J15

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J15</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J15&coll=lithang">see text in Tibetan script</a></table>39.20b<br><font size=+1>

@##/ /rgya gar skad du/ Ar+ya su bi kran ta bi kra mi pa ri pri tsa pra dz+nyA pA ra mi ta nir de sha / bod skad du/ 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa/  bam po dang po/ sangs rgyas dang / byang chub sems dpa' dang / 'phags pa nyan thos thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya ka lan d+ha ka gnas pa na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po sangs rgyas kyi zhing tha dad pa nas 'dus pa skye ba gcig gis thogs pa tshad med grangs med pa dang thabs gcig tu bzhugs te/ de'i tshe bcom ldan 'das 'khor brgya stong du mas yongs su bskor cing mdun gyis bltas te chos ston to/ /de nas byang chub sems dpa' sems dpa' chen po rab kyi rtsal gyis rnam par gnon pa zhes bya ba 'khor de nyid du 'dus par gyur nas 'dug pa de stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa dang / bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ /rab kyi rtsal gyis rnam par gnon pa/ de bzhin gshegs pa dgra bcom pa yang dag par rdzogs pa'i sangs rgyas la khyod ci dang ci 'dod pa dris</font><hr>39.21a<br><font size=+1>

shig dang / dris pa de dang de'i lung bstan pas khyod kyi sems rangs par bya'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po rab kyi rtsal gyis rnam par gnon pas 'di skad ces gsol to/ /bcom ldan 'das shes rab kyi pha rol du phyin pa shes rab kyi pha rol du phyin pa zhes bgyi ba/ bcom ldan 'das ji tsam gyis na byang chub sems dpa' sems dpa' chen po rnams kyi shes rab kyi pha rol du phyin pa zhes bgyi/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa lags/ bcom ldan 'das ji ltar na shes rab kyi pha rol du phyin pa la spyod pa'i byang chub sems dpa' sems dpa' chen po shes rab kyi pha rol du phyin pa bsgom pa yongs su rdzogs par 'gyur lags/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa sgom pa na bdud sdig can gyis glags mi rnyed cing bdud kyi las thams cad kyang rtogs par 'gyur lags/ bcom ldan 'das byang chub sems dpa' sems dpa' chen po shes rab kyi pha rol du phyin pa la gnas pa ji lta bus gnas na myur du thams cad mkhyen pa nyid kyi chos rnams yongs su rdzogs par 'gyur lags/ de skad ces gsol pa dang / bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ /rab kyi rtsal gyis rnam par gnon pa khyod byang chub sems dpa' sems dpa' chen po rnams kyi don dang / ci nas khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang phan pa dang bde ba'i phyir zhugs shing / da ltar gyi dang / ma 'ongs pa'i byang chub sems dpa' sems dpa' chen po rnams la snang bar byed par 'dod pas</font><hr>39.21b<br><font size=+1>

de bzhin gshegs pa dgra bcom pa yang dag par rdzogs pa'i sangs rgyas la shes rab kyi pha rol du phyin pa 'dri ba legs so/ /legs so/ /de nas bcom ldan 'das kyis mkhyen bzhin du byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ /rab kyi rtsal gyis rnam par gnon pa khyod don gyi dbang gang mthong nas de bzhin gshegs pa la don 'di lta bu 'dri/ de skad ces bka' stsal pa dang / bcom ldan 'das la byang chub sems dpa' sems dpa' chen po rab kyi rtsal gyis rnam par gnon pas 'di skad ces gsol to/ /bcom ldan 'das sems can thams cad la sman pa dang / sems can thams cad la snying brtse ba dang / sems can thams cad kyi don gyi slad du bdag de bzhin gshegs pa la don 'di zhu lags so/ /de ci'i slad du zhe na/ bcom ldan 'das 'di lta ste/ shes rab kyi pha rol du phyin pa ni nyan thos dang / rang sangs rgyas dang byang chub sems dpa' dang / yang dag par rdzogs pa'i sangs rgyas kyi chos dang / chos thams cad sdud pa lags pa'i slad du'o/ /bcom ldan 'das de la sems can gang dag nyan thos kyi theg pa la nges par gyur pa de dag gis thos na myur du zag pa ma mchis pa'i sa mngon sum du bgyid par 'gyur ba dang / gang dag rang sangs rgyas kyi theg pa la nges par gyur pa de dag kyang myur du rang sangs rgyas kyi theg pa la nges par 'byung bar 'gyur ba dang / gang dag bla na med pa yang dag par rdzogs pa'i byang chub la yang dag par zhugs pa de dag kyang myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / gang dag yang dag pa nyid skyon med pa la ma zhugs shing sa gsum la ma nges pa de dag gis thos na bla na med pa yang dag par rdzogs pa'i byang chub tu sems bskyed par 'gyur ba dang / bcom ldan 'das de bzhin gshegs pas shes rab kyi pha rol du phyin pa 'di zhus pa'i lan</font><hr>39.22a<br><font size=+1>

btab pas sems can thams cad kyi dge ba'i rtsa ba skyed par 'gyur ba'i slad du de bzhin gshegs pa'i yul dang / de bzhin gshegs pa'i ye shes bstan du gsol/ bcom ldan 'das bdag ni sems can dman pa la mos pa rnams kyi slad du de bzhin gshegs pa la zhu ba ma lags/ dbul po'i sems dang ldan pa rnams kyi slad du ma lags/ dbul po'i theg pa la yang dag par zhugs pa rnams kyi slad du ma lags/ le lo can rnams kyi slad du ma lags/ le lo'i zil gyis non pa rnams kyi slad du ma lags/ lta ba'i 'dam du bying ba rnams kyi slad du ma lags/ bdud kyi zhags pas zin pa rnams kyi slad du ma lags/ ngo tsha ma 'tshal cing khrel ma mchis pa rnams kyi slad du ma lags/ yo byad bsnyungs pa dang mi ldan pa rnams kyi slad du ma lags/ bskyud ngas pa rnams kyi slad du ma lags/ sems 'khrul pa rnams kyi slad du ma lags/ 'dod pa'i 'dam du bying ba rnams kyi slad du ma lags/ g.yon can rnams kyi slad du ma lags/ sgyu can rnams kyi slad du ma lags/ bgyis pa mi gzo ba rnams kyi slad du ma lags/ sdig pa 'tshal ba rnams kyi slad du ma ma lags/ sdig pa spyod pa rnams kyi slad du ma lags/ tshul khrims nyams pa rnams kyi slad du ma lags/ tshul khrims yongs su ma dag pa rnams kyi slad du ma lags/ lta ba nyams pa rnams kyi slad du ma lags/ bdud kyi spyod yul la spyod pa rnams kyi slad du ma lags/ bdag la stod pa rnams kyi slad du ma lags/ gzhan la smod pa rnams kyi slad du ma lags/ rnyed pa dang bkur sti la gdu ba rnams kyi slad du ma lags/ lhung bzed dang chos gos la chags pa rnams kyi slad du ma lags/ tshul 'chos pa rnams kyi slad du ma lags/ kha gsag can rnams kyi slad du ma lags/ gzhog slongs can rnams kyi slad du ma lags/ </font><hr>39.22b<br><font size=+1>

thob kyis 'jal ba rnams kyi slad du ma lags/ rnyed pa las rnyed pa sgrub pa rnams kyi slad du ma lags te/ bcom ldan 'das sems can de lta bu rnams kyi slad du bdag de bzhin gshegs pa la zhu ba ma lags so/ /bcom ldan 'das sems can gang dag thams cad mkhyen pa'i ye shes tshol ba dang / chags pa ma mchis pa'i ye shes dang / rang byung gi ye shes dang / mi mnyam pa dang mnyam pa'i ye shes dang / bla na med pa'i ye shes tshol ba de dag dang / gang dag bdag dang pha rol kyang mi dmigs na/ bdag la stod pa dang / gzhan la smod pa lta ga la mchis te/ bcom ldan 'das rwa bcad pa lta bur nga rgyal ma mchis pa/ zug rngu phyung ba/ gdol lta bur sems dma' ba/ sems sa dang chu dang me dang rlung dang nam mkha' dang mtshungs pa'i sems can rnams dang / byang chub sems dpa' sems dpa' chen po rnams kyi slad du bdag de bzhin gshegs pa la zhu lags so/ /bcom ldan 'das gang dag chos kyang mi dmigs shing / rlom sems su mi bgyid la mngon par zhen pa ma mchis na/ chos ma lags pa lta ga la mchis te/ byang chub sems dpa' sems dpa' chen po de dag gi slad du bdag de bzhin gshegs pa la zhu lags so/ /bcom ldan 'das bsam pa dag pa/ g.yo ma mchis pa/ sgyu ma mchis pa/ drang ba sems mnyam pa/ sems can thams cad la sman pa dang / snying brtse ba can yang dag par 'dzin du stsol ba/ yang dag par gzeng bstod pa/ yang dag par dga' bar bgyid pa/ khur chen po khyer ba/ theg pa chen po la mngon par zhugs pa/ bgyi ba chen pos so sor nye bar gnas pa/ snying rje chen po dang ldan pa/ sems can thams cad bde ba thob par bgyid pa 'dren pa/ rnam par 'dren pa/ yongs su 'dren pa/ chos thams cad la mi rten par gnas pa/ skye ba'i gnas thams cad mi tshol ba/ bdud kyi zhags pa thams cad las rnam par grol ba/ 'dun pa can brtson 'grus dang ldan pa/ bag mchis pa/ chos thams cad kyi dam pa'i pha rol du phyin pa/  </font><hr>39.23a<br><font size=+1>

the tshom thams cad gcod pa la mkhas pa'i sems can rnams dang / byang chub sems dpa' sems dpa' chen po rnams kyi slad du bcom ldan 'das bdag de bzhin gshegs pa la zhu lags so/ /bcom ldan 'das sems can gang dag sangs rgyas kyi ye shes la yang rlom sems su mi bgyid cing mngon par mi zhen la chags par mi gnas shing / rlom sems thams cad las yang dag par 'das pa'i lam la gnas pa/ lam du zhugs pa/ lam ston pa'i sems can rnams dang / byang chub sems dpa' sems dpa' chen po de dag gi slad du bcom ldan 'das bdag de bzhin gshegs pa la zhu lags so/ /bcom ldan 'das bdag ni sems can thams cad la bde ba dang / ltag na ma mchis pa'i bde ba dang / bla na ma mchis pa'i bde ba dang / mya ngan las 'das pa'i bde ba dang / sangs rgyas kyi bde ba dang / 'dus ma bgyis kyi bde ba nye bar bsgrub par 'tshal te/ bdag sems can thams cad kyi don dang / sman pa dang / bde ba dang / grub pa dang / bde ba'i slad du de bzhin gshegs pa la zhu lags so/ /bcom ldan 'das bdag ni the tshom ma mchis par 'tshal zhing the tshom ma mchis nas kyang sems can rnams kyi the tshom rab tu spang ba'i slad du chos bshad par 'tshal te/ bcom ldan 'das bdag sems can thams cad kyi the tshom bsal ba'i slad du bcom ldan 'das la zhu lags so/ /de ci'i slad du zhe na/ bcom ldan 'das sems can thams cad ni sdug bsngal dang mi mthun zhing bde ba 'tshal la/ sems can thams cad ni bde ba don du gnyer ba lags te/ bcom ldan 'das shes rab ma gtogs par gzhan sems can rnams kyi bde ba gang yang bdag gis ma mthong zhing / bcom ldan 'das byang chub sems dpa'i theg pa theg pa chen po ma gtogs par gzhan sems can rnams kyi bde ba gang yang ma mchis te/ bcom ldan 'das bdag gis don gyi dbang 'di mthong bas sems</font><hr>39.23b<br><font size=+1>

can rnams la bde ba nye bar bsgrub par 'tshal ba'i slad du shes rab kyi pha rol du phyin pa zhu lags so/ /bcom ldan 'das byang chub sems dpa' rnams kyi don 'di yang dag par mthong bas bdag gis de bzhin gshegs pa la don 'di zhu lags so/ /de skad ces gsol pa dang / bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ /rab kyi rtsal gyis rnam par gnon pa legs so/ /legs so/ /khyod skye bo phal po che la snying brtse ba'i phyir de bzhin gshegs pa la shes rab kyi pha rol tu phyin pa 'di 'dri ba ni khyod kyi yon tan gyi mtha' rtogs par sla ba ma yin no/ /de'i phyir rab kyi rtsal gyis rnam par gnon pa legs par nyon la rab tu yid la zung shig dang ngas khyod la bshad do/ /bcom ldan 'das legs so zhes gsol nas byang chub sems dpa' sems dpa' chen po rab kyi rtsal gyis rnam par gnon pa bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rab kyi rtsal gyis rnam par gnon pa khyod 'di skad du bcom ldan 'das shes rab kyi pha rol du phyin pa shes rab kyi pha rol du phyin pa zhes bgyi ba/ bcom ldan 'das ji tsam gyis na byang chub sems dpa' rnams kyi shes rab kyi pha rol du phyin pa zhes bgyi zhes zer ba ni/ rab kyi rtsal gyis rnam par gnon pa shes rab kyi pha rol du phyin pa ni chos gang gis kyang brjod par bya ba ma yin te/ shes rab kyi pha rol du phyin pa ni tshig thams cad las 'das pa'o/ /rab kyi rtsal gyis rnam par gnon pa shes rab kyi pha rol tu phyin pa ni 'di shes rab kyi pha rol du phyin pa'o/ /'di'i shes rab kyi pha rol du phyin pa'o/ /'dis shes rab kyi pha rol du phyin pa'o/ /'di'i phyir shes rab kyi pha rol du phyin pa'o zhes brjod par mi nus so/ /rab kyi rtsal gyis rnam par gnon pa 'di ni chos thams cad kyi pha rol du phyin pa yin te/ de'i phyir shes rab kyi pha rol du phyin pa zhes</font><hr>39.24a<br><font size=+1>

bya'o/ /rab kyi rtsal gyis rnam par gnon pa shes rab nyid kyang de bzhin gshegs pas ma brnyes ma dmigs na shes rab kyi pha rol du phyin pa lta dmigs par ga la 'gyur/ rab kyi rtsal gyis rnam par gnon pa shes rab ces bya ba 'di ni chos thams cad kun du shes pa 'di ni chos thams cad kun du rig pa ste/ de'i phyir shes rab ces bya'o/ /rab kyi rtsal gyis rnam par gnon pa chos thams cad kun du rig pa gang zhe na/ chos 'di dag thams cad ni rnam pa gzhan na chos thams cad rnam pa gzhan du brjod de/ chos thams cad ni brjod pa las rnam par grol ba ma yin no/ /gang chos thams cad kun du shes pa dang / gang chos thams cad kun du rig pa de yang tshig gis brjod par mi nus mod kyi/ 'on kyang ji ltar sems can rnams kyis shes par gyur pa de ltar shes rab ces bya'o/ /'di ni btags pa zhes bya ste/ de'i phyir shes rab ces bya'o/ /rab kyi rtsal gyis rnam par gnon pa chos thams cad ni gdags su med/ gzung du med/ bshad du med/ snang ba med de/ de lta bur kun du rig pa de ni kun du rig pa zhes bya'o/ /rab kyi rtsal gyis rnam par gnon pa shes rab ces bya ba de ni kun shes pa yang ma yin/ kun mi shes pa yang ma yin/ de las kyang ma yin / de las ma yin pa yang ma yin te/ de'i phyir shes rab ces bya'o/ /rab kyi rtsal gyis rnam par gnon pa de ni mi shes pa'i spyod yul yang ma yin/ ye shes kyi spyod yul yang ma yin/ mi shes pa'i yul yang ma yin/ ye shes kyi yul yang ma yin te/ ye shes ni yul med pa'o/ /gal te ye shes la yul yod du zin na mi shes par 'gyur ro/ /ye shes ni mi shes pa las ma yin/ mi shes pa yang ye shes las ma yin/ ye shes ni mi shes pa ma yin/ mi shes pa yang ye shes ma yin te/ ye shes kyis ye shes shes bya'o/ /ye shes kyis mi shes pa zhes mi bya'o/ /mi shes pa ye shes</font><hr>39.24b<br><font size=+1>

shes bya'o/ /de la ye shes de ni 'di'o/ /ye shes de ni 'dis so/ /ye shes de ni 'di'i phyir ro zhes ye shes cung zad kyang bstan par mi nus te/ de'i phyir ye shes de ni ye shes nyid kyis med do/ /ye shes kyang ye shes su mi gnas te/ mi shes pas kyang ye shes shes mi bya'o/ /gal te mi shes pas ye shes shes bya na ni de'i phyir byis pa so so'i skye bo thams cad kyang ye shes can du 'gyur ro/ /gang ye shes dang mi shes pa mi dmigs shing ye shes dang mi shes pa yang dag pa ji lta ba bzhin du yongs su shes pa de nyid ye shes shes bya ste/ ye shes ni ji skad du brjod pa de bzhin du ma yin no/ /de bas na ye shes ni brjod par bya ba ma yin zhing yul thams cad las rab tu 'das pa ste/ ye shes ni gang gi yul yang ma yin no/ /ye shes kyi yul yang gang yang ma yin no/ /rab kyi rtsal gyis rnam par gnon pa ye shes bstan pa yul yang ma yin/ phyogs kyang ma yin pa 'di gang gis shes pa de ni ye shes can nam/ ye shes can ma yin pa zhes bya ba'i grangs su mi 'gro'o/ /rab kyi rtsal gyis rnam par gnon pa gang 'di ltar rab tu shes pa dang / rjes su rtogs pa dang / kun shes pa de ni shes rab ces bya'o/ /rab kyi rtsal gyis rnam par gnon pa gang 'di ltar mngon par rtogs pa mngon sum du byed pa de ni 'jig rten las 'das pa'i shes rab ces bya ste/ 'jig rten las 'das pa'i shes rab ces ji skad du brjod pa bzhin du ni ma yin no/ /de ci'i phyir zhe na/ 'jig rten nyid kyang mi dmigs na 'jig rten las 'das pa'i shes rab lta ga la yod de/ 'jig rten las 'das pa'i shes rab kyis gang 'jig rten las sgrol bar 'gyur ba lta ci smos de ci'i phyir zhe na/ des 'jig rten mi dmigs pas ci yang sgrol bar mi byed de/ de'i phyir 'jig rten las 'das pa'i shes rab ces bya'o/ /rab kyi rtsal gyis rnam par gnon pa 'jig rten zhes bya ba 'di ni btags pa zhes brjod pa ste/ btags pa ni 'jig rten las yang dag par 'das pa ma yin gyi/ btags pa thams cad las yang dag par 'das pa ni 'jig rten las 'das pa</font><hr>39.25a<br><font size=+1>

zhes bya'o/ /'da' bar bya ba ni 'jig rten las 'das pa ma yin gyi/ 'da' bar mi bya ba ni 'jig rten las 'das pa'o/ /de ci'i phyir zhe na/ de la gang 'da' bar bya ba 'am gang gis 'da' bar bya ba'i chos phra rab tsam yang med pas de'i phyir 'das pa zhes bya ste/ 'jig rten las 'das pa la ni 'jig rten yang med 'jig rten las 'das pa yang med do/ /bla na med pa la ni bsgral ba med de/ de'i phyir 'jig rten las 'das pa zhes bya'o/ /rab kyi rtsal gyis rnam par gnon pa 'di ni 'jig rten las 'das pa'i shes rab bstan pa zhes bya ste/ 'jig rten las 'das pa'i shes rab ces ji skad du brjod pa bzhin du ni ma yin no/ /de ci'i phyir zhe na/ 'jig rten las 'das pa ni brjod par bya ba ma yin gyi de ni rgal ba ste/ de la ni 'da' bar bya ba ci yang med pas de'i phyir 'jig rten las 'das pa'i shes rab ces bya'o/ /rab kyi rtsal gyis rnam par gnon pa de la gang nges par rtogs pa'i shes rab des ci nges par rtogs/ 'di la ni nges par rtogs par bya ba ci yang med do/ /gal te nges par rtogs par bya ba 'ga' zhig yod du zin na ni de shes rab kyis nges par rtogs pa zhes gdags na/ gang gis kyang mi rtogs shing kun rtogs pa ma yin la gang gis rtogs par 'gyur ba'i bye brag gang yang mi dmigs so/ /nges par rtogs pa zhes bya ba ni 'di la rtogs par byed pa ci yang med cing kun rtogs par bya ba yang med de/ de la rtogs par byed pa ci yang med cing kun rtogs par bya ba yang med pas de'i phyir nges par rtogs pa zhes bya'o/ /'di la ni gang yang mthar 'gro ba med cing dbus su yang ma yin te de'i phyir nges par rtogs pa zhes bya'o/ /nges par rtogs pa'i shes rab kyis rtogs pa ni steng ma rtogs te/ gang du yang mi rgyug /rnam par mi rgyug /kun du mi rgyug ste de'i phyir nges par rtogs pa zhes bya'o/ /rab kyi rtsal gyis rnam par gnon pa nges par rtogs shes bya ba'i shes rab kyis ci nges par rtogs she na/ gang ci snang</font><hr>39.25b<br><font size=+1>

ba de thams cad nges par rtogs so/ /gang gis nges par rtogs she na/ shes rab kyis so/ /shes rab kyis ji ltar nges par rtogs she na/ gang btags pa'i mtshan nyid de thams cad mtshan nyid med pa dang / mtshan nyid med pa yang btags pa'i mtshan nyid du'o/ /rab kyi rtsal gyis rnam par gnon pa gang 'di lta bu'i shes rab dang ldan pas nges par rtogs pa des ni khams gsum rtogs so/ /ji ltar rtogs she na/ khams gsum ni khams med par rtogs te/ 'di la ni khams rtogs pa ci yang med do/ /des khams gsum ni khams med par rtogs so/ /gang de ltar khams gsum khams med par nges par rtogs pa dang / gang gis de ltar khams gsum nges par rtogs pa de ni nges par rtogs pa'i shes rab dang ldan pa zhes bya'o/ /ji ltar na nges par rtogs pa'i shes rab dang ldan zhe na nges par rtogs par bya ba ni mi dge ba gang yang med de/ des thams cad dge bar nges par rtog te/ de nges par rtogs pa'i shes rab kyis rab tu 'da' 'o/ /de ltar rtogs pa'i shes rab dang ldan pas gang ci mthong ba dang / thos pa dang / snams pa dang / myangs pa dang reg pa dang / rnam par shes pa de dag thams cad nges par rtogs so/ /ji lta bur rtogs zhe na/ mi rtag pa dang sdug bsngal ba dang / 'bras dang nad dang / zug rngu dang stong pa nyid dang / sdig pa dang gnon pa dang / mtha' ma dang 'jig pa dang / 'jig pa'i chos nyid dang / g.yo ba dang / 'jig pa'i tshul can dang / bdag med pa dang / mi skye ba dang / mi 'gog pa dang / mtshan nyid med pa te/ rab kyi rtsal gyis rnam par gnon pa de ni bsil bar gyur pa zug rngu med pa zhes bya'o/ /rab kyi rtsal gyis rnam par gnon pa 'di lta ste/ dper na zug rngu med pa zhes bya ba'i sman gyi rigs de gang na 'dug pa de na zug rngu thams cad sel cing nges par 'don to/ /de bzhin du 'di lta bu'i chos rnams dang ldan pa'i dge slong ni zug rngu med cing bsil bar gyur</font><hr>39.26a<br><font size=+1>

la nges par rtogs pa'i shes rab dang ldan zhing drug la rtag tu gnas la/ nges par rtogs pa'i shes rab kyis khams gsum thams cad la mi chags shing bdud kyi zhags pa thams cad las rab tu 'das so/ /rab kyi rtsal gyis rnam par gnon pa 'di lta ste dper na rdo rje ni dbug pa'i phyir gang du btsugs pa de dang de nyid nges par phigs so/ /de bzhin du dge slong gis nges par rtogs pa'i shes rab kyis yongs su zin pa'i rdo rje lta bu'i ting nge 'dzin gang du btsugs pa dang / gang du spyod pa de dag thams cad nges par rtogs so/ /de nges par rtogs pa'i shes rab 'jig rten las 'das pa yang dag par sdug bsngal zad par 'gyur ba dang ldan pas chags pa med pa ni gsum rig pa zhes bya'o/ /rab kyi rtsal gyis rnam par gnon pa rig pa zhes bya ba de ma rig pa nye bar zhi ba'i tshig bla dgas so/ /ma rig pa yongs su shes pa shes bya ba de ni sdug bsngal gyi phung po nye bar zhi ba'i tshig bla dgas so/ /rab kyi rtsal gyis rnam par gnon pa 'di lta ste/ dper na sman pa mkhas pa gsal ba/ yid rno ba/ lhag par rtogs pa dang ldan pa/ sman thams cad la mkhas pa/ nad ldang ba thams cad la mkhas pa/ sdug bsngal thams cad las rnam par 'grel ba des nad pa gang dang gang la gso bar byas pa de dang de 'tsho'o/ /de ci'i phyir zhe na/ 'di lta ste de sman thams cad la mkhas shing nad ldang ba thams cad la mkhas te/ nad thams cad las thar bar byed pa'i phyir ro/ /rab kyi rtsal gyis rnam par gnon pa de bzhin du rig pa gsum pos ni ma rig pa thams cad nye bar zhi bar 'gyur/ sdug bsngal thams cad 'joms par 'gyur/ rga shi dang mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa thams cad nye bar zhi bar 'gyur te/ rab kyi rtsal gyis rnam par</font><hr>39.26b<br><font size=+1>

gnon pa de ni 'jig rten las 'das pa'i shes rab nges par rtogs par 'gro ba zhes bya'o/ /rab kyi rtsal gyis rnam par gnon pa ngas 'di la dgongs nas/ srid par skye bar yongs zad par gang gis yang dag par shes pa/ gang rnams rtogs par 'gro ba de/ 'jig rten na ni shes rab mchog ces bshad do/ /rab kyi rtsal gyis rnam par gnon pa srid par skye ba yongs su zad pa zhes bya ba gang gi tshig bla dgas yin zhe na/ de ni 'byung ba dang nub pa rab tu rtogs pa'i tshig bla dgas so/ /'byung ba dang nub pa gang zhe na/ kun 'byung ba'i chos ci yang rung ste de thams cad ni 'gog pa'i chos te/ 'di ltar kun 'byung ba dang nub par rab tu rtogs so/ /rab kyi rtsal gyis rnam par gnon pa kun 'byung ba zhes bya ba de ni 'byung ba'i tshig bla dgas so/ /nub pa zhes bya ba de ni 'gog pa'i tshig bla dgas te/ 'byung ba dang nub pa zhes ji skad du brjod pa de bzhin du ni ma yin no/ /rab kyi rtsal gyis rnam par gnon pa kun 'byung ba gang ci yang rung ste/ de ni kun 'byung ba'i chos ma yin no/ /rab kyi rtsal gyis rnam par gnon pa mnyam pa la 'byung ba gang yang med de/ de ni kun du 'byung bar mi 'gyur ro/ /de mnyam pa nyid kyi rjes su song ste de'i phyir kun 'byung ba zhes bya'o/ /rab kyi rtsal gyis rnam par gnon pa mnyam pa'i rjes su song ba zhes bya ba ni 'di la 'byung ba gang yang med de kun 'byung bar mi 'gyur ro/ /de'i rang bzhin de ni rang gi ngang gis 'jig cing de ni 'gog pa ste/ de la ni 'gog pa gang yang med do/ /mnyam pa ni bla na med pa'i 'gog pa ste/ gang la skye ba med pa de la/ 'gog pa med de de ni 'gog pa'o/ /rab kyi rtsal gyis rnam par gnon pa de ltar skye ba med cing 'gog pa med pa'i phyir gang 'byung ba dang nub pa rtogs pa de nub pa rab tu rtogs pa ste/ de'i phyir 'byung ba dang / nub pa rab tu rtogs pa zhes bya'o/ /rab kyi rtsal gyis rnam par gnon pa rab tu rtogs shes bya ba de ni rten cing 'brel bar 'byung ba yongs su shes pa zhes bya'o/ /</font><hr>39.27a<br><font size=+1>

gang la brten nas chos gang skye ba de nyid la brten nas chos de med de/ 'di ni rten cing 'brel bar 'byung ba rab tu rtogs pa zhes bya'o/ /rab kyi rtsal gyis rnam par gnon pa de ni rten cing 'brel bar 'byung ba'i yang dag pa nyid ji lta ba bzhin du skye ba med par bstan to/ /mi skye ba ni rten cing 'brel bar 'byung ba ste/ mi 'byung ba mnyam pas de'i phyir rten cing 'brel bar 'byung ba zhes bya'o/ /gang la skye ba med pa de la 'gog pa ga la yod de/ 'gog pa dang mi 'gal ba de ni rten cing 'brel bar 'byung ba'i 'gog pa med pa ste/ skye ba med pa ni rten cing 'brel bar 'byung ba zhes bya'o/ /gang 'brel bar 'byung ba de ni ma byung ba'o/ /gang ma byung ba de ni 'das pa ma yin/ ma 'ongs pa ma yin/ da ltar byung ba ma yin no/ /gang 'das pa ma yin/ ma 'ongs pa ma yin/ da ltar byung ba ma yin pa de la 'gog pa med do/ /gang 'gog pa med pa de ni mi skye ba shes pa zhes bya'o/ /gang gis mi skye bar shes pa de ni yang skyed pa ma yin 'gog pa mngon sum du byed pa'ang ma yin no/ /gang mi bskyed pa de 'gog par mi byed de skye ba yod na ni 'gog par yang shes so/ /gang mi skyed pa des chos thams cad 'gog pa nyid du shes shing mthong la rab tu rtogs shing mngon sum du byas te/ de'i phyir 'gog pa mngon sum du byas pa zhes bya'o/ /zad pa shes pa zhes bya'o/ /rab kyi rtsal gyis rnam par gnon pa mi shes pa zad pa de'i phyir zad pa shes pa zhes bya'o/ /gang gis zad ce na/ mi zad pas zad de de'i zad pa yang mi mthong ngo / /rab kyi rtsal gyis rnam par gnon pa mi shes pa med pas/ de'i phyir de zad pa shes pa zhes bya'o/ /rab kyi rtsal gyis rnam par gnon pa mi shes pa yongs su shes pa de'i phyir mi shes pa zad de zad pa shes pa zhes bya'o/ /mi shes pa ni zad pa 'am ma zad pa ma yin te/ 'di ni shes pa dang bral ba'i phyir zad pa shes pa zhes bya'o/ /rab kyi rtsal gyis rnam par gnon pa 'di ni yang dag pa ji lta ba bzhin du yongs su shes pa ste/ de'i phyir</font><hr>39.27b<br><font size=+1>

bral ba zhes bya'o/ /mi shes pa dang bral ba dang / shes pa dang bral ba 'di las gzhan ci yang mi dmigs so/ /ye shes nyid kyang mi dmigs na gang zad pa las rnam par grol ba mi shes pa lta ci smos te de'i phyir zad pa shes pa zhes bya ste/ ji skad brjod pa bzhin du ni ma yin no/ /zad pa shes pa gang yin pa de la tha snyad du gdags pa gang yang med mod kyi 'on kyang 'di ltar mi shes pa zad pa dang / zad pa shes pa zhes bstan to/ /rab kyi rtsal gyis rnam par gnon pa gang gis chos thams cad mi zad pa dang / zad pa shes pa la brtag pa khong du chud pa de zad pa shes pa dang bral te/ zad pa med pa'i mtha' rjes su thob bo/ /mtha' med pa ni mya ngan las 'das pa'i mtha' ste/ ji skad du brjod pa bzhin du ni ma yin no/ /chos thams cad ni mya ngan las 'das pa'i mtha' ste mtha' med pa'o/ /mtha' thams cad chad pa ni mya ngan las 'das pa'i mtha' zhes bya ste ji skad du brjod pa bzhin du ni ma yin no/ /mya ngan las 'das pa'i mtha' ni tha snyad thams cad chad pa brjod par bya ba ma yin pa ste/ rab kyi rtsal gyis rnam par gnon pa mya ngan las 'das pa'i dbyings bstan pa 'di yang ji skad bstan pa bzhin du ni ma yin no/ /bstan pa thams cad las yang dag par 'das pas mya ngan las 'das pa'i dbyings ni bstan du med de/ bstan pa thams cad rab tu chad pa de ni mya ngan las 'das pa'i dbyings shes bya'o/ /mya ngan las 'das pa'i dbyings shes bya ba gang yin pa de ni 'jig rten las 'das pa'i shes rab nges par rtogs pa bstan pa la bya'o/ /rab kyi rtsal gyis rnam par gnon pa mya ngan las 'das pa'i dbyings de ni yul na mi gnas/ phyogs na mi gnas pa zhes bstan to/ /rab kyi rtsal gyis rnam par gnon pa de la shes rab kyi pha rol du phyin pa gang zhe na/ rab kyi rtsal gyis rnam par gnon pa shes rab kyi pha rol du phyin pa la tshu rol 'am pha rol gang yang med do/ /rab kyi rtsal gyis rnam par gnon pa gal te shes rab kyi pha rol du phyin pa</font><hr>39.28a<br><font size=+1>

la tshu rol lam/ pha rol dmigs na ni de bzhin gshegs pas shes rab kyi pha rol du phyin pa tshu rol lam pha rol bshad pa zhig na/ rab kyi rtsal gyis rnam par gnon pa shes rab kyi pha rol du phyin pa tshu rol mi dmigs pas de'i phyir de'i pha rol kyang med mod kyi 'on kyang rab kyi rtsal gyis rnam par gnon pa shes rab kyi pha rol du phyin pa zhes bya ba de ni chos thams cad kyi pha rol lo/ /de'i phyir shes rab kyi pha rol du phyin pa zhes bya ste ji skad du brjod pa bzhin du ni ma yin no/ /rab kyi rtsal gyis rnam par gnon pa shes rab kyi pha rol du phyin pa ni tshig dang las kyis nye bar gnas pa ma yin te/ shes rab kyi pha rol du phyin pa ni bstan du med pa'o/ /chos thams cad de ltar khong du chud na de ni ji lta ba bzhin du rab tu chud de mi 'gal lo/ /de ci'i phyir zhe na/ de la khong du chud pa ci yang med cing rab tu rtogs pa yang med pa'i phyir ro/ /khong du chud pa dang rab tu rtogs pa mnyam pa nyid ni byang chub ste/ chos thams cad khong du chud pa ni byang chub ces bya'o/ /ji ltar chos thams cad khong du chud ce na/ 'di la byang chub gang yang med de 'di la khong du chud pa gang yang med de/ de ci'i phyir zhe na/ rab kyi rtsal gyis rnam par gnon pa gal te byang chub dmigs na ni byang chub la yang byang chub dmigs par 'gyur ro/ /rab kyi rtsal gyis rnam par gnon pa byang chub la ni byang chub med de/ de ltar byang chub 'di mngon par rdzogs par 'tshang rgya bar bya'o/ /khong du chud pa med pa dang rab tu rtogs pa med pas rjes su rtogs pa zhes bya ste/ ji skad du brjod pa bzhin du ni ma yin no/ /chos thams cad ni khong du chud pa ma yin rab tu rtogs pa ma yin te/ chos ni chos kyi ngo bo nyid kyis med do/ /de ltar khong du chud pa de ni byang chub ces bya'o/ /rab kyi rtsal gyis rnam par gnon pa de bzhin gshegs pas ni byang chub ma dmigs shing de bzhin gshegs pas ni byang chub rnam par ma rig ste/ byang chub ni rnam par rig par bya ba</font><hr>39.28b<br><font size=+1>

ma yin/ rab tu rnam par rig par bya ba ma yin no/ /de bzhin gshegs pas ni byang chub ma mkhyen ma bskyed de/ byang chub ni ma skyes shing mngon par ma grub pa'o/ /byang chub ni su'i yang ma yin zhing byang chub la sems can nam sems can du gdags pa gang yang med do/ /gang la sems can nam sems can du gdags pa med pa de la 'di ni byang chub sems dpa' 'di ni byang chub sems dpa'i shes rab kyi pha rol du phyin pa zhes ji ltar brjod/ rab kyi rtsal gyis rnam par gnon pa byang chub la byang chub kyang med/ byang chub la sems can yang med de byang chub 'di ni shin du 'das pa'o/ /byang chub 'di ni ma skyes pa'o/ /byang chub 'di ni mngon par ma grub pa'o/ /byang chub 'di ni mtshan nyid med pa ste/ 'di la sems can med cing mi dmigs so/ /byang chub ni sems can gyis btags pa ma yin gyi/ sems can med par khong du chud pa ni byang chub ces bya'o/ /byang chub sems can ma yin par gang gis shes pa de byang chub sems dpa' zhes bya'o/ /de ci'i phyir zhe na/ rab kyi rtsal gyis rnam par gnon pa byang chub sems dpa' ni sems can gyi 'du shes kyis bskyed pa ma yin gyi sems can gyi 'du shes rnam par 'jig pa'i phyir byang chub sems dpa' zhes bya ste/ ji skad du brjod pa bzhin du ni ma yin no/ /de ci'i phyir zhe na/ byang chub sems dpa' ni brjod par bya ba ma yin zhing byang chub sems dpa' ni sems can gyi rang bzhin dang bral ba'i phyir ro/ /byang chub ni sems can du 'du shes pa dang bral ba ste/ gang gis byang chub 'di ltar shes pa de byang chub sems dpa' zhes bya'o/ /byang chub ji lta bur shes she na/ byang chub 'di ni shin du 'das pa'o/ /byang chub 'di ni bya ba ma yin pa'o/ /byang chub 'di ni skye ba med pa/ 'gog pa med pa'o/ /byang chub ni byang chub kyis shes par mi byed/ byang chub ni rnam par shes par bya ba ma yin/ rnam par rig par bya ba ma yin/ gdags par bya ba ma yin te/ mngon par ma grub pa ni byang chub</font><hr>39.29a<br><font size=+1>

ces bya'o/ /rnam par mi rtog pa dang / rtog pa bcad pa'i phyir gang gis khong du chud pa dag rab tu rtogs pa de'i phyir byang chub sems dpa' zhes bya ste/ ji skad du brjod pa bzhin du ni ma yin no/ /de ci'i phyir zhe na/ sems can med pa'i phyir ro/ /gal te byang chub sems dpa' yang dag par dmigs na ni 'di ni byang chub/ 'di ni sems can zhes byang chub de 'ang rnyed par 'gyur ro/ /sems can med pa dang / sems can ma yin pa dang / sems can dang bral bar khong du chud pa ni byang chub sems dpa' zhes bya'o/ /sems can med pa dang / sems can du 'du shes rnam par bshig pas byang chub sems dpa' zhes bya'o/ /de ci'i phyir zhe na/ sems can gyi khams shes bya ba de ni sems can med pa'i tshig bla dgas so/ /sems can gyi khams med pa'i phyir sems can la sems can med do/ /gal te sems can la sems can yod na ni sems can gyi khams shes mi bya'o/ /sems can gyi khams shes bya ba de ni khams med par bstan te/ khams med pa ni sems can gyi khams so/ /gal te sems can gyi khams sems can gyi khams su gyur na ni srog de lus de yin par 'gyur ro/ /ji ste sems can gyi khams las rnam par grol ba khams su gyur na ni srog kyang gzhan/ lus kyang gzhan du 'gyur ro/ /khams med pa ni sems can gyi khams te/ brdas tha snyad gdags pa'i tshig tu 'gro'o/ /sems can gyi khams la ni khams med de/ khams ma gtogs par sems can gyi khams med do/ /chos thams cad ni khams med pa ste/ ngas de la dgongs nas sems can gyi khams ni gang ba 'am bri bar yang mi mngon no zhes bshad do/ /de ci'i phyir zhe na/ sems can gyi khams rab tu dben pa'i phyir sems can gyi khams ni sems can ma yin no/ /ji ltar sems can gyi khams bri ba dang gang bar mi mngon pa de bzhin du chos thams cad bri ba 'am/ gang bar mi mngon no/ /gang dag bri ba 'am/ gang bar 'gyur bar chos</font><hr>39.29b<br><font size=+1>

thams cad la yongs su grub pa gang yang med de/ gang gis de ltar chos thams cad khong du chud pa de ni sangs rgyas kyi chos khong du chud pa zhes bya ste/ ngas 'di la dgongs nas ji ltar sems can gyi khams bri ba 'am gang bar mi mngon pa de bzhin du chos thams cad kyang bri ba 'am gang bar mi mngon no zhes bshad do/ /gang yang yongs su ma grub pa'i tshul gyis chos thams cad bri ba ma yin/ gang ba ma yin pa des sangs rgyas kyi chos kyang bri ba ma yin gang ba ma yin no/ /de ltar chos thams cad khong du chud pa'i phyir sangs rgyas kyi chos rnams bri ba med cing gang ba med pa'o/ /chos thams cad bri ba med cing gang ba med pa'i phyir/ sangs rgyas kyi chos shes bya ba de ni/ sangs rgyas kyi chos kyi tshig bla dgas ma yin no/ /sangs rgyas kyi chos ni gang gis kyang bri ba 'am/ gang bar byar mi nus so/ /de ci'i phyir zhe na/ 'di ni chos thams cad khong du chud pa'i phyir te/ gang chos thams cad khong du chud pa de la bri ba 'am/ gang ba'i chos ci yang med do/ /chos thams cad ces bya ba de ni chos gyi dbyings kyi tshig bla dgas te chos kyi dbyings la ni bri ba 'am gang ba med do/ /de ci'i phyir zhe na/ chos kyi dbyings ni mtha' yas pa'i phyir ro/ /sems can gyi khams dang chos kyi dbyings ni tha dad du mi dmigs so/ /sems can gyi khams dang chos kyi dbyings la bri ba 'am/ gang bar dmigs pa 'am/ yod pa ma yin te/ gang gis de lta bur khong du chud pa de ni byang chub ces bya'o/ /de'i phyir sangs rgyas kyi chos rnams bri ba 'am/ gang bar mi mngon zhes bya'o/ /rab kyi rtsal gyis rnam par gnon pa bri ba med cing gang ba med pa zhes ji skad smra ba de ni brtag pa yang dag pa ji lta ba bzhin du mthong ba'i tshig bla dgas so/ /de la ni ci yang bsal ba 'am/ gzhag par mi nus te/ gang de ltar khong du chud pa de ni byang chub ces bya'o/ /rab kyi rtsal gyis rnam par gnon pa byang chub ces bya ba de ni sangs rgyas kyi mtshan nyid do/ /sangs rgyas kyi mtshan nyid ji lta bu zhe na</font><hr>39.30a<br><font size=+1>

chos thams cad kyi mtshan nyid mtshan nyid med pa de ni sangs rgyas kyi mtshan nyid do/ /byang chub ni mtshan nyid med pa ste mtshan nyid kyi rang bzhin las bzlog pa'o/ /gang de ltar khong du chud pa de ni byang chub ces bya ste/ ji skad du brjod pa bzhin du ni ma yin no/ /rab kyi rtsal gyis rnam par gnon pa de ni chos thams cad rjes su rtogs pas/ byang chub sems dpa' zhes bya'o/ /rab kyi rtsal gyis rnam par gnon pa gang la la zhig chos 'di rab tu mi shes khong du ma chud par bdag byang chub sems dpa' zhes khas 'che na/ de ni byang chub sems dpa'i sa las ring ngo / /de ni byang chub sems dpa'i chos rnams las ring ngo / /de ni byang chub sems dpa'i ming gis lha dang / mi dang lha ma yin dang bcas pa'i 'jig rten la slu ba'o/ /rab kyi rtsal gyis rnam par gnon pa gal te tshig tsam gyis byang chub sems dpar gyur na ni de'i phyir sems can thams cad kyang byang chub sems dpar 'gyur ro/ /rab kyi rtsal gyis rnam par gnon pa 'di lta ste/ byang chub sems dpa'i sa zhes bya ba de ni tshig gi las tsam ma yin no/ /tshig gis bla na med pa yang dag par rdzogs pa'i byang chub mngon par rdzogs par 'tshang rgya bar mi nus so/ /tshig gi las kyis byang chub dang / byang chub sems dpa'i chos rnams thob par mi 'gyur ro/ /rab kyi rtsal gyis rnam par gnon pa sems can thams cad ni byang chub la spyod mod kyi mi shes shing khong du ma chud de/ de'i phyir de dag byang chub sems dpa' zhes mi bya'o/ /de ci'i phyir zhe na/ sems can rnams sems can med par mi shes pa'i phyir ro/ /gal te de ltar shes na bdag gis spyod pa dag gis/ byang chub sems dpa' dag tu 'gyur ba'i rigs so/ /sems can thams cad ni phyin ci log pas rang gi spyod pa dang / rang gi yul dang / rang gi spyod yul rab tu mi shes so/ /gal te rang gi spyod pa rab tu shes na ni de dag slar gang la yang rnam par rtog cing spyod par mi 'gyur ro/ /rnam par rtog pa dang / spyod pa de dag</font><hr>39.30b<br><font size=+1>

gis byis pa so so'i skye bo thams cad yang dag pa ma yin pa la dmigs shing spyod kyang de dag byang chub la dmigs pa snyam du rlom sems su byed de/ dmigs pa la spyod cing rtog pa la spyod pa de dag la byang chub ga la yod/ byang chub sems dpa'i chos rnams ga la yod/ gang gis chos de lta bur rab tu shes pa de dag slar yang dag pa ma yin pa'i dmigs pa la mi spyod cing / de dag ni phyir chos gang yang rlom sems su mi byed de/ de'i phyir spyod pa med pa de ni byang chub sems dpa'i spyod pa zhes bya ste/ byang chub sems dpa' ni rtog pa dang rnam par rtog pa la mi spyod do/ /gang la rtog pa med pa de la spyod pa gang yang med do/ /gang la rnam par rtog pa med pa de la spyod pa'i don gang yang med do/ /sangs rgyas dang byang chub sems dpa' rnams kyi spyod pa thams cad ni rnam par mi rtog par spyod cing thams cad rlom sems med la dmigs pa dang bcas pa ma yin pa ste/ chos thams cad de ltar rab tu shes pa de ni phyir mi dmigs pa'am/ rnam par rtog pa spyod pa'am/ rnam par spyod pa med de/ de ni spyod pa med pa'i tshul gyis byang chub sems dpa' rnams kyi spyod pa zhes bya'o/ /rab kyi rtsal gyis rnam par gnon pa de ltar na/ byang chub sems dpa'i spyad pa la spyod pa yin no/ /rab kyi rtsal gyis rnam par gnon pa gang de ltar chos khong du chud cing rab tu rtogs pa de'i phyir byang chub sems dpa' zhes bya'o/ /des sems can du 'du shes bstsal pas/ sems can med pa zhes bya ba de ni byang chub sems dpa'i tshig bla dgas so/ /de ci'i phyir zhe na/ des sems can thams cad yang dag pa ma yin pa dang / sems can thams cad sems can ma yin pa dang / sems can thams cad ni phyin ci log gi sems can dang sems can thams cad ni yongs su brtags pas sems can dang / sems can thams cad ni yod pa ma yin pa la dmigs pas sems can dang / sems can thams cad ni rang gi sbyod pa rnam par ma rung bar byas</font><hr>39.31a<br><font size=+1>

pas sems can dang / sems can thams cad ni ma rig pa 'du byed pas sems can no zhes shes pa'i phyir ro/ /de ci'i phyir zhe na/ sems can thams cad ni chos gang dag med pa'i chos de dag mngon par 'du byed pas de'i phyir sems can thams cad ni ma rig pa 'du byed pas sems can zhes bya'o/ /chos med pa gang zhe na/ nga zhe 'am/ nga'i zhe 'am/ nga'o zhes bya ba'i chos gang yang med pa'o/ /gal te chos 'ga' zhig nga zhe 'am/ nga'i zhe 'am/ nga'o zhes bya bar gyur na/ de'i phyir sems can thams cad yang dag par 'gyur ba zhig na/ rab kyi rtsal gyis rnam par gnon pa 'di ltar nga zhe 'am/ nga'i zhe 'am/ nga'o zhes bya ba'i chos gang yang med pas de'i phyir sems can ni yang dag pa ma yin pa ste/ sems can thams cad ni ma rig pa 'du byed pas sems can thams cad ces bya'o/ /rab kyi rtsal gyis rnam par gnon pa gang la yang nga zhe 'am/ nga'i zhe 'am/ nga'o zhes bya ba'i sems can zhes bya ba'i chos gang yang med de/ gang gi phyir med pa de'i phyir sems can ni yang dag pa ma yin pa zhes bya'o/ /yang dag pa ma yin pa zhes bya ba de ni sems can med pa'i tshig bla dgas so/ /ji ltar sems can du 'du shes pa yang dag pa ma yin pa la mngon par zhen pa de ltar sems can rnams yang dag pa ma yin pa zhes bya'o/ /rab kyi rtsal gyis rnam par gnon pa yang dag pa ma yin pa zhes bya ba de la ni yang dag pa ci yang med cing ma byung ba'o/ /chos thams cad kyang yang dag pa ma yin zhing ma byung ba'o/ /de la sems can yang dag pa ma yin pa la lhag par chags pa de ni rnam par 'ching ba ste/ de'i phyir yang dag pa ma yin pa la dmigs pa ni sems can zhes bya'o/ /de dag ni spyod pa gang khong du chud pas byang chub sems dpa' zhes bya ba'i rang gi spyod pa de mi shes te/ yongs su ma rtogs pas sems can ni yang dag pa ma yin pa zhes bya'o/ /rab kyi rtsal gyis rnam par gnon pa gang de ltar chos khong du chud pa de ni</font><hr>39.31b<br><font size=+1>

byang chub sems dpa' zhes bya'o/ /byang chub sems dpa' zhes bya ba de ni gang gis chos thams cad khong du chud cing shes la/ sems can rjes su rtogs pa'i tshig bla dgas so/ /ji ltar shes she na/ yang dag pa ma yin pa dang / ma byung ba dang / phyin ci log ma yin par ro/ /ji ltar byis pa so so'i skye bo dag gis brtags pa de dag ni de bzhin du ma yin no/ /ji ltar byis pa so so'i skye bo dag gis rnyed pa de dag de bzhin du ma yin te/ de'i phyir byang chub sems dpa' zhes bya'o/ /de ci'i phyir zhe na/ byang chub ni ma brtags/ rnam par ma brtags shing byang chub ni rnam par ma bsgrubs la/ mi dmigs pa'i phyir ro/ /rab kyi rtsal gyis rnam par gnon pa de bzhin gshegs pas ni byang chub ma brnyes so/ /chos thams cad ni mi rnyed cing / chos thams cad mi dmigs pa'i phyir byang chub ces bya'o/ /de lta bu ni sangs rgyas kyi byang chub ces bya ste/ ji skad du brjod pa bzhin du ni ma yin no/ /rab kyi rtsal gyis rnam par gnon pa gang dag byang chub kyi phyir sems 'di bskyed par bya'o zhes byang chub tu sems bskyed pa dang / gang du bdag gis sems bskyed par bya ba'i byang chub de yod do zhes byang chub rlom sems su byed pa de dag ni byang chub sems dpa' zhes mi bya ste/ de dag ni sems can skyes pa zhes bya'o/ /de ci'i phyir zhe na/ 'di ltar de dag ni skye bar mngon par zhen cing / sems su mngon par zhen nas byang chub la mngon par zhen pa'i phyir ro/ /gang dag byang chub kyi phyir sems bskyed pa de dag ni byang chub kyi sems la mngon par zhen pa zhes bya'o/ /gang gi phyir mngon par 'du byed pa de'i phyir byang chub tu sems bskyed de/ de bas na mngon par 'du byed pa ni sems can zhes bya ste/ byang chub sems dpa' ma yin no/ /de ci'i phyir zhe na/ de dag ni sems can skyes pa zhes bya ba'i phyir ro/ /rab kyi rtsal gyis rnam par gnon pa byang chub ni ma skyes shing / byang chub ni bsam du med pas byang chub kyi phyir sems bskyed par mi nus so/ /rab kyi rtsal gyis rnam par gnon pa de dag ni skye</font><hr>39.32a<br><font size=+1>

ba nyid la mngon par zhen kyang de dag skye ba rab tu mi shes so/ /rab kyi rtsal gyis rnam par gnon pa skye ba mnyam pa nyid gang yin pa de ni yang dag pa nyid do/ /sems mnyam pa nyid gang yin pa dang / yang dag pa nyid gang yin pa dang / mnyam pa nyid gang yin pa dang / yang dag pa nyid de ni byang chub ste/ gang na yang dag pa ji lta ba nyid yod pa de na rnam par rtog pa gang yang med na/ de dag ni sems dang byang chub la rnam par brtags te/ gnyis su mngon par zhen nas byang chub kyi phyir sems bskyed do/ /rab kyi rtsal gyis rnam par gnon pa sems kyang gzhan ma yin/ byang chub kyang gzhan ma yin/ sems la yang byang chub med/ byang chub la yang sems med de/ byang chub gang yin pa dang / sems gang yin pa de ni yang dag pa ji lta ba nyid dang / ji lta ba bzhin no/ /de la ni byang chub kyang med/ sems kyang med do/ /gang gis sems nyid dang / byang chub dang skye ba dang / mi skye ba yang mi dmigs pa de byang chub sems dpa' zhes bya'o/ /yang dag pa ji lta ba bzhin gyi sems dpa' zhes bya'o/ /sems dpa' chen po zhes bya'o/ /de ci'i phyir zhe na/  des gang dang gang la des yang dag pa ma yin pa de shes pa'i phyir ro/ /yang dag pa ma yin pa gang zhe na/ 'jig rten thams cad ni yang dag pa ma yin pa ste/ yang dag pa ma yin par gtogs so/ /kye ma 'jig rten gnas pa 'di ni yang dag pa ma yin pa'o/ /ma byung ba'o/ /de ci'i phyir/ yang dag pa ma yin pa/ mi 'byung ba zhes bya zhe na/ yang dag pa ma yin pa la 'byung ba gang yang med de/ yang dag pa ma yin pa ni mi 'byung ba'o/ /de'i phyir chos thams cad ni ngo bo nyid med pa yang dag pa ma yin pa zhes bya'o/ /gang gis de ltar shes pa de ni yang dag pa ji lta ba bzhin gyi sems can zhes bya'o/ /yang dag pa la yang dag pa zhes mngon par mi zhen pas de'i phyir yang dag pa ji lta ba bzhin gyi sems can zhes bya ste/ ji skad du brjod</font><hr>39.32b<br><font size=+1>

pa bzhin du ni ma yin no/ /de ci'i phyir zhe na/ yang dag pa ji lta ba bzhin ma yin pa la sems can nam/ sems can chen po zhes bya ba gang yang med pa'i phyir ro/ /gang gis theg pa chen po khong du chud pa de sems can chen po zhes bya 'o/ /theg pa chen po gang zhe na/ thams cad mkhyen pa'i ye shes ni theg pa chen po'o/ /thams cad mkhyen pa'i ye shes gang zhe na/ gang ci yang rung ste/ 'dus byas shes pa dang / 'dus ma byas shes pa dang / 'jig rten pa shes pa dang / 'jig rten las 'das pa shes pa des sems can chen po zhes bya'o/ /de ci'i phyir zhe na/ de sems can du 'du shes pa chen po med pas de'i phyir sems can chen po zhes bya'o/ /de la ma rig pa'i phung po chen po med pas de'i phyir sems can chen po zhes bya'o/ /de la 'du byed kyi phung po chen po med pas de'i phyir sems can chen po zhes bya'o/ /de la mi shes pa'i phung po chen po med pas de'i phyir sems can chen po zhes bya'o/ /de la sdug bsngal gyi phung po chen po med pas de'i phyir sems can chen po zhes bya'o rab kyi rtsal gyis rnam par gnon pa gang dag sems dpa' chen po'i 'du shes la'ang smod la/ sems kyang mi dmigs/ sems las byung ba'i chos dang / sems kyi rang bzhin yang rab tu mi shes/ byang chub kyang mi dmigs/ byang chub kyi phyogs kyi chos rnams dang / byang chub kyi rang bzhin yang rab tu mi shes te/ de dag mi shes pa'i sems kyis byang chub kyang mi mthong / byang chub ma gtogs par sems kyang mi mthong / byang chub la sems mi mthong / sems la byang chub mi mthong ste/ gang de ltar rnam par 'jig pa de ni bsgom pa yang med/ rnam par 'jig par byed pa yang med de/ rnam par 'jig par byed pa de yang mi dmigs shing rlom sems su mi byed la/ mngon par zhen pa med par de dag byang chub tu sems bskyed do/ /rab kyi rtsal gyis rnam par gnon pa gang de ltar byang chub tu sems bskyed pa de dag ni byang chub sems</font><hr>39.33a<br><font size=+1>

dpa' yang dag pa zhes bya ste/ de dag byang chub las phyir mi ldog go/ /de ci'i phyir zhe na/ gang dag 'di ltar byang chub dang / sems dang skye ba dang / 'gog pa tha dad du bya bar yang dag par rjes su mi mthong ba de dag byang chub nyid la gnas pa ste/ 'di ni gang yang yang dag par rjes su mi mthong / gang la yang mngon par mi zhen/ gang la yang mngon par mi zhen/ gang la yang rnam par rtog par mi 'gyur te/ rab kyi rtsal gyis rnam par gnon pa gang dag de ltar rnam par grol ba dang rnam par grol bar sems mi skyed pa de dag ni byang chub sems dpa' yang dag pa zhes bya'o/ /rab kyi rtsal gyis rnam par gnon pa gang dag sems can du 'du shes pa dang / byang chub tu 'du shes pas/ byang chub kyi phyir sems bskyed na/ de dag ni byang chub las ring ste/ de ni byang chub dang nye ba ma yin no/ /rab kyi rtsal gyis rnam par gnon pa gang dag byang chub las ring bar 'am/ nye bar yang dag par rjes su mi mthong ba de dag byang chub dang nye ba ste/ de ni byang chub kyi phyir sems bskyed pa'o/ /rab kyi rtsal gyis rnam par gnon pa ngas de la dgongs nas gang dag gnyis su med par shes pa de ni sangs rgyas dang chos kyang rab tu shes so zhes bshad do/ /de ci'i phyir zhe na/ gnyis su med pa yongs su shes pas chos thams cad yongs su shes te de chos thams cad kyi bdag gi ngo bo nyid bsgom pa'i phyir ro/ /gang gnyis su med pa'i chos shes pa de ni sangs rgyas kyi chos shes pa ste/ chos gnyis su med par yongs su shes pas sangs rgyas kyi chos yongs su shes so/ /bdag yongs su shes pas khams gsum thams cad yongs su shes so/ /rab kyi rtsal gyis rnam par gnon pa bdag yongs su shes pa zhes bya ba de ni chos thams cad kyi pha rol lo/ /chos thams cad kyi pha rol gang zhe na/ gang pha rol nyid kyang mi dmigs/ pha rol du rlom sems mi byed/ pha rol la mngon par mi zhen pa de ni yongs su</font><hr>39.33b<br><font size=+1>

shes pas pha rol du song ba zhes bya ste/ ji skad du brjod pa bzhin du ni ma yin no/ /rab kyi rtsal gyis rnam par gnon pa de ltar na 'di ni byang chub sems dpa'i sa yin par rig par bya'o/ /gang la shes par bya ba 'am rtogs par bya ba phra rab tsam yang med pa de ni byang chub sems dpa'i shes rab kyi pha rol du phyin pa ste/ de la ni 'ong ba 'am/ 'gro ba mi mngon no/ /gleng gzhi'i le'u zhes bya ste dang po'o// // bam po gnyis pa/ de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das nga rgyal can mtshan ma la spyod pa rnams bstan pa 'di la skrag par 'gyur lags so/ /de nas tshe dang ldan pa shA ra dwa ti'i bus/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo 'di ni nga rgyal can rnams kyi yul ma yin rtogs pa ma yin pas de dag 'di la skrag par mi 'gyur ro/ /de ci'i phyir zhe na/ gang sdig pa'i grogs po'i lag tu song ba de dag ni 'di la skrag par gyur zin pas 'di ni de dag gi yul ma yin zhing mi rtogs so/ /tshe dang ldan pa kun dga' bo gang dag nga rgyal spong ba'i phyir zhugs shing nga rgyal spong ba'i phyir brtson pa de dag ni 'di la skrag par 'gyur ro/ /de ci'i phyir zhe na/ nga rgyal du yongs su shes pas/ nga rgyal med pa tshol zhing / nga rgyal spong ba tshol ba'i phyir ro/ /tshe dang ldan pa kun dga' bo gang nga rgyal mi dmigs shing yang dag par mi mthong la rlom sems su mi byed cing mngon par mi zhen pa de dag ni gang la yang mi skrag gang la yang mi dngang / gang la yang dngang bar mi 'gyur ro/ /tshe dang ldan pa kun dga' bo nga rgyal can rnams kyi phyir chos bstan pa 'di zhugs pa ma yin no/ /tshe dang ldan pa kun dga' bo 'di ni nga rgyal can rnams kyi yul ma yin te/ go skabs med do/ /gang dag nga rgyal spang ba'i phyir brtson zhing 'bad pa de dag ni yang dag par 'bad pa ma yin no/ /tshe dang ldan pa kun dga' bo nga rgyal zhes bya ba de ni lhag par byed pa/ sgro 'dogs pa'i tshig bla</font><hr>39.34a<br><font size=+1>

dgas so/ /gang dag nga rgyal la spyod cing lhag par byed pa sgro 'dogs par byed pa de dag ni mtshungs par mi spyad do/ /mtshungs par spyod pa yang chos 'di la the tshom za'o/ /tshe dang ldan pa kun dga' bo gang dag mnyam pa yang mi dmigs/ mi mnyam pa yang ma yin/ mnyam par yang rlom sems mi byed/ mi mnyam par yang ma yin/ mnyam par yang mngon par mi zhen/ mi mnyam pa la'ang ma yin pa de dag ni gang la yang mi skrag mi dngang / dngang bar mi 'gyur ro/ /tshe dang ldan pa kun dga' bo 'di ni byis pa so so'i skye bo thams cad kyi yul ma yin te mi rtogs so/ /tshe dang ldan pa kun dga' bo 'di ni byis pa so so'i skye bo thams cad kyis shes shing rtogs pa ma yin no/ /tshe dang ldan pa kun dga' bo nyan thos kyi theg pa can rnams kyis kyang mi rtogs so/ /'di ni gang rang sangs rgyas kyi theg pa can chos zab mo la spyod pa de dag gis kyang mi rtogs so/ /tshe dang ldan pa kun dga' bo byang chub sems dpa'i theg pa can gang dag mtshan ma la spyod pa dge ba'i bshes gnyen gyis yongs su ma zin pa/ sdig pa'i grogs po'i lag tu song ba de dag kyang chags pa med pa'i chos 'di dag mi rtogs shing yul ma yin te/ tshe dang ldan pa kun dga' bo nyan thos kyi theg pa can bden pa mthong ba dang byang chub sems dpa'i theg pa can dge ba'i bshes gnyen gyis bstan pa/ chos zab mo la mos pa gang chos 'di dag la 'thun par spyod pa dang / gang chos 'di khong du chud cing spyod pa rnams ni ma gtogs so/ /tshe dang ldan pa kun dga' bo byang chub sems dpa' mtshan ma dang bral ba/ mtshan ma med pa la spyod pa/ sna tshogs med pa la spyod pa/ zab mo'i chos shin du tshar phyin pa/ gang dag sems dang / byang chub kyang mi dmigs shing chos gang yang tha dad du mi byed la/ yang dag par rjes su mi mthong ba de dag ni 'di lta bu'i chos la rmongs par mi 'gyur/ the tshom mi za'o/ /de ci'i phyir zhe na/ de dag chos thams cad dang rjes su 'thun par gnas te/ mi mthun par ni ma yin pa'i phyir ro/ /de dag gis gang dang</font><hr>39.34b<br><font size=+1>

gang la chos 'dri ba de dang des rjes su 'thun par lan 'debs shing rjes su 'thun par smra bar byed do/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo ji ltar shA ri'i bu 'dis bshad pa de de bzhin te/ kun dga' bo chos bstan pa 'di dang / sangs rgyas kyi byang chub dang / rjes su 'thun pa'i sangs rgyas kyi byang chub 'di ni nga rgyal can rnams kyis ma yin/ 'jug pa'i yul ma yin no/ /kun dga' bo sangs rgyas kyi chos rgya chen po la ni dman pa la mos pa'i sems can rnams kyi sems mi 'jug go/ /kun dga' bo dman pa la mos pa nga rgyal can rnams ni nga rgyal gyi dbang gis 'gro bas/ de dag sangs rgyas kyi byang chub la mi mthun par gnas so/ /kun dga' bo 'khor de ni gtsang ma ste/ sngon gyi rgyal ba rnams la bya ba byas shing dge ba'i rtsa ba bskyed pa/ sangs rgyas mang po la bsnyen bkur byas pa/ zab mo la mos pa/ zab mo spyod pa ste/ kun dga' bo 'khor 'di la de bzhin gshegs pas yid brtan nas/ chos mngon par ston gyi rjes su srung ba'i chos ni cung zad kyang mi ston to/ /kun dga' bo 'khor 'di ni snying po ste/ sa zhag dang / gseg ma dang / gyo mo med pa/ sangs rgyas brgya stong mang po la bsnyen bkur byas pa snying po la rab tu gnas pa'o/ /kun dga' bo gseg ma dang / gyo mo zhes bya ba de ni byis pa so so'i skye bo rnams kyi tshig bla dgas te/ gang dag chos 'di la go skabs med pa'o/ /kun dga' bo sa zhag ces bya ba de ni sems can nga rgyal can rnams kyi tshig bla dgas so/ /kun dga' bo 'khor 'di ni nga rgyal med pa dge ba'i rtsa ba chen pos mngon par 'phags pa'o/ /kun dga' bo 'di lta ste/ dper na klu'i rgyal po ma dros pa rab tu dga' bar gyur te/ dga' ba dang / yid bde ba skyes nas/ rang gi gnas na 'dod pa'i yon tan lnga la kun du spyod</font><hr>39.35a<br><font size=+1>

cing / rang gi gnas na rab tu dga' bar yan lag brgyad dang ldan pa'i char pa'i chu chen po 'bebs so/ /de'i bur gyur pa de dag kyang rab tu dga' nas/ rang rang gi gnas na 'dod pa'i yon tan lnga 'byor cing ldan par gyur te rtse zhing char pa chen po 'bebs so/ /kun dga' bo de bzhin du de bzhin gshegs pa dgra bcom pa yang dag par rdzogs pa'i sangs rgyas kyang chos kyi char chen po 'bebs so/ /gang 'di sras thu bo byang chub sems dpa' sems dpa' chen po de dag kyang 'jig rten gyi khams 'di nas rang rang gi sangs rgyas kyi zhing du song ste/ chos kun 'byung ba 'di las brtsams nas/ de bzhin gshegs pa de dag gi spyan sngar chos kyi char chen po gtong zhing chos kyi char chen po rab tu 'bebs so/ /kun dga' bo 'di lta ste/ dper na klu'i rgyal po rgya mtsho ni gang gi tshe rab tu dga' bar gyur pa de'i tshe rang gi gnas nas char gyi rgyun chen po 'bebs so/ /gang dag gnas de na gnas par gyur pa'i klu de dag gis kyang char gyi rgyun de mnos nas dga' bar 'gyur te char gyi rgyun des bde bar shes so/ /gang dag de'i bur gyur pa de dag kyang char gyi rgyun de bzod cing / char gyi rgyun des mchog tu dga' ba 'thob bo/ /de ci'i phyir zhe na/ kun dga' bo klu gzhan dag gis ni char gyi rgyun de mi bzod la/ klu gzhan dag ni char gyi rgyun des bde bar mi shes shing char gyi rgyun de dag gis dga' bar mi 'gyur ba'i phyir ro/ /kun dga' bo de bzhin du gang dag de bzhin gshegs pa'i chos dkon mchog la lhag par chags pa dang / gang dag de bzhin gshegs pa'i sras thu bo byang chub sems dpa' sems dpa' chen po dge ba'i rtsa ba byas pa/ bsam pa rgya che ba chos zab mo'i tshul las nges par skyes pa de dag ni de bzhin gshegs pa'i chos kyi tshul gyi char chen po 'di bzod do/ /thos nas rab tu dga' zhing mgu ste bde bar shes so/ /kun dga' bo de bzhin gshegs pas don gyi dbang 'di la brten te/ bsam pa dag pa'i 'khor du seng ge'i sgra chen po sgrog cing</font><hr>39.35b<br><font size=+1>

chos kyi char chen po 'bebs so/ /kun dga' bo 'di lta ste/ dper na 'khor los sgyur ba'i rgyal po rin po che'i mdzod mang po bsags pa dang ldan pa des bu mang po rigs dang ldan zhing ma rgyud kyis kyang dag pa de dag thams cad bkug nas/ rin po che'i mdzod bgos te/ bu gang la yang mi slu bar byin no/ /de ltar bgos nas de dag 'khor los sgyur ba'i rgyal po de dga' ba dang / mgu ba chen po lhag par skyes nas 'khor los sgyur ba'i rgyal po dang don mtshungs par gyur to snyam ste/ bdag bde bar shes so/ /kun dga' bo de bzhin du de bzhin gshegs pa chos kyi rgyal po chos kyi bdag po rang 'byung gis kyang sras de dag bsdus nas chos rin po che'i mdzod 'di mnyam par bgos te/ sras de dag gang la yang mi slu bas de dag nga la dga' ba dang / mgu ba dang / gus pa cher skyed cing don 'thun pa sangs rgyas kyi rigs mi gcod par gnas so/ /kun dga' bo sems can gzhan dman pa la mos pa/ nga rgyal can lta ba la spyod pa/ mtshan ma la spyod pa/ dmigs pa la spyod pa/ nga'o snyam pa'i nga rgyal gyis bcom pa/ 'dod chags dang / zhe sdang dang / gti mug gi zil gyis non pa/ log pa'i lam du dong ba rnams kyis chos rin po che 'di bzod par mi nus so/ /kun dga' bo dman pa la mos pa'i sems can rnams ni 'khor los sgyur ba'i nor mi 'dod kyi/ kun dga' bo gang dag 'khor los sgyur ba'i bur gyur pa de dag ni 'khor los sgyur ba'i nor 'dod do/ /kun dga' bo sems can dbul po rnams ni 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che dang / gos mang po dang / gser dang / nor bu dang / mu tig dang / bai dUr+ya dang / dung dang / man shel dang / byu ru dang / sa le sbram dang / dngul mang po dag dgos par mi 'dzin te/ de rnyed kyang dga' bar kun du spyod par mi</font><hr>39.36a<br><font size=+1>

nus shing rin thang chung ngur 'tshong la/ mi mkhas pas 'dor ro/ /de ci'i phyir zhe na/ de dag rin po che la mi mkhas pa'i phyir ro/ /kun dga' bo sems can dbul po ni rin po che 'di'i ming ni 'di'o/ /zhes bya bar rin po che rnams kyi ming yang mi shes so/ /kun dga' bo de bzhin du de bzhin gshegs pa'i sras bden pa mthong ba rnams dang / byang chub sems dpa' sems dpa' chen po de dag ni chos rin po che'i mdzod 'di tshol ba ste/ de dag chos rin po che dmigs su med pa stong pa nyid dang ldan pa/ sangs rgyas kyi chos dang ldan pa 'di 'dod cing bzod de de dag des bya ba byed do/ /sems can dbul po thos pa dang bral ba/ thos pa nyams pa/ mig dang mi ldan pa'i byis pa de dag ni chos rin po che'i mdzod rnyed kyang ci zhig bya zhes 'dor zhing gzhan la sbyin par sems so/ /kun dga' bo gdol pa dang / g.yung po dang / smig ma mkhan dang / dbul pos 'tsho ba'i sems can gang dag gzhan la las rin po che mang po rnyed na bdag mi spyod de rin thang chung ngur 'tshong zhing 'dor ro/ /kun dga' bo sems can dbul po zhes bya ba de ni mu stegs can thams cad dang / gang dag gzhan mu stegs can gyi nyan thos rnams kyi tshig bla dgas so/ /kun dga' bo sems can dbul po zhes bya ba de ni byis pa so so'i skye bo lta ba'i 'dam du bying ba dmigs pa can 'ching ba la mngon par zhen pa/ mtshan ma la spyod pa/ lam log par song ba rnams kyi tshig bla dgas te/ de dag ni chos rin po che 'di rnyed na kun du spyod mi nus shing 'dor te/ don med par gzhan la yang sbyin par byed do/ /kun dga' bo gang sangs rgyas kyi sras sangs rgyas kyi spyod yul la spyod pa/ de bzhin gshegs pa'i rigs rgyun mi gcod par gnas pa de dag chos rin po che 'di la yongs su spyod do/ /rnyed nas kyang chud mi gzon cing 'di la rin po cher 'du shes par 'gyur ro/ /kun dga' bo was ni seng ge'i sgra sgrog mi nus so/ /kun dga' bo gang seng ge'i phrug gur gyur la/ seng ge chen</font><hr>39.36b<br><font size=+1>

pos bskyed pa de dag ni seng ge'i sgra sgrog go/ /kun dga' bo de bzhin du wa lta bu ni byis pa so so'i skye bo log par lta ba thams cad de de dag gis ni de bzhin gshegs pa'i seng ge'i sgra dang / yang dag par rdzogs pa'i sangs rgyas seng ge chen po'i chos yongs su longs spyod par mi nus so/ /kun dga' bo gang yang dag par rdzogs pa'i sangs rgyas kyi sras sangs rgyas kyi seng ge chen po dang rang byung gi ye shes kyis bskyed pa de dag ni yang dag par rdzogs pa'i sangs rgyas kyi seng ge'i sgra sgrog cing kun du spyod do/ /de nas bcom ldan 'das la/ tshe dang ldan pa shA ri'i bus 'di skad ces gsol to/ /bcom ldan 'das 'di ltar de bzhin gshegs pa'i 'khor yongs su dag pa 'dus pa 'di ngo mtshar lags so/ /bcom ldan 'das de bzhin gshegs pa'i 'khor rang byung gi 'khor mi tshugs pa'i 'khor/ rdo rje lta bu'i 'khor/ mi sgul ba/ mi bskyod pa/ mi 'khrugs pa'i 'khor yongs su dag pa 'di ni rab tu ngo mtshar lags so/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu khyod 'khor 'di'i yon tan yongs su rjod dam/ gsol pa bcom ldan 'das bdag gis 'khor 'di'i yon tan yongs su brjod pa'i rngo mi thogs lags so/ /de ci'i slad du zhe na/ bcom ldan 'das 'khor 'di ni ri rab dang 'dra ste/ yon tan mtha' yas pa dang ldan pa lags pa'i slad du'o/ /bka' stsal pa/ shA ra dwa ti'i bu de de bzhin te/ 'khor 'di ni yon tan mtha' yas pa dang ldan pa ste/ 'khor 'di'i yon tan gyi mtha' yang dag par rdzogs pa'i sangs rgyas rnams kyis kyang rtogs par mi nus na sems can gzhan thams cad kyis lta ci smos/ shA ra dwa ti'i bu 'khor 'di ni de bzhin gshegs pas bsdus pa ma yin zhing 'di la de bzhin gshegs pa rtsol ba ci yang mi mdzad de/ rang gi dge ba'i rtsa bas nga'i ming thos nas 'khor</font><hr>39.37a<br><font size=+1>

'di 'dus te/ de bzhin gshegs pas 'khor 'di gang la yang ma glengs ma bsgo bar de dag rang gi dge ba'i rtsa bas bskul nas 'khor 'dir lhags so/ /'di lta bu'i chos bstan pa la 'di lta bu'i sems can chen po 'du bar 'gyur ba ni de'i chos nyid do/ /shA ra dwa ti'i bu gang sangs rgyas bcom ldan 'das gzhan dag byang chub sems dpa'i sde snod the tshom thams cad gcod pa 'di yang dag par ston pa de dag gi 'khor kyang 'di lta bu 'du bar 'gyur te/ 'di lta bu 'di 'dra ba'i 'khor gyi dkyil 'khor gdon mi za bar 'byung ba ni chos bstan pa 'di'i chos nyid do/ /kun dga' bo'i le'u zhes bya ste gnyis pa'o/ / de nas bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la bka' stsal pa/ rab kyi rtsal gyis rnam par gnon pa shes rab kyi pha rol du phyin pa/ shes rab kyi pha rol du phyin pa zhes bya ba la/ byang chub sems dpa'i shes rab kyi pha rol du phyin pa gang zhe na/ gang chos thams cad kyi tshu rol rtogs pa ste/ de ni bstan par mi nus mod kyi/ ji ltar khyed shes par 'gyur ba dang / ji ltar shes rab kyi pha rol du phyin pa tha snyad kyi tshig tu 'gyur ba de ltar rab tu bshad par bya'o/ /gzugs shes rab kyi pha rol du phyin pa ma yin te/ shes rab kyi pha rol du phyin pa gzugs las gzhan pa yang ma yin no/ /de bzhin du sbyar te/ de ltar tshor ba dang / 'du shes dang 'du byed rnams dang / rnam par shes pa shes rab kyi pha rol du phyin pa ma yin te/ shes rab kyi pha rol du phyin pa rnam par shes pa las gzhan pa yang ma yin no/ /de ci'i phyir zhe na/ rab kyi rtsal gyis rnam par gnon pa gzugs kyi pha rol gang yin pa de gzugs ma yin no/ /de bzhin du sbyar te/ de ltar tshor ba dang / 'du shes dang / 'du byed rnams dang / rnam par shes pa'i pha rol gang yin pa de rnam par shes pa ma yin pa'i phyir ro/ /gzugs kyi pha rol ji lta bar gzugs kyang de bzhin no/ /de bzhin</font><hr>39.37b<br><font size=+1>

du tshor ba dang / 'du shes dang / 'du byed rnams dang / rnam par shes pa'i pha rol ji lta bar rnam par shes pa yang de bzhin no/ /rnam par shes pa'i pha rol ji lta bar chos thams cad kyang de bzhin no/ /chos thams cad kyi pha rol gang yin pa de dag ni chos thams cad ma yin no/ /chos thams cad kyi pha rol ji lta bar chos thams cad kyang de bzhin no/ /rab kyi rtsal gyis rnam par gnon pa de la gzugs kyi pha rol gang yin pa de gzugs ma yin no/ /zhes bya ba de ni gzugs 'bral ba bstan pa'o/ /gzugs kyi pha rol ji lta bar gzugs kyang de bzhin no zhes bya ba de ni gzugs kyi ngo bo nyid bshad pa bstan pa'o/ /de ni gzugs kyi ji lta ba bzhin bstan pa'o/ /de ni gzugs kyi rang bzhin bstan pa'o/ /de ni gzugs kyi mi dmigs pa bstan pa'o/ /de bzhin du tshor ba dang / 'du shes dang / 'du byed rnams dang / rnam par shes pa'i pha rol gang yin pa de rnam par shes pa'i ma yin no/ /zhes bya ba de ni rnam par shes pa'i 'bral ba bstan pa'o/ /rnam par shes pa'i pha rol ji lta bar rnam par shes pa yang de bzhin no zhes bya ba de ni rnam par shes pa'i ngo bo nyid bshad pa bstan pa'o/ /de ni rnam par shes pa'i ji lta ba bzhin dang rnam par shes pa'i rang bzhin dang / rnam par shes pa mi dmigs pa bstan pa'o/ /rnam par shes pa'i pha rol ji lta bar chos thams cad kyang de bzhin no zhes bya ba dang / chos thams cad kyi pha rol gang yin pa de dag chos thams cad ma yin no zhes bya ba de ni chos thams cad kyi 'bral ba bstan pa'o/ /chos thams cad kyi pha rol ji lta bar chos thams cad kyang de bzhin no zhes bya ba de ni chos thams cad kyi ngo bo nyid bshad pa bstan pa'o de ni chos thams cad kyi ji lta ba bzhin dang / chos thams cad kyi mtshan nyid dang / chos thams cad kyi rang bzhin dang / chos thams cad mi dmigs pa bstan pa'o/ /chos thams cad kyi ji lta ba bzhin dang / chos thams cad kyi rang</font><hr>39.38a<br><font size=+1>

bzhin dang / chos thams cad mi dmigs pa ji lta bar shes rab kyi pha rol du phyin pa yang de bzhin te/ rab kyi rtsal gyis rnam par gnon pa shes rab kyi pha rol du phyin pa ni gzugs la mi gnas so/ /tshor ba dang / 'du shes dang / 'du byed rnams dang / rnam par shes pa la mi gnas so/ /shes rab kyi pha rol du phyin pa ni gzugs kyi nang ngam/ phyi 'am gnyi ga med pa las ring du gnas pa 'ang ma yin te/ tshor ba dang 'du shes dang / 'du byed rnams dang / rnam par shes pa'i nang ngam/ phyi 'am gnyi ga med pa las ring du gnas pa'ang ma yin no/ /rab kyi rtsal gyis rnam par gnon pa shes rab kyi pha rol du phyin pa ni gzugs dang ldan pa yang ma yin/ gzugs dang mi ldan pa'ang ma yin no/ /shes rab kyi pha rol du phyin pa ni tshor ba dang / 'du shes dang 'du byed rnams dang / rnam par shes pa dang ldan pa yang ma yin/ mi ldan pa yang ma yin no/ /rab kyi rtsal gyis rnam par gnon pa shes rab kyi pha rol du phyin pa ni chos gang dang yang ldan pa yang ma yin/ mi ldan pa yang ma yin no/ /gzugs kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid gang yin pa de shes rab kyi pha rol du phyin pa'o/ /de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs shes bya ba 'di ni gzugs bral ba'o/ /de ci'i phyir zhe na/ gzugs la ni gzugs med de/ gang med pa de shes rab kyi pha rol tu phyin pa'o/ /tshor ba dang / 'du shes dang / 'du byed rnams dang / rnam par shes pa yang de bzhin te/ rab kyi rtsal gyis rnam par gnon pa rnam par shes pa zhes bya ba 'di ni rnam par shes pa dang bral ba'o/ /rnam par shes pa la rnam par</font><hr>39.38b<br><font size=+1>

shes pa med de/ gang med pa shes rab kyi pha rol du phyin pa'o/ /rab kyi rtsal gyis rnam par gnon pa gzugs ni gzugs kyi rang bzhin dang bral ba'o/ /de bzhin du tshor ba dang / 'du shes dang / 'du byed rnams dang / rnam par shes pa yang rnam par shes pa'i rang bzhin dang bral ba ste/ bral ba'i rang bzhin gang yin pa de shes rab kyi pha rol du phyin pa'o/ /gzugs la gzugs kyi rang bzhin med do/ /tshor ba dang / 'du shes dang / 'du byed rnams dang / rnam par shes pa la rnam par shes pa'i rang bzhin med de/ rang bzhin med pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni gzugs kyi spyod yul ma yin no/ /tshor ba dang 'du shes dang / 'du byed rnams dang / rnam par shes pa yang rnam par shes pa'i spyod yul ma yin no/ /rab kyi rtsal gyis rnam par gnon pa spyod yul ma yin zhes bya ba ni/ gzugs kyis gzugs yang dag par mi shes mi mthong ba ste/ gzugs kyis mi shes mi mthong ba gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa tshor ba dang / 'du shes dang / 'du byed rnams dang / rnam par shes pas rnam par shes pa mi mthong ngo / /rnam par shes pas mi shes mi mthong ba gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs kyis gzugs kyi ngo bo nyid mi shes so/ /tshor ba dang 'du shes dang / 'du byed rnams dang / rnam par shes pas rnam par shes pa'i ngo bo nyid mi shes te/ ngo bo nyid med par yongs su shes pa de shes rab kyi pha rol du phyin pa zhes bya'o/ /rab kyi rtsal gyis rnam par gnon pa gzugs ni gzugs la kun du sbyor bar mi byed/ kun du mi sbyor bar yang mi byed do/ /tshor ba dang 'du shes dang / 'du byed rnams dang / rnam par shes pa ni rnam par shes pa la kun du sbyor bar mi byed/ kun du mi sbyor bar yang mi byed de/ gzugs dang / </font><hr>39.39a<br><font size=+1>

tshor ba dang 'du shes dang / 'du byed rnams dang / rnam par shes pa kun du sbyor bar yang mi byed/ kun du mi sbyor bar mi byed pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni 'bri bar 'gyur ba 'am/ 'phel bar 'gyur ba ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang 'bri bar 'gyur ba 'am/ 'phel bar 'gyur ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa mi 'bri mi 'phel ba gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni kun nas nyon mongs par 'gyur ba 'am/ rnam par byang bar 'gyur ba ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang kun nas nyon mong sa par 'gyur ba 'am/ rnam par byang bar 'gyur ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa kun nas nyon mongs pa ma yin/ rnam par byang ba yang ma yin pa de shes rab kyi pha rol du phyin pa zhes bya'o/ /rab kyi rtsal gyis rnam par gnon pa gzugs ni rnam par dag pa'i chos can yang ma yin/ rnam par ma dag pa'i chos can yang ma yin no/ /de bzhin du tshor ba dang 'du shes dang / 'du byed rnams dang / rnam par shes pa yang rnam par dag pa'i chos can yang ma yin/ rnam par ma dag pa'i chos can yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rnam par dag pa'i chos nyid kyang ma yin/ rnam par ma dag pa'i chos nyid kyang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni 'pho ba 'am mi 'pho ba ma yin no/ /de bzhin du tshor ba dang / 'du shes dang / 'du byed rnams dang / rnam par shes</font><hr>39.39b<br><font size=+1>

pa yang 'pho ba 'am/ mi 'pho ba ma yin te/ gzugs dang tshor ba dang / 'du shes dang / 'du byed rnams dang / rnam par shes pa 'pho ba yang ma yin/ mi 'pho ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni sbyor ba 'am/ mi sbyor ba ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang sbyor ba 'am/ mi sbyor ba ma yin te/ gzugs dang / tshor ba dang / 'du shes dang 'du byed rnams dang / rnam par shes pa 'du ba yang ma yin/ bral ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni 'chi 'pho 'am/ skye ba ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang 'chi 'pho 'am/ skye ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'chi 'pho yang ma yin/ skye ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni skye ba 'am/ 'chi ba ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang skye ba 'am/ 'chi ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa mi skye mi 'chi ba gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni 'khor bar 'gyur ba 'am/ 'khor ba'i chos can ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang 'khor bar 'gyur ba 'am/ 'khor ba'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'khor bar mi 'gyur zhing 'khor ba'i chos can ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni zad par</font><hr>39.40a<br><font size=+1>

'gyur ba 'am/ zad pa'i chos can ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang zad par 'gyur ba 'am/ zad pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa zad par mi 'gyur zhing zad pa'i chos nyid ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni kun 'byung ba'i chos can ma yin/ 'gog pa'i chos can ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang kun 'byung ba'i chos can ma yin/ 'gog pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa kun 'byung ba'i chos nyid kyang ma yin/ 'gog pa'i chos nyid kyang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni skye ba'i chos can nam/ 'jig pa'i chos can ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang skye ba'i chos can nam/ 'jig pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa skye ba'i chos nyid kyang ma yin/ 'jig pa'i chos nyid kyang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni 'gyur ba'i chos can nam/ mi 'gyur ba'i chos can ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang 'gyur ba'i chos can nam/ mi 'gyur ba'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'gyur ba'i chos nyid kyang ma yin/ mi 'gyur ba'i chos nyid kyang ma yin pa</font><hr>39.40b<br><font size=+1>

de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni rtag pa 'am/ mi rtag pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang rtag pa 'am/ mi rtag pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rtag pa yang ma yin/ mi rtag pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni bde ba 'am/ sdug bsngal ba ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang bde ba 'am/ sdug bsngal ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa bde ba yang ma yin/ sdug bsngal ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni sdug pa 'am/ mi sdug pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang sdug pa 'am/ mi sdug pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa sdug pa yang ma yin/ mi sdug pa yang ma yin pa gang yin pa de shes rab kyi pha rol du phyin pa zhes bya'o/ /rab kyi rtsal gyis rnam par gnon pa gzugs ni bdag gam/ bdag med pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang bdag gam/ bdag med pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa bdag kyang ma yin/ bdag med pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni 'dod chags kyi chos can nam 'dod chags dang bral ba'i chos can ma yin no/ /de bzhin du tshor ba dang / </font><hr>39.41a<br><font size=+1>

'du shes dang / 'du byed rnams dang / rnam par shes pa yang 'dod chags kyi chos can nam/ 'dod chags dang bral ba'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'dod chags kyi chos nyid kyang ma yin/ 'dod chags dang bral ba'i chos nyid kyang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni zhe sdang gi chos can nam/ zhe sdang dang bral ba'i chos can ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang zhe sdang gi chos can nam/ zhe sdang med pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa zhe sdang gi chos nyid kyang ma yin/ zhe sdang med pa'i chos nyid kyang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni gti mug gi chos can nam/ gti mug med pa'i chos can ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang gti mug gi chos can nam gti mug med pa'i chos can ma yin te/ gzugs dang / tshor ba dang / 'du shes dang / 'du byed rnams dang / rnam par shes pa gti mug gi chos can yang ma yin/ gti mug med pa'i chos can yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs la byed pa po 'am/ byed du 'jug pa gang yang med do/ /de bzhin du tshor ba dang / 'du shes dang / 'du byed rnams dang / rnam par shes pa la yang byed pa po 'am/ byed du 'jug pa gang yang med de/ gzugs dang / tshor ba dang / 'du shes dang / 'du byed rnams dang / rnam par shes pa la byed pa po yang med/ byed du 'jug pa yang med pa gang yin pa de shes rab kyi pha rol du phyin pa'o/ /rab kyi rtsal gyis rnam par</font><hr>39.41b<br><font size=+1>

gnon pa gzugs la slong ba po 'am/ kun nas slong ba po gang yang med do/ /de bzhin du tshor ba dang / 'du shes dang / 'du byed rnams dang / rnam par shes pa la slong ba po 'am/ kun nas slong ba po gang yang med de/ gzugs dang / tshor ba dang / 'du shes dang / 'du byed rnams dang / rnam par shes pa la slong ba po yang med/ kun nas slong ba po yang med pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs la shes pa 'am/ shes par byed du 'jug pa gang yang med do/ /de bzhin du tshor ba dang / 'du shes dang / 'du byed rnams dang / rnam par shes pa la yang shes pa 'am/ shes par byed du 'jug pa gang yang med de/ gzugs dang / tshor ba dang / 'du shes dang / 'du byed rnams dang / rnam par shes pa la shes pa yang med/ shes par byed du 'jug pa yang med pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs la tshor ba po 'am/ tshor bar byed du 'jug pa gang yang med do/ /de bzhin du tshor ba dang / 'du shes dang / 'du byed rnams dang / rnam par shes pa la tshor ba po 'am/ tshor bar byed du 'jug pa gang yang med de/ gzugs dang tshor ba dang / 'du shes dang / 'du byed rnams dang / rnam par shes pa la tshor ba po yang med/ tshor bar byed du 'jug pa yang med pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs la shes pa po 'am/ mthong ba po gang yang med do/ /de bzhin du tshor ba dang / 'du shes dang / 'du byed rnams dang / rnam par shes pa la yang shes pa po 'am/ mthong ba po gang yang med do/ /gzugs dang / tshor ba dang 'du shes dang / 'du byed rnams dang / rnam par shes pa la shes pa po yang med/ mthong ba po yang med pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs la ni chad pa 'am/ rtag pa med do/ /de bzhin du tshor ba dang / 'du shes dang / 'du byed rnams dang / rnam par shes pa la yang chad pa 'am/ rtag pa med de/ </font><hr>39.42a<br><font size=+1>

gzugs dang / tshor ba dang / 'du shes dang / 'du byed rnams dang / rnam par shes pa chad pa yang ma yin/ rtag pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni mtha' 'am/ mtha' med pa ma yin no/ /de bzhin du tshor ba dang 'du shes dang / 'du byed rnams dang / rnam par shes pa yang mtha' 'am/ mtha' med pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa mtha' yod pa yang ma yin/ mtha' med pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni lta bar song ba yang ma yin/ lta bar song ba spong ba yang ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang lta bar song ba yang ma yin/ lta bar song ba spong ba yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa lta bar song ba yang ma yin/ lta bar song ba spong ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni sred pa yang ma yin/ sred pa spong ba yang ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang sred pa yang ma yin/ sred pa spong ba yang ma yin te/ gzugs dang tshor ba dang / 'du shes dang 'du byed rnams dang / rnam par shes pa sred pa yang ma yin/ sred pa spong ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs ni dge ba 'am mi dge ba ma yin no/ /de bzhin du tshor ba dang / 'du shes dang 'du byed rnams dang / rnam par shes pa yang dge ba 'am mi dge ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa dge ba yang ma yin/ mi dge ba yang ma yin pa gang yin pa de shes rab kyi pha rol du phyin pa</font><hr>39.42b<br><font size=+1>

pa'o/ /rab kyi rtsal gyis rnam par gnon pa gzugs la 'gro ba 'am/ 'ong ba mi mngon no/ /de bzhin du tshor ba dang / 'du shes dang / 'du byed rnams dang / rnam par shes pa la yang 'gro ba 'am 'ong bar mi mngon te/ gzugs dang / tshor ba dang / 'du shes dang / 'du byed rnams dang / rnam par shes pa 'ong ba 'am/ 'gro bar yang mi mngon pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni gnas pa 'am/ mi gnas pa ma yin te/ gzugs dang / tshor ba dang 'du shes dang / 'du byed rnams dang / rnam par shes pa gnas pa yang ma yin/ mi gnas pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni tshu rol lam/ pha rol ma yin te/ gzugs dang / tshor ba dang / 'du shes dang / 'du byed rnams dang / rnam par shes pa tshu rol yang ma yin/ pha rol yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang 'du shes dang / 'du byed rnams dang / rnam par shes pa ni tshul khrims sam/ 'chal pa'i tshul khrims ma yin te/ gzugs dang / tshor ba dang / 'du shes dang / 'du byed rnams dang / rnam par shes pa tshul khrims kyang ma yin/ 'chal pa'i tshul khrims kyang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni rjes su chags pa'am/ khong khro ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rjes su chags pa yang ma yin khong khro ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed</font><hr>39.43a<br><font size=+1>

rnams dang / rnam par shes pa ni sbyin par byed pa 'am/ len pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa sbyin par byed pa yang ma yin/ len pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni bzod pa 'am/ mi bzod pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa bzod pa yang ma yin/ mi bzod pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni brtson 'grus sam/ le lo ma yin te/ gzugs dang / tshor ba dang 'du shes dang / 'du byed rnams dang / rnam par shes pa brtson 'grus kyang ma yin/ le lo yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni ting nge 'dzin kyang ma yin/ sems rnam par g.yengs pa yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ni ting nge 'dzin kyang ma yin/ sems rnam par g.yengs pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni shes rab 'am/ 'chal pa'i shes rab ma yin te/ gzugs dang / tshor ba dang / 'du shes dang / 'du byed rnams dang / rnam par shes pa shes rab kyang ma yin/ 'chal pa'i shes rab kyang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / </font><hr>39.43b<br><font size=+1>

'du shes dang / 'du byed rnams dang / rnam par shes pa ni phyin ci log gam/ phyin ci log ma yin pa yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa phyin ci log kyang ma yin/ phyin ci log ma yin pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni dran pa nye bar gzhag pa 'am/ dran pa nye bar gzhag pa ma yin pa yang ma yin te/ gzugs dang / tshor ba dang / 'du shes dang 'du byed rnams dang / rnam par shes pa dran pa yang ma yin/ mi dran pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni yang dag pa'i spong ba 'am/ yang dag pa'i spong ba ma yin pa yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa yang dag pa'i spong ba yang ma yin/ yang dag pa'i spong ba ma yin pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni rdzu 'phrul gyi rkang pa 'am/ tshad med pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rdzu 'phrul gyi rkang pa yang ma yin/ tshad med pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang 'du byed rnams dang / rnam par shes pa ni dbang po dang / stobs dang / byang chub kyi yan lag dang lam ma yin te/ gzugs dang / tshor ba dang / 'du shes dang / 'du byed rnams dang / rnam par shes pa dbang po dang / </font><hr>39.44a<br><font size=+1>

stobs dang / byang chub kyi yan lag dang / lam ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang rnam par shes pa ni rig pa 'am/ rnam par grol ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa rig pa yang ma yin/ rnam par grol ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni bsam gtan dang / rnam par thar pa dang / ting nge 'dzin dang / snyoms par 'jug pa yang ma yin/ mngon par shes pa yang ma yin/ mngon par shes pa ma yin pa yang ma yin te/ gzugs dang tshor ba dang / 'du shes dang / 'du byed rnams dang / rnam par shes pa bsam gtan dang / rnam par thar pa dang / ting nge 'dzin dang / snyoms par 'jug pa yang ma yin/ mngon par shes pa 'ang ma yin/ mngon par mi shes pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni stong pa nyid dam/ mtshan ma med pa 'am/ smon pa med pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa stong pa nyid kyang ma yin/ mtshan ma med pa yang ma yin/ smon pa med pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni 'dus byas sam/ 'dus ma byas ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'dus byas kyang ma yin 'dus ma byas kyang ma yin pa gang yin pa de shes rab kyi pha rol du phyin pa'o/ /rab kyi rtsal gyis</font><hr>39.44b<br><font size=+1>

rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni 'du ba 'am mi 'du ba ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'du ba yang ma yin/ mi 'du ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni shes pa 'am/ mi shes pa ma yin te/ gzugs dang / tshor ba dang / 'du shes dang / 'du byed rnams dang / rnam par shes pa shes pa yang ma yin/ mi shes pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni rlom sems sam/ g.yo ba 'am/ sbros pa ma mchis te/ gzugs dang / tshor ba dang / 'du shes dang / 'du byed rnams dang / rnam par shes pa rlom sems ma yin/ g.yo ba ma yin/ spros pa med pa ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni 'du shes ma yin te/ 'du shes ma yin pa yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa 'du shes ma yin/ 'du shes ma yin pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni nye bar zhi ba yang ma yin/ nye bar ma zhi ba yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa nye bar zhi ba yang ma yin/ nye bar ma zhi ba yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon</font><hr>39.45a<br><font size=+1>

pa gzugs dang / tshor ba dang / 'du shes dang / 'du byed rnams dang / rnam par shes pa ni ldog pa yang ma yin/ mi ldog pa yang ma yin te/ gzugs dang / tshor ba dang / 'du shes dang / 'du byed rnams dang / rnam par shes pa ldog pa yang ma yin mi ldog pa yang ma yin pa gang yin pa de shes rab kyi pha rol du phyin pa'o/ /rab kyi rtsal gyis rnam par gnon pa gang phung po lnga po dag mngon du 'grub par gtogs pa bstan pa de shes rab kyi pha rol du phyin pa ma yin gyi/ gang phung po lnga po dag mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang khams dang / skye mched dang / rten cing 'brel bar 'byung ba mngon du 'grub par gtogs pa bstan pa de shes rab kyi pha rol du phyin pa ma yin gyi gang khams dang / skye mched dang / rten cing 'brel bar 'byung ba mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang phyin ci log dang / sgrib pa mngon du 'grub par gtogs pa/ bstan pa de shes rab kyi pha rol du phyin pa ma yin gyi gang phyin ci log dang / sgrib pa mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang sred par spyod pa sum bcu rtsa drug mngon du 'grub par gtogs pa bstan pa de shes rab kyi pha rol du phyin pa ma yin gyi gang sred par spyod pa sum bcu drug mngon du gtogs pa bstan pa'i de bzhin nyid dang / ma nor ba de bzhin nyid dang / </font><hr>39.45b<br><font size=+1>

gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang lta bar gyur pa drug bcu rtsa gnyis mngon du 'grub par gtogs pa bstan pa de shes rab kyi pha rol du phyin pa ma yin gyi gang lta bar gyur pa drug bcu rtsa gnyis mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa de shes rab kyi pha rol du phyin pa ma yin gyi gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang mngon par shes pa lnga po dag bstan pa de shes rab kyi pha rol du phyin pa ma yin gyi gang mngon par shes pa lnga bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang 'dus byas su gtogs pa/ 'jig rten gyi dge ba dang / mi dge ba'i chos thams cad mngon du 'grub par gtogs pa bstan pa de shes rab kyi pha rol du phyin pa ma yin gyi gang de dag gi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang stobs dang / </font><hr>39.46a<br><font size=+1>

byang chub kyi yan lag dang / lam mngon du 'grub par gtogs pa bstan pa de shes rab kyi pha rol du phyin pa ma yin gyi gang dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam mngon du 'grub par gtogs pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang 'phags pa'i bden pa bzhi bstan pa de shes rab kyi pha rol du phyin pa ma yin gyi gang 'phags pa'i bden pa bzhi bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba rnam par dag pa bstan pa de shes rab kyi pha rol du phyin pa ma yin gyi gang tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba rnam par dag pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang 'dus ma byas su gtogs pa/ 'jig rten las 'das pa/ mi gnas pa/ zag pa med pa'i chos rnams bstan pa de shes rab kyi pha rol du phyin pa ma yin gyi gang 'dus ma byas su gtogs pa/ 'jig rten las 'das pa mi gnas pa/ zag pa med pa'i chos rnams bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin</font><hr>39.46b<br><font size=+1>

nyid de shes rab kyi pha rol du phyin pa'o/ /rab kyi rtsal gyis rnam par gnon pa gang stong pa nyid dang / mtshan ma med pa dang / smon pa med pa dang / mi skye ba dang / mngon par 'dus ma byas pa'i chos bstan pa de shes rab kyi pha rol du phyin pa ma yin gyi gang stong pa nyid dang / mtshan ma med pa dang / smon pa med pa dang / mi skye ba dang / mngon par 'dus ma byas pa'i chos bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa gang rig pa dang / rnam par grol ba dang / 'dod chags dang bral ba dang / 'gog pa dang / mya ngan las 'das pa bstan pa de shes rab kyi pha rol du phyin pa ma yin gyi gang rig pa dang / rnam par grol ba dang / 'dod chags dang bral ba dang / 'gog pa dang / mya ngan las 'das pa bstan pa'i de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa de ci'i phyir zhe na/ gzugs su gtogs pa shes rab kyi pha rol du phyin pa ma yin/ de bzhin du tshor ba dang / 'du shes dang / 'du byed rnams dang / rnam par shes par gtogs pa yang shes rab kyi pha rol du phyin pa ma yin/ sa dang / chu dang me dang / rlung dang / nam mkhar gtogs pa yang shes rab kyi pha rol du phyin pa ma yin/ 'dod pa'i khams dang / gzugs kyi khams dang / gzugs med pa'i khams su gtogs pa yang shes rab kyi pha rol du phyin pa ma yin/ 'dus byas dang / 'dus ma byas su gtogs pa yang shes rab kyi pha rol du phyin pa ma yin/ 'jig rten pa dang / 'jig rten las 'das pa dang / zag pa dang bcas pa dang / zag pa med pa'i chos su gtogs pa yang shes rab kyi pha rol du phyin pa ma yin/ dge ba dang mi dge ba'i chos su gtogs pa yang shes</font><hr>39.47a<br><font size=+1>

rab kyi pha rol du phyin pa ma yin/ sems can gyi khams su gtogs pa yang shes rab kyi pha rol du phyin pa ma yin zhing / chos de dag las rnam par grol ba yang shes rab kyi pha rol du phyin pa ma yin pa'i phyir ro/ /rab kyi rtsal gyis rnam par gnon pa shes rab kyi pha rol du phyin pa ni/ chos gang du yang gtogs pa yang ma yin/ mi gtogs pa yang ma yin te/ gang gtogs pa dang / gang mi gtogs pa'i chos rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de shes rab kyi pha rol du phyin pa'o/ /rab kyi rtsal gyis rnam par gnon pa de bzhin nyid ces bya ba de gang gi tshig bla dgas yin zhe na/ rab kyi rtsal gyis rnam par gnon pa ji ltar byis pa so so'i skye bo rnams kyis dmigs pa'i chos rnams kyis dmigs pa'i chos de dag ni de bzhin du ma yin zhing gzhan du 'ang ma yin la/ ji ltar chos rnams de bzhin gshegs pa dang / de bzhin gshegs pa'i nyan thos dang / byang chub sems dpas mthong ba'i chos de lta bu ni de bzhin nyid ma nor ba de bzhin nyid/ gzhan ma yin pa de bzhin nyid de de'i phyir de bzhin nyid ces bya'o/ /rab kyi rtsal gyis rnam par gnon pa 'di ni byang chub sems dpa' sems dpa' chen po rnams kyi shes rab kyi pha rol du phyin pa bstan pa'o/ /rab kyi rtsal gyis rnam par gnon pa shes rab kyi pha rol du phyin pa 'di ni chos gang 'bri ba'i phyir ram/ 'phel ba'i phyir nye bar gnas pa ma yin no/ /chos gang 'du ba'i phyir ram/ 'bral ba'i phyir ram/ bri ba'i phyir ram/ gang ba'i phyir ram/ stsogs pa'i phyir ram/ mi stsogs pa'i phyir ram/ 'pho ba'i phyir ram/ mi 'pho ba'i phyir ram/ skye ba'i phyir ram/ 'gog pa'i phyir ram/ kun nas nyon mongs pa'i phyir ram/ rnam</font><hr>39.47b<br><font size=+1>

par byang ba'i phyir ram/ 'jug pa'i phyir ram/ ldog pa'i phyir ram/ kun 'byung ba'i phyir ram/ nub pa'i phyir ram/ mtshan nyid kyi phyir ram/ mnyam pa'i phyir ram/ mi mnyam pa'i phyir ram/ kun rdzob kyi phyir ram/ don dam pa'i phyir ram/ bde ba'i phyir ram/ sdug bsngal gyi phyir ram/ rtag pa'i phyir ram/ mi rtag pa'i phyir ram/ sdug pa'i phyir ram/ mi sdug pa'i phyir ram/ bdag gi phyir ram/ bdag med pa'i phyir ram/ bden pa'i phyir ram/ brdzun pa'i phyir ram/ byed pa po'i phyir ram/ byed pa po med pa'i phyir ram/ 'byung ba'i phyir ram/ mi 'byung ba'i phyir ram/ ngo bo nyid kyi phyir ram/ ngo bo nyid med pa'i phyir ram/ 'chi 'pho ba'i phyir ram/ skye ba'i phyir ram/ skyes pa'i phyir ram/ mngon par 'grub pa'i phyir ram/ skye ba'i phyir ram/ skye ba kun 'byung ba'i phyir ram/ tshogs pa'i phyir ram/ ma tshogs pa'i phyir ram/ 'dod chags dang bcas pa'i phyir ram/ 'dod chags dang bral ba'i phyir ram/ zhe sdang dang bcas pa'i phyir ram/ zhe sdang dang bral ba'i phyir ram/ gti mug dang bcas pa'i phyir ram/ gti mug dang bral ba'i phyir ram/ phyin ci log gi phyir ram/ phyin ci log ma yin pa'i phyir ram/ dmigs pa'i phyir ram/ dmigs pa med pa'i phyir ram/ zad pa'i phyir ram/ mi zad pa'i phyir ram/ shes pa'i phyir ram/ mi shes pa'i phyir ram/ mtho ba'i phyir ram/ dma' ba'i phyir ram/ phan pa'i phyir ram/ mi phan pa'i phyir ram/ 'gro ba'i phyir ram/ mi 'gro ba'i phyir ram/ yod pa'i phyir ram/ med pa'i phyir ram/ rjes su chags pa'i phyir ram/ khong khro ba'i phyir ram/ snang ba'i phyir ram/ mun pa'i phyir ram/ le lo'i phyir ram/ brtson 'grus brtsam pa'i phyir ram/ stong pa nyid kyi phyir ram/ stong pa nyid ma yin pa'i phyir ram/ mtshan ma'i phyir ram/ mtshan ma med pa'i phyir ram/ smon pa'i phyir ram/ smon pa med pa'i phyir ram/ mngon par 'du byed pa'i phyir ram/ mngon par 'du mi byed pa'i phyir ram/ nub</font><hr>39.48a<br><font size=+1>

pa'i phyir ram/ nub pa ma yin pa'i phyir ram/ rig pa'i phyir ram/ rnam par grol ba'i phyir ram/ zhi ba'i phyir ram/ nye bar ma zhi ba'i phyir ram/ 'grub pa'i phyir ram/ mi 'grub pa'i phyir ram/ tshul bzhin gyi phyir ram/ tshul bzhin ma yin pa'i phyir ram/ yongs su shes pa'i phyir ram/ yongs su mi shes pa'i phyir ram/ nges par 'byung ba'i phyir ram/ nges par 'byung ba ma yin pa'i phyir ram/ 'dul ba'i phyir ram/ 'dul ba ma yin pa'i phyir ram/ tshul khrims kyi phyir ram/ 'chal pa'i tshul khrims kyi phyir ram/ rnam par g.yeng ba'i phyir ram/ rnam par g.yeng ba ma yin pa'i phyir ram/ shes rab kyi phyir ram/ 'chal pa'i shes rab kyi phyir ram/ rnam par shes pa'i phyir ram/ rnam par shes pa ma yin pa'i phyir ram/ gnas pa'i phyir ram/ mi gnas pa'i phyir ram/ skal pa mnyam pa'i phyir ram/ skal pa mi mnyam pa'i phyir ram/ 'byung ba'i phyir ram/ 'jig pa'i phyir ram/ thob pa'i phyir ram/ ma thob pa'i phyir ram/ mngon par rtogs pa'i phyir ram/ mngon par rtogs pa ma yin pa'i phyir ram/ mngon sum du bya ba'i phyir ram/ mngon sum du bya ba ma yin pa'i phyir ram/ rab tu rtogs pa'i phyir ram/ rab tu ma rtogs pa'i phyir nye bar gnas pa ma yin no/ /de bzhin nyid kyi le'u ste gsum pa'o// // bam po gsum pa/ rab kyi rtsal gyis rnam par gnon pa 'di lta ste/ dper na skyes bu rmi lam rmis pas rmi lam gyi rang bzhin bshad pa ston kyang / rmi lam gyi rang bzhin bstan pa med do/ /de ci'i phyir zhe na/ rmi lam nyid kyang med na rmi lam gyi rang bzhin bstan pa lta ga la yod/ rab kyi rtsal gyis rnam par gnon pa de bzhin du shes rab kyi pha rol du phyin pa'i rang bzhin ston kyang / shes rab kyi pha rol du phyin pa'i rang bzhin gang yang med do/ /rab kyi rtsal gyis rnam par gnon pa 'di lta ste/ dper na rmi lam ni chos gang</font><hr>39.48b<br><font size=+1>

bstan par yang nye bar gnas pa ma yin no/ /de bzhin du shes rab kyi pha rol du phyin pa yang chos gang bstan par yang nye bar gnas pa ma yin no/ /rab kyi rtsal gyis rnam par gnon pa 'di lta ste/ dper na sgyu ma mthong ba'i skyes bu sgyu ma'i rang bzhin bshad pa ston kyang sgyu ma'i rang bzhin gang yang med na/ sgyu ma'i rang bzhin bstan pa'i ngo bo nyid lta ga la yod/ de bzhin du shes rab kyi pha rol du phyin pa ston kyang shes rab kyi pha rol du phyin pa'i rang bzhin bstan pa gang yang med do/ /rab kyi rtsal gyis rnam par gnon pa 'di lta ste/ dper na sgyu ma ni chos gang mngon par 'grub pa'i phyir yang nye bar gnas pa ma yin no/ /de bzhin du shes rab kyi pha rol du phyin pa yang chos gang mngon par 'grub pa'i phyir yang nye bar gnas pa ma yin no/ /rab kyi rtsal gyis rnam par gnon pa 'di lta ste/ dper na mig yor mthong ba'i skyes bu mig yor gyi rang bzhin ston kyang mig yor gyi rang bzhin gang yang med na/ mig yor gyi rang bzhin bstan pa lta ga la yod/ rab kyi rtsal gyis rnam par gnon pa de bzhin du shes rab kyi pha rol du phyin pa ston kyang shes rab kyi pha rol du phyin pa'i rang bzhin gang yang med na shes rab kyi pha rol du phyin pa'i rang bzhin bstan pa lta ga la yod/ rab kyi rtsal gyis rnam par gnon pa 'di lta ste/ dper na mig yor ni chos gang bstan par yang nye bar gnas pa ma yin no/ /de bzhin du shes rab kyi pha rol du phyin pa yang chos gang bstan par yang nye bar gnas pa ma yin no/ /rab kyi rtsal gyis rnam par gnon pa 'di lta ste/ dper na smig rgyu mthong ba'i skyes bu smig rgyu bshad pa ston kyang smig rgyu bstan pa gang yang med na smig rgyu bstan pa'i rang bzhin lta ga la yod/ rab kyi rtsal gyis rnam par gnon pa/ de bzhin du shes rab kyi pha rol du phyin pa ston kyang shes rab kyi pha rol du phyin pa'i rang bzhin bstan pa gang yang med do/ /rab kyi rtsal gyis</font><hr>39.49a<br><font size=+1>

rnam par gnon pa 'di lta ste/ dper na smig rgyu ni chos gang bstan par yang nye bar gnas pa ma yin no/ /de bzhin du shes rab kyi pha rol du phyin pa yang chos gang bstan par yang nye bar gnas pa ma yin no/ /rab kyi rtsal gyis rnam par gnon pa 'di lta ste/ dper na brag cha'i spyod yul la gnas pa'i skyes bus/ brag cha'i sgra thos kyi de ni mi mthong ste/ nam bdag gis sgra phyung ba de'i tshe sgra thos so/ /de bzhin du shes rab kyi pha rol du phyin pa bstan pa'i tshig thos par 'gyur yang chos gang bstan pa thos par 'gyur ba med de/ gzhan du na nam mngon par bshad pa de'i tshe kun shes shing thos pa'i lam du 'gyur ro/ /rab kyi rtsal gyis rnam par gnon pa 'di lta ste/ dper na lbu ba rdos pa mthong ba'i skyes bu lbu ba rdos pa'i rang bzhin ston kyang lbu ba rdos pa'i rang bzhin nang dang phyi nas kyang mi dmigs na de bstan pa'i rang bzhin dmigs par lta ga la 'gyur/ rab kyi rtsal gyis rnam par gnon pa de bzhin du shes rab kyi pha rol du phyin pa ston kyang shes rab kyi pha rol du phyin pa'i rang bzhin yang mi dmigs so/ /rab kyi rtsal gyis rnam par gnon pa 'di lta ste/ dper na lbu ba rdos pa de ni chos gang mngon par 'grub pa'i rang bzhin du yang nye bar mi 'gro'o/ /rab kyi rtsal gyis rnam par gnon pa de bzhin du shes rab kyi pha rol du phyin pa yang chos gang mngon par 'grub pa'i rang bzhin du yang nye bar mi 'gro'o/ /rab kyi rtsal gyis rnam par gnon pa 'di lta ste/ dper na chu'i chu bur mthong ba'i skyes bu chu'i chu bur gyi rang bzhin ston kyang / chu'i chu bur gyi rang bzhin yang med na chu'i chu bur gyi rang bzhin bstan pa lta ga la yod/ rab kyi rtsal gyis rnam par gnon pa de bzhin du shes rab kyi pha rol du phyin pa ston kyang shes rab kyi pha rol du phyin pa'i rang bzhin med do/ /rab kyi rtsal gyis rnam par gnon pa 'di lta ste/ dper na chu'i chu bur ni chos gang mngon par 'grub pa 'byung bar nye bar</font><hr>39.49b<br><font size=+1>

gnas pa ma yin no/ /rab kyi rtsal gyis rnam par gnon pa de bzhin du shes rab kyi pha rol du phyin pa yang chos gang mngon par 'grub pa 'byung bar nye bar gnas pa ma yin no/ /rab kyi rtsal gyis rnam par gnon pa 'di lta ste/ dper na skyes bus chu shing gi snying po kun du btsal kyang mi rnyed mod kyi 'on kyang de'i mdab ma rnams kyis dgos pa byed do/ /rab kyi rtsal gyis rnam par gnon pa de bzhin du shes rab kyi pha rol du phyin pa yang snying po med mod kyi/ shes rab kyi pha rol du phyin pas dgos pa byed do/ /rab kyi rtsal gyis rnam par gnon pa 'di lta ste/ dper na skyes bu nam mkha' ston par tha snyad 'dogs kyang nam mkha' la ni bstan pa ci yang med do/ /rab kyi rtsal gyis rnam par gnon pa de bzhin du shes rab kyi pha rol du phyin pa zhes tha snyad 'dogs kyang chos gang yang bstan par yang tha snyad gdags par bya ba med do/ /rab kyi rtsal gyis rnam par gnon pa 'di lta ste/ dper na nam mkha' zhes tha snyad 'dogs kyang chos gang bstan par yang yongs su 'grub cing tha snyad gdags pa med do/ /rab kyi rtsal gyis rnam par gnon pa de bzhin du shes rab kyi pha rol du phyin pa zhes tha snyad 'dogs kyang tshig gang bstan par yang tha snyad du gdags pa med do/ /rab kyi rtsal gyis rnam par gnon pa 'di lta ste/ dper na grib ma dang nyin logs shes tha snyad du 'dogs kyang de gnyis ni chos gang yongs su ma grub pa'i phyir yang nye bar mi gnas la snang ba yang mngon no/ /rab kyi rtsal gyis rnam par gnon pa de bzhin du shes rab kyi pha rol du phyin pa zhes tha snyad 'dogs pa'i tshig tu 'gro yang chos gang bstan par yang tha snyad kyi tshig tu yang mi 'gro la/ chos rnams snang bar yang byed do/ /rab kyi rtsal gyis rnam par gnon pa 'di lta ste/ dper na nor bu rin po che sbyangs pa ni snang ba chen por nye bar gnas par gyur kyang snang ba de nang ngam/ phyi rol na yang med do/ /rab kyi rtsal gyis rnam par gnon pa de bzhin</font><hr>39.50a<br><font size=+1>

du shes rab kyi pha rol du phyin pa snang ba'i bya ba chen pos nye bar gnas kyang snang ba de ni nang ngam/ phyi rol du mthong bar nye bar mi 'gro'o/ /rab kyi rtsal gyis rnam par gnon pa 'di lta ste/ dper na yungs mar gyi mar me bus na de'i 'od 'phro ba yud tsam yang mi gnas mod kyi snang bar yang byed de/ snang ba des gzugs rnams kyang mthong bar 'gyur ro/ /rab kyi rtsal gyis rnam par gnon pa de bzhin du shes rab kyi pha rol du phyin pa chos gang la yang mi gnas mod kyi chos rnams kyi snang ba'i bya ba yang byed do/ /snang ba des 'phags pa rnams chos thams cad yang dag pa ji lta ba bzhin du mthong bar 'gyur ro/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das shes rab kyi pha rol du phyin pa bstan pa dang / shes rab kyi pha rol du phyin pa yongs su ma grub pa bstan pa ngo mtshar lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /de de bzhin te/ shA ri'i bu de de bzhin no/ /gzugs yongs su ma grub pas shes rab kyi pha rol du phyin pa yongs su ma grub po/ /tshor ba dang / 'du shes dang / 'du byed rnams dang / rnam par shes pa yongs su ma grub pas shes rab kyi pha rol du phyin pa yongs su ma grub bo/ /ma rig pa yongs su ma grub pas shes rab kyi pha rol du phyin pa yongs su ma grub bo/ /'du byed yongs su ma grub pa dang / rnam par shes pa yongs su ma grub pa dang / ming dang gzugs yongs su ma grub pa dang / skye mched drug yongs su ma grub pa dang / reg pa yongs su ma grub pa dang / tshor ba yongs su ma grub pa dang / sred pa yongs su ma grub pa dang / len pa yongs su ma grub pa dang / srid pa yongs su ma grub pa dang / skye ba yongs su ma grub pa dang / rga ba dang / na ba dang / 'chi ba dang / mya ngan dang / smre sngags</font><hr>39.50b<br><font size=+1>

'don pa dang / sdug bsngal ba dang / yid mi bde ba dang / 'khrug pa yongs su ma grub pas shes rab kyi pha rol du phyin pa yongs su ma grub bo/ /khams dang / skye mched yongs su ma grub pas shes rab kyi pha rol du phyin pa yongs su ma grub bo/ /mi rtag pa dang / sdug bsngal ba dang / bdag med pa dang / zhi ba dang / phyin ci log dang / sgrib pa dang / lta ba rnam par spyod pa dang / sogs pa dang / nye bar sogs pa yongs su ma grub pas shes rab kyi pha rol du phyin pa yongs su ma grub bo/ /bde ba dang / sdug bsngal ba dang / bde ba yang ma yin/ sdug bsngal ba yang ma yin pa yongs su ma grub pas shes rab kyi pha rol du phyin pa yongs su ma grub bo/ /skye ba dang / 'jig pa dang / gnas pa dang / gzhan du 'gyur ba yongs su ma grub pas shes rab kyi pha rol du phyin pa yongs su ma grub bo/ /kun 'byung ba dang / nub pa dang / bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / byed du 'jug pa dang / slong ba po dang / tshor ba po dang / tshor bar byed pa po dang / shes par byed pa dang / shes par byed du 'jug pa yongs su ma grub pas shes rab kyi pha rol du phyin pa yongs su ma grub bo/ /bden pa dang / brdzun pa dang / 'dus byas dang / 'dus ma byas dang / 'gro ba dang / mi 'gro ba dang / mthong ba dang bcas pa dang / mi mthong ba dang / nang dang phyi yongs su ma grub pas shes rab kyi pha rol du phyin pa yongs su ma grub bo/ /sa dang / chu dang / me dang / rlung dang / 'dod pa dang / gzugs dang / gzugs med pa dang / nam mkha' dang / rnam par shes pa dang / chos kyi khams yongs su ma grub pas shes rab kyi pha rol du phyin pa yongs su ma grub bo/ /las kyi rnam par smin pa dang / rgyu dang rkyen dang / chad pa dang / rtag pa dang / 'das pa dang / ma 'ongs pa dang / da ltar byung ba dang / sngon gyi mtha' dang / phyi ma'i mtha' dang / dbus dang / tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang / </font><hr>39.51a<br><font size=+1>

le lo dang / bsam gtan dang / rnam par g.yeng ba dang / shes rab dang / 'chal ba'i shes rab dang / sems dang / yid dang / rnam par shes pa dang / de ma thag pa dang / 'chi 'pho dang / skye ba dang / kun nas nyon mongs pa dang / rnam par byang ba dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / tshad med pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / stong pa nyid dang / mtshan ma med pa dang / smon pa med pa dang / dge ba dang / mi dge ba dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kha na ma tho ba dang bcas pa dang / kha na ma tho ba med pa dang / 'dus byas dang / 'dus ma byas dang / lung du bstan pa dang / lung du ma bstan pa dang / dkar po dang / nag po dang / dkar nag ma yin pa dang / gtogs pa dang / mi gtogs pa dang / ngan pa dang / bzang po dang / 'bring dang / 'dod chags dang / zhe sdang dang / gti mug dang / mthong ba dang / thos pa dang / bye brag phyed pa dang / rnam par shes pa dang / rlom sems dang / gnas pa dang / rnam par rtog pa dang / /dpyod pa dang / rnam par dpyod pa dang / dmigs pa dang / sgyu dang / phrag dog dang / ser sna dang / 'du ba dang / gnyis kyi mtshan nyid dang / ma skyes pa dang / mngon par 'du mi byed pa dang / zhi gnas dang / lhag mthong dang / rig pa dang rnam par grol ba dang / zad pa dang / 'dod chags dang bral ba dang / 'gog pa dang / phung po thams cad nges par 'dor ba dang / 'byung ba dang / kun rdzob pa dang / don dam pa dang / nyan thos gyi sa dang / rang sangs rgyas kyi sa dang / thams cad mkhyen pa'i ye shes dang / chags pa med pa'i ye shes dang / rang byung gi ye shes dang / mi mnyam pa dang mnyam pa'i ye shes dang / byang chub sems dpa'i smon</font><hr>39.51b<br><font size=+1>

lam dang / nyan thos kyi dge 'dun dang / rang sangs rgyas kyi phun sum tshogs pa dang / tshad med pa gtogs pa dang / mi mnyam pa dang mnyam pa'i chos kyi ye shes dang / chos thams cad kyi ji lta ba bzhin bstan du med pa dang / chos thams cad shes pa dang / mthong ba yongs su ma grub pas shes rab kyi pha rol du phyin pa yongs su ma grub bo/ /bsil bar gyur pa dang / zhi ba dang / rab tu zhi ba yongs su ma grub pas shes rab kyi pha rol du phyin pa yongs su ma grub bo/ /sems can yongs su smin par bya ba yongs su ma grub pas shes rab kyi pha rol du phyin pa yongs su ma grub bo/ /mtshan phun sum tshogs pa dang / sangs rgyas kyi zhing yongs su dag pa dang / sangs rgyas kyi stobs dang / mi 'jigs pa dang / sangs rgyas kyi chos ma 'dres pa bcwa brgyad yongs su ma grub pas shes rab kyi pha rol du phyin pa yongs su ma grub bo/ /mya ngan las 'das pa yongs su ma grub pas shes rab kyi pha rol du phyin pa yongs su ma grub bo/ /dge ba dang / mi dge ba'i chos thams cad kyi bar du yongs su ma grub pas shes rab kyi pha rol du phyin pa yongs su ma grub ste/ de bzhin du thams cad la yang rgyas par sbyar ro/ /shA ri'i bu 'di lta ste/ dper na nam mkha' ni gzugs med/ bstan du med/ dngos po med de/ yongs su ma grub bo/ /de bzhin du shes rab kyi pha rol du phyin pa yang gzugs med/ bstan du med/ dngos po med de yongs su ma grub pa'o/ /shA ri'i bu 'di lta ste/ dper na 'ja' ni tshon gyi rnam pa sna tshogs su kun du snang yang de la tshon gang yang yongs su grub pa med de mi dmigs so/ /de bzhin du shes rab kyi pha rol du phyin pa yang bstan pa sna tshogs su nye bar gnas mod kyi de la bstan pa'i rang bzhin mi dmigs so/ /shA ri'i bu 'di lta ste/ dper na nam mkha' la sor mo lnga yongs su grub par sngon nam yang sus kyang ma mthong ngo / /shA ri'i bu de bzhin du shes rab kyi pha rol du phyin pa yongs su grub pa'i rang bzhin</font><hr>39.52a<br><font size=+1>

sngon nam yang sus kyang ma mthong ngo / /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das shes rab kyi pha rol du phyin pa 'di ni mthong bar dka' ba lags so/ /bka' stsal pa/ shA ri'i bu 'di ltar su la yang mthong bar nye bar mi 'gro'o/ /gsol pa bcom ldan 'das shes rab kyi pha rol du phyin pa ni khong du chud par dka' ba lags so/ /bka' stsal pa/ shA ri'i bu 'di ltar 'di la ni gang mngon par rdzogs par rtogs pa yongs su grub pa'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni bstan du ma mchis pa lags so/ /bka' stsal pa/ shA ri'i bu 'di ltar chos gang bstan par yang nye bar gnas pa ma yin no/ /gsol pa/ bcom ldan 'das shes rab kyi pha rol du phyin pa 'di ni rang bzhin ma mchis pa lags so/ /bka' stsal pa/ shA ri'i bu gzugs dang / tshor ba dang / 'du shes dang / 'du byed rnams dang / rnam par shes pa rang bzhin med pas shes rab kyi pha rol du phyin pa 'di rang bzhin med do/ /khams dang / skye mched dang / rten cing 'brel par 'byung ba rang bzhin med pas shes rab kyi pha rol du phyin pa rang bzhin med do/ /phyin ci log dang / sgrib pa dang / lta bar gyur pa dang / sred pa rnam par spyod pa rang bzhin med pas shes rab kyi pha rol du phyin pa rang bzhin med do/ /bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa rang bzhin med pas shes rab kyi pha rol du phyin pa rang bzhin med do/ /sa dang / chu dang / me dang / rlung dang / nam mkha' dang / rnam par shes pa dang / chos kyi khams kyi rang bzhin med pas shes rab kyi pha rol</font><hr>39.52b<br><font size=+1>

du phyin pa rang bzhin med do/ /'dod pa dang / gzugs dang / gzugs med pa'i khams rang bzhin med pas shes rab kyi pha rol du phyin pa rang bzhin med do/ /tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab rang bzhin med pas shes rab kyi pha rol du phyin pa rang bzhin med do/ /byang chub kyi phyogs kyi chos rnams rang bzhin med pas shes rab kyi pha rol du phyin pa rang bzhin med do/ /'phags pa'i bden pa dang / zhi gnas dang / lhag mthong dang / mngon par shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa rang bzhin med pas shes rab kyi pha rol du phyin pa rang bzhin med do/ /rig pa dang / rnam par grol ba rang bzhin med pas shes rab kyi pha rol du phyin pa rang bzhin med no/ /zad pa dang / 'dod chags dang bral ba dang / 'gog pa rang bzhin med pas shes rab kyi pha rol du phyin pa rang bzhin med do/ /mi skye ba shes pa dang / 'gog pa shes pa rang bzhin med pas shes rab kyi pha rol du phyin pa rang bzhin med do/ /mya ngan las 'das pa rang bzhin med pas shes rab kyi pha rol du phyin pa rang bzhin med do/ /nyan thos kyi sa dang / /rang sangs rgyas kyi sa dang / sangs rgyas kyi sa rang bzhin med pas shes rab kyi pha rol du phyin pa rang bzhin med pa'o/ /don dam pa shes pa bstan pa dang / kun rdzob rang bzhin med pas shes rab kyi pha rol du phyin pa rang bzhin med do/ /chags pa med pa'i ye shes dang / thams cad mkhyen pa'i ye shes rang bzhin med pas shes rab kyi pha rol du phyin pa rang bzhin med do/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das shes rab</font><hr>39.53a<br><font size=+1>

kyi pha rol du phyin pa 'di ni chos gang yongs su grub pa'i slad du nye bar gnas pa ma lags/ 'gog pa'i slad du ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang skye ba'i phyir ram yongs su grub pa'i phyir ram/ 'gog pa'i phyir ram/ bdag med pa'i phyir nye bar gnas pa ma yin no/ /gsol pa/ bcom ldan 'das shes rab kyi pha rol du phyin pa 'di ni chos gang la yang dmigs pa'i tshul gyis nye bar gnas pa ma lags so/ /bka' stsal pa/ shA ri'i bu 'di ltar chos nyid kyang med na gang la dmigs par 'gyur te/ 'di ltar chos thams cad dmigs pa med do/ /gsol pa/ bcom ldan 'das shes rab kyi pha rol du phyin pa 'di ni chos gang 'bri ba 'am/ 'phel ba'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang 'bri bar 'gyur ba 'am/ 'phel bar 'gyur ba'i chos gang yang yang dag par rjes su mi mthong ngo / /gsol pa/ bcom ldan 'das shes rab kyi pha rol du phyin pa 'di ni chos gang las yang dag par 'da' ba'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa 'di ni yang dag pa 'da' bar bya ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang yang 'bri ba 'am/ sogs pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang 'bri ba 'am/ sogs par 'gyur ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang yang 'du ba 'am/ 'bral ba'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa 'di ni kun du sbyor ba 'am/ kun du mi sbyor ba'i chos</font><hr>39.53b<br><font size=+1>

gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang gi tshul lam/ tshul ma lags pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang bkur ba 'am/ rnam par bkur ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang la yang phan pa 'am/ gnod pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni gang la phan pa 'am/ gnod par bya ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang 'byung ba 'am/ mi 'byung ba'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa 'di ni chos gang 'byung ba 'am/ mi 'byung ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang la yang sbyor ba 'am/ mi sbyor ba'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang sbyor ba 'am/ mi sbyor ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang dang yang gnas pa 'am/ mi gnas pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa 'di ni chos gang gnas par byed pa 'am/ gnas par mi byed pa'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang 'jug pa 'am/ ldog pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang 'jug pa 'am/ ldog pa'i chos gang yang mi dmigs so/ /gsol pa/ bcom ldan</font><hr>39.54a<br><font size=+1>

'das shes rab kyi pha rol du phyin pa 'di ni chos gang gi bya ba 'am/ byed pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang gi bya ba 'am/ byed par 'gyur ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang gi mnyam pa 'am/ mi mnyam pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang mnyam pa 'am/ mi mnyam pa'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang yang sdud pa 'am/ kun sdud pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang bsdu bar bya ba 'am/ dor bar bya ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni bgyi ba gang gis kyang nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang bya ba byed pa'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni zab pa lags so/ /bka' stsal pa/ shA ri'i bu gzugs zab pas shes rab kyi pha rol du phyin pa zab bo/ /shA ri'i bu tshor ba dang / 'du shes dang / 'du byed rnams dang / rnam par shes pa zab pas shes rab kyi pha rol du phyin pa zab bo/ /ma rig pa zab pas shes rab kyi pha rol du phyin pa zab bo/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / </font><hr>39.54b<br><font size=+1>

'khrug pa zab pas shes rab kyi pha rol du phyin pa zab bo/ /phyin ci log zab pas shes rab kyi pha rol du phyin pa zab bo/ /sgrib pa lnga zab pas shes rab kyi pha rol du phyin pa zab bo/ /lta ba zab pas shes rab kyi pha rol du phyin pa zab bo/ /bdag zab pas shes rab kyi pha rol du phyin pa zab bo/ /sems can zab pas shes rab kyi pha rol du phyin pa zab bo/ /spros pa zab pas shes rab kyi pha rol du phyin pa zab bo/ /spros pa med pa zab pas shes rab kyi pha rol du phyin pa zab bo/ /tshul khrims dang / 'chal pa'i tshul khrims zab pas shes rab kyi pha rol du phyin pa zab bo/ /bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab dang / dbang po dang / stobs dang / byang chub kyi yan lag dang / dran pa nye bar gzhag pa dang / yang dag par spong ba dang / phyin ci ma log pa dang / lam yan lag brgyad pa dang / sdug bsngal ba dang / kun 'byung ba dang / 'gog pa dang / lam dang / rnam par grol ba'i ye shes mthong ba dang / 'das pa dang / ma 'ongs pa dang / da ltar byung ba dang / dus gsum mnyam pa nyid zab pas shes rab kyi pha rol du phyin pa zab bo/ /mi 'jigs pa bzhi dang / rdzu 'phrul gyi rkang pa dang / mngon par shes pa zab pas shes rab kyi pha rol du phyin pa zab bo/ /'das pa dang / ma 'ongs pa dang / da ltar byung ba la thogs pa med pa'i ye shes zab pas shes rab kyi pha rol du phyin pa zab bo/ /sangs rgyas dang / chos dang / dge 'dun zab pas shes rab kyi pha rol du phyin pa zab bo/ /zad pa shes pa dang / mi skye ba shes pa dang / mi 'gog pa shes pa dang / mngon par 'du mi byed pa shes pa dang / 'dod chags dang bral ba shes pa zab pas shes rab kyi pha rol du phyin pa zab bo/ /sgrib pa zab pas shes rab kyi pha rol du phyin pa zab bo/ /shA ri'i bu 'di lta ste/ dper na rgya mtsho ni rgya che zhing zab ste dpag tu med do/ /de bzhin du shes rab kyi pha rol du</font><hr>39.55a<br><font size=+1>

phyin pa yang rgya che zhing zab ste dpag tu med do/ /shA ra dwa ti'i bu zab ces bya ba ni chos rin po che dpag tu med pa bstsags par gyur pa gang gting mi rnyed pa'o/ /shA ra dwa ti'i bu zab ces bya ba ni de la 'gro bar mi rnyed pa'o/ /shA ra dwa ti'i bu zab ces bya ba ni de'i yon tan gyi mtha' mi rtogs pa'o/ /shA ra dwa ti'i bu 'di lta ste/ dper na mtsho chen po rgya mtsho ni rin po che thams cad bsags pa/ rin po che dpag tu med pas gang / rin po che chen pos rab tu gang ba'o/ /de bzhin du shes rab kyi pha rol du phyin pa yang chos rin po che thams cad bsags pa/ chos rin po che chen po bsags pa/ chos rin po che dpag tu med pa bsags pa'o/ /gsol pa/ bcom ldan 'das shes rab kyi pha rol du phyin pa 'di ni chos gang bstan par yang nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang bstan pa'i chos gang yang dmigs par nye bar gnas pa ma yin no/ /gsol pa/ bcom ldan 'das shes rab kyi pha rol du phyin pa 'di ni chos gang 'tshal ba 'am/ ma 'tshal bar nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang shes pa 'am/ mi shes par 'gyur ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang bsrung ba 'am/[ ]sba ba'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang bsrung ba 'am/ sba bar bya ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang yang kun du sdud pa 'am/[ ]yongs su sdud pa'i slad du nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang kun du bsdu ba 'am/ yongs su bsdu bar bya ba'i chos gang yang mi dmigs so/ /gsol pa/ </font><hr>39.55b<br><font size=+1>

bcom ldan 'das shes rab kyi pha rol du phyin pa 'di ni chos gang gi gnas sam/ gzhir yang nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni gang la gnas sam/ gzhir bya ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang gi gnas sam/ gzhir yang nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang la gnas sam/ gzhir bya ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang la yang mngon par zhen par nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni gang la mngon par zhen par bya ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang yang lhag par zhen par nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang la lhag par zhen par bya ba'i chos gang yang yang dag par rjes su mi mthong ngo / /gsol pa/ bcom ldan 'das shes rab kyi pha rol du phyin pa 'di ni chos gang dang yang gnas pa 'am/ mi gnas par nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni gang dang lhan cig tu gnas pa'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang gi mtshams sbyar ba 'am/ mtshams sbyar ba ma lags par yang nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang mtshams sbyar bar bya ba 'am/ mtshams sbyar bar bya ba ma yin pa'i chos gang yang mi dmigs so/ /gsol pa/ bcom ldan 'das shes rab kyi pha rol</font><hr>39.56a<br><font size=+1>

du phyin pa 'di ni chos gang la yang 'dod chags sam/[ ]'dod chags dang bral bar nye bar gnas pa ma lags so/ /bka' stsal pa/[ ]shA ri'i bu 'di ltar shes rab kyi pha rol du phyin pa ni chos gang la chags par 'gyur ba 'am/ mi chags par 'gyur ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang la yang zhe sdang ngam/ zhe sdang ma mchis par nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang zhe sdang dang bcas pa 'am/ zhe sdang med pa'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang la yang gti mug gam/ gti mug dang bral bar nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang la rmongs pa 'am/ rmongs par mi 'gyur ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang gi shes pa po 'am/ shes par bgyid pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang shes pa 'am/ chos gang shes par byed par 'gyur ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni chos gang gi rang bzhin nam/ rang bzhin ma lags par yang nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang gi rang bzhin nam/ rang bzhin ma yin par yang yang dag par rjes su mi mthong ngo / /gsol pa/ bcom ldan 'das shes rab kyi pha rol du phyin pa 'di ni chos gang gi dag pa 'am/ rnam par dag par yang nye bar gnas pa ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang</font><hr>39.56b<br><font size=+1>

sbyong ba 'am/ rnam par sbyong ba'i chos gang yang yang dag par rjes su mi mthong ngo / /gsol pa/ bcom ldan 'das shes rab kyi pha rol du phyin pa 'di ni rang bzhin gyis yongs su dag pa lags so/ /bka' stsal pa/ shA ra dwa ti'i bu gzugs yongs su dag pas shes rab kyi pha rol du phyin pa yongs su dag go/ /shA ri'i bu tshor ba dang /[ ]'du shes dang / 'du byed rnams dang / rnam par shes pa yongs su dag pas shes rab kyi pha rol du phyin pa yongs su dag go/ /ma rig pa yongs su dag pas shes rab kyi pha rol du phyin pa yongs su dag go/ /'du byed yongs su dag pa dang / rnam par shes pa yongs su dag pa dang / ming dang gzugs yongs su dag pa dang / skye mched drug yongs su dag pas shes rab kyi pha rol du phyin pa yongs su dag go/ /reg pa dang / tshor ba dang / sred pa dang / len pa dang / srid pa dang / skye ba dang / rga ba dang / na ba dang / 'chi ba yongs su dag pas shes rab kyi pha rol du phyin pa yongs su dag go/ /mya ngan dang / smre sngags 'don pa dang / sdug bsngal ba dang / yid mi bde ba dang /[ ]'khrug pa yongs su dag pas shes rab kyi pha rol du phyin pa yongs su dag go/ /phyin ci log dang / sgrib pa dang / lta bar gyur pa yongs su dag pas shes rab kyi pha rol du phyin pa yongs su dag go/ /'dod chags dang / zhe sdang dang /[ ]gti mug yongs su dag pas shes rab kyi pha rol du phyin pa yongs su dag go/ /bdag dang / sems can dang / srog dang / gso ba dang / skyes bu dang /[ ]gang zag dang / shed las skyes dang / shed bu dang / byed pa po dang /[ ]byed du 'jug pa dang / tshor ba po dang / tshor bar byed pa dang / slong ba po dang / kun nas slong ba po dang / mthong ba po yongs su dag pas shes rab kyi pha rol du phyin pa yongs su dag go/ /chad pa dang / rtag pa yongs su dag pas shes rab kyi pha rol du phyin pa yongs su dag go/ /mtha' dang / </font><hr>39.57a<br><font size=+1>

mtha' med pa yongs su dag pas shes rab kyi pha rol du phyin pa yongs su dag go/ /sbyin pa yongs su dag pas shes rab kyi pha rol du phyin pa yongs su dag go/ /tshul khrims dang / bzod pa dang / brtson 'grus dang / bsam gtan dang / shes rab yongs su dag pas shes rab kyi pha rol du phyin pa yongs su dag go/ /dbang po dang / stobs dang / byang chub kyi yan lag dang /[ ]bsam gtan dang / rnam par thar pa dang / ting nge 'dzin dang / snyoms par 'jug pa yongs su dag pas shes rab kyi pha rol du phyin pa yongs su dag go/ /byams pa dang / snying rje dang / dga' ba dang / btang snyoms yongs su dag pas shes rab kyi pha rol du phyin pa yongs su dag go/ /dran pa nye bar gzhag pa dang / yang dag pa'i spong ba yongs su dag pas shes rab kyi pha rol du phyin pa yongs su dag go/ /phyin ci ma log pa yongs su dag pas shes rab kyi pha rol du phyin pa yongs su dag go/ /sdug bsngal ba dang / kun 'byung ba dang / 'gog pa dang / lam yongs su dag pas shes rab kyi pha rol du phyin pa yongs su dag go/ /mngon par shes pa yongs su dag pas shes rab kyi pha rol du phyin pa yongs su dag go/ /lam yongs su dag pas shes rab kyi pha rol du phyin pa yongs su dag go/ /nyan thos kyi sa yongs su dag pas shes rab kyi pha rol du phyin pa yongs su dag go/ /rang sangs rgyas kyi sa yongs su dag pas shes rab kyi pha rol du phyin pa yongs su dag go/ /sangs rgyas kyi sa yongs su dag pas shes rab kyi pha rol du phyin pa yongs su dag go/ /sangs rgyas dang / chos dang / dge 'dun yongs su dag pas shes rab kyi pha rol du phyin pa yongs su dag go/ /'das pa dang / ma 'ongs pa dang / da ltar byung ba mthong ba yongs su dag pas shes rab kyi pha rol du phyin pa yongs su dag go/ /thogs pa med pa'i ye shes yongs su dag pas shes rab kyi pha rol du phyin pa yongs su dag go/ /sangs rgyas kyi chos ma 'dres</font><hr>39.57b<br><font size=+1>

pa bcwa brgyad yongs su dag pas shes rab kyi pha rol du phyin pa yongs su dag go/ /'dod pa'i khams yongs su dag pa dang / gzugs kyi khams yongs su dag pa dang / gzugs med pa'i khams yongs su dag pas shes rab kyi pha rol du phyin pa yongs su dag go/ /sa'i khams yongs su dag pas shes rab kyi pha rol du phyin pa yongs su dag go/ /chu dang me dang / rlung gi khams yongs su dag pas shes rab kyi pha rol du phyin pa yongs su dag go/ /sems can gyi khams yongs su dag pa dang / chos kyi dbyings yongs su dag pa dang / nam mkha'i khams yongs su dag pas shes rab kyi pha rol du phyin pa yongs su dag go/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das 'di ltar shes rab kyi pha rol du phyin pa rang bzhin gyis yongs su dag pa ngo mtshar lags so/ /bka' stsal pa/ shA ri'i bu nam mkha' yongs su dag pas shes rab kyi pha rol du phyin pa yongs su dag go/ /gsol pa/ bcom ldan 'das shes rab kyi pha rol du phyin pa ni gzugs ma mchis/ bstan du ma mchis pa lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang gi gzugs yongs su grub pa 'am/ bstan par nye bar gnas pa ma yin no/ /gsol pa/ bcom ldan 'das shes rab kyi pha rol du phyin pa 'di ni thogs pa ma mchis pa lags so/ /bka' stsal pa/ shA ra dwa ti'i bu 'di ltar shes rab kyi pha rol du phyin pa ni gang la thogs pa'i chos gang yang yang dag par rjes su mi mthong ngo / /gsol pa/ bcom ldan 'das shes rab kyi pha rol du phyin pa 'di ni ma bgyis pa'o/ /bka' stsal pa/ shA ra dwa ti'i bu byed pa po mi dmigs pa'i phyir ro/ /gsol pa/ bcom ldan 'das shes rab kyi pha rol du phyin pa 'di ni yang dag par 'du ba ma lags so/ /bka' stsal pa/ shA ra dwa ti'i bu 'di ltar shes rab kyi pha rol du phyin pa ni chos gang dang lhan cig tu 'du bar 'gyur ba'i</font><hr>39.58a<br><font size=+1>

chos gang yang yang dag par rjes su mi mthong ngo / /gsol pa/ bcom ldan 'das shes rab kyi pha rol du phyin pa 'di ni gdags su ma mchis pa lags so/ /bka' stsal pa/ shA ra dwa ti'i bu 'di ltar shes rab kyi pha rol du phyin pa ni chos gang gis gdags pa'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni thun mong ma lags so/ /bka' stsal pa/ shA ri'i bu 'di ltar shes rab kyi pha rol du phyin pa ni chos gang dang thun mong du 'gyur ba'i chos gang yang mi dmigs so/ /gsol pa/ bcom ldan 'das shes rab kyi pha rol du phyin pa 'di ni mtshan nyid ma mchis pa lags so/ /bka' stsal pa/ shA ra dwa ti'i bu mtshan nyid mi dmigs pa'i phyir ro/ /gsol pa/ bcom ldan 'das shes rab kyi pha rol du phyin pa 'di ni snang ba ma mchis pa lags so/ /bka' stsal pa/ snang ba mi dmigs pa'i phyir ro/ /gsol pa/ bcom ldan 'das shes rab kyi pha rol du phyin pa 'di ni mtha' yas pa'i pha rol du phyin pa lags so/ /bka' stsal pa/ shA ra dwa ti'i bu gzugs mtha' yas pas pha rol du phyin pa 'di mtha' yas so/ /tshor ba dang / 'du shes dang / 'du byed rnams dang / rnam par shes pa mtha' yas pas pha rol du phyin pa 'di mtha' yas so/ /phyin ci log mtha' yas pas pha rol du phyin pa 'di mtha' yas so/ /sgrib pa mtha' yas pas pha rol du phyin pa 'di mtha' yas so/ /ma rig pa mtha' yas pa dang / 'du byed rnams mtha' yas pa dang / rnam par shes pa mtha' yas pa dang / ming dang gzugs mtha' yas pa dang / skye mched drug dang /[ ]reg pa dang / tshor ba dang / sred pa dang / len pa dang / srid pa dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa mtha' yas pas pha rol du phyin pa 'di mtha' yas so/ /lta bar gyur pa mtha' yas pa dang / 'dod chags dang / zhe sdang dang / gti mug mtha' yas pa dang / chad pa dang / rtag pa mtha' yas pa dang / </font><hr>39.58b<br><font size=+1>

sngon gyi mtha'i mu mtha' yas pas pha rol du phyin pa 'di mtha' yas so/ /phyi ma'i mtha'i mu mtha' yas pas pha rol du phyin pa 'di mtha' yas so/ /sbyin pa mtha' yas pa dang / tshul khrims mtha' yas pa dang / bzod pa mtha' yas pa dang /[ ]brtson 'grus mtha' yas pa dang / bsam gtan mtha' yas pa dang / shes rab mtha' yas pas pha rol du phyin pa 'di mtha' yas so/ /dran pa nye bar gzhag pa mtha' yas pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag mtha' yas pa dang / phyin ci ma log pa mtha' yas pas pha rol du phyin pa 'di mtha' yas so/ /bsam gtan dang / rnam par thar pa dang / ting nge 'dzin dang / snyoms par 'jug pa mtha' yas pas pha rol du phyin pa 'di mtha' yas so/ /dmigs pa mtha' yas pas pha rol du phyin pa 'di mtha' yas so/ /rig pa dang / rnam par grol ba'i ye shes mthong ba mtha' yas pas pha rol du phyin pa 'di mtha' yas so/ /nyan thos kyi sa dang / rang sangs rgyas kyi sa mtha' yas pas pha rol du phyin pa 'di mtha' yas so/ /nyan thos kyi chos dang / rang sangs rgyas kyi chos dang / sangs rgyas kyi chos mtha' yas pas pha rol du phyin pa 'di mtha' yas so/ /bdag dang sems can mtha' yas pas pha rol du phyin pa 'di mtha' yas so/ /'dod pa'i khams mtha' yas pas pha rol du phyin pa 'di mtha' yas so/ /gzugs kyi khams mtha' yas pa dang / gzugs med pa'i khams mtha' yas pas pha rol du phyin pa 'di mtha' yas so/ /mngon par shes pa mtha' yas pa dang / sgrib pa mtha' yas pas pha rol du phyin pa 'di mtha' yas so/ /'das pa dang / ma 'ongs pa dang / da ltar byung ba'i ye shes mthong ba mtha' yas pas pha rol du phyin pa 'di mtha' yas so/ /chags pa med pa mtha' yas pa dang / nam mkha' mtha' yas pa dang / chos kyi dbyings mtha' yas pas pha rol du phyin</font><hr>39.59a<br><font size=+1>

pa 'di mtha' yas so/ /shA ri'i bu shes rab kyi pha rol du phyin pa ni thog ma dang / bar dang tha ma mi dmigs so/ /gang gis kyang mi dmigs so/ /shA ri'i bu 'di lta ste/ shes rab kyi pha rol du phyin pa 'di ni mtha' yas mu med pa'o/ /'di lta ste/ dper na nam mkha'i mtha' mi dmigs pa de bzhin du shes rab kyi pha rol du phyin pa'i mtha' yang mi dmigs so/ /sa'i khams mtha' yas pas shes rab kyi pha rol du phyin pa mtha' yas par blta'o/ /chu'i khams mtha' yas pa dang / me'i khams mtha' yas pa dang / rlung gi khams mtha' yas pa dang / /nam mkha'i khams mtha' yas pa dang / rnam par shes pa'i khams mtha' yas pas shes rab kyi pha rol du phyin pa mtha' yas par khong du chud par bya'o/ /shA ri'i bu shes rab kyi pha rol du phyin pa ni mtha' med/ dbus med/ mu med par khong du chud par bya'o/ /shA ri'i bu 'di ltar shes rab kyi pha rol du phyin pa ni yul na mi gnas/ phyogs na mi gnas so/ /shA ri'i bu gzugs mu med pas shes rab kyi pha rol du phyin pa mu med par rig par bya'o/ /de bzhin du sbyar te/ 'di ltar tshor ba dang / 'du shes dang / 'du byed rnams dang / rnam par shes pa mu med pas shes rab kyi pha rol du phyin pa mu med par rig par bya'o/ /ma rig pa mu med pa nas/[ ]rga shi dang / mya ngan dang / smre sngags 'don pa dang / sdug bsngal ba dang /[ ]yid mi bde ba dang / 'khrug pa'i bar du mu med pas shA ri'i bu shes rab kyi pha rol du phyin pa mu med par rig par bya'o/ /phyin ci log mu med pa dang /[ ]sgrib pa mu med pa dang / lta bar song ba mu med pas shA ri'i bu shes rab kyi pha rol du phyin pa mu med par rig par bya'o/ /bdag mu med pa dang / sems can mu med pas shes rab kyi pha rol du phyin pa mu med par rig par bya'o/ /sbyin pa mu med pa dang / tshul khrims mu med pa dang / bzod pa mu med pa dang / brtson 'grus mu med pa dang / </font><hr>39.59b<br><font size=+1>

bsam gtan mu med pa dang / shes rab mu med pas shes rab kyi pha rol du phyin pa mu med par rig par bya'o/ /dran pa nye bar gzhag pa dang / yang dag par spong ba mu med pas shes rab kyi pha rol du phyin pa mu med par rig par bya'o/ /dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa mu med pas shes rab kyi pha rol du phyin pa mu med par rig par bya'o/ /shA ri'i bu sdug bsngal dang /[ ]kun 'byung ba dang / 'gog pa dang / lam mu med pas shes rab kyi pha rol du phyin pa mu med par rig par bya'o/ /shA ri'i bu mngon par shes pa mu med pa dang / rnam par grol ba mu med pa dang / rnam par grol ba'i ye shes mthong ba mu med pas shes rab kyi pha rol du phyin pa mu med par rig par bya'o/ /shA ri'i bu so so'i skye bo'i chos mu med pa dang / nyan thos kyi chos mu med pa dang /[ ]rang sangs rgyas kyi chos mu med pa dang / sangs rgyas kyi chos mu med pas shes rab kyi pha rol du phyin pa mu med par rig par bya'o/ /shA ri'i bu rig pa mu med pa dang / rnam par grol ba mu med pa dang / rnam par grol ba'i ye shes mthong ba mu med pas shes rab kyi pha rol du phyin pa mu med par rig par bya'o/ /shA ra dwa ti'i bu mu med pa dmigs su med pas shes rab kyi pha rol du phyin pa mu med pa zhes bya'o/ /mtha' dmigs su med pas mtha' yas pa zhes bya'o/ /shA ra dwa ti'i bu mtha' med pa zhes bya ba de ni mu med pa'i tshig go/ /shA ri'i bu bdag ma skyes pas chos thams cad mtha' yas par rig par bya'o/ /shA ri'i bu nam mkha' mtha' yas pas chos thams cad mtha' yas mu med par rig par bya'o/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das chos 'di byang chub sems dpa' ji lta bu dag gi yul du 'gyur ba lags/ bcom ldan 'das kyis bka' stsal pa/ shA ri'i</font><hr>39.60a<br><font size=+1>

bu chos 'di ni byang chub sems dpa' gang dag chos kyang mi dmigs na chos ma yin pa lta ci smos/ lam yang mi da migs na/ lam ma yin pa lta ci smos/ tshul khrims kyang mi dmigs shing rlom sems mi byed na 'chal pa'i tshul khrims lta ci smos te/ khams gsum thams cad du yang mi rtogs/ srid par 'gro ba dang / 'chi 'pho dang skye ba thams cad du yang mi rtogs/ lus dang srog la yang mi chags na/ phyi rol gyi dngos po rnams la lta ci smos te/ 'khor ba'i rgyun mthar byas pa srid pa'i rgya mtsho chen po las rgal ba/ g.yul chen po las 'das pa'i byang chub sems dpa' de dag gi yul dang bgrod pa yin no/ /yul thams cad yul ma yin par gang gis yongs su shes pa de dang de dag ni rnam pa de lta bu'i skyes bu dam pa dag ste/ yul thams cad la mi chags pa de dang de dag ni seng ge chen po'o/ /yul thams cad la ma zhugs pa de dang de dag ni rnam pa de lta bu dag go/ /yul thams cad kyis mi gos pa de dang de dag ni yul dang ma 'dres pa'o/ /yul thams cad las yang dag par 'das pa de dang de dag ni ded dpon chen po ste/ shA ri'i bu chos 'di ni de dag gi yul dang bgrod pa ma yin no/ /shA ri'i bu 'khor 'di ni gang chos 'di la ma mos shing yul du ma gyur pa 'am/ gang chos rnam pa 'di lta bu 'di la som nyi dang bcas pa 'am/[ ]the tshom dang / bcas pa'i byang chub sems dpa' gcig kyang ngas ma mthong ngo /[ ]/shA ri'i bu 'khor 'di ni chos 'di la the tshom med do/ /nem nur med do/ /yid gnyis med do/ /shA ri'i bu byang chub sems dpa' 'di dag ni chos 'di la yid gnyis med de/ shA ri'i bu skyes bu dam pa 'di dag ni sems can thams cad kyi yid gnyis yang dag par gzhom pa'i phyir gnas pa'o/ /shA ri'i bu 'di dag ni 'di lta bu'i chos la som nyi med de/ som nyi las yang dag par 'das pa'o/ /shA ri'i bu gang yang phyi ma'i tshe phyi ma'i dus na chos bstan pa 'di nyan pa de dag kyang chos thams cad la the tshom med par gnas te/[ ]sems can thams</font><hr>39.60b<br><font size=+1>

cad kyi the tshom gcad pa'i phyir zhugs par 'gyur ro/ /shA ri'i bu sems can dge ba'i rtsa ba chung ngu rnams ni chos 'di la mos par ngas ma bshad do/ /chos 'di la de dag gi go skabs med de/ 'di ni de dag gi nor ma yin no/ /shA ri'i bu chos bstan pa 'di gang dag gi rna lam du thos pa'i sems can de dag kyang dge ba'i rtsa ba chung ngu dang ldan pa ma yin na/ gang dag 'dzin pa dang / 'chang ba dang / klog pa dang / kun chub par byed pa lta ci smos te/ de dag sangs rgyas bcom ldan 'das rnams kyis sangs rgyas kyi chos la nges par lung bstan te/ ji ltar da ltar nga seng ge'i sgra sgrogs pa dang / 'jigs pa med pa'i sgra dang / skyes bu chen po'i sgra dang / rang byung gi sgra sgrogs pa bzhin du de dag kyang seng ge'i sgra sgrog par 'gyur ro/ /gang dag tha na chos 'di la dad pa bskyed nas/ bla na med pa yang dag par rdzogs pa'i byang chub la 'dun pa bskyed par 'gyur ba de dag gi lung bstan pa yang de nyid yin no/ /de ci'i phyir zhe na/ shA ri'i bu sems can gang dag chos zab mo thos nas/ dga' ba dang / mchog tu dga' ba dang / mos pa skyed pa de dag ni shin du rnyed par dka'o/ /shA ri'i bu de bas kyang sems can gang chos zab mo thos nas bla na med pa yang dag par rdzogs pa'i byang chub tu sems skyed cing mos pa skyed de/ dge ba chen po dang ldan pa ni shin du rnyed par dka' ste/ shA ri'i bu shes rab kyi pha rol du phyin pa bstan pa 'di gang dag gi rna lam du thos par 'gyur ba dang / thos nas klog pa dang / mos pa dang /[ ]dga' ba dang / yid bde ba chen po skyed pa dang / phyir zhing nyan pa'i phyir chos 'di la 'dun pa skyed pa'i sems can de dag kyang 'khor ba chen por zhugs par ngas ma bshad na lung nod pa dang / kha ton byed pa dang / gzhan la ston pa lta ci smos/ shA ri'i bu nyan thos dang / rang sangs rgyas kyi theg pa la nges par ma zhugs shing ma nges pa ni ngas bla na med pa yang dag par rdzogs pa'i byang chub tu lung bstan to/ /shA ri'i bu chos kyi mchog 'di la</font><hr>39.61a<br><font size=+1>

chos chung ngu dang ldan pa'i sems can rnams kyi go skabs ngas ma mthong ngo / /shA ri'i bu sangs rgyas kyi byang chub 'di ni rgya chen sems can ni phal cher dman pa la mos shing chos chung ngu dang ldan te/ 'di lta bu'i chos zab mo chags pa med pa la dge bar ma byas shing mi mkhas so/ /shA ri'i bu 'di ni sems can gang dag rgya che zhing chos rgya chen po la mos pa/ theg pa chen po la yang dag par zhugs pa/[ ]dgos pa shin du yongs su rnyed pa/ go cha chen po shin du bgos pa/ don legs par rtogs pa chen po dang drang zhing nyam nga ba med pa/ tshang tshing med pa mnyam pa/ smig ma dang tsher ma med pa dang / ngam grog dang g.yang sa med pa/ gtsang ba gnod pa med pa/ gya gyu med pa/[ ]yon po med par zhugs pa dang / shA ri'i bu gang dag 'jig rten la phan pa dang / 'jig rten la bde ba dang / 'jig rten la snying brtse ba dang / lha dang mi rnams kyi don dang / phan pa dang bde ba'i phyir zhugs pa/ snang ba byed pa'i sems can rnams kyi mu stegs su gyur pa/ snying rje chen po dang ldan pa/ phan par snying brtse ba/ phan par 'dod pa/ bde bar 'dod pa/[ ]grub pa dang bde bar 'dod pa/ sems can thams cad la bde bar sbyar bar nye bar gnas pa'i byang chub sems dpa' sems dpa' chen po de lta bu de dag gi nor chen po yin no/ /shA ri'i bu sems can chen po de dag ni chos dkon mchog 'di tshol ba ste/ 'di ni de dag gi nor dam pa'o/ /de ci'i phyir zhe na/ shA ri'i bu sems can bsod nams ma byas pa/ dman pa la mos pa/[ ]dad pa rab tu nyams pa rnams ni chos kyi nor rgya chen po 'di la mos pa mi skye'o/[ ]/shA ri'i bu ngas de la dgongs te/ sems can dman pa la mos pa rnams kyang /[ ]dman pa la mos pa dang / rgya chen po la mos pa rnams kyang rgya chen po la mos par khams so sor sbyor ro zhes bshad do/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das shes rab kyi pha rol du phyin pa'i spyod yul gang lags/ de skad ces gsol</font><hr>39.61b<br><font size=+1>

pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu shes rab kyi pha rol du phyin pa'i yul dang spyod yul ni mtha' yas so/ /shA ri'i bu 'di lta ste/ dper na rlung gi khams kyi yul dang spyod yul ni mtha' yas so/ /de bzhin du shes rab kyi pha rol du phyin pa'i yul dang spyod yul yang mtha' yas so/ /shA ri'i bu 'di lta ste/ dper na nam mkha' ni rlung gi khams kyi yul dang spyod yul lo/ /de bzhin du shes rab kyi pha rol du phyin pa'i yul dang spyod yul ni nam mkha'o/ /shA ri'i bu 'di lta ste/[ ]dper na nam mkha'i khams kyi yul dang / spyod yul ni mtha' yas so/ /de bzhin du shes rab kyi pha rol du phyin pa'i yul dang / spyod yul yang mtha' yas so/ /shA ri'i bu 'di lta ste/ dper na nam mkha'i khams dang / rlung gi khams ni gang na yang mi snang zhing chos gang mngon par 'grub pa'i mtshan nyid du yang nye bar gnas pa ma yin no/ /shA ri'i bu de bzhin du shes rab kyi pha rol du phyin pa yang chos gang la yang mi snang zhing chos gang mngon par 'grub pa'i mtshan nyid du yang nye bar gnas pa ma yin no/ /shA ri'i bu 'di lta ste/ dper na nam mkha'i khams dang / rlung gi khams ni gzung du med cing yongs su ma grub pas kha dog gi mtshan ma'i grangs su mi 'gro'o/ /shA ra dwa ti'i bu de bzhin du shes rab kyi pha rol du phyin pa yang gzung du med cing yongs su ma grub pas kha dog dang mtshan ma gang gis kyang gang gi grangs su yang nye bar 'gro ba ma yin no/ /shA ri'i bu 'di lta ste/ dper na nam mkha'i khams dang / rlung gi khams ni chos gang yongs su grub par mthong bar nye bar 'gro ba ma yin no/ /de bzhin du shes rab kyi pha rol du phyin pa yang chos gang yang yongs su grub par mthong bar nye bar 'gro ba ma yin no/ /gsol pa/ bcom ldan 'das shes rab kyi pha rol du phyin pa 'di'i mtshan nyid gang lags/ /bka' stsal pa/[ ]shA ra dwa ti'i bu shes rab kyi pha rol du phyin pa 'di ni mtshan nyid med do/ /shA ri'i bu 'di lta ste/ dper na nam mkha'i khams dang / rlung gi khams ni chos gang gi yongs su</font><hr>39.62a<br><font size=+1>

grub pa'i mtshan nyid du yang nye bar 'gro ba ma yin no/ /shA ri'i bu de bzhin du shes rab kyi pha rol du phyin pa yang chos gang yongs su grub pa'i mtshan nyid du yang nye bar 'gro ba ma yin te/ shA ri'i bu 'di ltar med pas shes rab kyi pha rol du phyin pa ni mtshan nyid med pa'o/ /shA ri'i bu 'di lta ste/[ ]dper na nam mkha'i khams ni gang du yang mi chags so/ /de bzhin du shes rab kyi pha rol du phyin pa yang gang du yang mi chags te/ de'i phyir chags pa med pa'i mtshan nyid ces bya'o/ /shA ri'i bu chags pa med pa la ni mtshan nyid ci yang med mod kyi 'on kyang gang gi phyir shes rab kyi pha rol du phyin pa chags pa med pa'i mtshan nyid do zhes bya ba de ni tha snyad kyi tshig go/ /shA ri'i bu chags pa med pa la ni mtshan nyid med cing mtshan ma med de/ de nyid mtshan nyid med par bstan to/ /shA ri'i bu chags pa med pa zhes bya ba de ni chags pa yongs su shes pa'o/ /de ni chags pa mi dmigs pa'o/ /de ni chags pa'i yang dag pa ji lta ba bzhin no/ /de ni chags pa'i phyin ci log yongs su shes pa'o/ /shA ri'i bu chags pa la chags pa med de/ de'i phyir chags pa'i yang dag pa ji lta ba nyid dang / chags pa mi dmigs pa ni chags pa med pa zhes bya'o/ /shA ri'i bu ye shes bstan pas shes rab kyi pha rol du phyin pa 'di chags pa med pa'i mtshan nyid do/ /shA ri'i bu chos thams cad ni cha gas pa med pa'i mtshan nyid de/ chos gang gi mtshan nyid gang yin pa de mtshan nyid med pa ste/ chos gang yang mtshan nyid mngon par 'grub pa'i phyir nye bar gnas pa ma yin no/ /gang la mtshan nyid med pa de ni mtshan nyid med pa zhes bya'o/ /gang mtshan nyid med pa de la chags pa med do/ /gal te chos kyi mtshan nyid cig yod na ni chos thams cad la chags par yang 'gyur na/ gang gi phyir chos thams cad la mtshan nyid med pa de'i phyir de dag la chags pa med de/ des na chos thams cad chags pa med pa'i mtshan nyid ces bya ste/ ji skad</font><hr>39.62b<br><font size=+1>

du brjod pa de bzhin du ni ma yin no/ /gang chags pa med pa'i mtshan nyid de ni brjod par mi nus so/ /de ci'i phyir zhe na/ med pa'i phyir chags pa med pa'i mtshan nyid do/ /dben pa'i phyir chags pa med pa'i mtshan nyid do/ /mi dmigs pa'i phyir chags pa med pa'i mtshan nyid do/ /shA ri'i bu chos gang chags pa med pa'i mtshan nyid kyi chos gang yin pa de ni mthong ba cir yang nye bar gnas pa ma yin zhing mi mthong bar yang ma yin mod kyi/ 'on kyang de sems can rnams la chags pa med pa'i mtshan nyid ces bstan pa byas so/ /shA ri'i bu kun nas nyon mongs pa'i mtshan nyid gang yin pa de ni mtshan nyid med pa ste/[ ]kun nas nyon mongs pa ni mtshan nyid kyis nye bar gnas pa ma yin gyi shA ri'i bu kun nas nyon mongs pa ni phyin ci log gis nye bar gnas pa'o/ /phyin ci log gang yin pa de ni mtshan nyid med pa'o/ /gang mtshan nyid med pa de tha snyad kyis kyang mtshan nyid med de/ de mtshan nyid med pa kho na'o/ /shA ri'i bu rnam par byang ba de yang mtshan nyid med pa'o/ /de ci'i phyir zhe na/ shA ri'i bu kun nas nyon mongs pa nyid kyang mtshan nyid med na rnam par byang ba lta ci smos shA ri'i bu gang kun nas nyon mongs pa yongs su shes pa de ni yang dag pa ji lta ba bzhin te/ de la kun nas nyon mongs pa ci yang med mod kyi/ sems can rnams ni phyin ci log pas kun nas nyon mongs so/ /gang phyin ci log pa de yang dag pa ma yin no/ /gang yang chos ma yin pa de la yang dag pa yongs su grub pa 'am mtshan nyid med do/[ ]/shA ra dwa ti'i bu gang de ltar shes pa de ni rnam par byang ba zhes bya'o/ /kun nas nyon mongs pa nyid kyang mtshan nyid med na rnam par byang ba lta ci smos/ shA ri'i bu 'di lta ste/ kun nas nyon mongs pa 'am/ rnam par byang ba'i chos 'di gnyis ni mtshan nyid med cing yongs su ma grub pa'o/ /shA ri'i bu chos thams cad ni mtshan nyid yongs su ma grub pa ste/ de ni chags</font><hr>39.63a<br><font size=+1>

pa med pa zhes bya'o/ /chos thams cad chags pa med pa'i mtshan nyid ces bya ba ni chos thams cad chags pa med pa yin na shA ri'i bu byis pa so so'i skye bo thams cad ni chags pa med pa la chags so/ /shA ri'i bu 'di ni chos thams cad chags pa med pa'i mtshan nyid de/[ ]ye shes kyi spyod yul zhes bstan to/ /shA ri'i bu 'di ni shes rab kyi pha rol du phyin pa'i spyod yul lo/ /chags pa med pa'i mtshan nyid ye shes kyi spyod yul ni shes rab kyi pha rol du phyin pa ste/ de'i phyir shes rab kyi pha rol du phyin pa'i spyod yul mtha' yas shes bya'o/ /gang chags pa med pa'i de'i yul dang spyod yul mtha' yas so/ /shA ri'i bu spyod yul zhes bya ba de ni spyod yul med pa'i tshig bla dgas so/ /shA ri'i bu shes rab kyi pha rol du phyin pa ni spyod yul bstan pa'i mtshan nyid kyis phye ba ma yin no/ /shA ri'i bu yul zhes bya ba de ni chos thams cad yul med pa'o/ /de ni yang dag pa ji lta ba nyid dang / ji lta ba bzhin no/ /med pa'i phyir chos thams cad yul med de/ chos rnams de ltar yongs su shes pa de ni yul dang / spyod yul zhes bya ste/ ji skad du brjod pa bzhin du ni ma yin no/ /gang chos rnams de ltar yongs su shes pa de ni gang la yang chags pa med de/ chags pa med pa'i mtshan nyid ces bya'o/ /de'i phyir shes rab kyi pha rol du phyin pa chags pa med pa'i mtshan nyid ces bya'o/ /shA ri'i bu 'di lta bu'i chos 'di la grogs mang du mi rnyed do/ /'di lta bu'i chos 'chad pa dang / yang dag par rab tu ston pa dang / rnam par 'byed pa gang yin pa de ni de bzhin gshegs pa'i ye shes kyi yul bstan pa'o/ /shA ri'i bu'i chos 'di la ni bden pa mthong ba'i nyan thos dang / byang chub sems dpa' sems dpa' chen po phyir mi ldog pa lta ba phun sum tshogs pa'i gang zag phyir mi zlog pa rnams ma gtogs par grogs gzhan gang yang med de/ lta ba phun sum tshogs pa chos 'di la spyod pa de dag kyang the tshom du 'gyur ro/ /shA</font><hr>39.63b<br><font size=+1>

ri'i bu byang chub sems dpa' the tshom med pa/ lus mngon sum du gyur pa rnams chos 'di la bzod pa thob par 'gyur gyi/ shA ri'i bu byis pa so so'i skye bo rnams ni ma yin no/ /shA ri'i bu shes rab kyi pha rol du phyin pa bstan pa 'di ni dman pa la mos pa'i sems can rnams kyi lag tu 'gro bar mi 'gyur gyi/[ ]shA ri'i bu shes rab kyi pha rol du phyin pa bstan pa 'di ni sems can gang dge ba'i rtsa ba yongs su dag pa dang ldan pa sangs rgyas mang po la bsnyen bkur byas pa de dag gi lag tu 'gro bar 'gyur ro/ /shes rab kyi pha rol du phyin pa bstan pa 'di ni sems can gang dag dge ba'i rtsa ba bskyed pa/ bsam pa dge ba/ sangs rgyas bcom ldan 'das rnams la lhag par bya ba byas pa/ byang chub kyi phyir sa bon bskyed pa/ sangs rgyas kyi theg pa la zhugs pa/ sangs rgyas bcom ldan 'das rnams dang nye bar gnas pa/ tshul bzhin kun 'dri ba de dag gi lag tu 'gro bar 'gyur ro/ /shes rab kyi pha rol du phyin pa bstan pa 'di ni gang dag bzod pa 'thob pa dang / nye bar 'gyur ba dang / bzod pa 'thob pa de dag gi lag tu 'gro bar 'gyur ro/ /gang dag lung bstan pa de dag kyang myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ smon lam gyi dbang gis ni ma gtogs so/[ ]/gang dag lung ma bstan pa de dag kyang myur du mngon sum du lung bstan pa thob par 'gyur ro/ /shA ri'i bu sems can gang dag dge ba'i rtsa ba yongs su ma smin pa'i rna lam du mdo sde 'di thos par gyur pa de dag kyang lung bstan pa nyid du rig par bya na/ gang mdo sde 'di rnyed pa dang / yi ger 'dri ba dang /[ ]'chang ba dang / lung nod pa dang / kha ton byed pa dang / gzhan la yang rgya cher rab tu ston pa lta ci smos/ shA ri'i bu sems can gang dag dge ba'i rtsa ba yongs su ma smin pa de dag gis mdo sde 'di mnyan pa dang / yi ger 'dri ba dang / klog pa dang / kha ton byed pa de ni gnas med de/ shA ri'i</font><hr>39.64a<br><font size=+1>

bu chos kyi rnam grangs 'di ni sems can gang dag dge ba'i rtsa ba 'bar ba rnams kyi lag tu 'gro bar 'gyur ro/ /shA ri'i bu khyod mos par bya'o/ /khyod kyis khong du chud par bya'o/ /byang chub sems dpa'i theg pa can rnams/ nyan thos kyi theg pa can gyi rigs kyi bu 'am/ rigs kyi bu mo des chos 'di rnyed na/ spro ba chung ba dang / le lo dang gnyid che ba dang / shes bzhin med pa dang / dran pa nye bar mi 'jog pa dang / sems g.yeng ba dang / zang zing la chags pa dang /[ ]brkam pa dang / mu chor smra ba dang / smyon thabs dang / kha par dang /[ ]dbang po phal bar mi bya'o/ /shA ri'i bu dge ba'i rtsa ba byas pa dag kyang mi slu'o/ /byang chub sems dpa' chos 'di rnyed nas bag yod pa dang / brtson 'grus dang / spro ba dang / mos pa dang / le lo med pa dang / dbang po bsdams pa dang / mu chor mi smra ba rab tu bsten par bya'o/ /dran pa nye bar gzhag pa dang / mang du thos pa la sbyor bar bya'o/ /brtson 'grus brtsams la 'di lta bu'i yon tan 'di dag yongs su bskang ba'i phyir 'bad par bya'o/ /shA ri'i bu 'di lta bu'i chos thos pa'i 'bras bu ni 'di ma yin te/[ ]gang byang chub sems dpa' dang / nyan thos 'di lta bu'i chos thos na bag byed par mi 'gyur ba dang / yid rton par mi 'gyur ba dang / 'dun pa yongs su nyams pa dang / brtson 'grus bri ba dang / ma dris pa ston pa dang gnod sems mang du 'gyur ba de ni thos pa'i 'bras bu ma yin no/ /de dag gis 'di lta bu'i chos 'di thos pa ma yin no/ /shA ri'i bu thos shes bya ba de ni yang dag pa'i nan tan gyi tshig bla dgas te/ log pa'i nan tan gyi ni ma yin no/ /shA ri'i bu log par zhugs pas ni chos 'di thos par mi 'gyur ro/[ ]/shA ri'i bu thos nas khyod don la mkhas shing nan tan gyis gnas par bya'o/ /shA ri'i bu log par zhugs pa rnams la ni rjes su 'thun pa'i bzod pa yang med do/ /shA ri'i bu gang ji skad bstan pa'i chos 'di la log par mi sgrub pa de ni chos 'di la nan tan byed pa zhes bya'o/ /shA</font><hr>39.64b<br><font size=+1>

ri'i bu bzod pa phun sum tshogs pa'i gang zag nan tan la gnas pa dag ni phyir ngan song du 'gro bar mi 'gyur gyi/ myur du chos 'di yang dag par sgrub par 'gyur ro/ /dge ba'i rtsa ba ngan ngon tsam la yid brtan par mi bya ste/ chos 'di yongs su ma grub kyi bar du brtson pa mi gtong bas kyang yid brtan par mi bya'o/ /shA ri'i bu gang chos 'di la bslabs pa dang / yongs su grub pa dang / bzod pa thob pa de ni phyir ngan song du 'gro bar 'gyur ba'i las mi byed de/ de ni phyir le lo dang /[ ]'dri ba la sten par mi 'gyur te/ de phyir ldog pa'i 'jigs pa med par 'gyur ro/ /de lhod par yang mi 'gyur ro/ /de ci'i phyir zhe na/ shA ri'i bu de ni kun nas nyon mongs pa dang / rnam par byang ba yongs su shes pa yin no/ /des chos thams cad ni phyin ci log las byung ste/[ ]yang dag pa ma yin pa'o zhes yang dag pa ji lta ba bzhin du mthong ba yin no/ /de ltar yang dag par mthong ba de ni bzod pa phun sum tshogs pa yin no/ /nges pa dang tshig nyung ba dang / tshul khrims rnam par dag pa la gnas pa dang / cho ga dang / spyod yul dang / spyod pa dang / sdom pa phun sum tshogs pa yin te/ /gang zag sems can de lta bu la lha rnams kyang mos par 'gyur na mi rnams lta ci smos/[ ]sems can de lta bu la lha rnams kyang dga' bar 'gyur na mi rnams lta ci smos/[ ]de dag gi gan du lha rnams kyang 'gro bar gyur na mi rnams lta ci smos/ de dag la lha rnams kyis bkur sti bya bar 'os pa yin na mi rnams kyis lta ci smos/ de dag la lha rnams kyang srung bar 'gyur na mi rnams lta ci smos/ de bzhin du klu dang / gnod sbyin dang / srin po dang / nam mkha' lding dang /[ ]dri za rnams kyang de la srung bar 'gyur/ de dag la srung ba dang /[ ]sgrib pa dang / sbed pa'i phyir 'bad par 'gyur ro/ /dpe'i le'u zhes bya ste bzhi pa'o//[   ]// bam po bzhi pa/ de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ston pa yang 'di na mngon sum du gyur/ 'khor 'di yang chos zab mo bstan pa'i snod du gyur te/ tshe dang ldan pa rab 'byor 'khor 'di ni dag cing</font><hr>39.65a<br><font size=+1>

zab mo'i chos thos par 'dod na/ khyod ci'i phyir shes rab kyi pha rol du phyin pa la brtsams te spobs par mi byed par cang mi smra bar 'dug /de skad ces smras pa dang / tshe dang ldan pa rab 'byor gyis 'di skad ces smras so/ /tshe dang ldan pa kho bos ni gang brtsams te spobs par bya ba'i chos de yang dag par rjes su mi mthong ngo / /tshe dang ldan pa shA ri'i bu kho bos ni shes rab kyi pha rol du phyin pa yang dag par rjes su mi mthong / byang chub sems dpa' dang / spobs pa dang / gang spobs par 'gyur ba dang / gang gis spobs par 'gyur ba dang / gang las spobs par 'gyur ba yang mi mthong ste/ tshe dang ldan pa shA ri'i bu kho bos de ltar shes rab kyi pha rol du phyin pa dang / byang chub sems dpa' sems dpa' chen po dang / gang spobs par 'gyur ba dang /[ ]gang gis spobs par 'gyur ba dang /[ ]gang las spobs par 'gyur ba dang /[ ]gang gis spobs par 'gyur ba mi mthong na/ ji skad du bstan par bya/ kho bos gang las brtsams te spobs par bya/ shA ri'i bu 'di la shes rab kyi pha rol du phyin pa 'di ni tha snyad med pa/ smrar med pa brjod du med pa'o/ /tshe dang ldan pa shA ri'i bu shes rab kyi pha rol du phyin pa ni smra ba 'am/ bsnyad pa 'am/ brjod par mi nus te/[ ]gang de ltar lan 'debs pa ni shes rab kyi pha rol du phyin pa'o/ /tshe dang ldan pa shA ri'i bu shes rab kyi pha rol du phyin pa ni 'das pa dang / ma 'ongs pa dang / da ltar byung ba ma yin no/ /tshe dang ldan pa shA ri'i bu shes rab kyi pha rol du phyin pa ni 'das pa'i mtshan nyid dang / ma 'ongs pa'i mtshan nyid dang /[ ]da ltar byung ba'i mtshan nyid du bstan par mi nus te/ tshe dang ldan pa shA ra dwa ti'i bu shes rab kyi pha rol du phyin pa 'di ni tha snyad ma yin te/ mtshan nyid med pa'o/ /tshe dang ldan pa shA ra dwa ti'i bu mtshan nyid gang gis shes rab kyi pha rol du phyin pa bstan pa'i mtshan nyid de yang dag par rjes su mi mthong ngo / /tshe dang ldan pa shA ra dwa ti'i bu gzugs kyi 'das pa'i mtshan nyid dam/[ ]ma 'ongs pa'i mtshan nyid dam/ da ltar byung ba'i mtshan</font><hr>39.65b<br><font size=+1>

nyid gang yin pa de shes rab kyi pha rol du phyin pa ma yin no/ /tshor ba dang / 'du shes dang /[ ]'du byed rnams dang / rnam par shes pa 'das pa'i mtshan nyid dang / ma 'ongs pa'i mtshan nyid dang / da ltar byung ba'i mtshan nyid gang yin pa de shes rab kyi pha rol du phyin pa ma yin no/ /tshe dang ldan pa shA ra dwa ti'i bu 'das pa dang / ma 'ongs pa dang / da ltar byung ba'i gzugs kyi mtshan nyid de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid gang yin pa de shes rab kyi pha rol du phyin pa'o/ /'das pa dang / ma 'ongs pa dang / da ltar byung ba'i tshor ba dang / 'du shes dang / 'du byed rnams dang / rnam par shes pa'i mtshan nyid kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid gang yin pa de shes rab kyi pha rol du phyin pa'o/ /tshe dang ldan pa shA ra dwa ti'i bu 'das pa dang /[ ]ma 'ongs pa dang / da ltar byung ba'i gzugs dang / tshor ba dang / 'du shes dang / 'du byed rnams dang / rnam par shes pa'i mtshan nyid kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / ji lta ba bzhin gyi de bzhin nyid de ni gdags pa 'am/ tshig gi las kyis brjod par ram/ bsnyad par ram/ lan gdab par mi nus so/ /tshe dang ldan pa shA ra dwa ti'i bu gang de ltar shes rab kyi pha rol du phyin pa la 'jug pa des/ shes rab kyi pha rol du phyin pa rtogs so/ /tshe dang ldan pa shA ra dwa ti'i bu shes rab kyi pha rol du phyin pa ni chos gang bstan pa'i mtshan nyid du yang nye bar gnas pa ma yin te/ gzugs bstan pa'i mtshan nyid dang /[ ]tshor ba dang / 'du shes dang / 'du byed rnams dang / rnam par shes pa bstan pa'i mtshan nyid du nye bar gnas pa ma yin no/ /rten cing 'brel bar 'byung ba bstan pa'i mtshan nyid du nye bar gnas pa ma yin no/ /ming dang gzugs</font><hr>39.66a<br><font size=+1>

kyi mtshan nyid dang / bdag gi mtshan nyid dang / sems can gyi mtshan nyid dang / chos kyi dbyings kyi mtshan nyid dang / 'du ba'i mtshan nyid dang / 'bral ba'i mtshan nyid dang / rgyu'i mtshan nyid dang / rkyen gyi mtshan nyid dang / sdug bsngal gyi mtshan nyid dang / bde ba'i mtshan nyid dang / rnam par gzhag pa'i mtshan nyid dang / rnam par mi gzhag pa'i mtshan nyid dang / skye ba'i mtshan nyid dang / 'jig pa'i mtshan nyid dang /[ ]kun nas nyon mongs pa'i mtshan nyid dang / rnam par byang ba'i mtshan nyid dang / rang bzhin gyi mtshan nyid dang / kun rdzob kyi mtshan nyid dang /[ ]don dam pa'i mtshan nyid dang / bden pa'i mtshan nyid dang / brdzun pa'i mtshan nyid dang / 'pho ba'i mtshan nyid dang / 'jug pa'i mtshan nyid du nye bar gnas pa ma yin no/ /de ci'i phyir zhe na/ tshe dang ldan pa shA ri'i bu shes rab kyi pha rol du phyin pa ni mtshan nyid thams cad dang bral ba ste/ 'di ni shes rab kyi pha rol du phyin pa zhe 'am/ 'di na shes rab kyi pha rol du phyin pa zhe 'am/ 'dis shes rab kyi pha rol du phyin pa zhe 'am/ 'di'i shes rab kyi pha rol du phyin pa zhes de su'i mthong bar yang nye bar mi 'gro'o/ /tshe dang ldan pa shA ra dwa ti'i bu chos gang gis shes rab kyi pha rol du phyin pa bstan pa'i chos de kho bos yang dag par rjes su mi mthong ngo / /tshe dang ldan pa shA ra dwa ti'i bu shes rab kyi pha rol du phyin pa ni chos gang nges par bstan par yang nye bar 'gro ba 'am/ nye bar 'gro bar 'gyur ba ma yin no/ /tshe dang ldan pa shA ra dwa ti'i bu shes rab kyi pha rol du phyin pa ni gzugs nges par bstan par nye bar 'gro ba ma yin no/ /tshor ba dang / 'du shes dang / 'du byed rnams dang / rnam par shes pa nges par bstan pa nye bar 'gro ba ma yin/ mig dang / rna ba dang / sna dang / lce dang / lus dang / yid nges par bstan par nye bar 'gro ba ma yin/ khams rnams nges par bstan par nye bar 'gro ba ma yin/[ ]rten cing 'brel par 'byung ba nges</font><hr>39.66b<br><font size=+1>

par bstan par nye bar 'gro ba ma yin/[ ]rig pa dang / rnam par grol ba nges par bstan par nye bar 'gro ba ma yin no/ /tshe dang ldan pa shA ra dwa ti'i bu gang 'jig rten las 'das pa'i shes rab nges par 'byed par 'gro ba yang / shes rab kyi pha rol du phyin pa nges par bstan par nye bar mi 'gro'o/ /shA ri'i bu 'di lta ste/ chos gang nges par bstan par yang nye bar mi 'gro ba'i chos de ji ltar brjod cing nges par bstan par 'gyur/ tshe dang ldan pa shA ra dwa ti'i bu gang dag chos rnams kyi tshul de ltar rab tu shes pa de dag gis shes rab kyi pha rol du phyin pa bstan pa rab tu shes so/ /tshe dang ldan pa shA ra dwa ti'i bu shes rab kyi pha rol du phyin pa ni chos gang bstan pa dang nges par bstan par yang nye bar gnas pa ma yin no/ /tshe dang ldan pa shA ra dwa ti'i bu shes rab kyi pha rol du phyin pa ni gzugs bstan pa dang / nges par bstan par nye bar gnas pa ma yin no/ /tshor ba dang /[ ]'du shes dang / 'du byed rnams dang / rnam par shes pa bstan pa dang /[ ]nges par bstan par nye bar gnas pa ma yin/ ming dang gzugs bstan pa dang / nges par bstan par nye bar gnas pa ma yin/ kun nas nyon mongs pa dang / rnam par byang ba bstan pa dang / nges par bstan par nye bar gnas pa ma yin/ rten cing 'brel bar 'byung ba bstan pa dang / nges par bstan par nye bar gnas pa ma yin/ phyin ci log rnams bstan pa dang /[ ]nges par bstan par nye bar gnas pa ma yin/ sems can gyi khams dang /[ ]bdag gi khams bstan pa dang / nges par bstan par nye bar gnas pa ma yin/ sa'i khams dang / chu'i khams dang / me'i khams dang / rlung gi khams bstan pa dang / nges par bstan par nye bar gnas pa ma yin/ 'dod pa'i khams dang / gzugs kyi khams dang / gzugs med pa'i khams bstan pa dang nges par bstan par nye bar gnas pa ma yin/ tshul khrims dang /[ ]'chal</font><hr>39.67a<br><font size=+1>

ba'i tshul khrims bstan pa dang / nges par bstan par nye bar gnas pa ma yin/ bzod pa dang / gnod sems dang / brtson 'grus dang / le lo dang / bsam gtan dang / /rnam par g.yeng ba dang / shes rab dang / 'chal pa'i shes rab bstan pa dang / nges par bstan par nye bar gnas pa ma yin/ dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / tshad med pa dang / dbang po dang / stobs dang /[ ]byang chub kyi yan lag dang / bsam gtan dang / rnam par thar pa dang /[ ]ting nge 'dzin dang / snyoms par 'jug pa dang / mngon par shes pa bstan pa dang / nges par bstan par nye bar gnas pa ma yin no/ /bden pa dang / lam dang / 'bras bu bstan pa dang / nges par bstan par nye bar gnas pa ma yin/ nyan thos dang / rang sangs rgyas dang / byang chub sems dpa'i bstan pa dang / nges par bstan par nye bar gnas pa ma yin/[ ]nyan thos dang / rang sangs rgyas kyi chos dang / byang chub sems dpa'i chos bstan pa dang / nges par bstan par nye bar gnas pa ma yin/ chos gang shes pa dang / mi shes pa dang / bstan pa dang / bstan du med par nye bar gnas pa ma yin/ mi skye ba shes pa dang / zad pa shes pa dang / 'gog pa shes pa bstan pa 'am/ bstan pa ma yin par gnas pa ma yin/[ ]mya ngan las 'das pa bstan pa 'am/ bstan pa ma yin par nye bar gnas pa ma yin no/ /tshe dang ldan pa shA ra dwa ti'i bu 'di lta ste/ chos gang bstan pa 'am/[ ]bstan pa ma yin par yang nye bar gnas pa ma yin pa de'i tha snyad ji ltar bstan par bya/ tshe dang ldan pa shA ra dwa ti'i bu su shes rab kyi pha rol du phyin pa ni chos gang bstan pa 'am/ bstan pa ma yin par yang nye bar gnas pa ma yin par bstan pa 'di lta bu khong du chud pa des shes rab kyi pha rol du phyin pa yang shes shing shes rab kyi pha rol du phyin pa bstan pa yang shes so/ /tshe dang ldan pa shA ra dwa ti'i bu shes rab kyi pha rol du phyin</font><hr>39.67b<br><font size=+1>

pa ni chos gang la yang sbyor ba 'am/ mi sbyor ba'i phyir nye bar gnas pa ma yin no/ /de ci'i phyir zhe na/[ ]tshe dang ldan pa shA ra dwa ti'i bu shes rab kyi pha rol du phyin pa ni gzugs la kun du sbyor bar yang mi byed/ /kun du mi sbyor bar yang mi byed do/ /de bzhin du tshor ba dang / 'du shes dang / 'du byed rnams dang / rnam par shes pa la kun du sbyor bar yang mi byed/ kun du mi sbyor bar yang mi byed do/ /rten cing 'brel bar 'byung ba la kun du sbyor bar yang mi byed/ kun du mi sbyor bar yang mi byed do/ /'dod pa'i khams dang / gzugs kyi khams dang /[ ]gzugs med pa'i khams la kun du sbyor bar yang mi byed/ kun du mi sbyor bar yang mi byed do/ /sa'i khams dang / chu'i khams dang / me'i khams dang /[ ]rlung gi khams la kun du sbyor bar yang mi byed/ kun du mi sbyor bar yang mi byed do/ /sems can gyi khams dang / bdag gi khams dang / chos kyi dbyings dang / nam mkha'i khams la kun du sbyor bar yang mi byed/ kun du mi sbyor bar yang mi byed do/ /tshul khrims dang / 'chal pa'i tshul khrims dang /[ ]bzod pa dang / gnod sems dang / brtson 'grus dang / le lo dang /[ ]bsam gtan dang / rnam par g.yeng ba dang / shes rab dang / 'chal ba'i shes rab la kun du sbyor bar yang mi byed/ kun du mi sbyor bar yang mi byed do/[ ]/dran pa nye bar gzhag pa rnams dang / yang dag par spong ba rnams dang /[ ]rdzu 'phrul gyi rkang pa rnams dang / tshad med pa rnams dang / dbang po rnams dang / stobs rnams dang / byang chub kyi yan lag rnams dang / bsam gtan dang / rnam par thar pa dang / ting nge 'dzin dang / snyoms par 'jug pa la kun du sbyor bar yang mi byed/ kun du mi sbyor bar yang mi byed do/ /lam dang lam gyi 'bras bu dang / sdug bsngal dang / kun 'byung ba dang / 'gog pa la kun du sbyor bar yang mi byed/ /kun du mi sbyor bar yang mi byed do/ /nyan thos kyi sa dang / rang sangs rgyas kyi sa dang / byang chub sems dpa'i sa la kun du sbyor bar yang mi byed/ kun du mi sbyor bar yang mi byed do/ /</font><hr>39.68a<br><font size=+1>

nyan thos kyi chos dang / rang sangs rgyas kyi chos dang / byang chub sems dpa'i chos la kun du sbyor bar yang mi byed/ kun du mi sbyor bar yang mi byed do/ /'das pa dang / ma 'ongs pa dang / da ltar byung ba shes pa dang / dus gsum mnyam pa nyid la kun du sbyor bar yang mi byed/[ ]kun du mi sbyor bar yang mi byed do/ /thogs pa med pa dang / mi skye ba shes pa dang / zad pa shes pa dang / mya ngan las 'das pa la kun du sbyor bar yang mi byed do/ /kun du mi sbyor bar yang mi byed do/ /tshe dang ldan pa shA ra dwa ti'i bu 'di lta ste/ chos gang la yang kun du sbyor ba 'am/ kun du sbyor ba ma yin par gnas pa ma yin pa de ji ltar bstan par bya/ tshe dang ldan pa shA ra dwa ti'i bu kho bos chos gang spobs par 'gyur ba dang / gang gis kho bo spobs par 'gyur ba dang / gang la kho bo spobs par 'gyur ba dang / gang la kho bos brtsam par spobs par 'gyur ba'i chos de yang dag par rjes su mi mthong ste/ kho bos dbang de mthong bas kho bos de skad smras so/ /rab 'byor gyi le'u zhes bya ste lnga pa'o//             // de nas bcom ldan kyis byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ /rab kyi rtsal gyis rnam par gnon pa 'di la byang chub sems dpa' sems dpa' chen po shes rab kyi pha rol du phyin pa la spyod pa ni chos gang la yang mi spyod do/ /de ci'i phyir zhe na/ rab kyi rtsal gyis rnam par gnon pa chos thams cad ni phyin ci log las byung ba/ bden pa ma yin pa/ med pa log pa yang dag pa ma yin pa ste/[ ]rab kyi rtsal gyis rnam par gnon pa/ de'i phyir gang chos 'ga' zhig la spyod na de ni phyin ci log la spyod pa'o/ /de ni yang dag pa ma yin pa la spyod pa'o/ /rab kyi rtsal gyis rnam par gnon pa byang chub sems dpa' ni phyin ci log spyod pas rab tu phye ba 'am/ yang dag pa ma yin pa spyod pas rab tu phye ba ma yin no/[ ]/byang chub sems dpa' phyin ci log gam/ yang</font><hr>39.68b<br><font size=+1>

dag pa ma yin pa la spyod pa de ni shes rab kyi pha rol du phyin pa la spyod pa ma yin no/ /gang phyin ci log dang /[ ]yang dag pa ma yin pa de la spyod pa gang yang med pas de'i phyir byang chub sems dpa' de la mi spyod do/ /rab kyi rtsal gyis rnam par gnon pa phyin ci log ces bya ba 'di ni log par byis pa so so'i skye bo rnams kyis bzung ba ste/ chos de ni ji lta ba bzhin du ma yin/ gang dag ji ltar bzung ba de bzhin du ma yin pa de ni phyin ci log dang / yang dag pa ma yin pa zhes bya'o/ /rab kyi rtsal gyis rnam par gnon pa byang chub sems dpa' ni phyin ci log dang / yang dag pa ma yin pa la mi spyod do/ /rab kyi rtsal gyis rnam par gnon pa byang chub sems dpa' ni yang dag pa smra ba ste/ phyin ci log ma yin pa spyod pa'o/[ ]/gang du yang dag pa la phyin ci log pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa spyod pa thams cad yang dag par chad pa ni byang chub sems dpa'i spyod pa ste/ 'di ni byang chub sems dpa'i spyod pa'o/ /'dis byang chub sems dpa'i spyod pa'o/ /'di ni byang chub sems dpa'i spyod pa'o/[ ]/'di las byang chub sems dpa'i spyod pa'o zhes byang chub sems dpa'i spyod pa de kun du bstan par mi nus te/ byang chub sems dpa'i spyod pa ni de lta bus rab tu phye ba ma yin no/ /byang chub sems dpa' dag ni so so'i skye bo'i spyod pa bzlog pa'o/ /nyan thos kyi spyod pa bzlog pa dang / rang sangs rgyas kyi spyod pa bzlog pa dang / spyod pa thams cad bzlog pa'i phyir byang chub sems dpa'i spyad pa la spyod do/ /rab kyi rtsal gyis rnam par gnon pa byang chub sems dpa' 'di dag ni sangs rgyas kyi chos de dag go/ /'dis sangs rgyas kyi chos de dag go/ /'di ni sangs rgyas kyi chos de dag go/ /'di'i sangs rgyas kyi chos de dag go zhes sangs rgyas kyi chos gang yin pa de dag la yang mi spyod cing mngon par zhen pa med de/ rab kyi rtsal gyis</font><hr>39.69a<br><font size=+1>

rnam par gnon pa byang chub sems dpa' ni de ltar mi spyod do/ /rab kyi rtsal gyis rnam par gnon pa de dag thams cad ni rnam par rtog pa la spyod pa'o/ /byang chub sems dpa' spyod pa ni rtog pa thams cad spangs pa yin pas byang chub sems dpa' ni rnam par rtog pa dang /[ ]mi rtog pa la mi spyod do/ /rab kyi rtsal gyis rnam par gnon pa rtog pa zhes bya ba de ni chos rnams la rnam par rtog pa'o/ /chos thams cad ni rnam par mi rtog pa yin pas/ chos thams cad la brtag par mi nus so/ /de'i phyir gang chos la rtog pa de log par rtog pa'o/ /rab kyi rtsal gyis rnam par gnon pa chos ni rtog pa 'am/ mi rtog pa ma yin no/ /rab kyi rtsal gyis rnam par gnon pa rtog pa zhes bya ba de ni mtha' gcig go/ /mi rtog pa zhes bya ba deni mtha' gnyis te/ rab kyi rtsal gyis rnam par gnon pa byang chub sems dpa' ni mtha' dang mtha' med pa la mi spyod do/ /gang mtha' dang mtha' med pa la mi spyod pa des ni dbus yang dag par rjes su mi mthong ngo / /rab kyi rtsal gyis rnam par gnon pa dbus yang dag par rjes su mthong zhing dbus la spyod na ni mtha' nyid la spyod do/ /rab kyi rtsal gyis rnam par gnon pa dbus la ni spyod pa bstan pa 'am/[ ]nges par bstan pa gang yang med do/ /rab kyi rtsal gyis rnam par gnon pa dbus shes bya ba de ni 'phags pa'i lam yan lag brgyad pa'i tshig bla dgas so/[ ]/rab kyi rtsal gyis rnam par gnon pa 'phags pa'i lam yan lag brgyad pa ni chos gang dmigs pa dang / chos gang mthong ba'i phyir nye bar gnas pa ma yin no/[ ]/rab kyi rtsal gyis rnam par gnon pa nam chos gang la yang sgom par yang mi byed/[ ]mi sgom par yang mi byed pa de'i tshe lam gyi rgyun gcad ces bya'o/ /de chos thams cad la bsgom par yang mi byed/ mi sgom par yang mi byed pas sgom pa las yang dag par 'das nas chos mnyam pa nyid rnyed de/ chos</font><hr>39.69b<br><font size=+1>

mnyam pa nyid des lam gyi 'du shes kyang mi 'byung na/ lam mthong bar lta ga la 'gyur/ rab kyi rtsal gyis rnam par gnon pa lam gyi rgyun gcad ces bya ba de ni dge slong zag pa zad pa/ dgra bcom pa'i tshig bla dgas so/ /de ci'i phyir zhe na/[ ]des bsgoms pa yang med cing bsgoms pa med pa yang ma yin par lam bsgoms pa med pas de'i phyir bsgoms pa med ces bya'o/ /bsgom pa med pa yang de la med pas de'i phyir sgom pa med ces bya'o/ /de sgom pa dang bral bas de'i phyir bsgom pa med ces bya'o/ /rab kyi rtsal gyis rnam par gnon pa gal te sgom pa 'am/ bsgom par byed pa zhig yod na ni de dmigs par 'gyur te/ de sgom pa med par mi 'gyur ro/ /rab kyi rtsal gyis rnam par gnon pa bsgom pa med pa zhes bya ba ni de bsgom pa dang bral bas bsgom pa med pa ste/ 'di dngos po dang bral bas de'i phyir bsgom pa med pa zhes bya ste/ ji skad du brjod pa bzhin du ni ma yin no/ /de ci'i phyir zhe na/ bsgom pa med pa ni brjod du med pa'o/ /bsgom pa med pa 'di ni bral ba'o/ /bral ba gang zhe na/ gang phyin ci log kun nas mi ldang ba dang /[ ]gang yang dag pa ma yin pa kun nas mi ldang ba'o/ /rab kyi rtsal gyis rnam par gnon pa phyin ci log gis phyin ci log kun nas mi slong ste/ phyin ci log ni kun nas langs pa nyid ma yin no/ /de la kun nas slong ba ci yang med do/ /gal te de la slong ba 'ga' zhig yod na ni der yang brjod na 'di ltar yang dag pa ma yin pa las byung bas de'i phyir phyin ci log ces bya'o/ /rab kyi rtsal gyis rnam par gnon pa byang chub sems dpas ni chos thams cad phyin ci log med par khong du chud do/ /de ci'i phyir zhe na/ des phyin ci log ni yang dag pa ma yin par shes pa'i phyir ro/ /phyin ci log la ni phyin ci log pa dang / gang gis phyin ci log yang dag pa ma yin pa dang / phyin ci log la phyin ci log med par shes pa des chos</font><hr>39.70a<br><font size=+1>

thams cad phyin ci log ma yin par khong du chud do/ /gang phyin ci log med par khong du chud pa de la phyin ci log gang yang mi 'byung ngo / /gang la phyin ci log med pa de la spyod pa gang yang med do/ /rab kyi rtsal gyis rnam par gnon pa spyod pa thams cad ni spyod pa las byung ba dang / spyod pa la rnam par rtog pas phyin ci log go/ /byang chub sems dpa' ni spyod pa la rnam par mi rtog ste/ de'i phyir de phyin ci log med par gnas pa zhes bya'o/ /gang phyin ci log med pa de ni phyir gang la yang mi spyod de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa spyod pa med pa zhes bya ba de chos gang la yang mi spyod rnam par mi spyod cing spyod pa'i mtshan nyid mi ston pa'o/ /de ni byang chub sems dpa'i spyod pa zhes bya ste/ gang 'di lta bur spyod pa de ni shes rab kyi pha rol du phyin pa la spyod pa'o/ /rab kyi rtsal gyis rnam par gnon pa byang chub sems dpa' gzugs kyi dmigs pa la spyod na shes rab kyi pha rol du phyin pa la spyod pa ma yin no/ /tshor ba dang / 'du shes dang / 'du byed rnams dang / rnam par shes pa'i dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ des dmigs pa thams cad rab tu dben par shes pa'i phyir ro/ /dben pa gang yin pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' mig gi dmigs pa la spyod na shes rab kyi pha rol du phyin pa la spyod pa ma yin no/ /rna ba dang / sna dang / lce dang / lus dang / yid kyi dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ des dmigs pa thams cad yang dag pa ma yin par shes pa'i phyir ro/ /gang dmigs pa thams cad yang dag pa ma yin par shes pa de ni gang la yang mi spyod de/ de'i phyir spyod pa med pa ni byang chub</font><hr>39.70b<br><font size=+1>

sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' gzugs dang / sgra dang / dri dang / ro dang reg bya dang / chos kyi dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ des dmigs pa thams cad phyin ci log las byung bar shes shing gang phyin ci log pa de yang dag pa ma yin par yongs su shes pa'i phyir ro/ /gang gis phyin ci log yang dag pa ma yin par yongs su shes pa de ni dmigs pa gang la yang mi spyod de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' ming dang gzugs kyi dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ des dmigs pa thams cad dmigs pa med par mthong ba'i phyir ro/ /gang gis dmigs pa thams cad dmigs pa med par khong du chud pa de ni dmigs pa gang la yang mi spyod de/[ ]de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' sems dpa' chen po dag sems can dang / bdag gi dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis sems can du 'du shes pa dang / bdag tu 'du shes pa de yang dag pa ma yin par shes pa'i phyir ro/ /gang gis sems can du 'du shes pa dang / bdag tu 'du shes pa yang dag pa ma yin par shes pa de spyod pa gang la yang mi spyod do/ /gang spyad pa gang la yang mi spyod pa de spyod pa med pa ste/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' srog tu 'du shes pa dang / gso ba dang / skyes bu dang /[ ]gang zag dang / shed las skyes dang / shed bu dang / slong ba po dang /[ ]kun nas slong ba po dang / byed du 'jug pa dang tshor ba po dang / tshor bar byed par 'du shes pa dang / shes par byed pa dang /[ ]shes</font><hr>39.71a<br><font size=+1>

pa por 'du shes pa la spyod na rab kyi rtsal gyis rnam par gnon pa shes rab kyi pha rol du phyin pa la spyod pa ma yin no/ /de ci'i phyir zhe na/ de dag gi 'du shes thams cad rnam par bshig pa'i phyir ro/ /gang gis 'du shes thams cad rnam par bshig pa de dag phyir 'du shes gang la yang mi spyod de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' phyin ci log dang / lta bar gyur pa dang / sgrib pa la spyod na shes rab kyi pha rol du phyin pa la spyod pa ma yin no/ /phyin ci log dang / lta bar gyur pa dang / sgrib pa dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis phyin ci log dang / lta bar gyur pa dang / sgrib pa'i dmigs pa yongs su shes pa'i phyir ro/ /gang yongs su shes pa de spyod pa med de/ de'i phyir spyod pa med pa ni/ byang chub sems dpa'i spyod pa zhes bya'o/ /rab kyi rtsal gyis rnam par gnon pa/ byang chub sems dpa' rten cing 'brel par 'byung ba'i dmigs pa la spyod pa shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis rten cing 'brel bar 'byung ba yang shes shing rten cing 'brel bar 'byung ba'i dmigs pa yang shes pa'i phyir ro/ /gang rten cing 'brel par 'byung ba'i dmigs pa shes pa de la spyod pa gang yang med do/ /de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag 'dod pa'i khams kyi dmigs pa la spyod na/ shes rab kyi pha rol du phyin pa la spyod pa ma yin no/ /gzugs dang / gzugs med pa'i khams kyi dmigs pa la spyod na shes rab kyi pha rol du phyin pa la sbyod pa ma yin no/ /de ci'i phyir zhe na/ de dag gis 'dod pa'i khams dang /[ ]gzugs kyi khams dang / gzugs med pa'i khams kyi dmigs pa rnam par bshig pa'i phyir ro/ /gang 'dod pa'i khams dang / gzugs kyi</font><hr>39.71b<br><font size=+1>

khams dang /[ ]gzugs med pa'i khams kyi dmigs pa rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/[ ]/rab kyi rtsal gyis rnam par gnon pa byang chub sems dpa' dag tshul khrims dang /[ ]'chal pa'i tshul khrims kyi dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis tshul khrims dang /[ ]'chal pa'i tshul khrims kyi dmigs pa yongs su shes pa'i phyir ro/ /gang tshul khrims dang / 'chal pa'i tshul khrims kyi dmigs pa shes pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab kyi dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis dmigs pa thams cad yongs su shes pa'i phyir ro/ /gang dmigs pa thams cad yongs su shes pa de la ni spyod pa gang yang med do/ /de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag phyin ci log ma yin pa dang / yang dag par spong ba dang / dran pa nye bar gzhag pa dang / tshad med pa'i dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis dmigs pa thams cad ya ma rlar shes pa'i phyir ro/ /gang dmigs pa thams cad ya ma rlar yongs su shes pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa'i dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa'i dmigs pa la spyod na shes</font><hr>39.72a<br><font size=+1>

rab kyi pha rol du phyin pa la spyod pa ma yin no/ /de ci'i phyir zhe na/ de dag gis dbang po dang / stobs dang / byang chub kyi yan lag dang /[ ]ting nge 'dzin dang / snyoms par 'jug pa'i dmigs pa rnam par bshig pa'i phyir ro/ /gang rnam par 'jig pa de la spyod pa gang yang med de/ de'i phyir spyod pa med pa zhes bya ba ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag sdug bsngal dang /[ ]kun 'byung ba dang / 'gog pa dang / lam gyi dmigs pa la spyod na shes rab gyi pha rol du phyin pa la spyod pa ma yin no/ /de ci'i phyir zhe na/ de dag gi sdug bsngal dang / kun 'byung ba dang / 'gog pa dang / lam gyi dmigs pa rnam par bshig pa'i phyir ro/ /gang rnam par 'jig pa de la rnam par 'jig pa gang yang med cing de la yang spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag rig pa dang / rnam par grol ba'i dmigs pa la spyod na shes rab kyi pha rol du phyin pa la sbyod pa ma yin no/ /de ci'i phyir zhe na/ de dag gis rig pa dang / rnam par grol ba'i dmigs pa rnam par bshig pa'i phyir ro/ /gang rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag mi skye ba'i dmigs pa 'am/[ ]zad pa'i dmigs pa 'am/ mngon par 'du mi byed pa'i dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis mi skye ba dang / zad pa dang / mngon par 'du mi byed pa'i dmigs pa rnam par bshig pa'i phyir ro/ /gang rnam par 'jig pa de la yang spyod pa gang yang med do/[ ]de'i phyir spyod pa med pa ni byang chub sems dpa'i spyod pa zhes bya'o/[ ]/ </font><hr>39.72b<br><font size=+1>

rab kyi rtsal gyis rnam par gnon pa byang chub sems dpa' dag sa dang chu dang me dang rlung dang nam mkha'i dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis sa dang / chu dang me dang rlung dang / nam mkha'i dmigs pa rnam par gshig pa'i phyir ro/ /gang rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dang /[ ]nyan thos dang / rang sangs rgyas kyi sa'i dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis nyan thos dang / rang sangs rgyas kyi sa'i dmigs pa rnam par bshig pa'i phyir ro/ /gang rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag nyan thos dang / rang sangs rgyas kyi chos kyi dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis nyan thos dang / rang sangs rgyas kyi chos kyi dmigs pa rnam par bshig pa'i phyir ro/ /gang rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag mya ngan las 'das pa'i dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis mya ngan las 'das pa'i dmigs pa yongs su shes pa'i phyir ro/ /gang yongs su shes pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa byang chub sems dpa' dag mtshan yongs su dag pa'i dmigs pa la spyod dam/ sangs rgyas kyi zhing yongs su dag pa'i dmigs pa la spyod dam/ nyan thos phun sum tshogs pa'i dmigs pa</font><hr>39.73a<br><font size=+1>

la spyod dam/ byang chub sems dpa' phun sum tshogs pa'i dmigs pa la spyod na shes rab kyi pha rol du phyin pa la spyod pa ma yin no/ /de ci'i phyir zhe na/ de dag gis mtshan yongs su dag pa'i dmigs pa dang / sangs rgyas kyi zhing yongs su dag pa'i dmigs pa dang / nyan thos phun sum tshogs pa'i dmigs pa dang / byang chub sems dpa' phun sum tshogs pa'i dmigs pa rnam par bshig pa'i phyir ro/ /gang rnam par 'jig pa de la spyod pa gang yang med de/ de'i phyir spyod pa med pa ni byang chub sems dpa'i spyod pa zhes bya'o/ /rab kyi rtsal gyis rnam par gnon pa de ltar spyod pa'i byang chub sems dpa' ni shes rab kyi pha rol du phyin pa la spyod pa'o/ /'di ni byang chub sems dpa' shes rab kyi pha rol du phyin pa la spyod pa'i dmigs pa thams cad yongs su shes pa'i spyod pa dang / dmigs pa thams cad rnam par 'jig pa'i spyod pa'o/ /rab kyi rtsal gyis rnam par gnon pa byang chub sems dpa' de ltar spyod na gzugs kyi dmigs pa rnam par dag pa la mi spyod do/ /de bzhin du tshor ba dang / 'du shes dang / 'du byed rnams dang / rnam par shes pa'i dmigs pa rnam par dag pa la mi spyod do/ /de ci'i phyir zhe na/ des gzugs kyi bar gyi dmigs pa rang bzhin gyis rnam par dag par yongs su shes pa'i phyir ro/ /spyod pa de lta bu gang yin pa de byang chub sems dpa' shes rab kyi pha rol du phyin pa la spyod pa'o/ /rab kyi rtsal gyis rnam par gnon pa de ltar spyod pa'i byang chub sems dpa' ni mig gi dmigs pa rnam par dag pa la mi spyod do/ /rna ba dang sna dang lce dang lus dang / yid kyi dmigs pa rnam par dag pa la mi spyod do/ /de ci'i phyir zhe na/[ ]des yid kyi bar gyi dmigs pa rang bzhin gyis rnam par dag par yongs su shes pa'i phyir ro/ /spyod pa de lta bu gang yin pa de byang chub sems dpa'i shes rab kyi pha rol du phyin pa la spyod pa'o/ /rab kyi rtsal gyis rnam par gnon pa de ltar spyod pa'i</font><hr>39.73b<br><font size=+1>

byang chub sems dpa' ni gzugs dang sgra dang / dri dang /[ ]ro dang / reg bya dang / chos kyi dmigs pa rnam par dag pa la mi spyod do/ /de ci'i phyir zhe na/ des chos kyi bar gyi dmigs pa rang bzhin gyis rnam par dag par yongs su shes pa'i phyir ro/ /spyod pa de lta bu gang yin pa de byang chub sems dpa'i shes rab kyi pha rol du phyin pa la spyod pa'o/ /rab kyi rtsal gyis rnam par gnon pa de ltar spyod pa'i byang chub sems dpa' ni ming dang gzugs kyi dmigs pa rnam par dag pa la mi spyod do/ /de ci'i phyir zhe na/ des ming dang gzugs kyi dmigs pa rang bzhin gyis rnam par dag par yongs su shes pa'i phyir ro/ /spyod pa de lta bu gang yin pa de byang chub sems dpa'i shes rab kyi pha rol du phyin pa la spyod pa'o/ /rab kyi rtsal gyis rnam par gnon pa de ltar spyod pa'i byang chub sems dpa' ni bdag dang sems can gyi dmigs pa rnam par dag pa la mi spyod do/ /de ci'i phyir zhe na/ des bdag dang / sems can gyi dmigs pa rang bzhin gyis rnam par dag par yongs su shes pa'i phyir ro/[ ]/spyod pa de lta bu gang yin pa de byang chub sems dpa'i shes rab kyi pha rol du phyin pa la spyod pa'o/ /rab kyi rtsal gyis rnam par gnon pa/ de ltar spyod pa'i byang chub sems dpa' ni srog dang / 'byung ba dang / gang zag dang / byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa dang / lta ba'i dmigs pa rnam par dag pa la mi spyod do/ /de ci'i phyir zhe na/ des srog dang / 'byung ba dang / gang zag dang / byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa dang / lta ba'i dmigs pa rang bzhin gyis rnam par dag par yongs su shes pa'i phyir ro/ /spyod pa de lta bu gang yin pa de byang chub sems dpa'i shes rab kyi pha rol du phyin pa la spyod pa'o/ /rab kyi rtsal gyis rnam par gnon pa de ltar</font><hr>39.74a<br><font size=+1>

spyod pa'i byang chub sems dpa' ni phyin ci log dang / lta bar gyur pa'i dmigs pa rnam par dag pa la mi spyod do/ /de ci'i phyir zhe na/ des phyin ci log dang / lta bar gyur pa'i dmigs pa rang bzhin gyis rnam par dag par yongs su shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni sgrib pa'i dmigs pa rnam par dag pa la mi spyod do/ /de ci'i phyir zhe na/ des sgrib pa'i dmigs pa rang bzhin gyis rnam par dag par yongs su shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni rten cing 'brel par 'byung ba'i dmigs pa rnam par dag pa la mi spyod do/ /de ci'i phyir zhe na/ des rten cing 'brel par 'byung ba'i dmigs pa rang bzhin gyis rnam par dag par yongs su shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni 'dod pa'i khams dang / gzugs kyi khams dang / gzugs med pa'i khams gyi dmigs pa rnam par dag par mi spyod do/ /de ci'i phyir zhe na/ des 'dod pa'i khams dang / gzugs kyi khams dang / gzugs med pa'i khams kyi dmigs pa rang bzhin gyis rnam par dag par yongs su shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni tshul khrims dang / 'chal pa'i tshul khrims kyi dmigs pa rnam par dag pa la mi spyod do/ /de ci'i phyir zhe na/ des tshul khrims dang / 'chal pa'i tshul khrims kyi dmigs pa rang bzhin gyis rnam par dag par yongs su shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni bzod pa dang / gnod sems dang / brtson 'grus dang / le lo dang / bsam gtan dang / rnam par g.yeng ba dang / shes rab dang /[ ]'chal pa'i shes rab kyi dmigs pa rnam par dag pa la mi spyod do/ /de ci'i phyir zhe na/ des bzod pa dang / gnod sems dang / </font><hr>39.74b<br><font size=+1>

brtson 'grus dang / le lo dang / bsam gtan dang / rnam par g.yeng ba dang / shes rab dang /[ ]'chal pa'i shes rab kyi dmigs pa rang bzhin gyis rnam par dag par yongs su shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni 'das pa dang / ma 'ongs pa dang / da ltar byung ba'i dmigs pa rnam par dag pa la mi spyod do/ /de ci'i phyir zhe na/ des 'das pa dang / ma 'ongs pa dang / da ltar byung ba'i dmigs pa rang bzhin gyis rnam par dag par yongs su shes pa'i phyir ro/ /rab gyi rtsal gyis rnam par gnon pa de ltar spyod pa'i byang chub sems dpa' sems dpa' chen po ni thogs pa med pa'i dmigs pa rnam par dag pa la mi spyod do/ /de ci'i phyir zhe na / des thogs pa med pa'i dmigs pa rang bzhin gyis yongs su dag par shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni mngon par shes pa'i dmigs pa rnam par dag pa la mi spyod do/ /de ci'i phyir zhe na/ des mngon par shes pa'i dmigs pa rang bzhin gyis yongs su dag par shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni thams cad mkhyen pa'i dmigs pa rnam par dag pa la mi spyod do/ /de ci'i phyir zhe na/ des thams cad mkhyen pa'i dmigs pa rang bzhin gyis yongs su dag par shes pa'i phyir ro/ /rab kyi rtsal gyis rnam par gnon pa de ltar spyod pa'i byang chub sems dpa' ni shes rab kyi pha rol du phyin pa la spyod pa ste/ de ni dmigs pa rnam par dag pa gang la yang mi spyod do/ /de ci'i phyir zhe na/ dmigs pa thams cad rang bzhin gyis yongs su rnam par dag pa'i phyir ro/ /rab kyi rtsal gyis rnam par gnon pa 'di ni byang chub sems dpa' sems dpa' chen po'i dmigs pa thams cad rang bzhin gyis yongs su dag pa shes rab kyi pha rol du phyin pa la spyod pa'o/ /rab kyi rtsal gyis rnam par gnon pa de ltar spyod pa'i byang chub sems dpa' 'di ni gzugs so zhes yang dag par rjes su mi mthong / 'dis</font><hr>39.75a<br><font size=+1>

gzugs shes yang dag par rjes su mi mthong / 'di'i gzugs shes yang dag par rjes su mi mthong / 'di las gzugs shes yang dag par rjes su mi mthong ste/ de de ltar gzugs yang dag par rjes su mi mthong bas gzugs mi 'deg /mi 'jog /gzugs mi bskyed/ mi 'gog /gzugs la mi spyod/ rnam par mi spyod do/ /gzugs kyi dmigs pa la mi spyod/ rnam par mi spyod do/ /rab kyi rtsal gyis rnam par gnon pa de ltar spyod pa'i byang chub sems dpa' 'di ni tshor ba'o/ /'di ni 'du shes so/ /'di ni 'du byed rnams so/ /'di ni rnam par shes pa'o zhes yang dag par rjes su mi mthong / 'dis rnam par shes pa zhes yang dag par rjes su mi mthong / 'di'i rnam par shes pa zhes yang dag par rjes su mi mthong / 'di las rnam par shes pa zhes yang dag par rjes su mi mthong ste/ de de ltar rnam par shes pa yang dag par rjes su mi mthong bas rnam par shes pa mi 'deg mi 'jog /rnam par shes pa mi bskyed/ mi 'gog /rnam par shes pa la mi spyod/ /rnam par mi spyod do/ /rnam par shes pa'i dmigs pa la mi spyod rnam par mi spyod do/ /rab kyi rtsal gyis rnam par gnon pa de ltar spyod pa'i byang chub sems dpa' ni shes rab kyi pha rol du phyin pa la spyod pa'o/ /rab kyi rtsal gyis rnam par gnon pa gzhan yang de ltar spyod pa'i byang chub sems dpa' ni gzugs la 'das pa zhes mi spyod/ gzugs la ma 'ongs pa zhes mi spyod / gzugs la da ltar byung ba zhes mi spyod do/ /de bzhin du tshor ba dang / 'du shes dang / 'du byed rnams dang / rnam par shes pa la 'das pa dang / ma 'ongs pa dang / da ltar byung ba zhes mi spyod do/ /gzugs la bdag ces mi spyod/ gzugs la bdag gi zhes mi spyod do/ /de bzhin du tshor ba dang /[ ]'du shes dang / 'du byed rnams dang / rnam par shes pa la bdag ces mi spyod/ rnam par shes pa la bdag gi zhes mi spyod do/ /gzugs la sdug bsngal zhes mi spyod do/ /de bzhin du tshor ba dang / 'du shes dang / 'du byed rnams dang / rnam par shes pa la sdug bsngal zhes mi spyod do/ /gzugs la bdag gi dang / gzhan gyi zhes mi spyod do/ /</font><hr>39.75b<br><font size=+1>

de bzhin du tshor ba dang / 'du shes dang / 'du byed rnams dang / rnam par shes pa la bdag gi dang /[ ]gzhan gyi zhes mi spyod do/ /rab kyi rtsal gyis rnam par gnon pa/ de ltar spyod pa'i byang chub sems dpa' ni shes rab kyi pha rol du phyin pa la spyod pa'o/ /rab kyi rtsal gyis rnam par gnon pa gzhan yang byang chub sems dpa' shes rab kyi pha rol du phyin pa la spyod pa ni gzugs kyi kun 'byung ba la mi spyod/ gzugs kyi 'gog pa la mi spyod/ gzugs la zab ces mi spyod/ gzugs la mi zab ces mi spyod/ gzugs la stong zhes mi spyod/ gzugs la mi stong zhes mi spyod/[ ]gzugs la mtshan ma zhes mi spyod/ gzugs la mtshan ma med pa zhes mi spyod/[ ]gzugs la smon pa zhes mi spyod/ gzugs la smon pa med pa zhes mi spyod/[ ]gzugs la mngon par 'du byed pa zhes mi spyod/ gzugs la mngon par 'du mi byed pa zhes mi spyod do/ /de bzhin du tshor ba dang / 'du shes dang / 'du byed rnams dang / rnam par shes pa'i kun 'byung ba la mi spyod/ rnam par shes pa'i 'gog pa la mi spyod/ rnam par shes pa la zab ces mi spyod/ rnam par shes pa la mi zab ces mi spyod/ rnam par shes pa la stong zhes mi spyod/[ ]rnam par shes pa la mi stong zhes mi spyod/ rnam par shes pa la mtshan ma zhes mi spyod/ rnam par shes pa la mtshan ma med pa zhes mi spyod/ rnam par shes pa la smon pa zhes mi spyod/ rnam par shes pa la smon pa med pa zhes mi spyod/ rnam par shes pa la mngon par 'du byed pa zhes mi spyod/ rnam par shes pa la mngon par 'du mi byed pa zhes mi spyod do/ /de ci'i phyir zhe na/ rab kyi rtsal gyis rnam par gnon pa 'di dag thams cad ni rlom sems su gyur pa dang /[ ]g.yos pa dang / spros pa dang / sred par gtogs pa'i phyir ro/ /bdag gis spyad par bya'o zhes bya ba de ni g.yos pa'o/ /'dir spyad par bya'o zhes bya ba de ni spros pa'o/ /'dis spyod do zhes bya ba de ni sred par gtogs pa'o/ /'di la spyad par bya'o zhes bya ba de ni rlom</font><hr>39.76a<br><font size=+1>

sems so/ /rab kyi rtsal gyis rnam par gnon pa de la byang chub sems dpa' dag ni de dag thams cad rlom sems dang /[ ]g.yos pa dang / spros pa dang / sred par gtogs par shes nas mi shes pa thams cad yang dag par gzhom pa'i phyir ci la yang rlom sems su mi byed do/ /rlom sems su mi byed pas gang la yang mi spyod/ gang la yang mi sbyor ro/ /de dag gnas med cing 'du ba yang med/ 'bral ba yang med pas ci yang ldan par mi byed do/ /rab kyi rtsal gyis rnam par gnon pa 'di ni byang chub sems dpa' sems dpa' chen po shes rab kyi pha rol du phyin pa la spyod pa'i rlom sems thams cad yang dag par 'joms pa'o/ /rab kyi rtsal gyis rnam par gnon pa gzhan yang byang chub sems dpa' shes rab kyi pha rol du phyin pa la de ltar spyod pa ni gzugs la rtag ce 'am/ mi rtag ces mi spyod do/ /gzugs la stong zhe 'am/ mi stong zhes mi spyod do/ /gzugs la sgyu ma lta bu zhes mi spyod do/ /gzugs la rmi lam lta bu zhes mi spyod do/ /gzugs la mig yor lta bu zhes mi spyod do/ /gzugs la brag cha lta bu zhes mi spyod do/ /de bzhin du tshor ba dang / 'du shes dang / 'du byed rnams dang / rnam par shes pa la rtag ce 'am/ mi rtag ces mi spyod do/ /rnam par shes pa la stong zhe 'am/ mi stong zhes mi spyod do/ /rnam par shes pa la sgyu ma lta bu zhes mi spyod do/ /rnam par shes pa la rmi lam lta bu zhes mi spyod do/ /rnam par shes pa la mig yor lta bu zhes mi spyod do/ /rnam par shes pa la brag cha lta bu zhes mi spyod do/ /de ci'i phyir zhe ga /rab kyi rtsal gyis rnam par gnon pa de dag thams cad ni rnam par brtags pa dang / rnam par dpyad pa dang / spyad pa dang / rnam par spyad pa ma yin pa'i phyir ro/ /rab kyi rtsal gyis rnam par gnon pa byang chub sems dpa' ni de dag thams cad rnam par brtags pa dang / rnam par dpyad pa dang / /spyad pa dang / rnam par spyad pa ma yin par shes nas/[ ]spyod pa thams cad yang dag par gzhom pa dang / spyod pa thams cad yongs su shes par</font><hr>39.76b<br><font size=+1>

bya ba'i phyir shes rab kyi pha rol du phyin pa la spyod do/ /rab kyi rtsal gyis rnam par gnon pa 'di ni byang chub sems dpa'i spyod pa zhes bstan pa'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po rab kyi rtsal gyis rnam par gnon pas 'di skad ces gsol to/ /byang chub sems dpa'i shes rab kyi pha rol du phyin pa la spyod pa 'di ni bsam gyis mi khyab pa lags so/ /bka' stsal pa/ rab kyi rtsal gyis rnam par gnon pa de de bzhin te/ gzugs bsam gyis mi khyab pas/[ ]byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/ /de bzhin du tshor ba dang / 'du shes dang / 'du byed rnams dang / rnam par shes pa bsam gyis mi khyab pas/ byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/ /ming dang gzugs bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/ /[ ]rten cing 'brel par 'byung ba bsam gyis mi khyab pa dang / kun nas nyon mongs pa bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/[ ]las kyi rnam par smin pa bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/ /phyin ci log bsam gyis mi khyab pa dang / lta bar gyur pa bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/ /'dod pa'i khams bsam gyis mi khyab pa dang / gzugs kyi khams dang / gzugs med pa'i khams bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/[ ]/bdag bsam gyis mi khyab pa dang / sems can bsam gyis mi khyab pa dang /[ ]sbyin pa bsam gyis mi khyab pa dang / ser sna bsam gyis mi khyab pa dang / tshul khrims bsam gyis mi</font><hr>39.77a<br><font size=+1>

mi khyab pa dang / 'chal pa'i tshul khrims bsam gyis mi khyab pa dang / bzod pa bsam gyis mi khyab pa dang / gnod sems bsam gyis mi khyab pa dang / brtson 'grus bsam gyis mi khyab pa dang / le lo bsam gyis mi khyab pa dang / bsam gtan bsam gyis mi khyab pa dang / rnam par g.yeng ba bsam gyis mi khyab pa dang / shes rab bsam gyis mi khyab pa dang / 'chal pa'i shes rab bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/[ ]'dod chags dang / zhe sdang dang / gti mug bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/[ ]dran pa nye bar gzhag pa bsam gyis mi khyab pa dang / yang dag pa'i spong ba dang / phyin ci ma log pa dang / tshad med pa dang / rdzu 'phrul gyi rkang pa bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di yang bsam gyis mi khyab bo/ /dbang po dang / stobs dang / byang chub kyi yan lag dang /[ ]ting nge 'dzin dang / snyoms par 'jug pa bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/[ ]/sdug bsngal dang / kun 'byung ba dang / 'gog pa dang / lam bsam gyis mi khyab pas byang chub sems dpa'i shes rab kyi pha rol du phyin pa 'di bsam gyis mi khyab bo/[ ]rig pa dang / rnam par grol ba bsam gyis mi khyab pa dang /[ ]zad pa shes pa dang / mi skye ba shes pa dang / mngon par 'du mi byed pa shes pa bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/[ ]nyan thos dang / rang sangs rgyas kyi sa bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/[ ]/nyan thos dang / rang sangs rgyas kyi chos bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/[ ]/mngon par shes pa bsam gyis mi khyab pa dang / 'das</font><hr>39.77b<br><font size=+1>

pa dang / ma 'ongs pa dang / da ltar byung ba bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/ / bam po lnga pa/ thogs pa med pa'i ye shes bsam gyis mi khyab pa dang / mya ngan las 'das pa bsam gyis mi khyab pa dang / sangs rgyas kyi chos bsam gyis mi khyab pas byang chub sems dpa'i shes rab kyi pha rol du phyin pa la spyod pa 'di bsam gyis mi khyab bo/ /de ci'i phyir zhe na/ rab kyi rtsal gyis rnam par gnon pa byang chub sems dpa'i shes rab kyi pha rol du phyin pa la spyod pa ni sems kyi skyed pa ma yin pa'i phyir te/ de'i phyir bsam gyis mi khyab pa zhes bya'o/ /rab kyi rtsal gyis rnam par gnon pa sems bskyed ces bya ba de ni phyin ci log go/ /rab kyi rtsal gyis rnam par gnon pa sems shes bya ba de ni sems rab tu rtogs pa'o/ /rab kyi rtsal gyis rnam par gnon pa sems kyi rang bzhin gang yin pa de skye ba dang 'byung ba med do/ /rab kyi rtsal gyis rnam par gnon pa phyin ci log dang ldan pa'i sems skye ste/ de la sems kyang sgrib pa med la/ phyin ci log gang gis bskyed pa de yang sgrib pa med pa ma yin no/ /rab kyi rtsal gyis rnam par gnon pa byis pa so so'i skye bo rnams ni/[ ]sems sgrib pa med pa dang / gang du skye ba de yang sgrib pa med pa dang /[ ]gang gis bskyed pa de yang sgrib pa med par mi shes so/ /de dag ni sems dben par mi shes shing / dmigs pa dben par mi shes pas/ bdag gi sems/ 'di'i sems/ 'di las sems shes mngon par zhen to/ /de dag la mngon par zhen pas dge ba zhes mngon par zhen/ mi dge ba zhes mngon par zhen/ bde ba zhes mngon par zhen/ sdug bsngal ba zhes mngon par zhen/ chad pa zhes mngon par zhen rtag pa zhes mngon par zhen/ lta bar gyur pa zhes mngon par zhen/ sgrib pa zhes mngon par zhen/ tshul khrims dang /[ ]'chal pa'i tshul khrims zhes mngon par zhen/ 'dod pa'i khams dang /[ ]gzugs kyi khams dang / gzugs med pa'i khams shes mngon par zhen/ </font><hr>39.78a<br><font size=+1>

rten cing 'brel bar 'byung ba zhes mngon par zhen/ ming dang gzugs shes mngon par zhen/ 'dod chags dang zhe sdang dang / gti mug ces mngon par zhen/ phrag dog dang / ser sna zhes mngon par zhen/ nga'o snyam pa'i nga rgyal zhes mngon par zhen/ sdug bsngal zhes mngon par zhen/ kun 'byung zhes mngon par zhen/ 'gog pa zhes mngon par zhen/ lam zhes mngon par zhen/ dran pa nye bar gzhag pa dang / yang dag pa'i spong ba dang / phyin ci ma log pa dang / rdzu 'phrul gyi rkang pa dang / dbang po dang / stobs dang /[ ]byang chub kyi yan lag ces mngon par zhen / bsam gtan dang / rnam par thar pa dang / ting nge 'dzin dang / snyoms par 'jug pa zhes mngon par zhen/ mi skye ba dang / zad pa dang / mngon par 'du mi byed pa zhes mngon par zhen/ nyan thos dang / rang sangs rgyas kyi sa zhes mngon par zhen/[ ]nyan thos dang rang sangs rgyas kyi chos la yang mngon par zhen/ mngon par shes pa la yang mngon par zhen/ mya ngan las 'das pa la yang mngon par zhen/ sangs rgyas kyi ye shes la yang mngon par zhen/ mtshan ma la yang mngon par zhen/ sangs rgyas kyi zhing la yang mngon par zhen / nyan thos phun sum tshogs pa la yang mngon par zhen/ byang chub sems dpa'i phun sum tshogs pa la yang mngon par zhen to/ /rab kyi rtsal gyis rnam par gnon pa de la byang chub sems dpas mngon par zhen pa 'di lta bu dag ni sems can rnams kyi phyin ci log gi sems las byung bar mthong nas/ phyin ci log gang la yang sems mi bskyed de/ de ci'i phyir zhe na/ shes rab kyi pha rol du phyin pa ni sems dang bral ba'i phyir ro/ /rab kyi rtsal gyis rnam par gnon pa gang sems rang bzhin gyis 'od gsal ba dang / rang bzhin gyis yongs su dag pa de la sems bskyed pa gang yang med do/ /rab kyi rtsal gyis rnam par gnon pa dmigs pa yod pas/ byis pa so so'i skye bo rnams sems bskyed do/ /de la byang chub sems dpas dmigs pa yang rab tu shes shing / sems gang nas skye zhes/ sems skye ba yang rab tu shes pas de 'di</font><hr>39.78b<br><font size=+1>

snyam du sems 'di ni rang bzhin gyis 'od gsal ba'o zhes rtog cing de 'di snyam du sems te/ dmigs pa la brten nas sems skye'o snyam mo/ /des dmigs pa yongs su shes pas sems mi skyed mi 'gog ste/ de'i sems 'od gsal ba dang / kun nas nyon mongs pa can ma yin par yid du 'ong ba dang / yongs su dag pa yin no/ /de sems mi skye ba la gnas pas chos gang yang mi skye mi 'gog go/ /rab kyi rtsal gyis rnam par gnon pa 'di ni shes rab kyi pha rol du phyin pa la spyod pa'i byang chub sems dpa'i skye ba yongs su shes pa ste/ gang 'di ltar spyod pa'i byang chub sems dpa' de ni shes rab kyi pha rol du phyin pa la spyod pa'o/ /de ltar spyod pa de dag shes rab kyi pha rol du phyin pa la spyod do zhe 'am/ 'di na shes rab kyi pha rol du phyin pa la spyod do zhe 'am/ 'dis shes rab kyi pha rol du phyin pa la spyod do zhe 'am/ 'di nas shes rab kyi pha rol du phyin pa la spyod do zhes de 'di snyam du mi sems so/ /gal te 'di ni shes rab kyi pha rol du phyin pa zhe 'am/ 'dis shes rab kyi pha rol du phyin pa zhe 'am/ 'di'i shes rab kyi pha rol du phyin pa zhe 'am/ 'di nas shes rab kyi pha rol du phyin pa zhes kun shes na ni/ shes rab kyi pha rol du phyin pa la spyod pa ma yin no/ /bdag shes rab kyi pha rol du phyin pa la spyod do snyam pa'i shes rab kyi pha rol du phyin pa de yang yang dag par rjes su mi mthong mi dmigs pa ni shes rab kyi pha rol du phyin pa la spyod pa'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po rab kyi rtsal gyis rnam par gnon pas 'di skad ces gsol to/ /bcom ldan 'das 'di lta ste/ shes rab kyi pha rol du phyin pa la spyod pa byang chub sems dpa'i spyod pa 'di ni bla na ma mchis pa lags so/ /bcom ldan 'das 'di lta ste/ shes rab kyi pha rol du phyin pa la spyod pa/ byang chub sems dpa'i spyod pa 'di ni 'od gsal ba lags so/ /bcom ldan 'das 'di lta ste/ shes rab kyi pha rol du phyin pa la spyod pa byang chub sems dpa'i spyod pa 'di ni ltag</font><hr>39.79a<br><font size=+1>

na ma mchis pa lags so/ /bcom ldan 'das 'di lta ste/ shes rab kyi pha rol du phyin pa la spyod pa byang chub sems dpa'i spyod pa 'di ni mngon par 'phags pa lags so/ /bcom ldan 'das 'di lta ste/ shes rab kyi pha rol du phyin pa la spyod pa byang chub sems dpa'i spyod pa 'di ni mi non pa lags te/ bdud dam/ bdud kyi 'khor tam/ gzhan yang mtshan ma la spyod pa dang / dmigs pa la spyod pa dang / bdag tu lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba dang / phung por lta ba dang / khams su lta ba dang / skye mched du lta ba dang / sangs rgyas su lta ba dang /[ ]chos su lta ba dang / dge 'dun du lta ba dang / mya ngan las 'da' bar lta ba dang / thob par 'du shes pa dang / nga rgyal can dang / 'dod chags dang / zhe sdang dang / gti mug la spyod pa dang / phyin ci log la spyod pa dang / log pa'i lam la rab tu gnas pa gang gis kyang mi non pa lags so/ /bcom ldan 'das 'di lta ste/ shes rab kyi pha rol du phyin pa la spyod pa byang chub sems dpa'i spyod pa 'di ni 'jig rten thams cad las mngon par 'phags pa lags so/ /de skad ces gsol pa dang / bcom ldan 'das kyis byang chub sems dpa' sems dpa' chen po rab kyi rtsal gyis rnam par gnon pa la 'di skad ces bka' stsal to/ /de de bzhin no/ /rab kyi rtsal gyis rnam par gnon pa/ de de bzhin te/ byang chub sems dpa' 'di ni bdud dam/ bdud kyi ris kyi lha'i bu 'am/ bdud kyi 'khor gyis mi non pa'o/ /tha na mya ngan las 'da' bar lta ba 'am/ mya ngan las 'das pa la mngon par zhen pa'i byis pa so so'i skye bo thams cad kyis mi non pa'o/ /rab kyi rtsal gyis rnam par gnon pa 'di ni byang chub sems dpa' rnams kyi spyod pa yin gyi/ 'di ni so so'i skye bo thams cad kyi spyod pa ma yin/ 'di ni slob pa dang / mi slob pa dang /[ ]nyan thos kyi theg pa can dang / rang sangs rgyas kyi theg pa can rnams kyi spyod pa ma yin no/ /rab kyi rtsal gyis rnam par gnon pa gal te nyan</font><hr>39.79b<br><font size=+1>

thos kyi theg pa can nam/ rang sangs rgyas kyi theg pa can rnams kyi spyod par gyur du zin na ni de dag la nyan thos kyi theg pa can nam/ rang sangs rgyas kyi theg pa can zhes bya ba'i tha snyad 'di gang yang med par 'gyur te/ byang chub sems dpa' nyid du 'gyur zhing / de dag mi 'jigs pa bzhi thob pa'i de bzhin gshegs par 'gyur ba zhig na/ rab kyi rtsal gyis rnam par gnon pa 'di ltar spyod pa 'di nyan thos kyi theg pa can rnams kyi ma yin/ rang sangs rgyas kyi theg pa can rnams kyi ma yin te/ de'i phyir de dag byang chub sems dpa' zhes bya ba'i grangs su mi 'gro/ mi 'jigs pa bzhi thob pa'i de bzhin gshegs par yang mi 'gyur ro/ /rab kyi rtsal gyis rnam par gnon pa gang shes rab kyi pha rol du phyin pa la spyod pa 'di ni mi 'jigs pa'i sa lags so/ /rab kyi rtsal gyis rnam par gnon pa de ltar spyod pa'i byang chub sems dpa' dag ni bla na med pa yang dag par rdzogs pa'i byang chub tu mngon par rdzogs par sangs ma rgyas kyang smon lam gyi dbang dang / sangs rgyas bcom ldan 'das rnams kyis byin gyis brlabs kyi dbang gis myur du mi 'jigs pa bzhi 'thob par 'gyur ro/ /rab kyi rtsal gyis rnam par gnon pa nyan thos kyi theg pa can rnams dang / rang sangs rgyas kyi theg pa can rnams la/ mi 'jigs pa bzhi med de/ de dag la de bzhin gshegs pa yang mi 'jigs pa bzhi byin gyis mi rlob bo/ /rab kyi rtsal gyis rnam par gnon pa smon lam gyi dbang gis gang la mi 'jigs pa bzhi thob par 'gyur ba de ni byang chub sems dpa'i sa'o/ /de ci'i phyir zhe na/[ ]rab kyi rtsal gyis rnam par gnon pa shes rab kyi pha rol du phyin pa'i byang chub sems dpa' dag ni so sor yang dag par rig pa bzhi thob par 'gyur ba'i phyir te/ bzhi gang zhe na 'di lta ste don so so yang dag par rig pa dang /[ ]chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /'di bzhi dang ldan pa de dag mngon par rdzogs par sangs ma rgyas kyang smon lam gyi dbang gis mi 'jigs pa bzhi rab tu 'dzin to/ /de bzhin gshegs pas kyang de</font><hr>39.80a<br><font size=+1>

dag dge ba'i rtsa ba dang ldan par mkhyen shes rab kyi pha rol du phyin pa'i sa yang rjes su thob par mkhyen nas mi 'jigs pa bzhi byin gyis brlab bo/ /rab kyi rtsal gyis rnam par gnon pa de'i phyir byang chub sems dpa'i so so yang dag par rig pa bzhi thob par 'dod cing myur du mi 'jigs pa bzhi la mkhas par 'gyur bar 'dod na shes rab kyi pha rol du phyin pa la bslab par bya spyad par bya'o/ /rab kyi rtsal gyis rnam par gnon pa gzhan yang shes rab kyi pha rol du phyin pa la spyod pa'i byang chub sems dpas chos thams cad kyi rgyu dang / kun 'byung ba dang / nub pa dang / 'gog pa yang rab tu shes te/ de shes rab kyi pha rol du phyin pa la chos gang yang mi sbyor ro/ /chos thams cad kyi rgyu dang / kun 'byung ba dang / 'gog pa dang / lam dang / mtshan nyid rab tu shes pas gzugs la sgom par yang mi byed mi sgom par yang mi byed/ de bzhin du tshor ba dang / 'du shes dang / 'du byed rnams dang / rnam par shes pa la sgom par yang mi byed/ mi sgom par yang mi byed/ ming dang gzugs la sgom par yang mi byed/ mi sgom par yang mi byed / kun nas nyon mongs pa dang / rnam par byang ba la sgom par yang mi byed/ mi sgom par yang mi byed/ phyin ci log dang / sgrib pa dang / lta bar gyur pa la sgom par yang mi byed/ mi sgom par yang mi byed/ 'dod chags dang / zhe sdang dang / gti mug la sgom par yang mi byed/ mi sgom par yang mi byed/ 'dod pa'i khams dang / gzugs kyi khams dang / gzugs med pa'i khams la sgom par yang mi byed/ mi sgom par yang mi byed/ sems can gyi khams dang /[ ]bdag gi khams la sgom par yang mi byed/ mi sgom par yang mi byed/ chad par lta ba dang / rtag par lta ba la sgom par yang mi byed/ mi sgom par yang mi byed/ sbyin pa dang / ser sna dang / tshul khrims dang / 'chal pa'i tshul khrims dang / bzod pa dang / gnod sems dang / brtson 'grus dang /[ ]le lo dang / bsam gtan dang / rnam par g.yeng ba dang / </font><hr>39.80b<br><font size=+1>

shes rab dang /[ ]'chal pa'i shes rab la sgom par yang mi byed/ mi sgom par yang mi byed/[ ]dran pa nye bar gzhag pa dang / yang dag par spong ba dang / phyin ci ma log pa dang / rdzu 'phrul gyi rkang pa dang / tshad med pa la sgom par yang mi byed /[ ]mi sgom par yang mi byed/ dbang po dang / stobs dang / byang chub kyi yan lag dang / ting nge 'dzin dang / snyoms par 'jug pa la sgom par yang mi byed/ mi sgom par yang mi byed/ rten cing 'brel bar 'byung ba la sgom par yang mi byed/ mi sgom par yang mi byed/ sdug bsngal ba dang / kun 'byung ba dang / 'gog pa dang / lam la sgom par yang mi byed/ mi sgom par yang mi byed/ mi skye ba'i shes pa dang / zad pa shes pa dang / mngon par 'du mi byed pa shes pa la sgom par yang mi byed/ mi sgom par yang mi byed/[ ]so so'i skye bo'i sa dang / nyan thos kyi sa dang / rang sangs rgyas kyi sa dang /[ ]byang chub sems dpa'i sa la bsgom par yang mi byed/ mi sgom par yang mi byed/[ ]so so'i skye bo'i chos dang / nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos la bsgom par yang mi byed/ mi sgom par yang mi byed/ zhi gnas dang / lhag mthong la sgom par yang mi byed/ mi sgom par yang mi byed/ mya ngan las 'das pa la sgom par yang mi byed/ mi sgom par yang mi byed/ 'das pa dang / ma 'ongs pa dang / da ltar byung ba'i ye shes mthong ba la bsgom par yang mi byed/ mi sgom par yang mi byed/ thogs pa med pa la sgom par yang mi byed/ mi sgom par yang mi byed/ sangs rgyas kyi ye shes dang / sangs rgyas kyi mi 'jigs pa la sgom par yang mi byed/ mi sgom par yang mi byed do/ /de ci'i phyir zhe na/[ ]rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa ni bsgom par bya ba ma yin pa'i phyir ro/ /ming dang gzugs dang / phyin ci log dang / lta bar gyur pa dang / dran pa nye bar gzhag pa</font><hr>39.81a<br><font size=+1>

dang / yang dag par spong ba dang /[ ]rdzu 'phrul gyi rkang pa dang / dbang po dang / stobs rnams dang / byang chub kyi yan lag dang / ting nge 'dzin dang / snyoms par 'jug pa dang /[ ]mngon par shes pa dang / zad pa shes pa dang / mngon par shes pa dang /[ ]mngon par 'du mi byed pa shes pa ni bsgom par bya ba ma yin pa'i phyir ro/ /so so'i skye bo'i sa dang / nyan thos kyi sa dang / rang sangs rgyas kyi sa dang / byang chub sems dpa'i sa ni bsgom par bya ba ma yin pa'i phyir ro/ /so so'i skye bo dang / nyan thos dang / rang sangs rgyas dang / byang chub sems dpa'i chos ni bsgom par bya ba ma yin pa'i phyir ro/ /mya ngan las 'das pa ni bsgom par bya ba ma yin pa'i phyir ro/ /'das pa dang / ma 'ongs pa dang / da ltar byung ba'i ye shes mthong ba ni bsgom par bya ba ma yin pa'i phyir ro/ /thogs pa med pa'i ye shes ni bsgom par bya ba ma yin pa'i phyir ro/ /yang dag par rdzogs pa'i sangs rgyas kyi ye shes kyang bsgom par bya ba ma yin pa'i phyir ro/ /de ci'i phyir zhe na/ rab kyi rtsal gyis rnam par gnon pa dngos po yongs su grub pa gang yang med pa'i phyir tha snyad 'di dag thams cad ni yang dag pa ma yin pa ste/ de la ngo bo nyid gang yang med do/ /rab kyi rtsal gyis rnam par gnon pa chos thams cad ni yang dag pa ma yin pa ma byung ba ste/ dngos po med pa'i rang bzhin no/ /de ci'i phyir zhe na/ phyin ci log gang yin pa de ni yang dag pa ma yin na chos thams cad ni phyin ci log las byung ba'i phyir ro/ /phyin ci log gang yin pa de yang dag pa ma yin pa'o/ /rab kyi rtsal gyis rnam par gnon pa chos thams cad ni dngos po med pa ste/[ ]rang bzhin med pa'i phyir dngos po mi dmigs so/ /rab kyi rtsal gyis rnam par gnon pa dngos po med pa zhes bya ba ni yang dag pa ma yin zhing ma byung ba ste/[ ]de'i phyir dngos po med pa zhes bya'o/ /rab kyi rtsal gyis rnam par gnon pa dngos po med pa zhes bya ba de ni yongs su bstan pa'o/ /gang la dngos po med pa de la bsgom pa'ang med mi bsgom pa yang med do/ /rab kyi rtsal gyis rnam</font><hr>39.81b<br><font size=+1>

par gnon pa sems can rnams ni phyin ci log las byung bas bsgom par yang mi byed/ mi sgom par yang mi byed de/ de la ni dngos po ci yang med do/ /de ci'i phyir zhe na/ rab kyi rtsal gyis rnam par gnon pa chos thams cad ni dngos po med pa'i phyir/ dngos po med pa'i rang bzhin te/ dngos po dang bral bas 'di la ni bsgom par bya ba ci yang med do/ /rab kyi rtsal gyis rnam par gnon pa gang gi tshe byang chub sems dpa' chos 'di dag la chos gyi rjes su lta zhing gnas te/ shes rab kyi pha rol du phyin pa la spyod cing chos gang la yang bsgom par yang mi byed mi sgom par yang mi byed pa de ni shes rab kyi pha rol du phyin pa la spyod pa zhes bya'o/ /rab kyi rtsal gyis rnam par gnon pa de ltar spyod cing de ltar gnas na byang chub sems dpa'i shes rab kyi pha rol du phyin pa bsgom pa yongs su rdzogs par 'gyur ro/ /rab kyi rtsal gyis rnam par gnon pa gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ gzugs dang phrad pa'i rgyur sems mi skyed do/ /tshor ba dang / 'du shes dang / 'du byed rnams dang / rnam par shes pa dang phrad pa'i rgyur sems mi skyed/ tha ba dang ldan pa'i sems mi skyed/ gnod sems dang ldan pa'i sems mi bskyed/ ser sna dang ldan pa'i sems mi bskyed/ kun nas nyon mongs pa dang ldan pa'i sems mi bskyed/ le lo dang ldan pa'i sems mi bskyed/[ ]rnam par g.yeng ba dang ldan pa'i sems mi bskyed/ 'chal pa'i shes rab dang ldan pa'i sems mi bskyed/ 'dod pa dang phrad pa dang ldan pa'i sems mi bskyed/[ ]gzugs kyi dmigs pa la mngon par zhen pa dang ldan pa'i sems mi bskyed/[ ]brnab sems dang ldan pa'i sems mi bskyed/ phra ma dang ldan pa'i sems mi bskyed/[ ]log par lta ba dang ldan pa'i sems mi skyed/ longs spyod la mngon par zhen pa dang ldan pa'i sems mi skyed/ dbang phyug la mngon par zhen pa dang ldan pa'i sems mi bskyed/ longs spyod chen po'i rigs su skyes pa la mngon par zhen pa dang ldan pa'i sems mi bskyed/ lhar</font><hr>39.82a<br><font size=+1>

skye ba la mngon par zhen pa dang ldan pa'i sems mi bskyed/ 'dod pa'i khams la mngon par zhen pa dang ldan pa'i sems mi bskyed/ gzugs dang gzugs med pa'i khams la mngon par zhen pa dang ldan pa'i sems mi skyed/ nyan thos kyi sa dang ldan pa'i sems mi skyed/ rang sangs rgyas kyi sa dang ldan pa'i sems mi bskyed/ byang chub sems dpa'i spyod pa la mngon par zhen pa dang ldan pa'i sems mi bskyed de/ tha na mya ngan las 'das par lta ba dang ldan pa'i sems kyang mi bskyed do/ /de sems rnam par dag pa 'di dang ldan pa'i sems can rnams la byams pa dang / snying rje dang /[ ]dga' ba dang / btang snyoms kyis khyab par byed do/ /des sems can du 'du shes pa rnam par bshig pa yin te/ sems can du 'du shes pa la'ang mi gnas/ tshangs pa'i gnas bzhi po de dag la'ang mngon par mi zhen te/[ ]thabs la mkhas pa dang ldan pas shes rab kyi pha rol du phyin pa chos de dag dang ldan zhing shes rab kyi pha rol du phyin pa la spyod pa de'i shes rab kyi pha rol du phyin pa bsgom pa myur du yongs su rdzogs par 'gyur ro/ /de ltar shes rab kyi pha rol du phyin pa bsgom pa de ni gzugs khas mi len mi 'dzin to/ /tshor ba dang / 'du shes dang / 'du byed rnams dang / rnam par shes pa khas mi len mi 'dzin to/ /phyin ci log dang / sgrib pa dang / lta bar gyur pa khas mi len mi 'dzin to/ /'dod pa'i khams dang / gzugs kyi khams dang /[ ]gzugs med pa'i khams khas mi len mi 'dzin to/ /chad pa dang rtag pa khas mi len mi 'dzin to/ /rten cing 'brel par 'byung ba khas mi len mi 'dzin to/[ ]/sa dang / chu dang me dang / rlung gi khams khas mi len mi 'dzin to/ /'dod chags dang / zhe sdang dang / gti mug khas mi len mi 'dzin to/ /nam mkha'i khams khas mi len mi 'dzin to/ /tshul khrims dang / 'chal pa'i tshul khrims khas mi len mi 'dzin to/ /bzod pa dang / gnod sems dang /[ ]brtson 'grus dang / le lo dang / bsam gtan dang / rnam par g.yeng ba dang / shes rab dang / 'chal pa'i shes rab khas mi</font><hr>39.82b<br><font size=+1>

len mi 'dzin to/ /dran pa nye bar gzhag pa dang / yang dag pa'i spong ba dang / tshad med pa dang / rdzu 'phrul gyi rkang pa khas mi len mi 'dzin to/ /dbang po dang /[ ]stobs dang / byang chub kyi yan lag dang / ting nge 'dzin dang / snyoms par 'jug pa khas mi len mi 'dzin to/[ ]/mngon par shes pa khas mi len mi 'dzin to/ /sdug bsngal dang / kun 'byung ba dang / 'gog pa dang / lam khas mi len mi 'dzin to/ /mi skye ba shes pa dang / zad pa shes pa dang / mngon par 'du mi byed pa khas mi len mi 'dzin to/ /bdag gi khams dang /[ ]sems can gyi khams dang / chos kyi dbyings khas mi len mi 'dzin to/ /so so'i skye bo dang / nyan thos dang / rang sangs rgyas kyi sa khas mi len mi 'dzin to/ /so so'i skye bo'i chos dang / nyan thos dang / rang sangs rgyas kyi chos khas mi len mi 'dzin to/ /'das pa dang / ma 'ongs pa dang / da ltar byung ba'i ye shes mthong ba khas mi len mi 'dzin to/ /thogs pa med pa'i ye shes mthong ba khas mi len mi 'dzin to/ /sangs rgyas kyi ye shes dang / stobs dang /[ ]mi 'jigs pa khas mi len mi 'dzin to/ /sgrib pa khas mi len mi 'dzin to/ /de ci'i phyir zhe na/ rab kyi rtsal gyis rnam par gnon pa chos thams cad khas len pa med cing 'dzin pa med de gang gis kyang khas blangs pa med pa'i phyir ro/[ ]/rab kyi rtsal gyis rnam par gnon pa gzung bar bya ba'i chos gang yang med de sus kyang ma bzung ngo / /de ci'i phyir zhe na/ de la gzung bar bya ba 'am/[ ]'dzin par 'gyur ba ci yang med pa'i phyir ro/ /de ci'i phyir zhe na/ chos thams cad ni sgyu ma lta bu'i phyir snying po med pa'o/ /chos thams cad ni snying po mi dmigs pas ya ma brla'o/ /chos thams cad ni gzung du med pas mig yor dang mtshungs so/ /chos thams cad ni rang bzhin med pas gsog go/ /chos thams cad ni mnye mi bzod pa'i phyir dbu ba rdos pa lta bu'o/ /chos thams cad ni byung nas 'jig cing 'ju bas chu'i chu bur dang mtshungs so/ /chos thams cad ni</font><hr>39.83a<br><font size=+1>

phyin ci log las byung bas smig rgyu dang 'dra'o/ /chos thams cad ni snying po med pas chu shing gi snying po lta bu'o/ /chos thams cad ni gzung du med pas chu zla dang mtshungs so/ /chos thams cad ni yod pa ma yin pa la yongs su brtags pas 'ja' tshon dang 'dra'o/ /chos thams cad ni kun nas ldang ba med pas g.yo ba med do/ /chos thams cad ni ya ma brla'i rang bzhin la rtog pas chang pa stong pa dang mtshungs so/ /rab kyi rtsal gyis rnam par gnon pa de ltar chos thams cad yang dag par rjes su mthong ba'i byang chub sems dpa' ni ci yang khas mi len mi 'dzin to/ /mi 'dug go/ /lhag par yang chags nas mi gnas so/ /rab kyi rtsal gyis rnam par gnon pa 'di ni byang chub sems dpa'i shes rab kyi pha rol du phyin pa la spyod pa'i chos thams cad la dad pa dang / mi gnas pa dang / lhag par chags pa med pa dang / mngon par mi chags pa'o/ /rab kyi rtsal gyis rnam par gnon pa de ltar spyod pa'i byang chub sems dpa'i shes rab kyi pha rol du phyin pa bsgom pa yongs su rdzogs par 'gyur ro/ /rab kyi rtsal gyis rnam par gnon pa gzhan yang de ltar slob pa'i byang chub sems dpa' ni gzugs la mi slob gzugs las yang dag par 'da' bar bya ba'i phyir mi slob/ tshor ba dang / 'du shes dang / 'du byed rnams dang / rnam par shes pa la mi slob/ tshor ba dang / 'du shes dang /[ ]'du byed rnams dang / rnam par shes pa las yang dag par 'da' bar bya ba'i phyir yang mi slob/ gzugs skye ba la mi slob/ gzugs 'gog pa la mi slob/[ ]tshor ba dang / 'du shes dang / 'du byed rnams dang / rnam par shes pa skye ba la mi slob/ rnam par shes pa 'gog pa la mi slob/ gzugs 'dul ba dang / mi 'dul ba'i phyir mi slob/ tshor ba dang / 'du shes dang / 'du byed rnams dang / rnam par shes pa 'dul ba dang mi 'dul ba'i phyir mi slob/ gzugs las 'da' ba dang / 'jug pa dang / gnas pa dang / mi gnas pa'i phyir yang mi slob/ tshor ba dang / 'du shes dang / 'du byed</font><hr>39.83b<br><font size=+1>

rnams dang / rnam par shes pa las 'da' ba dang / 'jug pa dang / gnas pa dang / mi gnas pa'i phyir yang mi slob bo/[ ]/rab kyi rtsal gyis rnam par gnon pa de ltar slob pa'i byang chub sems dpa' ni gzugs rtag par yang mi slob/ gzugs bde ba dang / gzugs sdug pa dang / gzugs bdag tu yang mi slob/ tshor ba dang / 'du shes dang / 'du byed rnams dang /[ ]rnam par shes pa rtag par yang mi slob/ rnam par shes pa bde ba dang / rnam par shes pa sdug pa dang / rnam par shes pa bdag tu yang mi slob bo/ /rab kyi rtsal gyis rnam par gnon pa de ltar slob pa'i byang chub sems dpa' ni gzugs 'das pa'i dmigs pa la mi spyod/ gzugs ma 'ongs pa'i dmigs pa la mi spyod/ gzugs da ltar byung ba'i dmigs pa la mi spyod do/ /tshor ba dang /[ ]'du shes dang / 'du byed rnams dang / rnam par shes pa 'das pa'i dmigs pa la mi spyod/ ma 'ongs pa'i dmigs pa la mi spyod/ da ltar byung ba'i dmigs pa la mi spyod do/ /rab kyi rtsal gyis rnam par gnon pa de ltar spyod pa'i byang chub sems dpa' ni 'das pa la stong pa'i rnam pa dang / zhi ba'i rnam pa dang / bdag med pa'i rnam par so sor rtog ste/ gang 'das pa de la stong pa dang / zhi ba dang / bdag med pa zhes de ltar yang mi spyod do/ /ma 'ongs pa la stong pa'i rnam pa dang / zhi ba'i rnam pa dang / bdag med pa'i rnam par so sor rtog ste/ gang ma 'ongs pa de la stong pa dang / bdag med pa zhes de ltar yang mi spyod do/ /da ltar byung ba la stong pa'i rnam pa dang / zhi ba'i rnam pa dang / bdag med pa'i rnam par so sor rtog ste/ gang da ltar byung ba de la stong pa dang / bdag med pa zhes de ltar yang mi spyod do/ /'das pa la stong pa 'am/ bdag gam/ bdag gi 'am/ rtag pa 'am/ brtan pa 'am/ ther zug pa 'am/ mi 'gyur ba'i chos can zhes de ltar yang mi spyod do/ /ma 'ongs pa la stong pa 'am/ bdag gam/ bdag gi 'am/ rtag pa 'am/ brtan pa 'am/[ ]ther zug pa 'am/ mi 'gyur ba'i chos can zhes de ltar yang mi spyod do/ /da ltar byung ba la stong pa 'am/ bdag gam/ bdag gi 'am/ rtag pa 'am/ </font><hr>39.84a<br><font size=+1>

brtan pa 'am/ ther zug pa 'am/ mi 'gyur ba'i chos can zhes de ltar yang mi spyod do/ /rab kyi rtsal gyis rnam par gnon pa de ltar spyod pa'i byang chub sems dpa'i shes rab kyi pha rol du phyin pa bsgom pa yongs su rdzogs par 'gyur ro/ /rab kyi rtsal gyis rnam par gnon pa de ltar spyod pa'i byang chub sems dpa' la bdud sdig can gyis skabs mi rnyed do/ /de ltar spyod pa ni bdud kyi las thams cad khong du chud pas bdud kyi las de dag gis mi 'phrogs so/ /rab kyi rtsal gyis rnam par gnon pa gzhan yang de ltar spyod pa'i byang chub sems dpa' ni gzugs la mi dmigs/ tshor ba dang / 'du shes dang / 'du byed rnams dang / rnam par shes pa la mi dmigs/ phyin ci log dang / lta bar gyur pa la mi dmigs/ bdag tu mngon par zhen pa la mi dmigs/ sems can du mngon par zhen pa la mi dmigs/ chad pa dang / rtag pa la mi dmigs/ mtha' dang / mtha' med pa la mi dmigs/ gzugs dang / sgra dang / dri dang / ro dang / reg pa la mi dmigs/ 'dod pa'i khams dang / gzugs kyi khams dang / gzugs med pa'i khams la mi dmigs/[ ]rten cing 'brel par 'byung ba la mi dmigs/ sa dang chu dang me dang rlung dang / nam mkha'i khams la mi dmigs/ bden pa dang /[ ]brdzun pa la mi dmigs/ 'du ba dang 'bral ba la mi dmigs/ 'dod chags dang / zhe sdang dang / gti mug la mi dmigs/ 'dod chags dang /[ ]zhe sdang dang gti mug spong ba la mi dmigs/ tshul khrims dang / 'chal pa'i tshul khrims la mi dmigs/ bzod pa dang gnod sems la mi dmigs/ brtson 'grus dang / le lo la mi dmigs/ bsam gtan dang rnam par g.yeng ba la mi dmigs/ shes rab dang 'chal pa'i shes rab la mi dmigs/[ ]dran pa nye bar gzhag pa dang / yang dag pa'i spong ba dang / rdzu 'phrul gyi rkang pa dang / phyin ci log pa la mi dmigs/ dbang po dang / stobs dang /[ ]byang chub kyi yan lag dang / ting nge 'dzin dang / snyoms par 'jug pa la mi dmigs/ byams pa dang / snying rje dang / </font><hr>39.84b<br><font size=+1>

dga' ba dang / btang snyoms la mi dmigs/ mi skye ba shes pa dang / zad pa shes pa dang / mngon par 'du mi byed pa shes pa la mi dmigs/ so so'i skye bo dang / nyan thos dang /[ ]rang sangs rgyas kyi sa la mi dmigs/ so so'i skye bo dang / nyan thos dang /[ ]rang sangs rgyas kyi chos la mi dmigs/ kun 'byung ba dang / 'gog pa dang /[ ]lam la mi dmigs/ mngon par shes pa dang / ye shes mthong ba la mi dmigs/ rnam par grol ba la mi dmigs/ rnam par grol ba'i ye shes mthong ba la mi dmigs/ mya ngan las 'das pa la mi dmigs/ 'das pa dang ma 'ongs pa dang / da ltar byung ba'i ye shes mthong ba la mi dmigs/ thogs pa med pa'i ye shes la mi dmigs/ /sangs rgyas kyi ye shes la mi dmigs/[ ]sangs rgyas kyi stobs dang mi 'jigs pa la mi dmigs/ sangs rgyas kyi zhing yongs su dag pa la mi dmigs/ mtshan yongs su dag pa la mi dmigs/ nyan thos phun sum tshogs pa la mi dmigs/ rang sangs rgyas phun sum tshogs pa la mi dmigs/ byang chub sems dpa' phun sum tshogs pa la mi dmigs so/ /de ci'i phyir zhe na/ rab kyi rtsal gyis rnam par gnon pa gang du 'di dag la dmigs par 'gyur ba'i 'dzin pa gang yang chos thams cad la med de chos thams cad dmigs pa med pa'i phyir ro/ /rab kyi rtsal gyis rnam par gnon pa ji srid du dmigs pa de srid du lhag par chags pa dang / de srid du mngon par zhen pa dang / de srid du len pa dang / de srid du sdug bsngal dang / yid mi bde ba dang / de srid du mya ngan mi bzad pa'i zug rngu dang / 'khrug pa dang / smre sngags 'don pa 'byung bar 'gyur ro/ /rab kyi rtsal gyis rnam par gnon pa ji srid du dmigs pa de srid du 'ching ba'o/ /de srid du lam med pa'o/ /de srid du sdug bsngal dang yid mi bde ba'o/ /ji srid du dmigs pa de srid du rlom sems dang / g.yo ba dang / spros pa'o/ /ji srid du dmigs pa de srid du 'thab pa dang / rtsod pa dang / 'gyed pa'o/ /ji srid du dmigs pa de srid du ma rig pa'i mun pa dang / gti mug go/ /ji srid du dmigs pa de srid du 'jigs pa'o/ /de srid du</font><hr>39.85a<br><font size=+1>

skrag pa'o/ /ji srid du dmigs pa de srid du bdud kyi zhags pa dang / bdud kyis 'joms pa'o/ /ji srid du dmigs pa de srid du sdug bsngal gyis rab tu nyen cing bde ba kun du tshol bar 'gyur ba'o/ /rab kyi rtsal gyis rnam par gnon pa de la byang chub sems dpas nyes dmigs 'di dag mthong nas chos gang la yang mi dmigs so/[ ]/de mi dmigs pas/ chos gang yang mi 'dzin to/ /de chos thams cad la 'dzin pa 'am/ kun 'dzin par mi gnas so/ /dmigs pa med pa dang /[ ]dmigs pa ya ma rla de dag la yang rlom sems su mi byed do/ /rab kyi rtsal gyis rnam par gnon pa de ltar spyod pa'i byang chub sems dpa' sems dpa' chen po ni chos gang la yang mngon par mi zhen/ chos gang la yang mngon par mi dga'o/ /chos gang la yang lhag par chags nas mi gnas te/ rab kyi rtsal gyis rnam par gnon pa 'di ni byang chub sems dpa' shes rab kyi pha rol du phyin pa la spyod pa'i chos thams cad la dmigs pa dang bral ba'o/ /rab kyi rtsal gyis rnam par gnon pa de ltar spyod pa'i byang chub sems dpa'i shes rab kyi pha rol du phyin pa la bsgom pa yongs su rdzogs par 'gyur te de la bdud sdig can dang / bdud kyi ris kyi lha dang / bdud kyi 'khor dang / bdud kyi byin gyis brlabs pa dag gis bar chad bya bar mi nus so/ /gang de la tho 'tsham pa dang / gang de la bzung nas 'dul bar 'gyur ba'i glags rnyed par mi 'gyur ro/ /rtag tu bdud kyi las thams cad kyang khong du chud par 'gyur ro/ /bdud kyi las kyi dbang du 'gro bar mi 'gyur ro/ /bdud kyi gnas thams cad spa kong bar byed do/ /gzhan mu stegs can thams cad tshar gcad pa'i phyir gnas par 'gyur ro/ /gzhan mu stegs can choms pa dang / kun du rgyu thams cad zil gyis gnon par 'gyur ro/ /phas kyi rgol ba thams cad kyis mi rdzi bar 'gyur ro/ /rab kyi rtsal gyis rnam par gnon pa de ltar spyod pa'i byang chub sems dpa' ni gzugs su rtog pa dang mi rtog pa la mi gnas pa</font><hr>39.85b<br><font size=+1>

yin/ de bzhin du tshor ba dang / 'du shes dang / 'du byed rnams dang / rnam par shes par rtog pa dang mi rtog pa la mi gnas pa yin te/[ ]gzugs la rtog par yang mi byed mi rtog par yang mi byed/ tshor ba dang /[ ]'du shes dang / 'du byed rnams dang / rnam par shes pa la rtog par yang mi byed mi rtog par yang mi byed/ sgrib pa dang lta bar gyur pa la rtog par yang mi byed mi rtog par yang mi byed/ chad pa dang / rtag pa la rtog par yang mi byed/ mi rtog par yang mi byed do/ /'dod pa'i khams dang / gzugs kyi khams dang /[ ]gzugs med pa'i khams la rtog par yang mi byed mi rtog par yang mi byed/ 'dod chags dang / zhe sdang dang / gti mug la rtog par yang mi byed mi rtog par yang mi byed/ bden pa la rtog par yang mi byed mi rtog par yang mi byed/ brdzun pa la rtog par yang mi byed mi rtog par yang mi byed/ sa dang chu dang / me dang / rlung gi khams la rtog par yang mi byed mi rtog par yang mi byed/ 'du ba dang 'bral ba la rtog par yang mi byed/ mi rtog par yang mi byed/ rten cing 'brel par 'byung ba la rtog par yang mi byed/[ ]mi rtog par yang mi byed/ bdag tu 'du shes pa la rtog par yang mi byed mi rtog par yang mi byed/ sems can du 'du shes pa dang / srog tu 'du shes pa dang / gang zag tu 'du shes pa rtog par yang mi byed/[ ]mi rtog par yang mi byed/ gtong ba dang / ser sna la rtog par yang mi byed/ mi rtog par yang mi byed/ tshul khrims dang / 'chal pa'i tshul khrims la rtog par yang mi byed/ mi rtog par yang mi byed/ bzod pa dang / gnod sems la rtog par yang mi byed/ mi rtog par yang mi byed/ brtson 'grus dang / le lo la rtog par yang mi byed/ mi rtog par yang mi byed/ bsam gtan dang / rnam par g.yeng ba la rtog par yang mi byed/ mi rtog par yang mi byed/ shes rab dang / 'chal pa'i shes rab la rtog par yang mi byed/ mi rtog par yang mi byed/ phyin ci ma log pa dang / yang dag pa'i spong ba dang / rdzu 'phrul gyi rkang pa dang / dran pa nye bar gzhag pa rnams la rtog par yang mi byed mi rtog par yang mi byed/ dbang po dang / stobs dang / byang chub</font><hr>39.86a<br><font size=+1>

kyi yan lag dang / ting nge 'dzin dang / snyoms par 'jug pa la yang rtog par yang mi byed mi rtog par yang mi byed/ sdug bsngal dang / kun 'byung ba dang / 'gog pa dang / lam la rtog par yang mi byed mi rtog par yang mi byed/[ ]byams pa dang / snying rje dang / dga' ba dang / btang snyoms la rtog par yang mi byed/ mi rtog par yang mi byed/ mi skye ba shes pa dang / zad pa shes pa dang / mngon par 'du mi byed pa shes pa la rtog par yang mi byed/ mi rtog par yang mi byed so so'i skye bo'i chos dang / nyan thos kyi chos dang /[ ]rang sangs rgyas kyi chos dang / sangs rgyas kyi chos la rtog par yang mi byed/[ ]mi rtog par yang mi byed / so so'i skye bo'i sa dang / nyan thos kyi sa dang /[ ]rang sangs rgyas kyi sa dang / sangs rgyas kyi sa la rtog par yang mi byed/ mi rtog par yang mi byed/ sgrib pa la rtog par yangami byed/ mi rtog par yang mi byed/ 'das pa dang / ma 'ongs pa dang / da ltar byung ba'i ye shes mthong ba la rtog par yang mi byed/ mi rtog par yangami byed/ thogs pa med pa'i ye shes la rtog par yang mi byed/ mi rtog par yang mi byed/ rig pa dang / rnam par grol ba la rtog par yang mi byed/ mi rtog par yang mi byed/ rnam par grol ba'i ye shes mthong ba la rtog par yang mi byed/ mi rtog par yang mi byed/ sangs rgyas kyi ye shes mthong ba dang / mi 'jigs pa la rtog par yang mi byed/ mi rtog par yang mi byed/ mtshan yongs su dag pa la rtog par yang mi byed/ mi rtog par yang mi byed/ sangs rgyas kyi zhing yongs su dag pa la rtog par yang mi byed/ mi rtog par yang mi byed/ nyan thos phun sum tshogs pa la rtog par yang mi byed/ mi rtog par yang mi byed/ rang sangs rgyas phun sum tshogs pa la rtog par yang mi byed/ mi rtog par yang mi byed/ byang chub sems dpa' phun sum tshogs pa la rtog par yang mi byed/ mi rtog par yang mi byed do/ /de ci'i phyir zhe na/ rab kyi rtsal gyis rnam par gnon pa rtog pa yod na rtog pa dang bral bar</font><hr>39.86b<br><font size=+1>

'gyur ba'i phyir ro/ /rab kyi rtsal gyis rnam par gnon pa gang na rtog pa med pa de na mi rtog pa med do/ /rab kyi rtsal gyis rnam par gnon pa byis pa so so'i skye bo thams cad ni rtog pa las byung ste/ de dag gi 'du shes ni log par rtog pa las byung bas de dag rtog par yang mi byed mi rtog par yang mi byed do/ /rab kyi rtsal gyis rnam par gnon pa rtog ces bya ba de ni mtha' gcig go/ /mi rtog ces bya ba de ni mtha' gnyis te/ gang na rtog pa dang mi rtog pa med pa de ni mtha' dang dbus med do/ /rab kyi rtsal gyis rnam par gnon pa dbus shes bya bar rtog na de nyid kyang mtha' yin no/[ ]/ji srid du rtog pa de srid du mi rtog pa ste/ de la ni rtog pa chad par mi 'gyur ro/ /rab kyi rtsal gyis rnam par gnon pa gang na rtog pa med cing mi rtog pa yang med pa de na rtog pa yang dag par chad do/ /rab kyi rtsal gyis rnam par gnon pa rtog pa chad ces bya ba de la chad pa gang yang med do/ /de ci'i phyir zhe na/ rab kyi rtsal gyis rnam par gnon pa rtog pa dang mi rtog pa ni/ phyin ci log las byung bas med pa'i phyir ro/ /de dag gi rnam par zhi ba gang yin pa de ni phyin ci log ma yin pa ste/ de la chad pa gang yang med do/ /rab kyi rtsal gyis rnam par gnon pa chad pa med pa zhes bya ba de ni sdug bsngal yang dag par chad pa'i tshig bla dgas te/ sdug bsngal yang dag par chad pa gang yang med do/ /gal te sdug bsngal yang dag par chad par 'gyur na ni sdug bsngal yongs su grub pa 'ga' zhig kyang yod par 'gyur te/ sdug bsngal yang dag par chad ces bya ba de ni yongs su grub pa med par mthong ba'o/ /gang 'di sdug bsngal yang dag par chad ces bya ba de ni sdug bsngal yongs su shes pa'o/ /gang sdug bsngal la rtog par yang mi byed mi rtog par yang mi byed pa de ni sdug bsngal rnam par zhi ba'o/ /de ni sdug bsngal mi skye mi 'byung ba ste/ rab kyi rtsal gyis rnam par gnon pa de ltar mthong ba'i byang chub sems dpa' ni chos gang la yang rtog par yang mi byed mi rtog par yang</font><hr>39.87a<br><font size=+1>

mi byed rab kyi rtsal gyis rnam par gnon pa 'di ni byang chub sems dpa' shes rab kyi pha rol du phyin pa la spyod pas rtog pa dang mi rtog pa thams cad yongs su shes pa'o/[ ]/rab kyi rtsal gyis rnam par gnon pa de ltar spyod pa ni byang chub sems dpa'i shes rab kyi pha rol du phyin pa bsgom pa yongs su rdzogs par 'gyur te/ de la bdud sdig can dang / bdud kyi 'khor rnams bar chad bya ba'i phyir gnas par mi 'gyur ro/ /bdud kyi las byung zhing skyes pa rnams kyang khong du chud par 'gyur te/ bdud kyi las byung zhing skyes pa rnams kyi dbang du 'gro bar mi 'gyur ro/ /bdud sdig can pham par byed do/ /spa kong ba dang de'i phyogs nyung bar byed do/ /'jigs pa dang skrag pa med par 'gyur ro/ /bdud kyis mi thul bar 'gyur ro/ /de'i ngan song du 'gro ba thams cad rgyun chad par 'gyur ro/ /des lam ngan pa bkag par 'gyur ro/ /chu bo thams cad las rgal bar 'gyur ro/ /gti mug gi mun pa dang bral bar 'gyur ro/ /mig thob pas sems can thams cad la snang bar 'gyur ro/ /sangs rgyas kyi rigs rgyun mi gcod par gnas par 'gyur ro/ /lam mnyam pa nyid kyi phyir lam rgyun bcad par 'gyur ro/ /sems can thams cad la snying brtse bar 'gyur ro/ /chos la mig rnam par dag par 'gyur ro/ /le lo med cing brtson 'grus phun sum tshogs par 'gyur ro/ /gnod sems kyi sems med pas bzod pa 'thob par 'gyur ro/ /mi gnas pa'i bsam gtan pas bsam gtan par 'gyur ro/ /nges par rtogs pa'i shes rab dang ldan pas shes rab 'thob par 'gyur ro/ /sgrib pa med cing 'gyod pa dang bral bar 'gyur ro/ /bdud kyi zhags pa thams cad dang bral bar 'gyur ro/ /sred pa'i dra ba thams cad dang bral bas bcings pa bcad par 'gyur ro/ /brjed pa med pas dran pa nye bar gnas par 'gyur ro/ /tshul khrims yongs su dag pa'i pha rol du phyin pa thob pas tshul khrims rnam par dag par 'gyur ro/ /skyon thams cad bsal bas yon tan la gnas par 'gyur ro/ /rab tu g.yo</font><hr>39.87b<br><font size=+1>

ba med pas shes rab kyi stobs bskyed pa rnyed par 'gyur ro/ /phas kyi rgol ba thams cad kyis mi rdzi bar 'gyur ro/ /chos thams cad rnam par dag pa'i pha rol du phyin pa thob pas chos yongs su mi nyams par 'gyur ro/ /chos ston pa la bag tsha ba med par 'gyur ro/ /'khor gyi nang du 'gro ba la spa gong ba med par 'gyur ro/ /chos kyi sbyin pa la 'dzin pa med cing lhug par gtong bar 'gyur ro/ /lam mnyam pas lam rnam par sbyangs par 'gyur ro/ /lam ngan pa yongs su shes pas bsgom pa bsgoms par 'gyur ro/ /chos rnam par dag pas bag chags bsgom par 'gyur ro/ /shes rab rnam par dag pas sbyang ba sbyangs par 'gyur ro/ /rgya mtsho dang mtshungs pa'i phyir shes rab zab par 'gyur ro/ /bag tsha ba med pas gting dpag dka' bar 'gyur ro/ /chos rgya mtsho dpag tu med pas dpag tu med par 'gyur ro/ /rab kyi rtsal gyis rnam par gnon pa de ltar spyod pa'i byang chub sems dpa' ni yon tan de rnams dang / gzhan dag dang yang ldan pa yin te/ de dag gi yon tan ni rtogs par mi nus so/ /rab kyi rtsal gyis rnam par gnon pa gzhan yang byang chub sems dpa' de ltar shes rab kyi pha rol du phyin pa la spyod pa ni gzugs dang mi ldan par mi 'gyur/ longs spyod dang mi ldan par mi 'gyur/ g.yog dang mi ldan par mi 'gyur/ rus dang mi ldan par mi 'gyur/ rig pa dang mi ldan par mi 'gyur/ yul dang mi ldan par mi 'gyur/ mtha' 'khob kyi yul du skye bar mi 'gyur/ mi dal ba rnyed par mi 'gyur ro/ /sems can yongs su ma dag pa las kyi mtha' yongs su ma dag pa rnams dang 'du bar mi 'gyur/ rang gi sems mi 'dor/ shes rab nyams par mi 'gyur te/ chos gang pha rol las thos pa de chos thams cad mnyam pa nyid dang sbyor ro/ /sangs rgyas kyi rigs dang thams cad mkhyen pa'i rigs mi gcod par gnas par 'gyur ro/ /sangs rgyas kyi chos la snang ba thob par 'gyur ro/ /thams cad mkhyen pa dang nye</font><hr>39.88a<br><font size=+1>

bar 'gyur ro/ /gal te de ltar bdud sdig can tho 'tsham pa'i phyir 'ongs na des de dag gi spobs pa gcod cing bdud kyi zhags pa thams cad gcod de/ bdud 'khor dang bcas pa thal bar klog go/ /bdud kyi ris bdud bye ba thams cad kyis kyang thul bar mi 'gyur gyi/ des bdud rnams 'jigs skrag nas 'bros par 'gyur te/ bdud sdig can 'di snyam du de ni bdag gi yul las rab tu 'das/ de ni phyir bdag gi yul la mi spyod/ /de ni phyir bdag gi yul la mi gnas de ni phyir bdag gi yul la 'dug par mi 'gyur/ sems can gzhan yang bdag gi yul las grol bar byed/ sgrol bar byed do snyam du sems te/[ ]de la byang chub sems dpa' des phyogs nyung ngur byed do snyam nas mya ngan byed de/ ngu zhing smre sngags 'don to/ /de nyams dmas la sdug bsngal zhing yid mi bde ste/ yid la gcags par 'gyur ro/ /rab kyi rtsal gyis rnam par gnon pa gang gi tshe byang chub sems dpa' shes rab kyi pha rol du phyin pa la spyod shes rab kyi pha rol du phyin pa la sgom/ shes rab kyi pha rol du phyin pa la sbyor bar byed pa de'i tshe bdud kyi gnas thams cad gzi chung zhing mog mog por 'gyur ro/ /bdud sdig can yang 'di snyam du 'dis bdag gi yul nas sems can rnams bskyas par 'gyur/ 'dis bdag gi yul nas sems can rnams sgrol bar 'gyur/ 'dis bdag gi yul nas sems can rnams yongs su grol bar byed par 'gyur/ /'dis sems can rnams bdag gi yul nas 'dren par 'gyur/ 'dis bdud kyi zhags pa gcod par 'gyur/ 'dis sems can 'dod pa'i 'dam du bying ba rnams 'byin par 'gyur/ 'dis sems can rnams lta ba'i dra ba las thar bar byed par 'gyur/ 'dis sems can rnams sgrib pa'i lam las 'don par 'gyur ro/ /'dis sems can rnams yang dag pa'i lam la rab tu dgod par 'gyur/ 'dis sems can rnams lta ba'i thibs po las sgrol bar 'gyur ro snyam du sems</font><hr>39.88b<br><font size=+1>

shing /[ ]sdug bsngal ba dang yid mi bde bar 'gyur/ mya ngan gyi zug rngu dang ldan zhing mya ngan gyi zug rngu chen pos zug par 'gyur ro/ /rab kyi rtsal gyis rnam par gnon pa bdud de dag gi don gyi dbang 'di mthong bas sdug bsngal zhing yid mi bde ste/ mya ngan gyi zug rngus zug par 'gyur ro/ /rab kyi rtsal gyis rnam par gnon pa 'di lta ste/ dper na skyes bu nor gyi phung po chen po nyams par gyur pa ni sdug bsngal bar gyur te/ mi dga' zhing yid mi bde ba chen po dang ldan no/ /de bzhin du gang gi tshe byang chub sems dpa' shes rab kyi pha rol du phyin pa la spyod/ shes rab kyi pha rol du phyin pa la sgom/ shes rab kyi pha rol du phyin pa la sbyor bar byed pa na bdud sdig can yang sems mi bde ba dang /[ ]yid la gcags pa dang mya ngan gyi zug rngus zug ste/ sdug bsngal zhing rang gi gnas la yang mi dga' bar 'gyur ro/ /rab kyi rtsal gyis rnam par gnon pa gzhan yang bdud sdig can de dag gcig tu 'dus nas ji ltar bya/ ci zhig bya snyam sems shing / the tshom dang / mya ngan gyi zug rngus zug par 'gyur ro/ /de dag the tshom dang mya ngan gyi zug rngus zug par gyur nas byang chub sems dpa' shes rab kyi pha rol du phyin pa la spyod pa la glags btsal ba'i phyir dong yang de na byang chub sems dpa'i spu yang mi g.yos na/ lus dang sems gzhan du 'gyur ba lta ci smos te/ 'jigs shing spu zing zhes byed pa dang bral bar 'gyur/ bdud sdig can du yang shes par 'gyur ro/ /shes nas kyang byin gyis rlob bo/ /des bdud sdig can byin gyis brlabs nas nyams smad par 'gyur/ 'jigs shing sems zhum par 'gyur te/ de la glags rnyed par ma nus nas de 'di snyam du bdag gis kyang de la glags rnyed par ma nus na bdag gi 'khor gyis lta ci smos te/ gang gzhan dag gis byin gyis brlabs par lta ga la 'gyur snyam du sems so/ /de'i phyir bdud sdig can de dag 'jigs shing spro ba yongs su nyams nas sdug bsngal dang / yid mi bde ba skyes te rang gi gnas su dong</font><hr>39.89a<br><font size=+1>

nas sems khong du chud cing 'khod de/ shes rab kyi pha rol du phyin pa la spyod pa'i byang chub sems dpa' la se gol gtogs pa tsam gyi srid du yang sems rmongs par byed mi nus na gzhan bar chad bya bar lta ci smos/ rab kyi rtsal gyis rnam par gnon pa 'di ni byang chub sems dpa' shes rab kyi pha rol du phyin pa la spyod pas de lta bu'i shes rab kyi stobs bskyed par 'gyur ba'o/ /shes rab kyi stobs bskyed pa de lta bu dang ldan pas/ gal te stong gsum gyi stong chen po'i 'jig rten gyi khams kyi sems can de dag thams cad bdud du gyur la/ de dag thams cad kyang 'khor bdud mang po dang lhan cig tu shes rab kyi pha rol du phyin pa la spyod pa'i byang chub sems dpa' la 'tho brtsam pa'i bsam pas dong yang / rab kyi rtsal gyis rnam par gnon pa bdud sdig can de dag thams cad kyis bar chad bya bar mi nus so/ /de ci'i phyir zhe na/ de'i tshe byang chub sems dpa' de lta bu'i shes rab kyi stobs bskyed pa dang / shes rab kyi ral gri dang / shes rab kyi mtshon cha dang ldan par 'gyur ba'i phyir ro/ /rab kyi rtsal gyis rnam par gnon pa de'i tshe byang chub sems dpa' shes rab bsam gyis mi khyab pa dang / dpag tu med pa dang / mi mnyam pa dang /[ ]mnyam pa dang ldan par 'gyur ro/ /de'i phyir de la bdud sdig can gyis zil gyis gnon mi nus so/ /rab kyi rtsal gyis rnam par gnon pa 'di lta ste/ shes rab kyi pha rol du phyin pa'i mtshon cha de ni mtshon cha chen po'o/ /rab kyi rtsal gyis rnam par gnon pa 'di lta ste/ shes rab kyi ral gri de ni ral gri chen po ste de ni bdud sdig can rnams kyi yul ma yin/ spyod yul ma yin no/ /rab kyi rtsal gyis rnam par gnon pa 'di lta ste/ byang chub sems dpa'i shes rab tha mal pa de lta bu'i shes rab kyang phyi rol gyi drang srong gang dag bsam gtan bzhi dang / gzugs med pa'i snyoms par 'jug pa bzhi rnyed pa dang / gang dag bdud kyi yul 'dod pa'i khams las 'das nas/ tshangs pa'i 'jig rten dang / gzugs med pa'i lha'i ris bzhir skye ba</font><hr>39.89b<br><font size=+1>

de dag gi yul yang ma yin/[ ]spyod yul yang ma yin na/ shes rab kyi pha rol du phyin pa la spyod pa'i shes rab lta ci smos te/ gang gzugs dang / gzugs med pa'i khams kyi yul ma yin pa de/ bdud sdig can rnams kyi yul ga la yin/ rab kyi rtsal gyis rnam par gnon pa stobs bskyed rnyed pa'i byang chub sems dpa' ni de'i tshe 'di lta ste/ stobs chen po shes rab kyi pha rol du phyin pa'i stobs dang ldan par 'gyur ro/ /rab kyi rtsal gyis rnam par gnon pa gang su dag shes rab kyi pha rol du phyin pa'i stobs dang ldan par 'gyur ba dang / shes rab kyi mtshon rnon po dang ldan par 'gyur ba de dag ni bdud sdig can rnams kyis mi tshugs mi thub bo/[ ]/rab kyi rtsal gyis rnam par gnon pa gang la la shes rab kyi stobs dang / shes rab kyi mtshon rnon po dang ldan pa de dag gang la yang gnas par mi byed de/ de dag mi gnas par 'gyur ro/ /de ci'i phyir zhe na/ rab kyi rtsal gyis rnam par gnon pa gnas par gyur na ni g.yo bar 'gyur ro/ /g.yo bar gyur na ni 'gul bar 'gyur ro/ /'gul bar gyur na ni spros par 'gyur ro/ /rab kyi rtsal gyis rnam par gnon pa gang dag gnas par 'gyur ba dang g.yo bar 'gyur ba dang 'gul bar 'gyur ba dang spros par 'gyur ba de dag ni bdud sdig can gyi dbang du 'gro ba yin te/ bdud kyi zhags pa la yongs su grol bar mi 'gyur ro/ /rab kyi rtsal gyis rnam par gnon pa gang srid pa'i rtse mor skyes pa'i sems can gnas shing gnas dang 'brel ba/ gnas la chags pa de dag kyang yang bdud kyi yul du 'ong bar 'gyur te/ 'di lta ste/ rangs byed kyi bu lhag spyod dang / sgyu rtsal shes kyi bu ring 'phur dang / gang gzhan gzugs med pa na gnas shing / gnas dang 'brel ba/ gnas la chags pa de dag kyang bdud kyi zhags pa las yongs su ma grol zhing bdud kyi zhags pas mtshams gcad pa'o/ /rab kyi rtsal gyis rnam par gnon pa byang chub sems dpa' shes rab kyi pha rol du phyin pa la spyod/ shes rab kyi pha rol du phyin pa la sgom/ shes rab kyi pha rol du phyin pa la sgom par</font><hr>39.90a<br><font size=+1>

byed pa na gang la gnas par mi byed de/ thams cad du 'ang mi gnas par 'gyur ro/ /rab kyi rtsal gyis rnam par gnon pa gang gi tshe byang chub sems dpa' shes rab kyi pha rol du phyin pa sgom pa dang ldan par gnas pa de'i tshe gzugs la gnas par mi 'gyur/[ ]tshor ba dang / 'du shes dang / 'du byed rnams dang / rnam par shes pa la gnas par mi 'gyur ro/ /phyin ci log dang / sgrib pa dang / lta bar gyur pa la gnas par mi 'gyur/ ming dang gzugs la gnas par mi 'gyur/[ ]'dod pa dang / gzugs dang / gzugs med pa'i khams la gnas par mi 'gyur/ bdag dang sems can du 'du shes pa la gnas par mi 'gyur/ srog dang gang zag dang / khams dang / skye mched la gnas par mi 'gyur/[ ]sa dang / chu dang me dang rlung dang / nam mkha' dang / rnam par shes pa dang / 'du shes med 'du shes med min skye mched la gnas par mi 'gyur/ srid pa'i sred pa la gnas par mi 'gyur/ rnam par 'byor ba'i sred pa la gnas par mi 'gyur/ chad pa dang / rtag pa la gnas par mi 'gyur/ mtha' dang mtha' med pa la gnas par mi 'gyur/ rten cing 'brel bar 'byung ba la gnas par mi 'gyur/ sbyin pa dang / ser sna la gnas par mi 'gyur/ tshul khrims dang / 'chal pa'i tshul khrims la gnas par mi 'gyur/[ ]bzod pa dang / gnod sems la gnas par mi 'gyur/ brtson 'grus dang /[ ]le lo la gnas par mi 'gyur/ bsam gtan dang / rnam par g.yeng ba la gnas par mi 'gyur/ shes rab dang / 'chal pa'i shes rab la gnas par mi 'gyur/ phyin ci log pa dang / yang dag pa'i spong ba dang / tshad med pa dang / dran pa nye bar gzhag pa la gnas par mi 'gyur/ dbang po dang /[ ]stobs dang / byang chub kyi yan lag dang / ting nge 'dzin dang / snyoms par 'jug pa la gnas par mi 'gyur/ sdug bsngal ba dang kun 'byung ba dang / 'gog pa dang / lam la gnas par mi 'gyur/ mi skye ba dang / zad pa shes pa dang / mngon par 'du mi byed pa shes pa la gnas</font><hr>39.90b<br><font size=+1>

par mi 'gyur/[ ]rig pa dang / rnam par grol ba la gnas par mi 'gyur/ rnam par grol ba dang / rnam par grol ba'i ye shes mthong ba la gnas par mi 'gyur/ so so'i skye bo dang / nyan thos dang / rang sangs rgyas kyi sa la gnas par mi 'gyur/ so so'i skye bo'i chos dang / nyan thos kyi chos dang / rang sangs rgyas kyi chos dang / sangs rgyas kyi chos la gnas par mi 'gyur/ mya ngan las 'das pa la gnas par mi 'gyur/ 'das pa dang / ma 'ongs pa dang / da ltar byung ba dang / thogs pa med pa la gnas par mi 'gyur/ dus gsum mnyam pa nyid la gnas par mi 'gyur/ sangs rgyas kyi ye shes dang / stobs dang / mi 'jigs pa la gnas par mi 'gyur/ thams cad mkhyen pa'i ye shes la gnas par mi 'gyur/ mtshan phun sum tshogs pa la gnas par mi 'gyur/ sangs rgyas kyi zhing phun sum tshogs pa la gnas par mi 'gyur/[ ]nyan thos phun sum tshogs pa la gnas par mi 'gyur/ byang chub sems dpa' bkod pa phun sum tshogs pa la gnas par mi 'gyur/ chos thams cad la gnas par mi 'gyur te mi g.yo kun du mi g.yo'o/ /des gnas thams cad rnam par rtsal pas mi gnas te lam la yang mngon par mi zhen/ gnas pa med pa la yang rlom sems su mi byed do/ /de 'di ni gnas so zhes mi dmigs/[ ]'di na gnas so zhes mi dmigs/ 'di'i gnas so zhes mi dmigs/[ ]rlom sems su mi byed/ 'dis gnas so zhes mi dmigs te de gnas thams cad la rlom sems su mi byed/ mi dmigs/ mngon par mi zhen pas gnas gang du yang nye bar mi 'gro/ nye bar mi ston/ mngon par dga' bar mi 'gyur/ lhag par chags nas mi gnas te/ gnas thams cad kyis mi gos/[ ]mi chags pas gnas thams cad rnam par dag pa rjes su thob par 'gyur ro/ /rab kyi rtsal gyis rnam par gnon pa 'di ni shes rab kyi pha rol du phyin pa la spyod pa'i byang chub sems dpa'i chos thams cad kyi gnas rnam par dag pa'i ye shes mthong ba ste/ des de la bdud sdig can rnams kyis</font><hr>39.91a<br><font size=+1>

glags mi rnyed cing / bdud sdig can rnams kyis mi thub ste/ bdud sdig can rnams zil gyis non par 'gyur ro/ /spyod pa'i le'u zhes bya ste drug pa'o//[ ]// bam po drug pa ste tha ma'o/ /rab kyi rtsal gyis rnam par gnon pa gzhan yang byang chub sems dpa' bla na med pa yang dag par rdzogs pa'i byang chub tu sems ma bskyed par thog ma nyid du dge ba'i rtsa ba'i tshogs mang po yang dag par bsgrubs par 'gyur/ sangs rgyas mang po la bsnyen bkur byas par 'gyur/[ ]sangs rgyas mang po la kun 'dri bar 'gyur/ sangs rgyas bcom ldan 'das rnams la bya ba byas par 'gyur/ lhag pa'i bsam pa phun sum tshogs par 'gyur/[ ]sbyin pa 'gyed pa la dga' bar 'gyur/ tshul khrims rnam par dag pa lhur len par 'gyur/ bzod pa dang des pa phun sum tshogs par 'gyur/ brtson 'grus dang ldan par 'gyur/ bsam gtan rnam par dag pa lhur len par 'gyur/[ ]shes rab dang ldan par 'gyur/ shes rab rnam par dag pa lhur len par 'gyur te/ de bla na med pa yang dag par rdzogs pa'i byang chub tu sems bskyed nas shes rab kyi pha rol du phyin pa la brtson te/ shes rab kyi stobs dang / ye shes kyi stobs des ci nas kyang bdag la bdud sdig can gyis glags rnyed par ma gyur cig /bdag la gtse bar ma gyur cig ces bdud sdig can rnams la byin gyis rlob bo/[ ]/des byin gyis brlabs pas bdud kyis glags mi rnyed cing de la bar chad bya ba'i phyir nye bar gnas par mi 'gyur te/ byang chub sems dpa' de la bdag gis glan ka btsal ba 'am/ tho brtsam par bya'o snyam du yang sems mi bskyed do/ /gal te de dag gis bar chad bya ba'i phyir sems bskyed na de'i phyir bdag la sdug bsngal chen po 'byung bar yang dag par shes na/ de dag la 'jigs pa chen po nye bar gnas par 'gyur bas bdag med par mi 'gyur grang snyam ste/ skyo bar gyur nas tho brtsam pa'i sems glon par 'gyur zhing / de dag gi sems bskyed pa de dag kyang nub par 'gyur ro/ /rab kyi rtsal gyis rnam par gnon pa</font><hr>39.91b<br><font size=+1>

rnam grangs 'di byang chub sems dpa' la bdud sdig can rnams kyis bar chad bya ba'i phyir nye bar gnas shing bar chad bya ba'i skabs mi rnyed do/ /rab kyi rtsal gyis rnam par gnon pa gzhan yang shes rab kyi pha rol du phyin pa 'chad pa na byang chub sems dpas 'dun pa dang lhag pa'i bsam pa dang / gus pa dang / rim gro bya ba dang / ston par 'du shes bskyed par 'gyur/ pha rol du phyin pa drug dang ldan pa'i gtam brjod pa na/ dogs pa dang / the tshom dang / yid gnyis bskyed par mi 'gyur/[ ]chos zab mo thos na mgo rmongs pa 'am/ dogs pa 'am/ the tshom bskyed par mi 'gyur/ de nam du yang chos kyis phongs par 'gyur ba'i las sogs par mi 'gyur/ de nam du yang chos kyis phongs par 'gyur ba'i sems bskyed par mi 'gyur te/ sems can gzhan mang po yang shes rab kyi pha rol du phyin pa yang dag par 'dzin du bcug par 'gyur/ pha rol du phyin pa thams cad la yang dag par dga' ba dang / yang dag par gzeng stod pa byas par 'gyur ro/ /de sngon gyi bsam pa rnam par dag pa dang / sngon gyi bsam pa kun nas nyon mongs pa med pas bdud sdig can rnams bar chad bya ba'i phyir nye bar gnas par mi 'gyur/ bdud sdig can rnams kyis de la glags rnyed par mi 'gyur/ bdud kyi las byung zhing skyes pa thams cad khong du chud par 'gyur/[ ]bdud kyi las kyis 'phrogs par mi 'gyur/ bdud kyi las kyi dbang du 'gro bar mi 'gyur ro/ /rab kyi rtsal gyis rnam par gnon pa rnam grangs 'dis kyang byang chub sems dpa' la bdud sdig can rnams tho brtsam pa'i phyir nye bar gnas par mi 'gyur ro/ /rab kyi rtsal gyis rnam par gnon pa gzhan yang shes rab kyi pha rol du phyin pa la spyod pa'i byang chub sems dpa' ni gzugs dang 'du ba'i mtshan ma la mi spyod gzugs dang 'bral ba'i mtshan ma la mi spyod/[ ]tshor ba dang / 'du shes dang / 'du byed rnams dang / rnam par shes pa 'du ba'i mtshan ma la mi spyod / 'bral ba'i mtshan ma la mi spyod/ gzugs</font><hr>39.92a<br><font size=+1>

kyi mtshan nyid dang / 'du ba'i mtshan ma la mi spyod/ gzugs kyi mtshan nyid dang 'bral ba'i mtshan ma la mi spyod/ tshor ba dang / 'du shes dang / 'du byed rnams dang / rnam par shes pa'i mtshan nyid dang / 'du ba'i mtshan ma la mi spyod/ 'bral ba'i mtshan ma la mi spyod/ gzugs rnam par dag pa'i mtshan ma la mi spyod/ gzugs rnam par dag pa'i mtshan ma med pa la mi spyod/ tshor ba dang / 'du shes dang / 'du byed rnams dang / rnam par shes pa rnam par dag pa'i mtshan ma la mi spyod/ rnam par dag pa'i mtshan ma med pa la mi spyod/ gzugs kyi dmigs pa rnam par dag pa'i mtshan ma la mi spyod/ gzugs kyi dmigs pa rnam par dag pa'i mtshan ma med pa la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa rnam par dag pa'i mtshan ma la mi spyod/ rnam par shes pa'i dmigs pa rnam par dag pa'i mtshan ma med pa la mi spyod/ gzugs 'byung ba rnam par dag pa dang / 'du ba la mi spyod/ gzugs 'byung ba rnam par dag pa dang /[ ]'bral ba la mi spyod/ tshor ba dang / 'du shes dang / 'du byed rnams dang / rnam par shes pa 'byung ba rnam par dag pa dang 'du ba la mi spyod/ rnam par shes pa 'byung ba rnam par dag pa dang 'bral ba la mi spyod/ gzugs kyi dmigs pa ngo bo nyid rnam par dag pa dang 'du ba la mi spyod / gzugs kyi dmigs pa'i ngo bo nyid rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa'i ngo bo nyid rnam par dag pa dang / 'du ba la mi spyod/ rnam par shes pa'i dmigs pa'i ngo bo nyid rnam par dag pa dang 'bral ba la mi spyod/[ ]gzugs kyi rang bzhin rnam par dag pa la mi spyod/ tshor ba dang / /'du shes dang /[ ]'du byed rnams dang / rnam par shes pa'i rang bzhin rnam par dag pa la mi spyod/ gzugs kyi dmigs pa rang bzhin rnam par dag pa dang 'du ba la mi spyod/ gzugs kyi</font><hr>39.92b<br><font size=+1>

dmigs pa rang bzhin rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang /[ ]rnam par shes pa dmigs pa rang bzhin rnam par dag pa dang 'du ba la mi spyod/ rnam par shes pa'i dmigs pa rang bzhin rnam par dag pa dang 'bral ba la mi spyod/ gzugs 'das pa dang / ma 'ongs pa dang / da ltar byung ba'i rnam par dag pa la mi spyod/ tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba'i rnam par dag pa la mi spyod/ gzugs kyi dmigs pa 'das pa dang /[ ]ma 'ongs pa dang da ltar byung ba'i rnam par dag pa la mi spyod/ tshor ba dang 'du shes dang / 'du byed rnams dang / rnam par shes pa'i dmigs pa 'das pa dang / ma 'ongs pa dang / da ltar byung ba'i rnam par dag pa la mi spyod/ gzugs 'das pa dang / ma 'ongs pa dang da ltar byung ba'i rnam par dag pa dang / 'du ba la mi spyod/ gzugs 'das pa dang / ma 'ongs pa dang / da ltar byung ba'i rnam par dag pa dang 'bral ba la mi spyod/[ ]tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba'i rnam par dag pa dang /[ ]'du ba la mi spyod/ rnam par shes pa 'das pa dang / ma 'ongs pa dang / da ltar byung ba'i rnam par dag pa dang 'bral ba la mi spyod / gzugs kyi dmigs pa 'das pa dang / ma 'ongs pa dang / da ltar byung ba'i rnam par dag pa dang 'du ba la mi spyod/ gzugs dmigs pa 'das pa dang / ma 'ongs pa dang / da ltar byung ba'i rnam par dag pa dang / 'bral ba la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa 'das pa dang / ma 'ongs pa dang / da ltar byung ba'i rnam par dag pa dang 'du ba la mi spyod/ tshor ba dang / 'du shes dang / 'du byed rnams dang / rnam par shes pa'i dmigs pa 'das pa dang / ma 'ongs pa dang / da ltar byung ba'i rnam par dag pa dang 'bral ba la mi spyod do/ /de ltar spyod pa ni gzugs dang 'du bar</font><hr>39.93a<br><font size=+1>

yang mi byed 'bral bar yang mi byed/[ ]tshor ba dang / 'du shes dang / 'du byed rnams dang / rnam par shes pa dang 'du bar yang mi byed 'bral bar yang mi byed/ ming dang gzugs dang 'du bar yang mi byed 'bral bar yang mi byed/ phyin ci log pa dang / lta bar gyur pa dang / 'du bar yang mi byed 'bral bar yang mi byed/ 'dod pa dang / gzugs dang / gzugs med pa'i khams dang /[ ]'du bar yang mi byed 'bral bar yang mi byed/ 'dod chags dang / zhe sdang dang / gti mug dang 'du bar yang mi byed 'bral bar yang mi byed/ bdag dang sems can dang / srog dang gang zag dang / dngos po dang / dngos po med par 'du shes pa dang / 'du bar yang mi byed 'bral bar yang mi byed/ chad pa dang rtag pa dang / 'du bar yang mi byed 'bral bar yang mi byed/[ ]khams dang / skye mched dang / 'du bar yang mi byed 'bral bar yang mi byed/[ ]sa dang chu dang me dang rlung dang / nam mkha' dang / rnam par shes pa'i khams dang / 'du bar yang mi byed 'bral bar yang mi byed/ rten cing 'brel bar 'byung ba dang / 'du bar yang mi byed 'bral bar yang mi byed/[ ]'dod pa'i yon tan dang 'du bar yang mi byed 'bral bar yang mi byed/ kun nas nyon mongs pa dang / rnam par byang ba dang 'du bar yang mi byed 'bral bar yang mi byed/ gtong ba dang / ser sna dang / 'du bar yang mi byed 'bral bar yang mi byed/ tshul khrims dang / 'chal pa'i tshul khrims dang /[ ]'du bar yang mi byed 'bral bar yang mi byed/ bzod pa dang / gnod sems dang 'du bar yang mi byed 'bral bar yang mi byed/ brtson 'grus dang /[ ]le lo dang 'du bar yang mi byed 'bral bar yang mi byed/ bsam gtan dang rnam par g.yeng ba dang 'du bar yang mi byed 'bral bar yang mi byed/ shes rab dang / 'chal pa'i shes rab dang 'du bar yang mi byed 'bral bar yang mi byed/ phyin ci ma log pa dang / yang dag pa'i spong ba dang / tshad med pa dang / dran pa nye bar gzhag pa dang / rdzu 'phrul gyi rkang pa dang 'du bar yang mi byed 'bral bar yang mi byed/ dbang po dang /[ ]stobs dang / byang chub kyi yan lag dang / ting nge</font><hr>39.93b<br><font size=+1>

'dzin dang / snyoms par 'jug pa dang 'du bar yang mi byed 'bral bar yang mi byed/ sdug bsngal dang / kun 'byung ba dang / 'gog pa dang / lam dang 'du bar yang mi byed 'bral bar yang mi byed/ zhi gnas dang lhag mthong dang 'du bar yang mi byed 'bral bar yang mi byed/ rig pa dang / rnam par grol ba dang 'du bar yang mi byed 'bral bar yang mi byed/ rnam par grol ba'i ye shes pa dang 'du bar yang mi byed 'bral bar yang mi byed/ mngon par shes pa dang 'du bar yang mi byed 'bral bar yang mi byed / so so'i skye bo dang / nyan thos dang / rang sangs rgyas kyi sa dang 'du bar yang mi byed 'bral bar yang mi byed/ mi skye ba dang / zad pa dang mngon par 'du mi byed pa shes pa dang 'du bar yang mi byed 'bral bar yang mi byed/[ ]'khor ba dang mya ngan las 'das pa dang 'du bar yang mi byed 'bral bar yang mi byed/ sangs rgyas kyi ye shes dang / stobs dang / mi 'jigs pa dang 'du bar yang mi byed 'bral bar yang mi byed/ mtshan phun sum tshogs pa dang 'du bar yang mi byed 'bral bar yang mi byed/ sangs rgyas kyi zhing gi bkod pa phun sum tshogs pa dang 'du bar yang mi byed 'bral bar yang mi byed/ nyan thos dang / byang chub sems dpa' phun sum tshogs pa dang 'du bar yang mi byed 'bral bar yang mi byed do/ /de ci'i phyir zhe na/ rab kyi rtsal gyis rnam par gnon pa chos thams cad ni 'du bar yang ma yin 'bral bar yang ma yin pa'i phyir ro/ /de ci'i phyir zhe na/ rab kyi rtsal gyis rnam par gnon pa chos thams cad ni 'du ba dang 'bral bar nye bar gnas pa ma yin pa'i phyir ro/ /rab kyi rtsal gyis rnam par gnon pa 'du ba zhes bya ba'i tshig de ni rtag pa'o/ /'bral ba zhes bya ba'i tshig de ni chad pa'o/ /rab kyi rtsal gyis rnam par gnon pa gang gis kyang chos thams cad 'du ba 'am/ 'bral bar gyur par khong du chud pa med do/ /rab kyi rtsal gyis rnam par gnon pa chos thams cad ni 'du ba 'am 'bral ba'i phyir nye bar gnas pa gang yang med do/[ ]/rab kyi rtsal</font><hr>39.94a<br><font size=+1>

gyis rnam par gnon pa gal te chos rnams la 'du ba 'am/ 'bral bar 'gyur ba 'ga' zhig yod na ni/ chos rnams kyi byed pa po dang / byed du 'jug pa dang slong ba po dang / kun nas slong ba po dang / tshor ba po dang / tshor bar byed pa dang / shes pa po dang / shes par byed pa dang / 'du ba dang / 'bral ba rnyed par 'gyur te/ de bzhin gshegs pas kyang chos rnams kyi byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa dang / shes pa po dang / shes par byed pa dang / 'du bar byed pa po dang / 'bral bar byed pa po de ni 'di'o zhes bcas par 'gyur ba zhig na/ rab kyi rtsal gyis rnam par gnon pa gang gi phyir chos thams cad kyi 'du ba dang / 'bral ba nye bar gnas pa gang yang med pa de'i phyir chos rnams kyi byed pa po dang / byed du 'jug pa dang / slong ba po dang / kun nas slong ba po dang / tshor ba po dang / tshor bar byed pa dang / shes pa po dang / shes par byed pa dang /[ ]'du bar byed pa po dang / 'bral bar byed pa po gang yang mi dmigs te/[ ]mi dmigs pas de bzhin gshegs pas kyang ma bcas so/ /rab kyi rtsal gyis rnam par gnon pa chos thams cad ni phyin ci log las byung ste/ phyin ci log de la yang 'du ba dang 'bral ba gang yang med do/ /de ci'i phyir zhe na/ rab kyi rtsal gyis rnam par gnon pa phyin ci log gi dngos po dmigs su med de/[ ]de'i 'byung ba yang mi dmigs pa'i phyir ro/ /de ci'i phyir zhe na/ rab kyi rtsal gyis rnam par gnon pa phyin ci log ni med pa yang dag pa ma yin pa brdzun pa gsog slu ba'i chos can te/ de la chos gang yang mi dmigs pas de ni phyin ci log ces bya'o/ /rab kyi rtsal gyis rnam par gnon pa phyin ci log ces bya ba 'di ni sems can rnams slu ba'o/ /'di ni sems can rnams la 'drid pa'o/ /'di ni sems can rnams kyi yang dag pa ma yin pa kun rtog pa'o/ /</font><hr>39.94b<br><font size=+1>

'di ni sems can rnams kyi rlom sems dang / g.yo ba dang spros pa'o/ /rab kyi rtsal gyis rnam par gnon pa 'di lta ste/ dper na byis pa ni chad pa stong pas brid na de yang dag pa snyam du 'dzin to/ /rab kyi rtsal gyis rnam par gnon pa de bzhin du byis pa so so'i skye bo rnams kyang gsog dang / phyin ci log gis brid pas rmongs nas 'di yang dag pa yin pa snyam du sems so/ /de dag yang dag pa ma yin pa la yang dag par 'du shes shing phyin ci log pas de'i phyir phyin ci log de las dgrol dka' bar 'gyur ro/ /rab kyi rtsal gyis rnam par gnon pa de ltar na byis pa so so'i skye bo thams cad phyin ci log gi bcing bas bcings nas kun du 'khyam ste/ 'du ba dang 'bral ba med par de dag 'du ba snyam du sems 'du ba snyam du dmigs 'du ba zhes bzhag par mthong zhing 'bral ba zhes mngon par zhen to/ /rab kyi rtsal gyis rnam par gnon pa gang na 'du bar 'gyur ba de na 'bral bar 'gyur ro/ /gang 'du ba dang 'bral bar mi dmigs/ rlom sems su mi byed/ mngon par mi zhen pa ni rab tu grol ba'o/[ ]/gal te 'bral ba snyam du sems shing dmigs la mngon par zhen na ni de 'du ba nyid du 'gyur gyi 'bral ba ma yin no/ /rab kyi rtsal gyis rnam par gnon pa de la byang chub sems dpas don gyi dbang 'di mthong bas chos gang dang yang 'du bar yang mi byed 'bral bar yang mi byed chos gang 'du ba'i phyir ram/[ ]'bral ba'i phyir yang nye bar gnas par mi 'gyur ro/ /rab kyi rtsal gyis rnam par gnon pa 'di ni shes rab kyi pha rol du phyin pa la spyod pa'i byang chub sems dpas 'du ba dang / 'bral ba yongs su shes pa'o/ /rab kyi rtsal gyis rnam par gnon pa de ltar na byang chub sems dpa' myur du chos thams cad kyi pha rol khong du chud par 'gyur ro/ /rab kyi rtsal gyis rnam par gnon pa gzhan yang shes rab kyi pha rol du phyin pa la spyod pa'i byang chub sems dpa' ni gzugs la mi chags pa nyid la mi spyod/ tshor ba dang / 'du shes dang / </font><hr>39.95a<br><font size=+1>

'du byed rnams dang / rnam par shes pa la mi chags pa nyid kyi la mi spyod/ gzugs la mi chags pa nyid kyi rnam par dag pa la mi spyod/ tshor ba dang / 'du shes dang / 'du byed rnams dang / rnam par shes pa la mi chags pa nyid kyi rnam par dag pa la mi spyod/ gzugs la mi chags pa nyid kyi dmigs pa la mi spyod/[ ]tshor ba dang / 'du shes dang / 'du byed rnams dang / rnam par shes pa la mi chags pa nyid kyi dmigs pa la mi spyod/ gzugs la mi chags pa nyid dang 'du ba la mi spyod/ gzugs la mi chags pa nyid dang 'bral ba la mi spyod/[ ]tshor ba dang / 'du shes dang / 'du byed rnams dang / rnam par shes pa la mi chags pa nyid dang 'du ba la mi spyod/ rnam par shes pa la mi chags pa nyid dang 'bral ba la mi spyod/ gzugs la mi chags pa nyid kyi rnam par dag pa dang 'du ba la mi spyod/ gzugs la mi chags pa nyid kyi rnam par dag pa dang 'bral ba la mi spyod/ tshor ba dang / 'du shes dang / 'du byed rnams dang /[ ]rnam par shes pa la mi spyod pa nyid kyi rnam par dag pa dang 'du ba la mi spyod /[ ]rnam par shes pa la mi chags pa nyid kyi rnam par dag pa dang 'bral ba la mi spyod/ gzugs kyi dmigs pa rnam par dag pa dang 'du ba la mi spyod/[ ]gzugs kyi dmigs pa rnam par dag pa dang 'bral ba la mi spyod tshor ba dang / 'du shes dang / 'du byed rnams dang / rnam par shes pa'i dmigs pa rnam par dag pa la mi spyod / rnam par shes pa'i dmigs pa rnam par dag pa dang / 'bral ba la mi spyod do/ /de ci'i phyir zhe na/ rab kyi rtsal gyis rnam par gnon pa byang chub sems dpas g.yo ba dang / rlom sems dang /[ ]'gul ba dang / spyod pa dang / rnam par spyod pa de dag thams cad yongs su shes nas gang la yang mi spyod/ rnam par mi spyod pa'i phyir ro/ /rab kyi rtsal gyis rnam par gnon pa gzhan yang shes rab kyi pha rol du phyin pa la spyod pa'i byang chub sems dpa' ni gzugs 'das pa dang / ma 'ongs pa dang / da ltar byung ba la chags par mi spyod/ gzugs 'das pa dang / ma 'ongs pa dang / da ltar byung ba la mi chags par mi spyod/ tshor ba dang / 'du shes dang / 'du byed rnams dang / </font><hr>39.95b<br><font size=+1>

rnam par shes pa 'das pa dang / ma 'ongs pa dang / da ltar byung ba la chags par mi spyod/ rnam par shes pa 'das pa dang / ma 'ongs pa dang / da ltar byung ba la mi chags par mi spyod/[ ]gzugs 'das pa dang / ma 'ongs pa dang / da ltar byung ba rnam par dag pa la mi spyod/ gzugs 'das pa dang / ma 'ongs pa dang / da ltar byung ba rnam par dag pa ma yin pa la mi spyod/ tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba rnam par dag pa la mi spyod/ rnam par shes pa 'das pa dang / ma 'ongs pa dang / da ltar byung ba rnam par dag pa ma yin pa la mi spyod/[ ]gzugs 'das pa dang / ma 'ongs pa dang / da ltar byung ba la mi chags pa'i dmigs pa rnam par dag pa la mi spyod/ gzugs 'das pa dang / ma 'ongs pa dang / da ltar byung ba la mi chags pa'i dmigs pa rnam par dag pa ma yin pa la mi spyod/ tshor ba dang / 'du shes dang / 'du byed rnams dang / rnam par shes pa 'das pa dang / ma 'ongs pa dang / da ltar byung ba la mi chags pa'i dmigs pa rnam par dag pa la mi spyod/ rnam par shes pa 'das pa dang /[ ]ma 'ongs pa dang / da ltar byung ba la mi chags pa'i dmigs pa rnam par dag pa ma yin pa la mi spyod do/ /de ci'i phyir zhe na/ rab kyi rtsal gyis rnam par gnon pa shes rab kyi pha rol du phyin pa la spyod pa'i byang chub sems dpa' ni spyod pa yang dag par rjes su mi mthong ba'i phyir ro/ /rab kyi rtsal gyis rnam par gnon pa shes rab kyi pha rol du phyin pa la spyod pa'i byang chub sems dpa'i spyod pa thams cad la 'jug pa de ni spyod pa med pa'o/ /rab kyi rtsal gyis rnam par gnon pa de ltar spyod pa'i byang chub sems dpa' ni myur du thams cad mkhyen pa nyid kyi chos yongs su rdzogs par 'gyur ro/ /rab kyi rtsal gyis rnam par gnon pa gzhan yang shes rab kyi pha rol du phyin pa la spyod pa'i byang chub sems dpa' ni gzugs la ma bsgribs pa zhes mi spyod/ ma bsgribs pa ma yin pa zhes mi spyod/ tshor ba dang / 'du shes dang / 'du byed rnams</font><hr>39.96a<br><font size=+1>

dang / rnam par shes pa ma bsgribs pa zhes mi spyod/ rnam par shes pa ma bsgribs pa ma yin pa zhes mi spyod/ gzugs la zhi ba zhes mi spyod/ gzugs la ma zhi ba zhes mi spyod/ tshor ba dang / 'du shes dang / 'du byed rnams dang / rnam par shes pa la zhi ba zhes mi spyod/ rnam par shes pa la ma zhi ba zhes mi spyod/[ ]gzugs la rang bzhin gyis ma bsgribs pa zhes mi spyod/ gzugs la rang bzhin gyis ma bsgribs pa ma yin pa zhes mi spyod/ tshor ba dang / 'du shes dang /[ ]'du byed rnams dang / rnam par shes pa la rang bzhin gyis ma bsgribs pa zhes mi spyod / rnam par shes pa la rang bzhin gyis ma bsgribs pa ma yin pa zhes mi spyod/ gzugs la rang bzhin gyis zhi ba zhes mi spyod/ gzugs la rang bzhin gyis ma zhi ba zhes mi spyod/ tshor ba dang / 'du shes dang / 'du byed rnams dang / rnam par shes pa la rang bzhin gyis zhi ba zhes mi spyod/ rnam par shes pa la rang bzhin gyis ma zhi ba zhes mi spyod/ gzugs 'das pa dang / ma 'ongs pa dang / da ltar byung ba la rang bzhin gyis dben pa 'am/ rang bzhin gyis zhi ba zhes mi spyod/ gzugs 'das pa dang / ma 'ongs pa dang /[ ]da ltar byung ba la rang bzhin gyis dben pa 'am/ rang bzhin gyis zhi ba ma yin pa zhes mi spyod/ tshor ba dang / 'du shes dang / 'du byed rnams dang /[ ]rnam par shes pa 'das pa dang / ma 'ongs pa dang / da ltar byung ba la rang bzhin gyis dben pa 'am/ rang bzhin gyis zhi ba zhes mi spyod/ rnam par shes pa 'das pa 'am/ ma 'ongs pa 'am/ da ltar byung ba la rang bzhin gyis dben pa ma yin pa 'am/ rang bzhin gyis zhi ba ma yin pa zhes mi spyod do/ /rab kyi rtsal gyis rnam par gnon pa de ltar spyod pa'i byang chub sems dpa' ni myur du thams cad mkhyen pa nyid kyi chos yongs su rdzogs par 'gyur ro/ /rab kyi rtsal gyis rnam par gnon pa gzhan yang shes rab kyi pha rol du phyin pa la spyod pa'i byang</font><hr>39.96b<br><font size=+1>

chub sems dpa' ni gzugs la rlom sems su mi byed/ de bzhin du tshor ba dang / 'du shes dang / 'du byed rnams dang / rnam par shes pa la rlom sems su mi byed/ gzugs kyi rnam par dag pa la rlom sems su mi byed/[ ]gzugs kyi dmigs pa rnam par dag pa la rlom sems su mi byed/ de bzhin du tshor ba dang / 'du shes dang / 'du byed rnams dang / rnam par shes pa'i rnam par dag pa la rlom sems su mi byed/ rnam par shes pa'i dmigs pa rnam par dag pa la rlom sems su mi byed do/ /rab kyi rtsal gyis rnam par gnon pa gzhan yang shes rab kyi pha rol du phyin pa la spyod pa'i byang chub sems dpa' ni gzugs la mngon par mi zhen/ de bzhin du tshor ba dang / 'du shes dang /[ ]'du byed rnams dang / rnam par shes pa la mngon par mi zhen/ gzugs kyi rnam par dag pa la mngon par mi zhen/ tshor ba dang / 'du shes dang /[ ]'du byed rnams dang / rnam par shes pa'i rnam par dag pa la mngon par mi zhen/ gzugs kyi dmigs pa rnam par dag pa la mngon par mi zhen/ tshor ba dang / 'du shes dang / 'du byed rnams dang / rnam par shes pa'i da migs pa rnam par dag pa la mngon par mi zhen to/ /rab kyi rtsal gyis rnam par gnon pa de ltar spyod pa'i byang chub sems dpa' ni myur du thams cad mkhyen pa nyid kyi chos rnams yongs su rdzogs par 'gyur ro/ /rab kyi rtsal gyis rnam par gnon pa de ltar spyod pa'i byang chub sems dpa' ni de bzhin gshegs pa'i stobs bcu dang / de bzhin gshigs pa'i mi 'jigs pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang /[ ]dga' ba chen po dang / btang snyoms chen po dang nye bar 'gyur ro/ /rab kyi rtsal gyis rnam par gnon pa de ltar spyod pa'i byang chub sems dpa' ni/ skyes bu chen po'i mtshan sum bcu rtsa gnyis dang nye bar 'gyur/ gser gyi kha dog gi</font><hr>39.97a<br><font size=+1>

mdog dang nye bar 'gyur/ de bzhin gshegs pa'i 'od mtha' yas pa dang nye bar 'gyur/ glang po ltar lta ba dang nye bar 'gyur/ spyi gtsug bltar mi mthong ba dang nye bar 'gyur/ 'das pa dang ma 'ongs pa dang da ltar byung ba la thogs pa med pa'i ye shes mthong ba dang nye bar 'gyur/[ ]de bzhin gshegs pa'i gdams pa dang / rjes su bstan pa dang / cho 'phrul dang nye bar 'gyur/ 'das pa dang ma 'ongs pa dang da ltar byung ba la thogs pa med pa'i ye shes mthong ba lung bstan pa dang nye bar 'gyur ro/ /rab kyi rtsal gyis rnam par gnon pa de ltar spyod pa'i byang chub sems dpa' ni myur du sangs rgyas kyi chos yongs su dag pa thams cad thob par 'gyur ro/ /rab kyi rtsal gyis rnam par gnon pa de ltar spyod pa'i byang chub sems dpa' ni myur du sangs rgyas kyi zhing yongs su dag pa thob par 'gyur ro/ /myur du nyan thos dang byang chub sems dpa'i bkod pa phun sum tshogs pa yongs su 'dzin par 'gyur ro/ /rab kyi rtsal gyis rnam par gnon pa de ltar spyod pa'i byang chub sems dpa' ni gzugs la rab tu mi gnas/ tshor ba dang 'du shes dang 'du byed rnams dang / rnam par shes pa la rab tu mi gnas/ ming dang gzugs la rab tu mi gnas phyin ci log dang sgrib pa dang lta bar gyur pa la rab tu mi gnas/ 'dod pa dang gzugs dang gzugs med pa'i khams la rab tu mi gnas/ bdag gi khams dang sems can gyi khams la rab tu mi gnas/ gang zag dang srog tu 'du shes pa la rab tu mi gnas/ sa dang chu dang me dang rlung dang nam mkha' dang rnam par shes pa'i khams la rab tu mi gnas/ khams dang / skye mched la rab tu mi gnas/[ ]kun nas nyon mongs pa dang / rnam par byang ba la rab tu mi gnas/ rten cing 'brel bar 'byung ba la rab tu mi gnas/ gtong ba dang ser sna la rab tu mi gnas/[ ]tshul khrims dang / 'chal pa'i tshul khrims la rab tu mi gnas/ </font><hr>39.97b<br><font size=+1>

bzod pa dang gnod sems la rab tu mi gnas/ brtson 'grus dang / le lo la rab tu mi gnas/ bsam gtan dang / rnam par g.yeng ba la rab tu mi gnas/[ ]shes rab dang / 'chal pa'i shes rab la rab tu mi gnas/ dran pa nye bar gzhag pa dang / yang dag pa'i spong ba dang / tshad med pa dang / rdzu 'phrul gyi rkang pa dang dbang po dang stobs dang byang chub kyi yan lag la rab tu mi gnas/ bsam gtan dang rnam par thar pa dang ting nge 'dzin dang / snyoms par 'jug pa la rab tu mi gnas/ sdug bsngal dang kun 'byung ba dang 'gog pa dang lam la rab tu mi gnas/ zad pa dang mngon par 'du mi byed pa dang / mi skye ba shes pa la rab tu mi gnas/[ ]zhi gnas dang lhag mthong la rab tu mi gnas/ mngon par shes pa la rab tu mi gnas/ rig pa dang rnam par grol ba la rab tu mi gnas/ so so'i skye bo dang nyan thos dang rang sangs rgyas kyi sa la rab tu mi gnas/ so so'i skye bo dang nyan thos dang rang sangs rgyas dang sangs rgyas kyi chos la rab tu mi gnas/ mya ngan las 'das pa la rab tu mi gnas/ sangs rgyas kyi ye shes dang stobs dang mi 'jigs pa la rab tu mi gnas/ thogs pa med pa'i ye shes la rab tu mi gnas/ 'das pa dang ma 'ongs pa dang da ltar byung ba'i ye shes mthong ba la rab tu mi gnas/ sangs rgyas kyi zhing phun sum tshogs pa la rab tu mi gnas/ nyan thos bkod pa phun sum tshogs pa la rab tu mi gnas/ byang chub sems dpa' bkod pa phun sum tshogs pa la rab tu mi gnas so/ /de ci'i phyir zhe na/ rab kyi rtsal gyis rnam par gnon pa chos thams cad mi gnas pa'i phyir ro/ /rab kyi rtsal gyis rnam par gnon pa chos thams cad ni gnas med pa'o/ /de ci'i phyir zhe na/ rab kyi rtsal gyis rnam par gnon pa chos thams cad ni</font><hr>39.98a<br><font size=+1>

gzhi med pa ste gzhi med pa'i phyir mi gnas so/ /rab kyi rtsal gyis rnam par gnon pa gal te chos thams cad la gnas yod par gyur na ni chos rnams kyi gzhi yod pa 'am/ ther zug tu gnas par 'gyur te/ de bzhin gshegs pas kyang 'di ni chos rnams kyi rten/ 'di ni chos rnams kyi gzhi 'di ni chos rnams kyi bsags pa zhes chos thams cad kyi gnas ston par 'gyur ba zhig na/ rab kyi rtsal gyis rnam par gnon pa gang gi phyir chos thams cad mi gnas shing gzhi med pa dang / sogs pa med pa de'i phyir chos gang yang ther zug tu gnas pa med de de bas na de bzhin gshegs pas chos rnams kyi gnas dang gzhi dang sogs pa ma bstan to/ /rab kyi rtsal gyis rnam par gnon pa chos thams cad ni yongs su ma grub pa ste/ rang bzhin med pa'o/ /chos gang yang med cing yongs su ma grub pas chos rnams ni gang du yang mi gnas te/ de'i phyir chos thams cad ni mi gnas pa zhes bya'o/ /rab kyi rtsal gyis rnam par gnon pa gnas med pa'i tshul dang / rten med pa'i tshul gyis chos thams cad mi gnas pa ste/ rab kyi rtsal gyis rnam par gnon pa chos thams cad ni gnas pa med do/ /rab kyi rtsal gyis rnam par gnon pa 'di lta ste/ dper na chu bo chen po bzhi ni mtsho ma dros pa las 'bab ste/ mtsho chen po la ma thug bar rgyun mi 'chad do/ /rab kyi rtsal gyis rnam par gnon pa de bzhin du chos thams cad kyang mngon par 'du byed pa zad par ma gyur gyi bar du gnas pa med do/ /rab kyi rtsal gyis rnam par gnon pa mngon par 'du mi byed ces bya ba de la gnas kyang med gnas ma yin pa yang med / rgyun mi 'chad pa yang med de/ bgrang ba de thams cad de la med do/ /rab kyi rtsal gyis rnam par gnon pa gnas shes bya ba 'am/ rgyun chad ces bya ba 'am/ gnas med ces bya</font><hr>39.98b<br><font size=+1>

ba 'am/ mngon par 'du byed pa zhes bya ba de dag ni bgrang bar bstan pa'o/ /rab kyi rtsal gyis rnam par gnon pa gnas sam/ rten tam gzhi zhes bya ba de ni sems can rnams kyi ji ltar 'jug pa bstan pa byas pa'o/ /mngon par 'du byed pa med pa la ni bgrang ba 'di gang yang med de/ de'i phyir chos thams cad mi gnas pa zhes bya'o/ /rab kyi rtsal gyis rnam par gnon pa 'di ni shes rab kyi pha rol du phyin pa la spyod pa'i byang chub sems dpa'i chos thams cad la mi gnas par sbyor ba'o/ /rab kyi rtsal gyis rnam par gnon pa de ltar spyod pa'i byang chub sems dpa' ni myur du thams cad mkhyen pa nyid kyi chos rnams yongs su rdzogs par 'gyur/ bla na med pa yang dag par rdzogs pa'i byang chub la nye bar 'gyur/ myur du byang chub kyi snying por 'gro bar 'gyur/ myur du thams cad mkhyen pa'i me shes thob par 'gyur/ myur du 'das pa dang ma 'ongs pa dang da ltar byung ba'i ye shes yongs su rdzogs par 'gyur/ myur du sems can thams cad kyi sems bskyed pa dang / g.yos pa'i pha rol du 'gro bar 'gyur ro/ /rab kyi rtsal gyis rnam par gnon pa de bas na byang chub sems dpa' sems dpa' chen po sems can thams cad kyi don byed par 'dod pa dang / sems can thams cad la sbyin pa sbyin par 'dod pa dang / sems can thams cad la chos kyi sbyin pas tshim par byed par 'dod pa dang / sems can thams cad kyi ma rig pa'i sgo nga'i sbubs gcog par 'dod pa dang / sems can thams cad la ye shes chen po sangs rgyas kyi ye shes sgrub par 'dod pa dang / sems can thams cad la snying brtse bar 'dod pa dang / sems can thams cad la phan pa tshol bar 'dod pa dang / sems can thams cad la chos kyi lo legs par byed par 'dod pa dang / sems can thams cad la longs spyod kyi lo legs par byed par 'dod pa dang / sems can thams cad la</font><hr>39.99a<br><font size=+1>

tshul khrims kyi lo legs par byed par 'dod pa dang / sems can thams cad la bzod pa dang des pa'i lo legs par byed par 'dod pa dang / sems can thams cad la brtson 'grus kyi lo legs par byed par 'dod pa dang / sems can thams cad la bsam gtan gyi lo legs par byed par 'dod pa dang / sems can thams cad la shes rab kyi lo legs par byed par 'dod pa dang / sems can thams cad la rnam par grol ba'i lo legs par byed par 'dod pa dang / sems can thams cad la mtho ris su skye ba'i lo legs par byed par 'dod pa dang / sems can thams cad la rig pa dang rnam par grol ba'i lo legs par byed par 'dod pa dang / sems can thams cad la rig pa dang rnam par grol ba'i ye shes mthong ba'i lo legs par byed par 'dod pa dang / sems can thams cad la mya ngan las 'das pa'i lo legs par byed par 'dod pa dang / sems can thams cad la sangs rgyas kyi chos kyi lo legs par byed par 'dod pa dang / sems can thams cad la yon tan phun sum tshogs pa thams cad kyi lo legs par byed par 'dod pa dang / dge sbyong dang bram ze dang lha dang bdud dang gzhan sus kyang chos dang 'thun par sngon ma bskor ba'i chos kyi 'khor lo bskor bar 'dod pa dang / chos kyi gtam byed par 'dod pa dang / sangs rgyas kyi sar lung bstan par 'dod pa dang / nyan thos kyi sa la lung bstan par 'dod pa dang / rang sangs rgyas kyi sa la lung bstan par 'dod pa dang / sems can rnams kyi sngon gyi smon lam dang / dge ba'i rtsa ba bskul bar 'dod pas shes rab kyi pha rol du phyin pa 'di la bslab par bya/ brtson par bya 'bad par bya'o/ /shes rab kyi pha rol du phyin pa la bsgom par sbyor ba la brtson par bya'o/ /rab kyi rtsal gyis rnam par gnon pa ji ltar shes rab kyi pha rol du phyin pa bstan pa 'di la brtson pa dang / nan tan byed pa dang 'di lta ste/ shes rab kyi pha rol du phyin pa la gnas pa de mi 'dor ba las sangs rgyas kyi chos thams cad myur du yongs su rdzogs</font><hr>39.99b<br><font size=+1>

par byed pa de lta bu'i byang chub sems dpa' chos gzhan gang yang ngas ma mthong ngo / /rab kyi rtsal gyis rnam par gnon pa byang chub sems dpa' gang la la shes rab kyi pha rol du phyin pa 'di la spyod na/ byang chub sems dpa' de bla na med pa yang dag par rdzogs pa'i byang chub dang nye zhing der thug par rig par bya'o/ /rab kyi rtsal gyis rnam par gnon pa shes rab kyi pha rol du phyin pa 'di gang la la'i rna lam du thos pa dang / thos nas kyang mos pa dang mngon par dga' ba dang yang dag par 'du shes bskyed pa de dag kyang dge ba'i rtsa ba des bla na med pa yang dag par rdzogs pa'i byang chub 'grub par 'gyur ro zhes ngas bshad de der thug par yang rig par bya'o/ /rigs kyi bu 'am rigs kyi bu mo de dag ni tshogs chen po bsags pas dge ba'i rtsa ba gzhan yang yongs su bsdud par 'gyur ro/ /rab kyi rtsal gyis rnam par gnon pa shes rab kyi pha rol du phyin pa'i thabs la mkhas pa bstan pa'i le'u 'di byang chub sems dpa' gang dag gi lag tu song bar gyur pa de dag kha cig sangs rgyas bcom ldan 'das rnams kyis mngon sum du lung ma bstan kyang de dag ni lung bstan pa dang nye ste/ de dag ni ring po mi thogs par mngon sum du lung bstan pa thob par 'gyur bar rig par bya'o/ /rab kyi rtsal gyis rnam par gnon pa 'di lta ste/ dper na sems can gang dag dge ba bcu'i las kyi lam yang dag par bzung ste/ 'dug pa'i sems can de dag byang gi sgra mi snyan du skye ba dang nye ba ste/ der thug par rig par bya'o/ /rab kyi rtsal gyis rnam par gnon pa de bzhin du shes rab kyi pha rol du phyin pa 'di byang chub sems dpa' gang gi lag tu 'gro bar 'gyur ba de yang bla na med pa yang dag par rdzogs pa'i byang chub dang nye bar rig par bya'o/[ ]/rab kyi rtsal gyis rnam par gnon pa 'di lta ste/ dper na sems can gang dag sbyin pa sbyin zhing / lhug par gtong bar gyur la sems can rnams kyang sbyin pa dang / snyan par smra ba dang / don spyod pa dang / don 'thun pas kun du sdud cing tshul khrims kyang srung la nga rgyal bcom pa'i sems can de dag myur du rigs mthon po dang longs spyod chen por 'gyur te/ der thug par rig par bya'o/ /</font><hr>39.100a<br><font size=+1>

rab kyi rtsal gyis rnam par gnon pa 'di lta ste/ dper na sems can gang dag sbyin pa'i ngang tshul can du gyur pa/ tshul khrims phun sum tshogs par gyur pa/ bzod pa phun sum tshogs par gyur pa/ sems can la byams pa skyed pa/ sems can rnams kyang tshul khrims 'dzin du 'jug cing dbang por 'gyur ba'i las bsags pa de dag ni myur du 'khor los sgyur ba'i rgyal po byed par 'gyur bar rig par bya'o/ /rab kyi rtsal gyis rnam par gnon pa de bzhin du shes rab kyi pha rol du phyin pa 'di byang chub sems dpa' gang gi lag tu 'gro bar 'gyur ba de yang myur du byang chub kyi snying por 'gro bar rig par bya'o/ /rab kyi rtsal gyis rnam par gnon pa 'di lta ste/ dper na rgyal po rgyal rigs gang zla ba nya tshes bcwa lnga la don byed cing 'dug pa'i mdun du 'khor lo rin po che byung bar gyur na/ de nyid 'khor los sgyur bar 'gyur zhing / myur du de'i rin po che sna bdun thams cad kyang 'byung bar 'gyur bar rig par bya'o/ /rab kyi rtsal gyis rnam par gnon pa de bzhin du shes rab kyi pha rol du phyin pa'i le'u 'di byang chub sems dpa' gang gi lag tu 'gro bar 'gyur ba de myur du thams cad mkhyen pa'i dmigs pa dang ldan par 'gyur bar rig par bya'o/ /rab kyi rtsal gyis rnam par gnon pa 'di lta ste/ dper na sems can gang dag dge ba'i rtsa ba mchog dang ldan par gyur cing spyod pa yang bzang rgya chen po la yang mos par gyur la/ de dag mi'i lus la mi mthun par 'du shes 'jog cing / tshul khrims phun sum tshogs par gyur pa/ skye bo mang po'i bya ba byed par gyur pa lhar skye bar 'dod na/ de dag ni myur du rgyal chen bzhi'i ris kyi lha rnams dang skal pa mnyam par skye zhing de na yang dbang po byed par 'gyur bar rig par bya'o/ /rab kyi rtsal gyis rnam par gnon pa gang su dag dge ba'i rtsa ba yongs su dag pa dang / dge ba'i rtsa ba mchog dang ldan la/ sngar sbyin pa sbyin zhing phyis bdag spyod pa dang / sngar sems can gzhan dag gi bya ba byed de/[ ]phyis bdag gi byed pa dang / chos ma</font><hr>39.100b<br><font size=+1>

yin pa la 'dod cing / chags pa med pa dang / mi bzad pa'i 'dod pa dang / chags pa med pa dang / lha'i dbang po dang / bdag por 'dod pa de dag ni ring po mi thogs par mi g.yo mi bskyod par sum bcu rtsa gsum pa'i lha rnams kyi dbang po dang bdag po byed par 'gyur te/ lha'i dbang po brgya byin du yang 'gyur bar rig par bya'o/ /rab kyi rtsal gyis rnam par gnon pa de bzhin du shes rab kyi pha rol du phyin pa 'di byang chub sems dpa' gang la nye bar gyur pa de myur du chos thams cad la dbang byed pa'i dbang po rjes su thob par 'gyur zhing der thug par rig par bya'o/ /rab kyi rtsal gyis rnam par gnon pa 'di lta ste/ dper na sems can gang dag tshangs pa'i gnas pa bzhi rnyed par 'gyur ba de dag ni myur du tshangs pa'i 'jig rten du skye bar 'gyur bar rig par bya'o/ /rab kyi rtsal gyis rnam par gnon pa de bzhin du shes rab kyi pha rol du phyin pa 'di byang chub sems dpa' gang la nye bar gyur pa de myur du chos kyi 'khor lo bskor bar rig par bya'o/ /rab kyi rtsal gyis rnam par gnon pa 'di lta ste dper na dbyar gyi zla ba nye bar gnas pa nas chen po 'di sprin la brten nas snum par 'gyur zhing char mthar gyis bab pas bangs nas chu 'byung ste/ gang du chu mig mang po byung ba des sa chen po'i steng 'di tshim par byed de/ debazhin du sa chen po'i khong yang bangs par 'gyur/ steng 'di chus yog nas gang ljongs dang / thang rnams tshim par byed de/ de ltar sa chen po 'di thang sprin gyis bangs par byas pas rtswa dang shing gel pa dang / sman dang nags tshal rnams kyang ngoms par 'gyur ro/ /de dag ngoms pas yal ga dang lo ma dang 'dab ma mang po skye bar 'gyur/ me tog dang 'bras bu mang po yang 'chags par 'gyur ro/ /de'i tshe sa chen po 'dis yid du 'ong ba'i dri 'byin te/ de'i tshe sa chen po 'di me tog dang 'bras bu dang chu mig dang 'tshe'u dang lteng ka dag gis mdzes par byas par 'gyur/ de na mi dang mi ma yin pa rnams me tog dang 'bras bu de rnams la za zhing</font><hr>39.101a<br><font size=+1>

dri de dag la yang snom pas dga' bar 'gyur ro/ /rab kyi rtsal gyis rnam par gnon pa de bzhin du nam byang chub sems dpa' la shes rab kyi pha rol du phyin pa 'di mngon du gyur cing / shes rab kyi pha rol du phyin pa 'di la sbyor bar byed na/ rab kyi rtsal gyis rnam par gnon pa byang chub sems dpa' 'di ring po mi thogs par thams cad mkhyen pa'i ye shes kyis rlan par byas nas thams cad mkhyen pa'i ye shes rnam par 'byed par 'gyur/ thams cad mkhyen pa'i ye shes rab tu ston par 'gyur te/ des bla na med pa'i chos rin po che rab tu bstan pa'i phyir sems can rnams rlan par byed par rig par bya'o/ /rab kyi rtsal gyis rnam par gnon pa 'di lta ste/ dper na gang dag klu'i rgyal po ma dros pa'i gnas su skyes pa'i sems can de dag kyang klung chen po bzhi 'bebs shing rgya mtsho chen po 'gengs par 'gyur ro/ /rab kyi rtsal gyis rnam par gnon pa de bzhin du shes rab kyi pha rol du phyin pa 'di byang chub sems dpa' gang dag gi lag tu song zhing 'di la slob pa de dag thams cad kyang chos chen po'i rgyun rab tu 'bebs shing chos kyi sbyin pa des sems can thams cad la tshim par byed par 'gyur ro/ /rab kyi rtsal gyis rnam par gnon pa 'di lta ste/ dper na sems can gang dag ri'i rgyal po ri rab kyi drung du phyin pa de dag thams cad ni 'di lta ste/[ ]gser gyi kha dog tu kha dog gcig par 'gyur ro/ /rab kyi rtsal gyis rnam par gnon pa de bzhin du shes rab kyi pha rol du phyin pa bstan pa 'di byang chub sems dpa' gang gi lag tu song ba de dag thams cad kyang 'di lta ste/ de bzhin gshegs pa'i 'gro ba 'am/ thams cad mkhyen pa'i 'gro bar 'gro ba gcig tu 'gyur ro/ /rab kyi rtsal gyis rnam par gnon pa 'di lta ste/ dper na mtsho chen po rgya mtsho ni chu thams cad kun du 'dzin te der rtag tu chu thams cad 'bab bo/ /rab kyi rtsal gyis rnam par gnon pa de bzhin du shes rab kyi pha rol du phyin pa</font><hr>39.101b<br><font size=+1>

bstan pa 'di byang chub sems dpa' gang gi lag tu 'gro ba de myur du chos thams cad kyi rgya mtsho dang / chos thams cad kyi snod dang / chos thams cad yang dag par 'du bar 'gyur te/ myur du chos kyi brdas mi 'khrugs par 'gyur zhing der thug par rig par bya'o/ /rab kyi rtsal gyis rnam par gnon pa 'di lta ste/ dper na nyi ma'i dkyil 'khor shar na 'od thams cad mog mog por byed do/ /rab kyi rtsal gyis rnam par gnon pa de bzhin du shes rab kyi pha rol du phyin pa 'di la shar ba'i byang chub sems dpa' yang sems can thams cad la chos kyis snang bar byed par nye bar gnas par 'gyur te/[ ]rab kyi rtsal gyis rnam par gnon pa byang chub sems dpa' la 'di shar bas sems can thams cad kyi dge ba'i rtsa ba snang bar byed par nye bar gnas par 'gyur/ sems can thams cad kyi sbyin gnas su 'gyur/ sems can thams cad kyi bsod nams kyi zhing rnam par dag par 'gyur/ sems can thams cad kyi 'gro bar bya bar 'gyur/ sems can thams cad kyis mchod par 'gyur/[ ]rab tu ston par 'gyur ro rab kyi rtsal gyis rnam par gnon pa shes rab kyi pha rol du phyin pa 'di la slob pa'i byang chub sems dpa' ni byang chub sems dpa' mchog la slob pa'o/ /sems can thams cad kyi mya ngan las 'das pa'i lam rnam par sbyang ba'i phyir slob pa'o/ /de ci'i phyir zhe na/ rab kyi rtsal gyis rnam par gnon pa shes rab kyi pha rol du phyin pa'i bslab pa de ni mchog dam pa/ rab phul du byung ba bla na med pa'i bslab pa'o/ /rab kyi rtsal gyis rnam par gnon pa 'di la slob pa'i byang chub sems dpa' ni bslab pa thams cad kyi dam pa'i mchog rnyed par 'gyur ro/ /bslab pa thams cad bzung bas 'byung bar 'gyur/ bslab pa thams cad kyang ston par 'gyur/ bslab pa thams cad kyang thob par byed par 'gyur ro/ /rab kyi rtsal gyis rnam par gnon pa 'das pa dang / </font><hr>39.102a<br><font size=+1>

ma 'ongs pa dang da ltar byung ba'i sangs rgyas bcom ldan 'das byang chub sems dpa'i spyad pa spyod pa ni bslab pa 'di la bslabs so/ /slob bo slob par 'gyur ro/ /sangs rgyas bcom ldan 'das rnams bslab pa 'di la shin du gnas nas sems can thams cad la bla na med pa'i bslab pa yongs su dag pa rab tu bstan/ yang dag par rab tu ston/ yang dag par rab tu ston par 'gyur ro/ /de ci'i phyir zhe na/ rab kyi rtsal gyis rnam par gnon pa 'di lta ste/ shes rab kyi pha rol du phyin pa'i bslab pa 'di ni 'jig rten thams cad las mngon par 'phags pa'i bslab pa yin pa'i phyir ro/ /'di lta ste/ shes rab kyi pha rol du phyin pa'i bslab pa ni 'jig rten thams cad kyi mchog /'jig rten thams cad na rang byung gi bslab pa'o/ /rab kyi rtsal gyis rnam par gnon pa shes rab kyi pha rol du phyin pa la slob pa'i byang chub sems dpa' ni 'jig rten pa dang 'jig rten las 'das pa dang 'dus byas dang 'dus ma byas dang / zag pa dang bcas pa dang zag pa med pa dang /[ ]kha na ma tho ba dang bcas pa dang / kha na ma tho ba med pa dang / chos gang la yang slob par mi 'gyur/ gang du yang chags pa mi bskyed de/ chos thams cad la mi chags par gnas par 'gyur ro/[ ]/de ci'i phyir zhe na/ rab kyi rtsal gyis rnam par gnon pa chos thams cad chags pa med bcings pa med grol ba med de/ chos gang yang 'du bar ram/ bcings pa nye bar gnas pa ma yin pa'i phyir ro/ /rab kyi rtsal gyis rnam par gnon pa gzugs ni ma chags/ ma bcings ma grol ba'o/ /tshor ba dang 'du shes dang 'du byed rnams dang / rnam par shes pa yang ma chags/ ma bcings ma grol ba'o/ /ming dang gzugs kyang ma chags ma bcings ma grol ba'o/ /phyin ci log dang sgrib pa dang lta bar gyur pa yang ma chags ma bcings ma grol ba'o/ /'dod chags dang zhe sdang dang gti mug kyang ma chags ma bcings ma grol ba'o/ /nang gi skye mched drug kyang ma chags ma bcings ma grol ba'o/ /phyi'i skye mched drug kyang ma chags ma bcings ma grol ba'o/ /'dod pa dang</font><hr>39.102b<br><font size=+1>

gzugs dang gzugs med pa'i khams kyang ma chags/ ma bcings ma grol ba'o/ /bdag gi khams dang sems can gyi khams kyang ma chags ma bcings ma grol ba'o/ /rten cing 'brel par 'byung ba yang ma chags ma bcings ma grol ba'o/ /kun nas nyon mongs pa dang rnam par byang ba yang ma chags ma bcings ma grol ba'o/ /de bzhin du gtong ba dang ser sna dang tshul khrims dang 'chal pa'i tshul khrims dang bzod pa dang gnod sems dang brtson 'grus dang le lo dang / bsam gtan dang rnam par g.yeng ba dang / shes rab dang 'chal pa'i shes rab kyang ma chags ma bcings ma grol ba'o/ /sdug bsngal dang kun 'byung ba dang / 'gog pa dang / lam yang ma chags ma bcings ma grol ba'o/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / tshad med pa dang phyin ci ma log pa yang ma chags ma bcings ma grol ba'o/ /dbang po dang stobs dang / byang chub kyi yan lag dang / ting nge 'dzin dang /[ ]snyoms par 'jug pa yang ma chags ma bcings ma grol ba'o/ /sa dang chu dang me dang rlung dang / nam mkha' dang / rnam par shes pa'i khams kyang ma chags/ ma bcings ma grol ba'o/ /mi skye ba dang / zad pa dang /[ ]mngon par 'du mi byed pa shes pa yang ma chags ma bcings ma grol ba'o/ /rig pa dang rnam par grol ba yang ma chags/ ma bcings ma grol ba'o/ /mngon par shes pa yang ma chags/ ma bcings ma grol ba'o/ /rnam par grol ba'i ye shes mthong ba yang ma chags ma bcings ma grol ba'o/ /so so'i skye bo dang /[ ]nyan thos dang rang sangs rgyas kyi chos kyang ma chags ma bcings ma grol ba'o/[ ]/mya ngan las 'das pa yang ma chags ma bcings ma grol ba'o/ /sangs rgyas kyi ye shes dang stobs dang mi 'jigs pa yang ma chags ma bcings ma grol ba'o/ /'das pa dang ma 'ongs pa dang da ltar byung ba la thogs pa med pa'i ye shes mthong ba yang ma chags ma bcings ma grol ba'o/ /de ci'i phyir zhe na/[ ]rab kyi rtsal gyis rnam</font><hr>39.103a<br><font size=+1>

par gnon pa chos thams cad la bcing ba mi dmigs pas chos thams cad ni chags pa med bcings pa med do/ /de'i phyir de dag gi grol ba mi dmigs so/ /rab kyi rtsal gyis rnam par gnon pa chags pa med ces bya ba ni de dag la dgrol ba gang yang med mod kyi 'on kyang gang de ltar chos rnams mthong ba de ni chags pa med pa'i ye shes mthong ba zhes bya'o/ /rab kyi rtsal gyis rnam par gnon pa mi chags shes bya ba ni chags pa mi dmigs shing chags pa med pa la chags pa yang dag pa'i ma yin pa'i phyir chags pa med pa zhes bya ste/ de la ni gang chags par 'gyur ba 'am/ 'ching bar 'gyur ba ci yang mi dmigs so/ /gang gi phyir gang chags par 'gyur ba dang 'ching bar 'gyur ba mi dmigs pa de'i phyir mi chags pa zhes bya'o/ /rab kyi rtsal gyis rnam par gnon pa rtogs pa med ces bya ba ni rtogs pa mi da migs shing rtogs pa yod pa ma yin pa'i phyir rtogs pa med pa zhes bya ste/ de la ni rtogs par 'gyur ba ci yang med do/ /de la gang rtogs pa ci yang mi dmigs te/ gang gi phyir gang rtogs pa mi dmigs pa de'i phyir rtogs pa med pa zhes bya'o/ /gang chags pa med cing rtogs pa med pa de la rnam par grol ba ga la yod/ gang chags par mi 'gyur 'ching bar mi 'gyur ba ni grol ba bral ba/ bsil bar gyur pa rab tu rnam par grol ba ste/ de la ni phyir yang rtogs par bya ba gang yang med pas de'i phyir grol ba zhes bya ste/ de la thar pa yang med do/ /rab kyi rtsal gyis rnam par gnon pa 'di ni shes rab kyi pha rol du phyin pa la spyod pa'i byang chub sems dpa' chos thams cad ma chags ma bcings ma grol ba'i ye shes mthong ba la 'jug pa'o/ /rab kyi rtsal gyis rnam par gnon pa de ltar spyod pa'i byang chub sems dpa' ni bla na med pa yang dag par rdzogs pa'i byang chub la nye bar 'gyur/ myur du thams cad mkhyen pa'i ye shes</font><hr>39.103b<br><font size=+1>

thob par 'gyur ro/ /rab kyi rtsal gyis rnam par gnon pa shes rab kyi pha rol du phyin pa la brtson pa shes rab kyi pha rol du phyin pa la spyod pa'i byang chub sems dpa' thams cad kyi the tshom gcod pa'i phyir ngas phyag rgya 'di bzhag go/ /rab kyi rtsal gyis rnam par gnon pa phyi ma'i tshe phyi ma'i dus lnga brgya pa tha ma la nga'i nyan thos rnams shes rab kyi pha rol du phyin pa 'di 'dzin mi nus pa'i phyir ngas phyag rgya 'di bstan cing byin gyis brlabs so/ /de nas bcom ldan 'das kyis bzang skyong dang / ded dpon bzang po la sogs pa byang chub sems dpa' lnga brgya dang / byang chub sems dpa' sems dpa' chen po rab kyi rtsal gyis rnam par gnon pa la bka' stsal pa/ rigs kyi bu dag khyed kyis de bzhin gshegs pa yongs su mya ngan las 'das nas phyi ma'i tshe phyi ma'i dus dam pa'i chos nub cing rab tu rnam par 'jig ste/ zad par 'gyur ba'i dus na de bzhin gshegs pas bskal pa bye ba khrag khrig 'bum phrag mang por yang dag par bsgrubs pa'i chos rin po che'i mdzod/ shes rab kyi pha rol du phyin pa sngon du 'gro ba shes rab kyi pha rol du phyin pa 'byung ba shes rab kyi pha rol du phyin pa'i gnas 'di gzung ba dang gzhan la yang rgya cher yang dag par ston nus sam/ de skad ces bka' stsal pa dang / bcom ldan 'das la byang chub sems dpa' de dag gis 'di skad ces gsol to/ /bcom ldan 'das bdag cag gis de bzhin gshegs pas bskal pa bye ba khrag khrig 'bum phrag mang por yang dag par bsgrubs pa bla na med pa'i chos rin po che'i mdzod shes rab kyi pha rol du phyin pa'i sngon du 'gro ba shes rab kyi pha rol du phyin pa 'byung ba shes rab kyi pha rol du phyin pa'i gnas 'di gzung ba dang / gzhan dag la yang rgya cher yang dag par rab tu ston pa'i rngo thogs lags so/ /bcom ldan 'das dus de ni 'jigs pa chen po mya ngan chen po ma rungs pa chen por 'gyur</font><hr>39.104a<br><font size=+1>

te/ sems can chos kyis phongs par 'gyur ba'i las dang ldan pa phal cher 'byung / log par chags/ shing brkam pa/ log pa'i 'dod chags kyis chags pa/ chos ma lags pa la 'dod chags kyis chags pa/ phrag dog dang 'dod pas yongs su zin pa'i sems dang ldan pa/ khro ba gtum pa/ brlang ba bka' blo mi bde ba/ g.yon can mi srun pa sgyu can/ chos ma lags pa spyod pa dang / 'thab pa dang /[ ]rtsod pa dang mtshang 'dru ba dang / 'dreg pa mang ba/ sdom pa la mi gnas pa/ 'dod pa dang / brkam pa'i zil gyis gnon pa/ le lo can/[ ]brtson 'grus chung ba/ dran pa nyams pa/ shes bzhin can ma lags pa/[ ]gcam bu mu cor smra ba/ kha bar can/ sdig pa'i las khong na sbed cing /[ ]'chab pa/ 'dod chags dang / zhe sdang dang gti mug che ba/ ma rig pa'i sgo nga'i sbubs dang / gti mug gi mun nag gi zil gyis gnon pa/[ ]bdud kyi phyogs dang 'thun par spyod pa/ chos 'dul ba zab mo chos rin po che'i mdzod 'di la phyir rgol ba 'byung / mi stsu ba'i ngang tshul can 'byung lags mod kyi/ bcom ldan 'das bdag cag rnams de bzhin gshegs pas bskal pa bye ba khrag khrig 'bum phrag mang por dge ba'i rtsa ba bsgrubs pa bla na med pa'i chos rin po che'i mdzod 'di 'dzin cing klog par spro lags so/ /gang dag tha ma'i dus de na chos 'di tshol ba chos 'di la slob 'tshal ba/ g.yo ma mchis pa drang ba/ sgyu ma mchis pa gang srog gi phyir yang mi gtong ba/ chos 'di lta bu la mi rgol ba chos kyi rnam grangs 'di spong bar mi 'gyur ba/ chos kyi rnam grangs 'di la rgyab kyis phyogs par mi 'gyur ba ni rab tu nyung bar 'gyur te/[ ]de dag gi don bgyi zhing spro ba bsal nas/ chos 'di lta bu la yang dag par gzeng stod par bgyi/ yang dag par rab tu dga' bar bgyi lags so/ /de nas bcom ldan 'das de'i dus na chos kyi gnas shes rab kyi pha rol du phyin pa bstan pa 'di byin gyis brlabs te chos kyi rnam grangs 'di la bdud sdig can rnams kyi zhags pa</font><hr>39.104b<br><font size=+1>

gcad pa'i phyir byin gyis brlab pa mdzad do/ /de nas bcom ldan 'das 'dzum pa mdzad pa dang / stong gsum gyi stong chen po'i 'jig rten gyi khams 'di snang ba chen pos khyab par gyur to/ /lha rnams kyis kyang mi mthong / mi rnams kyis kyang lha mthong ngo / /gang der 'dus pa'i lha dang / klu dang gnod sbyin dang dri za dang lha ma yin dang / nam mkha' lding dang mi 'am ci dang / lto 'phye chen po de dag thams cad kyis lha'i me tog bcom ldan 'das la gtor/ lha'i gos kyang phul nas sgra skad chen po phyung ste/ a la la de bzhin gshegs pas bdud sdig can rnams kyi spyod yul ma lags pa byin gyis brlabs pa 'di ni byin gyis rlabs chen po lags te/[ ]chos kyi byin gyi rlabs 'dis bdud kyi zhags pa thams cad bkum mo/ /rigs kyi bu 'am rigs kyi bu mo de dag bdud sdig can gyis 'jigs so snyam du dogs par mi bgyi'o/ /gang chos kyi rnam grangs 'di 'dzin pa dang klog pa dang gzhan dag la yang rgya cher yang dag par rab tu ston pa'i byang chub sems dpa' de dag ni bdud sde dang bcas pa las rgal bar 'gyur lags so/ /gang chos kyi rnam grangs 'di 'dzin pa dang / klog pa dang gzhan la yang rgya cher yang dag par ston pa de dag ni bdud sdig can sde dang bcas pa las rgyal bar 'gyur ro/ /de nas bcom ldan 'das kyis byang chub sems dpa' rab kyi rtsal gyis rnam par gnon pa la 'di skad ces bka' stsal to/ /de de bzhin no/ /rab kyi rtsal gyis rnam par gnon pa de de bzhin te/ lha'i bu de dag gis tshig ji skad smras pa bzhin te/ rab kyi rtsal gyis rnam par gnon pa de bzhin gshegs pas chos kyi rnam grangs 'di la bdud sdig can rnams kyi mtshams bcad do/ /rab kyi rtsal gyis rnam par gnon pa rigs kyi bu 'am rigs kyi bu mo gang chos kyi rnam grangs 'di 'dzin pa dang 'chang ba dang klog pa dang gzhan la yang rgya cher yang dag par rab tu ston pa de dag ni bdud sdig can</font><hr>39.105a<br><font size=+1>

rnams kyi spyod yul du mi 'gyur te/ rigs kyi bu dang rigs kyi bu mo de dag ni bdud sdig can rnams kyis mi tshugs par 'gyur ro/ /gang dag chos kyi rnam grangs 'di 'dzin pa dang 'chang ba dang klog pa dang gzhan dag la yang rgya cher yang dag par rab tu ston pa de dag ni bdud dang phyir rgol ba choms par 'gyur/ g.yul las rgyal bar 'gyur ro/ /rab kyi rtsal gyis rnam par gnon pa chos kyi rnam grangs 'di ni kun nas nyon mongs pa can dang bdud kyi zhags pas bcings pa'i sems can rnams kyi lag tu 'gro bar mi 'gyur te/ rab kyi rtsal gyis rnam par gnon pa 'di ni cang shes pa rnams kyis yin gyi cang shes pa ma yin pa rnams kyis ma yin no/ /rab kyi rtsal gyis rnam par gnon pa 'di lta ste dper na glang po che cang shes dang rta cang shes gang yin pa de dag ni khams kyi rgyal po rnams kyis yongs su spyod pa mi byed do/ /de dag ni skye bo gtum po rnams kyis mthong bar yang mi 'gro'o/ /rab kyi rtsal gyis rnam par gnon pa glang po che cang shes dang rta cang shes de lta bu ni 'khor los sgyur ba'i rgyal pos mthong ba nye bar 'gro ste/ de dag gi longs spyod dang bsnyen bkur bya ba dang yongs su spyad pa'i phyir yang mngon par byung bas de dag ni 'khor los sgyur ba'i rgyal po rnams kyi yongs su spyod par 'gyur ro/ /rab kyi rtsal gyis rnam par gnon pa de bzhin du 'di lta bu'i chos kyi rnam grangs 'di ni mi cang shes kyi sems can rnams kyi longs spyod kyi phyir lag tu 'gro bar 'gyur ro/ /rab kyi rtsal gyis rnam par gnon pa 'di lta ste dper na klu'i rgyal po nyer rtsi dang klu'i rgyal po rab gnas dang klu'i rgyal po sa srung gi bu dang / de dag ni mi rnams kyi longs spyod kyi phyir nye bar mi 'gro/[ ]mi rnams kyis mthong bar nye bar mi 'gro /de dag ni gzhan gyi nye bar spyod pa dang longs spyod kyi phyir yang nye bar mi 'gro yi klu'i rgyal po da dag ni lha cang shes rnams kyi longs spyod kyi phyir nye bar 'gro'o/ /ji lta ji lta bur lha'i dbang po brgya byin bkod pa byas nas 'gro ba na/ </font><hr>39.105b<br><font size=+1>

klu'i rgyal po de dag kyang de lta de lta bur de 'dra ba'i bkod pa byas nas longs spyod kyi phyir nye bar 'gro'o/ /rab kyi rtsal gyis rnam par gnon pa de bzhin du chos kyi rnam grangs 'di ni 'di lta ste/ mi'i dbang po mi cang shes rnams kyis klog pa dang bshad pa dang rab tu bstan pa'i nye bar spyod pa dang longs spyod du 'gyur te/ chos kyi rnam grangs 'di ni de dag gi bkod pa chen po dang rgyas pa chen po dang chos kyi snang ba byed par 'gyur/ de dag chos kyi rnam grangs 'di la chos kyi dga' ba bdun po myong bar 'gyur ro/ /gang chos kyi rnam grangs 'di las tshul gcig tsam 'dzin pa de dag kyang mchog tu dga' ba dang ldan par 'gyur na gang thams cad rdzogs par bris pa dang 'dzin pa dang 'chang ba dang mchod pa dang rgyas par byed pa lta ci smos/ chos kyi rnam grangs 'dis mi'i dbang po dang mi cang shes de dag bzung bar 'gyur ro/ /'di ni cang shes ma yin pa rnams kyi spyod yul ma yin no/ /rab kyi rtsal gyis rnam par gnon pa 'di ni the tshom thams cad gcod pa'i phyir ngas de dag smras so/ /chos kyi rnam grangs 'di bshad pa na/ byang chub sems dpa' du ma dpag tu med pa dag gis mi skye ba'i chos la bzod pa thob par gyur to/ /sems can grangs med dpag tu med pa dag gis bla na med pa yang dag par rdzogs pa'i byang chub tu sems bskyed de/[ ]de dag byang chub tu nges par 'gyur ba de bzhin gshegs pas bstan to/ /bcom ldan 'das kyis de skad ces bka' stsal nas/ byang chub sems dpa' sems dpa' chen po rab kyi rtsal gyis rnam par gnon pa dang / 'khor bzhi dang / lha dang mi dang lha ma yin dang klu dang gnod sbyin dang dri za dang / nam mkha' lding dang / mi 'am ci dang / lto 'phye chen po dang bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /phan yon gyi le'u zhes bgyi ste bdun pa'o//[  ]//'phags pa rab kyi rtsal gyis rnam par gnon pas zhus pa/ shes rab kyi pha rol du phyin pa rdzogs so// //rgya gar gyi mkhan po shI len dra bo d+hi dang / dzi na mi tra dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa//[ ]// </font><hr>

</table>