de ni byang chub sems dpa'i sde</font><hr>57.267a<br><font size=+1>

snod ces bya'o/ /rigs kyi bu dag 'di lta ste/ dper na nor bu bai dUr+ya'i snod kyi nang du ci dang ci bcug pa de thams cad de'i rang bzhin nyid du 'gyur ro/ /rigs kyi bu dag de bzhin du byang chub sems dpa'i sde snod kyi rjes su zhugs pa'i byang chub sems dpa' sems dpa' chen po chos gang dang gang 'tshal ba de dag thams cad sangs rgyas kyi chos kyi rang bzhin nyid rjod par byed do/ /rigs kyi bu dag byang chub sems dpa'i sde snod kyi rjes su zhugs pa'i byang chub sems dpa' sems dpa' chen po ni gang sangs rgyas kyi chos ma yin pa de dag mi mthong ngo / /gang byang chub sems dpa'i bslab pa ma yin pa de dag mi mthong ngo / /gang dag gis byang chub sems dpa'i bslab pa la slob par bya ba ma yin pa'i chos de dag mi mthong ngo / /gang tshul bzhin ma yin pa'i chos de dag kyang mi mthong ste/ chos thams cad tshul bzhin du mthong bas chos gang yang sangs rgyas kyi chos su mi rjod pa med do/ /rigs kyi bu dag byang chub sems dpa'i sde snod ni yi ges bshad pa mtha' yas te/ yi ge'i 'bru gzhag pa tshad med pa yin no/ /snang bas gsal ba bsam gyis mi khyab pa yin no/ /de ltar mos pa'i sems can rnams la mnyam pa nyid du gzhug pa'i phyir thams cad mkhyen pa'i ye shes thob par byed pa'o/ /gang dag bslab pa de la slob cing slob par 'gyur ba de thams cad kyang byang chub sems dpa'i sde snod 'di nyid kyi rjes su zhugs pas theg pa chen po de rtogs par 'gyur te/ de yang byed pa med par rtogs so/ /de lta ste 'jam dpal gzhon nur gyur pas mtshan mo'i thun bar ma'i tshe byang chub sems dpa' de dag la byang chub sems dpa'i sde snod kyi chos kyi rnam grangs 'di rgya cher bshad do/ /de nas 'jam dpal gzhon nur gyur pas mtshan mo thun tha ma'i tshe</font><hr>57.267b<br><font size=+1>

byang chub sems dpa' de dag la phyir mi ldog pa'i 'khor lo rdo rje'i tshig la 'jug pa'i don rgya cher bshad pa/ rigs kyi bu dag phyir mi ldog pa'i 'khor lo zhes bya ba ni byang chub sems dpa' de chos 'chad pa las sems can gang dag gis chos 'chad pa de mnyan nas de dag thams cad kyis phyir mi ldog pa'i chos nyid rtogs shing / phyir mi ldog pa'i 'khor lo bshad pa las slar mi ldog pa'o/ /rigs kyi bu dag phyir mi ldog pa'i 'khor lo la mos pa'i byang chub sems dpa' sems dpa' chen po ni sems can sna tshogs su mi spyod/ chos sna tshogs su mi spyod/ theg pa sna tshogs su mi spyod/ sangs rgyas kyi zhing sna tshogs su mi spyod/ sangs rgyas sna tshogs su mi spyod cing / chos thams cad kyi 'khor lo bskor ba ni thams cad kyi rjes su zhugs par mthong ste/ chos kyi dbyings tha dad par yang chos kyi 'khor lo de mi bskor te/ de bas na phyir mi ldog pa'i 'khor lo zhes bya'o/ /'khor lo de ni yongs su ma chad pa'i 'khor lo'o/ /gnyis su med pa'i 'khor lo'o/ /ji lta ba bzhin du brjod pa'i 'khor lo'o/ /rang byung ba'i ye shes rtogs pa'i 'khor lo'o/ /'khor lo de ni chos kyi dbyings kyi dkyil 'khor gyi 'khor lo'o/ /rigs kyi bu dag byang chub sems dpa' sems dpa' chen po gang dag mtshan ma thams cad kyis phyir mi ldog pa'i 'khor lo 'di la mos par 'gyur ba dang mos par byed pa dang / mos par 'gyur ba de thams cad ni de bzhin gshegs pa'i rnam par grol bas rnam par grol bar 'gyur te rnam par grol ba ni gnyis su yang mi ston to/ /de bzhin gshegs pa'i rnam par grol ba'i mtshan nyid gang yin pa chos thams cad kyi mtshan nyid kyang de yin te/ de bzhin gshegs pa'i rnam par grol ba'i mtshan nyid med pa'o/ /chos thams cad kyang rnam par grol ba'i mtshan nyid dang bral ba yin te/ </font><hr>57.268a<br><font size=+1>

chos gang mtshan nyid med pa de ni rnam par grol ba yang med mod kyi/ gnyis su med pa/ sems dang / lus dang bral ba de ni rnam par grol ba'o/ /gang sems dang / gang lus de ni rnam par grol bar mi 'gyur ro/ /de ci'i phyir zhe na/ rnam par grol ba de sems dang lus kyi rang bzhin yin pa'i phyir ro/ /de lta bas na ye shes de gzhan la rag ma las pa'i phyir/ phyir mi ldog pa'i 'khor lo zhes bya'o/ /rigs kyi bu dag gzhan yang phyir mi ldog pa'i 'khor lo ni slar mi ldog go/ /de ci'i phyir zhe na/ gzugs ni gzugs kyi rang bzhin las mi ldog go/ /de bzhin du tshor ba dang / 'du shes dang / 'du byed dang / rnam par shes pa yang rnam par shes pa'i rang bzhin las mi ldog go/ /rigs kyi bu dag chos thams cad ni chos kyi dbyings de las mi ldog ste/ chos kyi dbyings de ni ji lta ba bzhin pas na phyir mi ldog pa'i 'khor lo zhes bya'o/ /'khor lo de ni dbus su 'jug pa yang med de 'khor lo de ni chad pa med pa/ rtag pa med pa'o/ /de la ni sgo chung zad kyang med de/ de ni gnyis su med pa'i sgo'i 'khor lo'o/ /'khor lo de ni skor ba med de/ mi skor ba'i 'khor lo'o/ /'khor lo de ni ston pa chung zad kyang med de mi rjod pa'i 'khor lo'o/ /'khor lo de ni sgrogs pa chung zad kyang med de brjod du med pa'i 'khor lo'o/ /yang phyir mi ldog pa'i 'khor lo de ni stong pa nyid kyi sgo la gnas pas mtshan ma med pa'o/ /rnam par grol ba'i sgo la gnas pas mtshan nyid med pa'o/ /thams cad kyi rjes su song ba'i nam mkha'i mtshan nyid do/ /de yang de'i rjes su yang dag par song ba'i rang bzhin nyid de/ de bas na phyir mi ldog pa'i 'khor lo zhes bya'o/ /rigs kyi bu dag rdo rje'i tshig ni gang chos thams cad nges par rtogs pa'o/ /yang chos thams cad nges par rtogs pa gang zhe na/ rigs kyi bu dag stong pa nyid ni rdo rje'i tshig ste/ lta ba'i rnam pa thams cad nges par rtogs par 'gyur ro/ /rigs kyi bu dag mtshan ma med pa ni rdo rje'i tshig ste/ rnam par</font><hr>57.268b<br><font size=+1>

rtog pa thams cad las 'da' bar 'gyur ro/ /rigs kyi bu dag smon pa med pa ni rdo rje'i tshig ste/ 'gro ba thams cad las 'da' bar 'gyur ro/ /rigs kyi bu dag chos kyi dbyings ni rdo rje'i tshig ste/ sna tshogs las 'da' bar 'gyur ro/ /rigs kyi bu dag de bzhin nyid ni rdo rje'i tshig ste/ bdag med par 'gyur ro/ /rigs kyi bu dag 'dod chags dang bral ba ni rdo rje'i tshig ste/ 'dod chags kyi rang bzhin med par 'gyur ro/ /rigs kyi bu dag mya ngan las 'das pa ni rdo rje'i tshig ste/ chos rnams de'i rang bzhin du ston to zhes 'jam dpal gzhon nur gyur pas byang chub sems dpa' de dag la mtshan thog thag tu chos rgya cher bshad pa dang / de na byang chub sems dpa' kha cig ting nge 'dzin 'od zer gyi me tog ces bya ba mngon du grub par gyur te/ byang chub sems dpa'i ting nge 'dzin de la gnas nas ba spu'i khung bu'i 'od zer re re las kyang sangs rgyas brgya stong ston cing / sangs rgyas bcom ldan 'das de dag kyang phyogs bcu'i sangs rgyas kyi zhing na sems can thams cad sangs rgyas kyi bya ba byed par mngon du zhugs so/ /de nas rgyal po ma skyes dgras 'jam dpal gzhon nur gyur pa la 'jam dpal dus la bab bo/ /'jam dpal man la bab bo/ /bshos lags kyis de'i dus la bab par mkhyen par mdzod cig ces pho nya gdugs tshod la spyan 'dren du bcug go/ /de nas gnas brtan 'od srung chen po snga dro'i dus kyi tshe sham thabs bgos/ chos gos dang lhung bzed khyer te/ dge slong lnga brgya dang 'grogs nas bsod snyoms kyi phyir rgyal po'i khab kyi grong khyer chen por song ba las/ de lam gyi tshigs su phyin pa dang 'di snyam du gyur te/ grong khyer chen por 'gro ba ha cang snga ches kyis/ gang bdag ni 'jam dpal gzhon nur gyur pa'i gtsug lag khang ga la ba der song dang / de na gtam gyi rgyun cig yod par 'gyur ro snyam mo/ /de nas gnas brtan 'od srung chen po dge slong lnga brgya tsam</font><hr>57.269a<br><font size=+1>

po de dag dang / 'jam dpal gzhon nur gyur pa'i gtsug lag khang ga la ba der song ste phyin nas/ 'jam dpal gzhon nur gyur pa dang dga' ba dang / mgu ba'i gtam rnam pa sna tshogs byas te phyogs gcig tu 'dug go/ /de nas 'jam dpal gzhon nur gyur pas gnas brtan 'od srung chen po phyogs gcig tu 'dug pa la 'di skad ces smras so/ /tshe dang ldan pa 'od srung chen po ci'i phyir na nang par sngar sham thabs bgos/ chos gos dang lhung bzed khyer te 'gro/ smras pa/ 'jam dpal bdag ni bsod snyoms kyi slad du rgyal po'i khab tu mchi bar 'tshal lo/ /'jam dpal gyis smras pa/ tshe dang ldan pa 'od srung chen po 'khor dang bcas pa la bdag gis bshos gsol gyis dgongs shig /smras pa/ 'jam dpal bgyis shing mchod par 'tshal te/ bdag ni chos 'tshal gyi/ zang zing 'tshal ba ma lags so/ /smras pa/ tshe dang ldan pa 'od srung chen po bdag la dgongs shig dang zang zing gis bsdu ba dang / chos kyis bsdu ba gnyi ga khyod la 'du bar mchi'o/ /'od srung chen pos smras pa/ 'jam dpal bdag ni 'tshal ma chad kyang khyod kyi slad bzhin du 'brang 'tshal lo/ /de ci'i slad du zhe na chos ston pa de ni ji ltar khyod kyi drung nas thos pa 'dra bar gzhan las mi thos so/ /da 'jam dpal de ring sems can chen po de dag dang gang du bshos gsol/ 'jam dpal gyis smras pa/ tshe dang ldan pa 'od srung chen po gang gi tshe bdag cag la sbyin pa sbyin nas 'khor ba las kyang mi bskyod/ mya ngan las 'das pa yang rtogs par mi byed/ so so'i skye bo'i sa las kyang mi 'da'/ 'phags pa'i chos mngon par yang mi byed pa de'i zas de ring 'tshal lo/ /tshe dang ldan pa 'od srung chen po gang gis bdag cag la sbyin pa byin nas 'bri bar yang mi 'gyur 'phel bar yang mi 'gyur/ chos gang yang skyed par yang mi bgyid/ </font><hr>57.269b<br><font size=+1>

'gag par yang mi bgyid/ chos gang gtong bar yang mi bgyid/ thob par yang mi bgyid pa de'i zas de ring 'tshal lo/ /gnas brtan gyis smras pa/ 'jam dpal de ltar sbyin par bgyid pa de dang de dag ni sbyin bdag chen po lags kyis mchi'o/ / bam po bzhi pa/ de nas 'jam dpal gzhon nur gyur pa 'di snyam du gyur te/ bdag ni sangs rgyas kyi rnam par rol pas rgyal po'i khab kyi grong khyer chen por 'gro'o snyam mo/ /yang de'i tshe na ting nge 'dzin rdzu 'phrul thams cad rnam par 'phrul pa zhes bya ba la mnyam par bzhag go/ /'jam dpal gzhon nur gyur pa rdzu 'phrul thams cad rnam par 'phrul pa'i ting nge 'dzin la mnyam par bzhag ma thag tu de nas mi mjed kyi 'jig rten gyi khams 'di thams cad lag mthil bzhin du mnyam par gyur to/ /stong gsum gyi stong chen po'i 'jig rten gyi khams thams cad kyang snang ba chen pos snang bar gyur to/ /sems can dmyal ba pa'i sems can rnams kyi sdug bsngal yang rgyun chad do/ /byol song gi skye gnas pa dang / gshin rje'i 'jig rten pa'i sems can rnams kyi sdug bsngal yang rgyun chad do/ /sems can gang yang 'dod chags sam/ zhe sdang ngam/ gti mug gam/ nga 'am/ g.yo 'am/ khro ba 'am/ gnong 'chab par gyur pa med do/ /de'i tshe sems can thams cad gcig la gcig pha dang mar 'du shes shing byams pa la gnas par gyur to/ /stong gsum gyi stong chen po'i 'jig rten gyi khams 'di yang rnam pa drug tu g.yos so/ /'dod pa na spyod pa dang / gzugs na spyod pa'i lha'i bu rnams kyang / 'jam dpal gzhon nur gyur pa la mchod par bya ba'i las la brtson par gyur to/ /sil snyan brgya stong yang dkrol bar gyur to/ /me tog dri zhim po'i char kyang mngon par bab bo/ /lam gyi byi dor yang byas so/ /'jam dpal gzhon nur gyur pas ting nge 'dzin de</font><hr>57.270a<br><font size=+1>

la snyoms par zhugs ma thag tu de nas gtsug lag khang de'i sgo nas bzung ste/ grong khyer gyi sgo'i bar du de'i bar gyi lam thams cad lag mthil bzhin du mnyam par gyur to/ /rin po che du ma ni bsags/ rin po che du mas ni spras/ rin po che'i stegs bus ni bskor/ zheng du shing rta bdun tsam du me tog pad ma dmar po dang / ku muta dang / pun dA ri kas ni gang / steng nas ni rin po che'i dra bas g.yogs/ dar gyi lda ldi mang po ni bres/ gdugs dang / rgyal mtshan dang / ba dan dang / ru mtshon ni bsgreng bar gyur to/ /rin po che'i stegs bu gnyis kyi g.yas g.yon du mda' rgyang re re tsam na rin po che'i shing yod par gyur to/ /rin po che'i shing thams cad las rin po che'i shing gnyis pa/ rin po che'i srad bus sbrel bar gyur to/ /rin po che'i shing re re las kyang gang dri byung bar gyur pa'i dri des ni dpag tshad gcig kho ra khor yug tu khyab par gyur to/ /rin po che'i shing gnyis kyi bar na rdzing bu sprul par gyur te/ gser gyi bye ma ni bkram/ rin po che'i stegs bus ni bskor/ nor bu bai dUr+ya'i skas ni zug /me tog ud pa la dang / pad ma dang / ku mu da dang / pun dA ri kas ni bkab/ bya ngur pa ni skad 'byin/ chu yan lag brgyad dang ldan pas ni yongs su gang bar gyur to/ /shing thams cad la rin po che dang gser gyi dra ba ni bres par gyur to/ /rin po che'i shing thams cad kyi bar na rin po che'i pog phor nas spos kyis ni bdugs par gyur to/ /rin po che'i shing thams cad kyi drung na lha'i bu mo nyi shu rtsa lnga lnga sprul yod pa nas byung ba'i tsan dan gyi snying po'i phye ma thogs te 'dug par gyur to/ /'jam dpal gzhon nur gyur pas ting nge 'dzin de la snyoms par zhugs ma thag tu de nas de'i tshe ngo mtshar dang rmad du byung ba 'di dag dang gzhan dag kyang snang ngo / /de nas 'jam dpal gzhon nur gyur pas sham thabs dgos te/ gnas brtan 'od</font><hr>57.270b<br><font size=+1>

srung chen po la 'di skad ces smras so/ /tshe dang ldan pa 'od srung chen po khyod ni mdun du bzhud cig /bdag ni khyod kyi slad bzhin du mchi'o/ /de ci'i phyir zhe na/ gnas brtan 'od srung chen po ni bgres la rab tu byung nas kyang yun ring ste/ de bzhin gshegs pa ma mthong bar rab tu byung zhing / gang 'jig rten na dgra bcom pa de'i rjes su rab tu byung bas de bas na tshe dang ldan pa 'od srung chen po khyod ni mdun du bzhud cig /de skad ces smras pa dang / 'od srung chen pos 'jam dpal gzhon nur gyur pa la 'di skad ces smras so/ /'jam dpal legs par gsungs pa'i chos 'dul ba las ni su yang nas rgan pa dang / lo grangs kyis rgan pa la mi bgyi'i/ 'jam dpal legs par gsungs pa'i chos 'dul ba las ni shes rab kyis rgan pa dang / thos pas rgan pa dang / spobs pas rgan pa dang / dbang po shin du rnam par phye ba la rgan pa zhes bgyi la/ 'jam dpal khyod kyang shes rab kyis bgres/ gsan pas bgres/ spobs pas bgres/ dbang po dam pa dang / dam pa ma lags par mkhyen pa la mkhas pas de'i slad du khyod nyid thu bo bgres pa lags kyis mdun du bzhud cig /bdag ni khyod kyi slad bzhin du mchi'o/ /yang 'jam dpal don 'di nyid shin du bshad pa'i slad du skabs 'dir bdag gis de tsam zhig bshad par spobs so/ /'jam dpal 'di lta ste/ dper na seng ge'i phru gu byung nas ring po ma lon pa ni bdag gi stobs kyi shugs ma rdzogs mod kyi/ seng ge'i phru gu de'i dri rlung gis gang dang gang du khyer ba de dang de dag tu ri dgas thams cad dri de mi bzod nas 'bros par bgyid de/ bal glang glang po chen po lo drug cu lon pa/ lig ri sra bas dam du bcings pa de dag kyang seng ge'i phru gu de'i dris phog pa dang / 'jigs skrag nas lig ris bcings pa de dag bcad de phyogs phyogs su 'bros so/ /phug na gnas pa ni phug tu/ khung na gnas pa ni khung du 'jug /</font><hr>57.271a<br><font size=+1>

chu na gnas pa ni chur 'jug /bya ni nam mkha' la 'phur ro/ /'jam dpal de bzhin du byang chub sems dpa' sems thog ma bskyed pa yang shes rab dang / ye shes kyi stobs bskyed pa ma thob mod gyi/ sems bskyed ma thag tu nyan thos dang / rang sangs rgyas thams cad zil gyis gnon par 'gyur/ bdud thams cad kyang 'jigs par 'gyur zhing skrag nas bdag gi khang pa na mi dga' bar 'gyur ro/ /yang 'jam dpal seng ge'i phru gu des seng ge'i stobs dang shugs thob pa gzhan dag seng ge'i skad 'byin pa'i sgra thos nas yang 'jigs dngangs skrag par mi 'gyur gyi steng du bdag kyang ring po mi thogs par seng ge'i skad 'byin to snyam du sems par 'gyur ro/ /'jam dpal de bzhin du byang chub sems dpa' sems dpa' chen po yang sangs rgyas kyi seng ge'i skad thos nas mi 'jigs mi dngangs skrag par mi 'gyur gyi/ steng du bdag kyang ring po mi thogs par de bzhin du byang chub thob nas de dang 'dra bar seng ge'i skad yang dag par 'byin par bya'o snyam du sems par 'gyur ro/ /'jam dpal de lta bas na gang dag nyan thos kyi nang na gang bgres/ rang sangs rgyas kyi nang na gang bgres/ de bzhin gshegs pa'i nang na gang bgres shes smra zhing yang dag par rjod pa de dag ni 'jam dpal byang chub kyi sems la smra zhing yang dag par rjod pa lags so/ /de ci'i slad du zhe na/ 'jam dpal dge ba'i chos de dag thams cad ni de las byung ngo / /de'i slad du yang 'jam dpal khyod ni thu bo bgres po lags kyis sngon du bzhud cig /bdag ni khyod kyi slad bzhin du mchi'o/ /de nas 'jam dpal gzhon nur gyur pa mdun du song ba dang / byang chub sems dpa' sems dpa' chen po de dag dang / nyan thos chen po de dag dang de'i phyi bzhin du dong ngo / /'jam dpal gzhon nur gyur pa rin po che'i lam</font><hr>57.271b<br><font size=+1>

der song ma thag tu de nas de'i tshe steng gi bar snang las me tog gi char chen po yang mngon par bab bo/ /sil snyan brgya stong gi sgra yang byung ngo / /sa chen po yang rnam pa drug tu rab tu g.yos so/ /'jig rten yang snang ba chen pos khyab par gyur to/ /de nas 'jam dpal gzhon nur gyur pa de 'dra ba'i bkod pa dang ldan nas lus las 'od zer brgya stong ni byung / me tog pad ma'i char ni 'bab bzhin du grong khyer chen por song ba dang / rgyal po ma skyes dgras 'jam dpal gzhon nur gyur pa byang chub sems dpa' brgyad khri nyis stong dang / nyan thos lnga brgya tsam gyis bskor cing mdun du bdar te 'ong ngo zhes thos nas 'di snyam du gyur te/ 'dir ni lnga brgya'i bshos sbyar la da 'di snyed kyi mang po zhig gshegs par gyur na gang du bzhugs ci gsol snyam ste/ de ltar bdag ni 'jam dpal gzhon nur gyur pas slus so snyam du rgyal po ma skyes dgra de ltar sems skyes ma thag tu de nas de'i mod la rgyal po chen po ngal bso po dang / gnod sbyin gyi bdag po ku be ras bdag cag gi lus che ba bstan nas rgyal po ma skyes dgra la 'di skad ces smras so/ /rgyal po chen po mi dgar ma byed cig /'jam dpal gzhon nur gyur pa ni shes rab che ba/ shes rab kyi gzi brjid dang ldan pa/ rdzu 'phrul byin gyis rlob pa la mkhas pa yin te/ de ni 'dod na zan chang gcig gis kyang stong gsum gyi stong chen po'i 'jig rten gyi khams su gtogs pa'i sems can thams cad 'grangs par byed mkhas na brgyad khri nyis stong la lta ci smos te/ rgyal po chen po mi dgar ma byed cig /thams cad la khyed par 'ong ngo / /de ci'i phyir zhe na/ rgyal po chen po 'jam dpal gzhon nur gyur pa'i sbyin pa'i thabs ni zad mi shes so/ /de nas rgyal po ma skyes dgras tshig de thos pa dang / dga' mgu rangs rab tu dga' zhing dga' ba dang yid bde ba skyes nas yang shin du 'jam dpal gzhon nur gyur pa la ston pa'i 'du shes kyis</font><hr>57.272a<br><font size=+1>

bkur sti byed par gyur to/ /de nas rgyal po ma skyes dgra bdag gi 'gro ba dang 'khor dang bcas te/ me tog dang / dri dang / phreng ba dang / byug pa dang / phye ma thogs nas g.yog dang bcas pas 'jam dpal gzhon nur gyur pa bsu ba'i phyir phyi rol du byung nas/ des 'jam dpal gzhon nur gyur pa la mchod pa byas te slar bdag gi khyim du song ngo / /de nas 'jam dpal gzhon nur gyur pa 'khor dang bcas te/ rgyal po ma skyes dgra'i khang pa ga la ba der dong ste phyin pa dang nang du dong ngo / /nang du phyin pa dang / grong khyer na gnas pa thams cad kyang mchod pa'i las la brtson par gyur to/ /yang de'i tshe na byang chub sems dpa'i 'khor der byang chub sems dpa' sems dpa' chen po kun du gzigs pa zhes bya ba zhig 'dus par gyur to/ /de nas 'jam dpal gzhon nur gyur pas byang chub sems dpa' sems dpa' chen po kun du gzigs pa la 'di skad ces smras so/ /rigs kyi bu khyod kyis 'khor gyi gnas bkod pa bya'o/ /de'i dus la bab par shes par gyis shig /de nas byang chub sems dpa' sems dpa' chen po kun tu gzigs pas rgyal po ma skyes dgra'i khab kyi g.yas g.yon du bltas pa dang / bltas ma thag tu rgyal po ma skyes dgra'i khab tu 'khor gyi gnas byung ste/ dar gyi lda ldi mang po ni btags/ bla re ni bres/ gdugs dang / rgyal mtshan dang ba dan ni bsgreng / me tog sil mas ni bkang zhing lag mthil bzhin du mnyam pa dang / yangs shing rgya che bar gyur to/ /yang de'i tshe na byang chub sems dpa' sems dpa' chen po chos las mngon par 'phags pa zhes bya ba zhig byang chub sems dpa'i 'khor der 'dus par gyur to/ /de nas 'jam dpal gzhon nur gyur pas byang chub sems dpa' chos las mngon par</font><hr>57.272b<br><font size=+1>

'phags pa bos te 'di skad ces smras so/ /rigs kyi bu khyod kyis stan gding bar gyis shig /de nas byang chub sems dpa' sems dpa' chen po chos las mngon par 'phags pas de'i tshe se gol gyi sgra byas pa dang / de nas de'i tshe 'khor gyi gnas de nas stan rnam pa sna tshogs pa blta na sdug pa/ gos du mas g.yogs pa bzhi khri nyis stong mngon par byung bar gyur to/ /de nas 'jam dpal gzhon nur gyur pa stan bting ba la 'dug pa dang / byang chub sems dpa' sems dpa' chen po de dag dang / nyan thos chen po de dag kyang stan de dag la ci rigs par 'khod do/ /de nas rgyal po ma skyes dgras 'jam dpal gzhon nur gyur pa stan la 'dug par shes nas 'di skad ces gsol to/ /'jam dpal 'bras can slad ma grol gyi bar du cung zad cig gzhes shig /'jam dpal gyis smras pa/ rgyal po chen po thams cad la chog par 'gyur gyis bya ba nyung ngu gyis shig /de nas rgyal po chen po bzhi dpung dang bcas 'khor dang bcas te 'jam dpal gzhon nur gyur pa'i mchod pa'i las la brtson par gyur to/ /brgya byin lha'i dbang po yang chung ma dang / lha'i bu mo dang / de ma yin pa'i lha dang / lha ma yin gyi bu mo dag dang bcas te/ a ka ru dang / tsan dan gyi phye mas byang chub sems dpa' thams cad dang / nyan thos thams cad la gtor kyang skyes bu dam pa de dag ni spos kyi 'du shes dang / lha'i bu mo'i 'du shes su skyed pa mi byed do/ /tshangs pa mi mjed kyi bdag po yang khye'u'i gzugs su bsgyur te/ g.yag rnga'i rdul yab thogs nas 'jam dpal gzhon nur gyur pa'i g.yas logs na g.yob cing 'dug par gyur to/ /tshangs pa'i ris kyi lha'i bu rnams kyang byang chub sems dpa' thams cad kyi g.yas phyogs na 'dug cing g.yag rnga'i rdul yab thogs te g.yob par gyur to/ /klu'i rgyal po ma</font><hr>57.273a<br><font size=+1>

gros pa yang bdag gi lus mi snang bar byas te/ steng gi bar snang las me tog gi se mo do 'phyang bar byas so/ /me tog gi se mo do de las kyang chu yan lag brgyad dang ldan pa 'byung bar byed de/ chu des kyang chu'i bya ba byas so/ /de bzhin du byang chub sems dpa' thams cad so so dang / de bzhin du nyan thos rnams kyi mdun du yang mu tig gi se mo do 'phyang du bcug ste/ de dag gis chu'i bya ba byas so/ /de nas rgyal po ma skyes dgra 'di snyam du gyur te/ byang chub sems dpa' 'di dag la lhung bzed mi mnga' na de dag ci las gsol bar 'gyur snyam mo/ /de nas 'jam dpal gzhon nur gyur pa'i sems kyis rgyal po ma skyes dgra'i sems kyi yongs su rtog pa shes nas rgyal po ma skyes dgra la 'di skad ces smras so/ /kye rgyal po chen po rigs kyi bu 'di dag ni lhung bzed khyer te mi 'ong gi /sangs rgyas kyi zhing gang dang gang dag tu zas za ba de dang de dag tu 'di dag 'khod ma thag tu sngon gyi byin gyi brlabs kyis zas kyi snga logs su bdag bdag gi sangs rgyas kyi zhing nas lhung bzed rnams bar snang las 'ong ste lag pa na 'dug par byed do/ /rgyal pos gsol pa/ 'jam dpal 'o na skyes bu dam pa 'di dag sangs rgyas kyi zhing gang nas mchis/ de na de bzhin gshegs pa'i mtshan ci lags/ 'jam dpal gyis smras pa/ rgyal po chen po 'jig rten gyi khams ni rtag tu sgra bsgrags shes bgyi'o/ /de na de bzhin gshegs pa dgra bcom pa yang dag par rdzogs pa'i sangs rgyas bsgrags pa'i dpal zhes bya ba da ltar bzhugs so/ /'tsho'o/ /gzhes so/ /chos kyang ston to/ /sangs rgyas kyi zhing de nas byang chub sems dpa' sems dpa' chen po 'di dag khyod kyi bshos gsol ba dang / khyod kyi 'gyod pa ngan pa de mnyan pa'i phyir 'dir lhags so/ /de nas byang chub</font><hr>57.273b<br><font size=+1>

sems dpa' de dag gis sems bskyed ma thag tu 'jig rten gyi khams rtag tu sgra bsgrags de nas lhung bzed de dag byang chub sems dpa' de dag gi byin gyi brlabs dang / de bzhin gshegs pa de'i sngon gyi smon lam gyis steng gi bar snang las song ste/ mtsho ma dros pa chen por babs te/ de dag chu yan lag brgyad dang ldan pas bkrus nas me tog pad ma'i 'dab ma'i steng du bzhag ste/ klu'i bu mo brgyad khri nyis stong gis khyer nas byang chub sems dpa' de dag la phul lo/ /de nas rgyal po ma skyes dgra shin du cher dga' mgu rangs rab tu dga' zhing dga' ba dang yid bde ba skyes nas 'jam dpal gzhon nur gyur pa la phyag 'tshal zhing 'dug par gyur pa dang / 'jam dpal gyis smras pa/ rgyal po chen po mchod ston drongs shig /de'i dus la bab par shes par gyis shig /de nas rgyal po ma skyes dgras mchod ston ji ltar sbyar ba rnams drangs te/ bza' ba 'am/ bca' ba 'am/ bldag pa gang dang gang drangs pa de dang de gzhon pa'i mtha'i bar du zad mi shes par gyur to/ /de lta ste/ rgyal po ma skyes dgras lnga brgya pa'i mchod ston sbyar ba de las byang chub sems dpa' brgyad khri nyis stong po de dag dang / nyan thos lnga brgya tsam de dag chog par byas kyang mchod ston de yongs su zad cing gtugs par ma gyur to/ /de nas rgyal po ma skyes dgras gsol pa/ 'jam dpal mchod ston 'di ma bas pa ngo mtshar to/ /'jam dpal gyis smras pa/ rgyal po chen po ji ltar 'gyod pa ngan pa de mi zad pa de bzhin du mchod ston 'di mi zad do/ /de nas byang chub sems dpa' sems dpa' chen po de dag gis zas zos nas lhung bzed rnams nam mkha' la 'phangs pa dang / de dag ma bzung bzhin du bar snang la 'dug par gyur te ma lhung ngo / /de nas rgyal pos gsol pa/ 'jam dpal lhung bzed 'di dag ci la gnas/ smras pa/ rgyal po chen po khyod kyi 'gyod pa ngan pa</font><hr>57.274a<br><font size=+1>

de ci la gnas pa de nyid la lhung bzed 'di dag gnas so/ /rgyal pos gsol pa/ 'jam dpal lhung bzed 'di dag ni mi gnas so/ /'jam dpal gyis smras pa/ rgyal po chen po khyod kyi 'gyod pa ngan pa de yang mi gnas so/ /rgyal po chen po 'di lta ste/ dper na lhung bzed 'di dag mi gnas kyang mi ltung ba de bzhin du rgyal po chos thams cad kyang mi chags mi gnas shing chos gang yang mi ltung ngo / /de nas rgyal po ma skyes dgras byang chub sems dpa' de dag dang / nyan thos chen po de dag lag pa dang lhung zed bkrus par shes te/ chos mnyan pa'i phyir 'jam dpal gzhon nur gyur pa'i mdun du 'dug nas 'phags pa 'jam dpal bdag gi 'gyod pa de bsal du gsol zhes byas pa dang / 'jam dpal gyis smras pa/ rgyal po chen po khyod kyi 'gyod pa de ni yang dag par rdzogs pa'i sangs rgyas gang gA'i klung gi bye ma snyed kyis kyang bsal mi nus so/ /de nas rgyal po ma skyes dgras bdag mgon med par shes nas shing bcad pa bzhin du sa chen po 'di la 'gyel bar gyur to/ /de nas gnas brtan 'od srung chen pos rgyal po ma skyes dgra la 'di skad ces smras so/ /rgyal po chen po ma 'jigs ma skrag shig /'jam dpal gzhon nur gyur pa ni dgongs pa 'chad pa la mkhas pa yin gyis/ 'di nyid la khyod kyis ci las dgongs te khyod kyi 'gyod pa de gang gA'i klung gi bye ma snyed kyi sangs rgyas bcom ldan 'das kyis kyang bsal mi nus so zhes de skad du ston ces zhus shig /de nas rgyal po ma skyes dgras sa'i steng nas slar langs te 'jam dpal gzhon nur gyur pa la 'di skad ces gsol to/ /'jam dpal ci la dgongs te khyod kyi 'gyod pa de gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang bsal mi nus shes de skad du ston/ 'jam dpal gyis</font><hr>57.274b<br><font size=+1>

smras pa/ rgyal po chen po de ji snyam du sems/ sangs rgyas bcom ldan 'das sems kyi dmigs pas bskyed pa yin nam/ gsol pa/ 'jam dpal de ma lags so/ /smras pa/ sems bskyed pas bskyed pa yin nam/ gsol pa/ 'jam dpal de ma lags so/ /smras pa/ sems 'gags pas bskyed pa yin nam/ gsol pa/ 'jam dpal de ma lags so/ /smras pa/ 'dus ma byas pas bskyed pa yin nam/ gsol pa/ 'jam dpal de ma lags so/ /smras pa/ 'dus byas kyis bskyed pa yin nam/ gsol pa/ 'jam dpal de ma lags so/ /smras pa/ rgyal po chen po de ji snyam du sems/ chos gang chos gang gis kyang bskyed par mi 'gyur ba'i chos des chos gang yang bsal bar nus sam/ gsol pa/ 'jam dpal de ma lags so/ /'jam dpal gyis smras pa/ rgyal po chen po ngas de la dgongs te sangs rgyas bcom ldan 'das gang gA'i klung gi bye ma snyed kyis kyang khyod kyi 'gyod pa de bsal bar mi nus so zhes de skad smraso/ /rgyal po chen po gzhan yang bar snang gi nam mkha' 'di la gang la la zhig rdul lam/ du ba 'am/ mun pas kun nas nyon mongs par byed par 'dod na rgyal po chen po de ji snyam du sems/ bar snang gi nam mkha' kun nas nyon mongs par bya nus sam/ gsol pa/ 'jam dpal de ma lags so/ /smras pa/ rgyal po chen po gang la la zhig ngas bar snang gi nam mkha' rnam par sbyang ngo zhes de skad zer na bar snang gi nam mkha' rnam par sbyang bar nus sam/ gsol pa/ 'jam dpal de ma lags so/ /smras pa/ de bzhin du de bzhin gshegs pas chos thams cad nam mkha' dang mtshungs pa/ rang bzhin gyis kun nas nyon mongs pa med par mngon par rdzogs par sangs rgyas te/ chos gang yang nyon mongs pa 'am byang bar ma gzigs na de dag gis ji zhig bsal bar mdzad/ </font><hr>57.275a<br><font size=+1>

rgyal po chen po ngas ni de la yang dgongs te sangs rgyas bcom ldan 'das gang gA'i klung gi bye ma snyed kyis kyang khyod kyi 'gyod pa de bsal mi nus so zhes de skad smra'o/ /rgyal po chen po gzhan yang sangs rgyas bcom ldan 'das rnams kyis ni gang sems ldang ba de nang du yang ma dmigs/ gang sems ldang ba de phyi rol du yang ma dmigs so/ /de bas na rgyal po chen po chos thams cad ni rang bzhin gyis mi ldang ste/ rang bzhin gang yin pa de ni mi ldang ba'o/ /gang de ni ldang ba'i gnas dang skabs med do/ /de ci'i phyir zhe na/ rgyal po chen po chos thams cad ni rang bzhin dben pa'i phyir te/ rgyal po chen po chos thams cad ni yongs su ma rdzogs pa'i phyir rang bzhin med pa'o/ /rgyal po chen po chos thams cad ni ma 'dres pa'i phyir yongs su ma rdzogs pa'o/ /rgyal po chen po chos thams cad ni ma byung ba'i phyir ma 'dres pa'o/ /rgyal po chen po chos thams cad ni dngos po dang bral ba'i phyir ma byung ba'o/ /rgyal po chen po chos thams cad ni byed mi nus pa'i phyir dngos po med pa'o/ /rgyal po chen po chos thams cad ni glen pa'i phyir byed mi nus pa'o/ /rgyal po chen po chos thams cad ni mi 'gyur ba'i phyir glen pa'o/ /rgyal po chen po chos thams cad ni mi skye ba'i phyir mi 'gyur ba'o/ /rgyal po chen po chos thams cad ni 'brel pa med pa'i phyir mi skye ba'o/ /rgyal po chen po chos thams cad ni rang bzhin gyis 'od gsal ba'i phyir 'brel pa med pa'o/ /rgyal po chen po chos thams cad ni dag pa'i phyir rang bzhin gyis 'od gsal ba'o/ /rgyal po chen po chos thams cad ni bla gab med pa dang 'dra ba'i phyir dag pa'o/ /rgyal po chen po chos thams cad ni gnyen po med pa'i phyir bla gab med pa dang 'dra ba'o/ /rgyal po chen po chos thams cad ni gnyis su med pa'i phyir gnyen po med pa'o/ /rgyal po chen po chos thams cad ni mtha'</font><hr>57.275b<br><font size=+1>

spangs pa'i phyir gnyis su med pa'o/ /rgyal po chen po chos thams cad ni mtha' yas pa'i phyir mtha' spangs pa'o/ /rgyal po chen po chos thams cad ni mu med pa'i phyir mtha' yas pa'o/ /rgyal po chen po chos thams cad ni mtha' ma med pa'i phyir mu med pa'o/ /rgyal po chen po chos thams cad ni dmigs pa med pa'i phyir mtha' ma med pa'o/ /rgyal po chen po chos thams cad ni phyin ci log la mngon du gnas pa'i phyir dmigs pa med pa'o/ /rgyal po chen po chos thams cad ni rtag pa dang sdug pa dang / bde ba dang bdag mi dmigs pa'i phyir phyin ci ma log pa'o/ /rgyal po chen po chos thams cad ni 'gro ba med pa'i tshul gyis rtag pa'o/ /rgyal po chen po chos thams cad ni rang bzhin gyis 'od gsal ba'i phyir sdug pa'o/ /rgyal po chen po chos thams cad ni rnam par mi rtog pa'i phyir bde ba'o/ /rgyal po chen po chos thams cad ni bdag med pa bstan pa'i tshul gyis bdag gi rang bzhin no/ /rgyal po chen po chos thams cad ni nad zhi ba'i phyir 'gyod pa med pa'o/ /rgyal po chen po chos thams cad ni don dam pa'i bden pa la gnas pas brdzun pa'o/ /rgyal po chen po chos thams cad ni rab tu zhi ba'i mtshan nyid pas zhi ba'o/ /rgyal po chen po chos thams cad ni bdag gir bya ba dang bral bas bdag gir bya ba med pa'o/ /rgyal po chen po chos thams cad ni rnam par grol ba'i mtshan nyid yin pas ro med pa'o/ /rgyal po chen po chos thams cad ni ngar byed pa med pas skyon med pa'i lam dang bral ba'o/ /rgyal po chen po chos thams cad ni rnam pa sna tshogs dang bral bas tha mi dad pa'o/ /rgyal po chen po chos thams cad ni rnam par grol ba'i rjes su 'jug pas ro gcig pa'o/ /rgyal po chen po chos thams cad ni mtshan ma med pa'i mtha' yin pas dben pa'i mtshan nyid do/ /</font><hr>57.276a<br><font size=+1>

rgyal po chen po chos thams cad ni lta ba'i rnam pa thams cad dang bral bas stong pa'o/ /rgyal po chen po chos thams cad ni 'jug pa med cing dmigs pa rnam par dag pas mtshan ma med pa'o/ /rgyal po chen po chos thams cad ni dus gsum las 'das pa'i phyir smon pa med pa'o/ /rgyal po chen po chos thams cad ni 'das pa dang ma 'ongs pa dang da ltar dang ma 'brel ba'i phyir dus gsum yongs su chad pa'o/ /rgyal po chen po chos thams cad ni shin du ma skyes pa'i phyir mya ngan las 'das pa'i rjes su 'brang ba'o/ /rgyal po chen po de ji snyam du sems/ chos gang ma skyes ma byung ba de nyon mongs par bya nus sam/ gsol pa/ 'jam dpal de ma lags so/ /'jam dpal gyis smras pa/ ci de bsal bar nus sam/ gsol pa/ 'jam dpal de ma lags so/ /'jam dpal gyis smras pa/ rgyal po chen po de lta bas na de bzhin gshegs pas chos thams cad mya ngan las 'das pa dang mtshungs par mkhyen to/ /de bas na khyod kyi 'gyod pa bsal mi nus te/ de'i phyir rgyal po chen po khyod ni sems phyin ci ma log pa dang tshul bzhin dang ldan par gyis shig /yang khyod kyis yang dag par brtag par bya ste/ ji ltar rtog pa de chos gang yang mi len pa dang / mi gtong ba dang / chos gang dang yang mi 'grogs pa de ltar khyod kyis brtag par bya'o/ /gang chos thams cad dang mi 'grogs pa de ni sbyangs pa'o/ /gang sbyangs pa de ni rab tu zhi ba'o/ /gang rab tu zhi ba de ni rang bzhin no/ /rang bzhin gang yin pa de ni ma byas pa'o/ /rgyal po chen po chos thams cad ni bdag po med pa'i phyir ma byas pa'o/ /de la khyod kyis bzod par gyis shig /chos gang yang mi bya shig /rgyal po chen po de bas na mi bya ba ni mya ngan las 'das pa ste/ de na ni chos gang yang bya ba 'am bsgyur ba med de/ gang bya ba dang bsgyur ba med pa de ni mya ngan las</font><hr>57.276b<br><font size=+1>

'das pa zhes bya'o/ /rgyal po chen po gang de ltar mos pa de dag ni yang dag par grol ba'o/ /gang yang dag par grol ba de dag gis ni chos gang yang ma rtogs te/ rgyal po chen po chos thams cad kyi de bzhin nyid ni byed pa med pa'o/ /chos thams cad kyi de bzhin nyid gang yin pa de ni gzhan yang de bzhin nyid ma yin par mi 'gyur ro/ /de bzhin nyid de yang de bzhin nyid ma yin no/ /gzhan yang ma yin no/ /de bas na gzhan ma yin pa de bzhin nyid ces bya'o/ /rgyal po chen po de bzhin nyid la mos na 'gyod pa thams cad med par 'gyur mod kyi/ rgyal po chen po mig ni kun nas nyon mongs par yang mi 'gyur/ rnam par dag par yang mi 'gyur te/ mig gi rang bzhin yang de bzhin nyid yin no/ /de bzhin nyid kyi rang bzhin yang mig yin no/ /rgyal po chen po de bzhin du rna ba dang / sna dang / lce dang / lus dang / yid kyang kun nas nyon mongs par yang mi 'gyur/ rnam par dag par yang mi 'gyur te/ yid kyi rang bzhin yang de bzhin nyid yin no/ /de bzhin nyid kyi rang bzhin yang yid yin no/ /rgyal po chen po gzugs kyang kun nas nyon mongs par yang mi 'gyur/ rnam par dag par yang mi 'gyur te/ gzugs kyi rang bzhin yang de bzhin nyid yin no/ /de bzhin nyid kyi rang bzhin yang gzugs yin no/ /rgyal po chen po de bzhin du tshor ba dang / 'du shes dang / 'du byed dang / rnam par shes pa yang kun nas nyon mongs par mi 'gyur/ rnam par dag par yang mi 'gyur te/ rnam par shes pa'i rang bzhin yang de bzhin nyid yin no/ /de bzhin nyid kyi rang bzhin yang rnam par shes pa yin no/ /rgyal po chen po chos thams cad ni kun nas nyon mongs par yang mi 'gyur/ rnam par dag par yang mi 'gyur/ 'dod chags par yang mi 'gyur/ zhe sdang bar yang mi 'gyur/ gti mug par yang mi 'gyur/ chags par yang mi 'gyur/ khong khro bar yang mi 'gyur ba yin gyis de la khyod kyis rtog pa ngan pa mi bya'o/ /rgyal po chen po byis pa lta bu so so'i skye bo rnams ni med pa</font><hr>57.277a<br><font size=+1>

la yongs su rtog pas nyon mongs pa byung gis de la khyod kyis med pa la 'du shes bskyed par mi bya'o/ /gang ma byung ba de ni gzhar yang 'byung ba ma yin te/ rgyal po chen po chos thams cad ni med pa las byung bas med pa'o/ /de la khyod kyis yod par 'du shes ma byed cig /rgyal po chen po 'di lta ste/ dper na nam mkha' la ni gzugs med pa/ bltar mi snang ba/ gzung du med pa mi dmigs pa yin te/ skyes bu la la zhig bdag gis nam mkha' gzugs med pa/ bltar mi snang ba/ gzung du med pa/ mi dmigs pa 'di rdul phran nam/ rdul tam/ du ba 'am/ stug po'am/ sprin gyis kun nas nyon mongs par bya'o zhes de skad zer na/ rgyal po chen po de ji nam mkha' gzugs med pa/ bltar mi snang ba/ gzung du med pa/ mi dmigs pa 'di la rdul phran nam/ rdul tam/ du ba 'am/ stug po 'am/ sprin gyis kun nas nyon mongs par bya nus sam/ gsol pa/ 'jam dpal de ma lags so/ /'jam dpal gyis smras pa/ rgyal po chen po de bzhin du chos thams cad kyi chos nyid kyi rjes su brtags na 'gyod pa thams cad dang bral bar 'gyur mod kyi/ chos nyid ni chos gang dang yang bral ba ma yin te/ gang 'gyod pa dang bral ba de yang chos nyid dang mnyam pa nyid yin no/ /de bas na chos thams cad chos kyi dbyings kyi rjes su 'brang ba zhes bya mod kyi/ chos nyid la ni chos gang yang rjes su 'brang ba med do/ /de ci'i phyir zhe na/ chos thams cad nyid chos kyi dbyings yin te/ chos kyi dbyings gang dang mnyam pa chos thams cad kyang de dang mnyam mo/ /de bas na chos thams cad ni chos kyi dbyings kyi rjes su 'brang zhes bya'o/ /ston pa 'di bstan pa'i tshe rgyal po ma skyes dgra stong pa nyid kyi rjes su 'thun pa'i bzod pa thob par gyur nas/ de dga' mgu rangs rab tu dga' zhing dga' ba dang yid bde ba skyes nas thal mo sbyar te tshig 'di skad ces gsol to/ /'jam dpal khyod kyis legs par gsungs so/ /bdag gi 'gyod pa de bsal to/ /</font><hr>57.277b<br><font size=+1>

'jam dpal gyis smras pa/ rgyal po chen po chos thams cad shin du mya ngan las 'das pa yin na/ bdag gi 'gyod pa bsal to zhes gang khyod de skad zer ba de nyid dmigs pa chen po yin no/ /rgyal pos gsol pa/ 'jam dpal bdag gi sgrib pa thams cad byang lags so/ /de ci'i slad du zhe na/ gang sems kyi rang bzhin nas dang ba de ni 'dod chags sam zhe sdang ngam/ gti mug gis kun nas nyon mongs par bgyi mi nus so/ /smras pa/ rgyal po chen po 'di lta ste/ dper na nam mkha' la rdul phran nam/ rdul tam/ du ba 'am/ mun pa 'am/ stug po 'am/ sprin dag snang mod kyi/ nam mkha' ni de dag gis kun nas nyon mongs par byas pa med do/ /rgyal po chen po de bzhin du bdag dang bdag gir bya ba'i lta ba'i bag la nyal ba dang / 'dod chags dang / zhe sdang dang / gti mug dag 'byung mod kyi/ sems kyi chos nyid kun nas nyon mongs par mi byed do/ /rgyal po chen po khyod kyis de la 'gyod par mi bya ste/ rgyal po chen po sems ni thog ma'i mtha' nas kyang ma 'phos so/ /rgyal po chen po sems ni tha ma'i mthar yang mi 'pho'o/ /rgyal po chen po sems ni da ltar yang mi gnas so/ /de la mkhas pa dag ni chos thams cad ma 'phos pa/ mi 'pho ba/ mi gnas par rtogs te/ des de ltar shes nas lta ba la mngon par chags par yang mi byed do/ /rgyal po chen po mngon par ma chags na dag pa'o/ /rgyal po chen po chos thams cad ni rnam par dag pa'i mtshan nyid dang ldan pa/ dri ma med pa/ kun du snang ba yin te/ rgyal po chen po chos med na gdags pa yang med de/ gdags pa med par yang bcom ldan 'das kyis bka' stsal to/ /gang lam skyon med pa de la yang chos gang yang gdags pa med do/ /rgyal po chen po gang 'dogs pa'i rjes su 'brang ba de dag ni sgrib pa dang bcas pa/ rdul dang bcas pa yin no/ /gsol pa/ 'jam dpal bdag ni sgrib pa thams cad byang lags te/ </font><hr>57.278a<br><font size=+1>

gal te 'di'i bar skabs shig tu 'gum pa'i dus bgyis su lags na bdag ni slar mtshams sbyor bar mi 'gyur ro/ /'jam dpal gyis smras pa/ rgyal po chen po chos thams cad shin du mya ngan las 'das pa la mya ngan las 'da' bar rtog pa de nyid khyod kyi dmigs pa chen po yin no/ /de ci'i phyir zhe na/ rgyal po chen po chos thams cad ni shin du mya ngan las 'das pa/ rang bzhin gyis ma skyes pa'o/ /de nas rgyal po ma skyes dgras rin brgya stong ri ba'i ras zung cig khyer te stan las langs nas 'jam dpal gzhon nur gyur pa la ras zung gcig po de phul lo/ /'jam dpal gzhon nur gyur pa'i lus la ras zung gcig po de phul ma thag tu de nas de'i tshe 'jam dpal gzhon nur gyur pas bdag gi lus mi snang bar byas pa dang / rgyal po ma skyes dgras slar 'jam dpal gzhon nur gyur pa ma mthong nas steng gi bar snang las rgyal po ji ltar 'jam dpal gzhon nur gyur pa'i lus ma mthong ba de bzhin du 'gyod pa de la ltos shig /'gyod pa de ji ltar mthong ba de bzhin du chos thams cad la ltos shig /chos thams cad ji ltar mthong ba de bzhin du ras de la ltos shig /gang gis ma mthong ba de la yang de bzhin du blta bar bya mod kyi/ rgyal po chen po gang gi lus mthong ba de la ras zung gcig po 'di phul cig ces zer ba'i sgra thos nas de'i tshe 'jam dpal gzhon nur gyur pa'i drung na byang chub sems dpa' sems dpa' chen po ye shes dpal gyi rgyal mtshan zhes bya ba zhig 'dug par gyur nas/ rgyal po ma skyes dgras byang chub sems dpa' ye shes dpal gyi rgyal mtshan la ras zung gcig po de phul ba dang des ma blangs nas 'di skad ces smras so/ /rgyal po chen po bdag ni thar bar 'dod pa las kyang mi len/ yongs su mya ngan 'da' bar 'dod pa las kyang mi len to/ /rgyal po chen po bdag ni so so'i skye bo las kyang mi len/ so so'i skye bo'i chos dang</font><hr>57.278b<br><font size=+1>

ldan pa las kyang mi len/ slob pa las kyang mi len/ slob pa'i chos dang ldan pa las kyang mi len/ dgra bcom pa las kyang mi len/ dgra bcom pa'i chos dang ldan pa las kyang mi len/ rang sangs rgyas las kyang mi len/ rang sangs rgyas kyi chos dang ldan pa las kyang mi len to/ /rgyal po chen po bdag ni de bzhin gshegs pa las kyang mi len/ de bzhin gshegs pa'i chos dang ldan pa las kyang mi len te/ rgyal po chen po bdag ni gang chos 'di dag dang ldan pa yang ma yin la de dag las log par yang ma yin pa de dag las len cing / de dag ji ltar sbyin par byed pa de bzhin du len te/ rgyal po chen po sbyin pa 'di ni gnyis las yongs su dag pa'o/ /de nas rgyal po ma skyes dgras byang chub sems dpa' ye shes dpal gyi rgyal mtshan gyi lus la ras zung gcig po de phul ba dang / de nas stan de la de'i lus kyang ma mthong bar gyur nas bar snang las rgyal po chen po gang gi lus mthong ba de la phul cig ces zer ba'i sgra thos nas/ de na byang chub sems dpa' ye shes dpal gyi rgyal mtshan gyi drung na byang chub sems dpa' sems dpa' chen po rab tu zhi ba la mos pa zhes bya ba zhig 'dug par gyur pa de la yang rgyal pos ras zung gcig po phul ba dang / des smras pa/ rgyal po chen po bdag ni bdag tu lta ba las kyang mi len/ gzhan du lta ba las kyang mi len to/ /rgyal po chen po bdag ni nyon mongs pa dang bcas pa las kyang mi len/ nyon mongs pa med pa las kyang mi len to/ /rgyal po chen po bdag ni sems rtse gcig pa las kyang mi len/ sems g.yengs pa las kyang mi len/ ye shes dang ldan pa las kyang mi len/ ye shes dang mi ldan pa las kyang mi len to zhes de skad smras pa dang / rgyal pos de'i lus la yang gos de phul ba dang / stan de la de'i lus kyang ma mthong nas bar snang las rgyal po chen po gang gi lus mthong</font><hr>57.279a<br><font size=+1>

ba de la phul cig ces zer ba'i sgra thos nas/ de'i tshe byang chub sems dpa' sems dpa' chen po rab tu zhi ba la mos pa'i drung na byang chub sems dpa' sems dpa' chen po mi g.yo ba yid la byed ces bya ba zhig 'dug par gyur pa de la rgyal pos gos de phul pa dang / des smras pa/ rgyal po chen po bdag ni lus la gnas pa las kyang mi len/ ngag la gnas pa las kyang mi len/ sems la gnas pa las kyang mi len/ don la gnas pa las kyang mi len/ phung po la gnas pa las kyang mi len/ khams la gnas pa las kyang mi len/ skye mched la gnas pa las kyang mi len/ sems can la gnas pa las kyang mi len/ sangs rgyas kyi yon tan la gnas pa las kyang mi len to/ /de ci'i phyir zhe na/ rgyal po chen po chos thams cad ni rab tu mi g.yo ba'i tshul gyis mi gnas pa'o/ /de'i lus la yang rgyal pos gos de phul ba dang / de'i lus kyang mi snang bar gyur nas bar snang las/ rgyal po chen po gang gi lus snang ba de la phul cig ces de skad zer ba'i sgra thos nas de'i tshe byang chub sems dpa' mi g.yo ba yid la byed pa'i drung na byang chub sems dpa' sems dpa' chen po blo gros mchog ces bya ba zhig 'dug par gyur pa de la rgyal pos gos de phul ba dang / des kyang smras pa/ rgyal po chen po bdag ni dman pa la mos pa las mi len te/ gal te rgyal po chen po khyod bla na med pa yang dag par rdzogs pa'i byang chub tu sems skyed cing sems mnyam pa nyid kyi phyir byang chub mnyam pa nyid dang / byang chub mnyam pa nyid kyi phyir sems mnyam pa nyid dang / sems mnyam pa nyid kyi phyir chos mnyam pa nyid du mos par byed cing / de bzhin du chos thams cad mnyam pa nyid do zhes len par mi byed/ gtong bar mi byed/ chos gang la yang mnyam par yang mi byed/ chos thams cad bdag gir bya ba med par lus nas bdag gir mi 'dzin te/ de ltar byed na</font><hr>57.279b<br><font size=+1>

bdag ni khyod la len mod kyi/ rgyal po chen po gang gi lus snang ba de la ras zung cig po 'di phul cig ces de skad smras nas de yang med de mi snang bar gyur pa dang / de'i tshe byang chub sems dpa' sems dpa' chen po blo gros mchog gi drung na byang chub sems dpa' sems dpa' chen po ting nge 'dzin gyi dri me tog ces bya ba zhig 'dug par gyur pa de la rgyal pos gos de phul ba dang / des kyang smras pa/ rgyal po chen po gal te khyod ting nge 'dzin thams cad kyis kyang spyod la/ ting nge 'dzin tha dad par yang mi byed cing / chos thams cad rang bzhin gyis mnyam par gzhog par mos par byed na bdag khyod las len mod kyi/ rgyal po chen po gang gis lus mthong ba de la ras zung gcig po de phul cig ces de skad smras nas de yang med de mi snang bar gyur pa dang / de'i drung na byang chub sems dpa' sems dpa' chen po brjod du med pa zhes bya ba zhig 'dug par gyur pa de la rgyal pos ras zung gcig po de phul ba dang / des kyang smras pa/ rgyal po chen po gal te khyod yi ge'i sgra mnyam pa nyid kyi phyir skad thams cad kyi blos brjod pa thams cad brjod du med par shes nas brjod du med pa'i don la rten gyi/ yi ge'i 'bru la mi rten na bdag khyod las ras zung gcig po len mod kyi/ rgyal po chen po gang gi lus snang ba de la phul cig ces de skad smras nas de yang med de mi snang bar gyur pa dang / de'i drung na byang chub sems dpa' sems dpa' chen po 'khor gsum yongs su sbyang ba zhes bya ba zhig 'dug par gyur pa de la rgyal pos ras zung gcig po de phul ba dang / des kyang smras pa/ rgyal po chen po gal te khyod bdag tu yang mi dmigs/ len par yang mi dmigs/ rnam par smin pa yang mi 'dod na/ bdag khyod las len mod kyi/ rgyal po chen po gang gi lus snang ba de la ras zung gcig po de phul cig ces de skad smras nas de yang med de mi snang bar gyur pa dang / </font><hr>57.280a<br><font size=+1>

de'i drung na byang chub sems dpa' sems dpa' chen po chos rnam par 'phrul pa'i rgyal po zhes bya ba zhig 'dug par gyur pa de la rgyal pos ras zung gcig po de phul ba dang / des kyang smras pa/ rgyal po chen po gal te khyod nyan thos kyi mya ngan las 'da' ba yang ston la yongs su mya ngan las 'da' bar yang mi byed/ rang sangs rgyas kyi mya ngan las 'da' ba yang ston la yongs su mya ngan las 'da' bar yang mi byed/ bla na med pa yang dag par rdzogs pa'i mya ngan las 'da' ba yang ston la yongs su mya ngan las 'da' bar yang mi byed/ 'khor ba'i chos can yang ma yin/ mya ngan las 'da' ba'i chos can yang ma yin na bdag gis khyod las blang ngo zhes de skad smras nas de med de mi snang bar gyur to/ /rgyal po chen po gang gi lus snang ba de la ras zung gcig po de phul cig ces de skad kyi sgra yang thos so/ /de lta ste rgyal po ma skyes dgras byang chub sems dpa' thams cad la ras zung gcig po de phul na thams cad kyis kyang bdag bdag gi bstan par bya ba bstan nas med cing mi snang bar gyur to/ /stan thams cad kyang stong par snang ngo / /rgyal po chen po gang gi lus snang ba de la ras zung gcig po de phul cig ces de skad kyi sgra yang thos par gyur to/ /de nas rgyal po ma skyes dgras gnas brtan 'od srung chen po la 'di skad ces smras so/ /btsun pa 'od srung chen po btsun pa ni bcom ldan 'das kyis sbyangs pa'i yon tan smra ba'i nang na mchog tu bka' stsal gyis ras zung gcig po 'di bzhes shig /'od srung chen pos kyang smras pa/ rgyal po chen po bdag ni 'dod chags ma spangs/ zhe sdang ma spangs/ gti mug ma spangs te/ bdag gis 'di blang ba'i mi rigs so/ /rgyal po chen po bdag gis ni ma rig pa ma spangs/ srid pa'i sred pa yang ma spangs so/ /rgyal po chen po bdag gis ni sdug bsngal yang yongs su ma shes so/ /bdag</font><hr>57.280b<br><font size=+1>

gis ni 'dus pa yang ma spangs/ bdag gis ni 'gog pa yang mngon du ma bgyis/ bdag gis ni lam yang ma sgoms/ rgyal po chen po bdag gis ni de bzhin gshegs pa ma mthong chos ma thos/ dge 'dun gyi rjes su ma zhugs so/ /rgyal po chen po bdag gis ni nyon mongs pa ma spangs so/ /rgyal po chen po bdag gis ye shes mngon du ma bgyis so/ /rgyal po chen po bdag ni mig rnam par dag pa ma lags so/ /bdag ni ye shes kyi bya ba chung zad kyang med de/ /bdag la sbyin pa byin pas 'bras bu chen por yang mi 'gyur/ 'bras bu chung ngur yang mi 'gyur ro/ /bdag ni 'khor ba'i chos can yang ma lags/ mya ngan las 'da' ba'i chos can yang ma lags so/ /bdag la sbyin pa byin pas dag par yang mi 'gyur ro/ /rgyal po chen po khyod gal te de 'dra ba'i chos dang ldan par gyur na/ bdag khyod las ras zung gcig po len to zhes de skad smras nas/ gos de lus la phul ma thag tu de yang med de slar mi snang bar gyur to/ /rgyal po chen po gang gi lus snang ba de la ras zung gcig po de phul cig ces de skad kyi sgra yang thos par gyur to/ /de lta ste dge slong lnga brgya po de dag kyang med de mi snang bar gyur to/ /rgyal po chen po gang gi lus snang ba de la ras zung gcig po de phul cig ces de skad kyi sgra yang thos par gyur nas/ de 'di snyam du sems te/ gang gis bdag gis ras zung gcig po 'di btsun mo dam pa la sbyin no snyam ste de song ba dang / de yang ma mthong nas de 'di snyam du sems te bdag gis bud med gzhan dag la sbyin no snyam pa dang / des bud med kyi g.yog thams cad ma mthong bar gyur te/ de la 'di 'dra ba'i ting nge 'dzin mngon du gyur nas de ltar de mig gis kyang gzugs chung zad kyang ma mthong zhing snang ba med de skyes pa mi mthong / bud med mi mthong / khye'u mi mthong / bu mo mi mthong / </font><hr>57.281a<br><font size=+1>

brtsig pa mi mthong / shing mi mthong ste/ gzhan du na bdag gi lus kyi 'du shes 'ba' shig 'jug go/ /rgyal po chen po gang gi lus mthong ba de la ras zung gcig po de phul cig ces de skad kyi sgra yang thos par gyur nas de 'di snyam du sems te/ bdag rang nyid bgo'o snyam pa dang / de nas bdag gi lus kyang ma mthong ste/ de gzugs kyi 'du shes thams cad dang bral nas rgyal po chen po ji ltar rags pa yang rung / phra mo yang rung / gzugs chung zad kyang ma mthong ba de bzhin du khyod kyi 'gyod pa la ltos shig /khyod kyi 'gyod pa ji ltar mthong ba de bzhin du chos thams cad la ltos shig /gang gis mthong ba de la yang de bzhin du ltos shig /ji ltar gang mthong ba dang / gang gis mthong ba de mi mthong ba dang / rnam par mi mthong ba de ltar ltos shig /rgyal po chen po de ni chos thams cad la yang dag par mthong ba ste/ rgyal po chen po ma mthong ba ni yang dag par mthong ba'o/ /bam po lnga pa ste tha ma/ de nas rgyal po ma skyes dgra 'du shes dang sems pa'i rnam par rtog pa thams cad dang bral nas ting nge 'dzin de las langs ma thag tu 'khor de dang / bdag gi lus dang / bdag gi khang pa dang / bdag gi g.yog snga mkho bzhin du mthong nas 'jam dpal gzhon nur gyur pa la 'di skad ces gsol to/ /'jam dpal bdag gis 'khor 'di sngar ma mthong na gar mchis par gyur/ 'jam dpal gyis smras pa/ rgyal po chen po khyod kyi 'gyod pa de gang na bar gyur pa 'khor 'di yang der song bar gyur to/ /yang rgyal po chen po 'khor 'di dag mthong ngam/ gsol pa/ 'jam dpal mthong ngo / /smras pa ji ltar mthong / gsol pa/ 'gyod pa de ji ltar mthong ba de bzhin du 'khor 'di mthong ngo / /smras pa/ rgyal po chen po 'gyod pa de ji ltar mthong / gsol pa/ ji ltar 'khor 'di sngar mig gis ma mthong ba de bzhin du 'gyod pa de nang du yang ma mthong / phyi rol du</font><hr>57.281b<br><font size=+1>

yang ma mthong / gnyi ga ma gtogs par yang ma mthong ngo / /'jam dpal gyis smras pa/ rgyal po chen po de bzhin gshegs pas mtshams med pa byed pa ni de ma thag tu sems can dmyal bar 'gro'o zhes gsungs na/ ci rgyal po chen po khyod sems can dmyal bar 'gro 'am/ de skad smras pa dang / 'jam dpal gzhon nur gyur pa la rgyal po ma skyes dgras 'di skad ces gsol te/ 'jam dpal ji de bzhin gshegs pas 'di ni ngan song du 'gro ba'o/ /'di ni mtho ris su 'gro ba'o/ /'di ni mya ngan las 'da' bar 'gro ba'o zhes chos gang yang mngon par rdzogs par sangs rgyas sam/ smras pa/ rgyal po chen po de ma yin no/ /gsol pa/ 'jam dpal chos thams cad la de bzhin du mngon par rdzogs par sangs ma rgyas na chos gang sems can dmyal bar mchi ba 'am/ lhar mchi ba 'am/ mya ngan las 'da' bar 'gyur ba'i chos de bdag gis ma mthong ste/ 'jam dpal chos thams cad ni stong pa nyid du mchi ba las kyang ma 'das la stong pa nyid ni ngan song du mchi ba yang ma lags/ mtho ris su mchi ba yang ma lags/ mya ngan las 'da' bar mchi ba yang ma lags so/ /'jam dpal chos kyi dbyings ni ma 'dres pa'o/ /chos thams cad kyang chos kyi dbyings kyi rang bzhin can te/ chos kyi dbyings ni ngan song du yang mi mchi/ mtho ris su yang mi mchi/ mya ngan las 'da' bar yang mi mchi'o/ /'jam dpal mtshams med pa zhes bgyi ba ni chos kyi dbyings su mtshams ma mchis pa'i tshig bla dgas so/ /'jam dpal mtshams ma mchis pa ni chos kyi dbyings kyi rang bzhin can te/ mtshams ma mchis pa gang gi rang bzhin pa/ chos thams cad kyang de'i rang bzhin no/ /'jam dpal de bas na chos thams cad ni 'gro ba ma mchis pa ste/ de'i slad du bdag ni ngan song du yang mi mchi/ mtho ris su yang mi mchi/ mya ngan las 'da'</font><hr>57.282a<br><font size=+1>

bar yang mi mchi'o/ /'jam dpal gyis smras pa/ rgyal po chen po khyod de skad smra na/ ston pa'i bka' dang 'gal bar byed dam/ gsol pa/ 'jam dpal bdag ni ston pa'i bka' dang 'gal bar mi bgyid do/ /de ci'i slad du zhe na/ bcom ldan 'das kyis bdag med pa'i mtha' ni yang dag pa'i mthar gsungs te/ gang bdag med pa'i mtha' de la ni sems can gang yang ma mchis so/ /sems can ma mchis na gang de ni mngon par 'du byed pa gang yang ma mchis so/ /gang tshor bar bgyid pa gang yang ma mchis so/ /smras pa/ rgyal po chen po 'gyod pa de bsal tam/ gsol pa/ chos thams cad rab tu bsal ba'i slad du'o/ /'jam dpal gyis smras pa/ rgyal po chen po khyod the tsom spangs sam/ gsol pa/ chos thams cad shin du spangs pa'i slad du'o/ /'jam dpal gyis smras pa/ rgyal po chen po khyod la 'khor 'di dag mtshams med pa byed par ram/ 'on te ma yin par ram/ ji ltar 'dzin par 'gyur/ gsol pa/ 'jam dpal mtshams ma mchis pa gang gis mi bskyod pa'i rnam par grol ba rtogs par gyur pa'i mtshams ma mchis pa de la bdag gnas par 'dzin par 'gyur ro/ /mtshams ma mchis pa gang gis byang chub sems dpa' bzod pa thob par bgyid pa'i mtshams ma mchis pa de la bdag gnas par 'gyur ro/ /'jam dpal mtshams ma mchis pa zhes bgyi ba ni gang na mtha' yang ma mchis/ dbus kyang ma mchis pa ste/ gang na mtha' yang ma mchis/ dbus kyang ma mchis pa de la bdag gnas par 'dzin par 'gyur ro/ /de nas byang chub sems dpa' sems dpa' chen po ye shes dpal gyi rgyal mtshan gyis smras pa/ kye ma'o rgyal po chen po 'dis ni shes rab dang ye shes kyi lam sbyangs so/ /de bas na 'di 'dra ba'i bzod pa thob par gyur to/ /rgyal pos gsol pa/ rigs kyi bu chos thams cad ni shin du rnam</font><hr>57.282b<br><font size=+1>

par dag pa shin du ma 'dres pa/ shin du nyon mongs pa ste/ de dag ni kun nas nyon mongs par bgyi mi nus so/ /kun nas nyon mongs pa'i las ni lam lags te/ lam de yang 'khor bar yang mi mchi/ mya ngan las 'da' bar yang mi mchi/ lam de ni gang du yang mi 'dren te/ lam de ni mi 'dren pa'o/ /bstan pa 'di bstan pa'i tshe rgyal po ma skyes dgras 'thun pa'i chos la bzod pa thob par gyur to/ /bud med sum khri nyis stong gis ni 'jam dpal gzhon nur gyur pa'i rdzu 'phrul mngon par 'phrul pa mthong nas bla na med pa yang dag par rdzogs pa'i byang chub tu sems bskyed do/ /nang gi skye bo srog chags lnga brgya ni chos la chos kyi mig rnam par dag go/ /rgyal po'i khab kyi grong khyer chen po nas kyang chos nyan par 'dod pa srog chags stong phrag mang po dag byung ste/ rgyal po ma skyes dgra'i khab kyi sgo na 'jam dpal gzhon bur gyur pa la mchod pa byed pa'i las byed pa'i mi 'dag par gyur to/ /de nas de'i tshe 'jam dpal gzhon nur gyur pas rkang pa'i mthe bos sa chen po 'di la bsnun no/ /bsnun ma thag tu yang sa chen po 'di thams cad rgyu bai dUr+ya las byas par gyur to/ /de nas rgyal po'i khab kyi skyes pa dang / bud med dang / khye'u dang / bu mo thams cad kyis 'jam dpal gzhon nur gyur pa dang / byang chub sems dpa' de dag dang / nyan thos chen po de dag mthong ba ni 'di lta ste/ dper na me long shin du gsal ba'i nang du bzhin mthong ba de bzhin du de dag gis 'jam dpal gzhon nur gyur pa 'khor dang bcas pa mthong ngo / /de nas 'jam dpal gzhon nur gyur pas ci nas kyang srog chags brgyad khri bzhi stong gis chos la chos kyi mig rnam par dag pa dang / srog chags lnga brgyas bla na med pa yang dag par rdzogs pa'i byang chub tu sems bskyed par 'gyur ba de lta de ltar chos bshad do/ /de nas 'jam dpal gzhon nur gyur pa stan las langs te/ </font><hr>57.283a<br><font size=+1>

dge slong gi dge 'dun dang / 'khor dang bcas te rgyal po ma skyes dgra'i khab nas byung ngo / /rgyal po ma skyes dgra yang 'khor dang bcas te 'jam dpal gzhon nur gyur pa'i phyi bzhin du 'brangs pa las 'jam dpal gzhon nur gyur pa lam du zhugs pas phyogs gzhan zhig na mi zhig gis ma'i srog bcad nas de shing zhig gi drung na ngu zhing mya ngan byed la/ bdag gis sdig pa'i las byas kyis/ bdag ni nges par sems can dmyal bar 'gro'o zhes zer zhing 'dug pa mthong ste/ mi de yang 'jam dpal gzhon nur gyur pas 'dul bar gyur pa zhig go/ /de nas 'jam dpal gzhon nur gyur pas skyes bu de gdul ba'i phyir skyes bu gzhan zhig mngon par sprul to/ /skyes bu de'i pha ma yang mngon par sprul to/ /de nas skyes bu sprul pa de pha ma dang 'grogs te/ skyes bu ma gsod pa de ga la ba der song nas ha cang yang rgyang mi ring ba zhig nas/ ci nas kyang skyes bu yang dag pa des mthong bar 'gyur ba de ltar rtsod par gyur te/ bus smras pa/ lam ni 'di yin no/ /pha dang mas smras pa/ bu lam 'di ma yin no zhes de dag 'thab par gyur pa las skyes bu sprul pa des pha dang ma'i srog bcad par gyur pa dang / skyes bu yang dag pas skyes bu de'i pha dang ma'i srog bcad pa mthong ngo / /de nas sprul pa'i skyes bu des pha ma'i srog bcad nas skyes bu yang dag pa de ga la ba der song ste/ ngu zhing mchi mas brnangs nas/ bdag gis sdig pa'i las byas te bdag gis pha dang ma'i srog bcad pas bdag ni nges par sems can dmyal bar mchi'o zhes de skad smras pa dang / skyes bu yang dag pas de thos nas 'di snyam du gyur to/ /bdag gis ni ma 'ba' shig gi srog bcad du zad kyi/ skyes bu 'dis ni pha ma gnyi ga'i srog bcad pas skyes bu 'dis sdig pa'i las cher byas kyis/ 'di gar 'gro bar bdag kyang der 'gro bar 'gyur ro snyam pa dang / sprul pa'i skyes bu de ngu zhing kye skyes bu bdag ni bcom ldan 'das shAkya thub pa'i drung du mchi'o/ /de ci'i phyir zhe na/ bcom ldan</font><hr>57.283b<br><font size=+1>

'das de ni sems can mgon med pa rnams kyi mgon/ sems can 'jigs pa rnams la mi 'jigs pa sbyin par mdzad pa yin gyis/ bcom ldan 'das de ci gsung ba bzhin du nan tan bya'o zhes de skad smras te/ de nas sprul pa'i skyes bu de song ba dang / skyes bu yang dag pa de yang skyes bu 'di gar 'gro bar bdag kyang der 'gro bar 'gyur gyi/ bdag kyang der 'gro'o zhes de'i phyi bzhin du 'brangs so/ /de nas sprul pa'i skyes bu des bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol to/ /bcom ldan 'das bdag gis pha ma'i srog bcad na bcom ldan 'das bdag la skyabs mdzad par gsol/ bdag gis de ji ltar bgyi/ de nas bcom ldan 'das kyis sprul pa'i skyes bu de la legs so zhes bya ba byin nas/ legs so legs so/ /kye skyes bu khyod ni bden par smra/ ji ltar byas pa de bzhin du smra'o/ /gang khyod ni de bzhin gshegs pa'i spyan sngar bden pa'i tshig smras te mi slu ba yin mod kyi/ skyes bu khyod sems kyi rgyud la rtogs shig /khyod kyis 'das pas sam/ ma 'ongs pas sam/ da ltar gyis sam/ sems gang gis pha ma'i srog bcad/ 'das pa'i sems ni zad pa dang bral ba/ 'gags pa gzhan du gyur pa ste/ yul na yang mi gnas/ phyogs na yang mi gnas pas de ni gdags su mi nus so/ /ma 'ongs pa ni ma phyin pa ste/ de ni ma skyes pa ma byung ba/ yang dag par ma byung ba/ ma gyur pa/ rnam par ma gyur pa/ mtshan ma med pa/ ma byung ba ste/ de yang gdags su mi nus so/ /da ltar gyi sems ni gnas pa med pa ste/ skyes nas zhig cing dengs par 'gyur ba'i phung por ma gyur pa/ bsags par ma gyur pa'o/ /de la ni 'gro ba dang 'ong bar gdags pa yang med do/ /kye skyes bu sems ni nang gi lus la yang mi 'jug /phyi rol gyi yul du yang mi rgyu/ gnyi ga med par yang mi</font><hr>57.284a<br><font size=+1>

dmigs so/ /kye skyes bu sems ni sngon po ma yin/ ser po ma yin/ dmar po ma yin/ dkar po ma yin/ ja gong ma yin/ shel gyi kha dog ma yin no/ /kye skyes bu sems ni gzugs med/ bstan du med/ gzung du med/ thogs pa med/ sgyu ma lta bu/ dpe med pa ste/ de yang gdags su mi nus so/ /kye skyes bu sems ni zhe mi sdang / gti mi mug go/ /kye skyes bu sems ni mngon par 'du mi byed/ byed pa med/ tshor ba med/ sems pa med/ myong bar byed pa med do/ /kye skyes bu sems ni rang bzhin gyis dang ba yin te/ de ni kun nas nyon mongs par mi 'gyur/ rnam par dag par mi 'gyur ro/ /kye skyes bu sems ni tshe 'di la'ang med/ tshe rabs gzhan na 'ang med/ gnyi ga med par yang med de/ de na 'ang med/ gzhan na 'ang med pa/ nam mkha' dang mtshungs pa/ mi mnyam pa dang mnyam pa/ mi 'dra ba/ rnam par rig par mi 'gyur ba ste/ de la mkhas pas mngon par chags par mi bya'o/ /bdag gir mi bya'o/ /rten par mi bya'o/ /gnas par mi bya'o/ /bdag tu bsam par mi bya'o/ /bdag gir bsam par mi bya'o/ /kye skyes bu dag chos thams cad ni rang bzhin gyis nus pa med pas g.yo ba med pa'o/ /kye skyes bu dag nga ni de ltar mos pa la kun nas nyon mongs pa 'am/ ngan song du 'gro ba 'am/ mtho ris su 'gro bar mi smra'o/ /de ci'i phyir zhe na/ gang sems kyi chos nyid de ni kun nas nyon mongs par mi 'gyur/ gang du yang 'gro bar mi 'gyur/ 'ong bar mi 'gyur/ 'dug par mi 'gyur ro/ /de nas bcom ldan 'das la skyes bu sprul pa des 'di skad ces gsol to/ /bcom ldan 'das de bzhin gshegs pas chos kyi dbyings yongs su dag pa/ las ma mchis pa/ rnam par smin pa ma mchis pa/ ma skyes pa/ ma grub pa/ mngon par rdzogs par sangs rgyas pa ngo mtshar to/ /bcom ldan 'das bdag rab tu 'byung bar 'tshal na/ bde bar</font><hr>57.284b<br><font size=+1>

gshegs pa rab tu dbyung bar gsol/ dge slong tshur shog /tshangs par spyad pa spyod cig ces bcom ldan 'das kyis de la de skad gsungs pa dang / de'i mod la de rab tu byung bar snang ste/ bcom ldan 'das bdag gis mngon par bgyi ba thob kyis mya ngan las 'da' bar 'tshal lo zhes de skad kyang smras so/ /de lta ste/ dge slong de sangs rgyas kyi mthus steng gi bar snang la shing ta la gang tsam du 'phags nas/ bdag gi me'i khams kyis lus bsregs pa dang / skyes bu yang dag pa des chos bstan pa 'di dag thos so/ /thos nas kyang 'di snyam du gyur te/ skyes bu des ni pha dang ma gnyi ga'i srog bcad kyang de yongs su mya ngan las 'das na bdag gis ni ma 'ba' shig gi srog bcad du zad pas ci'i phyir bdag yongs su mya ngan las mi 'da' snyam nas/ de de'i tshe bcom ldan 'das kyi drung du song ste/ bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol to/ /bcom ldan 'das bdag kyang ma'i srog bkum mo/ /de nas bcom ldan 'das kyis skyes bu de la legs so zhes bya ba byin te legs so legs so/ /skyes bu khyod kyis de bzhin gshegs pa ma bslus mod kyi/ kye skyes bu khyod sems gang gis ma'i srog bcad pa sems kyi rgyud la rtogs shig ces rgya cher bka' stsal te/ zhib tu sprul pa'i skyes bu ji lta ba de bzhin du bya'o/ /de nas de'i tshe skyes bu de'i ba spu'i khung bu thams cad nas sems can dmyal ba'i me byung bar gyur te/ de tshig cing mgon med pa dang / bcom ldan 'das la 'di skad ces gsol to/ /bcom ldan 'das bdag ni tshig par gyur na bde bar gshegs pa mgon mdzad du gsol/ bcom ldan 'das la skyabs su mchi'o/ /de nas bcom ldan 'das kyis phyag gser gyi kha dog lta bu skyes bu de'i spyi bor bzhag go/ /phyag bzhag ma thag tu de nas de'i tshe/ skyes bu de'i tshor ba de thams cad rgyun chad par</font><hr>57.285a<br><font size=+1>

gyur to/ /de lus bag yangs shing bde bar gyur nas de bzhin gshegs pa la shin du gus par gyur te/ bcom ldan 'das la 'di skad ces gsol to/ /bcom ldan 'das bdag ni rab tu 'byung bar 'tshal na/ bde bar gshegs pas rab tu 'byung bar gsol/ bcom ldan 'das kyis de la dge slong tshur shog /tshangs par spyad pa spyod cig ces de skad bka' stsal pa dang / de'i tshe de nyid du de mgo bregs/ chos gos sbyar ma bgos/ skra dang kha spu bregs nas zhag bdun lon pa tsam du gyur te/ dge slong bsnyen par rdzogs nas lo brgya lon pa'i spyod lam du gnas par gyur to/ /de bzhin gshegs pas tshur shog ces gsungs nas/ /mgo bregs lus ni chos gos sbyar mar ldan/ /de ma thag tu dbang po rab zhi zhing / /sangs rgyas dgongs pa'i cha lugs gnas par gyur/ /de nas bcom ldan 'das kyis dge slong de la 'phags pa'i bden pa bzhi dang ldan pa'i gtam bshad pa dang / des de thos nas chos la rdul med cing dri ma dang bral ba'i chos kyi mig rnam par dag pa'i steng du yang lam bsgoms nas dgra bcom par gyur te/ des bcom ldan 'das la 'di skad ces gsol to/ /bcom ldan 'das bdag ni yongs su mya ngan las 'da' bar 'tshal lo/ /bde bar gshegs pa bdag ni yongs su mya ngan las 'da' ba'i dus dang man la bab bo/ /bcom ldan 'das kyis bka' stsal pa/ dge slong khyod da de'i dus la bab par shes par gyis shig /des de'i tshe steng gi bar snang la shing ta la bdun tsam na 'dug ste/ bdag gi me'i khams kyis lus bsregs so/ /bsregs pa de'i tshe sol ba dang thal ba yang med par gyur nas lha brgya stong dag kyang de la phyag 'tshal bar gyur to/ /de nas tshe dang ldan pa shA ri'i bus skyes bu de'i gdul ba mthong nas ngo mtshar du gyur te/ bcom ldan 'das la 'di skad ces gsol to/ /de bzhin gshegs pa'i chos 'dul ba ni legs</font><hr>57.285b<br><font size=+1>

par gsungs pa ste/ de la ni mtshams ma mchis pa dang ldan pa dag kyang 'dul bar 'gyur ba bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das sems can rnams kyi dbang po rnam pa sna tshogs 'tshal ba de ni de bzhin gshegs pa dgra bcom pa yang dag par rdzogs pa'i sangs rgyas dang / 'jam dpal gzhon nur gyur pa dang / byang chub sems dpa' sems dpa' chen po gzhan yang de 'dra ba'i go ca dag bgos pa ma gtogs par gzhan su'i yul lags/ nyan thos dang / rang sangs rgyas thams cad kyi ni yul ma lags so/ /bcom ldan 'das kyis bka' stsal pa/ shA ri'i bu de bzhin no/ /ji skad smras pa de bzhin te/ de ni sangs rgyas bcom ldan 'das rnams dang / byang chub sems dpa' sems dpa' chen po bzod pa la gnas pa rnams kyi yul yin te/ shA ri'i bu gang zag gang khyod kyis sems can dmyal ba par shes la de dag la ngas mya ngan las 'da' ba'i chos can du mthong ba yang yod do/ /shA ri'i bu khyod kyis gang zag gang sbyangs pa'i yon tan dang / chog shes pa dang / tshul khrims dang / thos pa dang / ting nge 'dzin tsam dang ldan te/ de la khyod kyis mya ngan las 'da' ba'i chos can du shes mod kyi/ de la de bzhin gshegs pas sems can dmyal ba par gzigs pa yang yod kyis/ shA ri'i bu khyod ni sems can gyi spyod pa la bsam pa dang bral bar gyis shig /de ci'i phyir zhe na/ shA ri'i bu sems can gyi spyod pa ni bsam gyis mi khyab pa'i phyir ro/ /shA ri'i bu gang gis ma bsad nas chos bstan pa 'di la gnas te yongs su mya ngan las 'das par gyur pa'i skyes bu de khyod kyis mthong ngam/ gsol pa/ bcom ldan 'das bdag gis mthong ngo / /bcom ldan 'das kyis bka' stsal pa/ shA ri'i bu skyes bu des ni sangs rgyas lnga brgya la dge ba'i rtsa ba bskyed par gyur cing / 'di lta ste/ sems</font><hr>57.286a<br><font size=+1>

rang bzhin gyis dang ba'i chos bshad pa 'di yang thos so/ /shA ri'i bu skyes bu des chos bstan pa 'di thos nas chos thams cad yang dag pa ji lta ba bzhin du mthong ba'i phyir rnam par grol bar gyur to/ /de bas na shA ri'i bu rnam grangs 'dis kyang 'di ltar rig par bya ste/ gang su yang rung ste/ da ltar ram/ nga mya ngan las 'das pa na yang zab mo chags pa med pa/ 'gro ba med pa 'di lta bu'i chos bstan pa nyan la thos nas kyang mos par byed na sems la kun nas nyon mongs pa 'am/ sdig pa'i grogs po'i dbang gis mi dge ba'i 'du byed dag mngon par byed kyang / ma lus par rnam par grol bar ma gyur gyi bar du chos la rtogs pa de gtong bar mi 'gyur ro/ /shA ri'i bu gang dag chos 'di 'dra ba la mos par gyur pa de dag ni 'gro ba ngan par 'gro bar nga mi smra'o/ /shA ri'i bu de bas na gang gis chos kyi rnam grangs 'di las chung ngu na rtsa ba bzhi pa'i tshigs su bcad pa gcig gam/ tshig gcig len pa dang / gzhan la ston pa'i sems can de dag nges par thams cad mkhyen par 'gyur bar blta na/ gang dag thos nas tshul bzhin du byed pa lta ci smos/ de nas 'jam dpal gzhon nur gyur pa byang chub sems dpa' de dag dang / 'od srung chen po la sogs pa nyan thos dag dang / rgyal po ma skyes dgra dang / gzhan yang skye bo'i tshogs chen po dang 'grogs nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de nas tshe dang ldan pa shA ri'i bus/ rgyal po ma skyes dgra la 'di skad ces smras so/ /rgyal po chen po khyod kyi 'gyod pa de bsal tam/ smras pa/ btsun pa shA ri'i bu bsal to/ /shA ri'i bus smras pa/ ji ltar bsal/ smras pa/ ci nas kyang mi len pa dang / mi gtong ba de ltar bsal to/ /ci nas kyang slan chad shin du nyon mongs par mi 'gyur ba dang / ci nas kyang thob pa</font><hr>57.286b<br><font size=+1>

yang med/ 'phrogs pa yang med pa de ltar bsal to/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das rgyal po ma skyes dgra'i las kyi lhag ma ci tsam zhig ni lus ci tsam zhig ni lhag ma ma lus par byang zhing slan cad mi skye ba'i chos can du gyur/ bcom ldan 'das kyis bka' stsal pa/ shA ri'i bu rgyal po ma skyes dgra'i las kyi lhag ma yungs kar gyi 'brum bu tsam ni lus so/ /ri rab ri'i rgyal po tsam ni chos zab mo 'di bstan pa khong du chud pas lhag ma ma lus par byang ste/ phyin cad mi skye ba'i chos can du gyur to/ /gsol pa/ ci bcom ldan 'das rgyal po ma skyes dgra sems can dmyal bar mchi 'am/ bcom ldan 'das kyis bka' stsal pa/ shA ri'i bu 'di lta ste/ dper na lha'i bu rin po che'i khang pa brtseg ma na 'dug pa las sum cu rtsa gsum gyi lha'i gnas nas 'dzam bu'i gling du 'bab cing / 'dzam bu'i gling du babs nas slar yang sum bcu rtsa gsum gyi gnas su 'dzeg pa de bzhin du rgyal po ma skyes dgra yang so so'i sems can dmyal ba me tog pun dA ri ka zhes bya bar babs nas de bzhin du 'dzegs te/ de lus la sdug bsngal ba'i tshor ba reg par yang mi 'gyur ro/ /shA ri'i bus gsol pa/ bcom ldan 'das rgyal po ma skyes dgra ni dbang po rno ste/ des las kyi sgrib pa myong bar 'gyur ba 'di tsam zhig tu bgyis pa ngo mtshar to/ /bcom ldan 'das kyis bka' stsal pa/ shA ri'i bu rgyal po ma skyes dgra 'dis sangs rgyas bye ba phrag bdun bcu rtsa gnyis la dge ba'i rtsa ba bskyed de/ yang dag par rdzogs pa'i sangs rgyas de dag la 'dis bsnyen bkur kyang byas par gyur to/ /de dag las chos kyang thos par gyur to/ /dge ba'i rtsa ba de yang bla na med pa yang dag par rdzogs pa'i byang chub tu bsngos par gyur to/ /shA ri'i bu 'jam dpal gzhon nur gyur pa 'di mthong ngam/ </font><hr>57.287a<br><font size=+1>

gsol pa/ mthong ngo / /bcom ldan 'das kyis bka' stsal pa/ shA ri'i bu 'jam dpal gzhon nur gyur pa 'dis rgyal po ma skyes dgra 'di bskal pa dri ma med pa zhes bya ba na/ bcom ldan 'das de bzhin gshegs pa phyag bzangs shes bya ba'i gsung rab las bla na med pa yang dag par rdzogs pa'i byang chub tu sems bskyed du bcug go/ /yang shA ri'i bu bskal pa dri ma med pa la sangs rgyas bye ba phrag gsum byung ste/ de thams cad kyang 'jam dpal gzhon nur gyur pas chos kyi 'khor lo bskor ba dang / tshe ring bar gsol bar gyur to/ /shA ri'i bu rgyal po ma skyes dgra 'di ni 'jam dpal gzhon nur gyur pa ma gtogs par sangs rgyas stong gis kyang chos bshad de/ 'gyod pa de bsal bar bya ba'i gnas dang go skabs med do/ /de ci'i phyir zhe na/ 'di nyid kyis gdul ba yin te/ phyi phyir zhing 'dis chos zab mo bstan pa 'di nyid las thos par gyur to/ /de bas na shA ri'i bu rnam grangs des kyang 'di ltar rig par bya ste/ gang dang gang dag byang chub sems dpa' gang dang gang las 'dul bar 'gyur ba de dang de nyid kyi chos bstan pa shes par 'gyur ro/ /shA ri'i bu rgyal po ma skyes dgra 'di yang so so'i sems can dmyal ba me tog pun dA ri ka ltar gas pa de nas byung nas rma med cing ma rmas par steng gi phyogs kyi cha sangs rgyas kyi zhing 'di nas sangs rgyas kyi zhing bzhi stong bzhi brgya 'das pa na/ de 'jig rten gyi khams brgyan pa zhes bya ba de na de bzhin gshegs pa dgra bcom pa yang dag par rdzogs pa'i sangs rgyas rin po che'i phung po zhes bya ba bzhugs shing 'tsho gzhes la chos kyang ston pa'i sangs rgyas kyi zhing der skye bar 'gyur ro/ /de der skyes ma thag tu slar yang 'jam dpal gzhon nur gyur pa yang mthong bar 'gyur ro/ /chos zab mo bstan pa 'di yang thos par 'gyur ro/ /thos nas</font><hr>57.287b<br><font size=+1>

kyang de nyid du mi skye ba'i chos la bzod pa thob par 'gyur ro/ /gang gi tshe na byang chub sems dpa' sems dpa' chen po byams pa byang chub mngon par rdzogs par 'tshang rgya bar 'gyur ba de'i tshe yang slar 'jam dpal gzhon nur gyur pa mthong bar 'gyur te/ byang chub sems dpa' sems dpa' chen po mi g.yo ba zhes bya bar 'gyur ro/ /de na yang byams pa de bzhin gshegs pas byang chub sems dpa' mi g.yo ba la sogs pa la sngon byung ba dang ldan pa'i chos kyi gtam brjod par 'gyur te/ chos kyi rnam grangs 'di yang ma lhag ma bri bar brjod par 'gyur ro/ /yang byang chub sems dpa' sems dpa' chen po mi g.yo ba 'di bcom ldan 'das de bzhin gshegs pa shAkya thub pa'i gsung rab la rgyal po ma skyes dgra zhes bya bar gyur te/ des pha'i srog bcad nas des chos kyi rnam grangs 'di 'jam dpal gzhon nur gyur pa las thos te 'thun pa'i chos la bzod pa thob bo/ /de'i las kyi sgrib pa yang ma lus par byang bar gyur to zhes de skad kyang brjod par 'gyur ro/ /shA ri'i bu de lta ste/ byams pa de bzhin gshegs pa ni byang chub sems dpa' sems dpa' chen po mi g.yo ba la sogs pa la ci nas kyang byang chub sems dpa' brgyad stong gis mi skye ba'i chos la bzod pa thob par 'gyur ba de lta de ltar chos kyi rnam grangs 'di ston par 'gyur ro/ /de na byang chub sems dpa' nyi khri nyis stong gi las kyi sgrib pa bskal pa grangs med pa nas bsags pa yang rab tu zhi bar 'gyur ro/ /rgyal po ma skyes dgra 'di de phan cad bskal pa grangs med pa phrag brgyad brgya'i bar du sems can yongs su smin par byed/ sangs rgyas kyi zhing yongs su sbyong bar byed cing byang chub sems dpa'i spyad pa spyod do/ /shA ri'i bu sems can gang dag des nyan thos kyi theg pas sam/ rang sangs rgyas kyi theg pas sam/ theg pa chen</font><hr>57.288a<br><font size=+1>

pos yongs su smin par byas par 'gyur ba'i sems can de dag ni las kyi sgrib pa 'am/ nyon mongs pa'i sgrib pa med par 'gyur te/ de dag thams cad dbang po rno bar 'gyur/ 'gyod pa dang the tsom med par 'gyur ro/ /shA ri'i bu rgyal po ma skyes dgra 'di bskal pa grangs med pa phrag brgyad brgya na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa mthong na dga' ba zhes bya ba la 'jig rten gyi khams 'dam gyi rnyog pa med par de bzhin gshegs pa dgra bcom pa yang dag par rdzogs pa'i sangs rgyas yul shin du rnam par dag pa zhes bya bar 'gyur te/ de'i tshe'i tshad ni bskal pa bar ma bzhir 'gyur ro/ /de'i nyan thos kyi tshogs ni bdun 'bum du 'gyur te/ thams cad kyang shes rab kyis mos pa rnam par thar pa brgyad la bsam gtan byed pa sha stag go/ /de'i byang chub sems dpa' sems dpa' chen po ni bye ba phrag bcu gnyis su 'gyur te/ thams cad kyang thabs dang shes rab las byung ba sha stag go/ /de bzhin gshegs pa yongs su mya ngan las 'das nas dam pa'i chos ni lo bye bar gnas par 'gyur ro/ /'dam gyi dri ma med pa'i 'jig rten gyi khams de na sems can gang yang 'gyod pa la gnas shing 'chi ba'i dus byed par mi 'gyur ro/ /de nas shi 'phos nas kyang 'gro ba ngan pa gsum du skye bar 'gyur ba gang yang med do/ /shA ri'i bu de bzhin gshegs pa yul shin du rnam par dag pa de la sems can gang dag chos nyan pa de kun nyon mongs pa thams cad rnam par dag par 'gyur ro/ /de bas na shA ri'i bu gang gang zag gis gang zag la drod ma gzung shig /gang zag gis gang zag la drod bzung na nyams par 'gyur ro/ /de ci'i phyir zhe na/ de bzhin gshegs pa 'am/ gang nga dang 'dra bas ni gang zag la drod zin to/ /de nas tshe dang ldan pa shA ri'i bu dang / thams cad yod pa'i 'khor de ngo mtshar thob nas ched du brjod pa ched</font><hr>57.288b<br><font size=+1>

du brjod cing / bcom ldan 'das bdag cag ni deng phan chad sems can gang la yang sems can dmyal bar mchi bar mthus lung mi ston to/ /de ci'i slad du zhe na/ bcom ldan 'das sems can gyi spyod pa ni bsam gyis mi khyab bo zhes de skad kyang smra'o/ /rgyal po ma skyes dgra lung ston pa'i bstan pa 'di bstan pa'i tshe lha'i bu sum khri nyis stong gis bla na med pa yang dag par rdzogs pa'i byang chub tu sems skyed par gyur to/ /gang gi tshe na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yul shin du rnam par dag pas byang chub thob par gyur pa de'i tshe/ bdag cag kyang 'jig rten gyi khams 'dam gyi dri ma med pa'i sangs rgyas kyi zhing der skye bar shog shig ces sangs rgyas kyi zhing der skye bar smon lam yang btab bo/ /de dag thams cad kyang sangs rgyas kyi zhing der skye bar bcom ldan 'das kyis kyang lung bstan to/ /de nas rgyal po ma skyes dgra'i bu na tshod kyis lo brgyad lon pa'i khye'u zla ba'i dpal zhes bya ba des mgul pa nas rgyan bkrol te/ bcom ldan 'das ga la ba der gtor nas 'di skad kyi tshig kyang smras so/ /bcom ldan 'das bdag dge ba'i rtsa ba 'di bla na med pa yang dag par rdzogs pa'i byang chub tu bsngo'o/ /bcom ldan 'das bdag gi dge ba'i rtsa ba 'dis nam bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yul shin du rnam par dag pas byang chub thob par gyur pa de'i tshe/ bdag sangs rgyas kyi zhing der 'khor los sgyur ba'i rgyal por gyur la/ bdag gis nam 'tsho'i bar du de bzhin gshegs pa dgra bcom pa yang dag par rdzogs pa'i sangs rgyas de dge slong gi dge 'dun dang bcas pa la bsnyen bkur bgyi ba dang / de bzhin gshegs pa de yongs su mya ngan las 'das pa'i sku gdung la yang bdag mchod pa bgyid par gyur cig /bcom ldan 'das de mya ngan las 'das nas kyang 'jig rten gyi khams de nyid du bla na med pa</font><hr>57.289a<br><font size=+1>

yang dag par rdzogs pa'i byang chub tu mngon par rdzogs par sangs rgyas par gyur cig ces rgyan de dag gtor ma thag tu/ de nas sangs rgyas kyi mthus de'i tshe steng gi bar snang la rin po che sna bdun las byas pa'i khang pa brtseg ma cha mnyam pa/ shin du phye ba zhig 'dug par gyur te/ khang pa rtseg ma de na khri rin po ches spras pa'i rtsa ba btsugs pa/ gos bkram pa zhig byung bar gyur te/ khri de la yang de bzhin gshegs pa'i sku mtshan nyid kyis kun du brgyan pa zhig bzhugs par snang ngo / /de nas de'i tshe bcom ldan 'das kyis 'dzum pa mdzad pa dang / chos nyid kyis sangs rgyas bcom ldan 'das rnams 'dzum pa mdzad pa de'i tshe/ bcom ldan 'das kyi zhal nas kha dog du ma sna tshogs 'byung ba 'di lta ste/ sngon po dang / ser po dang / dmar po dang / dkar po dang / ja gong dang / shel gyi kha dog dang / dngul gyi kha dog dag byung ba de dag gis 'jig rten gyi khams mtha' yas mu med par khyab par byas nas tshangs pa'i 'jig rten gyi bar du song ste/ nyi ma dang / zla ba'i 'od zil gyis mnan nas slar log ste/ bcom ldan 'das la lan gsum bskor te/ bcom ldan 'das kyi spyi bor mi snang bar song ngo / /de nas tshe dang ldan pa dga' bo stan las langs te bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad pa 'di dag gsol to/ /ye shes khyad par thams cad pha rol phyin pa thub pa chags med 'od gtong ba/ /sems can pha rol gyi ni sems kyi spyod pa gang gi ci 'dra ba yang mkhyen/ /dbang po sna tshogs mkhyen nas khyod kyang chos rnams de bzhin du ni 'chad mdzad pa/ khyod kyis ci phyir bdag la 'dzum pa bstan pa 'gro ba kun gyi mchog gsungs shig /sems can phyogs bcu dag na gnas pa kun kyang khyod kyi mdun du 'dug</font><hr>57.289b<br><font size=+1>

gyur te/ /thub pa la ni re re zhing yang zhu ba bye ba khrag khrig zhu bgyid kyang / /khyod kyis skad cig nyid du de dag gi ni the tsom ma lus gcod par mdzad/ /'jig rten mgon po khyod kyis 'dzum pa bstan pa de yi rgyu ni bdag la gsungs/ /sangs rgyas gang dag 'das dang stobs bcu ldan pa'i rgyal ba gang dag bzhugs pa dang / /gang dag rgyal ba mang po ma byon rnams dang sems can rnams ni dpag med pa/ /thams cad pha rol phyin pa khyod kyis de dag mkhyen cing gang la'ang chags pa med/ /ci yi slad du 'dzum pa bstan pa rdul dang bral bas bdag gi the tshom chod/ /khyod kyi 'od kyis tshangs pa dbang po nyi ma zla ba lha rnams zil gyis mnan/ /ri dang khor yug rtse mo dag las thal nas khyod kyi 'od kyang gsal bar gda'/ /reg nas sems can brgya dag bde bas dga' zhing nyon mongs pa yang ldang mi 'gyur/ /nyon mongs thams cad dgrol ba khyod kyis 'dzum 'di ci phyir mdzad pa bdag la gsungs/ /de skad ces gsol pa dang / bcom ldan 'das kyis tshe dang ldan pa dga' bo la 'di skad ces bka' stsal to/ /dga' bo khyod kyis khye'u zla ba'i dpal 'di mthong ngam/ gsol pa/ bcom ldan 'das bdag gis mthong ngo / /bcom ldan 'das kyis bka' stsal pa/ dga' bo khye'u zla ba'i dpal 'dis nga'i drung du dge ba'i rtsa ba bskyed nas bla na med pa yang dag par rdzogs pa'i byang chub tu smon lam btab ste/ dga' bo khye'u 'dis rim gyis byang chub sems dpa'i spyod pa spyad nas nam de bzhin gshegs pa yul shin du rnam par dag pas byang chub thob par 'gyur ba de'i tshe/ khye'u zla ba'i dpal 'di yang 'jig rten gyi khams der 'khor los sgyur ba'i rgyal por 'gyur te/ des de bzhin gshegs pa yul shin du rnam par dag pa dge slong gi dge 'dun dang bcas pa de la nam 'tsho'i bar du bkur sti byed par 'gyur/ sti stang byed par 'gyur/ </font><hr>57.290a<br><font size=+1>

rim gro byed par 'gyur/ mchod pa byed par 'gyur ro/ /de bzhin gshegs pa yongs su mya ngan las 'das nas kyang sku gdung la mchod pa byed par 'gyur ro/ /de ni der de bzhin gshegs pa yang yongs su mya ngan las 'das/ de nas bstan pa yang nub nas dga' ldan du tshe zad par byas te/ bskal pa de nyid la bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas zla ba'i dpal zhes bya bar 'gyur ro/ /sangs rgyas kyi zhing yang de dang 'dra ba/ tshe'i tshad kyang de dang mnyam pa/ nyan thos kyi dge 'dun yang de dang mnyam pa byang chub sems dpa'i dge 'dun yang de dang mnyam par 'gyur ro/ /de nas gang 'jam dpal gzhon nur gyur pa dang 'grogs te/ 'jig rten gyi khams gzhan nas 'jig rten gyi khams 'dir phyin pa'i byang chub sems dpa' de dag gis bstan pa 'di thos nas bcom ldan 'das la 'di skad ces gsol to/ /bcom ldan 'das sa phyogs gang na 'jam dpal gzhon nur gyur pa gnas pa de na de bzhin gshegs pas stong pa ma lags te/ der ni bcom ldan 'das kyis dgongs par bgyi mi 'tshal lo/ /de ci'i slad du zhe na/ bcom ldan 'das 'jam dpal gzhon nur gyur pas yongs su zin pa'i sems can rnams ni 'gro ba ngan pa'i 'jigs pa 'am/ mi khom pa'i 'jigs pa 'am/ bdud kyi las kyi 'jigs pa 'am/ nyon mongs pa'i 'jigs pa ma mchis so/ /bcom ldan 'das grong ngam/ grong khyer ram/ grong mdab bam/ gzhongs sam/ gzhongs kyi phyogs sam/ gtsug lag khang ngam/ dgon pa gang na chos kyi rnam grangs 'di spyod par 'gyur ba'i sa phyogs de yang bcom ldan 'das de bzhin gshegs pas stong pa ma lags so/ /de ci'i slad du zhe na/ gang na chos kyi rnam grangs 'di</font><hr>57.290b<br><font size=+1>

spyod par 'gyur ba de na de bzhin gshegs pa nyid du brtson par blta bar bgyi'o/ /gang na chos kyi rnam grangs 'di spyod pa'i sa phyogs de ni de bzhin gshegs pas yongs su spyad par blta bar bgyi'o/ /de skad ces gsol pa dang / bcom ldan 'das kyis byang chub sems dpa' de dag la 'di skad ces bka' stsal to/ /de de bzhin no/ /rigs kyi bu ji skad smras pa de bzhin te/ gang na chos kyi rnam grangs 'di spyod par 'gyur ba'i sa phyogs de ni de bzhin gshegs pas spyod pa yin no/ /de ci'i phyir zhe na/ rigs kyi bu dag sngon 'das pa'i dus na de bzhin gshegs pa mar me mdzad kyis nga lung bstan par gyur nas/ sa'i phyogs gang du ngas ral pa bting zhing ngas bzod pa thob par gyur pa de na de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis nga bzod pa thob par mkhyen nas/ khye'u 'di bskal pa grangs med pa na shAkya thub pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bla na med pa yang dag par rdzogs pa'i byang chub tu lung bstan to/ /de na de bzhin gshegs pa mar me mdzad des/ dge slong gi dge 'dun la dge slong dag khyed sus kyang sa'i phyogs 'di rkang pas ma bcag shig /de ci'i phyir zhe na/ gang du khye'u 'dis ral pa bting zhing bzod pa thob pa de ni lha dang mi'i 'jig rten du bcas pa'i mchod rten yin no/ /yang sa'i phyogs 'dir mchod rten byed par spro zhes de skad bka' stsal pa dang / rigs kyi bu dag de na lha bye ba phrag brgyad bcus bcom ldan 'das sa phyogs 'dir mchod rten bgyi bar bdag cag spro'o zhes mgrin gcig tu tshig smras so/ /de na khyim bdag lha bzang zhes bya ba zhig 'khor der 'dus par gyur pa des kyang bcom ldan 'das bdag gis sa phyogs 'dir mchod rten bgyi bar spro'o/ /</font><hr>57.291a<br><font size=+1>

zhes smras te/ rigs kyi bu dag sa phyogs der khyim bdag lha bzang zhes bya ba des mchod rten rgyan thams cad kyis brgyan pa zhig byas so/ /byas nas bcom ldan 'das ga la ba der song ste phyin pa dang / bcom ldan 'das la 'di skad ces gsol to/ /bcom ldan 'das bdag gis sa phyogs der rin po che sna bdun las mchod rten bgyis na bcom ldan 'das bdag gis bsod nams ji tsam zhig bgyis par gyur/ de skad ces gsol pa dang / de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis khyim bdag lha bzang la sa'i phyogs gang du byang chub sems dpa' bzod pa thob pa'i sa phyogs de na shing rta'i 'khor lo tsam gyi sa ji snyed pa 'og tu chu'i phung po la thug gi bar du sa chen po de sems can thams cad kyi mchod rten du gyur pa yin te/ khyim bdag gang gis chu'i phung po nas 'khor ba'i rtse mo'i bar du rin po che sna bdun gyis bkang ste de bzhin gshegs pa la phul ba bas/ gang khyod kyis mchod rten byas pa 'di de bas bsod nams shin du mang mod kyi/ khyim bdag dge ba'i rtsa ba 'dis ni ji ltar khye'u 'di ngas da ltar lung bstan pa de bzhin du 'di byang chub thob nas khyod la lung ston par 'gyur ro zhes de skad ces bka' stsal to/ /rigs kyi bu dag ji snyam du sems/ de'i tshe de'i dus na khyim bdag lha bzang zhes bya ba de gzhan du gyur pa snyam du de ltar ma blta zhig /de ci'i phyir zhe na/ khyim bdag gi bu dga' ba spyod pa zhes bya ba 'di nyid de'i tshe de'i dus na khyim bdag lha bzang zhes bya bar gyur te/ 'di yang ngas bla na med pa yang dag par rdzogs pa'i byang chub tu lung bstan pa ste/ ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas blta na bzang zhes bya bar 'gyur ro/ /de bas na rigs kyi bu dag dge slong ngam/ dge slong ma 'am/ dge bsnyen</font><hr>57.291b<br><font size=+1>

nam/ dge bsnyen ma 'dug kyang rung / 'greng yang rung ste/ chos kyi rnam grangs 'di 'dri 'am/ klog gam/ kha ton byed dam/ kha ton zhu 'am/ 'chad na 'og gi chu'i phung po nas sa'i phyogs de'i bar gyi rdul de thams cad sems can thams cad kyi mchod rten du gyur par blta'o/ /de ci'i phyir zhe na/ chos 'di dag nyid byang chub sems dpa' sems dpa' chen po rnams kyi bzod pa thob par 'gyur ba'o/ /rigs kyi bu dag khyed la bsgo'o/ /khyed kyi khong du chud par bya'o/ /rigs kyi bu 'am rigs kyi bu mo gang gis stong gsum gyi stong chen po'i 'jig rten gyi khams 'di rin po che sna bdun gyis bkang ste/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams la rgyun ma chad cing las gzhan mi byed par nyin lan gsum mtshan lan gsum 'bul ba bas gang gis/ rgyal po ma skyes dgra'i le'u the tsom thams cad gcod par byed pa/ 'gyod pa thams cad sel bar byed pa/ las kyi sgrib pa thams cad rnam par sbyong bar byed pa/ chos thams cad mnyam nyid du ston pa'i chos kyi rnam grangs 'di 'dzin tam/ len tam/ klog gam/ kun chub par byed dam/ 'chad dam/ nyan tam/ mos par byed dam/ chung ngu na dam pa'i chos yun ring du gnas par bya ba'i phyir glegs bam du bris te 'chang na 'di ni de bas shin du bsod nams mang du 'phel lo/ /rigs kyi bu dag gang gis bskal pa 'am/ bskal pa'i lhag ma lus kyi bar du tshul khrims srung zhing sbyangs pa'i yon tan dang chog shes pa thams cad la dga' bar 'gyur ba bas gang gis chos kyi rnam grangs 'di thos ma thag tu mos par byed na 'di ni de bas bsod nams shin du mang du 'phel lo/ /rigs kyi bu dag gang gis bskal pa 'am/ bskal pa'i lhag ma lus kyi bar du bzod pas sgrub cing sems can thams cad</font><hr>57.292a<br><font size=+1>

kyi ngan du smra ba dang / rdeg par byed pa bzod pa bas/ gang gis chos kyi rnam grangs 'di la chos la bzod pa de ni bzod pa de bas bsod nams kyi phung po shin du mchog tu 'phel bar 'gyur ro/ /rigs kyi bu dag gang gis bskal pa 'am/ bskal pa'i lhag ma lus kyi bar du sems can thams cad la nyon mi mongs shing / lus dang srog la mi lta bar bsnyen bkur byed pa bas/ gang gis chos kyi rnam grangs 'di la yid ches shing the tsom mi skyed na brtson 'grus 'di ni de bas khyad du zhugs pa yin no/ /rigs kyi bu dag gang gis bskal pa 'am/ bskal pa'i lhag ma lus kyi bar du bsam gtan dang / ting nge 'dzin dang mnyam par bzhag pa la gnas pa bas/ gang gis chos kyi rnam grangs 'di la rtog cing sems ma zhum pa 'di ni de bas khyad du zhugs pa yin no/ /rigs kyi bu gang bskal pa 'am/ bskal pa'i lhag ma lus kyi bar du shes rab kyis rtog cing de'i tshul gyi rtog pa dang ldan par gyur pa bas/ gang gis shin du dben pa/ rang bzhin rnam par dag pa'i chos kyi rnam grangs 'di la nyan par byed/ mos par byed/ len par byed/ klog par byed/ kun chub par byed/ kha ton du byed/ gzhan la rgya cher ston par byed na de bas 'di nyid bsod nams shin du mang du 'phel lo/ /myur du thams cad mkhyen par 'gyur bar yang 'gyur ro/ /de nas bcom ldan 'das la byang chub sems dpa' sems dpa' chen po de dag gis 'di skad ces gsol to/ /bcom ldan 'das bdag cag gis chos kyi rnam grangs 'di blangs lags te/ bcom ldan 'das bdag cag sangs rgyas kyi zhing gang dang gang du spyod pa'i sangs rgyas kyi zhing de dang de dag du chos kyi rnam grangs 'di bshad par bgyi'o/ /bcom ldan 'das kyis bka' stsal pa/ rigs kyi bu dag de'i phyir khyed sangs rgyas kyi zhing gang dang gang du chos kyi rnam grangs 'di 'chad pa de dang de dag tu sangs rgyas kyi bya ba byed do/ /</font><hr>57.292b<br><font size=+1>

de ci'i phyir zhe na/ rigs kyi bu dag chos kyi rnam grangs 'di sangs rgyas kyi bya ba la mngon par gnas pa yin no/ /de nas byang chub sems dpa' sems dpa' chen po de dag gis stong gsum gyi stong chen po'i 'jig rten gyi khams 'di me tog gis gang bar byas te ched du rjod pa ched du rjod cing 'di skad kyang smra'o/ /kye ma'o chos kyi rnam grangs 'di ni yun ring du 'dzam bu'i gling du gnas par gyur cig /kye ma'o bcom ldan 'das shAkya thub pa'i chos kyi sgron ma yun ring du 'bar bar gyur cig /'jam dpal gzhon nur gyur pa yang yun ring du gnas par gyur cig /de la gnas nas 'di lta bu'i chos kyi tshul gyi rnam pa 'chad par 'gyur ro/ /bcom ldan 'das bdag gis ni sha dang khrag gis kyang 'jam dpal gzhon nur gyur pa la sman yon thogs par mi nus na mchod pa gzhan gyis lta smos kyang ci 'tshal/ chos kyi rnam grangs 'di gang dag gi lag tu mchi ba'i rigs kyi bu dang / rigs kyi bu mo gang dag la yang sha dang khrag gis kyang sman yon mi thogs so/ /bcom ldan 'das de bzhin gshegs pa la lta bar 'tshal ba'i rigs kyi bu dang rigs kyi bu mos de dag nyid la blta bar bgyi'o/ /de bzhin gshegs pa la mchod par 'tshal bas de dag nyid la mchod par bgyi'o/ /bcom ldan 'das la dad pa'i rigs kyi bu 'am/ rigs kyi bu mos de dag la ston par 'du shes bskyed par bgyi'o/ /de skad ces gsol nas/ byang chub sems dpa' sems dpa' chen po de dag gis bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor te/ 'jam dpal gzhon nur gyur pa la yang mchod nas/ sangs rgyas kyi zhing 'di nas mi snang bar gyur te/ bdag bdag gi sangs rgyas kyi zhing du 'khod nas/ bdag bdag gi yang dag par rdzogs pa'i sangs rgyas rnams kyi spyan sngar de dag thams cad kyis chos kyi rnam grangs 'di ji ltar blangs pa bzhin du rgya cher bshad pa dang / der yang sems can</font><hr>57.293a<br><font size=+1>

dpag tu med pa dag bla na med pa yang dag par rdzogs pa'i byang chub tu nges par gyur to/ /de nas bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa khyod kyis chos kyi rnam grangs 'di 'gro ba mang po la phan pa dang / 'gro ba mang po la bde ba dang / 'jig rten la snying brtse ba dang / lha dang mi rnams kyi don gyi phyir/ phan pa'i phyir/ bde ba'i phyir/ chos kyi rnam grangs 'di long shig /zung shig /lhogs shig /shod cig /de skad ces bka' stsal pa dang / bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das bdag gis chos kyi rnam grangs 'di sngon gyi yang dag par rdzogs pa'i sangs rgyas rnams las kyang blangs lags te/ de yang bcom ldan 'das las mngon sum du thos te/ bcom ldan 'das bdag gis chos kyi rnam grangs 'di ni da ltar de bzhin gshegs pa bzhugs bzhin du yang rgyas par bgyi'o/ /bcom ldan 'das yongs su mya ngan las 'das nas kyang bdag dga' ldan gyi gnas na gnas bzhin du chos kyi rnam grangs 'di'i dge ba'i rtsa ba 'bar zhing theg pa chen po la gnas pa'i rigs kyi bu dang / rigs kyi bu mo dag la bstabs par bgyi'o/ /bcom ldan 'das phyi ma'i dus phyi ma'i tshe na chos kyi rnam grangs 'di gang dag gi rna lam du grag par 'gyur ba de ni nges par byang chub sems dpa' byams pa'i byin gyis brlabs lags par rtogs par bgyi'o/ /bdud sdig can dag chos kyi rnam grangs 'di lta bu mi gda' bar bgyi ba'i slad du rdul du lags kyis kyang / bcom ldan 'das bdag gis ni sangs rgyas kyi mthu dang / sangs rgyas kyi byin gyi brlabs kyis chos kyi rnam grangs 'di lta bu yongs su gzung bar bgyi'o/ /de nas bcom ldan</font><hr>57.293b<br><font size=+1>

'das kyis brgya byin lha'i dbang po la bka' stsal pa/ kau shi ka rgyal po ma skyes dgra'i le'u the tsom thams cad gcod par byed pa/ 'gyod pa thams cad sel bar byed pa/ las kyi sgrib pa thams cad sbyong bar byed pa/ chos thams cad kyi mnyam pa nyid ston pa'i chos kyi rnam grangs 'di zung shig /de ci'i phyir zhe na/ kau shi ka de ltar khyod gang gi tshe na lha dang lha ma yin gyi g.yul du 'jug pa de'i tshe chos kyi rnam grangs 'di la soms shig /kau shi ka khyod kyis chos kyi rnam grangs 'di la bsams na lha rnams ni rgyal/ lha ma yin rnams ni pham par 'gyur bar re bar bya'o/ /kau shi ka khyod la bsgo'o/ /khyod kyis khong du chud par bya'o/ /grong ngam/ grong khyer ram/ grong 'dab bam/ ljongs sam/ yul lam/ rgyal po'i pho brang 'khor gang du yang chos kyi rnam grangs 'di spyod pa de na phyir rgol ba 'am/ dgra klan ka tshol zhing glags lta ba las glags mi rnyed par 'gyur ro/ /de bas na kau shi ka rgyal po'i pho brang du song yang rung / rkun po'i nang du song yang rung / gtum po'i nang du song yang rung / dgra'i nang du song yang rung / phyir rgol ba'i nang du song yang rung / me dang / dug dang / mtshon dang / chu'i nang du song yang rung ste/ chos kyi rnam grangs 'di la bsam par bya'o/ /de ltar byas na klan ka tshol ba gang gis kyang glags mi rnyed par 'gyur ro/ /de nas bcom ldan 'das kyis tshe dang ldan pa dga' bo la bka' stsal pa/ dga' bo khyod kyis chos kyi rnam grangs 'di zung shig /long shig /lhogs shig /shod cig /de ci'i phyir zhe na/ dga' bo de ltar rigs kyi bu 'am/ rigs kyi bu mo dag gis chos kyi rnam grangs 'di khyod las thos nas the tsom thams cad gcod par 'gyur ro/ /de dag gi nem nur thams cad byang bar 'gyur ro/ /'gyod pa thams cad bsal bar 'gyur ro/ /las kyi sgrib pa 'am nyon mongs pa'i sgrib pas glags par bya mi nus par 'gyur te/ gang dag gis</font><hr>57.294a<br><font size=+1>

chos kyi rnam grangs 'di nges par mnyan par bya ba de dag ni chos kyi rnam grangs 'di ma thos par 'chi ba'i dus byed par mi 'gyur ro/ /de ci'i phyir zhe na/ dga' bo 'di ni ma 'dres pa'i chos kyi rnam grangs kyi chos yin te 'di thos ma thag tu the tsom thams cad med par 'gyur ro/ /dga' bo khyod la bsgo'o/ /khong du chud par bya'o/ /gang mtshams med pa byed pas kyang chos kyi rnam grangs 'di la 'jug cing mos par byed na las de'i las kyi sgrib pa yod par nga mi smra'o/ /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das chos kyi rnam grangs 'di la bdag mngon sum du mchi ste/ gang gi tshe na 'jam dpal gzhon nur gyur pas rgyal po ma skyes dgra'i khab du zas 'tshal cing mtshams ma mchis pa'i mnyam pa nyid bstan pa'i chos kyi rnam grangs 'di bshad pa na rgyal po ma skyes dgras 'thun pa'i chos la bzod pa thob cing de'i 'gyod pa byang bar gyur pa de'i tshe/ bcom ldan 'das bdag 'di snyam du gyur te/ mtshams ma mchis pa bgyid pa thams cad kyi chos nyid ni gang rgyal po ma skyes dgras rtogs pa de nyid lags na bcom ldan 'das byis pa lta bu so so'i skye bo dag ni de ltar chos rang bzhin gyis zhi ba la bdag dang bdag gir rnam par brtags nas lta ba 'byung bar bgyid cing / ci ltar rgyal po ma skyes dgras rtogs pa bzhin du mtshams med pa bgyid pa thams cad kyi rang bzhin de 'dra ba lags par ni ma 'tshal te/ phyin ci log gis phyin ci log tu gyur cing / ma mchis pa la yongs su rtog pas btab pa rnams ni ma mchis bzhin du sems can dmyal ba dang / byol song gi skye gnas dang / gshin rje'i 'jig rten du sdug bsngal bar gyur te/ bcom ldan 'das bdag ni gang chos kyi rnam grangs 'di la mos pa de dag la ltung ba ma mchis/ ltung ba'i chos can ma lags so snyam bgyid do/ /bcom ldan 'das kyis bka' stsal</font><hr>57.294b<br><font size=+1>

pa/ legs so legs so/ /'od srung de bzhin no/ /ji skad smras pa de bzhin te/ sangs rgyas bcom ldan 'das rnams byang chub ni kun nas nyon mongs pa med do/ /de nas bcom ldan 'das la tshe dang ldan pa dga' bos 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ci nas kyang phyi ma'i dus phyi ma'i tshe la chos kyi rnam grangs 'di spyod par 'gyur ba 'am byin gyis brlab tu gsol/ de nas de'i tshe bcom ldan 'das kyis 'od gang gis 'jig rten gyi khams thams cad snang bar gyur pa'i 'od de lta bu g.yas phyogs dang / g.yon phyogs nas btang nas sangs rgyas kyi zhing thams cad nas de bzhin gshegs pa dgra bcom pa yang dag par rdzogs pa'i sangs rgyas kyis chos kyi rnam grangs 'di byin gyis brlabs so zhes de skad kyi sgra byung ngo / /gang dag gis chos kyi rnam grangs 'di mnyan par 'gyur ba de dag ni gal te rgya mtsho mching rnam chen po'i nang du mchis par gyur kyang rung / sreg pa'i bskal pa'i nang du mchis kyang rung ste/ sems can de dag ni chos kyi rnam grangs 'di ma thos par 'gum pa'i dus bgyid par mi 'gyur ro/ /bcom ldan 'das kyis bka' stsal pa/ dga' bo de bzhin no/ /ji ltar sgra byung ba bzhin te/ skyes bu dam pa dge ba'i rtsa ba bskyed pa de dag gi phyir chos kyi rnam grangs 'di phyi ma'i dus phyi ma'i tshe la spyod par 'gyur ro/ /chos kyi rnam grangs 'di bshad pa'i tshe/ lha dang mi'i skye dgu'i srog chags 'bum phrag dgu bcu rtsa drug ni chos la chos kyi mig rdul med cing dri ma dang bral ba rnam par dag go/ /srog chags 'bum phrag bdun bcu rtsa brgyad ni bla na med pa yang dag par rdzogs pa'i byang chub tu sems skyes so/ /byang chub sems dpa' 'bum phrag sum cu rtsa gsum ni mi skye ba'i chos la bzod pa skyes so/ /srog chags brgyad stong gis ni 'dod chags dang bral ba</font><hr>57.295a<br><font size=+1>

thob par gyur to/ /stong gsum gyi stong chen po'i 'jig rten gyi khams 'di yang rnam pa drug tu g.yos so/ /lha dang bcas pa'i 'jig rten kyang chos kyi rnam grangs 'di'i mchod pa'i las la brtson par gyur te/ sil snyan brgya stong dkrol bar byed cing gang de bzhin gshegs pas 'dir chos kyi rnam grangs bstan pa de ni chos kyi 'khor lo bskor ba'i mchog yin no/ /chos kyi rnam grangs 'di las ni mu stegs can gzhan klan ka la spyod pa/ bdud kyi yul la gnas pa thams cad tshar bcad do/ /yang dag pa'i chos la mos pa'i rigs kyi bu dang / rigs kyi bu mo dag gi phyir de bzhin gshegs pa dgra bcom pa yang dag par rdzogs pa'i sangs rgyas kyis phyag rgya 'di bzhag ste/ gang dag gis phyag rgya 'di shes pa de dag ni yang dag par rdzogs pa'i byang chub tu nges par 'gyur ro zhes de skad kyang smra'o/ /bcom ldan 'das dgyes shing de skad bka' stsal pa dang / rgyal po ma skyes dgra dang / 'jam dpal gzhon nur gyur pa la sogs pa byang chub sems dpa' sems dpa' chen po de dag dang / 'od srung chen po dang / dga' bo dang / shA ri'i bu dang / maud gal gyi bu la sogs pa nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis bka' stsal pa la mngon par dga'o/ /rgyal po ma skyes dgra'i 'gyod pa bsal ba zhes bya ba theg pa chen po'i mdo rdzogs so// //a tsar+ya many+dzushri gab+ha dang rat+na ra shi zhus/ </font><hr>

</table>