J130

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J130</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J130&coll=lithang">see text in Tibetan script</a></table>56.164b<br><font size=+1>

@##/   /rgya gar skad du/ Ar+ya bud d+ha ba la d+ha na phrA ti hAr+ya bi kra bA Na nir de shA nA ma ma hA yA na sUtra/  bod skad du/ 'phags pa sangs rgyas kyi stobs skyed pa'i cho 'phrul rnam par 'phrul pa bstan pa zhes bya ba theg pa chen po'i mdo/  thams cad mkhyen pa la phyag 'tshal lo/ /'di skad bdag gis thos pa du cig na/ bcom ldan 'das chu bo chen po klung nai rany+dza nA'i 'gram na/ 'phags pa spyan ras gzigs dbang phyug dang lag na rdo rje dang / byams pa dang / 'jam dpal la sogs pa byang chub sems dpa' bdun stong dang / rab 'byor dang / shA ri'i bu dang / maud gal gyi bu la sogs pa nyan thos chen po thams cad dang thabs gcig tu bzhugs te brgya byin dang / tshangs pa dang / 'jig rten skyongs ba dang / rgyal po dang / blon po dang / bram ze dang / khyim bdag thams cad kyis bskor cing / mdun du bdar te/ zhal zas kyi bya ba byas nas 'khor gyi dkyil 'khor de dag chos dang ldan pa'i gtam gyis tshim par byas/ bskul/ gzengs bstod/ yang dag par dga' bar byas te/ 'khor gyi dkyil 'khor dang thabs gcig tu de bzhin gshegs pa'i rdzu 'phrul chen pos grong khyer bA rA Na sIr gshegs te/ bA ra Na sI'i shing a mra srung ba'i tshal na bzhugs so/ /de nas de'i tshe na sa cher g.yos par gyur nas seng ge'i khri chen po rin po che sna bdun las byas pa 'phang du dpag tshad gcig tsam/ zheng du dpag tshad phyed tsam gyi tshad legs par spras pa/ shin du dga' bar 'gyur ba/ yid du 'ong ba dar gyi chun po btags shing spyangs pa/ lha'i na bza' brgya stong du ma bting ba/ lha'i me tog gi chun po bye ba du ma rab du spyangs pa/ lha'i dri dang ldan pa/ kha dog dang ldan pa/ de bzhin gshegs pa'i sngon gyi dge ba'i rtsa ba las skyes pa de mthong ma thag tu sems can thams cad mi skye ba'i chos la bzod pa thob par 'gyur ba zhig byung ngo / /</font><hr>56.165a<br><font size=+1>

de nas bcom ldan 'das seng ge'i khri de nyid la bzhugs te sangs rgyas phal po che zhes bya ba'i ting nge 'dzin la snyoms par zhugs nas byang chub sems dpa' 'phags pa spyan ras gzigs kyi dbang phyug dang / lag na rdo rje la bka' stsal pa/ spyan ras gzigs dbang phyug khyod song la mi mjed kyi 'jig rten gyi khams 'di dang / phyogs bcu'i 'jig rten gyi khams gzhan dag na khyod kyis 'dul bar 'gyur ba'i sems can snyigs ma can/ ma dad pa sdig pa spyod pa nyon mongs pa dang nye ba'i nyon mongs pa dag gis bsgribs pa/ mar mi shes pa/ phar mi shes pa/ dge sbyong la dge sbyong du mi 'dzin pa/ bram zer mi 'dzin pa/ dkon mchog gsum la mngon par ma dad pa/ de dag thams cad lag na rdo rje dang gnyis kyis rdzu 'phrul chen po dang / ting nge 'dzin gyi stobs kyi shugs kyis 'khor gyi dkyil 'khor 'dir bsdus shig /de nas byang chub sems dpa' 'phags pa spyan ras gzigs dbang phyug dang / byang chub sems dpa' lag na rdo rjes de bzhin gshegs pa las tshig 'di thos nas sems can thams cad la blta ba dang yang dag par skul bar 'gyur ba zhes bya ba'i ting nge 'dzin la snyoms par zhugs so/ /ting nge 'dzin de'i mthus sa chen po 'di rnam pa drug tu g.yos/ rab tu g.yos/ yang dag par rab tu g.yos so/ /de nas lus las 'od zer brgya stong du ma byung ngo / /byung nas kyang stong gsum gyi stong chen po'i 'jig rten gyi khams 'di kun du snang bar byas te/ tshangs pa'i 'jig rten man chad gzugs yod pa dang gzugs kyis khyab pa man chad du snang bar byas te/ 'od zer de dag las kyang yang dag par skul ba'i tshigs su bcad pa 'di dag byung ngo / /bag yod pa dang nyon mongs med par byos/ /bag med pa yi dbang du ma 'gro zhig /skye dang rga shis gtses pa'i sdug bsngal te/ /bde bar gshegs</font><hr>56.165b<br><font size=+1>

pa'i bstan pa 'byung bar dkon/ /bskal pa bye ba phrag brgya grangs med du/ /srid pa'i rgya mtshor nges par 'khor ba dang / /nyon mongs dog par rtag tu 'khor ba na/ /'tsho ba ma rungs pa ni skrag mi 'gyur/ /rnyed dang chags dang bud med rtag pa min/ /rtag tu glu gar sgyu ma'i chos dang ldan/ /bskal pa du mar bde ba myong nas kyang / /phyis ni sdug bsngal rjes su thob par 'gyur/ /rnam par slu bar gyur pa 'di la ltos/ /'di la mar gyur pa yang chung mar 'gyur/ /de yi sha dag yongs su zos nas kyang / /mi mkhas pa dag mi shes dga' bar 'dzin/ /srid pa'i sdug bsngal rgya mtshor skye ba de/ /mis ni ma myong med la skrag pa med/ /mi rnams kyi ni dam pa'i chos 'chad kyis/ /bde bar gshegs la mchod par 'dod rnams deng / /mi 'dul kha lo sgyur ba de mthong nas/ /ting 'dzin zhi ba bsgom pa thob 'gyur gyi/ /de phyir sdug bsngal rgya mtshor mi gang rnams/ /skrag par gyis la thar pa 'dod par byos/ /mi rnams kyis ni dam pa de la mchod/ /gzhan gyi srog ni ma gcod de bzhin du/ /gzhan gyi nor dag ma byin len ma byed/ /gzhan gyi bud med dag la 'tshe ma byed/ /sangs rgyas chos la rtag tu gus par byos/ /nga rgyal rgyags dang brlang ba spangs nas kyang / /bA ra Na si 'os ni bya ba yi/ /a mra srung ba mo yi tshal du deng / /mi mchog la ni myur du blta bar gyis/ /de yi bkod pa rgya cher yid du 'ong / /dge slong dge 'dun rtag tu rdzu 'phrul ldan/ /byang chub sems dpa' rgya chen rdzu 'phrul che/ /sems can mi mkhas khong du chud bya dang / /sems can bye ba mang po thar bya'i phyir/ /'od zer rtag tu gang gis btang ba de/ /mtshan ni spyan ras gzigs kyi dbang phyug go/ /gang dag nga rgyal rgyags khengs bgyid gyur cing / /sangs rgyas chos la rim gro mi byed pa/ /lag na rdo rje mgon po sems can mchog /rtag tu 'od zer gtong zhing go bar byed/ /de yi gzugs ni yangs shing rdzu 'phrul che/ / </font><hr>56.166a<br><font size=+1>

bskal pa bye bar de ni bshad mi rdzogs/ /'dir ni bde bar gshegs la mchod pa'i phyir/ /dri dang phreng ba gos mchog rgyan khyer la/ /mi yi 'dren pa 'di la mchod par byos/ /sangs rgyas 'byung bar 'gyur ba rab dkon no/ /'dod phyir bskal pa bye ba mang por yang / /rtag du sdug bsngal thob cing 'thob par 'gyur/ /mkhas pas rtag tu thar pa 'dod par gyis/ /mi mchog sangs rgyas la ni mchod par byos/ /bu dang bu mo de bzhin gnyen rnams dang / /pha ma chung ma bshes mang skye bo rnams/ /thams cad sgyu ma 'dra bas don med de/ /rtag par gzhan dang gzhan du skye bar 'gyur/ /de ltar gser dang dngul yang glog dang 'dra/ /'di la snying po 'ga' yang snang ba med/ /byang chub go 'phang thob par bya ba'i phyir/ /mi rnams 'dren pa la ni mchod par byos/ /de nas de'i tshe na 'od zer las byung ba'i tshigs su bcad pas bskul ba gcig nas gcig du brgyud pa 'dis stong gsum gyi stong chen po'i 'jig rten gyi khams sgras gang bar gyur nas sems can thams cad la bskul bar gyur te/ sems can gang dag log par lta ba de dag ni yang dag pa'i lta ba la bkod par gyur/ gang dag nga rgyal dang / rgyags pa dang khengs pa dang / 'gying ba de dag ni nga rgyal dang / rgyags pa dang / khengs pa rnams dang bral bar byed par 'gyur/ gang dag 'dod chags la rjes su spyod cing bag med par gyur pa/ de dag ni 'dod chags dang bral bar gyur/ gang dag srog gcod pa dang / ma byin par len pa dang / 'dod pas log par g.yem pa dang / mi dge ba'i chos brgyad la gnas pa de dag thams cad lus dang / ngag dang / yid kyi spyod pa rnams 'phags pa'i lam yan lag brgyad pa la gnas par gyur/ thams cad kyang rgod pa dang / ku re dang / dga' ba dang / rtse ba dang / 'dod pa dang / khro ba dang / phrag dog dang / chags pa yongs su spang nas de bzhin gshegs pa la blta ba dang / bsten pa dang / bsnyen</font><hr>56.166b<br><font size=+1>

bkur bya ba la spro bar gyur/ thams cad kyang chos nyan par 'dod par gyur to/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / klu'i rgyal po dang / rgyal po mkhar gyi bdag po dang / rgyal phran dang / stobs kyi 'khor los sgyur ba'i rgyal po dang / dge slong dang / dge slong ma dang / dge bsnyen dang / dge bsnyen ma de dag thams cad kyis de bzhin gshegs pa la mchod pa'i phyir lha'i me tog dang / phreng ba dang / byug pa dang / phye ma dang / gos dang / gdugs dang / rgyal mtshan dang / sil snyan dang / dar gyi chun po rnams thogs te/ grong khyer chen po bA ra na sI zhes bya ba gang na ba dang / mra srung ba mo'i tshal gang na ba der dong nas bdag gi bsod nams las skyes pa'i dge ba'i rtsa bas de bzhin gshegs pa dang 'khor gyi dkyil 'khor rnams la mngon par mchod de/ me tog gi char dang / dri'i char chen po mngon par phab bo/ /de nas de'i tshe na bcom ldan 'das 'dzam bu'i gling dang / a mra srung ba mo'i tshal de dpag tshad khrag khrig brgya stong du ma srid du rgya che bar byin gyis brlabs te/ sa gzhi lag mthil ltar mnyam la lha'i yid du 'ong ba kha dog dang ldan pa/ dri dang ldan pa/ lha'i me tog gi shing dang / 'bras bu'i shing dang / spos kyi shing dang / rin po che'i shing dang / dpag bsam gyi shing dang / gos kyi shing rnams kyis mdzes par byas pa/ lha'i seng ge'i khri dang ldan pa/ rin po che dang / dar dang / me tog gi chun po rab du spangs pa/ lha'i dril bu'i sgras brgyan par gyur te/ 'di lta ste/ dper na bde ba can gyi 'jig rten gyi khams de bzhin du yid 'phrog par byed pa/ tshim par byed pa/ mgu bar byed pa/ mngon par dga' bar byed pa/ byang chub sems dpa' dang / nyan thos dang / rang sangs rgyas dang / lha dang / klu dang / gnod sbyin dang / dri za dang / lha ma yin dang / nam mkha'</font><hr>56.167a<br><font size=+1>

lding dang / mi 'am ci dang / lto 'phye chen po nas dge slong dang / dge slong ma dang / dge bsnyen dang / dge bsnyen ma dang / rgyal po dang / blon po dang / bram ze dang / khyim bdag rnams kyi bar du de dag gis gang bar byin gyis brlabs so/ /de nas byang chub sems dpa' 'phags pa spyan ras gzigs dbang phyug dang / byang chub sems dpa' lag na rdo rje ting nge 'dzin de las langs nas bcom ldan 'das ga la ba der song ste phyin pa dang / lan gsum du bskor ba byas te bcom ldan 'das la 'di skad ces gsol to/ /bcom ldan 'das de bzhin gshegs pa rnams kyi thabs mkhas pa dang sems can rnams yongs su smin par bgyi ba ni mang ngo / /bde bar gshegs pa mang ngo / /bcom ldan 'das de bzhin gshegs pa'i gzi brjid dang rdzu 'phrul gyi mthus byang chub sems dpa' sems dpa' chen po dang / nyan thos chen po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / rgyal po dang / blon po dang / bram ze dang / khyim bdag dang / dge slong dang / dge slong ma dang / dge bsnyen dang / dge bsnyen ma rnams mang du 'dus so/ /bcom ldan 'das kyis bka' stsal pa/ rigs kyi bu legs so legs so/ /kye rgyal ba'i bu dag de bzhin te de bzhin gshegs pa'i thabs mkhas pa dang sems can yongs su smin par bya ba ni mang ngo / /sems can rnams kyi bsam pa ji lta bu dang / ji ltar 'dul ba dang / dge ba'i rtsa ba ji lta bu dang / sems can rnams kyi mos pa sna tshogs kyi spyod pa mkhyen nas chos ston te/ sems can kha cig ni byang chub sems dpas 'dul/ kha cig ni nyan thos kyis 'dul/ kha cig ni rang sangs rgyas kyis 'dul/ kha cig ni lhas 'dul/ kha cig ni brgya byin gyis 'dul/ kha cig ni tshangs</font><hr>56.167b<br><font size=+1>

pas 'dul/ kha cig ni klus 'dul/ kha cig ni rdzu 'phrul chen pos 'dul/ kha cig ni rgyal pos 'dul/ kha cig ni ting nge 'dzin gyis 'dul/ kha cig ni chos nyan pas 'dul/ kha cig ni cho 'phrul gyis 'dul/ kha cig ni de bzhin gshegs pa mya ngan las 'da' bas 'dul/ kha cig ni ring bsrel gyis 'dul/ kha cig ni mchod rten byed du 'jug /gtsug lag khang dang / 'chag sa dang / bskyed mos tshal byed du gzhug pa'i dge ba'i rtsa ba la spro ba bskyed pas 'dul/ kha cig ni sku gzugs byed du gzhug pa dang / ri mo dang / gser dang / dngul dang / ra gan gyi sku gzugs byed du gzhug pa'i dge ba'i rtsa ba la spro ba bskyed pas 'dul/ kha cig ni dge slong gi dge 'dun la mchod pa dang bkur sti bya ba'i dge ba'i rtsa ba la spro ba bskyed pas 'dul/ kha cig ni mdo sde 'dri ba dang / 'drir gzhug pa dang bklags pa la spro ba bskyes pas 'dul/ kha cig ni mar me dang / spos dang / me tog dang / dri dang / phreng ba dang / byug pa dang / do shal la sogs pas brgyan pa la spro ba bskyed pas 'dul ba yin te/ don dam pa la mkhas pa'i chos dang ldan pa dang / mya ngan las 'das pa'i chos dang ldan pa ni ma yin no/ /kye rgyal ba'i bu dag yang de bzhin gshegs pa dag la mi mkhyen pa dang / mi gzigs pa 'am/ mi gsan pa dang / rnam par mi mkhyen pa cung zad kyang mi mnga' ste/ 'ongs pa yang mkhyen/ ma 'ongs pa yang mkhyen/ 'das pa yang mkhyen/ da ltar byung ba yang mkhyen/ sems can thams cad kyi spyod lam lang mkhyen/ spyad pa yang mkhyen/ khams kyang mkhyen/ skye ba yang mkhyen/ 'byung ba yang mkhyen to/ /kye rgyal ba'i sras dag 'di lta ste/ dper na sman pa legs par bslabs pa/ tshe'i rig pa yan lag brgyad pa thams cad la ches mkhas shing khams thams cad la mkhas pa/ </font><hr>56.168a<br><font size=+1>

sman dang yo byad sbyor ba la brtson pa ni sems can nad pa nad sna tshogs kyis lus yongs su gzir ba rnams kyi khams kyang shes/ dus kyang shes/ tshod kyang shes/ sman yang shes/ rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / khrag las gyur pa dang / ma zhu ba las gyur pa dang / skran dang / dmu rdzing dang / snying nad dang / mdze dang / g.yan pa dang / shu ba dang / 'bras la sogs pa dang / dug dang me dbal la sogs pa yang shes so/ /des thams cad shes nas sman gyi rdzas sna tshogs kyis skyug pa dang / bkru ba dang / phye ma sbyar ba dang / sna nas blug pa'i las dang / gtar ka gdab pa dang / mar dang / 'bru mar bskol ba dang / smin par bya ba rnams sbyor ba'i thabs kyis sems can thams cad kyi nad de dag thams cad nye bar zhi bar byed cing nad sna tshogs kyi 'jigs pa las yongs su thar bar byed do/ /kye rgyal ba'i bu dag de bzhin du de bzhin gshegs pas kyang ting nge 'dzin sna tshogs dang / rdzu 'phrul gyi rkang pa dang / stobs dang / mi 'jigs pa dang / lha'i mig dang / rna ba rnams kyi tshe'i rig pa yan lag brgyad dang ldan te/ sems can gyi khams dang / bsam pa dang / sbyor ba sna tshogs la mkhas pas 'dod chags dang / zhe sdang dang / gti mug gis nad dang / nyon mongs pa dang / nye ba'i nyon mongs pa'i nad kyis gzir ba'i sems can dang / nga rgyal dang / rgyags pa dang / dregs pas bsgribs pa dang / chags pa dang / mya ngan dang / 'jigs pa dang / khro bas bsgribs pa rnams sems can dmyal ba dang / dud 'gro'i skye gnas dang / yi dgas kyi skye gnas dang / gshin rje'i 'jig rten gyi gnas nas yongs su thar bar bya ba'i phyir thabs mkhas pa sna tshogs dang / sbyor ba sna tshogs dang / </font><hr>56.168b<br><font size=+1>

ting nge 'dzin sna tshogs dang / rdzu 'phrul gyi rnam par rol pas sems can rnams yongs su grol bar byas nas bla na med pa yang dag par rdzogs pa'i byang chub kyi bar la bkod nas/ lhag ma ma lus pa'i mya ngan las 'das pa'i dbyings su mya ngan las 'da' bar mdzad do/ /mi dge ba'i chos brgyad las yongs su thar bar mdzad cing 'phags pa'i lam yan lag brgyad pa la so sor 'god de/ rigs kyi bu 'di lta ste dper na zla ba'i dkyil 'khor ni thabs la mkhas pa dang ldan pas ji ltar khams kyi dge ba'i rtsa ba 'dul ba'i sems can rnams kyi don du bdag nyid mi snang bar yang ston/ zla ba kham pa lta bu'i dkyil 'khor kyang ston/ zla ba mar gyi ngo dang / yar gyi ngo yang ston/ zla ba'i dkyil 'khor yongs su rgyas pa yang ston/ mun nag thibs po thams cad kyang rnam par sel/ rtswa dang / shing gel pa dang / sman dang / 'bras la sogs pa yang sim par byed do/ /kye rgyal ba'i bu dag de bzhin du de bzhin gshegs pas kyang sdug bsngal rnam pa sna tshogs kyis bsgribs pa'i sems can rnams dang / khams sna tshogs kyis 'dul ba'i sems can rnams kyi spyod pa mkhyen nas yongs su mya ngan las 'da' ba yang ston/ skye ba yang ston/ 'khor los sgyur ba'i rgyal po yang ston/ rtse ba dang / dga' ba dang / bud med kyi bzhad gad dang / ku re dang / dri dang / phreng ba dang / dga' zhing rtse ba yang ston/ khyim nas 'byung ba dang / rab tu 'byung ba dang / dka' ba spyad pa rnams kyang ston/ bdud btul ba dang / chos kyi 'khor lo bskor ba nas chos kyi sprin chen po'i char phab pas sems can rnams tshims par byas pa'i bar du yang ston de/ de bzhin gshegs pa rnams yongs su mya ngan las 'das kyang sbyor ba sna tshogs</font><hr>56.169a<br><font size=+1>

kyis ring bsrel mchod pa dang / mchod rten dang / gtsug lag khang dang / sku gzugs byed du gzhug pa dang / rab tu 'byung ba'i phyir khyim nas 'byung ba dang / dge slong gi dge 'dun la mchod pa dang / dam pa'i chos 'dri ba dang / bklag pa dang / kha don du bya ba la spro ba byed pa dag gis kyang sems can thams cad thar bar mdzad/ bslab pa 'dzin pa dang / brtul zhugs dang / sdom pa dang / nye bar gnas pa dang / dge bsnyen gyi sdom pa rnams 'dzin du gzhug pa'i thabs mkhas pas kyang sems can rnams thar bar mdzad de/ sems can dmyal ba dang / dud 'gro'i skye gnas dang / gshin rje'i 'jig rten dang / mi khom pa dang / ngan song dang / ngan 'gro thams cad las yongs su thar bar mdzad nas chos nyan pas tshim par mdzad de/ bla na med pa yang dag par rdzogs pa'i byang chub kyi bar du bkod do de nas de'i tshe na lha'i bu blo chung ba kha cig ni 'di snyam du sems par gyur te/ ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis de bzhin gshegs pa'i mdzad pa mdzad de/ sku tshe shin tu ring por byin gyis brlabs nas sems can thams cad skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa thams cad las yongs su thar bar mdzad pa de ltar de bzhin gshegs pa 'dis de bzhin gshegs pa'i mdzad pa thams cad da dung ma mdzad kyis kyang / 'dis mya ngan las 'da' ba la shin du bsngags shing brjod de/ 'khor mang po bsdus nas rdzu 'phrul dang rnam par 'phrul ba'i cho 'phrul sna tshogs ston pa las na/ de ci de bzhin gshegs pa 'di myur</font><hr>56.169b<br><font size=+1>

ba nyid du yongs su mya ngan las 'da' bar bzhed pa lta snyam nas de dag yid mi dga' ste cang mi smra bar gyur to/ /de nas 'jam dpal gzhon nur gyur pa'i sems kyis lha'i bu de dag gis sems shes nas lha'i bu de dag la 'di skad ces smras so/ /lha'i bu dag de ltar ma sems ma smra/ yid mi dga' bar ma byed cig /de bzhin gshegs pa rnams kyi thabs mkhas pa ni mang mang ste/ thabs dang / shes rab dang / ting nge 'dzin sna tshogs kyi dge ba'i rtsa ba'i stobs kyi byin gyis rlabs kyis sems can bsam pa sna tshogs dag la chos ston te/ lha'i bu dag ngas sngon gyi de bzhin gshegs pa rnams kyi thabs mkhas pa'i rdzu 'phrul dang / rnam par 'phrul ba'i cho 'phrul ji ltar mthong ba de ltar ngas shes pa las na/ de bzhin gshegs pa ni sangs rgyas kyi stobs skyed pa'i cho 'phrul zhes bya ba theg pa chen po'i mdo sde'i rgyal po 'chad par bzhed pa dang / rgyas par mdzad par bzhed par mi 'gyur ram/ yang lha 'i bu dag de bzhin gshegs pa rnams ni yongs su mya ngan las mi 'da' ste/ de bzhin gshegs pa rnams kyi yongs su mya ngan las 'da' ba yang med/ sku tshe zad par 'gyur ba yang med/ bskal pa bye ba dpag tu med pa'i bskal pa brjod du med pa'i yang brjod du med par de bzhin gshegs pa rnams bzhugs mod kyi/ thabs mkhas pas sems can rnams la yongs su mya ngan las 'da' ba yang ston/ dam pa'i chos nub par 'gyur ba yang ston to/ /sems can mya ngan las 'da' bas 'dul ba dang / ring bsrel gyis 'dul ba/ snyigs ma'i rang bzhin can/ de bzhin gshegs pa la ma dad pa/ bla ma la sti stang</font><hr>56.170a<br><font size=+1>

byed par mi 'gyur ba'i sems can dag ji lta ji ltar mthong ba de lta de ltar de bzhin gshegs pa yongs su mya ngan las 'da' ba ston mod kyi de bzhin gshegs pa ni byon pa yang med/ gshegs pa med do/ /gang gi tshe sems can rnams dge ba'i rtsa ba yongs su smin par gyur cing de bzhin gshegs pa la blta bar 'dod pa dang / mchod par 'os pa dang / chos nyan par 'dod pa dang / zla ba'i dkyil 'khor bzhin du 'dod par gyur pa de'i tshe lha dang mi rnams kyi skye bo mang po la phan pa dang / skye bo mang po la bde bar bya ba dang / dkon mchog gsum gsal bar bya ba dang / rgyas par bya ba'i phyir de bzhin gshegs pa 'jig rten du 'byung mod kyi/ de bzhin gshegs pa la skye ba med de/ rga ba dang / 'chi ba yang med do/ rigs kyi bu 'di lta ste/ dper na me long gi dkyil 'khor shin tu legs par phyis pa la gzugs sna tshogs snang bar 'gyur/ mi snang bar yang 'gyur mod kyi/ gzugs brnyan ni der 'ong ba dang / 'gro bar snang ba ni med do/ /lha'i bu dag de bzhin gshegs pa'i sku la yang de ltar blta bar bya'o/ /rigs kyi bu 'di lta ste dper na sgyu ma byed pa legs par bslabs pa ni grong khyer dang / rta babs dang / skyed mos tshal sna tshogs dang / shing rta sna tshogs dang / 'khor los sgyur ba'i gzugs dang / dga' ba dang / rtse ba sna tshogs bstan te mi snang bar byed kyang de la 'gro ba yang med/ 'ong ba yang med/ 'gro ba yang med do/ /de bzhin du de bzhin gshegs pa rnams 'byung ba dang / yongs su mya ngan las 'da' ba la yang lta bar bya'o/ /yang lha'i bu dag sngon gyi smon lam gyis de bzhin gshegs pa mya ngan las 'das nas lo stong lon pa 'am/ mya ngan las 'das nas bskal par lon pa 'am/ mya ngan las 'das nas bskal pa bye bar lon</font><hr>56.170b<br><font size=+1>

yang sems can rnams kyis mchod par bya ba dang / bkur bstir bya ba dang / ring bsrel gyi mchod rten byed du gzhug pa dang / sku gzugs byed du gzhug pa dang / mtshan nas brjod pa dang / dam pa'i chos 'dzin pa dang / mchod pa byed pa'i sems can 'jig rten gyi khams sna tshogs na gnas pa rnams thar par mdzad de/ se ni dmyal ba dang / dud 'gro'i skye gnas dang / gshin rje'i 'jig rten dang / mi khom pa dang / ngan song dang / ngan 'gro log par ltung ba thams cad dang / sdug bsngal thams cad las yongs su thar bar mdzad nas rim gyis bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar 'gyur na/ gang dag de bzhin gshegs pa la mngon sum du me tog dang / spos dang / dri dang / phreng ba dang / byug pa dang / na bza' dang / rgyan rnams kyi mchod pas mchod pa lta smos kyang ci dgos/ lha'i bu dag gang sems can la las sangs rgyas bcom ldan 'das mya ngan las 'das nas lo brgya stong ngam/ bskal pa bye ba lon yang sangs rgyas la phyag 'tshal lo zhes mtshan nas lan bdun du brjod nas nam mkha' la me tog gtor na de dag thams cad sdug bsngal gyi mthar byed par 'gyur ro/ /me tog nam mkha' la gtor ba lta zhog gi/ gang dag dad pas de bzhin gshegs pa'i rjes su slob pa la la zhig gis de bzhin gshegs pa la mchod pa'i phyir de bzhin gshegs pa'i tshul khrims bslab pa gcig tsam 'dzin tam/ nyin gcig gam/ mtshan gcig gam/ yud tsam zhig la de bzhin gshegs pa la mchod pa yid la byed par brtson na/ de sdug bsngal mthar byas nas rim gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /gang gis de bzhin gshegs pa la mchod pa'i phyir bzhad gad dam/ ku re 'am</font><hr>56.171a<br><font size=+1>

byis pa'i kyal ka 'am/ rtsed mor byed pa 'am/ 'jim pa las mchod rten byed na/ de dag thams cad sdug bsngal mthar byas nas bla na med pa yang dag par rdzogs pa'i byang chub du mngon par rdzogs par 'tshang rgya bar 'gyur na/ gang gis ring bsrel gyi mchod rten nam/ ring bsrel gyi sku gzugs byas te/ sems can thams cad la snying rje gtso bor shes nas sems can thams cad sdug bsngal las yongs su dgrol lo snyam ste bla na med pa yang dag par rdzogs pa'i byang chub tu sems bskyes nas lha'i me tog dang / lha'i spos dang / phreng ba dang / byug pa dang / phye ma dang / sil snyan dang / gdugs dang / rgyal mtshan rnams kyis mchod pa byed pa lta smos kyang ci dgos te/ des de bzhin gshegs pa thams cad la mchod pa byas par 'gyur ro/ /de skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su thar bar 'gyur te/ ji srid du bla na med pa yang dag par rdzogs pa'i byang chub tu mngon par rdzogs par sangs rgyas par ma gyur pa de srid kyi bar du bde 'gror 'gro bar 'gyur ro/ /lha'i bu dag de ltar na de bzhin gshegs pa rnams kyi sngon gyi smon lam la mkhas shing 'thun pa yongs su dag pa yin no/ /de nas lha'i bu de dag 'di snyam du sems par gyur te/ kye ma'o/ /'jam dpal gzhon nur gyur pa 'di ni shes rab chen po dang ldan no/ /de bzhin gshegs pa rnams mchog tu thabs mkhas pa dang ldan pa ni lags na/ gang 'jam dpal gyis de bzhin gshegs pa rnams mya ngan las 'das nas bskal pa bye ba du ma lon yang 'jig rten gyi khams dag na bzhugs shing thabs mkhas pa sna tshogs kyis sems can rnams yongs su smin par mdzad do zhes des smras pa de lta bu 'di ci</font><hr>56.171b<br><font size=+1>

zhig snyam mo/ /'jam dpal gzhon nur gyur pa'i sems kyis lha'i bu de dag gi sems shes nas 'di skad ces smras so/ /lha'i bu dag legs so legs so/ /yud tsam zhig sdod cig /khyod kyi yid la byed pa skyes pa 'di dang sngar zhus par gyur pa yang de bzhin gshegs pa'i byin gyis brlabs yin no/ /de nas bcom ldan 'das kyis ji lta bu'i rdzu 'phrul mngon par 'du mdzad pa mngon par mdzad pas de bzhin gshegs pa gtsug phud can dang / thams cad skyobs dang / log par dad sel dang / gser thub dang / 'od srung dang / rnam par gzigs dang / mi 'khrugs pa dang / 'od dpag tu med pa de dag 'khor gyi dkyil 'khor na bzhugs shing de bzhin gshegs pa seng ge'i khri chen po la bzhugs nas nyan thos dang / byang chub sems dpar bcas pas bskor cing 'khor rgya mtsho lta bu la chos ston par snang ba dang / shar dang / lho dang / nub dang / byang gi phyogs kyi 'jig rten gyi khams dag na yang de bzhin gshegs pa du ma seng ge'i khri chen po la bzhugs nas chos 'chad cing bzhugs par mthong ba de lta bu'i rdzu 'phrul mngon par 'du mdzad pa mngon par mdzad do/ /de nas thams cad dang ldan pa'i 'khor dang lha'i bu de dag dga' bar gyur te/ mchog tu dga' zhing yid bde ba skyes nas bdag gis dge ba'i rtsa ba las skyes pa'i bsod nams kyi stobs skyes pas de bzhin gshegs pa de dag la me tog dang / spos dang / dri dang / phreng ba dang / byug pa dang / na bza' dang / rgyan rnams kyis mngon par mchod de/ lan gsum du bskor ba byas nas tshigs su bcad pa 'di dag smras so/ /e ma ye shes ye shes ni/ /ting nge 'dzin dang shes rab sgom/ /ji ltar 'jig rten sgron ma rnams/ /'das nas bskal pa du ma na/ /sems can rnams la phan pa'i phyir/ /dpa' bo chen po 'di na bzhugs/ /byang chub sems dpas yongs bskor</font><hr>56.172a<br><font size=+1>

cing / /seng ge'i khri la bzhugs pa gda'/ /sangs rgyas mthong ba legs pa ste/ /chos mnyan pa yang legs pa yin/ /dge ba'i bshes gnyen blta ba dang / /mnyan pa'ang de bzhin legs pa yin/ /gang dag 'dir ni bslab 'dzin pa'i/ /lus kyi sdom pa legs pa yin/ /nan tan gyis ni sgrubs pa dag /de kun byang chub thob par 'gyur/ /thabs dang shes rab mkhas pa rnams/ /'dir ni sems can thar bar mdzad/ /zla ba'i dkyil 'khor 'dra ba dang / /de bzhin sgyu ma byed pa 'dra/ /'ong ba dang ni 'gro ba yang / /de bzhin gshegs pa ston par mdzad/ /mchod rten dang ni ri mo dang / /sku gzugs byed du gzhug pa dang / /mchod dang bkur sti bya ba'i phyir/ /gang dag mtshan ni dran byed pa/ /byang chub phyir ni gnas pa rnams/ /thams cad thar pa thob par 'gyur/ /de bzhin gshegs la phyag 'tshal nas/ /dam pa'i chos ni mnyan pa dang / /mchod cing 'dzin pa 'ang de bzhin te/ /sdug bsngal kun las grol bar 'gyur/ /de bzhin gshegs pa'i byin gyis brlabs dang rnam par 'phrul ba'i cho 'phrul 'di yang dag par bstan pa 'di bshad pa na srog chags drug khri bzhi stong gis mi skye ba'i chos la bzod pa thob par gyur to/ /srog chags nyi khris chos la chos kyi mig rnam par dag go/ /lha'i bu lnga stong gis len pa med par zag pa las sems rnam par grol lo/ /phyir mi ldog pa'i sa la gnas par gyur to/ /dge slong dang / dge slong ma dang / dge bsnyen dang / dge bsnyen ma bdun brgyas ting nge 'dzin sna tshogs thob par gyur to/ /'jam dpal gzhon nur gyur pa la rgyal po gsal rgyal gyis 'di skad ces smras so/ /rgyal ba'i sras khyod kyis sems can thams cad kyi don du dris pa'i lan bshad pa 'di ni khyod kyis legs par bshad de legs mod kyi/ kho bo the tsom cung zad cig</font><hr>56.172b<br><font size=+1>

skyes kyis/ gang thos nas sems can rnams kyis yid la byas te/ de dag thams cad 'khor ba'i sdug bsngal las grol bar 'gyur ba dang / bde 'gror 'gro bar 'gyur ba dang / bla na med pa yang dag par rdzogs pa'i byang chub las phyir mi ldog par 'gyur bar kho bos dris pa de bstan cing lung ston cig /'jam dpal gyis smras pa/ rgyal po chen po khyod kyis sngon dge ba'i rtsa ba skyed pa dang / de bzhin gshegs pa'i byin gyis brlabs kyis spobs pa skyes pa ni legs so/ /khyod gang dang gang 'dod pa dris shig dang ngas khyod la bshad par bya'o/ /smras pa/ kye rgyal ba'i sras de bzhin gshegs pa rnams kyi mtshan thos pa tsam dang / mchod pa dang / bkur sti byas pa nyid kyis sdig pa byed pa'i sems can rnams sems can dmyal ba dang / dud 'gro'i skye gnas dang / gshin rje'i 'jig rten las grol bar 'gyur zhing bde 'gror 'gro bar 'gyur ba de dag gang lags/ de dag 'jig rten gyi khams ni gang na bzhugs/ de dag la mchod pa ni ji ltar bgyi/ 'jam dpal gyis smras pa/ rigs kyi bu gang gi phyir sems can rnams ngan song du 'gro bar mi 'gyur ba dang / gang ngan song du skyes pa de dag sems can dmyal ba dang / dud 'gro'i skye gnas dang / gshin rje'i 'jig rten las yongs su grol bar 'gyur ba'i bcom ldan 'das de bzhin gshegs pa de dag gi mtshan rnams dang / 'jig rten gyis khams su mchod cing sti stang bya ba bshad kyis nyon cig /'jig rten gyi khams bai dUr+ya snang ba na de bzhin gshegs pa dgra bcom pa yang dag par rdzogs pa'i sangs rgyas sman gyi bla bai dUr+ya'i 'od ces bya ba bzhugs te/ 'tsho la gzhes shing chos kyang ston pa yod do/ /'jig rten gyi khams gtsug pud can na de bzhin gshegs pa dgra bcom pa yang dag par rdzogs pa'i sangs rgyas rin po che'i gtsug pud can zhes bya ba yod do/ /</font><hr>56.173a<br><font size=+1>

'jig rten gyi khams dri ma med pa na de bzhin gshegs pa dgra bcom pa yang dag par rdzogs pa'i sangs rgyas dri ma med par 'byung ba zhes bya ba yod do/ /'jig rten gyi khams zhi ba na de bzhin gshegs pa dgra bcom pa yang dag par rdzogs pa'i sangs rgyas rab tu zhi bar bkod pa zhes bya ba yod do/ /'jig rten gyi khams bde ba can na de bzhin gshegs pa dgra bcom pa yang dag par rdzogs pa'i sangs rgyas 'od dpag tu med pa zhes bya ba dang / 'jig rten gyi khams pad mo'i bla ma na de bzhin gshegs pa dgra bcom pa yang dag par rdzogs pa'i sangs rgyas pad mo 'byung ba zhes bya ba dang / 'jig rten gyi khams rdo rje na de bzhin gshegs pa rdo rje mkhregs pa zhes bya ba dang / 'jig rten gyi khams mya ngan med pa na de bzhin gshegs pa mya ngan bral ba zhes bya ba dang / 'jig rten gyi khams 'jigs pa med pa na de bzhin gshegs pa 'jigs pa thams cad rab tu zhi bar mdzad pa zhes bya ba dang / 'jig rten gyi khams rtogs pa dang blo gros su ldan pa na de bzhin gshegs pa 'gro ba thams cad yongs su sbyong ba zhes bya ba dang / 'jig rten gyi khams ngan 'gro dang bral ba na de bzhin gshegs pa ngan song thams cad zhi bar mdzad pa zhes bya ba dang / 'jig rten gyi khams dri ma med pa na de bzhin gshegs pa blo gros rnam par dag pa zhes bya ba dang / 'jig rten gyi khams dbang po na de bzhin gshegs pa dbang po'i blo gros zhes bya ba yod de/ de'i mtshan bzung ba nyid kyis lha'i dbang por 'gyur ro/ /'jig rten gyi khams zla ba na de bzhin gshegs pa zla ba rgyas pa dri ma med pa zhes bya ba yod de/ de'i mtshan bzung zhing mchod pas nyon mongs pa thams cad las yongs su grol bar 'gyur ro/ /'jig rten gyi khams khyad par thob pa na de bzhin gshegs pa ngan 'gro thams cad zhi bar mdzad pa zhes bya ba yod de/ </font><hr>56.173b<br><font size=+1>

de'i mtshan bzung zhing mchod pas ngan 'gro thams cad las grol bar 'gyur ro/ /'jig rten gyi khams legs par snang ba na de bzhin gshegs pa sems can thams cad sdug par mthong ba zhes bya ba yod de/ de'i mtshan bzung zhing mchod pas 'jig rten pa thams cad mngon par dga' bar 'gyur ro/ /rigs kyi bu mdor na de bzhin gshegs pa dga' ba'i dpal dang / de bzhin gshegs pa tsan dan gyi dpal dang / de bzhin gshegs pa dpa' bo dang / de bzhin gshegs pa bdud thams cad kyi stobs rab tu 'joms pa dang / de bzhin gshegs pa gtsug pud can dang / de bzhin gshegs pa thams cad skyobs dang / de bzhin gshegs pa logs par dad sel dang / de bzhin gshegs pa gser thub dang / de bzhin gshegs pa 'od srung dang / rgyal po chen po de bzhin gshegs pa de dag mya ngan las 'das nas lo bye ba khrag khrig brgya stong lon pa 'am/ mya ngan las 'das nas bskal pa brgya lon pa'i sangs rgyas bcom ldan 'das rnams kyi mtshan bzung ba dang / ring bsrel gyi mchod rten byed du 'jug pa dang / ri mo dang / sku gzugs byed du 'jug pa dang / mar me dang / spos dang / me tog dang / dri dang / byug pa rnams kyis mchod cing bkur sti byas pa dang / bslab pa 'dzin dang / brtul zhugs dang / dka' thub dang / sdom pa dang / nye bar gnas pa rnams kyis sems can thams cad ngan song dang / ngan 'gro thams cad las yongs su grol bar 'gyur ro/ /bskal par gnas pa'i las kyi sgrib pa mtshams med pa lnga la sogs pa yang yongs su dag par 'gyur te/ bde 'gror 'gro bar 'gyur zhing ngan 'gror 'gro bar mi 'gyur ba nas/ rims gyis bla na med pa yang dag par rdzogs pa'i byang chub kyi bar du mngon par rdzogs par 'tshang rgya</font><hr>56.174a<br><font size=+1>

'o/ /gal te rigs kyi bu'am rigs kyi bu mo dad pa dang byang chub kyi sems dran pa nyams pa zhig gis sdig pa byed pa dang / dam pa'i chos spong ba dang / 'phags pa dag la skur pa 'debs pa dang / mtshams med pa lnga byed pa dang / srog gcod pa dang / dkon mchog gsum gyis nor rku ba dang / sems can dmyal ba mnar med par 'gro ba dang / ngan song gsum du skyes pa'i sems can rnams kyi don dang / grogs po dang gnyen rnams yongs su thar bar bya ba'i phyir de bzhin gshegs pa de dag gi ri mo'i sku gzugs dang / 'jim pa'i sku gzugs byed du 'jug cing / byed du bcugs nas kyang sems can thams cad la snying rje ba'i sems gtso bor byas te/ 'phags pa'i lam yan lag brgyad pa dang ldan par gyur nas zla ba yar gyi tshes brgyad nas brtsams te bcwa lnga'i bar du de bzhin ga shegs pa de dag la me tog dang / spos dang dri dang / phreng ba dang / byug pa dang / mar me dang / sil snyan dang / rgyal mtshan dang / ba dan rnams kyis mtshan lan gsum nyin lan gsum du mchod de sems can de dag thar par bya ba'i phyir ci nas kyang sangs rgyas bcom ldan 'das de dag de bzhin gshegs pa'i ye shes kyis ni mkhyen/ lha'i snyan gyis ni gsan/ lha'i spyan gyis ni gzigs shing sems can de dag bde 'gror 'gro bar 'gyur gyi ngan 'gror 'gro bar mi 'gyur ba dang legs par bya ba byed kyi ngan par bya ba mi byed par yongs su bsngo zhing / de ltar sems can ngan song du skyes pa de dag thar par bgyi ba'i slad du de bzhin gshegs pa de dag la gsol ba gdab bo bshags pa dang / mthol bas sdig pa bshags par gyur cig /de bzhin gshegs pa'i mtshan thos par</font><hr>56.174b<br><font size=+1>

gyur cig /ngan 'gro thams cad las yongs su grol bar gyur cig /ji srid du bla na med pa yang dag par rdzogs pa'i byang chub tu mngon par rdzogs par sangs ma rgyas kyi bar du bdag gi spyod pa dang 'thun par spyod par gyur cig ces de ltar yongs su bsngo bar bya'o/ /chos kyi rnam grangs 'di yang bris pa dang / 'drir bcug pa dang / bcangs pa dang / bklag pa dang / mchod pa de'i phyir sngon gyi de bzhin gshegs pa de dag gis smon lam gyi mthus sems can mnar med par 'gro ba dang / ngan song gsum du skyes pa de dag gi rna bar mtshan rnams thos par 'gyur ro/ /chos kyi rnam grangs 'di'i mthus kyang sdig pa thams cad bsrabs par 'gyur ro/ /de bzhin gshegs pa de dag gi gzi brjid kyi mthu dang / chos kyi rnam grangs 'di'i mthus dge ba dang mi dge ba'i las rjes su dran par gyur nas phyis sdigs pa'i las byed par mi 'gyur te/ de nas sdug bsngal de dag las yongs su grol bar 'gyur zhing bde 'gror 'gro bar 'gyur ro/ /bla na med pa yang dag par rdzogs pa'i byang chub mngon par rdzogs par sangs rgyas kyi bar du spyod pa 'thun par 'gyur ro/ /de lta bas na chos kyi rnam grangs 'di ni yon tan mang po dang ldan zhing nor bu rin po che chen po dang 'dra ste/ yid bzhin gyi nor bu rin po che bzhin du bsam pa thams cad 'grub ste/ sdig pa thams cad 'joms par byed/ ngan 'gro'i sgo thams cad gcod par byed/ bde 'gro'i sgo dang / sangs rgyas kyi zhing gi sgo rnams ni 'byed do/ /rigs kyi bu de ltar na de bzhin gshegs pa rnams kyi thabs mkhas pa dang / smon lam dang / rnam par 'phrul pa dang / byin gyi brlabs dang / ting nge 'dzin sna tshogs pas mya ngan las 'das nas bskal pa brgya lon</font><hr>56.175a<br><font size=+1>

pa 'jig rten gyi khams sna tshogs na gnas pa dag mnyan cing mchod pa cig nas cig tu rgyud pa nyid kyis ngan song thams cad las yongs su thar te bde 'gror bkod par 'gyur na gang 'chang ba dang / klog pa dang 'dri ba dang 'drir gzhug pa dang / gzhan la rgya cher yang dag par ston pa lta smos kyang ci dgos te/ yon tan de dag rigs kyi bu 'am rigs kyi bu mos yongs su bzung bar 'gyur na/ de'i bsod nams mngon par 'du bya ba dang / dge ba'i rtsa ba mngon par 'du bya ba'i yon tan de ni de bzhin gshegs pa ma gtogs par brjod par sla ba ma yin no/ /rgyal po chen po de lta bas na yon tan 'di dag la ltos la chos kyi rnam grangs 'di cang bar bya'o/ /bklag par bya'o/ /bshad par bya'o/ /mchod par bya'o/ /dkon mchog gsum la dad pa mi phyed par bya'o/ /de bzhin gshegs pa la rtag tu mchod cing bsnyen bkur bya ba dang / de bzhin gshegs pa'i bstan pa yang dag par gzung bar bya'o/ /'khor ba las yid skyo zhing bag yod pa dang / 'khor ba skad cig mar yid la byed pa dang ldan par bya'o/ /yang rgyal po chen po 'dod pa la bsten pas bskal pa bye ba khrag khrig brgya stong du mar sdug bsngal ba/ skye ba dang 'gag pa'i sdug bsngal dang / mngal na gnas pa'i sdug bsngal dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal dang / dbul ba'i sdug bsngal dang / gcad pa dang / gzhom pa dang / brdung ba dang / brdeg pa dang / bsreg pa'i sdug bsngal myong bar 'gyur te/ 'du byed thams cad yongs su spangs te 'gro dgos pas rgyal po chen po khyod kyis snying brtse ba gtso bor bya ba dang / chos dang thar pa</font><hr>56.175b<br><font size=+1>

'dod par bya'o/ /de nas thams cad dang ldan pa'i 'khor de dang / rgyal po gsal rgyal gyis 'jam dpal legs so/ /zhes bya ba byin te/ 'jam dpal legs so legs so/ /chos kyi char phab pas bdag cag tshims par bgyis/ rangs par bgyis/ byang chub la rab tu bzhag pas bag yod par bgyis so/ /de nas bcom ldan 'das la byang chub sems dpa' ltad mo can gyis 'di skad ces gsol to/ /bcom ldan 'das gang la la zhig chos kyi rnam grangs 'di 'chang ba dang / klog pa dang / gzhan dag la rgya cher yang dag par ston pa dang / 'dri ba dang / 'drir 'jug pa dang / 'dri ba po dang / 'chang ba po dang / klog pa po de dag la me tog dang / spos dang / dri dang / phreng ba dang / byug pa dang / gos dang / rgyan rnams kyis mchod na bcom ldan 'das de'i bsod nams ji snyed cig skye bar 'gyur/ bcom ldan 'das kyis bka' stsal pa/ gang rigs kyi bu 'am/ rigs kyi bu mo 'am/ rgyal po 'am/ blon po 'am/ dge slong ngam/ dge slong ma 'am/ dge bsnyen nam/ dge bsnyen ma la la zhig gis chos kyi rnam grangs 'di de bzhin gshegs pa la dad pas bcangs pa dang / mchod pa dang / 'dri ba dang / 'drir 'jug pa dang / yang dag par bstan na des yon tan chen po brgyad thob par 'gyur te/ brgyad gang zhe na/ gang dag 'jig rten na nad dang gnod pa de dag de la thams cad kyi thams cad du mi 'byung ba dang / gang 'jig rten na gnod sbyin dang / 'byung po dang / sha za mdangs 'phrog pa de dag thams cad byams pa la gnas par 'gyur ba dang / gang dag gshed byed dang / byad dang / sngags dang / ro langs gzhan gyi gnod pa de dag de'i lus la gnod par mi 'gyur ba dang / rgyal po dang / blon po dang / bram ze dang / khyim bdag dang / dge</font><hr>56.176a<br><font size=+1>

slong dang / dge slong ma dang / dge bsnyen dang / dge bsnyen ma thams cad de la dga' zhing mgu bar gyur nas de'i don thams cad 'grub par 'gyur ba dang / lha thams cad kyis yongs su gang bar 'gyur ba dang / bde 'gror 'gro bar 'gyur ba dang / lag na rdo rjes yongs su bzung bar 'gyur ba dang / ji ltar 'dod pa'i gnas su skye zhing tshe rabs dran par 'gyur ba ste/ yon tan chen po de brgyad thob par 'gyur ro/ /des ni de bzhin gshegs pa 'di dag la de bzhin gshegs pa'i lha'i mchod pa dang / mngon sum du mchod pas lo 'bum gyi bar du mchod par 'gyur ro/ /gang yang 'dzam bu'i gling 'di de bzhin gshegs pa'i ring bsrel gyi mchod rten rin po che sna bdun las byas pas gang bar byas te/ lha'i phreng ba dang / byug pa dang / me tog dang / mar me dang / rin po che'i gdugs dang / sil snyan dang rgyal mtshan dang / ba dan rnams kyis lo 'bum du bkur sti byas te rjed cing mchod pa bas gang chos kyi rnam grangs 'di 'chang ba dang / klog pa dang / mchod pa dang / 'dri ba dang / 'drir 'jug pa dang / gzhan dag la yang dag par rab tu bstan na de bas 'di ches bsod nams mang du 'phel lo/ /rigs kyi bu gang la la zhig gis 'dzam bu'i gling gi sems can de dag 'phags pa'i lam yan lag brgyad pa la gzhog cing / bzhag nas kyang lha'i lo stong du yo byad thams cad kyis mi brel bar rjed cing mchod pa byas/ gang gis chos kyis rnam grangs 'di las tshig bzhi pa'i tshigs su bcad pa tsam yang nyan pa dang / 'chang ba dang / 'dri ba dang / 'drir 'jug pa dang / gzhan la rgyas par byed na de bas 'di ches bsod nams mang du 'phel lo/ /de nas bcom ldan 'das kyis don 'di nyid rgya cher brjod par bya ba'i</font><hr>56.176b<br><font size=+1>

phyir de'i tshe tshigs su bcad pa 'di dag gsungs so/ /zhing stong bye ba gzhan du gnas pa yi/ /sangs rgyas mkhas pa mtha' yas bye ba dag /sems can rnams kyi phyir ni dgongs mdzad cing / /ngan 'gro las ni sems can thar bar mdzad/ /stir med las la gnas shing sbyin byed dag /las byas nas ni ngan 'gror song ba rnams/ /de dag thar bar bya phyir chos 'dod pas/ /de bzhin gshegs pa 'di dag mchod par bgyi/ /ri mor mchod rten rnam pa sna tshogs byos/ /gser dang dngul dang de ltar lugs rnams dang / /'jim pa'i sku gzugs dag ni byed bcug nas/ /mchod pa sna tshogs kyis ni mchod par gyis/ /mar me sil snyan dri dang spos kyis mchod/ /shes rab che bas bsngo ba dag kyang gyis/ /mdo sde bshad cing 'dir yang bzhugs par gyis/ /de bzhin gshegs dang mdo sde'i gzi brjid kyis/ /sdig pa'i las las sems can de thar gyis/ /bla med byang chub reg par 'gyur bar du/ /dge ba'i gnas su skye ba 'dzin par 'gyur/ /sngon gyi las rnams rjes su dran 'gyur zhing / /dran nas mkhas pa sdig pa byed mi 'gyur/ /mi yi byang chub sems dpas mdo sde 'di/ /bshad pa des ni bsod nams mang du thob/ /de ni lha rnams kun gyis bsrung bar 'gyur/ /de yi lus 'di la ni nad mi 'byung / /de yi rgyal srid kun la gnod mi 'byung / /khyim dang grong dang grong khyer zhi bar 'gyur/ /gang zhig mdo sde 'di ni rtag 'dzin pa/ /sangs rgyas rnams kyi mdzod ni rtag 'dzin 'gyur/ /gang zhig mchod cing rjed dang 'drir 'jug dang / /las gzhan med par nyan du 'jug pa ni/ /des ni sangs rgyas yang dag mchod par 'gyur/ /des ni myur du byang chub mchog rtogs 'gyur/ /de nas bcom ldan 'das la byang chub sems dpa' sems dpa' chen</font><hr>56.177a<br><font size=+1>

po ltad mo can gyis 'di skad ces gsol to/ /bcom ldan 'das bdag ni 'di la the tsom skyes te/ bcom ldan 'das ci lus 'dis rgyal srid kyi longs spyod bsgrubs nas slar yang sdug bsngal bsgrub par 'gyur ram/ 'khor bar 'khor ba'i tshe skyo bar mi 'gyur ram/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sngug bsngal ba dang / yid mi bde ba rnams myong bar 'gyur zhing ji ltar skye/ ji ltar 'gum/ ji ltar 'tsho/ ji ltar bde ba sgrub par 'gyur/ ji ltar sdug bsngal myong bar 'gyur/ de nas bcom ldan 'das kyis byang chub sems dpa' sems dpa' chen po ltad mo can la 'di skad ces bka' stsal to/ /ltad mo can 'di ni las kyi rkyen yin par blta bar bya'o/ /rigs kyi bu yang 'di la gang yang skye ba med/ 'chi ba med/ 'tsho ba med de/ rigs kyi bu 'di la rga ba dang 'chi ba med kyi/ 'tsho ba'i khams ni rtag tu lus kyi rnam par shes pa la gnas so/ /yang las kyi rkyen dang las kyi gzhis skye ba sna tshogs su 'ongs shing 'phos nas bde ba dang / sdug bsngal myong bar 'gyur te/ bde ba la bde bar 'du shes/ sdug bsngal la sdug bsngal du 'du shes/ bde ba yang ma yin/ sdug bsngal ba yang ma yin pa la bde ba yang ma yin/ sdug bsngal ba yang ma yin pa'i 'du shes skyed mod kyi lhag ma ma lus pa'i mya ngan las 'das pa'i dbyings su yongs su mya ngan las 'da' ba'i chos can du gyur gyi bar du skyo ba'i sems skyed par 'gyur ro/ /rigs kyi bu 'di lta ste/ dper na skyes bu la la zhig gos sar pa gyon te/ de la de gyon nas las thams cad byed cing bde ba dang sdug bsngal yang myong bar 'gyur ro/ /yang dus gzhan zhig na gos de rnyings shing mugs te dri ma can mthar bshad par</font><hr>56.177b<br><font size=+1>

gyur pa dang / des de bor ba'i chos can du shes nas bor ro/ /bor nas yang gos sar pa gsar ma gzhan zhig btsal te gyon no/ /des gyon na yang las byed cing bde ba dang sdug bsngal myong bar 'gyur nas don dam pa'i gos sra zhing brtan la mi shigs shing mi chod pa gyon par ma gyur bar du gcig nas gcig tu brgyud pa 'dis lta bus bskal pa du ma 'das kyang gos de bgos so she 'am/ bor ro zhes mi rtog /rnam par mi rtog gis de ni lus kyi dbang du 'gro'o/ /rigs kyi bu de bzhin du gang gi tshe 'tsho ba'i khams des lus 'jig pa dang / 'gyel ba'i mthar gyur pa mthong ba de'i tshe lus de bor nas yang gsar pa gzhon nu gzhan btsal te/ de de'i las byed cing de bgos nas bde ba dang sdug bsngal myong bar 'gyur ro/ /ji ltar rang gi bsod nams las skyes pa'i gos de 'jam pa dang / sra ba dang / rtsub pa'i bgo ba de bzhin du 'tsho ba'i khams kyis bgo ba lta bu'i lus blangs te/ ji ltar rang gi las kyi rkyen gyi dge ba'i rtsa ba las skyes pa bzhin du lha dang / rgyal po dang / sems can dmyal ba dang / dud 'gro'i skye gnas dang / gshin rje'i 'jig rten rnams su skye bar 'gyur te/ lus de yang 'tsho ba'i khams kyi dbang gis 'gro zhing 'tsho ba'i khams kyi yongs su btang yang mi rtog /rnam par mi rtog go/ /rigs kyi bu de bzhin du lus gos lta bur blta bar bya'o/ /rigs kyi bu 'di lta ste/ dper na sbrul ni las kyi rkyen gyis dus kyi mthar shun pa de bor nas rang gi lus kyi gzugs kyis 'gro zhing 'ong ste/ bde ba dang sdug bsngal myong bar gyur</font><hr>56.178a<br><font size=+1>

kyang shun pa de mi rtog /rnam par mi rtog go/ /de bzhin du 'tsho ba'i khams ni sbrul lta bur blta'o/ /rigs kyi bu 'di lta ste dper na shing lo ma dang 'dab mar ldan par gyur pa las/ yang dus kyi rkyen gyis 'jig pa dang ltung bar mthar 'gyur ba'i chos can dus gyur nas phyis yang dus kyi rkyen gyis myu gu dang / yal ga dang / 'dab ma dang / me tog dang / 'bras bu rnams len te/ rigs kyi bu de bzhin du las kyi rkyen gyis skye ba dang 'gag par blta'o/ /rigs kyi bu yang phyi ma'i dus phyi ma'i dus kyi tshe na sems can dag rnyed pa dang / chags pa dang khro ba dang / phrag dog dang / nga rgyal mang ba dag 'byung ste/ srang dang gzhal ba la g.yo byed par dga' ba 'dod chags kyi rjes su spyod pa dag 'byung ste/ de dag 'dod pa'i rgyu dang 'dod pa'i gzhis sdig pa mang du byed par 'gyur te/ sdig pa mang du byas nas sdug bsngal myong bar 'gyur zhing mi rtag pa la rtag pa'i 'du shes can dang / mi gtsang ba la gtsang ba'i 'du shes can gyis sangs rgyas dang chos dang dge 'dun la mchod pa byed par mi 'gyur te/ byis pa'i blo can de dag dge ba'i bshes gnyen mi tshol gyi/ gang de lta bu'i sems can de dag la chos ston pa de dag la dgod cing kyal ka byed pa mang bar 'gyur gyi/ dad par mi byed/ yid ches par mi byed de/ de lta bu'i sems can de dag ni sdig pa spyod do/ /de dag gis 'tsho ba'i khams des las kyi rkyen ji lta ba bzhin du myong bar 'gyur ba'i bgo ba'i lus blangs nas sdug bsngal la dga' ba'i 'du shes skyed do/ /rigs kyi bu de lta bas na de bzhin gshegs pas bka' stsal pa/ 'di ni las</font><hr>56.178b<br><font size=+1>

kyi rkyen yin par blta ste/ 'di la su yang 'chi ba med/ 'tsho ba med/ bde ba dang / sdug bsngal yang myong bar mi 'gyur te/ las kyi rgyu las kyi rkyen gyis skye ba dang 'gag par 'gyur ro/ /sems can de dag gi don du de bzhin gshegs pa rnams kyis dka' ba spyod pa bye ba khrag khrig brgya stong du ma mdzad nas bdog pa thams cad yongs su btang ba yongs su btang nas bla na med pa yang dag par rdzogs pa'i byang chub tu mngon par sangs rgyas par 'gyur te/ sems can thams cad kyang mya ngan las 'da' ba la bkod do/ /de nas de'i tshe na de bzhin gshegs pa'i byin gyis brlab kyis sa chen g.yos par gyur to/ /ji ltar lhags pa'i 'khor de dag gis kyang bcom ldan 'das la legs so zhes gsol to/ /rgyal po gsal rgyal dang gzhan yang mthu chen po mthu che ba rdzu 'phrul chen po mang pos lha'i na bza' lnga brgyas de bzhin gshegs pa la mngon par mchod nas lus 'dar bzhin du bcom ldan 'das la lan gsum bskor ba byas te/ de bzhin gshegs pa thams cad kyi spyan sngar sdig pa thams cad nyes pa la nyes so zhes so sor bshags te bslab pa la yi dam bca' bar bya ste/ ji ltar lhags pa'i 'khor de dag gis 'di skad du smras so/ /de bzhin gshegs pa skye ba thams cad las slar log pa/ sems can thams cad sdug bsngal las sgrol ba/ grol ba thams cad la phyag bgyi'o/ /phyag 'tshal lo/ /bcom ldan 'das slan chad bdag cag skye ba'i 'khor bar sdug bsngal myong bar spro bar mi bgyid do/ /bcom ldan 'das bdag cag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang</font><hr>56.179a<br><font size=+1>

yid mi bde ba dang / 'khrug pa rnams las grol bar mdzad du gsol/ bcom ldan 'das kyis bka' stsal pa/ rigs kyi bu dag nan tan snying por byed pa'i dge ba'i rtsa bas dkon mchog gsum la lhag pa'i bsam pa dang ldan par byos shig /'du byed thams cad mi rtag cing sgyu ma lta bur shes par byos shig /dam pa'i chos yongs su gzung ba la spro bar byos shig /mchod pa dang / rjed pa dang / bkur sti mang bar byos shig /sems can thams cad la mchog tu snying rje bar shes par byos shig /chos smra ba la de bzhin gshegs pa'i 'du shes bskyed par byos shig /dge ba'i bshes gnyen la bla mar 'du shes bskyed par byos shig /chos kyi rnam grangs 'di yid la bya ba dang / bsgom pa dang / rgyas par byos shig /rigs kyi bu sdug bsngal thams cad dang / skye ba thams cad dang / rga ba dang / na ba dang / 'chi ba dang / sdug bsngal ba dang / yid mi bde ba dang / 'khrug pa chen po las yongs su grol bar 'gyur/ 'khor ba'i zhags pa las yongs su grol bar 'gyur ro/ /'phags pa'i lam yan lag brgyad pa'i dge ba'i rtsa ba la bsgrub par byos shig /bag med pa'i gnas las slar ldog par byos shig /rigs kyi bu de bzhin gshegs pa'i bslab pa cig yud tsam pa bzung bas kyang sems can rnams sdug bsngal thams cad las yongs su grol zhing bde 'gror 'gro ste ngan 'gror mi 'gro bar 'gyur na/ gang dag dgod pa dang / ku re dang / dga' ba dang / rtsed mo rnams yid kyis yongs su spangs nas de bzhin gshegs pa la mchog tu mos pas rim gro byed cing lhag pa'i bsam pas bzhugs te/ 'phags pa'i nye bar gnas nas gso sbyin yang dag par blangs</font><hr>56.179b<br><font size=+1>

te spyod pa de dag ngan song gsum du mi skye zhing bde 'gror 'gro bar 'gyur ba dang / lha dang mi'i bde ba myong nas sdug bsngal mthar byas te/ rim gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba lta ci smos/ bud med kyi lus nyon mongs pa dang nye ba'i nyon mongs pas nyon mongs par gyur pa la la zhig nyin cig gam nyi ma phyed dam/ yud tsam yang rung ste/ gsum la skyabs su 'gro ba yang dag par len cing bslab pa 'dzin par byed na de dag thams cad bud med kyi dngos po dang / sdug bsngal dang / yid mi bde ba dang / 'khrug pa thams cad rnam par bzlog ste/ sdug bsngal mthar byas nas bla na med pa yang dag par rdzogs pa byang chub tu mngon par rdzogs par sangs rgyas kyi bar du bde 'gror 'gro bar 'gyur ro/ /rigs kyi bu de ltar lus dang / ngag dang / yid kyi yi dam 'cha' ba dang bslab pa 'dzin pa yang dag par len par byed pa ni yon tan dang dge ba'i rtsa ba mang po dang ldan pa yin na/ byis pa dag gis ni de mi shes so/ /de nas de'i tshe na bar snang las sgra chen po byung bar gyur pa dang / 'khor de dag thams cad kyis e ma'o e ma'o zhes dam pa'i sgra byung nas me tog dang / dri'i char chen po rab tu phab bo/ /sems can 'bum tshang ba rnams sdug bsngal thams cad las grol bar gyur te/ phyir mi ldog pa'i sa bla na med pa yang dag par rdzogs pa'i byang chub la bkod do/ /gzhan yang sems can bye ba rnams sangs rgyas dang / chos dang / dge 'dun la skyabs su 'gro ba yid la byas shing sems dang po skyed par gyur to/ /de bzhin gshegs pa de dag thams cad kyang mi snang bar gyur to/ /de nas phyag na rdo rje la sogs pa rdo rje 'dzin pa thams cad dang / brgya byin dang / tshangs pa dang / 'jig rten skyong ba dang</font><hr>56.180a<br><font size=+1>

rgyal po chen po bzhi rnams kyis bcom ldan 'das la 'di skad ces gsol to/ /de bzhin gshegs pas bdag cag dbugs byung ste/ bdag cag gis chos kyi rnam grangs 'di dang / de bzhin gshegs pa de dag gi mtshan rnams thos te/ bcom ldan 'das la chos smra ba dang / 'chang ba dang / 'dri ba dang / glog pa dang / mchong ba dang / sgrogs pa de dag gi yul lam/ grong khyer ram/ gtsug lag khang rnams bdag cag gi lus dang srog dang yang bsdos te/ bsrung bar bgyi/ yongs su bskyab par bgyi/ don thams cad grub par bgyi/ nor dang 'bru rnams legs par bsgrub par bgyi/ thams cad du mchod par 'gyur bar bgyi/ nad thams cad las yongs su thar bar bgyi/ dran pa dang / stobs dang / spro ba stsal bar bgyi'o/ de nas bcom ldan 'das kyis de dag la legs so legs so zhes bya ba byin nas 'di skad ces bka' stsal to/ /ci nas kyang de bzhin gshegs pa'i dam tshig gi chos kyi rnam grangs 'di myur du nub par mi 'gyur ba de ltar khyed kyis byos shig /bcom ldan 'das kyis de skad ces bka' stsal pa dang / 'phags pa spyan ras gzigs dbang phyug dang / lag na rdo rje la sogs pa byang chub sems dpa' sems dpa' chen po de dag thams cad dang nyan thos chen po rnams dang / thams cad dang ldan pa'i 'khor de dag thams cad dang lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa sangs rgyas kyi stobs skyed pa'i cho 'phrul rnam par 'phrul ba bstan pa zhes bya ba theg pa chen po'i mdo rdzogs so// //</font><hr>

</table>