J153

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J153</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J153&coll=lithang">see text in Tibetan script</a></table>57.131b<br><font size=+1>

@#/ /rgya gar skad du/ Ar+ya shA li sam+b+ha ba nA ma ma hA yA nA sU tra/  bod skad du/  'phags pa sA lu'i ljang pa zhes bya ba theg pa chen po'i mdo/  sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das</font><hr>57.132a<br><font size=+1>

rgyal po'i khab bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bzhugs te/ de'i tshe na tshe dang ldan pa shA ri'i bu byang chub sems dpa' sems dpa' chen po byams pa'i bgrod par bya ba'i sa phyogs ga la ba der song ste phyin nas phan tshun yang dag par dga' bar bya ba'i gtam rnam pa mang po byas nas 'dus te gnyis ka rdo leb la 'khod do/ /de nas tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so/ /byams pa deng 'dir bcom ldan 'das kyis sA lu'i ljang pa la gzigs nas dge slong rnams la mdo 'di gsungs so/ /dge slong dag sus rten cing 'brel par 'byung ba mthong ba des chos mthong ngo / /sus chos mthong ba des sangs rgyas mthong ngo zhes de skad bka' stsal nas/ bcom ldan 'das cang mi gsung bar gyur na byams pa bde bar gshegs pas bka' stsal pa'i mdo de'i don ni ci/ dge slong dag sus rten cing 'brel par 'byung ba ni gang / chos ni gang / sangs rgyas ni gang / ji ltar rten cing 'brel par 'byung ba mthong na chos mthong / ji ltar chos mthong na sangs rgyas mthong / de skad ces smras pa dang / byang chub sems dpa' sems dpa' chen po byams pas tshe dang ldan pa sha ra dwa ti'i bu la 'di skad ces smras so/ /btsun pa shA ri'i bu 'di la bcom ldan 'das chos kyi bdag po thams cad mkhyen pas dge slong dag sus rten cing 'brel par 'byung ba mthong ba des chos mthong ngo / /sus chos mthong ba des sangs rgyas mthong ngo zhes gsungs pa de la rten cing 'brel par 'byung ba gang zhe na/ rten cing 'brel par 'byung ba zhes bya ba ni 'di lta ste/ 'di yod pas 'di 'byung la/ 'di</font><hr>57.132b<br><font size=+1>

skyes pa'i phyir 'di skye ba ste/ gang 'di ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' shig po 'di 'byung bar 'gyur ro/ /de la ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' zhig po 'di 'gag par 'gyur ro/ /'di ni bcom ldan 'das kyis rten cing 'brel par 'byung ba zhes gsungs so/ /chos gang zhe na/ 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge</font><hr>57.133a<br><font size=+1>

'dzin to/ /'di ni 'phags pa'i lam yan lag brgyad pa zhes bya ste/ 'bras bu thob pa dang mya ngan las 'das pa gcig tu bsdus te/ bcom ldan 'das kyis chos so zhes bka' stsal to/ /de la sangs rgyas bcom ldan 'das gang zhe na/ sus chos thams cad thugs su chud pa'i phyir sangs rgyas shes bya ste/ des 'phags pa'i shes rab kyi spyan dang / chos kyi sku dang ldan pa dang / slob pa dang mi slob pa'i chos de dag gzigs pa'o/ /de la rten cing 'brel par 'byung ba mthong ba ji lta bu zhe na/ 'di la bcom ldan 'das kyis sus rten cing 'brel par 'byung ba rtag pa dang / srog med pa dang / srog dang bral ba dang / ji lta bu nyid dang / ma nor ba dang / ma skyes pa dang / ma byung ba dang / ma byas pa dang / 'dus ma byas pa dang / thogs pa med pa dang / dmigs pa med pa dang / zhi ba dang / 'jigs pa med pa dang / mi 'phrogs pa dang / rnam par zhi ba ma yin pa'i rang bzhin du mthong ba ste/ gang gis tshul 'di 'dra bar chos la'ang rtag pa dang / srog med pa dang / srog dang bral ba dang / ji lta bu nyid dang / ma nor ba dang / ma skyes pa dang / ma byung ba dang / ma byas pa dang / 'dus ma byas pa dang / thogs pa med pa dang / dmigs pa med pa dang / zhi ba dang / 'jigs pa med pa dang / mi 'phrogs pa dang / rnam par zhi ba ma yin pa'i rang bzhin du mthong ba des 'phags pa'i chos mngon par rtogs te/ yang dag pa'i ye shes dang ldan pas bla na med pa'i chos kyi skur sangs rgyas mthong ngo zhes gsungs so/ /smras pa/ ci'i phyir rten cing 'brel par 'byung ba zhes bya/ smras pa rgyu dang bcas rkyen dang bcas pa la bya'i/ rgyu med rkyen med pa la ni ma yin te/ de'i phyir rten cing 'brel par 'byung ba zhes bya'o/ /de la bcom ldan 'das kyis rten cing 'brel par 'byung ba'i mtshan nyid mdor bsdus te bka' stsal pa rkyen 'di nyid kyi 'bras bu ste/ de bzhin gshegs pa rnams byung yang rung / ma byung</font><hr>57.133b<br><font size=+1>

yang rung / chos rnams kyi chos nyid 'di ni 'dug pa'o zhes bya ba nas gang 'di chos nyid dang / chos gnas pa nyid dang / chos mi 'gyur ba nyid dang / rten cing 'brel par 'byung bar 'thun pa dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa nyid dang / bden pa kho na dang / ma nor ba nyid dang / phyin ci ma log pa nyid ces bya ba'i bar du gsungs so/ /'di ltar yang rten cing 'brel par 'byung ba 'di gnyis kyi phyir 'byung ste/ gnyis gang zhe na/ 'di lta ste/ rgyu dang 'brel pa dang / rkyen dang 'brel pa'i phyir ro/ /de yang phyi'i dang / nang gi dang rnam pa gnyis su blta'o/ /de la phyi rol gyi rten cing 'brel par 'byung ba rgyu dang 'brel pa gang zhe na/ 'di lta ste/ sa bon las myu gu/ myu gu las 'dab ma/ 'dab ma las sdong bu/ sdong bu las sbu bu/ sbu bu las snying po/ snying po las me tog /me tog las 'bras bu'o/ /sa bon med na myu gu mi 'byung ste/ me tog med na 'bras bu'i bar du yang mi 'byung ngo / /sa bon yod na myu gu mngon par 'grub par 'gyur te/ de bzhin du me tog yod na 'bras bu'i bar du mngon par 'grub par 'gyur ro/ /de la sa bon ni 'di snyam du bdag gis myu gu mngon par bsgrub po snyam du mi sems so/ /myu gu yang 'di snyam du bdag ni gyis mngon par bsgrubs so snyam du mi sems so/ /de bzhin du me tog kyang 'di snyam du bdag gis 'bras bu mngon par bsgrub po snyam du mi sems pa'i bar du ste/ 'bras bu yang 'di snyam du bdag ni me tog gis mngon par bsgrubs so snyam du mi sems mod kyi/ 'on kyang sa bon yod na myu gu mngon par 'grub cing 'byung bar 'gyur ba nas de bzhin du me tog yod na 'bras bu'i bar du yang mngon par 'grub cing 'byung bar 'gyur te/ de ltar phyi rol gyi rten cing 'brel par 'byung ba rgyu dang 'brel par blta'o/ /phyi rol</font><hr>57.134a<br><font size=+1>

gyi rten cing 'brel par 'byung ba rkyen dang 'brel pa ji ltar blta zhe na/ khams drug 'dus pa'i phyir te/ khams drug po gang dag 'dus pa'i phyir zhe na/ 'di lta ste/ sa dang / chu dang / me dang / rlung dang / nam mkha' dang / dus kyi khams rnams 'dus pa las phyi rol gyi rten cing 'brel par 'byung ba rkyen dang 'brel par blta'o/ /de la sa'i khams ni sa bon rten pa'i bya ba byed do/ /chu'i khams ni sa bon rlan pa'i bya ba byed do/ /me'i khams ni sa bon yongs su dro ba'i bya ba byed do/ /rlung gi khams ni sa bon 'bu ba'i bya ba byed do/ /nam mkha'i khams ni sa bon la mi sgrib pa'i bya ba byed do/ /dus ni sa bon 'gyur ba'i bya ba byed do/ /rkyen 'di rnams med par sa bon las myu gu mngon par 'grub par mi 'gyur gyi/ nam phyi rol gyi sa'i khams ma tshang ba med par gyur la de bzhin du chu dang / me dang / rlung dang / nam mkha' dang / dus kyang ma tshang ba med par gyur te/ thams cad 'dus pa las sa bon 'gags pa na de las myu gu mngon par 'grub par 'gyur ro/ /de la sa'i khams kyang 'di snyam du bdag gis sa bon rten pa'i bya ba bya'o snyam du mi sems so/ /de bzhin du chu'i khams kyang 'di snyam du bdag gis sa bon rlan par bya'o snyam du mi sems so/ /me'i khams kyang 'di snyam du bdag gis sa bon yongs su dro bar bya'o snyam du mi sems so/ /rlung gi khams kyang 'di snyam du bdag gis sa bon 'bu bar bya'o snyam du mi sems so/ /nam mkha'i khams kyang 'di snyam du bdag gis sa bon la mi sgrib pa'i bya ba bya'o snyam du mi sems so/ /dus kyang 'di snyam du bdag gis sa bon bsgyur ba'i bya ba bya'o snyam du mi sems so/ /sa bon yang 'di snyam du bdag gis myu gu mngon par bsgrub po snyam du mi sems so/ /myu gu yang 'di snyam du bdag ni rkyen 'di dag gis mngon par bsgrubs so snyam du mi sems mod kyi/ 'on kyang rkyen 'di dag yod la sa bon 'gags pa na myu gu</font><hr>57.134b<br><font size=+1>

mngon par 'grub par 'gyur ro/ /de bzhin du me tog yod na 'bras bu'i bar du yang mngon par 'grub par 'gyur te/ myu gu de yang bdag gis ma byas/ gzhan gyis ma byas/ gnyi gas ma byas/ dbang phyug gis ma byas/ dus kyis ma bsgyur/ rang bzhin las ma byung / rgyu med pa las kyang ma skyes te/ 'on kyang sa dang / chu dang / me dang / rlung dang / nam mkha' dang / dus kyi khams rnams 'dus nas sa bon 'gags pa na myu gu mngon par 'grub par 'gyur te/ de ltar phyi rol gyis rten cing 'brel par 'byung ba rkyen dang 'brel par blta'o/ /de la phyi rol gyi rten cing 'brel par 'byung ba rnam pa lngar blta ste/ lnga gang zhe na/ rtag par ma yin pa dang / chad par ma yin pa dang / 'pho bar ma yin pa dang / rgyu chung ngu las 'bras bu chen po mngon par 'grub pa dang / de dang 'dra ba'i rgyud du'o/ /ji ltar rtag par ma yin zhe na/ gang gi phyir myu gu yang gzhan la sa bon yang gzhan te/ myu gu gang yin pa de nyid sa bon ma yin la/ sa bon 'gags pa las myu gu 'byung ba ma yin/ ma 'gags pa las kyang ma yin gyi/ sa bon yang 'gags la de nyid kyi tshe myu gu yang 'byung ste/ de'i phyir rtag par ma yin no/ /ji ltar chad par ma yin zhe na/ sngon 'gags pa'i sa bon las myu gu skye ba ma yin/ ma 'gags pa las kyang ma yin gyi/ sa bon yang 'gags la de nyid kyi tshe srang mda'i mtho dma' bzhin du myu gu skye bas de'i phyir chad par ma yin no/ /ji ltar 'pho bar ma yin zhe na/ gang gi phyir myu gu yang gzhan la sa bon yang gzhan/ myu gu gang yin pa de nyid sa bon ma yin te/ de'i phyir 'pho bar ma yin no/ /ji ltar rgyu chung ngu las 'bras bu chen po mngon par 'grub ce na/ sa bon chung ngu btab pa las 'bras bu chen po mngon par 'grub par 'gyur te/ de'i phyir rgyu chung ngu las 'bras bu chen po mngon par 'grub po/ /sa bon ji lta bu btab pa de lta bu'i 'bras bu mngon</font><hr>57.135a<br><font size=+1>

par 'grub pas de'i phyir de dang 'dra ba'i rgyud du ste/ de ltar phyi rol gyi rten cing 'brel par 'byung ba rnam pa lngar blta'o/ /de bzhin du nang gi rten cing 'brel par 'byung ba yang gnyis kyi phyir 'byung ste/ gnyis gang zhe na/ 'di lta ste/ rgyu dang 'brel pa dang / rkyen dang 'brel pa'o/ /de la nang gi rten cing 'brel par 'byung ba rgyu dang 'brel pa gang zhe na/ gang 'di ma rig pa'i rkyen gyis 'du byed rnams shes bya ba nas skye ba'i rkyen kyis rga shi zhes bya ba'i bar du'o/ /gal te ma rig pa ma byung na 'du byed rnams kyang mi mngon pa zhig /de bzhin du skye ba ma byung du zin na rga shi'i bar du yang mi mngon pa zhig na/ 'di ltar ma rig pa yod pa las 'du byed rnams mngon par 'grub par 'gyur ba nas skye ba yod pa las rga shi'i bar du mngon par 'grub par 'gyur ro/ /de la ma rig pa yang 'di snyam du bdag gis 'du byed rnams mngon par bsgrub po snyam du mi sems so/ /'du byed rnams kyang 'di snyam du bdag cag ni ma rig pas mngon par bsgrubs so snyam du mi sems pa nas de bzhin du skye ba yang 'di snyam du bdag gis rga shi mngon par bsgrub po snyam du mi sems shing / rga shi yang 'di snyam du bdag ni skye bas mngon par bsgrubs so snyam du mi sems pa'i bar du ste/ 'on kyang ma rig pa yod pa las 'du byed rnams mngon par 'grub cing 'byung bar 'gyur ba nas de bzhin du skye ba yod pa las rga shi'i bar du mngon par 'grub cing 'byung bar 'gyur te/ de ltar na nang gi rten cing 'brel par 'byung ba rgyu dang 'brel par blta'o/ /nang gi rten cing 'brel par 'byung ba rkyen dang 'brel par ji ltar blta zhe na/ khams drug po 'dus pa'i phyir te/ khams drug po gang dag 'dus pa'i phyir zhe na/ 'di lta ste/ sa dang / chu dang / me dang / rlung dang / nam mkha' dang / rnam par shes pa'i khams rnams 'dus pa las nang gi rten cing 'brel par 'byung ba rkyen dang 'brel par blta'o/ /</font><hr>57.135b<br><font size=+1>

de la nang gi rten cing 'brel par 'byung ba'i sa'i khams gang zhe na/ gang 'di 'dus nas lus kyi sra ba'i dngos po mngon par 'grub par byed pa 'di ni sa'i khams shes bya'o/ /gang lus sdud pa'i bya ba byed pa 'di ni chu'i khams shes bya'o/ /gang lus kyis zos pa dang / 'thungs pa dang / 'chos pa dang / myangs pa rnams 'ju bar byed pa 'di ni me'i khams shes bya'o/ /gang lus kyi dbugs phyi nang du rgyu ba'i bya ba byed pa 'di ni rlung gi khams shes bya'o/ /gang lus kyi nang sbubs yod par byed pa 'di ni nam mkha'i khams shes bya'o/ /gang mdung khyim gyi tshul du lus kyi ming dang gzugs kyi myu gu mngon par 'grub par byed pa rnam par shes pa'i tshogs lnga 'dus pa dang / zag pa dang bcas pa'i yid kyi rnam par shes pa gang yin pa 'di ni rnam par shes pa'i khams shes bya'o/ /rkyen 'di dag med par lus skye bar mi 'gyur gyi/ nam nang gi sa'i khams tshang zhing de bzhin du chu dang / me dang / rlung dang / nam mkha' dang / rnam par shes pa'i khams rnams kyang tshang bar gyur la/ thams cad 'dus pa de las lus mngon par 'grub par 'gyur ro/ /de la sa'i khams kyang 'di snyam du bdag gis 'dus nas lus kyi sra ba'i dngos po mngon par bsgrub po snyam du mi sems so/ /chu'i khams kyang 'di snyam du bdag gis lus kyi sdud pa'i bya ba bya'o snyam du mi sems so/ /me'i khams kyang 'di snyam du bdag gis lus kyi zos pa dang / 'thungs pa dang / 'chos pa dang / myangs pa rnams 'ju bar bya'o snyam du mi sems so/ /rlung gi khams kyang 'di snyam du bdag gis lus kyi dbugs phyi nang du rgyu ba'i bya ba bya'o snyam du mi sems so/ /nam mkha'i khams kyang 'di snyam du bdag gis lus kyi nang sbubs yod par bya'o snyam du mi sems so/ /rnam par shes pa'i khams kyang 'di snyam du bdag gis lus kyi ming dang gzugs mngon par bsgrub po snyam du mi sems so/ /lus kyang 'di snyam du bdag</font><hr>57.136a<br><font size=+1>

ni rkyen 'di dag gis bskyed do snyam du mi sems mod kyi/ 'on kyang rkyen 'di dag yod na lus skye bar 'gyur ro/ /de la sa'i khams ni bdag ma yin/ sems can ma yin/ srog ma yin/ skye ba po ma yin/ shed las skyes pa ma yin/ shed bu ma yin/ bud med ma yin/ skyes pa ma yin/ ma ning ma yin/ nga ma yin/ bdag gi ma yin te/ gzhan su'i yang ma yin no/ /de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyang bdag ma yin/ sems can ma yin/ srog ma yin/ skye ba po ma yin/ shed las skyes pa ma yin/ shed bu ma yin/ bud med ma yin/ skyes pa ma yin/ ma ning ma yin/ nga ma yin/ bdag gi ma yin/ gzhan su'i yang ma yin no/ /de la ma rig pa gang zhe na/ khams drug po 'di dag nyid la gang gcig pur 'du shes pa dang / ril por 'du shes pa dang / rtag par 'du shes pa dang / brtan par 'du shes pa dang / ther zug tu 'du shes pa dang / bde bar 'du shes pa dang / bdag tu 'du shes pa dang / sems can dang / srog dang / skye ba po dang / gso ba dang / skyes bu dang / gang zag tu 'du shes pa dang / shed las skyes pa dang / shed bur 'du shes pa dang / nga zhes bya ba dang / bdag gi zhes bya bar 'du shes pa ste/ 'di lta bu la sogs pa mi shes pa rnam pa sna tshogs 'di ni ma rig pa zhes bya'o/ /de ltar ma rig pa yod pas yul rnams la 'dod chags dang / zhe sdang dang / gti mug 'jug ste/ de la yul rnams la 'dod chags dang / zhe sdang dang / gti mug gang yin pa 'di ni ma rig pa'i rkyen gyis 'du byed rnams shes bya'o/ /dngos po so sor rnam par rig pa ni rnam par shes pa'o/ /rnam par shes pa dang lhan cig byung ba nye bar len pa'i phung po bzhi po 'di dag ni ming dang gzugs so/ /ming dang gzugs la rten pa'i dbang po rnams ni skye mched drug go/ /chos gsum</font><hr>57.136b<br><font size=+1>

'dus pa ni reg pa'o/ /reg pa myong ba ni tshor ba'o/ /tshor ba la zhen pa ni sred pa'o/ /sred pa 'phel ba ni len pa'o/ /len pa las skyes pa yang skyed pa'i las ni srid pa'o/ /rgyu de las phung po byung ba ni skye ba'o/ /skyes nas phung po smin pa ni rga ba'o/ /rgas nas phung po zhig pa ni 'chi ba'o/ /'chi zhing myos te mngon par chags pa dang bcas pa'i nang gi yongs su gdung ba ni mya ngan to/ /mya ngan las byung ba'i tshig tu smra ba ni smre sngags 'don pa'o/ /rnam par shes pa lnga'i tshogs dang ldan pa'i mi bde ba myong ba ni sdug bsngal lo/ /yid la byed pa dang ldan pa'i yid kyi sdug bsngal ni yid mi bde ba'o/ /gzhan yang 'di lta bu la sogs pa'i nye ba'i nyon mongs pa gang yin pa de dag ni 'khrug pa zhes bya'o/ /de la mun pa chen po'i phyir ma rig pa'o/ /mngon par 'du byed pa'i phyir 'du byed rnams so/ /rnam par rig pa'i phyir rnam par shes pa'o/ /rten pa'i phyir ming dang gzugs so/ /skye ba'i sgo'i phyir skye mched drug go/ /reg pa'i phyir reg pa'o/ /myong ba'i phyir tshor ba'o/ /skom pa'i phyir sred pa'o/ /nye bar len pa'i phyir len pa'o/ /yang srid pa skye ba'i phyir srid pa'o/ /phung po 'byung ba'i phyir skye ba'o/ /phung po smin pa'i phyir rga ba'o/ /'jig pa'i phyir 'chi ba'o/ /mya ngan byed pa'i phyir mya ngan to/ /tshig gis smre ba'i phyir smre sngags 'don pa'o/ /lus la gnod pa'i phyir sdug bsngal ba'o/ /sems la gnod pa'i phyir yid mi bde ba'o/ /nyon mongs pa'i phyir 'khrug pa'o/ /gzhan yang de kho na mi rtogs shing log par shes te mi shes pa ni ma rig pa'o/ /de ltar ma rig pa yod na 'du byed rnam gsum mngon par 'grub ste/ bsod nams su nye bar 'gro ba dang / bsod nams ma yin par nye bar 'gro ba dang / mi g.yo bar nye bar 'gro ba'o/ /de la bsod nams su nye bar 'gro ba'i 'du byed rnams las bsod nams su nye bar 'gro ba'i rnam par shes pa nyid du 'gyur ba dang / bsod</font><hr>57.137a<br><font size=+1>

nams ma yin par nye bar 'gro ba'i 'du byed rnams las bsod nams ma yin par nye bar 'gro ba'i rnam par shes pa nyid du 'gyur ba dang / mi g.yo bar nye bar 'gro ba'i 'du byed rnams las mi g.yo bar nye bar 'gro ba'i rnam par shes pa nyid du 'gyur ba 'di ni 'du byed kyi rkyen gyis rnam par shes pa zhes bya'o/ /rnam par shes pa dang lhan cig skyes pa phung po gzugs can ma yin pa bzhi dang / gzugs gang yin pa de ni rnam par shes pa'i rkyen gyis ming dang gzugs shes bya'o/ /ming dang gzugs rnam par 'phel bas skye mched drug gi sgo nas bya ba byed pa rnams 'byung ste/ de ni ming dang gzugs kyi rkyen gyis skye mched drug ces bya'o/ /skye mched drug po dag la reg pa'i tshogs drug 'byung ste/ de ni skye mched drug gi rkyen gyis reg pa zhes bya'o/ /ji lta bur reg pa 'byung ba de lta bur tshor ba 'byung ste/ de ni reg pa'i rkyen gyis tshor ba zhes bya'o/ /tshor ba'i bye brag de dag myong ba dang / mngon par dga' ba dang / lhag par zhen pa dang / lhag par zhen nas 'dug pa de ni tshor ba'i rkyen gyis sred pa zhes bya'o/ /myong ba dang / mngon par dga' ba dang / lhag par zhen pa dang / lhag par zhen nas 'dug pa las bdag sdug pa'i ngo bo dang / bde ba'i ngo bo dang bral bar ma gyur cig snyam du yongs su mi gtong bar phyir zhing smon pa 'di ni sred pa'i rkyen gyis len pa zhes bya'o/ /de ltar smon cing yang srid pa skyed pa'i las lus dang / ngag dang / yid kyis kun nas slong ba de ni len pa'i rkyen gyis srid pa zhes bya'o/ /las de las skyes pa'i phung po lnga rnams 'grub pa gang yin pa de ni srid pa'i rkyen gyis skye ba zhes bya'o/ /skyes nas mngon du 'grub pa'i phung po rnams kyi 'phel ba yongs su smin pa dang / 'jig par 'gyur ba de ni skye ba'i rkyen gyis rga shi zhes bya'o/ /de ltar rten cing 'brel par 'byung ba'i yan lag bcu gnyis po 'di dag ni rgyu gzhan dang gzhan las</font><hr>57.137b<br><font size=+1>

byung ba/ rkyen gzhan dang gzhan las byung ba/ rtag pa ma yin/ mi rtag pa ma yin/ 'dus byas ma yin/ 'dus ma byas ma yin/ rgyu med pa ma yin/ rkyen med pa ma yin/ myong ba yod pa ma yin/ zad pa'i chos ma yin/ 'jig pa'i chos ma yin/ 'gog pa'i chos ma yin te/ thog ma med pa'i dus nas zhugs pa/ rgyun ma chad par klung gi rgyun bzhin du rjes su zhugs pa'o/ /rten cing 'brel par 'byung ba'i yan lag bcu gnyis po 'di dag ni rgyu gzhan dang gzhan las byung ba/ rkyen gzhan dang gzhan las byung ba/ rtag pa ma yin/ mi rtag pa ma yin/ 'dus byas ma yin/ 'dus ma byas ma yin/ rgyu med pa ma yin/ rkyen med pa ma yin/ myong ba yod pa ma yin/ zad pa'i chos ma yin/ 'jig pa'i chos ma yin/ 'gog pa'i chos ma yin te/ thog ma med pa'i dus nas zhugs pa/ rgyun ma chad par klung gi rgyun bzhin du rjes su zhugs mod kyi/ 'on kyang yan lag bzhi po 'di dag ni rten cing 'brel par 'byung ba'i yan lag bcu gnyis po de dag bsdu bar bya ba'i rgyur 'gyur ro/ /bzhi gang zhe na/ 'di lta ste/ ma rig pa dang / sred pa dang / las dang / rnam par shes pa'o/ /de la rnam par shes pa ni sa bon gyi rang bzhin gyis rgyu byed do/ /las ni zhing gi rang bzhin gyis rgyu byed do/ /ma rig pa dang sred pa ni nyon mongs pa'i rang bzhin gyis rgyu byed do/ /de la las dang nyon mongs pa dag ni sa bon rnam par shes pa skyed do/ /de la las ni sa bon rnam par shes pa'i zhing gi bya ba byed do/ /sred pa ni sa bon rnam par shes pa rlan par byed do/ /ma rig pa ni sa bon rnam par shes pa 'debs te/ rkyen 'di dag med na sa bon rnam par shes pa mngon par 'grub par mi 'gyur ro/ /de la las kyang 'di snyam du bdag gis sa bon rnam par shes pa'i zhing gi bya ba bya'o snyam du mi sems so/ /sred pa yang 'di snyam du bdag gis sa bon rnam par shes pa brlan par bya'o snyam du mi sems so/ /</font><hr>57.138a<br><font size=+1>

ma rig pa yang 'di snyam du bdag gis sa bon rnam par shes pa gdab bo snyam du mi sems so/ /sa bon rnam par shes pa yang 'di snyam du bdag ni rkyen 'di dag gis bskyed do snyam du mi sems te/ 'on kyang sa bon rnam par shes pa las kyi zhing la rten pa/ sred pa'i rlan gyis brlan pa/ ma rig pa'i lud kyis bran pa/ skye ba na skye ba'i gnas nying mtshams sbyor ba/ ma'i mngal de dang der ming dang gzugs kyi myu gu mngon par 'grub ste/ ming dang gzugs kyi myu gu de yang bdag gis ma byas/ gzhan gyis ma byas/ gnyis kas ma byas/ dbang phyug gis ma byas/ dus kyis ma bsgyur/ rang bzhin las ma byung / byed pa la rag las pa ma yin/ rgyu med pa las kyang ma skyes te/ 'on kyang pha dang ma phrad pa dang / zla mtshan dang ldan pa dang / rkyen gzhan yang 'tshogs na bdag po med pa'i chos/ bdag gi med pa/ 'dzin pa med pa/ nam mkha' dang mtshungs pa/ sgyu ma'i mtshan nyid kyi rang bzhin dag la rgyu dang rkyen ma tshang ba med pa'i phyir skye ba'i gnas nying mtshams sbyor ba ma'i mngal de dang der myong ba dang ldan pa'i sa bon rnam par shes pa ming dang gzugs kyi myu gu mngon par 'grub po/ /'di lta ste/ mig gi rnam par shes pa ni rgyu lngas 'byung ste/ lnga gang zhe na/ mig la rten pa dang / gzugs dang / snang ba dang / nam mkha' dang / de skyed pa'i yid la byed pa la yang brten nas mig gi rnam par shes pa 'byung ngo / /de la mig ni mig gi rnam par shes pa'i rten gyi bya ba byed do/ /gzugs ni mig gi rnam par shes pa'i dmigs pa'i bya ba byed do/ /snang ba ni mngon pa'i bya ba byed do/ /nam mkha' ni mi sgrib pa'i bya ba byed do/ /de dang 'byung ba yid la byed pa ni bsam pa'i bya ba byed do/ /rkyen de dag med na mig gi rnam par shes pa 'byung bar mi 'gyur gyi/ gang gi tshe nang gi skye mched mig ma tshang bar ma gyur la/ de bzhin du gzugs</font><hr>57.138b<br><font size=+1>

dang / snang ba dang / nam mkha' dang / de dang 'byung ba yid la byed pa dag ma tshang bar ma gyur te/ thams cad 'dus pa de las mig gi rnam par shes pa 'byung bar 'gyur ro/ /de la mig ni 'di snyam du bdag gis mig gi rnam par shes pa'i rten gyi bya ba bya'o snyam du mi sems so/ /gzugs kyang 'di snyam du bdag gis mig gi rnam par shes pa'i dmigs pa'i bya ba bya'o snyam du mi sems so/ /snang ba yang 'di snyam du bdag gis mig gi rnam par shes pa'i mngon pa'i bya ba bya'o snyam du mi sems so/ /nam mkha' yang 'di snyam du bdag gis mig gi rnam par shes pa'i mi sgrib pa'i bya ba bya'o snyam du mi sems so/ /de dang 'byung ba'i yid la byed pa yang 'di snyam du bdag gis mig gi rnam par shes pa'i bsam pa'i bya ba bya'o snyam du mi sems so/ /mig gi rnam par shes pa yang 'di snyam du bdag ni rkyen 'di dag gis bskyed do snyam du mi sems te/ 'on kyang rkyen 'di dag yod pa las mig gi rnam par shes pa skye bar 'gyur ro/ /de bzhin du dbang po lhag ma rnams kyang ci rigs su sbyar ro/ /de la chos gang yang 'jig rten 'di nas 'jig rten pha rol du mi 'pho mod kyi/ rgyu dang rkyen ma tshang ba med pa'i phyir las kyi 'bras bur mngon pa yang yod do/ /'di lta ste/ dper na rab tu phyis pa'i me long gi dkyil 'khor la bzhin gyi gzugs brnyan snang ba yang bzhin me long gi dkyil 'khor du ma 'phos mod kyi/ rgyu dang rkyen ma tshang ba med pa'i phyir bzhin du mngon pa yang yod do/ /de bzhin du 'di nas kyang su yang shi 'phos pa med la gzhan du yang ma skyes te/ rgyu dang rkyen rnams ma tshang ba med pa'i phyir las kyi 'bras bur mngon pa yang yod do/ /'di lta ste/ dper na zla ba'i dkyil 'khor ni dpag tshad bzhi khri nyis stong nas 'gro ste/ 'on kyang snod chung ngu chus gang bar zla ba'i dkyil 'khor gyi gzugs brnyan snang ba yang zla ba'i dkyil 'khor ni gnas de nas ma 'phos te/ </font><hr>57.139a<br><font size=+1>

snod chung ngu chus gang ba'i nang du song ba yang med mod kyi/ rgyu dang rkyen ma tshang ba med pa'i phyir zla ba'i dkyil 'khor du mngon pa yang yod do/ /de bzhin du 'di nas kyang su yang shi 'phos pa med la gzhan du yang ma skyes mod kyi/ rgyu dang rkyen rnams ma tshang ba med pa'i phyir las kyi 'bras bur mngon pa yang yod do/ /'di lta ste/ dper na me ni rgyu dang rkyen ma tshang na mi 'bar gyi rgyu dang rkyen 'tshogs pa las 'bar ro/ /de bzhin du bdag po med pa'i chos/ bdag gi med pa/ 'dzin pa med pa/ nam mkha' dang mtshungs pa/ sgyu ma'i mtshan nyid kyi rang bzhin dag la rgyu dang rkyen rnams ma tshang ba med pa'i phyir skye ba'i gnas nying mtshams sbyor ba ma'i mngal de dang der sa bon rnam par shes pa las dang nyon mongs pa rnams kyis bskyed pa ming dang gzugs kyi myu gu mngon par 'grub ste/ de ltar na nang gi rten cing 'brel par 'byung ba rkyen dang 'brel par blta'o/ /de la nang gi rten cing 'brel par 'byung ba rnam pa lngar blta ste/ lnga gang zhe na/ rtag par ma yin pa dang / chad par ma yin pa dang / 'pho bar ma yin pa dang / rgyu chung ngu las 'bras bu chen po 'byung ba dang / de dang 'dra ba'i rgyud du'o/ /ji ltar rtag par ma yin zhe na/ gang gi phyir tha ma'i 'chi ba'i phung po rnams kyang gzhan la/ skye ba'i char gtogs pa rnams kyang gzhan te/ tha ma 'chi ba'i phung po gang yin pa de nyid skye ba'i char gtogs pa rnams ma yin gyi/ tha ma'i 'chi ba'i phung po rnams kyang 'gag la skye ba'i char gtogs pa'i phung po rnams kyang 'byung bas de'i phyir rtag par ma yin no/ /ji ltar chad par ma yin zhe na/ tha ma'i 'chi ba'i phung po rnams sngon 'gags pa las skye ba'i char gtogs pa'i phung po rnams 'byung ba ma yin/ ma 'gags pa las kyang ma yin gyi/ tha ma'i 'chi ba'i phung po rnams kyang 'gags la/ de nyid kyi tshe skye ba'i char gtogs pa'i phung po rnams srang mda'i</font><hr>57.139b<br><font size=+1>

mthon dman bzhin 'byung bar 'gyur te/ de'i phyir chad par ma yin no/ /ji ltar 'pho bar ma yin zhe na/ sems can gyi ris mi 'dra ba nas skal pa mnyam pa'i skye bar skye ba mngon par sgrub pas de'i phyir 'pho bar ma yin no/ /ji ltar rgyu chung ngu las 'bras bu chen po 'byung zhe na/ las chung ngu byas pa las 'bras bu chen po'i rnam par smin pa myong ste/ de'i phyir rgyu chung ngu las 'bras bu chen po mngon par 'grub po/ /ji ltar myong bar 'gyur ba'i las byas pa de ltar myong bar 'gyur ba'i rnam par smin pa myong bas de'i phyir de dang 'dra ba'i rgyud du'o/ /btsun pa shA ri'i bu rten cing 'brel par 'byung ba bcom ldan 'das kyis yang dag par gsungs pa 'di gang la la zhig gis yang dag pa'i shes rab kyis de ltar yang dag pa ji lta ba bzhin du rtag par rgyun du srog med pa dang / srog dang bral ba dang / ji lta bu nyid dang / ma nor ba dang / ma skyes pa dang / ma byung ba dang / ma byas pa dang / 'dus ma byas pa dang / thogs pa med pa dang / dmigs pa med pa dang / zhi ba dang / 'jigs pa med pa dang / mi 'phrogs pa dang / zad pa med pa dang / rnam par zhi ba ma yin pa'i rang bzhin du mthong ba dang / med pa dang / gsog dang / gsob dang / snying po med pa dang / nad dang / 'bras dang / zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yang dag par rjes su mthong ba de ni ci bdag 'das pa'i dus na 'byung ba zhig gam/ 'on te bdag 'das pa'i dus na ma byung ba zhig /bdag 'das pa'i dus na cir gyur pa zhig /bdag 'das pa'i dus na ji lta bur gyur pa zhig gu snyam du sngon gyi mtha' la mi rtog go/ /ci ma 'ongs pa'i dus na 'byung bar 'gyur ram/ 'on te ma 'ongs pa'i dus na 'byung bar mi 'gyur/ ma 'ongs pa'i dus na cir 'gyur/ ma 'ongs pa'i dus na ji lta bu zhig tu 'gyur snyam du phyi ma'i mtha' la mi rtog go/ /'di</font><hr>57.140a<br><font size=+1>

ci zhig /'di ji lta bu zhig /ci zhig yod/ cir 'gyur/ sems can 'di dag gang nas 'ongs/ 'di nas shi 'phos nas gang du 'gro bar 'gyur zhes da ltar byung ba la yang mi rtog go/ /'jig rten na dge sbyong ngam/ bram ze dag gi lta bar song ba tha dad pa gang dag yod pa 'di lta ste/ bdag tu smra ba dang ldan pa'am/ sems can du smra ba dang ldan pa'am/ srog tu smra ba dang ldan pa'am/ gang zag tu smra ba dang ldan pa'am/ dge mtshan dang bkra shis su smra ba dang ldan pa dag kyang rung ste/ lhag par g.yo ba dang bral bar g.yo ba de dag de'i tshe na des spangs par 'gyur te/ yongs su shes nas rtsa ba nas bcad de/ ta la'i mgo bzhin mi snang ba'i rang bzhin du phyis mi skye mi 'gag pa'i chos can du 'gyur ro/ /btsun pa shA ri'i bu gang la la chos la bzod pa 'di lta bu dang ldan te/ rten cing 'brel par 'byung ba'ang yang dag par khong du chud na de la de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das kyis yang dag par rdzogs pa'i sangs rgyas su 'gyur ro zhes bla na med pa yang dag par rdzogs pa'i byang chub tu lung bstan to/ /byang chub sems dpa' sems dpa' chen po byams pas de skad ces smras nas/ tshe dang ldan pa shA ri'i bu dang / lha dang / mi dang / lha ma yin dang / dri zar bcas pa'i 'jig rten yi rangs te/ byang chub sems dpa' sems dpa' chen po byams pas bshad pa la mngon par bstod do/ /'phags pa sA lu'i ljang pa zhes bya ba theg pa chen po'i mdo rdzogs so// // </font><hr>

</table>