J135

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J135</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J135&coll=lithang">see text in Tibetan script</a></table>56.255a<br><font size=+1>

@#/   /rgya gar skad du/ Ar+ya tsan dron ta rA dA ri kA byA ka ra Na nA ma ma hA yA na sU tra/  bod skad du/  'phags pa bu mo zla mchog lung bstan pa zhes bya ba theg pa chen po'i mdo/  sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yangs pa can na tshal chen po'i khang pa brtsegs pa'i gnas na/ dgra bcom pa lnga brgya' tsam gyi dge slong gi dge 'dun chen po thams cad kyang cang shes kyi sems dang ldan pa/ bya ba byas pa byed pa byas pa/ khur bor ba/ bdag gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba/ sems can thams cad kyi dbang gi dam pa'i pha rol du son pa sha stag dang thabs gcig tu bzhugs so/ /byang chub sems dpa' brgya stong thams cad kyang mngon par shes pas mngon par shes pa/ gzungs thob pa/ spobs pa thogs pa med pa/ ting nge 'dzin thob pa/ mi skye ba'i chos la bzod pa thob pa/ mngon par shes pa lnga dang ldan pa/ tshig thogs pa med pa/ tshul 'chos pa med pa/ kha bsag med pa/ shes kyi khe 'dod pa'i sems dang bral ba/ zang zing med par chos ston pa/ chos zab mo la bzod pa dam pa'i pha rol du son pa/ mi 'jigs pa dang ldan pa/ bdud kyi las las yang dag par 'das pa/ las kyi sgrib pa spangs pa/ chos kyi rang bzhin la the tsom med pa/ bskal pa bye ba khrag khrig 'bum phrag grangs med par smon lam shin du brtsams pa bzhin 'dzum pa/ khro gnyer med pa tshigs su bcad pa'i dbyangs kyis smra ba la mkhas pa/ sems yongs su ma gtugs pa/ spobs pa rgyun mi 'chad pa/ chos mnyam pa nyid la bzod pa thob pa/ mi 'jigs pa</font><hr>56.255b<br><font size=+1>

chen pos 'khor mtha' yas pa zil gyis gnon pa/ tshig gcig gis bskal pa bye ba khrag khrig 'bum phrag gcig tu ston pa'i ye shes la mkhas pa 'das pa dang / ma 'ongs pa dang / da ltar byung ba'i chos thams cad sgyu ma dang / smig rgyu dang / chu zla dang / rmi lam dang / mig yor dang / brag ca dang / stong pa nyid dang / mtshan ma med pa dang / smon pa med pa dang / dben pa dang / g.yo ba med pa/ gzung ba med pa/ nam mkha'i ngo bo nyid lta bur mos pa/ shes rab dang / ye shes tshad med pa la mkhas pa/ sems can thams cad kyi spyod pa shes pa la mkhas pa/ sems can gyi mos pa ji lta ba bzhin du chos ston pa/ sems thogs pa med pa chos la sred pa dang bral ba/ nye ba'i nyon mongs pa med pa'i bzod pa dang ldan pa/ chos ji lta ba bzhin du shes pa la mkhas pa/ sangs rgyas kyi zhing mtha' yas pa'i yon tan bkod pa yongs su zin pa'i/ sangs rgyas rjes su dran pa'i ting nge 'dzin rtag par rgyun du mngon du gyur pa/ sangs rgyas dpag tu med pa la gsol ba 'debs pa shes pa la mkhas pa/ kun nas ldang ba dang / lta ba dang / nyon mongs pa dang / bag la nyal sna tshogs spong ba la mkhas pa/ ting nge 'dzin dang snyoms par 'jug pa thams cad kyis rnam par rtse ba'i mngon par shes pa'i shes pa la mkhas pa sha stag la 'di lta ste/ byang chub sems dpa' sems dpa' chen po 'jam dpal gzhon nur gyur pa dang / spyan ras gzigs dbang phyug dang / mthu chen po thob pa dang / 'byung dka' spos kyi glang po dang / brtson pa mi gtong dang / nyi ma'i snying po dang / gzungs kyi dbang phyug rgyal po dang / spos kyi 'od zer rab tu gtong ba dang / 'brug sgra dang / gser 'od rnam par nges pa'i rgyal po dang / sred med kyi bu dang / lag na rin po che dang / lag na phyag rgya rin po che dang nam mkha' mdzod dang / snang ba'i rgyal po dang / mthong</font><hr>56.256a<br><font size=+1>

dga' dang / sems can sgrol dang / rtag tu brtson dang / rtag tu rgod dga' dbang phyug dang / ngan song spong dang / rdo rje'i gnas rnam par gnon pa dang / 'jig rten gsum gyi gnas rnam par gnon pa dang / mi g.yo ba'i gnas rnam par gnon pa dang / mthong ba don yod dang / dpal gyi snying po dang / pad ma'i dpal dang / bal glang spos kyi glang po che dang / spobs pa zab mo dang / spobs pa chen po dang / chos 'phags dang / chos kyi rang bzhin the tsom med pa dang / seng ge'i stabs 'gro dang / 'jigs pa kun sel dang / sgrib pa thams cad rnam par sel ba dang / seng ge chen po mngon par sgrogs pa'i sgra dang / brjod med dang / spobs pa brtsegs pa dang / byang chub sems dpa' sems dpa' chen po byams pa dang / de dag la sogs pa byang chub sems dpa' brgyad stong dang yang thabs gcig go/ /de nas bcom ldan 'das la rgyal po dang / sna chen po la gtogs pa rnams dang grong khyer dang / ljongs kyi mi rnams dang / zhabs 'bring gnyug ma rnams dang / bram ze dang / rgyal rigs dang / khyim bdag rnams kyis bkur bstir byas/ bla mar byas/ ri mor byas/ mchod pa byas te/ yangs pa can gyi grong khyer chen po na tshal chen po'i khang pa brtsegs pa'i gnas na bzhugs so/ /de'i tshe yangs pa can gyi grong khyer chen po na li tsa bi dri ma med par grags pa zhes bya ba phyug pa/ nor mang ba/ longs spyod che ba/ longs spyod mang ba/ mdzod dang bang ba mang ba zhig gnas te/ de la chung ma dri med ma zhes bya ba mdzes pa/ blta na sdug pa/ kha dog bzang po/ rgyas pa mchog dang ldan pa zhig yod de/ zla ba dgu 'das pa dang / de las bu mo gzugs bzang ba/ mdzes pa/ blta na sdug pa/ yan lag dang nying lag thams cad legs par rdzogs pa zhig btsas so/ /bu mo de btsas ma thag tu khyim de thams cad snang ba chen pos khyab par gyur cing sa chen</font><hr>56.256b<br><font size=+1>

po yang rab tu g.yos par gyur/ phyi rol gyi sgo gang gi wa dag las kyang mar khu dang / 'bru mar dag rab tu 'dzag cing zhan pa dang / mgon med pa dang / bkren pa dang / sdug phongs pa gang yin pa dag ci bder yongs su spyod do/ /yangs pa can gyi grong khyer chen po na/ rnga bo che dang / rdza rnga dang / khar rnga dang / sil snyan dang / pheg rdob pa gang yin pa de dag thams cad kyang ma brdungs par sgra 'byin par gyur cing me tog gi char chen po dag kyang rab tu bab par gyur/ khyim gyi grwa bzhir yang rin po che sna tshogs kyis rab tu gang ba'i gter chen po bzhi byung zhing kha bye ste kun du snang bar gyur to/ /bu mo de btsas ma thag tu ngu skad mi 'byin cing mchi ma mi blog la lhag par yang sor mo bcu thal mo sbyar te/ de'i tshe tshigs su bcad pa 'di dag smras so/ /sdig las byas pas 'dir ni gtsang ma yi/ /lus su mi skye yid du 'ong bar min/ /sdig las byas pas 'dir ni longs spyod dag /'byor pa'i khyim rnams su yang mi skye'o/ /sbyin dul yang dag sdom dang bag yod cing / /gus dang bcas pas bla ma bsnyen bkur ba'i/ /gya nom rang bzhin las kyi rtag tu ni/ /longs spyod bdag nyid chen po'i khyim du 'grub/ /'dren pa rgyal ba 'od srung bsod snyoms phyir/ /yangs pa can gyi grong du zhugs pa na/ /bdag gis khang bzangs steng nas mthong gyur cing / /mthong nas der ni bdag yid dang ba dran/ /de tshe bdag yid rab tu dang gyur nas/ /bdag la me tog med cing byug pa med/ /phye ma spos med zas dang skom med pas/ /ston pa 'di la cis mchod bya snyam sems/ /de nas bdag gis sgra thos sangs rgyas ni/ /'gro ba dgrol phyir zang zing med spyod cing / /'jig rten brtse phyir thugs rje skyes nas ni/ /sangs rgyas bsod snyoms slad du 'jig rten brgyan/ /gal te rgyal ba de dag mchod 'dod na/ /sangs rgyas nyid phyir khyod kyis smon lam thob/ /</font><hr>56.257a<br><font size=+1>

byang chub sems bskyed brtan gyur gang yin pa/ /de las lhag mchod srid pa gsum na med/ /bar snang sgra thos de nas bdag gis ni/ /mtshan mchog spras pa'i sangs rgyas mthong ba dang / /byang chub phyir ni mi g.yo yid skyes nas/ /khang pa de nas rang gis lus mchongs te/ /bar snang ta la srid la 'dug nas ni/ /phyogs bcu dag na bzhugs pa'i sangs rgyas dang / /de bzhin rgyal ba 'od srung de yi sku/ /rin chen ri dang lhun po 'dra ba mthong / /rgyal ba'i mthus ni bdag gi lag mthil du/ /mAn dA ra ba'i phur ma che byung zhing / /de dag bdag gis 'od srung gtor ba dang / /me tog gdugs gyur nam mkha' la ni gnas/ /gang dag phyogs bcu'i sangs rgyas mtha' yas pa/ /mtshan gyis sku brgyan de dag bltas na yang / /ji ltar 'od srung steng na 'dug pa ltar/ /de dag la yang me tog gdugs nyid snang / /mkha' la gnas bzhin bdag gis tshig smras pa/ /bskal pa chu rdul snyed du spyad bya zhing / /byang chub ma thob bdag phyir mi ldog gis/ /bdag ni sangs rgyas rkang gnyis gtsor gyur cig /bdag gis seng ge'i nga ro de thos nas/ /de tshe stong phrag bcu gnyis tshang ba yi/ /lha mi lha min gnod sbyin srin po rnams/ /sangs rgyas byang chub mchog la yang dag zhugs/ /thos nas sum bcu rtsa gsum lhar skyes shing / /las bzang byas pa chud zar ma gyur pas/ /de nas shi 'phos 'dzam gling 'dir 'ongs kyis/ /de phyir skye bo rnams kyis bsod nams byos/ /gang tshe sum bcu rtsa gsum gnas gyur pa/ /de tshe bdag gis rgyal ba shAka thub mchod/ /bdag ni 'dod dang longs spyod lus mi gnyer/ /rgyal ba yang dang yang du mchod par bya/ /bdag gis bsod nams rnam smin de mthong zhing / /nyin cig 'dra ba tshe rabs brgya yang dran/ /bdag 'dir skyes pa'i dpal yang 'di 'dra</font><hr>56.257b<br><font size=+1>

mang / /mkhas pa su zhig rgyal la gus mi skyed/ /de nas bu mo des tshigs su bcad pa de dag smras nas cang mi zer bar 'dug par gyur to/ /de'i sngon gyi dge ba'i rtsa ba'i 'bras bu'i rgyu mthun pas lus la lha'i gos rin po che dag gyon bzhin du byung bar gyur nas/ de'i lus las zla ba las shin du khyad par du 'phags pa'i 'od zer gser gyi mdog tu snang ba dag kyang byung ngo / /de nas pha ma dag gis de'i ming zla mchog ces bya bar btags so/ /de nas bu mo zla mchog de skad cig dang / thang cig dang / yud tsam cig gis 'di lta ste/ dper na bu mo lo brgyad lon pa lta bu'i na tshod du kun du snang ngo / /des sa'i phyogs gang dang gang dag tu 'greng ba dang / 'chag pa dang / 'dug pa dang / mal bcas par gyur pa de dang de dag tu 'od zer gyi mdog lta bu dag snang bar gyur to/ /de'i spu'i khung bu thams cad nas tsan dan sa mchog pa'i dri dag dang / kha nas kyang uta pa la sngon po'i dri ngad byung bar gyur to/ /de nas yangs pa can gyi grong khyer gyis tshong dpon dang / khyim bdag dang / rgyal bu rnams dang / de las gzhan pa rigs che ba rnams dang / rigs mtho ba dag gis bu mo zla mchog gi lus kyi gzugs dang / kha dog yongs su rdzogs pa thos so/ /thos nas kyang 'dod pa'i 'dod chags kyis sems shin du dkris par gyur cing so so nas 'di snyam du sems te/ de bdag gi chung mar gyur na ci ma rung snyam mo/ /de nas skye bo phal po che rnams de thob par bya ba'i phyir sems brtson par gyur te/ de dag las kha cig ni li tsa bi dri ma med par grags pa la snyen par byed/ sten par byed cing bsnyen bkur byed par gyur to/ /kha cig ni nor bu dang / gser dang / dngul dang / rdo rje dang / bai dUr+ya dang / spug dang / an da rnyil dang / dung dang / men shel dang / byi ru bye ba snyed dag sbyin zhing 'dod pa skyed par byed do/ /kha cig ni nor dang / 'bru dang / khyim dang / longs spyod dang / kha zas dag stobs par byed do/ /kha cig ni bran dang</font><hr>56.258a<br><font size=+1>

bran mo dang / las mi dang / zho shas 'tsho ba dag la gsad pa dang / bcing ba dang / brdeg pa la sogs pa dag gis 'jigs pa ston par byed do/ /kha cig ni lid tsa bi dri ma med par grags pa la 'di skad ces zer te/ gal te khyod kho bo cag la bu mo zla mchog 'bul bar mi byed na/ de'i phyir khyed la des sdug bsngal 'byung bar bya zhing khyod la gnod pa chen po yang bya'o zhes zer ro/ /de nas lid tsa bi dri ma med par grags pa 'di snyam du ma la dpung dag lhags nas bdag bzung zhing bcom ste/ bu mo yang phrogs la bdag kyang srog dang phral bar mi 'gyur grang snyam nas/ skrag cing dngangs la sgyid lug cing spu zing zhes byed par gyur nas/ de dran pa nyams shing gzhan gyi sro shi la rab tu ngu zhing mchi ma blags te/ mig mi 'dzums par bu mo zla mchog la lta'o/ /bu mo zla mchog gis rang gi pha ngu zhing yi shi la gdong mchi mas yog cing yul yul por gyur pa mthong ngo / /mthong nas de la 'di skad ces smras so/ /yab ci'i slad du 'di ltar bshums shing bshums mo dag rab tu klog par mdzad lags/ de nas lid tsa bi dri ma med par grags pas bu mo zla mchog la 'di skad ces smras so/ /bu mo 'di ltar khyod 'brog cing khyod kyi phyir grong khyer thams cad du thab mo dang rtsod pa dag kun du 'byung bar khyod kyis mi shes sam/ de'i phyir dpung dag lhags shing bcom ste/ khyod phrogs par mi 'gyur grang snyam nas des na mchi ma byung ba yin mod/ de nas bu mo zla mchog gis rang gi pha la tshigs su bcad de smras pa/ gal te 'dzam gling sems can thams cad dag /sred med bu 'dra'i brtson 'grus thob gyur cing / /de dag mtshon thogs bdag slad rgyug gyur kyang / /de dag rnams kyis bdag gzhom rngo mi thog /byams sems ldan la dug dang mtshon mi tshugs/ /ro langs dang ni 'jigs pa gzhan mi 'byung / /byams sems tha ba zhe sdang ma mchis</font><hr>56.258b<br><font size=+1>

pas/ /byams pa'i sems la gzhan gyis gnod mi 'gyur/ /yab bdag 'jig rten dag la byams pa che/ ngan bu bdag bzhin 'gro la dga' bar gnas/ nam yang gzhan la sdug bsngal ma bgyis pas/ de phyir ngan bu sdug bsngal mi 'gyur yab/ chags bral nam yang 'dod chags ma mchis shing / byams pa yongs bsgoms zhes sdang ma mchis lags/ bdag la chags sdang gti mug ma mchis te/ de phyir ngan bu gzhan gyis mi thub yab/ /yab dang yum la byams pa mchis pa ltar/ /'gro ba kun la rgyun du bdag de bzhin/ /yab gang 'jig rten dag la de 'drar byams/ /de ni nams kyang gzhan gyis gnod mi 'gyur/ nam mkha' dog sa 'dzin par bgyid gyur ram/ lhun po yungs 'bru'i nang du gnas gyur tam/ rgya mtsho chen po gnag rjes zhugs gyur kyang / bdag 'joms bgyid par rngo thog ma mchis yab/ de nas bu mo zla mchog gis tshigs su bcad pa de dag smras nas rang gi pha ma la 'di skad ces smras so/ /yab yum de'i slad du 'di ltar deng nas dgung bdun na bu mo zla mchog phyir 'byung bar 'gyur zhing byung nas kyang rang gang 'dod pa'i khyim thab 'dam par 'gyur gyis/ der khyod cag gis bsgrim par bya zhing lam srang dang bzhi mdo dang sum mdo'i phyogs thams cad kyang rgyan dag gis brgyan par bya zhing / me tog dang / bdug spos dang / spos dang / me tog phreng dang / byug pa'i cho ga dag gis kyang byi bdor gyis shig ces shul po che dang / bzhi mdo dang / sum mdo thams cad du dril dkrol zhing sgra bsgrag tu gsol/ de nas bu mo zla mchog gis pha ma gnyis rang gi khyim nas byung ste/ 'di skad du deng nas zhag bdun na bu mo zla mchog phyir 'byung bar 'gyur zhing byung nas kyang bu mo gang 'dod pa'i khyim thab 'dam par 'gyur gyis/ der khyed cag gis bsgrims par bya zhing lam srang dang / bzhi mdo dang / sum mdo'i phyogs thams cad</font><hr>56.259a<br><font size=+1>

brgyan dag gis brgyan par bya zhing / me tog dang / bdug spos dang / spos dang / me tog phreng dang byug pa'i tshogs dag gis kyang byi dor gyis shig ces rang bzhin de dag kun du bsgrags so/ /de skad so sor thos nas yangs pa can gyi skye bo phal po che rnams 'di ltar rang rang gi lam srang dang / bzhi mdo dang / sum mdo'i phyogs dag brgyan par bya ba la brtson par gyur cing / sems la 'di snyam du ci nas kyang bu mo zla mchog ni bdag la 'dzin gyi gzhan dag la ni ma yin grang snyam du sems te/ de dag phan tshun 'gran pas rang rang brgyan par byed de/ 'di lta ste/ tshong dpon dang / khyim bdag dang / zhang blon dang / bram ze dang / rgyal bu rnams dang / las mi'i bar dag kyang shin du khrus byas shing lus legs par byugs te/ gos bzang po bgos shing rgyan sna tshogs kyis lus brgyan nas rang rang gi g.yog 'khor rnams la khyed cag bsgrims shig /gal te bu mo zla mchog 'u cag gi gan du rang mi 'ong ba blta na/ de'i phyir mthus drangs la phrogs shig ces skul bar byed do/ /de ltar zhag bdun 'das pa dang / skye bo 'phal po che dag ngo mtshar du 'dzin par gyur nas/ bu mo zla mchog blta ba'i phyir 'dus par gyur to/ /de nas bu mo zla mchog nyi ma drug pa la zla ba nya ba'i tshe gso sbyong yan lag brgyad po yang dag par blangs te mtshan mo mi nyal tsam na steng gi khang bzangs kyi thog na 'chag cing 'dug go/ /de nas sangs rgyas kyi mthus bu mo zla mchog gi lag pa g.yas par pad ma sdong bu ni gser/ 'dab ma ni dngul/ ze ba ni bai dUr+ya snying po ni rdo'i snying po las byas pa 'dab ma 'bum phrag du ma yod pa/ blta na sdug pa 'od gsal ba zhig byung bar gyur to/ /pad ma de'i snying po'i dbus na de bzhin gshegs pa'i sku sku mdog gser 'dra la gzi brjid 'bar ba/ 'od kyis snang bar mdzad pa/ skyes bu</font><hr>56.259b<br><font size=+1>

chen po'i mtshan sum bcu rtsa gnyis kyis sku legs par brgyan pa/ dpe byad bzang po brgyad bcus gzugs mdzes par byas pa/ skyil mo dkrung gis bzhugs pa zhig kyang byung bar gyur te/ de bzhin gshegs pa'i sku pe'i 'od kyis khyim de thams cad snang bas gsal bar gyur to/ /de nas bu mo zla mchog gis pad ma de mthong zhing de bzhin gshegs pa'i sku yang mthong ba dang / dga' zhing mgu la yi rangs te/ rab tu dga' zhing dga' ba dang yid bde ba skyes nas de bzhin gshegs pa'i sku de la tshigs su bcad de gsol pa/ 'di 'dra'i dpal dang ldan pa khyod/ /ci lags lha 'am 'on te klu/ /lha min gsang ba mi 'am ci/ /su lags dris pa nges par gsungs/ /khyod sku gser mdog 'od gsal ba'i/ /tshad ni dmigs su ma mchis te/ /skad cig mdog gser btsod ka dang / /myur bar shel 'od 'dra bar gda'/ /ngan bu lhan chad lus kyis ni/ /'du shes ma mchis sems mi g.yo/ /mgon po khyod kyi sku mthong nas/ /bdag ni dga' ba yangs pa skyes/ /khyod sku dpal 'bar me 'dra zhing / ri las ri bzhin mdzes 'phags pa/ /ji ltar bzung zhing rab tu gnas/ gang nas 'dir byon gang du gshegs/ /de nas de bzhin gshegs pa'i sku des bu mo zla mchog la phyir tshigs su bcad de bka' stsal pa/ nga ni lha min klu yang min/ /mi 'am ci min gnod sbyin min/ /sangs rgyas shAkya seng ge yis/ /nga ni khyod kyi gan du btang / /nga ni lha min gnod sbyin min/ /klu min mi 'am ci yang min/ /chos byung nga deng khyod kyi phyir/ /lha mi 'dul bas bka' stsal to/ /de nas de bzhin gshegs pa'i sku de la bu mo zla mchog gis tshigs su bcad de gsol pa/ sangs rgyas sangs rgyas zhes bgyi ba/ /de mdog ci 'dra 'dir gsungs la/ /de yi rtags dang dbyibs gsungs dang / /de thos bdag gis rtogs par 'gyur/ /khyod 'dir sangs rgyas mtshan gsungs na/ /de mdog rtags</font><hr>56.260a<br><font size=+1>

dang dbyibs mi gsung / /sangs rgyas rung spyod gang dang mthu/ /mi mnyam mdzad spobs 'dir gsungs shig /bu mo zla mchog la tshigs su bcad de bka' stsal pa/ /de ni sku mdog gser 'dra zhing / /mtshan mchog sum bcu rtsa gnyis mnga'/ /sems can kun gyi mchog rten de/ /de phyir sangs rgyas zhes brjod do/ /byed ldan sems can rnams kyi ni/ /spyod pa mchog dang dman pa dag /thugs gcig gis ni rtogs mdzad de/ /de phyir sangs rgyas zhes brjod do/ /chos kun rnam pa thams cad du/ /des ni mi mkhyen cung zad med/ /ye shes kun gyi pha rol byon/ /de phyir sangs rgyas zhes brjod do/ /des ni sems can kun gyi sems/ /thugs gcig gis ni rtogs gyur kyang / /kun gyis sems la nam du yang / /rlom pa mi mnga' gzhan du na/ /sangs rgyas spyod pa sbyin pas 'phags/ /tshul khrims spyod pas mthor 'phags shing / /bzod dang brtson pas mngon 'phags la/ /bsam gtan shes rab yang dag 'phags/ /bzo rnams thams cad legs bslabs pas/ /des ni mi mkhyen cung zad med/ /byams dang thugs rje phun sum tshogs/ /de phyir sangs rgyas zhes brjod do/ /gang gis bla med 'khor lo yi/ /chos kyi 'khor lo rab bskor cing / /zhing rnams bye ba rnams rig la/ /bdag med rab tu bstan mdzad cing / /gang gis sangs rgyas zhing stong dang / /brgya dang khrag khrig snyed rnams dag /ljags kyis rab tu khyab mdzad pa/ /de phyir sangs rgyas zhes brjod do/ /zhing rnams bye ba stong phrag ni/ /gang gA'i bye ma snyed dag tu/ /dbyangs kyis go bar mdzad pas na/ /de phyir sangs rgyas zhes brjod do/ /'dren pas phyag ni ya gcig gis/ /zhing rnams bye snyed blangs mdzad cing / /bskal pa bye bar de bzhugs pas/ /de phyir sangs rgyas zhes brjod do/ /zhing rnams stong phrag bye snyed na/ /ri bo lhun po ji snyed pa/ /</font><hr>56.260b<br><font size=+1>

skra nyag gcig gis de sbams shing / /zhing rnams bye bar 'phen mdzad la/ /chos rnams kun la rang byung zhing / /gsan nas go 'phang mchog brnyes pa/ /sems can bcing ba rnam 'grel bas/ /de phyir sangs rgyas zhes brjod do/ /dbang ldan gyur cing stobs bcu mnga'/ /mi bsnyengs rtogs par thugs su chud/ /sangs rgyas chos la nem nur med/ /de phyir sangs rgyas zhes brjod do/ /dbu yi gtsug tor bltar mi mthong / /spyan lnga dag dang ldan pa dang / /stobs dang dbang po lnga mnga' zhing / /byang chub yan lag lam la gnas/ /ngang tshul bzang zhing 'grogs na bde/ /zhi zhing dul la bla na med/ /g.yo med drang po gsal ba ste/ /de phyir sangs rgyas zhes brjod do/ /de ni rtag tu mnyam bzhag cing / /de la g.yeng ba mi mnga' la/ /sems can don gyi dus su gsungs/ /de phyir sangs rgyas zhes brjod do/ /yon tan kun dang legs ldan zhing / /de ni 'gro ba'i mchod rten te/ /thams cad mkhyen cing thams cad gzigs/ /de phyir sangs rgyas zhes brjod do/ /nga yis bskal pa 'am yang na ni/ /bskal pa bye ba phrag brgyar yang / /gang phyir sangs rgyas de don brjod/ /de phyir sangs rgyas zhes brjod do/ /de nas bu mo zla mchog dga' zhing mgu la yi rangs te/ rab tu dga' zhing dga' ba dang / yid bde ba skyes nas de bzhin gshegs pa blta bas yongs su skom par gyur te/ de bzhin gshegs pa'i sku de la phyir tshigs su bcad de gsol pa/ gang gi yon tan de 'dra ba'i/ /rdzogs sangs de ltar rngo thog gam/ /chos 'di thos na mkhas pa ni/ /su zhig skad 'ga'ang khyim la dga'/ /ji srid bde gshegs ma mthong bar/ bdag ni rmugs dang gnyid spong zhing / /zas dang skom yang mi 'tshal la/ /stan la'ang mchis par mi bgyid do/ /bdag gis khyod mthong shin du rangs gyur cing / /yon tan bdag nyid thos nas bdag rab dang / /</font><hr>56.261a<br><font size=+1>

mngon sum sangs rgyas de ni mthong 'gyur la/ /slar zhing mtshungs med dga' bar 'gyur lags grang / /bskal pa stong phrag bye bar 'jig rten na/ /skyes bu mchog rnams mthong ba shin du dkon/ /dgra bcom de'i mtshan thos bdag gi ni/ /rnyed pa legs brnyed bdag gis rgyal ba blta/ /sprul pa de yis de la 'di skad smras/ /sems can mchog de tshal chen nang na bzhugs/ /de yi dge 'dun stong phrag brgyad po dag /dpa' bo sdig med mi gtsang spangs pa yin/ /de dag re re 'ang lag pa ya gcig gis/ /bskal pa mang por stong gsum zhing 'deg cing / /ting 'dzin mngon shes spobs pa rab thob la/ /thos pa mi 'khrug rgya mtsho 'dra ba yin/ /de dag rgyal ba mchod phyir rdzu 'phrul gyis/ /bye ba dpag med zhing du skad 'gas 'dong / /dong nas sangs rgyas bye snyed mngon mchod cing / /brtan rnams phyir yang skad 'gas ldog par byed/ /bdag tu 'du shes sangs rgyas 'du shes med/ /spobs pa sna tshogs kun gyis ma gos shing / /sems can tshogs chen rnams kyi don yang byed/ /dgra thul de dang byang chub sems dpa' dang / /de bzhin dge slong dge 'dun lta 'dod cing / /thub dbang drung nas chos mchog nyan 'dod na/ /tshal chen gang na ston de bzhugs par song / /de nas bu mo zla mchog pad ma de nyid dang / de bzhin gshegs pa'i sku ji ltar bzhugs pa de nyid thogs bzhin du khang bzangs kyi steng de nas babs nas rang gi pha ma ga la ba der song ste phyin pa dang / rang gi pha ma la tshigs su bcad de smras pa/ yab gzigs ngan bu'i sug pa g.yas pa na/ /pad ma gser sdong mdzes pa yid du mchi/ /skyes bu dam pa'i sku la gzigs shig yum/ /mthong na su zhig de la skyabs mi mchi/ /rang gi gnas kun gser mdog 'dra ba yi/ /</font><hr>56.261b<br><font size=+1>

'od kyis gsal ba bdag gis mthong lags yum/ /skad cig la yang du mar ldog 'gyur bas/ /sku yi tshad ni gzung bar rngo mi thog /de slad rgyal po'i spyan sngar tshal chen du/ /rgyal ba gau tam gzigs su gshegs so yum/ /me tog rnams dang spos mchog bsnams nas su/ /de bzhin gshegs pa la ni mchod par bgyi/ /zla ba mchog gi pha dang ma dag gis/ /yid du 'ong ba'i tshig thos legs so zhes/ /gos rnams dang ni bdug spos spos dag dang / /me tog rnams dang phreng ba byug pa 'ang blangs/ /rnga chen rdza rnga ha bshang gdugs rnams dang / /dung dang rgyal mtshan gling bu pi bang dang / /rin chen sil snyan yid 'ong thogs nas ni/ /de dag khang pa de nas nges par byung / /de'i tshe na nyi ma bdun pa de la srog chags 'bum phrag du ma dag bu mo zla mchog blta ba'i phyir 'dus par gyur nas/ de dag las kha cig ni 'dod pa'i 'dod chags kyis sems kun nas dkris par gyur/ /kha cig ni lta 'dod par gyur/ /kha cig ni rtog pa skyes par gyur nas thams cad dang ldan pa'i yangs pa can gyi grong khyer chen po rgyan gyis brgyan to/ /khye'u dang bu mo dag kyang stegs bu dang / sgo khang dang / rta babs dang / skar khung dang / pu shu dang / khang pa brtsegs pa dang / khang bzang kyi steng dag tu dong ste 'khod par gyur to/ /de nas bu mo zla mchog de bzhin gshegs pa'i sku pad ma la bzhugs pa de nyid kyang thogs bzhin du pha ma dang 'khor mang po rnams dang lhan cig tu me tog dang / bdug spos dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag thogs te sil snyan dang / pheg rdob pa sna tshogs byed pa de dag gis yongs su bskor cing mdun du bdar te rang gi gnas nas byung ngo / /de nas srog chags 'bum phrag du ma dag gis de grong</font><hr>56.262a<br><font size=+1>

bar gyi dbus su byung ba/ mthong ba dang / bdag gis 'di gzung bar bya'o snyam du sems shing rab tu rgyug go/ /de'i tshe na yangs pa can gyi grong khyer chen po na skye bo phal po che de dag lhan gcig tu rgyug pa'i tshe ha ha tshur shog tshur shog ces bya ba'i sgra chen po byung bar gyur to/ /de nas bu mo zla mchog gis de'i mod la skye bo phal po che rgyug pa de dag mthong nas/ de'i tshe de bzhin gshegs pa'i sku pad ma la bzhugs pa de nyid kyang thogs bzhin du bar snang gi nam mkha' la shing ta la'i srid tsam du mngon par 'phags te 'dug par gyur to/ /'dug nas kyang skye bo phal po che de dag la tshigs su bcad de smras pa/ bzod ldan bdag mdzes pa yi lus 'di ni/ /chags pa'i sems las byung ba ma yin te/ /kha dog gser mdog me lce 'bar ba 'dra/ /shin du yid 'ong kho mo'i lus 'di ltos/ /gang dag yul rnams la ni brkam med na/ /me mdag 'obs 'dra rab 'bar 'dod spong zhing / /dbang po drug rnams sdom pas bsdams pa dang / /gang dag tshangs spyod rnams spyod dag pa dang / /gang dag gzhan gyi bud med rnams mthong na/ ma sring snyam du 'du shes skyed byed na/ /de dag mdzes shing shin du blta sdug la/ /rtag tu mchog tu yid du 'ong bar 'gyur/ /gang gis sa 'di kun tu khyab byed pa/ /bdag gis spu yi khung nas byung ba'i dri/ 'dod chags sems kyis bdag gis de ma bsgrubs/ /de ni sbyin dang dul ba'i 'bras bu yin/ /kho mo 'dod chags ldan pa'i sems mi skyed/ /'dod chags bral la chags pa ma skyed cig /ji ltar smras bden nam yang brdzun min te/ /mdun gyi thub dbang 'di ni bdag gi dpang / /sngan chad khyod cag kho mo'i phar gyur la/ kho mo 'ang khyed kyi pha dang phu nu dang / /sring mo 'am mar yang yang dang yang gyur pas/ /su zhig ma la 'dod chags sems skyed byed/ /</font><hr>56.262b<br><font size=+1>

sngan chad kho mos khyed kun bsad gyur cing / /khyod kyi kho mo 'ang sngan chad bsad gyur pas/ /thams cad phan tshun dgra bo gshed yin na/ /khyed cag ji ltar 'dod chags sems bskyed byed/ /chags pas gzugs dang ldan par mi 'gyur zhing / /chags sems can dag bde 'gror 'gro mi 'gyur/ /chags pa'i sems ldan mya ngan mi 'da' bas/ /de phyir 'dod chags yongs su spang bar bya/ /'dod pa'i gzhi las dmyal bar 'gro 'gyur zhing / /'dod chags las ni yi dgas dud 'gror 'gyur/ /gang dag 'dod chags dkris pa'i sems ldan pa/ /grul bum lha min gnod sbyin sha zar 'gyur/ /'dod chags las ni zhar ba theng po dang / /lce med gzugs mi sdug pa dag tu 'gyur/ /gang dag 'dod chags ngan pa'i spyad spyod pa/ /rnam pa sna tshogs skyon gyi snod du 'gyur/ /'khor los sgyur ba'i rgyal srid thob pa dang / sum cu gsum pa'i dbang phyug brgya byin dang / /tshangs pa dbang ldan dbang sgyur gang yin pa/ /de ni tshangs spyod yangs pa spyod pa yin/ /rtag tu 'dod pa dag la brkam pa rnams/ /dmus long 'on pa glen pa khyi phag dang / /rnga mo bong bu spre'u dang glang po dang / /stag dang gnag rta phye leb sprang bur 'gyur/ /gang dag tshangs spyod yangs pa spyod byed pa/ /sa yi dbang phyug dga' ba rnams dang ni/ /tshong dpon khyim bdag blon por gyur nas ni/ /bde zhing yid bde zhi bar 'gro bar 'gyur/ /rang rgyal rnams dang de bzhin dgra bcom dang / /sangs rgyas mtshan gyis spras pa gsal gyur cing / /bla med byang chub zhi ba rtogs gyur nas/ /sems can tshogs chen rnams kyi don mdzad 'gyur/ /'dod pas 'khor ba dag na bsreg pa dang / /yang na du bas bdug cing gsad pa 'am/ /bcing dang de bzhin brdeg bsdigs mgo dang ni/ /</font><hr>56.263a<br><font size=+1>

rna mig sna dang rkang pa gcad par 'gyur/ /'dod spyod nyes pa gcig tu ma zad do/ /'dod rnams mi mthun nyes pa mtha' yang med/ /gal te myur du de nas thar 'dod na/ /tshur shog rgyal ba de yi spyan sngar 'deng / /lha mis mchod pa'i sangs rgyas ma gtogs par/ /rten dang dpung gnyen gzhan dag yod min zhing / /rgyal ba 'byung ba bskal pa brgyar dkon gyis/ /thams cad lhan cig 'grogs te 'dong bar bya/ /bu mo zla mchog gis tshigs su bcad pa de dag smras ma thag tu de nas de'i mod la sa chen po rab tu g.yos par gyur cing / nam mkha'i dkyil na 'khod pa'i lha'i bu rnams kyis kyang a la la zhes ca co dang ga zha'i sgra chen po 'bum phrag du ma dag rab tu phyung ste/ me tog gi char dag kyang rab tu phab/ sil snyan bye ba khrag khrig 'bum phrag du ma dag kyang rab tu gsil to/ /skye bo phal po che de dag kyang shin du yid byung zhing spu zing zhes byed la ngo mtshar du 'dzin par gyur nas 'ga' yang phyin chad 'dod chags dang zhe sdang dang / gti mug dang / khro ba dang / thab pa dang / 'chab pa dang / gnod sems dang / rnam par gnod pa med cing thams cad kyang sems kyi sgrib pa dang bral la lus rab tu sim zhing nyon mongs pa thams cad dang bral bar gyur nas/ bu mo zla mchog de la ma dang sring mo dang / ston pa lta bur sdug par gyur cing phyag byas te ji ltar thogs pa'i me tog dang / bdug spos dang / spos dang / me tog phreng dang / byug pa de dag gis kyang mngon par gtor to/ /gtor ma thag tu sangs rgyas kyi mthus de nas de'i mod la me tog gi gdug dpag tshad phyed tsam pa zhig tu gyur te/ de bzhin gshegs pa'i sku de'i dbu'i gtsug gi drang thad kyi steng na 'dug par gyur to/ /de nas bu mo zla mchog bar snang de las babs te/ sor bzhi tsam gyis</font><hr>56.263b<br><font size=+1>

sa la ma reg par nam mkha' la chags bzhin du yangs pa can gyi grong khyer chen po nas byung ngo / /de'i rkang pa bzhag pa dang bteg pa thams cad du sa chen po rab tu g.yos pa dang / yangs pa can gyi grong khyer chen po'i srog chags brgyad khri bzhi stong tham pa yang bu mo zla mchog song ba'i phyi bzhin 'brang bar gyur to/ /de nas tshe dang ldan pa shA ra dwa ti'i bu dge slong lnga brgya tsam dang lhan gcig tu snga dro'i dus kyi tshe sham thabs dang chos gos bgos te lhung bzed thogs nas bsod snyoms kyi phyir yangs pa can gyi grong khyer chen por zhugs pa dang / nyan thos chen po de dag gis bu mo zla mchog skye bo phal po ches yongs su bskor cing rgyang ring po nas 'ong ba mthong ngo / /mthong nas kyang tshe dang ldan pa shA ra dwa ti'i bus tshe dang ldan pa 'od srung chen po la 'di skad ces smras so/ /tshe dang ldan pa 'od srung chen po bu mo zla mchog 'di ni bcom ldan 'das kyi spyan sngar 'gro na/ bdag cag gis 'di ci bzod pa thob pa zhig gam/ 'on te ma yin zhes shes par byas/ dri ba 'ga' zhig yongs su dri bar bya 'am zhes nas/ de nas tshe dang ldan pa shA ra dwa ti'i bu dge slong de dag dang lhan cig tu bu mo zla mchog ga la ba der song ste phyin nas bu mo zla mchog la 'di skad ces smras so/ /bu mo khyod gar 'gro bu mos smras pa/ btsun pa shA ra dwa ti'i bu gang 'di skad du bu mo khyod gar 'gro zhes gsung ba ni gnas brtan gang du bzhud pa de nyid du bdag kyang mchi lags so/ /shA ra dwa ti'i bus smras pa/ bu mo kho bo ni yangs pa can du 'jug la khyod ni yangs pa can nas byung na/ 'o na khyod 'di skad du gnas brtan gang du bzhud pa de nyid du bdag kyang mchi lags so zhes zer ba de ji ltar rigs par 'gyur/ bu mos smras pa/ btsun pa shA ra dwa ti'i bu khyod zhabs gang nas 'deg cing gang du 'jog par mdzad lags/ shA ra dwa ti'i bus smras pa/ bu mo</font><hr>56.264a<br><font size=+1>

kho bo ni rkang pa nam mkha' las 'deg cing nam mkha' nyid la 'jog par byed do/ /bu mos smras pa/ btsun pa shA ra dwa ti'i bu bdag kyang sug pa nam mkha' las 'deg cing nam mkha' nyid la 'jog par bgyid de/ nam mkha'i khams la ni tha dad pa cung zad kyang ma mchis pas/ btsun pa shA ra dwa ti'i bu de'i slad du bdag gis 'di skad ces khyod gang du bzhud pa de nyid du bdag kyang mchi lags so zhes smras so/ /shA ra dwa ti'i bus smras pa/ bu mo kho bo ni mya ngan las 'das par 'gro'o/ /bu mos smras pa/ btsun pa shA ra dwa ti'i bu chos thams cad mya ngan las 'das par mchi ba lags pas bdag kyang der mchi ba lags so/ /shA ra dwa ti'i bus smras pa/ bu mo gal te chos thams cad yongs su mya ngan las 'das par 'gro ba yin na/ 'o na khyod ci'i phyir yongs su mya ngan las 'das par mi 'gro/ bu mos smras pa/ btsun pa shA ra dwa ti'i bu yongs su mya ngan las 'das par mchi ba ni yongs su mya ngan las mi 'da' zhing yongs su mya ngan las 'das par mchi ba la ni skye ba dang 'jig pa yang ma mchis la/ yongs su mya ngan las 'das par mchi ba la ma gtogs par yang gang yongs su mya ngan las 'da' bar 'gyur ba 'ga' yang ma mchis lags so/ /de ci'i slad du zhe na/ yongs su mya ngan las 'da' bar mchi ba nyid yongs su mya ngan las 'das pa lags pa'i slad du'o/ /de skad ces smras pa dang / tshe dang ldan pa shA ra dwa ti'i bus bu mo zla mchog la 'di skad ces smras so/ /bu mo 'o na ci khyod nyan thos kyi theg pa la yang dag par zhugs pa yin nam/ 'on te rang sangs rgyas kyi theg pa la yang dag par zhugs pa yin nam/ 'on te theg pa chen po la yang dag par zhugs pa yin/ bu mos smras pa/ btsun pa shA ra dwa ti'i bu gang 'di skad du khyod theg pa gang la yang dag par zhugs pa yin zhes gsung ba ni btsun pa shA ra dwa ti'i bu de'i slad du de khyod nyid la zhus khyod kyis ji ltar bzod pa de bzhin du lan gdab tu gsol/ btsun pa shA ra dwa ti'i bu khyod kyis rtogs pa'i chos gang lags pa'i chos de ci</font><hr>56.264b<br><font size=+1>

nyan thos kyi theg pa la yang dag par zhugs pa zhig lags sam/ rang sangs rgyas kyi theg pa la yang dag par zhugs pa zhig lags sam/ theg pa chen po la yang dag par zhugs pa zhig lags/ shA ra dwa ti'i bus smras pa/ bu mo de ni ma yin no/ /de ci'i phyir zhe na/ chos de la ni rnam par rtog pa 'am/ spros pa 'ga' yang med la tha dad pa nyid kyang ma yin/ gcig pa nyid kyang ma yin/ sna tshogs nyid kyang ma yin pa'i phyir ro/ /bu mos smras pa/ btsun pa shA ra dwa ti'i bu de'i slad du rnam par rtog pa ma mchis pa dang / spros pa ma mchis pa'i chos thams cad dang / tha dad du dbyer ma mchis pa'i chos thams cad la ni gang gnas par 'gyur ba 'am/ yongs su mya ngan las 'da' bar 'gyur ba'i chos de dmigs su ma mchis lags so/ /shA ra dwa ti'i bus smras pa/ bu mo khyod kyi spobs pa ni ngo mtshar na gzhan yang khyod kyis de bzhin gshegs pa ji snyed cig la bsnyen bkur byas bu mos smras pa/ btsun pa shA ra dwa ti'i bu gang 'di skad ces khyod kyis de bzhin gshegs pa ji snyed cig la bsnyen bkur byas shes gsung ba ni de bzhin nyid dang chos kyi dbyings ji snyed pa la'o/ /shA ra dwa ti'i bus smras pa/ bu mo de bzhin nyid dang / chos kyi dbyings kyang ji snyed cig yin/ bu mos smras pa/ btsun pa shA ra dwa ti'i bu ma rig pa dang srid pa'i sred pa ji snyed pa'o/ /shA ra dwa ti'i bus smras pa/ bu mo ma rig pa dang srid pa'i sred pa yang ji snyed cig yin/ bu mos smras pa/ btsun pa shA ra dwa ti 'i bu sems can gyi khams ji snyed pa'o/ /shA ra dwa ti'i bus smras pa/ bu mo sems can gyi khams kyang ji snyed cig yin/ bu mos smras pa/ btsun pa shA ra dwa ti'i bu 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi yul ji snyed pa'o/ /shA ra dwa ti'i bus smras pa/ bu mo khyod kyis ci zhig lan btab pa yin/ bu mos smras pa/ btsun pa shA ra dwa ti'i bu gnas brtan gyis gang yongs su dris pa</font><hr>56.265a<br><font size=+1>

de nyid kyi lan bdag gis btab lags so/ /shA ra dwa ti'i bus smras pa/ bu mo kho bos ci zhig yongs su dris/ bu mos smras pa/ btsun pa shA ra dwa ti'i bu yi ge gang dag yongs su dris pa de dag nyid nges par bstan lags so/ /shA ra dwa ti'i bus smras pa/ bu mo yi ge rnams ni rang bzhin gyis 'gags pa ste/ gdags su med pa yin pas de dag ni nges par bstan par mi nus so/ /bu mos smras pa/ btsun pa shA ra dwa ti'i bu de bzhin du skye ba ma mchis pa dang / 'gag pa ma mchis pa dang / mtshan nyid ma mchis pa'i chos thams cad la yang gang gis yongs su dris pa dang / gang gis lan btab pa de gnyi ga yang dmigs su ma mchis lags so/ /shA ra dwa ti'i bus smras pa/ bu mo 'di ltar khyod ni bzod pa thob cing byang chub sems dpa'i rnam pa dag yod pa kho na yin pas khyod ni ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /bu mos smras pa/ btsun pa shA ra dwa ti'i bu byang chub ces bgyi ba de yang spros pa lags so/ /mngon par rdzogs par 'tshang rgya bar 'gyur ro zhes bgyi ba de yang spros pa lags so/ /nye ba zhes bgyi ba 'am ring ba zhes bgyi ba de yang spros pa lags so/ /btsun pa shA ra dwa ti'i bu gang 'di skad ces khyod ni ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes gsung ba ni btsun pa shA ra dwa ti'i bu bla na med pa yang dag par rdzogs pa'i byang chub ni skye ba ma mchis pa/ 'gag pa ma mchis pa/ chad pa ma mchis pa rtag pa ma mchis pa/ don gcig pa ma lags pa/ don tha dad pa ma lags pa/ 'ong ba ma mchis pa/ 'gro ba ma mchis pa/ brjod du ma mchis pa/ 'byung ba ma mchis pa/ rang bzhin ma mchis pa lags pas de la ni</font><hr>56.265b<br><font size=+1>

gang mngon par rdzogs par 'tshang brgya bar 'gyur ba 'ga' yang dmigs su ma mchis lags so/ /de ci'i slad du zhe na/ byang chub ni gnyis kyi mtshan nyid ma lags pa ste/ byang chub ni gnyis su ma mchis shing gnyis dang bral ba lags pa'i slad du'o/ /de nas tshe dang ldan pa shA ra dwa ti'i bus bu mo zla mchog la 'di skad ces smras so/ /bu mo khyod de bzhin gshegs pa'i spyan sngar song shig /kho bo cag kyang chos mnyan pa'i phyir der 'dong ngo / /de nas gnas brtan shA ra dwa ti'i bu la bu mo zla mchog gis 'di skad ces smras so/ /btsun pa shA ra dwa ti'i bu de bzhin gshegs pa ni nyan 'tshal ba rnams la chos ston par mi mdzad lags so/ /shA ra dwa ti'i bus smras pa/ bu mo 'o na de bzhin gshegs pa su dag la chos ston par mdzad/ bu mos smras pa/ btsun pa shA ra dwa ti'i bu gang dag nyan par bgyid kyang dga' bar mi bgyid de/ mngon par dga' ba mi bgyid pa rnams la'o/ /shA ri'i bus smras pa/ bu mo sems can mang po dag chos mnyan pa'i phyir de bzhin gshegs pa'i spyan sngar 'dong zhing de bzhin gshegs pa yang de dag la chos ston par mi mdzad dam/ bu mos smras pa/ btsun pa shA ra dwa ti'i bu de bzhin gshegs par 'du shes shing chos la ngar 'dzin pa la gnas pa'i sems can rnams ni 'di snyam du 'di ni de bzhin gshegs pa ste/ bdag cag la chos ston par mdzad pa'o/ /'di ni chos te bstan par bgyi ba'o snyam du sems lags kyi chos kyi dbyings rtogs pa rnams ni 'di ltar de bzhin gshegs pa 'am/ chos sam/ bstan pa zhes bgyi bar sems pa ma mchis lags so/ /de nas gnas brtan 'od srung chen pos gnas brtan shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu 'di lta bu'i spobs pa dang ldan pa'i bu mo 'di de bzhin gshegs pa'i spyan sngar 'gro bas na der ni chos bstan pa chen po yang 'byung</font><hr>56.266a<br><font size=+1>

bar 'gyur bas bdag cag zan bcad de phyir log na ni 'on bu cag la legs kyis/ bdag cag chos mnyan pa de lta bu las phyi rol du gyur na ni ma yin no/ /de nas nyan thos chen po de dag phyir phyogs te de nyid nas phyir log par gyur to/ /de nas bu mo zla mchog tshal chen po'i khang pa brtsegs pa'i gnas ga la ba dang / bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas ji ltar thogs pa'i me tog dang / bdug spos dang / spos dang / me tog phreng dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis bcom ldan 'das la mngon par gtor te/ mngon par rab tu gtor to/ /skye bo phal po che de dag gis kyang ji ltar thogs pa'i me tog dang / bdug spos dang / spos dang / me tog phreng dang / byug pa dag gis bcom ldan 'das la mngon par gtor te/ gtor ma thag tu de nas de'i mod la me tog de dag me tog gi gdugs rgyar dpag tshad bcu tsam pa zhig tu gyur te/ bcom ldan 'das kyi dbu'i gtsug gi drang thad kyi steng na 'dug par gyur to/ /de nas 'jam dpal gzhon nur gyur pas bu mo zla mchog la 'di skad ces smras so/ /bu mo khyod gang nas shi 'phos te 'dir 'ongs/ 'di nas shi 'phos nas ni gang du 'gro bar 'gyur/ bu mos smras pa/ 'jam dpal 'di ji snyam du dgongs/ gang bdag gi sug pa g.yas pa na de bzhin gshegs pa'i sku pad ma la bzhugs pa 'di gang nas shi 'phos te 'dir byon la/ 'di nas shi 'phos nas ni gang du skye bar 'gyur snyam/ 'jam dpal gyis smras pa/ bu mo 'di ni sprul pa ste sprul pa la ni 'chi 'pho yang med la skye ba yang med do/ /bu mos smras pa/ 'jam dpal bdag gis kyang de bzhin du</font><hr>56.266b<br><font size=+1>

sprul pa'i rang bzhin gyi chos thams cad la gang 'chi 'pho ba 'am skye ba de ma mthong lags so/ /de nas byang chub sems dpa' mthong ba don yod kyis bu mo zla mchog la 'di skad ces smras so/ /bu mo bud med kyi lus kyis ni byang chub mngon par rdzogs par 'tshang rgya bar mi nus na khyod ci'i phyir bud med kyi lus sgyur bar mi byed/ bu mos smras pa/ rigs kyi bu chos thams cad ni stong pa nyid kyi mtshan nyid lags pas stong pa nyid la ni ldog pa dang 'gyur ba ma mchis lags so/ /de nas byang chub sems dpa' sa 'dzin gyis bu mo zla mchog la 'di skad ces smras so/ /bu mo khyod kyis de bzhin gshegs pa mthong ngam/ bu mos smras pa/ rigs kyi bu ji ltar de bzhin gshegs pa'i sku 'dis gzigs pa ltar bdag gis kyang de bzhin gshegs pa mthong lags so/ /byang chub sems dpa' spobs ba brtsegs kyis smras pa/ bu mo khyod kyi chos kyi gtam la spobs par gyis shig bu mos smras pa/ rigs kyi bu chos kyi dbyings la ni brjod par bgyi ba dang rab tu brjod par bgyi ba ma mchis la/ chos kyi dbyings ni yi ger 'grang ba yang ma lags so/ /byang chub sems dpa' spobs pa thogs pa med pas smras pa/ bu mo khyod kyis sngon gyi de bzhin gshegs pa rnams kyi spyan sngar chos ji lta bu thos/ bu mos smras pa/ rigs kyi bu de'i slad du steng du gzigs shig dang bar snang ci 'dra bar de bzhin gshegs pa yang de 'dra la/ de bzhin gshegs pa ci 'dra bar chos bstan pa nyid kyang de 'dra/ nyan pa nyid kyang de 'dra ste/ rigs kyi bu chos thams cad ni nam mkha'i mtshan nyid de lta bu lags so/ /byang chub sems dpa' nam mkha' mdzod kyis smras pa/ bu mo khyod kyis sngon gyi de bzhin gshegs pa dag la ji ltar sbyin pa byin zhing ji ltar yongs su bsngos/ bu mos smras pa/ </font><hr>56.267a<br><font size=+1>

rigs kyi bu 'di lta ste/ dper bgyi na de bzhin gshegs pa'i sprul pa zhig gis sangs rgyas la sogs pa dge slong gi dge 'dun la sbyin pa zhig phul bar gyur na de la rgyu ba ji lta bu zhig 'byung bar 'gyur lags smras pa/ bu mo sprul pa la ni rgyu ba 'ga' yang 'byung ba med do/ /bu mos smras pa/ rigs kyi bu bdag gis kyang sngon gyis de bzhin gshegs pa dag la de ltar sbyin pa byin zhing yongs su bsngos pa lags so/ /byang chub sems dpa' thogs med sems kyis smras pa/ bu mo khyod sems can rnams la ji ltar byams pas khyab par byed/ bu mos smras pa/ rigs kyi bu sems can de dag ji lta ba kho na bzhin du'o/ /smras pa/ bu mo sems can de dag kyang ji lta bu yin/ smras pa/ rigs kyi bu 'das pa yang ma lags/ ma 'ongs pa yang ma lags/ da ltar byung ba yang ma lags la/ sems de yang 'das pa yang ma lags/ ma 'ongs pa yang ma lags da ltar byung ba yang ma lags pas byams pa bsgom pa de ni 'di 'dra'o zhes gdags par rngo mi thog lags so/ /byang chub sems dpa' mchog tu dga' ba'i rgyal pos smras pa/ bu mo khyod kyis chos kyi mig thob bam/ bu mos smras pa/ rigs kyi bu bdag gis sha'i mig kyang ma thob lags na chos kyi mig lta thob par ga la 'gyur/ byang chub sems dpa' blo gros brtan pas smras pa/ bu mo khyod yun ji srid cig nas bla na med pa yang dag par rdzogs pa'i byang chub la yang dag par zhugs/ bu mos smras pa/ rigs kyi bu yun ji srid cig nas smig rgyu la chu yang dag par zhugs pa'i yun de srid nas bdag kyang byang chub la yang dag par zhugs lags so/ /de nas byang chub sems dpa' byams pas bu mo zla mchog la 'di skad ces smras so/ /bu mo khyod yun ji srid cig gis bla na med pa yang dag par rdzogs pa'i byang chub mngon par rdzogs par 'tshang rgya bar</font><hr>56.267b<br><font size=+1>

'gyur/ bu mos smras pa/ yun ji srid cig gis byang chub sems dpa' byams pa so so'i skye bo'i sa las 'da' bar 'gyur zhing sangs rgyas kyi sa las kyang 'da' bar 'gyur ba de srid kyis lags so/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das 'di ltar sring mo 'di gtso bo chen po go cha chen po bgos pa 'di lta bu dag dang lhan gcig yang dag par smra yang 'jigs par mi bgyid/ dman par mi bgyid pa ni bu mo 'di'i spobs pa ngo mtshar lags so/ /de nas tshe dang ldan pa shA ra dwa ti'i bu la bu mo zla mchog gis 'di skad ces smras so/ /btsun pa shA ra dwa ti'i bu 'di lta ste dper bgyi na zhugs ni ji tsam du chung yang sreg pa'i ngo bo nyid lags pas ji tsam du nye bar len pa rnyed pa de tsam du sreg par bgyid lags so/ /btsun pa shA ra dwa ti'i bu de bzhin du byang chub sems dpa' rnams kyang de bzhin gshegs pa thams cad kyi bgrod pas tha dad kyi dbye ba cung zad kyang ma mchis pas de dag thams cad bdag dang gzhan dag gis nyon mongs pa thams cad sreg pa'i slad du nye bar gnas pa lags so/ /shA ra dwa ti'i bus smras pa/ bu mo byang chub thob nas khyod kyi sangs rgyas kyi zhing ci 'dra bar 'gyur/ bu mos smras pa/ btsun pa shA ra dwa ti'i bu bdag gi sangs rgyas kyi zhing gang na/ gnas brtan shA ra dwa ti'i bu ci 'dra ba de 'dra ba'i sems can dman pa la mos pa/ shes rab chung ba/ gzhan gyi don la mi lta ba/ nyan thos kyi theg pa la yang dag par zhugs pa dag gi ming yang grag par mi 'gyur ba de lta bu 'gyur lags so/ /shA ra dwa ti'i bus smras pa/ bu mo gang khyod 'di skad ces chos kyi dbyings ni gcig go/ /de bzhin nyid ni gcig go/ /zhes zer na 'o na ci khyod kyis nyan thos rnams ni dman pa nyid yin la ci sangs rgyas rnams ni lhag pa yin par yang dag par rjes su mthong ngam/ bu mos smras pa/ btsun pa shA ra dwa ti'i bu 'di lta ste/ dper bgyi na</font><hr>56.268a<br><font size=+1>

ba lang gi rjes kyi chab gang lags pa dang / rgya mtsho chen po'i chab gang lags pa de dag la ni bye brag cung zad kyang ma mchis lags mod kyi/ 'on kyang ba lang gi rjes la ni rgya mtsho chen po ltar sems can tshad ma mchis pa dag gi go skabs ma mchis lags so/ /btsun pa shA ra dwa ti'i bu de bzhin du de bzhin gshegs pa rnams dang / nyan thos rnams kyang chos kyi dbyings gcig las nges par byung ba lags mod kyi/ 'on kyang nyan thos rnams kyis ni de bzhin gshegs pa dag ltar sems can tshad ma mchis grangs ma mchis pa dag gi don bgyid par rngo mi thog lags so/ /btsun pa shA ra dwa ti'i bu 'di lta ste/ dper bgyi na yungs 'bru'i khongs su chud pa'i nam mkha'i khams gang lags pa dang / phyogs bcu'i 'jig rten gyi khams thams cad kyi khongs su chud pa'i nam mkha'i khams gang lags pa'i nam mkha'i khams de dag la ni bye brag cung zad kyang ma mchis pa lags mod kyi/ 'on kyang yungs 'bru'i khongs su chud pa'i nam mkha'i khams la ni phyogs bcu'i khongs su chud pa'i nam mkha' ltar grong dang / grong khyer dang / yul 'khor dang / rgyal po'i pho brang dag tu mi gnas shing kun du mi gnas la ri'i rgyal po ri rab dag kyang ma mchis rgya mtsho chen po dag kyang ma mchis lags so/ /btsun pa shA ra dwa ti'i bu de bzhin du de bzhin gshegs pa rnams dang nyan thos rnams kyang stong pa nyid dang / mtshan ma med pa dang / smon pa ma mchis pa gcig las nges par byung ba lags mod kyi/ 'on kyang nyan thos rnams kyis ni de bzhin gshegs pa dgra bcom pa yang dag par rdzogs pa'i sangs rgyas dag sems can tshad med pa grangs ma mchis pa dag gi don bgyid par rngo mi thog lags so/ /shA ra dwa ti'i bus smras pa/ bu mo sangs rgyas rnams dang / nyan thos rnams kyi rnam par grol ba gcig pa ma</font><hr>56.268b<br><font size=+1>

yin nam/ bu mos smras pa/ btsun pa shA ra dwa ti'i bu gang 'di skad ces sangs rgyas rnams dang / nyan thos rnams kyi rnam par grol ba gcig go zhes gsung ba ni skur pa 'debs pa lags so/ /shA ra dwa ti'i bus smras pa/ bu mo ci'i phyir/ bu mos smras pa/ btsun pa shA ra dwa ti'i bu de'i slad du de khyod nyid la yongs su zhus/ khyod kyis ji ltar bzod pa de bzhin du lan gdab tu gsol/ gang gi tshe btsun pa shA ra dwa ti'i bu'i sems rnam par grol ba de'i tshe ji ga stong gsum gyi stong chen po'i 'jig rten gyi khams lag mthil ltar mnyam pa kun du gnas par gyur lags sam/ ji ga shing ljon pa dang ri thams cad kyis khyod logs su mngon par phyogs te btud mngon par btud/ mngon par rab tu btud lags sam/ ji ga ngan song thams cad rab tu zhi bar gyur lags sam/ ji ga sems can thams cad nyon mongs pa dang bral bar gyur lags sam/ ji ga stong gsum gyi stong chen po'i 'jig rten gyi khams 'og tu mnar ma mchis pa la thug pa yan chad dang / steng du 'og min gyi gnas kyi mthar thug pa'i bar dag 'od zer gyi kha dog lta bus snang bas gyur lags sam/ ji ga lha thams cad kyis phyag bgyis lags sam/ ji ga bdud kyi sa dang nam mkha' dpag tshad sum bcu tshun chad dpung gis khyab par bgyis te mchis par gyur lags sam/ ji ga sems kyi skad cig gcig dang ldan pa'i shes rab kyis rnam par grol lags sam/ ji ga khyod byang chub pa dang dus gcig kho nar bdud thams cad nges par bcom lags sam/ shA ra dwa ti'i bus smras pa/ kho mo khyod kyis kho mo la ji skad smras pa de dag las de'i rgyu gcig tsam yang ma byung lags so/ /bu mos smras pa/ btsun pa shA ra dwa ti'i bu byang chub kyi snying po dam pa la gnas pa la ni yon tan gyi khyad par de dag dang</font><hr>56.269a<br><font size=+1>

gzhan yang dpag tu ma mchis pa dag byung bar gyur pas na btsun pa shA ra dwa ti'i bu de bzhin gshegs pa'i rnam par grol ba dang / nyan thos kyi rnam par grol ba'i khyad par ni de lags so/ /de nas bcom ldan 'das kyis bu mo zla mchog la legs so zhes bya ba byin te/ bu mo legs so legs so/ /bu mo khyod de skad ston pa ni yang khyod legs so/ /de nas sangs rgyas kyi mthus bu mo zla mchog gi lag pa g.yas par de bzhin gshegs pa'i sku pad ma la bzhugs pa byung bar gyur pa gang yin pa de pad ma'i gdan de las mngon par 'phags te/ bcom ldan 'das la lan gsum bskor ba byas nas bcom ldan 'das nyid kyi sku lte ba'i khung du zhugs so/ /de nas de'i mod la sangs rgyas kyi mthus sa chen po rab tu g.yos par gyur cing / bcom ldan 'das kyi spu'i khung bu thams cad nas pad ma gser gyi mdog tu snang ba/ sdong bu rnams ni gser/ 'dab ma rnams ni dngul/ snying po rnams ni rin po che dpal gyi snying po las grub pa dag byung bar gyur to/ /pad ma de dag la yang de bzhin gshegs pa'i sku mtshan gyis legs par brgyan pa pad ma la bzhugs pa dag kun du snang bar gyur cing / de bzhin gshegs pa'i sku de dag kyang phyogs bcu'i 'jig rten gyi khams mtha' yas mu med pa dag tu gshegs te sangs rgyas med pa'i 'jig rten gyis khams dag na chos ston par kun du snang zhing / 'di lta ste/ sangs rgyas kyi mthus chos bston pa de dag kyang 'dir kun du grag go/ /de nas bu mo zla mchog gis de lta bu'i cho 'phrul chen po mthong nas dga' zhing mgu la yi rangs te/ rab tu dga' zhing dga' ba dang / yid bde ba skyes nas des lag pa g.yas pa na thogs par gyur pa'i pad ma gang yin pa de bcom ldan 'das ga la ba de logs</font><hr>56.269b<br><font size=+1>

su 'phangs so/ /'phangs ma thag tu pad ma de me tog gi khang pa brtsegs pa gru bzhi lham pa ka ba bzhi zug pa/ cha mnyam pa/ shin du rnam par bye ba zhig tu gyur te/ bcom ldan 'das kyi dbu'i gtsug gi drang thad kyi steng gi nam mkha' la 'dug par gyur to/ /khang pa brtsegs pa der yang khri gdan rkang pa rin po ches spras pa/ lha'i ras bcos bu 'bum phrag du ma bting ba zhig byung bar gyur to/ /khri gdan de la bcom ldan 'das de bzhin gshegs pa shAkya thub pa ci 'dra ba de 'dra ba'i de bzhin gshegs pa'i sku zhig bzhugs par yang kun du snang ngo / /des pad ma de 'phangs nas bcom ldan 'das la 'di skad ces gsol to/ /bcom ldan 'das bdag dge ba'i rtsa ba 'dis ngar 'dzin pa dang / nga yir 'dzin pa la gnas pa'i sems can rnams la ngar 'dzin pa dang / nga yir 'dzin pa spang ba'i slad du chos ston par gyur cig /yang sangs rgyas kyi mthus de'i lag par pad ma gnyis pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi steng du pad ma'i khang pa brtsegs pa gnyis pa zhig tu gyur pa dang / des tshig 'di skad ces kyang gsol to/ /bcom ldan 'das bdag dge ba'i rtsa ba 'dis 'jig tshogs la lta ba dang 'brel ba'i sems can rnams la 'jig tshogs la lta ba spang ba'i slad du chos ston par gyur cig /yang sangs rgyas kyi mthus de'i lag par pad ma gsum pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi steng du pad ma'i khang pa brtsegs pa gsum pa zhig tu gyur pa dang / tshig 'di skad ces kyang gsol to/ /bcom ldan 'das bdag dge ba'i rtsa ba 'dis rtog pa dang / rnam par rtog pa dang / yongs su rtog pa dang / 'dod chags dang / zhe sdang dang / gti mug spang ba'i</font><hr>56.270a<br><font size=+1>

slad du sems can rnams la chos ston par gyur cig /yang sangs rgyas kyi mthus de'i lag par pad ma bzhi pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi steng du pad ma'i khang pa brtsegs pa bzhi zhig tu gyur pa dang / tshig 'di skad ces kyang gsol to/ /bcom ldan 'das bdag dge ba'i rtsa ba 'dis phyin ci log bzhi spang ba'i slad du sems can rnams la chos ston par gyur cig /yang sangs rgyas kyi mthus de'i lag par pad ma lnga pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi steng du pad ma'i khang pa brtsegs pa lnga pa zhig tu gyur pa dang / tshig 'di skad ces kyang gsol to/ /bcom ldan 'das bdag dge ba'i rtsa ba 'dis sgrib pa lnga dang ldan pa'i sems can rnams la sgrib pa lnga spangs ba'i slad du chos ston par gyur cig /yang sangs rgyas kyi mthus de'i lag par pad ma drug pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi steng du pad ma'i khang pa brtsegs pa drug pa zhig tu gyur pa dang / tshig 'di skad ces kyang gsol to/ /bcom ldan 'das bdag dge ba'i rtsa ba 'dis skye mched drug la rten pa'i sems can rnams la skye mched drug yongs su 'tshal bar bgyi ba'i slad du chos ston par gyur cig /yang sangs rgyas kyi mthus de'i lag par pad ma bdun pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi steng du pad ma'i khang pa brtsegs pa bdun pa zhig tu gyur pa dang / tshig 'di skad ces kyang gsol to/ /bcom ldan 'das bdag dge ba'i rtsa ba 'dis rnam</font><hr>56.270b<br><font size=+1>

par shes pa gnas pa bdun dang ldan pa'i sems can rnams la rnam par shes pa gnas pa bdun yongs su 'tshal bar bgyi ba'i slad du chos ston par gyur cig /yang sangs rgyas kyi mthus de'i lag par pad ma brgyad pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi steng du pad ma'i khang pa brtsegs pa brgyad pa zhig tu gyur pa dang / tshig 'di skad ces kyang gsol to/ /bcom ldan 'das bdag dge ba'i rtsa ba 'dis log pa nyid brgyad la nges pa'i sems can rnams la log pa nyid brgyad nges par spangs ba'i slad du chos ston par gyur cig /yang sangs rgyas kyi mthus de yi lag par pad ma dgu pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi steng du pad ma'i khang pa brtsegs pa dgu pa zhig tu gyur pa dang / tshig 'di skad ces kyang gsol to/ /bcom ldan 'das bdag dge ba'i rtsa ba 'dis kun nas mnar sems kyi/ dngos po dgu la gnas pa'i sems can rnams la kun nas mnar sems kyi dngos po dgu spang ba'i slad du chos ston par gyur cig /yang sangs rgyas kyi mthus de'i lag par pad ma bcu pa zhig byung bar gyur pa dang / des de yang bcom ldan 'das ga la ba de logs su 'phangs so/ /'phangs ma thag tu pad ma de yang bcom ldan 'das kyi dbu'i gtsug gi drang thad kyi steng du pad ma'i khang pa brtsegs pa bcu pa zhig tu gyur pa dang / tshig 'di skad ces kyang gsol to/ /bcom ldan 'das bdag dge ba'i rtsa ba 'dis ji ltar da ltar bcom ldan 'das phyogs bcur snang bas khyab par mdzad pa ltar stobs bcu dang ldan pa'i sangs rgyas su gyur cig /de nas pad ma'i khang pa brtsegs pa de dag gong nas gong du brtsegs pa'i 'phang gis tshangs pa'i 'jig rten gyi mthar thug</font><hr>56.271a<br><font size=+1>

par gyur to/ /de'i tshe na sa bla ba'i lha yan chad nas tshangs ris kyi bar gyi lha rnams la pad ma'i khang pa brtsegs pa de dag gis yang dag par bskul nas lha bye ba phrag dpag tu med pa dag 'dus par gyur to/ /de nas de'i tshe bcom ldan 'das 'dzum pa mdzad do/ /'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe bcom ldan 'das kyi zhal gyi sgo nas 'od zer kha dog du ma kha dog sna tshogs kha dog 'bum phrag du ma 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ste/ de dag gis 'jig rten gyi khams mtha' yas mu med pa dag snang bas khyab par byas nas tshangs pa'i 'jig rten gyi bar du mngon par 'phags te/ 'od kyis nyi ma dang zla ba'i 'od zil gyis mnan nas phyir log ste/ bcom ldan 'das kyi dbu'i gtsug tu nub bo/ /de nas tshe dang ldan pa kun dga' bo stan las langs te/ bla gos phrag pa gcig tu gzar nas pus mo g.yas pa'i lha nga sa la gtsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa'i dbyang sa kyis 'dzum pa'i don yongs su zhus pa/ mkhyen pa kun la mngon sum spyan mnga' zhing / /chos rnams kun la nem nur rnam par rgal/ /'jig rten kun dang mi mnyam mthu mnga' ba/ /rgyal dbang ci slad 'dzum pa rab tu mdzad/ /khyod kyis mtha' yas dus nas sbyin pa byin/ /khyod khrims rnam dag nor bu rin chen 'dra/ /khyod kyi bzod pa 'ang mi g.yos lhun po bzhin/ /drang srong chen po ci slad 'dzum pa mdzad/ /bsam gtan brnyes shing brtson 'grus stobs ldan pa/ /gnod bral na dang rga las rnam par grol/ /rgya mtsho 'dra bar shin du zab pa'i blo/ /thub chen ci slad 'dzum pa rab tu mdzad/ /byams la gnas shing thugs rjer gnas pa po/ /thub pa btang snyoms</font><hr>56.271b<br><font size=+1>

dang ni dga' la gnas/ /'dod chags la sogs 'jigs bsal rab tu zhi/ /thub dbang ci slad 'dzum par rab tu mdzad/ /khyod spu gcig nas byung ba'i 'od zer gyis/ /phyogs bcu'i 'jig rten mtha' yas khams rnams su/ /nyi zla myur du mog mog rab mdzad de/ /gzi brjid zil gyis gnon cing mig kyang stsol/ /'gro ba'i mgon gcig khyod gsung rnam par dag /snyan cing yid 'ong yan lag drug bcu ldan/ /gang dag nyan pa de dag mi ngoms shing / /nyon mongs thams cad ma lus zhi bar bgyid/ /phyogs bcu mtha' yas sems can gang mchis pa'i/ /sems kyi spyod pa du ma gang lags pa/ /de mkhyen de dag som nyi gcod pa po/ /rab byung ci slad 'dzum pa rab tu mdzad/ /deng su'i sems ni byang chub slad du nges/ /su zhig sangs rgyas theg pa yangs par zhugs/ /khyab bdag gang gi yid bsams rab tu grub/ /thub dbang ci slad 'dzum pa rab tu mdzad/ /gang gis de ring bdud bzhi pham bgyis shing / /nyon mongs bdud dang 'chi bdag bdud chen dang / /gang gis phung po lha bu mang po'i bdud/ /pham par bgyis sam ci slad khyod 'dzum mdzad/ /su zhig de ring don chen yangs 'gyur zhing / /su zhig chos lo legs bgyid mi'i seng ge/ /de ring su yi sgra ni phyogs rnams mchi/ /thub dbang ci slad 'dzum pa rab tu mdzad/ /kun mkhyen mi dge thams cad rab spang pa/ /sems can kun la mtshungs par byams pa po/ /g.yo ba kun dang log pa rnam spangs pa/ /drang srong chen po ci slad 'dzum pa mdzad/ /de ring su zhig yangs pa chen po thob/ /deng su'i sems kyi smon pa legs 'grub cing / /deng su'i stobs bcu rnams dang ldan par 'gyur/ /dgra thul ci slad 'dzum pa rab tu mdzad/ /mkha' la gnas pa lha klu bye ba dang / /gnod sbyin mkha' lding lto 'phye cher bcas dang / /sa la thal sbyar skyes pa bud med rnams/ /dga' zhing lha mi dbang po zla ba lta/ /rdzogs pa'i byang chub sems dpa'</font><hr>56.272a<br><font size=+1>

mang po ni/ dam chos 'tshal ba rgya mtsho lta bu dag /phyogs bcu dag nas lhags nas dgra thul ba/ /yongs dag thugs mnga' 'dzum don bshad du gsol/ /de nas bcom ldan 'das kyis tshe dang ldan pa kun dga' bo la phyir tshigs su bcad de bka' stsal pa/ gang gi rgyal ba'i cho 'phrul mchog mthong nas/ /byang chub phyir ni rgya chen sems bskyed cing / /nga yi mdun na thal sbyar gang 'dug pa/ /mdun gyi bu mo mthong ngam kun dga' bo/ /'dis ni sngon gyi srid par rtag tu yang / /rgyal ba sum rgya legs par mchod byas shing / /ji ltar bdag ni byang chub mchog reg ces/ /rgyal ba de dag kun la mngon sum zhus/ /nam yang lan 'ga' ngan 'gror ma song zhing / /'di ni rtag tu lha mi'i 'jig rten skyes/ /nam yang byang chub sems ni ma brjed cing / /'chi dus byas kyang rtag tu tshe rabs dran/ /rgyal ba 'od srung zhes bya mthong nas ni/ /khang bzangs steng nas mdzes pa'i lus mchongs te/ /rgya chen sems kyis 'od srung de mchod nas/ /de nas rjes 'thun bzod pa thob par gyur/ /sangs rgyas 'khor ba 'jig ces mtshan gsol ba/ /de la na bza' dam pa phrugs phul bas/ /de phyir 'di yi lus mdog gser 'dra la/ /mdzes shing dag la zla ba 'dra ba yin/ /ston pa gser thub ces bya gang yin pa/ /de la bdug pa spos mchog phul bas na/ /de phyir 'di yi kha dang spu khung nas/ /ud pal tsan dan dri ngad rab tu 'byung / /gtsug tor zhes bya rkang gnyis mchog de la/ /'dis ni mtshan bdun nges par brtags gyur pas/ /de phyir 'di yi mig mdog mthon mthing la/ /'gro ba rtog par byed pa ngoms mi 'gyur/ /tshe rabs lnga brgya dag tu 'dod spangs shing / /tshangs spyod rnam par spyod pa dag byas nas/ /de phyir chags pas gdungs pas de mthong na/ /de tshe 'dod chags can dag chags bral 'gyur/ /sum bcu rtsa gsum gnas</font><hr>56.272b<br><font size=+1>

nas 'dir 'phos te/ /'dir lid tsa bi khyim ni yangs par skyes/ /skye ba kun du tshe rabs dran 'gyur bas/ /tshigs bcad dbyangs kyis smra ba'i bya ba shes/ /pha ma yongs su smin par bya ba dang / /de bzhin sems can gzhan don byed 'dod cing / /la la byang chub phyir ni sems bskyed phyir/ /de phyir yangs pa'i khyim 'dir rab tu skyes/ /bud med skyes pa nye du mdza' bshes dang / /gzhon nu gzhon nu ma dag gdul ba'i phyir/ /de dag stong phrag drug bcu 'di yis ni/ /sangs rgyas theg pa mchog la yongs smin byas/ /'di ni ring po mi thogs bud med kyi/ /lus bsgyur nga yi bstan la rab 'byung zhing / /tshangs spyod dam pa rgya chen thob byas nas/ /shi 'phos lha yi 'jig rten 'gro bar 'gyur/ /lha gnas de nas shi 'phos phyir yang ni/ /dus mtha'i tshe na chos 'di srung 'gyur zhing / /'dir yang skye dgu'i don chen byas nas ni/ /'di nas phyir yang dga' ldan 'gro bar 'gyur/ /gang tshe mi pham dgra las rgyal ba po/ /dung gi sras su gyur te 'byung ba'i tshe/ /de ni bzo don sgyu rtsal bya ba kun/ /shes shing mdzes la yon tan kun ldan 'gyur/ /srog chags brgya phrag du mas mdun bdar cing / /zla ba gsum du rgyal ba mchod byas nas/ /de ni srog chags drug stong sum brgya dang / /lhan cig khyim gyi gnas nas 'byung 'gyur zhing / /rgyal ba mi pham bzhugs dang 'das pa yi/ /chos kyi tshul yang kun du 'dzin par 'gyur/ /de 'dra'i dpa' bo de nas shi 'phos nas/ /bde ba can gyi 'jig rten khams su 'gro/ /blo ldan des ni 'od dpag med pa dang / /gzhan yang phyogs bcu mtha' yas bzhugs pa yi/ /sangs rgyas bye mang gang gA klung gi ni/ /bye snyed mthong zhing bsnyen bkur byed par 'gyur/ /ting 'dzin mngon shes brtson 'grus stobs thob cing / /bskal pa bzang la gang dag phyis 'byung ba'i/ /rang 'byung 'jig rten rnams la phan brtson na/ /'jig rten mgon de dag la 'ang bsnyen</font><hr>56.273a<br><font size=+1>

bkur byed/ /bye mang bskal pa de dag mchod byas te/ /sems can bye mang yongs su smin byas shing / /bskal pa bye ba stong phrag brgyad bcu na/ /rgyal ba zla ba mchog ces bya bar 'gyur/ /zla mchog rkang gnyis gtso bo'i mdzod spu nas/ /'od zer gser mdog shin du yid 'ong ba/ /gang dag 'byung bar 'gyur ba de dag gis/ /'jig rten khams de kun du gsal bar 'gyur/ /gang phyir 'od kyis 'jig rten de khyab pas/ /nyi zla me dang nor bu'i 'od rnams ni/ /snang bar mi 'gyur rgyu skar tshogs min zhing / /nyin dang mtshan yang bgrang du yod ma yin/ /de tshe rang sangs rgyas dag yod min zhing / /nyan thos rnams med mu stegs can tshogs med/ /mnyam med de yi dge 'dun rnam dag cing / /bud med rnam par spang pa nyid du 'gyur/ /mi rnams thams cad gser gyi mdog 'dra zhing / /bsod nams brgya yi mtshan can blta na sdug /mngal na mi gnas 'dod pa mi bsten cing / /pad ma'i nang nas rdzus te skye zhing 'byung / /rgyal sras rnams kyi tshogs 'byung gang yin pa/ /de ni bgrang bas rtogs par mi nus shing / /thams cad mngon shes thob pa dal spyod dang / /mi skye bzod cing mnyam med chags pa med/ /de na bud med dmigs can yod min zhing / /bslab pa 'dral med phyogs 'dzin yod ma yin/ /'jig rten khams de dag cing dga' ldan gyi/ /nye bar spyod pa'i rnam pa 'dra bar 'gyur/ /gser dngul mu stegs dam pa'i dri mchog gis/ /spras shing gtsang la dri med yangs pa yin/ /rgyal ba de yi sku tshe lo grangs ni/ /stong phrag bye ba bdun bcu gsum du 'gyur/ /ston pa de ni zhi bar gshegs gyur nas/ /de tshe dam chos bskal pa gcig gnas shing / /bzhugs bzhin mya ngan 'das na 'ang 'di yi ni/ /dam chos mdzod la nyams par 'gyur ba med/ /gal te</font><hr>56.273b<br><font size=+1>

rgyal ba dang ni zhing de yi/ /phun sum tshogs par bskal par brjod byas kyang / /rgya mtsho dag las chu thigs gcig bzhin du/ /dpe yang brjod par 'gyur ba ma yin no/ /de nas bu mo zla mchog gis bcom ldan 'das kyis spyan sngar bdag nyid mngon sum du lung bstan pa thos nas dga' ba dang mchog tu dga' ba de nyid kyis shing ta la bdun srid tsam du nam mkha' la mngon par 'phags so/ /mngon par 'phags ma thag tu bu mo des bud med kyi lus sgyur cing skyes pa'i lus mngon par grub par 'gyur ba dang / 'jig rten du sa chen po yang rab tu g.yos par gyur/ me tog gi char dag kyang rab tu bab/ lha dang mi'i sil snyan 'bum phrag du ma dag kyang sgra 'khrol bar gyur to/ /'jig rten kun tu snang ba chen pos khyab par yang gyur to/ /de nas byang chub sems dpa' zla mchog gis bar snang de nyid la 'dug bzhin du bcom ldan 'das la tshigs su bcad pa dag gis mngon par bstod pa/ ri rab g.yo zhing nam mkha' sar ltung la/ /lha gnas skad cig tsam la 'jig 'gyur zhing / /rgya mtsho mi g.yo dgung zla lhung yang gda'/ /de bzhin gshegs pa sho be'i tshig mi gsung / /phyogs bcu'i sems can lus rnams gcig 'gyur zhing / /zhugs ni chab gyur chab ni zhugs 'gyur gda'/ /mnyam med thub dbang yon tan 'byung ba'i gnas/ /'gro la phan bzhed log pa'i tshig mi gsung / /bar snang dog sa kun du 'dzin 'gyur zhing / /yungs 'bru'i nang du zhing brgya chud 'gyur la/ /gser ma zhags pas gzung bar rngo thog gda'/ /rgyal ba log pa'i tshig ni gsung mi 'gyur/ /de 'drar yang dag de bzhin nyid gsung ba'i/ /rgyal ba des bdag byang chub nges bstan cing / /gang phyir dog sa kun du rab g.yos pas/ /byang chub dam pa 'thob 'gyur gor ma bkum/ /sangs rgyas theg mchog bdag lung bstan pas na/ /rang byung gis ni ji skad gsungs</font><hr>56.274a<br><font size=+1>

de dang / /sngan chad bskal brgyar bdag gis gang btsal ba/ /de ltar bdag gis chos mchog 'khor lo bskor/ /lha mi lha min gnod sbyin dge slong dang / /dge bsnyen rnams dang byang chub sems dpa' dag /thams cad mnyam med mthu stobs ldan pa yi/ /bde gshegs 'gyur gyis som nyi ma byed cig /chos 'di thams cad sgyu ma lta bu ste/ /rgyal ba rnams kyis longs spyod rmi 'dra zhing / /bdag med gso ba shed bu 'ga' yang med/ /sems can srog med gang zag med par gsungs/ /bzod nas ngo bo nyid kyis chos rnams kun/ /rang bzhin dag cing ngo bo nyid med de/ /bdag sngon bud med rang bzhin gyur pa gang / /de ni dngos med gsog stong ya ma brla/ /phyi mi'i dngos de'ang stong zhing skad cig ste/ /dngos med mi g.yo gsog dang ya ma brla/ /rtog dang rnam par rtog pa bral gyur cing / /rtog 'gyur de yang mkha' la bya rjes bzhin/ /gang zhig mnyam med byang chub 'tshang rgya zhing / /thul dka' bdud kyang rab tu gzhom pa dang / /stong gsum chen po'i 'jig rten khams su ni/ /chos kyi 'khor lo dam pa skor 'dod pa/ /des ni brtan par byang chub sems bskyed la/ /de bzhin gshegs pa rab tu mchod bgyis dang / /des ni myur du yon tan 'byung ba'i gnas/ /ston pa rgyal ba sdig med lam rtogs 'gyur/ /skyes bu rtsal 'phags gsung snyan mthar byon pa/ /rgyal ba mi mchog gtso la phyag 'tshal lo/ /dga' mdzad rab dga'i dngos po stsol mdzad la/ /thub pa chos dbyig 'byung gnas dbang phyug bstod/ /bde ba'i 'byung gnas bde kun rab stsol ba/ /de bzhin gshegs pa bdud kyi tsher ma dkrugs/ /stod 'os rnams kyis bstod pa gang zag mchog /rang 'byung dbang ldan sred bral bstod par bgyi/ /bdag gis phyogs bcu bltas na de dag tu/ /sdig med sangs rgyas brgya phrag bsam yas mthong / /shAkya</font><hr>56.274b<br><font size=+1>

seng ge ji lta de lta bur/ /phyogs bcu'i sangs rgyas de dag bdag lung ston/ /rgyal ba thams cad chos nyid sangs rgyas gcig /de bzhin chos kyang de bzhin nyid kyis gcig /sems can rnams kyang yang dag mthar nges pas/ /gang la bzod 'di mchis pa rgyal bar 'gyur/ de nas byang chub sems dpa' zla mchog gis tshigs su bcad pa de dag smras nas bar snang de las babs te/ bcom ldan 'das kyi zhabs gnyis la rab tu gtugs so/ /des rab tu gtugs ma thag tu sangs rgyas 'bum phrag mang po dag kyang snang bar gyur to/ /sangs rgyas bcom ldan 'das de dag gis kyang de bla na med pa yang dag par rdzogs pa'i byang chub tu lung bstan to/ /des sangs rgyas bcom ldan 'das de dag mngon sum du mthong zhing bdag nyid lung bstan pa yang thos nas dga' zhing mgu la yi rangs te/ rab tu dga' zhing dga' ba dang yid bde ba skyes nas bcom ldan 'das kyi spyan sngar rab tu 'byung bar gsol ba btab po/ /bcom ldan 'das kyis bdag legs par gsungs pa'i chos 'dul ba la rab tu dbyung bar gsol/ bcom ldan 'das kyis bka' stsal pa/ khye'u de'i phyir pha ma dag gnang bar byed du chug cig /de nas khye'u de'i pha ma dag gis cho 'phrul chen po de mthong zhing de mngon sum du lung bstan pa yang thos nas 'di skad ces gsol to/ /bcom ldan 'das bdag cag gis khye'u 'di rab tu dbyung bar gnang lags so/ /bdag cag gis kyang chos de dag slad kyis thos par bgyi lags so zhes gsol pa dang / bcom ldan 'das kyis khye'u de rab tu phyung ngo / /de nas khye'u de rab tu phyung ba dang / srog chags khris kyang bla na med pa yang dag par rdzogs pa'i byang chub tu sems bskyed do/ /chos kyi rnam grangs 'di bshad pa na lha dang mi khrag khrig khrag bdun chos rnams la chos kyi mig rdul med cing dri ma dang bral ba rnam par</font><hr>56.275a<br><font size=+1>

dag go/ /dge slong lnga brgya ni len pa med par zag pa rnams las sems rnam par grol lo/ /sngon byang chub tu sems ma bskyed pa'i dge slong ma nyis brgya dang srog chags nyi khris ni bla na med pa yang dag par rdzogs pa'i byang chub tu sems bskyed do/ /bcom ldan 'das kyis de skad ces bka' stsal nas/ byang chub sems dpa' zla mchog dang / tshe dang ldan pa kun dga' bo dang / byang chub sems dpa' de dag dang / nyan thos chen po de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa bu mo zla mchog lung bstan pa zhes bya ba theg pa chen po'i mdo rdzogs so// // rgya gar gyi mkhan po/ dzi na mi tra dang / zhu chen gyi lots+tsha ba ban d+he ye shes sdes zhus te gtan la phab pa'o/ / </font><hr>

</table>