J139

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J139</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J139&coll=lithang">see text in Tibetan script</a></table>56.282b<br><font size=+1>

@#/ /rgya gar skad du/ Ar+ya a ba lo ka na ni nA ma ma hA yA na sU tra/  bod skad du/  'phags pa spyan ras gzigs zhes bya ba theg pa chen po'i mdo/  sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bzhugs te/ de nas bcom ldan 'das kyis byang chub sems dpa' blo gros rnam par dag pa la bka' stsal pa/ blo gros rnam par dag pa tshul khrims yongs su dag pas/ de bzhin gshegs pa yongs su dag go/ /blo gros rnam par dag pa ting nge 'dzin yongs su dag pa dang / bzod pa yongs su dag pa dang / </font><hr>56.283a<br><font size=+1>

phan pa'i dngos po yongs su dag pas de bzhin gshegs pa yongs su dag go/ /blo gros rnam par dag pa byams pa yongs su dag pas de bzhin gshegs pa yongs su dag go/ /blo gros rnam par dag pa snying rje yongs su dag pas de bzhin gshegs pa yongs su dag go/ /blo gros rnam par dag pa dga' ba yongs su dag pa dang / btang snyoms yongs su dag pas de bzhin gshegs pa yongs su dag go/ /blo gros rnam par dag pa rnam par grol ba yongs su dag pa dang / rnam par grol ba'i ye shes yongs su dag pas de bzhin gshegs pa yongs su dag go/ /blo gros rnam par dag pa stobs yongs su dag pas de bzhin gshegs pa yongs su dag go/ /blo gros rnam par dag pa mi 'jigs pa yongs su dag pa dang / sangs rgyas kyi chos yongs su dag pa dang / rnam pa thams cad mkhyen pa'i ye shes yongs su dag pas de bzhin gshegs pa yongs su dag go/ /blo gros rnam par dag pa de ltar de bzhin gshegs pa yongs su dag pa la su zhig me tog dang / phreng ba dang / spos dang / gdugs dang / rgyal mtshan dang / ba dan dang / rol mo'i sgra dang / byug pa rnams kyis sti stang byed pa de'i bsod nams kyi phung po'i mtha' rtogs par mi nus te/ de'i mtha' ni theg pa gsum po las theg pa gang yang rung bas mya ngan las 'das pa'i mthar thug pa ma gtogs par bsod nams kyi phung po de phyi ma'i mthar yang zad par mi nus so/ /de ci'i phyir zhe na/ blo gros rnam par dag pa ji ltar de bzhin gshegs pa sangs rgyas kyi chos thams cad kyis tshad med pa de bzhin du de bzhin gshegs pa la yon phul ba yang tshad med do/ /mtha' yas so/ /bsam gyis mi khyab po/ /mtshungs pa med do/ /dpag tu med do/ /grangs med do/ /dpag gis mi lang ngo / /brjod du med do/ /blo gros rnam par dag pa su zhig de bzhin gshegs pa</font><hr>56.283b<br><font size=+1>

de ltar bzhugs te/ 'tsho zhing gzhes pa la sti stang byed pa dang / bla mar byed pa dang / ri mor byed pa dang / mchod pa dang / rjed pa dang / phyi ma'i tshe phyi ma'i dus lnga brgya tha ma la su zhig de bzhin gshegs pa yongs su mya ngan las 'da' ba'i ring bsrel yungs 'bru tsam la sti stang byed pa dang / bla mar byed pa dang / ri mor byed pa dang / mchod pa dang / rjed pa dang / yang dag par sems nye bar gzhag ste byang chub tu gzhol ba'i sems bskyed pas phyag 'tshal ba dang / phyag byed pa dang / sti stang byed pa dang / bla mar byed pa dang / ri mor byed pa dang / mchod pa dang / rjed pa dang / gsol ba dang / sngags pa dang / skor ba byed pa des phan yon lnga yongs su bzungs bar 'gyur te/ lnga gang zhe na/ dran pa dang ldan par 'gyur ba dang / rtogs pa dang ldan par 'gyur ba dang / ngo tsha shes shing khrel yod pa dang ldan par 'gyur ba dang / myur du sangs rgyas bcom ldan 'das mthong bar 'gyur ba dang / mthong nas kyang dad pa skyed par 'gyur ba ste phan yon lnga po de dag yongs su gzung bar 'gyur ro/ /de chos bzhi dang ldan par 'gyur te/ bzhi gang zhe na/ de bzhin gshegs pa'i bstan pa 'dzin pa dang / de yang ji skad bstan pa bzhin du bsgrub pa dang / bsgrubs nas kyang sangs rgyas bcom ldan 'das rnams dang nye bar 'gyur ba dang / myur du sangs rgyas kyi zhing yongs su dag par skye bar 'gyur ba ste/ chos bzhi po de dag go/ /blo gros rnam par dag pa byang chub sems dpa' chos bzhi dang ldan na bdud dam bdud kyi ris kyi lha'i bu rnams kyis mi brdzi bar 'gyur te/ bzhi gang zhe na/ rigs mtho zhing rigs che ba dang / btsas ma thag tu sangs rgyas bcom ldan 'das rnams yid la byed pa dang / phyi ma'i dus na dam pa'i chos 'dzin pa dang / rtag tu de bzhin gshegs pa dgra bcom pa yang dag par rdzogs pa'i sangs rgyas rnams kyis byin gyis brlabs par 'gyur</font><hr>56.284a<br><font size=+1>

ba ste/ blo gros rnam par dag pa byang chub sems dpa' chos bzhi po de dag dang ldan na bdud dam bdud kyi ris kyi/ lha'i bu rnams kyis mi brdzi bar 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /srog chags kun la phan pa'i phyir/ /byang chub tu ni sems bskyed nas/ /'jig rten mgon gyi mchod rten la/ /su zhig skor ba byed pa ni/ /tshe rabs dag ni thams cad du/ /byang chub spyad pa spyod pa'i tshe/ /dran dang ldan zhing blo gros ldan/ /bsod nams ldan zhing 'jigs med 'gyur/ /mchod rten bskor ba byas na ni/ /tshe rabs dag ni thams cad du/ /lha dang klu dang gnod sbyin dang / /srin po rnams kyis mchod par 'gyur/ /ngas ni gang dag bstan pa yi/ /mi khom brgyad po de dag spong / /sangs rgyas 'byung ba rab mdzes pa/ /mnyes par byed 'di dal ba gcig /mdog ldan gzugs ni phun sum tshogs/ /mtshan gyis legs par brgyan pa dang / /mthu dang stobs dang ldan par 'gyur/ /le lo can du de mi 'gyur/ /de ni phyug cing nor cher 'gyur/ /bsod nams ldan zhing rdzi ba med/ /'jig rten sgron ma mnyes byas nas/ /yang dang yang du sti stang byed/ /bdag med stong pa'i chos thos nas/ /de ni chos la rmongs mi 'gyur/ /myur du dad pa 'thob 'gyur zhing / /chos don ji bzhin mkhas par 'gyur/ /tshong dpon khyim dang rgyas pa dang / /phyug po rnams su skye bar 'gyur/ /dpa' zhing sbyin pa'i bdag por 'gyur/ /gtong ba btang zhing ser sna med/ /'dzam bu'i gling na gang yang rung / /khyad par can gyi rigs mdzes pa/ /der ni brtan pa de skye ste/ /dma' ba dag ni rnam par spangs/ /mchod rten bskor ba byas na ni/ /skye ba thams cad kun du yang / /dbang cher grags pa'i khyim bdag dang / /dpal dang gzi brjid ldan par 'gyur/ /bram ze sA la che 'dra dang / /tshul</font><hr>56.284b<br><font size=+1>

khrims ldan zhing mang thos dang / /rgyal rigs sA la che 'dra dang / /phyug cing nor chen ldan par 'gyur/ /ris bskor rgya mtsho tshun chad kyi/ /sa kun la ni gang smon pa/ /gling bzhi dag gi dbang phyug bla/ /rgyal po chos dang ldan par 'gyur/ /'khor los sgyur ba rdzu 'phrul che/ /rin chen bdun dang ldan par 'gyur/ /rgyal srid gnas nas sangs rgyas la/ /yang dang yang du sti stang byed/ /'di nas shi 'phos mtho ris su/ /song nas sangs rgyas bstan la dad/ /lhun po'i zom gyi dbang phyug po/ /lha yi dbang po brgya byin 'gyur/ /lha dbang shin du 'thab bral dang / /de bzhin du ni dga' ldan dang / /lha dbang shin du 'phrul dga' dang / /dbang sgyur 'jigs pa med par 'gyur/ /mchod rten bskor ba byas na ni/ /de ni tshangs pa'i 'jig rten du/ /tshangs pa'i dbang phyug mkhas 'gyur zhing / /lha rnams bye bas mchod par 'gyur/ /'jig rten mgon gyi mchod rten la/ /mi gang skor ba byed pa yi/ /bsngags pa bskal pa bye bar yang / /brjod pas zad par bya mi nus/ /su zhig byang chub sems bskyed nas/ /ston pa'i mchod rten phyag 'tshal ba/ /de ni bskal pa bye bar yang / /nams kyang long zhing 'theng mi 'gyur/ /'jig rten mgon gyi mchod rten la/ /mngon du skor ba byed pa ni/ bung ba sngon po mdzes 'dra yi/ /rnam par dag pa'i mig 'thob 'gyur/ /mchod rten bskor ba byas na ni/ /de ni nges par rtag tu yang / /'thun pa'i don kun thob 'gyur zhing / /don min rnams ni spangs bar 'gyur/ /mchod rten bskor ba byas na ni/ /mthu dang stobs dang ldan par 'gyur/ /de ni le lo med 'gyur zhing / /rtag tu bag yod ldan par 'gyur/ /mchod rten bskor bar byas na ni/ /brtson 'grus brtan zhing mthu brtan la/ /brtan zhing rnam par gnon brtan dang / /de ni myur du mkhas par 'gyur/ /me dang dug dang mtshon gyis de/ /</font><hr>56.285a<br><font size=+1>

nams kyang 'chi dus byed mi 'gyur/ /mkhas pa tshe ni rdzogs rdzogs su/ /zad par byas nas 'chi dus byed/ /mchod rten bskor ba byas na ni/ /pho brang 'khor dang yul 'khor dang / /grong rdal rnams su longs spyod dang / /gzugs kyis khyad par 'phags par 'gyur/ /byang chub spyad pa spyod pa'i tshe/ /de ni 'dod pa mi brten cing / /lus kyang gtsang la gos gtsang zhing / /gtsang ma'i chos la gnas par 'gyur/ /blo gros rnam par dag pa byang chub sems dpa'i theg pa la yang dag par zhugs pa gang dag gis de bzhin gshegs pa'i mchod rten mthong nas dad pa bskyed de/ pus mo gnyi ga'i lha nga sa la gtsugs nas phyag 'tshal zhing phyag byed de/ de bzhin gshegs pa skyes bu chen po'i mtshan sum bcu rtsa gnyis kyis sku legs par brgyan pa de ci 'dra bar bdag gi lus kyang de 'dra bar gyur cig ces de la mos pa skyed na/ blo gros rnam par dag pa bsod nams kyi phung po de'i mtha' brjod par mi nus te/ bla na med pa yang dag par rdzogs pa'i byang chub la gnas pa'i phyir ro/ /bsod nams kyi phung po de ni rgyal po nyid dam/ brgya byin nyid dam/ tshangs pa nyid dam/ rang sangs rgyas nyid dam/ yang dag par rdzogs pa'i sangs rgyas kyi theg pa bla na med pas kyang zad par bya bar mi nus so/ /de ci'i phyir zhe na/ blo gros rnam par dag pa rigs kyi bu des bsod nams kyi phung po bsam gyis mi khyab pa yongs su bzung ba'i phyir te/ blo gros rnam par dag pa 'di lta ste/ dper na de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas pa grong khyer ram/ gtsug lag khang ngam/ grong du 'jug kyang rung / 'chag kyang rung / 'greng yang rung / 'dug kyang rung / chos ston kyang rung / stong gsum gyi stong chen po'i 'jig rten gyi khams na sems can lha'i</font><hr>56.285b<br><font size=+1>

'am/ klu 'am/ gnod sbyin nam/ dri za 'am/ lha ma yin nam/ nam mkha' lding ngam/ mi 'am ci 'am/ lto 'phye chen po 'am/ mi 'am/ mi ma yin pa 'am/ sems can gyi grangs su ma gtogs pa shing ngam/ ri 'am/ khung bu 'am/ bu ga 'am/ bya skyibs kyang rung ste/ de bzhin gshegs pa ga la ba de logs su 'dud pa dang / rab tu 'dud pa dang / kun tu 'dud pa mi phyed pa de gang yang med de/ ji ltar de bzhin gshegs pa dge ba'i rtsa ba thams cad dang ldan pa la byed pa de bzhin du/ rigs kyi bu de dag grong ngam/ grong khyer ram/ grong rdal lam/ yul 'khor ram/ pho brang 'khor na rgyu ba la sems can rnams 'dud/ rab tu 'dud/ kun tu 'dud par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /'jig rten sangs rgyas ji ltar 'gyur zhes mos pa bskyed/ /sangs rgyas mchod rten la ni pus mo gnyis 'dzugs dang / /su zhig byang chub gzhol nas phyogs rnams kun 'gro ba/ /de 'gro tshe na 'jig rten gsum po 'dud pa byed/ /mi rnams gtso bo rang byung gang du 'gro byed pa/ /de logs su ni rtswa dang shing dang sdong bcug dang / /sman dang shing lo rnams dang 'bras bu 'dab ma dang / /yid 'ong dri ldan me tog rnams ni 'dud par 'gyur/ /bcom ldan mchod rten rnams la pus mo gtsugs pa ni/ /de la mi yi dbang po kun kyang 'dud par 'gyur/ /gnod sbyin dbang dang klu dang lha yi rgyal po dang / /tshangs pa'i dbang po thams cad rkang par gtugs par byed/ /bcom ldan mchod rten rnams la pus gtsugs phyag byas na/ /dpa' zhing stobs dang ldan pa'i 'khor los sgyur bar 'gyur/ /gser gyi mdog ldan mtshan rnams kyi ni go char 'gyur/ /mthu che bla mar bya zhing thub par dka' bar 'gyur/ /de yi yul na sems can gang dag gnas gyur pa/ /de dag</font><hr>56.286a<br><font size=+1>

thams cad byams pa'i sems dang dga' bar 'gyur/ /de la sems can gang yang sdig pa mi skyed de/ /skye bo tshogs chen dga' zhing yid du 'ong bar 'gyur/ /bcom ldan mchod rten dag la pus btsugs phyag 'tshal ba/ /de la 'jig rten kun gyi rgyal po rab tu 'dud/ /lha dang klu dang mi dang lto 'phye chen po 'dud/ /bskal pa mtha' yas rnams su dbugs phyin thob par 'gyur/ /bcom ldan mchod rten dag la pus btsug phyag 'tshal ba/ /gang tshe rgyal ba dam pa byung bar gyur pa'i tshe/ /de bzhin gshegs pa rnams dang nye bar 'gyur ba thob/ /'dren pa gzhal yas rnams la mchod pa byed par 'gyur/ /'jig rten sangs rgyas gyur ces mos pa bskyes nas ni/ /bcom ldan mchod rten rnams la pus btsugs phyag 'tshal ba/ /bskal pa bye ba khrag khrig brgya grangs zad 'gyur na/ /de ni ring por mi thogs byang chub mtshungs med 'thob/ /gang zhig sangs rgyas bye ba khrag khrig brgya stong la/ /bskal pa bye ba gzhal yas sti stang byed pa bas/ /gang zhig phyi dus mi bzad bskal pa 'di la ni/ /mchod rten phyag 'tshal de yi bsod nams ches mang ngo / /sangs rgyas dam pa sbyin gnas mtshungs pa med gyur pa/ /spyod pa dam pa spyod nas khyad par brnyes gyur pa/ /mi yi khyu mchog de la 'dir ni mchod byas na/ /rnam par smin pa dam pa mtshungs med rang bzhin 'gyur/ /byang chub tu ni sems bsngos te/ /me tog phreng ba byas nas su/ mchod rten dag la su 'bul ba/ /de ni nams kyang phongs mi 'gyur/ /mi yi nang nas shi 'phos nas/ /sum bcu rtsa gsum 'gro bar 'gyur/ /der ni rin chen sna tshogs kyi/ /gzhal med khang pa 'thob par 'gyur/ /mchod rten phreng ba 'dir phul na/ /khang bzangs dag dang khang brtsegs pa/ /lha yi bu mos bsten pa rnams/ /sum bcu gsum du spyod par 'gyur/ /yan lag</font><hr>56.286b<br><font size=+1>

brgyad ldan chus gang zhing / /gser gyi bye ma brdal gyur pa/ /bai dUr+ya dang shel dag gi/ /lha yi rdzing bu 'thob par 'gyur/ /der ni lha yi dga' spyad nas/ /mkhas pa tshe tshad rdzogs par 'gyur/ /lha yi 'jig rten shi 'phos nas/ /mi nang longs spyod ldan par 'gyur/ /dge ba'i rtsa ba de nyid kyis/ /mkhas pa bag yod gyur nas ni/ /de bzhin gshegs pa mnyes byas te/ /rkang gnyis mchog la mchod pa byed/ /mchod rten phreng ba 'bul byed pa/ /de ni 'dod chags mi 'phrogs shing / /zhe sdang gis kyang 'phrogs mi 'gyur/ /de ni nams kyang rmongs mi 'gyur/ /rkang gnyis mchog la mchod byas na/ /de ni tshe rabs thams cad du/ /chags pa med cing zhe sdang med/ /brkam pa med cing dbang po bsdams/ /mchod rten phreng ba 'bul byed pa/ /tshe rabs bye ba stong rnams dang / /khrag khrig dag ni brgya bgrangs pa/ /kun du bskur sti byas par 'gyur/ /mchod rten phreng ba 'bul byed pa/ /de ni 'khor los sgyur bar 'gyur/ /brgya byin lha yi dbang phyug 'gyur/ /tshangs pa'i 'jig rten tshangs par 'gyur/ /'jig rten mgon po skyob pa la/ /dar gyi dbul ba phul byas nas/ /lha yi dag dang mi rnams kyi/ /don rnams thams cad 'grub par 'gyur/ /dma' ba'i rigs ni rnam spangs te/ /der ni de skye 'gyur ma yin/ /phyug cing nor chen ldan pa dang / /'jig rten dbang phyug de 'gyur ro/ /de bzhin gshegs la mchod byas na/ /gzugs dang don dang longs spyod dang / /kha dog dang ni 'byor pa dang / /kun du grags dang ldan par 'gyur/ /de ni tshe rabs dran 'gyur zhing / /'dod chags kyis kyang 'phrogs mi 'gyur/ /'dod pa rnams kyi skyon shes shing / /tshangs par spyad pa spyod par 'gyur/ /de bzhin gshegs pa mchod byas na/ /gzugs rnams dang ni sgra dag dang / /ro rnams kyis kyang mi tshugs shing / /sdig pa'i las ni byed mi 'gyur/ /rnam par 'dren pa mchod byed na/ /de ni spos dang me tog</font><hr>56.287a<br><font size=+1>

gis/ /nams kyang phongs par mi 'gyur zhing / /dran ldan shes rab ldan par 'gyur/ /de bzhin gshegs la su mchod pa/ /de yi nor gyi phung po la/ /rgyal po dang ni chom rkun dang / /me dang chus kyang reg mi 'gyur/ /'jig rten mgon po'i mchod rten la/ /dar gyi dbul ba su 'bul ba/ /de ni skam dang mya ngan dang / /nad bu can du gzhar mi 'gyur/ /'jig rten sgron ma mchod byed pa/ /tshe rabs dag ni thams cad du/ /mya ngan med cing gnod med dang / /'khor los sgyur ba 'byor chen 'gyur/ /'dren la mchod pa byas na ni/ /rkang pa lag pa mnyen 'gyur zhing / /yan lag rnam par dag 'gyur la/ /gzugs dang kha dog ldan par 'gyur/ /sdig pa'i las ni rnam spangs te/ /byang chub spyad pa spyod par byed/ /gang dag 'jig rten rab dkon pa/ /rkang gnyis mchog rnams mthong bar 'gyur/ /bskal pa bye ba stong rnams dang / /khrag khrig dag ni brgya bgrangs par/ /mchod cing bde la shes rab ldan/ /byang chub dam pa 'tshang yang rgya/ /'jig rten mgon po skyob pa la/ /phreng ba'i khang pa byas na ni/ /de ni g.yog 'khor mi phyed cing / /rgyal po 'byor pa chen por 'gyur/ /'phags pa rnams kyis gang spangs pa/ /sdig pa'i las ni spong bar byed/ /rdzogs sangs rgyas kyis bshad pa yi/ /dge ba'i las la sten par byed/ /lha 'am 'on te klu rnams sam/ /'jig rten dag na gang mkhas pa/ /de dag dga' zhing mgu ba dang / /sti stang byas shing bsngags par 'gyur/ /brtan pa de ni gar skyes pa/ /bsod nams gzi brjid rab tu brjid/ /yul 'khor dag dang grong khyer dang / /rigs der sti stang byed par 'gyur/ /sangs rgyas gzhan gyis mi thub pa/ /rkang gnyis mchog la su mchod pa/ /de dag mthu stobs che ba dang / /g.yog 'khor chen pos mdzes par 'gyur/ /byang chub tu ni yongs bsngos te/ /phreng ba'i gtsug lag khang byas na/ /sangs rgyas</font><hr>56.287b<br><font size=+1>

rnams kyis gang bsngags pa'i/ /'byor pa dag ni des 'thob bo/ /de ni 'theng dang zhar ba dang / /dman dang ma rungs mi 'gyur gnas/ /gang dang gang du skyes par yang / /mtshan rnams kyis ni brgyan par 'gyur/ /sems can dbul po rnams mthong na/ /de ni nor gyis sdud par byed/ /de ni nor dang ldan 'gyur zhing / /de ni byang chub spyad pa spyod/ /blo gros chen pos sa 'di kun/ /yongs su btang ba byas nas kyang / /dman pa'i sems su mi 'gyur zhing / /de ni nams kyang phongs mi 'gyur/ /gang dag byang chub mngon zhugs pa/ /de dag bu dang bu mo dang / /chung ma dge zhing bzang mo dag /btang nas mya ngan byed mi 'gyur/ /de ni sngon du 'gro 'gyur zhing / /bkri ba med la mthong na dga'/ /phrag dog dang ni nga rgyal gyis/ /nams kyang de la gnod mi 'gyur/ /gang dag byang chub rab zhugs pa/ /de dag phrag dog med cing des/ /bzod pa'i pha rol phyin par 'gyur/ /phan pa 'dod cing yon tan ldan/ /gang dag byang chub mngon zhugs pa/ /'jig rten kun na de rin chen/ /de dag 'byung ba shin du dkon/ /dmad pa med pa'i sbyin gnas 'gyur/ /sa 'di dag ni rim gyis su/ /bgrang bar bya zhing dpag par nus/ /de dag rnams kyi yon tan mtha'/ /tshig gis bstan par mi nus so/ /sems can dag ni thams cad kyi/ /dus gsum sems ni shes par nus/ /de dag rnams kyi yon tan mtha'/ /tshig gis bstan par mi nus so/ /rgya mtsho chen po bzhi po dag /skra ni bye ba stong gshegs pa'i/ /skra yis zad par bya bar nus/ /de dag yon tan zad mi nus/ /sa rnams thams cad phyer brlags pa/ /rab tu phra rdul shes par nus/ /sangs rgyas sras po de dag gi/ /yon tan mtha' ni brjod mi nus/ /chu klung thams cad rab 'bab pa/ /rgyun las ldog ste 'gro yang srid/ /sangs rgyas sras po de dag gi/ /yon tan mtha' brjod de lta min/ /sems can dag ni</font><hr>56.288a<br><font size=+1>

thams cad kyi/ /sngon gyis lus rnams ji snyed pa/ /bgrang bar bya zhing dpag par nus/ /de dag yon tan zad mi 'gyur/ /sngon gyi lus rnams thams cad la/ /spu phreng ji snyed yod pa rnams/ /bgrang bar bya zhing dpag par nus/ /de dag yon tan zad mi 'gyur/ /'gro ba lnga por 'khor ba yi/ /sems can kun gyi spu rnams ni/ /bgrang bar bya zhing dpag par nus/ /de dag yon tan zad mi 'gyur/ /sa 'di ji snyed thams cad pa/ /chu'i phung por gnas gyur kyang / /de ni bgrang zhing dpag par nus/ /de dag yon tan brjod mi nus/ /mar me mdzad nas bzung nas ni/ /ma 'ongs bskal pa ji snyed pa/ /de yi bar du shing ljon rnams/ /ji snyed ma 'ongs 'byung 'gyur ba/ /de dag 'bras bu me tog rnams/ /de dag zad par shes par nus/ /bskal pa bye ba stong rnams dang / /khrag khrig dag ni brgya bgrangs par/ /brtson pa zhig gis de dag gis/ /bsngags phreng yid du 'ong brjod kyang / /sangs rgyas sras po de dag gi/ /yon tan mtha' ni brjod mi nus/ /sangs rgyas sras po de dag la/ /mi gang mi dga' byed pa de/ /lha dang mi ni spangs nas su/ /de dag dmyal ba spyod yul 'gyur/ /byang chub sems dpa' rnams la ni/ /mi gang la la gnod byed pa/ /mig med pa 'am long ba dang / /sdug bsngal dpung gnyen med par 'gyur/ /shi 'phos nas ni mnar med 'gro/ /de ni 'bar zhing 'jigs skrag 'gyur/ /lus ni chen por gyur nas kyang / /sdug bsngal tshor ba myong bar 'gyur/ /tshe rabs de dang de dag tu/ /de lus dpag tshad tsam 'gyur te/ /de ltar phrum ltar zlum gyur la/ /kun nas yongs su bza' bar 'gyur/ /de tshe lus la mgo bo ni/ /lnga stong yod par 'byung 'gyur zhing / /mgo bo de dag re re la 'ang / /lce ni lnga brgya tham pa yod/ /gcig la 'ang thong gshol brgya dag gis/ /lce ni</font><hr>56.288b<br><font size=+1>

rab tu rmo bar 'gyur/ /sdig pa'i las kyi rnam smin gyis/ /mi bzad chen por gshegs par 'gyur/ /mnar med de nas shi 'phos nas/ /de ni tsha dang rab tsha bar/ /blo gros ngan pa tshor ba myong / /de sngon nyes byas 'bras bu yin/ /byang chub sems dpa' rnams la ni/ /ma bsdams gang zhig gnod byed pa/ /de la dud 'gro'i skye gnas dang / /dmyal ba'i sa ni dkon ma yin/ /tshe rabs bye ba stong rnams dang / /khrag khrig dag ni brgya bgrangs par/ /sdug bsngal tshor ba myong 'gyur zhing / /de ni bzang po rnams mi mthong / /sangs rgyas sras po skyobs rnams la/ /gnod pa dag ni byas gyur na/ /a la gar rta 'jigs pa yi/ /shin du gdug pa'i sbrul du skye/ /de ni bkres dang skoms pas nyen/ /sdig pa'i las rnams byed par 'gyur/ /de ni zas kyang mi rnyed de/ /nams kyang 'grangs par za mi myong / /shi 'phos gshin rje'i 'jig rten dus/ /de ni rtag par gtun du brdung / /dge slong dag la gnod byas pas/ /nams kyang skabs ni rnyed mi 'gyur/ /de nas shi 'phos dus byas te/ /mi yi lus ni thob gyur na/ /blo ngan de ni dmus long 'gyur/ /gnod sems ldan zhing sdom pa med/ /de ni nyes par smras byas te/ /'phags pa rnams la skur btab pas/ /mi'i nang nas shi 'phos nas/ /ngan song dag tu myur du 'gro/ /byang chub sems dpa' rnams la ni/ /ma bsdams gang zhig gnod byed pa/ /bskal pa bye ba stong dag tu/ /nams kyang sangs rgyas mthong mi 'gyur/ /rdzogs sangs rgyas kyi sras rnams la/ /gang zhig chos bzhin srung byed pa/ /des ni ngan 'gro kun spangs te/ /myur du bzang 'gror 'gro bar 'gyur/ /phyug cing nor chen ldan pa dang / /stobs dang ldan zhing 'jigs pa med/ /dran dang ldan zhing shes rab ldan/ /bde zhing ngo tsha khrel ltas ldan/ /gang du 'jig rten rnams kyi sgrin/ /yongs su mya ngan 'das gyur pa/ /</font><hr>56.289a<br><font size=+1>

sangs rgyas mchod rten mthong nas ni/ /yang dang yang du sti stang byed/ /rdzogs sangs rgyas kyis gsungs pa yi/ /'di 'dra'i chos 'di thos gyur nas/ /sangs rgyas sras po rnams la ni/ /su zhig phyi phyir dad mi byed/ gang gis sangs rgyas stong rnams dang / /brgya dang bye ba bgrang dag la/ /bskal pa gang gA'i bye ma snyed/ /de snyed bskal par bkur ba bas/ /'jig rten mgon gyis gsungs pa yi/ /dam chos 'jig cha gang zhig gis/ /nyin dang mtshan du 'dzin byed pa/ /de ni bsod nams khyad par 'phags/ /chos 'jig dus na chos 'dzin pa/ /sngon gyi sangs rgyas thams cad dang / /sangs rgyas ye shes rab gnas pa/ /nga la des ni mchod pa byed/ /dam pa'i chos ni 'jig pa'i tshe/ /ston pa'i bstan pa srung byed pa/ /bskal pa bye ba stong rnams su/ /de ni nams kyang rgud mi 'gyur/ /lus kyis bde ba myong 'gyur zhing / /de ni nad kyis btab mi 'gyur/ /de ni yid du mi 'ong bas/ /nams kyang 'phrogs par mi 'gyur ro/ /ston pa'i bstan pa bsrung byas na/ /bzod pa phun sum tshogs pa dang / /des dang gsal dang mnyen pa dang / /sems can rnams la byams sems 'gyur/ /'jig tshe rgyal ba mchog gi chos bzung bas/ /bde dang dga' 'thob mdzod ni mang por 'gyur/ /sngon gyi rim gro bya ba 'thob 'gyur zhing / /mi khom brgyad po ma lus zad par spong / /'jig tshe rgyal ba mchog gi chos bzung bas/ /dper na nam mkha' skar mas yongs gang ltar/ /rtag du mtshan gyis go char byas pa dang / /rab tu tshig snyan yid 'ong dbyangs ldan 'gyur/ /'jig tshe rgyal ba mchog gi chos bzung bas/ /gang na yid bde med cing rab sdug pa/ /rigs dman de ni de yis spang par 'gyur/ /phyug cing shin du bde la longs spyod ldan/ /'jig tshe rgyal ba mchog gi chos bzungs bas/ /mthu dang stobs dang ldan</font><hr>56.289b<br><font size=+1>

zhing brtson 'grus ldan/ /mi dman pa rnams kun du rnam par rgyu/ /sangs rgyas brgya stong dag la bsnyen bkur byed/ /'jig tshe rgyal ba mchog gi chos bzung bas/ /mchog tu rab mdzes gzugs ldan shes rab ldan/ /mi yi 'jig rten mchog tu bsnyen bkur 'gyur/ /rgyal po mkhas pa 'dzangs pa rnams kyis bsngags/ /'jig tshe rgyal ba mchog gi chos bzung bas/ /mchog tu gzugs mdzes blta na sdug pa dang / /skyes pa bud med lha rnams dga' ba dang / /bde zhing mkhas pas bsngags shing shes rab ldan/ /ston pa stobs bcu mnga' ba lha'i lhas/ /gang gi mdun du mdo 'di rab bshad pa/ /mi de lag tu mdo sde 'di 'dra 'di/ /phyi ma'i dus kyi tshe na thob par 'gyur/ /gang zhig ston pa mi mchog gzugs byed pa/ /ras 'dri rtsig ngos 'dri 'am gser las byas/ /de yi chos kyi khyad par gang yin pa/ /de dag ma lus rab tu bstan gyis nyon/ /de ni blta min long bar gzhar mi 'gyur/ /sgur por mi 'gyur yan lag mi sdug min/ /de ni gzugs dang ldan zhing kha dog ldan/ /sum bcu rtsa gnyis mtshan gyis go char 'gyur/ /lus ni rnam par dag cing khyad par 'thob/ /spobs pa 'thob cing sgra snyan yid du 'ong / /shes bzhin ldan zhing 'jig rten kun gyi gtso/ /de mthong sems can bde zhing dga' bar 'gyur/ /sdig byed mi 'gyur zhe sdang med sems ldan/ /g.yo med mi rku rgyal po 'khrug mi byed/ /mthu dang ldan zhing dbang cher grag par 'gyur/ /byams la gnas shing mi dman sems dang ldan/ /'dren pa'i sku gzugs rab tu mdzes byas na/ /de ni mchog 'gyur skye bo mang mchod 'os/ /blo ldan phyug cing de nyid rgya cher ldan/ /dbang ldan 'khor los sgyur ba'i rgyal por 'gyur/ /'dren pa'i sku gzugs rab tu mdzes byas na/ /lha yi dbang po dbang phyug dbang thob pa/ /lhun po'i zom na dbang thob brgya byin 'gyur/ /bdag po lhun po'i zom na rgyal srid ston/ /de ni dran</font><hr>56.290a<br><font size=+1>

dang blo gros mi ldan min/ /de ni rtogs mos shes rab tshang bar 'gyur/ /'jig rten kun na dbugs phyin thob 'gyur te/ /'di ni ye shes ldan zhing dmyal ba spangs/ /sems can snying po mtshungs med mchod byas na/ /dud 'gro'i skye gnas gshin rje'i yul mi 'gro/ /ngan 'gro gsum po des ni rnam spangs te/ /bdag der phyis mi skye bar shes par 'gyur/ /'dren pa'i sku gzugs rab tu mdzes byas na/ /dbang ldan dbang phyug nyid kyi lhar 'gyur te/ /mi dman dga' ba'i sems kyis sangs rgyas mchod/ /rgyal ba mchog gi bstan la dad par 'gyur/ /tshangs pa'i 'jig rten dbang thob tshangs par 'gyur/ /yid 'ong shin du mdzes pa'i spos ngad ldan/ /'dzam bu klung gser 'od byed dga' 'gyur ba'i/ /gzhal med khang mchog blta sdug thob par 'gyur/ /de ni ded dpon stobs bcu ldan pa po/ /sems can snying po mtshungs 'dra med pa thob/ /kha dog mtha' yas 'jig rten kun na gsal/ /gser steng rin chen bai dUr+ya dang mtshungs/ /su zhig dga' ba'i yid kyis me tog blangs/ /dad skyes 'jig rten mgon la char du gtor/ /de ni mi yi 'jig rten bsod nams ldan/ /rgyal srid gnas nas rgyal ba mchog bkur 'gyur/ /mya ngan bskams shing tha ba drir ldan lus/ /yan lag legs gnas mtshungs med thob par 'gyur/ /skye bo mang pos blta ba'i 'os yin te/ /dmyal ba dgra rtsa 'dod pa spong bar 'gyur/ /spyad pa rnam par spyod tshe 'dod pa la/ /ngan skyugs khung ltar smad par shes par 'gyur/ /tshangs spyod dge ba khyad par 'phags la spyod/ /dga' ba'i sems kyis rtag tu spyod par 'gyur/ /bskal pa mtha' yas mang du de kha nas/ /rab mdzes ud pal bsung ni 'byung bar 'gyur/ /de yi lus ni gser gyi mdog 'dra zhing / /tsan dan lta bur dri zhim ngad kyang 'byung / /spyad pa rnams</font><hr>56.290b<br><font size=+1>

par spyod tshe khro ba dang / /tha ba dri skyon gti mug gnod mi byed/ /dman pa med pa'i sems kyis dbugs phyin rnyed/ /bag yod lha yi nang na rgyal po 'thob/ /gang tshe rgyal ba mya ngan 'das pa na/ /de ni gus pas de dag chos kyang 'dzin/ /mi dman dga' ba'i sems kyis sbyin pa sbyin/ /bcom ldan mya ngan 'das pa'i ring bsrel mchod/ /rgyal ba mchog gi bstan pa 'jig dus tshe/ /rab tu dga' bas ston pa'i chos tshul 'dzin/ /des ni chos mchog mdzad pa de spyad pas/ /gnod pas 'chi ba'i dus byed gzhar mi 'gyur/ /gal te sems can thams cad sangs rgyas shing / /nyon mongs med pa gser mdog stobs bcur gyur/ /de dag bskal bye khrag khrig brgya stong du/ /rgyal ba mchog la mchod pa'i bsngags brjod nus/ /'jig rten kun du sdig pa'i las spangs te/ /dga' ba'i sems kyis mchog gi las byas shing / /rlabs chen spyod tshe don ni legs byas nas/ /'jig rten mthu chen rdzogs pa'i sangs rgyas 'gyur/ /gang gis spos chu yungs 'bru tsam blangs te/ /bcom ldan mchod rten rnams la bdug byed pa/ /de yi phan yon brjod kyis sems dang zhing / /rdul dang dri ma spongs la mnyan par gyis/ /de ni bsod nams ldan zhing phyogs kun rgyu/ /nad med gyur cing blo brtan bag yod la/ /spyad pa rnam par spyod tshe mya ngan 'bub/ /skye bo mang po dga' zhing yid du 'ong / /rgyal po thob nas rgyal ba mchog bkur 'gyur/ /mthu chen rab mkhas 'khor los sgyur 'gyur te/ /gser gyi mdog ldan mtshan gyi go cha can/ /'jig rten kun na yid 'ong dri ldan 'thob/ /de la yid mi bde dang sdug bsngal med/ /spyad pa spyod tshe longs spyod nyams mi 'gyur/ /phyug cing nor ldan mdzod ni rab tu mang / /mya ngan med 'gyur 'jig rten</font><hr>56.291a<br><font size=+1>

kun du rgyu/ /skye bo mang po lhags te de la 'dri/ /rgyal ba mchog gi bstan pa khyad 'phags chos/ /tshig rab rjod cing the tsom sel bar byed/ /chos thos yid bde slar yang smra bar byed/ /sdig pa'i las med blo rgya che dang ldan/ /rgyal bas gsungs pa'i chos mchog khyad 'phags pa/ /dga' bar 'gyur la rtag tu mkhas byas te/ /mig kyang sbyong zhing mun pa sel bar byed/ /'dod chags mi che zhe sdang che ma yin/ /mi yi 'jig rten gti mug che ma yin/ /de ni tshangs spyod dag pa mchog 'di spyod/ /mi yi don ni dpag tu med pa byed/ /bcom ldan mchod rten rnams la spos bdugs na/ /de la gnod par sems pa su yang med/ /de ni nams kyang longs spyod nyams mi 'gyur/ /blta bar 'os shing nor chen ldan par 'gyur/ /bskal pa bye ba khrag khrig brgya rnams su/ /sems ni rnam dag sdig pa rnam dag cing / /zhi zhing rab zhi zhi dul ldan gyur nas/ /mi dman sems kyis byang chub mtshungs med 'thob/ /sems can bye ba khrag khrig brgya mtha' yas/ /mya ngan med bde zhi ba mchog bkod cing / /'khor lo mtshungs med 'jig rten kun bskor nas/ /phyi nas nyon mongs rdul med mya ngan 'das/ /su zhig dga' mgu sems kyi gos kyis ni/ /bcom ldan mchod rten rnams la mchod byas pa/ /de ni gos mdzes bye ba stong rnams dang / /khrag khrig brgya grangs mtha' yas rtag tu rnyed/ /bcom ldan mchod rten gos kyis dkris byas na/ /de ni btsas ma thag tu gos mchog 'thob/ /lha yi khyad 'phags dar gos rab bzang rnyed/ /btsas ma thag tu de lus shin du bde/ /gang zhig gos kyis bcom ldan mchod rten dang / /'dren pa mtshungs med rnams la mchod byed pa/ /de 'dir mtshungs pa med pa'i lus 'thob ste/ /sum</font><hr>56.291b<br><font size=+1>

bcu rtsa gnyis mtshan gyi me tog rgyas/ /bcom ldan mchod rten gos kyi dkris byas na/ /lag mthil nas ni mu tig phreng mdzes pa/ /sna tshogs dag dang seng ge'i phreng ba dang / /gser skud rab mdzes bskal pa mtha' yas 'byung / /bcom ldan mchod rten gos kyis dkris byas na/ /lha 'am klu 'am mi 'am lto 'phye che/ /su yang de la ma dad skyed mi byed/ /rtag tu tshangs par spyod pa mchog 'di spyod/ /bcom ldan mchod rten gos kyis dkris byas na/ /stong gi 'jig rten khams kun zil gnon te/ /'dzam klung gser gyis gser ni zil mnan bzhin/ /skye dgu don ni dpag tu med pa byed/ /gal te rin chen rab mchog sna bdun gyis/ /stong gi zhing kun rab tu bkang ba yi/ /de 'dra'i dpal 'di zad par bya nus kyi/ /rgyal ba'i mchod rten gos gcig phul ba'i min/ /nor bu rin chen zla ba'i 'od rnams kyis/ /bye ba khrag khrig brgya stong zhing bkang ba/ /de 'dra'i dpal 'di zad par bya nus kyi/ /rgyal ba'i mchod rten gos gcig phul ba'i min/ /'jig rten sangs rgyas 'gyur zhes mos bskyed de/ /bcom ldan mchod rten ba dan phul byas na/ /de ni skye bo mang po'i mchod 'os 'gyur/ /byang chub mchog spyad dam pa zhi ba spyod/ /bcom ldan mchod rten ba dan phul byas na/ /dag cing mchog gi lus ni 'thob 'gyur te/ /dper na gser ltar shin du dgar 'gyur zhing / lha yis bsngags la mchod cing bla mar byed/ /de yi lus ni gser gyi mdog 'drar 'gyur/ /ras kyi gos dang la ba bzang rab dang / /du gu la dang ka shi ka rnams dang / /shin du mdzes pa'i gos kyang rnyed par 'gyur/ /'dzam bu'i gling na rigs mchog dam pa gang / /phyug cing che nyid bdag dbang nor mang ba/ /de dag tu ni rtag tu de skye ste/ /dman zhing mchog tu dbul ba rnam par spangs/ /de la sems can su yang phrag dog med/ /sems can</font><hr>56.292a<br><font size=+1>

gnod par sems pa gzhar mi 'byung / /gzhan gyi sdig pa'i las la de smod de/ /rtag tu bag yod tshul khrims rnam dag 'gyur/ /'dzin pa med cing ser sna med par 'ong / /gtong ba rab btang mya ngan med pa 'thob/ /de ni srog phyir gzhan la sbyin mi byed/ /phongs pa med byed rtag tu bag yod 'gyur/ /sangs rgyas stobs bcu ded dpon mthong nas ni/ /dga' ba'i sems kyi gdugs dang ba dan dang / /mar me rnams kyis bcom ldan 'das la mchod/ /byang chub spyod mchog 'di ni rtag par spyod/ /mi yi 'jig rten bla mar bsnyen bkur byed/ /lha nang lha yi dag dang mi yi gtso/ /yid 'ong spos mdzes blta na sdug pa dang / /nor bu shel 'dra sna tshogs ldan pa 'thob/ /ri rab rtse mor lha nang rab tu gsal/ /lha kun slob mar gyur nas mngon du 'dud/ /chos kyis de dag yid bde skyed par byed/ /de la dad mchog gzhan gsung 'thob par 'gyur/ /de nas shi 'phos mi yi 'jig rten du/ /rgyal po dam pa stobs ldan 'khor los sgyur/ /de la sems can su yang sdig mi skyed/ /skye bo mang po dga' zhing yid 'ong 'gyur/ /rdul bsal sems can mchog la rgyal mtshan phul/ /ring por mi thogs nor mang rnyed par 'gyur/ /shes rab mtha' yas mdzod ni mang ldan 'ong / /sems chung mi 'gyur dman pa'i sems mi 'gyur/ /longs spyod rnyed nas bged cing bdag kyang spyod/ /de ni 'jigs med yid mi bde ba med/ /rgyal po dga' nas grong dang yul 'khor bged/ /de la sems can su yang sdig mi skyed/ /gtso bo khyad par 'phags pa mdzod mang zhing / /khyim bdag rin chen sna tshogs lus brgyan 'gyur/ /rgyal po'i bu 'am de bzhin blon por 'ong / /rgyal por gyur nas stobs ldan rdzi ba med/ /brnyas pa'i rigs dma' thams cad yongs su spong / /longs spyod khyad 'phags</font><hr>56.292b<br><font size=+1>

rigs mchog rnyed nas ni/ /rtag tu bag yod sems ni zhum mi 'gyur/ /'dod pa rnams ni ngan skyugs khung ltar spong / /khyad 'phags gzugs dang mtshan rnams rab tu 'thob/ /khyad 'phags rigs dang de bzhin dbang phyug nyid/ /de yi g.yog 'khor rtag tu mi phyed 'gyur/ /skye bo mang pos mdun du bdar bar 'ong / /de ni gzhan la gnod pa'i sems mi skyed/ /sems ni rab dang rtag tu bag yod ldan/ /de la me dang dug dang mtshon mi tshugs/ /skye bo tshogs chen gyis ni blta bar 'gyur/ /rab tu dga' zhing thub pa'i chos la spyod/ /shes bzhin ldan nas yid bde skyed par byed/ /'dzin pa med cing chags med sems dang ldan/ /chags med gyur nas de la mi mthun med/ /de yi lus gtsang kun nas nyon mongs med/ /rnam dag sems ldan de ni bden par smra/ /'jigs pas nyen pa rnams la yid bde skyed/ /sems can rnams kyi skyabs dang dpung gnyen 'gyur/ /de ni bdag don rgya chen byas nas su/ /gzhan yang sangs rgyas ye shes rdzogs la 'god/ /shing dbang shing mchog dam pa'i drung song nas/ /mtshungs med mchog zhi byang chub 'tshang yang rgya/ /sangs rgyas mchod rten mar me gcig phul na/ /'di nas bzung ste srid pa'i rtse mo'i bar/ /sangs rgyas zhing ni 'dzam klung gser gyis gang / /de 'dra'i dpal de zad par bya mi nus/ /bcom ldan mchod rten mar me phul byas na/ /de yi lus ni mdog ngan yong mi 'gyur/ /gzugs mchog sra zhing lag pa gzu ba 'dra/ /snang ba thob nas 'jig rten kun du rgyu/ /gal te rgyal ba dam pa byung gyur na/ /de bzhin gshegs pa rnams dang nye bar 'gyur/ /nye dur 'gyur ram yang na bur yang 'gyur/ /de ni ye shes phung po myur du 'thob/ /gal te khrag</font><hr>56.293a<br><font size=+1>

khrig brgya stong sangs rgyas zhing / /yungs 'bru dag gis byur bur gang gyur pa/ /bgrang ba dang ni gzhal zhing brjod par nus/ /bde gshegs mar me gcig phul de lta min/ /sangs rgyas dam pa mtshungs med sbyin pa'i gnas/ /spyod pa mchog spyad khyad par brnyes gyur pa/ /mi mchog de la mchod pa 'dir byas pa/ /rnam par smin pa dam pa gzhal yas 'gyur/ /gal te mi mjed 'jig rten khams 'di kun/ /nor bu rin chen bai dUr+yas gang ba/ /zad par bya nus sangs rgyas mchod rten la/ /mar me gcig phul dpal de zad mi 'gyur/ /kAr ShA pa Nas mi mjed 'jig rten khams/ /'og nas srid pa'i rtse mo'i bar gang ba/ /zad par bya nus sangs rgyas mchod rten la/ /mar me gcig phul dpal de zad mi 'gyur/ /sangs rgyas zhing stong de dag tsan dan gyis/ /'og nas srid pa'i rtse mo'i bar gang ba/ /zad par bya nus sangs rgyas mchod rten la/ /mar me gcig phul dpal de zad mi 'gyur/ /tshangs pa'i 'jig rten yod pa'i lha ris kyi/ /gos kyis sangs rgyas zhing stong gang gyur pa/ /zad par bya nus sangs rgyas mchod rten la/ /mar me gcig phul dpal de zad mi 'gyur/ /klu dang lha min mi dang lto 'phye che/ /lha yi lha rdzas nor bu rin chen mang / /zad par bya nus sangs rgyas mchod rten la/ /mar me gcig phul dpal de zad mi 'gyur/ /lha yi 'jig rten yod pa'i lha yi spos/ /de dag mi mjed 'di kun gang gyur pa/ /zad par bya nus sangs rgyas mchod rten la/ /mar me gcig phul dpal de zad mi 'gyur/ /phyogs dang phyogs 'tshams tshad ni shes par nus/ /nam mkha'i khams 'di'i tshad kyang shes par nus/ /sangs rgyas mchod rten mar me gcig phul ba'i/ /de 'dra'i dpal de zad par bya mi nus/ /sangs rgyas dam pa mi</font><hr>56.293b<br><font size=+1>

mchog bzhud pa'i tshe/ /'dren pa mtshungs pa med la dad byas te/ /ston pa'i sku la nyi zer mi 'bab par/ /me tog ma li ka gdugs bcom ldan phul/ /de ni las mdzes dam pa gus byas pas/ /lha dbang rgya byin du ni lan 'bum gyur/ /'jig rten kun du tshangs pa'i bdag por gyur/ /rgyal ba'i mchod rten la ni 'bum phul nas/ /'khor los sgyur ba'i rgyal po stobs ldan gyur/ /stong phrag bcu la dbang bar de gyur te/ /nor chen rab tu mdzod mang tshong dpon gyur/ /khyim bdag blo ldan bsod nams ldan par gyur/ /bde gshegs mi mchog bye ba nyi shu dag /ngas ni mnyes byas gzims cha na bza' yis/ /mi mchog dag la bla mar sti stang byas/ /de dag gtsug lag khang la spos kyis bskus/ /nga yi kha dog ngan pa kun med 'gyur/ /ngas ni tsha dang grang dang ngal ba spang / /sangs rgyas spyan sngar dman med sems gyur cing / /de dag mchod pa dam pa mchog gis mchod/ /rgyan gyis brgyan pa'i gdugs mdzes blta sdug pa/ /su zhig bcom ldan mchod rten 'bul byed pa/ /de 'dir lus ni mtshungs pa med 'gyur te/ /sum bcu rtsa gnyis mtshan gyis go char 'gyur/ /gang gis rgyal ba'i sku ni rab 'bar zhing / /khyad par 'phags pa'i gzugs dang sems 'dra dang / /'dzam klung gser ltar rab mdzes blta na sdug /mtshan gyi me tog rgyas pas mngon du gang / /mngon par shes pa 'thob cing dbang cher grags/ /byang chub spyod mchog dam pa zhi ba spyod/ /de ni nams kyang longs spyod 'grib mi 'gyur/ /lhas kyang sti stang bya zhing mchod par 'ong / /brtan pa 'dod pa'i longs spyod gzhar mi dka'/ /tshul khrims rnam dag rab mkhas tshangs par spyod/ /yi dam bcas nas nags dang nags mdab song / /mngon shes 'thob cing khyad par 'thob par 'gyur/ /bcom ldan mchod rten rnams la gdugs 'bul ba/ /</font><hr>56.294a<br><font size=+1>

ji lta bu yang byang chub sems mi 'dor/ /byams la gnas shing mi dman sems su 'gyur/ /de yi shes pa nams kyang nyams pa med/ /rol mo'i sgra yis mi mchog mchod byas na/ /mya ngan med cing dbang ldan rgyal por 'ong / /mi yi 'jig rten yid 'ong sgra ldan 'gyur/ /de sgra yan lag tshang zhing dag par 'ong / /bcom ldan mchod rten rol mo'i sgra byas na/ /shes bzhin ldan zhing mig ni rnam dag 'gyur/ /rna ba rnam par dag cing sems kyang dga'/ /sna yi dbang po mchog dang ldan par 'gyur/ /de yi lce ni rab mdzes blta na sdug /thog mar rab mnyen mdzes shing sgra yid 'ong / /dper na lha yi rin chen bye ru 'dra/ /sgra skad yan lag bye ba dpag med 'byin/ /bcom ldan mchod rten rol mo'i sgra byas na/ /nams kyang sbrul du mi 'gyur lce med min/ /zhar ba sgur po ya yo can mi 'gyur/ /lus ni khyad par 'phags shing shin du mdzes/ /bcom ldan mchod rten rol mo'i sgra byas na/ /lha 'am klu 'am mi 'am lto 'phye che/ /su yang de la ma dad skyed mi 'gyur/ /dbugs phyin thob nas 'jig rten kun du rgyu/ /bcom ldan mchod rten rol mo'i sgra byas na/ /de ni ma ning za mar gzhar mi 'gyur/ /nams kyang mdze dang sha bkra mi 'byung zhing / /bsngags par 'os pa'i lus ni thob par 'gyur/ /bcom ldan mchod rten rol mo'i sgra byas na/ /lce ring 'gyur zhing lus kyang che bar 'gyur/ /gser gyi gzugs ltar kha dog 'bar bar 'ong / /ting 'dzin brtan zhing shin du rtogs par 'gyur/ /bcom ldan mchod rten rol mo'i sgra byas na/ /lha nang bdag por 'gyur zhing dbang phyug 'gyur/ /mi yi 'jig rten skyes na dga' bar 'ong / /brtson 'grus ldan zhing bag yod 'bar bar 'gyur/ /bcom ldan mchod rten rol mo'i sgra byas na/ /de la su yang yid mi bde mi skyed/ /</font><hr>56.294b<br><font size=+1>

de la su yang tshig rtsub smra ba med/ /phra ma thams cad spangs shing yang dag smra/ /bsod nams 'dod pa su zhig phyags thogs te/ /bcom ldan mchod rten gus par 'phyag byed pa/ /de ni smad cing mi gtsang lus mi 'gyur/ /ba spu khung nas tsan dan dri ngad 'byung / /bcom ldan mya ngan 'das pa'i mchod rten phyags/ /bskal pa bye ba khrag khrig brgya stong du/ /yan lag ma smad khyad 'phags lus 'thob cing / /mdzes la mtshan gyis go char byas par 'gyur/ /bcom ldan mya ngan 'das pa'i mchod rten phyags/ /lha yi tsan dan khyad 'phags rab mdzes pa'i/ /gzhal med khang mchog yid 'ong dri ldan 'thob/ /de ni de la gzhar yang sred mi skyed/ /bcom ldan mya ngan 'das pa'i mchod rten phyags/ /yid 'ong dri ldan mchog tu blta sdug pa'i/ /lha yi bu mo bye ba stong 'thob cing / /de ni de la nams kyang chags mi skyed/ /bcom ldan mya ngan 'das pa'i mchog rten phyags/ /skyed mos tshal mchog yod pa'i rdzing bu ni/ /yan lag brgyan ldan chu gtsang mdzes gyur pa/ /me tog ud pal las ni rgyas pa 'thob/ /bcom ldan mya ngan 'das pa'i mchod rten phyags/ /de yi g.yog 'khor rtag tu 'thun 'gyur zhing / /mi dman sems can lha yi sgra yang thos/ /lha mo rnams kyi glu dbyangs snyan sgra thos/ /bcom ldan mya ngan 'das pa'i mchod rten phyags/ /'jig rten kun du skyes tshe bdag nyid kyis/ /'di nas shi 'phos ngan 'gror mi 'gro zhing / /mi yi 'jig rten sangs rgyas mthong bar shes/ /bcom ldan mya ngan 'das pa'i mchod rten phyags/ /de ni lha la snyan pa'i gtam byas te/ /sangs rgyas ye shes rdzogs la lha bkod nas/ /shi ba'i dus byas 'dzam bu'i gling du skye/ /bcom ldan mya ngan 'das pa'i mchod rten phyags/ /btsas ma thag tu bskal pa mtha' yas dran/ /sngon gyi sangs rgyas gtso rnams bkur ba dang / /de dag mtshan dang</font><hr>56.295a<br><font size=+1>

yon tan chos kyang dran/ /'jig rten sangs rgyas ji ltar 'gyur zhes te/ /mos pa bskyed nas mchod rten rtswa skyes sel/ /de yi phan yon de dag ngas bshad kyis/ /tha ba dri sol dang ba'i sems kyis nyon/ /mthu chen skyes bu dam pa khyad 'phags pa/ /rgyal ba dam pa ma 'ongs dus na mthong / /de dag mchod pa dam pa mchog gis mchod/ /de ni gzhar yang dad pa dam pa 'thob/ /sangs rgyas stobs bcu ded dpon des mthong nas/ /'dren pa mtshungs pa med la mchod pa byas/ /mtshan gyis go char byas pa'i sangs rgyas su/ /'gyur zhes thugs dgyes de dag lung yang ston/ /grongs khyer yangs pa nyams dga' mchog gnas shing / /nga ni chos ston gang gis mthong gyur pa/ /de dag phyi dus rab tu 'jig pa'i tshe/ /rgyal mchog mya ngan 'das pa'i chos 'dzin 'gyur/ /mchod rten rtswa skyes sel bar byed pa ni/ /rgyal ba dam pa mi thul mthong 'dod pa'i/ /rgyu dang sa bon 'gyur ba 'di yin no/ /'dod dang dmyal dang dud 'gro'i skye gnas spong / /byang chub sems dpa' gang gis mdo mchog 'di/ /phyi ma rab 'jig dus na 'dzin byed pa/ /de ni 'jig rten sangs rgyas lha yi lha/ /bsod nams khyad 'phags mtshungs med zhing du 'gyur/ /'di bshad tshe na gang dag 'dir mchod dang / /tshul 'di bshad pa gang dag thos pa dang / /gang dag mdo mchog 'di ni 'dir bzung ba/ /de dag phyi ma'i dus na 'dir 'di 'dzin/ /gang dag phyin chad mdo mchog 'di 'dzin pa/ /de dag rtag tu nga dang 'thun pa'i sras/ /sangs rgyas bye bas de dag bsngags brjod kyang / /de dag bsngags pa mthar ni phyin mi 'gyur/ /gang dag phyi dus rgyal ba'i chos 'dzin pa/ /sangs rgyas bye ba khrag khrig brgya mtha' yas/ /bskal pa bye bar bzhugs te de dag gi/ /bsngags pa brjod kyang mtha' mar phyin mi nus/ /dri zhim yid 'ong spos kyi cho ga bzhin/ /sangs rgyas</font><hr>56.295b<br><font size=+1>

mchod rten la ni su skud pa/ /de ni thob rnyed 'jig rten kun du rgyu/ /de ni sa 'dir snying po blangs par 'gyur/ /rgyal ba'i mchod rten spos byug phul byas na/ /bcom ldan 'das kyi bstan pa 'jig 'gyur tshe/ /'dzam bu'i gling du skye bar mi 'gyur zhing / /de ni de tshe mtho ris bdag por 'gyur/ /rgyal ba'i mchod rten spos byug phul byas na/ /dri mi zhim dang mi gtsang smad pa rnams/ /rtag tu spong zhing tshul khrims phung por gnas/ /de ni rtag tu tshangs spyod mchog 'dir spyod/ /rgyal ba'i mchod rten spos byug phul byas na/ /'di nas shi 'phos mtho ris lha dbang 'gyur/ /ring por mi thogs don stong rnams la rtog /lha rnams la ni rgya chen don kyang byed/ /rgyal ba'i mchod rten spos byug phul byas na/ /gang gi tshe na mi yi 'jig rten na/ /zhe sdang med sems 'jam zhing mnyen gyur pa/ /de tshe de na 'dzam bu'i gling du gnas/ /rgyal ba'i mchod rten spos byug phul byas na/ /khyad 'phags tshogs ldan sgra dbyangs yid 'ong 'gyur/ /skye bo mang po yid 'ong dga' zhing bkur/ /de yi kha bzhin rtag tu gsal bar 'gyur/ /rgyal ba'i mchod rten spos byug phul byas na/ /de ni ngan song sa rnams ma lus spong / /de bzhin gshegs dang nye ba thob par 'gyur/ /dad pa thob cing rtag tu bde la dga'/ /rgyal ba'i mchod rten spos byug phul byas na/ /rgyal po stobs ldan 'khor los sgyur bar 'gyur/ /blon po tshong dpon khyim bdag bsod nams ldan/ /chos rje 'od mdzad sangs rgyas su yang 'gyur/ /dga' ba'i sems kyis mgu ba'i shugs bskyed de/ /bcom ldan mchod rten nor bu'i dra ba 'bul/ /de ni rgyal po mtshan gyi go cha can/ /mthu chen bla ma 'khor los sgyur bar 'gyur/ /blta 'os mtshan gyi go cha ldan gyur nas/ /gzhal med khang chen rab mdzes blta sdug pa/ /kha dog sna tshogs dpag med ldan pa dang / /rin chen khang bzangs che 'os dag pa</font><hr>56.296a<br><font size=+1>

'thob/ /rgyal po'i pho brang khyad par 'phags gyur pa/ /skyes pa bud med dag gis gang ba dang / /mnyam zhing legs byas rab mdzes lta sdug pa/ /dra ba sna tshogs bde byed bde 'jug 'thob/ /rgyal mtshan ba dan gsal bar mdzes byas shing / /gdugs bres shin du mdzes la blta sdug dang / /mu tig dra ba phreng ba de 'dra ba'i/ /rgyal srid yon tan khyad 'phags gzhan yang 'thob/ /de yi yul na gzhan nor 'jig byed pa/ /chom rkun g.yo ldan g.yon can gnas mi 'gyur/ /sems can rgya chen blo mchog ldan pa dang / /phan byed byams sems ldan pa de na gnas/ /shi 'phos bag yod de ni lhar 'gro ste/ /dkar gnag gang yin bdag cag ji ltar gnas/ /'di nas shi 'phos ji ltar mir skye zhes/ /blo ldan de ni mtho ris 'di gnas 'gyur/ /sangs rgyas sbyin gnas myur du mthong 'gyur te/ /mthong nas mchod cing mtshungs med sti stang byed/ /sangs rgyas mthong nas byang chub mos skyed cing / /rdul bral rnams la phyir zhing sti stang byed/ /ye shes mtha' yas ldan dang mthu chen 'gyur/ /khyad par sa gnas 'phags pa'i sems can 'gyur/ /bcom ldan 'das la dad pa'i sems bskyed nas/ /'di 'dra'i dpal 'di phyir zhing myong bar 'gyur/ /nga yi bya ba 'di ni brjod par bya/ /ngas brjod 'di la the tsom ma skyed cig /sangs rgyas bka' spangs mnar med 'gror 'gyur zhing / /phyin chad sdug bsngal nyon mongs gyur ta re/ /'jig rten sgron ma mtshungs med bsod nams zhing / /de yi mchod rten ba rgya su sel ba/ /bag yod gyur nas de ni bdud rgya 'dral/ /dus rnams kun du ngan song sa yang spong / /rtag tu sangs rgyas rdul bral sti stang byed/ /rtag tu stobs ldan 'khor los sgyur bar 'gyur/ /mi yi 'jig rten skyes nas</font><hr>56.296b<br><font size=+1>

bsod nams ldan/ /rgyal po kun gyi mchod pa'i gnas su 'gyur/ /lha nang lha yi dbang po mchod gnas 'gyur/ /der ni myur du lha yi tshe yang 'thob/ /dpal ldan gser gyi gzhal med khang pa rnyed/ /lha yi bde ba mtshungs med dbang phyug nyid/ /gzugs dang sgra dang dri rab ro mchog dang / /reg bya dpal ldan lha yi 'jig rten 'thob/ /mthu chen ldan zhing blta ba'i 'os su 'gyur/ /lha mo rnams la 'dod pa'i sred mi bskyed/ /bcom ldan mchod rten ba rgya bsal byas na/ /'di nas shi 'phos mi yi 'jig rten 'gro/ /yan lag legs gnas khyad par 'gro bar 'gyur/ /nam yang bstan bcos mi nyung mang po 'thob/ /bcom ldan mchod rten ba rgya bsal byas na/ /de ni mi khom brgyad po kun spong zhing / /de ni dal 'gyur de bzhin khyad par 'phags/ /de ni sangs rgyas mtshungs med mchod pa byed/ /bcom ldan mchod rten ba rgya bsal byas na/ /bag yod blo gros brtan la dpa' bor 'gyur/ /'dod pa'i yon tan dag la dga' mi skyed/ /mi dman sems kyis mngon par 'byung bar 'gyur/ /bcom ldan mchod rten ba rgya bsal byas na/ /de ni nams kyang byang chub sems mi 'dor/ /tshul khrims skyon med shin du bsdams par 'gyur/ /rnam dag 'dod chags bral ba'i chos kyang 'thob/ /bcom ldan mchod rten ba rgya bsal byas na/ /de yi mdog ngan lus rnams kun du spong / /'chal pa'i shes rab ma lus rnam par spong / /shes rab rgya chen gyur nas spyod la gnas/ /bcom ldan mchod rten ba rgya bsal byas na/ /kha zas gtsang ma dag kyang rnyed 'gyur la/ /khyad 'phags kha dog ldan zhing blta sdug la/ /reg dang ldan zhing rab mdzes gos rnams 'thob/ /dad pa'i shugs skyes bcom ldan mchod rten la/ /me tog skam po nyal nyil phyags byas na/ /</font><hr>56.297a<br><font size=+1>

'dod pa smad pa sdug bsngal byed pa spong / /stobs bcu mnga' ba'i ded dpon mnyes par byed/ /mchod rten me tog rnyis pa su 'phyag pa/ /de ni mdzes shing rnam dag lus su 'gyur/ /skye bo mang pos mchod 'os blta 'os 'gyur/ /de la rgyal po gnod par sems mi 'gyur/ /bcom ldan mchod rten dag la snga rabs mis/ /me tog phul ba skam po phyags byas na/ /ngan song sa yi lam ngan thams cad gcod/ /byang chub sems dpa' tshul khrims phung por gnas/ /mchod rten me tog rnying pa su 'phyag pa/ /bag yod mya ngan rnams dang skyon rnams spong / /nad rnams du ma ma lus rnam par spong / /bskal pa mtha' yas rnams su dbugs phyin thob/ /mchod rten me tog rnying pa su 'phyag pa/ /sbyin gnas mtshungs med sangs rgyas thob par 'ong / /mtshungs med thob cing lha mis mchod 'os 'gyur/ /rnam dag lus ldan rgyan gyis brgyan par 'gyur/ /lha yi me tog rab mdzes man dA ra/ /mtshungs med pa ta la yang su 'bul dang / /mchod rten me tog nyal nyil su 'phyag pa/ /de dag rnam smin 'dra ste mchog tu 'gyur/ /mchod rten me tog rnying pa su 'phyag pa/ /de lus dug gis mi tshugs mtshon mi tshugs/ /me 'bar 'od 'phro phung po ches mi tshugs/ /nor gyi phung po rkun pos brku mi 'gyur/ /mgu zhing rab tu dga' ba'i shugs bskyed de/ /bcom ldan mchod rten me tog skam 'phyag na/ /de yi bsod nams bzung bar gang gyur pa/ /grangs sam cha yang brjod par sla ma yin/ /mchod rten me tog rnying pa su 'phyag pa/ /sum bcu' rtsa gnyis mtshan gyis go char 'gyur/ /mi yi 'jig rten na ni rtag tu dga'/ /mthu dang ldan zhing yid 'ong sgra skad 'byung / /mchod rten me tog rnying pa su 'phyag pa/ /chos mchog rab mdzes yang dag sbyor byed cing / /</font><hr>56.297b<br><font size=+1>

de lus rnam par dag la chen por 'ong / /ring por mi thogs 'jig rten sangs rgyas 'gyur/ /'jig rten sangs rgyas 'gyur byar mos bskyed de/ /ston pa'i mchod rten thal sbyar phyag 'tshal ba/ /'jig rten dag na bla mar bkur sti bya/ /de ni mdzes shing blta na sdug par 'gyur/ /de 'dis rgyal srid thob nas lha klu mi/ /lto 'phye che dang 'jig rten thams cad 'dud/ /stong gi 'jig rten khams kun rgyas par 'gyur/ /dbang phyug nyid du dbang thob rgyal srid ston/ /de'i yul na sems can gang gnas pa/ /de kun sangs rgyas ye shes rdzogs la 'god/ /des ni ngan song sa yang rnam par spong / /de dag rnams kyi don mchog dam pa byed/ /bsod nams blo gros dran ldan mchod 'os 'gyur/ /dbugs phyin thob nas 'jig rten kun du rgyu/ /de yi g.yog 'khor yid 'ong sgra skad ldan/ /bsam pa ji bzhin de dag dga' ba skyed/ /sems can rnams la mi lhod zhi tshig ston/ /de la su yang dbang phyug med mi byed/ /skye bo tshogs chen dag gis blta 'os 'gyur/ /de yi g.yog kyang sgra dbyangs yan lag dag /sangs rgyas mchod rten thal sbyar phyag 'tshal ba/ /sbyin dang snyan par smra dang don spyod dang / /don 'thun pa dag skye bo mang la byed/ /spyos shing brgyad kyang khro ba'i dngos mi skyed/ /sangs rgyas mchod rten thal sbyar phyag 'tshal ba/ /mtho ris 'jig rten gnas shing lha dbang 'gyur/ /mir gyur na yang mi yi rgyal por 'ong / /de ni gzhar yang yongs su nyams mi 'gyur/ /sangs rgyas mchod rten thal sbyar phyag 'tshal ba/ /de ni gzhar yang ngan song phyis mi ltung / /'jig rten 'dir de rtag tu 'dod pa spong / /nor can nang na phyug cing mdzod mang 'gyur/ /yon tan ldan la tshig gcig su smra ba/ /de ni mi rigs sngags la gzhar mi spyod/ /mi yi 'jig rten gnas min spyod mi 'gyur/ /de la sems can mi ngoms dga' bar</font><hr>56.298a<br><font size=+1>

'gyur/ /yid 'ong dbyangs ldan pho brang 'khor gshegs shing / /'jig rten mgon po sgo gtan bzhugs pa'i tshe/ /su zhig shugs bskyed me tog blangs te gtor/ /de ni brgyan nas rgyal ba dam pa mthong / /rang gis khyim du stobs bcu bsnyen bkur byed/ /de yi bshos gsol chos bzang ston pa mdzad/ /dad pa skyes nas mi mchog bsnyen bkur byed/ /gos kyang thogs te rnam par 'dren la 'bul/ /sangs rgyas byang chub mtshungs med mchog thob nas/ /stobs bcu ldan zhing g.yo ba med gyur la/ /byang chub sangs rgyas sdug bsngal skye bo 'grol/ /'jig rten kun du mtshungs med sangs rgyas shog /de yi smon lam 'di 'dra 'di dang ni/ /sangs rgyas ye shes de sems dga' mkhyen nas/ /stobs bcu 'dzum mdzad 'jig rten thams cad du/ /mtshungs med sangs rgyas 'gyur zhes lung ston to/ /skyes bu dam pa mchog gi gsung thos nas/ /bde gshegs mchog gsung gzhan du mi 'gyur te/ /bdag ni rgyal ba mchog 'gyur dogs med ces/ /dga' zhing mgu nas bar snang kun du rgyu/ /'jig rten lha yi lhar gyur sangs rgyas su/ /khyad 'phags mtshungs med sbyin gnas 'gyur ba dang / /de sems spyod dang 'gal bar gnas mkhyen nas/ /de la stobs bcu mnga' bas bzhes par 'gyur/ /bde gshegs mchog gis gos ni bzhes rig nas/ /de ni shugs skyes rab dga' sems mgu ste/ /mtshungs med 'jig rten mgon la bltas nas ni/ /'jig rten sangs rgyas bdag 'gyur mos pa bskyed/ /skye shi pha rol sems can bsgral bar bya/ /grol nas skye bo mang po 'dus byas dgrol/ /'jig rten kun na long ba'i mig bdag 'gyur/ /snang ba thob nas mun pa rab rib bsal/ /de ltas phan yon dam pa 'di thos nas/ /me tog phreng ba rgyal mtshan gos mchog dang / /rol mo sgra dang gdugs dang byug bdug gis/ /mgon po mchod la sangs rgyas 'gyur bar gyis/ /bcom ldan 'das</font><hr>56.298b<br><font size=+1>

kyis de skad ces bka' stsal nas/ dge slong de dag dang / blo gros rnam par dag pa la sogs pa byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa spyan ras gzigs shes bya ba theg pa chen po'i mdo rdzogs so// // rgya gar gyi mkhan po 'dzi na mi tra dang / dA na shI la dang / zhu chen gyi lots+tsha ba ban d+he ye shes sdes bsgyur cing zhus te skad gsar chad kyis kyang bcos nas gtan la phab pa/ / </font><hr>

</table>