J125

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J125</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J125&coll=lithang">see text in Tibetan script</a></table>56.1a<br><font size=+1>

(tsa) @#/ ! /mdo sde sna tshogs kyi skor bzhugs so/ /[(黃) 經藏第十七部]</font><hr>56.1b<br><font size=+1>

@#/   /rgya gar skad du/ Ar+ya pany+tsa pA ra mi tA nir de sha nA ma ma hA yA na sU tra/ bod skad du/ 'phags pa pha rol tu phyin pa lnga bstan pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin du rnam par grol ba/ cang shes pa/ glang po chen po/ </font><hr>56.2a<br><font size=+1>

bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba/ sems can thams cad la dbang dam pa'i pha rol du son pa sha stag dang / byang chub sems dpa' sems dpa' chen po phal cher gzhon nur gyur pa/ skye ba gcig gis thogs pa/ sems can gyi bsam pa ji lta ba bzhin du srid pa las grol ba/ srid par skye ba yongs su 'dzin pa/ thams cad kyang bla na med pa yang dag par rdzogs pa'i byang chub las phyir mi ldog pa sha stag dang thabs gcig tu bzhugs so/ /gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag gis bcom ldan 'das la bkur stir byas/ bla mar byas/ ri mor byas/ mchod par byas nas/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das kyis 'di lta ste/ pha rol du phyin pa drug po 'di dag nyid las brtsams nas 'khor bzhi po dag la chos ston to/ /de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu 'di la byang chub sems dpa' sems dpa' chen pos sbyin pa'i pha rol du phyin pa la spyod pa na mngon par 'du byed pa med par sbyin pa sbyin par bya'o/ /de skad ces bka' stsal pa dang / tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das bcom ldan 'das ni chos thams cad gyis rtsa bar gyur pa lags/ </font><hr>56.2b<br><font size=+1>

bcom ldan 'das ni chos thams cad kyi gtso bor gyur pa lags/ bcom ldan 'das ni chos thams cad kyi rton par gyur pa lags te/ de'i slad tu bcom ldan 'das las gang thos na dge slong rnams 'dzin par 'gyur ba de bcom ldan 'das nyid kyis dge slong rnams la bshad du gsol/ de skad ces gsol pa dang / bcom ldan 'das cang mi gsung bar gyur te/ lan gnyis kyi bar du gsol nas bcom ldan 'das kyis bka' stsal pa/ shA ra dwa ti'i bu ngas khyod la bcol gyis byang chub sems dpa' sems dpa' chen po rnams kyi sbyin pa'i pha rol du phyin pa las brtsams te/ khyod spobs par gyis shig /de nas tshe dang ldan pa shA ra dwa ti'i bus bcom ldan 'das las go skabs gnang ba thob nas bcom ldan 'das kyi mthus thog ma nyid du byang chub sems dpa' sems dpa' chen po rnams kyi sbyin pa'i pha rol du phyin pa la 'doms shing rjes su ston te/ bcom ldan 'das 'di la byang chub sems dpa' sems dpa' chen po sbyin pa'i pha rol du phyin pa la spyod pas thog ma nyid du rnam pa thams cad mkhyen pa nyid la dmigs par bgyi zhing sbyin pa sbyin par bgyi'o/ gal te byang chub sems dpa' sems dpa' chen po rnam pa thams cad mkhyen pa nyid la dmigs par bgyi nas sbyin pa sbyin na/ byang chub sems dpa' sems dpa' chen po de ni sbyin pa'i pha rol du phyin pa yongs su 'dzin pa lags so/ /byang chub sems dpa' lta bar lhung bas sbyin pa sbyin pa ni mi bsngo 'o/ /nyan thos kyi sa 'am/ rang sangs rgyas kyi sar bsngos pa ni de lta ma lags so/ de ci'i slad du zhe na/ de'i 'jigs pa ni de lags par 'tshal bar bgyi ba'i slad du'o/ de nas tshe dang ldan pa</font><hr>56.3a<br><font size=+1>

byams ma'i bu gang pos tshe dang ldan pa shA ra dwa ti'i bu la 'di skad ces smras so/ tshe dang ldan pa ci'i phyir na de byang chub sems dpa' sems dpa' chen po'i 'jigs pa yin par shes par bya/ smras pa/ nyan thos rnams dang 'bras bu mnyam par 'gyur du 'ong bas na de'i phyir de'i 'jigs pa yin par shes par bya'o/ /de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu byang chub sems dpa' sbyin pa sbyin pa gang yin pa dang / nyan thos dgra bcom pa mngon sum du bya bar 'dod pa sbyin pa sbyin pa gang yin pa 'di la bye brag ni ci yod/ tha dad tu dbye ba ni gang yin/ smras pa/ tshe dang ldan pa gang po tha dad tu dbye ba ni 'di nyid yin te/ gcig ni gang nyan thos kyi sar yongs su sngo bar byed la gcig shos ni rnam pa thams cad mkhyen pa nyid du yongs su sngo bar byed pa yin no/ de ci'i phyir zhe na/ tshe dang ldan pa dper na skyes bu la la zhig bdag rgyal por gyur kyang ci ma rung snyam du rgyal po'i sa la dmigs nas sbyin pa sbyin la/ skyes bu gcig shos ni bdag rgyal po de'i yul na gnas kyang ci ma rung snyam du mngag gzhug par khas len par 'dod de sbyin pa sbyin zhing de ltar yongs su sngo na/ skyes bu des skyes bu snga ma des dmigs pa'i rgyal po'i sa gang yin pa de nyid non par nus sam/ tshe dang ldan pa gang po de bzhin du byang chub sems dpa' sems dpa' chen po ni rnam pa thams cad mkhyen pa nyid la dmigs nas sbyin pa sbyin zhing yongs su sngo la/ nyan thos kyi theg pa pa ni sbyin pa gang sbyin pa de nyan thos kyi sa la dgra bcom pa nyid du yongs su sngo bar byed do/ </font><hr>56.3b<br><font size=+1>

de ltar 'phags pa nyan thos byang chub sems dpa'i nye gnas su 'gyur bar 'dod na/ skyes bu des sbyin pa de nyid rnam pa thams cad mkhyen pa nyid tu yongs su sngo bar byed pa'i mthu dang nus pa yod dam/ yang tshe dang ldan pa gang po mos pa gang dang ldan pas sbyin pa de rnam pa thams cad mkhyen pa nyid tu yongs su sngo ba'i mos pa de ni med kyi/ sbyin pa de nyan thos su yongs su sngo ba 'di ni byang chub sems dpa'i theg pa pa dang / nyan thos kyi theg pa pa dgra bcom pa'i sa la gnas pa'i tha dad tu dbye ba yin no/ /tshe dang ldan pa gang po dper na skyes bu la la zhig sbyin pa 'dis bdag tshong dpon nam/ khyim bdag gam tshangs par gyur cig ces sbyin pa sbyin pa de bzhin du nyan thos kyi theg pa pa'i sbyin par blta'o/ /de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa 'di ni ngo mtshar che ste/ shA ra dwa ti'i bus shin du legs par smras so/ /tshe dang ldan pa shA ra dwa ti'i bu dper na skyes bu la la zhig kAr ShA pa NA 'bum khyer te/ khyim bdag phyug po gang yang rung ba zhig gi drung du song nas 'di skad du/ kAr shA pa NA 'bum 'di dag khyod la 'bul te/ bdag kyang khyod kyi thad na 'dug cing bya ba dang / sbyor ba rnams la g.yog bgyid do zhes zer ba de bzhin du/ tshe dang ldan pa nyan thos kyi theg pa pa'i gang zag rnams sbyin pa sbyin zhing / de bzhin gshegs pa'i zhabs 'bring du khas len to/ /byang chub sems dpa' sems dpa' chen po ni de ltar sbyin pa sbyin par mi byed de/ 'di ni byang chub sems dpa'i spyod pa dang nyan thos kyi sbyin pa sbyin pa'i khyad par du dbye ba yin no/ /tshe dang ldan pa gang po dper na rgyal po'i btsun mo'i 'khor gyi bud med gcig gis gser</font><hr>56.4a<br><font size=+1>

'bum khyer te/ tshong dpon nam/ ded dpon gang yang rung ba'i drung du song nas 'di skad du/ gser 'bum 'di dag kyang khyod la 'bul/ bdag kyang khyod kyi g.yog bgyid cing sngar ldang ba dang / phyis nyal ba dang / khyod ci dgyes pa bzhin spyod par bgyid do zhes zer ba de bzhin du tshe dang ldan pa nyan thos kyi theg pa pa'i gang zag sbyin pa yang sbyin zhing de bzhin gshegs pa'i nyan thos nyid du khas len to/ /de skad ces smras pa dang / tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ /tshe dang ldan pa sbyin pa de nyid yongs su btang du 'dra na/ gcig ni nyan thos kyi sa yongs su 'dzin par gyur la/ gcig ni rnam pa thams cad mkhyen pa nyid yongs su 'dzin par gyur pa 'di ni ngo mtshar che ste/ tshe dang ldan pas legs par smras so/ /tshe dang ldan pa gang po byang chub sems dpa' 'di ni thams cad tu thabs la mkhas par blta bar bya'o/ /gzhan yang tshe dang ldan pa shA ra dwa ti'i bus tshe dang ldan pa byams ma'i bu la 'di skad ces smras so/ /tshe dang ldan pa gang po 'di la byang chub sems dpa' sbyin pa sbyin par 'dod cing / bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas sbyin pa yongs su gtong ba na thog ma kho nar 'di skad tu sbyin pa 'di las byung ba'i bsod nams mngon par 'du byed pa dang / dge ba mngon par 'du byed pa gang yin pa des 'jig rten gyis khams mtha' yas mu med pa dag na theg pa la gsar du zhugs pa'i byang chub sems dpa' gang dag gnas pa de dag ni phyir mi ldog pa nyid du gyur cig /phyir mi ldog pa gang dag gnas pa de dag ni myur du rnam pa thams cad mkhyen pa nyid yongs su rdzogs par gyur cig ces brjod par bya ste/ de ltar</font><hr>56.4b<br><font size=+1>

bdag nyid kyang de'i khongs su gtogs par byed cing byang chub sems dpa' de dag kyang dge ba'i rtsa ba rnams kyis yongs su 'dzin par byed do/ /ji lta ji ltar byang chub sems dpa' dge ba'i rtsa ba yongs su 'dzin cing rjes su srung ba de lta de ltar rnam pa thams cad mkhyen pa nyid dang nye bar 'gyur ro/ /ji lta ji ltar dge ba'i rtsa ba yongs su sngo ba de lta de ltar bla na med pa yang dag par rdzogs pa'i byang chub dang yang nye bar 'gyur ro/ /tshe dang ldan pa gang po gzhan yang byang chub sems dpa' sems dpa' chen po sbyin pa sbyin pa na/ sbyin pa de 'di ltar bdag gis kha zas kyi sbyin pa 'di las sems can gang dag mig lam na snang ba dang / gang dag mi snang ba thams cad las sems can gang dag za ba dang / chung zad za bar gyur pa'i sbyin pa da las gang bdag gis dge ba'i rtsa ba yongs su bzung bar gyur pa'i dge ba'i rtsa ba des 'jig rten gyis khams mtha' yas mu med pa dag na/ theg pa la gsar du zhugs pa'i byang chub sems dpa' sems dpa' chen po gang dag gnas pa de dag ni phyir mi ldog pa nyid du gyur cig /phyir mi ldog pa gang dag gnas pa de dag ni myur du rnam pa thams cad mkhyen pa nyid yongs su rdzogs par gyur cig ces yongs su bsngo bar bya'o/ /ji lta ji ltar byang chub sems dpa' dge ba'i rtsa ba yongs su sngo bar byed pa de lta de ltar pha rol du phyin pa rnams yongs su 'dzin cing rnam pa thams cad mkhyen pa nyid dang yang nye bar 'gyur te/ gang gi tshe sbyin pa chung ngu yang dpag tu med par byed pa 'di ni byang chub sems dpa' sems dpa' chen po'i thabs la mkhas pa yin par rig par bya'o/ /de ci'i phyir zhe na/ rnam pa thams cad mkhyen pa nyid dpag tu med pa'i phyir ro/ /tshe dang ldan pa gang po gzhan yang</font><hr>56.5a<br><font size=+1>

byang chub sems dpa' sems dpa' chen po'i sbyin pa sbyin pa na/ bdag gi sbyin pa 'di bla na med pa yang dag par rdzogs pa'i byang chub ma gtogs pa gzhan du rnam par smin par ma gyur cig ces de ltar sems bskyed par bya'o/ /gal te yongs su sngo bar byed na sbyin pa'i pha rol du phyin pa zhes bya ba'i grangs su 'gro'o/ /ci ste phyis yun ring mo zhig lon nas yongs su sngo bar byed cing / rnam pa thams cad mkhyen pa nyid yid la byed na yang de bzhin du pha rol du phyin pa'i grangs su 'gro'o/ /tshe dang ldan pa gang po gzhan yang byang chub sems dpa'i sbyin pa ni nyung ngu zin kyang mang bar rig par bya'o/ /de ci'i phyir zhe na/ rnam pa thams cad mkhyen pa nyid tu yongs su bsngos pa'i phyir ro/ /sbyin pa mang po yang nyung ngur 'gyur ba yod par rig par bya ste/ de ci'i phyir zhe na/ 'di ltar rnam pa thams cad mkhyen pa nyid tu yongs su ma bsngos pa'i phyir ro/ /tshe dang ldan pa de yang gal te phyis yun ring mo zhig lon nas yongs su sngo bar byed na yang sbyin pa'i sgra bor te/ sbyin pa'i pha rol du phyin pa'i sgra thob par 'gyur ro/ /tshe dang ldan pa gang po byang chub sems dpa' sems dpa' chen pos 'khor ba thog ma med pa nas 'khor ba na/ rnam pa thams cad mkhyen pa nyid yang dag par ma brjod par sbyin pa byin pa gang yin pa de yang byang chub sems dpas thabs mkhas pa la brten nas pha rol du phyin par yongs su sngo zhing / rnam pa thams cad mkhyen pa nyid la dmigs par byed na byang chub sems dpa'i sbyin pa'i pha rol du phyin pa yin par rig par bya'o/ /de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa ci 'di khyod nyid kyi spobs pa yin nam</font><hr>56.5b<br><font size=+1>

'on te bcom ldan 'das kyi byin gyi brlabs yin smras pa/ tshe dang ldan pa bdag gi spobs pa gang yin pa 'di ni/ de bzhin gshegs pa'i byin gyis brlabs yin no/ /tshe dang ldan pa gang po 'di la 'jig rten gyi khams dpag tu med/ grangs med/ tshad med pa dag na sems can gang dag gnas pa de dag dgra bcom pa'i 'bras bu mngon sum du bya bar 'dod pa'i phyir bskal pa gang gA'i klung gi bye ma snyed du so so'i skye bo rnams sam/ nyan thos rnams sam/ rang sangs rgyas rnams la sbyin pa byin la/ sbyin pa de yang byang chub sems dpas bsams te/ bsam nas kyang 'di skad tu sbyin pa 'di la rjes su yi rang ngo zhes zer zhing / de ltar yongs su gtong ba rnams kyi de la byang chub sems dpa'i rjes su yi rang ba dang ldan pa'i bsod nams bya ba'i dngos po yod la/ rjes su yi rang nas dge ba'i rtsa ba de 'di ltar yongs su sngo bar byed de/ rjes su yi rang ba dang ldan pa'i dge ba'i rtsa ba 'dis 'jig rten gyi khams mtha' yas mu med pa dag na/ theg pa la gsar du zhugs pa'i byang chub sems dpa' gang dag gnas pa de dag ni phyir mi ldog pa nyid tu gyur cig /phyir mi ldog pa'i gang dag gnas pa de dag ni myur du rnam pa thams cad mkhyen pa nyid yongs su rdzogs par gyur cig ce na/ rjes su yi rang ba dang ldan pa'i dge ba'i rtsa ba de de ltar yongs su sngo bar byed pa'i byang chub sems dpa' ni myur du rnam pa thams cad mkhyen pa nyid yongs su rdzogs par 'gyur te/ de la sems can yongs su gtong bar byed pa de dag gi bsod nams mngon par 'du byed pa gang yin pa dge ba'i rtsa ba snga ma de ni/ byang chub sems dpa'i rjes su yi rang ba dang ldan pa'i sems la brgya'i char yang nye bar mi 'gro'o/ /stong gi cha dang / 'bum gyi cha dang / bye ba'i cha dang bye ba 'bum</font><hr>56.6a<br><font size=+1>

gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ 'di ltar byang chub sems dpa'i rjes su yi rang ba dang ldan pa'i sems bskyed pa des thams cad zil gyis non pa'i phyir ro/ /tshe dang ldan pa gang po sangs rgyas bcom ldan 'das 'di nyid kyis 'dir thabs la mkhas pa nyid btsan par mdzad do/ /tshe dang ldan pa gang po gzhan yang gal te sems can de dag thams cad bskal pa gang gA'i klung gi bye ma snyed tu gnas shing sangs rgyas la sog pa'i dge slong gi dge 'dun la sbyin pa dag kyang sbyin zhing bsod nams dag kyang byed la/ de la byang chub sems dpa' rjes su yi rang ste/ skye ba byin pa 'di ni legs par byin no/ /legs par sbyin par byed do/ /sti stang du byas te sbyin par byed do/ /zhe sar byas te sbyin par byed do/ /smad pa med par sbyin par byed do/ /sbyin pa 'di la rjes su yi rang ngo zhe na/ byang chub sems dpa' de'i rjes su yi rang ba dang ldan pa'i sems la snga ma'i sbyin pa dang ldan pa'i bsod nams mngon par 'du byed pa des brgya'i char yang nye bar mi 'gro'o/ /stong gi cha dang 'bum gyi cha dang / bye ba'i cha dang / bye ba 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ 'di ltar byang chub sems dpa' ni rjes su yi rang ba'i sems kyis zil gyis gnon par byed par rig par bya'o/ /tshe dang ldan pa gang po dper na zla ba'i dkyil 'khor 'char ba na skar ma'i gzugs gang ji snyed yod pa de dag thams cad kyi 'od med par byed do/ /tshe dang ldan pa gang po dper na nyi ma'i dkyil 'khor 'char ba na 'dzam bu'i gling 'di srog chags kyi rigs srin bu me khyer gyis gang bar gyur pa thams cad zil gyis mnan te 'od med par byed do/ /tshe dang ldan pa gang po</font><hr>56.6b<br><font size=+1>

dper na mching bu'i nor bu brgya 'am/ stong ngam/ bye ba 'am/ bye ba stong phung po chen por gyur la/ de'i nang du bai dUr+ya'i nor bu gcig bzhag na mching bu'i nor bu de thams cad nor bu rin po che bai dUr+ya gcig pu'i kha dog dang 'od kyis zil gyis gnon par 'gyur te/ 'od mi snang zhing mi spa bar 'gyur ro/ /tshe dang ldan pa gang po de bzhin du sems can de dag thams cad bskal pa dpag tu med pa gang gA'i klung gi bye ma snyed tu gnas pa'i sbyin pa las byung ba'i bsod nams bya ba'i dngos po ni byang chub sems dpa' de'i rjes su yi rang ba dang ldan pa'i sems kyi brgya'i char yang nye bar mi 'gro ba nas rgyu'i bar du yang nye bar mi 'gro'o/ /tshe dang ldan pa gang po dper na/ rta rin po che rta stong gi nang du zhugs na/ rta phal de dag thams cad gsal ba ma yin zhing spa ba ma yin la/ rta'i rgod pa'i bag kyang ston par mi byed de/ de dag thams cad rta rin po che des zil gyis gnon par 'gyur ro/ /tshe dang ldan pa gang po de bzhin du bskal pa gang gA'i klung gi bye ma snyed tu gnas pa'i sems can de dag thams cad kyi sbyin pa las byung ba'i bsod nams bya ba'i dngos po gang yin pa de/ byang chub sems dpa'i rjes su yi rang ba dang ldan pa'i sems kyi brgya'i char yang nye bar mi 'gro ba nas rgyu'i bar du yang nye bar mi 'gro ste/ de dag thams cad byang chub sems dpas rjes su yi rang ba'i sems kyis zil gyis gnon par 'gyur ro/ /tshe dang ldan pa gang po gzhan yang byang chub sems dpa' sems dpa' chen po des kyang rjes su yi rang ba dang ldan pa'i bsod nams bya ba'i dngos po 'jig rten gyis khams dpag tu med pa grangs med pa dag na theg pa la gsar du zhugs pa'i byang chub sems dpa' gang dag gnas pa de dag ni phyir mi ldog par gyur cig /phyir mi ldog pa'i byang chub sem</font><hr>56.7a<br><font size=+1>

dpa' gang dag gnas pa de dag ni myur du rnam pa thams cad mkhyen pa nyid yongs su rdzogs par gyur cig /ces yongs su bsngo bar bya'o/ /ji lta ji ltar byang chub sems dpa' dge ba'i rtsa ba de yongs su gtong ba de lta de ltar snang bar 'gyur zhing rnam pa thams cad mkhyen pa nyid dang nye bar 'gyur ro/ /ji lta ji ltar dge ba'i rtsa ba de dag bdag gir mi byed cing / dge ba'i rtsa ba 'dis sems can thams cad bde bar gyur cig ces sems bskyed pa de lta de ltar dge ba'i rtsa ba rnams kyis 'bogs par 'gyur ro/ /ji lta ji ltar dge ba'i rtsa ba rnams kyis 'bogs pa de lta de ltar rnam pa thams cad mkhyen pa nyid dang nye bar 'gyur ro/ /ji lta ji ltar dge ba'i rtsa ba de dag la bdag gi bar sems mi bskyed pa de lta de ltar dge ba'i rtsa ba dpag tu med pa 'dzin to/ /de ci'i phyir zhe na/ rnam pa thams cad mkhyen pa nyid dpag tu med pa'i phyir ro/ /tshe dang ldan pa gang po de bzhin du byang chub sems dpa' sems dpa' chen po'i rjes su yi rang ba'i sems thabs la mkhas pas yongs su bsngos nas theg pa la gsar du zhugs pa'i byang chub sems dpa' rnams la phan 'dogs par byed do/ /rjes su 'dzin cing phyir mi ldog pa'i byang chub sems dpa' rnams kyang mngon par shes pa myur bar yongs su sngo'o/ /des de dag la yang phan btags nas bdag nyid kyang rnam pa thams cad mkhyen pa nyid yongs su 'dzin par byed pa 'di ni/ tshe dang ldan pa gang po byang chub sems dpa'i thabs la mkhas pa yin par rig par bya'o/ /de ci'i phyir zhe na/ 'di ltar rnam pa thams cad mkhyen pa nyid du yongs su bsngos pa'i phyir te/ bdag dang de las gzhan pa'i byang chub</font><hr>56.7b<br><font size=+1>

sems dpa' sems dpa' chen po rnams kyang don che bar byed do/ /sbyin pa'i pha rol du phyin pa las rjes su yi rang ba'i le'u ste dang po'o// // tshe dang ldan pa gang po gzhan yang bskal pa gang gA 'i klung gi bye ma snyed du gnas pa'i sems can de thams cad kyis sangs rgyas la sogs pa dge slong gi dge 'dun la sbyin pa sbyin pa na bsod nams dag kyang byed pa gang yin pa dang / byang chub sems dpa' sems dpa' chen pos sangs rgyas la sogs pa dge slong gi dge 'dun la bsod snyoms lan cig tsam 'bul na yang / bsod snyoms 'bul ba gang yin pa 'di la dge ba'i rtsa ba snga mas brgya'i char yang nye bar mi 'gro ba nas rgyu'i bar du yang mi bzod do/ /de ci'i phyir zhe na/ yongs su bsngos pa'i phyir ro/ /tshe dang ldan pa gang po byang chub sems dpa' dang sems can de dag gi len pa po ni mtshungs te/ len pa po mi mtshungs pa ma yin mod kyi/ bsngo ba dang bral ba'i phyir sems can de dag gi sbyin pa de/ byang chub sems dpa'i sbyin pa'i brgya'i char yang nye bar mi 'gro la rgyu'i bar du yang mi bzod do/ /tshe dang ldan pa gang po gzhan yang byang chub sems dpa' sems dpa' chen po sbyin pa sbyin pa ni 'di ltar bdag gis sbyin pa 'di ltar byin zhing / 'di ltar yongs su btang ba las bsod nams mngon par 'du byed pa gang yin pa dang / dge ba mngon par 'du byed pa gang yin pa'i dge ba mngon par 'du byed pa des sems can dmyal ba'i sems can rnams/ sems can dmyal ba nas 'don par gyur cig /dud 'gro'i skye gnas su skyes pa'i sems can rnams dud 'gro'i skye gnas nas 'don par gyur cig /gshin rje'i 'jig rten gyi sems can rnams/ </font><hr>56.8a<br><font size=+1>

gshin rje'i 'jig rten nas 'don par gyur cig dang 'jig rten gyi khams mtha' yas mu med pa dag na theg pa la gsar du zhugs pa'i byang chub sems dpa' sems dpa' chen po gang dag gnas pa de dag ni phyir mi ldog pa nyid du gyur cig /phyir mi ldog pa'i byang chub sems dpa' gang dag gnas pa de dag ni myur du rnam pa thams cad mkhyen pa nyid yongs su rdzogs par gyur cig ces sems bskyed par bya ste/ ji lta ji ltar byang chub sems dpa' dge ba'i rtsa ba de dag bskyed pa de lta de ltar sbyin pa'i pha rol du phyin pa yongs su 'dzin par byed de/ dge ba'i rtsa ba dpag du med pa yang rnam par 'phel bar byed cing rnam pa thams cad mkhyen pa nyid dang yang nye bar 'gyur te/ 'di yang byang chub sems dpa'i thabs la mkhas pa yin par rig par bya'o/ /ji lta ji ltar dge ba'i rtsa ba rnams la bdag gi bar 'du shes mi byed pa de lta de ltar bsod nams dpag du med pa mngon par 'du byed pa yongs su 'dzin to/ /de ci'i phyir zhe na/ rnam pa thams cad mkhyen pa nyid dpag du med pa'i phyir ro/ /tshe dang ldan pa gang po de ltar na byang chub sems dpa' sems dpa' chen po bdog pa thams cad yongs su gtong ba yin no/ /dge ba'i rtsa ba gzugs med pa gang yin pa yang yongs su gtong na gzugs yod pa'i dngos po lta ci smos te/ de ltar na byang chub sems dpa' sems dpa' chen po gzugs yod pa dang / gzugs med pa'i dngos po thams cad yongs su gtong ba yin te/ thams cad yongs su gtong bas na de thams cad mkhyen par 'gyur ro/ /'di skad du nang gi 'am/ phyi rol gyis 'am/ gzugs yod pa 'am/ gzugs med pa yang rung ste/ gang bdag gis</font><hr>56.8b<br><font size=+1>

yongs su ma btang ba 'am/ ma byin pa 'am/ mchod sbyin ma byas pa'i chos de yang dag par rjes su mi mthong / dngos po de yang dag par rjes su mi mthong ngo / /zhes kyang seng ge'i sgra sgrog cing de ltar dga' ba skyed do/ /tshe dang ldan pa gang po byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas rnam pa thams cad mkhyen pa nyid kyi ye shes kyi gzigs te/ 'di skad du nang gi 'am/ phyi rol gyi 'am/ gzugs yod pa 'am/ gzugs med pa yang rung ste/ gang bdag gis yongs su ma btang ba 'am/ ma byin pa 'am/ mchod sbyin ma byas pa'i chos de yang dag par rjes su mi mthong ste/ gang gis phyir bdag gis dngos po de yang dag par rjes su mi mthong ba de'i phyir bdag bla na med pa yang dag par rdzogs pa'i byang chub mngon par rdzogs par sangs rgyas nas/ gang bdag gis mngon par rdzogs par sangs ma rgyas pa 'am/ yongs su ma shes pa'i chos de yang dag par rjes su mi mthong ngo / /ji ltar chos de yang dag par rjes su mi mthong ba de ltar bdag bla na med pa yang dag par rdzogs pa'i byang chub mngon par rdzogs par sangs rgyas nas chos thams cad la pha rol tu phyin pa dam pa thob ste/ gang bdag gis mngon par rdzogs par sangs ma rgyas pa 'am/ yongs su ma shes pa de ci yang med do/ /ji ltar gang bdag gis yongs su ma btang ba 'am/ ma byin pa de ci yang med pa de ltar bdag gis chos gang mngon par rdzogs par sangs ma rgyas pa 'am/ yongs su ma shes pa'i chos de yang dag par rjes su mi mthong ngo zhes seng ge'i sgra sgrog go/ /tshe dang ldan pa gang po byang chub sems dpa' sems dpa' chen pos de ltar nang dang phyi rol gyi</font><hr>56.9a<br><font size=+1>

dngos po rnams yongs su btang bas na/ nang dang phyi'i chos rnams la chos gang mngon par rdzogs par sangs ma rgyas pa 'am/ yongs su ma shes pa'i chos ci 'ang yang dag par rjes su ma mthong ste/ tshe dang ldan pa gang po byang chub sems dpa' sems dpa' chen pos sbyin pa'i pha rol du phyin pa la de ltar bslab par bya'o/ /byang chub sems dpa' de ltar slob na byang chub sems dpa' zhes bya ba'i ming thob cing rnam pa thams cad mkhyen pa nyid kyi sems dang yang mi 'bral bar 'gyur ro/ /gang gi tshe byang chub sems dpa' sems dpa' chen po rnam pa thams cad mkhyen pa nyid kyis sems dang mi 'bral ba de'i tshe byang chub sems dpa' la bdud sdig can gyis kyang glags mi rnyed na/ gnod sbyin nam sha zas glags rnyed pa lta ci smos te 'di ni gnas med do/ /tshe dang ldan pa gang po phyogs gang du byang chub sems dpa' thams cad mkhyen pa nyid kyi chos sems shing 'gro ba'i phyogs der mi 'am/ mi ma yin pa rnams kyis glags mi rnyed do/ /de ci'i phyir zhe na/ yid la byed pa de dag ni de ltar stobs dang ldan pa'i phyir ro/ /'di ltar thams cad mkhyen pa nyid yid la byad pa rnams ni de ltar bsam gyis mi khyab cing de ltar rgya che'o/ /tshe dang ldan pa gang po byang chub sems dpa' sems dpa' chen po byang chub kyi phyir spyod pa ni de ltar sems can rnams la phan 'dogs pa yang yin la nye bar 'tsho ba yang yin no/ /tshe dang ldan pa gang po rnam grangs 'dis kyang byang chub sems dpa' sems dpa' chen po ni byis pa so so'i skye bo thams cad dang / nyan thos dang / rang sangs rgyas thams cad zil gyis gnon to/ /bla na med pa yang dag par rdzogs pa'i byang chub mngon par rdzogs par sangs</font><hr>56.9b<br><font size=+1>

rgyas nas kyang phan 'dogs par gyur pa dang nye bar 'tsho ba yin no/ /sems can rnams kyi nyon mongs pa spangs pa'i phyir chos kyang ston to/ /sems can dpag tu med pa yang phung po gsum du yongs su mya ngan las zlo bar byed do/ /tshe dang ldan pa gang po rnam grangs 'dis kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas byis pa so so'i skye bo thams cad dang / nyan thos dang / rang sangs rgyas thams cad kyi mchog ces bya/ gtso bo dang / phul dang / rab dang / rab mchog dang / bla na med pa dang gong na med pa zhes bya'o/ /yongs su mya ngan las 'das nas kyang sems can rnams kyi phan 'dogs par gyur pa dang nye bar 'tsho ba yin te/ gang dag de bzhin gshegs pa'i mchod rten la spos dang / me tog dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis bkur stir byed/ bla mar byed/ ri mor byed/ mchod pa byed de/ de ltar dge ba'i rtsa ba bskyed nas yongs su mya ngan las 'da' ba'i chos can du 'gyur ro/ /gang dag 'dod chags dang bral ba'i bsam pas de bzhin gshegs pa'i mchad rten la me tog gcig tsam 'bul ba de dag thams cad kyang bcom ldan 'das kyis mya ngan las 'da' ba'i chos can du lung bstan to/ /tshe dang ldan pa gang po de ltar byang chub sems dpa' sems dpa' chen po ni 'dug na yang sems can rnams kyi phan 'dogs par gyur pa dang nye bar 'tsho ba yin la/ bla na med pa yang dag par rdzogs pa'i byang chub mngon par rdzogs par sangs rgyas pa dang / yongs su mya ngan las</font><hr>56.10a<br><font size=+1>

'das na yang sems can rnams kyis phan 'dogs pa dang nye bar 'tsho ba yin te/ byang chub sems dpa' sems dpa' chen po ni nams kyang sems can rnams kyi nye bar 'tsho bar mi 'gyur ba ma yin no/ /de bzhin gshegs pa ma gtogs par sems can gyi ris na byang chub sems dpa'i yon tan 'di lta bu dag dang ldan pa'i sems can de gang yang mi dmigs te/ yod ces bya ba ni gnas med do/ /tshe dang ldan pa gang po dper na gser ni bsregs kyang rung / ma bsregs kyang rung ste/ sems can rnams kyi nye bar 'tsho ba yin/ bzhu yang rung / ma bzhu yang rung / brdungs su byas kyang rung / ma byas kyang rung ste/ sems can rnams kyi nye bar 'tsho ba yin no/ /tshe dang ldan pa gang po de bzhin du byang chub sems dpa' sems dpa' chen po byang chub kyi phyir spyod pa yang sems can rnams kyi nye bar 'tsho ba yin la/ bla na med pa yang dag par rdzogs pa'i byang chub mngon par rdzogs par sangs rgyas pa dang / yongs su mya ngan las 'das na yang sems can rnams kyi nye bar 'tsho ba yin no/ /tshe dang ldan pa gang po dper na zla ba dang nyi ma gnyis ni gling bzhi po dag tu sems can rnams kyi bya ba byed cing gling bzhi po dag gi nye bar 'tsho ba yin te/ 'di ltar zla ba dang nyi ma 'di gnyis yod na snang zhing gsal la nyin mtshan dang / zla ba phyed dang / dus tshigs dang / lo rnams shes par 'gyur ro/ /tshe dang ldan pa gang po de bzhin du byang chub sems dpa' sems dpa' chen po ni 'dug na yang sems can rnams kyi nye bar 'tsho ba yin la/ bla na med pa yang dag par rdzogs pa'i byang chub mngon par rdzogs par sangs rgyas pa dang yongs su mya ngan las</font><hr>56.10b<br><font size=+1>

'das na yang sems can rnams kyi nye bar 'tsho ba yin no/ /tshe dang ldan pa gang po byang chub sems dpa' sems dpa' chen po ni de ltar chos rgya chen po dang ldan pas na nams kyang sems can rnams kyi nye bar 'tsho bar mi 'gyur ba ma yin no/ /tshe dang ldan pa gang po dper na ded dpon gser 'bum dag gis nyo 'tshong byed na/ sems can tshad med dpag tu med pa dag bde bar 'gyur te des nor gyi phung po bsdus pa la de dag yongs su spyod do/ /tshe dang ldan pa gang po de bzhin du byang chub sems dpa' sems dpa' chen po ni 'dug gam sdod kyang rung ste/ sems can du ma bde bar 'gyur na bla na med pa yang dag par rdzogs pa'i byang chub mngon par rdzogs par sangs rgyas pa dang / yongs su mya ngan las 'das pa de nyid kyi mthus nyan thos rnams bde bar 'gyur ba lta ci smos/ tshe dang ldan pa gang po de ltar na byang chub sems dpa' sems dpa' chen po ni spyod pa'i tshe 'am/ mngon par rdzogs par sangs rgyas pa 'am/ yongs su mya ngan las 'das pa na yang rung ste nams kyang nye bar 'tsho bar mi 'gyur ba ma yin no/ /gang gi tshe bdag kyang bde la/ sems can gzhan rnams kyang bde bar byed pa 'di ni/ skyes bu dam pa skyes bu dam pa'i mtshan nyid do/ /tshe dang ldan pa gang po dper na/ rgyal po rgyal rigs spyi bo nas dbang bskur ba ni/ 'dug pa'i tshe yang bram ze dang khyim bdag rnams bde bar byed la/ shi na yang sngon gyi gzi byin drag po des yul de'i phyogs su rkun po dang / chom po rnams kyis glags mi rnyed do/ /tshe dang ldan pa gang po de bzhin du/ byang chub sems dpa' sems dpa' chen po ni 'dug na yang sems can rnams bde bar</font><hr>56.11a<br><font size=+1>

'gyur la/ mngon par rdzogs par sangs rgyas pa dang / yongs su mya ngan las 'das na yang sems can dpag tu med pa dag bde bar 'gyur zhing / gang dag de'i tshul khrims dran par byed pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dran par byed pa'i sems can de dag kyang bde bar 'gyur te/ sems can de dag la mi dang mi ma yin pa'i 'jigs pas dogs par mi bya'o/ /de nas bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu legs so legs so/ /shA ra dwa ti 'i bu de de bzhin te/ sems can de dag la 'jigs pa'i gang gis kyang dogs par mi bya ste/ gang dag de bzhin gshegs pa la tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba las dran par byed na/ de dag la 'jigs pa gang gis kyang dogs par mi bya'o/ /de nas tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das 'di ltar sangs rgyas bcom ldan 'das chos rgya chen po dang ldan pa ni ngo mtshar lags so/ /bcom ldan 'das kyis bka' stsal pa/ shA ra dwa ti'i bu byang chub sems dpa' rnams kyang chos rgya chen po dang ldan par blta'o/ /gsol pa/ bcom ldan 'das byang chub sems dpa' sems dpa' chen po rnams kyi rgya che ba gang lags/ bcom ldan 'das kyis bka' stsal pa/ shA ra dwa ti'i bu bla na med pa yang dag par rdzogs pa'i byang chub tu sems bskyed pa gang yin pa 'di nyid rgya che ba yin no/ /de ci'i phyir zhe na/ 'di lta ste/ de bzhin gshegs pa nyid sangs rgyas</font><hr>56.11b<br><font size=+1>

nyid 'di ni rgya che ba'i gnas yin pa'i phyir ro/ /sbyin pa'i pha rol du phyin pa las/ sbyin pa'i thabs la mkhas pa'i le'u ste gnyis pa'o//  //de nas tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ /tshe dang ldan pa gang po 'di la byang chub sems dpa' sems dpa' chen pos 'di ltar sems bskyed par bya ste/ gal te bdag la slong ba 'ga' zhig 'ongs na phyis sbyin no zhe'am/ bdag la med do snyam du sems bskyed par mi bya'o/ /bdag ni sbyin mi phod do snyam du sems bskyed par mi bya'o/ /gzhan sbyin pa byed pa dag la yang rjes su yi rang bar bya/ yang dag par 'dzin du gzhug par bya/ yang dag par dga' bar bya'o/ /tshe dang ldan pa gang po de ltar byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po thams cad mkhyen pa nyid tu yongs su bsngo bar bya'o/ /byang chub sems dpas ji ltar byas na sems can 'di dag sbyin pa gtong zhing / bsod nams dag kyang byed par 'gyur snyam pa'i rjes su yi rang ba'i dge ba'i sems thams cad mkhyen pa nyid tu yongs su bsngos pa des ni/ de dag gi sbyin pa dang ldan pa'i sems zil gyis gnon te/ sems can de dag gi bsod nams mngon par 'du byed pa dang / dge ba'i mngon par 'du byed pa gang yin pa de'i sbyin pa'i sems snga ma de ni rjes su yi rang ba'i sems thams cad mkhyen pa nyid du yongs su bsngos pa de'i brgya'i char yang nye bar mi 'gro'o/ /stong gi cha dang / 'bum gyi cha dang / bye ba'i cha dang / bye ba 'bum gyi cha dang / grangs dang / cha dang / bgrang ba dang / dpe dang rgyu'i bar du yang mi bzod cing / </font><hr>56.12a<br><font size=+1>

byang chub sems dpas rjes su yi rang ba dang ldan pa'i sems gcig bskyed pas zil gyis gnon te/ 'di ltar bla na med pa yang dag par rdzogs pa'i byang chub tu yongs su bsngos pa'i phyir ro/ /tshe dang ldan pa gang po gzhan yang byang chub sems dpa' sems dpa' chen pos sbyin pa'i pha rol tu phyin pa la spyod pa na/ thabs la mkhas par bya ste/ de gang dang gang sbyin pa de rnam pa thams cad mkhyen pa nyid tu yongs su bsngo'o/ /tshe dang ldan pa gang po de ltar byang chub sems dpa' sems dpa' chen pos/ thabs la mkhas par bya'o/ /gal te byang chub sems dpa' thabs la mi mkhas pa bskal pa gang gA'i klung gi bye ma snyed tu gnas te/ sbyin pa byin la rnam pa thams cad mkhyen pa nyid yongs su bsngo bar mi byed pa'i byang chub sems dpa' ni sbyin pa'i pha rol du phyin pa yongs su 'dzin pa ma yin no/ tshe dang ldan pa gang po gzhan yang skabs 'ga' dag tu snod 'dzam bu'i gling gi tshad tsam thogs pa'i sems can dag 'ongs te/ 'di'i nang du byin cig ce na/ der byang chub sems dpa' sems dpa' chen pos nges par sbyin par bya'i/ med do snyam du sems bskyed par mi bya'o/ /snod 'di dag ni ha cang ches so snyam du sems bskyed par mi bya'o/ /snod 'di dag ji ltar yang dgang bar bya snyam du sems bskyed par mi bya'o/ /ji ltar sems bskyed par bya zhe na/ snod 'di dag dgang bar spro bar bya'o/ /ji ltar snod 'di dag dgang bar bya ba de lta de ltar 'bad do/ /de lta de ltar btsal lo snyam du sems bskyed par bya'o/ /gal te byang chub sems dpa' sems dpa' chen po de lta de ltar 'bad cing rtsol la/ brtson 'grus rtsom ste/ yongs su gtong na/ sbyin pa'i pha rol tu phyin pa yongs su 'dzin pa yin no/ /tshe dang ldan pa gang po de ltar</font><hr>56.12b<br><font size=+1>

byang chub sems dpa' sems dpa' chen pos sbyin pa'i pha rol tu phyin pa la bslab par bya'o/ /tshe dang ldan pa gang po gzhan yang byang chub sems dpa' sems dpa' chen pos sems can la snying brtse bas sbyin pa sbyin par bya'o/ /byams pa dang snying rje la gnas par bya ste/ sems can rnams la sbyin pa sbyin par bya'o/ /sbyin pa sbyin pa na/ 'di ltar gang 'di las bsod nams mngon par 'du byed pa dang / dge ba mngon par 'du byed pa gang yin pa'i bsod nams dang / dge ba mngon par 'du byed pa des 'jig rten gyis khams mtha' yas mu med pa dag na theg pa la gsar du zhugs pa'i byang chub sems dpa' gang dag gnas pa de dag ni phyir mi ldog pa nyid du gyur cig /phyir mi ldog pa gang dag gnas pa de dag ni myur du rnam pa thams cad mkhyen pa nyid yongs su rdzogs par gyur cig ces sems bskyed par bya'o/ /ji lta ji ltar byang chub sems dpa' sems dpa' chen po dge ba'i rtsa ba de dag yongs su gtong ba de lta de ltar byang chub sems dpa' sems dpa' chen po thams cad mkhyen pa nyid tu 'bogs par 'gyur ro/ /tshe dang ldan pa gang po dper na gser ni ji lta ji ltar bsregs pa dang / bzhu ba dang / bskol ba dang / tshos par byas pa de lta de ltar shin du gsal bar 'gyur ro/ /tshe dang ldan pa gang po de bzhin du/ byang chub sems dpa' sems dpa' chen po yang ji lta ji ltar bsod nams mngon par 'du byed pa dang / dge ba mngon par 'du byed pa rnam pa thams cad mkhyen pa nyid tu yongs su bsngo ba de lta de ltar dge ba'i rtsa ba rnams kyis 'bogs so/ /ji lta ji ltar dge ba'i rtsa ba rnams kyis 'bogs pa de lta de ltar sems can rnams kyis bsnyen pa'i 'os su 'gyur zhing / kha dog dang / </font><hr>56.13a<br><font size=+1>

'od dang / gzi brjid kyis kyang shin du gzi brjid che bar 'gyur ro/ /tshe dang ldan pa gang po dper na/ bud med me long gi byi dor byed pa na ji lta ji ltar me long byi dor byed pa de lta de ltar shin du 'od gsal bar 'gyur la/ ji lta ji ltar shin du 'od gsal bar gyur pa de lta de ltar bzhin gsal bar rab tu snang ngo / /tshe dang ldan pa gang po de bzhin du/ byang chub sems dpa' sems dpa' chen po yang ji lta ji ltar sbyin pa las byung ba'i bsod nams bya ba'i dngos po rnam pa thams cad mkhyen pa nyid tu yongs su bsngo zhing / de las gzhan pa'i byang chub sems dpa' rnams la yang yongs su gtong ste/ gang dag theg pa la gsar du zhugs pa de dag ni phyir mi ldog pa nyid tu gyur cig /phyir mi ldog pa gang dag yin pa de dag ni myur du rnam pa thams cad mkhyen pa nyid yongs su rdzogs par gyur cig ces ji lta ji ltar yongs su gtong zhing sbyin pa de lta de ltar dge ba'i rtsa ba shin tu brgya che bar 'gyur ro/ /ji lta ji ltar dge ba'i rtsa ba shin du brgya che bar 'gyur ba de lta de ltar rnam pa thams cad mkhyen pa nyid dang nye bar 'gyur te/ byang chub sems dpa' de ltar yongs su bsngo ba ni thabs la mkhas pa yin par rig par bya'o/ /ji ltar byang chub sems dpa' sems dpa' chen po sbyin pa chung ngu byin na bsod nams mang po skyed par 'gyur zhe na/ gal te sbyin pa de rnam pa thams cad mkhyen pa nyid du yongs su bsngo na/ de ltar byang chub sems dpa' sbyin pa chung ngu byin la bsod nams mang po skyed do/ /ji ltar sbyin pa de rnam pa thams cad mkhyen pa nyid du yongs su bsngo bar mi byed na/ de ltar sbyin pa mang po byin la/ bsod nams nyung ngu skyed par 'gyur ro/ /</font><hr>56.13b<br><font size=+1>

gal te byang chub sems dpa' bskal pa gang gA'i klung gi bye ma snyed tu gnas te/ bde bar sbyar ba'i yo byad mang po yongs su gtong la/ sbyin pa de'ang rnam pa thams cad mkhyen pa nyid du yongs su sngo bar byed na/ de ltar byang chub sems dpa' sems dpa' chen po sbyin pa mang po sbyin zhing / bsod nams mang po skyed do/ /de lta bas na byang chub sems dpa' sems dpa' chen pos sbyin pa sbyin pa na/ rnam pa thams cad mkhyen pa nyid yid la byed pa dang ma bral bar bya'o/ /byang chub sems dpa' gang rnam pa thams cad mkhyen pa nyid yid la byed pa dang ma bral ba'i byang chub sem sa dpa' sems dpa' chen po de ni byang chub dang nye ba yin te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de ci'i phyir zhe na/ byang chub sems dpa' sems dpa' chen po rnam pa thams cad mkhyen pa nyid la dmigs par byed pa ni thabs la mkhas pa yin par rig par bya ba'i phyir ro/ /tshe dang ldan pa gang po gzhan yang byang chub sems dpa' sems dpa' chen pos thog ma nyid tu sbyin pa'i pha rol du phyin pa la bslab par bya'o/ /de ci'i phyir zhe na/ tshe dang ldan pa gang po gang gi phyir des 'khor ba thog ma med pa nas ser sna bsten te/ de sbyin pa de yongs su gtong na/ ser sna rgyang ring bar byed cing / rnam pa thams cad mkhyen pa nyid dang nye bar byed do/ /ji lta ji ltar rnam pa thams cad mkhyen pa nyid dang nye bar byed pa de lta de ltar nyan thos kyi sa dang / rang sangs rgyas kyi sa las ldog par byed do/ /ji lta ji ltar nyan thos kyi sa dang / rang sangs rgyas kyi sa las ldog pa de lta de ltar rnam pa thams cad mkhyen pa nyid</font><hr>56.14a<br><font size=+1>

dang nye bar 'gyur ro/ /tshe dang ldan pa gang po dper na/ char ba 'bab pa'i tshe bla gab med par bum pa bzhag pa der rims gyis thigs pa bab pas gang bar gyur na dang por thigs pa bab pa gang yin pa dang / tha mar thigs pa bab pa gang yin pa nyi tshes bum pa de gang bar gyur pa ma yin gyis/ de'i bar gyi chu'i thigs pa rgyun ma chad par rim gyis bab pa'i chu'i thigs pa rnams kyis bum pa de gang ba yin no/ /tshe dang ldan pa gang po de bzhin du byang chub sems dpa' sems dpa' chen pos dang po sems bskyed pas thams cad mkhyen pa nyid thob pa yang ma yin/ byang chub kyi snying po la 'dug pas kyang ma yin gyi/ dang po sems bskyed pa gang yin pa dang / byang chub kyi snying po la 'dug pa'i sems bskyed pa phyi ma de'i bar gyi rnam pa thams cad mkhyen pa nyid dang ldan pa'i sems kyi khyad par bskyed pa/ phan par gyur pa bsags pa gang dag yin pa de dag thams cad kyis bla na med pa yang dag par rdzogs pa'i byang chub tu rims gyis 'bras bu bskyed pa yin no/ /tshe dang ldan pa gang po da ltar byang chub sems dpa' sems dpa' chen pos ma 'dres pa'i sems kyis rnam pa thams cad mkhyen pa nyid la dmigs par bya'o/ /de nas tshe dang ldan pa byams ma'i bu gang pos tshe dang ldan pa shA ra dwa ti 'i bu la 'di skad ces smras so/ /tshe dang ldan pa shA ra dwa ti'i bu ji tsam gyis na byang chub sems dpa' sems ma 'dres pa yin/ smras pa/ tshe dang ldan pa gang po gang gi tshe byang chub sems dpa' tshul bzhin ma yin pa yid la byed pa byung na/ de 'ang rnam pa thams cad mkhyen pa nyid la phan par gyur par mthong zhing / gal te 'di dag las bdag gi lus grub pas na tshul bzhin ma yin pa yid la byed pa 'di</font><hr>56.14b<br><font size=+1>

ni bdag gi pha rol du phyin pa'i don yin te/ skyed par 'gyur ba'o zhes shes pa gang yin pa de ni sems ma 'dres pa zhes bya'o/ /tshe dang ldan pa gang po gzhan yang gang dag byang chub sems dpa' sems dpa' chen po la phan 'dogs pa dang / gnod pa byed pa gang yin pa de dag thams cad rnam pa thams cad mkhyen pa nyid kyi rgyu yin par mthong ste/ de ltar tshe dang ldan pa gang po byang chub sems dpa' sems dpa' chen pos sems ma 'dres par bya'o/ /tshe dang ldan pa gang po dper na/ bsad par chad pa'i mi bsad pa'i sar khrid pa na bdag ni bsad do snyam pa'i yid la byed pa 'ba' zhig 'byung bar 'gyur te/ dpe de dang 'dra bar byang chub sems dpa' sems dpa' chen pos rnam pa thams cad mkhyen pa nyid 'ba' shig yid la byed pa 'di ni/ tshe dang ldan pa gang po byang chub sems dpa' sems dpa' chen po'i sems ma 'dres pa yin par rig par bya'o/ /tshe dang ldan pa gang po dper na/ rin po che khyer ba'i mi 'jigs sa 'am/ 'brog khong khong ya nga bar zhugs nas/ de 'jigs sa dang 'brog khong khong ya nga bar 'gro ba na/ rtag tu rgyun mi chad par yid la byed pa 'byung ste/ bdag nam 'brog khong khong ya nga ba 'di las 'da' bar 'gyur zhing 'jigs sa 'di las 'da' bar 'gyur zhig gu snyam pa 'ba' shig yid la byed do/ /tshe dang ldan pa gang po de bzhin du byang chub sems dpa' sems dpa' chen pos rnam pa thams cad mkhyen pa nyid yid la bya'i yid la byed pa gzhan dag gi skabs dbye bar mi bya ba 'di ni byang chub sems dpa' sems dpa' chen po'i sems ma 'dres pa zhes bya'o/ /tshe dang ldan pa gang po dper na/ mi g.yon can gyi rang bzhin can tshong 'dus kyi nang du zhugs te rku zhing chings ma gcod pa na 'di ltar bdag rku zhing chings ma gcod pa sus</font><hr>56.15a<br><font size=+1>

kyang ma mthong grang snyam du sems shing / de yid la byed pa de 'ba' zhig kun du 'byung ste/ de'i yid la byed pa gzhan mi 'byung ngo / /tshe dang ldan pa gang po de bzhin du byang chub sems dpa' sems dpa' chen po bla na med pa yang dag par rdzogs pa'i byang chub mngon rdzogs par 'tshang rgya bar 'dod pas yid la byed pa gzhan dag gi skabs dbye bar mi bya'o/ /tshe dang ldan pa gang po de ltar na byang chub sems dpa' sems dpa' chen po sems ma 'dres par rig par bya'o/ /tshe dang ldan pa gang po dper na/ skyes bu gser mgar zhig yod pa de'i lag tu gser gtad la/ gser de'ang rgyal po'i yin te/ de la 'di skad du kye mi khyod kyis gser 'di las rgyan gyi rnam pa dag byos la/ gang khyod kyis lo gcig gis zin pa'i las de khyod kyis zla ba gcig gis zin par gyis shig /gal te zla ba gcig gis zin par ma byas na/ de'i phyir khyod kyi mgo gcod do zhes sgo na/ de skad tu bsgo ba'i mi de ni gser de bsreg pa dang / bzhu ba dang / rgyan dag tu bya ba las yid la byed pa gzhan mi 'byung ste/ gzhan du na rgyan 'di rnams ji ltar zin par 'gyur zhig gu snyam ste/ de zan za ba'i tshe yang kha zas yid la byed pa mi 'byung gi/  gser dang ldan pa'i yid la byed pa'i yid la byed pa 'ba' shig dang / rgyan gyi rnam pa 'ba' shig yid la byed de/ sems dang sems las byung ba rnams de la gnas so/ /de ci'i phyir zhe na/ de srog phangs pa'i shas che ba'i phyir ro/ /de nas mi des lha rgyan de dag ni 'di rnams lags so zhes rgyan byed pa de dag rgyal po la phul lo/ /de nas rgyal po dga' zhing mgu ste rangs nas/ 'di skad tu gang khyod kyis zla ba bcu gnyis kyi las byas pa de ni khyod bya dga' chen po dbang ngo zhes smras so/ /tshe dang ldan pa gang po de bzhin du/ </font><hr>56.15b<br><font size=+1>

byang chub sems dpa' sems dpa' chen pos dang po sems bskyed pa nas/ phyi ma'i sems bskyed pa de'i bar du sems ma 'dres par bya'o/ /ji ltar skyes bu gser mgar de yid la byed pa gzhan dang ma 'dres par rgyan de dag byed de/ de ci'i phyir zhe na/ srog phangs pa'i shas che ba'i phyir yin pa de bzhin du/ tshe dang ldan pa gang po byang chub sems dpa' sems dpa' chen pos rnam pa thams cad mkhyen pa nyid yid la byed pa ma 'dres par bya ste/ yid la byed pa gzhan dag gi skabs dbye bar mi bya'o/ /gal te rnam pa thams cad mkhyen pa nyid lhur len pa'i stobs che na/ de nyid sems ma 'dres pa la gnas te/ byang chub sems dpa' gzhan gang bskal pa grangs med pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de/ byang chub sems dpa' sems dpa' chen po des skal pa brgyar yang mi thogs par 'gyur ro/ /de ci'i phyir zhe na/ gang gi phyir des yid la byed pa gzhan dag gi skabs ma phye ba'i phyir te/ de'i phyir byang chub sems dpa' sems dpa' chen po sems ma 'dres pa la gnas pa de bskal pa brgyar yang mi thogs par yongs su rdzogs par byed do/ /tshe dang ldan pa gang po de ltar byang chub sems dpa' sems dpa' chen pos sems ma 'dres par bya'o/ /de ltar na bdag kyang don de la sbyor zhing / sems can dag kyang don de la sbyor te/ 'di ltar sangs rgyas kyi ye shes bla na med pa'i don la sbyor ro/ /sbyin pa'i pha rol du phyin pa las dpe'i le'u ste gsum pa'o// // de skad ces smras pa dang / tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad</font><hr>56.16a<br><font size=+1>

ces smras so/ /tshe dang ldan pa gal te yid la byed pa de dag bar ma dor 'dres pa zhig na/ de'i ngo bo nyid ni gang yin/ gang dang ni ldan/ de skad ces smras pa dang / tshe dang ldan pa shA ra dwa ti'i bus 'di skad ces smras so/ /tshe dang ldan pa gang po gang gi tshe nyan thos kyi sa dang ldan zhing / rang sangs rgyas kyi sa dang ldan pa'i yid la byed pa 'byung ba de'i tshe/ byang chub sems dpa' sems 'dres pa yin par rig par bya ste/ 'di ni byang chub sems dpa' sems dpa' chen po'i tshul bzhin ma yin pa yid la byed pa dag yin no/ /de ci'i phyir zhe na/ byang chub la ni ngo bo nyid med pa'i phyir ro/ /gal te byang chub sems dpa' sems dpa' chen po'i yid la byed pa 'dod chags dang ldan pa 'am/ zhe sdang dang ldan pa 'am/ gti mug dang ldan pa 'byung na/ 'byung ba des byang chub sems dpa' sems 'dres par rig par bya ba ma yin no/ /de ci'i phyir zhe na/ rnam par rtog pa 'di dag ni byang chub sems dpa'i srid pa mngon par 'grub pa ste/ phan 'dogs par gyur pa/ rgyur gyur pa grogs su gyur pa yin pa'i phyir ro/ /'di dag ni thams cad mkhyen pa nyid du 'gyur bar byed pa'o/ /'di dag gis ni lus yongs su 'dzin to/ /thabs la mkhas pas ji ltar pha rol du phyin pa drug po rnams kyis yongs su sngo bar byed pa de bzhin du/ nyon mongs pa grogs su gyur pa rnams kyis kyang / byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya ste/ tshe dang ldan pa gang po de lta bas na/ thams cad mkhyen pa nyid la bar chad byed par 'gyur ba'i yid la byed pa gang dag yin pa de dag 'byung bas byang chub</font><hr>56.16b<br><font size=+1>

sems dpa' sems dpa' chen po sems 'dres pa zhes bya bar rig par bya'o/ /de dag gang zhe na/ 'di lta ste/ nyan thos dang ldan pa dang / rang sangs rgyas dang ldan par 'byung ba de dag gis sems 'dres par rig par bya'o/ /de las gzhan pa'i yid la byed pa srid pa'i rjes su mthun pa gang dag yin pa de dag 'byung bas ni/ byang chub sems dpa' sems dpa' chen po sems 'dres par gnas pa ma yin no/ /yid la byed pa de dag ci'i phyir 'dod par bya zhe na/ 'di ltar byang chub sems dpa' sems dpa' chen po des 'khor bas yongs su mi skyo ba'i go cha bgos pa'i phyir te/ de dag 'byung na skye ba'i gnas rnams yongs su 'dzin la/ skye ba'i gnas rnams yongs su bzung bas yang sbyin pa'i pha rol du phyin pa yang dag par blangs te gnas par 'gyur ro/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa yongs su 'dzin te/ yang shes rab kyi pha rol du phyin pa sgom mo/ /de ltar na yid la byed pa gang dag gis srid pa mngon par 'grub par 'gyur ba de dag ni/ byang chub sems dpa' sems dpa' chen pos byang chub kyi snying po la 'dug par ma gyur gyi bar du 'dod par bya'o/ /tshe dang ldan pa gang po de ltar na nyon mongs pa rnams la yang byang chub sems dpa' sems dpa' chen pos yongs su sngo ba'i sems bskyed par mi bya'o/ /byang chub sems dpas ci'i phyir 'dod par bya zhe na/ 'di dag ni bdag la phan 'dogs par gyur pa dag ste/ gal te 'di dag gzugs can zhig yin du zin na/ bdag gis sti stang chen pos ri mo bya ba zhig ste/ de ci'i phyir zhe na/ 'di ltar</font><hr>56.17a<br><font size=+1>

de dag la de'i phan yon rnams nye bar gnas pa'i phyir ro/ /gal te thabs la mkhas pa gzugs can zhig yin du zin na ni/ de la yang de bzhin gshegs pa bzhin du bdag gis sti stang chen pos ri mo bya ba zhig ste/ de ci'i phyir zhe na/ 'di ltar bdag gi thabs la mkhas pa 'di ni srid par kun du sbyor ba mi gcod la/ pha rol du phyin pa drug 'phel ba dang / yongs su rdzogs par byed cing / thams cad mkhyen pa nyid kyang bsgrubs pa yin pa'i phyir ro/ /ji lta ji ltar pha rol du phyin pa drug 'phel ba dang / yongs su rdzogs par byed cing / thams cad mkhyen pa nyid sgrub par byed pa de lta de ltar srid par kun du sbyor ba rnams srab par 'gyur/ nyam dmas par 'gyur/ zhan par 'gyur ro/ /tshe dang ldan pa gang po dper na/ shing rta khal chen po bkal ba ni/ ji lta ji ltar shing rta 'gro ba de lta de ltar de'i srog shing yongs su zad par 'gyur te/ srog shing de yang khal de nyid kyis shin du non pa dang / khal khyer bas yongs su zad par 'gyur zhing zhan par 'gyur mod kyi/ srog shing de grong khyer gyi nang du zhugs te/ bya ba byas nas chag par 'gyur ro/ /tshe dang ldan pa gang po de bzhin du/ byang chub sems dpa' sems dpa' chen po'i srid pa 'thob par byed pa'i kun du sbyor ba gang dag yin pa 'di dag ni gang dag gis srid pa yongs su 'dzin par byed pa dag ste/ ji lta ji ltar byang chub sems dpa' skye ba'i gnas rnams mngon par 'grub par byed pa de lta de ltar pha rol du phyin pa drug yongs su rdzogs par 'gyur ro/ /ji lta ji ltar pha rol du phyin pa drug yongs su rdzogs par 'gyur ba de lta de ltar</font><hr>56.17b<br><font size=+1>

srid par kun du sbyor ba rnams srab par 'gyur ro/ /ji lta ji ltar srid par kun du sbyor ba rnams srab par 'gyur ba de lta de ltar thams cad mkhyen pa nyid dang nye bar 'gyur te/ gang gi tshe byang chub sems dpa' sems dpa' chen po/ byang chub kyi snying po la 'dug pa'i thams cad mkhyen pa'i ye shes skyes pa de'i tshe/ kun du sbyor ba bya ba byas pa de dag phyis de dag gis bya ba med de/ ji ltar srog shing de grong khyer du zhugs nas bya ba byas te/ chag nas phyis des bya ba med pa de bzhin du/ kun du sbyor ba bya ba byas pa de dag gis/ byang chub sems dpa' sems dpa' chen po rnam pa thams cad mkhyen pa nyid thob par gyur pa la/ kun du sbyor ba de dag gis phyis bya ba med do/ /de ci'i phyir zhe na/ 'di ltar byang chub sems dpa' de ni bya ba byas pa yin pa'i phyir ro/ /sems can gang dag byang chub sems dpa' sems dpa' chen po la gshe zhing brgyad bkag la/ gshe zhing brgyad bkag nas/ byang chub sems dpa' de nyid la 'di bdag la dgos so zhes slong ste/ de dag la sbyin par byed pa de dag kyang byang chub sems dpa' sems dpa' chen po la phan 'dogs par gyur pa yin no/ /dmigs pa des kyang thams cad mkhyen pa nyid du sems skyed par byed de/ dmigs pa de dag thams cad kyang thams cad mkhyen pa nyid la phan 'dogs par gyur pa yin par shes so/ /tshe dang ldan pa gang po de ltar 'dir yang nyan thos kyi sa 'am/ rang sangs rgyas kyi sa ma gtogs pa de las gzhan pa'i yid la byed pa gang dag yin pa de dag thams cad ni/ byang chub sems dpa' sems dpa' chen po la phan 'dogs par</font><hr>56.18a<br><font size=+1>

gyur pa yin par rig par bya'o/ /de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu nyan thos rnams kyang de la phan 'dogs par gyur cing / rang sangs rgyas rnams kyang de la phan 'dogs par gyur par rig par bya ste/ nyan thos rnams pha rol du phyin pa drug gis 'doms shing rjes su ston la/ des kyang pha rol du phyin pa rnams la sbyar bar bya dgos pas/ de dag kyang byang chub sems dpa' sems dpa' chen po'i sbyin gnas yin pa'i phyir/ de dag kyang thams cad mkhyen pa nyid la phan 'dogs par gyur pa yin no/ /rang sangs rgyas rnams kyang de'i sbyin gnas yin pa'i phyir/ phan 'dogs par gyur pa yin no/ /de skad ces smras pa dang / tshe dang ldan pa shA ra dwa ti'i bus/ tshe dang ldan pa byams ma'i bu gang po la 'di skad ces smras so/ /tshe dang ldan pa gang po de de bzhin te/ gang dag de la pha rol du phyin pa rnams kyis 'doms shing rjes su ston pa de dag kyang de'i sbyin gnas yin pa'i phyir nyan thos rnams kyang byang chub sems dpa' la phan 'dogs par gyur pa yin no/ /rang sangs rgyas rnams kyang sbyin gnas yin pa'i phyir/ de dag kyang de'i thams cad mkhyen pa nyid la phan 'dogs par gyur pa yin no/ /gzhan yang gang dag dmigs par bya ste/ sbyin pa'i sbyin pa de yang rnam pa thams cad mkhyen pa nyid du yongs su bsngo na/ de dag thams cad kyang de la phan 'dogs par gyur pa yin te/ tshe dang ldan pa gang po 'on kyang nyan thos dang ldan pa'i yid la byed pa gang yin pa de dag ni des bskyed par mi</font><hr>56.18b<br><font size=+1>

bya'o/ /de'i sa la yang 'dod par mi bya'o/ /de ci'i phyir zhe na/ de las byang chub sems dpa' ldog par bya ba yin pa'i phyir ro/ /rang sangs rgyas dang ldan pa'i yid la byed pa gang yin pa de dag kyang des bskyed par mi bya'o/ /de'i sa la yang 'dod par mi bya'o/ /de ci'i phyir zhe na/ de las byang chub sems dpa' ldog par bya ba yin pa'i phyir te/ tshe dang ldan pa gang po 'on kyang nyan thos rnams dang / rang sangs rgyas rnams ni phan 'dogs par gyur pa yin no/ /tshe dang ldan pa gang po de ltar na/ byang chub sems dpa' sems dpa' chen po thabs la mkhas pa la ni thams cad mkhyen pa nyid la phan par mi 'gyur ba'i chos de gang yang mi dmigs so/ /dgra bcom pa'i sems de dang / shes pa gang yin pa de yang byang chub sems dpa' la phan 'dogs par gyur pa yin te/ gal te de med na de las ldog pa'i phyir ro/ /'di lta bur dgra bcom pa'i sems bskyed pa mi bya'i/ shes pa gcig pa zhes bya bar ni ma yin te/ des de spangs nas thams cad mkhyen pa nyid du 'gyur ba gang yin pa der sems bskyed par bya'o/ /de bzhin du rang sangs rgyas kyi sems dang / rang sangs rgyas kyis shes pa yang / byang chub sems dpa' sems dpa' chen po'i thams cad mkhyen pa nyid la phan 'dogs par gyur pa yin no/ /gal te dgra bcom pa gang yin pa dang / rang sangs rgyas gang yin pa'i sems dang / shes pa zhes bya ba de med du zin na/ phan 'dogs par yang mi 'gyur ro/ /de ci'i phyir zhe na/ 'di lta ste/ byang chub sems dpa' sems dpa' chen po'i sems ni zag pa dang bcas pa dang / zag pa med pa'i</font><hr>56.19a<br><font size=+1>

sems dang thun mong ma yin pa ste/ de las gzhan pa'i sems rnams las de bzhin gshegs pa'i sems ma gtogs par byang chub sems dpa'i sems nyid de ltar de dag gi mchog ces bya ba nas/ gong na med pa zhes bya ba'i bar dang / mi mnyam pa dang / mnyam pa zhes bya ba'i bar du brjod do/ /tshe dang ldan pa gang po de lta bas na/ sa 'di gnyis ni byang chub sems dpa' sems dpa' chen po'i thams cad mkhyen pa nyid la phan 'dogs par gyur pa yin te/ de ltar na 'di la byang chub sems dpa' thabs la mkhas pa'i thams cad mkhyen pa nyid la phan par ma gyur pa'i chos de gang yang mi dmigs so/ / bam po gnyis pa/ tshe dang ldan pa gang po gzhan yang byang chub sems dpa' sems dpa' chen pos sbyin pa'i pha rol du phyin pa la spyod pa na/ dngos po gang yongs su gtong ba'i dngos po de la mtshan ma'i 'du shes mi bya'o/ /de ltar mtshan ma med par yongs su gtong zhing / thams cad mkhyen pa nyid du yongs su bsngo na/ phan 'dogs par gyur pa yin no/ /mtshan ma ma spangs par bla na med pa yang dag par rdzogs pa'i byang chub thob par mi 'gyur te/ 'di lta ste/ thams cad mkhyen pa nyid rnyed pa 'di ni rnyed pa che ba yin no/ /bya ba dag gis gser bye ba 'am/ rin po che bye ba 'du ba gang yin pa de ni rnyed pa che ba ma yin gyi/ gang mtshan ma med par dngos po yongs su btang nas/ bla na med pa yang dag par rdzogs pa'i byang chub mngon par rdzogs par 'tshang rgya ba 'di nyid rnyed pa khyad par du 'phag pa yin no/ /gang mtshan ma</font><hr>56.19b<br><font size=+1>

yongs su ma spangs par gling chen po bzhir 'khor los sgyur ba'i rgyal srid thob par gyur du zin kyang / de ni rnyed pa chen po ma yin la/ mtshan ma ma spangs par 'dod pa'i khams su bdag po'i bya ba byed du 'jug pa 'di yang rnyed pa chen por 'gyur ba ma yin no/ /gal te mtshan ma yongs su spangs nas/ rgyun du zhugs pa'i 'bras bu thob pa 'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par gyur na/ 'di ni rnyed pa shin du che ba yin par rig par bya'o/ /gang mtshan ma yongs su spangs nas/ bla na med pa yang dag par rdzogs pa'i byang chub thob pa 'di yang rnyed pa che ba yin te/ 'di ni rnyed pa snga ma de bas rnyed pa shin du che ba ste/ byang chub sems dpa' sems dpa' chen po'i rnyed pa 'di ni mnyam pa'i zla med de/ 'di lta ste/ de bzhin gshegs pa rnyed pa yin no/ /gang gos dang / zas dang / mal cha dang / stan dang / na ba'i gsos sman dang / yo byad mtshan mar yongs su gzung ba'i dngos po ni bskyed par mi bya'o/ /de ci'i phyir zhe na/ de ni mtshan ma'i grangs su gtogs pa'i phyir ro/ /gang yang gos dang / kha zas dang / mal cha dang / stan dang / na ba'i gsos sman dang / yo byad de yang yongs su btang la/ thabs la mkhas pas yongs su bsngos na thams cad mkhyen pa nyid 'thob bo de lta bas na 'di ni byang chub sems dpa' sems dpa' chen po rnams kyi rnyed pa mchog yin par rig par bya'o/ /byang chub sems dpa' la 'di skad du/ khyod kyis thams cad mkhyen pa nyid ni thob par 'gyur ro/ /de ci'i phyir zhe na/ </font><hr>56.20a<br><font size=+1>

khyod kyis gang la mtshan mar bzung ba'i dngos po 'di ni rnyed par dka' ba ste/ nang dang phyi rol gyis dngos po thams cad ni rang bzhin gyis dben pa'i phyir ro/ /de ltar na khyod kyis thams cad mkhyen pa nyid ni thob par 'gyur ro/ /gang dag gis thob pa dang / gang dag 'thob pa dang / 'thob par 'gyur ba de dag thams cad kyis kyang / thams cad mkhyen pa nyid ni thob po/ /thob bo/ /'thob par 'gyur ro zhes smra bar bya'o/ /de skad ces smras pa dang / tshe dang ldan pa byams ma'i bu gang po la/ tshe dang ldan pa shA ra dwa ti'i bus 'di skad ces smras so/ /tshe dang ldan pa bgrang ba 'di byang chub sems dpa' gang gi yin smras pa/ 'di ni byang chub sems dpa' thabs la mkhas pa'i bgrang ba yin no/ /de ci'i phyir zhe na/ sems can 'di dag gis thams cad mkhyen pa nyid ni 'thob par de ltar shes su zin na ni/ sems can thams cad kyi thams cad mkhyen pa nyid thob par 'gyur ba zhig na/ gang gi phyir 'di ltar de dag thams cad mkhyen pa nyid la ma mos shing / sems mi skyed pa'i phyir te/ gang dag thams cad mkhyen pa nyid du sems mi skyed pa de dag ni thams cad mkhyen pa nyid thob par mi 'gyur ro/ /gang dag 'di ltar thams cad mkhyen pa nyid la mos shing sems bskyed pa dag ni/ thams cad mkhyen pa nyid thob par 'gyur te/ sems de bskyed nas/ dngos po gang dang gang yongs su gtong ba de dang de dngos po med par mthong ngo / /dngos po gang dang gang shes pa la 'di dag ni sgyu ma lta bu ste/ 'di ni ji ltar bdag gis mtshan mar bzung ba ltar ma yin no/ /snyam nas de gtong</font><hr>56.20b<br><font size=+1>

ba'i blo shas che bar 'gyur zhing / sbyin pa'i blo dang ldan par 'gyur te/ 'dzin pa'i sems mi skyed do/ /'di ltar dngos po 'di ni sgyu ma lta bur sems can rnams kyis de ltar mi shes pas/ dngos po de dag la shas cher mngon par zhen par 'gyur te/ yongs su mi gtong ba'i blor 'gyur ro/ /yongs su mi gtong bas ser sna yongs su 'dzin to/ /ser sna des kyang ngan song rnams su skye bar 'gyur la/ dngos po de dang yang 'bral bar 'gyur ro/ /de ltar dngos po de yang yongs su mi gtong zhing yongs su ma spyad la/ dngos po de las brten nas ser sna bskyed de/ ngan song rnams su yang skye bar 'gyur ro/ /gang gi tshe byang chub sems dpa' sems dpa' chen po thabs la mkhas pas 'di ltar shes te/ dngos po 'di ni sgyu ma lta bu ste/ yongs su gtong ba yang sgyu ma lta bu yin pas na/ sgyu ma lta bu gang yin pa de ni bdag gi yang ma yin yongs su gtong ba yang ma yin no/ /de ci'i phyir zhe na/ 'di ltar de sgyu ma lta bu yin pa'i phyir/ de dngos po de rgya cher yongs su gtong ngo snyam du sems so/ /de de yongs su gtong bas sangs rgyas bcom ldan 'das rnams la 'dod pa skyed de/ bcom ldan 'das sangs rgyas bcom ldan 'das rnams ni legs par gsung ba/ phyin ci ma log par gsung ba kho na ste/ sgyu ma lta bu'i dngos po yongs su btang bas/ yod pa'i mtshan nyid bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'di ni ngo mtshar to/ /de la byang chub sems dpa' sems dpa' chen pos 'di ltar sangs rgyas bcom ldan 'das gang dag ji ltar byed</font><hr>56.21a<br><font size=+1>

na byang chub sems dpa' dngos po de dag la mngon par zhen pa mi skyed cing / 'di ltar de yongs su gtong ba'i blor 'gyur snyam ste/ byang chub sems dpa' sems dpa' chen po rnams kyi dngos po de dag dang / rkyen de dag mtshan nyid med par ston pa 'di dag ni dka' ba mdzad pa'o snyam du rig par bya'o/ /tshe dang ldan pa gang po de ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas thams cad mkhyen pa nyid kyis thob par 'gyur ro zhes de ltar rig par bya'o/ /tshe dang ldan pa gang po gal te 'di ni shA ra dwa ti'i bu'i spobs pa yin no snyam du khyod kyis shes na de ltar mi blta'i/ 'di ni de bzhin gshegs pa'i byin gyi brlabs kyis shA ra dwa ti'i bu smra bar zad do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis gnas brtan shA ra dwa ti'i bus ji skad smras pa bzhin du zung shig /chongs shig /lhogs shig kun chub par gyis shig /sbyin pa'i pha rol du phyin pa las mtshan ma med pa'i le'u ste bzhi pa'o// // de nas bcom ldan 'das la tshe dang ldan pa byams ma'i bu gang pos 'di skad ces gsol to/ /bcom ldan 'das byang chub sems dpa' sems dpa' chen po de ltar yongs su gtong ba des ci zhig yongs su btang ba lags/ bcom ldan 'das kyis bka' stsal pa/ gang po byang chub sems dpa' sems dpa' chen po de ltar yongs su gtong ba des ci yang yongs su btang ba med do/ /ji ltar yongs su btang ba med pa de bzhin du chos ci yang thob pa med do/ /bcom ldan 'das kyis bka' stsal</font><hr>56.21b<br><font size=+1>

pa/ gang po ji ltar byang chub sems dpa' sems dpa' chen pos dngos po ci yang yongs su btang ba med pa de bzhin du bla na med pa yang dag par rdzogs pa'i byang chub mngon par rdzogs par sangs rgyas pas kyang chos ci yang thob pa med do/ /gang po byang chub sems dpa' sems dpa' chen po 'god pa ci 'dra ba de bzhin du/ chos kyi 'du ba'i sgo yang de kho na dang 'dra bar 'gyur ro/ /gal te byang chub sems dpa' sems dpa' chen pos chos 'ga' zhig yongs su btang bar gyur na ni byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas pa'i chos kyang yod pa zhig thob par 'gyur na gang po gang gi phyir byang chub sems dpa' sems dpa' chen po yongs su gtong ba byed pa na dngos po yod pa ci yang yongs su btang ba med pas de'i phyir byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par sangs rgyas nas yod pa'i chos ci yang thob pa med do/ /gang po dper na/ sgyu ma mkhan nam/ sgyu ma mkhan gyis slob mas sgyu ma mkhan gyis lag tu la du zhig btsongs la/ de la sgyu ma mkhan gyis kar shA pa na dag gcig mngon par sprul te byin na/ gang po de ltar na/ rin ji lta ba de bzhin du la du yang de dang 'dra'o/ /de bzhin du byang chub sems dpa' sems dpa' chen pos sbyin pa ji lta bu yongs su btang ba</font><hr>56.22a<br><font size=+1>

de bzhin du bla na med pa yang dag par rdzogs pa'i byang chub mngon par rdzogs par sangs rgyas pa yang de kho na dang 'dra'o/ /gang po de lta bas na 'du ba ci 'dra ba de bzhin du/ 'god pa yang de kho na dang 'dra ste/ de ltar na byang chub sems dpa'i rin ci 'dra ba de bzhin du/ rnyed pa yang de kho na dang / 'dra ba yin no/ /gang po dper na/ skyes bu sgyu ma mkhan gyis shing ljon pa zhig mngon par sprul la/ shing ljon pa de'i drung du yang / srog chags 'bum sprul te/ srog chags de dag kyang shing ljon pa de'i 'bras bu rnams za na/ gang po de ni 'bras bu ji lta ba bzhin du zab po rnams kyang de kho na dang 'dra'o/ /de bzhin du byang chub sems dpa' sems dpa' chen po'i yongs su gtong ba ji lta ba bzhin du chos kyi 'du ba'i sgo yang de kho na dang 'dra'o/ /gang po de ltar na byang chub sems dpa' sems dpa' chen po yongs su gtong ba na rin dang / rnyed pa dang / rnyed pa dang rin du mnyam par 'gyur ro/ /gang po 'di lta ste dper na/ sgyu ma mkhan nam sgyu ma mkhan gyi slob ma mkhas pa zhig gis lam gyi bzhi mdo chen por skye bo phal po che'i mdun du bud med gcig mngon par sprul la/ bud med de yang sbrum mar mngon par sprul te bu byung bar bstan nas/ bud med de'i bu btsas la/ khye'u zhig tu btsas nas/ khye'u de yang shi bar bstan na/ gang po 'di ji snyam du sems/ </font><hr>56.22b<br><font size=+1>

ci khye'u shi ba de'i tshe na bud med de la bdag gi bu shi'o snyam pa'i sems skye 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ gang po de lta na/ ma ji lta ba de bzhin du bu yang de kho na dang 'dra ste de bzhin du/ byang chub sems dpa' sems dpa' chen po'i sbyin pa ji lta ba bzhin du/ thams cad mkhyen pa nyid kyang de kho na dang 'dra'o/ gang po de ltar na 'dir yang chos de dag gi 'du ba'i sgo gnyi ga med do/ gang po 'di ji snyam du sems/ ci khyod kyis nga chos 'ga' zhig la 'dod pa che bar mthong ngam/ gsol pa/ bcom ldan 'das de ni ma lags so/ /de ci'i slad du zhe na/ bcom ldan 'das de bzhin gshegs pas ni chos de dag stong par mngon par rdzogs par sangs rgyas pa'i slad du lags so/ /bcom ldan 'das kyis bka' stsal pa/ gang po de bzhin gshegs pa chos gang la yang 'dod pa che ba med pa de bzhin du nga byang chub sems dpar gyur pa'i tshe chos gang la la zhig yongs su ma btang ba de med do/ /de bas na sangs rgyas bcom ldan 'das rnams la ni chags pa 'am/ khong khro ba 'ga' yang mi skye'o/ /de ci'i phyir zhe na/ 'di ltar sangs rgyas bcom ldan 'das ni chags pa dang khong khro ba spangs pa yin pa'i phyir ro/ /gang pos gsol pa/ bcom ldan 'das byang chub sems dpa' sems dpa' chen po dngos po gang dang gang yongs su gtong ba de dang de nyid</font><hr>56.23a<br><font size=+1>

stong pa 'am/ ya ma brla 'am/ gsob 'am/ gsog tu mthong ba ni ngo mtshar lags so/ /bcom ldan 'das kyis bka' stsal pa'i don bdag gis 'tshal ba ltar na/ gal te byang chub sems dpas 'jig rten gyi khams gang gA'i klung gi bye ma snyed dbyig dang / gser gyis bkang ste slong ba rnams la stsal kyang / byang chub sems dpas ji ltar yongs su gtong ba'i thabs ma 'tshal na/ sbyin pa'i pha rol du phyin pa ni ma lags so/ /byang chub sems dpa' sems dpa' chen po yongs su gtong ba na/ 'di ltar yang bdag gis bdog pa thams cad yongs su gtang bar bya'o/ /snyam du yang sems bskyed par bgyi'o/ /bcom ldan 'das kyis tshe dang ldan pa shA ra dwa ti'i bu la bka' stsal pa/ bstan pa 'di'i don bshad pa'i phyir spobs par gyis shig /ngas bshad pa'i dus la bab pa na yang bshad par bya'o/ /de nas tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ /tshe dang ldan pa gang po 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas chos thams cad stong par yid la byed cing sbyin pa sbyin par bya'o/ /thams cad mkhyen pa nyid la dmigs par byas nas/ bdog pa thams cad yongs su gtang bar bya'o/ /zin pa dang ma zin pa'i dngos po rnams yongs su ma btang ba 'am/ ma byin pa 'am/ mchod sbyin ma byas pa ci yang med par bya'o/ /tshe dang ldan pa gang po de ltar byang chub sems dpa' sems dpa' chen pos thams cad mkhyen pa nyid kyi sems kyis sbyin pa sbyin par bya'o/ /sbyin pa'i pha rol du phyin pa las sgyu ma lta bur bstan pa'i le'u ste lnga pa'o// // </font><hr>56.23b<br><font size=+1>

de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu legs so legs so/ /shA ra dwa ti'i bu de de bzhin te/ byang chub sems dpa' sems dpa' chen pos thams cad mkhyen pa nyid la dmigs pa byas la sbyin pa sbyin par bya'o/ /shA ra dwa ti'i bu khyod shar phyogs kyi 'jig rten gyi khams thams cad na byang chub sems dpa' sems dpa' chen po dag sbyin pa sbyin par byed pa mthong bar 'dod dam/ gsol pa bcom ldan 'das shar phyogs kyi 'jig rten gyi khams thams cad na/ byang chub sems dpa' sems dpa' chen po dag ji ltar sbyin pa sbyin par bgyid pa mthong bar 'tshal lo/ /de nas sangs rgyas kyi mthus tshe dang ldan pa shA ra dwa ti'i bu dang / de las gzhan pa'i nyan thos chen po rnams dang / thams cad dang ldan pa'i 'khor gyis 'di nas thad ka'i phyogs su 'jig rten gyi khams sgyu ma zhes bya ba na/ de bzhin gshegs pa dgra bcom pa yang dag par rdzogs pa'i sangs rgyas phung po chen po zhes bya ba nyan thos rnams la chos ston te/ de na byang chub sems dpa' thogs pa med pa zhes bya ba/ khyim na 'dug cing khyim na 'dug bzhin du dbyig dang / gser gyi phung po ri tsam sbyin pa sbyin zhing yongs su gtong ste/ 'di las khyer ba'i sems can de dag la sbyin pa byin par gyur cig ces sgrogs so/ /gos kyi phung po ri tsam dag sbyin par byed do/ /bza' ba dang / bca' ba'i phung po ri tsam dag sbyin pa sbyin par byed de/ sems can gang dag gis pha bi las khyer ba de dag la sbyin pa byin par gyur cig ces sgrogs so/ /gzhan yang bcom ldan 'das kyis tshe dang ldan pa shA ra dwa ti'i bu la bka' stsal pa/ byang chub sems dpa' thogs pa med pas rin po che sna bdun gyi shing rta 'bum phrag mang po bkram ste shing rta re re la yang bud med kha dog stong gis brgyan</font><hr>56.24a<br><font size=+1>

pa dag bskyon nas/ tshong 'dus kyi srang du sbyin par byed de/ tshig 'di skad du gang shing rta 'di dag dang / bud med 'di dag 'dod pa des khyer cig ces kyang zer ro/ /bud med de dag re re yang bud med brgya brgya'i 'khor dang ldan te/ shing rta dbyig dang bcas pa bud med kyi 'khor dang bcas pa de bud med de dag la sbyin par byed cing yongs su gtong ngo / /shA ra dwa ti'i bu khyod kyis byang chub sems dpa' thogs pa med pa sbyin pa sbyin pa mthong ngam/ gsol pa bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po de ltar sbyin pa sbyin par bya'o/ /de nas nyan thos chen po de dag gis kyang sangs rgyas kyi mthus sbyin pa sbyin pa mthong ngo / /de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu 'di ji snyam du sems/ sbyin pa 'di rgya che ba yin nam/ gsol pa/ a la la bcom ldan 'das rgya che ba lags so/ /bcom ldan 'das kyis bka' stsal pa/ shA ra dwa ti'i bu sbyin pa 'di ltar byin zhing yongs su btang ba 'di la de las gzhan pa'i sbyin pa rnams ni brgya'i char yang nye bar mi 'gro ba nas/ rgyu'i bar du yang mi bzod do/ /de nas sangs rgyas kyi mthus tshe dang ldan pa shA ra dwa ti'i bus sbyin pa de byin nas/ 'di skad du dge ba'i rtsa ba 'dis theg pa la gsar du zhugs pa'i byang chub sems dpa' thams cad ni phyir mi ldog pa nyid du gyur cig /phyir mi ldog pa'i byang chub sems dpa' sems dpa' chen po gang dag yin pa de dag myur du thams cad mkhyen pa nyid yongs su rdzogs par gyur cig ces yongs su sngo bar byed pa yang mthong ngo / /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan</font><hr>56.24b<br><font size=+1>

'di la theg pa la gsar du zhugs pa'i byang chub sems dpa' gang la bgyi/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dang po bskyed pa/ sems dang po bskyed pa la gnas pa ni dgra bcom pa'i sems las 'da'o/ /sems gnyis pa bskyed pa ni rang sangs rgyas kyi sems las 'da'o/ /phyir mi ldog pa'i sems la gnas pa ni byang chub sems dpa' ma nges shing lung ma bstan pa'i sems las 'da'o/ /byang chub sems dpa' byang chub kyi snying po la 'dug pa ni/ thams cad mkhyen pa zhes bya'o/ /shA ra dwa ti'i bu gang byang chub kyi snying po la 'dug la/ thams cad mkhyen pa ma thob par de las ldang ba 'di ni mi srid de/ go skabs ma yin zhing gnas med de/ ma byung 'byung bar mi 'gyur ro/ /shA ra dwa ti'i bu gang gi tshe byang chub sems dpa' sems dpa' chen po byang chub kyi snying po la 'dug pa de'i tshe/ lha dang bcas pa'i 'jig rten dang / bdud dang bcas/ tshangs pa dang bcas/ lha dang mi dang / lha ma yin dang bcas pa'i 'jig rten gyis 'di ltar de bzhin gshegs pa byang chub kyi snying po la bzhugs so zhes rig par bya'o/ /de ci'i phyir zhe na/ 'di ltar de'i tshe/ byang chub sems dpa' sems dpa' chen po brnag pa yongs su rdzogs pa bla na med pa yang dag par rdzogs pa'i byang chub mngon par rdzogs par 'tshang rgya ba'i skal ba can du gyur pa'i phyir ro/ /de nas sangs rgyas kyi mthus tshe dang ldan pa shA ra dwa ti'i bu dang / nyan thos de dag gis shar phyogs kyi 'jig rten gyi khams thams cad na/ byang chub sems dpa' sems dpa' chen po grangs med pa gang dag byang chub kyi snying po la 'dug cing / bla na med pa yang dag par rdzogs pa'i byang chub mngon par rdzogs par 'tshang rgya ba de dag kyang mthong ngo / /</font><hr>56.25a<br><font size=+1>

byang chub sems dpa' grangs med pa gang dag rab tu 'byung ba'i phyir mngon par 'byung ba dag kyang mthong ngo / /byang chub sems dpa' grangs med pa gang dag khyim na gnas shing sbyin pa gtong ba dag kyang mthong ngo / /byang chub sems dpa' grangs med pa gang dag slong ba rnams slong ba na/ mgo yongs su gtong ba dag kyang mthong ngo / /byang chub sems dpa' grangs med pa gang dag slong ba rnams slong ba na/ lus 'bigs su bcug ste/ khrag sbyin pa dag kyang mthong ngo / /byang chub sems dpa' grangs med pa gang dag bu dang chung ma yongs su gtong ba dang / khyim gyi dngos po dang / zhing gi dngos po dang / rta dang ba lang dang bran dang / bran mo dang / las byed pa dang / zho shas 'tsho ba rnams yongs su gtong ba dag kyang mthong ngo / /byang chub sems dpa' grangs med pa gang dag lha rnams kyi dbang po brgya byin byed pa dag kyang mthong ngo / /byang chub sems dpa' grangs med pa gang dag dga' ldan gyi lha'i ris su skye ba dag kyang mthong ngo / /byang chub sems dpa' grangs med pa gang dag dga' ldan gyi gnas nas shi 'phos te/ ma'i mngal du skye ba dag kyang mthong ngo / /byang chub sems dpa' grangs med pa gang dag btsa' ba dang chos ston pa dag kyang mthong ngo / /byang chub sems dpa' grangs med pa gang dag sems can rnams kyi ched du sdug bsngal rnams yang dang yang myong ba dag kyang mthong ngo / /byang chub sems dpa' grangs med pa gang dag sems can rnams kyi ched du dpag tshad brgyar yang 'gro zhing / nyis brgya 'am/ sum brgya 'am/ bzhi brgya 'am/ lnga brgya 'am/ dpag tshad stong ngam/ de las lhag par yang 'gro ba dang / sems can rnams kyi ched du ji ltar byas na/ sems can 'ga' yang dge ba bcu'i las kyi lam dag la gnas par 'gyur bar yang dag</font><hr>56.25b<br><font size=+1>

par 'dzin du 'jug pa dang / yang na gsum la skyabs su 'gro bar 'gyur bar 'di la yang dag par 'dzin du 'jug par bya ba dang / yang na bslab pa'i gzhi gcig 'dzin par 'gyur ba 'am/ yang na bslab pa'i gzhi gnyis sam/ gsum 'am/ bzhi 'am/ lnga 'dzin par 'gyur ba 'am/ yang na sems can 'ga' yang byang chub la gnas par 'gyur bar yang dag par 'dzin du 'jug par bya ba'i phyir 'jig rten gyi khams grangs med pa dag tu 'gro ba yang mthong ngo / /byang chub sems dpa' grangs med pa gang dag gzhan mu stegs can kun du rgyu dag gi nang du byung nas/ pha rol du phyin pa rnams mi thos mi mthong ba dag la byang chub sems dpa' 'di dag ni pha rol du phyin pa rnams mi thos shing mi mthong bas bskal pa 'bum dag tu 'khyam zhing 'khor te/ yun ring pos thams cad mkhyen pa nyid 'thob pa dag kyang mthong ngo / /byang chub sems dpa' grangs med pa gang dag byang chub sems dpa' rnams la pha rol du phyin pa rnams ston pa yang mthong ngo / /byang chub sems dpa' grangs med pa gang dag pha rol du phyin pa rnams tshol na yang mi rnyed pa dag kyang mthong ngo / /byang chub sems dpa' grangs med pa gang dag pha rol du phyin pa rnams tshol zhing de dag gis rnyed pa yang mthong ngo / /byang chub sems dpa' grangs med pa gang dag bla na med pa yang dag par rdzogs pa'i byang chub mngon par rdzogs par 'tshang rgya ba dag kyang mthong ngo / /sangs rgyas bcom ldan 'das grangs med pa chos ston pa dag kyang mthong ngo / /sangs rgyas bcom ldan 'das grangs med pa gang dag byang chub sems dpa' rnams kyi ched du/ bskal pa bye ba khrag khrig 'bum phrag mang por byang chub tu sems skyed du 'jug par mdzad pa dag kyang mthong ngo / /sangs rgyas bcom ldan 'das grangs med pa gang</font><hr>56.26a<br><font size=+1>

dag sems can rnams yongs su smin par mdzad pa dang / gang dag byang chub tu sems skyed du 'jug par mdzad pa dag kyang mthong ngo / /sangs rgyas bcom ldan 'das grangs med pa gang dag sems can gang gA'i klung gi bye ma snyed yongs su smin par mdzad pa dag kyang mthong ngo / /sangs rgyas bcom ldan 'das grangs med pa gang dag 'jig rten gyi khams grangs med pa dag tu gshegs nas/ sems can rnams kyi ched du chos ston pa dag kyang mthong ngo / /de ltar na sangs rgyas bcom ldan 'das rnams ni dka' ba mdzad pa'o/ /de nas sangs rgyas kyi mthus tshe dang ldan pa shA ra dwa ti'i bu dang / dge slong gi dge 'dun gyis shar phyogs kyi 'jig rten gyi khams gang gA'i klung gi bye ma snyed de dag na/ byang chub sems dpa' gang dag gnas pa de dag kyang mthong / shar phyogs kyi 'jig rten gyi khams de dag thams cad na/ sangs rgyas bcom ldan 'das gang dag bzhugs pa de dag kyang mthong / lho phyogs dang / nub dang / byang dang / phyogs mtshams dang / 'og dang / steng du yang de bzhin du sbyar te/ de ltar kho ra khor yug tu phyogs bcu'i bar du byang chub sems dpa' sems dpa' chen po dag dang / sangs rgyas bcom ldan 'das gang dag bzhugs pa de dag mthong ngo / /de nas tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das 'di ltar sangs rgyas bcom ldan 'das rnams chos rgya chen po dang ldan te/ ji lta zhe na/ shar phyogs kyi 'jig rten gyi khams dpag tu ma mchis pa dag na/ byang chub sems dpa' grangs ma mchis pa dag dang / sangs rgyas bcom ldan 'das grangs ma mchis pa dag mthong ba dang / de bzhin du lho dang / nub dang / byang dang / 'og dang / steng dang / phyogs mtshams kyi 'jig rten gyi khams grangs ma mchis pa dag tu/ byang chub</font><hr>56.26b<br><font size=+1>

sems dpa' dpag tu ma mchis pa dang / sangs rgyas bcom ldan 'das dpag tu ma mchis pa dag mthong ba ni ngo mtshar lags so/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das 'di ltar sangs rgyas bcom ldan 'das rnams dang / byang chub sems dpa' rnams chos rgya chen po dang ldan te/ gang dag gis rgya chen po'i gnas bla na med pa'i byang chub tu sems bskyed pa ni ngo mtshar lags so/ /bcom ldan 'das kyis bka' stsal pa/ shA ra dwa ti'i bu de de bzhin te/ byang chub sems dpa' sems dpa' chen po rnams kyis 'di ltar bla na med pa yang dag par rdzogs pa'i byang chub tu sems rgya chen po bskyed par bya'o/ /gsol pa bcom ldan 'das mi 'gyur bar 'tshal bas ni/ dper na 'khor los sgyur ba'i rgyal po ltar bgyi'o/ /lhar 'gyur bar 'tshal bas ni/ dper na lha rnams kyi dbang po brgya byin ltar bgyi'o/ /tshe ring ba yongs su 'dzin par 'tshal bas ni/ dper na 'du shes med 'du shes med min skye mched du nye bar 'gro ba'i lha rnams ltar bgyi'o/ /bcom ldan 'das de bzhin du 'jig rten gyi sbyin gnas su 'gyur bar 'tshal ba dang / stong gsum gyi stong chen po'i 'jig rten gyi khams su 'bel ba'i chos kyi gtam bgyi bar 'tshal ba dang / sangs rgyas 'tshal bas ni thams cad mkhyen pa nyid du sems bskyed par bgyi'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin no/ /de de bzhin te/ 'jig rten gyi sbyin gnas kyi mchog tu 'gyur bar 'dod pas/ thams cad mkhyen pa nyid du sems bskyed par bya'o/ /de skad ces bka' stsal pa dang / tshe dang ldan pa shA ra dwa ti'i bus bcom ldan 'das la 'di skad ces gsol to/ /</font><hr>56.27a<br><font size=+1>

bcom ldan 'das dang po sems bskyed pa 'di las gud na/ byang chub sems dpa' sems dpa' chen po'i sems bskyed pa ches bzang ba 'am/ ches rgya che ba 'ga' lta mchis lags sam/ bcom ldan 'das kyis bka' stsal pa/ shA ra dwa ti'i bu khyod de bzhin gshegs pa dgra bcom pa yang dag par rdzogs pa'i sangs rgyas la yongs su 'dri bar sems pa legs so legs so/ /shA ra dwa ti'i bu dgra bcom pa'i zag pa med pa'i sems gang yin pa de ni spong ba'i sems kyis rang gi rgyud dang ldan pa'i nyon mongs pa rnams spang bar zad kyi/ sems de sems can dpag tu med pa rnams kyi ched du bskyed pa ma yin no/ shA ra dwa ti'i bu byang chub kyi sems ni sems can dpag tu med pa'i ched du bskyed pa yin gyi/ nyi tshe'i sems can rnams kyi phyir ni ma yin no/ /shA ra dwa ti'i bu rang sangs rgyas kyi sems kyang rang gi rgyud dang ldan pa'i nyon mongs pa rnams zlog par zad kyi/ byang chub kyi sems ni sems can dpag tu med pa'i nyon mongs pa rnams zlog pa yin no/ /shA ra dwa ti'i bu yang byang chub kyi sems ni bsten cing bsnyen te bsgoms la mang du byas na/ pha rol du phyin pa drug po rnams kyis thams cad mkhyen pa nyid 'thob po/ /thams cad mkhyen pa'i ye shes thob na/ des nyan thos rnams dang / rang sangs rgyas rnams rab tu phye'o/ /gang dag 'di la dge ba'i rtsa ba skyed de/ 'di lta ste/ rang byang chub la sems shing sgom na/ de dag la sangs rgyas bcom ldan 'das rnams khyed ni rang sangs rgyas su 'gyur te/ bskal pa 'di snyed cig na lha rnams dang / mi rnams kyi nang du mtshams sbyar te 'khod nas/ rang sangs rgyas thob par 'gyur ro zhes lung ston gyi/ shA ra dwa ti'i bu rang sangs rgyas rnams ni byang chub sems dpa' la/ ma 'ongs pa'i dus na khyod de bzhin gshegs pa dgra bcom pa yang dag par rdzogs pa'i sangs rgyas su 'gyur</font><hr>56.27b<br><font size=+1>

ro/ /zhes lung mi ston to/ /nyan thos rnams kyang byang chub sems dpa' la lung mi ston to/ /gal te nyan thos lung ston na yang / de bzhin gshegs pa las thos nas lung ston to/ /shA ra dwa ti'i bu gang gis sems can thams cad dgra bcom pa nyid la bkod kyang / des ni thams cad mkhyen pa nyid yongs su bzung ba ma yin gyi/ shA ra dwa ti'i bu gang byang chub sems dpa' la pha rol du phyin pa drug po rnams kyi 'doms shing rjes su ston na/ 'di ltar des ni thams cad mkhyen pa nyid yongs su bzung ba yin no/ /de ci'i phyir zhe na/ shA ra dwa ti'i bu nyan thos las ni sangs rgyas bcom ldan 'das rnams kyi byang chub byung ba ma yin gyi byang chub sems dpa' las de bzhin gshegs pa rnams kyi byang chub byung ba'i phyir ro/ /sbyin pa'i pha rol du phyin pa las 'jig rten gyi khams grangs med par byang chub sems dpa'i spyod pa dang / sangs rgyas bstan pa zhes bya ba'i le'u ste drug pa'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das ji ltar na byang chub sems dpar rig par bgyi/ bcom ldan 'das kyis bka' stsal pa/ shA ra dwa ti'i bu byang chub sems dpa' gang pha rol du phyin pa drug po dag la spyod pa'i byang chub sems dpa' 'di ni byang chub sems dpa' zhes bya ba'i ming 'thob bo/ /gsol pa bcom ldan 'das zag pa ma mchis pa'i sems las byang chub kyi sems khyad par du 'phags par bshad pa 'di'i don ji ltar 'tshal bar bgyi/ bcom ldan 'das kyis ji ltar lung bstan pa bzhin du yang dag par gzung bar 'tshal lo/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ byang chub sems dpa'i sems 'dod chags dang bcas pa zhe sdang dang bcas pa gti mug dang bcas pa yin nam/ gsol pa bcom ldan 'das 'dod chag dang bcas pa/ zhe sdang dang bcas pa gti mug dang bcas pa lags so/ /bcom ldan 'das kyis bka' stsal pa/ shA ra dwa ti'i bu 'di ji snyam du sems dgra bcom pa'i sems 'dod chags dang bral</font><hr>56.28a<br><font size=+1>

ba zhe sdang dang bral ba/ gti mug dang bral ba yin nam/ gsol pa/ bcom ldan 'das de de lta lags te/ dgra bcom pa'i sems 'dod chags dang bral ba/ zhe sdang dang bral ba/ gti mug dang bral ba lags so/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ gal te dgra bcom pa zag pa zad pas sems can dpag tu med pa rnams la byams pa dang / snying rjes khyab par byas kyang / de'i tshe sems can de dag bde bas tshim par 'gyur ram/ gsol pa/ bcom ldan 'das de ltar dgra bcom pa ni thabs la mkhas pa ma mchis na/ sems can dpag tu ma mchis pa rnams la byams pas ji ltar khyab par bgyi/ bcom ldan 'das 'di ltar ji srid du mnyam par gzhag pa de srid kyi bar der byams pa des kha cig ni bde bar 'gyur/ kha cig ni sdug bsngal bar 'gyur lags so/ /bcom ldan 'das gang gi tshe byang chub sems dpa' thams cad mkhyen pa nyid 'thob pa de'i tshe sems kyi skad cig la/ byams pa la gnas shing byams pa mngon par sgrub pa ma lags mod kyi/ bcom ldan 'das gnas ma mchis pa nan gyis dper bgyis te bshad par bgyi na/ bcom ldan 'das gal te 'dzam bu'i gling 'dir bdag dang 'dra ba/ rnam par thar pa brgyad la bsam gtan pa sha stag gis gang bar gyur la/ de dag kyang byams pa la snyoms par zhugs sam/ gal te snyoms par 'jug par 'tshal na yang snyoms par 'jug pa'i 'os ma lags so/ /bcom ldan 'das kyis bka' stsal pa/ shA ra dwa ti'i bu rnam grangs 'dis kyang zag pa med pa'i sems las byang chub sems dpa'i sems mchog ces bya ba nas/ gong na med pa zhes bya ba'i bar du'o/ /shA ra dwa ti'i bu gzhan yang gal te sems can thams cad dgra bcom pa mngon par shes pa drug dang ldan pa sha stag tu gyur la/ dgra bcom pa re res kyang bdud kyi sde 'khrugs med</font><hr>56.28b<br><font size=+1>

snyed mngon par sprul na/ shA ra dwa ti'i bu 'di ji snyam du sems/ 'khrugs med de dag mang ba yin nam/ gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ dgra bcom pa de dag dang / dpung de dag gis phyir mi ldog pa'i byang chub sems dpa'i byang chub kyi sems de bzlog par nus sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ sems de gnyis kyi nang na gang mthu che/ sems can thams cad zag pa zad par gyur pa rnams kyi zag pa med pa'i sems gang yin pa mthu che 'am/ phyir mi ldog pa'i byang chub sems dpa'i sems mthu che/ gsol pa/ bcom ldan 'das byang chub sems dpa'i sems ches mthu che lags so/ /bcom ldan 'das kyis bka' stsal pa/ phyir mi ldog pa'i byang chub sems dpa'i byang chub kyi sems ches mthu che ba yin te/ shA ra dwa ti'i bu zag pa med pa'i sems kyis bdud kyi sde 'khrugs med dpag tu med pa rdzu 'phrul gyis mngon par sprul na yang 'dod chags dang bral ba'i sems kyis/ 'dod chags dang bcas pa/ zhe sdang dang bcas pa/ gti mug dang bcas pa'i sems yongs su gtugs par mi nus so/ /shA ra dwa ti'i bu 'di ji snyam du sems/ sems 'di dag gi nang na sems gang mchog ces bya ba nas/ gong na med pa zhes bya ba'i bar du gang yin/ gsol pa/ bcom ldan 'das phyir mi ldog pa'i byang chub sems dpa'i sems mchog ces bgyi ba nas/ gong na ma mchis pa zhes bgyi ba'i bar du lags so/ /de ci'i slad du zhe na/ 'di ltar zag pa ma mchis pa'i sems kyis gtugs par bgyir rngo mi thog pa'i</font><hr>56.29a<br><font size=+1>

slad du'o/ /shA ra dwa ti'i bu gzhan yang khyod nyid la yongs su dri bar byas/ khyod kyis ji ltar bzod pa de bzhin du lan thob shig /shA ra dwa ti'i bu 'di ji snyam du sems/ gal te mching bu'i nor bu dag gi nang du/ nor bu rin po che bai dUr+ya bzhag na/ ci mching bu'i nor bu de dag gis nor bu rin po che bai dUr+ya la gsal ba dang / rin thang gis thub bam/ gsol pa/ bcom ldan 'das de ni ma lags so/ /mching bu'i nor bu dag gi phung po chen pos nor bu rin po che bai dUr+ya gcig kyang zil gyis gnon par rngo mi thog lags so/ /bcom ldan 'das kyis bka' stsal pa/ de ci'i phyir/ gsol pa/ bcom ldan 'das mching bu'i nor bu de dag ni yongs su dag pa yang ma lags/ kha dog bzang ba yang ma lags/ rin thang yang chung la/ rjod par yang nus pa lags te/ bcom ldan 'das mching bu'i nor bu ni gnas rgya chen po nas byung ba yang ma lags so/ /bcom ldan 'das nor bu rin po che bai dUr+ya ni rigs kyis 'phags pa lags te/ sems can rnams kyi las kyi rnam par smin pas rgya mtsho chen po'i nang nas byung ba lags te/ de ni mching bu'i nor bu mang pos zil gyis gnon par rngo mi thog go/ /bcom ldan 'das kyis bka' stsal pa/ shA ra dwa ti'i bu de de bzhin te/ phyir mi ldog pa'i byang chub sems dpa' sems dpa' chen po'i sems ni nyan thos thams cad kyi sems zil gyis gnon par 'dug ste/ de bzhin gshegs pas don gyi dbang 'di yang dag par gzigs nas/ phyir mi ldog pa'i byang chub sems dpa' sems dpa' chen po'i sems mchog nyid du bzhag pa nas/ gong na med pa nyid kyi bar du bzhag pa yin no/ /nyan thos dgra bcom pa thams cad kyis ni byang chub sems dpa'i sems gang byams pa dang ldan pa dang / snying rje dang ldan pa yang zad par byed mi nus so/ /shA ra dwa ti'i bu</font><hr>56.29b<br><font size=+1>

dgra bcom pa zag pa zad pa mngon par shes pa drug dang ldan pa de dag gis kyang / 'jig rten gyi khams 'di 'jig rten gyi khams gzhan du rdzu 'phrul gyis 'phang bar nus mod kyi/ phyir mi ldog pa'i byang chub sems dpa'i sems ni zad par byed mi nus so/ /shA ra dwa ti'i bu dgra bcom pa zag pa zad pa/ mngon par shes pa drug dang ldan pa de dag gis kyang / rgya mtsho chen po kha'i dbugs kyis skam par nus mod kyi/ phyir mi ldog pa'i byang chub sems dpa' sems dpa' chen po'i sems ni zil gyis mnan pa 'am/ zad par byed mi nus so/ /shA ra dwa ti'i bu dgra bcom pa zag pa zad pa/ mngon par shes pa drug dang ldan pa de dag gis kyang / 'jig rten gyi khams gang gA'i klung gi bye ma snyed sreg pa'i me'i phung po chen po de yang kha'i dbugs kyis bsad par nus mod kyi/ phyir mi ldog pa'i byang chub sems dpa' sems dpa' chen po'i sems ni zil gyis mnan pa 'am/ zad par byed mi nus so/ /shA ra dwa ti'i bu rnam grangs 'dis na/ phyir mi ldog pa'i byang chub sems dpa' sems dpa' chen po'i sems mchog ces bya/ gtso bo dang / phul dang / rab dang / rab mchog dang / bla na med pa nas gong na med pa zhes bya ba'i bar du brjod do/ /de skad ces bka' stsal pa dang / tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das ji tsam du phyir mi ldog pa'i byang chub sems dpa' sems dpa' chen po'i sems rgya che zhing zad par bgyi ba 'am/ bzlog par mi nus pa ngo mtshar lags so/ /bcom ldan 'das kyis bka' stsal pa/ shA ra dwa ti'i bu de de bzhin no/ /de ci'i phyir zhe na/ shA ra dwa ti'i bu sangs rgyas bcom ldan 'das rnams ni gnyis su mi gsung ste/ de bzhin gshegs pa rnams ni gnyis su med</font><hr>56.30a<br><font size=+1>

par gsung zhing / de bzhin kho na ste gzhan du ma yin no/ /shA ra dwa ti'i bu gal te 'jig rten gyi khams mtha' yas mu med pa'i gang gA'i klung gi bye ma ji snyed pa de snyed kyi sems can gzhan dag byung bar gyur la/ sa'i khams ji snyed pa dang / chu'i khams ji snyed pa dang / me'i khams ji snyed pa dang / rlung gi khams ji snyed pa de snyed kyi sems can gzhan dag byung bar gyur na/ shA ra dwa ti'i bu 'di ji snyam du sems/ sems can de dag mang ba yin nam/ gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ shA ra dwa ti'i bu sems can de dag kyang mngon par shes pa drug dang ldan par gyur te/ re re zhing 'di ltar maud gal gyi bu chen po lta bur rdzu 'phrul dang ldan par gyur la/ rdzu 'phrul can de dag gis 'di ltar sems can de dag ji snyed pa de snyed kyi bdud sdig can mngon par sprul te/ sdig can re re la yang sems can de dag ji snyed pa de snyed kyi glang po che'i tshogs yod pa 'am/ rta'i tshogs dang / shing rta'i tshogs dang / dpung bu chung gi tshogs yod par gyur te/ bgrang ba 'di lta bu'i tshul gyis/ dgra bcom pa rdzu 'phrul can de dag re re sprul pa byed pa'i sprul pa de dag re res kyang de bzhin du sprul pa mngon par sprul na/ shA ra dwa ti'i bu 'di ji snyam du sems/ de dag bgrang ba la 'jug par nus sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ sems can de dag gis phyir mi ldog pa'i rigs kyi bu 'am/ rigs kyi bu mo de gang na gnas pa'i stong gsum gyi stong chen po'i 'jig rten gyi khams bsreg par mngon par sprul pa byed na/ shA ra dwa ti'i bu 'di ji snyam du sems/ ci sems</font><hr>56.30b<br><font size=+1>

can de dag rdzu 'phrul chen po rnam par ston pa yin nam/ gsol pa/ bcom ldan 'das de dag ni rdzu 'phrul che ba lags so/ /rdzu 'phrul chen po dang ldan zhing / 'jigs pa chen po'i tshul gyis nye bar gnas pa lags so/ /bcom ldan 'das kyis bka' stsal pa/ shA ra dwa ti'i bu gal te de dag 'jig rten gyi khams mtha' yas mu med pa gang gA'i klung gi bye ma snyed kyi bskal par gnas la/ de ltar 'jigs pa drag po kun nas ston kyang phyir mi ldog pa'i byang chub sems dpa' sems dpa' chen po de dag gi sems zad par bya ba 'am/ zil gyis mnan pa 'am/ bzlog nus pa'i skal ba med do/ /shA ra dwa ti'i bu 'di ji snyam du sems/ sems can dpag tu med pa de dag dang / bdud sdig can de dag gi rdzu 'phrul gang yin pa dang / phyir mi ldog pa'i byang chub sems dpa'i rdzu 'phrul gang yin pa 'di gnyis la/ gang ches mthu dang ldan pa yin/ gsol pa/ bcom ldan 'das rdzu 'phrul dang ldan pa 'di dag gi nang na/ phyir mi ldog pa'i byang chub sems dpa' sems dpa' chen po'i rdzu 'phrul dang / sems 'di ni ches mthu dang ldan pa lags so/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ 'di lta bu'i rdzu 'phrul dang / stobs dang ldan pa gang yin pa de mchog byed pa 'am/ mchog tu 'byung bar 'os pa yin nam/ gsol pa/ bcom ldan 'das kyis bka' stsal pa'i don bdag gis 'tshal ba ltar na/ rnam grangs 'dis na thams cad mkhyen pa nyid kyi sems ma gtogs par byang chub sems dpa'i sems mchog ces bgyi ba nas gong na ma mchis pa zhes bgyi ba'i bar du ste/ de ci'i slad du zhe na/ phyir mi ldog pa'i byang chub sems dpa'i sems ni zad par bgyir rngo mi thog pa'i slad du lags so/ /de nas bcom ldan 'das kyis tshe dang</font><hr>56.31a<br><font size=+1>

ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de de bzhin no/ /de de bzhin te/ phyir mi ldog pa'i byang chub sems dpa'i sems ni zad par byar mi nus so/ /sbyin pa'i pha rol du phyin pa las phyir mi ldog pa'i sa'i le'u ste bdun pa'o// // de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu rnam grangs gang gis na/ phyir mi ldog pa'i byang chub sems dpa' sems dpa' chen po'i sems zad par byar mi nus/ smras pa/ tshe dang ldan pa gang po gang gi phyir byang chub sems dpa' sems dpa' chen po sbyin pa gang dang gang sbyin pa na de thams cad thams cad mkhyen pa nyid la dmigs nas sbyin par byed de/ de bas na byang chub sems dpa' sems dpa' chen po'i sems zad par bya ba 'am/ zil gyis mnan par mi nus so/ /tshe dang ldan pa gang po dper na/ skyes bu tshong pa zhig zong 'bum phrag mang po spyod cing / de tshong byed la/ tshong pa des tshong dpon nam/ ded dpon gang yang rung ba las lo 'bum phrag mang po zhig nas skyin po blangs pa las/ de'i tshong ma rung bar gyur nas/ des rgyal po la bskor te rgyal po'i gan du song so/ /de rgyal po'i dpung des na rgyal pos yongs su bzung ba'i mi de la tshong dpon de dang / ded dpon des tshugs par mi 'gyur ro/ /de ci'i phyir zhe na/ de ltar de dpung dang ldan pa'i phyogs 'di lta ste/ rgyal po'i phyogs dpung dang ldan pa'i phyogs de la rten pa'i phyir ro/ /tshe dang ldan pa gang po de bzhin du dang po sems bskyed pa'i byang chub sems dpa' sems dpa' chen po'i sems dang / phyir mi ldog pa'i byang chub sems dpa'i sems ni dpung dang ldan pa'i phyogs la rten to/ /de ci'i phyir zhe na/ 'di lta ste/ thams cad mkhyen pa nyid kyi phyogs dpung dang ldan pa'i</font><hr>56.31b<br><font size=+1>

phyogs de la rten pas na/ de nyan thos thams cad kyis zil gyis mnan par mi nus so/ /tshe dang ldan pa gang po dper na/ skyes bu rgyal po la rten pa ni longs spyod zad par gyur kyang / 'od kyang tshugs par mi nus pa de bzhin du/ byang chub sems dpa' sems dpa' chen po thams cad mkhyen pa nyid kyi phyogs la rten pa yang / 'di ltar nyan thos thams cad dang / bdud thams cad kyis mi tshugs so/ /smras pa/ tshe dang ldan pa shA ra dwa ti'i bu ji ltar na byang chub sems dpa' nyan thos thams cad kyis tshugs par 'gyur/ smras pa/ tshe dang ldan pa gang po gal te nyan thos kyi sa 'am/ rang sangs rgyas kyi sa sgrogs shing 'chad pa na/ de'i sems skyed cing bdag kyang de ltar gyur cig ces sems skyed na/ nyan thos rnams kyis tshugs pa yin no/ /gang de'i gtam gyi ro myong bar byed pa dang / de la yang dga' bar byed pa'i byang chub sems dpa' ni tshul bzhin ma yin pa yid la byed pa bskyed pa des na tshugs par 'gyur ro/ /smras pa/ tshe dang ldan pa shA ra dwa ti'i bu ci'i phyir na/ de dag la tshul bzhin ma yin pa yid la byed pa zhes bya/ smras pa/ 'di dag byang chub sems dpa' sems dpa' chen po'i thams cad mkhyen pa nyid la gegs byed pa yin te/ 'di dag skyed par byed pa ma yin la/ 'di dag ni thams cad mkhyen pa nyid ring bar byed pa yin te/ de bas na 'di dag ni byang chub sems dpa'i tshul bzhin ma yin pa yid la byed pa zhes bya'o/ /tshe dang ldan pa gang po dper na/ rnal 'byor pa rnal 'byor spyod pa yang dag pa'i mtha' mngon sum du bya bar 'dod cing / yang dag pa la nges par 'jug par 'dod pa'i 'dod chags dang / zhe sdang dang gti mug kun du 'byung ba ni dgra bcom pa nyid ring bar byed pa yin te/ de dag de'i tshul bzhin ma yin pa yid la byed pa zhes bya'o/ /</font><hr>56.32a<br><font size=+1>

tshe dang ldan pa gang po de bzhin du byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa'i thams cad mkhyen pa nyid la yang nyan thos dang ldan pa 'am/ rang sangs rgyas dang ldan pa'i yid la byed pa rnams gegs byed pa yin te/ yid la byed pa de dag bskyed na 'di ltar byang chub sems dpa' sems dpa' chen nyan thos rnams kyis zil gyis non pa yin no/ /smras pa/ tshe dang ldan pa shA ra dwa ti'i bu de lta na byang chub sems dpa' nyan thos rnams kyis zil gyis non pa yin te/ gang nyan thos dang ldan pa 'am/ rang sangs rgyas dang ldan pa'i yid la byed pa skyed pa de ni byang chub sems dpa' zhes mi bya'o/ /de ci'i phyir zhe na/ yid la byed pa de dag gis byang chub sems dpa' zhes bya ba'i grangs su mi chud pa'i phyir ro/ /tshe dang ldan pa shA ra dwa ti'i bu dper na/ rgyun du zhugs pa nyon mongs pa kun du spyod na sbyin gnas su mi 'gyur te/ gal te gang gis de'i nyon mongs pa rnams spong ba'i shes pa thob na/ des de rgyun du zhugs pa zhes bya bar rab tu phye ba yin gyi/ nyon mongs pa rnams kyis rab tu phye ba ma yin te/ de ltar na shes pa yongs su shes pa dang / spong ba la 'dris pas de rgyun du zhugs pa zhes bya'o/ /tshe dang ldan pa shA ra dwa ti'i bu de bzhin du byang chub sems dpa' nyan thos dang ldan pa 'am/ rang sangs rgyas dang ldan pa'i sems kun du spyod cing skye bas/ byang chub sems dpa' zhes rab tu phye ba ma yin gyi/ thams cad mkhyen pa nyid las brtsams pa'i sems dang sems las byung ba gang dag yin pa de dag skye bas/ 'di lta ste/ de byang chub sems dpa' zhes bya bar rab tu phye ba yin te/ byang chub sems dpa' byang chub kyi sems la gnas na tshugs par mi nus so/ /tshe dang ldan pa dper na/ 'phong gi slob dpon ni</font><hr>56.32b<br><font size=+1>

gnas na 'dug kyang rung / 'gro yang rung / dgra rnams kyis tshugs par dka' ba yin te/ gzhan gyi mda' yang gcod cing bdag kyang srung ngo / /tshe dang ldan pa shA ra dwa ti'i bu de bzhin du byang chub sems dpa' byang chub kyi sems la gnas pa yang tshugs par dka'o/ /nyan thos kyi spyod pa 'am/ rang sangs rgyas kyi spyod pa thos na yang 'di ltar bdag kyang myur ba nyid du bla na med pa yang dag par rdzogs pa'i byang chub mngon par rdzogs par sangs rgyas nas/ 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa da ltar nyan thos rnams la chos ston pa de bzhin du/ bdag kyang nyan thos rnams la chos ston par gyur cig ces yongs su sngo bar byed do/ /tshe dang ldan pa de ltar na thabs la mkhas pa'i byang chub sems dpa' byang chub kyi sems la gnas pa la tshugs par mi nus te/ nyan thos kyi gtam 'am/ rang sangs rgyas kyi gtam thos na yang / chos kyi gtam 'di ni de bzhin gshegs pa las byung ngo zhes de bzhin gshegs pa dran par byed de/ nyan thos rnams la chags pa mi skyed do/ /tshe dang ldan pa shA ra dwa ti'i bu de ltar na/ byang chub sems dpa' byang chub kyi sems la gnas pa ni thub par dka' ba yin no/ /tshe dang ldan pa dper na/ rnal 'byor pa rnal 'byor spyod pa dmigs pa thob cing / ting nge 'dzin legs par bsgoms pa'i phyir rnam par rtog pa rnams kyis mi tshugs so/ /de ci'i phyir zhe na/ 'di ltar dmigs pa de la rab tu goms pa'i phyir ro/ /de bzhin du byang chub sems dpa' byang chub kyi sems la gnas pa yang thub par dka'o/ /de ci'i phyir zhe na/ 'di ltar thams cad mkhyen pa nyid kyi sems dang mi 'bral ba'i phyir ro/ /smras pa/ tshe dang ldan pa gang po gal te byang chub sems dpa' thub par dka' bar rig par bya na/ theg pa la gsar du</font><hr>56.33a<br><font size=+1>

zhugs pa gang dag yin pa rnams dang / phyir mi ldog pa gang dag yin pa rnams dang / byang chub kyi snying po la 'dug pa gang dag yin pa thams cad dam/ smras pa/ tshe dang ldan pa shA ra dwa ti'i bu byang chub sems dpa' de dag kyang thub par dka' ba yin no/ /de ci'i phyir zhe na/ byang chub sems dpa' de dag dam bcas pa las bskyod mi nus te/ de ltar na byang chub sems dpa' dam bcas pa la gnas pa dang / byang chub kyi sems la gnas pa de dag ni thams cad kyang thub par dka' ba yin no/ /tshe dang ldan pa shA ra dwa ti'i bu dper na/ byang chub sems dpa' da ltar mngon par rdzogs par sangs rgyas pa gang yin pa dang / de bzhin gshegs pa lo bye ba brgya phrag mang po nas mngon par rdzogs par sangs rgyas te/ bzhugs shing gzhes pa gang yin pa de gnyi ga yang thams cad mkhyen pa nyid do/ /tshe dang ldan pa shA ra dwa ti'i bu de bzhin du theg pa la gsar du zhugs pa'i byang chub sems dpa' gang yin pa dang / phyir mi ldog pa'i byang chub sems dpa' gang yin pa dang / byang chub kyi snying po la 'dug pa'i byang chub sems dpa' tha ma'i sems thob pa gang yin pa de dag thams cad ni 'di lta ste/ thams cad mkhyen pa nyid yid la byed pa rnams kyis mnyam mo/ /smras pa/ tshe dang ldan pa gang po 'di dag ji ltar khyad par med/ smras pa/ tshe dang ldan pa shA ra dwa ti'i bu byang chub kyi sems la ni khyad par med de/ 'on kyang mgyogs bul gyis ni khyad par yod do/ /sems de gnyi ga ni mnyam ste/ gang zhe na/ byang chub tu mngon par sgrub pa gang dag yin pa rnams so/ /tshe dang ldan pa shA ra dwa ti'i bu byang chub sems dpa'i sems la gnas pa ni phyir mi</font><hr>56.33b<br><font size=+1>

ldog go/ /dgra bcom pa gang dgra bcom pa nyid las ldog la/ zag pa med pa'i sems las kyang ldog na/ de dgra bcom pa nyid du rig par bya'am/ smras pa/ tshe dang ldan pa gang po de ni ma yin no/ /de ni lhag pa'i nga rgyal can yin par rig par bya'o/ /smras pa/ tshe dang ldan pa shA ra dwa ti'i bu de bzhin du byang chub sems dpa' byang chub sems dpa'i sems las phyir ldog pa gang yin pa de ni byang chub tu khas 'che bar zad de/ de ni byang chub sems dpa' ma yin gyi/ de ni byang chub sems dpa' sun 'byin pa yin te/ de ni byang chub sems dpa' zhes bya bar rig par bya ba ma yin no/ /smras pa/ tshe dang ldan pa shA ra dwa ti'i bu de de bzhin no/ /de de bzhin te/ tshe dang ldan pa gang po dper na/ mi zhig pho mtshan dang ldan par gyur te/ dbang po ma tshang ba ma yin pa las/ phyis de'i pho mtshan med par gyur la/ pho mtshan gyi bya ba byed mi nus na/ de ni ma ning zhes bya ba'i grangs su 'gro'o/ /tshe dang ldan pa gang po de bzhin du/ byang chub sems dpa'i sems rmug pa ni byang chub sems dpa' zhes bya ba'i grangs su mi 'gro'o/ /sbyin pa'i pha rol du phyin pa las byang chub sems dpa' yongs su sbyang bar bya ba'i le'u ste brgyad pa'o// // de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu 'di la byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas yid la byed pa ji lta bu bskyed par bya'i/ smras pa/ thams cad mkhyen pa nyid dang ldan pa'i yid la byed pa bskyed par bya'o/ /de ltar na byang chub sems</font><hr>56.34a<br><font size=+1>

dpa' byang chub sems dpa'i chos rnams la gnas pa yin no/ /de ltar gnas pa'i byang chub sems dpa' ni sbyin pa de thams cad/ thams cad mkhyen pa nyid du yongs su sngo bar byed do/ /thams cad mkhyen pa nyid du yongs su bsngo na/ sbyin pa'i pha rol du phyin pa yongs su 'dzin to/ /gal te de ltar yongs su bsngo bar mi byed na/ de ni sbyin pa yin gyi/ sbyin pa'i pha rol du phyin pa ma yin no/ /tshe dang ldan pa gang po gzhan yang byang chub sems dpa' gang sbyin pa sbyin pa na rnam par rtog ste/ bdag gis chung zad ni yongs su btang la chung zad ni yongs su ma btang ngo zhes rnam par rtog par byed cing 'di ni bdag gis sbyin par bya/ 'di ni sbyin par mi bya'o/ /'di la ni sbyin/ 'di la ni mi sbyin no zhes rnam par rtog par byed de/ ngan pa ni sbyin par bya/ bzang po ni sbyin par mi bya/ tshul khrims can la ni sbyin par bya/ tshul khrims 'chal pa la ni sbyin par mi bya'o zhes rnam par rtog par byed na/ rnam par rtog pa 'di dag ni byang chub sems dpa'i thams cad mkhyen pa nyid la bar chad byed pa yin no/ /de ltar rnam par rtog pa ni yun ring mo zhig gis thams cad mkhyen pa nyid thob par 'gyur ro/ /bdag yun ring mo zhig gis thams cad mkhyen pa nyid thob par mi 'gyur grangs zhes rnam par rtog par mi bya'o/ /thams cad la mnyam par gtong zhing sems mnyam pa ni myur du thams cad mkhyen pa nyid thob par 'gyur ro/ /tshe dang ldan pa gang po byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas de ltar sbyin pa'i pha rol du phyin pa la gnas par bya'o/ /sbyin pa zil gyis mnan te/ sbyin pa'i pha rol du phyin</font><hr>56.34b<br><font size=+1>

pa yongs su rdzogs par byed pa ni gal te/ byang chub sems dpa' snga dro'i dus kyi tshe/ sems can gang gA'i klung gi bye ma snyed la zan byin la/ zan zos pa'i 'og tu sems can de dag la gser gyi dong tse dang / ras bcos bu zung dang / gser thags can gyi ras byin la/ de bzhin du nyi ma gung dang / phyem red dang / de bzhin du mtshan mo nam gyi cha stod dang / de bzhin du nam gyi gung dang / de bzhin du nam gyi cha smad gyi thun la/ sems can gang gA'i klung gi bye ma snyed la zan byin la/ de bzhin du sbyin pa yang byin te/ bskal pa gang gA'i klung gi bye ma snyed du gnas shing / de bzhin du yongs su gtong yang ji ltar thams cad mkhyen pa nyid du yongs su bsngo bar bya ba mi shes na/ de ni sbyin pa yin gyi/ sbyin pa'i pha rol du phyin pa ma yin no/ ji ste yongs su bsngo ba shes na/ byang chub sems dpa' sbyin pa'i pha rol du phyin pa yongs su 'dzin pa yin no/ /de ni byang chub sems dpa'i thad na mang du yongs su gtong ba ma yin no/ /de ci'i phyir zhe na/ 'di ltar de chos tshad med pa'i chos thob par 'dod cing / byang chub sems dpa'i chos kyang thob par 'dod na/ tshad dang ldan pa'i yongs su gtong bas thams cad mkhyen pa nyid thob par mi nus pa'i phyir ro/ /gal te sbyin pa de tshad nges par gyur na/ sbyin pa'i pha rol du phyin pa ma yin gyi/ gang gi phyir sbyin pa de tshad nges pa ma yin pa de'i phyir/ sbyin pa'i pha rol du phyin par 'gyur ro/ /tshe dang ldan pa gang po de ltar byang chub sems dpa' sems dpa' chen pos tshad nges pa ma yin pa'i sbyin pa sbyin par bya'o/ /de nas phyis kyang yongs su gtang bar bya'o zhes de ltar yongs su gtang bar bya ste/ byang chub sems dpa' de ni thabs des na/ </font><hr>56.35a<br><font size=+1>

ser sna tshar gcod cing / thams cad mkhyen pa nyid yongs su 'dzin to/ /de yang 'di ltar bdag gis sbyin pa dpag tu med pa sbyin par bya ste/ gang gi tshe bla na med pa yang dag par rdzogs pa'i byang chub mngon par rdzogs par sangs rgyas par gyur gyi bar du sbyin par bya'o/ /bla na med pa yang dag par rdzogs pa'i byang chub mngon par rdzogs par sangs rgyas nas kyang zang zing med pa'i chos kyi sbyin pas sems can rnams la phan gdags par bya'o/ /da ltar ni ji srid du byang chub tu spyod pa'i bar du zang zing gis phan gdags par bya'o/ /bla na med pa yang dag par rdzogs pa'i byang chub mngon par rdzogs par sangs rgyas pa na ni/ zang zing med pa'i chos kyi sbyin pas/ sems can rnams la phan gdags par bya'o snyam du sems skyed do/ /tshe dang ldan pa gang po dper na/ mi zhig rgyal po la sten te/ de rgyal po la sten cing 'khor la/ bsnyen bkur byas pas/ rgyal po des de la zan sbyin zhing / des zang zing gi sbyin pas phan 'dogs te/ des bsten cing bskor te/ bsnyen bkur byas pas rgyal po mnyes shing dgyes par gyur nas/ rin po che brgya stong du ma skyon pa de bzhin du/ tshe dang ldan pa gang po byang chub sems dpa' bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas kyang / byang chub tu spyod pa na/ sems can dpag tu med pa la zang zing gi sbyin pas phan 'dogs shing / bla na med pa yang dag par rdzogs pa'i byang chub mngon par rdzogs par sangs rgyas nas kyang / zang zing med pa'i chos kyi sbyin pas/ sems can rnams la 'doms shing rjes su ston te/ sems can dpag tu med pa dag 'khor ba'i sdug bsngal rnams las grol bar byed do/ /tshe dang</font><hr>56.35b<br><font size=+1>

ldan pa gang po dper na/ rgyal po'i bu zhig yod la/ mi mang po gang dag gis rgyal po'i bu de la bsten cing bskor te/ bsnyen bkur byed na/ rgyal po'i bu des bsten pa'i mi de dag thams cad la kha zas g.yos pas phan 'dogs par byed de/ ji tsam na rgyal po'i bu de rgyal srid la gnas pa'i dus la bab ste/ rgyal srid kyi dbang bskur zhing / rgyal srid kyi dbang bskur ba thob pa'i tshe/ de'i mi zhabs 'bring snying du gyur pa gang yin pa de dag la/ 'di dag ni bdag gzhon nu'i sa la gnas pa na/ bdag gis sbyangs shing bdag gir byas pa yin/ bdag kyang 'di dag gis sbyangs shing bdag gir byas pa yin gyis/ bdag gis mi 'di dag longs spyod la ci rigs par dgod do snyam ste/ des bdag gis 'khor rnams kha cig ni grong khyer dag tu sna bor bcug /kha cig ni las kyi sna dag tu/ kha cig ni tshong 'dus dag tu kha cig ni 'or gyi grong dag tu bskos/ kha cig la ni grong dam pa longs spyod du byin no/ /tshe dang ldan pa gang po/ de bzhin du byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang / byang chub kyi phyir spyod pa na sems can dpag tu med pa dag la phan 'dogs te/ zang zing gi sbyin pa gos dang / zas dang / mal cha dang / stan dang / nad gsos dang / sman zong dag gis phan 'dogs te/ ji ltar rgyal po gzhon nu des/ 'khor de dag kha zas g.yos pa dang / bza' ba dang / bca' ba ci 'byor pa dag gis phan bgos pa de bzhin du/ tshe dang ldan pa gang po byang chub sems dpa' byang chub sems dpa'i spyad pa spyod pas kyang / sems can rnams la zang zing gi sbyin pas phan 'dogs shing / </font><hr>56.36a<br><font size=+1>

gang gi tshe de bla na med pa yang dag par rdzogs pa'i byang chub mngon par rdzogs par sangs rgyas par gyur te/ bdud rtsi'i dbang bskur ba thob pa na/ blo ji lta ba dang / shes rab ji lta ba bzhin du zang zing med pa'i chos kyi sbyin pas 'doms shing rjes su ston to/ /zang zing med pa'i chos kyis 'doms shing rjes su ston pa na/ kha cig ni dgra bcom pa nyid la 'god/ kha cig ni phyir mi 'ong ba'i 'bras bu la kha cig ni lan cig phyir 'ong ba'i 'bras bu la/ kha cig ni rgyun du zhugs pa'i 'bras bu la/ kha cig ni bzod pa'i sa la 'god/ kha cig ni mthong ba'i sa la/ kha cig ni dge ba bcu'i las kyi lam la 'god par byed do/ /tshe dang ldan pa gang po ji ltar rgyal po'i bu de gang gi tshe/ rgyal srid kyi dbang bskur ba thob par gyur pa de'i tshe/ rten pa'i mi de dag ci rig par longs spyod la 'god pa de bzhin du/ byang chub sems dpa' sems dpa' chen po yang bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams ji ltar mos pa bzhin du 'god par byed de de ltar byang chub sems dpa' sems dpa' chen po byang chub kyi spyad pa spyod pa na/ sems can rnams kyi nye bar 'tsho ba yin zhing / bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams mos pa ji lta ba bzhin du 'god par byed do/ /de ltar na byang chub sems dpa' sems dpa' chen po byang chub sems dpa'i spyad pa spyod pa sems can rnams kyi nye bar 'tsho ba yin zhing / bla na med pa yang dag par rdzogs pa'i byang chub mngon par rdzogs par sangs rgyas nas kyang / sems can rnams kyi nye bar 'tsho bar 'gyur</font><hr>56.36b<br><font size=+1>

la yongs su mya ngan las 'das nas kyang / sems can rnams kyi nye bar 'tsho bar 'gyur ro/ /tshe dang ldan pa gang po dper na/ mi zhig rgyal po la sten te/ bsnyen bkur byed na/ de'i tshe rgyal po des zas dang gos kyi bgo skal byin nas/ gang gi tshe mi des rgyal po de la shas cher bsten pa de'i tshe/ rgyal po de mnyes shing dgyes par gyur te/ de thugs rangs par gyur nas/ gos dang rgyan brgya stong du ma skon te longs spyod kyis rgyas par byed do/ /tshe dang ldan pa gang po/ de bzhin du byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang byang chub kyi phyir spyod pa na/ sems can dpag tu med pa rnams la sbyin pas phan 'dogs par byed cing / de bla na med pa yang dag par rdzogs pa'i byang chub mngon par rdzogs par sangs rgyas nas kyang / zang zing med pa'i chos kyi sbyin pas sems can rnams la 'doms shing rjes su ston te/ 'khor ba las grol bar byed do/ /de skad ces smras pa dang / tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bus ji ltar bshad pa de de bzhin te/ tshe dang ldan pa dper na/ mi gang dag gser gyi 'byung khung de'i nye skor na gnas pa'i sems can rnams ni/ gser gyi 'byung khung des nams kyang nye bar mi 'tsho bar mi 'gyur te/ gang gi tshe gsar du brkos shing phyung nas ring por ma lon pa de'i tshe yang / sems can rnams kyi nye bar 'tsho bar 'gyur ro/ /gang gi tshe shin du dri ma med par byas shing shin du sbyangs nas snying por byas te phyung ba de'i tshe yang / sems can rnams kyi nye bar 'tsho ba yin no/ gang gi tshe 'byung khung</font><hr>56.37a<br><font size=+1>

de nas bzhus te/ de nas sum cha 'am/ bzhi cha gser du gyur pa de'i tshe yang sems can rnams kyi nye bar 'tsho ba yin no/ /tshe dang ldan pa shA ra dwa ti'i bu de bzhin du/ byang chub sems dpa' sems dpa' chen po yang / nam kyang sems can rnams kyi nye bar 'tsho ba ma yin par mi 'gyur te/ byang chub kyi phyir spyod pa na yang nye bar 'tsho ba yin/ byang chub kyi snying po la 'dug par 'dod pa na yang / sems can rnams kyi nye bar 'tsho ba yin/ byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas pa na yang / sems can rnams kyi nye bar 'tsho ba yin/ yongs su mya ngan las 'das pa na yang sems can rnams kyi nye bar 'tsho ba yin te/ rgyu 'di dag ni nyan thos dang rang sangs rgyas thams cad la med do/ /rgyu des na byang chub sems dpa' sems dpa' chen po ni mchog ces bya/ gtso bo dang / phul dang / rab dang / rab mchog dang / gya nom pa dang / bla na med pa dang / gong na med pa zhes bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis byang chub sems dpa' sems dpa' chen po go cha chen po bgos pa dang / theg pa chen po la zhugs pa dang / lhag pa'i bsam pa rdzogs pa dang / bdog pa thams cad yongs su gtong ba rnams kyi sbyin pa'i pha rol du phyin pa 'di gnas brtan shA ra dwa ti'i bus ji skad bshad pa bzhin du zung shig /chongs shig /kun chub par gyis shig /bcom ldan 'das kyis de skad ces bka' stsal nas/ tshe dang ldan pa shA ra dwa ti'i bu dang / tshe dang ldan pa byams ma'i bu gang po dang / tshe dang ldan pa kun dga'</font><hr>56.37b<br><font size=+1>

bo dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /sbyin pa'i pha rol du phyin pa'i le'u dgu pa ste/ sbyin pa'i pha rol du phyin pa rdzogs so// // bam po gsum pa/ 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po thams cad kyang dgra bcom pa zag pa zad pa/ nyon mongs pa med pa/ dbang dang ldan par gyur pa/ sems shin du rnam par grol ba/ shes rab shin du rnam par grol ba/ cang shes pa/ glang po chen po bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba/ yongs su zad pa/ yang dag pa'i shes pas sems shin tu rnam par grol ba/ sems thams cad la dbang dam pa'i pha rol du son pa sha stag dang / phyogs bcu'i sangs rgyas kyi zhing nas 'dus pa'i byang chub sems dpa' sems dpa' chen po rnams dang thabs gcig tu bzhugs te/ gzhan yang gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams kyis yongs su bskor cing / mdun gyis bltas nas/ bcom ldan 'das 'di lta ste/ pha rol du phyin pa drug po 'di dag nyid las brtsams nas 'khor bzhi po dag la chos ston to/ /de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu byang chub sems dpa' sems dpa' chen po bla na med pa yang dag par</font><hr>56.38a<br><font size=+1>

rdzogs pa'i byang chub mngon par rdzogs par 'tshang rgya bar 'dod pa rnams kyi/ tshul khrims kyi pha rol du phyin pa las brtsams te/ khyod spobs par gyis shig /de nas tshe dang ldan pa shA ra dwa ti'i bus bcom ldan 'das las skabs phye ba thob nas/ sangs rgyas kyi mthus byang chub sems dpa' sems dpa' chen po rnams kyi tshul khrims kyi pha rol du phyin pa la 'doms shing rjes su ston to/ /de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu ji ltar byang chub sems dpa' tshul khrims dang ldan par rig par bya/ ji ltar byang chub sems dpa' tshul khrims 'chal bar rig par bya/ byang chub sems dpa' rnams kyi spyod yul ni gang yin/ spyod yul ma yin pa ni gang yin/ de skad ces smras pa dang / tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ /tshe dang ldan pa gang po 'di la gal te byang chub sems dpa' nyan thos dang rang sangs rgyas dang ldan pa'i yid la byed pa rnams kyi gnas na/ 'di ni byang chub sems dpa'i spyod yul ma yin pa'o/ /de ltar spyod pa'i byang chub sems dpa' ni tshul khrims 'chal pa yin par rig par bya ste/ 'di ni byang chub sems dpa'i spyod yul ma yin pa la spyod pa'o/ /'di ni byang chub sems dpa' tshul khrims kyi pha rol du phyin pa yongs su mi 'dzin pa'o/ /tshul khrims kyi pha rol du phyin pa yongs su mi 'dzin na/ byang chub sems dpa'i dam bcas pa spong ngo / /byang chub sems dpa'i dam bcas pa spong na/ tshul khrims 'chal pa yin par rig par bya'o/ /tshe dang ldan pa gang po gzhan yang gal te byang chub sems dpa' sbyin pa sbyin pa na/ nyan thos kyi sa 'am/ rang sangs rgyas</font><hr>56.38b<br><font size=+1>

kyi sar yongs su bsngo na/ spyod yul ma yin pa la spyod do/ /spyod yul ma yin pa la spyod na/ de tsam gyis na tshul khrims 'chal par rig par bya'o/ /gal te byang chub sems dpa' khyim na gnas shing / 'dod pa'i yon tan lnga la longs spyod pa tsam gyis ni/ de tshul khrims 'chal par rig par bya ba ma yin gyi/ gang sbyin pa sbyin zhing nyan thos kyi sa dang / rang sangs rgyas kyi sar yongs su bsngo na/ de tsam gyis na tshul khrims 'chal pa yin par rig par bya'o/ /tshe dang ldan pa gang po dper na rgyal pos gdams pa'i tshig bzhin du byed pa zhig yod la/ rgyal rigs rnams kyi rgyal po'i bus bslab par bya ba bzo'i gnas/ 'di ltar glang po che'i gnya' bar bzhon pa 'am/ rta bzhon pa 'am/ shing rta bzhon pa 'am/ ral gri'i thabs sam/ 'phong ngam/ mda' bo che 'phang ba'i thabs sam/ brgyug pa 'am/ 'gom pa 'am/ mchong ba 'am/ stobs 'gyed pa 'am/ dgra thabs sam/ de la sogs pa'i bzo de dag la slob na/ rgyal po la dben pa yin te/ rgyal po yang sma dbab par mi sems so/ /tshe dang ldan pa gang po de bzhin du byang chub sems dpa' khyim na gnas te/ 'dod pa'i yon tan lnga rnams kyis rtse zhing dga' la/ dga' dgur spyod du zin kyang / byang chub sems dpa' de ni thams cad mkhyen pa nyid la phan 'dogs pa nyid tu gyur pa yin no/ /gal te yang sbyin pa sbyin pa na/ nyan thos sam/ rang sangs rgyas kyi sar yongs su sngo na/ de tsam gyis na spyod yul ma yin pa la spyod pa yin te/ bdag nyid thams cad mkhyen pa nyid kyi zhing du mi rung bar byed do/ /ji lta ji ltar bdag nyid zhing du mi rung bar byed pa de lta de ltar tshul khrims kyi</font><hr>56.39a<br><font size=+1>

pha rol du phyin pa yongs su mi 'dzin to/ /ji lta ji ltar tshul khrims kyi pha rol du phyin pa yongs su mi 'dzin pa de lta de ltar thams cad mkhyen pa nyid ring du byed de/ 'di ni byang chub sems dpa'i spyod yul ma yin pa la spyod pa yin no/ /de'i spyod yul ma yin pa gang yin pa de nyid ni/ de'i tshul khrims 'chal pa yin no/ /tshe dang ldan pa gang po gzhan yang byang chub sems dpa' gal te khyim gyi gnas nas byung bar gyur te/ de yang tshul khrims gang dang gang yang dag par bzung nas gnas pa de yang /[ ]thams cad mkhyen pa nyid du yongs su mi sngo na/ byang chub sems dpa' de ni byang chub sems dpa'i tshul khrims dang ldan pa ma yin no/ gang byang chub sems dpa'i tshul khrims dang mi ldan pa de ni/ byang chub sems dpa' zhes mi bya'o/ /gal te byang chub sems dpa' khyim na gnas shing / gsum la skyabs su song bar gyur la/ de yang thams cad mkhyen pa nyid du yongs su bsngo na/ de 'dod pa lnga'i yon tan rnams la longs spyod du zin kyang / de tsam gyis na de byang chub sems dpa'i tshul khrims la gnas pa/ tshul khrims dang ldan pa zhes bya'o/ /byang chub sems dpa' gang byang chub sems dpa'i tshul khrims la gnas pa de ni/ tshul khrims kyi pha rol du phyin pa dang ma bral ba yin no/ /gang tshul khrims kyi pha rol du phyin pa dang ma bral ba de ni thams cad mkhyen pa nyid dang ma bral ba zhes bya'o/ /gzhan yang byang chub sems dpa'i 'dod pa dang ldan pa'i tshul bzhin ma yin pa'i yid la byed pa rnams 'byung du zin kyang / de dag thams cad de'i thams cad mkhyen pa nyid la byed pa'i sems cig gis zil gyis gnon par 'gyur ro/ /tshe dang ldan pa gang po gzhan yang nor bu rin po che bai dUr+ya ni/ mching bu'i</font><hr>56.39b<br><font size=+1>

nor bu 'bum dag dang lhan cig tu bsres te bzhag na/ nor bu rin po che bai dUr+ya'i rin thang med pa dang / kha dog bzang po dang 'od kyis mching bu'i nor bu de dag thams cad zil gyis gnon to/ /tshe dang ldan pa gang po de bzhin du byang chub sems dpa'i tshul bzhin ma yin pa yid la byed pa de dag thams cad kyang / thams cad mkhyen pa nyid dang ldan pa'i dge ba'i rtsa ba dang ldan pa'i sems gcig bskyed pas zil gyis gnon par rig par bya ste/ ji ltar mching bu'i nor bu de dag nor bu rin po che bai dUr+ya gcig gis zil gyis non cing lam mer ma gyur pa bzhin no/ /tshe dang ldan pa gang po gzhan yang gal te byang chub sems dpa' mtshan rnams 'dod cing sbyin pa sbyin na/ spyod yul ma yin pa la spyod pa'o/ /gang de'i spyod yul ma yin pa thams cad ni 'chal pa'i tshul khrims yin par rig par bya'o/ /tshe dang ldan pa gang po byang chub sems dpas mtshan rnams 'dod pas sbyin pa sbyin par mi bya'i/ thams cad mkhyen pa nyid 'dod pas sbyin pa sbyin par bya'o/ /de ci'i phyir zhe na/ gang la thams cad mkhyen pa nyid yod pa de la ni mtshan rnams yod do/ /de la ni mi 'jigs pa rnams yod do/ /de la ni sangs rgyas kyi chos ma 'dres pa bcwa brgyad rnams yod pa nas sangs rgyas kyi chos thams cad kyi bar du yod de/ de ltar na de'i sbyin pa ni mchog tu bzung ba ma yin no/ /gang gi tshe mchog tu ma bzung ba de'i tshe/ tshul khrims kyi pha rol du phyin pa yongs su 'dzin to/ /smras pa/ tshe dang ldan pa shA ra dwa ti'i bu byang chub sems dpa' gang thams cad mkhyen pa nyid 'dod pas sbyin pa sbyin par byed na/ thams cad mkhyen pa nyid la mchog tu 'dzin pa ma yin nam/ gang dang gang la mchog tu 'dzin pa de nyid de'i tshul khrims dang brtul zhugs mchog tu</font><hr>56.40a<br><font size=+1>

'dzin pa yin no/ /smras pa/ tshe dang ldan pa gang po thams cad mkhyen pa nyid 'di ni yul na gnas pa 'am/ phyogs na gnas pa ma yin no/ thams cad mkhyen pa nyid ni gzugs sam/ tshor ba 'am/ 'du shes sam/ 'du byed rnams sam/ rnam par shes pa yang ma yin no/ 'du byas kyang ma yin/ 'du ma byas pa yang ma yin/ tshad yod pa yang ma yin te/ de ni mchog tu bzung bar mi nus so/ /chos gang yang dmigs su med de/ gang dmigs su med pa de ni yod pa 'ang ma yin/ med pa'ang ma yin te/ gang yod pa'ang ma yin/ med pa'ang ma yin pa ni mchog du gzung bar mi nus so/ /tshe dang ldan pa gang po de lta bas na/ byang chub sems dpa' sems dpa' chen po sbyin pa sbyin nam/ tshul khrims srung zhing thams cad mkhyen pa nyid du yongs su sngo na/ tshul khrims dang / brtul zhugs mchog tu 'dzin pa ma yin no/ /gal te yang tshul khrims de nyan thos kyi sa'am/ rang sangs rgyas kyi sar yongs su sngo na/ tshul khrims mchog tu 'dzin pa yin te/ byang chub sem sa dpa' byang chub sems dpa'i tshul khrims las nyams pa yin no/ /smras pa/ tshe dang ldan pa shA ra dwa ti'i bu byang chub sems dpa' de ltar nyams pa phyir bslang bar nus sam/ smras pa/ gal te yang dag pa'i mtha' mngon sum du ma byas la gal te bden pa rnams ma mthong na phyir yang bslang bar nus so/ /yang smras pa/ 'di la tshe dang ldan pa byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ yang dag pa'i mtha' mngon sum du mi bya'o/ /smras pa/ ci'i phyir/ smras pa/ nyan thos kyi sa 'am/ </font><hr>56.40b<br><font size=+1>

rang sangs rgyas kyi sar ltung bar 'gyur du 'ong ba'i phyir te/ nyan thos dang / rang sangs rgyas kyi sa la gnas pa ni thams cad mkhyen pa nyid du sems bskyed pa'i skal ba med pa'i phyir ro/ /gal te de chos nub par gyur pa'i tshe byung na ni thams cad mkhyen pa nyid ma thob par rang byang chub mngon sum du byed par 'gyur ro/ /tshe dang ldan pa gang po rgyu 'dis kyang byang chub sems dpa' byang chub kyi snying po la 'dug par ma gyur gyi bar du yang dag pa'i mtha' mngon sum du byar ma gnang ngo / /tshe dang ldan pa gang po gzhan yang gal te byang chub sems dpa' tshul khrims kyi pha rol du phyin pa la spyod pa na/ tshul khrims de sems can thams cad la phan gdags pa'i phyir mngon par mi sgrub na/ byang chub sems dpa' tshul khrims kyi pha rol du phyin pa yongs su 'dzin pa ma yin no/ tshe dang ldan pa gang po gzhan yang gal te byang chub sems dpa' sems can tshad yod pa rnams kyi ched du sbyin pa sbyin nam/ tshul khrims srung na/ tshul khrims kyi pha rol du phyin pa yongs su 'dzin pa ma yin no/ /de ci'i phyir zhe na/ tshul khrims kyi pha rol du phyin pa ni tshad yod pa ma yin pa'i phyir ro/ /smras pa/ byang chub sems dpa'i byang chub sems dpa'i tshul khrims gang yin smras pa/ sbyin pa gang dang gang sbyin pa dang / tshul khrims srung ba de thams cad/ thams cad mkhyen pa nyid du yongs su sngo bar byed na/ 'di ni byang chub sems dpa'i byang chub sems dpa'i tshul khrims so/ /gal te yang byang chub sems dpa' bskal pa gang gA'i klung gi bye ma snyed du/ tshul khrims bsgom pa'i phyir spyod la/ thams cad mkhyen pa nyid du yongs su mi sngo na/ tshul khrims kyi pha rol du phyin pa yongs su 'dzin pa</font><hr>56.41a<br><font size=+1>

ma yin no/ gal te nyan thos nyid dam/ rang sangs rgyas nyid tu yang yongs su mi sngo na/ de ltar na yang tshul khrims kyi pha rol du phyin pa yongs su 'dzin pa ma yin te/ des tshul khrims 'chal par yang mi brtsi'o/ /gal te nyan thos kyi sa 'am/ rang sangs rgyas kyi sar yongs su bsngo na/ de tsam gyis na de tshul khrims 'chal pa zhes bya'o/ /de ci'i phyir zhe na/ 'di lta ste/ byang chub sem sa dpa'i spyod yul ma yin pa'i phyir ro/ /smras pa/ tshe dang ldan pa shA ra dwa ti'i bu byang chub sems dpa'i spyod yul gang yin/ smras pa/ 'di lta ste/ pha rol du phyin pa drug dang / thams cad mkhyen pa nyid dang ldan pa'i yid la byed pa rnams te/ 'di ni byang chub sems dpa' sems dpa' chen po'i spyod yul lo/ /gal te byang chub sems dpa' bskal pa gang gA'i klung gi bye ma snyed tu khyim na gnas te/ 'dod pa'i yon tan lnga rnams la sten cing longs spyod la/ nyan thos kyi sa 'am/ rang sangs rgyas kyi sar yang sems mi skyed na/ de tsam gyis ni byang chub sems dpa' tshul khrims 'chal pa zhes mi brjod do/ /de ci'i phyir zhe na/ de ltar 'dis 'di lta ste/ thams cad mkhyen pa nyid kyi lhag pa'i bsam pa ma dkrugs pa'i phyir ro/ /tshe dang ldan pa gang po dper na/ mi la la zhig nyes pa med par btson rar bcug ste/ de btson ra der lo mang po lo brgya phrag mang po/ lo 'bum phrag mang por btson rar bcug la/ de'i lhag pa'i bsam pa yang 'khrugs par ma gyur/ des rkun po'i sems kyang ma bskyed du zin kyang / de btson rar bcug na/ de tsam gyis ni de rkun po zhes brjod pa ma yin no/ /tshe dang ldan pa de bzhin du byang chub sems dpa' de yang khyim na gnas shing / 'dod pa'i yon</font><hr>56.41b<br><font size=+1>

tan lnga rnams la yongs su longs spyod pa des/ tshul khrims 'chal pa zhes bya bar mi brjod do/ /gal te bskal pa gang gA'i klung gi bye ma snyed du tshangs par spyad pa spyod la/ de yang nyan thos kyi sa 'am rang sangs rgyas kyi sar yongs su bsngo zhing / thams cad mkhyen pa nyid kyi lhag pa'i bsam pa yang 'khrugs na de tsam gyis na de tshul khrims dang ldan pa zhes mi bya'o/ /gang gi tshul khrims kyi pha rol du phyin pa nyan thos kyi tshul khrims la gnas na de byang chub sems dpa' zhes mi brjod do/ /de ci'i phyir zhe na/ 'di ltar de ni tshul khrims kyi pha rol du phyin pa dang 'gal ba'i phyir ro/ tshul khrims kyi pha rol du phyin pa las le'u dang po'o// // de nas tshe dang ldan pa gang po gzhan yang byang chub sems dpa' 'di ltar bskal pa mtha' yas par mtshams sbyar zhing 'khor bar byas la/ thams cad mkhyen pa nyid kyi sems bskyed de/ thams cad mkhyen pa nyid thob par bya'o snyam du sems bskyed par bya'o/ /de nas tshe dang ldan pa byams ma'i bu gang pos/ tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu gal te 'di ltar bskal pa 'di snyed kyis thams cad mkhyen pa nyid thob par bya'o zhes tshad nges par byed par gyur na/ 'di la nyes pa ci yod/ smras pa/ tshe dang ldan pa gang po 'di la byang chub sems dpa' gang 'khor bas skrag cing rings te/ de rings pas dge ba'i rtsa ba yongs su smin par yang tshad yod pa nyid tu gyur te/ de ni nyan thos kyi theg pa 'am/ rang sangs rgyas kyi theg pa gnyis su 'gyur bar shes par bya ste/ tshad yod pas ni sems can tshad med pa rnams kyi don bya bar mi nus so/ /tshe dang ldan pa gang po sbyin pa'i pha rol du phyin pa ni tshad med grangs med pas na sbyin pa'i pha rol</font><hr>56.42a<br><font size=+1>

du phyin pa ni thams cad mkhyen pa nyid thob pa ma gtogs par yongs su rdzogs par 'gyur ba med do/ /gal te bskal pa gang gA'i klung gi bye ma snyed tu sbyin pa'i pha rol du phyin pa la spyod kyang da dung sbyin pa'i pha rol du phyin pa yongs su rdzogs par mi 'gyur te/ mtha' yas pa'i phyir na/ de'i tshe thams cad mkhyen pa nyid thob par 'gyur ro/ /tshe dang ldan pa gang po de lta bas na byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas ji lta ji ltar shin du yun ring por mtshams sbyor zhing / 'khor ba de lta de ltar sbyin pa'i pha rol du phyin pa legs par yongs su sgom par 'gyur ro/ /tshe dang ldan pa gang po dper na/ snod sar pa smen gyi khu ba'i chus bkang ste bzhag na/ ji lta ji ltar bzhag pa de lta de ltar shin du bsgos pa dang / shin du sra bar 'gyur ro/ /tshe dang ldan pa gang po de bzhin du byang chub sems dpa' sems dpa' chen po yang ji lta ji ltar shin tu yun ring por mtshams sbyor zhing / 'khor ba de lta de ltar sbyin pa'i pha rol du phyin pa legs par bsgoms shing ches brtan par 'gyur ba dang / ljid bzod par 'gyur ro/ /tshe dang ldan pa gang po dper na/ bum pa sar pa'i nang du mar ram til mar bzhag na/ de ji lta ji ltar shin du yun ring du bzhag pa de lta de ltar bum pa de snum dang ldan par 'gyur te/ bum pa de snum gyis khyab par ma gyur pa chung zad kyang med do/ /tshe dang ldan pa gang po de bzhin du byang chub sems dpa' sems dpa' chen po yang ji lta ji ltar shin du yun ring por mtshams sbyor zhing / 'khor ba de lta de ltar sangs rgyas rnams dang / 'phags pa nyan thos rnams dang phrad pa thob par 'gyur ro/ /ji lta ji ltar sangs rgyas rnams dang / 'phags pa nyan thos rnams dang phrad pa thob pa de lta de ltar pha rol du</font><hr>56.42b<br><font size=+1>

phyin pa thos so/ /ji lta ji ltar pha rol du phyin pa thos pa de lta de ltar pha rol du phyin pa sgom mo/ /ji lta ji ltar pha rol du phyin pa sgom pa de lta de ltar thams cad mkhyen pa nyid dang nye bar 'gyur ro/ /tshe dang ldan pa gang po ji lta ji ltar byang chub sems dpa' sems dpa' chen po sems gang dang gang skyed pa de thams cad thams cad mkhyen pa nyid dang ldan pa skyed de/ sems gzhan dag skye ba'i go skabs mi 'byed do/ /gang gi tshe sems gzhan skye ba'i go skabs mi rnyed pa de'i tshe/ byang chub sems dpa' sems dpa' chen po 'di ltar pha rol du phyin pa drug po rnams kyis sems kyi rgyud yongs su bsgoms pa zhes bya'o/ /tshe dang ldan pa gang po/ dper na mar gyi bum pa ni gang dang gang nas bzung yang / de dang de mar gyi dri dang ldan pa nyid du 'gyur ro/ de bzhin du byang chub sems dpa' sems dpa' chen po'i sems gang dang gang skye ba de dag thams cad kyang thams cad mkhyen pa nyid dang ldan pa nyid skye bar 'gyur ro/ /byang chub sems dpa' sems dpa' chen po de la ni bdud sdig can gyis glags btsal kyang glags mi rnyed de/ de ni dmigs pa gang las glag 'tshol ba'i dmigs pa de thams cad mkhyen pa nyid du sgom par byed pa'i phyir te/ de bzhin du bdud kyi ris rnams kyis kyang glags mi rnyed do/ tshe dang ldan pa gang po de ltar na byang chub sems dpa' sems dpa' chen po ji lta ji ltar shin du yun ring por mtshams sbyor ba de lta de ltar sangs rgyas rnams dang / 'phags pa nyan thos rnams dang phrad pa 'thob par 'gyur ro/ ji lta ji ltar sangs rgyas rnams dang / 'phags pa nyan thos rnams dang phrad pa 'thob pa de lta de ltar pha rol du phyin pa rnams thos par 'gyur ro/ /ji lta ji ltar pha rol du phyin pa rnams thos pa de lta de ltar/ de bzhin nyid tu nan tan byed cing sgom mo/ /ji lta ji ltar nan</font><hr>56.43a<br><font size=+1>

tan byed cing sgom pa de lta de ltar thams cad mkhyen pa nyid dang nye bar 'gyur ro/ /tshe dang ldan pa gang po gzhan yang byang chub sems dpa' ni pha rol tshul khrims yang dag par 'dzin du 'jug pa na/ thog ma kho nar sems dang sems las byung ba'i chos rnams 'byung ba/ tshul khrims dang ldan par gyur la/ de nas de'i 'og tu pha rol tshul khrims yang dag par 'dzin du 'jug go/ /de ltar yang dag par 'dzin du bcug nas sems bskyed pa de dag thams cad mkhyen pa nyid tu yongs su bsngo na/ rigs kyi bu dang / rigs kyi bu mo tshul khrims yang dag par 'dzin du bcug pa gang yin pa de/ byang chub sems dpas zil gyis non par 'gyur ro/ /gal te nyan thos kyi theg pa pa'i gang zag gis byang chub sems dpa'i theg pa pa'i gang zag tshul khrims kyi pha rol du phyin pa la rab tu 'doms la/ gtams pa'i sems bskyed pa de dag thams cad mkhyen pa nyid du yongs su bsngo na/ nyan thos kyi theg pa pa'i gang zag gang de la 'doms pa de/ byang chub sems dpas zil gyis non par 'gyur ro/ /de ci'i phyir zhe na/ 'di lta ste/ thams cad mkhyen pa nyid tu yongs su bsngos pa'i phyir ro/ /tshe dang ldan pa gang po dper na/ mi la la gser gyi mi khyer te 'gro na/ khyer ba gang yin pa de nyid gser gyi mis kha dog dang / dbyibs dang / 'od kyis zil gyis non par 'gyur ro/ tshe dang ldan pa gang po de bzhin du gal te nyan thos gang gA'i klung gi bye ma snyed kyis byang chub sems dpa' tshul khrims kyi pha rol tu phyin pa la 'doms na/ nyan thos de dag thams cad byang chub sems dpas zil gyis non par 'gyur ro/ de ci'i phyir zhe na/ 'di lta ste/ pha rol du phyin pa rnams thams cad mkhyen pa nyid du yongs su bsngo ba'i phyir ro/ /tshe dang ldan pa gang po dper na/ mi zhig gis shel gyi mi pang par thogs te</font><hr>56.43b<br><font size=+1>

'gro na/ khyer ba gang yin pa de nyid shel gyi mis/ kha dog dang / dbyibs dang / 'od kyis zil gyis non par 'gyur ro/ tshe dang ldan pa gang po de bzhin du stong gsum gyi stong chen po'i 'jig rten gyi khams gang gA'i klung gang dag yin pa de dag gi bye ma snyed kyi nyan thos yod par gyur la/ de dag byang chub sems dpa' 'di lta ste/ tshul khrims kyi pha rol du phyin pa la 'doms shing rjes su ston na/ de dag thams cad des tshul khrims kyi pha rol du phyin pa thams cad mkhyen pa nyid du yongs su bsngo bas zil gyis non par 'gyur ro/ /ji lta ji ltar de dag 'doms pa de lta de ltar nyan thos rnams zil gyis non par 'gyur ro/ /gal te bskal pa gang gA'i klung gi bye ma snyed du 'dug ste/ nyan thos de dag byang chub sems dpa' la 'doms shing rjes su ston na/ de tsam du byang chub sems dpa' ni tshul khrims kyi pha rol du phyin pas 'bogs la/ 'di lta ste/ thams cad mkhyen pa nyid du yongs su bsngo bas/ nyan thos rnams ni zil gyis non par 'gyur ro/ /tshe dang ldan pa gang po dper na/ gser ni ji lta ji ltar bzhu zhing skol ba de lta de ltar ches 'od gsal zhing / ches kha dog bzang por 'gyur ro/ /tshe dang ldan pa gang po de bzhin du ji lta ji ltar nyan thos kyi theg pa pa'i gang zag gis byang chub sems dpa' tshul khrims kyi pha rol du phyin pa la 'doms shing rjes su ston pa de lta de ltar byang chub sems dpa'i tshul khrims shin du yongs su dag par 'gyur ro/ /ji lta ji ltar tshul khrims yongs su dag par 'gyur ba de lta de ltar byang chub sems dpas 'di lta ste/ tshul khrims kyi pha rol du phyin pa thams cad mkhyen pa nyid du yongs su bsngo bas/ nyan thos kyi theg pa pa'i gang zag zil gyis non par 'gyur ro/ /tshe dang ldan pa gang po dper na/ nor bu rin po che bai dUr+ya ni ji lta ji ltar nor bu'i byi dor mkhan</font><hr>56.44a<br><font size=+1>

'chang ba de lta de ltar/ ches 'od gsal ba dang / shin du yongs su dag par 'gyur ro/ /de bzhin du nyan thos kyi theg pa pa'i gang zag gis/ ji lta ji ltar byang chub sems dpa' tshul khrims kyi pha rol du phyin pa la 'doms shing rjes su ston pa de lta de ltar byang chub sems dpa'i tshul khrims kyi pha rol du phyin pa shin du yongs su dag par 'gyur ro/ /ji lta ji ltar shin du yongs su dag par 'gyur ba de lta de ltar byang chub sems dpas 'di lta ste/ tshul khrims kyi pha rol du phyin pa/ thams cad mkhyen pa nyid du yongs su bsngos pa'i phyir nyan thos rnams zil gyis non par 'gyur ro/ /tshe dang ldan pa gang po dper na/ ri mo mkhan nam/ ri mo mkhan gyi slob ma shin du lobs pas kha dog sna lnga'i tshon gyis ji lta ji ltar kha dog dang / dbyibs su gzugs 'dri zhing tshon bkye ste/ rdzogs par byed cing sha tshon byed pa de lta de ltar yid du 'ong zhing chags par byed par 'gyur te/ gang gis gzugs rnams bris pa de nyid kha dog dang / dbyibs kyis zil gyis non par 'gyur ro/ tshe dang ldan pa gang po de bzhin du gal te nyan thos dpag tu med pas/ byang chub sems dpa' tshul khrims kyi pha rol du phyin pa la 'doms shing rjes su ston pa de lta de ltar byang chub sems dpa'i tshul khrims kyi pha rol du phyin pa shin du yongs su dag par 'gyur ro/ de lta de ltar byang chub sems dpas ni nyan thos rnams zil gyis gnon cing snang bar byed de/ 'di lta ste/ tshul khrims kyi pha rol du phyin pa thams cad mkhyen pa nyid du yongs su bsngo bas/ de dag thams cad zil gyis gnon to/ /byang chub sems dpa'i tshul khrims kyi pha rol du phyin pa ni nyin gcig bzhin du rnam par 'phel lo/ /de dag ni tshul</font><hr>56.44b<br><font size=+1>

khrims de tsam nyi tshe dang ldan pa yin no/ /tshe dang ldan pa gang po dper na/ mi zhig gis shing bskyed la/ shing bskyed nas dus dus su byi dor byed cing chus bran na ji lta ji ltar byi dor byed cing chus bran pa de lta de ltar chu zheng dang 'phang du skye bar 'gyur ro/ /tshe dang ldan pa gang po/ de bzhin du gal te nyan thos dpag tu med pa rnams kyis byang chub sems dpa' tshul khrims kyi pha rol du phyin pa la 'doms shing rjes su ston na/ ji lta ji ltar nyan thos dpag tu med pa rnams byang chub sems dpa' la 'doms shing rjes su ston pa de lta de ltar/ byang chub sems dpa'i tshul khrims kyi pha rol du phyin pa rnam par 'phel lo/ /ji lta ji ltar byang chub sems dpa'i tshul khrims kyi pha rol du phyin pa rnam par 'phel ba de lta de ltar byang chub sems dpas 'di lta ste/ tshul khrims kyi pha rol du phyin pa thams cad mkhyen pa nyid tu yongs su bsngo bas nyan thos thams cad zil gyis gnon cing snang bar byas nas/ tshul khrims kyi pha rol du phyin pa la gnas te/ 'di lta ste/ tshul khrims kyi pha rol du phyin pa rnam pa thams cad mkhyen pa nyid du yongs su bsngo bas gang dag de la 'doms shing rjes su ston pa de dag kyang zil gyis gnon to/ /tshe dang ldan pa gang po dper na/ mi la la me chung ngu'i nang du rtswa dang / shing dang / lci ba rnams 'jug na/ de ji lta ji ltar 'jug pa de lta de ltar de'i rgyu las me de mched par 'gyur ro/ ji lta ji ltar me de mched pa de lta de ltar me'i phung po de shin du che bar 'gyur te/ des dpag tshad mang po/ dpag tshad brgya phrag mang po dang / dpag tshad stong phrag mang po rnams bsreg cing snang bar byed do/ /tshe dang ldan pa gang po de bzhin du gal te nyan thos dpag tu med pas/ </font><hr>56.45a<br><font size=+1>

byang chub sems dpa' tshul khrims kyi pha rol du phyin pa la 'doms shing rjes su ston na/ ji lta ji ltar nyan thos dpag tu med pas byang chub sems dpa' tshul khrims kyi pha rol du phyin pa la 'doms shing rjes su ston pa de lta de ltar/ 'di lta ste/ thams cad mkhyen pa nyid tu yongs su bsngo ba'i phyir/ tshul khrims kyi pha rol du phyin pa la byang chub sems dpa'i snang ba dpag tu med par 'gyur ro/ /ji lta ji ltar tshul khrims kyi pha rol du phyin pa la snang ba dpag tu med pa de lta de ltar/ byang chub sems dpa' la tshul khrims kyi pha rol du phyin pas 'doms pa'i nyan thos gzhan gang yin pa dag gis zil gyis non par mi 'gyur te/ thams cad mkhyen pa nyid du yongs su bsngo ba'i phyir ro/ /tshe dang ldan pa gang po dper na/ mi zhig gis gser gyi 'byung khung nas gser blangs te/ des gser de blangs nas bdag nyid kyang btsongs la/ gser de yang btsongs na/ des gser de btsongs pa'i rin ni ches che ba yin gyi/ gang gis gser blangs pa'i mi de'i ni ma yin no/ tshe dang ldan pa gang po de bzhin du ji lta ji ltar nyan thos dpag tu med pa dag gis byang chub sems dpa' tshul khrims kyi pha rol du phyin pa la 'doms shing rjes su ston pa de lta de ltar byang chub sems dpa'i tshul khrims kyi pha rol du phyin pa dpag tu med cing ches rin thang med par 'gyur te/ byang chub sems dpa' de la nyan thos de dag gis tshul khrims kyis kyang zil gyis non par mi 'gyur la/ byang chub sems dpa' ni nyan thos de dag tshul khrims kyis zil gyis gnon par 'gyur te/ 'di ltar thams cad mkhyen pa nyid du yongs su bsngo ba'i phyir ro/ smras pa/ tshe dang ldan pa shA ra dwa ti'i bu 'di</font><hr>56.45b<br><font size=+1>

ltar nyan thos kyi theg pa pa'i 'am/ rang sangs rgyas kyi theg pa pa'i gang zag 'doms shing rjes su ston pa gang yin pa de nyid/ byang chub sems dpa' sems dpa' chen pos zil gyis gnon pa ni byang chub sems dpa' sems dpa' chen po rnams chos rgya chen po dang ldan pa yin te/ 'di lta ste/ tshul khrims kyi pha rol du phyin pa rnam pa thams cad mkhyen pa nyid tu yongs su bsngo ba'i phyir ro/ /de nas tshe dang ldan pa shA ra dwa ti'i bu/ tshe dang ldan pa gang pos bshad pa la mngon par rjes su yi rang nas tshe dang ldan pa de de bzhin te/ byang chub sems dpa' sems dpa' chen po rnams ni chos rgya chen po dang ldan pa yin no zhes smras so/ /tshul khrims kyi pha rol du phyin pa las le'u gnyis pa'o// // tshe dang ldan pa shA ra dwa ti'i bus gzhan yang tshe dang ldan pa byams ma'i bu gang po la smras pa/ tshe dang ldan pa gang po 'di la byang chub sems dpa' sems dpa' chen po tshul khrims kyi pha rol du phyin pa la spyod na/ gal te byed pa po'i chos 'ga' zhig yang dag par rjes su mthong na/ de byang chub sems dpa'i chos la gnas par rig par bya ba ma yin te/ byang chub sems dpa'i chos spong zhing tshul bzhin ma yin pa yid la byed pas spyod do/ /de'i tshul bzhin ma yin pa yid la byed pa gang yin pa de ni/ de'i 'chal pa'i tshul khrims shes bya'o/ /smras pa/ tshe dang ldan pa shA ra dwa ti'i bu byang chub sems dpa' gang byed pa po'i chos 'ga' yang / yang dag par rjes su mi mthong zhing / de tshul khrims kyi pha rol du phyin pa yang dag par blangs nas 'dug na/ chos gang la tshul khrims kyi pha rol du phyin pa phan 'dogs pa 'am/ gnod par 'gyur/ smras pa/ tshe dang ldan pa gang po tshul khrims kyi pha rol tu phyin pa ni/ chos gang la yang phan 'dogs</font><hr>56.46a<br><font size=+1>

pa 'am/ gnod par byed pa ma yin no/ gal te chos 'ga' zhig la phan 'dogs pa 'am/ gnod pa byed par yang dag par rjes su ma mthong na/ byang chub sems dpa' tshul khrims mchog tu 'dzin pa yin par rig par bya'o/ gal te byang chub sems dpas tshul khrims kyi pha rol du phyin pa 'di chos 'ga' la phan pa 'am/ gnod par 'gyur ba'i chos 'ga' zhig yang dag par rjes su mthong na/ byang chub sems dpa' tshul khrims kyi pha rol du phyin pa yongs su 'dzin pa ma yin no/ byed pa po yang dag par rjes su mi mthong na/ byang chub sems dpa'i tshul khrims kyi pha rol du phyin pa zhes bya ste/ tshul khrims de yang thams cad mkhyen pa nyid tu yongs su bsngos pa'i phyir tshul khrims kyi pha rol du phyin pa zhes bya'o/ /tshe dang ldan pa gang po gzhan yang byang chub sems dpa' sbyin pa gang dang gang yongs su btang nas/ thams cad mkhyen pa nyid tu yongs su bsngo na/ byang chub sems dpa' tshul khrims dang ldan pa yin par rig par bya'o/ tshe dang ldan pa gang po gzhan yang byang chub sems dpa' tshul khrims gang dang gang srung ba de yang thams cad mkhyen pa nyid tu yongs su bsngo na/ byang chub sems dpa' tshul khrims dang ldan pa yin par rig par bya'o/ /tshe dang ldan pa gang po gzhan yang byang chub sems dpa' pha rol gyis spyos sam/ brgyad bkag kyang rung ste/ bzod par byed cing / bzod pa de yang thams cad mkhyen pa nyid du yongs su bsngo na/ byang chub sems dpa' tshul khrims dang ldan pa yin par rig par bya'o/ /tshe dang ldan pa gang po gzhan yang byang chub sems dpa' sems can gzhan dag dang / gang zag gzhan rnams kyi ched tu rtsol bar byed la/ brtson 'grus de 'ang thams cad mkhyen</font><hr>56.46b<br><font size=+1>

pa nyid du yongs su bsngo na/ byang chub sems dpa' tshul khrims dang ldan pa zhes bya'o/ /tshe dang ldan pa gang po gzhan yang byang chub sems dpa' bsam gtan gang dang gang skyed pa de bzhin du/ bsam gtan 'di dag bskyed nas/ rdzu 'phrul mngon par bsgrub par bya'o/ /rdzu 'phrul des kyang sems can rnams kyi sems kyi spyod pa la 'jug cing shes par bya'o/ /de nas snod du gyur par bya'o snyam ste/ sems kyi khyad par de dag thams cad kyang thams cad mkhyen pa nyid du yongs su bsngo na/ byang chub sems dpa' tshul khrims dang ldan pa yin par rig par bya'o/ /tshe dang ldan pa gang po gzhan yang byang chub sems dpa' shes rab gang dang gang la spyod cing / phung po la mkhas pa 'am/ khams la mkhas pa 'am/ skye mched la mkhas pa 'am/ rten cing 'brel par 'byung ba la mkhas pa 'am/ gnas dang gnas ma yin pa la mkhas pa 'am/ mnyam pa nyid du 'du shes nas 'du shes thams cad spang ba'i phyir chos bstan par bya'o snyam ste/ sems bskyed pa gang yin pa de dag thams cad mkhyen pa nyid du yongs su bsngo na/ byang chub sems dpa' tshul khrims dang ldan pa yin par rig par bya'o/ /bla na med pa'i tshul khrims dang ldan par rig par bya'o/ /gal te byang chub sems dpa' pha rol tu phyin pa drug thams cad mkhyen pa nyid tu yongs su bsngo ba'i byang chub sems dpa' de la ni nyan thos gang gis kyang tshul khrims kyis zil gyis gnon nus pa gang yang med do/ /tshe dang ldan pa gang po gzhan yang gal te sems can thams cad dge ba bcu'i las kyi lam dang ldan par gyur na/ de dag gi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i</font><hr>56.47a<br><font size=+1>

tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o/ /tshe dang ldan pa gang po gzhan yang gal te sems can thams cad mngon par shes pa lnga dang ldan par gyur na/ de dag gi tshul khrims gang yin pa de ni/ theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o/ /tshe dang ldan pa gang po gzhan yang gal te sems can thams cad byams pa la gnas par gyur/ snying rje dang / dga' ba dang / btang snyoms la gnas par gyur na/ de dag gi tshul khrims gang yin pa de yang theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro 'o/ /tshe dang ldan pa gang po gzhan yang gal te sems can thams cad stong pa nyid kyi rjes su 'thun pa'i bzod pa dang ldan par gyur na/ de dag gi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o/ /tshe dang ldan pa gang po gzhan yang gal te sems can thams cad mtshan ma med pa'i rjes su 'thun pa'i bzod pa dang ldan par gyur na de dag gi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas rgyu'i bar du yang nye bar mi 'gro'o/ /tshe dang ldan pa gang po gzhan yang gal te sems can thams cad smon pa med pa'i rjes su 'thun pa'i bzod pa</font><hr>56.47b<br><font size=+1>

dang ldan par gyur na/ de dag gi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas rgyu'i bar du yang nye bar mi 'gro'o/ /tshe dang ldan pa gang po gzhan yang gal te sems can thams cad brgyad par gyur na/ de dag gi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas rgyu'i bar du yang nye bar mi 'gro'o/ /de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /gal te tshe dang ldan pa shA ra dwa ti'i bus bdag gi dri ba dris pa lan gdab pa'i skabs phye na/ tshe dang ldan pa la bdag phyogs 'ga' zhig 'dri'o/ /smras pa/ tshe dang ldan pa gang po dris shig dang thos pa'i don brda sprad par bya'o/ /smras pa/ tshe dang ldan pa shA ra dwa ti'i bu ji gzugs brgyad pa yin par 'dod dam/ smras pa/ tshe dang ldan pa gang po de ni ma yin no/ /smras pa/ tshor ba dang / 'du shes dang / 'du byed rnams dang / rnam par shes pa brgyad pa yin par 'dod dam smras pa/ tshe dang ldan pa gang po de ni ma yin no/ /smras pa de las gzhan pa'i chos rnams la brgyad par 'dod dam/ smras pa/ tshe dang ldan pa gang po de ni ma yin no/ /smras pa/ tshe dang ldan pa shA ra dwa ti'i bu 'o na brgyad pa de gang yin par 'dod/ bdag gis tshe dang ldan pa shA ra dwa ti'i bus bshad pa'i don de ji lta bur shes par bya/ smras pa/ tshe dang ldan pa gang po chos 'di rnams kyi mnyam pa nyid sems can thams cad kyis mi shes pa de la shes pa gang gis mnyam pa nyid de mngon sum du byed pa'i shes pa de ni bya ba byas pa'i</font><hr>56.48a<br><font size=+1>

phyir thob pa yin te/ de la brgyad pa ni yang dag par rjes su mi mthong ngo / /gal te gnas 'di rnyed na ni mnyam pa nyid shes pa 'di la brtag cing brgal ba med do/ /smras pa/ 'di skad du brgyad pa'i tshul khrims gang yin pa de ni byang chub sems dpa'i tshul khrims kyi brgya'i char yang nye bar mi 'gro ba nas rgyu'i bar du 'ang nye bar mi 'gro'o zhes kyang zer na/ tshe dang ldan pa shA ra dwa ti'i bu 'di la snga ma dang phyi ma dang / phyi ma dang snga ma ji ltar 'thun par 'gyur/ smras pa/ tshe dang ldan pa gang po brgyad pa'i tshul khrims gang yin pa de byang chub sems dpa'i tshul khrims kyi brgya'i char yang nye bar mi 'gro ba nas rgyu'i bar du yang nye bar mi 'gro'o zhes bya ba de ni ji ltar las dang po pa la bshad pa de ltar bstan to/ /ci nas sems can rnams 'jug par 'gyur ba de ltar bstan to/ /ci nas skye bo mang pos go bar 'gyur ba de ltar bstan to/ /ci nas theg pa chen po dang / sangs rgyas kyi theg pa 'bar bar 'gyur ba de ltar bstan to/ /brgyad pa'i tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas/ rgyu'i bar du yang nye bar mi 'gro'o/ /tshe dang ldan pa gang po gzhan yang rgyun du zhugs pa thams cad dang / lan cig phyir 'ong ba thams cad dang / phyir mi 'ong ba thams cad dang / dgra bcom pa thams cad dang / rang sangs rgyas thams cad kyi tshul khrims gang yin pa de ni theg pa la dang po zhugs pa'i byang chub sems dpa'i sems dang po bskyed pa'i tshul khrims kyi brgya'i char yang nye bar mi 'gro ba nas rgyu'i bar du yang nye bar mi 'gro'o/ /tshe dang ldan pa gang po gzhan yang nyan thos gang byang chub sems dpa'i tshul khrims zil gyis mnan</font><hr>56.48b<br><font size=+1>

par sems pa de ni/ de bzhin gshegs pa'i tshul khrims zil gyis mnan par 'dod par zad de/ de ni de bzhin gshegs pa dang rtsod par sems su zad do/ /tshe dang ldan pa gang po dper na gang rgyal po'i bu dang rtsod par sems pa de ni/ rgyal po dang rtsod par sems par zad do/ /tshe dang ldan pa gang po de bzhin du byang chub sems dpa'i tshul khrims zil gyis mnan par sems pa gang yin pa de ni/ de bzhin gshegs pa'i tshul khrims zil gyis mnan par sems par zad do/ /de ci'i phyir zhe na/ 'di ltar byang chub sems dpa' sems dpa' chen po rnams ni thub par dka' ba yin pa'i phyir ro/ /tshe dang ldan pa gang po/ dper na mi la la zhig rkang lag med par gyur la 'di skad du/ bdag 'di nas rgya mtsho chen po'i pha rol gyi 'gram du mchong bar bya'o zhes zer na de skad zer ba de la mi de ni mngon pa'i nga rgyal gyis nga rgyal byed de bla bar rig par bya'o/ /tshe dang ldan pa gang po de bzhin du nyan thos sam/ rang sangs rgyas gang 'di skad du/ bdag gis byang chub sems dpa'i tshul khrims zil gyis gnan par bya'o zhes zer na tshe dang ldan pa gang po 'di ltar de ni bla bar rig par bya'o/ /de ci'i phyir zhe na/ byang chub sems dpa' sems dpa' chen po rnams ni rgya mtsho dug can pa dang 'dra ba yin pa'i phyir ro/ /ji ltar mi de rkang lag rnams med bzhin du rgya mtsho la mchong bar 'dod pa de bzhin du nyan thos kyi theg pa pa 'am/ rang sangs rgyas kyi theg pa pa'i gang zag byang chub sems dpa'i chos rnams med bzhin du byang chub sems dpa'i tshul khrims zil gyis non par 'gyur ba de ni gnas med do/ /de ci'i phyir zhe na/ byang chub sems dpa' sems dpa' chen po rnams ni tshul</font><hr>56.49a<br><font size=+1>

khrims dpag tu med pa dang ldan pa yin pa'i phyir ro/ /smras pa/ tshe dang ldan pa shA ra dwa ti'i bu ci'i phyir na byang chub sems dpa' rnams tshul khrims dpag tu med pa dang ldan pa yin/ smras pa/ tshe dang ldan pa gang po sems can tshul khrims 'chal pa dpag tu med pa dag 'chal pa'i tshul khrims las yongs su dgrol bar 'dod pa dang / tshul khrims la dgod par 'dod pa'i phyir ro/ /smras pa/ tshe dang ldan pa shA ra dwa ti'i bu 'di lta ste/ 'chal pa'i tshul khrims shes bya ba de gang gi tshig bla dgas/ smras pa/ 'di lta ste/ 'chal pa'i tshul khrims shes bya ba ni ngar 'dzin pa dang / nga yir 'dzin pa dang / dmigs pa'i 'du shes dang / sems can du 'du shes pa dang / srog tu 'du shes pa dang / gang zag tu 'du shes pa dang / yod par 'du shes pa dang / med par 'du shes pa'i tshig bla dgas te nyon mongs pa de dag dang gzhan rnams yod na 'chal pa'i tshul khrims shes bya ba rab tu phye'o/ /de bas na byang chub sems dpa' sems dpa' chen po sems can dpag tu med pa rnams tshul khrims la dgod par 'dod cing theg pa 'di la zhugs te/ tshul khrims dpag tu med pa dang ldan pa de ni nyan thos rnams sam/ rang sangs rgyas rnams zil gyis mnan par sla ba ma yin no/ /byang chub sems dpa' ni 'di lta ste/ tshul khrims kyi pha rol du phyin pa thams cad mkhyen pa nyid du yongs su bsngo ba'i phyir ming tsam gyis kyang nyan thos rnams dang / rang sangs rgyas rnams zil gyis gnon to/ /smras pa/ tshe dang ldan pa shA ra dwa ti'i bu zag pa dang bcas pa'i tshul khrims kyis zag pa med pa'i tshul khrims ji ltar zil gyis gnon par 'gyur/ smras pa/ tshe dang ldan pa gang po 'di la zag pa med pa'i tshul</font><hr>56.49b<br><font size=+1>

khrims ni bdag nyid la phan pa'i phyir bskyed pa yin la/ byang chub sems dpa'i tshul khrims ni sems can dpag tu med pa rnams kyi ched du yongs su bsngos pa yin te/ de ltar na byang chub sems dpa'i tshul khrims kyis zag pa med pa'i tshul khrims zil gyis gnon to/ /tshe dang ldan pa gang po gzhan yang gal te byang chub sems dpa'i tshul khrims tshad nges pa zhig sgrub tu zin na ni/ zag pa med pa'i tshul khrims kyang zil gyis gnon par mi 'gyur la/ de'i tshul khrims kyang pha rol du phyin par mi 'gyur ba zhig na/ gang gi phyir sems can dpag tu med pa rnams kyi ched du yongs su bsngo ba de'i phyir byang chub sems dpa'i tshul khrims des zag pa med pa'i tshul khrims zil gyis gnon par 'gyur ro/ /tshe dang ldan pa gang po dper na nyi ma'i dkyil 'khor 'char ba na srog chags kyi rigs srin bu me khyer thams cad kyi 'od zil gyis gnon to/ /tshe dang ldan pa gang po de bzhin du byang chub sems dpa'i tshul khrims thams cad mkhyen pa nyid du yongs su bsngos pas kyang gzhan mu stegs can spyod pa pa dang / kun du rgyu dang / gcer bu pa la sogs pa nas 'phags pa nyan thos dang / rang sangs rgyas kyi bar rnams kyi tshul khrims kyi 'od kyang zil gyis gnon to/ /tshe dang ldan pa gang po dper na zla ba'i dkyil 'khor 'char ba na skar ma'i gzugs thams cad kyi 'od zil gyis gnon to/ /tshe dang ldan pa gang po de bzhin du byang chub sems dpa'i tshul khrims thams cad mkhyen pa nyid du yongs su bsngos pas kyang nyan thos dang rang sangs rgyas thams cad kyi tshul khrims zil gyis gnon to/ /tshe dang ldan pa gang po gang gi tshe byang chub sems dpa' sems dpa' chen po</font><hr>56.50a<br><font size=+1>

de bzhin gshegs pa rjes su dran zhing thams cad mkhyen pa nyid dang ldan pa'i sems kyi khyad par yang skyed na/ rang gi spyod yul la spyod pas de'i tshe byang chub sems dpa' tshul khrims kyi pha rol du phyin pa thob pa yin par rig par bya'o/ /smras pa/ tshe dang ldan pa gang po gang gi tshe byang chub sems dpa' thams cad mkhyen pa nyid kyi sems mi skyed pa de'i tshe byang chub sems dpa' la ji skad ces bya/ smras pa/ tshe dang ldan pa gang po de'i tshe byang chub sems dpa' sems dpa' chen po sems kyi rgyud lung du ma bstan pa la gnas pa'i tshul khrims dang ldan pa zhes bya'o/ /gal te nyan thos nyid dam/ rang sangs rgyas nyid tu yongs su bsngo na ni de'i tshe byang chub sems dpa' rang gi spyod yul spong ba yin no/ /gal te lhag pa'i bsam pa nyan thos kyi sa 'am/ rang sangs rgyas kyi sar yongs su bsngos pa zhig yin na ni de tsam gyis na byang chub sems dpa' ro dang 'dra bar rig par bya'o/ /tshe dang ldan pa gang po dper na/ sgyu ma mkhan nam/ sgyu ma mkhan gyi slob ma mkhas pas byis pa zhig bzung la sdong po la bskyon te bskyon nas dum bur rlags te sa la gtor na byis pa de'i mdza' bo dang / nye du dang / snag gi gnyen mtshams gang dag yin pa de dag byis pa 'di ni shi ste/ phyin cad mi mthong ngo snyam nas sdug bsngal bar 'gyur te/ sdug bsngal gyi phung po chen po dang ldan par 'gyur ro/ /tshe dang ldan pa gang po de ltar byis pa ma shi ba de la shi ba'i 'du shes bskyed pa de bzhin du tshe dang ldan pa gang po byang chub sems dpa' thams cad mkhyen pa nyid kyi rin po che las nyams te/ nyan thos kyi sa 'am/ rang sangs rgyas kyi sa la gnas pa yang shing ji lta ba bzhin du rig par bya'o/ /de nas tshe dang ldan pa gang pos tshe dang ldan pa shA ra dwa ti'i bu la 'di skad</font><hr>56.50b<br><font size=+1>

ces smras so/ /ci byang chub sems dpa'i tshul khrims gang yin pa dang / nyan thos kyi tshul khrims gang yin pa dang / rang sangs rgyas kyi tshul khrims gang yin pa'i tshul khrims 'di dag la tha dad du dbye bar 'dod dam/ smras pa/ tshe dang ldan pa gang po chos nyid dang / de bzhin nyid ji lta ba bzhin du na ni tha dad du dbye bar chung zad kyang mi 'dod do/ /smras pa/ 'o na ji ltar tha dad du dbye bar 'dod/ smras pa/ ji ltar byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de ltar/ byang chub sems dpa'i tshul khrims tha dad du dbye bar 'dod do/ /de ltar na byang chub sems dpa'i tshul khrims kyis byis pa so so'i skye bo thams cad dang / nyan thos thams cad dang / rang sangs rgyas thams cad kyi tshul khrims zil gyis gnon te/ 'di ltar thams cad mkhyen pa nyid tu yongs su bsngo ba'i phyir ro/ /de ci'i phyir zhe na/ tshe dang ldan pa gang po byang chub sems dpa'i tshul khrims gang yin pa des stong gsum gyi stong chen po'i 'jig rten gyi khams zil gyis gnon cing spa bkong nas gnas pa'i phyir ro/ /de ci'i phyir zhe na/ 'di ltar des 'dir sems can rnams gdul bar bya ba'i phyir te/ tshe dang ldan pa gang po de'i phyir byang chub sems dpa'i tshul khrims ni mchog ces bya/ gtso bo dang / rab mchog dang / gya nom pa dang / bla na med pa dang / gong na med pa zhes bya'o/ /tshe dang ldan pa gang po dper na/ ri'i rgyal po gangs ri la ri'i rgyal po'i yon tan gang dag yod pa de dag ni ri gzhan dag la med de/ des na ri rnams kyi nang na ri'i rgyal po zhes bya ba'i ming thob ste/ ri'i rgyal po gangs ris ni/ ri'i rgyal po gangs ri zhes bya ba'i ming thob bo/ tshe dang ldan pa gang po de bzhin du nyan thos kyi tshul khrims dang / rang sangs rgyas kyi tshul khrims ni</font><hr>56.51a<br><font size=+1>

thams cad mkhyen pa nyid tu yongs su bsngo ba dang bral ba yin la/ byang chub sems dpa'i tshul khrims ni thams cad mkhyen pa nyid du yongs su bsngo ba dang ma bral te/ de'i phyir byang chub sems dpa'i tshul khrims ni tshul khrims kyi pha rol du phyin pa zhes bya ba'i ming thob bo/ /tshe dang ldan pa gang po gzhan yang byang chub sems dpa'i tshul khrims kyis ni nyan thos kyi tshul khrims dang / rang sangs rgyas kyi tshul khrims zil gyis gnon to/ /smras pa/ tshe dang ldan pa shA ra dwa ti'i bu ci'i phyir zil gyis gnon/ smras pa/ tshe dang ldan pa gang po 'di ltar gang gi phyir byang chub sems dpa' tshul khrims thams cad mkhyen pa nyid tu yongs su bsngos pa de'i phyir byang chub sems dpa'i tshul khrims kyis nyan thos rnams kyi tshul khrims dang / rang sangs rgyas rnams kyi tshul khrims zil gyis gnon to/ de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu legs so legs so/ de bzhin gshegs pa kho na'i mthus shA ra dwa ti'i bu khyod byang chub sems dpa' rnam sa la bsngags pa byed pa dang / spro ba smra ba ni legs te/ shA ra dwa ti'i bu de de bzhin no/ /shA ra dwa ti'i bu de de bzhin te/ byang chub sems dpa'i tshul khrims kyis nyan thos kyi tshul khrims dang / rang sangs rgyas kyi tshul khrims zil gyis gnon to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo byang chub sems dpa' rnams la tshul khrims kyi pha rol du phyin pa bstan pa gnas brtan shA ra dwa ti'i bus ji skad bshad pa bzhin du khyod kyis long shig /kun chub par gyis shig /zung shig /kun dga' bo gal te bden pa dang bden pa'i tshig gis byang chub sems dpa'i tshul khrims kyis</font><hr>56.51b<br><font size=+1>

gzhan mu stegs can dang / byis pa so so'i skye bo rnams dang / nyan thos dang / rang sangs rgyas kyi bar gyi tshul khrims zil gyis gnon pa'i bden pa dang / bden pa'i tshig des/ gal te ri'i rgyal po ri rab tshangs pa'i 'jig rten du 'phangs te/ bar der 'dug par byed na bden pa'i tshig gis 'dug go/ /de ci'i phyir zhe na/ kun dga' bo byang chub sems dpa'i tshul khrims ni de bzhin gshegs pa ma gtogs par zag pa dang / bcas pa dang / zag pa med pa'i tshul khrims de dag thams cad kyi mchog ces brjod pa yin zhing gong na med pa zhes bya ba'i bar du brjod pa yin pa'i phyir ro/ /tshul khrims kyi pha rol du phyin pa las le'u gsum pa'o// // bam po bzhi pa/ de nas sangs rgyas kyi mthus tshe dang ldan pa shA ra dwa ti'i bus 'di dang nye ba'i 'bum gyi 'jig rten gyi khams na sangs rgyas bcom ldan 'das chos ston cing bzhugs pa zhig mthong ngo / /de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu 'di dang nye ba'i 'bum gyi 'jig rten gyi khams na/ de bzhin gshegs pa zhig chos ston pa khyod kyis mthong ngam/ gsol pa/ bcom ldan 'das de ni gang lags/ 'jig rten gyi khams sangs rgyas kyi zhing de'i ming ni ci zhes bgyi/ bcom ldan 'das kyis bka' stsal pa/ shA ra dwa ti'i bu 'jig rten gyi khams de'i ming ni sgron ma zhes bya'o/ sangs rgyas bcom ldan 'das chos ston pa de'i mtshan ni zla 'od ces bya'o/ de'i nyan thos rdzu 'phrul dang ldan pa mgo zhes bya ba zhig yod de des rdzu 'phrul gyis ri'i rgyal po ri rab 'jig rten gyi khams gzhan nas lag pas blangs te/ tshangs pa'i 'jig rten du thug par 'phangs nas de'i bar skabs su byang chub sems dpas</font><hr>56.52a<br><font size=+1>

tshig 'di skad ces byang chub sems dpa'i tshul khrims de bzhin gshegs pa'i tshul khrims ma gtogs par de las gzhan pa'i zag pa dang bcas pa'am/ zag pa med pa'i tshul khrims gang dag yin pa rnams kyi mchog tu brjod pa yin zhe na/ ji ltar de bzhin gshegs pa bden pa gsung ba ltar bden pa dang / bden pa'i tshig dang / bden pa'i byin gyi brlabs des ri'i rgyal po ri rab 'di nam mkha' bar snang de nyid du 'dug shig ces smras pa dang / de nas ri'i rgyal po ri rab de nam mkha' bar snang de nyid du 'dug go/ /de nas bcom ldan 'das kyis tshe dang ldan pa shA ra dwa ti'i bu la bka' stsal pa shA ra dwa ti'i bu khyod kyis ri'i rgyal po ri rab nam mkha' bar snang go 'byed na 'dug pa 'di mthong ngam/ gsol pa/ bcom ldan 'das mthong lags so/ /bka' stsal pa/ shA ra dwa ti'i bu ri'i rgyal po ri rab sa la ma lhung shig /gang nas 'ongs pa de nyid tu 'gro bar gyur cig ces byang chub sems dpas ri'i rgyal po ri rab 'di bden pa'i byin gyis brlab pa byas so/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das gang dag byang chub sems dpa'i tshul khrims la zil gyis gnon par sems pa de ni de bzhin gshegs pa'i tshul khrims spong bar bgyi bar sems pa lags so/ /de ci'i slad du zhe na/ byang chub sems dpa' sems dpa' chen po rnams kyi tshul khrims ni zil gyis mi non pa lags pa'i slad du'o/ /de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu byang chub sems dpa' gang ldog pa de'i tshul khrims kyang zil gyis mi non pa yin nam/ smras pa/ </font><hr>56.52b<br><font size=+1>

tshe dang ldan pa gang po byang chub sems dpa' byang chub sems dpa'i sems la gnas pa ni phyir ldog par mi 'gyur te/ gang phyir ldog pa de ni byang chub sems dpa' zhes kyang mi bya'o/ /tshe dang ldan pa gang po dper na gal te 'phong gi slob dpon gyis mda' gzas pa bzhin mi 'gro na de 'phong gi slob dpon zhes mi bya'o/ /tshe dang ldan pa gang po de bzhin du gal te byang chub sems dpa'i sems dang sems las byung ba rnams thams cad mkhyen pa nyid dang mi ldan pa 'byung ngam/ yang na sbyin pa sbyin nam/ tshul khrims srung ngam/ bzod pa sgrub bam/ brtson 'grus rtsom 'am/ bsam gtan rnams la mnyam par 'jog gam/ shes rab sgom yang rung ste rnam pa thams cad mkhyen pa nyid tu yongs su mi bsngo na byang chub sems dpa' de tshul khrims dang ldan pa zhes mi bya'o/ /tshe dang ldan pa gang po gal te byang chub sems dpa' thams cad mkhyen pa nyid tu ji ltar yongs su bsngo ba yang mi shes la nyan thos kyi sa 'am/ rang sangs rgyas kyi sar yang yongs su bsngo bar mi byed na yongs su bsngo ba med du zin kyang tshul khrims dang ldan pa zhes bya'o/ /yongs su sngo bar byed na ni byang chub sems dpa' sems dpa' chen po yang dag pa'i tshul khrims kyi pha rol tu phyin pa yongs su 'dzin pa yin te/ 'on kyang tshe dang ldan pa gang po gcig ni yun ring mo zhig nas mngon par rdzogs par 'tshang rgya bar 'gyur la gcig shos ni 'di lta ste/ thabs la mkhas pas myur du mngon par rdzogs par 'tshang rgya bar 'gyur te/ tshe dang ldan pa gang po byang chub sems dpa' thabs la mi mkhas pa yun ring mo zhig nas mngon par rdzogs par 'tshang rgya bar 'gyur ba ni sla'i/ nyan thos kyi sa 'am/ rang sangs rgyas kyi sar lhung ba ni de lta</font><hr>56.53a<br><font size=+1>

ma yin no/ /mi zhig chom rkun gyi ya nga ba nas mchis te 'ongs pa ni bla'i bcom ste myur du 'ongs pa ni de lta ma yin no/ /tshe dang ldan pa gang po de bzhin du/ ring mo zhig nas mngon par rdzogs par 'tshang rgya ba ni bla'i nyan thos kyi sa 'am/ rang sangs rgyas kyi sar lhung ba ni de lta ma yin no/ /thabs la mkhas pa'i byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas ni rnam pa gnyis su 'gyur bar shes par bya ste/ yang na ni yang dag pa'i mtha' mngon sum du byed par 'gyur ro/ /yang na ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /tshe dang ldan pa gang po dper na khyim zhig tshig la khyim tshig pa de'i nang na rin po che'i phung po 'dug ste/ rin po che 'dod pa'i mi la la zhig khyim der zhugs na des rnam pa gnyis su 'gyur bar shes par bya ste/ yang na ni khyim de'i nang du tshig par 'gyur/ yang na ni rin po che de dag khyer te 'byung bar 'gyur ro/ /tshe dang ldan pa gang po de bzhin du thabs la mkhas pa'i byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa yang rnam pa gnyis su 'gyur bar shes par bya ste/ yang na ni yang dag pa'i mtha' mngon sum du byed par 'gyur/ yang na ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /smras pa/ tshe dang ldan pa shA ra dwa ti'i bu byang chub sems dpa' gang yang dag pa'i mtha' mngon sum du byed pa de thabs la mkhas pa zhes bya 'am/ smras pa/ tshe dang ldan pa gang po byang chub sems dpa' gang</font><hr>56.53b<br><font size=+1>

yang dag pa'i mtha' mngon sum du byed pa de ni thabs la mkhas pa zhes mi bya'o/ /de ci'i phyir zhe na/ nyan thos kyi sa 'am/ rang sangs rgyas kyi sar lhung ba gang yin pa de ni byang chub sems dpa' thabs la mkhas pa'i rgyu 'thun pa ma yin gyi/ de ni thabs la mi mkhas pa'i rgyu 'thun pa yin pa'i phyir ro/ /tshe dang ldan pa gang po gzhan yang gal te byang chub sems dpa' byang chub tu spyod pa na bdag ni myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur gyi/ byang chub sems dpa' gzhan dag ni ma yin no snyam du rnam par rtog na de spyod yul ma yin pa la spyod de/ gang spyod yul ma yin pa de ni de'i tshul khrims kyi skyon yin no/ /tshe dang ldan pa gang po gzhan yang gal te byang chub sems dpa' 'di snyam du bdag ni sbyin pa ches mang ba sbyin pa yin no/ /bdag ni tshul khrims srung ba 'o/ /bdag ni bzod pa sgrub pa'o/ /bdag ni brtson 'grus rtsom pa'o/ /bdag ni bsam gtan la mnyam par 'jog pa'o/ /bdag ni shes rab kyi pha rol du phyin pa la spyod pa yin gyi/ byang chub sems dpa' gzhan dag ni ma yin no/ /snyam du de ltar rnam par rtog na yang spyod yul ma yin pa la spyod de/ spyod yul ma yin pa gang yin pa de ni de'i tshul khrims kyi skyon yin no/ /tshe dang ldan pa gang po gzhan yang gal te byang chub sems dpa' 'di snyam du bdag ni ji ltar yongs su bsngo bar bya ba'i yongs su bsngo ba'i thabs shes kyi byang chub sems dpa' gzhan dag ni de ltar mi shes so snyam du sems na yang spyod yul ma yin pa la spyod de/ spyod yul ma yin pa gang yin pa de ni de'i tshul khrims kyi skyon no/ /tshe dang ldan pa gang po gzhan yang byang chub sems dpa' 'di snyam du bdag gis byang chub sems dpa' gzhan dag bskal pa gang</font><hr>56.54a<br><font size=+1>

gA'i klung gi bye ma snyed tu 'dug la/ 'khor los sgyur ba'i kha zas sbyin zhing yongs su gtong ba yang bsod snyoms gcig dang / sems bskyed pa gcig gis zil gyis gnan par bya'o snyam du sems na spyod yul ma yin pa la spyod de spyod yul ma yin pa gang yin pa de ni de'i tshul khrims kyi skyon yin te/ byang chub sems dpa' de ni thabs la mkhas pa yin du zin kyang rnam par rtog pa 'di ji ltar rnam par rtog na de thabs la mkhas pa zhes mi bya'o/ /de ci'i phyir zhe na/ byang chub sems dpas ni byang chub sems dpa' dang mi mthun par mi bya/ byang chub sems dpas ni byang chub sems dpa' la khyad tu gsad par mi bya byang chub sems dpas ni byang chub sems dpa' la brnyas par mi bya'i de bzhin gshegs pa la gus par rim gro bya ba bzhin du/ byang chub sems dpas byang chub sems dpa' la gus pa bskyed par bya ba'i phyir ro/ /smras pa/ tshe dang ldan pa shA ra dwa ti'i bu ci byang chub sems dpa' 'ba' zhig la gus par rim gror bya'i sems can gzhan dag la ni gus par rim gro mi bya 'am/ smras pa/ tshe dang ldan pa gang po sems can thams cad la yang ji ltar de bzhin gshegs pa la gus par rim gro bya ba bzhin du gus pa bskyed par bya'o/ /de bzhin du byang chub sems dpas byang chub sems dpa' mthong na gus par rim gro bya'o/ /de bzhin du tshangs pa mtshungs par spyod pa rnams mthong na yang gus par rim gro bya'o/ /de bzhin du sems can gzhan dag la yang gus par rim gro bya'o/ /de bzhin du byang chub sems dpas dma' ba'i sems dang / gus pa dang bcas pa dang / zhe sa dang bcas par bya ste/ nga rgyal spangs pas gus par rim gro bya'o/ /'di ltar yang bdag bla na med pa yang dag par rdzogs</font><hr>56.54b<br><font size=+1>

pa'i byang chub mngon par rdzogs par sangs rgyas nas sems can 'di dag yongs su mya ngan las bzla bar bya'o/ /sems can rnams kyi nyon mongs pa spang ba'i phyir chos kyang bstan par bya'o snyam du sems bskyed par bya zhing de ltar bsam par bya'o/ /tshe dang ldan pa gang po 'di ltar byang chub sems dpa' sems dpa' chen pos sems can rnams la dma' ba'i sems su bya'o/ /byams pa'i sems su bya'o/ /sems can de dag gi mchog tu 'gyur bar bya'o/ /mchog kyang byed du gzhug par bya'o/ /de ci'i phyir zhe na/ mchog nyid ni 'di lta ste/ sangs rgyas nyid yin pa'i phyir ro/ /'di ltar 'di la byang chub sems dpas sems can thams cad la yang byams pa bskyed par bya'o/ /sems can thams cad kyang chos kyi bdag po la bdag po byed du gzhug par bya'o/ /tshul khrims kyi pha rol du phyin pa las le'u bzhi pa'o// // de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad kyang chos kyi bdag por mchog byed du 'jug ste/ 'doms shing rjes su ston par 'gyur ram/ tshe dang ldan pa shA ra dwa ti'i bu dper na sgyu ma mkhan nam/ sgyu ma mkhan gyi slob ma mkhas pas dpung gi tshogs yan lag bzhi pa mngon par sprul te/ rgyal po dang bcas pa'i sde mngon par sprul na/ ci sgyu ma'i mi de dag 'di snyam du gang bdag cag la dbang byed pa'i rgyal po ni yod do snyam du sems sam/ smras pa/ tshe dang ldan pa de ni ma yin no/ /smras pa/ ci rgyal po de 'di snyam du bdag gi dpung gi tshogs yan lag bzhi pa 'di dag ni yod do snyam du sems sam/ smras pa/ tshe dang ldan pa de</font><hr>56.55a<br><font size=+1>

ni ma yin no/ /smras pa/ dpung gi tshogs yan lag bzhi pa de dag thams cad ni rdzas su gtogs pa ma yin/ dngos por gtogs pa ma yin te/ rdzas ma yin par gtogs pa dngos po ma yin par gtogs pa yin pas de dag la bdag po byed du 'jug par mi 'gyur la/ chos thams cad ni sgyu ma lta bu'o zhes bcom ldan 'das kyis gsungs na ji ltar de dag mchog byed du 'jug par 'gyur/ byang chub sems dpas gang dag mchog byed du gzhug par bya ba'i chos rnams ni gang yin/ gang mchog byed du 'jug pa'i chos de ni gang yin/ smras pa/ tshe dang ldan pa gang po gal te byang chub sems dpas chos 'ga' zhig yang dag par rjes su mthong na byang chub sems dpa' shes rab kyi pha rol du phyin pa la spyod pa ma yin no/ /gang gi tshe chos ci yang yang dag par rjes su mi mthong ba de'i tshe/ byang chub sems dpa' shes rab kyi pha rol du phyin pa dang ma bral ba yin te/ de ni byang chub sems dpa'i thabs la mkhas pa yin no/ chos gang mchog byed du 'jug pa'i chos ci yang yang dag par rjes su ma mthong la/ de las kyang phyir mi ldog pa de nyid ni de'i brtson 'grus kyi pha rol du phyin pa'o/ /gang sgyu ma lta bu'i chos rnams kyi bdag por nye bar gnas la de las kyang phyir mi ldog pa dang btsal ba yang 'bras bu dang bcas par mthong la chos ci yang yang dag par rjes su ma mthong ba bzhin du/ de las kyang phyir mi ldog pa gang yin pa de ni byang chub sems dpa' brtson 'grus kyi go cha chen po bgos pa zhes bya'o/ /de ltar 'dir lha dang / mi dang / lha ma yin gyi 'jig rten du bcas pa'i 'jig rten rab tu 'jig la/ 'dir 'jig pa 'ang gang yang med de/ </font><hr>56.55b<br><font size=+1>

de lta bur bdag nyid mngon par rdzogs par sangs rgyas te/ bla na med pa yang dag par rdzogs pa'i byang chub thob nas 'di ltar ming gi tshogs dang / tshig gi tshogs dang / yi ge'i tshogs rnams kyis zhi ba'i chos nyid bshad par bya'o/ /chos thams cad kyi rang bzhin gang yin pa de ni brjod par mi nus te/ tshe dang ldan pa gang po 'on kyang chos thams cad ni rab tu gsal ba yin la de dag ni bstan par yang mi nus so/ /de la byang chub sems dpa' bla na med pa yang dag par rdzogs pa'i byang chub mngon par rdzogs par sangs rgyas nas sems can rnams la 'di skad du/ chos nyid 'di ni rab tu gsal ba ste/ 'di dag ni nga mngon par rdzogs par sangs rgyas nas bstan pa ma yin mod kyi ngas ji ltar mngon par rdzogs par sangs rgyas pa de bzhin du bstan to/ /'on kyang su la yang bstan pa med cing su la yang bstan pa mi 'gyur ro zhes gsungs ngo / /de bas na 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa'i sems phyir mi ldog cing zhum par mi 'gyur te/ brtson 'grus 'ba' shig yang dag par 'dzin la brtson 'grus kyi pha rol du phyin pa de thams cad mkhyen pa nyid du yongs su bsngos na 'di ni de'i tshul khrims kyi pha rol du phyin pa yin no/ /de'i brtson 'grus kyi pha rol du phyin pa thams cad mkhyen pa nyid tu yongs su bsngos pa/ tshul khrims kyi pha rol du phyin pa gang yin pa de ni yongs su dag pa'i tshul khrims yin te/ ji ltar thams cad mkhyen pa nyid tu yongs su bsngo ba de tsam gyis na byang chub sems dpa' tshul khrims yongs su dag pa yin no/ /smras pa/ tshe dang ldan pa shA ra dwa ti'i bu sgyu ma</font><hr>56.56a<br><font size=+1>

lta bu'i chos rnams thams cad mkhyen pa nyid du ji ltar yongs su bsngo bar bya/ smras pa/ tshe dang ldan pa gang po gal te chos 'di dag sgyu ma lta bu ma yin du zin na ni thams cad mkhyen pa nyid du yongs su bsngo bar yang shin du mi nus te/ gang gi phyir chos 'di dag sgyu ma lta bur rtsung pa de'i tshe chos 'di dag thams cad mkhyen pa nyid du yongs su bsngo bar nus so/ /de ltar na byang chub sems dpa'i rtsol ba yang mthu dang ldan pa yin zhing brtson 'grus kyang shin du rdzogs pa yin no/ /smras pa/ rtsol ba mthu dang ldan pa gang yin pa 'di gang gi gnas yin/ smras pa/ 'di ni thabs la mkhas pa'i gnas yin te/ thabs la mkhas pa la brten nas 'di ltar chos 'di dag ni de ltar thabs la mkhas pa la gnas so snyam du shes te/ de la goms par yang mi byed/ yang dag pa'i mthar yang mi ltung ngo / /'di lta ste dper na mi zhig brag gi rtse mor 'dug la lag pa gnyis na gdugs thogs te dam du bzung nas brag de'i khar brten la rkang pa ya gcig gis nur te/ g.yang sa mi bzad pa blta na g.yang sar bzhag kyang gdugs kyis rlung thogs par byas pa'i gdugs de dag dang / rlung de'i stobs kyi shugs des der ltung bar yang mi 'gyur ro/ /de ltar brag gi kha na 'dug pa'i mi des bdag nyid g.yang sar bzhag tu zin kyang gdugs de dag gis rlung thogs par byas pa'i 'du byed kyis brten pas de g.yang sa de la yang lta zhing der ltung bar yang mi 'gyur ro/ /tshe dang ldan pa gang po de bzhin du thabs la mkhas pa'i byang chub sems dpa' sems dpa' chen po yang thabs la mkhas pa la yang brten cing snying rje chen pos kyang sgyu ma lta bu'i chos rnams yang dag pa ji lta ba bzhin du shes la rnam par lta ste/ thabs mkhas pa des</font><hr>56.56b<br><font size=+1>

yongs su zin pas chos de dag la goms par byed par yang mi ltung la de'i sems kyang zhum par mi 'gyur/ chos de dag kyang mngon sum du mi byed do/ /de ci'i phyir zhe na/ g.yang sa chen po mi bzad pa de ni 'di lta ste/ chos thams cad stong pa nyid mngon sum du byed pa'o/ /de ltar na byang chub sems dpa' sems dpa' chen po go cha chen po bgos shing / thabs la mkhas pas yongs su zin pa ni tshul khrims kyi pha rol du phyin pa'i phung po dam pa dang ldan pa yin par rig par bya'o/ /gang mngon par 'du bya ba dang / gang mngon par rdzogs par byang chub par bya ba'i chos ci yang yang dag par rjes su mi mthong ba de nyid byang chub sems dpa'i tshul khrims yin te/ 'di nyid byang chub sems dpa'i tshul khrims kyi pha rol du phyin pa yin par rig par bya'o/ /thabs la mkhas pa'i pha rol du phyin pas yongs su zin pa'i byang chub sems dpa' sems dpa' chen po ni pha rol du phyin pa thams cad kyis yongs su zin par rig par bya'o/ /byang chub sems dpa' sems dpa' chen po pha rol du phyin pa thams cad dang ma bral ba de ni thams cad mkhyen pa nyid kyi sgo na gnas pa yin par rig par bya ste/ nyan thos dang / rang sangs rgyas thams cad zil gyis mnan nas 'gro'o/ /de ci'i phyir zhe na/ 'di ltar de ni thams cad mkhyen pa'i rin po che 'dod pa'i phyir ro/ /tshe dang ldan pa gang po dper na mi zhig brag phug du zhugs te/ der 'gro ba na ngos g.yas g.yon na dbyig dang / gser dang / dngul dag mthong ste/ de ji lta ji ltar nang du 'gro ba de lta de ltar ngos g.yas g.yon na dbyig dang / gser dang / dngul gyis yongs su gang bar mthong zhing / mu tig gi chun pos kyang yongs su gang bar mthong ngo / /de gal te de la chags pa skyed na/ de'i nang</font><hr>56.57a<br><font size=+1>

gi rin po che rin thang med pa gang dag yin pa de dag las de yongs su nyams par 'gyur ro/ /gal te der dbyig dang / gser dang / dngul dang / mu tig gi chun po de dag la chags pa mi bskyed na ni/ de de las 'das nas rin po che rin thang med pa rnams gang na yod pa'i phyogs der phyin nas mthong bar 'gyur zhing de rin po che rin thang med pa de dag dang ldan par 'gyur ro/ /tshe dang ldan pa gang po de bzhin du thabs la mi mkhas pa'i byang chub sems dpa' nyan thos kyi sa 'am/ rang sangs rgyas kyi sa'i bsngags pa 'am/ cho 'phrul lam/ rdzu 'phrul brjod pa na der 'ong zhing 'drul la chags par byed na de ltar thams cad mkhyen pa nyid kyi rin po che las nyams par 'gyur ro/ /tshe dang ldan pa gang po thabs la mkhas pa'i byang chub sems dpa' de ni nyan thos kyi sa 'am/ rang sangs rgyas kyi sa'i bsngags pa brjod pa na de dag yid la mi byed cing zil gyis mnan te 'gro'o/ /de la chags pa yang mi skyed/ zhen par yang mi 'gyur/ sred par yang mi byed de de la sred par mi byed cing yid la mi byed pa des ni zil gyis mnan te 'gro'o/ /de ci'i phyir zhe na/ nyan thos kyi sa 'am/ rang sangs rgyas kyi sa dang / sa 'di gnyis ni thams cad mkhyen pa nyid la bar chad byed pa ste/ 'di dag las 'das nas rim gyis thams cad mkhyen pa nyid kyi rin po che 'thob par 'gyur ro/ /tshe dang ldan pa gang po dper na mi de dbyig dang / gser dang / dngul dang / mu tig gi chun po rnams las 'das te/ de dag la chags pa mi skyed par nang du zhugs nas rin po che rin thang med pa de dag dang ldan par gyur na bdag nyid kyang spyod la/ sems can rnams la yang yang dag par 'god pa'i ngang tshul can du 'gyur ro/ /tshe dang ldan pa gang po de bzhin du byang chub sems dpa' sems dpa' chen po thabs la mkhas pa yang sa 'di gnyis la ro mi myang bar 'das nas rim gyis thams cad mkhyen pa nyid</font><hr>56.57b<br><font size=+1>

kyi rin po che dang ldan par 'gyur ro/ /gal te byang chub sems dpa' sems dpa' chen pos de gnyis la rab tu chags na/ de ni thabs la mi mkhas par rig par bya'o/ /de bas na thabs la mkhas pas yongs su zin pas de la yid brtan par mi bya ste/ ji srid du bla na med pa yang dag par rdzogs pa'i byang chub mngon par rdzogs par sangs rgyas pa de srid du byang chub sems dpas yid brtan par mi bya'o/ /smras pa/ tshe dang ldan pa shA ra dwa ti'i bu phyir mi ldog pa'i byang chub sems dpa' sems dpa' chen po'i yid mi brtan par mi bya ba gang yin/ smras pa/ pha rol du phyin pa drug la ni yid mi brtan par mi bya'o/ /pha rol du phyin pa drug la 'dris par spyod pa ni ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ des 'di ltar bdag yun ring mo zhig gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur du 'ong gis bdag gis pha rol du phyin pa drug la mgo dang gos la me 'bar ba bzhin du spyad par bya'o snyam du sems bskyed par bya'o/ /tshe dang ldan pa gang po gzhan yang gal te byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de bdag tshul khrims 'dis mtshan rnams yongs su 'dzin par gyur cig ces kun tu spyod pa 'di lta bu dag 'byung bar gyur na/ byang chub sems dpa' de rnam par rtog pa la zhugs pa yin no/ /rnam par rtog pa gang yin pa de ni byang chub</font><hr>56.58a<br><font size=+1>

sems dpa' de'i 'chal pa'i tshul khrims yin par rig par bya ste/ byang chub sems dpa' sems dpa' chen pos ni mtshan rnams kyi ched du/ bla na med pa yang dag par rdzogs pa'i byang chub la 'jug par mi bya'o/ /gal te mtshan rnams la mchog tu 'dzin na byang chub sems dpa' tshul khrims mchog tu 'dzin pa yin par rig par bya'o/ /tshul khrims kyi pha rol du phyin pa las le'u lnga pa'o// // de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu khyod la byang chub sems dpa' 'di ni tshul khrims mchog tu 'dzin pa'o/ /'di ni tshul khrims mchog tu 'dzin pa ma yin no zhes bya ba'i shes pa yod dam gsol pa/ bdag ji ltar bcom ldan 'das la glo ba ches shing / bcom ldan 'das kyis bka' stsal pa'i don 'tshal ba ltar na gal te byang chub sems dpa' nyan thos dang / rang sangs rgyas kyi sar sems skyed na tshul khrims mchog tu 'dzin par rig par bgyi'o/ /de ci'i slad du zhe na/ 'di ltar nyan thos kyi sa 'am/ rang sangs rgyas kyi sar sems skyed na 'di ni byang chub sems dpa'i spyod yul ma lags te/ byang chub sems dpa' tshul khrims mchog tu 'dzin pa lags par rig par bgyi'o/ /gal te byang chub sems dpa' gzugs la dmigs pa 'am/ sgra la dmigs pa 'am/ dri la dmigs pa 'am/ ro la dmigs pa 'am/ reg pa la dmigs pa'i sems skyed na de ni byang chub sems dpa'i tshul bzhin ma yin pa yid la bgyid pa lags par rig par bgyi'o/ /de ci'i slad du zhe na/ 'di ltar tshul bzhin ma yin pa yid la bgyid pa de ni nyon mongs pa'i grangs su gtogs la/ </font><hr>56.58b<br><font size=+1>

nyon mongs pa'i grangs su gtogs pa de ni skye ba de dang de dag tu lus yongs su 'dzin par 'gyur ro/ /ji lta ji ltar lus yongs su 'dzin par 'gyur ba de lta de ltar pha rol du phyin pa drug yang dag par blangs te gnas par 'gyur ro/ /ji lta ji ltar pha rol du phyin pa drug yang dag par blangs te gnas par 'gyur ba de lta de ltar thams cad mkhyen pa nyid dang nye bar 'gyur ro/ /bcom ldan 'das bdag ni 'di la 'di ltar 'tshal te/ bcom ldan 'das ji ltar nyon mongs pa rnams kyang thams cad mkhyen pa nyid kyi slad du byang chub sems dpa' sems dpa' chen po rnams la phan 'dogs pa lags te/ bcom ldan 'das gang gi tshe byang chub sems dpa' nyon mongs pa rnams kyang phan 'dogs par gyur par mthong na byang chub sems dpa' sems dpa' chen po de ni thabs la mkhas pa lags par rig par bgyi'o/ /de ltar na yang byang chub sems dpa' tshul khrims la gnas pa lags te/ de ltar na tshul khrims mchog tu 'dzin pa ma lags par rig par bgyi'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la legs so zhes bya ba byin te/ shA ra dwa ti'i bu legs so legs so/ /shA ra dwa ti'i bu khyod de ltar ston pa ni de bzhin gshegs pas gsungs pa smra ba dang / chos smra ba yin te/ chos kyi rjes su 'thun pa'i chos kyang lan 'debs pa yin no/ /shA ra dwa ti'i bu 'di la byang chub sems dpa' sems dpa' chen po tshul khrims kyi pha rol du phyin pa la gnas pas 'di ltar bdag gi tshul khrims kyi pha rol du phyin pa 'dis 'jig rten gyis khams grangs med dpag tu med pa dag gi sems can tshul khrims 'chal pa gang dag yin pa de dag bdag gi tshul khrims kyi pha rol du phyin pa las tshul khrims</font><hr>56.59a<br><font size=+1>

so sor thob par gyur cig 'chal pa'i tshul khrims rnam par spong bar gyur cig /bdag gi tshul khrims 'dis sems can de dag la phan yang gdags par bya'o snyam du rig par byed na byang chub sems dpa' de ni thabs la mkhas pa yin par rig par bya'o/ /de ji lta ji ltar tshul khrims yongs su sngo bar byed pa de lta de ltar tshul khrims kyi pha rol du phyin pa rnam par 'phel bar 'gyur ro/ /ji lta ji ltar tshul khrims kyi pha rol du phyin pa rnam par 'phel ba de lta de ltar byang chub sems dpa' chos dpag tu med pa yongs su 'dzin to/ /tshul khrims kyi tshad nges par ma bcad pas chos dpag tu med pa yongs su 'dzin to/ /'jig rten gyi khams dpag tu med pa'i sems can byang chub sems dpa'i theg pa la gsar du zhugs pa gang dag yin pa de dag kyang bdag gi tshul khrims kyi pha rol du phyin pa 'dis phyir mi ldog par gyur cig /phyir mi ldog pa gang dag yin pa de dag kyang myur du thams cad mkhyen pa nyid yongs su rdzogs par gyur cig ces/ byang chub sems dpa' la dmigs nas byang chub sems dpa' tshul khrims yongs su sngo bar byed do/ /ji lta ji ltar yongs su sngo bar byed pa de lta de ltar thams cad mkhyen pa nyid kyi sems mi spong zhing de lta de ltar thams cad mkhyen pa nyid dang nye bar 'gyur te/ byang chub sems dpa' de'i tshul khrims kyi pha rol du phyin pa dpag tu med pa ni ches dpag tu med par 'gyur ro/ /byang chub sems dpas byang chub sems dpa' gcig la tshul khrims kyi pha rol du phyin pa yongs su bsngo ba gang yin pa dang / 'jig rten gyi khams gang gA'i klung gi bye ma snyed dag na sems can tshul khrims 'chal pa gang dag yod pa de dag tshul khrims kyi pha rol du phyin pa yongs su</font><hr>56.59b<br><font size=+1>

rdzogs par gyur cig ces yongs su bsngo na byang chub sems dpas byang chub sems dpa' gcig la tshul khrims kyi pha rol du phyin pa yongs su bsngo ba gang yin pa'i tshul khrims kyi pha rol du phyin pa yongs su bsngo ba de la yongs su bsngo ba snga mas brgya'i char yang nye bar mi 'gro'o/ /stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ shA ra dwa ti'i bu byang chub sems dpa' des ni thams cad mkhyen pa nyid yongs su bzung ba yin zhing nye bar brtan pa yin pa'i phyir ro/ /byang chub sems dpa' gang thams cad mkhyen pa nyid kyi rnal 'byor yongs su 'dzin cing nye bar ston pa des ni sems can dpag tu med grangs med pa rnams la phan btags shing nye bar brtan par 'gyur ro/ /shA ra dwa ti'i bu dper na/ ka ba gcig pa'i khang bzangs shig la 'dug sa bcu 'am/ nyi shu yod la/ khang bzangs de'i nang ni grib ma la/ srog chags brgya phrag mang po rnams dang / srog chags stong phrag mang po rnams dang / srog chags 'bum phrag mang po dag 'dus par gyur la/ mi la la zhig khang bzangs kyi ka ba de gcod par 'dod la de la mi la la zhig 'di skad du/ kye skyes bu khang bzangs kyi ka ba 'di bcad na srog chags brgya phrag mang po srog dang bral bar 'gyur ro/ /zhes smra la de la don 'dod cing grub pa dang / bde bar 'dod pa'i mi des khang bzangs kyi ka ba gcod pa'i mi de bkag la de la yang mi la la zhig 'di skad du kye mi khyod kyis srog chags mang po srog chags brgya phrag mang po/ srog chags stong phrag mang po/ srog chags 'bum phrag mang po rnams kyi srog byin no zhes zer ba de bzhin du/ shA ra dwa ti'i bu byang chub sems dpa' gang bla na med pa yang dag par</font><hr>56.60a<br><font size=+1>

rdzogs pa'i byang chub mngon par rdzogs par 'tshang rgya bar 'dod pas pha rol du phyin pa drug la 'doms par mi byed/ rjes su ston par mi byed par nyan thos kyi sa 'am/ rang sangs rgyas kyi sar 'doms shing rjes su ston na des sems can dpag tu med pa rnams kyi dgra bcom pa nyid kyi bar chad byas pa yin no/ /shA ra dwa ti'i bu gang bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas pha rol du phyin pa drug la 'doms shing rjes su ston te/ thams cad mkhyen pa nyid du nye bar ston par byed pa des ni sems can rnams la dgra bcom pa nyid byin pa yin no/ /shA ra dwa ti'i bu de ltar na byang chub sems dpa' gang nga'i bstan pa mthong nas byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa/ pha rol du phyin pa drug la 'doms shing rjes su ston pa de ni sems can dpag tu med pa rnams la phan pa dang bde ba'i phyir zhugs pa yin no/ /shA ra dwa ti'i bu 'di ltar 'di la byang chub sems dpa' sems dpa' chen po tshul khrims kyi pha rol du phyin pa la gnas pa ni 'di snyam du tshul khrims 'dis sems can thams cad tshul khrims dang ldan par gyur cig snyam du sems te/ de ltar yongs su sngo zhing sems can thams cad la sems par gyur la/ sems can gang bde ba 'am dga' ba yang skye zhing sgra de thos nas sems can de dag gi sems gnod sems med cing tshul khrims kyi grangs su 'gro ba de dag ni byang chub sems dpa' tshul khrims kyi pha rol du phyin pa gnas pa'i sems gcig bskyed pa la/ snga ma'i bsod nams kyi rgyun des brgya'i char yang nye bar mi 'gro'o/ /stong gi cha dang / 'bum gyi cha dang / grangs dang / cha dang / bgrang ba dang / </font><hr>56.60b<br><font size=+1>

dpe dang / rgyur yang nye bar mi 'gro'o/ /ji lta ji ltar byang chub sems dpa' sems can thams cad kyi ched tu tshul khrims yongs su bsngo ba de lta de ltar byang chub sems dpa' sems dpa' chen po tshul khrims kyi pha rol du phyin pas 'bogs te/ de ltar na byang chub sems dpa' tshul khrims kyi pha rol du phyin pa la gnas pa yin no/ /tshul khrims kyi pha rol du phyin pa las le'u drug pa'o// // de nas tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das byang chub sems dpar rig par bgyi ba gang lags/ byang chub sems dpas ji srid kyi bar du spyad na de byang chub sems dpar rig par bgyi/ gang sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la sems can rnams 'doms shing rjes su ston te/ sbyin pa'i pha rol du phyin pa nas shes rab kyi pha rol du phyin pa'i bar dag sems can rnams kyi phyir thams cad mkhyen pa nyid du yongs su bsngo zhing / tshig 'di skad du/ bdag gi sbyin pa 'dis sems can ser sna can rnams gtong ba thob par gyur cig /bdag gi tshul khrims kyi pha rol du phyin pa 'dis sems can tshul khrims 'chal pa rnams tshul khrims thob par gyur cig /bdag gi bzod pa'i pha rol du phyin pa 'dis sems can gnod sems kyi sems dang ldan pa dang / khro ba'i se mas dang ldan pa rnams bzod pa thob par gyur cig /bdag gi brtson 'grus kyi pha rol du phyin pa 'dis sems can le lo can rnams brtson 'grus thob par gyur cig /bdag gi bsam gtan gyi</font><hr>56.61a<br><font size=+1>

pha rol tu phyin pa 'dis sems can rnam par rtog pa spyod pa rnams dang / sems can rnam par g.yengs pa rnams bsam gtan thob par gyur cig /bdag gi shes rab kyi pha rol tu phyin pa 'dis sems can shes rab 'chal pa rnams dang / rmongs pa rnams shes rab thob par gyur cig ces zer zhing sa nas sa ji lta ba bzhin du de ltar yongs su bsngo na bcom ldan 'das byang chub sems dpa' sems dpa' chen po de bskal pa dus 'byung bar bgyi lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu byang chub sems dpa' sems dpa' chen po de ltar yongs su bsngo ba de ni bskal pa lnga brgyas 'byung bar rig par bya'o/ /gal te byang chub sems dpa' thabs la mkhas pa 'di dang ldan pas bskal pa bzang po 'di'i sangs rgyas stong gi nang du bla na med pa yang dag par rdzogs pa'i byang chub mngon par rdzogs par 'tshang rgya bar 'dod cing / 'di skad du/ ji ltar byas na ngan song rnams stongs par 'gyur snyam pa dang / bdag gi nyan thos 'dus pa dang po la yang dgra bcom pa bye ba phrag 'bum yod par gyur cig ces smon lam 'debs na/ shA ra dwa ti'i bu byang chub sems dpa' de'i byang chub ni bskal pa stong gis 'grub par nga smra'o/ /gal te de ltar yongs su bsngo ba la dga' na rnam pa de dag dang / rtags de dag dang / mtshan ma de dag ni byang chub sems dpa' bskal pa lnga brgyas 'byung ba yin par rig par bya ste/ de ni phyir mi ldog pa'i byang chub sems dpa' yin par rig par bya'o/ /gsol pa/ bcom ldan 'das byang chub sems dpa' sems dpa' chen pos ni/ pha rol tu phyin pa bstan pa 'di thos na dga' bar bgyi'o/ /de ci'i slad du zhe na/ byang chub sems dpa' rnams ni sangs rgyas bcom ldan 'das rnams kyis yongs su ma btang ba'i slad du lags so/ /gal te byang chub sems dpa' sems dpa' chen pos pha rol tu phyin pa bstan</font><hr>56.61b<br><font size=+1>

pa 'di thos nas nyin zhag gcig tsam yang dga' ba dang / mchog tu dga' bas khyab cing gnas na/ byang chub sems dpa' de ni theg pa la zhugs nas yun ring ba lags par rig par bgyi'o/ /gal te nyin zhag gnyis kyi bar du khyab cing gnas na/ byang chub sems dpa' de ni zhugs nas shin tu yun ring ba lags par rig par bgyi'o/ /gal te nyin zhag bdun du yid dga' bzhin du gnas na/ byang chub sems dpa' de ni theg pa la zhugs nas yun ring du lon pa dag gi nang na yang theg pa la zhugs nas/ ches yun ring du lon pa lags par rig par bgyi'o/ /de nas bcom ldan 'das la/ tshe dang ldan pa shA ra dwa ti'i bus/ 'di skad ces gsol to/ /bcom ldan 'das/ bcom ldan 'das kyis bka' stsal pa'i don/ bdag gis 'tshal ba ltar na/ byang chub sems dpa' sems dpa' chen po de ni gang tshun chad de'i dge ba'i rtsa ba cher 'phel zhing / de thabs la mkhas par gyur pas/ pha rol tu phyin pa rnams nyan slan chad/ bskal pa bdun gyis 'byung bar rig par bgyi ste/ bcom ldan 'das rnams kyis/ pha rol tu phyin pa bstan pa 'di ni/ de bzhin gshegs pa'i byin gyi brlabs kyis/ bdag gi spobs pa lags so/ /bcom ldan 'das kyis bka' stsal pa/ shA ra dwa ti'i bu/ de de bzhin no/ /de de bzhin te/ rnam pa 'di dag dang / rtags 'di dag ni/ byang chub sems dpa' sems dpa' chen po/ theg pa la zhugs nas/ yun ring du lon pa yin par rig par bya'o/ /de ltar na/ byang chub sems dpa' de ni/ phyir mi ldog pa yin par rig par bya'o/ /gal te byang chub sems dpa'/ pha rol tu phyin pa rnams 'chad pa na mchog</font><hr>56.62a<br><font size=+1>

tu dga' ba mi 'thob na/ byang chub sems dpa' de ni theg pa la gsar du zhugs pa yin par rig par bya'o/ /shA ra dwa ti'i bu byang chub sems dpa' theg pa la gsar du zhugs pa pha rol du phyin pa nyan cing / pha rol du phyin pa rnams la slob pa de yang rim gyis thams cad mkhyen pa nyid tu 'gyur bar nga smra'o/ /gsol pa/ bcom ldan 'das ji tsam du sangs rgyas bcom ldan 'das rnams kyis byang chub sems dpa' rnams yongs su ma btang ba ni ngo mtshar lags so/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ byang chub sems dpa' 'ba' shig sangs rgyas bcom ldan 'das rnams kyis yongs su ma btang snyam du sems na/ shA ra dwa ti'i bu khyod kyis de ltar ni blta bar mi bya'o/ /de ci'i phyir zhe na/ sangs rgyas bcom ldan 'das rnams kyis ni sems can thams cad kyang yongs su ma btang ste/ sems can thams cad la yang 'di ltar sems can 'di dag thams cad 'khor ba na spyod pa'i sdug bsngal rnams las ji ltar yongs su dgrol bar bya snyam pa'i thugs nye bar gnas pa'i phyir ro/ /shA ra dwa ti'i bu de bzhin gshegs pa ni ji ltar de bzhin gshegs pa rnams la thugs nye bar gnas pa de bzhin du/ sems can thams cad la yang thugs nye bar gnas so/ /shA ra dwa ti'i bu gal te de bzhin gshegs pa'i thugs de bzhin gshegs pa rnams la yang gzhan du gyur la/ byang chub sems dpa' rnams la yang gzhan/ rang sangs rgyas rnams la yang gzhan/ dgra bcom pa rnams la yang gzhan phyir mi 'ong ba rnams la yang gzhan/ lan cig phyir 'ong ba rnams la yang gzhan/ rgyun du zhugs pa rnams la yang gzhan/ chos kyi rjes su 'brang ba rnams la yang gzhan/ dad pas rjes su 'brang ba rnam</font><hr>56.62b<br><font size=+1>

la yang gzhan/ phyi rol gyi mngon par shes pa lnga dang ldan pa rnams la yang gzhan/ dge ba bcu'i las kyi lam dang ldan pa rnams la yang gzhan/ gshed ma rnams la yang gzhan/ gdol pa rnams la yang thugs gzhan nye bar gnas par gyur na ni/ shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas 'dun pas 'gro bar 'gyur ro/ /shA ra dwa ti'i bu gang gi phyir de bzhin gshegs pa ni ji ltar de bzhin gshegs pa rnams la thugs nye bar gnas pa de bzhin du/ sems can thams cad la yang thugs nye bar gnas te/ de'i phyir sangs rgyas bcom ldan 'das rnams ni chos thams cad mnyam pa nyid la gnas pa'o/ /shA ra dwa ti'i bu gang la de bzhin gshegs pa'i rjes su chags pa dang / khong khro ba 'byung ba de'i dngos po'am dmigs pa ngas yang dag par rjes su ma mthong ste/ de ni gnas pa med do/ /de ci'i phyir zhe na/ sangs rgyas bcom ldan 'das rnams kyis ni rjes su chags pa dang / khong khro ba spang pa'i phyir ro/ /shA ra dwa ti'i bu 'on kyang byang chub sems dpa' rnams ni/ de bzhin gshegs pas yongs su ma btang ngo / /de ci'i phyir zhe na/ 'di lta ste/ de bzhin gshegs pa 'das pa'i 'og tu byang chub sems dpa' sems dpa' chen po rnams pha rol du phyin pa drug la slob cing rim gyis 'jig rten du chos kyi snang ba 'byung bar 'gyur ba'i phyir ro/ /shA ra dwa ti'i bu sangs rgyas bcom ldan 'das rnams kyis ni don gyi dbang 'di yang dag par gzigs nas byang chub sems dpa' rnams la 'doms shing rjes su bstan par dgongs so/ /de ltar na de bzhin gshegs pa 'das nas byang chub sems dpa' rim gyis bla na med pa yang dag par rdzogs pa'i byang chub mngon par rdzogs par</font><hr>56.63a<br><font size=+1>

sangs rgyas nas yang 'jig rten du chos kyi snang ba 'di 'byung bar 'gyur ro/ /de skad ces bka' stsal pa dang / tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das de de lta lags so/ bde bar gshegs pa de de lta lags te/ de bzhin gshegs pa 'das pa'i 'og tu byang chub sems dpa' rim gyis bla na med pa yang dag par rdzogs pa'i byang chub mngon par rdzogs par sangs rgyas pa na yang chos kyi snang ba 'jig rten du 'byung bar 'gyur ba lags so/ /bcom ldan 'das kyis bka' stsal pa/ shA ra dwa ti'i bu dper na/ shing ljon pa la la zhig sdong po med par gyur la/ de nyid las byung ba'i sa bon shing de'i kho ra khor yug nas skye zhing / skyes pa de rnam par 'phel zhing rim gyis sa phyogs der grib ma chen po byed de/ der srog chags brgya phrag mang po dang / srog chags stong phrag mang po dang / srog chags 'bum phrag mang po dag tsha bas gdungs shing / rlung dang / nyi ma dang / ser bas nyen pa rnams grib ma de la gnas na bde ba dang ldan par 'gyur zhing lus dang yid bag yangs su gnas par 'gyur ro/ /grib ma de yang yid chags par byed pa yin te/ snying nas grib ma de las phyir 'gro ba'i blo mi 'byung ngo / /shing ljon pa'i sdong po snga ma de bya ba gang gis nye bar gnas par gyur pa'i bya ba de nyid kyis shing ljon pa'i sdong po phyi ma de yang nye bar gnas pa de bzhin du/ shA ra dwa ti'i bu byang chub sems dpa' sems dpa' chen po rim gyis pha rol du phyin pa drug la slob cing sangs rgyas kyi zhing de nyid tu/ bla na med pa yang dag par rdzogs pa'i byang chub mngon par rdzogs par sangs rgyas pa na/ de bzhin gshegs pa dgra bcom pa yang dag par rdzogs pa'i sangs rgyas rnams bya ba gang gis nye bar gnas par gyur pa'i bya ba de</font><hr>56.63b<br><font size=+1>

nyid byed par 'gyur te/ sems can dpag tu med pa rnams kyi nyon mongs pa spangs pa'i phyir yang chos bstan par 'gyur zhing de la sems can gang dag blo dang ldan pa rnams ni chos 'dul ba de nyams su myong bar byed cing de dag chos 'dul ba de yongs su gtang bar mi sems so/ /shA ra dwa ti'i bu ji ltar mi de dag tsha bas gdungs shing / rlung dang / nyi ma dang / ser bas nyen te ngal ba rnams shing ljon pa'i grib ma de nyams su myong ba na phyir yongs su gtang bar mi sems pa de bzhin du/ shA ra dwa ti'i bu sems can blo dang ldan pa gang dag yin pa de dag /de bzhin gshegs pas bstan pa'i chos 'dul ba thos nas bdud rtsi'i ro nyams su myong ba na gzhan mu stegs can rnams kyi gnas su 'gro bar mi sems so/ /don gyi dbang 'di yang dag par gzigs nas sangs rgyas bcom ldan 'das rnams byang chub sems dpa' la 'doms shing rjes su bstan par dgongs so/ /de ltar na byang chub sems dpa' sems dpa' chen po de/ de bzhin gshegs pa 'das shing / de bzhin gshegs pa mi bzhugs par gyur pa na/ bla na med pa yang dag par rdzogs pa'i byang chub mngon par rdzogs par sangs rgyas nas 'jig rten gnas pa la grib ma bzhin du 'gyur ro/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das bcom ldan 'das kyis bka' stsal pa'i don bdag 'tshal ba ltar na nyan thos kyi theg pa pa'i gang zag brgya 'am/ stong ngam/ bye ba phrag 'bum 'am/ de las lhag pa yang rung ba la 'doms shing rjes su ston te dgra bcom pa nyid la bkod pa gang lags pa dang / byang chub sems dpas pha rol du phyin pa 'di dag bsgom pa'i slad du thams cad mkhyen pa nyid dang ldan pa'i sems gcig bskyed pa gang lags pa</font><hr>56.64a<br><font size=+1>

de la sems bskyed pa 'di ni chos bstan pa snga ma las mchog ces bgyi ba nas gong na ma mchis pa zhes bgyi ba'i bar du ste/ sems bskyed pa 'di nyid de las dam par gyur pa lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu legs so/ /legs so/ /'di ltar khyod ni ston pa'i nyan thos mkhas shing gsal la dul zhing 'jigs pa med pa ste/ yid gzhungs la/ gdams ngag dang / tshig bzhin du byed pa'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo byang chub sems dpa' rnams kyi tshul khrims kyi pha rol du phyin pa gnas brtan shA ra dwa ti'i bus ji skad bshad pa bzhin du khyod kyis long shig /kun chub par gyis shig /zung shig /de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po rnams kyi tshul khrims kyi pha rol du phyin pa 'di bdag gis blangs lags te/ theg pa la gsar du zhugs pa rnams dang / phyir mi ldog pa rnam pa thams cad mkhyen pa nyid yongs su rdzogs par bgyi ba'i slad du bde bar gshegs pa kun chub par bgyi'o/ /gzung bar bgyi'o/ /bcom ldan 'das kyis de skad ces bka' stsal nas/ tshe dang ldan pa shA ra dwa ti'i bu dang / tshe dang ldan pa byams ma'i bu gang po dang / tshe dang ldan pa kun dga' bo dang / nyan thos chen po de dag dang / byang chub sems dpa' sems dpa' chen po phyogs bcu nas 'dus pa de dag dang / lha dang / mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs</font><hr>56.64b<br><font size=+1>

pa la mngon par bstod do/ /tshul khrims kyi pha rol du phyin pa las le'u bdun pa ste rdzogs so// // bam po lnga pa/ 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ de nas bcom ldan 'das kyis tshe dang ldan pa byams ma'i bu gang po la bka' stsal pa/ gang po khyod byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa rnams kyi bzod pa'i pha rol du phyin pa las brtsams te spobs par gyis shig /de nas bcom ldan 'das kyis skabs phye nas tshe dang ldan pa byams ma'i bu gang pos bcom ldan 'das la 'di skad ces gsol to/ /btsun pa bcom ldan 'das 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas pha rol las ngan du brjod pa ngan pa 'ongs pa'i tshig gi lam dang du blang bar bgyi zhing de la gnod sems mi bgyi ste/ de la byams pa nye bar bsgrub par bgyi'o/ /de ltar byang chub sems dpa' sems dpa' chen pos bzod pa'i pha rol du phyin pa yongs su gzung bar bgyi zhing byams pa'i yid la bgyid pa 'byung ngo 'tshal kyang thams cad mkhyen pa nyid tu yongs su bsngo bar bgyis na byang chub sems dpa' bzod pa'i pha rol du phyin pa la gnas pa lags so/ /de nas tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ /tshe dang ldan pa gang po byang chub sems dpa'i bzod pa gang yin pa dang / nyan thos kyi bzod pa gang yin pa 'di gnyis la khyad par ni ci</font><hr>56.65a<br><font size=+1>

yod tha dad du dbye ba ni gang yin/ de skad ces smras pa dang / tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu nyan thos kyi bzod pa ni nyi tshe ba yin la byang chub sems dpa'i bzod pa ni dpag tu med de gang gi phyir sems can dpag tu med pa rnams kyi don dang / phan pa dang / bde ba'i phyir go cha bgos shing sems can dpag tu med pa rnams yongs su mya ngan las zlo bar byed pa de'i phyir byang chub sems dpa'i bzod pa ni dpag tu med pa yin no/ /nyan thos kyi ni rang gi rgyud kyi nyon mongs pa rnams spang bar 'dod par zad pas na tshe dang ldan pa de'i phyir nyan thos kyi ni nyi tshe ba'i bzod pa yin la/ byang chub sems dpa'i bzod pa ni dpag tu med do/ /gang dag byang chub sems dpa'i bzod pa'i pha rol du phyin pa la gnas pa la gnod sems sam ma dad pa skyed cing mi bzod pa skyed na/ de dag ni bsod nams ma yin pa mang du skyed par 'gyur ro/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po la ni de bzhin gshegs pas bshung ba mdzad kyang gnod sems mi 'byung ste/ de bzhin du sems can gang dag gdol pa 'am/ smig ma mkhan nam/ g.yung po de dag thams cad kyis spyos sam brgyad bkag na/ de dag la yang gnod sems mi bya sdang bar mi bya'o/ /gnod sems su mi byed cing sdang bar mi byed na byang chub sems dpa' sems dpa' chen po bzod pa'i pha rol du phyin pa yongs su 'dzin pa yin te/ rim gyis bzod pa'i pha rol du phyin pa la bslab cing bzod pa'i pha rol du phyin pa mngon par bsgrub par bya'o/ /bzod pa'i pha rol du phyin pa la gnas na ngan pa 'ongs pa'i tshig gi lam dang du len nus par 'gyur ro/ /de nas tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ /tshe dang ldan pa gang po 'di la gal te byang chub sems dpa' sem</font><hr>56.65b<br><font size=+1>

sa dpa' chen po la/ mi la las ni tsan dan gyi 'de gus lus la skud la/ la las ni lus la me gtong na mi de gnyis la sems ji ltar bskyed par bya/ smras pa/ tshe dang ldan pa shA ra dwa ti'i bu 'di la byang chub sems dpa' sem sa dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas mi gang lus la tsan dan gyi 'de gus skud pa de la yang rjes su chags pa bskyed par mi bya/ gang lus la me gtong ba de la yang gnod sems bskyed par mi bya'i gnyi ga la yang mnyam pa'i sems bskyed par bya ste/ de ltar spyod cing de ltar gnas pa'i byang chub sems dpa' sems dpa' chen po ni bzod pa'i pha rol du phyin pa la sgom pa yin no/ /bzod pa'i pha rol du phyin pa la spyod pa'i byang chub sems dpa' sems dpa' chen po ni spyod yul la spyod do/ /de ltar gnas pa'i byang chub sems dpa' sems dpa' chen po ni byang chub sems dpa'i zhing la gnas so/ /byang chub sems dpa' sems dpa' chen pos gnod sems mang bar mi bya ste/ bzod pa phun sum tshogs par bya'o/ /dran pa dang ldan pa dang / gnas pa dang ldan pa dang / lhag pa'i bsam pa dang ldan pa dang / mi khro ba dang / 'khon du mi 'dzin pa dang / thams cad la byams pa'i sems su bya zhing 'khor gnod sems kyi sems dang ldan par gnas pa 'thab pa'i rang bzhin can/ mtshang 'dru ba'i rang bzhin can/ rtsod pa'i rang bzhin can du gnas pa rnams la sdums bya zhing sdums byed du gzhug par bya ste/ 'di ltar nga ni khyed cag mi 'thab pa dang / mtshang mi 'dru ba dang mi rtsod pa dang / mi 'gyed par bya ba'i phyir gnas te/ bla na med pa yang dag par rdzogs pa'i byang chub mngon par rdzogs par sangs rgyas nas kyang chos bstan par bya'o/ /snyam du sems bskyed par bya'o/ /las de'i rnam par smin pas byang chub sems dpa' sems dpa' chen po'i so thags bzang ba dang / so dam pa dang / </font><hr>56.66a<br><font size=+1>

so mnyam pa skyes bu chen po'i mtshan lus la mngon par 'grub par 'gyur ro/ /bzod pa'i pha rol du phyin pa las le'u dang po'o// // de nas tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ /tshe dang ldan pa gang po byang chub sems dpa' sems dpa' chen po'i bzod pa gang yin pa dang / nyan thos kyi bzod pa gang yin pa 'di gnyis la gang ches rgya che ba dang / ches bzang ba dang / ches rang bzhin gyis 'od gsal ba dang / ches stobs dang ldan par rig par bya/ smras pa/ tshe dang ldan pa de'i phyir 'di khyod nyid la dri bar byas khyod ji ltar bzod pa de bzhin du lan thob shig /tshe dang ldan pa shA ra dwa ti'i bu dper na 'dzam bu chu bo'i gser gang yin pa dang / ra gan gang yin pa 'di gnyis la/ gang ches rgya che ba dang / ches bzang ba dang / ches 'od gsal ba dang / ches rin thang che ba yin/ smras pa/ tshe dang ldan pa gang po 'dzam bu chu bo'i gser ches rgya che ba dang / ches bzang ba dang / ches 'od gsal ba dang / ches rin che ba yin no/ /smras pa/ tshe dang ldan pa shA ra dwa ti'i bu nyan thos kyi bzod pa ni ra gan gyi 'od ji lta ba bzhin du blta'o/ /byang chub sems dpa'i bzod pa ni 'dzam bu chu bo'i gser gyi 'od ji lta ba bzhin du blta'o/ /tshe dang ldan pa shA ra dwa ti'i bu gzhan yang gal te 'di ltar la la zhig byang chub sems dpa' sems dpa' chen po'i yan lag dang nying lag rnams gcod ni de la 'di ltar gang gA'i klung chen po'i bye ma'i tshad ni gzung bar nus kyi/ lus 'di dag gi tshad gzung ba ni ma yin no/ /bdag gi lus kyi yan lag dang nying lag bcad pa gang yin pa de dag ni ri rab tsam 'das pa'i phyir ro snyam du sems bskyed par bya'o/ /don gyi dbang 'di yang dag par mthong ba'i byang chub sems dpa' sems dpa' chen pos ni lus la gcod dam/ 'bigs na yang / gnod sems bskyed par mi bya'i/ byams pa dang ldan pa'i sems skyes so cog kyang thams cad mkhyen pa</font><hr>56.66b<br><font size=+1>

nyid du yongs su bsngo bar bya'o/ /de ltar na byang chub sems dpa' bzod pa'i pha rol du phyin pa dang ma bral ba yin par rig par bya'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas ni sems sa dang 'dra ba dang / sems chu dang 'dra ba dang / sems me dang 'dra ba dang / sems rlung dang 'dra ba dang / sems nam mkha' dang 'dra bar bya'o/ /smras pa/ tshe dang ldan pa gang po ji ltar na byang chub sems dpa' sems dpa' chen po sems sa dang 'dra ba yin zhing / sems chu dang 'dra ba dang / sems me dang 'dra ba dang / sems rlung dang / sems nam mkha' dang 'dra ba yin/ smras pa/ tshe dang ldan shA ra dwa ti'i bu dper na sa ni yid du 'ong ba'i byug pa rnams kyis byugs na yang / rjes su chags pa med la/ de las gzhan pa'i yid du mi 'ong bas byugs na yang khong khro bar 'gyur ba med do/ /de bzhin du byang chub sems dpa' yang yid du 'ong ba'i gzugs dang / sgra dang / dri dang / ro dang / reg pa rnams kyis rjes su chags pa bskyed par mi bya/ yid du mi 'ong ba'i gzugs dang / sgra dang / dri dang / ro dang / reg pa rnams kyis kyang khong khro bar mi bya/ mi bzod pa dang / dang ba chung ba bskyed par mi bya/ gnod sems bskyed par mi bya ste/ de ltar na byang chub sems dpa' sems sa dang 'dra ba yin zhing / de ltar na sems chu dang me dang / rlung dang 'dra ba yin no/ /de ltar na sems nam mkha' dang 'dra ba yin zhe na/ nam mkha' ji ltar yid du 'ong ba'i byug pa rnams kyis kyang rjes su chags par mi 'gyur la/ de las gzhan pa'i yid du mi 'ong ba bshang gci rnams yod pas kyang khong khro bar mi 'gyur ro/ /de bzhin du byang chub sems dpa' sems dpa' chen po yang yid du 'ong ba'i gzugs rnams kyis kyang rjes su chags pa bskyed par mi bya/ yid du mi 'ong ba rnams kyis</font><hr>56.67a<br><font size=+1>

kyang khong khro bar mi bya'o/ de bzhin du sgra dang / dri dang / ro dang / reg pa yid du 'ong ba rnams kyis kyang rjes su chags pa bskyed par mi bya'o/ /yid du mi 'ong ba'i reg pa'i bar dag gis kyang khong khro bar mi bya zhing mi bzod pa dang / dang ba chung ba bskyed par mi bya'o/ /de ltar na byang chub sems dpa' sems dpa' chen po sems nam mkha' dang 'dra bar rig par bya'o/ /tshe dang ldan pa shA ra dwa ti'i bu de ltar na byang chub sems dpa' sems dpa' chen po sems sa dang 'dra ba yin zhing / sems chu dang 'dra ba dang / sems me dang 'dra ba dang / sems rlung dang 'dra ba dang / sems nam mkha' dang 'dra ba yin no/ /smras pa/ tshe dang ldan pa gang po nam mkha' dang 'dra ba ni bgrang du med pa na/ ci byang chub sems dpa' yang bgrang du med pa zhig gam/ smras pa/ tshe dang ldan pa shA ra dwa ti'i bu 'di la byang chub sems dpas lus kyi yid 'di nam mkha' dang 'dra bar rnam par brtag par bya ste/ de ltar dpyod cing rtog na byang chub sems dpa' sems dpa' chen po dbyug pa'i reg pa rnams dang / bong pa'i reg pa rnams dang / mtshon cha'i reg pa rnams dang du len pa la mthu yod cing mkhas pa yin no/ /de bzhin du shes rab kyi pha rol du phyin pa la brten nas lus kun la so sor brtags te/ bzod pa'i pha rol du phyin pa yang yongs su 'dzin cing sems can dmyal ba pa'i sdug bsngal gang dag yin pa dang / sems can dmyal ba pa'i me gang yin pa dang / sems can dmyal ba pa'i mtshon cha dang / dbyug pa'i reg pa gang dag yin pa de rnams kyang byang chub sems dpa' shes rab kyi pha rol du phyin pas yongs su zin pa la dang du len pa'i mthu yod pa yin te/ dang du len pa gang yin pa de ni bzod pa'i pha rol du phyin pa yin no/ /de ci'i phyir zhe na 'khor ba thog ma med pa nas sdug bsngal de dag so sor myong la/ sdug bsngal rnams myong nas kyang rgyun du zhugs</font><hr>56.67b<br><font size=+1>

'bras bu yang ma thob/ lan cig phyir 'ong ba'i 'bras bu yang ma yin/ phyir mi 'ong ba'i 'bras bu yang ma yin/ dgra bcom pa nyid kyang ma yin/ rang byang chub kyang ma thob ste/ byang chub sems dpa' sems dpa' chen pos don gyi dbang 'di yang / yang dag par rjes su mthong nas sdug bsngal de dag dang du blang bar bya'o/ dper na mi la la kha zas ro brgya pa za na tshim pa dang / mos pa dang / yi rangs pa dang / mgu bar 'gyur zhing dga' ba dang yid bde ba skyes te/ rab tu dga' bar gyur pa de bzhin du/ byang chub sems dpas slong ba mthong na gang de la lus sdug bsngal bar bya bar 'dod pa zhig yin du zin kyang ji ltar dgra bcom pa zag pa zad pas de bzhin gshegs pa mthong na dga' ba dang / dad pa dang / gus pa bskyed pa de bzhin du/ byang chub sems dpas slong ba'i gang zag de la sems bskyed par bya'o/ /sems bskyed pa skyes so cog kyang thams cad mkhyen pa nyid du yongs su bsngo bar bya'o/ /yongs su sngo na byang chub sems dpa' sems dpa' chen po bzod pa'i pha rol du phyin pa la gnas par rig par bya'o/ /bzod pa'i pha rol du phyin pa las le'u gnyis pa'o// // tshe dang ldan pa shA ra dwa ti'i bu gzhan yang byang chub sems dpa' sems dpa' chen po ni gshe yang phyir mi gshe ste/ bzod pa 'ba' shig byed do/ /de ci'i phyir zhe na/ 'di lta ste/ des thams cad mkhyen pa nyid yongs su ma btang ba'i phyir ro/ /brdegs kyang phyir mi brdeg /khros kyang phyir mi khro/ bsdigs kyang phyir sdigs par mi byed/ spyos kyang phyir spyo bar mi byed de bzod pa 'ba' shig byed do/ /de ci'i phyir zhe na/ 'di lta ste des thams cad mkhyen pa nyid yongs su ma btang ba'i phyir ro/ /gal te de la mdung thung dang / mda' stong gis lus la phog kyang de la sems sdang bar mi bya de la mi bzod pa dang / dang ba med pa dang / ngang thung ba bskyed par mi bya'o/ /</font><hr>56.68a<br><font size=+1>

de ltar spyod na/ byang chub sems dpa' bzod pa'i pha rol du phyin pa la spyod pa yin te/ lus la yang gser gyi kha dog yongs su 'dzin par 'gyur ro/ /tshe dang ldan pa shA ra dwa ti'i bu de lta bas na byang chub sems dpa' sems dpa' chen pos bzod pa'i stobs dang ldan pa dang / dang du len pa'i rang bzhin can du bya'o/ /de ci'i phyir zhe na/ 'di lta ste/ bzod cing dang du len pa ni bzod pa'i pha rol du phyin pa yongs su 'dzin pa yin te/ thams cad mkhyen pa nyid dang nye bar 'gyur la 'khor ba'i sdug bsngal rnams kyang ring bar byed do/ /gal te byang chub sems dpa' nyan thos kyi sa 'am/ rang sangs rgyas kyi sa la 'dod par byed na byang chub sems dpa' bzod pa'i pha rol du phyin pa las nyams pa yin no/ /de ci'i phyir zhe na/ lus la sdug bsngal de snyed byung ba dang du blangs kyang nyan thos kyi sa 'am/ rang sangs rgyas kyi sa la 'dod par byed na/ byang chub sems dpas rang gi spyod yul bor te/ gzhan gyi spyod yul la gnas pa yin par yang rig par bya'o/ /smras pa tshe dang ldan pa gang po ji tsam gyis na byang chub sems dpa' gzhan gyis spyod yul la spyod pa zhes bya/ smras pa tshe dang ldan pa shA ra dwa ti'i bu byang chub sems dpa' nyan thos kyi sa 'am/ rang sangs rgyas kyi sa 'am/ nyan thos kyi yid la byed pa rnams sam/ rang sangs rgyas kyi yid la byed pa rnams sam/ nyan thos kyi lam 'am/ rang sangs rgyas kyi lam la 'dod pa gang yin pa de ni de tsam gyis na byang chub sems dpa' gzhan gyi spyod yul la spyod pa yin no/ /smras pa tshe dang ldan pa gang po byang chub sems dpa'i rang gi spyod yul gang yin/ smras pa 'di lta ste/ pha rol du phyin pa drug thams cad mkhyen pa nyid dang ldan par yid la byed pa ste/ 'di ltar sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus</font><hr>56.68b<br><font size=+1>

kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'di dag ni byang chub sems dpa'i spyod yul te/ 'di dag la spyod na byang chub sems dpa' rang gi spyod yul la spyod pa yin no/ /de la ni bdud sdig can gyis kyang glags mi rnyed de/ dper na rusbal la was glags mi rnyed de de glags ma rnyed nas skyo ste phyir 'gro ba de bzhin du/ tshe dang ldan pa shA ra dwa ti'i bu/ byang chub sems dpa' pha rol du phyin pa drug la spyod pa la bdud sdig can gyis glags mi rnyed de glags ma rnyed nas skyo ste phyir 'gro'o/ /tshe dang ldan pa shA ra dwa ti'i bu gal te bdud sdig can gyis stong gsum gyi stong chen po'i 'jig rten gyi khams na sems can ji snyed yod pa de snyed kyi bdud sdig can mngon par sprul la bdud re re yang de snyed kyi 'khor gyis bskor bar gyur kyang / de dag byang chub sems dpa' sems dpa' chen po pha rol du phyin pa drug la spyod pa la glags rnyed pa'i skal ba med de glags mi rnyed pas skyo nas phyir 'gro bar 'gyur te/ rus sbal dang rba bzhin no tshe dang ldan pa shA ra dwa ti'i bu de lta bas na byang chub sems dpa' sems dpa' chen pos 'di ltar/ ji ltar byas na bdag pha rol du phyin pa drug dang mi 'bral ba'i sems su 'gyur la/ de ltar gyur na/ bdag la bdud sdig can gyis glags mi rnyed do snyam du yang sems bskyed par mi bya'o/ /smras pa tshe dang ldan pa gang po ji tsam gyis na/ byang chub sems dpa' bdud kyi las su rig par bya/ smras pa tshe dang ldan pa shA ra dwa ti'i bu pha rol du phyin pa rnams mi nyan pa ni/ byang chub sems dpa' sems dpa' chen po'i bdud kyi las su rig par bya'o/ /pha rol du phyin pa rnams la mi sgrub pa ni byang chub sems dpa'i bdud kyi las su rig par bya'o/ /bdud sdig can ni bdag gi thams cad mkhyen pa nyid kyi bar chad bya ba'i phyir nye bar gnas pa'o zhes kyang byang chub sems dpas de la gnod sems sam/ mi bzod pa bskyed par mi bya'o/ /de ltar spyod na byang chub sems dpa'</font><hr>56.69a<br><font size=+1>

sems dpa' chen po bzod pa'i pha rol tu phyin pa spyod pa yin no/ /byang chub sems dpas 'di ltar bdag bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams kyi 'dod chags dang / zhe sdang dang / gti mug spang ba'i phyir chos bshad par bya'o snyam du sems bskyed par bya'o/ /gal te byang chub sems dpa' sems dpa' chen pos de'i tshe dran pa rnyed na/ bdud sdig can zil gyis gnon pa yin no/ /gang gi tshe byang chub sems dpa' thams cad mkhyen pa nyid yid la byed pa dag dang bral bar gyur na bdag spyod yul ma yin par lhung bar ma gyur grang zhes rig par bya'o/ /de ci'i phyir zhe na/ 'di ltar bdag thams cad mkhyen pa nyid dang mi ldan pa'i phyir ro zhes bdag nyid kyi sems la brgyad bkag par bya'o/ /smras pa tshe dang ldan pa gang po ji tsam gyis na byang chub sems dpa' nyin mo chud zos par byed pa yin/ smras pa/ tshe dang ldan pa shA ra dwa ti'i bu gal te byang chub sems dpa' pha rol du phyin pa drug po 'di rnams las gang yang rung ba spyod pa na/ thams cad mkhyen pa nyid la mi sems sam der yongs su bsngo bar mi byed na byang chub sems dpa'i nyin mo chud zos pa yin te/ nyin mo de ni zhen pa dang / rmugs pa yin par rig par bya'o/ /gal te byang chub sems dpa' phyed nyin nam/ yang na phyi ma'i nyin par ram/ nyi ma bzhi'i nyin par sems par gyur te/ sbyin pa 'am/ tshul khrims sam/ bzod pa 'am/ brtson 'grus sam/ bsam gtan rnams sam/ shes rab la sems par gyur la/ bsams nas kyang bla na med pa yang dag par rdzogs pa'i byang chub tu yongs su sngo na de ltar/ de'i nyin mo ni don yod pa yin te/ sbyin pa de yang 'bras bu dang bcas pa yin no/ /tshul khrims</font><hr>56.69b<br><font size=+1>

sam/ bzod pa 'am/ brtson 'grus sam/ bsam gtan rnams sam/ shes rab gang yang rung ba sgom pa de yang 'bras bu dang bcas pa yin no/ /smras pa tshe dang ldan pa gang po byang chub sems dpa'i bzod pa gang yin pa dang / dgra bcom pa zag pa zad pa'i bzod pa gang yin pa'i bzod pa 'di gnyis la khyad par ni ci yod/ tha dad du dbye ba ni gang yin/ smras pa tshe dang ldan pa shA ra dwa ti'i bu ri rab dang yungs 'bru la 'di lta ste/ che chung dang mthon dma' dang / lci yang gi khyad par ni ci yod/ tha dad du dbye ba ni gang yin/ smras pa tshe dang ldan pa gang po ri'i rgyal po ri rab dang / yungs 'bru ni 'di lta ste/ che chung dang / mthon dma' dang / lci yang gi khyad par dpag tu med de/ tha dad du dbye ba dpag tu med do/ /smras pa tshe dang ldan pa shA ra dwa ti'i bu de de bzhin te/ byang chub sems dpa'i bzod pa dang / nyan thos kyis bzod pa ni khyad par dpag tu med cing / tha dad du dbye ba dpag tu med do/ /tshe dang ldan pa shA ra dwa ti'i bu dper na/ rgya mtsho chen po'i chu dang / rgya mtsho chen po'i chu las skra'i rtse mo'i khyon gyis chu'i thig pa gcig blangs pa gang yin pa de la ches mang ba 'am/ ches dpag tu med pa gang yin smras pa/ rgya mtsho chen po'i chu la ni skra'i rtse mo'i khyon gyis blangs pa'i chu'i thig pa gcig gis brgya'i char yang nye bar mi 'gro ba nas/ rgyu'i bar du yang nye bar mi 'gro'o/ /smras pa tshe dang ldan pa shA ra dwa ti'i bu de bzhin du byang chub sems dpa'i bzod pa la nyan thos kyis bzod pas/ brgya'i char yang nye bar mi 'gro'o/ /stong gi cha dang / 'bum gyi cha dang bye ba 'bum gyi cha dang / grangs dang cha dang / bgrang ba dang / dpe dang rgyur yang nye bar mi 'gro'o/ /de nas bcom ldan 'das kyis tshe dang ldan pa byams ma'i bu gang po la bka' stsal pa/ gang po 'di ltar khyod sangs rgyas kyi mthus/ byang chub</font><hr>56.70a<br><font size=+1>

sems dpa' sems dpa' chen po rnams kyi bzod pa'i pha rol du phyin pa 'di la spobs par byas pa legs so legs so/ /gang po byang chub sems dpa' sems dpa' chen po'i bzod pa'i tshad 'dzin par 'dod pa gang yin pa de ni de bzhin gshegs pa'i bzod pa la tshad 'dzin par 'dod cing rab tu rnam par 'byed par sems su zad do/ /de ci'i phyir zhe na/ gang po 'di ltar byang chub sems dpa' sems dpa' chen po rnams ni bzod pa dpag tu med pa dang ldan pa yin pa'i phyir ro/ /bcom ldan 'das kyis de skad ces bka' stsal nas/ tshe dang ldan pa shA ra dwa ti'i bu dang / byams ma'i bu gang po dang / nyan thos chen po de dag dang / byang chub sems dpa' sems dpa' chen po phyogs bcu nas lhags pa de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /bzod pa'i pha rol du phyin pa las le'u gsum pa ste/ rdzogs so// // 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ de nas bcom ldan 'das la tshe dang ldan pa byams ma'i bu gang pos 'di skad ces gsol to/ /bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas ji tsam gyis na/ brtson 'grus kyi pha rol du phyin pa la gnas pa lags/ de skad ces gsol pa dang / bcom ldan 'das kyis tshe dang ldan pa byams ma'i bu gang po la 'di skad ces bka' stsal to/ /gang po 'di la byang chub</font><hr>56.70b<br><font size=+1>

sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa theg pa la gsar du zhugs pas dang po sems bskyed pa nas bzung ste/ 'di ltar bdag gi lus 'di dang / bdag gi khog pa 'dis gzhan gyi bya ba rnams dang / gzhan gyi yo byad rnams la thog mar 'gro bar bya'o/ /bdag gis sems can de dag gi bsam pa yongs su rdzogs par bya ste/ dper na bran mo chu chun bzhin du bdag gis bya'o snyam du sems bskyed par bya'o/ /dper na bran mo chu chun ni 'di ltar bdag gi rang dgar 'dug pa 'am/ nyal bar mi bya'o/ /gal te bdag khyim nas tshong 'dus su 'gro ba na rje bo dang / rje mo de nyid la zhus te 'gro bar bya'o/ bza' ba 'am/ bca' ba de yang gang gi tshe/ bdag la gnang bar gyur na de'i tshe bdag gis phyis bza' bar bya ste/ bdag gis rje bo'i dbang du gnas par bya'o snyam pa de bzhin du gang po byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas 'di ltar bdag gi lus la bdag mi dbang ste/ gzhan gyi bya ba rnams dang / gzhan gyi yo byad rnams la bdag gis phan thogs par bya'o snyam du sems bskyed par bya ste/ gang po de ltar byang chub sems dpa' sems dpa' chen pos brtson 'grus kyi pha rol du phyin pa dang mi 'bral bar bya'o/ /de ltar brtson 'grus kyi pha rol du phyin pa la gnas par yang bya'o/ /gang po dper na la la zhig la rta rin po che yod de mi la la zhig gis zhon la/ de nas rta rin po che de 'di snyam du bdag gis mi 'di'i yan lag gang yang rung ba g.yo ba 'am/ snang bar mi 'gyur bar bya'o snyam ste/ de'i rta de dag gi sems kyi rang dgar mi 'gro bar/ mi 'di bdag gi lan gyis nyes pa ci yang 'byung bar mi bya'o snyam du zhon pa'i mi de nyid</font><hr>56.71a<br><font size=+1>

srung bar byed do/ /gang po de bzhin du byang chub sems dpa' brtson 'grus kyi pha rol du phyin pa la lhag par dmigs par 'dod pas bdag gi sems kyi dbang du 'gro bar mi bya ste/ sems can gzhan dag dang / gang zag gzhan rnams su yang rung / bdag la dmigs pas nyes pa 'byung bar mi 'gyur bar bya'o snyam ste/ yon tan 'di dag ni byang chub sems dpa' sems dpa' chen po de la yod do/ /gang po de ltar byang chub sems dpas pha rol rjes su srung bar bya zhing / 'thun par gnas par bya'o/ /'thun par gnas shing rjes su srung na brtson 'grus kyi pha rol du phyin pa yongs su 'dzin to/ /byang chub sems dpa' thams cad mkhyen pa nyid las phyir mi ldog pa gang yin pa 'di yang byang chub sems dpa' sems dpa' chen po'i brtson 'grus kyi pha rol du phyin pa yin no/ /byang chub sems dpa' gal te bdag gis sangs rgyas kyi zhing shin du yongs su dag par ji ltar bya zhes shin du yun ring por mtshams sbyor zhing 'khor ba 'di yang byang chub sems dpa'i brtson 'grus kyi pha rol du phyin pa yin no/ /byang chub sems dpa' sems dpa' chen po gal te stong gsum gyi stong chen po'i 'jig rten gyi khams 'di na skye ba gcig gis thogs pa 'am/ skye ba gnyis kyis thogs pa 'am/ skye ba gsum gyis thogs pa 'am/ theg pa la gsar du zhugs pa'i byang chub sems dpa' la 'di skad du/ khyod thog ma kho nar bla na med pa yang dag par rdzogs pa'i byang chub mngon par rdzogs par 'tshang rgya bar gyis shig /kho bo ni phyis mngon par rdzogs par 'tshang rgya bar bya'o zhes zer ba 'di yang byang chub sems dpa'i brtson 'grus kyi pha rol du phyin pa yin no/ /byang chub sems dpa' gal te slong ba mthong na gud tu phyogs par mi byed cing dbang po rnams kyang g.yeng bar mi byed de/ sems can 'di ni bdag gi thams cad mkhyen pa nyid la phan 'dogs pa yin no</font><hr>56.71b<br><font size=+1>

snyam pa 'di yang / byang chub sems dpa'i brtson 'grus kyi pha rol du phyin pa yin no/ /byang chub sems dpa' gal te sems can gcig gi ched du yang bskal pa 'am/ bskal pa las lhag par sems can dmyal ba chen por bdag btso bar spro bar byed cing sems can 'di ni bde bar gyur cig snyam pa 'di yang byang chub sems dpa' sems dpa' chen po'i brtson 'grus kyi pha rol du phyin pa yin no/ /gal te yang nyi ma bskal pa'i tshad tsam du gyur la/ nyi ma'i tshad de dag gi bskal pa gang gA'i klung gi bye ma snyed tu sems can dmyal ba chen por bdag btso zhing sems can dmyal ba pa'i sems can gang yin pa de dag ni de las byung bar gyur cig snyam ste/ gal te de dag gis 'thob pa'i chos shig yod na byang chub sems dpas khas blang bar bya'o/ /gal te khas len na 'di yang byang chub sems dpa'i brtson 'grus kyi pha rol du phyin pa yin no/ /gal te zhum zhing mi dga' na byang chub sems dpa' le lo can yin par rig par bya'o/ /gal te sems dang sems su mnyam na byang chub sems dpa' sems dpa' chen po brtson 'grus brtsams pa yin par rig par bya'o/ /gal te byang chub sems dpa' 'dzam bu'i gling 'di kho ra khor yug 'phyin cing 'ongs te/ phyogs de nyid du 'ongs nas 'di skad du/ bdag 'ongs nas shin du yun ring ngo snyam du sems na byang chub sems dpa' le lo can yin par rig par bya'o/ /gal te 'di snyam du bdag myur du 'ongs so snyam du sems na ni byang chub sems dpa' brtson 'grus brtsams pa yin par rig par bya ste/ 'di yang byang chub sems dpa' sems dpa' chen po'i brtson 'grus kyi pha rol du phyin pa yin no/ /gal te byang chub sems dpa' sems dpa' chen po mchod rten nam/ dge 'dun gyi zhal ta byed cing nyin mo 'gro ba na 'di snyam du/ kye ma nyi ma 'di re ring 'di re bul du 'gro snyam du sems na byang chub sems dpa' le lo can yin par rig par bya'o/ /</font><hr>56.72a<br><font size=+1>

gal te 'di snyam du nyi ma 'di se gol gtogs pa tsam gyis song ngo snyam du sems na ni byang chub sems dpa' sems dpa' chen po brtson 'grus brtsams pa yin par rig par bya ste/ byang chub sems dpa' brtson 'grus kyi pha rol du phyin pa la brtson pa yin no/ /yang de'i las lo gcig gi bya ba gang yin pa'i las de nyi ma gcig gis las 'dra bar bsam zhing lo cig gi bya ba'i las de nyi ma gcig gis zin par bya'o/ /bskal pa las lhag pa'i tshad gang yin pa de yang nyi ma gcig tsam du rtsi zhing 'jug par bya'o/ /bskal pa gang yin pa de yang nyi ma gcig tsam du rtsi bar bya'o/ /gal te de ltar mi rtsi zhing de ltar mi rtog na byang chub sems dpa' le lo can yin par rig par bya'o/ /ji ste de ltar rtsi zhing de ltar rton na ni byang chub sems dpa' sems dpa' chen po brtson 'grus brtsams pa yin par rig par bya'o/ /byang chub sems dpa' byang chub kyi phyir spyod pas bskal pa 'di snyed kyis na rang gi mngon par shes pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes kyang bskal pa rnams kyi grangs brjod par mi bya'o/ /gal te bskal pa rnams kyi tshad rjod na byang chub sems dpa' le lo can yin par rig par bya'o/ /gal te de 'di snyam du bskal pa dpag tu med pa dag gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur du zin kyang phyir phyogs par ni ye mi bya'o snyam du sems na/ byang chub sems dpa' sems dpa' chen po brtson 'grus bcas brtson yin pa de rig par bya ste/ byang chub sems dpa' sems dpa' chen po brtson 'grus kyi pha rol du phyin pa la spyod pa yin no/ /brtson 'grus kyi pha rol du phyin pa la yang dag par gnas pa yin no/ /thams cad mkhyen pa nyid dang nye bar 'gyur ro/ /'khor ba ring bar byed do/ /gal te byang chub sems dpa' la ri'i rgyal po ri rab 'di khyod kyis nyi ma gcig gis phigs par gyis shig ces bsgo la/ gal te ri'i</font><hr>56.72b<br><font size=+1>

rgyal po ri rab kyi tshad ji tsam pa 'dri na byang chub sems dpa' le lo can yin par rig par bya'o/ /gal te ri'i rgyal po ri rab la yungs 'bru tsam zhig 'bigs par nus su zin kyang ri'i rgyal po ri rab 'di lta bu zhig la dbug tu ci yod de 'di ni phigs zin pa dang 'dra'o snyam du mthong zhing / nyin gcig kyang yun rings kyis se gol gtogs pa tsam gyis dbug go snyam ste de ltar rtsi bar 'jug na byang chub sems dpa' sems dpa' chen po brtson 'grus brtsams pa yin par rig par bya'o/ /gang gA'i klung gi bye ma ji snyed yod pa de snyed kyi bskal pa nyin zhag gcig tu gyur du zin la/ nyin mtshan gyi tshad de dag gi bskal pa dpag tu med pa dag gis bla na med pa yang dag par rdzogs pa'i byang chub mngon par rdzogs par 'tshang rgya bar bya dgos su zin na yang / mngon par rdzogs par sangs rgyas zin pa dang 'dra bar mthong na byang chub sems dpa' sems dpa' chen po de yang brtson 'grus brtsams pa yin par rig par bya'o/ /gal te brtson 'grus rtsom pa 'di'i bsngags pa rjod pa na zhum zhing skrag par 'gyur na ni/ byang chub sems dpa' le lo can yin par rig par bya ste/ thams cad mkhyen pa nyid kyi zhing la 'jug par mi 'gyur ro/ /gal te byang chub sems dpa' brtson 'grus kyi pha rol du phyin pa'i bsngags pa rjod pa na 'di ltar bdag yon tan 'di lta bu 'di dag dang nam zhig ldan par 'gyur zhig gu snyam pa'i sems 'byung na byang chub sems dpa' le lo can yin par rig par bya'o/ /gal te yon tan 'di dag ni bdag la yod do snyam du bdag nyid kyis shes te/ bdag brtson 'grus kyi yon tan 'di dag gi pha rol tu 'gro bar bya'o snyam na byang chub sems dpa' sems dpa' chen po brtson 'grus brtsams pa yin par rig par bya'o/ /gal te byang chub sems dpa' 'di snyam du lag pa 'am/ rkang pa 'am/ mgo slong ba na/ gal te byin na ni lag pa med pa dang / rkang pa med pa dang / mgo med pa snyam du sems na byang chub sems dpa' le lo can yin par rig par bya'o/ /</font><hr>56.73a<br><font size=+1>

gal te 'di snyam du lag pa 'am/ rkang pa 'am/ mgo bo yongs su btang na bdag lha dang / mi dang / lha ma yin du bcas pa'i 'jig rten gyi bla na med pa'i lag pa dang / bla na med pa'i rkang pa dang / bla na med pa'i mgo dang ldan par 'gyur ro snyam du sems te/ de ltar rtsi bas 'jug na byang chub sems dpa' brtson 'grus brtsams pa yin par rig par bya'o/ /gal te byang chub sems dpa'i mig slong ba na 'di snyam du gal te mig byin na ni mig med par 'gyur ro snyam du sems na byang chub sems dpa' le lo can yin par rig par bya'o/ /gal te byang chub sems dpa'i mig slong ba na 'di snyam du mig yongs su btang bas bdag lha dang / mi dang lha ma yin du bcas pa'i 'jig rten gyi bla na med pa'i mig dang ldan zhing / bla na med pa'i ye shes kyi mig tu 'gyur bar bya'o snyam du sems na ni byang chub sems dpa' sems dpa' chen po brtson 'grus brtsams pa yin par rig par bya ste/ nyan thos kyi sa dang / rang sangs rgyas kyi sa ring bar byed cing thams cad mkhyen pa nyid dang nye bar 'gyur ro/ /gal te byang chub sems dpa'i yan lag dang nying lag slong ba na 'di snyam du/ gal te bdag gis yan lag dang nying lag byin na ni/ yan lag med par 'gyur ro/ /snyam du sems na byang chub sems dpa' le lo can yin par rig par bya'o/ /gal te byang chub sems dpa'i yan lag dang / nying lag yongs su gtong ba na 'di snyam du sangs rgyas kyi chos rnams dang / lha dang / mi dang / lha ma yin du bcas pa'i 'jig rten gyi yan lag gi mchog tu 'gyur ro snyam du sems shing / de ltar rtsi bas 'jug na/ byang chub sems dpa' sems dpa' chen po brtson 'grus brtsams pa yin par rig par bya'o/ /gal te byang chub sems dpa' la slong ba dag slong ba na 'di snyam du bdag la slong ba mang ches na slong ba 'di dag gi bsam pa yongs su rdzogs par byed sus nus slong ba 'di dag gi bsam pa yongs su rdzogs par ga la 'gyur snyam du de ltar sems na byang chub</font><hr>56.73b<br><font size=+1>

sems dpa' le lo can yin par rig par bya'o/ /gal te 'di snyam du slong ba 'di dag ni mang ba ma yin te/ 'jig rten gyi khams gang gA'i klung gi bye ma snyed dag na slong ba yod pa de dag thams cad nyi ma gcig la 'ongs su zin kyang de ltar na yang mang ba ma yin no snyam du sems te/ 'di ltar yang de'i shes rab nye bar gnas par 'gyur zhing / 'di dag ni nyung ste gzhan dag la yang yang dag par kun bged pa spro'o zhes de snyam du sems shing de ltar rtsi bas 'jug na byang chub sems dpa' sems dpa' chen po brtson 'grus brtsams pa yin par rig par bya'o/ /de ci'i phyir zhe na/ 'di ltar byang chub sems dpas ni sangs rgyas kyi chos dpag tu med pa mngon par bsgrub par bya dgos te/ brtson 'grus dang / sbyin pa yongs su gtong ba grangs chad pas ni sangs rgyas kyi chos dpag tu med pa rnams thob par mi nus kyi go cha dpag tu med pa bgos pas sangs rgyas kyi chos dpag tu med pa rnams thob par nus pa'i phyir ro/ /dper na mi zhig rgya mtsho chen po rgal bar 'dod par gyur na des dpag tshad gzhan dang gzhan stong phrag mang por go cha bgo bar bya dgos pa de bzhin du/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas bskal pa bye ba khrag khrig 'bum phrag dpag tu med par go cha bgo bar bya dgos so/ /gal te byang chub sems dpa' 'di snyam du bskal pa grangs med pas bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du sems na/ byang chub sems dpa' le lo can yin par rig par bya'o/ /gal te 'di snyam du bskal pa dpag tu med pa dag gis bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /snyam du sems na/ byang chub sems dpa' sems dpa' chen po brtson 'grus</font><hr>56.74a<br><font size=+1>

brtsams shing go cha chen po bgos pa yin par rig par bya'o/ /de nas bcom ldan 'das la/ tshe dang ldan pa byams ma'i bu gang pos 'di skad ces gsol to/ /bcom ldan 'das ci byang chub sems dpa' dka' ba bgyid pa lags sam/ bka' stsal pa/ gang po 'di ji snyam du sems/ byang chub sems dpa' dka' ba ci yang mi byed dam/ gsol pa/ bcom ldan 'das byang chub sems dpa' ni dka' ba ci yang mi bgyid do/ /de ci'i slad du zhe na/ chos thams cad ni sgyu ma lta bur bcom ldan 'das kyis bka' stsal te/ bde bar tshor ba gang lags pa dang / sdug bsngal bar tshor ba gang lags pa'i chos 'di gnyis ni sgyu ma'i chos nyid las 'das pa ma lags pa'i slad du'o/ bcom ldan 'das kyis bka' stsal pa/ gang po rnam grangs 'dis kyang byang chub sems dpa' sems dpa' chen po dka' ba byed par rig par bya ste/ sgyu ma lta bu'i chos rnams kyis spro zhing / lus sam sems kyis kyang le lor mi byed de/ mngon par spro bar byed pa 'di yang byang chub sems dpa' sems dpa' chen po'i brtson 'grus kyi pha rol du phyin pa yin par rig par bya'o/ /de nas bcom ldan 'das la tshe dang ldan pa byams ma'i bu gang pos 'di skad ces gsol to/ /bcom ldan 'das ji tsam du byang chub sems dpa' sems dpa' chen po dka' ba bgyid pa lags par rig par bgyi ba ni ngo mtshar lags so/ /'di ni bcom ldan 'das kyis legs par gsungs te/ gang bla na med pa yang dag par rdzogs pa'i byang chub mngon par rdzogs par sangs rgyas nas/ sems can dpag tu ma mchis shing grangs ma mchis pa rnams kyi mi shes pa spang ba'i slad du chos ston la mi shes pa de yang su'i yang ma lags te/ bdag ces bgyi ba 'am/ bdag gi zhes bgyi ba ni rang gi sems kyi mi shes</font><hr>56.74b<br><font size=+1>

pa'i bdag tu 'dzin pas zin pa'i sems can rnams de ltar sems par bas so/ /mi shes pa de ni rten cing 'brel par 'byung ba lags te/ sus kyang ma bskyed lags so/ /rgyu tshogs shing 'dus pa las 'byung la/ rgyu ma mchis par gyur pas ni 'gag par 'gyur ro/ /chos rnams ni rang gi ngang gis 'gag pas na sus kyang bkag pa ma mchis so/ /bka' stsal pa/ gal te byang chub sems dpa' sems dpa' chen po de ltar rtsi bas 'jug cing de las sems phyir mi ldog na de nyid byang chub sems dpa'i brtson 'grus kyi pha rol du phyin pa yin te/ de bas na byang chub sems dpa' sems dpa 'a chen po brtson 'grus brtsams pa yin par rig par bya'o/ /gal te byang chub sems dpa' 'di snyam du gal te chos 'di dag stong pa yin na ni/ bdag gi brtson 'grus brtsams pa mthu med par 'gyur ro snyam du sems na byang chub sems dpa' le lo can yin par rig par bya'o/ /gal te byang chub sems dpa' 'di snyam du gang gi phyir chos 'di dag stong pa de'i phyir stong pas bla na med pa yang dag par rdzogs pa'i byang chub mngon par rdzogs par 'tshang rgya bar nus so/ /de ci'i phyir zhe na/ 'gro ba lnga'i sems can 'di dag ni stong pa nyid kyis bcings pas 'khor ba las mi 'da' ste/ bdag bla na med pa yang dag par rdzogs pa'i byang chub mngon par rdzogs par sangs rgyas pa na 'gro ba lnga'i sems can 'di dag 'khor ba las rab tu rnam par thar bar bya ba'i phyir chos bshad par bya'o/ /rgyas par rab tu bstan par bya'o snyam du sems na ni 'di yang byang chub sems dpa' sems dpa' chen po'i brtson 'grus kyi pha rol du phyin pa yin par rig par bya'o/ /gal te de 'di snyam du 'khor </font><hr>56.75a<br><font size=+1>

ba thog ma dang tha ma med pa 'dir su zhig 'khor zhing 'dug ste/ bdag ni spro ba med kyis bdag ni 'di nyid tu yongs su mya ngan las 'da' bar bya'o snyam du sems na byang chub sems dpa' le lo can yin par rig par bya'o/ /gal te de 'di snyam du/ bdag ji srid tu mtshams sbyar cing 'khor ba de srid tu/ gzhan du yang mtshams sbyar zhing 'khor bar 'gyur te/ de yang mtshams sbyar zhing 'khor bar bya dgos la/ 'on kyang bla na med pa yang dag par rdzogs pa'i byang chub mngon par rdzogs par 'tshang rgya bar yang mi 'gyur gyis/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam sems la/ yang de 'di snyam du ji ltar sems bskyed pa 'di ltar 'gro ba bzhin du/ nyi ma yang sems bskyed pa tsam du snang ngo snyam du sems shing / de'i yid la byed pa rnams kyang thams cad mkhyen pa nyid dang ldan te/ dus tshigs dang / lo dang / zla ba dang / zla ba phyed pa thams cad 'da' yang mi tshor mi shes te/ 'di ltar sbyin pa'i pha rol du phyin pas sems yongs su dag par byas pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas sems yongs su dag par byas pas de'i phyir dus tshigs dang / lo dang / zla ba dang / zla ba phyed rnams yid la mi sems so/ /dper na tshong dpon zhig gis 'bum phrag mang po ri ba'i rin po che thob na/ de khyim gyi bya ba rnams dang / de las gzhan pa bun skyin btang ba dang / 'du ba gang ci yang rung ba rnams kyang yid la mi sems so/ /gal te 'bum phrag mang po ri ba'i</font><hr>56.75b<br><font size=+1>

rin po che de/ gdod thob par 'gyur du re ba zhig yod na ni kha zas bza' ba 'ang yid la med do/ /de bzhin du byang chub sems dpa' pha rol du phyin pa rnams kyis sems/ yongs su dag par gyur pa yang dus tshigs dang / lo dang / zla ba dang / zla ba phyed rnams yid la mi byed de/ nam zhig thams cad mkhyen pa nyid kyi rin po che thob par 'gyur snyam pa 'ba' shig yid la byed do/ /gsol pa/ bcom ldan 'das byang chub sems dpa' gang dag yon tan 'di dag yongs su sgrogs pa ni brtson 'grus kyi go cha chen po bgos pa lags so/ /bcom ldan 'das kyis bka' stsal pa/ gang po de de bzhin te/ byang chub sems dpa' sems dpa' chen po gang dag yon tan 'di dag yongs su sgrogs pa ni brtson 'grus kyi go cha chen po bgos pa yin no/ /gang po lha dang mi dang lha ma yin du bcas pa'i 'jig rten gyi nang na/ de bzhin gshegs pa ma gtogs par byang chub sems dpa'i yon tan 'di dag dang ldan pa gang yin pa dang / gang la yon tan 'di dag yod pa ngas yang dag par rjes su ma mthong ngo / /de nas tshe dang ldan pa byams ma'i bu gang po stan las langs te/ chos gos phrag pa gcig tu bgos nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ tshig tu smras pa/ shar phyogs kyi 'jig rten gyi khams dpag tu med pa dag na/ theg pa la gsar du zhugs pa'i byang chub sems dpa' sems dpa' chen po gang dag gnas pa de dag phyir mi ldog par gyur cig /phyir mi ldog pa gang dag yin pa de dag ni myur du thams cad mkhyen pa nyid yongs su rdzogs par gyur cig /de bzhin du lho phyogs dang / nub dang / byang dang / 'og dang / </font><hr>56.76a<br><font size=+1>

steng gi phyogs dang / de bzhin du phyogs mtshams dang phyogs bcu dag na theg pa la gsar du zhugs pa'i byang chub sems dpa' sems dpa' chen po gang dag gnas pa de dag phyir mi ldog par gyur cig /phyir mi ldog pa gang dag yin pa de dag ni/ myur du thams cad mkhyen pa nyid yongs su rdzogs par gyur cig ces tshig tu smras so/ /de skad ces smras pa dang / bcom ldan 'das kyi tshe dang ldan pa byams ma'i bu gang po la 'di skad ces bka' stsal to/ /gang po khyod kyis don gyi dbang gang yang dag par mthong bas tshig 'di skad du/ byang chub sems dpa' de dag myur du thams cad mkhyen pa nyid yongs su rdzogs par gyur cig ces smras/ gsol pa/ btsun pa bcom ldan 'das gal te byang chub sems dpa' ma mchis na/ 'jig rten du sangs rgyas bcom ldan 'das rnams 'byung bar mi 'gyur la/ sangs rgyas 'byung ba ma mchis na/ bcom ldan 'das kyis nyan thos kyi dge 'dun dang / byang chub sems dpa' yang ma mchis te/ bcom ldan 'das de'i slad du/ byang chub sems dpa'i spyod pa mchis na/ 'di ltar 'jig rten du sangs rgyas 'byung ba mchis la/ sangs rgyas 'byung ba mchis na/ bcom ldan 'das kyis nyan thos rnams dang / byang chub sems dpa' rnams mchis so/ /bcom ldan 'das dper bgyi na/ shing chen po sdong po dang ldan zhing snying po dang ldan na/ me tog rnams mchis la/ me tog las 'bras bu rnams mchis par gyur te/ 'bras bu las kyang shing chen po 'byung bar 'gyur lags so/ /bcom ldan 'das de bzhin du sangs rgyas bzhugs na/ nyan thos rnams dang / byang chub sems dpa'i spyod pa mchis te/ de las kyang de bzhin gshegs pa dgra bcom pa yang dag par rdzogs</font><hr>56.76b<br><font size=+1>

pa'i sangs rgyas 'byung bar 'gyur lags so/ /de nas bcom ldan 'das kyis tshe dang ldan pa byams ma'i bu gang pos bshad pa la mngon par bstod de/ gang po legs so/ /legs so zhes bya ba byin no/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis byang chub sems dpa' sems dpa' chen po brtson 'grus kyis go cha chen po bgos pa rnams kyi brtson 'grus kyi pha rol du phyin pa zung shig /kun chub par gyis shig /bcom ldan 'das kyis de skad ces bka' stsal nas/ tshe dang ldan pa byams ma'i bu gang po dang / tshe dang ldan pa shA ra dwa ti'i bu dang / tshe dang ldan pa kun dga' bo dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /brtson 'grus kyi pha rol du phyin pa rdzogs so// //bam po drug pa ste tha ma/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas bsam gtan gyi pha rol du phyin pa la ji ltar bslab par bgyi/ bcom ldan 'das ji ltar bsam gtan gyi pha rol du phyin pa sgom par bgyi/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen po bla na med pa yang dag par rdzogs pa'i</font><hr>56.77a<br><font size=+1>

byang chub mngon par rdzogs par 'tshang rgya bar 'dod pas bsam gtan dang po la mnyam par 'jog pa na/ 'di ltar bsam gtan 'di la bdag gis sngon yang snyoms par zhugs te/ bsam gtan dang po 'di la sngon 'khor ba thog ma dang tha ma med pa'i skye bar snyoms par zhugs so snyam du mnyam par gzhag par mi bya'i/ bla na med pa yang dag par rdzogs pa'i byang chub mngon par rdzogs par 'tshang rgya ba'i rten du 'gyur ro/ /de bzhin du bsam gtan gnyis pa dang / gsum pa dang / bzhi pa la mnyam par 'jog pa na/ 'di ltar bsam gtan bzhi pa 'di la bdag gis sngon yang snyoms par zhugs te/ bsam gtan bzhi pa 'di la sngon 'khor ba thog ma dang tha ma med pa'i skye bar snyoms par zhugs te/ sngon yang bdag gis bsam gtan 'di dag bskyed do snyam du mnyam par gzhag par mi bya'i/ bla na med pa yang dag par rdzogs pa'i byang chub mngon par rdzogs par 'tshang rgya ba la phan 'dogs par 'gyur zhing / bsam gtan bzhi pa la brten nas/ mngon par shes pa lnga mngon par bsgrub par bya dgos te/ byang chub sems dpa' snga ma rnams kyis kyang 'di ltar bsam gtan gyi pha rol du phyin pa la mnyam par bzhag cing bsgoms te/ de bas na bdag gis kyang 'di la bslab par bya'o/ /byang chub sems dpa' bsam gtan gyi pha rol du phyin pa la gnas par 'dod na shes rab kyi pha rol du phyin pa yang mngon par bsgrub bo/ /shA ra dwa ti'i bu byang chub sems dpa' sems dpa' chen po bsam gtan bzhi pa la gnas pas zag pa zad pa mngon sum du bya ba'i phyir ni mnyam par gzhag par mi bya'i/ 'di ni bdag bla na med pa yang dag par rdzogs par byang chub pa'i rten yin no/ /de bsam gtan bzhi pa la mnyam par 'jog pa na/ bsam gtan rnams dang / bsam gtan gyi bde ba dang / bsam gtan gyi rgyu 'thun pa'i ro myong bar mi byed de</font><hr>56.77b<br><font size=+1>

'on kyang gnas pa des gnas par byed do/ /de bsam gtan bzhi pa la gnas nas/ nam mkha' mtha' yas skye mched kyi snyoms par 'jug pa la mnyam par gzhog cing mngon par sgrub bo/ /rnam shes mtha' yas skye mched kyi snyoms par 'jug pa la mnyam par gzhog cing mngon par sgrub bo/ /ci yang med pa'i skye mched kyi snyoms par 'jug pa la mnyam par gzhog cing mngon par sgrub bo/ /'du shes med 'du shes med min skye mched kyi snyoms par 'jug pa la mnyam par gzhog cing mngon par sgrub bo/ /de gzugs med pa'i snyoms par 'jug pa bzhi po 'di dag gis gnas la/ de dag gi ro yang myong bar mi byed do/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das byang chub sems dpa' sems dpa' chen pos don gyi dbang gang yang dag par mthong bas 'gog pa'i snyoms par 'jug pa la mnyam par gzhog par mi bgyid/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po nyan thos kyi sa 'am/ rang sangs rgyas kyi sar lhung du dogs pa'i phyir 'du shes dang tshor ba 'gog pa'i snyoms par 'jug pa'i bde ba la mnyam par mi gzhog ste/ 'du shes dang / tshor ba 'gog pa'i snyoms par 'jug pa la mnyam par gzhag na ni/ dgra bcom pa'i 'bras bu mngon sum du byed par 'gyur bar shes par bya ste/ shA ra dwa ti'i bu don gyi dbang 'di yang dag par mthong nas/ byang chub sems dpa' sems dpa' chen po 'du shes dang tshor ba 'gog pa'i snyoms par 'jug pa la mnyam par mi gzhog go gsol pa/ bcom ldan 'das byang chub sems dpa' sems dpa' chen po rnams 'di ltar snyoms par 'jug pa 'di dag nyid kyis gnas la/ snyoms par 'jug pa'i ro yang myong bar mi</font><hr>56.78a<br><font size=+1>

bgyid cing / snyoms par 'jug pa 'di dag la 'dod chags dang yang ma bral ba ni ngo mtshar bgyid pa lags so/ bka' stsal pa/ shA ra dwa ti'i bu de de bzhin no/ /de de bzhin te/ byang chub sems dpa' rnams 'di ltar snyoms par 'jug pa 'di dag nyid kyis gnas la/ snyoms par 'jug pa 'di dag gi ro yang myong bar mi byed cing / snyoms par 'jug pa 'di dag la 'dod chags dang yang ma bral ba ni ngo mtshar byed pa yin te/ shin tu ngo mtshar to/ /shA ra dwa ti'i bu de bas na don 'di yang rgyas par bya ba dang / rdzogs par bya ba'i phyir khyod la dpe bstan par bya'o/ /shA ra dwa ti'i bu dper na/ 'dzam bu'i gling gi mi 'dod chags dang ma bral/ 'dun pa dang ma bral ba/ byang gi sgra mi snyan gyi gling du song ste/ de byang gi sgra mi snyan gyi gling du song nas/ byang gi sgra mi snyan gyi mi rnams kyi bdag gi ba med cing yongs su ma bzung ba'i bud med rnams dang / dpag bsam gyi shing las byung ba'i gos rnams dang / ma rmos ma btab pa'i 'bras rnams dang / rgyan dang ldan pa'i shing de dag dang / nye bar spyad pa dang / longs spyod pa de dag dang / yongs su ma bzung ba'i gser dang / rin po che de dag mthong ste/ shA ra dwa ti'i bu de ltar mi des byang gi sgra mi snyan gyi gling de'i kho ra khor yug mthong nas/ phyir 'khor te 'ongs na/ de la chags pa 'am 'ching ba yang med do/ de nas mi de byang gi sgra mi snyan gyi mi rnams kyi nye bar spyad pa dang / longs spyod pa kun mthong nas/ phyir 'dzam bu'i gling du 'ong ba de bzhin du/ shA ra dwa ti'i bu byang chub sems dpa' sems dpa' chen po bsam gtan bzhi po 'di dang / gzugs med pa'i snyoms par 'jug pa bzhi rnams kyis gnas kyang / de dag gi ro yang myong bar mi byed do/ /byang chub</font><hr>56.78b<br><font size=+1>

sems dpa' sems dpa' chen po de bsam gtan bzhi dang / gzugs med pa'i snyoms par 'jug pa bzhi rnams la gnas pa de dag gis 'dris par byas nas/ yang de 'dod pa na spyod pa'i chos rnams la dmigs te/ de'i lus zhig pa na phyir yang 'dod pa'i khams su lus mngon par 'grub bo/ /shA ra dwa ti'i bu de ltar byang chub sems dpa' phyir yang pha rol du phyin pa drug yang dag par blangs te gnas so/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das ci'i slad du byang chub sems dpa' sems dpa' chen po gnas khyad par can dang / sa khyad par can bor te/ slar yang 'dod pa'i khams su skye bar gnang bar mdzad/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po ni lha tshe ring po'i nang du skye bar ma gnang ngo / /de ci'i phyir zhe na/ pha rol du phyin pa'i phyogs ring bar byed du 'ong ba dang / yun ring mo zhig gis bla na med pa yang dag par rdzogs pa'i byang chub mngon par rdzogs par 'tshang mi rgya bar 'gyur du dogs pa'i phyir ro/ /gsol pa/ bcom ldan 'das byang chub sems dpa' gang gnas gya nom pa bor te/ slar yang sa tha chad la dmigs pa ni dka' ba bgyid pa lags so/ /btsun pa bcom ldan 'das dper bgyi na/ mi 'dod chags dang ma bral ba/ 'dun pa dang ma bral ba la la zhig gis bud med rin po che rgyan thams cad kyis brgyan pa/ gcer bur mchis pa zhig mthong na/ des de kun du brtags te/ yan lag dang nying lag gi mtshan ma thams cad kyang bzung mod kyi de la bag ma mchis pa yang mi bgyid do/ /de dus gzhan zhig na bud med ngan pa bran mo 'am/ las bgyid pa</font><hr>56.79a<br><font size=+1>

'ga' zhig phyogs stong par mthong nas/ de la lta ste/ shin du blta na sdug pa yang ma lags/ shin du gzugs bzang ba yang ma lags mod kyi/ de de la bag ma mchis par bgyid do/ /bcom ldan 'das bdag ni byang chub sems dpa' sems dpa' chen po gang dag bsam gtan bzhi dang / gzugs ma mchis pa'i snyoms par 'jug pa bzhi rnams la/ ci bde ci dgar gnas nas/ gnas de dag bor te/ slar yang 'dod pa'i khams la lhag par dmigs pa rnams dpe de dang 'dra ba snyam bgyid do/ /bka' stsal pa/ shA ra dwa ti'i bu byang chub sems dpa' sems dpa' chen po gang gnas pa 'di dag gis gnas pa phyir yang 'dod pa'i khams la dmigs pa 'di ni/ shA ra dwa ti'i bu byang chub sems dpa'i thabs la mkhas pa yin par rig par bya'o/ /de ci'i phyir zhe na/ 'di ltar des thams cad mkhyen pa nyid yongs su ma spangs pa'i phyir ro/ /bsam gtan gyi pha rol du phyin pa las le'u dang po'o// // de nas tshe dang ldan pa byams ma'i bu gang pos tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu ci'i phyir byang chub sems dpa' sems dpa' chen po la bsam gtan dang po la mnyam par gzhag par gnang bar mdzad cing / bsam gtan gnyis pa dang / gsum pa dang / bzhi pa las brtsams te/ mnyam par gzhag par gnang ba mdzad la de la gnas par ni gnang bar ma mdzad/ de skad ces smras pa dang / tshe dang ldan pa shA ra dwa ti'i bus tshe dang ldan pa byams ma'i bu gang po la 'di skad ces smras so/ /tshe dang ldan pa gang po lus zhig nas lha tshe ring po'i nang du skye bar 'gyur du dogs pa'i phyir te/ tshe dang ldan pa gang po de bzhin gshegs pa dgra bcom</font><hr>56.79b<br><font size=+1>

pa yang dag par rdzogs pa'i sangs rgyas kyis don gyi dbang 'di yang dag par gzigs nas lha tshe ring po'i nang du skye bar ma gnang ngo / /de ci'i phyir zhe na/ 'dod pa'i khams su skyes na/ ches myur du thams cad ma khyen pa nyid yongs su rdzogs par 'gyur ba'i phyir ro/ /smras pa/ tshe dang ldan pa shA ra dwa ti'i bu ji tsam du/ byang chub sems dpa' sems dpa' chen po gang dag gnas pa de dag gis gnas nas/ phyir yang gnas pa de dag bor te 'og ma'i chos 'di la dmigs pa ni dka' ba byed pa ste ngo mtshar to/ /tshe dang ldan pa shA ra dwa ti'i bu dper na/ mi la la zhig gis rin po che thams cad kyi gter mthong nas/ bgrangs te bsnams nas song la/ dus gzhan zhig du ka ka ni 'am/ kAr ShA pa Na mthong na/ de la lag pas bsnyabs te/ blangs nas 'gro ba de bzhin du/ tshe dang ldan pa byang chub sems dpa' sems dpa' chen po bsam gtan bzhi dang / gzugs med pa'i snyoms par 'jug pa bzhi po 'di dag la ci bde ci dgar gnas nas bgrangs te gcal la mnyam par bzhag nas/ phyir yang 'dod pa dang ldan pa'i chos rnams la dmigs shing / de'i lus zhig nas phyir yang 'dod pa'i khams su skye ste/ de ltar na byang chub sems dpa' sems dpa' chen po phyir yang pha rol du phyin pa drug yang dag par blangs nas gnas par 'gyur te/ tshe dang ldan pa shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang 'di yang dag par gzigs nas/ byang chub sems dpa' sems dpa' chen po lha tshe ring po'i nang du skye bar gnang bar mi mdzad do/ /de nas bcom ldan 'das la/ tshe dang ldan pa byams ma'i bu gang pos 'di skad ces gsol to/ /bcom ldan 'das bdag 'di skad du ston cing 'chad pa/ de bzhin gshegs pas gsungs pa smra ba dang / chos smra ba lags</font><hr>56.80a<br><font size=+1>

sam/ chos kyi rjes su 'thun pa'i chos lung ston pa lags sam/ bka' stsal pa/ gang po khyod de skad ston cing de skad 'chad na/ khyod de bzhin gshegs pas gsungs pa smra ba yin/ chos kyi rjes su 'thun pa'i chos lung ston pa yin no/ /gang po 'di la byang chub sems dpa' sems dpa' chen po gal te bsam gtan dang po la mnyam par gzhog cing / bsam gtan gnyis pa dang / gsum pa dang / bzhi pa la mnyam par gzhog pa na/ byang chub sems dpa' 'di snyam du/ bsam gtan 'di dag bskyed de/ gzugs kyi khams sam/ gzugs med pa'i khams su skye bar bya'o snyam du mi sems so/ /gzugs kyi khams dang / gzugs med pa'i khams las 'da' bar bya'o snyam du yang mi sems so/ /gsol pa/ btsun pa bcom ldan 'das ci de bzhin gshegs pa'i thams cad mkhyen pa nyid 'dod pa'i khams dang / gzugs kyi khams dang / gzugs ma mchis pa'i khams las 'das te/ khongs su ma gtogs pa zhig lags sam/ bcom ldan 'das kyis bka' stsal pa/ gang po de de bzhin no/ /de de bzhin te/ de bzhin gshegs pa dgra bcom pa yang dag par rdzogs pa'i sangs rgyas kyi thams cad mkhyen pa nyid ni 'dod pa'i khams las 'das/ gzugs kyi khams las 'das/ gzugs med pa'i khams las 'das shing / khams gsum las 'das te khongs su ma gtogs pa yin no/ /gsol pa/ bcom ldan 'das gal te de bzhin gshegs pa'i thams cad mkhyen pa nyid khams gsum gyi khongs su ma gtogs na/ de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang gang yang dag par gzigs na/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'tshal zhing / bsam gtan gyi pha rol</font><hr>56.80b<br><font size=+1>

du phyin pa la gnas pa la 'dod pa'i khams dang / gzugs kyi khams dang / gzugs ma mchis pa'i khams las yang dag par 'da' bar gnang bar mi mdzad/ bcom ldan 'das kyis bka' stsal pa/ gang po gal te/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod cing / bsam gtan gyi pha rol du phyin pa la gnas pa la 'dod pa'i khams dang / gzugs kyi khams dang / gzugs med pa'i khams las yang dag par 'da' bar gnang du zin na/ byang chub sems dpa'i dam bcas pa spong bar 'gyur te/ nyan thos kyi sa 'am/ rang sangs rgyas kyi sa la gnas par 'gyur ro/ /gang po byang chub sems dpa' sems dpa' chen po gang gi tshe byang chub kyi snying po la 'dug pa na/ 'di ltar byang chub sems dpa' sems dpa' chen po 'dod pa'i khams dang / gzugs kyi khams spong ba'i dus de dang skabs de yod do/ /gang po gang gi tshe byang chub sems dpa' sems skye ba skyes shing / byung ngo cog thams cad mkhyen pa nyid du yongs su sngo na/ de'i phyir byang chub sems dpa' khams gsum pa ring bar byed cing / thams cad mkhyen pa nyid dang nye bar 'gyur ro/ /gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol du phyin pa la gnas shing / shes rab kyi pha rol du phyin pa yongs su 'dzin pa na de bsam gtan de dag dang / bsam gtan gyi yan lag de dag gi ro yang myang bar mi bgyid la/ 'bral bar yang mi bgyid pa lags/ bcom ldan 'das kyis bka' stsal pa/ gang po 'di la byang chub sems dpa' bsam gtan gyi pha rol du phyin pa la gnas pa bsam gtan dang / bsam gtan gyi yan lag de dag la bdag med pa'i 'du shes kyis nye bar gnas pa yin te/ de dang ldan pa'i dge ba'i rtsa ba rnams kyang thams cad mkhyen pa nyid du yongs su sngo bar byed do/ /gang po de ltar na</font><hr>56.81a<br><font size=+1>

byang chub sems dpa' sems dpa' chen po bsam gtan gyi pha rol du phyin pa la gnas shing / shes rab kyi pha rol du phyin pa yongs su 'dzin pa yin te/ bsam gtan gyi yan lag de dag gi ro yang myong bar mi byed la/ 'bral bar yang mi byed do/ /gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol du phyin pa la gnas shing / brtson 'grus kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ gang po gang gi tshe byang chub sems dpa' bsam gtan gyi pha rol du phyin pa la gnas shing / 'dod pa'i khams las 'das nas/ bsam gtan de dag kyang spangs la/ phyir yang 'dod pa'i khams la dmigs pa ste/ gang po de ltar na/ byang chub sems dpa' sems dpa' chen po bsam gtan gyi pha rol du phyin pa la gnas shing / brtson 'grus kyi pha rol du phyin pa yongs su 'dzin pa yin no/ /gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol du phyin pa la gnas shing / bzod pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ gang po gang gi tshe byang chub sems dpa' sems dpa' chen po byams pa chen po dang / snying rje chen po dang ldan zhing / de bsam gtan de nyid la gnas pa na sems gnod sems med par gnas so/ /gang po de ltar na byang chub sems dpa' sems dpa' chen po bsam gtan gyi pha rol du phyin pa la gnas shing / bzod pa'i pha rol du phyin pa yongs su 'dzin pa yin no/ /gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol du phyin pa la gnas shing / tshul khrims kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ gang po</font><hr>56.81b<br><font size=+1>

gang gis tshe byang chub sems dpa' bsam gtan gyi pha rol du phyin pa la gnas pa na/ nyan thos kyi sa 'am/ rang sangs rgyas kyi sa mchog tu 'dzin par mi byed de/ gang po de ltar na byang chub sems dpa' sems dpa' chen po bsam gtan gyi pha rol du phyin pa la gnas shing / tshul khrims kyi pha rol du phyin pa yongs su 'dzin pa yin no/ /gsol pa/ btsun pa bcom ldan 'das ji ltar na byang chub sems dpa' bsam gtan gyi pha rol du phyin pa la gnas shing / sbyin pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ gang po gang gi tshe byang chub sems dpa' sems dpa' chen po bsam gtan gyi pha rol du phyin pa la gnas pa na/ sems can thams cad la snying rje skyed de/ sems can 'di dag ni 'khor ba na spyod pa'i sdug bsngal rnams las yongs su ma grol gyis/ bdag nam bla na med pa yang dag par rdzogs pa'i byang chub mngon par rdzogs par sangs rgyas nas/ sems can 'di dag la chos kyi sbyin pas phan gdags shing / nyon mongs pa thams cad spang ba'i phyir chos kyang bshad do snyam ste/ gang po de ltar na byang chub sems dpa' sems dpa' chen po bsam gtan gyi pha rol du phyin pa la gnas shing / sbyin pa'i pha rol du phyin pa yongs su 'dzin pa yin no/ /gsol pa/ btsun pa bcom ldan 'das thabs la mkhas pa 'di dang ldan pa'i byang chub sems dpa' sems dpa' chen po de gang lags par rig par bgyi/ bcom ldan 'das kyis bka' stsal pa/ gang po de ni phyir mi ldog pa'i byang chub sems dpa' yin par rig par bya'o/ /gsol pa/ btsun pa bcom ldan 'das ji tsam du byang chub sems dpa' sems dpa' chen po rnams sems can dpag tu ma mchis pa'i slad du go cha chen po bgos te/ bdag gis sems can dpag tu med pa yongs su mya ngan las bzla bar bya'o/ /</font><hr>56.82a<br><font size=+1>

bdag gis sangs rgyas kyi tshul rgyun mi 'chad par bya ba'i phyir 'bad par bya'o snyam ste/ 'on kyang 'di la yongs su mya ngan las zlo ba gang lags pa dang / yongs su mya ngan las 'da' ba dang / bla na med pa yang dag par rdzogs pa'i byang chub mngon par rdzogs par 'tshang rgya ba yang ma mchis pa ni dka' ba bgyid pa ste/ ngo mtshar che bar rig par bgyi ba lags so/ /bka' stsal pa/ gang po de lta mod kyi sdug bsngal skye bar 'gyur ba nyid ni skye/ sdug bsngal 'gag par 'gyur ba ni 'gag ste/ gang po de'i phyir rnam grangs 'dis de ltar byang chub sems dpa' sems dpa' chen po rnams dka' ba byed par rig par bya'o/ /gang pos gsol pa/ btsun pa bcom ldan 'das de de lta lags so/ /de de lta lags te/ byang chub sems dpa' rnams ni dka' ba bgyid pa lags par rig par bgyi ba lags so/ /de ci'i slad du zhe na/ 'di ltar mya ngan las zlo ba gang lags pa 'am/ mya ngan las 'da' bar 'gyur ba 'am/ bla na med pa yang dag par rdzogs pa'i byang chub mngon par rdzogs par 'tshang rgya ba'i chos 'ga' yang mi dmigs la/ sems can dpag tu ma mchis pa rnams kyi ched du/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can de dag gi 'dod chags spang ba dang / zhe sdang spang ba dang / gti mug spang ba'i slad du chos kyang ston pa'i slad du lags so/ /bcom ldan 'das kyis bka' stsal pa/ gang po gal te byang chub sems dpa' 'di ltar rnam par mi g.yeng bar gnas shing / thams cad mkhyen pa nyid dang ldan pa'i yid la byed pa 'byung ba 'di ni/ de'i bsam gtan dang ldan par rig par bya'o/ /gang po gal te byang chub sems dpa' nyan thos kyi sa dang ldan pa 'am/ rang sangs rgyas kyi sa dang ldan pa'i yid la byed pa 'byung na/ byang chub sems dpa' sems dpa'</font><hr>56.82b<br><font size=+1>

chen po rnam par g.yeng ba yin par rig par bya'o/ /de ci'i phyir zhe na/ 'di ltar de ni de'i 'jigs par bya ba yin pa'i phyir ro/ /gang po gzhan yang byang chub sems dpa' sems dpa' chen po gzugs la dmigs pa 'am/ sgra la dmigs pa 'am/ dri la dmigs pa 'am/ ro la dmigs pa 'am/ reg pa la dmigs pa yid la byed pa 'byung na/ gzhi de las kyang byang chub sems dpa' sems rnam par g.yeng bar 'gyur mod kyi/ chos 'di dag ni thams cad mkhyen pa nyid la bar chad byed par nye bar gnas pa ma yin no/ /chos gang dag thams cad mkhyen pa nyid kyi bar chad byed par nye bar gnas pa ma yin pa de nyid byang chub sems dpa' sems dpa' chen po 'i ting nge 'dzin gyi sa yin par rig par bya'o/ /bsam gtan gyi pha rol du phyin pa las le'u gnyis pa'o// // de nas bcom ldan 'das la/ tshe dang ldan pa byams ma'i bu gang pos 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang ci zhig gzigs na/ 'di ltar byang chub sems dpa' rnams kyi spang bar bgyi ba bsngags pa mdzad la/ nyan thos rnams kyi ni ma lags/ bcom ldan 'das kyis bka' stsal pa/ gang po de'i phyir 'dir khyod nyid la dri bar byas/ khyod ji ltar bzod pa bzhin du lan thob cig /gang po 'di snyam du sems/ nyi ma'i dkyil 'khor 'dzam bu'i gling gi mi rnams la bya ba gang gis nye bar gnas pa bzhin du/ srog chags kyi rigs srin bu me khyer yang bya ba de nyid kyis nye bar gnas sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ gang po de bzhin du byang chub sems dpa' sems dpa' chen po bya ba gang gis nye bar gnas pa des nyan thos nye bar gnas pa ma yin no/ /</font><hr>56.83a<br><font size=+1>

gang po 'di ji snyam du sems/ byang chub sems dpa' sems dpa' chen po bya ba gang gis nye bar gnas snyam/ gsol pa/ bcom ldan 'das byang chub sems dpa' sems dpa' chen po ni 'di lta bus gnas te/ bdag gis sems can grangs med dpag tu med pa dag yongs su mya ngan las bzla bar bya'o/ /bdag gis sangs rgyas kyi gdung mi 'chad par bya bar bsgrub par bya'o snyam pa'i bya ba des nye bar gnas pa lags te/ nyan thos rnams ni de lta ma lags so/ /bcom ldan 'das kyis bka' stsal pa/ gang po 'di ji snyam du sems/ nyan thos kyi dge 'dun 'di'i nang na dge slong gcig tsam yang byang chub sems dpa' bya ba gang gis nye bar gnas pa'i bya ba des nye bar gnas pa khyod kyis yang dag par rjes su mthong ngam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ gang po de bzhin gshegs pa dgra bcom pa yang dag par rdzogs pa'i sangs rgyas kyis don gyi dbang 'di yang dag par gzigs na/ byang chub sems dpa' sems dpa' chen po rnams 'ba' shig gi spang bar bya ba bsngags kyi nyan thos rnams kyi ni de lta ma yin no/ /gang po dper na/ nyi ma'i dkyil 'khor ni 'dzam bu'i gling gi mi rnams la snang ba dpag tu med pas nye bar gnas pa yin la srog chags kyi rigs srin bu me khyer ni/ 'di ltar rang gi rgyud nyi tshe snang bar nye bar gnas par zad do/ /gang po de bzhin du nyan thos kyi theg pa pa'i gang zag ni 'di ltar rang gi rgyud nyi tshe'i nyon mongs pa bzlogs pa'i phyir nye bar gnas par zad kyi/ gang po byang chub sems dpa' ni bdag dang gzhan mya ngan las bzla ba'i phyir dang / sems can dpag tu med cing grangs med pa rnams kyi don gyi phyir dang / nyon mongs pa bzlog pa'i phyir</font><hr>56.83b<br><font size=+1>

nye bar gnas pa yin na/ gang po dper na/ 'phong gi slob dpon mtshon cha la goms shing mkhas par gyur pa ni/ lo gcig tu yang rgyal po'i kAr ShA pa Na brgya stong za zhing / gang gi tshe rgyal po g.yul 'gyed pa'i dus la bab pa de'i tshe/ ji ltar 'phong gi slob dpon de ral gris 'debs sam/ mda' 'phen pa na/ thams cad du de gdon mi za bar byed pa ltar glang po che dang / rta dang / mi gzhan gyis bya ba de mi byed do/ /gang po de bzhin du byang chub sems dpa' sems dpa' chen po ni sems can 'dod chags spyod pa dang / zhe sdang spyod pa dang / gti mug spyod pa rnams kyi ched du go cha gyon te/ sems can de dag gi phyir bla na med pa yang dag par rdzogs pa'i byang chub mngon par rdzogs par sangs rgyas nas 'dod chags spang ba'i phyir dang / zhe sdang spang ba'i phyir dang / gti mug spang ba'i phyir chos kyang ston to/ /gang po des na byang chub sems dpa' sems dpa' chen po go cha chen po bgos pa yin no/ /gsol pa/ bcom ldan 'das kyis bka' stsal pa'i don bdag gis 'tshal ba ltar na byang chub sems dpa' sems dpa' chen po ni nam yang mnyam par ma bzhag pa ma mchis par rig par bgyi'o/ /byang chub sems dpa' sems dpa' chen po ni sbyin pa'i pha rol du phyin pa la gnas pa na yang mnyam par bzhag par rig par bgyi 'o/ /byang chub sems dpa' sems dpa' chen po ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa na yang / mnyam par bzhag par rig par bgyi'o/ /bcom ldan 'das dper bgyi na/ nor bu rin po che bai dur+ya ni gser gyi snod du bzhag na yang / rin po che'i rang bzhin mi 'dor la/ de bzhin du dngul gyi</font><hr>56.84a<br><font size=+1>

snod dang / shel gyi snod dang / lcags kyi snod du bzhag na yang rin po che'i rang bzhin mi 'dor te/ de bzhin du kham pa'i snod dang / sa la bzhag na yang rin po che'i rang bzhin mi 'dor lags so/ /bcom ldan 'das de bzhin du byang chub sems dpa' sems dpa' chen po ni sbyin pa'i pha rol du phyin pa la gnas pa na yang mnyam par bzhag par rig par bgyi'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa na yang mnyam par gzhag par rig par bgyi ste/ de ltar bcom ldan 'das kyis bka' stsal pa'i don bdag gis 'tshal to/ /de skad ces gsol pa dang / bcom ldan 'das kyis tshe dang ldan pa byams ma'i bu gang po la 'di skad ces bka' stsal to/ gang po legs so/ /legs so/ /gang po de de bzhin no/ /gal te byang chub sems dpa' sems dpa' chen po 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas shing / bsam gtan dang po la gnas pa na nyan thos kyi sa 'am/ rang sangs rgyas kyi sa la 'dod par byed na/ byang chub sems dpa' sems dpa' chen po sems rnam par g.yengs pa yin par rig par bya ste/ byang chub sems dpa' sems dpa' chen po mnyam par ma bzhag pa'i sa la gnas pa yin par rig par bya'o/ /gang po gzhan yang gal te byang chub sems dpa' sems dpa' chen po rtog pa dang dpyod pa rnams dang bral zhing / nang yongs su dang ste/ sems kyi rgyud gcig tu gyur pas rtog pa med pa dpyod pa med pa'i ting nge 'dzin las skye ba'i dga' ba dang bde ba can bsam gtan gnyis pa sgrubs te gnas shing / bsam gtan gnyis pa la gnas pa na nyan thos kyi sa 'am/ rang sangs rgyas</font><hr>56.84b<br><font size=+1>

kyi sa la 'dod par byed na/ byang chub sems dpa' sems rnam par g.yengs pa yin par rig par bya ste/ byang chub sems dpa' sems dpa' chen po mnyam par ma bzhag pa'i sa la gnas pa yin par rig par bya'o/ /gang po gzhan yang byang chub sems dpa' sems dpa' chen po dga' ba'i 'dod chags dang bral bas btang snyoms la gnas shing / dran pa dang shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa bde ba la gnas pa/ btang snyoms pa'o zhes brjod pa ste/ dga' ba med pa bsam gtan gsum pa bsgrubs te gnas shing / bsam gtan gsum pa la gnas pa na nyan thos kyi sa 'am/ rang sangs rgyas kyi sa la 'dod par byed na/ byang chub sems dpa' sems dpa' chen po sems rnam par g.yengs pa yin par rig par bya ste/ mnyam par ma bzhag pa'i sa la gnas pa yin par rig par bya'o/ /gang po gzhan yang gal te byang chub sems dpa' bde ba yang spangs/ sdug bsngal yang spangs shing / snga nas yid bde ba dang / yid mi bde ba yang nub pas bde ba yang ma yin/ sdug bsngal ba yang ma yin pa/ btang snyoms dang dran pa yongs su dag pa/ bsam gtan bzhi pa bsgrubs te gnas shing / bsam gtan bzhi pa la gnas pa na nyan thos kyi sa 'am/ rang sangs rgyas kyi sa la 'dod par byed na byang chub sems dpa' sems rnam par g.yengs pa yin par rig par bya ste/ mnyam par ma bzhag pa'i sa la gnas pa yin par rig par bya'o/ /gsol pa/ bcom ldan 'das ji tsam gyis na byang chub sems dpa' mnyam par bzhag par rig par bgyi/ bcom ldan 'das kyis bka' stsal pa/ gang po gal te byang chub sems dpa' sems dpa' chen po sems can gang dang gang mthong ba de dang de la 'di ltar sems can 'di dag ni/ bdag bla na</font><hr>56.85a<br><font size=+1>

med pa yang dag par rdzogs pa'i byang chub mngon par rdzogs par sangs rgyas nas gdul bar bya ba yin no snyam du sems skyed na/ byang chub sems dpa' mnyam par gzhag pa yin par rig par bya'o/ /gang po gzhan yang gal te byang chub sems dpa' pha rol skyabs su 'gro ba gsum la bkod la bkod nas kyang / dge ba'i rtsa ba de thams cad mkhyen pa nyid du yongs su bsngo na/ byang chub sems dpa' mnyam par gzhag pa yin par rig par bya'o/ /gang po gzhan yang gal te byang chub sems dpa' pha rol bslab pa'i gzhi lnga la bkod la/ bkod nas kyang dge ba'i rtsa ba de bla na med pa yang dag par rdzogs pa'i byang chub tu yongs su sngo na/ byang chub sems dpa' mnyam par gzhag pa yin par rig par bya'o/ /gang po gzhan yang gal te byang chub sems dpa' pha rol dge ba bcu'i las kyi lam la bkod la/ bkod nas kyang dge ba'i rtsa ba de bla na med pa yang dag par rdzogs pa'i byang chub tu yongs su sngo na/ byang chub sems dpa' mnyam par gzhag pa yin par rig par bya'o/ gang po gzhan yang gal te/ byang chub sems dpa' rigs kyi bu 'am rigs kyi bu mo gzhan sbyin pa yang dag par 'dzin du 'jug par byed/ gnas par byed/ 'god par byed/ tshul khrims dang / bzod pa dang / brtson 'grus dang / bsam gtan dang / shes rab yang dag par 'dzin du 'jug par byed/ gnas par byed/ 'god par byed la bkod nas kyang dge ba'i rtsa ba de thams cad mkhyen pa nyid du yongs su bsngo na/ byang chub sems dpa' mnyam par gzhag pa yin par rig par bya'o/ /gang po gzhan yang gal te byang chub sems dpa' tha na pha rol sbyin pa byed pa rnams la yang rjes su yi rang bar byed la/ rjes su yi rang ba'i bsod nams de yang thams cad mkhyen pa nyid du yongs su bsngo na/ byang chub sems dpa' mnyam par gzhag pa yin par rig par bya ste/ byang chub sems dpa'</font><hr>56.85b<br><font size=+1>

bsam gtan gyi pha rol du phyin pa la gnas pa yin par rig par bya'o/ /de ci'i phyir zhe na/ 'di ltar des thams cad mkhyen pa nyid yid la byed pa yongs su ma spangs pa'i phyir ro/ /gang gi tshe thams cad mkhyen pa nyid yid la byed pa dang ma bral na/ de nyid byang chub sems dpa' sems dpa' chen po'i bsam gtan gyi pha rol du phyin par rig par bya'o/ /de ltar na byang chub sems dpa' bsam gtan gyi pha rol du phyin pa la yang gnas pa yin na byang chub sems dpa' sems dpa' chen po bsam gtan gyi pha rol du phyin pa la gnas pa/ bsam gtan la rten pas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de bzhin gshegs pa yang mi g.yo ba'i gnas la gnas nas/ tshe'i 'du byed 'dor bar mdzad de/ len pa med par yongs su mya ngan las 'da' bar yang mdzad do/ /gang po de ltar na bsam gtan gyi pha rol du phyin pa ni byang chub sems dpa' bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa la phan 'dogs par gyur pa yin no/ /gang po byang chub sems dpa'i bsam gtan ni/ de bzhin gshegs pa'i bsam gtan ma gtogs par de las gzhan pa'i bsam gtan rnams kyi mchog ces bya'o/ /gtso bo dang / phul dang / rab dang / rab mchog dang / gya nom pa dang / bla na med pa dang / gong na med pa zhes bya'o/ /de ci'i phyir zhe na gang po 'di ltar byang chub sems dpa'i bsam gtan ni thams cad mkhyen pa nyid dang ldan pa'i yid la byed pa rnams dang ma bral ba yin la/ nyan thos kyi bsam gtan la ni/ thams cad mkhyen pa nyid dang ldan pa'i yid la byed pa rnams med pa'i phyir ro/ /de skad ces bka' stsal pa dang / tshe dang ldan pa byams ma'i bu gang pos bcom ldan 'das la 'di skad ces gsol to/ /bcom ldan 'das nyan thos bsam gtan la gnas pas kyang</font><hr>56.86a<br><font size=+1>

sangs rgyas bcom ldan 'das chos nyid gang dang ldan pa'i chos nyid de mngon sum du bgyid na/ bcom ldan 'das ci'i slad du nyan thos kyi bsam gtan thams cad mkhyen pa nyid dang ldan pa'i yid la bgyid pa rnams dang bral ba lags/ bcom ldan 'das kyis bka' stsal pa/ gang po de'i phyir 'dir khyod nyid la dri bar byas/ khyod ji ltar bzod pa de bzhin du lan thob shig /gang po 'di ji snyam du sems gal te nyan thos bsam gtan la gnas pa yang / sangs rgyas bcom ldan 'das chos nyid gang dang ldan pa'i chos nyid de mngon sum du byed na/ nyan thos de yang de bzhin gshegs pa zhes bya 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ gang po de'i phyir khyod la dper bya ba bstan te/ 'di na mi 'dzangs pa kha cig ni bshad pa'i don dpes rtogs par 'gyur bas khyod la dpe bstan par bya'o/ /gang po dper na/ mi la la zhig rgyal po'i stan la 'dug na/ gang po 'di ji snyam du sems/ de tsam gyis na mi de yang rgyal po zhes bya 'am/ gsol pa/ bcom ldan 'das de ni ma lags so/ /de ci'i slad du zhe na/ bcom ldan 'das 'di ltar mi de ni rgyal po'i mtshan rnams dang bral ba'i slad du'o/ /bcom ldan 'das kyis bka' stsal pa/ gang po de de bzhin te/ nyan thos bsam gtan dang po la mnyam par gzhog cing / bsam gtan gnyis pa dang / gsum pa dang / bzhi pa la mnyam par gzhog gam/ gzugs med pa'i snyoms par 'jug pa bzhi la mnyam par bzhag ste/ sangs rgyas bcom ldan 'das chos nyid gang dang ldan pa'i chos nyid de mngon sum du byed du zin kyang / gang po nyan thos la ni sangs rgyas</font><hr>56.86b<br><font size=+1>

kyi yon tan stobs bcu dang / mi 'jigs pa rnams med la/ thams cad mkhyen pa nyid kyi ye shes dang bral te/ ji ltar de bzhin gshegs pa dgra bcom pa yang dag par rdzogs pa'i sangs rgyas yon tan gang dag dang ldan pa'i yon tan de dag dang bral bas na/ de bzhin gshegs pa'i nyan thos shes bya ba'i ming 'thob po/ /bsam gtan de dag kyang 'di ltar yon tan de rnams dang bral ba yin te/ bsam gtan de dag ni byang chub sems dpa'i bsam gtan rnams kyi brgya'i char yang nye bar mi 'gro'o/ /stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ gang po 'di ltar byang chub sems dpa' sems dpa' chen po bsam gtan gyi pha rol du phyin pa la gnas pa ni/ thams cad mkhyen pa nyid kyang yongs su ma spangs pa yin la/ sangs rgyas kyi zhing yang yongs su dag par byed pa'i phyir ro/ /gnas pa 'dis gnas pa'i snyoms par 'jug pa 'di la byang chub sems dpa' gnas pa gang gi gnas pa dang / snyoms par 'jug pa gang gis gnas pa yang / nyan thos dang / rang sangs rgyas thams cad kyis mi shes so/ gsol pa/ bcom ldan 'das byang chub sems dpa' sems dpa' chen po'i gnas pa 'di'i ming ci zhes bgyi/ bcom ldan 'das kyis bka' stsal pa/ gang po byang chub sems dpa'i gnas pa 'di'i ming ni gnas pa bsam gyis mi khyab pa zhes bya 'o/ /de ci'i phyir zhe na/ gang po 'di ltar gnas pa 'di ni thams cad mkhyen pa nyid kyi chos 'thob pa'i phyir yang dag par 'jug pa yin no/ /gang po de lta bas na gnas pa de'i ming ni/ 'jig rten</font><hr>56.87a<br><font size=+1>

thams cad la phan par 'dod pa'i gnas pa zhes bya'o/ /de ci'i phyir zhe na/ gang po 'di ltar byang chub sems dpa' sems dpa' chen po ni sems can dpag tu med pa rnams kyi ched du gnas pa 'di la mnyam par 'jog ste/ gnas pa 'di dag gis gnas pa gang yin pa ni bla na med pa yang dag par rdzogs pa'i byang chub mngon par rdzogs par sangs rgyas pa na/ sems can dpag tu med cing grangs med pa rnams la zag pa med pa'i bsam gtan rnams kyis 'doms shing rjes su ston te 'dul bar 'gyur ro/ /gang po rnam grangs 'dis na byang chub sems dpa' sems dpa' chen po gnas pa gang gis gnas pa'i gnas pa 'di'i ming 'jig rten thams cad la phan par 'dod pa zhes bya ste/ gang po de ltar byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas bsam gtan gyi pha rol du phyin pa la bslab par bya'o/ 'di ltar bsam gtan gyi pha rol du phyin pa mngon par bsgrub par yang bya'o/ bsam gtan gyi pha rol du phyin pa las le'u gsum pa'o// // de nas bcom ldan 'das la/ tshe dang ldan pa byams ma'i bu gang pos 'di skad ces gsol to/ /bcom ldan 'das nyan thos ni byang chub sems dpa'i snyom par 'jug pa rnams las khyad par du 'phags pa lags so/ /de ci'i slad du zhe na/ bcom ldan 'das 'di ltar nyan thos ni mthar gyis gnas pa'i snyoms par 'jug pa dgu la mnyam par 'jog la/ byang chub sems dpa' ni snyoms par 'jug pa brgyad la mnyam par 'jog ste/ des na nyan thos kyi ting nge 'dzin ni gcig gis lhag ste/ de ltar na byang chub sems dpa' las nyan thos snyoms</font><hr>56.87b<br><font size=+1>

par 'jug pas khyad zhugs pa lags so/ /de skad ces gsol pa dang / bcom ldan 'das kyis tshe dang ldan pa byams ma'i bu gang po la 'di skad ces bka' stsal to/ /gang po byang chub sems dpa' la yang 'gog pa'i snyoms par 'jug pa yod do/ /gang po byang chub sems dpas 'gog pa'i snyoms par 'jug pa la dbang thob mod kyi/ mnyam par gzhog par ni mi byed do/ /de ci'i phyir zhe na/ nyan thos kyi sa 'am/ rang sangs rgyas kyi sar lhung du dogs pa'i phyir de bzhin gshegs pa dgra bcom pa yang dag par rdzogs pa'i sangs rgyas kyis gnang bar ma mdzad do/ /gang po de'i phyir khyod la dpes bstan par bya ste/ 'di na mi 'dzangs pa la la dpe bstan pas bshad pa'i don rtogs par 'gyur ro/ /gang po dper na 'khor los sgyur ba'i rgyal po yang / yul mtha' 'khob phyogs kyi rgyal phran mang po dag pas che la/ 'khor los sgyur ba'i rgyal po de bdag nyid der mi 'gro zhing / sa phyogs der gnas par yang mi byed mod kyi/ 'on kyang yul phyogs de dag na 'khor los sgyur ba'i rgyal po de shes shing yul gyi mi de dag 'khor los sgyur ba'i rgyal po de nyid kyi bka' nyan te/ 'khor los sgyur ba'i rgyal po de'i yul na 'khod do/ /gang po de bzhin du 'di ltar byang chub sems dpa' sems dpa' chen po ni 'du shes dang tshor ba 'gog pa'i snyoms par 'jug pa la mnyam par yang mi 'jog la/ byang chub sems dpas snyoms par 'jug pa de la dbang yang nges par thob ste/ byang chub sems dpa' ni nam byang chub kyi snying po la 'dug par ma gyur gyi bar du ting nge 'dzin de la mnyam par bzhag pa'i dus ma yin no/ /de ci'i phyir zhe na/ nyan thos nyid du gnas par 'gyur du 'ong ba dang / nyan thos kyi sa gnon</font><hr>56.88a<br><font size=+1>

par 'gyur du 'ong ba dang / nyan thos rnams dang / mnyam par 'gyur du dogs pa'i phyir ro/ /gang po dper na rgyal po rgyal rigs spyi bo nas dbang bskur ba tshong 'dus su song ste/ chang gi btung ba 'thung 'dod par gyur na/ de'i blon po mkhas pa'i rang bzhin can dag 'di skad du lha skyems gsol ba'i dus 'di ma lags so/ /skabs 'di ma lags te/ gang gi tshe lha btsun mo'i 'khor du gshegs pa de'i tshe skyems gsol ba'i dus lags so/ /zhes zer ro/ /gang po 'di ji snyams du sems/ chang gi btung ba de rgyal po la med dam/ gsol pa bcom ldan 'das mchis so/ /bcom ldan 'das kyis bka' stsal pa/ rgyal po la chang gi btung ba yod mod kyi/ blon po rnams kyis 'thung du mi ster ro/ /de ci'i phyir zhe na/ de ni grong khyer mang po dang grong khyer brgya phrag mang po dang / yul mang po dang mi 'bum phrag mang po dag gi rje yin pas na/ de tshong 'dus kyi nang du chang 'thung ba mi rigs pa'i phyir ro/ /gang po de bzhin du byang chub sems dpa' sems dpa' chen po la shes pa gang dang ldan na/ 'du shes dang tshor ba 'gog pa'i snyoms par 'jug pa la mnyam par 'jog pa'i shes pa yod mod kyi/ sangs rgyas bcom ldan 'das rnams kyis de la gnang bar mi mdzad do/ /de ci'i phyir zhe na/ re shig 'du shes dang tshor ba 'gog pa'i snyoms par 'jug pa la mnyam par bzhag pa'i dus ma yin zhing / skabs ma yin pa'i phyir ro gang po gang byang chub sems dpa' sems dpa' chen po 'du shes thams cad dang / mtshan ma thams cad spang ba'i phyir bdud rtsi'i dbyings mngon sum du byas nas 'du shes dang tshor ba 'gog pa'i snyoms par 'jug pa la mnyam par bzhag ste/ gnas par 'gyur ba'i dus de dang / skabs de ni phyis 'ong bar 'gyur te/ gang gi tshe byang chub kyi snying po la 'dug par 'gyur ba de ni/ de'i dus dang de'i skabs yin no/ /'du shes thams cad las yang dag par 'da' ba'i phyir 'du shes dang tshor ba 'gog pa'i snyoms par 'jug pa bsgrub ste/ bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rnam pa bcu gnyis pa bskor bar 'gyur ro/ /de skad ces bka' stsal pa dang tshe dang ldan pa byams ma'i bu gang pos bcom ldan 'das</font><hr>56.88b<br><font size=+1>

'di skad ces gsol to/ /bcom ldan 'das ji tsam du byang chub sems dpa' sems dpa' chen po 'di ltar zag pa zad pa mngon sum du bgyid pa la mthu mchis shing / stobs dang ldan la/ mngon sum du yang mi bgyid pa ni dka' ba bgyid pa lags te/ ngo mtshar lags so/ /de ci'i slad du zhe na/ bcom ldan 'das 'di ltar byang chub sems dpa' ni sems can rnams la yun ring por phan pa dang / lhag pa'i bsam pas nye bar gnas pa'i slad du'o/ /bcom ldan 'das kyis stsal pa/ gang po de de bzhin no/ /de de bzhin te/ byang chub sems dpa' sems dpa' chen pos don gyi dbang 'di yang dag par mthong nas/ mthar gyis gnas pa'i snyoms par 'jug pa 'di dag la mnyam par mi 'jog go/ /de ci'i phyir zhe na/ gang po snyoms par 'jug pa 'di dag la dbang yang thob la/ mnyam par yang mi 'jog pa gang yin pa de nyid byang chub sems dpa' sems dpa' chen po'i thabs mkhas pa yin par rig par bya'o/ /gang po byang chub sems dpa' theg pa la gsar du zhugs pa 'am/ phyir mi ldog pa yang rung ste/ gang la la dag gis bsam gtan gyi pha rol du phyin pa la 'di ltar gnas par byas na byang chub sems dpa' zhes bya'o/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das byang chub sems dpa' sems dpa' chen pos/ bsam gtan gyi pha rol du phyin pa la/ ji ltar gnas par bgyi/ /ji ltar bsam gtan mnyam par bzhag par bgyi/ bcom ldan 'das kyis bka' stsal pa/ /shA ra dwa ti'i bu 'di la/ byang chub sems dpa' 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa dben pa las skyes pa'i dga' ba dang bde ba can/ bsam gtan dang po bsgrubs te gnas/ </font><hr>56.89a<br><font size=+1>

de bzhin du bsam gtan gnyis pa dang / gsum pa dang / bzhi pa bsgrubs te gnas/ nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci yang med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa bsgrubs te gnas shing / de gzugs na spyod pa dang / gzugs med pa na spyod pa'i bsam gtan dang / snyoms par 'jug pa la mnyam par bzhag ste/ de la 'dris par byas shing / de la rtse ba byas nas phyir yang 'dod pa'i khams su sems glon par byed do/ /de ci'i phyir zhe na/ gzugs na spyod pa dang / gzugs med pa na spyod pa'i lha rnams kyi nang du skye bar 'gyur du dogs pa'i phyir te/ gzugs dang gzugs med pa na spyod pa'i bsam gtan rnams la mnyam par gzhog na/ der nying mtshams sbyor bar byed pas na/ de las sems srung bar byed de/ der skye ba las phyir zlog par byed do/ /gzugs na spyod pa dang / gzugs med pa na spyod pa'i lha rnams kyi nang du skyes na/ skye bo stong phrag mang po dag mgu bar mi 'gyur zhing / sangs rgyas mthong ba dang / sangs rgyas su sbyor ba las shin tu phyi rol du 'gyur du dogs pa dang / glen pa'i gnas dag tu skyes te/ glen pa'i skye ba yongs su 'dzin par 'gyur du 'ong ngo snyam nas byang chub sems dpa' thabs mkhas pas gzugs dang / gzugs med pa na spyod pa'i snyoms par 'jug pa de dag thob nas/ de la 'dris par byas te/ phyir yang thabs la mkhas pas 'dod pa'i khams su nying mtshams sbyor bar byed do/ /shA ra dwa ti'i bu dper na/ mi zhig rgyal po'i btsun mo dang lhan gcig gnas par 'dod pa de 'di snyam du thabs ji ltar byas na/ rgyal po'i btsun mo dam pa dang lhan gcig gnas par bya/ rgyal pos kyang mi tshor la/ rgyal po'i mi dag gis</font><hr>56.89b<br><font size=+1>

kyang mi tshor zhing / nye zho med par phyir yang 'gro bar bya snyam du sems te/ de thabs mkhas pas sman gang gis mi de'i pho mtshan med par 'gyur ba de lta bu btsal nas/ de pho mtshan med par rgyal po de dang 'dris par byas te/ rgyal po de la yang 'di skad du/ lha mkhyen par mdzad du gsol/ bdag gi pho mtshan ma mchis par gyur te/ bdag ma rungs par gyur gyis lha'i btsun mo'i 'khor bsrung bar 'tshal lo zhes gsol nas/ de rgyal po de brtags te/ btsun mo'i 'khor du btang ngo / /btang nas kyang mi des sman gang gis pho mtshan 'byung bar 'gyur ba de zos nas/ de rgyal po'i btsun mo dam pa dang zla ba gcig gam/ gnyis sam/ gsum gyi bar du lhan cig gnas nas/ de 'di snyam du gal te bdag rgyal pos tshor na gdon mi za bar srog dang bral bar byed kyis/ bdag phyir yang rgyal po'i pho brang 'di nas nye zho med pa dang / bde bar 'gro bar bya'o snyam du sems te/ des rgyal po de la lha mkhyen par mdzad du gsol/ bdag gi pho mtshan yang slar byung gis/ lha'i btsun mo'i 'khor nas bdag slar mchi'o zhes gsol to/ /de nas rgyal po de 'di snyam du/ kye ma mi 'di 'di ltar 'ongs nas/ g.yo med par nga'i btsun mo'i 'khor dang lhan gcig 'dug pa gang yin pa de ni dge ba zhig yin no snyam sems te/ rgyal pos de la lus la bgo ba byin zhing / sbyin pa byin nas btang ngo / /de ltar thabs la mkhas pa dang / sman la mkhas pas rgyal po'i btsun mo'i 'khor sun byung nas/ phyir yang 'di ltar sman gyi yon tan dang / 'di ltar thabs mkhas pa'i phyir de thabs mkhas pas nye zho med par phyir song ngo / /shA ra dwa ti'i bu de bzhin du byang chub sems dpa' sems dpa' chen po thabs la mkhas pa ni/ bsam gtan dang po thob nas mnyam par gzhog go/ /bsam gtan gnyis pa dang / </font><hr>56.90a<br><font size=+1>

gsum pa dang / bzhi pa thob nas mnyam par gzhog go/ /nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci yang med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa thob nas mnyam par 'jog ste/ de la 'dris par byas nas/ thabs mkhas pas phyir yang 'dod pa'i khams su babs te/ 'dod pa'i khams la dmigs shing / de sangs rgyas mthong ba dang / sangs rgyas la bsnyen bkur bya ba dang yang 'bral bar mi 'gyur la/ yang dag pa'i mtha' yang mngon sum du mi byed do/ /de ci'i phyir zhe na/ 'di ltar thams cad mkhyen pa nyid yongs su ma spangs pa dang / sems can thams cad yongs su ma spangs pa'i phyir ro/ /shA ra dwa ti 'i bu de ltar na byang chub sems dpa' sems dpa' chen po thabs la mkhas pa ni/ bsam gtan gyi pha rol du phyin pa la gnas shing / yang dag pa'i mtha' yang mngon sum du mi byed la 'gog pa'i snyoms par 'jug par yang mi ltung ngo / /bcom ldan 'das kyis de skad ces bka' stsal nas/ tshe dang ldan pa shA ra dwa ti'i bu dang / tshe dang ldan pa byams ma'i bu gang po dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /bsam gtan gyi pha rol du phyin pa las le'u bzhi pa ste rdzogs so// //'phags pa pha rol du phyin pa lnga bstan pa theg pa chen po'i mdo'/    rdzogs so// // rgya gar gyi mkhan po dzi na mi tra dang / zhu chen gyi lo ts+tsha ba ban de ye shes sde la stsogs pas bsgyur cing</font><hr>56.90b<br><font size=+1>

zhus te gtan la phab pa'o/ / </font><hr>

</table>