J118

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J118</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J118&coll=lithang">see text in Tibetan script</a></table>55.7b<br><font size=+1>

// 'phags pa 'jig rten 'dzin gyis yongs su dris pa zhes bya ba'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus cig na/ bcom ldan 'das rgyal po'i khab bya ka lan da ka'i gnas 'od ma'i tshal na/ dge slong gi dge 'dun chen pa dang thabs gcig tu bzhugs so/ /de'i tshe bcom ldan 'das 'khor mang po brgya stong snyed kyis/ yongs su bskor ba la chos ston to/ /'khor de'i nang nas byang chub sems dpa' sems dpa' chen po 'jig rten 'dzin ces bya ba'ang 'dus par gyur te/ byang chub sems dpa' sems dpa' chen po rnams/ tshad med pa'i yon tan gyis yongs su brgyan pas sems bskyed pa'i phyir/ chos thams cad kyi nges pa'i don mthar phyin pa thams cad shes par bya ba'i phyir</font><hr>55.8a<br><font size=+1>

tshad med pa'i smon pas tshad med pa'i rgyan yongs su rdzogs par 'gyur ba shin tu shes par bya ba'i phyir tshad med pa'i chos rnams kyi nges pa'i mtshan nyid rtogs shing khong du chud par bya ba'i phyir/ smon lam tshad med pas lhag pa'i bsam pa shin du rnam par dag par bya ba'i phyir/ yongs su rdzogs par shes pa'i phyir/ sbyin pa'i rgyan dang / nges pa'i rnam par dag pa'i phyir/ tshul khrims kyi rgyan dang / bzod pa yongs su rdzogs par bya ba'i phyir/ mnyen cing des pa'i sems dang / rnam par dag par bya ba'i phyir/ brtson 'grus dang / yongs su dag pa shes par bya ba'i phyir/ bsam gtan dang shes rab kyi pha rol tu phyin pa khong du chud cing rtogs par bya ba dang / de dag la sogs pa yon tan tshad med pa'i phyir 'dug pa las langs nas/ bla gos phyogs gcig tu byas te/ bcom ldan 'das gang na ba de logs su thal mo sbyar nas bcom ldan 'das la 'di skad ces gsol to/ /bcom ldan 'das bdag skye bo mang po la phan pa dang bde ba'i slad du/ byang chub sems dpa' sems dpa' chen po rnams sangs rgyas kyi gdung mi gcod par 'gyur ba dang / spyod lam kun tu tshul khrims la ma chags shing / tshul khrims rnam par dag pa dang ldan pa dang / chos chen po la nan tan byed cing 'phags pa'i chos kyi spyod yul tshad med pa 'dzin pa la shin tu mkhas pa'i byang chub sems dpa' rnams kyi slad du bdag zhu ba zhu'o/ /bcom ldan 'das ji ltar na byang chub sems dpa' sems dpa' chen po dag chos rnams kyi yang dag pa'i mtshan nyid la shin tu mkhas pa lags/ ji ltar na chos rnams kyi mtshan nyid shin tu rnam par 'byed pa la mkhas pa lags/ ji ltar na dran pa'i mthu dang ldan pa lags/ ji ltar na chos thams cad kyi rnam grangs rnam par 'byed pa la mkhas pa'i shes rab dang ldan pa lags/ ji ltar na lus 'di bor nas nam bla na med pa yang dag par rdzogs pa'i byang chub kyi bar tu rgyun mi 'chad pa'i dran pa dang ldan pa lags/ de skad ces gsol pa dang bcom ldan 'das kyis</font><hr>55.8b<br><font size=+1>

byang chub sems dpa' 'jig rten 'dzin la 'di skad ces bka' stsal to/ /legs so legs so/ /'jig rten 'dzin de ltar khyod kyis byang chub sems dpa' sems dpa' chen po rnams kyi phyir/ de bzhin gshegs pa la don de dag dris pa ni legs so/ /khyod skye bo mang po la phan pa dang bde ba'i phyir/ 'jig rten la snying brtse ba'i phyir/ lha dang bcas pa'i 'jig rten la phan pa dang bde ba'i don gyi phyir/ gzhan yang da ltar gyi dus dang / ma 'ongs pa'i dus kyi byang chub sems dpa' la sogs pa la 'od chen pos snang bar bya ba'i phyir dri ba dris pa'i bsod nams ni dpag tu med do/ /khyod kyis de bzhin gshegs pa la don 'di dag dris pa ni nges par sems can thams cad kyi the tshom yongs su gcad pa'i phyir/ sems can thams cad 'od kyis snang bar bya ba dang / bsrung bar bya ba'i phyir/ sems can dag la phan pa'i don bstan pa'i phyir/ skye bo dag gi yang za ba'i lam las bsgral bar bya ba'i phyir/ skye bo mang po'i rten dang / gnas dang / mgon dang / skyabs bya ba'i phyir/ ngan song gsum las gdon cing dbyung ba'i phyir/ sems can dag bla na med pa'i lam la bzud pa'i phyir/ skye bo mang po dag skye ba dang / rga ba dang / na ba dang / 'chi ba dang / slos pa'i mya ngan dang / smre sngags 'don pa dang / sdug bsngal ba dang / 'khrug pa las rnam par grol ba'i phyir/ sems can la bla na med pa'i mya ngan las 'das pa'i bde ba sbyin pa'i phyir/ phyi ma ma 'ongs pa'i dus na dam pa'i chos bsrung zhing bskyab pa'i phyir phyi ma ma 'ongs pa 'jigs pa'i dus ngan pa'i sems can dag sgral ba'i phyir/ de bzhin bshegs pa la dri bar sems pa legs so/ /de lta bas na 'jig rten 'dzin khyod legs par nyon la rab tu yid la zung shing dang / rnam par phye ste bshad par bya'o/ /bcom ldan 'das de ltar bgyi'o zhes gsol nas byang chub sems dpa' 'jig rten 'dzin bcom ldan 'das la phyir nyan to/ /bcom ldan 'das kyis de la 'di skad ces bka' stsal to skyes bu dam pa de la 'di skad ces bya ste/ phan</font><hr>55.9a<br><font size=+1>

pa'i don bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ dran pa yongs su rdzogs pa thob par bya ba dang / dran pa rgyun mi 'chad pa thob par bya ba dang / shin tu byang ba'i shes rab kyis gong nas gong du 'phar ba dang / rtag tu dran pa'i sems dang ldan pa ste/ 'jig rten 'dzin 'di dag ni don rnam pa bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas pa yin no/ /'jig rten 'dzin gzhan yang don bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ chos rnams kyi nges pa'i don la shin tu shes par bya ba dang / chos rnams kyi rgyu dang / rkyen rnam pa sna tshogs shin du shes par bya ba dang /  chos rnams kyi yang dag pa'i sgor 'jug par bya ba dang bzhi'o/ /'jig rten 'dzin gzhan yang don rnam pa bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ tshad med pa'i chos kyi mtshan nyid shin tu shes par bya ba dang / tshad med pa'i nges pa'i chos bsgom pa la shin tu mkhas par bya ba dang / tshad med pa'i yon tan dang spyod pa 'phel zhing skye bar bya ba dang / chos rnams kyi skye ba dang 'gag pa'i mtshan nyid shes pa dang mthong bar bya ba dang bzhi'o/ /'jig rten 'dzin gzhan yang don rnam pa bzhi mthong ba'i byang chub</font><hr>55.9b<br><font size=+1>

sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ bla na med pa yang dag par rdzogs pa'i byang chub la bsnyen par bya ba dang / byang chub kyi phyogs kyi chos rnams myur du yongs su rdzogs par bya ba dang / chos rnams kyi thabs la shin tu mkhas pas/ gzhan gyi drin la mi 'jog par bya ba dang / ye shes dang shes rab thams cad la shin tu mkhas par bya ba'o/ /'jig rten 'dzin 'di dag ni don rnam pa bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas pa yin no/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ sems can la phan pa dang / bde ba'i phyir sems la ser sna'i/ dri ma med pa dang / rtag tu tshul khrims rnam par dag pa dang / brtson 'grus kyi pha rol tu phyin pa la bde bar gnas pas brtson 'grus spyod pa la bar chad med pa dang / yang dag par yid la byed pas shes rab kyi pha rol tu phyin pa la shin tu nan tan byed pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ smon lam phun sum tshogs pa shin tu dag pa dang ldan pa dang / spyod pa'i nan tan phun sum tshogs pa rnam par dag</font><hr>55.10a<br><font size=+1>

pa dang ldan pa dang / ji mi snyam pa'i bzod pa'i yon tan la bde bar gnas pa dang / chos rnams yang dag pa'i mtshan nyid rnam par 'byed pa'i 'od zer thob pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ mos pa chen pos thams cad mkhyen pa'i ye shes tshol ba dang / bsam gtan dang / rnam par grol ba dang / ting nge 'dzin rnam par 'byed pa la shin tu mkhas pas mos pa chen po bskyed pa dang / byams pa dang / snying rje dang / dga' ba dang / btang snyoms chen po'i sems thob par bya ba'i phyir rnam par dag pa'i spyad pa spyod pa la sbyor ba dang / nges pa'i don la shin tu legs par bsgom pa dang bzhi'o/ /'jig rten 'dzin yang chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ shes rab kyi spyod yul phun sum tshogs pa dang / ye shes kyi spyod yul rnam par dag pa tshol tshol ba dang / thogs pa med pa'i ye shes la mos pa dang / thams cad mkhyen pa'i ye shes kyi smon lam rtag tu mi spong ba'o/ /'jig rten 'dzin chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas pa yin no/ /'jig rten 'dzin gzhan yang don rnam pa bzhi mthong ba'i byang chub sems dpa' sems dpa' chen po rnams dran pa'i mthu tshol bar 'gyur ro/ /bzhi gang zhe na/ </font><hr>55.10b<br><font size=+1>

dran pa'i dbang po yongs su rdzogs pa goms par bsgom par bya ba dang / shin tu bde ba'i shes rab spyod pa dang / dran pa rgyun mi 'chad pa dang ldan pa dang / dran pa nye bar gzhag pa bzhi rdzogs par bsgom pa dang bzhi'o/ /'jig rten 'dzin gzhan yang don dam pa bzhi mthong ba'i byang chub sems dpa' sems dpa' chen po rnams dran pa'i mthu tshol bar 'gyur ro/ /bzhi gang zhe na/ byang chub kyi phyogs kyi chos rdzogs par bya ba'i phyir rtag tu dran pa sems la 'jog pa dang / dran pa'i dbang po rno bas sngon gyi gnas bsgom pa shes pa'i shes rab rnam par dag pa dang ldan pa dang / dran pa rgyun mi 'chad par myur du 'thob par bya ba dang / thams cad mkhyen pa'i ye shes kyi rgyu bskyed pa dang bzhi'o/ /'jig rten 'dzin don rnam pa bzhi mthong ba'i byang chub sems dpa' sems dpa' chen po rnams dran pa'i mthu tshol bar 'gyur ro/ /bzhi gang zhe na/ bsam pa'i thabs yongs su rdzogs pa sgom pa dang / yang dag pa'i ye shes dang shes rab sgom pa dang / sangs rgyas kyi chos thob par bya ba'i phyir shin tu brtson 'grus bskyed pa dang / dran pa'i stobs rgyun mi 'chad pa thob par bya ba'i phyir dran pa mi brjed pa'o/ /'jig rten 'dzin 'di dag ni don rnam pa bzhi mthong ba'i byang chub sems dpa' sems dpa' chen po rnams dran pa'i mthu tshol ba yin no/ /'jig rten 'dzin chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro/ /bzhi gang zhe na/ shes rab shin tu byang ba dran pa'i phyir rtag tu rgyun mi 'chad pa'i brtson 'grus dang / chos rnams kyi yang dag pa'i mtshan nyid thob par bya ba'i phyir rtse gcig pa'i sems kyis rtag tu rgyun mi 'chad pa dang / chos thams cad yang dag par dran par bya ba'i phyir rtag tu le lo med pa dang / yang dag pa'i yid la bya ba'i phyir rtag tu dbang po rnams bsrung ba dang bzhi'o/ /'jig rten 'dzin gzhan yang chos rnam pa bzhi dang</font><hr>55.11a<br><font size=+1>

ldan pa'i byang chub sems dpa' sems dpa' chen po rnams dran pa'i mthu thob par 'gyur ro/ /bzhi gang zhe na/ tshul khrims rnam par dag pa la gnas pa dang / spyod lam rnam par dag pa dang ldan pa dang / spyod pa'i gnas kun tu sems kyi sgrib pa lnga yongs su bsal te 'jig rten kyi chos la mi chags pa dang / las kyi sgrib pa dang nyon mongs pa'i sgrib pa yongs su spangs pa dang bzhi'o/ /'jig rten 'dzin gzhan yang chos rnam pa bzhi ga dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro/ /bzhi gang zhe na/ mi 'khrugs pa'i sems kyis dge ba'i chos tshol ba dang sems kyi mtshan nyid gcig la goms par bsgoms pa dang / chos rnams kyi rnam grangs la yang dag par 'jug cing shin tu mkhas pa dang / 'du 'dzi la mi mos pas khyim na gnas pa dang rab tu byung ba'i gang zag spong ba dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro/ /bzhi gang zhe na/ dge ba'i bshes gnyen la bsten pa dang / rtag tu chos zab mo la nan tan byed pa dang / rtag tu sangs rgyas dang byang chub sems dpa'i gan du 'gro ba la dga' ba dang / gsol ba dang zhu ba la dga' zhing shes rab sgom pa la mos pa'o/ /'di dag ni chos rnam pa 'di bzhi dang ldan pa'i byang chub sems dpa' sems dpa' chen po rnams dran pa'i mthu thob pa yin no/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ chos thams cad kyi yang dag pa'i mtshan nyid la shin tu mkhas pa dang / chos thams cad kyi rgyur gyur pa rnam par</font><hr>55.11b<br><font size=+1>

'byed pa la shin tu mkhas pa dang / chos thams cad kyi nges pa'i don la mkhas pa dang / chos thams cad kyi smra ba dang / tshig gi rnam grangs la mkhas pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur lo/ /bzhi gang zhe na/ chos rnams kyi ji lta ba'i go rims la mkhas pa dang / chos thams cad rten cing 'brel te 'byung ba'i thabs la mkhas pa dang / chos thams cad nan tan bya ba'i thabs dang ldan pa dang / nges pa'i don dang bkri ba'i don gyi mdo sde rnam par 'byed pa la shin tu mkhas pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ lam dang lam ma yin pa'i shes pa shin tu slob pa la mkhas pa dang / chos thams cad kyi don la bshad pa'i dbang po thob pa dang / myur du rnam par dag pa'i shes rab kyi spyod yul thob pa dang / ye shes kyi pha rol tu phyin pa rdzogs par sgom pa'o/ /'jig rten 'dzin 'di dag ni chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed pa yin no/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ kun 'byung gi mtshan nyid kyi chos thams cad sgom pa la mkhas pa dang / chos thams cad kyi rgyu 'gog pa'i mtshan nyid la shin tu mkhas pa dang / chos thams</font><hr>55.12a<br><font size=+1>

cad kyi rkyen kyi mtshan nyid la shin tu mkhas pa dang / rgyu dang rkyen kyis thabs la 'jug pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ sdug bsngal ba'i chos thams cad la shin tu mkhas pa dang / kun 'byung gi chos thams cad la shin tu mkhas pa dang / 'gog pa'i chos thams cad la shin tu mkhas pa dang / 'gog pa dang lam gyi chos thams cad la shin tu mkhas pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ chos rnams 'du ba dang 'jig pa'i sbyor ba la mkhas pa dang / sngon gyi rgyus mthu thob pa dang chos thams cad kyi ci dang cis 'dul ba la shin tu mkhas pa dang / yi ge dang / 'bru dang / tshig rnam par 'byed pa la shin tu mkhas pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ dkri ba'i don gyi mdo sde la shin tu mkhas pa dang / nges pa'i don gyi mdo sde'i tshig gi rjes su mi 'brang ba dang / chos thams cad kyi mtshan nyid kyi rgyu la shin tu mkhas pa dang / chos thams cad kyi mtshan ma med pa'i ye shes la bde bar gnas pa ste/ 'jig rten 'dzin 'di dag ni chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed pa yin no/ /</font><hr>55.12b<br><font size=+1>

'jig rten 'dzin chos bzhi dang ldan pa'i byang chub sems dpa' sems dpa' chen po rnams lus 'di bor nas bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan par 'gyur ro/ /bzhi gang zhe na/ dge ba dang mi dge ba'i chos la shin tu rtogs pa dang / dran pa dang shes rab phul du gyur pa dang / sems kyi sgrib pa lnga yongs su spangs pa dang / nam du yang bla na med pa yang dag par rdzogs pa'i byang chub kyi dran pa ma nyams pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan par 'gyur ro/ /bzhi gang zhe na/ dran pa nye bar gzhag pa bzhi la shin tu nan tan byed pa dang / rnam par 'byed pa'i shes rab la shin tu nan tan byed pa dang / ting nge 'dzin rnams kyi thog mar shes rab gtong ba dang / nges pa'i shes rab khong du chud pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan par 'gyur ro/ /bzhi gang zhe na/ gzungs kyi sgo thob pa dang / ma skyes pa'i ye shes sgom pa dang / zad pa'i ye shes la 'jug pa dang / 'gog pa'i ye shes rtogs par bya ba dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan par 'gyur ro/ /bzhi gang zhe na/ byams sdang med par bya ba dang / 'du byas kyi chos thams cad la mi chags pa dang / 'dus ma byas pa'i ye</font><hr>55.13a<br><font size=+1>

shes rtogs pa dang / de bzhin gshegs pa'i spyod yul du phyin par byed pa'o/ /'jig rten 'dzin 'di dag ni chos rnam pa bzhi dang ldan pa'i byang chub sems dpa' sems dpa' chen po rnams lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan pa yin no/ /'jig rten 'dzin gzhan yang chos rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ shin tu lhag pa'i bsam pa rnam par dag pa'i ye shes kyi stobs dang / smon lam rnam par dag pa'i ye shes kyi stobs dang / dge ba'i rtsa ba rnam par dag pa'i ye shes kyi stobs dang / bsngo ba rnam par dag pa'i ye shes kyi stobs dang / las kyi sgrib pa rnam par dag pa'i ye shes kyi stobs dang lnga'o/ /'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ spyod lam gyi gnas rnam par dag pa'i ye shes kyi stobs dang / dran pa dang ldan pa'i rnam par dag pa'i ye shes kyi stobs dang / sbyor ba'i rnam par dag pa'i ye shes kyi stobs dang / sems la dmigs pa'i rnam par dag pa'i ye shes kyi stobs dang / mtshan nyid la dmigs pa'i rnam par dag pa'i ye shes kyi stobs dang lnga'o/ /'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ gtong ba'i sems rnam par dag pa'i ye shes kyi stobs dang / sems can la phan pa dang bde ba rnam par dag pa'i ye shes kyi stobs dang / byams pa chen po bskyed</font><hr>55.13b<br><font size=+1>

pa'i rnam par dag pa'i ye shes kyi stobs dang / snying rje chen po bskyed pa'i rnam par dag pa'i ye shes kyi stobs dang / dga' ba chen po dang / btang snyoms chen po bskyed pa'i rnam par dag pa'i ye shes kyi stobs dang lnga'o/ /'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ tshul khrims bsrungs ba'i rnam par dag pa'i ye shes kyi stobs dang / tshul khrims bsrungs ba la ma chags pa'i rnam par dag pa'i ye shes kyi stobs dang / bzod pa rnam par dag pa'i ye shes kyi stobs dang / bzod pa la ma chags pa rnam par dag pa'i ye shes kyi stobs dang / mang du thos pa rnam par dag pa'i ye shes kyi stobs dang lnga'o/ /'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ lhag pa'i brtson 'grus rnam par dag pa'i ye shes kyi stobs dang / brtson 'grus len pa rnam par dag pa'i ye shes gyi stobs dang / bsam gtan rnam par dag pa'i ye shes kyi stobs dang / bsam gtan gyi thabs rnam par dag pa'i ye shes kyi stobs dang / zhi gnas dang lhag mthong gi thabs rnam par dag pa'i ye shes kyi stobs dang lnga'o/ /'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ shes rab rnam par dag pa'i ye shes kyi stobs dang / mang du thos pa'i nges par sbyor ba rnam par dag pa'i ye shes kyi stobs dang / 'jig rten dang 'jig rten las 'da' ba rnam par dag pa'i ye shes kyi stobs dang / shes rab dang</font><hr>55.14a<br><font size=+1>

thabs rnam par dag pa'i ye shes kyi stobs dang / 'du byas dang 'dus ma byas rnam par dag pa'i ye shes kyi stobs dang lnga'o/ /'jig rten 'dzin gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ thabs la rtog pa rnam par dag pa'i ye shes kyi stobs dang / rig pa dang / rnam par grol ba rnam par dag pa'i ye shes kyi stobs dang / ma skyes pa'i mtshan nyid rnam par dag pa'i ye shes kyi stobs dang / mtshan nyid gcig pa dang mtshan nyid med pa rnam par dag pa'i ye shes kyi stobs dang / don dam pa dang kun rdzob rnam par dag pa'i ye shes kyi stobs so/ /'jig rten 'dzin de dag ni rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams myur du yon tan gong ma'i rnams rdzogs pa yin no/ /'jig rten 'dzin de bas na byang chub sems dpa' sems dpa' chen po rnams rnam par dag pa'i ye shes kyi stobs de dag bsgom pa la shin tu brtson par bya'o/ /'jig rten 'dzin chos rnam pa gsum dang ldan pa'i byang chub sems dpa' sems dpa' chen po rnams rnam par dag pa'i ye shes kyi stobs la brtson par 'gyur ro/ /gsum gang zhe na/ mos pa dang / brtson 'grus dang / bag byed pa'o/ /chos rnam pa 'di gsum dang / ldan pa'i byang chub sems dpa' sems dpa' chen po rnams yon tan thams cad rdzogs pa'i rnam par dag pa'i ye shes kyi stobs la brtson pa yin no/ /de ci'i phyir zhe na/ 'jig rten 'dzin mos pa dang / brtson 'grus dang / bag byed pa ni chos thams cad kyi rtsa ba yin pas byang chub sems dpa' sems dpa' chen po rnams rnam par dag pa'i ye shes kyi stobs la nan tan byed pa ni myur du thams cad mkhyen pa'i ye shes thob par 'gyur te/ brtson 'grus las phyir mi ldog pa zhes bya'o/ /</font><hr>55.14b<br><font size=+1>

chos las phyir mi ldog pa zhes bya'o/ /yon tan de nyid myur du 'phel zhing skye ba 'am 'thob par 'gyur la/ chos thams cad la rnam par dag pa'i ye shes kyi stobs kyang myur du 'thob bo/ /'jig rten 'dzin gang zag gang zhig de ltar chos thams cad la rnam par dag pa'i ye shes kyi stobs thob pa ni 'jig rten gyi bsod nams kyi zhing zhes bya'o/ /gang zag de ni nga'i 'og du mchod pa'i rnyed pa zhu ba zhes bya'o/ /gang zag de ni de bzhin gshegs pa'i spyod yul gyi gnas su phyin pa zhes bya'o/ /gang zag de ni de bzhin gshegs pa'i chos rtogs pa zhes bya'o/ /gang zag des ring po mi thogs par de bzhin gshegs pa'i ye shes chud par 'gyur ro/ /'jig rten 'dzin nga sngon bskal pa tshad med grangs med pa'i bar du byang chub sems dpa'i spyad pa spyod pa na/ sangs rgyas mar me mdzad kyis nga la khyod bskal pa grangs med pa 'das nas mngon par 'tshang rgya'o zhes lung bstan te/ ngas de'i tshe nyid na rnam par dag pa'i ye shes kyi stobs de dag kun shes par gyur to/ /'jig rten 'dzin gang zag gang zhig chos thams cad la de lta bu'i rnam par dag pa'i ye shes kyi stobs dang ldan par 'gyur ba ni/ gang zag des bla na med pa yang dag par rdzogs pa'i byang chub thob pa na da ltar ngas ji ltar thob pa bzhin no/ /gang zag des chos kyi 'khor lo bskor bar 'gyur ba'ang ngas ji ltar bskor ba bzhin no/ /gang zag des seng ge'i sgra sgrog par 'gyur ba 'ang ji ltar sgra sgrogs pa bzhin no/ /gang zag des rang bzhin gyis chos thams cad la dbang ba dang stobs thob pa yang da ltar gyi nga ji lta ba bzhin no/ /'jig rten 'dzin khyod kyis kyang rnam par dag pa'i ye shes kyi stobs 'di bsgom pa la brtson par byas na ring por mi thogs par ye shes dang shes rab thams cad lhun gyis grub par 'gyur ro/ /'jig rten 'dzin sngon bskal pa grangs med tshad med pa 'das pa de'i tshe de'i dus na/ bcom ldan 'das ye shes mtho ba'i</font><hr>55.15a<br><font size=+1>

rgyal po zhes bya ba de bzhin gshegs pa mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul zhing kha lo sgyur ba/ lha dang mi'i ston pa/ sangs rgyas bcom 'das 'jig rten du byung ngo / /'jig rten 'dzin bcom ldan 'das ye shes mtho ba'i rgyal po de la nyan thos kyi dge 'dun tshad med pa dang / byang chub sems dpa'i dge 'dun ched med pa yod do/ /de yang bcom ldan 'das de'i sngon gyi smon lam gyi rgyu dang rkyen kyi dbang gis so/ /bcom ldan 'das ye shes mtho ba'i rgyal po'i sangs rgyas kyi zhing de na ngan song gsum gyi ming yang mi grag sto/ sems can de dag kyang sdug bsngal yod par mi tshor zhing mthar bde ba dang skyid pa phun sum tshogs pa dang ldan pas 'dod pa yongs su spangs pa mang ste/ sgrib pa lnga yang rab tu bcil ba sha stag go/ /sems can de dag de ltar yongs su dag pa'i bde ba dang ldan pa ni bsam gtan bzhi pa'i bde ba thob pa bzhin no/ /bcom ldan 'das ye shes mtho ba'i rgyal po de'i tshe'i tshad ni bskal pa khri phrag khrag khrig snyed do/ /de'i tshe na 'jig rten de'i rgyal po yang de bzhin gshegs pas mdzad de/ de ma yin pa'i rgyal po gzhan med pas yul de'i sems can dag bcom ldan 'das la chos kyi rgyal po zhes brjod do/ /bcom ldan 'das ye shes mtho ba'i rgyal po de byang chub sems dpa' rnams la sems can thams cad kyi the tsom gcod bying sems can thams cad kyi sems mgu bar 'gyur ba zhes bya ba'i byang chub sems dpa'i sde snod kyi mdo ston to/ /de'i tshe na byang chub sems dpa' lnga brgyas byang chub sems dpa'i rnam par dag pa'i ye shes kyi stobs bshad pa thos nas 'di lta bu'i brtson 'grus kyi stobs bskyed par gyur to/ /'di lta ste/ nam 'tsho'i bar du 'dug pa'i sems mi skyed pa dang / nam 'tsho'i bar du gos su 'du shes pa mi skyed pa dang / nam 'tsho'i bar du bdag</font><hr>55.15b<br><font size=+1>

tu 'du shes pa dang / sems can du 'du shes pa dang / skyes pa dang / bud med du 'du shes pa mi skyed pa dang / nam 'tsho'i bar du zas mang du mi za zhing 'di lta bu'i rnam par dag pa'i ye shes kyi stobs la nan tan byed do/ /brtson 'grus la rab tu 'bad pa'i byang chub sems dpa'i/ lnga brgya po de dag dge ba'i rtsa ba de nyid kyi rgyu dang rkyen kyis tshe 'phos nas thams cad shar phyogs su sangs rgyas kyi zhing 'di nas khri phrag bcu 'das pa'i pha rol gyi sangs rgyas kyi zhing du skyes so/ /der skyes nas chos de la nan tan byas pas ring po mi thogs par sngon gyi gnas dran te dbang po non por gyur to/ /sangs rgyas kyi zhing de na tshad med pa'i me tog brtsegs pa'i rgyal po zhes bya ba'i de bzhin gshegs pa da ltar bzhugs te/ 'tsho skyong zhing chos ston to/ /byang chub sems dpa' de dag lo bcu drug lon nas/ bcom ldan 'das tshad med pa'i me tog brtsegs pa'i rgyal po'i bstan pa la rab tu byung ste/ lo khri phrag drug bcu'i bar du gzhon nur tshangs par spyad pa spyod cing de lta bu'i brtson 'grus la nan tan byed do/ /'jig rten 'dzin byang chub sems dpa' lnga brgya po de dag da ltar de bzhin gshegs pa khri phrag nyi shu dang phrad de/ bcom ldan 'das de dag gi spyan sngar brtson 'grus shin tu brtsoms pas dran pa dang / bde ba dang / shes rab phul du gyur pa dang ldan par gyur to/ /tha ma bcom ldan 'das tshad med pa stobs mtho ba'i rgyal po zhes bya ba dang phrad nas bcom ldan 'das des lung bstan pa med bskal pa khri 'das nas bla na med pa yang dag par rdzogs pa'i byang chub tu mngon par 'tshang rgya'o zhes lung bstan to/ /byang chub sems dpa' lnga brgya po de dag kyang bskal pa khri'i bar du sangs rgyas stong phrag gnyis dang phrad nas sangs rgyas kyi byang chub yongs su rdzogs te/ bskal pa gcig la bla na med pa yang dag par rdzogs pa'i byang chub tu mngon par sangs rgyas so/ /</font><hr>55.16a<br><font size=+1>

'jig rten 'dzin de bas byang chub sems dpa' sems dpa' chen po rnams myur du bla na med pa yang dag par rdzogs pa'i byang chub thob par 'dod pa dag rnam par dag pa'i ye shes kyi stobs la de ltar mos pa dang / brtson 'grus dang / bag byed pa bskyed par rig par bya'o/ /de ci'i phyir zhe na/ 'jig rten 'dzin sangs rgyas rnams kyi bla na med pa yang dag par rdzogs pa'i byang chub thob pa'i rtsa ba ni mos pa dang / brtson 'grus dang / bag byed pa dang / gzhan yang byang chub kyi phyogs su gyur pa'i chos gang sangs rgyas kyi chos phun sum tshogs par byed pa rnams so/ /'jig rten 'dzin ngas de lta bu'i brtson 'grus kyis sangs rgyas khri phrag nyi shu dang phrad de/ sangs rgyas de dag gi chos kyang skye ba'i gnas thams cad du dran pa dang ldan par 'gyur/ skye ba'i gnas thams cad du sngon gyi gnas dran pas chos 'di bsgom pa la bar chad med de/ ngas mos pa dang / brtson 'grus bag byas pa las ma nyams pas rtag tu mos pa dang / brtson 'grus dang / bag yod pa dang ldan par gyur to/ /de'i tshe bcom ldan 'das thugs rje dang byams pa chen po'i thugs kyis phyogs bzhir gzigs nas mngon par shes pa'i rdzu 'phrul gyi mthu bstan te/ stong gsum gyi stong chen po'i 'jig rten gyi khams kyi 'dzam bu'i gling kun tu sprul pa'i sangs rgyas dag bzhugs shing sems can rnams la sems can thams cad kyi the tsom gcod cing / sems can thams cad kyi sems mgu bar byed pa'i byang chub sems dpa'i sde snod ces bya ba'i mdo ston par gyur to/ /gzhan yang rdzu 'phrul gyi mthus 'od ma'i tshal gyi 'khor gyi dkyil 'khor kun kyang sprul pa'i sangs rgyas kyis 'dzam bu'i gling gang ba bzhugs shing so so nas dam pa'i chos ston par mthong nas/ 'khor gyi dkyil 'khor rnams rab tu dga' bar gyur te/ 'dug pa las langs nas sangs rgyas la phyag 'tshal te 'di skad du ngo mtshar</font><hr>55.16b<br><font size=+1>

che'o/ /bcom ldan 'das sangs rgyas bcom ldan 'das kyi rdzu 'phrul kyi mthu bsam gyis mi khyab bo/ /tshad med pa'i bsam gyis mi khyab pa'i chos lhun kyis grub bo zhes smras so/ /de'i tshe bcom ldan 'das kyis 'khor mang po rnams la bka' stsal pa rigs kyi bu dag de bzhin gshegs pas bstan pa'i dngos po 'di dag ngo mtshar che ba ma yin no/ /de ci'i phyir zhe na/ de bzhin gshegs pa chos nyid thugs su chud pas ba spu'i khung bu gcig nas kyang mngon par shes pa'i rdzu 'phrul gyi mthus 'od zer bkye nas phyogs bcu'i 'jig rten gyi khams gang gA'i klung gi bye ma snyed snang bar mdzad cing chos kyi gsung sgrogs kyang ba spu'i khung bu gcig nas bstan pa'i brgya stong gi cha gcig tsam yang rdzogs pa ma yin te/ de bzhin gshegs pa ni de ltar bsam gyis mi khyab pa'i yon tan lhun gyis grub pa'o/ /rigs kyi bu dag de bzhin gshegs pa ni sems can dag gi bsam pa thugs su chud pas de la chos ston to/ /rigs kyi bu rnams da ltar gyi dus kyi sems can de dag ni chos 'di spyod pa la mos pa nyung ngo / /rigs kyi bu dag da ltar gyi dus kyi sems can dag ni chos 'di spyod pa la brtson 'grus rtsom pa nyung ngo / /rigs kyi bu dag da ltar gyi dus kyi sems can dag ni chos 'di la bag byed par spyod pa 'ang nyung ngo / /de ci'i phyir zhe na/ dus ngan pa'i sems can dag ni chos 'di la spyod pa 'ang rab tu nyung ngo / /de bzhin gshegs pa ni rnyog pa lnga'i 'jig rten ngan par 'byung ngo / /'di lta ste/ sems can gyi rnyog pa dang / lta ba'i rnyog pa dang / tshe'i rnyog pa dang / nyon mongs pa'i rnyog pa dang bskal pa'i rnyog pa'o/ /rigs kyi bu dag chung ngu na sems can 'ga' zhig shin tu zab mo rnam par dag pa'i chos 'di la yid ches te/ sangs rgyas kyi shes rab la phyin par byed na de ni shin tu ngo mtshar che ba yin na de bzhin gshegs pa'i spyod yul la mos pa lta ci smos/ rigs kyi bu dag nga rtag tu yun ring po nas de lta bu'i</font><hr>55.17a<br><font size=+1>

smon lam gyis brgyan cing de lta bu'i brtson 'grus dang bzod pa byas pa yang sdug bsngal gyis bzir ba'i sems can mgon med pa dang / skyabs med pa dang / ngan song du ltung ba dag gi phyir ro/ /nga de'i tshe na mngon par sangs rgyas nas skye bo grangs med tshad med pa dag la phan pa dang bde ba'i don byas so/ /rigs kyi bu dag de bas na de bzhin gshegs pa'i sngon gyi rnam par dag pa'i smon lam dang / brtson 'grus kyi byin gyis sems can grangs med tshad med pa rnams 'di lta bu'i shin tu zab mo'i chos la dad cing yid ches pa dang gzungs su 'dzin par gyur to/ /rigs kyi bu dag ngas sngon btul ba'i sems can dag nga'i chos 'di la yid ches par gyur to/ /rigs kyi bu dag sangs rgyas bcom ldan 'das kyi stobs bcu dang mi 'jigs pa bzhis sems can dag 'di lta bu'i shin tu zab mo'i chos la yid ches par byas pa nyung ngo / /sems can gang chos 'di la gnas pa ni kun kyang de bzhin gshegs pa'i dgongs pa'i mthu dang thabs kyi dbang gis so/ /nga ni yun ring po nas de lta bu'i chos zab mo dang ma bral bas yun ring po nas byams pa chen po dang / snying rje chen po dang / dga' ba chen po dang / btang snyoms chen pos sems can dag rjes su bzung ste ma btang ngo / /de bzhin gshegs pa ni rnyog pa lnga'i 'jig rten ngan par sems can la phan pa'i don mdzad pa nyung ngo / /de ci'i phyir zhe na/ rigs kyi bu dag nga sngon brtson 'grus chen po'i shugs dang / thabs mkhas pa chen po'i mthus sems can gyi don byas nas bla na med pa yang dag par rdzogs pa'i byang chub kyi tshogs bsags so/ /rigs kyi bu dag ngas mngon du dran pa sngon 'das pa'i dus na sems can la phan pa dang bde ba'i phyir nyi ma gcig la yang lus stong yongs su btang ste sbyin pa byas so/ /rigs kyi bu dag nga sngon skye ba brgya stong gi bar du sems can bkres skom pa dag mthong nas bdag gis lus kyi sha bcad de btsos nas sbyin pa byas kyang nga de'i tshe na 'khrug pa 'am 'gyod pa'i</font><hr>55.17b<br><font size=+1>

sems ma skyes te/ sems can dag la khyab par snying rje chen po kun la skyes so/ /rigs kyi bu dag de ltar ngas brtson 'grus chen po dang / thabs mkhas pa chen po'i stobs kyi sems can gyi don byas nas bla na med pa yang dag par rdzogs pa'i byang chub kyi tshogs bsags par rig par bya'o/ /de bas na rigs kyi bu dag de ltar mos pa dang / brtson 'grus dang / bag byed pa la nan tan byas te bla na med pa yang dag par rdzogs pa'i byang chub kyi tshogs bsags par byas so/ /ngas ji ltar byang chub sems dpa'i spyod pa spyad pa ltar khyod kyis kyang de ltar nga dang 'dra bar sems can la phan pa dang bde ba'i don gyis shig /rigs kyi bu dag bskal pa bzang po'i sangs rgyas bcom ldan 'das mngon par gshegs pa de dag thams cad 'di skad mi ston pa gang yang med do/ /'di lta ste/ 'di ltar bcom ldan 'das shAkya thub pa shin tu brtson 'grus brtsams so/ /'di ltar bcom ldan 'das shAkya thub pa brtson 'grus phun sum tshogs so/ /'di ltar bcom ldan 'das shAkya thub pa brtson 'grus kyi pha rol tu phyin pa dang ldan no/ /'di ltar bcom ldan 'das shAkya thub pa byang chub sems dpa'i spyad pa spyod pa na semabs can gyi don byas te/ 'di ltar rnyog pa'i 'jig rten ngan par byung nas/ sems can tshad med grangs med pa la phan pa dang bde ba'i don byas so zhes gsung ngo / /rigs kyi bu dag gang de ltar byang chub kyi spyad pa spyod par 'dod pa dag mos pa dang / brtson 'grus dang / bag byed pa la brtson par bya'o/ /rigs kyi bu dag ngas bla na med pa yang dag par rdzogs pa'i byang chub tu mngon par sangs rgyas kyang brtson 'grus brtsom pa la ma nyams te/ yongs su mya ngan las 'das pa'i bar tu yang brtson 'grus bskyed nas sku gdung yungs kar gyi 'bras bu tsam du phra mor gsel te sku'i yan lag kyang rnam par gses so/ /de ci'i phyir zhe na/ de yang phyi ma ma 'ongs pa'i sems can rnams la byams shing</font><hr>55.18a<br><font size=+1>

brtse ba'i phyir ro/ /nga sngon byang chub sems dpa'i spyad pa spyod pa'i tshe sems can btul ba dag spyod pa 'khrul cing nor bar gyur nas bgegs kyi gnas su lhung ba rnams gdon pa'i phyir thugs rje chen po bskyed de sku gdung gsel te phra mo yungs dkar gyi 'bru tsam yang rdzu 'phrul gyi mthu bstan to/ /nga yongs su mya ngan las 'das nas sems can gang sku gdung gis 'dul bar 'gyur ba dag sems rnam par dag par 'gyur ro/ /sems rnam par dag pas gnas thams cad du smon pa bzhin du 'grub po/ /rigs kyi bu dag nga sngon byang chub sems dpa'i spyad pa spyod pa'i tshe sems can dag la de lta bu'i thugs rje'i thugs lhun gyis grub pa'i sku gdung phra mor gsel te kun tu khyab par byas pa yang nga'i sngon gyi smon lam gyi dbang gis so/ /de ltar tshad med pa'i yon tan dang / bsod nams kyi rgyu dang / rkyen dang / thugs rje chen po'i shugs kyis phyi ma ma 'ongs pa'i dus ngan par skye bo mang po la skyob par gyur to/ /rigs kyi bu dag byang chub sems dpa' gang chos 'di la mos pa dang / brtson 'grus dang / bag byed pa skyed pa dag nges par phyi ma ma 'ongs pa'i dus na mdo sde 'di la sogs pa klog pa dang / 'don pa dang / 'dzin pa dang / gzhan la rgyas par ston par gyur cig ces smon par gyur te/ nga yang rdzu 'phrul gyi mthus byang chub sems dpa' de dag klog pa dang / 'don pa dang / 'dzin pa dang / gzhan la yang rgyas par ston par byin gyis rlob po/ /ngas kyang mdo sde 'di dag klog pa dang / 'don pa dang / 'dzin pa dang / gzhan la rgyas par ston par 'gyur ba'i phyir/ byang chub sems dpa' de dag la yongs su gtams so/ /de ci'i phyir zhe na/ rigs kyi bu dag mdo sde 'di gang na yod pa'i gnas de na sangs rgyas bzhugs par blta ste mya ngan las ma 'das par rig par bya'o/ /de bas na de bzhin gshegs pas mdo sde 'di dag byang chub sems dpa'</font><hr>55.18b<br><font size=+1>

rnams la gtams so/ /rigs kyi bu dag de bas na ngas 'das pa'i dus na yang de lta bu'i rgyu dang rkyen kyis sems can rnams bsdus te ma btang bar rig par bya'o/ /da ltar gyi dus su yang sems can dag bsdus te ma btang ngo / /ma 'ongs pa'i dus na yang sems can yongs su sdud de mi gtong bar rig par bya'o/ /'di lta ste/ mdo sde 'di lta bu dag dgongs shing bskyabs nas phyi ma ma 'ongs pa'i dus lnga brgya'i tha ma la yongs su rgyas par bya ba'i phyir ro/ /rigs kyi bu dag gal te da ltar gyi dus sam/ nga yongs su mya ngan las 'das pa'i 'og tu grong khyer ram/ grong rdal lam/ ri 'am/ nags tshal lam/ 'brog dgon pa dag na mdo sde yod de gang zhig 'chang ngam/ 'dzin tam/ klog gam/ 'don tam/ gzhan la bston cing 'chad na gnas de na sangs rgyas bzhugs par rig par bya'o/ /de ci'i phyir zhe na/ de'i rgyu de'i rkyen gyis ngas sangs rgyas rnams la chos kyi sku zhes brjod do/ /chos mthong bas na sangs rgyas mthong ba zhes brjod do/ /sangs rgyas la gzugs kyi skur mi blta'o/ /gang zag gang zhig chos 'di la dad dam/ chos 'di nyan na gang zag de ni sangs rgyas la dad pa dang sangs rgyas kyi gsung bab nyan pa zhes bya'o/ /gang zag gang zhig bshad pa bzhin nan tan du 'ang byed na gang zag de ni sangs rgyas mthong ba zhes bya'o/ /gang zag de ni yang dag par smra ba/ chos su smra ba/ chos kyi rjes su spyod pa zhes bya'o/ /rigs kyi bu dag nga'i sku chos kyang yin chos ma yin pa'ang yin te/ chos kyi rjes su 'gro ba zhes bya'o/ /chos kyi sbyin pa sbyin pa'i mchog dam pa zhes bya ba ste/ chos la mi gnas chos ma yin pa la'ang mi gnas pa'o/ /de yang ji ltar zhe na gal te chos la gnas na sangs rgyas mthong ba zhes mi bya'o/ /rigs kyi bu dag chos thams cad la mi gnas pa ni/ sangs rgyas mthong ba zhes bya'o/ /gang chos thams cad la mthong ba med pa ni sangs rgyas mthong ba zhes bya'o/ /</font><hr>55.19a<br><font size=+1>

de ci'i phyir zhe na/ de bzhin gshegs pa ni chos shes brjod par yang mi rung / chos ma yin zhes brjod par yang mi rung / chos su blta ba yang ma yin no/ /de ci'i phyir zhe na/ rigs kyi bu dag mdo sde las kyang dge slong dag gang nga'i chos shes par 'dod pa ni gzings dang 'dra bar chos kyang 'dor na chos ma yin pa lta ci rmos te/ gang zhig chos dang / chos ma yin pa la btang snyoms su gyur pa ni sangs rgyas mthong ba zhes bya'o/ /de ci'i phyir zhe na/ de bzhin gshegs pa ni chos thams cad la btang snyoms pa zhes bya'o/ /chos kyi ming la mi chags mi 'dzin pa ste/ chos kyi ming du yang mi ltung na chos ma yin pa'i ming du mi ltung ba lta ci smos/ rigs kyi bu dag chos thams cad kyi ming dang bral ba ni de bzhin gshegs pa zhes bya ste/ gang gis de ltar mthong ba ni de bzhin gshegs pa mthong ba zhes bya'o/ /de ci'i phyir zhe na/ chos thams cad mthong ba dang bral ba'i phyir de bzhin gshegs pa mthong ba zhes bya'o/ /chos thams cad dmigs su med pa'i phyir yang dag pa ji lta ba bzhin du chos thams cad shes shing mthong bas de bzhin gshegs pa mthong ba zhes bya'o/ /rigs kyi bu dag gal te chos thams cad dmigs su med cing chos thams cad dang bral ba de la chos dang chos ma yin pa'i ming du spros pa med cing rtsod pa med de/ bya ba med pa bstan du med pa de ni de bzhin gshegs pa mthong ba zhes bya'o/ /gang zag gang zhig de ltar chos mthong ba de de bzhin gshegs pa mthong ba zhes bya'o/ /gang gis de ltar de bzhin gshegs pa mthong ba de ni yang dag par mthong ba'o/ /gang de lta ma yin par mthong ba de ni log par mthong ba zhes bya'o/ /gang log par mthong ba de ni yang dag pa ma yin pa mthong ba ste gang zag de ni yang dag pa nyid mthong ba zhes bya'o/ /rigs kyi bu dag yang dag pa nyid du mthong ba ni tshig dang smra ba'i lam thams cad pa ste/ yang dag pa ma yin/ yang dag pa ma yin pa'ang ma yin/ </font><hr>55.19b<br><font size=+1>

yod pa'ang ma yin med pa 'ang ma yin te/ chos thams cad dang bral ba/ chos thams cad mi len pa/ chos thams cad la mi dmigs pa ste/ de ltar mthong ba de ni de bzhin gshegs pa mthong ba'o/ /de ci'i phyir zhe na/ rigs kyi bu dag de bzhin gshegs pa chos la lta ba mi skyed de/ chos thams cad kyi mtshan nyid dang bral ba mthong ba ni de bzhin gshegs pa mthong ba zhes bya ste gang de ltar mthong ba de ni yang dag par mthong ba'o/ /rigs kyi bu dag khyod kyis de ltar de bzhin gshegs pa la blta'o/ /khyod kyis ngas bshad pa bzhin du de bzhin gshegs pa la brtag par bya'o/ /gang de ltar lta bas ni chos thams cad de bzhin gshegs pa yin par rig par bya'o/ /chos thams cad kyi de bzhin nyid thob pa dang / chos thams cad kyi yang dag pa nyid thob pa dang / chos thams cad yang dag pa ma yin pa'i mtshan nyid thob pa dang / chos thams cad de bzhin gshegs pa'i chos su shes pa dang / chos thams cad de bzhin gshegs pa'i spyod yul du'ang shes pa dang / chos thams cad bsam gyis mi khyab pa'i spyod yul du shes par rig par bya'o/ /rigs kyi bu dag de bas na ngas chos thams cad de bzhin gshegs pa'i spyod yul yin par gsungs so/ de bzhin gshegs pa'i spyod yul ni spyod yul med pa'o/ /de ci'i phyir zhe na/ chos thams cad kyi spyod yul zhes bya ba de la chos gang yang spyad du med do/ /de bas na gang spyod yul med pa la de bzhin gshegs pa'i spyod yul zhes bshad do/ /chos thams cad kyi spyod yul ni spyod yul med pa ste spyod yul med pa de ni de bzhin gshegs pa'i spyod yul zhes bya'o/ /de ci'i phyir zhe na/ chos thams cad kyi spyod yul ni ci yang med pa ste/ spyod yul med pa ni de bzhin gshegs pa'i spyod yul zhes bya'o/ /spyod yul thams cad ni de bzhin gshegs pa'i spyod yul du 'jug ste spyod yul ma yin pa'o/ /de bzhin gshegs pas chos de dag thugs su chud pas na spyod yul med pa</font><hr>55.20a<br><font size=+1>

ni de bzhin gshegs pa'i spyod yul zhes bya'o/ /rigs kyi bu dag gang gis chos thams cad spyod yul med par shes na gang zag de ni de bzhin gshigs pa'i spyod yul la 'jug pa zhes bya'o/ /gang zag de ni de bzhin gshegs pa'i spyod yul rtogs pa zhes bya'o/ /gang zag de ni de bzhin gshegs pa'i spyod yul la tshol ba zhes bya'o/ /gang zag de ni de bzhin gshegs pa'i spyod yul la ma chags pa zhes bya'o/ /de ci'i phyir zhe na/ gang zag de ni spyod yul med pa de la de bzhin gshegs pa'i spyod yul du shes so/ /spyod yul dang bral ba la de bzhin gshegs pa'i spyod yul du shes so/ /'di lta ste/ chos thams cad ni dmigs su med pa brtag tu med pa mi gnas pa'i phyir de bas na spyod yul ma yin pa ni de bzhin gshegs pa'i spyod yul lo/ /ye shes la zhugs pa'i spyod yul te chos thams cad la mi 'jug pa'i phyir ro/ /de ci lta zhe na/ chos thams cad la sgo med pa'i phyir sgo des 'jug go/ /rigs kyi bu dag chos thams cad la ni 'jug pa yang med/ 'byung ba yang med/ gzugs kyang med do/ /de ci'i phyir zhe na/ de bzhin gshegs pas chos thams cad la gang yang dmigs pa med na ci las byung / ci la 'jug ci zhig bstan/ ci zhig ston par 'gyur/ rigs kyi bu dag de ni chos thams cad kyi sgor zhugs pa ste/ 'jug pa med pa'i mtshan nyid kyi phyir ro/ /chos thams cad ni 'du ba yang med/ 'bral ba yang med/ bcings pa yang med/ grol ba yang med do/ /de ltar chos thams cad kyi sgor ni sgo med pa'i phyir sgo de ni 'byung ba'i sgo ma yin/ 'jug pa'i sgo ma yin/ song ba'i sgo ma yin/ brjod pa'i sgo ma yin te/ mthar mi skye ba'i sgo zhes bya'o/ /chos kyi sgo des na chos thams cad la shes pa med/ mthong ba med do/ /chos kyi sgo de na chos la rig pa yang med/ 'jug pa yang med do/ /de ci'i phyir zhe na/ rigs kyi bu dag</font><hr>55.20b<br><font size=+1>

chos thams cad la sgo med de sgor dmigs su med pa'i phyir ro/ /nam mkha' ni chos thams cad kyi sgo ste/ thog ma nas rang bzhin gyis rnam par dag pa'i phyir ro/ /chad pa med pa ni chos thams cad kyi sgo ste/ chad pa dmigs su med pa'i phyir ro/ /mtha' med pa ni chos thams cad kyi sgo ste/  mthar dmigs su med pa'i phyir ro/ /tshad pa med pa ni chos thams cad kyi sgo ste/ mthar dmigs su med pa'i phyir ro/ /tshad med pa ni chos thams cad kyi sgo ste/ tshad dmigs su med pa'i phyir ro/ /mu med pa ni chos thams cad kyi sgo ste/ mu dmigs su med pa'i phyir ro/ /rigs kyi bu dag rigs kyi bu'am/ rigs kyi bu mo dag gang zhig chos kyi sgo 'dir zhugs na chos thams cad kyi sgor zhugs pa dang / chos thams cad kyi sgo shes pa dang / chos thams cad kyi sgo ston pa zhes bya'o/ /gleng gzhi'i le'u ste gcig go/ // de nas bcom ldan 'das kyis byang chub sems dpa' 'jig rten 'dzin la 'di skad ces bka' stsal to/ /'jig rten 'dzin byang chub sems dpa' sems dpa' chen po gang zhig chos thams cad kyi yang dag pa'i mtshan nyid thob par 'dod pa dang / chos rnam par 'byed pa'i mtshan nyid la mkhas par 'dod pa dang / gang dran pa'i stobs thob par 'dod pa dang / chos thams cad rnam par 'byed pa'i shes rab thob par 'dod pa dang / gang 'di lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa thob par 'dod pa dag chos kyi sgo 'di la myur du 'jug par bya'o/ /chos kyi sgo 'dis shes rab kyi snang ba thob par 'gyur ro/ /de ci'i phyir zhe na/ chos kyi sgo 'dis ni myur du phun sum tshogs pa thob pa'i phyir ro/ /gzhan yang 'jig rten 'dzin byang chub sems dpa' sems dpa' chen po rnams chos kyi sgo 'di la nan tan du brtson par bya'o/ /gang chos la sbyor ba'i sgo 'di la zhugs pa ni phung po la sbyor ba dang / khams la sbyor ba dang / skye</font><hr>55.21a<br><font size=+1>

mched la sbyor ba dang / rten cing 'brel te 'byung ba'i chos la sbyor ba dang / dran pa nye bar gzhag pa bzhi la sbyor ba dang / dbang po lnga la sbyor ba dang / 'phags pa'i lam yan lag brgyad pa la sbyor ba dang / 'jig rten pa dang / 'jig rten las 'das pa'i chos la sbyor ba rnam par 'byed pa la shin tu mkhas shing gzhan yang 'dus byas dang / 'dus ma byas pa'i chos la sbyor ba rnam par 'byed pa la shin tu mkhas par 'gyur ro/ /'jig rten 'dzin de la ji ltar na byang chub sems dpas phung po lnga la sbyor ba rnam par 'byed pa la mkhas pa gang zhe na/ byang chub sems dpa' sems dpa' chen po rnams nye bar len pa'i phung po lnga la yang dag par rtog pa ni 'di lta ste/ ma rig pa'i phung po ni nye bar len pa'i phung po'o/ /sdug bsngal gyi phung po ni nye bar len pa'i phung po'o/ /gti mug gi phung po ni nye bar len pa'i phung po'o/ /nad kyi phung po dang / shu ba'i phung po dang / zug rngu'i phung po ni nye bar len pa'i phung po lnga'o/ /byang chub sems dpa' rnams gzugs nye bar len pa'i phung po rnam par 'byed pa la brtag par bya'o/ /de la gzugs nye bar len pa'i phung po rnam par 'byed pa la ji ltar brtag ce na/ gzugs nye bar len pa'i phung po de ni chen po bzhi las skyes pa ste/ gzugs nye bar len pa'i phung po zhes btags pa tsam du zad do/ /gzugs kyi phung po la rang bzhin med de chen po bzhi 'dus par zad pas gzugs kyi phung po zhes btags pa tsam mo/ /gzugs kyi phung po ni byas pa med pa/ byed pa med pa/ bya ba med pa/ 'byung ba med pa'o/ /gzugs kyi phung po zhes bya ba ni sngon gyi las kyi rgyu dang / rkyen dang / chen po bzhi 'dus pa las gzugs kyi phung po zhes btags pa tsam du zad kyi phung po ma yin pa de gzugs kyi phung po yin no/ /dper na nam mkha'i phung po dang 'dra ste yang dag pa skye ba'i mtshan nyid med do/ /gang nam mkha'i phung po zhes brjod pa de la chos gang yang ma skyes te ming tsam yod</font><hr>55.21b<br><font size=+1>

pa'i phyir nam mkha'i phung po zhes bya'o/ /byis pa so so'i skye bos phung po dang phung po'i mtshan nyid med pa 'di la phyin ci log gi sems kyis yang dag pa ma yin par yang dag par 'dzin te/ bdag phung po lnga'o/ /bdag gi phung po lnga'o/ /bdag gzugs kyi phung po'o/ /bdag gi gzugs kyi phung po zhes de ltar zhen to/ /de ltar bus pa so so'i skye bo dag gzugs la zhen nas gzugs la bdag dang bdag gi ba dang / gzugs yod pa dang / gzugs su 'dzin pa dang / gzugs su len pa dang / gzugs la zhen pa dag gzugs la gnas shing rten te sdig pa mi dge ba'i las rnam pa sna tshogs spyod cing myong bar byed do/ /bdag cag gis ni bus pa so so'i skye bo'i rjes su bslab pa'i mi rigs kyi bdag cag gis brtson 'grus bskyed de byang chub kyi phyogs kyi chos bsgom pa la nan tan bya'o/ /gzugs kyi phung po la yang dag pa ji lta ba bzhin brtag par bya ba'i rigs so/ /byang chub sems dpa' rnams kyi phung po la yang dag pa ji lta ba bzhin du rtog pa'i tshe chu'i dbu ba dang 'dra ba shes so/ /de la ji ltar na chu'i dbu ba dang 'dra bar shes pa zhe na/ dbu ba med pa ni chu'i dbu ba ste/ de yang rkyen mang po las skyes su zad kyi bzung zhing bcang du mi bzod/ sra ba 'am/ snying po med pas chu'i dbu ba de la dbu ba'i mtshan nyid med de/ gang dbu ba med pa la chu'i dbu ba zhes bya ba bzhin du gzugs kyi phung po yang de dang 'dra ste/ gzugs kyi phung po la phung po'i mtshan nyid med do/ /byang chub sems dpa' rnams de ltar rtog pa'i tshe 'di snyam du'ang bus pa so so'i skye bo ni yang dag pa ma yin pa'i gzugs la yang dag pa ji lta ba bzhin mi rtogs/ yang dag pa ji lta ba bzhin du gzugs mi rtag par mi shes/ yang dag pa ji lta ba bzhin du gzugs kyi mtshan nyid mi shes so snyam nas/ bdag cag yang dag pa'i lam la zhugs pas yang dag pa ma yin pa'i gzugs la zhen par mi bya'o/ /de ci'i phyir</font><hr>55.22a<br><font size=+1>

zhe na/ gzugs zhen par bya ba'i mtshan nyid ma yin te/ ming tsam du zad kyi nges pa'i mtshan nyid med do/ /de ltar gzugs ni nges pa'i mtshan nyid med cing ming dang yang bral ba'i phyir/ gzugs shes bya'o/ /yang gzhan du na gzugs ni 'jig pa'i mtshan nyid yin te/ mkhas pa dag gis ni khong du chud pas mtshan ma med par shes so/ /bdag cag gis gzugs mtshan ma med pa'i sbyor ba bsgom pa la mkhas par bya'i/ gzugs kyi mtshan ma la zhen par mi bya'o/ /gang zag gang zhig gzugs kyi mtshan ma la zhen na gzugs la zhen pa zhes bya'o/ /bdag cag gis gzugs kyi mtshan mar 'jug pa la shin du mkhas par bya'o/ /byang chub sems dpa' de ltar yang dag par ji lta ba bzhin rtog pa de'i tshe yang dag pa ji lta ba bzhin gzugs rnam par 'byed pa rtogs nas gzugs kyi phung po de yang gang bus pa so so'i skye bo dag gis rnam par brtags pa'i 'du shes las byung bar shes so/ /de ltar chos rnams rnam par brtags pa'i 'du shes las byung bas de ni ma skyes pa ste/ rnam par brtags pa'i 'du shes thams cad ni yang dag pa ma yin pa'i bus pa so so'i skye bo phyin ci log la rten cing gnas nas gzugs shes skyed de/ gzugs kyis rnam par bcings so/ /gzugs kyis gtses pas sdug bsngal gyis gdungs te 'khor bar gyur to/ /ma rig pa dang / gti mug gis ldongs pas gzugs su zhen te mi gtong nas gzugs la rtag pa dang / sra ba dang / snying po yod par lta bas de ltar byis pa so so'i skye bo gzugs kyi 'ching bas bcings te/ sems can dmyal ba dang / byol song dang / yi dgas dang / lha dang / mir rgyun du 'khor ro/ /gzugs kyi ro la shin tu chags te/ gzugs de la nyes pa'i skyon mang po yod par mi lta'o/ /bdag cag gis bus pa so so'i skye bo'i rjes su bslab par mi bya'i gzugs kyi sbyor ba rnam par 'byed pa bsgom pa la brtag par bya'o/ /gzugs rnam par 'byed pa</font><hr>55.22b<br><font size=+1>

la rtog pa'i tshe gzugs kyi rang bzhin rmi lam dang 'dra bar mthong ngo / /'di lta ste/ rmi lam gyi nang na gzugs mthong ba de ni rnam par brtags pa'i 'du shes tshor ba dang / rtog pa las skyes te/ mthong ba dang / thos pa dang / tshor ba dang / shes pa dang / rten cing 'brel par 'byung ba yang skyed de bdag dang gzhan du yang shes so/ /sa dang / chu dang / me dang / rlung du yang mthong ngo / /ri dang / chu dang / nags tshal la sogs par mthong ste/ de ltar rmi lam gyis gzugs kyi mtshan ma de la nges par chad pa med de rnam par brtags pa'i 'du shes las gzugs kyi phung po'i mtshan mar skyed pa yang de bzhin te/ sngon gyi las kyi rgyu dang rkyen las skyes te nges pa'i rang bzhin can ma yin no/ /byang chub sems dpa' rnams de ltar yid la byed pa na gzugs la bdag gam bdag gi bar mi len no/ /yang dag pa ji lta ba bzhin du gzugs la rtog ste/ yang dag pa ji lta ba bzhin du mi rtag pa'i mtshan nyid dang / yang dag pa ma yin pa phyin ci log tu rtog go/ /sems can dag ni phyin ci log gis bslad pas gzugs la bdag gzugs/ bdag gi gzugs/ gzhan gzugs/ gzhan gyi gzugs su zhen cing 'dzin to/ /de ltar gzugs rnam par 'byed pa la rtog pa'i tshe gzugs su mi dmigs/ gzugs kyi rang bzhin mi mthong / gzugs mi rtag pa la yang mi chags so/ /byang chub sems dpas de'i tshe gzugs la chags pa dang 'dzin pa thams cad bsal te med par gyur na gzugs kyi yang dag pa'i mtshan nyid la shin du mkhas pa yin/ gzugs mnyam pa'i mtshan nyid shes pa yin/ gzugs 'gog pa'i mtshan nyid shes pa yin/ gzugs 'gog pa'i lam gyi mtshan nyid la mkhas pa yin/ gzugs kyi phung po gang nas kyang ma 'ongs pa gang du yang mi 'gro bar rab tu rtogs so/ /de ltar rtog pa'i tshe na lus dang gzugs kyi phung po de las kyi 'bras bu rnam par smin pa dang / rnam par brtags pa las skyes te/ chen po bzhi 'dus pa las</font><hr>55.23a<br><font size=+1>

byung bar shes so/ /lus kyi gzugs kyi phung po ni bdag ma yin/ gzhan ma yin/ bdag po med de gang nas kyang ma 'ongs so/ /gzugs kyi phung po la de ltar rtog pa'i nang gi gzugs la mi chags/ mi len/ phyi'i gzugs la mi chags/ mi len/ 'das pa'i gzugs la mi chags/ mi len/ ma 'ongs pa'i gzugs la mi chags/ mi len/ da lta'i gzugs la yang mi chags/ mi len/ gzugs kyi phung po thams cad la ma skyes pa'i mtshan nyid du shes so/ /de ltar byang chub sems dpa' de'i tshe gzugs mi 'gag gzugs 'gags pa'i chos tshol lo/ /'jig rten 'dzin de ltar na byang chub sems dpa' sems dpa' chen po rnams gzugs rnam par 'byed pa la rtog pa zhes bya'o/ /'jig rten 'dzin de la ji ltar na byang chub sems dpa' sems dpa' chen po rnams tshor ba nye bar len pa'i phung po rnam par 'byed pa la rtog pa yin zhe na/ byang chub sems dpas 'di snyam du sems te/ bde bar tshor ba dang / sdug bsngal du tshor ba dang / bde ba yang ma yin sdug bsngal yang ma yin par tshor ba 'di ni rten cing 'brel pa las byung ste/ rgyu dang rkyen la rag lus pas tshor ba'i mtshan nyid la zhugs na/ de la tshor bar byed pa med de zhen pa tsam du zad do/ /zhen pa de ni yang dag pa ma yin te/ yang dag pa ma yin pa'i kun du brtags pa las skyes pa'o/ /de ltar byang chub sems dpa' de de snyam du sems pa na yang 'di snyam du bus pa so so'i skye bo ni yang dag pa ma yin pa'i kun du rtog pa'i tshor bas bcings nas tshor ba rnam pa gsum gyis rnam par gtses so/ /'di lta ste/ bde ba dang / sdug bsngal ba dang / bde ba yang ma yin sdug bsngal ba yang ma yin pa'i tshor ba rnams so/ /bus pa so so'i skye bo dag gal te bde bar tshor ba na 'dod pa'i nyon mongs pas bkol te/ 'dod pa'i nye ba'i nyon mongs pas nyon mongs pa'i phyir mi dge ba'i las rnam pa sna tshogs skyed do/ /gal te sdug bsngal du tshor ba na zhe sdang gi nyon mongs pas</font><hr>55.23b<br><font size=+1>

bkol te/ zhe sdang gi nye ba'i nyon mongs pas nyon mongs pa'i phyir mi dge ba'i las rnam pa sna tshogs skyed do/ /gal te bde ba yang ma yin sdug bsngal yang ma yin pa'i tshor ba na ma rig pa'i nyon mongs pas bkol te/ ma rig pa'i nye ba'i nyon mongs pas nyon mongs pa'i phyir slos pa'i mya ngan dang / smre sngags 'don pa dang / sdug bsngal gyis gdungs pa las rnam par ma grol bar gyur to/ /bdag gis bus pa so so'i skye bo'i rjes su bslab par mi bya'i chos rnams kyi yang dag pa nyid la brtag par bya'o/ /bdag cag gis yang dag pa ji lta ba bzhin tshor ba la brtag par bya'o byang chub sems dpa' rnams yang dag pa ji lta ba bzhin tshor ba'i phung po la brtags nas yang 'di snyam du phung po ma yin pa ni tshor ba'i phung po ste rnam par brtag pa las skyes te phyin ci log dang ldan pa'i tshor ba byed pa med de/ sngon gyi las kyi rgyu las skyes so/ /da ltar gyi rkyen gyis tshor ba rnams myong ste/ rang bzhin gyis stong pas tshor ba las tshor ba'i mtshan ma med do/ /byang chub sems dpa' rnams tshor ba'i phung po la rtog pa na chu'i chu bur lta bur skyes nas 'gags te nges par chad pa med par chud pa bzhin tshor ba'i phung po yang de dang 'dra ste/ rgyu dang rkyen 'brel pa las skyes te rgyu dang rkyen la rag las pas skad cig kyang mi gnas te/ yang dag pa ma yin pas rnam par brtags pa'i phyin ci log las skyes so/ /byang chub sems dpa' dag de'i tshe na yang 'di snyam du bus pa so so'i skye bo dag ni snying brtse ba'i gnas yin no/ /tshor ba'i phung po la yang dag pa ji lta ba bzhin mi rtogs pas tshor ba rnams kyis nyon mongs par gyur to/ /bde ba'i tshor ba la yang chags/ sdug bsngal gyi tshor ba la yang chags/ bde ba yang ma yin sdug bsngal ba yang ma yin pa'i tshor ba la yang chags pa skyed de/ tshor ba rnams kyis bcings pas 'khor ba na 'khor zhing lus gcig nas lus gcig tu rgyun mi 'chad de/ tshor ba'i nyon mongs pas ni tshor ba'i phung po'i mtshan nyid yang dag pa ji lta ba mi shes pa'i phyir ro/ /bdag cag gis bus pa so so'i skye bo'i rjes su bslab par</font><hr>55.24a<br><font size=+1>

mi bya'i yang dag pa ji lta ba bzhin tshor ba'i phung po rnam par 'byed pa la brtag par bya'o/ /de'i tshe yang dag pa ji lta ba bzhin tshor ba'i phung po la rtog pa ni phung po med pa tshor ba'i phung po yin pa dang / yang dag pa ma yin pa'i phung po de tshor ba'i phung po yin pa dang / phyin ci log gi phung po de tshor ba'i phung po yin pa dang / mi gnas pa'i phung po de tshor ba'i phung po yin par rtogs te/ de'i tshe na yang dag pa ji lta ba bzhin du tshor ba'i phung po'i mtshan nyid mthong ste/ byas pa med/ byed pa med de/ tshor ba'i phung po la tshor ba'i phung po'i mtshan nyid kyang mi mthong ngo / /de ltar tshor ba'i phung po la rtog pa na tshor ba'i phung po la nang na gnas par mi mthong / tshor ba'i phung po la phyi rol na gnas par mi mthong ste/ tshor ba bdag ces bya ba la mi chags/ tshor ba bdag gi ba zhes bya ba la mi chags pas tshor ba'i phung po la gang nas kyang ma 'ongs la bdag po med de chos gang gis kyang ma skyed par shes so/ /tshor ba de ni phyin ci log dang ldan pa dang / sngon gyi las kyi 'bras bu rnam par smin pa la tshor ba'i phung po zhes rnam grangs su btags par shes so/ /tshor ba'i phung po la yang dag pa ma yin pa'i rgyu dang rkyen rgyun mi 'chad par spyod par mthong ste/ de'i dus na 'das pa'i tshor ba'i phung po la mi len/ mi chags/ mi zhen/ ma 'ongs pa'i tshor ba'i phung po la yang mi len/ mi chags/ mi zhen/ da ltar gyi tshor ba'i phung po la yang mi len/ mi chags mi zhen te/ gang zag des bde ba'i tshor ba las 'dod pa'i kun nas nyon mongs pa sel to/ /sdug bsngal gyi tshor ba las zhe sdang ba'i kun nas nyon mongs pa sel to/ /bde ba yang ma yin sdug bsngal yang ma yin pa'i tshor ba las ma rig pa'i kun nas nyon mongs pa sel bas brtson 'grus rab tu rtsom mo/ /byang chub sems dpa' de'i tshe gal te bde ba'i tshor ba myong ba na 'dod pa'i sems mi skye/ sdug bsngal gyi tshor ba myong ba na zhe sdang gi sems mi skye/ bde ba yang ma yin</font><hr>55.24b<br><font size=+1>

sdug bsngal yang ma yin pa'i tshor ba myong ba na gti mug gi sems mi skye'o/ /'jig rten 'dzin bus pa so so'i skye bo dag ni phal cher bde ba'i tshor ba myong ba na 'dod pa skye'o/ /sdug bsngal gyi tshor ba myang ba na zhe sdang skye'o/ /bde ba yang ma yin sdug bsngal yang ma yin pa'i tshor ba myong ba na gti mug skye ste/ de ltar bus pa so so'i skye bo dag ni 'dod chags dang / zhe sdang dang / gti mug gi dbang gis ldongs par gyur pas tshor ba'i phung po la yang dag pa ji lta ba bzhin mi shes/ 'dod chags dang / zhe sdang dang / gti mug gi mtshan nyid mi shes pas 'dod chags dang / zhe sdang dang / gti mug la bdag dang / bdag gi ba dang / 'di dang gzhan du chags shing 'dzin to/ /'jig rten 'dzin byang chub sems dpa' sems dpa' chen po rnams tshor ba'i phung po 'di la yang dag pa ji lta ba bzhin du rtogs pa ni 'dod chags dang / zhe sdang dang / gti mug gi dbang du mi 'gyur ro/ /gal te 'dod chags dang / zhe sdang dang / gti mug skyes na yang de ma thag tu yongs su sel cing yang dag pa'i lam la nan tan byed par 'gyur ro/ /bde ba'i tshor ba myong ba las ni 'dod chags kyi kun nas nyon mongs pa bsal ba'i phyir brtson 'grus rtsom mo/ /sdug bsngal gyi tshor ba myong ba las ni zhe sdang gi kun nas nyon mongs pa bsal ba'i phyir brtson 'grus rtsom mo/ /bde ba yang ma yin sdug bsngal yang ma yin pa'i tshor ba myong ba las ni gti mug gi kun nas nyon mongs pa bsal ba'i phyir brtson 'grus rtsom ste/ yang dag pa ji lta ba bzhin du tshor ba rnam pa gsum shes par byed do/ /de'i tshe na ji tsam du tshor bar 'gyur ba gal te bde bar tshor ba dang / sdug bsngal bar tshor ba dang / bde ba yang ma yin sdug bsngal yang ma yin pa'i tshor ba kun la'ang mi chags te/ ring du gyur na 'ang 'dod chags kyi kun nas nyon mongs pa dang bral bar 'gyur/ zhe sdang gi kun nas nyon mongs pa dang bral bar 'gyur/ gti mug gi kun nas nyon mongs pa dang bral bar 'gyur te/ </font><hr>55.25a<br><font size=+1>

tshor ba 'byung ba'i dus na tshor ba'i phung po la yang dag pa ji lta ba bzhin mi rtag pa dang / yang dag pa ji lta ba bzhin du mthong zhing shes par 'gyur ro/ /gal te de ltar shes nas tshor ba'i phung po la 'dod pa'i chags pa yongs su gcod par 'gyur te/ yongs su gcod pa'i tshor ba'i phung po la zhugs pas 'dod cing chags pa'i lam dag tu tshor ba rnams kyis nyon mongs par mi 'gyur ro/ /de ltar byang chub sems dpa' rnams kyis gal te de ltar yang dag pa ji lta ba bzhin tshor ba'i phung po rtogs shing yang dag pa ji lta ba bzhin tshor ba'i phung po shes nas tshor ba'i phung po'i kun 'byung dang / tshor ba'i phung po'i 'gog pa dang / tshor ba'i phung po'i 'gog pa'i lam yongs su shes par 'gyur ro/ /de nas tshor ba'i phung pos ma skyes pa la mtshan nyid du shes/ ma skyes pa'i mtshan nyid kyis tshor ba'i phung po la mtshan ma med pa khong du chud cing rtogs par 'gyur ro/ /'jig rten 'dzin 'di dag ni byang chub sems dpa' sems dpa' chen po rnams tshor ba'i phung po rnam par 'byed pa la rtog pa zhes bya'o/ /'jig rten 'dzin de la ji ltar na byang chub sems dpa' sems dpa' chen po rnams 'du shes kyi phung po rnam par 'byed pa la rtog ce na/ byang chub sems dpa' sems dpa' chen po rnams yang dag pa ji lta ba bzhin 'du shes kyi phung po la rtog pa'i tshe 'du shes kyi phung po de phyin ci log las skyes te yang dag pa ma yin/ snying po med pa/ mi brtan pa/ thog ma nas ma skyes pa'i mtshan nyid chad pas rgyu dang rkyen 'dus pa dang sngon gyi las kyi mthu las byung ba mthong ngo / /yang 'di snyam du phung po ma yin pa ni 'du shes kyi phung po ste yang dag pa ma yin pa'i phung po ni 'du shes kyi phung po'o/ /phyin ci log gi phung po ni 'du shes kyi phung po'o/ /'du shes kyi phung po la 'du shes kyi phung po'i mtshan ma med pa ni dper na dbyar gyi smig rgyu ba lta bu ming tsam ste/ smig rgyu ba'i phung po dang 'dra bar 'du shes kyi phung po 'di yang de dang 'dra ste/ rnam par shes pa'i 'du shes kyis</font><hr>55.25b<br><font size=+1>

'du shes zhes btags so/ /bus pa so so'i skye bo ni yang dag pa ma yin pa 'du shes 'dis bcings te/ bde bar rnam par shes/ sdug bsngal du rnam par shes/ bde ba yang ma yin sdug bsngal yang ma yin par rnam par shes/ grang ba dang tsha bar rnam par shes/ skyes pa dang bud med du rnam par shes/ lam rgyud lngar 'khor bar rnam par shes/ 'dus par rnam par shes/ gyes par rnam par shes/ 'das par rnam par shes/ ma 'ongs par rnam par shes/ da ltar gyir rnam par shes bzang por rnam par shes/ ngan par rnam par shes/ yod par rnam par shes/ med par rnam par shes so/ /bus pa so so'i skye bo'i 'du shes ni phyin ci log yang dag pa ma yin pa'i dbang du gyur pas rgyu dang rkyen la rag lus te 'du shes kyi phung po zhes btags pa tsam du zad do/ /de la ni nang ngam phyi rol na 'du shes zhes bya ba med de bus pa so so'i skye bo dag ni yang dag pa ma yin pa'i 'du shes kyis bcings pas 'dod chags su rnam par shes/ zhe sdang du rnam par shes/ gti mug du rnam par shes/ bu dang chung mar rnam par shes so/ /bus pa so so'i skye bo dag ni 'du shes kyi phung po la gnas te yang dag pa ma yin pa'i lam la chags pas 'du shes kyi phung pos 'khor ba na 'khor bar 'gyur te/ yang dag pa ji lta ba bzhin du 'du shes kyi phung po yang dag pa ma yin par mi rtogs so/ /bus pa so so'i skye bo dag ni bdag du 'du shes/ pha rol por 'du shes so/ /skyes pa dang bud med du 'du shes te 'du shes kyi phung pos bcings pas rnam par ma grol te/ bdag 'du shes kyi phung po yin pa dang / bdag gi ba 'du shes kyi phung po yin par chags shing 'dzin to/ /bdag cag ni bus pa so so'i skye bo'i rjes su bslab par mi bya'o/ /byang chub sems dpa' sems dpa' chen po rnams de ltar yang dag par ji lta ba bzhin du 'du shes kyi phung po la rtog pa na 'du shes kyi phung po de la 'du shes kyi phung por mi dmigs pa na smig rgyu</font><hr>55.26a<br><font size=+1>

ba'i phung po la smig rgyu ba'i phung por mi dmigs pa bzhin no/ /byang chub sems dpa'i 'du shes kyi phung po la smig rgyu ba nyid mthong bas 'das pa'i 'du shes kyi phung po la mi chags/ mi len mi zhen/ ma 'ongs pa'i 'du shes kyi phung po la mi chags mi len/ mi zhen/ da ltar gyi 'du shes kyi phung po la mi gnas/ bdag dang gzhan du rnam par mi rtog ste/ 'du shes kyi phung po 'gog pa la nan tan byed cing 'du shes kyi phung po'i lam ma skyes par khong du chud do/ /'du shes kyi phung po la 'ongs pa'i gnas dang / song ba'i gnas yod par mi mthong ste/ phyin ci log dang ldan pa dang / sngon gyi las kyi rgyu las skyes te/ da ltar gyi rkyen gyis rnam par bcings so/ /phung po med pa ni 'du shes kyi phung po'o/ /'du shes kyi phung po la 'ongs pa'i gnas kyang med/ song ba'i gnas kyang med par 'byed cing rtog na 'du shes kyi phung po ma skyes par khong du chud do/ /'du shes kyi phung po dgag par rnam par mi rtog pa ni 'du shes kyi tshor ba thams cad dgag pa'i phyir yang dag pa ji lta ba bzhin shes shing mthong ba la gnas pa'i phyir ro/ /byang chub sems dpa' yang dag pa ji lta ba bzhin du 'du shes kyi phung po la rtog pa'i tshe 'du shes kyi phung po dang bral te 'du shes kyi lam la mi gnas pa 'du shes kyi phung po yang dag pa ji lta ba bzhin du shes shing mthong ba la gnas pa dang / 'du shes kyi phung po la mi chags par yang dag pa ji lta ba bzhin du 'du shes kyi phung po thams cad rnam par 'byed cing rtog pa dang / yang dag pa ji lta ba bzhin du 'du shes kyi phung po'i kun 'byung dang / 'gog pa dang / zad pa shes so/ /'jig rten 'dzin de ltar na byang chub sems dpa' sems dpa' chen po rnams 'du shes kyi phung po rnam par 'byed pa rtog pa zhes bya ste/ 'du shes kyi phung po la chags pa dang bral bas 'du shes kyi phung po la chags pa gcad pa'i lam la nan tan byed par 'gyur ro// // 'jig rten 'dzin ces bya ba'i</font><hr>55.26b<br><font size=+1>

mdo/ /bam po gnyis pa/ 'jig rten 'dzin de la ji ltar na byang chub sems dpa' sems dpa' chen po 'du byed kyi phung po rnam par 'byed pa la rtog pa zhe na/ 'jig rten 'dzin byang chub sems dpa' sems dpa' chen po 'du byed kyi phung po 'di ni phyin ci log las skyes te/ yang dag pa ma yin pa'i kun du brtags pa las brtags pa tsam du yod pas brtags so/ /byang chub sems dpa' de'i tshe lus kyis 'du byed pa dang / ngag gis 'du byed pa dang / yid kyis 'du byed pa dang / kun la mi gtsang ba dang / mi rtag pa dang / sdug bsngal ba dang / stong pa nyid dang / bdag med par rtog go/ /de ltar rtog pa'i tshe 'di snyam du phung po ma yin pa ni 'du byed kyi phung po'o/ /sdug bsngal gyi phung po ni 'du byed kyi phung po'o/ /rten cing 'brel te 'byung ba'i phung po ni 'du byed kyi phung po'o/ /gzugs brnyan gyi phung po ni 'du byed kyi phung po'o/ /'du byed kyi phung po ni mi 'phel ba/ mi 'bri ba/ ma bsdus pa'o/ /lus kyis 'du byed pa dang / ngag gis 'du byed pa dang / yid kyis 'du byed pa byas pa med de/ mkhas pa dag ni 'du byed kyi phung po de la mi chags/ mi len to/ /de ci'i phyir zhe na/ lus kyis 'du byed pa rnams lus kyi nang na mi gnas/ lus kyi phyi rol na mi gnas/ gnyi ga'i bar na mi gnas so/ /ngag gis 'du byed pa dang yid kyis 'du byed pa yang de bzhin du nang na mi gnas/ phyi rol na mi gnas/ gnyi ga'i bar na mi gnas te/ 'du byed kyi phung po la 'du byed kyi phung po'i mtshan nyid med do/ /de ci'i phyir zhe na/ 'du byed kyi phung po de ni rgyu dang rkyen mang po dang / phyin ci log dang / yang dag par ma yin pa dang / sngon gyi las kyi 'bras bu rnam par smin pa las skyes te rgyu dang rkyen gyis bzung bas na 'du byed rnams byas par gyur to/ /lus kyis 'du byed pa dang / ngag gis 'du byed pa dang / yid kyis 'du byed pa kun kyang yang dag par 'du bya ba ma yin/ ci'ang 'du byed pa med de/ yang</font><hr>55.27a<br><font size=+1>

dag pa ma yin pa las 'du byed pa/ phyin ci log tu 'du byed pa ste/ de bas na 'du byed ma yin pa la 'du byed kyi phung po zhes btags so/ /de ci'i phyir zhe na/ mkhas pa de dag gis ni/ 'du byed kyi mtshan nyid la ma nges pas lus kyis 'du byed pa dang / ngag gis 'du byed pa dang / yid kyis 'du byed pa dag gnas 'di na 'am/ gnas gzhan na 'am/ nang ngam/ phyi rol na gnas par ma nges pa'i phyir ro/ /lus dang / ngag dang / yid kyis 'du byed pa yang 'du byed kyi mtshan nyid du nges pa med/ dmigs su med/ brjod du med na/ 'du byed kyi phung po dmigs su yod pa 'am brjod du yod pa lta ci smos te/ de bas na phung po med pa ni 'du byed kyi phung po zhes bya'o/ /bus pa so so'i skye bo dag ni phyin ci log tu 'du shes bskyed nas lus dang / ngag dang / yid kyi 'du byed pa la chags te/ 'du byed kyi phung po la rnam par rtog pas 'du byed kyi phung pos bcings te 'khor ba na 'khor bar gyur to/ /bus pa so so'i skye bo dag phyin ci log gi dbang du gyur pas lus dang / ngag dang / yid kyi 'du byed skyed de/ de la 'dzin cing chags pas chos ma yin pa la chos su 'du shes/ phung po med pa la phung por shes so/ /phyin ci log gi 'du byed la chags pas des rnam par bcings te lam rgyud lngar 'khor zhing rtag tu lus dang / ngag dang / yid kyi 'du byed kyi rjes su spyod de yang dag pa ji lta ba bzhin mi rtogs/ yang dag pa ji lta ba bzhin du 'du byed kyi phung po ma rtogs pas lus dang / ngag dang / yid kyi sgo nas 'du byed rnams bskyed par gyur to/ /bus pa so so'i skye bo dag phyin ci log la chags pa'i phyir/ de kho na nyid ma yin pa'i chos la chags pa'i phyir/ yang dag pa ma yin pa la chags pa'i phyir 'du byed kyi phung po zhes bya'o/ /'jig rten 'dzin byang chub sems dpa' rnams 'di la de ltar yang dag pa ji lta ba bzhin du brtags na 'du byed rnams kyi dngos po med de rab tu mthu chung ba rgyu dang rkyen mang po 'dus pa las 'du byed kyi phung po zhes brjod cing btags te de la yang dag par</font><hr>55.27b<br><font size=+1>

'du byed kyi phung po med par rtogs so/ /phung po med pa ni 'du byed kyi phung po'o/ /thog ma nas ma skyes pa ni 'du byed kyi phung po'o/ /rang bzhin med pa ni 'du byed kyi phung po'o/ /'du byed rnams kyi snga ma'i mtha' yang dmigs su med/ phyi ma'i mtha' yang dmigs su med/ bar gyi mtha' yang dmigs su med de mi gnas pas 'du byed rnams ni skad cig gcig gis skye zhing 'gog pa'i chos can no/ /'jig rten 'dzin byang chub sems dpa' rnams de ltar yang dag pa ji lta ba bzhin du 'du byed kyi phung po la stong pa nyid dang / dmigs su med pa dang / sra ba'i rang bzhin med pa dang / spu'i nyag ma tsam yang dmigs su med par rtogs so/ /de ltar bsams nas bus pa so so'i skye bo dag snying po med pa'i chos kyis rnam par bcings pa dang / 'du byed kyi phung pos rnam par bcings pa dang / chags pas rnam par bcings te/ lus dang / ngag dang / yid kyi sgo nas 'du byed pa bskyed do/ /bdag 'du byed pa dang / bdag gi bar 'du byed pa bskyed do/ /de lta bu'i las bskyed pas 'du byed kyi phung pos rnam par bcings nas 'du byed kyi phung po nyid ma rig pa gti mug yin par mi shes te 'du byed kyi phung po la yang dag par rtog go/ /de ltar phyin ci log gi dbang du gyur pas de la chags shing 'dzin to/ /gang zag des de ltar 'du byed kyi phung po la chags shing 'dzin pas bar bar ni bde bar byed/ bar bar ni sdug bsngal bar 'du byed/ bar bar ni bde ba'ang ma yin sdug bsngal yang ma yin par 'du byed do/ /gang zag des bde ba la 'du byed pas bde ba'i lus thob bo/ /sdug bsngal la 'du byed pas sdug bsngal gyi lus thob bo/ /bde ba yang ma yin sdug bsngal ba yang ma yin pa la 'du byed pas bde ba yang ma yin sdug bsngal ba yang ma yin pa' lus thob bo/ /gang zag des bde ba'i lus thob pas de la 'dod pa bskyed do/ /sdug bsngal gyi lus thob pas zhe sdang bskyed do/ /bde ba yang ma yin sdug bsngal ba yang ma yin pa'i lus thob pas gti mug bskyed do/ /</font><hr>55.28a<br><font size=+1>

gang zag des de ltar 'dod chags dang / zhe sdang dang / gti mug gi dbang du gyur pas 'du byed kyi nyes pa'i skyon ma mthong nas/ lus dang ngag dang / yid kyi 'du byed rnam par ma dag go/ /gang zag de da ltar lus dang / ngag dang / yid kyi 'du byed rnam par ma dag pas rnam par ma dag pa'i lam du ltung bar gyur pa ni 'di lta ste/ sems can dmyal ba dang / byol song dang / yi dgas so/ /ji ste skad cig tsam de las thar te lha dang mir skyes na yang lus dang / ngag dang / yid kyi 'du byed la shin du chags te 'du byed kyi phung po la rab tu chags so/ /byang chub sems dpa' sems dpa' chen po rnams ni de ltar yang dag pa ji lta ba bzhin du rtogs so/ /bdag cag kyang bus pa so so'i skye bo'i rjes su bslab par mi bya'i/ bdag cag gis lus dang / ngag dang yid kyi 'du byed rnam par dag par sbyangs te 'du byed kyi phung po la chags par mi bya/ 'du byed kyi phung po'i nyes pa'i skyon shin tu brtags te/ 'du byed kyi phung po las 'byung ba'i lam btsal bar bya'o/ /gang de ltar rtog pa ni yang dag pa ji lta ba bzhin du 'du byed kyi phung po la rtog pa zhes bya ste/ de ni yang dag par 'du byed kyi phung po mi rtag pa la rtog pa zhes bya'o/ /de'i tshe na yang dag pa ji lta ba bzhin du 'du byed rnams dang / 'du byed kyi kun 'byung ba dang / 'du byed kyi 'gog pa dang / 'du byed kyi 'gog pa'i lam la mi 'dzin/ mi chags/ mi zhen to/ /'du byed rnams la yang mi chags mi zhen to/ /'du byed kyi phung po la yang mi chags so/ /de ltar rtog pa'i tshe 'du byed kyi mtshan ma dang bral te 'du byed kyang 'du byed kyi phung po'i lam med par rtogs te 'du byed thams cad la stong pa nyid du rtogs pa'i 'du byed thams cad la skyo zhing skrag pa dang 'byung ba'i sems skye'o/ /rnam par dag pa'i lus dang ngag dang yid kyi 'du byed 'ba' shig la mngon par 'du byed do/ /'du byed kyi mtshan ma rnam par bshig pa dang / 'du byed kyi phung po'i mtshan ma las ring du gyur pas/ </font><hr>55.28b<br><font size=+1>

gang zag des ji tsam du lus thob par gyur pa de yongs su dag par 'gyur ro/ /de ci'i phyir zhe na/ gang zag de ni lus kyi las rnam par dag /ngag gi las rnam par dag /yid kyi las rnam par dag pa'o/ /lus kyi 'du byed rnam par dag /ngag gi 'du byed rnam par dag /yid kyi 'du byed rnam par dag pa'o/ /gang zag de ni 'du byed kyi phung po dang bral ba/ 'du byed kyi phung po'i mtshan ma dang bral ba/ chos rnams kyi dngos po'i mtshan ma rnam par 'jig pa'o/ /de ltar yang dag pa ji lta ba bzhin du rtog pa'i tshe 'du byed kyi phung po rnams gang nas kyang ma 'ongs gang du 'ang mi 'gro bar rtogs te/ 'du byed rnams nges par skye ba'i mtshan ma'am/ nges par 'gog pa'i mtshan mar mi dmigs so/ /des 'du byed rnams la skye ba dang 'gog pa'i mtshan ma med par rtogs te/ 'du byed thams cad skye ba dang 'gog pa'i mtshan ma ma yin no/ /gang zag de 'du byed thams cad la skye ba dang 'gog pa'i mtshan ma med par rtogs nas skyo zhing spong ba'i sems skyes te/ yang dag pa ji lta ba bzhin du 'du byed rnams kyi kun 'byung dang 'gog pa'i mtshan ma rtogs shing chud par 'gyur ro/ /'du byed rnams ma skyes pa'i mtshan nyid du rig kyang 'du byed kyi mtshan nyid shin tu mi rtogs so/ /de ci'i phyir zhe na/ 'jig rten 'dzin 'du byed kyi phung po la nges pa'i mtshan nyid med pa'i phyir ro/ /'di lta ste/ chu shing la sra ba'i mtshan nyid kyang mi rnyed/ mi sra ba'i mtshan nyid kyang mi rnyed pa de bzhin du 'du byed kyi mtshan nyid kyang mi rnyed pa de bzhin du 'du byed kyi mtshan nyid kyang de bzhin te sra ba'i mtshan nyid kyang mi rnyed la mi sra ba'i mtshan nyid kyang mi rnyed do/ /'jig rten 'dzin de ltar na byang chub sems dpa' sems dpa' chen po rnams 'du byed kyi phung po la'ang 'jug pa yid la byed pa'i rnam par 'byed pa la rtog pa zhes bya'o/ /'jig rten 'dzin de la ji ltar na byang chub sems dpa' sems dpa' nan po rnams yang dag pa ji lta ba bzhin du rnam par shes pa'i phung po rnam par 'byed pa la rtog pa zhe na/ byang chub sems dpa' sems dpa' chen po rnams phung</font><hr>55.29a<br><font size=+1>

po ma yin pa la rnam par shes pa'i phung por rtog /phyin ci log gi phung po la rnam par shes pa'i phung por rtog /yang dag pa ma yin pa'i phung po la rnam par shes pa'i phung por rtog go/ /de ci'i phyir zhe na/ 'jig rten 'dzin rnam par shes pa'i phung po de ni phyin ci log las skyes te/ yang dag pa ma yin pa'i rkyen gyis bcings pas sngon gyi las kyis yod par gyur te/ da ltar gyi rkyen la rag lus pas rgyu dang rkyen mang po la rag lus pa'i phyir yang dag pa ma yin pa ci yang med pa'i rnam par brtags pa las rnam par shes pa las skyes so/ /rnam par shes pa'i phyir rnam par shes pa zhes bya ste/ rnam par rtog pa'i blo 'khrul pa las bla thabs su yod par gyur te shes pa yod pas rnam par shes pa zhes bya'o/ /dngos po rnam pa sna tshogs su shes pa'i phyir/ sems kyi las bskyed pa'i phyir/ bsams pa sems pa'i phyir rkyen mang po las mtshan ma skye ba'i phyir/ rnam pa sna tshogs su sems skye ba'i phyir na rnam par shes pa'i phung po zhes bya'o/ /shes pa las rnam par shes pa'i gzugs byung ste sems kyi las ston pa'i phyir/ bsam pa sdug pa'i phyir/ rnam par shes pa'i phung po zhes bya ste/ de la sems dang yid dang / rnam par shes pa zhes kyang bya ste/ thams cad kyang yid kyi las kyis rnam par rtog pas rnam par shes pas bsdus te mtshan nyid du rnam par shes/ 'du byed du rnam pa shes/ rang bzhin du rnam par shes pas rnam par shes pa'i phung po zhes bya'o/ /de ltar phung po ma yin pa ni rnam par shes pa'i phung po ste/ ma skyes pa ma byung ba/ ma byas pa'o/ /phyin ci log dang ldan pa'i rkyen kyis yang dag pa ma yin par shes pa'i phyir rnam par shes pa'i phung po zhes bya'o/ /de ci'i phyir zhe na/ rnam par shes pa'i phung po de ni rgyu dang rkyen mang po las skyes te/ rang bzhin dang go rims dang rgyun las skyes pa med de skad cig skad cig</font><hr>55.29b<br><font size=+1>

gis skye zhing 'gog ste/ rnam par shes pas phung po'i mtshan nyid bskyed pa ma yin no/ /de ci'i phyir zhe na/ rnam par shes pa skyes pa'i nges pa dmigs su med la skye ba'i mtshan nyid kyang dmigs su med pa'i phyir ro/ /nges pa dang mtshan nyid dmigs su med pa'i phyir/ ngo bo nyid kyi rang bzhin med pa'i phyir/ rang gi mtshan nyid med pa'i phyir/ sra ba'i rang bzhin mi rnyed pa'i phyir na mkhas pa dag ni yang dag pa ji lta ba bzhin du rtog ste/ phung po ma yin pa la rnam par shes pa'i phung por khong du chud do/ /bus pa so so'i skye bo dag rnam par shes pa'i phung po ma yin pa la rnam par shes pa'i phung por 'du shes te log par rnam par rtog pa dang / phyin ci log dang ldan pa'i yang dag pa ma yin par rtog pa'i blos rnam par bcings pas rnam par shes pa'i phung por nan tan gyis brtags nas rnam par shes pa'i phung por chags/ rnam par shes pa'i bya ba la gnas/ rnam par shes pa'i rnam pa la brten te bsam pa'i sems pa bstan pa'i phyir rnam par shes pa'i phung po bskyed do/ /gang zag de rnam pa sna tshogs su rnam par rtog pa'i nang gi rnam par shes pa la chags/ phyi'i rnam par shes pa la chags/ phyi nang gi rnam par shes pa la chags/ ring ba'i rnam par shes pa la chags/ nye ba'i rnam par shes pa la chags te rnam par shes pas mtshan mar rnam par brtags pas rnam par shes pa'i phung po bskyed do/ /gang zag de rnam par rtog pa'i 'du shes kyis sems dang / yid dang / rnam par shes pa zhes bla dgas su btags te/ 'di ni sems so/ /'di ni yid do/ /'di ni rnam par shes pa'o zhes nan tan gyis btags te/ de ltar sems kyi mtshan nyid rnam pa sna tshogs 'byung bar shes so/ /bus pa so so'i dag rnam par shes pa'i phung po la chags te rnam par shes pa'i phung pos rnam par bcings so/ /sems dang yid dang / rnam par shes pa 'dus pa las rnam pa sna tshogs su rnam</font><hr>55.30a<br><font size=+1>

par shes pa'i phung por skyes so/ /rnam par rtog pa'i yang dag pa ma yin pa'i dngos po'i phyir/ mtshan nyid gcig pa'i phyir nges pa'i mtshan nyid gcig pa'i phyir sems de dang / yid de dang / rnam par shes pa de thob cing chags pa rnam par 'byed pa la mkhas pa thob par 'gyur ro/ /gang zag de rnam par shes pa'i phung po la rten cing gnas te rnam par shes pa la chags pas 'das pa'i rnam par shes pa'i phung po la yod par chags shing 'dzin to/ /ma 'ongs pa'i rnam par shes pa'i phung po la yang yod par 'dzin cing chags so/ /bus pa so so'i skye bo dag mthong ba dang / thos pa dang / tshor ba dang / shes pa'i chos la rnam par shes pa'i phung por chags te yod par 'dzin to/ /gang zag de mthong ba dang / thos pa dang / tshor ba dang / shes pa'i chos la chags shing 'dzin te/ rnam par shes pa'i phung pos rnam par bcings pas shes pa la gtso bor 'dzin to/ /sems dang / yid dang / rnam par shes pa 'dus pa'i dbang du gyur pas 'khor bar 'khor ba na 'di lta ste/ 'jig rten 'di nas 'jig rten pha rol du/ 'jig rten pha rol nas 'di dag du'o/ /de dag kyang rnam par shes pa'i phung pos rnam par bcings pas yang dag pa ji lta ba bzhin du rnam par shes pa'i phung por mi shes so/ /rnam par shes pa'i phung po ni yang dag pa ma yin na phyin ci log dang ldan pa'i rgyu las thos pa dang / mthong ba dang / tshor ba dang / shes pa'i chos rnams byung ste de la yang dag pa'i rnam par shes pa med do/ /de ltar yang dag pa ji lta ba bzhin du mi rtogs pas na/ bar bar ni dge ba'i rnam par shes pa 'byung / bar bar ni mi dge ba'i rnam par shes pa 'byung / bar bar ni dge ba dang mi dge ba'i rnam par shes pa 'byung ste/ gang zag de rtag tu rnam par shes pa'i rjes su spyod kyang rnam par shes pa skye ba'i gnas</font><hr>55.30b<br><font size=+1>

mi shes/ rnam par shes pa'i yang dag pa ji lta ba'i mtshan nyid mi shes so/ /'jig rten 'dzin byang chub sems dpa' sems dpa' chen po rnams de la yang dag pa ji lta ba bzhin du rtog pas rnam par shes pa'i phung po ni yang dag pa ma yin pa'i rnam par shes pa las byung bar rtogs so/ /'di lta ste/ mthong ba dang / thos pa dang / tshor ba dang / shes pa'i chos rnams rgyu dang rkyen mang po las byung bar shes so/ /chos med pa las chos su 'du shes pas rnam par shes pa'i phung por chags par gyur to/ /bdag cag gis bus pa so so'i skye bo'i rjes su bslab par mi bya'i bdag cag gis rnam par shes pa yang dag pa ji lta ba bzhin du 'byed pa la brtag pa dang yang dag pa ji lta ba bzhin du rnam par shes pa'i phung po 'byed pa la brtag par bya'o/ /byang chub sems dpa' rnams yang dag pa ji lta ba bzhin du rtog pa'i tshe rnam par shes pa'i phung po de yang dag pa ma yin pa phyin ci log par shes te/ thog ma nas skyes pa'i mtshan nyid du shes so/ /phung po ma yin pa ni rnam par shes pa'i phung po'o/ /gzugs brnyan gyi phung po ni rnam par shes pa'i phung po'o/ /sgyu ma'i phung po ni rnam par shes pa'i phung po ste/ dper na sgyu ma mkhan gyis sgyu ma'i mi byas na mi de'i rnam par shes pa de ni nang na 'ang mi gnas/ phyi rol na yang mi gnas/ gnyi ga'i bar na yang mi gnas pa ltar rnam par shes pa'i rang bzhin kyang de dang 'dra ste/ yang dag pa ma yin pa'i rkyen mang po dang rnam par rtog pa las skyes te yang dag pa'i dngos po med do/ /'khrul 'khor gyi mi ltar rnam par shes pa'ang de dang 'dra ste phyin ci log dang yang dag pa ma yin pa'i rgyu rkyen mang po 'dus pa las yod par gyur to/ /de ltar rtog pa'i tshe rnam par shes pa mi rtag pa dang / sdug bsngal ba dang / mi gtsang ba dang / bdag med par shes so/ /rnam par shes pa'i mtshan nyid la sgyu ma lta bur shes pa dang / rnam par shes pa'i rang bzhin la sgyu ma lta bur rtogs so/ /byang chub sems dpa'as de'i tshe 'di 'di snyam du 'jig rten 'di dag ni shin tu</font><hr>55.31a<br><font size=+1>

myos shing gti mug gis ldongs so/ /'di lta ste/ rnam par brtags pa'i rnam par shes pa las 'jig rten 'byung ste/ sems dang / yid dang / rnam par shes pa'i 'dus pas na khams gsum 'di ni rnam par shes pa tsam mo/ /de ltar sems dang yid kyi rnam par shes pa ni gzugs med/ phyogs med/ chos kyi nang na mi gnas/ chos kyi phyi rol na mi gnas so/ /bus pa so so'i skye bo dag ni yang dag pa ma yin pa dang ldan pas rnam par bcings pa'i phyir rnam par shes pa'i phung po la bdag dang / bdag gi bar 'dzin cing chags so/ /gang zag de ni rnam par shes pa'i phung po nang na gnas par 'dzin/ rnam par shes pa'i phung po phyi rol na gnas par 'dzin/ rnam par shes pa'i phung po phyi nang gnyis ka na gnas par 'dzin/ rnam par shes pa'i phung po de bdag dang gzhan la gnas par 'dzin to/ /phung po la ni skye ba dang grub pa'i mtshan nyid med do/ /rnam par shes pa'i phung po'i mtshan nyid ni rgyu dang rkyen mang po las skyes so/ /'jig rten 'dzin byang chub sems dpa' sems dpa' chen po de ltar rten cing 'brel te 'byung ba'i chos la de ltar rtog pa ni phung po ma yin pa ni rnam par shes pa'i phung por rtogs so/ /mos pas rjes su rnam par 'byed cing brtags nas ji tsam du rnam par shes par brtags pa thams cad yang dag pa ji lta ba bzhin du khong du chud cing rtogs so/ /byang chub sems dpas rnam par shes pa'i phung po'i dben pa shes nas dmigs pa thams cad dang / shes par bya ba'i thams cad yongs su bcom mo/ /'jig rtan 'dzin byang chub sams dpa' sems dpa' chen pos de ltar rnam par shes pa'i phung po rtogs te/ rnam par shes pa'i phung po la skye ba med pa dang / ma byas pa dang / ma byung ba dang mi gzung ba dang / mi 'dzin par shes na de dag kyang rkyen mang po las skyes te/ rkyen mang po 'dus pa las yod par gyur to/ /mthong ba dang / thos pa dang / tshor ba dang / rnam par shes pa'i chos kyi rkyen kyis yod par gyur te thog ma'i mtha' nas stong ngo / /de ltar rnam par shes pa'i phung po la</font><hr>55.31b<br><font size=+1>

rtog pa'i tshe rnam par shes pa'i phung po la ma byas pa dang ma byung bar shes te/ gtso bor mi 'dzin mi chags so/ /'jig rten 'dzin byang chub sems dpa' sems dpa' chen po rnams de ltar yang dag pa ji lta ba bzhin du rnam par shes pa'i phung po rnam par 'byed pa dang 'jug pa la rtog go/ /byang chub sems dpa' gang de ltar thabs mkhas pas phung po lnga la 'jug pa dang / de ltar thabs mkhas pas yang dag pa ji lta ba bzhin du nye bar len pa'i phung po lnga la rtog pa ni phung po lnga ni kun 'byung ba dang / 'gog pa dang / lam la 'jug pa shin tu mkhas pa zhes bya'o/ /phung por mtshan mar 'dzin pa yongs su bcad pas yang dag pa ji lta ba bzhin du phung po lnga'i thabs shes so/ /thabs des na nye bar len pa'i phung po lnga la mi chags/ mi 'dzin mi zhen/ 'ching bar mi 'gyur ro/ /yang dag pa ji lta ba bzhin du gzugs shes/ yang dag pa ji lta ba bzhin du gzugs kyi mi rtag pa'i mtshan nyid de shes so/ /de ltar byang chub sems dpas gzugs la chags pa 'byung na de ma thag tu sel cing gcod do/ /de bzhin du yang dag pa ji lta ba bzhin du tshor ba dang / 'du shes dang / 'du byed dang / rnam par shes pa shes te/ yang dag pa ji lta ba bzhin du tshor ba dang / 'du shes dang / 'du byed dang / rnam par shes pa'i mi rtag pa'i mtshan nyid kyang shes so/ /gal te tshor ba dang 'du shes dang / 'du byed dang rnam par shes pa la chags pa 'byung na de ma thag tu sel cing gcod par 'gyur ro/ /byang chub sems dpa' nye bar len pa'i phung po lnga la 'dod cing chags pa yongs su bcad pas nges pa'i phung po lnga'i thabs khong du chud pa'i rjes su 'jug go/ /de ltar rtog pa'i tshe nye bar len pa'i phung po lnga'i skye zhing 'gog pa'i mtshan ma phra mo la yang mkhas par 'gyur ro/ /'jig rten 'dzin de la ji ltar na byang chub sems dpa' sems dpa' chen po rnams nye bar len pa'i phung po lnga'i skye zhing 'gog pa'i mtshan ma shin tu phra ba rnam par 'byed pa la rtog pa zhe na/ byang chub sems dpa' sems dpa' chen po rnams sems can thog ma mngal du zhugs</font><hr>55.32a<br><font size=+1>

nas nur nur por gyur pa na lnga phung snga ma 'gags phung po lnga gzhan zhig skyes te/ de nas phung po lnga'i skye zhing 'gog pa'i mtshan nyid rtogs te rnam par shes pa snga ma 'gags mod kyi phung po lnga la gang zag de rnam par shes pa'i phung po la gtso bor 'dzin to/ /rnam par shes pas rnam par bcings pas rnam par shes pa'i phung po'i ro la chags nas rnam par shes pa'i phung po'i mtshan nyid kyang brjod do/ /'di lta ste/ sems dang / yid dang / rnam par shes pa'i rjes su ro la chags pas rnam par shes pa'i phung po la chags shing 'dzin to/ /gang zag de rnam par shes pas rnam par bcings te/ rnam par shes pa'i phung po de dang 'brel pas sems dang yid kyang rnam par shes pa'i dbang du gyur te sems dang yid kyang rnam par shes pa'i rgyu dang rkyen gyi mthus bus pa so so'i skye bor skye ste/ gal te bsam pa tha ma bskyed na lus tha ma thob par 'gyur/ bsam pa mchog bskyed na lus mchog thob bo/ /bsam pa 'bring du bskyed na lus 'bring por thob par 'gyur te/ gang zag de sems dang yid dang / rnam par shes pa de'i rjes su spyod pa'i mthus skye mched rnams la rten cing gnas pa skyes par gyur to/ /rnam par shes pa'i phung po la chags pas skye ba dang / rga ba dang / na ba dang / 'chi ba dang / yid blong ba dang / slos pa'i mya ngan dang / sdug bsngal las rnam par ma grol to/ /byang chub sems dpas de la da ltar yang dag pa ji lta ba bzhin du rnam par shes pa'i phung po rtogs te/ yang dag pa ji lta ba bzhin du rnam par shes pa'i phung po'i mi rtag pa'i mtshan nyid rtogs pas 'dus pa'i rnam par shes pa'i phung po la yang mi chags mi 'dzin to/ /phung po ma yin pa ni rnam par shes pa'i phung por shes so/ /ma 'ongs pa'i rnam par shes pa'i phung po la yang mi chags mi 'dzin to/ /phung po ma yin pa la rnam par shes pa'i phung por shes so/ /da ltar gyi rnam par shes pa la yang mi gnas te/ yang dag pa ji lta ba bzhin du rnam par shes pa'i phung po'i mi rtag pa'i mtshan nyid shes so/ /yang dag pa ji lta</font><hr>55.32b<br><font size=+1>

ba bzhin du rnam par shes pa'i phung po'i skye ba dang 'gog pa'i mtshan nyid shes so/ /gang de ltar yid la byed cing yang dag pa'i ji lta ba bzhin du'ang rnam par shes pa'i phung po de la rtog pa ni yang dag pa ji lta ba bzhin pa'i lam la 'jug pa zhes bya'o/ /'di lta ste/ yang dag pa ji lta ba bzhin du rnam par shes pa shes so/ /yang dag pa ji lta ba bzhin du rnam par shes pa'i kun 'byung ba shes so/ /yang dag pa ji lta ba bzhin du rnam par shes pa'i 'gog pa shes so/ /yang dag pa ji lta ba bzhin du rnam par shes pa'i 'gog pa'i lam shes so/ /gang zag de yang dag pa ji lta ba bzhin du rnam par shes pa'i phung po'i kun 'byung dang 'gog pa'i mtshon nyid rtogs nas rnam par shes pa'i phung po 'jig pa la mkhas pa dang / mtshan ma thams cad yongs su gcod pa mkhas par gyur to/ /rnam par shes pa'i phung po'i kun 'byung dang 'gog pa'i mtshan nyid shes pa dang / rnam par shes pa'i phung po kun 'byung dang 'gog pa'i mtshan nyid rtogs so/ /byang chub sems dpa' de'i tshe rnam par shes pa'i phung po mi skyed/ rnam par shes pa'i phung po mi 'gog ste/ rnam par shes pa'i phung po de thog ma nas ma skyes par rtogs so/ /de ltar rtogs pa'i tshe rnam par shes pa la 'gog pa'i mtshan nyid du rnam par mi rtogs te/ rnam par shes pa'i phung po ma skyes pa'i mtshan nyid du khong du chud do/ /de ci'i phyir zhe na/ 'jig rten 'dzin rnam par shes pa'i phung po ni skye ba med/ mtshan ma med/ grub pa med do/ /rnam par shes pa'i phung po skye ba'i mtshan nyid ni yang dag pa ma yin pas ma skyes pa'i mtshan nyid du 'dus so/ /'jig rten 'dzin rnam par shes pa'i 'chang ba 'am/ 'gog pa'i mtshan nyid ma yin par shes so/ rnam par shes pa nur nur po la rten cing gnas mod kyi phung po lnga la mi gnas pa dang / mi rtag pa nyid du shes so/ de ltar thog ma mngal du zhugs pa'i skad cig ma'i nye bar len pa'i phung po lnga skye zhing 'gog pa dang / nur nur po nas mngon par 'byung ba'i bar dang / skyes nas 'chi ba'i bar du nye bar</font><hr>55.33a<br><font size=+1>

len pa'i phung po lnga 'di skad cig skad cig cing skye zhing 'gog pa'i mtshan nyid du rtogs so/ /nye bar len pa'i phung po lnga ni skad cig thang cig gis skye zhing 'gog pa yin te/ de ltar na nye bar len pa'i phung po lnga'i skye zhing 'gog pa'i mtshan nyid shin du phra ba rnam par 'byed pa rtogs pa/ zhes bya'o/ /'jig rten 'dzin nye bar len pa'i phung po lnga'i skye zhing 'gog pa'i mtshan nyid shin tu phra ba ni 'di lta ste/ nye bar len pa'i phung po lnga snga ma 'gags nas dngos po ci 'ang med par mngal du 'gro ste/ thog ma rnam par shes pa dang 'byor ba de'i tshe na phung po lnga la skye zhing 'gog pa yod do/ /nur nur po la brten nas nye bar len pa'i phung po lnga la bla dgas su mi zhes btags par gyur to/ /de ci'i phyir na/ 'jig rten 'dzin rnam par shes pa'i rten med na gnas par mi 'gyur te/ nye bar len pa'i phung po lnga ni rnam par shes pa la rten ces bya'o/ /'jig rten 'dzin gzugs med pa'i khams kyi nye bar len pa'i phung po skye zhing 'gog pa'i mtshan nyid shin tu phra ba yang gzhung de bzhin shes par bya'o/ /'jig rten 'dzin nye bar len pa'i phung po'i skye zhing 'gog pa'i mtshan nyid shin du phra ba rang sangs rgyas kyi shes rab kyis kyang shes par mi nus na nyan thos kyi shes rab kyis shes pa lta ci smos te/ sangs rgyas bcom ldan 'das nyag cig gis ni nye bar len pa'i phung po lnga thog ma mngal du 'jug pa'i bar gyi skye zhing 'gog pa'i mtshan nyid shin du phra mo dang / gzugs med pa'i lha'i phung po skad cig thang cig gis skye zhing 'gog pa legs par mkhyen no/ /'di lta ste/ mkhyen pa'i shes rab thams cad 'jig rten thams cad kyi shes rab las 'das pa'i phyir ro/ /byang chub sems dpa' sems dpa' chen po ma skyes pa'i chos kyi bzod pa thob cing sangs rgyas kyi ye shes kyi spyod yul la zhugs pa des kyang nye bar len pa'i phung po lnga shin du phra ba'i mtshan nyid thog ma mngal du 'jug pa dang / gzugs med pa'i lha dag gi la</font><hr>55.33b<br><font size=+1>

sangs rgyas kyis mkhyen pa dang 'dra bar rdzogs par mi shes so/ /'jig rten 'dzin sangs rgyas bcom ldan 'das la gzhan gyi rjes su ltos pa'i shes rab mi mnga' ste/ rang bzhin gyis ye shes dang / shes rab dang thabs mkhas pa brnyes pas bla na med pa yang dag par rdzogs pa'i byang chub tu mngon par sangs rgyas so/ /sangs rgyas bcom ldan 'das kyi ye shes kyis ni mi chud pa med de/ bcom ldan 'das kyi thogs pa med pa'i ye shes kyis chos thams cad la nges pa'i shes rab brnyes te chos thams cad dbang du gyur pa'i mthu yang brnyes so/ /de ci'i phyir zhe na/ bskal pa tshad med/ dpag tu med/ grangs med pa brgya stong snyed kyi bar du shin tu zab mo'i chos mdzad pa'i phyir ro/ /'jig rten 'dzin bus pa so so'i skye bo dag ni nye bar len pa'i phung po lnga la rtog pa'i thabs kyang med na/ nye bar len pa'i phung po lnga'i skye zhing 'gog pa'i mtshan nyid shin du phra mo la rtog nus pa lta ci smos/ de ci'i phyir zhe na/ bus pa so so'i skye bo dag ni nye bar len pa'i phung po lnga yang mi shes/ nye bar len pa'i phung po lnga'i bde ba na'ang mi shes pa'i phyir ro/ /bus pa so so'i skye bo dag ni nye bar len pa'ang mi shes/ nye bar len pa'i phung po lnga yang mi shes so/ /'jig rten 'dzin 'di ji ltar na nye bar len pa zhes bya zhe na/ nye bar len pa ni bdag tu nye bar len/ sems can du nye bar len/ blta bar nye bar len/ tshul khrims nye bar len/ phung po lnga nye bar len/ khams bcwa brgyad nye bar len/ rgyu rkyen bcu gnyis nye bar len pas na nye bar len pa zhes bya'o/ /ji tsam du chos su gdags pa phyi 'am nang gi 'dod pa nye bar len pa dang / srid pa nye bar len pa dang / mthong ba dang / thos pa dang / tshor ba dang / shes pa nye bar len/ bdag dang bdag gi bar nye bar len to/ /'jig rten 'dzin bus pa so so'i skye bo yang dag pa ma yin pa'i nye bar len pa'i 'di la mi shes mi mthong ste/ phyin ci log gi rgyu dang rkyen kyis chos su nye bar len to/ /gang zag de nye bar len pas rnam par bcings pas ma rig pa'i</font><hr>55.34a<br><font size=+1>

rkyen kyis 'du byed nye bar len/ 'du byed kyi rkyen kyis rnam par shes pa nye bar len/ rnam par shes pa'i rkyen kyis ming dang gzugs nye bar len/ ming dang gzugs kyi mtshan ma sbom po la sems can rnams chags shing zhen te nye bar len to/ /'di lta ste/ gzugs len/ gzugs dang 'byor/ gzugs kyis bcings so/ /gzhan yang gzugs med pa'i phung po bzhi nye bar len te/ tshor ba dang / 'du shes dang / 'du byed dang / rnam par shes par rnam par rtog cing ming du btags so/ /'jig rten 'dzin gal te sangs rgyas med na sems can rnams shes pa med mthong ba med pas nye bar len pa'i phung po lnga la yang dag pa ji lta ba bzhin du rtog mi nus so/ /sangs rgyas bcom ldan 'das 'jig rten du gshegs nas sems can gzugs la rten cing gnas pa gzhig pa dang / tshor ba dang / 'du shes dang / 'du byed dang rnam par shes pa la rten cing gnas pa gzhig pa dang / bsdu ba'i mtshan nyid gzhig pa'i phyir sangs rgyas bcom ldan 'das de ltar rnam par phye ste bstan to/ /khyed rnams kyi brten cing gnas pa ni gzugs yin no/ /gzugs de ni chen po bzhi 'dus pa ste/ tshor ba dang / 'du shes dang / 'du byed dang / rnam par shes pa ni ming tsam ste/ ming dang gzugs kyi mtshan ma bsgrub pa'i phyir nye bar len pa'i phung po lnga bshad do/ /khyod so so'i skye bo rnams kyis mi brtan pa'i snying po med pa'i nye bar len pa'i phung po lnga 'di la mi gnas mi chags par bya'o/ /'jig rten 'dzin de bzhin gshegs pas ci'i phyir nye bar len pa'i phung po bshad ce na/ 'jig rten 'dzin bus pa so so'i skye bo dag phyin ci log las skyes te/ ma rig pa'i dra bas glags pas 'khor ba na 'khor bar gyur to/ /cis 'khor zhe na/ nye bar len pa'i phung po lnga'i mtshan ma la chags shing 'dzin pas so/ /'di snyam du bdag 'di la gnas pas bde bar gyur to snyam sems te/ gang zag de bde ba'i mtshan mar bzung bas nye bar len pa'i phung po lnga la chags shing gnas so/ /sdug bsngal gyi mtshan ma dang / sdug bsngal</font><hr>55.34b<br><font size=+1>

yang ma yin bde ba yang ma yin pa'i mtshan mar bzung zhing chags pas nye bar len pa'i phung po lnga la gnas shing chags so/ /bus pa so so'i skye bo dag brten pa'i gnas ni nye bar len pa'i phung po lnga yin no/ /'jig rten 'dzin bus pa so so'i skye bo dag ni skyes nas ldongs te phung po lnga ci yin pa mi shes/ phung po lnga gang nas 'ongs pa 'ang mi shes so/ /phung po lnga'i yang dag pa ji lta ba mi shes pas phung po la chags shing 'dzin te de bas na nye bar len pa'i phung po zhes bya'o/ /de la len pa'ang med la len par bya ba yang dmigs su med de/ phyin ci log la chags shing yang dag pa ma yin par kun du rtog pas bcings te/ ma rig pa dang / gti mug gis rmongs pas bdag len/ bdag gi bar len/ bdag dang gzhan gyi bar len te/ de bas na nye bar len pa'i phung po zhes bya'o/ /phung po lnga la ni nye bar len pa 'ang med/ nges pa'i mtshan nyid kyang med do/ /de bas na mkhas pa dag ni phung po ma yin pa nye bar len pa'i phung po lngar shes so/ /phyin ci log gi phung po la nye bar len pa'i phung po lngar shes so/ /ma rig pa'i phung po la nye bar len pa'i phung po lngar shes so/ /bus pa so so skye bo dag ni 'dis rnam par bcings pas na nye bar len pa'i phung po lnga la chags shing gnas/ chags shing gnas pas na nye bar len pa ni gang nye bar len pa'i phung po ni gang yin pa mi shes te/ phung po lnga la chags shing gnas pas skye zhing 'khor bar gyur to/ /phung po lnga la chags shing gnas pas rgyud kun du 'khor bar gyur to/ /ci la gnas shing chags zhe na/ mthong ba la gnas shing chags/ thos pa la gnas shing chags/ tshor ba la gnas shing chags/ rnam par shes pa la gnas shing chags/ sred pa la gnas shing chags/ ma rig pa la gnas shing chags so/ /bus pa so so'i skye bo dag ni srid pa'i 'ching bas rnam par bcings par nye bar len pa'i phung po lnga la mngon par chags te sgrib pas yongs su bsgribs pas ma rig pas rmongs te mi shes mi tshor ro/ /bdag cag gis chags pa'i gnas ni gang yin/ cis bcings pa mi shes pa'i phyir sems can</font><hr>55.35a<br><font size=+1>

dmyal ba dang / byol song dang / yi dgas dang / lha dang mi re yang dang yang du skye zhing 'khor te/ 'khor bas rnam par bcings pas 'khor ba la gnas shing chags te mi gtong / mi spong / mi gcod do/ /phung po lnga'i yang dag pa ji lta ba'ang mi shes so/ /yang dag pa ji lta ba'i mtshan nyid mi shes pa'i phyir sdug bsngal rnam pa sna tshogs kyis yongs su gtses te/ yang dag pa ma yin pa'i dong du lhung nas 'byung ba'i lam mi shes so/ /gang zag des de ltar 'byung ba'i lam mi shes pas thog ma med pa'i dus nas 'khor ba'i rgyud du 'khor ba len to/ /de bas na skye ba dang / rga ba dang / na ba dang / shi ba dang / smre sngags 'don pa dang / slos pa'i mya ngan dang / sdug bsngal las rnam par ma grol/ tshad med pa'i 'khor ba'i g.yang sa las rnam par ma grol/ sdug bsngal chen po'i phung po las rnam par ma grol te/ phyir yang sdug bsngal la gnas shing chags/ sdug bsngal la mngon par chags te/ sdug bsngal gyis bkol bar gyur to/ /sdug bsngal gang zhe na/ nye bar len pa'i phung po lnga yin te/ skye ba'i tshe na sdug bsngal skye la/ 'gog pa'i tshe na yang sdug bsngal 'gog go/ /'jig rten 'dzin ngas de'i rgyu de'i rkyen gyis slob ma rnams la 'di skad du chos bstan to/ /dge slong dag yang dag pa ji lta ba bzhin du gzugs kyi phung po la brtag go/ /yang dag pa ji lta ba bzhin du gzugs mi rtag pa'i mtshan nyid shes par bya'o/ /khyed ci ste gzugs la chags par gyur na de ma thag tu bsal cing gcad par bya'o/ /khyed la sogs pas yang dag pa ji lta ba bzhin du tshor ba dang / 'du shes dang / 'du byed dang / rnam par shes pa la brtag par bya'o/ /yang dag pa ji lta ba bzhin du tshor ba dang / 'du shes dang / 'du byed dang / rnam par shes pa'i mi rtag pa'i mtshan nyid shes par bya'o/ /ci ste tshor ba dang / 'du shes dang / 'du byed dang / rnam par shes pa la chags par gyur na/ de ma thag tu bsal cing gcad par bya'o/ /chags pa bsal cing gcad pas sems yang dag par rnam par grol bar 'gyur ro/ /'jig rten 'dzin</font><hr>55.35b<br><font size=+1>

gang zag su zhig ngas gsungs pa'i chos kyi don shes shing ji ltar gsungs pa bzhin du nan tan byed na skye ba dang / rga ba dang / na ba dang / 'chi ba dang / smre sngags 'don pa dang / yid blong ba dang / sdug bsngal las rnam par grol bar 'gyur ro/ /gang zag su zhig ngas gsungs pa bzhin du mi spyod mi sgom na gzugs kyi 'ching bas rnam par bcings/ sred pa'i 'ching bas rnam par bcings pa yin te/ ma rig pas ldongs pas nye bar len pa'i phung po lnga la chags so/ /gang zag de nye bar len pa'i phung po lnga la chags pas 'khor ba'i g.yang sa las rnam par ma grol to/ /'jig rten 'dzin de lta bas na 'jig rten pa dag ni nga dang rtsod kyi/ nga ni 'jig rten pa dag dang mi rtsod do zhes gsungs so/ /'jig rten zhes bya ba gang zhe na/ 'di lta ste/ nye bar len pa'i phung po lnga la chags pa ni 'jig rten zhes bya'o/ /gang zag de phung po lnga la chags te phung po lngas rnam par bcings pas phung po lnga'i rang bzhin mi shes/ phung po lnga'i mtshan nyid stong pa nyid du mi shes te nga dang rtsod do/ /gang zag de sangs rgyas kyis gsungs pa dang 'gal bar byed de/ sangs rgyas dang rtsod pas shin du nyam nga ba chen por lhung ngo / /gang zag su zhig de bzhin gshegs pa 'jig rten na bzhugs kyang rung / yongs su mya ngan las 'das kyang rung de ltar phung po lnga la yang dag pa ma yin pa dang stong pa ci yang med de/ phyin ci log dang / ma rig pa dang / yang dag pa ma yin pa'i kun du brtags pa las skyes te bus pa so so'i skye bo dag bslus pa yin par rtogs na phung po ma yin pa la phung po lnga dang 'dra bar shes so/ /gang zag de ni sangs rgyas dang yang mi rtsod pa ste/ sangs rgyas kyis gsungs pa dang 'gal bar mi byed pas sems can dmyal ba dang / byol song dang / yi dgas kyi sdug bsngal las rnam par grol bar 'gyur ro/ /'jig rten 'dzin sangs rgyas bcom ldan 'das ni gang zag dang mi rtsod do/ /rtsod pa thams cad yongs su bcad pas sangs rgyas shes bya ste/ sems can thams cad la yang dag pa'i chos ston to/ /'di lta ste/ khyed kyis sngon blangs pa ni</font><hr>55.36a<br><font size=+1>

thams cad kyang phyin ci logs yin te/ sems can thams cad phyin ci log gi dbang gis phung po la chags shing gnas nas 'jig rten du yang dang yang 'khor bar gyur to/ /de ltar gang zag dag phung po lnga la chags shing gnas pas ngan par lta ba rnam pa sna tshogs la zhen cing bskyed do/ /ming dang tshig rnam pa sna tshogs la chags shing gnas slos pa'i mya ngan dang / smre sngags 'don pa dang / sdug bsngal thams cad la chags shing gnas so/ /de ltar gang zag dag ngan par lta ba rnam pa sna tshogs kyis nyon mongs/ sdug bsngal rnam pa sna tshogs yongs su gtses kyang de'i mgon byed pa 'am/ skyabs byed pa 'am/ gnas dang rten du 'gyur ba med de/ sangs rgyas bcom ldan 'das nyag gcig ni mgon dang skyabs su 'gyur ro/ /bus pa so so'i skye bo dag ni sems chung shes pa chung bas 'dod pa lnga la chags/ nyes pa'i skyon mang po'i phung po lnga la chags so/ /bus pa so so'i skye bo dag ni mgon du 'gyur ba dang / skyabs su 'gyur ba dang / gnas dang rten du 'gyur ba dang / sdug bsngal thams cad las rnam par grol bar byed pa dang rtsod par byed do/ /'jig rten 'dzin ngas phyag bteg pa yin no/ /gang zhig phung po lngar blta ba dang / phung po lnga la mtshan mar lta ba dang / phung po lnga la chags par byed na nga yang de'i ston pa ma yin la/ de yang nga'i slob ma ma yin te/ nga'i rjes su rab tu byung ba ma yin nga'i rjes su sbyor ba ma yin/ de la skyabasu song ba ma yin gyi gang zag de ni ngan par 'gro ba'i lam du song ba/ yang dag pa ma yin pa'i lam la zhugs pa'o/ /yang dag pa len pa ma yin te phyin ci log pa'o/ /sangs rgyas kyis dgongs te gsungs pa mi shes/ sangs rgyas kyis phung po lnga ci la dgongs te gsungs pa mi shes/ sangs rgyas kyi don dam pa gsungs pa mi shes so/ /gang zag de ltar sangs rgyas kyis bstan pa'i rjes su mi 'jug pas mchod pa dang rnyed pa blang bar mi bya'o/ /gang zag de ni rab tu 'byung bar ngas ma gnang na gzhan gyi mchod pa dang rnyed pa'i bkur sti lan pa lta ci smos/ de ci'i phyir zhe na/ gang zag de ni mu</font><hr>55.36b<br><font size=+1>

stegs can gyi sder gtogs pa yin no/ /'di lta ste/ gang phung po lnga la mtshan ma skyed pa ni phung po lnga la chags shing 'dzin pa zhes bya'o/ /'jig rten 'dzin ma 'ongs pa'i dus lnga brgya'i tha ma la dam pa'i chos rnam par 'jig pa'i tshe nga'i chos la rab tu byung ba rnams mang du phung po lnga la mtshan ma skyed pa dang / phung po lnga'i mtshan ma la nges par gcad pa dang / phung po lnga la rab tu chags te/ yang dag pa ma yin pa'i lam ngan par zhugs pas nga'i chos la rab tu byung bas chos gos gnya' ba la bkal te rtag tu khyim pa'i khyim du 'gro ba la dga' bar byed do/ /gang zag de ni mu stegs can dang tha mi dad kyang nga'i chos kyi byin gyis de la mchod pa dang sbyin pa mang bar rig par bya'o/ /'jig rten 'dzin gang phung po lngar lta ba dang / phung po lnga la nges pa'i 'chad pa dang / phung po lnga la chags par byed pa de ni gzhan dag gi chu phor gang tsam yang len du mi dbang bar ngas bshad do/ /de ci ste zhe na/ gang zag des nga'i chos la mthun pa'i chos kyi bzod pa tsam yang med pas gang zag de ni nga'i chos dang 'gal bar byed pa/ 'phags pa'i chos yongs su spong ba'o/ /'jig rten 'dzin de bas na byang chub sems dpa' sems dpa' chen po rnams ma 'ongs pa'i dus ngan par de lta bu'i dam bcas te smon lam chen po btab ste/ nga'i shin du zab mo'i mdo sde dag bzung zhing bsrung ba dang / sems can dag phung po lngar lta ba gcad pa'i phyir chos bstan par bya'o/ /'jig rten 'dzin de bas na nas mdo sde kun las phung po'i mtshan ma thams cad gzhig pa dang / phung po la chags pa spang ba bshad de de'i tshe khyim na gnas pa dang rab tu byung ba dag mang du mdo sde 'di la rtsod pa byung ste/ yang dag pa nyid du 'du shes ma skyed do/ /byang chub sems dpa' sems dpa' chen po rnams 'di ltar yi dam dang smon lam chen po gdab par bya'o/ /bdag cag gis ma 'ongs pa'i dus ngan pa'i sems can phung po la chags shing ngan par lta ba la phan pa dang bde ba'i don gyi phyir phung po lnga la chags</font><hr>55.37a<br><font size=+1>

pa bsal ba'i phyir ji lta ji lta bur 'dul ba de lta de lta bu'i chos kyis phan pa dang bde ba'i don byed do/ /de bas na 'jig rten 'dzin byang chub sems dpa' sems dpa' chen po gang zhig chos rnams kyi yang dag pa ji lta ba shes par 'dod pa dang / chos rnams kyi mtshan nyid rnam par 'byed pa la mkhas par 'dod pa dang / dran pa'i mthu thob par 'dod pa dang / chos thams cad kyi rnam grangs rnam par 'byed pa la mkhas pa'i shes rab 'dod pa dang / lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa thob par 'dod pa dag nye bar len pa'i phung po lnga la mi rtag pa'i mtshan nyid dang / sdug bsngal ba'i mtshan nyid dang / bdag med pa'i mtshan nyid dang / yang dag pa ma yin pa'i mtshan nyid dang / snying po med pa'i mtshan nyid dang / mthar stong pa nyid kyi mtshan nyid dang / thog ma med pa'i dus nas ma skyes pa'i mtshan nyid du brtag par bya'o/ /rtag tu yang dag pa ji lta ba bzhin du rtog pa na nye bar len pa'i phung po lnga la chags shing zhen pa yongs su sel bar 'gyur ro/ /gzhan yang de lta bu'i shin du zab mo'i chos la sbyor ba yang thob par 'gyur ro/ /'jig rten 'dzin sngon bskal pa tshad med grangs med pa 'das pa de'i tshe de'i dus na blo gros chen po ri'i rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabasu ldan pa bde bar gshegs pa/ 'jig rten rig pa/ bla na med pa skyes bu 'dul zhing kha lo sgyur ba lha dang mi'i ston pa sangs rgyas bcom ldan 'das 'jig rten du byung ngo / /'jig rten 'dzin bcom ldan 'das blo gros chen po ri'i rgyal po de la nyan thos kyi dge 'dun khrag khrig phrag brgyad bcu yod de/ thams cad kyang dgra bcom pa/ zag pa zad pa sha stag go/ /gzhan yang slob pa'i sa la gnas pa phyir mi ldog pa yang khrag khrig phrag brgyad bcu yod do/ /byang chub sems dpa' sems dpa' chen po'i 'khor ni khrag khrig khri phrag brgya stong yod do/ /bcom ldan 'das blo gros chen po ri'i rgyal po de'i tshe'i tshad</font><hr>55.37b<br><font size=+1>

ni lo brgyad khri snyed do/ /'jig rten 'dzin de'i tshe na rgyal po phan par 'gyur ba zhes bya ba yod de/ rgyal po phan par 'gyur ba zhes bya ba de la grong khyer chen po nyi snyed de rab tu bde skyid pa dang ldan pa'i 'gro bas yongs su gang ngo / /grong khyer de dag kyang ra ba rim pa bdun bdun gyis bskor te/ chu zheng gab par dpag tshad bcu gnyis yod do/ /de dag kyang rin po che sna bzhi las byas te/ 'obs kyang rim pa bdun dang / bad kyang rim pa bdun te/ rin po che sna tshogs kyi dra bas steng phyogs yongs su bkab bo/ /grong khyer dang / 'obs dang / shing dang / ra ba dang / steng gi dra ba rnams kyang gser dang / bai dUR+ya dang / shel dang / mu sa la gar ba ste rin po che bzhi las byas pa'o/ /grong khyer chen po de re re la bskyed mos tshal lnga brgya lnga brgya snyed yod de/ de'i nang gi shing yang rin po che bdun gyi shing gis yongs su gang ngo / /shing de dag kyang rin po che'i gos kyi shing sha stag go/ /bskyed mos tshal de dag re re na yang rin po che'i rdzing lnga brgya lnga brgya yod de yon tan brgyad kyi chus yongs su gang ngo / 'jig rten 'dzin rgyal po phan par 'gyur ba de la btsun mo dang / pho brang gi slas brgyad khri snyed yod de/ de'i tshe btsun mo chen mo de la sras gnyis yod do/ /gcig ni tshad med blo gros zhes bya/ gcig ni tshad med stobs zhes bya/ 'jig rten 'dzin rgyal bu de gnyis lo bcu drug lon pa dang rmi lam du de bzhin gshegs pa mthong ste/ shin du mdzes pa dpe zla med pas na/ 'dzam bu chu klung gi gser gyi rgyal mtshan lta bu mthong nas rab tu dga' ste sad pa dang / so so nas tshigs su bcad pa 'di dag smras so/ /pho bos smras pa/ bdag gis rkang gnyis mchog ni mthong bar rmis/ /gser mdog bsod nams rgya'i mtshan gyis brgyan/ /tshad med pa'i yon tan yongs rdzogs pa/ /mthong bas sems ni rab tu dga' bar 'gyur/ /nu bos smras pa/ bdag gis sangs rgyas nyi ltar lham pa rmis/ /shin du bzang zhing mdzes pa phul gyi mchog /ri yi rgyal po ri rab ji bzhin te/ /lhang nges gsal bar mthong bas shin tu dga'/ /'jig rten 'dzin de'i tshe</font><hr>55.38a<br><font size=+1>

na rgyal bu tshad med blo gros dang / tshad med stobs gnyis pha ma gang na bar song nas 'di skad du bdag cag gis 'di lta bu dag rmi lam du mthong ngo zhes rmi lam gyi gtam pha ma la bzlas so/ /bdag cag gnyis kyis sangs rgyas mthong bar rmis kyis bdag cag gnyis bcom ldan 'das gang na bar mchi bar gsol/ de bzhin gshegs pa 'jig rten du 'byung ba'ang shin du dka' ste/ bdag cag bag med pas ma tshor ma 'tshal nas 'dod pa lnga'i 'dam du ltung ste gzugs kyi 'ching bas rnam par bcings so/ /tshor ba dang 'du shes dang / 'du byed dang / rnam par shes pa'i bcings pas rnam par bcings so/ /bdag cag khyim na gnas pas bag med pa'i phyir sangs rgyas ma mthong ngo zhes gsol to/ /'jig rten 'dzin rgyal bu de gnyis kyi pha ma la de skad ces smras nas bcom ldan 'das blo gros chen po ri'i rgyal po gang na ba der song ngo / /bcom ldan 'das kyi spyan sngar phyin nas zhabs la spyi bos phyag 'tshal te/ sangs rgyas dang / dge slong gi dge 'dun rnams la zla ba gsum gyi bar du mchod pa rnam bzhi 'bul bar spyan drangs so/ /na bza' dang / bsod snyoms dang / gzims cha dang / snyun gyi rkyen sman dag gis mchod cing phul te/ grong khyer chen po'i mtha' rgyal po phan par 'gyur ba'i skyed mos tshal gcig tu ba dan dpyangs/ gdugs bres/ rin po che'i pad mo bkod de/ sangs rgyas dang / dge slong gi dge 'dun la phul nas bzhugs su gsol to/ /rgyal bu de gnyis kyis zla ba gsum gyi bar du mchod pa'i yo byad thams cad kyis sangs rgyas dang dge slong gi dge 'dun la mchod nas bcom ldan 'das de'i bstan pa la khyim nas khyim ma yin par rab tu byung ngo / /'jig rten 'dzin bcom ldan 'das blo gros chen po ri'i rgyal po des rgyal bu de gnyis kyi lhag pa'i bsam pa dang sman pa mkhyen nas phung po lnga dang / skye mched bcu gnyis dang / khams bcwa brgyad bshad pa'i byang chub sems dpa'i thabs shes bya ba'i mdo rgyas par bshad do/ /lo bzhi khri'i bar du gnyid kyang ma log zas kyang chog par ma zos/ snyes te 'phres kyang ma myong bar</font><hr>55.38b<br><font size=+1>

gal te 'dug gam 'chag cing song yang ma myong ngo / /de nas yang lo bzhi khri'i bar du gzhan ci yang mi sems te/ nye bar len pa'i phung po lnga yang dag pa ma yin pa dang stong pa nyid kyi mtshan nyid du sems so/ /de ltar phung po lnga phyin ci log las byung bar shes nas nye bar len pa'i phung po lnga'i mtshan nyid khong du chud cing rtogs par bya ba la brtsams bzhin du tshe la thug gi bar du tshangs par spyad pa spyod do/ /de nas tshe 'phos nas dga' ldan gnas du skyes so/ /bcom ldan 'das de mya ngan las 'das pa'i 'og tu phyir yang 'dzam bu gling 'dir khyim bdag chen po zhig gi khyim du skyes nas lo bcu drug lon pa dang yang rmi lam na de bzhin gshegs pa mthong ste/ phung po lnga dang khams bcwo brgyad bshad pa'i byang chub sems dpa'i thabs kyi mdo sde bstan par rmis so/ /rmi lam na chos 'di thos nas sad pa dang / dngangs skrag ste/ bcom ldan 'das de'i bstan pa la lo khri tshang bar tshangs par spyad pa spyod cing phung po lnga dang / skye mched bcu gnyis dang / khams bcwa brgyad bshad pa byang chub sems dpa'i spyod pa'i thabs kyi mdo sde zhib du brtags nas de nas tshe 'phos te sum bcu rtsa gsum gnam du skyes so/ /lha'i tshe zad nas phyir yang 'dzam bu'i gling du rigs mtho zhing che ba'i bram ze'i khyim du skyes so/ /bcom ldan 'das blo gros chen po ri'i rgyal po'i chos rnam par zhig nas lo stong lon te rgyal bu de gnyis sngon gyi rgyu dang rkyen gyis der yang rab tu byung nas shes rab rgyal mtsho'i dang 'dra bar shes par shin du rgya che bar gyur te phung po'i mtshan nyid rnam par 'byed cing shin du rtag pa la mkhas pa dang / yang dag pa ji lta ba bzhin mngon sum du rtogs par gyur to/ /'jig rten 'dzin de na mi nyi khri snyed dang / lha khri phrag nyi shu snyed bla na med pa yang dag par rdzogs pa'i byang chub la bkod do/ /'jig rten 'dzin byang chub sems dpa' de gnyis kyis de nas gang nas gang du skye ba'i gnas thams cad du sems can mthun par gyur nas sangs rgyas khrag khrig khri phrag bcu dang phrad de bsnyen bkur byas par gyur to/ /de nas gdod mi</font><hr>55.39a<br><font size=+1>

skye ba'i chos kyi bzod pa thob par gyur to/ /mi skye ba'i chos kyi bzod pa thob nas gzhan yang sangs rgyas khrag khrig khri phrag gcig dang phrad de/ de nas gdod bla na med pa yang dag par rdzogs pa'i byang chub thob par 'gyur ro/ /de gnyis kyang bskal pa gcig tu rim gyis 'tshang rgya ste/ gcig ni tshad med dbyangs shes bya/ gcig ni tshad med 'od ces bya'o/ /'jig rten 'dzin de bas na byang chub sems dpa' sems dpa' chen po rnams gang myur du bla na med pa yang dag par rdzogs pa'i byang chub thob par 'dod pa dag rnam par dag cing shin du byang ba'i chos sgom pa la shin du brtson par bya'o/ /gzhan yang phung po'i mtshan nyid la 'jug par dang / 'dus byas kyi chos kyi yang dag pa'i mtshan nyid la mkhas par bya'o/ /phung po lnga la brtag pa'i le'u ste gnyis so// // 'jig rten 'dzin de la ji ltar na byang chub sems dpa' sems dpa' chen po rnams khams bcwa brgyad la mkhas pa zhe na/ byang chub sems dpa' sems dpa' chen po rnams khams bcwo brgyad la yang dag par rtog par sbyor ba na 'di snyam du mig gi khams shes bya ba mig gi khams su dmigs su med/ mig gi khams la bdag dang bdag gi ba med pa/ mi rtag pa/ snying po med pa/ rang bzhin gyis stong pa'i phyir mig gi khams la mig gi mtshan nyid du btags pa mi dmigs/ mig gi khams ni yang dag pa ma yin pa ji yang med pa ste/ rnam par rtog pa las skyes so/ /mig gi khams la nges pa'i mtshan nyid med de/ nam mkha'i khams ni mig gi khams yin no/ /dper na nam mkha'i nges pa'i mtshan nyid med de/ dngos po med pa bzhin mig gi khams la nges pa'i mtshan nyid med pa dang rang dngos po med pa yang de dang 'dra'o/ /de ci'i phyir zhe na/ mig gi khams la yang dag pa'i dngos po mi rnyed pa'i phyir mig gi khams yul na yang mi gnas/ phyogs na yang mi gnas/ nang na yang mi gnas/ phyir rol na yang mi gnas/ gnyi ga'i bar na mi gnas pa'i phyir ro/ /mig gi khams la nges pa'i</font><hr>55.39b<br><font size=+1>

mtshan nyid med pa/ dngos po med pas mig gi khams kyi dngos po dmigs su med de/ rgyu dang rkyen mang po las skyes so/ /mig gi khams 'das pa ma yin/ ma 'ongs pa ma yin/ da ltar gyi ma yin te/ mig gi khams la mig gi rang bzhin dmigs su med do/ /mig gi khams ni sngon gyi las kyi 'bras bu rnam par smin pa dang da ltar gyi rkyen la rag lus te/ mig gi khams shes btags so/ /mig gi khams shes bya ba ni khams med do/ /mig gi khams la mig gi khams dmigs su med do/ /rnam par shes pa'i spyod yul la mig gi khams shes bya'o/ /mig gi dbang po'ang rnam par dag la gzugs kyang snang ba'i gnas na yod cing yid kyi dbang por ldan te/ rnam pa gsum 'dus pa na mig gi khams shes bya'o/ /mig gi khams la nges par mig gi khams shes bya ba med de/ mkhas pa dag ni mig gi khams med pa la mig gi khams su rtogs so/ /'jig rten 'dzin byang chub sems dpa' sems dpa' chen po rnams gal te de ltar mig gi khams rnam par 'byed pa rtogs nas khams med pa la gzugs kyi khams su khong du chud par 'gyur ro/ /de ci'i phyir zhe na/ gzugs kyi khams la gzugs kyi khams su med de/ gzugs kyi khams ni ma 'dus pa ma byas pa'o/ /gzugs la nges pa'i mtshan nyid med pa'i phyir gzugs kyi khams shes bya'o/ /gzugs la dngos po med de rnam par rtog pa'ang med na gzugs kyi khams shes bya ba lta ci smos te/ gzugs kyi khams shes bya ba ni dngos po med pas gzugs kyi mtshan nyid ni gzugs kyi nang na yang mi gnas/ gzugs kyi phyi rol na yang mi gnas/ gnyi ga'i bar na yang mi gnas te/ rnam par brtags pa dang / gzugs mngon du snang ba'i gnas na yod la mig gi dbang po yang rnam par dag cing yid kyi rnam par shes pa dang ldan pa las gzugs mngon par snang ste/ gzugs kyi mtshan nyid ces bya'o/ /dper na me long gi nang gi gzugs brnyan dang 'dra ste/ me long</font><hr>55.40a<br><font size=+1>

yongs su dag na gzugs kyi mtshan nyid mngon par snang bar 'gyur ro/ /gzugs la nges pa'i mtshan nyid med de/ me long gi nang na mi med bzhin du gzugs kyi gzugs brnyan snang ngo / /de yang phyi rol na me long yod na nang nas gzugs kyi mtshan nyid 'byung ngo / /de bzhin du mig gi dbang po rnam par dag pa na gzugs snang ba'i gnas na 'dug pa la dmigs nas me long gi gzugs brnyan dang 'dra ba la gzugs kyi mtshan nyid ces btags so/ /gzugs la khams med/ dbyibs kyi mtshan ma med/ nges pa'i mtshan nyid med pas gzugs kyi mtshan nyid ces bya'o/ /gzugs kyi mtshan nyid la bdag med pa'i phyir gzugs kyi mtshan nyid ces bya'o/ /sems can gyi rjes su ji lta ji lta ba de ltar de bzhin du shes pa'i phyir gzugs kyi mtshan nyid ces bya'o/ /gang su zhig gzugs kyi mtshan nyid shes na gzugs med pa'i mtshan nyid kyang shes so/ /gzugs kyi mtshan nyid la ma skyes pa'i khams su shes na/ gzugs kyi mtshan nyid la ma byas pa'i khams su shes so/ /de ci'i phyir zhe na/ gzugs kyi mtshan nyid de 'das pa ma yin/ ma 'ongs pa ma yin/ da ltar gyi ma yin/ mtshan nyid ci'ang med pa bstan pa/ yang dag pa ma yin pa'i mtshan nyid bstan pa/ bla dgas su btags pa'i mtshan nyid bstan pa ste/ de dag ni gzugs kyi khams shes bya'o/ /de ltar na byang chub sems dpa' gzugs kyi khams rnam par 'byed pa la rtog pa ste/ byang chub sems dpas de nas mig gi rnam par shes pa'i mtshan nyid rnam par 'byed pa la rtog go/ /'di lta ste/ mig gi rnam par shes pa la mig gi rnam par shes pa med/ mig gi rnam par shes pa'i khams med/ rtag pa'i mtshan nyid med do/ /mig gi rnam par shes pa'i khams la dngos po med/ nges pa'i chos med do/ /mig gi rnam par shes pa'i khams ni bstan du med pa'o/ /mig gi rnam par shes pa'i khams ni 'dus pa ma yin gyes pa ma yin te/ dngos po'i rtsa ba med do/ /de'ang sngon gyi las kyi rgyu dang rkyen dang / da ltar gyi</font><hr>55.40b<br><font size=+1>

rkyen dang gzugs la rag lus pa'i phyir 'di rnam par shes pa'i khams shes bya'o/ /bus pa so so'i skye bo phyin ci log gi sems kyi rjes su song bas mig gi rnam par shes pa'i khams shes bya'o/ /de la 'phags pa rnams kyis ni khams med par khong du chud cing rtogs so/ /de ci'i phyir zhe na/ mig gi rnam par shes pa'i khams la nges pa med pa'i phyir ro/ /de ni rkyen rnams las skyes te/ rkyen la rag lus pa'i phyir mig gi rnam par shes pa'i khams shes bya'o/ /rnam par shes pa'i spyod yul gyi gnas ni mig gi rnams par shes pa'i khams shes bya'o/ /de ltar nges pa med pa'i phyir na nges pa'i mtshan nyid ces bshad do/ /ma skyes pa'i phyir/ yang dag pa ma yin pa bstan pa'i phyir ro/ /gzugs kyi mtshan mar rnam par rtog pa'i phyir/ rkyen rnams bstan pa'i phyir mig gi rnam par shes pa'i khams shes bshad do/ /sems can dag ji ltar shes pa'i rjes su de bzhin gshegs pas thabs kyis rnam par phye ste/ cha gcig pa dang tha dad pa'i mtshan nyid gzhom pa'i phyir de lta bu'i mtshan nyid bshad do/ /rnam par shes pa la nges pa'i mtshan nyid med de mig gi dbang po rnam par dag pas gzugs kyi mtshan nyid shes te/ chos gnyis 'dus pa'i phyir mig gi rnam par shes pa'i khams shes bshad do/ /mig gi rnam par shes pa'i yang dag pa'i mtshan nyid bstan pa'i phyir mig gi rnam par shes pa'i khams shes bshad do/ /mig gi rnam par shes pa'i khams ni mig gi spyod yul gyi gnas te/ gzugs su rnam par shes pa ni mig gi rnam par shes pa'i khams de yi'ang khams med par bshad pa'/ /de ci'i phyir zhe na/ mkhas pa dag gis mig gi rnam par shes pa'i khams la mig gi rnam par shes pa'i khams su dmigs su med de mig gi rnam par shes pa'i khams la mig gi rnam par shes pa'i khams su dmigs su med pas dngos por mi rnyed do/ /de ci'i phyir zhe na nges pa'i mtshan nyid med pa ni mig gi rnam par shes pa'i khams so/ /mig gi</font><hr>55.41a<br><font size=+1>

rnam par shes pa'i khams ni btags pa tsam du zad do/ /khams shes bshad pa de yang mi len pa'i don bshad par zad do/ /mthong bar bya ba'i gnas yod pas mig gi rnam par shes pa dang yid kyi las las mig gi rnam par shes pa'i mtshan nyid skyes pas mig gi rnam par shes pa zhes bya'o/ /mig gi khams dang / gzugs kyi khams dang / mig gi rnam par shes pa'i khams dang / dngos po gsum 'dus pa las rkyen rnams kyi mtshan nyid shes te de ni khams gyi don las dben pa'o/ /'di lta ste/ mig gi khams dang gzugs kyi khams dang / mig gi rnam par shes pa'i khams rnam grangs de snyed kyis na sems can rnams yang dag pa'i lam la 'jug par 'gyur te/ 'di la yang dag par na mig gi khams med/ gzugs kyi khams med/ mig gi rnam par shes pa'i khams med de/ de bzhin gshegs pa thams cad kyis mtshan nyid rnams shes pa dang / mthong ba dang / rnam par 'byed pa'i thabs su gsungs te/ mtshan nyid gsungs pa 'di la gang zag su zhig chud cing rtogs na khams gsum po la khams med par shes so/ /de ci'i phyir zhe na/ khams rnams la khams kyi mtshan nyid med pa'i phyir khams rnams la mtshan nyid du mi dmigs pa'i phyir ro/ /rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams kyang gzhung 'dis shes par bya'o/ /'jig rten 'dzin de la ji ltar na byang chub sems dpa' sems dpa' chen po rnams yid kyi khams rnam par 'byed pa la rtog pa zhe na/ byang chub sems dpa' 'di snyam du yid kyi khams la dngos po ci yang med pa'i phyir nges pa'i mtshan nyid med do/ /yid kyi khams la yid kyi khams shes bya ba med nges pa'i khams med do/ /yid kyi khams shes</font><hr>55.41b<br><font size=+1>

bya ba ni dper na sa bon sa chen po la rmos nas ser gyi rlan te nyi mas dros par byas zhing rlung gis bskyod na myu gu bags kyis 'byung ste/ myu gu yang sa bon las ma skyes la/ sa bon yang myud gu dang gcig pa ma yin te/ myu gu skyes nas sa bon yang 'jig ste/ sa bon yang myu gu las gzhan ma yin la myu gu yang sa bon las gzhan ma yin te/ myu gu'i nang nas sa bon med pa bzhin yid kyi khams kyang de dang 'dra ste/ yid kyi las skyed pa'i phyir yid kyi rnam par shes pa'i mtshon pas ni sa bon gyis myu gu mtshon pa bzhin te/ yid kyi khams shes brtags so/ /yid kyi khams las gud na yid dang yid kyi khams shes bya ba med/ yid du mi shes kyang bla dgas su yid kyi khams zhes btags so/ /yid kyi khams shes bya ba de yid kyi nang na mi gnas/ yid kyi phyi rol na yang mi gnas gnyi ga'i bar na mi gnas te/ sngon gyi las kyi rgyu dang rkyen gyi phyir rnam par shes pas bskyed pa'i phyir yid kyi las kyi phyir dmigs par bya ba shes pa'i phyir/ mtshan nyid du btags pa 'dus pa'i phyir/ da ltar gyi dmigs pa skye ba'i phyir yid kyi khams shes bya ste/ de ni ma nges pa'i yid kyi las kyi mtshan nyid dang rgyu dang rkyen mang po 'dus pa'i mtshan nyid do/ /yid kyi khams ni mang po'i 'dus pa las skye bas sems can ji ltar shes pa'i rjes su 'jug go/ /don dam pa la ni yid kyi khams shes bya ba med do/ /de ci'i phyir zhe na/ dngos po med pa'i phyir ro/ /mi skye ba ni yid kyi khams te skye ba med pa'i phyir ro/ /yid kyi khams shes bya ba ni kun rdzob du btags pa'i tshig yin te/ don dam par na nges par yid kyi khams med do/ /'das pa dang / ma 'ongs pa dang / da ltar gyir dmigs su med do/ /khams dag ni khams med pa la yid kyi khams su rtogs so/ /byang chub sems dpa' rnams chos kyi khams la 'byed cing rtogs pa ni khams med pa la chos kyi khams su rtogs te/ chos kyi khams la rang bzhin nyid dmigs su med de/ nges pa med pa'i khams ni chos kyi khams so/ /chos</font><hr>55.42a<br><font size=+1>

kyi khams ni dngos por dmigs su med pa'i phyir nges pa'i dngos por dmigs su med de/ skye bo phyin ci log tu lta zhing yang dag pa ma yin pas rnam par bcings pa dag shes par bya ba'i phyir chos kyi khams shes brjod cing bshad pa yang so so'i skye bo dag khams med pa la dgod pa'i phyir chos kyi khams bshad do/ /de ci'i phyir zhe na/ chos kyi khams la chos kyi khams med de/ chos kyi khams shes bya ba ni rkyen mang po 'dus pa las skyes so/ /rkyen 'dus pa las skyes pa'i chos la ni rang bzhin med do/ /rgyu dang rkyen la rang bzhin med pa'i phyir/ rgyu dang rkyen ni mang po 'dus pa'i phyin ci log gi rgyun las skyes so/ /de bzhin gshegs pas sems can yongs su smin par bya ba'i phyir kun rdzob kyi tshig tu brjod pas khams med pa'i chos bstan pa'i phyir chos kyi khams gsungs so/ /chos kyi khams ni nang na mi gnas/ phyi rol na mi gnas/ gnyi ga'i bar na mi gnas kyang so so'i skye bo dag dge ba dang mi dge ba'i chos shes shing mthong ngo / /chos kyi khams kyis chos thams cad shes pa dang mthong ba med par bshad pa ni mthar stong pa nyid kyi mtshan nyid kyi phyir mthar stong pa nyid du bshad pa ni chos kyi khams yin no/ /de ci'i phyir zhe na/ ci'ang med pa ni chos kyi khams te/ chos kyi khams la yod ces pa'i mtshan ma nges pa med pa'i phyir ro/ /'di lta ste/ nam mkha' la nges pa'i mtshan nyid med de/ nam mkha' zhes bya ba bzhin chos kyi khams kyang de dang 'dra ste nges pa' mtshan ma med do/ /chos kyi mtshan ma gzhom pa'i phyir chos kyi khams shes bshad de/ khams med pa ni chos kyi khams so/ /de ci'i phyir zhe na chos kyi khams ni 'das pa la mi gnas/ ma 'ongs pa la mi gnas/ da ltar la mi gnas te/ rkyen mang po la rag lus pas rkyen dang phrad pa'i phyir chos kyi khams shes rnam grangs su gtags so sems can gyis ji ltar chos kyi khams shes btags so/ /mkhas pa dag khams med pa la chos kyi khams su shes te/ chos kyi khams</font><hr>55.42b<br><font size=+1>

ni gcig pa ma yin tha dad pa ma yin no/ /chos kyi khams la chos kyi khams kyi mtshan ma mang po yang med/ cung zad kyang med de/ khams bsten pa'i thabs kyis chos kyi khams la khams shes bshad do/ /gang rnal 'byor pa dag chos kyi khams rtogs shing chud pa ni khams med par shes shing mthong ngo / /khams gsum gyi chos kyi khams kyi rnam par rtog pa'i mtshan ma med de/ rgyu dang rkyen mang po 'dus pa las chos su rnam par rtog pa'i chos kyi khams shes bshad de/ chos su rnam par phye ste mtshan nyid nges pa med pa bstan pa'i phyir chos kyi khams shes bshad do/ /mkhas pa dag ni chos kyi khams la mtshan mar lta ba'i phyir chos skyes par mthong ba ma yin te/ gang skyes pa'i chos de nyid ma skyes pa'o/ /de ci'i phyir zhe na chos kyi khams la mtshan ma med pa'i phyir ro/ /mkhas pa dag ni chos kyi mtshan nyid la mtshan ma med par rtog shing chud pas chos kyi khams la rnam par rtog pa'i mtshan ma med pa ni mtshan ma med pa rnam par rtog pa med pa'i phyir chos kyi khams shes gsungs so/ /chos kyi khams la gnas pa'i gnas med/ gnas pa med 'byung ba'i gnas med/ rten pa'i gnas med do/ /chos kyi khams ni thog ma nas ma skyes pa'i phyir chos kyi khams la skye ba med do/ /de ci'i phyir zhe na/ chos kyi khams la khams med pa'i phyir ro/ /gzhan na yang chos kyi khams na 'dus pa'i phyir yod pa ma yin te/ ma 'dus pa/ ma gyes pa/ mngon par 'dus ma byas pa/ nges pa med pas chos kyi khams shes gsungs so/ /byang chub sems dpa' sems dpa' chen po rnams de ltar khams med pa la chos kyi khams su rnam par 'byed cing rtogs so/ /'jig rten 'dzin de la ji ltar na byang chub sems dpa' sems dpa' chen po dag yid kyi rnam par shes pa'i khams la rnam par 'byed cing rtog pa zhe na/ byang chub sems dpa' sems dpa' chen po rnams 'di snyam du ma skyes pa'i khams ni yid kyi rnam par shes pa'i khams/ ma nges pa'i khams ni yid kyi</font><hr>55.43a<br><font size=+1>

rnam par shes pa'i khams so/ /yid kyi rnam par shes pa'i khams la dngos po med/ nges pa'i chos med de/ yid kyi rnam par shes pa'i khams kyi chos med pa'i mtshan nyid bstan to/ /de ci'i phyir zhe na/ yid kyi rnam par shes pa'i khams la yid kyi rnam par shes pa'i khams su dmigs su med do/ /yid kyi rnam par shes pa'i khams ni yang dag pa ma yin pa/ ci yang med pa/ phyin ci log dang ldan pa/ yid thog mar 'gro ba las chos su rnam par shes pas yid kyi rnam par shes pa zhes gsungs so/ /bus pa so so'i skye bo'i rjes su bsnyag pa'i phyir yid kyi rnam par shes pa'i khams shes gsungs so/ /'phags pa rnams kyis ni khams ma yin pa la yid kyi rnam par shes pa'i khams su shes shing rtogs/ yang dag pa ma yin pa ci yang med pa la yid kyi rnam par shes pa'i khams su rtogs so/ /de'ang rgyu dang rkyen gyi chos bstan pa'i phyir yid thog mar 'gro bas shes na rkyen mang po 'dus pas yid kyi rnam par shes pa'i khams shes bshad do/ /de yang sems can ji ltar shes pa'i rjes su bsnyag pa'i phyir de skad ces gsungs so/ /mkhas pa dag ni khams ma yin pa la yid kyi rnam par shes pa'i khams su shes so/ /de yang rgyu dang rkyen mang po 'dus pa dang / rnam par brtags pa las byung ste/ gang khams la mtshan ma med pa ni don dam pa ste/ don dam pa la mkhams kyi mtshan nyid med do/ /kun rdzob kyi chos su sems can smin par bya ba'i phyir yid kyi rnam par shes pa'i khams shes gsungs te de yang sems can dag khams med pa ni yid kyi rnam par shes pa'i khams su shes pa'i phyir ro/ /de yang chos cung zad tsam gyis kyang khams gzhom zhing de las dben par bya ba'i phyir yid kyi rnam par shes pa'i khams shes gsungs so/ /de ci'i phyir zhe na/ 'phags pa rnams kyis yid kyi rnam par shes pa'i khams la yid kyi rnam par shes pa'i khams nang na gnas par ram/ yid kyi rnam par shes pa'i khams phyi rol na gnas par ram/ gnyi ga'i bar na</font><hr>55.43b<br><font size=+1>

gnas par mi gnas so/ /mkhas pa dag ni 'du ba med pa'i khams la yid kyi rnam par shes pa'i khams su rtogs te/ yid kyi rnam par shes pa'i khams kyis khams ni mi shes/ yid kyi khams la yid kyi rnam par shes pa'i khams mi shes so/ /de yang rgyu dang rkyen mang po 'dus pa dang phyin ci log las skye zhing 'byung ste/ yid thog mar 'gro bas rgyu dang rkyen gnyis 'dus pa las 'byung bar shes so/ /yang dag pa ma yin pa la chags pa dang kun brtags pa las skyes te/ sems can la rnam par shes pa'i mtshan ma bsten pa'i phyir yid kyi rnam par shes pa'i khams shes brjod do/ /yid kyi rnam par shes pa ni 'das pa la mi gnas/ ma 'ongs pa la mi gnas/ da ltar la mi gnas so/ /yid kyi rnam par shes pa ni gang nas kyang ma 'ongs la/ gang du 'ang ma song / gnas pa'i gnas med de/ thog ma nas ma skyes pa'i mtshan nyid do/ /yid kyi rnam par shes pa la thog ma'i dngos por nges pa'i chos med do/ /de ci'i phyir zhe na/ yid kyi rnam par shes pa'i khams ni mtshan ma gnyis su med de mtshan ma med pa'o/ /mtshan ma de ni mtshan ma gnyis kyi phyir yod pa ma yin te/ bstan du med pa nyid ni yid kyi rnam par shes pa'i khams so/ /mkhas pa dag ni de ltar yid kyi rnam par shes pa'i khams rtogs shing khong du chud nas yid kyi rnam par shes pa'i khams de chos thams cad la mi gnas/ yul na mi gnas/ phyogs na mi gnas te/ chos thams cad dang gcig pa 'am tha dad pa ma yin par rtogs so/ /'phags pa rnams kyis ma skyes pa nyid la yid kyi rnam par shes pa'i khams su rtogs so/ /yid kyi rnam par shes pa'i khams ni 'ongs pa med song ba yang med/ dmigs pa yang med do/ /de ci'i phyir zhe na/ don dam pa la yid kyi rnam par shes pa'i khams su mi dmigs/ dmigs su med/ bstan du med pa'i phyir ro/ /mkhas pa dag ni yid kyi rnam par shes pa'i khams la byed pa dmigs su med pa'i phyir ma byas pa ni yid kyi rnam par shes pa'i khams su rtogs/ yid kyi rnam par shes pa'i khams la skye ba'i</font><hr>55.44a<br><font size=+1>

mtshan ma med pa'i phyir ma skyes par chud cing rtogs so/ /'jig rten 'dzin byang chub sems dpa' sems dpa' chen po rnams yid kyi rnam par shes pa'i khams la de ltar rnam par 'byed cing rtogs so/ /byang chub sems dpa' rnams de ltar rtog pa'i tshe 'dod pa'i khams dang / gzugs kyi khams dang / gzugs med pa'i khams la ma skyes pa nyid dang / ci'ang med pa nyid du rnam par 'byed cing rtogs so/ /ji ltar rtog ce na/ 'di lta ste/ 'dod pa'i khams la 'dod pa'i khams med/ gzugs kyi khams la gzugs kyi khams med/ gzugs med pa'i khams la gzugs med pa'i khams med de/ khams kyis khams med pa'i chos ston pas 'dod pa'i khams la 'jug par dga' ba la ni gzugs kyi khams ston to/ /gzugs med pa'i khams la 'jug par dga' ba la ni gzugs med pa'i khams ston to/ /khams kyis khams med pa mtshon cing brjod do/ /mkhas pa dag ni ci'ang med/ pa'i khams ni 'dod pa'i khams dang / gzugs kyi khams dang / gzugs med pa'i khams su shes so/ /mkhas pa dag ni 'dod pa'i khams dang / gzugs kyi khams dang / gzugs med pa'i khams su mi dmigs so/ /khams gsum yang dngos po med pa nges pa'i chos med de rgyu dang rkyen mang po las skyes par shes pas de bas na mkhas pa dag ni khams med pa la khams gsum du shes so/ /de la khams med de/ khams gsum char yang yang dag pa ma yin pa phyin ci log gis 'gro'o/ /de ci'i phyir zhe na/ mkhas pa dag ni khams gsum du mi dmigs pas khams gsum la 'das pa dang / ma 'ongs pa dang / da ltar gyir mi dmigs mi brjod do/ /'phags pa rnams kyis ni khams gsum la yang dag pa ma yin pa dang / ci yang med par rang bzhin med pa/ chos rnams dang bral ba/ phyin ci log las byung bar rtogs te/ skye bo mang po'i phyin ci log yongs su gcad pa'i phyir/ khams gsum shes shing mthong bar bya ba'i phyir de bzhin gshegs pas rnam par phye ste gsungs so/ /khams</font><hr>55.44b<br><font size=+1>

gsum gyi dngos po bstan pa yang sems can dag khams med pa'i don shes par bya ba'i phyir khams gsum gsungs te khams kyi dngos por ma yin no/ /mkhas pa dag ni khams gsum ni khams med par shes shing rtogs so/ /'jig rten byang chub sems dpa' sems dpa' chen po rnams de ltar rtog pa'i tshe sems can gyi khams dang bdag gi khams ni nam mkha'i khams te/ chos kyi khams med pa dang / ci 'ang med pa'i khams dang / ma skyes pa'i khams su rtogs so/ /de ci'i phyir zhe na/ sems can gyi khams dang / bdag gi khams dang / nam mkha' bye brag med de tha mi dad do/ /khams kyi mtshan nyid de dag kyang yang dag pa ma yin pa las byung ste/ rkyen mang po las skyes pas khams shes bya ste de la nges pa'i khams med do/ /de ci'i phyir zhe na nam mkha' la gcig tu nges pa'i khams med do/ /mtshan nyid de dag kyang nam mkha'i khams su rtogs pas khams med pa'i don no/ /'di lta ste/ nam mkha' la khams med pa bzhin du chos kyang mthar mtshan ma dang bral te med pa'i mtshan nyid do/ /khams thams cad kyang khams dang bral ba'o/ /khams la khams med de/ khams shes bya ba nang na mi gnas/ phyi rol na mi gnas/ gnyi ga'i bar na mi gnas te/ khams kyi nang na khams med do/ /med pa ni mtshan nyid du ma bsdus pa khams la mi gnas pa'o/ /khams thams cad la gnas med/ khams thams cad ni ma skyes pa'o/ /mkhas pa dag ni khams kyi rnams la khams skye bar mi dmigs/ khams la 'gog par mi dmigs/ khams la gnas par mi dmigs so/ /khams thams cad ni ma skyes pa ma byung ba/ mi gnas pa/ thog ma nas dmigs su med pa'o/ /mkhas pa dag ni ming tsam du btags pa'i khams la mi chags/ chags par mi byed/ mi 'dzin/ mi rtog go/ /de bas na mkhas pa dag ni khams thams cad la khams ma skyes par shes shing mthong ste/ ma skyes pas na 'gog pa med te/ don dam pa la khams thams cad dmigs su med do/ /kun rdzob tu na chos kyi khams</font><hr>55.45a<br><font size=+1>

rnams rnam par phye ste brjod do/ /don dam par na khams su brjod pa yang med do/ /mkhas pa dag ni khams thams cad don dam pa'i don du shes shing rtogs so/ /'jig rten 'dzin byang chub sems dpa' sems dpa' chen po rnams de ltar khams bcwa brgyad dang / khams gsum dang / sems can gyi khams dang / bdag gi khams dang / nam mkha'i khams rtogs shing rnam par phye ba khong du chud do/ /byang chub sems dpa' rnams de ltar khong du chud cing rtogs pa'i tshe khams su mi dmigs/ khams su mi mthong / thams cad kyi ming yang rtogs shing khams thams cad khams med par 'jug pa la yid ches so/ /khams su rnam par phye ba yang shes shing kun rdzob tu khams thams cad rnam par phye nas khams thams cad don dam par zhugs par yang shes/ khams med pa'i sbyor ba yang shes shing sems can rnams la khams kyi rnams rnam par ston te/ sems can rnams khams kyi sbyor ba la shin tu gnas par yang byed do/ /kun rdzob tu tshig dang smra bas sems can rnams la khams med pa'i chos ston kyang mtshan ma gnyis su khams mi ston to/ /khams thams cad gnyis su med kyang thabs kyis khams kyi rnams rten cing 'brel te byung bar ston to/ /kun rdzob tu tshig dang smra bas sems can rnams smin par byed kyang sems can gyi rnams la don dam pa ston to/ /khams kyi khyad par gyi rnam pa la khams gyang khams thams cad med par yid ches shing rtogs so/ /de ci'i phyir zhe na/ 'jig rten 'dzin de bzhin gshegs pa don dam pas khams su mi dmigs/ khams kyi chos su mi dmigs so/ /'jig rten 'dzin ngas ni khams thams cad 'gags pa'ang med/ bcad pa yang med par bla na med pa yang dag par rdzogs pa'i byang chub tu mngon par sangs rgyas so/ /de ci'i phyir zhe na/ don dam pa la khams kyi rnams med do/ /khams thams cad la khams gang yang med de nges pa med do/  khams thams cad nam mkhar 'jug pas khams thams</font><hr>55.45b<br><font size=+1>

cad ma skyes pa'i mtshan nyid do/ /de bzhin gshegs pas khams thams cad la de lta bu'i tshul gyis thugs su chud do/ /de bzhin gshegs pas khams ma gsungs chos rnams kyi stobs kyang ma gsungs so/ /de ci'i phyir zhe na/ chos thams cad ci 'ang med pa'i khams mi gsung ngo / /'jig rten 'dzin de bzhin gshegs pas ni ci'ang med pa'i khams gsungs mod kyi de la yang dag par na khams su gsungs pa med de/ 'jig rten 'dzin de ltar na khams rnams kyi rnam par 'byed pa la mkhas pa zhes bya'o/ /byang chub sems dpa' sems dpa' chen po rnams khams rnam par 'byed pa la shin du mkhas pa dang / khams thams cad btags pa tsam du shes pa dang / kun rdzob kyi khams tsam du shes pa dang / don dam pa'i khams shes pa dang / khams kyi nges pa shes pa dang / kun rdzob kyi bden pa shes pa dang / khams rnam par 'byed pa la mkhas pa dang / ci dang ci lta bu dang ldan pa shes pa dang / khams kyi 'dus pa shes pa dang / khams kyi 'jug pa shes pa dang / bden pa'i khams kyi 'jug pa shes pa dang / khams kyi khyad par la mkhas pa dang / khams thams cad khams med par shes pa dang / khams thams cad nam mkha'i khams dang mthun par shes te khams rnams la bye brag tu mi 'byed pa dang / khams rnams la bye brag tu mi dmigs/ bye brag du mi brjod do/ /sems can rnams la khams 'jig pa ston pa la mkhas par 'gyur ro/ /'jig rten 'dzin 'di lta ste/ sgyu ma mkhan mkhas pa zhig sems can la sgyu ma rnam pa sna tshogs bstan te/ sgyu ma'i dngos po rnam pa sna tshogs shes par byed do/ /de la mdza' zhing bshes pa dag gis 'di skad du 'di ni sgyu ma'o/ /sgyu mar byas pa'i dngos po ste/ sgyu ma de la yang dag pa med do/ /phyin ci log tu sems can la ston to zhes smras na mkhas pa dag ni sgyu mar shes par 'gyur ro/ /'jig rten 'dzin 'jig rten gyi rang bzhin ni sgyu ma lta bu ste/ byang chub sems dpa' sems dpa' chen po rnams sgyu</font><hr>55.46a<br><font size=+1>

ma lta bu'i chos la zhugs na 'jig rten sgyu ma'i rang bzhin du shes so/ /'jig rten spyod pa ni sgyu ma lta bu ste/ sbyor ba'i stobs kyis sems can dag la 'jig rten sgyu ma lta bur ston to/ /gang zhig 'jig rten la yang dag pa'i bden par 'dzin na 'jig rten yang dag pa ma yin pa sgyu ma lta bur ston to/ /de la mkhas pa blo zab mo dbang po rno ba dag ni zur tsam bstan pas chos thams cad stong pa nyid dang / sgyu ma lta bu dang / mi bden pa dngos po med par shes te/ chos thams cad kyis bus pa so so'i skye bo dag bslus pa dang / chos thams cad yang dag pa ma yin pa'i rkyen la rag lus par shes so/ /'jig rten 'dzin de bas na byang chub sems dpa' sems dpa' chen po rnams khams kyi spyod pa la 'jug par 'dod pa dag shin tu zab mo'i mdo sde brjod du med/ dmigs su med pa/ khams thams cad shes shing mthong bar byed pa ston pa/ khams thams cad yi ge med pa/ 'dus pa med pa brjod du med pa/ khams thams cad kyi thabs dang shes rab ston pa/ rten cing 'brel te 'byung ba la 'jug par byed pa ston pa/ gzhan yang chos thams cad kyi yang dag pa nyid brjod pa/ 'di lta ste/ 'jig rten dang 'jig rten las 'das pa dang / 'dus byas dang 'dus ma byas pa dang / dbang dang dbang ma yin pa dang / spyod pa la 'jug pa dang / don dam pa dang kun rdzob kyi don dang / nges pa'i don gyi mdo sde dang bkri ba'i don gyi mdo sde dang / rten cing 'brel te byung ba'i rnam par grol ba'i mdo sde zab mo 'di las brjod pa thams cad la brtson par bya'o/ /khams bcwa brgyad ces bya ba'i le'u ste gsum mo// // 'jig rten 'dzin ces bya ba'i mdo/ /bam po gsum pa/ bcom ldan 'das kyis 'jig rten 'dzin la 'di skad ces bka' stsal to/ /de la ji ltar na byang chub sems dpa' sems dpa' chen po skye mched bcu gnyis la mkhas pa zhe na/ byang chub sems dpa' sems dpa' chen po skye mched bcu gnyis rnam par 'byed cing yang dag par rtog pa na 'di snyam du</font><hr>55.46b<br><font size=+1>

mig la mig gi skye mched dmigs su med/ mig la mig gi skye mched du nges pa med do/ /mig gi skye mched kyang dngos por dmigs su med do/ /de ci'i phyir zhe na/ mig gi skye mched ni rkyen mang po las skyes pa phyin ci log las byung ba'o/ /gzugs la dmigs pa'i phyir gzugs la rag lus pa ste/ gnyis phrad pa las gzugs kyi rkyen gyis mig gi skye mched kyi rkyen yod par gyur te/ gzugs dang mig gi skye mched gnyis gcig la gcig bltos pa'i phyir mig gi gzugs shes bshad do/ /'di lta ste/ mig dang gzugs shes bya ba gzugs ni mig gi skye mched 'byung bar byed pa'i sgo yin la mig kyang gzugs kyi skye mched 'byung zhing snang bar byed pas de bas na skye mched kyang gzugs kyi rkyen gyis skye mched kyi sgo zhes btags pas mig gi skye mched ces bya ste/ mig gis mthong ba'i phyir gzugs kyi skye mched ces bya'o/ /kun rdzob tu yod par gsungs kyi mig kyang gzugs la mi gnas/ gzugs kyang mig la mi gnas/ mig mig la mi gnas/ gzugs kyang gzugs la mi gnas te/ rkyen mang po las gzugs su dmigs pa byung bas mig gi skye mched ces btags so/ /gzhan yang rten cing 'brel te byung ba las mig gi shes pa dang / mthong ba'i mtshan nyid skye bas gzugs kyi skye mched ces btags so/ /ji ltar na kun rdzob tu phyin ci log tu bshad pa'i zlas don dam par mig gi skye mched dmigs su med cing gzugs kyi skye mched dmigs su med pa bstan pa zhe na/ mkhas pa dag ni skye mched rnams btsal na yang dag par yod par mi mthong ste/ bus pa so so'i skye bo blo phyin ci log tu gyur pa dag ni mig gi skye mched dang / gzugs kyi skye mched mtshan ma gnyis su 'chad do/ /mig gi skye mched dang / gzugs kyi skye mched de nyid yang dag pa ma yin pa'i skye mched bstan pa'o/ /yang dag pa ji lta ba bzhin du chos rnams kyi de kho na'i mtshan nyid shes par bya ba'i phyir skye mched rnams ni rten cing 'brel te byung ba phyin ci log tu mngon par 'byed pa dang</font><hr>55.47a<br><font size=+1>

ldan pa las byung ste/ skye mched kyi mtshan nyid du yang dag par dmigs su med do/ /de ci'i phyir zhe na/ mig gi skye mched dang gzugs kyi skye mched nang na mi gnas/ phyi rol na mi gnas/ gnyi ga'i bar na mi gnas so/ /mig gi skye mched dang / gzugs kyi skye mched 'das pa ma yin/ ma 'ongs pa ma yin/ da ltar gyi ma yin te/ 'on kyang da ltar gyi rgyu dang rkyen 'dus pa las gzugs su shes pas mig gi skye mched du brjod de/ bus pa so so'i skye bo dag spyod pa bzhin no/ /mkhas pa dag ni skye mched rnams yang dag pa ma yin pa ci'ang med pa/ rnam par brtags pa'i phyin ci log las byung bar khong du chud pas skye mched ma yin pa ni skye mched du mthong zhing shes so/ /skye mched kyi mtshan nyid mi brjod cing skye mched la mtshan nyid nges pa med de/ rten cing 'brel te 'byung bar de bzhin gshegs pas gsungs so/ /de dag ni skye mched du mthong ba dang shes pa zhes bya'o/ /'di lta ste/ skye mched rnams ni yang dag pa ma yin pa/ ci 'di med pa/ rgyu dang rkyen la rag lus pa/ phyin ci log dang ldan pa'i 'du byed las byung ba'o/ /skye mched ni byas pa med pa/ byed pa med de/ mig gi skye mched gzugs kyi skye mched du rnam par mi rtog /gzugs kyi skye mched kyang mig gi skye mched du mi shes rnam par mi rtog ste/ gnyi ga'i mtshan ma dang bral ba'o zhes chos nyid kyis 'brel pa'i mtshan nyid kyis na de la rnam par brtag cing brjod du med do/ /skye mched kyi mtshan nyid ni rten cing 'brel te 'byung bas bus pas phyin ci log tu shes pa dang / 'phags pas khong du chud cing rtogs par ji bzhin te/ mig gi skye mched dang / gzugs kyi skye mched ni ma skyes pa/ mi 'gag pa/ ma 'ongs pa/ mi 'gro ba'i mtshan nyid yin pas mig gis mig mi shes/ mig gis mig du rnam par mi rtog /gzugs kyis gzugs mi shes/ gzugs kyis gzugs su rnam par mi rtog go/ /de ci'i phyir zhe na/ gnyi ga stong pa'i phyir ro/ /gnyi ga bral ba'i phyir mig gis mig gi mtshan nyid mi shes/ gzugs kyis gzugs kyi mtshan nyid mi shes/ </font><hr>55.47b<br><font size=+1>

mig dang gzugs gnyi ga la mtshan nyid med chos med de/ de la nges pa'i mtshan nyid med pas mig gis mig ma byas/ mig gis mig tu mi shes so/ /gzugs kyis gzugs ma byas/ gzugs kyis gzugs mi shes so/ /gnyi ga med pa'i phyir mig kyang bdag go snyam du mi sems/ gzugs kyang bdag ni gzugs so snyam du mi sems/ mig dang gzugs kyi bdag nyid ni sgyu ma'i ngo bo nyid de/ yang dag pa ma yin pa'i bla dgas su mig dang gzugs shes brjod do/ /byang chub sems dpa' rnams ni mig gi skye mched dang gzugs kyi skye mched la ji ltar rnam par 'byed cing rtog pa/ bzhin du rna ba dang / sgra dang / sna dang / dri dang / lce dang / ro dang / lus dang / reg bya yang de bzhin no/ /'jig rten 'dzin de la ji ltar na byang chub sems dpa' sems dpa' chen po yid kyi skye mched la rnam par 'byed cing rtog pa zhe na/ byang chub sems dpa' sems dpa' chen po rnams yid kyi skye mched la rnam par 'byed cing rtog pa'i tshe de 'di snyam du yid kyi skye mched dmigs su med yid la skye mched du nges pa'i mtshan nyid med de/ yid kyi skye mched la dngos po med par sems so/ /de ci'i phyir zhe na/ yid kyi skye mched ni rten cing 'brel te byung bas phyin ci log las skyes te/ chos kyi skye mched la rag lus pas gnyis phrad pa las bya ba med par 'gyur ro/ /yid kyi skye mched kyang chos kyi skye mched kyi rkyen gyis 'byung la/ chos kyi skye mched kyi rkyen gyis rnam par 'byed par gyur te/ mtshan nyid gnyis su phye'o/ /yid la brtan nas chos kyi skye mched kyi gnas yod par 'gyur te/ yid ni chos skye zhing mched par byed pa'i sgo yin la chos kyi skye mched kyang yid kyi sgo yin no/ /de bas na chos kyi skye mched ces gdags so/ /chos kyi skye mched kyi sgo'i rkyen kyis yid kyi skye mched du brjod de/ yid kyi mtshan nyid kyi sgo bstan cing shes par bya ba'i phyir chos kyi skye mched ces brjod par gyur to/ /kun rdzob kyi bden pa yang dag par bshad kyi yid kyang chos la mi brten</font><hr>55.48a<br><font size=+1>

chos kyang yid la mi brten te/ rten cing 'brel te 'byung bas chos rnams rkyen du gyur te yid kyi skye mched ces bshad do/ /rten cing 'brel te 'byung ba dang yid kyi mtshan nyid bstan pa'i phyir ro/ /chos kyi skye mched brjod de kun rdzob tu phyin ci log bshad pa'i zlas don dam par yid kyi skye mched dmigs su med/ chos kyi skye mched dmigs su med par gsungs so/ /mkhas pa dag ni skye mched la rnam par brtags na yang dag par yod par mi mthong ngo / /bus pa so so'i skye bo blo phyin ci log tu gyur pa dag ni yid kyi skye mched dang chos kyi skye mched ces mtshan ma rnam pa gnyis su brjod do/ /yid kyi skye mched dang chos kyi skye mched ni yang dag pa ma yin pa/ ci yang med pa de kho na nyid ji bzhin du de bzhin gshegs pas thugs su chud pas skye mched ces gsungs so/ /skye mched rnams ni rten cing 'brel te byung ba phyin ci log dang ldan pa'i 'du byed las byung bas de la ni yid kyi skye mched dang / chos kyi skye mched du yang dag par dmigs su med do/ /yid kyi skye mched dang chos kyi skye mched ni nang na mi gnas/ phyi rol na mi gnas/ gnyis ga'i bar na mi gnas so/ /gzhan yang yid kyi skye mched ni 'das pa yang ma yin/ ma 'ongs pa yang ma yin la/ da star gyi yang ma yin te/ da ltar gyi 'phral gyi rkyen shes pa las bus pa so so'i skye bos bsams pa'i rjes su yid kyi skye mched dang chos kyi skye mched ces brjod do/ /mkhas pa dag ni yid kyi skye mched dang chos kyi skye mched la yang dag pa ma yin pa/ ci yang med pa/ phyin ci log tu rnam par rtog pa las byung ba skye mched ma yin pa la skye mched du khong du chud par rtogs so/ /de ci'i phyir zhe na/ skye mched rnams la nges par skye mched kyi mtshan nyid med pa'i phyir ro/ /mkhas pa dag ni de ltar skye mched rnams la yang dag pa ma yin pa ci yang med par rtogs te/ yid kyi skye mched dang chos kyi skye mched rang bzhin dmigs su med/ yid kyi skye mched</font><hr>55.48b<br><font size=+1>

dang chos kyi skye mched las byung ba de kho na'i mtshan nyid du yang mi dmigs so/ /de ltar yid kyi skye mched dang chos kyi skye mched ni rten cing 'brel te byung bas de bzhin gshegs pas kyang skye mched rnams kyi shes pa dang mthong ba'i mtshan nyid gsungs pa ni 'di lta ste/ skye mched rnams yang dag pa ma yin pa/ ci yang med pa/ phyin ci log dang ldan pa'i 'du byed las byung ba/ rgyu dang rkyen la rag lus pa/ yid kyi skye mched dang chos kyi skye mched byas pa/ byed pa/ byed pa med pa/ yid kyi skye mched kyis chos kyi skye mched du rnam par mi rtog /chos kyi skye mched kyang yid kyi skye mched du rnam par mi rtog par shes so/ /de ci'i phyir zhe na/ gnyi ga'i dang bral ba'i phyir ro/ de ltar mtshan nyid gnyis dang bral bas na de la rnam par dbyer med do/ /skye mched de dag ni rten cing 'brel te byung ba yin yang bus pa so so'i skye bo dag phyin ci log tu sems pa'i rjes su brjod pa yin no/ /'phags pa rnams kyis khong du chud cing rtogs pa ltar na yid kyi skye mched kyang mi skye ba/ ma skyes pa/ mi 'gag pa/ mi 'ong ba/ ma song ba ste/ yid kyis yid mi shes/ yid du rnam par mi rtog /chos kyis chos su mi shes/ chos su rnam par mi rtog ste/ gnyi ga stong pa'i phyir ro/ /gnyi ga dang bral ba'i phyir yid kyis yid kyi mtshan nyid mi shes/ chos kyis chos kyi mtshan nyid mi shes te/ mtshan nyid de gnyi ga ci yang med pas de la ni nges pa'i chos gcig kyang med do/ /yid kyis mi 'grub la yid 'jig par yang mi nus/ chos kyis kyang chos mi 'grub la chos 'jig par mi nus so/ /gnyi ga med pas yid kyi skye mched ni bdag yid kyi skye mched do/ /snyam du mi sems so/ /chos kyi skye mched kyang bdag ni chos kyi skye mched do snyam du mi sems so/ /de gnyi ga stong pas sgyu ma lta bu ste/ ming dang tshig tu rnam par phye nas btags so/ /byang chub sems dpa' sems dpa' chen po rnams yid kyi skye</font><hr>55.49a<br><font size=+1>

mched dang chos kyi skye mched de lta bu rnam par 'byed cing rtog go/ /'jig rten 'dzin de la ji ltar na byang chub sems dpa' sems dpa' chen po rnams nang gi skye mched drug dang / phyi'i skye mched drug la rnam par 'byed cing rtog pa zhe na/ 'di lta ste/ skye mched bcu gnyis ni thams cad kyang yang dag pa ma yin pa rkyen mang po dang / phyin ci log tu ldan pa las skyes pa ste/ mtshan ma gnyis su gyur pa'i phyir phyi dang nang gnyis so/ /bus pa so so'i skye bo dag yang dag pa'i chos ma thos pa skye mched bcu gnyis kyi yang dag pa nyid mi shes pa'i phyir mig gi skye mched la chags nas bdag mig gi skye mched ces chags/ gzugs kyi skye mched la chags nas bdag gzugs kyi skye mched/ bdag gi gzugs kyi skye mched ces chags pa nas rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi bar du bdag yid/ bdag gi yid/ bdag chos/ bdag gi chos so zhes chags so/ /de ltar chags pas na skye mched bcu gnyis kyis kun nas klags shing bcings te lam rgyud lngar yang dang yang 'khor bar gyur nas/ 'byung ba'i lam mi shes so/ /byang chub sems dpa' sems dpa' chen po rnams de ltar skye mched bcu gnyis la yang dag par brtags na skye mched bcu gnyis rnams yang dag pa ma yin pa/ sgyu ma snying po med pa/ gsog /gsob lta bu/ stong pa/ sgyu ma lta bur mthong / mig gi skye mched la bdag gam bdag gi bar mi chags pa ni chos kyi skye mched kyi bar du bdag gam bdag gi bar mi chags so/ /de ltar mi chags pas na rnam par mi rtog ste/ byang chub sems dpa' rnams de ltar skye mched bcu gnyis la shin tu mkhas so/ /'jig rten 'dzin byang chub sems dpa' sems dpa' chen po rnams de ltar skye mched rnams kyi thabs la mkhas pas skye mched bcu gnyis thams cad la</font><hr>55.49b<br><font size=+1>

ma chags mi thogs/ skye mched rnams shes par bya ba dang mthong bar bya ba la yang rtog la skye mched rnams rnam par 'byed ma la yang mkhas pas rkyen mang po las skyes pa'i chos kyi skye mched bcu gnyis khong du chud cing rtogs pa dang / mtshan ma med pas skye mched bcu gnyis kyi mtshan ma 'jig pa dang / skye mched rnams rten pa'i lam gyi rjes su mi gnas pa dang / skye mched rnams kyi mtshan nyid med par shes pa dang / mtshan nyid rnams kyi sbyor ba'i thabs kyi mtha' dag kyang shes shing rtogs so/ /'jig rten 'dzin 'di lta ste/ sgyu ma mkhan gyis sgyu ma byas pa'i 'khrul 'khor las phyogs bzhi nas chu 'bab pa ltar skye mched bcu gnyis kyang de bzhin du phyi nang gi rten cing 'brel ba las bya ba kun byed par gyur te/ de la ni yang dag par dngos por dmigs su med do/ /skye mched bcu gnyis po 'di sngon gyi las gyi 'khrul 'khor gyis rnam par bcings pas bya ba kun byas par gyur to/ /'jig rten 'dzin 'di lta ste/ skye mched ces bya ba ni bus pa so so'i skye bo shes pa'i blo med pa dag gi nyon mongs pa skye zhing mched par byed pa'i sgo'i mig ni gzugs kyi sgo ste/ byams pa dang sdang ba skyed pa'i phyir ro/ /gzugs kyang mig gi sgo ste/ byams pa dang sdang ba skyed pa'i phyir ro/ /de bzhin du rna ba dang / sna dang / lce dang / lus dang / yid kyi bar du ste/ yid chos kyi sgor gyur pas byams sdang skyed do/ /chos kyang yid kyi sgor gyur pas byams sdang skyed la de ltar skye mched bcu gnyis ni byams sdang dang 'tshogs shing 'dus pa ste yang dag pa'i mtshan nyid mi shes so/ /'jig rten 'dzin byang chub sems dpa' sems dpa' chen po rnams ni skye mched rnams kyi rang bzhin gyi ngo bo dang / skye mched kyi mtshan nyid la shin du legs par rtogs pas byams pa dang sdang bas rnam par 'ching bar mi 'gyur/ 'jig rten 'dzin byang chub sems dpa' sems dpa' chen po skye mched</font><hr>55.50a<br><font size=+1>

rnams shin du rtogs so/ /skye mched bcu gnyis shes par bya ba'i le'u ste bzhi'o// // 'jig rten 'dzin de la ji ltar na byang chub sems dpa' sems dpa' chen po rnams rten cing 'brel te 'byung ba bcu gnyis rnam par 'byed cing rtog pa la mkhas pa zhe na/ byang chub sems dpa' sems dpa' chen po rnams rten cing 'brel te 'byung ba gnyis la rnam par 'byed cing rtog pa ni 'di lta ste/ ci yang med pa'i phyir ma rig pa zhes btags te/ ma rig pa la chos med pa'i phyir ma rig pa zhes btags/ ma rig pas/ ma rig pa mi shes pa'i phyir ma rig pa zhes brjod do/ /ji ltar na rig pa mi shes pas ma rig pa zhe na/ ma rig pa la nges pa'i chos su dmigs su med pas ma rig pa zhes bya'o/ /ci'i phyir ma rig pa'i rkyen gyis 'du byed rnams zhe na/ chos thams cad ni ci yang med pa ste/ bus pa so so'i skye bo dag rnam par 'du byed pas na ma rig pa'i rkyen gyis 'du byed ces bya'o/ /'du byed las rnam par shes pa skye bas na 'du byed kyi rkyen gyis rnam par shes pa'o/ /ming dang gzugs ni mtshan nyid gnyis te/ de bas na rnam par shes pa'i rkyen gyis ming dang gzugs so/ /ming dang gzugs las drug gi skye mched skyes pas de bas na ming dang gzugs kyi rkyen kyis drug gi skye mched do/ /drug gi skye mched las reg pa skye bas de bas na skye mched drug gi rkyen kyis reg pa'o/ /reg pa las tshor ba skye bas de'i phyir reg pa'i rkyen kyis tshor ba'o/ /tshor ba las sred pa skye ste/ de bas na tshor ba'i rkyen kyis sred pa'o/ /sred pa las len pa skye ste/ de bas na sred pa'i rkyen kyis len pa'o/ /len pa las srid pa 'byung ste/ de bas na/ len pa'i rkyen kyis srid pa'o/ srid pa las skye ba byung bas de bas na srid pa'i rkyen kyis skye ba'o/ /skye bas rga ba dang / shi ba dang / slos pa'i mya ngan dang / smre sngags 'don pa dang / </font><hr>55.50b<br><font size=+1>

sdug bsngal ba 'ba' zhig gi phung por gyur pas de bas na skye ba'i rkyen kyis rga ba dang / shi ba dang / yid blong ba dang / smre sngags 'don pa dang / sdug bsngal ba'i phung po zhes brjod de/ de ltar sdug bsngal gyi phung po chen po 'ba' zhig tu gyur to/ /de la kun 'dus pa ni blo phyin ci log tu gyur nas rig pa dang 'gal bar byed cing ma rig pa'i phung por bsags nas srid pa phyi ma'i 'dod pa skyed de dga' ba dang chags pa la gnas thams cad du skye ba tshol ba ni srid pa'i phung po'o/ /'jig rten 'dzin 'jig rten 'di dag ni rten cing 'brel te 'byung ba bcu gnyis kyis rnam par bcings te ma rig pas ldongs nas ma rig pa'i mun pas g.yang sar 'thom zhing ma rig pa'i thog mar 'gro bas rten cing 'brel te 'byung ba bcu gnyis rdzogs par skyed do/ /byang chub sems dpa' rnams de ltar ma rig pa'i yang dag pa'i mtshan nyid la shin du brtags na ma rig pa nyid stong pa nyid thog ma'i mtha' dmigs su med par shes so/ /de ci'i phyir zhe na/ ma rig pa med pa'i phyir thog ma'i mtha' zhes bya ba med pas mkhas pa dag gis mtha' med pas thog ma'i mthar rtogs te thog ma'i mthar rnam par mi 'byed do/ /rnam par rtog pa yongs su gcad pas ma rig pa la mi chags so/ /chos thams cad ci yang med pas chos ni ji ltar bshad pa ltar ma yin te chos thams cad ci yang med ces brjod na yang de nyid ma rig pa shes shing mthong ba'o/ /gang chos thams cad chud cing rtogs na de de nyid rig pa ste/ de nyid las rig pa gzhan zhes bya ba med kyi/ gang rig pa shes shing mthong ba nyid rig pa zhes bya'o/ /de la ji ltar na ma rig pa shes shing mthong ba zhe na/ 'di lta ste/ chos thams cad ci yang med pa/ chos thams cad ci yang dmigs su med pa/ chos thams cad yang dag pa ma yin pa phyin ci log pa/ chos thams cad ji ltar bshad pa ltar ma yin par rig pa na ma rig par shes shing mthong ste/ ma rig pa shes shing</font><hr>55.51a<br><font size=+1>

mthong ba ni rig pa zhes bya'o/ /de ci'i phyir zhe na/ ma rig pa dmigs su med pa'i phyir ro/ /ma rig pa'i rkyen kyis 'du byed ces bya ba yang chos thams cad ci yang med de/ bus pa so so'i skye bo dag ma rig pa'i mun par 'thom pas phyin ci log tu 'du byed kyi las rnams byed de 'du byed kyi las de ni gzugs med/ gnas med pas ma rig pas kyang 'du byed kyi las skyed mi nus la byas pa'i chos med pas ma rig pa'i rkyen kyis 'du byed ces brjod do/ /'du byed kyi las ni 'das pa 'am 'ong ba'i gnas song ba'i gnas kyang med la 'du byed kyi gnas 'das pa ma yin/ ma 'ongs pa ma yin/ da ltar gyi ma yin pas ma rig pa yang ma rig pas stong / 'du byed kyi las kyang 'du byed kyi las kyis stong ste/ 'du byed kyi las la gnas med kyang ma rig pa la brten nas 'du byed kyi las kyang ma rig pa la mi gnas/ ma rig pa yang 'du byed kyi las la mi gnas te/ ma rig pas yang ma rig pa mi shes/ 'du byed kyi las kyang 'du byed kyi las mi shes te/ de ltar ma rig pa dang / 'du byed kyi las ni phyin ci log gi dbang gis ma rig pa las skyes kyang de la ni ma rig pa dmigs su med/ ma rig pa'i rang bzhin dmigs su med/ 'du byed kyi las dmigs su med/ 'du byed kyi las kyi rang bzhin dmigs su med kyi mun pa'i thibs po las mun pa zhes btags te/ ma rig pa'i mun pa'i thibs po las ni 'du byed kyi las shes rnam par rtog ste/ ci yang med pa'i chos las bya ba byas pas ma rig pa dang 'du byed kyi las ni ci yang med pa'o/ /'du byed kyi rkyen kyis rnam par shes pa zhes bya ba ni rnam par shes pa 'du byed kyi las la mi gnas la 'du byed kyi las dang yang ma bral te rnam par shes pa skyes kyang 'du byed kyi las kyis rnam par shes pa bskyed pa ni ma yin no/ /de ci'i phyir zhe na/ 'du byed kyi las kyang 'du byed kyi las su mi shes la 'du byed kyi las la bltos pa'ang ma yin te/ </font><hr>55.51b<br><font size=+1>

skye bo blo phyin ci log tu gyur pa dag 'du byed kyi las kyi rnam par shes pa skyed mod kyi rnam par shes pa de ni 'du byed kyi las kyi nang na mi gnas/ 'du byed kyi las kyi phyi rol na mi gnas/ gnyi ga'i bar na yang mi gnas te/ rnam par shes pa skye ba yang med mod kyi 'du byed kyi las kyi rgyun gcig gis gsabs te ma chad pa las rnam par shes pa skyes so/ /mkhas pa dag ni rnam par shes pa'i mtshan nyid btsal na dmigs su med de rnam par shes pa skye bar mi dmigs pa rnam par shes pas rnam par shes pa mi shes/ rnam par shes pas rnam par shes par mi mthong / rnam par shes pas rnam par shes pa la mi gnas so/ /rnam par shes pa'i rkyen kyis ming dang gzugs shes bya ba na ming dang gzugs rnam par shes pa la mi gnas/ rnam par shes pa'i pha rol na ming dang gzugs mi skye ste/ ming dang gzugs de ni rnam par shes pa las ma 'ongs kyi rnam par shes pas dmigs pas bus pa so so'i skye bo'i ldongs pa dag ming dang gzugs su chags te/ rnam par shes pas ming dang gzugs bskyed pa ni ma yin no/ /mkhas pa dag ni de la brtags na ming dang gzugs su mi dmigs mi mthong ste/ ming zhes bya ba ni gzugs med phyogs med de log par rnam par rtog pa las skyes so/ /gzugs kyi mtshan nyid rnam par shes pa'i rkyen kyis yod ces bya ba rnam par shes pa nyid dmigs su med pa yin na rnam par shes pa'i rkyen kyis gzugs skye ba lta ci smos te/ gzugs shes nges par btags pa'i gnas med do/ /ming dang gzugs kyi rkyen kyis drug gi skye mched ces bya ba de drug gi skye mched kyi rkyen kyis gsugs skye zhes bya bar ma rung ste/ ming ni lus la gnas pas dbugs phyi nang du rgyu bas lus dang sems dang sems las byung ba'i chos rnams btas par byed de/ skye mched drug ni sgyu ma lta bu med pa las rnam par rtog pa las byung ste/ phyin ci log tu bya ba yod do/ /drug gi skye mched kyi rkyen</font><hr>55.52a<br><font size=+1>

kyis reg bya zhes bya ba ni reg bya de gzugs la brten te yod pa yin na/ reg bya ni gzugs la med do/ /de ci'i phyir zhe na/ gzugs ni shes pa med pa'i rang bzhin can te/ rdo dang shing dang tha mi dad kyang skye mched drug las byung ba'i phyir reg bya zhes rnam par phye ste btags so/ /de ci'i phyir zhe na/ skye mched drug nyid yang dag pa ma yin pa ci yang med na reg bya lta ci smos te/ reg bya ni stong pa ci yang med pa ste/ rnam par rtog pa'i phyin ci log las skyes te/ reg bya ni yul na mi gnas phyogs na mi gnas so/ /reg bya nyid stong pa ste reg bya'i mtshan nyid med pas reg byas skye mched drug mi shes/ skye mched drug kyang reg byas mi shes so/ /reg bya'i rkyen kyis tshor ba zhes bya ba ni tshor ba de reg bya'i nang na mi gnas/ reg bya'i phyi rol na mi gnas so/ /gnyi ga'i bar na mi gnas/ reg bya de gud nas tshor ba la bltos te 'ongs pa ma yin gyi reg bya las tshor ba skyes so/ /reg bya nyid kyang yang dag pa ma yin te med na tshor ba lta ci smos te tshor ba la nges pa'i mtshan nyid med/ tshor ba ni med pa las phyin ci log tu rtog pa skye ste phyin ci log tu bya ba yod do/ /tshor ba'i rkyen kyis sred pa zhes bya ba ni tshor ba de gud na sred pa la bltos te 'ongs pa ma yin/ tshor ba nyid sred pa dang lhan cig pa ma yin/ tshor bas yang sred pa mi shes la sred pa la rnam par mi rtog /sred pa la yang tshor ba mi shes la tshor ba la rnam par mi rtog /sred pa yang tshor ba dang lhan cig pa ma yin te/ sred pa sred pa la mi gnas pa la sred pa las gud na yang tshor ba yod pa ma yin no/ /tshor ba nyid la tshor ba'i mtshan nyid med na tshor ba'i rkyen kyis sred pa zhes bya ba lta ci smos te/ tshor ba sred pa'i nang na mi gnas/ tshor ba'i phyi rol na mi gnas/ gnyi ga'i bar na mi gnas/ sred pa nyid kyang sred pa'i nang na mi gnas/ sred pa'i phyi rol na mi gnas/ gnyi ga'i bar na mi gnas te/ sred pa'i nang na sred pa'i mtshan nyid dmigs su</font><hr>55.52b<br><font size=+1>

med de/ sred pa de ni yang dag pa ma yin pa phyin ci log dang ldan pa'i rnam par rtog pa las sred pa zhes btags kyi sred pa ni 'das pa ma yin/ ma 'ongs pa ma yin/ da ltar ma yin no/ /sred pa de ni bcings pa las sred pa skyes pa ma yin/ bcings pa ma yin pa las kyang ma yin te/ rgyu dang rkyen gcig gis gcig bsab pa'i rgyun ma chad pa las tshor ba'i rkyen kyis sred pa zhes btags so/ /mkhas pa dag ni sred pa'i yul na mi gnas/ phyogs na mi gnas/ gtong pa gsob gsog lta bu/ snying po med pa/ yang dag pa ma yin te ci la yang med par shes so/ /sred pa'i rkyen kyis len pa zhes bya ba ni sred pa gud nas len pa la bltos te 'ongs pa ma yin/ sred pa dang len pa lhan cig pa ma yin te/ sred pa las len pa ma bskyed kyang sred pa yod pas rgyu dang rkyen lhan cig pa'i phyir rjes su len pa zhes bya ba btags so/ /len pa dang sred pa lhan cig pa ma yin te sred pa las gzhan pa 'ang ma yin no/ /sred pa yang len pa dang lhan cig pa ma yin te/ len pa las tha mi dad pas sred pa'i nang na mi gnas/ sred pa'i phyi rol na mi gnas/ gnyi ga'i bar na mi gnas te/ sred pa nyid kyang dmigs su med na sred pa'i rkyen kyis len pa zhes bya ba lta ci smros te/ len pa'i nges pa'i mtshan nyid dmigs su med do/ /mkhas pa dag ni len pa de yang dag pa ma yin pa ci yang med par rtogs te/ len pa'i nang na len pa'i mtshan nyid med pas len pa ni 'das pa dang / ma 'ongs pa dang / da ltar gyi ma yin te/ len pa ni len pa'i nang na mi gnas/ len pa'i phyi rol na mi gnas/ gnyi ga'i bar na mi gnas te/ phyin ci log las byung ba rgyu dang rkyen las skyes pa'o/ /rkyen mang po 'dus pa las len pa zhes bya ste/ chos gang yang lhan cig pa 'am/ so so ba med do/ /len pa ngo bo nyid med de nges pa'i chos med kyang bus pa so so'i skye bo dag ni yang dag pa ma yin pa'i len pa la tshor bar byed do/ /'du byed thams cad yang dag pa ma yin pas 'jig rten pa dag ni len</font><hr>55.53a<br><font size=+1>

pas rnam par bcings so/ /mkhas pa dag ni len pa la yang dag pa ma yin pa/ stong pa/ snying po med pa/ dngos po med pa nges pa'i chos cung zad tsam yang dmigs su med par rtogs so/ /len pa'i rkyen kyis srid pa zhes bya ba ni len pa yang srid pa la bltos te 'ongs pa ma yin la/ len pas srid pa bskyed nus pa'i phyir len pa'i rkyen kyis srid pa zhes bya ba ma yin gyi srid pa de ni len pa'i nang na yang mi gnas/ len pa'i phyi rol na yang mi gnas/ gnyi ga'i bar na yang mi gnas te/ srid pa'i de ni len pa la mi gnas/ len pa yang srid pa dang lhan cig pa 'am so so ba ma yin mod kyi rkyen mang po 'dus pa las na len pa'i rkyen kyis srid pa zhes brjod kyi len pas srid pa skyed nus la len pas srid pa rnam par mi 'byed do/ /len pa nyid yang dag pa ma yin pa ci yang med pa yin na len pa'i rkyen kyis srid pa zhes bya ba lta ci smos te srid pa la ltos pa med do/ /srid pa nyid srid pa zhes dmigs su med de srid pa nyid kyang srid pa'i nang na mi gnas/ srid pa'i phyi rol na mi gnas te/ gnyi ga'i bar na mi gnas pas srid pa de ni 'das pa ma yin/ ma 'ongs pa ma yin da ltar ma yin no/ /mkhas pa dag ni srid pa de ni yang dag pa ma yin pa phyin ci log dang ldan pa lhan cig pa'am so so ba ma yin pas srid pa ni shes pa med pa'i rang bzhin can rnam par mi 'byed/ srid pa de ni yul na mi gnas/ phyogs na mi gnas so/ /srid pa de ni snga ma'i mtha' med/ phyi ma'i mtha' med/ da ltar gyi mtha' med do/ /srid pa de ni yod pa ma yin/ med pa ma yin pas rten cing 'brel te 'byung ba bcu gnyis kyi nang du srid pa'o zhes khong du chud cing rtogs so/ /mkhas pa blo can dag ni srid pa la stong pa nyid snying po med pa/ gsob/ gsog lta bur yongs su rtogs so/ /srid pa'i rkyen gyis skye ba zhes bya ba ni srid pa de skye ba la bltos nas 'ongs pa ma yin skye ba de srid pa dang lhan cig pa yang ma yin/ so so ba</font><hr>55.53b<br><font size=+1>

yang ma yin la/ skye ba de ni srid pa'i nang na mi gnas/ srid pa'i phyi rol na mi gnas/ gnyi ga'i bar na mi gnas te/ srid pas skye ba ma bskyed la srid pa las gud nas skye bar 'gyur ba ma yin gyi rten cing 'brel te 'byung ba bcu gnyis gcig gis gcig bsabs pa rgyun ma chad pa las sred pa'i rkyen kyis skye ba zhes brjod do/ /srid pa dang skye ba gcig gis gcig rkyen byas pa yang ma yin/ rkyen ma byas pa yang ma yin te/ srid pa nyid kyang dmigs su med na srid pa'i rkyen kyis skye ba skyes pa lta ci smos te/ mkhas pa dag ni skye ba de ni srid pa la mi gnas la skye ba la skye ba'i mtshan nyid med/ skye ba la rang bzhin med/ skye ba la ngo bo nyid med pas nges par dmigs su rung ba'i chos gcig tsam yang med par rtogs so/ /mkhas pa dag gi de ltar skye ba la rang bzhin med la ci yang med de/ rten cing 'brel te byung ba bcu gnyis gcig gis gcig bsabs pa'i rgyun tsam zhig bstan pa'i phyir srid pa'i rkyen kyis skye ba zhes brjod par yongs su rtogs so/ /skye ba la lhan cig pa'am so so ba'i chos med de/ skye ba de srid pa'i nang na mi gnas/ srid pa'i phyi rol na mi gnas/ gnyi ga'i bar na yang mi gnas so/ /skye ba de 'das pa ma yin/ ma 'ongs pa ma yin/ da ltar ma yin/ skye ba de snga ma'i mtha' dang / phyi ma'i mtha' dang / bar gyi mthar dmigs su med do/ /skye ba de dngos por dmigs su med pas mkhas pa dag rgyu dang rkyen mang po 'dus pa dang / phyin ci log dang ldan pa'i yang dag pa ma yin pa/ ci yang med pa sgyu ma lta bu las skyes par yongs su rtogs so/ /skye ba'i rkyen kyis rga shi dang / slos pa'i mya ngan dang / smre sngags 'don pa dang / sdug bsngal ba zhes bya ba ni skye ba de rga shi dang / slos pa'i mya ngan dang / smre sngags 'don pa dang / sdug bsngal la bltos te 'ongs pa ma yin gyi skye bas kyang rga shi dang / slos pa'i mya ngan dang / smre sngags 'don pa dang / sdug bsngal ba bskyed mi nus so/ /rga shi</font><hr>55.54a<br><font size=+1>

dang / slos pa'i mya ngan dang / smre sngags 'don pa dang / sdug bsngal ba skye ba'i nang na mi gnas/ skye ba'i phyi rol na mi gnas/ gnyi ga'i bar na yang mi gnaso/ /rga shi dang / slos pa'i mya ngan dang / smre sngags 'don pa dang / sdug bsngal ba skye ba gnas te skye ba'i phyir rga shi dang / slos pa'i mya ngan dang / smre sngags 'don pa dang / sdug bsngal ba brjod pa yang rgyu dang rkyen mang po las skye ba'i chos bstan pa'i phyir ro/ /skye ba nyid rga shi dang / slos pa'i mya ngan dang / smre sngags 'don pa dang / sdug bsngal ba dang lhan cig pa yang ma yin/ so so ba yang ma yin no/ /skye ba la skye ba nyid kyang dmigs su med na skye ba'i rkyen kyis rga shi dang / slos pa'i mya ngan dang / smre sngags 'don pa dang / sdug bsngal ba lta ci smos/ rga shi dang sdug bsngal nyid la rga shi dang sdug bsngal dmigs su med do/ /de ci'i phyir zhe na/ rga shi sdug bsngal gyi nang na mi gnas/ phyi rol gyi nang na mi gnas/ gnyi ga'i bar na mi gnas so/ /rga shi dang sdug bsngal 'das pa ma yin/ ma 'ongs pa ma yin/ da ltar gyi ma yin no/ /rga shi dang sdug bsngal nyid rga shi dang / sdug bsngal dang lhan cig pa ma yin/ so so ba yang ma yin no/ /phyin ci log dang ldan pa rgyu dang rkyen mang po 'dus pa rten cing 'brel te 'byung ba bcu gnyis tshogs pa las skye ba'i rkyen kyis rga shi dang sdug bsngal ba zhes brjod do/ /rga shi dang sdug bsngal la gnas med/ rga shi dang / sdug bsngal la nges pa' mtshan nyid dmigs su med do/ /rga shi dang sdug bsngal la 'das pa'i mtha' dang / ma 'ongs pa'i mtha' dang / da ltar gyi mtha' dmigs su med do/ /mkhas pa dag ni rga shi dang sdug bsngal la yang dag pa ma yin pa/ ci yang med pa phyin ci log dang ldan pa/ ngo bo nyid med pa/ ma byas pa/ ma byung ba/ ma skyes par yongs su rtogs so/ /de ltar rten cing 'brel te byung ba bcu gnyis kyis chos la rtog pa'i tshe rten cing 'brel te byung ba'i chos la 'das pa 'am/ ma 'ongs pa 'am/ da ltar gyir</font><hr>55.54b<br><font size=+1>

ma mthong ngo / /rten cing 'brel te byung ba bcu gnyis kyi chos kyi mtshan nyid mi mthong ste/ rten cing 'brel te byung ba la rkyen med pa dang / ma skyes pa dang / mtshan ma med pa dang / mngon par 'du byas pa med pa dang / ma byung ba dang / byas pa'i dngos po med pa dang / thog ma nas chos thams cad ci yang med par shes shing rtogs so/ /de ltar rten cing 'brel te byung ba bcu gnyis khong du chud cing rtogs pas rten cing 'brel te byung ba bcu gnyis la byas pa 'am byed pa yod par myi mthong ngo / /gal te chos rnams rgyu las byung na rgyu med pa'i phyir chos de yang med do/ /byang chub sems dpa' ma rig pa'i don gyi rjes su zhugs pas chos thams cad dmigs su med par rtogs so/ /de ltar rtog pa de la zhugs na rkyen med pa nyid rten cing 'brel te byung ba bcu gnyis yin te de la skye ba med do/ /byang chub sems dpas rten cing 'brel te byung ba bcu gnyis yang dag pa ma yin pa las skyes par rtogs so/ /ma rig pa'i don gyi rjes su rten cing 'brel te byung ba bcu gnyis rtogs pas chos bya ba med na chos su gdags pa yang med de/ de bas na ma rig pa'i don gyi rjes su rten cing 'brel te byung ba bcu gnyis khong du chud cing rtogs so/ /ma rig pa ni ma skyes pa/ ma byas pa/ ma byung ba/ ngo bo nyid med pa/ nges pa'i chos med pa/ rgyu med pa/ ci yang med pa ste/ byang chub sems dpa' de'i rig pa dang ma rig pa gnyis su rnam par mi 'byed te ma rig pa'i yang dag pa'i mtshan nyid de rig pa nyid do/ /ma rig pa'i rgyu las chos thams cad ci yang med pa dang / chos thams cad rkyen med pa dang / rnam par rtog pa med do/ /de bas na ma rig pa'i don gyi rjes su rten cing 'brel te byung ba bcu gnyis rtogs so/ /'jig rten 'dzin byang chub sems dpa' sems dpa' chen po rnams rten cing 'brel te byung ba bcu gnyis kyi thabs dang shes rab ces bya'o/ /byang chub sems dpa' gang de ltar rten cing 'brel te byung ba bcu</font><hr>55.55a<br><font size=+1>

gnyis lhan cig pa dang so so ba rtogs na de ni byang chub sems dpa' mi skye ba'i shes rab legs par thob pa zhes bya'o/ /de ci'i phyir zhe na/ skye ba dang / 'gog par rtog na ni rten cing 'brel te byung ba bcu gnyis la mkhas pa ma yin gyi gang rkyen mang po las 'du ba dang bral bar shes pa de ni mi skye ba'i shes rab thob pa zhes bya'o/ /gang mi skye ba'i shes rab thob pa de ni rten cing 'brel te byung ba bcu gnyis rtogs pa zhes bya'o/ /de bas na byang chub sems dpa' sems dpa' chen po rnams mi skye ba'i shes rab rtogs pa 'am reg pa 'dod na de ltar rten cing 'brel te byung ba bcu gnyis kyi shes rab la nan tan du bya'o/ /des na rten cing 'brel te byung ba bcu gnyis kyi mi skye ba'i mtshan nyid rtogs shing rig par 'gyur ro/ /'jig rten 'dzin byang chub sems dpa' sems dpa' chen po gang mi skye ba nyid rten cing 'brel te byung ba bcu gnyis su shes na rten cing 'brel te byung ba bcu gnyis kyi sbyor ba la thob par 'gyur ro/ /de ltar mi skye ba'i mtshan nyid du khams gsum shes shing mthong ba des ni myur du mi skye ba'i chos kyi bzod pa thob par 'gyur te/ byang chub sems dpa' de da ltar gyi bzhugs pa'i sangs rgyas 'di nyid las 'di nyid du bla na med pa yang dag par rdzogs pa'i byang chub tu lung bstan pa 'thob pa dang / byang chub sems dpa' de ring por mi thogs par lung ston pa dang / mthar kyis lung ston par yang 'gyur ro/ /'jig rten 'dzin de ltar shin du dge ba lung bstan pa thob pas rab tu bde ba'i sems su 'gyur te/ chos thams cad la gtad cing 'jug pa'i sbyor ba las shes rab kyi snang ba thob par 'gyur ro/ /de ltar rten cing 'brel te byung ba bcu gnyis la ma skyes pa nyid du rtogs pas da ltar bzhugs pa'i sangs rgyas rnams la bsnyen bkur byed par 'gyur ro/ /gang zag de bdud ma rungs pa rnams kyis spa mi 'gong bar 'gyur/ des skye zhing 'khor ba'i rgyun</font><hr>55.55b<br><font size=+1>

las rgal te skam sar phyin par 'gyur/ des ma rig pa'i 'dam rdzab las thar bar 'gyur/ des rab tu bde ba'i gnas su phyin par 'gyur ro/ /'jig rten 'dzin gang zhig da ltar bzhugs kyang rung / mya ngan las 'das kyang rung / rten cing 'brel te 'byung ba bcu gnyis kyi sbyor ba la gal te nyan nam/ dad dam/ klog gam/ 'don tam/ rnal 'byor du byed na des ni ring po mi thogs par ma skyes pa'i chos kyi bzod pa thob par ngas lung ston to/ /des ring po mi thogs par da ltar bzhugs pa'i de bzhin gshegs pa rnams kyis bla na med pa yang dag par rdzogs pa'i byang chub tu lung ngas kyang bstan to/ /rten cing 'brel te 'byung ba bcu gnyis shes par bya ba'i le'u ste lnga pa'o// //'jig rten 'dzin de la ji ltar na byang chub sems dpa' sems dpa' chen po rnams dran pa nye bar gzhag pa rnams la mkhas pa gang zhe na/ byang chub sems dpa' sems dpa' chen po rnams dran pa nye bar gzhag pa bzhi la rnam par 'byed cing rtog go/ /bzhi gang zhe na/ lus la lus kyi rjes su rtog pa dang / tshor ba la tshor ba'i rjes su rtog pa dang / sems la sems kyi rjes su rtog pa dang / chos la chos kyi rjes su rtog pa'o/ /de la ji ltar na lus la lus kyi rjes su rtog pa nas/ tshor ba dang / sems dang / chos la tshor ba dang / sems dang chos kyi bar du rjes su rtog pa zhe na/ 'jig rten 'dzin byang chub sems dpa' sems dpa' chen po rnams lus la rnal 'byor du spyod cing lus kyi rjes su rtog pa na yang dag pa ji lta ba bzhin du lus kyi mtshan nyid la rtog go/ /'di lta ste/ lus 'di ni mi rtag pa/ sdug bsngal ba/ nad lta bu shu ba lta bu/ sdug bsngal gyis gzir ba/ nyams pa dang / 'pho ba dang / 'jig pa'i mtshan nyid do/ /lus 'di ni shin du mi gtsang ba ste mi sdug pa/ mi gtsang ba sna tshogs kyis yongs su gang ba/ bu ga dgu nas mi gtsang ba rtag tu zag pa'o/ /lus 'di ni shin tu mnam pa ste</font><hr>55.56a<br><font size=+1>

ngan skyugs kyi rkyal pa 'gro shes pa dang 'dra'o/ /de ltar yang dag pa ji lta ba bzhin du lus 'di la brtags na lus 'di la spu nyag ma tsam gyi gtsang ba 'am yid du 'ong ba mi rnyed do/ /lus 'di ni rus pa dang / rgyus pa dang / lpags pa dang / shas yongs su dkris shing slas nas sngon gyi las kyi rgyu dang rkyen dang 'bras bu rnam par smin pa las byung ste/ kun 'byung dang len pas yongs su bcings par shes so/ /de la kun 'byung ni gang / len pa ni gang zhe na/ sngon gyi rgyu dang rkyen las lus 'di byung bas na len pa zhes btags so/ /da ltar gyi tshe 'di la lus bkrus nas kha zas dang / gos dang / khri stan dang / sman gyis gsos pa ni kun 'byung zhes bya ste/ de ltar da ltar gyi rgyu dang rkyen ni kun 'byung zhes bya/ sngon gyi 'bras bu rnam par smin pa'i mthus rnam par bcings nas bya ba kun byed pa ni len pa zhes bya'o/ /yang lus 'di ni chen po bzhi las byas te nges par yang dag par mtshan nyid med gzugs kyi phung por gtogs pa rnams la lus shes btags so/ /ci'i phyir lus shes bya zhe na/ bya ba byed nus pa'i phyir lus shes bya'o/ /rten pa'i gnas la zhen cing chags pa'i phyir lus shes bya'o/ /yid kyi rjes su kun byed pa'i phyir lus shes bya'o/ /rnam par rtog pa las byung ba'i phyir lus shes bya'o/ /sgyu ma 'dus pa las byas pa'i phyir lus shes bya'o/ /las dang 'dus pa'i phyir lus shes bya'o/ /lus 'di ni ring po mi thogs par mthar 'gyur zhing 'pho ba ste mi rtag pa nges pa med par 'gyur ba'i mtshan nyid med do/ /lus 'di ni lus kyi nang na mi gnas/ lus kyi phyi rol na mi gnas/ de gnyi ga'i bar na mi gnas so/ /lus 'di ni lus su mi shes pa lus su mi mthong ngo / /lus 'di ni byed pa med pa/ g.yo ba med pa/ smon cing re ba med/ sems med de/ rdo dang shing dang tha mi dad do/ /lus 'di la lus kyi mtshan nyid du nges pa med do/ /de ltar yang dag par lus la rnam par 'byed cing brtags na byas pa med/ byed</font><hr>55.56b<br><font size=+1>

pa med lus 'di la snga ma'i mtha' med/ phyi ma'i mtha' med/ bar gyi mtha' med do/ /lus 'di la rtag pa/ brtan pa/ sra ba'i mtshan gcig kyang med/ ji ltar chu'i dbu ba gzung zhing bcang du mi bzod pa bzhin no/ /lus 'di ni srin bu brgyad khri gnas pa'i khyim mo/ /lus 'di ni las rnam pa sna tshogs kyis rnam par 'tshe ba'o/ /sdug bsngal rnam pa gsum gyi phyir lus 'di sdug bsngal ba ste/ mgon med pas na 'du byed kyi sdug bsngal dang / 'gyur ba'i sdug bsngal dang / sdug bsngal ba'i yang sdug bsngal bas rnam par 'tshe bas na sdug bsngal thams cad kyis sdug bsngal ba mang po'i snod do/ /de ltar yang dag pa ji lta ba bzhin du lus la lus kyi rjes su rtogs nas yang 'dir snyam du lus 'di ni bdag ma yin/ gzhan ma yin dbang med pa/ 'dir rang nyam byar med pa/ byas pa'o snyam du sems so/ /lus 'di ni dngos po med pa nges pa'i chos su dmigs su med pa'o/ /lus 'di ni rang bzhin gyis stong pa ste nges pa'i mtshan nyid med pa'o/ /lus 'di ni yang dag pa ma yin pa las byung ba 'khrul 'khor las byas pa lta bu ste/ sngon gyi las kyi rgyu dang rkyen las byung bas na lus 'di la ni bdag dang bdag gi zhes 'du shes bskyed pa'i mi rigs te/ bdag cag kyang lus dang srog la mi blta'o snyam du mi sems so/ /byang chub sems dpas de ltar yang dag pa ji lta ba bzhin du yongs su rtog pa'i tshe lus 'di dang lhan cig pa 'am so so bar mi dmigs te/ gzhan nas 'ongs pa 'am/ gud du 'gro ba'i gnas yod par ram rten pa'i gnas yod par mi blta'o/ /lus 'di la 'das pa 'am/ ma 'ongs pa 'am/ da ltar gnas par rnam par mi rtog pas lus dang srog la mi gnas/ lus la bdag gam bdag gi bar mi chags te/ lus su 'dzin pa yongs su spong ngo / /byang chub sems dpa' des de ltar lus 'di la stong pa nyid dang / bdag med pa/ bdag gi ba med par yongs su rtogs te/ lus 'di la bdag dang bdag gi bar</font><hr>55.57a<br><font size=+1>

dmigs su med pas na lus kyi mtshan nyid du mi dmigs so/ /byang chub sems dpa' des de ltar lus kyi mtshan nyid du mi dmigs pas na lus su 'jug pa la re ba med de lus bskyed pa 'am 'byung ba'i lam med do/ /de 'jug pa gang zhe na/ lus 'di la byas pa med/ byung ba med pa'o/ /lus 'di ni ma byas pa/ ma byung ba'i mtshan nyid pas na rgyu dang rkyen mang po las skyes so/ /rgyu dang rkyen 'dus pa las lus su gyur te rgyu dang rkyen yang dag pa ma yin pa/ ci yang med pa/ phyin ci log dang ldan pa/ stong pa nyid/ snying po med pa ste/ rgyu dang rkyen de las lus 'di skyes par gyur to/ /rgyu dang rkyen nyid skye ba med pa/ mtshan ma med pas na de ltar lus la rtog pa'i tshe/ lus ma skyes pa'i mtshan nyid la 'jug par 'gyur ro/ /de ltar zhugs nas lus la mtshan nyid med par rtog go/ /yang dag pa ji lta ba bzhin du lus la mtshan nyid med par rtogs pas na lus 'di la mtshan ma med par shes so/ /mtshan mar dmigs su med pas na skye ba med par shes so/ /lus 'di ni 'das pa'i mtshan ma'am/ ma 'ongs pa'i mtshan ma 'am/ da ltar gyi mtshan mar dmigs su med do/ /de ci'i phyir zhe na/ lus 'di la ngo bo nyid du nges pa'i chos su dmigs su med de lus 'di ni bdag dang gzhan du dmigs su med pa'i phyir ro/ /de ltar yongs su rtog pa na lus 'di gang nas kyang ma 'ongs la gang du mi 'gro bar shes te/ lus 'di ma skyes pa dang mi 'gag pa'i lam la 'jug par 'gyur ro/ /'jig rten 'dzin byang chub sems dpa' sems dpa' chen po rnams de ltar lus la lus kyi rjes su 'jug pa la lus kyi rjes su 'jug pa'i yang dag pa'i mtshan nyid la rtog pa ni lus su zhen cing chags pa yongs su sel cing chod par 'gyur te/ dran pa yang dag pa ji lta ba bzhin du lus la de ma thag tu gnas par 'gyur ro/ /de dag ni lus la lus kyi rjes su rtog pa la rnal 'byor pa zhes bya'o/ /'jig rten 'dzin de la</font><hr>55.57b<br><font size=+1>

ji ltar na byang chub sems dpa' sems dpa' chen po tshor ba la tshor ba'i rjes su rtog pa la rnal 'byor pa zhe na/ byang chub sems dpa' sems dpa' chen po sdug bsngal gyi tshor ba dang / bde ba'i tshor ba dang / sdug bsngal ba yang ma yin bde ba yang ma yin pa'i tshor ba ste tshor ba gsum po la rtog pa na gang nas kyang ma 'ongs la/ gang du 'ang mi 'gro bar rtogs te/ yang dag pa ma yin pa'i rkyen dang / sngon gyi las kyi 'bras bu rnam par smin pa dang / phyin ci log dang ldan pa'i gzugs byas par shes so/ /tshor ba la yang dag pa ma yin pa'i log par rnam par rtog pa las byung bar shes so/ /byang chub sems dpa' de ltar tshor ba rnams la rtog pa na 'das pa'i tshor ba la mi dmigs/ ma 'ongs pa'i tshor ba la mi dmigs/ da ltar gyi tshor ba la mi dmigs so/ /byang chub sems dpa' 'das pa'i tshor ba rnams la stong pa nyid dang / bdag med pa/ bdag gi ba med/ mi rtag pa/ mi brtan pa/ snying po med pa/ mi 'gyur ba/ mtshan nyid med par blta'o/ /'das pa'i tshor ba la yang stong pa'i mtshan nyid dang / zhi ba'i mtshan nyid dang / mtshan ma med pa'i mtshan nyid du rtogs so/ /ma 'ongs pa'i tshor ba rnams la yang stong pa nyid dang / bdag med pa/ bdag gi ba med pa/ mi rtag pa/ mi brtan pa/ snying po med pa/ mi 'gyur ba/ med par blta'o/ /ma 'ongs pa'i tshor ba rnams la yang stong pa'i mtshan nyid dang / zhi ba'i mtshan nyid dang / mtshan ma med pa'i mtshan nyid du rtog go/ /byang chub sems dpa' de ltar rtog pa na 'di snyam du tshor ba ni nges pa'i mtshan nyid med pa/ dngos po med pa/ gcig tu nges pa'i chos med de mi 'dra ba las yang dang yang skye zhing 'gog go snyam du sems so/ /tshor ba la gnas pa'i dus med do/ /snyam du sems pa'i tshe byang chub sems dpa' yang 'di snyam du tshor ba ni byas pa med/ byed pa med de/ bus pa so so'i skye bo dag phyin ci log dang ldan pa'i sems las tshor ba rnam pa gsum skyed de/ de yang sngon gyi las kyi rgyu dang da ltar gyi rkyen 'dus pa las</font><hr>55.58a<br><font size=+1>

tshor ba yod par gyur to/ /tshor ba ni kun kyang stong pa/ mi brtan pa/ snying po med pa/ yang dag pa ma yin pa'i chos nyid de khang pa stong pa dang mtshungs so/ /de ltar yongs su rtog pa'i tshe tshor ba mang po'i rgyu las sems gcig tu gnas te/ byang chub sems dpa' de'i tshe tshor ba rnams la 'dus nas 'gag pa'i mtshan nyid chud cing rtog te tshor ba rnams la 'dus pa'i yang ma yin so so ba yang ma yin par blta'o/ /gzhan yang tshor ba'i nang na tshor ba mi mthong ste 'di snyam du tshor ba rnams stong pa nyid do snyam du sems so/ /rang bzhin stong pas tshor ba'i rnams la ma skyes pa'i mtshan nyid du rtogs so/ /tshor ba rnams ma skyes pa mi 'gog pas grub pa'i mtshan nyid med par rtogs so/ /de ltar tshor ba rnams yid la byed par chags pa med do/ /yang dag pa ji lta ba bzhin du tshor ba rnams kyi mtshan nyid shes shing mthong ngo / /tshor ba rnams dang bral te tshor ba rnams la mi gnas pas tshor ba rnams sems btang snyoms par 'gyur te/ des na btang snyoms kyi ting nge 'dzin yang thob par 'gyur ro/ /'jig rten 'dzin de ltar na byang chub sems dpa' sems dpa' chen po rnams tshor ba la tshor ba'i rjes su rtog pa gang la rnal 'byor pa zhes bya'o/ /'jig rten 'dzin de la ji ltar na byang chub sems dpa' sems dpa' chen po sems la sems kyi rjes su rtog pa la rnal 'byor pa zhe na/ byang chub sems dpa' sems dpa' chen po sems la skye ba dang / 'gog pa dang / gnas pa dang / 'pho ba'i mtshan nyid du yongs su rtog go/ /de ltar yongs su rtog pa na 'di snyam du sems 'di ni gang nas kyang ma 'ongs la/ gang du yang mi 'gro ste/ rnam par shes pa dang rkyen las skyes pas dngos po med de nges pa'i chos su dmigs su med do snyam du sems so/ /sems 'di ni 'ongs pa yang med/ song ba yang med/ gnas pa 'am 'pho ba yang dmigs su med do/ /sems 'di ni 'das pa yang ma yin/ ma 'ongs pa dang / da ltar gyi ma yin te/ </font><hr>55.58b<br><font size=+1>

sems 'di ni rnam par shes pa dang / rkyen dang / rnam par rtog pa las skyes so/ /sems ni nang na mi gnas/ phyi rol na mi gnas/ gnyi ga'i bar na mi gnas te/ sems 'di ni skye zhing 'byung ba'i mtshan ma gcig tsam yang med pa'o/ /sems 'di ni ngo bo nyid med pa'i nges pa med pa/ skyed pa med pa/ skyes pa med pa ste/ las sna tshogs 'byung ba'i phyir sems shes bya'o/ /rnam par shes pa'i rkyen sna tshogs las sems shes bya'o/ /skad cig skad cig gis skye zhing 'gog pa gcig gis bsags pa rgyun mi chad pas sems shes bya ste/ de ni so so'i skye bo dag sems kyis mi dmigs pa'i mtshan nyid khong du chud cing rtogs pa bya ba'i phyir ro/ /sems la sems kyi mtshan nyid med do/ /sems 'di ni thog ma nas ma skyes pa/ ma byung ba/ ngo bo nyid kyis rnam par dag pa ste/ blo bur gyi nyon mongs pas kun nas nyon mongs pa rnam par rtog kyang sems kyis sems mi shes sems mi mthong ngo / /de ci'i phyir zhe na/ sems 'di ni stong pa nyid de stong pa nyid pas na ngo bo nyid med pa'o/ /sems 'di ni nges pa'i chos can ma yin te/ nges pa'i chos su dmigs su med pa'i phyir ro/ /sems 'di ni gcig dang tha dad pa'i chos med pa'i phyir ro/ /sems 'di ni snga ma'i mtha' yang dmigs su med la phyi ma'i mtha' yang dmigs su med de bar gyi mtha' yang dmigs su med do/ /sems 'di ni gzugs med de mthong bar mi nus pas sems nyid kyis sems mi mthong la rang bzhin mi shes te/ bus pa so so'i skye bo phyin ci log dang ldan pa dag yang dag pa ma yin pa'i rkyen dang rnam par shes pas dmigs pas phyir 'byung ngo / /sems 'di ni stong pa nyid de bdag med pa/ bdag gi ba med pa/ mi rtag pa/ mi brtan pa/ snying po med pa/ mi 'gyur ba'i chos can ma yin pa'o/ /da ltar sems shing yid la byed pa na sems kyi dran pa nye bar gzhag pa 'thob ste/ gang zag de de'i tshe na sems sam/ sems ma yin par rnam</font><hr>55.59a<br><font size=+1>

par mi rtog ste/ sems la ma skyes pa'i mtshan nyid du legs par shes pas sems ma skyes pa nyid du 'ang rtogs so/ /de ci'i phyir zhe na/ sems la nges pa'i rang bzhin med de/ nges pa'i mtshan nyid med pa'i phyir ro/ /mkhas pa dag ni de ltar sems la ma skyes pa dang / mtshan nyid med par chud cing rtogs so/ /de'i tshe yang dag pa ji lta ba bzhin du sems kyi 'dus pa dang 'gog pa'i mtshan nyid rtogs te/ de ltar rtogs pa na sems pa na kun 'byung ngam 'gog pa'i mtshan nyid ma rnyed do/ /sems la 'gog pa 'am mi 'gog par rnam par mi rtog pa'i sems kyi de bzhin nyid rnam par dag pa'i mtshan nyid thob par 'gyur ro/ /byang chub sems dpa' rnams de ltar sems rnam par dag pas na blo bur gyi nyon mongs pas nyon smongs par mi 'gyur ro/ /de ci'i phyir zhe na/ byang chub sems dpa' rnams bdag gi sems rnam par dag pa nyid du shes shing mthong bas sems can dag gi sems kyang rnam par dag par shes te snyam du sems so/ /sems dri ma yod pas na/ sems rnam par dag pas na sems can yang rnam par dag pa'o snyam sems shing yid la byed pa na sems la dri ma'i mtshan nyid dam sems la rnam par dag pa'i mtshan nyid du mi dmigs te/ sems nyid rtag tu rnam par dag pa'i mtshan nyid du shes so/ /'jig rten 'dzin byang chub sems dpa' sems dpa' chen po chos la chos kyi rjes su rtog pa la rnal 'byor pa zhe na/ byang chub sems dpa' rnams chos thams cad la nang ngam/ phyi rol lam/ gnyi ga'i bar na yod par mi rtog go/ /gzhan yang chos la 'das pa 'am/ ma 'ongs pa 'am/ da ltar gyir mi dmigs te chos thams cad rkyen mang po las skyes te/ phyin ci log las byung ba'i nges pa'i mtshan nyid med pa'o/ /'di ltar thams cad gang zag dbang ngo zhes bya ba dang chos kyi ngo bo nyid ces bya ba ni chos thams cad la chos shes bya ba med de/ chos rnams ni chos rnams kyi nang na mi gnas/ chos rnams</font><hr>55.59b<br><font size=+1>

kyi phyi rol na mi gnas/ gnyi ga'i bar na mi gnas so/ /chos ni chos dang lhan cig pa 'ang ma yin/ so so ba yang ma yin te/ chos thams cad ni dngos po med pa'i nges pa'i mtshan nyid med pa'o/ /chos thams cad yod pa ma yin pas na g.yo ba ma yin pas na g.yo ba med byas pa med do/ /chos thams cad nam mkha' lta bu ste ci yang med pa'o/ /chos thams cad ni slu ba'i chos can/ sgyu ma'i mtshan nyid dmigs su med pa'i phyir ro/ /chos thams cad rnam par dag pa ste/ cis kyang ma gos pa'i phyir ro/ /chos thams cad ni mi len pa'i mtshan nyid de/ len pa med pa'i phyir ro/ /chos thams cad rmi lam lta bu ste/ rmi lam nyid med pa'i phyir ro/ /chos thams cad ni gzugs med pa ste/ gzugs ci yang med pa'i phyir ro/ /chos thams cad gzugs brnyan lta bu ste/ gzugs brnyan nyid med pa'i phyir ro/ /chos thams cad ni ming med mtshan ma med de/ ming dang mtshan ma med pa'i phyir ro/ /chos thams cad ni brag cha lta bu ste/ yang dag pa ma yin pa las byung bas ci yang med pa'i phyir ro/ /chos thams cad ni ngo bo nyid med pa ste/ rang bzhin dmigs su med pa'i phyir ro/ /chos thams cad ni smig rgyu lta bu ste/ ci yang med par shes pa'i phyir ro/ /byang chub sems dpa' de ltar chos thams cad la yongs su rtog na chos thams cad la mtshan nyid gcig pa 'am mtshan nyid tha dad par mi mthong / chos dang chos lhan cig pa 'am so so bar mi mthong / chos la chos gnas par yang mi mthong ste/ de ltar rtog na chos thams cad gzhan nas 'ongs par yang mi mthong ngo / /chos thams cad la gnas pa'i gnas yod par yang mi mthong ngo / /de ci'i phyir zhe na/ chos thams cad la gnas med/ rten med/ byung ba med de/ chos thams cad gnas med pa ni rten med pa gnas med pa'i phyir ro/ /dmigs pa'i gnas med pa'i phyir ro/ /'jig rten 'dzin chos thams cad la bye brag med pa ni chos thams cad bye brag tu dbye ba'i mtshan ma</font><hr>55.60a<br><font size=+1>

med de/ rkyen mang po las skyes pas phyin ci log tu bya ba yod kyang chos thams cad ni yul na mi gnas/ phyogs na mi gnas so/ /mkhas pa dag ni chos thams cad la mtshan nyid gcig pa yang ma yin/ mtshan nyid gnyis su yod pa yang ma yin/ tha dad pa'i mtshan nyid du yang ma yin par dmigs so/ /de ci'i phyir zhe na/ 'jig rten 'dzin chos thams cad ni ma skyes pa/ ma byung ba/ byas pa med pa ste/ chos thams cad ni rang bzhin dang bral ba/ ngo bo nyid med pa ste/ rang bzhin las 'das pa'i phyir ro/ /chos thams cad gnas med pa ni phyin pa'i gnas med pa'i phyir ro/ /de ltar chos thams cad la shin du rtog pa na chos thams cad la bdag med gang zag med par legs par chud cing rtogs so/ /chos thams cad rang bzhin gyis stong pa nyid du rtogs so/ /chos thams cad stong pa nyid du rtogs pas na chos thams cad mtshan ma med par rtogs so/ /mtshan ma med par blta bas chos thams cad la smon pa mi 'byung ste/ de'i tshe chos thams cad ma skyes pa nyid du rtogs pas 'di snyam du sems te/ 'di la yang dag par chos gang yang skye ba'am 'gog pa med par sems so/ /de ltar rtog pa'i tshe sems rtse gcig du gnas pas na de nyid kyis na chos thams cad ma skyes pa nyid du khong du chud cing chos thams cad kyi kun 'byung dang 'gog pa zad pa yang mthong zhing shes so/ /chos thams cad mtshan ma dang bral rang bzhin dang bral bar yang rtogs so/ /de ci'i phyir zhe na/ 'jig rten 'dzin chos thams cad la nges pa'i mtshan nyid med pas na chos thams cad mtshan ma med cing mtshan ma dang bral bar khong du chud do/ /'jig rten 'dzin de ltar na byang chub sems dpa' sems dpa' chen po rnams chos la chos kyi rjes su rtog pa la rnal 'byor pa zhes bya'o/ /de ltar rtogs pa ni chos la dmigs pa med/ len pa med de/ chos la bskyed par mi byed/ gnas par mi byed/ 'gog par mi byed par nan tan byed de/ des chos thams cad kyi mi 'gog pa zad pa'i mtshan nyid dang rab tu zhi ba'i mtshan nyid kyang</font><hr>55.60b<br><font size=+1>

mthong ngo / /'jig rten 'dzin de dag ni byang chub sems dpa' sems dpa' chen po rnams dran pa nye bar gzhag pa bzhi la shin tu rtogs pa zhes bya'o/ /ci'i phyir dran pa nye bar gzhag pa zhes bya zhe na/ dran pa nye bar gzhag pa zhes bya ba ni chos thams cad bzhag pa'i gnas med/ 'byung ba med/ gnas pa'i gnas med par de ltar 'jug na chos thams cad la dran pa mi nyams te dran pa nye bar gzhag pa zhes bya'o/ /gzhan yang dran pa nye bar gzhag pa'i chos thams cad ni mi gnas pa dang / ma skyes pa dang / mi len par yang dag pa ji lta ba bzhin du shes shing mthong ba'i don ni dran pa nye bar gzhag pa zhes bya'o/ /dran pa nye bar gzhag pa zhes bya ba'i le'u ste drug go/ // 'jig rten 'jin de la ji ltar na byang chub sems dpa' sems dpa' chen po rnams dbang po rnams la mkhas pa zhe na/ byang chub sems dpa' sems dpa' chen po rnams 'jig rten las 'das pa'i dbang po lnga la yang dag par rtog go/ /lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /byang chub sems dpa' rnams dbang po lnga po la rnal 'byor du spyod pa na chos thams cad rten cing 'brel te byung ba las skyes shing phyin ci log las byung ba dang / yang dag pa ma yin pa'i rkyen las 'dus pas me mgal bskor ba lta bu 'am rmi lam gyi rang bzhin lta bur yid ches so/ /chos thams cad mi rtag pa dang / sdug bsngal ba dang / mi gtsang ba dang / bdag med pa dang / zug rngu lta bu dang / shu ba lta bu ste snying po med pa/ mi brtan pa/ 'gyur zhing 'jig pa'i mtshan nyid du yid ches so/ /gzhan yang chos thams cad yang dag pa ma yin pas ci yang med pa ste/ khu tshur stong pa 'am/ kha dog sdug gu sna tshogs kyis byis pa chung ngu brid pa lta bur rnam par brtags pa las byung ba ltos pa las yod pa tsam du zad pas dngos por nges pa'i chos</font><hr>55.61a<br><font size=+1>

su gcig tsam yang med par yid ches so/ /gzhan yang chos thams cad ni 'das pa ma yin/ ma 'ongs pa ma yin/ da ltar gyi ma yin par yid ches so/ /chos thams cad gang nas kyang ma 'ongs la gar yang mi 'gro bar yid ches so/ /chos thams cad stong pa nyid mtshan ma med pa mngon par 'dus ma byas par yid ches so/ /chos thams cad ma skyes pa dang / mngon par 'dus ma byas pa dang / ma byung ba dang / mtshan ma med pa dang / mtshan ma dang bral bar yang yid ches so/ /tshul khrims rnam par dag pa dang / ting nge 'dzin yongs su dag pa dang / shes rab rnam par dag pa dang / rnam par grol ba'i ye shes ston pa rnam par dag pa la yid ches so/ /byang chub sems dpas da ltar dad pa'i dbang po lhun gyis grub nas phyir mi ldog par gyur te/ dad pas thog mar 'gro'o/ /de bas na khrims la bde bar gnas pas dad pa mi nyams mi ldog ste/ phyir mi ldog pa'i chos lhun gyis grub pas mi g.yo ba'i dad pa la gnas te las kyi 'bras bu rnam par smin pa'i rjes su dad pa yongs su smin par byed cing ngan par lta ba thams cad yongs su gcod do/ /chos mi spong zhing ston pa sangs rgyas bcom ldan 'das las gzhan yang mi tshol te/ rtag tu chos thams cad kyi yang dag pa'i rjes su 'jug go/ /dge 'dun gyi spyod pa'i yang dag pa'i lam la 'jug go/ /tshul khrims rnam par dag pa la gnas shing bzod pa lhun gyis grub pas de ltar mi g.yo/ mi 'gyur ba'i dad pa dang / dad pa khyad par du gyur pas dad pa'i dbang po dang ldan pa zhes bya'o/ /'jig rten 'dzin de la ji ltar na byang chub sems dpa' sems dpa' chen po rnams brtson 'grus kyi dbang po la yang dag par rtog pa dang / brtson 'grus kyi dbang po lhun gyis grub pa dang / brtson 'grus kyi dbang po la shin tu mkhas pa zhe na/ byang chub sems dpa' sems dpa' chen po rnams brtson 'grus spyod pa ni mi gtong / rgyun mi gcod par sgrib pa lnga bsal ba'i</font><hr>55.61b<br><font size=+1>

phyir brtson 'grus spyod do/ /'di ltar zab mo'i chos nyan pa'i phyir brtson 'grus spyod do/ /byang chub sams dpa' rnams chos tshol ba la rgyun mi chad pas brtson 'grus rtsom pa las phyir mi ldog go/ /sgrib pa'i chos yongs su gcod pa'i phyir brtson 'grus rtsom pa la zhum pa med do/ /gzhan yang sdig pa mi dge ba'i chos rnam pa sna tshogs dang 'jig pa'i chos yongs su spong ba'i phyir brtson 'grus spyod do/ /gzhan yang dge ba'i chos rnam pa sna tshogs spel zhing bskyed pa'i phyir brtson 'grus spyod do/ /da ltar byang chub sems dpas gdon mi za bar brtson 'grus lhun gyis grub kyang brtson 'grus la mi chags te mnyam pa'i brtson 'grus la 'jug go/ /de ltar phyir mi ldog pa'i brtson 'grus lhun gyis grub pas gang zag de yang dag pa'i sbyor ba'i chos thams cad khong du chud cing rtogs nas brtson 'grus rab tu spyod do/ /brtson 'grus shin tu brtsams pas gzhan gyi dring la mi 'jog ste/ brtson 'grus brtsams pa las shes rab kyi snang ba thob cing phyir mi ldog pa'i mtshan nyid lhun gyis grub pa'o/ /de ltar brtson 'grus las phyir mi ldog pa dang brtson 'grus khyed par can du gyur pas brtson 'grus kyi dbang po dang ldan pa zhes bya'o/ /'jig rten 'dzin de la ji ltar na byang chub sems dpa' sems dpa' chen po rnams dran pa'i dbang po thob cing dran pa'i dbang po la shin du rnal 'byor can du gyur pa zhe na/ byang chub sems dpa' sems dpa' chen po rnams dran pa rtse gcig du sdud cing sbyin pa byin pa la 'jam pa dang / tshangs par spyod pa dang ldan par mthar phyin par rnam par dag pa'i tshul khrims kyi phung po srung ba dang / ting nge 'dzin kyi phung po dang / shes rab kyi phung po dang / rnam grol ba'i phung po dang / rnam par grol ba'i ye shes ston pa'i phung po shin tu srung ngo / /rtag tu lus dang ngag dang yid kyi las la sems shing dran par byed/ rtag tu mthar phyin pa'i dngos po la sems shing dran par byed/ </font><hr>55.62a<br><font size=+1>

chos thams cad skye ba dang / /'gog pa dang / gnas pa dang / 'pho ba'i mtshan nyid kyi thabs la sems shing dran par byed/ sdug bsngal ba dang / kun 'byung dang / 'gog pa dang / lam gyi bden pa mthong ba dang / shes par bya ba la sems shing dran par byed/ dbang po rnams dang / stobs dang / byang chub kyi phyogs dang / lam dang ting nge 'dzin dang / rnam par grol ba dang / snyoms par 'jug pa'i sbyor ba la sems shing dran par byed/ chos thams cad mi skye ba dang / mi 'gag pa dang / mngon par 'dus ma byas pa dang / ma byung ba dang / brjod du med pa'i mtshan nyid du sems shing dran par byed/ rtag tu ma skyes pa'i shes rab 'thob par bya ba la sems shing dran par byed/ bzod pa'i ye shes dang / spong ba'i ye shes dang / 'gog pa'i ye shes phun sum tshogs par 'dod pa la sems shing dran par byed/ sangs rgyas kyi chos thams cad phun sum tshogs par 'dod pa la dran par byed/ nyan thos dang / rang sangs rgyas kyi chos kyis sems la glags mi rnyed par sems shing dran par byed/ rtag tu thogs pa med pa'i ye shes dran par bya ba la sems shing dran par byed de/ yang dag par sems pa na lus kyi chos de dag rig pas dran pa de las mi ldog mi nyams so/ /de ltar rtog pa las gzhan gyi dring la mi 'jog na gang zag des de lta bu'i snying po yod pa'i dran pa khyad par can du gyur pas dran pa'i dbang po dang ldan pa zhes bya'o/ /'jig rten 'dzin de la ji ltar na byang chub sems dpa' sems dpa' chen po rnams ting nge 'dzin gyi dbang po thob cing ting nge 'dzin gyi sbyor ba thob pa zhe na/ byang chub sems dpa' sems dpa' chen po rnams 'phags pa'i sa la gnas pa na rtag tu ting nge 'dzin spyod kyang ting nge 'dzin la mi gnas/ ting nge 'dzin la mi chags te/ ting nge 'dzin kyi mtshan nyid la shin du 'jug pa dang / ting nge 'dzin kyi sbyor ba la shin du thob pa dang / ting nge 'dzin shin du bskyed pa dang / mi dmigs pa'i ting nge 'dzin spyod pas ting nge 'dzin thams cad</font><hr>55.62b<br><font size=+1>

kyi sgo la shin du mkhas pa dang / ting nge 'dzin du 'jug pa la mkhas pa dang / ting nge 'dzin gnas pa la mkhas pa dang / ting nge 'dzin las ldang ba la mkhas pa dang / ting nge 'dzin la mi rten pa dang / dmigs pa'i mtshan nyid la shin du mkhas pa dang / de bzhin nyid kyi mtshan nyid dmigs pa la mkhas pa'o/ /ting nge 'dzin thams cad kyi ro la'ang mkhas te/ ting nge 'dzin la dbang du gyur pas gzhan gyi dring la mi 'jog cing ting nge 'dzin kyi dbang du mi 'gyur te/ ting nge 'dzin las dbang dang mthu yang thob bo/ /ting nge 'dzin las dka' ba cung zad kyang med par 'dod pa bzhin du gang zag des de ltar ting nge 'dzin khyad par can du gyur pas na/ ting nge 'dzin gyi dbang po thob pa dang / ting nge 'dzin gyi dbang po sbyor ba thob pa zhes bya'o/ /'jig rten 'dzin de la ji ltar na byang chub sems dpa' sems dpa' chen po rnams shes rab kyi dbang po dang ldan pa dang / shes rab kyi dbang po sbyor ba thob pa zhe na/ byang chub sems dpa' sems dpa' chen po rnams shes rab kyi dbang po khong du chud cing rtogs pa ni 'di lta ste/ yang dag pa ji lta ba bzhin du sdug bsngal rnams 'gog par 'gyur ro/ /gang zag des de ltar shes rab kyi gnas dang shes rab kyi las khong du chud cing rtogs pas rtog pa las dben de rtog pa btang snyoms su gyur pas mya ngan las 'da' ba la rjes su gzhol ba'i shes rab yongs su rdzogs par 'gyur ro/ /shes rab kyi dbang po lhun gyis grub pas khams gsum 'di dag ni kun gcig tu 'bar bar shes so/ /khams gsum 'di dag ni thams cad kyang sdug bsngal ba ste shes rab de lta bus na khams gsum na mi gnas so/ /gang zag des de ltar khams gsum 'di dag thams cad kyis stong pa nyid de/ mtshan ma med pa/ smon pa med pa/ ma skyes pa/ mngon par 'dus ma byas pa/ ma byung ba/ 'dus byas kyi chos kyi lam las 'das pa/ sangs rgyas kyi chos phun sum tshogs par rtog</font><hr>55.63a<br><font size=+1>

pas mgo'i thod la me 'bar ba bzhin du brtson 'grus shin du rtsom mo/ /byang chub sems dpa' de'i shes rab ni gzhig nus pa med de/ shes rab de lta bu khong du chud pas khams gsum las shin du 'das te khams kyi dngos po la mi gnas so/ /'dus byas kyi chos thams cad yongs su bcad de/ rnam par chags pa dang bcings ba'i chos la mi gnas so/ /'dod pa'i rnam pa lnga la sems kyis skyo zhing gzugs yod pa dang gzugs med pa'i khams la mi gnas pas shes rab khyad par can dang ldan zhing rgya mtsho chen po ltar yon tan tshad med pa dang ldan no/ /shes rab des na chos thams cad kyi sbyor ba la thogs pa med par 'gyur ro/ /gang zag des de ltar shes rab kyi khams gsum khong du chud cing rtogs pas khams gsum la sems mi chags te shes rab khyad par can du gyur pas shes rab kyi dbang po dang / shes rab kyi sbyor ba thob pa zhes bya'o/ /'jig rten 'dzin ci'i phyir dbang po zhes bya zhe na/ mchog tu gyur pa'i phyir dbang po zhes bya/ mi g.yo ba'i phyir dbang po zhes bya/ mi shigs pa'i phyir dbang po zhes bya/ phyir mi ldog pa'i phyir dbang po zhes bya/ gzhan gyi dring mi 'jog pa'i phyir dbang po zhes bya/ mi 'phrogs pa'i phyir dbang po zhes bya/ yang dag pa'i chos la gzhol ba'i phyir dbang po zhes bya/ mi chags pa'i phyir dbang po zhes bya/ ma bral ba'i phyir dbang po zhes bya'o/ /gzhan yang 'jig rten 'dzin byang chub sems dpa' sems dpa' chen po rnams sems can rnams kyis dbang po la shin du mkhas pa'i dbang po rnams kyi khyad par slob pa la yang mkhas par byed do/ /byang chub sems dpas 'dod chags dang ldan pa'i sems kyi dbang po rnams kyang shes/ sems can 'dod chags dang bral ba'i dbang po yang shes/ sems can zhe sdang dang ldan pa'i dbang po yang shes/ sems can zhe sdang dang bral ba'i dbang po yang shes/ sems can gti mug dang ldan pa'i dbang po yang shes/ </font><hr>55.63b<br><font size=+1>

sems can gti mug dang bral ba'i dbang po yang shes/ sems can ngan song du ltung bar 'gyur ba'i dbang po yang shes/ sems can lhar skye ba dang mir skye ba'i dbang po yang shes/ sams can des pa'i sems can gyi dbang po yang shes/ sems can gyi dbang po rab dang / sems can gyi dbang po 'bring dang / sems can gyi dbang po tha ma yang shes/ sems can gyi dbang po nyams pa dang / sems can gyi dbang po ma nyams pa yang shes/ sems can brtson pa dang mi brtson pa'i dbang po yang shes/ sems can thabs la mkhas pa dang / thabs la mi mkhas pa yang shes/ sems can kha na ma tho ba dang bcas pa dang / kha na ma tho ba med pa dang / dri ma dang bcas pa dang / dri ma med pa dang / zhe sdang dang bcas pa dang / zhe sdang med pa dang / rjes su gzhol ba dang / rjes su mi gzhol ba dang / thogs pa dang bcas pa dang / thogs pa med pa la dbang po yang shes/ sems can gyis 'dod pa'i khams kyi 'du byed dang / gzugs yod pa'i khams dang / gzugs med pa'i khams kyi 'du byed kyi dbang po yang shes/ sems can gyi dge ba'i rtsa ba sdug pa dang / dge ba'i rtsa ba srab pa dang / nges pa dang / ma nges pa dang / log par nges pa'i dbang po yang shes/ sems can ser sna dang bcas pa dang / ser sna med pa dang / rgod pa dang / mi rgod pa dang / slu ba'i chos can dang / mi slu ba'i chos can dang / 'phyar ba dang / mi 'phyar ba dang / khro zhing mi bzod pa dang / des shing bzod pa dang / shin du ser sna dang bcas pa dang / sbyin pa dang ldan pa'i dbang po yang shes/ sems can gyi dad pa'i dbang po dang / ma dad pa'i dbang po dang / sti stang dang bcas pa dang / sti stang med pa dang / tshul khrims dang ldan pa dang / tshul khrims rnam par ma dag pa dang / bzod pa dang ldan pa dang / le lo dang bcas pa dang / brtson 'grus dang ldan pa dang / sems g.yeng ba dang / sems ting nge 'dzin la mnyam par 'jog pa dang / 'chal ba'i shes rab dang / shes rab ldan</font><hr>55.64a<br><font size=+1>

pa dang / glen pa dang / glen pa med pa dang / nga rgyal dang bcas pa dang / nga rgyal med pa dang / yang dag pa'i lam spyod pa dang / lam ngan pa spyod pa dang / dran pa nyams pa dang / dran pa dang ldan pa dang / blo dang ldan pa dang / dbang po 'khrugs pa dang / dbang po sdud pa dang / dbang po nyams pa dang / dbang po ma nyams pa dang / dbang po ma dag pa dang / dbang po dag pa dang / theg pa chung ngu'i dbang po dang / rang sangs rgyas kyi dbang po dang / byang chub sems dpa'i dbang po dang / bla na med pa'i byang chub kyi dbang po yang shes so/ /byang chub sems dpa' des de ltar dbang po'i khyad par dang sbyor ba las shin du 'das pas sems can de dag gi dbang po'i khyad par rnam par 'byed pa la mkhas pa zhes bya'o/ /shes rab kyis gzhan gyi dring la mi 'jog pa'i phyir dbang po'i sbyor ba thob pa zhes bya'o/ /gzhan gyis mi 'phrogs pa zhes bya/ mi shigs pa zhes bya phyir mi ldog pa zhes bya/ sbyor ba zhes bya/ stobs thob pa zhes bya/ dbang po la 'jug pa zhes bya lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa la sogs pa'i dbang po thob pa zhes bya/ dbang po mchog thob pa zhes bya/ mi 'jigs mi g.yo ba thob pa zhes bya/ pha rol du phyin pa zhes bya/ tshad med pa'i yon tan lhun gyis grub pa zhes bya ste/ chos thams cad la mthu dang dbang myur du thob par 'gyur ro/ /dbang po lnga zhes bya ba'i le'u ste bdun no// // 'jig rten 'dzin ces bya ba'i mdo bam po bzhi pa ste tha ma/ 'jig rten 'dzin gzhan yang ji ltar na byang chub sems dpa' sems dpa' chen po rnams 'phags pa'i lam la mkhas pa zhe na/ byang chub sems dpa' sems dpa' chen po rnams 'phags pa'i lam la bde bar gnas pa dag gi lam zhes bya ba gang zhe na/ 'di lta ste/ 'phags pa'i lam brgyad de/ de dag kyang yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha'</font><hr>55.64b<br><font size=+1>

dang yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /'jig rten 'dzin de la byang chub sems dpa' sems dpa' chen po rnams 'phags pa'i lam gyi yan lag brgyad po la spyod pa ni gang 'phags pa'i lam gyi yan lag brgyad po la sbyor ba thob pa gang zhe na/ byang chub sems dpa' sems dpa' chen po rnams yang dag pa'i lta bar gyur pas yang dag par lta ba la bde bar gnas te/ lta ba thams cad yongs su gcad pa'i phyir lam la nan tan du byed de/ lta ba thams cad yongs su gcad pa'i phyir lam la bde bar gnas shing mya ngan las 'das par lta ba dang / sangs rgyas su lta ba'i bar du yang yongs su gcod do/ /de ci'i phyir zhe na/ 'jig rten 'dzin ji tsam du lta bar gyur pa thams cad ni mya ngan las 'da' bar lta ba dang / sangs rgyas su lta ba'i bar du thams cad kyang ngan par lta ba ste/ lta ba la chags pa thams cad yongs su 'jig cing gzhom pa'i phyir yang dag par lta ba zhes bya'o/ /gzhan yang lta ba med cing lta bar mi len pa dang / mi sems pa dang / mi chags pa dang / mi dmigs pa dang / mi spyod pa dang / lta ba thams cad du rnam par mi rtog pa ni yang dag par lta ba zhes bya'o/ /yang dag par lta ba des ci mthong zhe na/ 'jig rten 'di dag thams cad yang dag pa ma yin pa'i phyin ci log tu lta bas yongs su bcings par mthong ngo / /de ltar mthong ba'i tshe na lta ba thams cad yongs su gcad pa la bde bar gnas pa zhes bya'o/ /yang dag par lta ba de nyid la yang mi sems/ mi lta/ mi chags/ rnam par mi rtog ste/ mya ngan las 'das par lta ba dang / sangs rgyas su lta ba'i bar du med pa ni lta ba thams cad mi skyed pa la nan tan byed pa'i phyir ro/ /de la ji ltar na yang dag par lta bas chos thams cad rab tu zhi ba dang / rang bzhin gyis mi skye mi 'gog cing mya ngan las 'das pa dang mthun pa gang zhe na/ 'di ltar mi rtog pa dang rnam par mi rtog pa'i chos thams cad la mi rtog rnam par mi rtog mngon sum du byed pa</font><hr>55.65a<br><font size=+1>

yang ma yin/ mi mtho/ mi dma'/ mi len mi gtong ba ste/ de ni 'jig rten las 'das pa'i yang dag par lta ba zhes bya'o/ /de la ji ltar na 'jig rten las 'das pa'i yang dag par lta ba gang zhe na/ gang 'jig rten du yang mi dmigs/ 'jig rten las 'das par yang mi dmigs/ 'jig rten las rgal bar yang mi dmigs te rnam par mi rtog pas na 'jig rten las 'das pa'i yang dag par lta ba zhes bya'o/ /gzhan yang yang dag par lta ba zhes bya ba ni 'jig rten la ji ltar shes pa dang mthong ba ltar 'jig rten las 'das pa yang de bzhin te/ gang 'jig rten dang / gang 'jig rten las 'das par yang rnam par mi rtog cing rnam par rtog pa'i 'du shes thams cad yongs su gcad pa'i phyir 'jig rten las 'das pa'i yang dag par lta ba zhes bya'o/ /gang zhig ngan par yang mi lta la/ yang dag par yang mi lta zhing sems kyis rtog pa thams cad yongs su bcad pa ni yang dag par lta ba zhes bya'o/ /gzhan yang yang dag par lta ba ni chos thams cad la khyad par med pa ni yang dag par lta ba zhes bya'o/ /gzhan yang yang dag par lta ba ni yang dag pa ji lta ba bzhin du ngan par lta ba'i don shes pa'o/ /gzhan yang yang dag par lta ba ni ngan par lta ba thams cad mnyam pa nyid du rtogs pa ste/ de dag ni byang chub sems dpa' rnams yang dag par lta ba bde bar gnas pa zhes bya'o/ /'jig rten 'dzin byang chub sems dpa' sems dpa' chen po rnams yang dag par lta ba la bde bar gnas nas yang dag pa ji lta ba bzhin du yang dag pa'i rtog pa shes te/ de 'di snyam du ji tsam du rtog par gyur pa thams cad log pa yin pas mya ngan 'das par rtog pa 'am/ sangs rgyas su rtog pa'i bar du thams cad ngan par rtog pa'o snyam du sems so/ /de ci'i phyir zhe na/ rnam par rtog pa yongs su bcad pa ni yang dag par rtog pa zhes bya'o/ /rnam par mi rtog pa ni yang dag par rtog pa'o/ /rnam par rtog pa dang bcas pa ni rnam par rtog</font><hr>55.65b<br><font size=+1>

pa'o de ci'i phyir zhe na/ de ltar rtog pa thams cad kyi mtshan nyid mthong zhing shes pas na ngan par rtog pa med de/ gang zag de ni 'di 'am gzhan zhes rnam par rtog par mi 'gyur ro/ /de ltar yang dag pa'i rtog pa la gnas pas na yang dag par rtog pa 'am ngan par yang rnam par mi rtog ste/ de ltar rnam par rtog pa thams cad dang bral bas rnam par rtog pa las 'das te yang dag pa'i rtog pa zhes bya'o/ /yang dag par rtog pa zhes bya ba ni rnam par rtog pa thams cad las yang dag pa ma yin pa/ mi bden pa/ phyin ci log las byung bar mthong zhing shes te/ rnam par rtog pa thams cad la rnam par mi rtog go/ /de ltar yang dag par rtog pa las gnas nas yang dag pa 'am ngan par rtog pa la mi dmigs te/ rnam par rtog pa dang bral ba/ rnam par rtog pa las 'das pa/ rnam par rtog pa yongs su bcad pas na yang dag par rtog pa zhes bya'o/ /de ltar de'i tshe na rnam par rtog pa thams cad kyis ma bcings te/ rnam par rtog pa thams cad kyi rang bzhin mnyam par shes shing mthong ba ni yang dag par rtog pa las gnas pa zhes bya'o/ /'jig rten 'dzin byang chub sems dpa' sems dpa' chen po rnams yang dag pa'i ngag la rtsom pa ni ji snyed kyi tshig tu smra ba thams cad yang dag pa ma yin pa/ mi bden pa/ phyin ci log las byung ba/ log par brtags pa/ rgyu dang rkyen mang po las byung bar shes nas 'di snyam du ji tsam du tshig tu smra ba nyid la dmigs su med de/ tshig thams cad 'gags nas yang dag pa ji lta ba bzhin du ngag gi las thams cad shes pa ni yang dag pa'i ngag ces bya'o/ /tshig tu smra ba'i ngag de nyid kyang gang nas kyang ma 'ongs la gang du yang mi 'gro ba mthong na yang dag pa'i ngag ces bya'o/ /de ltar de'i tshe na yang dag pa'i mtshan nyid la bde bar gnas pas ji tsam du tshig tu smra ba thams cad yang dag pa'i ngag ces bya'o/ /de bas na yang dag pa'i ngag la bde bar gnas na don dam pa'i rnam par dag pa'i ngag gi las</font><hr>55.66a<br><font size=+1>

la gnas pa zhes bya ste/ ngag gi las kyi mtshan nyid shes shing mthong ba dang / tshig tu smra ba'i ngag thams cad khong du chud cing tshig tu smra ba thams cad 'khrul pa med pas de bas na yang dag pa'i ngag la gnas pa zhes bya'o/ /'jig rten 'dzin byang chub sems dpa' sems dpa' chen po rnams las thams cad la ngan pa log pa'i las su shes so/ /las thams cad la yang dag pa ma yin pa/ ci yang med pa/ mngon par 'dus ma byas pa/ ma byung bar shes so/ /de ci'i phyir zhe na/ las thams cad la nges pa'i mtshan nyid med de/ las thams cad 'gog pa'i phyir yang dag pa'i las shes so/ /yang dag pa'i las shes bya ba ni las ngan pa 'am las yang dag par rnam par mi rtog go/ /las rnams kyi mnyam pa nyid la zhugs pas log pa 'am yang dag par rnam par mi rtog pas de'i phyir yang dag pa'i las shes bya'o/ /yang dag pa'i las shes bya ba ni khams gsum la ma chags pa'i don yang dag pa'i ji lta ba bzhin du shes shing mthong ba'i don to/ /yang dag pa'i de kho na nyid la mnyam pa nyid du gyur pas yang dag pa'am log par mi rtog go/ /byang chub sems dpa' de ltar yang dag pa'i las la yang dag pa ji lta ba bzhin du las thams cad shes shing mthong ba'i phyir chos thams cad mi len/ mi mthong ste de bas na yang dag pa'i las kyi mtha' la nan tan byed pa zhes bya'o/ /yang dag pa'i las la las ngan pa med de yang dag pa ji lta ba bzhin du shes shing mthong bas yang dag pa'i las kyi mtha' la gnas pa zhes bya'o/ /'jig rten 'dzin byang chub sems dpa' sems dpa' chen po rnams 'tsho ba thams cad la log pa'i 'tsho bar shin tu shes so/ /de ci'i phyir zhe na/ ji tsam du 'tsho ba'i mtshan ma dang / chos kyi mtshan ma dang / len pa'i mtshan ma nas mya ngan las 'da' ba'i mtshan ma dang sangs rgyas kyi mtshan ma'i bar dang / rnam par dag pa dang sangs</font><hr>55.66b<br><font size=+1>

rgyas su mtshan mar 'dzin te/ de la tshor ba rnam par dag par 'dzin na log par 'tsho ba zhes bya'o/ /yang dag par 'tsho ba ni 'tsho ba'i yo byad la chags pa thams cad btang ste tshong dpogs kyang yongs su bcad nas rtog pa med cing spros pa med la spros pa thams cad las 'das pa ni yang dag pa'i 'tsho ba zhes bya'o/ /yang dag pa'i 'tsho ba la ngan pa'i 'tsho ba 'am/ yang dag pa'i 'tsho bar rnam par mi rtog pa ni thams cad du rnam par dag pa'i 'tsho ba 'thob par 'gyur bas de bas na rnam par dag pa'i yang dag pa'i 'tsho ba thob pa zhes bya'o/ /gzhan yang 'tsho ba thams cad ni kun kyang ma skyes pas log pa 'am yang dag pa med de/ gang zag de ni rnam par dag pa'i 'tsho ba thob cing yang dag pa'i lam la bde bar gnas pa spros pa med pa'o/ /yang dag pa'i 'tsho ba de la gnas pas yang dag pa'i 'tsho ba mi len log par 'tsho ba mi spong ste/ de bas na yang dag pa'i 'tsho ba la gnas pa zhes bya'o/ /gang de'i tshe de ltar gyur pa ni yang dag pa la gnas pa zhes kyang mi bya/ ngan pa la gnas pa zhes kyang mi bya ste/ rnam par dag pa mnyam pa nyid kyi 'tsho ba thob ste/ 'tsho ba'i mtshan ma dang bral bas g.yo ba med/ mngon par 'du bya ba med/ 'tsho bar mi tog /'tsho ba ma yin par mi rtog go/ /de ni yang dag pa ji lta ba bzhin du shes pa dang yang dag pa ji lta ba bzhin du mthong ba ste/ de bas na yang dag pa'i 'tsho ba la gnas pa zhes bya'o/ /'jig rten 'dzin de la byang chub sems dpa' sems dpa' chen po rnams yang dag pa'i rtsol ba la mkhas pa ni gang / byang chub sems dpa' sems dpa' chen po rnams yang dag pa'i rtsol ba la gnas pa ni gang zhe na/ byang chub sems dpa' rnams brtson 'grus kyi laM thams cad gcod pa'i phyir yang dag pa'i rtsol ba la gnas pa zhes bya'o/ /de ci'i phyir zhe na/ rtsol ba thams cad ni</font><hr>55.67a<br><font size=+1>

kun kyang log pa ste/ ji tsam du bskyed pa dang / byed pa dang / spyod pa thams cad kyang log pa'o/ /de ci'i phyir zhe na/ chos thams cad ni byed pa log pa las byas par yod par gyur te thams cad yang dag pa ma yin na/ yang dag pa ma yin pas na log pa'o/ /yang dag pa'i rtsol ba zhes bya ba ni bskyed pa med/ byas pa med/ spyod pa med/ smon pa med de/ chos thams cad la byas pa yongs su bcad pa'o/ /byang chub sems dpa' chos thams cad la byed pa yongs su bcad pas mya ngan las 'das pa'i mtshan ma'am/ sangs rgyas kyi mtshan ma'i bar du yang byed pa'i mtshan ma mi skyed do/ /de ltar bya ba thams cad la yang dag pa ma yin par shes pas bya ba med pa'i phyir rnal 'byor du spyod do/ /gang yang dag pa'i rtsol ba la ni mngon par 'du bya ba med de/ chos thams cad mnyam pa/ khyad par med pa/ mngon par 'du bya ba med pa/ mngon par 'du byed pa'i mtshan ma la shin du 'das so/ /byang chub sems dpas de ltar brtson 'grus la brtson 'grus ma yin par shes te/ mi len mi gtong bas yang dag pa'i rtsol ba la gnas pa zhes bya'o/ /yang dag pa'i rtsol ba ni brtson 'grus la dmigs su med pa'i don to/ /chos rnams la yang dag pa ji lta ba bzhin du shes shing mthong ba'i don to/ /gang de ltar yang dag pa'i rtsol ba mthong ba ni yang dag pa'i rtsol ba'am log pa'i rtsol bar rnam par mi rtog ste/ de bas na yang dag pa'i brtson 'grus shes bya'o/ /'jin rten 'dzin de la ji ltar na byang chub sems dpa' sems dpa' chen po rnams yang dag pa'i dran pa la mkhas pa zhe na/ byang chub sems dpa' sems dpa' chen po rnams dran pa thams cad dran pa log par shes so/ /ji tsam du dran pa nye bar gzhag pa thams cad dran pa log pa'o/ /de ci'i phyir zhe na/ dran pa thams cad ni dran pa log pa ste/ gal te gnas la dmigs nas dran pa skyed na yang dran pa log pa ste/ gang sems pa dang dran pa</font><hr>55.67b<br><font size=+1>

med pa ni yang dag pa'i dran pa zhes bya'o/ /de ci'i phyir zhe na/ dran pa thams cad ni yang dag pa ma yin par log par dmigs pa'i rkyen las byung bas na de'i phyir ji tsam du dran pa skye bar gnas de thams cad log pa'o/ /dmigs pa'i gnas mi skye mi 'gog pa ni yang dag pa'i dran pa zhes bya'o/ /gang dran pa'i las 'byung ba'i gnas med pa ni rnam par dag pa'i dran pa la bde bar gnas pa zhes bya ste/ de la ni dran pa log par 'byung ba'i gnas med do/ /da ltar chos thams cad log par shes shing mthong bas yang dag pa'i chos la dran pa med de/ de'i phyir na yang dag pa'i dran pa la gnas pa zhes bya'o/ /yang dag pa'i dran pa zhes bya ba ni chos thams cad ni log pa'i dran pa dang yang dag pa'i dran pa rnam par mi 'byed pa'o/ /de ltar dran pa thams cad la dran pa'i mtshan ma med par khong du chud cing rtogs pas rtag tu btang snyoms kyi sems drug spyod de/ de'i phyir na yang dag pa'i dran pa dang gnas pa zhes bya'o/ /de ltar de la chags shing zhen pa med pas dran pa med par yang rnam par mi rtog go/ /chos thams cad la dran pa thams cad mnyam pa nyid du rtogs so/ /de ltar yang dag pa ji lta ba bzhin du dran pa thams cad shes shing mthong bas dran pa 'am dran pa ma yin par mi len/ mi gtong ste/ de bas na yang dag pa'i dran pa la gnas pa zhes bya'o/ /de ltar dran pa des mnyam pa 'am mi mnyam pa nyid du yang rnam par mi 'byed la/ dran pa dang dran pa ma yin pa la'ang mi 'jug mi dmigs so/ /de ltar mi dmigs pas dran pa thams cad la dran pa ma yin par shes te/ dran pa dang dran pa ma yin pa la sems mi byed do/ /de ltar des yang dag pa'i dran pa la gnas pas bstan du med/ brjod du med/ tshig tu smra ba'i lam thams cad bcad pa/ tshig tu smra ba'i lam thams cad dang bral ba'o/ /yang dag pa ji lta ba bzhin tshig tu smra ba thams cad shes pas bdag gam gzhan du rnam par mi 'byed do/ /de bas na yang dag pa'i dran pa la gnas pa zhes bya'o/ /</font><hr>55.68a<br><font size=+1>

'jig rten 'dzin de la ji ltar na byang chub sems dpa' sems dpa' chen po rnams yang dag pa'i ting nge 'dzin la gnas pa zhe na/ byang chub sems dpa' sems dpa' chen po rnams ting nge 'dzin thams cad la log pa'i ting nge 'dzin du rtogs so/ /de ci'i phyir zhe na/ ji tsam du chos thams cad la ting nge 'dzin du mi dmigs pa la zhugs pa las ting nge 'dzin la mtshan mar shes/ ting nge 'dzin gyi dga' ba la 'jug pas ting nge 'dzin kyi mtshan ma thams cad log pa'o/ /log pa ni chags pa'i don yin gyi de ni ting nge 'dzin kyi de lta ma yin no/ /ji ltar dmigs pa la zhugs pa'i mtshan ma nyid log pa'i mtshan ma med cing re ba med/ spros pa med/ rtog pa med pa ni ting nge 'dzin ces bya'o/ /gal te chags shing zhen pa med na bdag gam gzhan du rnam par mi rtog ste/ chags pa'i dga' ba bcad nas ting nge 'dzin gyi ro la mi len cing ting nge 'dzin tu 'jug pa'i mtshan ma bcad de sems ci la yang mi gnas pa ni yang dag pa'i ting nge 'dzin ces bya'o/ /gzhan yang yang dag pa'i ting nge 'dzin ces bya ba ni ting nge 'dzin thams cad la mi gnas shing spros pa med pa la yang dag pa ji lta ba bzhin du chos kyi ngo bo nyid rtogs pas ting nge 'dzin kyi mtshan nyid la shin du mkhas shing sems ci la'ang mi chags pa'o/ /bdag dang gzhan du rtog pa'i lam gcod cing ji skad du smra ba la yang rnam par mi rtog la rnam par rtog pa thams cad bcad pa'i phyir yang dag pa'i ting nge 'dzin ces bya'o/ /gzhan yang yang dag pa'i ting nge 'dzin ces bya ba ni ting nge 'dzin log pa 'am yang dag pa'i 'du shes mi skyed cing 'du shes thams cad bcom pa/ 'du shes thams cad bcad pa/ 'du shes thams cad 'gags pa'i phyir yang dag pa'i ting nge 'dzin ces bya'o/ /yang dag pa'i ting nge 'dzin ces bya ba ni log pa 'am yang dag pa mi skyed la/ log pa 'am yang dag par rnam par mi 'byed pa ni yang dag pa'i ting nge</font><hr>55.68b<br><font size=+1>

'dzin ces bya'o/ /de ci'i phyir zha na/ byang chub sems dpa' ting nge 'dzin du sbyor ba thams cad khong du chud cing yang dag pa'i ting nge 'dzin la gnas pas ting nge 'dzin nam ting nge 'dzin kyi mtshan mas 'ching bar mi 'gyur te/ ting nge 'dzin kyi mtshan ma la shin du 'das pas yang dag pa'i ting nge 'dzin la gnas pa zhes bya'o/ /gzhan yang chos thams cad la spros pa med cing mnyam pa'i chos la log pa 'am yang dag par spros pa med do/ /yang dag pa'i ting nge 'dzin ni chos thams cad mnyam pa'i don to/ /yang dag pa'i ting nge 'dzin ni ting nge 'dzin thams cad dang khams gsum gyi 'dus byas kyi chos thams cad las shin tu 'das pa yang dag pa ji lta ba bzhin du lam rgyud lngar 'khor ba thams cad shes shing mthong ba'i don to/ /'jig rten 'dzin de ltar na byang chub sems dpa' sems dpa' chen po rnams 'phags pa'i lam la mkhas pa dang / lam gyi sbyor ba la mkhas pa ste/ de ltar yang dag pa ji lta ba bzhin du shes shing mthong bas mya ngan las 'das pa'i bar du phyin par 'gyur ro/ /'phags pa'i lam yan lag brgyad ces bya ba'i le'u ste brgyad do// // 'jig rten 'dzin de la byang chub sems dpa' sems dpa' chen po rnams 'jig rten dang 'jig rten las 'das pa'i chos la mkhas pa ni gang / 'jig rten dang 'jin rten las 'das pa'i chos la sbyor ba thob pa ni gang zhe na/ 'jig rten 'dzin byang chub sems dpa' sems dpa' chen po rnams 'jig rten dang 'jig rten las 'das pa'i chos yang dag pa nyid du rtogs so/ /de la 'jig rten gyi chos gang zhe na/ byang chub sems dpa' 'di snyam du ji tsam du chos la rtog pa dang rnam par rtog pa ni phyin ci log las skyes te rgyu dang rkyen kyis bskyed pas yang dag pa ma yin pa la rag lus so/ /mtshan ma gnyis las byung bas stong pa ci yang med pa ni nya phyis la snang ba'i kha dog sna tshogs dang me 'gal bskor ba lta bu ste bus pa so so'i skye bo dag slu ba'o/ /'jig cing</font><hr>55.69a<br><font size=+1>

nyams pa'i chos can las bla dgas su 'jig rten ces btags pa ste de la 'jig rten zhes bya'o/ /'jig rten gyi chos 'di dag ni thams cad bden pa ma yin te/ yang dag pa ma yin pa'i rkyen las skyes par byas pa dang byung ba'i mtshan nyid med de/ phung po dang / khams dang / skye mched dang / gzugs dang / sgra dang / dri dang / ro dang / reg dang / chos la btags te ming dang gzugs kyi phyir bshad do/ /bus pa so so'i skye bo sems chags shing zhen pas rnam pa sna tshogs kyi rjes su chags shing zhen pa ni kha tshar dar 'dzings pa 'am/ rtswa khri shing glags pa gcig la gcig 'brel ba lta bu ste phyin ci log dang ldan pa rjes su 'jig rten gyi chos shes brjod do/ /de la 'jig rten las 'das pa'i chos gang zhe na/ ji ltar 'jig rten gyi chos thogs ma nas yang dag pa ji lta ba bzhin du dben pa ni 'jig rten las 'das pa zhes bya'o/ /de ci'i phyir zhe na/ mkhas pa dag ni 'jig rten gyi chos kyis dmigs su med/ 'jig rten las 'das pa'i chos kyang dmigs su med de/ 'jig rten dang 'jig rten las 'das pa'i gnas kyang dmigs su med do/ /de la 'jig rten dang 'jig rten las 'das pa yang rnam par brtag tu med de/ 'jig rten kyi phyir 'jig rten las 'das pa zhes brjid kyi 'jig rten gyi yang dag pa'i mtshan nyid ni 'jig rten las 'das pa'o/ /de ci'i phyir zhe na/ 'jig rten zhes bya ba la nges pa'i mtshan nyid du dmyigs su med do/ /'jig rten dang / 'jig rten las 'das pa'i mtshan nyid ni thog ma nas stong pa nyid de 'jig rten gyi chos la nges pa'i mtshan nyid med pa'i phyir ro/ /'jig rten ni thog ma nas rab tu zhi ba'i mtshan nyid do/ /byang chub sems dpas de ltar 'jig rten dang 'jig rten las 'das pa'i chos la dmigs su med par rtog pas 'jig rten gyi chos la yang mi chags/ 'jig rten las 'das pa la yang mi chags so/ /de ltar 'jig rten dang 'jig rten las 'das pa'i chos la mi rton cing mi chags pas 'jig rten dang rtsod par</font><hr>55.69b<br><font size=+1>

mi 'gyur ro/ /de ci'i phyir zhe na/ mkhas pa dag ni 'jig rten la yang dag pa ma yin pa'i mtshan nyid khong du chud cing rtogs so/ /'jig rten la yang dag pa ma yin par mthong bas 'jig rten nam 'jig rten las 'das par mi rtog go/ /de ci'i phyir zhe na/ 'jig rten 'dzin 'jig rten zhes bya ba ni nye bar len pa'i phung po lnga'i don to/ /'jig rten gyi chos thams cad der ma 'dus pa med de mkhas pa dag gis brtags na phung po med de/ phung pos phung por mi dmigs/ phung po'i rang bzhin du mi dmigs/ phung po 'ongs pa'i gnas dmigs su med/ 'dug pa'i gnas kyang dmigs su med/ song ba'i gnas kyang dmigs su med de/ phung po lnga dang / skye mched bcu gnyis dang / khams bcwa brgyad kyang dmigs su med/ rnam par brtag tu med/ ming med/ rang bzhin med/ mtshan nyid med spyod du med pas 'jig rten las 'das pa zhes bya'o/ /'jig rten 'dzin byang chub sems dpa' sems dpa' chen po rnams 'jig rten dang 'jig rten las 'das pa'i chos yongs su rtog pa'i tshe 'jig rten gyi chos rnams 'jig rten las 'das pa'i chos dang lhan cig pa ma yin/ 'jig rten las 'das pa'i chos kyang 'jig rten gyi chos dang bral ba ma yin/ de ltar gang zag des de ltar 'jig rten dang ma bral bar 'jig rten las 'das pa'i chos kyang mthong ngo / /'jig rten las 'das pa'i chos dang ma bral bar 'jig rten gyi chos rnams kyang mthong ngo / /de ltar gang zag des spyod pa rnam pa gnyis la mi dmigs pa ni 'di lta ste/ 'jig rten dang 'jig rten las 'das pa'o/ /de ci'i phyir zhe na/ 'jig rten 'dzin 'jig rten gyi yang dag pa'i mtshan nyid ni 'jig rten las 'das pa'o/ /'jig rten la 'jig rten gyi mtshan nyid dmigs su med/ 'jig rten gyi chos la 'jig rten gyi chos dmigs su med de/ de ltar ci yang med pas chos de rtogs shing</font><hr>55.70a<br><font size=+1>

khong du chud pa na 'jig rten las 'das pa zhes bya'o/ /'jig rten 'dzin ci ste 'jig rten zhes bya ba 'jig rten las 'das pa dang tha dad pa ma yin na sangs rgyas bcom ldan 'das 'jig ten du yang mi 'byung la/ de bzhin gshegs pas 'jig rten thams cad dmigs pa med par yang mi gsung ngo / /'jig rten thams cad ni ma skyes pas yang dag pa ji lta ba bzhin du 'jig rten thams cad shes shing mthong ngo / /'jig rten 'dzin gang 'jig rten du mi dmigs shing 'jig rten la mi 'jug pa de ni 'jig rten las 'das pa'o/ /de bas na 'di ltar shes par bya ste/ yang dag pa ji lta ba bzhin du 'jig rten rtogs shing 'jig rten dmigs su med par khong du chud pas 'jig rten las 'das pa zhes bya'o/ /de bas na sangs rgyas bcom ldan 'das 'jig rten du byung ngo / /ji tsam du chos su gtogs pa 'jig rten nam 'jig rten las 'das pa thams cad mi gnyis pa dbyer med par yang dag pa ji lta ba bzhin du shes shing mthong bas 'jig rten las 'das pa'i chos shes gsungs so/ /'jig rten 'dzin de ltar 'jig rten ni shin du zab cing gting dpag dka' ba'o/ /'jig rten gyi chos la gnas pa dang / 'jig rten gyi chos la dmigs pa dang / 'jig rten las 'das pa'i chos la re ba dang / kun rdzob tu smra ba'i tshig la don dam pa'i mtshan nyid du dmigs pa dang / chos gnyis la gnas pa ni chos 'di la 'bab cing 'jug par mi 'gyur ro/ /de ci'i phyir zhe na/ de ltar gang zag de ni 'jig rten mi shes/ 'jig rten las 'das pa mi shes te chos rnam pa gnyis spyod pa'o/ /'jig rten 'dzin chos rnam pa gnyis spyod pa na 'jig rten dang 'jig rten las 'das pa chud cing rtogs par mi 'gyur ro/ /'jig rten 'dzin byang chub sems dpa' sems dpa' chen po rnams de ltar 'jig rten dang 'jig rten las 'das pa'i chos la shin du mkhas pa dang / 'jig rten dang 'jig rten las 'das pa'i chos kyi sbyor ba yang thob pa'o/ /'jig rten dang 'jig rten las 'das</font><hr>55.70b<br><font size=+1>

pa'i chos shes bya ba'i le'u ste dgu pa'o// // 'jig rten 'dzin de la byang chub sems dpa' sems dpa' chen po 'dus byas dang 'dus ma byas pas chos la shin du mkhas pa ni gang / 'dus byas dang 'dus ma byas pa'i chos kyi sbyor ba thob pa ni gang zhe na/ 'jig rten 'dzin byang chub sems dpa' sems dpa' chen po rnams 'dus byas dang 'dus ma byas pa'i chos rnams rnam par 'byed cing yang dag par rtog go/ /de la ji ltar na 'dus byas kyi chos la rnam par 'byed cing yang dag par rtog pa zhe na/ 'dus byas kyi chos ni mngon par 'dus pa ste tshor ba med/ 'dus byas kyi chos ni rang skyes shing rang bgrang pa 'grangs su gtogs pas 'dus byas kyi chos shes bya'o/ /'dus byas kyi chos ni yang dag pa ma yin pa'i rgyu dang rkyen 'dus pa'i 'du byed kyi dbang gis so/ /'du byed ces bya ba ni bgrang ba'i grangs su gtogs shing mtshan nyid gnyis kyi rkyen gyis shes pa'i phyir 'dus byas kyi chos shes btags so/ /'dus byas kyi chos de ni byas pa med/ byed pa med kyi rang skyes pas bskyed pa yang med do/ /de bas na 'dus byas kyi chos shes bya'o/ /'dus byas kyi chos rnams ni nang na mi gnas/ phyi rol na ma gnas/ gnyi ga'i bar na mi gnas/ gcig pa ma yin/ tha dad pa ma yin te/ yang dag pa ma yin pa'i kun tu brtags pa las byung ngo / /ma rig pa'i dbang gis byung gis yod par ma yin te/ 'du byed kyi mthus spyod pa yod kyang byas pa med/ byung ba med pas 'dus byas shes bya'o/ /'dus byas shes bya ba ni mtshan mas bcings pa'i don te/ bus pa ma rabs phyin ci log la chags pa'i phyir bshad do/ /mkhas pa dag shin du chud cing rtogs pa ni 'dus byas kyi chos su mi dmigs/ 'dus byas kyi chos su rtogs par mi dmigs so/ /mkhas pa dag ni grangs su mi bgrang ba'i phyir 'dus byas kyi chos shes bya'o/ /de ci'i phyir zhe na/ mkhas pa dag 'dus byas kyi rnam pa de la ji ltar na chud cing rtogs pa zhe na/ mkhas pa dag ni 'dus byas kyi chos thams cad yang dag pa ma</font><hr>55.71a<br><font size=+1>

yin pa dngos po med cing rnam par bcings pa med de bgrang ba'i grangs su mi rtogs par blta'o/ /de ltar yongs su rtog pa'i tshe 'dus byas kyi chos la yang mi chags/ 'dus byas kyi chos su yang mi len to/ /de ci'i phyir zhe na/ 'jig rten 'dzin 'dus byas kyi chos las gzhan pa 'dus ma byas pa'i chos yod pa 'am/ 'dus ma byas kyi chos las gzhan pa 'dus byas kyi chos yod pa ma yin te/ 'dus byas kyi de kho na'i mtshan nyid de ni 'dus ma byas pa'o/ /de ci'i phyir zhe na/ 'dus byas kyi nang na 'dus byas pa med/ 'dus ma byas kyi nang na 'dus ma byas pa med kyi skye bo phyin ci log tu gyur pa dag gis 'dus byas kyi mtshan nyid shes shing mthong bar bya ba'i phyir 'di ni 'dus byas pa'o/ /'di ni 'dus ma byas pa'o/ /'di ni 'dus byas kyi mtshan nyid do/ /'di ni 'dus ma byas pa'i mtshan nyid do zhes rnam par phye ste bshad do/ /de la 'dus byas kyi mtshan nyid ces bya ba gang zhe na/ 'di lta ste/ skye ba dang / 'gog pa dang / gnas pa dang / 'pho ba'o/ /de la 'dus ma byas pa'i mtshan nyid ces bya ba gang zhe na/ 'di lta ste/ mi skye ba dang / mi 'gog pa dang / mi gnas pa dang / mi 'pho ba'o/ /de ltar 'dus byas kyi mtshan nyid dang / 'dus ma byas pa'i mtshan nyid kyang bus pa so so'i skye bo dag bkri ba'i don du gsungs so/ /'jig rten 'dzin 'dus byas kyi chos ni ma skyes pa'i mtshan nyid/ mi 'gog pa'i mtshan nyid/ mi gnas pa dang mi 'pho ba'i mtshan nyid do/ /gnas pa dang 'pho bar gsungs pa yang mtshan ma med cing skye ba med do/ /gal te 'dus ma byas kyi chos la mtshan nyid gsum du yod par nges na ni bcom ldan 'das kyis 'di dag ni skye ba'i mtshan nyid/ 'di dag ni 'gog pa'i mtshan nyid/ 'di dag ni gnas pa dang / 'pho ba'i mtshan nyid do/ /zhes gcig tu chad par gsungs pa'i rigs na/ 'jig rten 'dzin de bzhin gshegs pas ni chos thams cad mtshan ma med par gsungs so/ /'jig rten 'dzin ma skyes pa la gal te mtshan ma yod dam/ mi 'gog pa la gal te mtshan ma yod dam/ mi gnas pa dang mi 'pho ba la gal te mtshan ma</font><hr>55.71b<br><font size=+1>

yod na bcom ldan 'das kyis kyang 'dus ma byas pa yang nges par mtshan ma yod ces gsungs par 'gyur ro/ /'jig rten 'dzin ci ste 'dus ma byas pa la mtshan ma yod na de ni 'dus ma byas pa ma yin no/ /mtshan ma can du bshad pa dang / bus pa so so'i skye bo dag chos la grangs su gcod pa dag ni 'dus byas la mtshan nyid gsum du gsungs te/ skye ba dang / 'gog pa dang / gnas shing 'pho ba'o/ /'dus ma byas pa'i mtshan nyid gsum ni ma skyes pa dang / mi 'gog pa dang / gnas pa dang / 'pho ba med pa'o/ /'jig rten 'dzin skyes bu la las 'dus byas dang 'dus ma byas pa'i chos chud cing rtogs na skyes bu de la ni skye ba dang / 'gog pa dang / gnas shing 'pho ba med de de bas na 'dus ma byas thob pa zhes bya'o/ /'jig rten 'dzin skye ba dang 'gog pa ni kun 'byung 'bying ba'i don shes shing mthong ba yin no/ /chos la kun 'byung med na 'bying ba med do/ /kun 'byung ma skyes na phyir ldog pa med de gnas shing 'pho ba yang med do/ /'jig rten 'dzin de dag ni 'dus byas kyi de kho na nyid yang dag pa ji lta ba bzhin du mthong zhing shes pa zhes bya'o/ /gang gis de ltar yang dag pa ji lta ba bzhin du shes shing mthong bas skye ba dang / 'gog pa dang / gnas shing 'pho ba'i grangs su mi ltung ngo / /byang chub sems dpas de ltar 'dus byas dang 'dus ma byas pa'i chos la 'di snyam du 'dus byas kyi chos dang 'dus ma byas pa'i chos dang lhan cig par mi lta/ 'dus ma byas pa'i chos kyang 'dus byas kyi chos dang lhan cig par mi lta'o snyam du bsams nas/ yang 'di snyam du 'dus byas kyi chos kyi de kho na'i mtshan nyid ni 'dus ma byas pa nyid do snyam sems shing rnam par mi rtog go/ /'dus byas dang 'dus ma byas pa'i chos su rnam par mi rtog pas de nyid 'dus ma byas pa'i chos so/ /gal te 'dus byas dang 'dus ma byas rnam par rtog na des 'dus ma byas pa chud cing rtogs par mi 'gyur ro/ /gang gis rnam par rtog pa thams cad yongs su bcad na 'dus ma byas pa'i de kho na</font><hr>55.72a<br><font size=+1>

nyid du chud cing rtogs pa zhes bya'o/ /dmigs pa'i mtshan nyid rtogs pa dmigs pa kun bcad pa grangs sam grangs ma yin par mi rtogs so/ /'jig rten 'dzin de dag ni byang chub sems dpa' sems dpa' chen po rnams 'dus byas dang / 'dus ma byas pa'i chos la sbyor ba zhes bya ste/ de yang 'dus byas kyi chos sam 'dus ma byas pa'i chos su mi dmigs pas ni mi chags pa dang mi 'dzin to/ /'dus byas dang 'dus ma byas pa zhes bya ba'i le'u ste bcu'o// // 'jig rten 'dzin gal te byang chub sems dpa' sems dpa' chen po rnams de ltar phung po lnga la shin du mkhas pa dang / khams bcwa brgyad la shin du mkhas pa dang / skye mched bcu gnyis la shin du mkhas pa dang / rten cing 'brel par 'byung ba bcu gnyis la shin du mkhas pa dang / dran pa nye bar gzhag pa bzhi la shin du mkhas pa dang / dbang po lnga la shin du mkhas pa dang / 'phags pa'i lam yan lag brgyad pa la shin du mkhas pa dang / 'jig rten dang 'jig rten las 'das pa'i chos la shin du mkhas pa dang / 'dus byas dang 'dus ma byas pa'i chos la shin du mkhas pas chos thams cad kyi de kho na'i mtshan nyid kyang shin du mkhas la/ chos rnams kyi mtshan nyid rnam par 'byed pa la yang shin du mkhas shing dran pa'i mthu rnyed pa dang chos thams cad kyi tshig rnam par 'byed pa'i blo dang ldan pa dang / lus 'di rjes ma thag tu dran pa rgyun mi 'chad pa dang ldan zhing bla na med pa yang dag par rdzogs pa'i byang chub kyi bar du thob par 'gyur ro/ /'jig rten 'dzin sngon bskal pa tshad med grangs med pa 'das pa de'i tshe de'i dus na/ 'dzam bu chu klung gi gser gyi ri rab ri'i rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba lha dang mi'i ston pa/ sangs rgyas bcom ldan</font><hr>55.72b<br><font size=+1>

'das 'jig rten du mngon par byung ngo / /'jig rten 'dzin bcom ldan 'das 'dzam bu chu klung gi gser gyi ri rab ri'i rgyal po'i tshe'i tshad ni bskal pa lnga snyed do/ /nyan thos kyi dge 'dun gyi 'khor yang tshad med do/ /sangs rgyas kyi zhing yongs su dag la rab tu bde ba dang ldan no/ /de na gnas pa'i sems can dag kyang rab tu bde zhing skyid la 'dod chags dang zhe sdang dang gti mug gi shas srab pa/ gdul sla ba bcos sla ba/ rnam par dag par sla ba sha stag go/ /'jig rten 'dzin bcom ldan 'das 'dzam bu chu klung gi gser gyi ri rab ri'i rgyal po yang byang chub sems dpa'i 'khor rnams la sems can thams cad kyi the tsom gcod pa byang chub sems dpa'i sde snod ces bya ba'i mdo ston to/ /'jig rten 'dzin de'i tshe na 'khor byang chub sems dpa' rin chen 'od ces bya ba zhig phung po dang / khams dang / skye mched dang / rten cing 'brel te 'byung ba dang / dran pa nye bar gzhag pa bzhi dang / dbang po lnga dang / 'phags pa'i lam gyi yan lag brgyad dang / 'jig rten dang 'jig rten las 'das pa'i chos dang / 'dus byas dang / 'dus ma byas pa'i chos la sbyor ba bshad pa thos nas de'i tshe shin du brtson 'grus brtsams te tshe lo khri phrag nyi shu'i bar du nam du yang ngan sems ma skyed de 'dod chags kyi sems dang / zhe sdang gi sems dang / gti mug gi sems khe dang / grags pa dang / zas dang / skom dang / gos dang / lhung bzed la bsam pa'i sems ma skyes kyi chos 'di sbyor ba la 'jug pa'i phyir brtson 'grus chen po bskyed de/ 'jig rten 'dzin byang chub sems dpa' rin chen 'od de bcom ldan 'das 'dzam bu chu klung gi gser gyi ri rab ri'i rgyal po'i bstan pa la nam 'tsho'i bar du tshangs par spyad pa spyod de/ des tshe 'pho nas phyir yang sangs rgyas kyi zhing de nyid du skyes nas gzhon nu las tshe 'phos nas phyir yang sangs rgyas kyi zhing de nyid du skyes te tshangs par spyad pa spyod do/ /bskal pa de re re na yang skye ba lnga brgya len te tha mar bcom ldan 'das 'dzam</font><hr>55.73a<br><font size=+1>

bu chu klang gi gser gyi ri rab ri'i rgyal po yongs su mya ngan las 'das su nye ba na bskal pa lnga po'i tha mar shin du mang du thos pa dang / 'di lta bu'i yang dag pa'i mtshan nyid kyi chos la sbyor ba yang thob cing sangs rgyas de las chos thos pa dag thams cad yongs su dran par gyur te/ de ltar dran pa'i mthu dang ldan pas bcom ldan 'das la 'di skad ces gsol to/ /bcom ldan 'das chos kyi rnam grangs 'di dag bdag gis rgyas par bstan par 'tshal na gnang ba mdzad du gsol lo/ /tshe de nyid du sems can tshad med dpag tu med pa rnams bla na med pa yang dag par rdzogs pa'i byang chub tu btsud par gyur to/ /bcom ldan 'das 'dzam bu chu klung gi gser gyi ri rab ri'i rgyal po yongs su mya ngan las 'das pa'i tshe byang chub sems dpa' rin chen 'od kyis chos bsrung bar bya ba'i phyir rjes su bzung nas bcom ldan 'das yongs su mya ngan las 'das pa'i 'og tu dam pa'i chos bskal pa gcig gi bar du gnas par gyur to/ /bskal pa gcig la skye ba lnga brgya'i bar du rtag tu mi'i nang du skye zhing rab tu byung nas chos thams cad kyi yang dag pa nyid bskyed cing 'phel bar byed do/ /gzhan yang sems can tshad med dpag tu med pa'i sems can la phan pa dang bde ba'i don byas so/ /'jig rten 'dzin byang chub sems dpa' rin chen 'od de bzhin du mthar gyis sangs rgyas khri phrag du ma dang phrad nas tha ma sangs rgyas tshad med 'od kyis lung bstan pa/ bskal pa grangs med pa 'das nas gdod bla na med pa yang dag par rdzogs pa'i byang chub tu lung bstan par 'gyur ro/ /bskal pa grangs med pa de nyid kyi tshe na yang sangs rgyas khri phrag khrag khrig brgya stong dang phrad de/ de nas bla na med pa yang dag par rdzogs pa'i byang chub tu mngon par rdzogs par 'tshang rgya ste don thams cad gdon mi za ba'i rgyan zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ </font><hr>55.73b<br><font size=+1>

'jig rten rig pa/ bla na med pa/ skyes bu 'dul ba'i kha lo sgyur ba/ lha dang mi'i ston pa/ sangs rgyas bcom ldan 'das shes bya ba ste byang chub sems dpa'i 'khor tshad med dpag tu med do/ /nyan thos kyi dge 'dun gyi 'khor yang grangs med de/ sangs rgyas de'i tshe'i tshad kyang bskal pa gnyis te/ sangs rgyas de'i zhing rab tu bde ba dang ldan zhing rgyan dam pas shin du brgyan to/ /'jig rten 'dzin de bas na byang chub sems dpa' rnams chos de dag gi sbyor ba la shin du mkhas par 'dod pa dag shin du brtson 'grus su chos 'di dag la bslab pa dang / 'don pa dang nan tan bya'o/ /gzhan yang byang chub sems dpa' sems dpa' chen po rnams chos de dag la sbyor ba thob par 'dod pa dag chos rnam pa bzhi la shin du brtson par bya'o/ /bzhi gang zhe na/ 'di lta ste/ khyim nas khyim ma yin par rab tu byung ba dang / gcig pu 'dug pa dang / tshul khrims rnam par dag pa dang / le lo'i sems yongs su bsal bar bya'o/ /byang chub sems dpa'i chos rnam pa de bzhi dang ldan pas mang du thos pa la brtson zhing bzod pa la bde bar gnas pas myur du chos rnam pa bzhi dang phrad par 'gyur ro/ /bzhi gang zhe na/ 'di lta ste/ 'dzam bu'i gling gi dbus su skye ba dang / sangs rgyas dang phrad pa dang / chos kyi rjes su spyod pa dang / sdig pa'i las kyi sgrib pa sel bar 'gyur ro/ /gzhan yang 'jig rten 'dzin byang chub sems dpa' sems dpa' chen po rnams chos 'di la shin du brtson pa dag ni sbyin pa'i stobs rnam par dag par 'gyur ba dang / tshul khrims rnam par dag pa dang / bzod pa rnam par dag pa dang / brtson 'grus rnam par dag pa dang / bsam gtan rnam par dag pa dang / shes rab kyi stobs rnam par dag par 'gyur te/ byang chub sems dpa' sems dpa' chen po rnams chos 'di la gnas na de la sbyor ba'i stobs myur du thob par 'gyur ro/ /gzhan yang 'jig rten 'dzin byang chub sems dpa' sems</font><hr>55.74a<br><font size=+1>

dpa' chen po rnams sbyangs pa'i yon tan gyi chos phra mo spyod kyang sems can dag la snying rje chen po'i sems dang ldan no/ /de ltar snying rje chen po'i sems la zhugs pas chos de dag gi sbyor ba la shin du brtson par 'gyur ro/ /'jig rten 'dzin gzhan yang byang chub sems dpa' sems dpa' chen po chos 'di lta bu dag thob par 'dod pa dag gzungs kyi sgor 'jug pa la shin du brtson par bya'o/ /de la gzungs kyi sgor 'jug pa la brtson pa gang zhe na/ 'di lta ste/ chos thams cad kyi rkyen tshad med pa la rtog pa dang / tshad med pa thams cad kyi rtog pa la sbyor ba dang ldan pa'i sbyor ba tshad med pa la rtog pa'o/ /de ltar brtson pa'i tshe ting nge 'dzin gyi sgor sbyor bas chos thams cad kyi sgo tshad med pa'i rkyen la 'jug pa dang / tshad med pa'i sbyor ba dang ldan pa'i 'jug pa de lta bu'i mthu dang ldan pas chos thams cad kyi yang dag pa nyid la shin du mkhas pa dang / chos thams cad kyi mtshan nyid rnam par 'byed pa la shin du mkhas pa dang / dran pa'i mthu dang ldan pa dang / chos thams cad rnam par 'byed pa la shin du mkhas pa'i shes rab dang ldan pa dang / lus 'phos nas kyang rgyun mi 'chad pa'i dran pa dang ldan pa dang / chos la phyir mi ldog pa nas nam bla na med pa yang dag par rdzogs pa'i byang chub kyi bar du thob par 'gyur ro/ /'jig rten 'dzin gzhan yang byang chub sems dpa' sems dpa' chen po rnams gzungs kyi sgor zhugs pas na ci dang cir ldan pa de'i rgyu dang rkyen gyis chos thams cad rtogs te rgyu dang rkyen gcig gis rgyu dang rkyen stong la 'jug cing shes rab kyi rjes su chos thams cad la sbyor ba yang thob bo/ /'jig rten 'dzin gzhan yang byang chub sems dpa' sems dpa' chen po rnams de ltar chos la brtson 'grus bskyed pas mtshan nyid gcig pa'i sgo'i ting nge 'dzin la 'jug par 'gyur ro/ /mtshan nyid gcig pa'i sgo'i ting nge 'dzin thob nas mtshan nyid tshad med pa'i ting nge</font><hr>55.74b<br><font size=+1>

'dzin la 'jug go/ /de ltar zhugs nas rnam pa sna tshogs kyi rgyu dang rkyen dang thabs kyis chos thams cad kyi sgor 'jug go/ /de ltar byang chub sems dpa' rnams chos thams cad kyi sgor zhugs pas chos thams cad la sbyor ba thob par gyur to/ /'jig rten 'dzin gzhan yang byang chub sems dpa' sems dpa' chen po rnams shes rab mang du bsgoms pas bsam gtan gyi mtshan nyid la shin du mkhas pa dang / dmigs pa med pa'i ting nge 'dzin la shin du mkhas par 'gyur ro/ /da ltar ting nge 'dzin de'i shugs kyis dmigs pa tshad med pa dang / ting nge 'dzin las ldang ba tshad med pa la mkhas par 'gyur ro/ /da ltar byang chub sams dpas 'di la gnas na chos thams cad kyi yang dag pa'i mtshan nyid la sbyor ba thob par 'gyur ro/ /'jig rten 'dzin gzhan yang byang chub sems dpa' sems dpa' chen po rnams rtag tu 'jig rten la dmigs pa'i thabs la rtog pa dang / 'dus byas kyi chos la dmigs pa la rtog pa dang / gzhan yang chos thams cad la dmigs pa'i thabs rnam par 'jig pa la brtson pa'i nan tan byed de de la chags pa'i gnas kyang med do/ /byang chub sems dpa' de ltar chos de la bsgoms pas chos thams cad kyi yang dag par sbyor ba myur du thob par 'gyur ro/ /'jig rten 'dzin gzhan yang byang chub sems dpa' sems dpa' chen po rnams shin tu brtson 'grus bskyed de/ sbyor ba'i stobs bskyed kyang chos thams cad kyi yang dag pa'i mtshan nyid rtog cing 'jig rten gyi bde ba la mi gnas/ 'jig rten gyi chos dang 'dres par mi spyod do/ /de lta bu'i chos dang ldan pas na myur du chos rnams kyi yang dag pa'i mtshan nyid la mkhas par 'gyur zhing chos rnams kyi mtshan nyid rnam par 'byed pa la shin du mkhas pa dang / dran pa'i mthu thob pa dang / chos thams cad kyi rnam grangs 'byed pa la mkhas pa'i shes rab thob pa dang / lus 'di 'phos</font><hr>55.75a<br><font size=+1>

nas kyang rgyun mi 'chad pa'i dran pa dang ldan zhing bla na med pa yang dag par rdzogs pa'i byang chub kyi bar du thob par 'gyur ro/ /'jig rten 'dzin de bas na byang chub sems dpa' sems dpa' chen po rnams chos 'di dag gi pha rol tu phyin par 'dod pa dag chos 'di ji ltar bstan pa bzhin du yongs su bsgom par bya'o/ /'jig rten 'dzin khyod kyis chos 'di la shin du brtson par bsgoms na ring por mi thogs par chos 'di la thogs pa med pa'i ye shes thob par 'gyur ro/ /'jig rten 'dzin sngon 'das pa'i bskal pa tshad med dpag tu med bsam gyis mi khyab grangs med pa 'das pa de'i dus na/ tshad med yon tan 'od kyi rgyal po zhes bya ba de bzhin gshegs pa dgra bcom pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa skyes bu 'dul zhing kha lo sgyur ba/ lha dang mi'i ston pa/ sangs rgyas bcom ldan 'das 'jig rten du mngon par 'byung ngo / /bcom ldan 'das tshad med 'od kyi yon tan rgyal po de'i tshe'i tshad ni bskal pa gcig go/ /sangs rgyas de'i zhing yang rin po che sna bdun gyi dra bas bla re bres so/ /rin po che sna bdun gyi shing ta la rnams kyis 'jig rten gyi khams de yongs su brgyan to/ /shing ta la de dag la yang rin po che sna bdun gyi dra bas steng bla res bres te/ shing de dag re re'i 'og na yang seng ge'i khri re re ste/ shing ta la de dag kun las lha'i na bza' rang skyes so/ /seng ge'i khri de dag kyang rin po che bai duR+ya dang / 'dzam bu'i chu klung gi gser dang / mu tig dmar po las byas pa'o/ /shing ta la de dag gi phyogs bzhi na/ bsung gi shing dang me tog gi shing gis bskor cing brgyan to/ /shing de dag re re'i 'og na yang rdzing bu re re ste/ yon tan brgyad dang ldan pa'i chus yongs su gang ngo / /rdzing bu de dag kyang shel dang / a sma gar ba dang / mu tig dmar po las byas pa chu de dag gi steng na pad mo sngon po dang / dmar po dang / dkar po dang / leb rgan</font><hr>55.75b<br><font size=+1>

gyis steng yongs su khebs te/ rdzing de rnams kyi 'gram yang rin po che sna bdun las byas so/ /'jig rten 'dzin sangs rgyas kyi zhing de ni de ltar rin po che mang pos yongs su brgyan te/ 'jig rten gyi khams de'i phyogs bzhi na gzhan yang sum bcu rtsa gsum gnam gyi lha rdzas kyi shing pa ri ching tri dang / go bya dar stong phrag du mas 'jig rten gyi khams de'i mtha' yongs su bskor to/ /rin po che'i shing de dag gi 'od zer gyis nyi ma dang / zla ba dang / skar ma'i 'od thams cad mi snang bar zil gyis mnan to/ /'jig rten 'dzin 'jig rten gyi khams de'i shing ta la dang rin po che'i dra ba kun nas rnam pa sna tshogs kyi sgra dbyangs dam pa ji ltar lha rnams kyi glu dang bstod pa'i dbyangs lta bu rang 'byung ste/ rtag tu 'di lta bu'i dbyangs shin du snyan pa grag go/ /ngan song gsum med de ngan song gsum gyi ming tsam yang mi grag go/ /'jig rten 'dzin bcom ldan 'das tshad med 'od kyi yon tan rgyal pos sems can rnams la chos 'di dag rgyas par gsungs so/ /'di lta ste/ shes rab kyi pha rol tu phyin pa dang / byang chub sems dpa'i sde snod sems can thams cad kyi the tsom gcod cing sems can thams cad shin du dga' bar byed pa zhes bya ba ston to/ /'jig rten 'dzin bcom ldan 'das tshad med 'od kyi yon tan rgyal po chos ston pa'i tshe nyin zhag gcig yang sems can tshad med pa khri phrag brgya stong snyed bla na med pa yang dag par rdzogs pa'i byang chub tu sems bskyed de/ sems bskyed pa de dag thams cad kyang byang chub kyi tshogs yongs su rdzogs par 'gyur ro/ /'jig rten 'dzin bcom ldan 'das tshad med 'od kyi yon tan rgyal pos de ltar sems can tshad med dpag tu med pa rnams bla na med pa yang dag par rdzogs pa'i byang chub tu yongs su smin par byas so/ /sangs rgyas kyi zhing de na byang chub sems dpa' sems dpa' chen po yang shin du mang ngo / /'jig rten 'dzin bcom ldan 'das de yongs</font><hr>55.76a<br><font size=+1>

su mya ngan las 'das nas dam pa'i chos bskal pa phyed kyi bar du gnas par gyur to/ /bcom ldan 'das tshad med 'od kyi yon tan rgyal po yongs su mya ngan las 'das nas dam pa'i chos rnam par 'jig tu nye ba na 'og ma'i phyogs sangs rgyas kyi zhing bcu 'das pa'i pha rol nas byang chub sems dpa' tshad med blo gros shes bya ba zhig de nas tshe 'phos te zhing 'dir skyes nas lo bcu drug lon pa dang rab tu byung ste/ bcom ldan 'das tshad med 'od kyi yon tan rgyal po'i chos rnam par 'jig tu nye ba na byang chub sems dpa' sems dpa' chen po rnam par grol bar 'gyur ba phung po dang / khams dang / skye mched la sbyor ba'i mdo thos par gyur to/ /byang chub sems dpa' tshad med blo gros kyis mdo sde 'di thos nas brtson 'grus chen po skyed de chos 'di dag dang ldan par gyur to/ /byang chub sems dpa' de dge ba'i rtsa ba de nyid kyi rgyu dang rkyen kyis de nas tshe 'phos nas sangs rgyas khri phrag nyi shu dang phrad de chos 'di dag dang ldan par gyur to/ /sngon gyi gnas kyang tag tu dran pas gzhon nur nas rab tu byung ste/ tshangs par spyad pa spyod cing rtag tu dran pa'i mthu dang ldan par gyur to/ /gang nas gang du skyes pa'i gnas kun du chos 'di lta bu dang ma bral te skye ba'i gnas thams cad du dran pa rgyun mi 'chad pa dang ldan te/ de nas bla na med pa yang dag par rdzogs pa'i byang chub tu mngon par sangs rgyas nas mtshan yang tshad med 'od kyi bkod pa'i rgyal po zhes bya'o/ /'jig rten 'dzin de bas na byang chub sems dpa' sems dpa' chen po rnams myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa dang / thams cad mkhyen pa'i ye shes yongs su rdzogs par 'dod pa dag nga yongs su mya ngan las 'das nas lnga brgya tha ma la shin du brtson 'grus rtsom zhing yi dam chen po bskyed nas mos pa chen po dang / brtson 'grus chen po dang / bag byed pa chen po bskyed de/ phyi ma'i dus</font><hr>55.76b<br><font size=+1>

ngan par gyur pa de'i tshe mdo sde 'di dag la sogs pa shin tu bsrung zhing bskyab par bya'o/ /de'i tshe byang chub sems dpa' bzang skyong la sogs pa 'dug pa stan las langs nas bcom ldan 'das gang na ba de logs su thal mo sbyar te 'di skad ces gsol to/ /bcom ldan 'das bdag cag kyang phyi ma ma 'ongs pa'i dus lnga brgya'i tha ma la dam pa'i chos rnam par 'jig tu nye ba na bdag cag gis mdo sde 'di dag la sogs pa bsrung zhing bskyab pa'i phyir brtson 'grus shin du bskyed de klog pa dang / 'don pa dang / nyan pa dang / 'dzin pa dang / gzhan dag la yang rgya cher yang dag par bstan par 'tshal lo/ /gzhan yang byang chub sems dpa' stong du ma snyed 'dug pa las langs nas bcom ldan 'das ga la ba de logs su thal mo sbyar nas mig mi 'dzums par blta zhing 'di skad du yi dam bcas so/ /bcom ldan 'das bdag cag gis phyi ma ma 'ongs pa'i dus lnga brgya'i tha ma la 'di lta bu'i shin du zab mo chags pa med pa'i mdo sde/ sangs rgyas thams cad kyi snang ba/ byang chub sems dpa' thams cad kyi dge ba'i yon tan skye bar 'gyur ba/ byang chub sems dpa' thams cad kyi byang chub kyi tshogs yongs su rdzogs par 'gyur ba bdag cag gis shin du bsrung zhing 'dzin par 'tshal la/ chos 'di thos nas rnam par dag cing sems rab tu dag par gyur te tshol ba dang / 'chang ba dang / 'dzin pa dang / 'don pa dang / klog pa la shin du brtson par bgyi'o/ /de nas bcom ldan 'das bzhad mo 'dzum pa mdzad pa dang / de'i tshe stong gsum gyi stong chen po'i 'jig rten gyi khams 'od zer gyis kun tu snang bar gyur to/ stong gsum gyi stong chen po'i 'jig rten gyi khams kyang rnam pa drug tu g.yos so/ /de'i tshe na dga' bo 'dug pa las langs nas bla gos phyogs gcig tu byas te pus mo g.yas pa'i lha nga sa la gtsugs nas bcom ldan 'das gang na ba de logs su thal mo sbyar nas 'di skad ces gsol to/ /bcom ldan 'das ci'i rgyu ci'i rkyen kyis na deng 'dir bzhad mo 'dzum pa mdzad de sa chen po</font><hr>55.77a<br><font size=+1>

yang rab tu g.yos par gyur/ bcom ldan 'das kyis bka' stsal pa/ khyod kyis byang chub sems dpa' sems dpa' chen po 'di rnams yi dam chen po bcas nas phyi ma ma 'ongs pa'i dus su shin du zab mo'i mdo sde chags pa med pa'i chos 'di lta bu shin du bsrung zhing 'dzin par yi dam bcas pa mthong ngam/ dga' bo byang chub sems dpa' 'di dag ni skye ba 'di gcig pur yi dam 'di lta bur bca' ba ma yin gyi/ dga' bo ngas mngon par dran te byang chub sems dpa' 'di dag gis sangs rgyas kyi zhing tshad med dpag tu med pa rnams su yang yi dam 'di lta bu bcas te dus gsum du sangs rgyas de dag gi chos kyang shin du bsungs te sems can tshad med dpag tu med pa rnams la phan pa dang bde ba'i don byas so/ /de yang dus gsum du nga'i chos kyang skyob cing bsrung bar 'gyur te/ da ltar gyi dus dang nga mya ngan las 'das pa'i 'og chos rnam par 'jig tu nye ba na sems can tshad med pa'i rnams la phan pa dang bde ba'i don byed par 'gyur ro/ /'jig rten 'dzin bzang skyong la sogs pa dus gsum du nga'i chos bsrung bar ma zad kyi bskal pa bzang po'i sangs rgyas thams cad kyi chos kyang dus gsum du bsrung zhing 'dzin par 'gyar ro/ /de bzhin du ma 'ongs pa'i dus kyi sangs rgyas kyi chos 'di lta bu dag kyang bsrung zhing 'dzin par 'gyur ro/ /dga' bo ngas skyes bu de dag gi yon tan tshad med pa lhun gyis grub pa dang / sems can tshad med pa rnams la phan pa dang bde ba'i don byas pa bshad na rjod kyis mi rdzogs so/ /dga' bo ngas skyes bu de dag gi yon tan kun bshad na skye bo dag yid ches par mi 'gyur ro/ /gal te skye bo dag sangs rgyas kyi gsung la yid ches par ma gyur na yun ring por bde ba stor nas sdug bsngal mang po myong zhing ngan song du ltung bar 'gyur ro/ /dga' bo byang chub sems dpa' sngon gyi smon lam la gnas pa ni ma gtogs te/ sems can la phan pa dang / bde ba'i don byas pa phyogs gcig bshad par bya'o/ /gal te</font><hr>55.77b<br><font size=+1>

stong gsum gyi stong chen po'i 'jig rten gyi khams de'i sems can yongs su gang ba thams cad dmyal ba chen por lhung la/ de la skyes bu gcig gis 'di skad du de dag la khyed rnams ma 'jigs shig /khyed rnams kyi sems can dmyal ba chen po'i sdug bsngal kun so so nas ngas blang ngo zhes smras te/ sems can de dag ni dmyal ba chen po las thar ba de dag gi dmyal ba'i sdug bsngal kun so sor re re nas lo brgya stong gi bar du lus kyis blangs na/ dga' ba de khyod kyis yid la ji snyam/ skyes bu des shin du bde ba chen po dang phan pa chen po byas pa yin nam/ dga' bos gsol pa/ bcom ldan 'das de ni shin du phan pa chen po dang bde ba chen po bgyis pa lags so/ /dga' bo skye bu des sems can de dag dmyal ba las phyung nas kyang bdag gi mthu rtsal gyis thams cad 'jig rten gyi bde ba mchog dam pa dang ldan pa byas na/ dga' bo skyes bu des shin du drin gyis phan btags shing sems can dag la shin du bde ba byin nam dga' bos gsol pa/ skyes bu des phan par bgyis pa ni tshig gis brjod par sla ba ma lags so/ /dga' bo ngas deng bden par gsungs te/ byang chub sems dpa' bzang skyong la sogs pas sems can la phan pa dang / bde ba'i don byas pa'i gnas na skyes bu des phan pa dang bde ba'i don byas pa ni rtsis sam/ bgrang ba'am/ dpe'i bar du yang nye bar mi 'gro'o/ /de ci'i phyir zhe na/ dga' bo skyes bu des bde ba'i yo byad kyis phan pa byas pa ni thams cad kyang 'dus byas kyi chos dang 'brel ba yin pas skyo zhing chog shes pa'i phyir ma yin/ 'dod pa spong ba'i phyir ma yin/ shes rab kyi phyir ma yin/ dge sbyong gi 'bras bu'i phyir ma yin/ mya ngan las 'da' ba'i phyir ma yin no/ /dga' bo byang chub sems dpa' de dag gis sems can dag la phan pa dang bde ba'i don byas pa ni bla na med pa'i bde ba dang mkhas pa dag sangs rgyas kyi byang chub tshol ba la mos pa byin pa/ sangs rgyas kyi mdzad pa byed pa/ yang dag pa'i gnas su</font><hr>55.78a<br><font size=+1>

ma chud pa dag nyan thos dang / rang sangs rgyas kyi sa thob par 'gyur ba dang / sangs rgyas kyi chos kyis byang chub sems dpa' rnams la bstan cing gsungs pas phan pa dang dga' bar 'gyur ro/ /dga' bo byang chub sems dpa' rnams bstan cing brjod de phan pa dang / dga' bar byas pas byang chub sems dpa' rnams sangs rgyas kyi gdung rgyun mi 'chad par bya ba'i phyir thams cad mkhyen pa'i ye shes kyi gdung bskyab cing bsrung ba'i phyir 'jig rten na gnas so/ /dga' bo skyes bu de dag sngon 'das pa'i dus na byang chub sems dpa'i spyad pa spyod pa na bskal pa bye ba khrag khrig brgya stong gi bar du sangs rgyas rgyun mi 'chad par byed pa dang / ma 'ongs pa'i dus su yang bskal pa tshad med pa khrag khrig brgya stong gi bar du sangs rgyas rgyun mi 'chad par byed do/ /de ci'i phyir zhe na/ dga' bo byang chub sems dpa' de dag sngon byang chub sems dpa'i spyad pa spyod pa na sangs rgyas tshad med pa rnams sangs rgyas kyi byang chub la btsud de byang chub sems dpa' de rnams skye ba thams cad du chos yongs su bskyabs nas sangs rgyas khrig phrag brgya stong rnams bla na med pa yang dag par rdzogs pa'i byang chub tu lhun gyis grub par byas so/ /de nas yang sems can grangs med pa brgya stong rnams sangs rgyas kyi byang chub la btsud de bstan cing bslabs pa'i mthus sangs rgyas kyi chos phun sum tshogs pa na thams cad bla na med pa yang dag par rdzogs pa'i byang chub tu mngon par 'tshang rgya'o/ /dga' bo bzang skyong la sogs pa skye bo mang po la sangs rgyas kyi bde ba dang / thams cad mkhyen pa'i bde ba stobs pa'i phyir shin tu brtson 'grus rtsom mo/ /dga' bo de la gang zhig byang chub sems dpa'i pha dang ma lta bu dang / gnas dang skyabs dang byang chub sems dpa' rnams kyi 'byung gnas gang yin pa bshad par 'dod na bzang skyong la sogs pa byang chub sems dpa' brgya po yin par rig par bya'o/ /dga' bo de la gang zhig byang chub sems dpa' rnams kyi rigs skye bar 'gyur zhes 'dri na/ </font><hr>55.78b<br><font size=+1>

de la 'di skad du bzang skyong la stsogs pa byang chub sems dpa' brgya po yin no zhes bshad par bya'o/ /de ltar rigs kyi bu de dag ni sangs rgyas kyi gdung rgyun mi 'chad pa dang / thams cad mkhyen pa'i ye shes kyi gdung rgyun mi 'chad par byed pa'i phyir 'jig rten na gnas so/ /rigs kyi bu de dag la sogs pas phyi ma ma 'ongs pa'i dus lnga brgya'i tha mar yang bstan cing bslab pa la sbyor ba'i mthu dang bde ba'i rgyu dang rkyen gyis skye bo mang po ngan song gsum du ma ltung zhing de ma yin pa sems can tshad med pa brgya stong rnams byang chub sems dpa'i theg pa la bkod do/ /dga' bo sangs rgyas stong du ma rnams kyis rigs kyi bu de dag gi yon tan brjod kyang rdzogs par mi 'gyur ro/ /de ci'i phyir zhe na/ rigs kyi bu de dag la sogs pas de lta bu'i yon tan bsam gyis mi khyab pa dang ldan pa'i phyir ro/ /dga' bo ngas bskal pa grangs med tshad med pa brgya stong gi bar du chos yongs su bsgrubs pa rnams rigs kyi bu 'di dag gis bsrung zhing 'dzin par 'gyur ro/ /dga' bo ngas bskal pa khri phrag tshad med pa'i bar du chos dkon mchog bsgrubs pa rnams 'di dag la gtad cing gdams so/ /rigs kyi bu 'di dag ni sangs rgyas kyi zhing tshad med grangs med pa na da ltar bzhugs pa'i sangs rgyas thams cad kyis dgongs pa'i phyir ro/ /dga' bo rigs kyi bu de dag la rtag tu lha dang mi dang 'jig rten tu bcas pa thams cad kyis phyag bya ba'i gnas yin no/ /dga' bo skyes bu de dag la ni phyogs bcu'i sangs rgyas stong snyed kyang chos gsungs pa'i tshe rtag par bsngags shing gsungs so/ /dga' bo ngas nges par lung bstan te/ sems can thams cad kyi the tsom gcad pa'i phyir gang zhig gis phyi ma ma 'ongs pa'i dus su mdo sde 'di 'chang ba dang / 'dzin pa dang / klog pa dang / 'don pa dang / khong du chud par byed pa dang / gzhan la rgya char ston cing 'chad na rigs kyi bu 'am/ rigs kyi bu mo de ni thams cad mkhyen pa'i ye shes la shin du nye bar bsnyen pa yin par rig par bya'o/ /</font><hr>55.79a<br><font size=+1>

skyes bu gang zhig phyi ma ma 'ongs pa'i dus su mdo sde 'di thos nas shin du zab mo'i chos 'di la dad cing mos te yi dam bcas na ngas de yang bla na med pa yang dag par rdzogs pa'i byang chub tu lung bstan par bya'o/ /phyi ma ma 'ongs pa'i dus lnga brgya'i tha mar dad cing mos pa'i sems bskyed de brtson 'grus shin du brtsams nas mdo sde 'di bsrung zhing 'dzin pa'i rigs kyi bu 'am rigs kyi bu mo de yang ngas bla na med pa yang dag par rdzogs pa'i byang chub kyi chos kyis gtad cing gdams so/ /gal te nyan thos pa zhig gis chos zab mo 'di dag la dad cing log pa'i sems med na de yang phyi ma ma 'ongs pa'i dus su sangs rgyas byams pa dang phrad par 'gyur ro zhes ngas lung bstan to/ /sangs rgyas kyi byang chub tshol ba gang zhig chos 'di 'dzin cing dad na sangs rgyas byams pas lung bstan par 'gyur te/ sngon gyi smon lam gyis rab tu 'byung zhing byang chub kyi rgyud slob par 'gyur ro/ /dga' bo rigs kyi bu 'am rigs kyi bu mo phyi ma ma 'ongs pa'i dus lnga brgya'i tha ma la chos 'di'i phyir shin du brtson 'grus bskyed na skyes bu de dag gi dge ba'i rtsa ba shin du rno zhing rtag par rig par bya'o/ /sngon byung ba'i bstan pa zhes bya ba'i le'u ste bcu gcig go/ // de nas de'i tshe byang chub sems dpa' sems dpa' chen po 'jig rten 'dzin kyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po rnams la phan pa dang bde ba'i don gyi slad du mdo sde bskyab pa'i slad du byin gyis brlab du gsol/ byang chub sems dpa' sems dpa' chen po phyi ma ma mchis pa'i dus su mdo sde 'di thos na sems yongs su dag pa dang dga' ba dang bde bar ldan zhing chos 'di dag bsgrub pa'i slad du shin du brtson 'grus rtsom par 'gyur ro/ /de'i tshe bcom ldan 'das kyis mdo sde 'di byin gyis brlab pa'i phyir rdzu 'phrul gyi mthus stong gsum gyi stong chen po'i 'jig rten gyi khams 'di dri bsung</font><hr>55.79b<br><font size=+1>

ngo mtshar rmad dang ldan pas yongs su khyab par gyur to/ /sems can rnams gcig la gcig byams pa'i sems kyi blta bar gyur to/ /bcom ldan 'das kyis de ltar byin gyis brlabs nas 'jig rten 'dzin la 'di skad ces bka' stsal to/ /'jig rten 'dzin ngas chos kyi phyag rgya'i mdo sde 'di byin gyis brlabs pa ni thams cad kyi the tsom bcad pa'i phyir ro/ /'jig rten 'dzin gang zhig gis mdo sde 'di 'chang ngam/ 'dzin tam/ klog gam/ 'don na ring por mi thogs par thams cad mkhyen pa'i ye shes su 'gyur ro/ /skyes bu de dag myur du thams cad mkhyen pa'i ye shes rdzogs par 'gyur bar lung bstan to/ /'jig rten 'dzin byang chub sems dpa' sems dpa' chen po rnams gang zhig mdo sde chos kyi phyag rgya 'di 'chang ngam/ 'dzin tam/ klog gam/ 'don tam/ yid la byed dam/ gzhan dag la yang rgya cher ston cing 'chad na skyes bu de ring po mi thogs par myur du phung po lnga la sbyor ba dang / skye mched bcu gnyis dang / khams bcwa brgyad dang / rten cing 'brel te byung ba bcu gnyis dang / dran pa nye bar gzhag pa bzhi dang / yang dag par spong ba bzhi dang rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad dang / 'jig rten dang 'jig rten las 'das pa'i chos dang / 'dus byas dang 'dus ma byas pa'i chos la sbyor ba thob par 'gyur ro/ /gzhan yang chos rnams kyi yang dag pa'i mtshan nyid myur du thob par 'gyur/ chos thams cad kyi mtshan nyid rnam par 'byed pa la mkhas pa myur du thob pa dang / dran pa'i stobs myur du thob pa dang / chos thams cad rnam par 'byed pa la mkhas pa'i shes rab myur du thob pa dang / gzhan yang lus 'di brjes kyang dran pa 'argyun mi 'chad pa dang ldan pa nas bla na med pa yang dag par rdzogs pa'i byang chub kyi bar du thob par 'gyur ro/ /'jig rten 'dzin mdo sde 'di ni phyi ma ma 'ongs pa'i dus su skye bo mang po la chos chen po'i snang ba byed cing ye shes 'od kyis bsod nams</font><hr>55.80a<br><font size=+1>

kyi rgyu dang rkyen du 'gyur ro/ /gzhan yang byang chub sems dpa' rnams kyi bla na med pa yang dag pa'i byang chub kyi tshogs yongs su rdzogs par 'gyur ro/ /'jig rten 'dzin byang chub sems dpa' gang zhig phyi ma ma 'ongs pa'i dus su mdo sde 'di 'am mdo sde zab mo gzhan byang chub kyi sde snod du gtogs pa pha rol tu phyin pa rnams dang ldan pa dang phrad na/ skyes bu de la bdud kyis bar du mi gcod cing las kyi sgrib pas kyang bar du gcod par mi 'gyur ro/ /'jig rten 'dzin skyes bu de ma skyes pa'i chos kyi bzod pa ma thob pa zhig na yang sangs rgyas gnyis sam sangs rgyas gsum po las ma skyes pa'i chos kyi bzod pa thob par 'gyur bar ngas lung bstan to/ /gal te ma skyes pa'i chos kyi bzod pa thob pa zhig na yang chos thams cad la myur du dbang thob par 'gyur ba dang / myur du sangs rgyas kyi zhing rnam par dag pa thob pa dang / myur du nyan thos kyi dge 'dun gyi 'khor tshad med pa thob pa dang / myur du byang chub sems dpa'i 'khor thob par 'gyur ro/ /'jig rten 'dzin ngas mdo sde chos kyi phyag rgya 'di gsungs pa ni sems can thams cad phyi ma ma 'ongs pa'i skye bo mang po'i the tsom gcad pa'i phyir ro/ /'jig rten 'dzin byang chub sems dpa' sems dpa' chen po rnams phan pa'i dngos po bzhi mthong bas ma 'ongs pa'i dus su mdo sde 'di la sogs pa bsrung ba dang / 'dzin par yid dam len to/ /bzhi gang zhe na/ 'di lta ste/ byang chub sems dpa' rnams 'di snyam du bdag gis myur du yon tan tshad med dpag tu med pa thob par 'gyur snyam pa dang / sems can rnams dge ba'i rtsa ba chen po skye zhing sangs rgyas kyi yang dag pa'i chos 'dzin cing bsrung ba yin no snyam pa dang / sangs rgyas thams cad kyi chos kyi sde snod 'dzin pa yin no snyam pa dang / sangs rgyas tshad med pa rnams kyis bstod cing bsngags par 'gyur ro/ /snyam sems dpa' dang bzhi'o/ /'jig rten 'dzin byang chub sems dpa' sems dpa' chen po khyed la sogs pas ngas bskal pa grangs med pa brgya stong gi bar du bsgrubs</font><hr>55.80b<br><font size=+1>

pa'i chos kyi dkon mchog gi sde snod 'di lha dang mi rnams la shin du rgyas par shod cig /de'i tshe bzang skyong la sogs pas bcom ldan 'das kyi zhabs la spyi bos phyag 'tshal nas 'di skad ces gsol to/ /bdag cag gi rngo ci thog pa dang / bcom ldan 'das kyi byin gyis phyi ma ma mchis pa'i dus su chos dkon mchog 'di rgyas par ston cing bshad par 'tshal lo zhes gsol to/ /chos kyi phyag rgya'i mdo sde 'di gsungs pa'i tshe dpag tu med tshad med grangs med pa snyed kyi skye ba gcig gis thogs pa'i byang chub sems dpa' rnams ni dge ba'i rtsa ba lhun gyis grub bo/ /sems can tshad med pa brgya stong rnams ni bla na med pa yang dag par rdzogs pa'i byang chub tu sems bskyed de/ bla na med pa yang dag par rdzogs pa'i byang chub tu gdon mi za bar lung bstan to/ /bcom ldan 'das kyis de skad ces gsungs nas/ byang chub sems dpa' 'jig rten 'dzin dang bzang skyong la sogs pa byang chub sems dpa' gzhan dag dang 'khor rnam bzhi dang lha dang mi dang lha ma yin la sogs pa thams cad bcom ldan 'das kyis gsungs pa la mngon par dga'o/ /gdams pa zhes bya ba'i le'u ste bcu gnyis so/ /'phags pa 'jig rten 'dzin ces bya ba'i mdo/ rdzogs so// //dge'o/ / </font><hr>

</table>